1 Pedro

PRIMERA EPÍSTOLA UNIVERSAL DE SAN PEDRO APÓSTOL

Salutación

¹Huēj huin Pedro tsínj huin apóstol. Ni̱ guneꞌ Jesucristo manꞌānj sisi̱ ga̱nꞌanj ga̱ꞌmī rian ni ngüi̱ xiꞌí sij. Ni̱ aꞌnī yanj carta nan huaj rian ni é re̱ꞌ huin ni é re̱ꞌ ni tsínj nicoꞌ Yanꞌanj ganꞌanj ga̱ne ango yuꞌuj. Ni̱ gaxaꞌni̱ ni é re̱ꞌ estado Ponto nga̱ estado Galacia nej, estado Capadocia nej, estado Asia nej, estado Bitinia nej. ²Ni̱ Yanꞌanj huin chréꞌ. Ni̱ asi̱j ná nacui Yanꞌanj ni é re̱ꞌ. Daj si hua niꞌi Yanꞌanj sisi̱ gui̱nicoꞌ a ni é re̱ꞌ Yanꞌanj, gui̱ꞌyaj Espíritu Santo. Ni̱ na̱guiꞌyaj sa̱ꞌ Espíritu Santo niman ni é re̱ꞌ. Ni̱ huin ruhua Yanꞌanj sisi̱ da̱gahuin ni é re̱ꞌ rian Jesucristo. Ni̱ huin ruhua Yanꞌanj sisi̱ na̱ꞌninꞌ tun Jesucristo niman ni é re̱ꞌ huin tun gayanj síꞌ ngaa gahuiꞌ síꞌ xiꞌí néꞌ. Ni̱ huin ruhua manꞌānj sisi̱ gui̱ꞌyaj Yanꞌanj nico sinduj rian ni é re̱ꞌ. Ni̱ ꞌngo̱ ga̱huin dinꞌinj ruhua ni é re̱ꞌ, gui̱ꞌyaj Yanꞌanj, ruhuāj aj.

Una esperanza viva

³Ga̱ꞌmi sa̱ꞌ néꞌ rian Yanꞌanj huin chrej Jesucristo huin Señor nicaj sun rian néꞌ. Xiꞌí si ni̱nꞌ ruhua nani yaco ruhua Yanꞌanj niꞌya néꞌ, ni̱ guiꞌyaj Yanꞌanj si gaꞌnga na̱ca ru̱huaꞌ yún néꞌ. Ni̱ hué daj gahuin xiꞌí si ganáꞌnij Jesucristo scanij ni níman. Xiꞌí daj ni̱ anaꞌuij néꞌ sisi̱ gui̱ꞌyaj sa̱ꞌ Yanꞌanj nga̱ néꞌ. ⁴Ngaa ni̱ na̱huin raꞌa ni é re̱ꞌ ni rasu̱n nara sa̱ꞌ Yanꞌanj xataꞌ huin ni rasu̱n si̱ gaꞌue gu̱chru. Ni̱ huin ni rasu̱n si̱ gaꞌue gui̱tinj. Ni̱ huin ni rasu̱n si̱ gaꞌue gu̱chri. ⁵Ni̱ xiꞌí si xuman ruhua ni é re̱ꞌ niꞌyaj ni é re̱ꞌ Yanꞌanj, ni̱ dugumi Yanꞌanj ni é re̱ꞌ nga̱ si-fuerza sij. Ni̱ du̱gumi Yanꞌanj ni é re̱ꞌ da güi na̱caj ni̱nꞌ Yanꞌanj ni é re̱ꞌ. Daj si niꞌi néꞌ si ga̱nacaj Yanꞌanj néꞌ güi ga̱nahuij xungüi̱ nan anj.

⁶Xiꞌí nuguanꞌ daj ni̱ gahuin nia̱ꞌ ruhua á re̱ꞌ nu̱nj si do̱j gue̱ güi guiranꞌ ni é re̱ꞌ gaꞌi̱ rian sayun si ruhuaj. ⁷Ni̱ sayun daj di̱gyán sisi̱ xa̱ngaꞌ xuman ruhua ni é re̱ꞌ niꞌyaj ni é re̱ꞌ Yanꞌanj. Ngaa ni̱ gui̱ꞌyóꞌ cuenta da̱j ꞌyaj ni sij nga̱ gagaꞌ oro. Ni̱ ga̱ niꞌya oro daj nga̱ xungüi̱ nan. Ni̱ ꞌníj ni sij oro daj rian yanꞌa̱n xa̱caj ni sij cuenta sisi̱ si̱ nagune. Ni̱ sisi̱ si̱ nagune, ni̱ hué oro daj huin oro sa̱ꞌ. Ni̱ hué daj ꞌyaj Yanꞌanj nga̱ ni é re̱ꞌ ngaa ranꞌ ni é re̱ꞌ sayun. Ni̱ sisi̱ xa̱ngaꞌ xuman ruhua ni é re̱ꞌ niꞌyaj ni é re̱ꞌ Yanꞌanj ngaa gui̱sij gui̱ranꞌ ni é re̱ꞌ sayun, ngaa ni̱ ga̱ꞌmi sa̱ꞌ ni ngüi̱ xiꞌí Yanꞌanj güi na̱nicaj Jesucristo ga̱ꞌnaꞌ sij. Ni̱ gui̱nun yanꞌanj ni ngüi̱ Yanꞌanj güi daj nej aj.

⁸Ni̱ nu̱nj si nun guiniꞌi ni é re̱ꞌ rian Jesucristo, sani̱ ꞌi̱ ruhua ni é re̱ꞌ niꞌyaj ni é re̱ꞌ sij. Ni̱ nu̱nj si nun niꞌi ni é re̱ꞌ rian sij yya̱j, sani̱ xuman ruhua ni é re̱ꞌ niꞌyaj ni é re̱ꞌ sij. Ni̱ ducu huin nia̱ꞌ ruhua ni é re̱ꞌ. Ni̱ da̱ꞌ naꞌue ga̱coꞌ duꞌua ni é re̱ꞌ na̱taꞌ ni é re̱ꞌ nuguanꞌ huin nia̱ꞌ ruhua ni é re̱ꞌ xiꞌí Jesucristo, ꞌyaj Yanꞌanj anj. ⁹Ni̱ xiꞌí si xuman ruhua ni é re̱ꞌ niꞌyaj ni é re̱ꞌ Yanꞌanj, ni̱ ga̱nacaj Yanꞌanj niman ni é re̱ꞌ aj.

¹⁰Asi̱j ná ni̱ ni̱nꞌ ruhua diguiꞌyun ni tsínj gaꞌmi si-nu̱guanꞌ Yanꞌanj xiꞌí nuguanꞌ gataj sisi̱ ga̱nacaj Yanꞌanj ni é re̱ꞌ. Daj si huin ruhua ni sij gui̱niꞌi ni sij da̱j hua sinduj gui̱ꞌyaj Yanꞌanj nga̱ ni ngüi̱. ¹¹Ni̱ hua gaꞌníj Cristo si-Espíritu manꞌan sij chruhua niman ni sij. Ni̱ digyán sini Cristo rian ni sij da̱j gui̱ranꞌ síꞌ sayun. Ni̱ digyán Cristo da̱j ga̱huin ꞌueé síꞌ ngaa ga̱nahuij gui̱ranꞌ síꞌ sayun daj. Ngaa ni̱ naguiꞌyaj cu ni sij manꞌan ni sij da̱j hua tsínj ga̱ꞌnaꞌ. Ni̱ huin ruhua ni sij gui̱niꞌi ni sij a̱man ga̱ꞌnaꞌ tsínj daj. ¹²Sani̱ digyán Yanꞌanj rian ni sij sisi̱ sé xiꞌí ni sij huin nuguanꞌ gaꞌmi ni sij mánj. Sani̱ nuguanꞌ gaꞌmi ni sij huin güenda manꞌan néꞌ yya̱j. Ni̱ da̱j rúnꞌ hua nuguanꞌ gaꞌmi ni sij asi̱j ná, ni̱ hué daj hua gue̱ nuguanꞌ nataꞌ ango ni tsínj gunun ni é re̱ꞌ yya̱j. Ni̱ gaꞌmi ni sij nuguanꞌ sa̱ꞌ daj rian ni é re̱ꞌ, guiꞌyaj Espíritu Santo. Ni̱ gaꞌníj Yanꞌanj Espíritu Santo rian ni sij. Ni̱ daꞌ ni ángel huin ruhua gui̱niꞌi da̱j hua nuguanꞌ sa̱ꞌ daj.

