1 Tēēsālōōnikēēk

Barweetaab Taayta nyēē kisirchi ꞉Bāwulō

Tēēsālōōnikēēk

Taayta

Siriintēēt, kēnyiit nyēē /kikēēsirē āk wōlēē /kikēēsirēē : Kisirē ꞉Bāwulō barwaani kumiitē Kōōriintō ām kēnyiitaab 51 KK. Rubē ꞉barwaani nyoo bo Kalatyeek ānku akeenke ām bārōōnōōkyii chēbo taay ām Kiirootyeet nyēē Lēēl. Kitoow ꞉Bāwulō kaniseet ām ruutooynyii nyēbo āyēēng’ ām Tēēsālōōnikē nyi ki kiriinkēēt nyēē wōō miisin ām Maketoonnya. Nteenee king’eetee kiriinkoonoo areet akeenke kubo wōōrōōryēēt nyēē kiing’etng’eetaat ꞉Yuutayeek (kasee Yēyuutēk 17:5-10). Yu kang’eetee Tēēsālōōnikē, kuwo ākoy Bereeya ankutas taay ākoy Aaten. Nto yityo, kōōyookto toorētiintēēnyii Tēmētēēwō kuwo Tēēsālōōnikē wokōōtitiir kaniseet ankutas taay kooneet, nteenee kiruutoochi ꞉Bāwulō Kōōriintō (kur. 3:1-3). Kiwokuyit ꞉nkinee Tēmētēēwō lētuunoo Kōōriintō ānkuchokurārchi Bāwulō wōlēē kiwuu ꞉ruutooynyii bo Tēēsālōōnikē kurubta keey āk kaniseet nyēē kiiyyoong’oot ām wōlēē mii ꞉Yēyiin ānkoo ki wōō ꞉wusiisyēēt āk kwiilateet. Kumiitē ꞉Bāwulō Kōōriintō, kusirchi kaniseet ām Tēēsālōōnikē barweet kōōkimkiimē ānkuwālchinē kāāyiimuutēk chēē kiboonto kurubta keey āk kāāyēēwunēētaab Yēēsu.

Kiyēē miitē āriit : Kimāchē ꞉Bāwulō kōōtitiir kāāyēnēētaab Tēēsālōōnikēēk ām kāānēētuutēk chēē nāmē keey āk soboontaab Kiriistō āk kāroomnyēēt nyēē boonto. Mwooyē ꞉Bāwulō kule kukasee ꞉biiko wōlēē wuu ꞉soboonnyii ām wōlēē iyēnchintooy Kiriistō. Nto yityo, kuwālchi tēēbuutēkwaa. Imuuchē kikiikumēēyo ꞉biiko kereeryaanto ām wusiisyēēt nyoo kitook, kunyoo kitēēbēē keey ꞉choo kitākusobchootiin yoo imuuchē ꞉nkicheek choo kiikubēk kutas choo māchokunyōōr ꞉Yēēsu yoo iyēēwu chokuyibē biikyii. Ikiimchinē ꞉Bāwulō bichoo kule yoo kime ꞉chii kukiikōōyēnchi Kiriistō, kutāsē wōloo mii choo chokuyibē ꞉Yēēsu ānkumākuyēk mbo chēbo taay kōōwut soboontaab kibchuulyo (kur. 4:16).

Kiyēē āmu : Sooysooyē ꞉barwaani ānkōōkomkoomu biikaab Kiriistō choo /kikiikēēwus. Kimwoochi kule boonto keey ꞉Yēyiin icheek ānkumākunyōōr biirtooyiisyēēt yoo iyēēwu ꞉Kiriistō chokuyibē choo cheechii. Kunyoo, māchāktōōs ꞉icheek kubāybāyiitu ānkuyēk nyikoon kumuyta nyāliluutēk ānkuminy kōōywēyē Kiriistō.

