1 Чылдар

Чылдар демдеглели

Киирилде

Чылдар демдеглелиниң номнары нургулайында Хаанныг чагырга номнарында бижиттинген болуушкуннарны арай өске бодал-биле катап чугаалап турар. Эзра болгаш Неемияның номнарын тургускан ол-ла кижи бо номну база бижээн чадавас.

1–9 эгелер – израиль чоннуң Вавилонда туттуруушкундан ээп келгениниң соондагы үени киириштир (мырыңай бистиң эрага чедир V векке чедир) чоннуң төрел салгал даңзылары. Ол даңзыларда эң улуг кичээнгейни Иуда, Вениамин болгаш Левийниң аймактарынче салып турар.

10–21 эгелерде Давидтиң чагыргазының чамдык чугула болуушкуннарын ооң мурнундагы хаан Саулдуң өлүмүнден эгелеп истеп көрүп турар. Давид хаан – бо номда эң чугула кижи. Ылап-ла ол Иерусалим хоорайны Дээрги-Чаяакчыга чүдүүр төп чер кылгаш, Аңаа төлептиг, шын мөгейиишкинни доктаадып каан. Чылдар демдеглелиниң бирги номунда Хаанныг чагырганың ийиги номунга көөрде, Давидтиң үүлгедиглеринче кичээнгей дыка эвээш салдынган.

22–29 эгелер – Бурганның өргээзин тудар дээш Давидтиң белеткели (онза кичээнгей левиттер болгаш Бурганның бараалгакчыларынче угланган). Автор ооң-биле Давидти Бурганның өргээзиниң база Бурганга бараан болурунуң чурумунуң ёзулуг үндезилекчизи кылдыр көргүзүп турар. А өргээниң бодун Давид өлген соонда ооң оглу Соломоннуң күжениишкиннери-биле туткан.

Чамдыкта Чылдар демдеглелиниң номнарында бижиттинген медээлер Библияның өске номнарында чергелешкек черлерде кирген медээлерден ылгалып турар. Номчукчу мону сактып аар ужурлуг: Чылдар демдеглелдериниң автору Хаанныг чагырга номнарында тодарадып бижээн чүүлдерни анаа-ла өттүндүр биживейн турар – ол боду тускай сонуургалдарлыг болгаш, ооң кичээнгейин арай өске болуушкуннар хаара тудуп болур.

Адамдан Авраамга чедир

(Э. д. 5:1-32; 10:1-32; 11:10-26)

¹ Адам, Сиф, Энос, ² Кайнан, Малелеил, Иаред, ³ Энох, Мафусал, Ламех, ⁴ Ной.

Нойнуң оолдары: Сим, Хаам база Иафет.

⁵ Иафеттиң оолдары : Гомер, Магог, Мадай, Иаван, Тувал, Мешех база Тирас. ⁶ Гомерниң оолдары: Аскеназ, Рифат болгаш Тогарма. ⁷ Иаванның оолдары: Элиса биле Фарсис, китт чон биле родан чон.

⁸ Хаамның оолдары: Хуш, Египет, Фут база Ханаан. ⁹ Хуштуң оолдары: Сева, Хавила, Савта, Раама база Савтеха. Рааманың оолдары: Шева биле Дедан. ¹⁰ Хуштуң бир салгакчызы Нимрод деп аттыг кижи база турган. Ол чырык чер кырынга дыка күштүг маадыр болган. ¹¹ Египеттиң үре-салгалы: лидий чон, анам чон, легав чон, нафтух чон, ¹² патрус чон, каслух чон (а олардан филистим чон тывылган) болгаш кафтор чон. ¹³ Ханаанның үре-салгалы: ооң дун оглу Сидон, Хет, ¹⁴ иевус чон, амор чон, гергес чон, ¹⁵ хиввей чон, арак чон, син чон, ¹⁶ арвад чон, цемарей чон болгаш хамат чон.

¹⁷ Симниң оолдары: Элам, Ассур, Арфаксад, Луд, Арам, Уц, Хул, Гефер база Мешех. ¹⁸ Арфаксадтан Сала төрүттүнген, Саладан Евер төрүттүнген. ¹⁹ Еверден ийи оол төрүттүнген: бирээзиниң ады – Фалек, чүге дээрге ооң үезинде делегейниң чурттакчылары бот-боттарындан аңгыланып чарлы берген ; ооң дуңмазының ады – Иоктан. ²⁰ Иоктанның үре-салгалы: Алмодад, Шалеф, Хацармавет, Иерах, ²¹ Гадорам, Узал, Дикла, ²² Эвал, Авимаил, Шева, ²³ Офир, Хавила болгаш Иовав. Олар шупту Иоктанның үре-салгалы-дыр.

²⁴ Сим, Арфаксад, Сала, ²⁵ Евер, Фалек, Рагав, ²⁶ Серух, Нахор, Фарра, ²⁷ Аврам, ону Авраам база дээр .

Авраамдан укталган төрел аймактар

(Э. д. 25:1-4, 12-16; 36:1-19)

²⁸ Авраамның оолдары: Исаак биле Измаил . ²⁹ Оларның салгалдары бо: Измаилдиң дун оглу Навайот, ооң соондалары Кедар, Адбеел, Мивсам, ³⁰ Мишма, Дума, Масса, Хадад, Фема, ³¹ Иетур, Нафиш база Кедма. Олар дээрге Измаилдиң оолдары-дыр.

³² Авраамның ·кул-кадайы Хеттураның божаан оолдары: Зимран, Иокшан, Медан, Мадиан, Ишбак болгаш Шуах. Иокшанның оолдары: Шева биле Дедан. ³³ Мадианның оолдары: Эфа, Эфер, Энох, Авида база Элдага. Олар шупту Хеттураның үре-салгалы чүве-дир.

³⁴ Авраамдан Исаак төрүттүнген. Исаактың оолдары: Исав биле Израиль .

³⁵ Исавтың оолдары: Элифаз, Рагуил, Иеуш, Иеглом болгаш Корах. ³⁶ Элифазтың оолдары: Теман, Омар, Цефо, Гатам, Кеназ, Тимна, Амалик . ³⁷ Рагуилдиң оолдары: Нахат, Зерах, Шамма болгаш Миза.

Эдом черниң үндезин чурттакчылары

(Э. д. 36:20-30)

³⁸ Сеирниң оолдары: Лотан, Шовал, Цивеон, Ана, Дишон, Эцер болгаш Дишан.

³⁹ Лотанның оолдары: Хори биле Гомам. А Лотанның Тимна деп кыс дуңмазы бар турган.

⁴⁰ Шовалдың оолдары: Алеан, Манахат, Эвал, Шефи база Онам.

Цивеоннуң оолдары: Айа биле Ана.

⁴¹ Ананың ажы-төлү: Дишон.

Дишоннуң оолдары: Хамран, Эшбан, Итран болгаш Херан.

⁴² Эцерниң оолдары: Билган, Зааван болгаш Акан.

Дишанның оолдары: Уц биле Аран.

Эдомнуң хааннары

(Э. д. 36:31-39)

⁴³ Израиль чоннуң хааннары тыптырының-даа мурнунда эдом черге башкарып чораан хааннар бо-дур:

Беорнуң оглу Бела, ооң хоорайының ады Дингава чүве-дир.

⁴⁴ Бела өлүп каарга, ооң орнунга Восорадан келген Зерахтың оглу Иовав хааннай берген.

⁴⁵ Иовав өлүп каарга, теман черден келген Хушам хааннай берген.

⁴⁶ Хушам өлүп каарга, Моавтың оргулаажынга мадиан чонну чылча шаап каан Бедадтың оглу Гадад хааннай берген. Ооң хоорайының адын Авит дээр.

⁴⁷ Гадад өлүп каарга, Масрекадан келген Самла хааннай берген.

⁴⁸ Самла өлүп каарга, хем чоогунда Реховоттан келген Саул хааннай берген.

⁴⁹ Саул өлүп каарга, Ахборнуң оглу Баал-Ханан хааннай берген.

⁵⁰ Баал-Ханан өлүп каарга, Гадар хааннай берген. Ооң хоорайының ады Пау. Ооң кадайы Мезагавтың оглу Матредтиң уруу Мегетавеел чүве-дир. ⁵¹ Гадар база өлүп калган.

Эдомнуң аймактарының аттары бо-дур : Тимна, Алва, Иетет, ⁵² Оливема, Эла, Пинон, ⁵³ Кеназ, Теман, Мивцар, ⁵⁴ Магдиил, Ирам. Эдом чоннуң аймактары ол-дур.

Иуданың үре-салгалы

¹ Израильдиң оолдары бо-дур : Рувим, Симеон, Левий, Иуда, Иссахар, Завулон, ² Дан, Иосиф, Вениамин, Неффалим, Гад болгаш Асир.

³ Иуданың оолдары : Ир, Онан база Шела – олар үжелээн ·хананей Шуаның уруундан төрүттүнгеннер. Иуданың дун оглу Ир Дээрги-Чаяакчының мурнунга кем-буруулуг болган, ынчангаш Ол ону чок апаар кылдыр кылып каан. ⁴ Кенни Фамар Иудага Фарес биле Зерахты божуп берген. Иуда беш оолдуг турган.

⁵ Фарестиң оолдары : Хецрон биле Хамул.

⁶ Зерахтың оолдары: Зимри, Эфан, Еман , Халкол база Дара. Олар шупту беш кижи.

⁷ Харминиң оглу: Ахар . (Бурганга тураскааткан чүүлдерге удур кем-буруу үүлгеткеш, Израильге хай-халапты эккелген кижи ол-дур.) ⁸ Эфанның оглу: Азария.

Давид хаанның ук-ызыгууру болгаш төрел салгалы

(Руф 4:18-22; Мф. 1:3-6)

⁹ Хецроннуң төрээн оолдары: Иерахмеил, Рам болгаш Халев. ¹⁰ Рам Аминадавты төрээн, а Аминадав Иуданың аймааның ·баштыңы Наассонну төрээн чүве-дир. ¹¹ Наассоннуң оглу Салмон, Салмоннуң оглу Вооз. ¹² Воозтан Овид төрүттүнген, Овидтен Иессей төрүттүнген.

¹³ Иессейниң дун оглу Элиав , ийи дугаары – Авинадав, үшкүзү – Шима , ¹⁴ дөрткүзү – Нафанаил, беш дугаары – Раддай, ¹⁵ алдыгызы – Оцем, чедигизи – Давид.

¹⁶ Оларның кыс дуңмалары: Саруйя биле Авигея. Саруйя үш оолдуг: Авесса, Иоав база Асаил . ¹⁷ Авигея Амессайны төрээн. Амессайның адазы измаилчи Иетер чүве-дир .

Хецроннуң база Халевтиң үре-салгалы

¹⁸ Хецроннуң оглу Халевтиң бодунуң кадайы Азувадан (Иериофадан база) оолдары бо-дур: Иешер, Шовав база Ардон. ¹⁹ Азува өлүп каарга, Халев Эфратаны кадай кылдыр ап алган. Ол аңаа Хур деп оолду божуп берген. ²⁰ Хурнуң оглу Урий, Урийниң оглу Веселиил болган .

²¹ Оон Хецрон алдан харлыг тургаш, Галаадтың адазы Махирниң уруу-биле холбашкан. Ол Хецронга Сегув деп оол божуп берген. ²² Сегувтан Иаир төрүттүнген. Галаад черге ол чээрби үш хоорайлыг турган . ²³ Ынчалза-даа гессурлар болгаш арамейлер ол черге алдан хоорайны эжелеп алган . Ол хоорайларның аразында Иаирниң хоорай-суурлары, Кенат хоорай болгаш аңаа хамааржыр хоорай-суурлар бар турган. Аңаа чурттап турган улус шуптузу Галаадтың адазы Махирден укталган. ²⁴ Хецроннуң Халев-Эфрата деп черге өлгениниң соонда, ооң кадайы Авия Ашхурну божаан. Ашхур дээрге Текояның үндезилекчизи-дир .

Иерахмеилдиң үре-салгалы

²⁵ Хецроннуң дун оглу Иерахмеилдиң оолдары: дун оглу Рам, ооң соонда Вуна, Орен, Оцем болгаш Ахия. ²⁶ Иерахмеилдиң Афара деп өске кадайы база турган. Ол Онам деп оолду божаан. ²⁷ Иерахмеилдиң дун оглу Рамның оолдары: Маац, Ямин болгаш Экер.

²⁸ Онамның оолдары: Шаммай биле Иада.

Шаммайның оолдары: Надав биле Авишур.

²⁹ Авишурнуң кадайын Авихаил дээр. Ол аңаа Ахбан биле Молид деп оолдарны божуп берген.

³⁰ Надавтың оолдары: Селед биле Афаим. А Селед ажы-төл чок бооп өлген.

³¹ Афаимниң оглу: Иший. Ишийниң оглу: Шешан. Шешанның оглу: Ахлай.

³² Шаммайның дуңмазы Иаданың оолдары: Иетер биле Ионафан. Иетер ажы-төл чок бооп өлген.

³³ Ионафанның оолдары: Пелет биле Заза. Олар шупту Иерахмеилдиң салгалдары-дыр.

³⁴ Шешан оолдар чок, чүгле кыстарлыг болган. Ооң Иарха деп египет кулу турган. ³⁵ Шешан бодунуң бир уруун кулу Иархага кадай кылдыр берипкен. Уруу Иархага Аттай деп оол божуп берген. ³⁶ Аттайдан Нафан төрүттүнген. Нафандан Завад төрүттүнген. ³⁷ Завадтан Эфлал төрүттүнген. Эфлалдан Овид төрүттүнген. ³⁸ Авидтен Иеху төрүттүнген. Иехудан Азария төрүттүнген. ³⁹ Азариядан Хелец төрүттүнген. Хелецтен Элеаса төрүттүнген. ⁴⁰ Элеасадан Сисмай төрүттүнген. Сисмайдан Шаллум төрүттүнген. ⁴¹ Шаллумдан Иекамия төрүттүнген. Иекамиядан Элишама төрүттүнген.

Халевтиң өске үре-салгалы

⁴² Иерахмеилдиң дуңмазы Халевтиң оолдары: дун оглу Меша (ол Зифтиң үндезилекчизи болур) база өске оглу Мареша (ол Хевроннуң үндезилекчизи болур). ⁴³ Хевроннуң оолдары: Корах, Таппуах, Рекем болгаш Шема. ⁴⁴ Шема Рахамны (Иоркеамның үндезилекчизин) төрээн. А Рекемден Шаммай төрүттүнген. ⁴⁵ Шаммайның оглу Маон. А Маон дээрге Бет-Цурнуң үндезилекчизи-дир.

⁴⁶ Халевтиң ·кул-кадайы Эфа Харран, Моца болгаш Газез деп оолдарны төрээн. А Харрандан Газез төрүттүнген.

⁴⁷ Иегдайның оолдары: Регем, Иофам, Гешан, Пелет, Эфа болгаш Шааф.

⁴⁸ Халевтиң өске кул-кадайы Мааха Шевер биле Тирхана деп оолдарны божаан. ⁴⁹ Оон аңгыда Шаафты (ол Мадманнаның үндезилекчизи болур) база Шеваны (Махбена биле Гивеяның үндезилекчизи болур) төрээн. Халевтиң Ахса деп уруу база турган .

⁵⁰ Болар база Халевтиң салгалдары-дыр, олар Эфратаның дун оглу Хурдан укталган : Кириат-Иаримниң үндезилекчизи Шовал, ⁵¹ Вифлеемниң үндезилекчизи Салма, Бет-Гадерниң үндезилекчизи Хареф.

⁵² Кириат-Иаримниң үндезилекчизи Шовалдың үре-салгалы: Гарое чурттуглар, Менухот чурттугларның чартыы. ⁵³ Кириат-Иаримниң төрел бөлүктери: итра, пут, шумат болгаш мишра. Олардан Цора болгаш Эштаол чурттуглар укталып тывылган.

⁵⁴ Салманың үре-салгалы: вифлеемчилер, нетофажылар, Атарот-Бет-Иоав чурттуглар база цорит деп төрел бөлүк – Менухот чурттугларның өске чартыы.

⁵⁵ Иависке чурттап чораан бижээчилерниң төрел бөлүктери: тира, шимеа, суха. Олар дээрге Хаматтан (рехав төрел бөлүктүң өгбезинден) укталган кен аймак-тыр .

Давид хаанның ажы-төлү

(2 Хаан. 3:1-5; 5:14-16)

¹ Давидтиң Хевронга төрүттүнген оолдары бо-дур: дун оглу – изреелчи Ахиноаманың божааны Амнон . Ийигизи – кармилчи Авигеяның божааны Даниил . ² Үшкүзү – гессур хаан Талмайның уруу Мааханың оглу Авессалом . Дөрткүзү – Аггиттың оглу Адония . ³ Бешкизи – Авиталдың божааны Шефатия. Алдыгызы – кадайы Эгланың божааны Ифреам. ⁴ Хевронга Давидтиң алды оглу төрүттүнген. Аңаа Давид чеди чыл алды ай дургузунда хааннаан .

Оон Иерусалимге Давид үжен үш чыл иштинде хааннаан . ⁵ Давидтиң дараазында оолдары Иерусалимге төрүттүнген : Шима, Шовав, Нафан болгаш Соломон, дөртелдирзин Аммиилдиң уруу Вирсавия божаан . ⁶ Ивхар, Элишама, Элифелет, ⁷ Ногах, Нефег, Иафиа, ⁸ Элишама, Элиада болгаш Элифелет – тос кижи. ⁹ Давидтиң ·кул-кадайларының божааны оолдарындан аңгыда, бодунуң оолдары ол-дур. Оларның кыс дуңмазы – Фамар .

Иудеяның хааннары

¹⁰ Соломоннуң оглу Ровоам , ооң оглу Авия . Авияның оглу Аса , Асаның оглу Иосафат . ¹¹ Иосафаттың оглу Иорам , ооң оглу Охозия . Охозияның оглу Иоас . ¹² Иоастың оглу Амасия . Амасияның оглу Азария , ооң оглу Иоафам . ¹³ Иоафамның оглу Ахаз , ооң оглу Эзекия . Эзекияның оглу Манассия . ¹⁴ Манассияның оглу Амон , ооң оглу Иосия .

¹⁵ Иосияның оолдары: дун оглу Иоханан , ийи дугаар оглу Иоаким, үшкүзү Седекия , дөрт дугаары Шаллум .

¹⁶ Иоакимниң оолдары: Иехония биле Седекия.

Иехония хаанның үре-салгалы

¹⁷ Иехонияның оолдары: Асир, Салафиил , ¹⁸ Малкирам, Федайя, Шенацар, Иекамия, Гошама болгаш Надавия.

¹⁹ Федайяның оолдары: Зоровавел биле Шимей.

Зоровавелдиң оолдары: Мешуллам биле Анания база оларның Шеломит деп кыс дуңмазы. ²⁰ Оон аңгыда беш оглу: Хашува, Огел, Берехия, Хасадия болгаш Иушав-Хесед.

²¹ Ананияның үре-салгалы: Фелатия биле Исайя, Рефайяның оолдары, Арнанның оолдары, Авдийниң оолдары, Шеханияның оолдары.

²² Шеханияның оглу: Шемайя . Шемайяның оолдары: Хаттуш , Игеал, Бариах, Неария болгаш Шафат. Шупту алды кижи.

²³ Неарияның үш оглу: Элиоенай, Эзекия болгаш Азрикам. ²⁴ Элиоенайның чеди оглу: Годавьягу, Элиашив, Фелайя, Аккув, Иоханан, Делайя болгаш Ананий.

Иуданың үре-салгалы

¹ Иуданың үре-салгалы : Фарес, Хецрон, Харми, Хур болгаш Шовал . ² Шовалдың оглу Реайя Яхатты төрээн. Яхаттан Ахумай биле Лагад төрүттүнген. Олардан Цора чурттугларның төрел бөлүктери укталган .

³ Этамның оолдары бо-дур: Изреел, Ишма болгаш Идбаш. Оларның кыс дуңмазы – Гацлелпони. ⁴ Эфратаның дун оглу, Вифлеемниң үндезилекчизи Хурнуң оолдары бо-дур : Пенуэл (Гедорнуң үндезилекчизи) база Эзер (Хушаның үндезилекчизи).

⁵ Текояның үндезилекчизи Ашхур ийи кадайлыг турган: Хела биле Наара. ⁶ Наара Ашхурга Ахузам, Хефер, Тимни болгаш Ахашфари деп оолдарны божуп берген. Наараның оолдары ол-дур. ⁷ Хеланың оолдары: Церет, Цохар болгаш Этнан.

⁸ Коцтан Анув биле Цовева төрүттүнген база Гарумнуң оглу Ахархелдиң төрел бөлүктери укталган.

⁹ Иавис деп кижи бодунуң акы-дуңмаларындан артык алдарлыг апарган. (Авазы: «Мен ону хинчектенип тургаш божаан мен» – дээш, Иавис деп адап каан ). ¹⁰ Иавис Израильдиң Бурганынче кыйгы салгаш, мөргээн: «Сен меңээ Бодуңнуң ачы-буяныңны хайырлап, мээң черимниң девискээрин делгемчидип каан болзуңза! Хилинчектенмес кылдыр, Сээң холуң мени айыыл-халаптан камгалап, деткээн болза!» Ынчан Бурган ооң дилээн хандырган.

¹¹ Шуханың дуңмазы Хелув Махирни төрээн. Махир дээрге Эштоннуң адазы-дыр. ¹² Эштоннуң оолдары: Бет-Рафа, Пасеах болгаш Техинна (Наас хоорайның үндезилекчизи). Олар Реханың чурттакчылары-дыр.

