1234567891011121314151617181920212223242526272829303132333435363738394041424344454647484950
12345678910111213141516171819202122232425262728293031323334353637383940
123456789101112131415161718192021222324252627
123456789101112131415161718192021222324252627282930313233343536
12345678910111213141516171819202122232425262728293031323334
123456789101112131415161718192021222324
123456789101112131415161718192021
1234
12345678910111213141516171819202122232425262728293031
123456789101112131415161718192021222324
12345678910111213141516171819202122
12345678910111213141516171819202122232425
1234567891011121314151617181920212223242526272829
123456789101112131415161718192021222324252627282930313233343536
12345678910
12345678910111213
12345678910
123456789101112131415161718192021222324252627282930313233343536373839404142
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150
12345678910111213141516171819202122232425262728293031
12345
12345678
123456789101112131415161718192021222324252627282930313233343536373839404142434445464748495051525354555657585960616263646566
12345678910111213141516171819202122232425262728293031323334353637383940414243444546474849505152
12345
123456789101112131415161718192021222324252627282930313233343536373839404142434445464748
123456789101112
1234567891011121314
123
123456789
1
1234
1234567
123
123
123
12
1234567891011121314
1234
12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
123456789101112131415161718192021
1

KHAOLO 1. 1 PAULO, le Silevano, le Timoteo, go ekelesia ea Batesaloni e e mo Morimoñ Rra, le mo go Yesu Keresete Morena: Tsegohaco e ne le lona, le kagisho e e coañ Morimoñ Rra ecu, le Yesu Keresete Morena. 2 Rea itumelela Morimo ka gale ka ntla ea lona lotle, re lo gopola mo merapeloñ ea rona; 3 Re gopola ka go bisa go khutla tiho ea tumelo ea lona, le tihelo ea lorato, le bopelutelele yoa culuhelo mo go Yesu Keresete Morena oa rona, ha pele ga Morimo le Rra ecu; 4 Ka lona bakauleñue ba ba rategañ, lo itse boitseñkelo yoa lona Morimoñ. 5 Gone evangelio ea rona e le le mo go lona, esiñ ka mahuku hela, e le le mo thateñ, le mo Moeeñ oa Boitsepho, le mo kitsishoñ e kholu; yaka lo itse kaha re le rentse ka gona mo go lona ka ntla ea lona. 6 Mi lo loa na balateri ba rona, le ba Morena, ka lo lo cutse lehuku mo pogishoñ e kholu, ka boitumelo yoa Moea oa Boitsepho; 7 Ga tsamaea loa na likao go bona botle ba ba rumelañ mo Makedonia, le Akaia. 8 Gone lehuku ya Morena le rule go lona ya tumela esiñ mo Makedonia le Akaia gosi; mi le gona tumelo e lo rumelañ Morimoñ ka eona, e halaletse mo maheloñ aotle, ga tsamaea re si ka ra tlola re itsise sepe. 9 Gone le bona ba bulela ga rona ka bosi, kaha go tsena ga rona mo go lona go le gontse ka gona; le kaha lo loa tlabologela Morimoñ lo coa merimon ea liseto ka gona, go rihela Morimo o o tserileñ le oa amarure; 10 Le go lebelela Moroa ona a coa mo magorimoñ, eo o lo oa mo cosa mo bashuiñ, eboñ Yesu, eo o re gololañ mo bogaleñ yo bo tla tlañ.