Llamamiento a una vida santa

¹³Hué dan ni̱ ga̱ꞌnij niman ni é re̱ꞌ gui̱ꞌyaj ni é re̱ꞌ da̱j rúnꞌ huin ruhua Yanꞌanj. Ni̱ ga̱ cuidado ni é re̱ꞌ nga̱ si-chrej manꞌan ni é re̱ꞌ. Ni̱ ꞌngo̱ ga̱naꞌuij ni é re̱ꞌ nga̱ sinduj gui̱ꞌyaj Yanꞌanj nga̱ ni é re̱ꞌ ngaa na̱nicaj Jesucristo gui̱niꞌi ni é re̱ꞌ. ¹⁴Hué dan ni̱ ga̱huin ni é re̱ꞌ tsínj da̱gahuin sa̱ꞌ rian Yanꞌanj. Ni̱ si̱ gahuin quij ruhua ni é re̱ꞌ da̱j rúnꞌ guiꞌyaj ni é re̱ꞌ ngaa achin guiniꞌi ni é re̱ꞌ chrej sa̱ꞌ. ¹⁵Ni̱ hua sa̱ꞌ ni̱nꞌ ruhua Yanꞌanj. Ni̱ gaquínj Yanꞌanj sisi̱ gui̱nicaj dugüiꞌ ni é re̱ꞌ nga̱ Yanꞌanj. Ngaa ni̱ xiꞌí si hua sa̱ꞌ ni̱nꞌ ruhua Yanꞌanj, ni̱ daꞌui ni é re̱ꞌ ga̱huin sa̱ꞌ ni é re̱ꞌ nga̱ daranꞌ si-chrej ni é re̱ꞌ aj. ¹⁶Daj si gataj si-nu̱guanꞌ Yanꞌanj: “Ga̱huin sa̱ꞌ ni̱nꞌ ruhua ni é re̱ꞌ xiꞌí si ni̱nꞌ ruhua hua sa̱ꞌ manꞌānj.” Daj gataj Yanꞌanj anj.

¹⁷Ni̱ si̱ xacaj Yanꞌanj cuenta da̱j huin achij go̱ꞌngo néꞌ ngaa na̱guiꞌyaj yya Yanꞌanj nga̱ néꞌ mánj. Ni̱ xiꞌí si ataj ni é re̱ꞌ sisi̱ Yanꞌanj huin chrej ni é re̱ꞌ, ngaa ni̱ gui̱nun yanꞌanj ni é re̱ꞌ Yanꞌanj daranꞌ güi nne ni é re̱ꞌ chruhua xungüi̱ nan. Ni̱ da̱j gui̱ꞌyaj néꞌ chruhua xungüi̱ nan, ni̱ hué daj na̱guiꞌyaj yya Yanꞌanj nga̱ néꞌ güi ga̱nahuij xungüi̱ nan. ¹⁸Ni̱ ganacaj Yanꞌanj ni é re̱ꞌ rian chrej gachéj xi ni é re̱ꞌ huin ꞌngo̱ chrej nitaj si níꞌyanj. Ni̱ niꞌi sa̱ꞌ ni é re̱ꞌ sisi̱ sé sanꞌanj oro nga̱ sanꞌanj plata naruꞌue Yanꞌanj xiꞌí si-ga̱quinꞌ néꞌ. Daj si gu̱chru sanꞌanj plata nga̱ oro. ¹⁹Sani̱ naruꞌue Cristo si-tun manꞌan sij xiꞌí si-ga̱quinꞌ néꞌ. Ni̱ duꞌue ni̱nꞌ ruhua si-tun manꞌan Cristo. Ni̱ da̱j rúnꞌ gayanj si-tun xachij ꞌni̱j hua sa̱ꞌ xiꞌí si-ga̱quinꞌ ni ngüi̱, ni̱ hué daj gayanj si-tun manꞌan Cristo nej. ²⁰Ni̱ asi̱j achin guiꞌyaj Yanꞌanj xungüi̱, ni̱ hua niꞌi Yanꞌanj sisi̱ hué daj gui̱ranꞌ Cristo xiꞌí néꞌ. Sani̱ xiꞌí si ꞌi̱ ruhua Yanꞌanj niꞌya ni é re̱ꞌ, ni̱ gaꞌna̱ꞌ re̱ngaꞌ Cristo, guiꞌyaj Yanꞌanj yya̱j huin ni güi ruhua ga̱nahuij xungüi̱ nan. ²¹Ni̱ xiꞌí si guiꞌyaj Cristo, ni̱ xuman ruhua ni é re̱ꞌ niꞌyaj ni é re̱ꞌ Yanꞌanj anj. Ni̱ Yanꞌanj guiꞌyaj sisi̱ ganáꞌnij Cristo scanij ni níman. Ni̱ gahuin ꞌueé Cristo, guiꞌyaj Yanꞌanj. Xiꞌí daj ni̱ xuman ruhua ni é re̱ꞌ niꞌyaj ni é re̱ꞌ Yanꞌanj. Ni̱ anaꞌuij ni é re̱ꞌ sisi̱ gui̱ꞌyaj sa̱ꞌ Yanꞌanj nga̱ ni é re̱ꞌ. ²²Hué dan ni̱ gahuin sa̱ꞌ niman ni é re̱ꞌ, guiꞌyaj Espíritu Santo. Daj si dagahuin ni é re̱ꞌ nuguanꞌ xa̱ngaꞌ. Ni̱ gahuin sa̱ꞌ niman án re̱ꞌ sisi̱ ga̱ꞌue ga̱huin ꞌi̱ ruhua ni é re̱ꞌ ni̱ꞌyaj ni é re̱ꞌ ni dugüiꞌ ni é re̱ꞌ. Ngaa ni̱ si̱ gataj ni é re̱ꞌ sisi̱ ꞌi̱ ruhua ni é re̱ꞌ niꞌyaj ni é re̱ꞌ dugüiꞌ ni é re̱ꞌ ngaa sé si xa̱ngaꞌ. Sani̱ ꞌngo̱ ga̱huin ꞌi̱ xa̱ngaꞌ ruhua ni é re̱ꞌ ni̱ꞌyaj ni é re̱ꞌ ni dugüiꞌ ni é re̱ꞌ aj. ²³Daj si gaꞌnga ru̱huaꞌ yún ni é re̱ꞌ. Ni̱ sé chrej ni é re̱ꞌ nga̱ nni ni é re̱ꞌ guiꞌyaj si gaꞌnga ru̱huaꞌ yún ni é re̱ꞌ mánj. Sani̱ si-nu̱guanꞌ Yanꞌanj guiꞌyaj si nahuin na̱ca niman ni é re̱ꞌ. Ni̱ sé nuguanꞌ gu̱chru huin si-nu̱guanꞌ Yanꞌanj mánj. Sani̱ rúnꞌ hua ꞌngo̱ rasu̱n hua ni̱ꞌnaꞌ hua nuguanꞌ daj. Ni̱ ga̱ ni̱ganj ni̱nꞌ nuguanꞌ daj nej. ²⁴Xiꞌí daj ni̱ gataj si-nu̱guanꞌ Yanꞌanj:

Rúnꞌ huin coj huin daranꞌ néꞌ.

Ni̱ da̱j rúnꞌ hua yaj, ni̱ hué daj hua néꞌ.

Ni̱ da̱j rúnꞌ ga̱ na̱co coj, ni̱ ga̱yu yaj chra̱ coj, ni̱ daꞌngaꞌ daj na̱huij néꞌ nej.

²⁵Sani̱ nitaj a̱man ga̱nahuij si-nu̱guanꞌ Señor mánj.

