2 Bakorinta

KHAOLO 1. ¹ PAULO, moapostoloi oa ga Yesu Keresete, ka thato ea Morimo, le Timoteo mokauleñue, go ekelesia ea Morimo e e kua Korinta; le baitsephi botle ba ba mo hatsiñ ya Akaia yeotle: ² Tsegohaco e ne le lona, le kagisho e e coañ Morimoñ rra ecu, le Yesu Keresete Morena. ³ Pako a e ne Morimoñ, Rra Yesu Keresete Morena oa rona, Rra maicuarelo, le Morimo oa khomoco cotle; ⁴ O o re gomoritseñ mo lipogishoñ cotle tsa rona, gore re nonohe go gomotsa ba ba mo pogishoñ tse riñue, ka khomoco e Morimo o re gomotsañ ka eona. ⁵ Gone yaka lipogisho tsa ga Keresete li le kholu mo go rona, khomco ea rona, le eona e kholu yalo ka Keresete. ⁶ Mi leha re bogisioa, ki khomoco le puluko go lona, e e rihiloeñ mo go icokeleñ lipogisho tseuo, tse le rona re bogisioañ ka cona; khotsa leha re gomorioa, ki khomoco le puluko go lona. ⁷ Mi culuhelo ea rona go lona e tlomame, ka re itse, yaka lo le baaberoi ba lipogisho, le gona, lo tla na baaberoi ba khomoco. ⁸ Gone, bakauleñue, ga re rate gore lo si itse ga pogisho e e le ea tla go rona mo Asia, ha re le ra pitleleloa bobe bogolu go thata ea rona, ga tsamaea ra belaela ha re ka tsela; ⁹ E, khaolo e re khaolecoeñ loshu e le le go rona, gore re si iikanye ka rosi, mi re ikanye Morimo o o cosañ bashui; ¹⁰ O o re golotseñ mo loshuñ lo logolu yalo, mi o sa golola; o re shuluhelañ ha o tla ba o re golola; ¹¹ Le lona lo thusanya ka go re rapelela, gore maitumelelo a neoe ki bantsi kaga rona, ka neo e re e necoeñ ka bathu bantsi. ¹² Gone pelahalo ea rona ki e, eboñ cupo ea ligakolori tsa rona, ha tsamao ea rona mo hatsiñ, bogolu mo go lona, e le le mo boñueheleñ yoa pelu; le mo tsiamoñ ea Morimo, esiñ mo botlaleñ yoa nama, mi e le le mo tsegohacoñ ea Morimo. ¹³ Gone ga re lo kualele lilo lipe li sele, ha e si tse lo ri buisitseñ, le go li ipobola; mi ki shuluhela lo tla ipobola le kua bokhutloñ; ¹⁴ Yaka le lona lo re ipobotse ka ntla ñue, ha re le pelahalo ea lona, yaka le lona lo le ea rona mo motleñ oa ga Yesu Morena. ¹⁵ Ki le ka itloma mo boikanyoñ yo go ea go lona pele, gore lo ne le tsegohaco ea botu; ¹⁶ Le go heta ka lona, go ea Makedonia, le go ba go tla go lona go coa Makedonia, le go isioa ki lona kua Yudea. ¹⁷ Mi erile ki itloma go riha yalo, a ki le ki ithamaka? khotsa lilo tse ki li itlomañ, a ki li itloma kaha nameñ, gore go ne mo go ’na, E, E, le Nya, nya? ¹⁸ Mi yaka Morimo o boikanyo, lehuku ya rona ye le le go lona, le si ka ya na, E, le Nya. ¹⁹ Gone Yesu Keresete Moroa Morimo, eo o la a reroa ki rona mo go lona, e boñ ki ’na le Silevano, le Timoteo, a la a si, E, le Nya, mi mo go ena o la a le E hela. ²⁰ Gone lipulelelo‐pele cotle tsa Morimo li E mo go ena, le Amena mo go ena, go khalaleloñ ea Morimo ka ntla ea rona. ²¹ Mi ona o o re tlomamisitseñ le lona mo go Keresete, le o o re tloritseñ, ki Morimo; ²² O le gona o re kaneñ, mi oa re naea sebelelo sa Moea mo peruñ tsa rona. ²³ Yana ki bitsa Morimo go na moshupi mo moeeñ oa me, ga ki e si ki tle Korinta, e le go lo rekegela. ²⁴ Esiñ go re re laola tumelo ea lona, mi re bathusanyi ba boitumelo yoa lona; gone loa ema ka tumelo.

KHAOLO 2. ¹ MI ki ikaeletse se, ha ki si ki tla ki ba ki tla go lona ka bohutsana. ² Gone, ha ki lo hutsahatsa, emañ eo o ka intumerisañ, ha e si eo o hutsaharicoeñ ki ’na? ³ Mi ki lo kualetse se ka shosi, gore e si re ki tla, ka hutsaharioa ki bona ba ki cuanetseñ ga itumela go bona; ka ki na le boikanyo mo go lona lotle, ka boitumelo yoa me, e le yoa lona lotle. ⁴ Gone, ki le ka lo kualela, mo lipogishoñ li lintsi, le mo tlaleloñ ea pelu, le ka likeleri li lintsi, esiñ gore lo hutsahale, mi gore lo tlaloganye lorato lo ki lo ratañ bogolu ka lona. ⁵ Mi ha moñue a hutsahatsa, eo ga a ’nkhutsahatse ha e si ka ntla ñue; gore ki si lo imahatse lotle. ⁶ Peco e, e lekanye go ena eo ontseñ yalo, e e rihiloeñ ki bantsi. ⁷ Ki gona lo cuanetseñ bogolu go mo icuarela, le go mo gomotsa, gore e si re khotsa eo ontseñ yalo a ’mmerioa ki bohutsana yo bogolu. ⁸ Ki gona ki lo rapelañ gore lo mo tlomamisetse lorato loa lona. ⁹ Gone ki lo kualetse gona mouo, gore ki tlaloganye teko ea lona, ha lo na le kutlo mo liloñ cotle. ¹⁰ Eo lo mo icuarelañ señue, le ’na kia mo icuarela; gone ha ki icuaretse señue, eo ki mo icuaretseñ, ki se icuaretse ka ntla ea lona ha pele ga sehatlogo sa ga Keresete; ¹¹ Gore Satane a si bone phenyo mo go rona; gone re si ba re sa itseñ khopolo tsa gague. ¹² Gape erile ka ki hitla Teroa go rera evangelio ea ga Keresete, mi moyako ki le ki o bulecoe ki Morena; ¹³ Mi ka bo ki sina khuco mo moeeñ oa me, gone ki sa bone mokauleñue oa me, Tito; mi ka ki ikhaoganya nabo, ka ea kua Makedonia. ¹⁴ Mi yana a Morimo o itumeleloe, o o re henyeritseñ ka gale mo go Keresete; o o bonatsañ moñkho oa kico ea gague mo maheloñ aotle ka rona. ¹⁵ Gone re moñkho o o monate oa ga Keresete mo Morimoñ, mo go bona ba ba bulukegañ, le mo go bona ba ba latlegañ;Re moñkho oa loshu go bañue go ea loshuñ, le moñkho oa botselo go ba bañue go ea botseloñ. Mi emañ eo o nonohetseñ lilo tse? ¹⁷ Gone ga re rihe yaka bantsi, ba ba pekañ huku ya Morimo; mi re bua mo go Keresete ka bosapekoa, yaka ba Morimo, ha pele ga Morimo.

