Bafilipa

KHAOLO 1. ¹ PAULO le Timoteo, batlañka ba ga Yesu Keresete, go baitsephi botle ba ba mo go Keresete Yesu, le balebalebi, le badiakoni, ba ba kua Filipi: ² Tsegohaco e ne le lona, le kagisho, e e coañ Morimoñ Rra ecu, le Yesu Keresete Morena. ³ Ki itumelela Morimo oa me ka gale mo khopoloñ cotle tse ki lo gopolañ ka cona, ⁴ Ka gale mo merapeloñ eotle ea me ka ntla ea lona lotle, ki riha thapelo ka boitumelo, ⁵ Ka kabalano ea lona mo evangelioñ, mo tsatsiñ ya ntla le mo nakoñ enu; ⁶ Ka go ikanya seo se, ha eo o simolotseñ tiho e e molemo mo go lona, a tla e ueletsa mo motleñ oa ga Yesu Keresete; ⁷ Yaka go siame go ’na go ikutlua ga lona lotle yalo, gone ki na le lona mo peruñ ea me, mo kholegoñ tsa me, le mo ikarabeloñ, le mo tlomamishoñ ea evangelio, ka lo le baaberoi ba tsegohaco ea me. ⁸ Gone Morimo ki moshupi oa me oa tlologelelo e kholu e ki lo tlologelecoeñ lotle ka eona, ka boutluelo‐botluku yo bogolu yoa ga Yesu Keresete. ⁹ Mi ki rapela yalo, gore lorato loa lona lo bo lo ne logolu bogolu mo kicoñ, le mo ikutluoñ eotle; ¹⁰ Gore lo leke lilo tse ri sa cuaneñ; gore lo ne lo sa pekoa, le go bisa go khopisa, go ea motleñ oa ga Keresete; ¹¹ Lo tlarioa ka mauñuo a tsiamo, a a leñ khalalelo le pako go Morimo, ka Yesu Keresete. ¹² Mi, bakauleñue, ki rata gore lo itse tse ri ’nkhatlaneritseñ, li rihahaletse go coeleletsa pele ga evangelio bogolu; ¹³ Ga tsamaea likholego tsa me mo go Keresete tsa bonatsega mo tluñ eotle ea khosi, le mo maheloñ aotle; ¹⁴ Mi bogolu yoa bakauleñue ba ba mo Moreneñ ba ikantse bogolu ka kholego tsa me, ba na bonatla bogolu go bua lehuku esiñ ka poiho. ¹⁵ Rure bañue ba rera Keresete ka bopelutsetla le khañ; mi bañue le bona ka go rata ga molemo; ¹⁶ Bañue ba rera Keresete ka khañ, esiñ ka bosapekoa, ba itloma ba okeletsa kholego tsa me ka lipogisho; ¹⁷ Mi ba bañue ka lorato, ka ba itse ha ki emisericoe ikarabelo ea evangelio. ¹⁸ Mi e be e le eñ? e be e le go re, Keresete a reroa ka mekhua eotle, leha e le ka seipato, leha e le ka boamarure; mi ki itumelela mouo; E, ki tla na ki itumela. ¹⁹ Gone kia itse, ha tse li tla na puluko ea me ka ntla ea thapelo ea lona, le kokeleco ea Moea oa ga Yesu Keresete, ²⁰ Kaha tlologeleloñ e e thata le culuhelo ea me, ha ki si kitla ki tlabisioa litloñ mo go sepe, mi ka bopelukhale yotle yaka gale, gontse yalo le yana Keresete o tla gorisioa mo meleñ oa me, leha e le ka botselo, leha e le ka loshu. ²¹ Gone kaga me, go tsela ki Keresete, le go shua ki phenyo. ²² Mi ha ki tsela mo nameñ, mo ki louñuo loa tiho ea me; mi ga ki itse se ki tla se itseñkelañ. ²³ Gone ki akabarioa ki li tu tse, ka ki eletsa go huruga le go na le Keresete, gone mo ki molemo o mogolu bogolu; ²⁴ Leha gontse yalo go sala mo nameñ, ki molemo go lona bogolu. ²⁵ Mi ka ki na le boikanyo yo, kia itse ha ki tla sala, le go aga le lona lotle, ka ntla ea bocoelelo pele yoa lona, le biotumelo yoa tumelo; ²⁶ Gore pelahalo ea lona kaga me e ne kholu bogolu mo go Yesu Keresete, ka go ba go ea ga me go lona. ²⁷ Mi bogolu, tsamaeañ yaka go cuanela evangelio ea ga Keresete, gore ere ha ’nka ea go lo bona, khotsa ha ki sa ee, ki utlue kaha lontseñ ka gona, gore lo eme mo moeeñ o moñue hela ka tlaloganyo ñue hela, go ganelela mogo tumelo ea evangelio; ²⁸ Le gona gore lo si boihisioe mo go sepe ki baganetsi ba lona; mo e leñ cupo rure ea tsenyego go bona, mi go lona ea puluko, e e leñ ea Morimo. ²⁹ Gone lo necoe tsegohaco ka ntla ea ga Keresete, esiñ go rumela mo go ena gosi, mi le gona go mogiserioa; ³⁰ Ka lo na le khanelo e, lo e bonyeñ mo go ’na, e yana lo e utluañ mo go ’na.

