Ululahu Kronikols
Buka Ululahu Eidi Mae Biꞌodi Israel
Thoutonu kmo’ei eigna buka igne
Buka igne au phei vido ke lamnagna. Fapea Kronikols igne keha Buka na. Mare tufa ka phei vido naugna brahu fara jame te kaisei buka kolho na. Kronikols ulu lahu igne toutonu eidi goro mae biꞌodi Israel nei Juda. Kmana thoutonu te au ka phei buka igre nanabau ngala ka thoutonu te au ka 1 nei 2 buka Samuel, nei 1 nei 2 Kings. Neuba thoutonu igre ne nanaba, mae ihei teke rioriso gna buka ulu lahu Kronikols igne fakakhana katha te nhogri gaoghatho eidi glepo teke edi tifare.
King Devet kaisei mae te ulu fara ka buka ulu lahu Kronikols. Mana neke eni haghe namono Jerusalem mala tufru soruni God. Eghuteuna mana jaola neke fadoglini puhi te mala tufru soruni mana na. Thoutonu igne ghatho tahuni mae Devet kaisei mae biꞌo teke fufunu gna Sugablahi na. Neuba mae Solomon thugna mana igne neke thofno babana haghe Sugablahi igne.
Kmana philegna ka buka ulu lahu Kronikols igne au tura eidi kokholo nei vike di teu maedi Israel (philegna 1-9). Toutonu eigna puhi te lehe King Sol (philegna 10). Keha philegna ka buka igne, eigna mae King Devet (philegna 11-29). Vido leghu lahu igne au fati vido tagna. Vido ulu lahu na eigna teke king mae Devet te vahini Jerusalem kaisei namono ulu (philegna 11-12). Fapea vido na eigna mae Devet te hata teke mei Jerusalem nogna Bokis Blahi LORD igne (philegna 13-16). Fatilo vido na eidi glepo teke edi ka narane te king mae Devet. Fafati vido na eidi glepo teke tarabana mare mala babana nogna Sugablahi LORD, nei eidi mare teke fadoglini eigna tufru soru (philegna 17-29).
Keha vido ka buka igne
Thura nanghadi mae biꞌo ka kokholodi naikno tifa ra: 1:1–9:44
Glehegna King Sol: 10:1-14
Te funei King Devet: 11–29
Glepo teke edi King Devet nei puhi biꞌo thokeni mana: 11:1–22:1
King Devet tarabana glepo mala babana nogna Sugablahi LORD: 22:2–29:30
1Kokholo gna mae Adam mei posa ka mae Ebraham
1Igre nanghadi mae teke karha mei ke leghugna mae Adam te mei posa ka mae Noa re:
Adam na kmagna mae Set, mae Set na kmagna mae Enos.
2Mae Enos na kmagna mae Kenan, mae Kenan na kmagna mae Mahalalel, eghuteuna mae Mahalalel na neke kmagna mae Jaret.
3Mae Jaret na kmagna mae Enok, mae Enok na kmagna mae Metusela, mae Metusela na neke kmagna mae Lamek, mae Lamek na neke kmagna mae Noa.
4Mae Noa na neke kmadi mae Sem, mae Ham nei mae Jafet.
5Nanghadi thugna mae Jafet re, neke mae Goma, mae Megog, mae Madae, mae Javan, mae Tubal, mae Mesek nei mae Tiras.
6Vikegna mae Goma re igre: mae Askenas, mae Rifat nei mae Togama.
7Eghuteuna kokholo gna mae Javan re, neke mae Elisa, nei iheire te au Spen, Saepras nei Roj.
8Thugna mae Ham re, neke mae Kus, mae Ijep, mae Libia, nei mae Kenan.
9Thugna mae Kus re, neke mae Seba, mae Havila, mae Sabta, mae Rama, nei mae Sabteka.
Eghuteuna phei thugna mae Rama re neke mae Seba ghe mae Dedan.
10Eghuteuna mae Kus gne neke au kaisei thugna nalhaꞌu, nanghagna na, mae Nimrod. Mana ngala mae ulu lahu te lase magra ka nauthoglu igne, te uludi koba keha kantri are.
11Eghuteuna thugna mae Ijep re, neke mae Lidia, mae Anam, mae Lehab, mae Naftu, 12mae Patrus, mae Kasluhu nei mae Krit. Eghuteuna naiknodi Filistia gre neke karha mei ke leghugna mae Krit.
13-14Thugna ulu lahu mae Kenan na neke mae Saedon. Eghuteuna mae Kenan gne mae biꞌo ka kokholo di mae Het, mae Jebus, mae Amo, mae Gigas, 15mae Hivi, mae Aki, mae Sini, 16mae Avad, mae Semari, nei mae Hamat.
17Eghuteuna thugna mae Sem re, neke mae Elam, mae Asuru, mae Afaksad, mae Lud, mae Aram, mae Us, mae Hul, mae Geta nei mae Mesek.
18Mae Afaksad gne neke kmagna mae Sela, eghuteuna mae Sela gne neke kmagna mae Eba.
19Eghuteuna phei nalhaꞌu teke karha ka mae Eba re igre: Kaisei mae teke kulu karha na mare kiloni mae Pileg, gaoghathogna nangha Pileg teu igne fnota eghu. Naugna ka narane teke karha mana igne naikno gna nauthoglu igne neke fnota. Eghuteuna mana kiloni fapea thugna na mae Joktan.
20Mae Joktan gne kmadi mae Almodad, mae Selef, mae Hasamavet, mae Jera, 21mae Hadoram, mae Usal, mae Dikla, 22mae Ebal, mae Abimael, mae Seba, 23mae Ofia, mae Havila, nei mae Jobab.
24Nanghadi mae iheire teke karha mei ke leghure neke mae Sem mei posa ka mae Ebram re igre: mae Afaksad, mae Sela, 25mae Eba, mae Pileg, mae Riu, 26mae Serug, mae Neho, mae Tera. 27Eghuteuna mae Ebram. God neke tughu kaisei nangha majaghani neke kiloni mana Ebraham.
Tharakna gna mae Ebraham
28Phei thugna mae Ebraham re, neke mae Isak ghe mae Ismael.
Vikegna Hega
29Igre teke vikedi mare re: Mae Nebaeot teke kulu karha ka mae Ismael na, eghuteuna mae Keda, mae Adibel, mae Mibsam, 30mae Misma, mae Duma, mae Masa, mae Hadad, mae Tama, 31mae Jetua, mae Nafis, nei mae Kedema. Igre teke thugna mae Ismael re.
Vikegna Ketura
32Mae igre neke karha ka Ketura, fapea khetogna mae Ebraham: Mae Simran, mae Joksan, mae Medan, mae Midian, mae Isbak, nei Sua. Phei thugna mae Joktan re igre: Mae Seba ghe mae Dedan. 33Thugna mae Midian re: Mae Efa, mae Efe, mae Hanok, mae Abida, nei mae Elda. Mae te gnafa igre neke karha mei ka vikegna Ketura.
Vikegna Sera
34Mae Ebraham na neke kmagna mae Aesak. Eghuteuna teke thugna mae Aesak re, neke mae Iso ghe mae Israel.
35Igre teke thugna mae Iso re: Mae Elifas, mae Ruel, mae Jeus, mae Jalam, nei mae Kora.
36Teke thugna mae Elifas re igre: Mae Teman, mae Oma, mae Sefo, mae Gatam, mae Kenas, eghuteuna mae Amalek neke karha ka Timna.
37Teke thugna mae Ruel re igre: Mae Nahat, mae Sera, mae Sama nei mae Misa.
Naiknodi Idom
38Igre naiknodi Idom teke karha mei ka thugna Seia re: Mae Lotan, mae Sobal, mae Sibeon, mae Ana, mae Dison, mae Esa nei mae Disan.
39Eghuteuna igre phei thugna mae Lotan re: mae Hori ghe mae Homam. Eghuteuna mae Lotan gne au kaisei greghagna, nanghagna na, Timna.
40Eghuteuna igre thugna mae Sobal re: Mae Alvan, mae Manahat, mae Ebal, mae Sefi, nei mae Onam.
Eghuteuna igre phei thugna mae Sibeon re: mae Aea ghe mae Ana.
41Eghuteuna thugna mae Ana na, mae Dison.
Eghuteuna thugna mae Dison re igre: Mae Hamran, mae Esban, mae Itran nei mae Keran.
42Eghuteuna igre thugna mae Esa re: Mae Bilhan, mae Savan, nei mae Jakan.
Eghuteuna igre phei thugna mae Disan re: mae Us ghe mae Aran.
43Tifa, kani theome au nodi king nga teku vikegna Israel gre na, naiknodi Idom gre neke au nodi kmana king.
King te biꞌo lahu na, King Bela thugna mae Beo. Mana king ka namono Dinhaba.
44Kate lehe mae Bela na, mae Jobab thugna mae Sera ka namono Bosra te king tughuni mana na.
45Eghuteuna kate lehe mae Jobab na, mae Husam maegna Teman te king tughuni mana na.
46Kate lehe mae Husan na, mae Hadad thugna mae Bedad maegna Avit te king tughuni mana na. Mae Bedad neke magra ka naiknodi Midian ka kantri Moab neke uludi mare.
47Eghuteuna kate lehe mae Hadad na, mae Samla maegna Masreka te king tughuni mana na.
48Eghuteuna kate lehe mae Samla na, mae Saol maegna Rehobot te king tughuni mana na. Namono Rehobot igne mare horo rhegna Khoꞌu biꞌo Iufretis.
49Eghuteuna kate lehe mae Saol na, mae Baal-Hanan thugna mae Akboa te king tughuni mana na.
50Eghuteuna kate lehe mae Baal-Hanan na, mae Hadad maegna Pai te king tughuni mana na. Eghuteuna khetogna mana na, Mehetabel thugna Matred, gragna Mesahab. 51Ke leghugna te lehe mae Hadad na.
Mae igre te kegra funei na: mae Timna, mae Alva, mae Jetet, 52mae Oholibama, mae Ela, mae Pinon, 53mae Kenas, mae Teman, mae Mibsa, 54mae Magdiel nei mae Iram.
21Igre nabotho phei thugna mae Israel: Mae Ruben, mae Simion, mae Livae, mae Juda, mae Isaka, mae Sebulun, 2mae Dan, mae Josep, mae Benjamin, mae Naftali, mae Gad nei mae Asa.
Tharakna gna mae Juda
3Mae Juda neke au glima thugna nalhaꞌu.
Mana neke tolaghi ka Batsua gaꞌase gna Kenan ne au thilo thugna nalhaꞌu igre: mae Era, mae Onan, nei mae Sela.
Mae Era thugna ululahu mae Juda igne ne edi kmana glepo te thono diꞌa fara ka tathagna LORD na, aonu LORD diꞌatagna ne faleheni mana.
4Ke leghugna igne, mae Juda ne thuru balugna Tama, thugna ivagna thegna teke lehehi khetogna na. Aonu Tama ne karha phei thugna nalhaꞌu, mae Peres ghe mae Sera.
Thugna mae Juda
5Mae Peres gne ne au phei thugna nalhaꞌu:
Mae Hesron ghe mae Hamul.
6Aonu mae Sera ne au glima thugna nalhaꞌu:
Mae Simri, mae Etan, mae Heman, mae Kalkol nei mae Dada.
7Akan thugna mae Kami, vikegna mae Sera igne ne edi keha puhi te diꞌa ka naiknodi Israel, naugna mana ne hata glepo mala gnubra fahui teku LORD re.
8Mae Etan ne au kaisei thugna nalhaꞌu kolho:
Nanghagna na, mae Asaraea.
9Mae Hesron ne au thilo thugna nalhaꞌu:
Mae Jeramel, mae Ram nei mae Kaleb.
Vike teke karha mei mae Devet tagna
10Mae igre teke karha mei ka vikegna mae Ram: Mae Ram gne kmagna mae Abinadab, eghuteuna mae Abinadab gne kmagna mae Nason, kaisei mae biꞌo ka vikegna mae Juda.
11Mae Nason gne kmagna mae Salmon,
eghuteuna mae Salmon gne kmagna mae Boas.
12Mae Boas gne kmagna mae Obed,
eghuteuna mae Obed gne kmagna mae Jesi.
13Mae Jesi neke au fitu thugna nalhaꞌu.
Mae Eliab, mae Abinadab,
mae Simea, keha nanghagna na, Sama. 14Mae Netanel,
mae Radai. 15Mae Osem,
nei mae Devet.
16Mae Jesi jaola neke au phei thugna gaꞌase, Seruia ghe Abigel. Seruia gne neke au thilo thugna nalhaꞌu, mae Abisai, mae Joab nei mae Asahel. 17Eghuteuna Abigel gne neke tolaghi ka mae Jeta, kaisei mae ka vikegna mae Ismael, eghuteuna repa neke au kaisei thudi nalhaꞌu, nanghagna na mae Amasa.
Vikegna mae Hesron
18Mae Kaleb gne neke thugna nalhaꞌu mae Hesron, mana ne tolaghi ka Asuba. Aonu repa ne au kaisei thudi gaꞌase, nanghagna na Jeriot. Eghuteuna Jeriot ne au thilo thugna nalhaꞌu,
mae Jesa, mae Sobab nei mae Adon.
19Kate lehe Asuba na, mae Kaleb neke tolaghi ka Efrat, eghuteuna repa ne au kaisei thudi nalhaꞌu, nanghagna na mae Hua.
20Eghuteuna mae Hua gne kmagna mae Huri, eghuteuna mae Huri gne kmagna mae Besalel.
21Kate thokeni namno salei finoghagnahi na, mae Hesron neke tolaghi ka thugna gaꞌase mae Makia, kaisei mae biꞌo ka vikegna mae Gilead. Repa ne au kaisei thudi nalhaꞌu, nanghagna na, mae Segub.
22Mae Segub ne au kaisei thugna nalhaꞌu, nanghagna na, mae Jaea. Mae Jaea ne funei frunidi varadaki thilo namono biꞌo ka nohi Gilead.
23Nu naiknodi phei namono biꞌo Gesua ghe Aram igre mei ne magra ne hata namno salei namono biꞌo igre.
Naikno te au ka vido igre, vikegna mae Makia kmagna mae Gilead.
24Kate lehe mae Hesron na, mae Kaleb neke tolaghi ka Efrat, glehe kokoi mae Hesron. Repa ne au kaisei thudi nalhaꞌu, nanghagna na, mae Asua. Mae Asua ne eꞌei namono biꞌo Tekoa.
Vikegna mae Jeramel
25Mae Jeramel teke kulu karha ka mae Hesron igne, mana au glima thugna nalhaꞌu.
Nanghadire, mae Ram, mae Buna, mae Oren, mae Osem nei mae Ahaeja.
26-27Mae Ram gne neke au thilo thugna nalhaꞌu, mae Mas, mae Jamin, nei mae Eka. Eghuteuna mae Jeramel neke hata fapea gaꞌase na ne tolaghi ka naꞌa. Gaꞌase igne nanghagna na, Atara, eghuteuna repa ne au kaisei thudi nalhaꞌu, nanghagna na Onam.
28Eghuteuna mae Onam ne au phei thugna nalhaꞌu,
nanghadire, mae Samae ghe mae Jada.
Eghuteuna mae Samae ne au phei thugna,
nanghadire mae Nadab ghe mae Abisua. 29Mae Abisua ne tolaghi ka Abihael, eghuteuna repa ne au phei thudi nalhaꞌu, nanghadire mae Ahaban ghe mae Molid.
30Mae Nadab gne neke au phei thugna nalhaꞌu,
nanghadire mae Seled ghe mae Apaem. Mae Seled lehe ne theo thugna.
31Nu mae Apaem ne au kaisei thugna nalhaꞌu, nanghagna na mae Isi.
Eghuteuna mae Isi au kaisei thugna nalhaꞌu, nanghagna na mae Sesan. Eghuteuna mae Sesan ne au kaisei thugna nalhaꞌu nanghagna na mae Alai.
32Mae Jada thabusigna mae Samae igne ne au phei thugna nalhaꞌu,
nanghadire mae Jeta ghe mae Jonatan. Mae Jeta jaola ne lehe ne theo thugna.
33Mae Jonatan ne au phei thugna nalhaꞌu, nanghadire mae Pelet ghe mae Sasa.
Igre neke vikegna mae Jeremael.
34Mae Sesan ne theo thugna nalhaꞌu, nu goro gaꞌase kolho.
Mae Sesan ne hata kaisei maegna Ijep mala nogna mae gloku. Nanghagna mae gloku igne, mae Jara. 35Mae Sesan ne tufa kaisei thugna gaꞌase ka mae gloku igne. Repa ne au kaisei thudi nalhaꞌu, nanghagna na mae Atae.
36Mae Atae ne au kaisei thugna nalhaꞌu, nanghagna na mae Natan.
Eghuteuna mae Natan ne jaola ne au kaisei thugna nalhaꞌu, nanghagna na mae Sabad.
37Eghuteuna mae Sabad ne au kaisei thugna nalhaꞌu, nanghagna na mae Eflal.
Eghuteuna mae Eflal ne au kaisei thugna nalhaꞌu, nanghagna na mae Obed.
38Eghuteuna mae Obed ne au kaisei thugna nalhaꞌu, nanghagna na mae Jehu.
Eghuteuna mae Jehu ne au kaisei thugna nalhaꞌu, nanghagna na mae Asaraea.
39Eghuteuna mae Asaraea ne au kaisei thugna nalhaꞌu, nanghagna na mae Heles.
Eghuteuna mae Heles ne au kaisei thugna nalhaꞌu, nanghagna na mae Eleasa.
40Eghuteuna mae Eleasa ne au kaisei thugna nalhaꞌu, nanghagna na mae Sisimae.
Eghuteuna mae Sisimae ne au kaisei thugna nalhaꞌu, nanghagna na mae Salum.
41Eghuteuna mae Salum ne au kaisei thugna nalhaꞌu, nanghagna na mae Jekamaea.
Eghuteuna mae Jekamaea ne au kaisei thugna nalhaꞌu, nanghagna na mae Elisama.
Vikegna mae Kaleb
42Mae Kaleb gne thabusigna mae Jeramel, eghuteuna thugna ulu lahu mana na, mae Mesa.
Eghuteuna mae Mesa gne kmagna mae Jif, eghuteuna mae Jif gne kmagna mae Maresa.
Eghuteuna mae Maresa gne kmagna mae Hebron.
43Igre nanghadi thugna mae Hebron re:
Mae Kora, mae Tapua, mae Rekem nei mae Sema.
44Mae Sema gne kmagna mae Raham,
eghuteuna mae Raham gne kmagna mae Jokeam. Mae Rekem gne neke kmagna mae Samae,
45eghuteuna mae Samae gne kmagna mae Maon,
eghuteuna mae Maon gne kmagna mae Bet-Sua.
46Mae Kaleb neke tolaghi ka Efa, fapea khetogna mana na.
Eghuteuna repa ne au thilo thudi nalhaꞌu, nanghadi thilo mae igre, mae Haran, mae Mosa nei mae Gases.
Eghuteuna mae Haran jaola ne au kaisei thugna nalhaꞌu, nanghagna na mae Gases.
47Mae Jadae ne au namno thugna nalhaꞌu,
nanghadire mae Regem, mae Jotam, mae Gesan, mae Pelet, mae Efa nei mae Saf.
48Eghuteuna mae Kaleb hata fapea khetogna na, nanghagna Maka, ne tolaghi ka naꞌa. Naꞌa ne au phei thugna nalhaꞌu, nanghadire mae Seba ghe mae Tiahana.
49Eghuteuna ke leghugna igne Maka neke karha phei thugna nalhaꞌu, nanghadi phei mae igre, mae Saf ghe mae Seva. Mae Saf ne eꞌei namono biꞌo Madmana. Eghuteuna mae Seva ne eꞌei phei namono biꞌo Makbena ghe Gibea.
Eghuteuna mae Kaleb au kaisei thugna gaꞌase, nanghagna na Aksa.
50-51Igre thugna mae Kaleb: Mae Hua gne thugna ululahu mae Kaleb neke karha ka Efrat ka fapea khetogna na.
Mae Hua gne kmadi mae Sobal ghe mae Salma. Mae Sobal gne mae ihei teke eꞌei gna namono biꞌo Kiriat-Jaerim. Eghuteuna mae Salma gne mae ihei teke fufunu gna namono Betlehem. Eghuteuna mae Haref fatilo thugna mae Hua igne, mana teke fufunu gna namono Bet-Gadea.
52Mae Sobal, mana teke fufunu gna namono Kiriat-Jaerim, mae kuꞌedi vikedi mae Haroe, nei ka kaisei vido ka vikedi mae Menuhot. 53Eghuteuna mana jaola kuꞌedi vike te au ka namono Kiriat-Jaerim, vikedi mae Jeta, vikedi mae Puti, vikedi mae Sumat, nei vikedi mae Misra. Eghuteuna naikno ka phei namono Sora ghe Estaol igre neke karha mei ka vike igre.
54Mae Salma igne neke kuꞌedi naikno te au ka namono Betlehem, naikno te au Netofat, naikno te au Atro-Betjoab, vike te au Sora nei vido vike te au Manahat. 55Eghuteuna keha vike te au ka namono Jabes igre, mae glalase te mala rioriso glepo te ulu ka buka. Naikno igre vikedi Tirat, vikedi Simeat, nei vikedi Sukat. Thilo vike igre neke jifla mei ka vikegna mae Kein, mae ihei teke vikegna mae Hamat. Eghuteuna mae Hamat gne kuꞌedi vikegna mae Rekab.
3Nanghadi thugna King Devet
1Igre thugna mae Devet teke karha ka namono Hebron:
Mae ihei teke karha ulu lahu na mae Amnon, thugna Ahinoam thaugna Jesrel.
Fapea na mae Daniel, thugna Abigel thaugna Kamel.
2Fatilo na, mae Absalom karha ka Maka thugna gaꞌase mae Talmae mae king gna Gesu.
Fafati na mae Adonaeja thugna Hagit.
3Falima na, mae Sefataea thugna Abital.
Eghuteuna fafamno na mae Itream thugna Egla.
4Namno mae igre neke karha Hebron ka mae Devet kani teke king mana jare fitu finogha namno nhigra. Ke leghugna igne, mana neke king Jerusalem tolufulu thilo finogha. 5Eghuteuna igre thugna mae Devet teke karha jare na:
mae Simea, mae Sobab, mae Natan, nei mae Solomon. Fati mae igre neke karha ka Batseba thugna gaꞌase mae Amiel.
6Mae Devet jaola neke au nheva mae thugna nalhaꞌu: mae Ibha, mae Elisua, mae Elifelet, 7mae Noga, mae Nefeg, mae Jafia, 8mae Elisama, mae Eliada, nei mae Elifelet.
9Igre neke thugna mae Devet, nu kehare neke karha ka fapea khetogna mana re. Eghuteuna Tama greghadi na.
Nanghadi thugna King Solomon
10King te karha mei ka vikegna king Solomon:
mae Rehoboam thugna mae Solomon,
eghuteuna mae Abaeja na thugna Rehoboam,
eghuteuna mae Asa na thugna mae Abaeja,
eghuteuna mae Jehosafat na thugna mae Asa,
eghuteuna mae Jehoram na thugna mae Jehosafat,
11eghuteuna mae Ahasaea na thugna mae Jehoram,
eghuteuna mae Joas na thugna mae Ahasaea,
eghuteuna mae Amasaea na thugna mae Joas,
12eghuteuna mae Asaraea na thugna mae Amasaea,
eghuteuna mae Jotam na thugna mae Asaraea,
eghuteuna mae Ahas na thugna mae Jotam,
13eghuteuna mae Hesekaea na thugna mae Ahas,
eghuteuna mae Manase na thugna mae Hesekaea,
eghuteuna mae Amon na thugna mae Manase,
14eghuteuna mae Josia na thugna mae Amon.
15Eghuteuna igre nanghadi fati thugna mae Josia re:
mae ihei teke karha ulu lahu na, mae Johanan,
eghuteuna mae Jehoeakim, mae Sedekaea, nei mae Jehoahas.
16Mae Jehoeakim au phei thugna nalhaꞌu,
mae Jehoeakin ghe mae Sedekaea.
Nanghadi thugna mae Jehoeakin
17Mare hata ne tei Babilonia king Jehoeakin baludi fitu mae thugna nalhaꞌu igre:
mae Sealtiel, 18mae Malkiram, mae Pedaea, mae Senasa, mae Jekamaea, mae Hosama nei mae Nedabaea.
19Igre nanghadi phei thugna nalhaꞌu mae Pedaea re:
mae Serababel ghe mae Simei.
Eghuteuna igre nanghadi phei thugna mae Serababel re:
mae Mesulam ghe mae Hananaea, eghuteuna greghadi na Selomit. 20Eghuteuna mana jaola au keha glima thugna nalhaꞌu: mae Hasuba, mae Ohel, mae Berekaea, mae Hasadaea, nei mae Jusab-Hesed.
21Mae Hananaea gne mana au phei thugna nalhaꞌu:
mae Pelataea ghe mae Jesaea. Aonu mae Jesaea neke kmagna mae Refaea, eghuteuna mae Refaea neke kmagna mae Anan, eghuteuna mae Anan na neke kmagna mae Obadaea, eghuteuna mae Obadaea na neke kmagna mae Sekanaea.
22Mae Sekanaea gne neke au kaisei thugna nalhaꞌu. Nanghagna mae igne, mae Semaea. Eghuteuna mae Semaea gne neke au glima thugna nalhaꞌu.
Nanghadi glima mae igre, mae Hatus, mae Igal, mae Baria, mae Nearea, nei mae Safat.
23Mae Nearaea gne neke au thilo thugna nalhaꞌu.
Nanghadi thilo mae igre neke mae Elioenae, mae Hiskaea, nei mae Asrikam.
24Eghuteuna mae Elioenae gne neke au fitu thugna nalhaꞌu.