Daj gataj si-nu̱guanꞌ Yanꞌanj anj.

Ni̱ nuguanꞌ nan huin nuguanꞌ sa̱ꞌ gaꞌmi aninꞌ únj rian ni é re̱ꞌ.

¹Hué dan ni̱ du̱na ni é re̱ꞌ si ani quij ruhua ni é re̱ꞌ xiꞌí ni dugüiꞌ ni é re̱ꞌ aj. Ni̱ si̱ digyaꞌ yunꞌunj ni é re̱ꞌ ni dugüiꞌ ni é re̱ꞌ mánj. Ni̱ si̱ nachej ga̱ꞌmi ni é re̱ꞌ mánj. Ni̱ si̱ gahui xicoj ruhua ni é re̱ꞌ mánj. Ni̱ si̱ gaꞌmi ni é re̱ꞌ nuguanꞌ snanꞌanj xiꞌí ni dugüiꞌ ni é re̱ꞌ mánj. ²Ni̱ da̱j rúnꞌ ꞌyaj ꞌngo̱ lij diyaj gaꞌnga ngaa naꞌuij si-to nni gu̱tsi, ni̱ hué daj ga̱huin ruhua ni é re̱ꞌ di̱guiꞌyun ni é re̱ꞌ si-nu̱guanꞌ Yanꞌanj huin nuguanꞌ xa̱ngaꞌ. Ngaa ni̱ ga̱huin nucuaj niman ni é re̱ꞌ, gui̱ꞌyaj nuguanꞌ daj. Ngaa ni̱ ducu ga̱hui sa̱ꞌ ni é re̱ꞌ, gui̱ꞌyaj Yanꞌanj. ³Daj si niꞌi ni é re̱ꞌ sisi̱ ꞌyaj sa̱ꞌ Señor nga̱ néꞌ.

La piedra viva

⁴Ngaa ni̱ ga̱huin ni̱chrunꞌ ni é re̱ꞌ rian Cristo. Ni̱ da̱j rúnꞌ huin ꞌngo̱ yej xi hua ni̱ꞌnaꞌ huin sij. Ani ruhua ni tsínj ma̱n chruhua xungüi̱ nan sisi̱ nitaj si níꞌyanj yej daj, ni̱ reꞌej ni sij. Sani̱ ganacui Yanꞌanj yej daj. Daj si güenda Yanꞌanj, ni̱ níꞌyanj ni̱nꞌ ruhua yej daj huin Cristo. ⁵Ni̱ da̱j rúnꞌ huin yej ni̱ꞌnaꞌ, hué daj huin ni é re̱ꞌ nej. Ni̱ du̱na ni é re̱ꞌ sisi̱ ga̱huin ni é re̱ꞌ ꞌngo̱ hueꞌ yej huin ducuá Yanꞌanj. Ni̱ da̱j rúnꞌ dagahuin ꞌngo̱ xiꞌninꞌ chrej rian Yanꞌanj, ni̱ hué daj ga̱huin sa̱ꞌ niman ni é re̱ꞌ da̱gahuin ni é re̱ꞌ rian Yanꞌanj nej. Ni̱ da̱j rúnꞌ nagaꞌuiꞌ ni chrej xucu sa̱ꞌ rian Yanꞌanj, ni̱ hué daj gui̱ꞌyaj sa̱ꞌ ni é re̱ꞌ rian Yanꞌanj xiꞌí si nicoꞌ ni é re̱ꞌ Jesucristo. Ngaa ni̱ ga̱ranꞌ ruhua Yanꞌanj sisi̱ ꞌyaj sa̱ꞌ ni é re̱ꞌ.

⁶Xiꞌí daj ni̱ gataj si-nu̱guanꞌ Yanꞌanj:

Ni̱ꞌyaj ni é re̱ꞌ.

Ni̱ gu̱nēj ꞌngo̱ yej xxi hua sa̱ꞌ ni̱nꞌ.

Ni̱ duguꞌnunj sicúj hueꞌ nne xumanꞌ Sión.

Yej hua sa̱ꞌ daj ganacui manꞌānj.

Ni̱ ni̱nꞌ ruhua hua sa̱ꞌ yej daj.

Ni̱ yej daj huin Cristo.

Tsínj xuman ruhua niꞌyaj Cristo, ni̱ si̱ gahuin na̱ꞌaj sij mánj.

Hué daj gataj Yanꞌanj xiꞌí Cristo asi̱j ná. ⁷Hua sa̱ꞌ ni̱nꞌ ruhua Cristo güenda ni é re̱ꞌ ni tsínj xuman ruhua niꞌyaj sij. Sani̱ güenda ni tsínj nitaj si xuman ruhua niꞌyaj Cristo, ni̱ gahuin yya da̱j rúnꞌ gataj si-nu̱guanꞌ Yanꞌanj:

Hué yej sa̱ꞌ guereꞌej tsínj guiꞌyaj hueꞌ gahuin yej sa̱ꞌ doj duguꞌnunj sicúj hueꞌ, guiꞌyaj Yanꞌanj.

Gataj si-nu̱guanꞌ Yanꞌanj.

⁸Ni̱:

Ni̱ natúj ni ngüi̱, ꞌyaj yej daj.

Ni̱ naxiruꞌ ni sij, ꞌyaj yej.

Gataj ango si-nu̱guanꞌ Yanꞌanj.

Ni̱ naxiruꞌ ni sij, ꞌyaj yej daj xiꞌí si naꞌuej ruhua ni sij da̱gahuin ni sij si-nu̱guanꞌ Yanꞌanj. Ni̱ gani ruhua Yanꞌanj asi̱j ná sisi̱ hué daj gui̱ranꞌ ni ngüi̱ daj aj.

El Pueblo de Dios

⁹Sani̱ hué ni é re̱ꞌ huin ni ngüi̱ nacui Yanꞌanj anj. Ni̱ da̱j rúnꞌ huin ꞌngo̱ xiꞌninꞌ chrej huin achij nu̱n rian Yanꞌanj huin ni é re̱ꞌ nej aj. Ni̱ guiꞌyaj Yanꞌanj sisi̱ huin ni é re̱ꞌ ni ngüi̱ hua sa̱ꞌ niman mán ꞌngo̱ xumanꞌ. Ni̱ xiꞌí si huin ruhua Yanꞌanj sisi̱ ga̱nꞌanj na̱taꞌ ni é re̱ꞌ da̱j ꞌyaj sa̱ꞌ Yanꞌanj rian ni ngüi̱, ngaa ni̱ gaquínj Yanꞌanj ni é re̱ꞌ. Ni̱ gahuin ni é re̱ꞌ rian ru̱miꞌ. Ni̱ nne ni é re̱ꞌ rian hua sa̱ꞌ xigui̱n yanꞌa̱n, guiꞌyaj Yanꞌanj. ¹⁰Asi̱j sini ni̱ nun nicoꞌ ni é re̱ꞌ ꞌngo̱ xumanꞌ. Sani̱ yya̱j ni̱ nicoꞌ ni é re̱ꞌ xánj Yanꞌanj. Asi̱j sini ni̱ nun na̱ni yaco ruhua Yanꞌanj niꞌya ni é re̱ꞌ. Sani̱ yya̱j ni̱ nani yaco ruhua Yanꞌanj niꞌya ni é re̱ꞌ aj.

