1. KRONIKENGERO

O Ešebno Kronicko Zvitkos

O potomki le Adamoskere dži ko Abraham

¹Adam sas dad le Šetoske, o Šet le Enošiske, ²o Enoš sas dad le Kenanoske, o Kenan le Mahalaleloske, o Mahalalel le Jaredoske, ³o Jared le Enochoske, o Enoch le Matuzalemoske, o Matuzalem le Lamechoske ⁴a o Lamech sas dad le Noachoske. Le Noach sas trin čhave: o Šem, o Cham the o Jafet.

⁵Le Jafetoskere čhave sas o Gomer, o Magog, o Madaj, o Javan, o Tubal, o Mešech the o Tiras. ⁶Le Gomeroskere čhave sas o Aškenaz, o Rifat1,6 Abo: Difat the o Togarmah. ⁷Le Javanoskere čhave sas o Elišah the o Taršiš, the o Kittana the o Dodana.

⁸Le Chamoskere čhave sas o Kuš, o Micrajim, o Put the o Kanaan. ⁹Le Kušoskere čhave sas o Sebas, o Chavilah, o Sabtas, o Raemah the o Sabtechas. Le Raemoskere čhave sas o Šebah the o Dedan. ¹⁰O Kuš sas dad le Nimrodoske. Ov sas ešebno (peršo) zoralo maribnaskero murš pre phuv. ¹¹O Micrajim sas prapapus le Ludenge, le Anamenge, le Lehabenge, le Naftuchenge, ¹²le Patrusenge, le Kasluchenge, savendar hine o Filišťinci, the le Kaftorenge. ¹³Le Kanaanoskero ešebno čhavo sas o Sidon the dujto o Chet. ¹⁴Lestar sas the o Jebuseja, o Amoreja, o Girgašeja, ¹⁵o Chivija, o Arkija, o Sineja, ¹⁶o Arvadeja, o Cemareja the o Chamataja.

¹⁷Le Šemoskere čhave sas o Elam, o Aššur, o Arpachšad, o Lud the o Aram. Le Aramoskere čhave sas o Uc, o Chul, o Geter the o Mešech. ¹⁸O Arpachšad sas dad le Šelachoske a o Šelach le Eberiske. ¹⁹Le Eber sas duj čhave: O ešebne pes vičinelas Paleg, bo sar ov dživelas, e phuv sas rozulaďi, a leskero phral pes vičinelas Joktan. ²⁰Le Joktanoskere čhave sas o Almodad, o Šelef, o Chacarmavet, o Jerach, ²¹o Hadoram, o Uzal, o Diklah, ²²o Ebal, o Abimael, o Šebah, ²³o Ofir, o Chavilah the o Jobab. Kala savore sas le Joktanoskere čhave. ²⁴Avke le Šemoskere potomki sas o Arpachšad, o Šelach, ²⁵o Eber, o Paleg, o Reu, ²⁶o Serug, o Nachor, o Terach ²⁷the o Abram, savo hin o Abraham.

O potomki le Abrahamoskere dži ko Jakob

²⁸Le Abrahamoskere čhave sas o Izak the o Izmael. ²⁹Kala hine lengere potomki: Le Izmael sas dešuduj (12) čhave: O Nebajot sas nekphureder, paľis o Kedar, o Adbeel, o Mibsam, ³⁰o Mišmas, o Dumah, o Massas, o Chadad, o Temas, ³¹o Jetur, o Nafiš the o Kedemah.

³²Le Abraham sas šov čhave la Keturaha, savi sas leske romňi-služka: o Zimran, o Jokšan, o Medan, o Midijan, o Jišbak the o Šuach. Le Jokšanoske sas duj čhave: o Šebah the o Dedan. ³³Le Midijan sas pandž čhave: o Efah, o Efer, o Chanoch, o Abidas the o Eldaah. Kala sas savore la Keturakere čhave.

³⁴Le Abrahamoskere čhas, le Izak, sas duj čhave: O Ezav the o Jakob1,34 E Hebrejiko čhib: o Izrael.

Le Ezavoskere potomki

³⁵Le Ezav sas pandž čhave: o Elifaz, o Reuel, o Jeuš, o Jalam the o Korach. ³⁶Le Elifazoskere čhave sas o Teman, o Omar, o Cefi, o Gatam, o Kenaz, o Timnas the o Amalek. ³⁷Le Reueloskere čhave sas o Nachat, o Zerach, o Šammah the o Mizzah.

Ešebne Edomike manuša the lengere kraľa

³⁸Le Seiroskere čhave sas o Lotan, o Šobal, o Cibeon, o Anah, o Dišon, o Ecer the o Dišan.

³⁹Le Lotanoskere čhave sas o Chori the o Homam a leskeri pheň sas e Timna. ⁴⁰Le Šobaloskere čhave sas o Alvan, o Manachat, o Ebal, o Šefi the o Onam. Le Cibeonoskere čhave sas o Ajah the o Anah. ⁴¹Le Anoskero čhavo sas o Dišon. Le Dišonoskere čhave sas o Chemdan1,41 Abo: Chamran, o Ešban, o Jitran the o Keran. ⁴²Le Eceroskere čhave sas o Bilhan, o Zaavan the o Jaakan. Le Dišanoskere čhave sas o Uc the o Aran.

⁴³Kala sas o kraľa, save kraľinenas andro Edom mek sigeder, sar sas andro Izrael kraľis:

o Belas, čhavo le Beoriskero andral o foros Dinhaba.

⁴⁴Sar muľa o Belas, ačhiľa pal leste kraľis o Jobab, le Zerachoskero čhavo, andral e Bocra.

⁴⁵Sar muľa o Jobab, pal leste kraľinelas o Chušam andral e Temančiko phuv.

⁴⁶Sar muľa o Chušam, pal leste ačhiľa kraľis o Hadad, le Bedadoskero čhavo, savo ňerinďa (zviťazinďa) upral o Midijana pre Moabiko phuv. Le Hadadoskero foros sas o Avit.

⁴⁷Sar muľa o Hadad, pal leste ačhiľa kraľis o Samlah andral e Masreka.

⁴⁸Sar muľa o Samlah, ačhiľa kraľis o Šaul andral o Rechobot pašal o paňi Eufrat.

⁴⁹Sar muľa o Šaul, ačhiľa kraľis o Baal-Chanan, le Achboriskero čhavo.

⁵⁰Sar muľa o Baal-Chanan, ačhiľa kraľis o Hadad andral o foros Pau, leskeri romňi sas e Mehetabel, savi sas čhaj la Matredakeri a oj čhaj la Me-Zahabakeri.

⁵¹Sar muľa o Hadad, kala vodci ľidžanas o Edomike kmeňi: o Timnas, o Alvah, o Jetet, ⁵²o Oholibamah, o Elah, o Pinon, ⁵³o Kenaz, o Teman, o Mibcar, ⁵⁴o Magdiel the o Iram.

Le Jakoboskere čhave

¹Le Jakob sas dešuduj (12) čhave: o Ruben, o Šimeon, o Levi, o Juda, o Jissachar, o Zebulun, ²o Dan, o Jozef, o Benjamin, o Naftali, o Gad the o Ašer.

Le Judaskere potomki dži ko David

³Kala hine le Judaskere čhave, save les sas la Bat-Šuaha, savi sas andral o Kanaan: O Er, Onan the o Šelah. Ale o Er, leskero ešebno (peršo), na sas le RAJESKE pre dzeka, vašoda les murdarďa. ⁴Le Juda sas peskera boraha la Tamaraha duj čhave: o Perec the o Zerach. Savore čhave le Juda sas pandž.

⁵Le Perecoskere čhave sas o Checron the o Chamul. ⁶Le Zerach sas pandž čhave: o Zimri, o Etan, o Heman, o Kalkol the o Dardas. ⁷Le Karmioskero čhavo sas o Achan, savo anďa le Izrael andre bibach oleha, hoj peske iľa olestar, so sas oddino le Devleske.

⁸Le Etanoskero čhavo sas o Azariah.

⁹Le Checronoskere čhave sas: o Jerachmeel, o Ram the o Kaleb.

¹⁰O Ram sas dad le Amminadaboske a o Amminadab le Nachšonoske, savo sas vodcas upral e Judsko. ¹¹O Nachšon sas dad le Salmonoske a o Salmon le Boaziske. ¹²O Boaz sas dad le Obedoske a o Obed le Izajoske.

¹³Le Izaj sas efta čhave: Ešebno o Eliab, dujto o Abinadab, trito o Šimeah, ¹⁴štarto o Netaneel, pandžto o Raddaj, ¹⁵šovto o Ocem the eftato o David. ¹⁶Lengere pheňa sas e Ceruja the e Abigajil. La Ceruja sas trin čhave: o Abišaj, o Joab the o Asahel. ¹⁷La Abigajilakero čhavo sas o Amasah. Leskero dad sas o Izmaelitas o Jeter.

Le Checronoskere potomki

¹⁸Le Kaleb, le Checronoskere čhas, sas duj romňija – e Azuba the e Jeriot – savenca les sas trin čhave: o Ješer, o Šobab the o Ardon. ¹⁹A sar muľa e Azuba, o Kaleb peske iľa romňake la Efrata, savaha les sas o Chur. ²⁰O Chur sas dad le Urihoske, savo sas dad le Becaleeloske.

²¹Sar le Checronoske sas šovardeš (60) berš, iľa peske la Machiroskera čha romňake, savi sas pheň le Gileadoske. Laha les sas o Segub. ²²O Segub sas dad le Jairoske, savo ľidžalas bišutrin (23) fori andro Gilead. ²³Ale o Gešura the o Aramejčana lenge zaile šovardeš (60) gava: Le Jairoskere gava the o foros Kenat le gavenca. A savore manuša, save bešenas andro Gilead, sas le Machiroskere potomki.

²⁴Sar muľa o Checron, o Kaleb iľa la Efrata romňake, savi sas vdova pal leskero dad o Checron a savaha les sas o Ašchur, savo ačhaďa o foros Tekoa.

Le Jerachmeeloskere potomki

²⁵Le Jerachmeel, le Checronoskere nekphureder čhas, le sas pandž čhave: Ešebno o Ram, o Bunah, o Oren, o Ocem the o Achijah. ²⁶Le Jerachmeel sas the dujto romňi – e Atara, savi sas daj le Onamoske. ²⁷Le Ram, savo sas le Jerachmeeloskero ešebno čhavo, sas kala čhave: o Maac, o Jamin the o Eker. ²⁸Le Onamoskere čhave sas o Šammaj the o Jada. Le Šammajoskere čhave sas o Nadab the o Abišur.

²⁹Le Abišuroskeri romňi sas e Abihajil. Laha les sas o Achban the o Molid. ³⁰Le Nadaboskere čhave sas o Seled the o Appajim. Le Seled na sas čhave. ³¹O Appajim sas dad le Jišioske a o Jiši le Šešanoske, o Šešan sas dad le Achlajoske.

³²Le Jada, le Šammajoskere phrales, sas duj čhave: o Jeter the o Jonatan. Le Jeter na sas čhave. ³³Le Jonatanoskere čhave sas o Palet the o Zazas. Kala sas o čhave le Jerachmeeloskere.

³⁴Le Šešan na sas čhave, ča čhaja. Ale sas les sluhas andral o Egipt, savo pes vičinelas Jarchas. ³⁵Leske diňa peskera čha romňake a sas len o Attaj. ³⁶O Attaj sas dad le Natanoske a o Natan le Zabadoske, ³⁷o Zabad sas dad le Eflaloske a o Eflal le Obedoske, ³⁸o Obed sas dad le Jehuoske a o Jehu sas dad le Azarioske. ³⁹O Azariah sas dad le Chelecoske a o Chelec le Elasoske, ⁴⁰o Elasah sas dad le Sismajoske a o Sismaj le Šallumoske, ⁴¹o Šallum sas dad le Jekamioske a o Jekamiah le Elišamasoske.

Le Kaleboskere potomki

⁴²Le Kaleb, le Jerachmeeloskere phrales, sas duj čhave: Ešebno o Mešas, savo sas dad le Zifoske, the dujto o Marešah, savo sas dad le Chebronoske. ⁴³Le Chebronoskere čhave sas: o Korach, o Tappuach, o Rekem the o Šemas. ⁴⁴O Šemas sas dad le Rachamoske the o Racham le Jorkoamoske a o Rekem le Šammajoske. ⁴⁵O Šammaj sas dad le Maonoske a o Maon le Bet-Curoske.

⁴⁶Le Kaleb sas mek trin čhave la Efaha, la romňaha-služobňičkaha: o Charan, o Mocas the o Gazez. Paľis sas the le Charan čhavo, saves vičinenas o Gazez.

⁴⁷Le Jahdajoskere čhave sas: o Regem, o Jotam, o Gešan, o Palet, o Efah the o Šaaf.

⁴⁸Le Kaleb sas the aver romňi-služka e Maacha. Laha les sas o Šeber the o Tirchanah. ⁴⁹Paľis o Šaaf, savo ačhaďa o Madmanna, the o Ševas, savo ačhaďa o Machbena the e Gibeja. Le Kaleboskeri čhaj sas e Achsa.

⁵⁰The kala sas le Kaleboskere čhave: Ešebno o Chur, savo les sas la Efrataha, o Šobal, savo ačhaďa o Kirjat-Jearim, ⁵¹o Salmas, savo ačhaďa o Betlehem, o Charef, savo ačhaďa o Bet-Gader.

⁵²O Šobal, savo ačhaďa o Kirjat-Jearim, sas prapapus le manušenge andral o Haroeh the jepaš Menuchoťanengera fajtake. ⁵³Savore kala kmeňi bešenas paš o Kirjat-Jearim: o Jitričana, o Putana, o Šumatana the o Mišrajitana. O manuša andral o fori Cora the o Eštaol sas andral odi fajta.

⁵⁴O Salmas ačhaďa o Betlehem a sas prapapus le manušenge andral e Netofa the Atarot-Bet-Joab a jepaš Menuchoťanengera fajtake andral e Cora.

⁵⁵O fajti le pisarengere, save bešenas andro Jabec, sas o Tiraťana, Šimeaťana a o Suchaťana. On sas o Keniti, save sas le Chammatoskere potomki, a ov sas prapapus le Rechabčanenge.

Le Davidoskere potomki

¹Kala sas le Davidoskere čhave, save uľile andro Hebron: Ešebno (peršo) o Amnon la Achinoamatar, savi sas andral o Jezreel; dujto o Daniel la Abigajilatar, savi sas andral o Karmel; ²trito o Absolon la Maachatar, savi sas čhaj le kraľiskeri Talmajoskeri andral o Gešur; štarto o Adonijah, la Chaggitatar; ³pandžto o Šefatjah la Abitalatar; šovto o Jitream la Eglatar.

⁴Kala šov čhave uľile andro Hebron, kaj kraľinelas efta berš the šov čhon, a andro Jeruzalem kraľinelas tranda the trin (33) berš.

⁵Kala čhave leske uľile andro Jeruzalem: o Šimea, o Šobab, o Natan the o Šalamun – štar la Batšebatar, le Ammieloskera čhatar – ⁶the o Jibchar, o Elišuah, o Elifelet, ⁷o Nogah, o Nefeg, o Jafias, ⁸o Elišamas, o Eljadas the o Elifelet, jekhetane eňa čhave. ⁹Kala savore sas le Davidoskere čhave a sas les mek aver čhave le romňenca-služobňičkenca. E Tamar sas lengeri pheň.

O potomki le Šalamunoskere

¹⁰Kala sas potomki le Šalamunoskere, save sas kraľa andre Judsko: o Rechabeam, leskero čhavo o Abijah, leskero čhavo o Asa, leskero čhavo o Jošafat, ¹¹leskero čhavo o Jehoram, leskero čhavo o Achazijah, leskero čhavo o Joaš, ¹²leskero čhavo o Amacijah, leskero čhavo o Azarijah, leskero čhavo o Jotam, ¹³leskero čhavo o Achaz, leskero čhavo o Chizkija, leskero čhavo o Menašše, ¹⁴leskero čhavo o Amon, leskero čhavo o Joziaš ¹⁵the leskere štar čhave: ešebno o Jochanan, o dujto Jojakim, o trito Cidkijah the o štarto Šallum.

¹⁶Le Jojakim sas duj čhave: o Jechonijah the o Cidkijah.

Le Jojakimoskere potomki

¹⁷Kala hine efta čhave le Jechonijoskere, savo sas bertenošis andre Babilon: o Šealtiel, ¹⁸o Malkiram, o Pedajah, o Šenaccar, o Jekamiah, o Hošamas the o Nedabiah. ¹⁹Le Pedajoskere čhave sas o Zerubbabel the o Šimej. Le Zerubbabeloskere čhave sas o Mešullam the o Chananijah. Lengeri pheň sas e Šelomita. ²⁰Sas les the aver pandž čhave: o Chašubah, o Ohel, o Berechijah, o Chasadijah the o Jušab-Chesed.

²¹Le Chananijoskere potomki sas o Palatiah the o Ješajah, o Refajah, o Arnan, o Obadiaš the o Šechanijah a lengere čhave. ²²O Šechanijah sas dad le Šemajoske. Le Šemajah sas šov čhave: o Chattuš, o Jigal, o Bariach, o Neariah the o Šafat. ²³Le Neariah sas trin čhave: o Eljoenaj, o Chizkijah the o Azrikam. ²⁴Le Eljoenaj sas efta čhave: o Hodavijah, o Eljašib, o Palajah, o Akkub, o Jochanan, o Delajah the o Anani.

Le Judaskere potomki

¹Le Judaskere čhave sas o Perec, o Checron, o Karmi, o Chur the o Šobal. ²O čhavo le Šobaloskero sas o Reajah, leskero sas o Jachat a leskere o Achumaj the o Lahad. Kala savore sas andral e fajta, so bešenas andre Cora.

^3-4O Chur sas o nekphureder čhavo le Kaleboskero la Efrataha. Ov ačhaďa4,3-4 E Hebrejiko čhib: o dad le Betlehemoskero o Betlehem. Le Chur sas trin čhave: o Etam, o Penuel the o Ezer. Le Etam sas trin čhave: o Jezreel, o Jišma the o Jidbaš a jekh čhaj e Haclelponia. O Penuel ačhaďa o foros Gedor a o Ezer o foros Chuša.

⁵O Ašchur ačhaďa o foros Tekoa a sas les duj romňija: e Chela the e Naara. ⁶La Naaraha sas les štar čhave: o Achuzzam, o Chefer, o Temeni the o Achaštar. ⁷La Chelaha les sas o Ceret, o Jecochar the o Etnan.

