Mataio

KHAOLO 1. ¹ BUKA ea losika loa ga Yesu Keresete, moroa Davide, moroa Aberahame. ² Aberahame a tsala Yitsake, mi Yitsake a tsala Yakobe; mi Yakobe a tsala Yude le bomonnaue: ³ Mi Yude a bona Paretse le Sare ka Tamare; mi Paretse a tsala Hetserone: mi Hetserone a tsala Rame; ⁴ Mi Rame a tsala Aminadabe; mi Aminadabe a tsala Nashone, mi Nashone a tsala Saleme; ⁵ Mi Saleme a bona Boase ka Rahabe; mi Boase a bona Obede ka Rute; mi Obede a tsala Yeshae; ⁶ Mi Yeshae a tsala Davide khosi; mi Davide khosi a bona Solomone ka ena eo e le le mosari oa ga Urie; ⁷ Mi Solomone a tsala Rehoboame; mi Rehoboame a tsala Abie; mi Abie a tsala Ase; ⁸ Mi Ase a tsala Yehosefate; mi Yehosefate a tsala Yorame; mi Yorame a tsala Usie; ⁹ Mi Usie a tsala Yotame; mi Yotame a tsala Ahase; mi Ahase a tsala Hisikie; ¹⁰ Mi Hisikie a tsala Manase; mi Manase a tsala Amone; mi Amone a tsala Yosie; ¹¹ Mi Yosie a tsala Yekonie le bomonnaue, mo motleñ oa khurugo e e eañ Babelona. ¹² Mi Yekonie a tsala Shealatiele morago ga khurugo e e ileñ Babelona; mi Shealatiele a tsala Serubabele; ¹³ Mi Serubabele a tsala Abiude; mi Abiude a tsala Eliakime; mi Eliakime a tsala Asore. ¹⁴ Mi Asore a tsala Sadoke; mi Sadoke a tsala Akime; mi Akime a tsala Eliude; ¹⁵ Mi Eliude a tsala Eleasare; mi Eleasare a tsala Matane; mi Matane a tsala Yakobe. ¹⁶ Mi Yakobe a tsala Yosefe, monona oa ga Marie, eo Yesu o tsecoeñ ki ena, eo o birioañ Keresete. ¹⁷ Ki gona litsika cotle li simolola go Aberahame le kua go Davide, litsika li forten; mi go Davide kua khurugoñ e e eañ Babelona, litsika li forten; mi go khurugoñ e e eañ Babelona le go Keresete, litsika li forten. ¹⁸ ¶ Mi yana botsalo yoa ga Yesu Keresete bo le yoa na yalo. Erile mague Marie o la a beelecoe Yosefe, pele ba e si ba age mogo, a bonoa a ithuarisicoe ki Moea oa Boitsepho. ¹⁹ Mi ka Yosefe monona oa gague a le mosiami, a sa rate go mo tlabisetsa litloñ mo bathuñ, a rata go mo tlala ka go sa itsioeñ. ²⁰ Mi ka a sa gopola mouo, ga iponatsa moengele oa Morena go ena mo toroñ, a re, Yosefa, moroa Davide, u si boihe go itsela Marie, mosari oa gago, gone ithualo ea gague e le ea Moea oa Boitsepho. ²¹ Mi o tla bona mosimane, mi u tla bitsa leina ya gague YESU; gone o tla golola bathu ba gague mo libeñ tsa bona. ²² Mi cotle tse tsa rihoa, gore go rihahale yaka go builoe ga Morena ki Moperofeti, a re, ²³ Bonañ, lekharebe le tla ithuala, mi le tla belega ñoana oa mosimane, mi leina ya gague le tla birioa YIMANUELE; ki go re mo phetoleloñ, Morimo mo go rona. ²⁴ Mi erile Yosefe a coga mo thobaloñ, a riha yaka moengele oa Morena a mo laotse, mi a itsela mogatse; ²⁵ Mi a sa mo itse, ga tsamaea a belega moroaue oa ntla; mi a bitsa leina ya gague YESU.

KHAOLO 2. ¹ MI yana Yesu erile a tsaloa mo Beteleheme oa Yuda, mo malatsiñ a khosi Herode, bonañ, ga tla babotlale ba isete go Yerusaleme, ² Ba re, O ha kae, ena eo o tsecoeñ Khosi ea Bayuda? gone re bonye naleri ea gague kua iseteñ, mi re tsile go mo obamela. ³ Mi ka khosi Herode a sina utlua yalo, a huruega, le ona Yerusaleme otle o na nae. ⁴ Mi erile a sina phutha baperiseti ba bagolu le bakuari ba bathu, a ba botsa kua Keresete o tla belegeloañ gona. ⁵ Mi ba mo raea, Mo Beteleheme oa Yuda; gone go kuariloe yalo ki moperofeti, ⁶ Mi uena Beteleheme, mo hatsiñ ya Yuda, ga u motlana bogolu mo balaoriñ ba Yuda; gone go tla coa go uena Mogogi eo o tla risañ bathu ba me Bayeserela. ⁷ Eriha gona Herode o bitsañ babotlale ka go sa itseoeñ, a ba botsisa thata ga motla o naleri e bonetseñ ka ona. ⁸ Mi a ba romela kua Beteleheme, a re, Eañ le botsise thata ga ñuanyana, mi ereha lo monye, lo ’nkutluise, gore le ’na ki ee ki mo obamele. ⁹ Mi erile ba sina utlua khosi, ba ea; mi, bonañ, naleri e ba e bonyeñ kua iseteñ e le ea ea ha pele ga bona ga tsamaea ea ema ha gorimo ga helo ha ñuanyana o leñ gona. ¹⁰ Mi erile ba bona naleri, ba itumela ka boitumelo yo bogolu. ¹¹ ¶ Mi erile ba tsena mo tluñ, ba bona ñuana a na le mague Marie, ba oa ka lihatlogo tsa bona, ba mo obamela. Eriha gona ba bulañ mahumo a bona, ba mo naea likabelo, gouda, le libano, le mera. ¹² Mi ka ba tlagisioa ki Morimo mo toroñ, gore ba si boele go Herode, ba ea ka tsela e sele kua hatsiñ ya bona. ¹³ Mi ka ba sina go ea, bonañ, moengele oa Morena a iponatsa go Yosefe mo toroñ, a re, Tloga, u eme, itsela ñuana eo, le mague, mi u tsabele kua Egepetoñ, mi u ne gona ki tle ki tsamae ki gu itsise; gone Herode o tla batla ñuana go mo senya. ¹⁴ Mi ka a coga yalo, a tsaea ñuana le mague bosigo, mi a ea kua Egepetoñ; ¹⁵ Mi a na gona ga tsamaea Herode a shua, gore go rihahale se se builoeñ ki Morena ka moperofeti, a re, Moroake ki miritse mo Egepetoñ. ¹⁶ ¶ Mi erile ka Herode a bona a tsiericoe ki babotlale, a galeha bogolu, a roma bañue, a bolaea banyana botle, ba ba le ba le mo Beteleheme, le mo lithokoñ cotle tsa ona; ba ba nyaga li tu, le ba ba ba rularañ, kaha motleñ o o botsisitseñ thata babotlale ka ona. ¹⁷ Eriha gona go rihahalañ se se builoeñ ki Yeremie moperofeti, a re, ¹⁸ Koru e utluetse mo Rama, go lela, le go lelela, le bohutsana yo bogolu. Rakele a lelela bana ba gague, mi a gana go gomorioa, gone ba sieo. ¹⁹ ¶ Mi erile Herode a sina shua, bonañ, moengele oa Morena a iponatsa go Yosefe mo toroñ mo Egepetoñ, ²⁰ A re, Tloga, u eme, tsaea ñuana le mague, mi u ee kua hatsiñ ya Yeserela; gone ba ba le ba batla botselo yoa ñuana, ba shule. ²¹ Mi a nanoga, a tsaea ñuana le mague, mi a hitla mo hatsiñ ya Yeserela. ²² Mi erile a utlua ha Arekelao a laola mo Yudeñ, mo boemoñ yoa ga rague Herode, a boiha go ea gona, mi ka a gakolocoe ki Morimo mo toroñ, a menogela kua hatsiñ ya Galilea. ²³ Mi a ea a aga mo motseñ o o birioañ Nasareta; gore go rihahale se se builoeñ ki baperofeti, O tla birioa Monasarini.

KHAOLO 3. ¹ GOLE ga tla mo metleñ euo Yohane Mobapetisi, a rera mo gareñganaga ea Yuda, ² Mi a re, Tlabologañ, gone pusho ea magorimo e gauhe. ³ Gone eo ki ena eo Yesaye Moperofeti o buileñ ga gague, a re, Koru ea eo o bitsañ mo gareñganaga, Bakanyañ tsela ea ga Yehova, siamisañ tsela tsa gague. ⁴ Mi Yohane eo, a na le liaparo tsa boboea yoa kamela, le moitlamo oa letlalo mo lothekeñ loa gague, mi liyo tsa gague e le le litsie le linotse tsa naga. ⁵ Eriha gona ba Yerusaleme, le Yuda yeotle, le ba lehatse yeotle mo lithokoñ tsa Yoridane, ba eañ go ena; ⁶ Mi ba bapetisioa ki ena mo Yoridaneñ, ba ipobola libe tsa bona. ⁷ ¶ Mi erile a sina bona bontsi yoa Bafarisai le Basadukai ba tla go papetisho ea gague, a ba raea, Losika loa linoga ki lona, lo tlagisicoe e mañ go tsaba bogale yo bo tlañ? ⁸ Ki gona, uñuañ louñuo lo lo cuanetseñ tlabologo; ⁹ Mi lo si ithee, Re na le Aberahame rra ecu, gone kia lo raea, Morimo o nonohile go cosetsa Aberahame bana ka maye a. ¹⁰ Le gona yana selepe se laricoe mo mecoeñ ea litlare; ki gona litlare cotle tse ri sa uñueñ louñuo lo lo molemo lia reñoa, mi li latleloa mo moleloñ. ¹¹ Amarure, kia lo bapetiseletsa tlabologoñ ka metse; mi eo o tlañ morago ga me, o mogolu go ’na, eo ga kia cuanela go belega litlaku tsa gague; ena eo, o tla lo bapetisa ka Moea oa Boitsepho le molelo. ¹² Loselo loa gague lo mo atleñ sa gague, sebupi sa gague o tla se olosa rure, mi o tla phuthela mabele a gague mo pulukeloñ, mi moko o tla o cuba ka molelo o o sa tiñoeñ. ¹³ ¶ Eriha gona Yesu o coañ Galilea, a ea kua Yoridaneñ go bapetisioa ki Yohane. ¹⁴ Mi Yohane a mo itsa, a re, Ki cuanetse go bapetisioa ki uena, mi a u tla go ’na? ¹⁵ Mi Yesu a araba, a mo raea, Khutlela mouo yana; gone re cuanetse go rihahatsa tsiamo eotle. Eriha gona o mo lesañ go bapetisioa. ¹⁶ Mi Yesu a sina bapetisioa, ka a sa coa mo metseñ, bonañ, magorimo a muleloa; mi a bona Moea oa Morimo o hologa yaka lephui, o tla go ena; ¹⁷ Mi, bonañ, koru ea coa legorimoñ, ea bitsa, ea re, Eo ki Moroake, eo o rategañ, eo ki itumelañ go ena.

KHAOLO 4. ¹ ERIHA gona Yesu o gogeloañ ki Moea kua gareganaga go raeloa ki diabolo. ² Mi erile a sa ye ka malatsi a forte, le masigo a forte, mi yalo a utlua tlala. ³ Mi ka moraeri a tla go ena, a re, Ha e le uena Moroa Morimo, raea maye a, a hetoge señkhue. ⁴ Mi a araba, a re, Gole go kuariloe, Bathu ba si kitla ba tsela ka señkhue shosi, mi ba tla tsela ka lehuku leñue le leñue ye le coañ mo molomoñ oa Morimo. ⁵ Eriha gona diabolo o mo isañ kua motseñ oa boitsepho, a maea ha tloeñ sa tempela, ⁶ Mi a mo raea, A ere ha u le Moroa Morimo, itigela kua tlatse, gone go kuariloe, O tla gu laolela baengele ba gague, mi ba tla gu legelela ka liatla, gore e si be khotsa nao loa gago loa khocoa ki leincue. ⁷ Yesu a mo raea, Go bile go kuariloe, Ga u kitla u raela Yehova Morimo oa gago. ⁸ Gape, diabolo a mo isa kua thabeñ e gorimo bogolu, a montsa magosi aotle a lehatse, le khalalelo ea aona; ⁹ A mo raea, Aotle a ki tla a gu naea, ha u oela, u ’nkhubamela. ¹⁰ Eriha gona Yesu o mo raeañ, ’Ntlogela, Satana, gone go kuariloe, U tla obamela Yehova Morimo oa gago, mi ona osi u tla o rihela. ¹¹ Mi yalo diabolo a mo tlogela, mi, bonañ, ga tla baengele, ba mo rihela. ¹² ¶ Mi yana Yesu o rile a utlua Yohane a necoe kholegoñ, a ba a boela Galilea. ¹³ Mi a tlogela Nasareta, a hitla a aga mo Kaperename, ha leoatleñ, mo lithokoñ tsa Sabulona, le Nafetala. ¹⁴ Gore go rihahale se se builoeñ ki Yesaye Moperofeti, a re, ¹⁵ Lehatse ya Sabulona le lehatse ya Nafetala, ha tseleñ ea leoatla, moseya oa Yoridane, Galilea oa merahe; ¹⁶ Bathu ba ba le ba lula mo hihiñ ba bonye seri ye legolu, le bona ba ba lulañ mo hatsiñ le mo murutiñ oa loshu, leseri le ba tlabetse. ¹⁷ ¶ Ga motla o, Yesu a simolola go rera, le go re, Tlabologañ, gone pusho ea magorimo e gauhe. ¹⁸ ¶ Mi ka Yesu a tsamaea ha leoatleñ ea Galilea, a bona bakauleñue ba tu, eboñ Simone, eo o birioañ Petero, le Anderea monnaue, ba rigela lotloa mo leoatleñ, gone e le le bacuari ba litlapi. ¹⁹ Mi a ba raea, ’Ntsalañ morago, mi ki tla lo riha bacuari ba bathu. ²⁰ Mi ba tlogela litloa ka bonako, mi ba mo sala morago. ²¹ Mi ka a coela pele, a bona bakauleñue ba sele ba tu, ki Yakobo, moroa Sebedaio, le Yohane monnaue, mo shepeñ le rabo Sebedaio, ba tlamaganya litloa tsa bona; mi a ba bitsa. ²² Mi ba tlogela shepa le rabo ka bonako, ba mo sala morago. ²³ ¶ Mi Yesu a ralala Galilea yeotle, a ruta mo masenagogeñ a bona, a rera evañgelio ea bogosi, mi a horisa lipobolo cotle, le makooa, mo bathuñ. ²⁴ Mi pako ea gague ea halalela mo Siria yeotle; mi ba lere go ena botle ba ba bobolañ, ba ba cueroeñ ki lipobolo, le libotluku li lintsi, le ba ba cueroeñ ki bademona, le ba selinia, le ba ba teteselañ, mi a ba horisa. ²⁵ Mi bontsintsi yoa mo sala morago, bo coa mo Galilea, le Dekapoli, le Yerusaleme, le Yuda, le moseya oa Yoridane.

KHAOLO 5. ¹ MI ka Yesu a bona bontsintsi yoa bathu, a tlatlogela mo thabeñ, mi o rile a sina lula, barutoi ba gague ba tla go ena; ² Mi a tumolola molomo oa gague, a ba ruta, a re, ³ Go tsegaharicoe ba ba humanegileñ mo moeñ; gone pusho ea magorimo e le ea bona. ⁴ Go tsegaharicoe ba ba lelelañ; gone ba tla gomorioa. ⁵ Go tsegaharicoe ba bopelunomi; gone ba tla bona boshua yoa lehatse. ⁶ Go tsegaharicoe ba ba utluelañ tsiamo tlala, le ba ba nyoreloañ tsiamo; gone ba tla khorisioa. ⁷ Go tsegaharicoe ba ba pelu li tlomogi; gone ba tla bona boicuarelo. ⁸ Go tsegaharicoe ba ba pelu li boitsepho; gone ba tla bona Morimo. ⁹ Go tsegaharicoe ba ba agisañ; gone ba tla birioa bana ba Morimo. ¹⁰ Go tsegaharicoe ba ba bogisioañ ka ntla ea tsiamo; gone bogosi yoa magorimo e le yoa bona. ¹¹ Lo tsegaharicoe ha bathu ba lo khala, ba lo bogisa, ba bua boshula yotle kaga lona, ka kako, ka ntla ea me. ¹² Itumeleñ, mi lo itumele bogolu; gone tuelo ea lona e kholu mo magorimoñ; gone ba le ba bogisa yalo Baperofeti ba ba le ba le pele ga lona. ¹³ ¶ Ki lona lecoai ya lehatse; mi ha lecoai le sa utluale, le tla lokoa kañ? Ga le na sepe ha e si go latleloa kua ntle, le go gatioa ki bathu. ¹⁴ Ki lona leseri ya lehatse. Motse o o ha gorimo ga thaba, ga o kake oa shuyoa. ¹⁵ Le gona, bathu ga ba cube lobone, ba lo baea tlatse ga selekanyo sa mabele; mi ba lo tloma mo tlomoñ sa lobone, gore lo bonese botle ba ba mo tluñ. ¹⁶ A leseri ya lona le phatsime yalo ha pele ga bathu, gore ba bone tiho tsa lona tse ri molemo, le go galaletsa Rra enu eo o mo magorimoñ. ¹⁷ ¶ Lo si itlome ki tsile go boholola molao leha e le baperofeti. Ga kia tla go o boholola, mi ki tsile go o rihahatsa. ¹⁸ Gone, amarure, kia lo raea, Iota ñue, khotsa titela ñue ea Molao, e si kitla e heta ka gope, go tlo go tsamae o rihahale otle, legorimo le lehatse le tsamae le hete pele. ¹⁹ Ki gona, leha e le mañmañ eo o tla tlolañ moñue o motlana oa melao e, leha e le go ruta bathu go riha yalo, o tla birioa motlana mogolu mo pushoñ ea magorimo; mi leha e le mañmañ eo o e rihañ le go e ruta, eo, o tla birioa mogolu mo pushoñ ea magorimo. ²⁰ Gone kia lo raea, Ha tsiamo ea lona e sa site tsiamo ea Bakuari le Bafarisai, ga lo kitla lo tsena mo pushoñ ea magorimo ka gope. ²¹ ¶ Lo utluile yaka go bulelecoe ba bogolugolu, Ga u kitla u bolaea; mi leha e le mañmañ eo o bolaeañ o tla berioa mo tsiamishoñ: ²² Mi kia lo raea, Leha e le mañmañ eo o galehañ hela le mokauleñue oa gague, e si ka tsiamo, o tla berioa ki tsiamisho; mi leha e le mañmañ eo o raeañ mokauleñue oa gague, Seo hela, o tla berioa ki tseko e kholu: mi leha e le mañmañ eo o mo raeañ, Lesilo ki uena, o tla berioa ka molelo oa molete. ²³ Ki gona ha u lere kabelo ea gago kua aletareñ, mi u gakologeloa gona mokauleñue oa gago a na le señue nau; ²⁴ Tlogela kabelo ea gago gona ha pele ga aletara, mi u ee, u ruane le mokauleñue oa gago pele, mi eriha gona tla, u shupe kabelo ea gago. ²⁵ U ne moñue hela le moganetsi oa gago, ka bonako, ka u sa na le ena mo tseleñ, gore e si re khotsa moganetsi a gu nela moatlori, mi moatlori a gu nela motlanka, mi u latleloe mo tluñ ea kholegelo. ²⁶ Amarure kia gu raea, Ga u kitla u tlola u coa gona, u tle u tsamae u lehe serekonyana sa bohelo pele. ²⁷ ¶ Lo utluile yaka go bulelecoe ba bogolugolu, Ga u kitla u gokahala: ²⁸ Mi kia lo raea, Leha e le mañmañ eo o lebañ mosari go khatloa ki ena, o rihile khokahalo le ena mo peluñ ea gague. ²⁹ Ki gona ha leitlo ya gago ye le siameñ le gu khopa, u le gonye, mi u e latle; gone e le molemo go uena gore tokololo ñue ea gago e hele, gore mele otle oa gago o si rigeloe mo moleteñ oa molelo. ³⁰ Mi ha atla sa gago se se siameñ se gu khopa, u se khaole, mi u se latle, gone e le molemo go uena, gore tokololo ñue ea gago e hele, gore mele otle oa gago o si rigeloe mo moleteñ oa molelo. ³¹ Gole go builoe, Leha e le mañmañ eo o tla tlalañ mosari oa gague, a a mo nee kualo loa khaogano. ³² Mi kia lo raea, Leha e le mañmañ eo o tla tlalañ mosari oa gague ha e si ka ntla ea khokahalo, oa mo akaharisa: mi eo o nyalañ eo o tlariloeñ, oa gokahala. ³³ ¶ Gape, lo utluile yaka go bulelecoe ba bogolugolu, Ga u kitla u tlola ikano, mi u tla bulukela Morena maikano a gago. ³⁴ Mi kia lo raea, Lo si ikane ka gope; esiñ ka legorimo, gone ki yeona serulo sa bogosi sa Morimo; ³⁵ Le esiñ ka lehatse, gone e le serulo sa linao tsa ona; le esiñ ka Yerusalema ka e le ona motse oa khosi e kholu; ³⁶ Le gona, ga u kitla u ikana ka tlogo ea gago, gone u sa kake ua riha moriri moñue go na moshueu khotsa moncu. ³⁷ Mi a E, ea gago, e ne E; mi a Nya, ea gago, e ne Nya; gone cotle tse ri bogolu go tse, e le tsa boshula. ³⁸ ¶ Lo utluile yaka gole go builoe, Leitlo le coeloe ki leitlo; leino le coeloe ki leino. ³⁹ Mi kia lo raea, Lo si ganele le boshula: mi leha e le mañmañ eo o tla gu hapholañ mo lesameñ ye le siameñ; le yeona ya molema, u le bosetse go ena. ⁴⁰ Mi leha e le mañmañ eo o tla ratañ go gu isa kua tsekoñ, go gu tseela koyana ea gago, mo leseletse le eona kobo ea gago. ⁴¹ Mi leha e le mañmañ eo o tla gu kholañ go tsamaea le ena maele a le moñue hela, ea le ena a tu. ⁴² Naea ena eo o gu lopañ; mi u si shukuloge go ena, eo o ratañ go arima go uena. ⁴³ ¶ Lo utluile yaka gole go builoe. U tla rata moñ ka uena, mi u ile maba oa gago. ⁴⁴ Mi kia lo raea, Ratañ baba ba lona; tsegohatsañ ba ba lo rogañ; ba riheleñ molemo ba ba lo ilañ; ba rapeleleñ ba ba lo cuenyañ, ba lo bogisa. ⁴⁵ Gore lo ne bana ba Rra enu eo o mo magorimoñ; gone o tlabisetsa ba boshula le ba molemo tsatsi ya gague; mi oa roma pula go basiami, le basiamolori. ⁴⁶ Gone ha lo rata ba ba lo ratañ, lo lebelela tuelo ehe? Baphuthi ba lekhetho, le bona, a ga ba rihe yalo? ⁴⁷ Mi ha lo rumerisa bakauleñue ba lona bosi, lo rihañ bogolu ga ba bañue? bahaitene le bona, a ga ba rihe yalo? ⁴⁸ Ki gona, nañ botlalo, yaka Rra enu eo o mo magorimoñ a le botlalo.

