Bakolosa

KHAOLO 1. ¹ PAULO moapostoloi oa ga Yesu Keresete, le Timoteo mokauleñue, ² Go baitsephi le bakauleñue ba ba rumelañ, ba ba mo go Keresete, kua Kolosa: Tsegohaco e ne le lona, le kagisho, e e coañ Morimoñ Rra ecu, le Yesu Keresete Morena. ³ Rea itumelela Morimo, le Rra Yesu Keresete Morena, ka go lo rapelela ka gale, ⁴ Re sina utlua ga tumelo ea lona mo go Keresete Yesu, le ga lorato lo, lo ratañ baitsephi botle ka lona, ⁵ Ka ntla ea culuhelo e lo e beecoeñ mo magorimoñ, e lo e utluileñ pele mo hukuñ ya boamarure ya evangelio; ⁶ Ye le tlileñ go lona, yaka mo hatsiñ yeotle; ye le uñuañ louñuo, yaka mo go lona, ga motla o lo loa utlua loa itse tsegohaco ea Morimo ea boamarure ka ona; ⁷ Yaka lo ithutile mo go Epafera, eo re leñ batlanka nae, eo o rategañ, le moriheri oa boikanyo oa ga Keresete mo go lona; ⁸ Eo le ena o re itsisitseñ lorato loa lona mo Moeeñ. ⁹ Ki gona le rona ka mouo, e sa le ka motla o, re le ra utlua ka ona, ga re khutle go lo rapelela, le go eletsa gore lo tlarioe ka kico ea thato ea gague, mo botlaleñ yotle le tlaloganyo ea moea; ¹⁰ Gore lo tsamaee go cuanela Morena, go khatla mo liloñ cotle, le go uñuisioa mo tihoñ cotle tse ri molemo, le go totela mo kicoñ ea Morimo; ¹¹ Go thataharioa ka thata eotle, kaha thateñ ea khalalelo ea ona, mo bopeluñnolo le mo bopeluñtelele, le boitumelo; ¹² Go itumelela Morimo Rra, o o re nonotsitseñ go na baaberoi ba boshua yoa baitsephi mo leseriñ; ¹³ O o re golotseñ mo thateñ ea lehihi, mi o re isitse mo gosiñ yoa Moroa lorato loa ona; ¹⁴ Eo re nañ le khololo mo go ena ka ntla ea mari a gague, eboñ boicuarelo yoa libe; ¹⁵ Eo e leñ cuano ea Morimo o o sa bonoeñ, le motsaloi oa ntla oa lilo tse ri bopiloeñ cotle; ¹⁶ Gone lilo cotle li bopiloe ki ena, le tse ri kua legorimoñ, le tse ri mo lehatsiñ, tse ri bonoañ, le tse ri sa bonoeñ, leha e le lirulo tsa bogosi, khotsa litaolo, khotsa balaori ba bagolu, khotsa lithata; lilo cotle li bopiloe ki ena, mi li rihecoe ena; ¹⁷ Mo o la a le pele ga lilo cotle, mi lilo cotle li eme mogo ka ena. ¹⁸ Mi ki ena tlogo ea mele, eboñ ea ekelesia. Ki ena tsimologo, motsaloi oa ntla mo bashuiñ, gore a ne mogolu bogolu mo go cotle. ¹⁹ Gone gole gole monate go Rra gore botlalo yotle bo nne mo go ena; ²⁰ Mi ka o agisitse ka ena ka ntla ea mari a mokhoro oa gague, go ithuanyetsa lilo cotle; eboñ ka ena, leha e le lilo tse ri mo lehatsiñ, leha e le lilo tse ri kua magorimoñ. ²¹ Le lona, erile pele loa bo lontse ba loshaba lo sele, le baba, ka maitlomo mo tihoñ tsa boleo, yana o lo ruantse ²² Mo meleñ oa nama ea gague, ka loshu, go lo baea ha pele ga gague mo khalaleloñ, le esiñ le molatu, le go sa buelege; ²³ Ha lo sala mo tumeloñ, le go theoa, le mo tlomamoñ, le esiñ go shutisioa mo culuheloñ ea Evangelio e lo e utluileñ, e e rerecoeñ tse ri bopiloeñ cotle tse ri kua tlatse ga legorimo; e ’na Paulo ki rihiloeñ moriheri oa eona. ²⁴ Yana kia itumela mo pogishoñ tsa me ka ntla ea lona, go rihahatsa mo nameñ ea me tse ri setseñ tsa pogisho tsa ga Keresete, ka ntla ea mele oa gague, o e leñ ekelesia; ²⁵ E ki e rihecoeñ moriheri, kaha tlameleloñ ea Morimo e ki e lo ’nnelecoeñ, go rihahatsa lehuku ya Morimo,Eboñ bosaitsioeñ yo e saleñ bo shuyoa mo metleñ eotle, le tsikeñ cotle, yo yana bo bonatsicoeñ go baitsephi ba ona; ²⁷ Ba, Morimo o ratañ go ba itsise mahumo a khalalelo a bosaitsioeñ yo mo bahaiteniñ; yo e leñ Keresete mo go lona culuhelo ea khalalelo; ²⁸ Eo, re mo rerañ, re tlagisa moñue le moñue, re ruta moñue le moñue mo botlaleñ yotle; gore re bee moñue le moñue a tlaricoe mo go Keresete Yesu; ²⁹ Mo, le ’na ki rihelañ gona, ki ganelela kaha go riheñ ga gague eo o rihañ mo go ’na ka thata.

KHAOLO 2. ¹ GONE ki rata gore lo itse ga tlamelo e kholu e ki lo tlamelelañ ka eona, le bona ba Laodikea, le bona botle ba ba e si ba ke ba bone sehatlogo sa me mo nameñ; ² Gore lipelu tsa bona li gomorioe, li tlamagañoe mogo mo loratoñ, le mo mahumoñ aotle a tlomamo eotle ea tlaloganyo, go itse bosaitsioeñ yoa Morimo Rra le yoa ga Keresete; ³ Eo, mahumo aotle a botlale le a kico a shubiloeñ mo go ena. ⁴ Mi ki bua yalo, gore go si ne ope eo o lo timetsañ ka mahuku a a nañ le tumo hela. ⁵ Gone leha ki sieo go lona mo nameñ, leha gontse yalo, ki na le lona mo moeeñ, ki itumela ka ki bona thulaganyo le tlomamo ea tumelo ea lona mo ga Keresete. ⁶ Ki gona, yaka lo cutse Keresete Yesu Morena, tsamaeañ mo go ena yalo; ⁷ Lo tloñoe, lo name mecoe, lo agioe mo go ena, lo tlomamisioe mo tumeloñ, yaka lo rutiloe, lo tote bogolu mo go eona ka boitumelelo. ⁸ Lo itise gore lo si thopioe ki ope ka filosofe ea boithamako le tsieco, yaka tse ri neiloeñ ki bathu, kaha litsimologoñ tsa ntla tsa lehatse, le esiñ kaha Keresete. ⁹ Gone botlalo yotle yoa boikemo yoa Morimo bo agile sebele mo go ena. ¹⁰ Mi lo tlaricoe mo go ena, eo e leñ tlogo ea balaori ba bagolu botle, le thata; ¹¹ Eo lo guerisicoeñ mo go ena ka boguera yo bo sa rihalañ ka liatla, ka go cola mele oa libe tsa nama, ka ntla ea boguera yoa ga Keresete; ¹² Lo hitloe le ena mo papetishoñ, e lo cogileñ nae mo go eona, ka ntla ea tumelo mo go riheñ ga Morimo, o o mo cositseñ mo bashuiñ. ¹³ Mi erile ka lo shuetse mo libeñ tsa lona, le mo boguereñ yoa nama ea lona, o lo tserisitse le ena; mi o lo icuaretse tlolo tsa lona cotle; ¹⁴ Oa tlacoa oa tlosa kualo loa seatla loa mekhua, lo lo emalanyeñ le rona, lo lo ganelañ le rona; mi o loa lo tlosa ha gare, oa lo kokothela mo mokhoroñ; ¹⁵ Oa bolotsa balaori ba bagolu le bathati, mi oa ba shupa mo ponatsegoñ, oa ipelahatsa ka ona mo go bona. ¹⁶ Ki gona, lo si sekisioe ki ope mo liyoñ, le mo nooñ, khotsa ga tsatsi ya