LUCAS
11 Eobo eraja rewara jabatae. Kakaika nonajakutaisi isia rewara awajiabarayatukamo jabatae. Tai nomewitu jakutaisi naminayaoko. 2 Nonajakutaisi amimo rewarae. Ribu akajo-tabutuma tane bajinajakutai tatuma rewarae. Jabatamo jakutai tatuma aribu eku jabatae. Aribu okoata nabakanae. 3 Ine ebe nokoakati nokoakati tane yaorane naminaine rijana. Tiame kokotuka awajiabarayatukamo jabatakitane obonoaine. Teófilo yakeraja, jisaba jabatayaine. 4 Jiainaminajakutai tai nome tane naminamejerei jisaba jabatayaine. 5 Takore Herodes jakutai ina Judea airamo jakore saserote jisaka jaja, awai Zacarias. Tai Aarón ajisaka. Abias awaraoto asebe kawanamo jisaka. Zacarias atirasi awai Elisabet. Tairakate Aarón ajisaka. 6 Reko anona nomeraja Dio saba. Airamo aka-jotabutuma kokotuka eku yakeraja abanaeyama. Airamo aribu abanajakutaisi kaika nonaeyama. Asiraja tatuma kware abakitane ekira. 7 Elisabet jakutai kwabuonitiji tatuma anoboto ekira. Reko iramotuma rijana. 8 Zacarias saserote tane yaotae Dio amujaba. Zacariastuma yaotakitane aya nakakore Zacarias yaotae. 9 Saserote tuata namí-nae tiakutaisi monuka kotubuae. Kotubukore Zacarias awai ejo-bonae jonaba erokakitane saba. Takore kwai ribunoko eku yaruae jonaba erokakitane. 10 Yaruitane Zacarias jonaba ero-kiakore eobo yakareku kwai ribiaja bajinae. 11 Tatuma kwai ribiakore Airamo ainataba Zacarias isia ejo-bonae. Ainataba jakutai jonaba erokunoko awere mojonome tajasabaya tora tae. 12 Zacarias taisi mitane akobe sara tane retaeyama. 13 Takore ainataba ribane: Zacarias, retanaka jau. Iji kwai ribiaja ebiakore Dio nokoae. Jitira Elisabet jorosimo aranitate. Iji jorosimo awai tane Juan abate. 14 Iji ekeiraja oriwakayaja tane bajete. Tai rijawarakore warao eraja ekeiraja bajete. 15 Tai Airamo saba uriraja ejobate. Tai bino jobinatate. Warabo ajíae tiajarakate jobinatate. Tai arijawarayatukamo Dio Amejokojira Yakerajawitu ajarata uriraja jajasi eku bajete. 16 Tai Airamo Dio sabasabaya Israeltuma erajasi aobojona ibarimejerete. 17 Airamo ebe narute. Elias aobonobu eku, ajarata eku tane narute. Arimatuma aobojona ibarene orianobotomo isiko yakeraja bajemejerete. Warao ribu nokonituma jakutaisi aobojona ibarete. Warao aobojona nomeraja jakutaisi monuka ejobamejerei tatuma aobojona ibarete. Warao iyakaratate tatuma Airamo saba yaorane iyakarátae tiaja bajemejerei. 18 Takore Zacarias Dio ainataba isia ribane: Ine katukane naminate? Ine iramo rijana. Matirarakate tirairamo rijana, taeyama. 19 Dio ainataba riboto ribane: Ine Gabriel. Ine Dio amujaba akajotabu tane. Dio mainatabae rewara yakeraja jisaba rewa-ramejerei. 20 Iji maribu yajorabanaja jame ribuoni bajete. Mate maribu eku nakamoana jakore iji ribakomoni jate. Asinarija eku nakakore maribu eku nakate, taeyama. 21 Takore waraosebeira yakareku bajinajakutai Zacarias yawakayaja bajinae. Zacarias kwai ribunoko eku kware majabae. Kware majabajame tatuma retaeyama. 22 Zacarias ejobane ribuoni bajinaeyama. Kwai ribunoko eku Zacarias amu eku miae tane eobo yajorabae. Takore Zacarias amojo isiawitu sinarija abanae, tiarone are aroko isia ribakomoni ejobonaeyama. 23 Tatukamo ayaota riwarane ajanokoata naruaeyama. 24 Ta-tukamo atira Elisabet jakutai kwabuaeyama. Waniku mojoabasi isia ajanoko ekumo ejobonaka bajinaeyama. 25 Tira jakutai ribane: Ama Airamo maisia yakeraja nonae eobo maisia kwabuoni tane ribunaka jamejerei, taeyama. 26 Takore waniku mojoabasi kware jisaka eku nakakore Dio oriainataba Gabriel inatabae. Ina Galilea eku janokoina awai Nazaret jakutaisiata inatabaeyama. 27 Tata iboma niborama naminanaka jajayama. Awai Maria. Tira jakutai niborama awai José isiko orinisakitane ribu jajayama. Nibora jakutai David aji-saka. 28 Takore Dio ainataba janokeku yarune tirasi isia ribane: Yakerara? Dio oriayakara jikaika abanae. Airamo jikaika ja. Tatu kawanamo yakerajawitu tane Dio jiabanae, taeyama. 29 Tira ainataba mitane, aribu aobojona retae. Tametane ya-kerara abakitane katukane bajama? tane obonobuaeyama. 30 Ta-kore Dio ainataba ribane: Maria, retanaka jau. Dio oriayakara jikaika abanae. 31 Ama iji kwabune jorosimo nibora aranitate. Awai tane Jesú abate. 32 Tai airamo uriraja tane ejobate. Taisi isia ribate: Tamaja Dio Kwaeraja jakutaisi Auka, tate. Airamo Dio taisi airamo tane abate. Anobo David ebe airamo jakutaisi monuka arujuna rujate. 33 Tai Jacobtuma airamo tane are bajete. Taisi arujuna are saba jate, taeyama. 34 Takore Maria Dio ainataba isia ribane: Katukate bajama? Mate manibora ekira, taeyama. 35 Ainataba riboto ribane: Dio Amejokojira Yakerajawitu jiisia naote. Dio Kwaeraja jakutaisi ajarata jisijakate. Tiame jiauka Yakerajawitu nakakitane jakutai taisi awai tane Dio Auka tane warate. 36 Elisabet jijisaka jakutai iramorone jorosimo nibora aranitate. Rijana awaniku mojoabasi kware jisaka isia kwabu. Ebe taisi isia kwabuoni tane ribunaerone ama kwabuae. 37 Dio saba moinaja jaja ekira, taeyama. 38 Takore Maria ribane: Ine Airamo akajotabu rijana. Dio jiribu eku maisia nonakunarai, taeyama. Takore taisiatukamo Dio ainataba naruaeyama. 39 Sinarija taisi eku Maria ejobane nomeraja jotakwayata naruae. Janokoina ina Judea eku jakutaisiata nabakanaeyama. 40 Narune tane Zacarias ajanoko yanabakane Elisabet isia yake-rara abanaeyama. 41 Elisabet Maria aribu nokokore akobe eku jorosimo rikoae. Takore Elisabet Dio Amejokojira Yakerajawitu ajarata urirajasi eku bajinae. 42 Tane kwana ribiaja ribane: Tatu kawanamo Dio iji yakerajawitu tane jiabanae. Dio jiaukama yakeraja tane abanae. 43 Ine mamoara ekira Mairamo arani ineata nabakamejerei. 44 Ine jiribu nokokore makobe eku jorosimo oriwakayaja rikoae. 45 Airamo jiisia ribunajakutai taisi yajorabajame iji ekeiraja bajinae. Ribunajakutai taisi eku ejobate, taeyama. 46 Takore Maria ribane: Maobojona isia ribiaine: Airamo jakutai tai Uriraja. 47 Makobe ekeira rijana Dio maobojona Aibajukatu jakutaisi aobojona. 48 Ine akajotabu sanerarone Dio makware barinae. Tamatukamo warao kokotuka maisia ribate: Iji ekeiraja ejobonae, tate. 49 Dio Taerajawitu jakutai masaba nona urirajasi nonaubuae. Tai wite Oriemo Abánae Tiaja. Taisi awai Yakerajawitu. 50 Warao ebeatukamo ama tamate ru takore are Dio ayatomanetemo isia akobe ajera. 51 Ajara taeraja jame nona uriraja nonae. Eobo kwarika tane oritoayakutai Dio tatuma ejisajisae. 52 Arujuna rujuyakutaisi inatonae. Yajoto jakutai airamo tane abanae. 53 Nojerakutai yakerajasi isia ijajinaubuae. Burata arao eko inatabae. 54 Israeltuma jakutai tatuma Dio akajotabutuma. Dio tatuma sanetae. Akobe tatuma isia ajerame sanetae. 55 Ribu kanobotuma saba, Abraham saba, Abraham anobotomo saba tane abanae. Ribu abanajakutaisi eku nakae rijana. Ribu jakutai tai are saba, taeyama. Tane Maria rewarae. 56 Maria waniku rijanamo Elisabet kaika bajinaeyama. Taitane ajanokoata naruaeyama. 57 Tatukamo Elisabet jorosimo aranitakitane asinarija eku nakakore jorosimo nibora aranitaeyama. 58 Takore Elisabet awerea aubamo atae awarao tane tametane ribu nokoaeyama. Dio akobe Elisabet isia ajeraja ejobonae tane nokoae. Nokoajame Elizabet isiko oriwakaubuaeyama. 59 Tatukamo ya mojoabasi kware rijanamo ru takore jorosimo ajoro serekitane naoaeyama. Tane arimasi awai ekia Zacarias abakitane obonoaeyama. 60 Tiarone arani eobo riboto ribane: Taneana. Awai tane Juan abakitane ja, taeyama. 61 Takore eobo taisi isia ribane: Katukeme bajama? Jiwaraoto awai jisakarakate Juan jaja ekira, taeyama. 62 Taitane amojo isia rewarayaja arimasi renokoae. Awai tane katukane abate bajama? tae. 63 Takore arima raubasa sanuka ebuitane arai jabatae: Awai Juan rijana, tae. Tane takore awarao kokotuka retayaja bajibuaeyama. 64 Tane takore rijanawitu Zacarias aroko ajono tane jeronae. Jerokore Dio yakeraja jae tane ribunae. 65 Takore tatuma awerea aubamo kokotuka retaubuaeyama. Tamaja nona kokotuka isia rewara jota Judea kokotukanea jakanaeyama. 66 Anokomo kokotuka taisi isia obonobiaja ribane: Tamaja jorosimo katukane ejobate tai? taeyama. Airamo ajarata taisi isiko bajinaeyama. 67 Takore jorosimo arima Zacarias jakutai Dio Amejokojira Yakerajawitu ajarata urirajasi eku jajayama. Tane mate nona-kitane jakutaisi isia rewaraeyama. 68 Ribane: Israel Ario Airamo jakutai oriawaraoto tata nabakanae. Tatuma ejerokitane amoara abanae. Tiame yakeraja tane taisi abayaoko. 69 Obojona Aibajukatu taeraja kamoae. Ibajukatu jakutai tai David ajisaka. David jakutai Dio akajotabu jaja. 70 Kware arewaramo Dio orisaba emo abánae tiakutai raina ajiromayatukamo tamajasi isia rewarae. Dio oriaribu tatuma aroko eku abanae rewaramejerei. 71 Tatuma ribane: Dio yatu isiko asiraja jakutaisi amoje-kumo yatu ejerote. Kokotuka yatu rarijatayakutaisi amojekumo yatu ejerote, taeyama. 72 Tatuma kanobotuma isia ribane: Dio akobe yatu isia ajerate. Ribu yakeraja abanajakutaisi isia are aobojona jate, taeyama. Tane rewaramo rewarae. 73 Dio oriawai warayaja ribu kanobo Abraham moae. 74 Ribane: Jiwaraoto isiko asiraja jakutaisi amojekumo ejerotine. Tatuma retanaka makajotabutuma tane bajete. 75 Mate riko jaja masaba emo abánae tiaja bajete. Mamujaba are nona nomerajasi nonate, taeyama. Tamaja ribu jakutai tai kaisia ribia. 76 Mauka sanuka, iji Airamo ebe narute ajojisituma iyakaratakitane. Tiame jiisia ribate: Tai Dio Kwaerajasi kware arewaratu, tate. 77 Iji Airamo anebu inaminate. Iji ribate: Dio yatu aobojona ibajukakitane obonoya. Yatu aobojona asirajasi yatu kware abanaka berekitane obonoya, tate. 78 Kario kaobonone akobe kaisia ajerame abije inatabae kwaimo ya ejoboyakutaisi monuka. 79 Imajana eku ubayakutai taisi sinajaramejerei abije inatabae. Waba nojayakutai taisi saba abije inatabae. Komu jojisi raisama eku abakitane abije inatabae oko inareraja bajemejerei, taeyama. Tane Zacarias rewarae. 80 Sanukiraja Juan jakutai iramo tae. Aobojona taeraja ejo-bonae. Mate Israeltuma saba rewarakitane ebisabuka jarawaja tata bajinaeyama.
21 Takore sinarija taisi eku airamo Augusto César kajotabuae raina arao kokotuka asebe sinarijamejerei. 2 Siria akobenajoro Cirenio jakore raina araoto sinarijakitane tamaja ribu abanaeyama. Tai raina araoto sinarijakitane jakutaisi awajiabara. 3 Oriawai jabatakitane kokotuka narubuae oriajanokoineta. 4 Tane takore José janokoina Nazaret ina Galilea ekumo ejobonaeyama. Janokoina Belén ina Judea tata yaburuaeyama. Belén jakutai tai David ajanokoina. José David ajisaka, David isimo tane. Tiame tata yaburuaeyama. 5 Awai jabatakitane naoaeyama. Tira orinisakitane jakutaisi isiko naoae. Tirasi awai Maria. Kwabu jaja. 6 Belén tata jakore Maria asinarija eku nakae jorosimo aranitakitane. 7 Tai jorosimo jakutai auka awajiabara. Jorosimo aranitaitane jiaka isia jorosimo yejimarae. Yejimarai-tane romu anajoronoko eku abanaeyama. Warao aubanoko eku tuwaranoko ekirame tane nonaeyama. 8 Takore jota tatukajase obeja ayaoromo jaja. Imaya ori-aromutuma yaoroyame ubanaka jajayama. 9 Takore tatukautu Airamo ainataba tatuma isia ejobonae. Airamo ajokoma tatuma kwarea sinajarae. Takore tatuma kwana retaubuaeyama. 10 Ta-kore rijana ainataba jakutai ribane: Retanaka jakotu. Ine rewara yakeraja, ekeiraja tane yatu saba konayaine. Rewara jakutai wa-rao kokotuka saba. 11 Ama David ajanokoina eku yatu saba Obojona Aibajukatu nakae. Tai Kirito. Tai Airamo. 12 Takore asinarija yatu saba jakutai tai tamaja. Yatu jorosimo jiaka isia yejimárae takore mite. Romu anajoronoko eku abánae takore mite, taeyama. 13 Tane takore rijana ebe inataba nabakanajakutai taisi iamo inatabasebeira ejobonaeyama. Najamutuatamo ejobonae. Ejoba-ne ribane: Dio yakeraja jae, taeyama. 14 Atae kwarika ribane: Kwai arao ribakunarai: Diosike yakerajawitu, takunarai. Raina arao inareraja bajekunarai. Dio waraoto yakeraja tane abakunarai, taeyama. 15 Taitane Dio ainatabatuma obeja yaoromoatukamo najamu-tuatajase naruae. Narukore obeja ayaoromo oriisia ribane: Belén tata naruki. Kwaeabanajakutaisi mikitane naruki. Airamo kasaba rewarajakutai taisi miki anaka, taeyama. 16 Tane ribaitane rubujira narune Maria José tane miaeyama. Romu anajoronoko eku jorosimo miaeyama. 17 Mitane, obeja ayaoromo Dio ainataba rewarajakutaisi rewarae. Jorosimo isia rewarajakutai kokotukanea taisi isia rewaraubuaeyama, 18 Obeja ayaoromo arewara anokomo kokotuka retayaja bajinaeyama. 19 Takore Maria ribu kokotuka isia eraja tane obonobuaeyama. 20 Takore obeja ayaoromo ekiajase nariaja ribane: Ainataba aribu eku miaeko. Oko miajakutai kokotuka kasaba yakeraja. Oko nokoajakutai kokotuka kasaba yakeraja. Diosike airamo uriraja. Dio yakeraja jae, taeyama. 21 Takore ya mojoabasi kware rijanamo ru takore jorosimo ajoro serenaeyama. Serane awai tane Jesú abanae. Arani mate kwabumoana jakore Dio ainataba ribane: Awai tane Jesú abate, tane tajakutaisi eku awai tane abanae. 22 Moisés akajotabu jabata eku ribia: Jorosimo arani nako-kitane ja, tia. Asinarija eku nakakore jorosimo airamotuma Jeru-salén tata jorosimo konaruae. Airamo amojeku abakitane kona-ruaeyama. 23 Tametane nonae Airamo akajotabu akarata eku jabátae tiaja jame. Kajotabu ribia: Noboto nibora wajiabara ejoboyakutai kokotuka Airamo saba emo abate, tia. (Ejo. 13:2,12) 24 Takore romu nae tiakutaisi moakitane naruaeyama. Airamo akajotabu jabátae tiaja ribia: Dio saba moakitane jakutai wiji manamo o kokojo aukamo manamo. Tane moate, tia. (Lev. 12:8) 25 Takore Jerusalén tata nibora awai Simeón jajayama. Tai nibora jakutai tai Dio ayatomanetetu. Tai nomeraja anonatu tane jajayama. Dio Amejokojira Yakerajawitu taisi isiko jaja. Simeón jakutai Dio Israeltuma aobojona etuwaramejerei yawakayaja jaja. 26 Mejokojira Yakerajawitu jakutai taisi inaminaeyama: Iji Airamo toi jonaberajasi isia yanajónae tiakutaisi minaja jakore mate wabanatate, taeyama. 27 Takore Simeón Dio Amejokojira aobojona kwai ribunokoata nabakanae. José Maria tane jorosimo awai Jesú jakutai kwai ri-bunokoata konaruaeyama. Kajotabu ajabata jakutaisi eku nona-kitane konaruaeyama. 28 Tata nabakakore Simeón jorosimo mejotane ribane: Dio yakeraja jae. 29 Marotu, ama ine jikajotabu jakutai jiribu eku inareraja narumejere. 30 Obojona Aibajukatu iji inatabajakutai mamu isia taisi miaine rijana. 31 Iji ibajukatu iyakaratae warao kokotuka amujaba. 32 Ibajukatu jakutai abije monuka Judioana sinajarate. Taisi aobojona jiwarao Israeltuma jakutai yakeraja ejobate, taeyama. Tane Simeón jorosimo isia rewaraeyama. 33 Taisi arewara aobojona José, Jesú arani tane retayaja baji-naeyama. 34 Simeón tatuma yakeraja tane abanae. Yakeraja tane abaitane Simeón Jesú arani Maria jakutaisi isia ribane: Dio tama-ja jorosimo abanae Israeltuma saba. Tatuma kawanamo eraja taisi aobojona nakate. Tatuma kawanamo eraja taisi aobojona nokaramate. Dio sinarija tane taisi abanae. Tiarone warao sina-rija obononaka riboto ribate. 35 Dio taisi abanae warao erajasi aobonobu rijísae tiakutaisi naminamejerei. Takore buariwari isia monuka jikobe natene jabisaba roro tate, taeyama. 36 Tatukarakate tira jaeyama. Awai Ana. Tai Dio kware are-waratu. Tai Fanuel aukatira, Aser ajisaka. Tira jakutai tirairamo. Iboma jakore niborabakane aniborama isiko inawaja mojoabasi kware manamowitu bajinaeyama. 37 Tatukamo tira tewere bajinae inawaja siento ajabasi kware mojorekotuma rijanamo kware manamonamojase. Kwai ribunoko ekumo ejobonatanaeyama. Imaya jokomaya tane obonekoyaja, kwai ribiaja ebuae. Tane Dio akajotabu tane bajinaeyama. 38 Tira jakutai ya asinarija ekujase ejobane ribane: Dio yakeraja jae, taeyama. Tane jorosimo isia rewarae. Dio Jerusalén araoto ejeromejerei yawakayakutai tatuma kokotuka saba rewaraeyama. 39 Takore José Maria tane Airamo akajotabu ajabata kokotuka eku nona riwarane ajanokoinetajase naruaeyama. Ajanokoina jakutai tai Nazaret ina Galilea eku. 40 Sanukiraja jakutai iramo tae. Aobojona taeraja ejobonae. Tai musaberajawitu ejobonae. Dio aobojona ayakara taisi isiko bajinaeyama. 41 Takore Jesú airamotuma inawaja kokotukanea Jerusalén tata yaburuaeyama. Oriwaka Kwaeaba mikitane yaburuaeyama. 42 Jesú inawaja mojoreko kware manamo jakore tatuma Jeru-salén tata yaburuae. Atuata tane jame oriwaka tata yaburuae-yama. 43 Oriwaka jerokore ekiajase naruaeyama. Tiarone nebu-sanuka Jesú jakutai Jerusalén eku are bajinaeyama. José atae Jesú arani tane, Jesú bajinajakutaisi naminanaka naruaeyama. 44 Jesú airamotuma jakutai Jesú warao erajasi isiko naria tanabane ya jisaka naruaeyama. Taitane awaraoto kawanaya amuaraisatuma kawanaya tane Jesú najabuaeyama. 45 Najabuitane minatanaetiji Jerusalén tatajase Jesú najabukitane narubuaeyama. 46 Tane najabiaja ya rijanamo tae. Takore kwai ribunoko eku taisi miaeyama. Kajotabu ainaminamo kawana rujúnae tiakore miae. Nebusanuka tatuma aribu nokoae. Tai tatuma riboto renokoaeyama. 47 Tatuma riboto musaberaja ribiame Jesú aribu anokomo kokotuka kwana retayaja bajibuaeyama. 48 Aira-motumarakate Jesú mitane kwana retaubuaeyama. Taitane arani ribane: Mauka, katukeme tametane kaisia nonae bajama? Mi rijana. Ine, jirima tane kwana obonobubiaja jinajabuaeko, tae-yama. 49 Takore Jesú tatuma riboto ribane: Katukeme manajabuae bajama? Ine Rimasi ayaota yaotakitane jakutaisi yatu namina-naja mojoro? taeyama. 50 Tiarone tatuma Jesú aribu nokona-tanaeyama. 51 Tatukamo Jesú tatuma isiko Nazaret tata nabakanaeyama. Oriairamotuma aribu eku abanae. Takore arani ribu kokotuka isia obonobuaeyama. 52 Jesú iramo tae. Musaberaja kwarika ejo-bonae. Dio saba yakeraja ejobonae, waraoto sabarakate.
31 Takore airamo Tiberio César inawaja mojoreko kware mojoabasi isia airamo tae. Judea akobenajoro jakutai tai Poncio Pilato. Ina manamonamojase airamotuma jaja. Tatuma kawanamo airamo jisaka awai Herodes. Herodes jakutai ina Ga-lilea airamo. Araka Felipe jakutai ina Iturea, ina Traconite tane airamo jaja. Lisanias jakutai ina Abilinia airamo jajayama. 2 Anás atae Caifás tane saserote airamowitu jakore Zacarias auka Juan jakutai jarawaja eku jajayama. Tane takore Dio Juan isia ri-bunae yaotamejerei. 3 Takore Juan nojaba Jordán amumia koko-tukanea kujuae ribu rewarayaja. Tane ribane: Yatu aobojona ibarekotu. Takore Dio yatu aobojona asiraja yatu kware abanaka berete. Takore yatu joni ekobute, taeyama. 4 Tametane ejobonae Dio kware arewaratu Isaias akarata aribu eku nakamejerei. Isaias akarata ribia: Jarawaja eku rokojotatu rokojotaya. Ribane: Airamo ajojisi iyakaratakotu. Anarunokotuma enometakotu. 5 Akwaunutuma kokotuka ikwatate. Jotakwa, jotakwa sanuka tane kokotuka ejoikatate. Ajojisi kasi jakutaisi enometate. Ajojisi amoromoro yajoisine orijika abate. 6 Obojona ibajukanoko Dio inatabayakutai Warao kokotuka taisi mite, tia. (Isa. 40:3-5) 7 Rewarakore Judiotuma janokoina ekumo ejobane Juan tata naruae Juan tatuma joni ekobamejerei. Juan tatuma isia ribane: Yatu jubawitu anobotomo rijana! Dio orijisine yatu sanama-tamejerete. Sina yatu inaminae sanamata naokitiakutaisi ebikamo kurujubumejerei? 8 Yatu aobojona ibarínae tiaja jakore, nona yakeraja nonakotu. Yatu obonobia: Abraham jakutai tai karima, tia. Tane ribakitane obonobunaka jakotu. Yatu isia ribiaine: Tamaja joyo inamonekitane Dio saba yakera Abraham anobotomo tane jamejerei. 9 Ama rijana, jima rau kabata-kitanewitu abánae tiaja ja. Rau kokotuka akwaja yakeraja ekirakutai taisi kabatane jekuneku toate, taeyama. 10 Takore Judiotuma Juan renokoyaja ribane: Oko katukane nonate bajama? taeyama. 11 Juan tatuma riboto ribane: Ajiaka manamo ja jakutai jisaka ekirakutaisi moate. Najoro ja jakutairakate, ekirakutaisi moate, taeyama. 12 Takore Roma airamo aribia burata ebumo naoae Juan tatuma joni ekobamejerei. Tatuma Juan isia ribane: Inaminatu, oko katukane nonate bajama? taeyama. 13 Tai ribane: Kajotabu kaika amoara nisate. Amoara kwarika nisanaka jakotu, taeyama. 14 Yaoromorakate naone renokoae: Oko katukane nonate? taeyama. Tane renokokore Juan ribane: Waraoto etijawanatane ebikamo nisanaka jakotu. Yatu nome naminayarone raisama kware asiraja abanaka jakotu. Yatu ayaota amoara abakore ekeiraja bajekotu, taeyama. 15 Judiotuma kokotuka Akirito yawakayaja jame obojona isia obonobuae: Juan jakutai tai Akirito tai, Akiritoana tai, tane taeyama. 16 Takore Juan kokotuka riboto ribane: Nomewitu yatu joni ekobiaine. Tiarone manokabukaya naoyakutai, taisi ajarata majarata kwarika. Mamoara ekira asabato akoya jajekitane. Tai Dio Amejokojira Yakerajawitu eku, jekuneku tane yatu ekobate. 17 Taisi amojeku abiji ja tiriko narimakitane. Tiriko yakeraja ja-kutai anamu eku abate. Auaja jakutai, jekunu nareoni jakutaisi eku toate, taeyama. 18 Tane rewara raisa raisa isia rewara yake-raja rewarayaja waraoto reiriaeyama. 19 Tatukamo airamo Herodes oriaraka Felipe ebikamo atirasi konaruaeyama. Tirasi awai Herodias. Takore Juan jakutai Hero-des sabajiaeyama. Herodes jakutai ina manamonamojase airamo-tuma kawanamo jisaka. Herodes anona asiraja erame, Juan Herodes sabajiaeyama. 20 Takore Herodes Juan emojojutajame atae kwarika anona asirajawitu ejobonae. 21 Juan warao kokotuka joni ekobiaja, Jesurakate joni ekobu-naeyama. Jesú kwai ribiakore najamutu sibinaeyama. 22 Si-bakore Dio Amejokojira Yakerajawitu kokojo monuka taisi isia nanakanaeyama. Takore najamutu tatamo Dio ribane: Iji Mauka ine obonoyakutai. Iji maobojona ekuwitu, taeyama. 23 Takore Jesú ainawaja mojorekotuma rijanamo monuka jakore yaotakitane jotananaeyama. Eobo Jesú José auka tanabae. José jakutai tai Eli auka. 24 Tai Matat auka. Tai Leví auka. Tai Melqui auka. Tai Jana auka. Tai José auka. 25 Tai Matatias auka. Tai Amós auka. Tai Nahum auka. Tai Esli auka. Tai Nagai auka. 26 Tai Maat auka. Tai Matatias auka. Tai Semei auka. Tai José auka. Tai Judá auka. 27 Tai Joana auka. Tai Resa auka. Tai Zorobabel auka. Tai Salatiel auka. Tai Neri auka. 28 Tai Melqui auka. Tai Adi auka. Tai Cosam auka. Tai Elmodam auka. Tai Er auka. 29 Tai Josué auka. Tai Eliezer auka. Tai Jorim auka. Tai Matat auka. Tai Leví auka. 30 Tai Simeón auka. Tai Judá auka. Tai José auka. Tai Jonán auka. Tai Eliaquim auka. 31 Tai Melea auka. Tai Mainán auka. Tai Matara auka. Tai Natán auka. Tai David auka. 32 Tai Isaí auka. Tai Obed auka. Tai Booz auka. Tai Salmón auka. Tai Naasón auka. 33 Tai Aminadab auka. Tai Aram auka. Tai Esrom auka. Tai Joram auka. Tai Fares auka. Tai Judá auka. 34 Tai Jacob auka. Tai Isaac auka. Tai Abraham auka. Tai Taré auka. Tai Nacor auka. 35 Tai Serug auka. Tai Ragau auka. Tai Peleg auka. Tai Heber auka. Tai Sala auka. 36 Tai Cainán auka. Tai Arfaxad auka. Tai Sem auka. Tai Noé auka. Tai Lamec auka. 37 Tai Matusalén auka. Tai Enoc auka. Tai Jared auka. Tai Mahalaleel auka. Tai Cainán auka. 38 Tai Enos auka. Tai Set auka. Tai Adán auka. Tai Dio isimo.