⁸Le Kocoskere čhave sas o Anub the o Cobebah. Le Acharcheloskere fajti sas le Kocoskere potomki. O Acharchel sas čhavo le Harumoskero.

⁹Le Jabec denas bareder pačiv sar leskere phralen. Leskeri daj leske diňa nav Jabec, bo phenďa: “Andro dukha les anďom pro svetos.” ¹⁰Andre jekh džives o Jabec vičinelas pro Izraeloskero Del: “Mangav tut, požehňin man, hoj man te el mek buter phuv. Mi ľidžal man tiro vast a odle mandar savoro nalačhipen, so man šaj dukhavel.” Avke o Del les diňa savoro, so lestar mangelas.

¹¹Le Šuchoskero phral sas Kelub. Leskero čhavo sas o Mechir a leskero Ešton. ¹²Le Ešton sas trin čhave: o Bet-Rafah, o Paseach the o Techinnah, savo ačhaďa o foros Ir-Nachaš. O potomki kale muršengere dživenas andre Recha.

¹³Le Kenaz sas duj čhave: o Otňiel the o Serajah. Le Otňiel sas duj čhave: o Chatat the o Meonotaj. ¹⁴O Meonotaj sas dad le Ofroske.

O Serajah sas dad le Joaboske, savo ešebno (peršo) geľa te bešel andre dolina Ge-Charašim, kaj dživenas o majstri.

¹⁵Le Kaleb, le Jefunnoskere čhas, sas trin čhave: o Iru, o Elah the o Naam. O Elah sas dad le Kenazoskero.

¹⁶Le Jehallelel sas štar čhave: o Zif, o Zifah, o Tirjah the o Asarel.

^17-18Le Ezrah sas štar čhave: o Jeter, o Mered, o Efer the o Jalon. O Mered peske iľa romňake la Bitiah, savi sas čhaj le Faraonoskeri. Laha les sas e Mirijam the duj čhave: o Šammaj the o Jišbach, savo ačhaďa o foros Eštemoa. O Mered peske iľa the romňa andral o kmeňos Juda. Laha les sas aver trin čhave: o Jered, savo ačhaďa o foros Gedor, o Cheber, savo ačhaďa o Socho, the o Jekutiel, savo ačhaďa o foros Zanoach.

¹⁹O Hodijah peske iľa le Nachamoskera pheňa romňake. Lengere potomki sas e fajta Garm, savi bešelas andro foros Keila, the e fajta le Maachoskeri, savi bešelas andro foros Eštemoa.

²⁰Le Šimonoskere čhave sas: o Amnon, o Rinnah, o Ben-Chanan the o Tilon.

Le Jišioskere čhave sas o Zochet the o Ben-Zochet.

Le Šeloskere potomki

²¹O Šelah sas jekh le Judaskere čhavendar. Leskere potomki sas o Er, savo ačhaďa o foros Lecha; o Laadah, savo ačhaďa o foros Mareša; o fajti andral e Bet-Ašbea, save džanenas te kerel le ľanostar o pochtana; ²²o Jokim the o murša andral o foros Kozeba; o Joaš the o Saraf, save ľidžanas4,22 Abo: save peske ile romňen andral o Moab o Moab, ale paľis pes odarik visarde andro Lechem. Ale ada hin čirlatuno vakeriben. ²³On sas ola, save kerenas la čhikatar o čare, bešenas andro fori Netaim the Gedera a služinenas le kraľiske.

Le Šimeonoskere potomki

²⁴Le Šimeonoskere čhave sas o Nemuel, o Jamin, o Jarib, o Zerach the o Šaul. ²⁵Le Šauloskero čhavo sas o Šallum, leskero čhavo o Mibsam a leskero čhavo o Mišmas. ²⁶Le Mišmasoskero čhavo sas o Chammuel, leskero čhavo o Zachur a leskero čhavo o Šimej. ²⁷Le Šimej sas dešušov (16) murša the šov čhaja, ale leskere phralen na sas ajci čhave, vašoda le Šimeonoskero kmeňos na sas ajso baro sar le Judaskero.

²⁸On bešenas andre Beer-Šeba, Molada, Chacar-Šual, ²⁹Bilha, Ecem, Tolad, ³⁰Betuel, Chorma, Ciklag, ³¹Bet-Markabot, Chacar-Susim, Bet-Biri the andro Šaarajim. Kala sas lengere fori dži akor, medik kraľinelas o David. ³²Lengere pandž gava sas o Etam, o Ajin, o Rimmon, o Tochen, o Ašan ³³the mek savore gava, so sas pašal lende dži paš o foros Baal. Kala hine o thana, kaj le Šimeonoskere potomki bešenas, sar sas pisimen andre fajtengere zvitki.

^34-38Kala murša sas vodci andre peskere fajti: o Mešobab, o Jamlech, le Amacijoskero čhavo o Jošah, o Joel, o Jehu – savo sas čhavo le Jošibjoskero, ov le Serajoskero a ov le Asieloskero – o Eljoenaj, o Jaakobah, o Ješochajah, o Asajah, o Adiel, o Jesimiel, o Benajah the o Zizas, o čhavo le Šifioskero, ov le Allonoskero, ov le Jedajoskero, ov le Šimrioskero a ov le Šemajoskero.

Lendar ačhiľa bari famelija, ³⁹vašoda odarik gele het a džanas paš o Gedor pro vichodos ola dolinatar te rodel čar prekal peskere stadi. ⁴⁰Arakhle ode igen bari the lačhi maľa. Andre odi phuv sas smirom a šunenas pes ode mištes. Angloda andre odi phuv bešenas o Chamčana.

⁴¹Avke kala fajti avle andro Gedor, sar kraľinelas andre Judsko o Chizkija. Le Chamčanengere stani čhide tele a le Meuniťanen, save ode bešenas, murdarde avri a zaile lengere thana, bo ode sas maľi prekal lengere stadi. Avke ode bešen dži adadžives. ⁴²Pozneder vaj pandž šel (500) murša andral o kmeňos Šimeon gele pro verchi Seir andro Edom. Ľidžalas len o Palatiah, o Neariah, o Refajah the o Uzziel, le Jišioskere čhave. ⁴³Murdarde le Amaleken, save ode mek ačhile, a ode bešen dži adadžives.

Le Rubenoskere potomki

¹O Ruben sas ešebno (peršo) čhavo le Jakoboskero, ale pašľiľa le dadeskera romňaha, vašoda našaďa o pravos, so hin ešebne čhas. Leskero pravos pregeľa pro Jozefoskere čhave a avke andre famelijakero rodokmeňos na sas les pačiv sar ešebnes. ²No choc te andral o kmeňos Juda avľa baro vodcas a choc sas zoraleder sar leskere phrala, o pravos le ešebne čhaskero ačhiľa le Jozefoske. ³Le Ruben, ešebne Jakoboskere čhas, sas štar čhave: o Chanoch, o Pallu, o Checron the o Karmi.

⁴O Joel sas dad le Šemajoske, ov le Gogoske, o Gog le Šimejoske, ⁵ov le Michoske, o Michah le Reajoske a ov le Baaloske. ⁶O Baal sas dad le Beeroske, savo sas vodcas upral le Rubenoskero kmeňos, sar len zaiľa a odľigenďa o Asiriko kraľis Tiglat-Pileser.

⁷Andre famelijakero zvitkos hin zapisimen o vodci andral o kmeňos Ruben: O Jeiel, paľis Zecharijah, ⁸o Belas, čhavo le Azazoskero, čhavo le Šemasoskero, čhavo le Joeloskero. On bešenas le forostar Aroer dži pro severos ko Nebo the Baal-Meon. ⁹Andre phuv Gilead len sas igen but stadi, a vašoda bešenas pre pušťa, so hiňi pro vichodos dži paš o paňi Eufrat.

¹⁰Sar sas kraľis o Saul, o kmeňos Ruben geľa andro mariben pro Hagarčana a murdarde savoren. Avke gele te bešel andre lengere fori andro Gilead pro vichodos.

Le Gadoskere potomki

¹¹O kmeňos Gad bešelas pro severos le Rubenostar, andre phuv Bašan dži ko foros Salcha. ¹²O Joel sas ešebno vodcas andre phuv Bašan, dujto sas o Šafam, a pal lende o Janaj the o Šafat. ¹³Aver Gadoskere fajti a lengere vodci sas: o Michael, o Mešullam, o Šebas, o Joraj, o Jakan, o Zias the o Eber. ¹⁴On sas potomki le Abichajiloskere, savo sas čhavo le Churioskero, ov le Jaroachoskero, ov le Gileadoskero, ov le Michaeloskero, ov le Ješišajoskero, ov le Jachdoskero a ov le Buzoskero. ¹⁵O vodcas kale fajtenge sas o Achi, savo sas le Abdieliskero čhavo a ov le Guniskero. ¹⁶On bešenas andre phuva Gilead the Bašan andro gava the pre caľi phuv Šaron, kaj sas čar prekal o stadi. ¹⁷(Kala savore sas pisimen andro famelijakero rodokmeňos, sar andre Judsko kraľinelas o Jotam a andro Izrael o Jarobeam.)

¹⁸Andro kmeňos Ruben, Gad the jepaš kmeňos Menašše sas 44 760 slugaďa avrisikade andro mariben le šťitenca, šabľenca, lukenca the šipenca. ¹⁹On pes marenas le Hagarčanenca the le kmeňenca Jetur, Nafiš the le Nodab. ²⁰On ňerinde (zviťazinde) upral lende vašoda, bo vičinenas ko Del andro mariben. Ov len šunďa avri a pomožinďa lenge, bo pačanas andre leste. Vašoda diňa andre lengere vasta le Hagarčanen the olen, save lenge pomožinenas. ²¹Ile lendar 50 000 ťavi, 250 000 bakren, 2 000 somaren the 100 000 manušen. ²²The but manuša mule andro mariben, bo oda mariben sas le Devleskero. Pre lengero than bešenas dži akor, medik na sas zaile andre Asirija.

O jepaš kmeňos Menašše

²³O jepaš kmeňos Menašše bešenas andre phuv Bašan dži ko Baal-Chermon the Senir, oda hin o verchos Chermon. On sas igen baro kmeňos. ²⁴Kala sas zorale maribnaskere murša the anglune vodci, save ľidžanas peskere fajti: o Efer, o Jiši, o Eliel, o Azriel, o Jirmejah, o Hodavijah the o Jachdiel.

O kmeňi pro vichodos odľigende andre Asirija

²⁵Ale o manuša na sas pačivale peskere dadengere Devleske, omukle les a chudle te lašarel le devlen avre narodengere, saven anglal lende o Del zňičinďa. ²⁶O Izraeliko Del kerďa upre le Asirike kraľis le Pul – oda hin o Tiglat-Pileser – hoj te džal pre lende pro mariben. Ov zaiľa o kmeňi Ruben, Gad the jepaš kmeňos Menašše a odľigenďa len andro Chalach, Chabor, andre Hara the ko paňi Gozan, kaj hine dži adadžives.

Le Leviskere potomki

²⁷Le Levi sas trin čhave: o Geršon, o Kohat the o Merari.

²⁸Le Kohatoskere čhave sas o Amram, o Jishar, o Chebron the o Uzziel.

²⁹Le Amram sas duj murša: o Aron the o Mojžiš; the jekh čhaj e Mirijam. Le Aron sas štar čhave: o Nadab, o Abihu, o Eleazar the o Itamar.

³⁰O Eleazar sas dad le Pinchasoske, o Pinchas le Abišuasoske, ³¹o Abišuas sas dad le Bukkioske, o Bukki le Uzzioske, ³²o Uzzi le Zerachijoske, o Zerachijah le Merajotoske, ³³o Merajot le Amarioske, o Amariah le Achituboske, ³⁴o Achitub le Cadokoske, o Cadok le Achimaacoske, ³⁵o Achimaac le Azarioske, o Azariah le Jochananoske, ³⁶o Jochanan sas dad le Azarioske, savo služinelas sar rašaj andro Chramos, so ačhaďa o Šalamun andro Jeruzalem. ³⁷O Azariah sas dad le Amarioske, o Amariah le Achituboske, ³⁸o Achitub le Cadokoske, o Cadok le Šallumoske, ³⁹o Šallum le Chilkijoske, o Chilkijah le Azarioske, ⁴⁰o Azariah le Serajoske a o Serajah le Jehocadakoske. ⁴¹Ale o Jehocadak sas zailo jekhetane le manušenca andral o Jeruzalem the Judsko akor, sar len o RAJ bičhaďa andro Babilon le Nebukadnecaroskere vasteha.

Aver potomki le Leviskere

¹Le Leviskere čhave sas o Geršom, o Kohat the o Merari. ²Le Geršomoskere čhave sas o Libni the o Šimej. ³Le Kohatoskere čhave sas o Amram, o Jishar, o Chebron the o Uzziel. ⁴Le Merariskere čhave sas o Machli the o Muši. Kale hine le Levitengere fajti pal lengere fameliji:

⁵Le Geršomoskero čhavo sas o Libni, leskero o Jachat, leskero o Zimmah, ⁶leskero o Joach, leskero o Iddo, leskero o Zerach the leskero o Jeatraj.

⁷Le Kohatoskero čhavo sas o Amminadab, leskero o Korach, leskero o Assir, ⁸leskero o Elkanah, leskero o Ebjasaf, leskero o Assir, ⁹leskero o Tachat, leskero o Uriel, leskero o Uzziah a leskero o Šaul.

¹⁰Le Elkanah sas duj čhave: o Amasaj the o Achimot. ¹¹Le Achimotoskero čhavo sas o Elkanah, leskero o Cofaj, leskero o Nachat, ¹²leskero o Eliab, leskero o Jerocham, leskero o Elkanah the leskero o Samuel.

¹³Le Samuel sas duj čhave: Ešebno (peršo) o Joel a dujto o Abijah.

¹⁴Le Merariskero čhavo sas o Machli, leskero o Libni, leskero o Šimej, leskero o Uzzah, ¹⁵leskero o Šimeas, leskero o Chaggijah the leskero o Asajah.

O lavutara andre le RAJESKERO kher

¹⁶Kalen muršen o David ačhaďa, hoj te služinen le giľavipnaha pro than, kaj lašarenas le RAJES akorestar, sar andro Jeruzalem ande e Zmluvakeri Archa. ¹⁷On služinenas le giľavipnaha anglo Sentno Stanos, medik o Šalamun na ačhaďa o Chramos andro Jeruzalem. On kerenas služba akor, sar pre lende avelas o šoros.

¹⁸Kala manuša lengere čhavenca kerenas kadi služba: andral e Kohatoskeri fajta o lavutaris Heman, saveske sas dad o Joel, leske o Samuel, ¹⁹leske o Elkanah, leske o Jerocham, leske o Eliel, leske o Toach, ²⁰leske o Cuf, leske o Elkanah, leske o Machat, leske o Amasaj, ²¹leske o Elkanah, leske o Joel, leske o Azarijah, leske o Cefanjah, ²²leske o Tachat, leske o Assir, leske o Ebjasaf, leske o Korach, ²³leske o Jishar, leske o Kohat, leske o Levi the leske o Jakob.

²⁴O Asaf, le Hemanoskero pašutno, leha ačhelas andre služba pal e čači (pravo) sera. Le Asafoskero dad the phure dada pal o rodokmeňos sas: o Berechijah, o Šimea, ²⁵o Michael, o Baasejah, o Malkijah, ²⁶o Etni, o Zerach, o Adajah, ²⁷o Etan, o Zimmah, o Šimej, ²⁸o Jachat, o Geršom the o Levi.

²⁹Pal e baľogňi (ľavo) sera leha ačhelas andre služba o Etan andral le Merariskeri fajta. Leskero dad the phure dada pal o rodokmeňos sas: o Kiši, o Abdi, o Malluch, ³⁰o Chašabijah, o Amacijah, o Chilkijah, ³¹o Amci, o Bani, o Šemer, ³²o Machli, o Muši, o Merari the o Levi. ³³Okle Levitenge sas dine savore aver službi andro Stanos, pro than, kaj lašarenas le Devles.

Le Aronoskere potomki

³⁴O Aron peskere čhavenca anelas o labarde the o voňava obeti pro oltara. On kerenas andro Neksentneder Than savori služba, hoj o RAJ te odmukel o bini le Izraelitenge, sa avke sar prikazinďa o Mojžiš, le Devleskero služobňikos. ³⁵Kala hine le Aronoskere potomki: Leskero čhavo sas o Eleazar, leskero o Pinchas, leskero o Abišuas, ³⁶leskero o Bukki, leskero o Uzzi, leskero o Zerachijah, ³⁷leskero o Merajot, leskero o Amariah, leskero o Achitub, ³⁸leskero o Cadok the leskero o Achimaac.

O fori dine le Levitenge

³⁹Kala hine o fori the o phuva, so chudle o potomki le Aronoskere la Kohatoskera fajtatar. On chudle ešebno kotor la phuvatar, so sas dino le Levitenge prekal o losos. ⁴⁰Andre Judsko chudle o foros Hebron le maľenca, so sas pašal leste. ⁴¹Ale o gava le maľenca pašal oda foros sas dine le Kaleboske, le Jefunnoskere čhaske. ⁴²Le Aronoskere potomkenge sas dine kale fori le maľenca: o Hebron, so sas o foros pro garuďipen6,42 4. M. 35,11, o Jattir, e Libna, e Eštemoa, ⁴³o Chilen, o Debir, ⁴⁴o Ašan the o Bet-Šemeš. ⁴⁵Le kmeňostar Benjamin lenge sas dine o fori le maľenca: e Geba, o Alemet the o Anatot. Kala dešutrin (13) fori sas rozulade (rozďelimen) maškar o Kohatoskere potomki. ⁴⁶Okla potomki le Kohatoskere chudle prekal o losos deš fori le kmeňostar Menašše pal o zapados.

⁴⁷Le Geršomoskere potomkenge sas dine dešutrin fori andral o kmeňi Jissachar, Ašer, Naftali, the vichodno Menašše andro Bašan. ⁴⁸Le Merariskere potomkenge prekal o losos sas dine dešuduj (12) fori andral o kmeňi Ruben, Gad the Zebulun. ⁴⁹Avke o Izraeliti dine le Levitenge o fori le maľenca. ⁵⁰Kala fori andral o kmeňi Juda, Šimeon the Benjamin lenge sas dine prekal o losi.

⁵¹Le kmeňostar Efrajim sas dine varesave le Kohatoskere fajtenge kala fori le maľenca: ⁵²O Šichem pro Efrajimoskere brehi, so sas o foros pro garuďipen, o Gezer, ⁵³o Jokmeam, o Bet-Choron, ⁵⁴o Ajalon the o Gat-Rimmon. ⁵⁵Le Kohatoskere fajtenge, save ačhile, sas dine le kmeňostar Menašše pro zapados o fori Aner the Bileam le maľenca.

