LINGE

Linge

Buka Sakai 1-41

¹Ghau, [na togotogo/nina vauto God] vanira

ara hei tara mua taonia didira na uhuhuli tara dika,

pa kara tughuru kolura rana tangohahi,

pa kara nira udu kolu rana tangotangodika.

²Ma gaira tara lioni vamua na taoniani

na lei totobo te lioni a Lord;

na bongi mana dani tara ghanaghanai

vamua na lei nina vetena.

³Gaira te vaghara na lei ghai

tara subai lilighini na lei beti,

ma gaira tara vangagha tughu niulu,

te mua ghoi taho tua.

Mana rauraudira te mua ghoi dudu ghua,

mana hava tara gonighi vamua ilokani,

te maemane tona haliu.

⁴Ma eni gaia te mua utuni itadira rana kiko;

A gaira te vaghara na totobo lee vamua,

te havukaghini kolilira na ghuri.

⁵Ma gaira kara dete matera tana bongi ni dete.

Rana tangotangodika te taho na maladira itadira rana uto.

⁶Na pukuna Lord te vatoghai na halautudira tara uto,

me vatoghai ghua na halautudira rana kiko te uhulira va tana totoro te sule.

¹E ghua ge na lei tara talu tatei didira na rutu para ghaghada.

Me ghua ge na lei tinoni tara sonileai didira na bona ni aho

nia na ghanaghana taho puku ni?

²Na lei vunaghi haba ni maramana tara gonidila ni veitotoghoni:

mana lei tinoni huhuli kara tughuru kaukolu nia

didira na lei ghanaghana popolo

kara vahaghitailira nia a Lord,

ma kara tughuru pungisia nia nina tinoni te siusiua.

³“Mai ghita ma ka gotia didira na tali halo,”

ara ghaghua tara tangi ngangaraha;

“Ge ka tatavahale ghita hegheda tana kabu popongo eni.

⁴Ma gaia te uhuhuli ikokou te kia.

Ma Lord te batobatora nina.

⁵Ta nina na rutu te va betora nia:

ma gaira tara mataghu nia na tatata ta nina rutu paraghaghada.

⁶Ma Lord te tughunitatea,

“Inau tu talu horua a nigua na vunaghi vivili

tana malei sopouna Jerusalem ta nigua na komu tabu.

⁷Na vunaghi te ladavaghinia na lei nina vetena Lord.

“Ma Lord te ghaghua vania,

“Ighoe na dalegu. Itaeni inau tu talutatea ge ku Tamamu.

⁸Na totobo vamua ko gonia,

“Ko nongi, mi nau ku vahegho na lei kema ke vagha a nimua na lologho,

tana sosokona na maramana.

⁹Ighoe ko gotira nia na tali halo,

mo ko kara tara te vaghara na kuki vatu.

¹⁰Mi taeni, ighau na lei vunaghi, kau talua na manaha te uto.

Mi ghau tau uhuhuli tana maramana,

tara bosa dila vanighau,

ge kau bei ghoi nea na dika.

¹¹Ko lutu vania Lord nia na ghanaghana mava mana mataghu,

mo ko togotogo kolua nia na mataghu.

¹²Ko va hea dalena God na puku ni maana,

na pukuna ke bei rutu gea;

me ke havukaghinigho gea ighobudira tara tangohahi;

na pukuna nina rutu ke tangomana

ge ke vagha na pagana na vavuna na lake na pile bona vamua.

Mi vei vaho te vagha na togotogo vaghana;

ke vanira ara hei tara kenea na righitaoni itatana.

¹Aghe Lord, ara subo na ghagua na levunimate;

mara subo ghua tara tughuru pungisiu.

²Ara subo lee ghua tara bosa mara ghaghua:

A God ke mua ghoi tangomana na hangaana!”

³Mi ghoe ghe Lord, a nigua na tako te pilupilu,

ma nigua na lada itatana gaia te ghaedatoa na ulugu tana oka.

⁴Inau tu tangi vania Lord,

ma gaia te bosa tughu vaniu mai ta nina ghotu te tabu.

⁵Inau tu koli horu, mu tu maturu.

Mu rarai mai tana maboagu;

na pukuna Lord te righitaoniu.

⁶Inau tu mua mataghunira

ara hangavulu na togha ni levunimate,

tara sama talighutiu.

⁷Tughuru ghe Lord!

Mo ko vavolau, a nigua na God!

Tapoi na ngara dira gaira udolu na ghagua na levunimate;

mo ko karatai na livo dira tara tangotangodika.

⁸Na laga vule te va mai itamua ghe Lord:

Lubatia nimua na vauto ke kabu itadira a nimua na vure.

¹Ko bosa tughu vaniu mai tana bona inau ku hoholo,

na pukuna God te bosa tateu inau tu tatavahale.

Ko lavi kehai a nigua na hahi: mo ko aroviu;

mo ko arovighi a nigua na kokoeliulivuti.

²Ivei vaho ke vagha na darona:

ighau na vure kau dikalai na lei nigua a uto?

Mi vei vaho ke vagha na darona kau gonighi na lei hurutabo taho puku ni?

Mi vei vaho ke vagha na darona kau nia sorisori, ge kau goni dila na mate?

³Ma kau ghilala utoa eni;

A Lord te talu keha na uto vania gaia heghena.

Ma Lord ke tangomana na bosa tughu tana bona ku holoa.

⁴Ko bei lubatia na rutu ge ke hulia na volamu:

ke lavi haghegho gea tana tangotangodika.

Ko ghanaghana vaovarongo tana bongi udolu:

mo ko kabu todore.

⁵Ko gonia na puku ni sukaghi;

mo ko varava ngasi itatana Lord.

⁶Subo na vure tara bosa mara ghaghua,

“Ahei vaho ke tatei vanighita na lei bona ni aho ke uto?”

Lubatia na kia mangihi ni mangamu ke marara i vuvungamami ghe Lord.

⁷Ighau tau vaheu na togotogo te sule,

vulera arahei tara loghoa na hali ni vagha te subo tana vavanga ni vaini.

⁸Mi nau ku koli horu tana mabo, mu ku maturu.

Mi ghoe heghemu a Lord, ko righitaoni tatavahaleu.

¹Aghe Lord, Ko rongoviu tana bona inau ku kokoeliulivuti;

ko kabu avehiu ta nigua na tangi.

²Ko varongohia a nigua na tangi ni hahanga,

aghe nigua na vunaghi ma nimua na God.

Na pukuna ku mua ghoi tangomana ghua na kokoeliulivuti

vaniana siki sakai na keha, mi ghoe heghemu vamua God.

³Ko varongohia na talama ni mangagu tana roropo, ghe Lord.

Tughu roropo, inau ku lavighi vanigho mai a nigua na nongi;

mu ku avehi utoi na lei bosa tughu.

⁴Aghe God, ighoe to mua lavia na togotogo itadira

rana tangohahi mo ko mua nira ghaghua

ara hei tara gonia na hahi.

⁵Na pukuna keri, gaira tara talunagho kara mua lubatira

ge kara tughuru tana bonamu te tabu,

na pukuna ighoe to nira sika ara hei tara gonia na hahi.

⁶Ighoe ko durakera ara hei tara bosa sorisori:

ma Lord te mua liodira tara labupolo mara gueguelo.

⁷Na pukuna a nimua na dolo ke mua ghoi tughu,

ge inau ku tangomana na haghe tana valemu!

Nia na douna?? nigua na ghanaghana mava,

inau ku holohabagho nia tana valemu te tabu.

⁸Ko huliu tana halautu te maemane ghe Lord,

ge na ghaghua na levunimate kara bei laga vuleu.

Ko bosa lada utoa na hava ku gonia;

mo ko tuhua vaniu vaniu na halautu ku ririu va iga.

⁹Na ghagua na levunimate kara mua ghoi bosa tua asakai na bosa ke utuni.

Na douna didira na ghanaghana ke, kara hurakera vamua na balu.

Didira na kokoe te vagha na bule,

te vagha na uru ni tinoni mate te va horu mai tana tavughi te tatavanga.

Didira na bosabosa te vonughia na talunagho.

¹⁰Ghe God, ko bosa tate lagara agaira tara hahi.

Lubatira ge kara hogo haghe ta didira na vugho.

Ko ghuru ke hara, na pukuna te subo na paludira,

maia tara hughuhughu kolugho.

¹¹Ko lubatira agaira tara ungaunga

itamua kara lavia na togotogo;

lubatira ge kara linge rivurivu nia na holohaba ke va me vaa.

Ko pilu pungisira, ge agaira tara datovia na ahamu,

ko vonughira nia na togotogo.

¹²Na pukuna ighoe to vautora na uto ge Lord,

mo pilupilura nia a nimua na tako ni dolo.

¹Ghe Lord, Ko bei ririu pulohi vaniu ta nimua na rutu,

po ko torou ta nimua na rutu paraghaghada.

²Ko righi aroviu ghe Lord, na pukuna tu labe.

Mo ko kisu Lord, na pukuna na huligu te ghana tana bule.

³Inau tu vahaghi tana toba.

Mi vei vaho ke vagha na hauna ghe Lord,

ge ko kisu volau?

⁴Ko pulohi mai ghe Lord, mo ko vavolau.

Vavolau na pukuna a nimua na dolo ke mua tughu.

⁵Tana mate, ahei ke ghanaghanagho?

Ma hei ke tangomana na holohabaamu tana tavughi?

⁶Inau ku mua pupulu heghegu tana mate.

Mana kolobu te podia na ghimegu tughu bongi;

na ulungagu te podi ta nigua na tangi.

⁷A ghagua na levunimate te hughahugha potou tana dikalio;

mana matagu te mua vuha righigho:

na pukuna na ghaghua na levunimate.

⁸Kau tona keha, ighau udolu tau gonia na dika:

na pukuna a Lord te rongovia a nigua na tangi.

⁹A Lord te rongovia a nigua na kokoe;

Ma Lord ke bosa tughui a nigua na kokoeliulivuti.

¹⁰Lubatira a gaira udolu na ghagua na levunimate

kara ghanaghana ruarua ma kara mataghu.

Ge agaira udolu kara ririu pulohi nia na maa.

¹Inau tu mai tamua ghe Lord, nigua na God; ge ko pilupilu.

Vavolau itadira tara kisua ghagua na mate.

Mo ko lavi kehau.

²Ma ge toko mua Lavi kehau ke,

ma gaira kara dikalau te vagha na lion:

sagiu ma kara pilepileu.

Me taho siki sakai ke lavikehau.

³Ghe Lord nigua na God, ge inau ku gonia na hahi,

pe inau ku tangotangodika taonia te mua maemane.

⁴Ma ge inau ku peroa a kulagu,

puku peroa na ghagua na levunimate:

sagauvia na goniana na hava ke kale.

⁵Kakeri vaho ge ko lubatira na ghagua na levunimate, ge kara lotiu.

Lubatira ge kara turi pepeleu tana pari.

Lubatira nigua na haba ge ke lelebo tana pughu ni pari. ⁶Tapatughuru ghe Lord tana rutu!

Tughuru dato mo ko pungisia na rutu

para ghaghada itadira na ghagua na levunimate.

⁷Vahikolura na lei kema i naghomu.

Sopou tana malei kabumu te datogha i vuvungadira soko.

⁸Ma Lord ke tuvalia na dete ivuvungadira na lei kema.

Bosa ladaa inau tu maemane ghe Lord;

Na pukuna inau tu tatavahale,

ghe na puku ni haba.

⁹Sokolaghinia na dikadira rana dika,

mo ko hangara udolu ara hei tara taonigho.

Na pukuna ighoe to vaevane halahau

tana lio mana taba ghe God ni maemane.

¹⁰God nigua na tako,

to vavolara nia arahei na tobadira

te utuni me maemane.

¹¹God, agaia na dete te maemane me uto.

Ma gaia te rutu vanira tara tangotangodika tughu bongi.

¹²Ma ge na tinoni ke mua tughulio,

God ke sava nia na isi,

ma gaia ke lohia nina na baghe.

¹³Ma gaia ke gonidilai

nina lei totobo ni vei totoghoni ni mate kasila.

Ma nina kuali te ruruhu ke kalegho nia.

¹⁴Rana tangotangodika tara loghoa na dika;

a gaira tara nia bahe na lei vahola;

mara vahui na lei sorisori.

¹⁵A gaira tara ghelighi na taripiti,

ge kara taripitira na balu,

ma kara kutu haghe va itadira.

¹⁶A gaira tara gonia na dika;

hauva me labu olira so na lake.

Mara gonia na padalaghi ni haurakeadira na balu,

me kutu oli so tana uludira.

¹⁷Mi nau ku holoutoa Lord:

Na pukuna gaia na maemane:

mi nau ku linge holohaba vania na ahana Lord te haba ngangata.

¹Ghe Lord, nimami na Lord,

puku ni maana, na ahamu te vonughia na maramana!

Mana lada mu te haba dato vulea na parako.

²Ighoe to taraira na lei gari pile,

mana lei meomeo,

ge kara bosai puku ni holohaba.

Ma gaira kara talu betora ghamua na levunimate,

tara kenea na lavitughuamu/toroamu. ³Mi tana bona inau tu reitada tana parako te bongi,

ge ku righia na lutu ni gigirimu-tana vula

mana lei veitughu tana sopa malani to talui ga.

⁴Na hava vaho tua na mete vaghana

to ghanaghana dilaa vanighai tai huli vinahi

te manana ge ko righitaonighai?

⁵Na pukuna ighoe to gonighai pile kikia vamua isarana God,

mo pitiulumami nia na lada mana rongoragha.

⁶Ighoe to talughai ge kai righitaonighi na lei totobo to gonighi,

mo vaheghai na maana vulera na lei totobo soko.

⁷Na sheep mana buluka,

maia ghua na lei bolo matamata.

⁸Na manu tana oka, mana igha tana tahi,

mana lei totobo vola tara olo’olo kolili tana harara oka.

⁹Ghe Lord, nimami na Lord puku ni maana,

na ahamu te vonughia na maramana!

¹Inau ku holoutogho, Lord, na na tobagu udolu;

mi nau ku bosa tatei na lei totobo te haeharegha to gonighi.

²Mi nau ke vonughiu na togo na pukuna ighoe.

Mu ku linge holohaba vania na ahamu, aghe na Puku ni Haba.

³Na ghagua na levunimate kara ririu keha ma kara tona keha;

na pukuna gaira tara laga vulera,

mara havukaghinira i naghomu.

⁴Na pukuna ighoe to dete maemane

ta nigua na levu; mi tana malei kabumu,

ighoe to nia hevei na dete kaekage.

⁵Ighoe to tughuru pungisira na lei kema

me havukaghinira na tangohahi;

mo ghuduri kehai na ahadira ke va me vaa.

⁶Na ghagua na levunimate tara topou nia na mateagu;

hauva mana komudira te parihai.

Sughua didira na vatei ghanaghana oli

tara vuti kehai na lei komu tara sivi.

⁷Ma nina uhuhuli Lord ke va me vaa;

ma nina dete ke tona haliu tana malei kabuna.

⁸Agaia ke detea na maramana nia na maemane;

me ke uhulira na lei kema taonia na hava te kaekage.

⁹Ma Lord ke ungaunga vanira ara hei tara uhulira nia na vahaghitaili,

agaia na ungaunga tana bona ni aho ni vahola.

¹⁰Agaira ara hei tara ghilala na ahamu mara taluutunigho ighoe,

a Lord, ko mua tangomana ge ko tona keha itatana siki sakai te kene taonigho.

¹¹Linge holohaba vania Lord ilokana Jerusalem.

Bosa vania na maramana te mua nia ponolio na hava te gonia.

¹²Ma gaia te vahea na vahaghitailia

ahei te mate tinoni, me righitaonira tara bona.

Me mua nira ponolio ara hei tara

ngangaraha vania nia na hahanga.

¹³Lord, ko aroviu.

Righia ivei te vagha tu nea na vahaghitaili

tana limadira ara hei tara kanahaghiniu.

Ko lavikehau tana mate Lord.

¹⁴Ko vavolau, ge ke tangomana na holohabaamu tana mavitu,

tana mataulana Jerusalem,

ge ku togotogo na pukuna ighoe to vavolau.

¹⁵Na lei kema tara kutu horu ilokani na lei gilu

tara ghelighi vanira rana keha.

Ma gaira tara hogho oli heghedira ta didira na vugho.

¹⁶Ma Lord te ghilala tua nina na maemane.

Marana tangohahi tara hogho heghedira ta didira na tangohahi.

¹⁷Rana tangohahi kara tona horu tana gilu ni mate.

Aeni gaia na kakalena vanira na lei kema tara mua ghilala God.

¹⁸Ma gaira tara lio ni hahanga

kara mua ghoi nira ponolio tua ke va me va.

Ma didira na ghanaghanadila rana bona kara mua ghoi sonikeha.

¹⁹Tughuru dato age Lord!

Mo ko bei lubatira na lei tinoni tara mua liona na taoniamu!

Mo ko lubatira na lei kema ge kara dete ta nimua na kinakabu.

²⁰Ko nera ge kara nia ribe na mataghu, age Lord.

Lubatira ge kara ghilala agaira na tinoni gogoni vamua.

¹Aghe, Lord, e ghua ge o sakai tughuru saghau?

Me ghua ge o polo tana bona inau tu liomu ngangata?

²Na vure talu nagho mana tangohahi

tara liona ge kara vunaghidira ma kara dikalara na bona.

Lubatira ge kara hogho tana dika tara gonidila vanira rana keha.

³Ma gaira tara talutatei mai didira na lei lio dika;

mara holoutora tara lologho au.

Mara holoa mai na dika ivuvungana Lord.

⁴Na vure tangohahi raini ke,

tara nia talunagho ngangata na kene tana God.

Na pukuna didira na ghanaghana gaira ke, ma God te mate.

⁵A gaira tara tangomana tana lei totobo tara gonighi.

Mara mua righia nimua na totoro te pitu dilara tua.

Mara kialaghi, talutatea didira na batobato

ivuvungadira na ghadira na levunimate.

⁶Gaira tara bosa vanira heghedira mara ghaghua,

“Taho siki totobo ke dika ke kaleghita!

Ighita ka tatavahale tana lei vahola ke va me va.

⁷Na mangadira te vonughia na dika, sorisori mana bosa dikala ara hei.

Na vahola mana dika te sopou tana kouni na lapidira.

⁸A gaira tara koli polo tana pungi ighobuni na lei vale,

ge kara labura ga na lei tinoni mahebo

tana bona kara mai tona haliu.

Na lutudira haia na keneadira na balu tinoni mahebo

ge kara vahaghitailira.

⁹Vaghara na lei lion tara tao beto pitura na lei tinoni mahebo

ge kara soghavira.

Vagha ghua na lei tinoni tara hili ge kara tana vugho.

¹⁰Na lei tinoni mahebo tara mate tua tana bona tara labura mara parikuvira:

agaira tara kutu horu i sarana na lagadira na lei tinoni tangohahi.

¹¹Na lei tinoni tangohahi tara bosa heghedira mara nigua God

ke mua tangomana na vaovatogha!

Me ke mua ghoi tangomana ghua na ghilalaana.

¹²Tughuru dato, Aghe Lord!

Mo ko torora rana tangohahi, “Aghe God!”

mo ko bei nira ponolio na lei tinoni mahebo.

¹³E ghua ge na lei tinoni tangohahi

tara tona keha nia na bosa dikalaana God?

Ivei tara nea na ghanaghanaana,

“God ke mua ghoi tangomana na holoada tana ghanaghana eni?

¹⁴Mo ko righia na vahola mana vahaghitaili tara gonia.

Ko righi kalea eni, mo ko torora.

Mana lei tinoni mahebo tara talua didira na ghanaghana kodo itamua.

Mi ghoe didira na pilupilu na lei meomeo.

¹⁵Ko gotighi na limadira rana tangohahi ini, na vure dika!

Ko tumurira, kokoekobe na sosoko itadira ko havukaghinia!

¹⁶Ma Lord Ke vunaghi ke va me va!

Lubatira ra hei tara holohabai na lei God Keha

ge kara tona keha tana pari.

¹⁷Lord, Ighoe to ghilalai didira na ghanaghana dila rana tinoni bona.

E utuni Ighoe ko tangomana na rongoviani

didira na tangi mo ko togholuvura.

¹⁸Ighoe to lavia vanira na maemane rana lei meomeo mate sasani,

mana vahaghitaili tona haliu vanira rana tangohahi:

ge na lei tinoni ke mua hau ma kara mua mataghunira.

¹Inau tu talua nigua na ghanaghana ni pilupilu itatana Lord.

Na pukuna keri, e ghua ge o bosa vaniu,

“Ko tona tana lei ghotu na va polopolo iga!

²Rana tangohahi tara lohighi didira na baghe

mara talui didira na kuali tana nilohi.

Ma gaira tara vania va tana ungaungadira

ara hei tara gonia na uto.

³Na banatana na vetena mana arelavaghi te parihai.

Mana hava kara nea rana maemane?

⁴Ma Lord te ghaha tana valena te Tabu;

ma Lord te tona haliu so na huhuli ikokou.

Ma gaia te vatogha dutuvighi so na lei totobo

me tabotaboa sopasopa sakai tana maramana.

⁵Ma Lord te tabotabora rana maemane maia rana tangohahi.

Ma gaia te nira sika arahei tara dolovia na dika.

⁶Agaia te kovala horua inaghodira

te ruruhu ivuvungadira rana tangohahi,

me vahaghitailira nia na lake

te ruruhu mana ruruhuni na lei ghuri.

⁷Na pukuna Lord te maemane;

Keri ge agaia te dolovia na maemane.

Agaira arahei tara gonia na maemane,

kara righia na matana.

¹Ko hahanga, Age Lord, na pukuna rana lei tinoni uto

te nina ngangata na taghadira!

Ma gaira tara ghalabutete

tara tona keha tua tana maramana.

²A gaira na komukolu

tara sopa koli vania sopasopa sakai tadira,

mara nia kokoe na ghidu te uto

mana toba te ghanaghana ruarua.

³Lubatia a Lord ke lavia vanira mai

na ghanaghana mava ke sara tana sosokona;

ma kara nia kabu vaovarongo

didira na talu nagho tana lapidira.

⁴Ma gaira tara ghaghua,

“Ighai kai nia koli tana tobamami

na hava tai ghanaghana.

Na ghidumami ke, a nimami heghemami,

ma hei ke tangomana ge ke va betoghau?

⁵Ma Lord te bosa tughu, me ghaghua,

“Inau tu righia na vahaghitaili,

tau nea vanira tara mahebora,

mu tu rongovia didira na vahaghitaili rana bona.

Mi taeni inau ku tughuru dato ge ku lavi kehara,

te vagha te daro ni bona tua tara liogu ge ku nea vanira.

⁶A nina na baubahu Lord te marabu,

vagha na silver to kerea tana lake

me va marabu e vitu na tughuru ni marabu.

⁷Vagha keri, Lord, Ighai tai ghilala,

ighoe to pilupungisira nia tana dika,

mo talugonira ke va me va tana vavata sorisori eni.

⁸Vagha keri rana hahi tara holohaba na dika ilokana na komu udolu.

¹Aghe Lord, ivei vaho ke vagha na hauna ko niu ponolio?

Ke va me va? Mi vei vaho ke vagha na hauna

ge ko reirei va tana balu halautu?

²Mi vei vaho ke vagha na hauna

ku ghutu vevehea na vahaghitaili tana tarungagu,

mi tana dikalio tana tobagu tughu bongi?

Mi vei vaho ke vagha na hauna

ge na ghagua na levunimate kara talu datoi na limadira?

³Ko ririu mai mo ko bosa tughu,

Aghe Lord, nigua na God!

Talugonia na marara mai tana matagu,

na pukuna ge ku bei mate gea.

⁴Bei lubatira na ghagua na levunimate

ge kara batobatou, ma kara ghaghua,

“Ighai tai laga vulea gaia!”

Mo ko bei lubatira ge kara togotogo tagua na kutu horu.

⁵Mi nau tu varava ngasi so ta nimua na dolo ke mua tughu.

Mu ku nia togotogo na pukuna to lavi kehau.

⁶Inau ku linge vania Lord,

na pukuna gaia te uto vaniu inau.

Na Bule Te Nia Hughu God

¹Na vure bule tara bosa tana tobadira;

“E taho siki God.”

Gaira tara vatei sikagha, na nilabudira te dika;

me taho ahei itadira ke gehegehe uto!

²Ma Lord te rei horu mai kokou tana vuvungadira na lei tinoni;

gaia te rei mai ge ke righia siki sakai ke loghoa na puku ni manaha,

siki sakai te kene taonia God.

³Hau va me taho, gaira udolu tara ririu keha sania God;

Gaira udolu tara vuha dika.

Taho ahei tadira ke gehegehe uto!

⁴Ivei tea gaira tara gehegehe dika tara mua naunau?

Gaira tara goni sokora nigua na vure vaghaa na vanga;

ara mua tangomana na kokoeliulivuti va ta God.

⁵Na mataghu sule te loti ngasilira,

ma God itadira rahei tara goni taonia na liona.

⁶Rana tangotangodika kara soni kehai didira na ghanaghana

ma kara talu horura nia na ghighirou,

hau va ma Lord ke pilupilura nina vure.

⁷Na vola kasila keri ke rughuhoru mai tana ghotu Zion

ge ke vavolaa nia Israel!

Mi tana bona a Lord ke talugoni olira nina vure,

a Jacob ke nia ghu na togotogo, ma Israel ke rivurivu.

Na Vetena Vanira Tara Vola Ge kara Bei hurura Na Hava Te Liona God.

¹Lord, Ahei ke kokoeliulivuti kikinima ta valemu?

Ahei ke haghe gatu itamua ta nimua na ghotu te tabu?

²Gaira tara uhulia na nilabu te uto

mara gonighi na lei gehegehe uto haia,

mara nia kokoe na utuni tana toba maghora.

³Gaira tara mua liona

ge kara dikalara na lei tinoni nia na sori,

pa kara vahaghitailira na lei kuladira.

⁴Gaira tara hughulevu

mara nira sika rana tangohahi,

mara nira kikinima

tara taluutuni utunia mara taonia Lord,

mara righitaonighi didira na baubahu,

sakai vamua te vahaghitaili.

⁵Gaira tara mua nongia na rongo

au ivuvungana didira na rongo

tara nia hevei, mara mua liona

me ke taonia na taba itatana na tinoni te kabu maemane,

gaira tara gehetighi raini kara tughuru ngasi haia.

Na kokoeliulivuti ni Varava Ngasi

¹Ko righitaoniu tana lei totobo dika ke bei kaleu,

ghe God, inau tu varava itamua ge ko pilupungisiu.

²Inau tu bosa vania va Lord,

“Ighoe nigua na God!

Na lei totobo uto tu loghoi tara butu mai tamua.”

³Gaira tara kabu tabu tana maramana

itadira te ghanaa nigua na ghanaghana ge ku kabu kolura!

⁴Gaira tara mina samataonighi na lei God keha

ke vonughira na dikalio.

Inau ku mua tangomana ge ku hahanga ta didira na sukaghi,

mu ku mua tangomana na kikinima vaniadira.

⁵Lord, itamua heghemu vamua na lei totobo tu loghoi,

maia nigua na seu ni vauto.

Mo righitaonighi nigua na lei totobo.

⁶Na pari to vaheu te togotogogha.

Ivei vaho te vaghaa na utona nigua na lologho iga.

⁷Inau ku holoutoa Lord na pukuna te uhuliu

mi tana bongi ghua na tobagu te taraiu.

⁸Inau tu ghilalaa a Lord te kabu haia itagua.

Ku tangomana na aleale, na pukuna gaia tana lilighigu.

⁹Ku mua nia hava na tobagu te vonughia na togotogo mana rivurivu,

mana mangagu te nia ghu na holohabaana.

Na huligu te aheahe tana mabo.

¹⁰Na pukuna ko mua tangomana

ge ko sania na tarungagu itadira tara mate,

mo ko mua lubatia a nimua na puku ni tinoni lutu tabu

ke sele tana gilu ni mate.

¹¹Ighoe ko tuhua vaniu na halautu te huliu va tana vola,

me ke ghaha koluu ke me ke vonughiu haia na togotogo, mana na rivurivu haia kasila.

Nina Kokoeliulivuti na Tinoni Te Kabu Maemane

¹Ghe Lord, Ko rongovia nigua na nongi ni hahanga (ni kabu maemane).

Varongohia mai nigua na tangi ni hahanga.

Ko bosa tughua nigua na kokoeliulivuti te mai tana toba te mua kiko.

²Ko tughunitateu tu kabu maemane,

ighoe to ghilalara rahei tara gehegehe uto.

³Ighoe to tabotaboa na liogu mo righia na tobagu te bongi.

Ighoe to kene ngangatau mo mua topoa siki hahi.

Na pukuna inau tu ghanaghana

ge ku gei nia palugha gea na hava tu bosaa.

⁴Inau tu taonighi tua nimua na lei vetena,

tara righitaoniu ge ku bei taonira gea na vure tara ghighirou mara dika.

⁵Inau tu sakutua tana halautumu;

inau tu mua turipadi na taoniamu.

⁶Inau tu kokoeliulivuti vanigho gatu

na pukuna inau tu ghilalaa ko bosatughu, ghe God.

Ko taoraghi horu mai

mo ko vaovarongo tana bona ku kokoeliulivuti.

⁷Ko tughunia vaniu nimua na dolo te mua soko tana lei halautu te haeharegha.

Ighoe to vavolara nia na lagamu tana ghadira na levunimate

rahei tara kabu itamua.

⁸Ko righitaoniu mo ko pilupiluu vaghaa na loka ni matamu.

Ko polou tana ungaungana na ghatamu.

⁹Pilupiluu itadira na vure dika

tara gunaliu mara vahaghitailiu,

itadira na levunimate

tara liona na mateagu mara talighutiu.

¹⁰Gaira tara mua loghoa na veiarovi.

Rongovia va didira na kokoe talunagho.

¹¹Gaira tara samataoniu mara talighutiu,

mara sonihoruu tana pari.

¹²E vaghara na lion te vitolo,

ra liona ge kara pilepilea na huligu;

vaghara na lei dalei ni lion

tara polopitu ta didira na vatei polo.

¹³Ko tughuru, Ghe Lord!

Hughutira mo ko lagavulera na ghagua na levunimate!

Vavolau nia nimua na isi itadira tara dika.

¹⁴Vavolau nia na limamu te maana, Ghe Lord,

itadira tara liona ge kara loghoi na lei totobo ni maramana.

Ko torora nia na vahaghitaili to gonidilaa vanira;

Ko nea na dete mana totoro ke tona haliu

itadira na lei daledira mana kukuadira.

¹⁵Na pukuna inau tu mua gonia siki hahi,

inau tu mua gonia siki hahi, inau ku righigho.

Tana bona ku rarai mu ku tughuru ke vonughiu na togo,

na pukuna ku righia na matamu.

Nina Linge ni Lagavule David.

¹Inau tu dolovigho, Lord; Ighoe a nigua na pilupilu.

²A Lord, nigua na vatu ngasi,

nigua na bona ni polo,

ma nigua na vavola;

nigua na God a nigua na vatu,

itatana tu topoa na pilupilu.

Gaia nigua na tako, te pilupiluu me righitaoniu.

³Inau tu holoa va Lord, te manana na holohaba,

na pukuna gaia te vavolau itadira na ghagua na levunimate.

⁴Na alo ni mate te utu talighutiu;

mana tave ni tataghalaghi te ghoghoro i vuvungagu.

⁵Na sosodo ni mate te talighutiu;

mana ghilu ni mate te talua vaniu na taripiti.

⁶Hauva ta nigua na vahaghitaili

inau tu tangi vania va Lord,

Eo, inau tu kokoeliulivuti vania va nigua na God ge ke hangau.

Gaia te rongoviu mai tana bonana te tabu;

nigua na tangi te saravia na kulina.

⁷Vaho na maramana te anu me kahikahi;

na panatani na lei ghotu tara aleale;

ara anuanu na pukuna nina rutu God.

⁸Na ahu te rughuhoru mai tana ihuna;

na lapilapi ni lake mamataghugha te tataghalaghi

te sosogha horu mai tana mangana;

mana gougovu te bera me vavu te rughuhoru mai tatana.

⁹Gaia te hangavia na kokou me horu mai;

na pui tana sara ni marevona.

¹⁰Gaia te haehaghe vuvungana na Cherubim,

me lovo dato tana vuvungana na parako

nia na ghata ni ghuri.

¹¹Gaia te poroa heghena nia na pui,

na pui ni uha te pa ku te talighutia.

¹²Na mararana gaia te tona potaa na pui,

me dudura horu mai na lei gougovu ghala.

¹³Vaho a Lord te kokoe horu mai kokou vagha na viviha;

na talama ni mangana te haba vule tara rongovia.

¹⁴Gaia te nighi rana lei nina kuali

me havukaghinira na ghana levunimate;

me nia vetena vania na viti mara hughuhughu poto.

¹⁵Vaho ta nimua na vevetena,

Ghe Lord, mi tana pogaana na ghuri ni aheahemu na horara te mamaha,

mana banatana na maramana tara pipili lee.

¹⁶Gaia te hagalo horu mai kokou me vavolau,

gaia te holakeha datou tana tahi lalo.

¹⁷Gaia te vavolau itadira na ghagua na levunimate mamata ghugha,

mi tadira gaira tara niu sika mara lagavuleu.

¹⁸Gaira tara hughutiu

ge kara mateu tana bona inau tu labe,

hauva ma Lord te tabe datou.

¹⁹Gaia te uhuliu va tana bona ni kabu mahebo;

Gaia te vavolau na pukuna te niu togotogo.

²⁰A Lord te tabau nia nigua na lutu uto;

a Lord te vuevugheu nia nigua na kabu maemane.

²¹Na pukuna inau tu taonighi nina na lei vetena Lord;

Inau tu mua ririu keha sania nigua na God

mu ku taonia te dika.

²²Inau tu righitaoni ngangata nina vetena inaghogu,

inau tu mua lugu na righitaoniani nina vetena.

²³Inau tu maemane tana matana God;

inau tu mua lugu na righitaoniu heghegu tana tangotangodika.

²⁴A Lord te tabau nia nigua na lutu uto;

na pukuna te marabu na limagu,

te marabu tana matana.

²⁵Lord, ighoe to utuni vanira rahei tara taluutuni utunigho;

mo uto haliu vanira rahei tara maemane.

²⁶Ghe, Lord, ighoe to marabu

mo tategho vanira rahei tara marabu,

ma gaira tara dika, ighoe to kanahaghinira

²⁷Ighoe to vavolara tara talumuri,

mo vahaghitailira tara talunaghora heghedira.

²⁸Lord, ighoe to nia hevei mai na marara tana volagu;

mo ghuru kehaa na pungi itagua.

²⁹Ighoe to vaheu na laga ge ku vahaghitailira nia na ghagua na kana;

mana maana ge ku lagavulea didira pilupungisi.

³⁰Ma vania God, na halautuna te maemane.

Na lei nina baubahu Lord tara utuni.

Gaia na tako vanira rahei tara rei va itatana ge ke pilupilura.

³¹A Lord heghena te God,

God heghena dida na pilupilu.

³²Gaia na God te vaheu na laga,

gaia te nea na halautugu ge tatavahale.

³³Gaia te righitaonighi na marevogu vaghaa na deer

gaia te righitaoniu tana lei tetete ni ghotu.

³⁴Gaia te gonidilau me naunauu na kisumate,

gaia te vaheu na laga ge ku nia va na baghe halo.

³⁵Ighoe to vaheu na takona nimua na vola kasila.

na lima madolomu te bereu,

me nimua na lio dolo te talu suleu.

³⁶Ighoe to goni okaa na halautuna na marevogu

ge kara bei turi madali.

³⁷Inau tu ghurutaonira na ghagua na kana mu lotira;

inau tu mua beto koekobe tu lagavulera.

³⁸Inau tu labu horura

ge kara mua tangomana na tughuru dato;

gaira tara tumu sara ni marevogu.

³⁹Ighoe to vaheu na laga ni kisumate;

gaia te vaheu na laga

ge ku nia vana na baghe halo.

⁴⁰Ighoe to nera ge ra ririu mara sama;

inau tu taghalaghinira tara niu sika.

⁴¹Gaira tara holoa ahei ge ke hangara.

Hauva me taho ahei ke vavolara.

Gaira tara ngangaraha vania Lord,

hauva me mua bosa tughu vanira.

⁴²Nau tu pilepilera vaghaa na pughu ni pari te lovolaghinia na ghuri.

Inau tu halara va tana beti vaghaa na lololo.

⁴³Ighoe to neu ge u lagavulera tara huru tabou,

ighoe to viliu ge ku vunaghidira na lei kema;

na vure tu mua ghilalara tara vuha mai kabu

i sarana nigua na maana mara lutu vaniu.

⁴⁴Na vure tana kema keha tara tongaghi vaniu;

Gaira tara taoni vetena tana bona tara rongovia na mangagu.

⁴⁵Gaira udolu tara sivilaghinia didira na lio malaghai;

mara vuha ghebeghebe tana bona tara ghahara ga pitua na levunimate.

⁴⁶A Lord te vola!

holohabaa nigua na pilupilu!

tughuniladaa nina uto mana haba God te vavolau.

⁴⁷Gaia God te vaheu na lagavule

tadira na ghagua na levunimate;

Gaia te laga vulera na lei kema tana rurughugu.

⁴⁸Me vavolau tadira ghagua na levunimate.

Ghe Lord, ighoe to vaheu na lagavule tana ghagua na levunimate

mo pilupungisiu tadira tara kanahaghiniu.

⁴⁹Me vaghaa keri, Ghe Lord,

inau ku vahegho na holohaba tana ghobudira na lei kema;

mi nau ku linge rivurivu va tana ahamu.

⁵⁰Ighoe to vahea na lagavule sule nimua na vunaghi;

Ighoe to tatea na dolo te tona haliu

vania nimua na tinoni to vilia,

vania David mana vinavahuhuna ke va me va.

Nina Rongoragha mana bosana God tana goniana na maramana

¹Na kokou te bosa tatea nina rongoragha Ge o.

Na parako te talutatea nina lutu te haeharegha.

²Tana tughu dani tara tona haliu na bosa tateana;

mi tana lei dani te bongi tara talutatea gaia.

³Gaira tara bosa mo ko mua rongovia na talamana na bosa;

na talama ni mangadira ko mua rongovia tana parako.

⁴Hauva didira na rongorongo te tonavia na maramana talighu

mana bosadira tara rongovia tana kauna na maramana.

Na aho te kabu ikokou tana bona God te talua ga.

⁵Gaia te sogha dato mai te puipungi

vaghaa na mane te vaguvagu ni sonikolu.

gaia te rivurivu vaghaa na mane ni sama tautau te gonidila ni sama.

⁶Gaia te dato mai tana vuivunina na parako

me taonia na halautuna va tana sosokona.

Taho siki totobo ke polohaghinia na paparana.

Nina vetena Lord

⁷Nina vetena Lord te maemane,

te vahe olia na vola na tarunga.

Nina vetena Lord te manana ka varava ga.

te manahara tara mua manaha.

⁸Na lei nina vetena Lord tara uto,

rahei tara taonighi tara togotogo.

Nina na lei vetena Lord tara maemane,

te nia hevei na manaha tana vola.

⁹Nia kikinima Lord te uto,

te kabu kasila.

¹⁰Nina vetena Lord tara utuni,

tara maemane haia.

gaighi tara liuliugha vulea na puku ni gold,

mara manilu vulea va na midua.

¹¹Gaira tara bosa dila vanira rahei tara rongovighi;

na taba iga vanira rahei tara taonighi.

¹²Ivei tea ge ku ghilalai na palu tara kabu polo tana tobagu?

Ko marabuu mo ko lavikehau tana lei palu te kabu polo.

¹³Ko righitaoniu ghua, tana palu te liuliogha tana lio!

Bei lubatira ge kara huliu ma kara vunaghigu

vaho ge ku maemane mu ku tatavahale tana palu sule.

¹⁴Ko lavipangotighi na lei bosa ni mangagu

mana kokoeliulivuti vaovarongo ni tobagu,

Ghe Lord, nigua na pilupilu mana huioli.

Na Kokoeliulivuti ni Lagavule

¹Tana lei bona ni gunaguna,

a Lord ke rongovia mai nimua na tangi.

Nina God Israel ke pilupilugho tana lei sosodo.

²Gaia ke nia vetena vanigho mai

na hahanga ta nina vale tabu,

me ke vahegho mai na laga i Jerusalem.

³Gaia ke lavipangotighi nimua na lei sukaghi

me ke righitaonighi nia na liouto nimua na lei sukaghi kekere.

⁴Gaia ke vahegho na hava te liona na tobamu,

me ke nei nimua na lei ghanaghana ge ke tangomana.

⁵Keri ge ighai kai nia ghu na rivurivu ta nimua na lagavule,

ma kai nia talunagho na togotogo na holohabaana dida na God.

⁶Itaeni inau tu ghilalaa a Lord

te vavolaa nina vunaghi haba te siusiua nia na oil/oele.

