rumiya

rumiya

¹ fiñi bulus, ñiŋgi igaɽ ebai gǝyesu masiya, ñiŋgi igwundǝđǝnu ṯa eɽeṯe đǝđweinia, ñiŋgi igëɽǝnu alǝsoŋ ṯa yërrǝŋaiđe ŋen ŋaŋǝra ŋǝrǝmwa, ² iŋi rënǝŋu rëɽu pǝnde ṯa riđ arǝnaiđe ŋen iŋi ŋaŋǝra al anbiyaya ilëɽǝŋu egađam gǝlëɽǝŋu igi gatǝɽe gëđǝñinu. ³ ŋen iŋi ŋaŋǝra ŋafo eŋen ŋiđia gǝlëɽǝŋu igi gǝlǝŋǝnu eleđa lḏawuḏ eŋen ŋaŋǝno, ⁴ na ŋen ŋërrǝŋeinu eleđa đatođađa đǝlëɽǝŋu eŋǝɽaiñ ṯa gënǝŋu gaɽ iđia gǝrǝmwa ŋabǝɽaŋa igusila igi gatǝɽe. fǝŋu yesu masiya, elǝŋ igëndr. ⁵ lǝgamr đanaicia mǝɽǝmǝɽeñ đǝrǝmwa gënǝŋuga na gënǝŋu gwađwaṯǝnde ṯa ñamǝđaṯe leđa lalo pređ ṯa lënǝŋulu alëndi ŋen ŋǝlëɽǝŋu na alne. ⁶ na ñaŋ cum ñagǝleđa ildi, ñaganǝñaŋ ñaŋgi ñagwundǝđǝnu ṯa ñaɽeṯe ñagǝyesu masiya. ⁷ igeɽǝđo leđa pređ ildi rǝmwa rubwaliya alo irumiya, ildi lundǝđǝnu ṯa alɽeṯe leđa ǝllëɽǝŋu ltǝɽe. igǝbeɽǝđia ṯa rǝmwa papa igëndr na elǝŋ yesu masiya alǝndǝnaice đǝbuŋṯia đusila na đëuṯaralo. ⁸ ananoŋ, yesu masiya gaiñamǝđaṯa ṯa iŋǝri rǝmwa nano rǝlëɽǝñi ŋen ŋanṯa ñaŋ pređ, ŋen ŋanṯa leđa lalo pređ lalwaɽa eŋen ŋǝđonaṯa eđalo. ⁹ igëbiṯia rǝmwa ŋǝmëɽria igusil gǝlëɽǝm ndǝ igǝbërrǝŋaiđia ŋen ŋaŋǝra ŋiđia gǝlëɽǝŋu. rǝmwa raliŋeṯo ṯa igaber igaŋgiṯia ṯa igwalwaɽǝṯia eŋen eŋalo ndǝ igamaɽwatiṯia. ¹⁰ igǝbekeɽǝđia ṯa rǝmwa aronaṯe ṯa eđađ đǝnǝŋ điñǝđi nḏurṯu, yerṯe liga laŋǝra ṯa endeṯa nano. ¹¹ ŋen ŋanṯa igwonaṯa kaiñ ṯa endǝnwane, ṯa yǝndiđi ṯa lǝgerṯr đanaicia iđi usila gatǝɽe gananaiđia, ṯa ñaŋ ñagiđi ñonḏǝcim. ¹² ŋen iŋi ŋafo ṯia, ta lëndr alǝbǝɽaieǝndr ldǝɽo liga lǝgafǝrlda, ŋen ŋanṯa ñagëndu ŋen ŋǝrǝmwa na igëndu ŋen ŋǝrǝmwa. ¹³ igwonaṯa ṯa ñagaliŋeṯo lorldaiñ, ṯa ñoman ñwaiña igëɽu ŋen ṯa igeṯǝnde nano ṯa igiđi yerṯe leđa eñaŋ cum ildi lǝbendia ŋen ŋǝrǝmwa, ŋen ŋarno igerṯo eleđa lǝṯënu ildi lafo laijǝba rǝmwa, orn iguɽǝbǝđǝnu điñǝđi mǝldin. ¹⁴ igerṯo amǝeu igal yunaniyin na eleđa pređ ildi gerṯa laɽ al yunaniyin. igerṯo amǝeu eleđa ildi laliŋeṯo ŋen nǝsi na eleđa ildi laijǝba ŋen nǝsi. ¹⁵ nṯia, ndǝ igaɽǝwađaṯa, igwonaṯa kaiñ ṯa igǝndërrǝŋaieia ŋen ŋaŋǝra ŋǝrǝmwa, ñaŋ eum ñaŋgi ñagafo alo irumiya. ¹⁶ igero igiđǝña ŋen nano iŋi ŋaŋǝra ŋal masiya ŋen ŋanṯa ŋen iŋi ŋaɽo ŋabǝɽa ŋǝrǝmwa ṯa rënǝŋu arëbǝri leđa pređ lal yawuḏ ananoŋ ildi lëndu ŋen ŋǝlëɽǝŋu na cum leđa pređ ildi gerṯa laɽ al yawuḏ ildi lëndu ŋen. ¹⁷ ŋen ŋanṯa eŋen iŋi ŋaŋǝra rǝmwa rǝbërrǝŋaiđia ṯa rënǝŋu ruđǝrwaṯo eŋen na ṯa raɽǝwađaṯa rëbǝđia leđa ṯa aluđǝrwaṯe eŋen ŋen ŋanṯa leđa lëndu ŋen ŋǝlëɽǝŋu, na ṯa leđa alëndi ŋen ŋǝlëɽǝŋu. ŋen iŋi ŋǝwërđǝnu ṯia, ṯa leđa pređ ildi luđǝrwaṯo eŋen lamǝṯia đonaṯađa. ¹⁸ ŋen ŋanṯa đeieiano đǝrǝmwa đërrǝŋeinu elo, ṯa rënǝŋu ragea leđa pređ ildi lero lǝbendia ŋen