විලාප ගී

සියොන් නුවර පාළුව තිබීම පිළිබඳ ශෝකවීම

¹ සෙනඟගෙන් පිරී තිබුණු නුවර තනිව හිඳින හැටි!

¹ ඈ වැන්දඹුවක් මෙන් වූ හැටි!

² ඈ රාත්‍රියෙහි අතිශයින් හඬයි, ඇගේ කඳුළු ඇගේ කම්මුල් පිට තිබේ;

³ පීඩාව නිසාද අධික දාසකම නිසාද යූදා වහල්කමට ගියාය;

⁴ මංගල්‍ය රැස්වීමට එන කෙනෙක් නැති බැවින් සියොන්ට යන මාර්ගයෝ වැලපෙන්නාහ;

⁵ ඇගේ එදිරිකාරයෝ ප්‍රධානයෝ වූහ, ඇගේ සතුරෝ සමෘද්ධවෙති;

⁶ සියොන් දියණියගේ මුළු මහිමශ්‍රීය ඇගෙන් පහව ගියේය.

⁷ යෙරුසලම ඇගේ පීඩාව සහ දුක් දවස්වලදී පුරාණ දවස් පටන් ඈට තිබුණු ඇගේ සියලු ප්‍රිය දේ සිහිකරයි.

⁸ යෙරුසලම බලවත්ලෙස පව්කළ බැවින් ඈ කිලුටක් වී සිටින්නීය.

⁹ ඇගේ අපවිත්‍රකම ඇගේ වස්ත්‍ර පිට තිබුණේය;

¹⁰ එදිරිකාරයා ඇගේ සියලු ප්‍රියවූ දේ පිට තමාගේ අත හෙළුවේය.

¹¹ ඇගේ මුළු සෙනඟ කෑම සොයමින් සුසුම්ලති;

¹² මග යන සියල්ලෙනි, නුඹලා මෙය නොසලකන්නහුද?

¹³ උන්වහන්සේ ඉහළින් මාගේ ඇට තුළට ගින්න එවූසේක, එය එහි බලය පවත්වයි.

¹⁴ මාගේ අපරාධ නැමති වියගහ බැඳ තිබෙන්නේ උන්වහන්සේගේ අතින්ය;

¹⁵ මා තුළ සිටි මාගේ සියලු බලවතුන්ස්වාමීන්වහන්සේහෙළාදැක්ක සේක;

¹⁶ මේ දේවල් නිසා අඬමි;

¹⁷ සියොන් ඇගේ අත් විදහාගන ඉඳියි;

¹⁸ ස්වාමීන්වහන්සේධර්මිෂ්ඨය;

¹⁹ මාගේ ප්‍රේමවන්තයන්ට අඬගැසීමි, නුමුත් ඔව්හු මා රැවටුවෝය.

²⁰ ස්වාමීන්වහන්ස,බැලුව මැනව;

²¹ මා සුසුම්ලනවා ඔව්හු ඇසුවෝය;

²² ඔවුන්ගේ සියලු දුෂ්ටකම් ඔබ ඉදිරියට පැමිණේවා;

මේ දුක් පීඩා ස්වාමීන්වහන්සේගේ කෝපය නිසා වන බව

¹ ස්වාමීන්වහන්සේ තමන්ගේ උදහසින් සියොන් දුව වලාකුළකින් වැසූ හැටි! ‍‍

² ස්වාමීන්වහන්සේ අනුකම්පා නොකොට,

³ උන්වහන්සේ බලවත් උදහසෙන් ඉශ්‍රායෙල්ගේ අඟ සහමුලින් සිඳ දැමූසේක;

⁴ උන්වහන්සේ සතුරෙකු මෙන් තමන් දුන්න තැත්කැවූසේක, එදිරිකාරයෙකු මෙන් සිය දකුණත ඔසවා, ඇසට ප්‍රියවූ සියල්ලන් නැසූසේක.

