COLOSAS

COLOSAS

¹ Ine Pablo. Dio aobojona ine Jesukirito ainataba. Timoteo nome abatu jakutai tai maisiko ja. ² Yatu Colosas arao jakutai, yatu Dio saba emo abánae tiaja. Yatu nome abamo Kirito aribu eku abayakutai. Yatu saba jabatayaine. Dio Karima jakutai, Airamo Jesukirito jakutai tane oriaobojona ayakara yatu moakunarai. Inareraja tane yatu abakunarai. ³ Oko are yatu kware kwai ribiaja Dio isia yakeraja jae tane ribiaoko. Dio jakutai tai Kairamo Jesukirito Arima. ⁴ Yatu Kirito Jesú isia nome abayakore nokoaeko. Yatu warao kokotuka Dio saba emo abánae tiakutaisi obonoyakore nokoaeko. ⁵ Najamutu-ata yawaka yatu saba orabánae tiaja ja. Tiame yatu nome abaya. Tiame yatu eobo obonoya. Ribu nomeraja yatuata nabakakore yatu yawakakitane jakutaisi nokoae. Ribu nomeraja jakutai tai rewara yakeraja. Yatu ribu nomerajasi nokoajame yawakaya. ⁶ Raina kokotukanea rewara yakeraja jakutai iraya, kwajaya tane. Monukajase yatu eku iraya, kwajaya tane. Yatu Dio aobojona ayakara isia nokoajakutaisiatukamo yatu eku iraya, kwajaya tane. Dio aobojona ayakara jakutai tai nomeraja. Tane naminajakutaisiatukamo yatu eku iraya, kwajaya tane. ⁷ Epafras yatu inaminae. Epafras jakutai tai oko obonoyakutai. Tai Kirito akajotabu tane bajene aribu eku abaya. Tai Kirito aobojona yatu isiko yaotaya. ⁸ Dio Amejokojira yatu eku jame raisama obonoyakutai Epafras kasaba rewarae. ⁹ Takore okorakate nokoajakutaisiatukamo are kwai ribu iaba-naka yatu kware kwai ribiaoko. Yatu Dio aobojona yaorane naminamejerei ebiaoko. Oko ebia yatu obojona jiro isia musabe-raja, naminayaja tane yaorane naminamejerei. ¹⁰ Kokotuka Airamo saba nonakitane jakutai yatu taisi eku nonamejerei ebiaoko. Airamo saba yakeraja jakutai yatu taisi nonamejerei ebiaoko. Yatu nona kokotuka yakeraja jakutaisi eku nonane kwajamejerei ebiaoko. Suatana Dio yaorane naminamejerei ebiaoko. ¹¹ Dio oriajarata yakerajasi kaika yatu aobojona taeraja tane yaorane abamejerei ebiaoko. Yatu taeraja bajene are taeraja, ekeiraja tane yaorane taeratamejerei ebiaoko. ¹² Yatu Rimasi isia yakeraja jae tane ribamejerei ebiaoko. Warao Dio saba emo abánae tiakutai Dio isimo nojote. Dio yatu iyakaratate tatuma isiko nojomejerei ajokoma eku. ¹³ Dio imajana arotuma amojekumo kejeronae. Auka obonoyakutaisi amojeku kabanae. ¹⁴ Auka jakutai ajotu isia kamoara abane kejeroya. Kaobojona asirajasi kakware abanaka berea. ¹⁵ Auka jakutai Dio minaja jakutaisi asita. Auka jakutai Dio anona kokotuka ebe. ¹⁶ Dio taisi isia kokotuka nonae. Taisi isia najamutu eku jakutaisi nonae. Raina eku jakutaisi nonae. Taisi isia oko miajakutaisi nonae. Oko minaja jakutaisi nonae. Airamo arujuna jakutaisi nonae. Airamotuma norujuyakutaisi nonae. Airamotuma nonae. Airamo aribu isiko jaja jakutaisi nonae. Tatuma kokotuka Jesú isia nonae, Jesú saba tane. ¹⁷ Jesú jakutai kokotuka ebe. Taisi aobojona kokotuka kaika abánae tiaja bajia. ¹⁸ Tai tejo akwa. Atejo jakutai ikeresia arao. Tatuma Jesú isimo. Jesú jakutai muanamo nominibukitane