Lačho lafi taro Marko
1O Jovane o Krstitelj vaćarol kaj avol khoni po baro lestar
1Gija počnil o Lačho Lafi taro Isus Hrist, tare Devleso Čhavo. 2Ano Sveto lil e prorokoso e Isaijaso pisil gija:
“Ak, bičhalav angle tute me glasniko,
savo ka pripremil tuće o drom.
3Vov si glaso so dol vika ani pustinja:
‘Pripremin o drom e Gospodese!
Ravnin lese o drom.’”
4Pojavisada pe o Jovane o Krstitelj, savo sasa glasniko ani pustinja thaj propovedisada kaj e manuša trubun te irin pe tar pe grehura thaj te aven ko Dol te oprostil lenđe thaj te krstin pe.
5Sa e manuša tari Judejsko phuv thaj taro Jerusalim đele leste ani pustinja te šunen le. E manuša vaćarena sa pe grehura a vov krstila len ki len Jordan.
6E Jovanese šeja sesa tare kamilaće bala, pe leste sasa morčhikani kuštik thaj xalja skakavcuren thaj divljo avđin. 7O Jovane propovedisada: “Pale mande sigate ka avol khoni po baro mandar. Me naj sem dostojno te banđivav thaj te putrav e dora tar lese sandale. 8Me krstiv tumen pajesa, a vov ka krstil tumen e Svetone Duxosa.”
E Isuseso krstipe
(Mt 3,13–17; Lk 3,21–22; Jn 1,32–34)
9Ane gola đivesa avilo o Isus taro foro Nazaret ani Galileja thaj o Jovane krstisada le ani len Jordan. 10Thaj samo so o Isus iklilo andaro paj, dikhlja sar putajlo o nebo thaj o Sveto Duxo odupral uljol pe leste sar golubo. 11A andaro nebo šundilo glaso e Devleso: “Tu san mo Čhavo o manglo! Tu san mingro manglipe!”
O beng iskušil e Isuse
12Sigate pale gova o Duxo inđarda e Isuse ani pustinja 13thaj odori sasa saranda đive thaj gothe o beng iskušisada le. Sasa maškare divlja životinje thaj e melekura kandije le.
E Isusesi služba ani Galileja
14Pale gova so o caro o Irod phanglja e Jovane, o Isus đelo ani Galileja thaj propovedila taro Lačho lafi e Devleso. 15Vaćarda: “Avilo o vreme savo o Dol obećisada kaj si paše o Carstvo e Devleso! Pokain tumen thaj pačan ano Lačho Lafi.” 16Jekh đive kana o Isus phirda pašo Galilejsko jezero, dikhlja e Simone thaj lese phrale e Andrija sar čhuden e mreže paše mačhe ano jezero, golese kaj sesa ribara. 17O Isus phenda lenđe: “Aven mancar thaj ka ćerav tumen te dolen e manušen sar e mačhen.” 18Von sigate ačhade e mreže thaj đele pale leste.
19Kana o Isus đelo zala po dur, dikhlja e phralen e Jakove thaj e Jovane, e Zevedejevese čhaven, sar ano čamco prećeren pe mreže. 20Sigate akharda o Isus i len thaj von ačhade pe dade e Zevedeje ano čamco e manušencar save ćeren bući lende thaj đele pale leste.
O Isus ikalol e bilačhe duxo taro manuš
21O Isus thaj lese sikade avile ano foro o Kafarnaum. Thaj gova savato đelo ani sinagoga thaj lija te sikavol e manušen. 22Savore save šunde e Isuse, divisajle paše leso sikajipe, golese kaj sikada len gija sar kova savo isi le zuralipe, a na sar e učitelja tare Mojsijaso zakon.
23Ani sinagoga sasa jekh manuš ane kaste sasa bilačho duxo, savo lija tari jekh drom te dol vika: 24“So manđe amendar, Isuse taro Nazaret? Aviljan li te mudare amen? Džanav ko san tu: Sveco e Devleso!”
25O Isus vaćarda lese po zurale: “Phande ćo muj thaj iklji andar leste!” 26Tegani o bilačho duxo but tresisada e manuše, dija vika taro sa o glaso thaj iklilo lestar.
27Savore save dikhlje sa kava but čudisajle thaj lije jekh avere te pučen: “Sosi kava? Savo si kava nevo thaj zuralo sikajipe? Vov zapovedil e bilačhe duxonenđe, a von šunen le!” 28Thaj o lafi lestar sigate šundilo ani sa i Galilejsko phuv.
O Isus sastarol buten
29Samo so iklile o Isus thaj lese sikade tari sinagoga, đele e Jakovesa thaj e Jovanesa ano čher e Simoneso thaj e Andrijaso. 30E Simonesi sasuj pašljola golese so sasa la groznica thaj sigate vaćarde e Isusese latar. 31Vov avilo paše late, dolda la taro va thaj pomožisada la te uštol. I groznica nakhli thaj voj lija te kandol len.
32Kana peli i rat, kana zanakhlo o kham,1,32 Ke Jevreja “kana zanakhlo o kham” značil kaj počnisada nevo đive. Golese so e Jevreja ni manglje te anen e nasvalen ko savato, te ne bi phađena o Zakon taro savato. angle leste ande sa e nasvalen thaj kolen ane kaste sesa e bilačhe duxura. 33Sa e manuša andaro foro ćidije pe anglo vudar. 34O Isus sastarda e nasvalen taro dži jekh nasvalipe. Ikalda i bute benđen thaj ni dija len te vaćaren, golese so von džanglje ko si vov.
O Isus vaćarol o Lačho lafi ani Galileja
35Aver sabalin o Isus uštilo rano dok vadži sasa mrako thaj iklilo avri. Đelo ki jekh than kaj naj khoni thaj odori molisajlo. 36Al o Simon thaj kola save sesa lesa iklile te roden le. 37Kana arakhlje le, vaćarde lese: “Roden tut savore!”
38O Isus vaćarda lenđe: “Ajde te dža i ane avera pašutne gava thaj e forura te vaćarav i odori. Golese aviljem!” 39Đelo ki sa i Galileja, vaćarda ane lenđe sinagoge thaj ikalda e benđen tare manuša.
O Isus sastarol e gubavco
40Tegani jekh gubavco avilo pašo Isus, pelo ke pe koča thaj molisada le vaćarindoj: “Te mangljan, tu šaj te sastare man!”
41E Isusese pelo žal, pružisada po va, dolda le thaj vaćarda: “Mangav, av sasto!” 42Samo so vaćarda gova, i guba đeli lestar thaj o manuš sasa sasto.
43Tegani o Isus tradija le avral thaj strogo phenda lese: 44“Dikh te ma vaćare khanikase. Al tu dža i sikav tut e sveštenikose thaj inđar kurbano sar so zapovedisada o Mojsije ano po zakon pašo ćiro thodipe, te bi avola tut svedočanstvo angle lende.” 45Al kova manuš iklilo gothar thaj lija butenđe te vaćarol sa so sasa, pa golese o Isus naštine putarde te džal ane forura, nego ačhola sa ke pusta thana. Al e manuša avena ke leste tare sa e riga.
2O Isus sastarol manuše savo naštine te phirol
1Nekobor đive pale kava o Isus irisajlo ano Kafarnaum thaj šundilo kaj si čhere. 2A ćidije pe gothe pherdo džene thaj ni sasa than čak ni ke vudara te ačhol pe. A vov vaćarola lenđe o Lafi e Devleso.
3Tegani avile nesave štar džene thaj ande e manuše savo naštine te phirol. 4Golese kaj gothe sesa but manuša a von naštine te aven dži o Isus, ćerde rupa ko tavano upreder e Isuseso šoro thaj mukhlje tele e manuše sa lese thanesa kaj pašljola. 5Kana o Isus dikhlja lengo pačajipe, vaćarda e nasvalese: “Čhaveja mingreja, oprostime si će grehura!”
6Gothe bešena nesave učitelja tare Mojsijaso zakon thaj ane peste pučlje pe: 7“So kava vaćarol? Hulil po Dol? Ko šaj oprostil e grehura sem jekh Dol?”
8O Isus sigate pe duxosa haljarda so von ane peste dije gođi thaj vaćarda lenđe: “Sose gija den gođi ane tumare ile? 9So si po ločhe? Te phenol okolese savo našti phirol: ‘Oprostime si će grehura’, il ‘Ušti, le ćo than kaj pašljiljan thaj phir’? 10Al te džanen kaj me, o Čhavo e manušeso, isi man vlast ki phuv te oprostiv e grehura.” Gija o Isus phenda e manušese so naštine phirol: 11“Tuće vaćarav: Ušti, le ćo than kaj pašljiljan thaj dža čhere!”
12Gova manuš uštilo, sigate lija po than kaj pašlilo thaj iklilo avri angle jakha savorenđe. Savore divisajle, slavisade e Devle thaj vaćarde: “Ni dikhljam dži akana gija khanči.”
O Isus akharol e Levi
13Tegani o Isus đelo palem pašo Galilejsko jezero. But manuša ćidije pe paše leste thaj vov sikada len. 14Sar načhola dikhlja e Levi, e Alfejevese čhave, sar bešol ki carina thaj vaćarda lese: “Phir pale mande!” Thaj o Levi uštilo thaj đelo pale leste.
15Pale gova đelo o Isus te xal mangro ano čher e Leviso. But carincura thaj grešnikura avile thaj xalje lesa thaj lese sikadencar. Gothe sesa but gasave manuša so phirena palo Isus. 16Kana nesave učitelja tare Mojsijaso zakon save sesa fariseja dikhlje kaj xal e grešnikurencar thaj e carincurencar, pučlje lese sikaden: “Sose tumaro učitelji xal e carincurencar thaj e grešnikurencar?”
17Kana gova šunda o Isus, vaćarda lenđe: “Ni trubul lekari e sastenđe, nego e nasvalenđe. Me ni aviljem te akharav te pokajin pe e pravednikura, nego e grešnikura.”
O Isus sikavol taro post
18E sikade e Jovanese e Krstiteljese thaj e fariseja postisade. Nesave avile ko Isus thaj pučlje le: “Sose ćire sikade ni postin sar so postin e sikade e Jovanese thaj e sikade e farisejenđe?”
19A o Isus vaćarda lenđe: “Šaj li postin kola save avile ko abav, kana o terno si lencar? Sa dži kaj sio terno lencar, von našti te postin. 20Al ka aven e đivesa kana ka len lendar e terne. Ane gova đive ka postin.
21Khoni ni suvol po purano fostano nevo kotor e šejengo. Golese te ćerda gova, o nevo kotor ka ćidol pe kana ka thovol pe, a taro purano ka ćerdol pobari rupa.
22A khoni ni čhorol i nevi mol ane purane morčha. Golese kaj i nevi mol ka pharavol e morčha thaj bi upropastila pe i mol thaj e morčha. Golese nevi mol trubul te čhorol pe ane neve morčha.”
O Isus si po baro taro savato
23Jekh savato o Isus thaj lese sikade phirde maškaro điv. Lese sikade odrumal lije te čhinen o điv. 24E fariseja vaćarde lese: “Dikh! Sose von ćeren kova so naj dozvolimo ko savato?”
25A o Isus phenda lenđe: “Džanav kaj čitisaden ano Sveto lil so ćerda o David kana ni sasa len so te xan a sesa bokhale, vov thaj kola so sesa lesa! 26Dija ano Čher e Devleso, ano vreme e Avijatareso e bare sveštenikoso thaj xalja e mangre save čhute pe sar kurbano, save khoni ni tromaje te xan sem e sveštenikura, a vov dija i kolenđe save sesa lesa.” 27Tegani vaćarda lenđe o Isus: “O savato naj ćerdo te bi o manuš kandol le, nego si savato ćerdo te kandol e manušese. 28Golese me, o Čhavo e manušeso, sem Gospodari thaj taro savato.”
3O Isus sastarol ko savato
1Kana o Isus palem đelo andre ani sinagoga, sasa gothe manuš šuće vastesa. 2Nesave so gothe sesa dičhena po Isus da li ka sastarol e manuše ko savato te bi šaj optužinasa le. 3Thaj o Isus vaćarda e manušese e šuće vastesa: “Ava akari thaj ač ano maškar!”
4Tegani o Isus pučlja len: “Troma li ko savato te ćera šukar il bilačhe, o džuvdipe te aračhol pe il te mudarol pe?” Al von khanči ni vaćarde.
5O Isus dikhlja len holjasa thaj sasa žalno golese so lenđe ile zurajle. Tegani vaćarda e manušese: “Pruži ćo va!” I vov pružisada po va thaj leso va sastilo. 6E fariseja sigate iklile thaj lije te planirin e Irodese manušencar sar te mudaren e Isuse.
But manuša phiren palo Isus
(Mt 4,23–25; 12,15–16; Lk 6,17–19)
7O Isus đelo pe sikadencar ko Galilejsko jezero, a lencar đele but manuša tari Galileja thaj i Judeja, 8taro Jerusalim thaj tari Idumeja thaj aver rig tari len o Jordan thaj tari okolina e Tirosi thaj e Sidonesi. Sa kola manuša avile ko Isus golese kaj šunde so vov ćerola. 9Tegani o Isus vaćarda pe sikadenđe te pripremin o čamco, te ma bi e manuša ćićidena le. 10Golese so gova đive buten sastarda, e nasvale gurisajle premal leste te dolen le te bi sastona. 11Kana bi dičhena le e bilačhe duxura, perena bi ke koča angle leste thaj bi dena vika: “Tu san e Devleso Čhavo!” 12Thaj o Isus vaćarda lenđe po zurale te ma šunjaren ko si vov.