KHAOLO 3. ¹ ARE ba re simolola go lo ipakela? Khotsa a le rona re cuanetse yaka ba bañue go na le liepisetole tsa pako go ea go lona, khotsa liepisetole tsa pako tse ri coañ go lona? ² Ki lona episetole ea rona, e e kuariloeñ mo peruñ tsa rona, e e itsegileñ, e e buisicoeñ ki bathu botle; ³ Ka lo bonatsegile ha lo le episetole ea ga Keresete e e etlericoeñ ki rona; e e sa kualoeñ ka eñka, mi ki ka Moea oa Morimo o o tserileñ; esiñ mo limatiñ tsa maye, mi ki mo limatiñ tsa nama tsa pelu. ⁴ Mi re na le boikanyo yo bontseñ yalo go Morimo ka ntla ea ga Keresete; ⁵ Esiñ go re re nonohile ka rosi go gopola señue yaka se coa go rona; mi nonoho ea rona e coa Morimoñ; ⁶ O le ona o re nonotsitseñ go na bariheri ba kholagano e nca, esiñ ba letera, mi e le ba moea; gone letera lea bolaea, mi moea oa tserisa. ⁷ Mi ha tihelo ea loshu, ea liletera, e e kuariloeñ mo mayeñ, e le le mo khalaleloñ, ga tsamaea bana ba Yeserela ba reteleloa ki go leba thata sehatlogo sa ga Moshe, ka ntla ea khalalelo ea sehatlogo sa gague e e tla nyelerioañ, ⁸ Tihelo ea moea, a ga e kitla e na le khalalelo e e kholu bogolu yañ? ⁹ Gone ha tihelo ea tsekisho e le le khalalelo, tihelo ea tsiamo e sita bogolu mo khalaleloñ. ¹⁰ Gone se se galalericoeñ ga sea galalerioa mo ntleñ e, ka ntla ea khalalelo e e leñ bonatla bogolu. ¹¹ Gone ha se se le sa nyelerioa se le se le khalalelo, khalalelo ea se se setseñ e kholu bogolu. ¹² Mi yalo ka re na le culuhelo e entseñ yalo, ki gona re buañ ka thanolo e kholu; ¹³ Mi esiñ yaka Moshe eo o la a baea setsiro mo hatlogoñ sa gague, gore bana ba Yeserela ba si lebe thata sekhutlo sa lilo tse ri nyelerioañ; ¹⁴ Mi maitlomo a bona a la a hohuharicoe; gone setsiro seuo se se nyelericoeñ ki Keresete, sea sala se sa sirololoe mo go bona, mo puishoñ ea kholagano e kholugolu, le gompienu. ¹⁵ Mi le gompienu, eare ha Moshe o buisioa setsiro se mo peluñ tsa bona. ¹⁶ Leha gontse yalo setsiro se tla tlosioa mogañ ba boelañ Moreneñ. ¹⁷ Mi yana Morena ki Moea o; mi kua Moea oa Morena o gona, tlhomamo e gona. ¹⁸ Mi rotle ka re bona khalalelo ea Morena ka lihatlogo tse ri sirolocoeñ, yaka ekete mo seiponiñ, re hetoleloa cuanoñ e, e e coañ khalaleloñ go ea khalaleloñ, yaka ka Moea oa Morena.