Vivid como siervos de Dios

¹¹Ni̱ ꞌi̱ ruhuāj niꞌyā ni é re̱ꞌ. Ni̱ rúnꞌ huin tsínj ꞌna̱ꞌ ango xumanꞌ huin néꞌ. Daj si ma̱n néꞌ xungüi̱ nan. Sani̱ ango xungüi̱ huin xánj néꞌ. Ni̱ achínj jniꞌyā rian ni é re̱ꞌ sisi̱ si̱ gaꞌnij ni é re̱ꞌ chrej da̱gahuin ni é re̱ꞌ nuguanꞌ xi̱ꞌi si huin ruhua nnee̱ cúj ni é re̱ꞌ mánj. Daj si ununꞌ nuguanꞌ xi̱ꞌi daj nga̱ niman néꞌ aj. ¹²Ni̱ gui̱ꞌyaj sa̱ꞌ ni é re̱ꞌ scanij ni tsínj nun niꞌi Yanꞌanj anj. Ni̱ nu̱nj si aꞌmi quij ni sij xiꞌí ni é re̱ꞌ yya̱j, ataj ni sij sisi̱ ꞌyaj quij ni é re̱ꞌ, sani̱ güi ga̱ꞌnaꞌ Señor, ni̱ ga̱ꞌmi sa̱ꞌ ni sij xiꞌí Yanꞌanj xiꞌí si gui̱niꞌi ni sij sisi̱ guiꞌyaj sa̱ꞌ ni é re̱ꞌ.

¹³Xiꞌí si nicoꞌ ni é re̱ꞌ Señor, ni̱ da̱gahuin ni é re̱ꞌ rian daranꞌ ni tsínj nicaj sun scanij ni ngüi̱. Ni̱ da̱gahuin a ni é re̱ꞌ rian rey xiꞌí si tsínj huin rian ni̱nꞌ huin sij. ¹⁴Ni̱ da̱gahuin a ni é re̱ꞌ rian ni tsínj huin gobernado. Daj si aꞌníj rey daj sisi̱ gui̱ꞌyaj ni sij castigo ni tsínj ꞌyaj quij, ni̱ ga̱ꞌmi sa̱ꞌ ni sij xiꞌí ni tsínj ꞌyaj sa̱ꞌ. ¹⁵Daj si huin ruhua Yanꞌanj sisi̱ gui̱ꞌyaj sa̱ꞌ néꞌ. Ngaa ni̱ ga̱ꞌue gui̱ꞌyaj néꞌ sisi̱ dínj ga̱huin duꞌua ni tsínj ni̱ꞌyun. Ni̱ si̱ gaꞌmi ni sij nuguanꞌ nun niꞌi ni sij mánj. ¹⁶Rúnꞌ huin tsínj hua níꞌnij rian, ni̱ hué daj gui̱ꞌyaj néꞌ ga̱che néꞌ daranꞌ chrej sa̱ꞌ. Sani̱ si̱ gaꞌue ga̱taj néꞌ sisi̱ xiꞌí daj, ni̱ ga̱ꞌue gui̱ꞌyaj néꞌ u̱n gaquinꞌ ga̱huin gui̱ꞌyaj néꞌ, ga̱taj néꞌ mánj. Sani̱ gui̱ꞌyaj néꞌ da̱j rúnꞌ ꞌyaj ni tsínj ꞌyaj sun rian Yanꞌanj anj. ¹⁷Ni̱ ga̱ níꞌyanj ni é re̱ꞌ rian daranꞌ ni ngüi̱. Ni̱ ga̱huin ꞌi̱ ruhua ni é re̱ꞌ ni̱ꞌyaj ni é re̱ꞌ ni ngüi̱ xuman ruhua niꞌyaj Yanꞌanj. Ni̱ da̱gahuin sa̱ꞌ ni é re̱ꞌ rian Yanꞌanj. Ni̱ gui̱nun yanꞌanj ni é re̱ꞌ rian rey nej.

¹⁸Da̱gahuin sa̱ꞌ ni é re̱ꞌ huin ni é re̱ꞌ ni tsínj ꞌyaj sun rian xuruꞌue. Ni̱ sé urin rian ni xuruꞌue aꞌmi sa̱ꞌ, ni̱ xuruꞌue ꞌyaj sa̱ꞌ da̱gahuin sa̱ꞌ ni é re̱ꞌ mánj. Sani̱ da̱gahuin sa̱ꞌ ni é re̱ꞌ rian ni xuruꞌue aꞌmi huee rian ni é re̱ꞌ nej. ¹⁹Ni̱ sisi̱ gui̱ranꞌ ꞌngo̱ tsínj daj sayun gui̱ꞌyaj xuruꞌue huee daj xiꞌí si nicoꞌ sij Yanꞌanj, ni̱ sisi̱ aꞌninꞌ ruhua sij nga̱ sayun daj, ngaa ni̱ duguꞌna̱j ꞌyaj sij rian Yanꞌanj.

²⁰Sisi̱ huin ni é re̱ꞌ castigo xiꞌí si daꞌui ni é re̱ꞌ gaquinꞌ, ni̱ nitaj nu̱nj ꞌyaj sisi̱ ga̱ꞌninꞌ ruhua ni é re̱ꞌ mánj. Sani̱ sisi̱ aꞌninꞌ ruhua ni é re̱ꞌ nga̱ sayun ꞌyaj ni tsínj xi̱ꞌi xiꞌí si guiꞌyaj sa̱ꞌ ni é re̱ꞌ, ni̱ acaj Yanꞌanj cuenta da̱j ꞌyaj sa̱ꞌ ni é re̱ꞌ aj. ²¹Ni̱ huin ruhua Yanꞌanj sisi̱ hué daj gu̱nucuaj sa̱ꞌ néꞌ gui̱ranꞌ néꞌ sayun. Daj si guiranꞌ manꞌan Cristo sayun xiꞌí néꞌ. Ni̱ da̱j rúnꞌ guiꞌyaj sij ngaa guiranꞌ sij sayun, ni̱ hué ducuánj daj digyán sij da̱j gu̱nucuaj néꞌ nga̱ sayun ranꞌ néꞌ aj. ²²Ni̱ a̱ ꞌngo̱ gaquinꞌ nun guiꞌyaj Cristo mánj. Ni̱ nitaj nuguanꞌ snanꞌanj gaꞌmi duꞌua sij mánj. ²³Ni̱ ngaa gaꞌmi quij ni sij rian Cristo, ni̱ nun gaꞌmi quij síꞌ rian ni sij mánj. Ni̱ ngaa guiranꞌ Cristo sayun, ni̱ nun ga̱ꞌmi huee sij rian ni ngüi̱ mánj. Sani̱ gataj sij daranꞌ si-nu̱guanꞌ sij rian Yanꞌanj. Daj si Yanꞌanj huin si na̱guiꞌyaj yya daranꞌ nuguanꞌ, ruhua sij. ²⁴Hué manꞌan Cristo gata si-ga̱quinꞌ néꞌ ngaa ganꞌanj ga̱huiꞌ sij rian rugutsi̱. Ni̱ gahuiꞌ sij xiꞌí néꞌ sisi̱ si̱ guiꞌyaj néꞌ gaquinꞌ ga̱ mánj. Sani̱ ga̱ ni̱ꞌnaꞌ néꞌ ga̱che néꞌ ꞌngo̱ chrej ni̱ca. Daj si nahuin sa̱ꞌ niman ni é re̱ꞌ xiꞌí si guiranꞌ xi̱ꞌi Cristo.

²⁵Ni̱ da̱j rúnꞌ ga niꞌya ni xachij ngaa nitaj tsínj dugumi, ni̱ hué daj ga niꞌya ni é re̱ꞌ asi̱j ná. Sani̱ yya̱j ni̱ nanica̱j niman ni é re̱ꞌ gaꞌna̱ꞌ ni é re̱ꞌ rian tsínj dugumi ni é re̱ꞌ huin Cristo. Ni̱ da̱j rúnꞌ huin ꞌngo̱ yucuaj ngaa dugumi sa̱ꞌ sij dán sij, ni̱ hué daj ꞌyaj Cristo dugumi sij niman ni é re̱ꞌ. Ni̱ hué Cristo huin achij rian niman ni é re̱ꞌ nej.