KHAOLO 6. ¹ LO itise gore lo si nele likaco tsa lona ha pele ga bathu, go bonoa ki bona; gone ha lo riha yalo, ga lo na tuelo mo go Rra enu eo o mo magorimoñ. ² Ki gona ha u acua bahumanegi, u si guasise terompeta ha pele ga gago, yaka baitimokanyi ba riha mo masenagogeñ, le mo mebileñ, gore ba ne le tlotlo mo bathuñ. Amarure, kia lo raea, Ba bonye tuelo ea bona. ³ Mi ere ha u acua bahumanegi, u si itsise atla sa molema sa gago se atla sa gago se se siameñ se se rihañ; ⁴ Gore likaco tsa gago li si itsioe; mi Rago eo o bonañ mo go sa itsioeñ, o tla gu ruela mo ponatsegoñ. ⁵ ¶ Mi ere ha u rapela, u si ne yaka baitimokanyi; gone ba rata go rapela, ba eme mo masenagogeñ, le mo khokhocoñ tsa mebila, gore ba bonoe ki bathu. Amarure, kia lo raea, Ba bonye tuelo ea bona. ⁶ Mi uena ere ha u rapela, ea mo ntluaneñ ea gago; mi u sina cuala secualo sa gago, u rapele Rago eo o bonañ mo go sa itsioeñ, mi Rago eo o bonañ mo go sa itsioeñ, o tla gu ruela mo ponatsegoñ. ⁷ Mi ere ha lo rapela, lo si boaboele yaka bahaitene; gone ba itloma ba tla utluioa ka ntla ea puo e telele ea bona. ⁸ Lo si ne yaka bona, gone Rra enu oa itse lilo tse lo li tlokañ pele lo e si lo mo lope. ⁹ Ki gona lo rapeleñ yalo: Rra ecu, eo o kua magorimoñ, leina ya gago a le itsephisioe. ¹⁰ Pusho ea gago a e tle. Riha monu lehatsiñ kaha u ratañ ua riha ka gona yaka kua legorimoñ. ¹¹ Re nee gompienu seyo sa metla eotle.U re icuarele melatu ea rona, yaka re icuarela ba ba nañ le melatu le rona. ¹³ Mi u si re gogele mo thaeloñ, mi re golole mo boshuleñ. Gone bogosi e le yoa gago, le thata, le khalalelo, ka bosina bokhutlo. Amena. ¹⁴ Gone ha lo icuarela bathu litlolo tsa bona, Rra enu oa legorimo, le ena o tla lo icuarela; ¹⁵ Mi ha lo sa icuarele bathu litlolo tsa bona, Rra enu le ena, ga a kitla a icuarela litlolo tsa lona. ¹⁶ Mi ere ha lo riha go bisa go ya, lo si ne le hatlogo tsa bohutsana yaka baitimokanyi, ba ba hetolañ lihatlogo tsa bona, gore ba bonoe ki bathu yaka ba sa ye. Amarure, kia lo raea, Ba bonye tuelo ea bona. ¹⁷ Mi uena, ere ha u riha go bisa go ya, tlotsa tlogo ea gago, mi tlapisa sehatlogo sa gago; ¹⁸ Gore go bisa go ya ga gago go si bonale mo bathuñ, gore go bonalele go Rago eo o mo go sa itsioeñ: mi Rago eo o bonañ mo go sa itsioeñ o o tla gu ruela mo ponatsegoñ. ¹⁹ ¶ Lo si iphuthele mahumo mo hatsiñ, ha cuele le mororu o senyañ gona, le ha magoru a phunyañ go ucua gona; ²⁰ Mi lo iphuthele mahumo mo legorimoñ, ha cuele le mororu o sa senyeñ gona, le ha magoru a sa phunyeñ go ucua gona; ²¹ Gone kua lohumo loa lona lo gona, le cona pelu tsa lona li tla nañ gona. ²² Lobone loa mele e le leitlo; ki gona ha leitlo ya gago le itsekile, mele otle oa gago o tla bonesioa: ²³ Mi ha leitlo ya gago le boshula, mele otle oa gago o tla na lehihi. Ki gona, ha leseri ye le mo go uena e le lehihi; lehihi ye, le legolu yañ! ²⁴ Ga go ope eo o ka rihelañ barena ba tu; gone o tla ila moñue, mi a ñaparele eo moñue; khotsa o tla utlua moñue, mi a lebale eo moñue. Ga lo kake loa rihela Morimo le Mamone. ²⁵ Ki gona ki lo raeañ, Lo si ñoñoregele botselo yoa lona, se lo tla se yañ, khotsa se lo tla se noañ; khotsa mebele ea lona se lo tla se e apesañ. Botselo a ga bo bogolu mo liyoñ; le mele a ga o mogolu mo liaparoñ? ²⁶ Lebañ linunyane tsa legorimo. Ga li yale, ga li robe, ga li phuthele matluñ a pulukelo; mi leha gontse yalo Rra enu oa legorimo oa li yesa. Lona a ga lo molemo bogolu go cona? ²⁷ Mi ki ohe oa lona eo o ka tlomaganyañ kubeta ñue mo botseloñ yoa gague ka ñoñorego? ²⁸ Mi lo ñoñoregelañ liaparo? Elañtloko lilelia tsa naga, kaha li golañ ka gona. Ga li rihe, ga li otle. ²⁹ Leha gontse yalo, kia lo raea, Solomone mo khalaleloñ ea gague eotle, o la a sa apare yaka señue sa tse. ³⁰ Mi ha Morimo o apesa yalo mehero e e mo nageñ gompienu, mi e tseñoa mo tluñ ea peseco ka mosho, o tla lo apesa bogolu yañ, lona batumelonyana? ³¹ Ki gona li si ñoñoregeñ, loa re, Re tla yañ, re tla noañ, khotsa re tla ikapesa kañ? ³² Gone cotle tse li batloa ki bahaitene; gone Rra enu oa legorimo, oa itse lo tloka lilo tse cotle. ³³ Mi batlañ bogosi yoa Morimo le tsiamo ea ona pele; mi lilo tse cotle lo tla li okelerioa. ³⁴ Ki gona si ñoñoregeleñ ka mosho: ka mosho o tla iñoñoregela ka osi. Tsatsi leñue le leñue le na le boshula yoa yeona.

KHAOLO 7. ¹ LO si sekise, gore lo si sekisioe. ² Gone ka tsekisho e lo sekisañ ka eona lo tla sekisioa ka eona; gone ka selekanyo se lo lekanyañ ka shona, lo tla lekanyelerioa ka shona. ³ Mi u lebañ lohatsana lo lo mo itloñ ya mokauleñue oa gago, mi ga u eletloko mosipuri o o mo itloñ ya gago? ⁴ Khotsa u tla raea mokauleñue oa gago yañ, A ki ntse lohatsana lo lo mo itloñ ya gago, mi bona, mosipuri o mo itloñ ya gago? ⁵ Moitimokanyi ki uena, ntsa mosipuri mo itloñ ya gago pele; eriha gona u tla bonañ go ntsa lohatsana lo lo mo itloñ ya mokauleñue oa gago. ⁶ ¶ Lo si nee linca se sa boitsepho, mi si latleleñ liperela tsa lona ha pele ga likolobe, gore e si re khotsa tsa li gata tlatse ga litlaku tsa cona, leha e le go boea go lo gagola. ⁷ Lopañ mi lo tla neoa; batlañ, mi lo tla bona; khuanyakhuanyañ, mi lo tla buleloa. ⁸ Gone leha e le mañmañ eo o lopañ, a neoa; mi leha e le mañmañ eo o batlañ, a bona; mi moñue le moñue eo o khuanyakhuanyañ, o tla buleloa. ⁹ Monona ohe oa lona, eo moroaue o mo lopañ señkhue, a o tla mo naea leincue? ¹⁰ Khotsa ha a lopa tlapi, a o tla mo naea noga? ¹¹ Mi lona ba boshula, ha lo itse go nela bana ba lona lilo tse ri molemo, gogolu yañ Rra enu eo o mo magorimoñ go naea bona ba ba mo lopañ lilo tse ri molemo? ¹² Ki gona cotle tse lo ratañ bathu ba li lo rihela, ba riheleñ yalo; gone mo, e le molao le baperofeti. ¹³ ¶ Tsenañ ka khoro e e pitlaganyeñ: gone khoro ea tsenyego e le ea katlamo, mi tsela e le kholu e eañ gona; mi bontsi bo tsena ka eona. ¹⁴ Gone khoro ea botselo e le ea pitlagano, mi tsela e le tsesane e eañ go yona; mi ba ba e bonañ banye yañ! ¹⁵ ¶ Lo itise mo baperofetiñ ba tsieco, ba ba tlañ go lona mo aparoñ tsa liñku, mi bauo ki liphiri tse ri gagolañ mo teñ. ¹⁶ Lo tla ba itse ka louñuo loa bona. Louñuo loa vine a lo huloa mo mitlueñ; khotsa lifeige mo meñaneñ? ¹⁷ Gontse yalo setlare sa molemo señue le señue se uñua louñuo loa molemo; mi setlare sa boshula, se uñua louñuo loa boshula. ¹⁸ Setlare sa molemo se sa kake sa uñua louñuo loa boshula; leha e le setlare sa boshula, se sa kake sa uñua louñuo loa molemo. ¹⁹ Setlare señue le señue se se sa uñueñ louñuo loa molemo, sea reñoa, se latleloa mo moleloñ. ²⁰ Ki gona yalo, lo tla ba itse ka mauñuo a bona. ²¹ ¶ Esiñ moñue le moñue eo o ’nthaeañ, Morena, Morena, o tla tsena mo bogosiñ yoa magorimo; mi eo o rihañ go rata ga Rre eo o mo magorimoñ o tla tsena. ²² Bontsi bo tla ’nthaea mo motsiñ o, bo re, Morena, Morena, a ga rea ruta mo ineñ ya gago, le go khoromeletsa eintle bademoni mo ineñ ya gago, le go riha litiho lintsi tse ri gakhamatsañ mo ineñ ya gago? ²³ Eriha gona ki tla ba raeañ mo ponatsegoñ, Ga kia ka ka lo itse. ’Ntlogelañ, lona ba lo rihañ tsiamololo. ²⁴ ¶ Ki gona leha e le mañmañ eo o utluañ likaelo tse tsa me, a li riha, ki tla mo cuantsa le monona eo botlale eo o la a aga ntlu ea gague mo hikeñ. ²⁵ Gone pula e le ea hologa, le meroalela ea metse ea tla, le lipheho tsa hoka tsa ndaea ntlu e, mi e si ka ea oa, gone e le e theiloe mo hikeñ. ²⁶ Mi leha e le mañmañ eo o utluañ likaelo tse tsa me, a sa li rihe, o tla cuantsioa le monona eo bosilo eo o la a aga ntlu ea gague mo moshaueñ. ²⁷ Mi pula e le ea hologa, le meroalela ea metse ea tla, le lipheho tsa hoka tsa ndaea ntlu e, mi ea oa, mi go oa ga eona go le ga na go golu. ²⁸ Mi ga rihala ka Yesu a sina uetsa likaelo tse, bathu ba gakhamala mo thutoñ ea gague: ²⁹ Gone a ruta yaka a na le thata, me e siñ yaka bakuari.

KHAOLO 8. ¹ KA a hologa mo thabeñ, bontsintsi yo bogolu yoa mo sala morago. ² Mi bonañ, moleperoi a tla a mo obamela, a re, Morena ha u rata, u ka ’nntlahatsa. ³ Mi ka Yesu a otlolola atla sa gague, a mo ama, a re, Kia rata, u ntlahale, mi a akoha a ntlahala mo leperoñ ya gague. ⁴ Mi Yesu a mo raea, U itise gore u si bulelele ope, mi u ee u icupetse moperiseti, mi shupa neo e Moshe o e laotseñ, go na cupo go bona. ⁵ ¶ Mi ka Yesu a tsena mo Kaperenameñ, ga tla mosenturi go ena a mo rapela, ⁶ Mi a re, Morena, motlañka oa me o letse kua gae ka pobolo ea teteselo, mi o tlukuharicoe bogolu. ⁷ Mi Yesu a mo raea, Ki tla ea ki mo horisa. ⁸ Mi mosenturi a araba, a re, Morena ga kia cuanela gore u tle kua tlatse ga tlomesho tsa me, mi bua lehuku leñue, mi motlañka oa me o tla hola. ⁹ Gone le ’na ki monona eo o mo thateñ ea ba sele, mi ki na le batlabani ba me: mi kia raea moñue, Ea, mi a ee; le eo moñue, Ntlo, mi a tle; le motlañka oa me, Riha se, mi a se rihe. ¹⁰ Mi Yesu ka a utlua yalo, a gakhamala, mi a raea ba ba salañ morago, Amarure, kia lo raea, ki siñ ke ke bone tumelo e kholu yana le mo Yesereleñ. ¹¹ Mi kia lo raea, Bontsi bo tla coa kua Isete le Uesete, mi bo tla lula le Aberahame, le Yitsake, le Yakobe, mo bogosiñ yoa magorimo. ¹² Mi bana ba bogosi ba tla khoromelerioa kua hihiñ ye le kua ntle, kua selelo le khuranyo ea meno li tla nañ gona. ¹³ Mi Yesu a raea mosenturi, Ea kua gae, a go gu rihahalele yaka tumelo ea gago. Mi motlañka oa gague a horisioa ka oura ouo. ¹⁴ ¶ Mi ka Yesu a tsena mo tluñ ea Petero a bona mogoagariague a loala ka pobolo ea mogote. ¹⁵ Mi a mo ama seatla, mi pobolo ea mogote ea mo tlogela, mi a coga, a ba rihela. ¹⁶ ¶ Ka go na mabanyane ba lere bontsi yo bo cueroeñ ki bademona, mi a khoromeletsa ntle meoea ka lehuku; mi a horisa botle ba ba bobolañ. ¹⁷ Gore go rihahale se se builoeñ ki Yesaye, moperofeti a re, O iculetse makoa a rona, mi a belega matluku a rona. ¹⁸ Mi Yesu ka a bona bontsintsi yo bogolu bo mo horile, a laola go ea kua moseya. ¹⁹ Mi ga tla mokuari moñue go ena, a mo raea, Rabi, ki tla gu sala morago le kua u eañ gona. ²⁰ Mi Yesu a mo raea, Liphukuye li na le mesima, le linunyane tsa legorimo li na le litlaga, mi Moroa mothu ga a na ha o ka latsañ tlogo ea gague gona. ²¹ Mi eo moñue oa barutoa ba gague a mo raea, Morena, ’ntesa pele ki ee go hitla rre. ²² Mi Yesu a mo raea, ’Ntsala morago, mi a bashui ba hitle bashui ka bona. ²³ ¶ Mi erile a tsena mo shepeñ, barutoa ba gague ba mo sala morago. ²⁴ Mi bonañ, ga coga moroalela oa pheho o mogolu mo leoatleñ, ga tsamaea shepa sa khurumerioa ki lintelo; mi a robetse. ²⁵ Mi barutoa ba mo atamela, ba mo cosa, ba re, Morena, re buluke, rea nyelela. ²⁶ Mi a ba raea, Lo boihelañ, batumelonyana ki lona? Mi a coga a buela pheho le leoatla, mi ga na tirimalo e kholu. ²⁷ Mi bathu bo gakhamala, ba re, Ontse yañ eo, ka lipheho le leoatle li mo utlua? ²⁸ ¶ Mi ka a sina hitla kua moseya, mo hatsiñ ya Bagadarini, a khatlana le ba tu ba ba cueroeñ ki bademona, ba coa mo liphupuñ, mi ba le bogale yo bogolu, mi go si ope eo o la a ka heta ka tsela euo. ²⁹ Mi bonañ, ba bitsa ba re, Re gu rihañ, uena Yesu Moroa Morimo? A u tsile monu go re tlukuhatsa, e si e ne motla? ³⁰ Mi gole gole serapa se segolu sa likolobe se hula khakala le bona. ³¹ Mi bademona ba mo rapela, ba re, Ha u re khoromeletsa ntle, re romele kua serapeñ sa likolobe. ³² Mi a ba raea, Eañ. Mi ka ba coa ba ea mo serapeñ sa likolobe: mi bonañ, serapa shotle sa likolobe sa khokologela ka logaga mo leoatleñ, mi sa shua mo metseñ. ³³ Mi ba ba se risañ ba tsaba, mi ka ba tsena mo motseñ, ba bulela lilo cotle tse, le tse ri rihahaletseñ bona ba ba cueroeñ ki bademona. ³⁴ Mi bonañ, motse otle o loa tla go khatlana le Yesu; mi ka ba mona, ba mo rapela gore a tlogele hatse ya bona.

KHAOLO 9. ¹ MI ka a tsena mo shepeñ, a khabaganya, a hitla motseñ oa gague. ² Mi bonañ, ba mo leretsa monona oa teteselo a letse mo bolaoñ; mi Yesu ka a bona tumelo ea bona, a raea monona oa teteselo, Moroaka, u namatsege, libe tsa gago u li icuarecoe. ³ Mi bonañ, bañue ba bakuari ba ithaea ba re, Eo, oa khala. ⁴ Mi Yesu ka a bona megopolo ea bona, a re, Lo gopolelañ lilo tsa boshula mo peruñ tsa lona? ⁵ Ki gohe go nolo, go tua, Libe tsa gago li icuarecoe, khotsa go ka tua, Tloga, u eme, u tsamae? ⁶ Mi gore lo itse ha Moroa mothu a na le thata go icuarela libe mo lehatsiñ, (mi a raea eo o teteselañ,) Tloga, u eme, culetsa sealo sa gago, mi u ee kua tluñ ea gago. ⁷ Mi ka a coga, a ea kua tluñ ea gague. ⁸ Ka bontsintsi bo bona yalo, yoa gakhamala, yoa galaletsa Morimo, o o netseñ bathu thata e e ntseñ yalo. ⁹ ¶ Mi ka Yesu a coa gona, a bona monona eo o birioañ Mataio, a rutse mo tluñ ea khethelo, mi a mo raea, ’Ntsala morago. Mi ka a ema a mo sala morago. ¹⁰ ¶ Mi ga rihala ka a lula ha liyoñ mo tluñ ea ga Mataio, bonañ, bontsi yoa baphuthi ba lekhetho le baleohi ba tla, ba lula ha liyoñ le Yesu le barutoa ba gague. ¹¹ Mi ka Bafarisai ba bona yalo, ba raea barutoa ba gague, Moruti oa lona o yelañ le baphuti ba lekhetho le baleohi? ¹² Mi ka Yesu a utlua yalo, a ba raea, Ba ba horileñ ga ba re ñaka sepe, mi e tlokoa ki ba ba bobolañ. ¹³ Mi eañ lo ithute lehuku ye le reñ, Ki rata boicuarelo mi esiñ cupelo: gone ga kia tlela go biletsa basiami tlabologoñ, e le baleohi. ¹⁴ ¶ Eriha gona go tlañ barutoa ba ga Yohane go ena, ba re, Ana Bafarisai le rona ga re yeleñ ka gantsi, mi barutoa ba gago ga ba rihe go bisa go ya? ¹⁵ Mi Yesu a ba raea, A tsala tsa ntlu ea monyaroi li ka ithiba go ya ka monyari a na naco? Mi malatsi a tla tla monyari o tla tlosioa go cona, eriha gona li tla rihañ go bisa go ya. ¹⁶ Mi ga go ope eo o bitielañ seaparo se se onetseñ ka sebata se sesha; gone se se bitietseñ se tla gagola seaparo, mi khagogo e keketsega. ¹⁷ Le gona bathu ga ba tsele boyaloa yo bosha mo makukeñ a a onetseñ, gone a tla phanyega, mi boyaloa bo culoge, mi makuka a senyege; mi ba tsela boyaloa yo bosha mo makukeñ a masha, mi go bulukege gotle. ¹⁸ ¶ Mi ka a sa bua lilo tse nabo, bonañ, ga tla molaori moñue, a mo obamela, a re, Moroariake o shule yana; mi ntlo, u bee atla sa gago go ena, mi o tla tsela. ¹⁹ Mi ka Yesu a nanoga a mo sala morago, le bona barutoa ba gague. ²⁰ Mi bonañ, mosari eo o la a na le tabogo ea mari ka linyaga li tuelev, a tla morago ga gague, a ama peleri ea seaparo sa gague; ²¹ Gone a ithaea, Ha ’nka ama apao sa gague, ki tla hola. ²² Mi Yesu a retologa, mi ka a mona, a re, Nametsega, moroariaka, tumelo ea gago e gu horisitse. Mi mosari a hola ka oura ouo. ²³ Mi ka Yesu a tseno mo tluñ ea molaori, a bona ba ba lotsañ litlaka, le bathu ba cositse morumo. ²⁴ A ba raea, Thibogañ: gone moroetsana ga a shua, mi o robetse. Mi ba mo ñoñola. ²⁵ Mi erile bathu ba sina ntsioa, a tsena, a mo cuara ka atla sa gague, mi moroetsana a ruloa. ²⁶ Mi pako ea mouo, ea halalela mo hatsiñ yeotle yeuo. ²⁷ ¶ Mi ka Yesu a coa gona, lihohu li tu tsa mo sala morago, tsa bitsa, tsa re, Moroa Davide, re utluele botluku. ²⁸ Mi o rile a sina tsena mo tluñ, liholu tsa ea go ena, mi Yesu a li raea, A loa rumela ha ’nka riha seo se? Tsa mo raea, E, Morena. ²⁹ Mi a ama maitlo a cona, a re, A go lo rihahalele yaka tumelo ea lona. ³⁰ Mi maitlo a cona a bulega, mi Yesu a ba laolela thata, a re, Lo itise gore go si itse ope. ³¹ Mi ba, ka ba coa, ba halatsa pako ea gague mo hatsiñ yeotle ye. ³² ¶ Mi ka ba coa, bonañ, ba lere monona moñue eo o sa bueñ, a cueroe ki modemona. ³³ Mi erile modemona a sina khoromelerioa ntle, eo o sa bueñ a bua; mi bontsintsi yoa gakhamala, yoa re, Ga go e si go ke go bonoe yalo mo Yesereleñ. ³⁴ Mi Bafarisai, ba re, Oa khoromeletsa ntle bademona ka mogolu oa bedemona. ³⁵ Mi Yesu a tlatlologanya metse le metsana, a ruta mo masenagogeñ, a bulela Evañgelio ea pusho, a horisa pobolo cotle, le maloetse aotle, mo bathuñ. ³⁶ ¶ Mi ka a bona bontsintsi a bo utluela botluku, gone bo lapisioa, bo halaricoe, yaka lecomane ye le sinañ morisa. ³⁷ Eriha gona o raeañ barutoa ba gague, Thobo e kholu amarure, mi barobi ba botlana; ³⁸ Ki gona rapelañ Morena oa thobo, gore a romele barihi thoboñ.