KHAOLO 4. ¹ KI gona ka re na le tihelo e, kaha boicuareloñ yo re bo rihecoeñ, ga re iribale; ² Mi re latlile libipo tsa litloñ, esiñ go tsamaea mo boherehereñ, le esiñ go peka lehuku ya Morimo ka tsieco; mi re inatehaletsa segakolori sa moñue le moñue ha pele ga Morimo, ka ponatsego ea boamarure. ³ Mi ha evangelio ea ronae bipiloe, e bipiloe mo go bona ba ba latlegañ; ⁴ Ba morimo oa lehatse yenu o hohuharitseñ maitlomo a bona ba ba sa rumeleñ, gore leseri ya evangelio ea khalalelo ea ga Keresete, eo e leñ secuano sa Morimo, le si ba phatsimele. ⁵ Gone ga re itherele, mi ki Keresete Yesu Morena; mi le rona, ha re batlañka ba lona, ka ntla ea ga Yesu. ⁶ Gone Morimo o o rileñ leseri le phatsime mo hihiñ, ki ona o o phatsimileñ mo peruñ tsa rona, go naea leseri ya kico ea khalalelo ea Morimo mo hatlogoñ sa ga Yesu Keresete. ⁷ Mi re na le khumo e mo liyaneñ tsa mbu, gore bonatla yoa thata bo ne yoa Morimo, esiñ yoa rona.Rea gatisioa mo liloñ cotle, mi ga rea tlaleloa; rea reteleloa, mi ga re ñoriege;Rea bogisioa, mi ga rea tlogeloa; re rigiloe, mi ga rea señoa; ¹⁰ Ka go belega loshu loa ga Yesu Morena mo meleñ ka gale, gore botseyoa ga Yesu le yona bo bonatsege mo mebeleñ ea rona. ¹¹ Gone rona ba re tserileñ, re neleloa loshuñ ka gale ka ntla ea ga Yesu, gore botselo yoa ga Yesu le yona bo bonatsege mo nameñ ea rona e e bolañ. ¹² Mi yalo loshu lo riha mo go rona, mi botselo mo go lona. ¹³ Mi yana ka re na le moea oa tumelo ka osi, yaka go kuariloe, Ki rumetse, ki gona ki buileñ; le rona rea rumela, ki gona re buañ; ¹⁴ Ka re itse ha ona o o cositseñ Yesu Morena, le rona, o tla re cosa ka Yesu, le go re emisa le lona gona. ¹⁵ Gone lilo cotle tse li ka ntla ea lona, gore tsegohaco e e ntsihatsañ e totahalele khalalelo ea Morimo, ka boitumelelo yoa bantsi. ¹⁶ Ki gona re sa riegeñ; mi leha mothu oa rona eo o kua ntle a nyelela, leha gontse yalo oa teñ oa shaharioa ka metla eotle. ¹⁷ Gone pogisho tsa rona tse ri boheho, tse ri hetañ ka bonako, li re rihela bogolu yo bogolu bogolu yoa khalalelo ea boima yo bo sa khutleñ; ¹⁸ Ka re sa lebe lilo tse ri bonoañ, mi re leba lilo tse ri sa bonoeñ; gone lilo tse ri bonoañ lia heta; mi lilo tse ri sa bonoeñ, ki tsa bosakhutleñ.

KHAOLO 5. ¹ GONE rea itse ha ntlu ea mbu ea rona ea taberenakela e, e rutlua, re na le kago Morimoñ, ntlu e e sa agoeñ ka liatla, e e sa khutleñ, mo magorimoñ. ² Gone rea hegeloa mo go e, re tlologeleloa go apesioa ka boago yoa rona yo bo coañ legorimoñ; ³ Etlare ha re apesicoe, ga re kitla re bonoa re sa ikatega. ⁴ Gone rure rona ba re mo taberenakeleñ e, rea hegeloa, ka rea imeloa; esiñ go re, re rata go apoloa, mi e le go apesioa, gore loshu lo merioe ki botselo. ⁵ Mi yana eo o re etleritseñ se ka shosi ki Morimo, o le ona o re neile sebelelo sa Moea. ⁶ Ki gona re nañ le boikanyo ka gale, ka re itse, ka re sa agile mo meleñ, ga rea aga le Morena: ⁷ (Gone rea sepela ka tumelo, esiñ ka pono:) ⁸ Mi re na le boikanyo, mi re khatloa bogolu ki go coa mo meleñ, le go aga le Morena. ⁹ Ki gona re tlologelecoeñ bogolu go na khatlego go ena, leha re na nae, khotsa re si na nae. ¹⁰ Gone rotle re tla shupega ha pele ga serulo sa tsekisho sa Keresete; gore moñue le moñue a bone lilo tse ri rihiloeñ mo meleñ, kaha o rihileñ ka gona, leha e le tsa molemo, khotsa tsa boleo. ¹¹ Ki gona, ka re itse poitsego ea Morena, re tlagisetsa bathu tumeloñ; mi re bonatsegetse Morimoñ; mi le gone kia shuluhela ha re bonatsegetse ligakoloriñ tsa lona. ¹² Gone ga re lo ipakele gape, mi re lo naea kaha lo ka belahalañ kaga rona, gore lo ne le kaha lo ka khatlantsañ bona ba ba belahalañ mo sehatlogoñ, esiñ mo peruñ. ¹³ Gone leha re tsenoa, e le go Morimo; mi leha re le tekano mo maitlomoñ, ki go lona. ¹⁴ Gone lorato loa ga Keresete loa re khola; ka re seka yalo, ha moñue a shuetse botle, yalo ba le ba shule botle; ¹⁵ Mi o la a shuela botle, gore ba ba tserileñ, ba si tlole ba itselela, mi ba tselele eo o ba shuetseñ, mi a ba a coga. ¹⁶ Ki gona ga yana re sa tloleñ re itse ope kaha nameñ; mi leha re le ra itse Keresete kaha nameñ, leha gontse yalo, yana ga re tlole re mo itse yalo. ¹⁷ Ki gona leha e le mañmañ eo o mo go Keresete, ki mothu eo mosha; lilo tsa bogolugolu li hetile; bonañ, lilo cotle lintse linca. ¹⁸ Mi lilo cotle li coa Morimoñ, o o re ithuantseñ ka Yesu Keresete, mi o re neile tihelo ea thuano; ¹⁹ Gone Morimo o lo le mo go Keresete, o ruanya lehatse le ona, o sa ba balele libe tsa bona, mi o re neile lehuka ya thuano. ²⁰ Mi yana re baroñoi mo bonnoñ yoa ga Keresete, go cuana yaka Morimo o lo rapetse ka rona, rea lo rapela mo bonnoñ yoa ga Keresete, ruanañ le Morimo. ²¹ Gone ena eo o la a sa itse boleo, o mo re rihetse cupelo ea boleo; gore re rihoe tsiamo ea Morimo mo go ena.

