3 John

E Jovanošći trito poslanica

Pozdrav

¹Me o Jovano o starešina, ramov e Gajošće saves čače but voliv.

²Drago mungro drugarina, molima te aves sasto thaj te ande sa avel tuće lačhe sago kaj si lačhe ćire dušaće. ³Kaj but raduisajlem kana aviline varesave phral thaj mothodine amenđe pale ćiri vernost ando čačipe, sago kaj vi trais ando čačipe. ⁴Pale mande naj majbari bah, nego kana ašunav kaj mungre duhovne čhavra train ando čačipe!

Briga pale Devlešće radnikurja

⁵Drago mungro drugarina, verno san ande sa so ćeres pale phrala, saven čak či ni pindžares. ⁶Godola phral angle khanđiri mothonas pale ćire ljubav. Lačhe ćereja te dijan len so trubula len po drom sago kaj si dostojno anglo Del. ⁷Kaj von teljardine po drom zbog o Hristosko alav thaj khanči či kamen te len katar okola kaj či pindžaren e Devles. ⁸Amen sam dakle udžile te sikavas lenđe gostoprimstvo, te avas suradnikurja palo čačipe.

⁹Ramosardem vareso e khanđirjaće, ali o Diotref, savo kamel te avel prvo maškar lende, či kamel te primil men. ¹⁰Zato mothava lešće, te avilem, palo bilačhipe savo ćerel thaj pale bilačhe alava save mothol ando dilipe pale amende. Ali ni godova naj lešće dosta, nego sar vo korkoro či kamel te primil e phralen, gajda či mućel godova ni okolenđe save godova kamline sas thaj andar godova tradel len andar e khanđiri.

¹¹Drago mungro drugarina, na dik sar ćeredanas bilačhipe, nego ćer okova so si lačhipe. Ko ćerel lačhipe, katar o Del si, a ko ćerel bilačhipe, či dikhla e Devle. ¹²Palo Dimitrija savora šukar mothon, a vi o čačipe šukar mothol pale leste. Vi amen šukar mothos pale leste, a tu džanes kaj amen phenas okova so si čačipe.

Zaključko

¹³Si man još but godova te phenav tuće, ali či kamav prekal o lil. ¹⁴Nego nadiv man kaj sigo dikhav tut thaj kaj askal ćerasa svato jakha ande jakha.

¹⁵Miro e Devlesko tusa. Pozdravin tut e drugarja! Pozdravisar amare drugaren svakones po alav.