Kyoorōōrchi keey ꞉Bāwulō biikaab Tēēsālōōnikē ānkumākyi bērur

¹ Anii ku Bāwulō ānkāāboontē keey Siila ākoo Tēmētēēwō. Āsirwook akweek kaniseet ām Tēēsālōōnikē choo ōbooyē Baaba Yēyiin āk Mokoryoontēēt Yēēsu Kiriistō. Lēyyē, kōōbēruurook ꞉Yēyiin ānkōōnyōōru kaalyeet.- 1:1 Yēyuut. 15:22; 17:1; 1Kōōr. 4:17; 2Kōōr. 1:19; 2Tēēs. 1:1; 1Bēt. 5:12

Kisoochi ꞉Bāwulō kaniseetaab Tēēsālōōnikē ānkōōkiim

² Kēēbirchinē Yēyiin kōōnkōy ākookoy kubo akweek tukul yoo kēēsoowook. ³ Kiisōōtook ām yiisyēēt nyoo ōyēyē ōkoosēē keey inee ānkōōboontē chamateet. Kēēbirchinē Baaba Yēyiin kōōnkōy subak, kuuyu kyōōkiimchi keey ōkēnēē keey ꞉Mokoryoontēēnyoo Yēēsu Kiriistō. ⁴ Mbo ng’eetaabiya, kiinkētē kule kiikukweyaak ꞉Yēyiin nyoo chāmook, ⁵ kuuyu yoo kikyoomwook lōkōōywēk chēē kāroomēch mēēbērē ki ng’al buch, nteenee kibo kāāmuukēy kuboonto keey Tāmirmiryēētaab Yēyiin soochamte ꞉akweek manta. Ōnkētē ꞉akweek mbo wōlēē kikiibuurtooy ꞉acheek yoo kikēēboontē keey ꞉tukul.- 1:5 Yēyuut. 19:11; Room. 1:16; 1Kōōr. 2:4; 4:20; 1Tēēs. 2:13⁶ Kyoocham ōyēchi Yēyiin yiisyēēt kuu acheek. Kyootaach lōkōōywēchoo ām ng’erekweekaab Tāmirmiryēētaab Yēyiin ānkoo kiyeyaak /kēēwusook.- 1:6 1Kōōr. 4:16; Yēyuut. 13:52⁷ Ām yooto nanyuun ōyēku kāānēētēywoo ām wōlēē mii ꞉biiko tukul chēbo yēēmēētaab Maketoonnya ākoo Akaaya choo iyēnchinē Kāārārookiintēēt. ⁸ Mēēbērē kiyit ꞉lōkōōywēkwook choo bo Mokoryoontēēt yēēmēētaab Maketoonnya ākoo Akaaya baateey, nteenee kikas ꞉kōōrēēt tukul kule ōkoosēē keey Yēyiin. Kunyoo, māmii ꞉kiy nyēē tākumāchāktōōs keemwaay.- 1:8 Room. 1:8⁹ Ng’āloolēē ꞉bichooto tukul wōlēē kyoochamte ng’aleekyoo āk wōlēē kyootayte āynātōōs ankoorub Yēyiin nyoo bo manta.- 1:9 Yoowa. 17:3; Yēyuut. 14:15¹⁰ Nto yooto ōkānyoonu lakwanyii kōōyēēwunēē kibkōōnkōy. Nyooto ku Yēēsu nyoo kiing’ēētēē ꞉Yēyiin meet. Inee ꞉nyēē makuyeeteech /simākiing’woonchēēch.