Nanghadi fitu mae igre neke mae Hodavaea, mae Eliasib, mae Pelaea, mae Akub, mae Johanan, mae Delaea, nei mae Anani.
4Vikegna mae Juda
1Igre nanghadi keha vikegna mae Juda re:
Mae Peres, mae Hesron, mae Kami, mae Hua, nei mae Sobal.
2Mae Sobal gne neke kmagna mae Rehaea, eghuteuna mae Rehaea gne neke kmagna mae Jahat, eghuteuna mae Jahat gne neke kmadi mae Ahumaea ghe mae Lahad. Vike igre au ka namono Sora.
3-4Mae Hua gne neke kulu karha ka mae Kaleb ghe mae Efrat. Iheire teke karha mei ka vikegna mana igre teke fufunu gna namono Betlehem.
Mae Hua gne neke au thilo thugna nalhaꞌu, mae Etam, mae Peniel, nei mae Esa. Mae Etam gne neke au thilo thugna nalhaꞌu. Nanghadi thilo mae igre neke mae Jesrel, mae Isma, nei mae Idbas. Mana jaola neke au kaisei thugna gaꞌase, nanghagna na Haselelponi. Mae Peniel gne mae teke fufunu gna namono Gedoa, eghuteuna mae Esa mae teke fufunu gna namono Husa.
5Mae Asua, mae ihei teke fufunu gna namono Tekoa igne, mana neke au phei khetogna, Hela ghe Nara.
6Fati mae nalhaꞌu igre neke karha ka Nara: Mae Ahusam, mae Hefa, mae Temeni, nei mae Hahastari.
7Eghuteuna Hela ne au fati thugna nalhaꞌu,
mae Seret, mae Soha, mae Etnan, 8nei mae Kos. Mae Kos gne neke kmadi mae Anub ghe mae Hasobeba. Mae Kos jaola neke kuꞌedi vikegna mae Aharel, eghuteuna mae Aharel gne neke thugna mae Harum.
9Kaisei mae nanghagna na mae Jabes, gaoghathogna Jabes teu igne, kabru eghu. Eghuteuna nangha igne neke fangangha idogna na ka teke kabru kate karhagna mana na. Naiknore ghatho tahuni mana ke uludi thabusigna manare. 10Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.
11Mae Kelub thabusigna mae Suha igne, mana au kaisei thugna nalhaꞌu. Nanghagna na, mae Mehia. Mae Mehia gne kmagna mae Eston. 12Eghuteuna mae Eston gne au thilo thugna nalhaꞌu. Nanghadi thilo mae igre, mae Betrafa, mae Pasea, nei mae Tehina. Mae Tehina gne neke fufunu namono Nahas. Eghuteuna iheire teke karha mei ka vikedi mare igre, mare au ka namono Reka.
13Mae Kenas neke au phei thugna nalhaꞌu,
mae Otniel ghe mae Seraea.
Mae Otniel ne au phei thugna nalhaꞌu. Nanghadi phei mae igre, mae Hatat ghe mae Meonotae. 14Mae Meonotae gne kmagna Ofra.
Eghuteuna mae Seraea gne kmagna mae Joab. Mae Joab gne neke fufunu namono biꞌo Ge-Harasim. Igne au ka glogu aheva te au nogna naikno mana te lasedi fara te edi thua nafnata glepore.
15Mae Kelab thugna mae Jefune igne, mana au thilo thugna nalhaꞌu. Nanghadi thilo mae igre, mae Iru, mae Ela, nei mae Nam.
Eghuteuna mae Ela gne kmagna mae Kenas.
16Mae Jehalelel gne mana au fati thugna nalhaꞌu. Nanghadire, mae Sif, mae Sifa, mae Tiria, nei mae Asarel.
17-18Mae Esra gne mana au fati thugna nalhaꞌu. Nanghadire mae Jeta, mae Mered, mae Efe, nei mae Jalon. Mae Mered neke tolaghi ka Bitaea thugna gaꞌase king gna Ijep. Repa neke au kaisei thudi gaꞌase, nanghagna na Miriam.
Eghuteuna repa jaola neke au phei thudi nalhaꞌu, nanghadire mae Samae ghe mae Isba. Mae Isba gne teke fufunu gna namono Estemoa. Mae Mered jaola neke tolaghi ka kaisei gaꞌase ka vikegna mae Juda, eghuteuna repa neke au thilo thudi nalhaꞌu. Nanghadi thilo mae igre, mae Jered, mae Heba, nei mae Jekutiel.
Mae Jered neke fufunu namono Gedoa. Mae Heba neke fufunu namono Soko. Eghuteuna mae Jekutiel neke fufunu namono Sanoa.
19Mae Hodaea neke tolaghi ka greghagna mae Nam. Eghuteuna naikno te karha mei ka vikegna gaꞌase te tolaghi mae Hodaea igre naiknodi Garam ka namono Keila, eghuteuna naiknodi Maka ka namono Estemoa.
20Mae Simon au fati thugna nalhaꞌu. Nanghadi mae igre: Mae Amnon, mae Rina, mae Ben-Hanan, nei mae Tilon.
Mae Isi neke au phei thugna nalhaꞌu. Nanghadi mae igre: Mae Sohet ghe mae Ben-Sohet.
21Mae Sela thugna mae Juda igne, vikegna mana re igre: Mae Era mae ihei teke fufunu gna namono Leka.
Eghuteuna mae Lada mae ihei teke fufunu gna namono Maresa. Eghuteuna iheire te au ka namono Bet-Asbea te lase edi famane pohe vegha.
22-23Mae Jokim gne jaola thugna mae Sela. Mana au baludi naikno te au ka namono Koseba. Mae Joas ghe mae Saraf igre thugna mae Sela, eghuteuna phiamare neke hata khetodi ka namono Moab neke pulo mei Betlehem. Iheire teke karha mei ka vikedi mare igre tangomana te horo suspen ka glose, nei loku ranghini king. Mae igre neke au ka phei namono Netaem ghe Gedera. Vido thoutonu igne neke rioriso mare tifa.
Vikegna mae Simion
24Mae Simion gne neke au glima thugna nalhaꞌu:
Mae Nemuel, mae Jamin, mae Jarib, mae Sera, nei mae Saol.
25Mae Saol gne neke kmagna mae Salum, eghuteuna mae Salum gne neke kmagna mae Mibsam, eghuteuna mae Mibsam gne neke kmagna mae Misma,
26eghuteuna mae Misma gne neke kmagna mae Hamuel, eghuteuna mae Hamuel gne neke kmagna mae Sakua, eghuteuna mae Sakua gne neke kmagna mae Simei.
27Aonu mae Simei gne ne au nabotho namno thugna nalhaꞌu, nei namno thugna gaꞌase, nu thabusigna manare ne theome kmana thudi. Aonu vikegna mae Simion igne ne theome vuragha jateula vikegna mae Juda neu. 28-31Funu tifeiro te mei posa ka narane gna king Devet igre, vikegna mae Simion te au ka namono Bereseba, Molada, Hasa-Sual, Biha, Esem, Tolad, Betuel, Homa, Siklag, Bet-Makabot, Hasa-Susim, Bet-Biri, nei Saraem. 32Eghuteuna kehare jaola ne au ka glima namono igre: Etam, Aen, Rimon, Token, nei Asan. 33Eghuteuna kehare jaola ne au ka namono ikodi te au rhegna namono biꞌo Balat. Igre nodi namono vikegna mae Simion leghuni nodi susurei thedi na.
34-38Igre nanghadi mae biꞌo ka vikegna mae Simion re:
Mae Mesobab, mae Jamlek, mae Josa thugna mae Amasaea, mae Joel, nei mae Jehu.
Mae Jehu gne neke thugna mae Josibaea mae ihei teke thugna mae Seraea gragna mae Asiel.
Eghuteuna mae Elioenae, mae Jakoba, mae Jesohaea, mae Asaea, mae Adiel, mae Jesimiel, mae Benaea, nei mae Sisa.
Mae Sisa gne neke thugna mae Sif, gragna mae Alon, eghuteuna mae Alon gne neke thugna mae Jedaea, eghuteuna mae Jedaea gne neke thugna mae Simri, eghuteuna mae Simri gne neke thugna mae Semaea.
Naugna kate haghe te kmana fara tharaknadi mare igre na, 39mare tei ne hiro vido ke maghati rhegna glogu Gedoa. Eghuteuna mare hata ne tei nodi sipu re ka vido igne. 40Mare tei ne deni kaisei famane namono aheva te au kmana buburu tagna, nei kaisei vido keli mala poru te muana fara. Tifa na namono igne neke nodi vikegna mae Ham thugna mae Noa.
41Nu ka narane te king mae Hesekaea Juda igre, hatimare mae biꞌore tei ka nohi rhegna Gedoa igne ne goigoni nodi suga vikedi mae Ham ghe mae Meumu te au ka nohi tuana. Mare ne aknu falehe naiknore ne horo nodi suga jare naugna jare na ne au kmana gano maladi nodi sipu re. 42Ke leghugna igne, fati thugna nalhaꞌu mae Isi igre: mae Pelataea, mae Nearaea, mae Refaea, nei mae Usiel teu igre ne batudi glima gobi mae ka vikegna mae Simion igre ne tei magra ka kantri Idom ke maghati. 43Eghuteuna mae igre ne aknu falehe naikno te gnafa ka vikegna mae Amalek teke au teku ka vido igne. Aonu funu ka narane tuana, vikedi fati mae igre ne au sukha jare.
5Vikegna mae Ruben
1Mae Ruben gne thugna ulu lahu mae Jekop. Nu naugna teke thuru mana balugna fapea khetogna mae kmagna na, mana theome tangomana te hata nolaghi teke thugna ululahu mana na. Eghuteuna mae Jekop kmagna mae Ruben igne neke tusu lao nolaghi igne ka mae Josep nei ka vikegna mana na. Naugna igne, nanghagna mae Ruben na ne theome mei ulu lahu ka susureidi vikegna Israel. 2Neuba vikegna mae Juda igne ne rheta salaꞌudi keha vikegna mae Israel igre, eghuteuna king gna Israel na jifla mei ka vikegna mae Juda, nu vikegna mae Josep gne neke hata nogna nolaghi mae teke kulu karha na. 3Mae Ruben gne neke au fati thugna nalhaꞌu. Nanghadi mae igre:
Mae Hanok, mae Palu, mae Hesron, nei mae Kami.
4-6Vikegna mae Joel re igre:
Mae Joel gne neke kmagna mae Semaea,
eghuteuna mae Semaea gne neke kmagna mae Gog,
eghuteuna mae Gog gne neke kmagna mae Simei,
eghuteuna mae Simei gne neke kmagna mae Maeka,
eghuteuna mae Maeka gne neke kmagna mae Rehaea,
eghuteuna mae Rehaea gne neke kmagna mae Baal,
eghuteuna mae Baal gne neke kmagna mae Bera.
Mae Bera gne kaisei mae mala baubatu ka vikegna mae Ruben. Nu king Tiglat-Pilesa maegna Asiria igne mei neke lokini mana hata ne tei Asiria.
7Mare ne rioriso sukha tharakna gna mae Ruben. Ka grioriso igne, mare ne lisei sukha nanghadi mae funei igre:
Mae Jel, mae Sekaraea, 8mae Bela thugna mae Asas. Mae Asas gne neke thugna mae Sema ka vikegna mae Joel. Vikegna mae Joel igre, mare au ka nohi rhegna namono Aroa.
Nodi vido glose mare na funu ka vido igne tei posa Nebo nei Baal-Meon. 9Mare au nodi kmana buluka nei sipu eghu Gilead ne ghilei theome nabadi mare namono igne. Aonu keha ka mare tei ne au ka vido ke maghati namono nagou biꞌo tei posa ka Khoꞌu biꞌo Iufretis.
10Ka narane te king Sol igre, vikegna mae Ruben te au ka vido ke maghati namono nagou biꞌo igre neke tei neke magra neke uluni namono Hagri neke hata nodi namono iheire te au ke maghati Gilead.
Vikegna mae Gad
11Vikegna mae Gad na mare tei ne au ka nohi Besan. Nogna glose mae Gad igne funu ke rarugna nogna glose mae Ruben igne tei posa ka namono Saleka.
12Igre goro mae biꞌo ka vikegna mae Gad te au ka namono Besan igne: Mae igre te mae lida biꞌo ka vike igne, ulu lahu na mae Joel, fapea na mae Safam, fatilo na mae Jana eghuteuna fafati na mae Safat.
13Igre nanghadi fitu mae thabuknagna ka vike igne:
Mae Maekol, mae Mesulam, mae Seba, mae Jorae, mae Jakan, mae Sia, nei mae Eba.
14Fitu mae igre neke karha mei ka vikegna mae Abihael. Mae Abihael gne thugna mae Huri, eghuteuna mae Huri gne thugna mae Jaroa, eghuteuna mae Jaroa gne thugna mae Gilead, eghuteuna mae Gilead gne thugna mae Maekol, eghuteuna mae Maekol gne thugna mae Jesisae, eghuteuna mae Jesisae gne thugna mae Jado, eghuteuna mae Jado gne thugna mae Bus.
15Mae Ahi gne neke thugna mae Abdiel, eghuteuna mae Abdiel gne neke thugna mae Gumi. Mae Ahi gne mae mala baubatu ka vikegna mae Gad.
16Vikegna mae Gad igre mare au ka phei nohi, Gilead ghe Basan, nei ka sare Saron aheva te au kmana gano maladi nodi sipure.
17Mare neke rioriso sukha nanghadi vikegna mae Gad igre ka buka susurei na ka narane te king mae Jotam Juda, eghuteuna mae Jeroboam king gna Israel.
Hatimare mae soldia ke maghati Khoꞌu biꞌo Jordan
18Phiatutu fati thogha, fitu gobi namnosalei soldia ka vikegna mae Ruben, ka vikegna mae Gad, nei keha ka vikegna mae Manase te au ke maghati Khoꞌu biꞌo Jordan igre mare jifla balu nodi greoreo, naflahi nei phaloho neu ne tei magra. 19Mae igre tei ne magra ka vikedi mae Hagri, mae Jetua, mae Nafis nei mae Nodab. 20Eghuteuna mae soldia igre ne toreni God mala toghodi ka magra igne. Aonu God ne toghodi mare, naugna mare ne fatutuani ni mana. God ne lisa lao ka khamedi mare vikegna mae Hagri igre, nei iheire te gnafa teke balugna mana re. 21Mare ne hata glimafulu thogha kamel, phia gobi glimafulu thogha sipu, nei phei thogha dongki. Mare jaola ne hata kaisei gobi thogha naikno mala nodi naikno gloku. 22Kmana te aknu falehe mare na, naugna God neke toghodi vikegna mae Ruben, vikegna mae Gad nei vikegna mae Manase teu igre. Mare au neu jare ne ghilei thokeni narane te mei armi gna Asiria te khi jifladi ka nodi namono na.
Keha ka vikegna mae Manase te au ke maghati Khoꞌu biꞌo Jordan
23Keha ka vikegna mae Manase te au ke maghati Khoꞌu biꞌo Jordan igre kmana ne vuragha naikno na. Mare au ka nohi ke raru Besan te tei posa ka phei namono Baal-Hemon ghe Seni rhegna Thogele Hemon.
24Igre nanghadi mae teke baubatu ka vike igre: Mae Efa, mae Isi, mae Eliel, mae Asriel, mae Jeremaea, mae Hodavaea, nei mae Jadiel. Mae igre mae soldia nheta, eghuteuna naiknore ghatho tahudi mare.
Vikedi mae Ruben, mae Gad nei mae Manase teu igre theome ghatho tahuni God
25Naiknodi thilo vike igre theome ghatho tahuni nodi God mae kuꞌedi tifa ra. Mare ne funu tarai ka nodi mumuju god iheire teke roꞌedi God ka namono Kenan. 26Aonu nodi God mae Israel igne ne nhaꞌa lao gaoghatho te diꞌa ka mae Pul, king gna Asiria mala tei magra ka mare. Mare jaola kiloni mae king igne, mae Tiglat-Pilesa. Mana hata naiknore ne tei au ka thilo namono, Hala, Haboa, nei Hara, rhegna khoꞌu biꞌo Gosan. Mare au jare funu ka narane tuana ghilei posa ka narane igne.
6Tharaknagna mae Livae
1Mae Livae neke au thilo thugna nalhaꞌu, nanghadi thilo mae igre, mae Geson, mae Kohat nei mae Merari.
2Mae Kohat neke au fati thugna nalhaꞌu, nanghadi re, mae Amram, mae Isaha, mae Hebron nei mae Usiel.
3Mae Amram neke au thilo thugna, phei nalhaꞌu nei kaisei gaꞌase, nanghadire, mae Eron, mae Moses nei Miriam.
Mae Eron neke au fati thugna nalhaꞌu,
nanghadi fati mae igre neke mae Nadab, mae Abihu, mae Eleasa nei mae Itama.
4Mae Eleasa neke kmagna mae Finehas,
eghuteuna mae Finehas neke kmagna mae Abisua.
5Mae Abisua neke kmagna mae Buki,
eghuteuna mae Buki neke kmagna mae Usi.
6Mae Usi neke kmagna mae Serahaea,
eghuteuna mae Serahaea neke kmagna mae Meraeot.
7Mae Meraeot neke kmagna mae Amaraea,
eghuteuna mae Amaraea neke kmagna mae Ahitub.
8Mae Ahitub neke kmagna mae Sadok,
eghuteuna mae Sadok neke kmagna mae Ahimas.
9Mae Ahimas neke kmagna mae Asaraea,
eghuteuna mae Asaraea neke kmagna mae Johanan.
10Mae Johanan gne neke kmagna mae Asaraea.
Mae Asaraea gne neke mae pris biꞌo ka Sugablahi Jerusalem.
11Mae Asaraea neke kmagna mae Amaraea,
eghuteuna mae Amaraea neke kmagna mae Ahitub.
12Mae Ahitub neke kmagna mae Sadok,
eghuteuna mae Sadok neke kmagna mae Salum.
13Mae Salum gne neke kmagna mae Hilkaea,
eghuteuna mae Hilkaea gna neke kmagna mae Asaraea.
14Mae Asaraea gne neke kmagna mae Seraea,
eghuteuna mae Seraea gne neke kmagna mae Jehosadak.
15Ka narane tuare, LORD neke fadiꞌani thiꞌagna mae Nebukadnesa king gna Babilonia. Mana mei ne hata naiknodi Juda nei Jerusalem teu igre ne tei ka sosolo. Mana jaola ne hata mae Jehosadak gne ne tei Babilonia.
16Nanghadi thilo thugna mae Livae igre neke
mae Geson, mae Kohat nei mae Merari.
17Nanghadi phei thugna mae Geson re igre:
mae Libni ghe mae Simei.
18Nanghadi fati thugna mae Kohat re neke
mae Amram, mae Isha, mae Hebron nei mae Usiel.
19Nanghadi phei thugna mae Merari re neke
mae Mali ghe mae Musi.
Mae igre neke karha ka vikegna mae Livae.
20Vikegna mae Geson re igre:
Mae Geson gne neke kmagna mae Libni,
mae Libni gne neke kmagna mae Jahat,
eghuteuna mae Jahat gne neke kmagna mae Sima,
21eghuteuna mae Sima gne neke kmagna mae Joa,
eghuteuna mae Joa gne neke kmagna mae Ido,
eghuteuna mae Ido gne neke kmagna mae Sera,
eghuteuna mae Sera gne neke kmagna mae Jeaterae.
22Thugna mae Kohat re igre: Mae Kohat gne neke kmagna mae Abinadab, eghuteuna mae Abinadab gne neke kmagna mae Kora, eghuteuna mae Kora gne neke kmagna mae Asiri. 23Eghuteuna mae Asiri gne neke kmagna mae Elkana, eghuteuna mae Elkana gne neke kmagna mae Ebiasaf, eghuteuna mae Ebiasaf gne neke kmagna mae Asiri, 24eghuteuna mae Asiri gne neke kmagna mae Tahat, eghuteuna mae Tahat gne neke kmagna mae Uriel, eghuteuna mae Uriel gne neke kmagna mae Iusaea, eghuteuna mae Iusaea gne neke kmagna mae Saol.
25Nanghadi phei thugna nalhaꞌu mae Elkana re igre,
mae Amasae ghe mae Ahimot.
26Mae Ahimot gne neke kmagna mae Elkana,
eghuteuna mae Elkana gne neke kmagna mae Sofae,
eghuteuna mae Sofae gne neke kmagna mae Nahat,
27eghuteuna mae Nahat gne neke kmagna mae Eliab,
eghuteuna mae Eliab gne neke kmagna mae Jeroham,
eghuteuna mae Jeroham gne neke kmagna mae Elkana,
eghuteuna mae Elkana gne neke kmagna mae Samuel.
28Mae Samuel neke au phei thugna nalhaꞌu,
mae Joel ghe mae Abaeja.
29Vikegna mae Merari re igre: mae Merari gne neke kmagna mae Mali, eghuteuna mae Mali gne neke kmagna mae Libni, eghuteuna mae Libni gne neke kmagna mae Simei, eghuteuna mae Simei gne neke kmana mae Usa, 30eghuteuna mae Usa gne neke kmagna mae Simea, eghuteuna mae Simaea gne neke kmagna mae Hagae, eghuteuna mae Hagae gne neke kmagna mae Asaea.
Nanghadi mae te lase koje ka suga gna LORD
31Kate hata te mei mae King Devet Bokis Blahi na Jerusalem igne, mana ne vavahi thilo mae mala hulu khoje ka vido blahi na. 32Kate tarai na mae igre te mala hulu khoje ka Sugagna LORD na. Mare eni gloku igne ka Suga Tapuale neke ghilei thoke mei narane te babana King Solomon nogna Sugablahi majaghani LORD na Jerusalem. Mae igre famane loku leghuni vetulagna nodi gloku na.
33-38Igre mae te mala hulu khoje re:
Mae Heman, mae ihei teke karha ka vikegna mae Kohat.
Eghuteuna susureigna mana na neke funu mei ka kmagna mae Joel, thugna mae Samuel.
Mae Samuel gne neke thugna mae Elkana.
Mae Elkana gne neke thugna mae Jeroham.
Mae Jeroham gne neke thugna mae Eliel.
Mae Eliel gne neke thugna mae Toha.
Mae Toha gne neke thugna mae Suf.
Mae Suf gne neke thugna mae Elkana.
Mae Elkana gne neke thugna mae Mahat.
Mae Mahat gne neke thugna mae Amasaea.
Mae Amasaea gne neke thugna mae Elkana.
Mae Elkana gne neke thugna mae Joel.
Mae Joel gne neke thugna mae Asaraea.
Mae Asaraea gne neke thugna mae Sefanaea.
Mae Sefanaea gne neke thugna mae Tahat.
Mae Tahat gne neke thugna mae Asiri.
Mae Asiri gne neke thugna mae Ebiasaf.
Mae Ebiasaf gne neke thugna mae Kora.
Mae Kora gne neke thugna mae Isaha.
Mae Isaha gne neke thugna mae Kohat.
Mae Kohat gne neke thugna mae Livae.
Eghuteuna mae Livae gne neke thugna mae Israel.
39-43Mae Asaf gne neke kheragna mae Heman, eghuteuna kate loku ka Sugablahi na, mana kegra fei nheta gna mae Heman mala toghoni mana ka khoje.
Mae Asaf gne neke karha ka vikegna mae Geson, eghuteuna kuꞌegna mana re igre:
Mae Asaf gne neke thugna mae Berekaea.
Mae Berekaea gne neke thugna mae Simea.
Mae Simea gne neke thugna mae Maekol.
Mae Maekol gne neke thugna mae Basea.
Mae Basea gne neke thugna mae Malkaeja.
Mae Malkaeja gne neke thugna mae Etni.
Mae Etni gne neke thugna mae Sera.
Mae Sera gne neke thugna mae Adaea.
Mae Adaea gne neke thugna mae Etan.
Mae Etan gne neke thugna mae Sima.
Mae Sima gne neke thugna mae Simei.
Mae Simei gne neke thugna mae Jahat.
Mae Jahat gne neke thugna mae Geson.
Mae Geson gne neke thugna mae Livae.
44-47Mae Etan gne neke kheragna mae Heman, eghuteuna kate loku ka Sugablahi na, mana kegra fei mairigna mae Heman mala toghoni mana ka khoje. Mae Etan gne neke karha ka vikegna mae Merari, eghuteuna kuꞌegna manare igre:
Mae Etan gne neke thugna mae Kis.
Mae Kis gne neke thugna mae Adbi.
Mae Adbi gne neke thugna mae Maluk.
Mae Maluk gne neke thugna mae Hasabaea.
Mae Hasabaea gne neke thugna mae Amasaea.
Mae Amasaea gne neke thugna mae Hilkaea.
Mae Hilkaea gne neke thugna mae Amsi.
Mae Amsi gne neke thugna mae Bani.
Mae Bani gne neke thugna mae Sema.
Mae Sema gne neke thugna mae Mali.
Mae Mali gne neke thugna mae Musi.
Mae Musi gne neke thugna mae Merari.
Mae Merari gne neke thugna mae Livae.
Vikegna mae Eron
48Eghuteuna keha mae Livae gre au keha nodi gloku ka Suga Tapuale ghe Sugablahi gre. 49Mae Eron baludi goro thugna mana igre ngala te tangomana te mala gahu insens nei gahu fafara teu ke kligna olta na. Mae igre ngala te au nodi nolaghi te mala loku ke lamnagna Chogho te Blahi fara na. Eghuteuna mare fafara mala hata fadelei nakhibodi naiknodi Israel. Mare edi glepo igre thofno leghuni unha te chekeni mae Moses, nogna mae gloku God.
50Mae igre neke karha mei ka vikegna mae Eron:
mae Eron gne neke kmagna mae Eleasa.
Mae Eleasa gne neke kmagna mae Finihas.
Mae Finihas gne neke kmagna mae Abisua.
51Mae Abisua gne neke kmagna mae Buki.
