FILEMÓN
11 Ine Pablo karata jabatayaine. Kirito Jesú aobojona mojoju jaine. Raka Timoteo isiko karata jabatayaine Filemón saba. Filemón, oko kwana jiobonoya. Iji kaisiko yaotaya. 2 Ikeresia jijanokeku orikware nakayakutai taisi saba jabatayaine. Rakoi sanuka Apia oko obonoyakutaisi saba jabatayaine. Arquipo saba jabatayaine. Arquipo jakutai kamonuka orikubaya. 3 Dio Karima jakutai, Kairamo Jesukirito jakutai tane tatuma aobojona ayakara yatu moakunarai. Tatuma inareraja tane yatu abakunarai. 4 Ine kwai ribiaja jikware ribia. Jikware ribiaja jiaobojona are Dio yakeraja jae tane ribiaine. 5 Are jiisia nokoyaine. Iji Kairamo Jesú obonoyakutai, isia nome abayakutai tane taisi isia nokoyaine. Warao Dio saba emo abánae tiakutai iji tatuma kokotuka obonoyakutai taisi nokoyaine. Tiame Dio yakeraja jae tane ribiaine. 6 Iji nome abayame eobo nome abaya. Ine tatuma kware ebiaine. Yatu Kirito Jesú eku jame yakeraja bajinae. Tatuma taisi yaorane naminamejerei ebiaine. 7 Raka, jiaobojona warao Dio saba emo abánae tiakutaisi akobe tuwarayaja bajia. Iji obonoyame okorakate oriwakayaja ekeiraja tane bajia. 8 Tiame iji nonakitane jakutai jiisia ribakitane jaine. Oko Kirito ekutiji iji tametane nonakitane ja tane kajotabukuine. Tiarone tanajine. 9 Iji obonoyame jiebutine nonamejerei. Ine Pablo, iramo jakutai, Kirito Jesú aobojona mojoju jakutai tane inesike jiebiaine. 10 Onésimo kware jiebiaine. Ine mojojutanoko eku jakore Onésimo ineata nabakane mauka tane ejobonae. 11 Ateje Onésimo jakutai jikajotabu jaja. Jisaba amoara ekiraja ejobonae. Ama jisaba, masaba tane amoara jaja ejobonae. 12 Atanejese ijiata taisi inatabayaine. Taisi etuwarau. Makobe jaja inatabayaine. 13 Ine Onésimo maisiko bajemejereaine. Onésimo jiriboto makajotabu tane bajekuna. Ine mate rewara yakerajasi aobojona mojoju jaja makajotabu tane bajemeje-reaine. 14 Tiarone jiaobojona ekuana tai tiaine. Iji masane-takitane jiaobojona eku masanetate. Ine jiisia ribunajine iji masanetakitane ja, tanajine. 15 Onésimo jakutai ya erayana saba jiebikamo naruae, tamatukamo are jiisiko jakitane. Tiame naruae tai. 16 Tiarone ama jikajotabuana tane bajia. Ayakara kajotabu ayakara kwarika bajia. Jiraka tane bajia iji taisi obonomejerei. Ine taisi obonoya. Iji makwarika taisi obonokitane ja. Tai majisaka, tane obonokitane ja. Taisi kwarika Airamo eku jijisaka tane obonokitane ja. 17 Takore ine jimusaba jakore Onésimo etuwarau. Metuwa-rayakutaisi monuka taisi etuwarau. 18 Jiisiko asiraja nonakore o jiisia rewe jakore makwa eku iabanu. 19 Ine mamojo isiawitu jabatayaine: Arewe amoara abatine. PABLO. Tiarone ijirakate maisia rewe uriraja ja. Jiaobojonajase marewetaya iji. 20 Raka, iji Airamo isia nome abatutiji maisiko yakeraja nonau. Oko Kirito eku oriwaraotiji makobe ekeiraja tane abanu. 21 Iji maribu eku nonate. Tane taisi yajorabayaine. Tiame jisaba jabatayaine. Ine ebiakutai iji taisi kwarika nonate, tiaine. 22 Atae ribu jisaka. Maubanoko tane iyakaratau. Yatu makware kwai ribiame Dio masanetamejerei yawakayaine ine yatuata narukitane. 23 Eobo jiisia yakerara abaya. Epafras Kirito Jesú aobojona maisiko mojoju jakutai tai jiisia yakerara abaya. 24 Marcos, Aristarco, Demas, Lucas tane yakerara abaya. Tatuma maisiko yaotaya. 25 Kairamo Jesukirito aobojona ayakara yatu aobojona isiko bajekunarai. Amén.