Likhutsahalelo

KHAOLO 1. ¹ ANA motse o rutse o le boyosi yañ, o o lo o tletse bathu! o o lo le mogolu mo meraheñ, o rihegile motlolagari! o o lo le khosana ea sesari mo likhaoloñ tsa bogosi, oa khethisioa! ² O lela segolu bosigo, mi keleri tsa ona li mo marameñ a ona: ga o na mogomotsi mo baratiñ ba ona botle: litsala tsa ona cotle li o rihetse ka bonoñoane, li o rihegetse baba. ³ Bayuda ba isicoe bacuaroi ka pogisho, le ka tihelo e kholu: o nntse mo bahaiteneñ, ga o bone boikhuco: bakhonateri botle ba ona ba o hitlela gare ga lipitlagano. ⁴ Litsela tsa Tsiona li hutsahala gone go sina ope eo o eañ go moletloñ: khoro tsa ona li sencoe cotle: baperiseti ba ona ba hegeloa, makharebe a ona a hutsaharioa, le ona o mo boga-lakeñ. ⁵ Baganetsi ba ona ba rihegile tlogo, baba ba ona ba tsegohala; gone Yehova o o hutsahaletse bontsi yoa litlolo tsa ona: bana ba ona ba ile kua bocuaroñ ha pele ga moganetsi. ⁶ Mi boiñtle yotle yoa moroaria Tsiona bo tlogile go ena: khosana tsa gague li cuana le likukama tse ri sa boneñ bohulo, mi li ile li nonohologile ha pele ga mokhonateri. ⁷ Yerusalema o gakologeloa, a le mo pogishoñ, le mo litelekegoñ tsa ona, lilo tse ri eletsegañ cotle tse o lo o na naco le ka metla ea bogolugolu, erile bathu ba ona ba oela mo atleñ sa moganetsi, mi o lo o sina mothusi: baganetsi ba ona ba o bona, ba tsega tsenyego tsa ona. ⁸ Yerusalema o leohile thata; ki gona o hapogileñ yaka mosari: botle ba ba o tlotlisitseñ ba o nyatsa, gone ba bonye bosaikatega yoa ona: le gona oa hegeloa, o boetse morago. ⁹ Itsekologo ea ona e mo lipeleriñ tsa ona; ga oa ka oa gopola bokhutlo yoa ona; ki gona o hologetseñ ka khakhamalo: ga o na mogomotsi. Yehova, bona pogisho ea me: gone maba o ikhorisitse. ¹⁰ Moganetsi o otlololetse lilo tse ri eletsegañ tsa ona cotle atla sa gague: rure o bonye bahaitene ba tsenye mo heloñ ga boitsepho ga ona, ba u lu ua ba laola gore ba si tsene mo phuthegoñ ea gago. ¹¹ Bathu ba ona ba hegeloa botle, ba batla liyo; ba neletse liyo lilo tsa bona tse ri eletsegañ go rurisa botselo: Yehova, bona, mi u tlokomele; gone ki rihegile boshula. ¹² ¶ A e si sepe go lona lotle ba lo hetañ ka tsela? lepañ lo bone ha gole botluku yaka botluku yoa me, yo bo ’ntihahaletseñ, yo Yehova o ’mphu-tsaharitseñ ka yona ka tsatsi ya bogale yoa gague yo bo hisañ. ¹³ O tsentse molelo mo marapoñ a me o o coañ gorimoñ, mi o a hentse: o aletse nao tsa me lotloa, o ’mposeritse morago: o ’ntsentse, o ’mpobori-sitse, ka tsatsi yeotle. ¹⁴ Yokoe ea litlolo tsa me e golegiloe ki atla sa gague: li copelecoe mo thamoñ ea me: o ositse nonoho ea me; Yehova o ’ntsentse mo atleñ tsa bona ba ki sa nonoheñ go ba nanogela. ¹⁵ Yehova o gatile linatla tsa me cotle mo go ’na: o ’mpileritse kokoano go thubaganya makau a me: Yehova o gatisitse moroaria Yuda