Mae Buki gne neke kmagna mae Usi,
eghuteuna mae Usi gne neke kmagna mae Serahaea.
52Mae Serahaea gne neke kmagna mae Meraeot.
Mae Meraeot gne neke kmagna mae Amaria.
Mae Amaria gne neke kmagna mae Ahitub.
53Mae Ahitub gne neke kmagna mae Sadok.
Mae Sadok gne neke kmagna mae Ahimas.
Nodi namono vikegna mae Livae
54Kate tufa namono na mae mala baubatu ka vikegna mae Livae igre, mare ne vavahi vikegna mae Eron gne mala kulu hata namono. Mae Eron gne vikegna mae Kohat.
55-59Mare ne tufa namono Hebron baludi keha vido te au faligoho igre ka vikegna mae Eron. Hebron gne kaisei namono keli mala poru mae ihei te rikhani u glehe, nei vido keli mala tobi nagare. Eghuteuna namono te au rhegna Hebron igre, mare neke tusu lao ka mae Kaleb, thugna mae Jefune. Eghuteuna keha namono teke tufa mare ka vikegna mae Eron re igre: Libna, Jatia, Estemoa, Hilen, Debia, Asan, Juta, nei Bet-Semes.
60Eghuteuna mare jaola ne tufa keha namono te au ka nodi vido glose vikegna mae Benjamin na igre: Gibeon, Geba, Alemet, Anatot baludi glose te au faligohodi namono igre. Mare ne tufa nabotho thilo namono ka vikegna mae Kohat, mae ihei teke karha ka vikegna mae Eron.
61Mare jaola ne lalahu khale ne tufa nabotho namono ka keha vikegna mae Kohat. Namono igre au ka nodi vido glose vikegna mae Manase ke mosu Khoꞌu biꞌo Jordan.
62Eghuteuna mare neke tusu lao nabotho thilo namono ka vikegna mae Geson. Namono igre au ka nodi vido glose mae Isaka, mae Asa, mae Naftali, mae Manase mae ihei te au ka rijon Basan.
63Eghuteuna mare neke lalahu khale neke tusu lao nabotho phei namono ka vikegna mae Merari. Namono igre au ka nodi vido glose mae igre: mae Ruben, mae Gad, nei mae Sebulun.
64Ka puhi igne, naiknodi Israel igre ne tufa namono balu glose te au faligohodi vikegna mae Livae.
65Keha ka namono igre au ka nodi vido glose vikegna mae Juda, mae Simion, nei mae Benjamin.
66Mare neke tusu lao namono igre ka keha vikegna mae Kohat. Namono igre au ka nogna glose mae Efrem.
67Sekem gne kaisei namono ka igre, namono igne au ka thogele ka nohi Efrem. Mare vahini namono igne mala poru ihei te mhaghu glehe na. Nanghadi keha namonore igre: Gesa, 68Jokmeam, Bet-Horon, 69Aejalon ghe Gat-Rimon.
70Eghuteuna keha nodi namono vikegna mae Kohat igre au ka nodi glose vikegna mae Manase ke mosu Khoꞌu biꞌo Jordan. Igre nanghadi phei namono tuaro, Anea ghe Bileam. Eghuteuna mare tufa namono igre ka mae Kohat balu vido glose te au famane buburu te keli.
71Keha namono te tufa mare ka vikegna mae Geson igre au ka nodi vido glose vikegna mae Manase. Namono Golan te au ka nohi Besan ghe namono Astarot. Phei namono igre au ke maghati kho’u biꞌo Jordan.
72-73Eghuteuna keha namono igre au ka nodi vido glose vikegna mae Isaka: Kedes, Daberat, Ramot, nei Anem.
74-75Namono igre au ka nodi vido glose vikegna mae Asa, mae igre: Masal, Abdon, Hukok nei Rehob.
76Eghuteuna te funu ka vikegna mae Naftali re namono igre: Kedes te au ka nohi Galili, Hemon, nei Kiriataem. Eghuteuna kate tufa mare namono igre ka mae Geson na, mare ne tufa glose te au famane buburu te keli.
77Keha ka namono igre, mare tusu lao ka vikegna mae Merari.
Namono igre au ka nodi vido glose vikegna mae Sebulun, nei ka nodi vido glose vikegna mae Ruben. Igre nanghadi namono te au ka nodi vido glose vikegna mae Sebulun re: Rimono ghe Tebo.
78-79Namono te au ka nodi vido glose vikegna mae Ruben re igre: Bese ka namono nagou, Jasa, Kedemot nei Mefat. Namono igre au ke maghati Khoꞌu biꞌo Jordan rhegna namono Jeriko.
80Eghuteuna namono te au ka nodi vido glose vikegna mae Gad re igre: Ramot ka nohi Gilead, Mahanaem, 81Hesbon nei Jasa. Eghuteuna kate tufa mare namono igre ka mae Merari na, mare tufa glose te au famane buburu te keli.
7Vikegna Isaka
1Mae Isaka au fati thugna nalhaꞌu nanghadire:
mae Tola, mae Pua, mae Jasub, nei mae Simron.
2Mae Tola au namno thugna nalhaꞌu.
Nanghadire mae Usi, mae Refaea, mae Jeriel, mae Jamae, mae Ibsam, nei mae Semuel. Mae igre mae mala baubatu ka vike igne, eghuteuna mare thofno mae soldia keli fara. Ka narane te king mae Devet igre, mae igre neke kaha varadaki phei thogha namno gobi soldia ka vikegna mae Tola.
3Mae Usi au kaisei thugna nalhaꞌu,
nanghagna na mae Israhaea.
Mae Israhaea au fati thugna nalhaꞌu nanghadire:
mae Maekol, mae Obadaea, mae Joel nei mae Isia. Mae Israhaea baludi fati mae igre mare mae mala baubatu ka vikedi na. 4Mare au kmana khetodi nei kmana thudi, eghume mare ka vike igne thono kmana fara. Mare kaha tolufulu namno thogha soldia ka vikedi thedi na tarabana mala magra.
5Khaputudi mae soldia te mala magra ka vike te gnafa ka vikegna mae Isaka na, thokeni nhanasalei fitu thogha soldia.
Keha vikegna mae Benjamin
6Mae Benjamin au thilo thugna nalhaꞌu:
mae Bela, mae Bekea nei mae Jediael.
7Mae Bela au glima thugna nalhaꞌu nanghadire:
mae Esbon, mae Usi, mae Usiel, mae Jerimot nei mae Iri. Mae igre mala baubatu ka tharakna igne. Mare kaha ne thokeni varadaki phei thogha tolufulu fati soldia.
8Mae Bekea au nheva thugna nalhaꞌu.
Nanghadire, mae Semira, mae Joas, mae Eliesa, mae Elioenae, mae Omri, mae Jeremot, mae Abaeja, mae Anatot nei mae Alemet. 9Ka susurei na, mare rioriso nanghadi hatimare mae mala baubatu re, eghuteuna mare kaha ne thokeni varadaki thogha phei gobi soldia.
10Mae Jediel ne au kaisei thugna nalhaꞌu,
mae Bilhan.
Mae Bilhan ne au fitu thugna nalhaꞌu:
mae Jeus, mae Benjamin, mae Ehud, mae Kenana, mae Setan, mae Tasis nei mae Ahisaha. 11Mae igre te baubatu ka vike mare na. Eghuteuna mare kaha ne thokeni nabotho fitu thogha phei gobi soldia ka vike igne.
12Mae Iri te kuꞌedi phei vike igre, nanghadi phei mae igre, mae Supim ghe mae Hupim. Mae Ahea gne kuꞌedi vikegna mae Husim.
Thugna mae Naftali
13Mae Naftali ne au fati thugna nalhaꞌu.
Nanghadire, mae Jasiel, mae Guni, mae Jesa nei mae Salum. Mae igre karha mei ka vikegna mae Bilha.
Thugna mae Manase
14-15Igne susurei vikegna mae Manase na. Mae Manase gne neke tolaghi ka gaꞌasegna Aram, aonu repa ne au phei thudi nalhaꞌu:
Mae Asriel ghe mae Makia. Mae Makia gne kmagna mae Gilead. Eghuteuna greghagna mae Makia na Maka. Aonu mae Makia ne tolaghi ka gaꞌase vikedi mae Hupim ghe mae Supim. Mae Selofehad gne kaisei mae ka vikegna mae Manase, nu mana karha thugna gaꞌase kolho. 16Mae Makia ghe Maka ne karha phei thudi nalhaꞌu: Mae Peres ghe mae Seres. Mae Peres ne au phei thugna nalhaꞌu: Mae Ulam ghe mae Rakem.
17Mae Ulam gne neke au kaisei thugna nalhaꞌu,
mae Bedan.
Mare neke vikegna mae Gilead, ka vikegna mae Makia nei ka vikegna mae Manase.
18Hamoleket gne greghagna mae Gilead, eghuteuna naꞌa neke au thilo thugna nalhaꞌu: mae Isod, mae Abiesa nei mae Mala.
19Mae Semida gne vikegna mae Manase, eghuteuna mana au fati thugna nalhaꞌu:
mae Ahian, mae Sekem, mae Liki nei mae Aniam.
Thugna mae Efrem
20Igre nanghadi vikegna mae Efrem.
Thugna mae Efrem na mae Sutela. Thugna mae Sutela na mae Bered.
Thugna mae Bered na mae Tahat. Thugna mae Tahat na mae Eleada.
Thugna mae Eleada na mae Tahat. 21Thugna mae Tahat na mae Sabad.
Thugna mae Sabad na mae Sutela.
Eghuteuna mae Efrem neke au phei thugna nalhaꞌu, mae Esa ghe mae Elead. Phei mae igre neke fariuriu blau nodi buluka naiknodi Gat. Aonu mare ne aknu falehedi phiamare. 22Ka narane igre mae Ifreim ne diꞌanagnafa gna fara kmana narane. Eghuteuna kheragna mana re jaola ne mei ne diꞌanagnafa balugna mana balu fameomegoni mana. 23Aonu mana ne thuru balugna khetogna na, naꞌa bukla ne karha kaisei thugna nalhaꞌu. Eghuteuna, naugna puhi biꞌo te thoke mei ka tharaknagna mana igne, mana ne kiloni mae thugna na mae Beria. 24Mae Efrem ne au kaisei thugna gaꞌase, nanghagna na, Shira. Gaꞌase igne ne edi thilo namono, kaisei na Bet-Horon ke holo, eghuteuna kaisei na Bet-Horon ke paka, eghuteuna kaisei na Usen-Shira.
25Mae Efrem jaola neke au kaisei thugna nalhaꞌu, nanghagna na Refa. Resef ne karha ka mae Refa.
Mae Tela ne karha ka mae Resef. Tahan ne karha ka mae Tela.
26Mae Ladan ne karha ka mae Tahan. Mae Amihud ne karha ka mae Ladan.
Mae Elisama ne karha ka mae Amihud. 27Mae Nun ne karha ka mae Elisama.
Eghuteuna mae Josua neke karha ka mae Nun.
28Vikegna mae Efrem igre, mare au ka namono Betel ka nodi vido glose thedi na. Nodi vido glose mare igne funu ka namono biꞌo Naran ke maghati na baludi namono te au faligohoni namono igne, tei posa ka namono biꞌo Sekem ke raru na, baludi namono te au faligohoni namono igne, tei posa ka namono biꞌo Gasa ke mosu na, baludi namono te au faligohoni namono igne. Eghuteuna tei posa ka namono biꞌo Aea ke mata na, baludi namono te au faligohoni namono igne. 29Aonu vikegna mae Manase gne hata vido glose ke rarudi namono biꞌo Bet-San, Tanak, Megido nei Doa, baludi namono te au faligohoni namono igne. Vido glose te au vike igne, nodi vido glose vikegna mae Josep thugna mae Israel.
Thugna mae Asa
30Mae Asa au fati thugna nalhaꞌu:
Mae Imna, mae Isva, mae Isvi nei mae Beria. Eghuteuna mae Asa au kaisei thugna gaꞌase, nanghagna na Sera.
31Mae Beria au phei thugna nalhaꞌu,
mae Heba ghe mae Malkiel. Mae Malkiel gne teke fufunu gna namono biꞌo Birsaet.
32Mae Heba au thilo thugna nalhaꞌu,
mae Jaflet, mae Soma nei mae Hotam. Eghuteuna mana au kaisei thugna gaꞌase, nanghagna na, Sua.
33Mae Jaflet au thilo thugna nalhaꞌu,
mae Pasak, mae Bimahal nei mae Asvat.
34Mae Soma thabusigna mae Jaflet igne, mana au thilo thugna nalhaꞌu, mae Roga, mae Huba nei mae Aram.
35Mae Hotam thabusigna mae Jaflet igne, mana au fati thugna nalhaꞌu,
mae Sofa, mae Imna, mae Seles nei mae Amal.
36Mae Sofa au nabotho kaisei thugna nalhaꞌu:
Mae Sua, mae Hanefa, mae Sual, mae Beri, mae Imra, 37mae Besea, mae Hod, mae Sama, mae Silsa, mae Itran nei mae Bera.
38Mae Jeta au thilo thugna nalhaꞌu,
mae Jefune, mae Pispa nei mae Ara.
39Mae Ula au thilo thugna nalhaꞌu,
mae Araha, mae Haniel nei mae Risia.
40Mae igre vikegna mae Asa nei mae mala baubatu ka vike igre. Mae soldia igre thofno mae keli fara, nei frane fara ka magra na. Ka nodi susurei na, mae igre ne kaha ne thokeni varadaki namno thogha soldia ka vike mare na.
8Vikegna mae Benjamin
1Igre nanghadi thugna mae Benjamin re:
Mae Bela, mae Asbel, mae Ahara 2mae Noha, nei mae Rafa.
3Thugna mae Bela re neke mae Ada, mae Gera, mae Abihud, 4mae Abisua, mae Naman, mae Ahoa, 5mae Gera, mae Sefufan, nei mae Huram.
6-7Igre thugna mae Ehud re: Mae Naman, mae Ahaeja, nei mae Gera. Thilo mae igre mae mala baubatu ka vike te au Geba. Keha naiknore neke khi fajiflani vike igne, aonu mare tugha tei ka namono Manahat. Mae Gera kmadi mae Usa ghe mae Ahihud igne teke batu fajifladi mare na.
8-9Aonu mae Saharaem neke koko phei khetogna igre, Husim ghe Bara. Ke leghu, mana neke tolaghi ka Hodes. Eghuteuna kate au teu ka kantri Moab, Hodes ne karha fitu thugna nalhaꞌu: Mae Jobab, mae Sibia, mae Mesa, mae Malkam, 10mae Jeus, mae Sakaea, nei mae Miama. Mae igre neke baubatu ka vike mare igne. 11Mae Saharaem neke au phei thugna nalhaꞌu, mae Abitub ghe mae Elpal. Phei mae igre neke karha ka khetogna ululahu mana, Husim.
12Mae Elpal neke au thilo thugna nalhaꞌu,
mae Eba, mae Misam, nei mae Semed. Eghuteuna mae Semed ne edi haghe phei namono biꞌo Ono ghe Lod, baludi namono ikodi te au falithuidi phei namono biꞌo igre. 13Mae Beri ghe mae Sema igre neke mala baubatu ka vikegna mae Benjamin te au ka namono biꞌo Aejalon. Eghuteuna phiamare jaola neke khi fajifladi naiknodi Gat te au ka vido igne.
14-16Mae igre neke karha ka mae Beria: Mae Ahio, mae Sasak, mae Jaremot, mae Sebadaea, mae Arad, mae Eda, mae Maekol, mae Ispa nei mae Joha.
Vikegna mae Benjamin te au Jerusalem
17-18Mae igre neke karha ka mae Elpal: Mae Sebadaea, mae Mesulam, mae Hiski, mae Heba, mae Ismerae, mae Islia nei mae Jobab.
19-20Mae igre neke karha ka mae Simei: Mae Jakim, mae Sikri, mae Sabdi, mae Elienae, mae Siletae, mae Eliel, 21mae Adaea, mae Beraea nei mae Simrat.
22-25Mae igre neke karha ka mae Sasak: Mae Ispan, mae Eba, mae Eliel, mae Abdon, mae Sikri, mae Hanan, mae Hananaea, mae Elam, mae Antotaeja, mae Ifdea nei mae Peniel.
26-27Mae igre neke karha ka mae Jeroham: Mae Samserae, mae Seharaea, mae Atalaea, mae Jaresaea, mae Elija nei mae Sikri.
28Ka susureigna vike igne te laseni mae igre te mae mala baubatu ka vikegna mae Benjamin te au Jerusalem.
29Mae Jehiel tolaghi ka Maka neke au Gibeon, aonu repa ne kiloni kaisei thudi na Gibeon.
30Mae sua nalhaꞌu teke kulu karha ka repa na mae Abdon. Eghuteuna keha thudi repa re igre: Mae Sua, mae Kis, mae Baal, mae Ner, mae Nadab, 31mae Gedoa, mae Ahio, mae Seka, 32mae Miklot, kmagna mae Simea. Eghuteuna keha teke karha ka vike igne mare au Jerusalem, rhedi keha vikegna mae Benjamin.
Vikegna King Sol
33Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.
34Mae Jonatan gne kmagna mae Merib-Baal, keha nanghagna na Mefiboset.
Eghuteuna mae Merib-Baal gne kmagna mae Maeka.
35Mae Maeka ne au fati thugna nalhaꞌu,
mae Piton, mae Melek, mae Tarea nei mae Ehas.
36Mae Ehas na kmagna mae Jehoada. Mae Jehoada ne au thilo thugna nalhaꞌu, mae Alemet, mae Asmavet nei mae Simri. 37Mae Mosa na kmagna mae Binea. Mae Binea na kmagna Rafa. Mae Rafa na kmagna Eleasa. Mae Eleasa na kmagna Asel.
38Mae Asel ne au namno thugna nalhaꞌu:
Mae Asrikam, mae Bokeru, mae Ismael, mae Searaea, mae Obadaea nei mae Hanan.
39Aonu mae Esek thabusigna mae Asel igne mana au thilo thugna nalhaꞌu,
mae Ulam, mae Jehus nei mae Elifelet. 40Thugna mae Ulam igre, mare thofno mae soldia keli fara, eghuteuna mare lase fada ka phaloho. Vike igne kaisei gobi glimafulu mae.
Mae igre kafe vikegna mae Benjamin.
91Igre nanghadi hatimare mae Israel te gnafa teke rioriso mare ka buka eidi hatimare mae King di Israel.
Naikno teke pulo mei Jerusalem naiknodi Israel igre sneka neke tei au Babilonia, naugna mare neke theome ghatho tahuni God
2Naikno teke kulu pulo mei teke au ka nodi namono nei nodi vido glose tekure neke hatimare mae pris, hatimare mae Livaet, nei hatimare mae mala loku ka Sugablahi.
3Kehare ka vikegna mae Juda, kehare ka vikegna mae Benjamin, kehare ka vikegna mae Efrem, nei kehare ka vikegna mae Manase, mare mei ne au Jerusalem.
4-6Namno gobi nhevasalei naiknodi Juda neke pulo mei Jerusalem. Mae igre vikedi mae Peres, mae Sela nei mae Sera. Mae igre neke thilo thugna mae Juda. Mae teke funei ka vikegna mae Peres na neke mae Utae. Mae Utae igne thugna mae Amihud. Mae Amihud gne thugna mae Omri. Mae Omri gne thugna mae Imri. Mae Imri gne thugna mae Bani, thugna mae Peres. Eghuteuna mae teke funei ka vikegna mae Sela na, mae teke kulu karha ka mana na, mae Asaea nei thugna mana re. Eghuteuna mae teke funei ka vikegna mae Sera na, neke mae Juel.
7-9Nheva gobi glimafulu namno naikno ka vikegna mae Benjamin teke pulo mei Jerusalem.
Mae Salu thugna mae Mesulam te baubatudi re. Mae Mesulam gne neke thugna mae Hodavaea, eghuteuna mae Hodavaea gne neke thugna mae Hasenua.
Mae funei teke batudi mare na mae Ibnea, mae Ibnea gne neke thugna mae Jeroham. Kaisei mae funei teke batudi mare na mae Ela.
Mae Ela gne neke thugna mae Usi, mae Usi gne neke thugna mae Mikri.
Kaisei mae funei teke batudi mare na mae Mesulam. Mae Mesulam gne neke thugna mae Sefataea. Mae Sefataea gne neke thugna mae Ruel, eghuteuna mae Ruel gne neke thugna mae Ibnaeja.
Mae Pris teke pulo mei Jerusalem
10-12Igre mae pris teke pulo mei Jerusalem:
Mae Jedaea, mae Jehoearib, mae Jakin, nei mae Asaraea.
Mae Asaraea gne kaisei mae biꞌogna Sugablahi na, mae igne neke thugna mae Hilkaea. Mae Hilkaea gne neke thugna mae Mesulam. Mae Mesulam gne neke thugna mae Sadok. Mae Sadok gne neke thugna mae Meraeot. Mae Meraeot gne neke thugna mae Ahitub.
Keha mae pris na mae Adaea. Mae Adaea gne neke thugna mae Jeroham. Mae Jeroham gne neke thugna mae Pasua. Mae Pasua gne neke thugna mae Malkaeja.
Keha mae pris na mae Masaea. Mae Masaea gne neke thugna mae Adiel. Mae Adiel gne neke thugna mae Jasera. Mae Jasera gne neke thugna mae Mesulam. Mae Mesulam gne neke thugna mae Mesilemit, mana thugna mae Ima.
13Khaputudi mae pris teke pulo mei re, kaisei thogha fitu gobi namnosalei horoghoto. Mae pris igre teke baubatu ka mare na, eghuteuna mae igre laseni fara te loku ka nogna Sugablahi God na.
Mae Livaet teke pulo mei Jerusalem
14Mae Livae teke pulo mei Jerusalem re igre:
Mae Semaea thugna mae Hasub. Mae Hasub gne neke thugna mae Asrikam. Mae Asrikam gne neke thugna mae Hasabaea ka vikegna mae Merari.
15Eghuteuna mae Bakbaka, mae Heres, nei mae Galal. Eghuteuna mae Matanaea thugna mae Mika. Mae Mika gne thugna mae Sikri ka vikegna mae Asaf.
16Eghuteuna mae Obadaea thugna mae Semaea. Mae Semaea gne thugna mae Galal mae ihei teke karha ka mae Jetutun. Eghuteuna mae Berekaea thugna mae Asa. Mae Asa gne thugna mae Elkana. Vikegna mana na au ka namono Netofa.
Mae te mala reireghigna Sugablahi teke pulo mei Jerusalem
17Igre mae greireghigna Sugablahi teke pulo mei Jerusalem re:
Mae Salum, mae Akub, mae Talmon, mae Ahiman, baludi mae kheradire. Mae Salum gne nodi lida mare na.
18Mae igre neke mala reireghini grengatha ke maghati Sugablahi, te kiloi mare, “Nogna Grengatha King.” Tifa te mei na, kuꞌedi mae igre neke reireghini nodi namono mae Livaet te au rhegna Suga Tapuale te Blahi na.
19Aonu mae Salum nei hatimare nei mae kheragnare eghu ne neke reireghi ni grengatha ke ulugna Sugablahi na. Mae Salum gne thugna mae Kore. Mae Kore gna thugna mae Ebiasaf ka vikegna mae Kora. Tifa te mei na, kuꞌedi mae igre neke reireghi ke ulugna nogna Suga Tapuale te Blahi LORD.
20Ulu lahu na mae Finehas thugna mae Eleasa teke nodi lida mae te mala reireghi igre, eghuteuna LORD neke au balugna mana.
21Tifa na mae Sekaraea thugna mae Meselemaea, mana jaola neke kaisei mae mala reireghi ke ulugna Suga Tapuale te Blahi na.
22Mare te gnafa teke vahidi mare te mala reireghidi vido igre na, mare thokeni phei gobi nabotho phei mae. Eghuteuna mare rioriso soru nanghadi mae igre ka buka gna nodi vike na leghu nodi namono.
Tifa na, King Devet ghe Profet Samuel, phiamare neke vahidi kuꞌedi mare re mala thofno fiofiloni gloku igne. 23Eghume iheire te karha mei ka vikedi mae igre na, mare reireghini fabrahu grengatha te mala tei ka nogna Sugablahi LORD na. 24Mae te mala reireghi igre mare au ka fati philegna Sugablahi na. Kaisei ke maghati, kaisei ke mosu, kaisei ke raru nei kaisei ke mata. 25Eghuteuna kheradi mare te au ka namono re, mare mei toghodi koba mae igre. Kaisei tothoghei na mare tangomana te mei reireghi ka vido igre nabagna fitu narane, aonu keha tothoghei na ke mei tughudi mare. 26Nu fati mae Livaet te batudi mae mala reireghi igre, mare mala fiofilodi chogho te au ke lamnagna nogna Sugablahi God na, eghuteuna mare jaola fiofilodi glepo te lilisei hatimare mae pris ka chogho igre. 27Leuleghu bongi na mare au kolho rhegna Sugablahi igne, naugna mare mala reireghini Sugablahi igne. Eghuteuna leuleghu hamerane na, mare tothora koba grengathagna Sugablahi na.
Keha nodi mae gloku hatimare mae Livaet
28Keha mae Livaet mala fiofilodi glepo teke hata teke tei hatimare mae pris ka vido te tei ka tarai na. Eghuteuna ka teke hata teke pulo mei glepo igre, mae Livaet gre kaha fakeli koba glepo igre ame ke lisei fapulo nga eghu. 29Nu keha mae Livaet mala fiofilodi keha glepo blahi te mala loku ka Sugablahi na igre, nei famane flaoa, waen, oliv oel, insens nei keha glepo te mala edi te mala famane siri kelidi oel blahi igre. 30Nu keha mae pris ghu kolho te au nodi nolaghi te mala ngigno insens nei oel blahi teu igre. 31Kaisei mae Livaet nanghagna na mae Matitaea, mana gahu bret blahi mala tusu lao ka LORD. Mae Matitaea gne neke thugna ululahu mae Salum ka vikegna mae Kora. 32Eghuteuna keha mae Livaet ka vikegna mae Kohat, nodi gloku mare na mala tarabana Bret Blahi mala tusu ranghini God leuleghu Narane Sabat.