jakutaisi awajiabara nomininae. Tiame kokotuka kwarika ejobonae. ¹⁹ Dio aobojona kaikawitu ja. Taisi monukajase Kiritorakate kaikawitu. Tane Dio aobojona ekuwitu. ²⁰ Dio warao kokotuka oriaobojona iabane Dio isiko yakeraja bajemejerea, Kirito isia. Raina eku jakutai, najamutu eku jakutai tane Dio isiko yakeraja bajemejerea. Kirito kuru isia ajotu webotonajame Dio kokotuka inareraja tane abaya. ²¹ Ateje yatu Dio emo. Ateje Dio isiko asiraja ejobakitane yatu aobojona. Yatu anona asira. Tiarone Dio tametane nonae. Ama yatu Dio isiko yakeraja bajemejerea. ²² Kirito atejo wabajame tametane ejobonae. Dio orisaba yatu nisanae saba emo abánae tiaja bajemejerei. Yatu aobojona anana ibásae tiajena, yatu kware obojona asiraja abánae tiajena tane jaja jamejerei Dio yatu nisanae. ²³ Nome abayaja bajekitane ja. Janoko anamuna jonikamo abánae tiajasi monuka bajiaja taeraja bajekitane ja. Rewara yakeraja yatu nokoajakutai taisi yawakayaja bajekitane ja. Rewara yakeraja raina kokotukanea rewarayakutai tai tamaja. Ine Pablo rewara yakerajasi akajotabu tane bajinaine. ²⁴ Ine yatu kware sanamatane oriwakayaine. Kirito mate sanamatakitane jakutai taisi kaikayaine. Matejo eku kaikayaine. Kirito atejo kware sanamatakitane ja. Atejo jakutai tai ikeresia arao. ²⁵ Ine ikeresia araoto akajotabu tane bajinaine. Dio oriaikeresia araoto akajotabu tane mabanae yatu saba. Dio aribu yaorane rewaramejerei mabanae. ²⁶ Atejeatukamo inawaja eraja ribu jakutai ribu rijísae tiaja bajinae. Tiarone ama Dio ribu warao Dio saba emo abánae tiakutaisi enokoae. ²⁷ Dio ribu warao Dio saba emo abánae tiakutaisi enokokitane tane obonoae. Dio aribu Judioana jakutaisi saba yakeraja, uriraja tane ejobonae. Dio enokokitane obonoae. Ribu rijisa jakutai tai tamaja. Kirito yatu eku ja. Yatu eku jame yatu najamutuata narukitane yawakaya. ²⁸ Oko Kirito isia rewarayaoko. Oko warao kokotuka reiria-oko. Ribu musaberajasi isia warao kokotuka inaminayaoko. Oko waraoto inaminaya warao kokotuka Kirito Jesú eku kaikawitu ejobamejerei. ²⁹ Tiame kwana yaotayaine. Kirito ajarata meku taeraja yaotayakutai taisi kaika yaotayaine.

¹ Yatu kware kwana yaotayaine. Laodicea araoto kware kwana yaotayaine. Kokotuka maminaja jakutaisi kware kwana yaotayaine. Ine yaotayakutai yatu taisi naminamejereaine. ² Tatuma akobe tuwaramejerei obonoyaine. Tatuma obonoyaja obojona jisaka eku bajemejerei obonoyaine. Tatuma yaorane naminane retayajenaka ejobamejerei obonoyaine. Tatuma Dio aribu rijísae tiakutaisi naminamejerei obonoyaine. Ribu rijisa jakutai tai Rimasi aribu, Kirito aribu tane. ³ Uriraja musabakitane jakutai Kirito eku rijísae tiaja ja. Uriraja naminakitane jakutai Kirito eku rijísae tiaja ja. ⁴ Ine yatu saba rewarayaine raisa aribu imasibiaja jakutaisi isia yatu imasibunaka jamejerei. ⁵ Matejo yatu emorone maobojona yatu kaika. Yatu yakeraja nonakore naminayame oriwakayaine. Yatu Kirito isia nome abane taeraja bajekore naminayame oriwakayaine. ⁶ Yatu Airamo Jesukirito nisanae. Taisi