41 Takore Jesú Mejokojira Yakerajawitu ajarata urirajasi eku jaja nojaba Jordán tatamo naoaeyama. Mejokojira jakutai Jesú jarawajayata konaruaeyama. 2 Ya mojorekotuma manamo-namojase isia jebuira Jesú ayakara mijakore, Jesú najoronaka-witu bajinaeyama. Takore taisi nokabuka Jesú nojeraja bajinae. 3 Takore jebuira Jesú isia ribane: Iji Dio Auka jame tamaja joyo isia ribanu bãu tane namonemejerei, taeyama. 4 Jesú taisi riboto ribane: Jabataja taisi isia ribia: Warao najorowitu isia ubanaja. Dio aribu kokotuka isia ubaya, taeyama. (Kaj. 8:3) 5 Takore jebuira Jesú jotakwa kwaerajasiata konaruae. Konarui-tane ina kokotuka jakutaisi emijaja jisaka tane emiaeyama. 6 Taitane jebuira ribane: Ateje ina kokotuka isia ribu mamoae. Ine raisama moakitane obonokore ribu jaine. Tiame ina kokotuka ayakararakate jimojeku abatine. 7 Iji jinamane rujane mayatomanetekore tamaja kokotuka jisaba bajete, taeyama. 8 Jesú taisi riboto ribane: Satanás, mebikamo naru. Jabataja taisi isia ribia: Jiairamo Dio jakutai taiwitu yatomanetete iji. Taiwitu akajotabu tane bajete, tia, taeyama. (Kaj. 6:13) 9 Tatukamo jebuira Jesú Jerusalén tata konaruae. Kwai ribu-noko akari kwaeraja jakutaisiata konaruaeyama. Tane taisi isia ribane: Iji Dio Auka jame tamatukamo joika buronu. 10 Jabataja taisi isia ribia: Dio ainatabatuma kajotabute jiyaoromejerei, tia. (Rok. 91:11) 11 Atae: Amojo eku jikobukate jiomu joyo isia boisinaka jamejerei, tia, taeyama. (Rok 91:12) 12 Jesú taisi riboto ribane: Jabataja taisi isia ribia: Jiairamo Dio jakutai taisi ayakara minaka jau, tia, taeyama. (Kaj. 6:16) 13 Takore rijana jebuira Jesú ayakara yaorane mi riwarane emo naruaeyama. Asinarija eku naokitane naruae. 14 Takore Jesú ina Galilea tata bajinae. Mejokojira ajarata eku bajinaeyama. Ina kokotukanea Jesú isia ribu jakanae. 15 Jesú orikware nakanokotuma ekia inaminayaja nariakore warao kokotuka ribane: Taisike yakerajawitu, taubuaeyama. 16 Takore tai janokoina Nazaret tata yaronae. Tai janokoina jakutai tai Jesú anojotonoko. Jesú jakutai tuata namínae tiaja jajatiji, ya tuwara eku orikware nakanokoata naruae. Tata karata teribukitane karamunaeyama. 17 Karamakore eobo karata Jesú moae teribamejerei. Moakore Jesú karata emurane ajaba naja-bune teribuaeyama. Karata jakutai tai Dio kware arewaratu Isaias ajabata. 18 Ribane: Airamo Amejokojira meku ja. Toi jonaberajasi isia mayanajonae rewara yakeraja saneraubiajasi saba rewaramejerei. Aobojona ekumoniraja jakutaisi ibajukamejerei mainatabae. Mojojutuma tata mainatabae. Yatu ejerokitane saba ribu ja, tane ribamejerei mainatabae. Isanamatayaja sakaubuajakutaisi ejerokitane mainatabae. 19 Airamo saba ya yakeraja jakutaisi isia rewaramejerei mainatabae, tia, taeyama. (Isa. 61:1-2) 20 Tane karata ekobotane orikware nakanoko araoto aneburatu jakutaisi moaitane rujunae. Rujakore kokotuka orikware nakanoko eku jakutai Jesú amu mijaja bajibuaeyama. 21 Mijakore rewarakitane jotananae. Ribane: Jabataja yatu ama nokoajakutai taisi eku nakae rijana, taeyama. 22 Warao kokotuka taisi isia yakeraja rewaraeyama. Aribu yakerajasi aobojona retaubuae. Ribane: Tamaja José aukenara? taeyama. 23 Jesú tatuma isia ribane: Yatu nomewitu maisia ribu nobo ribate. Iji yarokotatutiji ama oribajukanu, tate. Capernaum tata iji nona nonayakore oko nokoajakutaisi monukajase ama jiaina eku nonau, tate, taeyama. 24 Atae ribane: Nomewitu yatu isia ribiaine: Dio kware arewaratu oriaina tata raomata tane ejobonaja. 25 Nomewitu yatu isia ribiaine: Ateje Elias jakore Israeltuma kawanaya tatu tewere eraja jaja. Takore inawaja rijanamo kware autia naja ebonaja jame tai ina kokotukanea nojo uriraja ejobonae. 26 Nojo ejobakore Dio Israel atatu tewereata Elias inatabanatanae. Tiarone janokoina Sarepta ina Sidón tatasike tira tewere jakutai-siata Elias inatabaeyama. 27 Dio kware arewaratu Eliseo jakore Israeltuma aineta warao eraja aboisi sabana isia muanayaja ja tanaeyama. Tiarone Eliseo Israel arotuma jisakarakate berenata-naeyama. Siria arotu Naamán jakutai taiwitu bereaeyama. Tane Jesú rewaraeyama. 28 Takore orikware nakanoko arao Jesú aribu nokone koko-tuka kwana orijisiaeyama. 29 Tane nokaramane janokoina eku-mo Jesú kwejobonae. Tatuma ajanokoina jotakwa arai nónae tiaja jaja. Suatana jotakwa kwaeraja jakutaisiata konarune tatamo joika toakitane obonoaeyama. 30 Tiarone Jesú tatuma kawanaya narune are naruaeyama. 31 Tatukamo Jesú Capernaum tata nanakanae. Tai ina Galilea eku. Tata nanakane ya tuwara eku inaminaeyama. 32 Airamo aribu musaberaja inaminajame tatuma taisi ainamina nokone kwana retaubuaeyama. 33 Orikware nakanoko eku nibora jaja. Jebu Dio saba wisi jakutai niborama eku ja. Nibora jakutai kwana rokojotaeyama. 34 Ribane: Jesú Nazaret arotu, oko jikware barinaja. Iji katukeme jiaobojona kaisia abaya bajama? Iji kaiekorakitane naoaera? Jinaminayaine. Iji Yakerajawitu jakutai, Dioatukamo, taeyama. 35 Tane ribakore Jesú jebu sabajiae. Ribane: Inare tau! Nibo-rama iabane ekumo naru, taeyama. Takore jebu tatuma amujaba niborama joika inatonae. Joika inatone eboisinaka ejobonae-yama. 36 Takore kokotuka retaubuaja bajinae. Oriisia ribane: Amasike tamaja ribu kasikaja? Ribu taeraja isia, jarata isia tane jebu Dio saba wisi jakutaisi kajotabiaraji! Kajotabukore ejoboya-raji bajama! taeyama. 37 Takore ina kokotukanea Jesú isia ribu jakanae. 38 Takore rijana Jesú orikware nakanoko ekumo ejobaitane Simón ajanoko eku yaruae. Yarukore Simón arabai riara isia kwana wabayaja jakore miaeyama. Tira wabayakutaisi isia Jesú saba rewaraeyama. 39 Jesú tirasi tajasaba wiyajene riara sabajiaeyama. Riara sabajikore ariara ekko taeyama. Takore rijana tira karamane najoro tatuma saba jisabakitane jotananaeyama. 40 Ya soto takore muanayakutaisi awarao kokotuka nokara-mane Jesú tata narubuae. Awaba raisa raisa jaja jakutai Jesú tata konaruaeyama. Takore Jesú oriamojo muanamo jisaka jisaka arai abane ibajukaubuaeyama. 41 Takore warao erajasi ekumo jebu ejoboaeyama. Jebu rokojotayaja ribane: Iji Dio Auka, taeyama. Tatuma Jesú Akirito jakutaisi naminaeyama. Tiame jebutuma ribakore Jesú tatuma sabajiae ribunaka jamejerei. 42 Takore jokona anejekowitu ya ekirakore Jesú janokoina ekumo ejobonaeyama. Emo warao ekiraja jakutaisiata naruae-yama. Tiarone warao Jesú najabune taisiata nabakaubuaeyama. Taitane Jesú emo narunaka jamejerei etuwarakitane obonoae-yama. 43 Tiarone Jesú tatuma isia ribane: Rewara yakeraja Dio arujuna rujuyakutaisi isia rewaramejerei mainatabae. Tiame janokoina eobo ekia rewarakitane jaine, taeyama. 44 Taitane Jesú ina Galilea eku orikware nakanoko ekia rewarai kujuaeyama.
51 Tatukamo Jesú Aotanaira Genesaret amumi jakore warao Jesú kware tutu tae Dio aribu nokokitane. 2 Aotanaira ajomuku Jesú wajibaka manamo miaeyama. Rumo oriawajibaka iabane nobatuma jojarayaja jaja. 3 Takore Jesú wajibaka jisaka eku nabakanaeyama. Tai Simón awajibaka. Jesú wajibaka arotuma ebuae isiko autu sabuka narumejerei. Taitane Jesú wajibakeku rujunae tatamo waraoto inaminakitane. 4 Rewara riwaraitane Simón isia ribunae. Ribane: Aotanaira autu narune yatu anobatuma joni toakotu jomakaba oakitane, taeyama. 5 Takore Simón Jesú riboto ribunae. Inaminatu, oko ruyaja ima jisaka jokonaeko. Tiarone kajarako ekirawitu jokonaeko. Tanerone iji ribiame noba toatine, taeyama. 6 Taitane anoba joni toane jomakaba eraja oanaeyama. Joma-kaba asebe aobojona anoba asataturuaeyama. 7 Takore amojo isia oriamuaraisatuma wajibaka araisama araoto yejebuae naone sanetamejerei. Takore tatumarakate naoitane awajibaka ikwatae-yama. Tane wajibaka reko ikwatane wanareturubuaeyama. 8 Takore Simón Pedro jomakaba mitane Jesú amujaba jinamane rujunae. Ribane: Mairamo, maobojona asiraja jame, mebikamo emo naru, taeyama. 9 Pedro jakutai retayaja bajinae. Taisi isiko jakutai kokotuka jomakaba erajasi aobojona retayaja bajibuaeyama. 10 Pedro isiko jisaka tane yabamo jakutairakate retaubuaeyama. Tatuma awai Jacobo, araka Juan tane. Tatuma Zebedeo anobotomo. Takore Jesú Pedro isia ribane: Retanaka jau. Tamatukamo jomakaba monuka waraoto yabate, taeyama. 11 Takore awajibakatuma jomuku esewiribuitane, kokotuka iabane, Jesú iamo narubuaeyama. 12 Nokabuka Jesú janokoina eku jakore nibora aboisi sabana eraja jaja jakutai Jesú miae. Mitane mukunamane rujane jinamunaeyama. Tane Jesú ebiaja ribane: Mairamo, iji obonokore maberekitane jisaba yakera, taeyama. 13 Takore Jesú oriamojo ejane taisi torene ribane: Obonoya-ine. Jibereaine rijana, taeyama. Takore aboisi sabana ekko tae. 14 Tane takore Jesú taisi kajotabiaja ribane: Ateje Moisés ka-jotabu abanae. Boisi sabana berekore saserote oriemikitane atae nobeanaka moakitane tane ribunae. Ama jibereajame raisama saba rewaranaka Moisés akajotabu eku narune jitejo saserote emi. Taitane nobeanaka moau. Takore eobo iji beréae tiakutaisi nami-nate, taeyama. 15 Tanerone Jesú isia ribu ina kokotuka ekia jakanae. Tiame warao eraja Jesú tata naoae aribu nokokitane. Atejorakate ibaju-kamejerei naoaeyama. 16 Takore Jesú emo naruae warao ekira-kutaisi tata kwai ribakitane. 17 Jesú ya jisaka eku inaminayaja jakore, tata Bariseotuma norujúae tiaja jaja. Kajotabu akarata ainaminamorakate norujúae tiaja jaja. Tatuma ina Galilea ajanokoina kokotuka tatamo, ina Judea ajanokoina tatamo, Jerusalén tatamo tane. Airamo ajarata Jesú isiko jaja muanayakutaisi ibajukakitane. 18 Takore nibo nibora wabayaja atejo maramárae tiakutaisi aubanoko isiko konaeyama. Tane wabayakutaisi isiko janoko eku yarukitane najabuaeyama, Jesú amu ebisaba abakitane. 19 Tiarone warao-sebeira aobojona janokeku yarukomoni bajinae. Takore janoko arai yaburune janoko akwa autia euanaeyama. Taitane wabaya-kutai aubanoko isiko waraosebeira kawanaya Jesú amu ebisaba inanakanaeyama. 20 Jesú wabayakutaisi akonamo nome abayakore naminae. Naminaitane wabayakutaisi isia ribane: Maraisa, jiaobojona asi-raja jikware abanaka bereaine rijana, taeyama. 21 Takore kajotabu akarata ainaminamo atae Bariseotuma tane orirenokoyaja ribane: Tamaja sina bajama? Dio isia asiraja ribiaraji! Diowitu obojona asiraja waraoto kware abanaka berea, taneana mojoro? taeyama. 22 Takore Jesú tatuma orirenokoyakore naminaitane tatuma isia ribane: Yatu tamaja maribu isia obonobiaja katukeme orirenokoya bajama? taeyama. 23 Ribu kasikaja yatu saba yakera bajama? Ribane: Ine jiaobojona asiraja jikware abanaka bereaine, tane takore yakerenara? O ribane: Karamane naru tane takore yakerenara? taeyama. 24 Warao tane nakajakutai raina eku ribu ja obojona asiraja waraoto kware abanaka berekitane. Yatu taisi naminamejerei ribatine, taeyama. Tane nibora atejo maramárae tiakutaisi isia ribane: Jiisia ribiaine: Karamane, jiaubanoko ekobotane, jijanokoata naru, taeyama. 25 Tane Jesú ribakore wabayaja jakutai tatuma amujaba rijanawitu kara-munae. Karamuitane oriaubanoko ekobotane, Dio yakeraja jae, tane ribiaja, oriajanokoata naruaeyama. 26 Takore warao koko-tuka kwana retaubiaja ribane: Dio yakeraja jae, taeyama. Retayaja ribane: Amasike mianare miaeko, taeyama. 27 Tamaja nona nokabuka Jesú ejobane niborama miae. Awai Leví. Tai Roma airamo aribia burata ebutu. Tai burata ebunoko eku rujúnae tiaja jaja. Jesú taisi isia ribane: Maiamo nao, taeyama. 28 Takore Leví karamane, kokotuka iabaitane, Jesú iamo naruaeyama. 29 Tane Leví oriajanokoata Jesú saba noara abanaeyama. Noara abakore airamo aribia burata ebumo eraja naoae. Eobo-rakate naone tatuma isiko mesa yanorujubuaeyama. 30 Tane takore kajotabu akarata ainaminamo Bariseotuma tane Jesú anebu isia eribubuae. Ribane: Yatu katukeme airamo aribia burata ebumo isiko, asirajasi anonamo isiko tane najoroya, jobia tane tia bajama? taeyama. 31 Jesú tatuma riboto ribane: Muananaja jakutai tai yarokotatu najabunaja. Muanayakutai tatumasike yarokotatu najabia. 32 Nomerajasi anonamo yejebukitane naonatanaine. Tiarone asirajasi anonamo yejebukitane naoaine aobojona ibaremejerei, taeyama. 33 Takore Bariseotuma suatana ribane: Juan anebu eraja tane obonekoya, kwai ribiaja ebia tane. Bariseo anebu monukajase nonaya. Tiarone jinebu katukeme najoroya, jobia tane tia bajama? taeyama. 34 Jesú tatuma riboto ribane: Jotarao kasayaja noara abaya. Nibora kasatu mate jakore yatu kasatu amuaraisatuma oboneko-mejeretera bajama? 35 Mate ya jate. Taisi eku nibora kasatu jakutai tatuma ebikamo konarute. Konarukore tai ya ekusike kasatu amuaraisatuma obonekote, taeyama. 36 Jesú asita abane tatuma saba rewarae. Warao jisakarakate jiaka nobo jiaka jiro akari isiko iyakarataya. Iyakaratakore jiaka jiro jiaka nobo yawanate. Jiaka jiro jiaka nobo orimonuka ejobonaja. 37 Warao jisakarakate bino jiro anamu joronona nobo eku esojonaja. Eku esojokore anamu obate. Takore bino rijate. Anamurakate rijate. 38 Tiarone bino jiro anamu jiro eku esojote. Takore reko yakeraja ejobate. 39 Bino nobo ajobitu bino jiro obononaja. Tai ribia: Bino nobo jakutai tai masaba yakera, tia, taeyama.
61 Waniku majane ya tuwara manamo nakakore Jesú rajikaba ekia naruaeyama. Nariakore taisi anebu namuna ajojo arine amojo isia tibarane najorobuaeyama. 2 Takore Bariseo kawa-namo ribane: Kajotabu akarata aribu ya tuwara eku tametane yaotamejerenaja. Yaotamejerenajarone yatu katukeme are yao-taya? taeyama. 3 Jesú tatuma riboto ribane: David anona isia yatu teribu-natanaera? David nojeraja, David iamo anarumorakate nojeraja tane jaja tametane nonae. 4 David Dio ajanoko eku yarune bãu nobeanaka Dio amujaba emo abánae tiaja jajasi nisane najoroae. Taitane awarao taisi iamo jakutaisi moaubukore tatumarakate najorobuaeyama. Kajotabu akarata aribu ribia saseroteana jakutai bãu najorokomoni. Tai bãu jakutai saserotewitu anajoro, tia, taeyama. 5 Tane tatuma isia ribane: Warao tane nakajakutai ya tuwara isiarakate ribu ja, taeyama. 6 Takore ya tuwara araisamaya Jesú orikware nakanoko eku yarune inaminaeyama. Takore tatuka nibora amojonome wájae tiaja jajayama. 7 Takore kajotabu akarata ainaminamo Bari-seotuma tane Jesú yaorane mijaja bajibuaeyama. Ya tuwara eku ibajukakore kware asiraja abakitane obonoyaja mibuae taeyama. 8 Tane obonobiakore Jesú tatuma aobonobu naminaeyama. Tane amojo wájae tiakutaisi isia ribane: Naone autu karamanu, tae-yama. Takore tai karamane autu tora tae. 9 Takore Jesú tatuma isia ribane: Yatu renokotine: Kajotabu akarata eku ribu kasikaja ja? Ya tuwara eku katukane nonakitane yakera? Yakeraja nonakitane yakerayanara? Asiraja nonakitane asirayanara? Ibajukakitane yakerayanara? Nakitane asirayanara? taeyama. 10 Tane Jesú tatuma kawanaya seorobune niborama isia ribane: Jimojo enometanu, taeyama. Takore amojo enometakore yakeraja bajinae amojo araisama monuka. 11 Takore eobo kwana orijisiae. Orirenokobuae: Oko Jesú isia katukane nonate bajama? taeyama. 12 Takore ya taisi eku Jesú jotakwayata naruae kwai riba-kitane. Tata Dio saba ribiaja ima jokonaeyama. 13 Jokona ane-jeko jakore anebu yejebuae. Tatuma kawanamo mojoreko kware manamo orianebuwitu tane nisane, ainatabatuma tane abanae-yama. 14 Tatuma awai: Simón, taisi awai raisa Pedro. Pedro araka Andrés. Jacobo, Juan, Felipe, Bartolomé tane. 15 Atae Mateo, Tomás tane. Jacobo Alfeo auka jakutai. Atae Simón, Ina Airamo Riboto sabasabamo jakutai. 16 Atae Judas Jacobo araka jakutai. Atae Judas Kariot arotu. Tai Jesú awabitu tane ejobonaeyama. 17 Takore tatuma isiko tatamo joika nanakane tuwarae. Taisi isiko anebu jaja. Warao erajarakate jaja. Warao jakutai Judea kokotukanea arao, Jerusalén arao tane jaja. Atae nojabaira amumi Tiro Sidón tane awere jakutaisi arao. Tatuma kokotuka Jesú aribu nokokitane naoae. Awaba nisamejereirakate naoae. 18 Jebu Dio saba wisi jakutaisi aobojona sanamatayakutai Jesú tatuma ibajukanae. 19 Jesú ekumo jarata ejobonae warao kokotuka ibajukakitane. Tiame warao kokotuka jakutai Jesú torekitane obonoaeyama. 20 Takore Jesú anebuata seoroyaja tatuma saba rewarae. Ribane: Yatu saneraubiajarone yatu ekeiraja. Dio arujuna rujuyakutai yatu saba rujuya. Tiame yatu ekeiraja. 21 Yatu nojerarone yatu ekeiraja. Yatu jajinaubute jame yatu ekeiraja. Yatu onayarone, yatu ekeiraja. Yatu enote jame yatu ekeiraja. 22 Warao yatu rarijatate. Yatu emo webotate. Yatu isanate. Yatu warao tane nakajakutaisi sabasabamotiji yatu awai wai asiraja monuka tainate. Tiarone yatu ekeiraja. 23 Ateje tatuma anobotuma Dio kware arewaramo isia monukajase nonae. Tiame yatu isia tane nonakore tai ya eku oriwakakotu. Ekeiraja jakotu najamutuata yatu amoara uriraja jame. 24 Yatu burata arao jakutai, yatu amájae tane ribate. Yatu aekei kwaeabanae rijana. 25 Yatu ama jajinaubuajakutai yatu amájae tane ribate. Yatu nojeraja jate. Yatu ama enoyakutai yatu amájae tane ribate. Yatu onayaja joiro joiro tate. 26 Ateje warao anobotuma Dio kware arewaramo tane oritoayakutaisi isia yatu yakeraja tane rewarae. Yaturakate oi! Warao kokotuka yatu isia yakeraja tane rewarakore yatu amájae tane ribate. 27 Yatu maribu nokoyakutaisi isia ribiaine: Waraotuma yatu isiko asiraja jakutai tatuma obonokotu. Waraotuma yatu rarijata-yakutai tatuma isiko yakeraja nonakotu. 28 Waraotuma yatu isia kayamoni tane ribiakutai tatuma yakeraja tane abakotu. Warao-tuma yatu isanayakutai tatuma kware kwai ribakotu. 29 Jimu-kaba nabakore jabisabarakate emi. Jikamisa konarukore jurane-rarakate moau. 30 Jiaunukamo ebiakutaisirakate moau. Jiaunu-kamo konarukorerakate atae ekiajase ebunaka. 31 Eobo yatu isiko nonamejerei yatu obonoyakutai, taijase tatuma isiko nonakotu. 32 Yatu obonoyakutai yatu tatumawitu riboto obonokore yatu amoara bitu ja? Asirajasi anonamosike tane nonaya. Tatuma obonoyakutaisiwitu riboto obonoya. 33 Jiisia yakeraja nonaya-kutai taisi ribotowitu yakeraja nonayakore yatu amoara bitu ja? Asirajasi anonamosike tane nonaya. 34 Yatu enebiaja ribia: Oko enebakore monukajase kenebate, tia. Yatu tane nonakore yatu amoara bitu ja? Asirajasi anonamosike enebia monukajase enebamejerei. 35 Yatu isiko asiraja jakutaisi obonokotu, isiko yakeraja nonakotu tane. Enebaitane monukajase enebamejerei yawakanaka jakotu. Tamatuma ribu manamo eku nonakore yatu amoara uriraja jate. Yatu Kwaerajasi anobotomo tane bajete. Warao taisi isia yakeraja jae tane ribunajarone tatuma isiko raoberaja bajia. Asirajasi anonamo isikorakate raoberaja bajia tane. 36 Yatu Arima akobe yatu isia ajera. Taisi monukajase yatu akobe eobo isia ajerakunarai. 37 Raisama aribu nome toanaka jakotu. Toanaja jakore raisa-rakate yatu aribu nome toanatate. Raisama isanamatamejerenaka jakotu. Takore eobo yatu isanamatamejerenatate. Raisama aobojona asirajasi kware abanaka yatu aobojona iabakotu. Ta-kore raisarakate yatu kware abanaka aobojona iabate. 38 Rai-sama moakotu. Moakore yatu moate. Asinarija kaikawitu moate. Kobuwitu moate. Eteurúae tiaja moate. Kwarea jakayaja moate tane. Yatu sinarijayakutai taisi monukajase yatu riboto yatu saba sinarijate. 39 Tane taisi isia asita abane tatuma saba rewarae: Mioni jakutai mioni araisama konarukomoni. Taneanara? Konarukore reko toto eku nakate. 40 Ateributu jakutai ainaminatu kwarikena. Tiarone yaorane naminakore ainaminatu monuka ejobate. 41 Iji rau akaboto jiwaraoto amu eku jakutaisi mija. Tiarone katukeme rau uriraja jimu eku jakutaisi minaja bajama? 42 Rau uriraja jimu eku jakutaisi minajarone iji jiwaraoto isia ribia. Ribane: Rau akaboto jimu ekumo nisatine, tia. Iji katukeme tane ribia? Jiaobojona manamoraji bajama! Wajiabara jimu ekumo rau uriraja jakutaisi nisanu. Tatukamo yakeraja mite jiwaraoto amu ekumo rau akaboto nisakitane. 43 Rau yakeraja jakutai taisi akwaja ayari tane kwajanaja. Rau ayari jakutai taisi akwaja yakeraja tane kwajanaja. 44 Rau jakutai akwaja isia naminaya. Boboroira isimo mereji arinaja. Jarujiro isimo mono arinaja. 45 Warao oriaobojona ekumo ribia. Warao yakeraja jakutai aobojona yakerajasi ekumo ribia. Tiame aribu yakeraja ejoboya. Warao asiraja jakutai aobojona asirajasi ekumo ribia. Tiame aribu asiraja ejoboya. 46 Yatu maribu eku nonanajarone katukeme maisia Kairamo, Kairamo, tia bajama? 47 Warao ineata naone, maribu nokone eku abayakutai, taisi isia asita abane rewaratine. 48 Tai warao janoko anonatu monuka. Joyo arai toto uniraja iwaitane eku anonamu joyo arai nonamuae. Nonamukore joira uriraja naone jo ajarata isia janoko inatoturuaeyama. Tiarone joyo araimo nónae tiaja jame, jo ajarata janoko inatokomoni ejobonae. 49 Maribu nokoyarone eku abanaja jakutai tai warao oriajanoko anonamu joboto araiwitu nonamuae. Takore joira naone jo ajarata janoko sewirakore rubujira nakae. Nakane ekoronaewitu, taeyama.