KHAOLO 10. ¹ MI ka a biletsa go ena barutoa ba gague ba tuelev, a ba naea thata mo meoeñ e mashue, go e khoromeletsa ntle, le go horisa lipobolo, le maloetse aotle. ² Mi yana maina a baaposotoloi ba tuelev ki a; Oa ntla, ki Simone, eo o birioañ Petero, le Anderea monnaue; Yakobo moroa Sebedaio le Yohane monnaue. ³ Filipo, le Baretolomea; Tome, le Mataio moputhi oa lekhetho; Yakobo moroa Alefaio, le Lebaio, eo o birioañ Tadaio. ⁴ Simone oa Mokanane, le Yude Isekariota, eo le ena o la a mo oka. ⁵ Ba tuelev ba, Yesu a ba roma, a ba laea, a re, Si eeñ mo tseleñ ea bahaitene, mi le gona lo si tsene mo motseñ oa Basamaria; ⁶ Mi bogolu siamelañ liñkuñ tse ri timetseñ tsa ntlu ea Yeserela. ⁷ Mi ka lo tsamaea, rerañ, lo re, Pusho ea magorimo e atametse. ⁸ Horisañ babobori, ntlahatsañ baleperoi, cosañ bashui, khoromeletsañ ntle bademoni. Lo bonye hela, naeañ hela. ⁹ Lo si bapalele gouda, khotsa selevera, khotsa khotlo mo meitlamoñ ea lona; ¹⁰ Le esiñ khuatla mo loetoñ loa lona, khotsa kobo li tu, khotsa litlaku, khotsa litsama; gone morihi o cuanecoe ki kotlo ea gague. ¹¹ Mi leha e le motse ohe, khotsa motsana o lo tsenañ go ona, lo botse ena eo o cuanetseñ gona; mi lo tlole gona go tlo go tsamae lo coe gona. ¹² Ere lo tsena mo tluñ, lo rumerise ba eona. ¹³ Mi ha ba cuanetse, a kagisho ea lona e ne le ba eona; mi ha ba sa cuanela, a kagisho ea lona e boele go lona. ¹⁴ Mi leha e le bo mañ ba ba sa lo culeñ ba cuitla mahuku a lona, ere lo huruga lo coa mo tluñ e, khotsa motse o, ikurubatseñ lithole mo naoñ tsa lona. ¹⁵ Amarure, kia lo raea, Popego ea ba Sodoma le Gomoro e tla iphapañoa mo tsatsiñ ya tsekisho bogolu go ea motse ouo. ¹⁶ ¶ Bonañ, kia lo roma yaka liñku gare ga liphiri; ki gona nañ botlale yaka linoga, le masisi yaka maphui. ¹⁷ Mi lo itise mo bathuñ; gone ba tla lo nela likhakololoñ, mi ba tla lo betsa mo masenagogeñ a bona; ¹⁸ Mi lo tla gogeloa ha pele ga balaori le likhosi, ka ntla ea me, go na cupo ha pele ga bona le bahaitene. ¹⁹ Mi etlare ha ba lo nela, lo si tloriegele kaha lo tla buañ ka gona; gone lo tla se neoa mo oureñ ouo se lo tla se buañ. ²⁰ Gone e si lona ba lo buañ, e le Moea oa Rra enu o o buañ mo go lona. ²¹ Mi mokauleñue moñue o tla nela mokauleñue loshuñ, le rra o tla nela ñuana loshuñ: mi bana ba tla cogela bagolu ba bona, mi ba tla ba bolaea. ²² Mi lo tla iloa ki botle ka ntla ea leina ya me: mi eo o icokelañ bokhutloñ o tla bulukoa. ²³ Mi ha ba lo bogisa mo motseñ moñue, tsabelañ go o sele, gone amarure kia lo raea, Ga lo kitla lo uetsa go ralala metse ea Yeserela go tlo go tsamae Moroa mothu a tle pele ²⁴ Morutoa ga a mogolu bogolu go muñoague, le motlañka bogolu go morena oa gague. ²⁵ Go lekanye ha morutoa a na yaka muñoague, le motlañka yaka morena oa gague; mi ha ba le ba bitsa muñ oa ntlu Belesebule, ba tla bitsa bogolu yañ ba ntlu ea gague. ²⁶ Ki gona lo si ba boiheñ, gone go sa bicoa sepe se se si kitlañ se bipololoa, le se shuyoe se se si kitlañ se itsege. ²⁷ Se ki se lo raeañ mo hihiñ, lo se bue mo seriñ; mi se lo se utluañ mo tsebeñ, lo se rere mo tlomeshoñ tsa matlu. ²⁸ Mi si boiheñ ba ba bolaeañ mele, mi ba sa kake ba bolaea moea; mi bogolu boihañ ena eo o nonohileñ go senya moea le mele mo moleteñ oa molelo. ²⁹ Lithaga li tu a ga li baparioe ka asarion? mi ñue ea cona ga e kitla e oela ha hatse, ha e si go rata ga Rra enu. ³⁰ Le eona meriri ea tlogo tsa lona e bariloe eotle. ³¹ Ki gona si boiheñ; gone lo molemo bogolu mo thageñ li lintsi. ³² Mi ki gona, leha e le mañmañ eo o tla impobolañ ha pele ga bathu, le ’na ki tla mo ipobola ha pele ga Rre eo o mo magorimoñ. ³³ Mi leha e le mañmañ eo o tla intatolañ ha pele ga bathu, le ’na ki tla mo latola ha pele ga Rre eo o mo magorimoñ. ³⁴ Mi lo si itlome ki tletse go lere kagisho mo hatsiñ, ga kia tlela go lere kagisho mi e le go lere caka. ³⁵ Gone ki tletse go khaoganya monona le rague, le moroari le mague, le matsala le ñuetsi. ³⁶ Mi mothu o tla na le baba mo go ba ntlu ea gague. ³⁷ Eo o ratañ rague khotsa mague bogolu go ’na, ga a ’ncuanela. Mi eo o ratañ moroaue khotsa moroarie bogolu go ’na, ga a ’ncuanela. ³⁸ Mi eo o sa culetseñ mokhoro oa gague, a ’ntsale morago, ga a ’ncuanela. ³⁹ Eo o bulukañ botselo yoa gague o tla latlegeloa ki yona, mi eo o latlegeloañ ki botselo yoa gague ka ntla ea me, o tla bo bona. ⁴⁰ ¶ Eo o lo culañ, oa ’ncula; mi eo o ’nculañ oa cula ena eo o ’nthomileñ. ⁴¹ Eo o culañ moperofeti, ka e le ena moperofeti, o tla bona tuelo ea moperofeti; mi eo o culañ mosiami, ka e le ena mosiami, o tla bona tuelo ea mosiami. ⁴² Mi leha e le mañmañ eo o tla naeañ moñue oa ba botlana ba, ha e kabo e na senoelo sa metse a tsiriri ka e le ena morutoa oa me; amarure kia lo raea, ga a kitla a latlegeloa ki tuelo ea gague ka gope.

KHAOLO 11. ¹ MI ga rihala ka Yesu a uetsa go laolela barutoa ba gague ba tuelev, a coa gona go ruta le go rera mo metseñ ea bona. ² Mi yana Yohane ka a utlua mo tluñ ea kholegelo ga tiho tsa ga Keresete, a roma ba tu ba barutoa ba gague, ³ A mo raea, A ki uena eo o tlañ, khotsa a re lebeletse o sele? ⁴ Mi Yesu a araba, a ba raea, Eañ lo bulelele Yohane tse lo li utluañ, le tse lo li bonañ: ⁵ Lihohu lia bona, batlotsi ba tsamaea; baleperoi ba ntlaharioa, ba ba sa utlueñ ba utlua, bashui ba cosioa, mi Evañgelio e buleloa mo bahumanegiñ; ⁶ Mi go tsegaharicoe ena eo o sa khocoeñ ki ’na. ⁷ Mi ka ba sa ea Yesu a simolola go bua le bontsi ga Yohane, Lo lo coela gareganaga, go bonañ? Lotlaka lo lo tsikincoeñ ki pheho? ⁸ Ana lo lo coela go bonañ? Monona eo o apereñ aparo tse ri nolo? Bonañ, ba ba aparañ tse ri nolo ba mo matluñ a likhosi. ⁹ Lo lo coela go bonañ? A ki moperofeti? E, kia lo raea e le le bogolu go moperofeti. ¹⁰ Gone eo ki ena go kuariloeñ ga gague, Bonañ, kia roma moroñoi oa me ha pele ga sehatlogo sa gago, eo o tla bakanyañ tsela ea gago ha pele ga gago. ¹¹ Amarure kia lo raea, Ga goa coga ope mo go bona ba ba tsecoeñ ki basari, eo mogolu go Yohane Mobapetisi; mi leha gontse yalo eo motlana mo pushoñ ea magorimo o mogolu mo go ena. ¹² Mi ga malatsi a ga Yohane Mobapetisi le go yana, bogosi yoa magorimo boa tlaseloa, mi batlaseri ba bo cuara ka tlaselo. ¹³ Gone baperofeti botle le molao o bulela tihahalo le go motleñ oa ga Yohane. ¹⁴ Mi ha lo rata go cula se ki se lo raeañ, eo, ki Eliyahue eo o tla tlañ. ¹⁵ Leha e le mañmañ eo o nañ le litsebe go utlua, a a utlue. ¹⁶ ¶ Ana ki tla cuantsa losika lo ka eñ? lo cuana yaka bana ba ba lulañ mo mebileñ ea thekelo, ba ba biletsañ lilekaneñ tsa bona, ¹⁷ Mi ba re, Re lo leleritse, mi ga loa ka loa bina; re opetse lihela tsa terisho, mi ga loa ka loa lela. ¹⁸ Gone Yohane o la a tla a sa ye, a sa noe, mi ba re, O na le modemona. ¹⁹ Moroa mothu o tsile, a ya, a noa, mi ba re, Bonañ, moyi le monoi oa boyaloa, tsala ea baphuthi ba lekhetho le baleohi; mi botlale bo siamisicoe ki bana ba yona. ²⁰ ¶ Eriha gona o simololañ go buela metse e bontsi bogolu yoa tiho tsa khakhamaco tsa gague li rihiloeñ mo go eona, gone e sa ikuatlae. ²¹ Go latlega uena Korasina, go latlega uena Betesaida; gone ha litiho tse ri gakhamatsañ tse ri rihiloeñ mo go lona li li rihiloe mo Tsura le Tsidone, e kabo e sibolo ikuatlaea ka letsela ya khetse le melora. ²² Ki gona ki lo raeañ, Popego ea ba Tsura le Tsidona e tla iphapañoa mo tsatsiñ ya tsekisho, bogolu mo go ea lona. ²³ Mi uena Kaperenama, eo o gorisericoeñ kua legorimoñ, u tla holoserioa mo bobipoñ; gone ha litiho tse ri gakhamatsañ tse ri rihiloeñ mo go uena li kabo li rihiloe mo Sodoma, o kabo o sa eme le go tsatsiñ yenu. ²⁴ Ki gona ki lo raeañ, Popego ea hatse ya Sodoma e tla iphapañoa mo tsatsiñ ya tsekisho, bogolu go ea gago. ²⁵ ¶ Yesu a araba mo motleñ ouo, a re, Kia gu itumelela, Rra, Morena oa legorimo le lehatse, ka u shubile lilo tse mo matlaliñ, le basisimogi, mi u li bontsitse banyana ba banye; ²⁶ E, Rra, gone gole gole khatlego go uena. ²⁷ Rre o ’nneile lilo cotle; mi ga go ope eo o itseñ Moroa ha e si Rra; le gona ga go ope eo o itseñ Rra, ha e si Moroa, le eo, Moroa o tla mo mo shupetsañ. ²⁸ ¶ Tlañ go ’na, lotle ba lo lapileñ lo imeloañ, mi ki tla lo lapolosa. ²⁹ Ipeleseñ yokue oa me, mi lo ithute ga me, gone ki pelunomi, le bonolo yoa pelu; mi lo tla bonela meoea ea lona tapologo. ³⁰ Gone yokue oa me a le nateho, mi pelesho ea me e le boheho.

KHAOLO 12. ¹ MO motleñ ouo, ka Yesu a tsamaea mo masimoñ ka tsatsi ya Sabata, barutoa ba gague ba cueroe ki tlala; mi ba simolola go hula liako tsa mabele, le go li ya. ² Mi ka Bafarisai ba bona yalo, ba mo raea, Bona, barutoa ba gago ba riha se se sa laoloañ ka tsatsi ya Sabata. ³ Mi a ba raea, A ga loa ka loa buisa se Davide o se rihileñ ka a le tlala le ba ba nañ nae; ⁴ Kaha o la a tsena ka gona mo tluñ ea Morimo, a ya liñkhue tsa cupo tse ri sa laoloañ go yeoa, leha e le ki ena, khotsa bona ba ba le ba na nae, mi e le ki baperiseti bosi? ⁵ Khotsa, a ga loa ka loa buisa mo molaoñ ha baperiseti ba itsepholola Sabata, ka ba le mo tempeleñ mo malatsiñ a Sabata, mi ba sina molatu? ⁶ Mi kia lo raea, Eo mogolu go tempela, o ha. ⁷ Mi lo kabo lo itsile se lehuku ye le se raeañ, Ki rata boicuarelo, esiñ cupelo, lo kabo lo sa sekise ba ba sinañ molatu; ⁸ Gone Moroa mothu e le Morena oa Sabata. ⁹ Mi ka a tlogela helo ha, a tsena mo senagogeñ sa bona; ¹⁰ Mi bonañ, monona o la a le gona, eo o nañ le atla se se omeletseñ; mi ba motsa, ba re, A go laocoe go horisa ka malatsi a Sabata? gore ba mo pateletse. ¹¹ Mi a ba raea, Monona ohe mo go lona, eo o nañ le ñku ñue, mi ha e oela mo mokuoleñ ka tsatsi ya Sabata, a ga a kitla a e cuara a e ntsa? ¹² Mi mothu o sita ñku bogolu yañ? Ki gona e leñ taolo go riha molemo ka malatsi a Sabata. ¹³ Eriha gona o raeañ monona, Ntsa atla sa gago, mi ka a se ntsa, sa hola sa cuana le se señue. ¹⁴ ¶ Mi ka Bafarisai ba sina coa, ba gakololana kaha ba ka molaeañ ka gona. ¹⁵ Mi Yesu ka a itse yalo, a coa gona, mi bontsintsi yo bogolu yoa mo sala morago, mi a bo horisa yotle, ¹⁶ Mi a bo laolela, gore bo si monatse; ¹⁷ Gore lehuku ya ga Yesaye moperofeti le rihahale, ye le reñ, ¹⁸ Bonañ motlañka oa me eo ki mo itseñketseñ; moratoana oa me, eo moea oa me o mo khatlagetseñ; ki tla baea moea oa me mo go ena, mi o tla bulela tsekisho ea me mo bahaiteniñ. ¹⁹ Ga a kitla a ganela, le esiñ go bitsa, mi le gona ga go ope eo o tla utluañ koru ea gague mo mebileñ. ²⁰ Lotlaka lo lo konameñ ga a kitla a lo roba, le lori lo lo kubañ ga a kitla a lo tima, go tlo go tsamae a ntsetse tsekisho phenyoñ. ²¹ Mi bahaitene ba tla shuluhela mo ineñ ya gague. ²² ¶ Eriha gona go leroeñ go ena moñue eo o cueroeñ ki modemona, eo e leñ sehohu se se sa bueñ; mi a se horisa, go tsamaea sehohu sa bua mi sa bona. ²³ Mi bontsintsi yotle yoa silohala, yoa re, A eo a ga si moroa Davide? ²⁴ Mi ka Bafarisai ba utlua yalo, bare, Eo ga a khoromeletse ntle bademona, ha e si ka Belesebule eo e leñ mogolu oa bademona. ²⁵ Mi ka Yesu a itse khopolo tsa bona, a ba raea, Bogosi boñue le boñue yo bo ikhaoganañ boa nyelela; mi motse moñue le moñue, khotsa ntlu e e ikhaoganañ, ga e kitla e ema. ²⁶ Mi ha Satane a khoromeletsa ntle Satane, o ikhaoganye, mi bogosi yoa gague bo tla ema yañ? ²⁷ Mi ha ki khoromeletsa ntle bademona ka Belesebule, bomoroa lona ba ba khoromeletsa ntle ka mañ? ki gona ba tla nañ basekisi ba lona. ²⁸ Mi ha ki khoromeletsa ntle bademona ka Moea oa Morimo, e bo yalo pusho ea Morimo e tsile go lona. ²⁹ Khotsa go ka tsena mañ mo tluñ ea mothati a thopa lilo tsa gague, ha a sa golege mothati pele, eriha gona o ka thopañ ntlu ea gague. ³⁰ Eo o siñ go ’na, o emalana le ’na; mi eo o sa phutheñ le ’na, oa halatsa. ³¹ Ki gona ki lo raeañ, Bathu ba tla icuareloa libe cotle, le khalo, mi khalo e e khalañ Moea ga e kitla e ba icuareloa. ³² Mi leha e le mañmañ eo o tla sebañ Moroa mothu, o tla icuareloa; mi leha e le mañmañ eo o tla sebañ Moea oa boitsepho, ga a kitla a icuareloa, esiñ mo hatsiñ yenu, khotsa mo go ye le tla tlañ. ³³ Riha setlare molemo, le louñuo loa shona molemo; khotsa riha setlare boshula, le louñuo loa shona boshula; gone setlare se itsioe ka louñuo loa shona. ³⁴ Losika loa linoga ki lona, lo ka bua lilo tsa molemo yañ ka lo le boshula? gone molomo oa bua mo botlaloñ yoa pelu. ³⁵ Monona eo molemo oa ntsa lilo tse ri molemo mo humoñ lo lo molemo loa pelu; mi monona eo boshula, oa ntsa lilo tse ri boshula mo humoñ lo lo boshula. ³⁶ Mi kia lo raea, Lehuku ya boithamako leñue le leñue ye bathu ba tla le buañ, ba tla le ipobola mo tsatsiñ ya tsekisho. ³⁷ Gone u tla siamisioa ka mahuku a gago, mi u sekisioa ka mahuku a gago. ³⁸ ¶ Eriha gona go arabañ bañue ba bakuari le Bafarisai ba re, Rabi, re rata ra bona seshupo go uena. ³⁹ Mi a araba a ba raea, Losika loa boshula le khokahalo lo batla seshupo; mi ga lo kitla lo se neoa, ha esi seshupo sa ga Yone moperofeti. ⁴⁰ Gone yaka Yone a la a le malatsi a teri le masigo a teri mo mpeñ ea leruarua, Moroa mothu o tla na yalo ka malatsi a teri le masigo a teri mo teñ ga lehatse. ⁴¹ Banona ba Neneve ba tla coga le losika lo mo tsekishoñ, mi ba tla lo sekisa, gone ba le ba ikuatlaea ka thero ea ga Yone; mi bonañ, eo mogolu go Yone o ha. ⁴² Khosi ea sesari ea Souta e tla coga le losika lo mo tsekishoñ, mi e tla lo sekisa, gone e la ea tla e coa kua khutloñ tsa lehatse go utlua botlale yoa ga Solomone, mi bonañ eo mogolu go Solomone o ha. ⁴³ Ereha moea o mashue o rule mo mothuñ, oa ralala mahelo a lokhere, o batla khuco, mi o sa e bone. ⁴⁴ Eriha gona o reñ, Ki tla boela kua tluñ ea me, e ki ruleñ go eona, mi ka o boea oa e bona e sina sepe, e heecoe, e bakancoe. ⁴⁵ Eriha gona o eañ o itsela meoea e seven e boshula bogolu go ona, mi ea tsena, ea nna gona, mi bokhutlo yoa monona eo yoa beha bogolu go ga ntla; le gona go tla na yalo le losika lo loa boshula. ⁴⁶ ¶ Mi ka a sa bua le bathu; bonañ, mague le bomonnaue ba ema kua ntle, ba tlologelecoe go bua nae. ⁴⁷ Mi moñue a mo raea, Bona, mago le bomonnau ba eme kua ntle, ba tlologelecoe go bua nau. ⁴⁸ Mi a araba a raea ena eo o muleletseñ, a re, Mme e mañ? Mi bonnake, e bo mañ? ⁴⁹ Mi a ntsetsa atla sa gague barutoeñ ba gague, a re, Bonañ mme le bonnake! ⁵⁰ Gone leha e le mañmañ eo o rihañ go rata ga Rre eo o mo magorimoñ, eo ki ena nnake, le khantsariake, le mme.

