හිතෝපදේශ

හිතෝපදේශවල අගය

¹ 1 රාජා 4:32 ඉශ්රායෙල් රජ වූ, දාවිත්ගේ පුත් සලමොන් පැවසූ හිතෝපදේශ මේ ය:

² ඒවායින්, ප්‍රඥාව ද විනය ධර්ම ද ධර්මාවබෝධය ද ලැබෙනු ඇත.

³ ඒවායින්, බුද්ධි වර්ධනය හා දැහැමි ක්‍රියා ද අවංකකම ද යුක්තිය හා සාධාරණකම ද පිළිබඳ උපදෙස් ලැබෙනු ඇත.

⁴ ඒවායින්, අනුවණයන් හට නුවණ ද තරුණයන් හට මනා අවබෝධය හා සිහිකල්පනාව ද ලැබෙනු ඇත.

⁵ හිතෝපදේශ හා උපහැරණ ද

⁶ බුද්ධිමතුන්ගේ කියුම් ද ප්‍රහේලිකා ද තේරුම්ගනු වස් නුවණැතියෝ ඒවාට සවන් දී දැනුම දියුණු කරගන්නෝ ය;

⁷ ජෝබ් 28:28; ගීතා 111:10; හිතෝ 9:10 දේව ගරුබිය ප්‍රඥාවේ මුල් පියවර යි;

තරුණයන්ට අවවාද

⁸ මාගේ පුත්‍රය, පියාගේ අවවාදය අසන්න;

⁹ ඒවා ඔබේ සිරසට හොබනා කිරුළක් ද ගෙලට අගනා මාලයක් ද වන්නේ ය.

¹⁰ මාගේ පුත්‍රය, පවිටුන් මෙසේ කියමින් ඔබ පොළඹවන විට, එකඟ නොවන්න:

¹¹ “අප සමඟ එන්න, අපි මඟ රැක සිට කෙනෙකු මරාදමමු;

¹² පාතාලය මෙන් අපි ඔවුන් පණපිටින් ගිලදමමු;

¹³ නන් වැදෑරුම් අගනා වස්තු අපි පැහැරගනිමු;

¹⁴ එන්න, අපේ කල්ලියට එක් වන්න;

¹⁵ මාගේ පුත්‍රය, ඒ පාරෙහි නම් නොයන්න;

¹⁶ ඔව්හු, අපරාධ කිරීමට කඩාබිඳගෙන යති;

¹⁷ කුරුල්ලා බලා සිටිය දී දැල දැමීමෙන් පලක් නැත.

¹⁸ මේ මිනිස්සු තමන්ට ම උගුල් අටවාගනිති;

¹⁹ අයුතු ලාභයට ගිජු වන්නා එයින් ම වැනසේ.

ප්‍රඥාවගේ ආයාචනය

²⁰ හිතෝ 8:1-3 ප්‍රඥා තොමෝ වීදිවල හඬනඟයි;

²¹ දෙනෝදහසක් රැස් වන මංසන්දිවල ඈ හඬනඟයි;

²² “අනුවණයෙනි, ඔබ කොතෙක් කල් අනුවණකමට ප්‍රිය වන්නහු ද?

²³ මාගේ තරවටුව හිතට ගන්න;

²⁴ මම හඬගැසුවෙමි;

²⁵ ඔබ මාගේ සියලු දැනමුතුකම් ගණනට නොගත්තහු ය;

²⁶ ඒවායින් ඔබ විපතට වැටෙන විට මම සිනාසෙන්නෙමි;

²⁷ භීතිය, කුණාටුවක් මෙන් ඔබට පැමිණි විට ද විනාශය, සුළි සුළඟක් මෙන් එන විට ද සිත් වේදනා හා දුක ඇති වන විට ද මම සමච්චල් කරමි.

²⁸ එවිට ඔබ මට හඬගසන නමුත් මම උත්තර නොදෙමි;

²⁹ ඔබ කවදත් දැනුම හෙළා දුටුවහු ය;

³⁰ ඔබ කිසිදාක මාගේ දැනමුතුකම් පිළිගත්තේ නැත;

³¹ කළ කළ දේ ඔබට පල පල දෙනු නියත ය;

³² අනුවණ දනෝ නැණනුවණට පිටුපා මියයති;

³³ එහෙත් මට සවන් දෙන තැනැත්තේ සුරැකි ව, විපතට නොබා, යෙහෙන් වසනු ඇත.

ප්‍රඥාව ගැන ප්‍රශංසා

¹ මාගේ පුත්‍රය, මාගේ ඔවා බස් හිතට ගන්න;

² ප්‍රඥාවට සවන් දෙන්න, ඥානයට අවධානය යොමු කරන්න.

³ නුවණ ඉල්ලා සිටින්න, ඥානයට හඬගසා ඇය පතන්න.

⁴ රිදී සොයන්නාක් මෙන් ඇය සොයන්න;

⁵ එසේ කළොත්, දේව ගරුබිය කුමක් දැ යි ඔබට තේරුම් යයි.

⁶ මන්ද, ප්‍රඥාව සමිඳුන්ගේ ම දීමනාවකි.

⁷ සමිඳාණෝ අවංක වූවන් හට නියම ප්‍රඥාව දෙන සේක;

⁸ සමිඳාණෝ යුක්ති මාවත ආරක්ෂා කරන සේක;

⁹ මෙසේ ඔබ, දැහැමිකම ද යුක්තිය ද සත්‍යවාදී බව ද යන සියලු යහ මඟ තේරුම්ගන්නෙහි ය.

¹⁰ ප්‍රඥාව ඔබේ මනසට පිවිසෙයි;

¹¹ සිහි නුවණ ඔබ රැකවල් කරයි;

¹² එය දුදනන්ගේ මාර්ගවලින් ද මිනිසුන්ගේ රැවටිලි කතාවෙන් ද ඔබ මුදාගනියි;

¹³ අන්ධකාර මාර්ගවල යන පිණිස, අවංක මාවත් හැර දමන්නන්ගෙන් ඔබ මුදාගනියි.

¹⁴ ඔවුන්ගේ සතුට නපුර කිරීමට ය;

¹⁵ ඔවුන්ගේ ක්‍රියා වංක ය;

¹⁶ ඒ මඟින්, දුසිරිතට සිත දුන් ස්ත්‍රියකගෙන්, ඉච්චා බස් දොඩන ස්ත්‍රියකගෙන්,

¹⁷ පතිවත කඩන ස්ත්‍රියකගෙන්, දේව ගිවිසුම් කඩ කරන ස්ත්‍රියකගෙන්, ඔබ ගැළවෙන්නෙහි ය.

¹⁸ ඇගේ නිවස මරණයට බැස යන බෑවුමකි;

¹⁹ ඈ වෙතට යන්නෙකු ආපසු එන්නේ නැත;

²⁰ මෙය මා කියන්නේ, නුඹ යහ මඟ හැසිර, දැහැමි මඟ ඇවිදින පිණිස ය.

²¹ අවංක අය මිහි පිට දිගු කල් වසති;

²² එහෙත් දුදනෝ පොළොවෙන් පහකර දමනු ලබති;

සදාචාරයේ අගය

¹ මාගේ පුත්‍රය, මාගේ ඔවදන් අමතක නොකරන්න;

² එවිට ඔබ දිගායු වළඳන්නෙහි ය;

³ පක්ෂපාතකම හා විශ්වාසය අත් නොහරින්න;

⁴ ලූක් 2:52 එවිට ඔබ, දෙවියන් හා මිනිසුන් අබිමුව ප්‍රසාදයට හා කීර්තියට පාත්‍ර වනු නිසැක ය.

⁵ හුදෙක් නුඹේ ම නුවණෙහි නොපිහිටා, මුළු හිතින් හිමි තුම කෙරෙහි විශ්වාසය තබන්න.

⁶ හැම දෙයක දී ම සමිඳුන් සිහි කරන්න;

⁷ රෝම 12:16 ඔබ මහ නැණවතෙකැ යි නොසිතන්න.

⁸ එසේ කළොත්, ඔබේ සිරුරට සුව සැප ද, ඔබේ ඇට මිදුළුවලට නව පණක් ද ලැබෙනු ඇත.

⁹ ඔබේ ධනසම්පතින් ද අස්වැන්නේ නාඹුල් පලයෙන් ද සමිඳුන් හට පුද පඬුරු දෙන්න.

¹⁰ එවිට ඔබේ අටුකොටු ධනධාන්‍යයෙන් පිරී ඉතිරී යනු ඇත;

¹¹ ජෝබ් 5:17 හෙබ්‍රෙ 12:5-6 මාගේ පුත්‍රය, සමිඳුන් දෙන විනය සුළු කොට නොසිතන්න.

¹² එළිද 3:19 පියෙකු සිය ප්‍රියාදර පුතු හට යම් සේ දඬුවම් කරන්නේ ද, එසේ ම සමිඳාණෝ සිය පෙම්වතුන්ට දඬුවම් දෙන සේක.

ප්‍රඥා සම්පත

¹³ ප්‍රඥා සම්පත සොයාගන්නා, ඥාන සම්පත හිමි කරගන්නා, මිනිසාගේ වාසනාවක මහත!

¹⁴ එයින් ලැබෙන යසඉසුරු, රිදීයටත්, තනි රත්රනටත් වඩා අගනේ ය.

¹⁵ ප්‍රඥාව රතුකැටවලට වඩා අගනේ ය;

¹⁶ දීර්ඝායු ප්‍රඥාවේ දකුණතෙහි ය:

¹⁷ ප්‍රඥාවගේ ක්‍රියා මාර්ග ජීවන රටාවට මනහර ය;

¹⁸ ප්‍රඥාව අත්කර ගන්නන්ට ඈ ජීවන වෘක්ෂයකි;

¹⁹ සමිඳාණෝ ප්‍රඥාවෙන් පොළොවේ අත්තිවාරම් ලූ සේක.

²⁰ එතුමන්ගේ ඥානයෙන් පොළොවේ ගැඹුරු තැන් කණිනු ලැබී ය;

නැණවතුන්ගේ වාසනාව

²¹ මාගේ පුත්‍රය, විචක්ෂණ බුද්ධිය ද තීක්ෂණ ඥානය ද දියුණු කරගන්න.

²² ඒවා ඔබට ජීවනය ද ඔබේ ගෙලට ආභරණයක් ද වනු ඇත.

²³ එවිට ඔබේ දෙපා නොපැකිළ, ඔබ සුව සේ ජීවන මඟ යනු ඇත;

²⁴ සැතපෙන කල ඔබට බියක් නැත;

²⁵ හදිසි භීතියට වත් දුදනන්ගෙන් එන දුර්විපතට වත්, බිය නොවන්න.

²⁶ සමිඳාණෝ ඔබ සුරක්නා සේක;

²⁷ ත්‍යාගශීලී වීමට හැකියාව තිබිය දී, උපකාර කිරීමට මැළි නොවන්න.

²⁸ හැකියාව තිබිය දීත්, “ගොස් නැවත එන්න, හෙට දෙන්නෙමි”යි ඔබේ අසල්වැසියාට නොකියන්න.

²⁹ ඔබේ අසල්වැසියා බිය සැක නැති ව යෙහෙන් වාසය කරද්දී,

³⁰ ඔබට වරදක් නොකරන කෙනෙකු සමඟ නිකරුණේ නඩුහබයට නොබසින්න.

³¹ සාහසිකයෙකු ආදර්ශයට නොගන්න;

³² වංක සිත් ඇත්තෝ සමිඳුන්ට පිළිකුලකි;

³³ දුදනන්ගේ මන්දිර මත සමිඳුන්ගේ සාපය වැටෙනු ඇත;

³⁴ ජාකො 4:6; 1 පේදු 5:5 නින්දා කරන අයට එතුමාණෝ නින්දා කරන සේක;

³⁵ නැණවතුන් හට කීර්තිය උරුම වේ;

ප්‍රඥාවේ ඵල

¹ මාගේ පුත්‍රයෙනි, පියාගේ අවවාදයට සවන් දෙන්න;

² මන්ද, මම මනා උවදෙස් ඔබට දෙමි;

³ මම මාගේ පියාගේ ද මවගේ ද ළදබොළඳ ප්‍රියාදර එක ම පුත් රුවන වූයෙමි.

⁴ මාගේ පියා මට මෙසේ අවවාද කෙළේ ය:

⁵ ප්‍රඥාව ලබාගන්න, නැණනුවණ ලබාගන්න;

⁶ ප්‍රඥා සම්පත ඉවත නොදමන්න;

⁷ ප්‍රඥා සම්පත හැම සම්පතට ම වඩා උදාර ය;

⁸ ඇයට ගරු සම්මාන පිරිනමන්න, එවිට ඈ ඔබ උසස් කරනු ඇත.

⁹ ඈ ඔබේ සිරසෙහි දිමුතු මල් මාලාවක් තබනු ඇත;

¹⁰ මාගේ පුත්‍රය, සවන් දී, මේ මාගේ අවවාද මුළු සිතින් පිළිගන්න.

¹¹ ප්‍රඥාවේ මාර්ගය මම ඔබට උගන්වමි;

¹² එවිට ඔබ ඇවිදින කල ඔබට අවහිරයක් නොවනු ඇත;

¹³ මාගේ උපදෙස් තරයේ පිළිගෙන, ඉවත නොලා, රැකගන්න.

¹⁴ අදමිටුන්ගේ මාවතෙහි පා නොතබන්න;

¹⁵ නපුරෙන් වළකින්න, එයට ඉඩ නොදෙන්න;

¹⁶ නපුරක් නොකළොත්, දුදනන්ට නින්දක් නැත;

¹⁷ කුරිරුකම ඔවුන්ගේ ආහාරය වේ, සැහැසිකම ඔවුන්ගේ පානය වේ.

¹⁸ එහෙත් දැහැමියන්ගේ මාවත උදේ පායන හිරු මෙන් ය, එය මද්දහනය දක්වා දීප්තියෙන් වැඩි වේගෙන යයි.

¹⁹ දුදනන්ගේ මඟ ගනඳුරින් වැසී ඇත;

²⁰ මාගේ පුත්‍රය, මා කියන දෙයට සවන් දෙන්න, මාගේ අවවාදයට කන් යොමු කරන්න.

²¹ ඒවා ඔබේ සිතින් පහ නොවේ වා;

²² ඒවායින් ඔබට ජීවන සම්පත ද ඔබේ සර්වාංගයට සුව සැපත ද අත් වේ.