Gaia ke bosatughu vania mai kokou

me ke vavolaa nia na maana sule.

⁷Na balu kema tara [kokoe talunaghora]/[taluutunira] didira na lei mane ni kisumate

maia didira na tinabe ni veitotoghoni,

hauva mi ghita ka [kokoe talunagho]/[taluutunia] itatana Lord dida na God.

⁸Na lei kema kiri kara saisari kiba ma kara tumu,

hauva mi ghita ka tughuru dato ma ka tughuru ngasi.

⁹Vahea va na lagavule nimami na vunaghi haba, Lord!

Ko bosatughu vanighai mai tana bona kai hologho.

Na Kokoeliulivuti I murina na Veitotoghoni

¹Na vunaghi haba te togo

na pukuna to vahea na laga, Ghe Lord!

Gaia te nia ghu na rivurivu

na pukuna nimua na lagavule.

²Ighoe to vahea na hava te liona tana tobana;

ighoe to mua tabe olia na hava te nongia.

³Ighoe to vautoa nia na lologho sule.

Ighoe to talua na pitiulu ni gold tana uluna.

⁴Gaia te nongigho ge ko righitaonia na volana tana totobo te dika,

mi ghoe to vahea na hava te nongia ge ke daro na bongi ni volana.

⁵Nimua na lagavule te talu datoa tana malei haba,

mo pupulua nia na lologho sule mana rongoragha.

⁶Ighoe to vautoa nia nimua na lologho kasila

mo vonughia nia na rivurivu ta nimua na tabu.

⁷Na vunaghi haba te varava a itatana Lord, puku ni maana;

Nina dolo na Puku ni Haba te mua tughu

ke righitaonia ge ke bei saisarikiba.

⁸Ighoe ko lotira na ghamua na kana,

na lima madolomu te laga ke mina lotira rahei tara nigho sika.

⁹Ighoe ko taghalaghinira vaghaa na lake te vuvusi tana bona ko tughuru tate.

A Lord ke taghalaghinira ta nina rutu,

mana lake ke ghoi taghalaghinira.

¹⁰Ighoe ko taghalaghinira na lei daledira tana maramana;

ma kara mua ghoi loghoa na vaivaridira.

¹¹Sakai vamua kara kobe pungisigho,

didira na gehegehe kara mua nia tangomana.

¹²Gaira kara ririu ma kara sama

tana bona kara righia nimua na kuali ke tuhura va.

¹³Ighai tai holohabagho Lord

nia nimua na maana te rongoragha.

Ighai tai holohabagho nia na lei totobo tangitangi mana linge

tana bona tai nia togotogo nimua na gehegehe te sule.

Na Kokoeliulivuti tana bona ni Vahaghitaili Sule Va Tana Rivurivu.

¹Nigua na God, nigua na God!

e ghua ge o tona saniu?

E ghua ge o kabu sagauviu?

E ghua ge o mua hangau,

mo rongovi leaa nimua na tangi.

²Nigua na God, inau tu hologho tana lei dani.

hauva mo mua bosatughu.

Inau tu hologho te bongi tana lei bongi

mo rongovia na mangagu,

hauva mua topoa na topoa na togholuvu.

³Nina lei holohaba Israel te talighutia na malei kabumu,

na pukuna ighoe to tabu.

⁴Na lei kukuamami tara varava itamua;

gaira tara varava itamua mo vavolara.

⁵Ighoe to rongovia didira na hoholo

ge ko hangara mo ko vavolara.

Gaira tara varava itamua ma kara mua ghoi dikalio.

⁶Hauva, inau ke na kedu, u mua tinoni.

gaira udolu tara mua liogu mara niu sika.

⁷Gaira udolu tara righiu tara batobatou.

Ra toutoui na ghidudira mara birubirui na uludira, mara ghaghua.

⁸“Gaia te varava itatana Lord, sania Lord ke vavolaa!

Ge teke dolovi ngangataa gaia,

Eghua ge mua vavolaa?”

⁹Ighoe to lavihoru tatavahaleu tana kutuna tinagu,

mo uhuliu ge ku varava itamua tana bona tu meomeo mua.

¹⁰Itamua tua tu ghanau vuivuni tana bona ni vahuagu.

Ighoe nigua na God mai tua vuivuni tana bona ni sivuraghaagu.

¹¹Ko bei kabu sagauviu!

Na gunaguna ililighigu,

me taho siki sakai ke tangomana na hangaagu.

¹²Na ghagua na kana tara talighutiu vaghara na ovu ni buluka mane;

na lei buluka mane mamataghugha ni Bashan tara kililiu.

¹³Vaghara na lion tara ngurunguru tara sagia na ghadira na bolo,

ra ovaovai na mangadira mara mai tagua.

¹⁴Na volagu te kaikavi vaghaa na beti,

mana lei paupaguha ni huligu tara varadiu.

Na dougu te vaghaa na soi kokodo ni ghai te obo tana lokagu.

¹⁵Na sosonogu te mamaha vaghaa na pari sisi te hinari paopaoa.

Na lapigu te rago dato tana mangagu.

Ighoe to kolivaghiniu tana pughu ni pari

mo tona saniu ge ku mate.

¹⁶Na ghagua na kana tara utu talighutiu vaghara na ovu ni kau;

na lei tinoni dika tara talighutiu.

Ra suki potai na limagu mana tuagu.

¹⁷Inau ku tangomana na idumiani na huli tana huligu.

Na lei ghagua na levunimate tara pelau nia na togo.

¹⁸Gaira tara tuvalighi lei nigua na tivi ighobudira heghedira,

mara sonia na dice ta nigua na pupulu.

¹⁹Ko bei kabu sagauviu, Ghe Lord!

Ighoe nigua na laga; mina mai mo ko vavolau.

²⁰Ko vavolau tana ivi; ko vavolau tana lei kau raini.

²¹Ko lavikehau tana mangadira na lion raini

mi tana koladira na buluka asi.

²²²³Vaho ge ku ladavaghinia na ahamu te haeharegha

vanira na lei hoghogu mana vavinegu.

Inau ku holohabagho itadira na lei tinoni.

²⁴Kau holohabaa Lord ighau udolu tau nia kikinima!

Kau nia kikinima, ighau na vinavahuhuna Jacob!

Ma kau tualaghi tuturu kikinima vania,

ighau na vinavahuhuna Israel!

Gaia te mua nia murilio didira na vahaghitaili rana tinoni bona.

Gaia te mua ririu keha me ke tona sanira.

Me bosatughu vanira tana bona tara holoa ge ke hangara.

²⁵Inau ku holohabagho tadira na lei tinoni;

inau ku goni kalea nigua na baubahu

tana matadira tara nigho kikinima.

²⁶Rana bona kara vanga ma kara mahu.

Kau holohaba Lord ighau tau kene taonia.

²⁷Na maramana udolu kara ghilala Lord te utuni ma kara oli va itatana.

Lei tinoni tana lei kema kara tualaghi tuturu kikinima tana matana.

²⁸Gaa Lord te vunaghi haba!

gaia te vunaghi pungisira na lei kema tana maramana.

²⁹Lubatira na lei tinoni lologho tana maramana kara kikinima.

Lubatira na tinoni tara vahura ge kara mate,

kara poghotao tana matana.

³⁰Na lei vavata ke mai kara lutu vania Lord.

Na lei daleda kara rongovia nina lutu Lord te haeharegha.

³¹nina gehegehe maemane kara tughunitatea vanira tara mua vahura mua.

gaira kara rongovighi na lei totobo te gonighi.

God Dida na Vatogha

¹A Lord nigua na vatogha;

Inau ku mua kenea na hava te liogu.

²Gaia te lubatiu ge ku aheahe tana buburu maumauri;

me uhuliu va tana daidari ni beti maghora.

³Gaia te vaheu na laga vaolu.

Gaia te huliu tana halautu maemane,

ge ku nia kikinima na ahana.

⁴Sakai vamua ku liu tana pui mana ungaunga ni mate ku mua mataghu;

na pukuna ighoe tana lilighigu.

nimua na toghona mana tila kara pilupiluu.

⁵Ko gonidilaa vaniu na vanga kolu tana matadira tara kanahaghiniu.

Ighoe to lavipangotiu mo dolovia na ulugu nia na oil/oele.

Ma nigua na seu ke vonughia na vauto.

⁶Nimua na dolo mana vauto ke saritaoniu tana lei bongi ni volagu,

mi nau kabu kasila tana valena Lord.

Na Lei Totobo Soko Anina God

¹Na maramana mana lei totobo soko ilokana anina Lord.

Na maramana mana lei tinoni soko tara haghara iga a nina Lord.

²Gaia te kolivaghinia na banatana na maramana tana tahi lalo,

me kisua tana oka lalo,

³Ahei ke tangomana ge ke sei dato ta nina ghotu Lord?

Ahei ke tangomana na tughuru ta nina bona te tabu?

⁴Gaira vamua te marabu na limadira mana tobadira.

mara mua kikinima vania na titinoni

mara mua gonia na baubahu sorisori.

⁵A Lord ke vautora me ke vavolara;

God ke tughunitatera gaira tara marabu.

⁶Gaira vamua kara tangomana na va righiana Lord,

ma kara holohabaa nina God Jacob.

⁷Hangavighi na mataula ni peo ni dania!

hangavighi na mataula ni dania mai tua,

lubatia na vunaghi haba ni rongoragha ke haghe.

⁸Ahei na vunaghi haba ni rongoragha.

A Lord te laga me haba,

A Lord te lagavule tana kisumate.

⁹Hangavia na mataula ni peo ni dania!

Hangavia na mataula ni dania mai tua,

lubatia na vunaghi haba ke haghe.

¹⁰Ahei na vunaghi haba ni rongoragha?

A Lord Puku ni Maana,

Gaia na Vunaghi Halikama ni Rongoragha.

Na Kokoeliulivuti ni Pilupungisi mana Uhuhuli.

¹Itamua, Ghe Lord, ku talu datoa nigua na kokoeliulivuti.

²Nigua na God, inau tu varava itamua!

Ko bei lubatiu ge ku maa,

mo ko bei lubatira na ghagua na levunimate

kara nia rivurivu na lagavuleagu.

³Gaira tara varava itamua kara mua nia ma siki totobo,

gaira vamua tara nia lutu na kiko kara maa.

⁴Tughunia vaniu na halautu ku liu ga, Ghe Lord;

Tuhua vaniu na halautu maemane ku taonia.

⁵uhuliu nia nimua na utuni mo ko taraiu

na pukuna ighoe na God to vavolau.

Inau tu talua nigua na ghanaghana kodo itamua tana dani udolu.

⁶Ko ghanaghanaa, Ghe Lord,

nimua na dolo mana veiarovi te mua soko buto,

to tatea vanira mai tua na lei vavata idania.

⁷Ko talukehai na lei palugu vuivuni tana pileagu mai;

taonia nimua na dolo ko ghanaghanau

na pukuna ighoe to veiarovi, Ghe Lord.

⁸a Lord te uto te gonighi na lei totobo maemane

me taraira tara tangohahi nia na halautuna.

⁹Gaia te uhulira nia na hava e maemane tara talumuri,

me taraira nia na halautuna.

¹⁰na lei halautuna Lord tara dolo mara utuni,

vanira rahei tara righitaonia na hava te liona ta nina baubahu.

¹¹Na talumava vania na ahamu,

“Ghe Lord, Ko talukehai na lei palugu tara subo ngangata.

¹²Ahei gaira tara mataghunia Lord?

Gaia ke tuhua vanira na halautu te vilia vanira.

¹³Gaira kara kabu tana lei lologho sule tana lei bongidira,

mana lei daledira ghua kara lologho tana komu baubahu.

¹⁴Na tamakulani kolua Lord te kabu dila vanira rahei tara mataghunia gaia.

Gaia te tatea vanira nina baubahu te talu polo dilaa.

¹⁵Na matagu te righia haia va Lord ge ke hangau.

Na pukuna gaia vamua ke tangomana na vavolaagu,

ta didira na taripiti na ghagua na levunimate.

¹⁶Ririu vaniu mai mo ko aroviu,

na pukuna inau heghegu ilokana na vahaghitaili sule.

¹⁷Na lei gunaguna tana tobagu tara subo mara dika va,

Ko aroviu ta nigua na dikalio te vahaghitailiu.

¹⁸Righighi nigua na vahaghitaili mana gunaguna,

ko talukehai na lei palugu.

¹⁹Righia na subodira na ghagua na levunimate,

ra niu sika mara niu ghighirou.

²⁰Righitaonia na volagu mo ko vavolau;

ko bei lubatiu gea ge ku maa,

na pukuna inau tu varava itamua.

²¹Lubatia na kabu marabu ke pilupungisiu,

na pukuna inau tu talua nigua na ghanaghana dila itamua.

²²Huiolia Israel Ghe God, ta nina na lei gunaguna.

Na Bosa Tateana na Lutu Utuni Vata God

¹Ko bosa tateu tu kabu marabu, Ghe Lord,

Na pukuna tu nia sakutua kolu na utuni;

inau tu varava itatana Lord, ge ku mua saisarikiba.

²Ko taluu tana dete Lord,

mo ko ghilalau tabotaboi na tobagu mana liogu.

³Na pukuna nimua na dolo haia inaghona

mi nau tu sakutua haia ta nimua na utuni.

⁴Inau tu mua kabu kolura na lei tinoni sorisori,

mu mua nira udukolu rana kiko.

⁵Nau tu nia sika didira na savukolu tara gehegehe dika,

mu mua sopou kolura tara dika.

⁶Nau ku sani na limagu ge ku tughunitatea tu marabu,

ge ku gatu ta nimua na baubahu, Ghe Lord.

⁷Ge ku linge na linge ni holouto,

mu ku bosai nimua na lei lutu te haeharegha.

⁸Lord, inau tu dolovia na lei hegohego ni valemu,

iga teghanaa ga nimua na rongoragha.

⁹Ko bei lavi kolura nia tara tangotangodika na tarungagu.

mana volagu ghua tara mate tinoni.

¹⁰Na limadira te meto nia na lei padalaghi dika,

mara bahura na balu ge kara gonighi na lei totobo hahi.

¹¹Mete vaghaa inau,

inau ku gonia na hava te maemane;

Ko aroviu, mo ko vavolau.

¹²Na marevogu ke tughuru tana bona uto,

mu ku holohabaa Lord tana mavitu.

Nina David

God Ke Nia Hevei na Hahanga Mana Ghanaghanadila

¹A Lord nigua na marara mana vola kasila

ma ge ahei ku mataghunia?

A Lord ke pilupungisiu tana lei totobo maemategha.

²Tana bona na lei tinoni dika kara mai ma kara taghalaghiniu,

kara sarikiba ma kara tumu.

³Sakai vamua na ovu ni kisumate ke talighutiu,

na tobagu ke mua mataghu.

Sakai vamua a kisumate ke tavurake savuu,

Inau ku varava ngasi so itatana.

⁴Sakai na totobo ku nongia va itatana Lord,

na totobo tu kene ngangataa,

ke na kabu tana valena Lord tana lei bongi ni volagu.

Ku nighi togotogo na lei totobo te uto

mu ku kokoeliulivuti ta nina vale tabu.

⁵Gaia ke polou ngasiliu ga tana lei bona ke mai;

gaia ke polou tana valena.

gaia ke talu datou tana vuvungana na vatu datogha.

⁶vaho ge ku ghae datoa na ulugu,

ivuvungadira na ghagua na kana tara talighutiu.

Mi tana valena te tabu ku vahea va na lei sukaghi kolua na ghu ni rivurivu na nia linge kolu na keyboard na holohabaana Lord.

⁷Ko rongovia mai nigua na kokoeliulivuti, Ghe Lord,

Ko aroviu mo ko bosatughu vaniu.

⁸Na tobagu te rongovigho tua to bosa, “Mai mo ko kokoe vaniu.”

mana tobagu te bosatughu, “Lord inau tu mai.”

⁹Ko bei pologho vaniu.

ko bei sonikehaa nia na rutu nimua na tinoni ni lutu.

ko bei saniu mo ko niu sika,

Ghe God, nigua na vola kasila?

¹⁰Sakai vamua koro tivau tamagu ma tinagu a Lord ke varavaghiniu va itatana.

¹¹Taraiu nia na halautumu,

Ghe Lord, Ko uhuliu va tana halautu maomabo,

na pukuna na ghagua na levunimate tara polo pituu ge kara tumulaghiniu.

¹²Ko bei lubatiu ge ku tumu va tana limadira,

Gaira tara huruu nia na hava tu mua nei mara aheahe horu na ghighirou.

¹³Hauva inau tu varava me ngasi nigua na taluutuni

ge ku righia nina uto Lord tana komudira tara vola.

¹⁴Vadangitai mo ko pitua Lord,

Ko [liopatu/liosakai] mo ko bei mataghu.

Eo, vadangitai mo ko pitua Lord.

Nina David

¹Lord, ighoe nigua na vatu ni vatei tuturi,

Inau ko hologho, mo ko bei hove gea na rongoviagu

Na pukuna ko mua nea mua ke,

mu ku vaghara tua ara hei tara kutu haghe tana gilu taho borona.

²Ko rongovia nigua na kokoeliulivuti

tu nongigho ge ko hangau.

Mi nau tu hau datoi na limagu vata nimua na malei tuturi

tana valemu te tabu

³

⁴

⁵

⁶Holouto Lord na pukuna te rongovia nigua nigua na tangi ge aroviu.

⁷Ma Lord nigua na laga

ma nigua na tako tana bona ni sosodo

mu ghanaghana mavaa nia na tobagu,

na pukuna ke hangau mana liogu te vonughia na togotogo

mu ku holohaba nia na lei linge ni holouto.

⁸Ma Lord te righi taonira nina vure,

me vahera na laga vule nina na vunaghi haba.

⁹Ko vavolara nimua na vure ghe Lord,

ighau na lei tarunga vetena kau vahe na holouto

ta nina rongoragha mana laga.

Nina David

¹Kau vahea na holouto a Lord,

Ighau na lei tarunga vetena.

Kau vahea a Lord na holouto

ta nina rongoragha mana laga.

²Kau vahea na holouto tana ahana ta nina rongoragha,

Kau holouto Lord nia na holohaba te tabu.

³Na bosana Lord te talao vuvungana na tahi

Ma Lord ta nina rongoragha te gonia na viviha,

Ma Lord sughua te nea ge vihalia na tahi oka.

⁴Na talama ni mangana Lord

te laga mana rongoragha.

⁵Na talama ni mangana Lord te durakei na lei ghai tara holoa nia cedar,

rana cedar tara ghahai tana butonikomu Lebanon.

⁶Gaia te gonighi na lei ghotu ni Lebanon ge kara sogha te vaghai na dalei buluka,

ma gaia te nea na ghotu Hermon ge ke sogha te vaghai na dalei buluka na mane.

⁷Na talama ni mangana Lord

te vokasighi na lei vatu nia na lapilapi ni lake.

⁸Na talama ni mangana Lord te anuanua na lei bona aroha

me nea ghua na bona aroha i Kadesh ge anuanu.

⁹Na talama ni mangana Lord

te voghalaghighi na lei ghai sule me kakarai na lei leao,

Mi tana Valetabu rana vure kara ngingili dato

ma kara ghaghua, “Holohabaa God!”

¹⁰Ma Lord te sopou vuvungana na maraghata,

Ma Lord ke sopou vaghaa na vunaghi haba. [gaia na vunaghi haba te vunaghi pungisi ke va me va.]

¹¹Ma Lord ke nia hevei na laga vanira nina vure

me ke vautora nia nina dolo.

Linge ni Tabuana na Valetabu

¹Mi nau tu nigho kikinima Lord,

na pukuna to ghate datou,

mo mua lubatira na ghagua na levunimate ge kara laga vuleu.

²Ma Lord nigua na God,

Inau tu tangi vanigho ge ko hangau,

mo vuha kisu volau so.

³Ma Lord te lavi olia na tarungagu mai i betidalo

me righi tao niu so ge u mua tumu haghe ilokana.

⁴Kau linge vania Lord, ighau nina tabu,

Kau holoutoa na ahana te tabu.

⁵Te mua daro ni bona nina rutu,

ma nina dolo te tona haliu haia so,

mana dikalio ke soko buto

mana togotogo ke sivuragha tana dani vaolu.

⁶Inau tu pukulaghi ni utoa mai tua keri ge u bosa

mu ghaghua, ke mua ghoi laga vuleu tua siki sakai

⁷Ighoe Lord to uto vaniu

mo pilupilu nia na ghotu,

mo polo vaniu ge u mataghu.

⁸Ma keri ge u hoholo ghe Lord,

ge u kokoeliulivuti vanigho gatu, mu ghaghua,

⁹Na hava na uto ke gonia vanigho

na ghabugu tana bona ke horu i betidalo?

Ke tangomana so na pughu ni pari

ge ke holoutogho me ke bosaa to utuni.

¹⁰Ko rongoviu ghe Lord, mo ko aroviu,

Ighoe na hahanga vaniu.

¹¹To liliua nigua na dikalio me togotogo

mo tughua nigua na lio ni roku me togotogo

¹²Me vagha keri ge na lei tinoni kara holohaba na ahamu

ma kara bei beto gea.

Ighoe nigua na Lord ma God,

Inau ku holoutogho haia ke vei ma va.

¹Itamua ku talua gatu nigua na ghanaghana ghe Lord.

Ku mua nigho maa gea

na pukuna ighoe to maemane talau

²Ko gegevaghi kulimu mai tagua.

Ighoe nigua na vatu ni ahevata

Kara mua sodou ga ghaghua na levunimate.

³Ighoe ko vatu ngasi vaniu,

nigua na vatei ahevata ge ku pologa.

⁴Ko hola keha na vugho

tara taludila ghaghua na levunimate

ge kara mateu nia.

Ighoe vamua nigua na pilupilu.

⁵U talua na tarungagu tana limamu,

Ko hola horuu mai tana mate,

Ighoe God to maemane.

⁶U mua liodira ara hei tara holohabara na lei titinoni

na pukuna tu ghanaghana kodo tatana Lord.

⁷E sule ngangata nigua na togotogo

na pukuna nimua na dolo te tona haliu so,

mo righighi na lei nigua na vahola.

⁸Mo mua lubatiu va tadira ghagua na levunimate

mo laviu va so tana bona te tatavahale.

⁹Ko aroviu, ghe Lord,

na pukuna tu ghau tana vahola

na matagu te kukurodo

na pukuna na kolobu ni matagu,

na huligu mana tarungagu tara labe.

¹⁰U nia tangi na dika lio,

na niulugu te kukulua nigua na dika lio.

¹¹Ghagua na levunimate tara batobatou,

ma rana ghagua kulagu na komukolu tara pasapasau,

ma sughua rana kulagu tara mataghu na mai dutuviagu

¹²Ra righiu vaghau tu mate vagha na popo te taboha.

¹³Na lei kokoe tu rongovighi

tara nei vaniu me talighutiu

na hava te mua uto.

Ghagua na levunimate tara mua liogu,

ra kenea na mateagu.

¹⁴Lord inau tu ghanaghanagho so,

Ge u bosaa. “Ighoe nigua na God.”

¹⁵U talua tana limana ivei ku ghoi ghaghua mai

ko volau tadira tara mua liogu.

¹⁶Lubatia nimua na veiarovi ke hinaria nimua na tinoni lutu,

nia nimua na dolo ke volau

¹⁷Lord, ko bei lubatiu ge ke vatei aroviagu,

mu hologho so ge ke hangau,

mo ko nera tara dika ge ke vatei aroviadira

ma kara koli tana gilu vaghara na tinoni mate.

¹⁸Na ghidudira te sori ke todore,

gaira tara talunagho mara hurura na maemane

ke bei bosa na hava.

¹⁹E sule ngangata nimua na lutu.

O talu dila nimua na vauto vanira tara talu mavagho

mo gonia vanira na hava tara mai tamua,

mo ko vautora tana maramana eni.

²⁰Mo polara sarana nimua na malei righitaoni

tadira tara mua liodira.

ko polora sarana nimua na malei righitaoni

sagauvira na manga tara hurura nia

²¹Holoutoa Lord, te tatea nina dolo vaniu,

te righitaoniu tara suravia na komugu.

²²Nigua na mataghu,

tu ngangaraha dato vania ra pusi kehau tatana Lord

Hauva mo rongoviu so nigua na tangi ni veiarovi,

me bosa tughuna nigua na hoholo ni hahanga.

²³Kau dolovia Lord ighau rana maemane pile.

Ma Lord ke righi taonira tara varava ngasi tatana

na pukuna ara hei tara mua varava ngasi tatana ke torora.

²⁴Ka laga ma kau tughuru ngasi.

Ighau tau talua nimiu na ghanaghana kodo tatana.

¹Ke togotogo gaia te talu kehai nina vaghivaghiliu

na paluna tara talu kehai me ke mua righighi

²Eo, ma Lord God te vautora,

te mua idumi olighi didira na hahi,

me kabu maemane tana volana.

³Tana bona tu mua liona ge ku tughunitatei na palugu;

u labe me dikahaghiniu ge u mua laga tana dani udolu.

⁴Tana dani mana bongi na mavana na limamu

te neu ga tughu na volagu,

na lagagu te vogha na beti te obo keha

tana bona te paraa na papara ni hiua.

⁵Mana sosoko ke, ku lughuni tatei vanigho

na lei palugu mu ku bei poloi gea,

mu bosa vaniu heghegu,

“Ku tughunitatei nigua na vaghivaghiliu vania Lord.”

Mo ko talu kehai vaniu. Nigua hahi ke tara tona keha tua.

⁶Keri ke, rana maemane kara tughunitatei didira na vaghivaghiliu te ghana mua na bona ni aho ge kara bei lulumu gea tana tave ni dete kasila.

⁷Ighoe nigua na bona ni polo,

mo righi taoniu tana bona ni gunaguna.

me talu koluu nia na linge ni lagavule.

⁸Inau ku huligho tana halautu te uto nia na volamu,

e ghaghua Lord,

Ku kokoe hahanga mu ku righitaonigho

⁹Ko bei vagha gea na horse pana polo pule

te liona na alo tara tongoa nia na mangana

ge ke taghaoa ta nina sakutua.

¹⁰Nigua na dikalio tadira tara labe, mana dolo

te talighutira tara varava tatana Lord.

¹¹Kau rivurivu ma kau togotogo talana Lord

Ighau tau taonia, ma kau nia ghaeghahe dato

nia na toba te marabu.

¹Lubatira na maemane

kara linge nia na rivurivu vania Lord,

me manana ge ka holohabaa.

²Kau holohaba Lord nia hulu ni gita

mo ko ghalevu vania nia hangavulu na ghalo ni ukalele.

³Kau holohaba nia na linge vaolu

Kau tigili utoi na ukalele nia na linge te manilu.

⁴Na bosaana Lord te vonughia na utuni

mana lei totobo soko te gonighi ke na pukuna ighita.

⁵E dolovia na hava maemane me uto

me vonughia na maramana nia nina dolo

⁶Ma Lord te bosa lee vamua,

me puputu dato mai kokou,

me aheahea na bosa me sivuragha mai na veitughu.

⁷E Kobe voka na tahi

me talua na vovokana me vongotia na horara oka nia na horuna.

⁸Na lei totobo soko tana maramana kara nia kikinima Lord, ma rahei soko ghua kara tughuru kolua gaia.

⁹E puputu na maramana tana bona kokoe E puputua nia nina arevaghi.

¹⁰Ma Lord te taho laghinighi didira na ghanaghana dila na lei kema; me talu olighi didira na halautu ni tughuni vaghi.

¹¹Ma nina ghanaghana Lord te kabu ngasi talau

mana hava te ghanaghana ke mua aleale.

¹²Na hava na togo ia ke loghoa na lei kema nia God ke didira na Lord,

na vure vilira te loghora.

¹³Ma Lord te rei horu mai kokou

me righira mai na lei taba ni vure soko.

¹⁴Mi tana malei kabuna te righi horura mai ara hei tana maramana.

¹⁵E gonighi na tobadia, ge ghilalara na hava tara gonia.

¹⁶Na puku ni mane vei totoghoni

te loghoa na takona mana tinabena

ke mua volaa na vunaghi haba,

me ke mua kuvi takona hea na malaghaina.

¹⁷Ko bei ghanaghana gea nimua na horse ni vei totoghoni

ke vahegho na laga vule ma nia na lagana soko,

Ke mua tangomana ge ke volagho

¹⁸Ma Lord te ghilalara ara hei tara nia kikinima

maia ara hei tara ghanaghana kodo ta nina dolo.

¹⁹E lavi olira mai tana mate!

Me righitaonira tana bona ni vitolo

²⁰tatana Lord vamua tai ghanaghana kodo ge ke vola ghai gaia heghena vamua ke hangaghai me ke kuvi takomami.

²¹Itatana gaia na tobamami te rivurivu mai talumava na ahana te tabu.

²²Lord God/YHWH, ighita ta varavai nimua lei baubahu,

keri ke lubatia nimua na dolo te talighutighita haia.

¹Inau ku holohabaa haia Lord:

mu ku bosa haia na holoutoana.

²Mi nau ku kokoe tate vania Lord:

ma rahei tara mua uto kara loghoa na toba te uto.

³Mai ma ka talu tatea nina rongoragha Lord.

Ma ka taludato koukolua na ahana.

⁴Inau tu kokoeliulivuti me rongoviu Lord

me lavi horuu ta nigua na mataghu.

⁵Ra hei tara kenea ge ke hangara kara togotogo

ma kara mua loghoa na maa tana matadira.

⁶Mi nau tu ngangaraha vania Lord

ta nigua na vahaghitaili me rongoviu,

me lubati tatavahaleu ta nigua na mataghu.

⁷Ma nina tarunga vetena Lord

te righitaonira arahei tara nia kikinima, ge righitaonira.

⁸Taboa, mo ko righia a Lord te uto sughua

ra rivurivu ara hei tara varava tatana.

⁹Lubatira nina tinoni Lord

kara tatea didira na ghanaghana mava

ma rahei tara holohaba,

kara loghoa na hava ke liodira

¹⁰Sughua na dalei liona tara laga tara vitolo

ma rahei tara varava ngasi tatana

kara mua kenea na hava ke uto vanira.

¹¹Kau mai ghau dalegu ma kau rongoviu

mu ku taraighau ma kau nia kikinima Lord.

¹²Siki sakai tamiu te liona

ge ke uto me ke daro na volana?

¹³Ko righi taonia na lapimu

mo ko righi taonia ghidumu ge ke bei bosaa na kiko.

¹⁴

¹⁵

¹⁶

¹⁷

¹⁸

¹⁹

²⁰

²¹

²²Na maghutu te vavola nina tinoni ni lutu:

Mara hei tara taluutunia kara mua sivi.

¹Ko niu pala, Ghe Lord, itadira tara veitotoghoni koluu

ko vesera ara hei tara veseu inau.

²Ko tabe na tako mana kadu; gonidila ni vese,

mo ko mai niu pala kolu.

³Ko tabe datoa nimua na tinabe:

mo ko pitudilara tara sama taoniu:

bosa vania na tarungagu:

Inau nimua na mana ni vola

⁴Holara va tana mamahaghi

mana dika ara hei tara kenea na mateagu:

Ko ririu oli mo ko talura tana ma lei totoro,

gaira tara nia dete kolu na mateagu

⁵Lubatira vagha na gavu te ghuru kehaa:

ma nina tarunga vetena Lord te tuva vokara.

⁶Talana na halautudira ke pui me ke madali:

ma nina Tarunga Vetena Lord ke ghuru kehara.

⁷Sakai vamua tu mua goni hahia vanira siki totobo;

ra talu vughogu so,

sakai vamua tu mua goni hahia vanira siki totobo dika,

ra gheli gilugu so ge kara mateu ga.

⁸Ko lubatira na mate ribehaghi vania,

maia na vugho te nia polo,

ge hogho haghe heghena ga,

me ke kutu haghe heghena tana ghilu te ghelia.

⁹Mana tabogu ke togotogo tana Lord:

me ke nia rivurivu ta nina maana ni vola.

¹⁰Na lei huligu kara bosa:

Lord hei te vaghagho ighoe,

To volara tara bona tatana gaia keri te laga vulea va?

Eo, tara labe mara dikalio tatana tara nea

ge gonia na holaana na lei hava tara loghoi.

¹¹Ra hei tara huru kikou tara tughuru dato:

ra pilighi mai vuvungagu na lei totobo inau tu mua pukui.

¹²Ra pelu olia nia na dika na hava te uto tu gonia:

me gunalia na tobagu.

¹³Mi tana bona tara vahaghi ke:

Inau tu nira tangi, mu nira talukau,

mu kokoeliulivutira so ma nigua na kokoeliulivuti

te oli mai vamua itagua.

¹⁴Mi nau tu dika lio:

vaghau tu nira dika lio na hoghogu pa sakai ta nigua na binaboli,

mu ulu horu, vagha siki sakai te tangihia tinana te mate.

¹⁵Mi taeni tara togo na pukuna tu ghanau tana vahola

ra savukoluu na lei tinoni mana vure keha

tu mua ghilalara tara ghaeghahe

mara mua beto na ghahelaghiniagu.

¹⁶Na lei tinoni tara mua nia kikinima God

tara lavi mamaagu mara girigirighi vaniu nia na livodira.

¹⁷vei vaho ke vagha eni Lord ge ko soni vaghini matamu mai: Ko righitaoniu tadira tara goni dila ni kanahaghi niagu. Mana volagu tu dolovia tadira na bolo ghaghala.

¹⁸Ku holoutogho inaghodira na vaukolu ni mavitu

mu ku holohabagho tana ovu ni vure subo.

¹⁹Ko bei lubatira ghagua na levunimate

ge kara laga vuleu nia na kiko;

ma rahei tara kanahaghiniu kara bei batobatou gea.

²⁰Ra mua nia kokoe na mabo:

Ra kisu ghadira mate mara mamimamira nia na sori

ara hei tara kabu tana komu.

²¹Ra vukesia na mangadira mara ghaghua,

“Aha! Tai righia nia na matamami te gonia.”

²²O righia tua eni ke Lord:

ko bei todore gea mo ko bei sagauviu

gea ghua ighoe nigua na Lord.

²³Ko rarai mai; mo ko detedetea nigua hahi,

ko lavi tughu ta nigua na hahi,

Ighoe nigua na God mana Lord.

²⁴Ko talutatea tu mua hahi Lord nigua na God:

Ko bei lubatira ghagua na levunimate

ge kara kia haghiniu nia nigua na hahi.

²⁵Ko bei taladia gea ge kara bosaa tana tobadia,

“Righia a lavia tua na hava ta liona tatana.

Mai ma ka sonomi na volaa tana kutuda.”

²⁶Gaira tara togotogo na pukuna inau tu vahaghitaili,

me uto vanigho ge kara maa ma ka bule

mu liodira ra hei tara bosa tara uto vuleu inau

Kara haba ni maa va,

ma kara vaevane vesikana tana mata ni tinoni.

²⁷Ra hei tara liona ngangata ge ku talu tateu inau sakai na tinoni uto,

kara togotogo ma kara ghaeghae dato.

E uto ge kara ghaeghahe dato haia te vagha ke,

God te haba vule ngangata,

me ke nia togo nina tinoni ni lutu te kabu tana vola te uto.

²⁸Mi nau ku bosa tatea na nilabumu te maemane

mi nau ku holoutogho haia tana lei dani,

vuivuni tara puipungi me ke saravia na bongi.

Nina Gehegehe Dika na Tinoni: Nina Gehegehe Uto God.

¹Na pulu te vaevare lokana haia te tangotangodika:

me rorodo na matana ge mua nia kikinima God.

²Ra ghanaghana God ke liouto vanira so tana palu tara gonighi;

Mara vaevane olia ivei te vagha na dika ia tara nei.

³Na hava tua tara bosai nia na mangadira te dika, me vonughia na sori:

ra mua liona ge kara uto ma kara gonia na totobo te maemane.

⁴Na dika vamua te mai tana liona te koli te bongi tana ghimena,

E talu haghea heghena tana dika,

me mua nia sika na tangotangodika.

⁵Lord, nimua na dolo te hagalo topoa na kokou

ma nimua na utuni te saravia na parako.

⁶Nimua na uto te datogha vagha na ghotu,

nimua na dete te horugha vagha na horara

mo volara na tinoni mana maumanu sakai na vata vamua.

⁷Vei vaho te vagha na utouto na nimua na dolo eni Lord,

na lei dale tinoni tara mai ungaunga sarani ghatamu.

⁸Kara nighi mahu na lei vanga tana valemu

mo lubatira ge kara inuvia na beti ni togotogo

⁹Ighoe na vuravura ni beti ni vola:

mana bulu ge kai vaevanea na marara.

¹⁰Ko kovala horua nimua na dolo i vuvungadira tara dolovigho:

Ma nimua na dete itadira te marabu na tabadira.

¹¹Ko bei lubatia na tuadira na lei tinoni talunagho ge ku nia saisarikiba,

ma rana dika kara bei pili koliliu gea.

¹²Ma gaira tara tangotangodika tara kutu horu,

ra soni horu va ma kara mua tangomana na ghoi tughuru dato.

Ghanaghanaa na Uto Mana Dika

¹Ko bei rutu gea na pukuna rana tangotangodika:

mo ko bei nira sika ahei te gonia te dika.

²Kara malu horu vagha na buburu:

Ma kara sesebe vaghara na lei tautalu maumauri.

³Ko varava ngasi tatana Lord:

Mo ko gonia na hava te uto,

ko kabu tana pari tu vahegho,

mo ko vola.

⁴Ko togotogo kolu tatana Lord: me ke vahego na hava te liona na tobamu.

⁵Ko talua na hava to gonia tana limana Lord:

Mo ko varava ngasi tatana, ma gaia ke hangagho.

⁶Ma gaia ke nea nimua na kabu maemane

ge ke maghora vagha na ghama ni labota

marara ni dani kama.

⁷Kai kabu beto i naghona Lord:

Ko pitu tatavahalea ta nina bosa ni arevaghi:

bei ghanaghanara ra hei tara dika,

ra liona ge kara nia tangomana.

⁸Betoa nimua na rutu,

ko ririu oli tana hava to gonia:

bei lio dika vanira rana keha:

Ke huligho va gea tana halautu te dika.

⁹Rana tangotangodika kara taghalaghi nira:

Mara hei tara nia kikinima God,

Kara loghoa na pari ni tumu va.

¹⁰Mi tana pile bona,

gaia na tangotangodika ke tagha haliua,

ko kenea manaa, ma kara tagha haliura tua.

¹¹Ma hei vamua te kabu totovongona ke loghoa na pari ni tunuva,

me ke nia togo na mabo iga.

¹²Gaia te tangohahi te kenea na dikalana ahei te gehegehe uto,

me girigirighi na livona vania

¹³Ma Lord te kia vamua,

na pukuna te righia na bongidira te dutu ni sara mai tua ge ke taghalaghinira.

¹⁴Rana tangotangodika tara suai dida na isi,

mara lohighi dida na baghe

ge kara labura nia tara bona mara kosimogo

ma kara matera ara hei tara lutu maemane

¹⁵Dida na isi ke sutu potai na lokadira,

ma dida na baghe ke tagoti.

¹⁶Me uto va nina lologho pile na tinoni uto tatana nina lologho au na tinoni tangotangodika.

¹⁷Na pukuna a Lord ke hola kehai na lagadira tara tangotangodika, me ke righi taonira tara lutu uto.

¹⁸Ma Lord ke righitaonira ara hei tara gehegehe uto

ma kara holaa na taba te kabu kasila.

¹⁹Kara mua vahaghitaili tana bona ni bongi dika sughua

tana bongi ni vitolo kara loghoa so na hava te manadira.

²⁰Rana tangotangodika kara mate, mana ghana na levunimate na Lord, Kara dudu vaghara na buburu.

²¹Rana tangotangodika tara hola kau

mara mua tutughu oli,

na tinoni uto te vei arovi

me hevei nia na lio te maemane.

²²gaira te vautora na Lord

Kara loghoa na bona kara sopou ga.

Mara hei ke varangara kara ghuru horura.

²³Ma Lord te uhulia, na sakutuana na tinoni ivei ke va iga

me righitaonira ara hei tara holopangotiana na Ahana.

²⁴Kara saisari keba ke, ma kara mua tumu

na pukuna Lord ke tabe daroa nia so na limana.

²⁵Inau tu tinoni vaolu, mu saravia tua na tonikamaagu,

mu mua righi topoa mua siki tinoni uto ke righi leara na ahana aua hei

pe ke mua kutira dalena kara nongi vanga.

²⁶Na tinoni uto te hevei nia na toba te maghora me uto,

me hangara rana keha,

ma dalena kara loghoa na vauto.

²⁷Ko ririu sania na tangotangodika,

mo ko gehegehe uto, mo ko kabu kasila ivei te talugho ga Lord

²⁸A Lord te dolovia na uto,

me mua nira ponolio ara hei tara maemane:

Me righi taonira ke va me va,

me ke tagha laghinira daledira tara tangotangodika.

²⁹Rana maemane kara loghoa na komu ni tunuva;

ma kara sopou ga ke va me va.