KHAOLO 13. ¹ MI ka tsatsi yeuo, ka Yesu a coa mo tluñ, a lula ha leoatleñ. ² Mi ga phuthegela go ena bontsintsi yo bogolu, ga tsamaea a tsena mo shepaneñ, mi a lula, ka bathu ba eme ha thoko. ³ Mi a bua le bona lilo rintsi ka licuanco, a re, Bonañ, moyari o la a coelela go yala. ⁴ Mi ka a yala, peu tse riñue tsa oela mo tseleñ, mi linunyane tsa tla tsa li ya; ⁵ Tse riñue tsa oela mo heloñ ga lokhaba, ha mbu o monyenye gona; mi tsa tloga ka bonako, gone li sina mbu o o teñ. ⁶ Mi ka letsatsi le li tlabela, tsa shuaba; mi tsa omelela, gone li sina mecoe. ⁷ Mi tse riñue tsa oela mo mitlueñ, mi mitlua ea gola, ea li hupetsa. ⁸ Mi tse riñue tsa oela mo mbuñ o o molemo, mi tsa uñua, tse riñue loa hundereda, tse riñue loa sekeste, tse riñue loa terte. ⁹ Eo o nañ le litsebe go utlua, a a utlue. ¹⁰ Mi barutoa ba tla, ba mo raea, Ana u buelañ nabo ka licuanco? ¹¹ Mi a araba a ba raea, Gone lo neiloe go itse tse ri sa itsioeñ tsa pusho ea magorimo; mi bona, ga ba go neoe. ¹² Gone eo o nañ, o tla neoa, mi o tla na le bogolu; mi eo o sinañ sepe, go tla tlosioa go ena le se o nañ nasho. ¹³ Ki gona ki buañ le bona ka licuanco, gone go bona ba sa bone, le go utlua ba sa utlue, le gona ga ba tlaloganye. ¹⁴ Ki gona pulelo ea tihahalo ea ga Yesaye e rihahetseñ go bona e e reñ, Ka go utlua lo tla utlua, mi ga lo kitla lo tlaloganya, le go bona lo tla bona, mi ga lo kitla lo lemoga. ¹⁵ Gone pelu tsa bathu ba, li imahetse, mi ka litsebe ba utlua mathaithai, mi ba burulatsa maitlo a bona, gore ba si ke ba bona ka maitlo ka motla ope, le go utlua ka litsebe, le go tlaloganya ka pelu, le go boela go ’na, gore ki ba horise. ¹⁶ Mi maitlo a lona a tsegaharicoe, gone a bona, le litsebe tsa lona, gone lia utlua. ¹⁷ Gone amarure kia lo raea, Bontsi yoa baperofeti le basiami ba le ba tlologeleloa go bona lilo tse lo li bonañ, mi ga ba ka ba li bona, le go utlua tse lo ri utluañ, mi ga ba ka ba li utlua. ¹⁸ ¶ Ki gona, utluañ secuanco sa moyari. ¹⁹ Ha moñue a utlua huku ya pusho, mi a sa le tsetsia, eriha gona eo boshula o tlañ, a phamola tse li li yariloe mo peruñ ea gague. Tse ki cona tse ri yariloeñ ha tseleñ. ²⁰ Mi tse ri yecoeñ mo mbuñ oa lokhaba, ki ena eo o utluañ lehuku, mi yalo a le cula ka boitumelo; ²¹ Mi ka a sina mocoe mo go ena, a le cula ka bokhutsane; mi ere ha pogisho le patikego li tla ka ntla ea lehuku, a akoha a tenega. ²² Tse ri yecoeñ mo mitlueñ, ki ena eo o utluañ lehuku, mi papalelo ea lehatse yenu, le tsieco ea mahumo, li hupetsa lehuku, mi le sa uñue. ²³ Mi tse ri yecoeñ mo mbuñ o o molemo, tse ri uñuañ, tse riñue loa hundereda, tse riñue loa sekeste, tse riñue loa terte, tse ki ena eo o utluañ lehuku a le tsatsia. ²⁴ ¶ Mi a ba bela pele secuanco se señue, a re, Pusho ea magorimo e cuana le monona eo o la a yala peu e e molemo mo tsimoñ ea gague. ²⁵ Mi ka bathu ba robetse, ge tla maba oa gague, a yala mehero mo mabeleñ, mi a ea. ²⁶ Mi erile ka lekakaba le tloga go uñua, eriha gona mehero le eona e bonatsegañ. ²⁷ Mi ka go tla ga batlañka go muñ oa ntlu, ba mo raea, Morena, a ga ua yala peu e e molemo mo tsimoñ ea gago? mi e cutse mehero e kae? ²⁸ Mi a ba raea, Maba o rihile yalo. Mi batlañka ba mo raea, A u rata ra ea ra e phutha? ²⁹ Mi a re, Nya; gore e si re khotsa ka lo phutha mehero, loa e khumolela le mabele. ³⁰ A go gole mogo go ea thoboñ; mi ki tla raea barobi mo motleñ oa thobo, ki re, Phuthañ mehero pele, mi lo e bohe liñata go hisioa; eriha gona phuthelañ mabele mo pulukeloñ ea me. ³¹ ¶ Mi a ba bela pele secuanco se señue, a re, Pusho ea magorimo e cuana le tlaka ea peu ea mosetara, e e cucoeñ ki monona, a e yala mo tsimoñ ea gague; ³² E e boñ eona potlana mo tlakeñ cotle, mi ha e sina go gola e le e kholu bogolu mo merogoñ; mi ea na setlare, ga tsamaea linunyane tsa legorimo tsa tla tsa aga mo kaleñ tsa shona. ³³ ¶ A ba bulelela secuanco se señue, a re, Pusho ea magorimo e cuana le seberisho, se mosari o se cutseñ, a se tsenya mo lilekanyoñ tsa bupi li teri ga tsamaea yoa bela yotle. ³⁴ Cotle tse Yesu o la a li bua le bontsi ka licuanco, mi a si ka a bua nabo ha e si ka secuanco: ³⁵ Gore go rihale se se builoeñ ki moperofeti, a re, Ki tla tumolola molomo oa me ka licuanco, ki tla bulela lilo tse li li sa itsioe le ka tsimologo ea lehatse. ³⁶ Mi Yesu a sina phatlalatsa bontsi a tsena mo tluñ, mi barutoa ba gague ba tla go ena, ba re, Re phuthulolele secuanco sa mehero mo tsimoñ. ³⁷ Mi a araba, a ba raea, Eo o yalañ peu tse ri molemo, ki Moroa mothu. ³⁸ Tsimo, ki lehatse; peu tse ri molemo ki bana ba pusho; mi mehero ki bana ba eo o boshula. ³⁹ Maba eo o la a li yala, ki diabolo; thobo ki bokhutlo yoa lehatse; mi barobi ki baengele. ⁴⁰ Ki gona yaka mehero e phuthoa e hisioa mo moleloñ; go tla na yalo mo khutloñ sa lehatse yenu. ⁴¹ Moroa mothu o tla roma baengele ba gague, mi ba tla tlopha cotle tse ri khopisañ, le bona ba ba siamololañ mo bogosiñ yoa gague: ⁴² Mi o tla ba rigela mo bokepishoñ yoa molelo; go tla na selelo, le khuranyo ea meno gona. ⁴³ Eriha gona basiami ba tla phatsimañ yaka letsatsi mo bogosiñ yoa Rabo. Eo o nañ le litsebe go utlua, a a utlue. ⁴⁴ ¶ Gape bogosi yoa magorimo bo cuana le lohumo lo lo hitliloeñ mo tsimoñ, lo mothu ka a lo bona, a lo shuba, mi a bapatsa cotle tse o nañ naco ka boitumelo yoa lona, mi a reka tsimo eouo. ⁴⁵ ¶ Gape bogosi yoa magorimo bo cuana le perela e e thata go rekoa, e e bonoañ ki moreki, eo o batlañ liperela tse liñtle; ⁴⁶ Eo erileñ a sina bona perela ñue e e that a go rekoa, a bapatsa cotle tse o nañ naco, mi a e reka. ⁴⁷ ¶ Gape, bogosi yoa magorimo bo cuana le lotloa lo lo rigecoeñ mo leoatleñ, lo lo gogobañ ga tsika cotle tsa litlapi; ⁴⁸ Lo erileñ lo sina tlala loa isioa kua thoko, ba lula, ba tlophela tse ri molemo mo linkhoñ tsa bona, mi tse ri mpe ba li latla. ⁴⁹ Go tla na yalo mo khutloñ sa metla ea lehatse; baengele ba tla coa, mi ba tlopha ba boshula mo go ba ba siameñ, ⁵⁰ Mi ba tla ba rigela mo bokepishoñ yoa molelo: hoñ go tla na selelo, le khuranyo ea meno. ⁵¹ Yesu a ba raea, A lo tlalogantse lilo tse cotle? mi ba mo raea, E, Morena. ⁵² Mi a ba raea, Ki gona mokuari moñue le moñue eo o rutiloeñ mo bogosiñ yoa magorimo o cuana le muñ oa ntlu, eo o ntsañ lilo tse linca, le tsa gale. ⁵³ Ga rihala ka Yesu a sina uetsa licuanco tse, a coa gona. ⁵⁴ Mi ka a hitla mo hatsiñ ya gague, a ba ruta mo senagogeñ sa bona, ga tsamaea ba gakhamala, ba re, Monona eo, o cutse botlale yo, le lithata tse kae? ⁵⁵ Eo, a ga si moroa mobetli oa likhoñ? A mague ga go tue Marie, mi bomonnaue a ga ba birioe Yakobo, le Yose, le Simone, le Yude? ⁵⁶ A bokhantsarie ga ba na le rona botle? Ana eo, o cutse lilo cotle tse kae? ⁵⁷ Mi ba gakatsega mo go ena. Mi Yesu a ba raea, Moperofeti ga a tloke tlotlego, ha e si mo hatsiñ ya gague, le mo tluñ ea gague. ⁵⁸ Mi a si ka a riha gona bontsi yoa litiho tse ri gakhamatsañ ka ntla ea go bisa go rumela ga bona.

KHAOLO 14. ¹ KA motla ouo Herode oa teterareki, a utlua tumo ea ga Yesu, ² Mi a raea likala tsa gague, Eo, ki Yohane Mobapetisi; o cogile mo loshuñ, ki gona tiho tsa khakhamaco li rihañ mo go ena. ³ ¶ Gone Herode a la a cuere Yohane, mi a mo golega, a mo tsenya mo tlun ea kholegelo ka ntla ea ga Herodie mosari oa ga monnaue Filipo. ⁴ Gone Yohane a la a mo reile, Ga si taolo go uena go na nae. ⁵ Mi ka a rata go molaea a boiha bathu, gone ba mo kaea a le moperofeti. ⁶ Mi erile tsatsi ya botsalo yoa ga Herode o tlotlisioa, moroaria Herodie a bina ha gare, mi a khatla Herode, ⁷ Ga tsamaea a mo raea, ka ikano, ha a tla mo naea se o ka se lopañ. ⁸ Mi ka a la a laeiloe pele ki mague, a re, ’Nnaea hanu tlogo ea ga Yohane Mobapetsi mo mogocaneñ o o sekhetla. ⁹ Mi khosi ea hutsahala, leha Gontse yalo e le ea laola gore a e neoe, ka ntla ea maikano, le bona ba ba rutseñ naeo; ¹⁰ Mi a roma go khaola tlogo ea ga Yohane mo tluñ ea kholegelo. ¹¹ Mi tlogo ea gague ea lerioa ka mogocana o o sekhetla, mi ea neloa moroetsana, mi a e belegela go mague. ¹² Mi ga tla barutoa ba gague, mi ba tsaea mele, ba o hitla, mi ba ea ba bulelela Yesu. ¹³ Mi ka Yesu a utlua yalo, a coa gona ka shepa, a ea esi kua gareganaga; mi ka bontsintsi bo utlua yalo, yoa mo latela ka linao bo coa mo metseñ. ¹⁴ Mi Yesu ka a coa a bona bontsi yo bogolu, mi a bo utluela botluku, mi a horisa babobori ba yona. ¹⁵ ¶ Mi ka go na mabanyane ga tla barutoa ba gague go ena, ba re, Helo ha go gareganaga, mi yana motla o hetile, a bontsi bo phatlalale, gore bo ee kua metsaneñ go ithekela liyo. ¹⁶ Mi Yesu a ba raea, Ga boa cuanela go ea; bo neeñ, bo ye. ¹⁷ Mi ba mo raea, Ga re na sepe ha, ha e si liñkhue li faeve le tlapi li tu. ¹⁸ Mi a re, Li ’nteretseñ. ¹⁹ Mi a laola bontsintsi go lula mo boyañeñ; mi a cula liñkhue li faev le tlapi li tu, mi ka a lelala legorimoñ a li tsegohatsa; mi ka a sina roba liñkhue a li naea barutoa, mi barutoa ba naea bontsintsi. ²⁰ Mi bo le yoa ya yotle, yoa khora; mi ba culetsa matlotlora a a setseñ, a le lirotu li tuelev tse ri tletseñ. ²¹ Mi ba ba yeleñ e kane e le banona ba faev thousanda ba sa baleloe le basari le bana. ²² ¶ Mi Yesu a kholela barutoa ba gague mo shepeñ ka bonako, gore ba ee pele ga gague kua boseya, ka a sa phatlalatsa bontsintsi. ²³ Mi ka a sina phatlalatsa bontsintsi, a tlatlogela mo thabeñ a le esi go rapela; mi ka go si na na mabanyane, a ba a le gona a le esi. ²⁴ Mi yana shepa sa bo se le gare ga leoatle, se khuerioa ki lintelo, gone ba tlabaganye le pheho. ²⁵ Mi Yesu a ea go bona ka tisho ea bo for ea bosigo, a tsamaea mo leoatleñ. ²⁶ Mi ka barutoa ba mona a tsamaea mo leoatleñ, ba rerega, ba re, Ki serimo; mi ba goa ka poiho. ²⁷ Mi Yesu a akoha a bua le bona, a re, Nametsegañ; ki ’na; si boiheñ. ²⁸ Mi Petero a mo araba, a re, Morena, ha e le uena, ’ntaolele gore ki ee go uena mo metseñ. ²⁹ Mi a re, Ntlo. Mi ka Petero a hologa mo shepeñ, a tsamaela Yesu mo metseñ. ³⁰ Mi ka a bona thata ea pheho, a boiha; mi a simolola go noela, mi a bitsa, a re, Morena, u ’mpuluke. ³¹ Mi Yesu a ntsa atla sa gague ka bonako, a mo cuara, a mo raea, Uena oa tumelonyana, u lu belaelelañ? ³² Mi ka ba tsena mo shepeñ, pheho ea nyelela. ³³ Mi yana ba ba mo shepeñ ba tla ba mo obamela, ba re, Amarure, u Moroa Morimo. ³⁴ ¶ Mi ka ba ea ba hitla mo hatsiñ ya Genesareta. ³⁵ Mi ka banona ba helo ha ba mo itse, ba roma mo lithokoñ cotle tsa hatsi yeuo, mi ba lere go ena botle ba ba bobolañ; ³⁶ Mi ba mo rapela, gore ba ame momeno oa seaparo sa gague, mi bokai yo bo mo amañ yoa horisioa rure.

KHAOLO 15. ¹ ERIHA gona go tlañ go Yesu, bakuari le Bafarisai ba ba coañ Yerusalem, ba re, ² Ana barutoa ba gago ba tlolelañ mekhua ea bagolu? gone ba sa tlape liatla tsa bona ba e si ba ye señkhue. ³ Mi a araba a ba raea, Ana le lona lo tlolelañ molao oa Morimo ka mokhua oa lona? ⁴ Gone Morimo o laotse oa re, Tlotla rago le mago; mi eo o rogañ rague khotsa mague, a a shue loshu. ⁵ Mi loa re. Leha e le mañmañ eo o tla raeañ rague khotsa mague, Se u ka riheloañ molemo ki ’na ka shona, e le neo; mi a sa tlotle rague le mague, o theletse. ⁶ Mi yalo lo riholotse molao oa Morimo ka mokhua oa lona. ⁷ Baitimokanyi ki lona, Yesaye o buleletse pele ga lona ka tsiamo a re, ⁸ Bathu ba, ba ’nkatamela ka melomo ea bona, mi ba ’ntlotla ka lipounama tsa bona, mi pelu tsa bona li khakala le ’na. ⁹ Mi ba ’ntlotlela lehela, ka ba ruta ka lithuto tse e leñ litaolo tsa bathu. ¹⁰ ¶ Mi ka a sina biletsa bontsi go ena, a bo raea, Utluañ, lo tlaloganye. ¹¹ Ga si tse ri tsenañ ka molomo tse ri leshuehatsañ mothu, mi tse ri coañ ka molomo, e le cona tse ri leshuehatsañ mothu. ¹² Eriha gona go tlañ barutoa ba gague mi ba mo raea, A ua itse ha Bafarisai ba gakatsegile ka ba sina utlua huku ye? ¹³ Mi a araba a re, setlomo señue le señue se se sa tloñoañ ki Rre oa legorimo se tla khogoloa. ¹⁴ Ba leseñ, ki lihohu tse ri gogañ lihohu; mi ha sehohu se goga sehohu, li tla oela mogo mo loñopeñ. ¹⁵ Mi Petero a araba a mo raea, Re phuthulolele secuanco se. ¹⁶ Mi Yesu a araba, A le lona lo santse lo sina tlaloganyo? ¹⁷ A ga lo e si lo tlaloganye, ha cotle tse ri tsenañ ka molomo li ea mo mpeñ, mi li latleloa kua ntle mo cuboñ? ¹⁸ Mi lilo tse ri coañ ka molomo li coa mo peruñ, mi ki cona tse ri leshuehatsañ mothu. ¹⁹ Gone go coa mo peruñ khopolo tsa boshula, le polao, khokahalo, boaka, bogoru, cupo tsa kako, le khalo; ²⁰ Tse ki cona tse ri leshuehatsañ mothu, mi go ya ka liatla tse ri sa tlapioañ ga go leshuehatse mothu. ²¹ Mi ka Yesu a coa gona, a hurugela kua lithokoñ tsa Tsura le Tsidona; ²² Mi bonañ, mosari oa Kanana a coa mo ntleñ tseuo, a biletsa go ena, a re, Morena, Moroa Davida, ’nkutluela botluku; moroariake o tlukuharicoe bogolu ki modemona. ²³ Mi a si ka a mo araba sepe. Mi barutoa ba gague ba tla, ba mo rapela, ba re, Mo bose, gone oa re bitsa morago. ²⁴ Mi a araba, a re, Ga kia roñoa, ha e si go liñkuñ tse ri timetseñ tsa ntlu ea Yeserela. ²⁵ Mi a tla a mo obamela, a re, Morena, u ’nthuse. ²⁶ Mi a araba, a re, Ga goa cuanela go tsaea señkhue sa banyana go se latlela linca. ²⁷ Mi a re, Rure, Morena, leha gontse yalo, linca li ya matlotlora, a a oañ mo boyeloñ yoa beñ ba cona. ²⁸ Eriha gona Yesu o arabañ, a mo raea, Mosari, tumelo ea gago e kholu yañ. A go gu rihahalele kaha u eletsañ ka gona. Mi moroarie a hola e sa le ka oura ouo. ²⁹ Mi ka Yesu a coa gona, a hitla ha leoatleñ ya Galilea, mi a tlatlogela mo thabeñ, a lula gona. ³⁰ Mi bontsintsi yo bogolu yoa tla go ena, bo na le batlotsi, le lihohu, le ba ba sa bueñ, le rigole, le bontsi yo boñue, mi yoa bo latlela ha naoñ tsa ga Yesu, mi a bo horisa yotle: ³¹ Ga tsamaea bontsi yoa gakhamala ka bo bona ba ba sa bueñ ba bua, le ligole li hola, le batlotsi ba tsamaea, le lihohu li bona; mi yoa galaletsa Morimo oa Yeserela. ³² ¶ Mi ka Yesu a sina biletsa barutoa ba gague go ena, a re, Bontsi yo kia bo utluela botluku, gone yana bo tlotse le ’na malatsi a teri, mi ga bo na se bo se yañ; mi ga ki rate go bo phatlalatsa, bo e si bo ye, gore e si re khotsa yoa iribala mo tseleñ. ³³ Mi barutoa ba gague ba mo raea, Re tla bona kae liñkhue tse ri lekanyeñ go khorisa bontsi bogolu yo mo gareñganaga? ³⁴ Mi Yesu a ba raea, Lo na le liñkhue li le kai? Mi ba re, Liñkhue li seven, le bobotlana yoa litlacuana. ³⁵ Mi a laola bontsintsi go lula ha hatse. ³⁶ Mi a cula liñkhue li seven le litlapi, mi ka a sina itumelela, a li roba, mi a li naea barutoa ba gague, mi barutoa ba naea bontsintsi. ³⁷ Mi bole yoa ya yotle, mi yoa khora, mi ba culetsa matlotlora a a setseñ, lirotu li seven tse ri tletseñ. ³⁸ Mi yo bo yeleñ e le le banona ba for thousanda, ba sa baleloe le basari le bana. ³⁹ Mi ka bontsintsi a sina bo phatlalatsa, a ea mo shepeñ, mi a hitla mo lithokoñ tsa Magadala.