ŋǝlëɽǝŋu na ildi leicia, lënǝŋulu ildi luɽǝbǝđia ŋen ŋǝđeṯam ŋenŋa eŋen iŋi ŋǝɽiano. ¹⁹ ŋen ŋanṯa ŋen ŋërrǝŋeiđǝnu iŋulu iŋi leđa laɽǝwađaṯa laliŋeṯo eŋen ŋǝrǝmwa, ŋen ŋanṯa rǝmwa rënǝŋu rërrǝŋaieǝlo ŋen iŋi. ²⁰ liga rǝmwa riđu alo na điñǝđi mǝldin leđa laliŋeṯo ŋope ŋen iŋi ŋǝrǝmwa iŋi lënǝŋulu laber laɽǝwađaṯa laseieia isiya. lënǝŋulu lafo laliŋeṯo ṯa rënǝŋu rerṯo ŋabǝɽa bǝɽǝbǝte na ṯa rënǝŋu raɽ rǝmwa ŋen ŋanṯa laŋge ildi rënǝŋu riđǝlo. ŋen ŋafǝṯia leđa laber laɽǝwađaṯa lërǝkǝđeiđia ŋen, ²¹ ŋen ŋanṯa ndǝ lafo laliŋeṯo rǝmwa lënǝŋulu lero lanaicia đamia na lero lǝŋërṯia nano. ndǝ lënǝŋulu laɽwata elaŋge ildi, ŋen eŋen ŋaɽo ŋǝpiano, na nare enen ini nafo nero naulëldǝŋǝđeinia nafo niđǝnu ndǝ ŋǝrǝmia. ²² lënǝŋulu laṯa ṯa ŋulu laliŋeṯo ŋen nǝsi orn lënǝŋulu laɽo leđa ildi laijǝba ŋen nǝsi, ²³ lënǝŋulu laneđo ŋaɽrwa ŋǝrǝmwa irri raber riđ arǝmǝndëđǝni kwai kwai, ldëndi laŋge loṯe na lǝŋwandra ildi liđǝnu larno leđa na ndǝfia na đwala na imwa yeieia. ²⁴ ŋen ŋafǝṯia rǝmwa raŋgiṯǝlo ṯa aliđi ŋen ŋeieia ṯǝɽom garno nar enen nafo nonaṯa. lënǝŋulu liđu ŋen ŋeicia kaiñ aŋǝnoiya esen. ²⁵ lënǝŋulu lamǝlëđu ŋen ŋǝđeṯam ŋǝrǝmwa ldǝme ŋen ŋaɽǝwen. lënǝŋulu lananaieo laŋge ildi liđǝnu đamia ldǝlabuŋṯi, na lero lëbiṯia eđa igi giđǝlo ŋǝmëɽria igi gabuŋǝnṯu bǝɽǝbǝte, fǝŋu rǝmwa. amin. ²⁶ ŋen ŋafǝṯia rǝmwa raŋgiṯǝlo ṯa aliđi ŋen iŋi ŋeicia ṯǝɽom iŋi leđa lonaṯa. liji elden ɽrlda laŋgiṯu ŋen ŋope ŋaŋǝno esen ṯaliđu ŋen ŋeicia. ²⁷ leđa ɽrwa liđu ṯia eum. lënǝŋulu lanǝdo laɽaŋa lijila ɽrlda. lënǝŋulu lonaṯa kaiñ leđa lomǝn ɽrwa. lënǝŋulu liđu ŋen ŋeieia ldǝɽo ldǝme đǝpǝɽa entam enen iđi đafo ŋen ŋanṯa ŋen iŋi ŋafo mǝnna. ²⁸ na ŋen ŋanṯa lënǝŋulu laneđo ṯa lwaɽwata ṯa lafo laliŋeṯo rǝmwa, rǝmwa raŋgiṯǝlo alerṯe ŋaṯǝɽa ŋeieia, ṯa aliđi ŋen iŋi ŋero ŋaŋǝra ṯa lëbǝđia. ²⁹ lënǝŋulu lëbǝđia kaiñ ŋen pređ ŋǝɽiano, lënǝŋulu leieia kaiñ, na lonaṯa laŋge lǝleđa ɽrǝto jaica jaica, na lerṯo nare ini nonaṯa nananaica leđa ŋen ŋubwa. lënǝŋulu lagiaṯa ŋen kaiñ, na laɽiña leđa na lunḏeinu đǝgerđeđa na ŋađǝnaŋa. lënǝŋulu laɽo nǝɽǝđǝnia na laɽwata ŋamǝɽa eŋen ŋǝleđa. ³⁰ lënǝŋulu labwaiđia ŋen, na laneđo rǝmwa, lađamǝea leđa eŋen. lënǝŋulu labǝrlda iđinia, na lëminia bǝɽan. lënǝŋulu lëbǝđia laŋge leieia na laber lǝnna ŋen ŋeṯenanda na ŋǝlǝŋgenanda. ³¹ lënǝŋulu laijǝba ŋen nǝsi, na larreiđia ŋen orn lënǝŋulu ldǝgere. lënǝŋulu laber lonaṯa leđa, na laber lamǝđaṯa leđa. ³² lënǝŋulu laliŋeṯo ŋen iŋi rǝmwa ralwaɽo ŋǝlaŋge ildi pređ. rǝmwa raṯa ṯa, leđa ildi lëbǝđia laŋge ilđi larǝjađaṯo eŋen ṯa alǝɽiñǝni. orn lënǝŋulu lëbǝđia laŋge ildi mǝldin đurri na laɽwatiṯia leđa ildi lëbǝđia ṯia, ṯa ŋen ŋaŋǝra.