KHAOLO 2. ¹ KI gona ha go na le khomoco ñue mo go Keresete, ha go na le khomoco ñue ea lorato, ha go na le kabalano ñue ea Moea, ha go na le boutluelo‐botluku, le maicuarelo mañue, ² Yalo tlatsañ boitumelo yoa me, gore lo ne le maitlomo a a cuanañ, le go na le lorato lo loñue hela, le ba moea o moñue hela, mo kutluoñ e ñue hela. ³ Si riheñ sepe ka khañ, khotsa ka tlotlo ea boithamako; a e ne ka bonolo yoa pelu, a moñue a kaee eo moñue molemo bogolu go ikaea. ⁴ A moñue le moñue a si lebe lilo tsa gague, mi moñue le moñue a a lebe le cona lilo tsa ba bañue. ⁵ Mi boitlomo yo a bo ne mo go lona, yo le yona bo le bo le mo go Keresete Yesu; ⁶ Eo erileñ ka a le mo cuanoñ ea Morimo, a kaea ha e si bogoru go na go cuana le Morimo; ⁷ Mi o la a itiha esiñ sepe, mi a itsela cuano ea motlañka, mi a rihega yaka cuano ea bathu: ⁸ Mi a bonoa mo popegoñ ea mothu. A inolahatsa, mi a na a utlua go ea loshuñ, E, mo loshuñ loa mokhoro. ⁹ Ki gona Morimo le ona o mo gorisitseñ segolu bogolu, mi oa mo naea leina, ye le legolu bogolu mo maineñ aotle; ¹⁰ Gore mañole aotle a khubamele leina ya ga Yesu, ga lilo tse ri mo legorimoñ, le tse ri mo lehatsiñ, le tse ri kua tlatse ga lehatse; ¹¹ Le gore liteme cotle li ipobole ha Yesu Keresete e le Morena, khalaleloñ ea Morimo Rra. ¹² Ki gona yalo, baratoi ba me, yaka lo loa utlua ka gale, esiñ kua ki gona gosi, mi bogolu yana mo bosieoñ yoa me, itiheleñ puluko ea lona ka poiho le thoromo. ¹³ Gone Morimo ko ona o o rihañ mo go lona go rata le go riha, kaha nateheloñ ea ona ka gona. ¹⁴ Rihañ lilo cotle esiñ ka liñoñorego, le likhañ; ¹⁵ Gore lo si ne le molatu, lo ne tsiamo, bana ba Morimo ba ba sa buelegeñ, mo gareñ ga losika loa cokamo, le loa khañ, lo lo phatsimañ mo go lona yaka maseri mo lehatsiñ; ¹⁶ Ka go bela lehuku ya botselo pele; gore ki itumele mo motleñ oa ga Keresete, ha ki le ki sa sianele lehela, khotsa ki riheletse lehela. ¹⁷ E, ekare ha ki rihoa cupelo ea noo, ka ntla ea cupelo le tihelo ea tumelo ea lona, kia itumela, mi ki itumela le lona lotle. ¹⁸ Le lona lo itumele, le go itumela le ’na, ka mouo. ¹⁹ Mi kia shuluhela mo go Yesu Morena, go akoha ki lo romela Timoteo, gore le ’na ki ne le khomoco e e molemo, mogañ ki tlaloganyañ kaha lontseñ ka gona. ²⁰ Gone ga ki na ope eo o cuanañ nae, eo o tla tlamelañ popego ea lona ka tsiamo. ²¹ Gone botle ba batla tsa bona, esiñ lilo tsa ga Yesu Keresete. ²² Mi loa itse kaha o la a lekoa ka gona, ha a la a ’ntihela mo evangelioñ, yaka ñuana le rague. ²³ Ki gona ki shuluhelañ go mo roma ka bonako, ki sina go bona kaha go tla nañ le ’na ka gona. ²⁴ Mi kia ikanya mo Moreneñ ha le ’na ki tla akoha ki tla go lona. ²⁵ Mi ki kaeile ha e le cuanelo go lo romela Epaferodito, mokauleñue oa me, le moriheri le ’na, le motlabani le ’na, moroñoi oa lona, le moriheribotloko yoa me. ²⁶ Gone o lo tlologelecoe segolu lotle, mi o la a tletse bohutsana, gone lo loa utlua ha a la a bobola. ²⁷ Mi rure o la a bobola a riha gauhe le loshu; mi Morimo o mo utluetse botluku; mi esiñ ena esi, mi e le le ’na, gore ki si ne bohutsana mo bohutsaneñ. ²⁸ Ki gona ki akohileñ ka mo roma ka bonako, gore ere lo ba lo mona, lo itumele, le gore bohutsana yoa me bo ñotlahale. ²⁹ Ki gona mo culeñ mo Moreneñ ka boitumelo yotle, mi kaeañ eo ontseñ yalo segolu; ³⁰ Gone o la a le gauhe le go shua ka ntla ea tiho ea ga Keresete, botselo yoa gague a sa bo re sepe, gore a rihele thetelelo ea tihelo ea lona go ’na.