⁵⁶Le Geršomoskere potomkenge sas dine kala fori le maľenca:

andral o kmeňos Menašše pro vichodos o Golan andre phuv Bašan the Aštarot;

⁵⁷le kmeňostar Jissachar: o Kedeš, o Daberat, ⁵⁸o Ramot the o Anem;

⁵⁹le kmeňostar Ašer: o Mašal, o Abdon, ⁶⁰o Chukok the o Rechob;

⁶¹le kmeňostar Naftali: o Kedeš andre Galileja, o Chammon the o Kirjatajim.

⁶²Olenge, ko ačhile le Merariskere potomstvostar, sas dine le kmeňostar Zebulun o fori Rimmon the Tabor le maľenca.

⁶³Le kmeňostar Ruben pre vichodno sera le Jordanostar paš o Jericho lenge sas dine kala štar fori le maľenca: o Becer pre pušťa, e Jahca, ⁶⁴o Kedemot the o Mefaat;

⁶⁵a le kmeňostar Gad kala fori: o Ramot andro Gilead, o Machanajim, ⁶⁶o Chešbon the o Jazer.

Le Jissacharoskere potomki

¹Le Jissachar sas štar čhave: o Tolas, o Puah, o Jašub the o Šimron.

²Le Tolasoskere čhave sas o Uzzi, o Refajah, o Jeriel, o Jachmaj, o Jibsam the o Šemuel. On sas vodci andre famelija le Tolasoskera fajtake. Andre lengero fajtakero rodokmeňos sas zapisimen 22 600 zorale maribnaskere murša, sar kraľinelas o David.

³Le Uzzioskero čhavo sas o Jizrachiah. Le Jizrachioskere čhave sas o Michael, o Obadiah, o Joel the o Jiššijah. On savore sas vodci andro fajti. ⁴Andre lengero rodokmeňos sas zapisimen 36 000 maribnaskere murša, bo sas len but romňija the čhave.

⁵Savore zorale maribnaskere murša, save sas zapisimen andre le Jissacharoskero rodokmeňos, sas 87 000.

Le Benjaminengere potomki

⁶Le Benjamin sas trin čhave: o Belas, o Becher the o Jediael.

⁷Le Belas sas pandž čhave: o Ecbon, o Uzzi, o Uzziel, o Jerimot the o Iri. On sas zorale maribnaskere murša the vodci andre peskere fajti. Andre lengero rodokmeňos sas zapisimen 22 034 maribnaskere murša.

⁸Le Becheroskere čhave sas o Zemirah, o Joaš, o Eliezer, o Eljoenaj, o Omri, o Jeremot, o Abijah, o Anatot the o Alemet. ⁹Dojekh lendar sas vodcas andre peskeri fajta. Andre lengero rodokmeňos sas zapisimen 22 200 maribnaskere murša.

¹⁰Le Jediaeloskero čhavo sas o Bilhan. Le Bilhanoskere čhave sas o Jeuš, o Benjamin, o Ehud, o Kenaanah, o Zetan, o Taršiš the o Achišachar. ¹¹Kala savore le Jediaeloskere čhave sas vodci andre peskeri fajta. Lendar sas 17 200 zorale maribnaskere murša, save sas pririchtimen te džal andro mariben. ¹²Le Irioskere čhave sas o Šuppim the o Chuppim.

O Dan7,12 Abo: aver murš sas dad le Chušimenge.

Le Naftaliskere potomki

¹³Le Naftaliskeri daj sas e Bilha a leskere čhave sas o Jachciel, o Guni, o Jecer the o Šallum.

Le Menaššeskere potomki

¹⁴Le Menašše la romňaha-služobňičkaha, andral o Aram, sas duj čhave: o Asriel the o Machir, savo sas dad le Gileadoske. ¹⁵O Machir arakhľa romňijen prekal o Šuppim the Chuppim. E Maacha sas leskeri pheň. Leskero dujto čhavo sas o Celofchad. Le Celofchad sas ča čhajora.

¹⁶Le Machir peskera romňaha la Maachaha sas čhavo a oj leske diňa nav Pereš. A leskero phral sas o Šereš. Le Šerešoskere čhave sas o Ulam the o Rekem. ¹⁷O Ulam sas dad le Bedanoske. Kala sas savore potomki le Gileadoskere, čhavo le Machiroskero, čhavo le Menaššeskero.

¹⁸Le Gileadoskeri pheň e Hammolechet sas daj le Išhodoske, Abiezeriske the le Machloske. ¹⁹Le Šemidas sas štar čhave: o Achjan, o Šechem, o Likchi the o Aniam.

Le Efrajimoskere potomki

²⁰O Efrajim sas dad le Šutelachoske, ov le Beredoske, ov le Tachatoske, ov le Eladoske, ov le Tachatoske, ²¹ov le Zabadoske a ov le Šutelachoske. Le Efrajim sas mek duj čhave, o Ezer the o Elad, ale len murdarde o manuša andral o Gat akor, sar avle te čorel lengero dobitkos. ²²Lengero dad o Efrajim but dživesa ľikerelas o smutkos. A avke avle ke leste leskere phrala a prevakerenas les. ²³Paľis geľa ke peskeri romňi a pašľiľa laha. Uľiľa lake muršoro, saveske diňa nav Berijah, bo pre leskeri famelija avľa e bibach.

²⁴Le Efrajimoskeri čhaj sas e Šeera. Oj diňa te ačhavel o Teluno the Upruno Bet-Choron the o Uzzen-Šeera.

²⁵Le Efrajim sas mek jekh čhavo o Refach. Leskere potomki sas kala: Leskero čhavo o Rešef, leskero o Telach, leskero o Tachan, ²⁶leskero o Ladan, leskero o Ammichud, leskero o Elišamas, ²⁷leskero o Nun the leskero o Jozua.

²⁸Lengere phuva the fori sas kala: o Betel le gavenca, pro vichodos o Naaran, pro zapados o Gezer le gavenca, the o Šichem le gavenca dži ke Ajja le gavenca.

²⁹O kmeňos Menašše chudľa o foros Bet-Šean le gavenca, o Taanach le gavenca, o Megiddo le gavenca the o Dor le gavenca.

Andre kala fori bešenas o potomki le Jozefoskere, savo sas čhavo le Jakoboskero.

Le Ašeroskere potomki

³⁰Le Ašeroskere čhave sas o Jimnah, o Jišvah, o Jišvi the o Berijah. Lengeri pheň sas e Serach.

³¹Le Berijoskere čhave sas o Cheber the o Malkiel, savo ačhaďa o gav Birzajit.

³²Le Cheber sas trin čhave: o Jaflet, o Šomer the o Chotam. Lengeri pheň sas e Šua.

³³Le Jafletoskere čhave sas o Pasach, o Bimhal the o Ašvat.

³⁴Le Šemeroskere čhave sas o Achi, o Rohgah, o Jechubbah the o Aram.

³⁵O čhave le Helemoskere, leskere phraleskere, sas o Cofach, o Jimnas, o Šeleš the o Amal.

³⁶Le Cofachoskere čhave sas o Suach, o Charnefer, o Šual, o Beri, o Jimrah, ³⁷o Becer, o Hod, o Šammas, o Šilšah, o Jitran the o Beeras.

³⁸Le Jeteroskere čhave sas o Jefunneh, o Pispah the o Aras.

³⁹Le Ulloskere čhave sas o Arach, o Channiel the o Ricjah.

⁴⁰Kala savore sas le Ašeroskere potomki. On sas zorale maribnaskere murša the vodci andre peskere fajti. Andre lengero rodokmeňos sas zapisimen 26 000 zorale maribnaskere murša.

Le Benjaminengere potomki

¹Le Benjamin sas pandž čhave. Ešebno (peršo) čhavo sas o Belas, dujto o Ašbel, trito o Achrach, ²štarto o Nochah the pandžto o Rafah.

³Le Belasoskere čhave sas o Addar, o Geras, o Abihud, ⁴o Abišuas, o Naaman, o Achoach, ⁵o Geras, o Šefufan the o Churam.

⁶O potomki le Echudoskere, save sas o vodci andre peskere fajti a save dživenas andre Geba, ale sas thode te bešel andro Manachat, hine kala: ⁷O Naaman, o Achijah the o Geras, saven prethode te bešel avrether a savo sas o dad le Uzzasoske the le Achichudoske.

^8-9O Šacharajim premukľa peskere duje romňijen la Chušima the la Baara. Pozneder, sar bešelas andre Moabiko phuv, iľa peske la Chodeša romňake a laha les sas efta čhave: o Jobab, o Cibijas, o Mešas, o Malkam, ¹⁰o Jeuc, o Sachijah the o Mirmah. Kala sas o vodci andre peskere fajti.

¹¹La Chušimaha les sas o Abitub the o Elpaal.

¹²Le Elpaaloskere čhave sas o Eber, o Mišam the o Šemed. On ačhade o fori Ono the Lod le gavenca, so hine pašal lende.

¹³O Berijah the o Šemas sas vodci le fajtenge, save bešenas andro Ajalon. On sas ola, save tradle avri le manušen andral o Gat. ¹⁴Le Berijoskere čhave sas o Achijo, o Šašak, o Jeremot, ¹⁵o Zebadijah, o Arad, o Eder, ¹⁶o Michael, o Jišpah the o Jochas.

¹⁷Le Elpaaloskere potomki sas o Zebadijah, o Mešullam, o Chizki, o Cheber, ¹⁸o Jišmeraj, o Jizlijah the o Jobab.

¹⁹Le Šimejoskere potomki sas o Jakim, o Zichri, o Zabdi, ²⁰o Elienaj, o Cilletaj, o Eliel, ²¹o Adajah, o Berajah the o Šimrat.

²²Le Šašakoskere potomki sas o Jišpan, o Eber, o Eliel, ²³o Abdon, o Zichri, o Chanan, ²⁴o Chananijah, o Elam, o Antotijah ²⁵o Jifdejah the o Penuel.

²⁶Le Jerochamoskere potomki sas o Šamšeraj, o Šecharijah, o Atalijah, ²⁷o Jaarešijah, o Elijah the o Zichri.

²⁸Kala savore sas zapisimen andro rodokmeňos sar vodci, save bešenas andro Jeruzalem.

²⁹O Jeiel, oda hin o Abi-Gibeon, bešelas andro foros Gibeon. Leskeri romňi sas e Maacha. ³⁰Leskero ešebno čhavo sas o Abdon, paľis o Cur, o Kiš, o Baal, o Ner, o Nadab, ³¹o Gedor, o Achijo, o Zecher ³²the o Miklot, savo sas dad le Šimeoske. The on bešenas pašes paš peskere phrala andro Jeruzalem.

³³O Ner sas dad le Kišoske a o Kiš le Sauloske. Le Sauloskere čhave sas o Jonatan, o Malki-Šua, o Abinadab the o Ešbaal. ³⁴O Jonatan sas dad le Merib-Baaloske, o Merib-Baal le Michasoske.

³⁵Le Michasoskere čhave sas o Piton, o Melech, o Tareas the o Achaz. ³⁶O Achaz sas dad le Joaddoske a le Joaddoskere čhave sas o Alemet, o Azmavet the o Zimri. O Zimri sas dad le Mocasoske. ³⁷O Mocas sas dad le Bineasoske, o Bineas le Rafoske, o Rafah le Elasoske, o Elasah le Aceloske.

³⁸Le Acel sas šov čhave: o Azrikam, o Bocheru, o Jišmael, o Šearijah, o Obadijah the o Chanan. ³⁹Leskere phrales le Ešek sas trin čhave: ešebno o Ulam, dujto o Jeuš the trito o Elifelet.

⁴⁰Le Ulamoskere čhave sas zorale maribnaskere murša the lukostrelci. Sas les but potomki: Šel the penda (150) čhave the čhavengere čhave.

Kala savore sas andral o kmeňos Benjamin.

O manuša, save avle pale andro Jeruzalem

¹Savore Izraeliti sas zapisimen pal peskeri fajta andro Zvitkos le Izraelike the Judske Kraľengero. Ale kerenas bini anglo RAJ, a vašoda sas o Judejci zaile a odľigende andro Babilon.

²Ešebne (perše) manuša, save avle pale te bešel andre peskeri phuv the andre peskere fori, sas vajkeci Izraeliti, rašaja, Leviti the le chramoskere služobňika. ³Andro Jeruzalem gele te bešel vajkeci manuša andral o kmeňi Juda, Benjamin, Efrajim the Menašše.

^4-6Andral o kmeňos Juda ode avle pale te bešel 690 fameliji. On savore sas potomki le Judaskere čhavendar: le Perecostar, le Šelostar the le Zerachostar. Lengere vodci sas o Utaj, o Asajah the o Jeuel. O Utaj sas le Ammichudoskero čhavo a potomkos le Omrioskero, le Imrioskero, le Baniskero the le Perecoskero; o Asajah sas potomkos le Šeloskero a o Jeuel le Zerachoskero.

^7-9Andral o kmeňos Benjamin ode avle pale te bešel 956 fameliji: lendar sas o Sallu le Mešullamoskero čhavo, saveske sas papus o Hodavijah a prapapus o Hassenuah; o Jibnejah le Jerochamoskero čhavo; o Elah le Uzzioskero čhavo, saveske sas papus o Michri; a o Mešullam le Šefatijahoskero čhavo, saveske sas papus o Reuel a prapapus o Jibnijah.

Kala savore sas vodci andre peskere fameliji.

O rašaja, save avle pale te bešel andro Jeruzalem

^10-12Le rašajendar avle te bešel andro Jeruzalem o Jedajah, o Jojarib, o Jachin, o Azarijah, le Chilkijoskero čhavo, savo sas potomkos le Mešullamoskero, le Cadokoskero, le Merajotoskero the le Achituboskero; o Adajah le Jerochamoskero čhavo, savo sas potomkos le Pašchuroskero the le Malkijoskero; o Maasaj, le Adieloskero čhavo, savo sas potomkos le Jachzeroskero, le Mešullamoskero, le Mešillemitoskero the le Immeroskero.

¹³O rašaja, save sas vodci andre peskere fameliji, sas jekhetane 1 760. On džanenas mištes te kerel savori služba andro Chramos.

O Leviti save avle te bešel andro Jeruzalem

^14-16Kala džene le Levitendar avle te bešel andro Jeruzalem: o Šemajah andral le Merariskero rodokmeňos, savo sas potomkos le Chaššuboske, le Azrikamoske the le Chašabijoske; o Bakbakkar, o Chereš, o Galal a o Mattanijah, le Michasoskero čhavo, savo sas potomkos le Zichriske the le Asafoske; o Obadijah, savo sas le Šemajoskero čhavo, o čhavo le Galaloske, o čhavo le Jedutunoske; o Berechijah le Asasoskero čhavo, saveske sas papus o Elkanah, savo bešelas andro gavora pašal o foros Netofa.

O chramoskere stražňika

¹⁷Kala džene stražinenas paš o chramoskero vudar: o Šallum, o Akkub, o Talmon, o Achiman the leskere phrala. O Šallum sas lengero vodcas. ¹⁸Dži andre oda časos stražinenas paš e Kraľiskeri Brana pre vichodno sera le foroskeri. On angloda stražinenas le Levitengere tabora.

¹⁹O Šallum, o potomkos le Koreoskero the le Ebjasafoskero, jekhetane leskera famelijaha andral e Korachoskeri fajta sas ačhade, hoj te stražinen paš o vudar le RAJESKERE Stanoskero, avke sar varekana lengere dada stražinenas le RAJESKERO taboris. ²⁰O Pinchas, le Eleazaroskero čhavo, sas varekana lengero vodcas a o RAJ sas leha.

²¹O Zecharijah, le Mešelemijoskero čhavo, stražinelas paš o vudar andre le RAJESKERO Stanos.

²²Savore, save sas avrikidle, hoj te stražinen e chramoskeri brana, sas 212. On sas zapisimen pal peskere gava. O David le prorokoha Samueloha ačhade kale stražňikengere daden andre služba. ²³On the lengere potomki služinenas paš o brani andre le RAJESKERO Chramos a angloda andro Sentno Stanos. ²⁴O brani sas pro štar seri: pro vichodos, zapados, severos the pro juhos. ²⁵Furt pro eftato džives lengere phrala andral lengere gava, len čerinenas andre služba. Bo sako eftato džives pes čerinenas. ²⁶Ola štar anglune stražňika sas Leviti. On pes starinenas pal o Chramos, skladi the pokladňi. ²⁷On rači sas paš o Chramos, bo sas ačhade les te stražinel, a sako tosara mušinenas te phundravel e brana.

Le Levitengeri služba

²⁸Varesave Leviti pes starinenas pal o veci pro lašariben andro Chramos. Sar o veci lenas avri abo thovenas pale, mušinenas len te zgenel. ²⁹Aver džene merkinenas pro sersamos the pro savore sentne veci, pro sano aro, olejos, kaďidlos, koreňje the pre mol. ³⁰Ale varesave rašaja kerenas o masci le koreňjendar.

³¹O Levitas o Mattitijah, o nekphureder čhavo le Šallumoskero le Korachoskera fajtatar, sas ačhado, hoj te pekel o sentne mare. ³²Aver murša andral le Kohatoskeri fajta sas ačhade, hoj te pririchtinen o sentne mare andro Chramos sako Šabbat.

³³Varesave vodci andral e Levitengere fameliji, save sas lavutara, bešenas andro Chramos a na kerenas ňič aver, bo mušinenas te el pririchtimen andre služba rat the džives.

³⁴Kala savore sas vodci andre le Levitengere fameliji pal lengere fajti a bešenas andro Jeruzalem.

Le Sauloskero rodokmeňos

³⁵O Jeiel, oda hin o Abi-Gibeon, ešebno bešelas andro foros Gibeon. Leskeri romňi sas e Maacha. ³⁶Leskero ešebno čhavo sas o Abdon, paľis o Cur, o Kiš, o Baal, o Ner, o Nadab, ³⁷o Gedor, o Achijo, o Zecharijah the o Miklot, ³⁸savo sas dad le Šimeamoskero. The on bešenas paš peskere phrala andro Jeruzalem.

³⁹O Ner sas dad le Kišoske, o Kiš le Sauloske. Le Sauloskere čhave sas o Jonatan, o Malki-Šua, o Abinadab the o Ešbaal. ⁴⁰O Jonatan sas dad le Merib-Baaloske a ov le Michasoske. ⁴¹Le Michasoskere čhave sas o Piton, o Melech, o Tachrea, the o Achaz. ⁴²O Achaz sas dad le Jaroske a o Jarah le Alemetoske, le Azmavetoske the le Zimriske. O Zimri sas dad le Mocasoske, ⁴³ov le Bineasoske, ov le Refajoske, ov le Elasoske a ov le Aceloske.