⁵ ස්වාමීන්වහන්සේ සතුරෙකු මෙන් වූසේක, ඉශ්‍රායෙල් නටබුන් කළසේක;

⁶ උන්වහන්සේ තමන් මණ්ඩපය වත්තක් මෙන් පාළුකරදැමූසේක;

⁷ ස්වාමීන්වහන්සේතමන් පූජාසනය අහකදැමූසේක, තමන් ශුද්ධස්ථානය පිළිකුල්කළසේක, ඇගේ මාළිගාවල පවුරු සතුරා අතට පාවාදුන්සේක.

⁸ ස්වාමීන්වහන්සේසියොන් දුවගේ පවුර නාස්තිකරන්ට අදහස්කළසේක;

⁹ ඇගේ දොරටු පොළොවට ගිලුණේය;

¹⁰ සියොන් දුවගේ වැඩිමහල්ලෝ බිම හිඳගෙන නිශ්ශබ්දව සිටිති;

¹¹ මාගේ දියණිය වන සෙනඟගේ විනාශය නිසා මාගේ ඇස් කඳුළින් ක්ෂයවේ, මාගේ බඩවැල් කැලඹී, මාගේ අක්මාව බිම වැගිරී තිබේ;

¹² නුවර වීථිවල තුවාලවූවන් මෙන් ඔව්හු ක්ලාන්තවෙමින්, තමුන්ගේ ප්‍රාණ තමුන්ගේ මවුවරුන්ගේ ළයෙහි වගුරුවන කල්හි, ධාන්‍ය සහ මුද්‍රිකපානයත් කොයිදැයි තමුන්ගේ මවුවරුන්ට කියති.

¹³ යෙරුසලමේ දියණියෙනි, මම නුඹට මොන දැනමුතුකමක් දෙම්ද?

¹⁴ නුඹේ ප්‍රොපේතවරු බොරු නිරර්ථක දර්ශන නුඹට දැන්නුවෝය;

¹⁵ මග යන සියල්ලෝ නුඹට විරුද්ධව අත්පුඩිගසති;

¹⁶ නුඹේ සියලු සතුරෝ නුඹට විරුද්ධව තමුන්ගේ මුඛය විදහා, පරිහාසකොට, දත්මිටිකති;

¹⁷ ස්වාමීන්වහන්සේතමන් යෝජනා කළ දේ ඉෂ්ටකළසේක;

¹⁸ ඔවුන්ගේ සිත් ස්වාමීන්වහන්සේට කෑගැසීය.

¹⁹ නැගිට, රාත්‍රී යාමවල මුලදී ඝෝෂා කොට, නුඹේ සිත ස්වාමීන්වහන්සේගේ මුහුණ ඉදිරිපිට වතුර මෙන් වගුරුවන්න.

²⁰ ස්වාමීන්වහන්ස,ඔබ මෙසේ කළේ කාටදැයි බලා කල්පනාකළ මැනව.

²¹ බාලයාද මහල්ලාද වීථිවල බිම වැතිර සිටිති;

²² මංගල්‍ය රැස්වීමකදී මෙන් භීති මා වටකරින්ම එන ලෙස ඔබ අඬගැසූසේක, කිසිවෙක්ස්වාමීන්වහන්සේගේඋදහස් දවසේදී ගැළවී ඉතුරු නොවීය.

සියොන් දුවගේ බලාපොරොත්තුව දෙවියන්වහන්සේගේ කරුණාව කෙරෙහි බව

¹ උන්වහන්සේගේ කෝපය නැමති දණ්ඩෙන්දුක අත්දුටුවාවූ මනුෂ්‍යයා මමය.

² උන්වහන්සේ මා ගෙනගොස් එළියෙහි නොව අන්ධකාරයෙහි ඇවිදින්ට සැලැස්වූසේක.

³ සැබවින්ම උන්වහන්සේ දවස මුළුල්ලේ මට විරුද්ධව නැවත නැවත තමන් අත හරවනසේක.

⁴ උන්වහන්සේ මාගේ මාංසයත් හමත් ජරාවට පමුණුවා, මාගේ ඇට බින්දසේක.

⁵ උන්වහන්සේ මට විරුද්ධව පවුරු ගොඩනගා, තික්තකමෙන්ද ගාවිනාවෙන්ද මා වටකළසේක.

⁶ පුරාණයේ නැසීගියවුන් මෙන් උන්වහන්සේ අඳුරු තැන්වල විසීම මට සැලැස්වූසේක.

