12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

1 TESALÓNICA

1

1 Ine Pablo. Karata jabatayaine. Silvano, Timoteo tane maisiko jabataya. Ikeresia arao Tesalónica tata jakutai taisi saba jabataya. Yatu Dio Karima jakutaisi awarao Kairamo Jesu-kirito awarao tane bajinae. Dio Karima jakutai Kairamo Jesu-kirito jakutai tane tatuma aobojona ayakara yatu moakunarai. Tatuma yatu inareraja tane abakunarai. 2 Yatu kokotuka jakutaisi aobojona oko Dio yakeraja jae tane are ribiaoko. Are yatu kware kwai ribiaoko. 3 Dio Karima jakutaisi amujaba ribiaoko. Yatu isia ribiaoko. Tatuma nome abaitane yaotaya, tiaoko. Tatuma obonoyame kwana yaotaya, tiaoko. Tatuma Kairamo Jesukirito yawakayame taerataya, tiaoko. 4 Mawarao, Dio yatu obonoya. Dio mibune yatu nisanae. Taisi naminayaoko. 5 Oko yatu saba rewara yakerajasi rewarayaja ribu isiawituana rewaraeko. Dio Amejokojira Yakerajawitu ajarata kaika rewaraeko. Kaobojona taerajasi isiko rewaraeko. Rewara jakutai tai nome, taeko. Yatu aobojona tametane nonaeko Tesa-lónica tata. Yatu taisi naminaya. 6 Yaturakate kasitae. Airamo sitae. Yatu rewara yakerajasi aribu eku abanae sanamatakitane sabarone. Yatu sanamataya-rone Dio Amejokojira Yakerajawitu eku ekeiraja bajinae. 7 Tia-me ina Macedonia arao kokotuka, ina Acaya arao kokotuka tane yatu sitaya. 8 Takore yatuatukamo Airamo aribu kokotukanea kayaya. Ina Macedonia arao jakutai tatumawituana. Ina Acaya arao jakutai tatumawituana. Yatu Dio isia nome abayakore kokotukanea naminaya. Tiame oko rewarakitane ekira. 9 Tatuma-jase rewaraya. Oko yatuata naruajakutai taisi rewaraya. Yatu yakeraja ketuwarajakutai taisi rewaraya. Yatu diosita yatoma-netekitane iabane Dio iamo nariakutai taisi rewaraya. Yatu Dio riko Dio nomeraja jakutai taisi anebu tane bajinajakutai taisi rewaraya. 10 Atae rewaraya. Yatu Dio Auka Jesú najamutuatukamo anao yawakayakutai taisi rewaraya. Jesú wabaerone Dio taisi enomininajakutai tai rijana. Sanamata naokitane jakutai taisi ekumo Jesú kejeroya. Oko sanamatanaka jamejerea.