²³ අන් හැම දෙයට ම වඩා ඔබේ සිත රැකගන්න;

²⁴ රැවටිලිකාර කියමන් ඔබෙන් පහකරන්න.

²⁵ දෙසිත් නැති ව එක එල්ලේ කෙළින් බලන්න;

²⁶ හෙබ්‍රෙ 12:13 ඔබ යා යුතු මඟ හිතාමතා සලසාගන්න;

²⁷ හරි මඟින් දකුණට හෝ වමට හෝ නොහැරෙන්න;

පරදාර සේවනය ගැන අවවාද

¹ මාගේ පුත්‍රය, මාගේ ප්‍රඥා සම්පතට සිත යොමු කරන්න;

² එවිට ඥාන සම්පතින් ඔබ රැකෙනු ඇත.

³ වෙසඟනගේ දෙතොලින් මී පැණි වෑහෙයි;

⁴ එහෙත් ඒවා අවසානයේ දී දිවි කදුරු මෙන් තිත්ත වනු ඇත;

⁵ ඇගේ දෙපා මරණය බලා යයි;

⁶ ඇය ජීවන මාර්ගය ගැන නොසලකයි;

⁷ එබැවින් මාගේ පුත්‍රය, මට සවන් දෙන්න;

⁸ එවැනි ගැහැණියකගෙන් දුරු වී සිටින්න;

⁹ එසේ යාමෙන්, ඔබේ ගෞරවය අනුන් ඉදිරියේ නැති කරගනු ඇත.

¹⁰ ඔබේ සැපසම්පතින් වෙන අය තෘප්තියට පත් වනු ඇත.

¹¹ අවසානයේ දී ඔබේ ඇඟපත දිරා ගොස්, ඔබ කෙඳිරිගානු ඇත.

¹² එවිට ඔබ මෙසේ කියනු ඇත:

¹³ මම ධර්ම දේශකයන්ගේ බසට කීකරු නොවූයෙමි, ගුරු ඇදුරන්ගේ අවවාදයට කන් නුදුන්නෙමි.

¹⁴ හැම නපුරෙහි යෙදී නරක නමක් ලද්දෙමි, ප්‍රසිද්ධියේ ම මහ නින්දාවට පත් වුණෙමි.”

¹⁵ ඔබේ ම පොකුණේ ගලන ජලය ද ඔබේ ම ළිඳෙන් උනන වතුර ද බොන්න.

¹⁶ ඔබේ උල්පත පිටතට වත්, ජලධාරා වීදියට වත් ගලා යා යුතු නැත.

¹⁷ ඔබේ දූදරුවන් අන් අයට නොව, ඔබට ම සතු වස්තුවක් වේ වා!

¹⁸ ඔබේ උල්පත වන ප්‍රිය බිරිඳට සව්සිරි වේ වා!

¹⁹ සුලලිත මුව දෙනක හා සුකොමල පැටියෙකු මෙන් වූ, ඇගේ පියයුරුවලින් විනෝද වන්න.

²⁰ මාගේ පුත්‍රය, ඔබ පරදාර සේවනයෙන් උමතු වන්නේ කුමට ද?

²¹ මිනිසාගේ සියලු ක්‍රියා මාර්ග සමිඳාණන් අබිමුවෙහි ඇත.

²² දුදනාගේ පව්කම ඔහුට ම මලපතකි;

²³ ආත්මදමනයෙන් තොර මිනිසා වැනසෙයි;

ගැටළුවලින් ගැළවීම

¹ මාගේ පුත්‍රය, ඔබ මිතුරෙකුට ඇප වී, අන් අයෙකු උදෙසා අත්තිකාරමක් දී,

² ඔබේ වචනවලට අසු වී, ඔබේ පොරොන්දුවලට මැදි වී සිටින්නෙහි ද?

³ මාගේ පුත්‍රය, එසේ අසු වී සිටින්නෙහි නම්, මා කියන දේ කර ගැළවී යන්න;

⁴ නිදි නොගෙන, කිරා නොවැටී,

⁵ දඩයක්කාරයෙකු අතින් පැන දුවන තිත් මුවෙකු මෙන් ද උගුලක් ඇටවූ වැද්දෙකු අතින් ඉගිළී යන කුරුල්ලෙකු මෙන් ගැළවී යන්න.

කුහුඹුවාගෙන් පාඩම්

⁶ අලසය, කුහුඹුවා වෙත ගොස් උගේ ගතිපැවතුම් බලා නැණවත් වන්න.

⁷ ඌට නායකයෙක් නැත, මුලාදෑනියෙක් නැත, පාලකයෙක් නැත.

⁸ එහෙත් ඌ ගිම්හානයේ දී ආහාර සපයා ගනියි;

⁹ අලසය, ඔබ කොපමණ කල් නිදාගන්නෙහි ද?

¹⁰ හිතෝ 24:33-34 ‘තව ටිකක් නිදාගනිමි, තව ඇබිත්තක් සැතපෙමි, තව මඳක් අත් දෙක බැඳගනිමි’යි කියන ඔබ වෙතට,

¹¹ දිළිඳුකම, සොරෙකු මෙන් ද හිඟකම, අවිගත් සෙබළෙකු මෙන් ද එනු ඇත.

තක්කඩියාගේ විනාශය

¹² සටකපට බස් දොඩමින් ඇවිදින, තැනැත්තේ දුදනෙකි, තක්කඩියෙකි.

¹³ ඔහු සිය දෙනෙතින් ඉඟි කරයි, දෙපයෙන් හැඟුම් දක්වයි, ඇඟිලිවලින් සංඥා කරයි.

¹⁴ ඔහුගේ සිත සටකපට ව ඇත, ඔහු නිතර ම නපුරට කුමන්ත්‍රණය කොට, වාද භේද පතුරුවාලයි.

¹⁵ එබැවින් ඔහුගේ නැස්පැත්තිය හදිසියෙන් එයි, ගැළවීමට මඟක් නැති ව, මොහොතකින් ඔහු සුණු වී යයි.

සමිඳුන් නුරුස්සන කරුණු

¹⁶ සමිඳාණන් නුරුස්සන කරුණු සයකි, එතුමන්ට පිළිකුල් කරුණු සතකි.

¹⁷ අහංකාර ඇස් ද බොරුකාර දිව ද නිදොස් ලේ වගුරුවන අත් ද

¹⁸ දුෂ්ට උපා යොදන සිත ද නපුරට වහා දුව යන පා ද මුසා බස් තෙපලන බොරු සාක්කිකරු ද

¹⁹ මිතුරන් අතර වාද භේද අවුස්සන අය ද වෙත්.

පරදාර සේවනයේ දුර්විපාක

²⁰ මාගේ පුත්‍රය, ඔබේ පියාගේ අනුශාසනා පිළිපදින්න;

²¹ ඒවා නිරතුරු ඔබේ සිත්හි නිදන් කොට, මාලයක් මෙන්, ගෙල වටා බැඳගන්න.

²² ඔබ යන එන විට ඒවා මඟ පෙන්වයි;

²³ අනුශාසනාව ඔබට පහනකි, උවදෙස් ඔබට එළියකි, ගුරූපදේශ ඔබට ජීවන මඟකි.

²⁴ නරක ගැහැණියකගෙන් ද ඉච්චා බස් දොඩන අන් අඹුවන්ගෙන් ද ඒවා ඔබ රැකගනියි.

²⁵ ඇගේ රුවට සිතින් ඇදී නොයන්න;

²⁶ වෙසඟනක පතන්නේ පාන් ගෙඩියක මිල පමණකි;

²⁷ ගිනිදැල් තුරුලු කර ගතහොත්, මිනිසෙකුගේ ඇඳුම් නොපිළිස්සේ ද?

²⁸ ගිනි අඟුරු මත ඇවිද්දොත්, ඔහුගේ දෙපා නොදැවේ ද?

²⁹ සිය අසල්වැසියාගේ බිරිඳ වෙත එළඹෙන අයට එසේ වේ.

³⁰ සොරෙකු සිය සාගින්න නිවාගනු වස් සොරකම් කළත් මිනිස්සු ඔහු වරදින් නිදහස් නොකරති.

³¹ ඔහු අසුවුණොත් සත් ගුණයක් වන්දි ගෙවීමට සිදු වෙයි;

³² පරදාර සේවනය කරන්නා අනුවණයෙකි;

³³ උවදුරු හා අවනම්බුව ඔහුට හිමි වෙයි;

³⁴ මන්ද, කාම ක්‍රෝධය සැමියෙකු උදහස් කරලයි;

³⁵ ඔහු කිසි වන්දි මුදලක් නොපිළිගනු ඇත;

¹ මාගේ පුත්‍රය, මාගේ ඔවා බස් පිළිපදින්න;

² මාගේ ආඥා පැවැත්වුවහොත් ඔබට ජීවනය ඇත;

³ ඇඟිලිවල මුදු මෙන් ඒවා නිරතුරු තබාගන්න, ඔබේ සිත් නමැති පුවරුවෙහි ඒවා සටහන් කරගන්න.

⁴ ප්‍රඥාව ඔබේ සොහොයුරිය මෙන් ද නැණනුවණ ඔබේ මිතුරිය මෙන් ද සලකන්න.

⁵ එවිට ඔබ දුරාචාර කාන්තාවගෙන් ද ඉච්චා බස් දොඩන වෙසඟනගෙන් ද ආරක්ෂා වනු ඇත.

දුරාචාර ස්ත්‍රියගේ මායා

⁶ එක දිනක්, මාගේ ගෙයි කවුළුවේ ගරාදි අස්සෙන් පිටත බැලුවෙමි.

⁷ එවිට අනුවණයන් අතර මෝඩ තරුණයෙකු සිටිනු දුටිමි.

⁸ ඔහු, අඳුර වැටෙද්දී, ගොම්මං වේලාවේ දී, මැදියම් රෑ කළුවරෙහි දී,

⁹ ඇගේ ගේ අද්දර වීදිය පසු කොට ඇගේ ගෙට යන මාවතෙහි ගමන් කෙළේ ය.

¹⁰ එවිට ඈ වෙසඟනකගේ වස්ත්‍ර හැඳ, රැවටිලිකාර ස්ත්‍රියක මෙන් ඔහුට මුණගැසුණා ය.

¹¹ ඈ අඟරදඟර කරන චපල ස්ත්‍රියකි, ඈ කොයි වේලාවෙත් ගෙදර නැත.

¹² විටක ඈ වීදිවල ද විටක ඈ වෙළෙඳ පොලේ ද සෑම මංසන්දියක ද සෝදිසියෙන් බලා සිටියි.

¹³ මෙසේ ඈ ඔහු අල්ලා සිඹගෙන, විළි ලජ්ජා කිසිත් නැති ව ඔහුට මෙසේ කීවා ය:

¹⁴ “මම අද මාගේ පුද පූජා පැවැත්වීමි;

¹⁵ ඔබ හමු වන පිණිස ආශාවෙන් ඔබ සොයා ආයේ ඒ නිසා ය.

¹⁶ මිසරයේ පාට පාට නූල්වලින් කළ විසිතුරු ඇතිරිලි මා යහනෙහි අතුරා ඇත.

¹⁷ සුවඳලාටුවලින් ද අගිල්වලින් ද කුරුඳුවලින් ද මාගේ යහනට සුවඳ කැවීමි.

¹⁸ එන්න, උදය වන තුරු පෙම් බඳුනෙන් බොමු;

¹⁹ අද මාගේ පුරුෂයා ගෙදර නැත;

²⁰ ඔහු බොහෝ මුදල් රැගෙන ගියේ ය;

²¹ ඇගේ මේ රැවටිලි වදනින්, ඈ ඔහු කැමැති කරවා, ඉච්චා තෙපුලින් ඈ ඔහු වශී කරගන්නී ය.

²² එකෙණෙහි ම ඔහු, ඝාතනයට ගෙන යන ගොනෙකු මෙන් ද මලපුඩුවට දුවන මුවෙකු මෙන් ද

²³ උගුලට වහා පියාඹා යන පක්ෂියෙකු මෙන් ද ඇය කැටුව ගියේ ය.

²⁴ එබැවින් මාගේ පුත්‍රය, මට සවන් දෙන්න, මා පවසන ඔවා බසට අවධානය යොමු කරන්න.

²⁵ ඇගේ මාවත්වල යාමට ඔබේ සිත නොපෙළඹේ වා!

²⁶ බොහෝ දෙනෙක් ඇගෙන් නාස්තියට පත් වූ හ;

²⁷ ඇගේ නිවස පාතාලයට යන මඟ ය, මරුගේ මැදිරිවලට බැස යන මාවත ය.

ප්‍රඥාවේ අනුහස

¹ හිතෝ 1:20-21 ප්‍රඥා තුමීගේ මොරගැසීම අසන්න;

² ඕ තොමෝ කඳු මුදුන්හි ද පාර අද්දර ද මංසන්දිවල ද සිටින්නී ය.

³ නගරයට පිවිසෙන වාසල් දොරටු ළඟ ඈ හඬ නඟා මෙසේ කියන්නී ය:

⁴ “සෙනඟෙනි, මාගේ ආයාචනය ඔබට ය, මම හැම මිනිසාට ම කතා කරමි.

⁵ අනුවණයෙනි, නුවණ ලබාගන්න, දැනුම්තේරුම් ඇති අය වන්න;

⁶ අසන්න, මම උදාර දේ පවසමි.

⁷ මම සත්‍යය මිස අන් කිසිවක් නොකියමි.

⁸ මා කියන කවර දේත් සාධාරණ ය, ඒවායෙහි ඇදකුද, හොරබොරු කිසිත් නැත.

⁹ නුවණැත්තන්ට ඒ සියල්ල සක්සුදක් සේ පැහැදිලි ය;

¹⁰ රිදීයට වඩා මාගේ ගුරුහරුකම් ද පෙරූ රනට වඩා දැනගැන්ම ද පිළිගන්න.

¹¹ මන්ද, ප්‍රඥාව රතු කැටවලට වඩා අගනේ ය;

¹² මාගේ නාමය ප්‍රඥා තොමෝ ය.

¹³ දේව ගරුබිය පෑම නපුරට ද්වේෂ කිරීම ය.