monukajase Kirito eku ubakotu. ⁷ Taisi eku taeratane irakotu. Oko yatu inaminae nome abamejerei. Are nome abayaja taeraja bajekotu. Are yakeraja jae tane ribakotu. ⁸ Oi! Raisa yatu imasibuterate! Obonobu isia imasibia. Ribu imasibiaja eko tiakutaisi isia imasibia. Waraoto aribu are tuata namínae tiakutaisi isia imasibia. Raina aribu tuata namínae tiakutaisi isia imasibia. Aribu Kirito isiayana. ⁹ Dio aobojona kaikawitu jakutai tai Kirito isia bajia. ¹⁰ Yatu Kirito eku kaikawitu ejoboya. Kirito jakutai tai airamo kokotuka akwa, tai airamo aribu isiko jaja jakutaisi kokotuka akwa tane. ¹¹ Kirito eku yatu serenae. Yatu ajoro serenatanae. Tiarone yatu aobojona are jakutai taisi webotakore yatu serénae tiaja monuka ejobonae. Tametane Kirito yatu serea. ¹² Yatu joni ekobakore yatu Kirito isiko jóitae tiaja bajinae. Yatu jonimo inabutakore yatu taisi isiko nominínae tiaja bajinae. Kirito wabaerone Dio taisi enomininae. Yatu Dio enominatu jakutaisi ajarata isia nome abane Kirito isiko joitae, nomininae tane. ¹³ Yatu obojona asirajasi eku muánae tiaja bajinae. Yatu ajoro seremoana jakore muánae tiaja bajinae. Yatu muánae takorejone Dio Kirito eku yatu riko tane abanae. Kaobojona asiraja kokotuka Dio aribu riboto jakutai kakware abanaka berea. ¹⁴ Kajotabu aribu kaisia jaja jakutai ebe mojo isia jabatae. Kirito ribu jakutai iekoronae. Ribu jakutai ribia: Yatu sanamata saba, tia. Tiarone Kirito ribu akuru isia esijarene ribu iekoronae. ¹⁵ Kirito wabane jebu kwarikanae. Kirito jebu akajotabumo kwarikanae. Kirito kokotuka amujaba tatuma emiae. Airamo tane naoyaja, jebu airamo mojoju tane konae. ¹⁶ Yatu anona ayakara mimejerenaka jakotu. Yatu najoro-kitane o jobikitane yatu anona ayakara mimejerenaka jakotu. Oriwaka aya eku oriwakakitane, o waniku jiro eku oriwa-kakitane, o ya tuwara eku oriwakakitane yatu anona ayakara mimejerenaka jakotu. ¹⁷ Oriwaka jakutai mate jakitane jakutaisi sitaya. Tiarone nomeraja jakutai tai Kirito. ¹⁸ Amoara ja yatu moakitane. Eobo yatu amoara yatu ebikamo nisanaka jakunarai. Tatuma eobo yajoto tane oriabaya. Tatuma Dio ainatabatuma yatomanetea. Oriamusibu eku abakitane obonoya. Aobonobu are jakutaisi eku abayaja airamo tane oriabayaja eko ejoboya. ¹⁹ Tatuma tejo Akwa oanaja. Tejo kokotuka jakutai akwayatamo akono isia, atau isia tane saneta mija. Tejo oritenejísae tiaja orijika iraya. Dio tejo orijika iramejerea. ²⁰ Yatu Kirito isiko wabane raina aribu saba wabae. Saba wabane katukeme raina aobojona eku are ubaya monuka bajama? Katukeme raina aobojona akajotabu eku bajia monuka bajama? ²¹ Tametane kajotabia: Tamajasi torinaka jakotu. Taisi jobinaka jakotu. Amajasi toribunaka jakotu, tia. ²² Ribu kokotuka ekoraterone tane ribia. Ribu eku abayaja waraoto aribu eku abaya. Waraoto ainamina eku abaya. ²³ Nomewitu ribu eku abane musaberaja monuka ejoboya. Dio ayatomanetemo tane oritoaya. Eobo yajoto tane oritoaya. Yaota isia oriatejo iasira-taya. Tiarone tane nonane obojona are jakutaisi etuwaranaja.

