2 Timotej

Uvod thaj o pozdrav

¹Akava si lil savo ramosarda o Pavle, apostol e Isuse Hristosko savo si bičhaldo e Devlešće voljasa, te navestil o trajo savo Del obećisarda kroz o paćipe ando Isuso Hristo.

²Mungre voljeno čhavešće e Timoteješće: Neka si tuće milost, milosrđe thaj miro katar o Del o Dad thaj katar o Isus Hristo amaro Gospod.

Zahvala e Devlešće

³Timoteje, zahvalno sem e Devlešće, savešće služiv ando čisto savest sago vi mungre pradada, dok dav man gođi tute ande mungre molitve e đesenca thaj e raćenca. ⁴Kana dav man gođi ke ćire jasva, astarel man e želja te dikhav tut thaj te razveselima.

⁵Dav man gođi ke ćiro iskreno paćipe savo si tut ando Del – sago kaj sas majprvo ćire mamija e Loida, a askal vi ćire deja e Evnika. Uvereno sem kaj vi tut akana si kasavo paćipe.

O Pavle hrabril e Timoteje

⁶Zato dav tut gođi te raspiris o duhovno daro savo dija tut o Del kana čhutem mungre vas pe tute. ⁷Kaj o Del či dija men Duho te avas darane, nego dija men Duho savo del men snaga, ljubav thaj razboritost. ⁸Na ladža te svedočis palo amaro Gospod, niti pale mande, vi ako sem ando phanglipe! Av spremno te trpis manca zbog godova kaj navestis e Bahtali nevimata. O Del dela tut snaga pale godova.

⁹Vo spasisarda men thaj akharda amen te traisaras e sveto trajosa – na zato kaj godova zaslužisardam amare delenca, nego zato kaj godova sas lesko naum još katar o večnost te del amen piri milost ando Isus Hristo. ¹⁰Akana sa godova objavisardas amenđe sar avilo amaro Spasitelj o Isuso Hristo, savo uništisardas o smrto thaj ćerda te zasjail o trajo thaj o besmrtnost kroz e Bahtali nevimata. ¹¹O Del čhuta man te avav propovedniko, apostol thaj sikavno e Bahtale nevimatako.

¹²Zbog godova vi trpiv sa akava. Ali či ladžav katar godova, kaj pindžarav okoles ande savo pouzdiman thaj sigurno sem kaj Vo šaj araćhel okova so si manđe poverme dži ke okova đes.

¹³O uzor neka avel tuće o lačho sikaipe savo mandar ašundan ando paćipe thaj volipe ando Isuso Hristo. ¹⁴Lačhe arak o dragoceno lačhipe savo si tuće poverime pomoću e Sveto Duhosa savo trail ande amende.

¹⁵Sago kaj džanes, sa andar e Cikni Azija boldine mandar e zeja – maškar lende si vi o Figel thaj o Ermogen. ¹⁶Neka o Gospod sikavel pesko milosrđe e Onisiforošće familijaće kaj često ohrabrilas man thaj či ladžalas mandar kaj sem ando phanglipe. ¹⁷Naprotiv, kana vo sas ando Rimo, brižljivo roda man thaj arakhla man. ¹⁸Neka o Gospod del les piro milosrđe ande godova đes. Tu lačhe džanes pe kozom but načinurja vo pomožisarda man ando Efez.

E Hristosko lačho vojniko

¹A tu Timoteje, čhaveja, zuravo ande milost savi del amen o Isuso Hristo! ²Okova so ašundan mandar angle but e svedokurja, godova poverisar e paćivale manušenđe save avena sposobne avren te sikaven.

³Delisar manca o pharipe sago lačho vojniko e Isuse Hristosko! ⁴Khonik savo služil sago vojniko thaj kamel te ugodil pire zapovednikošće, či hamilpe ande svako đesešće trajošće buća. ⁵Thaj ako vareko takmičilpe, či dobila e nagrada ako či takmičilpe pe pravilurja. ⁶O zemljoradniko savo naporno ćerel bući trubul prvo te uživil ande plodurja pire trudošće. ⁷Gndisar pe godova so phenav tuće! O Gospod dela tut te sa haćares.

⁸Zapamtisar e Isus Hristo savo uštilo andar e mule, savo si e Davidesko potomko, prema e Bahtali nevimata savi propovedisarav. ⁹Pale late trpiv nevolje ande okurja sago kaj sem varesosko zločinco. Ali te sem me ande okurja, e Devlesko alav naštik te avel okuime! ¹⁰Spremno sem sa te trpiv pale okola saven o Del odabirisarda te isto gajda postignin o spasenje thaj večno slava ando Isuso Hristo.