¹ ŋen ŋafǝṯia ñaŋ, ñagero đërǝkǝđeiđia ŋen, ñaŋ pređ ñaŋgi ñagabirnḏeieia ŋen ŋǝleđa ɽrǝto, ŋen ŋanṯa nđǝ ñagabǝnḏeicia ŋen ŋeđa gǝnǝŋ ñagakǝmia ntam enalo, ŋen ŋanṯa ñaŋ ñaŋgi ñagabirnḏeicia ŋen ñaganǝñaŋ cum ñagëbǝđia ŋen iŋi ŋunto. ² đeṯam, lǝgaliŋeṯr ṯa đakǝme đǝrǝmwa đǝbiɽǝṯia ŋenŋa ŋǝđeṯam leđa nano ildi lëbǝđia ŋen iŋi ŋeieia. ³ na ñaŋ ñaŋgi ñagabirnḏeieia leđa ildi lëbǝđia ŋen iŋi ŋeicia, orn ñagëbǝđia ŋen iŋi ŋunto eum, ñagǝbaṯa ṯa ñagiđi ñamiñe eđakǝme đǝrǝmwa? ⁴ ñagađama ŋen ŋaŋǝra ŋǝđaliŋeṯa ŋabaiya đǝrǝmwa na đwalarano đǝlëɽǝŋu na đaɽiñaṯa ŋen đǝlëɽǝŋu? ñagaijǝba ṯa đaliŋeṯa ŋabaiya đǝlëɽǝŋu đǝndamǝđaṯa ṯa ñaṯađe ŋen ŋeieia ñoɽǝbaṯe nano? ⁵ ñagëbǝđia ŋen enar enalo na nar enalo naneđa ṯa naṯađa ŋen ŋeicia nṯia ñagararreiđia đeieiano ŋen ŋanṯa ñaŋ iloman lǝđeieiano, ndǝ đakǝme đǝrǝmwa iđi đuđǝrwaṯo điđ ađërrǝŋeiđǝni. ⁶ ndǝ rǝmwa rabirnḏeicia ŋen ŋǝleđa pređ rënǝŋu riđ aralapǝɽe eŋen ŋǝlaŋge lënǝŋulu liđǝlo. ⁷ rënǝŋu riđ arananaice leđa đamǝṯia đǝbǝɽǝbǝte, ildi lëbǝđia ŋen ŋaŋǝra đwalađa arano na ildi labapwaiña ŋaɽrwa na đamia na ŋen ṯa lënǝŋulu laber liđ alǝmǝndëđǝni kwai kwai. ⁸ orn leđa lwaiña lëbǝđia ŋen enar enen, na laneđa ŋen ŋuđǝrwaṯo orn lanaica ŋen ŋafo mǝnna aŋǝno esen, na ŋen eŋen ŋafo ṯia, ṯa rǝmwa riđ arǝlnaice đeieiano na đakǝme. ⁹ leđa pređ ildi lëbǝđia ŋen ŋeicia liđ alneini ŋen ŋubwa iŋi ŋǝlǝđǝrnaṯalo, na đwana iđi đǝsa nar enen kaiñ, leđa lal yawuḏ ananoŋ na leđa gerṯa laɽ al yawuḏ nḏurṯu. ¹⁰ orn rënǝŋu riđ arǝnanaice leđa pređ ŋaɽrwa na đamia na đëuṯaralo ildi lëbǝđia ŋen ŋaŋǝra, leđa lal yawuḏ ananoŋ na leđa gerṯa laɽ al yawuḏ nḏurṯu, ¹¹ ŋen ŋanṯa leđa pređ laɽǝwaṯo eŋen rǝmwa nëiñua. ¹² leđa pređ ildi lero lǝberṯia al ganun yǝrǝmwa na liđu ŋen ŋeicia lënǝŋulu liđ alǝmǝndëđǝni al ganun yero, na leđa ildi lǝberṯia al ganun na lëbǝđia ŋen ŋeicia liđ alakǝmǝni al ganunya. ¹³ ŋen ŋanṯa ndǝ eđa gǝnǝŋ gǝnna al ganun yǝrǝmwa mǝɽǝmǝɽeñ ŋen iŋi ŋaber ŋamiđia guđǝrwaṯo eŋen rǝmwa nëiñua. orn leđa ildi lëbǝđia ŋen ŋal ganun, ŋen ŋiđ aŋǝlwaɽǝni ṯa lënǝŋulu luđǝrwaṯo eŋen rǝmwa nëiñua. ¹⁴ đeṯam, ndǝ leđa gerṯa laɽ al yawuḏ ildi lero lǝberṯia al ganun, orn lëbǝđia ŋen bipi ŋal ganun, lënǝŋulu lero al