KHAOLO 6. ¹ MI yana rona ba re rihañ mogo nae, rea lo rapela le gona gore lo si culele tsegohaco ea Morimo lehela. ² (Gone oa re, Ki gu utluile mo motleñ oa nateho, mi ki gu thusitse mo tsatsiñ ya puluko; bona, yana ki motla o o monate; bona, yana ki tsatsi ya puluko.) ³ Re sa khopise mo go sepe, gore tihelo e si khaloe; ⁴ Mi rona, yaka bariheri ba Morimo, re inatehatsa mo liloñ cotle, mo iphapanyoñ li lintsi, le mo lipogishoñ, le mo botlokoeñ, le mo tlaleloñ. ⁵ Le mo lipecoñ, le mo likholegoñ, le mo tlapeoñ, le mo litiheloñ, le mo litishoñ, le mo go ithibeñ mo liyon; ⁶ Le mo boitsekoñ, le mo kicoñ, le mo bopeluñtelele, le mo bopeluñnomi, le mo Moeeñ oa Boitsepho, le mo loratoñ lo lo sa itimokanyeñ, ⁷ Le mo hukuñ ya amarure, le mo thateñ ea Morimo; ka litlabano tsa tsiamo mo atleñ se se siameñ, le mo go sa molema, ⁸ Ka tlotlo le tlotlololo, ka pulelelo ea boshula le pulelelo ea molemo; yaka batsietsi, le mororo re le ba amarure; ⁹ Yaka ba re sa itsioeñ, le mororo re itsioe; yaka ba re shuañ, mi, bonañ, rea tsela; yaka ba re berioañ, mi re sa bolaoe; ¹⁰ Yaka re bohutsana, le mororo re itumela ka gale; yaka bahumanegi, le mororo re humisa bantsi; yaka ga re na sepe, le mororo re na le cotle. ¹¹ Bakorinta ki lona, melomo ea rona e bulecoe go lona, mi pelu tsa rona li tsarolocoe. ¹² Ga loa pitlagana mo go rona, mi lo pitlaganye mo boteñeñ yoa lona. ¹³ Mi yana gore lo ’ntuele. (Ki bua yaka go bana ba me,) le lona tsarologañ. ¹⁴ Lo si kopane le ba ba sa rumeleñ ka cuanololo; gone tsiamo e na le kabalano ehe le tsiamololo? mi leseri le na le kopano ehe le lehihi? ¹⁵ Mi Keresete o na le tumelano ehe le Beliala? khotsa eo o rumelañ o na le kabelo ehe le eo o sa rumeleñ? ¹⁶ Khotsa tempela ea Morimo e na le kitlano ehe le merimo ea liseto? gone re tempela ea Morimo o o tserileñ; yaka Morimo o buile, Ki tla aga mo go bona, mi ki tla sepela mo go bona; mi ki tla na Morimo oa bona, mi ba tla na bathu ba me. ¹⁷ Ki gona, coañ mo gareñ ga bona, mi ikhaoganyeñ, go bua Yehova, mi lo si ame se se mashue; mi ki tla lo cula, ¹⁸ Mi ki tla na Rra lona, mi lo tla na bomoroake le bomoroariake, go bua Yehova Mothatietle.

KHAOLO 7. ¹ BARATOI, ka re na le lipulelelo‐pele tse, a re iñtlahatseñ mo mashueñ aotle a nama le a moea, go uetsa boitsepho mo poihoñ ea Morimo. ² Re culeñ; ga rea siamololela ope, ga rea borisa ope, ga rea ya ope. ³ Go ki bue se go lo pateletsa; gone ki buile pele, ha lo le mo peruñ tsa rona go shua mogo, le go tsela mogo. ⁴ Ki na le thanolo e e kholu mo puoñ le lona, ki na le pelahalo e kholu mo go lona; ki tlaricoe ka khomoco, ki na le boitumelo yo bogolu, mo pogishoñ cotle tsa rona. ⁵ Gone erile re sina hitla Makedonia, nama tsa rona li li sina khuco, mi re le ra bogisioa mo ntleñ cotle; kua ntle e le le likhañ, mi kua teñ e le le lipoiho. ⁶ Leha gontse yalo, Morimo o o gomotsañ ba ba bonolo, o re gomoritse ka go tla ga Tito; ⁷ Mi esiñ ka go tla ga gague gosi, mi e le le ka khomoco e o la a gomorioa ka eona ki lona, ka a re bulelela tlologelelo ea lona, le boitoko yoa lona, le tloahalelo ea lona go ’na; ga tsamaea ka itumela bogolu. ⁸ Gone leha ki lo hutsaharitse ka episetole, ga ki ikuatlae, leha ki le ka ikuatlaea; gone kia lemoga ha episetole euo e lo hutsaharitse, leha e le le ka motla o mokhutsanyane.Mi yana kia itumela, esiñ ka gone lo le lo hutsahetse, mi gone lo le lo hutsahaletse tlabologoñ; gone lo le lo hutsahaletse Morimoñ, mi yalo ga loa ka loa latlegeloa ki sepe ka rona. ¹⁰ Gone khutsahalelo Morimoñ e riha tlabologelo pulukoñ e e sa ikuatlaeloeñ, mi khutsahalo ea lehatse e riha loshu. ¹¹ Gone bonañ seo se ka shosi, ka lo lo hutsahaletse Morimoñ, go rihile tisho e kholu yañ mo go lona; E, le ikarabelo; E, le bogale; E, le poiho; E, le tlologelelo; E, le tloahalo; E, le pushulosho! Lo icuperitse mo go cotle, ha lo itsekile mo tihoñ e. ¹² Ki gona leha ki lo kualetse, e le e si ka ntla ea gague eo o la a siamolola, le esiñ ka ntla ea gague eo o la a siamolelecoe, mi gore tlamelo ea rona e re lo tlamelañ ha pele ga Morimo, e lo bonatsegele. ¹³ Ki gona re gomoricoeñ mo khomocoñ ea lona; mi rea itumela bogolu bogolu ka ntla ea boitumelo yoa ga Tito, gone moea oa gague o loa rurisioa ki lona lotle. ¹⁴ Gone ha ki mo lo belahaletse mo seoñ señue, ga ki tlayoe ki litloñ; mi yaka re buile cotle le lona mo amarureñ, gontse yalo pelahalo ea rona le eona e ki belahetseñ go Tito, e rihahetse boamarure. ¹⁵ Mi lorato loa gague loa teñ lo rihahetse lo logolu bogolu kaga lona, ka a sa gopola kutlo ea lona lotle, kaha lo leñ loa mo cula ka poiho le thoromo. ¹⁶ Ki gona ki itumelañ ka ki na le boikanyo mo go lona mo liloñ cotle.

