12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

Ritashandighi irya katatö irya

Yohana

Obhotangati

Ritashandighi irya katatö reno, Yohana yaandëkëëyë ömöntö ono yaabherekerwanga igha Ghaayo. Ghaayo uyö, yaarë na omotono bhököngʼu ughwa ukukumya Yëësu Kiristo. Kora yaatöörryanga abhëëghya abhandë bhano bhaainaaranaaranga bhararaareka Amangʼana Amaiya agha obhoheene. Yohana nkumwandekera arë ku ukumukumya ko-ghayö akokora, okore aghëndërri ökötöörrya abhëëghya bhayö.

Mu-ritashandighi reno, Yohana aratobhora-mo ömöntö ono akobherekerwa igha Diotirefe. Ömöntö uyö, yaashaashanga okokaania abhantö abha ekanisa okore bhatakaasërëënia abhëëghya bhano bhëëghyanga Amangʼana Amaiya agha obhoheene. Yohana ghwiki nkotobhora arë ömöntö uwöndë ono yaarë uwa heene, ömöntö uyö, yaabherekerwanga igha, Demetirio.

1

Amakëërërryö

1Öni omoghaaka uwa ekanisa, ndakwandekera uwe omoghonshe uwaane Ghaayo. Obhoheene nenkohanshirë.

2Öni nkokosabhera ndë omoghonshe uwaane igha, amangʼana ghonswe igho, ghabhe bhuuya ku-uwe, agha kinyamöbhërë, kya bhono mmanyirë igha, ubhwighwerrani ubhwaho na Waryobha m-buuya bhörë. 3Naashömëëywë bhököngʼu hano abhakumya bharikyëtö bhaaishirë hano. Hano bhaahikirë hano, mbaantëëbhëri igha, nköghëndërrya örë okoghooterra obhoheene ubhwa Waryobha, na öbhömënyi ubhwaho nu-bhwa obhoheene. 4Teeho engʼana eno ikunshomera bhököngʼu, okokera ukwighwa amangʼana igha, abhaana abhaane abha ku-mukumo, nköghëndërrya bharë bhuuya okobha na öbhömënyi ubhwa heene.

Öbhöntö ubhwa heene ubhwa Ghaayo

5Omoghonshe uwaane, uwe m-möntö uwa heene örë, ko ghano okokorra abhakumya bharikyëtö, nokaanyoora igha m-baghëni ku-uwe. 6Mo-bhantö bhayö waatöörrya, mbo bhaatëëbhya ekanisa iya hano kya bhono ohanshirë bhököngʼu Abhakiristo bharikyaho. Bhoono keno nkökötëëbhya ni-igha, uwe ghëndërrya ökötöörrya abhantö kya bhayö, hano waanyoora bharatuna ukurwa kö-bhëënyu hayö bhaghi ahasë handë. Ko bhoora engʼana iya ökösërëënia iyö, nkushomera ërë Waryobha. 7Abhantö bhayö, mbaasimiri oroghendo urwa ukutighinkanera Yëësu Kiristo, bhataana ekehaheeno ukurwa ko abhantö bhano bhatakukumya Yëësu Kiristo. 8Ku bhuyö bhëëtö Abhakiristo, ni-igha tötöörringa abhantö kya bhayö. Hano toraakore igho, nkunyoora örë toghootaini nabho hamwë ko-meremo ighya okoraareka obhoheene.

Diotirefe bhaana Demetirio

9Naandekera abhantö abha ekanisa ritashandighi irya amangʼana amake igho, kasi Diotirefe ono ahanshirë ukwitangatërrya, okanya igha we omotangati uwaabho, akaanga ukwikërrya amaraghërryö aghëëtö. 10Ku bhuyö hano ndiisha iyö, nendehonyora harabhu igho amangʼana aghaaye ghano akokora. Keno akokora, no-kotoghamba bhoghogho ko amangʼana agha obhorongo agha akutushabhura. Te-ghayö agheene igho hë, kora takösërëënia abhakumya bharikyëtö bhano ukunyoora bharëngë ko-roghendo. Kora ghwiki nkokaania arë abhantö abha mo-kanisa bhano bhakutuna ökösërëënia abhakumya bharikyëtö bhayö. Abhakumya bhano bhakobhasërëënia, nkobharughya arë ukurwa mo-kanisa.

11Bhoono Ghaayo omoghonshe uwaane, otakeegha okokora amangʼana amaghogho ghayö. Kasi weeghe eteemo iya abhantö bhano bhakokora amangʼana amaiya. Hano ömöntö yakora amangʼana amaiya, nkwörökya gharë igha, ömöntö uyö, m-moona uwa Waryobha. Kasi ömöntö ono akokora amangʼana amaghogho, uyö tamanyirë Waryobha hë.

12Abhantö bhonswe igho, nkoghamba bharë igha, “Demetirio m-möntö uwa heene. Nkokora arë amangʼana kya bhono Waryobha akutuna.” Kora bhëëtö bhonswe nkoghamba törë igha, uyö m-möntö uwa heene. Kora uwe wonswe nomanyirë igha, ghayö tokoghamba m-maheene.

Amakëërërryö agha okoragha

13Neena amangʼana amaaru ghano nkutuna mbatëëbhi, kasi tinkutuna ngandeke ku-ritashandighi. 14Keno nkwitengʼera ni-igha, m-böngö ndaabhataarre. Hayö ho torebha hamwë tushumaashe.

15Omorembe ghobhe hamwë na uwe. Bhasaani abhaaho bhonswe igho abha hano, bharakökëërya. Na uwe wonswe, tökëërërri abhasaani abhëëtö bhonswe igho abha iyö, kera ömöntö ku iriina iryaye.