Kyoorōōr ꞉Bāwulō wōlēē kiwuu ꞉soboonnyii ām Tēēsālōōnikē

¹ Mbo ng’eetaabiya, ōnkētē ꞉akweek kule mānāāwo buch ꞉ruutooyto nyoo kikēēkwoonii ꞉acheek wōlooto. ² Ōnkētē wōlēē /kisimkēēwustēēch /ānkiintosuurtēēch ām *kiriinkēētaab Filiibi. Ānkoo /kikeekwiileech miisin, kikōōnēēch ꞉Yēyiin nkuruuk kyoomwook lōkōōywēkyii chēē kāroomēch.- 2:2 Yēyuut. 16:19-24; 17:1-9³ Okas kule kimākyoomtooy ng’al chēbo ng’wiiynan nto kikiisōōtē ng’al chēē mā kāroomēch nto kikēēbērē kule kēēkēnwook.- 2:3 2Kōōr. 2:17⁴ Kichamteech ꞉Yēyiin ānkōōtōōrwēēch ꞉lōkōōywēchu kāroomēch. Kunyi, mēēbērē kyoomtooy lōkōōywēchu kule sikiing’ereech biiko, nteenee kyoomtooy kule sikiing’ereech Yēyiin nyoo inkētē kāāsōōtēywēēkyoo.- 2:4 Kala. 1:10⁵ Ōnkētē ꞉akweek kuchurta kule mēēbērē kikeekwaante ꞉acheek ng’aleek chēē kikiilēblēēbēēnook nto kikeekwaante ng’al chēē iyēēlē mooyēētyoontiit nyēē kēēboontē. Rōōbēēch mbo ꞉Yēyiin kurubta keey āk ng’aleechu.- 2:5 Yēyuut. 18:3⁶ Manaakeesyeem kule nto okaasteech ꞉akweek nto ku chii ake tukul,- 2:6 Yoowa. 5:41, 44⁷ ānkoo kiyemaat kēēnyikiisyook ꞉acheek kēēyēku *lēbkēēyikaab Kiriistō. Nteenee yu kikēēboontē keey akweek kikēēyibook nyēē karaam kuu wōloo yibtooy ꞉cheebyoosya nyēē ruroot ꞉moo lōkōkyii kuriibē.- 2:7 1Kōōr. 9:12

⁸ Kikēēmāchē miisin kiibuurtē keey āk akweek nyēē mēēbērē kikēēkōōnook lōkōōywēkaab Yēyiin baateey, nteenee kikiiboorwook ng’aleek chēē rubtooy keey āk soboonwēkyoo, kuuyu kikeechamaak miisin.- 2:8 2Kōōr. 12:15⁹ Mbo ng’eetaabiya, maanii ōnkētē wōlēē kikeeyeyte yiisyēēt āk wōlēē kikyoomtooy booryēēt! Yooto kikēēyēyiisyē bēēt āk kwēēmooy. Kikēēyēyē kuu nyooto simākēēnyikisyook yoo kikyoomwook lōkōōywēchoo bo Yēyiin.- 2:9 Yēyuut. 18:3

¹⁰ Yoo kikēēboontē keey akweek choo ōyēnchinē Kiriistō, kyookas ankiikukas ꞉nkinee Yēyiin kule kēēyēku ꞉acheek biich chēē kēēchurtootiin, chēbo man, āmākēēboontē lēēlis.- 2:10 2Kōōr. 1:12¹¹ Ōnkētē mbo kule kikēēyibook ꞉acheek kuu wōloo yibtooy ꞉booyoo lōkōkyii.- 2:11 Yēyuut. 20:31; 1Kōōr. 4:14-15; Kala. 4:19; 1Tēm. 1:2; 2Tēm. 1:2; Tiitō 1:4¹² Kikiititiirook ānkiikiimchook kule ōyēyē ng’aleek chēē ing’ērēēchē Yēyiin nyoo kuurook bōōbuur ꞉tukul oyemte bāytooyiisyēēnyii ākoo wōōyinnyii.- 2:12 Room. 5:2; Filib. 1:27

¹³ Kēēbirchinē Yēyiin kōōnkōy ākookoy, kuuyu yoo kikēēyibwook lōkōōywēkyii okas ankoocham āmēēbērē kuu lōkōōy chēbo chii buch, nteenee bo Yēyiin. Man, yēyiisyē ꞉ng’ālyoontoonooto ām āriing’woong’ akweek choo ōyēnchinē Kiriistō.- 2:13 Kala. 1:11-12; 1Tēēs. 1:5¹⁴ Kyōōnyōōru ꞉akweek, mbo ng’eetaabiya ng’aleek chēē kerkeey ākoo choo kinyōōru ꞉biikaab Kiriistō choo mii Yuuteeya. Kiinyaliilaak ꞉biikwook kuu yoo kiinyāliilē icheek ꞉Yuutayeek- 2:14 Yēyuut. 17:5¹⁵ choo kibākāchē Mokoryoontēēt Yēēsu ākoo *wōōrkooyikaab Yēyiin ankukweteech acheek. ‑Mēēng’ērēēchē ꞉bichoo Yēyiin ānkukwiilē chii ake tukul.- 2:15 Mat. 5:12; Yēyuut. 2:23; 14:19; Room. 11:28; 2Kōōr. 11:23-29¹⁶ Kisyeem mbo kule nto kerekteech kyoomchi lōkōōywēk biiko choo mā Yuutayeek, lōkōōy chēē kimakuyey /kiiraraach bichoo. Nteenee mii kutāsyinē ꞉Yuutayeechaa ng’ōōkiswookik alak ām chooto boonto. Kunyoo, kōōkōōng’woonchi icheek ꞉Yēyiin.- 2:16 Mat. 23:31-32