KHAOLO 8. ¹ GAPE, bakauleñue, rea lo itsise ga tsegohaco ea Morimo e e necoeñ liekelesia tsa Makedonia; ² Gone boitumelo yo bogolu yoa bona, bo le yoa tota mo tekoñ e kholu ea pogisho; mi lohumo loa bopelunomi yoa bona lo le loa tota mo khumanegoñ e kholu ea bona. ³ Gone kia shupa, ba le ba naea ka bosi kaha thateñ ea bona, E, bogolu go thata ea bona; ⁴ Ba re rapela ka tloahalo e kholu, gore re cule neo e, le kabalano ea tihelo e e rihecoeñ baitsephi. ⁵ Mi se ba le ba se riha, esiñ yaka re le ra shuluhela, mi ba le ba inela pele Moreneñ, le go rona ka thato ea Morimo; ⁶ Ga tsamaea ra kaela Tito, gore yaka a la a simolola pele, le gona a uetse neo e le eona mo go lona. ⁷ Ki gona yaka lo tota bogolu mo liloñ cotle, mo tumeloñ, le mo hukuñ, le mo kicoñ, le mo itlaganeloñ eotle, le mo ratoñ loa lona go rona; lo itise gore le gona lo tote bogolu le mo neoñ e. ⁸ Ga ki bue se ka taolo, mi ki ka ntla ea itlaganelo ea ba bañue, le go leka bosapekoañ yoa lorato loa lona. ⁹ Gone loa itse tsegohaco ea ga Yesu Keresete Morena oa rona, go re, leha a la a humile, o la a humanega ka ntla ea lona, gore lo hume ka ntla ea khumanego ea gague. ¹⁰ Mi kia lo gakolola mo seoñ se, gone se ki molemo go lona, ba lo simolotseñ pele, esiñ go riha gosi, mi le gona e le le thato ea lona ka ñuaga o o hetileñ. ¹¹ Mi yana tiho le eona lo e uetse; le mororo thato ea iketleco e le le gona, tihahalo le eona e ne kaha tse lo nañ naco. ¹² Gone ha erile pele ikitleco ea boitlomo ea bo e le gona, ki nateho kaha tse moñue o nañ naco, esiñ kaha tse o sinañ naco. ¹³ Mi ga ki bue yalo gore ba bañue ba hehoharioe, mi lona lo imaharioe; ¹⁴ Mi gore botlalo yo bogolu yoa lona bo thuse botloko yoa bona, ka bocuano, yana mo bakeñ lonu; gore botlalo yoa bona le yona bo ne thusho ea botloko yoa lona; gore cuano e rihale; ¹⁵ Yaka go kuariloe, Eo o phuthileñ bogolu, ga a saleloa ki sepe; mi eo o phuthileñ se botlana, ga a na botloko. ¹⁶ Mi Morimo a o itumeleloe, o o tsenyeritseñ tloahalo e kaga lona mo peluñ ea ga Tito. ¹⁷ Mi rure o la a cula kaelo ea me, mi ka a la a na le itlaganelo e kholu, a ea go lona ka thato ea gague. ¹⁸ Mi re romile mokauleñue nae, eo pako ea gague mo evangelioñ e ralalañ mo liekelesieñ cotle; ¹⁹ Mi esiñ gona gosi, mi le gona o la a itseñkecoe ki liekelesia go eta le rona ka neo e, e e rihecoeñ khalalelo ea Morena ka esi ki rona, le ka boiketleleco yoa boitlomo yoa lona; ²⁰ Ka go thibogela se, gore go si ne ope eo o re latuhatsañ mo botlaloñ yo bogolu yo bo rihiloeñ ki rona; ²¹ Ka go tlamela lilo tsa tsiamo, esiñ gosi ha pele ga Morena, mi le ha pele ga bathu. ²² Mi re romile mokauleñue oa rona nabo, eo re mo lekileñ ka gantsi ha a le itlaganelo mo liloñ lintsi; mi yana o itlaganetse bogolu ka ntla ea boikanyo yo bogolu yo o lo ikantseñ ka yona. ²³ Leha e le Tito, ki ena molekane oa me, le moloriheri le ’na; leha e le bakauleñue ba rona, ki bona baroñoi ba liekelesia, le khalalelo ea ga Keresete. ²⁴ Ki gona ba shupetseñ cupo ea lorato loa lona, le pelahalo ea rona kaga lona, ha pele ga liekelesia.