⁴⁴Le Acel sas šov čhave: o Azrikam, o Bocheru, o Jišmael, o Šearijah, o Obadijah the o Chanan.

Le Sauloskero meriben

¹O Filišťinci gele pro mariben pro Izraeliti. Ale o Izraeliti pes rozdenašle a but lendar sas murdarde pro verchos Gilboa. ²O Filišťinci pes dochudle ko Saul the ke leskere trin čhave a murdarde le Jonatan, le Abinadab the le Malki-Šua. ³O mariben sas zoralo pašal o Saul, o lukostrelci les ľivinde a sas igen zraňimen.

⁴Akor o Saul phenďa le sluhaske, savo hordinelas leskere zbraňi: “Cirde avri e šabľa a murdar man sigeder, sar avena ola naobčhinde (naobrezimen), hoj mange te na keren ladž.”

Ale leskero sluhas oda na kamelas te kerel, bo igen daralas. Avke o Saul iľa peskeri šabľa a čhiďa pes pre late. ⁵Sar o sluhas dikhľa, hoj o Saul hino mulo, the ov pes čhiďa pre šabľa a muľa. ⁶Avke andre oda džives mule jekhetane o Saul the leskere trin čhave, vašoda ňiko leskere čhavendar pal leste na kraľinelas.

⁷Sar o Izraeliti, save bešenas andre dolina Jezreel, dikhle, hoj le Sauloskere murša pes rozdenašle a hoj o Saul the leskere čhave mule, the on denašle a omukle peskere fori. Avke o Filišťinci avle a zaile peske ola fori.

⁸Pre aver džives pal o mariben avle o Filišťinci te občorel olen, save sas mule, a arakhle ode le Saul the leskere trine čhaven pro verchos Gilboa. ⁹Pal o Saul čhide tele o gada, odčhinde leske o šero, ile leskeri vizbroj a bičhade len andre Filišťiniko phuv. Kada hiros dine te džanel peskere modlenge the le manušenge. ¹⁰Le Sauloskeri vizbroj thode andre peskere devlengero chramos a leskero šero figinde andre le Dagonoskero chramos.

¹¹Sar o manuša andral o Jabeš-Gilead pes došunde, so o Filišťinci kerde le Sauloha, ¹²gele ode savore zorale murša, ile le Sauloskero ťelos the leskere čhavengero a ande len andro Jabeš. Parunde len andro hrobos tel o baro stromos a efta džives pes poscinenas.

¹³Avke o Saul muľa, bo na sas pačivalo le RAJESKE, na doľikerelas leskero lav a geľa the te phučel le mulengere duchendar, so majinel te kerel, ¹⁴a na le RAJESTAR. Vašoda o RAJ les diňa te murdarel a o kraľišagos diňa le Davidoske, le Izajoskere čhaske.

O David ačhel kraľis upral calo Izrael

¹Savore Izraeliti pes zgele ko David andro Hebron a phende: “Se amen sam jekh rat. ²Tu ľidžahas le Izraeliten andro mariben mek sigeder, sar sas kraľis o Saul, bo o RAJ, tiro Del, tuke phenďa: ‘Tu ľidžaha mire manušen sar pasťjeris a ačheha lengero vodcas.’ ”

³Savore vodci andral o Izrael avle ko kraľis andro Hebron, kaj lenca phandľa anglo RAJ e zmluva. Avke pomakhle le David vaš o kraľis upral o Izrael, avke sar phenďa o RAJ prekal o prorokos Samuel.

O David zalel o Jeruzalem

⁴O David geľa savore Izraelitenca andro mariben pro Jeruzalem, so pes angloda vičinelas Jebus, bo ode furt bešenas o Jebuseja. ⁵Ola Jebuseja phende le Davidoske: “Ade pes na dochudeha!” Ale o David domarďa o zoralo foros Sion, oda hin akana o Foros le Davidoskero.

⁶Akor o David phenďa: “Ko ešebno (peršo) murdarela Jebusejis, ačhela nekbareder veľiťeľis.” Ešebno geľa o Joab, la Cerujakero čhavo, vašoda ačhiľa nekbareder veľiťeľis.

⁷Paľis o David ačhiľa te bešel andre oda zoralo foros, vašoda o manuša les vičinenas o Foros le Davidoskero. ⁸Paľis chudľa te ačhavel o foros pro vichodos pašal o than, kaj zrovňinďa o brehos, a o Joab oprikerďa o foros, kaj mek kampelas. ⁹O David ačhelas furt zoraleder, bo o RAJ o Nekzoraleder sas leha.

O trin zorale murša le Davidoskere

¹⁰Kala hine o zorale murša le Davidoskere, save jekhetane savore Izraelitenca les ačhade vaš o kraľis upral o Izrael a zoraľarde leskero kraľišagos pal caľi phuv, avke sar o RAJ diňa lav pal o Izrael:

¹¹Ešebno o Jašobeam, andral le Chachmonoskeri fajta, savo sas vodcas le Trine, save sas trin zorale murša. La kopijaha murdarďa trin šel (300) muršen andre jekh mariben.

¹²Dujto ole Trinendar sas o Eleazar, le Dodoskero čhavo, andral le Achoachoskeri fajta. ¹³Ov sas le Davidoha andre Pas-Dammim akor, sar pes o Filišťinci zgele pro mariben. Ode sas jačmeňiskeri maľa. Sar o manuša denašenas le Filišťinendar, ¹⁴o Eleazar ačhelas maškar e maľa a marelas pes le Filišťinenca. Akor o Izraeliti ňerinde (zviťazinde) upral lende. Avke o RAJ diňa upral lende baro ňerinďipen (viťaztvo).

¹⁵Jekhvar avle trin le tranda (30) zorale muršendar ko David pre skala paš e jaskiňa Adullam. Akor o Filišťinike slugaďa peske kerde taboris andre le Refajengeri dolina. ¹⁶O David sas akor pro verchos andro zoralo than a e Filišťiniko slugaďengeri partija sas andro Betlehem. ¹⁷A o David kamelas igen te pijel paňi a phenďa: “Ko man dela te pijel paňi andral e chaňig, so hiňi paš e brana andro Betlehem?” ¹⁸Avke ola trin džene pes premarde prekal le Filišťinengero taboris, cirdle o paňi andral odi chaňig, so sas paš e brana andro Betlehem, a ande le Davidoske. Ale ov na kamelas oda paňi te pijel, ale čhorďa les avri sar obeta prekal o RAJ. ¹⁹A phenďa: “Mi chraňinel man o RAJ, hoj ada te kerav! Se oda uľahas avke, sar te piľomas o rat le muršengero, save gele te anel oda paňi.” A na kamelas oda paňi te pijel.

Kada kerde ola trin zorale murša.

O tranda zorale murša

²⁰Le Joaboskero phral o Abišaj sas vodcas le tranda (30) zorale muršenge. Andre jekh mariben la kopijaha murdarďa trin šel (300) muršen, avke leskero nav ačhiľa baro maškar ola Tranda. ²¹Maškar ola Tranda les sas bareder pačiv a ačhiľa lengero vodcas, ale na sas les ajsi pačiv sar ole Trin.

²²O Benajah, le Jehojadoskero čhavo, sas zoralo murš, kerelas but bare veci a sas andral o Kabceel. Ov murdarďa duje zorale Moabčanen. Andre jekh džives, sar delas o jiv, ov geľa andre chev a murdarďa le ľevos. ²³Murdarďa the jekhe Egipťanos, savo sas učo buter sar duj metri. Choc le Egipťanoste andro vast sas igen thuľi kopija a leste ča e paca, o Benajah leske la iľa andral o vast a murdarďa les laha. ²⁴Ada kerďa o Benajah, le Jehojadoskero čhavo, a aleha peske kerďa nav avke sar ola Trin. ²⁵Maškar ola Tranda les sas pačiv, ale the avke na sas sar ola Trin. O David les ačhaďa veľiťeľiske upral peskere ťelesne stražňika.

²⁶Aver zorale murša sas le Joaboskero phral o Asahel; le Dodoskero čhavo o Elchanan andral o Betlehem; ²⁷o Šammot andral o Charor; o Chelec andral o Palon; ²⁸o Iras, le Ikkešoskero čhavo andral e Tekoa; o Abiezer andral o Anatot; ²⁹o Sibbechaj andral e Chuša; o Ilaj andral o Achoach; ³⁰o Mahraj andral e Netofa; le Baanoskero čhavo Cheled andral e Netofa; ³¹le Ribajoskero čhavo o Itaj andral le Benjaminiko phuv Gibeja; o Benajah andral o Piraton; ³²o Churaj andral o Gaašiskere dolini; o Abijel andral e Araba; ³³o Azmavet andral o Bachurim; o Eljachbas andral o Šaalbon; ³⁴le Hašemoskere čhave andral o Gizon; le Šageoskero čhavo o Jonatan andral o Harar; ³⁵le Sacharoskero čhavo o Achijam andral o Harar; le Uroskero čhavo o Elifal; ³⁶o Chefer andral e Mechera; o Achijah andral o Palon; ³⁷o Checro andral o Karmel; le Ezbajoskero čhavo o Naaraj; ³⁸le Natanoskero phral o Joel; le Hagrioskero čhavo o Mibchar; ³⁹o Ammončanos o Celek; o Nachraj andral o Beerot, savo hordinelas o zbraňi le Joaboske, la Cerujakere čhaske; ⁴⁰the o Jitričana o Ira the o Gareb; ⁴¹o Chetitos o Urijaš; le Achlajoskero čhavo o Zabad; ⁴²le Šizasoskero čhavo o Adinas, savo sas vodcas andro kmeňos Ruben, le tranda maribnaskere muršenca; ⁴³le Maachoskero čhavo o Chanan; o Jošafat andral o Mitan; ⁴⁴o Uzzias andral o Aštarot; o Šamas the o Jeiel, o čhave le Chotamoskere andral o Aroer; ⁴⁵le Šimrioskero čhavo o Jediael the leskero phral o Jochas andral o Tic; ⁴⁶o Eliel andral e Machava; le Elnaamoskere čhave o Jeribaj the o Jošavijah; o Moabčanos o Jitmah; ⁴⁷o Eliel; o Obed the o Jaasiel andral e Coba.

Le Davidoskere murša andral o kmeňos Benjamin

¹Kala murša avle ko David andro Ciklag akor, sar denašľa le Saulostar, le Kišoskere čhastar. On sas zorale maribnaskere murša, save leske pomožinenas andro mariben. ²Savorende sas o luki a džanenas igen mištes te ľivinkerel le lukoha a te čhivkerel andral o prakos o bara le baľogne (ľave) vaj le čače (prave) vasteha. On sas andral o kmeňos Benjamin avke sar the o Saul.

³O Achiezer the o Joaš, le Šemaoskere čhave andral e Gibeja, sas veľiťeľa upral lende.

Kala murša sas: o Jeziel the o Palet, le Azmavetoskere čhave; o Berachas the o Jehu andral o Anatot; ⁴o Jišmajah andral o Gibeon, savo sas maškar o Tranda a sas lengero veľiťeľis; ⁵o Jirmejah, o Jachaziel, o Jochanan, o Jozabad andral e Gedera; ⁶o Eluzaj, o Jerimot, o Bealijah, o Šemarijah, o Šefatijah andral o Charuf; ⁷o Elkanah, o Jiššijah, o Azarel, o Joezer, o Jašobeam andral le Korachoskeri fajta; ⁸the O Joelah the Zebadijah, o čhave le Jerochamoskere andral o Gedor.

O murša andral o kmeňos Gad

⁹O murša andral o kmeňos Gad tiš gele ko David pro verchengere thana pre pušťa. On sas zorale maribnaskere murša, furt pririchtimen te džal andro mariben le šťitoha the la kopijaha. Sas zorale sar o ľevi a denašenas avke sar o sarni.

¹⁰Lengero vodcas sas o Ezer, dujto pal leste sas o Obadijah, trito o Eliab, ¹¹štarto o Mišmannah, pandžto o Jirmejah, ¹²šovto o Attaj, eftato o Eliel, ¹³ochtoto o Jochanan, eňato o Elzabad, ¹⁴dešto o Jirmejah the dešujekhto (11.) o Machbannaj.

¹⁵Kala murša andral o kmeňos Gad sas veľiťeľa le slugaďenge. O bareder veľiťeľa sas upral ezeros (1 000) slugaďa a o teleder upral o šel (100). ¹⁶Sas oda on, save pregele prekal o Jordan andro ešebno (peršo) čhon akor, sar o paňi prečhorelas soduj brehi, a roztradle le manušen, save bešenas andre ola dolini pro vichodos the zapados.

O murša andral o kmeňi Benjamin the Juda

¹⁷The varesave džene andral o kmeňi Benjamin the Juda gele ko David pro verchengero than. ¹⁸O David geľa avri angle lende a phenďa: “Te aven ke ma andro smirom, hoj te pomožinel mange sar prijaťeľa, akor ačhen manca, ale te man avľan te del andre le ňeprijaťeľiske, choc mire vastenca ňikas ňič na kerďom, o Del amare dadengero pre oda mi dikhel a mi marel tumen.”

¹⁹Akor le Devleskero duchos avľa pro Amasaj, savo sas veľiťeľis upral o Tranda, a ov phenďa:

“Sam tire, David!

Sam tuha, čhavo le Izajoskero.

Smirom! O smirom tuke the oleske, ko tuke pomožinel!

Se korkoro tiro Del tuke pomožinel.”

Avke o David len priiľa a ačhaďa len veľiťeľenge upral peskere slugaďa.

O murša andral o kmeňos Menašše

²⁰The varesave murša andral o kmeňos Menašše gele ko David akor, sar džalas le Filišťinenca pro mariben pro Saul. Ale ačhiľa pes, hoj o David the leskere murša le Filišťinenge na pomožinde, bo o Filišťinike vodci peske phende: “Ov šaj predžal ko Saul, ke peskero raj, a šaj meras.” Avke bičhade les het andro Ciklag. ²¹Sar džalas andro Ciklag, džanas leha kala murša andral o Menašše: o Adnach, o Jozabad, o Jediael, o Michael, o Jozabad, o Elihu the o Cilletaj. On sas savore veľiťeľa upral o ezeros slugaďa. ²²On pomožinenas le Davidoske andro mariben pro zbujňikengere partiji, bo savore sas zorale maribnaskere murša a ačhile veľiťeľa upral leskeri armada. ²³Sako džives avenas o murša le Davidoske te pomožinel, medik les na sas bari armada, ajsi sar te le Devleskeri armada.

Le Davidoskeri armada andro Hebron

²⁴Kala sas o vizbrojimen slugaďa, save avle ko David andro Hebron, hoj te den leske le Sauloskero kraľišagos, avke sar phenďa o RAJ:

²⁵Andral o kmeňos Juda: 6 800 murša, save hordinenas o šťitos the kopija a sas furt pririchtimen andro mariben;

²⁶andral o Šimeon: 7 100 zorale maribnaskere murša;

²⁷andral o Levi: 4 600 murša, ²⁸lenca o vodcas andral le Aronoskeri fajta o Jehojada le 3 700 muršenca ²⁹a o terno Cadok, savo sas zoralo maribnaskero murš, le bišuduje (22) veľiťeľenca andral peskeri famelija;

³⁰andral o Benjamin, le Sauloskero kmeňos: 3 000 murša. On dži akor sas le Sauloha;

³¹andral o Efrajim: 20 800 zorale maribnaskere murša, dojekhes lendar sas baro nav andre peskeri fajta;

³²andral o jepaš kmeňos Menašše pro zapados: 18 000 murša, save sas kidle avri pre oda, hoj te ačhaven le David kraľiske;

³³andral o Jissachar: 200 vodci jekhetane le muršenca, saven ľidžanas. On achaľile, so pes ačhela, a džanenas, so le Izraelitenge kampel te kerel;

³⁴andral o Zebulun: 50 000 murša, save sas pririchtimen te džal andro mariben chocsave zbraňenca;

³⁵andral o Naftali: 1 000 veľiťeľa a lenca 37 000 murša vizbrojimen le kopijenca the šťitenca;

³⁶andral o Dan: 28 600 murša pririchtimen andro mariben;

³⁷andral o Ašer: 40 000 murša pririchtimen andro mariben;

³⁸le vichodne Jordanostar, le kmeňostar Ruben, Gad the jepaš Menašše: 120 000 murša, save sas vizbrojimen chocsave zbraňenca.

³⁹Savore kala slugaďa sas pririchtimen te džal pro mariben a gele andro Hebron, bo sas igen vaš oda, hoj te ačhaven le David kraľiske upral calo Izrael. The savore Izraeliti kamle, hoj o David te ačhel kraľiske. ⁴⁰On ačhile paš o David trin džives, chanas the pijenas, bo o Izraeliti pes pal lende starinenas. ⁴¹The ola, ko bešenas dur, avke sar o Jissachar, o Zebulun the o Naftali, anenas lenge pro somara, ťavi, mulici the guruva igen but chabena – aro, šuke figi the hroznos, mol, olejos, guruven the bakren – bo andro Izrael sas baro radišagos.

Preľigenen e Zmluvakeri Archa

¹O David pes zgeľa savore veľiťeľenca upral o ezeros the upral o šel slugaďa a vakerelas lenca, hoj les te den goďi. ²Phenďa savore Izraelitenge, save sas ode zgele: “Te san vaš kada a te hin oda le RAJESTAR, amare Devlestar, akor bičhavas le muršen ke amare phrala andre savore Izraeloskere phuva, the ko rašaja the Leviti andre lengere fori the gava, hoj te aven ke amende. ³A anaha ke amende e Zmluvakeri Archa amare Devleskeri, bo na džalas amenge pal late, sar kraľinelas o Saul.” ⁴Savore priačhile pre oda, so o David phenďa, bo oda sas dojekheske pre dzeka.

⁵Avke o David ke peste zvičinďa savore Izraeliten le Egiptske paňestar Šichor pro juhos dži paš o Lebo-Chamat pro severos, hoj te anen le Devleskeri Archa andral o Kirjat-Jearim. ⁶Paľis o David the savore Izraeliti gele andro Baala (oda hino Kirjat-Jearim) andre Judsko, hoj odarik te len e Archa le Devleskeri, savi pes vičinel pal o RAJ, savo bešel upral o cherubi.

⁷Preľigenas le Devleskeri Archa andral Abinadaboskero kher pro nevo verdan, so ľidžanas o Uzzah the o Achijo. ⁸O David the savore Izraeliti khelenas the giľavenas anglo Del caľa peskera zoraha a bašavenas pro citari, harfi, bubni, cimbali the trubi.