³⁰Na mangana na tinoni manaha te bosaa na lei bosa manaha,

mana ghiduna te bosaa na lei bosa maemane.

³¹Na vetena nina God tana tobana, mana sakusaku tuana ke mua dororo.

³²Na tinoni ghighirou te toghatogha na tinoni uto me kenea ivei ke nea ge ke matea.

³³Ma Lord ke mua lubatia a hei te tangohahi ge ke laga vule,

pa rana maemane kara hurura tana bona ni dete.

³⁴Ko pitu dila Lord, mo ko tona taonia na halautuna

ke ghaedatogho me ke vahegho na bona ko sopou ga,

ma rana tangohahi kara tapusi keha ka, mo ko righi kalea so.

³⁵Inau heghegu tu righi kalea ta nina lavi mataghu na tinoni tangohahi,

E talu tatea heghena te vagha na ghai lodu ni leao.

³⁶Mu rei va mu mua righi sodora,

sakai vamua ku kenera ke,

mu ku mua sodora tua.

³⁷Ko righia gatu na nilabuna na tinoni te maemane

kolua nia na tinoni uto te loghoa na mabe tana volana,

na dalena kara taonia va na nilabu te loghoa.

³⁸Mara hei tara gehegehe dika kara taghara udolu

ma daledira tara gehegehe dika taghora tana sosoko.

³⁹Ma Lord ke volara tara gehegehe uto,

gaia didira na vatu tana bona ni gunaguna.

⁴⁰Ma Lord ke hangara me ke lavi olira tatana te gehegehedika,

ke volara mi tatana vamua kara sodoa na beala ni ahevata.

¹Lord ko bei kokoe laga vaniu tana bona ko rutu:

mo ko bei torou gea ta nimua na rutu papara.

²Nimua na kuali tara vauvausuka haghe tagua:

mana limamu te saro horuu nia mai so.

³Na pukuna nimua na rutu:

na huligu udolu tara vahaghi:

me mua mahebo na volagu na pukuna na lei palugu

⁴Ma nigua na lei hahi tara saro udolua na ulugu

vagha na hohola te mava na holana.

⁵Na palugu tara utu mara vei sikani:

na pukuna na lei palugu.

⁶Inau tu rongorongo mu neu ge u tinoni toposo:

mu nia ole kolili na dikalio tana dani udolu.

⁷Na levugu te paralamuta:

Me taho na laga ni vola tana huligu.

⁸Inau tu labe mu tapele kolili:

mu gutuveve na pukuna na maghae tana lokagu.

⁹Lord o ghilalai na hava tu lioni,

ma nigua na dikalio te mua polo itamua.

¹⁰Na tobagu te tuputupu mana lagagu te kubolu

mana reireina na matagu te taghoi

¹¹Rana kulagu mana ghagua udu tara tabalili keha tana vahaghiagu,

ma rana kulagu na vure tara tughuru sagauviu.

¹²Ra hei tara liona na hola kehana na volagu tara lohi ghagua na piti:

Ma gaira tara tona olioli na kanahaghiniagu tara vavaranga

mana kene ghanaghanaana na halautu ni posoagu.

¹³Mi nau te vaghau na tinoni te pui

me mua rongo te vagha na tinoni te laghu,

te mua vukesia na mangana.

¹⁴E utuni, inua tu mai vuha vaghau na tinoni te mua rongo,

mana mangagu te mua kokoe tughu.

¹⁵Mi nau tu pitugho so Lord,

Ighoe vamua ge ko bosa tughu vanira,

Ighoe a Lord, nigua na God.

¹⁶Inau tu liona ge rana ghagua na kana kara bei laga vuleu gea:

mi tana bona ku turi padi: Kara bei lavi mamagu gea.

¹⁷Ku mua tangomana tua ge ku ghoi tughuru dato,

na pukuna nigua na vahaghitaili haia tagua.

¹⁸Ku toghighi lei nigua na hahi:

mu ku nighi dika lio na lei palugu.

¹⁹Ma rana ghagua na kana kara ghahara:

mara laga lee:

ma gaira tara kanahaghi leau tara subo vule.

²⁰Gaira ghua tara nia tutugu na dika tara uto:

tara hughuhughuu na pukuna Inau tu taonia te uto.

²¹Ko bei sivilaghiniu:

Ighoe, Lord, nigua na God,

mo ko bei kabu sagauviu.

²²Ko mina, mo ko hangau:

Ighoe Lord God nigua na vavola.

¹Inau tu bosa:

Ku ngasilia na lei nilabugu:

Mu ku bei nia palugha gea na lapigu.

Inau tu betoa na mangagu:

tana bona tara kabu koluu rana tangohahi.

²Inau tu betoa na ghidugu:

Mu mua bosa siki totobo:

Mu kabu beto vamua:

vagha ghua tana bosani na lei bosa te uto:

Na pukuna te vahaghitailigha me vatei sikagha tagua

³Na lokagu te papara:

mu ghanaghana na lake te vavu:

ma vaho ge u nia kokoe na lapigu.

⁴Lord: Ko neu ge ku ghilalaa na sosokona na volagu:

mana suboni ghua na lei bongigu:

ma ge ku pukulaghini utoi ke vagha ku vola.

⁵Righia, to nea na lei bongigu ke vagha vamua na darona na lima:

mana lei niulugu te totobo lee vamua itamua:

me utuni sughua na vola ni tinoni na ghuri lee vamua.

⁶Na tinoni te ole vamua te vagha na nunu lee,

me mangolia heghena nia na lutu laga:

me baore aua nina sodo rongo,

me mua ghilalai ahei ke loghoi.

⁷Mi taeni Lord: na hava ge u ghanaghana dila:

E utuni nigua na ghanaghana dila tamua.

⁸Ko vavolau ta nigua na lei hahi,

mo ko bei lubatira tara bule ge kara kia haghiniu.

⁹Inau tu vuha laghu,

mu mua vukesia na mangagu,

na pukuna ighoe to neu.

¹⁰Ko lavi keha itagua nimua na tatapo ni limamu,

na tatapo ni limamu te neu ge ku mua nea na hava te dika

¹¹Tana bona ighoe to nea na bosa ngarangara

te toroa na tinoni palugha,

ma au dikalai na lei totobo te dolovighi.

me utuni sughua na tinoni ke na ghuri lee vamua

¹²Ko rongovia nigua na kokoeliulivuti, Ghe Lord,

Mo ko rongovia nigua na tangi vaniamu:

mo ko bei ririu keha ta nigua na kara kolobu:

na pukuna tu ghahau pile bona vamua itamua: (check meaning)

na sinogho haghe mai vaghara na lei kukuagu.

¹³Ko lubati pileu ghua

ge ku ghoi kiakia me ke maheboa ghua na lagagu,

vaho ge ku tona.

¹Inau tu pitu kikinima Lord,

ge ke hangau mai me ririu vaniu mai

me rongovia nigua na hoholo.

²Me lavi horu kebau tana gilu mamata [ghaghua]

sania na nenepa mana pari luiluki,

me kabu laghinia na tuagu tana pari ngutu

me are lavaghinighi na lei nigua na tonatona.

³E vaheu mai na linge vaolu

ge ku lingea na Hymn ni vatei holohabana dida na God

[subo kara righia na hava te gonia ma kara nia hare

ma kara talua didira na ghanaghana mava tatana Lord /

Ara subo kara righia, ma kara kikinima

ma kara talua didira na ghanaghana kodo itatana Lord.]

⁴Holoutoa na tinoni te ngasilia nina taluutuni tatana Lord:

me mua liliu vania te talunagho

ma rahei tara nia oli kolili na sorisori.

⁵Ghe Lord, nigua na God,

e haeharegha nimua na lei lutu to gonighi:

vagha ghua nimua na ghanaghana talu togo itamami

me taho hei tinoni ke vatoghara ke vaghagho.

Ma ge ku talu tatea mu ku bosara ke,

Kara au vulei va ku bosai.

⁶O mua nia togotogo ngangata nia na sukaghi mana hevei oli

to liona vamua na hulina to gonia tua vaniu.

Na lei sukaghi kakeri mana sukaghi ni palu to mua puku ni lioni.

⁷Keri ge u bosa,

“Inau ku mai

tana lei buka na gegeregu iga,

⁸ge inau ku hui kikinagea nimua na lioliogha

ghe nigua na God

mu nia togo na goniana

Ma nimua na vetena tana tobagu.

⁹mu bosaa ghua tua nimua na utuni

maia nimua na maana ni vola.

¹⁰Inau tu mua matapoloi

nimua na veiarovi mana utuni

tana vaukolu ni mavitu

¹¹Ko bei holaa olia nimua na veiarovi tagua,

Ighoe Maghutu.

Ko lubatia nimua na dolo ni veiarovi mana utuni

ke pilupilu haia.

¹²Na lei gunaguna te subo vulei nigua na iduidu tara talighutiu

na lei porongiu ge u mua tangomana na rei tada

na pukuna ra subo vulei na vuvulu ni ulugu.

¹⁶Mara hei tara kene taonigho ke vonughira na togotogo

ma rahei dolovia nimua na huioli

ka gehegehe dato ma kara ghaghua,

“A Lord te rongoragha.”

¹⁷Ma vaniu inau tu bona mu liona na hahanga,

Ma Lord te ghanaghanau mai taeni

Ighoe nigua na hahanga mana vavola

Ko bei kiki ghe nigua na God.

¹Kara togotogo gaira tara dolovira tana bona

A Lord ke volara tana bona ni sosodo

²Ma Lord te righitaonira, me nera ge ra vola

me nera ge ra lologho, me hola kehara tana ghadira na levunimate

³Ma Lord te kisu volara tana bona kara vahaghi

me kubolui didira vahaghitaili.

⁴Lord, inau tu kokoeliulivuti,

ko aroviu mai, ko kisu volau

na pukuna inau tu palugha tana matamu.

⁵Mana ghagua na levunimate

tara mua bosaa siki hava ta nigua na hahi:

Ke ghua nigha ke mate ma ka nia ponolio,” ra ghaghua.

⁶Ra mai kaou vaghara rana kukuagu.

Me hau vaso na pile ra pasapasau so mara tutugu koliliu ivei tara va iga.

⁷Ra vaevane koliliu ara hei tara kanahaghiniu

mara ghanaghana ivei tea na dikaagu.

⁸Ke luvu lee vamua na hava te loghoa

me ke mua tangomana ge ke rughu horu sania na bona te sopou ga.

⁹Sughua na puku ni kulagu tu ghanaghana mavaa

mu nia vanga koukolu te kanahaghiniu.

¹⁰Lord ko aroviu, mo ko ghoi vola oliu mu ku ghoi pelu olira.

¹¹U ghilala to lio uto vaniu,

na pukuna to mua tuvalira ghagua na levunimate

ge kara laga vuleu.

¹²Na pukuna to nea na volagu

ge ke mua kalea na hava te dika

mo laviu va tana malamu talau.

¹³Vautoa Lord, God ni Israel

te kabu kasila tana lei vavata ke va ma va Amen ma Amen.

Buka Erua 42-72

¹Te vagha na deer te liona na beti ni daidari,

mu ghanaghanagho, Ighoe God, na kene taoniamu.

²Inau tu nia mamangaha God, na God te vola

E ghua nigha ku mai inau tughuru i naghona gaia?

³Bongi mana dani, lolonga na kolobu

inau tu lavia na vatei vanga.

Ma gaia ghana na levunimate

tara tona haliu so na huatiagu

mara bosa, “Ivei gaia a nimua na God?”

⁴Na tobagu te tarosi

te vagha tu ghanaghana olighi

na hava te ghaghua iga tana bona te padi

Inau tu sakusaku tua ighobudira na vure subo tara holohaba

mu ghidevira tana alaala alaala sule va tana valena God.

Linge rivurivu mana nia hevei na holouto

gaia na tangitangina te vagha na taba tu sule!

⁵E ghua ge o dikalio?

Me ghua ge o dikalio ngangata?

Inau ku talu ngasilia nigua na ghanaghana tatana God!

Mu ku ghoi holoutoa so gaia nigua na God mana vavolagu

⁶Nigua na dikalio itaeni te tabagu ngangata,

hauva mi nau tu ghanaghana olighi so nimua na veiarovi

te butu mai tana ghotu Hermon,

na vuravura ni Jordan,

te butu mai tana bona itatana ghotuna Mizar.

⁷Inau tu rongovia na gumugumuna na tahi

te vagha nimua na lualua mana unuunu

tara tona vuleu inau.

⁸Na pukuna na lei dani soko na Lord te mua mautu

na kovala horuana mai nina dolo i vuvungagu

mana pukuna na lei bongi soko

inau u lingei vania na lei nina na linge,

Mu kokoeliulivuti vania God

gaia te vaheu na vola.

⁹“Ghe God, nigua na vatu ngasi,”

tu ngangaraha “E ghua ge o nia ponolio?

E ghua ge ku sakutua kolili itatana pungi,

ge kara gunaliu ga na ghaghua na lei levunimate?”

¹⁰Didira na ghanaghana ni gunaliagu

te vagha ke togo potaa na volagu tana mate.

A gaira tara batobato,

“Ivei agaia nimua na God?”

¹¹E ghua ge u lio kihi ngangata?

E ghua ge o dikalio?

Inau ku varavaghinia nigua na ghanaghana kodo itatana God!

Inau ku ghoi holohaba so gaia nigua na God mana vavolagu!

¹Ghe God, Ko tatea vaniu na kabu marabu,

mo ko pilupungisiau itadira rana lei tinoni tangohahi,

Ko vavolau itadira na lei tinoni sorisori mana tangotangodika.

²Na pukuna Ighoe nigua na God,

Nigua na vatei vola itamua.

Me ghua ghe o tona saniu?

Me ghua ge u sakutua kolili tana pungi mi tana ungaunga ni mate,

itadira tara niu ghighirou tana lei ghaghua na levunimate?

³Mo nira vetena rughuhoru mai nimua na marara mana utuni.

ma kara righitaoniu

lubatira ge kara liuliu va ta nimua na ghotu tabu,

va tana bonamu to ghahagho iga.

⁴I kakeri ge ku tona ta nina malei sukaghi God,

Mi ga ta God te butu ni mai na rivurivu mana togotogo.

Inau ku holoutogho nia na tigitigi ge God, nigua na God!

⁵E ghua ge o dikalio ngangata?

Inau tu talua nigua na ghanaghana mava itatana God!

Inau ku ghoi holoutoa so agaia

na pukuna gaia na vavolagu mana nigua na God!

¹Ghe God, Ighai tai rongovighi nia tua na lei kulimami

te vagha tara bosai vanighai na lei kukuamami

tana hava to gonia itatana balu bongi te padi

tana tualani mai.

²Te vagha to nira ga na ghuru horua dira rana voo

tana lei sopa kemadira mo vahera na pari rana lei kukuamami

Ighoe to vahaghitailira ta ghadira na levunimate,

mo nira na lei kukuamami mara tatavahale.

³A gaira tara mua manangi vulea na pari nia didira na isi

Me mua didira na laga heghedira te nera ge ra nia laga vule.

Hauva ma nimua na puku ni maana ge ra nia tangomana.

nia na pukuna to lio uto vanira mo tatea nimua na dolo itadira.

⁴Ighoe nigua na God mana vunaghigu.

mo vahera na laga vule vanira nimua na vure.

⁵nimua na maana oli vamua ghe ighai tai turi bitara na ghamami na levunimate.

itatana ahamu oli heghemu vamua ge kai turi bitara ghamami na kana

⁶Nigua na baghe heghegu tu mua taluutunia.

Inau tu mua idumia siki nigua na isi ge ke vavolau

⁷Ighoe to vaheghai mai na laga vule itadira na ghamami na levunimate.

Mi ghoe to nira ge ra kubolu horu gaira tara nighai sika.

⁸Tana lei dani soko ge God,

Ighai kai holohabagho ma kai holoutoana ahamu kasila.

⁹Mi taeni ighoe to kabu sagauvighai.

Mo mua ghoi ghidevira nimami na ovu ni vure ni sura tana veitotoghoni

¹⁰Ighoe to nighami ge ai sama pulohi itadira ghamami na levu i mate me talana vanira ge kara dikalai nimami na lei hegohego tana pari.

¹¹Ighoe to tangomanaghai te vagha na sheep te gonidila ge kara pusia.

mi ghoe to neghai ghai havukaghi kolili tana lei sopa kema

¹²To nighai hunulu, ighai nimura na lei vure uto tana malumu.

Mo nighai ghai taho vaho tua ta nimami na lei sopa uto itamami.

¹³Ighoe to neghai ge ra batobatoghai na lei ghamami na komu kolu.

Ighai tara kiakia kiahaghinighai mara mua liomami,

mana lei kema soko tara kililighai tara batobatoghai mara koengeleghai.

¹⁴Ighoe to neghai ge ra batobato ghai na lei tinoni;

Ighai tara bosa batobatoghai na maramana udolu.

¹⁵Ighita udolu ka mua tangomana ge ka sogha poloa nina lio ni talumuri mana kikinima;

na maa tara gegere pungisighi nia na lei matamami.

¹⁶Na hava vamua tai rongovia na koepasa itadira tara nighai ghighirou.

¹⁷Ma raeni soko te kale tua me hauva ma mua nigho ponolio,

Ighai tai mua diudiua nimua na vetena.

¹⁸Na lei tobamami tara mua tona sanigho.

Ighai tai mua sivi tana halautumu.

¹⁹Hauva mi ghoe to neghai ge ai vahaghitaili mai tona sanigho.

Mi ghoe to kuvihighai nia na ungaunga ni pungi mana mate.

²⁰Ge ke vagha ighai kai ririukeha na holohabana dida na God

pa ka vurehighi na lei limamami itatana kokoeliulivutiani na lei god keha,

²¹God ke ghilala utunia sughua,

na pukuna gaia oli heghena te pukui

me ghilala udolui na lei ghanaghana te kabu polo tana [lei sopa toba]/[tobamami].

²²Na pukuna ighoe, ge kakale ighai tana lei dani soko.

mi ghai tara pahepaheghai vagha na sheep.

²³Ko sakeraghi dato, Ighoe, Lord,

E ghua ge o maturu?

Tughuru dato! Mo ko bei neghai sika kasila.

²⁴E ghua ge o vaevane keha?

E ghua ge o nighi ponolio nimami na lei vahaghitaili mana gunaguna?

²⁵Ighai tai tumu taghoti horu itatana ravu,

ma kolitao horu tana ravu te meto.

²⁶Tughuru dato! Hangaghai!

Ko vavolaghai nia nimua na dolo ke mua mautu haia.

¹Na tobagu te vonughia na ghanaghana te uto utoa,

Inau ku bosa poloani na lei kokoe vania na vunaghi,

Na lapigu te vagha na vatei gegere vagha na tinoni te gegere uto.

²Ighoe na matakage utuni vulera na lei taba ni vure soko

na lei bosa uto lee tara tavetave mai tana ghidumu.

God, oli heghena te vautogho kasila.

³Talu dila nimua na isi ge na malaghai haba!

Ighoe vamua to rongoragha ngangata, vagha ghua na manamanaha!

⁴Ta nimua na haba, haehaghe mo ko rughu horu va tana lagavule,

Na vokovoko ni utuni, talumuri mana mua kiko.

Tona haliu mo ko rughuhoru

mo ko lutu maemanei na lei gehegehe dika!

⁵Nimua na lei kuali tara vavangalu.

Te kale pota na tobadira na ghamami na levunimate.

Na lei kema soko kara poghotao inaghona gaia,

Mi sarana na tuamu ke pilili.

⁶Nimua na malei sopou ni vunaghi,

Ighoe God, Ke mua soko ke va me va.

Nimua na maana ni vunaghi [tara kokoe tatea tara utuni.]/[te maemane, mi tatana gaia, ko righitaonia nimua na kinakabu]

⁷Ighoe to dolovia na hava te kaekage,

mana totobo te dika to nia sika.

Keri te vagha ke, God, nimua na God, te siusiugho,

me kovala horua na kokolo madalo ni rivurivu i vuvungamu

haba vulera na lei tinoni soko.

⁸Nimua na pupulu te, to uruuru iga na myrrh, aloes, mana cassia.

Mi tana bonana na vunaghi tara vaghuvaghua nia na lei totobo pura,

Ighoe tara nia lingelinge vanigho nia na lei harp.

⁹Na lei daledira vaivine na lei vunaghi

tara kabu ighobudira na lei nimua na vure ni lutu.

Na vinahogho te tughuru tana pala madolomu

mete nia vaghuvaghua na puku ni Gold tara lavia tana Ophir.

¹⁰Ko rongoviu inau, ghe detei vinahogho;

Ko holopangotia tana tobamu na hava tu bosa

Ko nira ponolio nimua na vure mana lei bona ni komumu tara hau.

¹¹Na taumu na vunaghi te nia togotogo na utona na reireimu

Ko talumava gaia na maghutumu.

¹²Na vunaghi ni Tyre ke siusiugho nia na dolo.

Mana lei tinoni tara lologho

Kara nongia na hava te nagho itamua.

¹³Na vaivine te taulaghi, na vinahogho, te pitu tana vokina

Te nia pupulu na tivi tara vauhia nia na Gold.

¹⁴Ta nina na alo utoutoa,

agaia tara hulia va tana vunaghi

mana lei kulana vaivine tara tona kolua.

¹⁵Ivei vaho te vagha, na togotogo ia to nira ghaghua,

Te vagha tara rughu haghe tana valei ni haba.

¹⁶Rana lei dalemu kara mai vunaghi vaghara na lei tamadira.

Mi ghoe ko nira ge kara vunaghi pungisighi na lei komu.

¹⁷Inau ku ghanaghana na ahamu tana lei sopa vavata udolu

vagha keri ke, na lei kama kara holohabagho ke va me vaa.

¹God, ighoe dida na laga mana vola,

Mo gonidilaa haia na hangada tana bona ni gunaguna.

²Keri ke, ma ka mua ghoi mataghu,

sakai ghua manaa na anu ke mai

mana lei ghotu kara tavuti kehara

ma kara tumu horu tana tahi.

³Talana na lei ghotu kara kahikahi

te vagha na beti te voghuvoghua te tave.

⁴Na betitina te nia hevei na rivurivu tana komuna dida na God

Na komu tabu nina na puku ni haba.

⁵God, heghena vamua te ghaha itatana komu vaghana keri;

Ke mua ghoi tangomana tua na durake.

God ke pilupilua tana taporasana na dani.

⁶Na lei vure tara ngingili laga,

mana lei kinakabu soko kara havukaghi kolili!

God ni viviha ke nia hevei mai na viviha

mana maramana ke obo keha!

⁷A Lord puku ni maana te kabu ighobuda,

Na God ni Israel gaia dida na pilupilu/vatu ngasi

⁸Kau mai, ma kau righia nina lei lutu nina Lord te rongoragha

Ma kau righia ivei te vagha na laviana mai tana maramana na mana ni durake

⁹Mana betoana na lei sura tana maramana udolu.

Agaia te gotia na baghe mana tinabe te sodui ge e rua.

Me Kerea na tako tana lake.

¹⁰Kabu todore, ma kau ghilala Inau a God!

Na lei kema soko kara talumavau Inau.

Na maramana udolu ke talumavau Inau.

¹¹A Lord puku ni maana te kabu ighobuda

Na God ni Israel gaia dida na pilupilu/ vatungasi

¹Mai ghau na lei vure soko,

Kau tapoi na limamiu nia na rivu!

Kau ghuu dato vania God nia na togotogo mana rivurivu.

²A Lord puku na maana te haba va,

Agaia na vunaghi haba tana maramana udolu.

³Agaia te taluhorura na lei kema i sarada;

me talura na ghada levunimate i sarana marevoda.

⁴A gaia te vilia vanighita na komu ni baubahu te vagha na bonada;

Tana bonadira na lei kukuana Jacob te dolovira.

⁵A God te nia dato na ngingili rivurivu

Ma Lord te nia dato na talama ni tavuli.

⁶Kau linge holouto vania God, linge holouto,

linge holouto vania dida na vunaghi,

kau linge holouto!

⁷A God, gaia na vunaghi haba tana maramana talighu

kau holohabaa nia na Linge holouto.

⁸A God te vunaghi pungisia na maramana udolu;

agaia te Kabu ta nina mali sopou te haba.

⁹Rana lei haba ni maramana tara kabu sakai sonikolu.

Agaira tara hangaghita tana holohabana na God ni Abraham.

Na lei vunaghi ni maramana a nina God.

Agaia ka nia kikinima ivei mi vei.

¹Ivei vaho tua te vagha na habana Lord,

me mava na bosa utoana

tana komuna dida na God;

mi tana nina ghotu te tabu.

²Ivei vaho tua tea na utona mana datona,

na maramana udolu te nia togotogo na righiana.

Na ghotu Zion, na ghotu te Tabu,

na komuna na vunaghi [haba lee]/[puku ni haba]

³God te hagha heghena tua tana vale datogha i Jerusalem

ge talutatea heghena te vagha na pilupiluna.

⁴Na lei vunaghi ni maramana tara hogholavaghi tana ovu ni sura

mara gonidilaa ge kara haghe tana komu.

⁵Mi tana bona tara righia ge ara tumu ni mate

Ma gaira tara mataghu mara sama keha.

⁶Ma gaira tara nia taetabe ngasi na mataghu;

te vagha na vinekama ta nina na vadangi ni vahuhu.

⁷Te vaghara na lei vaka sule i Tarshish;

na ghuri sule ngangata te dikalara

⁸Ighai tai rongovia tua na ladana mana rongoraghana na komu sule keri,

mi taeni ighai tai righia heghemami na komuna dida na God,

A gaia ke righitaonia ke va me va.

⁹God, Ighai tai kokoeliulivuti vaovarongo ta nimua na dolo ke mua soko,

Te vagha ighai tai holohabaa tana bonamiu te Tabu.

¹⁰Na ahamu te rongoragha, Ghe Lord,

Ara hei soko tana maramana talighu kara holohabaa

ma nia na lima madolomu te laga ke vonughia na maemane.

¹¹Lubatira na lei tinoni i vuvungana na ghotu i Zion kara rivurivu,

mana lei komu sule ni Judea ke togotogo ma nimura na dete soko tara uto.

¹²Haghevia, mo ko righitalighutia na komu sule Jerusalem,

sakutua talighutia mo ko idumighi na lei valei datogha iga.

¹³Vatoghaa na pilupiluna te ngasi

mo ko righighi na lei valena

ge kau tughunighi vanira arahei kara mai imuri.

¹⁴A keri te vagha gaia God,

A gaia dida na God ke va me vaa.

ma gaia dida na righitaoni, koekobe ka mate.

¹Kau rongovia aeni ighau udolu na lei vure;

Ighau udolu tana maramana kau varongohighi.

²Haba mana kubolu, tinoni sosodo mana bona, kau rongo!

³Na lei bosagu te vonughia na manaha;

mana lei ghanaghanagu te nia vonu na ghilala.

⁴Inau tu varongohi pukupukua na lei vavaghaha

mu ku tatea nigua na bosa tana ghalevu ghalo.

⁵E Taho na hava ku mataghunia tana bona ni gunagunagha.

Tana bona na levunimate tara talighutiu.

⁶Gaira tara ghanaghana kodo tadia na lologho au.

Mara nighi mangamangagha didira na sosodo au.

⁷Me taho siki sakai tadira ke huiolia heghena tana mate

mana peluana nina peluoli God

⁸Na huioli te mua malumu na maiana

Me taho siki sakai ge ke pelu aua.

⁹Me ke vagha ge ke vola kasila

me ke mua righia na maramana ni mate.

¹⁰Mara hei tara manaha kara mate,

te vaghara na bule mana toba kupi.

Ara luba sanighi didira na sosodo au i muri.

¹¹Na puku ni komudira na maramana ni mate,

gaira kara kabu igaa ke va me va;

Mara holo taonira nia na bona keri,

mara sanighi didira na lologho vanira na keha.

¹²Ma gaira kara mua kabu daro ta didira na lologho au;

Gaira kara mate vaghara vamua na lei maumanu.

¹³Aeni te vagha didira na hahi tara bule mara talu sulera heghedira.

¹⁴Te vagha na sheep tara hulira va i betidalo,

na mate te vatoghaa vanira vagha na righitaoni.

rana uto kara umaghi pungisira te puipungi

mana hulidira ke vuvuha tana gilu ni mate

ke hauvia na komu tara haghara igaa.

¹⁵Ma vaniu inau, God ke huiolia na volagu;

Agaia ke lavi kehau ta nina maana na mate.

¹⁶Ko bei mataghu, ge kara lologho au

ara hei na bona mana valedira ke togotogogha.

¹⁷Mi tana bona ni mateadira,

Gaira kara mua ghoi lavia diki totobo kolura.

Ma didira na lologho ke taonira va tana gilu ni mate.

¹⁸Tana bona ni volana te togotogo ta nina ghanaghana heghena;

Mana maramana te nia ghuu na togotogo ta didira na lutu uto.

¹⁹Ma gaira kara mate te vaghara na balu.

Ma kara mua ghoi righia ghua na marara.

²⁰Na vure tara nia talunagho didira na lologho

tara mua ghilala agaira kara mate

te vaghara vamua na lei maumanu.

¹A Lord God puku ni maana te bosa,

me detera na lei tinoni tana soghaana mai ga na aho,

maia te va huu iga.

²Tana ghotu i Zion te vatei ghagharugha iga

God te mararaa nia na marara uto.

³Ghada na God, te nia dutu mai na [dedemo]/[talamo] ni viviha

na lake ke durake na lei totobo i naghona

mana gutuveve ni maraghata sule ke talighutia.

⁴I kokou mi pari koro nina komu ni righi kale utuni.

tatana a gaia ke detera nina na vure.

⁵Lavira mai itagua nigua na vure taluutuni

Agaira ra hei tara gonia na baubahu nia na sukaghi.

⁶Lubatia i kokou ke talutatea nina uto te maemane

A God heghena vamua ke dete.

⁷Aghau nigua na vure, kau rongo!

Inau ku bosaa;

raeni nigua na kakage vanigho Israel

Inau God, nimua na God.

⁸Inau tu mua loghoa siki bosa ni huhuru

ta nimua na sukaghi, pa na lei sukaghi kekere.

To lavia mai ta nigua na bela ni sukaghi.

⁹Mi nau tu mua liona siki buluka tana valemu,

Mu mua liona ghua siki goat ta nimua na pilu.

¹⁰Na lei maumanu udolu na leiao a nigua:

Inau tu loghora na lei bolo soko tana lei togha ni ghotu.

¹¹Na lei manu ni popopo

mana lei maumanu udolu ni nanata ke a nigua.

¹²Ge tuku vitolo ke, mu ku mua tughurua vanigho

Na pukuna na maramana udolu a nigua,

mana lei hegohego soko i lokana.

¹³inau tu mau nia ghaghua to nia sukaghi na buluka

mu mua nia ghaghua na ghabu ni Goat.

¹⁴Mana hava vamua tu puku ni liona ke,

nimua na puku ni holouto vamua God,

Mi nau tu liomu ge nimua na baubahu ke kale utuni

vania gaia te haba i kokou.

¹⁵Ko ghanaghanau tana bona ko haghagho tana gunaguna

mi nau ku vavolagho, mi ghoe ko va heu na talumava.

¹⁶Ma God te ghaghua vanira tara tangohahi

Kau bei ghoi nighi ghaeghahe nigua na lei vetena,

ma kau bei ghoi tate ghau heghemiu tau taotaoniu inau.

¹⁷Ighoe to nia sika nigua na totoro ni taraghi

mo nighi lei nigua na vetena me totobo lee vamua.

¹⁸Tana bona to righia agaia te gito ke, mo hangaa

Mi ghoe to sonileaa vamua nimua na bona

itadira tara ngelera na taudira rana keha.

¹⁹Na Mangamu te bosai na lei bosa dika,

mana lapimu te vonughia na sorisori.

²⁰Ighoe o sopou kolili ni bosa pungisiana na hoghomu,

Na pukuna dalena tinamu hoghomu.

²¹Tana bona to gonighi na lei totobo udolu raeni ke,

Inau tu kabu todore, mo ghanaghana ighoe tu mua nia ghaghua na hava:

mi taeni inau ku tatei na lei nimua na hahi,

mu ku gegerei na lei nigua na totobo i vuvungamu.

²²Kau tughui na liomiu.

Ighau rahei tau mua ghanaghana God,

ku vuti keha ghau gea,

me taho siki sakai ke vavolaghau.

²³Mana niana hevei na holouto

gaia keri na sukaghi ni talumavaagu.

Inau ku talutatea vanigho a nina maana ni vola a God.

¹Ko aroviu, Ghe God,

Na pukuna nimua na dolo mana lei uto tara subo

Ko hola kehai na lei nigua na hahi.

²Ko apo marabu utou ta nigua na tangohahi:

Mo ko marabui tana lei palugu.

³Tu ghilalai na lei nigua na gehegehe te vatei maamaagha tu gonighi

tara kene taoniu tana dani mana bongi.

⁴Itamua vamua, mi ghoe heghemu vamua

inau tu tangohahi,

Inau tu nei na lei totobo te dika itamua,

Ighoe ko nia hevei na uto tana hava to bosaa

ma nimua na dete itagua kara maemane

⁵Tana sivuraghagu, Inau tu tinoni tangotangodika

Eo, tana bona tu kau mai tana kutuna tinagu.

⁶E utuni, to liona na utuni tana toba ni tinoni:

Ighoe ko taraiu ge ku manahana na vola ilokagu.

⁷Ko apo marabu tana lei palugu,

ge inau ku marabu ko apou [mughua],

Mi nau ku pura vulea [na snow]/[rana lovo]

⁸Ko va hea oliu mai nigua na togotogo,

Ighoe to tagotighi na huligu

ko neu ge ku ghoi togotogo pulohi.

⁹Ko bei righighi na lei palugu

mo ko talukehai na lei nigua na hahihahi.

¹⁰Ko vuha ilokagu na toba te maghora, Ghe God.

Ko vavaolua na tarunga te utuni ilokagu.

¹¹Ko bei tiva kehau tana bonamu

mo ko bei soni kehaa nimua na tarunga tabu itagua.

¹²Ko ghoi vaheu mai na togotogo ta nimua na vola maurihali

mo ko neu ge ku lagalaga na taoniamu

¹³Mi nau ku taraira nia na nilabumu rana tangohahi

Ma gaira kara liliu pulohi vanigho.

¹⁴Ko talukehai vaniu te tave na ghabu,

Ighoe God, to vavolagu

vaho ge Inau ku nia linge rivurivu a nimua na talukehai palu.

¹⁵Ko vukesia na ghidugu, Ghe Lord,

Ge Inau ku holohabagho.

¹⁶Ighoe to mua nia togotogoa na sukaghi,

Inau tu mai hegho

Puku lavia vanigho na sukaghi kekere

ighoe ko mu lavipangotia.

¹⁷Na sukaghi to nia ghaghua Ighoe ke na toba te paruruha.

Na tabo te tughu mete paruruha,

God ge ko bei sivilaghiniu.

¹⁸Ko righia nia a veiarovi i Zion mo ko hanga

mo ko kisu olia na peona Jerusalem.

¹⁹Ighoe ko nia togotogo na puku ni sukaghi uto,

nia na lei sukaghi kekere,

mana sukaghi udolu,

Ma kara nia sukaghi na buluka ta nimua na bela tabu.

Vania na tinoni te lutulutu linge na lingena David, taonia tana bona a Doeg na tinoni ni Edom te bosa vania a Saul, te talua tana komu ni pipiti vanira rana kisumate a David a Ahimelech.

¹Ighoe to hologho nia heghemu na tinoni te laga vule tana kisumate, Ina sughua?

Ivei te ghaghua ge o nia talunagho kolili a nimua na gehegehe dika eni,

Ighoe to nira a nina vure a God ge ara mua loghoa na talumava?

²Tana lei dani udolu to talu dilaa na haurake na lapimu te toro tatasi vagha na vangana na (isi dadara.)?

Ighoe na tinoni to manaha au vulea ngangata tana kokoe sorisori.

³Ighoe to dolovi ngangata na gehegehe dika vulea na gehegehe uto.

mana sorisori vulea na utuni.

⁴Ighoe to dolovi ngangata na bosa ani na lei totobo

te va lavibuleadira na balu tinoni

Ighoe na tinoni sorisori.

⁵Hauva ka, ma God ke gora kehagho tana komumu

me ke sania na bonadira tara vola kasila

⁶A gaira tara kabu marabu, kara vaevanea ma kara mataghunia

A gaira kara kiakia ma kara ghaghua,

⁷Vaevanera vaa na lei mane sutusutu sule ngangata na hava te kalera

tara mua loghoa na talu mavaa itatana God.

Hauva ma gaira tara talu mavaa vamua a didira na lologho

mara nia sule kolu na gehegehe dika mana tarungadira te labe.

⁸Mi nau te vaghau na ghai tara vatua nia na Olive

Te totolo me kotukotu i lokana valena God.

Inau tu talu mavaa a nina dolo a God

te mua soko buto, ke va me va

⁹Inau ku bosautogho ke vaa me vaa ghe God nia na lei totobo te gonighi.

Inau ku polopitua nimua na lei veiarovi.

I naghona na matadira nimua na vure.

vania na tinoni te taghaoa na vungu ni linge: [A nina kabu beto ni ghanaghana] nina David.

¹A gaira tara bule vamua tara bosa mara ghaghua tana tobadira,

“Te tahoa God,”

A gaira tara sonia na uto mara tona va vania na dika,

mana lei ghanaghanadira te dika.

E taho tua siki sakai ke gonia siki uto!

²God te vaevane horu mai i kokou,

i vuvungana na vinavahuhu ni tinoni.

A gaia te vaevane horu mai ge ke vaevane sodoa

ge a siki sakai so na puku ni ghanaghana manaha.

Ge siki sakai te kene taonia God.

³Hauva ka me taho, Agaira udolu tara ririu keha vania God.

A gaira udolu tara vuha sania na uto mara tona va vania na dika.

E taho tua siki sakai ke gonia siki uto,

hughua a sakai na tinoni te taho!

⁴Kara mua tangomana tua na naunau

ta didira na hahi a gaira tara gehegehe dika?

A gaira ta ghani soko laghinira tua nigua na vure vagha na berete

Ara mua tangomana tua na ghanaghana ni kokoeliulivuti vaniana God.

⁵Hauva, mana mataghu ke ngasilira agaira,

na mataghu te vaghaa tara mua ghilalaa mai mua

i dania God ke havukaghinighi na hulidira na ghamua na kana

Ighoe ko talura tana vati mamaagha nia a God

te soni kehara tua vaghara tara dika gaira.

⁶Tu liona na vatei vavola keri

sogea ke va mai tana ghotu Zion ke vavolaa Israel!

Nia tana bona God ke ghoi talugoni olira nina vure Jacob

ke nia ghaghua vola na togotogo, me Israel ke rivurivu.

¹Ko nia mai kolu na mana te laga, Ghe God,

mo ko vavolau na levunimate!

Ko pilupungisiu nia nimua na maana te laga.

²Ghe God, ko rongoviu ta nigua na kokoeliulivuti.

Ko kabu vaovarongo mai ta nigua na nongi papara.

³Nia rana keha tu mua ghilalara

tara liona na labuagu nia na lei totobo ni matemate;

na lei mane laga tara liona na mateagu.

A gaira tara totobo lee vamua itatana God.

⁴Hauva ka, ma God a nigua na hahanga

A gaia Lord te pangotiu ge u vola!

⁵Ko nighi didira na lei padalaghi ni dika

na ghagua na lei levunimate ge ke ririu pulohi vanira.

ko gonia te vagha to nia baubahu tua mo ko soko laghinira.

⁶Inau ku ni sukaghi nigua na hevei oli heghegu gatu vanigho.

Inau ku holoutogho na ahamu,

Ghe Lord nia te uto te vaghaa.

⁷Nia ighoe ko vavolau ta nigua na lei vahola tara kauliu.

Mo hangau ge ku laga vulera na lei ghagua na kana.

Vania na tinoni te taghaoa na vunguvungu ni linge. Nina David

¹Ko rongoviu ta nigua na kokoeliulivuti, Ghe God.

Ko bei nia hughu a nigua na tangitangi ni hahanga.

²U bongi ngangatagho ge ko vaovarongo mo ko heu na bosa tughu

a nigua na lei vahola kaukauli tara au vule ngangatau tua.

³Lei ghagua na kana tara ghughuviu,

ara nighi ghaeghahe laga dato na lei lavi mataghu tara matemate.

Ara talui na lei vahola kaukauli i vuvungagu.

Agaira tara hiliviu ta didira na rutu papara.

⁴Na tobagu te vahaghitaili ngangata.

na mamataghuna na mate te mana pungisiu.

⁵Na mataghu mana tatata tara au vuleu.

u mua tangomana tua ge ku beto na kahikahi.

⁶Ivei te ghaghua sughua ge ku loghoa na ghata vaghaa na bola ke;

keri ge ku lovo keha mu ku aheahe.

⁷Ge ku lovo sagau vaa tana tautalu asi.