¹³ Кеназтың оолдары: Гофониил биле Серайя. Гофониилдиң оолдары: Хатат биле Меонатай . ¹⁴ Меонатайның оглу Офра, а Серайяның оглу Иоав. Иоав – Харашим шынаазының үндезилекчизи. Ол шынааның чурттакчылары ус-дарган улус болган.

¹⁵ Иефоннийниң оглу Халевтиң оолдары: Ир, Ила болгаш Наам. Иланың оглу: Кеназ.

¹⁶ Иегаллелелдиң оолдары: Зиф, Зифа, Тирия болгаш Асареел.

¹⁷ Эзраның оолдары: Иетер, Меред, Эфер болгаш Иалон. Мередтиң кадай кылдыр алганы фараоннуң уруу Битьяның оолдары бо-дур: Мириам, Шаммай болгаш Ишбах (Эштемоаның үндезилекчизи) . Ооң иудей кадайы Иередти (Гедорнуң үндезилекчизин), Хеверни (Сохонуң үндезилекчизин) болгаш Иекутиилди (Заноахтың үндезилекчизин) төрээн.

¹⁹ Годияның кадайы Нахамның кыс дуңмазы болур. Ооң үре-салгалы: Кеила чурттуг гарми төрел бөлүк база Эштемоа чурттуг мааха төрел бөлүк.

²⁰ Шимоннуң оолдары: Амнон, Ринна, Бенханан болгаш Тилон.

Ишийниң оолдары: Зохет биле Бен-Зохет.

²¹ Иуданың оглу Шеланың үре-салгалы : Леханың үндезилекчизи Ир; Марешаның үндезилекчизи Лаеда; Бет-Ашбея чурттуг лён кылып турар төрел бөлүктер; ²² Иоким база Хозеваның чурттакчылары; Моавтың чагырыкчылары Иоас биле Сараф; Иашуви-Лехем база . (Ол шагда-ла болган болуушкуннар-дыр.) ²³ Олар дээрге пор сава кылыкчызы улус-тур, олар Нетаим биле Гедерага чурттап, хаанга бараан болуп чораан.

Симеоннуң үре-салгалы

²⁴ Симеоннуң оолдары : Немуил, Ямин, Ярив, Зерах болгаш Саул. ²⁵ Саулдуң оглу Шаллум. Шаллумнуң оглу Мивсам. Мивсамның оглу Мишма. ²⁶ Мишманың оглу Хаммуил. Хаммуилдиң оглу Заккур. Заккурнуң оглу Шимей. ²⁷ Шимей он алды оолдуг, алды кыстыг турган. А ооң акы-дуңмаларының ажы-төлү хөй эвес турган. Ынчангаш оларның төрел бөлүктериниң саны Иуданың аймаанга бодаарга, шоолуг хөй эвес турган . ²⁸ Давид хаанның үезинге чедир Симеоннуң үре-салгалы дараазында хоорайларга чурттап турган : Беэр-Шевага, Моладага, Хацар-Шуалга, Вилгага, Эцемге, Толадка, Вефуилге, Хормага, Циклагка, Бет-Маркавотка, Хацар-Сусимге, Бет-Бирейге база Шааримге. ³² Симеончулар чоок-кавы суурлары-биле кады Этам, Аин, Риммон, Токен болгаш Ашан деп беш хоорайлыг база турган. ³³ Ол хоорайларны долгандыр Ваал хоорайга чедир суурлар оларныы турган. Симеоннуң аймааның чурттап чораан девискээри ындыг турган-дыр. Симеончулар ада-өгбелериниң даңзызын утпайн чораан.

³⁴ Мешовав, Ямлех, Амасияның оглу Иоша, ³⁵ Иоил, Иошиваның оглу Иеху (Иошиваның адазы – Серайя, Серайяның адазы – Асиил), ³⁶ Элиоенай, Якова, Ишохайя, Асайя, Адиил, Ишимиил, Ванея, ³⁷ Шифиниң оглу Зиза (Шифиниң адазы – Аллон, Аллоннуң адазы – Иедайя, Иедайяның адазы – Шимри, Шимриниң адазы – Шемайя) – ³⁸ аттарын адаткан ол кижилер шупту төрел бөлүктериниң ·баштыңнары чораан. Оларның төрел бөлүктери өзүп-көвүдээн болгаш, ³⁹ олар мал-маганынга одар-белчиир дилеп, Гедор чанында шынааның чөөн талазынга чедир көжүп чораан. ⁴⁰ Ынчалдыр олар чаагай одарларлыг, делгем, оожум болгаш айыыл чок черлерни тып алганнар. Олар келгижеге чедир, аңаа Хаамның чамдык үре-салгалы чурттап турган. ⁴¹ Аттары бижиттинген улус иудей хаан Эзекияның үезинде чедип келгеш, Хаамның үре-салгалының майгыннарын болгаш Меун деп аймакты бүрүнү-биле узуткап каапкаш, оларның черинге бо хүннерге чедир турумчуп алганнар. Чүге дээрге ол черлер оларның мал-маганынга тааржыр одар-белчиирлиг болган. ⁴² Оон аңгыда Симеоннуң үре-салгалының аразындан 500 кижи Сеир дагларынче чорупкан . Оларны Ишийниң оолдары – Фелатия, Неария, Рефайя болгаш Узиил баштап чораан. ⁴³ Сеирге олар артып калган амаликтерни чылча шаап кааш, бо хүннерге чедир ында чурттап чоруурлар.

Рувимниң үре-салгалы

¹ Израильдиң дун оглу Рувимниң үре-салгалы бо-дур. Рувим – дун оглу . Ынчалза-даа кажан ол ачазының орун-дөжээн бужартатканының соонда , улуу болур эргезин Израильдиң оглу Иосифтиң оолдарынга берипкен . Ынчангаш Рувимниң ады төрел аймактар даңзызында улуу кылдыр кирбейн турар. ² Иуда бодунуң акы-дуңмаларының аразында эң күш-шыдалдыг-даа болза, Израильдиң чагырыкчызы оон үнген-даа болза , улуу болур эрге ооңуу болбайн, Иосифтиң аймаанче шилчий берген.

³ Израильдиң дун оглу Рувимниң оолдары: Энох, Фаллу, Хецрон болгаш Харми .

⁴ Иоилдиң үре-салгалы: Шемайя, Шемайяның оглу Гог, Гогтуң оглу Шимей, ⁵ Шимейниң оглу Миха, ооң оглу Реайя, ооң оглу Ваал, ⁶ Ваалдың оглу Беэра. Беэра дээрге рувимчилерниң нояны турган. Ону ассирий хаан Тиглат-Пилесер тудуп аппарган. ⁷ Ооң төрелдери, төрел бөлүк аайы-биле, оларның ада-өгбелер даңзызы ёзугаар мындыг турган: кол кижи Иеиел, ооң соонда Захария база Бела. (Беланың адазы Азаз, Азазтың адазы Шема, Шеманың адазы Иоил). Беланың улузу Ароерден Невога база Ваал-Меонга чедир чурттап чораан. ⁹ А чөөн талазынче олар ээн кургаг ховунуң Евфрат хемче шөйүлген эң-не ужунга чедир чурттап чорааннар. Чүге дээрге галаад черге оларның мал-маганы дыка хөй турган. ¹⁰ Саул хаанның үезинде олар агар аймак-биле дайылдажып, ону тиилеп каан. Олар майгыннарынга Галаадтың чөөн талазында бүгү девискээрге чурттай бергеннер.

Гадтың үре-салгалы

¹¹ Гадтың үре-салгалы рувимчилер-биле дужааштыр васан черге, Салхага чедир чурттап чораан . ¹² Васанда оларның кол кижизи Иоил турган, Шафан ийи дугаары, ооң соонда – Иаанай биле Шафат. ¹³ Оларның чеди акы-дуңмазы төрел бөлүктер аайы-биле мындыг аттарлыг: Михаил, Мешуллам, Шева, Иорай, Иаакан, Зия болгаш Евер. ¹⁴ Олар шупту Хурийниң оглу Авихаилдиң үре-салгалы-дыр. (Хурийниң адазы Яроах, Яроахтың адазы Галаад, Галаадтың адазы Михаил, Михаилдиң адазы Иешишай, Иешишайның адазы Яхдо, Яхдонуң адазы Буз.) ¹⁵ Гуниниң оглу Авдиилдиң оглу Ахи бодунуң төрел бөлүүнде кол кижи турган. ¹⁶ Гадчылар Галаадка, Васанга болгаш аңаа хамааржыр хоорай, суурларга база Шарон оргулаажының одар-белчиирлериниң эң-не кыдыг кызыгаарларынга чедир чурттап чорааннар. ¹⁷ Олар шупту Иудеяның хааны Иоафамның үезинде база Израильдиң хааны Иеровоамның үезинде чизеледип чораан.

¹⁸ Рувимчилер, гадчылар болгаш Манассияның аймааның чартыы – хылыш, дозуг-камгалал тудуп, ча адып билир дуржулгалыг, эрес-дидим дайынчылар. Дайынче үнүп шыдаар 44 760 эр улус бар турган. ¹⁹ Олар агар, иетур, нафиш болгаш надав аймактар-биле дайылдажып үнүпкеш, ²⁰ дузаламчыны алганнар. Бурган агарлар болгаш оларның бүгү талалакчыларын израильчилерниң холунга хүлээдип берген, чүге дээрге израильчилер дайын үезинде Оон дуза дилеп чаннып турганнар. Олар Бурганга ынаныр боорга, Ол мөргүлүнге харыылаан. ²¹ Израильчилер дайзыннарының мал-маганын эжелеп алган: 50 000 тевени, 250 000 шээр малды, 2000 элчигенни. 100 000 кижини база тудуп алган. ²² Өлүрткен дайзыннар дыка хөй болган, чүге дээрге ол дайын Бурганның күзели-биле болган. Израильчилер ол аймактарның черлеринге туттуруушкун үезинге чедир чурттааннар.

Иорданның ындында Манассияның аймааның чартыы

²³ Манассияның аймааның чартыы ол черге Васандан Ваал-Эрмонга чедир, Сенирге база Эрмон дагга чедир чурттап чораан. Олар хөй турган. ²⁴ Оларның төрел бөлүктериниң кол улузу бо-дур: Эфер, Иший, Элиил, Азриил, Иеремия, Годавия болгаш Иагдиил – күш-шыдалдыг, ат-алдарлыг, боттарының төрел бөлүктериниң ·баштыңнары.

²⁵ Ынчалза-даа манассияжылар боттарының ада-өгбелериниң Бурганынга өскерлип, Ооң оларның мурнундан узуткап кааны ол черниң чоннарының бурганнары-биле самыырап эгелээн. ²⁶ Ынчан Израильдиң Бурганы Ассирияның хааны Фулду (азы Тиглат-Пилесерни) оларга удурландырарга, ол хаан рувимчилерни, гадчыларны болгаш манассияжыларның ол чартыын оларның черинден туттуруп алгаш барган. Оларны Халахче, Хаворже, Аруже база Гозан хемче көжүрүпкен – олар бо хүннерге чедир ында чурттап чоруур.

Дээди бараалгакчы болур левиттер

(Эзра 7:1-5)

¹ Левийниң оолдары: Гирсон, Кохат болгаш Мерари . ² Кохаттың оолдары: Амрам, Ицгар, Хеврон болгаш Узиил . ³ Амрамның ажы-төлү: Аарон, Моисей болгаш Мариам . Аароннуң оолдары: Надав, Авиуд, Элеазар болгаш Ифамар .

⁴ Элеазар Финеести төрээн , Финеес Авишуйну төрээн. ⁵ Авишуй Буккийни төрээн, Буккий Узийни төрээн. ⁶ Узий Зерахияны төрээн, Зерахия Мерайотту төрээн. ⁷ Мерайот Амарияны төрээн, Амария Ахитувту төрээн. ⁸ Ахитув Садокту төрээн , Садок Ахимаасты төрээн. ⁹ Ахимаас Азарияны төрээн , Азария Иохананны төрээн. ¹⁰ Иоханан Азарияны төрээн. Азария дээрге Соломоннуң Иерусалимге тудуп кааны өргээзинге Бурганның бараалгакчызы болуп турган кижи ол. ¹¹ А Азария Амарияны төрээн, Амария Ахитувту төрээн. ¹² Ахитув Садокту төрээн, Садок Шаллумну төрээн . ¹³ Шаллум Хелкияны төрээн, Хелкия Азарияны төрээн. ¹⁴ Азария Серайяны төрээн, Серайя Иоседекти төрээн. ¹⁵ Дээрги-Чаяакчы Иудея биле Иерусалим чурттугларны Навуходоносорнуң холу-биле өскээр көжүрүп турда , Иоседек база туттуругга барган.

Левийниң өске үре-салгалы

¹⁶ Левийниң оолдары: Гирсон , Кохат болгаш Мерари . ¹⁷ Гирсоннуң оолдары: Ливни болгаш Шимей. ¹⁸ Кохаттың оолдары: Амрам, Ицгар, Хеврон болгаш Узиил . ¹⁹ Мерариниң оолдары: Махли биле Муши .

Өгбелериниң аайы-биле Левийден укталган төрел бөлүктер бо-дур. ²⁰ Гирсондан: ооң оглу Ливни, Ливниниң оглу Яхат, Яхаттың оглу Зимма, ²¹ Зимманың оглу Иоах, Иоахтың оглу Иддо, Иддонуң оглу Зерах, Зерахтың оглу Иеафрай.

²² Кохаттың үре-салгалы: Аминадав, ооң оглу Корах, Корахтың оглу Асир, ²³ Асирниң оглу Элкана, Элкананың оглу Авиасаф , Авиасафтың оглу Асир, ²⁴ Асирниң оглу Тахат, Тахаттың оглу Уриил, Уриилдиң оглу Узия, Узияның оглу Саул. ²⁵ Элкананың үре-салгалы: Амессай биле Ахимот, ²⁶ Ахимоттуң оглу Элкана, Элкананың оглу Цофай, Цофайның оглу Нахат, ²⁷ Нахаттың оглу Элиав, Элиавтың оглу Иерохам, Иерохамның оглу Элкана. ²⁸ Самуилдиң оолдары: дун оглу Иоил, ийи дугаар оглу Авия .

²⁹ Мерариниң үре-салгалы: Махли, ооң оглу Ливни, Ливниниң оглу Шимей, Шимейниң оглу Уза, ³⁰ Узаның оглу Шима, Шиманың оглу Хаггия, Хаггияның оглу Асайя.

Бурганның өргээзинде хөгжүмчүлер

³¹ Ыдыктыг аптараны Дээрги-Чаяакчының өргээзинге аппарып каанының соонда, Давидтиң аңаа ыраажылар даргалары кылып каан улузунуң аттары бо-дур . ³² Соломоннуң Иерусалимге Дээрги-Чаяакчының өргээзин тудуп каарынга чедир , олар ·Ужуражылга майгынының мурнунга ырлап бараан бооп турганнар. Олар доктааткан дүрүм ёзугаар боттарының хүлээлгезин күүседип келген. ³³ Оолдары-биле кады орта бараан болуп турган улус бо-дур:

Кохаттың үре-салгалындан – ыраажы Еман . Ооң ада-өгбелери бо-дур: Иоил, Самуил, ³⁴ Элкана, Иерохам, Элиил, Тоах, ³⁵ Цуф, Элкана, Махат, Амессай, ³⁶ Элкана, Иоил, Азария, Софония, ³⁷ Тахат, Асир, Эвиасаф, Корах, ³⁸ Ицгар, Кохат, Левий, Израиль.

³⁹ Еманның оң талазынга ооң төрели Асаф туруп алгаш, ырлап чораан. Асафтың ада-өгбези бо-дур: Берехия, Шима, ⁴⁰ Михаил, Ваасея, Малхия, ⁴¹ Эфний, Зерах, Адайя, ⁴² Эфан, Зимма, Шимей, ⁴³ Яхат, Гирсон, Левий.

⁴⁴ А оларның ха-дуңмалары – Мерариниң үре-салгалының төлээлекчизи Эфан солагай талазынга турган. Эфанның ада-өгбези бо-дур: Киший, Авдий, Маллух, ⁴⁵ Хашавия, Амасия, Хелкия, ⁴⁶ Амций, Бани, Шемер, ⁴⁷ Махли, Муши, Мерари, Левий.

Аароннуң үре-салгалы

⁴⁸ Оларның өске ха-дуңмалары болур левиттерге Бурганның өргээ-бажыңында янзы-бүрү ажылдар онаажып турган. ⁴⁹ А Аарон болгаш ооң үре-салгалы аажок ыдыктыг албан-хүлээлге кылып, бүрүн өрттедир өргүл бедигээжи база айдызаар өргүл бедигээжинге өргүлдер салып , израиль чонну хай-бачыдындан арыглап , Бурганның чалчазы Моисейниң айытканы-биле бараан болуп турганнар. ⁵⁰ Аароннуң үре-салгалы бо-дур : ооң оглу Элеазар, Элеазарның оглу Финеес, Финеестиң оглу Авишуй, ⁵¹ Авишуйнуң оглу Буккий, Буккийниң оглу Узий, Узийниң оглу Зерахия, ⁵² Зерахияның оглу Мерайот, Мерайоттуң оглу Амария, Амарияның оглу Ахитув, ⁵³ Ахитувтуң оглу Садок, Садоктуң оглу Ахимаас.

Левиттерниң чурттаан черлери

(Сан. 35:1-8; Иис. 21:1-42)

⁵⁴ Левиттерниң хувааглыг девискээрлерге чурттаан черлери бо-дур. Баштайгы төлге даштары Кохаттың төрел бөлүүнүң аразында Аароннуң үре-салгалынга дүшкен чүве-дир . ⁵⁵ Оларга Иуданың черинде Хеврон хоорайны болгаш ооң чоок-кавызында одар-белчиирлиг черлерни берген. ⁵⁶ (А хоорайны долгандыр турар шөлдерни болгаш суурларны Иефоннийниң оглу Халевке берген.) ⁵⁷ Аароннуң салгалдарынга дараазында хоргадал-хоорайларны: Хевронну, Ливнаны болгаш ооң одар-белчиирлиг черлерин, Иаттирни, Эштемоаны болгаш ооң одар-белчиирлиг черлерин, ⁵⁸ Хилен биле Давирни оларның одар-белчиирлиг черлери-биле кады, ⁵⁹ Ашан биле Бет-Шемешти оларның одар-белчиирлиг черлери-биле кады берген. ⁶⁰ А Вениаминниң аймааның черинден Аароннуң салгалдары Геваны, Аллеметти, Анатотту оларның одар-белчиирлиг черлери-биле кады алганнар. Оларның төрел бөлүктер аайы-биле алган хоорайларының ниити саны – он үш .

⁶¹ Кохаттың арткан салгалдары Манассияның аймааның чартыының черинден төлге даштар октааш, он хоорайны алган. ⁶² Гирсоннуң салгалдары төрел бөлүк аайы-биле Иссахарның, Асирниң, Неффалимниң база Васанга чурттаан Манассияның аймактарының черлеринден он үш хоорайны алганнар. ⁶³ Мерариниң салгалдары төрел бөлүк аайы-биле Рувимниң, Гадтың, Завулоннуң аймактарының черлеринден он ийи хоорай алган.

⁶⁴ Израильчилер левиттерге ынчалдыр хоорайларын болгаш одар-белчиирлиг черлерин бергеннер. ⁶⁵ Төлге даштар октааш, олар левиттерге Иуданың, Симеоннуң база Вениаминниң аймактарындан хоорайларны адап шилээш бергеннер.

⁶⁶ Кохаттың салгалдарының чамдык төрел бөлүктеринге Эфремниң аймаа хоорайлар берген. ⁶⁷ Дараазында хоргадал-хоорайлар берген: Эфрем дагларында Сихемни, Гезерни, Иокмеамны, Бет-Оронну, Айалонну база Гат-Риммонну одар-белчиирлиг черлери-биле кады. ⁷⁰ Кохаттың арткан салгалдары Анер биле Билеам хоорайларны одар-белчиирлиг черлери-биле Манассияның аймааның чартыындан алганнар.

⁷¹ Гирсоннуң салгалдарынга Манассияның аймааның чартыы Васанда Голанны база Аштаротту оларның одар-белчиирлиг черлери-биле кады бергеннер. ⁷² Иссахарның аймаандан гирсончулар Кедести, Давратты, Рамотту база Анемни одар-белчиирлиг черлери-биле кады алганнар. ⁷⁴ Асирниң аймаандан Машалды, Авдонну, Хукокту база Реховту одар-белчиирлиг черлери-биле кады алганнар. ⁷⁶ Неффалимниң аймаандан Галилеяда Кедести, Хаммонну база Кириатаимни одар-белчиирлиг черлери-биле кады алганнар.

⁷⁷ Арткан левиттер – Мерариниң салгалдары Завулоннуң аймаандан Риммонну база Фаворну оларның одар-белчиирлиг черлери-биле кады алганнар. ⁷⁸ Рувимниң аймаандан Иерихондан чөөн талазында Иорданның ол чарыында Иаацаны, ээн кургаг ховуда Бецерни, Кедемотту база Мефаатты одар-белчиирлиг черлери-биле кады алганнар. ⁸⁰ Гадтың аймаандан Галаадта Рамотту, Маханаимни, Эсевонну база Иазерни одар-белчиирлиг черлери-биле кады алганнар.

Иссахарның үре-салгалы

¹ Иссахарның оолдары: Тола, Фуа, Иашув база Шимрон – дөрт кижи .

² Толаның оолдары: Узий, Рефайя, Иериил, Яхмай, Ивсам база Самуил. Олар Толадан укталган төрел бөлүктерниң кол кижилери болур. Толаның үре-салгалы салгалдан салгал дамчып күштүг-шыырак улус турган. Давидтиң чагыргазының үезинде оларның саны 22 600 кижи турган.

³ Узийниң оглу – Израхия.