O Isus biril e dešudujen apostoluren
(Mt 10,1–4; Lk 6,12–16; 1,13)
13Pale gova o Isus uštilo ko brego thaj dija vika okolen saven manglja thaj von avile leste. 14Lendar birisada dešudujen thaj akharda len apostolura, te aven lesa thaj te bičhalol len te propovedin 15thaj te avol len zuralipe te ikalen e benđen.
16A kava si e alava tare Dešuduj saven birisada o Isus:
O Simon (save o Isus dija alav Petar),
17o Jakov
thaj leso phral o Jovane, e Zevedejevese čhave (len dija vika Voanirges, so si e “Čhave e gromose”),
18thaj o Andrija,
o Filip,
o Vartolomej,
o Matej,
o Toma,
o Jakov e Alfejeveso čhavo,
o Tadej,
o Simon o Zilot,
19thaj e Juda o Iskariotsko (savo izdajisada le).
E Isuseso zuralipe si taro Dol
(Mt 12,22–29; Lk 11,14–23; Buća 12,10)
20Tegani o Isus ulilo ano čher thaj ćidije pe gaći but džene kaj naštine ni mangro te xan. 21Kana šunde kava e Isusese čherutne avile pale leste te inđaren le golese kaj vaćarde: “Kava iklilo tari gođi.” 22A e učitelja tare Mojsijaso zakon save avile andaro Jerusalim vaćarde: “Ande leste si o Veelzevul savo si vladari e benđengo! Vov lese zuralimasa tradol e benđen.”
23Gija o Isus akharda len paše peste thaj lija te vaćarol lenđe ane paramiča: “Sose bi o Satana tradola e Satana? 24Te si o carstvo korkoro pestar ulado, gasavo carstvo ne bi šajine te ačhol. 25Te ani familija avol dži ulaipe, gasavi familija našti ačhol. 26Te o Satana uštol korkoro pe peste thaj ulavol pe, našti te ačhol, nego ka properol. 27Al khoni našti te dol ano čher e zurale manušese thaj te inđarol leso barvalipe angleder so ni phandol le. Tegani šaj te čorol sa andaro čher. 28Čače vaćarav tumenđe: sa e grehura e manušenđe šaj oprostin pe thaj i hula savi phenen. 29Al sa jekh savo hulil po Sveto Duxo, nikad ni ka oprostil pe lese. Nego si bango za ke sa e đivesa paše akava greh.” 30Gova vaćarda lenđe o Isus golese kaj e učitelja tare Mojsijaso zakon vaćarde: “Ane leste si o bilačho duxo.”
Save si čače e Isusese čherutne
31Tegani avili e Isusesi dej thaj lese phrala. Sar ačhile avral, bičhalde jekhe te akharol le. 32Trujal leste bešle but manuša thaj phende lese: “Ak, avral si ći dej thaj će phrala thaj roden tut.”
33A o Isus pučlja len: “Ko si mi dej thaj me phrala?” 34Tegani dikhlja pe manuša so bešle trujal leste thaj vaćarda: “Dičhen, von si mi dej thaj me phrala! 35Golese, sa jekh savo ćerol e Devleso manglipe, gova si mo phral, mi phen thaj mi dej.”
4O Isus vaćarol taro manuš savo čhudol o seme ki phuv
1O Isus palem lija te sikavol pašo Galilejsko jezero. Ćidije pe pherdo manuša paše leste, gija vov dija ano čamco po jezero thaj bešlo an leste. A e manuša ačhile pašo jezero ki obala. 2Vov sikada len ane pherdo paramiča thaj vaćarda lenđe po sikajipe: 3“Šunen! Jekh đive iklilo o sejači te sejil o seme. 4Dok sejisada, nesavo seme pelo ko drom. Avile e čiriklja thaj sa xalje o seme. 5Nesavo seme pelo pe barale thana kaj ni sasa but phuv. Sigate lija te barol, golese kaj i phuv ni sasa duboko. 6Al kana o kham sasa zuralo, e biljke phabile thaj sigate šućile, golese so ni sasa len duboko koreno. 7Nesavo seme pelo ane kangre. E kangre barile thaj tasade le, gija o seme ni anda nisavo bijandipe.
8A nesavo pelo pi šukar phuv, bijanda, barilo thaj lija te dol lačho bijandipe, so sasa tranda, šovardeš, šel droma po but nego so sasa sejime.”
9Tegani o Isus vaćarda: “Kas isi kana te šunol, nek šunol.”
Sose o Isus vaćarol ane paramiča
10Kana o Isus ačhilo korkoro e dešuduje sikadencar thaj okolencar so ačhile lesa, von pučlje e Isuse so značin kala paramiča.
11Vov phenda lenđe: “Tumenđe dija pe te džanen so si garajipe taro Carstvo e Devleso, a kalenđe save si avral taro Carstvo e Devleso, sa vaćarol pe ani paramič, 12golese sar so pisil ano Sveto lil:
‘Ka dičhen thaj ka dičhen,
al ni ka shvatin,
a ka šunen thaj ka šunen,
al ni ka haljaren,
inače bi obratina pe
thaj o Dol bi oprostila lenđe.’”
O Isus vaćarol so značil kaja paramič taro sejači
13Tegani o Isus vaćarda lenđe: “Ni haljaren kaja paramič? Sar ka haljaren sa avera paramiča? 14O sejači si kova savo sejil e Devleso Lafi. 15Nesave manuša si sar seme ko drom kaj si sejimo e Devleso Lafi. Kala šunen le, al avol o Satana thaj lol lendar so si sejimo ande lenđe ile. 16Avera manuša si sar o seme so si sejimo pe barale thana. Kala šunen o Lafi thaj sigate prihvatin le radujimasa, 17al naj len koreno ane peste thaj ićaren pe nesavo vreme. Kana avol bilačhipe thaj progonstvo zbog o Lafi, sigate peren. 18Avera manuša si sar seme so si sejimo ane kangre. Kala šunen o Lafi, 19al ane lenđe ile si e brige kale svetose, želje pašo barvalipe thaj o manglipe za ke avera stvara, so tasaven o Lafi, gija ačhen bizo bijandipe. 20Nesave si sar o seme so si sejimo pi lačhi phuv. Kala šunen o Lafi, prihvatin le thaj anen bijandipe: tranda, šovardeš thaj šel droma po but nego so sasa sejime.”
O Isus vaćarol paramič tari svetiljka
21O Isus pučlja len: “Ko bi tumendar anola i svetiljka thaj bi čhuvola la talo čaro il talo than e sojimaso? Ni li čhuvol pe i svetiljka ke lako than? 22Golese, sa so si garado ka ikljol ko dičhipe thaj sa so si učhardo ka ikljol ko videlo. 23Te isi khanika kana te šunol, nek šunol.”
24Thaj vaćarda lenđe: “Pazin so šunen! Save merasa merin, gasave merasa ka meril pe tumenđe thaj ka dol pe tumenđe po but. 25Golese kaj kas isi džanglipe, ka dol pe lese po but, a kas naj, ka lol pe lestar i kova so isi le.”
E Devleso Carstvo si sar seme savo barol korkoro pestar
26Tegani o Isus vaćarda lenđe: “O Carstvo e Devleso si sar o manuš savo sejil o seme pi phuv. 27Raćasa thaj đivesesa, da li sovol il uštol, o seme bijandol thaj barol, a vov i ni džanol sar. 28I phuv korkori pestar dol o bijanipe: angleder i čar, pale gova o klaso, tegani ano klaso but điv. 29Samo so zrelil o bijandipe, o manuš avol e lunesa te čhinol le, golese kaj si o vreme pašo ćidipe.”
O Isus vaćarol paramič taro zrno e gorušicako
30Palem o Isus vaćarda: “Sar ka vaćara savo si o Carstvo e Devleso? Save paramičasa te sikava le? 31Vov si sar o zrno tari gorušica, savo si po cikno tare sa e semenura savo sejil pe ani kaja phuv. 32Al kana si sejimo, barol thaj ačhol pobaro taro sa o povrće savo mečhol raja gaći bare kaj ane leso lado e čiriklja e nebose šaj ćeren gnjezdura.”
33Gasave bute paramičencar vaćarola o Isus lenđe o Lafi e Devleso thaj sikavola gaći kobor šajine von te šunen le. 34Bize paramiča ni vaćarola lenđe khanči. A kana sasa e sikadencar korkoro, sa gova objasnila lenđe.
O Isus ačhavol i balval
(Mt 8,18; 23,27; Lk 8,22–25)
35Gova đive, kana peli i rat, o Isus vaćarda pe sikadenđe: “Ka nakha ki aver rig e jezerosi.” 36Gija mukhlje e manušen. E sikade čhute pe ano čamco kaj o Isus već sasa. Pale lende sesa i avera čamcura. 37Tegani avili zurali balval thaj e talasura čalade ano čamco, gijate da o čamco lija te pherdol paj. 38A o Isus suta ki paluni rig e čamcosi ko šerand. Džungade le thaj vaćarde lese: “Učitelju! Tuće sa jekh kaj amen ka tasiva?” 39O Isus uštilo thaj vaćarda pozurale e balvaljaće thaj naredisada e pajese: “Ač, smiri tut!” I balval ačhili thaj khanči ni šundilo. 40Thaj pučlja pe sikaden: “Sose gaći daraljen? Vadži li naj tumen pačajipe?” 41Dolda len bari dar thaj jekh averese vaćarde: “Ko si kava, kaj i balval thaj o more šunen le?”
5O Isus ikalda e bilačhe duxuren taro manuš
1O Isus thaj lese sikade avile ki aver rig e jezerosi paši Gerasinsko phuv. 2Kana iklilo o Isus taro čamco, sigate avilo premal leste andare limora manuš kas sasa bilačho duxo. 3Kava manuš bešola ane limora thaj khoni naštine te phandol le ni sinđirencar. 4But droma sasa phanglo sastrnencar thaj sinđirencar, al vov phaglja e sastrna thaj čhinola e sinđira. Khoni naštine te smiril le. 5Bizo ačhipe, đive thaj rat, o manuš ane kaste sasa o bilačho duxo, phirola maškare limora thaj ane bregura dola vika thaj čhinola pe barencar.
6Kana odural dikhlja e Isuse, prastija thaj pelo angle leste ke pe koča. 7Dija vika andare sa o glaso: “So manđe mandar, Isuse Čhaveja embare Devleso? Xav tu sovli e Devlesa, ma muči man!” 8Golese kaj o Isus angleder phenda lese: “Iklji andar kava manuš, bilačheja duxona!”
9O Isus pučlja le: “Sar si ćo alav?”
O manuš vaćarda lese: “Mo alav si Legion, golese kaj sam but sar vojska.” 10Thaj but molisada e Isuse te ma bičhalol e bilačhe duxuren avral tare kaja phuv. 11A gothe, ko brego, xana čar pherdo bale. 12Gija e bilačhe duxura molisade e Isuse: “Bičhal amen te dža ane kala bale.” 13Thaj o Isus mukhlja len. E bilačhe duxura iklile taro manuš thaj dije ane bale. Sigate e bale lije te našen taro brego ano more. Gothe sesa paše duj milje bale thaj sa tasile.
14E manuša save arakhlje e balen, našle thaj kalestar vaćarde ano foro thaj ane pašutne thana. Gija e manuša avile te dičhen so sasa. 15Kana avile pašo Isus, dikhlje e manuše ane savo sasa i vojska e bilačhe duxurencar sar bešol urado thaj saste gođasa. Gova darada len. 16Kala save dikhlje sa gova vaćarde sa so sasa e manušesa ane kaste sesa e bilačhe duxura thaj so sasa e balencar. 17E manuša lije te molin e Isuse te džal andari lenđi phuv.
18Kana đelo o Isus ano čamco, molisada le kova manuš ane kaste sesa e bilačhe duxura te šaj džal lesa. 19O Isus ni mukhlja le, al vaćarda lese: “Dža čhere thaj vaćar ćirenđe so sasa tusa thaj so ćerda tuće o Gospod i kobor sasa milostivno tuće.” 20Gija o manuš đelo thaj lija te vaćarol ano Dekapolis5,20 so značil “Deš forura” so ćerda lese o Isus. Thaj savore divisajle.
O Isus vazdija tare mule e čhejora em sastarda e nasvale džuvlja
21Kana o Isus đelo e čamcosa ki aver rig e jezerosi, ćidije pe but manuša paše leste. Dži kaj ačhilo pašo jezero, 22avilo jekh šorutno tari sinagoga, kaso alav sasa Jair. Kana dikhlja e Isuse, pelo ke pe koča mujesa premali phuv angle leste 23thaj but molisada le: “Mi mangli čhejori si dži o meripe. Moliv tut, av thaj čhu će vasta pe late, te sastol thaj te živil.” 24Gija o Isus đelo lesa.
Pale leste đele i but manuša thaj ćićidije le. 25A gothe sasa nesavi džuvli, savi sasa nasvali dešuduj berš taro thavdipe o rat. 26Voj but patisada tare but lekara thaj trošisada sa so sasa la, al khanči ni pomognisada la thaj sasa laće sa po bilačhe.
27Kana šunda taro Isus, nakhli palal tare lese dume maškar gola but manuša thaj doldape pe leso fostano. 28Golese kaj vaćarda ane peste: “Samo te dolav man pe lese šeja, ka sastivav!” 29Thaj sigate ačhilo latar te thavdol o rat thaj osetisada an po telo kaj sastili taro piro pharo nasvalipe.
30Tar jekh drom o Isus džanglja kaj i zor iklili lestar. Irisajlo premal e manuša thaj pučlja: “Ko dolda pe tar me šeja?”
31E sikade phende lese: “Tu dičhe kaj gaći manuša ćićiden amen, a tu puče ko doldape pe tute?”