71 Jesú waraoto saba rewara riwarane janokoina Capernaum eku yaruaeyama. 2 Takore yaoromo siento jisaka akabitana jaja. Taisi aneburatu jisaka kabitana saba raomata jakutai waba-yaja amoni jajayama. 3 Akabitana Jesú isia nokoitane Judio airamotuma Jesú tata inatabae Jesú ebumejerei. Ribane: Iji naone maneburatu ibajukanu. Tane kabitana ribia. Tane Jesú isia riba-kotu, taeyama. 4 Takore tatuma Jesú tata nabakane kwana ebiaja ribane: Akabitana jakutai aobojona yakerame amoara ja iji taisi aribu kaika nonamejerei. 5 Tai oko Judiotuma jakutai kaobonoya. Orikware nakanoko kasaba nonae, taeyama. 6 Takore Jesú tatuma iamo naruaeyama. Tane ajanoko awere jakore, akabitana amuaraisatuma inata-bae Jesú isia ribamejerei. Ribane: Mairamo, ineata nabakakitane jisaba asira tai. Ine mamoara ekira iji majanoko eku nabakamejerei. 7 Mamoara ekirame, ine ijiata narunatanaine. Iji narunaka ribakore maneburatu bajukate. 8 Inerakate raisama akajotabu ine. Aribu eku abakitane jaine. Inerakate manebu jaine. Maribu eku abakitane ja. Ine jisaka isia ribane: Naru, takore naria. Araisama isia ribane: Nao, takore naoya. Mane-buratu isia ribane: Tamajasi nonau, takore nonaya, taeyama. 9 Takore Jesú tamaja ribu nokone retae. Taitane warao taisi iamo anarumo kware barene ribunae. Ribane: Yatu isia ribiaine: Israeltumarakate tamaja niborama monuka nome abayakore mina-tanaine, taeyama. 10 Takore kabitana ainataba ekiajase janoko tata nabakakore, kabitana aneburatu wabayaja jakutai bajukánae tiajasi miaeyama. 11 Tatukamo ya araisamaya Jesú janokoina Naín tata naruae-yama. Anebu eraja warao eraja tane taisi iamo naruaeyama. 12 Na-rune janokoina akojo awere nabakakore waba konariakore miaeyama. Waba jakutai tirasi auka jisakawitu jaja. Waba arani jakutai tai tira tewere. Waba aranima isiko janokoina arao eraja naruaeyama. 13 Airamo tirasi mitane isia akobe ajerame isia ribane: Yaonanaka rijana, taeyama. 14 Tane ribaitane Jesú raua awere nabakane torinaeyama. Takore raua akonarumo tuwarakore Jesú ribane: Neburatu, jiisia ribiaine: Karamanu rijana, taeyama. 15 Takore wábae tiaja jakutai rujane ribunae. Takore Jesú neburatu aranima moae. 16 Takore kokotuka retaubune Dio yakeraja jae, taubuae. Ribane: Dio kware arewaratu uriraja okoatukamo ejobonae. Dio awaraoto mikitane naoaeraji bajama! taubuaeyama. 17 Takore ina Judea kokotukanea Jesú isia ribu jakanae. Ina Judea awerea-rakate taisi isia ribu jakanaeyama. 18 Takore Juan anebu tamaja kokotuka kwaeabanajakutaisi isia Juan saba rewaraeyama. 19 Tatuma rewarakore Juan anebu manamo yejebune Jesú tata inatabae. Ribane: Renokokotu: Iji naokitane jakutaiyanara? O oko atae raisama yawakate mojoro? takotu, tia, taeyama. 20 Takore anebu Jesú tata nabakane ribane: Juan Joni Ekobutu jakutai ijiata kainatabae. Tai ribia: Iji naokitane jakutaiyanara? O oko raisama yawakate mojoro? tia, taeyama. 21 Ya taisi eku Jesú waraoto awaba ajeraja, awaba taeraja tane jajasi tatuma atejo ekumo nisae. Nisakore warao bajukaubuae. Jebu asirajarakate waraoto ekumo inatabae. Mionitumarakate eseorobuaeyama. 22 Taitane Jesú tatuma riboto ribane: Juan tata narune yatu miajakutai yatu nokoajakutai tane Juan saba rewarakotu. Mioni jakutai seoroya. Kakabe jakutai yã tia. Boisi sabana jakutai beréae tiaja bajia. Kojokonare jakutai nokoya. Warao wabakore enominia. Rewara yakeraja jakutai sanerau-biajasi saba rewaraya. 23 Maobojona nakanaja jakutai taisike ekeiraja bajete, tane ribijae, tane takotu, taeyama. 24 Juan ainataba narukore Jesú waraoto saba rewarakitane jotananae. Tane Juan isia rewarae. Ribane: Yatu jarawaja tata katukayaja mikitane ejobonae? Sejoro aroko ajaka ebe rikoya-kore mikitane ejobonae mojoro? 25 Taneana jakore katukayaja mikitane ejobonae? Nibora ajiaka yakerajawitu jakutaisi miki-tane ejobonae mojoro? Warao ajiaka yakerajawitu orisabaya-kutai tatumasike airamowitu ajanoko eku sanerajenakawitu ubaya. 26 Amasike katukayaja mikitane ejobonae? Dio kware arewaratu mikitane ejobonae mojoro? Yatu isia ribiaine: Nomewitu, Juan jakutai tai Dio kware arewaratu. Taisi amoara Dio kware arewaramo eobo jakutaisi amoara kwarika. 27 Ateje tamajasi isia jabátae tiaja ja: Mi rijana. Mainataba jiebikaya inatabayaine. Tai jiebe jijojisi iyakaratate, tia. (Mal. 3:1) 28 Yatu isia ribiaine: Warao raina eku rijawarayakutai amoara ja. Tiarone Juan Joni Ekobutu jakutai taisi amoara tatuma amoara kwarika. Tiarone Dio arujuna rujuyakutaisiata amoara ekirakutai taisi amoara Juan amoara kwarika ejoboya, tiaine, taeyama. 29 Warao kokotuka atae Roma airamo aribia burata ebumo tane Jesú aribu nokoae. Juan tatuma ekobuajame tatuma ribane: Dio nomeraja, taubuaeyama. 30 Tiarone Bariseotuma, kajotabu akarata ainaminamo tane Dio aribu tatuma isia ribunajakutai taisi tainae. Tatuma Juan tatuma ekobamejerenatanae ribunajakutaisi tainaeyame. 31 Takore Airamo ribane: Warao ama jakutai katukane ine tatuma isia asita abate? Tatuma sinama monuka? 32 Tatuma nemokomoko monuka. Nemokomoko wabinoko eku norujane kotubia. Amusaba saba rokojotayaja ribia: Oko esemoiaerone, yatu jojonaja. Oko waba yaonaerone, yatu onanaja, tia. 33 Juan Joni Ekobutu naone bãu najoronaja, bino jobinaja tane naoae. Tiame yatu ribia: Juan jebu jaja rijana, tia. 34 Warao tane nakajakutai naone najoroya, jobia tane. Takore yatu ribia: Mikotu anaka. Tamaja najoroira, binoroko tane. Tamaja Roma airamo aribia burata ebumo amuaraisataya. Tamaja asirajasi anonamo amuaraisataya, tia. 35 Warao kokotuka musaberakutai ribia: Musaberaja bajekitane jakutai tai nomeraja, tia, taeyama. 36 Bariseo jisaka Jesú yejebuae isiko najoromejerei. Takore Jesú Bariseo ajanoko eku yarune mesa yarujunaeyama. 37 Ta-kore tira jisaka janokoina arotu jakutai, tai asirajasi anonatu. Tai tira jakutai Jesú Bariseo ajanoko eku mesa yarujúnae tiaja ja tane nokoae. Nokoitane toi jonaba anamu joyonona konaruaeyama. 38 Jesú omu awere karamane onayaja bajinaeyama. Taitane amujo isia Jesú omu ejuraeyama. Taitane oriajio isia bereae. Omu arai orobuitane toi jonaba isia ejoaeyama. 39 Takore Bariseo Jesú yejebuajakutai tirasi anona mitane aobojona isia ribunae. Ribane: Tamaja tira taisi toriakutai tai asirajasi anonatu. Tamaja Dio kware arewaratu jakore tira asiraja jakutaisi naminakuna, taeyama. 40 Takore Jesú taisi riboto ribane: Simón, jiisia ribatine, taeyama. Tai riboto ribunae: Inaminatu, ribanu rijana, taeyama. 41 Takore Jesú ribane: Burata enebatu jakutaisi isia nebu manamo arewe jaja. Jisaka arewe renario siento mojoabasi. Araisama arewe renario mojorekotuma mojoabasi tane jajayama. 42 Tiarone reko aburata ekira arewe amoara abakitane. Tiame burata enebatu jakutai rewe amoara abamejerei ebunatanae. Ama ribanu: Rewe araoto kawanamo kasikaja burata enebatu kwarika obonote? taeyama. 43 Takore Simón taisi riboto ribane: Burata enebatu isia rewe urirajarone kware barinaka iabanajakutai, tai tai, taeyama. Takore Jesú taisi isia ribane: Iji yakeraja obonobune ribunae, taeyama. 44 Ribaitane Jesú tirasi kware barene Simón isia ribane: Tamaja tira minajara iji? Ine jijanokoata nabakakore iji jo mamoanatanae momu jojaramejerei. Tiarone tira jakutai oriamujo isia momu ejurae. Ajio isia momu bereae. 45 Iji maisia yakerara abayaja mamukaba oronatanae. Tiarone tira jakutai mayana-bakanajakutaisiatukamo momu arai orobuae. 46 Iji makwa toi isia yanajonatanae. Tiarone tira jakutai momu ejoae jonaberajasi isia. 47 Tiame jiisia ribiaine: Tira kwana obonoajame taisi aobojona asiraja eraja taisi kware abanaka bereaine rijana. Warao aobojona asiraja sanukawitu jakutai taisi kware abanaka berekore tai aberetuma sanuka obonoya. 48 Taitane tirasi isia ribane: Jiaobojona asiraja jikware aba-naka bereaine rijana, taeyama. 49 Takore eobo mesa ayanorujumo jakutai oriaobojona eku obonobuaeyama. Tamaja sina tai? Obojona asiraja waraoto kware abanaka berearaji bajama? tane obonobuaeyama. 50 Takore Jesú tirasi isia ribane: Iji nome abanajame jiaobojona bajukanae rijana. Retanaka naru, taeyama.
81 Tamaja kwaeabanajakutaisi nokabuka Jesú janokoinatuma ekia atae janokoina aukamo erajasi ekia tane naruaeyama. Rewara yakeraja Dio arujuna rujuyakutaisi isia rewarai naruae-yama. Anebu mojoreko kware manamo jakutai taisi isiko naruaeyama. 2 Tatu kawanamo Jesú isiko naruaeyama. Tatu jakutai ebe jebu asiraja isia atae waba raisa raisa isia tane mua-nayaja jaja. Tane muanayakore Jesú tatuma ibajukaubuaeyama. Tatuma kawanamo jisaka awai Maria. Taisi isia Magdala arotu tane warayaja jajayama. Ebe taisi ekumo Jesú jebu mojoabasi kware manamo inatabakore tira bajukánae tiaja bajinaeyama. 3 Atae Juana. Tai Chuza atira. Chuza jakutai tai Herodes anebu akwa. Atae Susana. Atae tatu eraja. Tatuma oriaunukamo ekumo Jesú sanetaeyama. 4 Takore warao eraja orikware nakane Jesú tata nabakanae. Tatuma janokoina jisaka jisaka ekumo nabakaubuaeyama. Ta-kore Jesú tatuma saba asita abane rewaraeyama. 5 Namutu jakutai namuna namukitane ejobonae. Namuna wiarayakore aumu kawanamo jojisi arai nakae. Nakakore warao sakaubuae. Romu kwaia nijakayakutairakate naone aumu najorone ieko-robuae. 6 Namuna aumu kawanamo joyo arai nakae. Tane aroko ejobonaerone jo ekirame wajaeyama. 7 Namuna aumu kawanamo jina eku nakae. Takore ji namuna awerea ejobane eirawajaeyama. 8 Namuna aumu kawanamo joboto yakerajasi eku nakae. Tai ejobane yakeraja irane kwajae. Kwajakore akwaja siento tane ejobonae, taeyama. Tamajasi rewaraitane kwana rokojotaeyama. Ribane: Akojoko ja jakutai maribu nokokunarai, taeyama. 9 Takore anebu Jesú renokoyaja ribane: Iji katukayaja isia asita abane rewaraya bajama? taeyama. 10 Tai ribane: Dio arujuna rujuyakutaisi isia ribu rijisa ja. Dio yatu ribu rijisa jakutaisi naminamejerea. Tiarone eobo naminamejerenaja. Tiame ine asita abane rewarayaine Tatuma mijarone minaka jamejerei, tatuma nokoyarone nokonaka jamejerei tane. (Isa. 6:9) 11 Ine asita abane rewarayakutai tametane ribia: Namuna aumu jakutai, tai Dio aribu sitaya. 12 Jojisi arai nakajakutai tatuma Dio aribu anokomo sitaya. Ribu nokoaerone jebuira naone tatuma aobojona ekumo ribu jakutaisi konaria. Tatuma nome abanaka jamejerei ribu konaria. Nome abakore Dio tatuma aobojona ibajukakuna. 13 Joyo arai nakajakutai Dio aribu anokomo sitaya. Ribu nokone ekeiraja ribu oaya. Tiarone ajokonamu ekira. Tatuma sanuka nome abaya. Takore tatuma ayakara mikore nakaya. 14 Jina eku nakajakutai Dio aribu anokomo sitaya. Ribu nokoyarone suatana obonobu eraja jakutai tatuma eirawajaya. Burata jakitane jakutai atae are oriwakakitane jakutai tane tatuma eirawajaya. Tiame kwajaoni bajia. 15 Joboto yakerajasi eku nakajakutai Dio aribu anokomo sitaya. Ribu nokone obojona yakerajasi isia obojona nomerajasi isia tane ribu eku abaya. Tane taeratayaja kwajaya. 16 Jisakarakate abije erokaitane kajõ noika abanaja. Ubanoko noika abanaja. Tiarone abije abanoko eku abaya, janoko eku yariakutai ajoko mimejerei. 17 Erijísae tiakutai kokotuka naminate. Mukorónae tiakutai kokotuka naminate. Abije sinajarakore kokotuka mite. 18 Yatu nokoyakutai yaorane taisi nokokotu. Ja jakutai atae kwarika taisi moate. Ekirakutai ekirarone are ja tanabaya. Ja tanabayakutai taisi ebikamo konarute, taeyama. 19 Takore Jesú arani arakatuma tane Jesú mikitane naoae-yama. Tiarone warao erajawitu jame Jesú tata nabakakomoni bajinae. 20 Takore warao Jesú enokoyaja ribane: Jirani jirakatu-ma tane jimikitane obonone naoae. Tatuma yakareku ja, tae-yama. 21 Takore Jesú tatuma riboto ribane: Dio aribu nokoyakutai, eku abayakutai tane, tatumasike rani rakatuma tane, taeyama. 22 Ya jisaka eku Jesú orianebu isiko waeku nabakane ribane: Aotanaira jabisaba imakaki, taeyama. Tane ejobane imakakitane jotananaeyama. 23 Imakayakore Jesú ubaeyama. Takore ajakaira ebe nojaba rubujukore jo wajibaka eku nakae. Nakakore awajibaka wanareturuaeyama. Tiame tatuma jawana miaeyama. 24 Tane Jesú tata narune enominiaja ribane: Kainaminatu! Kainaminatu, oko rijakitia, taeyama. Takore Jesú karamane ajaka atae nojaba tane sabajiae. Sabaji-kore ajaka tuwarae. Tuwarakore nojaba najomonaeyama. 25 Jesú orianebu isia ribunae: Yatu katukeme nome abanaja bajama? taeyama. Tiarone tatuma retayaja oriisia ribane: Amasike! Tamaja nibora sina bajama? Tai ajaka isia ribakore aribu nokoyaraji! Nojaba isia ribakorerakate aribu nokoyaraji bajama! taeyama. 26 Suatana narune ina Gadara tata sewirinaeyama. Tai ina jakutai Galilea akejenuka. 27 Tata sewiritane Jesú wajaka naba-kanaeyama. Nabakakore janokoina arotu taisi riboto ejobonae-yama. Tai nibora jakutai atejeatamo jebu eraja jaja. Tai jiaka orisabanaja. Janoko eku ubanaja. Mujuina eku ubayaja jaja. 28 Nibora Jesú mitane kwana rokojotae. Tane taisi amujaba jina-mane rujunae. Tane rokojotayaja ribane: Iji katukeme jiaobojona maisia abaya? Iji Jesú Dio Kokotuka Kwarika jakutaisi Auka. Jiebiaine maisanamatanaka jamejerei, taeyama. 29 Jesú jebu Dio saba wisi jakutaisi kajotabuae niborama ekumo narumejerei. Jebu eraja tane niborama tinanakayaja jajayama. Warao niborama oane omuru kware itatabune karena isia ajara motuae. Tane taisi yaoroaerone are karena enojutaeyama. Are jebu jakutai jarawaja tata taisi konaruaeyama. 30 Takore Jesú taisi renokoyaja ribane: Jiwai katukane? Takore tai ribane: Mawai Jebusebeira, taeyama. Jebu eraja taisi atejo eku yarúae tiaja jame tane ribunaeyama. 31 Takore jebutuma jakutai Jesú ebuae totoira tata inatabanaka jamejerei. 32 Tatuka jotakwa arai iburejubaka eraja najoroyaja jaja. Takore jebutuma Jesú ebuae iburejubaka eku iyarumejerei. Iya-rumejerei ebukore iburejubaka eku yarumejereae. 33 Takore jebutuma niborama ekumo ejobone iburejubaka eku yarubuae-yama. Eku yarukore jotakwa araimo iburejubaka kurujubune joni borarane joabane muanaeyama. 34 Takore iburejubaka ayaoromo nonajakutaisi mitane nabu-karinaeyama. Nabukarene janokoina eku ina ekia tane rewa-raeyama. 35 Warao rewara nokone nonajakutaisi mikitane ejo-boaeyama. Taitane Jesú tata naone niborama miae. Ebe nibora jebu jaja jakutai Jesú omu awere rujúnae tiakore miae. Ajiaka orisabánae tiaja. Aobojona ejobónae tiaja. Tane taisi mine retaubuaeyama. 36 Takore nona kwaeabanajakutaisi amimo tatuma saba rewarae. Nibora jebu jaja katukane bajukanae tai tane tatuma saba rewaraeyama. 37 Takore ina arao eraja Gadara awerea aubamo jakutai tatuma kokotuka kwana retaubuaeyama. Retayame Jesú ebuae tatuma aina ekumo narumejerei. Takore Jesú waeku nabakane naruaeyama. 38 Anaru ebika nibora jebu taisi ekumo ejobakore bajuka-najakutai Jesú ebuae iamo narukitane. Tiarone Jesú taisi inata-bayaja ribunae. 39 Ribane: Jijanokoatajase bajitane Dio jiisia nonajakutai taisi kokotuka rewarau, taeyama. Takore tai bajene janokoina eku kokotukanea nariaja rewarae. Jesú taisi isia nona urirajasi nonajakutaisi rewaraeyama. 40 Takore Jesú ejobane ebe jakutaisiata nabakakore warao-sebeira ekeiraja taisi etuwaraeyama tatuma kokotuka taisi yawa-kayaja jame. 41 Nibora jisaka awai Jairo jajayama. Tai orikware nakanoko airamo. Tai Jesú tata nabakane jinamane rujunae. Tane taisi ajanoko tata narumejerei kwana Jesú ebuaeyama. 42 Tai auka-tira jisakawitu jajayama. Ainawaja mojoreko kware manamo monuka. Tai wabayaja amoni jajayama. Jesú Jairo iamo nariakore warao eraja Jesú awerea tutu tane naruaeyama. 43 Tatuma kawana tira ajotu isia wabayajawitu jaja. Inawaja mojoreko kware manamo isia wabayaja jajayama. Yarokotamo isia oriabajukana yaroyaja aburata kokotuka rijanaeyama. Tia-rone tatuma tirasi ibajukakomoniyama. 44 Tira jakutai Jesú arai tajasabamo nariaja taisi ajiaka akojo torinaeyama. Torekore rijana-witu ajotu tuwara taeyama. 45 Takore Jesú ribane: Sina matorinae? taeyama. Takore kokotuka ineana taubuaeyama. Pedro atae eobo taisi isiko jakutai tane ribane: Kainaminatu, waraosebeira jikware teurune tutu tiarone katukeme sina matorinae tia bajama? taeyama. 46 Tane takore suatana Jesú ribane: Arejase jisaka matorinae. Majarata mekumo ejobonajakutaisi naminayame ribunaine, tae-yama. 47 Takore tira orierijisakomoni jakutaisi naminae. Tane toro-royaja ejobane Jesú tata nabakane jinamane rujunae. Warao kokotuka amujaba rewarayaja katukeme Jesú ajiaka torinae tai tane rewarae. Tai rijanawitu bajukanajakutaisi rewaraeyama. 48 Jesú taisi isia ribane: Maukatira, iji nome abanajame bajukanae. Retanaka inareraja naru, taeyama. 49 Jesú mate ribiakore jisaka orikware nakanoko airamo aja-nokoatamo naone Jairo isia ribane: Jiaukatira wabae rijana. Suatana inaminatu notorinaka, taeyama. 50 Takore Jesú ribu nokone Jairo isia ribane: Retanaka nome abayaja bajenu. Atae ribu raisa jisaba ekira. Takore jiaukatira bajukate, taeyama. 51 Tane janoko eku yariaja warao jisakarakate taisi iamo yarumejerenatanae. Tiarone Pedro, Jacobo, Juan atae iboma arima arani tanewitu taisi iamo yarumejereaeyama. 52 Takore kokotuka wabajakutaisi isia akobe ajerame yaonayaja bajinae. Tatuma oriamejo nabayaja taisi yaonaeyama. Tiarone Jesú ribane: Yaonanaka jakotu. Tai wabayana. Tai ubaya, taeyama. 53 Takore tatuma Jesú ekotubiaja enoaeyama. Wabajakutaisi naminayame ekotubuaeyama. 54 Takore Jesú tatuma kokotuka iejobonae. Tane iboma amojo oane rokojotayaja ribane: Iboma, karamanu, taeyama. 55 Takore iboma atejo eku amejokoji nabakakore iboma rubujirawitu karamunae. Karamakore Jesú najoro taisi moame-jerei kajotabuaeyama. 56 Aukatira bajukakore airamotuma kwana retayaja bajinaeyama. Takore Jesú tatuma kajotabuae anona isia raisama saba rewaranaka jamejerei.