⁷ පිටත යන්ට බැරි ලෙස උන්වහන්සේ මා වසා තැබූසේක;

⁸ එසේය, මා කෑගසා පිහිට ඉල්ලන විට උන්වහන්සේ මාගේ යාච්ඤාව වලක්වනසේක.

⁹ උන්වහන්සේ මාගේ මාර්ග කැපූ ගල්වලින් අහුරා, මාගේ මාවත් ඇදකළසේක.

¹⁰ උන්වහන්සේ මාහට රැක සිටින වලසෙක්ද රහස් තැන්වල ඉන්න සිංහයෙක්ද මෙන්ය.

¹¹ උන්වහන්සේ මාගේ මාර්ග ඉවත්කොට මා ඉරාදැමූසේක;

¹² උන්වහන්සේ තමන් දුන්න තැත්කවා, ඊගහට ඉලක්කයක් කොට මා තැබූසේක.

¹³ උන්වහන්සේ තමන් කොපුවේ ඊගස් මාගේ කටියට විද්දසේක.

¹⁴ මම මාගේ මුළු සෙනඟට හිනාවක්ද දවස මුළුල්ලේ ඔවුන්ගේ කවියද වී සිටිමි.

¹⁵ උන්වහන්සේ තික්ත රසයෙන් මා පුරවා, මට කොසඹ පෙවූසේක.

¹⁶ උන්වහන්සේ බොරළුවලින් මාගේ දත් බින්දසේක, අලුයෙන් මා වැසූසේක.

¹⁷ ඔබ මාගේ ආත්මය සමාදානය කෙරෙන් දුරුකළසේක;

¹⁸ මාගේ සවියත්ස්වාමීන්වහන්සේකෙරෙන් මාගේ බලාපොරොත්තුවත් නැතිවී ගියේයයි කීමි.

¹⁹ කොසඹ සහ වසද වැනිවූ මාගේ පීඩාවත් මාගේ දුකත් සිහිකළ මැනව.

²⁰ මාගේ ආත්මය තවම ඒවා සිහිකර මා තුළ පහත්වන්නේය.

²¹ මේක මතක්කරගන්නෙමි, එබැවින් මට බලාපොරොත්තුව ඇත්තේය.

²² අප විනාශ නූණේස්වාමීන්වහන්සේගේකරුණාවල් නිසාත් උන්වහන්සේගේ අනුකම්පාවල් නොනවතින නිසාත්ය.

²³ ඒවා උදයෙන් උදය අලුත්ව තිබේ;

²⁴ මාගේ කොටස නම්ස්වාමීන්වහන්සේයයි මාගේ ආත්මය කියයි;

²⁵ ස්වාමීන්වහන්සේගැන බලා සිටින්නන්ටත් උන්වහන්සේ සොයන ආත්මයටත් උන්වහන්සේ යහපත්ය.

²⁶ ස්වාමීන්වහන්සේගෙන්වන ගැළවීම නිශ්චලව බලා සිටීම මනුෂ්‍යයෙකුට හොඳය.

²⁷ තමාගේ බාල වයසේදී වියගහ දැරීම මනුෂ්‍යයෙකුට යහපත.

²⁸ උන්වහන්සේ ඒක ඔහු පිට තැබූ නිසා ඔහු තනියම හිඳ නිශ්ශබ්දව සිටීවා.

²⁹ සමහරවිට බලාපොරොත්තුවක් තිබේය කියා තමාගේ මුඛය දූවිල්ලෙහි තබාගන හිඳීවා.

³⁰ ඔහු තමාට පහරදෙන අයට කම්මුල පෑවාවේ;

³¹ මක්නිසාද ස්වාමීන්වහන්සේ සදාකාලයටම අහකදමන්නේ නැත.

³² උන්වහන්සේ ශෝකය පමුණුවන නුමුත්, තමන්ගේ බොහෝවූ කරුණාව ලෙස අනුකම්පාකරනසේක.

³³ මක්නිසාද උන්වහන්සේ මනුෂ්‍ය පුත්‍රයන්ට කැමැත්තෙන් පීඩා නොකරනසේක, ඔවුන් ශෝකයට නොපමුණුවනසේක.