32A o Isus dičhola trujal peste te aračhol kola savi ćerda gova. 33A i džuvli darajli thaj izdraja, golese kaj džanglja so sasa, gija avili thaj peli mujesa premali phuv angle leste thaj vaćarda lese sa o čačipe. 34O Isus vaćarda laće: “Ćo pačajipe sastarda tut, mi čhej. Dža ano mir thaj av sasti taro ćiro pharo nasvalipe.”
35Thaj kana vadži vaćarola o Isus, avile nesave manuša andaro čher e Jaireso savo sasa šorutno ani sinagoga thaj vaćarda lese: “Jaire, ći čhej muli! Sose vadži muči e učitelje?”
36Al o Isus ni dija pažnja ke kala lafura thaj vaćarda e Jairese: “Ma dara! Samo pača!” 37Ni dija khoni te džal lesa samo o Petar, o Jakov thaj o Jovane, e Jakoveso phral. 38Kana resle ko čher e Jaireso savo sasa šorutno ani sinagoga, o Isus dikhlja kaj but manuša gothe roven thaj but den vika. 39Dija ano čher thaj pučlja len: “Sose den vika thaj roven? I čhej ni muli, nego sovol!” 40Von lije te asan lese. Al vov ikalda len savoren avri, lija e dade e čhejaće thaj laće deja thaj trinen sikaden save sesa lesa thaj đele andre ani soba kaj pašljola i čhej. 41Vov lija e čhejako va thaj vaćarda laće: “Talita, kum!” (so značil: “Čhejorije, tuće vaćarav, ušti!”). 42I čhejori sigate uštili thaj lija te phirol. Sasa la dešuduj berš. Savore sesa začudime so dikhlje kava čudo. 43Al o Isus naredisada lenđe, ma te vaćaren khanikase kava thaj vaćarda te den e čhejora te xal.
6E manuša taro Nazaret ni pačan ano Isus
1O Isus iklilo gothar thaj đelo ano Nazaret, ano foro kaj barilo. Lese sikade đele lesa. 2Kana avilo o savato, o Isus lija te sikavol ani sinagoga. But džene so šunde le, divisajle thaj pučlje: “Kotar kale manušese sa kava? Savo si gova mudrost so dija pe lese? Sar pe vastencar ćerol kala čudura? 3Naj li kava samo kaštarutno, čhavo e Marijako thaj phral e Jakoveso, e Josijaso, e Judaso thaj e Simoneso? Naj li lese pheja amencar kate?” Golese sesa but razočarime thaj ni manglje te prihvatin le.
4Tegani o Isus vaćarda lenđe: “O proroko si bizo čast samo ano foro kaj barilo, maškar pi familija thaj ane po čher.” 5Thaj naštine ni jekh čudo te ćerol, samo čhuta pe vasta pe zala nasvale thaj sastarda len. 6Thaj čudisajlo so o Isus kaj e manuša ni pačaje.
O Isus bičhalol pe sikaden
Tegani o Isus phirda maškare pašutne gava thaj sikada e manušen. 7Dija vika paše peste e dešudujen sikaden, dija len zuralipe te traden e bilačhe duxuren thaj bičhalda pe sikaden te džan duj po duj ke različita thana.
8Thaj vaćarda lenđe: “Ma te len khanči tumencar, ni mangro, ni trasta, ni bakarna parave ane tumare poske, samo jekh rovli. 9Al uraven tumen sandale thaj samo jekh gad, a na duj.” 10Thaj vadži vaćarda lenđe: “Kana džan an nesavo than, bešen an jekh čher, dži kaj ni pojdin an aver than. 11A te khoni ni prihvatisada tumen thaj ni manglja te šunol tumen, ikljen gothar thaj tresin o praho tar tumare pingre sar svedočanstvo so ni lije o Lafi e Devleso. [Čače vaćarav tumenđe: ‘Po ločhe ka avol e Sodomaće thaj e Gomoraće ko Sudnjo đive nego kale forose.’]”
12Gija đele e sikade thaj vaćarena savorenđe kaj trubun te pokajin pe tar pe grehura. 13Buten benđen ikalde tare manuša thaj makhlje buten nasvalen uljesa thaj sastarde len.
O meripe e Jovaneso e Krstiteljeso
14O caro o Irod šunda pašo Isus golese kaj savore vaćarena lestar. Nesave manuša phenena: “Gova si o Jovane o Krstitelj savo uštilo tare mule, golese šaj ćerol kala čudesura.” 15Avera vaćarde: “Gova si o proroko o Ilija.” A nesave vaćarde: “Vov si proroko sar jekh tare prorokura andare purane vremenura.”
16Kana o Irod šunda kava, phenda: “Gova si o Jovane kaso šoro me čhindem. Vov uštilo tare mule!” 17Golese kaj o Irod sasa kova savo angleder naredisada te dolen e Jovane, te phanden le thaj te čhuven le ano phanglipe. O Irod gova ćerda paši Irodijada, i romni lese phralesi e Filipesi, golese kaj o Irod lija la romnjaće. 18Golese kaj o Jovane angleder vaćarola e Irodese: “Našti le romnjaće će phralese romnja!” 19I Irodijada holajli po Jovane thaj manglja te mudarol le, al naštine, 20golese kaj o Irod darajlo taro Jovane thaj džanglja kaj si vov pravedno thaj sveto thaj golese zaštitila le. Thaj kana o Irod šunola e Jovane, avola but zbunime, al manglja te šunol le.
21Tegani sikadili šukar prilika kana sasa e Irodeso bijando đive thaj vov ćerda bari gozba e bare manušenđe tare piri avlin, e anglunenđe tari vojska thaj e anglunenđe tari Galileja. 22Avili andre i Irodijaći čhej thaj čhelda. Gova sasa lačhe e Irodese thaj savorenđe save bešle gothe. Gija o caro o Irod vaćarda laće: “Rode mandar sa so manđe. Me ka dav tut.” 23Thaj xalja sovli: “Sa so ka manđe mandar, ka dav tut, pa i ako si gova opaš tare mingro carstvo!”
24Voj iklili thaj pučlja pe da: “So te mangav?”
A voj phenda laće: “Rode o šoro e Jovaneso e Krstiteljeso!”
25Sigate i čhej avili ko caro thaj vaćarda: “Mangav te de ma akana ko čaro o šoro e Jovaneso e Krstiteljeso!”
26O caro o Irod sasa but žalosno, al golese kaj xalja sovli angle gostura, ni manglja te odbil la. 27Gija o caro sigate bičhalda e đželate thaj naredisada lese te anol e Jovaneso šoro. Vov đelo thaj čhinda leso šoro ano phanglipe. 28Tegani anda leso šoro ko čaro thaj dija la e čhejaće, a i čhej dija le pe daće. 29Kana e Jovanese sikade šunde kava, avile, lije leso telo thaj prahosade le ano limori.
O Isus parvarol pandž milje manušen
(Mt 14,13–21; Lk 9,10–17; Jn 6,1–13)
30E apostolura irisajle tar po drom, avile ko Isus thaj vaćarde lese sa so ćerde thaj so sikade. 31Thaj o Isus phenda lenđe: “Te dža ko nesavo mirno than korkore, te odmorin tumen zala.” Gova phenda lenđe golese kaj avena thaj džana pherdo manuša thaj von naštine ni te xan.
32Gija đele čamcosa ko mirno than, te aven korkore. 33A but manuša so dikhlje len sar džan, pindžarde len thaj prastaje dromesa odori andare sa e forura thaj resle angleder lende. 34Kana o Isus iklilo taro čamco thaj dikhlja kaj si but manuša, pelo lese žal, golese kaj sesa sar bakre bizo pastiri. Gija lija te sikavol len tare but buća.
35Sar sasa kasno, e sikade avile pašo Isus thaj vaćarde: “Ke kava than naj khanči thaj kasno si. 36Muk e manušen, nek džan ane pašutne gava thaj thana te ćinen pese khanči te xan!”
37A o Isus vaćarda lenđe: “Den len tumen te xan!”
E sikade pučlje le: “Sosa? But pare6,37 Ano orginal ačhol: Dujšel dinara. Jekh dinari si rimsko srebrenjako, gaći sasa i dnevnica jekhe đivesesi. trubul amenđe te ćina mangro te bi parvarasa sa kale manušen!”
38A o Isus pučlja len: “Kobor mangre isi tumen? Džan thaj dičhen!”
Kana dodžanglje, vaćarde: “Pandž mangre thaj duj mačhe.”
39Tegani o Isus zapovedisada e sikadenđe te bešljaren e manušen ke kupe pi zeleno čar. 40Gija e manuša bešle ane kupe po šel thaj po pinda. 41Tegani o Isus lija kola pandž mangre thaj e dujen mačhen, dikhlja ano nebo thaj zahvalisada e Devlese. Phaglja e mangre thaj dija e sikadenđe te den e manušenđe. Gija ulada i e duje mačhen. 42Savore xalje thaj čalile. 43Thaj e sikade ćidije dešuduj kotora pherde korpe taro kova so ačhilo tare mangre thaj tare mačhe. 44Kola save xalje e mangre sesa pandž milje murša.
O Isus phirol po paj
(Mt 14,22–33; Jn 6,16–21)
45Sigate pale gova o Isus naredisada pe sikaden te džan ano čamco thaj te džan angleder leste ki aver rig e jezerosi, premali Vitsaida, dži kaj vov ni mukhlja e manušen čhere. 46Kana oprostisajlo e manušencar, đelo ko brego te molil pe.
47Kana peli i rat thaj o čamco e sikadencar sasa maškaral o jezero, o Isus sasa korkoro ki phuv. 48Dikhlja kaj naštine te veslin, golese kaj i balval phurdola premal lende. Maškare trin em šov o sato sabalje avilo o Isus dži lende phirindoj po jezero. Vov manglja te načhol paše lende, 49al kana dikhlje le sar phirol po jezero, dije gođi kaj si omaja thaj lije te den vika. 50Savore dikhlje le thaj but darajle.
A o Isus sigate phenda lenđe: “Šukar si! Me sem, ma daran!” 51Tegani avilo lencar ano čamco thaj i balval ačhili. But darajle thaj čudisajle so gova dikhlje, 52golese kaj ni haljarde khanči taro čudo e mangrencar golese so lenđe ile sesa zurale sar bar.
O Isus sastarol e nasvalen ano Genisaret
53Kana nakhle ki aver rig e jezerosi, avile ano Genisaret thaj gothe panglje o čamco. 54Kana iklile taro čamco, e manuša odma pindžarde e Isuse. 55Thaj prastije maškaro sa gova krajo te vaćaren averenđe so o Isus avilo, a e manuša lije ke nosiljke te anen e nasvalen odori kaj šunde kaj si o Isus. 56Thaj kaj god te džala, ane gava il forura il po cikne thana, e manuša ke trgura čhuvena e nasvalen. Molinasa le te dolen pe bar tare leso teluno kotor e fostanoso. Thaj savore save doldepe pe leste, sastile.
7O Isus sikavol te ava šukar ane ile
1Jekh đive ćidije pe pašo Isus nesave fariseja thaj nesave učitelja tare Mojsijaso zakon save avile andaro Jerusalim. 2Von dikhlje kaj nesave tare sikade lese lije te xan mangro bithode vastencar – so značil kaj ni thode pe vasta palo adeti e farisejengo. 3Golese kaj e fariseja thaj sa e Judejcura ićarena pe ke phurederengo adeti a ni xana dok ni thovena pe va dži e kuja. 4Thaj kana irina pe taro trgo, ni xana dok ni thovena pe. A sesa gasave vadži but adetura e phurederenđe so ićarena, sar so sesa o adeti te thoven e tahtaja, e čare thaj e bakarna loncura.
5Golese e fariseja thaj e učitelja tare Mojsijaso zakon pučlje e Isuse: “Sose će sikade ni ćeren pale adetura so dije amenđe e phuredera, a xan mangro bithode vastencar?”
6A o Isus vaćarda lenđe: “Dujemujenđe! Šukar tumendar prorokuisada o Isaija kana pisisada ano Sveto lil kaj o Dol vaćarda:
‘Kala manuša samo vuštencar poštujin man,
a lenđe ile si dur mandar.
7Khanči ni vredil lengo slavipe premal mande,
golese kaj sikaven manušikane zapovestura.’
8Ačhaden e zapovestura e Devlese, a ićaren tumen ke manušikane adetura.”
9Thaj vadži vaćarda lenđe: “Šukar čhinaven e Devlese zapovestura, te bi aračhena tumare manušikane adetura! 10Golese so o Mojsije vaćarda: ‘Poštuji će dade thaj će da’ thaj ‘Ko akušol pe dade il pe da te avol kaznimo merimasa!’ 11Al tumen vaćaren, kaj o manuš šaj te phenol pe dadese il pe daće: ‘Kova so šaj pomogniv tumenđe, gova si te dav kurbano’ (so značil prinos e Devlese), 12gija ni mučhen vadži khanči te dol pe dadese em pe daće. 13Gija tumen čhinaven o Lafi e Devleso paše tumare adetura savencar sikaven averen, a but gasave buća vadži nesave ćeren save naj šukar.”
O Isus vaćarol so meljarol o ilo e manušeso
14O Isus palem dija vika te ćiden pe po but manuša paše leste thaj vaćarda lenđe: “Šunen man savore thaj haljaren ma! 15Khanči so dol ano manuš od avral našti meljarol le anglo Dol. Nego gova so ikljol andaro manuš, gova ćerol e manuše melale anglo Dol. 16[Te isi khanika kana te šunol, nek šunol!]”