KHAOLO 16. ¹ MI ga tla go ena Bafarisai, le Basadukai, mi ba mo raela, ba mo lopa gore a ba shupetse seshupo se se coañ mo legorimoñ. ² Mi a araba a ba raea, Ereha go na mabanyane, loa re, Moholehole, gone legorimo le hubiru. ³ Mi mo moshoñ, Go tla na letlololo gompienu, gone legorimo le le hubiru le boncu. Baitimokanyi ki lona, loa itse go elatloko ponalo ea legorimo, mi licupo tsa metla enu ga lo li eletloko. ⁴ Losika loa boshula le khokahalo lo batla seshupo, mi ga lo kitla lo neoa seshupo, ha e si seshupo sa ga Yone moperofeti; mi a ba tlogela, a ea. ⁵ Mi erile barutoa ba gague ba hitla moseya, ba bo ba lebetse go tsaea liñkhue. ⁶ Mi Yesu a ba raea, Lo itise mo seberishoñ sa Bafarisai, le sa Basadukai. ⁷ Mi ba gakololana, ba re, E ra gone re si ka ra tsaea liñkhue. ⁸ Mi Yesu ka a itse yalo a ba raea, Lo gakololelanañ, ba tumelo e potlana ki lona, ka gone lo si ka loa tsaea liñkhue? ⁹ Le yana a ga lo e si lo tlaloganye, le go gopola ga liñkhue li faev tsa ba faev thousanda, le bokai yoa lirotu tse lo li culeritseñ? ¹⁰ Le gona, liñkhue li seven tsa banona ba for thousanda, le bokai yoa litselo tse lo li culeritseñ? ¹¹ Lo lo sa tlaloganyetseñ ha ki le ki sa bue le lona ga liñkhue, ka ki re lo itise mo seberishoñ sa Bafarisai le Basadukai? ¹² Eriha gona ba tlaloganyañ ha a la a sa ba tlagisetse ga seberisho sa señkhue, e le le ga thuto ea Bafarisai le Basadukai. ¹³ ¶ Yesu ka a hitla mo lithokoñ tsa Kaisarea Filipi, a botsa barutoa ba gague, a re, ’Na, Moroa mothu, bathu ba re ki mañ? ¹⁴ Mi ba re, Bañue ba re, Yohane Mobapetisi; mi ba bañue ba re, Eliyahue; ba bañue Yeremie, khotsa moñue oa baperofeti. ¹⁵ Mi a ba raea, Mi lona loa re ki mañ? ¹⁶ Mi Simone Petero a araba a re, U Keresete, Moroa Morimo o o tserileñ. ¹⁷ Mi Yesu a araba a mo raea, U tsegoharicoe, Simona Bar‐Yona: gone ga u itsisioe ki nama le mari, mi ki Rre eo o mo magorimoñ. ¹⁸ Mi le ’na kia gu raea, U Petero, mi ki tla aga ekelesia ea me mo hikeñ ye, mi likhoro tsa bobipo ga li kitla li e henya. ¹⁹ Mi ki tla gu naea likopelo tsa bogosi yoa magorimo; mi se u tla se bohañ mo hatsiñ se tla bohoa mo magorimoñ; mi se u tla se hunulolañ mo hatsiñ se tla hunuloloa mo magorimoñ. ²⁰ Mi a itsa barutoa ba gague gore ba si bulelele ope ha e le ena Keresete. ²¹ ¶ Ga motla ouo Yesu a simolola go shupetsa barutoa ba gague ha a cuanetse go ea Yerusalema, go bogisioa lilo lintsi ki bagolu, le baperiseti ba bagolu, le bakuari, le go bolaoa, le go cosioa ka tsatsi ya bo‐teri. ²² Mi Petero a mo itsela thoko, a simolola go muela, a re, Morena, u utlueloe botluku, tse ga li kitla li gu rihahalela: ²³ Mi a retologa, a raea Petero, ’Ntloga morago, satana; u sekhopi go ’na; gone ga u khatloe ki lilo tse e leñ tsa Morimo, mi u khatloa ki lilo tsa bathu. ²⁴ ¶ Eriha gona, Yesu o raeañ barutoa ba gague, Leha e le mañmañ eo o ratañ go ’ntsala morago, a a iitatole, mi a a kabe mokhoro oa gague, mi a ’ntsale morago. ²⁵ Gone leha e le mañmañ eo o ratañ go buluka botselo yoa gague, o tla latlegeloa ki yona; mi leha e le mañmañ eo o latlegeloañ ki botselo yoa gague ka ntla ea me, o tla bo bona. ²⁶ Gone go molemo eñ mo mothuñ, leha a ka henya lehatse yeotle, mi a latlegeloa ki moea oa gague? khotsa mothu o tla nelañ go rekolola moea oa gague? ²⁷ Gone Moroa mothu o tla tla mo khalaleloñ ea ga Rague, le baengele ba gague; eriha gona o tla ruelañ moñue le moñue yaka tiho ea gague. ²⁸ Amarure kia lo raea, Go bañue ba ba ba emeñ ha, ba ba si kitlañ ba utlua loshu, go tsamae ba bone Moroa mothu a tla mo pushoñ ea gague.

KHAOLO 17. ¹ MI ka malatsi a sekes a sina heta, Yesu a cula Petero, le Yakobo, le Yohane monnaue nae, mi a ba isa kua thabeñ e e gorileñ bosi. ² Mi a hetoga ha pele ga bona, mi hatlogo sa gague sa phatsima yaka letsatsi, mi aparo tsa gague tsa shueuhala yaka leseri. ³ Mi bonañ, ga iponatsa go bona Moshe le Eliyahue, ba bua nae. ⁴ Mi Petero a araba, a raea Yesu, Morena, go molemo go rona go na ha; ha u rata, a re riheñ ha, metlagana me teri; moñue erihe oa gago, mi o moñue erihe oa ga Moshe, mi o moñue erihe oa ga Eliyahue. ⁵ Ka a sa bua, bonañ, leru ya leseri ya ba cutihalela; mi bonañ, koru ea coa mo leruñ, ea re, Eo ki moroake eo o rategañ, eo ki mo itumelelañ; mo utlueñ. ⁶ Mi ka barutoa ba utlua yalo, ba oa ka lihatlogo tsa bona, mi ba boiha segolu. ⁷ Mi Yesu a ba atamela, a ba ama, mi a re, Cogañ, mi si boiheñ. ⁸ Mi ka ba culetsa maitlo a bona, ba si ka ba bona ope, ha e si Yesu esi. ⁹ Mi ka ba hologa mo thabeñ, Yesu a ba laolela, a re, Si buleleleñ ope iponco e, go tlo go tsamae Moroa mothu a coge mo loshuñ. ¹⁰ Mi barutoa ba gague ba motsa, ba re, Bakuari ba reñ, ba re, Eliyahue o cuanetse go tla pele? ¹¹ Mi Yesu a araba, a ba raea, Rure Eliyahue o tla tla pele, go ba a tlomamisa lilo cotle. ¹² Mi kia lo raea, Eliyahue o la a tlile, mi ga ba ka ba mo ipobola, mi ba mo rihetse kaha ba eletsañ ka gona. Moroa mothu le ena o tla rihoa yalo ki bona. ¹³ Eriha gona barutoa ba tlaloganyañ ha a bua ga Yohane mobapetisi. ¹⁴ ¶ Mi ka ba hitla mo bontsiñ, ga tla go ena monona moñue, a mo khubamela, a re, ¹⁵ Morena, utluela moroake botluku, gone o cueñoa bogolu ki pobolo ea selinia; gone a oela moleloñ ka gantsi, le mo metseñ ka gantsi; ¹⁶ Mi ki le ka mo lere go barutoa ba gago; mi ba reteleloa ki go mo horisa. ¹⁷ Mi Yesu a araba, a re, Losika lo lo sa rumeleñ loa cokamo ki lona! Ki tla na le lona go lele go kai? Ki tla lo iphapanya go lele go kai? Mo lereñ kuanu ha go ’na. ¹⁸ Mi Yesu a buela modemona, mi a coa go ena, mi ñuana a horisioa ka oura ouo. ¹⁹ Eriha gona, barutoa ba tlañ go Yesu, ka bosi, ba re, Re le re sa nonoheleñ go mo khoromeletsa ntle? ²⁰ Mi Yesu a ba raea, E le le ka ntla ea go bisa go rumela ga lona; gone, amarure, kia lo raea, Ekare ha lo na le tumelo e e kana ka tlaka ea peu ea mosetara, lo kabo lo raea thaba e, Manologela hale, mi e tla ea; mi ga gona sepe se lo ka se reteleloañ. ²¹ Leha gontse yalo, sika lo, ga lo coe, ha e si ka thapelo le go riha go bisa go ya. ²² Mi ka ba sa tlotse mo Galilea, Yesu a ba raea, Moroa mothu o tla neloa mo atleñ tsa bathu. ²³ Mi ba tla molaea, mi o tla co sioa ka tsatsi ya bo‐teri. Mi ba hutsahala bogolu. ²⁴ ¶ Mi ka ba hitla Kaperenama ga tla go Petero ba ba phuthañ liderakema, ba re, Muñoago a ga a lehe liderakema? ²⁵ Mi a re, E. Mi ka a sina tsena mo tluñ, a e si a bue, Yesu a mo raea, Simona, u gopola yañ? Khosi tsa lehatse li tsaea go mañ lekhetho, khotsa temalo? Mo go bomoroa cona, khotsa mo baeñeñ? ²⁶ Petero a mo raea, Mo baeñeñ. Yesu a mo raea, Ki gona bomoroa ba golocoe. ²⁷ Mi gore re si ba gakatse, ea kua leoatleñ, mi u konopele kobe, mi tlapi e e tlañ pele, e cule, mi ere u sina e atlamolosa molomo u tla bona setatera; se cule, u se ba nelele ’na le uena.

KHAOLO 18. ¹ MI ga tla barutoa go Yesu mo oureñ ouo ba re, Mañ eo o mogolu bogolu mo pushoñ ea magorimo? ² Mi Yesu a biletsa ñuanyana ha go ena, a maea ha gare ga bona, ³ Mi a re, Amarure kia lo raea, Ha lo sa tlabologe loa na yaka banyana, ga lo kitla lo tsena mo gosiñ yoa magorimo. ⁴ Ki gona leha e le mañmañ eo o inolahatsañ yaka ñuanyana eo, o mogolu bogolu mo pushoñ ea magorimo. ⁵ Mi leha e le mañmañ eo o culañ ñuanyana eo o ntseñ yaka eo, mo ineñ ya me, oa ’ncula; ⁶ Mi leha e le mañmañ eo o tla khopisañ moñue oa ba botlana ba ba ba rumelañ mo go ’na, go kabo go le molemo go ena ha tlapa ya tsilo le le golegecoe mo thamuñ ea gague, a thabuericoe mo boteñeñ yoa leoatle. ⁷ Go latlega lehatse ka ntla ea likhopisho; gone likhopisho li cuanetse go tla, leha gontse yalo, go latlega mothu eo sekhopisho se tlañ ka ena. ⁸ Ki gona ha seatla sa gago, khotsa nao loa gago li gu khopisa, u li khaole, u li latle go uena; gone go molemo go uena go tsena mo botseloñ ka go tlotsa le bokooa, bogolu go rigeloa ka atla li tu, khotsa linao li tu mo moleloñ o o sa khutleñ. ⁹ Mi ha leitlo ya gago le gu khopisa, u le gonye, u le latle go uena. Go molemo go uena go tsena mo botseloñ u le moitlo, bogolu go rigeloa mo moleloñ oa molete u le maitlo ma tu. ¹⁰ Lo itise gore lo si nyatse moñue oa ba botlana ba; gone kia lo raea, baengele ba bona ba ba mo magorimoñ ba bona ka gale sehatlogo sa ga Rre eo o mo magorimoñ. ¹¹ Gone Moroa mothu o tletse go buluka ba ba latlegileñ. ¹² Lo gopolañ? ha mothu a na le liñku li hundereda, mi ha ñue ea cona e timela, a ga a kitla a tlogela tse li naente le naen mo lithabeñ, a ea go e e timetseñ. ¹³ Mi ha go rihala a e bona, amarure kia lo raea, o itumela mo go e bogolu go tse ri naente le naen tse ri sa timelañ. ¹⁴ Gontse yalo, ga si go rata ga Rra enu eo mo magorimoñ ha moñue oa babotlana ba a hela. ¹⁵ Ki gona ha mokauleñue oa gago a gu leohela, ea u muele ka lo losi. Etlare ha a gu utlua, u hentse mokauleñue oa gago. ¹⁶ Mi etlare ha a gana go gu utlua, ba u tsee moñue, khotsa ba tu nau, gore huku leñue le leñue le tlomamisioe ka cupo ea bashupi ba tu, khotsa ba teri. ¹⁷ Mi etlare ha a gana go ba utlua, u mulele mo ekelesieñ; mi etlare ha a gana go utlua ekelesia, a a ne go uena yaka mohaitene, le mophuthi oa lekhetho. ¹⁸ Amarure kia lo raea, cotle tse lo tla li bohañ mo hatsiñ li tla bohoa mo legorimoñ; mi cotle tse lo tla li bohololañ mo lehatsiñ li tla bohololoa mo legorimoñ. ¹⁹ Ki bile kia lo raea, Ha ba tu ba lona ba tla kopana mo hatsiñ kaga señue se ba tla se lopañ, ba tla se riheloa ki Rre eo o mo magorimoñ. ²⁰ Gone kua ba tu, khotsa ba teri ba phuthegelañ mogo gona, mo ineñ ya me, hoñ ki gona ha gare ga bona. ²¹ Eriha gona, Petero o mo atamelañ, a re, Morena, ha mokauleñue oa me a leoha ha go ’na ka gantsi, ki tla mo icuarela ga kai? A ki tla mo icuarela ga seven? ²² Yesu a araba, Ga ki gu ree, Ga seven, mi ka re, Sevente ga seven. ²³ Ki gona pusho ea magorimo e cuanañ le khosi ñue, e e laolañ go siamisa le batlañka ba eona. ²⁴ Mi ka e simolola go banya, ga lerioe moñue go eona eo o la a na le molatu litalenta li ten thousanda. ²⁵ Mi ka a sina se o ka lehañ ka shona, morena oa gague a laola go mapatsa, le mogatse, le bana, le cotle tse o nañ naco, go leha molatu. ²⁶ Eriha gona motlañka o oelañ a mo obamela, a re, Morena, u ne pelutelele le ’na, mi ki tla gu lehela cotle. ²⁷ Mi morena oa motlañka eo, a mo utluela botluku, a mo lesa, a mo icuarela molatu. ²⁸ Mi motlañka eo, ka a coela ntle, a bona motlañka ka ena, eo o la a le molatu nae denari li hundereda, a mela liatla, mi a mo cuara ka momecu, a re, ’Ntuela se u molatu le na ka shona. ²⁹ Mi motlañka ka ena a itigela ha naoñ tsa gague, a mo rapela, a re, U ne pelu telele le ’na, mi ki tla gu lehela cotle. ³⁰ Mi a gana, mi a ea, a mo rigela mo tluñ ea kholegelo, go tlo go tsamae a lehe molatu. ³¹ Batlañka ka ena, ba rile ba bona yalo, ba hutsahala bogolu, mi ba tla, ba bulelela morena oa bona cotle tse ri rihahetseñ. ³² Eriha gona morena oa gague o miletsañ go ena, a mo raea, Motlañka eo o boshula ki uena, ki le ka gu icuarela molatu ouo otle, gone u la ua ’nthapela; ³³ A e le e si cuanelo ea gago, go utluela botluku motlañka ka uena, yaka ki gu utluetse botluku? ³⁴ Mi morena oa gague a na bogale, a mo nela motlukuhatsi go tlo go tsamae a lehe cotle tse o molatu nae ka cona. ³⁵ Rre oa legorimo o tla rihela yalo moñue le moñue oa lona, eo o sa icuareleñ ka pelu eotle melatu ea mokauleñue oa gague.

KHAOLO 19. ¹ MI ga rihala, Yesu ka a sina uetsa mahuku a, a huruga Galilea, mi a hitla mo lithokoñ tsa Yuda, moseya oa Yoridane. ² Mi bontsintsi yo bogolu yoa mo latela, mi a bo horisa gona. ³ ¶ Le bona Bafarisai ba tla go ena, ba mo raela, mi ba mo raea, A ki taolo mo mononeñ go tlala mogatse ka ntla ea señue le señue? ⁴ Mi a araba, a ba raea, A ga loa ka loa buisa, ha eo o ba bopileñ mo tsimologoñ, a la a ba bopa, nona le tsari. ⁵ Mi a re, Ki gona monona o tla tlogelañ rague le mague, a ñaparela mogatse; mi ba tu ba tla na nama ñue hela. ⁶ Mi yalo ga ba kitla ba tlola ba na ba tu, mi e le nama ñue hela. Ki gona, a go si ne ope eo o khaoganyañ tse ri kopancoeñ ki Morimo. ⁷ Mi ba mo raea, Moshe o la a laolelañ go naea kualo loa khaogano, le go tlala mosari? ⁸ A ba raea, Moshe o la a lo lesa, ka ntla ea bothata yoa pelu tsa lona, go tlala basari ba lona; mi gole go sa na yalo mo tsimologoñ. ⁹ Mi kia lo raea, Leha e le mañmañ eo o tla tlalañ mogatse, ha e si ka ntla ea khokahalo, a nyala eo moñue, o riha khokahalo; mi eo o nyalañ eo o tlariloeñ, o riha khokahalo. ¹⁰ ¶ Barutoa ba gague ba mo raea, Ha gontse yalo le monona le mosari, go molemo bogolu go bisa go nyala. ¹¹ Mi a ba raea, Botle ga ba cule lehuku ye, ha e si bona ba ba le necoeñ. ¹² Gone go baeuneki bañue ba ba tsecoeñ yalo mo sebopeloñ sa ga mabo; mi go baeuneki bañue ba ba rihiloeñ baeuneki ki bathu; mi go baeuneki ba ba itihileñ baeuneki ka ntla ea bogosi yoa magorimo. Eo o nonohileñ go cula lehuku ye, a a le cule. ¹³ ¶ Eriha gona go leroeñ banyana go ena, gore a bee atla tsa gague go bona, a rapele; mi barutoa ba ba buela. ¹⁴ Mi Yesu a re, Lesañ banyana, lo si ba khoreletse go tla go ’na; gone ba bantseñ yalo, e le ba bogosi yoa magorimo. ¹⁵ Mi ka a sina baea atla tsa gague go bona, a coa gona. ¹⁶ ¶ Mi bonañ, moñue a tla go ena, a mo raea, Moruti eo o molemo, sa molemo eñ se ki tla se rihañ, gore ki ne le botselo yo bo sa khutleñ? ¹⁷ Mi a mo raea, U ’mpiletsañ molemo? Ga go ope eo molemo, Morimo osi; mi ha u rata go tsena mo botseloñ, tsegetsa melao. ¹⁸ A mo raea, Ehe? Mi Yesu a re, Ga u kitla u bolaea; Ga u kitla u gokahala; Ga u kitla u ucua; Ga u kitla u shupa cupo ea kako; ¹⁹ Tlotla rago le mago, mi u tla rata moñ ka uena yaka u ithata. ²⁰ Mi lekau ya mo raea, Ki tsegeritse cotle tse mo bonyaneñ yoa me, nako e sa le enu; ki sa tlokañ? ²¹ Yesu a mo raea, Ha u rata go itekanela, ea, u bapatse tse u nañ naco, mi u li abele bahumanegi, mi u tla na le lohumo mo legorimoñ; mi u tle, u ’ntsale morago. ²² Mi ka lekau le utlua yalo, ya ea ka bohutsana, gone le le na le lilo rintsi. ²³ ¶ Mi Yesu a raea barutoa ba gague, Amarure, kia lo raea, Go thata mo mohumiñ go tsena mo bogosiñ yoa magorimo. ²⁴ Mi ki bile kia lo raea, Ga go thata go kamela go tsena mo lecoheñ ya lomao, bogolu mo mohumiñ go tsena mo bogosiñ yoa Morimo. ²⁵ Mi ka barutoa ba gague ba utlua yalo, ba gakhamala segolu, ba re, Ana mañ eo o ka bulukegañ? ²⁶ Mi Yesu ka a ba leba a ba raea, Se, se retetse mo bathuñ, mi lilo cotle li ka rihala mo Morimoñ. ²⁷ ¶ Eriha gona Petero o arabañ a mo raea, Bona, re tlogetse gotle, mi re gu setse morago; ana re tla rueloa kañ? ²⁸ Mi Yesu a ba raea, Amarure kia lo raea, Lona ba lo ’ntsetseñ morago, mo tsaloñ loa bo‐tu, etlare Moroa mothu a lula mo seruloñ sa bogosi sa khalalelo ea gague, le lona lo tla lula mo liruloñ tsa bogosi li tuelev, lo sekisa litsika li tuelev tsa Yeserela. ²⁹ Mi leha e le mañmañ eo o tlogetseñ matlu, khotsa bomoroa rague, khotsa bokhantsarie, khotsa rague, khotsa mague, khotsa mosari, khotsa bana, khotsa masimo, ka ntla ea leina ya me, o tla bona bohundereda bogolu, mi o tla bona boshua yoa botselo yo bo sa khutleñ. ³⁰ Mi bontsi yoa ntla bo tla na yoa morago, mi yoa morago, bo ne yoa ntla.