³⁴ පොළොවේ සෑම හිරකාරයන් පාදයට පොඩිකිරීමටත්,

³⁵ මහෝත්තමයාණන්ගේ මුහුණ ඉදිරියේදී මනුෂ්‍යයෙකුගේ යුක්තිය පෙරළා දැමීමටත්,

³⁶ මනුෂ්‍යයෙකුට ඔහුගේ නඩුවේදී අයුක්තිය කිරීමටත් ස්වාමීන්වහන්සේ සතුටු නොවනසේක.

³⁷ ස්වාමීන්වහන්සේ අණ නොකළසේක්නම් යමක් සිද්ධවේයයි කියන්නේ කවුද?

³⁸ මහෝත්තමයාණන්ගේ මුඛයෙන්ම විපතත් සැපතත් නොනික්මේද?

³⁹ ජීවත්ව සිටින මනුෂ්‍යයෙක් තමාගේ පව් ගැන දඬුවම ලබන නිසා කොඳුරන්නේ මන්ද?

⁴⁰ අපේ මාර්ග සෝදිසිකර විමසාස්වාමීන්වහන්සේවෙතට නැවත හැරෙමු.

⁴¹ ස්වර්ගයෙහි සිටින දෙවියන්වහන්සේ වෙතට අපගේ අත් සමඟ අපේ සිත්ද ඔසවමු.

⁴² අපි වනාහි වරදකොට කැරළිගැසීමුව;

⁴³ ඔබවහන්සේ උදහසින් සැඟවී සිට අප පස්සේ එළවාගෙන ආසේක;

⁴⁴ අපේ යාච්ඤාව ඔබ වෙතට නොපැමිණෙන ලෙස ඔබ වලාකුළකින් ඔබම වසාගෙන සිටිනසේක.

⁴⁵ ඔබ ජනයන් අතරෙහි අප කසළ සහ බොර මෙන් කළසේක.

⁴⁶ අපේ සියලු සතුරෝ අපට විරුද්ධව බොහෝසේ කට ඇරියෝය.

⁴⁷ භයානකකම සහ වළත් නාස්තිය සහ විනාශයත් අපට පැමිණ තිබේ.

⁴⁸ මාගේ සෙනඟ වන දියණියගේ විනාශය නිසා මාගේ ඇස්වලින් කඳුළු ගංගා ගලන්නේය.

⁴⁹ ස්වාමීන්වහන්සේස්වර්ගයේ සිට බලා සලකන තුරු,

⁵⁰ මාගේ ඇස්වලින් නොනැවතී කඳුළු වැගිරෙන්නේය.

⁵¹ මාගේ නුවර සියලු දූවරුන් නිසා මාගේ ඇස්වලින් මාගේ ආත්මයට වේදනා පැමිණෙන්නේය.

⁵² නිෂ්කාරණයේ මට සතුරුව සිටින අය මා කුරුල්ලෙකු මෙන් තදින් එළෙවුවෝය.

⁵³ ඔව්හු මාගේ ප්‍රාණය හිරගෙයිදී සිඳ දමා, මා පිට ගලක් හෙළුවෝය.

⁵⁴ වතුරු මාගේ හිසට උඩින් ගලා ගියේය;

⁵⁵ ස්වාමීන්වහන්ස,මම ගැඹුරු වළේ සිට ඔබගේ නාමය කියා යාච්ඤා කෙළෙමි;

⁵⁶ ඔබ මාගේ හඬ ඇසූසේක;

⁵⁷ මා ඔබට යාච්ඤාකළ දවසේදී ඔබ ළංවී:

⁵⁸ ස්වාමීන්වහන්ස, ඔබ මාගේ ආත්මය වෙනුවට කාරණා කීසේක;

⁵⁹ ස්වාමීන්වහන්ස,ඔබ මාගේ පීඩාව දුටුසේක;

⁶⁰ ඔවුන්ගේ සියලුම පළිගැනීම් සහ මට විරුද්ධව තිබෙන ඔවුන්ගේ සියලු යෝජනා ඔබ දුටුසේක.