⁹Sar avle ko Kidonoskero humnos, o Uzzah nacirdľa o vast ke Archa, hoj la te zachudel a te na perel, bo le guruvenge podgele o pindre. ¹⁰Takoj o RAJ choľisaľiľa pro Uzzah a murdarďa les, bo nacirdľa o vast pre Archa. Ode pro than muľa anglo Del.

¹¹O David rušelas, hoj o RAJ demaďa a murdarďa le Uzzah andre choľi, vašoda pes vičinel oda than dži adadžives Perec13,11 Oda hin: Te predemel. -Uzzah.

¹²Oda džives o David daranďiľa le Devlestar a phenďa: “Sar ľigenava ke mande le Devleskeri Archa?” ¹³Avke o David na diňa te ľidžal e Archa ke peste andro Jeruzalem, ale ľigenďa la andro kher ko Obed-Edom, savo sas andral o Gat. ¹⁴Le Devleskeri Archa ačhiľa trin čhon andro kher ko Obed-Edom a o RAJ požehňinelas caľa leskera famelija the savoro, so les sas.

Le Davidoskero palacis the čhave

¹O Tirsko kraľis Chiram bičhaďa ko David peskere služobňiken, muraren the ťesaren le cedroskere kaštenca, hoj leske te ačhaven o palacis. ²Akor o David sprindžarďa, hoj les o RAJ čačes ačhaďa vaš o kraľis upral o Izrael a hoj leskero kraľišagos upre hazdňa prekal peskero narodos Izrael.

³O David peske iľa avre romňijen, savenca les sas buter čhave andro Jeruzalem. ⁴Kala hine lengere nava: o Šammuas, o Šobab, o Natan, o Šalamun, ⁵o Jibchar, o Elišuas, o Elpelet, ⁶o Nogah, o Nefeg, o Jafias, ⁷o Elišama, o Beeljadas the o Elifelet.

O ňerinďipen upral o Filišťinci

⁸Sar pes došunde o Filišťinci, hoj o David hino pomakhlo kraľis upral calo Izrael, gele pal leste, hoj les te zalen. Sar o David ada šunďa, geľa avri pre lende. ⁹O Filišťinci andre dolina le Refajengeri džanas pro gava te murdarel a te čorel. ¹⁰Avke o David phučelas le Devlestar: “Majinav te džal pro Filišťinci? Deha len mange andro vasta?”

O RAJ leske odphenďa: “Dža, dava len andre tire vasta.”

¹¹Avke o David peskere muršenca džanas andro Baal-Peracim a ode upral lende ňerinďa (zviťazinďa). A phenďa: “O Del rozčhinďa mire vasteha le ňeprijaťeľen, avke sar o paňi predemel e hradza.” Avke ole thaneske dine nav Baal-Peracim. ¹²O Filišťinci ode mukle the peskere devloren a o David len diňa te zlabarel.

¹³Ale o Filišťinci pale gele pre ola gava andre dolina. ¹⁴Avke o David pale phučelas le Devlestar a ov leske odphenďa: “Ma dža pre lende anglunestar, ale obdža len paš o balzamike stromi. ¹⁵Soča šuneha o hangos pal o slugaďengero phiriben pro agor ole balzamike stromengero, takoj dža pro Filišťinci, bo o Del džal anglal tu len te marel.” ¹⁶O David kerďa sa avke, sar leske o Del phenďa, a murdarkerelas le Filišťinen le Gibeonostar dži paš o Gezer.

¹⁷O hiros pal kada, so kerďa o David, pes rozľigenďa andre savore phuva. O RAJ avke kerďa, hoj pes lestar te daran savore narodi.

E Zmluvakeri Archa preľigenen andro Jeruzalem

¹Andro Foros le Davidoskero peske o David ačhaďa khera. Pririchtinďa the than prekal e Devleskeri Archa a ačhaďa prekal late stanos. ²A phenďa: “Ňiko našťi ľidžal le Devleskeri Archa, ča o Leviti. Bo len peske o RAJ kidňa avri, hoj la te hordinen a te keren paš late e služba pro furt.”

³Paľis o David diňa te zvičinel savore Izraeliten andro Jeruzalem, hoj te ľidžan le RAJESKERI Archa pre oda than, kaj ov pririchtinďa. ⁴Avke o David diňa te vičinel le Aronoskere the Levitengere potomken. ⁵Avľa o vodcas Uriel le 120 muršenca andral le Kohatoskeri fajta, ⁶o Asajah le 220 muršenca andral le Merariskeri fajta, ⁷o Joel le 130 muršenca andral le Geršomoskeri fajta, ⁸o Šemajah le 200 muršenca andral le Elicafanoskeri fajta, ⁹o Eliel le ochtovardeš (80) muršenca andral le Chebronoskeri fajta ¹⁰the o Amminadab 112 muršenca andral le Uzzieloskeri fajta.

¹¹Paľis o David vičinďa le rašajen le Cadok the le Ebjatar the le Leviten le Uriel, le Asajah, le Joel, le Šemajah, le Eliel the le Amminadab ¹²a prikazinďa lenge: “Tumen san o vodci andre le Levitengere fajti. Sentňaren pes the okle Levitenca a ľidžan e Archa le RAJESKERI, le Izraeloskere Devleskeri, pre oda than, so pririchtinďom. ¹³Bo angloda pes oda kerelas bijal tumende, Levitale, a vašoda o RAJ, amaro Del, amen demaďa andre choľi, bo na phučahas lestar, sar majinas te kerel pal oda, so hin pisimen.”

¹⁴Avke o rašaja the o Leviti pes sentňarde a preľigende e Zmluvakeri Archa le RAJESKERI, le Izraeloskere Devleskeri. ¹⁵O Leviti ľigenenas e Archa le Devleskeri le dručkenca pro phiko, avke sar o Mojžiš prikazinďa prekal le RAJESKERO lav.

¹⁶Paľis o David prikazinďa le Levitengere vodcenge, hoj te kiden avri dženen peskere famelijendar, hoj te giľaven the radišagoha te bašaven pro harfi, citari the cimbali.

¹⁷Avke o Leviti kidle avri le Heman, le Joeloskere čhas, leskera famelijatar le Asaf, le Berechijoskere čhas, the le Etan, le Kušajoskere čhas, andral e fajta Merari, ¹⁸a paš lende lengere phralen, save len majinenas te čerinel: le Zecharijah, le Jaaziel, le Šemiramot, le Jechiel, le Unni, le Eliab, le Benajah, le Maasejah, le Mattitijah, le Elifeleh; the le Miknejah a le chramoskere stražňiken: le Obed-Edom the le Jeiel.

¹⁹O lavutara o Heman, o Asaf the o Etan bašavenas pro brondzune cimbali. ²⁰O Zecharijah, o Aziel, o Šemiramot, o Jechiel, o Unni, o Eliab, o Maasejah the o Benajah bašavenas pro harfi o učeder hangos. ²¹O Mattitijah, o Elifeleh, o Miknejah, o Obed-Edom, o Jeiel the o Azaziah bašavenas pro citari o teluno hangos. ²²O Kenanijah sas avrikidlo, hoj te ľidžal le Leviten, save sas lavutara, bo mištes džanelas te giľavel a te bašavel.

^23-24O Berechijah the o Elkanah, o Obed-Edom the o Jechijah stražinenas paš o vudar, kaj sas e Archa. O rašaja o Šebanijah, o Jošafat, o Netaneel, o Amasaj, o Zecharijah, o Benajah the o Eliezer trubinenas angle Devleskeri Archa.

²⁵O David, o Izraelike vodci the o veľiťeľa upral o ezeros džanas bare radišagoha te ľidžal e Zmluvakeri Archa upre andral le Obed-Edomoskero kher. ²⁶O Del pomožinelas le Levitenge, save ľidžanas e Zmluvakeri Archa le RAJESKERI, vašoda obetinde leske efta biken the efta bakren. ²⁷Avke o David, o Leviti, save ľidžanas e Zmluvakeri Archa, ola, save giľavenas, the o Kenanijah, savo ľidžanas o giľavipen, sas urde andro ľanoskere plašťi a pro David sas mek urdo o efodos le ľanostar. ²⁸Savore Izraeliti džanas le RAJESKERA Archaha upre andro Jeruzalem bara vikaha the bašavibnaha pro cimbali, harfi, citari, rohi the trubi.

²⁹Sar avle la RAJESKERA Archaha andro Jeruzalem, ipen akor e Mikal, le Sauloskeri čhaj, dikhelas avri prekal e oblaka. Sar dikhľa le David, hoj radišagoha khelel, dikhľa les tele andre peskero jilo.

E Archa thoven andro stanos

¹Le Devleskeri Archa ande a thode la andro stanos, so prekal late ačhaďa o David. Paľis ande anglo Del o labarde the smiromoskere obeti. ²Sar o David dokerďa ola labarde the smiromoskere obeti, požehňinďa le manušen andre le RAJESKERO nav. ³Paľis diňa le muršen the džuvľen, savore Izraeliten, po jekh maro the bokeľi le ďatľendar the šuke hroznendar.

⁴Varesave Leviten ačhaďa, hoj te služinen angle RAJESKERI Archa a le giľavipnaha te lašaren, te modľinen a te paľikeren le RAJESKE, le Izraelike Devleske. ⁵O Asaf sas lengero vodcas a dujto pal leste sas o Zecharijah. O Jaaziel, o Šemiramot, o Jechiel, o Mattitijah, o Eliab, o Benajah, o Obed-Edom the o Jeiel bašavenas pro harfi the citari a o Asaf pre cimbala. ⁶O rašaja o Benajah the o Jachaziel furt trubinenas angle Devleskeri Zmluvakeri Archa.

O David lašarel le Devles

⁷Andre oda džives o David ešebnovar (peršovar) ačhaďa le Asaf the leskere pašutnen, hoj le lašaribnaha te paľikeren le RAJESKE:

⁸“Paľikeren le RAJESKE, hazden upre leskero nav!

Den te džanel leskere skutki maškar o narodi!

⁹Giľaven leske, bašaven leske!

Vakeren pal savore leskere zazraki!

¹⁰Lašaren tumen leskere sentne naveha!

Mi radisaľon o jile olenge, ko roden le RAJES!

¹¹Roden le RAJES the leskeri zor,

ma preačhen te rodel leskero muj!

¹²Leperen tumenge pro zazraki,

pro bare veci, so kerďa,

the pre oda, sar sudzinelas,

¹³tumen, o čhave le Izraeloskere, leskere služobňikoskere;

o čhave le Jakoboskere, le Devleskere avrikidle!

¹⁴Ov hin o RAJ, amaro Del,

leskere zakoni hine prekal o manuša pal caľi phuv.

¹⁵Šoha (ňikda) ma bisteren pre leskeri zmluva,

pre leskero lav, so prikazinďa ezera pokoleňenge.

¹⁶Phandľa e zmluva le Abrahamoha,

a la veraha diňa lav le Izak,

¹⁷le Jakoboske la diňa sar zakonos,

le Izraeloske sar e večno zmluva,

¹⁸akor, sar phenďa: ‘Tuke dava e Kanaaňiko phuv

andro ďeďictvos.’

¹⁹Sar mek sanas ča frima džene,

a sanas andre odi phuv ča cudzinci.

²⁰Phirenas andral jekh narodos ke aver

a andral jekh kraľišagos ke aver.

²¹O Del na domukľa, hoj len vareko te trapinel,

vaš lende pokarhinďa the le kraľen:

²²‘Ma thoven o vasta pre mire pomazimen manuša,

ma dukhaven mire proroken!’

²³Dojekh pre kadi phuv giľaven le RAJESKE!

Džives pre džives vakeren pal leskero spaseňje!

²⁴Vakeren le narodenge pal leskeri slava,

den te džanel savore manušenge pal leskere zazraki.

²⁵Bo o RAJ hino baro, les kampel te del nekbareder lašariben

a lestar te daral buter sar savore devlendar.

²⁶Bo savore devla andral aver narodi hine ča modli,

ale o RAJ stvorinďa o ňebos.

²⁷E pačiv the e slava hine anglal leste,

e zor the o radišagos hin ode, kaj ov bešel.

²⁸Den le RAJESKE, savore manušale pre phuv,

den le RAJESKE e slava the e zor.

²⁹Den le RAJESKE e slava hodno leskere naveske!

Hazden upre o dari a džan angle leste!

Banďon tele anglo RAJ andre leskero sentno šukariben!

³⁰Izdra lestar, calo svetos!

E phuv hiňi zorales zathoďi,

na čhalavela pes!

³¹Mi radisaľol o ňebos a e phuv mi thovel baripen,

mi vakeren maškar o narodi: ‘O RAJ kraľinel!’

³²Mi šunďol zorales o moros the savoro, so andre hin,

mi oslavinel e maľa the savoro, so upre hin!

³³O stromi andro veš mi giľaven radišagostar anglo RAJ,

bo ov avela te sudzinel le manušen pre phuv.

³⁴Paľikeren le RAJESKE, bo hino lačho;

leskero lačhejileskeriben ľikerel pro furt.

³⁵Vičinen pre leste: ‘Zachraňin amen, Devla, Spasiťeľina amaro!

Cirde amen avri le narodendar a zvičin amen jekhetane,

hoj te paľikeras tire sentne naveske

a te radisaľon andre tiri sentňi slava.’

³⁶Mi el lašardo o RAJ, o Del le Izraeloskero,

akanastar pro furt!”

A savore manuša odphende: “Amen! Slava le RAJESKE!”

O službi andro Jeruzalem the Gibeon

³⁷O David ačhaďa le Asaf the leskere pašutne Leviten, hoj angle RAJESKERI Zmluvakeri Archa furt te keren e dživeseskeri služba, ³⁸the le Obed-Edom a leskere šovardeš the ochto (68) pašutnen. O Obed-Edom, le Jedutunoskero čhavo, the o Chosah sas upral savore chramoskere stražňika.

³⁹O David mukľa le rašas Cadok the le rašajen andral leskeri fajta angle RAJESKERO Stanos pro učo than andro Gibeon, ⁴⁰hoj furt te anen le RAJESKE pro oltaris o labarde obeti, tosara the rači, a oda avke, sar hin pisimen andre le RAJESKERO zakonos, so diňa le Izraelitenge. ⁴¹Lenca sas o Heman, o Jedutun the ola, save sas avrikidle, hoj te paľikeren le RAJESKE vaš oda, hoj leskero lačhejileskeriben ľikerel pro furt. ⁴²O Heman the o Jedutun pes starinenas pal o trubi, pal o cimbali the pal aver nastroji pro lašariben. Le Jedutunoskere čhave ačhenas paš e brana.

⁴³Paľis pes savore manuša rozgele khere. Geľa the o David, hoj te požehňinel peskera famelija.

O RAJ del lav le David

¹Sar o David imar bešelas andre peskero palacis, phenďa le prorokoske Natanoske: “Me bešav andre cedroskero palacis, ale le RAJESKERI Zmluvakeri Archa hiňi ča andro stanos.”

²O Natan le Davidoske odphenďa: “Ker oda, so hin tuke pro jilo, bo o Del hino tuha.”

³Mek odi rat, o Del phenďa le Natanoske: ⁴“Dža a phen mire služobňikoske le Davidoske, hoj kada phenel o RAJ: ‘Na, na ačhaveha mange kher, hoj me te bešav ode. ⁵Se na bešav andro chramos akorestar, sar ľigenďom avri le Izraeliten andral o Egipt, dži adadžives, ale somas andro stanos, a džavas tumenca than thanestar. ⁶Sar phiravas le Izraelitenca, šoha (ňikda) na phenďom le vodcenge andro Izrael, savenge prikazinďom, hoj te ľidžan mire manušen: “Soske mange na ačhaven o cedroskero chramos?” ’

⁷Mire služobňikoske le Davidoske phen, hoj kavke vakerel o RAJ o Nekzoraleder: ‘Iľom tut la maľatar, kaj pasinehas le bakren, hoj te ačhes vodcas upral mire manuša, o Izrael. ⁸Džavas tuha všadzik, kaj džahas, a zňičinďom angle tu savore tire ňeprijaťeľen. Kerava, hoj tiro nav ela baro, avke sar o nava le nekbaredere vodcengere pre phuv. ⁹Peskere Izraelike narodoske dava than, kaj les thovava. Ode pre peskero than bešela a na mušinela pes buter te daral. A o nalačhe manuša les na dukhavena avke sar angloda, ¹⁰sar ľidžanas mire manušen o sudci, saven ačhaďom upral o Izrael. Tire ňeprijaťeľen thovava tele.

Me o RAJ tuke phenav, hoj tut dava but potomken. ¹¹Sar avela tiro časos a sar aveha parumen paš tire phure dada, ačhavava pal tute pro tronos tire potomkos a kerava, hoj leskero kraľišagos te el zoralo. ¹²Ov mange ačhavela o chramos a me kerava, hoj te ačhel leskero kraľišagos pro furt. ¹³Avava leske dad a ov ela miro čhavo. A miro jileskeriben lestar na odlava, avke sar odiľom le Saulostar, savo sas anglal tute, ¹⁴ale ačhavava les upral mire manuša the kraľišagos pro furt. Ov bešela pro tronos pro furt.’ ”

¹⁵O Natan phenďa le Davidoske sa avke, sar oda šunďa le RAJESTAR andro viďeňje.

Le Davidoskeri modľitba

¹⁶Akor o David geľa andro Sentno Stanos, bešľa peske anglo RAJ a phenelas: “Ko som me, RAJEJA, Devla, a ko hiňi miri famelija, hoj man anďal dži ade? ¹⁷Ale Devla, frima tuke oda sas a mek vakerehas pal oda, so ela tire služobňikoskera famelijaha. Tu dikhes pre ma sar pre varesavo baro manuš, ó, RAJEJA, Devla. ¹⁸So mek buter šaj phenav me, o David, pre oda, hoj man des ajsi bari pačiv? Se tu mištes džanes tire služobňikos. ¹⁹Ó, RAJEJA, tu prekal tiro služobňikos the pal tiro jilo kerďal kala bare veci a diňal oda te džanel mange. ²⁰Ó, RAJEJA, nane ňiko ajso sar tu! Nane aver Del, ča tu, avke sar oda korkore šunďam amare kanenca. ²¹A savo aver narodos pre phuv hino ajso sar o Izrael? O narodos, saves peske tu, Devla, cinďal avri andral o otroctvos, hoj te en tiro narodos a aleha peske kerďal baro nav akor, sar lenge kerehas bare the zorale veci, sar len lehas avri andral o Egipt a sar tradľal avri anglal lende avre naroden. ²²Tu kerďal, hoj o Izraeliti te en tire manuša pro furt, a tu, ó, RAJEJA, ačhiľal lengero Del.