KHAOLO 20. ¹ GONE pusho ea magorimo e cuana le muñ oa ntlu, eo o la a coa mo moshoñ go laleletsa tsimo ea movine ea gague barihi. ² Mi barihi ba mo rumela ka denari mo tsatsiñ le leñue, mi a ba romela mo tsimoñ ea movine ea gague. ³ Mi ka a coa e kane e le ka oura oa bo‐teri, a bona bañue ba eme mo mileñ oa thekelo, ba sina tiho. ⁴ Mi a ba raea, Le lona, eañ mo tsimoñ ea movine, mi se se siameñ ki tla se lo naea. Mi ba ea. ⁵ Gape, ka a coa e kane e le ka oura oa bo‐sekes le oa bo‐naen, a riha yaka ga ntla. ⁶ Mi ka a coa e kane e le ka oura oa bo‐eleven, a bona bañue ba eme; mi a ba raea, Lo emetseñ ka tsatsi yeotle, lo sa rihe sepe? ⁷ Mi ba mo raea, Gone go si ope eo o re laleritseñ. A ba raea, Le lona, eañ mo tsimoñ ea movine, mi se se siameñ lo tla se bona. ⁸ Mi ka go sina na matsiboea, morena oa tsimo ea movine a raea motlameri‐ntlu oa gague, Bitsa barihi, mi u ba ne tuelo tsa bona, u simolole ka oa bohelo le go oa ntla. ⁹ Mi ka go tla ba ba lalericoeñ ka oura oa bo‐eleven, moñue le moñue a bona denari. ¹⁰ Mi ka go tla ba ntla, ba itloma ha ba tla bona bogolu; mi moñue le moñue oa bona le ena a bona denari. ¹¹ Mi ka ba sina e cula, ba ñoñoregela muñ oa ntlu, ¹² Ba re, Ba ba morago ba rihile ka oura a le moñue hela, mi u ba lekantse le rona, ba re belegeñ pelesho le mogote oa letsatsi. ¹³ Mi a araba, a raea moñue oa bona, Tsala, ga ki gu siamololele; a ga ua rumalana le ’na ka denari ñue hela? ¹⁴ Cula ea gago, mi u ee; ki rata go naea eo oa bohelo, yaka ki gu neile. ¹⁵ Khotsa a ga si taolo go ’na go riha le lilo tsa me kaha ki ratañ ka gona? khotsa a leitlo ya gago le boshula, ka ki le molemo? ¹⁶ Yalo, ba morago ba tla na ba ntla, le ba ntla ba ne ba morago; gone bantsi ba ba biricoeñ, mi ba botlana ba ba itseñkecoeñ. ¹⁷ ¶ Mi ka Yesu a ea Yerusalema, a itsela barutoa ba tueleve bosi mo tseleñ, mi a ba raea, ¹⁸ Bonañ, rea ea kua Yerusalema, mi Moroa mothu o tla neloa mo atleñ tsa baperiseti ba bagolu le bakuari; mi ba tla mo sekisetsa loshuñ. ¹⁹ Mi ba tla mo nela bahaitene go mo shotla, le go metsa, le go mapola; mi o tla ba a coga ka tsatsi ya bo‐teri. ²⁰ ¶ Eriha gona go tlañ mma bana ba ga Sebedaio go ena le bomoroaue, a mo obamela, mi a lopa seo señue go ena. ²¹ Mi a mo raea, U eletsañ? A mo raea, Ree bomoroake ba tu ba, ba lule moñue mo atleñ se se siameñ sa gago, mi eo moñue mo go sa molema, mo pushoñ ea gago. ²² Mi Yesu a araba, a re, Ga lo itse se lo se eletsañ. A lo ka noa senoelo se ki tla se noañ? le go bapetisioa ka papetisho e ki tla bapetisioañ ka eona? Ba mo raea, Re nonohile. ²³ Mi a ba raea, Rure senoelo sa me lo tla se noa, le go bapetisioa ka papetisho e ki bapetisioañ ka eona, mi go lula mo atleñ se se siameñ sa me, le mo go sa molema, ga si ga me go go naea, go tla neoa ba Rre o go ba etleleritseñ. ²⁴ Mi erile ba ten ba utlua yalo ba gakalela bakauleñue ba tu bogolu. ²⁵ Mi ka Yesu a ba biletsa go ena, a re, Loa itse ha balaori ba bahaitene ba na le pusho mo go bona, mi bagoluane ba busa ka thata mo go bona. ²⁶ Mi ga go kitla go na yalo mo go lona, mi leha e le mañmañ eo o ratañ go na mogolu mo go lona, a a ne moriheri oa lona; ²⁷ Mi leha e le mañmañ eo o tla ratañ go na oa ntla, a a ne motlañka oa lona; ²⁸ Yaka Moroa mothu a sa tle go riheloa, e le go rihela, le go nela botselo yoa gague go na thekololo ea bontsi. ²⁹ Mi ka ba coa Yeriko, bontsi yo bogolu yoa mo sala morago. ³⁰ ¶ Mi bonañ, banona ba lihohu ba tu ba rutse ha tseleñ, ka ba utlua ha Yesu a heta, ba bitsa ba re, Morena, Moroa Davida, u re utluele botluku. ³¹ Mi bontsi yoa ba buela gore ba ririmale, mi ba bitsa bogolu ba re, U re utluele botluku, Morena, Moroa Davida. ³² Mi Yesu a ema, mi a ba bitsa, a re, Lo rata ka lo rihelañ? ³³ Ba mo raea, Morena, a maitlo a rona a buloe. ³⁴ Mi Yesu a na le boutluelo botluku, a ama maitlo a bona, mi maitlo a bona a bona ka bonako, mi ba mo sala morago.

KHAOLO 21. ¹ MI erile yana ba atamela Yerusalema, ba hitla Betefage, ha thabeñ ea Olefa, eriha gona Yesu o romañ barutoa ba tu, ² A ba raea, Eañ kua motsaneñ o lo lebaganyeñ nao, mi lo tla akoha lo bona esela e golegiloe, le eselana e na naeo; li gololeñ, mi lo li lere kuanu go ’na. ³ Mi ha moñue a bua señue le lona, lo re, Morena oa li tloka, mi o tla li isa. ⁴ Mi yana cotle tse tsa rihahala, gore mahuku a a builoeñ ki moperofeti a rihahale, a re, ⁵ Raeañ moroaria Tsiona, Bona, khosi ea gago ea tla go uena, ka bonolo, e palame esela, ki eselana ea eona e e belesañ. ⁶ Mi barutoa ba ea ba riha kaha Yesu o ba laoletseñ ka gona. ⁷ Mi ba lere esela le eselana, mi ba baea liaparo tsa bona mo go cona, mi ba mo palamisa. ⁸ Mi bogolu yoa bontsi yoa ala liaparo tsa yona mo tseleñ; mi ba bañue ba rema kala tsa litlare ba li halatsa mo tseleñ. ⁹ Mi bontsintsi yo bo eteletseñ pele, le yo bo setseñ morago, yoa bitsa, yoa re, Hosana go Moroa Davide; go tsegohala eo o tlañ mo ineñ ya ga Yehova. Hosana mo gorimoñ ya bogorimo bogolu. ¹⁰ Mi ka a tsena mo Yerusalema, motse otle oa huruega, oa re, Emañ eo? ¹¹ Mi bontsintsi yoa re, Eo ki Yesu moperofeti oa Nasereta oa Galilea. ¹² Mi Yesu a tsena mo tempeleñ ea Morimo, mi a khoromeletsa ntle botle ba ba rekañ, le ba ba bapatsañ mo tempeleñ, mi a putukelela limati tsa bareki ba litheko, le litulo tsa bona ba ba bapatsañ maphui; ¹³ Mi a ba raea, Go kuariloe, Ntlu ea me, e tla birioa ntlu ea thapelelo, mi lo e rihile moñobo oa linokuane. ¹⁴ Mi ga tla go ena lihohu le batlo tsi mo tempeleñ, mi a ba horisa. ¹⁵ Mi ka baperiseti ba bagolu le bakuari ba bona likhakhamaco tse o ri rihileñ, le banyana ba bitsa mo tempeleñ, ba re, Hosana go Moroa Davide; ba ñoñorega segolu, ¹⁶ Ba mo raea, A ua utlua se ba se buañ ba? Mi Yesu a ba raea, E; a ga lo e si lo ko lo buise, U na le pako ea botlalo mo melomoñ ea banyana, le ba ba anyañ? ¹⁷ Mi ka a ba tlogela, a coela kua ntle ga motse, a ea kua Betania, mi a tlola gona. ¹⁸ Mi ka mosho, ka a ba a boela kua motseñ, a utlua tlala. ¹⁹ Mi ka a bona setlare sa mofeige ha tseleñ, a hitla go shona, mi a si ka a bona sepe mo go shona ha e si makakaba aosi; mi a se raea, A go si ne louñuo go uena ga yana le ka bosina bokhutlo; mi setlare sa mofeige sa omelela ka bonako. ²⁰ Mi ka barutoa ba bona yalo ba gakhamala, ba re, Ana setlare sa mofeige se omelela yañ ka bonako? ²¹ Mi Yesu a araba, a ba raea, Amarure kia lo raea, Ha lo na le tumelo, mi lo sa belaele, lo kabo lo riha esiñ mo go rihecoeñ tlare sa mofeige, mi leha lo kabo lo raea thaba e, Manologa, u rigeloe mo nokeñ, go tla rihala. ²² Mi cotle tse lo li lopañ ka thapelo, lo rumela, lo tla li bona. ²³ ¶ Mi ka a tsena mo tempeleñ, a sa ruta, ga tla go ena baperiseti ba bagolu, le bagolu ba bathu, ba re, U riha lilo tse ka thata ehe? Mi thata e, u e neiloe e mañ? ²⁴ Mi Yesu a araba, a ba raea, Le ’na ki tla lo botsa poco ñue, e ha lo ka e ’nkaraba, le ’na ki tla lo bulelela thata e ki rihañ lilo tse ka eona. ²⁵ Papetisho ea ga Yohane, e le ea coa kae? A e coa mo legorimoñ, khotsa a e coa mo bathuñ? Mi ba gakololana mo go bona, ba re, Etlare ha re re, E coa mo legorimoñ, o tla re raea, Mi lo lo sa mo rumeleleñ? ²⁶ Mi etlare ha re re, E coa mo bathuñ, re boiha bontsi; gone botle ba kaea ha Yohane e le moperofeti. ²⁷ Mi ba araba Yesu, ba re, Ga re itse. Le ena a ba raea, Le ’na, ga ki lo bulelele thata e ki rihañ lilo tse ka eona. ²⁸ ¶ Mi lo gopolañ? Monona a na le bomoroaue ba tu, mi a ea go oa ntla, a re, Moroaka, ea u rihe mo tsimoñ ea movine ea me gompienu. ²⁹ Mi a araba, a re, Kia gana; mi morago ga mouo a ikuatlaea, mi a ea. ³⁰ Mi a ea go eo moñue, a bua hela yalo; mi eo, a araba, a re, Kia ea, morena; mi a si ka a ea. ³¹ Mo go bo‐tu yo, mañ eo o rihileñ thato ea ga rague? Ba mo raea, Oa ntla. Yesu a ba raea, Amarure kia lo raea, baphuthi ba lekhetho le baakahari ba lo etelela pele mo bogosiñ yoa Morimo. ³² Gone Yohane o la a tla go lona mo mokhueñ oa tsiamo, mi ga loa ka loa mo rumela; mi baphuthi ba lekhetho le baakahari ba le ba mo rumela; mi lona, erile lo sina bona yalo, ga loa ka loa ikuatlaea gore lo mo rumele. ³³ ¶ Utluañ secuanco se señue: Gabo gole muñ oa ntlu, eo o la a tloma tsimo ea movine, a e rikanyeletsa ka logora, a epa khatisho ea boyaloa mo go eona, mi a aga turio, a e laleletsa barihi tsimo; mi a ea kua hatsiñ le sele. ³⁴ Mi eare motla oa mauñuo o atamela, a romela batlañka ba gague barihiñ‐tsimo, go bona mauñuo a eona. ³⁵ Mi barihi‐tsimo ba cuara batlañka ba gague, moñue ba metsa, mi eo moñue ba molaea, mi oa bo‐teri ba mo khobotletsa. ³⁶ A ba a roma batlañka ba sele, ba le bantsi bogolu go ba ntla; mi ba ba rihela yalo. ³⁷ Mi ga bohelo, a ba romela moroaue, a re, Ba tla ipobola moroake. ³⁸ Mi barihi‐tsimo ka ba bona moroaue, ba rana, ba re, Eo ki ena oa boshua; tlañ re molaeeñ, mi boshua yoa gague e rihe yoa rona. ³⁹ Mi ba mo cuara, ba mo khoromeletsa ntle ga tsimo ea vine, ba molaea. ⁴⁰ Mogañ morena oa tsimo ea movine o tlañ ka ona, barihi‐tsimo ba, o tla ba rihañ? ⁴¹ Ba mo raea, Basenyi ba, o tla ba senya ka tsenyo, mi tsimo ea movine o tla e laleletsa barihi‐tsimo ba sele, ba ba tla mo naeañ mauñuo mo metleñ ea aona. ⁴² Yesu a ba raea, A ga lo e si lo buise mo likualoñ, Leincue ye le latliloeñ ki baagi, le rihegile motheo oa khokhoco. Se, se rihiloe ki Yehova, mi sea gakhamatsa mo maitloñ a rona. ⁴³ Ki gona ki lo raeañ, bogosi yoa Morimo lo tla bo tloserioa, mi bo neoa morahe o o tla ntsañ mauñuo a yona. ⁴⁴ Mi eo o oelañ mo incueñ ye, o tla papetlega; mi eo, le mo oelañ, le tla mo higitlanya. ⁴⁵ Mi ka baperiseti ba bagolu le Bafarisai ba sina utlua licuanco tse, ba lemoga ha a bua ga bona. ⁴⁶ Mi ka ba batla go mo cuara, ba boiha bontsintsi, ka le mororo ba mo kaea ha e le moperofeti.

KHAOLO 22. ¹ MI Yesu a araba, a ba a bua nabo ka licuanco, a re, ² Pusho ea magorimo e cuana le khosi ñue, e e etleletsañ moroa eona moriho oa nyalo. ³ Mi ea roma batlañka ba eona go bitsa ba ba bilericoeñ moriho oa nyalo; mi ba gana go tla. ⁴ Mi a ba a roma batlañka ba sele, a re, Raeañ ba ba biricoeñ, Bonañ, ki etleleritse selalelo sa me, lipholu tsa me le tse ri nonneñ li tlabiloe, mi cotle li itlericoe; tlañ nyaloñ. ⁵ Mi ba si ka ba re sepe, mi ba ea, moñue kua tsimoñ ea gague, le eo moñue kua thekoñ ea gague. ⁶ Mi ba bañue ba cuara batlañka ba eona, ba ba rihela tse ri mashue, ba ba bolaea. ⁷ Mi ka khosi e utlua yalo ea galeha, mi ea ntsa lintua tsa eona, tsa senya babolai ba, mi motse oa bona tsa o cubela. ⁸ Eriha gona e raeañ batlañka ba eona, Nyalo e etlericoe, mi ba ba le ba biricoe ba le ba sa cuanela. ⁹ Ki gona coelañ kua tseleñ tse ri kholu, mi botle ba lo ba bonañ, ba biletseñ nyaloñ. ¹⁰ Mi ka batlañka ba, ba coela mo litseleñ, ba phutha botle ba ba ka ba bonañ; ba boshula le ba molemo; mi ntlu ea nyalo ea tlarioa ki ba ba biricoeñ. ¹¹ Mi ka khosi e tsena go bona ba ba rutseñ, ea bona monona gona, eo o sa apareñ aparo sa nyalo; ¹² Ea mo raea, Tsala, u tsenye yañ monu, ka u sina aparo sa nyalo? mi a tloka puo. ¹³ Eriha gona khosi e raeañ batlañka, Moheñ liatla le linao, mo tloseñ, mi mo latleleñ hihiñ ye le kua ntle, kua selelo le khuranyo ea meno li tla na gona. ¹⁴ Gone bontsi bo biricoe, mi bo botlana yo bo itseñkecoeñ. ¹⁵ Eriha gona Bafarisai ba eañ, ba gakololana kaha ba ka mo raelañ ka gona mo thutoñ ea gague. ¹⁶ Mi ba romela barutoa ba bona go ena le Baherodi, ba re, Rabi, rea itse u amarure, mi u ruta mokhua oa Morimo ka amarure; mi ga u re ope sepe, gone ga u re licuanco tsa bathu sepe. ¹⁷ Ki gona u re bulelele, U gopolañ? A ki taolo go nela Kaisare lekhetho, khotsa nya? ¹⁸ Mi ka Yesu a lemoga bogale yoa cubo yoa bona, a re, Baitimokanyi ki lona, lo ’nthaelelañ? ¹⁹ ’Ncupetsañ sereko sa lekhetho, mi ba mo leretsa denari. ²⁰ Mi a ba raea, Secuanco se, le sekualo se, ki sa ga mañ? ²¹ Mi ba mo raea, Sa ga Kaisare. Eriha gona o ba raeañ, Ki gona naeañ Kaisare tse e leñ tsa ga Kaisare, le go Morimo tse e leñ tsa Morimo. ²² Mi ka ba utlua yalo, ba gakhamala, mi ba mo tlogela, mi ba ea. ²³ ¶ Mo motseñ ouo ga tla Basadukai go ena, ba ba reñ, ga gona cogo ea bashui, mi ba motsa, ²⁴ Ba re, Rabi, Moshe o rile, Ha moñue a shua a sina bana, monnaue o tla moeantlu go cosetsa mogolue bana. ²⁵ Mi yana gole ga na le rona bakauleñue ba seven; mi oa ntla, erile a sina nyala mosari, a shua, a sina ñoana, mi a tlogelela monnaue mogatse. ²⁶ Ga na hela yalo le oa bo‐tu, le oa bo‐teri; go ea oa bo‐seven. ²⁷ Mi morago ga bona botle, mosari le ena a shua. ²⁸ Ki gona o tla na mosari oa ga mañ mo go ba seven mo cogoñ ea bashui? gone ba le ba mo nyetse botle. ²⁹ Mi Yesu a araba a ba raea, Loa timela, ka lo sa itse likualo, le thata ea Morimo. ³⁰ Gone ga ba nyale, mi ga ba neoe nyalo mo cogoñ ea bashui, mi ba cuana le baengele ba Morimo kua legorimoñ. ³¹ Mi ga cogo ea bashui, a ga loa ka loa buisa se se builoeñ ki Morimo go lona, se se reñ, ³² Ki na Morimo oa ga Aberahame, le Morimo oa ga Yitsake, le Morimo oa ga Yakobe. Morimo ga si Morimo oa bashui, mi e le oa batseri. ³³ Mi ka bontsi bo utlua yalo, yoa siloharioa ki thuto ea gague. ³⁴ Mi ka Bafarisai ba utlua ha a ririmaritse Basadukai, ba phuthega mogo. ³⁵ Mi moñue, ki moruti oa molao, a motsa, a mo leka, a re, ³⁶ Rabi, taolo e kholu e e mo molaoñ ki ehe? ³⁷ Yesu a mo raea, U tla rata Yehova Morimo oa gago ka pelu ea gago eotle, le ka moea oa gago otle, le ka tlaloganyo ea gago eotle. ³⁸ E, e le taolo ea ntla, le e kholu. ³⁹ Mi ea bo‐tu e cuana le eona, U tla rata moñ ka uena yaka u ithata. ⁴⁰ Molao otle, le baperofeti ba ema ka taolo tse tu tse. ⁴¹ ¶ Mi ka Bafarisai ba phuthega mogo, Yesu a ba botsa, ⁴² Mi a re, Lo gopolañ ga Keresete? E ka na moroa mañ? Ba mo raea, Oa ga Davide. ⁴³ A ba raea, Davide o miletsañ Morena oa gague, ka moea, a re, ⁴⁴ Yehova o la a raea Morena oa me, Lula ha atleñ sa me se se siameñ, ki tle ki tsamae ki rihe baba ba gago serulo sa nao tsa gago? ⁴⁵ Ki gona ha Davide a mitsa Morena, ontse moroaue yañ? ⁴⁶ Mi gole go si ope eo o nonohileñ go mo araba huku lepe; le gona ga tsatsi yeuo, gabo go si ope eo o tlolañ a motsa sepe.