91 Taitane Jesú orianebu mojoreko kware manamo yejebuae orikware nakamejerei. Jebu kokotuka waraoto ekumo inatabamejerei, atae muanayakutaisi ibajukamejerei tane jarata, ribu tane anebutu moaeyama. 2 Moaitane tatuma inatabae Dio arujuna rujuyakutaisi isia rewaramejerei. Muanayakutaisi ibaju-kamejerei inatabae. 3 Inatabayaja tatuma isia ribunae: Yatu akuju saba konarunaka jakotu. Natorobu, wanaba anamu, wanaba, buratarakate konarunaka jakotu. Warao jisaka kamisa manamo konarunatate. 4 Janoko jisaka eku nabakane are eku ubakotu. Yaota riwarakore tatamo ejobate. 5 Yatu etuwaranaja jakore janokoina ekumo ejobakotu. Ejoboyaja joboto ajuju yatu omu isimo inarimakotu. Inarimayakutai tatuma riboto ribia monuka, taeyama. 6 Takore tatuma ejobane janokoina aukamo ekia naruae. Kokotukanea rewara yakerajasi rewarae. Muanayakutaisi ibaju-kanae tane. 7 Herodes ina manamonamojase airamotuma kawanamo jisa-ka jakutai Jesú anona kokotuka isia nokoaeyama. Judiotuma kawanamo ariburakate nokoaeyama. Tatuma ribane: Juan wa-baerone nomininaeyama, tae. Taisi nokoajame Herodes kwana obonobiaja bajinaeyama. 8 Eobo ribane: Elias naoae rijana, tae-yama. Eobo ribane: Dio kware arewaramo ateje jakutai tatuma kawanamo jisaka nomininae rijana, taeyama. 9 Takore Herodes ribane: Juan aro jewetamejereaine. Ama tamaja anona isia ine nokoyakutai sina tai? taeyama. Tane Jesú mikitane obono-aeyama. 10 Takore inatabatuma tatajase nabakane tatuma nonajakutaisi kokotuka Jesú saba rewaraeyama. Takore Jesú tatuma konarune isiko emo naruae jarawara tata. Jarawaja jakutai janokoina awai Betsaida jakutaisi awere. 11 Waraosebeira taisi naminane Jesú iamo narubuaeyama. Takore tatuma etuwarane saba Dio arujuna rujuyakutaisi isia rewaraeyama. Bajukana obonoyakutaisi ibaju-kanaeyama. 12 Ya anayakore anebu mojoreko kware manamo Jesú tata nabakane isia ribane: Waraoto inatabau. Tatuma janokoina auka-mo tata narune, atae awerea narune tane ubanoko mikuna. Najoro mikuna tane. Tamatuka jarawajawitu, taeyama. 13 Takore Jesú tatuma isia ribane: Tatuma najoromejerei moakotu, taeyama. Tatuma ribane: Kanajoro ekira. Tiarone bãu mojoabasi atae jomakaba manamo tanesike jaoko. Oko najoro nisakitane narunaja jakore atae ekira tamaja warao kokotuka saba, taeyama. 14 Waraoto asebe nibo sinarijaira mojoabasi monuka. Takore Jesú anebu isia ribane: Isia ribakotu. Emo siento ajabasi, emo siento ajabasi, emo siento ajabasi tane norujumejerekotu, tae-yama. 15 Aribu eku kokotuka norujumejereae. 16 Noruju riwarakore Jesú bãu mojoabasi atae jomakaba manamo tane nisanae. Tai-tane kwai yabusene najoro kware Dio yakeraja jae tane ribunae. Bãu, jomakaba tane enojutane anebutu moae akarimo waraoto moaubumejerei. 17 Moakore kokotuka najorone jajinaubuae. Ayajuka bajinajakutaisi orikware toakore u mojoreko kware manamo ikwataeyama. 18 Takore Jesú abita kwai ribiakore anebu Jesú isiko jaja. Jesú tatuma renokoae. Ribane: Warao katukane maisia ribia? Ine sina tai? taeyama. 19 Tatuma taisi riboto ribane: Kawanamo ribia: Tai Juan Joni Ekobutu jakutai, tia. Eobo ribia: Tai Elias, tia. Atae eobo ribia: Dio kware arewaramo ateje jakutai tatuma kawanamo jisaka nomininae. Tai rijana, tia. 20 Jesú tatuma isia ribane: Yatu katukane maisia ribia? Ine sina tai? Takore Pedro riboto ribane: Iji Akirito Dioatukamo, taeyama. 21 Takore Jesú tatuma kwana kajotabuae raisama saba rewaranaka jamejerei. 22 Jesú ribane: Warao tane nakajakutai kwana sanamatakitane ja. Waraoto airamotuma, saserote airamo-tuma tane taisi tainakitane ja. Kajotabu akarata ainaminamo taisi tainakitane ja. Nakitane ja. Tiarone ya rijanamo takore Dio taisi enominakitane ja, taeyama. 23 Tane kokotuka saba rewarae. Ribane: Warao maiamo nao-kitane obonoyakutai, wite oriisia mamoara ekira tane ribakitane ja. Akuru rosiabane maiamo naokunarai. 24 Warao wite oriauba orisaba yaorane yaorabayakutai tai auba rijate. Tiarone maobo-jona wabayakutai, tai are ubate. 25 Warao raina ayakara koko-tuka kanatate. Tiarone wite oriiekorakore o wite rijakore, tai nibora jakutai katukane yakeraja ejobate? 26 Warao kawanamo maobojona tomaneraja bajia. Maribu aobojona tomaneraja bajia. Tiame nokabuka warao tane nakajakutai tatuma aobojona tomaneraja bajete. Warao tane nakajakutai airamo tane naote. Ayakara eku, Rimasi ayakara eku tane naote. Dio ainatabatuma Dio saba emo abánae tiaja jakutaisi ayakara eku naote. Naoitane warao tomaneraja bajinajakutaisi aobojona tomaneraja bajete. 27 Nomewitu yatu isia ribiaine. Ama tamatuka jakutaisi kawanamo mate wabamoana jakore Dio arujuna rujuyakore mite, tiaine, taeyama. 28 Ribunajakutaisiatukamo ya mojoabasi kware rijanamo monuka jakore Jesú kwai ribakitane jotakwa tata yaburuae. Yaburiaja Pedro, Juan, Jacobo tanewitu konaruaeyama. Tata warao eobo ekira. 29 Kwai ribiakore amujoro raisa ejobonae. Ajiaka jokeraja ejobonae. Yi tiaja ejobonae. 30 Takore nibo manamo ejobonae Jesú isiko rewarakitane. Tatuma jakutai Moisés Elias tane. 31 Tatuma Dio ajokoma eku bajene Jesú anaru isia rewaraeyama. Jesú Jerusalén eku jakore anaru aya nakate. Aya nakakore Jesú narute. Tatuma taisi isia rewaraeyama. 32 Tiarone Pedro, Pedro isiko jakutai tane kwana murejerame ubae. Tatuma nominane Jesú Dio ajokoma eku jakore miae. Nibo manamo Jesú isiko jakore miaeyama. 33 Takore nibo nariakore Pedro Jesú isia ribane: Kainaminatu, oko tamatuka jakitane kasaba yakera. Sibako rijanamo namateko rijana, jisaka jisaba, jisaka Moisés saba, jisaka Elias saba tane, taeyama. Oriaribu isia obonobunaka ribunae. 34 Pedro ribiakore ajakajoko naone tatuma sijakae. Ajakajoko tatuma sijakayakore retaeyama. 35 Takore ajakajoko ekumo Dio ribunae. Ribane: Tamajasike Mauka ine obonoyakutai. Taisi aribu nokokotu, taeyama. 36 Ribakore nokabuka Jesuwitu bajinae. Takore tatuma miaja-kutai taisi isia ribu jakamejerenatanae. Tiame ya erasabuka rai-sama saba rewaranaka bajinaeyama. 37 Ya araisamaya jotakwa tatamo nanakakore waraosebeira tatuma riboto ejobonae. 38 Waraosebeira kawanamo nibora jisaka ribunae: Inaminatu, kwana jiebiaine maukama mimejerei. Tai mauka jisakawitu, atae ekira. 39 Jebu taisi oane erokojotaya. Tane atejo kwana nanatokone esinakaya. Takore aroko ekumo bana ejoboya. Atejo iajeratane tuwaranatate monúkau tiarone tuwa-raya. 40 Jinebutu kwana ebuaine jebu inatabamejerei. Tiarone ajara taerena jebu webotakitane, taeyama. 41 Jesú taisi riboto ribunae. Warao ama jakutai nome abana-jaraji! Emo obonobiaraji! Ine ya katamona yatu isiko taeratate bajama? Yatu anona katukakore yakeraja ejobate bajama? Ine ya katamona yawakate? Jiaukama konau rijana, taeyama. 42 Nebusanuka Jesú tata nabakayakore jebu jakutai nebu-sanuka joika toane kwanawitu nanatokone esinakae. Esinakakore Jesú jebu Dio saba wisi jakutaisi sabajine nebusanuka ibajukanae. Ibajukaitane arimasi moaeyama. 43 Tiame kokotuka kwana retaubiaja bajinae, Dio Airamo uriraja jame. Eobo Jesú anona kokotuka isia retayakore Jesú orianebu isia ribane: 44 Warao tane nakajakutaisi wabine waraoto amojeku abakitia. Tiame maribu yatu aobojona eku yarukunarai, taeyama. 45 Tane ribakore tatuma Jesú aribu nokonatanae. Tatuma saba ribu rijisa tane ejobonae nokonaka jamejerei. Aribu isia taisi renokokitane nojaeyama. 46 Tane anebu oriaribu kwarikakitane jotananae. Sina eobo kwarika ejobate? tane ribunae. 47 Oriisia ribiakore Jesú tatuma aobonobu naminae. Tane nebusanuka oane oriwere abanaeyama. 48 Tatuma isia ribane: Maribia tamaja nebusanuka etuwarayakutai tai metuwaraya. Metuwarayakutai mainatabajakutaisi etuwaraya. Yatu kawanaya yajoto jakutai, tai kokotuka kwarika ejobate, taeyama. 49 Takore Juan taisi riboto ribane: Mainaminatu, niborama miaeko. Tai jiribia jebu inatabaya. Takore jebu inatabanaka jamejereaeko, taeyama. 50 Jesú ribane: Jebu inatabanaka jamejerenaka jakotu. Kari-botoana jakutai, tai kasabasabamo. 51 Jesú najamutuata yaburukitane asinarija nakakitane awere jame Jesú oriaobojona taeraja abanae Jerusalén tata narukitane. 52 Nariaja inatabatuma orebe inatabaeyama. Takore tatuma narune ina Samaria eku janokoina sanuka jisaka jakutaisi eku yaruae. Taisi anabakana ebisaba iyakaratakitane naruaeyama. 53 Tiarone janokoina arao tai Jerusalén tata nariakutaisi nami-najame taisi etuwaranatanaeyama. 54 Takore anebu Jacobo Juan tane taisi mitane ribane: Kairamo, ateje Elias jekunu najamutua-tamo nanakamejerei ribunae waraoto iekorakitane. Oko monuka-jase nonakore yakerenara? 55 Jesú tatuma kware barene sabajiaja ribane: Yatu sinama iamo ribia tai tane naminanaja. 56 Warao tane nakajakutai wa-raoto kubakitane naonatanae. Waraoto ubamejerei naoae, tae-yama. Taitane janokoina sanuka raisa jakutaisiata naruaeyama. 57 Takore tatuma jojisi ekia nariakore jisaka Jesú isia ribunae. Mairamo, iji nariakutaisi kaika inerakate jiiamo narutine, taeyama. 58 Takore Jesú ribane: Ana jakutai toto eku ubaya. Romu kwaia jakutai aja eku ubaya. Tiarone warao tane nakajakutai aubanoko ekira, taeyama. 59 Raisama isia ribane: Maiamo nao, taeyama. Takore tai riboto ribane: Mairamo, mate. Jisaba yakerakore, ine wajiabara narune rimasi joitane tane jiiamo narutine, taeyama. 60 Jesú taisi isia ribane: Muánae tiakutai tatuma eobo muánae tiakutaisi joitakunarai. Tiarone iji rijana narune Dio arujuna ruju-yakutaisi isia rewarau, taeyama. 61 Takore raisa taisi isia ribane: Mairamo, jiiamo narutine. Tiarone mate. Jisaba yakerakore majanokoata narune nariaine abaitane jiiamo narutine, taeyama. 62 Jesú taisi isia ribane: Joboto aebujonoko aka oane oria-raitajasaba seoroyakutai asira. Tai Dio arujuna rujuyakutaisi saba yakerena, taeyama.
101 Tatukamo Airamo orianebu tane eobo siento asibi kware mojorekotuma manamo mibune nisanaeyama. Tane manamo manamo tane orebe inatabae. Janokoina kokotuka ina kokotuka tane eku narukitiakutaisiata orebe inatabaeyama. 2 Isia ribane: Nomewitu, namuna akwaja eraja tiarone arimo erayana. Tiame namuna akwaja arimo tane waraoto inatabamejerei namuna arotuma ebukotu. 3 Narukotu. Yatu obeja aukamo monuka jaja tobe kawanaya inatabayaine. 4 Bosaka konarunaka jakotu. Wanaba konarunaka jakotu. Barukata jisaka isiko narute. Jojisi ekia raisama isia yakerara abanaka jakotu. 5 Janoko eku yarune yakeraubiara abayaja wajiabara ribate: Tamaja janoko arao inareraja bajekunarai, tate. 6 Janoko eku warao inareraja aubatu jakore yatu ainare taisi isia bajete. Inareraja aubatu ekirakore yatu ainare yatuatajase bajete. 7 Janoko jisaka eku ubakotu. Yatu moayakutai taisi najorote, jobite tane. Yaotatu jakutaisi amoara abakitane ja. Janoko raisama eku, janoko raisama eku tane ubanaka jakotu. 8 Janokoina eku yarute. Tatuma yatu etuwarakore, najorokitane yatu moayakutaisi najorote. 9 Janokoina eku muanayakutai tatuma ibajukakotu. Rewarakotu: Dio arujuna rujuyakutai yatu awere ja rijana, takotu. 10 Janokoina kokotukanea eku yariarone yatu etuwaranaja jakore janokoina ajojisiata ejobakotu. 11 Ejobane ribakotu: Yatu ajanokoina ajoboto komu majayakutai taisi inarimayaoko yatu riboto. Tiarone tamajasi naminakotu. Dio arujuna rujayakutai yatu awere ja rijana. Tane ribakotu. 12 Yatu isia ribiaine: Asinarija eku Sodoma arao sanamatate. Tiarone Sodoma araoto asanamata tai janokoina araoto asanamata yajoto ejobate, tiaine. 13 Yatu Corazín arao amájae tane ribate. Yatu Betsaida arao amájae tane ribate. Tiro eku Sidón eku tane nona taeraja nona-natanae. Yatu ajanokoina eku nona taeraja nonae. Yatu ajano-koina eku nonajakutai taisi monuka Tiro Sidón tane eku nona-jakore aobojona amena ibarekuna. Ajiaka jumatu isiko juju isiko tane amena norujukuna. 14 Tiame ribu nome toakitane aya eku Tiro Sidón tane araoto asanamata yatu asanamata yajoto ejobate. 15 Yatu Capernaum arao, eobo ayakara kwarika yatu abanae. Tiarone tatamo waba atuwaranokoata yatu inanakate, taeyama. 16 Tane orianebu isia ribane: Yatu aribu nokoyakutai tai maribu nokoya. Yatu tainayakutai tai matainaya. Matainayakutai mainatabatu tainaya, taeyama. 17 Takore inataba siento asibi kware mojorekotuma manamo oriwakayaja ekiajase nabakanae. Ribane: Kairamo, jeburakate ka-ribu nokoae oko jiwai warayame, taeyama. 18 Jesú ribane: Satanás najamutu tatamo nakayakore taisi miaine. Jekunu jiri tane nakayakutaisi monuka nakae. 19 Jarata yatu moayaine. Yatu juba sakate. Kaje sakate. Yatu isiko asiraja ja-kutaisi kwarikate. Jisakarakate yatu iajiamatakomoni jate. 20 Jebu yatu aribu nokokore oriwakanaka jakotu. Yatu awai najamutu-ata jabátae tiaja ja. Tiamesike oriwakakotu, taeyama. 21 Tai sinarija eku Jesú Dio Amejokojira isia oriwakae. Ribane: Rima, iji najamutu Airamo, raina Airamo tane. Jiisia yakeraja jae tane ribiaine. Iji naminamo jakutaisi ebikamo nami-nakitane jakutaisi erijisae naminanaka jamejerei. Iji musaberaja jakutaisi ebikamo naminakitane jakutaisi erijisae tane. Tiarone nemokomoko monuka jakutaisi emiae naminamejerei. Nome-witu, Rima, jiaobojona ekuwitu jame tametane iji nonae, tae-yama. 22 Taitane Jesú anebu tajasaba barene ribane: Marima koko-tuka mamojeku abanae. Auka sina tai tane jisakarakate namina-naja. Rimasike naminaya. Rima sina tai tane jisakarakate nami-nanaja. Aukasike naminaya. Auka Arimasi isia raisama inami-namejerekore tai Arimasi naminate, taeyama. 23 Tane anebutu kware barene tatumawitu isia ribane: Yatu miajakutaisi monuka miajakutai ekeiraja bajia. 24 Yatu isia ribiaine: Ateje Dio kware arewaramo eraja jakutai atae raina airamotumawitu eraja jakutai tane yatu ama miajakutaisi miki-tane obonoae. Tiarone minatanae. Yatu nokoyakutaisi nokoki-tane obonoaerone nokonatanae, tiaine, taeyama. 25 Takore kajotabu akarata ainaminatu karamane Jesú ayakara mijaja renokoae. Ribane: Inaminatu, ine katukane nonate are ubakitane? taeyama. 26 Jesú taisi isia ribane: Kajotabu akarata eku katukane jabátae tiaja ja? Iji taisi eku katukane nokoya? taeyama. 27 Tai riboto ribane: Airamo Jirio jakutaisi yaorane obonote. Jikobe kokotuka isia obonote. Jiaobojona kokotuka isia obonote. Jiaobonobu kokotuka isia obonote. Jijarata kokotuka isia obonote. (Kaj. 6:5) Jiraisama obonote. Iji wite oriobonoyakutai, taisi monuka jiraisama obonote. Tane tia, taeyama. (Lev. 19:18) 28 Takore Jesú taisi riboto ribane: Iji yakeraja ribunae. Tamaja ribu eku abakore are ubate. 29 Tai wite nomeraja tane oritoakitane obonone Jesú isia ribunae: Maraisa sina tai? taeyama. 30 Jesú taisi riboto ribane: Nibora jaja. Jerusalén tatukamo Jericoata nanakanae. Nanakayaja biterijisamo amojeku nakae. Tatuma taisi ajiaka jiwarane iajiamatane waba sabuka iabane narubuae. 31 Tatukamo jojisi tai ekia saserote nanakanae. Wabayakutaisi mitane jojisi imakane jabisabaya naruae. 32 Atae Levituma ajisaka taisi awere nabakane miae. Mitane jojisi imakane jabisabaya naruae. 33 Tiarone Samaria arotu jojisi ekia nariaja wabayakutaisiata nabakanae. Taisi mitane isia akobe ajeraja ejobonae. 34 Taisiata narune toi, bino tane isia aboisi yarokotae. Yarokotaitane aboisi makanae. Oriaromu arai abane ubanoko tata konarune tata taisi yaoroae. 35 Ubajokane naru-kitane ebika renario manamo ubanoko arotuma moae. Moaitane isia ribane: Niborama yaoro. Jiburata tamajasi kwarikamo yawa-nakore ine atae nabakaitane jiisia abatine, taeyama. 36 Nibo rijanamo ja rijana. Kasikaja biterijisamo amojeku nakajakutaisi amuaraisatae? Iji katukane obonobia? taeyama. 37 Takore kajotabu akarata ainaminatu Jesú riboto ribane: Isia akobe ajeraja bajinajakutai tai rijana, taeyama. Takore Jesú ri-bane: Iji narune taisi monukajase nonau, taeyama. 38 Tatukamo jojisi ekia nariaja janokoina sanuka tata esewi-rinaeyama. Takore tata tira awai Marta jakutai oriajanokoata Jesú etuwaraeyama. 39 Marta arajia awai Maria. Maria jakutai Jesú awere rujane aribu nokoaeyama. 40 Tiarone Marta ayaota erame aobonobu eraja. Tiame Jesú tata nabakane ribane: Mairamo, rajia yaota eku maiabanae ine jisamuka yaotamejerei. Tai jisaba asirenara? Masanetamejerei taisi isia ribanu, taeyama. 41 Jesú taisi riboto ribane: Marta, Marta, jiobonobu erame jikwabo korea. 42 Obonobu jisakawitu yakera. Maria taisi mibune nisanae. Tiame taisi ebikamo nisanaja rijana, taeyama.
111 Ya jisaka eku Jesú kwai ribiaja orianebu kemosabuka bajinaeyama. Kwai ribu riwarakore aneburatu jisaka Jesú isia ribane: Mairamo, kwai ribakitane jakutaisi kainaminau. Juan orianebu inaminajakutaisi monuka kainaminau, taeyama. 2 Jesú tatuma isia ribane: Kwai ribiaja tametane ribakotu: Karima najamutuata jakutai, Jiwai yatomanetekunarai. Jirujuna rujanu. Najamutuata jiaobojona eku nonaya. Raineta monukajase eku nonakunarai. 3 Kanajoro ama saba jakutai taisi kamoau. 4 Kaobojona asiraja kakware abanaka bere. Oko eobo kokotuka kware abanaka kaobojona iabaya. Tiame kaberemejerei jiebiaoko. Kayakara minaka jau. Tiarone asiraja arotuma amojekumo kejeronu. Tane ribakotu, taeyama. 5 Atae Jesú tatuma isia ribane: Yatu kawanamo jisaka amusaba ajanokoata imautu narute tai. Tane amusaba isia ribate tai: Maraisa, iji bãu rijanamo ja tai. Jakore mamoau. 6 Mamu-saba emomo naone majanokoata nabakanae. Ine taisi moakitane ekiraine. Tiame jiebiaine, tate tai. 7 Ribakore janoko ekumo riboto ribate: Manotorinaka jau. Ja-noko akojo mukorónae tiaja rijana. Manobotomo isiko ubayaine rijana. Tiame jimoakitane karamakomonine, tate. 8 Yatu isia ribiaine: Amusabarone moakitane karamunatate. Tiarone are suatana kwarika notorikore karamane obonoyakutaisi kokotuka moate. 9 Yatu isia ribiaine: Ebukotu. Ebukore Dio yatu moate. Naja-bukotu. Najabune yatu mite. Janoko akojo nonarokotu. Nona-rokore yatu saba ijakate. 10 Ebiakutai tai nojote. Najabiakutai tai mite. Janoko akojo nonaroyakutai taisi saba akojo ijakate. 11 Yatu nobotomo arima jakore yatu auka bãu yatu ebukore joyo moate mojoro? Moanaja. Jomakaba ebukore juba moate mojoro? Moanaja. 12 Karina aji ebukore kaje moate mojoro? Moanaja. 13 Yatu aobojona asirajarone yatu aunukamo yakeraja yatu anobotomo moakitane naminaya. Yatu Dio Amejokojira Yakerajawitu ebukore Rima najamutuata jakutai Amejokojira yatu moakitane kwarika naminaya, taeyama. 14 Jesú jebu niborama ekumo inatabaeyama. Jebu aobojona nibora ribakomoni. Jebu narukore ribuoni ribunae. Takore warao jakutai retayaja bajibuaeyama. 15 Tiarone tatuma kawanamo ribane: Tamaja Beelzebú aribia jebu inatabaya, taeyama. Beelzebú jakutai tai jebu airamo, taeyama. 16 Eobo Jesú ayakara mikitane sinarija Dioatukamo nona-mejerei ebuaeyama. 17 Tiarone Jesú tatuma aobonobu naminae. Naminane tatuma isia ribane: Ina arao jisajisane oriisiko oriku-bakore taeratanaka ekoroya. Oriwarao oriisiko orikubakore taeratanaka ekoroya. 18 Takore Satanasjase oriisiko orikubakore ajarata katukane taeratate? Yatu maisia ribia: Tai Beelzebú aribia jebu inatabaya, tia. Tane maisia ribiame yatu isia ribiaine. 19 Ine Beelzebú aribia inatabakore yatu anobotomo sinama aribia jebu inatabaya? Tatuma rijana yatu aribu nome toate. 20 Tiarone Dio saba amoi sanukawitu. Ine taisi isia niborama ekumo jebu inatabayakore nomewitu Dio yatu isiko arujuna rujunae rijana. 21 Warao taeraja jakutai orikubakitane saba oriiyakarátae tiaja oriajanoko yaoroya. Yaoroyakore jisakarakate aunukamo tori-naja jame inareraja bajia. 22 Tiarone warao taisi ajarata kwarika jaja jakutai naone taisi kwarikate. Aorikubanoko kokotuka taisi ebikamo konarute. Orikubanoko isia uru tane bajiarone taisi ebi-kamo konarute. Aunukamorakate konarune eobo isiko orimoau-bute. 23 Masabasabamoana jakutai, tai mariboto. Maisiko yaota-yaja orikware toanaja orikware toajakutaisi webiaraya. 24 Jebu Dio saba wisi jakutai niborama ekumo ejobane ina wajerajasi ekia kujuya tuwaranoko najabiaja. Tuwaranoko minaja jame ribia: Majanoko ekumo ejobonajakutaisiatajase bajetine, tia. 25 Tane ajanokoata bajene janoko beréae takore mija. Janoko iyakarátae takore mija. 26 Tane narune jebu taisi kwarika asiraja jakutaisi konaria. Tatuma asebe mojoabasi kware manamo. Tatuma janoko eku yarune tata ubaya. Ebe niborama saba asira. Amasike saba asirajawitu. 27 Jesú tamajasi rewarayakore, warao erajasi kawanamo tira jisaka kwana ribunae. Ribane: Tira jierijawaraitane ami jieoroa-jakutai tai ekeiraja, taeyama. 28 Tiarone Jesú ribane: Dio aribu anokomo ekeiraja kwarika ejoboya. Aribu eku abamo ekeiraja kwarika ejoboya tane, tae-yama. 29 Takore waraosebeira Jesú tata nabakane tutu takore Jesú ribakitane jotananaeyama. Ribane: Warao ama jakutai asira. Sinarija kwana ebia. Jonás Dio kware arewaratu jakutai sinarija tane abánae tiaja ja. Atae sinarija raisama nonanajine rijana. 30 Jonás jakutai sinarija tane ejobonae Nínive araoto saba. Taisi monuka warao tane nakajakutai sinarija tane ejobate warao ama jakutaisi saba. 31 Ina ya ajajaya kajamojo sabasaba ja. Ina airamo tira jaja. Ribu nome toakitane jakutaisi asinarija eku airamo tira karamane warao ama jakutaisi kware abane sanama-tamejerete. Airamo Salomón musaberaja inaminayame airamo tira jakutai raina akariatukamo naoae ainamina nokokitane. Mikotu anaka. Ine ama tamatuka jakutai mayakara Salomón ayakara kwarika. 32 Jonás Dio aribu rewarakore Nínive arao oriaobojona ibarinae. Tiame ribu nome toakitane jakutaisi asina-rija eku Nínive arao karamane warao ama jakutaisi kware abane sanamatamejerete. Mikotu anaka. Ine ama tamatuka jakutai mayakara Jonás ayakara kwarika. 33 Abije erokane erijisanaja. Kajõ noika abanaja. Abije abanoko eku abaya janoko eku yariakutai ajoko mimejerei. 34 Mu jakutai abije monuka katejo saba. Jimu yakeraja jakore jitejo kokotuka jokoma eku bajia. Jimu asiraja jakore jitejo kokotuka imajana eku bajia. 35 Mi rijana. Ajoko jieku jakutai imajana tane ejobaterate. 36 Abije ajoko jisinajarayakore jitejo jokoma eku bajia. Taisi monuka jitejo kokotuka eku imajana ekirajawitu jokomawitu jakore jitejo kokotuka jokoma eku bajete abije jisinajarayakutaisi monuka, taeyama. 37 Ribu riwarakore Bariseo jisaka Jesú yejebuae isiko najoro-mejerei. Yejebukore Jesú janokeku yarune mesa yarujunaeyama. 38 Tiarone Jesú najorokitane ebisabuka oriamojo jojaranatanae. Bariseo taisi mitane aobonobu isia Amasike, taeyama. 39 Takore Airamo taisi isia ribane: Yatu Bariseotuma jakutai jobinoko, jorujoko tane araia jojarayakutaisi monuka araia joja-raya. Tiarone yatu aobojona eku erijisa sabasabaya kobu, asirajasi isia kobu tane. 40 Yatu aobojona ekira. Yakareku nonajakutai, tai ekurakate nonanatanaera? 41 Obojona ekumo saneraubiajasi moakotu. Takore kokotuka yatu saba ananerena ejobate. 42 Yatu Bariseotuma amájae tane ribate. Yatu namuna jona-berajasi ejujune asebe mojoreko ekumo jisaka Dio moaya. Namuna aruda akari jisaka Dio moaya. Namuna kokotuka akari jisaka Dio moaya. Tiarone nomeraja nonakitane iabaya. Dio obonokitane iabaya. Namuna akari moakitane yakera. Tiarone nomeraja nonakitane, Dio obonokitane yakerakuna. 43 Yatu Bariseotuma amájae tane ribate. Yatu orikware naka-noko eku rujunoko airamo saba jakutaisi eku rujakitane yatu saba yakera. Wabinoko eku yatu isia yakeraubiara abaubiakore yatu saba yakera. 44 Kajotabu akarata ainaminamo Bariseotuma tane, yatu amájae tane ribate. Yatu aobojona manamo. Yatu joitanoko monuka. Joitanokorone joitanokoana monuka bajia. Takore warao joitanoko naminanaka taisi araia naria. Yatu taisi monuka jame yatu amájae tane ribate, taeyama. 45 Takore kajotabu akarata anaminatu Jesú riboto ribunae. Ribane: Inaminatu, iji ribu tamajasi isia kaisanaya, taeyama. 46 Takore Jesú ribane: Yatu kajotabu akarata anaminamo jakutai yaturakate amájae tane ribate. Yatu uru uriraja jakutaisi waraoto erosiabaya konarumejerei. Tiarone yatu mojo akwa jisaka isiarakate konarukitane torinaja. Tiame yatu amájae tane ribate. 47 Yatu anobotuma Dio kware arewaramo kubae. Ama yatu Dio kware arewaramo ajoitanoko nonaya. Tiame yatu amájae tane ribate. 48 Nomewitu yatu anobotuma Dio kware arewaramo kubae. Yatu Dio kware arewaramo ebe jakutaisi ajoitanoko nonaya. Taisi aobojona yatu jakutai yatu anobotuma anona amimo monuka ejoboya. Tatuma anona kasaba yakera, tane ribia monuka. Tiame yatu amájae tane ribate. 49 Tiame Dio ainamina anaminatu jakutai ribia: Makware arewaramo inatabatine. Mainatabatuma inatabatine tane. Yatu tatuma kawanamo kubate. Tatuma kawanamo eretane ekurujubute, tia. 50 Raina ajiroma tatukamo warao Dio kware arewaramo kubae. Tiame Dio kware arewaramo kokotuka jakutaisi awaba warao ama jakutaisi kware abatine. 51 Abel awaba tatukamo Zacarias awaba tata ru tane are kubae. Romu erokunoko Dio ajanoko tane manakawanuka Zacarias jakutaisi nae. Nomewitu yatu isia ribiaine: Tatuma awaba warao ama jakutaisi kware abate. 52 Yatu kajotabu akarata anaminamo yatu amájae tane ribate! Yatu naminakitane jakutaisi ayawe konaruae. Yatu naminanoko eku yarunatanae. Yarukitane obonoajakutai yatu tatuma yarume-jerenatanae, taeyama. 53 Jesú ribu tamajasi ribakore kajotabu akarata ainaminamo Bariseotuma tane ribu isia taisi kwana notorikitane jotananae-yama ribu raisa raisa ribamejerei. 54 Aribu yaorane nokoae asiraja ribakore taisi kware abakitane.