Deberes conyugales

¹Hué ducuánj daj huin sisi̱ da̱gahuin ni é re̱ꞌ rian nica̱ ni é re̱ꞌ huin ni é re̱ꞌ ni yunꞌunj xa̱na. Ngaa ni̱ sisi̱ nun xu̱man ruhua nica̱ ni é re̱ꞌ ni̱ꞌyaj ni sij Yanꞌanj, ni̱ ga̱ꞌue na̱nicaj ruhua ni sij ngaa gui̱niꞌi ni sij da̱j ꞌyaj sa̱ꞌ ni é re̱ꞌ. Ni̱ hué daj ga̱huin ngaa nun ga̱ꞌmi ni é re̱ꞌ ni̱ a̱ ꞌngo̱ nuguanꞌ gunun ni sij mánj. ²Daj si gui̱niꞌi ni sij sisi̱ ꞌyaj sa̱ꞌ ni é re̱ꞌ. Ni̱ hua níꞌyanj ni é re̱ꞌ rian ni sij nej. ³Si̱ gani ruhua ni é re̱ꞌ sisi̱ na̱guiꞌyaj nia̱ꞌ ni̱nꞌ ni é re̱ꞌ ne̱ꞌ chrej xe̱ꞌ nnee̱ cúj ni é re̱ꞌ mánj. Ni̱ si̱ gara nico ni é re̱ꞌ cúj nia̱ꞌ chra̱ ni é re̱ꞌ sisi̱ gui̱niꞌi ni ngüi̱ da̱j sa̱ꞌ hua ni é re̱ꞌ mánj. Ni̱ si̱ naguiꞌyaj sa̱ꞌ ni̱nꞌ ni é re̱ꞌ manꞌan án re̱ꞌ sisi̱ ga̱ sa̱ꞌ ni é re̱ꞌ nga̱ gagaꞌ oro nga̱ atsij duꞌue ni̱nꞌ ruhua mánj. ⁴Sani̱ na̱guiꞌyaj sa̱ꞌ ni é re̱ꞌ chruhua niman ni é re̱ꞌ. Ni̱ si̱ guereꞌ niman sa̱ꞌ ni é re̱ꞌ da mánj. Ni̱ sisi̱ ga̱huin sa̱ꞌ niman ni é re̱ꞌ, ni̱ ga̱ꞌue ga̱ꞌmi na̱j ni é re̱ꞌ. Ni̱ ga̱ꞌue ga̱huin dinꞌinj ruhua ni é re̱ꞌ nej. Níꞌyanj ni̱nꞌ ruhua ni é re̱ꞌ rian Yanꞌanj ngaa hué daj hua sa̱ꞌ chruhua niman ni é re̱ꞌ aj. ⁵Asi̱j ná ni̱ hué daj guiꞌyaj ni ngüi̱ xa̱na hua sa̱ꞌ niman. Ni̱ anaꞌuij unj sisi̱ gui̱ꞌyaj sa̱ꞌ Yanꞌanj nga̱ unj. Ni̱ dagahuin unj rian nica̱ unj nej. ⁶Ni̱ hué daj dagahuin yunꞌunj gu̱ꞌnaj Sara si gataj nica̱ unj Abraham. Ni̱ gataj unj sisi̱ Señor huin sij. Ni̱ sisi̱ gui̱ꞌyaj sa̱ꞌ ni é re̱ꞌ, ni̱ si̱ guxuꞌuiꞌ ni é re̱ꞌ, ngaa ni̱ huin ni é re̱ꞌ daꞌni̱ xa̱na unj.

⁷Ni̱ hué ducuánj daj hua nia̱n sisi̱ ga̱ne sa̱ꞌ tsínj snoꞌo nga̱ nica̱ ni é re̱ꞌ. Ni̱ xa̱caj ni é re̱ꞌ cuenta si achin rian nica̱ ni é re̱ꞌ nej. Daj si nitaj si nucuaj ni yunꞌunj xa̱na da̱j rúnꞌ nucuaj ni é re̱ꞌ. Xiꞌí daj gui̱ꞌyaj ꞌueé ni é re̱ꞌ nga̱ ni yunꞌunj xa̱na. Ni̱ uyan guiꞌyaj Yanꞌanj sinduj rian ni yunꞌunj xa̱na nga̱ ni é re̱ꞌ sisi̱ ga̱ne ni̱ganj daranꞌ nica̱ ni é re̱ꞌ. Xiꞌí daj ni̱ gui̱ꞌyaj sa̱ꞌ ni é re̱ꞌ nga̱ nica̱ ni é re̱ꞌ. Ngaa ni̱ si̱ chranꞌ yunꞌunj ꞌngo̱ nuguanꞌ ngaa achínj jniꞌyaj ni é re̱ꞌ rian Yanꞌanj mánj.

Una buena conciencia

⁸Hué dan ni̱ uyan ga̱ ruhua ni é re̱ꞌ nga̱ dugüiꞌ ni é re̱ꞌ. Ni̱ na̱ni yaco ruhua ni é re̱ꞌ ni̱ꞌyaj ni é re̱ꞌ dugüiꞌ ni é re̱ꞌ. Ni̱ ga̱huin ꞌi̱ ruhua ni é re̱ꞌ nga̱ ni dugüiꞌ ni é re̱ꞌ ni tsínj xuman ruhua niꞌyaj Yanꞌanj. Ni̱ chra̱cuij ni é re̱ꞌ ni ngüi̱ ranꞌ sayun. Ni̱ si̱ guiꞌyaj ni é re̱ꞌ si huin achij ni é re̱ꞌ mánj. ⁹Ni̱ si̱ chranꞌ yunꞌúnꞌ ni ngüi̱ ꞌyaj xi̱ꞌi nga̱ munꞌúnꞌ da̱j rúnꞌ chranꞌ yunꞌunj ni sij yu̱nꞌ. Ni̱ si̱ gaꞌmi quij ni é re̱ꞌ rian ango ni sij da̱j rúnꞌ aꞌmi quij ni sij rian ni é re̱ꞌ mánj. Sani̱ ga̱ꞌmi sa̱ꞌ ni é re̱ꞌ rian ni sij. Daj si gaquínj Yanꞌanj ni é re̱ꞌ sisi̱ hué daj gui̱ꞌyaj á re̱ꞌ. Ngaa ni̱ ga̱ꞌue na̱huin raꞌa ni é re̱ꞌ sinduj gui̱ꞌyaj Yanꞌanj rian ni é re̱ꞌ aj. ¹⁰Daj si gataj si-nu̱guanꞌ Yanꞌanj:

Yu̱nꞌ huin ruhua ga̱ne ꞌueé xungüi̱ nan, ni̱ ga̱huin nia̱ꞌ róꞌ ni güi ga̱ꞌnaꞌ.

Sani̱ ga̱ cuidadúꞌ sisi̱ si̱ gaꞌmi quíꞌ nuguanꞌ nne̱.

Ni̱ hué daj ga̱ cuidado néꞌ sisi̱ si̱ gaꞌmi duꞌua néꞌ nuguanꞌ snanꞌanj mánj.

¹¹Du̱na anéj néꞌ nuguanꞌ quij aj.

Ni̱ gui̱ꞌyaj sa̱ꞌ néꞌ.

Na̱noꞌ néꞌ si ga̱ne dinꞌinj néꞌ nga̱ ni dugüiꞌ néꞌ.

Ni̱ du̱guꞌnunꞌ néꞌ sisi̱ hué daj gui̱ꞌyaj néꞌ yaꞌyoj.

¹²Daj si niꞌyaj Señor da̱j ranꞌ ni tsínj ꞌyaj ni̱ca.

Ni̱ unun Yanꞌanj si achínj jniꞌyaj ni sij rian síꞌ.

Sani̱ ununꞌ Yanꞌanj nga̱ ni tsínj ꞌyaj gaquinꞌ.

Daj gataj si-nu̱guanꞌ Yanꞌanj anj.