moriho, khotsa ga khueri e e rogiloeñ, khotsa ga lisabata; ¹⁷ Tse e leñ moruti oa lilo tse ri tlañ, mi mele ki Keresete. ¹⁸ A go si ne ope eo o lo sekisañ ka thato ea gague mo bonoloñ yoa pelu le mo tiheloñ ea baengele, go itsenya mo liloñ tse o sa li boneñ, a burulogetse lehela ka tlaloganyo ea nama ea gague, ¹⁹ Esiñ go tsegetsa tlogo, e mele otle o totisioañ ka totisho ea Morimo ka eona, ka ntla ea likitlano, le lipoho, o tlameloa, o kitlañoa. ²⁰ Ki gona ha lo shule le Keresete mo litsimologoñ tsa ntla tsa lehatse, lo inelelañ yaka lo tsela mo lehatsiñ, go laoloa ki mekhua? ²¹ (Lo si li ame; lo si li leke; lo si li cubue; ²² Tse cotle li tla nyelelañ ka go riha ka cona;) tse li lerioeñ ki litaolo le lithuto tsa bathu; ²³ Tse rure li nañ le cupo ea botlale, le tihelo ea itaolelo, le bonolo yoa pelu, lo go sa rekegeleñ mele; tse ri siñ molemo ope go thiba khatlego ea nama.

KHAOLO 3. ¹ MI yalo ha lo cosicoe le Keresete, batlañ lilo tse ri kua legorimoñ, ha Keresete a lulañ gona mo atleñ se se siameñ sa Morimo. ² Ratañ lilo tse ri kua legorimoñ, esiñ tse ri mo lehatsiñ. ³ Gone lo shule, mi botselo yoa lona bo shubiloe le Keresete mo Morimoñ. ⁴ Mogañ Keresete, eo e leñ botselo yoa rona, o bonatsioañ, eriha gona le lona lo tla bonatsioañ nae mo khalaleloñ. ⁵ Ki gona, bolaeañ tokololo tsa lona tse ri mo lehatsiñ, eboñ khokahalo, le tse ri mashue, le khatlego tsa botlabisa‐litloñ, le likeleco tsa boshula, le timano, e e leñ tihelo ea merimo ea liseto. ⁶ Tse bogale yo bogolu yoa Morimo bo tlañ mo baneñ ba go bisa go utlua ka cona; ⁷ Tse, erileñ pele le lona loa bo lo tsamaea mo go cona, ka lo sa agile mo go cona. ⁸ Mi yana le lona, belegololañ cotle tse; eboñ bogale, le bogale yo bogolu, le bogale yoa cubo, le khalo, le puo ea boshula mo melomoñ ea lona. ⁹ Si akelaneñ, ka lo belogolotse mothu oa bogolugolu le tiho tsa gague; ¹⁰ Mi lo apere eo mosha eo o shaharioañ mo kicoñ kaha cuanoñ ea ona o o mo bopileñ; ¹¹ Mo go siñ Mogerika le Moyuda gona, boguera le go bisa boguera, Mobarabai, le Mosekutia, mogolegoi le eo o golocoeñ; mi Keresete ki gotle le mo go botle. ¹² Ki gona yalo ikapiseñ yaka baitseñkeroi ba Morimo, le baitsephi le baratoi, ka boutluelo botluku yoa boicuarelo, le tsalano, le bopelunomi, le bonolo yoa pelu, le bopelutelele; ¹³ Go iphapanyana, le go icuarelana, ha moñue a na le itoko go eo moñue: yaka Keresete a lo icuaretse, le lona lo rihe yalo. ¹⁴ Mi lo ikapese gorimo ga cotle tse ka lorato, lo ki lona kholego ea botlalo. ¹⁵ Mi a kagisho ea Morimo e laole mo peluñ tsa lona, e lo e bilericoeñ mo meleñ o moñue hela; mi itumeleleñ. ¹⁶ Mi huku ya ga Keresete a le age mo go lona bogolu, ka botlale yotle; rutanañ, mi lo kaelane, ka lipesalem, le lihela tsa pako, le likopelo tsa moea, go opelela Morena ka tsegohaco mo peluñ tsa lona. ¹⁷ Mi cotle tse lo li rihañ ka mahuhu khotsa tiho, rihañ cotle mo ineñ ya ga Yesu Morena, go itumelela Morimo le Rra ka ena. ¹⁸ Lona basari, utluañ banona ba lona, yaka go cuanela mo Moreneñ. ¹⁹ Banona, ratañ basari ba lona, mi lo si ba galakegele. ²⁰ Lona bana, utluañ bagolu ba lona mo liloñ cotle, gone mo, go khatla Morena. ²¹ Lona bo‐rra, lo si cuenye bana ba lona, gore ba si ñoriege. ²² Lona batlañka, utluañ beñ ba lona mo liloñ cotle kaha nameñ; esiñ ka tihelo ea maitlo, yaka bakhatli ba bathu, mi a e ne ka boñue hela yoa pelu, mo poihoñ ea Morimo: ²³ Mi cotle tse lo ri rihañ, lo ri rihe ka pelu eotle yaka e kabo e le go rihela Morena, mi esiñ bathu; ²⁴ Ka lo itse ha lo tla bona tuelo ea boshua mo Moreneñ; gone lo rihela Keresete Morena. ²⁵ Mi eo o rihañ cokamo, o tla belega cokamo e o e rihileñ; mi ga go na tlaolo ea bathu.

KHAOLO 4. ¹ LONA beñ, naeañ batlañka ba lona se se siameñ, le se se cuanañ; ka lo itse ha lo na le Morena mo magorimoñ. ² Coelelañ pele mo thapeloñ, mi lo rise mo go eona ka boitumelelo; ³ Le rona, lo re rapelele, gore Morimo o re bulele moyako oa lehuku, gore re bue bosaitsioeñ yoa ga Keresete, yo le yona ki bo golegecoeñ; ⁴ Gore ki bo bonatse yaka ki cuanetse go bua. ⁵ Tsamaeañ ka botlale mo go bona ba ba kua ntle, go rekolola motla. ⁶ A huku ya lona le ne ka tsegohaco ka gale, le lokoe ka lecoai, gore lo itse kaha lo ka arabañ moñue le moñue ka gona. ⁷ Popego eotle ea me, lo tla e itsisioe ki Tukiko, eo e leñ mokauleñue oa lorato le moriheri oa boikanyo, le motlañka le ’na mo Moreneñ; ⁸ Eo, ki mo lo rometseñ ka ntla ea mouo, gore a itse popego ea lona, le pelu tsa lona go li gomotsa; ⁹ Le Onesimo, mokauleñue oa boikanyo le lorato, eo e leñ moñue oa lona. Ba tla lo itsise lilo cotle tse ri monu. ¹⁰ Arisetareko mogolegoi le ’na, oa lo rumerisa, le Mareko moroa khantsaria Barenaba, (eo lo bonyeñ litaolo kaga gague; ha a ea go lona, mo culeñ;) ¹¹ Le Yesu, eo o biroañ Yuseto, eo e leñ oa ba boguera. Ba bosi, ki barihi le ’na mo bogosiñ yoa Morimo, ba e le le khomoco ea me. ¹² Epafere, moñue oa lona, motlañka oa ga Keresete, oa lo rumerisa, o lo ganelela ka gale mo merapeloñ, gore lo eme ka botlalo, le go si nañ ape mo thatoñ eotle ea Morimo. ¹³ Gone kia shupa ga gague, ha a lo tloahaletse segolu, le bona ba ba mo Laodikea, le bona ba ba mo Heriapoli. ¹⁴ Luke, ñaka e e rategañ, le Deme, ba lo rumerisa. ¹⁵ Rumerisañ bakauleñue ba ba mo Laodikea, le Numpe, le ekelesia e e mo tluñ ea gague. ¹⁶ Mi etlare ha episetole e, e buisioa mo go lona, lo rihe gore le gona e buiserioe ekelesia ea Balaodikea; le lona gore lo buise e e coañ Laodikea. ¹⁷ Mi lo ree Arekipo, Ela tloko tihelo e u e bonyeñ mo Moreneñ, gore u e rihatse. ¹⁸ Tumerisho ea me, ’na Paulo, ka atla sa me. Gopolañ likholego tsa me. Tsegohaco e ne le lona. Amena.