²³Akana, RAJEJA, doľiker pro furt oda lav, so diňal mange the mira famelijake. Ker sa avke, sar phenďal, ²⁴hoj tiro nav te el furt barardo a hoj o manuša pal tu te vakeren: ‘O RAJ o Nekzoraleder hino le Izraeloskero Del!’ A e kraľiskeri famelija tire služobňikoskeri le Davidoskeri mi ačhel pro furt anglal tute.

²⁵Se tu, Devla miro, sikaďal peskere služobňikoske, hoj thoveha mira famelija furt pro tronos. Vašoda me akana bi e dar anav anglal tu kadi modľitba. ²⁶Ale akana, ó, RAJEJA, tu sal o Del a phenďal tire služobňikoske kada lačhipen. ²⁷Mangav tut, požehňin mira caľa famelija, hoj pro furt te ačhen pro tronos. Bo so tu požehňines, RAJEJA, ačhel furt požehňimen.”

Le Davidoskere ňerinďipena

¹Pal varesavo časos o David ňerinďa (zviťazinďa) upral o Filišťinci a iľa lendar o foros Gat le pašutne gavenca.

²O David ňerinďa the upral o Moabčana. On pes leske poddine a počinenas leske o daňe.

³Paľis ňerinďa the upral o Hadad-Ezer, o kraľis andre phuv Coba, paš o Chamat akor, sar peske džalas te zalel o phuva paš o paňi Eufrat. ⁴O David zaiľa lestar ezeros (1 000) verdana, efta ezera (7 000) muršen pro graja the 20 000 slugaďen. Mukľa peske lendar ča šel (100) grajen le verdanenca a olenge, save ačhile, diňa te phagel o pindre.

⁵Sar avle o Aramejčana andral o Damaskus te pomožinel le Hadad-Ezeroske, o David murdarďa lendar 22 000 muršen. ⁶Paľis o David diňa te rozačhavel slugaďen andro Damaskus. Avke o Aramejčana pes poddine le Davidoske a počinkerenas leske o daňe. O RAJ pomožinelas le Davidoske te ňerinel všadzik, kaj džalas.

⁷O David iľa o somnakune šťiti, so hordinenas le Hadad-Ezeroskere veľiťeľa, a odľigenďa len andro Jeruzalem. ⁸Andral le Hadad-Ezeroskere fori Tibchat the Kun o David skidňa igen but brondzos. Paľis o Šalamun diňa lestar te kerel e igen bari nadrža, o slupi the o sersamos prekal o Chramos.

⁹Sar o kraľis Tou andral o Chamat šunďa, hoj o David ňerinďa upral caľi armada le Hadad-Ezeroskeri andral e Coba, ¹⁰bičhaďa peskere čhas le Hadoram ko kraľis David, hoj leske te phenel: “Smirom tuke! Av bachtalo, bo ňerinďal upral o Hadad-Ezer.” A bičhaďa leske somnakune, rupune the brondzune veci. O kraľis Tou ada kerďa, bo the ov sas andro mariben le Hadad-Ezeroha. ¹¹Ole veci o kraľis David sentňarďa le RAJESKE jekhetane le rupoha the le somnakaha, so iľa avre narodendar: le Edomčanendar, Moabčanendar, Ammončanendar, Filišťinendar the Amalekendar.

Le Davidoskere uradňika

¹²O Abišaj, čhavo la Cerujakero, ňerinďa andre Lonďi Dolina upral o 18 000 Edomčana. ¹³Rozačhaďa peskere slugaďen andro tabora pal calo Edom a savore Edomčana pes le Davidoske poddine. O RAJ pomožinelas le Davidoske te ňerinel všadzik, kaj džalas.

¹⁴O David kraľinelas upral calo Izrael a sas pačivalo the čačipnaskero ke dojekh manuš. ¹⁵O Joab, la Cerujakero čhavo, sas veľiťeľis upral e armada; o Jošafat, le Achiludoskero čhavo, sas nekbareder pisaris; ¹⁶o Cadok, le Achituboskero čhavo, the o Abimelech, le Ebjataroskero čhavo, sas rašaja; o Šavša sas pisaris; ¹⁷o Benajah, le Jehojadoskero čhavo, sas veľiťeľis le Kereťanenge the le Pileťanenge, save stražinelas le kraľis. Le Davidoskere čhave sas nekbareder uradňika le kraľiske.

O mariben le Ammončanenca the Aramejčanenca

¹Sar o Ammoniko kraľis Nachaš muľa, ačhiľa pal leste kraľis o Chanun, leskero čhavo. ²O David peske phenďa: “Presikavava le Chanunoske, le Nachašiskere čhaske, o jileskeriben, avke sar oda kerďa leskero dad mange.” Avke bičhaďa peskere služobňiken, hoj leske te presikavel o pharipen pal leskero dad.

Sar avle le Davidoskere služobňika andre le Ammončanengeri phuv, ³o Ammonike vodci phende le Chanunoske: “Gondoľines tuke, hoj o David kamel te del pačiv tire dades oleha, hoj bičhavel peskere služobňiken, hoj tuke te presikavel o pharipen? Na! Bičhavel len vašoda, hoj te predikhen kadi phuv a paľis la te zalen.” ⁴Akor o Chanun chudľa le Davidoskere služobňiken, ohoľinďa len, jepaš gada lenge ostrihinďa le perestar dži tele a mukľa len te džal.

⁵Sar oda vareko phenďa le Davidoske, ov anglal lende bičhaďa avre muršen, bo ola murša sas igen pre ladž. O kraľis diňa lenge te phenel: “Ačhen andro Jericho, medik tumenge na barola o bajuzi pre brada a paľis šaj aven pale.”

⁶Sar o Ammončana peske pridžandle, hoj le David rozchoľarde, o Chanun the o Aramejčana počinde tranda the štar (34) toni rup, hoj lenge te bičhaven maribnaskere verdana the muršen pro graja andral e Aram-Naharajim, Aram-Maacha the Coba. ⁷Paľis 32 000 verdana the o kraľis andral e Maacha peskere muršenca avle a kerde peske taboris paš e Medeba, medik o Ammončana doavle odarik, kaj sas andro mariben.

⁸Sar pes pal oda došunďa o David, bičhaďa andro mariben le Joab the caľa armada. ⁹O Ammončana pes rozačhade pro mariben angle foroskeri brana a o kraľa, save lenge avle te pomožinel, ačhenas pre peskere thana pre maľa.

¹⁰Sar o Joab dikhľa, hoj avle pre leste anglunestar the palunestar, kidľa peske avri nekfedere muršen andral calo Izrael a rozačhaďa len pro Aramejčana. ¹¹A olen, save ačhile, diňa peskere phraleske le Abišajoske, hoj len te rozačhavel pro Ammončana. ¹²O Joab leske phenďa: “Te dikheha, hoj o Aramejčana hine zoraleder sar me, aveha mange te pomožinel, a te dikhava, hoj o Ammončana hine zoraleder sar tu, džava me tuke te pomožinel. ¹³Av zoralo a maras pes zorales vaš amare manuša the vaš le Devleskere fori! Mi kerel o RAJ oda, so hin lačho anglal leskere jakha.”

¹⁴Avke o Joab peskere muršenca džalas andro mariben pro Aramejčana, ale on lestar denašle. ¹⁵Sar o Ammončana dikhle, hoj o Aramejčana denašen le Joabostar, the on chudle te denašel anglal leskero phral Abišaj a gele pale andro foros. Avke o Joab pes visarďa le maribnastar a geľa andro Jeruzalem.

¹⁶Sar o Aramejčana dikhle, hoj o Izraeliti upral lende ňerinde (zviťazinde), bičhade vaš aver Aramejčana, save bešenas pre aver sera le paňestar Eufrat. On avle ke lende a o Šobach19,16 Abo: Šofach, o veľiťeľis upral e armada le Hadad-Ezeroskeri, len ľidžalas.

¹⁷Sar pal oda le Davidoske phende, diňa te zvičinel savore Izraeliten, pregeľa prekal o Jordan a rozačhaďa pes angle lende. Avke o David pes mukľa pre lende pro mariben a marelas pes le Aramejčanenca, ¹⁸ale on le Izraelitendar denašle a o David the leskere murša murdarde 7 000 muršen pro graja, 40 000 slugaďen the le Šobach, savo sas veľiťeľis upral e armada.

¹⁹Sar savore kraľa, save služinenas le Hadad-Ezeroske, dikhle, hoj o Izrael ňerinďa upral lende, phandle le Davidoha zmluva a služinenas leske.

Avke o Aramejčana na kamle buter te pomožinel le Ammončanenge.

O David zalel e Rabba

¹Pre aver berš jarone, andro časos, sar o kraľa džanas andro mariben, o Joab džalas la armadaha pro Ammončana a zňičinďa lengeri phuv, ale o David ačhiľa andro Jeruzalem. Paľis o Joab džalas pro foros Rabba a zňičinďa les. ²Avke o David iľa e koruna pal o šero lengere devleske, so pes vičinelas Milkom. Odi koruna sas phari buter sar tranda (30) kili20,2 E Hebrejiko čhib: jekh talentos a sas andre the dragano bar, so thode andre koruna le Davidoskeri. Andral oda foros o David zaiľa igen but veci. ³Le manušen, save ode bešenas, odarik odľigenďa a thoďa len andre buči, hoj te keren le pilenca, krompačenca the le toverenca. Avke kerďa the savore Ammonike forenca. Paľis o David savore manušenca geľa pale andro Jeruzalem.

O maribena le Filišťinenca

⁴Paloda sas pale o mariben le Filišťinenca andro Gezer. Akor o Sibbechaj andral e Chuša murdarďa le Saf20,4 Abo: o Sippaj, savo sas andral e fajta Rafah. Avke thode tele le Filišťinen.

⁵Paľis andre aver mariben le Filišťinenca o Elchanan, le Jairoskero čhavo, murdarďa le Lachmi, le Golijašiskere phrales andral o Gat. O kašt le Golijašiskera kopijatar sas ajso thulo sar o kašt le strojoskero, pre savo pes kerel o pochtana.

⁶Andre aver mariben, so sas paš o Gat, sas igen učo murš, saves sas bišuštar (24) angušta. Sas les pro vasta the pro pindre po šov angušta. The ov sas andral e fajta Rafah. ⁷Ale sar asalas avri le Izraeliten, murdarďa les o Jonatan, le Šimeoskero čhavo, savo sas phral le Davidoske.

⁸O David the leskere murša murdarde kale trine muršen andral e fajta Rafah andral o foros Gat.

O David zgenel le manušen

¹O satan pes ačhaďa pro Izraeliti a kerďa upre le David, hoj te zgenel le manušen andro Izrael. ²Avke o David prikazinďa le Joaboske the le veľiťeľenge: “Džan a zgenen le manušen andro Izrael, la Beer-Šebatar dži ko Dan, bo kamav te džanel, keci hine.”

³Ale o Joab phenďa le kraľiske: “Mi kerel o RAJ, hoj le Izraelitendar te el šelvar buter, sar hine! Či nane on, rajeja miro the kraľina, savore tire sluhi? Soske ada miro raj kamel te kerel? Soske aleha kames te anel le Izrael andro binos?”

⁴Ale o kraľis peske ačhelas vaš oda, so phenďa, a o Joab les mušinďa te šunel. Avke o Joab geľa, pophirďa calo Izrael, zgenďa len a avľa pale andro Jeruzalem. ⁵A phenďa le Davidoske, keci hin manuša: “Andre calo Izrael hine 1 100 000 murša, save pes džanen te marel la šabľaha, a andre Judsko 470 000 murša.” ⁶Ale le manušen andral o kmeňi Levi the Benjamin na zgenďa, bo le kraľiskero prikazis le Joab igen trapinelas.

O Del marel le manušen

⁷Aňi le Devleske kada na sas pre dzeka, a vašoda marďa le Izrael. ⁸Akor o David phenďa le Devleske: “Kerďom aleha igen baro binos angle tu. Akana mangav tut, odmuk mange kada binos, bo na kerďom oda goďaha!”

⁹O RAJ phenďa le Gadoske, savo sas le Davidoskero prorokos: ¹⁰“Dža a phen le Davidoske: ‘Kavke vakerel o RAJ: Dav tuke trin veci. Kide tuke avri, so kames, hoj pes te ačhel, a me oda kerava.’ ”

¹¹Avke o Gad geľa ko David a phenďa: “Kavke phenel o RAJ: ¹²‘Kide tuke avri: Majinel te el andre tiri phuv trin berš bokh? Abo kames trin čhon te denašel peskere ňeprijaťeľendar, save džana pre tu la šabľaha? Vaj andre caľi tiri phuv te avel le RAJESKERO aňjelos a trin dživesa tumen te marel le bare nasvaľibnaha? Akana rozgondoľin tuke a phen mange, so te phenel oleske, savo man ke tu bičhaďa.’ ”

¹³O David phenďa le Gadoske: “Oda mange hin igen phares peske te kidel avri! Me na kamav te perel andre le manušengere vasta, mi marel man o RAJ, bo leskero jileskeriben hino igen baro.”

¹⁴Akor o RAJ domukľa pro Izrael baro nasvaľiben a mule 70 000 Izraeliti. ¹⁵O Del bičhaďa le aňjelos, hoj te zňičinel le manušen andro Jeruzalem. Ale sar oda o RAJ dikhľa, sas leske pharo vaš oda baro nalačhipen, so diňa te kerel, a phenďa le aňjeloske: “Preačh! Ma ker imar oda!” Ipen akor le RAJESKERO aňjelos sas paš o humnos le Ornanoskero, savo sas Jebusejis.

¹⁶Sar pes o David rozdikhľa, dikhľa maškar e phuv the maškar o ňebos te ačhel le RAJESKERE aňjelos la šabľaha andro vast, sar la nacirdľa pro Jeruzalem. Akor o David the o vodci sas urde andro gone a pele le mujeha dži ke phuv.

¹⁷O David phenďa le Devleske: “Me diňom te zgenel le manušen a kerďom ada baro binos. Se on hine ča o bakre. Me som vinovato, ale on na kerde ňič! Ó, RAJEJA, mangav tut, Devla miro, mar man the mira famelija a odle kadi bibach peskere manušendar.”

O David cinel o than prekal o Chramos

¹⁸Akor le RAJESKERO aňjelos phenďa le prorokoske Gadoske, hoj te phenel le Davidoske: “Dža upre a ačhav oltaris le RAJESKE pre le Ornanoskero humnos.” ¹⁹O David geľa a kerďa sa avke, sar o Gad ke leste prevakerďa andre le RAJESKERO nav.

²⁰Sar o Ornan marelas avri o žužoďiv, visarďa pes a dikhľa le aňjelos. Leskere štar čhave, save sas leha, pes garude. ²¹O David džalas ke leste. Sar o Ornan dikhľa, hoj avel ke leste o David, geľa avri a banďiľa anglal leste le mujeha dži ke phuv.

²²O David leske phenďa: “Kamav tutar te cinel o humnos, hoj te ačhavav le RAJESKE oltaris, bo avke preačhela oda baro nasvaľiben pro manuša. Biken les mange vaš ajci, keci mol.”

²³O Ornan leske odphenďa: “Le tuke les. Mi kerel miro raj the kraľis oda, so hin lačho angle leskere jakha. Dikh, dav kale gurumňen pre labarďi obeta, o žužoďiv pre chabeneskeri obeta the o sersamos, savenca maravas avri o žužoďiv21,23 E Slovačiko čhib: mlatiacé smyky, hoj te keres jag. Dav oda savoro!”

²⁴Ale o David leske phenďa: “Kada na! Kamav tutar te cinel a te počinel vaše ajci, keci mol. Na anava le RAJESKE oda, so hin tiro, aňi o labarde obeti, so man ňič na molas.”

²⁵Avke o David cinďa oda humnos vaš o šov šel (600) rupune. ²⁶Ačhaďa le RAJESKE ode oltaris a anďa leske o labarde the smiromoskere obeti. Sar o David vičinelas pro RAJ, ov leske odphenďa oleha, hoj bičhaďa andral o ňebos e jag pro oltaris, kaj sas o labarde obeti.

²⁷A o RAJ phenďa le aňjeloske, hoj te thovel pale e šabľa pre peskero than. ²⁸Akorestar, sar o David dikhľa, hoj leske o RAJ odphenďa pro humnos le Ornanoskero le Jebusejiskero, obetinelas ode. ²⁹Le RAJESKERO sentno stanos, so kerďa o Mojžiš pre pušťa, the o oltaris prekal o labarde obeti andre oda časos sas pro učo than andro Gibeon. ³⁰Ale o David ode našťi geľa, hoj pes te phučel le Devlestar, bo igen predaranďiľa le RAJESKERE aňjeloskera šabľatar.

¹O David phenďa: “Kade ela o Chramos le RAJESKERO, le Devleskero, a kade ela le Izrael oltaris pro labarde obeti.”

O David pririchtinel e buči pro Chramos

²O David diňa te vičinel savore cudzincen, save bešenas andro Izrael, a ačhaďa lendar manušen, hoj te pririchtinen o bara pre buči pre le Devleskero Chramos. ³Diňa te anel igen but trasta, hoj lendar te keren o lecegi (karfa) the o čopi pro kaštune brani, the ajci brondzos, so pes na delas aňi te odvažinel, ⁴the mek igen but cedroskere kašta, bo o Sidončana the o Tirčana le Davidoske dodenas igen but cedroskere kašta.

⁵O David phenďa: “Miro čhavo o Šalamun hino mek terno a mek mištes na džanel te kerel o Chramos, so pes majinel te ačhavel le RAJESKE. Kampel les te ačhavel kavke, hoj te el igen baro the šukar, hoj dojekh pre phuv pal leste te džanel.” O David mek anglo peskero meriben diňa te anel igen but veci prekal o Chramos.

O David phenel le Šalamunoske, sar te ačhavel o Chramos

⁶Paľis peske diňa te vičinel peskere čhas le Šalamun a prikazinďa leske, hoj te ačhavel o Chramos le RAJESKE, le Izraeloskere Devleske. ⁷O David phenďa le Šalamunoske: “Čhavo miro, andre miro jilo sas, hoj te ačhavav o Chramos prekal o RAJ, miro Del. ⁸Ale le RAJESKERO lav avľa ke ma: ‘Ľidžahas o bare maribena pre kadi phuv a čhorďal avri igen but rat. Vašoda na ačhaveha o Chramos prekal miro nav, bo čhorďal avri igen but rat. ⁹Ale ela tut muršoro, ov ela ajso, sar phenel leskero nav: “Murš smiromoskero.” A me kerava, hoj les te el smirom savore leskere ňeprijaťeľendar pal dojekh sera. Leskero nav ela Šalamun. Sar ov kraľinela andro Izrael, dava o smirom the o cicho le maribnastar. ¹⁰Ov ačhavela o Chramos prekal miro nav. Ela mange čhavo a me avava leske dad. Leskere potomstvostar ela furt vareko pro tronos upral o Izrael.’