¹ Yatu Kirito isiko nomininatanaera? Nomininajame kwai jakutaisi najabukotu. Kiritosike kwai ja. Dio amojonome tajasabaya rujúnae tiaja ja. ² Yatu wabae. Yatu aobojona jiro Dio eku Kirito isiko rijísae tiaja bajia. ³ Tiame kwai jakutaisi isia obonobukotu. Raina eku jakutaisi isia obonobunaka jakotu. ⁴ Kirito jakutai tai kaobojona jiro rijana. Tai oriemikore Dio yatu eobo emite ayakara eku. ⁵ Raina aobojona yatu eku jakutai taisi nakotu. Raina aobojona jakutai tai tamaja. Tatusebekitane, nibosebekitane tane. Tomaneraja nonakitane. Maretakitane. Asirajasi nonaobonoki-tane. Aunukamo are obonokitane. Aunukamo are obonokitane jakutai tai diosita yatomanetekitane monuka. ⁶ Obojona asirajasi aobojona Dio warao ribu eku abaonituma jakutaisi isiko orijisi-raja bajia. ⁷ Ateje yatu tuata namínae tiame tamaja obojona eku nonaubuae. ⁸ Tiarone ama iabakitane ja. Tamaja obojona iabakitane ja. Orijisiraja bajekitane, kwana orijisikitane, raisama isia asiraja ribakitane, Dio isia asiraja ribakitane, ribu ananeraja ribakitane tane. Tane jakutaisi kokotuka iabakitane ja. ⁹ Yatu obojona are jakutaisi jiwaranae rijana, jiaka monuka. Anona isiko jiwaranae. Tiame orisaba tona ribunaka jakotu. ¹⁰ Ama yatu obojona jiro orisabanae. Obojona jiro are jiro ejoboya. Obojona jiro anonatu sitayaja jiro kwarika ejoboya yatu Dio yaorane naminamejerei. ¹¹ Kirito aobojona obojona raisa raisa jakitane amoara ekira. Judioana, Judio tane. Joro serénae tiakutai joro seremoana jakutai tane. Warao jakutai, musimo jakutai tane. Raisama aneburatu jakutai raisama aneburatuana jakutai tane. Tametane jakitane amoara ekira. Tiarone kokotuka kwarika ejoboyakutai tai Kirito. Kirito kokotuka eku bajia. ¹² Dio yatu obonone yatu mibune nisanae orisaba emo aba-kitane. Tiame obojona yakerajasi nonakotu, jiaka monuka orisa-bayaja. Eobo isia yatu akobe ajerame sanetakitane ja. Raisama isiko yakeraja nonakitane. Eobo yajoto oriabakitane. Raoberaja jakitane. Yawakayaja jakitane. ¹³ Oriisiko raoberaja jakitane. Orisaba asiraja ejobakore orikware asiraja abanaka oriaobojona iabakotu. Kirito yatu aobojona asiraja yatu kware abanaka yatu bereae. Taisi monuka raisama kware asiraja abanaka oriaobojona iabakotu. ¹⁴ Obojona eobo kwarika jakutai tai obonokitane. Obonokitane jakutai kokotuka orijika abaya, kaikawitu abaya tane. ¹⁵ Dio yatu akobe inareraja tane abaya. Ainare jakutai yatu akobe airamo jakunarai. Dio yatu yejebuae yatu tejo jisaka tane ejobane inareraja bajemejerei. Tiame Dio yakeraja jae tane ribakotu. ¹⁶ Kirito aribu yatu aobojona eku yaorane bajekunarai. Musa-berajawitu tane oriinaminakotu. Orireirikotu. Dio aobojona aya-kara yatu akobe eku jame rokotu warakotu. Jabataja arokotu warakotu. Dio arokotu warakotu. Obojona jiro arokotu wara-kotu. ¹⁷ Yatu yawatanuka kokotuka nonakitane Airamo Jesú aribia nonakotu. Ribakitane o nonakitane kokotuka Airamo Jesú aribia nonakotu. Nonakitane Dio Rimasi isia yakeraja jae tane ribakotu, Jesú aobojona. ¹⁸ Niborabakatuma, yatu aniborama akajotabu tane bajekotu. Yatu Airamo eku jame tametane nonakitane ja. ¹⁹ Tirabakatuma, yatu atirasi obonokotu. Ajiajeraja tane aba-naka jakotu. ²⁰ Nobotomo, kokotukanea yatu airamotuma aribu eku aba-kotu. Tane nonakore Airamo saba yakera. ²¹ Airamotuma, yatu anobotomo notorinaka jakotu, tatuma ekumoniraja ejobonaka jamejerei. ²² Nebu, yatu airamo raineta jakutai tatuma aribu kokotuka eku abakotu. Nebu kawanamo yaota araoto amujaba yakeraja yaotaya. Yakeraja yaotaya yaota arao yakeraja tane ribamejerei. Tane yakerena. Yatu obojona jisaka eku yaotakotu, Airamo yatomaneteaja. ²³ Yatu yawatanuka nonakitane obojona yakera-jasi isia nonakotu. Airamo saba nonakotu. Waraoto sabena. ²⁴ Yatu Airamo ja. Tai yatu ayaota amoara yatu moate. Yatu amoara ja-kutai tai yatu anojobita. Taisi naminakotu. Yatu Airamo jakutai tai Kirito. Yatu Kirito anebu. ²⁵ Asirajasi nonayakutai anona asirajasi amoara nojote. Dio saba warao kokotuka orimonuka. Warao jisaka warao raisama kwarika ekira.