Израхияның оолдары: Михаил, Авдий, Иоил болгаш Ишшия – беш кижи. Олар шупту ·баштыңнар чораан. ⁴ Оларның төрел бөлүктеринден дайылдажып шыдаар 36 000 шериг турган. Чүге дээрге оларның кадайлары болгаш оолдары хөй турган. ⁵ Оларның төрелдери – Иссахардан укталган бүгү улус күштүг-шыырак кижилер чораан. Төрел аймак даңзызынче киир бижиткен эр улустуң ниити саны 87 000 кижи .

Вениаминниң үре-салгалы

⁶ Вениаминниң оолдары : Бела, Бехер база Иедиаил – үш кижи.

⁷ Беланың оолдары: Эцбон, Узий, Узиил, Иеримот болгаш Ири – беш кижи. Олар бөлүктериниң кол кижилери, күштүг-шыырак улус чораан. Төрел бөлүктер даңзызында эр улустуң саны 22 034 кижи.

⁸ Бехерниң оолдары: Земира, Иоас, Элиезер, Элиоенай, Омри, Иремот, Авия, Анатот болгаш Алемет – олар шупту Бехерниң оолдары-дыр. ⁹ Төрел аймак даңзызынче салгалдар аайы-биле ·баштыңнар болгаш 20 200 күштүг-шыырак кижи киир бижиттинген.

¹⁰ Иедиаилдиң оглу: Билган. Билганның оолдары: Иеус, Вениамин, Аод, Хенаана, Зетан, Фарсис болгаш Ахишахар. ¹¹ Иедиаилдиң ол оолдары шупту төрел бөлүктериниң ·баштыңнары, күштүг-шыырак улус турган. Дайылдажырынга белен шериглерниң саны 17 200 кижи.

¹² Ирниң оолдары – Шуппим биле Хуппим. Ахерниң оглу – Хушим.

Неффалимниң үре-салгалы

¹³ Неффалимниң оолдары : Яхцеил, Гуни, Иецер база Шаллум – олар Валланың үре-салгалы-дыр .

Манассияның үре-салгалы

¹⁴ Манассияның оглу: Асриил . Ону Манассияның арамей ·кул-кадайы божуп берген. Галаадтың адазы Махир ол кул-кадайындан укталган . ¹⁵ Махир Хуппим биле Шуппим уктуг кыс-биле өгленип алган . (Махирниң кыс дуңмазының адын Мааха дээр).

Ийи дугаар кижини Салпаад дээр. Салпаад чүгле кыстарлыг турган .

¹⁶ Махирниң кадайы Мааха оол божааш, ону Переш деп адап алган. А ооң дуңмазының адын Шереш дээр. А ооң оолдары: Улам биле Рекем. ¹⁷ Уламның оглу: Бедан. Манассияның оглу Махирниң оглу Галаадтың үре-салгалы ол-дур.

¹⁸ Ооң кыс дуңмазы Молехет Ишгодту, Авиезерни база Махланы төрээн.

¹⁹ Шемиданың оолдары: Ахиан, Шехем, Ликхи болгаш Аниам .

Эфремниң үре-салгалы

²⁰ Эфремниң үре-салгалдары бо-дур : Шутелах, ооң оглу Беред, Бередтиң оглу Тахат, Тахаттың оглу Элеада, Элеаданың оглу Тахат, ²¹ Тахаттың оглу Завад, Завадтың оглу Шутелах.

Эфремниң Эзер болгаш Элеад деп оолдары база турган. Эзер биле Элеад Гефтиң үндезин чурттакчыларының мал-маганын оорлап сүрүп аар дээш кээрге, оларны өлүрүп каан. ²² Адазы Эфрем олар дээш хөй хүннер иштинде кажыыдап ыглап келген. Төрелдери ону аргалап кээп турган. ²³ Ооң соонда ол кадайы-биле чоокшулажып удуурга, кадайы саатталы бергеш, аңаа оол божуп берген. Ол ону Брия деп адап алган, чүге дээрге ооң бажыңынга качыгдал болган . ²⁴ Брияның Шеера деп уруу турган. Ол Алдыы болгаш Үстүкү Бет-Оронну база Узен-Шеераны тудуп каан. ²⁵ Брияның оглу – Рефай, Рефайның оглу – Решеф, Решефтиң оглу – Телах, Телахтың оглу – Тахан, ²⁶ Таханның оглу – Лаедан, Лаеданның оглу – Аммиуд, Аммиудтуң оглу – Элишама , ²⁷ Элишаманың оглу – Нун, Нуннуң оглу – Иисус .

²⁸ Эфремниң аймааның ээлээн черлери бо-дур: Вефил болгаш аңаа хамааржыр хоорай, суурлар; чөөн талазында Нааран; барыын талада Гезер болгаш аңаа хамааржыр хоорай, суурлар; Сихем болгаш аңаа хамааржыр хоорай, суурлар; Гая болгаш аңаа хамааржыр хоорай, суурларга чедир. ²⁹ А Манассияның аймааның чери-биле кызыгаарында: Бет-Сан, Таанах, Мегиддон, Дор болгаш оларга хамааржыр хоорай, суурлар . Израильдиң оглу Иосифтиң салгалдары ол черлерге чурттап турганнар.

Асирниң үре-салгалы

³⁰ Асирниң оолдары : Имна, Ишва, Ишви база Брия, оларның кыс дуңмазы Серах. ³¹ Брияның оолдары: Хевер биле Малхиил. Малхиил дээрге Бирзаиттиң адазы-дыр. ³² Хевер Иафлетти, Шомерни, Хотамны база оларның кыс дуңмазы Шуяны төрээн. ³³ Иафлеттиң оолдары: Пасах, Бимгал база Ашват. Иафлеттиң оолдары ол-дур. ³⁴ Шомерниң оолдары: Ахи, Рохга, Ихубба болгаш Арам. ³⁵ Ооң дуңмазы Хотамның оолдары: Цофах, Имна, Шелеш болгаш Амал. ³⁶ Цофахтың оолдары: Суах, Харнефер, Шуал, Бери, Имра, ³⁷ Бецер, Год, Шамма, Шилша, Итран болгаш Беера. ³⁸ Иетерниң оолдары: Иефонний, Фиспа база Ара. ³⁹ Улланың оолдары: Арах, Ханниил база Риция.

⁴⁰ Асирниң ол үре-салгалы шуптузу төрел бөлүктериниң ·баштыңнары, шилиндек күштүг-шыырак дайынчылар, эң кол нояннар турган. Төрел аймак даңзызынче киир бижиттинген шериглерниң саны 26 000 кижи турган.

Вениаминниң өске үре-салгалы

¹ Вениамин дун оглу Беланы, ийиги оглу Ашбелди, үшкү оглу Ахрайны, ² дөрткү оглу Ноханы база бешки оглу Рафаны төрээн .

³ Беланың оолдары: Аддар, Гера, Авиуд, ⁴ Авишуа, Нееман, Ахоах, ⁵ Гера, Шефуфан болгаш Хурам.

⁶ Гевага чурттап чораан, оон Манахатче көжүрткен төрел бөлүктерниң ·баштыңнары чораан Эхудтуң оолдары бо-дур: ⁷ Нееман, Ахия база оларны көжүрген Гера; Гера Уза биле Ахихудту төрээн.

⁸ Шегараим деп кижи Хушим биле Баара деп кадайларын чандырыпкан соонда, оолдары Ходеш деп өске кадайындан моав черге төрүттүнген: Иовав, Цивия, Меша, Малхам, ¹⁰ Иеуц, Шахия болгаш Мирма. Төрел бөлүктер ·баштыңнары чораан оолдары ол-дур. ¹¹ А Хушимден Авитув биле Элпаал төрүттүнген.

¹² Элпаалдың оолдары: Евер, Мишам, Шемер (ол Оно биле Лод хоорайларны болгаш оларга хамааржыр суурларны тудуп каан), ¹³ Брия болгаш Шема. Олар дээрге Гефтиң чурттакчыларын үндүр ойладыпкан, Айалонга чурттаан төрел бөлүктерниң ·баштыңнары чораан улус чүве-дир.

¹⁴ Ахио, Шашак, Иремот, ¹⁵ Зевадия, Арад, Эдер, ¹⁶ Михаил, Ишфа болгаш Иоха – Брияның оолдары-дыр.

¹⁷ Зевадия, Мешуллам, Хизкий, Хевер, ¹⁸ Ишмерай, Излия база Иовав – Элпаалдың оолдары-дыр.

¹⁹ Иаким, Зихрий, Завдий, ²⁰ Элиенай, Цилфай, Элиил, ²¹ Адайя, Берайя база Шимрат – Шимейниң оолдары-дыр.

²² Ишпан, Евер, Элиил, ²³ Авдон, Зихрий, Ханан, ²⁴ Анания, Элам, Антофия, ²⁵ Ифдия болгаш Пенуэл – Шашактың оолдары-дыр.

²⁶ Шамшерай, Шехария, Аталия, ²⁷ Иаарешия, Элия болгаш Зихрий – Иерохамның оолдары-дыр.

²⁸ Ол дээрге төрел бөлүктериниң ·баштыңнары-дыр. Олар Иерусалимге чурттап чорааннар.

Саул хаанның өгбелери, үре-салгалы

(1 Чыл. 9:35-44)

²⁹ Гаваончуларның өгбези Иеиел Гаваонга чурттап турган. Ооң кадайының ады Мааха. ³⁰ Ооң дун оглу Авдон, оон аңгы оолдары: Цур, Кис, Ваал, Нир , Надав, ³¹ Гедор, Ахио, Зехер болгаш Миклот (ол Шимейни төрээн). Олар Иерусалимге дөргүл-төрелиниң аразынга ха-дуңмалары-биле кады чурттап чорааннар.

³³ Нир Кисти төрээн. Кис Саулду төрээн . Саул Ионафан, Малхисуа, Авинадав база Эшбаалды төрээн . ³⁴ Ионафанның оглу – Мериббаал . А Мериббаалдың оглу Миха . ³⁵ Миханың оолдары: Питон, Мелех, Таарея болгаш Ахаз. ³⁶ Ахаз Иоиадданы төрээн. Иоиадда Алемет, Азмавет болгаш Зимрини төрээн. Зимри Моцаны төрээн. ³⁷ Моца Бинеяны төрээн. Бинеяның оглу Рафа, Рафаның оглу Элеаса, Элеасаның оглу Ацел. ³⁸ Ацел алды оолдуг турган, оларның аттары бо: Азрикам, Бохру, Измаил, Шеария, Авдий болгаш Ханан. Олар шупту Ацелдиң оолдары-дыр.

³⁹ Ацелдиң дуңмазы Эшектиң оолдары: дун оглу Улам, ийи дугаары Иеуш, үшкүзү Элифелет. ⁴⁰ Уламның оолдары ча адар күш-шыдалдыг дайынчылар чораан. Оларның оолдары болгаш оолдарының оолдары хөй турган: 150 кижи.

Ол улус шупту Вениаминниң салгалдары-дыр.

Туттуруушкундан Иерусалимче ээп келгеннер

(Неем. 11:1-22)

¹ Ынчалдыр бүгү израильчилерниң төрел бөлүктер аайы-биле чизе-даңзызын тургускан, Израильдиң хааннарының төөгү бижилгезинче киирген.

Иудейлер ужур-дүрүм чок чоруктары дээш Вавилонче көжүртүпкен соонда , ² Израильдиң хоорай, суурларынга катап база чурттап эгелээн баштайгы улус израильчилер, Бурганның бараалгакчылары, левиттер болгаш Бурганның өргээзинде ажылчыннар болган.

³ Иуданың, Вениаминниң, Эфремниң база Манассияның аймактарындан дараазында улус Иерусалимге турумчуп алган.

⁴ Иуданың аймаандан : Фарестиң үре-салгалындан – Утай (ол дээрге Аммиудтуң оглу, Аммиуд Омриниң оглу, Омри Имрийниң оглу, Имрий Баниниң оглу); Шеланың үре-салгалындан – төрел бөлүүнүң ·баштыңы Асайя болгаш ооң оолдары; Зерахтың үре-салгалындан – Иеуил болгаш ооң акы-дуңмалары. Шуптузу 690 кижи.

⁷ Вениаминниң аймаандан: Саллу (ол дээрге Мешулламның оглу, Мешуллам Годавияның оглу, Годавия Гассенуаның оглу); ⁸ Иерохамның оглу Ивний; Эла (ол Узийниң оглу, а Узий Михрийниң оглу); Мешуллам (ол Шефатияның оглу, Шефатия Регуилдиң оглу, Регуил Ивнийниң оглу); ⁹ база салгалдар аайы-биле оларның акы-дуңмалары, шупту боттарының төрел бөлүктериниң ·баштыңнары чүве-дир. Шуптузу 956 кижи.

Бараалгакчылар болгаш левиттер

¹⁰ А Бурганның бараалгакчыларындан: Иедайя, Иегоиарив, Яхин, ¹¹ Бурганның өргээзинде эргелекчи Азария (ооң ада-өгбелери – Хелкия, Мешуллам, Садок, Мерайот болгаш Ахитув), ¹² Адайя (ооң ада-өгбелери – Иерохам, Пашхур, Малхия, Маасай, Адиил, Яхзера, Мешуллам, Мешуллемит болгаш Иммер) ¹³ болгаш оларның акы-дуңмалары – төрел бөлүктериниң ·баштыңнары, Бурганның өргээзинге бараан болурунга шылгараан улус. Шуптузу 1760 кижи.

¹⁴ Левиттерден: Мерариниң үре-салгалындан – Шемайя (ол дээрге Хашувтуң оглу, Хашув Азрикамның оглу, Азрикам Хашавияның оглу); ¹⁵ оон ыңай Вакбакар, Хереш, Галал база Маттания (ол Миханың оглу, Миха Зихрийниң оглу, а Зихрий Асафтың оглу); ¹⁶ оон ыңай Авдий (ол Шемайяның оглу, Шемайя Галалдың оглу, а Галал Идифуннуң оглу) база Нетофаның чоок-кавызы чурттуг Берехия (ол Асаның оглу, Аса Элкананың оглу).

¹⁷ А хаалгачылардан : Шаллум, Аккув, Талмон, Ахиман база оларның акы-дуңмалары. Оларның кол кижизи Шаллум турган. ¹⁸ Ол хаалгачылар бо үеге чедир чөөн талакы Хаан Хаалгазын кадарбышаан хевээр. Оларның төрел бөлүү левиттерниң турлааның хаалгачылары турган. ¹⁹ Шаллум (ол Корениң оглу, Коре Эвиасафтың оглу, Эвиасаф Корахтың оглу) база ооң төрел ха-дуңмалары – корах төрел бөлүк албан-хүлээлгезин ёзугаар ыдыктыг майгынның хаалгазын кадарар, оларның өгбелери база Дээрги-Чаяакчының турлаанга кирер черни кадарып чорааннар болгай. ²⁰ Шаг шаанда Элеазарның оглу Финеес оларның даргазы турган, Дээрги-Чаяакчы ооң-биле кады турган . ²¹ Мешелемияның оглу Захария ·Ужуражылга майгынының хаалгачызы турган .

²² Хаалгачылар кылдыр шилиттингеннерниң ниити саны 212 кижи. Оларны чурттап турар черлериниң аайы-биле даңзыже киирген. Давид биле өттүр көөр Самуил хаалгачыларны оларның шынчы бердингени дээш томуйлап дагзып каан . ²³ Олар болгаш оларның үре-салгалы Дээрги-Чаяакчының өргээ-майгынының хаалгазын кадарар ужурлуг. ²⁴ Хаалгачылар дөрт талада: чөөн, барыын, соңгу болгаш мурнуу талада турганнар. ²⁵ А хаалгачыларның суурларга чурттаан төрелдери оларга доктааткан үеде келгеш, чеди хонар турганнар . ²⁶ Левит хаалгачыларның дөрт даргазынга Бурганның өргээзинде өрээлдерни база ында бар эртине-байлакты кадарарын бүзүреп дааскан. ²⁷ Бурганның өргээзин кадарар база эртенниң-не эжик ажыдар хүлээлгелиг болгаш, ол хаалгачылар ооң даштынга долгандыр хонуп турганнар .

²⁸ Левиттерниң чамдыызынга Бурганга бараан болурда ажыглаар эт-херекселди хүлээдип каар турган. Ол левиттер бо эт-херекселди улус ажыглаар дээш алырга база дедир эгидерге, санап аар турган. ²⁹ А чамдыктары өске херекселдерни, ооң иштинде ыдыктыг эт-херекселди, кадагалаар хүлээлгелиг. Ол ышкаш далганны, араганы, олива үзүн, айдызаар чүүлдерни база чаагай чыттыг бүдүмелдерни. ³⁰ А чаагай чыттыг бүдүмелдерни холуур харыысалга Бурганның бараалгакчыларының чамдыызынга онаашкан . ³¹ Левит Маттифияга (корах уктуг Шаллумнуң дун оглунга) далганнар хаарарын бүзүреп дагзып каан. ³² А амыр-дыш хүн санында хереглээр ыдыктыг хлеб быжырар, одуруглай салыр хүлээлге кохат уктуг чамдык левиттерге онаашкан .

³³ Төрел бөлүктериниң ·баштыңнары болур ыраажы левиттер өргээниң өрээлдеринде чурттап , өске ажылдардан хостуг турганнар, чүге дээрге олар херек апарганда, дүн-хүн дивейн, ырлаар хүлээлгезин күүседир ужурлуг .

³⁴ Олар дээрге левиттерниң төрел бөлүктериниң ·баштыңнары-дыр. Олар Иерусалимге чурттап турганнар.

Саул хаанның өгбелери, үре-салгалы

(1 Чыл. 8:29-38)

³⁵ Гаваончуларның өгбези Иеиел Гаваонга чурттап турган. Ооң кадайының ады Мааха. ³⁶ Ооң дун оглу Авдон, оон аңгы оолдары Цур, Кис, Ваал, Нир, Надав, ³⁷ Гедор, Ахио, Захария болгаш Миклот. ³⁸ Миклот Шимамны төрээн. Олар Иерусалимге дөргүл-төрелиниң аразынга ха-дуңмалары-биле кады чурттап чорааннар.

³⁹ Нир Кисти төрээн. Кис Саулду төрээн . Саул Ионафан, Малхисуа, Авинадав болгаш Эшбаалды төрээн . ⁴⁰ Ионафанның оглу – Мериббаал . А Мериббаалдың оглу Миха. ⁴¹ Миханың оолдары: Пион, Мелех, Тахрея болгаш Ахаз . ⁴² Ахаз Иараны төрээн. Иара Алемет, Азмавет болгаш Зимрини төрээн. Зимри Моцаны төрээн. ⁴³ Моца Бинеяны төрээн. Бинеяның оглу Рефайя, Рефайяның оглу Элеаса, Элеасаның оглу Ацел. ⁴⁴ Ацел алды оолдуг турган, оларның аттары бо: Азрикам, Бохру, Измаил, Шеария, Авдий болгаш Ханан. Олар дээрге Ацелдиң оолдары-дыр.

Саулдуң болгаш ооң оолдарының өлүрткени

(1 Хаан. 31:1-13)

¹ Филистимнер биле израильчилер аразынга тулчуушкун үезинде, израильчилер дайзыннардан Гелвуя даанга чедир дескеш , аңаа кыра шаптырып алган. ² Филистимнер Саулду болгаш ооң оолдарын сүрүп четкеш, Саулдуң оолдары Ионафанны, Авинадавты база Малхисуаны өлүрүп каапканнар .

³ Саулче халдаашкын кадыг-дошкун болган. Ча-согун-биле хөй катап аттыргаш, Саул балыгланган. ⁴ Саул бодунуң чепсек тудукчузундан: «Ол ·кыртыжадып демдектетпээн хейлер чедип келгеш, мени куду көрбээнде, хылыжың ужулгаш, мени шанчып каавыт» – деп дилээн . Чепсек тудукчузу аажок корга бергеш, ынаваан. Ынчан Саул хылышты алгаш, бодун шаштыныпкан . ⁵ Чепсек тудукчузу Саулдуң өлүп калганын көргеш, бодун база хылыш-биле шаштыныпкаш, өлүп калган чүве-дир. ⁶ Ынчалдыр Саул болгаш ооң үш оглу өлүп калган, олар-биле кады ооң бүгү ук-салгалы кырлып төнген.

⁷ Шынаада чурттап турар бүгү израильчилер оларның шерииниң дезип турарын, Саулдуң база ооң оолдарының өлүп калганын дыңнааш, боттарының хоорайларын ээн каггылапкаш чорупканнар. А филистимнер келгеш, хоорайларны ээлеп чурттай бергеннер.

⁸ Даартазында филистимнер өлүрткен улусту үптеп аар дээш чедип келгеш, Гелвуя даанга өлүрткен Саулду база ооң оолдарын тып алганнар. ⁹ Саулдуң мөчү-сөөгүн үптээш, бажын база ок-чепсээн ап алгаш, бүгү филистим черге көргүзери-биле чорудупканнар . Ынчалдыр олар чонга тиилелгезиниң дугайында боттарының дүрзү-бурганнарының мурнунга чарлапканнар. ¹⁰ Саулдуң ок-чепсээн боттарының бурганнарының өргээлеринге салып каан, а ооң бажын Дагон бурганның өргээзинге азып кааннар . ¹¹ Галаадта Иавистиң бүгү чурттакчылары филистимнерниң Саулду канчалганының дугайында дыңнап кааш , ¹² бүгү эрес-дидим улузу чорупкаш, Саулдуң база ооң оолдарының мөчү-сөөгүн дүжүрүп алган . Оларны Иависке эккелгеш, дуб ыяш адаанга ажаап кааш, чеди хонук иштинде кажыыдап, чем чивейн турган чүве-дир.