⁸Ivei ke ghaghua ge ku mina samapolo,

sagauvia na maraghata ni gunaguna te mamataghugha.

⁹Ko haurakera, Ghe Lord, mo ko nira ge kara hoghohare tana koluadira,

Na Inau tu vaevanea na haurake, veilalabui mana hughuhughu i lokana na komu sule.

¹⁰Na peona tara talighutia tana lei bongi mana dani ge kara bei mai haghevia.

Hau va ka, mana puku ni totobo te mamataghugha

ke na lei gehegehe dika ilokana na komu sule.

¹¹Na mate tinoni mana gitogito tara kale so.

Ivei tua ilokana na komu sule.

Na lavi mataghu mana pasapasa popolo

tara vonughia na lei baebasena na komu sule.

¹²Te mua ghagua na kana te bosa dikalau

u tangomana sono ge ku lavia keri.

Tara mua ghagua na kana tara ghanaghanara heghedira

tara mava tara bosa dikalau Inau

u tangomana sono ge ku polo vanira.

¹³Hauva ka, mi ghoe, a nigua na tinoni te kaekage kolu itagua,

ghagua na udukolu mana kulagu to dutuviu.

¹⁴Ivei te vagha na utona dida na udu kolikolu toro nia togotogo

tana bona to sakutua koukolu vaa tana valena God.

¹⁵Lubatia na mate ke ghurukeha na ghagua na kana nia na hare.

talana na malei beku tinoni mate ke sononi volara,

nia na gehegehe dika te mangatia na komuna tana lokadira.

¹⁶Mi nau ku holoa God,

Ma Lord ke vavolau Inau.

¹⁷Tana puipungi, levu ni aho, nulavi, mi tana bongi,

inau tu ghaeghahe dato laga ta nigua na vahaghitaili

ma Lord te rongovia na tangi ni mangagu.

¹⁸Agaia te vavolau me righitaoni utou ta nigua na vahaghitaili.

tana veitotoghoni tara utu talighutia.

Sakai vamua te vaghaa keri ka, ara subo so tara hughu Inau.

¹⁹God, te vunaghi haba kasila,

ke rongoviu me ke talumurira.

nia ghagua na lei levunimate

tara mua liona ge kara tughui na lei gehegehedira

Ara mua nia kikinima God.

²⁰Vania na kulagu eni, agaia te perou

agaia te diua nina lei baubahu.

²¹Na lei kokoena tara malebo te vagha [na lei vanga tara malebo]/[na tahi beata]

Hauva ka, mi loka ni tobana ke, na kisu mate.

Na lei kokoena tara vaghai na [beti ni beto pileana na vahaghitaili.] /[na oil/oele]

hauva mi sarana na lei vatei suki tinoni.

²²Vahea nimua na lei vahola, Ighoe A Lord,

ma gaia ke mua lubatira rana taluutuni

ge kara madali keha ma kara tumu

²³Mi ghoe, Ghe a God, ko nira vetena horu

tara mua taluutuni tana gilu ni haurake

rana mate tinoni marana kiko kara mate gari

Mi nau tu ghanaghana mavagho ge ko vavolau.

Vania na tinoni gehe linge, nina linge David, taonia tana bona rana lei Philistia tara kene taonia i Gath. Kara linge taonia na tangina na bola tana ghai, tana bona sagau.

¹A ghe God, Ko aroviu

na lei ovu ni kisumate tara levunimate vaniu

tara lutu ngangatau

Hei ghagua na kana tara gunaliu na dani udolu.

²Ra lei ghagua na levunimate tara bosa horu inau haia

ma subo tara gunali tabou tana didira na talunagho.

³Mi tana bona te torou na mataghu,

Inau tu talua nigua na ghanaghana kodo itamua.

⁴Aghe God, Inau tu holoutoa na hava to bosaa.

Inau tu ghanaghana kodo itatana God,

me ghua ge ku ghoi mataghu?

Na hava ku tangomana ge ke gonia vaniu na tinoni lee?

⁵Gaira tara riukaghinighi haia na hava tu bosai

tana lei bongidira tara padalaghinighi na lei halautu ni vahaghitailiagu.

⁶Gaira tara mai sakai sonikolu ge kara vaevane popolou,

vaevane taotaoniani na lei sakusaku tuagu,

tara liona ngangata na mateagu.

⁷Ko bei lubatira ge kara nia tona keha

kolua didira na gehegehe te dika.

Mi ta nimua na rutu papara, Ghe God, ko nira rabo horu tana pari.

⁸Ighoe to mata reireighi na lei nigua na dikalio.

Ighoe to vahikolui na lei kolobu ni matagu ilokana nimua na vauvaghu.

Ighoe to gegere horu sopasopai ta nimua na buka.

⁹Mi tana dani ia ku hologho ge ko hangau,

na lei ghagua na kana kara liliu ni doloviagu.

Aeni tu ghilalaa: God te levu ni pala vaniu.

¹⁰Ghe God, Inau tu holoutoa na bosamu:

Eo, a Lord, inau tu holoutoa na bosamu.

¹¹Inau tu ghanaghana kodo itatana God

me ghua ge ku ghoi mataghu?

na hava ke tangomana ge ke gonia vaniu na tinoni lee?

¹²Inau ku vakalei nigua na lei baubahu vanigho ghe God,

Mu ku nia hevei vanigho na sukaghi ni holoutoa taonia nimua na hahanga.

¹³Nia ighoe to vavolau tana mate;

to righitaonighi rana tuagu tana turi madali.

Mi taeni Inau ku sakusaku tua i nagho ni matamu, ghe God.

I lokana nimua na marara te hevea na vola.

Vania na tinoni te gehe linge: nina linge David, tana bona te ghogho sania a Saul me va polopolo ilokana na vatuluma. Linge taonira na hulu (tangi na linge) “ko bei haurake.”

¹Ko aroviu, Ghe God, Ko aroviu!

Inau tu kene taonia a nimua na pilupungisi.

I sarana na ungaunga ni ghatamu ku polo,

koekobe ke soko tahaliu na maraghata dika.

²Inau ngangaraha dato vania God te haba vule,

vania gaia ge ke vakalei nina lei ghanaghana dila vaniu.

³A gaia God ke nia hevei horu vaniu mai

nina na hahanga ni kokou ge ke vavolau nia.

Ge ke lavi kehau itadira agaira tara rughuhoru mai ge kara lakusau.

A nigua na God ku nia hevei vaniu mai nina dolo mana utuni ke mua soko buto.

⁴Na lei bolo ghaghala tara ruturutu tara talighutiu.

Na livodira tara vavangalua vaghai na tinabe ma kuali,

mana lapidira tara kuikurisi vaghai na lei isi.

⁵Ko haba vule, Ghe God, vulei kinakabuni kokou tara haba vule dato.

Na mararamu ke mararaa na maramana talighu.

⁶Na lei ghagua na kana tara lohi dalau na piti ni tarikauagu.

Na kanoragha te nia veveru na huligu.

I ghobuna na halautugu tara ghelia na gilu sule,

Hauva ma gaira heghedira sono tara tumu haghe ilokana.

⁷Na tobagu te ghanaghana kodo itamua, ghe God,

mughua ge u tangomana nigua na lei linge ni holohabamu.

⁸Ko rarai, ghe na tarungagu.

ko rarai, Ghe na ghalo ni titigi ghalevu mana ghalevu ghalo.

Inau ku nia rarai labota nigua na linge.

⁹Ghe a Lord, Inau tai holoutogho tana matadira na lei tinoni soko

Inau ku lingei na vatei holohabamu ighobuni na lei kema.

¹⁰Nia nimua na dolo te mua soko buto

te datogha vagha na kokou mana parako.

A nimua na puku ni utuni te saravighi na lei ghoghopa.

¹¹Ko haba vule, Ghe God, vulei na lei kinakabu ni kokou tara datogha au vule.

Mana mararamu ke mararaa na maramana talighu.

Vania na tinoni te gehe linge: nina linge David. Linge taonira na hulu (tangi na linge) “ko bei haurake.”

¹Dete maemane, Au ghilalaa sono na ghanaghana ilokana na kokoe ia eni,

Ighau tau huhuli.

E maemane sono nimua na dete bona to detera na lei tinoni?

²E taho, a nimua na lei samalaghi

tara pegopego nia hevei horu na pepo me mua dete maemane

³Rana lei tinoni tangodika

tara nia sivuragha kolu na palu vuivuni

tana sivuraghadira tara lutua na sorisori

mara tona taonighi na liodira heghedira

⁴Ara angasua na [maomao] te vagha na lei poli maomaogha ghugha

Ara vaghara na lei torokoe tara mua liona na rongo bosa.

⁵Ara nia ponolio didira na lei huli

na lei tinoni tara taluutunia na tidalo sorisori.

Ivei ghua maana kara nia na gougonu taoniana didira na ghilala.

⁶Ko goat kehai na livodira, Ghe Lord!

Mo ko labu marutai na ngongodira na lei bolo ghaghala raeni, Ghe Lord!

⁷Ge ma kara tovongo ponulu

vaghara na beti te sosopi horua na pari te mamangaha

mo ko nighi didira na lei totobo ni kisumate

tana limadira ge kara totobo lee vamua.

⁸Ge ma kara vaghara na lei koivo tara soko buto tana nenepa.

vagha na meomeo tara vahua te mua aleale kolili.

Ke mua ghoi tangomana ge ke vaevanea na aho.

⁹God ke taghalaghini ke hara, agaira udolu rana vure vaolu mana vure haulaghi.

mina vulea ga tala utuni tana ruruhu ni lake papara.

¹⁰Agaira tara holohabaa God kara nia togotogo na vahaghitailiadira tara mua dete maemane.

Ma kara sani na tuadira tana ghabudira rana tangodika.

¹¹Mi tana sosokona na lei tinoni udolu kara bosa ma kara ghaghua.

E Utuni sughua, na taba te gonidila vanira rahei tara vola vania God.

E Utuni ngangata sughua na God

ke detei maemane uto iani maramana te ghanaa sughua.

Vania na tinoni gehe linge: Na lingena David, tana bona Saul te nira vetena na lei tinoni kisumate na va righitaoniana na valena David ge kara matea. Lingea tana hulu, “Ko bei haurake.”

¹Ko lavi kehau itadira na lei ghagua na kana, ghe God,

mo ko pilu pungisiu itadira tara mai ge kara haurakeu.

²Lavi kehau itadira na lei vure labu polo raeni;

vavolau itadira na lei vure mate tinoni raeni.

³A gaira tara gonidilaa ghagua na mate.

Ara mamataghugha na lei ghagua na kana tara pitudilau.

Hauvaa, Ghe God, Inau tu mua gonia siki totobo ke hahi vanira.

⁴Sakai vamua inau na tinoni marabu,

A gaira tara gonidilaa ni mateagu sono.

Ko tughuru dato mo ko hangau!

Ko vaevaneu mai ta nigua na vahola.

⁵Ghe a Lord, God, puku ni maana,

Na God ni Israel ko tughuru dato

mo ko hera na vahaghitailira na lei kema tara kabu dika.

Bei righi arovira gea rana lei tinoni dika tara peropero tinoni.

⁶A gaira tara mai tana bongi

Ra nguru salalaa vaghara na lei kau asi

tara mamaha tana bona tara tona kolili tana lei halautu.

⁷Rongovighi na lei kokoe dika tara rughu horu mai tana mangadira.

Na isi te mamataghugha te lovo horu mai tana ghiludira.

Mara hurughi mara ghaghua, ahei ku tangomana na vahaghitailimami?

⁸Mi ghoe nigua na laga,

Inau tu pitugho ge ke lavi kehau tana vahola vahaghitaili

nia ighoe, ghe a God, nigua na lei bona ni vola.

¹⁰A nigua na God ke mai me ke hangau ta nina dolo te mua soko buto.

A gaia ke niu ge ku rei horura tara kanahaghiniu tana lagavule.

¹¹Ko bei matera, na pukuna gaira rana lei kulagu na vure kara mua hau na niani ponolio na vata ghana ni taraighi.

labu pogho poghotaola vaghini horura nia nimua na maana,

ma kara nia tuturi kauha na tuturudira.

Ghe a Lord a nimami na tako ni rerebe.

¹²Nia na pukuna na lei bosa ni palugha tara bosai, nia na dika tana lei ghidudira,

lubatia didira na talunagho ke talura tana dete,

maia ghua didira na lei bosa ni vavaranga mana sorisori.

¹³Ta nimua na rutu papara ko haurakera!

nira piri keha udolu!

Ge na lei tinoni togha tana maramana udolu

kara ghilala a God te vunaghi pungisia Israel.

¹⁴Na lei ghagua na kana tara rughuhoru mai tana bongi, ra nguru salala vaghara na kau asi tara mamataghugha tana bona tara tona kolili itatana na lei halautu.

¹⁵Ra kenea na vanga kara ghania,

ara mua mahu mara sosoko ni maturu.

¹⁶Mi nau ku nia lingelinge nimua na maana.

Ku nia ghughu na togotogo tughu puipungi nia

na pukuna nimua na dolo te mua soko buto.

Ighoe a nigua na bona ni polo.

Na bona ni vola tana bongi ni kanoragha.

¹⁷Ighoe, a nigua na laga,

Inau ku linge holohaba vanigho

vanigho ighoe ghe a God, a nigua na lei bona ni polo.

Na God te talutatea vaniu na dolo te mua soko buto.

Na lingena David, na vatei tarai, te gerea tana bona David te pepo kolura Aram Naharaim maia Aram Zobah, ma Joab te pulohi me va matera ara hangavulu rua na togha ni malaghai ni Edom, tana boboko ni tahi. Kara lingea tana huluna na haihali te tughuni kaekalea heghena.

¹Ighoe to nighami sika, Ghe a God, mo goat horua a nimami na pilupungisi.

Ighoe to rutu vanighai; ko talugoni ghai ta nimua na kulakulagha itaeni.

²Ighoe to anuanua na pari ni komumami mo labu vuha ma hahangavi.

Ko tila kolu na lei bona tara ghaghe [ghavo] ge kara bei tumu keha udolu.

³Ighoe to rutu papara vanighai tana lei bona te padi,

mo nighai ge Ai inuvia na wine te nighai ge u bule na mamahamami.

⁴Hauva mi ghoe to tughuru vaghinia na vaughilala

vanira tara talumavagho

na talutate ni pilu pungisi i naghona na gunaguna.

⁵ko vola ghai nia na levu lima madolomu te laga,

mo ko volara tana vahola nimua na vure to dolovi utora.

⁶Ta nina na puku ni tabu,

God te nia baubahu te vagha eni;

Inau ku vilivoka Shechem nia na togotogo

Inau ku kage utomate na boboko i Succoth.

⁷Gilead ke a nigua, ma Manasseh ke a nigua.

Ephraim ke sivuraghara na lei nigua na vure ni pepo,

ma Judea ke sivuraghara nigua na vunaghi haba.

⁸Moab ke nigua na ghairau sasara,

Ma Edom ke nigua na seka.

Inau ku ghughu tana laga vuleadira rana Philistia

⁹Ma hei ke lavi hagheu tana komu sule ni lagalaga?

A hei ke heu na laga vuleana Edom?

Ighoe vamua God, hauva ighoe to talukeha ghai tua.

Ko mua udu koluadira nimami na vure ni kisumate.

Ai nongi ngagnatagho, ko hangaghai itadira na lei ghamami na kana,

na pukuna na lei hahanga ni tinoni tara totobo lee vamua.

¹²Nia nina na hahanga God, Ighai kai gonighi na lei totobo sule ngangata

na pukuna ke turi bita horura na lei ghamami na kana.

Vania na tinoni gehelinge: Na lingena David, linge kolua na lei ghalo ni gougonu.

¹Ko varongohia nigua na tangi, Ge a God!

Rongovia nigua na kokoeliulivuti!

²I tatana na lei sosokona na maramana,

Inau ku tangi vanigho nia na hahanga,

Na vahaghitaili te au vulea na tobagu,

ko huliu vaa ta nimua na baravatu te datogha na vatei pilupungisi.

³Nia ighoe, a nigua na bona ni polo mana pilupungisi,

Na puku ni bona ni polo kara mua tangomana na sodoagu iga na lei ghagua na kana.

⁴Lubatiu ge ke kabu kasila tana bonamu te tabu.

Ge ku polo i sarana na ungaunga ni ghatamu!

⁵Ighoe to rongovighi na lei nigua na baubahu vahola, Ghe God.

Ighoe to va heu na lologhotughu to talu dilai

vania ara hei tara nia kikinima na ahamu.

⁶Ko nia na volana na vunaghi haba

ge ke saravighi ke subo na niulu!

Ge mana lei niuluna kara totolo tana lei vavata!

⁷Ge me ke huhuli i sarana nina na pilupungisi a God ke va me vaa.

Ko tuhua nimua na dolo te mua soko buto mana taluutuni ngasi kara mata reireia.

⁸Keri ge ku talu habaa haia tana linge na ahamu

ke vaghaa ku nia na taoniani a nigua na lei baubahu vahola tana lei bongi soko.

Vania na tinoni gehe linge: nia Jeduthun, na lingena David.

¹Inau tu nia kabu beto sono na pitu dilaana God.

itatana te mai a nigua na vola maurihali.

²Agaira heghena vamua nigua na vatu ngasi mana vola maurihali.

Nigua vatei tuturi kauha ge ke mua alealeu na hava.

³Ara subo ghagua na levunimate tara koukolu,

Agaira udolu tara tabotabo ge kara va mateu.

Itadira gaira Inau te vaghau vamua na vokovoko

tara durakei horua pana pilupilu te aleale.

⁴Ara padalaghinia ge kara talu horuu ta nigua na malei haba.

Ara nia rivurivu na tutugu sorisoriagu.

Ara doloviu ta nigua na reirei,

Hauva, mara [sukaghiu]/[bosa dikalau] tana tobadira.

⁵Inau tu nia kabu beto so na pitudilara God,

nia nigua na ghanaghana dila itatana gaia.

⁶A gaia heghena vamua nigua na vatungasi mana vola maurihali;

Nigua vatui tuturi kauha ge ke mau alealeu na hava.

⁷Nigua na vola maurihali mana talu mava

te va butu mai itatana God heghena vamua.

A gaia te nigua na vavola, na vatu ngasi te na ghagua na kana

ke mua hagalo sodou.

⁸Ighau nigua na vure, kau talu mavaa gaia tana lei bona ni bongi soko,

Kaikavi horura vania na tobamu, nia God, dida na vavolaghita tana vahaghitaili.

⁹Vuivuni tadira tara haba dato me riti tadira tara pari sosoko,

te mua vaghara siki totobo tana matana.

Ge ko taboa na mavadira ke,

A gaira tara mamala vulea na kolukolu ni ghuri.

¹⁰Kau bei tabotabo ge kau nia lologho au na gito,

Ma ge a nimua na lologho ke sule ghahagha ke,

kau bei nia gea ge ke puku ni totobo tana volamu.

¹¹A God te kokoe tatavahalea tua,

me subo ni bona tua tu rongovia Inau:

Na maana mana laga a nimua Ighoe God.

¹²Na dolo te mua sosokogha, Ighoe Lord, a nimua.

E utuni sughua to detera na lei tinoni soko

taonighi na lei totobo tara gonighi.

Na linge ni David, te gerea tana bona te kabu tana bona mamaha ni Judea.

¹Aghe a God, Ighoe ke a nigua na God;

Inau tu kene ngangatagho.

Na tarungagu te nigho hanga inu,

Na huligu te udolu te nigho ghaghua ngangata

tana bona mamaha eni

te taho iga na beti mana ghai.

²Inau tu righigho tana bonamu te tabu

mu taholaa gatu na ladamu mana rongoraghamu.

³A nimua na dolo te mua sosokogha

te uto itagua vulea na vola heghena:

Ivei tu nia na holohabamu!

⁴Inau ku talumavagho tana lei bongi ni volagu udolu,

mu hau datoi vanigho rana limagu ta nigua na kokoeliulivuti.

⁵Ighoe to togotogoa na volagu vulea na lologho au tana vanga ghania.

Inau ku holohabagho nia na lei linge ni togotogo.

⁶Inau tu ghanaghanagho tana bona tu maturu,

tana bona tu koli tana ghimegu.

Ku kabu hodo ma ghanaghanagho tana bongi udolu.

⁷Inau tu ghanaghanaa taonia ivei to nia na hangagu:

Inau u nia linge na togotogo tana ungaunga ni rana ghatamu to nighi pilupungisi.

⁸Inau tu tumurigho;

Na lima madolomu te tabe ngasiliu utou.

⁹A gaira tara padalaghi ni haurakeagu kara luvu parihai.

Kara ponulu horu tana lalo sara ni pari.

¹⁰A gaira kara nia mate na isi,

ma kara liliu ni ghadira na vanga na lei maumanu.

¹¹Hauva ka, mana vunaghi haba ke rivurivu itatana God.

A gaira udolu tara ghanaghana taluutunia kara holohaba,

Marana sorisori kara kabu hodo.

Vania na tinoni te gehe linge; na lingena David.

¹Ghe a God, varongohia mai nigua na lei kokoe ni dikalio tana vahola.

Ko bei lubatia didira na lavi mataghu ghagua na levunimate ke laga vuleu.

²Ko pilupungisiu ta didira na lei padapadalaghi dika rana tangohahi hahi,

Ta didira na ghanaghana ni samalaghi ara hei ara gehegehe dika.

³Na lei lapi vavangana didira na isi kara nighi lalou:

Didira na lei kuali kara nighi memene na lei kokoe dika.

⁴Ara vanavana tana pepo koluadira rana lei tinoni te taho na heaheadira.

Ara mua loghoa siki mataghu mara tarahara nia na pepo.

⁵Ara sopa vei hahangai na goniani na lei lutu dika

mara padalaghinia ivei kara nia gonidikaladidira na lei tari piti.

Ara huahuati, “Ahei ke tangomana na righikaleana?”

⁶Tana bona tara padalaghinighi na lei totobo dika tara gonighi ke,

Ara bosa mara ghaghua,

“Ighita ta padalaghi nia na puku ni padapada.”

Na toba mana ghanaghana ni tinoni tara pegopegogha.

⁷Hauva ka, ma God heghena vamua ke vanahi horura.

Ara mua ghanaghana kalea, nina na kuali ke [sulu/sulupa] volara.

⁸Na lei kokoedira ke ghoi ririu pulohi vanira me ke haurakera.

Agaira udolu ara hei kara righia te kale na ghanaghana eni,

kara bosa dikalara ma kara birubirui na uludira.

⁹Ma gaira udolu kara nia tughuru na talumava,

na ladavaghinia nina lei gehegehe a God,

tara righi kalei na lei totobo mamataghugha te gonighi.

¹⁰Ara hei tara mua gehegehe vania na God sorisori,

Kara rivurivu itatana na Lord,

Ma kara ungaunga itatana.

Mara hei tara gehegehe maemane kara holohaba gaia God.

Vania na tinoni gehelinge: A nina na linge David.

¹Ghe God, Ivei vaho tua te vagha na mavana na holohaba ia,

a nimua na holohaba i Zion.

Ighai kai vakalei a nimami na lei baubahu vanigho.

²Nia ighoe to bosa tughuni nimami na lei kokoeliulivuti,

mana vure subo udolu kara kokoe mai itamua.

³Na palu te vonughighi na tobamami,

ko talu keha udolui vanighai.

⁴Ivei vaho tua te vagha na togotogo va

vanira ara hei to vilira ge kara lavi dutuvira mau itamua.

Agaira tara kabu ilokana nimua na bona tabu.

Vaho tua te vagha na togotogo

tu gonidila vanighai ilokana nimua na vale ni kokoeliulivuti te tabu.

⁵Ghe God, na vavolamami, Ighoe to bosa tughu nimami na lei kokoeliulivuti nia na lei gehegehe ni talumava.

Ara hei soko tana maramana tara ghanaghana dilagho ighoe

Haba va rahei tara tona sagau tana tahi oka.

⁶Ighoe to vuhai na lei ghotu nia nimua na maana

mo voko pungisia nia na hulimu vaghaa na lei totobo ni gehemate,

na laga te au vule.

⁷Ighoe to va betoi na lei tangitangi ni tahi oka,

kolui na lei tahi karaha

tara malumaluate ma didira na ghughu na lei kema to va holoi.

⁸Agaira tara kabu tana sosokona na maramana

tara tughuru ilokana na talumava nia

nimua na lei gehegehe te haeharegha.

vuivuni ivei te va sogha mai ga na aho ritini te va hu iga,

Ighoe to tabe datoi na lei ghuughuu ni togotogo.

⁹Ighoe to vulivulia mo righitaonia na maramana,

O nia ge sosodo me varangagha.

A nina na lei daidari a God kara mua mamaha

Gaira tara nia hevei na mola ni vuavua tana bona ni siosio,

te vagha to arelavaghinia Ighoe ge ke ghaghua iga.

¹⁰Ighoe to nighi na lei bona ni Subasuba

tara maghura babui ge so bongighi na beti nia na uha,

Te oboi na lei ghotughotu me taotaoni na lei tatetate.

Ighoe to malua tea na maramana nia na kabu

mo vautoi na lei vuavuana tara subo au vule.

¹¹Ighoe to vahea na pitiulu ni togotogo na niulu

nia na mola ni ghegheli mana siosio;

Sughua na malei sakutua te ngutu te vonughia me au vule.

¹²Na tautalu asi te liliu me vaghaadira na buburu maumauri na lei maumanu,

mana lei lighilighi ni ghotu te vonughighi na togotogo.

¹³Na lei bona okaa ni buburu maumauri tara pupulua nia na lei ovuovu ni Sheep,

mana boboko tara harai nia na vuavua.

Agaira udolu tara ghaeghahe dato mara nia lingelinge na togotogo.

Vania na tinoni gehelinge: na linge, na Linge holouto.

¹Na lei maramana talighu, ko nia ghaghua dato na holouto togotogo vania God.

²Lingea na ladana mana rongoraghana na ahana!

Talutatea vania na maramana udolu na rongoraghana.

³Bosa mo ko vania God, Ivei vaho tua te vagha a mavani nimua na lei gehegehe!

Ghamua na lei kana tara mataghu vaghara na kau polo ighuna ta nimua na mana te laga au vule.

⁴Na lei totobo soko iani pari kara holohabagho

kara linge na vatei holoutoamu,

kara nia ghaeghahe na ahamu tana lei linge ni holohabamu.

⁵Kau mai, ma kau vaevanea na hava a dida na God te gonia,

Ivei vaho tua te vagha na butuli sule ngangata,

te gonighi vanira nina na vure!

⁶Agaia te nia na horara sisi ge samavoka,

mana halautu ighobuna te mamaha:

ma nina na vure tara sakusaku tua halavu levu ni pari mamaha.

Mai ma ka togotogo itatana ahei agaira na tinoni ia eni.

⁷Nia nina na maana te laga au vule,

agaia ke huhuli ke va me vaa.

Agaia te mata reireighi didira na lei gharasu na lei kema!

Bei lubatira na diu bosa ke sule ghalagha tara mua taotaoni.

⁸Lubatia na maramana talighu ke vautoa dida na God,

ma kara nia linge ghaeghahe dato na holoutoana.

⁹Tana limana te kaputia na volada,

me righitaonighi na lei tiola tana saisarikiba.

¹⁰Ghe God, Ighoe to tabotaboghai;

Ighoe to va marabughai vagha na marabuna na silver

tara apo marabua tana vatei marabuana.

¹¹Ighoe to lotighai ilokana nimua na vugho

mo pitia tana vuvungamami na kaukauli ni tinoni lutu.

¹²Ighoe to goni dilai na lei ovu ni kisumate

ge kara turi bitai na lei hulimami tara tautaruha.

Ighai tai tona potai na lake mana lualua.

Hauva, mo lavighai va tana bona te subo au vule iga

nimua na hevei ghe a God.

¹³Ge ku vakalei na lei baubahu tu nighi vanigho tua,

Inau tu nia mai vanigho na sukaghi kekere

ta nimua na vale te tabu.

¹⁴Eo, na lei baubahu hola tu gonighi

to rongoviu tana bona tu ghahau ilokana na vahola sule.

¹⁵A keri vaho tua na pukuna ge u nia sukaghi vanigho na sukaghi kekere.

Na bolo te marabu me korukoru vulei nigua na lei bolo soko

te vagha na kokolo uruurua to lavipangotia.

Mu ku nia sukaghi na lei buluka mana goat.

¹⁶Ighau udolu tau nia kikinima God,

kau mai ma kau vaovarongo

mu ku tughunia vanighai na hava te gonia vaniu,

¹⁷Inau tu nia ngangaraha dato vania na hahanga,

mu holoutoa tana bona tu kokoe.

¹⁸Ge ku mua toghia na palu tana tobagu,

a nigua na Lord, ke mua ghoi rongoviu.

¹⁹Hauva ka, ma God te varongohiu!

Agaia te kabu varongohiu ta nigua na kokoeliulivuti.

²⁰Holoutoa God, te mua nia hughu nigua na kokoeliulivuti,

me mua lavi keha a nina dolo te mua soko buto itagua.

Vania na tinoni gehe linge: na linge ke tona kolua na lei totobo ni gougonu tara logo ghalo.

¹God ke arovighita me ke va tabu ghita,

Me ke tatea na marara ni matana nia na kulakulagha i vuvungada.

²Ma ge na lei nilabumu kara ghilalai talighutia na maramana

mana nimua na maana ni vavola tana lei baebasena na maramana.

³Na lei kema kara holoutogho ghe God.

Eo, na lei kema soko kara holoutogho.

⁴Ivei vaho tua te vaghaa na rivurivu kara loghoa na lei kema soko,

kara nia lingelinge na togotogo,

na pukuna to hulira nia na lutu maemane

ma taghaoa na lei gehegehe ni maramana talighu.

⁵Na lei kema kara holoutogho ghe God.

Eo, na lei kema kara holoutogho.

⁶Ge na maramana ke nia hevei nina na halilaghi,

Ma God, dida na God, ke vaheghita nina na vauto ni sosodo.

⁷Eo, God ke vautoghita,

mana lei vure soko talighutia na maramana

kara nia kikinima gaia God.

Vania na tinoni gehe linge: Nina Linge David

¹Ko tughuru dato, Ghe God,

mo ko havukaghinira na lei ghamua na kana.

Lubatira gaira tara mua liona God hava sama ni vola.

²Ko riu kehara vagha na ahu te ghurihi kolilia na ghuri.

ko nira ge kara obo vaghara na soi ni midua tana lake.

Lubatira rana tangohahi kara taghara tana matana God.

³Lubatira rana tinoni taluutuni maemane

kara rivurivu,

lubatira ge kara rivurivu tana matana God.

Lubatira ge kara nia rivu na togotogo.

⁴Lingea na linge ni holoutoana God vania na ahana!

Kau nia linge ghaeghahe dato na holouto vania agaia te sopou i vuvungani na lei ghobaghuli.

Na ahana gaia, Lord,

togotogo ma kau rivurivu tana matana!

⁵A tamadira tara mua tamagha,

mana pilupungisi vanira rana lei vinekama mate sasani.

Aeni gaia God, na valena te tabu.

⁶God te talugonira te aroha na tobadira mara kabu sagau tana lei binaboli;

gaia te va hera na tatavahale rana kabu pipiti me va hera na togotogo.

Ma vanira rana diu vetena,

na ngengere mana vahaghitaili vamua te gonidila vanira.

⁷Tana bona te huli rughu horura nimua na vure tana komu Egypt,

Ghe God, Tana bona tau tona potaa na tautalu asi.

⁸Na maramana te anuanu,

mana uha ni kokou te kovala horu mai tana matamu,

Na God ni Sinai.

tana matamu, Ighoe God ni Israel.

⁹Ighoe to nia hevei ma na uha te mua soko butu,

Ghe God,

ge ke va vuli malobui na lei raurau tana komu ni baubahu.

¹⁰Tana komu keri nimua na vure kara kabu,

mai kolua ghua nimua na lei uto, Ghe God,

Gonidila vanira nimua na vure tara liogu na hahanga.

¹¹Na Lord te bosa tatea na laga vule,

mana lei ovuovu ni vinekama

tara nia ghughu na rongorongo te togotogogha.

¹²Na lei vunaghi haba rana kana kolura didira na ovu ni kisumate

kara sama havukaghi keha, marana lei vinekama ni Israel

tara tuvalighi na lei totobo tara lotighi.

¹³Sakai mana tana ghanara tana lei vatei ghoro kolu ni sheep,

itaeni agaia tara sarora nia na Silver mana Gold.

Vaghaa na kavuku te kuvihia nia na ghatana.

¹⁴Na puku ni maana te havukaghinira na lei vunaghi haba

tara kanahaghinia vaghara na pughupughuna na bihi

tana bona ni maraghata vuvungana na ghotu Zalmon.

¹⁵Na lei ghotu ni Bashan tara haba vagha na vunaghi,

tara tughuru bebete dato i lokana na parako.

¹⁶E ghua ge au reirei vaghaghau tau mua tangomana,

Ighau na lei ghotu tau mua maheboa va tana ghotu Zion

na ghotu God te vilia ge ke ghaha iga,

A Lord heghena ke ghaha iga ke va ma va?

¹⁷Te talighutia na togha mana togha ni taitakiro,

tara mua tangomana na idumiani;

A Lord te butu mai tana ghotu Sinai

me va haghe tana bonana te tabu.

¹⁸Tana bona dato tana malei haba i kokou,

ighoe to hulira na ovuovu ni tinoni tara kabu pipiti.

Na lei vure tara va hegho na dolo,

haba va agaira tara nigho ghighirou.

A Lord God ke kabu ighobuda iani taeni.

¹⁹Holoutoa a Lord, holoutoa na vavolada God!

Agaia te bolo ghalagha ghita tana luhuna tana lei bona soko.

²⁰Ghada na God, na God te vavola.

A God, puku ni haba, te vavolaghita tana mate.

²¹Hauva ka, A God ke paruhai na uludira tara kanahaghinia,

me ke gholahighi na lova ni uludira

ara hei tara dolovia na lei gehegehedira tana dika tara mate tua.

²²A Lord te ghaghua,

“Inau ku lavi rughu horua mai na lei ghaghua na kana sania Bashan,

Ku lavi datora sania na boro ni horara.

²³Ighau, nigua na lei tinoni,

kau sani na tuamiu nia na ghabudira,

hughua nimiu na lei kau kara lavighi na tunuvadira!

²⁴Na lei tinoni tara ghilala na tonatonamu, Ghe God,

Na tonatonana nigua na God, mana vunaghi haba.

Tana bona te tona va tana bonana te tabu.

²⁵Ara hei tara lingelinge tara pala inagho,

Mara hei tara gougonu taonighi na lei linge tara pala i muri;

kolura na lei tahula tara pupu mara taberuru.

²⁶Holoutoa God, Ighau udolu rana Israel;

holoutoa a Lord te hevei na lei totobo ni vola soko vanira rana Israel.

²⁷Kau righia, na kemana Benjamin na kema pile kikia te ghidevia na halautu.

Mara mai na ovuovu sule ni tinoni huhuli tana kemana Judah

maia na lei tinoni huhuli tana kemadira Zebulun na Naphtali.

²⁸Vetenaa vania nimua na puku ni maana, Ghe God.

Talutatea nimua na maana, Ghe God.

Te vagha to ghaghua iga tana bona te padi.

²⁹Ara nia mai didira na lei dikalio

na lei vunaghi haba ni maramana

vania nimua na vale tabu ni Jerusalem.

³⁰Ko va betora na lei kema raeni

tara kanahaghinigho na lei maumanu asi raeni

tara hogho vuri tana lei hughuru ni ale;

na lei buluka sule raeni ighobudira na lei daledira tara lugulugu.

ko talumuria agaira tara nongia dida na dikalio,

ko havukaghinira na lei kema tara talunagho tana bona ni kisumate.

³¹Lubatia Egypt ke nia mai kolu nina hevei na lei totobo ghaugharugha;

lubatia Cush ge ke tualaghi tuturu nia nina hevei vaniana God.

³²Ighau na lei kinakabu ni maramana, kau linge vania God.

Nia linge na holouto vania a Lord.

³³Linge vania a gaia te sama halavu i paleva levu tana na lei kinakabu haulaghi ni kokou,

Na talama ni ngangatana te tagumu mai tana parako.

³⁴Bosa tatea vanira na lei vure soko Ivei te vagha nimua na maana God.

A nina malei haba ke hinarira horura rana dalei Israel.

I kokou na lagana te au vule.

³⁵Talu mavaa God ta nina na malei tabu.

A God ni Israel te nia hevei na maana mana laga vanira nina na vure.

Holoutoa gaia God.

Vania na tinoni gehe linge: nina linge David, linge taonia na tangi ni hinuluna, “Lei pulaoa.”

¹Ghe God, ko vavolau, na beti ni ghaghari te saravia tua na Inau.

²Inau tu kiki mua mu belulu horu tana bona te maluate lee,

u mua tangomana na kene sodoana siki totobo ku tuturi kauha iga.

Inau tana tahi lalo, mana tavena na beti te kuvihiu.

³Na tangi ngangaraha ni hahanga te nia kukulu ni ghurigu;

na sosoniagu te mamaha ma ka rago kolu.

Rana matagu tara nia tabu na tangi ni dikalio,

na pukuna nigua na God ge ke hangau.

⁴Agaira tara niu ghighirou tabo tana subo au vulei na lei vuvulu ni ulugu.

na lei ghagua na kana raeni tara kene taoniu ge kara haurakeu tara goni tabei.

A gaira tara gunaliu nia na sorisori,

tara nongia na lavi oliana na hava tu mua gitoa.

⁵Ghe God, ighoe to ghilala tua ivei te vaghaa na bulegu;

kara mua tangomana na polo itatana matamu na lei palugu.

⁶Ko bei lubatira agaira tara talu mavagho ge kara saisari kiba

na pukuna Inau, Ighoe, Lord, puku ni maana, te haba.

Ko bei lubatiu ge ku gonia vanira siki totobo

ge kara vatei maamaagha, Ghe God ni Israel.

⁷Inau tara lavi buleagu mara lavi maamaagu nia,

na pukuna Ighoe tana reireigu na gegerena na kabu rurughu iga.

⁸Hughua na lei puku ni hoghogu

tara vaghara tara mua ghilalau,

E vaghau na tinoni komu keha tara nia na paheagu.

⁹Na nilabu ni valemu te vavu tana lokagu;

vaghaa keri ke, agaira tara bosa dikalagho ighoe ke

tara bosa dikalau ghua Inau.

¹⁰Ara batobatou tana bona tu dikalio

mu maturu toro tana matana a Lord.

¹¹Tana bona tu nia pupulu na pupulu ni roku

ge ku talutatea nigua na dikalio, agaira tara batobatou.

¹²Na lei vure ni komu ni vure tara niu tutugu,

mara lingea na lingegu agaira udolu tara Inu bulebule.

¹³Hauva ka, mi nau tu tona haliu so

ta nigua na kokoeliulivuti vaniamu, Ghe Lord,

Tu ghanaghana dila ge na bona ni aho eni tua

ko tatea vaniu nimua na kulakulagha tana hahanga.

Ghe God, ta nimua na dolo te mua soko buto,

tughu vaniu mai ta nigua na kokoeliulivuti

ta nimua na hahanga ni togholuvu.

¹⁴Ko hola kehau tana nenepa;

ko bei lubatiu ge ku ghoi lulumi horu ghua!

vavolau itadira tara nia ghighirou,

mo ko holo kehau tana lei beti lalo.

¹⁵Ko ba lubatia na tave ni beti ge ke luvuhiu,

pa kara sonomiu gea na lei beti lalo,

mana taripiti ni mate ke taghalaghiniu.

¹⁶Ighoe Lord, ko bosa tughuni na lei nigua na kokoeliulivuti,

nia nimua na dolo te mua soko buto te utoutoa lee.

Ko ririu mai mo ko righitaoniu,

nia nimua na veiarovi tara subo au vule lee.

¹⁷Ko bei polo vania nimua na ghairau;

ko mina mo ko bosa tughu vaniu,

Inau tana gunaguna sule ngangata.

¹⁸Mai mo ko vavolau;

ko niu ge ku tatavahale itadira na lei ghagua na kana.

¹⁹Na lei kokoe batobato tu lagavulei to ghilalai tua ighoe,

na kabu rurughu mana vatei maamaagha.

Ighoe to righi kaekalera tua na lei ghagua na levunimate,

mo ghilalai na hava tara kokoei.

²⁰Na tobagu te kurusu na pukuna didira na lei kokoe horu,

mu mua loghoa siki ghanaghana dila.

Ghe a sakai na vaovarongo ni tinoni ke tatei na balu veiarovi;

ge a sakai vamua na tinoni ke ririu pulohi me ke togholuvuu.

²¹Hauva ka, mara heu na vanga te mali;

mara haua vaniu na wine mali ge ke va uto pilea nigua na mangahau.

²²Ge na bela ni vanga tara subo au vule te gonidila vanira

tana matadira ke liliu ni taripiti ni tinoni.

Ma didira na tinoni ni righitaoni ke ghoi liliu ni taripiti.