KHAOLO 9. ¹ MI ga tihelo e e rihelañ baitsephi, ga go tlokahale gore ki lo kualele; ² Gone kia itse boiketleleco yoa boitlomo yoa lona, yo ki bo belahalelañ kaga lona go bona ba Makedonia, ha Akaia a la a iketleritse mo ñuageñ o o hetileñ, mi tloahalo ea lona e tlotleleritse bantsi. ³ Leha gontse yalo, ki le ka roma bakauleñue, gore pelahalo ea rona ga lona e si ne lehela mo ntleñ e; gore, yaka ki buile, lo itletsege; ⁴ Gore e si re khotsa eare ba Makedonia ba tla le ’na, ba lo hitlela lo sa iketletsa, rona (gore re si re, lona) re ko re tlayoa ki litloñ mo thateñ e ea pelahalo. ⁵ Ki gona ki gopotseñ ha e le cuanelo go kaela bakauleñue ba, gore ba ee go lona pele, gore ba etleleletse neoñ ea lorato ea lona, e lo rileñ lo tla e naea, gore e etletsege yaka ea lorato, mi esiñ yaka ea phupurololo. ⁶ Mi ki re yalo, Eo o yalañ ka ñomaelo, le ena o tla roba ka ñomaelo, mi eo o yalañ ka bogolu, le ena o tla roba bogolu. ⁷ A moñue le moñue a rihe yaka a itlomile mo peruñ ea gague, esiñ ka ñoñorego, khotsa ka kholo; gone Morimo o rata monei eo o itumelañ. ⁸ Mi Morimo o nonohile go lo totisetsa tsegohaco eotle; gore lo ne le bogolu yotle mo liloñ cotle ka gale, le go nonohela tiho tse ri molemo cotle; ⁹ Yaka go kuariloe, O halaritse; o neile bahumanegi; tsiamo ea gague ea nna ka bosinabokhutlo. ¹⁰ Mi eo o tlamelañ moyari‐peu, le ena a lo tlamele señkhue gore lo ye, le go ntsihatsa tse ri yecoeñ tsa lona, le go ntsihatsa mauñuo a tsiamo ea lona; ¹¹ Gore lo hume mo liloñ cotle, mo bopeluñnomi yotle, yo bo rihelañ Morimo boitumelelo ka rona. ¹² Gone tihelo ea kabelo e, ga e tlatse botloko yoa baitsephi yosi, mi le gona e kholu ka maitumelelo mantsi Morimoñ; ¹³ A ereka ba na le cupo ea tihelo e, ba galaleletsa Morimo boipobolo yoa kutlo ea lona e e utluelañ evangelio ea ga Keresete, le ka ntla ea kabelo e kholu e e abecoeñ bona, le botle; ¹⁴ Le ka thapelo ea bona e ba lo rapelelañ, ba ba lo tlologelecoeñ ka ntla ea tsegohaco e kholu bogolu ea Morimo e e mo go lona. ¹⁵ Mi Morimo a o itumeleleloe neo ea ona e e sa kakeñ ea buleloa.

KHAOLO 10. ¹ MI yana, ’na Paulo, ka ’nosi, kia lo rapela ka bonolo yoa pelu, le boutluelo botluku yoa ga Keresete, eo ha ki na le lona ki leñ motlana mo go lona, mi ha ki sieo ki pelukhale go lona; ² Mi kia lo rapela, gore ki si ne pelukhale ha ki na le lona ka boikanyo yo, ki itlomañ ki le pelukhale go bañue ka yona, ba ba re kaeañ yaka re ba re tsamaeañ kaha nameñ. ³ Gone leha re tsamaea mo nameñ, ga re tlabane kaha nameñ; ⁴ (Gone litlabano tsa rona tse re tlabanañ ka cona, ga si tsa nama, mi li thata ka Morimo go riga likago tse ri thata;) ⁵ Ka re riga likhakologelo, le bogorimo yotle yo bo ikhorisetsañ kico ea Morimo, le go gogela khopolo eotle kutloñ go ea ga Keresete; ⁶ Le go na le iketleco go ipusholosetsa go bisa go utlua gotle, mogañ go utlua ga lona go rihahalañ. ⁷ A lo leba tse ri ka kua ntle? Ha moñue a iikanya ka esi ha e le oa ga Keresete, a a be a gopole tse mo go ena, go re, yaka a le oa ga Keresete, le rona, re ba ga Keresete. ⁸ Gone ekare ha le ’na ’nka belahala bogolu ga taolo ea rona, e Morena o e re neileñ, go na kagelelo, mi esiñ go lo riga, yalo ga ’nkitla ki tlayoa ki litloñ; ⁹ Gore ki si ne yaka ’nka lo boitsa ka liepisetole. ¹⁰ Gone ba re, Liepisetole tsa gague li boima le bothata, mi bogaucuanyane yoa mele oa gague bo bokoa, le puo ea gague ea nyatsega. ¹¹ Eo ontseñ yalo a a gopole se, kaha rentseñ ka gona mo hukuñ ka liepisetole ha re sieo, re tla na yalo le gona mo tihoñ ha re na le lona. ¹² Gone ga re kake ra ikaea ka gope, khotsa ra icuantsa le bañue ba ba ipakañ; mi ba, ga ba na tlaloganyo, ka ba itekanya ka bona ka bosi, mi ba icuantsa ka bona ka bosi. ¹³ Mi rona ga re kitla re belahala mo liloñ tse ri sa lekañoeñ, mi re tla belahala kaha selekanyoñ sa sekaelo se Morimo o se re abetseñ, se se hitlileñ le kua go lona. ¹⁴ Gone ga re iñamole bogolu go cuanelo, yaka ekete ga re hitle le kua go lona; gone re hitlile le go lona mo evangelioñ ea ga Keresete; ¹⁵ Esiñ go belahala mo liloñ tse ri se lekañoeñ mo tiheloñ ea ba bañue; mi ka re na le culuhelo, mogañ tumelo ea lona e totañ, ha re tla gorisioa bogolu ki lona kaha sekaeloñ sa rona, ¹⁶ Go rera evangelio mo maheloñ a a kua pele ga lona, mi esiñ go belahala mo sekaeloñ sa lilo tse ri etlelericoeñ gale. ¹⁷ Mi eo o belahalañ, a a belahale mo Moreneñ. ¹⁸ Gone esi ena eo o ipakañ, mi go lekiloe ena eo o bakoañ ki Morena.