⁶¹ ස්වාමීන්වහන්ස,ඔවුන්ගේ නින්දා කිරීම සහ මට විරුද්ධව තිබෙන ඔවුන්ගේ සියලු යෝජනාද,

⁶² මට විරුද්ධව නැගුටුණවුන්ගේ වචනද දවස මුළුල්ලේ මට විරුද්ධව තිබෙන ඔවුන්ගේ අදහස්ද ඔබ ඇසූසේක.

⁶³ ඔවුන්ගේ හිඳීමත් නැගිටීමත් බැලුව මැනව;

⁶⁴ ස්වාමීන්වහන්ස,ඔවුන්ගේ අත්වල ක්‍රියා ලෙස ඔබ ඔවුන්ට ප්‍රතිඵල දෙනසේක.

⁶⁵ සිත් දැඩිකම වන ඔබගේ ශාපය ඔබ ඔවුන්ට දෙනසේක.

⁶⁶ ඔබ උදහසින් ඔවුන් එළවාගෙන ගොස්,ස්වාමීන්වහන්සේගේඅහස යටින් ඔවුන් විනාශකරදමන සේක.

සියොන් නුවරේ ප්‍රථම තේජස හා වර්තමාන අසරණකම සමානකිරීම

¹ රත්රන් අඳුරුවී තිබෙන හැටි!

² රනට සමානවූ සියොන්හි උතුම් පුත්‍රයන් කුම්භකාරයාගේ අත්වල වැඩ වන මැටි භාජන මෙන් සලකනු ලබන හැටි!

³ සිවල්දෙන්නු පවා තනන ඇද උන්ගේ පැටවුන්ට කිරි පොවති.

⁴ කිරිදරුවාගේ දිව පිපාසය නිසා තල්ලේ ඇලෙයි.

⁵ රස කෑම කෑ අය අසරණව වීථිවල හිඳිති.

⁶ මක්නිසාද, කිසිවෙකු විසින් අත් හෙළන්නේ නැතුව ඇසිල්ලකින් මෙන් විනාශවුණ සොදොමේ පාපයට වඩා මාගේ සෙනඟ වන දියණියගේ අයුතුකම මහත්ය.

⁷ ඇගේ වංශාධිපතීහු හිමවලට වඩා පිරිසිදුව කිරිවලට වඩා සුදුව සිටියෝය, රතුකැටවලට වඩා ඔවුන්ගේ ශරීර රතුව තිබුණේය, ඔවුන්ගේ ඔපය නීලමාණික්‍යය මෙන් විය.

⁸ දැන් ඔවුන්ගේ පෙනීම අඟුරුවලට වඩා කළුය;

⁹ සාගින්නෙන් මැරුම්කන්නන්ට වඩා කඩුවෙන් මැරුම්කන්නන්ට පහසුව ඇත්තේය;

¹⁰ දයාවන්ත ස්ත්‍රීහු තමුන්ගේ අත්වලින් සිය දරුවන් පිසුවෝය;

¹¹ ස්වාමීන්වහන්සේතමන් කෝපය තීන්දුවට ඉෂ්ටකොට, තමන් බලවත් උදහස වැගිරෙවුසේක;

¹² පොළොවේ රජවරුද ලෝකයේ සියලු වැසියෝද එදිරිකාරයා සහ සතුරා යෙරුසලමේ දොරටුවලට ඇතුල්වන්නේයයි විශ්වාස නොකළෝය.

¹³ මෙසේ වුණේ ධර්මිෂ්ඨයන්ගේ ලේ ඈ තුළ වැගිරෙවුවාවූ ප්‍රොපේතවරුන්ගේ පව් නිසාත් පූජකයන්ගේ අපරාධ නිසාත්ය.

¹⁴ ඔව්හු අන්ධයන් මෙන් වීථිවල ඔබ මොබ යති, මනුෂ්‍යයන්ට ඔවුන්ගේ වස්ත්‍රවල තැවරෙන්ට බැරි තරමට ඔව්හු ලෙයින් කිලුටුවී සිටිති.

¹⁵ අහක්වෙන්න, අපවිත්‍රය!

¹⁶ ස්වාමීන්වහන්සේගේඋදහස ඔවුන් භේදකෙළේය;

¹⁷ නිෂ්ඵලවූ උපකාර ගැන බලාසිටීමෙන් අපේ ඇස් තවම ක්ෂයවන්නේය.