¹⁴ මන්ත්‍රණයෙහි දක්ෂතාව හා විමංසන බුද්ධිය මට ඇත;

¹⁵ මාගේ පිහිටෙන් භූපතීහු රජකම් කරති;

¹⁶ මාගේ වරමින් අධිපතීහු රට පාලනය කරති;

¹⁷ මට පෙම් කරන්නන්ට මමත් පෙම් කරමි, මා සොයන්නන්ට මා සම්බ වනු ඇත.

¹⁸ වස්තුව ද ගෞරවය ද අසීමිත සම්පත් ද දැහැමි ජීවිතයේ ආසිරි ද මා වෙත ඇත.

¹⁹ මාගේ අස්වැන්න රනට, පෙරූ රනට වඩා අගනේ ය;

²⁰ මට පෙම් කරන්නන්ට වස්තුව හිමි කර දීමෙන්

²¹ ඔවුන්ගේ ගබඩා පුරවා දමිටු මඟෙහි ද යුක්තියේ මංවල ද මම සැරිසරමි.

²² එළිද 3:14 සමිඳාණෝ තමන් මැවූ හැම දෙයට ම පෙර සියලු මැවිලිවල පළමුවැන්නා මෙන් මා මැවූ සේක.

²³ දූරාතීතයෙහි, මහ පොළොව ඇති වන්නට පෙර, ආරම්භයේ දී, මම මවනු ලැබුවෙමි.

²⁴ සත් සමුදුර ඇති වන්නට පෙර ජලය පිරුණු උල්පත් නොවූ සමයෙහි මම ජනිත වූයෙමි.

²⁵ ගිරිකුළු හා කඳුවැටි නියම තැන්වල පිහිටෙන්නට පෙර, මාගේ උපත විය.

²⁶ සමිඳාණන් මහ පොළොව හා කෙත් වතු මවන්නට පෙර, ප්‍රථම පස් පිඩැල්ල සාදන්නට පෙර, මම ඉපිද සිටියෙමි.

²⁷ සමිඳාණන් අහස් කුස පිහිටෙවු කල ද, මම එහි සිටියෙමි.

²⁸ ඉහළ අහසෙහි වලාකුළු පිහිටුවන විට, සත් සමුදුර උල්පත් සවි කරන විට,

²⁹ මුහුදු ජලය එහි සීමා පසු කර නොබිඳී යන සේ, මායිම් තබන විට, පොළොවේ පදනම් සලකුණු කරන විට මම එහි සිටියෙමි.

³⁰ මම එතුමන්ගේ නිර්මාණ ශිල්පියෙකු මෙන් ළඟ සිටියෙමි.

³¹ එතුමන් මවා නිම කළ ලොවෙහි ලෝවැසියන් සමග සන්තෝෂ වූයෙමි.

³² ඒ නිසා, මාගේ පුත්‍රයෙනි, මට සවන් දෙන්න;

³³ මාගේ උපදෙස් ප්‍රතික්ෂේප නොකරන්න;

³⁴ දිනෙන් දින මාගේ වාසල් දොරටු ළඟ සිට, මාගේ ද්වාර මණ්ඩප රැකවල් කොට, ඔවදන් අසන මිනිසා භාග්‍යවන්තයෙකි.

³⁵ මා සොයාගන්නා ජීවනය සොයාගනියි.

³⁶ එහෙත් මා සොයා නොඑන්නා තමාට ම අනතුරු කරගනියි.

ප්‍රඥාව හා අඥානකම

¹ ප්‍රඥාව ඇගේ මන්දිරය ඉදි කර ඇත, එහි කුළුණු සතක් සාදා ඇත.

² සතුන්ගේ මසින් ද රස කැවූ මිදිරසයෙන් ද ඇගේ මඟුල් මේසය පිළියෙළ කොට ඇත.

³ තමන් පිටත් කර යැවූ සේවිකාවන් ලවා, නගරයේ ඉහළ ම තැන සිට ඈ මෙසේ ආරාධනා කරන්නී ය:

⁴ “අනුවණ ජනතාවෙනි, මෙහි පිවිසෙන්න.”

⁵ “එන්න මාගේ බොදුන් අනුභව කොට, රස කැවූ මිදිරස පානය කරන්න.

⁶ අනුවණකම හැරදමා ජීවත් වන්න;

⁷ ගරහන්නෙකුට ඔවා බස් දෙන්නා හට ඇති වන්නේ ලජ්ජාව පමණ ය;

⁸ ගරහන්නෙකුට කිසිදාක අවවාද නොකරන්න;

⁹ බුද්ධිමතෙකුට අනුශාසනා කරන්න, ඔහු තවත් බුද්ධිමත් වෙයි.

¹⁰ ජෝබ් 28:28; ගීතා 111:10; හිතෝ 1:7 දේව ගරුබිය ප්‍රඥාවේ මුල් පියවර වේ, ශුද්ධ දෙවිඳුන් ගැන දැනුම නැණනුවණ වේ.

¹¹ ප්‍රඥා වරමින් ඔබේ කාලය දික් වී, ඔබ දිගායු වළඳනු ඇත.

¹² ඔබ නැණවත් වුවහොත්, එහි වාසිය ඔබට ම ය;

¹³ අමනකම වූ කලී, කටකාර, අනුවණ, විලිබිය නැති ගැහැණියක වැනි ය.

¹⁴ ඇගේ ම ගෙදර දොරකඩ හෝ නගරයේ ඉහළ ම තැන්වල හෝ ඈ අසුන්ගන්නී ය.

¹⁵ තමාගේ පාඩුවේ වැඩට යන මගීන් මුළා කරනු වස්

¹⁶ ඈ මෙසේ කියන්නී ය:

¹⁷ “සොරාගත් වතුර ඉමිහිරි ය, සොරාගත් කෑම වඩා රස ය.”

¹⁸ ඈ කැඳවන අය, මරණය එහි ඇති බව ද පාතාලයෙහි ගැඹුරු තැන වැටී ඇති බව ද නොදනිති.

දමිටු හා අදමිටු සමාජය

¹ සලමොන් නිරිඳුන්ගේ හිතෝපදේශ මේ ය:

² වංකකමින් ලබන වස්තුව නිෂ්ඵල වෙයි;

³ සමිඳාණෝ දැහැමි දනා හාමතට නොහරින සේක;

⁴ අලසකමින් දිළිඳුකම උපදියි;

⁵ ගිම්හානයෙහි අස්වැන්න රැස් කරන්නා නැණවත් පුතෙකි;

⁶ දැහැමියන්ගේ හිස මත ආසිරි පැතිරෙයි;

⁷ දැහැමි දනා සැමරීම වාසනාවකි;

⁸ පැණවතා අණපණත් පිළිගනියි;

⁹ අවංක ව හැසිරෙන්නා සුව සේ වසයි;

¹⁰ වපර ඇසින් වරද දෙස බලන්නා කරදර උපදවයි;

¹¹ සුදනන්ගේ කතාව ජීවන උල්පතකි;

¹² ජාකො 5:20; 1 පේදු 4:8 වෛරය කලහ උපදවයි;

¹³ නුවණැත්තා සිහිනුවණින් කතා කරයි;

¹⁴ නැණවත්හු දැනුම රැස් කරගනිති;

¹⁵ ධනවතාගේ ධනසම්පත ඔහුට බලකොටුවකි;

¹⁶ දමිටුන්ගේ විපාකය ජීවනය වේ;

¹⁷ ශික්ෂා පිළිපදින්නා ජීවන මඟ යයි;

¹⁸ බොරු කියන්නා වෛරය උපදවන්නෙකි;

¹⁹ කතාව වැඩි තැන වරදට ඉඩ ඇත;

²⁰ සුදනන්ගේ තෙපුල් පිරිසිදු රිදී මෙනි;

²¹ දැහැමියන්ගේ බස් බහු ජන හිත සුව පිණිස වේ;

²² සමිඳුන්ගේ ආසිරි සෞභාග්‍යය සලසයි;

²³ අනුවණයාගේ විනෝදය නපුරු ක්‍රියා කිරීම ය;

²⁴ දුෂ්ටයා බිය වන දේ ම ඔහු පිටට එයි;

²⁵ සැඬ සුළඟ පහවෙත් ම දුදනෝ ද පහ වී යති;

²⁶ අලසයාගෙන් කිසි වැඩක් නොගන්න;

²⁷ සමිඳුන් කෙරෙහි ගෞරවය දිගාසිරි දෙයි;

²⁸ දමිටුන්ගේ පැතුම සොම්නස ගෙන දෙයි;

²⁹ සමිඳුන්ගේ මඟ අවංක අයට බලකොටුවකි;

³⁰ දැහැමියා සිය තැනින් කිසිදා නොසෙල් වෙයි;

³¹ දැහැමියාගේ මුවින් ප්‍රඥාව ගලා යයි;

³² දැහැමියා සිය මුවින් ප්‍රස්තාවෝචිත දේ කියයි;

¹ හොර තරාදිය සමිඳුන්ට පිළිකුලකි;

² අහංකාරය සමඟ නින්දාව එයි;

³ අවංක අයට අවංකකම මඟපෙන්වයි.

⁴ මැරෙන දිනයේ දී සම්පතින් වැඩක් නැත;

⁵ දැහැමිකමින් නිදොස් මිනිසාගේ ජීවිත ගමන පහසු වේ;

⁶ අවංක අය සිය දැහැමිකමින් ගැළවෙති;

⁷ දුදනාගේ මරණය සමඟ ඔහුගේ පැතුම ද නැසෙයි;

⁸ ධර්මිෂ්ඨයා විපතෙන් මිදෙනු ඇත;

⁹ අභක්තිකයාගේ බසින් මිනිස්සු විනාශ වෙති;

¹⁰ දැහැමි අයට සෙත සැලසෙන විට නගරය ප්‍රීති වෙයි;

¹¹ අවංක අයගේ ආශීර්වාදයෙන් නගරය උසස් වෙයි;

¹² සිය අසල්වැසියා හෙළා දකින්නා අනුවණයෙකි;

¹³ කේලාම් පතුරන්නා රහස් හෙළි කරයි.

¹⁴ දක්ෂ නායකත්වය නැති තැන සෙනඟ පිරිහෙති;

¹⁵ නොදන්න කෙනෙකුට ඇප වෙන්නා විපතට පැමිණෙයි;

¹⁶ විනීත වනිතාව ආත්ම ගෞරවය දිනාගනියි;

¹⁷ කාරුණික මිනිසා තමාගේ ම මිතුරා ය;

¹⁸ දුෂ්ටයා වංචාවෙන් ලබන දේ මායාවකි.

¹⁹ දැහැමි ජීවිතයෙහි පිහිටි අය ජීවනය ලබති;

²⁰ වංක අය සමිඳුන් හට පිළිකුලකි;

²¹ දුෂ්ටයා දඬුවම් ලබනු සහතික ය;

²² ඌරෙකුගේ හොම්බෙහි ලූ රන් මුදුව යම් සේ ද අනුවණ කාන්තාවගේ රූ සපුව ද එසේ ම ය.

²³ දමිටුන්ගේ මන දොළ හුදෙක් යහපත සඳහා වේ;

²⁴ කෙනෙක් අත මිට දිගහැර දෙතත් පොහොසත් වෙති;

²⁵ ත්‍යාගශීලී වන්න, එවිට ඔබ පොහොසතෙක් වන්නෙහි ය;

²⁶ අනුන්ට නො දී ධාන්‍ය රැස් කරන්නාට සෙනඟ සාප කරනු ඇත;

²⁷ යහපත ගැන වීර්ය කරන්නා කරුණාව ලබයි;

²⁸ වස්තුව කෙරේ විශ්වාසය තබන්නා වියළි කොළයක් මෙන් වැටෙයි;

²⁹ සිය පවුල අවුල් කරන්නාට හුළං බොන්න වෙයි;

³⁰ ධර්මිෂ්ඨයා ජීවන වෘක්ෂයක් මෙන් පල දරයි;

³¹ 1 පේදු 4:18 බලන්න, ධර්මිෂ්ඨයා මොලොව දී හොඳ ප්‍රතිඵල ලබයි;

¹ අවවාදය පිළිගන්නා දැනුමට පෙම් කරන්නෙකි;

² සත්පුරුෂයා සමිඳුන්ගෙන් ප්‍රසාදය ලබයි;

³ දුෂ්ටකමින් මිනිසෙකුට ස්ථිර ජීවිතයක් නැත;

⁴ ගුණසම්පන්න වනිතාව ඇගේ ස්වාමි පුරුෂයාට කිරුළකි;

⁵ දැහැමියන්ගේ අදහස් යුක්ති සහගත ය;

⁶ දුෂ්ටයන්ගේ වචන මරණ උගුලකි;

⁷ දුෂ්ටයෝ වැටී නැත්තට ම නැති වෙති;

⁸ මිනිසෙකුගේ ප්‍රඥාවේ තරමට ඔහු කීර්තිය ලබයි;

⁹ පුහු මානය සොයමින් කුසගින්නෙන් පෙළීමට වඩා චාම් ගතියෙන් ජීවිකාව ගෙන යෑම යෙහෙකි.

¹⁰ දැහැමි අය සිය තිරිසන් සතුන්ගේ ප්‍රාණය ගැන සලකති;

¹¹ වැර වීරියෙන් වගා කරන්නාට බතබුලත බහුල ය;

¹² දුෂ්ටයාගේ බලකොටුව මැටි පවුරක් මෙන් බිඳ වැටෙයි;

¹³ දුෂ්ටයාගේ මුසා බස් ඔහුට ම මලපතක් වෙයි;

¹⁴ එක් මිනිසෙක් සිය වදනින් සඵලවත් වෙයි;

¹⁵ අනුවණයා තමා හරි යයි සැම විට ම සිතාගනියි;

¹⁶ මෝඩයා සිය කෝපය වහා පෙන්වයි;

¹⁷ ඇත්ත කියන්නා සත්‍යය දක්වයි;

¹⁸ කේලාම් බස් කඩුපතක් මෙන් තුවාළ කරයි;

¹⁹ ඇත්ත කියන කට සදහට ම ස්ථිර ව ඇත;

²⁰ නපුරට මාන බලන්නාගේ සිතෙහි වංචාව ඇත;

²¹ දැහැමි අයට කිසිදු අනතුරක් සිදු නොවේ ම ය;

²² බොරුකාර තොල් සමිඳුන් හට පිළිකුලකි;

²³ බුද්ධිමතා තම දැනුම ගැන පුරසාරම් නොදොඩයි;

²⁴ කාර්යක්ෂම අත රට පාලනය කරයි;

²⁵ සිත්තැවුල මිනිස් සිතට පීඩා කරයි.