¹ Yatu yaota arao, yatu anebu isia nomeraja nonakotu. Yake-raja nonakotu. Yaturakate Airamo ja, najamutuata. ² Sua-tana kwai ribakotu. Ubanaka Dio yakeraja jae tane ribiaja kwai ribakotu. ³ Kwai ribiaja kakware ribakotu. Rewarakitane yake-raja ejobamejerei Airamo ebukitane ja. Ribu rijisa Kirito isia jakutai taisi rewarakitane ja. Ribu aobojona ine mojoju. ⁴ Ine ribu yaorane rewarakitane jaine. Makware ebukotu ine yaorane rewaramejerei. ⁵ Nome abamoana jakutaisi amujaba yakeraja nonakotu. Ya wajanaka jakotu. ⁶ Yatu aribu are yakeraja jakunarai. Yatu aribu amoara jakunarai. Warao raisa raisa saba katukayaja tai tane rewarakitane naminakitane ja. ⁷ Tíquico jakutai maisia kokotuka yatu saba rewarate. Tíquico jakutai tai nome abatu ine obonoyakutai. Tai Airamo akajotabu tane yaotaya. Airamo aribu eku abayaja yaotaya. Tai Airamo eku kamonuka yaotaya. ⁸ Ine taisi inatabaine yatu isia naminane yatu akobe etuwaramejerei. ⁹ Taisi isiko Onésimo inatabaine. Oné-simo jakutai tai nome abatu ine obonoyakutai. Tai Dio aribu eku abaya. Tai yatu kawanamo. Tíquico, Onésimo tane tamatuka kwaeabayakutai kokotuka yatu saba rewarate. ¹⁰ Aristarco maisiko mojoju jakutai tai yatu isia yakeraubiara abaya. Marcos, Bernabé ajiro sanuka jakutai, tai yakeraubiara abaya. Yatu saba kajotabu ja taisi isia. Tai yatuata narukore etuwarakotu. ¹¹ Jesú Justo tiakutai, tai yakeraubiara abaya. Nome abamo ajoro serebúae tiakutaisi kawanamo tamatumawitu maisiko yaotaya Dio arujuna rujamejerei. Tatuma mekumoni etuwaraya. ¹² Epafras yakeraubiara abaya. Tai yatu kawanamo. Tai Kirito akajotabu. Tai are yatu kware kwana kwai ribia. Yatu Dio aobojona eku taeraja bajemejerei kwai ribia. Yatu Dio aobojona eku kaikawitu ejobamejerei kwai ribia. Yatu Dio aobojona eku yaorane abamejerei kwai ribia. ¹³ Taisi anona isia yatu enokoyaine. Tai yatu saba kwana yaotaya. Laodicea araoto saba yaotaya. Hierápolis araoto saba yaotaya. ¹⁴ Lucas yatu isia yakeraubiara abaya. Tai yarokotatu. Ine taisi obonoya. Demasrakate yakeraubiara abaya. ¹⁵ Nome abamo Laodicea tata jakutaisi isia yakeraubiara aba-kotu, maribia. Ninfas isia yakerara abakotu. Ikeresia Ninfas aja-noko eku orikware nakayakutai, tatuma isia yakeraubiara abakotu. ¹⁶ Yatu tamaja karata teriburiwarakore Laodicea aikeresia eku teribukunarai. Yatu Laodicea aikeresia akarata teribukotu. ¹⁷ Arquipo isia ribakotu: Yaota Airamo jimoajakutai taisi eku yaorane yaotau riwarakitane, takotu. ¹⁸ Ine yatu isia yakeraubiara abakitane mawai jabatayaine: PABLO. Ine mojoju jakutai yatu aobojona tata nakakunarai. Dio aobojona ayakara yatu moakunarai. Amén.