33Keha mae lida ka vikegna mae Livaet, mae igre mala baubatu fei khoje ka Sugablahi, mare au ka choghogna Sugablahi igne. Mae igre theome mala edi keha nafnata gloku, naugna bongi narane na mare mala kaikaliti mala koje.
34Ka susureidi mae Livaet igre falaseni te mae igre mare lida ka nodi vike na. Eghuteuna mare mei au Jerusalem.
Kuꞌegna King Sol baludi vikegna mana re
35Jehiel neke ei namono Gibeon neke au jare.
Nanghagna khetogna na Maka. 36Sua ululahu repa na, Abdon. Eghuteuna keha thudi repa re: mae Sua, mae Kis, mae Baal, mae Ner, mae Nadab, 37mae Gedoa, mae Ahio, mae Sekaraea, nei mae Miklot, 38kmagna mae Simea. Eghuteuna keha teke karha mei ka vikedi mae igre au Jerusalem, rhedi vikegna mae Benjamin.
39Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.
40Mae Jonatan gne kmagna mae Merib-Baal, keha nanghagna na Mefiboset.
Eghuteuna mae Merib-Baal gne kmagna mae Maeka.
41Mae Maeka ne au fati thugna nalhaꞌu, nanghadi re igre:
mae Piton, mae Melek, mae Tarea nei mae Ehas.
42Mae Ehas gne kmagna mae Jada. Mae Jada ne au thilo thugna nalhaꞌu, mae Alemet, mae Asmavet nei mae Simri. Mae Simri na kmagna Mosa. 43Mosa na kmagna Binea. Binea na kmagna Rafa. Rafa na kmagna Eleasa. Eleasa kmagna Asel.
44Mae Asel au namno thugna nalhaꞌu, nanghadi re: mae Asrikam, mae Bokeru, mae Ismael, mae Searaea, mae Obadaea nei mae Hanan.
10King Sol nei thilo thugna re eghu neke lehe
1Kaisei narane armigna Filistia haghe ne magra ka armigna Israel ka Thogele Gilboa. Eghuteuna armigna Filistia igne ne aknu falehe kmana soldia ka armigna Israel, eghuteuna kehare ne rikha. 2Nu soldiadi Filistia igre ne ngolhini King Sol baludi thilo mae thugna re ne ghilei tei hata ne aknu falehedi thilo thugna mana igre: mae Jonatan, mae Abinadab nei mae Malkisua. 3Magra igne raꞌe ne rheta fara ka vido aheva te au teu mae Sol igne. Keha maedi Filistia ne fada jatani mana ne thofno ghoreho fadiꞌa fara.
4Aonu mae Sol ne cheke ka mae majaghani te pala nogna glepo mala magra mana re, ne cheke eghu ka mana, “Iagho hata nou naflahi mala magra na mala aknu falehe ghau iara. Glahu mei goigoni ghau nei aknu falehe ghau eghu iara mae Filistia te mae bongihehe igre.”
Nu mae majaghani igne ne mhaghu nogna fara, ne theome leghuni nogna cheke mae Sol igne. Aonu mae Sol ne hata nogna naflahi mala magra na ne uka soru ke kligna gna ne faleheni thegna. 5Eghuteuna kate filoni tela lehehi mae Sol na, mae majaghani igne jaola ne hata nogna naflahi mala magra na ne uka soru thegna ke kligna gna ne lehe balugna Sol. 6Mae Sol ne lehe baludi thilo mae thugna nalhaꞌu re ka narane tuanala, eghuteuna vikegna mae Sol na ne gnafa ka narane igne.
7Ka narane tuana, keha naiknodi Israel au neu ka glogu Jesrel. Kate nomhini mare te rikhahi armigna Israel na, eghuteuna mae Sol baludi thilo mae thugna nalhaꞌu re ne lehe ka magra igne, maedi Israel kafe rikha ne tei kokodi nodi namono re. Eghuteuna maedi Filistia mei ne hata namono igre.
8Eghuteuna ka keha narane na, soldiadi Filistia igre mei ne hata nodi gobigna lepo maedi Israel teke lehe ka magra re. Mare mei ne filoni thinigna mae Sol baludi thinidi thilo mae thugna nalhaꞌu re ka Thogele Gilboa. 9Aonu mae soldiadi Filistia igre ne kusu phaꞌugna king na, eghuteuna mare jaola ne hata nogna pohe mala magra mana re. Eghuteuna mare ne kuru tei keha mae mala hata tei nonomho igne ka nodi Sugablahi mumuju god nei ka nodi naiknore ka namono te gnafa Filistia. 10Eghuteuna mare ne lilisei nogna pohe mala magra mae Sol re ka Sugablahi nodi god re, eghuteuna mare fagefe haghe phaꞌugna mana na ka Sugablahi nodi god te kiloni Degon.
11-12Nu kate nomhini unha te eni mae Filistia ka Sol igne, mae nhetadi ka namono Jabes jare ka nohi Gilead te theome mhaghu igre mare tei ne hata fapulo thinigna mae King Sol na baludi thinidi thilo thugna mana re. Aonu mare ne giugilui nhubradi fati mae igre ke parigna kaisei gaju biꞌo jare Jabes. Eghuteuna mare ne theome ghamu nabagna fitu narane.
13-14King Sol ne lehe naugna mana ne theome ghatho tahuni LORD, eghuteuna mana neke theome leghudi nogna cheke mana re. Eghuteuna mana neke theome toreni LORD mala toghoni, nu mana tei toreni kaisei naikno biꞌo ihei tangomana te facheke ka tharungadi naikno tela lehehira. Eghume LORD neke faleheni mana, eghuteuna LORD neke vahini mae Devet thugna Jesi mala king tughuni mana.
11King Devet neke kegra king gna Israel
1Eghuteuna lida te gnafa ka vikegna Israel igre mei ne filoni King Devet Hebron. Eghuteuna mare ne cheke eghu ka mana, “Tahati te gnafa na, tahati kaisei thabusigna kolho. 2Tifa na Sol neke king fruni ghita tahati, nu neuba iagho nake batu ghami ghehati mala tei ka magra. Eghuteuna LORD na cheke ka iagho mala reireghi ghami ghehati nogna naikno mana re, eghuteuna iagho ginauna nomi king ghehati.”
3Aonu, lida te gnafa Israel igre ne kafe mei Hebron, eghuteuna mae Devet ne eni kaisei nhaꞌa cheke ka mare ke ulugna LORD. Mare tofa oel ka phaꞌugna mana na, fagaglanagna te king gna Israel mana na, jateula teke chekeni LORD ka Profet Samuel tifa ia eghu.
King Devet ne hata Jerusalem
4King Devet ne tei balugna armigna Israel na ne magra Jerusalem, eghuteuna vikegna mae Jebus gne teke au ka namono igne. 5Maedi Jebus te au ka namono igne diꞌatadi ne cheke eghu ka mae Devet, “Ghotilo theome tangomana te ruma mei ke lamnagna nomi namono ghehati igne!” Nu neuba, mae Devet ne uluni namono te rheta fara igne. Nanghagna namono igne Saion. Nu ke leghu na naiknore kiloni namono igne, “Nogna Namono biꞌo mae Devet.”
6Ka narane te uluni mae Devet namono biꞌo Jerusalem igne, mana ne cheke eghu ka nogna soldia re, “Mae ihei te kulu tei te mala magra ka vikegna mae Jebus, mana ginauna mala komanda ka nogu armi iara na!” Eghuteuna mae Joab thugna Seruia igne ne kulu haghe, aonu mana ne komanda ka nogna armi mae Devet.
7Namono igne kaisei namono rheta fara. Eghuteuna kate uluni mae Devet namono igne, naiknore ne kiloni namono igne, “Nogna Namono biꞌo mae Devet.” 8Mana neke eni fabiꞌo namono igne. Mana neke fufunu ke maghati ka vido teke fafofodu glose mare igne. Ka narane igre, mae Joab neke fakekheli keha vidogna Jerusalem. 9Nogna nolaghi mae Devet na rheta fara, naugna LORD mae ihei te au nolaghi fateote’o igne ne au fabrahu balugna mana.
Nogna soldia mae Devet igre au nodi nafnakno biꞌo
10Lida te gnafa ka vike te gnafa Israel igre ne toghoni mae Devet mala king leghuni unha teke nhaꞌa chekeni LORD. King Devet ne au nogna soldia te keli, mae iheire te thofno toghoni mana te kaisei mae king rheta. 11Igre nanghadi nogna soldia keli mana re:
Ulu lahu na mae Jes-Baal ka vikegna mae Hakmon. Mae igne mae funeidi thilo mae soldia te rheta tulao. Ka kaisei magra na mana neke fada falehe thilo gobi soldia ka nogna goru na.
12Eghuteuna fapea mae te rheta fara ka thilo mae soldia igre na mae Eleasa thugna mae Dodae ka vikegna mae Ahohi. 13-14Kaisei narane mae Eleasa au neku balugna mae Devet ka namono Pas-Damim ka teke mei soldia di Filistia igre teke magra ka kaisei nagare bali na, nu soldia di Israel igre neke kafe rikha. Mae Eleasa ghe mae Devet kolho teke magra heta teke aknu falehe soldia di Filistia. Ka narane tuana, LORD neke toghodi phiamare neke thofno uludi mare.
15Kaisei fata, thilo mae lida ka tolufulu soldia te nheta fara igre neke tei ka mae Devet rhegna gluma thina Adulam. Ka narane igne, kaisei tothoghei armigna Filistia au neu ka glogu Refaem. 16King Devet au neu ka kaisei vido keli holo ka thogele na, eghuteuna kaisei tothoghei armigna Filistia ne hata namono Betlehem. 17Mae Devet ne magnahaghei koꞌu fara. Aonu mana ne cheke eghu, “Iara ginauna kelitagu fara, jame kaisei mae tei hata ghegu khoꞌu keli iara ka seu rhegna grengathagna namono Betlehem!” 18Thilo mae soldia te nheta fara igre nomhini igne kegra haghe ne tei ka vido aheva te au teu soldia di Filistia tagna na, eghuteuna thilo mare doglo ne tei fari hoteidi mare ne tei hata khoꞌu ka seu igne hata neke figri ka mae Devet. Nu mana ne theome koꞌu khoꞌu igne, mana ne totofa khoꞌu igne jateula kaisei nogna fafara ka LORD neu ne tarai eghu, 19“LORD God, iara theome tangomana te koꞌu khoꞌu igne, eigna jateula dadaradi eghu thilo mae te snakreni nakarhadi na!” Eghume naugna thilo mae igre te theome nangani nakarhadi thedi na, mae Devet ne theome koꞌu khoꞌu igne.
Igre glepo biꞌo teke edi thilo mae soldia te nheta fara igre.
20Abisae thabusigna mae Joab, mana lida ka tolufulu soldia te nheta. Kaisei fata mae Abisae neke magra ka thilo gobi soldia neke fada falehedi neke gnafa ka nogna goru na. Naugna igne te hata mana u nangha biꞌo jateula thilo mae soldia te nheta igre teuna. 21Nanghagna mae Abisae gne thono fnakno fara ke uludi keha thiloi mae igre, neuba mana ne theome thokedi nodi naba thilo mae igre, mana nodi lida mare.
22Mae Benaea, thugna mae Jehoeada ka namono Kabsel, mana kaisei mae soldia nheta te jaola te hata nangha biꞌo eidi glepo biꞌo teke edi mana re. Kaisei glepo na, mana neke aknu falehe phei soldia nhetadi Moab. Eghuteuna keha fata ka narane te reka fara na khoveo te kiloni snou na ne soru toku tafru namono na, mana soru ka kaisei khora ne aknu falehe kaisei lion jare. 23Eghuteuna kaisei fata mana neke aknu falehe kaisei maegna Ijep. Brahugna mae igne namo thokeni phei mita vidogna. Maegna Ijep igne mana hata ne mei balugna kaisei goru te biꞌo. Eghuteuna mae Benaea hata koko ka mana goru biꞌo igne ne fada falehe mae igne ka nogna goru thegna na. 24Igre glepo biꞌo teke edi mae Benaea re. Mana jaola ne hata nangha biꞌo jateula thilo mae soldia te nheta ra neu. 25Ka thilo mae soldia igre, nanghagna mana na ne haghe, nu mana theome thokedi nodi naba thilo mae igre. King Devet ne vahini mae Benaea mala mae funeidi hatimare mae soldia te mala reireghini king.
26Igre nanghadi nogna soldia mae Devet te nheta fara re:
Mae Asahel, thabusigna mae Joab.
Mae Elhanan, thugna mae Dodo, maegna ka namono Betlehem.
27Mae Sama, maegna ka namono Harod.
Mae Heles, maegna ka namono Pelon.
28Mae Ira, thugna mae Ikes, ka namono Tekoa.
Mae Abiesa, maegna ka namono Anatot.
29Mae Sibekae, maegna ka namono Husa.
Mae Ilae, maegna ka namono Ahohi.
30Mae Maharae, maegna ka namono Netofa.
Mae Heled, thugna mae Bana ka namono Netofa.
31Mae Itae, maegna ka namono Gibea, thugna mae Ribae ka vikegna mae Benjamin.
Mae Benaea, maegna ka namono Piraton.
32Mae Hurae, maegna ka glogu Gas.
Mae Abiel, maegna ka namono Aba.
33Mae Asmavet, maegna ka namono Baharum.
Mae Eliaba, maegna ka namono Salbon.
34Hatimare thugna mae Hasem, maegna ka namono Gison.
Mae Jonatan, thugna mae Sagi, maegna ka namono Harari.
35Mae Ahiam, thugna mae Sara, maegna ka namono Harari.
Mae Elifal, thugna mae Ur.
36Mae Hefa, maegna ka namono Mekerat.
Mae Ahaeja, maegna ka namono Pelon.
37Mae Hesro, maegna ka namono Kamel.
Mae Narae, maegna ka namono Esbae.
38Mae Joel, thabusigna mae Nata.
Mae Mibha, thugna mae Hagri.
39Mae Selek, maegna ka namono Amon.
Mae Naharae, maegna ka namono Berot, mae ihei te mala pala nogna glepo mala magra mae Joab, thugna Seruia.
40Mae Ira ghe mae Gareb, phia maedi ka namono Itri.
41Mae Uria, maegna ka namono Het.
Mae Sabad, thugna mae Ahalae.
42Mae Adina, thugna mae Sisa mae ihei te mae biꞌo ka vikegna mae Ruben, eghuteuna mana batuni kaisei tothoghei te au tagna tolufulu soldia.
43Mae Hanan, thugna mae Maka.
Mae Josafat, maegna ka namono Mitan.
44Mae Usia, maegna ka namono Asterat.
Mae Sama ghe mae Jehiel, phei thugna mae Hotam, ka namono Aroa.
45Mae Jediael, thugna mae Simri,
ghe mae Joha thabusigna Jediael, phia mae igre maedi ka namono Tis.
46Mae Eliel, maegna ka namono Mahava.
Mae Jeribae ghe mae Josavaea, phei thugna mae Elnam.
Mae Itma, maegna ka namono Moab.
47Mae Eliel ghe mae Obed. Eghuteuna mae Jasiel, maegna ka namono Mesoba.
12Igre mae iheire teke au balugna mae Devet ka teke theome king teku mana na
1Mae Devet rikhani King Sol ne tei au Siklag. Eghuteuna kmana soldia te nheta tei ne au balugna mae Devet mala magridi nogna naoka mana re. 2Kehare ka vikegna Benjamin, igne vikegna mae King Sol. Mae igre lase fada ka phaloho nei jata, eghuteuna mare lase fada ka phiri kuava ka khame nhetadi nei ka khame maeridi. Nanghadi mae soldia re igre:
3Mae Ahiesa ghe mae Joas phei mae thabusigna igre thugna mae Sema maegna ka namono Gibea. Eghuteuna mae Ahiesa gne nodi lida mae soldia igre.
Mae Jesiel ghe mae Pelet, phei thugna mae Asmavet.
Mae Beraka, ghe mae Jehu kaisei maegna ka namono Anatot. 4Mae Ismaea, maegna Gibeon, mana kaisei mae lida ka tolufulu nogna soldia nheta mae Devet.
Mae Jeremaea, mae Jahasiel, mae Johanan nei mae Josebad ka namono Gedera. 5Mae Elusae, mae Jerimot, mae Bealaea, mae Semaraea nei mae Sefataea ka namono Harif.
6Mae Elkana, mae Isaea nei mae Asarel. Mae Joesa ghe mae Jasobeam, phia mae ka vikegna mae Kora.
7Mae Joela, mae Sebadaea, phei thugna mae Jeroham, maegna Gedoa.
Keha ka vikegna mae Gad mei ne toghoni mae Devet
8Eghuteuna keha mae ka vikegna mae Gad mei ne loku fodu ka nogna soldia mae Devet kate poru teu mare ka namono nagou na. Mae igre thofno mae soldia nheta fara, eghuteuna mare laseni fara lokugna greoreo nei goru teu ka magra na. Naiknore mhaghu nodi fara kate filodi mare na jateula te mhaghu fara kate filoni lion ia eghu. Eghuteuna mare lase chari fara.
9Igre nanghadi nogna soldia mae Gad re:
Mae Esa nodi lida ululahu mare na.
Fapea na, mae Obadaea. Fatilo na, mae Eliab.
10Fafati na mae Mismana. Falima na mae Jeremaea.
11Fafamno na mae Atae. Fafitu na mae Eliel.
12Fahana na mae Johanan. Faheva na mae Elsabad.
13Fabotho na mae Jeremaea. Eghuteuna fabotho kaisei na mae Makbanae.
14Mae igre komanda ka armi. Eghuteuna keha mae te theome nheta ka mae igre na nabadi te magra te uludi kaisei gobi soldia, eghuteuna mae te nheta fara re nabadi magra te uludi kaisei thogha soldia! 15Kaisei fata, ka nhigra ulu lahu ka finogha na, Khoꞌu biꞌo Jordan gne britha fabiꞌo fabrahu, mae soldia igre kasa ka khoꞌu igne ne tei magra nei brue teidi naikno te au ka glogu rhedi phei gerigna Khoꞌu biꞌo Jordan.
Keha ka vikedi mae Benjamin ghe mae Juda ne loku fodu ka mae Devet
16Eghuteuna keha ka vikegna mae Benjamin, nei keha ka vikegna mae Juda eghu mare mei ne filoni mae Devet ka vido aheva te poru teu mana na. 17Mae Devet jifla ne tei thafodi mare, ne cheke eghu ka mare, “Jame ghotilo te kheragu iara na, ghotilo mei mala togho ghau iara, iara ginauna kelitagu fara te mei ghotilo te loku fodu ka iara na. Nu ghotilo laseni, jame ghotilo mei te mala lisa lao ghau iara ka khamedi nogu naoka re, nodi God mae kuꞌeda ra ginauna laseni glepo igne, eghuteuna mana ginauna para ghami ghotilo.”
18Eghuteuna tharunga gna God na ne mei ka mae Amasae mae ihei te lida ka tolufulu soldia te nheta igre ne eha eghu fabiꞌo,
“Devet, thugna mae Jesi!
Ghehati nou iagho gognaro na!
Iagho ginauna tangomana nate uludi magra re.
Iara toreni God mala tusu ranghi nigho iagho
nei iheire te au balumu nogna nolaghi nei pharikeli.”
Aonu mae Devet ne kelitagna fara ka mare, eghuteuna mana ne vahidi mare mala batudi tothoghei soldia teke tei blau glepo ka nodi namono mae naoka re.
Keha mae ka vikegna mae Manase ne loku fodu ka mae Devet
19Kani teke loku fodu mae Devet baludi mae king di Filistia te mala tei magra ka King Sol tifa na, keha mae ka vikegna mae Manase igre magnahaghei te mei mala loku fodu ka mana. Nu king di Filistia igre ne mhaghu nodi, glahu chaghidi mae Devet na lisa laodi ka khamegna King Sol, aonu mare ne kuru fapuloni mana ka namono Siklag, mala theome eni mana kaisei glepo te mala toghodi mare na. 20Vikegna mae Manase te loku fodu ka mae Devet re igre: Mae Adna, mae Josabad, mae Jediael, mae Maekol, nei keha Josabad, mae Elihu, nei mae Siletae. Mae igre lida ka kaisei thogha soldia eghu ka vikegna mae Manase. 21Mae soldia te nheta igre mei ne loku fodu ka mae Devet, eghuteuna mana ne vahidi mare mala komanda ka nogna soldia re. Mae igre te magridi nogna naoka mana re. 22Leuleghu narane na mae te mei loku fodu ka mae Devet igre nogna armi mana na ne ghilei kmana soldia, ne nheta jateula nogna armi God neu.
Nogna soldia mae Devet
23Kate au teu mae Devet ka namono Hebron, kmana soldia te nheta ne mei loku fodu ka nogna soldia mana re. Mare ne toghoni mana mala king tughuni King Sol, leghuni unha teke nhaꞌa chekeni LORD. Mae igre te hata mare te mala tei ka magra na:
24Ka vikegna mae Juda, mare au namno thogha, nhana gobi soldia balu nodi greoreo nei goru mala magra.
25Ka vikegna mae Simion, mare au fitu thogha, kaisei gobi soldia tarabana mala tei ka magra.
26Ka vikegna mae Livae, mare au fati thogha, namno gobi soldia. 27Eghuteuna mae Jehoada mae lida ka vikegna mae Eron ne hata thilo thogha, fitu gobi soldia. 28Eghuteuna mare jaola ne hata mae Sadok mae ihei te mae nheta tulao ka magra, eghuteuna mana hata ne mei balugna varadaki phei nogna mae lida.
29Ka vikegna mae Benjamin, mare au thilo thogha soldia, tifa na mare neke ghatho tahuni King Sol.
30Ka vikegna mae Efrem, mare au varadaki thogha, nhana gobi soldia te nheta tulao, eghuteuna naikno te gnafa ka vikedi mare na ghatho tahudi mae igre.
31Kaisei vido gaga ka vikegna mae Manase ke mosu Khoꞌu biꞌo Jordan, mare au nabotho nhana thogha soldia. Mare vavahi mae igre mala tei Hebron mala king mae Devet.
32Ka vikegna mae Isaka, mare au phei gobi ofisa balu nodi soldia. Mae ofisa igre au tadi gaoghatho te keli, nei lasedi unha glepo te thoke mei ba unha glepo te edi naiknodi Israel.
33Ka vikegna mae Sebulun, mare au glima fulu thogha soldia te nheta tulao. Mare kaisei gaoghatho kolho te mala toghoni mae Devet ne mei balu nodi thua nafnata glepo mala magra.
34Ka vikegna mae Naftali, mare au kaisei thogha lida nei tolufulu fitu thogha soldia. Eghuteuna mare mei balu nodi greoreo nei goru mala magra.
35Ka vikegna mae Dan, mare au varadaki nhana thogha, namno gobi soldia. Mare tarabana koba mala tei ka magra.
36Ka vikegna mae Asa, mare au phiatutu thogha soldia te nheta tulao. Mare jaola tarabana koba mala magra.
37Eghuteuna thilo vike te au ke maghati Khoꞌu biꞌo Jordan, vikegna mae Ruben, vikegna mae Gad, nei kaisei vido gaga ka vikegna mae Manase, mare au kaisei gobi varadaki thogha soldia, mare mei balu nodi thua nafnata glepo mala magra.
38Mae soldia igre kelitadi kolho te loku fodu ka nogna armi mae Devet.
Mare ne kafe mei ka namono Hebron, eghuteuna mare ne kaisei gaoghatho ngala ka mae Devet te mala king gna Israel. Tutuani, naiknodi Israel te gnafa igre jaola ne au nafnata gaoghatho igne. 39Mae soldia igre ne au thilo narane Hebron balugna mae Devet. Kheradi mae igre ne tarabana kmana gano nei khoꞌu eghu, eghuteuna mare ne ei gaghamu biꞌo nabagna thilo narane. 40Eghuteuna naiknodi Israel te au ke rarudi thilo provins Isaka, Sebulun nei Naftali teu igre hata gano ne mei Hebron ka mare. Mare luja ne mei ka dongki nei kamel eghu kmana flaoa, sisi gaju fig, sisi grep te moja, waen nei oliv oel, eghuteuna mare jaola hata mei buluka nei sipu eghu te mala ghamu mare na. Mare ne edi gobigna lepo igre, naugna naikno te gnafa Israel igre ne thofno kelitadi ne glealeꞌa fara.
13King Devet magnahaghei teke hata fapulo Bokis Blahi na Jerusalem
1Aonu King Devet ne cheke baludi mae komanda ka armi. 2-3Eghuteuna mana ne chekeni nogna gaoghatho na ka naikno te gnafadi Israel teke mei Hebron. Mana ne cheke eghu, “Te ghathoni iara na, jame te keli na tahati hata ke fapulo mei agne nogna Bokis Blahi noda God. Naugna tahati la theome ghathonihi funu ka narane teke King Sol ia. Jame te doglo ka gaoghathogna LORD noda God na, ghotilo na jaola glealeꞌa, eghuteuna tahati ginauna kurudi keha mae mala tei ka kherada Israel ra, mae pris ra, mae Livaet te au ka namono agne Israel ra, mala jifla tei heva heva mala kilo meidi mala loku fodu baluda tahati agne.” 4Naiknore nomhini gaoghatho igne ne kelitadi fara ka nogna cheke mae Devet igne.