¹¹Akana, čhavo miro, mi ľidžal tut o RAJ, hoj bachtales te ačhaves o Chramos le RAJESKE, peskere Devleske, avke sar pal tu phenďa. ¹²Ča mi del tut o RAJ goďaveripen the prindžaripen andre savoreste, sar tut ačhavela upral calo Izrael, hoj te doľikeres o zakonos le RAJESKERO, tire Devleskero. ¹³Akor tut ela bach, te doľikereha calo zakonos the o prikazi, so diňa avri o RAJ le Mojžišoske prekal o Izrael. Av zoralo a ma dara tut! Ačh zorales!

¹⁴Dikh, phara bučaha anďom prekal le RAJESKERO Chramos 3 400 toni somnakaj22,14 Oda sas 100 000 talenti somnakaj. the 34 000 toni rup22,14 Oda sas 1 000 000 talenti rup., ajci but brondzos the trasta, so pes na del aňi te odvažinel, a kašta the bara. Ke ada, so hin, mušines mek te anel buter. ¹⁵Hin paš tu but manuša, save džanen te kerel peskeri buči: O ťesara, ola, save keren le barenca, the igen but majstri, save džanen te kerel dojekh buči ¹⁶le somnakaha, rupoha, brondzoha the trastenca. Ušťi a muk tut andre buči, o RAJ ela tuha!”

¹⁷Paľis o David prikazinďa savore Izraelike vodcenge, hoj te pomožinen leskere čhaske le Šalamunoske. ¹⁸Phenďa: “O RAJ, tumaro Del, hino tumenca a diňa tumen o smirom le manušendar pal savore seri, bo ov len mange diňa andre miri zor a on hine poddine le RAJESKE the leskere manušenge. ¹⁹Akana roden le RAJES, tumare Devles, cale jileha the dušaha. Chuden te ačhavel o Chramos le RAJESKERO, le Devleskero, hoj pes te preľidžal le RAJESKERI Zmluvakeri Archa the o sentne veci andro Chramos, so ela ačhado prekal le RAJESKERO nav.”

O David ačhavel andre služba le Leviten

¹Sar o David sas imar igen phuro, ačhaďa peskere čhas le Šalamun kraľiske upral o Izrael.

²Zvičinďa savore Izraelike vodcen, rašajen the Leviten. ³Zgende savore Leviten phurederen sar tranda (30) berš a sas 38 000 murša. ⁴O David phenďa: “Lendar ačhavav 24 000, hoj te služinen andre le RAJESKERO Chramos, šov ezera (6 000) uradňiken the sudcen, ⁵štar ezera (4 000) stražňiken the štar ezera dženen, save lašarena le RAJES a bašavena pre ola nastroji, so diňom te kerel pro lašariben.”

⁶O David le Leviten rozulaďa pal lengere trin fajti pal le Leviskere čhave: Geršon, Kohat the Merari.

Le Geršonoskero potomstvos

⁷Le Geršonoskere čhave sas o Ladan the o Šimej. ⁸Le Ladan sas trin čhave: Ešebno (peršo) o Jechiel, paľis o Zetam the o Joel. ⁹On sas vodci andre Ladanoskeri famelija. Le Šimej sas trin čhave: o Šelomot, o Chaziel the o Haran. ¹⁰A sas les mek aver štar čhave: o Jachat, o Zina, o Jeuš the o Berijah. ¹¹O Jachat sas ešebno, dujto o Zizah. Le Jeuš the le Berijah na sas but muršora, vašoda pes len rachinelas sar jekh fajta.

Le Kohatoskero potomstvos

¹²Le Kohat sas štar čhave: o Amram, o Jishar, o Chebron the o Uzziel. ¹³Le Amramoskere čhave sas o Aron the o Mojžiš. O Aron the leskere potomki sas sentňarde andre služba, hoj pes pro furt te starinen pal o sentne veci, te anel o voňava obeti anglo RAJ, te služinel leske a andre leskero nav te žehňinel le manušen. ¹⁴O čhave le Mojžišoskere, le Devleskere muršeskere, sas rachimen andro kmeňos Levi. ¹⁵Le Mojžišoskere čhave sas o Geršom the o Eliezer. ¹⁶Le Geršomoskero ešebno čhavo sas o Šebuel. ¹⁷Le Eliezer sas ča jekh čhavo o Rechabiah, ale le Rechabiah sas but čhave.

¹⁸Le Jishar, le Kohatoskere dujtone čhas, sas ešebno čhavo o Šelomot, savo sas vodcas andre fajta. ¹⁹Le Chebron, le Kohatoskere tritone čhas, sas štar čhave: Ešebno o Jerijah, dujto o Amariah, trito o Jachaziel the štarto o Jekameam. ²⁰Le Uzziel, le Kohatoskere štartone čhas, sas o Michah the o Jiššijah.

Le Merariskero potomstvos

²¹Le Merari sas duj čhave: o Machli the o Muši. Le Machlioskere čhave sas o Eleazar the o Kiš. ²²O Eleazar muľa a na sas les muršora, ča čhaja, vašoda leskere čhajen peske ile romňijenge le Kišoskere čhave. ²³Le Merariskero dujto čhavo sas o Muši. Les sas trin čhave: o Machli, o Eder the o Jeremot.

²⁴Kala sas le Leviskere potomki pal lengere fameliji the fajti, save sas vodci a dojekheskero nav sas zapisimen. Dojekh, kaske sas buter sar biš (20) berš, sas ačhado, hoj te služinel andre le RAJESKERO Chramos.

Le Levitengeri buči andro Chramos

²⁵Akor o David phenďa: “O RAJ, o Del le Izraeloskero, diňa peskere manušenge o smirom a ačhiľa te bešel andro Jeruzalem pro furt. ²⁶Vašoda o Leviti buter na mušinen te hordinel o sentno stanos the o veci pre služba andre.” ²⁷Akorestar pal le Davidoskere posledne prikazi pes rachinenas andre služba o Leviti biš (20) beršendar upre.

²⁸Lengeri buči sas te pomožinel andro Chramos le rašajenge, le Aronoskere potomkenge, andre služba, hoj te merkinen pro chramoskere thana the dvora a te starinen pes pal savore sentne veci the pal e služba andro Chramos. ²⁹Mušinenas pes te starinel pal o sentne mare, pal o sano aro pre chabeneskeri the peki obeta the pal o mare bi o drožďi. Mušinenas te mišinel o aro le olejoha a mek te merinel a te važinel o obeti. ³⁰On sas ačhade the pre oda, hoj sako džives tosara the rači te paľikeren a te lašaren le RAJES, ³¹sar anenas o labarde obeti le RAJESKE pro Šabbatoskero džives, abo pro Inepos Neve Čhoneskero the pre savore inepi. Sas avridino, keci Leviti mušinenas te služinel pro furt anglo RAJ andro Chramos.

³²On pes starinenas pal o sentno stanos le RAJESKERO the pal o Sentno Than a pomožinenas le Aronoskere potomkenge, peskere pašutnenge, andre služba andro Chramos.

O rašaja hine rozulade andre služba

¹Le Aronoskere potomki sas rozulade (rozďelimen) andro partiji. Le Aron sas štar čhave: o Nadab, o Abihu, o Eleazar the o Itamar. ²O Nadab the o Abihu mule sigeder sar lengero dad. Bo len na sas čhave, e rašajiko služba preile lengere phrala o Eleazar the o Itamar. ³O David jekhetane le Cadokoha, savo sas potomkos le Eleazaroskero, the le Achimelechoha, savo sas le Itamariskero potomkos, lenge rozulaďa e buči andre služba. ⁴Andre le Eleazaroskero potomstvos sas buter vodci sar andre le Itamariskero. Vašoda le Eleazaroskere potomki sas rozulade andro dešušov (16) partiji a le Itamariskere andro ochto (8). ⁵Lengero potomstvos rozulade prekal o losos andre služba sar chramoskere uradňika the Devleskere služobňika. ⁶O pisaris Šemajah, le Netaneeloskero čhavo andral le Leviskero kmeňos, len zapisinďa. O kraľis, o uradňika, o rašaj Cadok, o Achimelech, le Ebjataroskero čhavo, the o vodci andral le rašajengere the Levitengere fajti sas paš oda sar švedki. Jekhvar losinenas vaš le Eleazaroskero potomstvos a jekhvar vaš le Itamariskero.

⁷Kala hine o partiji pal o nava peskere fajtakere vodcenge. O šoros sas kajso: Ešebno (peršo) losos peľa pro Jojarib, dujto pro Jedajah, ⁸trito pro Charim, štarto pro Seorim, ⁹pandžto pro Malkijah, šovto pro Mijamin, ¹⁰eftato pro Hakkoc, ochtoto pro Abijah, ¹¹eňato pro Ješua, dešto pro Šechaniah, ¹²dešujekhto (11.) pro Eljašib, dešudujto (12.) pro Jakim, ¹³dešutrito (13.) pro Chuppah, dešuštarto (14.) pro Ješebab, ¹⁴dešupandžto (15.) pro Bilgah, dešušovto (16.) pro Immer, ¹⁵dešueftato (17.) pro Chezir, dešuochtoto (18.) pro Happiccec, ¹⁶dešueňato (19.) pro Petachiah, bišto (20.) pro Jechezkel, ¹⁷bišujekhto (21.) pro Jachin, bišudujto (22.) pro Gamul, ¹⁸bišutrito (23.) pro Delajah a bišuštarto (24.) pro Maaziah.

¹⁹Kale muršenge sas rozulaďi e buči andro Chramos, avke sar perelas pre lende o šoros a oda sa avke, sar diňa avri lengero phuro dad Aron pal o prikazis le RAJESKERO, le Izraeloskero Devleskero.

Aver Leviti ačhade andre služba

²⁰Kala hine aver fajtakere vodci, andral le Levitengero potomstvos:

andral le Amramoskeri fajta sas vodcas o Šubael, a andral leskeri fajta o Jechdejah;

²¹andral le Rechabijoskeri fajta sas o Jiššijah ešebno;

²²andral le Jisharoskeri fajta o Šelomot, a andral leskeri fajta o Jachat.

²³Le Chebron sas štar čhave: Ešebno o Jerijah, dujto o Amariah, trito o Jachaziel a štarto o Jekameam.

²⁴Andral le Uzzieloskeri fajta sas vodcas o Michah a andral leskeri fajta o Šamir ²⁵jekhetane le Jiššijoha, savo sas le Michoskero phral. Andral le Jiššijoskeri fajta sas vodcas o Zechariah.

²⁶Le Merariskere čhas, le Jaaziah, sas duj čhave: o Machli the o Muši.

²⁷O potomki le Merariskere prekal o Jaaziah sas o Šoham, o Zachur the o Ibri.

^28-29Le Machli sas duj čhave: o Eleazar the o Kiš. A le Eleazar na sas murša, ale le Kiš sas o Jerachmeel.

³⁰Le Mušiskere čhave sas o Machli, Eder the o Jerimot.

Kala sas le Leviskere potomki, sako pal peskeri fajta. ³¹The on losinenas jekhetane peskere phralenca, le Aronoskere potomkenca, savi buči majinenas te kerel. Sas paš oda o David, o Cadok, Achimelech the o vodci andral le rašajengere the Levitengere fajti.

O lavutara andro Chramos

¹O David the le chramoskere vodci kidle avri varesave dženen le Asafoskere, Hemanoskere the Jedutunoskere čhavendar, hoj te prorokinen, sar bašavena pro citari, harfi the cimbali. Sas oda kala murša:

²Le Asafoskere čhavendar sas o Zachur, o Jozef, o Netanijah the o Asarelah. On sas ľigende le Asafoha, savo prorokinelas pro kraľiskero prikazis.

³Le Jedutunoskere čhavendar sas: O Gedaliah, o Ceri, o Ješajah, o Šimej, o Chašabiah the o Mattitijah. Upral lende sas lengero dad o Jedutun, savo prorokinelas akor, sar la harfaha bašavenas, paľikerenas a lašarenas le RAJES.

⁴Le Heman sas dešuštar (14) čhave: o Bukkijah, o Mattaniah, o Uzziel, o Šebuel, o Jerimot, o Chananijah, o Chanani, o Eliatah, o Giddalti, o Romamti-Ezer, o Jošbekašah, o Malloti, o Hotir the o Machaziot. ⁵Savore kala čhave sas le Hemanoskere, le kraľiskere prorokoskere. On sas dine leske prekal le Devleskero lav, hoj les te den pačiv. O Del diňa le Heman dešuštar muršora the trin čhaja.

⁶Savore kale muršen ľidžanas lengere dada o Asaf, o Jedutun the o Heman ko bašaviben pro citari, pro cimbali the pro harfi, sar giľavenas paš e služba andre le RAJESKERO Chramos. O kraľis sas upral lende.

⁷On jekhetane lengere pašutnenca sas avrisikade, hoj te giľaven le RAJESKE. Savore sas jekhetane duj šel the ochtovardeš the ochto (288). ⁸On savore losinenas, hoj len te rozulaven (rozďelinen) andre služba, či ternes vaj phures, či olen, save džanenas, vaj olen, save sikľonas.

⁹Kala duj šel the ochtovardeš the ochto (288) murša sas rozulade pal peskere fajti le čhavenca andro bišuštar (24) partiji po dešuduj (12) džene jekhe vodcaha. Avke o losos peľa pro vodci: ešebno (peršo) pro Jozef andral le Asafoskeri fajta; dujto pro Gedaliah; ¹⁰trito pro Zachur; ¹¹štarto pro Jicri25,11 Abo: o Ceri; ¹²pandžto pro Netanijah; ¹³šovto pro Bukkijah; ¹⁴eftato pro Jesarelah25,14 Abo: o Asarelah; ¹⁵ochtoto pro Ješajah; ¹⁶eňato pro Mattaniah; ¹⁷dešto pro Šimej; ¹⁸dešujekhto (11.) pro Azarel25,18 Abo: o Uzziel; ¹⁹dešudujto (12.) pro Chašabiah; ²⁰dešutrito (13.) pro Šubael25,20 Abo: o Šebuel; ²¹dešuštarto (14.) pro Mattitijah; ²²dešupandžto (15.) pro Jeremot; ²³dešušovto (16.) pro Chananijah; ²⁴dešueftato (17.) pro Jošbekašah; ²⁵dešuochtoto (18.) pro Chanani; ²⁶dešueňato (19.) pro Malloti; ²⁷bišto (20.) pro Eliatah; ²⁸bišujekhto (21.) pro Hotir; ²⁹bišudujto (22.) pro Giddalti; ³⁰bišutrito (23.) pro Machaziot; ³¹the bišuštarto (24.) pro Romamti-Ezer.

O chramoskere stražňika

¹O chramoskere stražňika sas rozulade (rozďelimen) andro partiji pal peskeri fajta. Andral le Korachoskeri fajta sas o Mešelemijah, čhavo le Koreoskero, savo sas čhavo le Asafoskero. ²Le Mešelemijah sas kala čhave: Ešebno (peršo) o Zecharijah, dujto o Jediael, trito o Zebadijah, štarto o Jatniel, ³pandžto o Elam, šovto o Jochanan the eftato o Eljehoenaj.

^4-5Le Obed-Edom sas ochto čhave, bo o Del les požehňinďa: Ešebno o Šemajah, dujto o Jozabad, trito o Joach, štarto o Sachar, pandžto o Netaneel, šovto o Ammiel, eftato o Jissachar the ochtoto o Peulletaj.

⁶Le Šemajah sas čhave, save sas vodci andre peskere fajti, bo sas zorale maribnaskere murša: ⁷o Otni, o Refael, o Obed the o Elzabad. The lengere pašutne o Elihu the o Semachijah, save sas zorale murša. ⁸Kala savore potomki le Obed-Edomoskere the lengere čhave a lengere pašutne sas zorale murša, save džanenas te stražinel. On sas jekhetane šovardeš the duj (62).

⁹Savore Mešelemijoskere čhave the pašutne sas dešuochto (18) zorale murša.

¹⁰Le Chosah andral le Merariskeri fajta sas štar čhave: O Šimri sas o vodcas – choc te na uľiľa ešebno – leskero dad les ačhaďa vodcaske; ¹¹dujto sas o Chilkijah, trito o Tebalijah the štarto o Zechariah. Savore le Chososkere čhave the pašutne sas dešutrin (13) džene.

¹²Kala chramoskere stražňika sas rozulade andro partiji, sako pal lengere fajti a sas lenge diňi e služba andre le RAJESKERO Chramos, avke sar the okle Levitenge. ¹³Le losoha kidenas avri savore famelijendar, či sas cikňi, či bari, ko majinel te služinel paš savi brana.

¹⁴Le Šelemijoske sas diňi prekal o losos e vichodno brana. Le Zecharijoske, leskere čhaske, savo sas igen goďaver murš, sas diňi e severno brana; ¹⁵le Obed-Edomoske sas diňi e južno brana a leskere čhavenge sas dine te merkinel pro thana, kaj sas odthode o veci; ¹⁶le Šuppimoske the le Chososke e zapadno brana the e brana Šallechet, khatar pes džal le dromeha upre.

O stražňika jekh avres čerinenas avke: ¹⁷Paš e vichodno brana sas šov Leviti; paš e severno štar; paš e južno štar; paš o thana, kaj sas odthode o veci, sas po duj; ¹⁸paš e dvora pre zapadno sera sas duj a paš o drom, so ľidžal andre dvora, štar Leviti. ¹⁹Kala sas o partiji stražňika andral le Korachoskere the Merariskere fajti, save stražinenas.

Aver chramoskere služobňika

²⁰Lengere pašutne Leviti pes starinenas pal o chramoskere pokladňi the pal o dari, so sas dine prekal o Del. ²¹O Ladan, andral e Geršonoskeri fajta, sas dad le Jechielioske. But džene andral leskero potomstvos sas vodci andre peskere fajti. ²²Le Jechieli sas duj čhave: o Zetam the o Joel. On pes starinenas pal o chramoskere pokladňi the skladi.

²³The le Amramoskere, le Jisharoskere, le Chebronoskere the le Uzzieloskere potomki pes starinenas pal o pokladňi.