¹³ Саул ынчалдыр өлген, чүге дээрге ол Дээрги-Чаяакчының сөзүн тооп көрбейн, Аңаа удур кем-буруу үүлгеткен база, айтырыг кылып, Дээрги-Чаяакчының орнунга караң көрнүр кижиге барган . Ынчангаш Дээрги-Чаяакчы ону өлүрүп кааш, ооң хааннаар эргезин Иессейниң оглу Давидке берипкен.

Давидтиң бүгү Израильдиң хааны апарганы

(2 Хаан. 5:1-3, 6-10)

¹ Бүгү израильчилер Хевронда Давидке чыглып келгеш: «Бо-дур, силерниң хан төрелиңер улус-тур бис – дээннер. – ² Шагдан бээр-ле, Саул хаан турар үелерде безин, израильчилерни дайын-чаага баштап турган кижи силер силер . Дээрги-Чаяакчы Бурганыңар силерге: „Сен Мээң израиль чонумну кадарар сен . Израиль чонумнуң чагырыкчызы сен болур сен“ – деп чугаалап турду». ³ Израильдиң бүгү ·баштыңнары Хевронда хаанга чедип кээрге, Давид олар-биле Дээрги-Чаяакчының мурнунга керээ чарып алган. Олар Давидти Израильдиң хааны болур кылдыр Дээрги-Чаяакчының Самуилди дамчыштыр чугаалаан сөзүн ёзугаар чаап кааннар .

⁴ Давид болгаш бүгү израильчилер Иерусалимче (азы Иевусче) чорупкан. Ол хоорайга тус черниң чурттакчылары иевустар турган . ⁵ Иевустуң чурттакчылары Давидке: «Сен бээр кирбес сен» – дээннер. Ынчалза-даа Давид ·Сион шивээзин эжелеп алган. Ол болза Давидтиң Хоорайы-дыр . ⁶ Давид мынча дээн: «Кым улусту мурнай иевустарны чылча шаап каарыл, ол кижи шериг баштыңчызы болур». Саруйяның оглу Иоав кымны-даа мурнай Иевусче киргеш, шериг баштыңчызы апарган . ⁷ Давид ол шивээге турумчуп алган, ынчангаш ону Давидтиң Хоорайы деп адаан. ⁸ Давид Милло шивээзинден эгелеп , хоорайны долгандыр быжыг камгалал кылып алган. А хоорайның арткан кезээн Иоав чаарткан. ⁹ Давид улам-на күштүг бооп кел чыткан , Аг-шериглиг Дээрги-Чаяакчы ооң-биле кады болуп турган.

Давидтиң маадырлары

(2 Хаан. 23:8-39; 1 Чыл. 27:1-15)

¹⁰ Дээрги-Чаяакчының израиль чонга чугаалаанын ёзугаар Давидти хаан болдуруп, бүгү израильчилер-биле кады ооң хааннаашкынын деткип турган кол дайынчылары бо-дур.

¹¹ Давидтиң дайынчыларының даңзызы бо-дур: хакмон уктуг Яшавам , үжен шериг баштыңчызының аразында кол кижи. Ол 300 дайзынче чыдазын көдүргеш, оларны чаңгыс тулчуушкун үезинде өлүрүп каан. ¹² Ооң соонда ахохи уктуг Додонуң оглу Элеазар турар, ол база үш маадырның аразында. ¹³ Ол Давид-биле кады филистимнерниң тулчуушкунче чыглып турган чери Фас-Дамимге турган. Ол кезек черге арбай тарып каан турган чүве-дир. Израиль шериг филистимнерден дезип эгелээрге, ¹⁴ олар шөлдүң ортузунга артып калгаш, ол кезек черни камгалап ап, филистимнерни чылча шаап кааннар. Ынчалдыр Дээрги-Чаяакчы улуг тиилелгени берген.

¹⁵ Бир катап үжен шериг баштыңчызының аразындан ол үш маадыр хаяда Одоллам куюнга Давидке чедип келген . Ол үеде филистимнерниң турлаа Рефаим шынаазынга турган . ¹⁶ (Давид быжыглалдыг шивээге, а филистимнерниң доскуул чери – Вифлеемге турган). ¹⁷ Давид суг ижиксей бергеш: «Вифлеемниң хаалга аксында кудуктуң суун меңээ кым-бир кижи эккеп берген болза» – дээн. ¹⁸ Ынчан ол үш маадыр филистимнерниң турлаан таварып эрткеш, Вифлеемниң хаалга аксында кудуктуң суун ускаш, Давидке эккеп бергеннер. Ынчалза-даа Давид сугну ижеринден ойталаан, ону Дээрги-Чаяакчыга өргүл кылдыр төпкеш , ¹⁹ мынча дээн: «Чок, мен ону ижип болбас мен, Бурганым! Бо улустуң ханын мен ижип шыдаар деп мен бе? Олар боттарының амы-тынын харамнанмайн чорааш, ону эккелдилер ышкажыл». Ынча дээш, ол сугну ишпейн барган. Шак ындыг чоруктарны ол үш маадыр кылып чораан чүве-дир.

²⁰ Иоавтың акызы Авесса ол үш маадырның даргазы турган. Ол 300 дайзынны бодунуң чыдазы-биле узуткап кааш, демги үш маадыр-биле деңге алдаржый берген. ²¹ Авесса ол үш маадырдан ийи катап сураглыг апаргаш, оларның баштыңчызы болган, ынчалза-даа үш маадырның санынче кирбээн.

²² Иодайның оглу, Кавцеилден келген эрес-дидими-биле сурагжаан Ванея турган . Ол арзылаң дег күштүг ийи моав кижини өлүрүп каан . Оон аңгыда хар чаап турган үеде, оңгарже киргеш, аңаа арзылаң база өлүрген. ²³ Оон ыңай Ванея узуну беш кыры египет кижини база өлүрүп каан. Египет кижиниң холунда чыданың чоону пөс-таавычыларның өзек ыяжы дег турган, ындыг-даа болза, Ванея анаа даянгыыш тудуп алган чеде бергеш, египет кижиниң чыдазын былаап алгаш, ол-ла чыдазы-биле ону өлүрүп каан . ²⁴ Иодайның оглу Ванея ындыг чорук кылган кижи-дир. Ол база демги үш маадыр дег алдаржый берген. ²⁵ Ванея үжен шериг баштыңчызының аразындан сураглыг турган, ынчалза-даа демги үш маадырның санынче кирбээн. Давид ону бодунга чоок дүжүмет кылып алган.

²⁶ Өске эрес-дидим дайынчылар бо-дур: Иоавтың дуңмазы Асаил , вифлеемчи Додонуң оглу Элханан, ²⁷ Гарод чурттуг Шаммот, Пелон чурттуг Хелец, ²⁸ Текоя чурттуг Иккештиң оглу Гира, Анатот чурттуг Авиезер, ²⁹ Хуша чурттуг Сивхай, Ахох чурттуг Илай, ³⁰ Нетофа чурттуг Магарай, Нетофа чурттуг Баананың оглу Хелед, ³¹ Вениаминниң черинде Гива чурттуг Рибайның оглу Иттай, Пирафон чурттуг Ванея, ³² Нахле-Гааш чурттуг Хурай, Арава чурттуг Авиел, ³³ Бахарум чурттуг Азмавет, Шаалбон чурттуг Элияхба, ³⁴ Гизон чурттуг Гашемниң оолдары, Гарар чурттуг Шагениң оглу Ионафан, ³⁵ Гарар чурттуг Сахарның оглу Ахиам, Урнуң оглу Элифал, ³⁶ Махера чурттуг Хефер, Пелон чурттуг Ахия, ³⁷ Кармил чурттуг Хецро, Эзбайның оглу Наарай, ³⁸ Нафанның дуңмазы Иоил, Гагрийниң оглу Мивхар, ³⁹ аммон аймак-сөөктүг Целек, Беерот чурттуг Нахарай (ол Саруйяның оглу Иоавтың ок-чепсек тудукчузу турган), ⁴⁰ итра уктуг Гира биле Гареб, ⁴¹ хет аймак-сөөктүг Урия , Ахлайның оглу Завад, ⁴² Шизаның оглу Адина (ол дээрге Рувимниң аймаанда ·баштың кижи, ооң-биле кады үжен шериг турган), ⁴³ Мааханың оглу Ханан, Мифан чурттуг Иосафат, ⁴⁴ Аштерот чурттуг Озия, Ароер чурттуг Хотамның оолдары Шама биле Иеиел, ⁴⁵ Шимриниң оглу Иедиаил база ооң Тиц чурттуг дуңмазы Иоха, ⁴⁶ Махавим чурттуг Элиел, Элнаамның оолдары Иеривай биле Иошавия, Моав чурттуг Ифма, ⁴⁷ Мецовая чурттуг Элиел, Овид болгаш Иаасиил.

Давидтиң баштайгы талалакчылары

¹ Давид Кистиң оглу Саулдан чаштып турда, Циклагка келген , аңаа дайын чорударынга дузалажыр дээн эрес-дидим дайынчыларның чамдыызы бо-дур. ² Олар – ча-биле чепсегленген, оң, солагай холдары-биле дажап, ча-согун-биле адып билир турган улус – Вениаминниң аймаандан Саулдуң төрелдери чүве-дир: ³ Гива чурттуг Шемааның оолдары Ахиезер (баштыңчы) биле Иоас; Азмаветтиң оолдары Иезиел биле Пелет; Анатот чурттуг Бераха биле Иеху; ⁴ Гаваон чурттуг Ишмайя (ол дээрге үжен шериг баштыңчызының бирээзи база оларның даргазы); Гедера чурттуг Иеремия, Яхазиил, Иоханан база Иегозавад; ⁵ Хариф чурттуг Элузай, Иремот, Веалия, Шемария база Шефатия; ⁶ корах төрел бөлүктен Элкана, Ишияху, Азариил, Иоезер база Иошавам; ⁷ Гедор чурттуг Иерохамның оолдары Иоела биле Зевадия.

⁸ Гадтың аймаандан база Давидтиң ээн кургаг ховуда шивээзинче эрес-дидим, чыда болгаш дозуг-камгалалдыг дайынчылар шилчип келген. Олар арзылаң дег шириин шырайлыг , дагларда те-чуңма дег кашпагай улус. ⁹ Оларның баштыңчызы Эзер, ийи дугаарында Авдий, үшкүзү Элиав, ¹⁰ дөрткүзү Мишманна, бешкизи Иеремия, ¹¹ алдыгызы Аттай, чедигизи Элиел, ¹² сескизи Иоханан, тоскузу Элзавад, ¹³ онгузу Иеремия, он биргизи Махбанай. ¹⁴ Ол гадчылар шериг баштыңчылары бооп турган: эң бичези чүс шериг баштаан, а эң улуу муң шериг баштап турган чүве-дир . ¹⁵ Олар Иордан хемни бир дугаар айда, ол эриин ажыр дажый бергенде , кежип алгаш, шынааның бүгү чурттакчыларын чөөн болгаш барыын чүктерже тарадыр ойладыпканнар.

¹⁶ Давидтиң шивээзинче Вениаминниң болгаш Иуданың аймактарындан чамдык улус чедип кээрге, ¹⁷ Давид оларга уткуштур үнүп келгеш: «Бир эвес силер меңээ дузалажыр дээш келген болзуңарза, сеткил-чүрээм силер-биле тудуш чаңгыс болур. А бир эвес силер, кажан мээң холдарым күчүлээшкинден арыг турда, мени дайзыннарымга садар дээш келген болзуңарза, бистиң өгбелеривистиң Бурганы көргеш, шииткей аан» – дээн. ¹⁸ Ынчан Бурганның Сүлдези үжен шеригниң баштыңчызы Амессайны бүргеп келген, ол мынча дээн: «Амыр-ла, Давид. Бис сээң-биле кады бис, Иессейниң оглу! Сеңээ болгаш сээң талалакчыларыңга чедиишкинни күзеп тур бис, чүге дээрге Бурганың сеңээ дузалажып турар болгай». Давид оларны хүлээп алгаш, бодунуң шериглериниң баштыңчылары кылып каан.

¹⁹ Манассияның аймаандан база чамдык улус Давидтиң талазынче шилчип келген. Ол үеде Давид филистимнер-биле кады Саулга удур дайылдажыр дээш үнүпкен турган чүве-дир. (Херек кырында Давид филистимнерге дузалашпаан, чүге дээрге филистим чагырыкчылар «Ол дээргизи Саулдуң талазынче шилчий бергеш, боттарывыстың бажывысче суг кудар» деп сүмелешкеш, ону чорудупкан.) ²⁰ Кажан Давид Циклагче ээп чанып орда, Манассияның аймаандан дараазында улус ооң талазынче шилчип келген: Аднах, Иозавад, Иедиаил, Михаил, Иегозавад, Элиуй болгаш Цилтай. Олар Манассияның муң шериг баштыңчылары, ²¹ шупту эрес-дидим дайынчылар-дыр. Олар Давидке ооң шериин баштаарынга дузалажып эгелээн, ооң шериг баштыңчылары апарган. ²² Ынчалдыр Давидке хүннүң-не дузалажыр улус кээп-ле турган, түңнелинде ооң шерии Бурганның аг-шерии дег хөй апарган.

Шериглериниң Давидти хаан кылып аары-биле чыылганы

²³ Давид Хевронга турда, Дээрги-Чаяакчының сөзүн ёзугаар , Саулдуң эрге-чагыргазын хүлээдир дээш келген шериглерниң саны бо-дур:

²⁴ Иуданың аймаандан – дайылдажырынга белен, чыдалыг болгаш дозуг-камгалалдыг 6800 кижи.

²⁵ Симеоннуң аймаандан – 7100 эрес-дидим дайынчы.

²⁶ Левийниң аймаандан – 4600 кижи. ²⁷ Аароннуң төрел бөлүүнүң баштыңы Иодай, ооң-биле кады 3700 кижи. ²⁸ Эрес-дидим аныяк Садок база ооң төрел бөлүүнден 22 ноян.

²⁹ Саулдуң төрелдери болур Вениаминниң аймаандан – 3000 кижи. Оларның хөй кезии ол үеге чедир Саулга болгаш ооң салгалдарынга шынчы арткан турган.

³⁰ Эфремниң аймаандан – боттарының төрел бөлүктеринде ат-сураглыг 20 800 эрес-дидим дайынчы.

³¹ Манассияның аймааның чартыындан – 18 000 кижи. Оларны Давидти хаан болдурарынга киришсин дээш, адап тургаш келдирткен.

³² Иссахарның аймаандан – 200 мерген угаанныг ·баштың кижи келген. Олар дээрге Израиль кажан, чүнү кылза дээре дээрзин билир улус – а ·баштыңнарның бүгү ха-дуңмалары оларның сөзүн тооп дыңнаар турган.

³³ Завулоннуң аймаандан – дайылдажырынга белен кылдыр бүгү тала-биле чепсегленген 50 000 шериг демнии-биле Давидке чедип келгеннер.

³⁴ Неффалимниң аймаандан – 1000 баштыңчы; олар-биле кады чыдалыг болгаш дозуг-камгалалдыг 37 000 кижи.

³⁵ Данның аймаандан – дайылдажырынга белен 28 600 кижи.

³⁶ Асирниң аймаандан – дайылдажырынга белен 40 000 дайынчы.

³⁷ Иордан хемниң ындыындан – Рувимниң, Гадтың аймактарындан база Манассияның аймааның чартыындан бүрүн чепсегленген 120 000 кижи келген.

³⁸ Ол шериглер шуптузу дайынчы ёзу-биле, Давидти бүгү Израильдиң хааны кылып каар дээш, изиг күзели-биле Хевронга чедип келгеннер. Өске-даа бүгү израильчилер чаңгыс үн-биле Давидти хаан болдуруксап турганнар. ³⁹ Давидтиң чанынга ол дайынчылар үш хүн иштинде дойлап келгеннер, чүге дээрге ха-дуңмалары оларны аъш-чем-биле хандырган чүве-дир. ⁴⁰ Иссахарның, Завулоннуң база Неффалимниң черлеринден безин оларның чоок улузу хөй аъш-чемни: далганны, фига чимизин, үзүмнү, араганы, олива үзүн элчигеннерге, тевелерге, мулдарга, шарыларга чүдүрүп эккелген, бода, шээр малды база сүрүп эккелген, чүге дээрге израиль чон өөрүп-байырлап турган.

Ыдыктыг аптараны Иерусалимге эккээрин оралдашканы

(2 Хаан. 6:1-11)

¹ Давид муң, чүс шериг баштыңчылары база бүгү өске-даа ·баштыңнар-биле сүмелешкеш, ² бүгү израиль ниитилелге мынча дээн: «Бир эвес силерге таарымчалыг болза, бир эвес бистиң Бурганывыс Дээрги-Чаяакчы күзээр болза, бүгү израиль девискээрлерде дөргүл-төреливиске, оларның иштинде одар-белчиирлиг хоорайларда чурттап турар бараалгакчыларга база левиттерге, шупту биске чыглып кээр кылдыр дыңнадыптаалыңарам. ³ Ынчангаш Бурганывыстың аптаразын бодувусче ап алыылыңар, чүге дээрге Саулдуң үезинде Ооң күзел-соруун айтырар аргавыс чок турган-дыр».

⁴ Бүгү чон ооң-биле чөпшээрешкен, чүге дээрге ол херек шупту улуска чөптүг ышкаш болган. ⁵ Ынчалдыр Давид Бурганның аптаразын Кириат-Иаримден эккеп аары-биле Египетти кызыгаарлап турар Шихор хемден Лево-Хаматка чедир бүгү израильчилерни чыып алган. ⁶ Давид болгаш бүгү израиль чон Иудеяда Ваалче (азы Кириат-Иаримче) ында турар Бурганның аптаразын алыр дээш чорупкан . Ол дээрге Дээрги-Чаяакчы саадаан, Ооң ады-биле адаан, ·херувимнер дүрзүлери турар ыдыктыг аптара чүве-дир . ⁷ Бурганның аптаразын дугуйлуг чаа тергеге салгаш, Авинадавтың бажыңындан үндүрүп эккелгеннер. Тергени сөөрткен шарыларны башкарып чорааннар – Уза биле Ахио. ⁸ А Давид болгаш бүгү израиль чон Бурганның мурнунга бар шаа-биле хөглеп, ырлажып, янзы-бүрү хылдыг, кагар, база үрер хөгжүм херекселдеринге ойнап чорааннар.

⁹ Хидоннуң тараа шаңынга чоокшулап келгенде, тергени сөөртүп чораан шарылар бүдүрүй бээрге, ыдыктыг аптара ийленип, аңдарлы бээр часкан. Ону тудар дээш, Уза холун сунупкан . ¹⁰ Дээрги-Чаяакчы Узага ыдыктыг аптарага дээпкени дээш, ажына берген. Ынчангаш Дээрги-Чаяакчы ону ол-ла черинге – Бодунуң мурнунга өлүрүп каан. ¹¹ Дээрги-Чаяакчы Узаже халдаарга, Давид хорадай берген. Ол черни бо хүннерде-даа Парец-Уза деп адаар. ¹² Ол хүн Давид Бургандан корга бергеш, мынча дээн: «Бурганның аптаразын канчап бодумче аппаар мен?» ¹³ Давид ыдыктыг аптаразын бодунуң хоорайынче аппарбаан, ону Гефтен келген Овед-Эдом деп кижиниң бажыңынче чорудупкан.

¹⁴ Бурганның аптаразы гефчи Овед-Эдомнуң бажыңынга, өг-бүлезинге үш ай иштинде турган. Дээрги-Чаяакчы Овед-Эдомнуң өг-бүлезинге болгаш ооң шупту чүвезинге ачы-буян хайырлаан .

Давид өг-бүлези-биле Иерусалимде

(2 Хаан. 5:11-16)

¹ Тирниң хааны Хирам Давидче бодунуң элчилери-биле, аңаа орду тудуп берзин дээш дашчылар, бызаңчылар чорудупкан, олар пөш чудуктар эккелген. ² Ынчан Дээрги-Чаяакчы ону Израильдиң хааны кылдыр быжыглап каан деп Давид билип каапкан, чүге дээрге ооң чагыргазы Бурганның израиль чону дээш өрү көдүрүлген.

³ Давид Иерусалимге база кадайлар ап алган. Олардан Давидтиң өске оолдары, кыстары төрүттүнген. ⁴ Иерусалимге төрүттүнген ажы-төлүнүң аттары бо-дур : Шаммуй, Шовав, Нафан, Соломон, ⁵ Ивхар, Элишуа, Элфелет, ⁶ Ногах, Нефег, Иафиа, ⁷ Элишама, Веелиада база Элифелет.

Филистимнерни тиилээни

(2 Хаан. 5:17-25)

⁸ Давид бүгү Израильдиң хааны апарган деп дыңнааш, шупту филистимнер ону дилеп эгелээннер. Давид ону дыңнааш, оларга удур үнүпкен. ⁹ Филистимнер Рефаим шынаазынга кээп турумчуп алганнар . ¹⁰ Ынчан Давид Бургандан: «Филистимнер-биле тулчууйн бе? Оларны мээң холумга хүлээдип бээр сен бе?» – деп айтырган. Дээрги-Чаяакчы аңаа: «Бар. Оларны сээң холуңга хүлээдип бээр мен» – дээн. ¹¹ Олар Ваал-Перацимге кээрге , Давид оларны чылча шаап каапкан. Ол: «Бурган мээң холум-биле дайзыннарымны, сугнуң чууй шавары дег, ууй шаап кагды» – дээн. Ынчангаш ол черни Ваал-Перацим деп адап кааннар . ¹² Филистимнер ол черге боттарының бурганнарын каапкаш баарга, Давидтиң дужаалы-биле оларны өрттедипкеннер.

