12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

2 TESALÓNICA

1

1 Ine Pablo karata jabatayaine. Silvano, Timoteo tane maisiko karata jabataya. Ikeresia arao Tesalónica tata jakutaisi saba jabatayaoko. Yatu Dio Karima jakutaisi eku, Kairamo Jesukirito jakutaisi eku tane. 2 Dio Karima, Kairamo Jesukirito tane tatuma oriaobojona ayakara yatu moakunarai. Tatuma yatu inareraja tane abakunarai. 3 Mawarao, oko are Dio isia yakeraja jae tane ribakitane jaoko yatu aobojona. Yatu nome abaitane kwarika nome abaya. Yatu kokotuka eobo obonoitane kwarika obonoya. Tiame oko yake-raja jae tane ribakore Dio saba yakera. 4 Okorakate yatu isia yakeraja tane rewarayaoko Dio aikeresia araoto saba. Eobo yatu isanamatayarone, yatu sanamatayarone yatu are taerataya, are nome abaya tane. Tiame yatu isia yakeraja rewarayaoko. 5 Dio ribu nome toaya. Yatu sanamatayakore Dio nomeraja toayakutai taisi naminayaoko. Dio arujuna rujakitane ja. Tiame yatu sana-mataya. Yatu sanamatayame yatu Dio arujuna rujuyakutaisiata yarumejerei Dio saba yakeraja ejobate. 6 Dio nomeraja nonayaja eobo yatu isanamatayakutai Dio tatuma isanamatate. 7 Yatu sanamatayakutai Dio yatu kamonuka tuwaramejerete. Airamo Jesú oriemusabakore Dio yatu tuwara-mejerete. Jesú najamutuatamo oriemusabate. Ainatabatuma tae-rajasi isiko naote. 8 Jekunu rokiajasi eku naote. Dio tainayakutai Jesú tatuma isanamatakitane naote. Rewara yakeraja Kairamo Jesú isia jakutai taisi eku abanaja jakutai Jesú tatuma isana-matakitane naote. 9 Are ekoroyaja bajemejerei yewerete. Airamo emowitu bajemejerei yewerete. Dio Airamo taeraja jakutai, Airamo ayakara jakutai taisi emowitu bajemejerei yewerete. 10 Tai sinarija urirajasi eku Airamo naokore warao Dio saba emo abánae tiakutai Dio Airamo tane abate. Nome abamo kokotuka Dio yatomanetete. Oko yatu saba rewarajakutai yatu taisi isia nome abanae. 11 Tiame are yatu kware kwai ribiaoko. Dio yatu yejebuajame yatu Dio saba yakeraja ejobamejerei ebiaoko. Yatu obonoya-kutai Dio ajarata kaika taisi eku nonamejerei ebiaoko. Yatu nome abayaja nonayakutai Dio taisi taeraja iejobamejerei ebiaoko. 12 Tametane ejobakore Kairamo Jesú airamo tane ejobate yatu aobojona. Tai yatu airamo tane abate Kario Dio jakutaisi aobojona ayakara isia, Kairamo Jesukirito aobojona ayakara isia tane.

2

1 Ama, mawarao, Kairamo Jesukirito anao isia jabatayaoko. Tai naone orikware katoane oriata kabate. 2 Yatu reiriaoko. Yatu aobonobu obonobu raisama eku abanaka jakotu. Yatu ribu Dio tatamo monuka jaja nokote tai. Rewara yawatanuka nokote tai. Karata kaisimo monuka jaja yatuata nabakate tai. Ribu tamatuma kokotuka ribate tai: Airamo asinarija aya eku rijana, tate tai. 3 Ribu tamatuma kokotuka aobojona retanaka jakotu. Obonobu yawatanuka jisakarakate isia yatu imasibumejerenaka jakotu. Airamo asinarija mate naomoana jakore warao kwana Dio tainakitane ja. Takore asiraja arotu jakutai naote. Takore Dio taisi iekorakitane ja. 4 Asiraja arotu jakutai Dio ribotoyaja Dio kwarika oritoate. Waraoto awarana Dio, tane jakutai, waraoto ayatomanetenoko Dio, tane jakutai tane, tatuma kokotuka riboto ejobane kwarika oritoate. Taiwitu kwai ribunoko eku arujuna rujane Dio tane oritoate. 5 Ine yatu kaika jaja ine tamaja yatu saba rewaraine. Yatu aobojona tata nakanajara? 6 Asiraja arotu jakutaisi etuwaratu ja asinarija ebe ejobonaka jamejerei. Yatu etuwaratu jakutaisi naminaya. 7 Asiraja jakutai ajarata kaika rijisane yaotaya rijana. Dio mate etuwaratu jakutaisi emo konarunaja jakore asiraja jakutai rijisane yaotaya. 8 Dio etuwaratu jakutaisi emo konaru-kore asiraja arotu oriemusabate. Takore Kairamo Jesú taisi yete-moine iekorate. Anao ayakara isia iekorate. 9 Asiraja arotu Satanás aribia naoya. Ajara taeraja naote. Asinarija nonayaja naote. Mia-nare nonayaja naote waraoto imasibukitane. 10 Obojona nome-rajena kokotuka isia warao iekorakitane jakutaisi imasibute. Tatuma nome eku abakitane obononatanae Dio tatuma aobojona ibajukamejerei. Obononatanajame Dio tatuma iekorate. 11 Tatuma obononatanajame Dio Satanás tatuma imasibumejerete tatuma tona eku abamejerei. 12 Tona eku abakore Dio tatuma kokotuka sanamatamejerete. Nome isia nome abakitane tatuma saba asira, tiarone nomerajena nonakitane tatuma aobojona ekuwitu ejobonae. Tiame Dio tatuma sanamatamejerete. 13 Mawarao, Dio yatu obonoya. Oko are Dio isia yakeraja jae tane ribakitane ja, yatu aobojona. Dio raina ajiromayatukamo yatu mibune nisanae yatu aobojona ibajukakitane. Amejokojira yatu Dio saba emo abayakutai taisi isia yatu aobojona ibajukakitane Dio yatu nisanae. Nome isia nome abayakutai taisi isia yatu aobojona ibajukakitane Dio yatu nisanae. 14 Tiame Dio yatu yejebuae. Rewara yakeraja oko rewarayakutai taisi isia Dio yatu yejebuae. Dio yatu yejebuae Kairamo Jesukirito isiko airamo tane bajemejerei. 15 Tiame, mawarao, taeraja bajekotu. Oko yatu inaminaja-kutai taisi emoninaka jakotu. Karibu isia yatu inaminae, kakarata isia tane. 16 Kairamo Jesukirito, Dio Karima jakutai tane aobo-jona ayakara kaika kaobonoae. Kakobe etuwarae are tuwárae tiaja bajemejerei. Yawaka yakeraja kamoae. Oriaobojona aya-kara isia tane nonae. 17 Tatuma rijana yatu akobe etuwaraku-narai. Tatuma yatu taeraja tane abakunarai yatu kokotukanea yakeraja ribamejerei, kokotukanea yakeraja nonamejerei tane.