KHAOLO 11. ¹ KI rata gore lo iphapanye le ’na se botlana mo bosiloñ yoa me; E, iphapanyeñ le ’na. ² Gone ki lehuha le lona ka lehuha ya Morimo; gone ki lo etleleritse, go na yaka lekharebe ye le itsekileñ, go lo baea ha pele ga monona e boñ Keresete. ³ Mi kia boiha, gore e si re khotsa yaka noga e la ea tsietsa Eve ka boherehere yoa eona, maitlomo a lona le aona a borisioa a tenegela boñue hela yo bo mo go Keresete. ⁴ Gone ha ena eo o tlañ a rera Yesu o sele, eo re sa mo rereñ; khotsa ha lo cula moea o sele, o lo sa o culeñ; khotsa evangelio e sele, e lo sa e culeñ, lo kabo lo cuanetse go iphapanya le ena. ⁵ Gone kia ikaea ha ki le ki si motlana ka gope mo go eo mogolu bogolu oa baapostoloi. ⁶ Mi leha kintse yaka ga kia rutoa mo mahukuñ, leha gontse yalo esiñ mo kicoñ; mi re senogile gotle mo liloñ cotle mo go lona. ⁷ A ki leohile ka ki inolaharitse gore lo gorisioe, ka ki lo reretse evangelio ea Morimo esiñ ka tuelo? ⁸ Ki thukhuthile liekelesia tse riñue, ka tsaea lireko go cona go lo rihela ka cona. ⁹ Mi erile ka ki na le lona mo botlokoñ, ga kia ka ka imahatsa ope; gone botloko yoa me bo le bo tlarioa ki bakauleñue ba ba coañ Makedonia, mi ka ipuluka mo liloñ cotle, ki sa lo imahatse, mi ki tla ipuluka yalo. ¹⁰ Yaka boamarure yoa ga Keresete bo le mo go ’na, ga go ope eo o tla khoreletsañ pelahalo e ea me mo maheloñ a Akaia. ¹¹ Kañ? a ki ka ki sa lo rate? Morimo oa itse. ¹² Mi se ki se rihañ, ki tla se riha, gore ki khaole lobaka loa bona ba ba eletsañ lobaka, gore ba bonoe ba cuana yaka rona mo seoñ se ba se belahalelañ. ¹³ Gone bauo, ki baapostoloi ba kako, bariheri ba tsieco, ba iphetola baapostoloi ba ga Keresete. ¹⁴ Mi ga si khakhamaco, gone Satane le ena a iphetola moengele oa leseri. ¹⁵ Ki gona e be esi segolu ha bariheri ba gague le bona ba hetoga bariheri ba tsiamo; ba bokhutlo yoa bona bo tla nañ kaha tihoñ tsa bona. ¹⁶ Ki bile ki re, A go si ne ope eo o itlomañ ki le lesilo; mi ha e si yalo, ’nculañ yaka lesilo, gore le ’na ki belahale se botlana. ¹⁷ Mi yana se ki se buañ ga ki se bue kaha Moreneñ, mi yaka mo bosiloñ, mo thaten e ea pelahalo. ¹⁸ Le mororo bantsi ba belahala kaha nameñ, le ’na ki tla belahala yalo. ¹⁹ Gone lo itumela go iphapanya le masilo, le mororo lo le matlale. ²⁰ Gone loa iphapanya ha moñue a lo tsenya mo kholegoñ, ha moñue a lo ya a lo uetsa, ha moñue a lo thopa tsa lona, ha moñue a ikhorisa, ha moñue a lo tlanya mo sehatlogoñ. ²¹ Ki bua kaga khobo, yaka re le re le bokoa. Mi kua moñue o pelukhale gona, (ki bua ka bosilo,) le ’na ki pelukhale. ²² A ki Bahebera? Le ’na. A ki Bayeserela? Le ’na. A ki losika loa ga Aberahame? Le ’na. ²³ A ki bariheri ba ga Keresete? (Ki bua yaka lesilo,) ki mogolu go bona; mo tiheloñ e kholu bogolu, le mo lipecoñ bogolu go tekano, le mo matluñ a kholegelo ka gantsi bogolu, le mo lincuñ ka gantsi. ²⁴ Ka berioa ga faev ki Bayuda ka lipeco li forte ha e si e le ñue hela. ²⁵ Ka berioa ga teri ka litsama, ka khobotlerioa gañue hela, ka boga thubego ea shepa ga teri, ki le ka hetisa bosigo le letsatse mo boteñeñ yoa leoatle; ²⁶ Le mo liketoñ ka gantsi, le mo lipoitsegoñ tsa linoka, le mo lipoitsegoñ tsa linokuane, le mo lipoitsegoñ ka ba morahe oa me, le mo lipoitsegoñ ka ntla ea bahaitene, le mo lipoitsegoñ mo motseñ, le mo lipoitsegoñ mo gareñganaga, le mo lipoitsegoñ mo leoatleñ, le mo lipoitsegoñ mo bakauleñueñ ba tsieco; ²⁷ Le mo tihoñ e e thata le tapisho, le mo tishoñ ka gantsi, le mo tlaleñ le lenyora, le mo go ithibeñ go ya ka gantsi, le mo serameñ, le go sa ikatega. ²⁸ Bogolu go lilo tse ri kua ntle, tlamelo ea liekelesia cotle e tla mo go ’na ka metla eotle. ²⁹ Mañ eo bokoa, mi ’na ki si bokoa? mañ eo o khopisioañ, mi ’na ki sa gotele? ³⁰ Ekare ha ki cuanetse go belahala, ki tla belahalela lilo tsa bokoa yoa me. ³¹ Morimo le Rra Yesu Keresete Morena oa rona, eo o bakoañ ka bosina bokhutlo, oa itse ga ki ake. ³² Molaori mo taoloñ ea khosi Arete mo Damaseko, a buluka motse oa Badamaseko, a eletsa go ’neuara; ³³ Mi ka lepelelerioa tlatse mo serutoñ ka lecoha ya seboni ye le kua gorimo ga lomota, mi ka halola mo liatleñ tsa gague.