¹³ Филистимнер катап база ол шынаага кээп турумчуп алганнар. ¹⁴ Давид база катап Бургандан сүме айтырарга, Ол аңаа: «Оларже дорт үнме. Оюп чоруткаш, оларның артындан – бальзам ыяштарлыг талазындан халда. ¹⁵ Бальзам ыяштарның кырынга кылаш даажын дыңнап кааш-ла , тулчуушкунну эгелээр сен – ол дааш дээрге филистим шеригни чылча шавар дээш, Бурган сээң мурнуңда чоруп орары ол-дур» – дээн. ¹⁶ Давид Бурганның чугаалааны ёзугаар кылган, ооң дайынчылары филистим шеригни Гаваондан Гезерге чедир чылча шаап каан. ¹⁷ Давидтиң ат-алдары бүгү чурттарга тарай берген. Дээрги-Чаяакчы ону бүгү чоннарның аразынга коргунчуг кижи кылып каан .

Ыдыктыг аптараны көдүреринге харыысалгалыг левиттер, бараалгакчылар

¹ Давидтиң Хоорайынга хаан бажыңнар тудуп алган соонда, Бурганның аптаразының турар черин белеткээш, аңаа майгын тип каан. ² Ынчан Давид: «Бурганның аптаразын левиттерден өске кым-даа көдүрүп болбас. Чүге дээрге оларны ыдыктыг аптараны көдүрзүн дээш база Аңаа мөңге шагда бараан болзун дээш, Дээрги-Чаяакчы Боду шилип алган» – дээн. ³ Белеткеп кааны черинче Дээрги-Чаяакчының аптаразын киирер дээш, Давид бүгү израильчилерни Иерусалимче чыып эккелген. ⁴ Ол ышкаш Давид Аароннуң салгалдарын база левиттерни чыып алган : ⁵ Кохаттың үре-салгалындан – 120 кижини оларның ·баштыңы Уриил-биле; ⁶ Мерариниң үре-салгалындан – 220 кижини оларның баштыңы Асайя-биле; ⁷ Гирсоннуң үре-салгалындан – 130 кижини оларның баштыңы Иоил-биле; ⁸ Элицафанның үре-салгалындан – 200 кижини оларның баштыңы Шемайя-биле; ⁹ Хевроннуң үре-салгалындан – 80 кижини оларның баштыңы Элиел-биле; ¹⁰ Узиилдиң үре-салгалындан – 112 кижини оларның баштыңы Аминадав-биле.

¹¹ Оон ыңай Давид Бурганның бараалгакчылары Садок биле Авиафарны болгаш левиттер Уриил, Асайя, Иоил, Шемайя, Элиел база Аминадавты кыйгыргаш, ¹² оларга: «Силер – левиттерниң төрел бөлүктериниң ·баштыңнары-дыр силер. Бодуңар болгаш ха-дуңмаңар ыдыктанып-арыглаттынып алгаш, Израильдиң Бурганы Дээрги-Чаяакчының аптаразын мээң белеткеп кааным черже эккелиңер. ¹³ Мооң мурнунда Бурганывыс Дээрги-Чаяакчы ыдыктыг аптараны левиттер силер эвес, өске улустуң көдүргени дээш, бисче халдаан болгай . Ону канчаар кылыр ужурлуг турганын бис Дээрги-Чаяакчыдан айтырып албаан болган бис». ¹⁴ Бурганның бараалгакчылары болгаш левиттер, Израильдиң Бурганы Дээрги-Чаяакчының аптаразын көдүрер дээш, ыдыктанып-арыглаттынып алганнар. ¹⁵ Левиттер Бурганның аптаразын, Моисейниң чагып кааны Дээрги-Чаяакчының сөзүн ёзугаар, узун ыяш кырынга салгаш, эгиннеринге салып алган көдүрүп чорааннар .

Хөгжүмчү левиттер

¹⁶ Давид левиттерниң ·баштыңнарынга аймааның аразындан ыраажыларын база чадаган, чанзы болгаш кимвалдарга ойнаар хөгжүмчүлерин өөрүшкүнүң ырын ыыткыр ырлаары-биле томуйлап каарын дужааган . ¹⁷ Левиттер Иоилдиң оглу Еманны, ооң төрелдеринден – Берехияның оглу Асафты база мерари төрел бөлүктен – Кушайяның оглу Эфанны шилип алганнар . ¹⁸ Олар-биле кады олардан куду эргелиг: Захарияны , Азиилди, Шемирамотту, Иехиилди, Уннийни, Элиавты, Ванеяны, Маасеяны, Маттафияны, Элифлеуйну, Микнейни база Овед-Эдом биле Иеиел деп хаалгачыларны база томуйлап кааннар. ¹⁹ Еман, Асаф болгаш Эфан хөгжүмчүлер хүлер кимвалдарга ыыткыр ойнаар турган. ²⁰ Захария, Азиил, Шемирамот, Иехиил, Унний, Элиав, Маасея база Ванея – чанзыга аламот деп аян-биле ойнаар . ²¹ А Маттафия, Элифлеуй, Микней, Овед-Эдом, Иеиел болгаш Азазия чадаганга ойнап, шеминит{*} деп аян-биле ырлаарын баштап турган. ²² Левиттерниң ·баштыңы Хенания ыры башкызы турган, чүге дээрге ооң мергежилдии кончуг. ²³ Берехия биле Элкана – ыдыктыг аптара чанында хаалгачылар. ²⁴ Бурганның бараалгакчылары Шевания, Иосафат, Нафанаил, Амессай, Захария, Ванея база Элиезер Бурганның аптаразының мурнунга труба этсир ужурлуг . Овед-Эдом биле Иехия – ыдыктыг аптара чанында хаалгачылар.

Ыдыктыг аптараны Иерусалимче эккелгени

(2 Хаан. 6:12-19)

²⁵ Давид болгаш Израильдиң ·баштыңнары база муң шериг баштыңчылары Дээрги-Чаяакчының чагыг-керээзиниң аптаразын Овед-Эдомнуң бажыңындан үндүрер дээш чорупканнар. ²⁶ Дээрги-Чаяакчының аптаразын көдүрген левиттерге Бурган дузалажып каарга, чеди бугажыкты база чеди кошкарны өргүл кылдыр салганнар . ²⁷ Давид, аптара көдүрүп чораан бүгү левиттер, ыраажылар болгаш оларның башкызы Хенания шуптузу ак лён тоннуг чораан. Давид оон аңгыда лён эфод кедип чораан. ²⁸ Ынчалдыр бүгү Израиль Дээрги-Чаяакчының ыдыктыг аптаразын ыыт-шимээнниг, эдиски-трубаларның, кимвалдарның, чадаган-чанзының үделгези-биле киирип эккелген. ²⁹ Дээрги-Чаяакчының ыдыктыг аптаразын Давидтиң Хоорайынче киирип орда, Саулдуң уруу Мелхола соңгадан көрүп турган. Самнап хөглеп чораан Давид хаанны көргеш, Мелхола ону чөгенчиин деп бодаан.

¹ Бурганның аптаразын эккелгеш, Давидтиң аңаа белеткеп кааны майгынының ортузунга салып кааш, Бурганга бүрүн өрттедир болгаш эп-найырал өргүлдерин кылганнар. ² Бүрүн өрттедир болгаш эп-найырал өргүлдерин кылып дооскаш, Давид чонну Дээрги-Чаяакчының ады-биле алгап-йөрээп каан. ³ Ооң соонда ол бүгү израильчилерге – эр-даа, херээжен-даа кижи бүрүзүнге бир хлеб, бир борбак эът база бир үзүмнүг боова үлеп берген.

⁴ Ыдыктыг аптараның мурнунга Израильдиң Бурганы Дээрги-Чаяакчыга алдаржыдып, четтиргенин илередип база Ону мактап бараан болур кылдыр Давид дараазында левиттер томуйлап каан : ⁵ Асафты удуртукчузу кылгаш, ооң соонда Захарияны, Иеиелди, Шемирамотту, Иехиилди, Маттафияны, Элиавты, Ванеяны, Овед-Эдомну база Иеиелди. Олар чанзыга болгаш чадаганга ойнаар ужурлуг. А Асаф кимвалдарга ойнаар. ⁶ Ванея биле Яхазиил бараалгакчылар Бурганның чагыг-керээзиниң аптаразының мурнунга доктаамал труба этсир.

Бурганны мактаан ыры

(Ыд. ыр. 104:1-15; 95:1-13; 105:1, 47-48)

⁷ Ол хүн Давид Асафка болгаш ооң ха-дуңмазынга Дээрги-Чаяакчыны алдаржыдып ырлажыр даалга бир дугаар берип каан турган:

⁸ Дээрги-Чаяакчыга өөрүп четтириңер,

Ооң адын адап, мактаңар,

өске чоннарга Ооң ажыл-херектерин медээлеңер;

⁹ Ону алгап ырлаңар, Аңаа ырлап бериңер;

Ооң кылган бүгү кайгамчык чүүлдерин чугаалап бериңер .

¹⁰ Ооң ыдыктыг ады дээш чоргаараңар;

Дээрги-Чаяакчыже чүткүп чоруур улустуң

сеткил-сагыжы өөрүп-хөглезин.

¹¹ Күчүлүг Дээрги-Чаяакчыны эдериңер,

Ооң-биле үргүлчү кады турар дээш чүткүңер .

¹² Дээрги-Чаяакчының чалчазы Израильдиң үре-салгалы,

Иаковтуң салгалы, Бурганның шилип алган улузу!

Ооң кылган кайгамчык чүүлдерин, Ооң көскү демдектерин,

Ооң аксындан үнген шын шииткелдерин сактып чоруңар .

¹⁴ Ол дээрге бистиң Бурганывыс, Дээрги-Чаяакчы-дыр:

бүгү чер-делегейде Ооң шын шииткелдери бар .

¹⁵ Ооң берген чагыг-керээзин – чоннуң муңгу салгалынга чедир

чагаан сөзүн кезээ мөңгеде сактып чоруңар.

¹⁶ Ол ону Авраам-биле чаргаш,

Исаакка Бодунуң даңгыраан берген .

¹⁷ Ол ону Иаковка дүрүм-хоойлу кылдыр доктааткаш,

Израильге мөңге чагыг-керээ кылдыр быжыглаан:

¹⁸ «Сеңээ өнчү кылдыр ·ханаан черни бээр мен» .

¹⁹ Өгбелериңер аажок эвээш санныг, көңгүс хөй эвес турда,

олар Ханаанга өскээртен келген улус турда ,

²⁰ олар бир чондан өске чонче,

бир күрүнеден өске аймактың күрүнезинче көжүп чоруп турда,

²¹ Бурган оларны дарлаар арганы кандыг-даа кижиге бербейн,

хааннарны олар дээш чемелеп :

²² «Мээң шилип алган улузумга дегбеңер,

Мээң медээчилеримге багай чүве кылбаңар!» – деп турган.

²³ Бүгү чер-делегей, Дээрги-Чаяакчыны алгап ырла,

хүннүң-не Ооң камгалалын медээлеңер!

²⁴ Шупту чоннарга – Ооң алдарын,

бүгү аймактарга – Ооң кылган кайгамчык чүүлдерин чугаалап чедиңер .

²⁵ Дээрги-Чаяакчы өндүр улуг база макталга төлептиг ,

өске бурганнардан артык коргунчуг болгай .

²⁶ Өске чоннарның бурганнары шуптузу хоозун дүрзүлер-дир,

а Дээрги-Чаяакчы дээрлерни чаяаган болгай .

²⁷ Чайынналчак мактал-хүндү – Ооң мурнунда,

күчү-күш болгаш өөрүшкү – Ооң турар черинде.

²⁸ Чоннарның аймактары, Дээрги-Чаяакчыны мактаңар,

Ооң алдары биле күчү-күжүн мактаңар;

²⁹ Дээрги-Чаяакчының алдарлыг адын алгаңар,

өргүлдериңер ап алгаш, Ооң мурнунче кирип келиңер.

Дээрги-Чаяакчы Бодунуң ыдыктыг өргээзинге турда,

Аңаа мөгейиңер.

³⁰ Бүгү чер-делегей, Ооң мурнунга коргуп сириле!

Ол өртемчейни быжыг үндезинде тургузуп каан –

тендиш дивес-тир.

³¹ Дээрлер өөрүп-хөглезин, чер-делегей өөрүп-байырлазын .

Чоннар аразынга: «Дээрги-Чаяакчы хааннап турар!» дишсиннер .

³² Далай болгаш ону долган бүгү чүве шимээргеп доюлзун ,

хову-шөлдер болгаш ында амыдыраан бүгү чүве өөрүзүн.

³³ Арга-эзимде ыяштар Дээрги-Чаяакчының мурнунга өөрүп ырлашсын,

Ол чер-делегейни шын шиидер дээш кел чыдар болгай .

³⁴ Дээрги-Чаяакчыга өөрүп четтириңер;

Ол ачылыг-дыр, Ооң энерели кезээ шагда үстүп төнмес-тир .

³⁵ Мынча деп мөргүңер:

«Камгалакчы Бурганывыс, бисти камгалап көр;

Сээң ыдыктыг адыңны мактаар кылдыр,

Сээң мактал-хүндүң-биле чоргаарланыр кылдыр,

өске чоннар аразындан бисти бөлүп чыып,

олардан камгалап көр».

³⁶ Израильдиң Бурганынга – Дээрги-Чаяакчыга

кажан-даа, кезээ мөңгеде алдар!

Ынчан бүгү чон: «Ындыг-ла болзунам!» – деп чугаалааш, Дээрги-Чаяакчыны мактаан.

Бурганга доктаамал бараан болуушкун

³⁷ Давид Дээрги-Чаяакчының чагыг-керээзиниң аптаразының мурнунга доктаамал, хүннүң-не бараан болур кылдыр Асафты болгаш ооң ха-дуңмаларын , Овед-Эдомну болгаш ооң төрел бөлүүнден алдан сес кижини аңаа арттырып каан. Идифуннуң оглу Овед-Эдом база Хоса хаалгачылар турган. ³⁹ А Садок бараалгакчыны болгаш ооң төрелдери – Бурганның бараалгакчыларын Гаваонда бедик черде турар Дээрги-Чаяакчының майгынынга тургузуп каан. ⁴⁰ Олар Дээрги-Чаяакчыга, Ооң Израильге чагаан хоойлузунда бижип каанын ёзугаар, өргүл салыр бедигээшке эртен-кежээ бүрүн өрттедир өргүлдерни доктаамал кылыр ужурлуг . ⁴¹ Оон ыңай энерели кезээ шагда үстүп төнмес Дээрги-Чаяакчыны алдаржыдар кылдыр Еманны , Идифунну база адап шилиттинген өске-даа улусту томуйлап каан. ⁴² Еман биле Идифун трубаларга, кимвалдарга болгаш Бурганны алдаржыдар өске хөгжүм херекселдеринге ыыткыр ойнап турган. А Идифуннуң оолдары хаалга кадарып турган.

Нафанның өттүр билген медеглели

(2 Хаан. 6:19–7:17)

⁴³ Хамык улус бажыңнарынче тарап чана берген, Давид база өг-бүлезин алгап-йөрээп каар дээш чанып келген чүве-дир.

¹ Давид бодунуң ордузунче көжүп кире бергеш, Нафан медээчиге мынча дээн: «Көр даан, мен пөштен кылган ордуда чурттап турар-дыр мен, а Дээрги-Чаяакчының чагыг-керээзиниң аптаразы анаа майгында турар-дыр». ² Нафан Давидке: «Чүнү кылырын күзей-дир сен, ону кыл. Бурган сээң-биле кады болгай» – дээн. ³ Ол-ла дүне Бурган Бодунуң сөзүн Нафанга ажыдыпкан: ⁴ «Мээң чалчам Давидке баргаш, Дээрги-Чаяакчының сөзүн дамчыт: Меңээ чурттаар өргээни сен тургуспас сен. ⁵ Израиль чонну Египеттен хостап үндүрүп келгенимден бо хүнге чедир Мен өргээге чурттавадым. Бир майгындан өске майгынче көжүп чорааш, чурттап чордум. ⁶ Израиль чон-биле кады каяа-даа чорааш, Бодумнуң чонумну чагырар кылдыр дужааганым баштыңчыларның кайы-бирээзинге: „Чүге Меңээ пөштен өргээ тудуп бербээн силер?“ деп чугаалап көрген мен бе?

⁷ Ынчангаш Мээң чалчам Давидке Аг-шериглиг Дээрги-Чаяакчының сөзүн дамчыт: Мен сени, хой кадарып чоруңда, Мээң израиль чонумнуң чагырыкчызы кылдыр томуйлаан мен . ⁸ Каяа-даа чоруңда, сээң-биле кады болуп, сээң мурнуңга дайзыннарыңны чылча шаап чордум . Сээң адыңны, чер кырының алдарлыг кижилеринии дег, алдаржыдып каан мен. ⁹ Мен Бодумнуң израиль чонумга боду чурттуг болзун база ону кым-даа дүвүретпезин дээш, черни аңгылап бергеш, аңаа доктаап чурттаар кылып каан мен.

Каржы-бак улус оларны мооң мурнунда дег, Мен Бодумнуң израиль чонумга баштыңчылар тургузуп каан үемде дег , дарлавас болур. Оон ыңай Мен сээң бүгү дайзыннарыңны томаартып каар мен. Дээрги-Чаяакчы Мен сээң ук-салгалыңны Бодум тургузуп каарымны аазап тур мен. ¹¹ Назылап кырааш, ада-өгбең соондан өске оранче чоруй баарыңга , Мен сээң төрээн ук-салгалыңны орнуңга хаан кылгаш, ооң чагыргазын быжыглап каар мен. ¹² Ол салгакчың Меңээ өргээ тудуп каар , а Мен ооң дүжүлгезин кезээ мөңгеде быжыглап каар мен. ¹³ Мен ооң Адазы болур мен, а ол Мээң оглум болур . Мен Бодумнуң энерелимни салгакчыңдан, сээң мурнуңда хааннап турган кижиден ойталааным дег, кажан-даа ап кагбас мен. ¹⁴ Ону Мен Бодумнуң өргээмниң болгаш күрүнемниң кырынга кезээ мөңгеде тургузуп каар мен, ооң дүжүлгези мөңгези-биле артар ». ¹⁵ Нафан ол бүгү чугааны болгаш көстүүшкүннү Давидке дамчыдып берген.

Давидтиң Бурганга өөрүп четтиргени

(2 Хаан. 7:18-29)

¹⁶ Ынчан Давид хаан Дээрги-Чаяакчының мурнунга барып чугаалаан: «О, Дээрги-Бурган-Чаяакчы! Кым мен мен? Мээң ук-салгалым кымыл? Мени ынчаар көдүрер хире чүнү кылдым? ¹⁷ Ол бүгү безин Сеңээ эвээш болган-дыр, о, Бурган! Мени алдаржыдарындан эрткеш, Сен Бодуңнуң чалчаңның үре-салгалының келир үезин безин чугаалап бердиң. Сен мени кол кижи дег көрдүң, Дээрги-Бурган-Чаяакчы. ¹⁸ Бодуңнуң чалчаңны алдаржытканың дээш Давид Сеңээ оон ыңай чүнү немей чугаалап шыдаар деп? Бодуңнуң чалчаңны билир-ле болгай сен! ¹⁹ О, Дээрги-Чаяакчы! Бодуңнуң чалчаңны бодааш, Бодуңнуң күзелиң-биле Сен өндүр улуг херекти кылып, ол бүгү чаагай аазаашкыннарны ажыдып бердиң. ²⁰ Дээрги-Чаяакчы! Сеңээ деңнежир Бурган чок-тур, Сеңээ деңнежипки дег кым-даа чок-тур, Сенден өске Бурган-даа чок-тур, бис боттарывыстың кулаавыс-биле дыңнадывыс . ²¹ Кым Сээң израиль чонуңга деңнежирил? Чер кырында бо чон дег өске чон чок , чүге дээрге бисти Бодунуң чону кылып аар дээш, Бурган кээп, бисти кулданыышкындан адырып алган. Сээң кайгамчык, коргунчуг херектериң ужун Сээң адың билдингир апарган. Сен египетчилерден камгалаан чонуңнуң мурнундан өске чоннарны-даа үндүр ойладыпкан эвес ийик сен бе? ²² Сен израиль чонуңну кезээ мөңгеде Бодуңнуу кылдыр ап алдың, а Бодуң, Дээрги-Чаяакчы, ооң Бурганы болдуң.

²³ А ам, Дээрги-Чаяакчы, Бодуңнуң чалчаңның болгаш ооң ук-салгалының дугайында берген сөзүңнү кезээ мөңгеде шынзыдып көрем, Бодуңнуң аазаашкыныңны күүседип көрем. ²⁴ Сээң адың кезээ мөңгеде артып, алдаржып чорзун, кижилер: „Аг-шериглиг Дээрги-Чаяакчы – Израильдиң Бурганы! Израильде Бурган ол-дур!“ деп чугаалажып чорзун! Сээң чалчаң Давидтиң ук-салгалы Сээң мурнуңга быжыг болзун! ²⁵ Мээң Бурганым, Сен Бодуңнуң чалчаң меңээ ук-салгалымны доктаадып бээриңни ажыдып берген болгай сен, ынчангаш Бодуңнуң чалчаң Сээң мурнунга мөргүүрүн шиитпирледи. ²⁶ О, Дээрги-Чаяакчы! Сен – Бурган сен! Сен Бодуңнуң чалчаңга бо чаагай кежикти аазадың. ²⁷ Бодуңнуң чалчаңның ук-салгалы мөңгеде Сээң хайгааралыңга чорзун дээш, аңаа ачы-буяның хайырлап эгеледиң. Дээрги-Чаяакчы, ачы-буянны Сен хайырлаар болзуңза, ол ачы-буян кезээ мөңгеде артып каар!»