2

KHAOLO 2. 1 GONE lona, bakauleñue, loa itse ka losi, go tsena ga rona mo go lona, ha e le e si lehela; 2 Mi leha pele re le ra bogisioa, ra riheloa ka litloñ, kua Filipi, yaka lo itse, re le ra na pelukhale mo Morimoñ oa rona go bua evangelio le lona ka khañ e kholu. 3 Gone kaelo ea rona e le e si ea timeco, le esiñ ea limpe, le esiñ ea tsieco; 4 Mi yaka re le ra lekoa ki Morimo gore re ikanyelerioe evangelio, yalo rea bua, esiñ go cuana le go khatla bathu, mi e le go khatla Morimo o o lekañ pelu tsa rona. 5 Gone ga re e si re ke re bue mahuku a pakisho ka motla ope, yaka lo itse, le esiñ ka seipato sa timano; Morimo ki moshupi; 6 Le esiñ go batla tlotlo mo bathuñ, le esiñ mo go lona, leha e le mo go ba sele, leha re kabo re lo imaharitse yaka baapostoloi ba ga Keresete. 7 Mi re le ra na pelunomi mo go lona, yaka moamusi a otla bana ba gague; 8 Ka re le ra lo tlologeleloa segolu yalo, re le ra rata go lo abela, esiñ evangelio ea Morimo eosi, mi le eona meoea ea rona, gone lo lo ratega go rona. 9 Gone, bakauleñue, loa gopola tiho le tapisho tsa rona; gone re le ra riha bosigo le motsegare, gore re si imahatse ope oa lona, ra lo rerela evangelio ea Morimo. 10 Lona lo bashupi, le Morimo, kaha re le ra tsamaea ka gona mo go lona ba lo rumelañ, ka boitsepho, le tsiamo, le mo go sinañ molatu; 11 Yaka lo itse kaha re le ra kaela, ra gomotsa, le go shupetsa moñue le moñue oa lona ka gona, yaka Rra mo baneñ ba gague, 12 Gore lo tsamaee go cuanela Morimo o o lo bileritseñ bogosiñ yoa ona, le mo khalaleloñ ea ona. 13 Mi ki gona le gona re itumelelañ Morimo ka go bisa go khutla, gone, erile lo sina cula lehuku ya Morimo ye lo le utluileñ go rona, lo si ka loa le cula yaka huku ya bathu, mi yaka le le ka amarure yeona lehuku ya Morimo, ye le rihañ rure le mo go lona ba lo rumelañ. 14 Gone lona, bakauleñue, lo loa na balateri ba liekelesia, tse ri mo Yudea, tse ri mo go Keresete Yesu, gone le lona lo bogisericoe lilo tse rintseñ yalo ki ba morahe oa lona, yaka le bona mo Bayudiñ; 15 Ba ba bolaileñ Yesu Morena, le baperofeti ba bona, mi ba re bogisitse; mi ba sa khatle Morimo, mi ba emalana le bathu botle; 16 Ba re itsa go bua le bahaitene gore ba bulukoe, gore ba tlaleletse libe tsa bona ka gale. Mi bogale yoa Morimo bo tlile mo go bona ka bogolu bogolu. 17 Mi rona, bakauleñue, ka re gagocoe go lona mo meleñ ka motla o mo khutsanyane, esiñ ka pelu, re tloahetse bogolu bogolu go bona hatlogo tsa lona ka keleco e kholu. 18 Ki gona re ko re ea go lona, E, ’na Paulo, gañue le gape; mi Satane o la a re khoreletsa. 19 Gone culuhelo ea rona ki ehe, khotsa boitumelo, khotsa seroalo sa bogosi sa pelahalo? A ga si lona ha pele ga Yesu Keresete Morena oa rona mo go tleñ ga gague? 20 Gone lo khalalelo le boitumelo yoa rona.