3

1 Ama, mawarao, kakware kwai ribakotu. Airamo aribu kokotukanea rubujira kayamejerei ebukotu. Ribu anokomo yatu monuka Yakeraja jae, tane ribiaja ribu eku abamejerei ebukotu. 2 Atae kakware kwai ribakotu. Dio warao ribu nokonituma jakutaisi amojekumo kejeromejerei ebukotu. Dio warao asirajawitu jakutaisi amojekumo kejeromejerei ebukotu. Nomewitu warao kokotuka nome abanaja. 3 Tiarone Airamo jakutai oriaribu eku abaya. Tai yatu taeraja tane abate. Tai yatu yaorote asiraja arotuma amojeku nakanaka jamejerei. 4 Yatu karibu eku abaya. Mate are karibu eku abate. Airamo eku taisi yajorabayaoko. 5 Dio yatu obonoya. Yatu taisi naminamejerei Airamo yatu sanetakunarai. Airamo yatu sanetakunarai Kirito monuka taeratamejerei. 6 Mawarao, Kairamo Jesukirito aribia yatu kajotabuteko. Nome abatu yaotakitane obononaja jakutai, kainamina eku abakitane obononaja jakutai tane taisi emo jakotu. 7 Yatu kasitakitane ja. Oko yatu isiko jaja yaotanaka bajinatanaeko. Yatu taisi naminaya. 8 Oko jisaka ajanoko eku ubane najoro amoara abanaeko. Okosike yaotaeko. Taeraja yaotaeko. Joko-maya imaya tane yaotaeko yatu ayaota uriraja ejobonaka jamejerei kaobojona. 9 Oko ribu ja yatu ebukitane kasanetame-jerei. Tiarone oko yaotaitane yakeraja ejobonae yatu kasitame-jerei. 10 Nomewitu, oko yatu isiko jakore ribu yatu moajakutai tai tamaja: Yaotakitane obononaja jakutai tai najoronaka jakunarai. 11 Yatu isia nokoaeko. Yatu kawanamo yaotanajayama. Tia-rone raisa ayaota eku nakasiema, tane nokoaeko. 12 Tatuma kajo-tabiaoko. Kairamo Jesukirito aribia tatuma isia reiriaoko: Ina-reraja yaotakotu najoro mikitane. 13 Mawarao, yakeraja nona-kitane wakutanaka jakotu. 14 Jisaka kakarata aribu eku abanaja jakore sina tai tane yaorane naminakotu. Naminaitane taisi isiko bajinaka jakotu tomanamejerei. 15 Tiarone yatu isiko asiraja jakutaisi monuka taisi abanaka jakotu. Yatu awarao reiriakutaisi monuka taisi reirikotu. 16 Kairamojase inareraja abatu jakutai yatu inareraja tane abakunarai. Are inareraja kokotukanea inareraja tane abakunarai. Airamo yatu kaika bajekunarai. 17 Ine Pablo mamojo isia mawai jabatayaine: PABLO. Maka-rata kokotuka jabatane noika mawai abaya, inejase. 18 Kairamo Jesukirito aobojona ayakara yatu kokotuka moakunarai. Amén.