5Aonu mae Devet ne fatei cheke ka naiknodi Israel te au ke mata khoꞌu biꞌo Sihoa jare Ijep, tei posa ke raru Lebo-Hamat. Mana ne kafe kilodi mare gnafa mala ke hata fapulo Bokis Blahi igne Jerusalem. 6Eghuteuna mana batudi naiknodi Israel ne tei ka namono Bala, namono igne mare jaola kiloi Kiriat-Jaerim jare Juda. Mare tei mala ke hata fapulo nogna Bokis Blahi God igne. Bokis Blahi igne au nanghagna LORD, mae ihei te au nolaghi fateote’o te gnokro ka nogna sape nafnakno na ke klignadi phei engel te gnokro ke kligna gna Bokis Blahi igne.
7Mare tei ka namono Bala ne tei ruma ka sugagna mae Abinadab mae ihei te tathaji ka sugagna na Bokis Blahi igne. Mare hata Bokis Blahi igne ne nhaꞌa lao ka kaisei chariot majaghani ne tei baludi. Kate tei teu mare na, mae Usa ghe mae Ahio te saghe leghuni te tei chariot igne. 8Eghuteuna mae Devet baludi kmana naikno di Israel, mare nolo ne tei balu ragi fara nei koje fabiꞌo eghu mala cheke fakelini nanghagna God. Eghuteuna mare ne lalahu ka thua nafnata gita, nei nifu, nei belo nei sesele.
9Kate mei mare ka nogna vido glose kaisei mae Kidon, ka vido aheva te mala fagagae bali na, phei buluka te korhogna chariot igne ne theome nolo fakeli. Aonu mae Usa ne ngafa lao khamegna na ne loku ka Bokis Blahi na. 10Nu LORD ne thono diꞌatagna fara ka mae Usa, naugna mana theo nogna nolaghi te mala habo ka Bokis Blahi igne, aonu mana ne faleheni mae Usa. Mana khoko soru rhegna Bokis Blahi na ne lehe kolho jare.
11Eghuteuna Devet ne diꞌatagna fara, naugna LORD diꞌatagna ne parani mae Usa. Eghuteuna funu ka narane tuana te mei posa gognarogne, mare kiloni vido glose igne, “Peres Usa,” gaoghathogna Peres Usa teu igne, “Parani Usa.”
12Eghuteuna mae Devet ne mhaghuni LORD, ne cheke eghu, “Faꞌunha eghu ame tangomana nga iara te hata te mei Bokis Blahi igne te mala au balugu na?” 13Aonu mae Devet ne theome hata ne mei Bokis Blahi igne Jerusalem. Aonu mana figri chariot igne mala tei ka keha nabrou delei, eghuteuna mana hata ne tei Bokis Blahi na ka sugagna mae Obed-Idom, maegna ka namono Gat. 14Eghuteuna Bokis Blahi igne ne au thilo nhigra ka vido igne. Ka narane tuare LORD ne fablahini fara mae Obed-Idom balu tharaknagna.
14Unha teke edi King Devet ka namono biꞌo Jerusalem
1King Hiram maegna ka namono Taea, ne kurudi keha mae biꞌo mala tei filoni King Devet. Eghuteuna mana jaola fatei gaju sida, keha mae te lase kato thina, nei keha mae mala horo nogna suga King Devet. Eghuteuna mae igre mei ne horo kaisei nogna suga King Devet. 2Eghuteuna kate filodi mae Devet glepo igre, mana laseni LORD teke vahini mana te mala king gna Israel. Eghuteuna mana jaola laseni LORD te fakelini nogna kantri na, naugna LORD ne namhadi fara nogna naiknore.
3Mae Devet ne hata kmana khetogna ne au Jerusalem, eghuteuna mana jaola ne keha nogna gaꞌase gloku. Gaꞌase igre ne karha thudi nalhaꞌu nei thudi gaꞌase eghu ka mana. 4Nanghadi thugna nalhaꞌu mana teke karha Jerusalem re igre: Mae Samua, mae Sobab, mae Natan, mae Solomon, 5mae Ibha, mae Elisua, mae Elpelet, 6mae Noga, mae Nefeg, mae Jafia, 7mae Elisama, mae Eliada nei mae Elifelet.
King Devet ne uludi soldia di Filistia
8Kate nomhini naiknodi Filistia te kegra king gna Israel mae Devet na, soldia di Filistia igre tei ne hironi mae Devet mala lokini mana. Nu kate nomhini mana puhi igne, mae Devet soru ne tei magra ka mare. 9Soldia di Filistia igre mei ne magra ka glogu Refaem. 10Aonu King Devet ne tarai eghu ka God, “Faꞌunha jame te tei magra iara ka mare na, iagho ginauna togho ghau iara mala uludi mare?”
Eghuteuna LORD ne cheke tughu eghu ka mana, “Uve, tei sagho magra ka mare! Iara ginauna togho nigho iagho mala uludi iagho mare!”
11Mae Devet jifla ne tei Baal-Perasim ne magra ka soldia di Filistia ne uludi mare. Aonu mae Devet ne cheke eghu, “LORD ne paradi nogu naoka iara re, jateula khoꞌu te britha te goigonidi namono ra neu.” Naugna igne mare kiloni namono igne, Baal-Perasim, gaoghathogna Baal-Perasim teu igne, “Mae funei na paradi mare.” 12Kate rikha soldia di Filistia igre, mare ne tei kokodi nodi mumuju re ka vido igne. Eghuteuna King Devet ne chekedi nogna soldia re mala gnubra mumuju igre.
13Nu ke leghu, soldia di Filistia igre neke pulo mei ka glogu Refaem mala ke magra. 14Aonu mae Devet ne toreni LORD unha nate eni mana na. Eghuteuna LORD ne cheke eghu ka mana, “Kate tei iagho ka vido tuana, iagho thosei doglo tei ka mare. Iagho lithui mei ke leghudi mare. Ghotilo tei kegra rhegna gaju balsam ka vido tuana mala tarabana mala magra ka mare. 15Eghuteuna ghotilo ginauna nomhini naogla te jateula naikno te nolo ke klignadi gaju balsam ra teuna. Eghuteuna kate nomhini igne, ghotilo faghose tei magra ka mare, naugna iara na kulu tei ke ulumi ghotilo, eghuteuna ghotilo ginauna uludi mare.” 16Aonu mae Devet ne eni jateula te chekeni LORD na neu ne tei kegra faligohoni armigna Filistia. Eghuteuna mare ne aknu falehedi ne gnafa soldia di Filistia igre funu Gibeon tei posa Gesa.
17Eghuteuna naikno te gnafa te au heva heva ka namono te gnafa ka nauthoglu igne ne nomhini thoutonu eigna unha te eni mae Devet igne ne fafnaknoni mana, LORD neke eni igne ka mae naokare mala mhaghuni mana.
15King Devet tarabana mala hata ke tei Jerusalem Bokis Blahi na
1King Devet ne edi nogna sugare Jerusalem. Eghuteuna mana jaola ne tarabana kaisei vido te mala eni kaisei suga tapuale te mala lilisei gna nogna Bokis Blahi God na. 2Aonu mana ne cheke eghu, “Hatimare mae Livaet kolho te au nodi nolaghi te mala palagna nogna Bokis Blahi God na, naugna LORD neke vahidi mare te mala pala na, nei mala loku ranghini mana.”
3Eghuteuna mae Devet ne kilo fodudi hatimare maedi Israel Jerusalem mala ke tei pala fapulo nogna Bokis Blahi LORD igne mala lilisei ka vido aheva teke tarabanahi mare na.
4Eghuteuna mae Devet jaola ne kilo fodudi hatimare mae pris ka vikegna mae Eron, nei keha mae Livaet langau eghu.
5Ka vikegna mae Kohat,
mae Uriel te funei ka kaisei gobi varadaki mae kheragnare.
6Ka vikegna mae Merari,
mae Asaea te funei ka phia gobi varadaki mae kheragnare.
7Ka vikegna mae Geson,
mae Joel te funei ka kaisei gobi tolufulu mae kheragnare.
8Ka vikegna mae Elisafan,
mae Semaea te funei ka phia gobi mae kheragnare.
9Ka vikegna mae Hebron,
mae Eliel te funei ka nhanasalei mae kheragnare.
10Ka vikegna mae Usiel,
mae Aminadab te funei ka kaisei gobi nabotho phei mae kheragnare.
11Mae Devet ne kilodi Pris Sadok ghe Pris Abiata baludi mae Livaet igre: mae Uriel, mae Asaea, mae Joel, mae Semaea, mae Eliel nei mae Aminadab. 12Mana ne cheke eghu ka mare, “Ghotilo mae funeidi hatimare mae Livaet ra. Ghotilo baludi mae kherami are mala fagae ghami themi ka tathagna LORD. Naugna ghotilo tangomana pala te mei nogna Bokis Blahi LORD nodi God mae Israel igne ka vido tela tarabanahi iara ia. 13Tifeiro na ghotilo mae Livaet gre neke theome pala neke mei Bokis Blahi igne, naugna igne LORD neke para ghita tahati. Tahati neke theome ghusnani eigna thofno puhigna te mala palagna Bokis Blahi igne.” 14Aonu hatimare mae pris nei hatimare mae Livaet eghu ne fagaedi thedi ka tathagna LORD mala tangomana mare te pala te mei Bokis Blahi igne. 15Eghuteuna kate pala mae Livaet gre Bokis Blahi igne, mare ne thofno leghuni vetula te mala palagna Bokis na, jateula teke chekeni LORD ka mae Moses tifa ia neu. Mare pala ka phei gaju brahu ka fafradire pala ne tei Bokis Blahi igne.
16Eghuteuna mae Devet ne cheke ka mae funeidi mae Livaet igre mala vavahi keha mae mala koje ka gita, ka babuban, ka khodili nei ka sesele, fagaglanagna nodi glealeꞌa na kate pala te mei mare Bokis Blahi igne.
17-21Nanghadi mare re igre:
Mae Heman, thugna mae Joel, eghuteuna mae Asaf, thugna mae Berekaea, eghuteuna mae Etan, thugna mae Kusaea ka vikegna mae Merari, thilo mae igre mala lalahu ka babuban.
Mare vahidi mae Sekaraea, mae Jasiel, mae Semiramot, mae Jehiel, mae Uni, mae Eliab, mae Masea, mae Benaea mala lalahu ka khodili leghuni naoglagna glepo te kiloni mare Alamot.
Te mala lalahu ka gita biꞌo igre te mala leghuni naoglagna glepo te kiloni mare Seminit igne, mare ne vahidi mae Matitaea, mae Elifelehu, mae Miknea nei mae Asasaea, eghuteuna mae Obed-Idom ghe mae Jel phia mae mala reireghigna Sugablahi na.
22Naugna te lase koje fara mae Kenanaea igne, mare ne vahini mana mala mae funeidi mae te koje igre.
23-24Eghuteuna mare vahidi mae Berekaea, mae Elkana, mae Obed-Idom, mae Jehaea mala reireghigna Sugablahi igne. Eghuteuna mae Devet ne vahidi mae pris te mae Sebanaea, mae Josafat, mae Netanel, mae Amasae, mae Sekaraea, mae Benaea, nei mae Eliesa mala tei ke ulugna nogna Bokis Blahi God na balu kufli.
Nogna Bokis Blahi God na ne tei Jerusalem
25King Devet baludi hatimare mae funeidi Israel, nei hatimare mae komanda gna kaisei thogha soldia teu igre ne tei hata fajifla ka nogna suga mae Obed-Idom na nogna Bokis Nhaꞌa Cheke LORD igne pala ne tei balu glealeꞌa. 26Eghuteuna ka narane pala te tei mae Livaet igre nogna Bokis Nhaꞌa Cheke LORD na, LORD ne toghodi mare. Eghuteuna mae pris gre ne fafara fitu buluka nalhaꞌudi nei fitu sipu nalhaꞌudi eghu ka mana. 27Ka narane tuana, mae Devet baludi mae Livaet te pala Bokis Nhaꞌa Cheke igne, nei mae iheire te koje igre, nei mae Kenanaea mae ihei te batuni gloku igne ne kafe pipichi famane pohe. Eghuteuna mae Devet jaola ne fahaghe famane phoko te kiloi efod ne jateula mae pris neu. 28Aonu naiknodi Israel te gnafa igre hata ne haghe Jerusalem nogna Bokis Nhaꞌa Cheke LORD na, mare ne eha fabiꞌo ne glealeꞌa fara. Eghuteuna mare kufli nei lalahu babuban nei lalahu thua nafnata gita.
29Kate pala te mei mare ke lamnagna nogna namono biꞌo King Devet nogna Bokis Blahi LORD igne na, khetogna mae Devet Mikal thugna gaꞌase mae Sol igne ne filo mei ka widagna suga biꞌo na. Naꞌa ne filoni king te glealeꞌa balu ragi te koje nei ghasa tafri teu te mala kilo fnaknoni nanghagna LORD. Aonu naꞌa ne tirogna fara te filoni nafnata puhi te eni mae Devet igne.
161Aonu mare ne lilisei Bokis Nhaꞌa Cheke igne ka suga tapuale teke enihi mae Devet igne. Mare ne falehe buluka nei sipu eghu mala fafara ka LORD. Kehare gahu knoro fara ka khaꞌaghi, eghuteuna kehare fafara mala au fakeli balugna God. 2Eghuteuna ke leghugna te fafara te gnafa na, mae Devet ne fablahidi naiknore ka nanghagna LORD. 3Eghuteuna mae Devet ne tufa gano ka naiknodi Israel teke khapru teku jare re. Mana tufa kaisei bret nei keha sisi det tela mojahi, nei keha sisi grep tela mojahi eghu.
4Eghuteuna mana ne vahidi keha mae Livaet mala tarai ka LORD ke ulugna Bokis Blahi igne. Nodi gloku mae igre na mala tarai ka God, nei mala tegioni mana, nei mala kilo fnaknoni LORD nodi God mae Israel. 5Mana ne vahini mae Asaf mala nodi mae funei mare mala lida ka tharai nei ka khoje. Mae Sekaraea te fapea ka mana na. Nanghadi mae iheire te mala lalahu gita re igre: Mae Jeiel, mae Semiramot, mae Jehiel, mae Matitaea, mae Eliab, mae Benaea, mae Obed-Idom, nei keha Jeiel. Mae Asaf jaola mae mala koje ka babuban. 6Eghuteuna Pris Benaea ghe Pris Jahasiel, phia mae igre mala kufli koba ke ulugna Bokis Blahi igne.
Koje mala kilo fnaknoni LORD
7Igne narane ululahu te nhaꞌa lao gloku mae Devet ka vikegna mae Asaf te mala koje nei kilo fnaknoni LORD. Mare ne koje eghu:
8Tahati mala tegio LORD! Uve, tahati mala cheke fabiꞌoni nanghagna mana na!
Eghuteuna tahati mala cheke ka naiknodi keha kantri are unha te edi God re.
9Tahati koje mala kilo fnaknoni mana.
Uve, tahati mala chekedi glepo biꞌo teke edi mana re.
10Tahati gnafa mala pala hagheni nanghagna LORD te blahi,
eghuteuna tahati tangomana te glealeꞌa naugna tahati pogho soruni mana.
11Tahati filo ka LORD mala togho ghita,
eghuteuna tahati tarai fabrahu ka mana.
12-13Tahati neke karha mei ka vikegna Israel, nogna mae gloku LORD.
Eghuteuna tahati goro thugna mae Jekop, mae ihei LORD teke vahini.
Leuleghu fata na tahati mala ghathodi kofubobhoi teke edi mana ra, ba puhi te fatedi mana mae naoka ra.
14LORD na noda God tahati.
Eghuteuna cheke te rheta teke chekedi mana ra,
maladi naikno te gnafa ka nauthoglu igne.
15Nhaꞌa cheke teke edi mana ka tahati ra ginauna au fabrahu tifa tifa.
Uve, leuleghu fata na mana ginauna tajini nhaꞌa cheke teke eni mana ka tahati igne nei ka iheire nate karha mei ke leghuda.
16Nhaꞌa cheke teke kulu eni mana ka mae Ebraham igne,
mana neke enila balugna mae Aesak, eghuteuna mana neke nhaꞌa cheke mala tajini nhaꞌa cheke igne.
17Ke leghu na, mana neke enila nhaꞌa cheke igne balugna mae Jekop,
eghuteuna nhaꞌa cheke igne ginauna theo ka huigna.
18Mana neke cheke eghu ka mae Jekop,
“Iara ginauna tusu ari ka iagho namono Kenan igne, eghuteuna vikemu iagho igre ginauna nate khotogna na.”
19Nu ka narane igre, kuꞌeda tahati ra neke theome kmana nekeu,
eghuteuna mare neke theome au
ka kaisei vido kolho ka glose igne.
20Leuleghu fata na mare jifla ka kaisei nohi ke tei ka keha nohi na,
eghuteuna ke jifla kokoni kaisei kantri mala ke tei ka keha kantri na eghu fabrahu,
21Nu LORD neke theome snakreni kaisei naikno mala goigonidi.
Mana neke cheke faheta ka hatimare mae king naugna mana reireghidi nogna naiknore.
22Mana neke cheke eghu ka hatimare mae king,
“Ghotilo thosei goigonidi naikno teke vavahi iara gre,
eghuteuna ghotilo thosei eni kaisei glepo te diꞌa ka nogu mae profet iara gre.”
23Ghotilo naikno te gnafa ka nauthoglu ra, ghotilo koje ranghini LORD!
Leuleghu narane na ghotilo toutonu eigna mana teke fakarhi ghita.
24Ghotilo ginauna toutonu ranghidi naiknodi keha kantri are eigna nogna nolaghi mana na.
Uve, ghotilo toutonu nei cheke thakleni nogna gloku te biꞌo ka naikno fateote’o.
25God na fnakno kligna lahu. Uve, tahati pala hagheni nanghagna mana na.
Mana haghe fara tulao salaꞌudi keha god are. Tahati mala ghatho tahuni mana kolho.
26Nodi god naiknore theo nafudi kolho,
nu LORD neke eni maloa gne baludi gobigna lepo te au ke lamnagna.
27Naikno te gnafare laseni te au nolaghi nei King teu mana na.
Uve, gobigna lepo te au ka nogna Sugablahi mana na,
fagaglana gna te heta fara nogna nolaghi mana na eghuteuna naiknore thofno kelitadi fara.
28Ghotilo vike te gnafa ka nauthoglu igne ra, ghotilo cheke fakelini LORD!
Ghotilo cheke fakelini mana eigna nogna nolaghi biꞌo, nei eigna puhigna mana te thofno keli fara.
29Nanghagna LORD na thofno fnakno kligna lahu, eghume ghotilo cheke fakelini mana.
Eghuteuna ghotilo hata mei nomi fafara re ka mana.
Ghotilo cheke fakelini nanghagna te blahi.
30Ghotilo naikno te gnafa ka nauthoglu ra, ghotilo ghatho tahuni mana!
LORD neke vuavuha nauthoglu igne mala au rheta mala theome tangomana te nghali na.
31Maloa ghe nauthoglu, ghopa mala glealeꞌa nomi!
Ghopa mala cheke eghu ka naiknodi kantri igre, “LORD na King!”
32Thongna, iagho baludi gobigna lepo te au ka iagho ra, ghotilo thagru fabiꞌo balu gleale’a!
Ghotilo nagare ra, ghotilo baludi gobigna lepo fateote’o te au ka ghotilo ra, ghotilo glealeꞌa!
33Ghotilo gaju te gnafa mata ra, ghotilo glealeꞌa balu eha fabiꞌo mala cheke fakelini LORD kate mei mana na.
Uve, mana na ginau mei mala funei frunidi naiknogna nauthoglu igne ka puhi te keli te thofno doglo fara.
34Tahati kilo fnaknoni LORD, naugna mana thofno keli fara.
Uve, mana namha ghita fabrahu.
35Tahati eha eghu, “Iagho nomi God ghehati,
iagho God mala fakarha naikno.
Fakarhi ghami nei hata fadelei ghami eghu ka khamedi naikno bongihehe gre.
Hata fapulo ghami ka namonomi ra.
Te eghu na, ghehati ginauna tangomana te tegio nigho,
eghuteuna ghehati tangomana te cheke fakelini nanghamu te blahi.
36Tahati cheke fakelini LORD noda God tahati naiknoda Israel!
Uve, tahati cheke fakelini mana gognarogne tifa tifa!”
Eghuteuna naiknore ne kafe cheke eghu, “Tutuani fara!” ghe “Cheke fakelini LORD!”
Mae te baubatu ka tharai Jerusalem nei Gibeon
37King Devet ne vahini mae Asaf baludi vikegna mana re mala baubatu fei tharai ka vido aheva te au nogna Bokis Nhaꞌa Cheke LORD na. Mae igre eni nodi gloku na ka vido igne leghu rane. 38Eghuteuna mana vahini mae Obed-Idom, thugna mae Jedutun, nei mae Hosa, balugna namno salei mae ka vikegna mae Asaf mala reireghi ka grengathagna Sugablahi igne.
39Eghuteuna King Devet ne vahini mae Pris Sadok baludi keha mae pris mala tarai ka nogna Suga Tapuale LORD ka namono Gibeon. 40Nodi gloku mare na mala hata tharai leghu narane hamerane grafi, mare gahu fafara ka olta leghuni vetula teke tusu lao LORD ka naiknodi Israel tifa. 41Eghuteuna mae Devet ne vahidi mae Heman ghe mae Jedutun, nei keha mae teke vavahi hatimare mae pris, mae igre mala toghodi hatimare mae pris mala cheke fakelini LORD nei mala cheke eghu, “Tahati tegioni LORD, naugna mana ghatho tahu ghita fabrahu!” 42Mae Heman ghe mae Jedutun phia mae igre mala fiofilodi mae iheire te kufli nei lalahu babuban, nei keha nafnata khoje te mala cheke fakelini God. Eghuteuna mae ka vikegna mae Jedutun igre mare reireghini grengathagna vido blahi igne.
43Kate edi te gnafa glepo igre, naiknore neke pulo ka sugadi re, eghuteuna mae King Devet neke pulo ka nogna suga biꞌo na ne fablahini tharaknagna na.
17LORD ne nhaꞌa cheke ka King Devet
1Kate au teu ka nogna suga biꞌo na, King Devet ne cheke eghu ka Profet Natan, “Iara gognarona au ka famane suga biꞌo teke horo ka thaba gaju sida, nu nogna Bokis Blahi LORD na au kolho ka suga tapuale.”
2Aonu Profet Natan ne cheke eghu ka king, “Jame mala eni kaisei glepo teu iagho ka gaoghathomu na, iagho na eni naugna LORD na au balumu iagho.”
3Nu ka grafi tuana, LORD ne cheke ka profet, ne cheke eghu,
4“Iagho tei cheke eghu ka mae Devet, nogu mae gloku iara ia, ‘LORD neke cheke eghu: Theome iagho te mala eni kaisei suga te mala au iara na. 5Funu ka narane te hata fajifladi iara Ijep kuꞌemi ghotilo tifa ra, te ghilei mei posa gognarogne, iara neke theome au ka suga. Leuleghu fata na iara neke tei tafri baludi mare, eghuteuna iara neke au kolho ka suga tapuale. 6Iara neke chekedi hatimare mae lida mala fiofilodi nogu naikno iara gre, nu ka namono aheva te tei iara baludi mare na, iara neke theome ghusna eghu ka mae lida igre: Naugna unha si ghotilo te theome eni nogu suga iara ka thaba gaju sida gnea?’ ”
7LORD ne cheke eghu ka mae Natan, “Iagho tei cheke eghu ka nogu mae gloku iara Devet, ‘LORD mae ihei te au nolaghi fateote’o igne ne cheke eghu: Iara neke hata fajifla nigho iagho kani reireghi sipu teku iagho ia, eghuteuna vahi nigho iagho mala nodi lida nogu naikno iara Israel. 8Funu tifa te mei na iara neke au balumu iagho ka vido aheva te tei iagho na. Iara neke togho nigho iagho neke tapla faparidi nei uludi neku iagho nou naoka ra. Eghume, iara ginauna tusu ranghi nigho iagho nafnakno biꞌo, salaꞌudi lida te gnafa teke fnakno fara tifa ra ghilei mei posa ka narane gognarogne. 9-10Iara neke vahinihi kaisei vido glose malami ghotilo nogu naikno iara Israel ra, eghuteuna iara magnahaghei ghami ghotilo te au fakeli ka vido glose igne. Eghuteuna ginauna theo kaisei naikno te diꞌa nate mei te goigoni ghami ghotilo jateula teke edi mare tifa ra teuna. Funu ka narane teke hata kuꞌedara vido glose igne nei ka naranedi hatimare mae funei teke vavahi iara ra teuna, hatimare mae naoka neke mei goigoni ghami ghotilo. Nu gognarona iara na togho ghami ghotilo mala au kmu naugna iara la uludihi nomi naoka ghotilo re.
“ ‘Eghuteuna te chekeni iara ka ghotilo na, iara ginauna vahini koba kaisei mae ka vikemi ghotilo gne te mala nomi king ghotilo na. 11Kate lehe iagho na, mare na giugilu nigho iagho baludi kuꞌemu ra, eghuteuna iara ginauna vahini kaisei mae thumu iagho mala ke king tughu nigho iagho. Eghuteuna iara ginauna toghoni mana mala kegra heta fabrahu. 12King igne ginauna horo nogu suga iara na, eghuteuna iara ginauna vahini koba kaisei mae ka vikegna mana na te mala king na. 13Iara ginauna mala kmagna mana, eghuteuna mana ginauna mala thugu iara. Iara ginauna theome gnafa te ghatho tahuni mana na, jateula teke eni iara ka King Sol kani teke nhaꞌa soruni iara mana ka nogna sape nafnakno na teke fakegra king tughuni mana iagho gne eghu. 14Eghume ihei te king ka vikemu iagho igne, iara ginauna tusu lao nolaghi ka mana mala funei fruni ni fabrahu Israel nei nogu naikno iara igre eghu.’ ”
15Aonu mae Natan tei ne cheke ka King Devet unha teke nomhidi mana ka mifi igne eidi unha teke chekedi God ka mana re.