oa lekharebe, yaka mo khatishoñ ea boyaloa. ¹⁶ Ki lelela lilo tseuo; leitlo ya me, leitlo ya me le elela metse, gone mogomotsi eo o rurisañ moea oa me o khakala go ’na: bana ba me ba sencoe, gone maba o nonohile. ¹⁷ Tsiona o otlolola atla tsa ona, ga o na mogomotsi: Yehova o laoletse Bayakoba baganetsi ba bona tikologoñ: Yerusalema o cuana le mosari oa phapogo gare ga bona. ¹⁸ ¶ Yehova o siame; gone ki cuuloletse litaolo tsa gague: a ko lo ’nkutlue, lona bathu botle, mi bonañ botluku yoa me: makharebe a me le makau a me a ile bocuaroñ. ¹⁹ Ka bitsa barati ba me, mi ba ’ntsieritse: baperiseti ba me le bagolu ba me ba gonogile mo motseñ, ka ba ipatlela liyo go rurisa botselo yoa bona. ²⁰ Yehova, bona; gone ki pitlagancoe: liteñ tsa me li khoberegile; pelu ea me e hetogile mo teñ ga me, gone ki cuulotse segolu: caka e tukutha bana kua ntle, mi loshu lo mo tluñ. ²¹ Ba utluile ki hegeloa: ga ki na mogomotsi: baba ba me botle ba utluile ga boshula yoa me, mi ba itlapela ka u bo rihile: u tla tlisa motla o u küileñ ga ona, mogañ ba tla nañ yaka ’na. ²² A boshula yotle yoa bona bo ne ha pele ga gago; mi u ba rihele yaka u ’ntiheletse litlolo tsa me cotle: gone liphegelo tsa me lintsi, mi pelu ea me e iribetse.

KHAOLO 2. ¹ YEHOVA o cutihaletse moroaria Tsiona ka leru ka bogale yoa gague yañ! o rigetse ha hatse boiñtle yoa Bayeserela, bo coa gorimoñ; mi ga a ka a gakologeloa serulo sa nao loa gague mo motleñ oa bogale yoa gague! ² Yehova o sentse manno a Bayakoba aotle, mi ga a ka a rekegela: o rutlile likago tse ri thata tsa moroaria Yuda ka yayarego ea gague; o li rigetse ha hatse: o tsepholotse bogosi le likhosana tsa yona. ³ O khaotse linaka cotle tsa Bayeserela ka bogale yoa gague yo bo hisañ: o boseritse morago atla sa gague se se siameñ ha pele ga maba, mi o hiseritse Bayakoba ka molelo o o tukañ, o o nyeletsañ tikologoñ. ⁴ O laetse bora yoa gague yaka maba: a ema ka atla se se siameñ sa gague yaka moganetsi, a bolaea tse ri eletsegañ cotle tsa maitlo mo tenteñ tsa moroaria Tsiona: o goromeritse bocarara yoa gague yaka molelo. ⁵ Yehova o la a le yaka maba: o sentse Bayeserela, o sentse lipaliso tsa bona cotle: o sentse likago tse ri thata tsa bona, mi o totiseleritse moroaria Yuda khutsahalelo le bohutsana. ⁶ Mi o tlositse logora loa gague yaka loa tsimo: o sentse helo ga kokoanelo ga gague: Yehova o lebaritse moletlo le sabata mo Tsiona, mi o latlile khosi le moperiseti ka bocarara yoa bogale yoa gague. ⁷ Yehova o latlile aletara ea gague, o herisitse helo ga gague ga boitsepho: o tsentse lithako tsa lipaliso tsa gague mo atleñ tsa maba: ba cosa morumo mo tluñ ea ga Yehova, yaka ka tsatsi ya moletlo. ⁸ Yehova o ikaeletse go senya lorako loa moroaria Tsiona: o gagamaritse lori, mi ga a ka a bosa atla sa gague go senya: ki gona o