²³Ko rorodoi na lei matadira

ge kara bei nighi vaevane mo ko nira kara lugu.

²⁴Kovala horua mai nimua na rutu i vuvungadira,

ko ghani taghalaghinira nia nimua na rutu papara.

²⁵Ko nia na komudira ge ke Olina

mana lei vaevaledira kara kokoba.

²⁶Vanira agaira to hera tua na totoro,

agaira tara ghoi savungighi nia so

na lei kokoe horu tana sosokona,

ara nia batobato na vahaghitaili te kalera agaira to nira ghighirou.

²⁷Ko vahikolui na lei paludira me ke dato na ovu ni,

mo ko bei va hera gea na tatavahale.

²⁸Ko durakei na ahadira tana buka ni vola,

ko bei taladira ge kara idumi kolura itadira tara kabu marabu.

²⁹Inau tu kale totoro mu vahaghitaili,

ko vavolau, Ghe God, nia nimua na maana ni vavola.

³⁰Ghe Inau ku holoutoa na ahana God, nia na linge,

mu ku talu habaa gaia nia na holoutoana.

³¹Nia te vagha keri, Inau ku holoutoa a Lord,

vulea na niana sukaghi na dalei buluka

pana niana hevei na buluka

te kalagha me base na ghughuna.

³²Agaira tara talumurira kara vaevanea a Lord,

ta didira na lutu ma kara nia togotogo.

A gaira udolu tara kakaea nina na hahanga God

kara kabu tana togotogo.

³³A Lord te rongovighi datoi

didira na lei kokoeliulivuti

agaira ra nia tara liona na hahanga

e mua tiba kehara ra nina tara vahaghi tadira.

³⁴Kau holoutoa agaira,

Ghe na kokou mana maramana i pari iani pari

na lei tahi mana lei totobo soko tana gharasu ilokana.

³⁵A God ke vavola Jerusalem

me ke kisu olighi na komu ni Judea.

I kakeri ku kabu iga nina na lei vure

ma kara vunaghi pungisiu na bona mana pari.

³⁶Na lei vaivarira agaira tara taonia

agaira kara logho tughua na bona mana pari

Maia ghua tara dolovia agaira kara kabu uto iga.

Vania na tinoni gehe linge: na linge ni David, Te nongia God vagha eni:

¹U nongi ngangatagho, Ghe God, Ko vavolau.

Mina mina mai, Ghe Maghutu, mo ko hangau.

²Ko niu Inau ge ku laga vulera agaira tara mina na durakeagu

ge kara nia vatei mamaagha.

ko nira a gaira tara nia oboobo nigua na lei vahola

kara nia ririu pulohi na kaukauli.

³Ko lubatira ge kara nia kanoragha didira na maa,

Nia tara bosaa, “Aha! Ighita ta labe kalea tua.

⁴Ge ara hei kara kene taonigho ighoe

kara nia vonu na togotogo mana rivurivu.

Ma ge agaira tara dolovia nimua na maana ni vola

kara ghughu talu, ma kara ghaghua, “God te haba vule!”

⁵Hauva ka, mi nau tu bona mua liona na hahanga,

U nongi ngangatagho Ghe God, ko mina mo ko diki heu na pile hahanga.

Ighoe a nigua na hahanga mana togho luvu,

Ighoe Lord, ko bei motomoto.

¹Ighoe a nigua na hahanga ni vola, Ghe God, ko bei lubatiu ge ku nia kale torotoro.

²Vavolau tana vahaghitaili, ko pilupungisiu itadira na lei ghagua na kana;

Ighoe to maemane, ko talu kulimu mai itagua ge ko varongohiu,

mo ko niu tatavahale tana kaukauli.

³Ge ke vaghagho na vatu ni pilupungisi vaniu,

to lavipangotiu haia iga,

ko nia hevei na bosa ni vevetena ge ke vavolau.

Ighoe nigua na vatu ngasi mana vatei tuturi kauha.

⁴Ko vavolau ta didira na maana na lei tinoni dika Ghe God.

Ta didira na lei hughuhughu na lei tinoni dika tara kana haghiniu.

⁵Ighoe heghemu vamua, ghe Lord, a nigua na ghanaghana dila.

Tana pileaghai mai tua ghe Lord, Inau tu ghanaghana ngasi.

⁶Eo, Ighoe to kabu koluu mai tua tana vahuagu,

mi tana kutuna tinagu,

Ighoe to righitaoniu mai tua mughua ge u holoutogho.

⁷Na volagu ke, na vavaghaha vanira tara subo;

na pukuna ighoe ke a nigua na laga mana pilupungisi.

⁸Keri ge ku mua ghoi beto tua na holoutoamu;

Inau tu talutatea na ladamu tana dani udolu.

⁹Mi taeni, tana tonikamagu, ko bei talu kehau.

Ko bei saniu tana bona ku kubolu na lagagu.

¹⁰Na lei ghagua na kana tara niu vaevane kolu,

gaira tara padangi koukolua na mateagu.

¹¹Ara bosa mara ghaghua,

“A God te talukehaa tua,

Gatu ma ka lavia tua,

na pukuna te taho tua siki sakai ke ghoi hangaa.

¹²Ko bei kapu sagau, Ghe God.

Mina mo ko hangau ghe nigua na God.

¹³Ko va hera na totoro mana haurake

agaira tara hughuhughu.

Na mamaagha mana totoro ke sarora,

agaira tara liona na ghighirouagu.

¹⁴Hauva ka, mi nau ku talua haia so itamua nigua na ghanaghana ge ko hangau,

ke papara nigua na holouto vaniamu.

¹⁵Inau ku bosa vanira na lei vure soko a nimua na kabu marabu.

Inau ku ladavaghinia nimua na maana ni vavola.

Nia Inau to laga vuleu tua na lei totobo soko to gonighi vaniu.

¹⁶Nimua na lei gehegehe tara mava ngangata,

Ghe Lord, puku ni haba.

Ku holoutogho nia.

Inau ku kokoea vanira na lei vure soko,

ge ighoe heghemu vamua to maemane mo to uto lee.

¹⁷Tana pileagu mai vaho tua to vuivuni ni taraiagu tua Ghe God.

Mi nau tu mua beto tua na bosaana vanira na balu nia na utoni na lei totobo to gonighi.

¹⁸Mi taeni Inau tu tonikama tua me vuare tua na vuvulu ni ulugu,

mo ko bei talu kehau gea ghe God.

Inau ku ladavaghinia nimua na maana tara vavata vaghana eni;

nimua na lei butuli sule ngangata vanira agaira tara mai i murigu.

¹⁹Na lei nimua na gehegehe uto, Ghe God, tara riti i kokou;

Ighoe to gonighi na lei totobo utoutoa,

Ahei ke nigho tautau pa ka Ghe God?

²⁰Ighoe to talagu ge ku nighi vahaghitaili na lei vahola,

hauva ka, mi ghoe ko ghoi talu goni oliu sono tana vola

mo ko sake datou tana bona ni gilu.

²¹Ighoe ko ghoi talugoni oliu ghua,

haba va, tana talu mavaa sule ngangata

mo ko ghoi togho luvu ghua.

²²Keri ge ku holoutogho nia na tigitigi mana ghalevu.

Na pukuna to talua nimua na taluutuni

ta nimua na lei baubahu, Ghe God.

Inau ku nia linge vanigho na ghalevu ghalo.

Ighoe na puku ni tabu ni Israel.

²³Inau ku nia ghaeghahea na togotogo

mu ku nighi lingelinge nimua na lei holouto.

Ighoe to vavolau Inau.

²⁴Tana dani udolu, Inau ku tughunitatei na lei nimua na gehegehe tara marabu,

ge ara hei soko tara tabotabo ge kara niu ghighirou tara mamaagha mu laga vulera.

Nina Solomon

¹Ghe God, Ko vahea na dete maemane na vunaghi haba

mana maemane haia vania na dalena.

²Ko hangaa ge ke detera nina na vure nia na dete te maemane;

me ke sakai vamua tua pa vata ni talugoni kara nia vanira na lei tinoni bona.

³Na lei ghotu kara nia totobo na uto vanira na lei tinoni soko

mana na lei ghotughotu kara vavangagha.

na pukuna na vunaghi haba te gehegehe uto.

⁴Ko hangaa ge ke tughuru pungisira rana bona,

ke vavolara na lei daledira tara tinoni na hahanga,

me ke turibitara tara kana haghinira.

⁵Ge me ke vola me ke kabu vuivuni tana soghaana na aho ritini tana huana,

maia ghua taonia ge mararana na vula tana lei parako.

Eo ke va me vaa.

⁶A nina na bubulo ke vagha na bihibihina na uha

tana bona ni uhauha vagha na tudutuduna na kabu te vuhavuha na maramana.

⁷Ge ma gaira udolu tara kabu uto kara totolo dato tana lei bongina.

Ge mana uto kara varangagha koekobe tana sosoko ni bona ni bongi.

⁸A nina na malei huhuli ke saroi na lei tahi oha soko,

mi tana tavetave ni beti me ke riti tana sosokona na maramana.

⁹A gaira tara tona tana bona aroha kara tua laghi tuturu tana matana;

rana lei ghana na kana kara tumu horu tana pughu ni pari tana matana.

¹⁰Na lei vunaghi haba ni paleva bokona Tarshish

maira na lei koukomu kara vahea didira na lei kokoe ni talumava mana holouto.

na lei vunaghi haba ni paleva uluna Sheba,

ma Sheba kara vahea didira na lei hevei lee tana dolo.

¹¹Na lei vunaghi haba soko

kara tua laghi tuturi tana matana mana lei kema soko

kara gehegehe vania.

¹²Agaia ke vavolara na lei tinoni bona

tana bona kara tangitangi vania;

agaia ke hangara tara vahaghitailira,

tara mua pukua siki sakai ke pilupungisira.

¹³Agaia ke vavolara rana lei lugu mai

tara liona hahanga ta nina na veiarovi.

¹⁴Tana pepopepo mana vahaghitaili ke vavolara iga,

na pukuna na voladira te puku ni totobo te utoutoa va itatana.

¹⁵Na vunaghi haba ke daro na volana!

Ge ma ka vahea na Gold ni Sheba.

Na lei vure kara kokoeliulivutia haia

ma kara vautoa agaia tana dani udolu.

¹⁶Na lei raurau ghania kara subo au vulea tana komu mana bona,

tana lei potopoto ni ghotu ghua kara totobo dato.

Na lei ghai ghania kara totolo te vagha tara ghaghua iga i Lebanon,

Tara suaka dato te vagha na buburu tana leghai.

¹⁷Na ahana na vunaghi haba ke tona haliu ke va ma vaa;

ke tona haliu soni i sarana na aho koekobe tana luvuana na maramana.

Na lei kema soko kara vautora, na pukuna agaia

ma kara vahea na holouto.

¹⁸Vautoa na Lord God, na God ni Israel.

A gaia heghena vamua te gonighi na lei totobo uto lee tara vaghai rakeri.

¹⁹Vautoa na ahana tana ladana mana ngengo vaghana ke va me va!

Na maramana talighu ke vonughia na ladana mana rongoraghana.

Amen, Amen.

²⁰(Aeni te sosokoa a nina na lei kokoeliulivuti a David, dalena Jesse.)

Buka Tolu 73-89

Nina linge Asaph

Nina utuni God

¹E utuni God te dolovira rana Israel,

Ma gaira ghua te marabu na tobadira.

²Hauva mi nau eni te dutuvia na sivi nigua na ghanaghana mava:

Me kukulu tua nigua na taluutuni.

³Na pukuna tu nira ghaghana rana talu nagho

Tu righira rana dika te uto vanira na vola.

⁴A gaira te mua kalera siki vahaghitaili.

Tara laga mara vola uto so.

⁵te mua kalera siki gunaguna,

mara mua sodoa na vola te vaghara na balu.

⁶Te haghavira na talunagho na tobadira,

mana haurake te saopoa na voladira.

⁷Tana tobadira te va rughu horu mai na dika.

mi tana liodira tara nighi viri na lei ghanaghana te mua marabu.

⁸Ma gaira tara kia haghinira na vure, mara bosa dikalara,

Na talu nagho te nera ge ra dikalara na balu vure.

⁹Ma gaira tara bosa dikalaa God i kokou:

mara bosa ke, ma gaira tara vunaghina na maramana talighu ghua.

¹⁰Keri vaho ge a nina vure God tara vuha ririu vanira,

Mara lioni ngangata na taluutuniani na lei totobo tara bosai vanira

¹¹Ma gaira tara bosa, “Ke mua ghilalai God na hava ta gonighi.

Gaia na puku ni haba ke mua kenei.”

¹²Keri tara ghaghua igaa rana dika:

“te uto vanira so na vola, me sule so didira na lologho”

¹³E taho na pukuna tu mata reireia na kabu uto.

Mu mua gonia siki totobo te hahi.

¹⁴God tana dani udolu to neu ge ku kabu vahaghitaili,

Mo neu na totoro tughu puipungi.

¹⁵Ma ge Inau ku bosai na lei bosa raeni ke:

Mi nau tu perora vamua na lei kulamu na vure.

¹⁶Keri ke ge inau tu tabotabo na kene ghanaghana

na hava na pukuna ge ra tangomana na vure tangohahi.

hauva ka, me vahola ngangata vaniu ge ku ghilalaa.

¹⁷Mi ta sakai bongi vaho tu va haghe ta nimua na vale tabu,

keri vaho ge ghilala na hava ke kalera na vure tangohahi raeni.

¹⁸E utuni, Ighoe to talura tana halautu te madali,

mo nera ge ra turi dororo tana tigetige mara tumu pari haia.

¹⁹Na viti tua mara dudura horu:

na mataghu te nera ge ra haurake.

²⁰Na voladira te vagha na maturu bole vamua:

to rarai tana puipungi mo nia ponolio tua.

²¹Me vaho ge u ghanaghana olia ivei te vagha na dikaagu inau.

Ivei te vagha na vahaghitaili tu righighi mai tua tana bona tu ghahau iga.

²²Inau tu bule mu vatei sikagha,

mi nau te vaghau na maumanu te mua manahagha itamua.

²³Hauva mi nau tu kabu dutuvigho haia so,

mo tabea na lima madologu.

²⁴Mi ghoe ko righi taoniu haia nia nimua na lei bosa ni vetena:

tana sosokona ko holopangotiu nia nimua na ghanaghana mava.

²⁵Ma ahei vaniu i kokou, mi ghoe vamua?

mu tu lologho tua ke, ma hei ku ghoi loghoa ghua iani maramana?

²⁶Na huligu mana tobagu kara labe sughua:

ma God vamua na lagana na tarungagu

Gaia te nigua kasila.

²⁷Ma gaira tara ghogho sanigho kara taghara:

mi ghoe ko durakera tara mua taluutunigho.

²⁸Mi nau eni te uto vaniu ku varava ta God,

ma gaia a Lord ke pilu pungisiu;

mu ku ladavaghinighi na lei totobo haeharegha te gonighi.

Na linge ni Asaph

Kokoeliulivuti ni Volaana na Mavitu

¹God, e ghua ge o nighai sika kasila vagha eni?

Ge o rutu sule vanighai ighai kulamu na vure to righitaonighi.

²Ko ghanaghana, ighai agaira na vure to vilighai idania:

Na kema to huia ge ke nimua ni lologho!

Mo ko ghanaghana Jerusalem, na komumu to ghanagho igaa.

³Ko sakutua tona tana lei sonitavu taeni tana komu.

Ko righia a nimua na bela tabu tara durakea ghamami na kana.

⁴Iga ghamua na kana tara nia ngingili na togotogo ta nimua na valetabu.

Iga tara talu datoi didira na vikuviku na vaughilalana ni laga vule.

⁵Ma gaira tara durakea na mataula te vaghaa na tinoni te tangi ghai tana tautalu.

tara toka horui na lei ghai nia didira na lei posu.

⁶A gaira tara rimerimei na lei galegale:

nia didira posu mana ivi.

⁷Ma gaira tara durakea nimua na vale tabu,

mara tungi lakena me tao pari.

mara metoa na bona ni holohabana na ahamu.

⁸Ma gaira tara ghanaghana ge kara taghalaghi nighai,

ge ra kerei na lei bona tabu ni holohabana ga God.

⁹Ighai tai mua righia siki vauvautu, me taho siki prophet ghua.

A hei tatada te ghilala na sosokona na totobo eni.

¹⁰Lord, e ghua ge ra kia haghinigho daro bona ghamami na kana.

mo taladira ge ra batobatoa haia na ahamu.

¹¹E ghua ge o hove na hangamami,

me ghua ge mua gonia siki totobo vanighai?

¹²Mi ghoe God, a nimami na vunaghi mai tua tana vuivuni,

me subo na bona ta vavolaghai tua.

¹³Ighoe to vokasia na tahi nia na lagamu.

Mo bohai na uludira na lei maumanu ni tahi.

¹⁴Mi ghoe to paruhai na uludira:

mo kutira na lei maumanu ni bona mamaha nia na hulidira.

¹⁵Ighoe to gonighi na lei vuravura mana lei beti toghotogho,

me va mamahai na lei beti tavetave.

¹⁶Ighoe to gonia na bongi mana dani

mo gonighi na lei veitughu, na vuha mana aho ghua.

¹⁷Ighoe to kobe voka na maramana:

mo gonia ghua na bihi mana papara.

¹⁸Maghutu ko ghilala tara kiahaghinigho ghamua na kana:

Gaira tara mua manahana God, mara nigho sika.

¹⁹Ko bei tona sanira nimua na vure tana limadira na ghadira na levunimate:

mo ko bei nira ponolio kulamu na vure tara vahaghitaili.

²⁰Mo ko ghanaghana na baubahu te bahu ghai nia:

na gunaguna te kale tana lei piuna na komu, te pungi ga.

²¹Ko bei nera rana vahaghitaili ge kara maa

ma gaira rana bona maia te ulaghadira na hahanga kara holohabagho.

²²God ko tughuru tate mai, mo ko nia barebare nimua na levu.

Ko ghilala rana bule, tara kiahaghinigho tana dani udolu.

²³Ko bei nighi ponolio didira ge u ni rutu ghamua na kana.

na talama ni mangadira te tona haliu so.

Nia na tinoni gehelinge: na linge nina Asaph, Linge taonira na hulu (tangi na linge) “ko bei haurake.”

God te Dete

¹Ighai tai holoutogho ighoe God.

Ighai tai holoutogho ma Ai ladavaghinia nimua na rongoragha:

mi ghai tai bosai na lei totobo uto to gonighi tua.

²God te bosa, “Inau tu talua tua na bona ni dete:

Inau ku detera rana dika nia na maemane.

³Tana bona te aleale na maramana mana vure te kanoragha,

Inau so tu tabe ngasilia na berena.

⁴Mi Inau tu bosa vanira rana tangohahi, ge kara bei talu naghora:

mu bosa vanira rana dika, kara bei magharo ghua.

⁵Ko bei haua na limamu ma na rutu vaa i kokou

Pa ko bei kokoe hughuhughu mana bosa talunagho.

⁶Na nilabu ni dete te mua va mai ulu pi boko: mi lau pi longa.

⁷A gaia God heghena vamua te dete

me hurukalera na balu, me mua kalera na balu.

⁸A god te tabea na kapu tana limana:

Ma kaikavi haghea na wine laga me rutu.

Ma gaia te kovala na wine, ma rana dika tara inuvi sokoa.

⁹Inau ku mua ghoi soko na bosana God ta Jacob.

Mu ku linge holouto vania God ni Israel.

¹⁰Ma God te ghaghua, “Inau ku pusi keha na lagadira rana dika,

ma didira na maana rana maemane ke tona haliu.

Vania na tinoni gehe linge: linge kolua na lei ghalo ni gougonu. Na linge nina Asaph

God te lagavule haia

¹A God tara ghilala i Judah.

Mara holohabaa na ahana rana Israel.

²Na komuna i Jerusalem.

Me ghahaa tana ghotu i Zion.

³Agaia te goat sodui didira na lei kuali rana ghana levunimate.

maia didira tako mana isi mana lei totobo ni veitotoghoni.

⁴God, Ighoe to rongoragha, mo vunaghi haba!

tana bona to oli mai tana lei ghotu.

Iga to laga vulera ghamua na kana.

⁵Ma didira na lei malaghai laga

tara sagu keha kolui didira na totobo:

Mara matera tua me taho tua siki sakai ke ghoi kokoe vanighai mai taeni.

⁶Ighoe God ta Jacob tana bona to pasara:

A gaira tara haehaghe i vuvungadira na horse tara tumu horu mara mate.

⁷Ma keri te vaghaa ge subo tara mataghu nigho ighoe Lord,

me taho siki sakai ke tughuru tana matamu tana bona to rutu.

⁸Mi ghoe to ladavaghinia nimua na bosa ni dete mai kokou,

vania ghamua na kana,

Mana maramana te mataghu me beto tana matamu.

⁹Tana bona to detera tara tangohahi hahi

mo hangara tara vahaghitaili tana maramana.

¹⁰Na rutu ni tinoni te liliu ni holohaba vanigho ighoe

Ma gaira tara vola tana kisumate kara pangotia nimua na bongi ni savukolu.

¹¹Kau va hea na Lord nimiu God na hava tau nia baubahu kau dolovia nia

ma kau vaa hea nimiu na hevei oli, ighau na lei kema tau dutuvia.

¹²God te nera na lei tinoni ge kara talumava;

Me nera na lei dalei vunaghi haba ge ra talumurira

mara mataghunia na lei vunaghi haba ni maramana talighu.

God te hangaa hei te vahaghitaili

Nia na tinoni gehelinge: na Jeduthun, na linge nina Asaph

¹Inau tu tangi ngangaraha vania God.

Inau tu tangi ngangaraha ma God te rongoviu.

²Tana bongi ni vahola Inau tu kokoeliulivuti vania na Lord.

Tana bongi udolu, Inau tu kokoeliulivuti vaovarongo,

Inau tu mua vadangia siki togholuvu.

⁴Agaia te neu mu mua maturu tana bongi udolu.

Mi ta nigua na kanoragha, Inau tu mua tangomana ni kokoe.

⁵Inau tu ghanaghanai na lei bongi uto te padi tua.

⁶Tana bongi udolu te tona hau na ghanaghanagu,

Inau tu kokoeliulivuti ghanaghanara

me va dato mai tana liogu na lei ghanaghana raini.

⁷Ivei tea e niu sika sughua Lord ke va me va?

me ke mua ghoi righi aroviu tana ngiha?

⁸Ivei tea ke tona haliu so nina dolo vaniu polo ke va me va?

Ivei ke ghaghua na lei nina baubahu vaniu?

⁹E nia ponolio tua na aroviana nina tinoni God?

Ivei tea a nina rutu te tughua nia na veiarovi?

¹⁰Keri ge u ghaghua, “Aeni gaia te dikalaa na liogu.”

God te mua logho maana tua.

¹¹Inau tu righi olighi na lei totobo to gonighi mai tua ghe Lord.

Inau tu ghanaghanai na lei butuli te haeharegha idania.

¹²Gaighi tu tabe nasilighi haia tana ghanaghanagu,

mu ku mua righi polo lio tua.

¹³Aghe God, na lei nilabumu te tabu.

siki God ghua ke haba vulegho vaa.

¹⁴Ighoe ke, na God ni butuli mana rongoragha.

Mo talu tatea nimua na maana ighobudira na lei kema.

¹⁵Ighoe to vavolara nimua na vure ma nimua na maana.

na vinavahuhu tana kemadira Jacob ma Joseph.

¹⁶Ge o na tahina na horara sisi, te vaevanegho

Ge mataghu na tahi oka te tabalili ge tatata.

¹⁷Na parako te kovala horui mai na uha, mana oka te nia tagumu.

na viviha ragiragi, na viti te vitilaghinia na piuna na maramana.

¹⁸Nimua na viviha te tagumu mai loka ni ghuri,

Na viti te bulua na maramana.

Na pari te tatata me aleale.

¹⁹Ighoe to liu pota na tahi,

mo sogha halavua na tahi oka

mana marevomu te mua righia tua ahei.

²⁰Ighoe to hulira kulamu na vure vaghara rana righitaoni Sheep

Kolura Moses ma Aaron toro hulira ghua.

Nilabuna God ma kulana vure

Na Maskil nina Asaph

¹Ghau kulagu na vure, kau rongovia mai nigua na tarai.

kau rongovi utoa mai na hava tu bosa.

²Inau ku kokoe vanighau nia na bosa vavaghaha.

Mu ku bosa madalai na lei bosa te polo mai dania.

³Na lei tutugu ta rongovighi, ma ghilalai mai tua,

na lei tutugu tara tutugui vanighita na lei kukuada mai dania.

⁴Mi ghita ka bei poloi na lei utuni raeni vanira na lei daleda.

Ka ghoi tughunitatei vanira ghua na lei vavata ke mai a nina rongoragha na Lord.,

⁵Gaia te nia hevei horu na bosa vania Jacob,

me hera nina lei vetena na vure ni Israel,

A gaia te keikerira na lei kukuada ge kara taraira na lei daledira nia nina vetena.

⁶Keri ke, ge na vavata ke mai kara ghilalai ghua.

Ge gaira ghua, kara taraira na lei daledira

⁷Keri ke, gaira ghua kara ghanaghana kodo itatana God,

ma kara bei nighi ponolio na hava te gonighi tua:

Ma kara taonighi haia na lei nina vetena.

⁸Ge kara bei vaghara gea na lei kukuadira

tara diu bosa mara hughuhughu

didira ghanaghana ta God te mua kakai,

me mua kabu ngasi didira taluutuni itatana.

⁹Didira malaghai ni kisu mate tana Ephraim,

tara pitu dila tua, kolui didira baghe mana kuali.

mara sama polo tana bongi ni kisu mate.

¹⁰Gaira tara mua taonia nina baubahu God.

Mara mua liona ge kara taonia nina vetena.

¹¹Gaira tara nia ponolio na hava te gonia vanira

na lei butuli tara righighi te nei vanira.

¹²Mara vaevane so na lei kukuadira, me gonighi na lei butuli God.

Tara nanatana i Zoan tana komu i Egypt.

¹³Ma gaia te vokasia na tahi me hola halavura.

Mana tahi te tughuru dato vagha na voko i lilighidira i levu mi levu.

¹⁴Mi tana dani gaia te hulira nia na parako,

mi tana bongi na marara ni lake.

¹⁵A gaia te tagi vokai na vatu tana bona mamaha,

me hera na beti te siki dato mai loka ni vatu vagha na beti toghotogho.

¹⁶A gaia te nea na bei ge tave horu mai loka ni vatu,

me nea vei tave vaghi na lei betitina.

¹⁷A gaira tara tona haliu so na kabu tangohahi tana matana God.

Mara diu bosana na puku ni haba tana bona mamaha.

¹⁸A gaira tara liona ge kara tabotaboa God tana tobadira,

ge ra nia kokoe na vanga tana tobadira itatana.

¹⁹Ma gaira tara pasapasa God, mara ghaghua,

“Ke mua tangomana God ge ke heghita siki vanga, ilokana na bona mamaha eni.”

²⁰E utuni so, agaia te tagi voka na vatu me tave hovu mai ga na beti toghotogho.

me ke tangomana so ge ke heghita na vanga, me ke hera kulana vure ni vinahi.

²¹Ma maghutu te rongovira ge rutu, me matera kulana vure nia na lake, me sule

²²Na pukuna tara mua taluutunia God.

mara mua ghanaghana mavaa ghua gaia te righitaonira.

²³Keri ge keikeria na parako ge ke hahangavi;

me hangavighi na lei mataula i kokou.

²⁴Ge kovalaha horu na maana vanira ge kara ghania.

Agaia te vahera na vanga ni kokou.

²⁵Keri ge ra ghania ghadira na vanga na lei tarunga,

Ma God te va hera udolu na vanga te liodira.

²⁶Agaia te nea na ara ge tavuvu mai i ulu,

me hulia na koburu nia nina maana te laga.

²⁷Ma gaia te vetenara na manu vanira kulana na vure.

Tara subo vaghara na saghalea tana posoposo ni tahi.

²⁸Mana manu tara tumu horu kililia na bona tara ghahara iga,

Talighutia na vale tapole.

²⁹Mana vure udolu tua tara vanga mara nia mahu,

Na hava God te hera mai te liodira.

³⁰Hauva mara mua mua na ghaniana,

na vanga te liodira ngangata.

³¹Ma God te rutu vanira tua, ge matera na eli mane laga itadira,

maia ghua na lei gari mane ni Israel.

³²Me nera mana te vagha keri na vure tara nia tona haliu so na tangohahi hahi,

mara hove na taluutuniani nina na lei butuli.

³³Keri ge va soko butoi na bongidira,

mana voladira kolua nia na kakale.

³⁴Tana bona te matera na balu, ma gaira udolu tara ririu oli vania.

tara tughu lio mara holohaba.

³⁵Vaho ge ra ghilala God te pilupilura

Me mai hui olira gaia na puku ni haba.

³⁶Hauva mana bosadira te sori udolu,

me taho tua siki utuni tana hava tara bosaa.

³⁷Gaira tara mua talu mavaa nia na tobadira,

mara mua pangotia nina baubahu.

³⁸Hauva, ma gaia te arovira so kula na vure

me talu kehai so na paludira me mua nira ghighirou.

Subo na bona gaia te lavi olia nina rutu vanira.

³⁹Agaia te ghanaghana gaira tara tinoni ni maramana vamua,

te vaghara na ghuri tona haliu vamua.

⁴⁰Engiha na tughuru ni hughutiana tana bona mamaha

me ngiha na bona tara nea ge dikalio.

⁴¹Agaira tara tabotaboa haia God,

Mara nea te vahaghitailia God, Tabu ni Israel.

⁴²Gaira tara mua ghanaghana olia nia maana,

mana bongi te volara tana limadira ghadira levunimate.

⁴³Ma nia nina maana te nei nia na lei butuli

te haeharegha tana nanata i Zoan, lokana na pari Egypt.

⁴⁴Ma gaia te nei na lei beti tavetave ge liliu ni ghabu:

me taho na beti kara inuvia na vure ni Egypt.

⁴⁵Gaia te vetenara na lango vanira ge ke vahaghitailira,

mana ovu ni kulau ke dikalai na komudira.

⁴⁶A gaia te vetenara na ma ka me ghanighi ghadira na vanga.

Mana puku te pisui didira na leghai.

⁴⁷Gaia te matei didira na ghai, ghania nia na uha binoru,

Ma didira saghau te mate nia na kolobu ni labota.

⁴⁸Gaia te matei didira na buluka nia na uha bololo,

ma didira maumanu nia na viti.

⁴⁹Agaia te nera sodora na vahaghitaili sule.

nia nina rutu papara vaghara rana [ladavaghi]/[tarunga] ni mate.

⁵⁰A gaia te mua hola olia nina rutu, pe ke arovia na vure

Agaia te pisura nia na maemate.

⁵¹Agaia te va matera na lei meomeo mana kamanagho

itadira na lei sopa binaboli tadira na lei binaboli te talighutia i Egypt.

⁵²Gaia te hulira na kulana vure vagha na righitaoni sheep.

Te righitaonira i lokana na bona mamaha.

⁵³Gaia te huli tatavahalera ge ra mua mataghu.

Hauva mana tahi te saopo savura ghadira na kana.

⁵⁴Me hulira vaa tana komu, na komu tabu,

tana lei ghotu te sagui tana sura.

⁵⁵Agaia te tiva kehara na vure tana bona tara ghadaru.

Me tuvalighi didira pari, ge talura na kema ni Israel tana komudira.

⁵⁶Ma gaira tara hughuhughu kolua God, puku ni maana mara tabotaboa.

Ma gaira tara mua taonighi na lei nina vetena.

⁵⁷ara hughu bosana, mara mua ghanaghana mava vagha tara nea ga lei kukuadira; me taho tua hei ke ghanaghana mavara.

⁵⁸A gaira tara lavi rutuna nia didira na lei bela ni sukaghi vanira na lei God keha.

Me nighi rutu ghua didira na lei titinoni ni God keha.

⁵⁹Tana bona God te rongovira, ge rutu ngangata vanira.

me nira sika tua na lei kulana vure.

⁶⁰Keri ge sogha sania na valena i Shiloh,

Lokana na komu te ghanaa iga ighobuda.

⁶¹Agaia te talana na ghada na kana ge ra sagua na bokisina na vetena,

na marena nina maana mana rongoragha.

⁶²Agaia te rutu vanira na kulana vure heghena,

Me taladira ghadira na kana ge ra labura.

⁶³Na lei gari mane tara matera tana veitotoghoni,

me taho siki sakai kara taudira na lei tahula.

⁶⁴Na lei mane gehegehe tara matera tana gunaguna,

ma lei taudira tara hovera ge kara vei tangihira.

⁶⁵Na Lord te tughuru dato vagha te vaho rarai tana maturu,

Te vagha na mane laga te inuvia na wine.

⁶⁶A gaia te ghuru olira ghana kana,

te laga vulera, ge ra ririu oli nia na maa ke mua ghoi soko tua.

⁶⁷A gaia te nira sika na lei vinavahuhuna Joseph,

Me mua vilira na kemana Ephraim.

⁶⁸Hauva me vilia na kemana Judah,

Mana ghotu Zion, te dolovi ngangatara.

⁶⁹Iga te kisua nina vale taba vagha na komuna i kokou.

Me goni ngasilia vaghaa na maramana te kabu ngasi haia tua.

⁷⁰Agaia te vilia David nina ghairau,

me lavi keha tadira na lei sheep te righitaonira.

⁷¹Iga te righitaonira na lei nina sheep,

me talua ge vunaghidira na vure ni Israel.

Te righitaonira nina vure God.

⁷²David te righitaonira nia na toba maghora,

Me hulira nia nina puku ni ghilala.

Nina linge Asaph.

¹God, rana voo tara haghevia na bonamu.

mara nia pari pari lee nimua na vale tabu, mara durakea Jerusalem.

²Ma gaira tara sanighi ga na lei hulidira na kulamu na vure,

vanira na lei manu ni oka;

mana hulidira na lei nimua na ghairau na ghadira vanga na lei maumanu asi

³Na ghabudira kulamu na vure tara kovalaa vagha na beti talighutia Jerusalem.

Me taho siki sakai te tavughira tara mate.

⁴Gaira ghamami komu kolu tara kia kiahaghinighai

A gaira tara nighai lavilavi, mara batobato ghai.

⁵Lord ke tona haliu haia tua nimua na rutu vanighai?

ko tona haliu so na ruruhuna te vaghaa na lake?

⁶Ko talua nimua na rutu vanira na kema tara mua holohabagho,

me vanira ghua tara mua holohaba na ahamu tara kokoeliulivuti.

⁷Na pukuna tara labura kulamu na vure,

mara dikalaa na komumu.

⁸Ko bei toroghai nia na paludira na lei kukuamami,

Ko arovighai mai tai mua ghilala tua ivei kai liu pota.

⁹God, ko hanga ghai mai, mo ko volaghai,

ko lavi kehaghai tana dika, mo ko talukehai na lei palumami

na pukuna na ahamu.

¹⁰E ghua na lei kema ge ra huatighai, “Ivei nimiu na God?”

Ko tatea vanighai nimua na rutu vanira na lei kema,

na pukuna tara laghinighi na ghabudira nimua na lei ghairau.

¹¹varongohia na tangi ngurunguru ni vure tana vale pipiti,

ma nia nimua na maana te haba, ko vavolara tara dete matera.

¹²Maghutu; ko hera na totoro haia tua na lei kema,

nia na lei bosa dika tara nei vanigho.

¹³Ighai kulamu na vure a nimua ovu ni Sheep,

kai holoutogho ma kai holohabagho haia tua tana lei vavata mana vavata.

Vania na tinoni gehelinge: na linge ni Asaph, linge taonia na tangi ni hinuluna, “Lei pulaoa ni baubahu.”

¹Ighoe na vatogha sheep ni Israel,

to hulira na vure Israel vaghara na ovu ni sheep,

ko rongoviu ma.

Ighoe to kabu ta nimua malei sopou ni haba

i vuvungadira na lei maumanu ghatagha.

²Ko tategho heghemu vanira na kema ta Ephraim, Benjamin, ma Manasseh.

Ko tatea vanighai mai nimua na lagamu mo ko vavolaghai.

³ko ghoi lavi olighai gatu itamua ge God:

Ko tatea vanighai mai nimua na dolo mo ko volaghai.

⁴Lord God, puku ni maana, Ivei vaho tua kea na darona nimua na rutu.

mana nighi sika nimami na kokoeliulivuti?

⁵Ighoe to kutu ghai ma na dika lio.

mo neghai ge ai inuvia na kapu sule na kolobu ni mata.

⁶Ighoe to taladira na lei kema talighutighai

ge ra nighi veilalabui nimami pari,

ma ra bosa dikalaghai ghamami na kana.

⁷God, Puku ni maana, ko ghoi lavi olighai gatu itamua:

Ko righi arovighai mai mughua ge kai vola.

⁸Ighoe to hola horua mai i Egypt na vine,

mo ghuru kehara na kema keha,

mo suba kililia lokana dida pari.

⁹Ighoe to mangatia na pari vanira,

ge totolo me laga, ge saopoa na bona udolu.

¹⁰Gaia te kuvihigho na lei ghotu,

nia na ungaunga mana utona te saroi na lei ghai sule.

¹¹Na utona tara sasarau horu tana tahi,

mana lalana te va sara tana beti [tina]/[Euphrates].

¹²E ghua ge au durakei na lei pilupilu te talighutia?

Ma arahei tara tona haliu tara bihui na lei vavangana!

¹³Na lei bolo asi ni leao tara turi horui na vavanga,

mana lei manu ni oka tara ghani sokoi.

¹⁴God, puku ni maana, ko ghoi ririu pulohi vanighai mai.

Ko siro horu ghai mai kokou,

Mai, mo ko vavolara nimua na vure.

¹⁵Mai mo ko vola nimua na vine eni to subaa,

na vaini vaolu to subaa te sule dato me laga.

¹⁶Ghamami na kana tara kurisia mara kereu tana lake.

Ko righira mai ta nimua na rutu mo ko matera.

¹⁷Ko righitaonira nimura na vure to dolovira tua,

Na kema to vilia heghemu.

¹⁸Keri ge kai mua ghoi luba sanigho,

ko pangotighai so tana vola ge kai holoa na ahamu.

¹⁹Ko lavipangotighai ge Lord God Puku ni maana.

Ko righighai nia mai nimua na vei arovi ge kai vola.

Vania na tinoni gehelinge: na linge nina Asaph, linge taonia na gittith

¹Linge togotogo vania God, gaia na lagalagada:

linge rivurivu vania God ni Israel.

²Huluvia na linge uto ma kau nia hulu ghalevu:

te manilu na rongoviana.

³Lovua na tavuli ni savukolu:

tana torogha ni vula, maia ghua tana vovogho.

⁴A eni gaia na vetena ni Israel:

ma nina arevaghi a God ta Jacob.

⁵Gaia te hera na vure ni Israel na vetena keri,

Tana bona te suravia na komu i Egypt.

⁶Inau tu rongovia na talama na manga keha te ghaghua,

“Inau ku huia vanighau na hahala te mavatighau:

mu ku hangaghau ta nimiu na lutu vahola.”

⁷Lokana na gunaguna tau holou mu volaghau.

Tana maraghata ma na viviha tu tala mai,

igaa nigua na vatei polo.

Inau tu tabotaboghau i Meribah,

tana bona tau nia kokoe na beti te taho igaa.

⁸Ghau kulagu na vure, kau rongovia na bosagu:

Israel, e liogu ngangata ko rongovia mai!

⁹Kau bei holohabaa siki god keha.

Kau bei nia kikinima didira god vana voo.

¹⁰Inau a Lord, nimiu God:

tu lavihorughau mai Egypt,

Kau hangavi utoi na mangamiu,

mu ku kutighau nia na lei totobo uto.

¹¹Hauvaa, mara mua rongovia na bosamu na lei kulagu na vure:

Israel te mua taonia nigua na vetena.

¹²Keri ke, ge u sanira ga vamua:

ma kara tona taonia na liodira.

¹³E liogu sughua kara rongovia na bosagu, kulagu na vure!

Me liogu sughua ghua kara sakutua taoniu!

¹⁴Keri ke, ge ku mina kuku lagavulera ghadira na kana!

Mu ku pisura ghadira na levunimate!

¹⁵Gaira tara niu sika kara kikinima vaniu nia a Lord vamua,

ma kara lavia na totoro ke va me vaa.

¹⁶Inau ku kutighau nia na lei puku ni vanga:

mu ku mu inuinughau nia na midua ni talu.

Nina linge Asaph

¹God te sopoulia na dete i kokou:

me nia hevei horu mai nina bosa ni dete te detera,

rana ovu ni dete i kokou:

²“Ighau rana dete, kau sania na dete sorisori?

Ma kau bei nira pala rana dika,

tau nighi hevei horu nimiu na bosa ni dete!

³Kau na barebare na uto vanira rana bona,

ma tara mua tinagha ma ra tamagha:

kau kage utoa vanira te manadira na hahanga,

ma gaira te taho siki sakai ke hangara.