King Devet tarai ne cheke tegio ka LORD
16Aonu King Devet tei ka Suga Tapuale te Blahi na ne gnokro ke ulugna nogna Bokis Blahi LORD na. Mana ne tarai eghu,
“LORD God, iara nei tharaknagu iara teugre theo nafumi kolho. Neuba, iagho thofno keli fara ranghi ghau iara. 17God, eidi gobigna lepo te chekedi iagho unha nate thoke mei nathuꞌu nauriha ka vikegu iara gne thofno keli fara salaꞌudi unha glepo teke edi iagho ka iara tifa ra. Iara khogla naikno kolho, nu iagho LORD God, iagho eni kaisei glepo te thofno keli fara ka iara.
18“Unha nafnata cheke gne nate chekeni iara ka iagho na? Iara nou mae gloku iagho kolho, iagho lase fakeli ghau iara fara. 19Glepo biꞌo te edi iagho igre jifla mei ka gaoghathomu iagho kolho, eghuteuna thofno jifla mei jateula teke nhaꞌa chekeni iagho ia eghu. Eghuteuna iagho snakre ghau iara te mala lasedi glepo igre.
20“LORD, iagho thofno haghe fara! Theo kaisei jateula iagho teuna. Ghehati nomhini ka kuꞌemi ra te kaisei iagho ngala God na. 21Theo kaisei ka keha naikno ka nauthoglu igne te jateula nou naikno iagho Israel igre teuna. Iagho neke fakarhidi mala tangomana naikno te gnafa igre te laseni nanghamu iagho te haghe fara na. Iagho neke hata fapulodi Israel nou naikno themu teke au sosolo Ijep, eghuteuna iagho neke edi kmana glepo te thono biꞌo fara kani teke brue fajifladi iagho keha naiknore ka namono igne. 22Iagho neke vahidi naiknodi Israel igre mala nou naikno iagho fabrahu, eghuteuna iagho LORD nodi God mare.
23“LORD, u nhaꞌa cheke teke eni iagho ka iara nei ka vikegu iara gre teu igne mala au fabrahu tifa tifa. Iara tore nigho iagho mala edi iagho unha teke nhaꞌa chekedi iagho ra. 24Te eghu iagho na, naikno te gnafa gre ginauna pala hagheni fabrahu nanghamu iagho na. Naiknore ginauna chekeni te LORD mae ihei au nolaghi fateote’o igne nodi God naiknodi Israel. Eghuteuna vikegu iara igne ginauna rheta fabrahu mala nodi king mae Israel.
25“Nogu God, iagho falalase ka iara eigna iagho ginauna toghoni vikegu iara igne mala rheta fabrahu, eghuteuna king igne ginauna au fabrahu ka vike igne. Eghume, iara theome mhaghu te tore ari ka iagho na. 26LORD, iagho God. Iara tangomana te rouronu ka nou nhaꞌa cheke iagho te mala edi glepo te keli ka iara nou mae gloku gne. 27Gognarona iara tore nigho iagho mala fablahini vikegu iara gne, mala au ka pharikeli fabrahu ke parimu iagho. LORD iagho neke chekehi, jame te fablahini iagho vikegu iara gne na, iara ginauna laseni iagho ginauna fablahidi mare fabrahu.”
18Mae Devet ne uludi nogna naokare
1Kaisei fata ke leghu igne, King Devet baludi nogna soldia re tei ne magra ka armi gna Filistia. Armi gna Israel ne uluni magra igne ne hata namono Gat baludi keha namono te au faligohoni namono tuana.
2Keha fata na, mae Devet tei ne magra ka naiknodi Moab, eghuteuna mana ne uludi mare, aonu maedi Moab gre ne au ke parigna nogna nolaghi mana, eghuteuna mare ne foli takis ka mana.
3Eghuteuna keha fata na, mae Devet baludi nogna soldia re tei ne magra ka naiknodi Hamat rhegna Khoꞌu biꞌo Iufretis mala au mare ke parigna nogna nolaghi mana. Mana ne uluni King Hadadesa mae ihei te king Soba kaisei namono biꞌo ka kantri Siria. 4Nogna armi mae Devet igne ne hata ka King Hadadesa kaisei thogha chariot mala magra, fitu thogha soldia te saghe ka chariot, nei varadaki thogha soldia. Eghuteuna mana ne hata kaisei gobi hose mala korho chariot ka magra. Nu keha hose re mare ne kusu naula ka ghahedire mala theome tangomana reꞌe te chari na.
5Ka narane igne soldia di Siria te au Damaskas igre mei ne toghoni King Hadadesa, nogna armi King Devet igne ne aknu falehe varadaki phei thogha soldia ka magra igne. 6Eghuteuna mae Devet ne lisei faleghu kmana soldia mala au jare Damaskas. Aonu naiknodi Siria ne mei au ke parigna nogna nolaghi mae Devet, eghuteuna mare ne foli takis ka mana. Namono aheva te tei magra mae Devet na, LORD toghoni mana.
7Mae Devet ne filodi greoreo teke horo ka gol teke hata nogna komanda mae Hadadesa igre hata ne mei Jerusalem. 8Mae Devet jaola neke hata kmana bras ka phei nogna namono biꞌo mae Hadadesa, Tibhat ghe Kun. Keha finogha ke leghudi igre, King Solomon hata bras igre neke horo tangk biꞌo malagna Sugablahi na, nei phei khegra biꞌo, nei keha glepo langau eghu ka Sugablahi igne.
9Kate nomhini King Tou thoutonu eigna mae Devet te uluni nogna armi King Hadadesa igne, 10mana ne kuruni mae thugna na, mae Hadoram ne tei cheke fakelini mae Devet. King Tou jaola ne kelitagna fara te nomhini mae Devet te uluni King Hadadesa igne, naugna mana neke magra ka mae Hadadesa kmana fatahi. Ka narane igne, mae Hadoram hata ne mei keha namha teke horo mare ka gol, silva nei bras, ne tusu lao ka King Devet.
11Aonu King Devet ne fablahidi glepo igre mala nogna LORD. Tuana unha te eni mana ka silva nei gol eghu teke hata mana ka teke uludi mana naiknodi Idom, naiknodi Moab, naiknodi Amon, naiknodi Filistia nei naiknodi Amalek.
12Kaisei fata ke leghu, mae Abisae thugna Seruia igne, mana batuni nogna armi mae Devet na ne tei aknu falehe nabotho nhana thogha maedi Idom ka glogu te kiloi, “Glogu mala hata tahi.” 13Eghuteuna mae Abisae ne lilisei kmana soldia ka nogna tothoghei armi na mala reireghidi kmana namono Idom, eghuteuna kmana naiknodi Idom ne au ke parigna nogna nolaghi mae Devet. Ka vido aheva te tei magra mae Devet igre, LORD toghoni koba mana mala uludi magra tuare.
Nogna mae biꞌo King Devet
14Mae Devet ne funei frunidi vido te gnafa Israel, eghuteuna mana reireghi fakelidi naiknore ka puhi te keli nei doglo.
15Ka narane igre, mae Joab thugna Seruia igne, mana kaisei mae komanda biꞌo fara ka armi.
Mae Jehosafat thugna Abihu igne, mana mala rioriso soru ka buka nogna cheke king.
16Mae Sadok thugna Ahitub ghe mae Ahimelek thugna mae Abiata, phiamae igre mae pris.
Eghuteuna mae Savsa gne mae mala rioriso soru nogna cheke king re.
17Mae Benaea thugna Jehoeada igne mana nodi komanda mae te mala reireghini King Devet.
Eghuteuna thugna mae Devet igre, mare jaola mae biꞌo ka gavman.
19King Devet ne uludi phei armidi Amon ghe Siria
1Nahas king gna Amon na ne lehe. Aonu mae Hanun thugna mana na neke kegra king tughuni mae kmagna na. 2Eghuteuna mae Devet ne cheke eghu, “Iara magnahaghei te fofodu ka King Hanun, jateula teke eni King Nahas kmagna mana teke famane fofodu ka iara ia eghu.” Aonu mana ne kurudi keha mae mala tei cheke diꞌanagnafa ka King Hanun eigna te lehe kmagna mana na.
Kate tei posa mae igre ka namono Amon na, 3mae biꞌodi Amon igre ne cheke eghu ka mae Hanun, “Ne kuru mei mae Devet mae igre mala cheke diꞌanagnafa nei fafnaknoni mae kmamu neu sagho gaoghathomu na ia? Theo. Mana kuru mei mae igre mala filodi kolho gobigna lepo te au ka namono igne, mala tangomana mana te mei goigoni ni namono igne eghu kolho si mana gnea.” 4Aonu King Hanun nomhini cheke igne ne loku famaku nogna tothoghei mae King Devet igre. Eghuteuna mare ne ghoighori kaisei phile gremohodi re, eghuteuna kusu fakmoꞌei nodi pohere mala tangomana naiknore te filodi pesidi mare re, gnafa teuna ame ke kuru fapulodi nga.
5Nu mare ne thono mamaja nodi fara teke posa mei ka sugadire. Kate nomhini King Devet eigna puhi igne, mana ne fatei cheke ne cheke eghu ka mare, “Te keli na ghotilo au ghu jare Jeriko ghilei ke thugru gremohomi are, ame ke pulo meinga ghotilo eghu.”
6Kate nomhini King Hanun nei hatimare mae biꞌodi Amon gre eghu te diꞌatagna fara King Devet ka mare na, mare ne foli tolufulu fati thogha kilo silva mala hata chariot mala magra ka maedi Naharaem, maedi Maka, maedi Soba nei maedi Siria. 7Mare ne hata tolufulu phei thogha soldia mala saghe ka chariot, nei nogna armi king gna Maka la ngau eghu. Mare kafe mei ne au Medeba mala magra. Eghuteuna soldiadi Amon gre ne jifla mei ka namonodi re tarabana mala magra.
8Kate nomhini King Devet puhi igne, mana ne kuruni mae Joab balu nogna armi mala tei magra ka mare. 9Aonu soldiadi Amon gre mare tei ne kegra ka nabrou ke kosi grengathagna namono biꞌo Raba, mare tarabana mala magra jare. Eghuteuna nodi soldia king di Siria, mare tarabana mala magra ke kosigna namono igne, ka vido te theo kaisei gaju tagna.
10Mae Joab ne filodi hatimare mae naoka te mei ke ulugna nei ke leghugna teu mala magra ka mana teu igre. Aonu mana ne vavahi nogna soldia te thofno keli fara nei nheta fara teu igre ne fakegradi ka vido aheva te mei soldia di Siria. 11Eghuteuna keha soldia re, mana ne lisa lao ka khamegna mae Abisae, mae thabusigna na, eghuteuna mae Abisae ne fakegradi mare ka vido aheva te mei soldia di Amon. 12Mae Joab ne cheke eghu ka mae thabusigna na, “Jame te filoni iagho armigna Siria te ulu ghau iara na, iagho ginauna mei togho ghau iara, eghuteuna jame te filoni iara armigna Amon te ulu nigho iagho na, iara ginauna ari togho nigho iagho. 13Iagho thosei mhaghu! Iagho magra heta mala fakarhidi noda naiknora, nei nogna namono God teke tusu mei ka tahati igne. Iara laseni, LORD ginauna eni unha mana te magnahagheni.”
14Aonu mae Joab baludi nogna soldia re ne tugha faꞌulu mala magra ka soldia di Siria, nu soldia di Siria igre ne rikha kolho. 15Eghuteuna kate filoni te rikha soldia di Siria igre, soldia di Amon gre jaola ne rikhani mae Abisae, eghuteuna mare tei ne ruma ka nodi namono mare na. Ke leghu, mae Joab ne theome magra ka armigna Amon, nu mana neke pulo kolho Jerusalem.
16Kate filoni armigna Siria gne te theome tangomana mare te uluni armigna Israel, mare ne kuru teidi keha mae mala hata mei keha soldia di Siria te au teu ka keha phile Khoꞌu biꞌo Iufretis mala mei toghodi mare. Aonu mae Sofak nogna komanda biꞌo King Hadadesa igne batudi ne mei nogna soldiare.
17Kate nomhini King Devet unha te eni soldia di Siria igne, mana kilo meidi ne gnafa soldia di Israel. Aonu mana ne batudi mare ne kasa ka Khoꞌu biꞌo Jordan ne tei namo ka vido aheva te au teu armigna Siria. Aonu mae Devet ne tarabana armigna Israel mala magra ka armigna Siria. Eghuteuna armigna Aram igne ne magra ka nogna armi mae Devet. 18Nu armigna Israel igne ne magra heta fara ne ngolhi fapulodi mare. Ka narane tuana, nogna armi mae Devet igne ne aknu falehe fitu thogha soldia te saghe te magra ka chariot, nei keha fati thogha soldia langau eghu. Eghuteuna mare jaola ne akni faleheni mae Sofak, nodi komanda biꞌo armigna Siria.
19Kate filoni hatimare mae king te au ke parigna nogna nolaghi King Hadadesa gre te theome tangomana armigna Siria te uluni armigna Israel igne, mare tirodi teke magra ka mae Israel, nu mare magnahaghei te mei au ka pharikeli ke parigna King Devet.
Eghuteuna ke leghugna igne, naiknodi Siria gre ne theome magnahaghei teke toghodi naiknodi Amon.
20King Devet ne uluni namono Raba
1Leuleghu finogha kate namo gnafa nhigra te nakhete nei reka teuna, hatimare mae king tangomana te hata nodi armi te tei magra ka nodi naoka re. Aonu ka finogha ke leghugna te uluni mae Devet armigna Siria igne, mae Joab batuni armigna Israel ne tei magra ka naiknodi Amon. Mare magra ne uluni Amon nei faligohoni namono Raba, nodi namono biꞌo mare na. Nu mae Devet neke theome tei ka magra, mana neke au neku kolho Jerusalem. 2Mae Devet tei Raba ne hata nogna khepi nafnakno king na ka phaꞌugna mumuju god Milkom. Khepi nafnakno igne neke horo ka gol nei ka famane thina. Tahugna gol ka khepi igne thokeni tolufulu fati kilo. Aonu mare ne lisei lao khepi igne ka phaꞌugna mae Devet na. Eghuteuna mana ne jaola ne hata kmana famane glepo ka namono igne. 3Eghuteuna mana ne hata naiknogna namono igne ne huhurudi mala loku jateula naikno sneka eghu. Keha ka mae igre loku ka soa nei nhirama mala kato thaba nei thina. Eghuteuna mana eni nafnata puhi igne ka naiknodi keha namono jare Amon. Ke leghu, mae Devet balu nogna armi na neke pulo Jerusalem.
Mare ne aknu falehe goigholi biꞌo gna Filistia
4Ke leghu, armigna Israel neke tei magrai ka armigna Filistia ka namono Gesa. Ka narane tuana, mae Sibekae maegna Husa, mana ne aknu faleheni mae Saf, kaisei mae soldia nheta ka vikegna mae Rafa maegna Filistia, mae igre mae biꞌo nei nheta fara eghu. Eghuteuna mare ne thofno uluni armigna Filistia.
5Eghuteuna keha fata na, mae Israel ne magra ka armigna Filistia, mae Elhanan thugna mae Jaea igne ne aknu falehe kaisei goigholi gna Gat. Nanghagna goigholi igne, mae Lami, thabusigna mae Golia. Gajugna nogna goru mana igne biꞌo jateula fatha suga eghu.
6Eghuteuna keha fata na, mare tei ne magra ka namono Gat. Ka namono igne mare au kaisei nodi goigholi. Goigholi igne au nabotho phei geghesu ka khamegna re, namnoi ka keha khame na, eghuteuna namnoi ka keha khame na. Eghuteuna mana jaola au nabotho phei geghesu ka ghahegna re, namnoi ka keha ghahe na, eghuteuna namnoi ka keha ghahe na. 7Mae igne fahaehaghe fara cheke fadiꞌani armigna Israel. Eghume mae Jonatan thugna mae Simea, thabusigna King Devet, mana tei ne aknu falehe goigholi igne.
8Goigholi igre vikegna mae Rafa, maegna Gat, eghuteuna mae Devet balu nogna soldia tei ne kafe aknu falehe ne hui goigholi igre.
21King Devet ne kaha vikegna Israel
1Mae Satan magnahaghei te ei puhi biꞌo mala thokedi naiknodi Israel, aonu mae Satan ne tusu lao gaoghatho ka mae Devet mala kaha naiknodi Israel. 2Aonu king ne cheke eghu ka mae Joab nei hatimare mae komanda ka armi, “Ghotilo tei kaha naiknodi Israel, eghuteuna ghotilo kahadi mae iheire te nabadi te tei ka magra. Ghotilo mala fufunu ka namono Dan ke raru, tei posa ka namono Bereseba ke mata. Ghotilo mala ripot ka iara mala tangomana iara te lasedi niha naikno te au na.”
3Nu mae Joab ne cheke eghu ka king, “King, iara magnahagheni LORD te eni haghe nabadi noda soldia tahati gre mala kmana gobi salaꞌudi gognaro gre. Iagho laseni, naiknodi Israel igre au ke parimu iagho, eghuteuna kaisei iagho ngala nodi king na. Eghume, mala unha eghu sagho te magnahaghei eni puhi te diꞌa ranghidi naiknodi Israel grea?”
4Nu king ne cheke faheta fara ka mae Joab, aonu mare jifla ne tei heva heva Israel mala kahadi mae iheire nabadi te tei ka magra. Gnafa teuna mare neke pulo mei Jerusalem. 5Aonu mae Joab ne tei ripot ka king khaputudi mae iheire nabadi te mala tei ka magra na: Israel na kaisei mola, kaisei gobi thogha mae te lase magra, eghuteuna Juda na fati gobi fitusalei thogha mae te lase magra.
6Nu naugna mae Joab gne theome magnahaghedi nogna cheke mae king te edi ka mana igre, mana ne theome kahadi vikegna mae Livae nei vikegna mae Benjamin. 7Nu LORD ne theome gleꞌani nogna cheke mae Devet te mala kahadi naiknodi Israel igne, aonu mana ne paradi naiknodi Israel.
LORD ne parani King Devet
8Eghuteuna mae Devet ne tarai eghu ka LORD, “LORD, unha te eni iara igne thono fameomekro fara. Iara la eni kaisei nakhibo te thono diꞌa fara. Iara thofno tore nigho iagho mala hata fadelei najafra te eni iara igne.”
9-10Aonu LORD ne cheke ka mae Gad, nogna profet King Devet igne. Mana ne cheke eghu, “Gad, iagho tei filoni king eghuteuna iagho cheke ka mana, iara ginauna parani mana. Thilo nafnata papara tarabanau malagna mana, eghuteuna mana mala vavahi kaisei ka thiloi igre nate mala parani iara mana na.”
11Aonu mae Gad tei ne filoni mae Devet ne cheke eghu ka mana, “LORD ne cheke eghu: Iagho na vavahi kaisei ka thilo papara igre. 12Kaisei na, narane mala rofo na ginauna thoke mei heva heva ka kantri igne nabagna thilo finogha. Kehana, ghotilo ginauna rikhadi nomi naokare na theome au snoto nabagna thilo nhigra. Eghuteuna fatilo na, nogna Engel LORD na ginauna nhaꞌa mei kaisei fogra te diꞌa fara na goigonidi naiknore ka vido te gnafa ka nomi kantri ghotilo igne nabagna thilo narane.” Eghuteuna mae Gad neke cheke eghui, “Eghume king, iara magnahaghei nigho iagho te ghathoni igne, eghuteuna chekeni ka iara aheva ka thilo glepo igre te magnahagheni iagho na. Eghuteuna iara ginauna hata tei nou cheke tughu iagho na ka LORD, mae ihei teke kuru mei ghau iara na.”
13Mae Devet ne cheke eghu ka profet Gad, “Tutuani fara! Iara la thofno diꞌanagnafagu fara ka cheke igne! Nu iara theome magnahaghei papara te jifla mei ka gaoghathogna naikno na. Jame te keli na lisa lao ka LORD mae ihei te au nolaghi fateote’o na mala vahini unha papara te nabami ghehati na, naugna God na tangomana te kokhonidi koba naiknore.”
14Aonu LORD ne kuru mei kaisei fogra biꞌo te thono diꞌa fara ka naiknore. Eghuteuna fitusalei thogha naiknodi Israel ne lehe ka fogra igne. 15Eghuteuna God ne kuruni engel ne tei goigonini Jerusalem. Nu LORD filoni engel igne ne funu goigonini Jerusalem, eghuteuna mana ne diꞌanagnafagna fara ka glepo te diꞌa te thoke mei ka naiknore igne. Eghuteuna mana tughu nagnafagna ne cheke eghu ka engel igne, “Hui! La nabahi!” Ka narane tuana, nogna Engel LORD na kegra neu rhegna kaisei vido te mala fagagae wit na. Vido igne nogna mae Arauna, kaisei mae ka vikegna mae Jebus.
16King Devet ne filoni Engel nogna LORD na kegra neu farihotei maloa ghe nauthoglu, eghuteuna mana louloku kaisei naflahi ka khamegna na tarabana mala goigonini Jerusalem. Eghuteuna mae Devet nei hatimare mae lida pogho soru pari ne tei posa ka glosero pari. Ka narane tuana mare ne pipichi ka pohe diꞌanagnafa, fagaglanagna nodi diꞌanagnafa na.
17Mae Devet ne tarai eghu ka God, “God, iara ngala teke huhurudi teke tei kaha mare mae soldia ra. Iara ngala teke eni puhi te diꞌa igne. Naikno gre jateula sipu eghu kolho theome eni kaisei najafra. LORD, iagho nogu God iara. Iagho thosei paradi nou naikno gre, nu iagho para ghau iara kolho baludi tharaknagu iara gre.”
18Aonu Engel nogna LORD na ne cheke ka profet Gad mala tei mana filoni mae Devet, eghuteuna chekeni mana mala tei eni kaisei nogna olta LORD ka nogna vido mala fagagae wit mae Arauna, maegna Jebus. 19Aonu mae Devet ne leghuni nogna cheke LORD teke cheke ka mae Gad igne.
20Aonu kate fagagae wit teu mae Arauna baludi fati mae thugna re, mana ne filoni kaisei engel. Nu fati thugna mana igre, mare rikha ne tei poru. 21Aonu mae Devet mei ne posa ka vido igne. Kate filoni mae Devet na, mae Arauna jifla kokoni nogna gloku na ne tei pogho soru ke ulugna king.
22King Devet ne cheke eghu ka mae Arauna, “Iara mei mala foli nou vido mala fagagae wit iagho igne. Iara magnahaghei te babana kaisei nogna olta LORD agne, mala fagnafani fogra te diꞌa igne. Iagho tangomana te sabiri ka iara nihai te magnahagheni iagho na.”
23Aonu mae Arauna ne cheke eghu, “King, iara theome magnahaghei te foli iagho glose igne ka iara. Atha kolho. Eghuteuna iagho jaola hata unha keha glepo te magnahaghei fafara tagna na. Iagho tangomana te hata phei nogu buluka iara are te mala fafara ke kligna olta na, eghuteuna thaba teke loku fodudi repa, eghuteuna thaba mala fagagae wit teu are, iagho hata mala gahu. Iara magnahaghei te tusu ari ka iagho gobigna lepo igre.”
24Nu mae Devet ne cheke eghu, “Theo, iara na foli ka iagho. Iara theome tangomana te fiti hata kolho nou glepo iagho re te fafara lao ka LORD na.”
25Aonu mae Devet ne tusu lao ka mae Arauna fitu kilo gol foli gna glose igne. 26Eghuteuna mae Devet ne babana kaisei nogna olta LORD ka vido igne. Eghuteuna mana ne gahu fafara ka LORD, kehare knoro fara, nei kehare mala au ka pharikeli balugna LORD. Mae Devet ne tarai ka LORD, eghuteuna LORD nomhini nogna tharai mana na ne kuru soru khaꞌaghi funu kligna ne gahu fafara te au ka olta igne.
27Eghuteuna LORD ne cheke ka nogna engel na neke nhaꞌa fapulo nogna naflahi mala magra na. 28Mae Devet au neu ka nogna glose mae Arauna igne ne filoni LORD te nomhini nogna tharai na. Aonu mae Devet ne fafara ka LORD ka olta igne. 29Ka narane igne, nogna Suga Tapuale LORD teke horo mae Moses ka namono nagou na tifa ia, nei olta mala gahu fafara teu igre kafe au ngala ka vido blahi na jare Gibeon. 30Nu ka narane igne, mae Devet ne theome tei Gibeon mala tarai ka God, naugna mana mhaghuni nogna naflahi mala magra Engel nogna LORD.
221Aonu mae Devet au neu ka nogna glose mae Arauna igne ne cheke eghu, “Tahati ginauna horo nogna Sugablahi LORD mae ihei te God na ka vido igne. Eghuteuna olta te mala gahu fafara na ginauna jaola au agne.”
King Devet tarabana mala horo Sugablahi na
2King Devet ne kilodi naiknodi delei te au soru Israel mala mei Jerusalem. Eghuteuna mana ne chekedi keha mae ka mae igre mala kato thina mala horo Sugablahi nogna God. 3Mae Devet ne tarabana kmana aean mala horo nila nei vido aean mala famamhaku grengatha. Eghuteuna mana jaola tarabana kmana bras te theome tangomana kaisei mae te skeledi bras igre. 4Eghuteuna naiknodi Taea nei Saedon teu gre jaola hata ne mei phugra gaju sida ka mae Devet, eghuteuna theo kaisei naikno naba te kahadire thaba igre.
5Kani theome lehe nga teku King Devet na, mana neke tarabana kmana thua nafnata glepo te mala horogna nogna Sugablahi LORD na. Mana neke cheke eghu, “Thugu iara Solomon gne, mana mae majaghani fara eghuteuna mana theome laseni te famane horo suga na. Nu iara magnahagheni mae thugu iara Solomon ginauna famane horo fakeli nogna Sugablahi LORD na. Eghuteuna naikno te gnafa ka nauthoglu igne ginauna kelitadi ni fara suga igne na tusu lao nafnakno biꞌo ka suga igne. Eghume iara na tarabana nogna glepo mae Solomon malagna suga igne.”