ganun orn ŋen eŋen ŋaɽo al ganun esen. ¹⁵ leđa ildi lërrǝŋaiđia ŋen ṯa ŋen iŋi al ganun yaɽwata ṯa leđa aliđi ŋǝwërđǝnu enar enen, ŋen ŋanṯa nare enen ini naɽwata đeṯam niđ anǝlamǝđaṯe na ŋaṯǝɽa eŋen ŋiđ aŋǝlǝsǝki walla ŋiđ aŋǝɽrǝkǝđeiđǝṯi ŋen, ¹⁶ iloman ildi rǝmwa riđ arawinḏeiei ŋen ŋǝŋamǝɽa ŋǝleđa yesu al masiyaga. ŋen iŋi ŋaɽo ŋǝmaṯan eŋen ŋaŋǝra iŋi igabërrǝŋaiđia. ¹⁷ điñǝđi, aganǝŋa ŋaŋgi agǝbaṯa ṯa agal yawuḏ na agandraṯa al ganun yǝrǝmwa na agëminia bǝɽan eŋen ŋǝrǝmwa, ¹⁸ na agaliŋeṯo ŋen iŋi rǝmwa ronaṯa, na agaɽǝwađaṯa agaliŋeṯo ŋen iŋi ŋaŋǝra ŋamiñaṯa lorǝba ŋen ŋanṯa agërrǝŋeinu al ganun, ¹⁹ na agaburgwađeinu eŋen ṯa agamǝđaṯa leđa ildi laŋǝlisi, na ṯa agaɽ arrerre eleđa ildi lafo iŋǝrǝm, ²⁰ na agaṯoɽaṯa ŋen ŋǝleđa ildi laijǝba ŋen nǝsi na agabërrǝŋaieia ñere ŋen, ŋen ŋanṯa agaliŋeṯo ŋen ŋǝmaṯan ŋǝđeṯam ŋal ganun. ²¹ aganǝŋa ŋaŋgi agabërrǝŋaicia leđa ɽrǝto ŋen, agaber agabërrǝŋeini bǝɽan? aganǝŋa ŋaŋgi agabërrǝŋaicia leđa ŋen ṯa lënǝŋulu laber lalaldǝbǝca laŋge, agalaldǝbǝca laŋge? ²² aganǝŋa ŋaŋgi agwalwaɽǝṯa leđa ṯa lënǝŋulu alerṯe laɽaŋa lijila ɽrǝto, agaɽaŋa lijila ɽrǝto? aganǝŋa ŋaŋgi agaŋgeiṯu laŋge alo lǝpiano ildi leđa ldukwuđǝñiṯialo, agalaldǝbǝca laŋge eneɽa ñëđǝñinu? ²³ aganǝŋa ŋaŋgi agëminia eŋen ŋal ganun, agagera ŋen ŋal ganun nṯia aganaicia rǝmwa đeicia? ²⁴ ŋen ŋanṯa ŋen ŋǝwërđǝnu ṯa, irǝŋ gǝrǝmwa gwalwaɽǝnu geieia ŋen ŋanṯa ñaŋ eleđa ilđi gerṯa laɽ al yawuḏ. ²⁵ đuɽǝđǝma đǝndamǝđaṯa ikǝrǝŋ ndǝ ñagëbǝđia ŋen ŋal ganun, orn ndǝ ñagagera ŋen ŋal ganun đuɽǝđǝnia eđalo đaɽo garno đuɽǝđǝnia đero. ²⁶ nṯia ndǝ eđa igi gero guɽǝđǝnia gëbǝđia ŋen ŋuđǝrwaṯo ŋal ganun, rǝmwa raber rabaŋǝnṯi eđa igi gero đuɽǝđǝnia garno eđa guɽǝđǝnu? ²⁷ na eđa igi gero đuɽǝđǝnia egaŋǝno orn gëbǝđia ŋen ŋal ganun, eđa igei gaber giđ aŋǝndakǝme ñaŋ ñaŋgi ñagerṯo al ganun na ñaŋgi ñaguɽǝđǝnu egaŋǝno orn ñaŋgi ñagagera ŋen ŋal ganun? ²⁸ ŋen ŋanṯa al yawuḏ đurri yënǝŋu gerṯa yaɽ eđa igi gal yawuḏ egaŋǝno na đuɽǝđǝnia đurri gerṯa đuɽǝđǝnia đaŋǝno. ²⁹ al yawuḏ đurri yënǝŋu yaɽ eđa igi gaɽ al yawuḏ egare na đuɽǝđǝnia đurri đaɽo đuɽǝđǝnia đara, eŋen ŋusila, gerṯa ŋaŋǝno. leđa laber lanaicia eđa igi đamia, orn rǝmwa ramananaicia đamia.