¹⁸ අපේ වීථිවල අපට යන්ට බැරිවන ලෙස ඔව්හු අපේ අඩිපාරේ එළවති.

¹⁹ අප පස්සේ එළවාගන ආ තැනැත්තෝ අහසේ රාජාලීන්ට වඩා වේගවත්වූහ.

²⁰ ඔහුගේ සෙවණෙහි ජාතීන් අතරේ අපට ජීවත්වෙන්ට ලැබේයයි අප කීවාවූ, අපගේ නාසයේ හුස්ම වැනිවූ,ස්වාමීන්වහන්සේගේඅභිෂේකලත් තැනැත්තේ ඔවුන්ගේ වළවල අසුවුණේය.

²¹ ඌශ් දේශයෙහි වාසයකරන ඒදොම් දුව, ප්‍රීති සන්තෝෂවෙයන්න.

²² එම්බා සියොන් දියණිය, නුඹේ අයුතුකමේ දඬුවම ඉෂ්ටවිය;

මිදීම සඳහා සියොන් දුව ඕනෑකමින් යාච්ඤා කිරීම

¹ ස්වාමීන්වහන්ස,අපට සිද්ධවී තිබෙන දේ සිහිකළ මැනව.

² අපේ උරුමය අන්‍යයන්ටත් අපේ ගෙවල් විදේශීන්ටත් අයිතිවී තිබේ.

³ අපි කාත් නැත්තෝය, පියා නැති දරුවෝය, අපේ මවුවරුන් වැන්දඹුවන් මෙන්ය.

⁴ අපි අපේම වතුර මිලේට ගෙන බීමුව, අපේම දර අපට විකුණනු ලැබේ.

⁵ අප ලුහුබඳින්නෝ අපට ඉතා ආසන්නය.

⁶ සෑහෙන පමණ කෑම ලැබෙන පිණිස මිසරවරුන්ටත් අෂූර්වරුන්ටත් අත දුනිමුව.

⁷ අපේ පියවරු පව්කළෝය, ඔව්හු නැත;

⁸ වැඩකාරයෝ අප කෙරෙහි ආණ්ඩුකරති.

⁹ කාන්තාරයේ තිබෙන කඩුව නිසා, අපේ ප්‍රාණයට අන්තරාය ඇතුව අපේ කෑම ලබාගනිමුව.

¹⁰ සාගින්නේ තද උෂ්ණය නිසා අපේ හම උදුනක් මෙන් රත්ව තිබේ.

¹¹ සියොන්හි ස්ත්‍රීන්ටත් යූදා නුවරවල කන්‍යාවන්ටත් ඔව්හු බලාත්කාරකළෝය.

¹² අධිපතීහු තමුන්ගේ අත්වලින් එල්ලනු ලැබුවෝය.

¹³ යෞවනයෝ ඇඹරුම්ගල උසුලාගන ගියෝය, ළමයි දරවල බරින් වැටී ගියෝය.

¹⁴ වැඩිමහල්ලෝ දොරටුවෙන් පහව ගියෝය.

¹⁵ අපේ සිතේ ප්‍රීතිය නැවතුණේය;

¹⁶ අපේ හිසින් ඔටුන්න වැටුණේය.

¹⁷ මේ නිසා අපේ සිත ක්ලාන්තවී තිබේ;

¹⁸ පාළුව තිබෙන සියොන් කන්ද නිසා–අපේ ඇස් අඳුරුවී තිබේ;

¹⁹ ස්වාමීන්වහන්ස,ඔබ සදාකාලටම සිටිනසේක;

²⁰ ඔබ නිතරම අප මතකනැතිකරන්නෙත් මෙපමණ කල් අප අත්හරින්නෙත් මක්නිසාද?

²¹ ස්වාමීන්වහන්ස,අප හැරී එන පිණිස ඔබ වෙතට අප හරවාගත මැනව;

²² මක්නිසාද ඔබ සහමුලින් අප පහකර දැමූසේක, ඔබ අප කෙරෙහි අතිශයින් කෝපව සිටිනසේක.