KHAOLO 23. ¹ ERIHA gona Yesu o buañ le bontsintsi le go barutoa ba gague, ² A re, bakuari le Bafarisai ba lula mo seruloñ sa ga Moshe. ³ Ki gona cotle tse ba li lo bulelelañ go li buluka, li bulukeñ, lo li rihe; mi lo si rihe kaha ba rihañ ka gona; gone ba bua, mi ba sa rihe. ⁴ Gone ba boha lipelesho tse ri thata go belegoa, mi ba li baea mo maruliñ a bathu; mi ba gana go li ama ka moñue oa menuana ea bona. ⁵ Mi tiho cotle tsa bona, ba li riha gore ba bonoe ki bathu; mi ba atlamisa lifelaketeri tsa bona, mi ba totisa makantsa a liaparo tsa bona, ⁶ Mi ba rata lirulo tse ri kua pele mo merihoñ, le lirulo tse ri kholu mo masenagogeñ, ⁷ Le litumerisho mo mebileñ ea thekelo, le go birioa ki bathu, Rabi, Rabi. ⁸ Mi lona, si birioeñ Rabi, gone moñue e le mogogi oa lona, e boñ Keresete, mi lona lo bakauleñue lotle. ⁹ Mi lo si bitse ope Rra enu mo hatsiñ; gone moñue e le Rra enu, eo o mo magorimoñ. ¹⁰ Le gona lo si birioe bagogi, gone moñue e le mogogi oa lona, e boñ Keresete. ¹¹ Mi eo o mogolu mo go lona, o tla na motlañka oa lona. ¹² Mi leha e le mañmañ eo o ikhorisañ, o tla nolaharioa; mi eo o inolahatsañ, o tla gorisioa. ¹³ ¶ Go latlega lona, bakuari le Bafarisai, baitimokanyi; gone lo cualela bathu bogosi yoa magorimo; gone lo sa tsene, mi ba ba tsenañ lo sa ba lese go tsena. ¹⁴ Mi go latlega lona, bakuari le Bafarisai, baitimokanyi; gone lo metsa matlu a batlologari, mi lo riha merapelo go na seipato; ki gona lo tla bonañ tsekisho e kholu bogolu. ¹⁵ Go latlega lona, bakuari le Bafarisai, baitimokanyi; gone loa ralala leoatle le lehatse go riha moperoseliti a le moñue hela; mi ere a sina rihoa, loa mo riha ñuana oa molete oa molelo ga tu bogolu go lona. ¹⁶ Go latlega lona, bagogi ba lo hohuhetseñ, ba lo reñ, Leha e le mañmañ eo o tla ikanañ ka tempela, e tla bo e si sepe; mi leha e le mañmañ eo o tla ikanañ ka gouda oa tempela, o molatu naeo. ¹⁷ Masilo le lihohu ki lona; go gogolu ehe? Gouda, khotsa tempela e e tsephisañ gouda? ¹⁸ Mi leha e le mañmañ eo o tla ikanañ ka aletara, e tla bo e si sepe; mi leha e le mañmañ eo o tla ikanañ ka neo e e mo go eona, o molatu naeo. ¹⁹ Masilo le lihohu ki lona; go gogolu ehe? Neo, khotsa aletara e e tsephisañ neo? ²⁰ Ki gona eo o ikanañ ka aletara, o ikana ka eona, le cotle tse ri mo go eona; ²¹ Mi ena eo o ikanañ ka tempela, o ikana ka eona, le eo o agañ mo go eona. ²² Mi ena eo o ikanañ ka legorimo, o ikana ka serulo sa bogosi sa Morimo, le ka ona o o lulañ mo go shona. ²³ Go latlega lona, bakuari le bafarisai, baitimokanyi, gone loa leha liten tsa menta, le aneto, le kumine, mi loa lesa lilo tse ri kholu bogolu tsa molao, e boñ tsiamisho, le boicuarelo, le tumelo. Tse lo kabo lo li rihile, mi tse riñue lo si ka loa li lesa. ²⁴ Bagogi ba lo hohuhetseñ ki lona, loa minolosa montsane, mi loa metsa kamela. ²⁵ Go latlega lona, bakuari le Bafarisai, baitimokanyi, gone lo iñtlahatsa senoelo, le seyana ka kua ntle, mi kua teñ li tletse thopo le tsiamololo. ²⁶ Mofarisai oa sehohu ki uena, iñtlahatsa ka kua teñ ga senoelo pele, le seyana, gore ka kua ntle ga shona le gona go iñtlaharioe. ²⁷ Go latlega lona, bakuari le Bafarisai, baitimokanyi, gone lo cuana le liphupu tse ri shueuharicoeñ ka kua ntle, mi li tletse marapo a bashui, le go bola gotle, kua teñ. ²⁸ Le lona loa iponatsa mo bathuñ lo le basiami yalo ka kua ntle, mi lo tletse boitimokanyo le tsiamololo mo teñ. ²⁹ Go latlega lona, bakuari le Bafarisai, baitimokanyi, gone loa aga liphupu tsa baperofeti, mi loa khabisa liphupu tsa basiami, ³⁰ Lo re, Re kabo re le ra na mo metleñ ea bo‐rra ecu, re kabo re sa ka ra na baabalani nabo mo mariñ a baperofeti. ³¹ Yalo loa shupa kaga lona, ha lo le bana ba ba ba bolaileñ baperofeti. ³² Le lona tlaleletsañ selekanyo sa bo‐rra enu. ³³ Linoga ki lona, le losika loa lishaushauane ki lona, lo tla tsaba yañ tsekisho ea molete oa molelo? ³⁴ Ki gona, bonañ, Kia roma baperofeti le matlale, le bakuari go lona; mi bañue ba bona lo tla ba bolaea, lo ba bapola; mi bañue ba bona lo tla ba betsa mo masenagogeñ a lona, lo ba bogisa go motse le motse; ³⁵ Gore mari aotle a a siameñ a hitle go lona, a a culogetseñ mo hatsiñ, ga mari a ga Abele mosiami le go mariñ a ga Sakarie moroa Barakie eo lo molaetseñ ha gare ga tempela le aletara. ³⁶ Amarure, kia lo raea, cotle tse li tla tla mo sikeñ lo. ³⁷ Yerusalema, Yerusalema, eo o bolaeañ baperofeti, u khobotletse ka maye ba ba romecoeñ go uena! ’nkabo ki phuthile bana ba gago ka gale ga kai, yaka eona koku e phuthela mamphoroana a eona tlatse ga liphuka tsa eona, mi u ganne! ³⁸ Bona, ntlu ea gago u e tlogelecoe letlotla. ³⁹ Gone kia lo raea, Ga yana ga lo kitla lo tlola lo ’mpona, go tlo go tsamae lo re, Go tsegohala ena eo o tlañ mo ineñ ya ga Yehova.

KHAOLO 24. ¹ MI Yesu a tloga, a coa mo tempeleñ, mi barutoa ba gague ba tla go ena, go mo shupetsa likago tsa tempela. ² Mi Yesu a ba raea, A ga lo bone cotle tse? Amarure kia lo raea, Ga go kitla go lesioa ha, leincue leñue mo go ye leñue, ye le si kitlañ le rigoa. ³ ¶ Mi erile ka a rutse mo thabeñ ea Olefa, ga tla go ena barutoa ba gague bosi, ba re, Re bulelele, lilo tse li tla rihala leñ? la cupo ea go tla ga gago, e tla na ehe, le ga bokhutlo yoa lehatse? ⁴ Mi Yesu ka a araba, a ba raea, Lo itise gore lo si tsierioe ki ope. ⁵ Gone bontsi bo tla tla mo ineñ ya me, bo re, Ki ’na Keresete, mi bo tla tsietsa bontsi. ⁶ Mi lo tla utlua ga litlabano, le merumo ea litlabano; mi itiseñ gore lo si boihe; gone cotle tse li tla rihala, mi e be e si e ne bokhutlo. ⁷ Gone morahe o tla cogela morahe o moñue, le bogosi bo tla cogela bogosi yo boñue; mi go tla na tlala, le lipesetelense, le lithoromo tsa lehatse mo maheloñ a mañue. ⁸ Mi cotle tse, e be e sale tsimologo ea mahutsana. ⁹ Eriha gona ba tla lo nelañ mo lipogishoñ, ba tla lo bolaea; mi lo tla iloa ki merahe eotle ka ntla ea leina ya me. ¹⁰ Eriha gona bontsi bo tla khopioañ, mi ba tla okana, mi ba tla ilana. ¹¹ Mi bontsi yoa baperofeti ba tsieco ba tla coga, mi ba tla tsietsa bontsi. ¹² Mi lorato loa bontsi lo tla tsirihala, ka ntla ea bogolu yoa tsiamololo. ¹³ Mi eo o icokelañ bokhutloñ, eo, o tla bulukoa. ¹⁴ Mi evangelio e ea pusho e tla reroa mo hatsiñ yeotle go na cupo mo meraheñ eotle, mi eriha gona sekhutlo se tla tlañ; ¹⁵ Ki gona lo tlareñ lo bona mashue bobe a tsenyo, a a builoeñ ki Daniele moperofeti, a eme mo heloñ ga boitsepho (eo o buisañ a a eletloko), ¹⁶ Eriha gona ba ba mo Yudeñ a ba tsabele kua lithabeñ; ¹⁷ Mi eo o mo tlomeshoñ tsa ntlu, a a si hologe go tsaea sepe mo tluñ ea gague; ¹⁸ Le eo o mo nageñ, a a si be a boele go tsaea aparo tsa gague. ¹⁹ Go latlega bona ba ba ithueleñ, le ba ba amusañ, mo metleñ euo! ²⁰ Mi rapelañ gore tsabo ea lona e si ne mo marigeñ, khotsa ka tsatsi ya Sabata. ²¹ Gone go tla na pogisho e kholu mo motleñ ouo, yaka go e si go ke go ne ka tsimologo ea lehatse le go yana, mi go si kitla go tlola go na yalo. ²² Mi ha metla euo e sa khutsaharioe go kabo go sa sale mothu ope; mi metla euo e tla khutsaharioa ka ntla ea baitseñkeroi. ²³ Eriha gona etlareñ ha moñue a lo raea, Bonañ, Keresete ki eo, khotsa o hale; si rumeleñ. ²⁴ Gone go tla coga bokeresete ba tsieco le baperofeti ba tsieco, mi ba tla riha licupa tse ri kholu le likhakhamaco, go kana ka go tsietsa le bona baitseñkeroi, ha go ka na yalo. ²⁵ Bonañ, ki lo buleleletse pele. ²⁶ Ki gona etlareñ ha ba lo raea, Bonañ, o kua gareganaga, lo si coe: Bonañ, o mo matluñ a a kua teñ, lo si rumele. ²⁷ Gone yaka logarima lo coa kua Iseteñ, lo garimela kua Ueseteñ, go tla na yalo mo go tleñ ga Moroa mothu. ²⁸ Gone kua setoto se gona, manoñ a tla phuthegela gona. ²⁹ ¶ Ka bokhutsane morago ga pogisho ea metla euo, letsatsi le tla hihihala, mi khueri ga e kitla e naea seri ya eona, mi linaleri li tla oa kua legorimoñ, mi lithata tsa magorimo li tla urubarioa. ³⁰ Eriha gona go tla bonalañ cupo ea Moroa mothu mo legorimoñ; eriha gona litsika cotle tsa lehatse li tla lelañ, mi li tla bona Moroa mothu a tla mo maruñ a legorimo ka thata le Khalalelo e kholu. ³¹ Mi o tla roma baengele ba gague ka terompeta ea tumo e kholu; mi ba tla phutha baitseñkeroi ba gague go coa mo phehoñ li for, ba coa kua bokhutloñ boñue yoa magorimo, le go yo boñue. ³² Mi yana ithuteñ secuanco sa setlare sa mofeige: ha kala ea shona e na nana, e tloga makakaba, loa itse ha selemo se atametse. ³³ Le gona le lona, lo tlare lo bona cotle tse, lo itse ha a le gauhe ha meyakoñ. ³⁴ Amarure kia lo raea, Sika lo ga lo kitla lo heta, go tlo go tsamae cotle tse li rihahale. ³⁵ Legorimo le tla heta le lehatse, mi mahuku a me ga a kitla a heta. ³⁶ ¶ Mi ga motla ouo le ga oura ouo ga go itse ope, le esiñ baengele ba magorimo; ki Rre esi eo o itseñ. ³⁷ Mi yaka malatsi a ga Noe a la antse, go tla na yalo mo go tleñ ga Moroa mothu. ³⁸ Gone yaka ba le bantse pele ga malatsi a moroalela oa metse, ba ya, ba noa, ba nyala, ba neoa nyaloñ, ga tsamaea tsatsi ye Noe a tsenañ mo arekeñ ka yeona, ³⁹ Mi ba si ka ba itse, ga tsamaea moroalela oa metse oa tla, oa ba tlosa botle; go tla na yalo mo go tleñ ga Moroa mothu. ⁴⁰ Eriha gona banona ba tu ba tla nañ mo bolemoñ, moñue o tla culoa, mi eo moñue o tla tlogeloa:Basari ba tu ba tla bo ba sila mo tsiloñ; moñue o tla culoa, mi eo moñue o tla tlogeloa. ⁴² Risañ tle, gone ga lo itse oura o Morena oa lona o tla tlañ ka ona. ⁴³ Mi mo, loa go itse, ha muñ oa ntlu a la a itsile tisho ea bosigo e legoru le tla tlañ ka eona, o kabo a lebeletse, mi o ko a sa leseletse ntlu ea gague go phuñoa. ⁴⁴ Ki gona, le lona, ipanyeñ; gone ga lo itse oura o, Moroa mothu o tlañ ka ona. ⁴⁵ Mi yana motlañka oa boikanyo le tsisimogo ki ohe, eo morena oa gague o mo laorisañ ba ntlu ba gague, go ba naea liyo mo motleñ oa cona? ⁴⁶ Go tsego motlañka eo, morena oa gague etlareñ a tla, a mone a riha yalo. ⁴⁷ Amarure kia lo raea, O tla mo laorisa lilo cotle tsa gague. ⁴⁸ Mi ha motlañka eo, eo boshula, a tla ithaea mo peluñ ea gague, muñoake oa riega go tla; ⁴⁹ Le go simolola go betsa batlañka ka ena, a ya a noa le batagoi; ⁵⁰ Muñ oa motlañka eo, o tla tla mo motsiñ o, o sa mo lebeleleñ ka ona, le mo oureñ o o sa o itseñ, ⁵¹ Mi o tla mo khaola, a mo laolela kabelo ea gague le baitimokanyi; hoñ go tla na selelo, le khuranyo ea meno.

KHAOLO 25. ¹ ERIHA gona bogosi yoa magorimo bo tla cuantsioañ le makharebe a ten, a a la a cula lipone tsa aona, mi a coelela go khatlantsa monyari. ² Mi a faeve a aona a la le matlale, mi a faeve a la le masilo. ³ A a bosilo a tsaea lipone tsa aona, mi a si ka a tsaea loukuane nao; ⁴ Mi matlale a tsaea loukuane mo liñkhoñ tsa aona, le lipone tsa aona. ⁵ Mi ka monyari a riega, aotle a otsela, mi a robala. ⁶ Mi ga rihala pico gare ga bosigo, Bonañ, monyari oe tla; coañ, lo mo khatlantse. ⁷ Eriha gona makharebe aotle a, a cogañ a bakanya lipone tsa aona. ⁸ Mi masilo a raea matlale, Re heñ loukuane loa lona; gone lipone tsa rona lia tima. ⁹ Mi a a matlale a araba, a re, Nya; etlare khotsa lo bo lo sa re lekane le lona; bogolu eañ go ba ba bapatsañ, mi lo ithekele. ¹⁰ Mi ka a sa ea go reka, monyari a tla, mi a a la a iketleritse a tsena nae mo nyaloñ; mi moyako oa kopeloa. ¹¹ Le aona makharebe a mañue a tla morago ga mouo, a re, Morena, Morena, re bulele. ¹² Mi a araba, a re, Amarure kia lo raea, Ga ki lo itse. ¹³ Ki gona, risañ, gone ga lo itse tsatsi, khotsa oura o Moroa mothu o tla tlañ ka ona. ¹⁴ ¶ Gone o cuana le monona eo o etañ, eo o la a bitsa batlañka ba gague, a ba nela lilo tsa gague. ¹⁵ Mi a nela moñue talenta li faeve, moñue li tu, mi eo moñue ñue hela; a nela moñue le moñue yaka nonoho ea gague, mi a akoha a ea mo etoñ loa gague. ¹⁶ Mi eo o la a necoe litalenta li faeve a ea, a reka ka cona, mi a bona talenta tse riñue li faeve. ¹⁷ Gontse yalo le ena eo o la a necoe li tu, le ena a bona li tu li sele. ¹⁸ Mi ena eo o la a necoe ñue hela, a ea, a epa lehuti mo mbuñ, a hitla gona sereko sa morena oa gague. ¹⁹ Morago ga motla o molele ga tla morena oa batlañka bauo, a bala nabo. ²⁰ Mi ena eo o la a necoe talenta li faeve, a tla, a lere talenta tse riñue li faeve, a re, Morena, u ’nnetse talenta li faeve; bona, ki tse, mi ki bonye talenta li faeve bogolu go cona. ²¹ Morena oa gague, a mo raea, U rihile seiñtle, uena motlañka eo o molemo, le boikanyo; u lu ikancoe mo go tse ri potlana, ki tla gu laorisa lilo rintsi; tsena mo boitumeloñ yoa morena oa gago. ²² Le ena eo o la a necoe talenta li tu, a tla, mi a re, Morena, u ’nnetse litalenta li tu; bona ki tse, mi ki bonye litalenta li tu bogolu go cona. ²³ Morena oa gague a mo raea, U rihile seiñtle, uena motlañka eo molemo le boikanyo, u lu ikancoe mo go tse ri potlana, ki tla gu laorisa lilo rintsi; tsena mo boitumeloñ yoa morena oa gago. ²⁴ Le ena eo o la a necoe talenta ñue hela, a tla, mi a re, Morena, kia gu itse, u monona eo pelu e thata, u roba kua u sa yaleñ gona, le go phutha kua u sa halatseñ gona: ²⁵ Mi ki le ka boiha, mi ka ea ka hitla talenta ea gago mo mbuñ; bona, u na le eona ea gago. ²⁶ Mi morena oa gague a araba, a mo raea, Motlañka eo boshula, le poruhalo ki uena, ua itse ha ki roba kua ki sa yaleñ gona, le go phutha kua ki sa halatseñ gona; ²⁷ U lu cuanetse go naea sereko sa me go baananyi, mi eare mo go tleñ ga me, ’nko ki bone sa me ka ntsihaco. ²⁸ Ki gona mo tseeleñ talenta, lo e nee eo o nañ le talenta li ten. ²⁹ Gone moñue le moñue eo o nañ le señue, o tla neoa, mi o tla na le segolu; mi eo o sinañ sepe, o tla tseeloa le shona se o nañ nasho. ³⁰ Mi khoromeletsañ motlañka eo o sinañ molemo mo hihiñ ye le kua ntle, kua selelo le khuranyo ea meno li tla nañ gona. ³¹ ¶ Etlare Moroa mothu a tla mo khalaleloñ ea gague, le baengele ba boitsepho botle ba na nae, eriha gona o tla lulañ mo seruloñ sa bogosi sa khalalelo sa gague. ³² Mi merahe eotle e tla phutheloa ha pele ga gague; mi o tla ba khaoganya bañue mo go bañue, yaka morisa a khaoganya liñku mo lipuriñ: ³³ Mi linku o tla li baea ha atleñ sa gague se se siameñ, mi lipuri ha go sa molema. ³⁴ Eriha gona Khosi e tla raeañ ba ba ha atleñ sa eona se se siameñ, Tlañ, ba lo tsegaharicoeñ ki Rre, culañ bogosi yo lo bo etlelericoeñ tsimologoñ ea lehatse. ³⁵ Gone, ki le ki le tlala, mi lo loa ’nnaea liyo; ki le ki nyoriloe, mi lo loa ’nnaea ka noa; ki le ki le moeñ, mi lo loa ’nculela mo tluñ.Ki le ki sa ikatega, mi lo loa ’nkapesa; ki le ki bobola, mi lo loa ’ntekola; ki le ki le mo tluñ ea kholegelo, mi lo loa tla go ’na. ³⁷ Eriha gona basiami ba tla e arabañ, ba re, Morena, re le ra gu bona leñ mo tlaleñ, mi ra gu yesa? khotsa mo nyoroñ, mi ra gu nosa? ³⁸ Mi re le ra gu bona leñ u le moeñ, mi ra gu culela mo tluñ? khotsa u sa ikatega, mi ra gu apesa? ³⁹ Mi re le ra gu bona leñ mo poboloñ, khotsa mo tluñ ea kholegelo, mi ra tla go uena? ⁴⁰ Mi Khosi e tla araba e ba raea, Amarure kia lo raea, Ereka lo rihetse yalo moñue eo motlana bogolu oa bakauleñue ba me ba, lo ’ntihetse yalo. ⁴¹ Eriha gona e tla raeañ bona ba ba ha atleñ sa molema, ’Ntlogelañ, barogoi ki lona, lo ee mo moleloñ o o sa khutleñ, o o etlelericoeñ Satane le baengele ba gague; ⁴² Gone ki le ki le tlala, mi ga loa ka loa ’nnaea liyo; ki le ki nyoriloe, mi ga loa ka loa ’nnaea ka noa; ⁴³ Ki le ki le moeñ, mi ga loa ka loa ’nculela mo tluñ; ki sa ikatega, mi ga loa ka loa ’nkapesa; le go bobola, le mo tluñ ea kholegelo, mi ga loa ka loa ’ntekola. ⁴⁴ Eriha gona le bona, ba tla e arabañ, ba re, Morena, re le ra gu bona leñ, u le tlala, khotsa lenyora, khotsa moeñ, khotsa u sa ikatega, khotsa u bobola, khotsa mo tluñ ea kholegelo, mi re si ka ra gu rihela? ⁴⁵ Eriha gona e tla ba arabañ, e re, Amarure, kia lo raea, Ereka lo le lo sa rihele yalo moñue eo motlana bogolu oa ba, le ’na ga loa ka loa ’ntihela. ⁴⁶ Mi ba, ba tla ea mo pecoñ e e sa khutleñ: mi basiami ba ea mo botseloñ yo bo sa khutleñ.