Давидтиң дайынчы чедиишкиннери

(2 Хаан. 8:1-14)

¹ Элээн үе эрткенде, Давид филистимнерни чылча шаап, томаарткаш, Геф хоорайны болгаш аңаа хамааржыр хоорай, суурларны эжелеп алган. ² Оон ыңай Давид моавтарны база чылча шапкан. Моавтар Давидтиң үндүт төлээр чалчалары апарган.

³ Цованың хааны Адраазар Евфрат хемниң унунга бодунуң чагыргазын тургузуп аар дээш кел чорда, Давид ону Хамат хоорай чанынга чылча шаап каан . ⁴ Давид ол хаанның 1000 ·дайынчы тергезин, 7000 аъттыг, 20 000 чадаг шерии тудуп алган. Ол дайынчы тергелиг аъттарның балдырларының сиирлерин үзе кезип каапкан , олардан чүгле чүс аътты бодунга арттырып алган . ⁵ Цованың хааны Адраазарга дузалажыр дээш Дамаскыда чурттап турар арамей чон чедип кээрге, Давид 22 000 арамейни чылча шаап каан. ⁶ Давид арамей хоорай Дамаскыга камгалал шериин тургузуп каан, ынчалдыр арамейлер Давидтиң үндүт төлээр чалчалары апарган. Давид кайнаар-даа баарга, Дээрги-Чаяакчы аңаа тиилелге берип турган. ⁷ Давид Адраазарның улузундан алдын дозуг-камгалалдарын ап алгаш, оларны Иерусалимге эккелген . ⁸ Адраазарның Тивхат болгаш Кун деп хоорайларындан Давид дыка хөй хүлер ап алган. (Ол хүлерден Соломон «далай» дээр чунар саваны, Бурганның өргээзиниң адагаштарын база хүлер эт-херекселди кылып каан.)

⁹ Давид Цованың хааны Адраазарның бүгү шериин чылча шаап каан деп, Хаматтың хааны Тоу дыңнап каапкан. ¹⁰ Адраазар-биле дайылдашкаш, ону чылча шапканы дээш Давид хаанга байыр чедирип, ону алгап-йөрээри-биле Тоу хаан бодунуң оглу Гадорамны олче чорудупкан, чүге дээрге Тоу Адраазар-биле дайылдажып турган. Гадорам белек кылдыр янзы-бүрү алдын, мөңгүн база хүлер савалар эккелген. ¹¹ Давид хаан ол саваларны бүгү өске чоннардан – эдом, моав, аммон, филистим болгаш амалик чоннардан ап алганы алдын-мөңгүнү-биле кады Дээрги-Чаяакчыга тураскааткан .

¹² Саруйяның оглу Авесса Дус шынаазынга 18 000 эдом шеригни чылча шапкан. ¹³ Ол эдом черге камгалал шериин тургузуп каан, ынчалдыр эдом чурттуглар шуптузу Давидтиң чалчалары апарган . Давид кайнаар-даа баарга, Дээрги-Чаяакчы аңаа тиилелге берген.

Давидтиң чоок дүжүметтери

(2 Хаан. 8:15-18; 20:23-26)

¹⁴ Давид хаан бодунуң чонун шын шиидип, олар дээш чөптүг чорукту тургузуп, бүгү Израильди чагырып-башкарып турган. ¹⁵ Саруйяның оглу Иоав шериглер даргазы турган . Ахилудтуң оглу Иосафат төөгү бижээчизи турган . ¹⁶ Ахитувтуң оглу Садок база Авиафарның оглу Авимелех – Бурганның бараалгакчылары , а Шауша – бижээчи турган. ¹⁷ Иодайның оглу Ванея керет, пелет уктуг шериглерниң баштыңчызы турган. А Давидтиң оолдары хаанның дужаалдарының күүселдезин хандырар кол кижилер турган.

Аммон болгаш арамей шериглерни Давидтиң тиилээни

(2 Хаан. 10:1-19)

¹ Элээн үе эрткенде, аммон хаан Наас өлүп каарга, ооң орнунга оглу хааннай берген. ² Давид: «Наастың оглу Аннонга энерелден көргүзүп каайн. Чүге дээрге ооң ачазы меңээ энерел көргүскен чүве» – деп чугаалааш, бодунуң элчилерин Аннонга ооң ачазы дээш кажыыдалын илередири-биле чорудупкан. Олары аммоннарның чуртунга чедип кээрге, ³ аммон нояннар Аннонга: «Давид бодунуң улузун сээң ачаңны хүндүлеп, кажыыдалын илеретсин дээш чорудупкан деп бодаар сен бе? Олар бистиң черивисти хайгыылдап, шинчилеп көрүп алгаш, ооң соонда эжелээр сорулгалыг келген эвес бе?» – дээннер. ⁴ Аннон Давидтиң улузун тудуп алгаш, кижи бүрүзүнүң салын чүлүп каапкаш, хептерин чаяазынга чедир ора кезип каапкаш, дедир чандырыпкан. ⁵ Олар чанып турда, Давидке ол дугайында дыңнадыг кээрге, аажок куду көрдүрген улуска уткуштур чалчаларын чорудупкан. Хаан оларга: «Салдарыңар үнүп келгижеге чедир Иерихонга туруңар че, ооң соонда чанып кээр силер» – деп дамчыткан.

⁶ Аммоннар Давид оларны көөр хөңнү чок апарган дээрзин билип кааннар. Ынчан Аннон болгаш аммон чон ·дайынчы тергелер болгаш аъттыг шериглер хөлезилеп аар дээш, Нахараим болгаш Мааха чурттуг арамейлерже, Цова күрүнеже муң °талант мөңгүн чорудупкан. ⁷ Аммоннар 32 000 дайынчы тергени база Мааханың хаанын шерии-биле кады хөлезилеп аарга, олар Медева хоорайның чанынга кээп турлагжып алган. Ынчан аммоннар боттарының хоорайларындан чыглып келгеш, дайылдажырынга белеткени берген. ⁸ Давид ону дыңнап кааш, Иоавты бүгү шыырак шериглери-биле кады ынаар чорудупкан. ⁹ Аммоннар үнүп келгеш, хоорайже кирер черниң аксынга дайынчы ёзу-биле туруп алган, а оларга дузалажып келген хааннар ховуда аңгы туруп алган.

¹⁰ Мурнунда-даа, артында-даа дайзыннары үнүп келгенин көрүп кааш, Иоав бүгү израиль шеригниң аразындан эң-не дээре дайынчыларны шилип алгаш, арамейлерге удур тургузупкан. ¹¹ А арткан шериглерни ол акызы Авессага дагзып каарга, олар аммоннарга удур чыскаалыпкан. ¹² Иоав акызынга мынчаар чагаан: «Бир эвес арамейлер мени ажып тиилээр деп барза, сен меңээ дузалажыр сен. А бир эвес аммоннар сени тиилээр деп барза, сеңээ мен дузалажыр мен. ¹³ Эрес-дидим бол, чонувус дээш, Бурганывыстың хоорайлары дээш чалданыш чок туржур бис. Дээрги-Чаяакчы Боду канчаар күзээрил, ынчалдыр кылзын ». ¹⁴ Иоав бодунуң шерии-биле арамейлерге удур үнүптерге, олар дезип чорупкан. ¹⁵ А аммоннар арамейлерниң дезип турарын көргеш, боттары-ла Иоавтың акызы Авессадан дескеш, хоорайынче кирип келген. Оон Иоав Иерусалимче чоруй барган.

¹⁶ Арамейлер израильчилерге аштырганын билип кааш, Евфрат хемниң ындында чурттап турар арамей чонну кыйгырып эккээри-биле шапкынчылар чорудупкан. Ол арамейлерни Адраазар хаанның шерииниң даргазы Софак баштап турган. ¹⁷ Ол дугайында Давидке дыңнадыптарга, ол бүгү израиль шеригни чыып алгаш, Иордан хемни кешкеш, арамейлерге удур шериин чыскаапкан. Арамейлер Давид-биле тулушканнар, ¹⁸ ынчалза-даа израильчилерден дезипкеннер. Давид арамейлерниң 7000 ·дайынчы тергезин, 40 000 чадаг шериин узуткап каан, шериг баштыңчызы Софакты база өлүрүп каан. ¹⁹ Адраазарга чагыртып турган улус израильчилерге аштырып алганын билип кааш, Давид-биле тайбың керээзин чарып алгаш, аңаа чагырты берген. А арамейлер ооң соонда аммоннарга дузалажыксавас апарган.

Давидтиң дайыннары

(2 Хаан. 11:1; 12:26-31; 21:18-22)

¹ Дараазында чылдың эгезинде, хааннар дайылдажыр дээш үнер үеде , Иоав шериглери-биле аммоннарның чуртун үптеп каапкаш, ооң найысылалы Равваны бүзээлеп алган. А Давид Иерусалимге артып калган. Иоав Равваны эжелеп алгаш, үрегдеп каапкан. ² Давид келгеш, аммон хаанның оваадайын ооң бажындан уштуп алгаш, боду кедип алган. Ол оваадай бир °талант алдын деңзилиг болгаш үнелиг даш-биле каастап каан турган чүве-дир. Давид ол хоорайдан дыка хөй олчалыг болган. ³ Чурттакчыларын Давид хоорайдан үндүргеш, оларны албадал-биле хирээлер, демир кускун-хаайлар, балдылар тудуп алгаш ажылдаар улус кылып каан . Давид бүгү аммон хоорайларны база ынчалдыр аажылаан. Ооң соонда Давид бодунуң бүгү шерии-биле Иерусалимче ээп келген.

⁴ Элээн үе эрткенде, Гезер хоорай чанынга филистимнер-биле тулчуушкун болган. Ол үеде Хуша чурттуг Сивхай деп кижи ·рефа уктуг Сиппайны өлүрүп каан. Ынчалдыр филистимнер томаараан чүве-дир. ⁵ Филистимнер-биле болган оон өске тулчуушкун үезинде, Ягирниң оглу Элханан Геф чурттуг Голиафтың дуңмазы Лахмини өлүрүп каан. Лахминиң чыдазының чоону пөс-таавычыларның өзек ыяжы дег турган . ⁶ Гефке оон аңгы база тулчуушкун болган. Аңаа кончуг улуг-шыырак бир кижи турган. Ооң хол-будунуң салаалары алды-алды – шупту чээрби дөрт турган. Ол база ·рефа уктуг кижи чүве-дир. ⁷ Ол кижи израильчилерни бак сөглээр турган, ынчангаш ону Давидтиң акызы Шиманың оглу Ионафан өлүрүп каан. ⁸ Ол кижилер шупту Геф чурттуг ·рефа улустуң үре-салгалы турган . Олар Давидтиң болгаш ооң улузунуң холундан барган чүве-дир.

Израиль чоннуң чизезин кылганы

(2 Хаан. 24:1-9)

¹ Эрлик израиль чонга удурланып, Давидти израильчилерниң чизезин кылыры-биле көгүдүп каан. ² Давид Иоавка болгаш чоннуң баштыңчыларынга: «Баргаш, Дан хоорайдан Беэр-Шева хоорайга чедир израиль чонну санап эккеп бериңер. Мен чоннуң санын билип алыксап тур мен» – дээн . ³ Иоав аңаа мынча деп харыылаан: «Дээрги-Чаяакчы Бодунуң чонунуң санын чүс катап көвүдетсин . Олар шупту мээң дээрги хаанымның чалчалары эвес ийик бе? Мээң дээргим чүге ону ынчаар кылыксап турарыл? Хаанның Израильге кем-буруу халдаткан херээ чүл?»

⁴ Ынчалза-даа хаанның сөзү Иоавка күштүг болган. Иоав бүгү Израильди эргип кезээш, Иерусалимче ээп келгеш, ⁵ Давидке чизениң түңнелин берген. Бүгү Израильде хылыш тудуп шыдаар эр улустуң саны 1 100 000 кижи болган, а Иудеяда хылыш тудуп шыдаар эр улус – 470 000 кижи болган . ⁶ Ынчалза-даа Иоав ниити даңзыже Левий болгаш Вениаминниң аймактарын киирбээн , чүге дээрге хаанның дужаалынга ол шуут таарзынмаан.

Бурганның Давидке кеземче онааганы

(2 Хаан. 24:10-17)

⁷ Давидтиң дужаалын Бурган бачыттыг деп санаан, ынчангаш Ол Израильди кезеткен. ⁸ Ынчан Давид Бурганга: «Бо херекти кылгаш, улуг бачыт үүлгеткен-дир мен . Мен ам Сенден дилеп тур мен, Бодуңнуң чалчаңның буруузун адырып көр. Мен дыка-ла мугулай чүве кылган-дыр мен » – дээн. ⁹ Дээрги-Чаяакчы Давидтиң өттүр көөр кижизи Гадка мынча дээн: ¹⁰ «Давидке баргаш, Дээрги-Чаяакчының бо сөзүн дамчыт: Мен сеңээ үш чүүл саналдап тур мен. Оларның кайы-бирээзин бодуңга шилип ал, ону кылыр мен».

¹¹ Гад Давидке чедип келгеш, Дээрги-Чаяакчының сөзүн дамчыткан: «Шилип ал: ¹² азы үш чыл иштинде аш-чут болур; азы үш ай иштинде сени көөр хөңнү чок дайзыннарыңның хылыжы сени сүрүп кээр; азы үш хонук иштинде бүгү израиль черге Дээрги-Чаяакчының төлээзи чонну хамчык аарыг-биле – Бурганның хылыжы-биле кырып кээр. Ам боданып алгаш, мени чорудупкан Бурганга чугаалаар кылдыр харыызын бер».

¹³ Давид Гадка: «Меңээ дыка берге-дир. Дээрги-Чаяакчының өршээли кончуг улуг болганда , мен Ооң холунга кирип берейн. Чүгле кижилер холунга мен кирбээйн» – деп харыылаан.

¹⁴ Ынчан Дээрги-Чаяакчы израильчилерже хамчык аарыгны чорудупкан . Ол аарыгдан 70 000 кижи чок апарган. ¹⁵ Бурган Бодунуң төлээзин Иерусалимни хоозурадыры-биле чорудупкан . Ынчалза-даа узуткакчы төлээ хоорайны хоозурадып эгелээрге, Дээрги-Чаяакчы чонга айыыл-халап болганын көрүп, кээргей бергеш : «Болзун че! Ам холуң бадырып ал» – дээн. Дээрги-Чаяакчының төлээзи ол өйде иевус аймак-сөөктүг Орнанның тараа шаңының чанынга турган чүве-дир.

¹⁶ Давид топтап көргеш, холунда тудуп алган хылыжын Иерусалимче сунуп алган, чер биле дээрниң аразында турар Дээрги-Чаяакчының төлээзин эскерип каан. Качыгдал хеви кеткен Давид болгаш чоннуң ·баштыңнары черге чедир сөгүрүп кээп дүшкеннер. ¹⁷ Давид Бурганга: «Чоннуң чизезин кылырын мен дужааган эвес ийик мен бе? Бачытты болгаш багай чүвени мен кылган-дыр мен. А хойлар дег бо хөөкүй чон кандыг буруулугул? Дээрги-Чаяакчы, мээң Бурганым! Сээң холуң чүгле мени база мээң төрел бөлүүмнү кезеткей аан. А Бодуңнуң чонуңну өлүрбейн көрем» – деп чугаалаан.

Давидтиң Бурганга өргүл бедигээжин тутканы

(2 Хаан. 24:18-25)

¹⁸ Дээрги-Чаяакчының төлээзи Гадка: «Иевус Орнанның тараа шаңынга келгеш, ол черге Дээрги-Чаяакчыга өргүл салыр бедигээштен тургузуп кагзын деп Давидке барып чугаала» – дээн. ¹⁹ Дээрги-Чаяакчының өмүнээзинден Гадтың чугаалаанын ёзугаар күүседир дээш, Давид чорупкан. ²⁰ Ол үеде Орнан тараа бастырып тура, хая көрнүп келгеш, Бурганның төлээзин көрүп каан. Ооң дөрт оглу чаштына берген. ²¹ Давид Орнанның тараа шаңынга чедип келген. Орнан Давидти көрүп кааш, шаңындан үнүп келгеш, аңаа черге чедир мөгейген.

²² Давид Орнанга: «Меңээ тарааң шаңын берип көрем. Ол черге мен Дээрги-Чаяакчыга өргүл салыр бедигээш тудуп каайн, ынчан чоннуң хамчык аарыгдан өлүп-кырлыры соксаар . Долу өртекке ону меңээ садывыт» – деп чугаалаан.

²³ Орнан Давидке: «Ап алыңар, ажырбас. Дээрги хааным күзээн-не чүвезин чүнү-даа болза кылзын. Бо малды бүрүн өрттедир өргүлге берип тур мен. Тараа бастырар херекселдерни от салырынга , а кызыл-тасты – далган-тараа өргүлүн кылырынга ажыглап болур силер. Бо бүгүнү мен халаска берип тур мен» – дээн.

²⁴ Ынчалза-даа Давид хаан Орнанга: «Чок, мен шуптузун долу өртээ-биле садып аар мен. Сеңээ хамааржыр чүвелерни халас алгаш, Дээрги-Чаяакчыга өргүвес мен» – деп харыылааш, ²⁵ ол чер дээш Орнанга 600 °шекел алдынны төлеп берген. ²⁶ Давид аңаа Дээрги-Чаяакчыга өргүл салыр бедигээшти туткаш, бүрүн өрттедир болгаш эп-найырал өргүлдерин кылган . Давид Дээрги-Чаяакчыны дилеп кыйгырарга, Ол дыңнап кааш, дээрден бүрүн өрттедир өргүл бедигээжинче от чорудуп харыылаан . ²⁷ Ынчан Дээрги-Чаяакчы Бодунуң төлээзинге: «Хылыжың хынынче суп ал» – деп чугаалаан.

Бурганның өргээзин тудар черни Давидтиң шилип кааны

²⁸ Ол үеде Давид иевус Орнанның тараа шаңынга Дээрги-Чаяакчының аңаа харыылаанын билип кааш, ол черге өргүл салган. ²⁹ (Моисейниң ээн кургаг ховуга кылып кааны Дээрги-Чаяакчының майгыны болгаш бүрүн өрттедир өргүл бедигээжи ол үеде Гаваонда ыдыктыг черге турган . ³⁰ Давид Дээрги-Чаяакчының төлээзиниң хылыжындан коргар болгаш, Бурганның өршээлин дилээри-биле ынаар барып шыдаваан.)

¹ Ынчан Давид: «Дээрги-Бурган-Чаяакчының өргээзи маңаа турар, израиль чоннуң бүрүн өрттедир өргүл бедигээжи база» – деп чугаалаан .

Бурганның өргээзин тударынга белеткел

² Давид Израильде чурттап турар даштыкы улусту чыып эккээрин дужаагаш, оларның иштинден даш чонар ажылчыннарны томуйлааш, Бурганга өргээ тудары-биле даштар хоюгладып чондуруп каан . ³ Давид өргээниң хаалга-эжиктеринге кадаглар болгаш илдиргелер кылыр хөй демир база деңзилеттинмес хөй хүлер белеткеп каан . ⁴ Сан-түң чок хөй пөш ыяш база белеткээн – Сидон болгаш Тир чурттуглар Давидке дыка хөй пөш ыяш эккеп берген чүве-дир .

⁵ Давид: «Мээң оглум Соломон аныяк болгаш дуржулга чок болгай . А Дээрги-Чаяакчыга тудар өргээ каяа-даа туруп көрбээн кайгамчык улуг, алдарлыг болгаш өндүр-чаагай болур ужурлуг. Ынчангаш мен аңаа херек чүүлдерни белеткеп бээр мен» – дээш, өлүрүнүң мурнунда тудугга херек дыка хөй чүүлдерни белеткеп каан. ⁶ Оон ол оглу Соломонну кыйгырып алгаш, Израильдиң Бурганы Дээрги-Чаяакчыга өргээни тудуп каарын чагып каан.

⁷ Давид Соломонга мынча дээн: «Оглум! Мен Бурганым Дээрги-Чаяакчының адынга тураскааткан өргээ тудуп каарын күзеп чордум . ⁸ Ынчалза-даа Дээрги-Чаяакчы Бодунуң сөзүн меңээ ажыдып, мынча диди: „Сен улуг дайыннар чорудуп, хөй хан төккен сен. Мээң адымга тураскааткан өргээни сен тутпас сен, чүге дээрге чер кырынга хөй хан төккениңни билир мен . ⁹ Ындыг-даа болза, сенден төрүттүнген оол тайбың кижи болур, Мен долгандыр турар дайзыннардан ону адырып, аңаа амыр-дыш хайырлаар мен . Ооң ады Соломон болур . Ооң хааннаашкынының үезинде Израильге тайбың болгаш оожургалды хайырлаар мен . ¹⁰ Мээң адымга тураскааткан өргээни тудар кижи ол-дур. Ол Мээң оглум болур, а Мен ооң Адазы болур мен. Ооң Израильди чагырган хаан дүжүлгезин кезээ мөңгеде быжыглап каар мен“ .

¹¹ Ынчангаш, оглум, Дээрги-Чаяакчы сээң-биле кады болзун! Сени чедиишкиннер кагбас болзун, Бурганың Дээрги-Чаяакчының сээң дугайыңда чугаалаанын ёзугаар, сен Аңаа өргээден тудуп бер. ¹² Дээрги-Чаяакчы сеңээ угаан-сарыылды хайырлап, Израильди чагырар кылып каар болзун. Бурганың Дээрги-Чаяакчының хоойлузун сагып чор. ¹³ Дээрги-Чаяакчының Моисейни дамчыштыр израиль чонга берген дүрүм-хоойлуларын шыңгыы сагыыр болзуңза, ынчан сен чедиишкинниг болур сен. Кадыг-быжыг болгаш эрес-дидим бол, коргуп-сүртеве! ¹⁴ Көр даан, Дээрги-Чаяакчының өргээзин тударынга хереглээр чүүлдерни белеткээринге дыка хөй күжүм үндүрген мен : 100 000 °талант алдын, 1 000 000 талант мөңгүн, а демир болгаш хүлер деңзилеттинмес хөй. Ыяш болгаш дашты база белеткеп каан мен, а сен бодуң база аңаа немей тып аар сен. ¹⁵ Сээң ажылчыннарың, даш чонукчуларың, кезикчилериң, бызаңчыларың болгаш янзы-бүрү ажыл кылыр ус-шеверлериң эңдерик. ¹⁶ Алдын, мөңгүн, хүлер, демир сан-түң чок хөй-дүр – кылып эгелей бер. Дээрги-Чаяакчы сээң-биле кады болзун».