17Kana o Isus crdija pe tare manuša thaj avilo ano čher, lese sikade pučlje le tari kaja paramič. 18O Isus pučlja len: “Tumen li vadži ni haljaren? Dal ni dičhen kaj sa kova so dol ano manuš od avral našti meljarol le? 19Golese kaj ni džal gova ane leso ilo nego džal gova an leso vođi thaj ikljol avral!” (A gija o Isus sikada kaj sa o xape si thodo anglo Dol.)
20Thaj vadži vaćarda: “So ikljol andaro manuš gova meljarol e manuše anglo Dol. 21Golese, andral, andaro manušeso ilo, ikljol bilačhe mislura, o blud, čoripe, mudaripe, 22preljube, pohlepa, bilačhipe, prevara, razuzdanost, zavist, vređipe, baripe thaj bigođaveripe. 23Sa kala bilačhe buća ikljen andral thaj meljaren e manuše anglo Dol.”
O pačajipe e džuvljako savi naj Jevrejka
24Pale gova o Isus đelo gothar. Avilo ane krajura pašo Tir [thaj o Sidon], gothe đelo thaj bešlo ane jekh čher. Ni manglja khoni te džanol, al naštine te garadol. 25Nesavi džuvli kas sasa čhejori ane savi sasa o bilačho duxo, šunda e Isusese thaj sigate avili thaj peli mujesa premali phuv, angle lese pingre. 26A goja džuvli sasa abandžika, bijandi andi Sirofinija thaj molisada le te ikalol e bilačhe duxo andari laći čhej.
27O Isus vaćarda laće: “Mukh angleder te čaljon e čhavore, golese kaj naj šukar te lol pe o mangro tare čhave thaj te čhudol pe e džuklorenđe.”
28A voj vaćarda lese: “Va, Gospode, i e džuklore xan talo astali e troške so peren e čhavorenđe.”
29Tegani o Isus vaćarda laće: “Zbog kava so vaćardan šaj dža čhere. Iklilo o bilačho duxo andari ći čhej.” 30Thaj kana avili čhere, dikhlja kaj laći čhejori pašljol ko than e pašljimaso thaj kaj iklilo o bilačho duxo latar.
O Isus sastarol e kašuće
31Pale gova o Isus đelo andare Tirska krajura, pa prekalo Sidon reslo dži ko Galilejsko jezero ano Dekapoljsko krajo.7,31 so značil “Deš forura”32Gothe nesave manuša ande paše leste jekhe savo sasa kašuko thaj phareste vaćarola thaj molisade e Isuse te čhuvol po va pe leste. 33O Isus crdija pe lesa tare manuša, te bi avena korkore. Tegani čhuta pe naja ane lese kana, čhungarda thaj dolda lesi čhib. 34Tegani o Isus dikhlja upre ko nebo, zurale uzdahnisada thaj vaćarda: “Efata,” so značil: “Putar tut!” 35E manušese kana sigate putajle, putajli lesi phangli čhib thaj lija te vaćarol šukar. 36O Isus vaćarda e manušenđe ma khanikase te vaćaren. A sar po but vaćarola lenđe te ma vaćaren, von po but vaćarde. 37E manuša baš but čudisajle thaj vaćarena: “Vov sa so ćerol si but šukar! Vov ćerol e kašuće te šunen thaj e lalore te vaćaren!”
8O Isus parvarol štar milje manušen
1Ane gola đivesa palem ćidije pe pherdo manuša pašo Isus, a ni sasa len so te xan. Gija dija vika o Isus pe sikaden thaj vaćarda lenđe: 2“Žal manđe kale manušenđe, golese kaj trin đive ačhen mancar kate a naj len so te xan. 3Ako mukhav len bokhalen te džan čhere, ka malaksin ko drom, golese kaj nesave džene avile odural.”
4E sikade pučlje le: “Šaj li khoni ani kaja pustinja te aračhol gaći but xamase paše sa kala manuša?”
5A o Isus pučlja len: “Kobor mangre isi tumen?”
E sikade phende: “Efta.”
6Thaj o Isus vaćarda e manušenđe te bešen pi phuv. Lija kola efta mangre, zahvalisada e Devlese, phaglja len thaj dija pire sikadenđe te ulaven thaj von ulade e manušenđe. 7Sasa len i zala mačhe. O Isus zahvalisada paše mačhe, pa vaćarda i len te čhuven angle manuša.
8Savore xalje thaj čalile thaj ćidije okova so ačhilo efta korpe.
9Gothe sesa paše štar milje murša. Pale gova mukhlja len o Isus te džan pese 10thaj sigate bešlo ano čamco pe sikadencar thaj avilo pašo Dalmanutsko krajo.
E fariseja roden znako taro Isus
11Nesave fariseja avile ko Isus thaj lije te ćeren čingara lesa. Rodije lestar nesavo čudesno znako taro nebo, te bi iskušina le. 12O Isus ane peste zurale uzdahnisada thaj pučlja: “Sose akana kava bijandipe rodol znako? Čače phenav tumenđe, ni ka dol pe nisavo znako kale bijandimase.” 13Pale gova ačhada len thaj palem đelo ano čamco thaj nakhlja pi aver rig e jezerosi.
O Isus vaćarol te arakha amen taro uticaj e farisejengo thaj e caroso e Irodeso
14E sikade zabistarde te anen pesa dovoljno mangro, a sasa len ano čamco samo jekh cikni bokoli. 15Dok nakhlje o jezero, vaćarda lenđe o Isus: “Aračhen tumen taro kvasaco o farisejsko thaj o kvasaco e Irodeso!”
16A von maškar peste vaćarde so kava značil, pa phende: “Kava vaćarol kaj naj amen mangro.”
17O Isus džanglja sostar vaćaren thaj pučlja len: “Sose vaćaren kaj naj tumen mangro? Sar ni anen ani gođi thaj ni haljaren? Dal vadži si tumare ile zurale sar o bar? 18Jakha isi tumen thaj ni dičhen? Kana isi tumen thaj ni šunen? Dal zabistarden? 19Kobor pherde korpe so ačhile ćidijen kana phagljem pandž mangre thaj čalile pandž milje murša?”
Vaćarde lese: “Dešuduj.”
20“A kana phagljem efta mangre ke štar milja murša thaj von čalile, kobor pherde bare korpe ačhile so ćidijen?”
E sikade vaćarde lese: “Efta.”
21Thaj o Isus vaćarda lenđe: “Vadži li ni haljaren?”
O Isus sastarol kore manuše tari Vitsaida
22Tegani resle ani Vitsaida. Nesave manuša ande e Isusese jekhe kore manuše thaj molisade le te čhuvol po va pe leste. 23O Isus lija e kore taro va thaj ikalda le andaro gav. Čhungarda lese ke jakha, čhuta pe vasta pe leste thaj pučlja le: “Dičhe li khanči?”
24O manuš dikhlja thaj vaćarda: “Dikhav manušen te phene phiren sar kašta!”
25Pale gova vadži jekh drom o Isus čhuta pe vasta ke lese jakha thaj vov dikhlja, leso dičhipe irisajlo thaj sa šukar dikhlja. 26Tegani o Isus bičhalda le čhere thaj vaćarda lese: “Ma dža ano gav thaj ma vaćar khanikase.”
O Petar pačal kaj o Isus si o Hrist
27Pale gova o Isus thaj lese sikade đele ane gava paši Kesarija e Filipesi. I odrumal pučlja e sikaden: “So vaćaren e manuša, ko sem me?”
28Von vaćarde lese: “Nesave vaćaren kaj san o Jovane o Krstitelj, avera o proroko o Ilija, a nesave vaćaren kaj san jekh tare prorokura.”
29Pučlja len: “A so tumen vaćaren, ko sem me?”
O Petar vaćarda lese: “Tu san o Hrist!”
30Tegani o Isus vaćarda zurale lenđe khanikase te ma vaćaren lestar gova.
O Isus vaćarol tare piro meripe thaj uštipe tare mule
31Pale gova o Isus lija te sikavol len kaj vov, o Čhavo e manušeso, trubul but te patil. Ka odbacin le e phuredera, e šorutne sveštenikura thaj e učitelja tare Mojsijaso zakon thaj ka mudaren le, al vov o trito đive ka uštol tare mule. 32O Isus vaćarda lenđe tare kava jasno. O Petar crdija le ki rig thaj lija te iril le ma golestar te vaćarol.
33A o Isus irisajlo, dikhlja pe sikaden thaj korisada e Petre: “Dža mandar, Satano, golese kaj tuće ani gođi naj e Devlikane buća, nego e manušikane!”
So trubul o manuš te ćerol te šaj avol e Isuseso sikado
34Pale gova dija vika o Isus e manušen te aven paše leste thaj paše lese sikade thaj vaćarda lenđe: “Ko manđol te džal pale mande, nek ačhavol korkoro pes, trubul te lol o krsto piro thaj nek džal pale mande. 35Ko manđol po džuvdipe te aračhol, ka hasarol le, a ko hasarol po džuvdipe paše mande thaj pašo Lačho lafi, ka aračhol le. 36Golese savo šukaripe ka avol e manuše ako sa o sveto dobil a hasarol po džuvdipe? 37Golese so vredil po but tare ćiro džuvdipe? 38Golese ko ladžal mandar thaj tare me lafura angle kava neverno thaj grešno bijandipe, tegani i me, o Čhavo e manušeso, ka ladžav lestar kana ka avav ani slava me Dadesi thaj e svetone melekurencar.”
91O Isus vaćarda lenđe: “Čače vaćarav tumenđe, kaj nesave maškar tumende save kate ačhen čače ni ka meren sa dok ni dičhen o Carstvo e Devleso sar avol ani zor!”
O Isus sikavol pi slava ko baro brego
2Pale šov đive lija o Isus e Petre, e Jakove thaj e Jovane thaj anda len ko baro brego thaj gothe sesa korkore. Gothe angle lende menjisada pe. 3Lese šeja ćerdile blistava thaj gaći parne kaj ni jekh manuš ki phuv našti te ćerol len gaći parne. 4Thaj tari jekh drom angle lende sikadile o proroko o Ilija thaj o Mojsije save lije te vaćaren e Isusesa.
5A o Petar vaćarda e Isusese: “Učitelju, šukar si kaj sam kate! Ka ćera trin senice, jekh tuće, jekh e Mojsijase thaj jekh e Ilijase.” 6O Petar ni džanglja so te vaćarol aver, golese kaj savore but darajle.
7Tegani pojavisajlo o oblako thaj učharda len em šundilo lestar glaso: “Kava si mingro manglo Čhavo! Le šunen!” 8Tari jekh drom, kana dikhlje paše peste, khanika ni dikhlje samo e Isuse.
9Sar uljena taro baro brego, o Isus zapovedisada lenđe khanikase ma te vaćaren so dikhlje, sa dži kaj vov, o Čhavo e manušeso, ni uštol tare mule. 10Von ačhade gova ane peste, al pučlje jekh avere so značil “ka uštol tare mule.”
11E sikade pučlje e Isuse: “Sose vaćaren e učitelja tare Mojsijaso zakon kaj o Ilija trubul te avol angleder o Mesija?”
12O Isus vaćarda lenđe: “Čače, o Ilija ka avol angleder thaj sa ka obnovil. Sose tegani si pisimo ano Sveto lil taro Čhavo e manušeso, kaj but ka patil thaj ka avol odbacimo? 13Al me vaćarav tumenđe, kaj o Ilija već avilo thaj ćerde lesa sa so manglje, sar so sasa pisimo paše leste.”
O Isus ikalol e bilačhe duxo e čhavorestar
14Kana irisajle ke avera sikade, dikhlje paše lende but džene thaj e učitelja tare Mojsijaso zakon sar ćeren čingara lencar. 15Kana e manuša dikhlje e Isuse, but iznenadisajle thaj siđarde te pozdravin pe lesa. 16O Isus pučlja len: “Sose ćeren čingara lencar?”
17Jekh gothar tare manuša vaćarda lese: “Učitelju! Andem tute me čhave savo si laloro, golese kaj si ane leste bilačho duxo. 18Kana dolol le gova duxo, peravol le, mučhol spume thaj dandecar marol thaj kočil pe. Vaćardem će sikadenđe te traden le, al von naštine.”
19O Isus phenda lenđe: “O, bipačavno bijandipe! Kobor ka avav tumencar? Kobor ka trpiv tumen? Anen e čhavore mande.” 20Gija ande e čhavore angle leste. Kana o bilačho duxo dikhlja e Isuse, sigate lija te tresil e čhavore. O čhavoro pelo ki phuv, lija te iril pe thaj mukhlja spume. 21O Isus pučlja lese dade: “Kobor si vov gasavo?”
O dad vaćarda: “Taro ciknipe. 22O bilačho duxo but droma čhudol le ani jag thaj ano paj te mudarol le. Golese ako šaj te ćere khanči, smiluji tut amenđe thaj pomogni amen!”
23O Isus vaćarda lese: “Sose puče: ‘Ako šaj’? Sa šaj okolese savo pačal.”
24O dad e čhavoreso sigate dija vika: “Pačav! Pomogni manđe po but te pačav.”
25Kana dikhlja kaj but manuša lije te prasten premal lende, o Isus korisada e bilačhe duxo vaćarindoj: “Duxona so ćere laloripe thaj kašučipe, vaćarav tuće: Iklji lestar thaj ma te ave ane leste više nijekh drom!”
26O duxo dija vika, zurale tresisada e čhavore thaj iklilo o duxo lestar. O čhavoro ačhilo te pašljol tele sar mulo, pa but džene dena gođi kaj si mulo. 27A o Isus dolda le taro va, vazdija le thaj o čhavo uštilo.
28Kana o Isus đelo ano čher thaj sasa pe sikadencar korkoro, von pučlje le: “Sose amen naštine te ikala e bilačhe duxo?”
29O Isus phenda lenđe: “Gasavo duxo šaj ikalol pe samo molitvasa [thaj postimasa].”