hutsaharitseñ sephemelo le lorako; li topetegile mogo. ⁹ Likhoro tsa gague o li rorometsa mo mbuñ; o sentse o robile mephakalego ea gague: khosi ea gague le likhosana tsa gague li mo bahaiteneñ: molao o sieo; le baperofeti ba gague ga ba bone sebonoa go Yehova. ¹⁰ Bagolu ba moroaria Tsiona ba ritibala ha hatse, ba ririmala: ba kubuela lorole mo tlogoñ tsa bona; ba itlama matsela a likhetse: makharebe a Yerusalema a obela tlogo tsa aona ha hatse. ¹¹ Maitlo a me a nyelericoe ki likeleri, liteñ tsa me li khoberegile, sebete sa me se culogetse ha hatse, ka thubego ea moroaria bathu ba me: gone banyana le ba ba anyañ ba iribala mo mebileñ ea motse. ¹² Ba raea bo‐mabo, Mabele a kae le boyaloa? ka ba iribala yaka eo o kuenisicoeñ mo mebileñ ea motse, ka meoea ea bona e culoleloa mo lihubeñ tsa bo‐mabo. ¹³ Eñ se ki tla gu shupañ ka shona? ki tla gu cuantsa le eñ, moroaria Yerusalema? ki tla gu bapisa le eñ, moroaria Tsiona oa lekharebe, gore ki gu gomotse? gone thubego ea gago e kholu yaka leoatle: e mañ eo o ka gu horisañ? ¹⁴ Baperofeti ba gago ba gu bonela lilo tsa boithamako le boatla, mi ga ba ka ba bonatsa tsiamololo ea gago, go bosa bocuaro yoa gago; mi ba gu bonela mebelego ea boithamako, le litelekisho. ¹⁵ Botle ba ba hetañ ka tsela ba gu opanyetsa liatla; ba otsa, ba tukuthela moroaria Yerusalema tlogo tsa bona, ba re, A motse o ki ona o o lo oa birioa, Boiñtle yo bo itekanetseñ, le Boitumelo yoa lehatse yeotle? ¹⁶ Baba ba gago ba gu tumololetse melomo ea bona: ba otsa, ba huranya meno, ba re, Re o sentse: rure motla onu ki ona o re o lebeletseñ; re hitletse, ra bona. ¹⁷ Yehova o rihile se o se ikaeletseñ; o riharitse lehuku ye o la a le laola mo metleñ ea bogolugolu: o rutlile, mi ga a ka a rekegela: mi o gu itumeriseritse maba, o gorisitse lonaka loa baganetsi ba gago: ¹⁸ Pelu tsa bona tsa biletsa go Yehova: Lorako loa moroaria Tsiona, a likeleri li elele yaka molacoana ka tsatsi le bogiso: u si itapolose; a nyetse ea leitlo ya gago e si khutle. ¹⁹ Nanoga, bitsa ka bosigo, ka tsimologo ea litebelo: thela pelu ea gago ha pele ga Yehova yaka metse: u mo otlololele botselo yoa bana ba gago liatla tsa gago, ba ba iribalañ ka loshekeri mo libaeñ tsa mebila cotle. ²⁰ ¶ Yehova, bona, mi u tlokomele ba u ba rihetseñ yalo. A basari ba tla ya louñuo loa bona, eboñ banyana ba ba sa huparecoeñ? a moperiseti le moperofeti ba tla bolaeloa mo heloñ ga boitsepho ga Yehova? ²¹ Basimane le bagolu ba lala ha hatse mo mebileñ: makharebe a me le makau a me a oa ka caka; u a bolaile ka tsatsi ya bogale yoa gago; u gaitse, mi ga ua ka ua rekegela. ²² U biritse lipoiho tsa me tikologoñ yaka ka tsatsi ya moletlo, mi ga bo go si ope eo o la a phela, khotsa go sala ka tsatsi ya bogale yoa ga Yehova; maba o nyeleritse bona ba ki ba kokotleritseñ, ka ba gorisa.

