Luka

KHAOLO 1. ¹ EREKA mororo bontsi bole yoa itsela go kuala ka thulaganyo, pulelo ea lilo tse ri nañ le tlomamo rure mo go rona, ² Go cuana yaka re li neiloe ki bona ba ba li bonyeñ, le ba ba le ba le bariheri ba lehuku mo tsimologoñ; ³ Le ’na kintse ki ikaeletse ha e le molemo, ka ki tlotlomisitse rure lilo cotle go tsa tsimologoñ, go gu kualela ka thulaganyo, Teofelo oa tlotlego; ⁴ Gore u itse tlomamo ea lilo tse u rutiloeñ mo go cona. ⁵ ¶ GABO gole moperiseti moñue, eo o birioañ Sakarie, mo malatsiñ a ga Herode, khosi ea Yuda, oa phapano ea ga Abie; mi mogatse e le le oa bomoroaria Arone, mi leina ya gague e le le Elisabete. ⁶ Mi ba tu ba, ba bo ba siame ha pele ga Morimo, ba tsamaea mo litaoloñ cotle, le mo mekhueñ ea Morena, ba sina molatu. ⁷ Mi ba bo ba si na ñuana, gone Elisabete a la a le moopa, mi ba tu ba bo ba cohetse. ⁸ Mi ga rihala ka a riha meriho ea boperiseti mo phapanoñ ea gague, ha pele ga Morimo, ⁹ Yaka temalo ea tihelo ea boperiseti, ka tsatsi ya gague ya mo tlela ha a tla tsena mo tempeleñ ea Morena, go hisa tse ri ñkhañ monate. ¹⁰ Mi bontsi yotle yoa bathu yoa bo bo rapela kua ntle mo motleñ oa go hisa tse ri ñkhañ monate. ¹¹ Mi ga bonala go ena moengele oa Morena, a eme ha ntleñ e e siameñ ea aletara ea tse ri ñkhañ monate. ¹² Mi ka Sakarie a mona, a coga, mi poiho ea mo oela. ¹³ Mi moengele a mo raea, Sakaria, u si boihe, gone thapelo ea gago e utluiloe; mi mogaco Elisabete o tla gu belegela mosimane; mi leina ya gague u tla le bitsa Yohane. ¹⁴ Mi u tla na le boitumelo le tlapelo, mi bontsi bo tla itumela mo botsaloñ yoa gague. ¹⁵ Gone o tla na mogolu ha pele ga Morena, mi ga a kitla a noa boyaloa, le boyaloa yo bo thata; mi o tla tlarioa ka Moea oa Boitsepho, a sa coa mo sebopeloñ sa ga mague. ¹⁶ Mi o tla shukulolela bana bantsi ba Yeserela go Morena, Morimo oa bona. ¹⁷ Mi o tla mo etelela pele mo moeeñ, le mo thateñ ea ga Eliyahue, go shukulolela pelu tsa bo‐rra go baneñ, le tsa ba ba lonyaco go botlaleñ yoa ba ba siameñ; go etletsa bathu, go ba etleletsa Morena. ¹⁸ Mi Sakarie a raea moengele, Ki tla itse seuo ka eñ? ka ki cohetse, mi mosari oa me, nyaga tsa gague li lintsi. ¹⁹ Mi moengele a araba a mo raea, Ki ’na Gaberiela, eo ki emañ ha pele ga Morimo; mi ki romecoe go bua nau, le go gu bulelela mahuku a, a boitumelo. ²⁰ Mi bona, u tla ririmala, mi u reteleloe ki go bua, go tlo go tsamae tsatsi le tle, ye lilo tse li tla rihalañ ka yeona, gone u sa rumele mahuku a me, a a tla rihalañ mo motleñ oa aona. ²¹ Mi bathu ba lebelela Sakarie, mi ba gakhamalela tiego ea gague, e o e riegileñ mo tempeleñ. ²² Mi ka a coa, a reteleloa ki go bua nabo; mi ba lemoga ha a bonye sepontsisho, mo tempeleñ, gone a ba goetla mi a tloka puo. ²³ Mi ga rihala ka malatsi a tihelo ea gague a sina heta, a ea kua tluñ ea gague. ²⁴ Mi morago ga malatsi auo Elisabete mogatse a ithuala, mi a icuba ka khueri li faev, a re, ²⁵ Ki rihiloe yalo ki Morena mo malatsiñ a o ’mponyeñ ka aona, go ’ntlosa khobo mo bathuñ. ²⁶ ¶ Mi Morimo o loa roma Gaberiele moengele, mo khueriñ ea bo‐sekes kua motseñ o o birioañ Nasareta, oa Galilea; ²⁷ Go lekharebe ye le beelecoeñ ki monona eo o birioañ Yosefe, oa ntlu ea ga Davide; mi leina ya ga lekharebe, e le le Marie. ²⁸ Mi ka moengele a tsena, a mo raea, Rumela, moratoi eo mogolu, Morena o na nau, u tsegoharicoe mo basariñ. ²⁹ Mi ka a mona a huruioa ki huku ya gague, mi a gakologeloa mo tumerishoñ e, kua e kaelañ gona. ³⁰ Mi moengele a mo raea, U si boihe, Maria, gone u bonye tsegohaco mo Morimoñ. ³¹ Mi bona, u tla ithuala, mi u tla belega mosimane, mi u tla bitsa leina ya gague YESU. ³² Eo, o tla na mogolu, mi o tla birioa Moroa Mogorimo oa bogorimo bogolu; mi Morena Morimo, o tla mo naea serulo sa bogosi sa ga rague Davide. ³³ Mi o tla laola mo tluñ ea Yakoba ka bosina bokhutlo; mi ga bogosi yoa gague ga bo kitla bo na le sekhutlo. ³⁴ Mi Marie a raea moengele, a re, Se, se tla na yañ, ka ki sa itse monona? ³⁵ Mi moengele a araba a mo raea, Moea oa Boitsepho o tla hologela go uena, mi thata ea Mogorimo oa bogorimo bogolu e tla gu rutihalela; ki gona le Moitsephi eo o tla bonoañ ki uena, o tla birioa Moroa Morimo. ³⁶ Mi bona, le ena Elisabete, tsala ea gago, o ithuele mosimane mo bocoheñ yoa gague; mi khueri e, e le ea bo‐sekes ea gague, eo o birioañ moopa; ³⁷ Gone go si sepe se se ka retelelañ Morimo. ³⁸ Mi Marie a re, Bona mohula oa Morena. A go ’ntihahalele yaka lehuku ya gago. Mi moengele a mo tlogela. ³⁹ Mi Marie a tloga mo malatsiñ auo, a ea ka bonako kua hatsiñ ya makhuyana, kua motseñ moñue oa Yuda; ⁴⁰ Mi a tsena mo tluñ ea ga Sakarie, mi a rumerisa Elisabete. ⁴¹ Mi ga rihala ka Elisabete a utlua tumerisho ea ga Marie, ñuana a tlola mo sebopeloñ sa gague; mi Elisabete a tlarioa ka Moea oa Boitsepho: ⁴² Mi a bitsa ka koru e kholu, a re, U tsegoharicoe mo basariñ, mi louñuo loa sebopelo sa gago lo tsegoharicoe. ⁴³ Se, se coa kae go ’na, ka ma Morena oa me a ka tla go ’na? ⁴⁴ Gone bona, erile koru ea tumerisho ea gago e sa utluala mo tsebeñ tsa me, ñuana a tlola ka boitumelo mo sebopeloñ sa me. ⁴⁵ Mi go tsegoharicoe ena eo a rumelañ; gone lilo tse o ri bulelecoeñ ki Morena, li tla rihala. ⁴⁶ Mi Marie a re, Moea oa me oa gorisa Morena, ⁴⁷ Mi moea oa me oa itumela mo Morimoñ Muluki oa me. ⁴⁸ Gone o bonye popego ea khumanego ea mohula oa ona; gone, bona, yana litsika cotle li tla ’mpitsa motsegoharioi. ⁴⁹ Gone ona o o leñ thata o ’ntihetse lilo tse li kholu, mi leina ya ona le boitsepho. ⁵⁰ Mi kutluelo‐botluku ea ona, e go ba ba o boihañ mo tsikatsikeñ. ⁵¹ O rihile tiho e e thata ka cogo ya ona; o halaritse ba bopeluumpe mo likhakologeloñ tsa pelu tsa bona. ⁵² O rigile bathati mo tuloñ tsa bona; mi o gorisitse ba ba mo popegoñ ea khumanego. ⁵³ O tlaritse ba ba tlala ka tse ri molemo; mi bahumi o ba romile ba sina sepe. ⁵⁴ O kokotleritse Yeserela motlañka oa ona, ka go gopola boicuarelo, ⁵⁵ (Yaka o loa bua le bo‐rra ecu), kaga Aberahame, le losika loa gague ka bosina bokhutlo. ⁵⁶ ¶ Mi Marie a na nae, e kane e le khueri li teri, mi a ba a boela kua tluñ ea gague. ⁵⁷ Mi motla oa ga Elisabete oa hitla, o o tla belegañ ka ona; mi a bona mosimane. ⁵⁸ Mi bañ ka ena le tsala tsa gague, ba utlua yaka Morena a mo shuperitse boicuarelo yo bogolu, mi ba itumela nae. ⁵⁹ Mi ga rihala, ka ba tla go guerisa ñuanyana ka tsatsi ya bo‐eit, ba mitsa Sakarie, yaka leina ya ga rague. ⁶⁰ Mi mague a araba, a re, Nya, ga goa na yalo; o tla birioa Yohane. ⁶¹ Mi ba mo raea, Ga go na ope mo tsaleñ tsenu, eo o birioañ ka leina ye. ⁶² Mi ba goetla rague, go itse kaha o ratañ go mitsa ka gona. ⁶³ Mi a lopa lomati loa kualelo, mi a kuala, a re, Leina ya gague ki Yohane. Mi ba gakhamala botle; ⁶⁴ Mi molomo oa gague oa atlama ka bonako, mi loleme loa gague loa hunuloloa, mi a bua, a baka Morimo. ⁶⁵ Mi ga tla poiho go bona ba ba agileñ kua lithokoñ cotle tsa bona; mi ga buleloa segolu ga lilo tse cotle, mo hatsiñ yeotle ya makhuyana ya Yuda. ⁶⁶ Mi botle ba ba utluañ lilo tse, ba li tsaea ka pelu tsa bona, ba re, Ana ñuanyana eo, o tla na yañ! mi seatla sa Morena se le se na nae. ⁶⁷ Mi rague Sakarie, a tlarioa ka Moea oa Boitsepho, mi a bulelela pele, a re, ⁶⁸ Go tsegohala Morena Morimo oa Yeserela; gone o lekotse, mi o rekolotse bathu ba ona. ⁶⁹ Mi o re emiseritse lonaka loa puluko mo tluñ ea ga Davide, kala ea ona; ⁷⁰ Yaka o buile ka melomo ea baperofeti ba boitsepho ba ona, ba ba le ba leo ka tsimologo ea lehatse; ⁷¹ Gore re gololoe mo babeñ ba rona, le mo atleñ tsa botle ba ba re ilañ. ⁷² Gore o rihele bo‐rra ecu boicuarelo, le go gopola kholagano ea boitsepho ea ona; ⁷³ Le ikano e, o e ikanetseñ rra ecu Aberahame ka eona, go e re naea; ⁷⁴ Ka re golocoe mo atleñ tsa baba ba rona, re o rihele esiñ ka poiho, ⁷⁵ Mo boitsephoñ le tsiamo, ha pele ga ona, mo malatsiñ aotle a botselo yoa rona. ⁷⁶ Mi uena, ñuanyana, u tla birioa moperofeti oa Mogorimo oa bogorimo bogolu; gone u tla ea ha pele ga sehatlogo sa Morena go etletsa tsela tsa gague; ⁷⁷ Go nela bathu ba gague kico ea puluko, mo boicuareloñ yoa libe tsa bona, ⁷⁸ Ka ntla ea boutluelo‐botluku yo bogolu yoa Morimo oa rona; yo bophepa yoa mosho yo bo coañ kua gorimoñ, bo re lekotseñ ka yona, ⁷⁹ Go bonesa ba ba rutseñ mo hihiñ, le mo murutiñ oa loshu, go siamisetsa nao tsa rona mo tseleñ ea kagisho. ⁸⁰ Mi ñuana a gola, a na thata mo moeñ, mi o la a le gareganaga go tsatsiñ ya icupeco ea gague go Yeserela.

KHAOLO 2. ¹ MI ga rihala mo metleñ euo, ga coa taolo go Kaisare Aguseto, gore lehatse yeotle le kualoe. ² (Lokualo lo, loa ntla, lo lo kuariloe ka Kairenaio a le molaori oa Siria.) ³ Mi botle ba ea go kualoa, moñue le moñue a ea kua motseñ oa gague. ⁴ Mi Yosefe, le ena, a ea a coa Nasareteñ motse oa Galilea, a ea kua motseñ oa ga Davide, o o mo Yuda, o o birioañ Beteleheme, (gone a la le oa ntlu, le oa losika loa ga Davide,) ⁵ Go kualoa, le Marie mogatse, eo o beelecoeñ, eo o ithueleñ. ⁶ Mi ga rihala ka ba sa le gona, ga tla malatsi a o tla belegañ ka aona. ⁷ Mi a belega moroaue oa ntla, mi a mohelela ka matsela, mi a mo latsa mo boyeloñ yoa lipitse; gone gole go sina bonno go bona mo tluñ ea baeti. ⁸ Mi gabo gole barisa mo nageñ, mo hatsiñ yeuo, ba ba risitseñ lecomane ya bona mo bosigoñ. ⁹ Mi, bonañ, moengele oa Morena a ema ha go bona, mi khalalelo ea Morena ea phatsima mo ntleñ cotle tsa bona, mi ba boiha ka poiho e kholu. ¹⁰ Mi moengele a ba raea, Si boiheñ; gone, bonañ, kia lo leretsa mahuku a molemo, a a tla nañ boitumelo yo bogolu, le mo bathuñ botle. ¹¹ Gone lo tsalecoe Moluki mo motseñ oa ga Davide gompienu, eo o leñ Keresete, Morena. ¹² Mi se, se tla na cupo go lona; lo tla bona ñuanyana a bohelecoe ka matsela, a letse mo boyeloñ yoa lipitse. ¹³ Mi bontsintsi yoa ntua ea legorimo yoa na le moengele ka bonako, yo bo bakañ Morimo, bo re, ¹⁴ Khalalelo a e ne Morimoñ mo magorimoñ a bogorimo bogolu, le kagisho e ne mo hatsiñ, le nateho e ne mo bathuñ. ¹⁵ Mi ga rihala, ka baengele ba ba tlogela, ba ea kua legorimoñ, barisa ba rana, A re eeñ yana kua Beteleheme, mi re bone seo se, se se rihahetseñ, se Morena o se re itsisitseñ. ¹⁶ Mi ba tla ka bonako, mi ba bona Marie le Yosefe, le ñuanyana eo o laricoeñ mo boyeloñ yoa lipitse. ¹⁷ Mi ka ba sina bona seuo, ba itsise mo ntleñ cotle lehuku ye ba le bulelecoeñ ga ñuana eo. ¹⁸ Mi botle ba ba utluañ, ba gakhamarioa ki lilo tse barisa ba ri ba buleletseñ. ¹⁹ Mi Marie a buluka lilo tse cotle, mi a li gakologeloa mo peluñ ea gague. ²⁰ Mi barisa ba rulara, ba galaletsa Morimo, ba o baka ka ntla ea cona cotle tse ba li utluileñ, le tse ba li bonyeñ, yaka ba bulelecoe. ²¹ Mi malatsi a eit a sina heta, a ba isañ ñuana boguera ka aona, eabo leina ya gague le birioa YESU, ye le biricoeñ ki moengele a e si a ithualoe mo sebopeloñ. ²² Mi malatsi a boiñtlahaco yoa gague a sina heta, yaka molao oa ga Moshe, ba mo isa kua Yerusalema, go mo shupa ha pele ga Morena; ²³ Yaka go kuariloe mo molaoñ oa Morena, Monona moñue le moñue oa maitibolo o tla bilerioa boitsepho Moreneñ; ²⁴ Gore ba nee cupelo maphui a le ma tu, leha e le matseba a le ma tu, yaka go builoe mo molaoñ oa Morena. ²⁵ Mi, bonañ, gabo gole monona mo Yerusalema, leina ya gague e le le Simeone; mi monona eouo a bo a siame, e le moihi Morimo, a lebeletse khomoco ea Yeserela; mi Moea oa Boitsepho o lo le go ena. ²⁶ Mi a bulelecoe ki Moea oa Boitsepho, ha a si kitla a shua, a e si a bone Keresete oa Morena pele. ²⁷ Mi a tla, a gogeloa ki Moea mo tempeleñ. Mi ka bagolu ba lere ñuana Yesu, go mo rihela yaka temalo ea molao, ²⁸ A mo cula ka mabogo a gague, mi a baka Morimo, mi a re, ²⁹ Morena, yana ua lesa kala ea gago go ea mo kagishoñ, yaka huku ya gago; ³⁰ Gone maitlo a me a bonye puluko ea gago, ³¹ E u e etleritseñ ha pele ga pono ea bathu botle; ³² Leseri go bonesa bahaitene, le khalalelo ea Yeserela, bathu ba gago. ³³ Mi Yosefe le mague, ba gakhamala mo liloñ tse li builoeñ ga gague. ³⁴ Mi Simeone a ba tsegohatsa, mi a bua le Marie mague, Bona, ñuana eo, o beecoe koo le cogo ea bontsi mo Yesereleñ; sebeo se se tla ganerioañ; ³⁵ Le gona lerumo le tla tlaba moea oa gago, gore megopolo ea pelu lintsi e bonatsioe. ³⁶ Gabo gole Ane moperofeti oa sesari, moroaria Fanuele, oa losika loa Asera. Eo, o la a le mo bocoheñ yo bogolu, mi o la a aga le monona oa gague ka nyaga li seven, morago ga bokharebe yoa gague; ³⁷ Mi eabo e le le motlolagari, mi bocohe yoa gague bo kane bo le linyaga li eite for; eo o sa tlogeleñ tempela, mi a rihela Morimo ka mabisho ma yo, le lithapelo, ka bosigo le motsegare. ³⁸ Mi a tla mo motleñ ouo, mi a ipobolela Morena, mi a bua ga gague le bathu botle, ba ba lebeletseñ thekololo mo Yerusalema. ³⁹ Mi ba sina go riha lilo cotle yaka molao oa Morena, ba boela kua Galilea, kua Nasareta, motse oa bona. ⁴⁰ Mi ñuana a gola, a thatahala mo moeeñ, a tlarioa ka botlale; mi tsegohaco ea Morimo e le le go ena. ⁴¹ Mi bagolu ba gague ba ea Yerusalema go morihoñ oa Tlolaganyo ka ñuaga ñuaga. ⁴² Mi ka bogolu yoa gague bo le linyaga li tuelev, ba ea Yerusalema yaka temalo ea moriho. ⁴³ Mi ka malatsi a sina heta, mi ka ba boea, ñuana Yesu a tlola morago mo Yerusalema; mi Yosefe le mague ba sa itse mouo. ⁴⁴ Mi ka ba itloma a le mo leshomoñ ye le mo tseleñ, ba etela pele loeto loa tsatsi leñue; mi ba matla mo litsaleñ tsa bona, le mo go bona ba ba ba itseñ. ⁴⁵ Mi ka ba sa mone, ba ba ba boela kua Yerusalema, ba matla. ⁴⁶ Mi ga rihala malatsi a teri a sina heta, ba mona mo tempeleñ, a rutse ha gare ga baruti, a ba utlua, a ba botsa lipoco. ⁴⁷ Mi botle ba ba mo utluañ ba gakhamarioa ki tlaloganyo le likarabo tsa gague. ⁴⁸ Mi erile ba mona ba gakhamala, mi mague a mo raea, Ñuana, u lu u re riha yañ yalo? Bona, rago le ’na re gu batlile ka bohutsana. ⁴⁹ Mi a ba raea Lo lo ’mpatlelañ? A ga loa ka loa itse ha ki cuanetse go na mo go tsa ga Rre? ⁵⁰ Mi ba si ka ba tlaloganya huku ye o le buañ nabo. ⁵¹ Mi a ea nabo, mi ba hitla mo Nasareta, mi a ba utlua. Mi mague a buluka lilo tse cotle mo peluñ ea gague. ⁵² Mi Yesu a tota mo botlaleñ, le mo bogoluñ, le mo tsegohacoñ ea Morimo le bathu.

KHAOLO 3. ¹ MI yana mo ñuageñ oa bo‐faevten oa taolo ea ga Kaisare Tiberio, Pontio Pilato a le molaori oa Yuda, le Herode a le teterareki ea Galilea, le Filipo monnaue a le teterareki ea Iturea, le ea lehatse ya Terakoniti, le Lesanio a le teterareki ea Abiline, ² Eare Ane le Kaiafe ea bo e le baperiseti ba bagolu, lehuku ya Morimo ya tla go Yohane, moroa Sakarie, kua gareganaga. ³ Mi a hitla mo hatsiñ yeotle mo ntleñ cotle tsa Yoridane, a rera papetisho ea tlabologo ea go icuarela libe; ⁴ Yaka go kuariloe mo bukeñ ea mahuku a Yesaye moperofeti, a re, Koru ea eo o bitsañ kua gareganaga, Bakanyañ tsela ea ga Yehova, siamisañ tselana tsa gague. ⁵ Megogoro eotle e tla tlarioa, le thaba cotle, le lithabana li tla na libatla; mi tse ri shokameñ, li tla siamisioa, mi tsela tse ri maguata li tla papanoa; ⁶ Mi nama cotle li tla bona puluko ea Morimo. ⁷ Eriha gona o raeañ bontsintsi yo bo tlañ go bapetisioa ki ena, Losika loa linoga ki lona, lo tlagisicoe e mañ go tsaba bogale yo bo tlañ? ⁸ Lereñ mauñuo pele a a cuanetseñ tlabologo; mi lo si simolole go ithaea, Re na le Aberahame rra ecu; gone kia lo raea, Morimo o nonohile go cosetsa Aberahame bana ka maye a. ⁹ Mi yana selepe le shona se laricoe mo mecueñ ea litlare; ki gona tlare cotle tse ri sa uñueñ louñuo lo lo molemo, li tla reñoa, li latleloa mo moleloñ. ¹⁰ Mi bontsintsi yoa motsa yoa re, Mi re tla rihañ? ¹¹ Mi a araba, a bo raea, Eo o nañ le kobo li tu, a a abele eo o sinañ epe; mi eo o nañ le liyo, a a rihe yalo. ¹² Mi hoñ ga tla baphuthi ba lekhetho go bapetisioa, mi ba mo raea, Rabi, re tla riha yañ? ¹³ Mi a ba raea, Se lopeñ bogolu go se lo se laolecoeñ. ¹⁴ Mi batlabani le bona ba motsa, ba re, Mi rona, re tla rihañ? Mi a ba raea, Lo si bogise ope, le go mo tseela tsa gague ka tsieco; mi itumeleleñ tuelo tsa lona. ¹⁵ ¶ Mi eare ka bathu ba lebelela, mi botle ba gakologeloa mo peluñ tsa bona ga Yohane, e si be khotsa e le Keresete; ¹⁶ Mi Yohane a ba araba botle, a re, E, kia lo bapetisa ka metse; mi o e tla, eo o thata bogolu go ’na, eo khole ea litlaku tsa gague ki sa cuanelañ go e hunolola; ki ena eo o tla lo bapetisañ ka Moea oa Boitsepho, le ka molelo; ¹⁷ Eo sesekelo sa gague se leñ mo atleñ sa gague; mi sebupi sa gague o tla se olosa rure, mi o tla phuthela mabele mo tluñ ea pulukelo ea gague; mi o tla cuba moko ka molelo o o sa tiñoeñ. ¹⁸ Mi le gona a bulelela bathu mahuku a boitumelo, ka likaelo rintsi li sele. ¹⁹ Mi eare Herode teterareki a buecoe ki ena, ka ntla ea ga Herodie mosari oa ga monnaue, Filipo, le ka cona cotle tsa boshula tse Herode o ri rihileñ, ²⁰ Mi le gona a okeletsa lilo tseuo o ri rihileñ, ka go cualela Yohane mo tluñ ea kholegelo. ²¹ Mi ga rihala ka bathu botle ba sina bapetisioa, Yesu le ena a bapetisioa, mi a rapela, mi legorimo ya buloa, ²² Mi Moea oa Boitsepho oa hologela go ena, o cuana yaka mele oa lephui, mi ga rihala koru e e coañ kua legorimoñ, ea re, U Moroake, eo o rategañ; kia itumela mo go uena. ²³ Mi Yesu bogolu yoa gague bo simolola go na linyaga li kane li le terte, eo e leñ, (yaka bathu ba le ba itloma) moroa Yosefe, moroa Heli, ²⁴ Moroa Matate, moroa Levi, moroa Meleki, moroa Yanai, moroa Yosefe, ²⁵ Moroa Matatio, moroa Amose, moroa Nahume, moroa Eseli, moroa Nagai, ²⁶ Moroa Mate, moroa Matatio, moroa Semeina, moroa Yoseke, moroa Yode, ²⁷ Moroa Yoanane, moroa Rese, moroa Serubabele, moroa Shealatiele, moroa Neri, ²⁸ Moroa Meleki, moroa Adi, moroa Kosame, moroa Elemadame, moroa Eri, ²⁹ Moroa Yose, moroa Eliesare, moroa Yorime, moroa Matate, moroa Levi, ³⁰ Moroa Simeone, moroa Yude, moroa Yosefe, moroa Yonane, moroa Eliakime, ³¹ Moroa Melea, moroa Menna, moroa Matate, moroa Natane, moroa Davide, ³² Moroa Yeshae, moroa Obede, moroa Boase, moroa Salamone, moroa Nashone, ³³ Moroa Aminadabe, moroa Arame, moroa Eserome, moroa Perese, moroa Yude, ³⁴ Moroa Yakobe, moroa Yitsake, moroa Aberahame, moroa Tere, moroa Nahore, ³⁵ Moroa Seruge, moroa Reu, moroa Pelege, moroa Ebere, moroa Shele, ³⁶ Moroa Kainane, moroa Arepakasade, moroa Sheme, moroa Noe, moroa Lameke, ³⁷ Moroa Metusale, moroa Enoke, moroa Yarede, moroa Mahalalile, moroa Kainane, ³⁸ Moroa Enose, moroa Sete, moroa Adame, moroa Morimo.