O Isus dujto drom vaćarol tare piro meripe thaj uštipe tare mule
30O Isus thaj lese sikade đele gothar thaj nakhle maškari phuv i Galileja. O Isus ni manglja khoni te džanol 31golese kaj manglja ko miro te sikavol pire sikaden. Vaćarda lenđe: “Man, e Čhave e manušese, ka den man e bilačhe manušenđe ane vasta thaj von ka mudaren man. A kana ka mudaren man, pale trin đive ka uštav.” 32Al e sikade ni haljarde kala lafura, a darajle te pučen le so manglja te phenol golesa.
Ko si embaro ano carstvo e Devleso
33O Isus thaj lese sikade pale gova avile ano foro Kafarnaum. Kana resle ano čher, o Isus pučlja len: “Sostar raspravisaden odrumal?” 34Von khanči ni vaćarde lese golese kaj odrumal ćerde čingara ko si lendar embaro.
35O Isus bešlo thaj dija vika paše peste e dešudujen apostoluren thaj vaćarda lenđe: “Ko manđol te avol angluno, trubul te avol poslednjo thaj te kandol savoren!”
36Tegani lija jekhe čhavore, čhuta le maškare lende thaj lija le ane pe vasta e čhavore thaj vaćarda lenđe: 37“Ko primil jekhe gasave čhavore ane mingro alav, man primil. Thaj ko primil man, ni primil samo man nego primil thaj e Devle savo bičhalda man.”
O Isus vaćarol ko naj protiv amende, vov si amencar
38O Jovane vaćarda e Isusese: “Učitelju, dikhljam nesave manuše sar ikalol e benđen ane ćiro alav. Phendam lese te ma ćerol gova, golese kaj naj jekh amendar.”
39A o Isus vaćarda lenđe: “Ma branin le! Golese kaj khoni ko ćerol čuda ane mingro alav našti bilačhe te vaćarol mandar. 40Golese ko naj protiv amende, vov si amencar! 41Golese ko dol tumen te pijen samo tahtaj e pajesa, golese kaj sen e Hristese, čače vaćarav tumenđe, gova manuš čače ka dobil pi nagrada.”
O Isus sikavol e manušen sar te ma peren ano iskušenje
42“Ko inđarol ano greh jekhe tare kala cikne save pačan ane mande, po lačhe si lese te phandol baro bar tari vodenica ki kor piri thaj te čhuden le ano more. 43Ako inđarol tut ćo va ano greh, čhin le! Po lačhe si tuće te dža ano džuvdipe bizo meripe sakato, nego te dža duje vastencar ano pakao, ani jag savi ni ačhol 44[kaj e ćerme save xan len ni meren odori, thaj i jag ni ačhol]. 45Ako inđarol tut ćo pingro ano greh, čhin le! Po lačhe si te dža ano džuvdipe bizo meripe bango, nego te ave čhudimo solduj pingrencar ano pakao 46[kaj e ćerme save xan len ni meren odori, thaj i jag ni ačhol]. 47Ako inđarol tut ći jakh ano greh, ikal la! Po lačhe si te dža jekhe jakhasa ano Carstvo e Devleso, nego te ave čhudimo duje jakhencar ano pakao 48kaj e ćerme save xan len ni meren odori, thaj i jag ni ačhol.
49Golese kaj dži jekh ka avol čistimo jagasa sar so o kurbano čistil pe e lonesa. 50O lon si šukar. Al, o lon te hasarda po londipe, sosa ka irin o londipe? Te avol lon ane tumende thaj te živin ano mir jekh averesa.”
10O Isus vaćarol taro brak thaj taro razvod
1Tegani o Isus iklilo taro Kafarnaum thaj đelo ani phuv i Judeja thaj prekali len o Jordan. Pale ćidije pe pherdo manuša paše leste, al vov, sar so ćerola uvek, sikavola len.
2Avile nesave fariseja te iskušin le thaj pučlje le: “Šaj li o rom te mučhol pe romnja?”
3A o Isus pučlja len: “So o Mojsije an po zakon zapovedisada tumenđe?”
4A von phende: “O Mojsije dozvolisada e romese te dol pe romnjaće rastavimaso lil kaj mučhol la i gija šaj te razvedil pe latar”.
5Al o Isus vaćarda: “O Mojsije pisisada tumenđe gasavo zapovest golese kaj tumare ile si zurale. 6Al ko anglunipe taro ćeripe ‘o Dol ćerda murše thaj e džuvlja. 7Golese o manuš ka ačhavol pe dade thaj pe da thaj ka phandolpe pe romnjasa 8thaj duj ka aven jekh telo.’ Gija, von naj više duj, nego jekh telo. 9Golese, so o Dol phandol, o manuš ma te ulavol!”
10Kana palem sesa ano čher, e sikade pučlje le kalestar. 11O Isus vaćarda lenđe: “Ko mučhol pe romnja thaj lol avera, ćerol preljuba premali angluni romni. 12A gija i voj, ako mučhol pe rome thaj lol avere, ćerol preljuba.”
O Isus blagoslovil e čhavoren
13Jekh đive ande e manuša pe čhavoren anglo Isus te čhuvol pe vasta pe lende te blagoslovil len. Al e sikade korisade len golese. 14Kana o Isus dikhlja gova, holajlo ke pe sikade thaj vaćarda lenđe: “Mučhen e čhavoren te aven ke mande. Ma ačhaven len, golese kaj gasavenđe si o Carstvo e Devleso! 15Čače vaćarav tumenđe, ko ni primil o Carstvo e Devleso sar čhavoro, čače ni ka dol ane leste.” 16Thaj lija e čhavoren ani pi angali thaj čhuta pe vasta pe lende thaj blagoslovisada len.
O Isus thaj o barvalo manuš
17Kana o Isus iklilo ko drom, prastija jekh manuš angle leste thaj pelo ke pe koča thaj pučlja e Isuse: “Učitelju šukareja, so trubul te ćerav te avol ma džuvdipe bizo meripe?”
18O Isus pučlja le: “Sose man de vika šukareja? Khoni naj šukar, samo jekh si šukar – o Dol. 19E Devlese zapovestura džane: ‘Ma mudar’, ‘Ma ćer preljuba’, ‘Ma čor’, ‘Ma svedoči xoxavne’, ‘Ma prevari’, ‘Poštuji će dade thaj će da!’”
20Al vov vaćarda lese: “Učitelju! Sa kala zapovestura ićarav taro mo ternipe.”
21Tegani o Isus dikhlja le bute manglimasa thaj vaćarda lese: “Jekh trubul tuće. Dža i bićin sa so isi tut, ulav e pare e čororenđe thaj ka avol tut barvalipe ko nebo. Tegani av thaj dža pale mande.” 22Kana šunda o manuš kala lafura, sasa but žalosno thaj đelo dukhado, golese kaj sasa but barvalo i ni manglja te bićinol sa so isi le.
23O Isus dikhlja trujal peste thaj pe sikadenđe vaćarda: “Kobor si pharo e barvalenđe te den ano Carstvo e Devleso!”
24A e sikade čudisajle tare e lafura lese, al o Isus pale vaćarda lenđe: “Čhavoralen, sar si pharo kolenđe save uzdajin pe ane piro barvalipe te džal pe ano Carstvo e Devleso! 25Po ločhe si e kamilaće te načhol maškare suvaće kana, nego o barvalo te dol ano Carstvo e Devleso!”
26A e sikade sesa vadži pobut čudime thaj maškare peste pučlje pe: “Ko šaj onda te avol spasime?”
27O Isus dikhlja pe lende thaj vaćarda: “E manušenđe si nemoguće, al e Devlese si sa moguće.”
28Tegani o Petar vaćarda e Isusese: “Ak! Amen sa ačhadam thaj pale tute dža.”
29O Isus phenda: “Čače vaćarav tumenđe sa dži jekh savo zbog mande thaj pašo Lačho lafi ačhada po čher, il pe phralen, il pe phejen, il pe da, il pe dade,10,29 Ane nesave rukopisura si dodaimo: “il pe romnja”. il pe čhaven, il pe njive, 30čače ka primil akana, ane kava vreme šel droma po but čhera, phralen, phejen, dejen, čhaven thaj njive – ano progonstvo – a ane aver buduće sveto ka lol džuvdipe bizo meripe. 31But save si akana anglal odori ka aven empalal, a okola save si empalal odori ka aven emanglal.”
O Isus trito drom vaćarol tare piro meripe thaj uštipe tare mule
32Kana đele po drom ano Jerusalim, o Isus đelo angle lende. E sikade lese čudisajle so džal ano Jerusalim thaj kola so džana pale lende sesa darade. Tegani o Isus palem crdija ki rig pire dešudujen sikaden thaj lija te vaćarol lenđe so ka avol lesa: 33“Ak, dža ano Jerusalim thaj man, e Čhave e manušese, ka den e šorutne sveštenikurenđe thaj e učiteljenđe tare Mojsijaso zakon thaj ka osudin man ko meripe thaj ka den man e abandžijenđe. 34Von ka maren muj mancar, ka čhungaren man, ka šibin man thaj ka mudaren man, al pale trin đive me ka uštav tare mule.”
O Isus sikavol sar te kanda averen
35Tegani ko Isus avile o Jakov thaj o Jovane, e Zevedejevese čhave thaj vaćarde lese: “Učitelju, manga te ćere amenđe sa so roda tutar.”
36O Isus pučlja len: “So manđen te ćerav tumenđe?”
37Von phende lese: “Mukh amen te beša tusa kana ka ave ane ćiri nebesko slava, jekh ki ćiri desno rig, a o dujto ki ćiri levo rig.”
38A o Isus vaćarda lenđe: “Ni džanen so manđen. Šaj li pijen o tahtaj savo me pijav? Šaj li krstin tumen krstimasa savesa me ka krstiv man?”
39Von vaćarde: “Šaj.”
Tegani o Isus vaćarda lenđe: “O tahtaj e patimaso savo me pijav ka pijen i tumen. I o krstipe e patimaso savesa me krsti man, i tumen ka krstin tumen. 40Al te bešen manđe ki desno thaj ki levo rig našti dav me. Gola thana preperen kolenđe kase o Dol pripremisada.”
41Kana gova šunde e avera deš sikade, lije te holjavon po Jakov thaj po Jovane. 42A o Isus dija len vika paše peste thaj vaćarda lenđe: “Tumen džanen kola save vladin e abandžijencar, sikaven po zuralipe pe lende thaj lenđe vođe manđen te gospodarin pe lende. 43Al maškar tumende te ma avol gija! Ko manđol te avol maškar tumende baro, nek kandol tumen, 44thaj ko manđol te avol maškar tumende angluno, nek kandol savoren. 45Golese kaj ni me, o Čhavo e manušeso, ni aviljem te kanden man, nego aviljem te kandav thaj mo džuvdipe te dav te bi poćinava butenđe.”
O Isus sastarol e kore Vartimeje
46Tegani resle ano foro Jerihon. Kana o Isus pe sikadencar thaj pherdo manušencar save phirde pale leste, iklilo andaro Jerihon, bešlo pašo drom jekh koro savo prosil, o Vartimej, e Timejeso čhavo. 47Kana vov šunda kaj avilo o Isus o Nazarećanino, lija te dol vika: “Isuse, Čhaveja e Davideso, smiluji tut manđe!”
48But džene korisade le te ma dol vika, al vov dija vika vadži po zurale: “Čhaveja e Davideso, smiluji tut manđe!”
49O Isus ačhilo thaj vaćarda: “Akharen le.”
Gija von akharde e kore thaj vaćarde lese: “Ma dara! Ušti, vov akharol tut.” 50O Vartimej čhudija o ogrtači pestar, hutija ke pe pingre thaj avilo ko Isus.
51O Isus pučlja le: “So manđe te ćerav tuće?”
O koro vaćarda lese: “Učitelju, mangav te dikhav.”
52O Isus vaćarda lese: “Dža, ćo pačajipe sastarda tut!” Thaj tari jekh drom o Vartimej predikhlja thaj pojdisada e dromesa palo Isus.
11E manuša šukar ađućarde e Isuse ano Jerusalim
(Mt 21,1–9; Lk 19,28–38; Jn 12,12–15)
1Kana o Isus thaj lese sikade avile pašo Jerusalim thaj resle paše gava i Vitfaga thaj i Vitanija, ko Maslinsko brego, o Isus bičhalda anglal pire dujen sikaden. 2Vaćarda lenđe: “Džan an kava gav so si angle tumende. Samo so ka resen ane leste, ka aračhen terne here phangle, pe savo vadži khoni ni uklilo. Putren le thaj anen le! 3Te pučlja tumen khoni, ‘Sose gova ćeren?’, vaćaren lese, ‘Trubul e Gospodese, al sigate ka iril le.’”
4Gija von đele, arakhlje e terne here phangle ko vudar pašo nekaso čher avri ko drom thaj putarde le. 5Nesave manuša save ačhile gothe, pučlje e sikaden: “So ćeren? Sose putaren e terne here?” 6A kana e sikade vaćarde so o Isus vaćarda lenđe, e manuša mukhlje len. 7Gija ande e terne here ko Isus, čhute po her pe ogrtačura, a o Isus uštilo po terno her. 8But džene buljarde pe ogrtačura po drom a nesave čhinde zelena raja save čhinde ko polje. 9Gola save đele angle leste thaj pale leste, dije vika:
“‘Hosana!11,9 Hosana značil “Spasi amen”.
Blagoslovime si kova so avol ano alav e Gospodeso!’
10Blagoslovime si o carstvo amare dadeso e Davideso savo avol!
‘Hosana e Devlese ko učipe!’”
11Tegani o Isus dija ano Jerusalim thaj đelo ano Hram. Odori sa dikhlja thaj golese kaj sasa kasno, đelo e dešudujencar apostolurencar ani Vitanija.
O Isus dol armaja e smokva
12Theara đive, kana džana tari Vitanija, o Isus bokhajlo. 13Odural dikhlja i patrnali smokva, pa đelo paše late te aračhol khanči te xal. Al kana avilo paše late, ni arakhlja khanči samo patrna, golese kaj naj sasa o vreme te bijanol i smokva.
14Tegani o Isus vaćarda e smokvaće: “Khoni više te ma xal tar ćo bijanipe ane sa e vremenura!” Thaj šunde gova e sikade lese.
O Isus tradol e trgovcuren andaro Hram
(Mt 21,12–22; Lk 19,45–47; Jn 2,13–16)
15Kana resle ano Jerusalim, o Isus đelo ani avlin e Hramesi thaj lija te tradol okolen save andre biknena thaj ćinena. Irisada e astalura kolenđe save menjina e pare thaj irisada e klupe kolenđe save biknena goluburen. 16Ni dija khanikase te nakhaven khanči so si bićinimase thaj ćinimase maškari avlin e Hramesi. 17Sikada len: “Naj li pisimo ano Sveto lil: ‘O čher mingro nek akhardol čher e molitvako sa e manušenđe’? A tumen lestar ćerden ‘čher kaj garaven pe e čora’.”
18Kana šunde gova e šorutne sveštenikura thaj e učitelja tare Mojsijaso zakon, lije te roden sar te mudaren e Isuse. Darajle lestar, golese kaj sa e manuša divisajle taro leso sikajipe. 19Kana peli i rat, o Isus thaj lese sikade iklile andaro foro.
O Isus koristisada i smokva sar primer
(Mt 21,20–22; 6,14)
20Sabalje kana o Isus thaj e sikade nakhle paši smokva, dikhlje kaj šučili sa dži o koreno. 21Tegani o Petar dija pe gođi thaj vaćarda e Isuse: “Učitelju dikh! I smokva sava dijan armaja, šučili!”
22Vaćarda lenđe o Isus: “Nek avol tumen pačajipe ano Dol. 23Čače vaćarav tumenđe: Te khoni vaćarol kale bregose: ‘Ušti thaj čhude tut ano more,’ a ni sumljil ane po ilo, nego pačal kaj so vaćarol ka avol, gova čače ka avol. 24Golese vaćarav tumenđe: ‘Paše sa so ka molin thaj so roden, pačan kaj ka primin thaj ka avol tumen gova. 25A kana len te molin tumen, oprostin ako isi tumen khanči protiv nekaste, te bi o Dad savo si ano nebo oprostil tumare grehura. 26[A tumen te ni oprostisaden averenđe, ni tumaro Dad ano nebo ni ka oprostil tumenđe tumare grehura.]’”
E jevrejenđe vođe ni pačan kaj e Isuse isi vlast
27O Isus thaj lese sikade palem avile ano Jerusalim. Thaj kana o Isus phirda ani avlin e Hramesi, avile paše leste e šorutne sveštenikura, e učitelja tare Mojsijaso zakon thaj e phuredera. 28Gija pučlje le: “Ane kaso vlast kava sa ćere? Ko dija tut gova vlast te ćere kava?”
29O Isus phenda lenđe: “I me ka pučav tumen khanči. Te vaćarden manđe, i me ka vaćarav tumenđe save vlastesa kava ćerav. 30O Dol li vaćarda e Jovanese te krstil e manušen, il e manuša vaćarde lese gova te ćerol? Vaćaren manđe!”
31A von lije te raspravin pe maškar peste: “Ako vaćara: ‘O Dol vaćarda lese,’ ka pučol amen: ‘Sose tegani ni pačajen e Jovane?’ 32Ako vaćara: ‘E manuša vaćarde lese gova te ćerol…’” Darajle tare manuša, golese kaj sa e manuša pačaje kaj si o Jovane o Krstitelj čače proroko.
33Gija phende e Isusese: “Ni džana.”
Tegani o Isus vaćarda lenđe: “I me ni ka vaćarav tumenđe ane savo vlast kava ćerav!”
12O Isus vaćarol paramič tare bišukar vinogradara
1Tegani lija o Isus te vaćarol lenđe ane paramiča sar so si kaja: “Jekh manuš sadisada drakha ano vinograd. Čhuta ograda trujal leste, honda than kaj te uštaven i drakh thaj vazdija stražarsko kula. Tegani dija le ano zakup e vinogradarenđe thaj đelo ani aver phuv. 2Kana avilo o vreme te ćidol pe o bijandipe tari drakh, o gospodari e vinogradeso bičhalda pe sluga te lol leso kotor savo preperol lese taro bijandipe e drakhako. 3Al e vinogradara dolde e sluga thaj marde le thaj bičhalde le čuče vastencar te džal pese. 4Tegani o gospodari bičhalda dujtone sluga ke lende. E vinogradara phaglje leso šoro thaj ladžarde le. 5Thaj bičhalda tritone sluga thaj gole mudarde. Bičhalda thaj buten averen slugen, al e vinogradara nesaven marde thaj nesaven i mudarde.
6E manuše kaso sasa o vinograd, ačhilo te bičhalol samo pe jekhe čhave, save but manglja. Ko krajo bičhalda pe čhave ke lende, golese kaj dija gođi: ‘Ka poštujin me čhave.’
7Al kana dikhlje le e vinogradara jekh averese vaćarde: ‘Kava si o nasledniko. Aven te mudara le thaj sa amenđe ka ačhol!’ 8Thaj dolde le, mudarde le thaj čhudije le avral taro vinograd.
9So akana ka ćerol o manuš kaso si o vinograd? Ka avol, ka mudarol e vinogradaren savenđe dija o vinograd ano najam thaj ka dol ano najam o vinograd averenđe. 10Džanav kaj čitisaden ano Sveto lil kava:
‘O bar savo čhudije e manuša save vazden e duvara
ćerdilo emglavno bar taro čher.
11Gova ćerda o Dol
thaj čudesno si ane amare jakha’!”
12Tegani e učitelja tare Mojsijaso zakon dikhlje te dolen le, golese kaj džanglje kaj si kaja paramič lendar. Al darajle tare manuša, golese mukhlje le thaj đele.
O Isus vaćarol taro poćinipe o porez
13Pale gova bičhalde ko Isus nesaven farisejen thaj Irodese manušen te bi dolena e Isuse kaj vaćarol khanči bilačhe. 14Avile leste thaj vaćarde lese: “Učitelju! Džana kaj vaćare čačipe thaj ni obaziri tu pe khanikaste, golese kaj ni dičhe ko si ko. Thaj čačimasa sikave e manušen tare Devleso drom. Trubul li amen e Jevreja e carose te da porezi il na? Te poćina il na?”
15Al o Isus džanglja kaj si von dujemujenđe, gija vaćarda lenđe: “Sose čhuven manđe zamka? Anen manđe jekh srebrenjako savesa poćinen o porez, te dikhav.” 16Von ande lese srebrenjako a o Isus pučlja len: “Kaso si kava muj thaj alav?”
Von vaćarde lese: “E caroso.”
17Tegani o Isus vaćarda “Den e carose so si e caroso, a e Devlese so si e Devleso.” Thaj von but čudisajle lestar.
O Isus vaćarol taro uštipe tare mule
18Tegani avile ko Isus e sadukejura save vaćarde kaj naj uštipe tare mule thaj pučlje le: 19“Učitelju! O Mojsije pisisada amenđe ano zakon kana merol nekaso phral thaj ačhavol romnja bize čhave. Gova manuš trubul te lol pe phralese romnja te bi šaj goja romni te bijanol čhave pe phralese, savese ka preperol sa o barvalipe e muleso thaj te phiravol leso alav. 20Sesa efta phrala. O angluno ženisajlo, mulo thaj ni ačhada čhaven. 21O dujto lija gole romnja, mulo thaj ni vov ni ačhada čhaven. Gijate i o trito. 22Thaj ni jekh tare efta phrala ni ačhada čhaven. A ko krajo thaj i romni muli. 23Ko đive kana ka ušten e mule, kasi romni voj ka avol? Golese kaj sasa so eftanenđi romni.”
24O Isus vaćarda lenđe: “Naj li sen xoxade, golese kaj ni haljarden o Sveto lil ni o zuralipe e Devleso? 25Kana e manuša ka ušten tare mule, ni ka len pe niti ka den pe, al ka aven sar melekura ano nebo. 26A pašo uštipe tare mule, džanav kaj čitisaden ane lila e Mojsijase taro grmo savo phabol. Gothe o Dol vaćarda e Mojsijase: ‘Me sem Dol e Avraameso, Dol e Isaakoso thaj Dol e Jakoveso’ thaj von naj ki kaja phuv odavno. 27O Dol naj Dol e mulengo, al vov si Dol e džuvdengo! Tumen sen ano baro xoxaipe!”
O Isus sikavol taro emvažno zapovest
28Jekh tare učitelja taro Mojsijaso zakon avilo thaj šunda len so raspravin pe. Kana dikhlja sar šukar lenđe vaćarda o Isus, pučlja le: “Savo si emvažno zapovest tare sa?”
29O Isus vaćarda lese: “Emvažno zapovest si: ‘Šun, Izraele! O Gospod amaro Dol, samo si vov Gospod. 30Mang e Gospode, će Devle, sa će ilesa, sa će dušasa, sa će gođasa thaj sa će zorasa.’ [Kava si angluno zapovest.] 31A dujto zapovest si kava: ‘Mang će pašutne sar korkore tut!’ Avera zapovestura po bare naj tare akala.”
32O učitelji taro Mojsijaso zakon vaćarda lese: “Učitelju, čače si gova. Isi tu pravo kana vaćare kaj isi jekh Dol thaj naj aver lestar. 33A te manga e Devle sa e ilesa, sa e gođasa thaj sa e zuralimasa thaj te manga e pašutnen sar amen korkoren, kava si po baro zapovest nego sa e phabarde thaj sa avera kurbanura.”
34Kana o Isus dikhlja sar gođaver phenol o učitelji taro Mojsijaso zakon, vaćarda lese: “Naj san dur taro Carstvo e Devleso.” Pale kava khoni ni tromaja te pučol le khanči aver.
O Hrist si po baro taro caro o David
35Kana o Isus sikada ano Hram, pučlja: “Sar e učitelja tare Mojsijaso zakon šaj vaćaren kaj o Hrist si samo e Davideso čhavo? 36O David korkoro vaćarda ano Sveto Duxo:
‘Vaćarda o Gospod e Gospodese mingrese:
Beš manđe ki desno rig te caruji mancar,
sa dži kaj ni čhuvav ćire dušmajen tale pingre.’
37Gijate korkoro o David dol vika e Hriste Gospode. Sar onda šaj te avol o Hrist leso čhavo?” Thaj but džene šunde le oduševime.
O Isus vaćarol e manušenđe tare učitelja tare Mojsijaso zakon
(Mt 23,1–7; Lk 11,43–46; 20,45–47)
38Kana o Isus sikavola, vaćarda lenđe: “Aračhen tumen tare učitelja tare Mojsijaso zakon. Von barikane phiren ane kučale fostanura thaj roden e manuša te pozdravin len sar uvažimen ke trgura. 39Manđen te bešen ko emvažno than ane sinagoge a ke gozbe ko emangluno than. 40Ko xoxaipe len o imanje e udovicengo, a garaven pe ane dugačka molitve e Devlese. Gasave ka aven po but osudime nego avera!”
I romni kaso rom mulo dija sa so sasa la
41O Isus bešlo prekalo drom i Hramsko kutija kaj ćiden pe pare thaj dičhola sar pherdo manuša čhuvena pare gothe. A but barvale čhuvena but. 42A jekh čori romni kaso rom mulo, avili thaj čhuta duj bakarna pare, save ni vredina but.
43Tegani o Isus dija vika pe sikaden paše peste thaj vaćarda lenđe: “Čače vaćarav tumenđe kaj kaja čori romni kaso rom mulo, čhuta ani kutija embut savorendar. 44Golese kaj savore lendar dije so sasa len pobut, al voj gija čori sa dija, sa so sasa la.”
13O Isus vaćarol so ka avol angleder
1Kana iklilo o Isus andaro Hram, jekh tare lese sikade vaćarda: “Učitelju, dikh save lačhe bara thaj kala lačhe građevine!” 2O Isus vaćarda lese: “Dičhe li gola građevine? Ni bar po bar ni ka ačhol. Sa ka avol crdimo.”
3Kana o Isus bešlo ko Maslinsko brego prekal o drom taro Hram, o Petar, o Jakov, o Jovane thaj o Andrija korkore pučlje e Isuse: 4“Vaćar amenđe kana gova ka avol? Save znakosa ka sikadol gova so ka ćerdol sa gova?”
5A o Isus lija te vaćarol lenđe: “Aračhen tumen khoni te ma xoxavol tumen! 6But ka aven ane mingro alav thaj ka vaćaren: ‘Me sem o Hrist.’ Thaj buten ka xoxaven. 7Kana ka šunen maripe thaj glasura taro maripe save si dur, ma daran! Golese kaj trubul gijate te avol, al gova naj krajo. 8Golese so ka uštol o narodo po narodo thaj o carstvo po carstvo. I phuv ka tresil pe ke but thana thaj ka aven bune thaj bokhalipe. Gova si anglunipe tare bare muke, sar kana i romni trubul te bijanol.