KHAOLO 3. ¹ YA bohelo, bakauleñue ba me, Itumeleñ mo Moreneñ. Go lo kualela lilo tse ri cuanañ yaka cona ga si kutluisho‐botluku go ’na, mi ki tlomamo go lona. ² Itiseñ mo linceñ, itiseñ mo barihiñlibe, itiseñ mo basegakiñ. ³ Gone boguera ki rona ba re rihelañ Morimo mo moeeñ, le go belahala mo go Keresete Yesu, mi ga re na boikanyo mo nameñ. ⁴ Leha le ’na ’nko ki ikanya mo nameñ. Mi ha monona moñue o sele a itloma go ikanya mo nameñ, ’na bogolu; ⁵ Ka isioa boguera ka tsatsi ya bo‐eit, ki oa losika loa Yeresela, oa thito ea Benyamine, ki Mohebera oa Bahebera; ki Mofarisai kaha molaoñ; ⁶ Kaga tloahalo, ki le mogisi oa ekelesia; mi kaga tsiamo e e mo molaoñ, ki sina molatu. ⁷ Mi lilo tse ri ri molemo o mogolu go ’na, ki li kaea li le tatlego ka ntla ea ga Keresete. ⁸ E, amarure, ki kaea lilo cotle tatlego ka ntla ea bonatla yoa kico ea ga Keresete Yesu Morena oa me, eo ki latlegecoeñ ki lilo cotle tse, ka ntla ea gague, mi li ki kaea yaka mabebe, gore ki thope Keresete, ⁹ Le go bonoa mo go ena, esiñ go na le tsiamo ea me, e e leñ ea molao, mi e e leñ ka ntla ea tumelo ea ga Keresete, eboñ tsiamo e e leñ ea Morimo, ka ntla ea tumelo; ¹⁰ Gore ki mo itse, le thata ea cogo ea gague, le kabalano ea pogisho tsa gague, go rihoa go cuana yaka loshu loa gague; ¹¹ Gore ha go ka na yalo, ki hitlele go ba go coga ga bashui. ¹² Esiñ go re ki setse ki hitlile, khotsa ki rihiloe botlalo; mi kia latela, gore ki cuare se ki cueroeñ ki Keresete Yesu ka ntla ea shona. ¹³ Bakauleñue, ga ki kaee ha ki se cuere; mi señue se kia se riha, ki lebala lilo tse ri kua morago, ki gagamalela liloñ tse ri kua pele, ¹⁴ Ki sianela kua sekaeloñ, go bona tuelo ea pico ea Morimo mo go Keresete Yesu. ¹⁵ Mi ki gona, botle ba rona ba re rihiloeñ botlalo, a re utlueñ kutluo e; mi ha lo na le kutluo e sele kaga señue, le shona Morimo o tla se lo bontsa; ¹⁶ Leha gontse yalo, kua re hitileñ gona, a re tsamaeeñ yaka sekaelo se ka shosi, mi a re ikutlueñ kutluo e ka eosi. ¹⁷ Bakauleñue, lo ne balateri mogo ba me, mi lo ele tloko ba ba tsamaeañ yalo, yaka lo na le sekao sa rona. ¹⁸ Gone bantsi ba tsamaea ka go sele, ba ki lo buleletseñ ga bona ka gantsi, le yana kia lo bulelela ka selelo, ha e le bona baba ba mokhoro oa ga Keresete; ¹⁹ Ba, khutlo sa bona e leñ tsenyego, ba, Morimo oa bona e leñ mpa, ba, khalalelo ea bona e leñ litloñ tsa bona, ba ba gopolañ lilo tsa lehatse. ²⁰ Gone tsamao ea rona, e mo legorimoñ; kua re lebeletseñ muluki, Yesu Keresete morena oa rona; ²¹ Eo o tla hetolañ mebele e e mashue ea rona, gore e ne go cuana yaka mele oa khalalelo oa gague, kaha tihoñ e o ka itaolelañ lilo cotle ka eona.