KHAOLO 4. ¹ MI Yesu ka a tletse Moea oa Boitsepho, a ba a coa Yoridane, mi a gogeloa ki Moea kua gareganaga. ² Mi a raeloa ki diabolo ka malatsi a forte, mi a si ka a ya sepe ka malatsi auo; mi ka a sina heta, a utlua tlala bogolu. ³ Mi diabolo a mo raea, A ere ha u le Moroa Morimo, laola leincue ye, le hetoge señkhue. ⁴ Mi Yesu a mo araba, a re, Go kuariloe, Bathu ba si kitla ba tsela ki señkhue shosi, mi ba tla tsela ka lehuku leñue le leñue ya Morimo. ⁵ Mi ka diabolo a mo gogela kua thabeñ e e gorileñ, a mo shupetsa magosi aotle a lehatse ka momenta o moñue hela. ⁶ Mi diabolo a mo raea, Ki tla gu naea thata eotle e, le khalalelo ea aona; gone ki li necoe, mi ki ka li naea eo ki ratañ go mo naea. ⁷ Ki gona ha u tla ’nkhubamela, cotle li tla na tsa gago. ⁸ Mi Yesu a araba a mo raea, Tloga ha go ’na, Satana, gone go kuariloe, U tla obamela Yehova Morimo oa gago, mi ona osi u tla o rihela. ⁹ Mi a mo gogela kua Yerusalema, mi a maea ha setloeñ sa tempela, mi a mo raea, A ere ha u le Moroa Morimo, u itigele kua tlatse; ¹⁰ Gone go kuariloe, O tla laolela baengele ba ona kaga gago, go gu buluka; ¹¹ Mi ba tla gu legelela ka liatla, gore e si re khotsa nao loa gago loa khocoa ki leincue. ¹² Mi Yesu a araba a mo raea, Go kuariloe, Ga u kitla u raela Yehova Morimo oa gago. ¹³ Mi ka diabolo a sina khutla thaelo eotle, a mo tlogela ka lobaka. ¹⁴ ¶ Mi Yesu a ba a boela ka thata ea Moea kua Galilea; mi tumo ea gague ea halalela mo ntleñ cotle tsa lehatse yeuo. ¹⁵ Mi a ruta mo masenagogeñ a bona, mi a galalerioa ki bona botle. ¹⁶ ¶ Mi a hitla mo Nasareta kua o gorisericoeñ gona; mi a tsena mo senagogeñ ka tsatsi ya sabata, yaka temalo ea gague, mi a tloga a ema go buisa. ¹⁷ Mi a neoa buka ea Yesaye moperofeti. Mi a ra a sina menolola bubuka, a bona helo ha go kuariloeñ gona: ¹⁸ Moea oa ga Yehova o go ’na, gone o ’ntloleritse go rerela bahumanegi evañgelio; o ’nthomile go horisa ba ba pelu li thubegileñ, ¹⁹ Go rerela bagolegoi khololo, le lihohu go ba go bona, le go romela bona ba ba cuenyegañ khololo, go rera ñuaga oa nateho oa ga Yehova. ²⁰ Mi ka a sina mena buka a ba a e naea motlañka, mi a lula. Mi maitlo a bona botle ba ba mo senagogeñ a la a le go ena. ²¹ Mi a simolola go ba raea, Kualo lo lo rihetse gompienu mo tsebeñ tsa lona. ²² Mi botle ba shupa ga gague, mi ba gakhamala mo mahukuñ a gague a tsegohaco, a a coañ mo molomoñ oa gague. Mi ba re, Eo, a ga si moroa Yosefe? ²³ Mi a ba raea, Amarure lo tla ’mpulelela secuanco se, Ñaka, u iphorise; cotle tse re li utluileñ, tse ri rihetseñ mo Kaperenama, u rihe yalo monu mo hatsiñ ya gago. ²⁴ Mi a re, Amarure, kia lo raea, Ga go moperofeti ope eo o ka khatlañ mo hatsiñ ya gague. ²⁵ Mi kia lo raea ka amarure, gabo gole batlolagari bantsi mo Yesereleñ mo motleñ oa ga Eliyahue, ka legorimo le kopecoe ka linyaga li teri, le likhueri li sekes, ga tsamaea ga na tlala e kholu mo hatsiñ yeotle; ²⁶ Mi Eliyahue a si ka a roñoa go ope oa bona, ha e si go mosari oa motlolagari kua Serepeta, motse oa Tsidona. ²⁷ Gabo gole baleperoi bautsi mo Yesereleñ mo motleñ oa ga Elishe moperofeti, mi go si na ope oa bona eo o ntlaharicoeñ, ha e si Naamane oa Mosiria. ²⁸ Mi ka botle ba ba mo senagogeñ ba sina utlua lilo tse, ba tlala bogale, ²⁹ Mi ba tloga ba ema, ba mo khoromeletsa kua ntle ga motse, ba mo gogela kua phatleñ ea thaba e motse oa bona o agiloeñ mo go eona, gore ba mo rigele tlatse ka logaga. ³⁰ Mi a ralala gare ga bona, mi a ea. ³¹ Mi a hitla kua Kaperenama, motse oa Galilea, mi a ba ruta ka malatsi a sabata; ³² Mi ba gakhamarioa ki thuto ea gague; gone huku ya gague le le na le thata. ³³ ¶ Mi gabo gole monona mo senagogeñ eo o nañ le moea oa modemona o mashue, mi a bitsa ka koru e kholu, ³⁴ A re, Re lese; re gu rihañ, Uena Yesu oa Monasarini? A u tletse go re senya? Kia gu itse eo u leñ ena, u Moitsephi oa Morimo. ³⁵ Mi Yesu a muela, a re, Khautsa; mi u coe go ena. Mi ka modemona a sina mo rigela ha gare, a coa go ena, mi a sa mo senye gope. ³⁶ Mi ba gakhamala botle, mi ba rana, ba re, Ana huku ye ki yañ! ka a laola meoea e mashue ka taolo le thata, mi ea coa. ³⁷ Mi tumo ea gague ea halalela mo maheloñ aotle a lehatse. ³⁸ ¶ Mi a ema a coa mo senagogeñ, mi a tsena mo tluñ ea ga Simone; mi ma mosari oa ga Simone a bo a cueroe ki pobolo e kholu ea khotelo: mi ba mo mo rapelela. ³⁹ Mi a mo okama, a buela pobolo ea khotelo; mi ea mo tlogela; mi a akoha a coga, a ba rihela. ⁴⁰ ¶ Mi ka letsatsi le phirima, botle ba ba nañ le ba ba bobolañ ka maloetse a sele, ba ba lere go ena; mi a baea liatla mo go moñue le moñue oa bona, mi a ba horisa. ⁴¹ Mi bademona le bona, ba coa mo bontsiñ ba bitsa ba re, U Keresete, Moroa Morimo. Mi a ba buela, a si ka a ba leseletsa go bua, gone ba mo itse ha e le ena Keresete. ⁴² Mi ka bosasa, a ea a hurugela kua heloñ ga gareganaga; mi bontsintsi yoa matla, mi yoa hitla go ena; mi yoa mo thiba, gore a si bo tlogele. ⁴³ Mi a bo raea, Ki cuanetse go rerela le metse e meñue evañgelio ea pusho ea Morimo; gone ki romiloe go riha yalo. ⁴⁴ Mi a rera mo masenagogeñ a Galilea.

KHAOLO 5. ¹ MI ga rihala ka bontsi bo mo pitlaganya go utlua huku ya Morimo, a ema ha letseñ ya Genesareta, ² Mi a bona lishepa li tu li eme ha letseñ; mi bacuari‐litlapi ba rule mo ga cona, go cokotsa litloa tsa bona. ³ Mi a tsena mo go señue sa lishepa, se e le le sa ga Simone, mi a mo rapela gore a se shutise go nyenye mo hatsiñ. Mi a lula, a ruta bontsintsi a le mo shepeñ. ⁴ Mi ka a sina khutla go bua, a raea Simone, Shutela kua go boteñ, mi rigela litloa tsa gago go cuara. ⁵ Mi Simone a araba, a mo raea, Morena, re letse re riha le bosigo yotle, mi ga rea ka ra cuara sepe; leha gontse yalo ki tla rigela lotloa ka huku ya gago. ⁶ Mi ka ba sina riha yalo, ba phutha bontsi yo bogolu yoa litlapi; mi lotloa loa bona loa khaoga. ⁷ Mi ba goetla lilekane tsa bona tse ri mo shepeñ se señue, gore li tle go ba thusa. Mi tsa tla mi ba tlatsa lishepa li tu, tsa tsamaea tsa batla go noela. ⁸ Mi ka Simone Petero a bona yalo, a oela ha mañoleñ a ga Yesu, a re, ’Ntlogela, Morena, gone ki monona oa boleo. ⁹ Gone khakhamalo e mo cuere, le bona botle ba ba nañ nae, mo cuaroñ ea litlapi tse ba li cuereñ; ¹⁰ Le bona Yakobo le Yohane, bomoroa Sebedaio, lilekane tsa ga Simone. Mi Yesu a raea Simone, U si boihe; Ga yana u tla cuara bathu. ¹¹ Mi ka ba sina lere lishepa tsa bona kua hatsiñ, ba tlogela cotle, mi ba mo sala morago. ¹² ¶ Mi ga rihala ka a le mo motseñ moñue, bonañ, gabo gole monona eo o tletseñ lepero; ka a bona Yesu a oela ka sehatlogo, a mo rapela, a re, Morena, ha u rata, u ka ’nntlahatsa. ¹³ Mi a ntsa seatla, a mo ama, a re Kia rata, ntlahala. Mi lepero ya akoha ya mo tlogela. ¹⁴ Mi a mo laola gore a si bulelele ope; mi u tsamaee, u icupetse moperiseti, mi u nee bointlahaco yoa gago, yaka Moshe a laotse, go na seshupo go bona. ¹⁵ Mi tumo ea gague ea halarioa bogolu bogolu; mi bontsintsi yo bogolu yoa tla mogo go utlua, le go horisioa ki ena maloetse a yona. ¹⁶ ¶ Mi a iphurusetsa gareganaga, mi a rapela gona. ¹⁷ Mi ga rihala ka tsatsi leñue, ka a ruta, gabo go rutse Bafarisai le baruti ba molao gona, ba ba coañ mo metseñ eotle ea Galilea, le Yuda, le Yerusalema: mi thata ea Morena e le le gona go ba horisa. ¹⁸ ¶ Mi bonañ, banona ba lere monona oa pobolo ea teteselo ka bolao: mi ba batla go mo tsenya mo teñ, go mo latsa ha pele ga gague. ¹⁹ ¶ Mi ka ba sa bone kaha ba ka mo isañ mo teñ ka ntla ea bontsi, ba palama litlomesho, ba mo holosa ka lirulelo ka bolao ha gare ha pele ga Yesu. ²⁰ Mi ka a bona tumelo ea bona, a mo raea, Monona, libe tsa gago u li icuarecoe. ²¹ Mi bakuari le Bafarisai ba simolola go gakololana, ba re, Emañ eo, eo o buañ likhalo? Mañ eo o ka icuarelañ libe, ha e si Morimo osi? ²² Mi ka Yesu a lemoga khopolo tsa bona, a araba a ba raea, Lo gakologeloañ mo peluñ tsa lona? ²³ Ki gohe go nolo, go tua, Libe tsa gago u li icuarecoe; leha go ka tua, Tloga u eme, u tsamaee? ²⁴ Mi gore lo itse ha Moroa mothu a na le thata mo hatsiñ go icuarela libe, (a raea eo oa pobolo ea teteselo,) Kia gu raea, Tloga u eme, mi cula bolao yoa gago, u ee kua tluñ ea gago. ²⁵ Mi a ema ka bonako ha pele ga bona, mi a culetsa se o la a letse go shona, mi a ea kua tluñ ea gague, a galaletsa Morimo. ²⁶ Mi botle ba cuaroa ki go gakhamala, mi ba galaletsa Morimo, mi ba tlaloa ki poiho, ba re, Re bonye lilo tse ri sa rumeloeñ gompienu. ²⁷ ¶ Mi morago ga lilo tse, a coela kua ntle mi a bona mophuthi oa lekhetho, eo o birioañ Levi, a rutse mo tluñ ea khethelo, mi a mo raea, ’Ntsala morago. ²⁸ Mi a tlogela lilo cotle, a tloga a ema, a mo sala morago. ²⁹ Mi Levi a mo rihela moriho o mogolu mo tluñ ea gague; mi gabo gole leshumo ye legolu ya baphuthi ba lekhetho; le ba bañue ba ba rutseñ nabo. ³⁰ Mi bakuari ba bona, le Bafarisai, ba ñoñoregela barutoa ba gague, ba re, Lo yelañ lo noelañ le baphuthi ba lekhetho, le baleohi? ³¹ Mi Yesu a araba, a ba raea, Ba ba horileñ ga ba rihe ñaka sepe; mi babobori ba e tloka. ³² Ga kia tlela go biletsa basiami tlabologoñ, e le baleohi. ³³ ¶ Mi ba mo raea, Barutoa ba ga Yohane ba rihelañ go bisa go ya ka gantsi, ba riha merapelo, le ba Bafarisai, mi ba gago ba ya, ba noa? ³⁴ Mi a ba raea, A lo ka khanelela bana ba ntlu ea monyaroi go riha go bisa go ya, ka monyari a sa na nabo? ³⁵ Mi metla e tla tla, e monyari o tla tlosioañ go bona ka eona, mi eriha gona ba tla rihañ go bisa go ya mo metleñ euo. ³⁶ Mi le gona a bua secuanco nabo: Ga go ope eo o segañ sebata mo seaparoñ se sesha a bitiela seaparo se se onetseñ ka shona; ha gontse yalo, sebata se sesha se tla keketsa se se onetseñ; gone sebata se sesha se sa cuane le se se onetseñ. ³⁷ Mi ga go ope eo o tselañ boyaloa yo bosha mo makukeñ a a onetseñ; ha gontse yalo, boyaloa yo bosha bo tla phanya makuka, mi bo tla culoga, mi makuka a tla hela. ³⁸ Mi boyaloa ya bosha bo cuanetse go tseloa mo makukeñ a masha; mi go bulukega mogo. ³⁹ Mi ga go ope eo oa ra a sina noa boyaloa yoa bogolugolu, a batla yo bosha ka bonako; gone a re, yoa bogolugolu bo molemo bogolu.

KHAOLO 6. ¹ MI ga rihala ka sabata oa ntla morago ga tsatsi ya bo‐tu, a ralala tsimo ea mabele; mi barutoa ba gague ba roba liako tsa mabele, mi ba li shoshora mo liatleñ, go ri ya. ² Mi bañue ba Bafarisai ba ba raea, Ana lo rihelañ se se sa laoloañ ka malatsi a sabata? ³ Mi Yesu a ba araba a re, A ga loa ka loa buisa se Davide o se rihileñ, ka a cueroe ki tlala, le ba ba nañ nae; ⁴ Kaha o la a tsena mo tluñ ea Morimo ka gona, a cula liñkhue tsa cupo, a li ya, a li naea le bona ba ba le ba na nae, tse ri sa laoloañ go yeoa, ha e si ki baperiseti bosi? ⁵ Mi a ba raea, Moroa mothu, le ena, ki Morena oa sabata. ⁶ ¶ Mi ga rihala le mo sabateñ o moñue, a tsena mo senagogeñ a ruta; mi gabo gole monona gona, eo atla sa gague se se siameñ se omeletse. ⁷ Mi bakuari le Bafarisai ba mo elatloko, ha a tla horisa ka tsatsi ya sabata, gore ba bone molatu mo go ena. ⁸ Mi ka a itse khopolo tsa bona, a raea monona oa atla se se omeletseñ, Tloga u eme, u eme ha gare. Mi a tloga a ema ha gare. ⁹ Eriha gona Yesu o ba raeañ, Ki tla lo botsa seo señue, A ki taolo go riha molemo ka malatsi a sabata, leha e le go leoha? go buluka botselo, leha e le go bo senya? ¹⁰ Mi a ba leba botle, mi a raea monona, Otlolola atla sa gago. Mi a riha yalo; mi atla sa gague sa hola sa cuana le se señue. ¹¹ Mi ba tlaloa ki botseno; mi ba rana ga se ba tla se rihañ Yesu. ¹² Mi ga rihala mo metleñ euo, a coela kua thabeñ go rapela; mi a na gona bosigo yotle mo thapeloñ go Morimo. ¹³ ¶ Mi ka bosasa, a biletsa barutoa ba gague go ena; mi a itseñkela ba tuelev go bona, ba le bona o ba bitsañ Baapostoloi: ¹⁴ Simone (eo le ena o mitsañ Petero,) le Anderea monnaue, Yakobo le Yohane, Filipo le Baretolomea, ¹⁵ Mataio le Tome, Yakobo moroa Alefaio, le Simone eo o birioañ Selote, ¹⁶ Yude oa Yakobo, le Yude Isekariota, eo le ena o la a na mooki. ¹⁷ ¶ Mi a hologa nabo, a ema mo motlabeñ, le leshomo ya barutoa ba gague; mi bontsi yo bogolu yoa bathu yo bo coañ mo Yuda yeotle, le Yerusalema, le kua ntleñ ea leoatle ya Tsura le Tsidona, yo bo tlañ go mo utlua, le go horisioa maloetse a yona; ¹⁸ Le bona ba ba cueñoañ ki meoea e mashue; mi ba horisioa. ¹⁹ Mi bontsi yotle yoa batla go mo ama; gone thata e coa go ena, mi a bo horisa yotle. ²⁰ ¶ Mi a culeletsa maitlo a gague go barutoa ba gague, a re, Lo tsegoharicoe, bahumanegi; gone bogosi yoa Morimo e le yoa lona. ²¹ Lo tsegoharicoe, ba lo utluañ tlala yana; gone lo tla khorisioa. Lo tsegoharicoe, ba lo lelañ yana; gone lo tla tsega. ²² Lo tsegoharicoe ha bathu ba tla lo ila, mogañ ba tla lo khaoganyañ nabo, le go lo khoba, le go latla leina ya lona yaka boshula, ka ntla ea Moroa mothu. ²³ Itumeleñ mo motleñ ouo, mi lo ipele; gone, bonañ, tuelo ea lona e kholu mo legorimoñ; gone bo‐rabo ba rihetse yalo baperofeti. ²⁴ Mi go latlega lona bahumi! gone lo bonye khomoco ea lona. ²⁵ Go latlega lona ba lo khotseñ! gone lo tla utlua tlala. Go latlega lona ba lo tsegañ yana! gone lo tla lelela lo lela. ²⁶ Go latlega lona ka botle ba tla buañ seiñtle ga lona! gone bo‐rabo ba rihetse yalo baperofeti ba tsieco. ²⁷ ¶ Mi kia lo raea ba lo utluañ, Ratañ baba ba lona, rihelañ molemo ba ba lo ilañ, ²⁸ Tsegohatsañ ba ba lo rogañ, mi rapelelañ ba ba lo senyañ. ²⁹ Mi eo o gu hapholañ mo lesameñ leñue, mo shupetse ye leñue; mi ena eo o gu tseelañ kobo ea gago, u si mo itse go cula le eona koyana. ³⁰ Mi naea moñue le moñue eo o gu lopañ; mi ena eo o gu tseelañ lilo tsa gago, u si be ua li lopa. ³¹ Go cuana yaka lo rata bathu ba lo rihela, le lona ba riheleñ yalo. ³² Gone ha lo rata ba ba lo ratañ, lo na le tebogo ehe? gone baleohi le bona ba rata ba ba ba ratañ. ³³ Mi ha lo rihela molemo ba ba lo rihelañ molemo, lo na le tebogo ehe? gone baleohi le bona ba riha yalo. ³⁴ Mi ha lo arima bona ba lo shuluhelañ go ba lo bona, lo na le tebogo ehe? gone baleohi le bona ba arima baleohi, gore ba be ba bone yaka se ba se ba arimileñ. ³⁵ Mi lona, ratañ baba ba lona, mi rihañ molemo, mi arimañ, lo si be loa shuluhela sepe; mi tuelo ea lona e tla na kholu, mi lo tla na bana ba Mogorimo oa bogorimo bogolu; gone a le tsala go ba ba sa itumeleleñ, le go ba boshula. ³⁶ Ki gona, nañ boicuarelo, yaka Rra enu a le boicuarelo. ³⁷ Si sekiseñ, mi ga lo kitla lo sekisioa; lo si latuhatse, mi ga lo kitla lo latuharioa; mi icuareleñ, mi lo tla icuareloa. ³⁸ Naeañ, mi lo tla neoa; ba tla naea selekanyo se se molemo, se se katecoeñ, se se tsikiñcoeñ mogo, se se culogañ mo hubeñ tsa lona. Gone ka selekanyo se lo lekanyañ ka shona, e le shona lo tla ba lo lekanyerioa ka shona. ³⁹ Mi a ba raea secuanco, A sehohu se ka goga sehohu? A ga li kitla li oela mogo mo loñopeñ? ⁴⁰ Morutoa ga a mogolu bogolu go moruti oa gague; mi morutoa moñue le moñue eo o rutegileñ, o tla na yaka moruti oa gague. ⁴¹ Mi u bonelañ lohatsana lo lo mo itloñ ya mokauleñue oa gago; mi mosipuri o o mo itloñ ya gago, ga u o eletloko? ⁴² Khotsa u ka raea mokauleñue oa gago yañ, Mothu ecu, a ki ntse lohatsana lo lo mo itloñ ya gago, le mororo u sa bone mosipuri o o mo itloñ ya gago? Moitimokanyi ki uena, ntsa mosipuri mo itloñ ya gago pele, eriha gona u tla bonañ go ntsa lohatsana lo lo mo itloñ ya mokauleñue oa gago. ⁴³ Gone tlare se se molemo se sa uñue louñuo lo lo boshula, le gona tlare se se boshula se sa uñue louñuo lo lo molemo. ⁴⁴ Gone tlare señue le señue se itsioe ka louñuo loa shona. Gone ba thu go ba hule lifeige mo mitlueñ, le louñuo loa movine mo moñaneñ. ⁴⁵ Mothu eo o molemo oa ntsa molemo mo lohumoñ lo lo molemo loa pelu ea gague, mi mothu eo o boshula oa ntsa boshula mo lohumoñ loa pelu e e boshula ea gague; gone molomo oa gague o bua yaka botlalo yoa pelu ea gague. ⁴⁶ ¶ Mi lo ’mpiletsañ Morena, Morena, mi lo sa rihe lilo tse ki reñ lo li rihe? ⁴⁷ Le moñue le moñue eo o tlañ go ’na, eo o utluañ mahuku a me go a riha, ki tla lo shupetsa eo o cuanañ nae; ⁴⁸ O cuana le monona eo o agañ ntlu, a e epetse, a ea kwa teñ, mi a thaea motheo mo hikeñ; mi eare moroalela oa metse o tla, moroalela oa ndaea ntlu thata; mi oa reteleloa ki go e tsikinya, gone e le e theiloe mo hikeñ. ⁴⁹ Mi eo o utluañ a sa rihe, o cuana le monona eo o agañ ntlu mo mbuñ, e sina motheo; mi moroalela oa metse oa e ndaea thata, mi ea akoha ea oa; mi go oa ga ntlu e ga na go golu.