⁴Kau volara raini: tana limadira na vure dika.

⁵Gaira kiri tara mua manahagha,

mana vahaghitailira na tinoni,

na pukuna tara sakutua tana pungi.

Keri ge taho siki totobo uto pe ke utuni lokana na maramana.

⁶Inau tu bosa, “Ighau ke na lei god,

tau tabe tughua God tana dete ni maramana.

Ighau udolu dalena na Haba i kokou.

⁷Kau mate udolu vaghara na lei tinoni soko,

ma kau tumu vaghaa so siki dale vunaghi.”

⁸God, ko mai, mo ko detea na maramana:

a nimua udolu ighoe na lei kema soko.

Na linge nina Asaph

¹God, ko bei sopou beto mo ko [bei] hodo,

Ko bei kapu na mangamu.

²Ko rongovira ghamua na kana tara gunaguna,

gaira tara nigho sika tara hughuhughu kolugho.

³Gaira tara goni poloa siki totobo dika vanira kulamu na vure:

Mana palongira gaira to righitaonira ighoe.

⁴Keri ge ra bosa mana ghaghua,

“Mai, ma kai durakea na kema ni Israel eni,

ma ka nia ponolio haliu tua.”

⁵Gaira tara nia liosakai na ghanaghana keri;

ma ra gonidilaa ghamua na mate.

⁶Na vure ni Edom mana kemana Ishmael,

na vure ni Moab mana kemana Hagri,

⁷Na vure ni Gebal, Ammon, ma Amalek,

maia rana Philistia mi Tyre,

⁸Assyria ghua te nira pala,

gaira didira na vure laga rana kemana Lot.

⁹Ko nea vanira na hava to nea vanira rana kema ni Midian,

mi tana Sisera mana Jabin, tana beti tavetave i Kishon.

¹⁰Gaira raini tara matehoru i Endor;

me kokovo horu ga na hulidira.

¹¹Ko nea vanira [tara hulira]/[rana vunaghidira],

na hava to nea vanira a Oreb ma Zeeb,

ko laga vulera tara hulira vaghaa

to nera igaa a Zebah ma Zalmunna,

¹²Tara bosa mara ghaghua,

“Mai, ma ka holai dida nina bona lologho a God!”

¹³God, ko havukaghinira vaghaa na pughu ni pari,

vaghara na vughevughe te vulo saghinira na ghuri.

¹⁴Me vaghaa na lake te ghani taghalaghinia na leao,

ma na lapilapi ni lake te pisui na lei ghotu.

¹⁵Vagha keri, ko ghurura nia ghua na maraghata!

mo ko lavi mataghuniadira nia na ghuri sule.

¹⁶Keri vaho ge kara kene taonia na ahamu, Ighoe a Lord.

¹⁷Sania, ma kara lagavulera ma kara mataghu haia tua:

ma kara mua nia tangomana siki totobo kara gonia.

¹⁸Keri vaho ge kara ghilalagho,

ighoe heghemu vamua a Lord:

To vunaghi pungisia na maramana talighu.

Vania na tinoni gehe linge: Na linge nina kemana Korah, linge taonia na Gittith

¹Ivei vaho tua tea na utona na valemu, na vale tabu,

Ighoe Lord, puku ni maana.

²Inau tu liona ngangata ge ku ghahau igaa:

mu ku linge togotogo vania God haia nia na volagu udolu tua.

³Na pia tara niku igaa,

ma na kukapi tara kisu valedira

[na bona ge ke logho gari]

i lilighina nimua bela sukaghi

Lord, nigua vunaghi haba, ma nigua God.

⁴Holoutora gaira tara ghahara tana valemu:

gaira tara holohabagho haia tua.

⁵Holoutora gaira to lagalagara ighoe:

tara ghanaghana ge kara sakutua sara i Jerusalem.

⁶Gaira tara va liu haghe tana boboko mamaha,

ge vuravura dato mai ga na beti:

te horuvia na uha ge vonu igaa na lei kolomiso.

⁷Me tona haliu so na lagadira,

tara sakutua tona;

tara va righi matana didira na God,

na lei god ni Jerusalem.

⁸Lord, God, puku ni maana,

ko rongovia nigua na kokoeliulivuti;

God ni Israel, ko rongoviu mai.

⁹God, ko vautoa mai na vunaghimami eni:

na vunaghi haba to vilia vanighai tua.

¹⁰E uto vaa na kabu sakai na bongi lokana na valemu na valetabu:

vulea na togha ni bongi tana bona keha.

E uto vaa ku righitaonia na peo ni valena God,

vulea na kabu uto tana valena na tinoni dika.

¹¹A Lord God dida marara, ma na pilupilu:

te heghita na sonihalavu mana rongoragha.

E taho siki totobo uto ke poloa a Lord,

vanira ra hei tara gonia na hava te uto.

¹²Lord, God, puku ni maana, holoutora gaira tara ghanaghana kodo itamua.

Vania na tinoni gehe linge: na linge nina kemana Korah.

¹Lord, ighoe to arovira na vure ni komumu;

ighai to nea Israel ge ghoi tangomana.

²Ighoe to talukehai na lei paludira kulamu na vure:

mo saro poloi na lei dika tara nei.

³Ighoe to mua rutu vanira tua,

mo laviolia nimua na lio ni gunaguna itadira.

⁴God, ighoe a nimami maana ni huioli:

ko laviolighai mo ko bei rutu vanighai tua!

⁵Ko rutu haliu vanighai tua?

ke mua soko tua nimua na lio ni rutu?

⁶Ko neghai ge kai ghoi laga oli,

ge ighai kulamu na vure kai holohabagho.

⁷Lord, ko tatea vanighai nimua na dolo te mua ghoi keha tua:

mo ko heghai mai nimua hahanga ni huioli.

⁸Inau tu rongovia na hava a Lord God te bosaa:

Ighita kulana vure te bahughita nia na mabo,

ka ba mua va olighi olia na lei nilabu ni bule.

⁹E utuni, gaia te pitudila so ge ke vavolara gaira tara ghanaghana mavaa:

ma nina rongoragha ni vola ke vonughia tana komuda.

¹⁰Na dolo mana utuni toro topokolu tua:

na uto mana mabo toro tabelima ghua.

¹¹Na [utuni]/[taluutuni] ke suaka dato mai tana pari:

mana [uto]/[maemane] ke reihoru mai kokou tana parako.

¹²A Lord te heghita na lei totobo uto,

me nia dida pari ge hali gaa na vanga.

¹³Na [utuni]/[maemane] ke idevia a Lord,

mana halautu ke gonidila vania.

Na kokoeliulivuti nina David

¹Lord, Ko rongovia nigua na kokoeliulivuti:

ko hangau mai na pukuna tu mua laga,

me taho tua hei ke aroviu.

²Ko volau tana mate, na pukuna tu nimua puku ni tinoni:

ko volau, tu nimua ghairau, mu ghanaghana kodo itamua,

ighoe nigua God.

³Ighoe a nigua God, ko aroviu:

tana bongi udolu tu kokoeliulivuti gatu itamua.

⁴Lord, ko neu ge ku togotogo:

na volagu te tuturi tamua, ta nigua na kokoeliulivuti.

⁵Lord, ighoe to uto vahotua,

to avehia na talukeha palu;

itamua na dolo te taho ga na pego,

vanira tara nongia na hahanga itamua.

⁶Lord, ko rongovia nigua na kokoeliulivuti,

ko rongovighi nigua na lei tangi ni hahanga.

⁷Inau tu hologho tana bona ni gunaguna;

mi ghoe to rongoviu mai so.

⁸Lord, e taho tua siki god te vaghagho,

e taho tua hei ke gonia na hava to goni sokoa tua ighoe.

⁹Na lei kema ta puputura ighoe:

kara mai kikinima vanigho,

ma kara holohabaa na ahamu te tabu.

¹⁰Ighoe to sule, mo gonighi na lei butuli sule:

ighoe heghemu vamua to God.

¹¹Lord, ko taraiu nia na lei nilabumu,

mu ku kabu taonia nimua na utuni!

Ko heu mai na toba maghora,

ge ku ghanaghana mavagho haia.

¹²Lord, nigua God, inau ku holohabagho nia na tobagu udolu tua,

mu ku ladavaghinia na ahamu ke va me va.

¹³Nimua na dolo te sule ngangata vaniu:

mo volau tana gilu ni mate.

¹⁴God, na vure talunagho tara hughutiu,

mana ovu tara vahaghitailiu,

tara tabotabo ge kara mateu,

tara mua taonia na bosamu.

¹⁵Mi ghoe, Lord God, to veiarovi mo dolo

to vadangitai haia mo utuni talau.

¹⁶Ko righiu mai mo ko aroviu,

ko lagalagau mai, inau nimua na ghairau.

¹⁷Lord, ko tatea vaniu mai siki vauvautu ta nimua na dolo,

ge gaira tara kanahaghiniu kara nia maa, to heu na togholuvu mo hangau.

Na linge nina kemana Korah

¹A Lord te gonia na komuna,

i vuvungana na ghotu tabu i Jerusalem.

²Na volana udolu tua tana komu sule keri,

vulei na balu komu lokana Israel.

³Jerusalem, na komuna God,

me subo na lei totobo uto tara bosagho nia.

⁴Inau tu ghilalara na kema ni Egypt, ma rana Babylonia,

gaira ghua na balu, tara ghilalau nia na taonia na bosagu,

maia ghua na vure ni Philistia, Tyre mi Ethiopia

Gaira udolu tu idumi kolura nia na vure ni Jerusalem.

⁵Jerusalem kara nia bosa,

“Na vure udolu tara va komu tua igaa.”

ma gaia te haba vule ke vautoa na komu sule keri.

⁶Mi tana bona ke gerera na lei kema a Lord ke,

ge ke bosa, “A eni gaia na kema ke haghe mai Jerusalem.”

⁷Tana lei bongi ni gougonu,

kara ghavai ma kara linge na vure,

“Na volagu te vuravura mai Jerusalem.”

Na linge nina kemana Korah, linge taonia na tangi ni hinuluna, “na vahaghitaili.” Na maskil nina Heman tana kema ni Ezra

¹Lord God, ighoe to huioliu,

inau tu tangihia nimua na hahanga tana bongi mana dani.

²Ko rongovia nigua na kokoeliulivuti, mo ko talu kulimu mai ta na tangi.

³Na volagu te vonughia na gunaguna,

me dutuviu tua na mate.

⁴Inau tu vaghara na balu tara dutu ni mate,

me taho tua siki laga itagua, ghobudira rana mate.

⁵Inau tara sogha sania,

te vaghau na tinoni tara tavughia i lokana na gilu tara nia ponolio,

mara mua righi olia tua.

⁶Ighoe to sonihoruu i borona ma gilu taho, te pungi gaa.

⁷Nimua na rutu te mavatiu,

te vaghaa na karaha ni tahi te tumu savusavu mai tagua ge sukuu.

⁸Ighoe to tiua kehara kulagu na vure itagua,

mo neu ge na mataghuniu,

gaira tara pilupiluu, mu mua tangomana ge ku soghapolo.

⁹te nia pungi tua na matagu,

na tangi tu nea Lord,

tughu bongi tu nongia na hahanga itamua,

mu haudatoi vanigho gatu na limagu tana kokoeliulivuti.

¹⁰Ighoe to tatei nimua na lei butuli vanira rana mate?

ma ra tughuru dato sughua mara holohabagho?

¹¹Kara tangomana so gaira tara mate,

ge kara ladavaghinia nimua dolo te mua soko?

pi tana bona ni haurake kara ladavaghinia nimua na utuni?

¹²Na lei totobo uto to gonighi tua kara nighighi tana bona te pungi gaa!

Pa nimua hahanga kara ghilalaa tana komu te pariparilee?

¹³Lord, inau tu tangi ni hahanga gatu itamua,

tughu roropo tu kokoeliulivuti gatu itamua.

¹⁴Lord, e ghua ge o niu sika?

E ghua ge o ririu keha vaniu?

¹⁵Vuivuni tana vahuagu mai tua tu vahaghitaili mu dutuvia na mate,

inau tu nia leboro na paparana nimua na totoro.

¹⁶Nimua rutu papara te laga vulei,

ma nimua na gunaguna te dikalau.

¹⁷Tana bongi udolu tara pilupiluu,

vaghaa na maumanu tara pilu pungisia.

¹⁸Ighoe to nera tu dolovira mu dutuvira

ge ra ghogho saniu na pungi vamua te haidu koluu itaeni.

Na maskil nina Ethan tana kemana Ezra

¹Lord, inau ku lingea haia nimua na dolo te mua soko,

mu ku ladavaghinia haia ghua nimua na utuni.

²Nimua na dolo ke kabu kasila,

ma nimua na vetena ke, sopou ngasi vaghaa na parako.

³Ighoe a Lord, to bosa,

“Inau tu baubahu kolua David, a nigua tinoni ni lutu tu vilia,

mu papari vania te vaghaa eni,

⁴‘Na lei vinavahuhumu kara vunaghi haba haia tua,

ma kara tabe ngasilia na malei sopoumu haia tua.’”

⁵Lord, gaira i kokou tara nighi togotogo,

na lei totobo uto to gonighi.

⁶Lord, e taho siki sakai kokou te vaghagho ighoe,

e taho ghua hei tadira na lei tarunga vetena ke kaekagemu.

⁷Ta didira vaukolu rana tabu tara talumavagho igaa,

gaira udolu tara nigho kikinima ghua.

⁸Lord, God, puku ni maana,

taho tua hei ke sule vaghagho ighoe vamua to utuni tana lei totobo soko.

⁹Ighoe to vunaghina na tahi,

mana bona te tughuru mai ga na maraghata,

to bosa vania na tahi ge beata.

¹⁰Ighoe to lagavulea Rahab,

mo havukaghinira ghamua na kana nia na limamu.

¹¹Na maramana i kokou a nimua,

mana maramana i ani pari ghua a nimua,

ighoe to gonia na maramana talighu mana lei totobo soko ilokana.

¹²Ighoe to gonia i ulu mi boko,

na ghotu i Tabor, mana ghotu i Hermon toro holohabaa na ahamu.

¹³Ighoe to loghoa na maana sule ngangata, e sule ngangata na lagamu!

¹⁴Nimua na malei sopou ni haba te uto mu maemane,

na dolo mana utuni te tate tana lei totobo uto to gonighi.

¹⁵Holoutora gaira tara rongovi togotogoa nimua hoholo ni holohaba,

gaira tara kabu lokana na mararana nimua na veiarovi.

¹⁶Gaira tara togotogo tana bongi mana dani,

tara holoutogho ighoe to uto haliu.

¹⁷Ighoe to neghai ge ai lagavule, na lagamami te tuturi kauha ta nimua na veiarovi.

¹⁸Lord, ighoe to heghai gaia te podopodoghai,

ighoe God ni Israel to tabu,

to heghai mai a nimami vunaghi haba.

¹⁹Tana maturu bole to kokoe vanira nimua prophet i dania,

mo ghaghua, “Inau tu hangaa tua na malaghai rongoragha,

mu vilia tua tadira na vure subo a gaia ke vunaghi haba.

²⁰David gaia nigua na ghairau tu vilia

ge ke vunaghi halikama nia na siusiu tabu tu siuvia nia.

²¹Na laga tu loghoa i tatana haia tua,

a nigua na maana ni laga keri ke nea ge ke lagavule.

²²Ghada na kana kara mua tangomana ta tughuru pungisiana,

ma rana dika kara mua laga vulea tua.

²³Inau ku turiu lakusara ghana mate tana matana,

mu ku havukaghinira tara kanahaghinia.

²⁴Inau ku lutu vania nia na utuni mu ku kabu rurughu i tatana,

ku nea ge ke laga vule haia tua.

²⁵Inau ku talua ge ke righitaonia na tahi,

maia ghua na lei beti tavetave.

²⁶A gaia ke bosa vaniu,

“Ighoe a Tamagu, ma nigua God,

Ighoe to righitaoniu mo volau.”

²⁷Inau ku nea ge ke dalegu na kamanagho,

me ke haba vulera na lei vunaghi haba ni maramana talighu.

²⁸Inau ku dolovia mu ku arovia haia tua!

Ma nigua na baubahu tu nia vania ke mua ghoi soko tua!

²⁹Inau ku nia na vinavahuhuna ge ke sopou ngasi,

ma nina malei sopou ni haba te kabu kasila vaghaa na parako.

³⁰Kara ba mua taonia nigua na vetena na lei vinavahuhuna,

ma kara mua kabu taonia nigua na huhuli.

³¹Kara ba nighi sika nigua na lei bosa ni tarai,

ma kara diui nigua na lei vetena ke.

³²Ge ku hera na totoro te manadira,

mu ku ramusira nia nigua na ghai ni raramu.

³³Ku mua ghoi soko tua na doloviana David,

mu ku mua ghoi nia ponolio tua nigua na baubahu tu nea vania.

³⁴Ku mua diua tua nigua na bosa ni baubahu,

mu ku mua laviolia siki bosa ni baubahu tu bosa horua tua.

³⁵Inau tu nia papari tua na ahagu,

me vahola vaniu tua ge ku pegoa David.

³⁶Na vinavahuhuna ke kabu kasila,

ma nina malei sopou ni haba

ke sopou ngasi vaghaa na aho i kokou.

³⁷Gaia ke kabu kasila vaghaa na vula,

te ladavaghiniu mai kokou.”

³⁸Mi ghoe to rutu vania nimua na vunaghi haba vivili!

To sogha sania mo nia sika.

³⁹Ighoe to sokoa nimua na baubahu kolua gaia,

mo sonihorua ghana pitiulu ni haba tana pari.

⁴⁰Ighoe to durakea na pilupiluna na komuna,

mo dikalaa nina vatei polo.

⁴¹Gaira tara haliu i lilighina tara gitoi nina lei totobo,

ma ghana komu kolu tara kiahaghinia,

⁴²Ighoe to nera ge ra lagavule ghana na kana!

mo nera ge ra togotogo.

⁴³Ighoe to nia nina isi ge mua kale,

mo hove na hangana tana sura.

⁴⁴Ighoe to lavikehaa nina malei haba,

mo pitihorua tana pari nina malei sopou.

⁴⁵Ighoe to va kukului na bongina tana garimaneana,

mo lavi mamaana tana mata ni tinoni.

⁴⁶Lord, engiha vaho ke soko nimua na rutu,

te ruruhu vaghaa na lake!

ko polo haia tau?

⁴⁷Ko ghanaghanaa na kukuluna na volagu,

e taho na pukuna ge puputu mai na tinoni tana maramana eni.

⁴⁸Na lei tinoni udolu ke mate mughua,

me taho tua hei ke polo ta nina maana na gilu ni mate?

⁴⁹Lord, ivei gaia nimua na vuivuni ni dolo?

To bosaa vania David, ta nimiu padalaghi kaukolu?

⁵⁰Ko ghanaghanaa, ivei tara nea na bosa dikalaamu,

inau nimua na ghairau.

⁵¹Lord, ghamua na kana tara bosa dikalau,

ra bosa dikala gaia to vilia, mo siusiua tua ge ke vunaghi haba.

⁵²Holohaba a Lord, ke va ma vaa, Amen ma Amen.

Buka Vati 90-106

Nina kokoeliulivuti Moses, nina tinoni God.

¹Lord, Ighoe na valemami haia, te hau mai tua.

²I naghona to gonighi na lei ghotu,

po gonia na pari mana maramana

ighoe to God haia tua.

³Ighoe to bosa vanighai ge kai oli tana hava tai va butu mai ga,

mo riu olighai tana pughu ni pari.

⁴Na togha ni niulu te vaghaa sakai na bongi vamua itamua,

E vaghara i bongi vamua, te tona padi tua

me vaghaa na bona ni aho kukulu tana bongi.

⁵Ighoe to lavikehaghai vaghaa na tave ni beti te mua kabu hau,

Tai vaghaa na buburu te suaka dato mai tana roropo.

⁶Tana roropo te totobo dato mai me kotukotu,

mi tana nulavi te sasagha me mate.

⁷Nimua na rutu te durakeghai,

mi ghai tai mataghunia na reirei ni matamu.

⁸Ighoe to talutatei na lei palumami tai mata poloi,

gaighi to righighi mai so.

⁹Na lei bongi ni volamami te kubolu horu mai,

na pukuna nimua na rutu,

me tovongo taghai vaghaa na ahu te ghurihia.

¹⁰Te saravia vamua tana vitu hangavulu na niulu,

ma hei te laga te saravia e alu hangavulu na niulu.

Hauva, ma ra heghai vamua na vahola mana dikalio

me mua daro bona ma Ai mate tua.

¹¹A hei te vadangia na mataghu te heghai nimua na rutu?

A hei te ghilalaa na mataghu te neghai to rutu vanighai?

¹²Ko taraighai ge kai ghilalaa na kukuluna na volamami te mua daro,

keri vaho ge kai manahagha.

¹³Lord, ivei vaho tua ko nia sara na darona nimua rutu?

Ko arovighai ighai na lei nimua na vure ni lutu.

¹⁴Ko kutighai nia nimua dolo tughu roropo

ge kai linge togotogo ta na lei bongi ni volamami.

¹⁵Ko neghai mai ge kai ghoi togotogo ghua

murina te kaleghai na dikalio tana lei niulu.

¹⁶Ko tatei vanighai mai ighai

nimua na lei ghairau nimua na lei lutu sule!

Mana lei vinavahuhumami kara righia nimua rongoragha.

¹⁷God, nimami na Lord, nimua na lei vauto ke kabu itamami!

Ko neghai mai ge kai nighi tangomana na lei totobo tai gonighi.

¹A hei te polo itatana a Lord! Ma hei te kabu sarana nina righitaoni.

²Ke bosa vania, “Itamua tu podopodo mo righitaoniu!

ighoe nigua God mi tamua tu tuturi kauha.

³Gaia ke righitaonigho me ke volagho

tana lei maemate tara kabu polo,

mi tana lei vahaghi te matea na tinoni.

⁴Gaia ke kuvigho nia na ghatana mi ghoe ko vola sarana nina righitaoni!

Na volana te utuni ke podopodogho me pilupungisigho.

⁵Kau bei mataghunia siki totobo dika te bongi,

pa siki tidalo te mate tinoni tana dani.

⁶Mana vahaghi te polo tana bongi,

mana lei totobo dika te matea na tinoni tana dani kama.

⁷Na togha nia tinoni ke tumu mate i lilighimu

pe hangavulu na togha tara kabu talighutigho tara tumu mate ghua,

mete mua kaleghau siki vahaghitaili.

⁸Kau rei vaa ma kau righia,

ivei tara nea na headira na totoro rana dika.

⁹Kau podopodo i tatana a Lord,

ma ka ungaunga i sarana gaia te haba vule.

¹⁰E taho siki sosodo ke kalegho,

me taho siki maemate ke dutuvia na valemu.

¹¹God ke vetenara lei nina angel kara righitaonigho,

ma kara podopodogho ivei ko tona vaa.

¹²Gaira kara tabe datogho nia na limadira,

ge ke mua kalei na vatu na marevomu.

¹³Ighoe ko turibitara na lei kau ghaghala mana lei poli,

na lei kau mataghugha mana lei poli maomaogha.

¹⁴God te bosa me ghaghua,

“Inau ku volara gaira tara doloviu,

mu ku righitaonira gaira tara taluutuniu inau a Lord.

¹⁵Tana bona kara holau inau ku tala vanira,

mi tana bona te kalera na vahola,

inau ku kabu kolura,

ku volara mu ku talu mavara.

¹⁶Inau ku tabora nia na vola daro bona,

mu ku volara ghua.”

Na linge vania na Sabbath

¹Lord, E uto sughua na holoutoamu

nia na linge ni holohabaamu

ighoe God to Haba i kokou.

²Ladavaghinia nimua na dolo tona haliu tughu roropo,

mana volamu te utuni tana lei bona na aho te bongi.

³Nia na lei lingelinge ni ghalevu mana ukalele,

mana lei talama ni tigitigi ghua.

⁴Lord, inau tu nighi togotogo na lei nimua lutu sule to gonighi,

na pukuna na hava to gonia tu nia rivurivu na malei limamu.

⁵Lord, na lei gehegehemu te sule ngangata mana lei ghanaghanamu te lalo ghua.

⁶Na voo ke mua ghilalaa na totobo eni,

ma hei te bule ke mua tangomana na manahana.

⁷Rana dika tara totolo dato

vaghara na tautalu ma rana tangohahi tara uto so.

⁸Hauva, ma gaira udolu kara durakera,

na pukuna ighoe Lord to haba vule haia tua.

⁹Ighai tai ghilalaa ghamua na kana kara mate,

ma rana dika kara laga vulera.

¹⁰Mi ghoe Lord, to neu tua ge u laga vaghaa na bolo asi,

mo vautou nia na togotogo.

¹¹Inau tu righia tua tara lagavulera ghagua na kana,

mu rongovia didira tangi rana dika.

¹²Rana uto tara katukatu vaghara na lei ghai cedar ni Lebanon.

¹³Gaira te vaghara na lei ghai tara subara lokana valena a Lord,

mara haga lokana nina valetabu dida God.

¹⁴Tara vangagha so tara haulaghi manaa,

gaira tara laga vaghara so na ghai vaolu.

¹⁵Keri te tatea a Lord te maemane utuni

me taho siki totobo ke hahi i tatana.

¹A Lord na vunaghi haba,

gaia tara pupulua nia na malei haba mana laga.

Gaia te kabulaghi ngasilia na maramana tana malana

me ke mua ghoi gharadu tua.

²Lord, nimua na malei sopou te kabu ngasi mai tua,

mi ghoe to puputu tua ge vuivuni na maramana.

³Lord, na lei tahi oka tara tagumu mai,

gaira tara tagumu mara karaha longa.

⁴A Lord te haba vule i kokou,

te sule vulea na tagumu ni tahi oka,

me laga vulea na karaha ni tahi.

⁵A Lord, nimua na lei vetena tara kabu kasila,

ma nimua valetabu te tabu utuni tua, ke va me vaa.

¹Lord, Ighoe a God, to hea na totoro na tinoni,

ko tatea nimua na rutu.

²Ighoe to deteghai udolu tua,

tughuru mo ko hera rana talunagho na hava te manadira.

³Ivei vaho tua kea na hauva ge kara togotogo rana dika?

Lord, ivei vaho tua kea na hauna?

⁴Ivei vaho tua kara nia sara na talunagho rana dika,

ma kara nighi maghora na lei paludira?

⁵Lord, gaira tara dikalara kulamu na vure,

mara nera ghua ge ra vahaghitaili.

⁶Gaira tara matera rana samu ma na mate sasani,

maia rana sinogho tara ghanara tana bonada.

⁷Gaira tara bosa mara ghaghua,

“A Lord te mua righighita,

Ma God ni Israel te mua nia ghaghua na hava ta gonia.”

⁸Ghau kulagu na vure, ivei tea ge au sakai bule?

Ivei vaho tua kea ge kau manahagha?

⁹God te gonighi na kulida, me mua rongo gaia?

me gonighi ghua na lei matada, me mua vaevane gaia?

¹⁰Gaia te hera na totoro na lei kema, ke mua torora gaia?

me tataraighita udolu ghua, me mua manahagha gaia?

¹¹A Lord te ghilalaa na hava ta ghanaghanaa

me manahana ivei te vagha na voona na ghanaghanada.

¹²Lord, gaira to taraira tara togotogo

to taraira nia nimua vetena.

¹³Ighoe to nera ge ra mua holopangotighi na lei gunaguna te kalera haia,

polo ge ra gheli giludira rana dika.

¹⁴A Lord ke mua tona sanira nina vure,

me ke mua ghogho sanira kulana vure.

¹⁵Na utuni ke ghoi haghe mai tana bona ni dete,

mana vure uto kara nia togotogo.

¹⁶A hei ke podopodou tadira rana dika,

ma hei ke niu pala tadira rana tangohahi?

¹⁷Ke mua hangau a Lord ke,

ge mu ku mate tua.

¹⁸Inau tu hoholo mu ghaghua,

Lord, inau tu turi madali,

mana pukuna nimua na dolo te sule ge u vola so.

¹⁹Tana bona tu dikalio, mu kanoragha

ighoe to neu ge u togotogo mu togholuvu.

²⁰Ighoe to mua liodira rana dete sorisori,

tara talui na lei vetena ni goniana so na dika

²¹Gaira tara detera na vure uto, ma ra riua na vetena ge ra vua matera.

²²Mana Lord te podopodou, a God te righitaoniu.

²³Gaia ke hera na totoro rana dika me ke durakera,

na pukuna na lei paludira, a Lord dida na God ke durakera.

¹Ighita ka linge vania a Lord,

Ighita ka linge togotogo vania God na vavolada.

²Ka mai tatana nia na holouto,

ma ka linge togotogo nia na holohaba.

³Gaia a Lord, God te haba,

na vunaghi haba tadira na lei god.

⁴Gaia te vunaghina na maramana talighu,

na lei vatuluma mana ghotu datogha.

⁵A nina te gonia na tahi,

na pari tina ghua te puputua heghena.

⁶Ighita ka nia kikinima ka holohabaa,

taulaghi tuturu vania te gonighita.

⁷Gaia dida God, te righitaonighita,

mi ghita nina lei sheep te vatoghaghita.

Itaeni, kau rongovia mughua na hava God te bosaa,

⁸Kau rongovia na bosana itaeni te ghaghua,

“Kau bei kutuvatu vaghara kukuamiu i Meribah,

tana bongidira i Massah tana bona mamaha.

⁹Rana kukuamiu tara tabotabou igaa,

tara righia maanagu ta na hava tu gonia.

¹⁰E vati hangavulu na niulu tu rutu vanira,

keri ge u bosa,

“Gaira na vure tara loghoa na tobadira te ririu keha itagua haia.

Tara mua lioni na taoniana na hava tu bosai vanira.

¹¹Mi nau tu baubahu rutu vanira,

“Agaira kara mua tangomana tua na rughuhaghe ta nigua na malei aheahe igaa.”

¹Kau linge vania a Lord na linge vaolu,

maramana talighu, linge vania a Lord.

²Linge vania a Lord ma kau holoutoa,

ladavaghinia tughu bongi gaia te volaghita.

³Ladavaghinia na rongoraghana tadira na lei kema,

ma na volana te haeharegha tadira na lei vure.

⁴A Lord te haba me ulaghana ka holohabaa,

gaia ka talumavaa vulera na lei God.

⁵Didira god na balu kema na titinoni vamua,

mana Lord te gonighi na lei totobo tana parako.

⁶Na rongoragha mana malei haba te saopoa a Lord,

na maana mana matakage te vonughia nina valetabu.

⁷Kau holoutoa a Lord na maramana talighu,

kau holoutoa nina rongoragha mana laga.

⁸Holoutoa na ahana a Lord, te rongoragha,

lavia nimiu heveilee ma kau nia mai ta nina valetabu.

⁹Kau nia kikinima gaia te tabu tana bona ke mai,

na maramana ke tatata tana matana nia na ghanaghana mava.

¹⁰Bosa vanira na lei kema,

“A Lord te vunaghi haba, me kabulaghi ngasilia na maramana tana malana,

me mua ghoi aleale tua me ke detera na vure nia na utuni.

¹¹Kau togotogo nimiu ghau na parako mana pari,

na tahi te karaha ma gaira tara vola i lokana.

¹²Na pari ma na lei totobo totolo i lokana,

kau togotogo nimiu,

lei ghai tana leao kara linge rivurivu.

¹³Mi tana bona ke mai a Lord,

ke mai haba pungisia na maramana

me ke hulira na vure nia na utuni mana maemane.

¹A Lord na vunaghi haba,

na maramana talighu ke nia togotogo,

ighau ta lei koukomu kau nia togotogo ghua.

²Na parako mana pungi te saopo talighutia

gaia te nia huhuli na maemane mana utuni.

³Na lake te ide i nagho,

me ghani taghalaghinira ghana na kana tara talighutia.

⁴Nina viti te bulua na maramana,

mana maramana te righia me nia tatata a Lord,

⁵Na lei ghotu te obo vaghara na ice tana matana a Lord,

na matana a Lord ni maramana talighu.

⁶Na lei parako ni oka tara ladavaghinia na lei nina totobo uto,

mana lei kema tara righia nina rongoragha.

⁷Gaira udolu tara holohabara na lei titinoni tara lavi maamaadira,

mana lei god keha tara nia kikinima a Lord.

⁸Na vure ni Zion tara togotogo,

mana lei komu ni Judah tara rivurivu,

na pukuna to maemanei didira vahola tana dete,

Ighoe a Lord.

⁹Ighoe Lord, puku ni maana, ighoe to haba pungisia na maramana,

mo sule vulera na lei god keha.

¹⁰A Lord te dolovira ra hei tara nia sika na dika,

me podopodora kulana vure,

me volara tadira rana dika.

¹¹Na marara te bulura rana maemane,

mana togotogo te saopora na vure uto.

¹²Kau togotogo nimiu ighau rana maemane,

na pukuna na hava te gonia vanighau a Lord,

Kau ghanaghana olia na hava te goni sokoa tua God te tabu, ma kau holoutoa gaia.

Na linge

¹Kau lingea na linge vaolu vania a Lord,

gaia te goni sokoi na lei totobo haeharegha,

ma nia nina maana mana laga heghena,

ge lagavulea na maramana.

²A Lord te bosa tatea nina laga vule,

me ladavaghinia nina maana ni vola tadira na lei kema.

³Gaia te pangotia so nina baubahu vanira na vure ni Israel,

nia na kabu rurughu mana dolo vanira haia,

na lei vure soko tara righia tua nina lagavule dida God.

⁴Linge vania a Lord, na maramana talighu,

holohabaa nia na lei linge mana ngingili rivurivu.

⁵Linge holohaba vania a Lord,

kau nighi tigitigi na ukalele mana gita.

⁶Kau lovui na ghau mana tavuli,

ma kau ngingili vania Lord na vunaghida.

⁷Na tahi, ko tagumu, ma na lei totobo vola itamua,

na maramana ko linge, ma gaira tara kabu itamua.

⁸Ghau na lei beti tavetave mana lei ghotu,

kau tapotapo limamiu ma kau linge koukolu

nia na togotogo vania a Lord.

⁹Na pukuna gaia ke mai me ke vunaghina na maramana

kolura na lei vure ni maramana talighu nia na maemane mana utuni.

¹A Lord na vunaghi haba, mana mavitu te mataghunia nia na tatata,

te sopou ta nina malei sopou

i vuvungadira na lei angel ghatagha,

me anuanu na pari.

²A Lord te vunaghi pungisia Jerusalem,

gaia te haba vulera na lei kema.

³Na lei vure soko kara holohabaa na ahana te tabu,

maia ghua te sule me mataghugha.

⁴Ighoe na vunaghi haba, to laga mo liona na hava te utuni,

to talua na utuni Israel, mo lavia mai na vola maemane to kaekage.

⁵Holoutoa a Lord dida God,

holohaba gaia te tabu ta nina malei sopou ni haba.

⁶Moses ma Aaron ra nina mane sukaghi

ma Samuel te kokoeliulivuti va i tatana.

Gaira tara holoa Lord, me tala vanira.

⁷Gaia te kokoe vanira mai lokana na ghobaghuli,

mara taonighi na lei nina vetena ma na lei nina bosa ni keikeri.

⁸Lord, Ighoe nimami God, to bosa tughu vanira tua kulamu na vure.

To tatea vanira Ighoe a God, to talu keha palu,

sakai vamua to torora nia tua na lei paludira.

⁹Holoutoa a Lord, dida God, nia kau holohabaa ta nina ghotu tabu!

gaia dida God te tabu.

Na linge ni holohaba God.

¹Kau linge vania a Lord, ighau na maramana talighu.

²Kau holohabaa nia na rivurivu,

ma kau mai tatana nia na lei linge togotogo.

³Hau taluutunia a Lord, gaia a God,

te gonighita gaia mi ghita nina vure ma nina ovu ni Sheep.

⁴Kau haghe tana mataula ni peo va holohaba,

haghe tana bebetena nia na holohaba, holoutora na ahana.

⁵A Lord te uto, te dato talau, te utuni haia tua ke va me va.

Na linge nina David

¹Lord, nigua na linge ni kabu sasara mana utuni,

Mi nau tu lingea vanigho gatu.

²Na nilabugu ke mua palugha.

Mi ngiha vaho ko mai tagua.

Inau ku kabu marabu tana valegu.

³Ku mua talana na dika ge ke mai tagua,

mu ku nighi sika na gehegehedira tara ririu keha vania God,

ku mua ghai haidu olu tua itadira.

⁴Inau ku mua taonia na volapego,

mu ku mua haidu kolura na vure dika.

⁵Inau ku lavi kehaa a hei te bosadika,

polopoloa na ahana siki sakai,

mu ku tiva kehaa gaia te magharo me talunagho.

⁶Inau tu holoutora gaira tara lutu utuni vania God,

mu taladira ge kara ghanara lokana na valegu.

Gaira te utuni haliu na voladira,

tu taladira ge kara ghairau vaniu.

⁷Gaia te sorisori ke mua ghanaa lokana na valegu,

ma gaia te pego ke mua kabu i lilighigu.

⁸Inau ku durakera tughu bongi rana dika lokana na bonada,

mu ku tivara rana tangohahi tana komuna a Lord.

Na linge nina mane vahaghitaili. Tana bona na mane eni te lugu me talutatea nina tangi tatana Lord

¹Lord, Ko rongovia nigua na kokoeliulivuti,

Mo ko talu kulimu mai ta nigua na tangi ni hahanga.

²Tana bona te kaleu na gunaguna,

ko bei ririu keha vaniu.

Ko rongoviu mai

mo ko mina bosa tughu vaniu mai

tana bona tu hologho.

³Na lei bongigu udolu tara mina soko

vaghara na lei ahu.

na huligu te vavu,

vagha na ghai te vavu.

⁴Inau tara turibitau vaghaa na buburu mamaha,

mu mua tangomana tua na vanga.

⁵Inau tu tangi ngurunguru,

te sesebe na huligu mu huli lee vamua.

⁶Inau te vaghau na manu asi tana bona aroha,

mana duru te sopou vuvungana na vale tara boli sania.

⁷Inau tu koikoli me vahola tailiu na maturu,

te vaghau na manu te sopou arohalio vuvunga ni vale.

⁸Ghagua na kana tara bosa dikalau tana bongi udolu,

gaira tara kiahaghiniu mara nia vavaranga na ahagu.

⁹Ghagua na vanga na ravu,

Mana kolobu ni matagu tara ule kolua nina ghagua beti ni inu.

¹⁰Na pukuna to rutu sule vaniu,

ighoe to ghateu mo sonikeha vaghaa na lololo.

¹¹Na volagu te vaghaa na nunu vamua,

me sasagha vaghaa na buburu.

¹²Ighoe, Lord, to vunaghi haba kasila,

mana lei vavata kara ghanaghana oligho.

¹³Itaeni na bongi ko arovia Jerusalem.

Itaeni tua na bona to nia baubahu ko hangaa.

¹⁴Kulamu na vure tara nighi dikalio,

na vatu ni valeana tara durakei,

gaira tara arovia so,

sakai vamua te koli tana pari.

¹⁵na lei kema kara mataghunia a Lord,

mana lei vunaghi haba ni maramana

kara nia talumava nina maana.

¹⁶Mi tana bona a Lord ke ghoi tughuru vaghinia Jerusalem,

ge ke tatea nina rongoragha.

¹⁷Gaia ke rongoviara kulana na vure tara ghogho sanira,

me ke talu kulina vaa ta didira kokoeliulivuti.

¹⁸Kau gere horui na lei totobo to gonighi mai tua a Lord.

ge na vure kara vahura i muri kara holohabaa ghua gaia.

¹⁹A Lord te rei horu mai kokou tana komuna,

me righi horua mai na maramana i pari.

²⁰Gaia te rongovia didira tangi

gaira [tara laukapura/tana vale pipiti] me lavi horura gaira tara dete matera.

²¹Ge kara ladavaghinia na ahana i Zion,

ma kara holoutoa i Jerusalem.

²²Na lei kema mana binaboli kara savukolu igaa,

ma kara holohabaa a Lord.

²³A Lord te neu ge u mua laga tana bona tu mane vaolu,

gaia te va kukulua tua na volagu.

²⁴God, ko bei lavikehau mua itaeni,

tu mua saravia mua na bona ni tonikamagu.

²⁵Lord, Ighoe to kabu kasila, me hau mai tua to puputua na pari,

mana limamu to lutui nia na lei hegohego ni kokou.

²⁶Gaira kara taghara mi ghoe ko ghanagho so,

gaira kara meto vaghara na lei tivi haulaghi kara [motu]/[tughui].

²⁷Mi ghoe to mua ghoi keha tua na reireimu,

mana volamu ke tona haliu so,

²⁸Na lei dalemami kara kabu lokana nimua righitaoni mana pilupungisi,

mana lei vinavahuhudira kara kabu sarana nimua podopodo.

Nina David

¹[Lameagu]/[tarungamu], ko vautoa a Lord,

na lei hegohego udolu tua i lokagu,

kau vautoa na ahana te tabu.