¹⁷ Давид оглу Соломонга дузалажыр кылдыр Израильдиң бүгү нояннарынга чагып каан: ¹⁸ «Бурганыңар Дээрги-Чаяакчы силерниң-биле кады эвес ийик бе? Силерге Ол бүгү таладан амыр-тайбың хайырлап чораан эвес бе? Бо черниң чурттакчыларын Ол мээң холумга хүлээдип берген болгай, ынчангаш чер-чурт Дээрги-Чаяакчының болгаш Ооң чонунуң чагыргазында болган. ¹⁹ Ынчангаш сеткил-чүрээңерни Бурганыңар Дээрги-Чаяакчының күзел-соруун күүседиринге тураскаадыңар; Дээрги-Чаяакчының чагыг-керээзиниң аптаразын база ыдыктыг эт-херекселдерин шыгжаар кылдыр Дээрги-Бурган-Чаяакчының адынга тураскааткан ыдыктыг өргээни тудуп эгелеңер».

Левиттерниң төрел бөлүктери

¹ Давид мага хандыр чурттап, назылап кырааш, оглу Соломонну Израильдиң хааны кылып кааш , ² Израильдиң бүгү баштыңчыларын, Бурганның бараалгакчыларын болгаш левиттерни чыып алган. ³ Үжен хардан өрү назылыг левиттерни санап көөрге, оларның ниити саны 38 000 эр кижи болган. ⁴ Олардан Дээрги-Чаяакчының өргээзинге янзы-бүрү ажылдар чорудары-биле 24 000 кижи томуйлап каан. Удуртукчу болгаш шииткекчилер – 6000 кижи, ⁵ хаалга кадарар 4000 кижи база Дээрги-Чаяакчыга алдар-мактал тудуп, Давидтиң кылганы хөгжүм херекселдеринге ойнаар – 4000 кижи болган.

⁶ Давид оларны Левийниң оолдары – Гирсон, Кохат база Мерариниң аайы-биле үш кол бөлүкке чарып каан чүве-дир.

⁷ Гирсончулар – Лаедан биле Шимей . ⁸ Лаеданның оолдары: кол кижи Иехиил , Зетам база Иоил – үш кижи. ⁹ Шимейниң оолдары: Шеломит, Хазиил база Аран – үш кижи. Олар Лаеданның салгалдарының ·баштыңнары чүве-дир.

¹⁰ Шимейниң оолдары: Яхат, Зиза, Иеуш болгаш Брия. Олар дөртелээ Шимейниң оолдары-дыр. ¹¹ Яхат кол кижи турган. Зиза – ийи дугаары. А Иеуш биле Брия хөй эвес ажы-төлдүг болгаш, чаңгыс төрел бөлүк кылдыр санаттырар апарган.

¹² Кохаттың оолдары: Амрам, Ицгар, Хеврон база Узиил – дөрт кижи .

¹³ Амрамның оолдары: Аарон биле Моисей . Ааронну (бодун болгаш ооң оолдарын) Дээрги-Чаяакчыга бараан болзун дээш мөңгеде аңгылап каан турган . Олар аажок ыдыктыг херекселдерни кадарар, Дээрги-Чаяакчының мурнунга чаагай чыттыг чүүлдер кыпсыр, Ооң ады-биле чонну алгап-йөрээр ужурлуг турган . ¹⁴ Моисей – Бурганның кижизи турган . Ооң үре-салгалы анаа левиттер деп санаттырар.

¹⁵ Моисейниң оолдары: Гирсам биле Элиезер . ¹⁶ Гирсамның оолдарындан: кол кижи Шевуил . ¹⁷ Элиезерниң оолдарындан: кол кижи Рехавия . Элиезерниң оон өске оолдары турбаан-даа болза, Рехавияның оолдары дыка хөй болган чүве-дир.

¹⁸ Ицгарның оолдарындан: кол кижи Шеломит.

¹⁹ Хевроннуң оолдарындан: кол кижи Иерия, ийи дугаары Амария, үшкүзү Яхазиил, дөрткүзү Иекамам .

²⁰ Узиилдиң оолдары: кол кижи Миха , ийи дугаары Ишшия.

²¹ Мерариниң оолдарындан: Махли биле Муши . Махлиниң оолдарындан: Элеазар биле Кис. ²² Элеазар оолдар чок тургаш, өлүп калган. Ол чүгле кыстарлыг турган. Кыстарын оларның төрелдери – Кистиң оолдары кадай кылдыр ап алган .

²³ Мушиниң оолдарындан: Махли, Эдер база Иремот – үш кижи .

²⁴ Левийниң төрел бөлүк аайы-биле салгалдары ол-дур. Левиттер деп санадып, ·баштыңнарының аайы-биле аттарын ададып, даңзыже киир бижиткен – чээрби хардан өрү назылыг , Дээрги-Чаяакчының өргээзинде ажыл-албан чорудуп турар улус ол чүве-дир. ²⁵ Давид мынча дээн болгай: «Израильдиң Бурганы, Дээрги-Чаяакчы Бодунуң чонунга амыр-тайбың хайырлап , Иерусалимде мөңгези-биле чурттай берген. ²⁶ Левиттер моон соңгаар Бурганга бараан болуру-биле ыдыктыг майгынны, аңаа хамааржыр эт-херекселди сөөртүп чорбас». ²⁷ Давидтиң сөөлгү чагыы-биле чээрби хардан өрү назылыг левиттерни ынчалдыр санаан чүве-дир.

²⁸ Левиттер Дээрги-Чаяакчының өргээзинде Аароннуң үре-салгалының чорудуп турар албан-ажылынга дузалажыр: өргээниң шөлдерин, шыгжаар өрээлдерин хайгаараар, бүгү ыдыктыг чүүлдерни ·арыг хевээр кылдыр кадагалаар база өске-даа ажылдарны кылчыр . ²⁹ Олар Дээрги-Чаяакчыга салыр ыдыктыг хлеб дээш, далган-тараа өргүлү кылырда ажыглаар далган дээш, ажыткы чок боовалар дээш, быжырган, үс-биле холбашкан өргүлдер дээш база ол бүгүнүң хемчээли болгаш деңзизи дээш сагыш човаар. ³⁰ Олар эртенниң-не Дээрги-Чаяакчыга четтиргенин илередип, Ону алгап-мактаар ужурлуг. Ол ёзулалды кежээ база катаптаар. ³¹ Амыр-дыш хүнүнде, ай чаазында база байырлалдарда Дээрги-Чаяакчыга бүрүн өрттедир өргүл кылып турар . Олар чурум ёзугаар доктаадып каан саны-биле Дээрги-Чаяакчыга доктаамал бараан болур ужурлуг. ³² Олар ·Ужуражылга майгынын болгаш ыдыктыг чүүлдерни кадагалап, ха-дуңмазы болур Аароннуң үре-салгалынга дузалажып, Дээрги-Чаяакчының өргээзинге боттарының хүлээлгелерин күүседип турар чүве-дир.

Бурганның бараалгакчыларын чарып кааны

¹ Аароннуң салгалдарының бөлүктери бо-дур. Аароннуң оолдары: Надав, Авиуд, Элеазар болгаш Ифамар . ² Надав биле Авиуд адазының-даа мурнунда өлүп калган, оларның ажы-төлү чок . Ынчангаш чүгле Элеазар биле Ифамар Бурганның бараалгакчылары бооп артканнар . ³ Элеазарның салгакчызы Садок база Ифамарның салгакчызы Ахимелех оларның дузазы-биле Давид хаан бараалгакчыларны албан-хүлээлгелериниң аайы-биле бөлүктерге чарып каан. ⁴ Элеазардан укталган ·баштың улус Ифамардан укталганнарга бодаарга, хөй болган. Ынчангаш оларны мынчаар чарган: Элеазарның салгалдары – он алды төрел бөлүк, а Ифамарның салгалдары – сес төрел бөлүк болган. ⁵ Оларны кандыг-даа тала тыртпайн, төлге даштарының дүшкенин ёзугаар чарып каан, чүге дээрге Элеазарның-даа, Ифамарның-даа үре-салгалы Бурганның мурнунга – ыдыктыг черге бараан болур дең эргелиг турган чүве-дир. ⁶ Давид хаан, чоннуң нояннары, Бурганның бараалгакчызы Садок, Авиафарның оглу Ахимелех болгаш бараалгакчыларның, левиттерниң төрел салгалдарының ·баштыңнары көрүп турда, төрел бөлүктерниң аттарын Нафанаилдиң оглу, левит бижээчи Шемайя бижип алган: бирээзин Элеазардан укталган төрел бөлүк, өскезин – Ифамардан укталган төрел бөлүк оочур ёзугаар алган чүве-дир.

⁷ Баштайгы төлге Иегоиаривке дүшкен, ийигизи – Иедайяга , ⁸ үшкүзү – Харимге, дөрткүзү – Сеоримге, ⁹ бешкизи – Малхияга, алдыгызы – Мияминге, ¹⁰ чедигизи – Гаккоцка, сескизи – Авияга , ¹¹ тоскузу – Иисуска, онгузу – Шеханияга, ¹² он биргизи – Элиашивке, он ийигизи – Иакимге, ¹³ он үшкүзү – Хуппага, он дөрткүзү – Иешевавка, ¹⁴ он бешкизи – Вилгага, он алдыгызы – Иммерге, ¹⁵ он чедигизи – Хезирге, он сескизи – Гапицецке, ¹⁶ он тоскузу – Петахияга, чээрбигизи – Иезекиилге, ¹⁷ чээрби биргизи – Яхинге, чээрби ийигизи – Гамулга, ¹⁸ чээрби үшкүзү – Делайяга, чээрби дөрткүзү – Маазияга дүшкен чүве-дир. ¹⁹ Дээрги-Чаяакчының өргээзинче бараалгап баарда, оларның өгбези Аароннуң Израильдиң Бурганы Дээрги-Чаяакчының чагыын ёзугаар тургузуп кааны ындыг чурум-биле кирер турган.

Өске левиттер

²⁰ Левийниң оон өске салгалдарынга хамааржыр улус .

Амрамның оолдарындан: Шуваил. Шуваилдиң оолдарындан: Иехдия.

²¹ Рехавияның оолдарындан: кол кижи Ишшия.

²² Ицгарның оолдарындан: Шеломот. Шеломоттуң оолдарындан: Яхат.

²³ Хевроннуң оолдарындан : Иерия , ийи дугаары Амария, үшкүзү Яхазиил, дөрткүзү Иекамам.

²⁴ Узиилдиң оолдарындан: Миха. Миханың оолдарындан: Шамир. ²⁵ Миханың дуңмазы – Ишшия. Ишшияның оолдарындан: Захария.

²⁶ Мерариниң оолдарындан: Махли, Муши болгаш ооң үре-салгалы Иаазияның оолдары. ²⁷ Мерариниң Иаазиядан укталган үре-салгалы: Шогам, Заккур база Иври. ²⁸ Махлиден: Элеазар (ооң оолдары чок турган чүве-дир) биле Кис. Кистиң оолдарындан: Иерахмиил. ³⁰ Мушиниң оолдарындан: Махли, Эдер база Иремот.

Левиттерниң салгалдары оларның төрел бөлүктериниң аайы-биле ол-дур. ³¹ Давид хаан, Бурганның бараалгакчылары Садок, Ахимелех болгаш бараалгакчыларның, левиттерниң төрел салгалдарының ·баштыңнары көрүп турда, ол левиттер база төлге даштарын ха-дуңмазы болур Аароннуң салгакчылары-биле деңге октааннар . Улуг акыларының болгаш бичии дуңмаларының өг-бүлелериниң эргелерин деңнеп каан чүве-дир.

Ыраажы хөгжүмчүлер

¹ Давид хаан левит баштыңчылар-биле кады Асафтың, Еманның база Идифуннуң оолдарын чадаган, чанзы база кимвалдарның үделгези-биле өттүр билип ырлаар кылдыр аңгылап алган. Ындыг албан-хүлээлгелиг улустуң даңзызы бо-дур.

² Асафтың оолдарындан: Заккур, Иосиф, Нафания болгаш Асарела. Асаф Давид хаанның айтыышкынын ёзугаар өттүр билип ырлап, бодунуң оолдарын удуртуп турган.

³ Идифуннуң оолдары: Гедалия, Цери, Исайя, Шимей , Хашавия база Маттафия – шупту алды кижи. Чадаган үделгези-биле Дээрги-Чаяакчыга алдар болгаш мактал тудуп, өттүр билип ырлаар ачазы Идифун оларны удуртуп турган.

⁴ Еманның оолдары: Буккия, Маттания, Узиил, Шевуил, Иремот, Анания, Ананий, Элиата, Гиддалти, Ромамти-Эзер, Иошбекаша, Маллоти, Готир база Махазиот. ⁵ Олар шупту хаанның өттүр көөр кижизи Еманның оолдары-дыр. Бурган Бодунуң Еманны көдүрер деп аазаанын ёзугаар аңаа он дөрт оол, үш кысты хайырлаан. ⁶ Олар шупту Дээрги-Бурган-Чаяакчының өргээзинге ачазының удуртулгазы-биле кимвалдар, чанзы болгаш чадаган үделгези-биле ырлап бараан болуп турган. Асаф, Идифун база Еман олар хаанга чагыртып турган чүве-дир. ⁷ Олар ха-дуңмазы-биле кады Дээрги-Чаяакчыга ырлап бараалгаар талазы-биле дуржулгалыг турган. Оларның ниити саны 288 кижи чүве-дир.

⁸ Олар боттарының күүседир хүлээлгелериниң чурумун тодарадыр дээш, аныяктар улуг улус-биле, өөреникчизи – башкызы-биле деңге, төлге даштары октаан :

⁹ Баштайгы төлге Асафтың төрел бөлүүнден Иосифке дүшкен.

Ийигизи – Гедалияга (ооң-биле ха-дуңмазы болгаш оолдары – шупту он ийи кижи турган);

¹⁰ үшкүзү – Заккурга (ооң-биле ха-дуңмазы болгаш оолдары – шупту он ийи кижи турган);

¹¹ дөрткүзү – Ицриге (ооң-биле ха-дуңмазы болгаш оолдары – шупту он ийи кижи турган);

¹² бешкизи – Нафанияга (ооң-биле ха-дуңмазы болгаш оолдары – шупту он ийи кижи турган);

¹³ алдыгызы – Буккияга (ооң-биле ха-дуңмазы болгаш оолдары – шупту он ийи кижи турган);

¹⁴ чедигизи – Иесарелага (ооң-биле ха-дуңмазы болгаш оолдары – шупту он ийи кижи турган);

¹⁵ сескизи – Исайяга (ооң-биле ха-дуңмазы болгаш оолдары – шупту он ийи кижи турган);

¹⁶ тоскузу – Маттанияга (ооң-биле ха-дуңмазы болгаш оолдары – шупту он ийи кижи турган);

¹⁷ онгузу – Шимейге (ооң-биле ха-дуңмазы болгаш оолдары – шупту он ийи кижи турган);

¹⁸ он биргизи – Азариилге (ооң-биле ха-дуңмазы болгаш оолдары – шупту он ийи кижи турган);

¹⁹ он ийигизи – Хашавияга (ооң-биле ха-дуңмазы болгаш оолдары – шупту он ийи кижи турган);

²⁰ он үшкүзү – Шуваилге (ооң-биле ха-дуңмазы болгаш оолдары – шупту он ийи кижи турган);

²¹ он дөрткүзү – Маттафияга (ооң-биле ха-дуңмазы болгаш оолдары – шупту он ийи кижи турган);

²² он бешкизи – Иремотке (ооң-биле ха-дуңмазы болгаш оолдары – шупту он ийи кижи турган);

²³ он алдыгызы – Ананияга (ооң-биле ха-дуңмазы болгаш оолдары – шупту он ийи кижи турган);

²⁴ он чедигизи – Иошбекашага (ооң-биле ха-дуңмазы болгаш оолдары – шупту он ийи кижи турган);

²⁵ он сескизи – Ананийге (ооң-биле ха-дуңмазы болгаш оолдары – шупту он ийи кижи турган);

²⁶ он тоскузу – Маллотиге (ооң-биле ха-дуңмазы болгаш оолдары – шупту он ийи кижи турган);

²⁷ чээрбигизи – Элиатага (ооң-биле ха-дуңмазы болгаш оолдары – шупту он ийи кижи турган);

²⁸ чээрби биргизи – Готирге (ооң-биле ха-дуңмазы болгаш оолдары – шупту он ийи кижи турган);

²⁹ чээрби ийигизи – Гиддалтиге (ооң-биле ха-дуңмазы болгаш оолдары – шупту он ийи кижи турган);

³⁰ чээрби үшкүзү – Махазиотка (ооң-биле ха-дуңмазы болгаш оолдары – шупту он ийи кижи турган);

³¹ чээрби дөрткүзү – Ромамти-Эзерге (ооң-биле ха-дуңмазы болгаш оолдары – шупту он ийи кижи турган) дүшкен.

Бурганның өргээзиниң хаалгачылары

¹ Хаалгачыларның үлелгези бо-дур.

Корахтың төрел бөлүүнден: Асафтың үре-салгалы, Корениң оглу Мешелемия. ² Мешелемияның оолдары: дун оглу Захария , ийигизи Иедиаил, үшкүзү Зевадия, дөрткүзү Иатниил, ³ бешкизи Элам, алдыгызы Иегоханан, чедигизи Элиоенай.

⁴ Овед-Эдомнуң оолдары: дун оглу Шемайя, ийигизи Иегозавад, үшкүзү Иоах, дөрткүзү Сахар, бешкизи Нафанаил, ⁵ алдыгызы Аммиил, чедигизи Иссахар, сескизи Пеултай. (Дээрги-Чаяакчы Овед-Эдомга ачы-буянын хайырлап каан болгай.) ⁶ Шемайя деп оглунуң оолдары шупту күштүг-шыырак улус болгаш, төрел бөлүүнде удуртукчулар турган. ⁷ Шемайяның оолдары: Офни, Рефаил, Овид, Элзавад. Оларның төрелдери Элиуй биле Семахия база шыырак улус чораан. ⁸ Олар шупту Овед-Эдомнуң үре-салгалы болган. Оларның боттары-даа, оолдары болгаш ха-дуңмазы-даа шупту ажылга кызымак, шыырак улус болган чүве-дир. Шупту алдан ийи кижи .

⁹ Мешелемияның оолдары болгаш ха-дуңмазы – он сес шыырак кижи болган.

¹⁰ Мерариниң төрел бөлүүнден Хосаның оолдары: Шимри – кол кижи. (Шимри дун оглу эвес-даа болза, ачазы ону кол кижи кылып каан.) ¹¹ Ийигизи Хелкия, үшкүзү Тевалия, дөрткүзү Захария. Хосаның оолдары болгаш ха-дуңмазы шупту он үш кижи турган.

¹² Бо хаалгачылар, боттарының ха-дуңмазы ышкаш, Дээрги-Чаяакчының өргээзинге бараан болур албан-хүлээлгелерин боттарының ·баштыңнарының аайы-биле алганнар. ¹³ Кайы хаалгаларны кадарарын тодарадыр дээш, олар төрел аймак аайы-биле улуг-бичези деңге төлге даштары октааннар . ¹⁴ Чөөн талакы хаалганың төлгези Шелемияга дүшкен. Ооң оглу – угаанныг сүмелекчи Захария дээш төлге октаарга, аңаа Соңгу хаалга онаашкан. ¹⁵ Мурнуу чүкте хаалганың төлгези Овед-Эдомга дүшкен, а курлавыр бажыңнарының төлгези ооң оолдарынга таварышкан. ¹⁶ Барыын талакы хаалганың база үстүү орукта Шаллехет хаалганың төлгелери Шуппим биле Хосага дүшкен.

Таңныылдар душ-дужунда тургулап алган турар чүве-дир. ¹⁷ Чөөн талада алды, соңгу болгаш мурнуу чүктеринде дөрт-дөрт, а курлавыр бажыңнарында ийи-ийи таңныыл левит турган. ¹⁸ Барыын талада Парбар деп черге ийи, а оон үнген орукка дөрт кижи турган.

¹⁹ Корах болгаш Мерариниң үре-салгалдары боор хаалгачыларның үлелгези бо-дур.

Левиттерниң өске албан-хүлээлгелери

²⁰ Оларның ха-дуңмазы левиттер Бурганның өргээзиниң үнелиг эртинелерин база ыдыктыг өргүл-белектерни кадарып турган. ²¹ Гирсондан укталган Лаеданның оолдары – төрел бөлүүнүң ·баштыңнары гирсончулар: Иехиил болгаш ооң оолдары Зетам биле Иоил Дээрги-Чаяакчының өргээзинде эртинелерни кадарып турган.