9Kana ka avol sa gova, aračhen tumen! Golese kaj ka inđaren tumen ke sudura thaj ke sinagoge. Ka maren tumen thaj zbog mande angle vladara thaj angle carura ka ačhen, te svedočin lenđe mandar. 10Al angleder, o Lačho Lafi sa e manušenđe trubul te propovedil pe. 11Kana ka phanden tumen thaj ka inđaren tumen ko sudo, ma angleder te brinin tumen so ka vaćaren. Vaćaren gova so dol pe tumenđe te vaćaren ane gova sato. Golese kaj ni ka vaćaren tumen, nego ka vaćarol o Sveto Duxo.
12O phral e phrale ka dol te mudarol pe thaj o dad e čhave. E čhave ka ušten pe dada thaj pe deja, a von ka den te mudaren len. 13Thaj savore ka dičhen tumen banđeste paše mande. Al ko ka ačhol dži ko krajo pačavno, ka spasil pe.
14Kana ka dičhen i ‘grozota savi anol uništipe’, kaj ačhol kote kaj naj lako than, [sar vaćarol o proroko Danilo] – savo čitil kava, nek haljarol – tegani kola save si ani Judeja nek našen pe bregura. 15Ko si po čher, ma te uljol tele te džal ano čher te lol khanči andral! 16Thaj ko si ano polje ma te iril pe te lol po fostano! 17Pharo e khamnjenđe thaj kole džuvljenđe save den čuči e čhavorenđe ane gola đivesa! 18Molin tumen o našipe tumaro te ma avol ano jevend! 19Golese kaj ane gola đivesa ka avol gasavo bilačhipe savo ni sasa taro anglunipe kana o Dol ćerda o sveto, pa dži akana thaj niti ka avol. 20Al o Dol te ma kratila o đinipe gole đivesengo, khoni ne bi ačhola džuvdo. O Dol e đivesa kratisada paše kola manuša saven vov birisada.
21Te phenda tumenđe tegani khoni: ‘Ak kate si o Hrist!’, il ‘Ek okori si!’, ma pačan. 22Golese kaj ka ikljen xoxavne hristura thaj xoxavne prorokura thaj ka sikaven znakura thaj čudesura te bi xoxavena, te šaj, čak i e Devlese birimen. 23Aračhen tumen! Sa vaćardem tumenđe angleder so ka avol!”
E Isuseso dujto avipe
24“Al ane gola đivesa, pale gova bilačhipe,
‘o kham ka kaljol
thaj o čhon ni ka sijajil.
25E čerenja ka peren taro nebo
thaj e zora e nebose ka tresin pe.’
26Tegani e manuša ka dičhen man, e Čhave e manušese, sar avav pe oblakura e zuralimasa thaj e bara slavasa. 27Me ka bičhalav me melekuren thaj von ka ćiden e birimen tare štar barvalja, taro krajo e phuvako dži o krajo e neboso.”
O Isus koristisada i smokva sar primer
28O Isus vadži vaćarol kaja paramič: “Tari smokva kava sikljon: Kana pe laće raja ikljen pupoljkura thaj mučhen patrna, džanen kaj si o milaj paše. 29Gija i tumen kana ka dičhen kaj kava avol, džanen kaj si o vreme paše, anglo vudar. 30Čače vaćarav tumenđe, kaj kaja generacija ni ka načhol dok sa kava ni avol. 31O nebo thaj i phuv ka načhen, al me lafura nikad ni ka načhen!”
O Isus vaćarol kaj ni džanolpe ni o đive ni o sato
32“Al khoni tare gova đive thaj gova sato ni džanol kana gova ka avol, ni e melekura taro nebo, pa ni me, o Čhavo. Džanol samo o Dad. 33Aračhen tumen! Aven džungade [thaj molin tumen]! Golese kaj ni džanen kana ka avol gova vreme. 34Gova si sar o manuš, savo džal ko drom. Ačhada po čher thaj naredisada e slugenđe so te ćeren. Svakonese dija pi bući thaj e manušese so ačhol ko vudar vaćarda te avol džungado te pazil.
35Gija aven džungade, golese kaj ni džanen kana ka avol kova kaso si čher, il angleder i rat, il ki opaš i rat, il kana e bašne đilaben, il ki sabalin. 36Ako ka avol tare jekh drom, ma te aračhol tumen sar soven. 37So vaćarav tumenđe, vaćarav savorenđe: Aven džungade!”
14E šorutne sveštenikura planirin te mudaren e Isuse
(Mt 26,2–5; Lk 22,1–2; Jn 11,45–53)
1Sasa vadži duj đive dži i Pasha thaj e Bare đivesa e bikvasacose mangrenđe. E šorutne sveštenikura thaj e učitelja tare Mojsijaso zakon rodije sar šaj te dolen e Isuse ki prevara thaj te mudaren le. 2Al vaćarde: “Na ko baro đive, ma te bunil pe o narodo.”
O Isus pomazimo ani Vitanija
(Mt 26,6–13; Lk 7,37–38; Jn 12,1–8)
3Kana sasa o Isus ani Vitanija, ano čher e Simoneso o gubavo thaj bešlo pašo astali, avili jekh džuvli savi sasa la šiši taro mramor pherdo kuč mirisnone uljesa taro čisto nardo. Thaj putarda o šiši thaj čhorda o ulje e Isusese po šoro. 4Nesave holajle thaj vaćarde maškar peste: “Sose ćerol pe uljesa gasavi šteta? 5Šajine te lol pe trišol dinara14,5 trišol dinara Jekh dinari sasa le vrednost sar jekh dnevnica. pašo gova ulje thaj e pare te den pe e čororenđe.” Thaj lije te den vika pe late. 6Al o Isus vaćarda: “Mučhen la! Sose uznemirin la? Voj ćerda manđe šukaripe! 7Golese kaj čorore ka aven uvek maškar tumende thaj šaj ćeren lenđe šukaripe kana manđen. Al me ni ka avav uvek tumencar. 8Voj ćerda so šajine. Angleder makhlja mo telo te pripremil le pašo prahope. 9Čače vaćarav tumenđe: Dži kaj ka vaćarol pe o Lačho lafi pe sa o sveto, ka vaćarol pe za ko spomen thaj voj so ćerda.”
O Juda planiril te izdajil e Isuse
10Tegani o Juda o Iskariotsko, jekh tare dešuduj apostolura, đelo ke šorutne sveštenikura te izdol e Isuse. 11Kana von šunde gova, sesa baxtale thaj obećisade lese kaj ka den le pare. Gija o Juda lija te rodol sar šaj te izdol e Isuse.
O Isus xal pe sikadencar i poslednjo večera
12Ko angluno đive tare Bare đivesa e bikvasacose mangrengo, kana čhinol pe o pashalno bakroro palo adeti, pučlje e sikade e Isusese: “Kaj manđe te dža te ćera tuće pashalno večera te xa?” 13Tegani o Isus bičhalda dujen pire sikaden. Vaćarda lenđe: “Džan ano foro thaj gothe ka aračhen jekhe manuše sar anol paj ano baro khoro. Džan pale leste. 14Ano čher ane savo vov džal, vaćaren gole čherutnese: ‘O učitelji pučol: Kaj si i soba ane savi šaj xav i pashalno večera me sikadencar?’ 15Vov ka sikavol tumenđe bari upruni soba savi si sa lačhardi thaj spremimi. Gothe ćeren pashalno večera.”
16E sikade iklile. Kana avile ano foro, arakhlje sa sar so vaćarda lenđe o Isus thaj ćerde pashalno večera.
O Juda izdol e Isuse
17Kana peli i rat, o Isus avilo odori pe sikadencar. 18Kana bešena pašo astali thaj xana, o Isus vaćarda: “Čače vaćarav tumenđe, jekh tumendar ka izdol man, kova savo xal mancar!”
19Von sesa dukhade thaj jekh pale avereste lije te pučen le: “Te naj sem me gova?”
20A o Isus vaćarda lenđe: “Jekh tumendar tare dešuduj sikade, savo bolol mancar o mangro ano čaro. 21Čače me, o Čhavo e manušeso, mora te merav sar so si pisimo mandar ano Sveto lil, al but pharo kolese ko izdol e Čhave e manušese! Pošukar bi avola lese te ma bijandol!”
Gospodnjo večera
(1. Kor 11,23–25)
22Kana xana, lija o Isus o mangro, dija hvala, phaglja le thaj ulada e sikadenđe vaćarindoj: “Len! [Xan!] Kava si o telo mingro.” 23Pale gova lija o tahtaj, zahvalisada e Devlese, dija len thaj savore pilje. 24Thaj vaćarda lenđe: “Kava si mo rat so ćerol [nevo] savez, savo ka čhordol paše but džene. 25Čače vaćarav tumenđe, kaj ni ka pijav više mol dži kova đive kana ka pijav nevi mol ano Carstvo e Devleso.” 26Pale gova đilabije psalmura thaj iklile ko Maslinsko brego.
O Isus vaćarol kaj o Petar ka odreknil pe lestar
(Mt 26,31–35; Lk 22,31–34; Jn 13,36–38)
27Tegani vaćarda lenđe o Isus: “Savore ka ačhaven man kaja rat, golese so o Dol vaćarol ano Sveto lil: ‘Ka peravav e pastire thaj e bakre ka našen.’ 28A palo mo uštipe tare mule ka džav angle tumende ani Galileja thaj odori ka ađućarav tumen.”
29O Petar vaćarda e Isusese: “Te ačhade tut savore, me na!”
30O Isus vaćarda lese: “Čače vaćarav tuće, kaj ađive, vadži ani akaja rat angleder so o bašno duj drom ka đilabol, trin droma ka vaćare kaj ni pindžare man.”
31Al o Petar po zuraleste vaćarda: “Te trubuja te merav tusa, ni ka vaćarav kaj ni pindžarav tut!” Gijate vaćarde sa e sikade.
O Isus molil pe ano Getsimansko vrt
32O Isus thaj lese sikade avile ano than kaj isi but masline a savo akhardol Getsimanija thaj o Isus vaćarda lenđe: “Bešen kate dok me moli man.” 33Lija pesa e Petre, e Jakove thaj e Jovane. Thaj e Isuse dolda baro nemir thaj pharipe. 34Vaćarda lenđe: “Žalosno si but mo ilo dži o meripe. Ađućaren kate thaj aven džungade.”
35Đelo zala po dur, pelo mujesa pi phuv thaj molisada pe te šaj te nakhavol le o vreme tari patnja. 36Thaj vaćarda: “Abba!14,36 Abba Ko aramejski kava značil “Dade.” Dade! Tuće si sa moguće! Crde kava tahtaj tari patnja mandar! Al gija te ma avol so me mangav, nego sar tu manđe.” 37Pale gova irisajlo ke sikade thaj arakhlja len sar soven. E Petrese vaćarda: “Simone! Tu li sove? Našti li jekh sato te ave džungado? 38Aven džungade thaj molin tumen te ma peren ano iskušenje. Golese kaj o duxo tumaro manđol te ćerol so si šukar, al o telo tumari si slabo.”
39Palem o Isus đelo thaj molisada pe gola ista lafura. 40Kana irisajlo, arakhlja len palem sar soven, golese kaj lenđe jakhenđe sasa pharo thaj ni džanglje so te vaćaren lese. 41Kana irisajlo trito drom, vaćarda lenđe: “Tumen vadži soven thaj odmorin? Dosta sasa! Avilo o sato! Ak, man, e Čhave e manušese, den ane vasta e grešnikurenđe. 42Ušten te dža! Ak, mo izdajniko si paše!”
E Isuse dolen
(Mt 26,47–56; Lk 22,47–53; Jn 18,3–11)
43Sar o Isus vadži vaćarda, avilo o Juda, jekh tare dešuduj sikade thaj lesa e manuša čhurencar thaj kaštencar save sesa bičhalde tare šorutne sveštenikura thaj učitelja tare Mojsijaso zakon thaj e phuredera.
44A o izdajniko angleder vaćarda e stražarenđe savo znako ka dol len: “Kas čumidav, gova si. Dolen le thaj inđaren le tali straža.” 45Kana o Juda avilo, sigate đelo pašo Isus thaj vaćarda: “Učitelju!” Thaj čumidija le. 46Tegani kola manuša grabisade e Isuse thaj phanglje le. 47A jekh tare kola so ačhena gothe, ikalda pi čhuri thaj lasa čhinda o kan jekhese tare sluge e bare sveštenikoso.
48Tegani o Isus vaćarda lenđe: “Sar palo razbojniko ikliljen čhurencar thaj kaštencar te dolen man? 49Svako đive sema tumencar thaj sikadem ano Hram al tumen ni dolden man. Al kava sasa golese te bi pherdola kova so si pisimo mandar ane Sveta lila.” 50Tegani sa e sikade ačhade le thaj našle.
51Palo Isus phirda nesavo terno čhavo so inđarda laneno čaršafi po nango telo. Kana le dolde, 52vov čhudija o čaršafi thaj nango našlo lendar.
E šorutne sveštenikura manđen te mudaren e Isuse
(Mt 26,57–68; Lk 22,54–55, 63, 71; Jn 18,12–13, 19, 24)
53Tegani ande e Isuse anglo baro svešteniko, kaj ćidije pe sa e šorutne sveštenikura, e phuredera thaj e učitelja tare Mojsijaso zakon. 54O Petar odural džala palo Isus dži ke bare sveštenikosi avlin. Gothe bešlo e stražarencar thaj tatilo paši jag.
55E šorutne sveštenikura thaj sa o Baro sudo rodije nesavo dokaz te bi mudarena e Isuse, al ni arakhlje. 56Golese kaj but džene vaćarde xoxaipe pe leste, al lengo vaćaripe ni sasa isto.
57Pale gova uštile nesave manuša thaj svedočisade xoxavne lestar: 58“Amen šundam le sar vaćarol: ‘Me ka phagav kava Hram savo si vastencar ćerdo thaj ka vazdav paše trin đive nevo savo ni ka avol ćerdo vastencar.’” 59Al ni ane kava vaćaripe ni sesa ista.
