12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

3 JUAN

1

1 Ine iramo jakutai karata jabataya. Gayo, ine jiobonoya. Nomewitu jiobonoya. Jisaba jabatayaine. 2 Raka, ine obonoyakutai, kwai ribiaja jikware ebiaine. Wabanaka jamejerei ebiaine. Yakeraja bajemejerei ebiaine. Jiaobojona yakeraja bajiakutai taisi monuka yakeraja baje-mejerei ebiaine. 3 Nome abamo kawanamo naone jiisia masaba rewarae. Gayo ribu nome eku abaya. Ribu nome kaika nonaya, tane rewarae. Rewarakore ine ekeiraja bajinae. 4 Manobotomo ribu nome eku abayakutai taisi nokone ekeiraja bajiaine. Atae ribu ekira ekeiraja kwarika mabakitane. 5 Raka, ine obonoyakutai, iji nome abamo sanetayame ribu eku yaorane abaya. Tatuma emomorone iji tatuma isia yakeraja nonaya. 6 Takore tatuma tatamo naokore ikeresia arao orikware nakakore tatuma rewarae. Iji tatuma obonoyakutaisi rewarae. Are tatuma sanetau suatana akarimo narumejerei. Dio saba yakeraja jakutai taisi sanetau. 7 Tatuma Jesukirito akajotabutuma tane naruae. Tiame Judioana jakutaisi isimo nojonatanae. 8 Tiame oko tatuma sanetakitane ja. Tatuma ribu nome rewaramejerei sanetakitane ja. 9 Ine ikeresia araoto saba karata jabataine. Tiarone tatuma airamo tane oritoakitane Diótrefes saba yakeraja ejoboyame, tai ketuwaranaja. 10 Tiame ine narune anona isia maobojona jate. Kaisia re abaya. Kaisia tona ribia. Anona taiwituana. Nome abamo tata nabakakore etuwaranaja. Eobo tatuma etuwarakitane obonokore Diótrefes tatuma isia ribia etuwaranaka jamejerei. Eobo etuwarakitane obonoajakutaisi nisane ikeresia ajoka tane bajemejerenaja. 11 Raka, ine jiobonoya. Raisama anona asirajasi eku nonanaka jau. Yakeraja nonau. Yakeraja nonayakutai tai Dio isimo. Tiarone asiraja anonatu jakutai tai Dio minatanae. 12 Warao kokotuka Demetrio isia yakeraja rewaraya. Ribu nomerakate taisi isia yakeraja rewaraya. Okorakate taisi anaminamo. Karibu nome jakutai yatu taisi naminaya. 13 Mate maribu eraja ja tiarone taisi isia jisaba karata jabata-kitane obononajine. 14 Rubujira jimitine, tane yawakayaine. Jimitane oriisikowitu rewarateko. 15 Dio inareraja tane jiabakunarai. Kamusabatuma tamatuka jakutai jiisia yakerara abaya. Iji kamusabatuma isia jisaka jisaka yakeraubiara abanu.