²[Lameagu]/[tarungamu], ko vautoa a Lord,

mo ko nei nia ponolio gea nina dolo gaia.

³Gaia te talukehai na lei palugu,

me kisu ghaotai na lei vahaghigu.

⁴Gaia te hola oliu tana mate,

me vautou nia nina dolo mana veiarovi.

⁵Te kutiu nia na lei totobo uto,

mi tana bona tu mane vaolu mua

te neu ge u laga vaghaa na manu kama.

⁶A Lord te dete maemane

me nira pala gaira tara vahaghitaili,

me hera na hava te manadira.

⁷Gaia te tatei na lei nina padalaghi vania Moses,

ge kara righia na vure ni Israel na lei nina lutu.

⁸A Lord te veiarovi me dolo,

te mua mina rutu, me dolo talau.

⁹Gaia te mua kene taonia na palu,

me mua mina rutu daro bona vanighita.

¹⁰Gaia te mua heghita na totoro te manani na lei paluda,

me mua tughui nia na dika na lei hahi ta gonighi.

¹¹Me vaghaa na datona na oka i vuvungana na maramana,

te vaghaa ghua na sulena nina dolo vanira tara talumavaa.

¹²Na hauna i ulu te vaghaa ghua i boko,

keri te vaghaa na hauna te lavikehai va na lei paluda, a Lord.

¹³Me vaghaa tamadira te arovira na lei dalena,

vaghaa ghua keri a Lord te arovira gaira tara talumavaa.

¹⁴Gaia te ghilalaa na hava tara gonighita nia,

me manahana ighita na pughu ni pari.

¹⁵Na volada ighita te vaghaa na buburu,

[me ke totolo]/[mana ladana] te vagha na hahanga ni ghai.

¹⁶mana ghuri te vaho kehaa,

me mua righia tua siki sakai.

¹⁷Gaira ghua tara taonighi na lei nina baubahu,

mara taluutunighi nina lei vetena.

¹⁹A Lord te talu na malei sopouna i kokou,

mi ga te haba pungisighi mai na lei totobo soko.

²⁰Kau holoutoa a Lord, ghau na lei angel laga,

tau taonighi na lei nina bosa ni keikeri,

mau rongovia na bosana.

²¹Holoutoa a Lord ghau na lei nina maana i kokou,

ighau na lei nina ovu ni lutu tau taoni na liona.

²²Holoutoa a Lord, ghau na lei totobo te gonighau,

mana lei komu ta nina righitaoni.

[Lameagu]/[tarungagu] ko holoutoa a Lord.

¹[Lameagu]/[tarungagu], ko vautoa a Lord,

Ighoe Lord, nigua na God,

Ighoe to sule ngangata.

²Ighoe tara popologho nia na malei haba mana rongoragha

Mo pupulugho heghemu nia na marara.

³Ighoe to talahia na oka vaghaa na vale tapole,

mo kisua na valemu.

⁴Na ghuri te vaghara tara holo bosa vanigho

mana viti te vaghara na lei nimua na ghairau.

⁵Ighoe to kabulaghi ngasilia tua na maramana tana malana,

me ke mua ghoi aleale tua.

⁶Ighoe to saroa na maramana nia na tahi,

ma gaia te saopoi na lei ghotu.

⁷Ighoe to pasaa na tahi ge sama tona,

mana talamana nimua viviha te nia ghogho.

⁸Gaia te tavetave me saopoi na lei ghotu mana boboko,

me va sara tana bona te liona ke sara.

⁹Ighoe to talua na koekobe ke bai tona vulea,

ge ke bei saopoa na maramana.

¹⁰Ighoe to gonighi na lei vuravura ni beti,

mana lei beti tara tave horu ghobuni na lei ghotu.

¹¹Ge hera na beti na lei maumanu asi,

igaa tara inuviada na lei kau asi.

¹²Mi lokani na lei ato ni ghai lilighina,

tara niku mara lingelinge igaa na lei manu.

¹³Tana parako i kokou te nia vetena horu mai na uha i vuvungani na lei ghoto,

me saopoa na pari nimua na lei vauto.

¹⁴Ighoe to gonia na buburu ge tautalu vanira na lei maumanu,

mana lei ghai ghania vania na lei tinoni.

¹⁵Ge kai lutui nimami subasuba,

me hali ga na wine, te neghai ge kai togotogo,

na oil/oele kai nia rivurivu,

mana vanga ke heghai na laga.

¹⁶Na lei ghai ni Lebanon tu uhanighi haia,

gaighi nina ghai a Lord te subai heghena.

¹⁷Na lei manu tara haro nikudira igaa,

mana lei manu sule tara kisu beladira tana lei ghai sule.

¹⁸Na lei goat asi tara ghahara tana lei ghotu datogha,

mana lei maumanu asi pile tara baba tana lei tigetige ni ghotu.

¹⁹Ighoe to gonia na vula, na kakageni na lei bongi mana niulu.

²⁰Ighoe to gonia na bongi,

mi lokana na pungi tara rughu horu mai na lei maumanu asi.

²¹Na lei dale ni lion tara ngengo tana bona tara hili,

tara kenei ghadira vanga te hera God.

²²Me sogha dato mai na aho,

gaira tara oli mara va koli tana valedira.

²³Mana vure tara tona mara lutui na lei lutudira,

mara lutu sara tana nulavi.

²⁴Lord, ighoe to gonighi subo na totobo,

mo goni manahai udolu tua,

mana maramana te vonughia nimua na lei maumanu.

²⁵Na tahi te sule me volapa

tara ghanara igaa na iduhahi ni totobo vola, na sule mana pile.

²⁶Na lei vaka tara ole kolili vuvungana mana puhu,

na maumanu to gonia te gougonu i lokana.

²⁷Gaira udolu tara tuturi tamua tana vanga,

tana bona ni vitolo.

²⁸Mi ghoe to hera ghadira mara vanga,

to kutira ge ra mahu.

²⁹Mana bona to ririu keha vanira,

gaira tara mataghu,

mana bona to mua kutira ge ra mate,

mara oli tana pughu ni pari tara va mai gaa.

³⁰Mi tana bona to hera na aheahe ge ra livu mai,

ighoe to hea na vola vaolu na maramana.

³¹Na rongoraghana a Lord ke kabu kasila,

ma Lord ke nia togotogo tana hava te gonia.

³²Gaia te righia na maramana te tatata,

me tabei na lei ghotu mara ahuahu.

³³Inau ku linge vania a Lord tana lei bongi ni volagu,

mu tu vola mua eni ke, ku linge holohaba vania nigua God.

³⁴Ge me ke nia togotogo nigua na linge,

na pukuna nigua togotogo te va mai tatana.

³⁵Rana tangohahi kara durakera tana maramana eni,

ge na dika ke vuha taho tua.

[Lameagu]/[Tarungagu] ko holoutoa a Lord,

ko holoutoa a Lord.

¹Hea na lei holouto vania Lord,

bosa tatea na ladana,

bosaa vanira na lei kema na hava te gonia.

²Linge holohaba vania a Lord,

bosa tatei na lei totobo te gonighi mai tua.

³Ka togotogo ighita nina vure,

gaira tara holohabaa kara rivurivu.

⁴Kenea a Lord nia na hahanga,

holohabaa gaia haia tua.

⁵Ghanaghana na lei butuli te gonighi tua God,

mana lei nina rongorongo ni dete te nighi hevei horu

me horavia na maramana talighu.

⁶Ighau na lei vaivarina Abraham,

tau nina tinoni ni lutu,

Ighau rana vaivarina Jacob,

te vilighau tua.

⁷A Lord dida na Ghoe, na lei nina bosa papara te bosai,

te nei vania na maramana udolu.

⁸Gaia te pangotia nina baubahu

te nei vanira na togha ni vavata.

⁹Gaia te pangotia na talamaghi te nea kolua Abraham,

ma nina baubahu vania Isaac.

¹⁰A Lord te gonia na baubahu kolua Jacob,

te kabu kasila haia tua.

¹¹A Lord te bosa me ghaghua,

“Inau ku heghau na pari ni Canaan,

me ke nimiu lologho heghemiu.

¹²Nina vure God tara mua subo,

gaira tara sinogho mai lokana na pari Canaan.

¹³Gaira tara tona ta sakai na kema,

mara va ta sakai, ma ra tona ta sakai na ovu ni vure,

mara ghoi va ta sakai ghua.

¹⁴Ma God te hovea ge kara bei dikalara,

me diki bosa vanira tua na lei vunaghi me ghagua,

¹⁵“Kau vei vahaghitailira gea nigua na vure ni lutu tu vilira tua,

bei ghoi tabera tua na lei nigua prophet.

¹⁶Ma Lord te nea ge kalea na ngengere na komudira,

te lavi kehai ghadira na vanga.

¹⁷Te diki vetenaa tua sakai na mane,

A Joseph, gaia tara diki nia hunulu vaghaa na seka.

¹⁸Tara pitighi na tuana nia na tali halo,

ma na tali halo te talighutia na luana.

¹⁹Me sara na hava te diki bosaa ke kale,

na bosana Lord te utuni sughua tua.

²⁰Na vunaghi haba ni Egypt te nia vetena na bosa

ge ra lavi horua tana vale pipiti Joseph,

a gaia te hulira na lei kema te lubatia ge horu.

²¹Gaia te talua ge vunaghi pungisia na valena,

me hea na maana ge righitaonighi na lei nina lologho tana pari.

²²Nia na maana te righitaonira

nia nina vure lutu na vunaghi halikama,

mana hohola te lavia,

te taraira na lei nina vilimanaha na vunaghi haba.

²³Me tona i Egypt a Jacob,

me va kabu sinogho igaa.

²⁴A Lord te hera subo na gari kulana vure,

me nera ge ra laga vulera ghadira kana

²⁵Gaia te nera na vure ni Egypt

ge ra nina sika kulana vure,

me pegopalara nina vure lutu.

²⁶Me vetena Moses, nina mane lutu,

ma Aaron, te diki vilia tua,

ma [ro]gaira toro tona i Egypt.

²⁷Ma [ro]gaira toro gonighi nina lutu sule God,

moro lutui na lei nina butuli.

²⁸God te vetenaa na pungi me saopoa na komu udolu,

mana vure ni Egypt tara mua rongovia na bosana.

²⁹Gaia te nei didira beti tavetave ma ra liliu ni ghabu,

mara mate igha lokani na lei beti.

³⁰Na lei komu te vonughighi na kulau,

mi lokana na lei valena na vunaghidira tara vonu igaa,

³¹A Lord te bosa vamua,

mana lango mana [nanamu]/[noinoi] te saopo udolui na lei komu.

³²Gaia te vetenaa na uha balolo

me horu mai tana komu,

kolua na viti te maramahia na komu udolu.

³³gaia te dikalai didira aloalo ni grape mana lei ghai ghania,

me gatu sodui na lei ghai tana komu.

³⁴A Lord te bosa mara mai na ovu ni puko,

gaira na togha mana idu hahi.

³⁵Gaira tara ghani taghalaghinighi

na lei tautalu lokana na komu,

mana lei suba suba tana pari mana vuavua ni ghai.

³⁶A Lord te matera na lei kamanagho mane,

lokani na lei vale tana komu Egypt.

³⁷Me hulira na vure ni Israel

ma ra tona mara lavighi na silver mana gold,

ma gaira tara laga mara lologho

³⁸Na vure ni Egypt tara mataghunira,

ma ra nira togotogo tana bona [rana Israel] tara tona.

³⁹God te kuvira kulana vure nia na parako

ma nina lake te hera na marara te bongi.

⁴⁰Gaira tara nongi vanga i tatana me hera na manu,

na vanga te va mai kokou tara nia mahu.

⁴¹Gaia te paoa na vatu me sikisiki dato mai na beti,

me tave sara tana bona mamaha, vagha na beti tavetave.

⁴²Gaia te ghanaghanaa nina baubahu,

te nea vania Abraham nina mane lutu.

⁴³Keri ge huli tonara kulana vure,

nia na lingelinge mana togotogo.

⁴⁴Gaia te hera kulana vure didira pari na balu vure.

me hera ghua didira leghai.

⁴⁵Gaia te nea te vaghaa eni

ge kara taonighi na lei nina vetena kulana vure,

ma kara pangotighi na lei nina bosa ni keikeri,

Kau Holohabaa a Lord!

¹Kau holohabaa a Lord!

Hea na holouto vania a Lord na pukuna te uto,

ma nina dolo te kabu kasila.

²A hei ke padai na lei totobo sule te gonighi mai tua?

ma hei ke hea na holohaba te manana?

³Kau togotogo nimiu,

ighau tau taonighi na lei nina bosa ni keikeri a Lord

Ighau tau gonia haia na hava te uto.

⁴Lord, ko ghanaghanau mai tana bona to hangara kulamu na vure,

mo ko volau mai ghua to nera ga gaira.

⁵Ge ku righia na utodira kulamu na vure,

mu ku togotogo kolu na kemamu nia na holohabana na ahamu.

⁶Ighai tai palugha vaghara na lei kukuamami,

tai tangohahi ma Ai dika ghua.

⁷Na lei kukuamami i Egypt tara mua ghilalai na lei nina lutu sule God,

subo na bona tara nia ponolio nina dolo te tatea vanira,

mara hughuhughua tana horara sisi.

⁸Ma gaia te volara so taonia nina baubahu vanira,

keri ge tatea vanira nina maana sule.

⁹Gaia te bosa vania na horara Sisi ge mamaha,

me hulira kulana vure mara sogha halavu tana pari mamaha.

¹⁰Gaia te volara tadira tara kanahaghinira,

me lavi olira tana limadira ghadira kana.

¹¹Ghadira na kana tara lulumi tana beti,

me taho tua siki sakai ke ghoi vola i tadira.

¹²Keri vaho ge ra taluutunighi na lei nina baubahu kulana vure,

mara holohaba vania nia na linge.

¹³Gaira tara nia ponolio so na hava te gonia a Lord,

mara mua pitua nina bosa ni tarai.

¹⁴Me torora na vitolo tana bona mamaha,

mi gaa tara tabotaboa God.

¹⁵Ma God te hera na hava tara nongia i tatana,

gaia na vahaghi dika te kalera.

¹⁶Mi tana bona mamaha te taho na beti mana ghai,

tara ghaghana vania Moses ma Aaron, ra nina gehegehe tabu a Lord.

¹⁷Tana bona keri te tavoka na pari,

Ma Dathan ma Abiram kolura didira ovu,

mana balu tara nira pala,

tara tumuhaghe lokana na gilu me pari kuvira na pari.

¹⁸Ma God te nia vetena mai na lake vanira na vure dika tara taonira,

ma gaira te ghani taghalaghinira na lake.

¹⁹Mi tana ghotu Sinai tara gonia nia na gold sakai na buluka mane,

ma gaira tara holohabaa igaa.

²⁰Gaira tara tughua na rongoraghaana God,

nia na titinonina na buluka mane, te vanga buburu.

²¹Ma ra nia ponolio God te volara nia na lei totobo sule,

te gonighi mai tua i Egypt.

²²Na lei totobo uto te gonighi igaa,

mana lei totobo haeharegha te gonighi ghua tana Horara Sisi.

²³Mi tana bona God te bosa ge ke dikalara kulana vure,

A Moses, nina mane lutu te vilia,

te hughutia God, me hovea ge ke bei dikalara na vure.

²⁴Me mua liodira so na tona tana bona keri,

na pukuna tara mua taluutunia nina bosa ni baubahu God.

²⁵Gaira tara kabu vamua loka ni valedira nia na rutu mana ngulungulu,

mara hove na rongoviana na bosana a Lord.

²⁶Keri ge diki bosa dila vanira a Lord!

Ke matera mughua lokana na bona mamaha.

²⁷Me ke havukaghinira na lei vinavahuhudira ghobudira rana voo,

ma kara mate horu tana lei komu keha.

²⁸Ma nina vure God tara holohabaa Baal, na titinoni ni Peor,

mara ghanighi na sukaghi tara nei vanira na lei god tara mua loghoa na vola.

²⁹Ma na hava tara gonia te nea a Lord ge rutu,

me vuha kalera na vahaghi dika na vure.

³⁰Ma Phinehas te tughuru me nea na hava te gonia,

keri ge soko na vahaghi.

³¹Mana totobo te nea eni,

kara ghanaghana olia na so me sara itaeni,

maia tana lei vavata ke mai.

³²Mi tana lei vuravura ni beti Meribah,

na vure tara nea Moses ge rutu,

ma gaia i lokana na hava tara nea na vure.

³³Ma gaira tara nea Moses ge rutu, me mua taghao utoa tua na liona ge ke kokoe.

³⁴Gaira tara mua matera rana voo,

taonia na bosana a Lord,

³⁵Mara sopa lailola koukolu vamua itadira te taulaghi,

mara lavighi didira nilabu ghua rana voo.

³⁶A nina vure God tara vuha holohabara tua na lei titinoni,

ma gaia keri te nera ge ra vuha dika.

³⁷Gaira tara nira hevei daledira na lei mane mana tahula,

na vatei sukaghi vanira na lei titinoni god ni Canaan

³⁸Gaira tara matera na lei gari taho loghadira,

mara nea te vaghaa ge ra dikalaa na komudira nia na mate tinoni.

³⁹Gaira heghedira tara nera ge ra meto,

nia na lei gehegehedira tara mua taluutunia God.

⁴⁰Keri ge rutu a Lord vanira nina vure,

me ke nia sika nina vure.

⁴¹Gaia te sanira tana limadira rana voo,

mara kabu sasara tadira ghadira kana.

⁴²Ghadira kana tara veiveira so,

mara vahaghitailira ngangata.

⁴³A Lord te lavi olira mai tana vola kulana vure,

mara liona so na hughutiana,

na pukuna te lata ngasilira tua na palu

⁴⁴Hauva, mi tana bona tara tangi vania a Lord,

gaia te rongovira me arovira so,

na pukuna tara kabu tana vahaghitaili.

⁴⁵Gaia te ghanaghana olia nina baubahu vanira na vure,

ma nina dolo te sule vanira ge tughua na liona.

⁴⁶Gaia te nera gaira tara vahaghitailira,

ge ra ghoi arovira so.

⁴⁷Lord, nimami na God, ko vavolaghai

mo ko laviolighai tadira na lei kema,

ge kai holoutogho ma kai holohabaa na ahana te tabu.

⁴⁸Holohabaa a Lord, gaia God ni Israel.

Holohabaa itaeni, maia ke va me vaa!

Mana mavitu ke bosa, “Amen!

Holohabaa a Lord!”

Buka Lima 107 - 150

¹Holoutoa Yahweh/Lord, gaia te uto lee!

Ma nina dolo veiarovi ke kabu kasila.

²Arahei tamiu a Yahweh te huiolighau, kau bosa tatea,

Kau bosa vanira na vuresubo, agaia te vavolaghau tana ghamiu na levunimate.

³Ma gaia ke vahikolura tara rughuhoru tana lei komu,

i ulu, i boko, i lau, mi longa.

⁴Mana balu tara tona hahi tana bona mamaha,

ge ra sivi me taho na komudira.

⁵Ra vitolo mara haga inu,

agaira tara dutu ni mate.

⁶Gaira tara nighi ngangaraha didira na vahola, “Yahweh/Lord, ko hangara/hangaru!”

me volara didira vahaghitaili.

⁷Te uhuli maemane tatavahalera,

vaa tana komu kara ghahara iga.

⁸Ma kara hea mughua na holouto itatana Yahweh vania nina dolo te sule,

na pukuna nina lei lutu te nei vanira te haeharegha.

⁹Agaia te vaa togholuvura tara haga inu,

me va mahura tara vitolo nia na lei totobo uto.

¹⁰Na balu tara sopou tana pungi mi tana ungaunga ni mate,

na tinoni pipiti vesikana tara pitia nia na tali halo.

¹¹Agaira tara hughuhughua na bosana God,

mara batobatoa mara mua talumavaa gaia te haba.

¹²Me vagha keri ge goti/goru horura nia na lutu papara,

ge ra kutu, taho ahei ke hangara ge kara tughuru dato.

¹³Gaira tara nighi ngangaraha didira na vahola, “Yahweh/Lord, ko hangau/hangara!”

me volara ta didira na vahaghitaili.

¹⁴Agaia te uhuli kehara tana pungi mi tana ungaunga ni mate,

me sagui/bohai/tagotighi didira na alo ni pipiti.

¹⁵Ma kara hea mughua na holouto itatana Yahweh vania nina dolo te sule,

na pukuna nina lei lutu te nei vanira te haeharegha.

¹⁶Me goti horui na mataulani [ni bronze] na lei vale pipiti,

me haurakei na lei peo ni talihalo.

¹⁷Na balu tinoni bule tara nighi vahaghitaili didira na kabalaghi,

na pukuna didira na hughuhughu.

¹⁸Didira na lioliogha te tagha tua,

na mate te dutu tua.

¹⁹Gaira tara nighi ngangaraha didira na vahola, “Yahweh/Lord, ko hangau/hangara!”

me volara ta didira na vahaghitaili.

²⁰Agaia te bosa, ge ra kisu volara,

ge sagau kehara tana mataula ni mate.

²¹Ma kara hea mughua na holouto itatana Yahweh vania nina dolo te sule,

na pukuna nina lei lutu te nei vanira te haeharegha.

²²Lubatira gaira ge kara nia sukaghi na sukaghi holouto,

ge kara linge rivurivu vania nia nina lei lutu te haeharegha.

²³Na balu tara rughuhoru tana lei vaka,

mara kalitighi didira na lei lutu mara sabisabiri mara hunuhunulu tana maramana.

²⁴Gaira ghua, tara vatoghai/righighi nina maana Yahweh te nei tua,

maia te lutui te haeharegha tana tahi lalo.

²⁵Gaia te bosa, mana ghuri te tavuvu,

mana unuunu te tipo.

²⁶Ma didira na vaka te sonisonia tana oka/tahi, me ghoi lulumi horu tana horara,

mana lei tinoni lutu tara mataghu ghebeghebe.

²⁷Gaira tara tapele mara tumu sapa longa vagha na tinoni te inu bulebule.

mara mua ghilala na hava tara gonia.

²⁸Gaira tara nighi ngangaraha didira na vahola, “Lord, ko hangara!”

me volara ta didira na vahaghitaili.

²⁹Gaia te vaa betoa na maraghata,

mana tahi te beata.

³⁰Gaira tara togotogo na pukuna te beata keri,

ma Yahweh te lavi tatavahaleghita nia mai tana logu.

³¹Ma kara hea mughua na holouto itatana Yahweh vania nina dolo te sule,

na pukuna nina lei lutu te nei vanira te haeharegha.

³²Lubatira gaira ge kara talu haba tana matadira na vure subo,

maia ghau tana matadira na lei tinoni uhuhuli tana lei kema.

³³Gaia te liliui na lei beti ge liliu ni bona mamaha,

mana vuravura ni beti ge ra mamaha.

³⁴Gaia te liliu na pari vangagha ge liliu na pari dika,

na pukuna gaira tara ghahara iga tana dika.

³⁵Ma gaia te liliua na bona mamaha taho iga na beti mana ghai, ge liliu ni kolokama,

mana pari mamaha, ge liliu na vuravura ni beti.

³⁶Te talura iga tara vitolo ge kara ghaha iga,

ma kara kisu iga na komudira.

³⁷Gaira tara vadei didira na leghai, mara subasuba tana leghai ni grape,

mara lavi ni vaghani didira na vanga te hali.

³⁸Gaia te vautora nina vure, ma kara vahuhura subora na lei gari.

me vaa subora na didira na maumanu kukuti ke haia laghi.

³⁹Tana bona ghadira na levunimate tara lagavulera nina vure God ke, gaira tara kubolu,

mara vahaghitaili mara dikalio na pukuna didira na vahola.

⁴⁰Ma Yahweh te nia sika na vinahogho tara vahaghitailira,

ge ra ole sebala tana bona mamaha, e taho iga na lei halautu.

⁴¹Hauva, me volara na bona ta didira na vahaghitaili,

me suboi didira na binaboli te vagha na ovu ni sheep.

⁴²Ahei tara reirei kale kara righia ma kara togo,

ma gaira tara dika kara todore.

⁴³Ma gaira tana manaha kara lavipangotighi raini tana tobadira,

ma kara righia tana vavatada nina dolo Lord te sule.

Nina Linge ni holouto David

¹Ghe God, na tobagu te nia varava itamua,

mu ku linge nimua na linge ni holouto!

Rarai na tarungagu!

²Inau ku avehia na labota nia nigua na linge,

mu ku ni rarai na ghalevu mana uvete.

³Yahweh/Lord, inau ku holoutogho, tana matadira na lei tinoni.

Mu ku linge holohabagho ghobudira na lei kema.

⁴Nimua na dolo te mua mautu te [dato] haba vulea na kokou,

Ma nimua na utuni te saravia na parako.

⁵Ighoe God, ko tatea i kokou nimua na haba,

ma nimua na rongoragha ke saopoa na maramana talighu.

⁶Ko bosatughu nigua na kokoeliulivuti, ge ko vavolau inau nia na lima madolomu te laga,

mo ko rughuhorura/lubatira/[vavolara ghua] nimua na vure to dolovira.

⁷Aeni God te nia baubahu tana bonana te tabu,

“Me ke vilivoka i Shechem nia na togotogo.

Inau ku kagea/vahea na hohogho Succoth [tana nigua vure].

⁸Gilead nigua,

na Manasseh ghua nigua.

Ephraim ke subora nigua na [vure kisumate]/malaghai,

mi tana kemana Judea ke va mai nigua na lei vunaghi haba.

⁹Ighoe Moab nigua na tinoni lutu sasara/seka,

mi nau ku sonia na hahara ni marevogu ivuvungona Edom,

te vagha na vaughilala ge ku loghoa na butonikomu keri.

Mu ku ngangaraha na pukuna tu lagavulera rana Philistia.”

¹⁰?Ma ahei ke lavi hagheu ilokana komu vahola/vatu ngasi?

?Ma ahei ke lavi olia vaniu mai, na laga vulea Edom?

¹¹?Ghe God, o nighai sika tua?

?Ko mua nira udukolu tua nimami na ovu ni kisumate?

¹²Ko hangaghai tana ghamami na [lei] levunimate,

na pukuna na hahanga ni tinoni te totobo lee vamua.

¹³Ma nia nina hahanga God, ka gonighi nia na lei totobo haeharegha,

me ke turi horura ghada na levunimate.

Vania na tinoni gehelinge. Nina linge David.

¹God, inau tu holohabagho,

ko bei tughuru beto sagauviu gea,

²tana bona na lei tinoni dika tara pasapasau,

mara niu tutugu sorisori.

³Mara talighutiu mara niu sika nia na bosadira,

me taho pukuna tara hughuhughu koluu nia.

⁴Ma gaira tara hurutabou ge u gonighi na lei totobo dika,

sakai vamua inau tu dolovira mu kokoeliulivutira!

⁵Mara tughua dika nia na uto,

mara niu sika [tughua] nia nigua na dolo.

⁶Kemana tinoni dika ge ke levunimate vania,

vetena na tinoni tara hurua ge ke hola tana dete.

⁷Tana bona ke tughuru mai tana padapada, lubatia ge kara dete kalea.

Padai nina kokoeliulivuti te vaghai na lei paluna.

⁸Ko kukulili na niuluna,

ma siki sakai na keha ke holaa na malana tana lutuna.

⁹Mana lei dalena te taho tamadira,

mana tauna kara liliu ni mate sasani.

¹⁰Mana lei dalena kara ole toposo, ma kara nongi kolili,

ma kara ghuru horu kehara tana lei sopa komudira/valedira te dikalagha.

¹¹Ma gaia te loghoa na pagu itatana, ke sagui na kaukabuna.

mana tinoni haghe mai ke hola kehai na lei nina lologho.

¹²Bei [lubatia siki sakai ke] liodolovia gaia,

me ke bei righi arovira gea hei nina lei gari dale samu.

¹³Ge na lei vavatana kara pisu,

mana ahadira nina binaboli kara taghalaghi tana vavata ke mai.

¹⁴Ma Yahweh ke mua nia ponolio na paludira na lei kukuana/vaivarina,

mana paluna tinana ke mua tagha tana gegere tutughuni.

¹⁵A Yahweh te ghanaghana olighi haia na lei palu raini,

ge ke lavikehara na ahadira tana ghanaghana ni tinoni.

¹⁶Na pukuna na mane keri te hove pungisira heghena na doloviadira rana keha,

me ghighiroura me matera

rana bona, mara mua lologho, ma rana lioparuruha.

¹⁷Gaia te dolovia ge ke varangara rana keha, mi taeni ko varangaa.

Me mua vautora rana keha, mi taeni ko bei vautoa gea.

¹⁸Gaia te bosakau haia te vagha te nia pupulu kolua nina tivi.

Lubatighi nina bosakau te haghevia tana hulina te vagha na beti te inuvia, pe te vagha na kokolu ni olive.

¹⁹Mi taeni ko lubatia nina bosakau te virighia gaia heghena, te vagha na tivi te virighia na hulina,

me vagha ghua na kabe te virighia tana ghobuna.

²⁰Na bosakau raini, na vatei totoro nina Yahweh vanira rahei tara huruhuruu,

ma gaira tara gonidilaa na ghagua na mate.

²¹Hauva Yahweh/LORD, nigua na God, ko hangau/vautou, [na pukuna na nilabumu te maemane/kaekage]/te vagha to baubahu niu,

mo ko vavolau na pukuna ighoe to maemane/uto maia to doloviu.

²²Inau tu bona, mu mua lologho,

mana tobagu te vonughia na vahaghitaili.

²³Inau tu taghau vaghau na nunu tana pungi,

mu tumu horu/pirikaghi vagha na puko [te bubuto].

²⁴Na tuturugu tara kaumaghogho, na pukuna na talukau,

[inau tu] sighere mu huli lee.

²⁵Gaira udolu tara righiu tara batobatou,

mara birubiru na uludira na pukuna tara niu sika.

²⁶Yahweh, nigua na God, ko hangau!

Mo ko volau na pukuna nimua na dolo ke mua soko.

²⁷Sania [gaira] ghana na lei kana/levunimate kara ghilala ighoe to gonia,

Ighoe Yahweh heghemu vamua to vavolau.

²⁸Ke vagha kara liona ke, ma kara bosa kauu,

Hauva mi ghoe ko vautou so.

Tana bona tara kanahaghiniu igeva gaira udolu kara righi horura/nira sika/nira maa,

mi nau nimua tinoni lutu ku tona haliu so na nigho togotogo.

²⁹Ko nera rana vure udolu, ge kara reirei kale,

ko kuvihira tara huruhuruu ge kara maa.

³⁰Inau erua na tughuru holoutoana Yahweh,

Mi nau ku holoutoa [ighobuna na vaukolu ni vure]/[ighobudira rana vuresubo],

³¹na pukuna gaia te tughuru lilighidira rana bona,

me gonidilaa ge ke volara itadira rahei kara detehorura [ge kara mate].

Nina linge David

¹Ma Yahweh/ Lord God te bosa vania nigua na Lord,

“Ko sopou iani tana lima/pala madologu [ta nigua na malei haba],

polo ku taluhorura ghamua na lei levunimate

ge kara vaghara na malei tuturi sarani tuamu110:1 na malei tuturi sarani tuamu Na vaughilala, na ghanaghana ilokana na lei levunimate te kabu sarana nina maana Lord..”

²Ma Yahweh ke ghadarua nimua maana ni vatogha te vuivuni Jerusalem.

Ko vatoghaa/vunaghi pungisia vuvungadira na ghamua na kana.

³Tana bongi ni kisumate nimua na vure kara gehegehe laga vanigho.

Ko nighi pupulu na tivi tabu,

ge kau maumauri olighi tughu bongi nimiu na laga, te vagha na kebu ni labota.”110:3 Na leu ni Jew tana tete eni, te vahola ngangata ge ka ghilala utoa.

⁴Ma Yahweh e pangotia nina bosa ni papari,

me mua ghoi huhua/diua tua nina baubahu,

“Ighoe na manesukaghi kasila

tana vavatana Melchizedek.”

⁵Ma Lord ke tughuru tana lima madolomu, [Yahweh]

me ke labu horura te subo ni vunaghi ta nina bongi ni rutu.

⁶Gaia ke detera na lei tinoni,

[me vonughighi na lei kema/butonikomu kolui na lei tinoni mate].

Me ke labu paruruhai na uludira na lei vunaghi tana maramana talighu.

⁷Ma gaia heghena te inuvia tana daidari tana halautu,

Me vaolu, ma gaia ke lagavule [tana ngiha].

¹Holoutoa Yahweh!

Inau ku holoutoa Yahweh nia na tobagu udolu,

tana bona tu sakai soni kolu itadira na lei nina vure God.

²E haeharegha sughua na lei nina gehegehe Lord,

ahei tara nighi togotogo,

te manana sughua kara kene ghanaghanani,

³Na lei totobo soko te nei,

te tughu ni tatea iga nina rongoragha mana malei haba,

ma nina maemane ke tona haliu.

⁴Ma ahei ke nia ponolio nina lutu te haeharegha?

Dida na Lord te lio dolo maia te veiarovi.

⁵Agaia te vahera na vanga, gaira tara varava itatana,

me ghanaghana olia haia nina baubahu.

⁶Agaia te tatea nina maana laga vanira nina vure,

me vahera na pari ni tunuva.

⁷Na hava te ne tua te uto, maia te maemane,

mana lei nina vetena te utuni.

⁸Ma gaira udolu tara utuni haliu,

te manana na pangoti kikinimaani nia na lutu maemane.

⁹Ma gaia te pelu horuna nina vure,

te ngasi nia nina baubahu ke va me va.

E tabu na mamataghugha na ahana.

¹⁰Na nia kikinima Lord na vuivunina na manaha.

Oliolina na manaha te mai vanira ahei tara lavipangotia.

Holoutoa na ahana ke va me va.

¹Holoutoa Lord!

Kau togotogo gaira ahei nia kikinima Lord,

Eo, nira togotogo ma kau nira rivurivu,

ahei tara kabu taonighi nina lei vetena.

²Ge na lei daledira ivei mi ivei,

kara tangomana tana lei vavata,

mana lei nina vure God kara lavia nina vauto.

³Na gehegehedira na vure lologho te uto,

kara mua ponoliodira nia.

⁴Tana bona na pungi, te laga vulera nina vure God,

na marara te haghe mai tua.

Na pukuna tara hevei tatavahale,

mara vei arovi mara kabu maemane.

⁵Ahei tara hevei tatavahale na lei totobo soko te uto vanira,

Ma rahei tara hola te tatavahale didira na lei lutu.

⁶Na vure raini ke mua laga vulera na lei totobo te dika,

ma gaira na maemane kara ghanaghana oli talaura.

⁷Ma gaira tara mua mataghunia na rongorongo te dika,

mara varavaghingasi vamua i tatana Lord te righitaonira.

⁸Ma gaira tara mua mataghu, mara varava ngasi,

kara tangomana na hughuhughu kolu

tadira ghadira na levunimate ma kara laga vule.

⁹Agaira tara hevei tatavahale vanira tara bona,

na nilabudira te uto, ka mua nighi ponolio.

Ke vagha ke vaa suasuanighita ma ka ghanaghana mavai.

¹⁰Na lei tinoni dika kara rutu papara tara righia eni,

ma kara ghalati ma kara sakutua keha,

ma didira ghanaghana dila ke luvu lee.

¹Holoutoa Lord!

Eo, Holoutoa Lord, ighau nina vure Lord,

holoutoa na ahana Lord.

²Bosa utoa na ahana Lord ke va me va.

³Ivei mi vei, i ulu mi Boko,

holoutoa na ahana Lord.

⁴Ma gaia Lord te haba vulera na lei kema,

ma nina rongoragha te haba vulea na parako.

⁵Ivei ke nea na kageana Lord nia dida na God,

ma hei te sopou haba dato?

⁶Sarana gaia na kokou mana pari, me sighorotu me vatoghai.

⁷Me lavi kehara rana bona tana pari liliki,

ma gaira tara mua lologho tana vatei soni lololo

⁸Talua na vinahogho ghobudira, ge ke habadira nina vure heghena.

⁹Gaia te talu valena na vaivine te mua logho dalena,

ge ke kabu togotogo

Holoutoa Lord!

¹Tana bona ra Israel tara sogha sania Egypt,

nina kemana Jacob tara tona keha tana komu keha.

²Na pari ni Judea te liliu ni bona tabu nina God,

mi Israel te ghaha ga nina kinakabu.

³na tahi te righira ge vilivoka, ge ra mina sogha halavu!

Ighoe na beti Jordan, ge o tave pulohi.

⁴Na lei ghotu tara soghasogha, vagha na beti te tipotipo,

mana lei ghotu pile te vaghara na lei dale sheep.

⁵Na hava te negho ighoe na Tahi Sisi

ge o tave keha tana halautumu?

ge o tave keha, ighoe na beti Jordan?

⁶Ghau na lei ghotu,

E ghua ge au soghasogha vagha na beti ni tipotipo?

Mana lei ghotu pile vaghara na lei dale sheep.

⁷Maramana, ko anuanu, tana matana Lord,

mi tana matana God ni Israel.

⁸Maia te liliua na vatu, ge liliu ni kolo ni beti,

Eo, na vure ni beti te va mai tana vatu mauri.

¹Mua tamami, Lord, tamua vamua ke va mai na lei rongoragha,

ta nimua kikinima ta nimua na dolo te mua mautu.

²Eghua ge o lubatira na vure ge ra bosa,

“ivei didira na God?”

³Ghada na God i kokou, ma gaia te nei na lei totobo te lioni.

⁴Didira na titinoni na totobo lee vamua,

Ma ra gonira nia silver mana gold,

te gonighi na lima ni tinoni.

⁵Ra loghoi na mangadira,

mara mua nighi kokoe,

mara logho matadira

ma kara mua nighi reirei na matadira.

⁶Na kulidira iga, kara mua nighi rongo,

na ihudira iga kara mua nighi uruurumi,

⁷Na limadira iga kara mua nighi taotavongo,

na tuadira iga ma kara mua nighi sakusaku tua,

na sosonodira iga ma kara mua nighi kokoe tate.

⁸Ma gaira tara sarighi, tara vaghara oli heghedira,

ma gaira tara varava tadira.

⁹Ighoe Israel, ko varava i tatana Lord,

agaia nimua na tako ni pilupilu.

¹⁰Nina mane ni sukaghi Aaron,

kau varava ngasi itatana Lord,

agaia nimui na tako ni pilupilu.

¹¹Ghau soko, tau nia kikinima Lord,

kau varava itatana Lord, agaia nimiu tako ni pilupilu.

¹²Lord, te ghanaghanaghita, agaia ke vautoghita,

gaia ke vautora na vure ni Israel, na lei mane sukaghi ma nina binaboli Aaron.

¹³Gaia Lord, ke vautora tara nia kikinima,

gaira tara sule ma tara pile.

¹⁴Ghau, mana lei dalemiu,

nina vauto Lord te sule ngangata i vuvungamiu.

¹⁵Gaia Lord ke vautoghau,

te gonia na parako mana pari.

¹⁶Na parako nina Lord,

me vahera na lei tinoni ni maramana.

¹⁷Na lei tinoni mate kara mua tangomana na linge holoutoana Lord.

gaira tara tona mara beto tana gilu.

¹⁸Mi ghita ka tangomana na holoutoana Lord,

itaeni maia ke va me va.

Holoutoa Lord!

¹Inau tu dolovia Lord, na pukuna te rongovighi,

me bosa tughui nigua na lei kokoeliulivuti.

²Na pukuna te tualaghi tuturu me varongohiu,

mi nau ku kokoeliulivuti tana bona tu vola mua.

³Na gilu ni mate mamataghugha te laga vuleu tua,

te talighutia na sosonogu.

Mi nau tu righia na vahola mana dika lio.

⁴Inau tu holoa na ahana Lord,

Lord, Ko volau!

⁵Gaia Lord te dolo, me uto lee!

dida na God te veiarovi!

⁶Gaia Lord te pilupungisira gaira,

te pile didira na taluutuni,

vavolau inau tu dutu na mate.

⁷Mi taeni nau tu aheahe,

gaia Lord te uto ngangata vaniu.

⁸Me volau tana mate, na matagu tara karukolobu,

mana tuagu tara turi padi.

⁹Inau ku sakusaku tua tana matana Lord,

tana bona ku ghahau iani maramana.

¹⁰Inau tu taluutunigho, ge u kokoeliulivuti.

Inau te sule ngangata nigua na vahola Lord.

¹¹Ta nigua na ghanaghana dila inau tu ngangaraha vanigho,

na vure raini tara kikokiko!

¹²Na hava ku hea Lord tana lei totobo te nei vaniu?

¹³Nau tu talu datoa na seu te vaughilala ni huioli,

Inau ku holoutoa na ahana Lord, na pukuna te vavolau.

¹⁴Inau ku pangotighi nigua na baubahu vania Lord, tana maladira nina vure.

¹⁵A gaira tara uto mate, Lord te dolovira,

me dika lio tana bona tara mate.