Kyoomchi Bāwulō ꞉yēēmootēēt kuruutoochi Tēēsālōōnikēēk

¹⁷ Mbo ng’eetaabiya, ānkoo kookuyeyeech ꞉biiko keebakaakte keey kisich ām bōōrwēk, kiisōōtook ākookoy ām tāmirmiryēēt. Kaakwaameech ꞉yēēmootēēt miisin keekasaak subak.- 2:17 1Tēēs. 3:10¹⁸ Kiyooto ꞉nyēē kiyeyeech keemach kiiyēēwu wōloo ōmiitē. Kyaasyeem ꞉anii Bāwulō kunyil areet chēē chaang’ kule nto āyēēwu wōloo ōmiitē nteenee kikerekteech ꞉Kibrōkōsyoontēēt. ¹⁹ Mbo ng’oo ꞉chēē kiikēnēē keey ꞉acheek ānku ng’oo ꞉chēē kēēng’ērēchēē, nto ku ng’oo ꞉chēē kēēng’āsēē keey yoo +/mākēētuwēnēēch ām taayeetaab Mokoryoontēēnyoo Yēēsu bēsyoonoo iyēēwu? Mā akweek? ²⁰ Kubooyiit man, akweek ꞉chēē kēēng’āsēē keey ānkēēng’ērēēchēē.- 2:20 Filib. 2:16; 4:1

/Kikiiyookto Tēmētēēwō ānkuchōōnto lōkōōy chēē kāroomēch

¹ Yu kakeekas kule kimēēkiimuuchē takeemuyte, kiisoot kēēng’ētunēē *kiriinkēētaab Aaten- 3:1 Yēyuut. 17:14² ānkiiyooku ng’eetaabiya Tēmētēēwō nyoo kēēyēchinē ꞉tukul Yēyiin yiisyēēt kyoomtooy lōkōōywēkaab Kiriistō. Kikiiyooku chokōōtitiirook ānkōōkiimook okaasee keey Kiriistō- 3:2 1Kōōr. 4:17³ sukung’eet mēēbērē +/mākiinyēbēēt chii ām akweek kubo wusiisyooni. Ōnkētē ꞉akweek kule māchāktōōs kēēbuntēē wusiisyēēt.- 3:3 Ēfēēs. 3:13; 2Tēēs. 1:4; 2Tēm. 3:12⁴ Kisimkēēmwoowook oob kēēboontē keey kule +/mākēēwusēēch? Kunyi, kōōkuyēyākiis kuu nyooto, kuu yoo ōnkētē.- 3:4 Yēyuut. 14:22⁵ Kiyooto ꞉nyēē kiyeya āyooku Tēmētēēwō. Kimāāmuuchē taamuyte subak. Kunyoo, āyooku inee chokukas yoo tōōkoosēē keey Kiriistō. Kyāāmuy akas ām kēēlto ake kule kityemaak *꞉Kēniintēēt sukubooyiit buch ꞉yiisyoonoo kikēēyēyē.- 3:5 1Kōōr. 15:2

⁶ Kōōkōōyēēwunēē ꞉Tēmētēēwō wōloo ōmiitē, ānkōōkuyibwēēch lōkōōywēk chēē kāroomēch kurubta keey kaakaaseeng’woong’ āk choomnyēēt nyēē ōboontē. Kōōkumwoowēēch kule ōsōōtyēēch ākookoy nyēē karaam ānkōōmāchē kule nto okaseech kuu yoo kēēmāchē ꞉nkacheek kule nto keekasaak.- 3:6 Yēyuut. 18:5⁷ Lēyyē, mbo ng’eetaabiya, kōkēētitir yu /kākyoomwēēch wōlēē wuu ꞉kaakaaseeng’woong’ ām Kiriistō ānkoo /kiinyāliilēēch /ānkēēwusēēch. ⁸ Yoo kōōkiilchi ꞉akweek Mokoryoontēēt kēēng’ērēchē ꞉acheek ⁹ nyēē māmiitē ꞉wōlēē +mākēēbirtoochi Yēyiintēēnyoo kōōnkōy. Kēēng’ērēkootiin miisin ām taayeenyii kubo akweek. ¹⁰ Kēēsooyē inee ākookoy bēēt āk kwēēmooy kule nto keekasaak sikiititiirook ānkēēkōōnook kiyēē ‑mōōboontē kurubta keey ng’ālyoontēētaab Yēyiin.- 3:10 1Tēēs. 2:17