2

1 Mawarao, oko yatuata narune eko ejobonatanae. Yatujase taisi naminaya. 2 Janokoina Filipos tata kwana kaisanane kaisanamatae. Yatu taisi naminaya. Kaisanamataerone Dio kasanetae taisi isia rewara yakeraja retanaka rewaramejerei yatu saba. Orikuba monuka tane ejobonae. 3 Oko rewarajakutai emo ribunaka jaja, tiarone Dio aribu eku rewaraeko. Kaobojona asira-jasi isia rewaranatanaeko. Yatu imasibukitane rewaranatanaeko. 4 Tiarone Dio kasinarijane oko rewara yakerajasi rewarame-jereae. Takore tametane rewaraeko. Oko waraoto aobojona eku abakitane najabunaja. Dio aobojona eku abakitane najabia. Diosike kaobojona ayakara mija. 5 Yatu isimo nojokitane obonone ribu nomeanarone ribu nome monuka abane rewaranatanaeko. Anome jakutaisi rewaraeko. Yatu taisi naminaya. Burata nojokitane rewaranatanaeko. Dio taisi naminaya. 6 Warao airamo tane kabamejerei najabunatanaeko. Yatu airamo tane kabamejerei, eobo airamo tane kabamejerei tane najabunatanaeko. Tiarone oko Kirito ainatabatiji oko wite yatu auru tane bajekitane obonokuna. 7 Tiarone tane tanatanaeko. Raoberaja tane yatu isiko yaotaeko. Jorosimo arani jakutai anobotomo raoberaja yaoroya. Taisi monuka yatu raoberaja yaoroaeko. 8 Oko kwana yatu obonoya. Kwana obonoyame rewara yakeraja Dio isimo jakutai taiwitu moakitane obononatanaeko, tiarone okojase yatu kware orimoaeko. Oko yatu obonoyame tane nonaeko. 9 Mawarao, obonobukotu. Oko yatuata jaja yaotaeko. Kwana yaotaeko kanajoro mikitane. Taisi isia obonobukotu. Jokomaya, imaya tane yaotaeko kaobojona yatu ayaota uriraja ejobonaka jamejerei. Taisi isia obonobukotu. Oko rewara yakeraja Dio isimo jakutai mate taisi rewarayaja yaotaeko. 10 Yatu nome abamo jakutaisi isiko yakeraja nonaeko. Nome-raja nonaeko. Jisakarakate kakware asiraja abakomoni jamejerei nonaeko. Yatu taisi naminaya. Diorakate taisi naminaya. 11 Oko yatu jisaka jisaka reiriaeko. Oko yatu akobe etuwaraeko. Yatu taisi naminaya. Arima anobotomo reiriakutai taisi monuka yatu reiriaeko. 12 Dio anobotomo yakeraja nonakitane ja. Yatu reiriaeko yakeraja nonakitane jakutaisi eku abamejerei. Dio yatu yejebuae Dio arujuna rujuyakutaisi isiko norujumejerei. Dio yatu yejebuae Dio airamo tane rujakore yatu Dio isiko airamo tane norujumejerei. 13 Dio isia iji yakeraja jae tane are ribiaoko. Oko ribu Dio isimo jakutai yatu saba rewarakore yatu nokoitane eku abanae. Ribu Dio isimo jame eku abanae yatu. Nomewitu ribu jakutai Dio isimo, waraoto isimoana. Ribu jakutai yatu nome abamo jakutaisi aobojona eku yaotaya. 14 Mawarao, yatu awarao yatu isanamataya. Judea tata Judiotuma ikeresia araoto isanamatae. Ikeresia arao jakutai Dio awarao tane ejobonae Kirito Jesú eku. Judiotuma Judea araoto isanamatajakutai taisi monuka yatu awarao yatu isanamataya. 15 Judiotuma jakutai Airamo Jesú naubuae. Ateje monukajase Dio kware arewaramo kubae. Oko-rakate kawebotonae. Tatuma Dio aobojona eku abanaja. Oriawa-raoto kokotuka isiko asiraja ejoboya. 16 Oko Judioana saba rewarakitane obonoae Dio tatuma aobojonarakate ibajuka-mejerei. Saba rewarakitane obonokore Judiotuma oko tatuma saba rewaramejerenaja. Tametane nonayame aobojona asiraja are kwarika ejoboya. Tiame sanamata kwarika jakutaisi eku Dio tatuma sanamatamejerete. 17 Mawarao, oko emo emo bajekore are yatu isia obonobia-oko. Mu isia yatu minajarone kaobojona yatu kaika bajia monuka. Yatu mikitane kwana obonoyaja kwana obonobuaeko. 18 Oko yatuata narukitane obonobuaeko. Ine, Pablo jakutai, narukitane obonoaine. Jisatawituana. Manata narukitane obonoaine. Tiarone Satanás ketuwarae. 19 Oko katukeme yawakaya? Katukeme oriwakaya? Kamoara yakeraja jakutai sina tai? Yatuanara? Kairamo Jesukirito naokore yatu aobojona oriwakateko. 20 Yatu kasaba yakeraja ejoboya. Yatu aobojona oko oriwakayaoko.