121 Takore warao erajawitu orikware nakane erame orisa-kaeyama. Takore wajiabara Jesú orianebu saba rewa-rakitane jotananae. Yatu arina akwaruta Bariseo isimo jakutaisi najoroterate. Akwaruta jakutai tai obojona manamo jakitane sitaya. 2 Yaorane sijákae tiakutai kokotuka yakareku toate. Erijísae tiakutairakate kokotuka naminate. 3 Amasike, yatu imaya ribu-najakutai, jokomaya nokote. Janokeku rijisane ribunajakutai, janokotuma akwayatukamo rokojotate. 4 Mamuaraisatuma, yatu isia ribiaine: Tejowitu naijakutai taisi nojanaka jakotu. Tai tejo nane atae kwarika asiraja nona-komoni. 5 Yatu nojakitane jakutaisi inaminatine. Jisaka noja-kitane ja. Tai waraoto naitane sanamatanoko ajekunu eku toaki-tane ribu ja. Nomewitu yatu isia ribiaine: Taisisike nojate. 6 Romu aukamo mojoabasi amoara kwarutio manamoanara? Dio romu jisakarakate emoninaja. 7 Yatu akwajiorakate asinarija ja. Tiame retanaka jakotu. Yatu amoara romu aukamo erajasi amoara kwarika, tiaine. 8 Yatu isia ribiaine: Kawanamo eobo amujaba ribate: Ine Jesú sabasabamo, tate. Takore warao tane nakajakutairakate Dio ainatabatuma amujaba ribate: Tai mamusaba, tate. 9 Tiarone ka-wanamo ribate: Ine Jesú naminanajine, tate. Takore inerakate Dio ainatabatuma amujaba ribatine: Taisi naminanajine, tatine, tiaine. 10 Warao tane nakajakutaisi isia warao asiraja ribakore taisi kware obojona asiraja abanatate. Taisi kware asiraja abanaka taisi aobojona berekitane Dio saba yakera. Tiarone Dio Amejo-kojira Yakerajawitu isia Tai asiraja, tane ribiakutai taisi kware obojona asiraja abate. Taisi aobojona asirajasi berekomoni. 11 Eobo yatu konarute orikware nakanokoata. Ribu nome atoamoata, airamoata tane yatu konarute. Yatu konarukore Ine katukane riboto ribate o katukane rewarate tane obonobunaka jakotu. 12 Sinarija taisi eku Dio Amejokojira Yakerajawitu jakutai yatu ribakitane jakutaisi inaminate. 13 Takore waraosebeira kawanamo jisaka Jesú isia ribunae: Inaminatu, rima wabakore aunukamo bajinae. Marajema isia ribanu unukamo akari masaba jakutaisi mamoamejerei, taeyama. 14 Takore Jesú taisi riboto ribane: Maraisa, sina ribu nome atoatu tane mabanae bajama? Sina moaubutu tane mabanae bajama? taeyama. 15 Atae tatuma isia ribane: Oi, are unukamo obonoterate. Yakeraja ubakitane jakutai tai unukamo eraja jakitaneana, taeyama. 16 Tane asita abane tatuma saba rewarae: Burata arotu jakutai anamuna akwaja eraja ejobonae. 17 Takore burata arotu aobo-jona isia obonobune ribane: Ine katukane tate? Atae manamuna akwaja abanoko ekira, tae. 18 Atae ribane: Tametane nonatine. Namuna abanoko inatone araisama aira kwarika nonatine. Taisi eku manamuna akwaja kokotuka atae maunukamo kokotuka tane toate. 19 Wite oriisia ribatine: Ijisike jiaunukamo eraja ja. Inawaja erajasi saba orabanae rijana. Ama tuwarate. Najorote. Jobite. Oriwakate. Tane tatine, tae. 20 Tiarone Dio taisi isia ribane: Iji jiaobojona ekira. Misika imaya jiaobojona konarukitane naoya. Amasike iji orabajakutai sinama saba bajete? taeyama. 21 Dio najabunaka burata orisabawitu najabiakutai tai tamaja burata arotu monuka. Tiarone Dio saba burata arotu tane bajinaja, taeyama. 22 Tane Jesú anebutu isia ribane: Tiame yatu isia ribiaine: Yatu aobojona isia obonobunaka jakotu. Oko bitu najorote? tane obonobunaka jakotu. Tejo isia obonobunaka jakotu. Kajiaka tane kasabamo mite? tane obonobunaka jakotu. 23 Obojona amoara najoro amoara kwarika. Tejo amoara jiaka amoara kwarika. 24 Na-mutekojo ana mikotu. Tai namunaja. Tai arinaja. Tai aunukamo abanoko ekira. Anamuna akwaja abanoko ekira. Tiarone Dio najoro namutekojo ana moaya. Yatu amoara romu amoara kwarikenara? 25 Sina obonobiaja jaraboka jisaka atae kwarika kawajate? 26 Nona yajoto jakutaisi nonakomoni jakore katukeme nona eobo isia obonobia bajama? 27 Tokoyo irayakore mikotu. Yaotanaja. Tenejisanaja. Yatu isia ribiaine: Salomón jakutai ajiaka yakerajawitu orisabanae. Tiarone Salomón tokoyo ayakara monuka orisabanatanae. 28 Jakawaja jakutai ama rajikabeku ja. Jake kabatane rauwaja tane isia jisabate. Tiarone Dio jiaka jaka moaya. Taisi kwarika Dio jiaka yatu moanatatera? Yatusike sanuka nome abayaraji bajama! 29 Oko katukaja najorokitane ja tane obonobunaka jakotu. Oko katukaja jobikitane ja tane obonobunaka jakotu. Yatu aobonobu eraja ejobonaka jakunarai. 30 Raina arao tamaja kokotuka kwana najabia. Yatu Arima yatu ekirakutaisi naminaya. 31 Wajiabara Dio arujuna rujuyakutaisi isia obonobukotu. Tane jakore yatu tamaja kokotuka nojote. 32 Yatu maobeja asebe sanuka jakutaisi monuka. Tiarone yatu Arima arujuna rujane ekeiraja yatu airamo tane erujakitane obonoya. Tiame retanaka jakotu. 33 Yatu aunukamo wabine saneraubiajasi moakotu. Burata abanoko nobotanaja jakutai taisi nisakotu. Najamutuata amoara ekoronaja jakutai tai rijana. Tata erijisamo nabakanaja. Tata jiaka yawánae tiaja bajinaja. 34 Yatu aunukamo jakutaisiata yatu aobojona tata nakate. 35 Yatu yaota saba oriiyakaratakotu. Yatu abije erokúnae tiaja abakotu. 36 Airamo anebu jakutaisi monuka bajekotu. Nebu airamo warao kasayakore mikitane narune tatamo naoya. Ajanokoatajase nabakane janoko akojo nonarokore rijanawitu anebu janoko akojo ijakakitane ja. 37 Airamo anebu airamo anao riboto seorobúae tiakore airamo nabakayakore anebu ekeiraja ejobate. Nomewitu yatu isia ribiaine: Airamo jakutai yaota saba oriiyakarataitane tatuma mesa yanorujumejerete. Tatumeta naba-kane saba najoro abate. 38 Naokore mikitane imautuwiturone seoroyaja bajekitane ja. Jokoyakorejone are seoroyaja bajekitane ja. Seoroyaja bajiame ekeiraja bajete. 39 Tiame tamaja ribu no-kokotu. Janoko arotu jakutai biterijisa katukakore naote tai tane naminanaja. Asinarija naminakore yaorane seorakuna. Ajanoko yawanane ekumo erijisamejerenatakuna. 40 Tiame yatu oriiya-karatakotu. Yatu obonobunaja jakore warao tane nakajakutai naote, taeyama. 41 Takore Pedro taisi isia ribane: Mairamo, iji ama asita abane rewarajakutai tai kasabawitu o kokotuka saba? taeyama. 42 Tane renokokore Airamo ribane: Airamo jakutai oriane-butu akwa tane sinama abate? Airamo aribu eku abayakutai tai-sike anebutu akwa tane abate. Musaberaja jakutai anebutu akwa tane abate. Abakore akwa jakutai sinarija kaika najoro tiriko airamo anebutu moaubute. 43 Airamo emo narune naote. Airamo naone aneburatu ribu eku abayakore mite. Ribu eku abatu jame aneburatu ekeiraja bajia. 44 Nomewitu yatu isia ribiaine: Airamo aunukamo kokotuka aneburatu amojeku abate yaoromejerei, tiaine. 45 Tiarone aneburatu jakutai aobojona isia ribate tai: Mairamo mate naonaja, tate tai. Tane anebu nibo anebu tatu tane yewerekitane jotanate. Najorote, jobite, awabate tane. 46 Takore aneburatu oriairamo yawakanaja jakore airamo yarote. Asinarija naminanaja jakutaisi eku nabakaitane airamo jakutai aneburatuma sibate. Nome abamoana jakutaisi isiko anona amoara abate. 47 Takore aneburatu airamo aobojona naminayarone oriiya-karatanaja. Airamo aobojona eku abanaja. Tiame airamo taisi kwana yewerete. 48 Tiarone airamo aobojona naminanaja jakutai taisi anona asiraja ejoboya tai. Anona amoara yewerekitane. Tiarone sanuka yewerete. Uriraja moayakutai taisi isimo uriraja ebute. Uriraja enebiaja amojeku abayakutai taisi isimo kwari-kamo jakutaisi isiko ebute. 49 Ine raina eku jekunu toakitane naoaine. Amena rokúnae tiaja jakore yakerakuna. 50 Ine kobakitane jaine. Mate ribu kaika nakamoana jakore maobonobu matewaya monuka. 51 Yatu katukane tanabaya? Ine raineta naoajakutai warao inareraja tane abakitane naoae tanabaya mojoro? Yatu isia ribiaine: Taneana. Tiarone jisajisamejerei naoaine. 52 Tiame amayatukamo kemo oriwarao mojoabasi jate. Tatuma jisajisate. Awarao rijanamo ja-kutai manamo riboto ejobate. Awarao manamo jakutai rijanamo riboto ejobate tane. 53 Arima jakutai aukama riboto ejobate. Auka jakutai arimasi riboto ejobate. Arani aukajisi riboto ejo-bate. Aukatira aranima riboto ejobate. Arabai anatojoranima riboto ejobate. Anatojorani arabaisi riboto ejobate tane. 54 Atae warao erajasi saba rewarae. Ribane: Naja ya riboto buruyakore yatu ribia: Naja ebote rijana, tia. Nomewitu, tane. 55 Ajaka ya jajaya kajamojo tajasabamo naokore yatu ribia: Ijiraja jate, tia. Nomewitu, tane. 56 Yatu aobojona manamoraji bajama! Yatu najamutu asinarija naminaya. Raina asinarija naminaya. Tiarone asinarija ama jakutai taisi naminanaja. Katukeme bajama? 57 Katukeme yatujase nomeraja jakutaisi ayakara minaja bajama? 58 Jiriboto jakutai airamoata jikonarute tai. Mate jojisi ekia nariaja jiriboto jakutaisi isiko rewarau aobojona iabame-jerei. Tanaja jakore jijara iyoyaja ribu nome atoatuata jikonarute. Takore ribu nome atoatu jakutai oriakajotabu amojeku jitoate. Takore tai mojojutanoko eku jitoate. 59 Jiisia ribiaine: Amoara kokotukawitu abanaja jakore tatamo ejobonaja, tiaine, taeyama.
131 Takore asinarija taisi eku warao kawanamo Galilea araoto isia Jesú saba rewaraeyama. Galilea arao romu kubane Dio moayakore Pilato romu akubamo jakutaisi kubae. Takore tatuma ajotu romu kubajakutaisi ajotu tane jotu jisaka bajinaeyama. Tane rewaraeyama. 2 Takore Jesú tatuma riboto ribane: Yatu katukane ribia? Galilea arao muanajakutai Galilea arao eobo kwarika asirajasi anonamo. Tiame tametane sana-matae, tia. Yatu tane ribunajara? 3 Yatu isia ribiaine: Taneana. Yatu aobojona ibarinaja jakore yatu kokotuka tatuma monuka-jase rijate, taeyama. 4 Ote Siloé tata janoko kwai jakutai warao mojoreko kware mojoabasi kware rijanamo arai nakae. Takore muanae. Yatu katukane ribia? Janoko kwaimo tatuma arai nakajakutai tatumasike Jerusalén arao eobo jakutaisi kwarika asiraubiajawitu, tia. Yatu tane ribunajara? 5 Yatu isia ribiaine: Taneana. Yatu aobojona ibarinaja jakore yatu kokotuka tatuma monukajase rijate, taeyama. 6 Jesú asita abane tatuma saba rewaraeyama. Ribane: Nibora jisaka arajikaba eku ikoru namuae. Tiarone akwaja najabukitane narukore ekira. 7 Takore arotu rajikabatu isia ribunae: Inawaja rijanamo jaine rijana tamaja ikoru akwaja najabiaja. Are ekira. Tiame kabatanu rijana. Katukeme joboto ajarata iekoreaja jate bajama? tae. 8 Tiarone rajikabatu riboto ribane: Mairamo, mate tamaja ina-waja saba iabanu. Ine akaju iwane romu aso toatine. 9 Takore kwajakore yakera. Kwajanaja jakore kabatate, taeyama. Tane Jesú rewarae. 10 Takore ya tuwara eku Jesú orikware nakanoko eku inaminayaja jaja. 11 Tata tira jaja. Tai inawaja mojoreko kware mojoabasi kware rijanamo isia jebu aobojona wabayaja jaja. Kasínae tiaja jame orienometakomoniwitu jajayama. 12 Takore Jesú tirasi mitane yejebune isia ribunae: Tirá, waba ekumo jiejeronaine rijana, taeyama. 13 Tane amojo tirasi arai abanae. Amojo abakore rijana tira oriatejo enometanae. Tane Dio yakeraja jae tane ribunae. 14 Takore Jesú ya tuwara eku waraoto ibajukanajame ori-kware nakanoko airamo kwana orijisiae. Tane waraoto isia ribunae: Misa autia ya mojoabasi kware jisaka ja. Taisi eku yaotakitane ja. Taisi eku muanayakutai naote bajukakitane. Ya tuwara eku naonaka jakunarai, taeyama. 15 Takore Airamo taisi riboto ribunae. Ribane: Yatu aobojona manamoraji bajama! Ya tuwara eku baka ja jakutai o buro ja ja-kutai arojutu jajene ajanokoatukamo jo tata konaria jo jobime-jerei. Yatu kokotuka tane nonanajara? 16 Ama tamaja tira Abraham ajisaka. Satanás inawaja mojoreko kware mojoabasi kware rijanamo isia taisi koyanae monuka. Ya tuwara eku ejerokore yakerenara? taeyama. 17 Tane Jesú tamaja ribu ribakore Jesú isia asiraja ribiakutai tatuma kokotuka tomaneraja bajinae. Tiarone warao kokotuka oriwakayaja bajinae Jesú anona kokotuka yakeraja jakutaisi aobojona. 18 Takore Jesú ribane: Dio arujuna rujuyakutai katukayaja monuka? Ine taisi isia katukane asita abane sitate? 19 Dio arujuna rujuyakutai tai motasa aumu monuka. Nibora jisaka motasa aumu oriarajikaba eku namuae. Aumu irane rau uriraja sabuka ejobonae. Takore romu kwaia nijakayakutai naone rau awakuwaku arai tuwarane ubae, taeyama. 20 Atae ribane: Dio arujuna rujuyakutaisi isia ine katukane asita abane sitate? 21 Tai arina akwaruta monuka. Tira arina akwaruta nisane arina urirajasi eku abanae. Takore arina kokotuka jokojokónae tiaja bajinae, taeyama. 22 Taitane Jesú Jerusalén sabasaba nariaja inaminayaja naruae. Janokoina eku janokoina sanuka eku tane inaminaeyama. 23 Inaminayakore nibora jisaka Jesú isia ribane: Mairamo, warao aobojona bajukayakutai erajena mojoro? taeyama. 24 Jesú ribane: Janoko akojo koberajasi ekia yarukitane naja-bukotu. Eraja yarukitane obonote tiarone yarukomoni jate jame yatu isia ribiaine. 25 Janoko arotu jakutai karamane namu akojo mukorakore yatu yakareku bajete. Namu akojo nonarone ribate: Kairamo, Kairamo, namu akojo kasaba ejeronu, tate. Takore tai riboto ribate: Yatu kasabamo tai tane naminanajine, tate. 26 Takore yatu ribakitane jotanate: Jimujaba najoroaeko, jobi-aeko tane. Iji kajanokoina anaru eku inaminae, tate. 27 Takore tai yatu isia ribate: Yatu isia ribiaine: Yatu kasabamo tai tane naminanajine. Yatu kokotuka asirajasi anonamo jakutai memo jakotu, tate. 28 Dio arujuna rujuyakutaisiata yatu Abraham, Isaac, Jacob tane mite. Yatu Dio kware arewaramo kokotuka mite. Tiarone Dio yatu yakareku webotate. Takore tata yatu onate. Yatu ai kuokuo tate. 29 Takore ya iamo tajasabamo naote. Ya riboto tajasabamo naote. Ya jajaya mojonome tajasabamo naote. Ya jajaya kajamojo tajasabamo naote. Dio arujuna rujuyakutaisiata tatuma mesa yanorujute najorokitane. 30 Mikotu rijana. Ajotoata jakutaisi kawanamo wajiabara bajete. Wajiabara jakutaisi kawanamo ajotoata bajete, taeyama. 31 Ya taisi eku Bariseo kawanamo Jesú tata nabakane ribane: Herodes jinakitane obonoya. Tiame tamatukamo ejobane naru, taeyama. 32 Takore Jesú tatuma riboto ribane: Herodes jakutai ima-sibutu, ana monuka. Taisiata narune isia ribakotu. Mi anaka. Ama jebu waraoto ekumo inatabayaine. Muanayakutaisi ibaju-kayaine. Jakerakate monukajase nonakitane jaine. Ya rijanamo takore riwaratine. 33 Tiarone ama, jake, jake jokane tane are suatana narukitane jaine. Dio kware arewaratu Jerusalén emo wabakomoni jame suatana narukitane jaine. 34 Jerusalén arao, Jerusalén arao! Yatu Dio kware arewaramo kubaya. Dio yatuata inatabayakutai yatu joyo isia tatuma timia. Eraja tane yatu anobotomo orikware toakitane obonoaine. Karina aukamo isiko jojotayakutai taisi monuka yatu namu-takuine. Tiarone yatu tane obononatanae. 35 Mikotu rijana. Yatu ajanokoina arao ekiraja bajia. Yatu isia ribiaine: Mate asinarija eku nakanaja jakore maminatate. Asinarija eku nakakore yatu ribate: Airamo aribia naoyakutai, tai yakerajawitu, tate, taeyama. (Rok. 118:26)
141 Taitane ya tuwara jisaka eku Jesú Bariseo airamo aja-noko eku yaruae najorokitane. Najoroyakore eobo tai-siata seorane are mijaja bajibuaeyama. 2 Nibora atejo jokojokane wabayaja jaja. Tai Jesú amu ebisaba ja. 3 Takore Jesú kajotabu akarata anaminamo, Bariseotuma tane jakutaisi renokoae. Ribane: Ya tuwara eku ibajukakitane yakerenara? taeyama. 4 Tia-rone tatuma inareraja bajinae. Takore Jesú wabayakutaisi oane, ibajukaitane inatabaeyama. 5 Tane eobo isia ribane: Yatu aburo o abaka toto eku naka-kore ya tuwararone rijanawitu nisanatatera? 6 Takore taisi riboto ribakomoni ejobonaeyama. 7 Najorokitane yejebúae tiakutai rujunoko raomata saba arai rujunae. Takore Jesú tatuma anona mitane asita abane yejebua-jakutaisi saba rewarae. 8 Kasayakore mimejerei jiyejebute tai. Jiyejebukore rujunoko airamo saba jakutaisi arai rujunaka jau. Airamo jikwarika jakutaisi yejebuae tai. 9 Tai naokore yatu reko ayejebutu jiisia ribate tai: Emo rujanu. Rujunoko jakutai airamo arujunoko, tate tai. Takore iji rijana tomaneraja rujunoko ayaju arai rujate. 10 Ama jiyejebukore tata narune arujunoko ayaju arai rujanu. Takore jiyejebutu ijiata naone jiisia ribate: Mamuaraisa, rujunoko yakerajasi arai rujanu rijana, tate. Takore iji eobo mesa ayanorujumo jakutaisi saba airamo tane ejobate. 11 Takore wite airamo tane oritoayakutai Dio taisi eobo yajoto tane abate. Eobo yajoto tane oriabayakutai Dio taisi airamo tane abate. Jesú tane rewarae. 12 Taitane ayejebutu isia ribane: Iji najoro abane jimua-raisatuma yejebunaka. Jiwaraowitu yejebunaka. Jiwarao sabuka yejebunaka. Burata arao jiwere ubayakutai tatuma yejebunaka jau. Tatuma yejebukore tatuma riboto jiyejebute isiko najorome-jerei. Riboto yejebuajame najoro amoara abaya. 13 Ama najoro abaitane saneraubiajasi yejebu. Jarakabe, kakabe, wakawaka, mioni tane yejebu. 14 Takore iji ekeiraja ejobate, tatuma najoro amoara abakomonitiji. Tiarone nomerajasi anonamo nominikore nomeraja nonajakutaisi amoara Dio jimoate, taeyama. 15 Ribu tamajasi nokoitane mesa ayanorujumo kawanamo jisaka ribunae: Dio arujuna rujuyakutaisiata bãu najoroyakutai tai ekeiraja, taeyama. 16 Takore Jesú taisi riboto ribane: Nibora jisaka noara uriraja abanae. Najorokitane orikware nakamejerei warao erajasi yeje-buae. 17 Tane najorokitane asinarija eku orianeburatu inatabae yejebúae tiakutaisi enokomejerei: Naokotu rijana. Iyakarata riwaranae rijana, tamejerei. 18 Takore kokotuka ine narukomoni tane ribakitane jotananae. Awajiabara jakutai ribane: Ine rajikaba nisanaine. Tata narukitane jaine mikitane. Tiame mayejebuajakutaisi isia aobo-jona iabamejerei ebiaine, tae. 19 Araisa ribane: Baka nibo mana-mo manamo tane mojoabasi nisanaine. Ayakara mikitane naria-ine. Tiame mayejebuajakutaisi isia aobojona iabamejerei ebia-ine, taeyama. 20 Araisa ribane: Kasajiro jame narukomonine, taeyama. 21 Takore aneburatu ekiajase naone saba rewarajakutai airamo saba rewarae. Takore airamo janoko arotu jakutai orijisine aneburatuma isia ribane: Rubujira naru. Janokoina anaru ekia anaru aukamo ekia tane narute. Narune saneraubiajasi konau. Jarakabe, kakabe, wakawaka, mioni tane konau. 22 Takore aneburatu ribane: Mairamo, jiribu eku nonaine. Tiarone mate rujunoko ja, taeyama. 23 Takore airamo aneburatu isia ribane: Jojisi ekia naru. Rajikaba araukara kawanaya jojisi jakutaisi ekia naru. Narune waraoto erujubune konaubu majanoko kwatame-jerei. 24 Yatu isia ribiaine: Wajiabara ine yejebuajakutai tatuma jisakarakate manajoro sanukarakate oriaroko eku abanatate, tae-yama. Tane Jesú rewarae. 25 Takore waraosebeira Jesú iamo nariakore kware barene tatuma saba rewarae. 26 Maiamo naokitane obonoyakutai tai arimasi rarijatakitane ja. Aranima rarijatakitane ja. Atirasi rarijatakitane ja, anobo-tomo, awarao tane. Oriaobojonarakate rarijatakitane ja. Tanaja jakore maneburatu takomoni. 27 Maneburatu takitane obono-yakutai maiamo naokitane ja. Akuru konarukitane ja tane. Tanaja jakore maneburatu takomoni. 28 Yatu kawanaya jisaka janoko kwai nonakitane obonoyaja wajiabara rujane amoara katamona tai tane mikitane ja. Riwarakitane amoara kaika tai tane mikitane ja. 29 Tanaja jakore arobisi abane riwarakomoni ejobate. Takore amimo kokotuka ekotubukitane jotanate. 30 Ribate: Tamaja nibora ajanoko nonakitane jotanane riwarakomoni ejobonaeraji bajama! tate. 31 Ina airamo ina raisama airamo isiko orikubakitane obonoyakutai wajiabara rujane anebu asebe katamona tai tane mite. Tamaja anebu sinarijaira mojoreko ja. Araisama anebu sinarijaira mojorekotuma manamo ja. Are orikubakitane yakera tai tane mikitane ja. 32 Yakerena jakore airamo araisameta rewaramo inatabate aobojona iabamejerei. Tai mate utiraja jakore taisiata inatabate. 33 Taisi monuka yatu kawanamo aunukamo kokotuka iabanaja jakore maneburatu takomoni. 34 Bamu jakutai tai yakera. Tiarone bamu ajerena jakore katukane iyakaratate ajeramejerei? 35 Tane joboto saba amoara ekira. Webotonoko saba amoara ekira. Emo webotakitane ja. Yatu akojoko ja jakutai maribu nokokotu, taeyama.