¹ ŋen ŋǝwande al yawuḏ yerṯo ŋamiñaṯo leđa ɽrǝto? walla đamǝđaṯa đǝwande đuɽǝđǝnia đananaiđia? ² al yawuḏ yerṯo ŋen ŋwaiña ŋamiñaṯa leđa ɽrǝto. ananoŋ, yënǝŋulu yaneinu ŋen ŋǝrǝmwa ṯa aiyǝrmoṯe. ³ orn ŋen ŋaɽo ṯau ndǝ leđa lǝmaṯan iŋulu laber larǝmoṯwa ŋen iŋi ŋope? ŋen iŋi eŋen ŋaɽǝwađaṯa ŋëbǝđia đuđǝrwaṯa đǝrǝmwa ṯa ađǝɽeṯe đǝpiano? ⁴ ndo kwai kwai. ŋgiṯr ŋen aŋǝlǝŋini ṯa rǝmwa raɽo đeṯam orn leđa pređ laɽǝlen. garno ŋen ŋǝwërđǝnu, ṯa ŋen agwaɽwata aŋërrǝŋeiđǝni ṯa ŋaɽo đeṯam, na ṯa agiđi ŋađame leđa ildi laŋagea liga ŋen ŋǝlaɽǝŋa ŋinḏeini. ⁵ orn ndǝ ŋen ŋuđǝrwaṯo ŋǝrǝmwa ŋǝbërrǝŋeiđǝnia ndǝ lǝgǝɽrano eŋen, lǝgabaṯrau? ŋen ŋǝrǝmwa ŋǝɽiano ndǝ rënǝŋu rakǝme leđa? igwaɽwata ŋen ŋarno leđa lwaɽwata. ⁶ ndo kwai kwai. ndǝ rǝmwa rǝɽiano eŋen fǝṯau rënǝŋu raɽǝwađaṯa rabǝnḏeicia alo? ⁷ orn, ŋen ŋarno ñagwaɽwata, ndǝ ŋen ŋǝđeṯam ŋǝrǝmwa ŋǝbërrǝŋeiđǝnia na ŋanaieia ŋaɽrwa ŋen ŋanṯa igaɽǝwen, igakǝmǝni mǝlđin ŋen ŋanṯa ŋen ŋǝlëɽǝñi ŋeicia eđa? ⁸ fǝṯau lǝgaber lǝgwaɽwatar, ṯa aliđr ŋen ŋeicia ṯa ŋen ŋaŋǝra ŋiđ aŋǝtođau? đeṯam, leđa lǝmaṯan lǝndǝbwaiđia ŋen, ldaṯa ṯa, nanda ñagwaɽwata ŋen iŋi đurri. ŋen ŋaŋǝra ṯa lënǝŋulu lakǝmǝnu. ⁹ ŋen ŋaɽo ṯau? lëndr lëŋgr lǝgaɽr al yawuḏ lǝgamiñaṯr leđa ɽrǝto? ndo, kwai kwai. ŋen ŋanṯa lǝgasǝkr al yawuḏ na leđa gerṯa laɽ al yawuḏ ṯa lënǝŋulu pređ lakasǝnu ŋenŋa ŋeicia. ¹⁰ ŋen ŋǝwërđǝnu ṯa, eđa gero gǝnǝŋ guđǝrwaṯo eŋen, đeṯam gerṯa gaɽo gunto. ¹¹ eđa gero gǝnǝŋ galiŋeṯo ŋen. eđa gero gǝnǝŋ gabapwaiña rǝmwa. ¹² leđa pređ lamiño, lënǝŋulu pređ laɽia đǝpia ŋeniano. eđa gero gǝnǝŋ gëbǝđia ŋen ŋaŋǝra, đeṯam gerṯa gaɽo gunto. ¹³ ŋogor eŋen ŋarno rel irri ragagiđǝnu. lënǝŋulu lwaɽwata ŋađǝna raŋǝlara. ŋǝsia ŋimwa yaɽo cǝŋge ŋafo igëiñua esen. ¹⁴ ëiñua esen yunḏeinu đabuŋađa na ŋenŋa ŋeɽe. ¹⁵ rǝmanǝña eren ralaldiña ṯa lënǝŋulu alǝɽiñǝđe. ¹⁶ lënǝŋulu laŋgiṯia đagera na đwana kaiñ eđađ eđen. ¹⁷ lënǝŋulu laijǝba đađ đǝđëuṯaralo. ¹⁸ ŋǝđaiña ŋǝrǝmwa ŋerǝlo isiano esen. ¹⁹ orn lǝgaliŋeṯr ṯa ŋen iŋi al ganun ywaɽwata, yënǝŋu ywaɽwataṯa leđa ildi lafo eŋǝlǝŋ ŋal ganun, ṯa ëiñua pređ aiyëndijǝđǝni na ṯa leđa pređ lalo aluɽǝbiṯi rǝmwa ŋen eŋen. ²⁰ eđa gero gǝnǝŋ gaɽǝwađaṯa aŋiđǝni guđǝrwaṯo eŋen rǝmwa nëiñua ŋen ŋanṯa gënǝŋu gëbǝđia ŋen pređ ŋal ganun. ŋen ŋanṯa al ganun yaɽǝwađaṯa yërrǝŋaicia leđa ŋen ikǝrǝŋ ṯa lënǝŋulu lëbǝđia ŋen ŋeieia. ²¹ orn điñǝđi ŋen ŋuđǝrwaṯo ŋǝrǝmwa ŋërrǝŋeiđǝnu eđađ iđi đafo alǝsoŋ eŋen ŋal ganun, orn al ganun na al anbiya lamǝđaṯa ŋen iŋi. ²² ŋen ŋuđǝrwaṯo ŋǝrǝmwa ŋafo ŋen ŋanṯa leđa pređ ildi lëndu ŋen ŋǝrǝmwa đonaṯađa iyesu