KHAOLO 26. ¹ MI ga rihala ka Yesu a sina uetsa mahuku aotle a, a raea barutoa ba gague, a re, ² Loa itse morago ga malatsi ma tu e le Tlolaganyo, mi Moroa mothu o nelecoe go bapoloa. ³ Eriha gona baperiseti ba bagolu, le bakuari, le bagolu bo bathu, ba phuthegelañ mo tluñ e kholu ea moperiseti eo mogolu, eo o birioañ Kaiafe. ⁴ Mi ba gakololana gore ba cuare Yesu ka tsieco go molaea. ⁵ Mi ba re, Esiñ mo morihoñ, gore go si ne tlapeo mo bathuñ. ⁶ ¶ Mi yana ka Yesu a le mo Betania, mo tluñ ea ga Simone moleperoi, ⁷ Ga tla mosari go ena a na le letluyana ya alebasetara, ya setlolo se se leñ thata go rekoa, mi a se gorometsa mo tlogoñ ea gague ka a rutse ha liyoñ. ⁸ Mi ka barutoa ba gague ba bona yalo, ba galeha bogolu, ba re, Ana tsenyo e, ki eañ? ⁹ Gone setlolo se, se kabo se baparicoe ka theko e kholu, mi e neiloe bahumanegi. ¹⁰ Mi ka Yesu a itse mouo, a ba raea, Ana mosari eo lo mo cuenyetsañ? gone o ’ntihetse tiho e e molemo. ¹¹ Gone bahumanegi ba na le lona ka gale; mi ’na, ga lo na le ’na ka gale. ¹² Gone setlolo se erile a se gorometsa mo meleñ oa me o se tseleletse phitlo ea me. ¹³ Amarure kia lo raea, Mo hatsiñ yeotle kua evañgelio e, e tla reroañ gona, le gona, go tla buleloa gona se mosari eo o se ’ntihetseñ, go mo gopola. ¹⁴ ¶ Eriha gona go eañ moñue oa ba tuelev, eo o birioañ Yuda Isekariota go baperisetiñ ba bagolu, ¹⁵ Mi a re, Lo tla ’nnaeañ, mi ki tla mo lo nela? mi ba mo laolela liselevera li terte. ¹⁶ Ga motla ouo a batla lobaka lo, o ka mo ba nelañ ka lona. ¹⁷ Mi yana mo tsatsiñ ya ntla ya señkhue se se sa birisioeñ, ga tla barutoa go Yesu, ba mo raea, U rata ra gu etleleletsa kae Tlolaganyo go e ya? ¹⁸ Mi a re, Eañ mo motseñ go mañmañ, lo mo ree, Moruti a re, Motla oa me o gauhe, ki tla yela go uena Tlolaganyo le barutoa ba me. ¹⁹ Mi barutoa ba riha yaka Yesu a ba kaetse, mi ba bakanya Tlolaganyo. ²⁰ Mi eare go na mabanyane a lula le ba tuelev. ²¹ Mi ka ba sa ya, a re, Amarure kia lo raea, Moñue oa lona o tla ’nkoka. ²² Mi ba hutsahala segolu, ba simolola moñue le moñue oa bona go mo raea, Morena, a ki ’na? ²³ Mi a araba, a re, Eo seatla sa gague se nañ le sa me mo mogocaneñ, ki ena eo o tla ’nkokañ. ²⁴ Moroa mothu o ea yaka go kuariloe ga gague, mi go latlega monona eo, Moroa mothu o okiloeñ ki ena: go kabo go le molemo go monona eo ha a la a si ka a tsaloa. ²⁵ Eriha gona Yuda eo o mo okileñ o arabañ, a re, Rabi, a ki ’na? A mo raea, U buile. ²⁶ ¶ Mi ka ba sa ya. Yesu a cula señkhue, a itumelela, a se roba, a se nela barutoa ba gague, mi a re, Culañ, lo ye; se ki mele oa me. ²⁷ Mi a cula senoelo, a itumelela, a se ba nela, a re, Noañ lotle ga shona. ²⁸ Gone se ki mari a me, ki mari a kholagano e nca, a a culogetseñ bontsi go icuarela libe. ²⁹ Mi kia lo raea, Ga yana ga ’nkitla ki noa ga louñuo lo loa vine go tsatsiñ ye, ki tla lo noañ lo losha le lona mo gosiñ yoa ga Rre ka yeona. ³⁰ Mi eare ba sina opela sehela, ba coela kua thabeñ ea Olefa. ³¹ Eriha gona Yesu o ba raeañ. Lona lotle lo tla khocoa ka ntla ea me sigoñ yonu; gone go kuariloe, Ki tla betsa morisa, mi linku tsa lecomane li tla balarioa. ³² Mi ki tlare ki sina coga ki tla lo etelela pele kua Galilea. ³³ Mi Petero a araba, a mo raea, Leha botle ba tla khocoa ka ntla ea gago, ’na, ga ’nkitla ki khopioa ka gope. ³⁴ Yesu a mo raea, Amarure kia gu raea, U tla ’ntatola ga teri koku e tona e si e lele mo sigoñ yonu. ³⁵ Petero a mo raea, Leha ’nkabo ki shua nau, ga ’nkitla ki gu itatola. Barutoa botle le bona ba bua yalo. ³⁶ ¶ Eriha gona Yesu o eañ nabo kua heloñ go birioañ Getsemane, mi a raea barutoa, Lulañ ha, ka ki sa ea hale go rapela. ³⁷ Mi a cula Petero le bomoroa Sebedaio ba tu nae, mi a simolola go hutsahala, mi a na mo tlaleloñ e kholu. ³⁸ Eriha gona o ba raeañ, Moea oa me o cueroe ki tlalelo ea loshu; salañ ha, mi risañ le ’na. ³⁹ Mi a coela pele go nyenye, mi a itigela mo hatlogoñ se gague, mi a rapela, a re, Rra, ha go ka na yalo, a senoelo se, se ’mphete; leha gontse yalo, esiñ go rata ga me, a thato ea gago e rihale. ⁴⁰ Mi a tla go barutoa, mi a ba hitlela ba robetse, mi a raea Petero, Au! a ga lo kake loa risa le ’na ka oura moñue hela? ⁴¹ Risañ, mi lo rapele, gore lo si tsene me thaeloñ; moea rure o bonako, mi nama e bokoa. ⁴² Mi a ba a ea loa bo‐tu, a rapela, a re, Rra, ha senoelo se, se sa kake sa ’mpheta, ha ki sa se noe pele, go rata ga gago a go rihale. ⁴³ Mi ka a boea a ba a ba bona ba robetse, gone maitlo a bona a heñoa ki boroko. ⁴⁴ Mi a ba tlogela, mi a ba a ea, a rapela loa bo teri, a bua mahuku auo ka aosi. ⁴⁵ Eriha gona o tlañ go barutoa ba gague, a ba raea, Lo ne lo robale, lo ikhutse; bonañ, oura o atametse, Moroa mothu o nelecoe mo atleñ tsa baleohi. ⁴⁶ Tlogañ, a re eeñ, bonañ, eo o ’nkokañ o atametse. ⁴⁷ Mi ka a sa bua, bonañ, Yuda moñue oa ba tuelev a tla, mi a na le bontsi yo bogolu bo na le licaka le melamu, bo coa mo baperisetiñ ba bagolu, le mo bagoluñ ba bathu. ⁴⁸ Mi yana eo o mo okañ, a bo naea seshupo, a re, Eo ki tla mo atlañ, eouo ki ena, mo cuareñ. ⁴⁹ Mi a tla go Yesu ka bonako, a re, Rabi, rumela, mi a mo atla. ⁵⁰ Mi Yesu a mo raea, Tsala, u tletseñ ha? Mi yoa atamela, mi yoa ntsetsa Yesu liatla, yoa mo cuara. ⁵¹ Mi bonañ, moñue oa bona, ba ba le ba na le Yesu, a ntsa seatla a shomola caka ea gague, mi a rema motlañka oa moperiseti eo mogolu, a mo khaola tsebe. ⁵² Eriha gona Yesu o mo raeañ, Shomela caka ea gago mo khatleñ ea eona, gone botle ba ba culañ caka ba tla nyelerioa ka caka. ⁵³ A u itloma ki sa kake ka rapela Rre yana, mi o tla ’nnaea bogolu go ligion li tuelev tsa baengele? ⁵⁴ Mi likualo li kabo li rihala yañ, tse li reñ, lilo tse li ne yalo? ⁵⁵ Mi Yesu a raea bontsintsi mo oureñ ouo, A lo tlile go ’ncuara ka licaka le melamu yaka ki senokuane? Ki le ka lula le lona ka gale, ki ruta mo tempeleñ, mi ga loa ka loa ’ncuara. ⁵⁶ Mi cotle tse, li rihetse, gore likualo tsa baperofeti li rihale. Eriha gona barutoa botle ba mo tlogelañ, ba tsaba. ⁵⁷ ¶ Mi ba ba cuereñ Yesu ba mo gogela go Kaiafe moperiseti eo mogolu, kua bakuari, le bagolu ba le ba phuthegetse gona. ⁵⁸ Mi Petero a mo latela a le khakala go ea kua tluñ ea moperiseti eo mogolu, mi ka a tsena a lula le batlañka go bona bokhutlo. ⁵⁹ Mi yana baperiseti ba bagolu le bagolu le tseko e kholu eotle, ba batla cupo ea kako kaga Yesu, gore ba molae; ⁶⁰ Mi leha bashupi ba kako bantsi ba le ba tla, ba si ka ba bona epe. Mi ga tla bashupi ba kako ba tu ba bohelo, ⁶¹ Ba re, Eo, o la a re, ’Nka rutla tempela ea Morimo, mi ka e aga ka malatsi a teri. ⁶² Mi moperiseti eo mogolu a ema, a mo raea, A ga u arabe sepe? Ba, ba shupañ kaga gago? ⁶³ Mi Yesu a ririmala. Mi moperiseti eo mogolu a araba, a mo raea, Kia gu ikanisa ka Morimo o o tserileñ, gore u re bulelele ha e le uena Keresete, Moroa Morimo. ⁶⁴ Yesu a mo raea, U buile; leha gontse yalo, kia lo raea, Ga yana, lo tla bona Moroa mothu a rutse mo atleñ se se siameñ sa thata, a tla ka maru a legorimo. ⁶⁵ Eriha gona moperiseti eo mogolu o gagolañ aparo tsa gague, a re, O kharile Morimo, re sa rihañ bashupi? Bonañ, yana lo utluile khalo ea gague. ⁶⁶ Lo gopolañ? Mi ba araba, ba re, O cuanetse go shua. ⁶⁷ Eriha gona ba mo khuelañ mathe mo hatlogoñ sa gague, mi ba mo tlanya ka macuele. Mi ba bañue ba mo haphola, ⁶⁸ Ba re, Keresete, re shoabashoabele, Emañ eo o gu beritseñ? ⁶⁹ ¶ Mi Petero a rutse ha loapeñ, mi ga tla mohula go ena, a re, Le uena a lu u na le Yesu oa Galilea. ⁷⁰ Mi a latola ha pele ga botle, a re, Ga ki itse se u se buañ. ⁷¹ Mi ka a coela kua khoroñ, mohula eo moñue a mona, a raea ba ba le ba le gona, Eo, le ena o la na le Yesu Monasarini. ⁷² Mi a ba a latola, ka ikano, a re, Ga ki itse monona eo. ⁷³ Mi bokhutsanyane ga mouo ga tla ba ba emeñ gauhe, ba raea Petero, Amarure, u moñue oa bona; gone puo ea gago ea gu bonatsa. ⁷⁴ Eriha gona o simololañ go hutsa le go ikana, a re, Ga ki itse monona eo. Mi koku e tona ea akoha ea lela. ⁷⁵ Mi Petero a gakologeloa lehuku ye Yesu o la a le mo raea, U tla ’ntatola ga teri, koku e tona e si e lele. Mi a coela kua ntle, a lela ka botluku.

KHAOLO 27. ¹ MI ka go na mosho, baperiseti ba bagolu botle, le bagolu ba bathu, ba gakololana kaga Yesu go molaea. ² Mi ka ba sina mo golega, ba mo isa, ba mo nela Ponta Pilato, molaori oa motse. ³ ¶ Eriha gona Yuda eo o mo okileñ ka a bona a sekisicoe, a ikuatlaea, mi a ba a isa liselevera li terte go baperiseti ba bagolu le go bagolu, ⁴ A re, Ki leohile ka ki okile mari a a sinañ molatu. Mi ba re, Eñ se go rona? u ka iponela. ⁵ Mi a rigela liselevera mo tempeleñ, mi a coa, a ea, a ipeta. ⁶ Mi baperiseti ba bagolu ba cula liselevera, ba re, Ga si taolo go li tsenya mo lohumoñ loa likabelo, gone e le tuelo ea mari. ⁷ Mi ba gakololana, mi ba reka naga ea mopi ka cona go hitla baeñ mo go eona. ⁸ Ki gona ka mouo, naga e, e birioa naga ea mari le go tsatsiñ yenu. ⁹ Eriha gona go rihahalañ se se le se builoe ki Yeremie moperofeti, se re, Mi ba le ba cula liselevera li terte, ki theko ea gague eo o la a kaioa ki bana ba Yeserela, ba ba e mo kaetseñ; ¹⁰ Mi ba le ba li nela naga ea mopi, yaka Yehova a ’ntaoletse. ¹¹ Mi Yesu a ema ha pele ga molaori oa motse, mi molaori a motsa, a re, A ki uena khosi ea Bayudi? Mi Yesu a mo raea, U buile. ¹² Mi ka a patelerioa ki baperiseti ba bagolu le bagolu, a si ka a araba sepe. ¹³ Eriha gona Pilato o mo raeañ, A ga u utlue lilo li rintsi tse, ba shupañ kaga gago ka cona? ¹⁴ Mi a si ka a mo araba ka huku lepe, ga tsamaea molaori a gakhamala segolu. ¹⁵ Mi yana e le le temalo ea molaori oa motse, ka moriho, ga gololela bathu mogelogoi moñue, eo ba mo ratañ. ¹⁶ Mi ba le ba na le mogolegoi eo o itsegeñ, eo o birioañ Barabe. ¹⁷ Ki gona erileñ ka ba phuthega, Pilato a ba raea; Lo rata ka lo gololela mañ? Barabe, khotsa Yesu eo o birioañ Keresete? ¹⁸ Gone a la a itse ha ba le ba mo nela ka kilo. ¹⁹ ¶ Mi ka a rutse mo seruloñ sa tsekisho, mogatse a mo romela taeco a re U si rihe sepe le mosiami eo, gone ki bogile lilo lintsi gompienu mo toroñ ka ntla ea gague. ²⁰ Mi baperiseti ba bagolu, le bagolu, ba gakolola bontsintsi gore bo lope Barabe, le go bolaea Yesu. ²¹ Mi molaori oa motse a araba, mi a bo raea, Ki ohe oa bo tu yo eo lo ratañ ka mo lo gololela? Mi yoa re, Barabe. ²² Pilato a bo raea, Mi ki tla rihañ le Yesu eo o birioañ Keresete? Yotle yoa mo raea, A a bapoloe. ²³ Molaori oa motse, a re, Kañ, o leohileñ? Mi yoa bitsa bogolu, yoa re, A a bapoloe. ²⁴ ¶ Mi ka Pilato a bona a sa kake a henya sepe, mi bogolu tlapeo e rihala, a tsaea metse a tlapa liatla tsa gague ha pele ga bontsi, a re, Ga ki na molatu ope mo mariñ a mosiami eo. Lona li iponele. ²⁵ Mi bathu botle ba araba, mi ba re, Mari a gague a a ne go rona le go bana ba rona. ²⁶ ¶ Mi a ba gololela Barabe, mi ka a sina betsa Yesu, a mo nela gore a bapoloe. ²⁷ Eriha gona batlabani ba molaori ba isañ Yesu mo tluñ ea tsekisho, mi leshumo yeotle ya phuthegela go ena. ²⁸ Mi ka ba sina mo apola, ba mo apesa ka seaparo se se hubiru. ²⁹ ¶ Mi ka ba sina loga seroalo sa mitlua ba se mo roesa mo tlogoñ ea gague, ba tsenya lotlaka mo atleñ se se siameñ sa gague; mi ba oela ka mañuole ha pele ga gague, ba mo shotla, ba re, Rumela, Khosi ea Bayudi! ³⁰ Mi ba mo khuela mathe, mi ba cula lotlaka, ba mo gatla mo tlogoñ. ³¹ Mi eare ba sina mo shotla, ba mo apola seaparo, mi ba mo apesa ka aparo tsa gague, mi ba mo gogela go mapola. ³² Mi ka ba coa ba bona monona oa Kurene, eo o birioañ Simone; eo, ba mo khola go kaba mokhoro oa gague. ³³ Mi ka ba hitla mo heloñ ha go birioañ Golegota, ki go re, helo ga likhata, ³⁴ Ba mo naea boyaloa yo bo berileñ, yo bo pekancoeñ le santlukue, go bo noa; mi ka a bo utlua a gana go bo noa. ³⁵ Mi ka ba sina mapola, ba abalana aparo tsa gague, ka go tsela likelero; gore go rihahale mahuku a a builoeñ ki moperofeti, Ba abalanye aparo tsa me, mi ba tseletse likelero aparo tsa me. ³⁶ Mi ka ba lula, ba muluka gona. ³⁷ Mi ba manega sekualo sa kaha o bolaoañ ka gona ha gorimo ga tlogo ea gague, EO KI YESU KHOSI EA BAYUDA. ³⁸ Eriha gona linokuane li tu li bapoloañ nae, señue mo go se se siameñ, mi se señue mo go sa molema. ³⁹ Mi ba ba hetañ ba mo khala, ba thukhutha tlogo tsa bona, ⁴⁰ Ba re, Uena eo o rutlañ tempela, u e age ka malatsi a teri, ipuluke. Ere ha u le Moroa Morimo, hologa mo mokhoroñ. ⁴¹ Baperiseti le bona, le bakuari, le bagolu, le Bafarisai, ba mo shotla, ba re, ⁴² O la a buluka ba bañue, mi ena ga a kake a ipuluka. Ha e le ena Khosi ea Yeserela, a a hologe yana mo mokhoroñ, mi re tla mo rumela. ⁴³ O la a ikanya Morimo; a o mo golole yana, ha o mo rata; gone o la a re, Ki Moroa Morimo. ⁴⁴ Le linokuane le cona tse ri bapocoeñ nae, tsa mo gobolola yalo. ⁴⁵ Mi yana ga na lehihi ka oura oa bo‐sekes, go ea go oura oa bo‐naen, mo hatsiñ yeotle. ⁴⁶ Mi ka e kane e le oura oa bo‐naen, Yesu a bitsa ka koru e kholu, a re, Eli, Eli, lama sabakatani? ki go re, Morimo oa me, Morimo oa me, u ’nteseleritseñ? ⁴⁷ Mi bañue ba ba emeñ gona, ka ba utlua yalo, ba re, Monona eo oa bitsa Eliyahue. ⁴⁸ Mi moñue a taboga ka bonako, a cula ñami, a e ina mo boyaloeñ yo bo berileñ, mi a e tlomela ka lotlaka, a mo naea go noa. ⁴⁹ Mi ba bañue, ba re, Lesañ, re bone ha Eliyahue a tla tla go muluka. ⁵⁰ Mi ka Yesu a ba a bitsa ka koru e kholu, a nela moea. ⁵¹ Mi, bonañ, sebipo sa tempela sa hatoga ga tu kua gorimo go ea kua tlatse, mi lehatse le ya roroma, mi mahika a kakabologa; ⁵² Mi liphupu tsa bulega, mi mebele mentsi ea baitsephi e e robetseñ ea coga; ⁵³ Mi ea coa mo liphupuñ morago ga cogo ea gague, mi ea ea mo motseñ oa boitsepho, mi ea ipontsa bontsi. ⁵⁴ Mi yana ka Mosenturi, le bona ba ba le ba na nae, ba buluka Yesu, ka ba bona thoromo ea lehatse, le tse ri rihahetseñ, ba boiha segolu, mi ba re, Amarure, eo e le le Moroa Morimo. ⁵⁵ Mi hoñ basari bantsi bo ba le gona, ba ba lebelañ khakala, eboñ ba ba le ba latela Yesu ba coa Galilea go mo rihela. ⁵⁶ Mo go bona gabo gole Marie Magadalina, le Marie ma Yakobo le Yose, le ma bana ba ga Sebedaio. ⁵⁷ Mi ka go na mabanyane, ga tla monona oa mohumi oa Arimatea, eo o birioañ Yosefe, eo le ena e le le morutoa oa Yesu; ⁵⁸ Eo, a ea go Pilato, mi a kopa mele oa ga Yesu. Eriha gona Pilato o laolañ gore mele a o neoe. ⁵⁹ Mi ka Yosefe a cula mele, a o phuthela mo letseleñ ye le itsekileñ, ⁶⁰ Mi a o latsa mo lecueñ ya gague ye lesha, ye o la a le betla mo hikeñ; mi a hirikela leincue ye legolu mo moyakoñ oa lecue, mi a ea. ⁶¹ Mi yana Marie Magadalina, le Marie eo moñue, ba bo ba rutse go lebagana le phupu. ⁶² ¶ Mi mo moshoñ o o rulaganañ le tsatsi ya pakanyo, baperiseti ba bagolu le Bafarisai ba ea mogo go Pilato, ⁶³ Ba re, Morena, rea gakologeloa ha motsietsi eo, o rile ka a sa tserile, a re, Ki tla ba ki coga ka tsatsi ya bo teri. ⁶⁴ Ki gona, laola gore phupu e lebeloe ka malatsi a teri; gore e si re khotsa barutoa ba gague ba tla ka bosigo ba mo ucua, mi ba raea bathu, ba re, O cogile mo loshuñ; gone tsieco e ea bohelo, e ka tla ea beha, bogolu go ea ntla. ⁶⁵ Pilato a ba raea, Lo na le tisho; eañ, lo e tlomamise kaha lo itseñ ka gona. ⁶⁶ Mi yalo ba ea, ba tlomamisa phupu ka tisho e, mi ba kana leincue.

KHAOLO 28. ¹ MI ka Sabata o sina heta, ga tla Marie Magadalina, le Marie eo moñue go bona phupu, ka mosho o sa phepahala, ka tsatsi ya ntla ya ueke. ² Mi, bonañ, ga rihala thoromo e kholu ea lehatse, gone moengele oa Morena a hologa mo legorimoñ, mi a tla a hirikolola leincue mo moyakoñ oa phupu, mi a lula mo go yeona. ³ Hatlogo sa gague se le se cuana yaka logarima, mi aparo tsa gague li shueuhetse yaka celañ; ⁴ Mi ba ba risañ ba roroma ka poiho, mi ba na yaka bashui ka ntla ea gague. ⁵ Mi moengele a araba a raea basari, Lona, si boiheñ; gone kia itse lo batla Yesu, eo o la a bapocoe. ⁶ Ga eo ha; gone o cogile, yaka a buile. Tlañ kuanu, lo bone helo ha Morena o la a letse gona. ⁷ Mi akohañ lo tsamae, lo bulelele barutoa ba gague, o cogile mo loshuñ; mi, bonañ, oa lo etelela pele, a ea kua Galilea, kua lo tla monañ gona; bonañ, ki lo buleletse. ⁸ Mi ba akoha ba coa mo phupuñ ka poiho le boitumelo yo bogolu, ba tabogela go bulelela barutoa ba gague. ⁹ Mi ka ba sa ea go bulelela barutoa ba gague, bonañ, Yesu a ba khatlantsa, a re, Rumelañ! Mi ba tla, ba cuara nao tsa gague, mi ba mo obamela. ¹⁰ Eriha gona Yesu o ba reañ, Si boiheñ; eañ lo bulelele bakauleñue ba me, gore ba ee Galilea, kua ba tla ’mponañ gona. ¹¹ ¶ Mi ka ba sa tsamaea, bonañ, bañue ba barisa ba tla mo motseñ, ba bulelela bapereseti ba bagolu lilo cotle tse li rihahetseñ. ¹² Mi ka ba phuthega le bagolu, mi ka ba sina gakololana, ba naea batlabani lireko tse ri kholu, ¹³ Ba re, Reñ, Barutoa ba gague ba tlile bosigo, ba mo ucua, ka re sa robetse. ¹⁴ Mi ha tse, li utluioa ki molaori, re tla mo agisa, le lona re lo buluke. ¹⁵ Mi ka ba cula lireko, ba riha kaha ba rutiloeñ ka gona; mi pulelo e, e sa buioa mo Bayudiñ le mo tsatsiñ yenu. ¹⁶ ¶ Mi yana barutoa ba eleven ba ea Galilea, go thabeñ e Yesu o e ba laoletseñ. ¹⁷ Mi ka ba mona ba mo obamela, mi bañue ba belaela. ¹⁸ Mi ka Yesu a atamela, a bua nabo, a re, Thata cotle ki li ’nnecoe mo legorimoñ, le mo lehatsiñ. ¹⁹ ¶ Ki gona eañ, lo rute merahe eotle, lo e bapetise mo ineñ ya Rra, le ya Moroa, le ya Moea oa boitsepho. ²⁰ Lo e rute go buluka cotle tse ki li lo laoletseñ; mi, bonañ, ki na le lona ka metla eotle, le kua khutloñ yoa lehatse. Amena.