3

1 Takore atae wakakomoni jame okowitu Atenas tata baje-teko. Tai kaobojona ekuwitu. 2 Raka Timoteo yatuata inata-bateko tane obonobuaeko. Timoteo jakutai Dio akajotabu tane bajia. Kaisiko yaotaya rewara yakeraja Kirito isia jakutaisi rewa-rayaja. Taisi inatabaeko yatu nome abayaja yatu taeraja tane abamejerei. Taisi inatabaeko yatu akobe etuwaramejerei. 3 Ti-moteo yatu reiriae yatu sanamata aobojona nakanaka jamejerei. Oko sanamatakitane jakutai yatu taisi naminaya. 4 Oko yatu isiko jaja yatu isia ribunaeko: Yatu sanamatakitane ja, taeko. Nomewitu karibu eku ejobonae. Yatu taisi naminaya. 5 Tiame ine atae wakakomoni jame Timoteo inatabaine yatu katukaya tai tane renokomejerei. Are nome abaya tai o nome abanaja tai tane renokomejerei inatabaine. Jebuira jakutai yatu asiraja nona-mejerei yatu ayakara miae tai, taine. Tane jakore kayaota eko ejobonae. 6 Tiarone ama Timoteo Tesalonicayatukamo ekiajase bajinae. Ribu yakeraja jakutaisi konae. Yatu nome abayakutai yatu obo-noyakutai tane taisi naminane ribu konae. Timoteo kasaba rewaraya: Tesalónica arao are yatu isia yakeraja obonobia, tia. Yatu mikitane kwana obonoya, tia. Monukajase oko yatu miki-tane kwana obonoya. 7 Yatu nome abayaja taeraja bajiakutai taisi nokoitane kakobe tuwarae. Oko kasana jarone kasanamata jarone tane kokotuka eku ekeiraja bajinaeko. 8 Yatu Airamo eku taeratayame kakobe okko tane bajia. 9 Dio isia yakeraja jae tane ribakitane jaoko yatu aobojona. Dio amujaba kakobe ekeiraja tane bajinajame Dio yakeraja jae tane ribakitane jaoko. Eraja tane yakeraja jae tane ribiarone kaika ejobonaja. 10 Oko jokomaya, imaya tane kwana Dio ebia oko yatuata narune yatu mikitane. Oko yatuata narune yatu mate nome abakitane jakutai taisi kaikamejerei ebiaoko. 11 Oko yatuata narukitane Dio Karima jakutai taijase kasa-netamejerea. Kairamo Jesukirito kasanetamejereaoko oko yatuata narukitane. 12 Kairamo yatu iramejerekunarai. Kairamo yatu kwarika obonomejerekunarai. Oriobonokitane ja. Yatu oriisiko, warao kokotuka oriisiko tane obonokitane ja. Taisi monukajase oko yatu obonoyaoko. 13 Kairamo yatu aobojona taeraja tane abakunarai. Yatu taeraja tane abate Kairamo Jesú naokore Dio Karima amujaba yakeraja bajemejerei. Yatu Dio saba emo abánae tiaja bajemejerei abate. Yatu kware asiraja abanaka jamejerei abate. Kairamo Jesukirito naoyaja taisi saba emo abánae tiakutai kokotuka isiko naote.

4

1 Mawarao, ama yatu ebiaoko, yatu reiriaoko tane Kairamo Jesú aribia. Yatu inaminaeko Dio aobojona eku abayaja narumejerei. Yatu karibu eku nonaya. Suatana taisi eku nona-kotu. 2 Oko Kairamo Jesú aribia kajotabuajakutai yatu taisi naminaya. 3 Dio aobojona jakutai tai tamaja. Yatu Dio saba emo abánae tiajawitu bajekitane ja. Tatusebeana jakitane. 4 Jisaka jisaka atirasi isiko yakeraja ubakitane ja. Obojona yakeraja isiko tirasi isiko ubakitane. Tirasi obonoyaja isiko ubakitane ja. Tirarakate monukajase nonakitane ja. 5 Judioana, Dio nami-nanaja jakutai, asiraja nonayaja tira raisama najabia. Yatu tatuma monuka nonanaka jakotu. 6 Jisakarakate tamaja ribu isia awa-raoto imasibunaka jakunarai. Taisi monuka nonayakutai Airamo kwana taisi yewerete. Eraja tane yatu isia ribunaeko. 7 Dio kayejebuae taisi saba emo abánae tiaja bajemejerei. Obojona ananeraja isiko ubanaka jamejerei kayejebuae. 8 Tamaja ribu tainayakutai waraoto aribu tainanaja. Diowitu aribu tainaya. Dio jakutai Amejokojira Yakerajawitu kamoaya. 9 Yatu oriobonomejerei ine jabatakitane ekira. Diowitu yatu inaminaya oriobonomejerei. 10 Yatu tane nonaya. Nome abamo ina Macedonia kokotukanea jakutaisi yatu tatuma kokotuka obonoya. Mawarao, ama yatu reiriaoko kwarika obonome-jerei. 11 Yatu raoberaja ubayaja bajekotu. Oriayaota eku bajekotu, yatu amojo isia yaotayaja. Oko yatu isia ribunajakutai taisi eku nonakotu. 12 Yatu tametane nonakore eobo yakareku jakutai yatu yatomanetete. Yaturakate aunukamo ekiraja baji-natate. 13 Mawarao, yatu muanajakutaisi isia naminanaja tai. Yatu naminanaka bajemejerenajaoko. Eobo ayawaka ekiraja jakutai waba kware ekumoniraja bajia. Yatu tatuma monuka ekumoniraja bajemejerenajaoko. 14 Jesú wabane nomininajakutai taisi isia nome abaya oko. Taisi monuka muanajakutai nominite. Dio tatuma konate, Jesú isiko. 15 Tiame yatu Airamo aribu inaminateko. Airamo naokore oko mate riko jakutai muanajakutaisi ebisabuka narunaja. 16 Airamojase najamutuatukamo nanakate. Airamo tane rokojotate. Dio ainataba airamo ribate. Dio awana jakutaisi ekuitate. Takore warao Jesú isia nome abánae tiaja muanajakutai tatuma wajiabara nominite. 17 Takore oko mate riko jakutai tatuma isiko ajaka eku kakonarute Airamo ribotamejerei. Tametane are Airamo isiko jateko. 18 Tiame tamaja ribu orisaba rewarakotu yatu akobe etuwarakitane.