KHAOLO 7. ¹ MI yana ka a sina uetsa mahuku aotle a gague mo kutluoñ ea bathu, a tsena mo Kaperenama. ² Mi gabo gole mosenturi, a na le motlañka eo o mo ratañ segolu, a bobola, a batlile go shua. ³ Mi ka a utlua ga Yesu, a roma bagolu ba Bayude go ena, ba mo rapela, gore a tle go horisa motlañka oa gague. ⁴ Mi ka ba sina go tla go Yesu, ba mo rapela thata, ba re, O cuanetse go riheloa yalo ki uena; ⁵ Gone o rata morahe oa rona, mi o re agetse senagoge. ⁶ Mi Yesu a ea nabo. Mi erile yana a si khakala le ntlu, mosenturi a roma litsala go ena, tsa mo raea, Morena, u si itapise; gone ki sa cuanela gore u tle kua tlatse ga tlomesho tsa me: ⁷ Ki gona le ’na ki ikaeañ ki sa cuanela go tla kua go uena; mi bua lehuku leñue, mi motlañka oa me o tla hola; ⁸ Gone ka le ’na ki monona eo o laorisicoeñ mo thateñ ea ba sele, mi ki na le batlabani ba me, mi ki raea moñue, Ea, mi a ee; le go eo moñue, Ntlo, mi a tle; le go motlañka oa me, Riha se, mi a se rihe. ⁹ Mi ka Yesu a utlua yalo, a gakhamala kaga gague, mi ka a retologa a raea bontsi yo bo mo setseñ morago, Kia lo raea, Ga ki e si ’nki ki bone tumelo e kholu yalo le mo go Yeserela. ¹⁰ Mi bona ba ba le ba romiloe erile ba boela kua tluñ, ba bona motlañka eo o la a bobola, a horile. ¹¹ ¶ Mi ga rihala morago ga tsatsi yeuo, a ea kua motseñ o o birioañ Naina; mi ga ea le ena bontsi yoa barutoa ba gague, le bontsi yo bogolu. ¹² Mi ka a atamela khoro ea motse, bonañ, gabo gole moshui a belegeloa ntle; ea bo e le moroa mague eo esi, mi ea bo e le motlolagari; mi bontsi yo bogolu yoa motse yoa bo bo na nae. ¹³ Mi ka Morena a mona, a mo utluela botluku, mi a mo raea, U si lele. ¹⁴ Mi a atamela a ama seculo, mi bamelegi ba ema. Mi a re, Lekau, kia gu raea, Tloga u eme. ¹⁵ Mi moshui a coga a lula, mi a simolola go bua. Mi a mo nela mague. ¹⁶ Mi poiho ea ba cuara botle; mi ba galaletsa Morimo, ba re, Go cogile moperofeti eo mogolu gare ga rona; mi, Morimo o lekotse bathu ba ona. ¹⁷ Mi tumo e ea gague ea halalela mo Yuda yeotle, le mo lithokoñ tsa lehatse. ¹⁸ Mi barutoa ba ga Yohane ba mulelela lilo cotle tse. ¹⁹ ¶ Mi ka Yohane a biletsa go ena barutoa ba gague ba tu, a ba romela go Yesu, a re, A ki uena eo o tla tlañ? khotsa a re lebeletse o sele? ²⁰ Mi banona ba sina hitla go ena, ba re, Re romiloe ki Yohane Mobapetisi go uena, e re, A ki uena eo o tlañ? khotsa a re lebeletse o sele? ²¹ Ka e sale oura ouo a horisa bontsi maloetse le lipobolo, le meoea e e boshula; mi bontsi yoa lihohu a bo naea go bona. ²² Mi Yesu a araba a ba raea, Eañ lo bulelele Yohane lilo tse lo li bonyeñ, loa li utlua; lihohu lia bona, batlotsi ba tsamaea, baleperoi ba ntlaharicoe, le ba ba sa utlueñ ba utlua, bashui ba cosicoe, mi evangelio e reroa mo go bahumanegi, ²³ Mi go tsegoharicoe eo o si kitlañ a khocoa ka ntla ea me. ²⁴ ¶ Mi ka baroñoi ba ga Yohane ba sina rulara, a simolola go raea bontsi ga Yohane, Lo lo coela kua gareganaga lo ea go bonañ? Lotlaka lo lo tsikincoeñ ki pheho? ²⁵ Ana lo lo coela go bonañ? Monona eo o apereñ liaparo tse ri nolo? Bonañ, ba ba apereñ khalalelo, le ba ba tselañ mo letlapeloñ, ba aga mo maloapeñ a likhosi. ²⁶ Mi ana lo lo coela go bonañ? Moperofeti? E, kia lo raea, Eo mogolu bogolu go moperofeti. ²⁷ Eo, ki ena eo go kuariloeñ ga gague, Bonañ, kia roma moroñoi oa me, ha pele ga hatlogo sa gago, eo o tla bakanyañ tsela ea gago ha pele ga gago. ²⁸ Gone kia lo raea, Ga go moperofeti ope eo mogolu go Yohane Mobapetisi, mo go bona ba ba tsecoeñ ki basari; mi eo motlana mo pushoñ ea Morimo, o mogolu go ena. ²⁹ Mi bathu botle ba ba mo utluañ, le baphuthi ba lekhetho, ba ba bapetisicoeñ ka papetisho ea ga Yohane, ba galaletsa Morimo. ³⁰ Mi Bafarisai le bamolao ba nyaritse boikaelelo yoa Morimo kaga bona ka bosi; ba sa bapetisioe ki ena. ³¹ ¶ Mi Morena a re, Bathu ba losika lo, ana ki tla ba cuantsa ka eñ? mi ba cuana le eñ? ³² Ba cuana le bana ba ba rutseñ mo mileñ oa thekelo, ba bitsanya ba re, Re lo leleritse mo selecoñ, mi ga loa ka loa bina; re lo opeletse lihela tsa bohutsana, mi go loa ka loa lela. ³³ Gone Yohane Mobapetisi o tlile a sa ye señkhue, leha e le ga noa boyaloa; mi loa re, O na le modemona. ³⁴ Moroa mothu o tlile, a ya, a noa; mi loa re, Bonañ, moyi le monoi oa boyaloa; tsala ea baphuti ba lekhetho le baleohi! ³⁵ Mi botlale bo siamisicoe ki bana botle ba yona. ³⁶ ¶ Mi moñue oa Bafarisai, a mo lopa gore a ye nae. Mi a tsena mo tluñ ea Mofarisai, mi a lula ha liyoñ. ³⁷ Mi bonañ, mosari oa motse, eo e le le moleohi, ka a tlaloganya ha Yesu a rutse ha liyoñ, mo tluñ ea Mofarisai, a lere segoana sa alebasetara sa setlolo, ³⁸ Mi a ema kua morago ha naoñ tsa gague, a lela, mi a simolola go kolobetsa nao tsa gague ka likeleri, mi a li phimola ka moriri oa tlogo ea gague; mi a mo atla linao, mi a li tlotsa ka setlolo. ³⁹ Mi ka Mofarisai eo o miritseñ a bona yalo, a ithaea, a re, Eo, ha e le le moperofeti, o kabo a itsile mosari eo o mo amañ, kaha ontseñ ka gona, gone e le moleohi. ⁴⁰ Mi Yesu a araba a mo raea, Simona, ki na le se ’nka se gu raeañ. Mi a re, Rabi, bua. ⁴¹ Gabo gole muñ oa molatu, a na le ba tu ba ba molatu nae; moñue a le molatu denari li faev hundereda, mi eo moñue a le molatu nae li faevte. ⁴² Mi ka ba sina sepe go leha ka shona, a ba icuarela bo tu yoa bona. Ki gona ’mpulelela, mañ eo mo go ba, eo o tla mo ratañ bogolu? ⁴³ Mi Simone a araba a re, ’Nka re, Eo o icuarecoeñ bogolu ki ena. Mi a mo raea, U sekisitse ka tsiamo. ⁴⁴ Mi a retologela mosari mi a raea Simone, A ua bona mosari eo? Ki tlile mo tluñ ea gago, ga ua ka ua naea nao tsa me metse; mi eo, o ’nkoloberitse linao ka likeleri, a li phimola ka moriri oa tlogo ea gague. ⁴⁵ Ga ua ka ua ’nkatla; mi mosari eo, o sa le a tsena, ga a ka lesa go ’nkatla linao. ⁴⁶ Tlogo ea me, ga ua ka ua e tlotsa ka loukuane; mi mosari eo, o ’ntloritse linao ka setlolo. ⁴⁷ Ki gona, ki gu raeañ, Libe tsa gague tse li li rintsi li icuarecoe; gone o na le lorato lo logolu; mi eo o icuarecoeñ tse ri potlana, o na le lorato lo lo botlana. ⁴⁸ Mi a mo raea, Libe tsa gago li icuarecoe. ⁴⁹ Mi bona ba ba rutseñ nae ha liyoñ ba simolola go ithaea, Emañ eo o icuarelañ le libe? ⁵⁰ Mi a raea mosari, Tumelo ea gago e gu bulukile; ea ka kagisho.

KHAOLO 8. ¹ MI ga rihala morago ga mouo, a tsamaea a khabaganya metse, le metsana eotle, a rera a bulela evañgelio ea pusho ea Morimo; mi ba tuelev bo ba na nae; ² Le basari bañue ba ba le ba horisicoe meoea e e boshula, le maloetse; le Marie Magadalina, eo bademona ba seven ba le ba rule go ena, ³ Le Yoane, mosari oa ga Kouse, motlameri‐ntlu oa ga Herode, le Susane, le bontsi yo boñue, yo bo mo rihelañ ka lilo tsa yona. ⁴ ¶ Mi ka bontsi yo bogolu bo sina phuthega, yo bo coañ mo metseñ eotle, yoa tla go ena, a bua ka secuanco: ⁵ Moyari a coela go yala peu ea gague; mi ka a yala, tse riñue tse oela ha tseleñ; mi tsa gatioa, mi linunyane tsa legorimo tsa li ya. ⁶ Mi tse riñue tsa oela mo hikeñ, mi tsa re li sina iphara, tsa shoaba, gone li li tloka loñola. ⁷ Mi tse riñue tsa oela mo mitlueñ, mi mitlua ea tloga naco, mi ea li hupetsa. ⁸ Mi tse riñue tsa oela mo mbuñ o o molemo, mi tsa gola, mi tsa uñua louñuo loa hundereda. Mi ka a sina bua lilo tseuo, a bitsa, Eo o nañ le litsebe go utlua, a a utlue. ⁹ Mi barutoa ba gague ba motsa, ba re, Ana secuanco se se ka na eñ? ¹⁰ Mi a re, Lona lo neiloe go tlaloganya tse ri sa itsioeñ tsa pusho ea Morimo, mi ba bañue, ki bua nabo ka licuanco, gore go bona ba si bone, le go utlua ba si tlaloganye. ¹¹ ¶ Mi yana secuanco ki se; Peu ki lehuku ya Morimo. ¹² Tse ri ha tseleñ, ki bona ba ba utluañ; mi eriha gona go tlañ diabolo, a tlosa lehuku mo peruñ tsa bona, gore ba si rumele, ba bulukoa. ¹³ Mi tse ri mo hikeñ, ki bona ba erileñ ba sina utlua, ba cula lehuku ka boitumelo, mi ba, eare ka ba sina mocoe ba rumela ka bokhutsanyane, mi eare mo motleñ oa thaelo ba tenege. ¹⁴ Mi tse ri oetseñ mo mitlueñ, ki bona ba erileñ ba sina utlua, ba coela pele, mi ba huperioa ki papalelo, le mahumo, le litlapelo tsa botselo yonu, mi ga ba uñue louñuo lo lo tletseñ. ¹⁵ Mi tse ri mo mbuñ o o molemo, ki bona ba ba utluileñ lehuku, ba le buluka mo peruñ e e siameñ, e e molemo, mi ba uñua louñuo ka bocoelelo pele. ¹⁶ ¶ Ga go ope eo o are a sina cuba lobone, a lo ribegetse ka seyana, leha e le go lo baea tlatse ga bolao; mi oa lo tloma mo tlomoñ sa lobone, gore ba ba tsenañ ba bone leseri. ¹⁷ Gone ga goa shuyoa sepe se se si kitlañ se bonatsega, mi ga go sepe se se sa itsioeñ se se si kitlañ se itsege, le mo ponatsegoñ. ¹⁸ Ki gona, itiseñ kaha lo utluañ ka gona; gone leha e le mañmañ eo o nañ le señue, o tla neoa; mi eo o si nañ sepe o tla tloserioa le shona se o itlomañ a na nasho. ¹⁹ ¶ Mi ga tla mague le bomonnaue go ena, mi ba sa kake ba tla go ena ka ntla ea bontsi. ²⁰ Mi a buleleloa ki bañue ba ba reñ, Mago le bomonnau ba eme kua ntle, ba tlologelecoe go gu bona. ²¹ Mi a araba, a ba raea, Mme le bonnake ki bona ba ba utluañ lehuku ya Morimo, ba le riha. ²² ¶ Mi ga rihala ka tsatsi leñue, a tsena mo shepeñ le barutoa ba gague: mi a ba raea, A re eeñ kua moseya oa letsa; mi ba coelela. ²³ Mi ka ba coelela, a robala; mi ga tla moroalela oa pheho mo letseñ; mi ba tlala metse, mi ba na mo poitsegoñ. ²⁴ Mi ba tla go ena, ba mo cosa, ba re, Morena, Morena, rea nyelela. Mi a coga, a buela pheho le lintelo; mi tsa nyelela, mi ga na tirimalo. ²⁵ Mi a ba raea, Tumelo ea lona e kae? Mi ka ba boiha ba gakhametse, ba rana, Ana eo, ontse yañ! ka a laola pheho le metse, mi a mo utlua. ²⁶ ¶ Mi ba ea ba hitla kua hatsiñ ya Bagaderini, ye le lebaganyeñ le Galilea. ²⁷ Mi ka a coela mo lehatsiñ, a khatlana le monona moñue eo o coañ mo motseñ, eo o siboloñ go na le bademona, a sa apare liaparo, le gona a sa nne mo tluñ epe, mi a le mo liphupuñ. ²⁸ Mi ka a bona Yesu, a bitsa segolu, a oela ha pele ga gague, a re ka koru e kholu, Ki rihañ nau, Yesu Moroa Morimo oa bogorimo bogolu? Kia gu rapela, u si ’ntlukuhatse. ²⁹ (Gone a laotse moea o o mashue, gore o coe mo mononeñ eo; gone o loa mo cuara ka gantsi; gone a la kile a golegoa ka liketen le ka mehiri; mi a khaola likholego, mi a khuelerioa ki modemona kua gareganaga.) ³⁰ Mi Yesu a motsa, a re, Leina ya gago e mañ? Mi a re, Ligione; gone bademona bantsi ba le ba tsenye go ena. ³¹ Mi ba mo rapela, gore a si ba laolele go ea mo boteñeñ. ³² Mi hoñ gabo gole serapa sa likolobe se segolu se hula mo thabeñ, mi ba mo rapela, gore a ba leseletse go tsena mo go shona. Mi a ba leseletsa. ³³ Mi ka bademoni ba coa mo mononeñ eo, ba tsena mo likolobeñ, mi serapa sa khokologela ka logaga mo letseñ, mi sa hupela. ³⁴ Mi ba ba se risañ, ka ba bona se se rihahetseñ, ba tsaba, ba ea ba bulela mo motseñ le mo hatsiñ. ³⁵ Mi ba coa ba ea go bona se se rihahetseñ: mi ba hitla go Yesu, mi ba bona monona eo bademona ba ruleñ go ena, a rutse ha naoñ tsa ga Yesu, a apere tlaloganyo e e siameñ ea gague; mi ba boiha. ³⁶ Mi le ba ba bonyeñ, ba ba bulelela kaha monona eo o la a cueroe ki bademona o horisicoeñ ka gona. ³⁷ ¶ Mi bontsi yotle yoa lithoko tsa lehatse ya Gadarene yoa mo rapela gore a bo tlogele; gone bo cueroe ki poiho e kholu; mi a tsena mo shepeñ, a ba a boea. ³⁸ Mi monona eo bademona ba ruleñ mo go ena, a mo rapela gore a ne nae; mi Yesu a mo roma, a re, ³⁹ Ba u boele kua tluñ ea gago, mi u bulele lilo tse ri kholu tse Morimo o ri gu rihetseñ. Mi a ea, a bulela mo motseñ otle lilo tse ri kholu tse Yesu o li mo rihetseñ. ⁴⁰ Mi ga rihala, ka Yesu a ba a boea, bontsi yoa mo cula; gone bo mo lebeletse yotle. ⁴¹ ¶ Mi, bonañ, ga tla monona eo o birioañ Yario, ea bo e le molaori oa senagoge; mi a oela ha naoñ tsa ga Yesu, mi a mo rapela gore a ee kua tluñ ea gague; ⁴² Gone a na le moroarie eo esi, a kane a le linyaga li tuelev, mi a letse loa go shua. Mi ka a ea, bontsintsi yoa mo pitlaganya. ⁴³ ¶ Mi gabo gole mosari a le pobolo ea mari a elela ka linyaga li tuelev, mi a nela liñaka lilo tsa gague cotle, tse o tselañ ka cona, mi a si ka a horisioa ki epe mo go cona, ⁴⁴ A tla morago ga gague, a ama peleri ea kobo ea gague; mi mari a gague a akoha a khala go elela. ⁴⁵ Mi Yesu a re, ki amiloe emañ? Mi ka botle ba itatola, Petero le ba ba nañ nae, ba re, Morena, bontsi bo gu pitlagantse yoa gu khotlaganya, mi a ua re, Ki amiloe e mañ? ⁴⁶ Mi Yesu a re, Moñue o ’nkamile; gone ki ikutluile ha thata e rule mo go ’na. ⁴⁷ Mi ka mosari a bona a sa shubega, a tla ka thoromo, mi a oela ha pele ga gague, a mulelela ha pele ga bathu botle, kaha o mo amileñ ka gona, le kaha o horisicoeñ ka bonako ka gona. ⁴⁸ Mi a mo raea, Moroariaka, gomotsega; tumelo ea gago e gu bulukile; ea ka kagisho. ⁴⁹ ¶ Ka a sa bua, ga tla moñue, a coa mo tluñ ea molaori oa senagoge, a mo raea, Moroariu o shule; si lapise Moruti. ⁵⁰ Mi ka Yesu a utlua yalo, a mo araba, a re, U si boihe; rumela hela, mi o tla horisioa. ⁵¹ Mi ka a hitla mo tluñ, a si ka a lesa ope a tsena, ha e si Petero, le Yakobo, le Yohane, le rra moroetsana, le mague bosi. ⁵² Mi botle ba lela, ba mo lelela; mi a re, Si leleñ; ga a shua, o robetse. ⁵³ Mi ba mo ñoñola, ka ba itse a shule. ⁵⁴ Mi ka a sina ba ntsetsa kua ntle botle, o mo cuara ka seatla, a bitsa, a re, Moroetsana, coga. ⁵⁵ Mi moea oa gague oa ba oa boea, mi a akoha a coga; mi a laolela gore a neoe seyo. ⁵⁶ Mi bagolu ba gague ba gakhamala; mi a ba laolela, gore ba si bulelele ope se se rihetseñ.