3

KHAOLO 3. 1 KI gona erileñ re sa kake ra tlola re iphapanya, re le ra kaea ha go le molemo go tlogeloa mo Atene rosi; 2 Mi ra roma Timoteo mokauleñue oa rona, le moriheri oa Morimo, le moriheri le rona mo tiheloñ ea evangelio ea ga Keresete, go lo tlomamisa, le go lo gomotsa kaga tumelo ea lona; 3 Gore go si ne ope eo o tsikiñoañ ki lipogisho tse; gone loa itse ka losi, ha re emisericoe mouo. 4 Gone erile ka re na le lona re le ra lo bulelela pele ha re tla bogisioa; yaka go rihahetse, mi loa itse mouo. 5 Ki gona ka mouo, erile ki sa kake ka tlola ki iphapanya ka keleco euo, ka mo roma go itse ga tumelo ea lona, gore e se re khotsa moraeri a ba a lo raetse, mi tihelo ea rona ea na lehela. 6 Mi yana erile Timoteo a sina coa go lona a tla go rona, a re leretsa litaeco tse ri molemo tsa tumelo le lorato loa lona, le gona ka loa bo lontse lo re gopola ka khopolo tse ri molemo, lo eletsa segolu go re bona, yaka le rona go lo bona; 7 Ki gona yalo, bakauleñue, re gomoricoeñ mo lipogishoñ le tlalelo cotle tsa rona ka ntla ea tumelo ea lona; 8 Gone yana rea tsela, ha lo ema ka tlomamo mo Moreneñ. 9 Gone boitumelelo yo re ka ba ra bo lo nelela Morimoñ ki bohe, ka ntla ea boitumelo yotle yo re itumelañ ka yona ka ntla ea lona ha pele ga Morimo oa rona; 10 Ka go rapela bogolu ka bosigo le motsegare, gore re bone hatlogo tsa lona, le go tlatsa se se tlokahalañ mo tumeloñ ea lona? 11 Yana Morimo le Rra ecu, ka esi, le Yesu Keresete Morena oa rona, a a siamisetse tsela ea rona go ea go lona. 12 Mi Morena a lo atise le go lo totisa mo thatanoñ, le mo go rateñ botle, yaka rona re lo rata. 13 Gore a tlomamise pelu tsa lona, go na go sina molatu mo boitsephoñ ha pele ga Morimo, eboñ Rra ecu, mo go tleñ ga Yesu Keresete Morena le bagalaleri ba gague botle.

4

KHAOLO 4. 1 MI gape, bakauleñue, rea coelela go lo rapela, le go lo kaela ka Yesu Morena, yaka lo cutse mo go rona kaha lo cuanetseñ go tsamaea le go khatla Morimo, rea re, lo ne lo tote bogolu bogolu. 2 Gone loa itse taolo tse re li lo neileñ ka Yesu Morena. 3 Gone thato ea Morimo ki e, eboñ itsephisho ea lona, gore lo ithibe mo khokahaloñ; 4 Gore moñue le moñue oa lona a itse go buluka mele oa gague mo boitsephishoñ le mo tlotloñ; 5 Esiñ mo likhatlegoñ tsa boshula yaka bahaitene, ba ba sa itseñ Morimo; 6 Gore go si ne ope eo o thobelañ le go tsietsa mokauleñue oa gague mo seoñ se, gone Morena e le moshulosi oa botle ba bantseñ yalo, yaka le rona re lo buleletse pele ra lo itsise. 7 Gone Morimo ga oa re biletsa go tse ri mashue, mi o re bileritse boitsephishoñ. 8 Ki gona eo o nyatsañ mo, ga a nyatse mothu, mi ki Morimo, o o re neileñ Moea oa Boitsepho oa ona. 9 Mi ga lorato loa bakauleñue, ga go tlokahale gore ki lo kualele; gone Morimo o lo rutile ka losi go ratana. 10 Mi lo lo rihela rure bakauleñue botle ba ba mo Makedonia yeotle; mi, bakauleñue, rea lo rapela gore lo tote bogolu; 11 Mi gore lo tloahale go ririmala, le go riha lilo tsa lona cosi, le go riha ka atla tsa lona, yaka re le ra lo laola; 12 Gore lo tsamaee mo tsiamoñ ha go bona ba ba kua ntle, gore lo ne lo sa tloke sepe. 13 Mi, bakauleñue, ga ki rate gore lo si itse kaga bona ba ba robetseñ, gore lo si hutsahale, yaka bañue ba ba sinañ culuhelo. 14 Gone, ha re rumela ha Yesu a shule a ba a coga, gontse yalo bona ba ba robetseñ mo go Yesu, Morimo o tla ba lere nae. 15 Gone se rea se lo bulelela ka huku ya Morena, ha rona ba re tserileñ le go salela go tla ga Morena, re si kitla re coelela pele ga bona ba ba robetseñ. 16 Gone Morena ka esi o tla hologa mo legorimoñ, ka pico, le ka koru ea moengele eo mogolu, le ka terompeta ea Morimo; mi bashui ba ba shuetseñ mo go Keresete ba tla coga pele; 17 Eriha gona rona ba re tserileñ, ba re setseñ, re tla culerioañ mogo le bona mo maruñ, go khatlantsa Morena mo loapiñ; mi yalo re tla na le Morena ka bosina bokhutlo. 18 Ki gona gomotsanyañ ka mahuku auo.