5

1 Tiarone, mawarao, Jesú anao asinarija isia yatu saba jabatakitane ekira. 2 Airamo anao asinarija isia obonobunaja jakore eku nakate. Erijisa arotu imaya nabakayakutai taisi mo-nuka Airamo aya nakate. Yatu yaorane taisi naminaya. 3 Warao ribane: Kokotuka inareraja. Jawaneraja ekiraja, tane ribakore Dio rubujira tatuma iekorate. Tira kwabu jakutai jorosimo aranitakitane eku nakakore rubujira ajia. Taisi monuka Dio rubujira tatuma iekorate. Tatuma waba jekekomoni jate. 4 Ma-warao, yatu imajana ekuana. Warao naminanaja jakore erijisa arotu naoya. Taisi monuka Airamo aya yatu eretakitane ekira. 5 Yatu kokotuka abije arao, jokoma arao tane. Oko ima araoana, imajana araoana tane. 6 Eobo ubayaja bajia. Oko tatuma monuka ubayaja bajinaka jaki. Ubanaka bajekitane ja kaobojona jamejerei. 7 Ubayakutai imaya ubaya. Awabayakutai imaya awabaya. 8 Tiarone oko jokoma isimo jakutai kaobojona jaja bajekitane ja. Nome abakitane jakutai, obonokitane jakutai tane isia kamejo makakitane ja, yaorotu ajiaka monuka. Dio kaobojona ibajukamejerei yawakayakutai kakwa isia abakitane ja, yaorotu ayasi monuka. 9 Dio sanamatamejerei kabanaja. Kairamo Jesukirito isia obojona ibajukamejerei kabanae. Tiame yaorotu monuka katejo isia abayaoko. 10 Jesú kakware wabae oko taisi isiko riko bajemejerei. Oko riko jakutai, waba jakutai tane taisi isiko riko bajeteko. 11 Tiame yatu oriakobe etuwarakotu. Obojona iramejerei orisanetakotu. Yatu are tane nonaya. 12 Mawarao, kwana yatu reiriaoko: Yatu kawana yaota-yakutai, Airamo aobojona yatu airamo tane ejobonajakutai, yatu reiriakutai tane yatu tatuma raomata tane abakotu. 13 Tatuma Dio ayaota eku yaotayame yatu kwana tatuma yatomanetekitane ja. Kwana obonokitane ja. Oriisiko inareraja ubakotu. 14 Mawarao, atae yatu reiriaoko. Yaotakitane obononaja jakutai sabajikotu. Akobe ekumoniraja jakutai taisi akobe etuwarakotu. Ajara taerena jakutai sanetakotu. Warao kokotuka yawakakotu. 15 Yatu isiko asiraja nonajakutai taisi riboto amoara abakitane asiraja nonaterate. Tiarone oriisiko, warao kokotuka isiko tane are yakeraja nonakotu. 16 Are ekeiraja bajekotu. 17 Are kwai ribakotu. 18 Yakeraja kwaeabakore o asiraja kwaeabakorejone Dio isia yakeraja jae tane ribakotu. Tametane nonakitane jakutai Dio aobojona Kirito Jesú eku yatu saba. 19 Dio Amejokojira ajekunu inarenaka jakotu. 20 Dio kware rewarayakutaisi aribu tainanaka jakotu. 21 Kokotuka ayakara mikotu. Yakeraja ejoboyakutai taisi isiko bajekotu. 22 Asiraja jakutaisi kokotuka emo jakotu. 23 Diojase inareraja kabayakutai tai orisaba yatu emo abaku-narai. Tai yatu akobe kokotuka, yatu aobojona kokotuka, yatu atejo kokotuka tane yakerajawitu tane abakunarai. Kairamo Jesukirito naokore yatu kware asiraja abakomoni jamejerei Dio orisaba yatu emo abakunarai. 24 Yatu yejebuajakutai tai oriaribu eku abaya. Oko ama ribunajakutai kokotuka eku nonate. 25 Mawarao, kakware kwai ribakotu. 26 Nome abamo kokotuka amukaba oroyaja yakeraubiara abakotu nome abamotiji. 27 Airamo aribia yatu isia ribiaine. Tamaja karata nome aba-mo Dio saba emo abánae tiakutai tatuma kokotuka saba teribu-kotu, tiaine. 28 Kairamo Jesukirito aobojona ayakara yatu moakunarai. Amén.