KHAOLO 3. ¹ KI ’na monona eo o bonyeñ pogisho ka tsamma ea yayarego ea gague. ² O ’nkhogile, a ’nkisa mo hihiñ, mi esiñ mo leseriñ. ³ Rure o iposetse go ’na; o meno-tse atla sa gague go ’na ka tsatsi yeotle. ⁴ O tlorile nama ea me le letlalo ya me; o robaganetse marapo a me. ⁵ O ’nkagetse, a ’ntitaea mo tlogoñ, mi gole tapisego. ⁶ O ’nturisitse mo maheloñ a lehihi, yaka bona ba ba shuleñ bogolugolu. ⁷ O ’mpeile, mi ga ’nkake ka coa: o keteharitse keten ea me. ⁸ Le gona ha ki goa ki khayayega, o cualela morapelo oa me kua ntle. ⁹ O agile tsela tsa me ka maye a a betliloeñ, o shokile tselana tsa me. ¹⁰ O la a le go ’na yaka bere e e lalelañ, le tau mo licuboñ. ¹¹ O menogetse tsela tsa me, o ’nkhagogantse: a ’ntsenyetsa rure. ¹² O laetse bora yoa gague, mi o ’mpeetse mocui yaka sebeo. ¹³ O tsentse mecui ea tlobolo ea gague mo liphioñ tsa me. ¹⁴ Ki le ki le setsego sa bathu ba me botle; le sehela sa bona ka tsatsi yeotle. ¹⁵ O ’ntlaritse ka tsa bogalaka, o ’nthagisitse ka loñana. ¹⁶ O sentse meno a me ka losagarana, o ’mpirikamisitse mo moloreñ. ¹⁷ U latleletse moea oa me khakala le kagisho: ki lebetse molemo. ¹⁸ Mi ka re, Boikaño yoa me bo herile, le culuhelo ea me go Yehova. ¹⁹ Gakologeloa pogisho ea me, le telekego ea me, loñana le bogalaka. ²⁰ U gakologeloe thata, gone moea oa me o ikoba mo go ’na. ²¹ Seo se ki se tsegetsa ka pelu, ki gona ki shuluhelañ. ²² ¶ E le ka pelunomi ea ga Yehova ka re sa nyelerioe, gone mautluelo botluku a gague ga a khutle. ²³ A masha ka mesho mesho: boikaño yoa gago bo bogolu. ²⁴ Yehova e le kabelo ea me, go bua moea oa me: ki gona ki shuluhelañ go ena. ²⁵ Yehova o molemo go bona ba ba mo lebelelañ, le go moea o o matlañ. ²⁶ Go molemo go shuluhela, le go ririmalela puluko ea ga Yehova. ²⁷ Go molemo mo mononeñ go kaba yokoe ka bokau yoa gague. ²⁸ A lula a le esi, a ririmala, gone o e beile go ena. ²⁹ O tsenya molomo oa gague mo mbuñ; e ka re khotsa go tebelelo. ³⁰ O nela eo o mo tlanyañ lesama: o tlarioa ka khobo. ³¹ Gone Yehova ga a kitla a latla ka bosakhutleñ: ³² Gone leha a hutsahatsa, o tla utluela botluku kaha bogoluñ yoa mapelunomi a gague. ³³ Gone ga o bogise, le esiñ go hutsahatsa bana ba bathu ka peleego; ³⁴ Go phatlakanya bagolegoi ba lehatse botle tlatse ga linao; ³⁵ Go haposa tsiamisho ea monona ha pele ga Mogorimorimo; ³⁶ Go shokamisa mothu mo seoñ se se ganeloañ sa gague: tseuo Yehova ga a li ñoke. ³⁷ ¶ E mañ eo o buañ señue, mi se rihale, ha Yehova a sa se laole? ³⁸ A boshula le molemo a ga li coe mo molomoñ oa Mogorimorimo? ³⁹ Mothu eo o tserileñ o itokelañ, mothu ka peco ea maleo a gague? ⁴⁰ A re kheleiseñ re tlotlomise tsela tsa rona, re boele go Yehova. ⁴¹ A re culeletseñ Morimoñ kua magorimoñ pelu tsa rona le liatla tsa rona. ⁴² Re tlorile re cuulotse: ga ua ka ua icuarela. ⁴³ U re khurumeritse ka bogale, mi u re khonateletse: u bolaile, mi ga ua ka ua rekegela. ⁴⁴ U ikhurumeritse ka leru, gore thapelo e si phololele. ⁴⁵ U re rihile mabebe le selatlo gare ga bathu. ⁴⁶ Baba ba rona botle ba re tumololetse melomo ea bona. ⁴⁷ Therego le gopo li