¹⁶Lord, Inau nimua na tinoni ni lutu.

Eo, nimua na tinoni, na dalena nimua na tinoni lutu.

Mi ghoe ko tatavahaleu ta nigua na kabu pipiti!

¹⁷Inau ku vahegho na sukaghi ni holouto,

mu ku holoa nigua na ahana Lord.

¹⁸Inau ku pangotighi nigua na baubahu vania Lord, tana matadira nina vure.

¹⁹Tana valena Lord, i lokana Jerusalem.

Holoutoa Lord!

¹Holoutoa Lord, ighau na lei kema soko.

Holoutoa gaia, ighau na lei vure tana maramana.

²Gaia te dolovighita nia nina dolo te mua soko,

ma nina lio kikinima Lord ke mua soko ke va me va.

Holoutoa Lord!

Uto vaa, ge ka varavaghi itatana God i mua tatana na tinoni

¹Holoutoa Lord, agaia te uto lee!

Ma nina dolo veiarovi ke kabu kasila

²Na vaukolu vure Israel kara ghoi bosa ghua,

Ma nina dolo veiarovi ke kabu kasila

³Na vavatana Aaron mana lei mane sukaghi kara ghoi bosa oli;

Ma nina dolo veiarovi ke kabu kasila

⁴Gaira tara nia kikinima Lord, kara bosa oli,

Ma nina dolo veiarovi ke kabu kasila

⁵Ta nigua na vahaghitaili [hau/nau] tu kokoeliulivuti vania Lord,

Ma Lord te bosa tughu me volau inau.

⁶Lord, nigua nau, mu ku mua ghoi mataghu tua,

me taho tua hei ke ghoi gonia vaniu siki totobo dika.

⁷Eo, Lord nigua nau, gaia ke hangau inau.

U righia na laga vule itadira tara niu sika.

⁸E uto vaa ge ku varava ngasi itatana Lord,

vulea na ghanaghana kodo itatana na tinoni

⁹E uto vaa ge ku varava ngasi itatana Lord,

vulea na ghanaghana kodo itatana na vinahogho.

¹⁰Na lei levunimate kara talighutiu,

mi nau ku taghalaghinira tana ahana Lord.

¹¹Eo, gaira tara talighutia mara hughuhughu koluu,

mi nau ku taghalaghinira tana ahana Lord.

¹²Mara rangasi ngangatau te vagha na lapilapi ni lake,

mi nau ku taghalaghinira tana ahana Lord.

¹³Na ghagua na levunimate tara tabotabo ni mateagu,

hauvaa ma Lord te hangau so inau.

¹⁴Gaia Lord nigua na laga ma nigua na linge,

te liliu ni lagavule.

¹⁵Linge togotogo mana lagavule tara lingei lokani lei vale tapole nina vure God,

Na lima madolona Lord te laga te gonighi na lei totobo haeharegha.

¹⁶Na lima madolona Lord te laga te hola datoa na lagavule,

na lima madolona Lord te laga te gonighi na lei totobo haeharegha!

¹⁷Nau ku vola mu ku mua mate,

ku bosa tatea na hava Lord te gonia.

¹⁸Gaia Lord te toro ngangatau,

me mua lubatiu ge ku mate.

¹⁹Ko hangavia vaniu na mataula kara haghe iga na maemane,

Mi nau ku haghe iga mu ku holoutoa Lord.

²⁰Na mataula kiri ke uhulighita vaa tana matana Lord,

ma nina vure God kara haghe iga.

²¹Inau tu holoutogho to bosa tughua nigua kokoeliulivuti,

mo volau.

²²Na vatu ngasi tara ngelea na lei tinoni kisu vale,

itaeni te liliu ni puku ni vatu.

²³Aeni nina lutu Lord God,

me [haeharegha na vaevanena]/[maomaro mangagha na righiana].

²⁴Eni na bongi Lord te gonia,

mai ghita ka togotogo ma ka rivurivu ilokana.

²⁵Lord, ko vavolaghai, Lord, ko vavolaghai,

Lord, ko vaheghai mai nimua na lagavule.

²⁶God ke vautoa gaia te mai tana ahana Lord God.

Mi ghai tai vautogho tana valena Lord.

²⁷Ma Lord God ke marara ivuvungada

kau lavighi mai nimiu na sukaghi ma kau talui vuvunga na Bela tabu.

²⁸Ighoe nigua na God, mi nau ku holoutogho!

Ighoe nigua na God, mi nau ku talu datogho!

²⁹Holoutoa Lord, agaia te uto lee!

Ma nina dolo veiarovi ke kabu kasila.

Aleph

¹Holoutora gaira tara tughuru kakai, mara taonighi nina lei vetena Lord.

²Holoutora gaira ahei tara pangotighi nina vetena,

mara kene taonia nia na tobadira udolu.

³Agaira tara mua lavipangotia na dika,

mara sakusaku tua vamua tana puku ni halautuna.

⁴Ighoe to vetena ghai ge kai pangoti utoi nimua na lei vetena.

⁵Na lei nilabugu kara tughunitatei na lei nimua puku ni ghanaghana.

⁶Ge ku bei mamahaghi gea,

tana bona ku righi talu kolua na volagu nia nimua na vetena.

⁷Tana bona inau tu naunaui nimua na vetena maemane,

inau holoutogho nia na volagu te vagha tu ghaghua tua igaa.

⁸Inau ku pangotighi nimua na lei puku ni ghanaghana,

mu kurutigho ko bei lubatiu gea.

Beth

⁹Na lei tinoni vaolu, ivei kara ghaghua ge kara kabu maemane?

kara pangotia mughua na bosamu na nimua na lei vetena.

¹⁰Inau tu tabotabo na kene taoniamu,

mo ko vei lubatiu gea ge ku sagauvia na bosamu.

¹¹Na lei bosamu te kabu polo tana tobagu,

ge ku bei kabalaghi savugho gea.

¹²Holoutogho ighoe, Lord,

mo ko taraiu nia nimua na puku ni ghanaghana.

¹³Na pukuna inau tu bosa tatei na lei nimua na lei vetena to vaheu mai tua.

¹⁴Inau tu nighi togotogo nimua na lei vetena,

vagha ghua tana lei hala ni sosodo.

¹⁵Inau ku naunaui nimua na vetena,

te tughunitatei na halautumu.

¹⁶Inau ku nighi rivurivu nimua na lei puku ni ghanaghana,

mu ku bei nia ponolio gea na bosamu.

Gimel

¹⁷Ko utoutora nimua na lei tinoni ni lutu,

ge ko vola ma ka pangotighi na bosagu.

¹⁸Ko davorai na matagu, ge ku vaevanei nimua na vetena haeharegha te utuni.

¹⁹Inau na tinoni haghe mai vamua iani maramana.

U liona nimua na vetena ke huliu,

ko bei talu taluravighi vaniu gea.

²⁰Na pukuna na lei bongigu te mavatia na ghanaghanani nimua na lei vetena.

²¹Ighoe to tughuru pungisira

gaira arahei tara kanahaghi mai a talu maghora heghedira,

mara nighi murilio nimua na lei vetena.

²²Ko bei lubatira gea ge kara bosa dika tau,

na pukuna inau tu pangotia nimua na lei vetena.

²³Na lei vinahogho tara sopou mara kokoe hughuhughu.

Mi nau tu ghanaghana vaovarongo nimua na lei puku ni ghanaghana.

²⁴Nimua na vetena te vaheu na togotogo,

me vaheu na bosa patupatu ni manaha.

Daleth

²⁵Na huligu te koli tana pari,

[me hughuhughu polo] ko ghoi vola oliu mai ghua nia na bosamu.

²⁶Inau tu bosa vatei vanigho tua nigua na lei arelavaghi,

mo bosa tughui, ko taraiu mai nia nimua na lei puku ni ghanaghana.

²⁷Ko hangau ge ku ghilala manahani na ghanaghana i lokana nimua na lei vetena,

ge ku ghanaghana vaovarongoi nimua na lei butuli te haeharegha.

²⁸Inau tu nia tangi na dikalio, mo ko patupatu mai nia na bosamu.

²⁹Ko pilupungisiu mai ge ku bei pego oliu gea,

ko vaheu mai na maana ni ghilala manahani nimua na vetena.

³⁰Inau tu liona na pangotiani mara kabu taoniani nimua na lei vetena.

³¹Mu ku vavaravaghi nigua igaa,

Lord, ko bei neu ge ku ghoi nighi maa oli.

³²Ke vagha ko hangau ke,

inau ku sama maemane taonia nimua na lei vetena.

He

³³Lord, ko taraiu mai,

ge na lei tinoni kara taonighi lei nimua na puku ni ghanaghana.

³⁴Kova heu mai na manaha ni ghilala,

mu ku taonighi nimua na lei vetena,

Inau ku naunaui nia na tabagu udolu.

³⁵Ko neu inau ge ku sakutua taonia na halautuna nimua na vetena,

iga ku sodoa na puku ni togotogo.

³⁶Ko vaheu mai na puku ni ghanaghana mava,

taoniani nimua na vetena

mo ko bei taghalaghiniu gea

nia na doloviana na rongo.

³⁷Ko riu keha na matagu tana lei totobo toposo,

ge nia na bosamu ke vaheu na vola.

³⁸Ko patupatu mai nia nimua na baubahu,

ma vanira ahei tara tahi mavagho.

³⁹Ko hangau, ge ku nighi murilio,

na nilabugu tu nighi maa,

na pukuna nimua na vetena vamua

tu liona tana volagu.

⁴⁰U liona na pangotiana nimua na vetena,

mo ko maumauri olia mai na volagu nia nimua na uto.

Waw

⁴¹Lord, ko vaheu mai nimua na dolo ke mua soko,

na vola te vagha to nia baubahu tua.

⁴²Mi nau ku hera na bosa tughu,

gaira rahei tara ghanaghana ruarua,

na pukuna inau tu varava tana bosamu.

⁴³Ko bei lavi keha gea na bosa ni utuni

itagua ta nimua na vetena vamua

te ghaha nigua na pitudilaa.

⁴⁴Inau ku pangotighi haia nimua na lei vetena ke va me va.

⁴⁵Inau ku sakutua tatavahale,

mu nia hevei oli na volagu,

na pukuna nimua na vetena.

⁴⁶Inau ku kokoe vanira na lei vunaghi nia na bosamu,

mu ku mua ghoi maa ghua.

⁴⁷Nimua na lei vetena,

tu dolovighi mai tua.

⁴⁸Inau tu ghanaghana mavai mu dolovighi nimua na lei vetena,

mi nau tu ghanaghana vaovarongoi na lei nimua puku ni ghanaghana.

Zayin

⁴⁹Ko ghanaghana olia nimua na baubahu itagua

keri vamua tu ghanaghau dilaa.

⁵⁰Nimua na baubahu te togholuvu inau,

me va patupatu ta nigua na vahola.

⁵¹rana talunagho tara pasapasau mara mua ghanaghana mavau.

Hauva inau tu mua nia murilio nimua na vetena.

⁵²Inau tu ghanaghana haia nimua na vetena haulaghi,

Lord, ge gaira kara patupatu.

⁵³Nau tu rutu papara vanira tana tangohahi,

na pukuna tara mua pangotighi nimua na lei vetena.

⁵⁴Nimua na puku ni ghanaghana

te vagha na lei linge lokana na vola ni volagu,

lokana nigua na niulu ni vinano.

⁵⁵Tana lei bona ni bongi, Inau tu talu tatea ahei, Ighoe Lord,

Mi nau tu taonighi nimua na lei vetena na pukuna eni.

⁵⁶Eni na halautuna na volagu, tu nia togotogo,

ge ku pangotighi nimua na lei vetena.

Heth

⁵⁷Lord, Ighoe nigua! Inau tu baubahu ku pangotighi na lei bosamu!

⁵⁸Na tobagu udolu te liona nimua na vauto.

Mo ko aroviu te vagha to nia baubahu.

⁵⁹Inau tu kene ghanaghanana na halautuna na volagu,

mi nau tu ririu ge ku taonia nimua na lei vetena.

⁶⁰Inau tu lio mina, mua kiki na taoniani nimua na vetena.

⁶¹Na lei tinoni dika tara ghora hagheu ge ku kabalaghi,

hauva, mi nau tu kau ngasi so ta nimua na lei vetena.

⁶²Tana bongi hau inau tu tapatughuru

mu holoutogho nia nimua na vetena maemane.

⁶³Ahei tua ke nigho kikinima gaia keri na kulagu,

maia ghua ahei ke pangotighi nimua na lei vetena.

⁶⁴Lord, na maramana udolu te vonughia nimua na dolo ke mua soko,

ko taraiu mai nia nimua na lei puku ni ghanaghana.

Teth

⁶⁵Lord, e subo na totobo uto to gonighi vaniu te vagha to nia baubahu.

⁶⁶Inau tu taluutunighi nimua na vetena,

mi taeni ko taraiu nia na dete maemane mana manaha.

⁶⁷Idania Inau tu tona hahi ritini na bona to va maemaneu,

mi taeni inau tu taoni maemanea tua na bosamu.

⁶⁸Ighoe to uto mate to gehegehe uto,

to taraiu nia nimua na lei puku ni ghanaghana.

⁶⁹Agaira ra talunagho tara huru kikou,,

mi tana utuni nau tu pangotighi nimua na vetena tana tobagu.

⁷⁰Na tobadira te kutu vatu mara bule,

ma nigua na togotogo te ghaha so ta nimua na vetena.

⁷¹Na vahaghitaili to nia vetena vaniu mai te uto,

me tarai manahau ge ku kabu taonighi nimua na lei puku ni ghanaghana.

⁷²Nimua na vetena te mava

vulea na mola ni gold, mana silver tagua!

Yodh

⁷³Ighoe to goniu mo talu titinoniu, mo vaheu na manaha,

ge ku taonighi nimua na vetena.

⁷⁴Agaira kara nigho kikinima itagua kara topoa na togotogo,

na pukuna inau tu talua nigua na ghanaghana dilaa tana bosamu.

⁷⁵Lord, inau tu ghilala,

nimua na lei dete tara maemane,

me ulaghana ge ko dete maemaneu.

⁷⁶Lubatia nimua na dolo te mua soko ge ke patupatu inau.

Te vagha to bahuu nia, nimua na tinoni ni lutu.

⁷⁷Lubatia vaniu mai nimua na dolo veiarovi ge ku vola,

na pukuna nimua na vetena to nia togotogo.

⁷⁸Lubatira tara talunagho ge kara nira sika,

na pukuna tara vuhavuhau,

mi nau tu varava ngasi so ta nimua na lei vetena.

⁷⁹Lubatiu ge ku sakai sonikolu itadira, tara nigho kikinima,

tara ghilalai nimua na lei vetena.

⁸⁰Kara bei huru kaleu gea na pangotiani nimua na vetena ge ku bei maa gea.

Kaph

⁸¹Na lokagu te pitu dilaa nimua na maana ni vola,

na pukuna tu ghanaghana dilaa na bosamu.

⁸²Na matagu tara arehia na righiana

nimua na bosa ni baubahu ke mai utuni.

ke ghua nigha ko togholuvu?

⁸³Inau tu pororodi vagha na madoke tana ahu ni lake, tu pitu lugu tua.

Hauva Inau tu varava ngasi so ta nimua na vetena ge ku pangotighi.

⁸⁴Vei ke vagha na darona na bona ku pitu?

ke ghua nigha ke vahaghitailira gaira tana kanahaghiniu?

⁸⁵Na vure talunagho raini tara nia sika nimua na vetena,

tara gheli gilugu ge ku kutu haghe ilokana.

⁸⁶Nimua na lei vetena udolu tara utuni.

Mara huru kikou, mi ghoe vamua ko hangau.

⁸⁷Gaira tara dutu ni mateagu,

mi nau tu mua sanighi nimua na lei vetena.

⁸⁸Ta nimua na dolo te mua mautu,

ko volau ge ku tangomana na taoniani nimua na vetena.

⁸⁹Lord, kasila, na bosamu ke kabu kasila kokou.

⁹⁰Nimua na kikinima ke horavia na lei vavata,

ma nimua na talu puku te berea na maramana to gonia.

⁹¹Nimua na vetena itaeni te utuni,

mana lei totobo soko tona kalea nimua arelavaghi.

⁹²Nigua na togotogo ke mua sabea nimua na vetena ke,

nigua na dikalio vamua ke mateu.

⁹³Inau ku mua nighi ponolio nimua na lei vetena,

na pukuna gaira ge u lavi olia na vola mana laga.

⁹⁴Inau nimua, ko volau!

Inau heghegu tu kenea ge ku taonighi nimua na vetena.

⁹⁵Na lei tinoni dika tara polo inagho na matagu,

mana bosamu vamua tu pangotighi.

⁹⁶Mana lei totobo maemane soko tara sosokogha,

ma nimua na vetena tara mua sosokogha.

⁹⁷Inau tu dolovia nimua na vetena.

Mu kene ghanaghana haia tughu bongi.

⁹⁸Nimua na vetena te va manahau,

vulera na ghagua na levunimate,

na pukuna nimua na vetena te huliu.

⁹⁹Eo, inau tu manaha vulera, gaira tara taraiu,

na pukuna tu ghanaghana olighi haia nimua na bosa ni tarai.

¹⁰⁰Inau tu manaha vulera na lei tonikama.

Mu pangotighi nimua na vetena.

¹⁰¹- Inau tu hove ge ku bei sakutua ge tana haba te dika,

ge mu ku pangotighi vaso na bosamu.

¹⁰³E manilu ngangata na bosamu tana ghidugu,

te manilu vulea na kokolo ni midua.

¹⁰⁴Nimua na lei vetena te vaheu na manaha,

vagha keri ge u nighi sika na lei hala kiko ni vola.

Nun

¹⁰⁵Na bosamu ke uhulighi na marevogu,

me ke va mararai na lei halautugu.

¹⁰⁶Inau tu diki nia baubahu tua, mu ku ghoi baubahu so,

nimua na lei vetena inau tu pangotighi.

¹⁰⁷Lord, inau tu vahaghitaili sule ngangata,

talu oli mai na volagu,

te vagha to nia baubahu tua

¹⁰⁸Lord, ko lavi pangotighi nigua na puku ni holouto,

mo ko tariu nia nimua na vetena.

¹⁰⁹Na volagu te mua ghadaru keha tana limagu,

mu mua beto na taoniani nimua na vetena.

¹¹⁰Na lei tinoni dika tara talua vaniu na piti

ge ku hogho ilokana tana halautu,

mu ku mua ririu keha sania nimua na vetena.

¹¹¹Nimua na arelavaghi te nigua na puku ni nilau,

te nighi puku ni togotogo na tobagu.

¹¹²Inau u kene ghanaghana ge ku pangotighi nimua na vetena,

ritini tana sosoko ke va me va.

Samekh

¹¹³Inau tu nira sika ahei tara mua kene ghanaghanamu ighoe,

ma nigua na vilivili te maemane.

Mi nau tu dolovighi nimua na lei vetena.

¹¹⁴Ighoe a nigua na vatei puipungisi mana tako ni rerebe,

tana bosamu vamua ku varava ngasi.

¹¹⁵Kau tokeha itagua, ghau rana vure dika,

ge inau ku righitaonighi na lei nina vetena nigua na God.

¹¹⁶Lord, ko patupatu mai te vagha to nia baubahu, ge ku vola!

Ko bei lubatia nigua na ghanaghana dilaa ge ke paruruha.

¹¹⁷Ko sabe datou, ge ku vola,

mu ku kene ghanaghana ni haia na lei nimua na vetena.

¹¹⁸Mi ghoe to nira murilio tara sanighi na lei nimua na vetena,

na pukuna didira na pegopego.

¹¹⁹Na lei tinoni dika tana maramana eni

tara vagha na vuvulogo tara kavulaha,

hauva inau tu dolovia so na bosamu.

¹²⁰Inau tu nigho mataghu kikinima ngangata,

mi nau tu mataghunighi nimua na lei dete.

Ayin

¹²¹Ko bei lubatiu vanira ghagua na levunimate,

na pukuna inau tu nia kaukauli na totobo te uto mete maemane.

¹²²Tu kurutigho ko nia baubahu vaniu na vauto,

ko bei lubatira gaira tara talunagho kara dikalau.

¹²³Na matagu te mua righi kalea na utunina

na rughu horuana nimua na baubahu ke mai utuni.

¹²⁴Inau nimua na tinoni lutu,

ko maemane mai nia nimua na dolo te mua mautu,

mo ko taraiu nia nimua na lei vetena.

¹²⁵Ko vaheu mai na manaha ni ghilala,

nimua na tinoni ni lutu,

ge ku ghilala manahani nimua na lei vetena.

¹²⁶Lord, te poso tua na bona ni lutu,

mana lei tinoni dika tara hurakea nimua na vetena.

¹²⁷E utuni, inau tu dolovighi nimua na lei vetena,

vulea na gold haba vaa na puku ni gold.

¹²⁸E utuni, na lei nimua na vetena soko tara maemane.

Vagha keri, inau tu nighi sika na lei halautu te mua utuni.

Pe

¹²⁹Na lei bosamu tara rongoragha. Keri ge u taonighi.

¹³⁰Ra ia tarai na bosamu, me nia hevei na marara,

mana ghilala vanira rana tovongo.

¹³¹Inau tu vukesi dilaa na mangagu,

mu pitu dilai tua nimua na vetena.

¹³²Ko tatea vaniu mai nimua na veiarovi,

te vagha to nea vanira ahei tara dolovia na ahamu.

¹³³Ko uhulighi nigua na sakutua nia na bosamu,

ge ke bei laga vuleu gea na totobo te dika.

¹³⁴Ko volau tadira na lei tinoni dika,

ge inau ku taonighi nimua na lei vetena.

¹³⁵Ko rei horu mai vuvungagu nia nimua na dolo,

mo ko tarai manahau nia nimua na lei [puku ni ghanaghana.]/[vetena]

¹³⁶Na kolobu ni daidari te Sali horu mai tana matagu,

na pukuna na lei tinoni tara mua taonia nimua na vetena.

Tsadhe

¹³⁷Lord, ighoe to maemane, ma nimua na lei dete te utuni.

¹³⁸Nimua na lei bosa ni vetena tara uto,

te manana ge kai taluutunighi.

¹³⁹Inau te vonughiu na rutu papara,

na pukuna na ghagua na levunimate

tara mua taonia na bosamu.

¹⁴⁰Ra tabotaboi tua nimua na lei baubahu,

vagha keri ge u dolovi ngangatai.

¹⁴¹Inau tu pile kikia ngangata me vesikagu,

mu mua nighi ponolio nimua na lei vetena.

¹⁴²Nimua na maemane te kasila,

ma nimua na vetena te utuni.

¹⁴³E mavatiu ngangatau na liogu,

hauva ku topoa na togho lugu

mi ta nimua na vetena vamua.

¹⁴⁴Nimua na lei dete te maemane haliu,

ko hangau ge ku manahani ge ku vola.

Qoph

¹⁴⁵Inau tu nia kokoeliulivuti na tobagu udolu,

Lord, ko bosa tughu.

Ge inau ku vatoghai nimua na lei vetena.

¹⁴⁶Inau tu tangi ngangaraha ge ko volau

ge ku taonia nimua na vivili.

¹⁴⁷Inau tu rarai labota, naghona na sogha ni aho,

mu tangi ngangaraha ge ko hangau,

mi tana bosamu vamua ku talua nigua na ghanaghana dilaa.

¹⁴⁸Inau tu daidanihaghi,

tu ghanaghana olighi nimua na baubahu.

¹⁴⁹Lord, ta nimua na dolo mana maemane tu varava,

ko rongovighi nigua na ngangaraha, mo ko volau.

¹⁵⁰Na vure tara mua taotaoni tara dutu ni mai labuagu,

na pukuna tara mua taoni vetena.

¹⁵¹Lord, Ighoe to mua kabu hau,

mana nimua na lei vetena soko tara utuni.

¹⁵²Idania, tu ghilala te mua tughu nimua na lei ghanaghana.

Resh

¹⁵³Ko rei horu mai vuvungani nigua na dikalio,

mo ko volau, inau tu mua nia ponolio nimua na lei vetena.

¹⁵⁴Ko niu pala ta nigua na livu, mo ko hughu tughu.

Ko pilupungisia na volagu to nia baubahu.

¹⁵⁵Rana dika tara sagauvia na vavolamu,

gaira tara mua talu koekoeni nimua na lei vetena.

¹⁵⁶Lord, E sule ngangata nimua na veiarovi,

mana maemane ko hea oliu mai na volagu.

¹⁵⁷Subo tara gunaliu mara vaheu na vahola,

hauva inau tu mua tabalili keha sagauvi nimua na vetena.

¹⁵⁸Inau tu nira sika gaira tara perou,

na pukuna tara mua ghanaghana mavai na bosamu.

¹⁵⁹Lord, ko righia, u dolovi ngangata nimua na vetena

ko vahe oliu mai na volagu,

na pukuna nimua na dolo te mua mautu.

¹⁶⁰Na lei bosamu tara utuni,

ma nimua na lei vetena maemane kara ghaha kasilai.

Sin ma Shin

¹⁶¹Rana haba tara gunali tabou,

mana bosamu te nia marate na tobagu.

¹⁶²Inau tu nia rivurivu na bosamu,

te vagha siki sakai te sodoa na puku ni nilau.

¹⁶³Inau tu nia bati mu nia sika na sorisori,

ma nimua na vetena vamua tu dolovia.

¹⁶⁴E vitu na tughuru ni holohabaamu ta sakai na dani,

na pukuna nimua na vetena tara maemane.

¹⁶⁵Gaira tara dolovighi nimua na vetena

tara loghoa na puku ni mabo,

ma kara mua taitarikiti.

¹⁶⁶Lord, inau tu kene taonia nimua na maana ni vola,

mu gonitaonighi nimua na lei vetena.

¹⁶⁷Inau tu taonighi nimua na lei vetena mu dolovighi.

¹⁶⁸Inau tu taonighi nimua na lei puku ni ghanaghana mana vetena,

na pukuna ighoe to ghilalai na lei totobo soko tu gonighi.

Taw

¹⁶⁹Lord, ko rongovighi mai nigua na ngangaraha,

mo ko vaheu mai na lio maghora to nia baubahu.

¹⁷⁰Ko rongovighi mai nigua na kokoeliulivuti,

mo ko volau te vagha to nia baubahu.

¹⁷¹Ko lubatia na ghidugu ge ke tavukesi ge ku holohabagho,

na pukuna ighoe to taraiu nia nimua na lei vetena.

¹⁷²Lubatia na lapigu ge ke lingei na bosamu,

na pukuna nimua na lei vetena tara maemane.

¹⁷³Ko gonidilaa ge ko hangau,

na pukuna tu vilia ge ku taonia nimua na vetena.

¹⁷⁴Inau tu pitu dilaa haia nimua na maana ni vola,

Ghe Lord, mu nia togotogo nimua na lei vetena.

¹⁷⁵Ko lubatiu ge ku vola ge ku holohabagho,

ma nimua na lei vetena kara hangau inau.

¹⁷⁶Inau tu hughi keha te vagha na bolo asi,

mai mo ko kene taoniu,

Inau tu mua nighi ponolio nimua na lei vetena.

Na linge ni tona dato

¹Ta nigua na lei vahola inau tu hea olia Lord,

mu ngangaraha vania me bosa tughui nigua na kokoeliulivuti.

²Lord, ko volau, tadira tara kikokiko maia tadira na vure gueloguelo.

³Na hava God ke gonia vanigho ighoe na lapi sorisori?

Ke savungighi vanigho nimua na vahaghitaili?

⁴Ge va ke vuke potagho nia na kuali [vangalua/ghala] ni malaghai,

me kere taghalaghinigho nia na vatu bera.

⁵Inau tu vahaghitaili kolua Meshech te dika na gehegehena!

Me vahaghitailiu ge ko kabu kolu tadira na vure ni Kedar.

⁶Mu lugu tua na kabu iani,

ighobudira na vure tara nia sika na mabo.

⁷Ma vaniu inau, inau nina na mabo,

tana bona tu kokoe, agaira tara gonidilaa ni kisu mate.

Na linge ni tona dato

¹Inau tu reitada tana ghotu,

Iga va mai nigua na hahanga?

²Nigua na hahanga te va butu mai tatana Lord,

te gonia na parako mana pari.

³ke mua lubatigho ge ko kabalaghi mo ko kutu,

gaia sakai ke vatoghagho, mo ko mua maturu!

⁴E utuni, gaia te vatogha ghua Israel,

mete mua maturu me ke mua lugu.

⁵Ma Lord heghena vamua te vatoghagho ighoe.

Ma Lord te tughuru lilighimu

te vagha nimua na ungaunga ni puipungisi.

⁶Na aho ke mua ghoi paregho ghua tana dani,

vagha ghua na vula tana bongi.

⁷Ma Lord ke pilupungisigho tana lei totobo dika soko,

me ke pabea na volamu.

⁸Gaia Lord ke vatogha na rughu hagheamu mai

mana rughu horuani itaeni maia ke va me va.

Na linge ni tona dato, nina David.

¹Inau tu togotogo tara bosa vaniu te vagha eni,

“Mai ighita ka tona tana valena Lord.”

²Mi taeni tai tughuru lokani nimua na lei mataula ni peo, ighoe Jerusalem.

³Jerusalem na komu tara kisugho, me talukolu ngasi ngangata.

⁴Na vure ni Israel,

nina vure Lord,

gaira tara holohabana na ahana Lord,

te vagha na vetena te bosa.

⁵Iga te ghaha na malei sopou ni dete,

nina malei sopou na vunaghi David.

⁶Kau kokoeliulivuti na mabo ni Jerusalem,

ma gaira tara dolovia na komu eni kara sepalaghi.

⁷Ighoe Jerusalem, na mabo ke ghahai loka nina peomu,

mana halilaghi te ghahai tana lei vale ni haba.

⁸Mana pukuna na lei hoghogu mana ghagua na komu kolu,

inau ku ghaghua na mabo itamiu.

⁹Na pukuna na valena Lord dida na God,

inau ku kenea na hava ke uto vanigho, ighoe Jerusalem.

Na linge ni tona dato

¹Inau tu soni vaghi matagu vaa itamua,

Ighoe God, to kabu i kokou.

²Ighai tai kene nina veiarovi Lord, Ghamami na God,

te vagha na matadira na lei tinoni lutu tara reirei kodo tana vunaghidira,

me vagha ghua na vinekama ni lutu, te pitu dilaa na vaughilala tana vunaghina.

³Lord, ko arovighai, ko arovighai,

na pukuna tara mua ghanaghana mava ghai.

⁴Na volamami te vonughia na bosa dika

tadira tara talunagho,

mana mua ghanaghana mavadira tara lionagho.

Na linge ni tona dato, nina David.

¹Ke vagha Lord ke mua nighita pala ke,

ma rana Israel kara bosa,

²Ke vagha Lord ke mua nighita levu pala ke,

ghua nighi na vure kara tughuru dato,

ma kara hughuhughu kolu i tatada.

³Geva kara sonomi vola ghita,

na pukuna didira na rutu papara itatada.

⁴Ighai tai lulumi tana beti,

mana tave hogha te tao pungisia na volamami.

⁵Eo, te vagha ghua so na karaha ni tahi

te tao pungisia na volamami.

⁶Ka holoutoa Lord, te mua lubati[ghai]/[ra],

ge kara golu vokaghai nia na livodira.

⁷Mi ghai tai vagha na manu te lovo keha tana vugho.

Te tarosi mai tatavahale.

⁸Dida na hahanga te va mai itatana Lord,

te gonia na parako mana pari.

Na linge ni tona dato.

¹Agaira tara varava itatana Lord,

tara tughuru ngasi vagha na ghotu Zion,

gaira kara mua laga vulera,

ma kara vadangitai ke va me va.

²Te vagha na ghotu ta talighutia me pilupungisi Jerusalem,

ke vagha ghua Lord te talighutira me ke pilupungisira nina vure,

itaeni mai ke va me va.

³Na lei tinoni dika kara mua tangomana na uhuliadira nina vure God,

kara bei uhuli hahira gea.

⁴Lord, ko vahera na uto gaira tara uto,

mana tobadira te sakai soni kolu itamua.

⁵Lord, ko soni kehara gaira tara ririu keha,

mara taonighi na halautu te mua maemane.

Mo ko lavi kehara gaira ahei tara lutu hahihahi.

Mo ko lubatira Israel ge ke kabu beto tana mabo.

Na linge ni tona dato

¹Tana bona Lord te lavi olira nina vure pipiti Jerusalem,

[ighai tai]/[E] vagha vamua na maturu bole?

²me vonughighai na togotogo,

mai nia linge na rivurivu.

mana lei kema keha tara bosa,

“E maromangagha sughua eni na hava Lord te gonia vanira.

³E utuni, gaia Lord te gonia vanighita

na lei totobo mamaromangagha.

Togotogo ighita!

⁴Lord, ko vaheghai mai na lei totobo uto,

te vagha na beti ni daidari te malobua na pari mamaha.

⁵Gaira nia suba na dikalio mara nia togotogo na ghegheli.

⁶Gaira tara tangi mara subai didira na vuavua,

tana oli ni ghegheli gaira tara linge togotogo.

Na linge ni tona dato. Nina Solomon.

¹A Lord mughua ke kisua na vale,

me ke mua luvu lee didira na lutu tara kiukisua.

Ma Lord sughua ke righitaonia na komu,

nia nina vatogha ge ke uto.

²Taho na pukuna na lutu laga,

te vuivuni tana puipungi me sara tana nulavi bongi,

ma nia vaivarighohi na vanga,

Ma God te vahera na aheahe ahei te dolovira.

³Na lei gari pile a nina hevei lee Lord,

gaira te tunuvaghau nia mai.

⁴Na lei gari pile tara sivuragha na lei tinoni vaolu,

te vagha na kuali vangalua tana lima ni malaghai.

⁵God te holoutoa na tinoni te vonughighi na limadira!

gaira kara mua maa tana bona kara hughuhughu kolura

tara huru va tana mataula ni peo.

Na linge ni tona dato.

¹Holoutora gaira ahei tara nia kikinima Lord,

mara taonighi na lei halautuna!

²Ighoe ko nia togotogo sule vaa,

mo ko lologho au va tana volamu.

³Na taumu ke vagha na kaio te vuvungugha,

tara vatoro tana bebetemu.

Mo ko righira gaira na lei gari,

tara sopou talighutia na bela ni vanga,

tara kotukotu mara marabu vagha taotaro.

⁴Vagha ghua keri nina hevei Lord

vanira gaira tara nia kikinima.

⁵Ma nina vauto Lord ke tona haliu mai vuvungamu i Zion.

Mi ghoe ko righia Jerusalem ke halilaghi tana bongimu to vola.

⁶Mo ko righira mo ko nira togotogo na lei kukuamu,

ma gaia Israel ke todore tana mabo.

Na linge ni tona dato

¹Tana garimaneagu, mai ghagua na levunimate tara gunaliu,

mi taeni Israel te ghoi bosa,

²Tana gharimaneagu mai na ghagua na levunimate tara gunaliu,

Hauva mara mua ni tangomana.

³Na murigu te bubuto,

te vagha na vatogha leghai

te ivui na vutuvutu daro.

⁴Ma Lord te uto, te kosai na lei tali halo tara pitiu nia.

⁵Gaira tara nia sika Jerusalem,

kara maa ma kara ririu pulohi,

na pukuna tara laga vulera.

⁶Ko nera gaira ge kara vagha na buburu tana vouvotu ni vale,

te sasagha vaho te tavuti.

⁷Te nia ponolio na tinoni te siosio,

me nia sika na na tinoni te vahikolu.

⁸Ma gaira tara sakutua padi tara hove na headira na vauto.

ma nina vauto Lord ke kabu i vuvungamiu.

Vauto ghau tana ahana Lord.

Na linge ni tona dato

¹Lokana nigua na vahola, Ghe Lord,

Inau tu kenea nimua na hahanga.

²Mo ko ronovighi mai nigua na ngangaraha,

mo ko talu kulimu mai tua nigua na kokoeliulivuti.

³Ke vagha, ko pangotighi na gegereni na lei palumami ke,

Ghe Lord, [ma] ahei ghua ke vola?

⁴Ighoe vamua to nia hevei nimua na talukeha palu,

ge ighai kai naunaua na nigho kikinima.

⁵Gaia Lord ke pada maemaneu inau,

Eo, gaia ke pada maemaneu,

Inau tu talua nigua na ghanaghana mava tana bosana.

⁶Inau tu pitu ngangata Lord,

vulera tana vatogha na marana na dani.

⁷Israel, ko pitudila Lord,

itatana gaia na dolo te mua mautu,

mana vola tatavahale haliu.

⁸Gaia heghena ke va tatavahalea Israel,

tana lei paluna soko.

Na linge ni tona dato. Nina David.

¹Na tobagu te mua talunagho, ghe Lord,

mana reireigu te mua ghaghua ghua ga,

inau heghegu tu mua ghanaghana mavai

na lei totobo te sule vuleu,

maia te mamataghugha.

²Inau tu beto mu vaovarongo heghegu,

te vagha na gari pile,

te beto vaovarongo itatana na tinana.

Eo, te vagha na gari pile,

na tarungagu lokagu inau.

³Ighoe Israel, to talua nimua na ghanaghana dila itatana Lord,

Itaeni maia ke va me va.

Na linge ni tona dato

¹tana lei nina vahaghitaili David,

Lord ko ghanaghana olia.

²Gaia te lavia na baubahu tana matana Lord,

me hola na bosa ni papari itatana siki sakai te laga vule Israel.

³Inau ku tona keha tana valegu,

mu ku mua ahevata iga.

⁴Inau ku mua maturuhighi na matagu,

pana vauvahu ni matagu ge kara maturu mate.

⁵Polo ku topoa na bona ku kisua ga na vale vania Lord,

na beala ni ahevata vania siki sakai te laga vule Israel.

⁶Ighai tai rongovia na vaevale baubahu tabu,

te ghaha Ephrathah, mai vahu sodoa tana bona sagau,

pari bebetena i Jaar.

⁷Mai ghita ka tona tana bona ni valena Lord,

ma ka kikinima vania ga tana matana.

⁸Tapatughuru, Ghe Lord, mo ko haghevia na bonamu te tabu,

kolua na Bokisi ni Vetena ni Baubahu tabu,

te vaughilala nimua na maana.

⁹Nimua na mane sukaghi kara hola tughua

nimua na maana ni vola,

Ma nimua tinoni lutu kara tughuru kehai,

kara nia linge na togotogo.

¹⁰Na pukuna nimua na tinoni lutu David,

ko bei koengelea gea na vunaghi

to vilia tua vanira nimua na vure.

¹¹Gaia Lord te papari vania David,

ge ke mua laviolia nina bosa baubahu.

Inau ku talua a sakai tadira,

na vavatamu tana malei sopoumu.

¹²Ke vagha na vavatamu kara taonia nigua na bosa baubahu,

Ma kara kabu taonia na vetena tu taraira nia ke,

mana vavatamu ke mua soko.

¹³Gaia Lord heghena tua te vilia Jerusalem,

te ghanaghana dila ge ke puku ni komuna.

¹⁴Ge bosa, aeni na puku ni komugu,

igaa ku ghaha kasilau,

mu ku ghahau igaa na komu tu vilia tua.

¹⁵Inau ku nea na komu eni ge ke halilaghi,

ge na lei tinoni bona kara nia mahu na vanga.

¹⁶Inau ku nera na puku ni soni sukaghi

ge kara hola tughua na mana ni vola,

ge na lei nina vure God kara nia linge na togotogo.

¹⁷Inau ku savungia nina maana David,

Ge nigua na siusiu va, ge ke marara nigua na vure.

¹⁸Inau ku pupulura na ghana levunimate nia na maa,

ma gaia ke vunaghi rongoragha.

Na linge ni tona dato. Nina David.

¹E vatei haeharegha, me uto lee

tana bona na lei tamahoghoni tara kabu sakai sonikolu.

²Aeni te vagha na kokolo ni siusiu te sali horu mai tana uluna Aaron,

me tudutudu horu tana ghumina,

mi tana sosokona nina tivi.

³Na kabu sakai sonikolu te maumauria na vola,

te vagha na kabu tana ghotu i Hermon,

te kavuvu vuvungana Zion,

Ma Lord te bosa tatea nina vauto,

mana vola ke va me va.

Na linge ni tona dato

¹Holoutoa Lord, ighau na lei nina tinoni lutu Lord,

ighau tau vatogha mau gehegehe vania tana valena Lord.

²Kau talu datoi na limamiu tana bona tabu,

ma kau holoutoa Lord.

³Gaia Lord te gonia na kokou mana pari,

kara vahegho ighoe na vauto ni Jerusalem.

¹Holoutoa Lord, bosa utoa na ahana,

holoutoa gaia, ighau tau gehegehe vania.

²Ighau tau gehegehe tana valena Lord,

mi tana bebetena na valena dida na God.

³Holohaba Lord, agaia te uto lee,

kau nia togotogo, ma kau nia rivurivu.

na ahana nia na ghalevu ghalo.