¹¹ Kēēsooyē Baaba Yēyiin āk Mokoryoontēēnyoo Yēēsu kule kuyootwēēch kēēlto keekwaa bokeekasaak subak. ¹² Lēyyē, kuyey ꞉Mokoryoontēēt kuwōōyiit ꞉choomnyēēt nyoo ōboontē āk chamateet nyoo ōboontēē chii ake tukul, kuu nyoo kēēboontēēnook ꞉acheek.- 3:12 Kala. 6:10¹³ Kōōtitiir ꞉Yēyiin kāāsōōtēywēēkwook soochurte ānkōōtililiitu ām taayeetaab Baaba Yēyiin kuboonto keey biikyii tukul, bēsyoonoo chōōnii ꞉Mokoryoontēēnyoo Yēēsu.- 3:13 Filib. 1:10

Soboonto nyēē ing’ērēēchē Yēyiin

¹ Kunyoo ii, mbo ng’eetaabiya, ābērē kiikiineetaak wōlēē /kiibuurtooy /sikiing’ereech Yēyiin ānkuwuu nyooto ꞉wōlēē ōbuurtooy. Nanyuun, kiikāloonē kēēmwoowook ām kaayneetaab Mokoryoontēēnyoo Yēēsu kule, otas taay miisin oyey kuu nyooto.- 4:1 Kolos. 1:10² Ōnkētē ng’aleek choo kikiiboorwook ꞉acheek kubununēē kāāmuukēywēēkaab Mokoryoontēēt Yēēsu. ³ Mākyook ꞉Yēyiin ōtililiitu ‑āmōōmārtootē.- 4:3 1Kōōr. 6:13⁴ Kuyibē ꞉murēno ake tukul koorkēēnyii ām kēēlto nyēē tiliil ānkubo koonyit. ⁵ ‑Mookany kutwaaraak ꞉muchastaab bōōrwoonikwook kuu bichoo ‑mēēnkētē Yēyiin. ⁶ Ām ng’ālyoo nyēē wuu nyiitēnyi, mā-ālāk ꞉chii ng’eetaabkaamet. Kisimkiisōōwook kule mākōōng’woonchi ꞉Yēyiin biiko choo yēyē rōkōsiitēnyi. ⁷ Kimākuurēēch ꞉Yēyiin kule subokēēmārtootē, nteenee māchē kule kiibuur kāāburto nyēē tiliil.- 4:7 Filib. 1:27; 1Bēt. 1:15-16⁸ Kunyoo, yoo ōtāyē kāānēētēywēēchu mēēbērē kootay chii, nteenee kootay Yēyiin nyoo kōōnook Tāmirmiryēēnyii.- 4:8 1Kōōr. 6:19-20

⁹ Nto nanyuun ng’ālyoo kurubta keey āk chamateetaab mbo ng’eetaabiya, māmāchāktōōs kēēsirwook kiy, kuuyu kiikooneetaak ꞉Yēyiin ōchoomtōōsii.- 4:9 Cherem. 31:33-34; Yoowa. 6:45; 1Yoowa. 2:20, 27¹⁰ Kyōōbuur ꞉nkakweek kuu nyooto ōchāmē mbo ng’eetaabiya tukul choo mii yēēmēētaab Maketoonnya. Kunyoo ii, mbo ng’eetaabiya, kēēsoomook kule ōchoomtōōsii miisin. ¹¹ Okas kule ōbuurē ām kaalyeet ānkōōyēyē yiisyēēng’woong’ nkit ō-āmē kiyēē kōōbirtēē nkuruukwook kuu yoo kisimkēēmwoowook.- 4:11 Ēfēēs. 4:28; 1Tēēs. 2:9; 2Tēēs. 3:10, 12¹² Yoo kōōbuur kuu nyiitēnyi, mākukoonyitook mbo ꞉biiko choo mēēbērē iyēnchinē Mokoryoontēēnyoo āmāmii ꞉kiy nyēē mākubotwook.- 4:12 Kolos. 4:5

