12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

Ritashandighi irya kabhërë irya

Yohana

Obhotangati

Yohana mu-ritashandighi iryaye irya kabhërë reno, nköghëndërrya arë okoghamba amangʼana agha okonaghya abhakumya, okore bhanaghi obhoheene na righonshe. Kora ghwiki nköghëndërrya arë okobhakaania igha, bhaiyangararre ko amangʼana agha abhëëghya abha obhorongo. Arakangʼasërrya igha, abhakumya bhangarre, kora bhanaghe ku-mukumo ughwa obhoheene.

1

Amakëërërryö

1Öni omoghaaka uwa ekanisa, nu-uwe umusubhaati nkwandekera ritashandighi reno, hamwë na abhaana abhaaho. Uwe musubhaati, waahorwa na Waryobha hamwë na abhaana abhaaho.1:1 Uwe musubhaati, waahorwa na Waryobha hamwë na abhaana abhaaho. Hayö Yohana nkörëngya arë umusubhaati na ekanisa nyabhorebhe, abhaana abha musubhaati uyö, na-bhakumya abha ekanisa iyö. Uwe hamwë na abhaana abhaaho, ko bhoheene nembahanshirë. Tö-öni umwene igho mbahanshirë hë, kasi kora abhandë bhonswe igho bhano bhamanyirë obhoheene, mbabhahanshirë. 2Nembahanshirë ko bhoora bhëëtö na bhëënyu, ntomanyirë obhoheene, ghwiki ntoraaghëndërri okobhomanya amakora ghonswe igho.

3Mbe, Taata Waryobha na Omoona uwaaye Yëësu Kiristo, mbaraatohaane örööbhö, ikyabhera bheena omorembe, bhëëtö bhano toona obhoheene na righonshe.

Okohanshana nko okosooka imighiro ighya Waryobha

4Naashömëëywë bhököngʼu ukwighwa igha, abhaana abhaaho abhandë mbanaghëri obhoheene, kya bhono Taata Waryobha yaatoraghërrya. 5Bhoono ore musubhaati omoghonshe, ndakosabha omanye igha, bhëëtö Abhakiristo, ni-igha tohanshane. Umughiro ghuyö te-mohya hë, kasi n-gooraghoora ughwa kare, ghono twaarenga tomanyirë ukurwa hano twaasimiri ukukumya Yëësu Kiristo.1:5 Maaha mo-ketabho ikya Yohana 13:34.6Okohanshana, nko okosooka imighiro ighya Waryobha. Mwaatëëbhibhwanga umughiro ughwa okohanshana nkaagha syonswe igho, kerenga haara mwaasimiiyi ukukumya Yëësu Kiristo.

Motakaasërëënia abharongo

7Nkobhatëëbhya ndë igho, ko bhoora abharongo abhaaru bheebhoka ko-kebhara kono. Abharongo bhayö, tebhakwikërrya igha Yëësu Kiristo, yaaishirë ko-kebhara kono, aana ömöbhërë kya gheno tonaghyo.1:7a Maaha mo-ketabho ikya 1 Yohana 4:2-3. Ömöntö wowonswe igho ono akoghamba bhuyö, uyö m-morongo, kora m-mubhisa uwa Kiristo.1:7b Umubhisa uwa Kiristo. Ensonga iyaamo ni-igha, ono akwanga emeremo ighya Yëësu Kiristo.8Mbe, ku bhuyö ni-igha mwiyangarrenga, okore omotono ughwënyu ughwa okokorra Waryobha emeremo, ghotakaaheta bhosa igho. Kasi omotono ughwënyu ghuyö, ghobhareetere ehoorohooro iya okobhaisa, eno ikurwa ku-Waryobha.1:8 Maaha mo-ketabho ikya 1 Abhakörintö 3:10-15.9Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha. 10Hano ömöntö wowonswe igho araashe kö-bhëënyu, eno arëëghya amëëghyö ghano ghatatuubhaini na amëëghyö ghaara Yëësu Kiristo yëëghya, motakaamösërëënia mu-sinyumba isyënyu. Kora motakaamökëërya ënkëërya iya Ikikiristo. 11Ömöntö ono araamökëëri, uyö nkoghootana arë hamwë nawe, ko-mangʼana amaghogho ghano akokora.

Amangʼana agha okomarërrya

12Neena amangʼana amaaru ghano naakutuna igha mbatëëbhi, kasi tinkutuna igha ngandeke ku-ritashandighi kono. Ko bhoora nkwitengʼera ndë igha, nendaashe kobhataarra. Hayö bhoono ho turishumaasha hamwë, kora nturishomerwa bhonswe igho.

13Abhaana abha musubhaati uwëënyu ono yaahorwa na Waryobha,1:13 Abhaana abha musubhaati uwëënyu ono yaahorwa na Waryobha. Hayö Yohana nkörëngya arë umusubhaati na ekanisa nyabhorebhe, abhaana abha umusubhaati uyö na abhakumya abha ekanisa iyö. bharakökëërya.