151 Takore Roma airamo aribia burata ebumo kokotuka jakutai Jesú tata nabakanae aribu nokokitane. Asirajasi anonamorakate nabakanae aribu nokokitane. 2 Bariseotuma kajotabu akarata ainaminamo tane eribubune ribane: Tamaja asi-rajasi anonamo etuwarane isiko najoroyaraji bajama, taeyama. 3 Takore Jesú asita abane tatuma saba rewarae. 4 Warao jisaka aromu obeja siento jisaka jate tai. Jisaka rijakore najabunatatera? Eobo jarawaja tata iabane araisama najabunatatera? Mate minaja jakore are najabunatatera? 5 Tane mitane oriwakayaja oriauro arai abate. 6 Taitane ajanokoata nabakane amusaba orikware toate. Ajanoko awere ubayakutaisi orikware toate. Orikware toaitane isia ribate: Maobeja rijánae tiakutaisi miaine. Tiame maisiko oriwakakotu, tate. 7 Yatu isia ribiaine: Warao siento jisaka nakakitane jisaka eko tane jakutai tatuma aobojona nomeraja jame aobojona ibarekitane ekira. Najamutu arao tatuma aobojona ekeiraja bajia. Tiarone asirajasi anonatu jisaka aobojona ibarekore najamutu arao ekeiraja kwa-rika bajete. 8 Takore tira jisaka aburata rarakama mojoreko jaja. Aburata ekumo jisaka rijakore najabunatatera? Abije erokane, ajanoko berene yaorane najabunatatera? Minaja jakore are najabu-natatera? 9 Tane aburata mitane amusaba tatu jakutaisi orikware toane awere ubayakutaisi orikware toane tane isia ribate: Mabu-rata rijánae tiakutaisi miaine. Tiame maisiko oriwakakotu, tate. 10 Tiame yatu isia ribiaine: Asirajasi anonatu aobojona ibarekore Dio ainatabatuma amu ebisaba ekei jate, taeyama. 11 Jesú suatana rewaraeyama. Nibora jisaka anobotomo nibo manamo jaja. 12 Araka arimasi isia ribane: Rimá, jiaunukamo masaba jakutai taisi mamoau, tae. Takore arima oriaunukamo jakutaisi anobotomo moae. 13 Tatukamo ya erajayana jakore araka jakutai unukamo ko-kotuka orikware toane jota utirajasiata naruae. Tane asiraja ubayaja aburata webotoae. 14 Aburata kokotuka yawatanukanea webotakore tata jakorejase ina taisi eku nojoira ejobonae. Takore najoro ekiraja bajinae. 15 Tane narune ina arotuma yanabakakore yaota moae. Oriajoboto tata inatabae aiburejubaka iamejerei. 16 Takore yoba iburejubaka anajoro jakutaisi mitane ribane: Taisi najorone jajinakuna jajaine, taeyama. Tiarone jisakarakate taisi moanatanae. 17 Takore oriisia aobojona nakane ribane: Rimasi anebu eraja ja. Tatuma anajoro eraja ja. Tamatuka nojebe wabate monúkau tiaine. 18 Karamane, rimasi tata narune isia ribatine: Rimá, Dio isiko jiisiko tane asiraja nonaine. 19 Mamoara ekira rijana iji maisia mauka tane ribakitane. Jineburatu tane mabanu, tatine, tae. 20 Taitane karamane arimasiata nabakayaja mate utiraja jakore, arima aukama mine, akobe ajeraja ejobonae. Tiame aukama riboto jakane, mejotane, amukaba oronae. 21 Takore auka ribane: Rimá, Dio isiko jiisiko tane asiraja nonaine. Mamoara ekira rijana iji maisia mauka tane ribakitane, tae. 22 Tiarone arima anebu isia ribane: Jiaka ayakaremo nisane eorejirotakotu. Amojo isia mojosekuju abakotu. Omu isia sabato abakotu. 23 Baka auka irauránae tiaja jakutai taisi konane nakotu. Najoroyaja oriwaka abaki. 24 Tamaja mauka wabarone atanejese riko ejobonae. Rijánae tiajarone ama miae. Tiame oriwakakitane ja, tae. Tane tatuma oriwakakitane jotananae. 25 Takore araje rajikabeta jaja. Tatamo naone janoko yanaba-kayakore ekuita abane jojoyakore nokoae. 26 Tane aneburatu yejebune tatuma katukane tia bajama tane renokoae. 27 Anebu-ratu ribane: Jiraka naoae rijana. Wabanaka yakeraja yaronajame, jirima baka auka irauránae tiajasi namejereae, tae. 28 Takore araje orijisine yarokitane obononatanae. Takore arima ejobane aukama aobojona yaorane kabayaja ebuae yaromejerei. 29 Ta-kore arimasi riboto ribane: Inawaja eraja jikajotabu tane bajinaine. Jiribu ekuana jakutaisi nonanatanaine. Tiarone iji sibo auka jisakarakate mamoanatanae, ine mamuaraisatuma isiko ori-wakamejerei. 30 Tiarone tamaja jiauka jakutai tai nabakanae. Tai jiaunukamo wabine burata nibosebe isia webotoae. Tiarone taisi saba baka auka irauránae tiajasi nae iji, tae. 31 Takore arima ribane: Mauka, iji are makaika. Maunukamo kokotuka jakutai tai iji jaja. 32 Jiraka wabarone atanejese riko ejobonae. Rijánae tiajarone ama miae. Tiame oriwaka abane ori-wakakitane ja, taeyama. Tane Jesú rewarae.
161 Taitane Jesú orianebu saba rewarae. Burata arotu aneburatu awaraoto akwa jakutaisi isia raisa taisi kware asiraja abane burata arotuma saba rewarae. Tai burata arotuma aunukamo webotonae tiaja jaja monuka kware abane rewarae. 2 Takore burata arotu taisi yejebune isia ribane: Tametane jiisia nokoaine. Tai nomeanara? Jiyaota ayakara miki rijana. Tamatu-kamo iji manebu akwa tanaja, tae. 3 Takore aneburatu awaraoto akwa jakutai obonobuae. Mai-ramo mawebotoya atae nebutu akwa tanaka jamejerei. Ine joboto iwakitane majarata ekira. Burata ebukitane masaba tomanera. Tiame ine katukate? 4 Ãja, nonakitane jakutaisi naminayaine rijana. Mayaota ekumo mawebotakore eobo ajanokoata metuwa-ramejerei tametane nonatine, tae. 5 Taitane airamo isia rewetajakutaisi jisaka jisaka yejebuae. Awajiabara isia ribane: Mairamo isia jirewe katamona ja? taeyama. 6 Tai ribane: Marewe jakutai toi asinarija tamboru siento jisaka. Takore nebutu akwa jakutai ribane: Rewe akarata nisane rubujira rujuitane siento asibi jabatau. 7 Araisama isia ribunae. Jirewe katamona ja? tae. Tai ribane: Tiriko asinarija u uriraubiaja siento jisaka. Takore nebutu akwa ribane: Rewe akarata nisane siento asibi kware mojorekotuma rijanamo jabatau, taeyama. 8 Takore airamo jakutai nebutu akwa asiraja jakutaisi ayakara warane ribane: Tamaja yaorane obono-buae, tae. Raina arao ama saba musaberaja. Jokoma arao jaku-taisi kwarika musabera. 9 Yatu isia ribiaine: Unukamo Dio saba amoara ekiraja jaku-taisi isia warao raisa yatu amusaba tane abakotu. Takore yatu moinatakore yatu amusabatuma janoko are jakutaisi eku yatu etuwarate. 10 Yaota sanuka airamo aribu eku abayakutai yaota uriraja moakorerakate airamo aribu eku abate. Yaota sanuka eku kajo-tabu ekuana nonayakutai yaota uriraja ekurakate are kajotabu ekuana nonate. 11 Yatu unukamo arotu akajotabu ekuanarone unukamo oayame ribu eku abamoana ejoboya. Tane takore sina yatu kajotabiaja oriaunukamo yatu amojeku abate? 12 Raisama aunukamo isia unukamo arotuma aribu eku abanaja jakore sina unukamo yatu moate yatu aunukamo tane bajemejerei? 13 Yaotatu jisaka airamo manamo akajotabu tane bajekomoni. Bajekomoni jame jisaka rarijatane araisama obonote. Jisaka aribu eku abane araisama aribu tainate. Yatu Dio akajotabu atae burata akajotabu tane bajekomoni, taeyama. 14 Takore Bariseotumarakate tamaja ribu kokotuka noko-aeyama. Tatuma are burata obonomo jame Jesú ekotubuaeyama. 15 Takore Jesú tatuma isia ribane: Yatu rijana waraoto amujaba nomeraja tane oritoaya. Tiarone Dio yatu aobojona naminaya. Waraoto saba amoara jaja jakutai Dio taisi rarijataya. 16 Juan Joni Ekobutu jakutai mate ekirakore Moisés akajotabu amoara jaja. Dio kware arewaramo ainamina amoara jaja. Tiarone Juanatukamo Dio arujuna rujuyakutaisi isia rewaraya. Warao kokotuka Dio arujuna rujuyakutaisiata kwana yarukitane obonoya. 17 Najamutu, raina tane ekorakitane moina sabuka. Tiarone kajotabu akarata ajaba akari sanukirajarone ekorakitane moina-witu. 18 Takore atira iabane tira raisama nisayakutai tai tatusebe. Nibora tira iabánae tiajasi nisakore tairakate tatusebe. 19 Burata arotu jaja. Tai ajiaka jebuaneraja atae jiaka arino ajaunona yakerajawitu jakutai tane orisabanae. Ya kokotukanea noara uriraja abanae. 20 Atae raisa ja. Tai sanerame burata ebutu jaja. Awai Lázaro. Tai atejo kokotuka boisiwaka. Takore taisi konane burata arotuma ajanoko akojoata iabanae. 21 Takore burata arotuma amesa araimo najoro ajuara joika nakae. Takore saneraja jakutai najoro ajuara isia jajinakitane kwana obonoae. Takore beoro naone aboisi jakutaisi beroae. 22 Tatukamo burata ebutu wabae. Takore Dio ainatabatuma taisi konarune Abraham awere abanae. Nokabuka burata arotu wabae. Wabakore joitae. 23 Takore burata arotu sanamatanoko eku sanamatayaja kwai yabusene Abraham utiraja miae. Lazarora-kate Abraham awere miae. 24 Mitane rokojotane ribunae: Rima Abraham, jikobe maisia ajeraja jakunarai. Ine tamaja jekunu eku kwana sanamatayaine. Tiame Lázaro inatabau, amojo akwa ejurane majono iraitamejerei. 25 Tane takore Abraham taisi riboto ribane: Mauka, jiaobojona ateje jakutaisiata abanu. Iji mate riko jaja yakeraja nojoae. Lázaro jakutai asiraja nojoae. Tiarone rijana tamatuka akobe etuwaraya. Iji tata sanamataya. 26 Okoatamo yatuata na-bakakitane obonoyarone moina. Yatuatamorakate okoata naba-kakomoni. Autu akwaunu unirajawitu abánae tiaja jame moina. 27 Takore burata arotu ribane: Rimá, tane jakore Lázaro mari-masi ajanokoata inatabamejerei jiebiaine. 28 Rakatuma mojo-abasi jaine. Tatuma saba rewaramejerei inatabau, tatuma tamaja sanamatanokoata nabakanaka jamejerei, tae. 29 Takore Abraham ribane: Tatuma Moisés akarata ja. Dio kware arewaramo akarata ja. Aribu nokokunarai, tae. 30 Takore burata arotu ribane: Taneana, Rima Abraham. Wabatuma kawanamo jisaka narukore tatuma aobojona ibarekuna, tae. 31 Tiarone Abraham ribane: Tatuma Moisés aribu nokonaja. Dio kware arewaramo aribu nokonaja. Tatuma aribu nokonaja jakore, wabaerone jisaka nominane narukore aribu nokonaja jakuna, tae, taeyama.
171 Jesú anebu isia ribane: Nomewitu are warao ebisaba omu esoakanoko abate. Tiarone abatu jakutai amájae tane ribate. 2 Joyo arina awerenoko koyane, taisi aro isia koyane tane nojaba autu toakore taisi saba asiraja jakuna. Tiarone abatu jakutai nobotomo kawanamo jisaka jakutaisi ebisaba omu esoakanoko abakore taisi saba asirajawitu. 3 Yatu asiraja nona-terate. Jiwarao jiisiko asiraja nonakore reiri taerajasi isia ribanu. Takore aobojona ibarekore kware asiraja abanaka jiaobojona iabanu. 4 Ya jisaka eku mojoabasi kware manamo tane jiisiko asiraja nonate tai. Nonaitane mojoabasi kware manamo tane ijiata naone ribate: Asiraja nonaine. Nonaerone maobojona ibarinaine, tate. Takore iji taisi kware asiraja abanaka jiaobojona iabanu, taeyama. 5 Takore taisi ainatabatuma Airamo isia ribane: Kasanetau oko kwarika nome abamejerei, taeyama. 6 Takore Airamo ribane: Motasa aumu sanukiraja. Taisi monuka yatu ayajoraba sanukirajarone nome abayaja tamaja rau isia ribakuna: Tamatukamo ejobane nojabaira autu naru, takuna. Takore yatu aribu nokokuna. 7 Yatu anebu ja joboto iwakitane, atae yatu aromu yaorokitane tane. Yatu aneburatu rajikabetamo naokore yatu kawanamo sina taisi isia ribate: Naone mesa yarujanu, tate? 8 Tane tanatate. Are suatana isia ribate: Masaba najoro jisabau. Taitane jiaka jikabea koyaitane najoro masaba abanu. Ine najoro riwarakore jobi riwarakore tane iji najorote, jobite tane, tate. 9 Aneburatu airamo akajotabu eku nonaya. Kajotabuajakutaisi eku nonajame kajotabuajakutaisi isia iji yakeraja tane tatera? Tanaja, tiaine. 10 Yatu taisi monuka. Dio yatu kajotabuajakutai kokotuka nona riwarakore are ribakitane ja: Oko anebu jakutai kamoara ekira. Nonakitane jakutaiwitu nonaeko, takitane ja. Jesú tane rewaraeyama. 11 Jesú Jerusalén tata nariaja ina Samaria ina Galilea tane kawanaya naruaeyama. 12 Tane janokoina sanuka tata nabaka-yakore nibo mojoreko aboisi sabana jakutai emo sabuka nokara-múae tiaja jaja Jesú miaeyama. 13 Tane tatamo rokojotayaja ribane: Jesú, Kainaminatu, jikobe kaisia ajeraja jakunarai, tae-yama. 14 Takore Jesú tatuma mitane ribane: Narune saserote oriemi-kotu, taeyama. Takore tatuma nariaja beréae tiaja bajinae. 15 Ta-tuma kawanamo jisaka oriatejo mikore bajukánae tiaja miae. Mitane ekiajase bajene rokojotayaja ribane: Diosike yakeraja jae, taeyama. 16 Tane mukunamane rujane Jesú omu awere jinamane isia ribane: Iji yakeraja, taeyama. Tane tajakutai tai Samaria arotu. 17 Takore Jesú taisi riboto ribane: Yatu aboisi beréae tiaku-taisi asebe mojorekoanara? Mojoabasi kware manamonamojase jakutai kasaba? 18 Tamaja tamatukamoana jakutaiwitu naoaeraji bajama? Eobo Dio isia Tai airamo, tane ribunajateraji bajama? 19 Tane niborama isia ribane: Karamane, naru. Iji nome abanajame bajukanae, taeyama. 20 Takore Bariseotuma Jesú renokoae. Dio katukakore arujuna rujate? tane renokoae. Renokokore Jesú riboto ribane: Dio arujuna rujuyakutai mu isia minaja. 21 Tatuma ribunatate: Tamatuka ja. O ote ja, tanatate. Dio rijana yatu kaika arujuna rujuya, taeyama. 22 Taitane anebu isia ribane: Asinarija naoya. Taisi eku yatu jakutai warao tane nakajakutaisi aya kawanamo jisaka jakutaisi mikitane kwana obonote. Obonoyarone minatate. 23 Takore yatu isia ribate: Tamatuka ja, tate. O ote ja, tate. Yatu tatuma isiko narunaka jakotu. Iamorakate narunaka jakotu. 24 Najamutuataya najasimo bari, simo bari tiakore kokotukanea yakara tia. Warao tane nakajakutai oriaya eku najasimo bari, simo bari tiakutaisi monuka naote. 25 Tiarone wajiabara sanamatakitane ja. Warao ama jakutai taisi tainakitane ja. 26 Noé aya eku warao nonajakutai taisi monuka warao tane nakajakutaisi aya eku nonate. 27 Noé jakore eobo najorobuae. Jobibuae. Tirabakaubuae. Niborabakaubuae. Noé waeraira eku nabakakore warao are tane nonaubuae. Takore joiraira naone warao kokotuka iekoronae. 28 Lot aya eku monukajase. Najorobuae. Jobibuae. Nisaubuae. Wabibuae. Namubuae. Janoko nonaubuae. 29 Tiarone Lot jano-koina Sodoma ekumo ejobonae. Ejobakore tai ya eku jekunu, ore tane rokiaja najamutuatamo nakane, warao kokotuka iekoronae. 30 Dio warao tane nakajakutaisi oremusabakore warao taisi monuka nonayaja jate. 31 Tai ya eku warao jisaka janoko akwa-basa tata jate tai. Janoko akwabasa jakutaisiatamo nanakane janoko eku yarunaka jakunarai aunukamo konarukitane. Monu-kajase rajikabeta jakutai ajanokoatajase narunaka jakunarai. 32 Lot atirasiata yatu aobojona nakakunarai. 33 Wite are ubakitane obonoyakutai tai ubanatate. Tiarone wabayakutai tai are ubate. 34 Yatu isia ribiaine: Ima taisi eku warao manamo ubanoko jisaka eku yajínae tiaja jate. Jisaka konarute. Araisama iabate. 35 Tatu manamo oriisiko wereaja jate. Jisaka konarute. Araisama iabate. 36 Nibo manamo rajikabeta jate. Jisaka konarute. Araisama iabate, tiaine, taeyama. 37 Takore tatuma Jesú aribu nokone ribane: Kairamo, tai kasabuka nonate? taeyama. Tai tatuma riboto ribane: Tejo waba jakutaisiata buretuma orikware nakate, taeyama.
181 Taitane Jesú asita abane tatuma saba rewarae. Wakutanaka are kwai ribakitane ja. Tane inaminayaja rewarae. 2 Ri-bane: Janokoina eku ribu nome atoatu jaja. Tai Dio nojanatanae. Waraotorakate yatomanetenatanae. 3 Takore janokoina jakutaisi eku tira tewere jaja. Tai ribu nome atoatuata eraja tane naruitane taisi isia ribane: Maisiko asiraja jakutai taisi aribu nome toau, taeyama. 4 Ya era sabuka isia ribu nome atoatu tirasi isiko asiraja jakutaisi aribu nome toakitane obononatanae. Tiarone nokabuka obonobuae. Ine Dio nojanaja. Waraotorakate yatomanetenaja. 5 Tiarone tamaja tira tewere manotoriame ribu nome toatine. Tanaja jakore are naoyame ine wakutate, tae, taeyama. 6 Airamo suatana ribane: Ribu nome atoatu nomerajena jakutaisi aribu nokokotu. 7 Dio warao mibune kawanamo nisanae. Tatuma jokomaya imaya tane Dio ebia. Dio tatuma sanetanaka kware majabatera? 8 Yatu isia ribiaine: Kware majabanaja. Rubujira kware ribate. Tiarone warao tane nakajakutai naokore raina eku nome abamo jate mojoro? taeyama. 9 Warao wite nomeraja tane oritoayaja eobo tainayakutai Jesú tatuma saba asita abane rewaraeyama. 10 Nibo manamo kwai ribunokoata yaburuae kwai ribakitane. Jisaka jakutai tai Bariseo. Jisaka Roma airamo aribia burata ebutu. 11 Takore Bariseo karamane tametane kwai ribunae. Dio, ine rijana warao eobo monukena. Tatuma biterijisamo, anona nomerajena, tatusebe tane. Tamaja airamo aribia burata ebutu ja-kutaisirakate monukenaine. Tiame jiisia yakeraja jae, tiaine. 12 Misa jisaka eku manata obonekoyaine. Ine kokotuka nojo-yakutai taisi ejujune asebe mojoreko ekumo jisaka Dio moa-yaine, tae. 13 Tiarone airamo aribia burata ebutu jakutai utiraja bajene amu kwai yabusekitane obononatanae. Ekumoniraja jame oriamejo nabane ribane: Dio, ine asirajasi anonatu. Jikobe maisia ajeraja jakunarai, taeyama. 14 Takore yatu isia ribiaine: Dio tamajasi aobojona enometakore ajanokoata nanakanae. Tiarone Dio jakutai arai-sama aobojona enometanatanae. Airamo tane oritoayakutai Dio taisi eobo yajoto tane abate. Eobo yajoto tane oriabayakutai Dio taisi airamo tane abate, taeyama. Tane Jesú rewaraeyama. 15 Takore nemokomoko Jesú tata konae toremejerei. Tiarone anebu taisi mitane nemokomoko akonamo sabajiaeyama. 16 Ta-kore Jesú nemokomoko yejebune ribane: Nemokomoko ineata nabakamejerekotu. Naonaka jamejerei ribunaka jakotu. Dio nemokomoko monuka jakutaisi isiko arujuna rujuya. 17 Nome-witu yatu isia ribiaine: Dio arujuna rujuyakutaisi isia nome abakitane ja sanukiraja monuka. Tanaja jakore tata yarunaja, tiaine, taeyama. 18 Takore airamo sabuka Jesú isia ribane: Inaminatu yakeraja, ine katukane nonate are ubakitane? taeyama. 19 Jesú taisi riboto ribane: Iji katukeme maisia yakeraja tia bajama? Yakeraja jakutai tai Diowitu. 20 Iji Dio akajotabu jaku-taisi naminanajara? Tira jarone raisama najabunaka jau. Nanaka jau. Erijisanaka jau. Raisama kware abayaja ribu tona rewaranaka jau. Jirima, jirani tane yatomanete, taeyama. (Ejo. 20:12-16 Kaj. 5:16-20) 21 Takore tai ribane: Ine nebusanukayatukamo tamaja ribu kokotuka eku abayaine, taeyama. 22 Takore Jesú taisi aribu nokoitane ribane: Mate jinona jisaka ekira. Jiaunukamo kokotuka wabine amoara saneraubiajasi moau. Moaitane maiamo kujukitane nao. Nokabuka najamutata jimoara jate, taeyama. 23 Takore neburatu tamaja ribu nokoitane ekumonirajawitu bajinae, aburata uriraja jame. 24 Ekumoniraja bajekore Jesú taisi naminae. Ribane: Burata arao Dio arujuna rujuyakutaisiata yarukitane taerajawituraji bajama! 25 Kameyo jakutai akosa atoto ekia yarukitane moina. Tiarone burata arotu Dio arujuna rujuyakutaisiata yarukitane moinawitu, taeyama. 26 Takore ribu anokomo ribane: Amasike sinama aobojona bajukate bajama? taeyama. 27 Jesú ribane: Warao saba moina, tiarone Dio saba moinena. 28 Takore Pedro ribane: Mi rijana. Oko kokotuka iabane jiiamo naoaeko, taeyama. 29 Jesú tatuma isia ribane: Nomewitu yatu isia ribiaine: Dio tatuma airamo jame warao oriaunukamo iabanae. Ajanoko iabanae tai. Atira iabanae tai, arakatuma iabanae tai, airamotuma iabanae tai. Anobotomo iabanae tai. Iabanajakutai tai eraja tane nojote. 30 Ama nojote. Sinarija mate naokitane jakutaisi eku are ubaki-tane jakutaisi nojote. 31 Taitane Jesú anebu mojoreko kware manamo emo kona-rune saba rewaraeyama. Ribane: Mikotu. Rijana oko Jerusalén tata yaburia. Tata Dio kware arewaramo aribu kokotuka eku nakate. Tatuma warao tane nakajakutaisi isia jabatae. 32 Judio-ana amojeku taisi abate. Ekotubute. Isanate. Sojaubute. 33 Tatu-kamo yewerene nate. Tiarone ya rijanamo takore nominate, taeyama. 34 Tiarone anebu jakutai Jesú aribu jisakarakate nokonatanae. Tamaja ribu jakutai tatuma saba sijákae tiaja bajinae. Ribuna-jakutai nokokomoni. 35 Takore Jesú Jericó awere nabakanaeyama. Tata mioni jaja. Tai burata ebiaja jojisi ajaja rujúnae tiaja jajayama. 36 Warao-sebeira taisi awerea nariakore nokoitane, tai katukayaja? tane renokoae. 37 Takore: Jesú Nazaret arotu jakutai tamajasia naria, tane ribunaeyama. 38 Takore mioni rokojotayaja ribane: Jesú, David Auka! Ine jisaba sanerakore makware barenu! taeyama. 39 Takore ebe anarumo mioni sabajiae inaretamejerei. Tiarone tai are kwarika rokojotayaja ribane: David Auka, ine jisaba sane-rakore makware barenu, taeyama. 40 Rokojotakore Jesú tuwarane taisi konamejereae. Konakore renokoae. 41 Ribane: Iji katukane ine jiisia nonamejerea? taeyama. Takore tai riboto ribane: Mairamo, ine seorakunako, taeyama. 42 Jesú taisi isia ribane: Seoranu rijana. Iji nome abánae tiaja jame bajukanae, taeyama. 43 Takore rijanawitu seoronae. Seo-roitane Jesú iamo nariaja Dio yakeraja jae tane ribunae. Takore warao kokotuka taisi mitane Diosike yakeraja jae, tane ribubu-aeyama.