²⁴O Šebuel sas upral savore chramoskere pokladňika. Ov sas andral e fajta le Geršomoskeri, savo sas čhavo le Mojžišoskero. ²⁵O Šebuel sas pašutno le Šelemotoha prekal o Eliezer, savo sas phral le Geršomoske. O Eliezer sas dad le Rechabijoske, ov le Ješajoske, ov le Joramoske, ov le Zichriske a ov le Šelomotoske. ²⁶O Šelomot the leskere pašutne pes starinenas pal savore pokladňi the dari, so anelas a sentňarelas le Devleske o kraľis David, o vodci le fajtengere, o veľiťeľa upral o ezeros the o veľiťeľa upral o šel a the aver veľiťeľa upral e armada. ²⁷Bo oda, so on zalenas andro mariben, denas andro Chramos, hoj les te oprikeren. ²⁸O Šelomot the leskere pašutne pes starinenas the pal ola sentňarde dari, so dine prekal o Chramos o prorokos Samuel, o Saul le Kišoskero čhavo, o Abner, le Neroskero čhavo, the o Joab, la Cerujakero čhavo.

O Leviti, save na služinenas andro Chramos

²⁹Andral le Jisharoskero potomstvos, o Kenaniah the leskere čhave sas ačhade uradňikenge the sudcenge andro Izrael. On na služinenas andro Chramos.

³⁰O Chašabijah the leskere murša andral le Chebronoskeri fajta, ezeros the efta šel (1 700) zorale murša, pes starinenas andro Izrael pro zapados le Jordanostar pal savore službi prekal o RAJ the prekal o kraľis. ³¹O Jerijah sas vodcas le fajtenge the le famelijenge andre le Chebronoskero potomstvos. Sar o David sas imar kraľis saranda (40) berš, arakhle andro zvitki, hoj andre lengero potomstvos hine zorale murša, save bešen andro Jazer, andre Gileadiko phuv. ³²Le Jerijah sas duj ezera the efta šel (2 700) pašutne, save sas vodci andre peskere fajti. Len o David ačhaďa upral o kmeňi Ruben, Gad the jepaš kmeňos Menašše, hoj te merkinen pre savore veci le Devleskere the kraľiskere.

O veľiťeľa upral o dešuduj čati

¹Sako čhon andro berš 24 000 murša andre jekh čata služinenas sar slugaďa andre Izraeloskeri armada. Andre ole čati sas o vodci upral o fajti, o veľiťeľa upral o ezeros the upral o šel the lengere služobňika.

²Andro ešebno (peršo) čhon ľidžalas e čata o Jašobeam, le Zabdieloskero čhavo. ³Ov sas le Perecoskero potomkos a sas angluno veľiťeľis savore slugaďenge andre ešebno čhon.

⁴Andro dujto čhon ľidžalas e čata o Achoachitas Dodaj a veľiťeľis sas o Miklot. Andre odi čata sas 24 000 murša.

⁵Andre trito čhon ľidžalas e čata o Benajah. Leskero dad sas angluno rašaj o Jehojada. ⁶Oda Benajah sas vodcas le Tranda (30) zorale muršenge. Ale o veľiťeľis upral e čata sas leskero čhavo o Ammizabad.

⁷Andro štarto čhon ľidžalas e čata o Asahel, le Joaboskero phral, a pal leste leskero čhavo o Zebadijah.

⁸Andro pandžto čhon ľidžalas e čata o Šamhut, le Jizrachoskero potomkos.

⁹Andro šovto čhon ľidžalas e čata o Iras, le Ikkešoskero čhavo, andral e Tekoa.

¹⁰Andro eftato čhon ľidžalas e čata o Chelec andral o kmeňos Efrajim khatar o Palon.

¹¹Andro ochtoto čhon ľidžalas e čata o Sibbechaj, andral le Zerachoskeri fajta, andral e Chuša.

¹²Andro eňato čhon ľidžalas e čata o Abiezer andral o Anatot, andral o kmeňos Benjamin.

¹³Andro dešto čhon ľidžalas e čata o Mahraj andral e Netofa. Ov sas andral le Zerachoskeri fajta.

¹⁴Andro dešujekhto (11) čhon ľidžalas e čata o Benajah andral o kmeňos Efrajim andral o Piraton.

¹⁵Andro dešudujto (12) čhon ľidžalas e čata o Cheldaj andral e Netofa. Ov sas andral le Otňieloskeri fajta. Andre dojekh čata sas 24 000 murša.

O vodci upral o kmeňi

¹⁶Kala hine o vodci upral o kmeňi andro Izrael:

o Eliezer, le Zichriskero čhavo, upral o kmeňos Ruben;

o Šefatjah, le Maachoskero čhavo, upral o Šimeon;

¹⁷o Chašabjah, le Kemueloskero čhavo, upral o Levi;

o Cadok upral le Aronoskeri fajta; ¹⁸o Elihu, le Davidoskero phral, upral o Juda;

o Omri, le Michaeloskero čhavo, upral o Jissachar;

¹⁹o Jišmajah, le Obadjoskero čhavo, upral o Zebulun;

o Jerimot, le Azrieloskero čhavo, upral o Naftali;

²⁰o Hošeah, le Azazjoskero čhavo, upral o Efrajim;

o Joel, le Pedajoskero čhavo, upral o zapadno kmeňos Menašše;

²¹o Jiddo, le Zecharijoskero čhavo, upral jepaš kmeňos Menašše andro Gilead;

o Jaasiel, le Abneroskero čhavo, upral o kmeňos Benjamin;

²²the o Azarel, le Jerochamoskero čhavo, sas upral o kmeňos Dan.

Kala sas o kmeňoskere vodci andro Izrael.

²³O David na diňa te pisinel andro zvitkos le ternederen sar biš berš (20), bo o Del les diňa lav, hoj kerela lendar ajci but Izraeliti sar o čercheňa pro ňebos. ²⁴O Joab, la Cerujakero čhavo, len chudľa te zgenel, ale na dogenďa len, bo o Del choľisaľiľa pre lende a marďa len vaš oda, hoj le Izraeliten kamle te zgenel. Vašoda na sas pisimen, keci sas andre kronika le kraľiskeri Davidoskeri.

O uradňika upral o kraľiskero barvaľipen

²⁵O Azmavet, le Adieloskero čhavo, pes starinelas pal o kraľiskere skladi.

O Jonatan, le Uzzioskero čhavo, pes starinelas pal aver skladi andro fori, gava the veži.

²⁶O Ezri, le Keluboskero čhavo, sas upral o murša, save kerenas buči pre maľa.

²⁷O Šimej andral e Rama pes starinelas pal o viňici.

O Zabdi andral o Šefam pal o thana, kaj sas odthoďi e mol.

²⁸O Baal-Chanan andral o Geder pes starinelas pal o olivi the dzive figi pre zapadno brehengeri phuv.

O Joaš pes starinelas pal o olivovo olejos. ²⁹O Šitraj andral o Šaron pes starinelas pal o dobitkos, so pes pasinelas pro maľi andro Šaron.

O Šafat, le Adlajoskero čhavo, pal o dobitkos, so pes pasinelas andro dolini.

³⁰O Izmaelitas o Obil pes starinelas pal o ťavi.

O Jechdejah andral o Meronot pes starinelas pal o oslici.

³¹O Hagarčanos o Jaziz pes starinelas pal o bakre the kozi.

Kala savore pes starinenas pal le Davidoskero barvaľipen.

Le Davidoskere radci

³²O Jonatan, le Davidoskero bačis, sas goďaver murš the radcas. Ov jekhetane le Jechieloha, le Chachmonoskere čhaha, ľikerenas avri le kraľiskere čhaven.

³³O Achitofel sas le kraľiskero radcas a o Arkijcos Chušaj sas le kraľiskero prijaťeľis. ³⁴Sar o Achitofel muľa, ačhile pal leste radci o Jehojada, le Benajoskero čhavo, the o Ebjatar.

O veľiťeľis upral le kraľiskeri armada sas o Joab.

O David del le Šalamunoske o planos le Chramostar

¹O David vičinďa ke peste andro Jeruzalem savore Izraelike uradňiken: le kmeňoskere vodcen; le armadakere veľiťeľen, save služinenas le kraľiske; le veľiťeľen upral o ezeros the upral o šel slugaďa; le manušen, save pes starinenas pal calo leskero barvaľipen the pal leskere the le čhavengere stadi. Vičinďa the le palaciskere uradňiken, slugaďen the savore zorale maribnaskere muršen.

²Sar savore doavle, o David ušťiľa a phenďa: “Phralale mire the manušale mire! Šunen man avri! Andre miro jilo sas oda, hoj ačhavava than prekal amare RAJESKERI Zmluvakeri Archa, so hiňi sar stolkos, kaj o Del thovela peske o pindre. Savoro imar pririchtinďom, hoj pes te ačhavel, ³ale o Del mange phenďa: ‘Tu našťi ačhaves o Chramos prekal miro nav, bo sal slugaďis a čhorďal avri but rat.’

⁴Ale o RAJ, o Del le Izraeloskero, peske iľa man andral caľi famelija avri kraľiske pro furt, bo savore kmeňendar peske o Del kidňa avri le Juda sar vodcas a savore famelijendar, mire dadeskera famelija the savore mire dadeskere čhavendar kidňa avri man vaš o kraľis upral calo Izrael. ⁵O RAJ man diňa igen but čhaven a savore mire čhavendar peske kidňa avri mire čhas le Šalamun, hoj te bešel pro tronos a te kraľinel upral le RAJESKERO kraľišagos andro Izrael. ⁶Phenďa mange: ‘Tiro čhavo o Šalamun mange ačhavela miro Chramos the mire dvori, bo mange les iľom avri vaš o čhavo a avava leskero dad. ⁷Te pes ľikerela mire prikazaňjendar the zakonostar avke sar akana, pro furt leske ačhela o kraľišagos.’

⁸Akana tumenge phenav anglo Del, angle savore Izraeliti the angle savore, save hine zgele anglo RAJ, hoj te merkinen a te doľikeren savore prikazaňja le RAJESKERE, peskere Devleskere, hoj tumenge te ačhel kadi šukar phuv a hoj la paľis te den tumare potomkenge sar ďeďictvos pro furt.

⁹A tu Šalamun, čhavo miro, sprindžar tire dadeskere Devles a služin leske cale jileha the goďaha, bo o RAJ džanel amare jile the amaro gondoľišagos. Te les rodeha, dela pes tuke te arakhel, ale te pes lestar odvisareha, omukela tut pro furt. ¹⁰Ma bister pre oda, hoj tut o RAJ kidňa avri, hoj te ačhaves leske sentno Chramos. Av zoralo a muk tut andre buči!”

¹¹Paľis o David diňa peskere čhaske le Šalamunoske o planos, sar te ačhavel savore thana andro Chramos: e angluňi dvora, o than, kaj sas odthode o veci, o uprune thana, o andrune thana the o than prekal e Zmluvakeri Archa, kaj hine odmukle o bini. ¹²Diňa leske the o planos, so sas les andro duchos, sar te kerel e chramoskeri avruňi dvora, o avrune thana pašal o Chramos, o thana, kaj sas odthode o chramoskere veci the o dari, so anenas le RAJESKE. ¹³O David diňa leske the o planos, sar o rašaja the o Leviti majinde te el rozulade (rozďelimen) andre služba a sar oda te kerel a sar pes te starinen pal savore veci andro Chramos. ¹⁴A phenďa, keci kampela rup the somnakaj pre ola veci, so ena kerde a savenca služinena andro Chramos, ¹⁵a keci kampela rup the somnakaj pre dojekh lampa the momeľaris, ¹⁶the pro rupune skaminda the pro dojekh somnakuno skamind prekal o sentne mare prekal o Del. ¹⁷Phenďa, keci kampela žužo somnakaj, savestar kerena o vidľički, čare the pohara, a keci kampela somnakaj the rup, savestar kerena o čare, ¹⁸a keci žužo somnakaj kampela, sar kerena o oltaris, pre savo labarena o voňava obeti. Diňa the o planos le verdanestar: prekal o somnakune cherubi, save peskere rozcirdle kridlenca garuvenas le RAJESKERI Zmluvakeri Archa.

¹⁹O David phenďa le Šalamunoske: “Kada savoro sas zapisimen le RAJESKERE goďaha a leskero vast sas pre mande, hoj te pririchtinav savori buči pro Chramos. ²⁰Muk tut andre buči a ma dara! Ma dara tut a ma izdra, bo o RAJ o Del, miro Del, ela tuha. Na omukela tut a na odvisarela pes tutar, medik na dokereha savore buča pro Chramos, andre savo paľis le RAJESKE služinena. ²¹Dikh, hin tut but partiji rašaja the Leviti, save hine pririchtimen pre savori služba andre le Devleskero Chramos. Hin paš tu o manuša, save džanen te kerel dojekh buči, the o uradňika, a savore manuša tut šunena, so lenge ča pheneha.”

O dari prekal o Chramos

¹Paľis o kraľis David phenďa savore manušenge, save sas ode zgele: “Miro čhavo o Šalamun, saves peske kidňa avri o Del, hino mek terno a mek na džanel but pal o dživipen. Bo e buči pro Chramos hiňi bari a na kerel pes prekal o manuš, ale prekal o RAJ, prekal o Del. ²Keci birinďom, ajci pririchtinďom materijalos a diňom prekal le Devleskero Chramos o somnakaj pro somnakune veci, o rup pro rupune, o brondzos pro brondzune, o trasta pro trastune the o kašta pro kaštune veci. Diňom mek o mramoris the onixoskere bara, malachitoskere the farebna bara – savore dragane bara pro šukariben. ³A vašoda, hoj mange hin pro jilo le Devleskero Chramos, dav mek mire barvaľipnastar o somnakaj the o rup ke oda, so imar diňom: ⁴šel (100) toni nekfeder somnakaj andral o Ofir the duj šel the saranda (240) toni žužo rup, hoj te šukaľaren o fali andro Chramos, ⁵the o somnakaj pro somnakune the o rup pro rupune veci, savendar kerena o majstri o veci andro Chramos. Ko kamľahas adadžives jilestar te anel varesave dari le RAJESKE?”

⁶Avke, sar o David dovakerďa, o vodci andral peskere fajti, o kmeňoskere vodci, o veľiťeľa upral o ezeros, o veľiťeľa upral o šel the o uradňika dine jilestar o dari prekal o RAJ. ⁷On dine prekal o Chramos buter sar šel the eftavardeš (170) toni somnakaj, buter sar trin šel the saranda (340) toni rup, vaj šov šel the biš (620) toni brondzos a buter sar trin ezera the štar šel (3 400) kili trasta. ⁸Kas sas varesave dragane bara, delas len le Jechieloske andral le Geršonoskeri fajta andro vasta sar daros prekal le RAJESKERO Chramos, bo ov sas upral o pokladi. ⁹O manuša radisaľonas ole darendar, so o vodci anenas jilestar le RAJESKE. The o David igen radisaľolas.

O David paľikerel le RAJESKE

¹⁰Paľis o David lašarelas le RAJES angle savore manuša kavke:

“Av lašardo, RAJEJA,

Devla amare phure dadeskero, le Jakoboskero,

čirlastar pro furt!

¹¹Tu sal baro, zoralo the slavno!

Tuke e pačiv the e slava!

Tiro hino savoro, so hin pro ňebos the pre phuv.

Tiro hino o kraľišagos

a sal barardo upral savoreste!

¹²O barvaľipen the e pačiv hin tutar.

Tu kraľines upral savoreste.

Andre tire vasta hin e zor.

Kas tu kameha, oles šaj keres bares the zorales!

¹³Akana, Devla amaro, paľikeras tuke

a lašaras tiro slavno nav!

¹⁴Ale ko som me the mire manuša, hoj tut šaj diňam ajci dari? Se savoro hin tutar a akana tuke oda ča pale das. ¹⁵Sam cudzinci the hosci andre tire jakha, avke sar the amare phure dada. Amaro časos pre kadi phuv hino sar o ciňos, so predžal, a sig meras. ¹⁶Ó, RAJEJA, Devla amaro, savoro kada barvaľipen, so tuke diňam, hoj pes te ačhavel o Chramos prekal tiro sentno nav, hin tutar a tiro hin savoro. ¹⁷Me džanav, Devla miro, hoj tu dikhes pro jilo le manušeskero a rado dikhes oles, ko hino pačivalo. Me jilestar tuke anďom kala dari a akana dikhav, hoj kala tire manuša tiš jilestar the radišagoha ande o dari. ¹⁸Ó, RAJEJA, Devla amare dadengero le Abrahamoskero, Izakoskero the le Izraeloskero, ker, hoj te en furt pačivale, a lengere jile pricirde ke peste. ¹⁹A ker, hoj miro čhavo o Šalamun te el tuke pačivalo cale jileha a te doľikerel tire prikazaňja, zakoni the sikavibena, a mi kerel savoro, so kampel, hoj te el ačhado o Chramos, prekal savo diňom kala dari.” ²⁰Paľis o David phenďa savore manušenge: “Lašaren le RAJES, peskere Devles!”

Avke savore ole manuša chudle te lašarel le RAJES, le Devles peskere dadengere, a andre pačiv banďonas dži ke phuv anglo RAJ the anglo kraľis David.

O Šalamun pale ačhado kraľiske

²¹Paľis o Izraeliti ande le RAJESKE o dari a pre aver džives o labarde obeti: ezeros (1 000) terne biken, ezeros bakren, ezeros bakroren, e moľakeri obeta the aver obeti vaš calo Izrael. ²²Oda džives chanas a pijenas anglo RAJ bare radišagoha a le Davidoskere čhas le Šalamun pale ačhade kraľiske. Pomakhle les vaš o kraľis a le Cadok vaš o rašaj. ²³Avke o Šalamun bešľa pal peskero dad David sar kraľis pro tronos, so ačhaďa o RAJ. Sas les bach a savore Izraeliti les šunenas. ²⁴Savore uradňika, slugaďa the le Davidoskere aver čhave les šunenas.

²⁵O RAJ igen hazdňa upre le Šalamun angle savore Izraeliti avke, hoj les diňa ajsi slava, so na sas savore aver kraľen andro Izrael.

Le Davidoskero meriben

²⁶O David, le Izajoskero čhavo, kraľinelas upral calo Izrael ²⁷jekhetane saranda (40) berš. Andro Hebron kraľinelas efta berš a andro Jeruzalem tranda the trin (33) berš. ²⁸Ov sas barvalo, sas les pačiv maškar o manuša a muľa, sar sas igen phuro. Pal leste ačhiľa kraľis leskero čhavo o Šalamun.

²⁹Savore aver veci, so kerďa o David akorestar, sar sas kraľis, hin pisimen andro zvitki le prorokengere Samuel, Natan the Gad. ³⁰Ode hin pisimen pal leskero zoralo kraľišagos the pal oda, so pes ačhiľa leha, le Izraeloha the avre kraľišagenca.