²⁶ ධර්මිෂ්ඨයා සිය අසල්වැසියා හට මඟපෙන්වයි;

²⁷ අලසයා දඩයමේ ගියත් කෑමට මස් නොලබයි;

²⁸ දැහැමි මාවතෙහි ජීවනය ඇත;

¹ පැණවත් පුතා පියාගේ අවවාදයට සවන් දෙයි;

² සුදනෝ සිය වදනින් යසඉසුරු වළඳති;

³ දිව රැකගන්නා දිවි රැකගනියි;

⁴ අලස අය ආසා වුවත් කිසිත් නොලබති;

⁵ දැහැමියා මුසාවාද පිළිකුල් කරයි;

⁶ දමිටුකම සුදනන්ට ආරක්ෂාව දෙයි;

⁷ පොහොසත් යයි පෙන්වතත් ඇතැමෙක් දුප්පත් ය;

⁸ ධනවතා සිය ධනය ගෙවා දිවි බේරාගත යුතුයි;

⁹ දමිටුන්ගේ එළිය දීප්තිමත් ව බබළයි;

¹⁰ උඩඟුකම වාද විවාද ඇති කරයි;

¹¹ නිරායාසයෙන් ලබන සම්පත වහා නැති වී යයි;

¹² පැතූ දෙය පමා වීමෙන් සිත කලකිරෙයි;

¹³ ඔවා බස් නොතැකීම කරදරයට පාර කැපීමකි;

¹⁴ පැණවතාගේ උපදෙස් ජීවන උල්පතකි;

¹⁵ හොඳ නැණනුවණ නිසා කරුණාව ලැබෙයි;

¹⁶ බුද්ධිමතා හිතාමතා ක්‍රියා කරයි;

¹⁷ අදක්ෂ නියෝජිතයා නිසා රට කරදරයට පත්වෙයි;

¹⁸ අවවාද නොපිළිගන්නා හට දිළිඳුකම හා නින්දාව ඇත;

¹⁹ මන දොළ සපුරාගැන්ම මිනිසාට සුමිහිරි ය.

²⁰ නැණවතුන් ඇසුරු කරන්න, ඔබත් නැණවත් වනු ඇත;

²¹ විපත පවිටුන් ලුහුබැඳ එයි;

²² සුදනන්ගේ වස්තුව සිය පරපුරට උරුම වෙයි:

²³ වගා නොකළ කෙත්වල දිළිඳුන්ට කෑම තිබිය හැකි ය,

²⁴ වේවැල නොගන්න පියා පුතාට සතුරෙකි;

²⁵ දමිටු අයට කෑම හිඟයක් නැත;

¹ නැණවත් වනිතාව සිය පවුල ගොඩනඟන්නී ය;

² අවංක මිනිසා සමිඳුන් කෙරෙහි ගරුබිය ඇත්තෙකි;

³ මෝඩයාගේ දොඩමළු කතා තමාට ම පහර දෙන ඉපලකි;

⁴ ගවයන් නැති විට අටුකොටු හිස් ව ඇත;

⁵ විශ්වාසී සාක්ෂිකරු බොරු නොකියයි:

⁶ උඩඟු මිනිසා ප්‍රඥාව සොයතත්, එය නොලබයි;

⁷ අඥානයා කෙරෙන් ඈත් වන්න;

⁸ නැණනුවණ ඇති අය ජීවන මඟ තේරුම්ගනිති;

⁹ අනුවණයාට පාපය සෙල්ලමකි;

¹⁰ ඔබේ දුක සැප දන්නේ ඔබ ම ය;

¹¹ දුෂ්ටයන්ගේ නිවෙස විනාශ වනු ඇත;

¹² හිතෝ 16:25 මිනිසෙකුට හරි යයි පෙනෙන මඟ අවසානයේ දී මරණය විය හැක.

¹³ සිනාවේ පවා සිත් තැවුලක් විය හැක;

¹⁴ දුදනා සිය ක්‍රියාවල විපාකය ලබයි;

¹⁵ නූගතා තමාට ඇසෙන සැම දෙය ම විශ්වාස කරයි;

¹⁶ ප්‍රඥාවන්තයා නපුරට බිය වී ඉන් ප්‍රවේසම් වෙයි;

¹⁷ වහා කිපෙන්නා අනුවණ ලෙස ක්‍රියා කරයි.

¹⁸ අනුවණයන්ට මෝඩකමේ පල විපාක උරුම වෙයි;

¹⁹ නපුරෝ යහපතුන් අබිමුව වැඳ වැටෙති;

²⁰ දිළින්දාට කිසි ම හිතවතෙක් නැත;

²¹ කෙනෙකු හෙළා දැකීම පාපයකි;

²² නපුරු උපා යොදන්නා බරපතල වරදක් කරයි;

²³ වැඩක යෙදුණොත් ජීවිකාව ලැබේ;

²⁴ නැණවතුන්ගේ කිරුළ ඔවුන්ගේ නැණනුවණ වේ;

²⁵ සැබෑ සාක්ෂිකරු ජීවිත ගළවයි;

²⁶ දේව ගරුබිය ඇත්තා හට ආත්ම විශ්වාසය ඇත;

²⁷ දේව ගරුබිය ජීවන උල්පතකි;

²⁸ රජුගේ මහේශාක්‍යය රඳා ඇත්තේ සෙනඟගේ සංබ්‍යාව පිට ය;

²⁹ කෝපයට පමා වන්නා ඉතා නුවණැති කෙනෙකි;

³⁰ නිසල් සිත, ගතට සුවය දෙයි;

³¹ දිළිඳාට පීඩා කරන්නා සිය මැවුම්කරු හට නින්දා කරයි;

³² දුෂ්ටයා දුෂ්ට ක්‍රියාවලින් පිරිහෙයි;

³³ නුවණැතියාගේ සිතෙහි ප්‍රඥාව පවතියි;

³⁴ ධර්මිෂ්ඨකම ජාතියක් උසස් කරයි;

³⁵ කාර්යක්ෂම නිලධාරීන් හට නිරිඳෝ ප්‍රසන්න වෙති;

¹ මුදු මොළොක් පිළිතුර කෝපය පහකරයි;

² පැණවතාගේ බස් දැනුම පතුරුවයි;

³ සමිඳාණෝ දිවැසින් මුළු ලොව නරඹන සේක, සුදනන් හා දුදදන් පිරික්සා බලන සේක.

⁴ මුදු මොළොක් වදන් දිවි රුකක් වැනි ය, එහෙත් කටුක වදන් මිනිස් සිත තුවාළ කරයි.

⁵ මෝඩයා තම පියාගේ ඔවා බස් හෙළා දකියි.

⁶ සුදනන්ගේ නිවසෙහි සම්පත් බොහෝ ය;

⁷ පැණවතුන්ගේ වචන දැනුම පතුරුවාලයි;

⁸ දුදනන්ගේ පුද පූජා සමිඳුන්ට පිළිකුලකි;

⁹ දුදනන්ගේ ක්‍රියා කලාපය සමිඳුන්ට පිළිකුලකි;

¹⁰ යහ මඟ හැර යන අයට තද දඬුවම් ඇත;

¹¹ පාතාලය හා අපාය වුව ද සමිඳුන්ගේ බැල්මෙන් සැඟවී නැත;

¹² උඩඟු මිනිසා අවවාදය නුරුස්සයි;

¹³ සතුටු සිත මුහුණ එළිය කරයි;

¹⁴ නැණැතියෝ දැනුම සොයා යති;

¹⁵ පීඩිතයන්ට හැම දවස ම අසුබ දිනයකි;

¹⁶ කරදර සහිත විපුල සැප සම්පතට වඩා, සමිඳුන් කෙරේ ගරුබිය ඇති ව හිඟකම හොඳ ය.

¹⁷ වෛරය ඇති ව රස මස’වුළු බුදීමට වඩා, සෙනෙහස ඇති ව ලුණු කැඳ බීම හොඳ ය.

¹⁸ වහා කිපෙන සුලු මිනිසා කලහ උපදවයි;

¹⁹ අලසයාට පාර කටු මාවතකි;

²⁰ නැණවත් පුතා පියා ප්‍රීතියෙන් පිනවයි;

²¹ අනුවණයා හට මෝඩකම ප්‍රීතියකි;

²² උවදෙස් නැති ව හදන සැලැස්ම නිසරු වෙයි;

²³ සුදුසු පිළිතුරක් දීම මිනිසෙකුට ප්‍රීතියකි;

²⁴ නැණවතා පාතාලය දෙස පහළට නොව, ජීවනය දෙස ඉහළට ගමන් කරයි.

²⁵ සමිඳාණෝ උඩඟු වූවන්ගේ ගේදොර වනසන සේක;

²⁶ දුදනන්ගේ අදහස් සමිඳුන් හට පිළිකුලකි;

²⁷ ධන ලෝභී මිනිසා සිය පවුලට කරදර ගෙන දෙයි;

²⁸ දැහැමියා පිළිතුරක් දීමට පෙර සිතා බලයි;

²⁹ සමිඳාණෝ දුදනන් වෙතින් ඈත් ව සිටින සේක;

³⁰ සිනහා මුහුණ මන පිනවයි;

³¹ යහපත් අවවාදයට කන් දෙන තැනැත්තේ, නැණවතුන් අතර නැණවතෙකි.

³² අවවාද එපා කරන මිනිසා තමාට ම සතුරෙක් වෙයි.

³³ දේව ගරුබිය ප්‍රඥාවේ පාසලකි;

¹ සිතුවිලි සැලැස්ම මිනිසා සතු ය;

² තම ක්‍රියාවලිය හරි යයි මිනිසා සිතයි;

³ ඔබේ ක්‍රියාවලිය සමිඳුන් හට කැප කරන්න;

⁴ සමිඳුන් මැවූ හැම දෙයට ම ඉරණමක් ඇත;

⁵ උඩඟු සිත් ඇති අය සමිඳුන්ට පිළිකුලකි.

⁶ දෙවිඳුන් කෙරේ පක්ෂපාත ව විශ්වාසී ව සිටින්න;

⁷ මිනිසෙකුගේ කල්ක්‍රියාවලට සමිඳුන් සතුටු වන විට, ඔහුගේ සතුරෝ වුවද මිතුරන් වනු ඇත.

⁸ වංකකමින් ලබන සැප සම්පත් රාශියට වඩා අවංකකමින් උපයන අල්පයක් වුව ද යහපත.

⁹ මිනිසා සැලැස්ම සාදයි, සමිඳාණෝ ඔහුගේ ගමන හසුරුවන සේක.

¹⁰ රජ තෙම දෙවි අනුහසින් කතා කරයි.

¹¹ තුලා සහ තරාදි හරි ව තිබීම දෙවි තුමන්ගේ කැමැත්ත ය, හරි පඩි භාවිතය එතුමන්ගේ අදහස ය.

¹² පව්කම් නිරිඳුන්ට පිළිකුලකි, සිහසුන රඳන්නේ දැහැමිකම මත ය.

¹³ අවංක කතාබහ රාජ ප්‍රසාදය දිනයි;

¹⁴ රජුගේ උදහස මාර දූතයෙකු වැන්න, නැණවතා ඒ උදහස සංසිඳුවයි.

¹⁵ රජුගේ මුහුණේ බැබළෙන එළියෙහි ජීවනය ඇත;

¹⁶ රනට වඩා පැණ ද රිදියට වඩා නැණ ද ප්‍රසන්න ය.

¹⁷ නපුරෙන් වැළකීම අවංක අයගේ රාජ මාවත ය;

¹⁸ විපතට පෙරටුවෙන් අහංකාරය ද වැටීමට පෙරටුවෙන් උඩඟුව ද යයි.

¹⁹ උඩඟු අය සමඟ කොල්ලය බෙදාගැනීමට වඩා, යටහත් සිතින් දිළිඳුන් ඇසුරු කිරීම යහපත.

²⁰ දෙව් වදන් සලකන අයට සව් සැපත ද සමිඳුන් අදහන අයට වාසනාව ද ඇත.

²¹ සිතෙහි ප්‍රඥාව ඇත්තා නැණවතෙකි;

²² නුවණැත්තාගේ ප්‍රඥාව ඔහුට ජීවන උල්පතකි.

²³ නැණවතා කතාවට පෙර සිතා බලයි;

²⁴ ප්‍රිය වදන මී වදය මෙන් කටට රස ය, ඇඟට ගුණ ය,

²⁵ හිතෝ 14:12 මිනිසෙකුට හරි යයි පෙනෙන මඟ වුව ද, මරණයෙන් අවසන් විය හැකි ය.

²⁶ සාගින්න කම්කරුවා වැඩට යවයි;

²⁷ දුදනා නපුරු කටකතා පතුරුවයි:

²⁸ කලහකාරී අය වාද භේද පතුරුවති;

²⁹ දාමරිකයෝ මිතුරන් මුළා කරති;

³⁰ දෙතොල තද කරගන්නා විපත ගෙන දෙයි;

³¹ පැසුණු හිස තෙද කිරුළකි, එය ලැබෙන්නේ දැහැමි ජීවිතයකිනි.

³² ඉවසීම, බලතලවලට වඩා ප්‍රශස්ත ය;

³³ තීරණයක් ගැනීමට පස ඇට දමනු ලැබේ;

¹ අඬදබර ඇති ගෙදරක මංගල භෝජන වැළඳීමට වඩා සාමදානයෙන් වියළි පාන් කෑල්ලක් කෑම හොඳ ය.

² නාස්තිකාර පුතෙකු සිටින තැන සිහි නුවණ ඇති දාසයා පාලකයා වෙයි.

³ රිදී සෝදිසි කර බැලීමට කෝවය ද රන් සෝදිසි කර බැලීමට උදුන ද ඇත;

⁴ නපුරා නපුරු කතාවලට කන් දෙයි;

⁵ දිළිඳාට උසුළු-විසුළු කිරීම මැවුම්කාර දෙවිඳුට අවමන් කිරීමකි.

⁶ මහලු වියේ ඔටුන්න නම් දරුවන්ගේ දරුවෝ ය.

⁷ හරබර කතාව මෝඩයෙකුට නොගැළපෙයි;

⁸ සමහරු අල්ලස සිතුමිණකැ යි සිතති;

⁹ අනුන් කළ වරද සිතට නොගන්නා මිතුදම දියුණු කරයි;

¹⁰ අනුවණයාට පහර සියයකට වඩා, නුවණැතියාට එක අවවාදයක් වැඩදායක වෙයි.