¹³Ni̱ u̱n tsínj ga̱ꞌue chranꞌ yunꞌunj ni é re̱ꞌ sisi̱ ni̱ganj huin ruhua ni é re̱ꞌ gui̱ꞌyaj sa̱ꞌ ni é re̱ꞌ únj. ¹⁴Ni̱ sisi̱ gui̱ranꞌ ni é re̱ꞌ sayun xiꞌí si xacaj ni é re̱ꞌ chrej ni̱ca achéj ni é re̱ꞌ, sani̱ hua ꞌueé rian ni é re̱ꞌ. Xiꞌí daj ni̱ si̱ guxuꞌuiꞌ ni é re̱ꞌ rian ni ngüi̱ mánj. Ni̱ si̱ guiriun ruhua ni é re̱ꞌ ngaa chranꞌ yunꞌunj ni sij ni é re̱ꞌ mánj. ¹⁵Gui̱nun yanꞌanj niman ni é re̱ꞌ Cristo sisi̱ huin sij Señor. Ni̱ ni̱ganj ga̱ chru̱n ruhua ni é re̱ꞌ ga̱ꞌmi ni é re̱ꞌ rian ni tsínj huin ruhua gui̱niꞌi ni nuguanꞌ sa̱ꞌ anaꞌuij ni é re̱ꞌ. Sani̱ ga̱ꞌmi na̱j ni é re̱ꞌ rian ni sij. Ni̱ ga̱ níꞌyanj ni é re̱ꞌ nej. ¹⁶Ni̱ ga̱ cuidado ni é re̱ꞌ sisi̱ si̱ guiꞌyaj ni é re̱ꞌ gaquinꞌ mánj. Ngaa ni̱ ngaa ga̱ꞌmi quij ni sij xiꞌí chrej sa̱ꞌ chéj ni é re̱ꞌ nga̱ Cristo, ni̱ gui̱riꞌ ni sij si-na̱ꞌaj xiꞌí nuguanꞌ quij gaꞌmi ni sij aj. ¹⁷Sisi̱ gaꞌuej ruhua Yanꞌanj sisi̱ gui̱ranꞌ néꞌ sayun, ni̱ sa̱ꞌ huin si gui̱ranꞌ néꞌ sayun xiꞌí si ꞌyaj sa̱ꞌ néꞌ. Sani̱ nun hua sa̱ꞌ si gui̱ranꞌ néꞌ sayun xiꞌí si guiꞌyaj quij néꞌ mánj.

¹⁸Daj si urin yu̱n guiranꞌ Cristo sayun gahuiꞌ sij xiꞌí si-ga̱quinꞌ néꞌ. Gahuiꞌ Cristo huin sij tsínj hua ni̱ca niman. Gahuiꞌ sij xiꞌí ni tsínj nitaj si hua ni̱ca niman huin néꞌ. Ni̱ hué daj guiꞌyaj sij sisi̱ ga̱ꞌue gui̱sij néꞌ rian Yanꞌanj. Gahuiꞌ nnee̱ cúj sij. Sani̱ ganáꞌnij sij, ni̱ hua ni̱ꞌnaꞌ sij nga̱ niman sij aj. ¹⁹Ni̱ ganꞌanj ga̱ꞌmi si-na̱ne sij rian niman ni tsínj hua gahuiꞌ nu̱n ducuaga̱ꞌ ru̱miꞌ. ²⁰Huin ni sij tsínj nun dagahuin si-nu̱guanꞌ Yanꞌanj asi̱j ná ngaa gane tsínj gu̱ꞌnaj Noé. Ni̱ ngaa daj ni̱ gaꞌninꞌ ruhua Yanꞌanj niꞌya ni sij daꞌ güi guiꞌyaj xugüi Noé rio̱ xa̱chij achéj rian nnee yanꞌanj. Ni̱ ganani tu̱nj gue̱ ranꞌ ni du̱güiꞌ sij chruhua rio̱ daj, guiꞌyaj nnee. ²¹Ni̱ hué nnee daj huin ꞌngo̱ daꞌngaꞌ digyán da̱j gahuin ngaa ataꞌ nnee néꞌ. Xiꞌí si jnaruhui Yanꞌanj niman néꞌ ngaa ataꞌ nnee néꞌ, ni̱ nacaj Yanꞌanj néꞌ. (Sé güenda si naruhui nnee̱ cúj néꞌ huin ngaa ataꞌ nnee néꞌ mánj. Sani̱ xiꞌí si huin ruhua néꞌ ga̱huin sa̱ꞌ niman néꞌ, ni̱ ataꞌ nnee néꞌ.) Hué dan ni̱ nacaj Yanꞌanj néꞌ xiꞌí si ganáꞌnij Jesucristo scanij ni níman. ²²Ngaa ni̱ gahui Jesucristo na̱nꞌ sij xataꞌ nne sij ne̱ꞌ chrej raꞌa sa̱ꞌ Yanꞌanj. Ni̱ huin achij sij rian ni ángel nga̱ rian ango ni si nicaj sun nej, rian ni si nucuaj mán xataꞌ nej.

Buenos administradores de la gracia de Dios

¹Ngaa ni̱ xiꞌí si guiranꞌ Cristo sayun nga̱ nnee̱ cúj sij, ni̱ hué daj ga̱ra xina ni é re̱ꞌ gui̱ranꞌ ni é re̱ꞌ sayun nej. Daj si tsínj guiranꞌ sayun nga̱ nnee̱ cúj sij, ni̱ gahuin ni̱ni sij rian gaquinꞌ. ²Ngaa ni̱ ni güi guna rian néꞌ chruhua xungüi̱ nan, ni̱ si̱ guiꞌyaj néꞌ si huin ruhua nnee̱ cúj néꞌ, gui̱ꞌyaj néꞌ mánj. Sani̱ na̱huij ruhua néꞌ gui̱ꞌyaj néꞌ si aranꞌ ruhua Yanꞌanj anj. ³Guisíj ni yoꞌ ngaa guiꞌyaj ni é re̱ꞌ ni rasu̱n quij da̱j rúnꞌ aranꞌ ruhua ni ngüi̱ ꞌna̱ꞌ anéj chrej. Daj si gachéj ni é re̱ꞌ guiꞌyaj quij ni é re̱ꞌ. Ni̱ guiꞌyaj ni é re̱ꞌ si gahuin quij ruhua ni é re̱ꞌ. Ni̱ guixini ni é re̱ꞌ. Ni̱ guiꞌyaj quij ni é re̱ꞌ ngaa guiꞌyaj ni é re̱ꞌ guiꞌyanj. Ni̱ goꞌo ni̱nꞌ ruhua ni é re̱ꞌ. Ni̱ guiꞌyaj quij ni é re̱ꞌ ngaa guinicoꞌ ni é re̱ꞌ yanꞌanj guiꞌyaj raꞌa ni sij. ⁴Yya̱j ni̱ nun riꞌ ruhua ni tsínj ꞌyaj quij daj xiꞌí si nun ꞌyaj quij gue̱ ni é re̱ꞌ nga̱ ni sij. Ni̱ aꞌmi quij ni sij xiꞌí ni é re̱ꞌ. ⁵Sani̱ hua nia̱n si na̱gaꞌuiꞌ ni sij cuenta rian Yanꞌanj xiꞌí si guiꞌyaj quij ni sij. Daj si hua niquinꞌ chru̱n Yanꞌanj na̱guiꞌyaj yya nga̱ ni ngüi̱ hua ni̱ꞌnaꞌ nga̱ ni ngüi̱ gahuiꞌ. ⁶Xiꞌí daj ni̱ guiꞌyaj Yanꞌanj sisi̱ gunun ni ngüi̱ hua gahuiꞌ nuguanꞌ sa̱ꞌ. Ngaa ni̱ da̱j rúnꞌ na̱guiꞌyaj yya Yanꞌanj nga̱ ni ngüi̱ hua nnee̱ cúj, ni̱ hué daj na̱guiꞌyaj yya Yanꞌanj nga̱ ni ngüi̱ gahuiꞌ nej. Ni̱ ga̱ne ni̱ganj niman ni sij da̱j rúnꞌ nne ni̱ganj manꞌan Yanꞌanj anj.