masiya. leđa pređ laɽǝwaṯo rǝmwa nëiñua, ²³ ŋen ŋanṯa leđa pređ liđu ŋen ŋeicia na lafo lero lǝɽiñǝđaiđia eŋaɽrwa ŋǝrǝmwa, ²⁴ orn leđa pređ lǝbǝđǝni luđǝrwaṯo eŋen rǝmwa nëiñua na rǝmwa rëbǝđia ṯia eŋen ŋǝđanaieia mǝɽǝmǝɽeñ ŋen ŋanṯa đapǝɽa iđi al masiya yesu ganaiđo. ²⁵ ŋen ŋanṯa rǝmwa rëɽu yesu masiya gaɽo đǝɽǝđǝnia, ṯa leđa ildi lëndu ŋen ŋǝlëɽǝŋu aloɽǝbeini narena rǝmwa nano ŋǝfǝniŋa ŋǝlëɽǝŋu. ŋen iŋi ŋërrǝŋaiđia ŋen ṯa ruđǝrwaṯo eŋen. rënǝŋu raŋgiṯu ŋen ŋeicia ŋǝleđa ildi lafo pǝnde, liga yesu gamǝlu gaɽiñǝni, ŋen ŋanṯa đwalarano đǝlëɽǝŋu. ²⁶ đeṯam, rënǝŋu ranaiđia yesu ṯa arërrǝŋaiđi ṯa rënǝŋu ruđǝrwaṯo ndǝ rǝnḏeieia ŋen điñǝđi, ṯa rënǝŋu ruđǝrwaṯo eŋen na ṯa rëbǝđia leđa luđǝrwaṯo eŋen ildi lëndu ŋen ŋǝyesu. ²⁷ nṯia đëminia bǝɽan đǝleđa đabǝṯa ŋga? đëminia bǝɽan đǝldǝnḏeinu ndëuwǝr. eđa, ŋen ŋǝwande? ŋenŋa ŋǝŋǝmëɽria iŋi leđa lëbǝđia? ndo, ŋenŋa ŋǝđonaṯa iyesu. ²⁸ ŋen ŋanṯa lǝgëndr ŋen ṯa eđa gǝbǝđǝni guđǝrwaṯo eŋen đonaṯađa đǝlëɽǝŋu, điđia đǝŋen ŋal ganun đero kwai kwai. ²⁹ orn rǝmwa raɽ rǝmwa ral yawuḏ ikǝrǝŋ? gerṯa rënǝŋu raɽ rǝmwa rǝleđa ildi gerṯa laɽ al yawuḏ eum? abe, rënǝŋu raɽ rǝmwa rǝleđa ildi gerṯa laɽ al yawuḏ, ³⁰ ŋen ŋanṯa rǝmwa raɽ runto, irri riđ ariđi leđa luđǝrwaṯo eŋen ildi luɽǝđǝnu ndǝ lënǝŋulu lǝbendia ŋen ŋǝlëɽǝŋu, na riđ ariđi leđa luđǝrwaṯo eŋen eum, ildi lero luɽǝđǝni, ndǝ lënǝŋulu lǝbendia ŋen ŋǝlëɽǝŋu. ³¹ ŋen ŋanṯa ŋen iŋi lǝgëbǝđiar al ganun yǝpiano đonaṯađa? ndo, kwai kwai, orn lǝgǝbendiar al ganun alo.

¹ lǝgǝbaṯrau eŋen ŋǝpapa gǝpǝnde ibrayim? ² ndǝ ŋen ŋwalwaɽǝnu ṯa gënǝŋu guđǝrwaṯo eŋen rǝmwa nëiñua ŋen ŋanṯa laŋge gënǝŋu giđǝlo, gënǝŋu gaɽǝwađaṯa gëminia bǝɽan, orn gerṯa rǝmwa nëiñua. ³ ađam gǝrǝmwa gaṯa ṯau? ađam gaṯa ṯa, rǝmwa raŋǝnṯu ibrayim guđǝrwaṯo eŋen ŋu nëiñua ŋen ŋanṯa gënǝŋu gëndu ŋen ŋǝrǝmwa. ⁴ ndǝ eđa igi gëbǝđia ŋǝmëɽria gǝmama đapǝɽa đǝlëɽǝŋu, gerṯa ŋen ŋǝđanaieia mǝɽǝmǝɽeñ orn ŋen ŋamǝcu. ⁵ orn ndǝ eđa gaber gëbǝđia ŋǝmëɽria, orn gǝbendia ŋen ŋǝrǝmwa ikǝrǝŋ irri rëbǝđia leđa laijǝbama luđǝrwaṯo eŋen, rǝmwa rabaŋǝnṯi đonaṯa đǝlëɽǝŋu nṯia rǝbaṯa ṯa gënǝŋu guđǝrwaṯo eŋen ŋu nëiñua. ⁶ nṯia cum ḏawuḏ gaṯa ṯa eđa igi rǝmwa rǝbaṯa ṯa gënǝŋu guđǝrwaṯo eŋen ŋu nëiñua, gënǝŋu gaŋǝra nano. na ŋen iŋi gerṯa ŋen ŋǝwagǝnǝŋ eđa gëbǝđia. ⁷ ḏawuḏ gaṯa ṯa, ndǝ đaneđa đǝŋǝlǝŋe đeđa gǝnǝŋ đǝŋgeinu na ŋen ŋeicia ŋǝlëɽǝŋu ŋatërnu gënǝŋu gaŋǝra nano. ⁸ ndǝ elǝŋ rǝmwa raber rǝbëɽia ŋen ŋeicia ŋeđa gǝnǝŋ ŋamagea, eđa igi gaŋǝra nano. ⁹ đaŋǝra nano iđi đeṯo leđa nano ikǝrǝŋ ildi luɽǝđǝnu walla leđa nano cum ildi lero luɽǝđǝni ? ŋen ŋanṯa lǝgabaṯr