KHAOLO 9. ¹ MI ka a sina biletsa barutoa ba gague ba tuelev mogo, a ba naea thata le taolo mo bademoneñ botle, le go horisa maloetse. ² Mi a ba roma go rera pusho ea Morimo, le go horisa babobori. ³ Mi a ba raea, Lo si tsee sepe mo loetoñ loa lona, le esiñ litsamma, khotsa khetse, khotsa liñkhue, khotsa sereko, le esiñ ope oa lona o kobo li tu. ⁴ Mi ntlu e lo tsenañ mo go eona, nañ gona, mi lo coe go eona. ⁵ Mi leha e le mañmañ eo o sa lo culeñ, ere lo coa mo motseñ o, ikurubatseñ le lona lorole mo naoñ tsa lona, go na seshupo kaga bona. ⁶ Mi ka ba coa, ba ralala metse eotle, ba rera evangelio, mi ba horisa mo ntleñ cotle. ⁷ ¶ Mi Herode oa teterareki, a utlua lilo cotle tse ri rihiloeñ ki ena, mi a tlaleloa, gone a bulelecoe ki bañue, ha Yohane a cogile mo bashuiñ; ⁸ Mi bañue ba re, Eliyahue o bonetse; mi ba bañue ba re, Moperofeti moñue oa ba bagolugolu o bile o cogile. ⁹ Mi Herode a re, Yohane ki mo khaotse tlogo, mi yana emañ eo ki utluañ lilo tse ga gague? Mi a eletsa go mona. ¹⁰ ¶ Mi ka baaposotoloi ba sina boea, ba mulelela cotle tse ba ri rihileñ. Mi a ba cula, mi ba hurugela bosi kua gareganaga ea motse oa Betesaida; ¹¹ Mi ka bontsintsi bo sina itse, yoa mo latela; mi a bo cula, mi a bua nayo ga pusho ea Morimo, mi a horisa ba ba tlokañ phorisho. ¹² Mi eare letsatsi le simolola go ñotlega, ba tuelev ba tla go ena, ba mo raea, Phatlalatsa bontsi, gore bo ee kua metseñ, le kua metsaneñ ea ntla cotle, bo robale gona, bo bone liyo, gone re hanu mo heloñ ga gareganaga. ¹³ Mi a ba raea, Bo neeñ bo ye. Mi ba re, Ga re na sepe ha e si liñkhue li faev, le litlapi li tu, ha re sa tsamaee go rekela bathu botle ba liyo. ¹⁴ Gone go kane gole gole banona ba faeve thousanda. Mi a raea barutoa ba gague, Ba luriseñ ka mashomo, leñue le leñue le faevte. ¹⁵ Mi ba riha yalo, ba ba lurisa botle. ¹⁶ Mi ka a cula liñkhue li faev, le tlapi li tu, a lelala gorimo, a li tsegohatsa, a li roba: mi a li naea barutoa, go li baea ha pele ga bontsi. ¹⁷ Mi yoa ya, yoa khora yotle; mi ga culerioa matlotlora a a setseñ go bona a le lirotu li tuelev. ¹⁸ ¶ Mi ga rihala ka a rapela a le esi, barutoa ba tla mogo go ena; mi a ba botsa, a re, Bontsintsi yoa re, ki mañ? ¹⁹ Mi ba araba, ba re, Yohane Mobapetisi; mi bañue ba re, Eliyahue; mi ba bañue, ba re, moñue oa baperofeti ba bagolugolu o cogile. ²⁰ Mi a ba raea, Mi lona, loa re, ki mañ? Mi Petero a araba, a re, Keresete oa Morimo. ²¹ Mi a ba laola thata, a ba laolela, gore ba si bulelele ope seuo, ²² A re, Moroa mothu o cuanetse go boga lilo lintsi, le go nyarioa ki bagolu, le baperiseti ba bagolu, le bakuari, mi o tla bolaoa, mi o tla cosioa ka tsatsi ya bo teri. ²³ ¶ Mi a raea botle, Ha moñue a rata go ’ntsala morago, a a itatole, a kabe mokhoro oa gague ka malatsi aotle, mi a ’ntsale morago. ²⁴ Gone leha e le mañmañ eo o ratañ go buluka botselo yoa gague, o tla latlegeloa ki yona, mi leha e le mañ, mañ eo o latlegeloañ ki botselo yoa gague ka ntla ea me, eo, o tla bo buluka. ²⁵ Gone molemo oa mothu ki eñleha a ka henya lehatse yeotle, mi ena ka esi a itimetse, leha e le go latloa? ²⁶ Gone leha e le mañmañ eo o tla ’ntlabeloañ ki litloñ le lehuku ya me, Moroa mothu o tla mo tlabeloa ki litloñ, mogañ o tlañ ka khalalelo ea gague, le ea ga rague, le ea baengele ba boitsepho. ²⁷ Mi kia lo bulelela rure, Go bañue ba bona ba ba emeñ ha, ba ba si kitlañ ba utlua loshu, ba tsamaee ba bone pusho ea Morimo pele. ²⁸ ¶ Mi ga rihala ka malatsi a eit morago ga mahuku auo, a tsaea Petero, le Yohane, le Yakobo, mi a tlatlogela mo thabeñ go rapela. ²⁹ Mi ka a rapela, cuano ea sehatlogo sa gague ea hetoga, mi aparo tsa gague tsa shueuhala, tsa phatsima segolu. ³⁰ Mi bonañ, banona ba tu ba bua nae, ba e leñ Moshe le Eliyahue; ³¹ Ba ba bonetseñ mo khalaleloñ, mi ba bua ga go coa ga gague go o tla akohañ a go rihahatsa mo Yerusalema. ³² Mi yana Petero le ba ba nañ nae, ba le ba cueroe ki boroko; mi ka ba sina coga, ba bona khalalelo ea gague, le banona ba tu ba ba emeñ nae. ³³ Mi ga rihala ka ba mo tlogela, Petero a raea Yesu, Morena, go molemo go rona go na ha; mi a re riheñ metlagana me teri, moñue erihe oa gago, moñue erihe oa ga Moshe, mi o moñue erihe oa ga Eliyahue, a sa itse se o se buañ. ³⁴ Mi ka a sa bua yalo ga tla leru ya ba cutihalela; mi ba boiha ka ba tsena mo leruñ. ³⁵ Mi ga coa koru mo leruñ, ea re, Eo ki Moroake oa lorato; mo utlueñ. ³⁶ Mi ka koru e sina heta, Yesu a bonoa a le esi. Mi ba ririmala, ba si ka ba bulelela ope mo malatsiñ auo ga tse ba ri bonyeñ. ³⁷ ¶ Mi ga rihala ka tsatsi morago ga mouo, ka ba hologa mo thabeñ, bontsi yoa mo khatlantsa. ³⁸ Mi, bonañ, ga bitsa monona moñue oa bontsi, a re, Rabi, kia gu rapela, leba moroake, gone e le ena ñuanake a le esi. ³⁹ Mi, bona, moea oa mo cula, mi oa bitsa ka bonako, mi oa mo gagola, go tsamaee a phoke mashulo, mi oa mo tlapetla, o mo tlogela ka pitlaganyo. ⁴⁰ Mi ki rapetse barutoa ba gago, gore ba o khoromeletse ntle, mi ba le ba reteleloa. ⁴¹ Mi Yesu a araba, a re, Au! losika lo lo sa rumeleñ lo tlogo e thata ki lona, ki tla na le lona go lele go kai, go iphapanya le lona? Lere moroau kuanu. ⁴² Mi ka a sa tla go ena, modemona a mo gagola, a mo kuatlalatsa. Mi Yesu a buela moea o o mashue, mi a horisa ñuana, mi a ba a mo nela rague. ⁴³ ¶ Mi botle ba gakhamala mo thateñ e kholu ea Morimo. Mi ka ba sa gakhametse botle mo go cotle tse Yesu o li rihileñ, a raea barutoa ba gague, ⁴⁴ A mahuku a, a noele mo tsebeñ tsa lona; gone Moroa mothu o tla neloa mo atleñ tsa bathu. ⁴⁵ Mi ba si ka ba tlaloganya lehuku ye, mi ya bo le shubiloe go bona, ga tsamaea ba si ka ba le lemoga; mi ba boiha go motsa ga huku ye. ⁴⁶ ¶ Mi ga rihala khañ mo go bona, eboñ eo o tla nañ mogolu mo go bona. ⁴⁷ Mi ka Yesu a bona khakologelo ea pelu tsa bona, a tsaea ñuana, a maea ha go ena. ⁴⁸ Mi a ba raea, Leha e le mañmañ eo o tla culañ ñuana eo, mo ineñ ya me, oa ’ncula; mi leha e le mañmañ eo o tla ’nculañ, oa cula ena eo o ’nthomileñ; gone eo motlana mo go lona lotle, ki ena eo o tla nañ mogolu. ⁴⁹ Mi Yohane a araba a re, Morena, Re le ra bona moñue a khoromeletsa ntle bademona mo ineñ ya gago, mi ra mo itsa, gone a sa gu sale morago le rona. ⁵⁰ Mi Yesu a mo raea, U si mo itse; gone eo o sa emalaneñ le rona, o na le rona. ⁵¹ Mi ga rihala, ka motla o tla, o o tla culerioañ gorimo ka ona, a siamisetsa sehatlogo sa gague go ea kua Yerusalema. ⁵² Mi a roma baroñoi ha pele ga hatlogo sa gague; mi ba ea, ba tsena mo motsaneñ oa Basamaria, go mo etleleletsa. ⁵³ Mi ba si ka ba mo cula, gone hatlogo sa gague ekete se ea kua Yerusalema. ⁵⁴ Mi ka barutoa ba gague. Yakobo le Yohane, ba bona yalo, ba re, Morena, a u rata ra laola molelo oa hologa kua legorimoñ go ba nyeletsa, yaka Eliyahue a kile a riha. ⁵⁵ Mi ka a retologa, a ba buela, a re, Ga lo itse moea o lo nañ nao, kaha ontseñ ka gona. ⁵⁶ Gone Moroa mothu a sa tle go senya matselo a bathu, e le go a buluka. Mi ba ea kua motsaneñ o sele. ⁵⁷ ¶ Mi ga rihala ka ba sa tsamaea mo tseleñ, monona moñue a mo raea, Morena, ki tla gu sala morago le kua u eañ gona. ⁵⁸ Mi Yesu a mo raea, Liphukuye li na le mesima, le linunyane tsa legorimo li na le litlaga; mi Moroa mothu ga a na ha o ka latsañ tlogo ea gague gona. ⁵⁹ Mi a raea eo moñue, ’Ntsala morago; Mi a re, Morena, ’nteseletsa pele, ki ee go hitla rre. ⁶⁰ Mi Yesu a mo raea, A bashui ba hitle bashui ka bona; mi uena, tsamaea u rere pusho ea Morimo. ⁶¹ Mi moñue le ena a re, Morena, ki tla gu sala morago; mi ’nteseletsa pele ki ee go rumerisa ba ba kua tluñ ea me. ⁶² Mi Yesu a mo raea, Ga go ope eo o cuarañ mogoma, a leba kua morago, eo o kacuaneloañ ki bogosi yoa Morimo.

KHAOLO 10. ¹ MI yana, morago ga mouo, Morena a laolela ba bañue ba le sevente, mi a ba roma ka bo tu, le bo tu, ha pele ga sehatlogo sa gague, mo metseñ eotle, le goñue le goñue, kua o tla hitlañ gona. ² Ki gona o ba raeañ, Thobo e kholo rure, mi barobi ba banye; ki gona, rapelañ Morena oa thobo, gore a rome barihi mo thoboñ ea gague. ³ Eañ koñ, bonañ, kia lo roma yaka likuana gare ga liphiri. ⁴ Lo si tsee khetse ea sereko, le esiñ khuatla, le esiñ litlaku, mi lo si rumerise ope mo tseleñ. ⁵ Mi leha e le ntlu ehe e lo tsenañ go eona, lo re pele, Kagisho e ne mo tluñ e. ⁶ Mi ha moroa kagisho a le gona, kagisho ea lona e tla ikhutsa go eona; mi ha a si gona, kagisho ea lona e tla ba e boela go lona. ⁷ Mi tlolañ mo tluñ e, lo ye lo noe tse ba nañ naco; gone morihi o cuaneloa ki tuelo ea gague. Lo si ee mo tluñ ñue le go e ñue. ⁸ Mi leha e le motse ohe o lo tsenañ go ona, mi ba lo cula, lo ye tse lo li beoañ pele; ⁹ Mi horisañ babobori ba ba go ona, mi lo ba ree, Pusho ea Morimo e lo atametse. ¹⁰ Mi leha e le motse ohe o lo tsenañ go ona, mi ba sa lo cule, ka lo coela mo mebileñ ea ona, lo re, ¹¹ Lorole le lona loa motse oa lona, lo lo re ñaparetseñ, rea lo urubaletsa; leha gontse yalo, itseñ, ha pusho ea Morimo e lo atametse. ¹² Mi kia lo raea, Popego ea Sodoma e tla iphapañoa mo tsatsiñ ye, bogolu go ea motse o. ¹³ Go latlega uena Korasina, go latlega uena Betesaida; gone ha tiho tse ri kholu li kabo li rihiloe mo Tsura le Tsidona, tse ri rihiloeñ mo go lona, e kabo e sibolo ikuatlaea, e rutse mo matseleñ a likhetse, le melora. ¹⁴ Ki gona popego ea Tsura le Tsidona, e tla iphapañoañ mo tsekishoñ, bogolu go ea lona. ¹⁵ Mi uena Kaperenama, eo o gorisericoeñ kua legorimoñ, u tla rigeloa mo bobipoñ. ¹⁶ Eo o lo utluañ, oa ’nkutlua; mi eo o lo cuitlañ, oa ’ncuitla; mi ena eo o ’ncuitlañ, oa cuitla ena eo o ’nthomileñ. ¹⁷ ¶ Mi ba sevente ba ba ba boea ka boitumelo, ba re, Morena, bademona le bona, ba re utlua ka leina ya gago. ¹⁸ Mi a ba raea, Ki le ka bona Satane a oa yaka logarima kua legorimoñ. ¹⁹ Bonañ, ki lo naea thata go gata linoga, le liphepheñ, le mo thateñ eotle ea maba; mi ga go sepe se se tla lo utluisañ botluku ka gope. ²⁰ Leha gontse yalo, lo si itumele ka mouo, ka meoea e lo utlua; mi itumeleñ bogolu gone maina a lona a kuariloe mo magorimoñ. ²¹ ¶ Yesu a itumela mo moeeñ mo oureñ ouo, mi a re, Kia gu itumelela, Rra, Morena oa legorimo le lehatse, ka u shubile lilo tse mo matlaliñ, le ba ba tlaloganyañ, mi u li bonaritse mo banyaneñ ba banye: E, Rra; gone gole gole khatlego ha pele ga gago. ²² Lilo cotle ki li neiloe ki Rre; mi ga go ope eo o itseñ Moroa e mañ, ha e si Rra, le Rra e mañ, ha e si Moroa, le go eo Moroa o ratañ go mo shupetsa. ²³ Mi a retologela barutoa, mi a ba raea ka esi, Go tsegaharicoe maitlo a a bonañ lilo tse lo li bonañ; ²⁴ Gone kia lo raea, Bontsi yoa baperofeti le likhosi, li tsa tlologolela go bona lilo tse lo li bonañ, mi ga lia ka tsa li bona; le go utlua lilo tse lo li utluañ, mi ga lia ka tsa li utlua. ²⁵ ¶ Mi, bonañ, moruti moñue oa molao a ema, a mo raela, a re, Rabi, Ki tla rihañ go bona botselo yo bo sa khutleñ? ²⁶ Mi a mo raea, Go kuariloe yañ mo molaoñ? U buisa yañ? ²⁷ Mi a araba, a re, U tla rata Yehova Morimo oa gago ka pelu ea gago eotle, le ka moea oa gago otle, le ka thata ea gago eotle, le ka tlaloganyo ea gago eotle; le moñ ka uena yaka u ithata. ²⁸ Mi a mo raea, U arabile ka tsiamo; riha mo, mi u tla tsela. ²⁹ Mi ka a rata go itsiamisa, a raea Yesu, Moñ ka ’na e mañ? ³⁰ Mi Yesu a araba, a re, Monona moñue, o la a coa Yerusalema, a ea kua Yeriko; mi a hitla mo linokuaneñ, tsa mo apola liaparo, mi tsa mo kuenesetsa, mi tsa ea tsa mo tlogela a le gauhe le go shua. ³¹ Mi ga rihala moperiseti moñue a ea ka tsela euo; mi ka a mona, a mo hapoga ka ntla ñue. ³² Gontse yalo, Molevi moñue le ena, eare a le mo heloñ ha, a tla, a mo leba, mi a mo hapoga ka ntla ñue. ³³ Mi Mosamaria moñue, a eta, a hitla kua o gona; mi ka a mona, a mo utluela botluku, ³⁴ Mi a ea go ena, a boha likuenesho tsa gague, a tsela loukuane le boyaloa mo go cona, mi a maea mo peleseñ ea gague; mi a mo isa kua tluñ ea baeti, mi a mo risa. ³⁵ Mi eare ka mosho, a tsamaea, a ntsa denari li tu, a li naea muñ oa ntlu, mi a mo raea, Mo tlamele, mi se u se ntsañ ka ntla ea gague, etlare ki ba ki tla, ki tla se gu lehela. ³⁶ Mi yana, mañ oa ba teri ba, u itloma e le moñ ka ena eo o la a hitla mo linokuaneñ? ³⁷ Mi a re, Ki ena eo mo utluetseñ botluku. Eriha gona Yesu o mo raeañ, Ea le uena, u rihe yalo. ³⁸ Mi ga rihala ka ba eta, a tsena mo motsaneñ moñue, mi mosari moñue eo o birioañ Marate a mo culela mo tluñ ea gague. ³⁹ Mi eo, a ba na le monnaue, eo o birioañ Marie, eo le ena a rutse ha naoñ tsa ga Yesu, a utlua huku ya gague. ⁴⁰ Mi Marate a tloahetse segolu ka tihelo e kholu; mi a tla go ena, a re, Morena, a ga u re sepe, ka nnake a ’nteseletsa go rihela ’nosi? Ki gona, mo ree, a ’nthuse. ⁴¹ Mi Yesu a araba, a mo raea, Marata, Marata, ua tloriega, mi ua itapisa ka lilo li lintsi; ⁴² Mi selo se le señue hela sa botloko; mi Marie o itseñketse kabelo e e molemo, e o si kitlañ a e tloserioa.

KHAOLO 11. ¹ MI ga rihala ka a rapela mo heloñ goñue, mi ka a khutla, moñue oa barutoa ba gague a mo raea, Morena, re rute go rapela, yaka Yohane a la a ruta barutoa ba gague. ² Mi a ba raea, Ere ha lo rapela, lo re, Rra ecu eo o kua legorimoñ, Leina ya gago a le itsephisioe. Pusho ea gago a e tle; Thato ea gago a e rihale mo lehatsiñ yaka kua legorimoñ. ³ Re nee tsatsi leñue le leñue seyo sa malatsi aotle; ⁴ Mi re icuarele libe tsa rona, gone le rona re icuarela moñue le moñue eo o molatu le rona; Mi u si re gogele mo thaeloñ, mi re golole mo boshuleñ. ⁵ Mi a ba raea, Ki ohe oa lona eo o nañ le tsala, mi a ea go eona gare ga bosigo, mi a e raea, Tsala, ’nkarima liñkhue li teri; ⁶ Gone tsala ea me e e coañ mo loetoñ, e tlile go ’na, mi ga ki na se ’nka se e baeañ pele; ⁷ Mi ha e e mo teñ e ka araba, ea re, U si ’ntapise; gone yana secualo se kopecoe; mi bana ba me ba na le ’na mo bolaoñ; ga ’nkake ka coga go gu naea. ⁸ Kia lo raea, Leha e sa coge ea e naea, ka e le tsala ea eona, leha gontse yalo, e tla coga e e naea kaha e tlokañ ka gona, ka ntla ea kemelelo ea eona. ⁹ Mi kia lo raea, Lopañ, mi lo tla neoa: batlañ, mi lo tla bona; khuanyakhuanyañ, mi lo tla buleloa. ¹⁰ Gone moñue le moñue eo o lopañ, oa cula; mi eo o batlañ, oa bona; mi eo o khuanyakhuanyañ, o tla buleloa. ¹¹ Rra ki ohe mo go lona eo e ka reñ ha moroaue a lopa señkhue, a o tla mo naea leincue? leha a lopa tlapi, a o tla mo naea noga mo boemoñ yoa tlapi? ¹² Khotsa, ha a lopa letsae, a o tla mo naea phepheñ? ¹³ Mi lona ba boshula, ha lo itse go naea bana ba lona lineo tse ri molemo; bogolu yañ Rra enu oa legorimo o tla naea ba ba mo lopañ Moea oa Boitsepho? ¹⁴ ¶ Mi a bo a khoromeletsa ntle modemona, mi a bo a sa bue. Mi ga rihala modemona a sina coa, eo o sa bueñ, a bua; mi bontsintsi yoa gakhamala. ¹⁵ Mi bañue ba yona ba re, Oa khoromeletsa ntle bademona ka Belesebule, mogolu oa bademona. ¹⁶ Mi bañue ba mo raela, ba mo lopa seshupo se se coañ mo legorimoñ. ¹⁷ Mi ka a itse khopolo tsa bona, a ba raea, Bogosi boñue le boñue yo bo ikhaoganyañ, bo tla nyelerioa; mi ntlu e e ikhaoganyañ, e tla oa. ¹⁸ Ekare ha Satane le ena a ikhaoganye, bogosi yoa gague bo tla ema yañ? gone lo re, Ki khoromeletsa ntle bademona ka Belesebule. ¹⁹ Mi ha ki khoromeletsa ntle bademona ka Belesebule, bomoroa lona ba ba khoromeletsa ntle ka mañ? ki gona ba tla nañ basekisi ba lona. ²⁰ Mi ha ki khoromeletsa ntle bademona ka monuana oa Morimo, yalo pusho ea Morimo e lo hitletse. ²¹ Ha mothati a na le litlabano, oa buluka ntlu ea gague, yalo lilo tsa gague li mo kagishoñ. ²² Mi etlare ha moñue a tla go ena, a le thata bogolu go ena, mi a mo henya, eo, oa tsaea litlabano cotle tsa gague tse o ri ikantseñ, mi a abe lilo tsa thopo ea gague. ²³ Eo o siñ le ’na, oa emalana le ’na; mi eo o sa phutheñ le ’na, oa halatsa. ²⁴ Eare ha moea o o mashue o rule mo mothuñ, oa tsamaea mo maheloñ a lokhere, o batla khuco, mi o sa e bone; mi oa re, Ki tla ba ki boela kua tluñ ea me e ki coañ go eona. ²⁵ Mi ka o tla, oa e bona e heecoe, e bakancoe. ²⁶ Eriha gona o eañ o tsaea meoea e sele e seven e e boshula bogolu go ona; mi ea tsena, ea aga gona; mi bokhutlo yoa mothu eo, yoa beha bogolu go ga ntla. ²⁷ ¶ Mi ga rihala ka a sa bua lilo tseuo, mosari moñue oa leshomo, a culetsa koru ea gague, a mo raea, Go tsegoharicoe sebopelo se se gu belegeñ, le mabele a u a amuleñ. ²⁸ Mi a re, E, go tsegoharicoe bogolu, ba ba utluañ huku ya Morimo, ba le buluka. ²⁹ ¶ Mi ka bontsintsi bo kokoana seima, a simolola go re, Lo, ki losika lo lo boshula; lo batla seshupo; mi ga lo kitla lo neoa seshupo, ha e si seshupo sa ga Yone moperofeti. ³⁰ Gone yaka Yone a la le seshupo go Banenevi, Moroa mothu le ena o tla na yalo mo sikeñ lo. ³¹ Khosi ea sesari ea Southa e tla coga mo tsekishoñ le banona ba losika lo, mi e tla lo sekisa, gone e le ea tla e coa kua khutloñ tsa lehatse, go utlua botlale yoa ga Solomone; mi bonañ, eo mogolu go Solomone o ha. ³² Banona ba Neneve ba tla coga mo tsekishoñ le losika lo, mi ba tla lo sekisa; gone ba le ba ikuatlaea ka thero ea ga Yone; mi bonañ, eo mogolu go Yone o ha. ³³ Ga go ope eo o cubañ lobone, a lo baea mo bosaitsioeñ, le esiñ ha tlatse ga selekanyo sa mabele, mi oa lo tloma mo tlomoñ sa lobone, gore ba ba tsenañ ba bone leseri. ³⁴ Leitlo e le lobone loa mele; ki gona leitlo ya gago ha le itsekile, mele otle oa gago le ona o tletse leseri; mi ha le boshula, mele oa gago le ona o tletse lehihi. ³⁵ Ki gona, u itise e si be leseri ye le mo go uena e le lehihi. ³⁶ Ki gona ha mele otle oa gago o tletse leseri, go si na gope go lehihi, mele otle o tla bonesega, yaka lobone lo bonesa ka marañ a lona. ³⁷ ¶ Mi ka a sa bua, Mofarisai a mo rapela go ya nae motsegare; mi a tsena a lula ha liyoñ. ³⁸ Mi ka Mofarisai a bona yalo, a gakhamala, gone a si ka a tlapa pele go e si go yeoe. ³⁹ Mi Morena a mo raea, Mi yana lona Bafarisai loa tlacoa linoelo ka kua ntle, le megocana; mi mo teñ ga lona go tletse thopo le boshula.Mi lona ba lo sa tlaloganyeñ, eo o rihileñ ka kua ntle, a ga a riha le ka kua teñ? ⁴¹ Mi bogolu acuañ bahumanegi ga lilo tse lo nañ naco; mi bonañ lilo cotle li tla lo itsekela. ⁴² Mi go latlega lona, Bafarisai! gone loa leha boten yoa menta le yoa rue, le yoa litlatsana cotle tse ri nkhañ; mi loa hapoga tsiamisho, le lorato loa Morimo: tse lo lo cuanetse go li riha, mi tse riñue lo sa li lese li sa rihoe. ⁴³ Go latlega lona, Bafarisai! gone lo rata litulo tse ri kua pele mo masenagogeñ, le litumerisho ma mebileñ ea thekelo. ⁴⁴ Go latlega lona bakuari le Bafarisai, baitimokanyi! gone lo cuana le liphupu tse ri sa bonaleñ, mi bathu ba ba tsamaeañ gorimo ga cona, ga ba li itse. ⁴⁵ ¶ Mi moñue oa bamolao a araba, a mo raea, Rabi, ka u bua yalo, le rona ua re khoba. ⁴⁶ Mi a re, le lona, go latlega lona bamolao! gone lo belesa bathu ka lipelesho tse ri thata go belegoa, mi lona loa gana go ama lipelesho tse ka moñue oa menuana ea lona. ⁴⁷ Go latlega lona! gone lo aga liphupu tsa baperofeti, mi bo‐rra enu ba ba bolaile. ⁴⁸ Amarure loa shupa ha lo khatloa ki litiho tsa bo‐rra enu; gone amarure ba ba bolaile, mi lo aga liphupu tsa bona. ⁴⁹ Ki gona botlale yoa Morimo le yona bo reñ, Ki tla romela baperofeti le baaposotoloi go bona, mi bañue ba bona ba tla ba bolaea, mi bañue ba ba bogisa; ⁵⁰ Gore mari a baperofeti botle, a a la a culoloa ga tsimologo ea lehatse, a lopioe mo sikeñ lo; ⁵¹ Ga mari a ga Abele le go mariñ a ga Sakarie, eo o bolailoeñ ha gare ga aletara le ntlu ea Morimo; amarure kia lo raea, A tla lopioa mo sikeñ lo. ⁵² Go latlega lona, bamolao! gone lo tlositse sekopelo sa kico; lona ga loa ka loa tsena, mi ba ba tsenañ, lo loa ba khoreletsa. ⁵³ Mi ka a sa bua lilo tseuo nabo, bakuari le Bafarisai ba simolola go mo tlotleletsa thata, le go mo gakatsa go bua lilo li lintsi; ⁵⁴ Ba mo lalela, ba batla go cuara señue se se coañ mo molomoñ oa gague, gore ba mo sekise ka shona.

