1 Timotej

1 Timotej

E Pavlosko pozdrav e Timoteješće

¹Akava si lil katar o Pavle, apostol e Isuse Hristosko, pe zapoved Devlešći, amare Spasitelješći, thaj e Isuse Hristošći, savo si amari nada.

²E Timoteješće, savo si mungro istinsko čhavo ando paćipe: Milost, milosrđe thaj miro katar Del o Dad, thaj katar o Hristo Isus, amaro Gospod.

O Pavle upozoril pe hohamne sikavne

³Sago kaj zamolisardem tut kana teljardem te džav ande Makedonija, te ačhes ando Efes thaj te zapovedis varesave manušenđe, te na majdur sikaven o hohavno sikavipe. ⁴Thaj na te hasaren vrjama e beskorisne paramičenca thaj e rodoslovljeja. Godova samo anel majbut rasprave, nego so sikavel e Devlesko naum savo pindžarel pe kroz o paćipe. ⁵A o ciljo pale akaja naredba si te manušen avel ljubav andar o čisto ilo, lačhi savest, thaj čačo paćipe,

⁶katar soste varesave manuša linepe majdur thaj boldinepe ande beskorisne svaturja. ⁷Von kamen te aven sikavne e Mojsiješće zakonestar, a ni korkoro či haćaren so phenen ni so odlučno tvrdin. ⁸Amen džanas kaj si o zakon lačho ako pravilno koristilpe. ⁹A džanas kaj o Del či dijas o zakon pale pravedne manuša, već si dino pale okola save či inćaren o zakon thaj pale buntovnikurja, pale bidevlešće manuša, pale bezehale, pale okola save naj svete nego svetovne, pale ubice save mudaren čak vi pire dade thaj pire deja, thaj pale sa aver ubice, ¹⁰pale okola save si seksualno nemoralne, pale homoseksualcurja, pale okola save ćinen thaj bićinen e robonen, pale hohamne, pale okola save han solah banđe, thaj pale sa so protivil pe e ispravno naukaće. ¹¹Godova si prema e Bahtali nevimata e slavno blagoslovime Devlešće, savi si manđe poverime.

E Pavlešći zahvalnost pale Devlesko milosrđe

¹²Zahvalno sem e Isuse Hristošće, amare Gospodešće, savo dija man snaga gajda kaj smatrisarda man dostojno te del man pesko poverenje te čholman ande služba, ¹³vi ako majsigo hulivas po Del, progonivas okolen save paćan thaj semas nasilniko. O Del smiluisajlo manđe, kaj godova ćeravas ando bi džanglipe thaj ando bi paćipe. ¹⁴Ali e milost amare Gospodešći obilno izlisajli pe mande, zajedno e paćipava thaj e volimava ando Hristo Isus.

¹⁵Akava si pouzdano sikavipe te potpuno prihvatil pes: O Isus Hristo avilo po them te spasil e bezehalen, katar save sem me majgore. ¹⁶O Del smiluisajlo manđe te avav primer savorenđe sar e Isuse Hristo si strpljenje vi e majgore bezehalenca. Gajda askal vi e aver manuša haćarena kaj vi von šaj paćan ande leste thaj te avel len večno trajo. ¹⁷Neka si slava thaj čast e Devlešće ande veke vekurja. Vo si večno, besmrtno thaj nevidljivo Caro, jedino Del. Amin.

E Timoteješći odgovornost

¹⁸Timoteje, čhaveja, poveriv tuće akaja poruka saglasno okoleja so sas majsigo mothode pale tute sago proroštvo. Sledisar akava proroštvo thaj vodija lačhi bitka. ¹⁹Inćar o paćipe thaj e lačhi savest save varesave odbacisardine thaj doživisardine brodolom ando paćipe. ²⁰Maškar lende si o Imenej thaj o Aleksandar, saven predaisardem e Sotonešće te sićon te na hulin po Del.

Upute sar te služin e Devlešće

¹Ohrabrisarav tumen, majsigo katar sa, te molin pale sa e manuša, roden e Devlešći milost pale lenđe potrebe thaj zahvalin e Devlešće pale lende. ²Molin tumen vi pale carurja thaj pale sa okola save si pe vlast, te šaj traisaras ando miro, ande pobožnost, thaj ando svetost. ³Godova si lačhe thaj ugodno e Devlešće, amare Spasitelješće. ⁴Kaj vo kamel te sa o them spasilpes thaj te pindžaren o čačipe. ⁵Kaj jek si o Del thaj jek si o posredniko maškar o Del thaj maškar e manuša, o Manuš o Isus Hrist, ⁶savo dijas piro trajo sago otkup pale sa o them. Akava si akana svedočanstvo ande pravo vrjama. ⁷Thaj ande godoja svrha me sem odredime palo propovedniko thaj palo apostol. Čačipe mothav tumenđe či hohavav, odredime sem te okolen save či pindžaren e Devle sikavav o paćipe thaj o čačipe.