KHAOLO 4. ¹ KI gona, bakauleñue ba me, ba ba rategañ, ba ba tlologeleloañ segolu, lo boitumelo yoa me, le seroalo sa bogosi sa me, baratoi, emañ yalo ka tlomamo mo Moreneñ. ² Kia rapela Euodia, kia rapela Suntuke, gore ba ne pelu ñue hela mo Moreneñ. ³ Le uena molekane oa me oa tiho, thusa basari ba ba ’nthusitseñ mo evangelioñ, le ena Kelemento, le ba bañue ba ba rihelañ le ’na, ba maina a bona a leñ mo bukeñ ea botselo. ⁴ Itumeleñ mo Moreneñ ka gale; mi ki bile kia lo raea, Itumeleñ. ⁵ A bopelunomi yoa lona bo itsisioe mo bathuñ botle. Morena o gauhe. ⁶ Lo si ñoñoregele sepe; mi a likeleco tsa lona mo liloñ cotle li ne ka thapelo le thapelo ea bocoelelo pele, li itsisioe Morimoñ ka boitumelelo. ⁷ Mi kagisho ea Morimo e e hetañ tlaloganyo cotle, e tla buluka pelu tsa lona le maitlomo a lona mo go Keresete Yesu. ⁸ Ya bohelo, bakauleñue, cotle tsa boamarure, le cotle tse ri tlotlegañ, le cotle tse ri siameñ, le cotle tsa boitsepho, le cotle tse liñtle, le cotle tse ri nañ le mahuku a molemo; ha go le bonatla boñue, mi ha go le pako ñue, gopolañ lilo tse. ⁹ Lilo tse lo ri ithutileñ, loa li cula, loa ri utlua, lo loa li bona mo go ’na, li riheñ; mi Morimo oa kagisho o tla ’na le lona. ¹⁰ Mi ki le ka itumela segolu mo Moreneñ, ka yana lo bile lo rurisicoe ga ’nkhopola ga bohelo mo lo loa go gopola, mi lo le lo sina lobaka. ¹¹ Mi ga ki bue se kaga botloko; gone ki ithutile go itumelana le popego e ’nka nañ mo go eona. ¹² Mi kia itse rure go nolaharioa, mi kia itse go na le botlalo; ki rutiloe mo ntleñ cotle le mo liloñ cotle, go khora, le go utlua tlala, go na le botlalo, le go boga botloko. ¹³ ’Nka riha lilo cotle ka Keresete eo o ’nthatahatsañ. ¹⁴ Leha gontse yalo, lo rihile sentle, ka lo loa abelanoa le pogisho tsa me. ¹⁵ Le lona Bafilipi, itseñ, ha erile mo tsimologoñ ea evangelio, ka ki huruga mo Makedonia, ga go ekelesia epe e e ’nkabetseñ kaga go nela le go cula, ha e si lona losi. ¹⁶ Le gona, kua Tesalonia lo loa romela botloko yoa me, gañue le gape. ¹⁷ Esiñ go re ki eletsa neo, mi ki batla louñuo lo lo tla lo totelañ. ¹⁸ Mi lilo cotle ki li cutse; mi ki na le bogolu, mi ki tlaricoe, ka ki bonye lilo mo go Epaferodito, tse lo li romileñ, tse ri cuanañ yaka moñkho o o nkhañ monate, cupelo e e natehañ e e khatlañ Morimo. ¹⁹ Mi Morimo oa me o tla tlatsa botloko yoa lona yotle, kaha mahumoñ a khalalelo a ona ka Keresete Yesu. ²⁰ Mi yana, a khalalelo e ne Morimoñ le Rra oa rona ka bosina bokhutlo yotle. Amena. ²¹ Rumerisañ baitsephi botle mo go Keresete Yesu. Bakauleñue ba ba nañ le ’na ba lo rumerisa. ²² Baitsephi botle ba lo rumerisa, bogolu bona ba ntlu ea ga Kaisara. ²³ Tsegohaco ea ga Yesu Keresete Morena, e ne le lona lotle. Amena.