JUDAS
11 Ine Judas, Jesukirito akajotabu, Jacobo araka tane, karata jabatayaine. Dio Rima yejebune orisaba emo abanajakutai ine tatuma saba jabataya. Tatuma yakeraja bajia Jesukirito eku jame. 2 Dio akobe are suatana yatu isia ajerakunarai. Dio are suatana yatu inareraja tane abakunarai. Dio are suatana yatu obonokunarai. 3 Mawarao ine obonoyakutai, yatu saba jabatakitane kwana obonoaine. Dio kaobojona ibajukayakutaisi isia jabatakitane obonoaine. Dio kaibajukaya. Yaturakate ibajukaya. Tiarone ama ine yatu saba jabatakitane ja yatu reirikitane ribu anome kware orikubamejerei. Ateje Dio ribu anome jakutai orisaba emo abánae tiakutaisi moae. Jisatawitu moae are jamejerei. 4 Eobo nome abamo monuka bajiaja yatu kawana yaruae. Jabataja atejeatukamo ribia: Tatuma sanamata saba, tia. Tatuma ribia: Dio aobojona ayakara kaisiko ja. Nona eobo kwarika nona asirajawitu nonayaja ubakitane jakutai kasaba asirena, tia. Tatuma Dio ayatomanetemoana. Dio Karotu jisakawitu jakutai taisi tainaya tatuma. Kairamo Jesukirito tainaya tane. 5 Rewara ja. Yatu rewara naminayarone, yatu taisi isia obonobumejereaine. Airamo Israeltuma ina Egipto ekumo eje-ronae. Ejeronaerone nokabuka warao nome abanaja jakutaisi iekoronae. 6 Dio ainatabatuma ateje jakutaisi isia obonobukotu. Inatabatuma kawanamo ayaota eku bajinatanae. Tiarone oriaja-noko iabanae raisama iamo narukitane. Tiame Dio tatuma emojojutae. Mate ya uriraja naoya. Tai ya eku Dio ribu kokotuka nome toate. Tai ya saba inatabatuma mojoju abanae. Imajana eku koyánae tiaja ja karena are jeronaka jakitane jakutaisi isia. 7 Janokoina Sodoma arao jakutai, janokoina Gomorra arao jakutai, janokoina tatuma awere jakutaisi arao tane, tatuma isia obonobukotu. Tatuma monuka maretamo tane ejobonae. Waraoto aobojona ekuana jakutaisi eku nonae. Tatuma jekunu are rokiakutaisi eku sanamatae eobo taisi naminane tatuma sitanaka jamejerei. 8 Takore tamaja warao jakutai tatuma monukajase. Amusibu eku abaya. Oriatejo isabanaya. Airamotuma aribu tainaya. Airamotuma isia asiraja ribia. 9 Miguel Dio ainatabatuma airamo sabuka. Miguel jakutai ateje jebuira isiko rewarayaja oriaribu kwarikae Moisés atejo isia. Tatuma oriaribu kwarikakore Miguel jebuira aribu nome toakitane isananatanae. Tiarone tametane ribunae: Airamo jisabajikunarai, tae. 10 Tiarone tamaja warao jakutai naminanaja jakutaisi isia asiraja ribia. Warao naminayakutaisi monuka tatuma naminanaja. Romu naminayakutaisi monuka tatuma naminaya. Naminayakutaisi eku abane oriiekoroya. 11 Tatuma amájae tane ribate. Tatuma Caín sitae. Tatuma Balaam anona emo jakutaisi eku kurujubuae burata nojokitane. Tatuma Coré monuka kajotabu ribotonajame Dio tatuma iekoronae. 12 Yatu Dio obonoyame orikware nakane najoroya. Tatumarakate yatu isiko najoroya jobia tane. Tiarone tatuma Dio nojanaka nonaya. Tatuma najoroyakore noara tomaneraja bajia. Tatuma obeja ayaoromo monuka tiarone wite oriyaoroya. Tatuma naja ebonaka ajaka ebe jakayakutaisi monuka. Tatuma rau monuka, tiarone ayakaramata eku akwaja ekira. Tatuma manata wabae. Ajokonamuatukamo bujúae tiaja jaja. 13 Tatuma nojaba ai monuka. Anona tomaneraja nojaba ai abana monuka ejoboya. Tatuma kura monuka, tiarone ajojisi ekia narunaka emo naria. Dio tane abanae tatuma imajana anerajawitu eku are saba bajemejerei. 14 Adanatukamo Enoc tata nabakakitane anobotomo atae taisi anobotomo tane mojoabasi kware manamo ru tae. Enoc jakutai Dio aobojona rewarayaja asirajasi anonamo isia rewarae. Ribane: Airamo naoyakore miaine. Warao eraja Dio saba emo abánae tiakutaisi isiko naoya. Asebe sinarijairatuma sinarijairatuma. 15 Warao kokotuka aribu nome toakitane naoya. Dio ayatomanetemoana kokotuka isanamatakitane naoya. Dio ayato-manetemoana asirajawitu nonae. Tatuma anona Dio yatoma-netenaja jakutaisi aobojona isanamatate. Dio ayatomanetemo-ana aribu taeraja kokotuka Dio riboto ribuajakutai taisi aobojona isanamatate, tae. 16 Eobo anona tatuma saba asiraja ejoboya. Are ribubia. Are oriaobojona asirajasi eku abakitane obonoya. Aroko isia ribu taeraja ribia. Eobo isia yakeraja ribia eobo tatuma aobojona eku abamejerei. 17 Tiarone mawarao, ine yatu obonoya. Kairamo Jesukirito ainatabatuma aribu isia obonobukotu. Tatuma ateje yatu saba ribu abanae. 18 Ribane: Ya ayaju eku warao karamane ribu Dio isia jakutaisi ekotubute. Oriaobojona Dio yatomanetenaja jakutaisi eku abate, tae. 19 Tatuma warao jisajisamejerea. Tatuma raina aobojona eku anarumo. Tatuma Dio Amejokojira ekira. 20 Tiame mawarao, ine obonoyakutai, yatu nome abayaja yatu anomeaba yakerajawitu jakutaisi araimo orieirakotu. Dio Amejokojira Yakerajawitu jakutaisi ajarata isia kwai ribakotu. 21 Dio yatu obonoyame taeratakotu. Kairamo Jesukirito akobe kaisia ajerame oko are ubamejerete. Oko are ubamejerekitane jakutaisi aya yawakakotu. 22 Nome abamoana isia yatu akobe ajerakotu. Nome abamo-ana orimonukena. 23 Nome abamoana kawanamo jekunu ekumo nisakotu. Tiarone oi! Yatu ajiaka tatuma atejo yeberenaka jaku-narai. Yeberakore asiratate. Tiame yatu yeberemejerenakawitu jakotu! 24 Dio ajara taeraja ja yatu yaorokitane yatu nakanaka jamejerei. Dio ajara taeraja ja yatu Dio amujaba nabakamejerei. Dio jakutai ajokoma yakerajawitu eku bajia. Dio ajara taeraja ja yatu kware asiraja abanaka ekeiraja nabakamejerei. 25 Diowitu musaberaja. Taiwitu kaobojona Aibajukatu. Tai airamo tane bajekunarai. Tai airamo uriraja bajekunarai. Taisi ajara taeraja bajekunarai. Taisi aribu taeraja bajekunarai. Tametane baje-kunarai ama, are saba tane. Amén.