KHAOLO 12. ¹ KA e sale yalo, ga phuthega bothousanda yo bontsi yoa bathu, ga tsamaea yoa katakalana, a simolola go raea barutoa ba gague. Ga ntla, lo itise mo seberishoñ sa Bafarisai, se e leñ boitimokanyo. ² Gone ga go na sepe se se bipiloeñ se se si kitlañ se bonatsega; le se se shubiloeñ, se se si kitlañ se itsege. ³ Ki gona cotle tse lo ri buileñ mo hihiñ, li tla utluioa mo seriñ; mi tse lo ri buileñ mo litsebeñ, mo matluñ a a kua teñ, li tla reroa mo litlomeshoñ tsa matlu. ⁴ Mi kia lo raea, litsala tsa me. Si boiheñ ba ba bolaeañ mele, mi morago ga mouo, ga ba na se ba ka se rihañ. ⁵ Mi ki tla lo shupetsa eo lo tla moihañ: Boihañ eo eare a sina bolaea, o na le thata go rigela mo moleteñ oa molelo; E, kia lo raea, Moiheñ. ⁶ Lithaga li faev a ga li baparioe ka denari li tu? mi ga go epe ea cona e e lebaloañ ha pele ga Morimo. ⁷ E, le meriri eo tlogo tsa lona e bariloe eotle; ki gona se boiheñ, gone lo molemo bogolu mo thageñ li lintsi. ⁸ Mi yana kia lo raea, Leha e le mañmañ eo o tla ’mpobolañ ha pele ga bathu. Mora mothu le ena, o tla mo ipobola ha pele ga baengele ba Morimo. ⁹ Mi eo o ’ntatolañ ha pele ga bathu, eo, o tla latoloa ha pele ga baengele ba Morimo. ¹⁰ Mi leha e le mañmañ eo o tla sebañ Moroa mothu, o tla le icuareloa; mi ena eo o khalañ Moea oa Boitsepho, eo ga a kitla a e icuareloa. ¹¹ Mi ere ha ba lo isa kua masenagogeñ, le ha pele ga basekisi, le bathati, lo si tloriegele yañ, khotsa se lo tla se ikarabelañ, khotsa se lo tla se buañ. ¹² Gone Moea oa Boitsepho o tla lo ruta ka oura ouo se lo cuanetseñ go se bua. ¹³ ¶ Mi moñue oa bontsi, a mo raea, Rabi, bua le ’nkholole, gore a abelane boshua le ’na. ¹⁴ Mi a mo raea, Mothu, ki rihiloe emañ mosekisi, le moabi mo go lona? ¹⁵ Mi a ba raea, Bonañ, mi lo itise mo timanoñ; gone leha lohumo loa mothu lo kana kai, botselo yoa gague ga boeo mo lithotoñ tse o nañ naco. ¹⁶ Mi a bua secuanco nabo, a re, Lehatse ya mohumi moñue ya uñua segolu. ¹⁷ Mi a gakologeloa mo teñ ga gague, a re, Ki tla rihañ, gone ki sina gope ha ki tla phuthelañ mauñuo a me gona? ¹⁸ Mi a re, Ki tla riha yalo; ki tla rutla matlu a mabele a me, mi ki tla aga a magolu; eriha gona ki tla phuthelañ gona mauñuo a me, le lilo tsa me cotle. ¹⁹ Mi ki tla raea moea oa me, ki re, Moea, u na le lilo li lintsi tse ri bulukecoeñ nyaga li lintsi; lapologa, u ye, u noe, u tlapeloe. ²⁰ Mi Morimo oa mo raea, Lesilo ki uena, moea oa gago o tla lopioa go uena sigoñ yonu; mi lilo tse, u li bakantseñ, li tla na tsa ga mañ? ²¹ Gontse yalo le ena eo o iphuthelañ lohumo, a sa hume mo Morimoñ. ²² ¶ Mi a raea barutoa ba gague, Ki gona ki lo raeañ, lo si ñoñoregele botselo yoa lona, se lo tla se yañ; leha e le sa mele, se lo tla ikapesañ ka shona. ²³ Botselo bo bogolu mo liyoñ, le mele bogolu mo liaparoñ. ²⁴ Elañtloko mahukubu; gone a sa yale, a sa robe; mi a si na ntlu ea pulukelo, leha e le ntlu ea mabele; mi Morimo oa a yesa; mi lona lo molemo bogolu yañ mo linunyaneñ? ²⁵ Mi ki ohe oa lona eo o ka tlomaganyañ kubeta ñue mo botseloñ yoa gague ka ñoñoregelo? ²⁶ Mi ekare ha lo sa kake loa riha se se nyenyane bogolu, lo ñoñoregelañ tse riñue? ²⁷ Elañtloko lilelia, kaha li golañ ka gona; ga li rihe, ga li otlhe; mi kia lo raea, Le ena Solomone, mo khalaleloñ eotle ea gague, o la a sa apare yaka señue sa tse. ²⁸ Mi ekare ha Morimo o apesa yalo boyañ, yo bo kua nageñ gompienu, mi bo tseñoa mo tluñ ea peseco ka mosho; o tla lo apesa bogolu yañ, batumelonyana ki lona? ²⁹ Mi si botseñ se lo tla se yañ, le se lo tla se noañ, mi lo si belaele. ³⁰ Gone lilo tse cotle li batloa ki merahe ea lehatse; mi Rra enu oa itse ha lo tloka lilo tse. ³¹ ¶ Mi bogolu batlañ bogosi yoa Morimo; mi lilo cotle tse, lo tla li okelerioa. ³² Mi lo si boihe, lecoñuanyana ki lona; gone e le go khatlega ga Rra enu go lo naea bogosi. ³³ Bapatsañ tse lo nañ naco, mi acuañ bahumanegi; itiheleñ khetse tse ri sa onaleñ, lohumo lo lo mo magorimoñ, lo lo sa nyeleleñ, go siñ legoru le lo hitlelañ, le licuele go lo senya. ³⁴ Gone kua humo loa lona lo gona, hoñ pelu tsa lona li tla nañ gona. ³⁵ A litheka tsa lona li tlañoe, le lipone tsa lona li tuke; ³⁶ Mi lo ne yaka bathu ba ba lebeletseñ morena oa bona, a sina boea mo nyaloñ; gore ere a tla, a khuanyakhuanya, ba akohe ba mulele. ³⁷ Go tsegoharicoe batlañka ba, ba etlareñ morena a tla, a ba bone ba lebeletse; amarure kia lo raea, O tla ikokoaela, mi a ba lurise ha liyoñ, mi ka a atamela o tla ba rihela. ³⁸ Mi ha a ka tla ka tisho ea bosigo ea bo‐tu, khotsa a tla ka tisho ea bo‐teri, mi a ba bona yalo, go tsegoharicoe batlañka bauo. ³⁹ Mi itseñ se, ekare ha muñ oa ntlu a la a itse oura o, legoru le tla tlañ ka ona, o kabo a lebeletse, mi a sa leseletse ntlu ea gague go phuñoa. ⁴⁰ Mi ki gona le lona, etletsegañ; gone Moroa mothu o tla tla mo oureñ o lo sa o gopoleñ. ⁴¹ ¶ Mi yalo Petero a mo raea, Morena, secuanco se, a u se bua le rona, khotsa le bona botle? ⁴² Mi Morena a re, Motlameri‐ntlu eo o ikancoeñ, eo botlale ki ohe, eo morena o tla mo laorisañ batlañka ba gague, go ba naea kabelo ea seyo ka motla oa shona o o siameñ? ⁴³ Go tsegoharicoe motlañka eouo, eo etlareñ morena oa gague a tla, a mone a riha yalo. ⁴⁴ Amarure kia lo raea, O tla mo laorisa lilo cotle tsa gague. ⁴⁵ Mi ha motlañka eouo a ka re mo peluñ ea gague, Morena oa me oa riega go tla; mi a simolola go betsa batlañka le bahula, le go ya, le go noa, le go tagoa; ⁴⁶ Mi yana morena oa motlañka eouo o tla tla ka tsatsi ye, o sa mo lebeleleñ, le mo oureñ o, o sa o itseñ, mi o tla mo khaola, mi o tla mo nela kabelo ea gague le ba ba sa ikañoeñ. ⁴⁷ Mi motlañka eo o itsileñ go rata ga morena oa gague, mi a sa iketletse, le esiñ go riha yaka thato ea gague, o tla berioa ka lipeco lintsi. ⁴⁸ Mi ena eo o la a sa ka a itse, mi a rihile tse ri cuanetseñ lipeco, o tla berioa ka lipeco tse li potlana. Mi leha e le mañmañ eo o necoeñ bogolu, o tla lopioa bogolu: mi eo o ikancoeñ bogolu ki bathu, o tla lopioa bogolu ki bona. ⁴⁹ ¶ Ki tlile go latlela molelo mo hatsiñ; mi ki ratañ, eabo yana o cubiloe? ⁵⁰ Mi ki na le papetisho go bapetisioa ka eona; mi ki tlaleloa yañ go tlo go tsamae e rihale! ⁵¹ Mi a lo itloma ki tlile go naea kagisho mo lehatsiñ? Kia lo raea, Nyaea; mi bogolu khaogano; ⁵² Gone ga yana ba faev ba tla na mo tluñ ñue hela, ba khaoganye; ba teri le ba tu, le ba tu le ba teri. ⁵³ Rra o tla emalana le moroaue, le moroa le rague. Mma o tla emalana le moroarie, le moroari le mague; ñuetsi le matsalague, le matsala le ñuetsi oa gague. ⁵⁴ ¶ Mi bontsintsi le yona a bo raea, Eare ha lo bona leru le tlatloga kua Uesete, lo akoha lo re, Pula ee tla; mi go ne yalo. ⁵⁵ Mi eare ha lo bona pheho ea Southa e hoka, lo re, Go tla na mogote; mi o rihale. ⁵⁶ Baitimokanyi ki lona, loa itse go lemoga tse ri bonalañ mo legorimoñ, le mo lehatsiñ; mi gontse yañ ka lo sa lemoge motla onu? ⁵⁷ Mi ana lo sa sekisetseñ le se se siameñ ka losi? ⁵⁸ ¶ Mi ereha u ea le moganetsi oa gago kua moatloriñ, itlaganela ka u sale mo tseleñ go gololoa go ena; gore e si re khotsa a gu gogela ha pele ga moatlori eo mogolu, mi moatlori eo mogolu a gu nela motlañka ea tseko, mi motlañka oa tseko a gu tsenya mo tluñ ea kholegelo. ⁵⁹ Kia gu bulelela ga u kitla u coa gona, u tlo u tsamae u lehe serekonyana sa bohelo pele.

KHAOLO 13. ¹ MI gabo gole gona ka motla o, bañue ba ba mulelelañ ga Bagalilea, ba mari a bona Pilato o a tlakantseñ le cupelo tsa bona. ² Mi ka Yesu a araba, a ba raea, A lo itloma ha Bagalilea ba, e le le baleohi bogolu mo go Bagalilea botle, gone ba bogisicoe lilo tse lintsiñ yalo? ³ Kia lo raea, Nya; mi, ha lo sa tlabologe, le lona lotle lo tla nyelela hela yalo. ⁴ Khotsa ba eiten, ba turio e ba oetseñ, ea ba bolaea mo Siloame, a lo itloma ha ba e le le ba ba molatu bogolu mo bathuñ botle ba ba agañ mo Yerusalema? ⁵ Kia lo raea, Nya; mi ha lo sa tlabologe, le lona lotle lo tla nyelela hela yalo. ⁶ ¶ Mi a bua secuanco se: Monona moñue a na le setlare sa mofeige se tlomiloe mo tsimoñ ea movine ea gague; mi a tla a batla louñuo mo go shona, mi a si ka a lo bona. ⁷ Mi a raea morihi‐tsimo ea movine, Bona, ki tlile ka nyaga li teri tse, ki batla louñuo mo setlareñ se sa mofeige, mi ga ki lo bone; se reme, se cuarelañ lehatse lehela? ⁸ Mi ka a araba, a mo raea, Morena, u se lese, le ka ñuaga onu, ki tle ki se lemele, ki se putonose ki se tsenye lecutelo. ⁹ Mi etlare ha se uñua louñuo, mi ha se sa na yalo, u ka nama ua se rema. ¹⁰ ¶ Mi a bo a ruta ka tsatsi ya sabata mo go señue sa masenagoge. ¹¹ Mi bonañ, gabo gole mosari eo o nañ le moea oa boloetse ka nyaga li eiten, mi a hutaganye; mi a sa kake a ntsa tlogo ka gope. ¹² Mi Yesu ka a mona, a miletsa go ena, a mo raea, Mosari, u golocoe mo boloetseñ yoa gago. ¹³ Mi a mo latsa atla tsa gague; mi akoha a siamisioa, mi a galaletsa Morimo. ¹⁴ Mi molaori oa senagoge, a bua ka bogale, gone Yesu a horisa ka tsatsi ya sabata; mi a raea bontsi, Go le malatsi a sekes, a bathu ba cuanetseñ go riha ka aona; ki gona, tlañ lo horisioe ka aona, mi esiñ ka tsatsi ya sabata. ¹⁵ Mi Morena a araba, a re, Moitimokanyi ki uena, a le moñue le moñue oa lona, a ga a ka a golola khomu eabo, le esela eabo mo boyeloñ, a e gogela go e nosa ka tsatsi ya sabata? ¹⁶ Mi eo, eo e leñ moroaria Aberahame, bonañ, a golegiloe ki Satane, ka nyaga li eiten, a ga a cuaneloa ki go gololoa mo kholegoñ e ka tsatsi ya sabata? ¹⁷ Mi ka a sa bua lilo tse, botle ba ba mo ganetsañ, ba tlayoa ki litloñ; mi bontsi yotle yoa itumela ka ntla ea lilo tsa khalalelo tse ri rihiloeñ ki ena. ¹⁸ ¶ Mi a re, Bogosi yoa Morimo bo cuana le eñ? mi ki tla bo cuantsa ka eñ? ¹⁹ Bo cuana le tlaka ea peu ea mosetara, e monona o e cutseñ, a e latlela mo tsimoñ ea gague; mi ea gola, mi ea coa setlare se segolu; mi linunyane tsa legorimo tsa aga litlaga mo kaleñ tsa shona. ²⁰ Mi a ba a bua, Ki tla cuantsa bogosi yoa Morimo ka eñ? ²¹ Bo cuana le seberisho, se mosari o se cutseñ, se o se tsentseñ mo lilekanyoñ tsa bupi li teri, ga tsamaea yoa bela yotle. ²² Mi a ea, a ralala motse moñue le moñue le motsana, a ruta ka a coelela kua Yerusalema. ²³ ¶ Mi gabo gole moñue a mo raea, Morena, a ba botlana ba ba tla bulukegañ? Mi a ba raea, ²⁴ Ganelañ go tsena ka khoro e e pitlaganyeñ; gone kia lo raea, bontsi bo tla batla go tsena, mi bo tla reteleloa. ²⁵ Etlare muñ oa ntlu a tloga a ema a kopela moyako, mi lo tla simolola go ema kua ntle, lo khuanyakhuanya secualo, lo re, Morena, Morena, re bulele; mi o tla araba, a lo raea, Ga ki lo itse kua lo coañ gona; ²⁶ Eriha gona lo tla simololañ go re, Re le ra ya, ra noa ha pele ga gago, mi u lu ua ruta mo mebileñ ea rona. ²⁷ Mi o tla re, kia lo raea, Ga ki lo itse kua lo coañ gona; ’ntlogelañ, barihalibe ki lona lotle. ²⁸ Go tla na selelo le khuranyo ea meno, etlare lo bona Aberahame, le Yitsake, le Yakobe, le baperofeti botle mo bogosiñ yoa Morimo, mi lona lo khoromelericoe kua ntle. ²⁹ Mi ba tla coa kua Isete, le kua Ueseta, le kua Noreda le kua Southa, mi ba tla lula mo bogosiñ yoa Morimo. ³⁰ Mi bonañ, ba gona ba morago, ba ba tla nañ ba ntla; mi ba gona ba ntla, ba ba tla nañ ba morago. ³¹ ¶ Mo motleñ ouo ga tla bañue ba Bafarisai, ba mo raea, Coa monu, u tsamae, gone Herode o tla gu bolaea. ³² Mi a ba raea, Eañ, lo ree phukuye e, Bona, kia khoromeletsa ntle bademona, mi kia horisa gompienu, le ka mosho, mi ki tla uerioa ka tsatsi ya bo‐teri. ³³ Leha gontse yalo ki cuanetse go coelela pele gompienu, le ka mosho, le ka mosho o moñue; gone go sa kake ga na yalo moperofeti a bolaeloa kua ntle ga Yerusalema. ³⁴ Yerusalema, Yerusalema, uena eo o bolaeañ baperofeti, mi u khobotletse ba ba romiloeñ go uena; ki le ka rata ga kai go phuthela bana ba gago mogo, yaka koku e phuthela mamphoroana a eona mo phukeñ tsa eona, mi u ganne. ³⁵ Bona, ntlu ea gago u e tlogeleloa letlotla; mi amarure kia gu raea, Ga u kitla u ’mpona, go tlo go tsamae motla o tle, o u tla reñ ka ona, Go tsegoharicoe ena eo o tlañ mo ineñ ya ga Yehova.

KHAOLO 14. ¹ MI ga rihala, ka a tsena mo tluñ ea molaori moñue oa Bafarisai ka sabata go ya señkhue, ba mo elatloko. ² Mi, bonañ, gabo gole monona moñue ha pele ga gague, a na le pobolo ea metse. ³ Mi Yesu a araba, a raea bamolao le Bafarisai, a re, A ki taolo go horisa ka tsatsi ya sabata? ⁴ Mi ba ririmala. Mi a mo tsaea, a mo horisa, mi a mo lesa, a ea. ⁵ Mi a ba araba, a re, Ki ohe oa lona eo ekareñ ha a na le esela, leha e le khomu, e oetse mo mokoleñ, a ga a kake a akoha a e ntsa ka tsatsi ya sabata? ⁶ Mi ba sa kake ba ba ba mo araba mo liloñ tseuo. ⁷ ¶ Mi a bua secuanco le ba ba biricoeñ, ka a elatloko kaha ba itseñkelañ lirulo tse ri kua pele ka gona; a ba raea, ⁸ Ere ha moñue a gu bileritse moriho oa nyalo, u si lule mo seruloñ sa ntla, gore e si re khotsa moñue a ba a biricoe ki ena, eo o cuanetseñ bogolu go uena, ⁹ Mi ka a tla, eo o gu biritseñ nae, mi a gu raea, Shutela monona eo; mi eriha gona u tla simololañ go tsaea serulo se se kua morago ka litloñ. ¹⁰ Mi ere ha u biricoe, u ee, u lule mo seruloñ se se kua morago bogolu, gore ere eo o gu biritseñ a tla, a gu ree, Tsala, lulela gorimo; eriha gona u tla rihanañ le tlotlo ha pele ga ba ba rutseñ nau ha liyoñ. ¹¹ Gone moñue le moñue eo o ikhorisañ o tla nolaharioa; mi eo o inolahatsañ o tla gorisioa. ¹² ¶ Mi le gona a raea ena eo o miritseñ, Ere ha a riha moriho oa motsegare, khotsa oa selalelo, u si bitse tsala tsa gago, le esiñ bana ba ga rago, le esiñ tsala tsa mari tsa gago, le esiñ bañ ka uena ba ba humileñ, gore e si re khotsa ba ba ba gu bitsa ka motla moñue, mi tuelo ea gu rihahalela. ¹³ Mi ere ha u riha moriho, bitsa bahumanegi, le likoa, le batlotsi, le lihohu; ¹⁴ Mi u tla tsegoharioa; gone ba si na se ba ka gu ruelañ ka shona; gone u tla rueloa mo cogoñ ea basiami. ¹⁵ ¶ Mi ka moñue eo o rutseñ ha liyoñ nae a utlua lilo tse, a mo raea, Go tsegoharicoe eo o tla yañ señkhue mo bogosiñ yoa Morimo. ¹⁶ Mi a mo raea, Monona moñue a riha selalelo se segolu, mi a bitsa bontsi. ¹⁷ Mi a roma motlañka oa bo mo oureñ oa selalelo, go bulelela ba ba biricoeñ, go re, Tlañ, gone yana lilo cotle li etlericoe. ¹⁸ Mi botle ba simolola go ipata. Oa ntla a mo raea, Ki rekile tsimo, mi ki cuanetse go ea go e bona; kia gu rapela, u ’mpone ki ithapeletse. ¹⁹ Mi eo moñue a re, Ki rekile likhomu tse ri gogañ li faev, mi ki ea go li leka; kia gu rapela, u ’mpone ki ithapeletse. ²⁰ Mi eo moñue a re, Ki nyetse mosari, ki gona ki sa kakeñ ka tla. ²¹ Mi motlañka eouo, ka a ba a boea, a bulelela morena oa gague lilo tse. Mi muñ oa ntlu a na bogale, a raea motlañka oa gague, Akoha, u coele kua mebileñ, le mo liheroñ tsa motse, mi lere kuanu bahumanegi, le likooa, le batlotsi le lihohu. ²² Mi motlañka a re, Morena, go rihetse yaka u laotse, mi bonno bo sale gona. ²³ Mi morena a raea motlañka, Coela kua tseleñ tse ri kholu, le kua likhoreñ, mi u ba kholele go tsena, gore ntlu ea me e tlale. ²⁴ Gone kia lo raea, Ga go ope mo bathuñ bauo ba ki ba biritseñ, eo o tla lekañ selalelo sa me. ²⁵ Mi bontsintsi yo bogolu yoa ea nae; mi a retologa a bo raea, ²⁶ Ha moñue leha e le mañmañ a tla go ’na, mi ha a sa ile rague, le mague, le mogatse, le bana, le bakauleñue, le bokhantsari, E, le yona botselo yoa gague, ga a kake a na morutoa oa me. ²⁷ Leha e le mañmañ eo o sa kabeñ mokhoro oa gague, a ’ntsala morago, ga a kake a na morutoa oa me. ²⁸ Gone ki ohe oa lona, eo o ratañ go aga turio, mi a si ka a lula pele, a kaea lireko tsa eona, go itse ha a na le tse ri lekanyeñ go e uetsa. ²⁹ Gore e si re khotsa a sina baea motheo, a reteleloa ki go e uetsa, mi botle ba ba e bonañ, ba simolola go mo shotla, ³⁰ Ba re, Monona eo, o la a simolola go aga, mi a sa nonoha go uetsa; ³¹ Khotsa khosi ehe e eañ go tlabana le khosi e ñue, mi e si ka ea lula pele go rarologanya ha e nonohile ka ten thousanda, go e khatlantsa e e tlañ go eona, ka tuente thousanda; ³² Mi ha go sa na yalo, ka e ñue e sale khakala, ea roma baroñoi go batla tse ri agisañ. ³³ Gontse yalo le le moñue le moñue oa lona eo o sa tlogeleñ lilo cotle tse o nañ naco, eo ga a kake a na morutoa oa me. ³⁴ ¶ Lecoai le molemo; mi ha lecoai le sa utluale molori oa yeona, le ka lokua kañ? ³⁵ Ga lea cuanela tsimo, khotsa thutubulu; mi bathu ba le latlela kua ntle. Ena eo o nañ le litsebe go utlua, a a utlue.