⁷Ni̱ hua ruhua ga̱nahuij xungüi̱ nan. Xiꞌí daj ni̱ ga̱ achij ruhua á re̱ꞌ aj. Ni̱ du̱gumi ni é re̱ꞌ si-chrej ni é re̱ꞌ. Ni̱ ga̱chinj jniꞌyaj ni é re̱ꞌ rian Yanꞌanj nej. ⁸Ni̱ ango nuguanꞌ nico doj huin sisi̱ ni̱nꞌ ruhua ga̱huin ꞌi̱ ruhua ni é re̱ꞌ gui̱niꞌyaj ni é re̱ꞌ ni dugüiꞌ ni é re̱ꞌ. Daj si ngaa ꞌi̱ róꞌ niꞌíꞌ dugüíꞌ, ni̱ naránj néꞌ rian nico gaquinꞌ. ⁹Ni̱ ngaa huaj ni dugüiꞌ ni é re̱ꞌ chrej, ni̱ ga̱quinj ni é re̱ꞌ si ga̱tu ni sij ducuá ni é re̱ꞌ. Ni̱ si̱ gaꞌmi hui̱ ni é re̱ꞌ xiꞌí ni dugüiꞌ ni é re̱ꞌ ngaa ꞌna̱ꞌ ni sij rian án re̱ꞌ. ¹⁰Hua ni̱ni sun riqui Yanꞌanj rian go̱ꞌngo néꞌ gui̱ꞌyaj sun néꞌ rian ni dugüiꞌ néꞌ. Ngaa ni̱ da̱j rúnꞌ riqui Yanꞌanj sun rian néꞌ, ni̱ hué daj gui̱ꞌyaj sun néꞌ rian ni dugüiꞌ néꞌ. Daj si xiꞌí si guiꞌyaj Yanꞌanj sinduj rian néꞌ, ni̱ hua nia̱n si gui̱ꞌyaj sa̱ꞌ néꞌ nga̱ sun riqui Yanꞌanj rian néꞌ. ¹¹Ni̱ sisi̱ ga̱ꞌmi ꞌngo̱ dugüiꞌ ni é re̱ꞌ rian ni ngüi̱, ni̱ ga̱ni ruhua sij sisi̱ aꞌmi sij si-nu̱guanꞌ manꞌan Yanꞌanj. Ni̱ sisi̱ hua ꞌngo̱ dugüiꞌ ni é re̱ꞌ ꞌyaj sun rian ni é re̱ꞌ, ngaa ni̱ gui̱ꞌyaj sun sij nga̱ fuerza gaꞌuiꞌ Yanꞌanj rian sij. Ngaa ni̱ ga̱ꞌue ga̱ꞌmi sa̱ꞌ ni ngüi̱ rian Yanꞌanj xiꞌí daranꞌ si ꞌyaj sa̱ꞌ ni é re̱ꞌ huin ni é re̱ꞌ ni ngüi̱ nicoꞌ Jesucristo. Ni̱ hua nia̱n si ga̱ꞌmi sa̱ꞌ ni̱ganj ni̱nꞌ néꞌ rian Yanꞌanj. Daj si hué Yanꞌanj nicaj sun rian daranꞌanj. Amén.

Padeciendo como cristianos

¹²Ni̱ ꞌi̱ ruhuāj niꞌyā ni é re̱ꞌ. Ni̱ si̱ ganꞌanj ruhua ni é re̱ꞌ xiꞌí sayun gaꞌna̱ꞌ rian ni é re̱ꞌ mánj. Daj si xiꞌí sayun daj, ni̱ ga̱ꞌue xa̱caj á re̱ꞌ cuenta sisi̱ yya ꞌi̱ ruhua á re̱ꞌ niꞌyaj á re̱ꞌ Yanꞌanj. Ni̱ si̱ gani ruhua ni é re̱ꞌ sisi̱ urin ni é re̱ꞌ huin tsínj ranꞌ sayun mánj. ¹³Sani̱ ga̱huin nia̱ꞌ ruhua ni é re̱ꞌ xiꞌí si ranꞌ nu̱guanꞌan ni é re̱ꞌ sayun nga̱ Cristo. Ngaa ni̱ ni̱nꞌ ruhua ga̱huin nia̱ꞌ ruhua ni é re̱ꞌ ngaa ga̱ꞌnaꞌ re̱ngaꞌ Cristo. Ni̱ gui̱niꞌi ni ngüi̱ sisi̱ hua ꞌueé sij. ¹⁴Hua ꞌueé rian ni é re̱ꞌ sisi̱ aꞌmi quij ni ngüi̱ xiꞌí si nicaj dugüiꞌ ni é re̱ꞌ nga̱ Cristo. Daj si nne Espíritu Santo nga̱ ni é re̱ꞌ. Ni̱ hua ꞌueé rian Espíritu Santo. Xa̱ngaꞌ ni̱ aꞌmi quij ni ngüi̱ daj xiꞌí Cristo. Sani̱ aꞌmi sa̱ꞌ ni é re̱ꞌ xiꞌí sij.

¹⁵Sani̱ nun hua sa̱ꞌ si gui̱ranꞌ ni é re̱ꞌ sayun xiꞌí si da̱gahuiꞌ ni é re̱ꞌ níman, asi̱ gui̱ꞌyaj tu̱ ni é re̱ꞌ, asi̱ gui̱ꞌyaj xi̱ꞌi ni é re̱ꞌ, asi̱ di̱guij ni é re̱ꞌ si-nu̱guanꞌ ango ni sij mánj. Nun hua sa̱ꞌ si gui̱ꞌyaj ni é re̱ꞌ ni gaquinꞌ da mánj. ¹⁶Sani̱ sisi̱ gui̱ranꞌ ni é re̱ꞌ sayun xiꞌí si nicaj dugüiꞌ ni é re̱ꞌ nga̱ Cristo, ni̱ si̱ gahuin na̱ꞌaj ni é re̱ꞌ mánj. Sani̱ ga̱ꞌmi sa̱ꞌ ni é re̱ꞌ rian Yanꞌanj xiꞌí si hué daj ranꞌ ni é re̱ꞌ sayun. ¹⁷Guisíj güi gaxi̱ꞌi Yanꞌanj na̱guiꞌyaj yya si-ga̱quinꞌ ni ngüi̱ nicoꞌ Yanꞌanj. Ni̱ xiꞌí daj ranꞌ néꞌ sayun. Ni̱ sisi̱ gaxi̱ꞌi sini Yanꞌanj na̱guiꞌyaj yya nga̱ néꞌ, ngaa ni̱ u̱n sin gui̱ꞌyaj Yanꞌanj nga̱ ni ngüi̱ nun dagahuin si-nu̱guanꞌ Yanꞌanj ruhua á re̱ꞌ únj. Xa̱ngaꞌ ni̱ gui̱ranꞌ nico doj ni sij sayun, gui̱ꞌyaj Yanꞌanj. ¹⁸Daj si gataj si-nu̱guanꞌ Yanꞌanj:

Sisi̱ ꞌi̱ huaj ga̱nani ni tsínj hua ni̱ca niman, ni̱ huaj gui̱ranꞌ nico doj sayun ni tsínj quij hua nga̱ ni tsínj ꞌyaj gaquinꞌ.

Daj gataj si-nu̱guanꞌ Yanꞌanj.

¹⁹Hué dan ni̱ ni tsínj ranꞌ sayun da̱j rúnꞌ aranꞌ ruhua Yanꞌanj, ni̱ hua nia̱n si gui̱ꞌyaj sa̱ꞌ ni sij. Ni̱ ga̱ꞌue gu̱xuman ruhua ni sij sisi̱ Yanꞌanj du̱gumi sa̱ꞌ niman ni sij. Daj si Yanꞌanj guiꞌyaj ni sij. Ni̱ hua ni̱ca ruhua Yanꞌanj nga̱ néꞌ.