6King Devet ne kilo meini Solomon, ne cheke ranghini mana mala horo kaisei nogna Sugablahi LORD, nodi God mae Israel. 7Mana ne cheke eghu, “Thuguo, iara neke magnahagheni fara te horo kaisei Sugablahi mala cheke fakelini nanghagna LORD noda God. 8Nu LORD neke cheke eghu ka iara, ‘Devet, iagho theome tangomana te horo nogu suga iara na, naugna iagho neke magra kmana fata neke aknu falehe kmana naikno. Eghume iara theome magnahaghei nigho iagho te horo suga igne. 9Nu iagho ginauna na au kaisei thumu nalhaꞌu, eghuteuna kate kegra king mana na, naiknore ginauna au ka pharikeli, eghuteuna iara ginauna na theome snakredi keha kantri are te naoka ka mana na. Eghuteuna mae sua nalhaꞌu igne iagho ginauna kiloni nanghagna Solomon, gaoghathogna Solomon teu igne, “Pharikeli” eghu. Naugna iara ginauna tusu lao nakarha te keli nei pharikeli eghu ka naiknodi Israel ka narane te kegra king mana na. 10Mae igne ngala nate tangomana te horo Sugablahi igne mala mei naiknore mala kilo fnaknoni nanghagu iara na. Mana ginauna mae thugu iara, eghuteuna iara kmagna mana na. Eghuteuna iheire nate karha mei ka vikegna mana re, mare ginauna king fabrahu agne Israel.’ ”
11Eghuteuna mae Devet neke cheke eghu ka mae Solomon, “Thuguo, LORD ginauna au balumu iagho, eghuteuna mana ginauna togho nigho iagho, mala tangomana iagho te horo nogna Sugablahi mana na, leghuni unha teke nhaꞌa chekeni mana na. 12Iara magnahagheini LORD te tusu ranghi nigho gaoghatho te keli nei glalase, mala tangomana iagho te lasedi gobigna lepo te mala funei fruni Israel. Ka puhi igre, iagho ginauna tangomana te leghudi nogna vetula LORD noda God. 13Ghema Solomon! Jame leghudi iagho vetula nei farirhiu eghu teke tusu lao LORD ka mae Moses tifa ra meuna, gobigna lepo te edi iagho re ginauna thofno keli fara. Iagho kegra heta leghu fata, ba thosei mhaghu. Eghuteuna thosei snakreni gaoghathomu na glaꞌe soru.
14“Iara neke loku heta fara neke tarabanahi thilo mola fati gobi thogha kilo ka gol, nei tolufulu fati mola kilo silva eghu te au teu te mala horogna nogna Sugablahi LORD na. Eghuteuna iara jaola salo fodu kmana bras nei aean eghu te theo ihei nga te tangomana te skeledi re. Eghuteuna iara jaola la tarabana hi thaba nei thina teure, nu iagho magnahaghei te hata keha glepoi langau eghu. 15Iagho au nou kmana mae gloku. Mae iheire te lase kato thina nei mae iheire te lase horo suga ka thina, nei mae iheire loku ka kapenta, nei kmana mae iheire te lase horo gobigna lepo fateote’o 16ka gol nei silva, nei ka bras nei ka aean. Eghume iagho funu loku gognarogne, eghuteuna snakreni LORD mala au balumu.”
17Aonu King Devet ne cheke ka hatimare mae lidadi Israel mala toghoni mae Solomon. 18Eghuteuna mana ne cheke eghu ka mare, “LORD noda God tahati na au balumi ghotilo. Mana neke snakre ghau iara neke uludi naikno teke kulu au agne tifa ka kantri igne. Eghuteuna gognarona mare au ke parigna nogna nolaghi mana, nei tahati nogna naikno mana ra. Eghuteuna ka puhi igne, mana tusu mei pharikeli ka ghotilo, nei ka iheire te au falithui ghami ghotilo. Eghuteuna theo kaisei naoka nate mei magri ghami ghotilo na. 19Eghume, gognarona ghotilo kaisei gaoghatho ngala mala leghuni gaoghathogna LORD nomi God. Gognarona ghotilo fufunu loku ka Sugablahi te mala cheke fakelini nanghagna LORD, eghuteuna ghotilo ginauna tangomana te hata te mei lilisei nogna Bokis Nhaꞌa Cheke LORD nei keha glepo blahi ra eghu ke lamnagna.”
231Kate funu kuekuꞌe farahi King Devet na, mana neke vahini mae Solomon, mae thugna nalhaꞌu na mala king gna Israel tughuni mana.
Nodi gloku mae Livaet
2Ke leghu, King Devet ne kilo meidi hatimare mae lidadi Israel, baludi mae pris nei mae Livaet. 3Mana ne cheke ka hatimare mae lida mala kahadi mae Livaet te funu ka tolufulu finogha di te haghe. Eghuteuna khaputudi mare te gnafa na posani tolufulu nhana thogha mae. 4Aonu mae Devet ne cheke eghu, “Varadaki fati thogha mae mala fiofilogna gloku te eni mare ka nogna Sugablahi LORD na. Eghuteuna namno thogha mae te mala fanomho ka fate te mala rioriso soru nodi cheke hatimare mae king. 5Eghuteuna fati thogha mae mala reireghigna Sugablahi. Eghuteuna fati thogha mae mala cheke fakelini LORD ka thua nafnata khoje mala cheke fakelini nanghagna LORD. Iara neke edi thua nafnata khoje igre neke tusu lao ka mare.”
6Eghuteuna mana neke fotadi mae igre ka thilo tothoghei, leghuni vikegna mae Geson, mae Kohat nei mae Merari, thilo mae igre thugna mae Livae.
Vikegna mae Geson
7Nanghadi thugna mae Geson re igre,
mae Ladan ghe mae Simei.
8Eghuteuna mae Ladan neke au thilo thugna nalhaꞌu:
Mae Jehiel, mae Setam nei mae Joel.
9Mae Simei neke au thilo thugna nalhaꞌu:
Mae Selomot, mae Hasiel nei mae Haran.
Thilo mae igre lida ka vikegna mae Ladan.
10-11Eghuteuna mae Simei jaola neke au fati mae thugna nalhaꞌu:
Mae teke kulu karha na, mae Jahat, fapea na mae Saena, eghuteuna fatilo na mae Jeus, eghuteuna fafati na, mae Beria. Nu iheire teke karha mei ke leghugna mae Jeus nei iheire teke karha mei ke leghugna mae Beria gre eghu neke theome kmana, eghume tharaknadi phei mae igre neke loku fodu neke kaisei vike ngala.
Vikegna mae Kohat
12Mae Kohat neke au fati thugna nalhaꞌu:
Mae Amram, mae Isaha, mae Hebron nei mae Usiel.
13Mae Amram neke au phei thugna nalhaꞌu:
Mae Eron ghe mae Moses.
LORD neke vahini mae Eron baludi thugna mana re mala fiofilodi glepo blahi teke tusu lao naiknore ka LORD, eghuteuna vikegna mana na eni koba gloku igne. Nodi gloku mare na mala gahu fafara mala tufru soruni LORD, eghuteuna mare edi keha gloku te mala fablahidi naiknore ka nanghagna LORD. 14Nu thugna mae Moses nogna mae gloku God igne, mare loku fodu kolho baludi hatimare mae Livaet.
15Nanghadi phei thugna mae Moses re,
mae Gesom ghe mae Eliesa.
16Thugna ululahu mae Gesom na mae Sebuel.
17Mae Eliesa neke au kaisei thugna kolho,
nanghagna na mae Rehabaea,
mae ihei te lida ka vikegna mae Eliesa. Nu mae Rehabaea neke au kmana thugna.
18Mae sua nalhaꞌu teke kulu karha ka mae Isaha na,
mae Selomit.
19Mae Hebron neke au fati thugna nalhaꞌu:
Teke kulu karha na mae Jeraea, fapea na mae Amaraea,
fatilo na mae Jehasiel, eghuteuna fafati na mae Jekameam.
20Mae Usiel neke au phei thugna nalhaꞌu,
mae teke kulu karha na, mae Maeka eghuteuna fapea na mae Isia.
Vikegna mae Merari
21Mae Merari neke au phei thugna nalhaꞌu,
mae Mali ghe mae Musi.
Mae Mali neke au phei thugna nalhaꞌu,
mae Eleasa ghe mae Kis.
22Nu mae Eleasa lehe neke theo thugna nalhaꞌu, mana neke au thugna gaꞌase kolho. Eghuteuna thugna gaꞌase mana igre neke tolaghi ka fakarhaidi, thugna mae Kis.
23Mae Musi neke au thilo thugna nalhaꞌu, Mali, Eda nei Jeremot.
24Igre nanghadi mae biꞌodi teke tharaknagna nei vikegna teku mae Livae re. Nogna mae gloku king igre neke rioriso soru ka buka nanghadi re, eghuteuna kahadi mae iheire te funu ka varadaki finogha te haghe igre mala loku ka nogna Sugablahi LORD. 25King Devet ne cheke eghu, “LORD, noda God tahati maeda Israel igne mana neke tusu mei pharikeli ka nogna naiknore, eghuteuna mana ginauna au fabrahu Jerusalem. 26Gognarona, nodi gloku hatimare mae Livaet gre kela tughu, naugna gloku te mala tughagna Suga Tapuale te Blahi gne la gnafahi, eghuteuna gloku te mala paladi glepo blahi re la jaola la gnafahi.” 27Eghuteuna ka nogna cheke mae Devet igre, hatimare mae Livae te funu ka varadaki finogha te haghe igre, mare ne au nodi gloku te mala toghodi hatimare mae pris.
28Nodi gloku mae Livaet gre mala toghodi mae pris teke karha mei ka tharaknagna mae Eron te mala tarai ka nogna Sugablahi LORD. Eghuteuna mare mala filo faligohoni Sugablahi na nei chogho ke lamnagna Sugablahi igne. Eghuteuna mare mala jaola mala fagagae glepo blahi re. 29Nodi gloku mare te mala fiofilodi bret blahi te lilisei mae pris ka Tevo Blahi na. Eghuteuna mare mala fiofilodi flaoa teke gahu hatimare mae pris gre mala fafara, nei bret te theo isigna, nei bret teke gahu mare ka biti. Eghuteuna leuleghu fata na mare skel gobigna nafnata glepo te mala fafara igre. 30Eghuteuna leuleghu narane, hamerane nei grafi teuna, hatimare mae Livaet gre mare kegra haghe tegioni LORD nei koje mala cheke fakelini mana. 31Mare eni nafnata puhi igne kate gahu fafara ka narane Sabat, nei ka Gaghamu Khafa, nei ka keha narane biꞌo mala tarai. Mae igre edi gloku ka Sugablahi na leghuni thofno naba te magnahagheni mare na nei leghuni kastom gna gloku na.
32Ulu lahu na, nodi gloku mae Livaet gre mala fiofiloni nogna Suga Tapuale te Blahi LORD, eghuteuna ke leghu na mare mala loku ka nogna Sugablahi LORD nei mala toghodi mae pris ka tharaknagna mae Eron.
24Mae pris ka tharaknagna mae Eron
1-2Mae Eron au fati thugna nalhaꞌu, mae Nadab, mae Abihu, mae Eleasa nei mae Itama. Eghuteuna mae Nadab ghe mae Abihu gre, phiamare neke kulu lehe neke lehe nga mae kmadi na, eghuteuna phiamare neke theo kaisei thudi nalhaꞌu. Aonu mae Eleasa ghe mae Itama kolho teke pris tughuni mae kmadi na. Eghume mae pris ka tharaknagna mae Eron igre te loku ka Sugagna LORD. 3Ka narane te king mae Devet igre, mana magnahaghedi nodi gloku mae pris gre te famane doglo fara, aonu mana ne fofota mae pris igre ka nodi soasopai tothoghei. Eghuteuna Pris Sadok ka tharaknagna mae Eleasa ghe Pris Ahimelek ka tharaknagna mae Itama, phia mae igre ne toghoni mae Devet kate fofotadi mare na. 4King Devet ne fofota vikegna mae Eleasa gne ka nabotho namno tothoghei, eghuteuna tharaknagna mae Itama na ne fofota ka nhana tothoghei. Mana eni igne naugna phaꞌu mae ka tharaknagna mae Eleasa gne ne kmana fara salaꞌudi phaꞌu mae ka tharaknagna mae Itama. 5Phei tharakna igre kafe au nodi mae pris nei mae biꞌo eghu ka Sugablahi na. Aonu mae Devet, mae Sadok nei mae Ahimelek, thilo mare ne lalahu khale mala laseni mae ihei nate hata nafnata gloku tuana. Tuana puhi te eni thilo mare te fofotadi mare ka puhi te doglo.
6Eghuteuna mae Semaea thugna mae Netanel, kaisei mae Livaet, mana ne rioriso soru nanghadi hatimare mae lida teke vavahi mare igre. King Devet baludi nogna mae biꞌore, nei Pris Sadok, nei Pris Ahimelek thugna mae Abiata, nei hatimare mae biꞌo ka tharaknadi hatimare mae pris nei ka hatimare mae Livaet, mare te gnafa na kafe filoni nei laseni eghu glepo igne.
7Ka thofno narane gna na mare ne vavahi tothoghei igre:
Ulu lahu na nogna tothoghei Pris Jehoearib.
Fapea na, nogna tothoghei Pris Jedaea.
8Fatilo, nogna tothoghei Pris Harim.
Fafati na, nogna tothoghei Pris Seorim.
9Falima, nogna tothoghei Pris Malkaeja.
Fafamno na, nogna tothoghei Pris Mijamin.
10Fafitu na, nogna tothoghei Pris Hakos.
Fahana na, nogna tothoghei Pris Abaeja.
11Faheva na, nogna tothoghei Pris Jesua.
Fabotho na, nogna tothoghei Pris Sekanaea.
12Nabotho kaisei, nogna tothoghei Pris Eliasib.
Nabotho phei, nogna tothoghei Pris Jakim.
13Nabotho thiloi, nogna tothoghei Pris Hupa.
Nabotho fati, nogna tothoghei Pris Jesebeab.
14Nabotho glimai, nogna tothoghei Pris Bilga.
Nabotho namnoi, nogna tothoghei Pris Ima.
15Nabotho fitui, nogna tothoghei Pris Hesia.
Nabotho nhanai, nogna tothoghei Pris Hapises.
16Nabotho nhevai, nogna tothoghei Pris Petahaea.
Varadaki, nogna tothoghei Pris Jeheskel.
17Varadaki kaisei, nogna tothoghei Pris Jakin.
Varadaki phei, nogna tothoghei Pris Gamul.
18Varadaki thiloi, nogna tothoghei Pris Delaea.
Varadaki fati, nogna tothoghei Pris Masaea.
19Mare neke vahidi mae pris igre mala loku ka nogna Sugablahi LORD. Tifa te mei na, pris biꞌo Eron neke lilisei vetula igre mala leghudi mare ka gloku igne. LORD, nodi God mae Israel igne neke cheke ka mae Eron mala thofno eni fakeli mare gloku igne.
Tharaknagna mae Kohat
20Igre nanghadi keha mae ka keha tharakna ka vikegna mae Livae:
Mae Sebuel neke karha ka tharaknagna mae Amram.
Mae Jedea neke karha ka tharaknagna mae Sebuel.
21Mae Isia neke kulu karha ka tharaknagna mae Rahabaea.
22Mae Selomot neke karha ka tharaknagna mae Isaha.
Mae Jahat neke karha ka tharaknagna mae Selomot.
23Mae Hebron neke au fati thugna nalhaꞌu.
Mae ulu lahu na mae Jeraea, fapea na, mae Amaraea, fatilo na, mae Jahasiel, eghuteuna fafati na, mae Jekameam.
24Mae Maeka neke karha ka tharaknagna mae Usiel.
Mae Samia neke karha ka tharaknagna mae Maeka.
25Mae Isia thabusigna mae Maeka.
Mae Sekaraea neke karha ka tharaknagna mae Isia.
Tharaknagna mae Merari
26Mae Merari neke au phei thugna nalhaꞌu mae Mali ghe mae Musi.
Mae Jasaea jaola neke karha ka tharaknagna mae Merari.
27Mae Jasaea neke au thilo thugna nalhaꞌu:
Mae Soham, mae Sakua nei mae Ibri.
28-29Igre nanghadi phei thugna nalhaꞌu mae Mali re: Mae Eleasa ghe mae Kis. Mae Eleasa neke theo thugna nalhaꞌu, nu mae Kis neke au kaisei thugna nalhaꞌu, nanghagna na, mae Jeramel.
30Igre nanghadi thilo thugna nalhaꞌu mae Musi re: Mae Mali, mae Eda nei mae Jeremot.
Igre tharakna ka vikegna mae Livae.
31Mae biꞌodi tharakna te gnafa nei thabusidi mare te majaghani igre eghu ne lalahu khale mala laseni nodi gloku mae igre jateula te edi mare ka kheradi pris ka tharaknagna mae Eron tifa ra. King Devet, Pris Sadok, Pris Ahimelek, nei mae biꞌo ka tharaknadi hatimare mae pris, nei hatimare mae Livaet, mare te gnafa na ne filoni te lalahu khale mare igne.
25Mae mala koje ka Sugablahi
1King Devet baludi nodi lida hatimare mae Livaet, mare ne vahini tharaknagna mae Asaf, nei tharaknagna mae Heman nei tharaknagna mae Jedutun mala baubatu ka khoje. Mare neke cheke fakelini God ka gragi nei koje, nei ka belo nei ka thua nafnata gita.
Nanghadire igre:
2Fati thugna nalhaꞌu mae Asaf te au ka tothoghei ulu lahu na igre:
Mae Sakua, mae Josef, mae Netanaea nei mae Asarela. Mae igre loku ke parigna mae Asaf. Mare ragi nei koje mala cheke fakelini God kate cheke king ka mare na.
3Namno thugna nalhaꞌu mae Jedutun te au ka fapea tothoghei na igre:
Mae Gedalaea, mae Seri, mae Jesaea, mae Simei, mae Hasabaea, nei mae Matitaea. Mae igre loku ke parigna mae Jedutun, eghuteuna mare lalahu gita, ragi nei koje mala cheke fakelini LORD nei tegioni mana.
4Nabotho fati thugna nalhaꞌu mae Heman te au ka fatilo tothoghei na igre:
Mae Bukaea, mae Matanaea, mae Usiel, mae Sebuel, mae Jerimot, mae Hananaea, mae Hanani, mae Eliata, mae Gidalti, mae Romamtiesa, mae Josbekasa, mae Maloti, mae Hotia nei mae Mahasiot. 5Mae Heman gne kaisei nogna profet mae king, eghuteuna LORD tusu ranghini mana nabotho fati thugna nalhaꞌu nei thilo thugna gaꞌase, naugna LORD neke nhaꞌa cheke mala fnaknoni nanghagna mae Heman.
6Mae igre loku ke parigna mae Heman, eghuteuna mare belo nei lalahu thua nafnata gita ka narane te tarai mare ka God ka nogna Sugablahi LORD na.
Thilo mae igre loku ke parigna king: Mae Asaf, mae Heman nei mae Jedutun. 7Varadaki fati mae igre baludi keha mae Livaet eghu, mare lase koje fara naugna mare neke sikolu fakelini te mala koje te pala hagheni nanghagna LORD. Eghuteuna khaputudi mae te lase koje fara ka tothoghei igne na posani phia gobi nhanasalei nhana mae. 8Mare ne lalahu khale mala laseni aheva ka varadaki fati tothoghei igre nate tei loku baludi mae lida igre. Neuba mare ne mae majaghani ba kuekuꞌe, neuba mare ne mae velepuhi ba mae sikolu, mare kafe lalahu khale hui.
9-31Tothoghei te gnafa igre au nabotho phei mae kaisei tothoghei eghu. Varadaki fati tothoghei igre au lida baludi ka nodi vike na.
Tothoghei ulu lahu na nogna mae Asaf, nodi lida mare na mae Josef.
Fapea tothoghei na nogna mae Gedalaea.
Fatilo tothoghei na nogna mae Sakua.
Fafati tothoghei na nogna mae Seri.
Falima tothoghei na nogna mae Netanaea.
Fafamno tothoghei na nogna mae Bukaea.
Fafitu tothoghei na nogna mae Asarela.
Fahana tothoghei na nogna mae Jesaea.
Faheva tothoghei na nogna mae Matanaea.
Fabotho tothoghei na nogna mae Simei.
Fabotho kaisei tothoghei na nogna mae Usiel.
Fabotho phei tothoghei na nogna mae Hasabaea.
Fabotho thiloi tothoghei na nogna mae Sebuel.
Fabotho fati tothoghei na nogna mae Matitae.
Fabotho glimai tothoghei na nogna mae Jerimot.
Fabotho namnoi tothoghei na nogna mae Hananaea.
Fabotho fitui tothoghei na nogna mae Josbekasa.
Fabotho nhanai na nogna mae Hanani.
Fabotho nhevai tothoghei ne nogna mae Maloti.
Favaradaki tothoghei na nogna mae Eliata.
Favaradaki kaisei na nogna mae Hotia.
Favaradaki phei na nogna mae Gidalti.
Favaradaki thiloi tothoghei na nogna mae Mahasiot.
Favaradaki fati tothoghei na nogna mae Romamtiesa.
26Mae mala reireghigna Sugablahi na
1Nanghadi mae iheire te mala reireghigna nogna Sugablahi LORD na igre:
Mae Meselemaea thugna mae Kora ka tharaknagna mae Asaf ka tharaknagna mae Kora.
2Igre nanghadi fitu thugna nalhaꞌu mae Meselemaea te funu ka mae teke kulu karha na tei posa ka mae teke karha leghu lahu na:
Mae Sekaraea, mae Jediael,
mae Sebadaea, mae Jatniel,
3mae Elam, mae Jehohanan
nei mae Eliehoenae.
4-5God neke fablahini mae Obed-Idom, eghuteuna mae Obed-Idom ne au kmana thugna nalhaꞌu. Igre nanghadi thugna mana re:
Teke kulu karha ka mare na mae Semaea, eghuteuna mae Jehosabad, eghuteuna mae Joa, eghuteuna mae Saka, eghuteuna mae Natanel, eghuteuna mae Amiel, eghuteuna mae Isaka, eghuteuna mae Peuletae.
6Mae Semaea, thugna mae Obed-Idom igne mana au keha thugna nalhaꞌu. Eghuteuna mae igre lida ka tharaknagna mae Obed-Idom naugna mae igre thofno mae keli fara. 7Thugna mae Semaea re igre:
Mae Otni, mae Rafael, mae Obed nei mae Elsabad.
Eghuteuna phei thabusidi mare, mae Elihu ghe mae Semakaea igre jaola mae keli fara.
8Mae igre te gnafa na kafe ka vikegna mae Obed-Idom. Khaputudi mae igre namnosalei phei mae. Mare balu thudi nei thabusidi teu igre kafe mae keli fara, eghuteuna mare nabadi fara te mala reireghini Sugablahi na. 9Eghuteuna mae Meselemaea au nabotho nhana thabusigna nei thugna eghu, mae igre thofno mae soldia keli fara.
10Eghuteuna mae Hosa gne mei ka tharaknagna mae Merari. Nanghadi thugna mae Hosa re igre:
Mae Simri, mae ihei te funei ka mare na, neuba mana neke theome kulu karha, mae kmagna na neke vahini mana te mala mae funei na.
11Mae Hilkaea gne mei fapea ka thugna mana igre, mae Tebalia gne mei fatilo ka mare,
eghuteuna mae Sekaraea gne mei fafati ka thugna mana igre. Eghume, thabusigna nei thugna teku mae Hosa igre neke nabotho thilo mae.
12Tothoghei mae greireghi igre au nodi gloku leghuni mae ihei te batuni tothoghei igne. Tothoghei te gnafa igre au nodi narane te mala reireghi ni Sugablahi na, mare loku jateula ngau te edi keha mae Livaet ra eghu. 13Neubane tharakna biꞌo ba ikoi, mare na lalahu khale mala laseni grengatha aheva gne nate reireghi tharakna tuana.
14Mare ne lalahu khale mala laseni tharakna aheva gne nate reireghi grengatha ke maghati na, igne ne soru ka tharakna gna mae Meselemaea te mala reireghi grengatha ke maghati na. Ke leghugna igne mare neke lalahu khale mala laseni tharakna aheva gne nate reireghi grengatha ke raru na, igne jaola ne soru ka tharaknagna mae Sekaraea thugna mae Meselemaea te mala reireghi grengatha ke raru na. Mae Sekaraea gne kaisei mae te au tagna gaoghatho te keli.
15Aonu ke leghugna igne mare lalahu khale ne soru ka tharaknagna mae Obed-Idom te mala reireghigna grengatha ke mata na, eghuteuna lalahu khale igne ne vahidi thugna manare mala reireghi mare chogho te mala lilisei glepo na.
16Lalahu khale igne ne soru ka tharaknadi mae Supim ghe mae Hosa mala reireghi grengatha ke mosu na, nei mala reireghi mare grengatha te kiloi mare, “Grengatha Saleket” ka nabrou te haghe holo na.
Leuleghu fata na mare reireghi grengatha ghilei gnafa nodi vido narane mala loku na, eghuteuna keha mae greireghi re ke mei tughudi mare.
17Leuleghu narane na, namno mae reireghi grengatha ke maghati,
fati mae reireghi grengatha ke raru,
fati mae reireghi grengatha ke mata,
eghuteuna phei mae reireghi chogho mala lilisei gobigna lepo teke tusu laohi naiknore ka LORD.
18Fati mae reireghi ke mosu lithui ke kosigna Sugablahi na, eghuteuna phei mae reireghini varandagna na.
19Mae greireghi igre mei ka tharaknadi mae Kora ghe mae Merari.