KHAOLO 15. ¹ MI yana baphuthi ba lekhetho le baleohi ba mo atamela go mo utlua. ² Mi Bafarisai le bakuari ba ñoñorega, ba re, Monona eo, o cula baleohi, mi o ya nabo. ³ ¶ Mi a bua secuanco se nabo, a re, ⁴ Mothu ohe oa lona, eo o nañ le liñku li hundereda, mi ha a latlegeloa ki ñue ea cona, a ga a tlogele tse ri naente le naen kua gareganaga, mi a ea go e e timetseñ, ga tsamaea a e bona? ⁵ Mi ka a sina go e bona, a e baea mo maruliñ a gague, a itumela. ⁶ Mi ka a tla mo gae, a bitsa litsala tsa gague le bañ ka ena mogo, a ba raea, Itumeleñ le ’na; gone ki bonye ñku ecu e e le e timetse. ⁷ Kia lo raea le gona, go tla na boitumelo mo legorimoñ mo moleohiñ eo o tlabologañ, bogolu mo go ba ba siameñ ba naente le naen, ba ba sa tlokeñ tlabologo. ⁸ ¶ Khotsa mosari ohe eo o nañ le liderakema li ten, mi a latlegeloa ki derakema ñue, a ga a cube lobone, a heela ntlu, a batla ka tloahalo a tsamaea a e bona. ⁹ Mi ka a sina go e bona, a bitsa litsala tsa tsari, le bañ ka ena mogo, a re, Itumeleñ le ’na, gone ki bonye derakema e le e ’ntatlegetse. ¹⁰ Le gona kia lo raea, Go boitumelo ha pele ga baengele ba Morimo mo moleohiñ moñue eo o tlabologañ. ¹¹ ¶ Mi a re, Monona moñue o la a na le bomoroa ba tu. ¹² Mi eo motlana oa bona a raea rague, Rra, ’nnaea kabelo ea lilo tse ri ’ncuanetseñ; mi a ba abanya lilo. ¹³ Mi malatsi a si ka a na mantsi morago ga mouo, eo motlana, ka a sina phutha lilo cotle, a etela kua hatsiñ ye le khakala, mi a senya lilo tsa gague gone ka tselo yo bo mashue. ¹⁴ Mi ka a sina li senya cotle, ga rihala tlale e kholu mo hatsiñ yeuo; mi a simolola go tloka. ¹⁵ Mi a ikopanya le moagi moñue oa lehatse yeuo; mi a mo romela mo nageñ tsa gague, go yesa likolobe. ¹⁶ Mi a ba a eletsa go khorisa mpa ea gague ka moroko o o yeoañ ki likolobe; mi a si ka a neoa ki ope. ¹⁷ Mi ka a itharabologeloa a re, Batlañka ba ba lalericoeñ ba ga Rre bantsi yañ, ba ba nañ le bogolu yoa liñkhue, mi ’na ki herisioa ki tlala! ¹⁸ Ki tla a tloga, mi ki tla ea go rre, mi ki tla mo raea, Rra, ki leohetse legorimo, le ha pele ga gago; ¹⁹ Mi ga ki tlole ki cuanela go birioa moroau; ’ntiha yaka moñue oa batlañka benu, ba ba lalericoeñ. ²⁰ Mi a tloga a tla go rague. Mi erile a sale khakala, rague a mona, mi a mo tlomogela pelu, mi a taboga, a oela mo thamuñ ea gague, mi a mo atla. ²¹ Mi moroaue a mo raea, Rra, ki leohetse legorimo, le ha pele ga gago, mi ga ki tlole ki cuanela go birioa moroau. ²² Mi rra a raea batlañka ba gague, Ntsañ seaparo se señtle bogolu, lo se mo apese; mi lo mo roese mohitsana mo atleñ sa gague, le litlaku mo naoñ tsa gague. ²³ Mi lereñ namane e e nonneñ, lo e tlabe; mi a re yeñ, re itumele; ²⁴ Gone eo moroake o la a shule, mi o bile o tserile; mi o la a latlegile, mi o bonyoe. Mi ba simolola go itumela. ²⁵ Mi yana moroaue eo mogolu a ba le kua nageñ; mi ka a tla, a atamela ntlu, a utlua kopelo le pina. ²⁶ Mi a bitsa moñue oa batlañka, a motsa ga se se riheloañ yana. ²⁷ Mi a mo raea, Monnau o tlile; mi rago o tlabile namane e e nonneñ, gone a bile a mona a sa horile. ²⁸ Mi a na bogale, mi a gana go tsena; ki gona yalo rague a coela kua ntle, a mo rapela. ²⁹ Mi a araba, a raea rague, Bona, nyaga tse lintsi tse, ki gu rihetseñ ka cona, mi ga ki esiñ ke ki tlole taolo ea gago ka motla ope; leha gontse yalo, ga u e si u ko u ’nnee putsane, gore ki itumele le litsala tsa me; ³⁰ Mi moroau eo, erile a sa tla, eo o sentseñ tsa gago ka maakahari, u mo tlabetse namane e e nonneñ. ³¹ Mi a mo raea, Moroaka, u na le na ka gale, mi cotle tsa me ki tsa gago. ³² E le le cuanelo go itumela, le go itumela ka thata; gone eo monnau o la a shule, o bile o tserile; mi o la a latlegile, mi o bonyoe.

KHAOLO 16. ¹ MI le gona a raea barutoa ba gague, Gabo gole monona oa mohumi, a na le motlameri‐ntlu, mi eo, a latuharioa go ena, ha a sentse lilo tsa gague. ² Mi a mitsa, a mo raea, Eñ se ki se utluañ ga gago? naea palo ea tlamelo ea gago, gone u si kitla u tlola u na motlameri‐ntlu. ³ Mi motlameri‐ntlu a ithaea, Ki tla rihañ, ka morena oa me a tlosa tiho ea tlamelo go ’na? ga ’nkake ka lema, mi ki tlayoa ki litloñ go kopa. ⁴ Kia itse kaha ki tla rihañ ka gona, gore ere ki ntsioa mo tihoñ ea tlamelo, ba ’ncule mo matluñ a bona. ⁵ Mi a biletsa go ena moñue le moñue oa ba melatu ba morena oa gague, a raea oa ntla, U molatu o kai go morena oa me? ⁶ Mi a re, Libato tsa loukuane li hundereda. Mi a mo raea, Tsaea kualo loa gago, mi u lule, u kuale ka bonako li faevete. ⁷ Mi a ba a raea eo moñue, Mi uena, molatu oa gago o kai? Mi a re, Likoro tsa mabele li hundereda. Mi a mo raea, Tsaea kualo loa gago u kuale eite. ⁸ Mi morena a baka motlameri‐ntlu eo o sa siamañ, gone a rihile ka botlale, gone bana ba hatsi yenu ba botlale bogolu mo baneñ ba leseri mo sikeñ loa bona. ⁹ Mi kia lo raea, Itiheleñ litsala tsa mamone eo o sa siamañ; gore mogañ lo tlokañ ka ona, ba lo culele mo maagoñ a a sa khutleñ. ¹⁰ Eo o ikancoeñ mo go se se botlana bogolu, eo, o ikancoe le mo go se segolu; mi eo o sa siamañ mo go se se botlana bogolu, le ena ga a siama le mo go se segolu. ¹¹ Ki gona ha lo lo sa ikanoa mo mamoneñ eo o sa siamañ, lo tla ikañoa e mañ lohumo loa boamarure? ¹² Mi ha lo lo sa ikañoa mo go tsa eo moñue, lo tla neoa e mañ tsa lona? ¹³ ¶ Ga go motlañka ope eo o ka rihelañ barena ba tu; gone o tla ila eo moñue, khotsa a rate eo moñue; khotsa o tla ñaparela eo moñue mi a nyatse eo moñue. Ga lo kake loa rihela Morimo le mamone. ¹⁴ ¶ Mi Bafarisai le bona, ba e le le barati ba mari, ba utlua lilo tse cotle; mi ba mo shotla ka kilo. ¹⁵ Mi a ba raea, Ki lona ba lo itsiamisañ ha pele ga bathu; mi Morimo oa itse pelu tsa lona; gone se se kaioañ segolu mo bathuñ, se mashue bobe ha pele ga Morimo. ¹⁶ Molao le baperofeti ba le ba leo le go Yohane; e sale ka motla ouo bogosi yoa Morimo bo reroa, mi moñue le moñue oa icukanyetsa go yona. ¹⁷ Go boheho legorimo le lehatse le heta bogolu go titela ea molao go nyelela. ¹⁸ Mi moñue le moñue eo o tlalañ mosari oa gague, a nyala eo moñue, eo, oa gokahala; mi moñue le moñue eo o nyalañ eo o tlariloeñ ki monona oa gague, eo, le ena oa gokahala. ¹⁹ ¶ Gabo gole monona moñue, a humile, mi a apere porepura le lene ya bonolo, a tsela ka malatsi aotle mo boitumeloñ le mo boiñtliñtleñ. ²⁰ Mi gabo gole mokopi moñue eo o birioañ Lasaro, eo, o laletse ha khoroñ ea gague, a tletse lintho. ²¹ Mi a eletsa go yesioa ka matlotlora a a oañ mo lomatiñ loa boyelo loa mohumi; mi le gona linca tsa tla, tsa lacoa lintho tsa gague. ²² Mi ga rihala mokopi a shua, mi baengele ba melegela sehubeñ sa ga Aberahame. ²³ Mi mohumi le ena, a shua, a hitloa; mi eare a le mo bobipoñ a culetsa maitlo a gague, a le mo botlukuñ, mi a bonela Aberahame khakala, le Lasaro a le mo sehubeñ sa gague. ²⁴ Mi a bitsa, a re, Aberahama, rra, ’nkutluela botluku, mi u rome Lasaro, gore a ine ntla ea monuana oa gague mo metsiñ, a ’ntsirihatse loleme; gone ki mo botlukuñ mo khabuñ e. ²⁵ Mi Aberahame a re, Ñuana, gopola, u lu u na le tse ri molemo tsa gago, mo tseloñ yoa gago, gontse yalo Lasaro o la a na le tse ri boshula; mi yana o gomoricoe, mi uena u utlusioa botluku. ²⁶ Mi bogolu mo go cotle tse, phatla e kholu e tlomiloe ha gare ga rona le lona; ki gona ba ba kuanu ba ba ratañ go ea go lona, ba reteleloa; le koñ ba ba ratañ go tla go rona, ba reteleloa. ²⁷ Mi a re, Rra, ki gona kia gu rapela, gore u mo romele kua tluñ ea ga rre; ²⁸ Gone ki na le bana ba ga rre ba faev; gore a ba itsise, gore le bona ba si tle mo heloñ monu ga botluku. ²⁹ Mi Aberahame a mo raea, Ba na le Moshe le baperofeti; a ba utlue bona. ³⁰ Mi a re, Nya, Aberahama, rra; mi ha moñue a coa mo bashuiñ, a ea go bona, ba tla tlabologa. ³¹ Mi Aberahame a mo raea, Etlare ha ba sa utlue Moshe le baperofeti, le gona yalo, leha moñue a coa mo bashuiñ, ga ba kitla ba iteseletsa go itsisioa.

KHAOLO 17. ¹ MI a raea barutoa, Ga go kake ga na yalo likhopisho li si tle; mi go latlega eo li tlañ ka ena. ² Go kabo gole molemo go ena ha tlapa ya tsilo le golegecoe mo thamuñ ea gague, mi a rigecoe mo leoatleñ, bogolu go khopisa moñue oa ba botlana ba. ³ ¶ Itiseñ, mi ha mothu enu a gu leohela, u muele; mi ha a ikuatlaea, mo icuarele. ⁴ Mi ha a gu leohela ga seven mo tsatsiñ le leñue, mi ha a ba a boela go uena ga seven mo tsatsiñ le leñue, a re, Kia ikuatlaea; u mo icuarele. ⁵ Mi baapostoloi ba raea Morena, Totisa tumelo ea rona. ⁶ Mi Morena a re, Ekare ha lo na le tumelo e kana ka tlaka ea peu ea mosetara, lo kabo lo raea setlare se sa mosekamino, Khumoga ka mecue, mi u tloñoe mo leoatleñ, mi se tla lo utlua. ⁷ Mi ki ohe oa lona, eo o nañ le motlañka eo o lemañ, khotsa eo o risañ likhomu, eo o tla akohañ a mo raea ka a sa coa mo nageñ, Atamela, u lule ha liyoñ? ⁸ Mi bogolu a ga a kitla a mo raea, Etleletsa se ki tla lalelañ ka shona, mi u ikokoaele, u ’ntihele, ki tle ki tsamaee ki ye ki noe, mi u ye u noe morago ga mouo? ⁹ A o tla itumelela motlañka eouo ka a rihile tse o li laolecoeñ? Ki itloma, nya. ¹⁰ Gontse yalo le lona ha lo rihile cotle tse lo li laolecoeñ, lo re, Re batlañka ba ba sinañ molemo; gone re rihile tse re le re cuanetse go li riha. ¹¹ ¶ Mi ga rihala ka a etela kua Yerusalema, a ralala ha gare ga Samaria le Galilea. ¹² Mi ka a tsena mo motsaneñ moñue, a khatlana le banona ba ten, ba e leñ baleperoi, ba ba emeñ khakala: ¹³ Mi ba tlatlosa koru tsa bona, ba re, Yesu, Morena, re utluele botluku. ¹⁴ Mi ka a ba bona, a ba raea, Eañ, lo icupetse go baperiseti. Mi ga rihala ka ba ea ba ntlahala. ¹⁵ Mi ka moñue oa bona, a bona a horisicoe, a boea, mi a galaletsa Morimo ka koru a kholu. ¹⁶ Mi a oela ka sehatlogo ha naoñ tsa gague, a mo itumelela; mi ea bo e le Mosamaria. ¹⁷ Mi Yesu a araba, a re, A gole go si ba ten ba ba ntlaharicoeñ? Mi ba naen ba kae? ¹⁸ Ga go bonoe ope eo o boileñ go baka Morimo, ha e si moeñ eo. ¹⁹ Mi a mo raea, Tloga u eme, u tsamaee; tumelo ea gago e gu horisitse. ²⁰ ¶ Mi ka a borioa ki Bafarisai mogañ pusho ea Morimo e tla tlañ, a ba araba, a re, Pusho ea Morimo ga e tle ka cupo e e kua ntle. ²¹ Mi ga ba kitla ba re, Bonañ ha, khotsa bonañ hale; gone bonañ, pusho ea Morimo e mo teñ ga lona. ²² Mi a raea barutoa, Metla e tla tla, e lo tla tlologeleloañ go bona tsatsi leñue ya malatsi a Moroa mothu, mi ga lo kitla lo le bona. ²³ Mi ba tla lo raea, Bonañ ha; khotsa bonañ hale; si eeñ; mi lo si ba sale morago; ²⁴ Gone yaka logarima lo garima lo coa kua goñue kua tlatse ga legorimo, lo phatsimela kua goñue tlatse ga legorimo; Moroa mothu le ena o tla na yalo mo tsatsiñ ya gague. ²⁵ Mi o cuanetse go bogisioa bogolu pele, le go nyarioa ki losika lo. ²⁶ Mi yaka gole ga rihala mo malatsiñ a ga Noe, go tla na yalo le mo malatsiñ a Moroa mothu. ²⁷ Ba le ba ya, ba noa, ba nyala, ba neoa nyalo, ga tsamaea tsatsi ya tla ye Noe a tsena mo arekeñ ka yeona, mi moroalela oa tla oa ba senya botle. ²⁸ Le gona yalo, yaka gole ga rihala mo malatsiñ a ga Lote; ba le ba ya, ba noa, ba reka, ba bapatsa; ba tloma, ba aga; ²⁹ Mi ka tsatsi ye Lote a coa mo Sodoma ka yeona, oa nesa mulelo le sulefura go coa legorimoñ, mi oa ba senya botle; ³⁰ Go tla na hela yalo mo tsatsiñ ye Moroa mothu o tla bonatsioañ ka yeona. ³¹ Mo tsatsiñ yeuo, ena eo o tla nañ mo tlomeshoñ tsa matlu, mi lilo tsa gague li le mo tluñ, a a si hologe go li tlosa; le eo o kua nageñ, le ena a a si boele tse ri kua morago. ³² Gopolañ mosari oa ga Lote. ³³ Leha e le mañmañ eo o tla batlañ go buluka botselo yoa gague, o tla latlegeloa ki yona; mi leha e le mañmañ eo o tla latlegeloañ ki botselo yoa gague, o tla bo buluka. ³⁴ Kia lo raea, Ba tu ba tla na mo bolaoñ yo boñue hela mo sigoñ youo, moñue o tla tseoa, mi eo moñue o tla tlogeloa.Basari ba tu ba tla bo ba sila mogo; moñue o tla tseoa, mi eo moñue o tla tlogeloa. ³⁶ Ba tu ba tla na kua nageñ; moñue o tla tseoa, mi eo moñue o tla tlogeloa. ³⁷ Mi ba araba, ba mo raea, Morena, kae? mi a ba raea, Kua setoto se gona, manoñ a tla kokoanela gona.

KHAOLO 18. ¹ MI le gona a bua secuanco señue nabo, se se rutañ gore bathu ba rapele ka gale, mi ba si lape. ² A re, Gabo gole moatlori mo motseñ moñue, eo o sa boiheñ Morimo, le bathu a sa ba re sepe; ³ Mi gabo gole motlolagari mo motseñ ouo; mi a tla go ena, a re, ’Nkatlolela mo moganetsiñ oa me. ⁴ Mi a gana ka lobaka lo lo lele; mi morago ga mouo, a ithaea, Leha ki sa boihe Morimo, le bathu ki sa ba re sepe; ⁵ Leha gontse yalo, ereka motlolagari eo a ’ntapisa, ki tla mo atlolela, gore a si ka a tla ka gale go ’mpatlola tlogo. ⁶ Mi Morena a re, Utluañ se moatlori eo o sa siamañ o se buañ. ⁷ Mi Morimo a ga o kitla o atlolela baitseñkeroi ba ona, ba ba o bitsañ tsatsi le bosigo, leha o na le pelu telele go bona? ⁸ Kia lo raea, O tla akoha o ba atlolela. Leha gontse yalo mogañ Moroa mothu o tlañ, a o tla bona tumelo mo hatsiñ? ⁹ Mi a bua secuanco se go bañue ba ba ikanyañ ha e le bona basiami, mi ba nyatsa ba bañue: ¹⁰ Banona ba tu ba le ba ea kua tempeleñ go rapela; moñue e le le Mofarisai, mi eo moñue e le mophuthi oa lekhetho. ¹¹ Mofarisai a ema a rapela yalo ka esi, Morimo, kia gu itumelela, gone ki sa cuane yaka bathu ba bañue; linokuane, basiamolori, bagokahari, khotsa yaka mophuthi eo oa lekhetho. ¹² Kia riha go bisa go ya ga tu ka ueke a le moñue; kia naea boten yoa cotle tse ki nañ naco. ¹³ Mi mophuthi oa lekhetho, a ema khakala, a si ka a rata go culetsa le e leñ maitlo a gague kua legorimoñ, mi a ititaea sehuba sa gague, a re, Morimo, u ’nkutluele botluku, ki moleohi. ¹⁴ Kia lo raea, Monona eo o hologetse kua tluñ ea gague a siamisicoe bogolu mo go eo moñue; gone moñue le moñue eo o ikhorisañ, o tla nolaharioa; mi eo o inolahatsañ, o tla gorisioa. ¹⁵ ¶ Mi le gona ba lere banyana go ena, gore a ba ame; mi ka barutoa ba bona yalo, ba ba buela. ¹⁶ Mi Yesu a ba biletsa go ena, a re, Lesañ banyana ba tle go ’na, mi lo si ba itse; gone ba bantseñ yalo, e le ba bogosi yoa Morimo. ¹⁷ Amarure kia lo raea, Leha e le mañmañ eo o si kitlañ a cula bogosi yoa Morimo yaka ñuanyana, ga a kitla a tsena ka gope mo go yona. ¹⁸ Mi molaori moñue a motsa, a re, Moruti eo o molemo, ki tla rihañ go bona botselo yo bo sa khutleñ? ¹⁹ Mi Yesu a mo raea, U ’mpiletsañ molemo? Ga go ope eo molemo; ha e si moñue, eboñ Morimo. ²⁰ Ua itse litaolo, U si gokahale; U si bolaee; U si ucoe; U si shupe cupo ea kako; tlotla rago le mago. ²¹ Mi a re, Cotle tse, ki li tsegeritse mo bokauñ yoa me nako e sale enu. ²² Mi ka Yesu a utlua lilo tse, a mo raea, U sa tloka señue; bapatsa cotle tse u nañ naco, u li abanye mo bahumanegiñ, mi u tla na le lohumo mo legorimoñ; mi ntlo, u ntsale morago. ²³ Mi ka a utlua yalo, a hutsahala bogolu; gone a la a humile segolu. ²⁴ Mi Yesu ka a mona a hutsahetse segolu, a re, Go thata yañ mo go ba ba nañ le mahumo go tsena mo bogosiñ yoa Morimo! ²⁵ Gone go boheho go kamela go tsena mo coheñ ya lomao, bogolu go mohumi go tsena mo bogosiñ yoa Morimo. ²⁶ Mi ba ba utluañ yalo, ba re, Ana mañ eo o ka bulukegañ? ²⁷ Mi a re, Lilo tse ri retetseñ mo bathuñ, ga lia retela mo Morimoñ. ²⁸ Mi Petero a re, Bona, rona re tlogetse gotle, mi ra gu sala morago. ²⁹ Mi a ba raea, Amarure, kia lo raea, Ga go ope eo o tlogetseñ ntlu, khotsa bagolu, khotsa bana ba ga rague, khotsa mosari, khotsa bana, ka ntla ea bogosi yoa Morimo, ³⁰ Eo o si kitlañ a bona lo logolu bogolu mo motleñ onu, le botselo yo bo sa khutleñ mo hatsiñ ye le tla tlañ. ³¹ ¶ Mi a itsela ba tuelev, a ba raea, Bonañ, rea ea kua Yerusalema, mi lilo cotle tse ri kuariloeñ ki baperofeti ga Moroa mothu, li tla rihala. ³² Gone o tla neloa bahaitene, mi o tla shotloa, a rihoa tse ri mashue, mi a khoeloe mathe; ³³ Mi ba tla metsa, ba molaea; mi o tla ba a coga ka tsatsi ya bo‐teri. ³⁴ Mi ba si ka ba tlaloganya sepe sa lilo tse; mi huku ye ya bo le ba shubecoe; mi ba si ka ba tlaloganya tse ri builoeñ. ³⁵ ¶ Mi ga rihala ka a atametse Yeriko, sehohu señue se rutse mo tseleñ, se kopa. ³⁶ Mi ka se utlua bontsi bo heta, sa botsa, sa re, Se se eñ? ³⁷ Mi ba se bulelela ha e le Yesu oa Nasereta, eo o hetañ. ³⁸ Mi sa bitsa, sa re, Yesu, Moroa Davida, ’nkutluela botluku. ³⁹ Mi ba ba hetañ, ba se buela, gore se ririmale; mi sa na sa bitsa bogolu, Moroa Davida, ’nkutluela botluku. ⁴⁰ Mi Yesu a ema a laola gore ba se lere go ena, mi ka se sina mo atamela a se botsa, ⁴¹ A re, U rata ka gu rihelañ? Mi sa re, Morena, ka re, ki bone pono ea me. ⁴² Mi Yesu a se raea, Cula pono ea gago; tumelo ea gago e gu bulukile. ⁴³ Mi sa akoha sa bona; mi sa mo sala morago, sa galaletsa Morimo; mi ka bathu botle ba bona yalo, ba baka Morimo.

KHAOLO 19. ¹ MI ka Yesu a tsena a ralala Yeriko. ² Mi bonañ, gabo gole monona eo leina ya gague le birioañ Sakaio, mi eouo ea bo e le mogolu oa baphuthi ba lekhetho; mi a ba a humile. ³ Mi a batla go bona Yesu kaha ontseñ ka gona, mi a reteleloa ki bontsi, ka a le mokhutsane. ⁴ Mi a tabogela pele, a palama setlare sa mosekamore gore a mone; gone a tla heta ka tsela euo. ⁵ Mi ka Yesu a hitla gona, a lelala, a mona, a mo raea, Sakaio, akoha, u hologe; gone ki tla tlola mo tluñ ea gago gompienu. ⁶ Mi a itlaganela, a hologa, mi a mo cula ka boitumelo. ⁷ Mi ka botle ba bona yalo, ba ñoñorega, ba re, O ile go tlola le monona oa moleohi. ⁸ Mi Sakaio a ema, a raea Morena, Bona, Morena, ntla eñue ea lilo tsa me, kia e naea bahumanegi; mi ekare ha ki tseetse moñue seo señue ka tsieco, ki tla ba ki mo naea li for. ⁹ Mi Yesu a mo raea, Puluko e rihecoe ntlu e gompienu, ka le mororo le eo e le moroa Aberahame. ¹⁰ Gone Moroa mothu o tlile go batla le go buluka ba ba latlegileñ. ¹¹ Mi ka ba utlua lilo tse, a okeletsa a bua secuanco, gone a le gauhe le Yerusalema, mi gone ba itlomile pusho ea Morimo e tla akoha e bonatsioa. ¹² Ki gona o reñ, Mogoluane moñue a etela kua hatsiñ ye le khakala go iponela bogosi, le go ba a boea. ¹³ Mi a bitsa batlañka ba gague ba ten, mi a ba naea liponda li ten, mi a ba raea, Lo rekeñ ki tle ki tsamaee ki tle. ¹⁴ Mi bathu ba gague ba bo ba mo ila, mi ba roma baroñoi morago ga gague, ba re, Ga re rate eo a na khosi ea rona. ¹⁵ Mi ga rihala ka a ba a boea, ka a sina bona bogosi, a laola gore batlañka ba, ba bilerioe go ena, ba o ba netseñ lireko, gore a itse kaha moñue le moñue o rekileñ ka gona. ¹⁶ Mi oa ntla a tla, a re, Morena, ponda ea gago, e rekile liponda li ten. ¹⁷ Mi a mo raea, Go siame, motlanka eo o molemo; gone u lu u ikancoe mo go se senye, u ne le thata go laola metse e me ten. ¹⁸ Mi oa bo‐tu a tla, a re, Morena, ponda ea gago e rekile liponda li faev. ¹⁹ Mi le ena a mo raea, Le uena, u laole metse e me faev. ²⁰ Mi eo moñue a tla, a re, Morena, bona, ponda ea gago ki e; ki e bulukile mo letseleñ ya mohuhuco; ²¹ Gone kia gu boiha, ka u le monona eo pelu e thata; u tlosa se u sa se baeañ, mi u robe se u sa se yalañ; ²² Mi a mo raea, Ki tla gu sekisa ka molomo oa gago, motlañka eo o boshula ki uena; ua itse ki le monona eo pelu e thata, ki tlosa se ki sa se baeañ, le go roba se ki sa se yalañ; ²³ U lu u sa neleleñ theko ea me mo tluñ ea kokeleco, gore ere ki tla, ki be ki bone ea me ka ntsihaco? ²⁴ Mi a raea ba ba emeñ nae, Mo tseeleñ ponda e, mi lo e nee eo o nañ le liponda li ten. ²⁵ (Mi ba mo raea, Morena, o na le liponda li ten.) ²⁶ Gone kia lo raea, Le moñue le moñue eo o nañ le señue, o tla neoa, mi ena eo o sinañ sepe, go tla tlosioa le se o nañ nasho. ²⁷ Mi ba, baba ba me, ba ba sa rateñ gore ki ne khosi ea bona, ba lereñ ha, lo ba bolaee ha pele ga me. ²⁸ ¶ Mi ka a sina bua yalo, a etela pele, a ea kua Yerusalema. ²⁹ Mi ga rihala ka a atamela Betefage le Bethania, ha thabeñ e e birioañ Olefa, a roma barutoa ba gague ba tu, ³⁰ A re, Eañ kua motsaneñ o lo lebaganyeñ nao; o etlareñ lo tsena go ona, lo bone petsana e e mo thapoñ, e e siñ e ke e luloe ki ope; e gololeñ, mi lo e lere ha. ³¹ Ere ha moñue a lo botsa, Lo e gololelañ? Lo mo ree, lo re, Gone Morena oa e tloka. ³² Mi ba ba le ba romiloe ba ea, ba bona yaka a ba buleletse. ³³ Mi ka ba sa golola petsana, beñ ba eona ba ba raea, Ana lo gololelañ petsana? ³⁴ Mi ba re, Morena oa e tloka. ³⁵ Mi ba e isa go Yesu; mi ba pega matsela a bona mo petsaneñ, mi ba palamisa Yesu mo go eona. ³⁶ Mi ka a coelela pele, ba ala aparo tsa bona kua tlatse ga gague mo tseleñ. ³⁷ Mi yana ka a atamela phologo ea thaba ea Olefa, bontsi yotle yoa barutoa yoa simolola go itumela, le go bakela Morimo ka koru e kholu, tiho cotle tse ri kholu tse ba li bonyeñ; ³⁸ Ba re, Go tsegohala khosi e e tlañ mo ineñ ya Morena; kagisho mo legorimoñ, le khalalelo mo bogorimoñ yoa gorimo bogolu. ³⁹ Mi bañue ba Bafarisai ba ba mo bontsiñ, ba mo raea, Rabi, buela barutoa ba gago. ⁴⁰ Mi a araba, a ba raea, Kia lo raea, Ha ba, ba ka ririmala, maye a tla akoha a bitsa. ⁴¹ ¶ Mi ka a atamela a bona motse; mi a o lelela, ⁴² A re, Au! u kabo u itsile lilo tse ri gu agisañ le mo motleñ onu oa gago! mi yana li shubiloe mo maitloñ a gago. ⁴³ Gone metla e tla tla go uena, baba ba gago ba tla epa lomota, ba gu hola ka lona, mi ba tla gu pitlaganyetsa mo ntleñ cotle. ⁴⁴ Mi ba tla gu rigela ha hatse le bana ba gago ba le mo teñ ga gago, mi ga ba kitla ba lesa go uena leincue leñue le tlatlaganye le ye leñue; gone u lu u sa itse motla oa tekolo ea gago. ⁴⁵ Mi ka a tsena mo tempeleñ, a simolola go khoromeletsa ntle ba ba rekañ, le ba ba bapatsañ mo go eona. ⁴⁶ A ba raea, Go kuariloe, Ntlu ea me ki ntlu ea thapelelo; mi lona lo e rihile moñobo oa linokuane. ⁴⁷ Mi a ruta ka malatsi aotle mo tempeleñ; mi baperiseti ba bagolu, le bakuari, le bagolu ba bathu ba batla go molaea. ⁴⁸ Mi ba si ka ba bona se ba ka se rihañ, gone bathu botle ba tloahaletse go mo utlua.

KHAOLO 20. ¹ MI ga rihala, ka tsatsi leñue ya malatsi auo, ka a ruta bathu mo tempeleñ, a rera evangelio, baperiseti ba bagolu, le bakuari, le bagolu ba tla go ena; ² Mi ba bua nae, ba re, Re bulelele thata e u rihañ lilo tse ka eona? Khotsa mañ eo o gu neileñ thata e? ³ Mi a araba, a ba raea, Le ’na, ki tla lo botsa huku leñue; lo ’nkarabe: ⁴ Papetisho ea ga Yohane a e le ea coa kua legorimoñ, khotsa mo bathuñ? ⁵ Mi ba gakololana mo go bona, ba re, Etlare ha re re, E coa kua legorimoñ, o tla re, Ana lo lo sa mo rumeleleñ? ⁶ Mi etlare ha re re, E coa mo bathuñ; bathu botle ba tla re khobotletsa ka maye: gone ba itse rure ha Yohane e le le moperofeti. ⁷ Mi ba araba, ba re, Ga re itse kua e coañ gona. ⁸ Mi Yesu a ba raea, Le ’na ga ki lo bulelele thata e ki rihañ lilo tse ka eona. ⁹ Mi a simolola go bua secuanco se le bathu: Monona moñue a tloma tsimo ea movine, a e laleletsa barihi‐tsimo, mi a etela kua hatsiñ le sele ka motla o mo lele. ¹⁰ Mi a roma motlañka go barihimo motleñ oa louñuo, gore ba mo nee louñuo loa tsimo ea movine; mi barihi‐tsimo ba metsa, ba mosa a sina sepe. ¹¹ Mi a ba a roma motlañka eo moñue; mi le ena ba metsa, mi ba mo riha botlabisa litloñ, mi ba mosa a sina sepe. ¹² Mi a ba a roma oa bo‐teri; mi le ena ba mo kuenesetsa, mi ba mo khoromeletsa kua ntle. ¹³ Mi morena oa tsimo ea movine a re, Ki tla rihañ? Ki tla roma moroake, eo ki mo ratañ; etlare khotsa ba moihe ba mona. ¹⁴ Mi ka barihi tsimo ba mona ba gakololana mogo, ba re, Eo ki ena oa boshua; tlañ, re molaeeñ, gore boshua e rihe yoa rona. ¹⁵ Mi ka ba sina mo khoromeletsa ntle ga tsimo ea movine, ba molaea. Mi yalo morena oa tsimo ea movine o tla ba rihelañ? ¹⁶ O tla tla, mi a senya barihi‐tsimo ba, mi o tla nela tsimo ea movine ba sele. Mi ka ba utlua yalo, ba re, A go si ne yalo. ¹⁷ Mi a ba leba, a re, Mi eñ se, se se kuariloeñ, Leincue ye baagi ba le latlileñ, ki yeona ka yeosi le rihegile motheo oa khokhoco? ¹⁸ Mi leha e le mañmañ eo o oelañ mo incueñ ye, o tla papetlega; mi eo, le mo oelañ, le tla mo phatlakana. ¹⁹ ¶ Mi baperiseti ba bagolu le bakuari ba batla go mela liatla mo oureñ ouo; mi ba boiha bathu; gone ba lemoga ha a bua secuanco se kaga bona. ²⁰ Mi ba mo lepa, mi ba roma batlori ba ba ipaeañ tsiamo, gore ba mo cuare mo thutoñ ea gague, go mo nela mo thateñ le mo taoloñ ea molaori oa motse. ²¹ Mi ba motsa, ba re, Rabi, rea itse ha u bua mi u ruta ka tsiamo, mi ga u cule cuano ea ope, mi ua ruta tsela ea Morimo mo amarureñ. ²² A ki taolo go rona go naea Kaisare lekhetho, khotsa nya? ²³ Mi ka a lemoga tsieco ea bona, a ba raea, Lo ’nthaelelañ? ²⁴ ’Ncupetsañ denari. Secuanco le lokualo loa ga mañ lo mo go eona? Mi ba araba ba re, Loa ga Kaisare. ²⁵ Mi a ba raea, Ki gona naeañ Kaisare lilo tse e leñ tsa ga Kaisare, mi lo nee Morimo lilo tse e leñ tsa Morimo. ²⁶ Mi ba reteleloa ki go mo cuara mo hukuñ ya gague ha pele ga bathu; mi ba gakhamarioa ki karabo ea gague, mi ba ririmala. ²⁷ ¶ Mi ga tla go ena bañue ba Basadukai ba ba latolañ cogo ea bashui; mi ba motsa, ²⁸ Ba re, Rabi, Moshe o la a re kualela, a re, Ha moñue mogoluue a shua, a na le mosari, mi ha a shua a sina bana, monnaue a tla cula mosari oa gague, go cosetsa mogoluue losika. ²⁹ Mi gabo gole bomoroa mothu ba seven; mi oa ntla a nyala mosari, mi a shua a sina bana. ³⁰ Mi oa bo‐tu a nyala mosari eo, mi le ena a shua a sina bana. ³¹ Mi oa bo‐teri a mo cula, le ba seven, ga na hela yalo; mi ba shua hela, ba sa tlogele ñuana ope. ³² Mi mosari le ena a shua bohelo yoa bona botle. ³³ Ki gona mo cogoñ ea bashui, o tla na mosari oa ga mañ mo go bona? gone ba seven ba le ba mo nyetse botle. ³⁴ Mi Yesu a araba, a ba raea, Bana ba lehatse yenu ba nyala, mi ba neoa mo nyaloñ. ³⁵ Mi ba ba tla kaioañ ba cuanetse go bona hatse ye leñue, le cogo mo bashuiñ, ga ba kitla ba nyala, mi ga ba neoe mo nyaloñ. ³⁶ Le gona ga ba kake ba tlola ba shua; gone ba cuana le baengele; mi e le bana ba Morimo, gone e le bana ba cogo ea bashui. ³⁷ Mi Moshe le ena o la a shupa kua setlareñ ha bashui ba tla coga, ka a bitsa Yehova, Morimo oa ga Aberahame, le Morimo oa ga Yitsake, le Morimo oa ga Yakobe. ³⁸ Yana, Morimo ga si oa bashui, mi e le oa batseri; gone botle ba tsela ka ona. ³⁹ ¶ Mi bañue ba bakuari ba araba ba re, Rabi, u buile seiñtle. ⁴⁰ Mi ba si ka ba tlola ba leka go motsa poco epe. ⁴¹ Mi a ba raea, Ba reñ, Keresete e le Moroa Davide? ⁴² Mi Davide ka esi oa bua mo bukeñ ea Lipsalem, Yehova o a la raea Morena oa me, Lula ha atleñ sa me se se siameñ, ⁴³ Ki tle ki tsamaee ki rihe baba ba gago serulo sa nao tsa gago. ⁴⁴ Ki gona Davide o mitsa Morena oa gague; ontse moroaue yañ? ⁴⁵ ¶ Mi a raea burutoa ba gague mo kutluoñ ea bona botle, ⁴⁶ Itiseñ mo bakuariñ ba ba eletsañ go tsamaea mo liaparoñ tse ri khokhotañ, mi ba rata litumerisho mo mebileñ ea thekelo, le litulo tse ri kholu mo masenagogeñ, le mo lituloñ tse ri kua pele mo merihoñ; ⁴⁷ Ba ba ’mmetsañ matlu a batlolagari, mi ba riha merapelo e melele go na seipato. Ba, ba tla bona tsekisho e kholu bogolu.

KHAOLO 21. ¹ MI ka Yesu a leba a bona bahumi ba latlela kabelo tsa bona mo letluleñ ya lohumo, ² A bona motlolagari moñue oa sehumanegi, a latlela lirekonyana li tu gona. ³ Mi a re, Amarure, kia lo bulelela, motlolagari eo oa sehumanegi, o latletse bogolu mo go bona botle. ⁴ Gone botle ba, ba latletse ga bogolu yoa bona mo kabeloñ tsa Morimo; mi eo, o latletse bobotlana yotle yo, o tselañ ka yona. ⁵ ¶ Mi ka bañue ba bua ga tempela, ka e khabisicoe ka maye a maiñtle, le lineo, a re, ⁶ Lilo tse lo li bonañ, metla e tla tla, e go si kitla go lesioa lencue leñue le tlatlaganye le ye leñue, ye le se kitlañ le rigoa. ⁷ Mi ba motsa, ba re, Rabi, ana lilo tse, li tla rihala leñ? mi seshupo e tla na sehe, se lilo tse li tla rihilañ ka shona? ⁸ Mi a re, Itiseñ gore lo si timerioe; gone bantsi ba tla tla mo ineñ ya me, ba re, Ki ’na, ki ena; mi, Motla o atametse; ki gona si ba saleñ morago. ⁹ Mi etlare mogañ lo utlua ga litlabano le litlapeo, lo si rerege; gone lilo tse li cuanetse go rihala pele; mi sekhutlo se si se ne gauhe. ¹⁰ Eriha gona o ba raeañ, Morahe o tla cogela morahe, le bogosi bo tla cogela bogosi. ¹¹ Mi go tla na lithoromo tsa lehatse tse ri kholu, mo maheloñ a mañue, le litlala, le lipesetelense; mi go tla rihala lilo tse ri boitsegañ, le licupo tse ri kholu tse ri coañ kua legorimoñ. ¹² Mi pele ga lilo tse li e si li ne, ba tla lo bela liatla tsa bona, mi ba tla lo bogisa, ba lo nela mo masenagogeñ, le mo matluñ a kholegelo; mi lo tla gogeloa ha pele ga likhosi le balaori ka ntla ea leina ya me. ¹³ Mi tse li tla lo rihahalela go na cupo. ¹⁴ Ki gona rulaganyañ mo peruñ tsa lona, esiñ go gakologeloa pele kaha lo tla arabañ ka gona. ¹⁵ Gone ki tla lo naea molomo le botlale: yo bo sa kakeñ yoa ganerioa, le go khorelerioa ki baba ba lona botle. ¹⁶ Mi lo tla okoa ki bagolu le bakauleñue, le ba losika loa lona, le litsala; mi ba tla bolaea bañue ba lona. ¹⁷ Mi lo tla iloa ki botle ka ntla ea leina ya me. ¹⁸ Mi moriri moñue oa tlogo tsa lona, ka o kitla o nyelela. ¹⁹ Bulukañ meoea ea lona ka bopelutelele yoa lona. ²⁰ Etlare lo bona Yerusalema a hocoe ki lintua, itseñ ha tsenyo ea ona e le gauhe. ²¹ Eriha gona ba ba mo Yudeñ a ba tsabele kua lithabeñ; mi bona ba ba ha gare ga ona, a ba coe; mi ba ba kua linageñ, a ba si tsene go ona. ²² Gone metla e, ki ea pushulosho, gore cotle tse ri kuariloeñ li rihahale. ²³ Mi go latlega bona basari ba ba ithueleñ, le ba ba amusañ, mo metleñ euo! gone tlalelo e kholu e tla na mo hatsiñ, le bogale mo bathuñ ba. ²⁴ Mi ba tla oa ka bogale yoa caka, mi ba tla isioa bagolegoi mo meraheñ eotle; mi Yerusalema o tla katakoa ki bahaitene, go tlo gu tsamaee metla ea bahaitene e rihale. ²⁵ ¶ Mi licupo li tla na mo tsatsiñ, le mo khueriñ, le mo linaleriñ; mi tlalelo ea merahe e ne mo lehatsiñ, le pelaelo ea poiho; leoatle le lintelo li guasa ka khuasho e kholu. ²⁶ Mi pelu tsa bathu li tla iribarioa ki poiho, le tebelelo ea lilo tse ri tlañ mo hatsiñ; gone lithata tsa magorimo li tla urubarioa. ²⁷ Mi eriha gona ba tla bonañ Moroa mothu a tla mo leruñ, ka thata le khalalelo e kholu. ²⁸ Mi etlare lilo tse li simolola go rihala, lelalañ kua gorimo, mi culetsañ tlogo tsa lona, gone thekololo ea lona ea atamela. ²⁹ Mi a bua le bona ka secuanco: Bonañ tlare sa mofeige, li litlare cotle: ³⁰ Eare ha lo bona li tloga, loa itse ka losi ha selemo se atametse. ³¹ Gontse yalo le lona, ere lo bona lilo tse li rihahetse, itseñ ha pusho ea Morimo e atametse. ³² Amarure kia lo raea, Sika lo ga lo kitla lo heta, go tlo go tsamaee cotle li rihahale pele. ³³ Legorimo le lehatse le tla heta; mi mahuku a me ga a kitla a heta. ³⁴ ¶ Mi lo itise gore pelu tsa lona li si imaharioe ki khokhomalo le tago, le papalelo tsa botselo yonu; gore motla ouo o si lo hitlele lo sa itebetse. ³⁵ Gone o tla tla yaka seru go bona botle ba ba beiloeñ mo hatsiñ yeotle. ³⁶ Ki gona lo riseñ ka gale, mi lo rapele gore lo kaioe lo cuaneloa go tsaba lilo tse cotle, tse ri tla rihahalañ, le go ema ha pele ga Moroa mothu. ³⁷ Mi a na a ruta mo tempeleñ ka tsatsi le sa eme; mi a coa a ea kua thabeñ e e birioañ Olefa ka bosigo. ³⁸ Mi bathu botle ba tla go ena ka gale, go sale mo moshoñ go mo utlua mo tempeleñ.

KHAOLO 22. ¹ MI yana moriho oa señkhue se se sa berisioañ o o birioañ Tlolaganyo, o atametse. ² Mi baperiseti ba bagolu le bakuari ba batla kaha ba ka molaeañ ka gona; gone ba boiha bathu. ³ ¶ Mi Satane a tsena mo go Yude eo o birioañ Isekariota, eo o le le moñue oa palo ea batuelev. ⁴ Mi ka a ea, a bua le baperiseti ba bagolu, le likala, kaha o tla mo okelañ go bona ka gona. ⁵ Mi ba itumela, mi ba golagana go mo naea lireko. ⁶ Mi a rumalana nabo, mi a batla motla o, o tla mo okelañ go bona ka ona, kua bontsi yoa bathu bo sioñ gona. ⁷ ¶ Mi ga tla tsatsi ya señkhue se se sa berisioañ, ye Tlolaganyo e cuanetseñ go tlayoa ka yeona. ⁸ Mi a roma Petero le Yohane, a re, Eañ, lo re etleletse Tlolaganyo, gore re e ye. ⁹ Mi ba mo raea, U rata ra e etleletsa kae? ¹⁰ Mi a ba raea, Bonañ, etlare lo tsena mo motseñ, lo tla khatlana le monona a roele nkho ea metse; mo saleñ morago le mo tluñ e o eañ go tsena go eona. ¹¹ Mi lo tla raea muñ oa ntlu, Moruti oa gu botsa, Ntlu ea boyelo e kae, e ki tla yelañ Tlolaganyo gona le barutoa ba me. ¹² Mi o tla lo shupetsa ntlu e kholu e e kua gorimo, e e bakancoeñ; bakanyañ gona. ¹³ Mi ka ba ea ba bona yaka a ba buleletse; mi ba bakanya Tlolaganyo. ¹⁴ Mi ka oura o sina tla, a lula le baaposotoloi ba tuelev ba na nae. ¹⁵ Mi a ba raea, Ki tlologelecoe ka tlologelelo go ya Tlolaganyo e le lona, ki e si ki shue. ¹⁶ Gona kia lo raea, Ga ’nkitla ki tlola ki ya ga eona, go tlo go tsamaee e rihahale mo bogosiñ yoa Morimo. ¹⁷ Mi ka a cula senoelo a itumelela, mi a re, Culañ se lo se abalane; ¹⁸ Gone kia lo raea, Ga ’nkitla ki noa louñuo loa movine, go tlo go tsamaee, pusho ea Morimo e tle pele. ¹⁹ ¶ Mi ka a tsaea señkhue a itumelela, mi a se roba, a se ba naea, a re, Se ki mele oa me o lo neiloeñ; rihañ se lo ’nkhopole ka shona. ²⁰ Gontse yalo le gona, a tsaea senoelo morago ga selalelo, a re, Senoelo se ki kholagano e nca mo mariñ a me, a a lo culogetseñ. ²¹ ¶ Mi, bonañ, seatla sa eo o ’nkokañ se na le ’na mo lomatiñ loa boyelo. ²² Mi Moroa mothu o ea rure yaka go laocoe; mi go latlega monona eo, o okoañ ki ena! ²³ Mi ba simolola go botsanya, emañ oa bona eo e ka nañ ena eo o ka rihañ seo se. ²⁴ Mi le gona ga na khañ mo go bona, ea go re, eo o ka kaioañ mogolu mo go bona, ki ohe. ²⁵ Mi a ba raea, Likhosi tsa merahe lia laola mo go eona; mi ba ba busañ thata, ba birioa Bariheri‐molemo. ²⁶ Mi lona lo si ne yalo; mi ena eo mogolu bogolu mo go lona, a a ne yaka eo motlana; mi ena eo o laolañ, a ne yaka eo o rihelañ. ²⁷ Gone eo mogolu emañ? Eo o lulañ ha liyoñ, khotsa a ki eo o rihelañ? A ga si ena eo o rutseñ ha liyoñ? mi ’na ki mo go lona yaka eo o rihelañ. ²⁸ Mi lona lo ba ba le bantse ba na le ’na mo lipogishoñ tsa me; ²⁹ Mi kia lo laolela bogosi, yaka Rre a bo ’ntaoletse; ³⁰ Gore lo ye lo noe mo lomatiñ loa boyelo loa me mo bogosiñ yoa me; le go lula mo liruloñ tsa bogosi, lo atlola litsika li tuelev tsa Yeserela. ³¹ ¶ Mi Morena a re, Simona, Simona, bona, Satane o lo tlologelecoe go lo hehera yaka mabele; ³² Mi ki gu rapeletse, gore tumelo ea gago e si nyelele; mi uena, u tlare u sina shukuloga, u thatahatse bakauleñue ba gago. ³³ Mi a mo raea, Morena, ki iketleritse go ea nau mo tluñ ea kholegelo, le mo loshuñ. ³⁴ Mi a re, Kia gu raea, Petero, Koku e tona ga e kitla e lela gompienu, u tlo u tsamaea u ’ntatole ga teri, u re, ga u ’nkitse. ³⁵ Mi a ba raea, Ki rile ki lo roma lo sina khetse ea sereko, le khuatla, le litlaku, a lo loa tloka señue? Mi ba re, Esiñ sepe. ³⁶ Mi a ba raea, Mi yana, a eo o nañ le khetse ea sereko, a e tsee, gontse yalo eo o nañ le khuatla, mi ena eo o sinañ caka, a a bapatse seaparo sa gague, a reke ñue. ³⁷ Gone kia lo raea, Seo se se se kuariloeñ se cuanetse go rihahala mo go ’na, Mi o la a balecoe le batlori; gone lilo tse li kuariloeñ ga me li na le bokhutlo. ³⁸ Mi ba re, Morena, bona caka li tu ki tse. Mi a ba raea, Go lekanye. ³⁹ ¶ Mi ka a coa a ea kua thabeñ ea Olefa, yaka a tloaetse; mi barutoa ba gague le bona ba mo sala morago. ⁴⁰ Mi ka a sina hitla gona, a ba raea, Rapelañ gore lo si tsene mo thaeloñ. ⁴¹ Mi a ikhaoganya nabo, e kane e le kua leincue le ka konopeloañ gona, mi a khubama, a rapela. ⁴² A re, Rra, ha u rata, ’ntlosa senoelo se; mi esiñ thato ea me, mi a ea gago e rihale. ⁴³ Mi ga iponatsa moengele go ena, a coa kua legorimoñ, a mo thatahatsa. ⁴⁴ Mi ka a le mo tlaleloñ e kholu, a rapela thata bogolu; mi mohuhuco oa gague oa na yaka mashuele a mari a a rothelañ ha hatse. ⁴⁵ Mi ka a sina ema mo thapeloñ, a tla go barutoa ba gague, a ba hitlela ba robaricoe ki bohutsana; ⁴⁶ Mi a ba raea, Lo robaletseñ? Cogañ, lo rapele, gore lo si tsene mo thaeloñ. ⁴⁷ ¶ Mi ka a sa bua, bonañ, bontsi, le ena eo o birioañ Yude, moñue oa ba tuelev, a le ha pele ga yona; mi a atamela Yesu go mo atla. ⁴⁸ Mi Yesu a mo raea, Yuda, a u oka Moroa mothu ka katlo? ⁴⁹ Mi bona ba ba nañ nae, ka ba bona se se tla rihahalañ, ba mo raea, Morena a re tla rema ka caka? ⁵⁰ ¶ Mi moñue oa bona a rema motlañka oa moperiseti eo mogolu, mi a mo khaola tsebe e e siameñ. ⁵¹ Mi Yesu a araba, a re, Lesañ yalo. Mi a ama tsebe ea gague, a mo horisa. ⁵² Mi Yesu a raea baperiseti ba bagolu, le bagolu ba tempela, le bagolu ba ba le ba tlile go ena, A lo rule ka licaka le melamu yaka go senokuane? ⁵³ Ki rile ki na le lona ka malatsi aotle mo tempeleñ, ga lo e si lo ’ntsetse atla tsa lona; mi oura o ki oa lona, le thata ea lehihi. ⁵⁴ ¶ Mi ka ba mo cuara, ba mo goga, ba mo isa kua tluñ ea moperiseti eo mogolu. Mi Petero a latela a le khakala. ⁵⁵ Mi ka ba sina gotsa molelo ha gare ga loloapa, mi ka ba lula mogo, Petero a lula ha gare ga bona. ⁵⁶ Mi mohula moñue a mona ka a rutse ha moleloñ, mi a mo leba thata, a re, Monona eo, le ena o la a na nae. ⁵⁷ Mi a mo latola, a re, Mosari, ga ki mo itse. ⁵⁸ Mi ka lobakanyana lo sina heta, eo moñue a mona, a re, Le uena u oa bona. Mi Petero, e re, Monona, ga si ’na. ⁵⁹ Mi ka e kane e le oura o sina heta, eo moñue a tlomamisa thata, a re, Ka amarure, eo le ena o la a na nae; ka e le Mogalilea. ⁶⁰ Mi Petero a re, Monona, ga ki itse se u se buañ. Mi yana ka a santse a bua koku e tona ea lela ka bonako. ⁶¹ Mi ka Morena a retologa, a leba Petero. Mi Petero a gakologeloa lehuku ya Morena, kaha o la a mulelela ka gona, U tla ’ntatola ga teri, koku e tona e si e lele. ⁶² Mi Petero a coela kua ntle, a lela ka botluku. ⁶³ ¶ Mi banona ba ba tsegeritseñ Yesu, ba mo shotla, mi ba mo tlanya. ⁶⁴ Mi ka ba sina mo hapa maitlo, ba mo tlanya mo sehatlogoñ, ba motsa ba re, Shoaba shoaba eo o gu tlantseñ? ⁶⁵ Mi ba bua lilo lintsi kaga gague ka khalo. ⁶⁶ ¶ Mi ka bo sina sa, ga phuthega bagolu ba bathu le baperiseti ba bagolu, le bakuari, mi ba mo gogela kua tsekoñ ea bona, ba re, ⁶⁷ Ha e le uena Keresete, re bulelele. Mi a ba raea, Etlare ha ki lo bulelela, ga lo kitla lo rumela; ⁶⁸ Mi le gona ha ’nka lo botsa, ga lo kitla le ’nkaraba, le go ’ntesa ki ea. ⁶⁹ Mi ga yana Moroa mothu, o tla lula mo atleñ se se siameñ sa thata ea Morimo. ⁷⁰ Mi botle ba re, Mi a u Moroa Morimo? Mi a ba raea, Loa re, Ki ’na. ⁷¹ Mi ba re, Re sa rihañ le cupo? gone rona ka rosi re utluile ka molomo oa gague.

KHAOLO 23. ¹ MI bontsi yotle yoa ema, mi yoa mo gogela go Pilato. ² Mi yoa simolola go mo pateletsa, yoa re, Re bonye eo, a shokamisa morahe, o itsa gore Kaisare a si neoe lekhetho; a re, le ena ki Keresete khosi ka esi. ³ Mi Pilato a motsa, a re, A ki uena khosi ea Bayudi? Mi a mo araba, a re, U buile. ⁴ Mi Pilato a bua le baperiseti ba bagolu le go bontsintsi yoa bona, Ga ki bone molatu ope mo mononeñ eo. ⁵ Mi ba gakala bogolu, ba re, Oa hurua bathu, o simolotse ka Galilea, a ruta mo Yudeñ yeotle go tla kuanu. ⁶ Mi ka Pilato a sina utlua ga Galilea, a botsa ha monona eo e le Mogalilea. ⁷ Mi ka a sina tlaloganya ha e le oa bogosi yoa ga Herode, a mo romela go Herode, eo le ena o la a le mo Yerusalema ka motla ouo. ⁸ ¶ Mi ka Herode a bona Yesu, a itumela segolu; gone a la sibolo eletsa go mona, gone a la a utlua lilo lintsi ga gague; mi a shuluhetse go bona se se gakhamatsañ se se tla rihoañ ki ena. ⁹ Mi a motsa ka mahuku a mantsi; mi a si ka a mo araba sepe. ¹⁰ Mi baperiseti ba bagolu, le bakuari ba ema, ba mo pateletsa ka khakalo. ¹¹ Mi Herode le batlabani ba gague ba mo nyatsa, ba mo shotla; mi ba mo apesa ka seaparo se se phatsimañ: mi ba ba ba mo romela go Pilato. ¹² Mi Pilato le Herode ba tsalañoa ka tsatsi yeuo; gone erile gale bo ba tloanye. ¹³ ¶ Mi ka Pilato a sina biletsa mogo baperiseti ba bagolu, le balaori, le bathu, a ba raea, ¹⁴ Lo lerile monona eo go ’na, yaka moñue eo o shokamisañ bathu; mi bonañ, ki mo botsisitse ha pele ga lona, mi ga kia ka ka bona molatu ope mo mononeñ eo, oa lilo tse lo mo pateletsañ ka cona; ¹⁵ Le esiñ Herode; gone ki lo rometse go ena; mi bonañ, ga go na sepe se o se rihileñ se se cuanetseñ loshu. ¹⁶ Ki gona ki tla metsañ, ki mo golola. ¹⁷ (Mi a cuanetse go ba gololela moñue mo morihoñ.) ¹⁸ Mi bontsi yotle yoa biletsa goñue, yoa re, Tlosa monona eo, mi re gololele Barabe; ¹⁹ (Eo o tsencoeñ mo tluñ ea kholegelo, gone a rihile tlotleleco mo motseñ, le polao.) ²⁰ Ki gona Pilato a ba a bo bitsa, ka a eletsa go golola Yesu. ²¹ Mi yoa bitsa bogolu yoa re, Mapole, mapole. ²² Mi a bo raea ka loa bo‐teri, Kañ, eo o leohileñ? Ga ki bone molatu ope oa loshu go ena; ki gona ki tla metsañ ki mo golola. ²³ Mi yoa coelela ka koru tse ri kholu, yoa mo tloahalela gore a bapoloe. Mi koru tsa yona le tsa baperiseti ba bagolu tsa henya. ²⁴ Mi Pilato a atlola, gore go rihale yaka kileco ea yona. ²⁵ Mi a bo gololela ena eo o la a tsenyericoe tlotleleco le polao mo tluñ ea kholegelo, eo ba mo eletsañ; mi a nela Yesu mo thatoñ ea yona. ²⁶ Mi ka ba sa mo goga, ba cuara moñue, Simone, oa Kurene, a coa kua nageñ, mi ba mo kabisa mokhoro, gore a o kabe morago ga Yesu. ²⁷ Mi bogolu yoa bathu, le basari, ba mo sala morago, ba le bona ba ititaeañ lihuba tsa bona, ba mo lelela. ²⁸ Mi ka Yesu a retologela go bona, a re, Bomoroaria Yerusalema ki lona, lo si ’ntelele, mi iteleleñ, mi lo lelele bana ba lona; ²⁹ Gone, bonañ, metla ea tla, e ba tla reñ mo go eona, Go tsegoharicoe meopa, le libopelo tse ri sa tsaleñ, le mabele a e si a ke a amuse. ³⁰ Eriha gona ba tla simololañ go raea lithaba, Re oele gorimo, le lithabana, Re ribegetse. ³¹ Gone ha ba riha lilo tse mo tlareñ se se metse, go tla rihoa yañ mo go se se omileñ? ³² Mi hoñ gabo gole bañue ba tu, barihalibe ba ba gogeloañ nae go bolaoa. ³³ Mi ka ba sina tla go heloñ ha go birioañ Logata, hoñ ba mapola le barihalibe, moñue mo atleñ se se siameñ, mi eo moñue mo go sa molema. ³⁴ ¶ Mi Yesu a re, Rra, ba icuarele; gone ga ba itse se ba se rihañ. Mi ba abalana liaparo tsa gague, ka go tsela likelero. ³⁵ Mi bathu ba ema, ba leba. Mi balaori le bona, ba mo shotla nabo, ba re, O la a buluka ba sele; a yana a ipuluke, ha e le ena Keresete, moitsenkeroi oa Morimo. ³⁶ Mi batlabani le bona ka ba tla, ba mo shotla, mi ba mo leretsa boyaloa yo bo berileñ, ³⁷ Mi ba re, A ere ha u le khosi ea Bayuda, ipuluke. ³⁸ Mi le gona gabo gole sekualo se se kuariloeñ gorimo sa gague, ka liletera tsa Segerika le tsa Seroma, le tsa Sehebera, EO KI KHOSI EA BAYUDA. ³⁹ ¶ Mi moñue oa barihalibe ba ba pegiloeñ, a mo khala, a re, Ha e le uena Keretse, ipuluke, le rona. ⁴⁰ Mi eo moñue, a mo araba, a muela, a re, A le uena ga u boihe Morimo, le mororo u le mo tsekishoñ e ka eosi? ⁴¹ Mi rona, rure e re cuanetse; gone rea bona peco tse ri cuanetseñ tse re li rihileñ; mi monona eo, ga a riha sepe se se shokameñ. ⁴² Mi a raea Yesu, Morena, u ’nkhopole u sina hitla mo bogosiñ yoa gago. ⁴³ Mi Yesu a mo raea, Amarure kia gu raea, U tla na le ’na kua Paradaiso gompienu. ⁴⁴ Mi e kane e le le oura oa bo‐sekes, mi ga na lehihi mo hatsiñ yeotle, go ea go oureñ oa bo‐naen. ⁴⁵ Mi letsatsi ya hihihala, mi sebipo sa tempela sa hatoga ka bogare. ⁴⁶ ¶ Mi ka Yesu a bitsa ka koru e kholu, a re, Rra, kia gu nela moea oa me mo atleñ tsa gago; mi ka a sina bua yalo, a nela moea. ⁴⁷ Mi yana mosenturi ka a bona se se rihahetseñ a galaletsa Morimo, a re, Amarure monona eo, e le le mosiami. ⁴⁸ Mi bontsintsi yotle yo bo le bo phuthegetse pono e, ka bo bona lilo tse ri rihahetseñ, yoa boea bo ititaea lihuba tsa yona. ⁴⁹ Mi botle ba ba itsegeñ ba gague, le bona basari ba ba mo setseñ morago go coa Galilea, ba emetse khakala, ba bona lilo tse. ⁵⁰ ¶ Mi bonañ, monona eo o birioañ Yosefe, e le mogakolori; mi a bo a le molemo, le monona oa tsiamo. ⁵¹ (Eo o si kañ a rumela khakololo ea bona, le litiho tsa bona;) oa Arimatea, motse oa Bayuda; eo le ena o lebeletse pusho ea Morimo:Monona eo, a ea go Pilato, a kopa mele oa ga Yesu. ⁵³ Mi ka a sina go o pagolola, a o bohela ka lene, mi a o latsa mo lecueñ ye le betliloeñ mo hikeñ, ye go e siñ go larioa ope go yeona. ⁵⁴ Mi ea bo e le tsatsi ya iketleleco, mi sabata o simolola. ⁵⁵ Mi basari le bona ba ba le ba rule nae Galilea, ba latela, mi ba leba phupu, le kaha mele o laricoeñ ka gona. ⁵⁶ Mi ba boea, ba bakanya tse ri nkhañ monate, le litloco; mi ba ikhutsa ka tsatsi ya sabata yaka taolo.

KHAOLO 24. ¹ MO tsatsiñ ya ntla ya ueke ka e sale gale mo moshoñ, ba ea kua phupuñ, ba isa lilo tse ri nkhañ monate, tse ba li bakantseñ, le bañue ba bo ba na nabo. ² Mi ba bona leincue le hirikolocoe mo phupuñ. ³ Mi ka ba tsena, ba si ka ba bona mele oa ga Yesu Morena. ⁴ Mi ga rihala, ka ba sa belaela segolu ka mouo, bonañ, banona ba tu ba ema nabo mo liaparoñ tse ri phatsimañ. ⁵ Mi ka ba boiha, ba inamisa tlogo tsa bona ha hatse, ba ba raea, Lo batlelañ motseri mo bashuiñ? ⁶ Ga a eo ha; o cogile; gakologeloañ kaha o la a bua le lona ka gona, ka a sale mo Galilea, ⁷ A re, Moroa mothu o cuanetse go neloa mo atleñ tsa bathu ba boleo, le go bapoloa, le go ba go coga ka tsatsi ya bo‐teri. ⁸ Mi ba gakologeloa mahuku a gague. ⁹ Mi ba ba ba boea mo phupuñ, ba bulelela ba eleven, le bañue botle, lilo tse cotle. ¹⁰ Mi e le le Marie Magadalina, le Yoane, le Marie, ’ma Yakobo, le ba bañue ba ba nañ nabo, ba ba buleletseñ baaposotoloi lilo tse. ¹¹ Mi mahuku a bona ea na ekete litlamane go bona, mi ba si ka ba ba rumela. ¹² Mi Petero a tloga a ema, a tabogela kua phupuñ; mi a inama, a bona matsela a le helo gole goñue aosi, mi a ea a gakhamaricoe ki lilo tse ri rihahetsen. ¹³ ¶ Mi, bonañ, ba tu ba bona ba ea ka tsatsi yeuo kua motsaneñ, o o birioañ Emao, o o coañ Yerusalem setadia li sekeste. ¹⁴ Mi ba bua mogo ga lilo tse cotle tse ri rihahetseñ. ¹⁵ Mi ga rihala ka ba santse ba bua mogo, ba botsanya, Yesu a hitla ka esi, a ea nabo. ¹⁶ Mi maitlo a bona a tsegerioa, gore ba si mo itse. ¹⁷ Mi a ba raea, Mahuku a ki ahe, a lo a bulelelanañ mo tsepeloñ? mi lo utluetseñ botluku? ¹⁸ Mi moñue oa bona, eo leina ya gague e le le Keleope, a araba a mo raea, A u moeñ uesi mo Yerusalema, mi a ga u itse lilo tse, tse li rihahetseñ mo metleñ enu? ¹⁹ Mi a ba raea, Lilo lihe? Mi ba mo raea, Lilo tsa ga Yesu oa Nasareta, eo e le le moperofeti eo e thata mo litihoñ, le mo mahukuñ, ha pele ga Morimo le bathu botle; ²⁰ Kaha baperiseti ba bagolu, le balaori ba rona ba mo netseñ go sekiserioa loshuñ mi ba mapotse. ²¹ Mi re le re shuluhetse ha e le ena eo o tla rekololañ Yeserela; mi bogolu go cotle tse, gompienu e le tsatsi ya bo‐teri ya cona tse li rihetseñ. ²² E, le basari bañue ba shomo ya rona, le bona ba re gakhamaritse, ba ba le ba ile gale kua phupuñ. ²³ Mi ka ba si ka ba bona mele oa gague, ba tla, ba re, Ba bonye sepontsisho sa baengele ba ba rileñ, O tserile. ²⁴ Mi bañue ba bona ba ba le ba na le rona ba ea kua phupuñ, mi ba bona gontse yaka basari ba ba buleletse; mi ena, ba si ka ba mona. ²⁵ Mi a ba raea, Ba lo sa tlaloganyeñ ki lona, lo pelu e bonya go rumela cotle tse baperofeti ba ri buileñ! ²⁶ A Keresete, o la a sa cuanela go boga lilo tse, le go tsena mo khalaleloñ ea gague? ²⁷ Mi a simolola ka Moshe, le baperofeti botle, a ba phuthololela mo likualoñ cotle, lilo tse ri kuariloeñ ga gague. ²⁸ Mi ba atamela motsana, o ba eañ go ona; mi a riha yaka o hetela pele. ²⁹ Mi ba mo khola, ba re, Tlola le rona; gone mabanyane a le gauhe, mi letsatsi le ñotlegile; mi a tsena go tlola nabo. ³⁰ Mi ga rihala ka a rutse ha liyoñ nabo, a tsaea señkhue a se tsegohatsa, mi ka a sina se roba a se ba naea. ³¹ Mi maitlo a bona a buloa, mi ba mo itse; mi a nyelela a coa mo ponoñ ea bona. ³² Mi ba rana, A pelu tsa rona, a ga lia ka tsa tuka mo teñ ga rona, ka a bua le rona mo tseleñ, ka a re phuthololela likualo? ³³ Mi ba tloga ba ema ka oura ouo, mi ba boela kua Yerusalema, mi ba hitlela ba eleven, le ba ba nañ nabo, ba phuthegile mogo, ³⁴ Ba re, Amarure, Morena o cogile, mi o bonyoe ki Simone. ³⁵ Mi ba bulela lilo tse ri rihahetseñ mo tseleñ, le kaha o ikitsisitseñ go bona ka gona, mo thoboñ ea señkhue. ³⁶ ¶ Mi ka ba sa bua ga lilo tse, Yesu ka esi a ema ha gare ga bona, a ba raea, Kagisho e ne le lona. ³⁷ Mi ba rerega, mi ba boiha segolu, ba itlomane ba bona moea. ³⁸ Mi a ba raea, Lo boihelañ? mi likhakologelo tse, li cogelañ mo peluñ tsa lona? ³⁹ Bonañ atla tsa me, le nao tsa me, ha e le ’na ka ’nosi; ’nkapapañ, lo bone; gone moea ga o na nama le marapo, yaka lo ’mpona ki na le aona. ⁴⁰ Mi ka a sina bua yalo, a ba bontsa liatla le linao. ⁴¹ Mi ka ba sa belaela ka boitumelo le khakhamalo, a ba raea, A lo na le se se yeoañ monu? ⁴² Mi ba mo naea kabetlanyana ea tlapi e e besicoeñ, le ga lomepa loa linotse. ⁴³ Mi a li cula, mi a li yela ha pele ga bona. ⁴⁴ Mi a ba raea, Mahuku a, ki aona a, ki leñ ka a bua le lona, ka ki sa na le lona, ha cotle li cuanetse go rihahala tse ri kuariloeñ ga me, mo molaoñ oa ga Moshe, le mo baperofetiñ, le mo lipesalemeñ. ⁴⁵ Eriha gona o bulañ tlaloganyo tsa bona, gore ba tlaloganye likualo. ⁴⁶ Mi a ba raea, Go kuariloe yalo, mi Keresete o cuanetse go boga yalo, le go coga mo bashuiñ ka tsatsi ya bo‐teri; ⁴⁷ Gore tlabologo, le go icuarela libe go reroe mo ineñ ya gague, mo cabeñ cotle, go simolola ka Yerusalema. ⁴⁸ Mi lona lo bashupi ba lilo tse. ⁴⁹ ¶ Mi bonañ, kia lo romela se Rre o rileñ o tla se naea; mi lona, salañ mo motseñ oa Yerusalema, go tlo go tsamaee lo apesioe ka thata e coa bogorimoñ pele. ⁵⁰ ¶ Mi a ba gogela ntle kua Betania, mi a culetsa atla tsa gague, a ba tsegohatsa. ⁵¹ Mi ga rihala ka a sa ba tsegohatsa, a ikhaoganya nabo, a culeloa mo legorimoñ. ⁵² Mi ba mo obamela, mi ba boela kua Yerusalema ka boitumelo yo bogolu; ⁵³ Mi ba na ka gale mo tempeleñ, ba baka Morimo, ba o tsegohatsa. Amena.