1234567891011121314151617181920212223242526272829303132333435363738394041424344454647484950
1234
12345678910
1234
12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

ЯХЪЯДАН ЭКИНШИ ХАТ

Бу хат «Алла сайлап алган ханбийкеге эм онынъ балаларына» деп тувра маьнесин ясырган аты болган бир христиан ямагатына эм онынъ аьдемлерине йиберилген. Авторы – элши Яхъя оьзин «ямагаттынъ тамадасыман» деп айтады. Ол соьйтип хатты йибергенлерге оьзининъ абырайлы экенлигин билдиреди эм христиан ямагатынынъ аьдемлери уьшин яваплыгын коьрсетеди.

Биринши хатындагындай этип, Яхъя окувшыларды акыйкатлыкка эм суьювге коьре яшамага керегин насихатлайды. Ол тагы да Иса Масих аьдем болмаган деп санайтаган ялган окувдан сакланмага керегин тилейди.

1

Суьюв эм акыйкат

1 Ямагаттынъ тамадасыннан Алла сайлап алган эм мен акыйкатлай суьйген ханбийкеге эм онынъ балаларына+ 1:1* Ханбийке эм онынъ балалары: бир иман ямагатынынъ аьдемлери болмага болады. 13-нши аятка да каранъыз. салам! Ялгыз мен болмай, белки, акыйкатты таныганлардынъ баьриси де сизди суьедилер,

2 неге десе акыйкат ишимизде яшайды эм де оьмирлер бойында бизи мен калаяк.

3 Атамыз Алладан эм Онынъ Улы Иса Масихтен шапагат, рагимлик эм тынышлык сизи мен бирге болсын.

4 Мен балаларынънынъ арасында, биз Атадан алган парызымызга бойсынып, акыйкатлыктынъ йолында юретаганларды тапканда бек кувандым.

5 Соьле де тилеймен сеннен, ханбийкем, бир биримизди суьеек. Сага янъы парыз этип бермей, ама сол басыннан алып бизге белгили болган затты язаман.

6 Суьюв болса биз Алладынъ парызлары бойынша яшаганымыздан шыгады. Мине сол сиз басыннан алып эситкен парыз – калай яшамага кереги акындагы парыз.

7 Неге десе дуныяга, Иса Масих инсан шаркында келгенин кабыл этпеген коьп алдавшылар дуныядынъ ер ерине яйылганлар. Ондайлар – шынты алдавшылар эм Масихтинъ душпанлары.

8 Бизим (Алла йолында) кызмет кылып тапканымызды йоймай кыйын акынъызды толысынша алар уьшин сак болынъыз.

9 Масихтинъ уьйретуьвин бузган эм ога ызламаган аьдемде Алла йок. Масихтинъ уьйретуьви мен яшаганда Атасы да, Улы да бар.

10 Эгер Масихтинъ уьйретуьвин аькелмеген бирев сизге келсе, оны уьйинъизге ювытпанъыз, салам да берменъиз.

11 Неге десе сондай аьдем мен саламласкан онынъ яман ислеринде катнасады.

12 Сизге язбага коьп затым бар эди, ама калем мен кагытты кулланмага суьймеймен. Куванышымыз толы болсын деп, коьзбе-коьз соьйлесермиз деп уьмит этемен.

13 Алла сайлап алган аьптенънинъ балалары сага салам йибередилер.