ṯa rǝmwa raŋǝnṯu đonaṯa đibrayim đaɽo ŋen ŋuđǝrwaṯo. ¹⁰ rǝmwa raŋǝnṯǝma guđǝrwaṯo eŋen ṯau? gënǝŋu guɽǝđǝnu liga lakǝl walla gero guɽǝđǝni? gënǝŋu gamǝlu guɽǝđǝni. ¹¹ orn nḏurṯu gënǝŋu ganeinu ŋen ŋǝđuɽǝđǝnia iđi đaɽo ŋwëɽiña ŋǝrǝmwa na đërrǝŋaiđia đǝŋen ṯa rǝmwa raŋǝnṯǝma guđǝrwaṯo eŋen ŋen ŋanṯa gënǝŋu gëndu ŋen ŋǝrǝmwa liga gënǝŋu gamǝlu guɽǝđǝni. na gënǝŋu gaɽo papa gǝleđa pređ ildi lëndu ŋen ŋǝrǝmwa liga lënǝŋulu lamǝlu luɽǝđǝni, ṯa rǝmwa riđ arǝlaŋǝnṯi luđǝrwaṯo eŋen. ¹² na gënǝŋu gaɽo papa gǝleđa ildi luɽǝđǝnu orn cum ildi lǝteṯa đađ đeṯen ibrayim eđonaṯa đǝlëɽǝŋu iđi gënǝŋu gerṯo liga gamǝlu guɽǝđǝni. ¹³ ŋen iŋi rǝmwa rëɽǝṯu ibrayim, ṯa alo pređ yiđ aiyfeṯe ilëɽǝŋu na iliđia ǝllëɽǝŋu ŋero ŋëɽǝnu eŋen ŋal ganun orn eŋen ŋǝŋen ŋuđǝrwaṯo iŋi gënǝŋu gerṯo rǝmwa nëiñua đonaṯađa. ¹⁴ ndǝ leđa ildi lafo eŋen ŋal ganun liđ alarraṯe alo, đonaṯa đafo điđǝnu wagero, na ŋen iŋi rǝmwa rëɽu ŋafo ŋiđǝnu ŋǝpiano. ¹⁵ al ganun yǝmama đeieiano đǝrǝmwa ikǝrǝŋ. ndǝ al ganun yero, ŋen ŋero ŋeicia cum. ¹⁶ ŋen ŋafǝṯia ŋen iŋi ŋëɽǝnu eđonaṯa, ṯa aŋfeṯe iđanaicia mǝɽǝmǝɽeñ đǝrǝmwa ṯa ŋen ŋëɽǝnu ŋiđ aŋǝndame iliđia pređ librayim, gerṯa lënǝŋulu ilđi lal ganun ikǝrǝŋ orn iŋulu ildi lafo eđǝɽǝbǝđia eŋen ŋǝđonaṯa đibrayim. gënǝŋu gaɽo papa igëndr pređ, ¹⁷ garno ŋen ŋǝwërđǝnu ṯa, igiđ iŋiđi agaɽo papa gǝleđa lwaiña kaiñ. ŋen iŋi ŋafo rǝmwa nëiñua irri raɽǝwađaṯa rëbǝđia leđa laiyo ṯa alamǝṯe, na raɽǝwađaṯa rurundǝđeini laŋge nano ildi lero garno laŋge ildi lafo. fǝrǝmwa irri ibrayim gëndu ŋen ŋǝlëɽǝŋu. ¹⁸ ndǝ ŋen ŋero ŋaɽǝwađaṯa aŋfeṯe, ibrayim gëndu ŋen iŋi na gaiyǝṯurṯi, nṯia gënǝŋu gaɽo papa gǝleđa lwaiña kaiñ ŋen ŋarno rǝmwa rwalwaɽǝṯǝma ṯa, liđia ǝllaɽǝŋa liđ alaijǝbeṯe lumađeini. ¹⁹ đonaṯa đǝlëɽǝŋu đero đaɽo đëbia. gënǝŋu galiŋeṯo ṯa aŋǝno ilëɽǝŋu yafo ŋǝɽaiñ ṯwaiñ, ŋen ŋanṯa gerṯo nṯǝli miyya, na ṯa sara gaijǝba galǝŋa, ²⁰ orn ŋen ŋanṯa rǝmwa rëɽu ŋen iŋi gënǝŋu gero gǝɽǝbǝđia nara ŋen ŋanṯa đonaṯa đǝlëɽǝŋu đero đafo pwa orn gënǝŋu ganeinu ŋabǝɽa đonaṯađa nǝŋǝnaiee rǝmwa ŋaɽrwa, ²¹ an gënǝŋu galiŋeṯo ṯa rǝmwa raɽǝwađaṯa rëbǝđia ŋen iŋi ŋen ŋanṯa rënǝŋu rëɽu. ²² ŋen ŋafǝṯia đonaṯa đǝlëɽǝŋu đëɽǝnu ŋen ŋanṯaŋu đaɽo ŋen ŋuđǝrwaṯo rǝmwa nëiñua. ²³ ŋen iŋi, ṯa đonaṯa đǝlëɽǝŋu đëɽǝnu ŋen ŋanṯaŋu gerṯa ŋǝwërđǝnu ŋen ŋanṯaŋu ikǝrǝŋ. ²⁴ ŋen iŋi ŋǝwërđǝnu ŋen ŋanṯa nëndr eum, ŋen ŋanṯa ŋen ŋid aŋëɽǝni ŋen ŋanṯa nëndr lëŋgr lǝgëndr ŋen ŋǝrǝmwa irri ratuđy elǝŋ igëndr yesu eŋǝɽaiñ. ²⁵ gënǝŋu ganeinu ŋǝɽaiñ ŋen ŋanṯa ŋen iŋëndr ŋeicia orn gënǝŋu gatuđinu ṯa lǝgiđǝnr lǝguđǝrwaṯr eŋen rǝmwa nëiñua.