Chōōnēētaab Mokoryoontēēt

¹³ Mbo ng’eetaabiya, kēēmāchē ōnkēt manta kurubta keey āk biiko choo kiikubēk simōōmēēsyē kuu biiko choo māboonto kiyēē ikēnēē keey.- 4:13 1Kōōr. 15:19; Ēfēēs. 2:12¹⁴ Kēēchāmtooy kule kime ꞉Yēēsu ankung’eetee meet. Kunyoo, kēēchāmchiintōōsii kule makoong’eetee ꞉Yēyiin meet biiko choo kiikubēk kuu yoo kiing’ēētēē Yēēsu.- 4:14 Room. 14:8-9; 1Kōōr. 15:3-4, 12, 20

¹⁵ Kāānēētēywēēkaab Mokoryoontēēt ꞉chu chēē kēēmwoowook: ‑Mākiintōōyē ꞉acheek choo kēēsobchootiin ām choo kiikubēk bēsyoonoo chōōnii ꞉Mokoryoontēēt. ¹⁶ Mākuwookyi *꞉malayikeet nyēē wōō barak /ankeekuut aryeembuutaab Yēyiin. Yooto nanyuun mākuchōōnēē ꞉Mokoryoontēēt Kaab Yēyiin. /Makiing’eetee meet kurook ꞉biikaab Kiriistō choo kiikubēk.- 4:16 Māārkō 13:26; 1Kōōr. 15:51-52¹⁷ Nto yityo, /kiiruruuchēēch acheek choo tākēēsobchootiin kēētuuyē āk bichooto keebeete keey wōliin bo boolik bokēēyēmē barak āk Mokoryoontēēt. Kuchakee yooto nanyuun, +mākiibuurtē keey Mokoryoontēēt ākookoy.- 4:17 Yoowa. 12:26; Room. 5:17; Filib. 1:23¹⁸ Kunyoo ii, lēyyē, ōtitiirēē keey ng’aleechu.

Ōchōb keey kubo chōōnēētaab Mokoryoontēēt

¹ Mbo ng’eetaabiya, māmāchāktōōs kēēsirwook kurubta keey bēsyēēt nyēē chōōnēē ꞉Mokoryoontēēt, kuuyu ōnkētē ꞉nkakweek kule mākumuung’ kuu chōōriin nyoo chōōnii kwēēmooy.- 5:1-2 Māārkō 13:32; Mat. 24:27, 43³ Bēsyēēt nyoo mwooyē ꞉biiko kule kaalya ꞉kōōro /ānkēēriibootiin, ku yooto ꞉yēē +/makiiserweetee bichoo. Māchililē ꞉chii. Mākumuunkyi bichoo ꞉ng’aleechaa kuu ng’woonin nyoo nyōōru ꞉koorko nyoo māchē kōōtuusyo.- 5:3 Cherem. 6:14-15; Mat. 24:39⁴ Nteenee ‑mōōmiitē ꞉akweek mbo ng’eetaabiya mēēnān nyēē imuuchē kunyōōrwook ꞉bēsyoonoo ‑kumōōchōbootiin. ⁵ Ōbooyē ꞉akweek tukul lēbkēēyyēēt ānkōōbooyē bēētuut. ‑Mākēēbooyē kwēēmowuut ‑āmākēēbooyē mēēnānēēt. ⁶ Kunyoo, māmāchāksē kēēruuyē kuu biiko alak, nteenee māchāksē kēēyēku biich chēē kāsunootiin ānkēēriibē keey. ⁷ Bo ꞉rwoonik kwēēmooy ānku kwēēmooy yēē bōōkiitōōs ꞉biiko. ⁸ Nteenee kēēbooyē ꞉acheek bēētuut, kunyi māchāksē kēēriibē keey. Māchāktōōs kiiluumee keey kaakaaseet āk chamateet kuyēk kariikaab booryēēt choo /kiilookyinē teket, ankiilaach nkinee kāākēnēēt nyēbo kaararaacheet kuu kuutwēētaab booryēēt nyoo /kiilookyinē mēt.- 5:8 Room. 13:11-12; Ēfēēs. 5:8-9- 5:8 2Kōōr. 10:4⁹ Manaakweyeech ꞉Yēyiin sukōōng’woonchēēch, nteenee māchē sukooraraacheech kubununēē ꞉Mokoryoontēēt Yēēsu Kiriistō.- 5:9 1Tēēs. 1:10¹⁰ Kime ꞉Kiriistō kubo acheek kule subokēēminy āk inee ānku yoo tākēēsobtōōsii ee, nto kukiikēēbēku.- 5:10 Room. 14:8-9; 1Tēēs. 4:14¹¹ Kunyoo, māchāktōōs ōtitiirē keey ānkōōsooysooyē keey kuu yoo ōmiitē ōyēyē kuunyiitēnyi.