⁸Kamav dakle, te e muškarcurja molinpe pe svako than, thaj vazden e svete vas karingal o Del, bi e holjako thaj bi e čingarengo. ⁹A e manušnja neka len pe peste pristojne drze. Thaj nek kitin pes umereno thaj jednostavno, a na e kuvde balenca, e sunakajesa, biserenca, ni e kuč haljinenca. ¹⁰Umesto godova neka ćeren lačhe delurja, sago kaj priličil e pobožne manušnjenđe.

¹¹Neka e manušnji sićol ando miro thaj ande potpuno pokornost. ¹²E manušnjaće či mukav te sikavel e manušes, niti te gospodaril pe leste, nego neka avel mirno. ¹³Kaj o Del prvo stvorisarda e Adame, pa tek askal e Eva. ¹⁴Thaj nas hohado o Adam, nego e Eva sas hohadi thaj peli ando bezeh. ¹⁵Ali e manušnja spasinape gajda kaj bijanena e čhavren thaj ako ačhen verne, ande ljubav, ande svetost thaj ande razboritost.

E starešine thaj e đakonurja

¹Akava so phenav si čačipe: ako vareko kamel te avel starešina, časno služba kamel. ²O starešina moraš te trajil besprekorno trajo. Moraš te avel paćivalo jećhe romnjaće, moraš te avel poštuime, razborito, skromno, gostoljubivo thaj lačho sikavno. ³Či tromal te avel matarno, niti nasilno, niti čingaralo nego te avel popustljivo thaj ljubazno, a na sago okola save volin e love. ⁴Moraš lačhe te upravil pire familijava, a lešće čhavra moraš te čhon leste kan thaj te poštuin les. ⁵Kaj ako o manuš naštik upravljil pire familijava, sar vodila e briga pale e Devlešći Khanđiri?

⁶O starešina či tromal te avel terno ando paćipe te či uzoholil pes thaj te perel tale benđešći osuda. ⁷Vi e manuša save naj andar e Khanđiri moraš te ćeren lačhe svato pale leste te na perel ande benđešći zamka thaj či ladžavol.

⁸Isto gajda e đakonurja trubun te zaslužin poštuipe thaj te aven časne manuša, a na licemerne. Či troman te aven matarne niti pohlepne pale love. ⁹Von trubun te ande mirno savest sledin o čačo paćipe. ¹⁰A vi von majsigo trubun te aven proverime pa tek askal, ako si verne neka inćaren e đakonsko služba.

¹¹Lenđe romnja isto gajda trubun te zaslužin o poštuipe, thaj te aven časne manušnja, a na sklone te klevetin, trubun te aven umerene thaj ande sa pouzdane.

¹²O đakon moraš te avel paćivalo jećhe romnjaće thaj lačhe te upravil pire čhavrenca thaj pire ćheresa. ¹³Kaj okola save lačhe obavin e đakonsko služba steknin pešće lačho položaj thaj baro pouzdanje ando paćipe ando Isus Hristo.

O čačipe amare paćipašće

¹⁴Ramov tuće akava thaj nadiman kaj uskoro avava tute, ¹⁵a te zadržisajlem, tu džaneja sar trubul o manuš te ponašilpe ande Devlesko ćher, savo si e Khanđiri e džude Devlesko, stupo thaj temelji palo čačipe.

¹⁶Bi sumnjako, e tajna palo pobožnost si bari:

O Hristo pojavisajlo ando telo,

e Duhosa sikadilo pravedno,

e anđelurja dikhline les,

e themešće sas propovedime pale leste,

ando them paćanas ande leste,

thaj ande slava sas vazdino ando nebo.

Upozorenje pe hohavne sikavne

¹O Duho jasno phenel kaj ande poslednjo vrjama varesave džanatar katar o paćipe thaj priklonina pes e hohamne duhonenđe thaj e benđešće naukaće. ²Kasavo sikavipe avel katar licemerja save mothon hohaipe, lenđi savest otupisarda.

³Von zabranin e manušenđe te ženin pes thaj te han određeno vrsta habe savo o Del stvorisardas te zahvalne han okola save paćan thaj džanen o čačipe. ⁴Kaj, sa so o Del stvorisardas lačho si thaj či trubul te odbacilpe khanči so primilpe ande zahvalnost,

⁵zato kaj si posvetime e Devlešće alaveja thaj e molitvasa.

Lačho sluga e Isuse Hristosko

⁶Sikav akava e phralen thaj e phejen thaj aveja lačho sluga e Isuse Hristosko, pravardo san ando čačipe e paćipasko thaj ando lačho sikavipe savo sledis. ⁷Le tut majdur katar e bidevlešće thaj mamijenđe paramiče, a vežbitu ando sveto trajo e Devlesa.

⁸Kaj e vežba palo telo anel cikini korist, a e vežba ando pobožnost si korisno pale sa, pošto si lat obećanje vi pale akava trajo thaj vi palo budućo trajo. ⁹Akaja poruka si čačipe thaj zaslužil te avel potpuno prihvatime. ¹⁰Pale akava amen trudi men thaj borimen, kaj amen amari nada čhutam ando džudo Del, savo si Spasitelj sa e themengo, a majsigo okolengo save paćan.

¹¹Akava zapovedisar thaj sikav. ¹²Na de khonikašće te majcara poštuil tut zato kaj san terno, nego av primer e vernikonenđe ando alav, ando ponašanje, ande ljubav, ando paćipe thaj ande čistoća. ¹³Dok me či avav, posvetisar tut te čitos o Sveto lil angle manuša, te ohrabris, thaj sikaves e vernikonen.

¹⁴Na zanemarisar o duhovno daro savo primisardan kroz o proročanstvo gajda kaj e starešine čhutine pire vas pe tute. ¹⁵Av potpuno posvetime godolešće te savora dićhen ćiro napretko. ¹⁶Le sama pe tute thaj po sikavipe. Ač ande okova so si ispravno gajda spasija tut thaj okolen kaj čhon kan tute.

Saveto pale udovice thaj pale starešine

¹E purane manuše na kuš strogo, nego ćher lesa svato sago ćire dadesa. E terne manušenca postupisar sago e phralenca, ²e purane manušnjenca sago ćire dejenca, a e čhejenca sago ćire phejenca ande sasti čistoća.

³Poštujisar okole udovicen save si čače udovice. ⁴Ali, ako e udovica si čhavra ili unukurja, neka von majsigo sićon te sikaven piri pobožnost gajda kaj vodin e briga pale piri familija, thaj te odužinpe pire dadešće thaj e dejaće. Akava si ugodno e Devlešće.

⁵Pravo udovica, savi si korkoro thaj naj lat khonik te vodil e briga pale late, pouzdilpe ando Del. E raćenca thaj e đesenca rodel lestar pomoć thaj molil pes. ⁶Ali e udovica savi trail raspustime vi ako si džudi, duhovno si muli. ⁷Kava zapovedisar lenđe te aven bi zamerkako.

⁸Ali, ako vareko či vodil briga pale pire familija, a posebno pale pire ćherutne, odreknisajlo katar o paćipe thaj majgore si katar okola save či paćan ando Del.

⁹Na ramon po udovičko popis ni jećhe udovica, ako još najlat šovardeš brš thaj savi sas majbut katar jek drom udajime. ¹⁰Voj moraš te avel pindžardi pe pire lačhe delurja: kaj lačhe odgoisarda pire čhavren, kaj sas gostoljubivo, kaj thovelas e pungre e Devlešće manušenđe, kaj pomožilas e okolenđe save sas ande nevolja, kaj predano ćerelas svako lačho delo.

¹¹E majterne udovicen na ramo ando udovičko popis. Kaj, kana e telesno požuda savladil lenđi odanost e Hristošće, kamen te udajinpe. ¹²Gajda pe peste crden e osuda, pošto uštadine e prvo vernost. ¹³A osim godava, džan katar o ćher džiko ćher, thaj sićon te aven bibućarne. Thaj na samo godova, nego haminpe ande averenđe buća, brbljive si thaj ćeren svato okova so či trubun. ¹⁴Zato savetuiv te e majterne udovice udajinpe, thaj bijanen čhavren, te aven domaćice thaj te na den nisosko povodo e dušmanošće te na klevetil. ¹⁵Kaj varesave već boldinepe katar o paćipe thaj teljardine palo Sotona.

¹⁶Ako varesave vernica si udovice saven pomognin, neka majdur vodil briga pale lende, te e khanđiri či avel opteretime, nego te šaj te pomožil e prave udovicenđe.

¹⁷E starešinenđe save lačhe upravin piri služba ande khanđiri trubul te delpe dvostruko čast, a majsigo okolenđe save propovedin thaj sikaven. ¹⁸Kaj ando Sveto lil ramol: “Na phande o muj e guruvesko savo vršil o điv!” thaj “O radniko si vredno te primil piri poćin.”

¹⁹Na primi e pritužbe protiv o starešina osim uz duj ili trin svedokurja. ²⁰Okolen save grešin ukorisar angle savorende te vi ande averende del e dar.

²¹Dav tut solah anglo Del, anglo Isus Hristo thaj angle izabranime anđelurja, te inćares akala upute bi predrasudako. Thaj na ćer khanči pristrasno.

²²Ni pe kaste na čho ćire vas gajda brzo. Na av učesniko ande bezeha e aver manušenđe. Arak tut čisto! ²³Na majbut pi samo paj, nego le cara vi mol zbog ćiro đi thaj zbog ćiro često nasvalipe.

²⁴E bezeha varesave manušenđe jasno dićon angle savorende thaj anglal sikaven kaj avena sudime. A si vi okola savenđe bezeha dićhona majposle. ²⁵Gajda si vi e lačhe delenca, dićhon angle savorende a varekana vi či dićhon, ali naštik garavenpe nikad.

Upute pale roburja

¹Savora save si talo ropstvo neka pire gospodaren smatrin kaj si dostojne te primin potpuno poštuipe, te či bilače ćerelpe svato pale Devlesko alav thaj pale amaro sikavipe. ²A okola roburja savenđe gospodarja si vernikurja, či troman majcara te poštuin pire gospodaren zato kaj si phral. Naprotiv, trubun te služin lenđe još majlačhe, kaj pire trudosa si korisne averenđe. Godova sikav thaj mang lendar te ćeren gajda.

Hohavno sikavipe thaj čačo barvalipe

³Ako vareko averčhande sikavel e manušen thaj zanemaril o čačo sikavipe amare Gospodesko e Isuse Hristosko thaj o sikavipe savo si temelji te traisaras pobožno trajo, ⁴kasavo manuš si barikano thaj či džanen khanči. Patil katar e želja te samo prepirilpe thaj te bolden jek avrešće alava, zbog soste avel džike zavist, čingara, vređope, thaj bilače sumnje, ⁵godola si čingaraće manuša bilačhe gođasa save či džanen majbut so si čačipe, von smatrin kaj si e služba e Devlešće, način sar te zaradin.

⁶O pobožnost si pravo barvalipe ako si o manuš zadovljno okoleja so siles. ⁷Kaj amen khanči či andam pe akava them, pa khanči lestar či ni inđarasa. ⁸Ali ako si amen habe thaj drze, godoleja šaj te avas zadovoljne. ⁹A okola save kamen te barvavon, peren ando iskušenje, ande zamka thaj ande but aver nerazumne thaj štetne želje save strovalin e manušen ande propast thaj ando uništenje. ¹⁰Kaj e pohlepa pale love si uzrok pale svako bilačhipe. Varesave predajisajle e pohlepaće thaj odlutisardine katar o paćipe, thaj korkoro pešće andine but bilačhipe.

E Pavlešće poslednje upute

¹¹Ali tu, e Devlešće manušeja, letu majdur katar sa godova. A dža pale pravda, palo pobožnost, pale paćipe, pale ljubav, strpljivost, thaj pale blagost. ¹²Borisar tut lačhi borba ando paćipe. Težisar palo večno trajo savo o Del dija tut thaj pale savo gajda šukar svedočisardan angle but e svedokurja. ¹³Zapovediv tuće anglo Del, savo sa džudarel thaj anglo Isuso Hristo, savo dijas šukar svedočanstvo anglo Poncije Pilato: ¹⁴Izvršisar akaja zapoved čisto thaj besprekorno dok či boldel pes amaro Gospod o Isuso Hristo. ¹⁵Kaj kana pale godova avela e vrjama, o Del sikavela e Hristo. O Del savo si blagoslovime thaj jedino vladari, Caro e carengo thaj Gospodari e gospodarengo godova ćerela. ¹⁶Vo si jedino besmrtno thaj trajil ande kasavo sjajno svetlo kaj khonik naštik avel leste paše. Khonik katar e manuša či dikhla les niti šaj dićhel les. Lešće neka si čast thaj moć zauvek. Amin. ¹⁷Okolenđe save si barvale pe akava them zapovedisar te na aven barikane thaj te či uzdinpe ando nesigurno barvalipe, nego ando Del, savo barvale dela men sa te ande godova uživisaras. ¹⁸Zapovedisar te ćeren lačhipe, te aven barvale e lačhe delenca, te aven darežljive thaj voljne te delin, ¹⁹gajda te ćiden pešće blago savo avela lačho temelji palo budućnost, te zadržin istinsko trajo. ²⁰Timoteje, le sama pe okova so si tuće poverime. Le tut majdur katar o isprazno brbljanje thaj katar e čingara zbog godova sikavipe so akhardol hohavno “Džanglipe” savo protivil pe e čačipešće. ²¹Varesave save prihvatisardine godova “Džanglipe” thaj odlutisardine katar o paćipe. E Devlešći milost neka avel savorenca tumenca. Amin.