¹ ŋen ŋanṯa lǝgiđǝnr lǝguđǝrwaṯr đonaṯađa, lǝgerṯr đëuṯaralo rǝmwara egelǝŋ igëndr yesu masiya. ² iyesu eum lǝgaɽǝwađaṯar lǝgǝbenṯiar eŋen ŋǝđanaicia mǝɽǝmǝɽeñ đǝrǝmwa đonaṯađa. lǝgađurr eŋen ŋǝđanaicia mǝɽǝmǝɽeñ đǝrǝmwa, na lǝgaŋǝrar nano ŋen ŋanṯa lǝgaṯurṯiar ŋen ṯa lǝgiđr alǝɽǝbǝđr eŋaɽrwa ŋǝrǝmwa. ³ na gerṯa ŋen iŋi ikǝrǝŋ. lǝgaŋǝrar nano cum ŋen ŋanṯa lǝgǝneinr ŋen ŋubwa ŋeicia, ŋen ŋanṯa lǝgaliŋeṯr ṯa ŋen ŋubwa ŋeicia ŋamama đaɽiñaṯa ŋen, ⁴ na đaɽiñaṯa ŋen đamama đaŋǝnṯia, na đaŋǝnṯia đamama đǝṯurṯia eŋen, ⁵ na đǝṯurṯia eŋen đaber đǝndiđiar lǝgirǝwarano ŋen ŋanṯa rǝmwa raraieo đubwa đǝlëɽǝŋu enar inëndr ṯa anunḏǝjeini, igusila gatǝɽe igi gǝneinǝndr. ⁶ ŋen ŋanṯa ndǝ lǝgafr lǝgamǝɽr lǝgwonḏǝṯar, iliga ildi lafo ŋope, al masiya gaiyo ŋen ŋanṯa leđa ildi laijǝba rǝmwa. ⁷ aŋgaicia eđa gero gǝnǝŋ gabaiya ŋen ŋanṯa eđa garto igi guđǝrwaṯo eŋen, orn aŋgaica eđa gunto gaber giđiñalo ṯa gabaiya ŋen ŋanṯa eđa gaŋǝra. ⁸ orn rǝmwa rërrǝŋaiđu ŋen ṯa rënǝŋu rubwandriya ŋen ŋanṯa al masiya gaiyǝṯǝndr liga lǝgafr lǝgëbǝđiar ŋen ŋeieia mǝldin. ⁹ nṯia ndǝ lǝgafr lǝgiđǝnr lǝguđǝrwaṯr eŋen rǝmwa nëiñua ŋǝfǝniŋa ŋǝyesu, ŋen ŋǝlǝŋinu ŋamiñaṯo orǝba igi ṯa lǝgiđr alëbǝrnr iđeiciano đǝrǝmwa gënǝŋuga. ¹⁰ ŋen ŋanṯa ndǝ lǝgafr lǝgǝmǝnr rǝmwa nano liga lǝgageamar ŋen ŋanṯa ŋǝɽaiñ ŋiđia gǝlëɽǝŋu, ŋen ŋǝlǝŋinu ŋamiñaṯo orǝba igi ṯa lǝgiđr alëbǝrnr đamǝṯiađa đǝlëɽǝŋu ŋen ŋanṯa lǝgafr lǝgamameiniar nano. ¹¹ na gerṯa ŋen iŋi ikǝrǝŋ. lǝgiđr alǝŋǝreṯr nano irǝmwa ŋen ŋanṯa elǝŋ igëndr yesu masiya, gënǝŋu igi goɽǝbaieǝndr rǝmwa nano. ¹² nṯia ŋen ŋeieia ŋënṯu alo eŋen ŋeđa gunto na ŋǝɽaiñ ŋenŋa ŋeieia nṯia ŋǝɽaiñ ŋëndu leđa pređ ŋen ŋanṯa leđa pređ lëbǝđia ŋen ŋeicia. ¹³ đeṯam ŋen ŋeicia ŋafo alo liga al ganun yamǝlu yaneiđǝnu, orn ŋen ŋeicia ŋero ŋǝbëɽǝni ŋageo leđa ndǝ al ganun yero. ¹⁴ orn ŋǝɽaiñ ŋafo ŋerṯo ŋǝlǝŋe iliga lađǝm nǝŋarǝmaṯe iliga lǝmusa mǝldin, ŋafo ŋerṯo ŋǝlǝŋe eleđa cum ildi lero lëbǝđia ŋen ŋeicia garno ŋen ŋađǝm đurri. ŋen ŋađǝm ŋǝndërrǝŋaiciar ŋen ŋeđa garto igi geṯo nḏurṯu. ¹⁵ orn đanaicia mǝɽǝmǝɽeñ đǝrǝmwa gerṯa garno ŋen iŋi ađǝm giđu iŋi ŋafo mǝnna. ndǝ leđa pređ laiyo ŋen ŋanṯa ŋen ŋeicia ŋeđa gǝnǝŋ, ŋen đeṯam ŋamiñaṯo orǝba igi ṯa đanaieia mǝɽǝmǝɽeñ đǝrǝmwa na đanaicia mǝɽǝmǝɽeñ đǝđubwa đǝlëɽǝŋu đǝɽǝjeinu nḏǝmǝñaṯe ndëuwǝr ŋen ŋanṯa leđa pređ eŋen ŋeđa gunto, gënǝŋu yesu masiya. ