1 John

E Jovanesko 1. Lil

O Jovano ramol kaj si o Isus alav e trajosko

¹Okova savo sas katar o početko isto si okova saves ašundam, saves amare jakhenca dikhlam, saves posmatrisardam thaj amare vastenca dirdam. Vo si o Isuso Hristo, o Alav e trajosko. ²Vo, savo si trajo katar o Del, pojavisajlo thaj dikhlam les. Akana mothas thaj das tumenđe po džanglipe kaj si vo večno trajo savo sas ko Dad thaj amenđe sikadilo. ³Akana mothas tumenđe okova so lično dikhlam thaj ašundam te šaj vi tumen avel zajedništvo amenca. A amaro zajedništvo si e Dadesa thaj lešće Čhavesa e Isuse Hristosa.

⁴Ramosaras tumenđe te amari bah avel potpuno.

Naštik avas e Devlesa thaj ando bezeh

⁵Akaja poruka ašundam katar o Del thaj mothas lat tumenđe: O Del si svetlost thaj ande leste naj nisošći tama. ⁶Te phenas kaj sam ando zajedništvo e Devlesa, a vi majdur traisaras ande duhovno tama, hohavas thaj či traisaras ando čačipe. ⁷Ali, ako trais ando svetlost, sago kaj si o Del ando svetlost, askal si amen zajedništvo jek averesa thaj o rat e Isusesko, lešće Čhavesko, šlavel amen katar svako bezeh.

⁸Te phendam kaj naj amen bezeh, korkoro amen hohavas thaj o čačipe naj ande amende. ⁹Ali vo si verno thaj pravedno, gajda kaj ako priznajisaras lešće amare bezeha, jartola manđe thaj šlavel amen katar svako nepravda. ¹⁰Te phendam kaj či sagrešisardam, ćeras e Devle kaj si hohamno thaj sikavas kaj lesko Alav naj ande amende.

¹Čhavralen mungralen, akava ramov tumenđe te na ćeren bezeh. Ali, te vareko vi ćerel bezeh, si amen zastupniko ko Dad o Del, e Isuse Hristo savo si pravedniko. ²Vo si žrtva savi lel amare bezeha thaj na samo amare, nego vi e bezeha e saste themešće.

Ako pindžaras e Devle, čhasa kan leste

³A pe akava džanas kaj pindžaras e Devle, ako inćaras lešće zapovedi. ⁴Ako vareko phenel kaj pindžarel e Devle, a či inćarel lešće zapovedi, hohamno si thaj ande leste naj čačipe. ⁵Ali ko trail gajda sar sikavel e Devlesko alav, ande leste e Devlešći ljubav čače postanisarda savršeno. Pe akava džanas kaj trais ande leste. ⁶Ako vareko phenel kaj ačhel ando Del, godova moraš te trail sago kaj trailas o Isus.

Nevi zapovest

⁷Drage mungre drugarja, či ramov tumenđe nisavi nevi zapoved, već e purani, okoja savi dobisardine katar o početko. Godoja si e purani zapoved o sikavipe savo već ašundine. ⁸A palem ramov tumenđe godoja zapoved sago kaj si nevi. Lako čačipe dićhol ando Isus thaj ande tumende. Kaj e tama naćhel, a o čačo svetlo već svetlil.

⁹Ako vareko phenel kaj si ando svetlo, a mrzal pire phrale, još si ande tama. ¹⁰Ako vareko volil pire phrale, trail ando svetlo thaj či ćerel khanči zbog soste hasardasas o paćipe. ¹¹A ko mrzal pire phrales, ande tama si, phirel ande tama thaj či džanel kaj džal, kaj e tama korarda lešće jakha.

¹²Ramov tumenđe, čhavralen,

zato kaj si tumare bezeha jartome zbog e Isusesko alav.

¹³Ramov tumenđe, dadalen,

zato kaj pindžardine okoles savo si katar o početko.

Ramov tumenđe, terne čhavalen,

zato kaj pobedisardine e Bilačhes.

¹⁴Ramosardem tumenđe, čhavroralen,

zato kaj pindžardine e nebesko Dades.

Ramosardem tumenđe, dadalen,

zato kaj pindžardine okole savo si katar o početko.

Ramosardem tumenđe, terne čhavalen,

zato kaj sen zurale,

thaj kaj e Devlesko alav trail ande tumende

thaj kaj pobedisardine e Bilačhes.

¹⁵Na volin akava them ni okova so si ando them. Te vareko volil akava them, ande leste naj e Dadešći ljubav. ¹⁶Kaj sa so o them nudil si samo e požuda e telošće, požuda pale okova so e jak dićel thaj o barikanipe zbog o barvalipe. Godova či avel katar o Dad o Del, već katar akava bilačho them. ¹⁷Akava them pire požudava naćhel, a ko ćerel e Devlešći volja, traila zauvek.

E Devlešće čhavra thaj e hohavne sikavne

¹⁸Čhavralen, o krajo si paše! Ašundine kaj avel o Antihrist. Već akana pojavisajle e but e antihristurja. Pe godova džanas kaj si o krajo paše. ¹⁹Amendar inkljistine, ali nas amare. Kaj te čače aviline sas amare, ačhilesas amenca. Ali trubuja te sikadol kaj naj savora amare. ²⁰A tumen primisardine e Sveto Duhos thaj savora džanen o čačipe. ²¹Či ramov tumenđe zato kaj či džanen o čačipe, već pale godova kaj pindžaren o čačipe thaj pale godova kaj nijek hohaipe či avel katar o čačipe. ²²Ko si o hohavno, ako naj okova savo tvrdil kaj o Isus naj o Hristo? Ko či priznail e Dade thaj e Čhave, vo si antihrist. ²³Svako ko či priznajil e Čhaves, naj les ni Dad. A ko priznail e Čhaves, siles vi Dad.

²⁴O okova sikavipe savo ašundine katar o početko, neka ačhel ande tumende. Ako godova sikavipe savo ašundine katar o početko ačhel ande tumende, askal vi tumen ačhena ando Čhavo thaj ando Dad. ²⁵A akava si o obećanje savo dija amen o Del: večno trajo.

²⁶Akava ramov tumenđe pale okola manuša save kamen te hohaven tumen te crden tumen katar o pravo drom. ²⁷Ali tumen primisardine e Sveto Duho saves dija tumen o Hristo. Vo ačhel ande tumende thaj naj potrebno khonik te sikavel tumen. O Duho sikavel tumen sa thaj lesko sikavipe si čačo, a na hohavno. Zato nastavin te train ande leste, sar vo sikadas tumen.

²⁸Ej čhavralen, train ande leste, gajda avasa pherde pouzdanje kana boldela pe o Hristo. Thaj či ladžasa angle leste kana pojavila pe. ²⁹Ako džanen kaj si o Hristo pravedno gajda vi džanen kaj svako savo ćerel so si pravedno si e Devlesko čhavro.

E Devlešće čhavra či train ando bezeh

¹Dićhen če bari ljubav dija men o Dad: te akhara men e Devlešće čhavrenca! A godova vi sam. E manuša akale themešće či pindžaren men zato kaj či pindžaren les. ²Drage mungre drugarja, akana sam e Devlešće čhavra, a još či sikadilo so avasa. Ali džanas kana o Hristo pojavila pe, avasa lešće slične, kaj dikhasa les kasaves sosko si. ³Thaj svako savo čhutas akaja nada ande leste, šilavelpe sago kaj si vi o Hristo čisto.

⁴Svako savo ćerel bezeh, prekršil o zakono, kaj si o bezeh protivno katar e Devlesko zakon. ⁵Džanen kaj o Isus avilo te lel amendar amare bezeha thaj ande leste naj bezeh. ⁶Svako savo ačhel ando Hristo, či trail ando bezeh. A svako savo trail ando bezeh, či dikhla les niti pindžarda les.

⁷Čhavroralen, na den khonikašće te hohavel tumen! Ko ćerel okova so si pravedno, pravedno si sago o Hristo. ⁸Ako vareko trail ando bezeh, godova sikavel kaj pripadil e benđešće kaj o beng grešil katar o početko. O Čhavo e Devlesko avilo pale godova: te uništil e benđešće buća. ⁹Svako savo si e Devlesko čhavro či trail ando bezeh kaj si e Devlešći narav ande leste. Vo naštik te trail ando bezeh kaj postanisarda e Devlesko čhavro. ¹⁰E Devlešće čhavra thaj e benđešće čhavra pindžardon pes pe akava: svako savo či ćerel so si pravedno thaj či volil pire phrale, či pripadil e Devlešće.

O Del phenel te volin jećhe avre

¹¹Kaj akava si e poruka savi ašundine katar o početko: volin jek avren! ¹²Na aven sago o Kain, savo pripadnilas e Bilačhešće thaj mudarda pire phrales. A sostar mudarda les? Zato kaj sas lešće delurja bilačhe, a e delurja lešće phralešće pravedne zato mrzalas les. ¹³Na čudin tumen, phralalen, ako e manuša akale themešće mrzina tumen.

¹⁴Amen džanas kaj nakhlam andar o smrto ando trajo kaj volisaras amare phralen. Ko či volil pire phralen ačhel duhovno mulo. ¹⁵Svako savo mrzal pire phrales, ubica si, a džanen kaj ni jećhe ubica naj ande leste večno trajo. ¹⁶Pe akava džanas so si pravo ljubav: o Isus dijas piro trajo pale amende. Gajda vi amen trubul te das amaro trajo pale amare phral. ¹⁷Kas si akale themesko barvalipe, a dićhel pire phrale ande potreba thaj či pomognil lešće, naštik phenelpe pale leste kaj si les e Devlešći ljubav ando ilo.

¹⁸Čhavralen mungralen, na volin samo e alavenca thaj e čhibjasa, nego e delenca thaj iskreno. ¹⁹Pe godova džanasa kaj pripadis e čačimašće thaj gajda umirisarasa amari savest anglo Del ²⁰kana god e savest osudil amen. Kaj o Del si majbaro katar amari savest thaj sa džanel.

²¹Drage mungre drugarja, ako amari savest či došarel amen, si amen pouzdanje anglo Del ²²thaj dobisaras lestar okova so zamolisaras, kaj inćaras lešće zapovesti thaj ćeras okova so si lešće milo. ²³A akava si lešći zapovest: te paćas ando alav lešće Čhavesko e Isuse Hristosko thaj te volis jek avren sago kaj zapovedisarda amenđe. ²⁴Ko inćarel e Devlešće zapovesti, ačhel ando Del thaj o Del ačhel ande leste. A kaj o Del trail ande amende, džanas po Duho saves dija men.

Sar te pindžaras e hohavne prorokonen

¹Drage mungre drugarja, na paćan svakone duhošće, nego proverin e duhurja – dali si katar o Del – kaj but hohavne prorokurja pojavisajle ando them. ²Pe akava pindžaren e Devlešće Duho: svako duho savo priznail kaj o Isus Hrist avilo ande manušesko telo, si katar o Del. ³Thaj ni jek duho savo či priznajil e Isuse, naj katar o Del. A vo si katar o Antihrist pale savo ašundine kaj avel, thaj već akana si ando them. ⁴Čhavralen, tumen sen katar o Del thaj pobedisardine e hohavne prorokonen, kaj si okova savo si ande tumende majbaro katar okova savo si ando them. ⁵Von pripadin akale themešće thaj zato ćeren svato sago kaj ćeren svato okola save si andar akava them thaj e manuša akale themešće čhon kan lende. ⁶Amen pripadis e Devlešće. Ko pindžarel e Devle, čhol kan amende. Ko či pripadil e Devlešće, či čhol kan amende. Pe godova džanasa dali si varekas čačo Duho ili hohavno duho.

Trajo ande ljubav

⁷Drage mungre drugarja, trubul te volisaras jek avren, kaj e ljubav si katar o Del. Svako savo volil, e Devlesko si čhavro thaj pindžarel e Devle. ⁸Ko či volil, či pindžardas e Devle, kaj o Del si ljubav.

⁹O Del gajda sikadas amenđe piri ljubav: bičhalda pire jedine Čhaves po them te trais prekal leste. ¹⁰Ande akava si e ljubav: či amen volisardam e Devle, nego vo volisardas amen thaj bičhalda pire Čhaves te avel žrtva savi lel amare bezeha.

¹¹Drage mungre drugarja, ako o Del gaći zavolisarda amen, askal vi amen moraš te volisaras jek avren. ¹²E Devles nikada khonikal či dikhlas, ali ako volisaras jek avres, o Del trail ande amende thaj lešći ljubav si ande amende savršeno.

¹³Pe akava džanas kaj trais ando Del thaj vo ande amende: dija men katar piro Duho. ¹⁴A amen dikhlam kaj o Dad bičhaldas pire Čhaves te avel Spasitelj e themesko thaj pale godova akana svedočis. ¹⁵Ko priznail kaj si o Isus o Čhavo e Devlesko, ande leste trail o Del thaj vo trail ando Del. ¹⁶A amen pindžardam e ljubav savi si e Devle pale amende thaj paćajam laće.

O Del si ljubav. Ko trail ande ljubav, trail ando Del thaj o Del trail ande leste. ¹⁷Pe akava e Devlešći ljubav postanil savršeno ande amende kaj već šaj avel amen pouzdanje pale Sudosko đes. Godova si zato kaj sam amen sago o Hristo pe akava them.

¹⁸Ande ljubav naj dar, nego e savršeno ljubav tradel e dar andar o manuš. Okova savo daral, si les dar katar e kazna, so značil kaj naj savršeno ande ljubav. ¹⁹Amen volis zato kaj o Del prvo volisardas amen.

²⁰Ako vareko phenel: “Voliv e Devles”, a mrzal pire phrales, hohavno si. Kaj ko či volil pire phrale, saves dićhel, naštik te volil ni e Devles, saves či dićhel. ²¹A akaja zapoved siamen lestar: ko volil e Devle, trubul te volil vi pire phrale.

Paćipe ande Devlesko čhavo

¹Svako savo paćal kaj o Isus si o Hristo, bijando si katar o Del. Thaj svako savo volil e Dade volil vi lešće čhavres. ²Pe akava džanas kaj volisaras e Devlešće čhavren: kana volisaras e Devle thaj inćaras lešće zapovesti. ³Kaj akava si ljubav prema o Del: te inćaras lešće zapovesti. A lešće zapovesti naj phare. ⁴Kaj sa so si bijando katar o Del, pobedil o them. A akava si pobeda savi pobedisardas o them: amaro paćipe. ⁵A ko pobedila akava them, ako či okova savo paćal kaj o Isuso si e Devlesko Čhavo?

⁶Vo, o Isuso Hristo, avilo kroz o paj kana bolda pes thaj kroz o rat kana mulo – na samo e pajesa nego, e pajesa thaj e ratesa. A o Duho si godova savo svedočil pale godova, kaj o Duho si čačipe. ⁷Gajda trin svedočin: ⁸o Duho, o paj thaj o rat, thaj godola trin svedokurja slažonpe. ⁹Ako paćas ande manušengo svedočanstvo, trubul te džanas kaj si e Devlesko svedočanstvo majbaro, kaj godova svedočanstvo si saveja o Del svedočisarda pale pesko Čhavo. ¹⁰Ko paćal ando Čhavo e Devlesko, si les godova svedočanstvo ande peste. A ko či paćal e Devlešće, mothol kaj o Del hohavel, godoleja kaj či paćaja ande Devlesko svedočanstvo saveja o Del svedočil pale pesko Čhavo.

¹¹A akava si godova svedočanstvo: o Del dija amen večno trajo thaj godova trajo si ande lesko Čhavo. ¹²Kas si Čhavo, si les trajo. A kas naj Čhavo e Devlesko, naj les trajo.

Zaključko

¹³Akava ramosardem tumenđe save paćan ando alav e Devlešće Čhavesko te džanen kaj si tumen večno trajo. ¹⁴Akava si pouzdanje savo si amen ande leste: vo ašunel amen so god te mangas lestar so si pe lešći volja. ¹⁵A kana džanas kaj ašunel men ande sa so mangas, askal džanas kaj si amen okova so manglam lestar.

¹⁶Ako vareko dićhel pire phrales kaj ćerel bezeh savo či inđarel ando smrto, neka molil pale leste thaj o Del dela les trajo. Mothav pale okola save či ćeren smrtno bezeh. Ali si bezeh savo inđarel ando smrto. Pale kasave bezaha či phenav te molin. ¹⁷Svako nepravda bezeh si, ali si bezeh savo či inđarel ando smrto.

¹⁸Džanas kaj svako savo si bijando katar o Del či trail ando bezeh, nego lel les sama okova savo si bijando katar o Del thaj o Bilačho či astarel pes pale leste. ¹⁹Amen džanas kaj sam e Devlestar, a kaj si o sasto them ando vas e Benđesko. ²⁰A džanas kaj o Čhavo e Devlesko avilo thaj dija men haćaripe te pindžaras e čačutne Devle. Thaj amen sam ando čačutno Del, ande lesko Čhavo o Isuso Hristo. Vo si čačo Del thaj večno trajo. ²¹Čhavoralen mungralen, len tumen sama katar e idolurja.