¹¹ නපුරාගේ එක ම අරමුණ කැරලි ගැසීම ය;

¹² මෝඩ දෙයක් කරන මෝඩයෙකු හමු වීමට වඩා, පැටවුන් නැති වුණු වැලහින්නකට මුහුණ පෑම යහපත.

¹³ කළ හොඳට නරකක් කරන මිනිසාගේ නිවසින් විපත පහ ව යන දවසක් එන්නේ ම නැත.

¹⁴ නඩුහබ පටන්ගැනීම අමුණක් බිඳීම වැනි ය;

¹⁵ දුදනන් නිදොස් කරන මිනිසා ද සුදනන් සදොස් කරන මිනිසා ද සමිඳුන්ට එක සේ පිළිකුලකි.

¹⁶ දැනුම් තේරුම් නැති මෝඩයෙකුට අධ්‍යාපනය සඳහා වියදම් කිරීමෙන් වැඩක් ඇද් ද?

¹⁷ මිතුරුතුමෝ දුක් සැප දෙකෙහි ම මිතුරෝ ය;

¹⁸ අසල්වැසියාගේ ණයතුරුස්වලට මැදි වී අත්තිකාරමක් දෙන්නා සිහි නුවණ නැති මිනිසෙකි.

¹⁹ දබරයට ප්‍රිය කරන්නා පාපයට ප්‍රිය කරයි;

²⁰ වංක සිතට සැපසම්පත් නැත, කපටි අයට දුක් විපත් ඇත.

²¹ අනුවණ පුතාගේ පියාට සෝදුක ඇත, මෝඩ පුතාගේ පියාට ප්‍රීතියක් නැත.

²² සතුටු සිත මහා ඖෂධයකි;

²³ දූෂිත විනිසකරුවෝ රහස් අල්ලස් ගනිති;

²⁴ දැනුම්තේරුම් ඇති මිනිසාගේ ඉලක්කය ප්‍රඥාව ය;

²⁵ අනුවණ පුතා සිය පියා හට ශෝකයකි, වැදූ මවට දුකකි.

²⁶ දැහැමි අයට දඩ ගැසීම නුසුදුසු ය;

²⁷ දිව දමනය කරන්නාට ප්‍රඥාව ඇත;

²⁸ මෝඩයා පවා නිහඬ ව සිටින විට නැණවතෙකු මෙන් සැලකේ;

¹ හුදකලාව වසන මිනිසා තම මතය ම අනුගමනය කරයි;

² අනුවණයා යමක් තේරුම්ගැනීමට කැමැත්තක් නොදක්වයි;

³ දුෂ්ටකම ඇති තැන නින්දාව ඇත;

⁴ මිනිසාගේ කියමන්, මහ සයුර මෙන් ගැඹුරු ය, ගලා යන දොළක් වැනි ය, නොසිඳෙන උල්පතක් වැනි ය.

⁵ විනිශ්චයේ දී, දුදනන්ට වාසිය සැලසීම ද සුදනන්ගෙන් යුක්තිය පැහැරගැනීම ද හරි නැත.

⁶ මෝඩයාගේ කතාබහින් වාද විවාද ඇති වෙයි, ඔහුගේ කට නිසා ගුටි බැට ලබයි.

⁷ අඥානයාගේ කට ඔහුගේ විනාශය වේ;

⁸ කටකතා රසවත් අහරකි, එය ගිලගැනීමට කවුරුත් කැමැති ය.

⁹ අලසයා හා නාස්තිකාරයා එක වල්ලේ පොල් වැනි ය.

¹⁰ සමිඳුන්ගේ නාමය මහ බලකොටුවකි;

¹¹ පොහොසතා, තම ධනසම්පත බලවත් නගරයක් වටා දුවන උස් කොටු පවුරක් ලෙස සිතයි.

¹² විනාශයට පෙරටුවෙන් උඩඟුකම ඇත;

¹³ පිළිතුරු දීමට පෙර සවන් දෙන්න;

¹⁴ මිනිසෙක් සිය ආත්ම ශක්තියෙන් ලෙඩ දුක් උසුලයි;

¹⁵ බුද්ධිමත් සිත දැනුම ලබාගනියි;

¹⁶ ඔබ දෙන ත්‍යාගය ඔබට අලුත් දොරවල් ඇර දෙයි;

¹⁷ උසාවියේ දී විත්තිය හරස් ප්‍රශ්න අසන තුරු පැමිණිල්ල සාධාරණ යයි පෙනේ.

¹⁸ පස ඇට දැමීමෙන් උසාවියේ නඩුවක් විසඳිය හැකි ය, බලවත් දෙගොල්ලක් අතර සාමය ඇති කළ හැකි ය.

¹⁹ සොහොයුරාට අත දෙන සොහොයුරා බලකොටුවක් වැනි ය;

²⁰ මිනිසෙකු පවසන දේ ගැන වගකීම ඔහු ම දැරිය යුතු ය.

²¹ ජීවිතය හා මරණය ඔබේ වචන මත රඳා ඇත;

²² බිරිඳක සොයා ගන්නා යහපතක් සොයා ගනී;

²³ දිළිඳා නම් බැගෑපත් ව අයැදියි;

²⁴ සමහර මිතුරෝ කලකට පමණ ය.

¹ අවංක ගතිගුණ ඇති දිළිඳා වංචා කතා කියන මෝඩයාට වඩා උතුම් ය.

² දැනුමෙන් තොර උද්‍යෝගය හොඳ නැත, ඉක්මන් වීමෙන් කරදර ඇති වේ.

³ සමහරු මෝඩකමින් විපතට පත්වෙති;

⁴ සම්පත් ඇති තැන මිතුරෝත් බහුල ය;

⁵ බොරු සාක්කි කියන්නාට දඬුවම් නියත ය;

⁶ බොහෝ දෙන ලොකු ලොක්කන්ගේ හොඳ හිත සොයති;

⁷ දිළිඳාගේ සියලු සොහොයුරෝ ඔහු අප්‍රිය කරති, එසේ නම්, ඔහුගේ මිතුරෝ ඊටත් වැඩියෙන් ඔහුගෙන් දුරු නොවෙද් ද?

⁸ ප්‍රඥාව ලබාගන්නා අර්ථ සිද්ධිය සාදාගනියි;

⁹ බොරු සාක්කිකරුට දඬුවම නියත ය;

¹⁰ මෝඩයෙකුට නායකත්වය නොහොබී;

¹¹ සිහිකල්පනාව ඇත්තා වහා නොකිපෙන සුලු ය;

¹² රජුගේ උදහස සිහ රදෙකුගේ ගර්ජනාව වැනි ය, ඔහුගේ කරුණාව තණ මත පිනි බිඳු වැනි ය.

¹³ අනුවණ පුතා පියාගේ විනාශය වේ.

¹⁴ ගෙවතු හා වස්තුව පියාගෙන් ලැබෙන උරුමයකි;

¹⁵ කුසීතකම බර නින්දට පමුණුවයි.

¹⁶ දේව නීති පිළිපදින අයට දිගායු ඇත, ඒවා මඟහරින අයට මරණය ඇත.

¹⁷ දිළිඳුන්ට දෙන්නා සමිඳුන්ට ණයට දෙයි, පසු ව සමිඳාණෝ ඔහුට වැඩි වැඩියෙනුත් දෙන සේක.

¹⁸ බාල වියේ දී ම පුතුට දඬුවම් දී හික්මවන්න, එහෙත් මැරෙන තරම් ඔහුට නොතළන්න.

¹⁹ වහා කිපෙන අය දඬුවම් විඳිනු ඇත;

²⁰ අවවාදයට සවන් දී උපදෙස් පිළිගන්න;

²¹ මිනිසා සිතින් බොහෝ දේ අරමුණු කරයි;

²² මිනිසෙකුගේ පැතුම විය යුත්තේ දයා කරුණාව ය;

²³ සමිඳුන්ට ගරුබිය, ජීවනයේ මඟ ය;

²⁴ අලසයා බත් පිඬ ගන්න බඳුනට අත දමයි, එහෙත් එය කටට ගන්න පවා කම්මැළි ය.

²⁵ උඩඟු මිනිසාට තළන්න, අනුවණයා නැණවත් වන්නේ එවිට ය.

²⁶ පියාට ගරහන, මව ගෙදරින් පිටමං කරන පුතා, හිරිඔතප් නැති, නින්දිත කෙනෙකි.

²⁷ අවවාදයට සවන් නොදෙන පුතා, ප්‍රඥාවේ වචනයට පිටුපා යනු නියත ය.

²⁸ නීච සාක්ෂිකරු යුක්තිය පෙරළයි;

²⁹ උඩඟු මිනිහාට දඬුවම සිකුරු ය;

¹ මද්‍යපානය කේලාම්කරුවෙකි;

² රාජ කෝපය සිංහ රාජයෙකුගේ ගර්ජනාව මෙන් බියකරු ය;

³ ඕනෑ ම මෝඩයෙකුට දබරයක් ඇරඹිය හැකි ය;

⁴ නියම කන්නයේ දී වැපිරීමට අලස වන ගොවියාට කපන කාලයේ දී අස්වැන්නක් නැත.

⁵ මිනිස් සිතේ අදහස් ගැඹුරු ළිඳක වතුර වැනි ය;

⁶ සිය පක්ෂපාතකම ගැන පුරසාරම් දොඩන අය බොහෝ ය,

⁷ සත්ගුණවත් අවංක පියෙකුගේ දරුවෝ භාග්‍යවන්තයෝ ය.

⁸ සිහසුන් අරා නඩු අසන රජෙක් සිය නැණැසින් හරි වැරදි විසඳයි.

⁹ “මගේ සිත පිරිසිදු ය;

¹⁰ දෙයාකාර තරාදි ද දෙයාකාර කලන් පඩි ද ඇත.

¹¹ ළමයෙකුගේ ක්‍රියාවලින් ඔහුගේ චරිතය හෙළි වේ, එයින් ඔහුගේ අවංකකම ද පිරිසිදුකම ද දැනගත හැකි ය.

¹² ඇසීමට කණ ද, බැලීමට ඇස ද යන දෙක ම මැවුයේ සමිඳාණෝ ය.

¹³ නින්දට ප්‍රිය වුවහොත් ඔබට දිළිඳුකම ඇත.

¹⁴ පාරිභෝගිකයා ගිනි ගණන් ගැන වෙළෙඳාට දොස් නඟයි,

¹⁵ ලොවෙහි රන්මුතු කොතරම් ඇතත් නැණවත් කියමන දුර්ලභ මැණිකකි.

¹⁶ අමුත්තෙකුට ඇප වන විට ඇපවන්නාගේ ඇඳුම ගන්න;

¹⁷ සොරාගත් කෑම කටට රස ය, එහෙත් පසු ව එය කටේ පස් මෙන් ය.

¹⁸ හොඳ අවවාද ඇති විට ඔබට සඵලය ඇත;

¹⁹ වාචාලයා රහස් එළිදරව් කරයි;

²⁰ පියාට හෝ මවට හෝ දොස් කියන අයගේ ජීවිතය ගන’ඳුරේ නිවී යන පහනක් වැනි ය.

²¹ මුල දී වහා ගොඩනඟන සම්පතින් අන්තිමේ දී වැඩි සෙතක් නැත.

²² නපුරට නපුර කරමි යි නොකියන්න, සමිඳුන් කෙරේ විශ්වාසය තබන්න, එතුමාණෝ නුඹ සුරකින සේක.

²³ දෙයාකාර කලන් පඩි සමිඳුන්ට පිළිකුලකි, හොර තරාදි සුදුසු නැත.

²⁴ මිනිසෙකුගේ ගමන් මඟ සමිඳාණෝ මෙහෙය වන සේක, එසේ නම්, යමෙකුට තමා යන මඟ තේරුම්ගත හැකි ද?

²⁵ බාරයක් වෙන්න පෙර සිතා බලන්න,

²⁶ නැණවත් නිරිඳා වරදකරුවන් සොයා බලා, දයා විරහිත ව දැඩි දඬුවම් දෙයි.

²⁷ මිනිසාගේ හෘදයසාක්ෂිය සමිඳාණන් දැල්වූ පහනකි;

²⁸ කරුණාව හා අවංකකම රජුට ආරක්ෂාව සලසයි;

²⁹ යෞවනයන්ගේ අලංකාරය ඔවුන්ගේ කාය ශක්තිය වේ;

³⁰ වැරදි මඟ හරි මඟ කරගැනීමට නම් ඇතැම් විට දුක් බර අත්දැකීම් අවශ්‍ය වේ.

¹ රජුගේ සිතුම්පැතුම් සමිඳුන්ගේ පාලනය යටතේ ය, එතුමාණෝ ඒවා දිය පාරක් මෙන් රිසි අතට හරවන සේක.

² මිනිසෙකුට තමන් කරන කොයි දෙයත් හරි යයි පෙනේ, එහෙත් සමිඳාණෝ මිනිස් හදවත කිරා බලන සේක.

³ දැහැමිකම හා යුක්තිය ඉටු කරන්න, එය පුද පඬුරුවලට වඩා සමිඳුන්ට ප්‍රසන්න ය.

⁴ උඩඟු බැල්ම ද අහංකාර සිත ද යන මේ පව් දුදනන්ගේ චරිත ලක්ෂණ වේ.

⁵ හිතා මතා, ක්‍රියාශීලී ව වැඩ කරන මිනිසාට සමෘද්ධිය නියත ය;

⁶ වංචාවෙන් පොහොසත් වන මිනිසාගේ වස්තුව මීදුමක් මෙන් පහ ව යයි, ඔහු මරණයේ මලපත්වල ද පැටලේ.

⁷ යුක්තිය කරන්න අකමැති නිසා දුෂ්ටයෝ තමන්ගේ ම අපරාධවලින් වැනසෙති.

⁸ වරදකරුවන්ගේ මඟ ඇද ය;

⁹ කලහකාරී බිරිඳක සමඟ ගෙදර විසීමට වඩා අටුවේ මුල්ලක විසීම හොඳ ය.

¹⁰ දුදනන්ගේ සිත නැමෙන්නේ නපුරට ම ය;

¹¹ උඩඟු මිනිසාට තළන්න, එවිට නූගතා ගුරුකම් ලබයි.

¹² දැහැමි දෙවිඳාණෝ දුදනන්ගේ පරපුර අවසන් කරන සේක;

¹³ දිළිඳා මොරගසන කල, සවන් නොදෙන්නාගේ කන්නලව්වට සවන් දෙන කෙනෙක් නැත.

¹⁴ රහසින් දෙන තිළිණය කෝපය සංසිඳුවයි;

¹⁵ යුක්තිය ඉටු වන විට සුදනන්ට සතුට ද දුදනන්ට විපත ද පැමිණේ.

¹⁶ ප්‍රඥා මාවතෙන් මුළා ව යන මිනිසා මළවුන්ගේ ලෝකයෙහි වසයි.

¹⁷ සැප සෙල්ලමට ඇලුම් වන්නා හිඟමනට බසියි;

¹⁸ දුදනන් සුදනන් හට දෙන වද දුදනන් පිටට ම ආපසු පැමිණෙයි.

¹⁹ බැණ වදින, දබරකාරී බිරිඳක සමඟ විසීමට වඩා මරු කතරක තනියම විසීම හොඳ ය.

²⁰ නැණවතාගේ නිවෙස සැපසම්පතින් පිරී ඇත.

²¹ දැහැමි, කාරුණික ජීවිතයක් ගත කරන්න;

²² උපායෙහි දක්ෂ සෙනෙවියා අවි ගත් බළ සෙබළුන් රකින නුවරකට නගියි.

²³ විපතට නොවැටී සුරැකි ව ඉන්න නම් කට රැකගන්න.

²⁴ ගර්විත උඩඟු මිනිසාගේ නම ‘ගරහන්නා’ යනුයි.

²⁵ දෑත වෙහෙසා වැඩ නොකරන අලසයා ඔහුගේ ම මරණයට මඟ පාදයි.

²⁶ දවස පුරා ඔහු ආශා වන දෙය ඔහුට ලැබෙන්නේ නැත;

²⁷ දුදනන් පුදන යාග පූජා සමිඳුන්ට පිළිකුලකි, වැරදි චේතනාවෙන් පුදන විට වැඩියෙනුත් පිළිකුලකි.

²⁸ බොරු සාක්කිකරු වැනසී යයි;

²⁹ දුෂ්ටයා කපටි මුහුණක් පෙන්වයි;

³⁰ ප්‍රඥාව, තීක්ෂණ ඥානය, අනුශාසනය, සමිඳුන්ට විරුද්ධ නම්, මේවායින් වැඩක් නැත.

³¹ යුද බිමෙහි අශ්ව සේනාව සැරසී සිටියත්, ජයශ්‍රීය එන්නේ සමිඳුන්ගෙනි.

¹ ධන සම්භාරයට වඩා හොඳ නාමය ද රන් රිදීවලට වඩා ගෞරවය ද අගනේ ය.

² සමිඳුන් අබියස පොහොසතා හා දුප්පතා අතර වෙනසක් නැත, සමිඳාණන් ඒ දෙදෙන ම මැවූ බැවිනි.

³ නුවණැතියා විපත දුර තියා දැක අයින් වෙයි.

⁴ යටහත්කම ද සමිඳුන් කෙරේ ගරුබිය ද ඇති තැන, සම්පත, ගෞරවය හා දිගායු ඇත.

⁵ වංක අයගේ මාවතෙහි කටු පඳුරු හා මලපත් ඇත;

⁶ දරුවා බාල වියේ දී ම යහ මඟ යවන්න, එවිට ඔහු මහලු වියේදීත් ඉන් ඉවත් ව නොයයි.

⁷ පොහොසත්තු දිළිඳුන් කෙරෙහි බල පාති;

⁸ අයුක්තිය වපුරන්නා විපත්තිය කපා ගනියි.

⁹ කුළුණු ගුණෙන් දිළිඳුන් හට කෑම දෙන අය සෙත් සිරි ලබනු ඇත.

¹⁰ අහංකාර මිනිසා දුරින් දුරු කරන්න;

¹¹ සුමිහිරි බස රාජ ප්‍රසාදය දිනයි;

¹² සමිඳාණෝ මුසාවාදීන්ගේ වදන්හි අසත්‍යය පෙන්වන සේක;

¹³ “පිටත සිංහයෙක් සිටියි, වීදියට ගියොත් මා මැරෙනු ඇතැ”යි අලසයා කියයි.

¹⁴ වෙසඟනකගේ කට ගැඹුරු වළක් වැන්න;

¹⁵ ළාමක වැඩ කිරීම ළමයින්ගේ සහජ ගතියකි.

¹⁶ කෙනෙක් දිළිඳුන් පෙළීමෙන් පොහොසත් වෙති.

ආප්තෝපදේශ තිහ

¹⁷ මාගේ උපදේශයන්ට සවන් දෙන්න;

¹⁸ ඒවා සිතෙහි නිදන් කරගන්න;

¹⁹ ඔබේ විශ්වාසය සමිඳුන් කෙරේ තබන්න;

²⁰ දැනුම හා නැණවත් උපදෙස් සහිත කියුම් තිහක් මම මෙහි ලියා තබමි.

²¹ එසේ කර ඇත්තේ, ඔබ එවූ අය වෙත හරි පිළිතුරක් ගෙන යන පිණිස ය.

- 1 -

²² දිළිඳා දිළිඳු නිසා ඔහුගෙන් අයුතු වාසියක් නොගන්න;

²³ මන්ද, සමිඳුන් ඔවුන් වෙනුවෙන් පෙනී සිටිනු ඇත.

- 2 -

²⁴ වහා කිපෙන අයෙකු සමඟ මිත්‍ර නොවන්න;

²⁵ එසේ කළොත් ඔබත් ඒ නරක ගතිවලට ඇබ්බැහි වනු ඇත.

- 3 -

²⁶ උකස් දෙන්නන්ගේ ගණනට එකතු නොවන්න;

²⁷ ඇපය ගෙවීමට ඔබට නොහැකි වූවොත් ඔවුන් ඔබේ නිදන යහන පවා ගෙන යන්නට බැරි නැත.

- 4 -

²⁸ ඔබේ මුතුන්මිත්තන් පිහිටෙවූ පැරණි මායිම් ගල් කිසි විටෙක වෙනස් නොකරන්න.

- 5 -

²⁹ තම කටයුතු ගැන දස්කම් පාන මනුෂ්‍යයෙක් සිටී නම්, ඔහු පොදු ජනයා අතර නොව රජුන් අබියස වැජඹෙනු ඇත.

- 6 -

¹ ඔබ රජ කුමරෙකු සමඟ කෑමට හිඳින කල අබිමුවෙහි ඇති දේ ගැන කල්පනාකාරී වන්න.

² ඔබ කෑදර නම් කෑදරකම දමනය කරගන්න.

³ ඔහුගේ රසවත් කෑමට ගිජු නොවන්න, මෙය ඔබ රැවටීමේ උපායක් වන්නට බැරි නැත.

- 7 -

⁴ පොහොසත් වන්නට නොවෙහෙසෙන්න, ඒ අදහස ඔබේ සිතින් අත්හරින්න.

⁵ වස්තුව දෙස බලන විට ම එය පියාපත් මවාගෙන, රාජාලියෙකු මෙන් අහසට පියාඹා යනු ඇත.

- 8 -

⁶ මසුරෙකු සමඟ කෑමට නොයන්න, ඔහුගේ ප්‍රණීත ආහාර වැළඳීමට ලොල් නොවන්න.

⁷ “තව බෙදාගන්න, හොඳට කන්නැ”යි ඔහු කියතත්, ඔහුගේ සිත අවංක නැත.

⁸ එවිට ඔබ කෑ දෙය වමාරාලීමට ඔබට සිදු වනු ඇත.

- 9 -

⁹ අනුවණයාට නුවණින් කතා කිරීමෙන් වැඩක් නැත;

- 10 -

¹⁰ පැරණි මායිම් ගල් කිසි දා වෙනස් නොකරන්න;

¹¹ මන්ද, ඔවුන්ගේ මිදුම්කාරයාණෝ බලසම්පන්න ය;

- 11 -

¹² ඔබේ සිත විනයට ද ඔබේ කන් ප්‍රඥාවට ද යොමු කරන්න.

- 12 -

¹³ දරුවාට දඬුවම් කිරීමට අදිමදි නොකරන්න, කෝටු පාර දුන්නාට ඔහු මැරෙන එකක් නැත.

¹⁴ කෝටුවෙන් ඔහුට තළන්න, එයින් ඔහුගේ ජීවිතය රැකෙනු ඇත.

- 13 -

¹⁵ මාගේ පුත්‍රය, ඔබ නැණවතෙකු වුණොත් මටත් කොතරම් ප්‍රීතියක් ද?

¹⁶ ඔබ නැණවත් දේ පවසන විට මාගේ හදවත පිනා යයි.

- 14 -

¹⁷ පවිටුන් ආදර්ශයට නොගන්න, දිවා රෑ දෙක්හි සමිඳුන්ට ගරුබිය දක්වන්න.

¹⁸ එසේ කළොත්, ඔබට අනාගතයක් ඇත, එය දීප්තිමත් අනාගතයක් වනු ඇත.

- 15 -

¹⁹ මාගේ පුත්‍රය, ම වදන් අසා නැණවත් වන්න;

²⁰ සුරා සොඬුන් ද මස් මාංසයට කෑදර වූවන් ද ඇසුරු නොකරන්න.

²¹ මන්ද, බේබද්දාත්, කෑදරයාත් දිළිඳු බවට පැමිණෙති.

- 16 -

²² ඔබට ජීවය දුන් පියාගේ බස් අසන්න;

²³ සත්‍යය ද ප්‍රඥාව ද උගත්කම ද නැණනුවණ ද මිල දී ගන්න, ගත් පසු, ඒවා කිසි ම දාක නොවිකුණන්න.

²⁴ දැහැමි පුතෙකුගෙන් පියාට ප්‍රීතිය ඇත;

²⁵ ඔබේ පියාට ද මවට ද ආඩම්බරයක් වන්න;

- 17 -

²⁶ මාගේ පුත්‍රය, ම වදන් සිතට ගන්න, මා දෙන ඔවාබස් පිළිගන්න.

²⁷ වෙසඟන ගැඹුරු වළකි;

²⁸ මොවුහු හොරුන් මෙන් සැඟවී බලා සිටිති, බොහෝ දෙන පරදාර සේවනයට පොළඹවති.

බීමත්කමේ දුර්විපාක

- 18 -

²⁹ දුක කාට ද?

³⁰ සුරා බෝතලය ළඟ පමා වන මිනිසාට ය.

³¹ මද්‍යසාරය රතට රතේ දිළිසෙන විට, වීදුරුවෙහි පෙණ දමන විට, ලස්සනට වැක්කෙරෙන විට, ඒ දෙස නොබලන්න.

³² අන්තිමේ දී එය, නයෙකු මෙන් සපා කයි;

³³ එවිට ඔබේ ඇස අද්භූත දේ දකියි;

³⁴ එවිට ඔබ මුහුද මැද ඒ මේ අත පෙරළෙන කෙනෙකු මෙන් ද කුඹ ගස මුදුනේ නිදන්න හදන කෙනෙකු මෙන් ද වනු ඇත.

³⁵ එවිට ඔබ මෙසේ කොඳුරනු ඇත:

- 19 -

¹ පවිටුන් ආදර්ශයට නොගන්න, ඔවුන් ඇසුරට ආශා නොවන්න.

² ඔවුන්ගේ සිතේ එක ම අරමුණ සැහැසිකමක් කිරීම ය;

- 20 -

³ ගෙදරක පදනම් දැමිය යුත්තේ ප්‍රඥාවෙනි, එය ගොඩනැඟිය යුත්තේ ඥානයෙනි.

⁴ එහි කාමර අගනා සැරසිලිවලින් විසිතුරු කළ යුත්තේ බුද්ධියෙනි.

- 21 -

⁵ පැණවතා බලවතාට වඩා උදාර ය.

⁶ රණ බිමෙහි විජය සඳහා දක්ෂ උපා අවශ්‍ය ය;

- 22 -

⁷ මෝඩයෙකුට ප්‍රඥාව ඔරොත්තු නොදෙයි;

- 23 -

⁸ කොයි වේලෙත් හොර මැරකම් කිරීමේ අදහස ඇති මිනිස්සු “ඉහළ පෙළේ තක්කඩි”යයි කියනු ලබති.

⁹ මෝඩයාගේ කොයි යෝජනාවත් පාපී ය.

- 24 -

¹⁰ අර්බුදයක් ඉදිරියෙහි දුබල වන මිනිසා, සැබැවින් ම දුබල මිනිසෙකි.

- 25 -

¹¹ මරණයට ගෙනයනු ලබන අය මුදාගන්න;

¹² “මම මේ ගැන කිසිත් නොදනිමි”යි ඔබ කියතත්, යටි හිත විමසන දෙවි තුමාණෝ එය නොදකිත් ද?

- 26 -

¹³ මාගේ පුත්‍රය, මී පැණි ඇඟට ගුණ ය;

¹⁴ ඔබේ ජීවිතයට ප්‍රඥාව ද එසේ ම ය;

- 27 -

¹⁵ දැහැමියාගේ නිවස වටා නපුරෙකු මෙන් සැඟවී නොසිටින්න;

¹⁶ දැහැමියා සත් වරක් වැටුණත් ඔහු යළි නැඟිටියි;

- 28 -

¹⁷ ඔබේ සතුරාගේ විපත ගැන සතුටු නොවන්න;

¹⁸ ඔබේ ඒ ප්‍රීතිය දක්නා සමිඳාණන් අසතුටු වනු ඇත.

- 29 -

¹⁹ නපුරන් ගැන නොකිපෙන්න;

²⁰ නපුරන්ට අනාගතයක් නැත;

- 30 -

²¹ මාගේ පුත්‍රය, සමිඳුන්ට ද රජුට ද ගරුබිය දක්වන්න;

²² මන්ද, හිටිහැටියේ ඔවුන්ගෙන් විපත පැමිණෙනු ඇත.

තවත් උපදේශ

²³ මේවාත් ප්‍රාඥයින්ගේ කියමන් ය:

²⁴ “වැරදිකරු නිවැරදි ය”යි තීන්දු දෙන විනිසකරුට ජනතාව සාප කරනු ඇත.