191 Takore Jesú Jericoata nabakane ekia nariaja jajayama. 2 Takore tata nibora awai Zaqueo jaja. Tai Roma airamo aribia burata ebumo airamo. Tai burata arotu. 3 Zaqueo Jesú katukayaja monuka tai tane mikitane obonoae. Tiarone warao erajawitu jame mikomoni, atejo kabukirame. 4 Jesú taisia narukitiame ebisabuka jakane sikomororu yaburuae Jesú naria-kore mikitane. 5 Takore Jesú Zaqueo rau yaburuajakutaisiata nabakane kwai seorane taisi miaeyama. Mine isia ribane: Zaqueó, rubujira nanakanu rijana. Ama jijanokoata tuwarakitane jaine, taeyama. 6 Takore Zaqueo rubujira nanakane ekeiraja Jesú etuwaraeyama. 7 Takore eobo taisi mitane, kokotuka eribubune ribane: Ta-maja asirajasi anonatu ajanoko eku yaruae tuwarakitane, tae-yama. 8 Takore Zaqueo karamane Airamo isia ribane: Mairamo, mi rijana. Maunukamo ajabasi saneraubiajasi moayaine rijana. Ine waraoto ebikamo imasibiaja nisajakutai manamonamojase tane riboto moayaine, taeyama. 9 Takore Jesú taisi isia ribane: Amasike Dio janoko arotuma aobojona ibajukanae. Tamajarakate Abraham ajisaka. 10 Warao tane nakajakutai naoae rija jakutaisi najabune aobojona ibaju-kakitane. 11 Jesú Jerusalén awere nabakayame aribu anokomo Dio rijana arujuna rujakitane tanabaeyama. Tiame Jesú asita abane tatuma saba rewarae. 12 Ribane: Airamo sabuka ina utirajasiata naruae. Tata airamowitu tane abakore atae ekiajase bajinae oriaina airamo takitane. 13 Tiarone anaru ebika anebu mojoreko yejebune burata awai mina jisaka jisaka tane moaubuae. Isia ribane: Manabakana wakayaja nisane, wabine tane burata eirakotu, taeyama. 14 Tiarone aina arao taisi rarijatane taisi iamo ribamejerei inatabae. Ribu akonarumo ribane: Tamaja kairamowitu tane obononajaoko, tae. 15 Takore tai are airamowitu tane bajene naoae. Anebu burata moajakutai tatuma yejebumejereae taisiata nabakamejerei. Ta-tuma nisane, wabine tane burata katamona kanatae tai tane miki-tane yejebumejereae. 16 Awajiabara jakutai naone ribane: Mairamo, jiburata mina jakutaisi araimo mojoreko tane kanataine, taeyama. 17 Takore airamo taisi isia ribane: Yakera, iji maneburatu ya-keraja. Iji sanuka isia airamo aribu eku abayaja bajinajame jano-koina mojoreko airamo tane jiabatine, taeyama. 18 Takore araisa naone ribane: Mairamo, jiburata mina jaku-taisi araimo mojoabasi tane kanataine, taeyama. 19 Takore taisi isiarakate ribane: Ijirakate janokoina mojo-abasi airamo tane jiabatine, taeyama. 20 Takore araisa naone ribane: Mairamo, jiburata mina jaku-taisi mi. Kwamotu eku motane yaorabaine. 21 Jinojayame yaora-baine. Jiribu taeraja. Iji abánae tiajena jakutaisi nisaya. Iji namúae tiajena jakutaisi aria. 22 Takore airamo ribane: Ijisike neburatu asiraja. Iji ribuna-jakutaisi eku jiribu nome toatine. Iji manaminayaraji. Maribu taerajayama. Ine abánae tiajena jakutaisi nisaya. Ine namúae tiajena jakutaisi aria, taneama. 23 Taisi naminane iji maburata banko eku abakuna. Maburata banko eku abánae tiaja jakore ine ama manabakana eku maburata kwarika sabuka mamoakuna, taeyama. 24 Tane awere jakutaisi isia ribane: Burata mina jakutai taisi ebikamo nisakotu. Mojoreko tane kanatajakutai taisi moate, taeyama. 25 Takore tatuma taisi isia ribane: Kairamo, tai mojoreko ja rijana, taeyama. 26 Airamo ribane: Yatu isia ribiaine: Ja jakutai atae kwarika taisi moate. Ekirakutai taisi jaja sanukarone taisi ebikamo nisate. 27 Ama maisiko asiraja jakutai tamate konakotu. Tatuma maobononaja ine airamo tamejerei. Mamujaba tatuma awaroba nakabatakotu, tae, taeyama. 28 Tamajasi ribaitane Jesú orianebutu ebe yã tane Jerusalén tata yaburuaeyama. 29 Takore janokoina Betfagé, janokoina Betania tane awere nabakanae. Tai jotakwa Oriwa Arauina awere. Takore anebu manamo inatabayaja isia ribunaeyama. 30 Ribane: Janokoina yatu akejenuka jakutaisiata narukotu. Tata nabakane yatu buro auka koyánae tiajasi mite. Warao jisakarakate taisi arai mate rujamoana. Taisi arojutu jajene konakotu. 31 Yatu isia ribiaja: Katukeme ejeroya bajama tane ribakore riboto ribakotu. Kairamo taisi obonoya, takotu, taeyama. 32 Takore inatabajakutai narune Jesú aribu eku miae. 33 Mi-tane buro arojutu jajekore buro arao tatuma isia ribunae: Katu-keme arojutu jajia bajama? taeyama. 34 Tatuma ribane: Kairamo taisi obonoyame jajiaoko, taeyama. 35 Taitane Jesú tata konaruae. Konaruitane oriajiaka buro arai abane Jesú buro arai rujamejereae. 36 Taitane Jesú nariakore taisi ebisaba anebu oriajiaka jojisi ekia ebujakaubuaeyama. 37 Jojisi ekia nariaja Jotakwa Oriwa Arauina ananaka awere nabakanae. Nabakakore anebu kokotuka oriwakakitane jotananae. Dio yakeraja jae tane ribubuae nona taeraja miajame. 38 Rokojotayaja ribane: Airamo aribia naoyakutai tai airamowitu tane naoya. (Rok. 118:26) Tai yakerajawitu. Najamutuata inareraja tane bajekunarai. Kwai arao ribakunarai: Diosike yakerajawitu, takunarai, taeyama. 39 Takore waraosebeira kawanaya Bariseotuma jajayama. Ta-tuma kawanamo ribunaeyama: Inaminatu, jinebutu sabaji, taeyama. 40 Jesú tatuma riboto ribane: Yatu isia ribiaine: Tamatuma inaretakore joyo rokojotakuna, taeyama. 41 Tane janokoina awere nabakane mitane janokoina araoto yaonaeyama. 42 Ribane: Ama yatu aya eku inareraja yatu aba-kitane obonoyakutaisi naminakunako! Tiarone rijísae tane bajia yatu minaka jamejerei. 43 Ya asinarija naote. Taisi eku yatu isiko asiraja jakutai raukara abane yatu kamate. Yatu kamakore ejobakomoniwitu jate. 44 Tatuma yatu joika toate. Yatu anobo-tomorakate joika toate. Janoko joyononarone joyo araisama arai bajinatate. Dio yatuata nabakakore yatu taisi anabakana aya naminanatanajame, tametane yatu isia nonate, taeyama. 45 Taitane Jesú kwai ribunoko eku yaruae. Yarune taisi eku awabimo anisamo tane webiarakitane jotananae. 46 Tatuma isia ribane: Jabátae tiaja ja: Majanoko jakutai kwai ribunoko, tia. (Isa. 56:7) Tiarone yatu erijisa araoto ajanoko tane abanae, taeyama. (Jer. 7:11) 47 Taitane ya kokotukanea kwai ribunoko eku inaminaubuae. Tiarone saserote airamotuma kajotabu akarata ainaminamo, jano-koina airamotuma tane obonobuae: Oko katukane Jesú nakuna tai? taeyama. 48 Tiarone nakomoni ejobonae warao kokotuka Jesú aribu yaorane nokoajame.
201 Ya jisaka eku Jesú kwai ribunoko eku waraoto inami-nayaja jaja. Rewara yakerajasi rewarayaja jaja. Takore saserote airamotuma, kajotabu akarata ainaminamo, waraoto airamotuma tane nabakanaeyama. 2 Tane Jesú renokoyaja ribane: Iji sinama aribia tamajasi nonaya? O sina ribu jimoae tamajasi nonamejerei? Kasaba ribanu, taeyama. 3 Takore Jesú tatuma riboto ribane: Inerakate renoko jisaka jaine. Mariboto ribakotu. 4 Juan waraoto ekobuajakutai tai sinama aribia ekobuae? Dio aribia o waraoto aribia? 5 Tiarone tatuma oriaribu kwarikane ribane: Juan Dio aribia ekobuae tane ribakore tai kariboto ribate. Katukeme taisi aribu yajorabanatanae? tate. 6 Oko ribane waraoto aribia ekobuae, tane ribakore, warao kokotuka joyo isia katimite. Tatuma Juan Dio kware arewaratu tane yajorabayame katimite, taeyama. 7 Tane riboto ribane: Sinama aribia tai tane naminanajaoko, taeyama. 8 Takore Jesú tatuma isia ribane: Yatu marenoko riboto ribu-natanajame ine nonayakutai sinama aribia nonaya tai tane yatu saba rewaranajine, taeyama. 9 Taitane asita abane waraoto saba rewarakitane jotananae. Ribane: Warao jisaka arajikaba eku uwa arauina namuae. Na-muitane rajikabamo enebane tane utiraja naruae kware majaba-kitane. 10 Taitane uwa akwaja ayakaramata eku arotu jakutai orianeburatu inatabae. Akwaja akari arotuma saba jakutaisi moa-mejerei inatabae. Tiarone rajikabamo neburatu yewerene moa-naka inatabae. 11 Arotu atanejese aneburatu raisama inatabae. Tiarone tatuma taisi ekotubune yewerene tane monukajase moa-naka inatabae. 12 Takore arotu atae aneburatu raisama inatabae. Tatuma taisi eboisine uwa arauina ekumo webotonae. 13 Takore uwa arauina arotu ribane: Ine katukane tate bajama? Mauka ine obonoyakutaisi inatabatine. Takore tatuma taisi mitane yatomanetete tai, tae. 14 Tiarone rajikabamo jakutai aukama mitane obojona jisaka nakayaja ribunae: Arotu wabakore uwa arauina tamajasi amo-jeku bajete. Tiame taisi naki. Tane uwa arauina arao tane ejoba-teko, taeyama. 15 Tane uwa arauina ekumo webotane nae. Amasike uwa arauina arotu tatuma isia katukane nonate? 16 Tai naone rajikabamo kubate. Uwa arauina nebu raisama amojeku abate, taeyama. Tane Jesú ribunae. Takore aribu anokomo tamajasi nokoitane ribane: Dio tane obononaka jakunarai! taeyama. 17 Takore Jesú tatuma kware barene mitane isia ribane: Katukaja isia ribiaja jabátae tiaja ja bajama? Jabataja taisi isia ribia: Janoko anonamo joyo tainae. Joyo tainajakutai tai janoko ajoyoira tane ejobonae, tia. (Rok. 118:22) 18 Warao joyo jakutaisi arai nakane asatate. Tiarone joyo waraoto arai nakane ejujute, taeyama. 19 Takore saserote airamotuma, kajotabu akarata ainaminamo tane ya taisi eku Jesú emojojutakitane obonoae. Jesú asita abane rewarayaja tatuma isia rewarajakutai tatuma naminae. Tiame emojojutakitane obonoae. Tiarone saba moinaja ejobonae waraoto nojayame. 20 Takore tatuma ribu anokomo inatabae Jesú aribu nokobu-mejerei. Tatuma warao nomeraja tane oritoaubuae. Tatuma Jesú aribu nokoyaja bajinae aribu asiraja ejobakore kobenajoro anebu amojeku abakitane. 21 Tatuma Jesú renokoyaja ribane: Inami-natu, iji yakeraja rewaraya. Iji yakeraja inaminaya tane ribiaoko. Iji waraoto aribu kware barinaka are Dio ajojisi isia nomeraja inaminaya. 22 Airamo César jakutai burata kebia. Abakitane Dio akajotabu ekuanara? taeyama. 23 Imasibiaja rewarayakore Jesú tatuma aobonobu naminae. Isia ribane: Yatu katukeme mayakara mija bajama? 24 Burata renario memikotu. Amejokoji jakutai sinama amejokoji? Awai jabataja jakutai sinama awai? taeyama. Tatuma riboto ribane: Tai César, taeyama. 25 Takore Jesú ribane: César saba jakutai taisi César moate. Dio saba jakutai taisi Dio moate, taeyama. 26 Takore waraoto amujaba aribu isia Jesú nakamejerekomoni ejobonae. Tiame Jesú tatuma riboto ribakore retane inareraja bajinaeyama. 27 Tatukamo Saduceo sabasabamo naoae. Saduceo jakutai warao wabakore nomininaja tane inaminaya. Tatuma Jesú reno-koaeyama. 28 Ribane: Inaminatu, Moisés kasaba jabatae. Tirabaka jakutai anobotomo ekiraja wabakore araka ayabuaba jakutai arajema atirasi nisate. Arakama anoboto jakutai arajema anoboto monuka bajete, tia. 29 Takore oriwarao mojoabasi kware manamo jaja, araje arakatuma tane. Araje jakutai tirabakane ano-botomo ekiraja wabae. 30 Araka ayabuaba jakutai tai tira taijase nisanae. Tairakate anobotomo ekiraja wabae. 31 Tatukamo araka tira taijase nisanae. Tatuma mojoabasi kware manamo jakutai jisaka jisaka tira jisakajase nisanae. Tane tatuma kokotuka anobotomo ekiraja muanae. 32 Ayaju tane tirarakate wabae. 33 Amasike warao nominikore sinama atira tane bajete bajama? Tai mojoabasi kware manamo atira jaja, taeyama. 34 Takore Jesú tatuma riboto ribane: Warao ama jakutai tira-bakaya, niborabakaya tane. 35 Tiarone mate jakitane jakutaisiata nabakakitane saba yakeraja jakutai tai tata tirabakanaja. Nomini-kitane saba yakeraja jakutai tai tata tirabakanaja, niborabakanaja tane. Aukatira iboma jakutaisi moanaja niborabakamejerei. 36 Tatuma atae wabanaja. Dio ainatabatuma monuka bajete, tatuma rijana Dio anobotomo nominina araotiji. 37 Moisesjase warao wabane nominikitane jakutaisi isia inaminae. Rau rokiaja jakutaisi isia jabatayaja Airamo isia jabatae. Tai Abraham Ario. Tai Isaac Ario. Tai Jacob Ario, tane jabatae. (Ejo. 3:6) 38 Rijana Dio jakutai waba Arioana. Tai riko jakutaisi Ario. Taisi saba kokotuka riko, taeyama. 39 Takore kajotabu akarata ainaminamo kawanamo taisi riboto ribane: Inaminatu, iji yakeraja ribunae, taeyama. 40 Tatukamo warao retaya Jesú renokokitane. 41 Jesú tatuma isia ribane: Warao katukeme Akirito jakutai tai David Auka tia bajama? 42 Davidjase Rokotu akarata eku ribia: Airamo Mairamo isia ribunae: Mamojonome tajasaba rujanu. 43 Jisaba asiraja jakutai tai jiomu noika abatine. Mate abanaja jakore are tata rujanu, tia. (Rok. 110:1) 44 Davidjase taisi isia Mairamo tane ribia. Yatu katukeme tai David auka tia bajama? taeyama. Tane Jesú rewarae. 45 Tatukamo Jesú orianebu saba rewarayakore warao koko-tuka Jesú aribu nokoae. 46 Jesú ribane: Kajotabu akarata ainaminamo amojeku nakaterate. Jiaka kawajerajasi orisabane basiatakitane tatuma saba yakera. Wabinoko ekia nariakore warao tatuma isia yakeraubiara abaubiakore tatuma saba yakera. Orikware nakanokoata naruitane o noara najorokitane naruitane rujunoko airamo saba jakutai taisi eku rujakitane tatuma saba yakera. 47 Tatumasike tatu tewere ebikamo ajanoko nisaya. Tiarone yakeraja tane oritoakitane kwai ribiaja kawajeraja ribia. Dio tatuma sanamatamejerete. Warao eobo kwarika sanamata-mejerete.
211 Takore kwai ribunoko eku burata arao burata abanoko eku anobeanaka toayakore Jesú seorane miae. 2 Mi-jakore tira tewere saneraja jakutai kwarutio manamo abanoko eku toanae. Toayakore Jesú miaeyama. 3 Takore Jesú ribane: Nomewitu yatu isia ribiaine: Tamaja tira tewere saneraja jakutai burata Dio saba abanae. Tira abanajakutaisi amoara eobo kokotuka abanajakutaisi amoara kwarika. 4 Tatuma kokotuka aburata erajasi akari jakutai Dio saba abanae. Tiarone tira jakutai sanerarone anajoro amoara tane jakutaisi kokotuka Dio saba nobeanaka tane abanae, taeyama. 5 Kawanamo kwai ribunoko isia rewarae. Janoko ajoyo yakerajasi isiko nónae tiaja ja. Nobeanaka moajakutaisi isiko nónae tiaja ja. 6 Tane rewarakore Jesú ribane: Yatu mijakutai ekorate. Sinarija naoya. Taisi eku joyo jisakarakate raisama arai bajinatate. Kokotuka enojobone joika toate, taeyama. 7 Takore tatuma renokoyaja ribane: Inaminatu, iji rewaraya-kutai katukakore eku nakate? Asinarija kasikajasi eku nakate? taeyama. 8 Takore Jesú ribane: Oi! Eobo yatu imasibumejerenaka jakotu. Eraja imasibiaja maribia monuka naone ribate: Ine Akirito, tate. O asinarija eku rijana, tate. Tane takore tatuma iamo narunaka jakotu. 9 Yatu ina raisa raisa aorikuba isia nokote. Ina jisaka arao oririboto orikubayakutaisi isia nokote. Nokoitane retanaka jakotu. Wajiabara tane kwaeabakitane ja. Tiarone ayaju mate, taeyama. 10 Tatukamo ribane: Ina arao ina raisama araoto isiko oriku-bate. Ina airamo jisaka ina airamo raisama isiko orikubate. 11 Ina-riko uriraja jakate. Nojoira jate. Waba eraja jate. Tamatuma ina raisa raisa ekia jate. Najamutuata jawana uriraja jate. Sinarija uriraja jate tane. 12 Tiarone tamaja sinarija jakutai kokotuka ebe yatu emojoju-tane isanamatate. Orikware nakanoko araoto amojeku yatu toate. Mojojutanoko eku toate. Masabasabamotiji airamowitu amujaba, kobenajoro amujaba tane yatu konarute. 13 Tiarone tamaja yatu kwaeabakore maisia rewarakitane yakera. 14 Mate ribu eku nakanaja jakore, yatu obonobute tai: Oko katukane orikware ribate bajama? tate tai. Amayatukamo yatu aobojona abakotu tametane obonobunaka jakitane. 15 Ribu yatu moatine. Musa-beraja tane yatu abatine. Takore kokotuka yatu riboto jakutai yatu aribu kanatakomoni jate. Yatu aribu kwarikakomoni jate. 16 Yatu arimarakate yatu wabite. Yatu awaraowitu yatu wabite. Yatu awarao sabuka yatu wabite. Yatu amuaraisatuma yatu wabite. Tatuma yatu kawanamo kubate. 17 Yatu masabasaba-motiji warao kokotuka yatu rarijatate. 18 Tiarone yatu akwajio jisakarakate rijanatate. 19 Yatu taeraja bajene wite oriaobojona wajukautate. 20 Orikubamo Jerusalén kware sibajete. Yatu taisi mitane Jerusalén ekorakitane jakutai taisi eku nakae rijana, tane nami-nate. 21 Takore Judea arao jotakwa tata kurujubukunarai. Janokoina eku jakutai ekumo narukunarai. Janokoina ekuana jakutai janokoina eku yarunaka jakunarai. 22 Tamaja kokotuka ateje jabatajakutaisi aya eku nakae rijana, Jerusalén isia amoara abakitane. 23 Ina eku sanamata taeraja jate. Dio tamaja ina araoto isiko orijisiraja bajete. Tiame tai ya eku kwabu jakutai amájae tane ribate. Tatu ajorosimo jorosimowitu jakutai amájae tane ribate. 24 Buariwari isia muanate. Tatuma kawanamo riko jakutaisi oane ina kokotuka tata mojoju konarute. Judioana jakutai Jerusalén sakate. Inawaja asebe Judioana saba ribu abánae tiaja jakutaisi eku nakamoana jakore are sakaubute. 25 Takore ya eku, waniku eku, kuratuma eku tane sinarija jate. Nojaba tujurubute. Nojaba ai kwana yabaraubute. Takore raina araoto aobonobu eraja ejobane taisi yamonite. 26 Dio airamo sabukatuma najamutuata jakutaisi etororote. Tiame raina arao retane sinakate. Mate raina eku naokitane jakutai taisi aobojona aobonobu eraja ejobate. Aobonobu ebe sinakate. 27 Takore warao tane nakajakutai ajakajoko eku naote. Ajara taeraja naote. Ajokoma urirajasi isia tane naote. Naoyakore raina arao taisi mite. 28 Tamajasi nonakitane jotanakore yatu nokaramane kwai seorakotu. Yatu aejerotu yatu awere rijana, taeyama. 29 Taitane Jesú atae asita abane tatuma saba rewarae: Iko arau mikotu. Rau kokotuka mikotu. 30 Aroko irajiro jakore yatujase ribia: Joira kawere rijana, tia. 31 Monukajase tamaja kwaeabakore rijana: Dio arujuna rujakitane jakutai tai kawere, tane ribakotu. 32 Nomewitu yatu isia ribiaine: Warao ama jakutai muana-moana jakore maribu kokotuka eku ejobate. 33 Najamutu, raina tane ekorate. Ekoroyarone maribusike ekoronatate. 34 Tametane nonanaka jakotu: Uriraja najorokitane, awaba-kitane, raina auba isia obonobukitane tane. Nona tamatuma nonayakore yatu aobojona eku uru monuka bajete. Tane nonayaja mate orinaminanaja jakorejase asinarija eku nakate. Tiame yatujase oriyaorokotu. 35 Asinarija jakutai raina kokotukanea araoto bukate kai isia monuka. 36 Kokotuka naokitiakutaisi ebikamo jakakitane yakeramejerei ubanaka are kwai ribakotu. Warao tane nakajakutaisi amujaba nokaramakitane yakeramejerei ubanaka are kwai ribakotu, taeyama. 37 Taitane yawaya Jesú kwai ribunoko eku inaminae. Imaya janokoina ekumo ejobane jotakwa awai Oriwa Arauina tata ubae. 38 Takore jokona anejeko warao kokotuka kwai ribunoko eku yarune Jesú tata nabakanae aribu nokokitane.