re tletse, tsenyego le thubego. ⁴⁸ Leitlo ya me le elela kelelo tsa metse ka thubego ea moroaria bathu ba me. ⁴⁹ Leitlo le culola, mi ga le khutle, go sina tapologo, ⁵⁰ Ka Yehova a leba, a bona a le kua legorimoñ. ⁵¹ Leitlo ya me le tlukuhatsa moea oa me ka ntla ea bomoroaria motse oa me botle. ⁵² Ba ba e leñ baba ba me esiñ ka sepe, ba ’nkhukhetse yaka nunyane rure. ⁵³ Ba khaotse botselo yoa me mo moleteñ, ba latletse letlapa gorimo ga me. ⁵⁴ Metse a la a elela gorimo ga tlogo ea me; ka re, Ki khaocoe. ⁵⁵ ¶ Yehova, ka bitsa leina ya gago, ki le mo moleteñ o o teñteñ. ⁵⁶ U utluile koru ea me: u si shubele liphegelo tsa me, le khayayego ea me tsebe ea gago. ⁵⁷ U lu ua atamela ka tsatsi ye ki gu biritseñ ka yeona: u lu ua re, Si boihe. ⁵⁸ Yehova, u ganetse tse ri ganeloañ tsa moea oa me; u golotse botselo yoa me. ⁵⁹ Yehova, u bonye cokamisho ea me: siamisa se se siamisioañ sa me. ⁶⁰ U bonye pushulosho ea bona eotle, le litogomano tsa bona kaga me cotle. ⁶¹ Yehova, u utluile khobo ea bona, le litogomano tsa bona kaga me cotle; ⁶² Mahuku a bona ba ba ’ncogelañ, le peperumo tsa bona, kaga me ka tsatsi yeotle. ⁶³ Lepa, ki sehela sa bona ka tulo ea bona, le nanogo ea bona. ⁶⁴ ¶ Yehova, ba khopolole kaha tihoñ ea atla tsa bona. ⁶⁵ Ba nee khualalo ea pelu, a thogo ea gago e ne go bona. ⁶⁶ Ba khonatelele, ba senye ka bogale, kua tlatse ga magorimo a ga Yehova.

KHAOLO 4. ¹ ANA gouda e khone yañ! gouda e e itsekileñ e hetogile yañ! maye a a itsephileñ a rigecoe libaeñ tsa mebila eotle. ² Bomoroaria Tsiona ba ba rategañ, ba ba cuantsioañ le gouda e e itsekileñ, ba kaioa yañ yaka liñkho tsa lecopa, tiho ea liatla tsa mopi. ³ E, le liphukuye li ntsa mabele, li amusa liphukuyane tsa cona: moroaria bathu ba me o bolalome, yaka liince mo bogareñganaga. ⁴ Loleme loa eo o anyañ lo ñaparela magalapa a gague ka lenyora: banyana ba lopa liyo, mi go si ope eo o ba abelañ. ⁵ Ba ba le ba ya linateho ba hela mo mebileñ: ba ba gorisicoeñ ka keremesona ba tlamparela lithuthubulo. ⁶ Gone tsiamololo ea moroaria bathu ba me e kholu bogolu go ea boleo yoa Sodoma, o o lo oa ribegoa yaka ka ponyo ea leitlo, mi liatla li si ka tsa o tlasela. ⁷ Banasara ba gague ba le ba le itseko bogolu go celañ, ba le boshueu bogolu go mashi, ba le bohibiru yoa sebele bogolu go korala, ba na le popego ea safira: ⁸ Ponalo ea bona e hihihetse yana bogolu go boncu; ga ba itsioe mo mebileñ: matlalo a bona a ñaparela marapo a bona; a omile yaka logoñ. ⁹ Ba ba bolailoeñ ka caka ba molemo bogolu go ba ba bolailoeñ ka loshekeri: gone bauo ba tlorega, ba topecoe ki botloko yoa mauñuo a leota. ¹⁰ Liatla tsa basari ba boutluelo botluku li apeile bana ba bona: ba e le le liyo tsa bona mo thubegoñ ea moroaria bathu ba me. ¹¹ Yehova o riharitse bocarara yoa gague; o goromeritse bogale yoa gague yo bo hisañ, mi o cubile molelo mo Tsiona, mi o nyeleritse metheo ea ona. ¹² Likhosi tsa lehatse, le banni botle ba hatse yeotle, ba kabo ba sa rumele ha moganetsi le maba ba kabo ba tsena mo likhoroñ tsa Yerusalema. ¹³ ¶ E le le ka maleo a baperofeti ba ona, le