²⁵ එහෙත් වැරදිකරුට දඬුවම දෙන අය කීර්තිය දිනාගනියි;

²⁶ අවංක පිළිතුර සුහදතාවේ ලකුණකි.

²⁷ කලින් වැඩකටයුතු පිළියෙළකොට කෙතක් වවා සරු වන තුරු, ගෙයක් දොරක් තනා පවුලක් වීමට නොසිතන්න.

²⁸ හේතුවක් නැති ව අසල්වැසියාට විරුද්ධ ව සාක්ෂි නොදෙන්න;

²⁹ “ඔහු මට කළ දේ ම මමත් ඔහුට කරමි;

³⁰ මම අලසයාගේ කෙත ළඟින් ද අනුවණයාගේ මිදි වත්ත අසලින් ද ගියෙමි.

³¹ එහි හැම තැන ම කටු පඳුරු වැවී තිබිණි, මුළු ඉඩම කහඹිලියාවලින් වල් බිහි වී තිබිණි, ගල් තාප්පය බිඳ වැටී තිබිණි.

³² මම එය හොඳින් බලා, තේරුම්ගතිමි.

³³ හිතෝ 6:10-11 තව ටිකක් නිදාගන්න, ටිකක් සැතපෙන්න, අත් දෙක පොරවාගෙන නිකම් ඉන්න,

³⁴ එවිට ඔබ වෙත දිළිඳුකම සොරෙකු මෙන් ද හිඟකම අවි ගත් කෙනෙකු මෙන් ද පැමිණෙනු නියත ය.

සලමොන් රජුගෙන් තවත් උපදේශ

¹ ජුදාහි රජ වූ හෙසකියාගේ ලේකම්වරුන් විසින් පිටපත් කරන ලද සලමොන් නිරිඳුන්ගේ තවත් උපදේශ පහත දක්වනු ලැබේ.

² අබිරහස් ගැන අපි දෙවිඳුන්ට ගරු කරමු;

³ රජුගේ හිතුම් පැතුම් අහස මෙන් උස ය, මුහුද මෙන් ගැඹුරු ය, අචින්ත්‍ය ය.

⁴ රිදීයෙන් බොර පහකරන්න, එවිට විසිතුරු බඳුනක් තැනීමට රිදීකරුවාට හැකි වේ.

⁵ රජු වෙතින් දුදනන් පහකරන්න;

⁶ ලූක් 14:8-10 රජු අබිමුවෙහි මහන්තත්ත්වය නොපාන්න;

⁷ රජ කුමරෙකු ඉදිරියෙහි පහත්කරනු ලැබීමට වඩා “ඉහළ තැනට එන්නැ”යි කියා කැඳවනු ලැබීම කොතරම් හොඳ ද?

⁸ ඔබ දුටු යමක් ගැන ඉක්මන් වී උසාවි නොයන්න;

⁹ අසල්වැසියා සමඟ ම ආරාවුල බේරාගන්න;

¹⁰ එසේ කළොත් ඔවුන් ඔබට අවලාද කියනු ඇත.

¹¹ තැනට කැපෙන වචනය රිදී තැටියක නෙළූ රන් කැටයමක් වැන්න.

¹² මැනවින් සවන් දෙන අයට නැණවතාගේ ඔවා බස් රන් අරුංගල් ජෝඩුවක් ද තනි රන් මාලයක් ද වැන්න.

¹³ විශ්වාසවත් පණිවුඩකරු තම හිමියාට ගිම්හානයේ රස්නය නිවන සිහිල් හිම මෙන් සතුට ගෙන දෙයි.

¹⁴ දීමට පොරොන්දු වී නො දී සිටින අය වැහි නොදෙන සුළං හා වලාකුළු මෙනි.

¹⁵ ඉවසීමෙන් අධිපතියකු වුව ද නම්මාගත හැක;

¹⁶ මී පැණි ලදහොත් තරමට පමණක් කන්න;

¹⁷ අසල්වැසියාගේ ගෙදරට නිතර නිතර නොයන්න;

¹⁸ අනුන්ට විරුද්ධ ව බොරු සාක්ෂි කියන්නා මුගුරක් ද කඩුවක් ද තියුණු ඊගසක් ද මෙන් නපුරු ය.

¹⁹ විපත්ති දවසේ දී චපල මිනිසෙකු කෙරේ විශ්වාසය තැබීම, දිරා ගිය දතක් ද කොර කකුලක් ද ඇති ව සිටීම මෙනි.

²⁰ දුකින් පෙළෙන කෙනෙකුට මියුරු ගීයක් ගැයීම තුවාළයක් මත විනාකිරි දැමීමත් සීත දවසක ඔහුගේ කබාය ගැලවීමත් සමාන ය.

²¹ රෝම 12:20 ඔබේ සතුරාට සාගිනි නම් කන්න දෙන්න;

²² මෙසේ හිස ගිනිගත් කෙනෙකු මෙන් ඔහුට දැරිය නොහැකි ලජ්ජාවකින් දැවීමට සලසනු ඇත.

²³ උතුරු සුළඟ වැස්ස ගෙනෙයි, එලෙස ම කේළාම් කීම කෝපය අවුස්සයි.

²⁴ කලහකාරී බිරිඳක සමඟ ගෙයි විසීමට වඩා එහි අටුවේ මුල්ලක විසීම හොඳ ය.

²⁵ දුර රටකින් එන හොඳ ආරංචිය, පිපාසයෙන් වේළුණු උගුරට ඇල් වතුර මෙනි.

²⁶ දුදනා අබිමුව බියෙන් ගැහෙන සුදනා බොර දිය නඟින උල්පතක් ද පල් වතුර ඇති ළිඳක් ද වැනි ය.

²⁷ මී පැණි ගොඩක් බීම හොඳ නැත;

²⁸ අසංවර මිනිසා කොටු පවුරු නැති බිඳ වැටුණු නුවරක් වැන්න.

¹ ගිම්හානයේ දී හිම ද, ගොයම් නෙළන කාලයේ දී වැස්ස ද, අනුවණයෙකුට ගරු සම්මාන ද හරි නැත.

² ඔබමොබ පියාඹන ගේ කුරුල්ලා මෙන් ද ඉගිළී යන වැහිලිහිණියා මෙන් ද හේතුවක් නැති ව කරන සාපය නොරැඳී පලා යයි.

³ අශ්වයාට කසය ඇත;

⁴ මෝඩයාගේ මෝඩ ප්‍රශ්නයට පිළිතුරු දෙන්න යාමෙන් ඔබත් මෝඩයෙක් වෙයි.

⁵ මෝඩයාගේ මෝඩ ප්‍රශ්නයට දිය යුත්තේ මෝඩ පිළිතුරකි.

⁶ අනුවණයා අත පණිවුඩයක් යවන්නා, සිය දෙපා කපාගෙන දුකට පත් වෙයි.

⁷ අනුවණයාගේ මුවින් නික්මෙන පැණ පිරුළ කොරාගේ කකුල් මෙන් පණ නැත.

⁸ අනුවණයාට ගෞරවය දීම ගල පටියේ බැඳ විදීම මෙන් නිෂ්ඵල ය.

⁹ අනුවණයාගේ මුවින් නික්මෙන පැණ පිරුළ, බේබද්දා අතින් වනන කටු අත්තක් වැනි ය.

¹⁰ මඟ යන අඥානයකු කුළී වැඩට ගන්නා, පාරේ යන හැම අයට ම තුවාළ කරන දුනුවායෙකු මෙනි.

¹¹ 2 පේදු 2:22 එම මෝඩකම යළිත් කරන මෝඩයා, උගේ වමනයට හැරී යන බල්ලෙකු වැනි ය.

¹² මෝඩයා වුව ද ‘තමා නැණවතෙකැ’යි කියා සිතන අනුවණයාට වඩා හොඳ ය.

¹³ අලසයා වැඩට නොයන පිණිස මෙසේ කියයි:

¹⁴ දොර, අසව්ව පිට ඒ මේ අත හැරෙයි, අලසයා ද තම යහනේ ඒ මේ අත පෙරළෙයි.

¹⁵ අලසයා බත් පිඬ ගන්න බඳුනට අත දමයි; එහෙත් එය කටට ගන්න වත් කම්මැළි ය.

¹⁶ නුවණැති ව පිළිතුරු දෙන සත්දෙනෙකුට වඩා ‘තමා නැණවතෙකැ’යි අලසයා සිතයි.

¹⁷ අනුන්ගේ දබරයකට ඇඟිලි ගසන්නා, පාරේ යන බල්ලෙකු උගේ කන් දෙකින් අල්ලාගන්නෙකු හා සමාන ය.

¹⁸ තමාගේ අසල්වැසියා රවටමින්,

¹⁹ “මම සෙල්ලමට එය කෙළෙමි”යි කියන මිනිසා, තමා වටකර බියකරු ගිනි පෙනෙලි ද මාරක ඊගස් ද විසි කරන පිස්සෙකු වැනි ය.

²⁰ දර නැති තැන ගින්න නිවෙයි;

²¹ ගිනි අඟුරුවලට මයිනහමත්, ගින්නට දරත් යම් සේ ද දබරයක් ඇවිස්සීමට කලහකාරී මිනිසාත් එසේ ම ය.

²² කටකතා රසවත් අහරකි, එය ගිලගැනීමට කවුරුත් කැමැති ය.

²³ නපුරු හදවත් සඟවාගෙන කරන සිනිඳු කතාව රිදී ගෑ මැටි බඳුනක් වැන්න.

²⁴ කපටියා චාටු බස් මුවාවෙන් වෛරය වසාගනියි.

²⁵ ඔහුගේ හදවත උතුරා යන තරම් නපුරෙන් පිරී ඇත, මිතුරු වචන කීවත් ඔහු විශ්වාස නොකරන්න.

²⁶ තම නපුරුකම ව්‍යාජයෙන් වසාගත්තත්, ඔහුගේ දුෂ්ටකම සියල්ලන් හට හෙළි වනු ඇත.

²⁷ ඔහු කණින වළෙහි ඔහු ම වැටෙන්නේ ය;

²⁸ මුසා බස් දොඩන්නා ඉන් හානි වූවන්ට වෛර කරයි, ඉච්චා බස් දොඩන්නා විනාශය ගෙන දෙයි.

¹ ජාකො 4:13-16 “අද කුමක් වේ දැ”යි කියා වත් නොදන්න ඔබ, හෙට ගැන පාරට්ටු නොකරන්න.

² අන්‍යයෝ ඔබට ප්‍රශංසා කරත් වා;

³ ගල් බර ය, වැලිත් බර ය, අනුවණයාගෙන් ඇති වන දුක් ගැහැට ඒ දෙකට ම වඩා බර ය.

⁴ කෝපය කුරිරු ය;

⁵ කෙළින් තරවටු කිරීම ක්‍රියාවෙන් නොපෙන්වන ප්‍රේමයට වඩා අගනේ ය.

⁶ මිතුරාගෙන් වන රිදුම හිතවත්කමේ ලකුණකි.

⁷ කුස පුරා කෑ අයට මී වදයත් එපා වේ;

⁸ සිය රට හැර යන මනුෂ්‍යයා කැදැල්ල හැර පියාඹන කුරුල්ලා වැනි ය.

⁹ සඳුන්, කපුරු, සුවඳ විලවුන් මන පිනවයි;

¹⁰ ඔබේ ම මිත්‍රයා ද පියාගේ මිත්‍රයා ද අත් නාරින්න.

¹¹ මාගේ පුත්‍රය, මට ගරහන අයට උත්තර දෙන පිණිස නැණවත් ව ම සිතට සතුට දෙන්න.

¹² නුවණැතියා විපත දුර තියා දැක අයින් වෙයි;

¹³ අමුත්තෙකුට ඇප වන විට ඇප වන්නාගේ ඇඳුම ඇපයට ගන්න, එය ඔහුගේ අත්තිකාරම මෙන් තබාගන්න.

¹⁴ ආචාර කිරීමට සිය මිතුරා අලුයම අවදි කිරීම ඔහුට සාප කිරීමක් වැනි ය.

¹⁵ කලහකාරී කතගේ කන්දොස්කිරියාව නොනැවතී වසින වැස්සක් වැන්න.

¹⁶ ඇය නැවැත්වීමට තැත් කිරීම සුළඟ අල්ලාගැනීම වැනි ය.

¹⁷ යකඩින් යකඩ මුවහත් වෙයි;

¹⁸ අත්තික්කා ගස බලාගන්නා එහි ගෙඩි කයි;

¹⁹ වතුරෙහි පිළිබිඹු වන්නේ ඔබේ ම මුහුණ ය;

²⁰ පාතාලය හා අවීචිය කවදාවත් තෘප්තියට නොපැමිණෙයි;

²¹ රිදී, කෝවයෙන් දැනගනිති;

²² මෝඩයෙකු වංගෙඩියක දමා මෝල් ගහෙන් කෙටුවත් මෝඩයාගෙන් මෝඩකම වෙන් කළ හැකි ද?

²³ ඔබේ ගව පට්ටිවල තත්ත්වය මැනවින් දැනගන්න;

²⁴ ධන සම්පත් සදහට ම පවතින්නේ නැත.

²⁵ තණපත් මැලවුණ විට ළා තණ නැගෙයි.

²⁶ ඔබේ රෙදිපිළි පිණිස බැටළු පැටවුන් ද කෙතේ සම්පත පිණිස එළුවන් ද ඇත.

²⁷ ඔබේ ද ඔබේ ගෙයි වැසියන්ගේ ද කෑම පිණිසත්, ඔබේ සේවිකාවන්ගේ නඩත්තුව පිණිසත්, සෑහෙන තරම් එළු කිරි ලැබෙනු ඇත.

¹ කිසිවෙකු ලුහුබැඳ නාවත් දුෂ්ටයා පලා යයි;

² කැරලිකාර රාජ්‍යයක නායකයෝ බොහෝ දෙනෙකි, එහෙත් නැණවත් පැණසර අයගෙන් යුත් රාජ්‍යයක් තිරසර ව පවතියි.

³ දිළිඳුන් පෙළන දුෂ්ටයා අස්වැන්න වනසන මහ වැස්සක් වැන්න.

⁴ නීති රීති කඩන්නෝ දුෂ්ටයන්ට පැසසුම් කරති;

⁵ නපුරු මිනිස්සු යුක්තිය තේරුම් නොගනිති;

⁶ වැරදි මඟ යන ධනවතාට වඩා හරි මඟ යන දිළින්දා අගනේ ය.