²³ Амрам, Ицгар, Хеврон болгаш Узиилден укталган левиттерге хамаарыштыр: ²⁴ Моисейниң оглу Гирсамдан укталган Шевуил эртинелер шыгжамырларының кол таңныылы турган. ²⁵ Гирсамның дуңмазы Элиезерниң оглу Рехавия , ооң оглу Исайя. Исайяның оглу Иорам, ооң оглу Зихрий. Зихрийниң оглу Шеломит. ²⁶ Шеломит бодунуң ха-дуңмазы-биле кады Давид хаанның, төрел бөлүктер ·баштыңнарының, муң, чүс шериг даргаларының Дээрги-Чаяакчыга тураскааткан өргүл-белектериниң шыгжамырларын кадарып турган. ²⁷ Чаалап тыпкан олчаларының чамдыызы-биле ол дайынчылар Дээрги-Чаяакчының өргээзин хандырып турган. ²⁸ Өттүр көөр Самуилдиң-даа, Кистиң оглу Саулдуң-даа, Нирниң оглу Авенирниң-даа, Саруйяның оглу Иоавтың-даа – оларның тыпкан бүгү олча-кежии Шеломиттиң болгаш ооң ха-дуңмазының холунга баар турган.

²⁹ Ицгарның төрел бөлүүнден: Хенания болгаш ооң оолдары Бурганның өргээзинден дашкаар ажылдар кылып турган , олар бижээчилер болгаш шииткекчилер турган.

³⁰ Хевроннуң төрел бөлүүнден: Хашавия болгаш ооң ха-дуңмазы – 1700 шыырак улус – Иордан хемниң барыын талазында израиль черни хайгаарап, Дээрги-Чаяакчыга болгаш хаанга бараан болуп турган. ³¹ Хеврончуларның кол кижизи Иерия турган . Давидтиң хааннаашкынының дөртен дугаар чылында хеврончуларның төрел бөлүүн шинчилеп көөрге, Галаадтың Иазер хоорайда кончуг күштүг-шыырак улус бар болган. ³² Давид ынчангаш Иерияны болгаш ооң 2700 шыырак ха-дуңмазын (шуптузу төрел бөлүктер ·баштыңнары) Бурганның болгаш хаанның бүгү ажыл-херектерин күүседир кылдыр томуйлап, Рувимниң, Гадтың аймактарының база Манассияның аймааның чартыының даргалары кылып каан чүве-дир.

Израиль шеригниң салбырлары

(2 Хаан. 23:8-39; 1 Чыл. 11:10-47)

¹ Шериглерниң салбырлар аайы-биле удуртукчуларының даңзызы – израиль төрел бөлүктерниң даргаларының, муң болгаш чүс шериг баштыңчыларының даңзызы бо-дур. Чылды өттүр ай санында-ла бир салбыр хаанга бараан болур ужурлуг турган. Салбыр бүрүзүнге 24 000 кижи турган.

² Баштайгы айда бирги салбырны Завдиилдиң оглу Яшавам удуртуп турган. Ооң салбырынга 24 000 кижи турган. ³ Ол Фарестиң үре-салгалы , бир дугаар айда шериг баштыңнарының даргазы турган.

⁴ Ийиги айда шериг салбырының даргазы – ахохи уктуг Додай. Ооң кол дузалакчызын Миклот дээр. Ол салбырга база 24 000 кижи турган.

⁵ Үшкү айда кол шериг даргазы – Бурганның бараалгакчызы Иодайның оглу Ванея . Ооң салбырынга база 24 000 кижи турган. ⁶ Ванея дээрге алдаржаан үжен шериг баштыңчызының бирээзи, оларны баштаан кижи турган. Ол салбырга ооң бодунуң оглу Аммизавад база турган.

⁷ Дөрткү айда шериг даргазы – Иоавтың дуңмазы Асаил . Оглу Зевадия ооң салгакчызы болган. Ол салбырга 24 000 кижи турган.

⁸ Бешки айда шериг даргазы – израх уктуг Шамхут. Ооң салбырынга 24 000 кижи турган.

⁹ Алдыгы айда шериг даргазы – Текоя чурттуг Иккештиң оглу Гира. Ооң салбырынга база 24 000 кижи турган.

¹⁰ Чедиги айда шериг даргазы – Эфремниң үре-салгалы, Пелон чурттуг Хелец. Ооң салбырынга база 24 000 кижи турган.

¹¹ Сески айда шериг даргазы – Зерахтың үре-салгалы, Хуша чурттуг Сивхай . Ооң салбырынга база 24 000 кижи турган.

¹² Тоску айда шериг даргазы – Вениаминниң үре-салгалы, Анатот чурттуг Авиезер. Ооң салбырынга база 24 000 кижи турган.

¹³ Онгу айда шериг даргазы – Зерахтың үре-салгалы, Нетофа чурттуг Магарай. Ооң салбырынга база 24 000 кижи турган.

¹⁴ Он бирги айда шериг даргазы – Эфремниң үре-салгалы, Пирафон чурттуг Ванея. Ооң салбырынга база 24 000 кижи турган.

¹⁵ Он ийиги айда шериг даргазы – Гофониилдиң үре-салгалы , Нетофа чурттуг Хелдай. Ооң салбырынга база 24 000 кижи турган.

Аймактарның баштыңчылары

¹⁶ Израиль аймактарның баштыңчылары бо-дур:

Рувимниң аймааның даргазы – Зихрийниң оглу Элиезер;

Симеоннуң – Мааханың оглу Шефатия;

¹⁷ Левийниң – Кемуилдиң оглу Хашавия (а Аароннуң төрел бөлүүнүң – Садок );

¹⁸ Иуданың – Давидтиң төрели Элиуй ;

Иссахарның – Михаилдиң оглу Омри;

¹⁹ Завулоннуң – Авдийниң оглу Ишмайя;

Неффалимниң – Азриилдиң оглу Иеримот;

²⁰ Эфремниң аймааның – Азазияның оглу Осия;

Манассияның аймааның чартыының – Федайяның оглу Иоил;

²¹ Галаадта Манассияның аймааның өске чартыының – Захарияның оглу Иддо;

Вениаминниң – Авенирниң оглу Иаасиил;

²² Данның – Иерохамның оглу Азариил. Израильчилерниң аймактарын баштаан улус ол-дур.

²³ Давид хаан чизезин кылып тургаш, чээрби хардан куду назылыг улусту санаваан. Чүге дээрге Дээрги-Чаяакчы израильчилерни дээрниң сылдызы дег хөй кылып каарын аазаан болгай . ²⁴ Саруйяның оглу Иоав санаашкынны кылып эгелээш, төндүрбээн . Ол чизе дээш Бурганның килеңи Израильге дүшкен чүве-дир. Ынчангаш оларның санын Давид хаанның чылдар демдеглелиниң номунче кирбээн.

Хаанның өске дүжүметтери

²⁵ Хаанның эртине шыгжамырларын Адиилдиң оглу Азмавет таңныылдап турган.

Шөлде, хоорай-суурда болгаш суургада курлавырларны Озияниң оглу Ионафан хайгаарап турган.

²⁶ Шөлде чер болбаазырадып ажылдап турар улус – Хелувтуң оглу Эзрийниң хайгааралының адаанда.

²⁷ Рама чурттуг Шимей виноград шөлдерин, а виноградтан кылган арага шыгжамырларын Шефам чурттуг Завдий хайгаарап турган.

²⁸ Шефела девискээринде олива болгаш фига ыяштарлыг черни – Гедер чурттуг Баал-Ханан;

олива үзүнүң курлавырын – Иоас;

²⁹ Шарон девискээринде турар бода малды – Шарон чурттуг Шитрай;

шынааларда малды – Адлайның оглу Шафат;

³⁰ тевелерни – измаил уктуг Овил;

элчигеннерни – Меронот чурттуг Иехдия;

³¹ шээр малды – агар уктуг Иазиз кадарып турган. Олар шупту Давид хаанның кошкул-хөреңгизиниң удуртукчулары турган.

³² Давидтиң төрел акызы, угаанныг Ионафан бижээчи эки сүмелекчи турган.

Хакмон уктуг Иехиил хаанның оолдарын кижизидип турган.

³³ Ахитофел – хаанның сүмелекчизи турган .

Архи уктуг Хусий – хаанның өңнүү турган .

³⁴ Ахитофелдиң салгакчылары Ванеяның оглу Иодай биле Авиафар турган.

Иоав – хаанның шериг даргазы турган .

Өргээ дугайында Давидтиң чагыы

¹ Давид Израильдиң бүгү баштыңчыларын: аймактар баштыңчыларын, хаанга бараан болуп турар шериг салбырларының даргаларын, муң болгаш чүс шериг баштыңнарын, хаанның болгаш оолдарының кошкул-хөреңгизиниң удуртукчуларын, дүжүметтерин, дайынчыларын – бүгү күштүг-шыырак улусту Иерусалимге чыып алган . ² Давид хаан туруп келгеш, чугаалаан:

«Мени дыңнаңар, ха-дуңма чонум! Бурганывыстың будун салыр ширтээ – Дээрги-Чаяакчының ыдыктыг аптаразы турар өргээ тудуп кагзымза деп күзеп чордум , ону тударынга херектиг чүүлдерни белеткеп каан мен. ³ Ынчалза-даа Бурган меңээ: „Мээң адымга тураскааткан өргээни сен тутпас сен . Чүге дээрге сен хөй чаалашкан, хөй хан төп чораан кижи-дир сен“ – диди . ⁴ Израильдиң Бурганы Дээрги-Чаяакчы бүгү төрелдерим аразындан мени шилип алгаш , Израильдиң мөңгеде хааны кылып каан болгай . Бурган Иуданың аймаан тергиидээр кылдыр , а ол аймак иштинден мээң төрел бөлүүмнү шилип алган. Оон Дээрги-Чаяакчы ачамның оолдарының аразындан бүгү израиль чонну чагырар кылдыр мени шилип алган.

⁵ Дээрги-Чаяакчы меңээ хөй оолдарны берген . Оларның аразындан Ол мээң оглум Соломонну шилип алгаш, Бодунуң бергени хаанның дүжүлгезинге олуртуп, Израильди чагырзын деп турар-дыр . ⁶ Меңээ Ол: „Мээң ордумну болгаш ооң шөлдерин сээң оглуң тудуп каар. Ону Мен Бодумга оол кылдыр шилип алдым, ынчангаш Мен ооң Адазы болур мен . ⁷ Бир эвес ол Мээң айтыышкыннарымны, дүрүмнеримни бо хүнге чедир сагып келгени дег күүседир болза, ооң хааннаашкынын мөңгеде быжыглап каар мен“ – диди. ⁸ Бөгүн мен Дээрги-Чаяакчының бүгү израиль чону көрүп турда, Бурганывыс дыңнап турда, силерге чагыг берип тур мен: бодуңарның Бурганыңар Дээрги-Чаяакчының бүгү айтыышкыннарын шыңгыы сагып чоруңар! Ынчан бо магалыг-чаагай черни ээлээрин уламчылап, ажы-төлүңерге ону өнчү кылдыр арттырып бээр силер.

⁹ А сен, оглум Соломон, ачаңның Бурганын билип ал, Аңаа бүгү сеткил-сагыжыңдан, эки тураң-биле бараан бол, чүге дээрге Дээрги-Чаяакчы бүгү улустуң чүрээн шылгап , оларның бодалдарының шимчээшкиннерин билир болгай . Бир эвес Олче чүткүүр болзуңза, Ол сеңээ тыптыр . А бир эвес Оон ойталаар болзуңза, Ол сенден кезээ мөңгеде хая көрнү бээр. ¹⁰ Көр даан, сени Дээрги-Чаяакчы ыдыктыг өргээзин тудар кылдыр шилип алган. Кадыг-быжыг бол, хөделип эгеле».

¹¹ Ынча дээш, Давид оглу Соломонга өргээниң хевир-чуруун берип каан. Ында ооң серилиг черин, янзы-бүрү тудугларын, эртинелиг шыгжамырларын, үстүкү өрээлдерин, иштики өрээлдерин, ыдыктыг аптара турар өрээлди – шуптузун көргүзүп каан болган. ¹² Дээрги-Чаяакчының өргээзин Давид канчаар кылыксап турганыл, ынчалдыр көргүзүп каан: ооң шөлдерин, долгандыр өрээлдерни, Бурганның өргээзиниң эртинелерин болгаш ыдыктыг өргүл-белектерин шыгжаар өрээлдерни – шупту чүвени ында көргүзүп каан чүве-дир. ¹³ Бурганның бараалгакчыларының база левиттерниң салбырларының дугайында чагыгларын , Дээрги-Чаяакчының өргээзинге бараан болуушкуннуң бүгү ажылдарын, херекселдерин чагып каан. ¹⁴ Янзы-бүрү бараан болуушкуннарда ажыглаар алдын-мөңгүн херекселдерниң деңзизин; ¹⁵ бараан болуп турда ажыглаар янзы-бүрү алдын-мөңгүн чырыткыларның болгаш деңнерниң деңзизин; ¹⁶ Дээрги-Чаяакчының мурнунга ыдыктыг хлеб салыр алдын ширээлерге алдынны, мөңгүн ширээлерге мөңгүннү; ¹⁷ арыг алдындан кылган илбектер, аяктар болгаш дашкаларны; янзы-бүрү алдын-мөңгүн тавактарның деңзизин; ¹⁸ айдызаар өргүл салыр бедигээшке деңзилеп каан арыг алдынны; херип алган чалгыннары-биле Дээрги-Чаяакчының ыдыктыг аптаразын шып алган , Ооң мунганы алдын ·херувимнерниң овур-хевирин база оглунга берген. ¹⁹ Бо бүгү Дээрги-Чаяакчының Давидке айтып каанын ёзугаар хевир-чурукче киир бижиттинген .

²⁰ Оон ыңай Давид оглу Соломонга мынча дээн: «Кадыг-быжыг болгаш эрес-дидим бол , хөделип эгеле! Чүден-даа сестип кортпа, чүге дээрге Бурганым – Дээрги-Бурган-Чаяакчы – сээң-биле кады. Ол сени кагбас, сенден ойталавас, Ооң өргээзинде бараан болур ажылдарны албан доозар сен. ²¹ Бурганның бараалгакчыларының, левиттерниң салбырлары Ооң өргээзинге кандыг-даа ажылды кылырынга белен. Ус-шевер ажылдың кайы-даа хевирин билир кижи эки тура-биле сеңээ дузалажыр, нояннар болгаш бүгү чон сээң бүгү дужаалдарыңны күүседиринге белен».

Ыдыктыг өргээге өргүл-белектерни бергени

¹ Давид хаан бүгү чонга мынча дээн: «Мээң оглум Соломон, Бурганның шилип алган кара чаңгыс кижизи, аныяк болгаш дуржулга чок-тур . Ажыл кончуг улуг, чүге дээрге бо өргээ анаа кижинии эвес, а Дээрги-Бурган-Чаяакчыныы болгай. ² Мен Бурганымның өргээзинге херектиг чүүлдерни шыдаар шаам-биле белеткеп кагдым – алдын-мөңгүннү, хүлерни, демирни болгаш ыяшты, оон аңгыда оникс дашты, каасталгага херек оюу, маны база хөй янзы-бүрү өңнүг үнелиг даштарның бүгү хевирлерин белеткеп кагдым. ³ Оон ыңай Бурганымның өргээзинге ынак болгаш, белеткеп кааным чүүлдерниң кырынга бодумнуң хууда алдын-мөңгүнүмнү ыдыктыг өргээге берип тур мен: ⁴ Офирден эккелген 3000 °талант алдынны, 7000 талант арыг мөңгүннү тудугларның ханаларын шыварынга, ⁵ шупту алдын болгаш мөңгүн эдилелдерге база кандыг-даа ус-шеверлээр ажылдар кылырынга берип тур мен. Өске кым бөгүн Дээрги-Чаяакчыга эки тура-биле өргүл-белек кылырынга беленил?»

⁶ Ынчан Израильдиң төрел бөлүк, аймактар баштыңчылары, муң болгаш чүс шериг баштыңнары, хаанның дагзып каан ажылдарының удуртукчулары эки тура-биле өргүл-белектерин кылып эгелээн. ⁷ Бурганның өргээзин тудар ажылга олар 5000 °талант база 10 000 дарик алдынны, 10 000 талант мөңгүннү, 18 000 талант хүлерни база 100 000 талант демирни берген. ⁸ Үнелиг даштары бар улус Дээрги-Чаяакчының өргээзиниң шыгжамырынче, Гирсоннуң үре-салгалы Иехиилдиң холунга хүлээдип берип турган. ⁹ Боттарының даргаларының Дээрги-Чаяакчыга эки тура-биле өргүлдер кылып турарынга чон аажок өөрүп турган. Чүге дээрге олар өргүлдү чүрээниң ханызындан кылып турган . Давид хаан база ол бүгү болуушкунга аажок өөрүп турган чүве-дир.

Давидтиң макталдыг мөргүлү

¹⁰ Давид Дээрги-Чаяакчыны бүгү чоннуң мурнунга мынчаар алгап-йөрээп турган:

«Дээрги-Чаяакчы, өгбевис Израильдиң Бурганы , Сеңээ алдар-мактал! ¹¹ Дээрги-Чаяакчы, өндүр улууң болгаш күжүң, өндүр-чаагайың, тиилелгең болгаш алдарың – Сээңии-дир. Дээрде-даа, черде-даа – бүгү чүве Сеңээ хамааржыр болгай . Чагырга – Сээңии-дир, Дээрги-Чаяакчы! Сен бүгү чүвениң кырында өндүр бедик ·Баштың сен. ¹² Байлакшыл болгаш ат-алдар Сенден бодараар , Сен бүгү чүвени чагырып турар сен. Сээң холуңда – күш болгаш эрге-чагырга , Сээң холуң бүгү улусту көдүрер болгаш быжыглаар.

¹³ А ам, бистиң Бурганывыс, Сеңээ четтиргенивис илередип, Сээң алдарлыг адыңны алгап-мактап тур бис. ¹⁴ Шак бо өргүл-белекти кылыр хире мен база мээң чонум чүү бис? Бо бүгү Сээң ачыңда болуп турар-дыр. Бис Сээң холуңдан алган чүвевисти Сеңээ эгидип турарывыс ол-дур. ¹⁵ Сээң мурнуңда бис, шупту өгбелеривис ышкаш, чүгле түр када маңаа турумчуп алган көшкүн улус-тур бис . Бистиң чер кырында хүннеривис хөлеге-биле дөмей-дир – өлүмден дезип-ойлаар идегеливис чок. ¹⁶ Дээрги-Чаяакчы, бистиң Бурганывыс, Сээң ыдыктыг адыңга тураскааткан өргээни тударынга белеткеп каанывыс бо бүгү байлакшыл Сээң холуңдан келген болгаш, долузу-биле Сеңээ хамааржыр .

¹⁷ Мен билип тур мен, мээң Бурганым, Сен улустуң чүрээн хынап, оларның шынчы сеткилин билип алыксап турар болгай сен . Мен бо бүгүнү арыг сеткилимден берген мен. Ам Сээң мында турар чонуң эки тура-биле өргүл-белек берип турарын өөрүшкү-биле көрүп тур мен. ¹⁸ Дээрги-Чаяакчы, өгбелеривис Авраам, Исаак болгаш Израильдиң Бурганы, Бодуңнуң чонуңнуң сеткил-хөңнүн быжыгла, оларны кезээ шагда Сеңээ ындыг шынчы бодалдыг болдуруп көр.

¹⁹ А Мээң оглум Соломонну Сээң айтыышкыннарыңны, дужаалдарыңны, дүрүмнериңни хажык чокка чүрээниң ханызындан күүседир, мээң белеткеп кааным чүүлдер-биле ыдыктыг өргээни тудар болдуруп көр».

²⁰ Ооң соонда Давид бүгү чонга мынча дээн: «Бурганыңар Дээрги-Чаяакчыны алгап-йөрээңер!» Ынчан шупту боттарының өгбелериниң Бурганы Дээрги-Чаяакчыны алгап-йөрээген. Олар Дээрги-Чаяакчыга болгаш хаанга черге чедир мөгейип кээп дүшкеннер. ²¹ Даартазында чон Дээрги-Чаяакчыга бүрүн өрттедир өргүл кылдыр муң бугажыкты, муң хойну, муң хураганны база арага өргүлдерин бүгү Израильдиң адындан кылган. ²² Ол хүн олар Дээрги-Чаяакчының мурнунга улуг өөрүшкү-биле дойлаан.

Чаа хаан Соломон

Ооң соонда чон Давидтиң оглу Соломонну Дээрги-Чаяакчының шилип алганы хаан кылдыр олива үзү-биле база катап чаап алган . А Садокту Бурганның бараалгакчызы кылдыр база чаап алган . ²³ Соломон Дээрги-Чаяакчының берген дүжүлгезинге ачазы Давидтиң орнунга олурупкан . Ол чедиишкинниг болуп турган, бүгү Израиль аңаа чагырты берген. ²⁴ Шупту нояннар, күчүлүг дайынчылар болгаш Давид хаанның оолдары Соломон хаанны деткиирин даңгыраглааннар. ²⁵ Дээрги-Чаяакчы Соломонну бүгү Израильдиң мурнунга аажок өндүр улуг кылып , аңаа ооң мурнундагы Израильдиң хааннарының көрүп көрбээни өндүр бедик чагырганы хайырлаан чүве-дир .

²⁶ Иессейниң оглу Давид бүгү Израильдиң хааны турган. ²⁷ Ол Израильди дөртен чыл иштинде: чеди чылды Хевронга, үжен үш чылды Иерусалимге чагырган . ²⁸ Ол бай-шыдалдыг болгаш алдар-аттыг амыдыралды мага хандыр чурттап эрткеш, кыраан назынында өлүп калган. Оглу Соломон ооң орнунга хаан болган. ²⁹ Давид хаанның ажыл-чорудулгазының дугайында эгезинден төнчүзүнге чедир Бурганның медээчилери – өттүр көөр Самуил , Нафан болгаш Гад бижээн. ³⁰ Ол номнарда хаанның күчү-күштүүн, бүгү чагыргазының үезинде Давид-биле, Израиль болгаш өске-даа чурттар-биле чүү болуп турганын бижээн.