¹¹Akava si sigurno čačipe:

Te mulam e Isuseja,

lesa vi traisarasa.

¹²Ako nastavisaras te trpisaras nevolje,

lesa vi caruisarasa.

Ako odreknimen lestar,

vi vo amendar odreknila pes.

¹³Ako sam lešće bipaćivale,

vo ačhela paćivalo

kaj vo naštik odreknil pes korkoro pestar.

O radniko savo si potvrdime katar o Del

¹⁴De gođi e manušen pe godova thaj upozorisar len anglo Del te na traden pes maškar pende zbog e alava. Kaj godova khanči či koristil, a po propast si okolenđe save čhon kan. ¹⁵De sa tutar te sikaves tut anglo Del sago dostojno radniko saves naj sostar te ladžal, thaj savo ispravno inćarel o čačo alav. ¹⁶Katar e bezbožne thaj dilivane svaturja le tut majdur kaj crden sa majbut ande bezbožnost. ¹⁷Kasave alava si sago e putardi rana savi buljol. Maškar lende si duj manuša, o Imenej thaj o Filit. ¹⁸Von dujrile katar o čačipe thaj tvrdin kaj o uštipe andar e mule već sas. Von godolesa crden varesaven katar o paćipe.

¹⁹Ali e Devlesko čačipe ačhel čvrsto sago o temelji pe savo ramol: “O Gospod pindžarel okolen save si lešće” thaj “Ko god tvrdil kaj pripadil e Gospodešće nek lel pes majdur katar o bilačhipe.”

²⁰Ando barvalo ćher si vasurja ćerdine katar o sunakaj thaj katar o rup, ali vi katar o kaš thaj vi katar e glina. Jek koristinpe ande časne, a aver ande nečasne svrhe. ²¹Ako o manuš šlavel pes katar sa godola bilačhe buća, avela posvetime, časno thaj koristime posuda pire Gospodešće, pripremime pale svako lačho delo.

²²Katar e ternikane požude naš! Dža pale, pravednost, paćipe, ljubav, miro, zajedno okolenca save čiste ilenca rode e Gospode!

²³Le tut majdur katar e dile thaj nerazumne rasprave, kaj džanes kaj godova anel samo čingara. ²⁴A o sluga e Gospodesko či tromal te halpes, nego trubul te avel ljubazno prema savorende. Moraš te avel sposobno te sikavel thaj te avel strpljivo thaj te trpil o bilačhipe, ²⁵te ande blagost poučil e protivnikonen, sar o Del dijasas len šansa te pokajinpe thaj te pindžaren o čačipe. ²⁶Thaj te aven peste, thaj len pes majdur andar e zamka e benđešći, savo zarobisarda len te ćeren lešći volja.

Opasnost ande poslednjo vrjama

¹Akava zapamtisar Timoteje: ande poslednje đesa avela phari vrjama. ²Kaj e manuša avena sebične thaj pohlepne pale love, avena ohole thaj barikane, vređona e Devle thaj avena neposlušne pire dadešće thaj pire dejaće, avena nezahvalne thaj khanči či avela lenđe sveto. ³Avena bezosećajne, nepomirljive, okola save ogovorin, neopuzdane, surove, von či volina o lačhipe. ⁴Avena izdajnikurja, okola save či gindin kana vareso ćeren, barikane, thaj majbut volina o užitko nego e Devle. ⁵Ćerena pes kaj poštujin e Devle, ali či mućen te lešći sila promenil len. Le tut majdur katar kasave manuša!

⁶Kasave si okola save crden pes ande ćhera thaj pridobin e manušnjen save si nestabilne thaj opteretime e bezahenca, savenca vladin e različite strasti. ⁷Von uvek sićon, ali nikad či haćaren o čačipe. ⁸Sago kaj o Janije thaj o Jamvrije usprotivisajle e Mojsijašće, gajda vi godola manuša usprotivisajle e čačipešće. Lenđe gođi si rumome thaj nepokorno ando paćipe. ⁹Ali von či aresena gajda dur kaj savorenđe, lenđi dilimata avela jasno dikhlini sago kaj jasno sikhadili e dilmata katar o Janije thaj katar o Jamvirije.

E Pavlošće upute e Timoteješće

¹⁰A tu Timoteje verno sledis mungro sikavipe, načino sar traiv, mungro ciljo, mungro paćipe, mungri strpljivost, mugri ljubav, mugri istrajnost. ¹¹Džanes save progonstvurja thaj e patnje save sas man ande Antiohija, ande Ikonijum thaj ande Listra. Ali o Gospod andar sa izbavisarda man. ¹²A vi savora save kamen te train pobožno ando Isuso Hristo, avena progonime. ¹³E bilaćhe manuša thaj e varalice avena sa majgore thaj majgore, hohavena avren thaj vi korkoro avena hohade. ¹⁴Ali tu Timoteje ač ande okova so sićilan thaj ande soste san uverime, kaj svesno san kastar sićilan. ¹⁵Thaj kaj katar o ciknipe pindžares e Svete lila, save dine tut mudrost te primis o spasenje po paćipe ando Isusu Hristo. ¹⁶Svako si Sveto lil e Devlestar nadahnime thaj korisno palo sikavipe, te lel pes sama katar o bezeh, te ispravisaras e pogreške thaj te sikavel men sar te ispravno traisaras, ¹⁷te šaj e Devlesko manuš avel potpuno sposobno pale svako lačho delo.

¹Dav tut solah anglo Del thaj anglo Isuso Hristo savo sudil e mulenđe thaj e džudenđe thaj pale godova kaj vo avel te vladil sago Caro: ²propovedisar e Bahtali nevimata! Av spremno te ispunis ćiro zadatko vi kana si tuće zgodno vi kana si tuće nezgodno! Phen e themenđe so trubun te ćeren, opomenisar len kana grešin, ohrabirsar len strpljivo ande pouka.

³Kaj avela e vrjama kana e manuša či kamena te čhon kan ko lačho sikavipe. Džana pale pire vlastite želje thaj pešće araćhena but aver sikavipe savo godila lenđe kanenđe. ⁴Von boldena pire kan e čaipestar thaj džana pale hohamne paramiče.

⁵Ali tu av ande sa godova trjazno. Podnesisar e patnja. Propovedisar e Bahtali nevimata. Potpuno ispunisar e dužnost savi dija tut o Del.

E Pavlešće poslednje alava

⁶A so si dži mande, mungro trajo uskoro avela dino sago žrtva, thaj avili e vrjama kana trubul te džavtar katar akava them. ⁷Lačhe borisajlem palo mungro Gospod, e trka završisardem, o paćipe inćardem. ⁸Pripremime si manđe o venco pravednosti savo o Gospod, pravedno sudco, dela man po đes kana avela. Thaj na samo manđe nego savorenđe save čeznin palo đes kana pojavilape.

⁹Timoteje, moliv tut, av so majsigo mande. ¹⁰O Dimas mukla man kaj zavolisardas akava them thaj đelotar ando Soluno. O Kriskent đelotar ande e Galatija, a o Tit ande Dalmacija. ¹¹Manca si samo još o Luka. An tusa e Marko kana aveja, kaj si manđe korisno pale služba. ¹²E Tihiko bičhaldem ando Efes. ¹³Kana aveja, an manđe o ogrtači savo muklem ande Karposko ćher ande Troada. An vi e knjige, posebno okola save si ćerde katar e morči.

¹⁴O kovači savo akhardol Aleksandar andas manđe but bi lačhipe. O Gospod poćinela lešće prema lešće delurja. ¹⁵Vi tu le tut lestar sama kaj but protivisajlo amare alavenđe save propovedisardam.

¹⁶Ke mungri prvo odbrana po sudo, khonikal nas uz mande. Savora mukline man. Neka o Gospod godova či lel lenđe pale doš! ¹⁷Ali o Gospod sas manca thaj dija man snaga te propovediv e Bahtali nevimata ande sasti punina te ašunen okola save či pindžaren e Devle. Thaj izbavisarda man andar e lavosko muj. ¹⁸O Gospod izbavila man katar svako bilačhipe thaj araćhelaman pale piro nebesko carstvo. Neka si lešće slava ande veke vekurja. Amin.

Posledno pozdrav

¹⁹Pozdravisar e Priska thaj e Akila thaj e Onisiforosko ćher. ²⁰O Erast ačhilo ando Korinto, a e Trofime nasvale muklem ando Milit.

²¹Siđar te aves akaringal majsigo nego so avel o ivend. Pozdravin tut o Evulus, Pud, Lin, Klaudija, thaj sa e phral.

²²Neka o Gospod avel ćire duhosa. Milost tumenca!