⁷ නීතිය රකින්නා නැණවත් පුත්‍රයෙකි;

⁸ වැඩි පොළියෙන් හා අයුතු ලාභයෙන් උපයන ඔබේ ධනය දිළිඳුන්ට දයාව දක්වන කෙනෙකුට හිමි වේ.

⁹ දේව නීතියට කන් නොදෙන්නාගේ යැදුම සමිඳුන් හට පිළිකුලකි.

¹⁰ අවංක අය නපුරු මඟට හරවන්නා තමා කැපූ වළේ ම වැටෙනු නියත ය;

¹¹ ධනවතා තමන් නැණවතෙකැ යි සිතයි;

¹² දමිටු අය බලය ලබන කල සියල්ලෝ උත්සව පවත්වති.

¹³ තම වරද සඟවන්නා සෞභාග්‍යය නොදනියි;

¹⁴ දේව ගරුබිය ඇත්නම් ඔබට වාසනාව ඇත;

¹⁵ දුබල සෙනඟක් ආණ්ඩු කරන දුෂ්ටයා ගොරවන සිංහයෙකි, ගොදුරු සොයා යන වලසෙකි.

¹⁶ නැණ හීන අධිපතියා දරුණු පාලකයෙක් වෙයි;

¹⁷ මිනීමැරීමේ වරදින් පෙළෙන්නා යුහුයුහු ව වළ පල්ලට යයි;

¹⁸ අවංක ලෙස ජීවත් වෙන්නා ගැළවෙයි;

¹⁹ වැර වීරියෙන් වගාකරන්නාට බතබුලත බහුල ය;

²⁰ විශ්වාස කටයුතු මිනිසාට ආසිරි විපුල ය;

²¹ තරාතිරම් බැලීම හරි නැත;

²² වස්තු ලෝභියා වස්තුව සොය සොයා වේගයෙන් දුවයි;

²³ කපටි ඉච්චාවට වඩා අවංක විවේචනය ප්‍රශංසනීය ය.

²⁴ දෙමවුපියන්ගෙන් සොරාගෙන එහි වරදක් නැතැ යි කියන්නා අන්ත හොරෙකි.

²⁵ තණ්හාව ඇත්තා කලහ අවුස්සයි;

²⁶ හුදෙක් සිය නුවණෙහි රැඳෙන්නා මෝඩයෙකි;

²⁷ දිළිඳුන්ට දෙන අයට කිසි හිඟයක් නැත;

²⁸ නොදැහැමි අය බලයට පත් වන විට වැසියෝ බියෙන් සැඟවෙති;

¹ බොහෝ තරවටු ලැබ ලැබත් මුරණ්ඩු මිනිසාට ගැළවීමක් නැත;

² දමිටු අය පාලකයන් වන විට රට වැසියෝ ප්‍රීති වෙති.

³ ප්‍රඥාවට ගරු කරන්නා සිය පියාට ප්‍රීතිය ගෙන දෙයි;

⁴ යුක්තියෙන් පාලනය කරන රජෙක් රටට චිරස්ථිතිය ගෙන දෙයි, එහෙත් වැසියන් පෙළා අයබදු ගන්නා රට වනසයි.

⁵ අනුන්ට ඉච්චා බස් දොඩන තැනැත්තේ තමාගේ ම පාදවලට උගුලක් අටවයි.

⁶ දුදනාගේ අයුතු වැඩ ඔහුට ම මලපතකි;

⁷ දැහැමියා දිළිඳාගේ හිමිකම් සලකයි;

⁸ අනුන්ට ගරහන මිනිස්සු නගරයට ගිනි තබති.

⁹ නුවණැතියා මෝඩයෙකු උසාවියට ගෙන ගියොත් තමා ම නින්දා අපහාස ලබනු මිස ඉන් වන වැඩක් නැත.

¹⁰ මිනීමරුවෝ නිදොස් අයට වෙර බඳිති;

¹¹ අනුවණයා සිය උදහස නොවළහා හෙළි කරයි;

¹² පාලකයෙක් බොරු ප්‍රචාරවලට කන් දෙයි නම් ඔහුගේ නිලධාරීහු කුහකයෝ වෙති.

¹³ දිළින්දා හා ඔහු පෙළන අය අතර එක පොදු දෙයක් ඇත, ඒ දෙදෙනාට ම සෙත උදාවෙන්නේ සමිඳුන්ගෙනි.

¹⁴ සාධාරණකමින් දිළිඳුන් රක්නා රජුගේ සිහසුන සදහට ම තිරසර ය.

¹⁵ කෝටුව හා තරවටුව බුද්ධි වර්ධනය සලසයි;

¹⁶ දුදනන් පාලනයට පත් වන විට අපරාධ වැඩි වෙයි;

¹⁷ පුතු හික්මවන්න;

¹⁸ ජීවිත දර්ශනයක් නැති තැන විනයක් නැත.

¹⁹ මෙහෙකරුවා අවවාදයෙන් පමණක් නොහික්මෙයි;

²⁰ හිතා මතා කතා නොකරන මිනිසෙක් ඇද් ද?

²¹ මෙහෙකරුවෙකු බාලවියේ සිට ම සව් සැප දී ඇති කළත්, අන්තිමේ දී ඔහු තුළ කළගුණ සැලකීමක් නැත.

²² කෝපාවිෂ්ට මිනිසා දබර උපදවයි;

²³ අහංකාරය මිනිසෙකුගේ පරිහානියට හේතු වේ;

²⁴ හොරෙකුට හවුල් වන්නා තමාගේ ම පරම සතුරෙකි;

²⁵ මිනිසුන්ට බිය වීම ඔහුට මලපතක් වෙයි;

²⁶ පාලකයන්ගේ අනුග්‍රහය පතන්නෝ බොහෝ ය;

²⁷ අදමිටු අය දමිටුන්ට පිළිකුලකි;

ආගුර්ගේ ඔවදන්

¹ පහත දැක්වෙන්නේ, ජාකේගේ පුත් ආගුර්ගේ විශිෂ්ට අවවාදානුශාසනා ය:

² මම මිනිසෙකු නොව, තිරිසනෙකු ව සිටිමි.

³ මම කවදාවත් ප්‍රඥාව දැන නොගතිමි;

⁴ සගලොවට නැඟී බැස ආවේ කවරෙක් ද?

⁵ දෙවිඳුන්ගේ හැම කියමනක් ම අත්දුටු සත්‍යය වේ;

⁶ එතුමන්ගේ වචනවලට කිසිවක් එක් නොකරන්න;

⁷ මා ඔබ වෙත ගෙනා අයැදුම් දෙකක් ඇත;

⁸ වංචාවත් මුසාවත් මා කෙරෙන් දුරු කළ මැනව.

⁹ එසේ දිය යුත්තේ, මා සැප සම්පතින් පිරී, ඔබ හැරදමා, “ඔය කියන සමිඳාණෝ කවරෙක් දැ”යි නොකියන පිණිසත්, මා දිළිඳෙකු වී, සොරකමට වැටී, දෙවිඳුන්ගේ නාමයට අගෞරව නොකරන පිණිසත් ය.

¹⁰ මෙහෙකරුවෙකු ගැන හාම්පුතුට කේළාම් නොකියන්න, එසේ කළොත් සමහර විට ඔබ මෙහෙකරුගේ සාපය ලැබ දුක් විඳිනු ඇත.

¹¹ සිය මුතුන්මිත්තන්ට දෙස් කියන, සිය මවුවරුන්ට සෙත් නොපතන, මිනිසුන් ඇත.

¹² තමන්ගේ කිළිටි ගති සෝදා නොදමා, තමන් පවිත්‍ර යයි සිතන, මිනිසුන් ඇත.

¹³ අහංකාර, උඩඟු බැල්මක් ඇති මිනිසුන් ඇත.

¹⁴ මිහි පිට දිළිඳුන් ද ජනතාව අතරෙන් දුගීන් ද ගිලදැමීමට, කඩුපත් වැනි දත් හා පිහියා වැනි හකු ද ඇති මිනිසුන් ඇත.

¹⁵ “දෙන්න, දෙන්නැ”යි කියන, දූවරුන් දෙදෙනෙක් කූඩැල්ලාට ඇත.

¹⁶ එනම්, පාතාලය ද වඳ ගැබ ද පිපාසයෙන් පෙළෙන මහ පොළොව ද දැවෙන ගින්න ද යන මේවා ය.

¹⁷ පියාට ගරහන, මහලු මව හෙළා දකින අයගේ දෑස දෙණියේ කපුටන් කනු ඇත, ගිජු ලිහිණියන්ට ගොදුරු වනු ඇත.

¹⁸ මට තේරුම්ගත නොහැකි කාරණා තුන හතරක් ඇත.

¹⁹ එනම්, අහස් කුසෙහි රාජාලියා පියාඹන මාවත ද කඳු මත සර්පයා යන පාර ද මහ සයුරේ නැව් යන මඟ ද ළඳක සමඟ මිනිසෙකුගේ පෙම් මාවත ද යන මේවා ය.

²⁰ වෙසඟනකගේ කල්ක්‍රියාව මෙසේ ය:

²¹ මහ පොළොව කම්පා කරවන, ඊට ඉසිලිය නොහැකි කරුණු තුන සතරක් ඇත.

²² එනම්, සේවකයෙකු රජ වීම ද මෝඩයෙකුට කෑම බීම බහුල වීම ද

²³ පෙම් විරහිත කතක් විවාහ වීම ද ස්වාමිදුවගේ තැන සේවිකාව ගැනීම ද යන මේවා ය.

²⁴ කුඩා වුව ද ඉතා නැණවත් ජාති සතරක් ලොව සිටිති.

²⁵ කුරාකුහුඹුවෝ දුබල සත්තු ය;

²⁶ බෙන් හාවෝ බෙලහීන සත්තු ය;

²⁷ පළඟැටියන්ට රජෙක් නැත;

²⁸ හූනා අතින් අල්ලාගත හැකි සතෙකි;

²⁹ අභිමාන ලෙස පියවර තබන තුන් වර්ගයක් සිටිති.

³⁰ එනම්, මෘගයන් අතර ඉතා බලවත්, කිසිවෙකු වෙතින් අහකට හැරී නොයන සිංහ රාජයා ද

³¹ කිකිළියන් මැද නටන කුකුළා ද රැළට පෙරටු ව යන එළුවා ද සිව්රඟ සෙනඟ පිරිවරා යන රජ ද යන මොවුහු ය.

³² නුඹ මෝඩකමින් උඩඟු වී නපුරු බස් දොඩන්න පෙළෙඹෙන විට කට පියාගෙන නිහඬ වන්න.

³³ කිරි කැලැත්තීමෙන් වෙඬරු සෑදෙයි, නහය මිරිකීමෙන් ලේ ගලා එයි, උදහස ඇවිස්සීමෙන් අඬදබර හටගනියි.

මවගෙන් රජුට ඔවාබස්

¹ මස්සාහි ලෙමුවෙල් රජුගේ මව ඔහුට දුන් උපදේශ මේ ය:

² මාගේ ප්‍රියාදර පුත්‍ර රත්නය, මාගේ යැදුම් නිසා, මාගේ කුසෙන් බිහි වූ පුත් රුවන, මට සවන් දෙන්න.

³ ඔබේ මුළු කාය ශක්තිය කම්සැපට ම කැප නොකරන්න;

⁴ ලෙමුවෙල්, මෙය අසන්න:

⁵ සුරාමතින් වෙරි වී ඔව්හු සමහර විට නීතිය අමතක කරති:

⁶ මත්පැන් දිය යුත්තේ මරණාසන්න අයට ය;

⁷ එවැනි අය මත්පැන් බී සිය දිළිඳුකම හා අවාසනාව අමතක කෙරෙත් වා.

⁸ තමන් උදෙසා කතා කළ නොහැකි අය වෙනුවෙන් කතා කරන්න;

⁹ ඔවුන් උදෙසා කතා කොට සාධාරණ විනිශ්චයක් දෙන්න;

සත්ගුණවත් බිරිඳ

¹⁰ කාර්යක්ෂ ම බිරිඳක කොහෙන් සොයාගත හැකි ද?

¹¹ සිය සැමියා ඇය කෙරෙහි මුළු විශ්වාසය තබයි.

¹² දිවි ඇති තාක් ම ඈ ඔහුට අයහපත නොව යහපත කරන්නී ය.

¹³ ඈ ලොම් හා හණ සපයාගෙන සතොසින් අත්කම්වල යෙදෙයි.

¹⁴ ඈ වෙළඳ නැවක් මෙනි, ඇගේ ආහාර දුරකතරින් ගෙන්වාගනියි.

¹⁵ ඈ හිරු උදාවට පෙර නැඟිට පවුලේ උදවියට කෑම පිළියෙළ කරයි;

¹⁶ ඈ කෙතක් ගැන සොයා බලා, එය මිලට ගනියි;

¹⁷ ඈ කඩිසර ව වැඩ කරන්නී ය;

¹⁸ සිය වෙළඳ ව්‍යාපාරවලින් ලාභ ඇති බව ඈ දනියි;

¹⁹ ඈ ඉද්දට ඇගේ අත් පොවා, දෑතින් වවුන්න අල්ලයි.

²⁰ ඇගේ නොමසුරු අත දිළිඳුන් වෙත දිගු කර ඇත;

²¹ හිම වැටෙන කල එන විට පවුල ගැන ඇයට බියක් නැත;

²² ඈ ඇඳ ඇතිරිලි සාදාගනියි;

²³ ඇගේ සැමියා ප්‍රජා මූලිකයන් අතර අසුන්ගනියි;

²⁴ ඈ සිහින් හණ රෙදි වියා ඒවා විකුණයි;

²⁵ ගෞරවයෙන් හා ශක්තියෙන් ඈ සමලංකෘත වී සිටියි.

²⁶ ඈ නැණනුවණින් කතා බස් කරයි;

²⁷ ඈ අලසකමින් තොර ව ක්‍රියා කරයි;

²⁸ ඇගේ දූදරුවෝ ඇයට ආසිරි පතති.

²⁹ “අති ප්‍රශංසනීය කාන්තාවෝ තවත් ඇත;

³⁰ රූසිරිය මායාවකි, රූසපුව පහවන්නකි;

³¹ ඇගේ වැඩ කටයුතුවල සඵලය වර්ණනා කරන්න;