KHAOLO 12. ¹ A MARURE pelahalo ga e molemo go ’na. Gone ki tla ea go lipontsisho le liponatsego tsa Morena. ² Ki itsile mothu mo go Keresete, go hetile linyaga li le forten morago ga mouo, (leha e kane e le mo meleñ, ga ki itse; khotsa ekane e le kua ntle ga mele, ga ki itse; go itse Morimo;) eo ontseñ yalo o la a culeloa kua legorimoñ ya boteri. ³ Mi ki itsile mothu eo ontseñ yalo, (leha ekane e le mo meleñ, khotsa kua ntle ga mele, ga ki itse; go itse Morimo;) ⁴ Kaha o la a culeloa kua Paradaiso, mi a utlua mahuku a a sa kakeñ a buioa, a esiñ taolo mo mothuñ go a bua. ⁵ Ki tla belahala mo go eo ontseñ yalo; leha gontse yalo kia gana go ipelahalela, ha e si mo makoeñ a me. ⁶ Gone leha ’nka eletsa go belahala, ki tla bo ki si lesilo; gone ki tla bo ki bua boamarure; mi kia ithiba, gore go si ne ope eo o gopolañ ga me bogolu mo go se o se bonañ mo go ’na, khotsa se o se utluañ ga me. ⁷ Mi gore ki si ikhorise bogolu, ka ntla ea bogolu yoa liponatsego, ka neoa mutlua mo nameñ, eboñ, moronoi oa ga Satane go ’ntlanya ka macuele, gore ki si ikhorise bogolu. ⁸ Ki le ka rapela Morena ga teri kaga mouo, gore go tloge mo go ’na. ⁹ Mi a ’nthaea, Tsegohaco ea me e gu lekanye; gone thata ea me e rihoa botlalo mo bokoeñ. Ki gona ki tla belahalañ bogolu mo makoeñ a me, gore thata ea ga Keresete e nne mo go ’na. ¹⁰ Ki gona ki khatlegañ mo makoeñ, le mo likhoboñ, le mo litlokoñ, le mo lipogishoñ, le mo litlaleloñ, ka ntla ea ga Keresete: gone eare ha ki na bokoa e be e le gona ki thatahetseñ. ¹¹ Ki rihegile lesilo mo pelahaloñ; lo ’nkhorile; gone ki le ki cuanetse go bakoa ki lona; gone ga ki motlana leha e le go le gonye mo go eo mogolu bogolu oa baapostoloi, leha ki si sepe. ¹² Amarure macuao a moapostoloi a la a rihoa mo go lona, mo bopeluñtelele yotle, ka licupo, le likhakhamaco, le lithata. ¹³ Gone lo babotlana mo go eñ bogolu go liekelesia tse riñue, ha e si ka ki si ka ka lo imahatsa ka ’nosi? ’ncuareleñ cokamo e. ¹⁴ Bonañ, ki iketleritse go ea go lona ka loa bo‐teri; mi ga ’nkitla ki lo imahatsa; gone ga ki batle tsa lona, ki batla lona; gone bana ga ba cuanela go phuthela bagolu ba bona mahumo, mi bagolu ba phuthela bana. ¹⁵ Gone ki tla lo ruelela le go rueleloa meoea ea lona ka boitumelo; leha ki lo rata segolu, ki ratoa sebotlana. ¹⁶ Mi a go ne yalo, ga kia ka ka lo imahatsa; leha gontse yalo, ba re, ka ki le boherehere, ki lo cuere ka tsieco. ¹⁷ A ki le ka itlamela señue ka bona ba ki leñ ka ba roma go lona? ¹⁸ Ki le ka rapela Tito, mi ka roma mokauleñue nae. A Tito o la itlamela señue ka lona? mi a ga rea ka ra tsamaea mo moeeñ o le moñue hela? a ga rea ka ra tsamaea mo khatoñ li liñue hela? ¹⁹ A lo ba lo itloma ha re itatoholola go lona? re bua ha pele ga Morimo mo go Keresete; mi, baratoi, cotle tse re li rihela kagelelo ea lona. ²⁰ Gone kia boiha, gore e si re mogañ ki eañ, ki si kitla ki lo hitlela yaka ki rata, mi ’na ki bonoa ki lona yaka lo ko lo sa rate; gore e si re khotsa ga na likhañ, le lipelutsetla, le magale, le likomano, le litsebo, le go bua tsebeñ, le lipurulogo, le litlapeo; ²¹ Gore e si re mogañ ki bañ ki ea, Morimo oa me oa ’nnolohatsa mo go lona, mi ’na ka hutsahalela bantsi ba ba leohileñ gale, ba ba sa ka ba tlabologa mo mashueñ, le khokabalo, le boaka, yo ba bo rihileñ.

KHAOLO 13. ¹ LO ki loa bo‐teri lo ki tlañ go lona. Mahuku aotle a tla tlomamisioa ka molomo oa bashupi ba tu khotsa ba teri. ² Ki lo buleletse pele, mi kia lo bulelelela pele yana, yaka ki le mo go lona ka loa bo‐tu; mi yana ka ki sieo go lona, ki kualela bona ba ba leohileñ pele, le ba bañue botle, go re, ha ki ba ba ki tla, ga ’nkitla ki ba rekegela; ³ Ka lo batla teko ea ga Keresete eo o buañ mo go ’na, eo o siñ bokoa kaga lona, mi o thata mo go lona. ⁴ Gone leba a bapocoe ka ntla ea bokoa, leha gontse yalo oa tsela ka thata ea Morimo. Gone le rona re bokoa mo go ena, mi re tla tsela le ena ka thata ea Morimo mo go lona. ⁵ Ipotsiseñ, ha lo le mo tumeloñ; itekeñ. Khotsa a ga lo ikitse, ha Yesu Keresete a le mo go lona? ha lo si balatlegi. ⁶ Mi ki shuluhela lo tla tlaloganya ha re si balatlegi. ⁷ Mi yana kia rapela Morimo gore lo si rihe boshula bope; esiñ gore re bonoe re lekiloe, mi gore lo rihe se se molemo, leha rentse yaka balatlegi. ⁸ Gone ga re kake ra ganetsanya sepe le boamarure, mi e le go rihela boamarure. ⁹ Gone rea itumela mogañ re bokoa, mi lona lo le thata; mi se le shona rea se eletsa, eboñ, botlalo yoa lona. ¹⁰ Ki gona ki kualañ lilo tse ka ki sieo go lona, gore e si re khotsa ha ki na le lona ka riha ka bogale, kaha taoloñ e ki e neiloeñ ki Morena, go agelela, mi esiñ go senya. ¹¹ Ya bohelo, bakauleñue, salañ señtle. Tlarioañ, gomorioañ, nañ boitlomo bo le boñue hela; agañ ka kagisho; mi Morimo oa lorato le kagisho o tla na le lona. ¹² Rumerisanyañ ka katlo ea boitsepho. ¹³ Baitsephi botle ba lo rumerisa. ¹⁴ Tsegohaco ea ga Yesu Keresete Morena, le lorato loa Morimo, le kabalano ea Moea oa Boitsepho e ne le lona lotle. Amena.