Kāā-āmiisēēt

¹² Mbo ng’eetaabiya, kēēsoomook ōkoonyit bichoo kiikukwey ꞉Yēyiin choo āmē booryēēt kōōntōōwook ānkōōtitiirook ām Mokoryoontēēt.- 5:12 1Kōōr. 16:15-18; 1Tēm. 5:17¹³ Ōkoonyitē bichoo miisin ānkōōchāmē ām yiisyēēt nyēē yēyē. Nto akweek, ōbuurtē kaalyeet.- 5:13 Māārkō 9:50

¹⁴ Kiikāloonwook akweek mbo ng’eetaabiya kule ōchuulē biiko choo tinyē kēwēynātēēt, ōtitiir choo nyōkōōrēch, ōyēētyēēchinē choo kuskusēch ānkōōmuytoochinē chii ake tukul.- 5:14 2Tēēs. 3:6, 11-12, 15¹⁵ Okas kule māmii ꞉chii nyēē kākētyi ake miyootyēēt, nteenee ōsyēēmē ākookoy ōboorchinē karaamateet biiko tukul.- 5:15 Room. 12:17

¹⁶ Ōng’ērēchē ākookoy,- 5:16 Filib. 2:18¹⁷ ōsooyē āsiiswēk tukul,- 5:17 Luuka 18:1¹⁸ ōbirchinē Yēyiin kōōnkōy ām yēēt ake tukul. Ng’ālyoo ꞉nyi nyēē mākyook ꞉Yēyiin ōyēyē ām Kāārārookiintēēt Yēēsu.

¹⁹ ‑Mōōmiis Tāmirmiryēētaab Yēyiin. ²⁰ ‑Mōōchuur ng’aleekaab *wōōrkooyik.- 5:20 1Kōōr. 14:39²¹ Ōrōōtootē tukuuk tukul ānkōōnāmē choo kāroomēch- 5:21 1Kōōr. 14:29; Ēfēēs. 5:10; 1Yoowa. 4:1²² ankootayee keey kiy ake tukul nyēbo rōkōs.

²³ Kuyeyaak ꞉Yēyiin nyoo kōōnu kaalyeet ōtililiitu ām keel ake tukul. Kuriibākoy ꞉tāmirmiryēētaab chii ake tukul, soboonnyii āk bōōrnyii nyēē māmii ꞉lēēlis ākoy yoo iyēēwu ꞉Mokoryoontēēnyoo Yēēsu Kiriistō.- 5:23 2Kōōr. 13:11; Filib. 1:10

²⁴ Māwēēchwēēchē keey ꞉nyoo kikwēyook ānku makuyey kuu nyooto.- 5:24 1Kōōr. 1:8-9; Filib. 1:6; 2Tēēs. 1:11; 3:3²⁵ Mbo ng’eetaabiya, ōsoowēēch acheek.- 5:25 Room. 15:30²⁶ Ōsuboowoo mbo ng’eetaabiya alak tukul nyēē ōng’ērēkyinē.- 5:26 Room. 16:16²⁷ Āmwoowook ām kāāmuukēywēēkaab Mokoryoontēēt kule ōsumānchi barwaani mbo ng’eetaabiya tukul.- 5:27 Kolos. 4:16²⁸ Kōōbēruurook ꞉Mokoryoontēēt Yēēsu Kiriistō.