litsiamololo tsa baperiseti ba ona, ba ba culotseñ mari a basiami go ona. ¹⁴ Ba le ba timela yaka lihohu mo mebileñ, ba itsekololoa ka mari, yalo bathu ga ba ka ba nonoha go ama aparo tsa bona. ¹⁵ Ba le ba biletsa go bona, Tlogañ; go itsekologo; tlogañ, tlogañ, si ameñ: rure ba tsaba, E, ba timela, go buioa mo bahaiteneñ, Ga ba kitla ba tlola ba nna gona. ¹⁶ Sehatlogo sa ga Yehova se ba khaogantse; ga a kitla a tlola a ba ñoka: ga ba ka ba tlotla lihatlogo tsa baperiseti, ga ba ka ba utluela bagolu botluku. ¹⁷ Ka re le re sa leeo, maitlo a rona a akalegela thusho ea lehela ea rona: ra lebelela mo turioñ tsa rona tsa tebelo morahe o o sa kakeñ oa golola. ¹⁸ Ba le ba coma likhato tsa rona, ra paleloa go sepela mo mebileñ ea rona: bokhutlo yoa rona bo le bo le gauhe, metla ea rona e le e hitlile; gone bokhutlo yoa rona bo le bo tlile. ¹⁹ Bakhonateri ba rona ba le ba harima bogolu go manoñ a legorimo: ba re khukhela ka bocarara mo lithabeñ, ba re lalela mo bogareñganaga. ²⁰ Moea oa liñko tsa rona, motlorioi oa ga Yehova, a cuaroa mo mameneñ a bona, eo re rileñ ga gague, Re tla tsela mo bahaiteneñ tlatse ga moroti oa gague. ²¹ ¶ Moroaria Edoma, eo o nntseñ mo hatsiñ ya Utsa, itlapela mi u itumele, senoelo se tla khabaganyetsa le go uena: u tla thagoa u ipipo-lola. ²² Moroaria Tsiona, peco ea tsiamololo ea gago e uericoe; ga a kitla a tlola a gu isa kua bocuaroñ: moroaria Edoma, o tla gu khopololela tsiamololo ea gago; a gu isa kua bocuaroñ ka maleo o gago.

KHAOLO 5. ¹ YEHOVA, gakologeloa se se re rihaletseñ: u tlokomele, u bone khobo ea rona. ² Boshua yoa rona bo pitikololecoe go baeñ, le matlu a rona go ba sele. ³ Re likhutsana, re sina bo‐rra, bo‐mma rona bantse batlolagari. ⁴ Re nole metse a rona ka mari; likhoñ tsa rona li tlela tuelo. ⁵ Re bogisioa ka yokoe mo thamoñ tsa rona: re itapisa, mi ga re na boikhuco. ⁶ Ra naea Baegepeto le Baasiria atla tsa rona, go khora liyo. ⁷ Bo‐rra ecu ba leohile, mi ga baeo; mi re belega tsiamololo tsa bona. ⁸ Batlañka ba re busa: ga go ope eo o re gololañ mo atleñ tsa bona. ⁹ Re tlisa liyo tsa rona ka go senola matselo a rona, ka ntla ka caka ea bogareganaga. ¹⁰ Matlalo a rona a mancu yaka ntlu ea peseco, ka loshekeri lo lo boitsegañ. ¹¹ Ba katisa basari mo Tsiona, le baroetsana mo metseñ ea Yuda. ¹² Likhosana li pegoa ka atla tsa bona: lihatlogo tsa bagolu ga li tlotloe. ¹³ Ba tseile makau go sila, mi bana ba oa ka likhoñ. ¹⁴ Bagolu ba khutlile mo khoroñ, le makau mo kopeloñ ea bona. ¹⁵ Boitumelo yoa pelu tsa rona bo khutlile; pina ea rona e hetogile bohutsana. ¹⁶ Kerone mo tlogoñ tsa rona e ole: go latlega rona, gone re leohile! ¹⁷ Pelu tsa rona li iribalela mouo; maitlo a rona, a hihihalela tseuo; ¹⁸ Ka thaba ea Tsiona e e sencoeñ liphukuye li tsamaea go eona. ¹⁹ Yehova, u nna ka bosakhutleñ; le terone ea gago mo tsikatsikeñ cotle. ²⁰ U ko u re lebalelañ ka bosakhutleñ, le go re tlogela ka motla o molele? ²¹ Yehova, u re bosetse go uena, mi re tla bosioa; shahatsa malatsi a rona yaka a bogolugolu. ²² Gone u re latletse rure, u lu ua re yayaregela segolu.