Keha gloku te edi hatimare mae Livaet ka Sugablahi na
20Hatimare thabusigna te Livaet ka tharaknadi mae Kora ghe mae Merari igre mare te fiofilodi re gol nei silva teugna Sugablahi na, eghuteuna mare reireghidi chogho te mala liliseidi gobigna lepo teke tusu laohi naiknore ka LORD.
21-22Mae Ladan gne mei ka tharaknagna mae Geson. Aonu mae Jehiel gne mei ka tharaknagna mae Ladan, eghuteuna mae Ladan gne au phei thugna nalhaꞌu, mae Setam ghe mae Joel. Phiamare te fiofilodi gol nei silva nei sileni gna teu nogna Sugablahi LORD.
23Eghuteuna tharaknagna mae Amram, tharaknagna mae Isaha, tharaknagna mae Hebron nei tharaknagna mae Usiel, mae igre jaola fiofilodi sileni gna Sugablahi na. Igre nanghadi mare re:
24Mae Sebuel ka tharaknagna mae Gesom mana thugna mae Moses, mana nodi lida mae iheire te mala fiofilodi gol nei silva nei keha famane glepogna Sugablahi na. 25-26Mae Selomot gne neke thugna mae Sikri, eghuteuna mae Sikri gne neke thugna mae Joram, eghuteuna mae Joram gne neke thugna mae Jesaea, eghuteuna mae Jesaea gne neke thugna mae Rehabaea, eghuteuna mae Rehabaea gne neke thugna mae Eliesa thabusigna mae Gesom. Eghuteuna mae Selomot baludi mae thabusigna igre mare te mala fiofilodi chogho te mala liliseidi nogna gobigna lepo King Devet teke tusu lao mana ka God. Mare jaola fiofilodi gobigna lepo teke tusu lao hatimare mae lida di tharakna igre nei unha teke tusu lao hatimare mae komanda di armi. 27Kate uluni mae soldia gre u magra na, mare hata kmana glepo te keli ka mae naoka re, eghuteuna mare hata ne mei glepo igre ne tusu lao ka God, mala tangomana mare te loku ka nogna Sugablahi LORD. 28Mae Selomot nei hatimare thabusigna ne fiofilodi keha glepo te keli te au ka Sugagna LORD teke lilisei Profet Samuel, King Sol thugna mae Kis, mae Abna thugna mae Ner, nei mae Joab thugna Seruia.
Keha nodi gloku mae Livaet
29Goro thugna mae Isaha,
mae Kenanaea nei goro thugna teu igre, mare theome loku ka Sugablahi. Nodi gloku mare na mala fate nei fanomho ka nodi puhi biꞌo naiknodi Israel.
30Goro thugna mae Hebron,
mae Hasabaea balugna kaisei thogha fitu gobi kheragna mana igre lase loku fara, mae igre te phaꞌugna gloku te mala loku ranghini LORD, nei jaola ka nogna gloku king ka nodi kantri mae Israel ke mosu Khoꞌu biꞌo Jordan. 31Ka narane tuare, mae Jeria teke lida ka tothoghei tharaknagna mae Hebron. Eghuteuna ka phiatutu finogha te king mae Devet igre, nogna mae gloku mana re neke filo fapulo ka susureidi tharaknagna mae Hebron,
eghuteuna mare ne filoni mae Jeria au baludi mae te thofno keli fara ka namono Jasa ka provins Gilead. 32Aonu King Devet ne vahidi phei thogha fitu gobi kheragna mae Jeria mala batuni nogna gloku God, nei nogna gloku king langau eghu, ka nodi kantri mae Israel ke maghati Khoꞌu biꞌo Jordan ka nogna nohi mae Ruben, nei ka nogna nohi mae Gad, nei ka nogna nohi mae Manase.
27Tothoghei armigna Israel
1King Devet ne fofota nogna armi na ka nabotho phei tothoghei, eghuteuna varadaki fati thogha soldia te au ke lamnagna kaisei tothoghei na. Tothoghei igre au nodi komanda, mae biꞌo nei lida mala loku ranghini king. Leuleghu nhigra na kaisei tothoghei armi kolho te loku na.
2Ka nhigra ulu lahu na, mae Jasobeam thugna Sabdiel te batuni tothoghei ulu lahu na. 3Eghuteuna mae Sabdiel kaisei mae ka vikegna mae Peres, mana te phaꞌu maedi hatimare mae komanda fateote’o. Mana te loku ka nhigra ulu lahu na.
4Mae Dodo ka vikegna mae Ahohi te batudi varadaki fati thogha mae ka fapea nhigra na. Eghuteuna mae Miklot te mei fapea ka mana na.
5Fatilo komanda na mae Benaea, thugna Pris Jehoeada. Mana te batudi varadaki fati thogha soldia ka fatilo nhigra na. 6Eghuteuna mae Benaea kaisei mae ka tolufulu soldia nogna King Devet te thono nheta igre, mana te batuni fatilo tothoghei soldia na. Eghuteuna mae Amisabad mae thugna na te mei fapea ka mana na.
7Ka fafati nhigra na, mae Asahel thabusigna mae Joab, mana ne batuni fafati tothoghei na. Eghuteuna ke leghu na, thugna mana mae Sebadaea mana neke tughuni mae kmagna na neke batudi varadaki fati soldia te au ka tothoghei igne.
8Ka falima nhigra na, mae Samut ka vikegna mae Isaha, mana ne batuni falima tothoghei na. Mare varadaki fati thogha soldia ka tothoghei igne.
9Ka fafamno nhigra na, mae Ira thugna mae Ikes maegna ka namono Tekoa, mana te batuni fafamno tothoghei na. Mare varadaki fati thogha soldia ka tothoghei igne.
10Ka fafitu nhigra na, mae Heles maegna ka namono Pelon, ka vikegna mae Efrem, mana te batuni fafitu tothoghei na. Mare varadaki fati thogha soldia ka tothoghei igne.
11Ka fahana nhigra na, mae Sibekae maegna ka namono Husa ka vikegna mae Sera, mana te batuni fahana tothoghei na. Mare varadaki fati thogha soldia ka tothoghei igne.
12Ka faheva nhigra na, mae Abiesa maegna ka namono Anatot, ka vikegna mae Benjamin, mana te batuni faheva tothoghei na. Mare varadaki fati thogha soldia ka tothoghei igne.
13Ka fabotho nhigra na, mae Maharae maegna ka namono Netofa, ka vikegna mae Sera, mana te batuni fabotho tothoghei na. Mare varadaki fati thogha soldia ka tothoghei igne.
14Ka fabotho kaisei nhigra na, mae Benaea maegna ka namono Piraton ka vikegna mae Efrem, mana te batuni fabotho kaisei tothoghei na. Mare varadaki fati thogha soldia ka tothoghei igne.
15Ka fabotho phei nhigra na, mae Heldae maegna ka namono Netofa ka vikegna mae Otniel, mana te batuni fabotho phei tothoghei na. Mare varadaki fati thogha soldia ka tothoghei igne.
Mae funei ka vikegna Israel
16Nanghadi mae funei ka vikegna Israel:
Mae Eliesa thugna mae Sikri, mana funei ka vikegna mae Ruben.
Mae Sefataea thugna mae Maka, mana funei ka vikegna mae Simion.
17Mae Hasabaea thugna mae Kemuel, mana funei ka vikegna mae Livae.
Mae Sadok funei ka vikegna mae Eron ka hatimare mae pris.
18Mae Elihu thabusigna King Devet, mana funei ka vikegna mae Juda.
Mae Omri thugna Maekol, mana funei ka vikegna mae Isaka.
19Mae Ismaea thugna mae Obadaea, mana funei ka vikegna mae Sebulun.
Mae Jeremot thugna mae Asriel, mana funei ka vikegna mae Naftali.
20Mae Hosea thugna mae Asasaea, mana funei ka vikegna mae Efrem.
Mae Joel thugna mae Pedaea, mana funei ka gaga vikegna mae Manase te au ke mosu Khoꞌu biꞌo Jordan.
21Mae Ido thugna mae Sekaraea, mana funei ka gaga vikegna mae Manase te au Gilead.
Mae Jasiel thugna mae Abna, mana te funei ka vikegna mae Benjamin.
22Eghuteuna mae Asariel thugna mae Jeroham, mana te funei ka vikegna mae Dan.
Igre mae funei te funei frunidi vike te gnafa Israel.
23King Devet neke theome kahadi mae majaghani te theome thokeni teu varadaki finogha na, naugna LORD neke nhaꞌa cheke ka naiknodi Israel te mala kmana fara jateula nathunu ka maloa na are teuna. 24Mae Joab thugna Seruia, mana ne funu kahadi mae nalhaꞌu re, nu mana neke theome fagnafani u gloku igne, naugna LORD neke paradi mare eigna te kaha igne. Eghume mare neke theome rioriso fakhaputu di mare ka nogna buka King Devet igne.
Hatimare nogna mae biꞌo King Devet
25Mae Asmavet thugna mae Asiel, mae igne te fiofilodi chogho te audi gobigna lepo ka sugagna king.
Mae Jonatan thugna mae Usi, mae igne te fiofilodi keha chogho mala nanhaꞌa nogna glepo king ka namono biꞌo nei ka namono ikodi, ba ka vido mala au mae iheire te mala reireghi namono biꞌo.
26Mae Esri thugna mae Kelub, mana te phaꞌu maedi mae gloku te loku ka nagare.
27Mae Simei maegna ka namono Rama, mana mae mala fiofilo nagare grep. Eghuteuna mae Sabdi maegna ka namono Sefam igne, mana mae mala fiofilo grep mala poji waen.
28Mae Baal-Hanan maegna ka namono Geda, mana mae mala fiofilo nagare oliv nei nagare gaju sikamo te au ka thogele ke mosu.
Eghuteuna mae Joas mae mala fiofilodi chogho te lilisei oliv oel.
29Eghuteuna mae Sitrae maegna ka namono Saron, mana mae mala fiofilo buluka ka nohi Saron.
Eghuteuna mae Safat thugna mae Adlae, mana mae mala fiofilo buluka te au ka sare glogu nohi Saron.
30Mae Obil ka vikegna mae Ismael, mana mae mala fiofilo kamel.
Eghuteuna mae Jedadaea maegna ka namono Meronot, mana mae mala fiofilo dongki.
31Mae Jasis ka vikegna mae Hagri, mana mae mala fiofilo sipu nei nanigot.
Uve, mae te gnafa igre mae mala fiofilodi nogna gobigna lepo King Devet.
Mae igre mae mala tusu lao gaoghatho te keli ka King Devet
32Mae Jonatan nebugna King Devet, mana mae mala tusu lao gaoghatho te keli ka king, naugna mana kaisei mae glalase, nei mae mala rioriso.
Mae Jonatan ghe mae Jehiel, thugna mae Hakmoni, te mala fasikoludi thugna king.
33Mae Ahitofel mae mala tusu lao gaoghatho te keli ka king.
Eghuteuna mae Husae vikegna mae Aki, mana kheragna keli king.
34Ke leghugna te lehe mae Ahitofel na, mae Abiata ghe mae Jehoeada thugna mae Benaea, phiamare neke tughuni mae Ahitofel mala tusu ranghini king gaoghatho te keli.
Mae Joab teke komanda ka nogna armi king na.
28King Devet ne chekeni ka hatimare mae biꞌo gaoghatho te mala horo mae Solomon Sugablahi na
1Mae Devet ne fatei cheke ka hatimare mae biꞌodi Israel mala kafe mei Jerusalem. Mana ne kilo meidi goro mae funeidi vike te gnafa, nei komandadi nogna tothoghei armi king, nei keha komanda ka armi, nei goro mae biꞌo te fiofilodi nogna gobigna lepo mana re, nei goro mae biꞌo te fiofiloni nogna suga biꞌo, nei nogna hose, nei goro thugna, nei nogna soldia teu king te thofno nheta tulao.
2Aonu King Devet kegra haghe ne cheke eghu ka mare, “Ghotilo thabusiguro nei nogu mavitu teura! Ghotilo fanomho mei! Iara thofno magnahagheni fara te horo kaisei Sugablahi mala lilisei nogna Bokis Nhaꞌa Cheke LORD igne ke lamnagna. Igne vido nate tangomana God nate au tagna na. Eghuteuna iara la tarabanahi gaoghatho te mala horo Sugablahi igne. 3Nu God neke theome snakre ghau iara te mala loku na, naugna iara kaisei mae soldia, eghuteuna khamegu iara gre fodu ka dadara.
4“Neuba ngau, LORD noda God tahati maeda Israel neke vahi ghau iara nei vikegu teu iara igre ngala te mala king fruni ni Israel fabrahu tifa tifa. Iara ka vikegna Juda, God neke vahini Juda mala batudi keha vike are. Eghuteuna ka vikegna Juda mana neke vahini tharaknagna mae kmagu iara, eghuteuna ka tharakna igne mana neke magnahaghei ghau iara te mala king frunidi naikno te gnafa agne Israel. 5LORD neke tusu ranghi ghau iara kmana sua, eghuteuna mana neke vahini mae thugu iara Solomon mala funei frudi naikno te gnafa Israel. 6LORD neke cheke eghu ka iara, ‘Thumu iagho Solomon, ginauna horo nogu Sugablahi iara na. Iara la vahinihi mana mala jateula thugu eghu iara, eghuteuna iara ginauna mala jateula kmagna eghu mana. 7Eghuteuna jame te thofno leghudi mana nogu vetula nei nogu cheke teu iara gre, jateula te edi iagho gognarogre teuna, tharaknagna mana na ginauna king fabrahu tifa tifa.’ ”
8Eghuteuna mae Devet ne cheke eghu ka naiknore, “Eghume, iara gognarona cheke ke ulugna noda God, nei ke ulumi ghotilo naiknomi Israel, iara na cheke eghu fadoglo ari ka ghotilo. Ghotilo mala thofno leghu fakelidi nogna cheke te gnafa LORD noda God. Jame te eghu ghotilo na, ghotilo ginauna au ka famane glose igne, eghuteuna iheire nate karha mei ke leghumi ghotilo re ginauna au fabrahu ka glose igne.”
King Devet ne cheke ranghini Solomon
9King Devet ne cheke eghu ka Solomon, “Thuguo, ghatho tahuni LORD noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. LORD na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu. 10Fanomho fakeli iagho ia, naugna LORD neke vahi nigho iaghohi te mala horo nogna Sugablahi mana na. Eghume, iagho mala kegra heta, iagho mala loku ghilei gnafa gloku igne.”
11Aonu mae Devet ne tusu lao nogna gaoghatho eigna Sugablahi na ka mae Solomon. Mana jaola ne tusu lao nogna gaoghatho eigna varanda gna Sugablahi na, nei gaoghatho eidi chogho mala liliseidi glepo teke tusu lao naiknore ka God, nei gaoghatho eidi vido kligna, nei gaoghatho eidi chogho lamna ka Sugablahi na, nei gaoghatho eigna Thofno Chogho Blahi aheva LORD tangomana te hata koko nakhibogna naikno na. 12Gaoghatho igre neke tusu lao Tharunga gna God ka mae Devet, eghuteuna mana tusu lao ka Solomon. Igne gaoghatho eigna ke kosi te lithui ka Sugablahi na, nei gaoghatho eidi chogho te mala liliseidi glepo te mala loku ka Sugablahi na, nei gaoghatho eigna chogho te mala tathajidi glepo teke tusu lao naiknore ka LORD. 13Eghuteuna king jaola neke cheke ka mana nogna gaoghatho mana te mala lilisei mae pris nei mae Livaet teu igre ka tothoghei te mala loku ka Sugablahi na. Eghuteuna mae Devet jaola ne cheke ka mae Solomon unha te mala eni mare ka Sugablahi igne, nei faꞌunha eghu mare te mala fiofilodi glepo blahi te mala loku ka Sugablahi igne. 14Eghuteuna king jaola chekedi ka mana tahudi gol nei silva eghu te mala hata te mala horo mare thua nafnata glepo gna Sugablahi na. 15Tuana te niha gol te mala horo juta gol na nei thaba te mala liliseidi juta re, nei niha silva te mala horo juta silva re, nei thaba te mala liliseidi juta re. 16Nei niha gol malagna Tevo gna Bret Blahi na, nei niha silva te maladi keha tevo re. 17Nei niha famane gol te mala edi foke, dis ikodi, nei ja. Nei niha gol nei silva eghu te mala horo tapera na. 18Nei nihai famane gol te mala horogna Olta te mala Gahu Insens. Eghuteuna mae Devet ne tusu lao ka mae Solomon gaoghatho eigna glepo te jateula mumujudi phei engel teu igne. Mumuju teke horo ka gol igne au phei engel, eghuteuna baghidi phei engel igre toku tafru nogna Bokis Nhaꞌa Cheke LORD.
19Mae Devet ne cheke eghu ka mae Solomon, “Gobigna lepo igre au ke lamnagna gaoghatho teke riso soru iara kani teke au ka iara nogna nolaghi LORD. LORD neke tusu mei glalase ka iara eidi glepo te ikodi te au ka gaoghatho igne.”
20Aonu King Devet neke cheke eghu ka mae Solomon, “Iagho thosei mhaghu, kegra heta mala eni gloku igne, naugna LORD nogu God iara na au balumu iagho. Mana ginauna togho nigho nei mana ginauna au fabrahu balumu iagho kate loku fahui iagho Sugablahi igne. 21Hatimare mae pris nei hatimare mae Livaet tarabana mala eni nodi gloku na ka Sugablahi igne. Eghuteuna mae te gnafa te lasedi thua nafnata gloku igre ginauna togho nigho iagho. Uve, mae funei nei mavitu teu igre, mare te gnafa na tarabana mala edi gobigna lepo nate chekedi iagho re.”
29Naiknore hata mei glepo mala horogna Sugablahi na
1Eghuteuna King Devet ne cheke eghu ka naikno te kafe khapru mei ka mana re, “LORD neke vahini mae thugu iara Solomon mala king nei mala horo nogna Sugablahi mana na. Mana kaisei mae majaghani fara, eghuteuna mana neke theome eni kaisei gloku biꞌo jateula igne teku tifa na. Nu gloku gna Sugablahi igne ginauna biꞌo fara, naugna Sugablahi igne theome nogna suga naikno, nu nogna suga thegna God. 2Eghume, iara neke loku heta mala tarabana gobi lepogna nogna Sugablahi noda God. Iara la tarabanahi gol, silva, bras, aean, nei thaba. Eghuteuna iara la tarabanahi kmana thofno famane thina te kiloi soham nei onikis, nei kmana nafnata thina te famane kala. Eghuteuna iara tarabanahi kmana famane thina te kiloi mabol te mala lalaoni ka suga ra. 3Ke klignadi glepo teke kulu lilisei tekuhi iara igre, gognarona iara nake lisei laoi nogu gol nei silva teku thegu re, naugna iara magnahaghedi fara mare te horo nogna Sugablahi nogu God na. 4Eghume iara nake nhaꞌa lao kaisei gobi thogha kilo te thofno famane gol fara, nei phei gobi phiatutu thogha kilo famane silva mala lalaoni mare gringni ke lamnagna nogna Sugablahi na, 5eghuteuna keha glepo te mala edi mae glokure mare ginauna edi ka gol nei silva. Eghume ihei ka ghotilo te kelitagna te ghatho tahuni LORD gognarona?”
6Aonu hatimare mae mala baubatu ka tharakna, hatimare mae funei ka vike, keha mae komanda ka armi, nei hatimare mae biꞌo te mala fiofilodi nogna gobigna lepo king teu igre mare ne kelitadi kolho ne tusu lao kmana glepo. 7Mare ne tusu lao glepo igre te mala horogna nogna Sugablahi God na. Kaisei gobi fitusalei thogha kilo ka gol, eghuteuna nabotho thogha gol sileni, eghuteuna thilo gobi phiatutu glima thogha kilo ka silva, eghuteuna namno gobi nabotho thogha kilo ka bras, eghuteuna thilo mola fati gobi glimafulu thogha kilo ka aean. 8Eghuteuna mae iheire te au nodi famane thina igre, mare mei ne tusu lao ka mae Jehiel mae ihei te fiofilodi famane glepo te mala horogna Sugablahi igne. Mae Jehiel ka tharaknagna mae Geson. 9Naiknore ne thofno kelitadi fara naugna hatimare mae biꞌo re ne magnahaghei fara te tusu lao kmana glepo ka LORD. Eghuteuna King Devet jaola ne kelitagna fara ne salaꞌui.
King Devet teke cheke fakelini LORD
10Aonu King Devet ne cheke fakelini LORD ke ulugna mavitu na ne tarai eghu,
“Iara cheke fakeli nigho LORD,
nogna God mae Israel kuꞌemi ghehati tifa ia.
Ghehati ginauna cheke fakeligho fabrahu tifa tifa.
11Iagho thofno haghe fara, eghuteuna iagho au nolaghi fateote’o.
Nanghamu iagho na thono haghe fara, eghuteuna iagho thofno keli fara.
LORD iagho king nei iagho funei ka nou nolaghi.
Gobigna nafnotu fateote’o te au kligna nei ka nauthoglu igne teu igre nou iagho kolho.
Eghuteuna iagho thofno haghe fara,
eghuteuna iagho funei frunidi gobigna nafnotu fateote’o.
12Dedei nei nafnakno teu igre mei funudi ka iagho kolho.
Iagho funei frunidi thua nafnotu fateote’o gre ka nou nolaghi themu.
Eghuteuna iagho ngala tangomana te nhaꞌa hagheni naikno na ka nafnakno biꞌo nei nanheta.
13Gognarona ghehati tegio nigho iagho nomi God,
eghuteuna ghehati cheke fakelini nanghamu iagho na.
14“Nu iara nei nou naikno iagho gre eghu, ghehati theo nafumi kolho naugna ghehati gne theo kaisei nomi glepo themi te mala tusu ari ka iagho na. Gobigna lepo te tusu ari ghehati ka iagho igre neke mei funudi ka iagho ngala. 15LORD, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na. 16LORD, nomi God, ghehati hata mei kmana famane glepo mala horo kaisei Sugablahi malagna nanghamu iagho te blahi, nu gobigna lepo te hata te mei ghehati ka iagho igre neke kulu nou iagho neku ngala! 17Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho. 18LORD, iagho nogna God mae Ebraham, nogna God mae Aesak nei nogna God mae Jekop, thilo kuꞌemi ghehati tifa ra. Ghehati ghatho tahu nigho iagho, toghodi sagho iheire nate karha mei ke leghumi ghehati igre mala jaola au fabrahu nafnata gaoghatho igne, nei ghatho tahu nigho fabrahu. 19Tusu lao famane gaoghatho te keli sagho ka thugu iara Solomon, mala thofno leghudi nei faꞌuvedi eghu mana nou cheke iagho re. Toghoni mana sagho mala horo mana Sugablahi igne naugna iara neke kulu tarabana neku glepo te mala loku fahuigna na.”
20Aonu mae Devet ne cheke eghu ka naiknore, “Cheke fakelini LORD noda God!” Aonu naiknore ne kafe cheke fakelini LORD nodi God kuꞌedi tifa ra. Mare ne kafe pogho soru ne fafnaknoni God, nei jaola fafnaknoni King Devet.
Mare ne tofa oel ka Solomon mala king
21Ka keha narane na, naiknore ne falelehe kaisei thogha buluka nalhaꞌudi, nei kaisei thogha sipu nalhaꞌudi, nei kaisei thogha sipu ikodi mala gahu faknoro mala fafara. Mare ne fafara waen ka LORD. Eghuteuna mare ne aknu falehe kmana buluka, sipu, nei nanigot mala fafara fagaglana gna te mala au ka pharikeli balugna LORD. 22Naiknore ne ghamu nei koꞌu neu ke ulugna LORD ka narane tuana balu glealeꞌa biꞌo.
Aonu naiknore ne fapea chekeni te Solomon ngala nodi king mare na. Eghuteuna hatimare mae pris ne tofa oel ka phaꞌugna mana na ka nanghagna LORD, eghuteuna mae Solomon ne kegra king ka narane igne. Eghuteuna mare ne jaola ka mae Sadok mala nodi pris. 23-24Aonu mae Solomon neke tughuni mae kmagna na ne kegra king gna Israel. Hatimare goro nogna mae biꞌo mae Devet igre nei hatimare mae soldia te ulu tulao, nei keha thugna King Devet ra teu igre ne kafe nhaꞌa cheke te mala leghuni King Solomon. Mana kaisei mae thofno king keli fara, eghuteuna naikno te gnafa Israel igre ne leghuni mana.
25LORD ne nhaꞌa hagheni Solomon ka nafnakno biꞌo ka tathadi naikno te gnafa Israel, eghuteuna naiknore ne ghatho tahuni mana. Uve, mana fnakno fara salaꞌudi keha king di Israel ulu lahu ra.
King Devet ne lehe
26-27King Devet thugna Jesi, mana king ka vido te gnafa Israel phiatutu finogha. Ulu lahu na, mana king gna Juda fitu finogha ka namono Hebron. Ke leghu na, mana king gna Israel tolufulu thilo finogha Jerusalem. 28Mana lehe kate thofno kuekuꞌe fara. Eghuteuna mana kaisei king te fnakno fara nanghagna na, eghuteuna mana jaola kaisei mae dedei fara. Aonu naiknore ne thofno ghatho tahuni fara mana. Aonu thugna mana Solomon ne kegra king.
29Thoutonu eidi unha teke edi King Devet funu kate king mana te ghilei lehe na, mare rioriso soru ka buka te kiloi Nogna Thoutonu Profet Samuel, Nogna Thoutonu Profet Natan nei Nogna Thoutonu Profet Gad. 30Buka igne toutonu eidi unha gloku biꞌo teke edi mae Devet re, nei glepo biꞌo eghu teke edi mana kate king nei funei fruni teku mana kantri na. Eghuteuna jaola eidi unha te thokeni mana nei naiknodi Israel, nei keha glepo te thokedi keha king ka kantri te au falithuini Israel.