5

KHAOLO 5. 1 MI, bakauleñue, ga go tlokahale gore ki lo kualele ga metla le lipaka. 2 Gone ka losi loa itse ka botlalo, ha tsatsi ya Morena le tla tla yalo yaka legoru bosigo. 3 Gone etlare mogañ ba reñ, Go kagisho, ga go na poitsego; eriha gona tsenyego ea bonako e tla tlañ go bona, yaka pelego e tla mo mosariñ eo o ithueleñ; mi ga ba kitla ba halola. 4 Mi lona, bakauleñue, ga lo mo hihiñ, ha tsatsi ye le ka lo hitlela yaka legoru. 5 Lona lotle lo bana ba leseri, le bana ba letsatsi; ga re ba bosigo, leha e le ba lehihi. 6 Ki gona a re si robaleñ yaka ba bañue; mi a re riseñ, le go na tekano. 7 Gone ba ba robalañ, ba robala bosigo; mi ba ba tagiloeñ ba tagiloe bosigo. 8 Mi rona ba re leñ ba letsatsi, a re ne tekano, re apare thebe ea sehuba ea tumelo, le ea lorato; lo eona culuhelo ea puluko go na helemeta. 9 Gone Morimo go oa re laolela bogaleñ, mi ki go bona puluko ka Yesu Keresete Morena oa rona, 10 Eo o re shuetseñ, gore, leha re cogile, khotsa re robetse, re tsele mogo le ena. 11 Ki gona gomotsanyañ, mi agelelanañ, yaka le lona lo riha. 12 Mi, bakauleñue, rea lo rapela, itseñ bona ba ba rihañ mo go lona, ba ba lo lebalebañ mo Moreneñ, ba ba lo kaelañ; 13 Go ba kaea segolu mo loratoñ, ka ntla ea tiho tsa bona mo go lona. Nañ kagisho mo go lona. 14 Mi yana, bakauleñue, rea lo rapela, tlagisañ ba ba sa rulaganyeñ, gomotsañ ba ba sa nametsegeñ, thusañ ba ba bokoa; nañ bopelutelele mo go botle. 15 Lo bone gore go si ne ope eo o lehelañ eo moñue boshula ka boshula; mi latelañ se se molemo ka gale, mo go lona ka losi, le mo go bona botle. 16 Itumeleñ ka gale. 17 Rapelañ ka go bisa go khutla. 18 Lo itumelele mo liloñ cotle; gone mo, e le thato ea Morimo kaga lona, mo go Keresete Yesu. 19 Si timeñ Moea. 20 Si nyatseñ lithuto. 21 Lekañ lilo cotle; tsegetsañ se se molemo. 22 Ithibeñ mo go cotle tse ri cuanañ yaka boshula. 23 Mi Morimo oa kagisho ka osi, a o lo itsephise gotle; gore matselo aotle a lona, le meoea, le mebele, e bulukoe, ka go sina molatu, mo go tleñ ga Yesu Keresete Morena oa rona. 24 Ona o o lo bitsañ o boikanyo; o le ona o tla riha yalo. 25 Bakauleñue, lo re rapelele. 26 Rumerisañ bakauleñue botle ka katlo ea boitsepho. 27 Kia lo ikanisa ka Morena, gore episetole e, e buiserioe bakauleñue botle ba boitsepho. 28 Tsegohaco ea ga Yesu Keresete Morena oa rona e ne le lona. Amena.