Apacentad la grey de Dios

¹Ni̱ ango nuguanꞌ huin ꞌngo̱ nuguanꞌ ꞌyaj fuerzāj rian ni é re̱ꞌ huin ni é re̱ꞌ ni tsínj huin achij scanij ni ngüi̱ nicoꞌ Jesucristo. Daj si hué daj huin achī nga̱ ni é re̱ꞌ. Ni̱ huēj huin tsínj guiniꞌi da̱j guiranꞌ Cristo sayun. Ni̱ gui̱nicaj dugüiꞌīj nga̱ Cristo ngaa ga̱ꞌnaꞌ ru̱huaꞌ yún sij. Ni̱ gui̱niꞌi xa̱ngaꞌ ni ngüi̱ sisi̱ hua ꞌueé sij. ²Ni̱ da̱j rúnꞌ dugumi sa̱ꞌ yucuaj dán si xucu, ni̱ hué daj du̱gumi sa̱ꞌ ni é re̱ꞌ ni ngüi̱ nicoꞌ Yanꞌanj ma̱n scanij ni é re̱ꞌ. Sani̱ sé daꞌ fuerza du̱gumi ni é re̱ꞌ mánj. Sani̱ du̱gumi ni é re̱ꞌ xiꞌí si hué daj aranꞌ ruhua ni é re̱ꞌ da̱gahuin ni é re̱ꞌ rian Yanꞌanj. Ni̱ si̱ gahuin ruhua ni é re̱ꞌ gui̱ꞌyaj gana ni é re̱ꞌ xiꞌí sun ꞌyaj sun ni é re̱ꞌ mánj. ³Ni̱ si̱ guiꞌyaj ni é re̱ꞌ sisi̱ huin ni é re̱ꞌ tsínj huin achij ga̱ꞌninꞌ ni é re̱ꞌ rian ni ngüi̱ nicoꞌ Yanꞌanj mánj. Sani̱ du̱guꞌnunꞌ ni é re̱ꞌ sisi̱ gui̱ꞌyaj ꞌueé ni é re̱ꞌ scanij ni sij. Ngaa ni̱ gui̱niꞌi ni sij da̱j gui̱ꞌyaj ni é re̱ꞌ. Ni̱ xa̱caj ni sij cuenta da̱j gui̱ꞌyaj manꞌan ni sij nej. ⁴Ngaa ni̱ ngaa gu̱rugüiꞌ Cristo tsínj huin achij ni̱nꞌ tsínj dugumi néꞌ, ni̱ na̱huin raꞌa néꞌ ꞌngo̱ gachrin corona sa̱ꞌ gu̱nun chra̱ néꞌ. Ni̱ ga̱ sa̱ꞌ néꞌ ga̱ne ni̱ganj néꞌ, guiꞌyaj Cristo.

⁵Ni̱ tsínj hua lij, ni̱ da̱gahuin ni é re̱ꞌ si ataj ni tsínj huin achij. Ni̱ da̱gahuin daranꞌ ni é re̱ꞌ si ataj go̱ꞌngo ni dugüiꞌ ni é re̱ꞌ. Ni̱ si̱ gani ruhua ni é re̱ꞌ sisi̱ huin achij ni é re̱ꞌ rian ni dugüiꞌ ni é re̱ꞌ mánj. Daj si gataj si-nu̱guanꞌ Yanꞌanj:

Ununꞌ Yanꞌanj nga̱ ni tsínj ani ruhua sisi̱ huin achij ni sij.

Sani̱ gui̱ꞌyaj Yanꞌanj sinduj rian ni tsínj ga̱ꞌue gui̱nicoꞌ da ru̱cu.

Daj gataj nuguanꞌ daj.

⁶Xiꞌí daj ni̱ na̱guiꞌyaj lij ni é re̱ꞌ manꞌan ni é re̱ꞌ rian Yanꞌanj nucuaj. Hué dan ni̱ ngaa ga̱ranꞌ ruhua Yanꞌanj, ni̱ ga̱huin achij ni é re̱ꞌ, gui̱ꞌyaj Yanꞌanj anj. ⁷Sisi̱ hua ꞌngo̱ nuguanꞌ chranꞌ yunꞌunj ni é re̱ꞌ, ni̱ ga̱ꞌue ga̱chinj jniꞌyaj ni é re̱ꞌ rian Yanꞌanj xiꞌí nuguanꞌ daj. Ngaa ni̱ si̱ nani ruhua ni é re̱ꞌ ga̱ mánj. Daj si du̱gumi sa̱ꞌ Yanꞌanj ni é re̱ꞌ aj.

⁸Ni̱ du̱gumi sa̱ꞌ ni é re̱ꞌ manꞌan ni é re̱ꞌ. Ni̱ gui̱niꞌyaj sa̱ꞌ ni é re̱ꞌ. Daj si da̱j rúnꞌ aguáj sigueꞌej ngaa nanoꞌ xuj si xa̱ xuj, ni̱ hué daj ꞌyaj sichre ununꞌ sij nga̱ ni é re̱ꞌ. ⁹Si̱ guxuman ruhua ni é re̱ꞌ ni̱ꞌyaj ni é re̱ꞌ si-nu̱guanꞌ sichre mánj. Sani̱ gu̱xuman xa̱ngaꞌ ruhua ni é re̱ꞌ ni̱ꞌyaj ni é re̱ꞌ si-nu̱guanꞌ Yanꞌanj anj. Ni̱ xa̱caj ni é re̱ꞌ cuenta sisi̱ ni̱nꞌ ga̱chraꞌ chruhua xungüi̱ nan, ni̱ uyan ranꞌ ni dugüiꞌ ni é re̱ꞌ sayun huin ni sij ni tsínj nicoꞌ Yanꞌanj. ¹⁰Ni̱ daranꞌ sinduj ꞌna̱ꞌ rian Yanꞌanj. Ni̱ hué Yanꞌanj gaquínj ni é re̱ꞌ sisi̱ gui̱nicaj dugüiꞌ ni̱ganj ni é re̱ꞌ nga̱ Jesucristo. Ni̱ ngaa gui̱sij do̱j güi gui̱ranꞌ ni é re̱ꞌ sayun, ni̱ na̱guiꞌyaj sa̱ꞌ Yanꞌanj niman ni é re̱ꞌ. Ni̱ ga̱huin ni̱ca ruhua ni é re̱ꞌ, gui̱ꞌyaj Yanꞌanj. Ni̱ ga̱huin yya ruhua ni é re̱ꞌ nga̱ si-chrej Yanꞌanj nej. ¹¹Ni̱ ga̱ꞌmi sa̱ꞌ ni̱ganj néꞌ rian Yanꞌanj. Ni̱ ga̱ꞌmi néꞌ sisi̱ nicaj Yanꞌanj sun rian daranꞌanj. Amén.

Salutaciones finales

¹²Silvano huin tsínj nne nan ngāj. Ni̱ arun sij do̱j duꞌua yanj nan aꞌnī huaj rian ni é re̱ꞌ. Ni̱ ani ruhuāj sisi̱ huin sij ꞌngo̱ tsínj dagahuin sa̱ꞌ rian Yanꞌanj. Ni̱ riquīj ꞌngo̱ chrej rian ni é re̱ꞌ sisi̱ nuguanꞌ nan huin ꞌngo̱ nuguanꞌ xa̱ngaꞌ huin nuguanꞌ guiꞌyaj Yanꞌanj sinduj rian néꞌ. Ni̱ gahuin ni̱ca ruhua ni é re̱ꞌ nga̱ nuguanꞌ daj. ¹³Ni̱ tsínj nicoꞌ Yanꞌanj ma̱n xumanꞌ Babilonia, ni̱ aꞌníj ni sij ꞌngo̱ nuguanꞌ huaj rian ni é re̱ꞌ. Ni̱ uyan ganacui Yanꞌanj ni sij nga̱ ni é re̱ꞌ. Ni̱ da̱j rúnꞌ huin ꞌngo̱ daꞌnī huin Marco riānj. Ni̱ hué daj aꞌníj sij ꞌngo̱ nuguanꞌ huaj rian ni é re̱ꞌ nej. ¹⁴Ni̱ ngaa ga̱ꞌnij ni é re̱ꞌ ꞌngo̱ nuguanꞌ huaj rian ni dugüiꞌ ni é re̱ꞌ, ni̱ ga̱run duꞌua go̱ꞌngo ni é re̱ꞌ ni dugüiꞌ ni é re̱ꞌ xiꞌí si ꞌi̱ ruhua ni du̱güiꞌ ni é re̱ꞌ. Ni̱ ga̱huin dinꞌinj ruhua daranꞌ ni é re̱ꞌ huin ni é re̱ꞌ ni ngüi̱ nicaj dugüiꞌ nga̱ Jesucristo, ruhuāj aj. Amén.