60Tegani uštilo o baro svešteniko, ačhilo maškaral thaj pučlja e Isuse: “Sose khanči ni odgovori pe kava so kala manuša svedočin protiv tute?” 61Al o Isus khanči ni vaćarda. Gija o baro svešteniko palem pučlja le: “Tu li san o Hrist, Čhavo e Blagoslovimeso Devleso?”
62O Isus vaćarda: “Me sem. Thaj ka dičhen man, e Čhave e manušese, sar bešav ko počasno than e Zurale Devlese ki desno rig thaj sar avav pe oblakura taro nebo.”
63O baro svešteniko pharada pe šeja tari holi thaj vaćarda: “So trubun amen avera svedokura? 64Šunden lesi hula. So den gođi?” Thaj von savore osudisade le kaj trubul te merol. 65Tegani nesave lije te čhungaren le. Učharde leso muj, čalade le dumukhencar thaj vaćarde lese: “Prorokuji, ko čalada tut!” Thaj e stražara lije te maren le po muj.
O Petar odreknil pe taro Isus
(Mt 26,69–75; Lk 22,54–62; Jn 18,15–18, 25, 27)
66Dok sasa o Petar tele ki avlin, avili jekh terni džuvli savi kandola ko baro svešteniko. 67Kana dikhlja e Petre sar tatol paši jag, avili po paše thaj po lačhe dikhlja ane leste thaj vaćarda: “I tu sana e Nazarećaninesa, e Isusesa!”
68Al vov odreknisajlo thaj vaćarda: “Ni džanav thaj ni haljarav so tu vaćare.” Tegani iklilo ano angluno kotor e avlijako thaj o bašno đilabija.
69Palem dikhlja le koja terni džuvli savi kandola thaj lija te vaćarol kalenđe so ačhena gothe: “Kava manuš si jekh lendar!” 70Al o Petar palem odreknisajlo. Pale nesavo vreme, e manuša save ačhile gothe, vaćarde e Petrese: “Čače san jekh lendar golese kaj san i tu Galilejco ćo vaćaripe si gasavo!”
71Vov lija te dol pe armaja thaj te xal sovli: “Me ni džanav gole manuše kastar vaćaren!” 72Sigate đilabija o bašno dujto drom. Tegani o Petar dija pe gođi so o Isus vaćarda lese: “Angleder so o bašno duj drom ka đilabol, trin droma ka vaćare kaj ni pindžare man.” Thaj lija but te rovol.
15E Isuse ande anglo Pilat
(Mt 27,1–2; 11–14; Lk 23,1–5; Jn 18,28–38)
1Sigate sabalin ćidije pe e šorutne sveštenikura, e učitelja tare Mojsijaso zakon, e phuredera thaj savore taro Baro sudo. Phanglje e Isuse, inđarde le thaj predije le ko rimsko upravitelji ko Pilat.
2O Pilat pučlja e Isuse: “Tu li san o caro e Jevrejengo?”
O Isus vaćarda e Pilatese: “Tu vaćare korkoro.”
3A e šorutne sveštenikura tužisade le paše but buća. 4Tegani o Pilat palem pučlja le: “Dal naj tu khanči te vaćare ke kava? Dičhe li paše so sa tužin tut?”
5Al o Isus khanči ni vaćarda, golese sasa o Pilat but začudime.
O Isus osudimo ko meripe
(Mt 27,15–26; Lk 23,13–25; Jn 18,39–19,16)
6O Pilat ko vreme e Bare đivesengo mučhola jekhe phangle save e manuša manđen. 7Tegani ano phanglipe sesa pobunjenikura save mudarena ani pobuna, a maškar lende sasa i jekh manuš kaso alav sasa Varava. 8But manuša avile te roden taro Pilat te mučhol jekhe phangle sar obično ćerola ko Baro đive.
9O Pilat pučlja len: “Manđen li te mukhav tumenđe kole caro e Jevrejengo?” 10Vaćarda kava golese kaj džanglja kaj e šorutne sveštenikura predije e Isuse taro zavist. 11Al e šorutne sveštenikura čhute e manušen te roden taro Pilat te mučhol lenđe e Varava.
12A o Pilat palem pučlja len: “A so te ćerav kalesa so den le vika caro e Jevrejengo?”
13A von lije te den vika: “Čhu le ko krsto!”
14Tegani o Pilat pučlja: “Savo bilačhipe ćerda?”
Al von vadži po zurale dije vika: “Čhu le ko krsto!”
15O Pilat manglja te avol šukar e manušencar, golese mukhlja lenđe e Varava. A e Isuse dija te šibin thaj dija te čhuven le ko krsto.
E vojnikura maren muj e Isusesa
(Mt 27,27–31; Jn 19,2–3)
16Tegani e vojnikura inđarde e Isuse ki palata so si pretorijum thaj dije vika četa vojnikuren. 17Urade e Isuse skerletno ogrtači, khuvde lese venco tare kangre thaj čhute lese po šoro. 18Tegani lije te maren muj lesa vaćarindoj: “Te ave sasto, carona e Jevrejengo!” 19Čalade le po šoro e trskasa, čhungarde le thaj pele ke pe koča te klanjin pe lese – te bi asana lesa.
20Kana ačhade te maren muj lesa, uljarde lestar o skerletno ogrtači thaj urade le ane leso fostano. Tegani ikalde le te čhuven le po krsto.
E Isuse čhuven po krsto
(Mt 27,32–44; Lk 23,26–43; Jn 19,16–27)
21A nesavo manuš o Simon tari Kirina, o dad e Aleksandreso thaj e Rufoso, nakhlo gothar kana irisajlo andari njiva thaj e vojnikura terisade le te inđarol o krsto e Isuseso. 22E Isuse ande ko than savo akhardola Golgota, so značil “Kokalo e šoreso”. 23A nesave odori kanisade le te pijol mešimi mol e smirnasa, te bi ačhola lesi dukh, al vov ni manglja. 24E vojnikura čhute le ko krsto, ulade maškar peste lese šeja thaj čhudije kocka te dičhen ko so ka lol.
25Sasa enja o sato sabalinasa kana čhute le ko krsto. 26O natpis paše lesi krivica sasa: “O Caro e Jevrejengo.” 27A e Isusesa ke avera krstura čhute i dujen razbojnikuren, jekhe tari lesi desno rig thaj e dujtone tari lesi levo rig. 28[Golesa pherdilo so si pisimo ano Sveto lil: “Dikhlje le sar jekhe tare kola save ćeren bilačhipe.]”
29E manuša save nakhle gothar, vređisade le thaj vrtisade šorencar vaćarindoj: “Ej tu, so phađe o Hram thaj paše trin đive vazde le, 30spasi korkoro tut! Ulji akana taro krsto!” 31A gijate marde muj e Isusesa i e šorutne sveštenikura thaj e učitelja tare Mojsijaso zakon. Jekh averese vaćarde: “Averen spasisada, a korkore pes našti te spasil? 32Hriste! Carona e Izraeleso! Ulji akana taro krsto te dikha thaj te pača.” Marde lesa muj thaj kola razbojnikura so sesa po krsto lesa.
E Isuseso meripe
(Mt 27,45–56; Lk 23,44–49; Jn 19,28–30)
33Ane opaš đive učharda o kalipe pi sa i phuv, sa dži ko trito sato. 34Ko trito sato dija vika o Isus andaro baro glaso: “Eloi! Eloi! Lama sabahtani?” (so značil: “Devla mingreja! Devla mingreja! Sose mukhljan man?”)
35Nesave save ačhile gothe, kava šunde thaj vaćarde: “Dičhen, akharol e proroko e Ilija!”
36Jekh manuš prastija, pherda o sunđeri šutesa, čhuta pi trska thaj kanisada e Isuse te pijol vaćarindoj: “Ač te dikha, da li ka avol o Ilija te uljarol le.”
37A o Isus andaro baro glaso dija vika thaj mulo. 38I fironga pharadili ano sveto than e hrameso ke opaš odupral natele. 39Kana o rimsko kapetano savo ačhilo gothe pašo Isus dikhlja sar mulo, vaćarda: “Čače, kava manuš sasa Čhavo e Devleso!”
40Gothe sesa nesave džuvlja, save gova dikhlje odural. Maškare lende sasa i Marija Magdalena, i Marija i dej e Jakovesi e ternesi thaj e Josijasi, thaj i Saloma. 41Von phirde palo Isus thaj kandije le, kana sasa ani Galileja. Sesa gothe i avera džuvlja save avile lesa ano Jerusalim.
E Isuseso prahope
(Mt 27,57–61; Lk 23,50–56; Jn 19,38–42)
42Kana lija te perol i rat, a sar sasa đive paši Priprema, so si đive anglo savato, 43đelo o Josif taro foro Arimateja bidarako ko Pilat thaj molisada le pašo telo e Isuseso. O Josif sasa pošteno člano tari Baro veće thaj i vov ađućarda te avol o Carstvo e Devleso. 44Al o Pilat čudisajlo kaj gaći sigate mulo o Isus. Dija vika e rimskone kapetano thaj pučlja le: “Da li odavno mulo?” 45Kana dodžanglja o Pilat taro rimsko kapetano kaj mulo o Isus, dija o telo e Josifese. 46Gija o Josif ćinda laneno čaršafi, uljarda e Isuseso telo taro krsto, paćarda le ano čaršafi thaj čhuta le ano limori savo sasa čhindo ani stena. Tegani o vudar taro limori phanglja baresa. 47A i Marija Magdalena thaj i Marija e Josijasi dej dikhlje kaj o Josif čhuta e Isuse.
16O Isus uštol tare mule
(Mt 28,1–8; Lk 24,1–12; Jn 20,1–10)
1Kana nakhlo o savato, i Marija Magdalena, i Marija e Jakovesi dej thaj i Saloma ćinde mirisura te bi džana te mačhen e Isuseso telo. 2Rano sabalje ko angluno đive ano kurko16,2 Angluno đive taro nevo kurko. kana iklilo o kham, avile ko limori. 3Odrumal pučlje pe maškare peste: “Ko ka crdol o bar taro vudar e limoreso?”
4Al kana resle thaj dikhlje, o bar savo sasa but baro, sasa crdimo taro limori. 5Gija dije andre ano limori thaj dikhlje terne manuše savo sasa urado ano parno fostano te bešol ki desno rig thaj von darajle.
6Vov phenda lenđe: “Ma daran! Tumen roden e Isuse e Nazarećanine, save čhute ko krsto. Naj kate, golese kaj uštilo tare mule! Dičhen o than kaj čhute le. 7Al tumen džan thaj vaćaren lese sikadenđe thaj e Petrese: ‘O Isus džal angle tumende ani Galileja. Odori ka dičhen le, sar so vaćarda tumenđe.’”
8Tegani e džuvlja iklile thaj prastije andaro limori, golese kaj sesa zbunime thaj tresisade. Al čače khanikase khanči ni vaćarde, golese kaj darajle.16,8 Po kratko završetak taro Lačho Lafi e Markoso. Nesave tare empurane grčka rukopisura o Lačho Lafi taro Marko kate zavšinpe. Nesave po kasna rukopisura isi len kava kratko krajo: “Al sigate nakhade kala uputura e Petrese thaj averenđe. Pale gova korkoro o Isus bičhalda e sikaden taro istok dži ko zapad e svetone haberesa, savo nikad ni ka properol, te bi e manuša avena zauvek spasime.”
[Nesave tare najranija rukopisura naj len e stihura tare 9․ dži o 20․]
O Isus sikadilo e Marijaće e Magdalenaće
(Mt 28,9–10; Jn 20,11–18)
9[Kana o Isus uštilo tare mule rano ko angluno đive ano kurko, angleder sikada pe e Marijaće e Magdalenaće, andar savi vadži angleder ikalda efta benđen. 10Voj đeli thaj vaćarda kava kolenđe save angleder sesa lesa thaj save akana ruje thaj pharo sasa lenđe palo Isus. 11Kana šunde kaj si o Isus džuvdo thaj kaj voj dikhlja le, ni pačaje la.
O Isus sikadol pe duje sikadenđe po drom
12Pale gova o Isus sikadilo dujenđe tare lese sikade kana đele ano gav, al ni izgledisada gija sar ane po džuvdipe. 13Kana pindžarde le, von đele thaj vaćarde kava averenđe. Al khoni ni pačaje len.
O Isus sikadol pe sikadenđe
(Mt 28,16–20; Lk 24,36–49; Jn 20,19–23)
14Pale gova o Isus sikadilo e dešujekhe apostolurenđe save bešle te xan mangro. Korisada len kaj naj len pačajipe thaj kaj si zurale lenđe ile, golese kaj ni pačaje okolen so dikhlje le pale leso uštipe tare mule. 15Vaćarda lenđe: “Džan ano sa o sveto thaj vaćaren taro Lačho lafi sa e manušenđe. 16Ko ka pačal thaj krstil pe, ka spasil pe. Al ko ni ka pačal, ka avol sudimo. 17Kala čudesna znakura ka pratin okolen save pačan: me alavesa ka ikalen e benđen thaj ka vaćaren neve čhibencar, 18ka dolen e sapen vastencar thaj ako i khanči otrovno pijen, khanči ni ka avol lenđe, pe nasvale ka čhuven pe vasta thaj von ka saston.”
O Isus džal ano nebo
19Kana o Gospod o Isus vaćarda lenđe kava, sasa vazdimo ano nebo thaj bešlo e Devlese ki desno rig. 20Tegani e sikade đele thaj vaćarde o Lačho lafi ke sa e thana. O Gospod pomognisada lenđe thaj e čudesnone znakurencar potvrdisada o Lačho lafi savo von propovedisade. Amin.]