221 Takore Oriwaka Arina Akwaruta Ekiraja awere jaja. Taisi awai raisa Oriwaka Kwaeaba. 2 Takore saserote aira-motuma kajotabu akarata ainaminamo tane waraoto nojayame rijisane Jesú nakitane obonobubuaeyama. 3 Takore Satanás Judas aobojona eku yaruae. Judas jakutai Kariot arotu jakutai. Tai Jesú anebu mojoreko kware manamo kawanamo jisaka. 4 Judas jakutai saserote airamotuma, kwai ribunoko ayaoromo airamotuma tane isiko rewarakitane naruae. Ama ine katukane Jesú wabite tai? tane rewarakitane naruaeyama. 5 Takore tatuma akobe ekeiraja, burata Judas moakitane bajinaeyama. 6 Judas jakutai tatuma aribu eku abanae. Warao ekirakore Jesú saserote airamotuma amojeku wabikitane najabuaeyama. 7 Oriwaka Arina Akwaruta Ekiraja aya eku rijana. Tai ya kwaeaba nakakore obeja aukamo naija kwaeaba sitakitane. 8 Takore Jesú jakutai Pedro Juan tane inatabae. Inatabayaja ribane: Narune kwaeaba anajoro iyakaratakotu oko najorokitane, taeyama. 9 Tatuma ribane: Oko kasaba najoro iyakaratamejerea iji? taeyama. 10 Takore Jesú tatuma riboto ribane: Yatu janokoina eku yarukore nibora yatu riboto ejobate. Tai jo anamu konariaja ejo-bate. Nibora jakutai janoko eku yarute. Takore yatu taisi iamo yarukotu. 11 Tane janoko arotuma isia ribakotu: Kainaminatu ribia: Janokonamu kasaba ja, ine manebu isiko kwaeaba anajoro najorokitane? tia, takotu. 12 Tai namuata yatu konarute. Namu jakutai uriraja. Tai kwai bajia. Amena iyakarátae tiaja ja rijana. Tata jisabakotu, taeyama. 13 Takore tatuma narune Jesú aribu eku miaeyama. Tata kwaeaba anajoro jisabaeyama. 14 Takore asinarija eku nakakore Jesú inatabatuma mojoreko kware manamo isiko mesa yanorujuae. 15 Ainatabatuma isia ribane: Ine mate sanamatamoana jakore yatu isiko kwaeaba anajoro najorokitane kwana obonoaine. 16 Yatu isia ribiaine: Dio arujuna rujuyakutaisiata kwaeaba sitayakutaisi eku nakate. Mate eku nakanaja jakore najoronajine. Sitayakutaisi eku nakakore najorotine. 17 Taitane jobinoko nisane yakeraja jae tane ribunae. Ribane: Tamajasi nisane orimoaubukotu. 18 Yatu isia ribiaine: Tamatu-kamo Dio mate arujuna rujunaja jakore uwa ajo jobinajine. Rujakore jobitine, taeyama. 19 Tane bãu nisane yakeraja jae tane ribunae. Bãu nakarine tatuma moaubune ribane: Tamaja matejo. Matejo yatu kware moayaine. Bãu tametane najoroitane maisia obonobukotu, taeyama. 20 Tane najoroitane jobinoko nisanae. Nisaitane ribane: Ta-maja jobinoko eku jakutai tai ajute jiro asinarija majotu isia. Majotu jakutai yatu kware sororoya. 21 Tiarone miki anaka. Mawabitu jakutai tai are kaisiko najoroya. 22 Nomewitu warao tane nakajakutai ebe jabatajakutaisi eku naria. Tiarone awabitu amájae tane ribate, taeyama. 23 Takore inatabatuma orire-nokobuae. Sina Jesú wabikitia bajama! tane taeyama. 24 Taitane tatuma oriaribu kwarikae. Sina okoatukamo koko-tuka airamo tane bajete bajama? taubuaeyama. 25 Takore Jesú ribane: Judioana airamo jakutai anebu are kajotabubia. Ribu ja jakutaisi isia eobo ribia: Kasanetamo, tia. 26 Tiarone yatu tametane nonanaka jakotu. Yatu kawanamo airamo uriraja jaku-tai tai nojotonajiro monuka bajekunarai. Yatu kawanamo akwa-tayakutai tai yatu akajotabu monuka bajekunarai. 27 Sina airamo uriraja? Mesa yarujuyakutai tai airamoanara? O akajotabu jakutai tai airamo mojoro? Mesa yarujuyakutai taisike airamo. Ine yatu kawana yatu akajotabu tane jaine. 28 Eobo mayakara mikore yatu are maisiko bajinae. 29 Marima airamo tane merujate. Taisi monuka ine yatu airamo tane erujatine. 30 Tane ine marujuna rujakore yatu mamesa yanoru-june najorote jobite tane. Taitane yatu airamo arujunoko arai norujune Israeltuma awaraosebeira mojoreko kware manamo jakutaisi aribu nome toate, taeyama. 31 Tane Airamo ribane: Simón, Simón, Satanás kwana ebuae tiriko monuka yatu enisabukitane. 32 Tiarone jikware ebuaine iji nome abayakutaisi iabanaka jamejerei. Takore iji bajene jiwa-raoto aobojona taeraja tane abanu, taeyama. 33 Takore Simón ribane: Mairamo, are jiiamo narutine. Memojojutayarone o manaijarone are jiiamo narutine, taeyama. 34 Jesú ribane: Pedro, jiisia ribiaine: Mate karina kuitanaja jakore iji rijanamo tane ribate: Taisi naminanajine, tate, taeyama. 35 Tatukamo Jesú tatuma isia ribane: Kaje yatu inatabaine. Sako omi, wanaba omi, barukata omi tane yatu inatabaine. Yatu narune ekiraja ejobonaera? tae. Tatuma ribane: Ekirena, taeyama. 36 Tai ribane: Ama burata anamu jakore konarute. Wanaba jakore konarute. Abuariwari ekirakore ajiaka wabine buariwari nisate. 37 Yatu isia ribiaine: Ribu maisia jabatajakutai mate taisi eku nakakitane ja. Ribu ja: Kajotabu atainamo isiko taisi abanae, tia. (Isa. 53:12) Maisia jabatajakutai taisi eku nakakitane ja, taeyama. 38 Takore tatuma ribane: Kairamo, oko buariwari manamo jaoko, taeyama. Tai tatuma isia ribane: Yakera rijana, taeyama. 39 Takore ejobane jotakwa Oriwa Arauina tata naruae. Are tata nariaja jaja. Aneburakate taisi iamo naruaeyama. 40 Takore Jesú tata nabakane anebu isia ribane: Kwai ribakotu raisa yatu ayakara minaka jamejerei, taeyama. 41 Taitane Jesú emosabuka naruae. Joyo toane nakayakutaisi aito monuka naruae. Tane jinamane rujane kwai ribunae. 42 Ri-ma, iji tamaja jobinoko mebikamo nisakore yakerakuna. Tiarone maobojona eku abakitane obononajine. Jiaobojona eku abakitane obonoyaine, taeyama. 43 Takore Dio ainataba najamutu tatamo Jesú tata ejobane taisi taeraja tane abanae. 44 Takore Jesú akobe kwana ekumoniraja jaja atae kwarika kwai ribunae. Aijiobo jotu uriraja monuka joika takatakaeyama. 45 Kwai ribaitane karamunae. Tane anebuata nabakane anebu ubayakore miae. Tatuma ekumoni ebe ubaeyama. 46 Jesú ribane: Yatu katukeme ubaya bajama? Karamane kwai ribakotu raisa yatu ayakara minaka jamejerei, taeyama. 47 Tane mate ribiakore waraosebeira nabakanae. Jesú anebu kawanamo jisaka tatuma ebe naoae jojisi anaminatu tane. Taisi awai Judas. Tai Jesú yanabakanae amukaba orokitane. 48 Takore Jesú ribane: Judas, iji warao tane nakajakutaisi amukaba orone taisi wabia mojoro? taeyama. 49 Jesú isiko jakutai kwaeabakitane jakutaisi miae. Tatuma ribane: Kairamo, oko buariwari isia orikubate mojoro? taeyama. 50 Taitane tatuma kawanamo jisaka saserote airamowitu anebu-ratuma akojoko mojonome tajasabaya jewetenaeyama. 51 Akojoko yaneberakore Jesú ribane: Taneana. Tanaka jakotu, taeyama. Taitane niborama akojoko torene ibajukanaeyama. 52 Takore saserote airamotuma, kwai ribunoko ayaoromo aira-motuma, waraoto airamotuma tane nabakae. Jesú konarukitane naoae. Takore Jesú tatuma isia ribane: Yatu buariwari isiko rau isiko tane naoaeraji bajama! Ine erijisa arotu monuka mariboto ejoboyaraji bajama! 53 Ine ya kokotukanea kwai ribunoko eku yatu isiko jajaine. Tiarone yatu amojo mariboto ejinatanae. Amasike yatu aobojona eku, imajana arotuma aobojona eku tane nakae rijana, taeyama. 54 Takore tatuma Jesú emojojutane saserote airamowitu ajanokoata konaruaeyama. Takore Pedro tatuma iamo nariaja utiraja yã tane naruaeyama. 55 Takore tatuma janoko akara eku jekunu erokane awerea norujuaeyama. Pedrorakate tatuma kawana rujunaeyama. 56 Takore nebutu kawanamo tira jakutai Pedro jekunu awere rujúnae takore miae. Yaorane mine ribane: Tamajarakate taisi isiko jaja, taeyama. 57 Tiarone Pedro ribane: Tira, taneana. Taisi naminanajine, taeyama. 58 Kware majabane raisa taisi mitane isia ribane: Iji tatuma ajisaka, taeyama. Takore Pedro ribane: Maraisa, ineanaine, tae-yama. 59 Tatukamo ya asinarija jisaka kaika monuka nakakore atae raisa yaorane ribane: Nomewitu tamaja taisi isiko jaja, Galilea arotutiji, taeyama. 60 Takore Pedro ribane: Maraisa, iji ribiakutai taisi naminana-jine, taeyama. Tane mate ribiakore karina kuitaeyama. 61 Takore Airamo oribarene Pedro miaeyama. Mikore Pedro aobojona Airamo aribu tata nakae. Airamo ribane: Karina mate kuitanaja jakore iji rijanamo tane ribate: Taisi naminanajine, tate, taeyama. 62 Takore Pedro yakareku ejobane kwana onaeyama. 63 Takore Jesú ayaoromo jakutai Jesú yewereaja ekotubuae. 64 Amu sijakane amukaba nabaubuae. Nabaubuitane isia ribane: Sina jinabanae? Iji Dio kware arewaratutiji jinabatuma awai waranu, taeyama. 65 Atae ribu erajasi isia isanaubiaja Jesú isia asiraja ribubuaeyama. 66 Jokona yakarayakore waraoto airamotuma orikware nakae saserote airamotuma isiko, kajotabu akarata ainaminamo isiko tane. Orikware nakane ribu nome atoamo amujaba Jesú konaruae-yama. 67 Tata renokoyaja ribane: Iji Akiritoanara? Kariboto ribanu, tae-yama. Tai riboto ribane: Ine yatu isia ribakore maribu yajorabanaja. 68 Ine yatu renokokorerakate mariboto ribunaja, mejeronaja tane. 69 Tiarone tamaja sinarijayatukamo warao tane nakajakutai Dio taeraja jakutaisi amojonome tajasabaya rujate, taeyama. 70 Takore kokotuka ribane: Iji rijana Dio Aukenara? taeyama. Takore tai ribane: Yatu ribiakutai, tai nome, taeyama. 71 Takore tatuma ribane: Katukane atae oko ribu kwarika naja-bute bajama? Ama oko kakojoko isia aribu nokoae rijana, taeyama.
231 Takore waraosebeira kokotuka nokaramane Pilatoata Jesú konaruaeyama. 2 Konarune kware asiraja abakitane jotananae. Ribane: Tamaja kawaraoto aobojona emo ibajiakore naminaeko. Tai oko burata airamo César moamejerenaja. Ine Aki-rito tane ribia. Ine Airamowitu tane ribia, taeyama. 3 Takore Pilato Jesú renokoae: Iji Judiotuma airamowitu mo-joro? tae. Jesú taisi riboto ribane: Iji ribiakutai, tai ine, taeyama. 4 Tane takore Pilato saserote airamotuma isia waraoto isia tane ribunae. Ribane: Tamaja anona asirajasi minajine, taeyama. 5 Tiarone tatuma taisi aribu kwarikane ribane: Tai waraoto ewiyawiyaya. Ina Judea kokotukanea inaminaya. Ina Galilea tatamo tamatuka ru tane are inaminaya, taeyama. 6 Takore Pilato Galilea isia nokone renokoyaja ribane: Tamaja Galilea arotuanara? tae. 7 Tane Pilato jakutai Jesú Herodes aina arotu jajasi naminaitane Herodes tata inatabae. Sinarija taisi eku Herodesrakate Jerusalén tata jajayama. 8 Takore Herodes atejeatamo Jesú mikitane obonoajame, mi-tane oriwakaeyama. Jesú anona isia nokoajame, Jesú sinarija nonayakore mikitane obonoaeyama. 9 Tiame eraja tane reno-koae. Tiarone Jesú taisi riboto ribunatanaewitu. 10 Takore saserote airamotuma, kajotabu akarata ainaminamo tane kwana ribiaja Jesú kware asiraja abaeyama. 11 Takore Herodes ayao-romo isiko Jesú tainane ekotubuae. Jiaka yakeraja jommo tiajasi eorisabanae. Eorisabane Pilatoatajase inatabaeyama. 12 Pilato Herodes tane ateje oriisiko asiraja jajayama. Tiarone ya taisiatukamo orimuaraisataeyama. 13 Takore Pilato saserote airamotuma, janokoina airamotuma, warao tane orikware toaeyama. 14 Tane tatuma isia ribane: Yatu tamajasi konae. Waraoto aobojona emo ibajetu monuka konae. Tiarone yatu amujaba ine taisi renokokore yatu taisi kware abanajakutaisi amoara ekiraja ejobonae. 15 Herodesrakate tai asiraja minatanae. Tiame atanejese okoata inatabae. Mikotu. Tamajasi anona amoara ekira nakitane. 16 Yewerene ejerotine rijana, taeyama. 17 Pilato are Oriwaka Kwaeaba eku mojoju jisaka ejeroyaja jajayama. Amarakate taisi monukajase ejerokitane ja. 18 Tiarone warao kokotuka rokojotane ribane: Tamajasi nau, tiarone Barrabás ejeronu! 19 Barrabás jakutai janokoina eku orikuba arotu, akobaka tane jajayama. Tiame mojoju jaja. 20 Takore Pilato Jesú ejerokitane obonoajame atanejese ribu-naeyama. 21 Tiarone tatuma kwarika rokojotane ribane: Esijarimejere! Esijarimejere! taubuaeyama. 22 Pilato atae atane-jese ribane: Anona asiraja kasikaja bajama? Anona amoara nakitane jakutai taisi minajine. Tiame yewerene ejerotine rijana, taeyama. 23 Tiarone suatana aribu kwarikae. Rokojotayaja ebuae esija-rimejerei. Tatuma rokojotane, saserote airamotuma rokojotane tane are Pilato aribu kwarikaubuaeyama. 24 Takore tatuma aribu eku nonamejerei kajotabuae. 25 Orikuba arotu akobaka tane jame emojojutajakutai taisi ejeronae. Taitane Pilato Jesú yaoromo amojeku abanae saserote airamotuma oriaobojona eku abame-jerei. 26 Tatukamo Jesú konariaja niborama oanae. Taisi awai Simón, ina Cirene arotu. Tai jarawaja tatamo naoyakore oanaeyama. Tatuma kuru oane Simón erosiabanae Jesú iamo konarumejerei. 27 Takore janokoina arao eraja Jesú iamo naruaeyama. Tatu-rakate oriamejo nabayaja yaonayaja asana warayaja tane narubu-aeyama. 28 Tiarone Jesú tatuata seorane ribane: Tatu Jerusalén arao, mayaonanaka jakotu. Wite oriyaonate. Yatu anobotomo yaonate tane. 29 Asinarija naoya. Taisi eku ribate: Kwabuoni jakutai tai ekeiraja. Mate kwabumoana jakutai tai ekeiraja. Ami eoromoana jakutai tai ekeiraja, tate. 30 Tane jotakwa isia ribate. Karai nakakotu, tate. Jotakwa sanuka isia ribate: Kasijakakotu, tate. (Ose. 10:8) 31 Rau jiro isiko tametane nonaya. Tiarone rau waja isiko tane nonakore katukate? taeyama. 32 Takore tatuma Jesú isiko atae nibo manamo konaruaeyama. Nibo jakutai asirajasi anonamo. Tatuma kubakitane konaruaeyama. 33 Ina Kwamujuineta nabakane tata Jesú esijariae. Asirajasi anonatu jisaka Jesú amojonome tajasaba, asirajasi anonatu araisa akajamojo tajasaba tane esijariaeyama. 34 Takore Jesú ribane: Rimá, tatuma nonayakutai wite taisi naminanaja. Tiame obojona asiraja tatuma kware abanaka bere, taeyama. Takore yaoromo jakutai Jesú ajiaka kanatakitane kware kotubuae. 35 Takore warao Jesú tata seoroyaja bajinae. Judiotuma aira-motumarakate Jesú ekotubiaja ribane: Tai eobo ejeronaeyama. Ama wite oriejerokunarai. Tai Akirito jakore tane nonakunarai. Dio taisi mibune nisánae tiaja jakore tane wite oriejerokunarai, taeyama. 36 Yaoromorakate taisi ekotubuae. Awere nabakane bino ajíae tiakutaisi moae. 37 Isia ribane: Iji Judiotuma airamowitu jakore wite oriejeronu rijana, taeyama. 38 Takore Jesú akwa kwarika jabata abanae. Grecia araoto aribu isia, Roma araoto aribu isia, Ebereo aribu isia tane jabatae. Ajabata ribane: TAMAJA JUDIOTUMA AIRAMOWITU, taeyama. 39 Takore asirajasi anonatu jisaka Jesú awere esijaríae tiakutai Jesú isia asiraja ribunae. Ribane: Iji Akirito jakore wite orieje-ronu. Kejeronu tane, taeyama. 40 Tiarone araisa taisi sabajine riboto ribane: Taisi monuka jiaisanamataya. Iji Dio yatomanetenajara? 41 Kanona kaika kai-sanamataya rijana. Oko kanona amoara abayaja sanamataya. Tiarone tamaja asirajasi nonanatanae, taeyama. 42 Tane Jesú isia ribane: Mairamo, iji jirujuna rujane maisia obonobu, taeyama. 43 Takore Jesú taisi isia ribane: Nomewitu jiisia ribiaine: Iji misika maisiko najamutuata jate, taeyama. 44 Tatukamo ya kwai monuka raina kokotukanea ya imananae. Ya anayakore ima ekoronae. 45 Ya imananajakutaisi eku kwai ribunoko akojo ajiaka jakutai najinaeyama. 46 Takore Jesú kwana rokojotane ribane: Rimá, jimojeku maobojona abayaine, taeyama. Ribaitane wabaeyama. 47 Takore yaoromo siento jisaka akabitana taisi mitane Diosike yakeraja jae, tane ribunae. Ribane: Nomewitu tamaja nibora nomeraja, taeyama. 48 Warao kokotuka tata jakutai kwaeabanajakutaisi miae. Mitane oriamejo nabayaja ajanokoata narubuae. 49 Tiarone Jesú amusaba kokotuka, tatu Galilea tatamo Jesú iamo naoajakutai tane tatuma bajinae. Tatuma utirajamo mijaja bajinae. 50 Takore nibora jisaka naoae. Taisi awai José. Tai janokoina Arimatea ina Judea arotu. Tai ribu nome atoamo kawanamo jisaka. Tai nibora yakeraja, nomeraja tane jajayama. 51 Ribu nome atoamo anona José saba asiraja ejobonae. José jakutai Dio arujuna rujamejerei yawakayaja jaja. 52 Tai Pilatoata narune Jesú atejo konarukitane ebuaeyama. 53 Taitane José Jesú atejo kuru isimo nisane jiaka arino ajaunona jakutaisi isia yejimaraeyama. Amena joitanoko jakutai joyoira eku iwamejerei kajotabuaeyama. Joyo joitanoko tane íwae tiaja jaja. Mate taisi eku joitamoana jaja. Taisi eku Jesú atejo abanaeyama. 54 Ya tuwara aya esewirakitane jakutaisi ebika Jesú joitae. Ya tuwara jakutaisi ebisabuka ya tuwara saba iyakarataya. 55 Takore tatu taisi isiko Galilea tatamo naoajakutai joitamo iamo naruaeyama. Joitanoko miae. Jesú atejo joitanoko eku abayakore miae. 56 Tane ekiajase bajitane tatuma jonaberaja, jonaberaja ejonoko tane iyakarataeyama. Iyakarataitane kajotabu kaika ya tuwara eku tuwarae.
241 Takore misa jokoyakore tatu joitanokoata naruae. Jona-beraja iyakaratajakutai taisi konaruaeyama. Tatuma iamo tatu raisarakate narubuaeyama. 2 Tata nabakane joitanoko akwa-mukoro joyo emo abánae takore miaeyama. 3 Tane eku yarune Airamo Jesú atejo minatanaeyama. 4 Tane tatuma aobonobu eraja ejobane katukane jaja tai tane naminanatanaeyama. Takore nibo manamo tatuma awere nokaramuae. Niboto ajiaka jommo yii tiajayama. 5 Takore tatu kwana retane jinamane joika nakaeyama. Nibo jakutai ribane: Yatu katukeme riko jakutaisi najabia joitanoko eku? 6 Tai tamatuka ekira. Amena nomininae. Tai mate Galilea tata jaja ribunajakutaisi isia obonobukotu. 7 Tai yatu isia ribunae: Warao tane nakajakutai asirajasi anonamo amojeku abakitane ja. Taisi esijarekitane ja. Ya rijanamo takore nominakitane ja, tane ribunae, taeyama. 8 Takore tatu aobojona Jesú aribu tata nakae. 9 Tane joitanoko tatamo ekiajase bajene anebu mojoreko kware jisaka saba rewaraeyama. Eobo kokotuka sabarakate rewarae. 10 Tatu inatabatuma saba rewarajakutai tatuma awai Maria Magdala arotu. Araisa Juana. Araisa Maria Jacobo arani. Eobo tatuma isiko jaja. 11 Rewarakore aribu inatabatuma saba bure monuka ejobonae. Yajorabanatanaeyama. 12 Takore Pedro karamane joitanokoata jakanaeyama. Tane wiajene joitanoko eku seorane miae. Jiaka arino ajaunona emo abánae tiaja miae. Tane kwaeabanajakutaisi aobojona retayaja ekiajase bajinaeyama. 13 Tatuma kawanamo manamo ya taisi eku janokoina sanu-keta naruae. Janokoina awai Emaús. Ajojisi akawaja Jerusalén tatamo aito estadio asebe siento ajabasi kware mojoreko monuka. 14 Tatuma nariaja kwaeabanajakutaisi isia orisaba rewaraeyama. 15 Tane tatuma orisaba rewarayaja orirenokoyaja tane naruae. Nariakore Jesú tatuma awere nabakane isiko naruaeyama. 16 Tiarone tatuma amu sijákae tiaja monuka bajinae Jesú sina tai tane naminanaka jamejerei. 17 Jesú tatuma isia ribane: Yatu katukane jojisi ekia orisaba rewaraya? Yatu katukeme ekumonira? taeyama. 18 Jisaka awai Cleofas jakutai Jesú riboto ribunae. Ribane: Jerusalén arao kwaeabanajakutai taisi naminaya. Tatukamoana-rakate naminaya. Ijiwitu naminanaja mojoro? taeyama. 19 Takore Jesú ribane: Katukane kwaeabanae? taeyama. Tatuma ribane: Jesú Nazaret arotu jakutai taisi isia. Tai Dio kware arewaratu. Taisi anona taeraja, ariburakate taeraja Dio amujaba, warao kokotuka amujaba tane. 20 Tiarone saserote airamotuma, kajanokoina airamotuma tane taisi emojojutane raisama amojeku abanae namejerei. Takore esijariae. 21 Jesú jakutai tai Israeltuma ejerokitane tanabaeko. Ama kwaeabanaja-kutaisiatukamo ya rijanamo ja rijana. 22 Takorejone jokoyakore tatu kasebe ekumo joitanoko tata naruaeyama. 23 Jesú atejo minatanajame naone kwana keretae. Tatuma ribane: Dio ainatabatuma miaeko. Takore Dio ainataba kaisia ribunae: Jesú jakutai tai riko ja, tae, taeyama. Tane tatu kasaba rewarae. 24 Kakawanamo ajoitanokoata narune tatu aribu eku miae. Tiarone Jesú minatanae, taeyama. 25 Takore Jesú tatuma isia ribane: Yatu bureraji! Yatu aobo-jona taerajaraji! Dio kware arewaramo aribu kokotuka isia nome abanajaraji bajama! 26 Mate airamo tane ejobakitane Akirito tametane sanamatakitane ribu janajara? taeyama. 27 Tane Jesú Jabataja aribu tatuma inaminakitane jotananae. Kokotuka wite oriisia ribiakutaisi inaminaeyama. Moisés ajabatayatukamo Dio kware arewaramo ajabata kokotuka jakutaisi tata ru tane inaminae. 28 Taitane janokoina sanuka tata nariaja, tata nabaka-naeyama. Jesú are suatana narukitane monúkau takore, tatuma Jesú tuwaramejereae. 29 Ribane: Ya anaya. Ya sotoya rijana. Tiame kakaika bajenu, taeyama. Takore Jesú tatuma iamo yaruae kaika bajekitane. 30 Tane tatuma isiko mesa yanorujune bãu nisanae. Yakeraja jae tane ribunae. Nakarine tatuma moaubuaeyama. 31 Takoresike yaorane mitane, Jesú jakutaisi naminae. Takore Jesú nome ekko tae. 32 Takore tatuma oriisia ribane: Nomewitu jojisi ekia kasaba rewarayaja, Jabataja kainaminayakore kakobe okko tane bajinae. Nomeanara? taeyama. 33 Taitane sinarija taisi eku nokaramane ekiajase Jerusalén tata bajinaeyama. Jesú anebu mojoreko kware jisaka orikware nákae takore miae. Eobo tatuma kaika jaja. 34 Tatuma ribane: Nomewitu Airamo nomininae. Tai Simón oriemusabae, taeyama. 35 Takore Emaús arao jojisi eku kwaeabanajakutaisi rewarae. Jesú bãu nakarikore naminajakutai taisi rewaraeyama. 36 Tane tatuma orisaba rewarayakore Jesú tatuma autu kara-munae. Ribane: Inareraja bajekotu, taeyama. 37 Takore tatuma tai mejokoji tanabajame nojane, retaubu-aeyama. 38 Tiarone Jesú ribane: Yatu katukeme retaya? Katu-keme yatu aobojona eraja ejoboya? 39 Mamojo, momu tane mikotu. Ineine rijana. Matorene mikotu. Ine toma, muju tane jaine. Mejokoji jakutai tane ekira. 40 Taitane amojo omu tane tatuma emiaeyama. 41 Tiarone ta-tuma ekeirame, retayame tane mate nome abanatanae. Tiame Jesú ribane: Tamatuka najoro jara? taeyama. 42 Takore jomakaba jeubu akari, atae simo ajonamu tane moae. 43 Tai nisane tatuma amujaba najoroaeyama. 44 Ribane: Makwaeabanajakutai kwaeabakitane jaja. Ine mate yatu isiko jakore ribu yatu saba rewarajakutai tai rijana. Maisia kajotabu akarata eku jabatajakutai taisi eku nakakitane ja, taine. Kajotabu akarata jakutai tai Moisés ajabata. Atae Dio kware arewaramo akarata eku ribu ja, maisia. Rokotu akarata eku ribu maisia ja. Kokotuka aribu eku nakakitane ja, taine, taeyama. 45 Tane Jesú anebutu aobojona iejobonae Jabataja aribu noko-mejerei. 46 Ribane: Jabátae tiaja ja: Akirito sanamatakitane ja. Ya rijanamo takore wabaerone nominakitane ja, tia. Tane jabatae. Taisi eku nakakitane jame eku nakae. 47 Akirito aribia rewarakitane ja. Obojona ibarekitane ja tane rewarakitane. Obo-jona asirajasi berekitane ja tane rewarakitane. Wajiabara Jeru-salén tata rewarakitane ja. Tatukamo ina kokotukanea rewara-kitane ja. 48 Ama yatu kwaeabanajakutaisi amimo. 49 Mikotu anaka. Rima ribu abanae. Aribu eku yatu inatabatine. Mate jarata kwaimo nojonaja jakore Jerusalén tata bajekotu, taeyama. 50 Taitane Jesú orianebu konaruae Betania tata. Tai amojo kobukane tatuma yakeraja tane abanaeyama. 51 Yakeraja tane abayakore tatuma aweremo kobukane najamutuata konaruae-yama. 52 Takore tatuma taisi yatomanetene ekiajase Jerusalén tata ekeiraja bajibuaeyama. 53 Tane kwai ribunoko eku are Dio isia yakeraja jae tane ribiaja, Dio yakeraja tane abayaja tane bajibuaeyama. Amén.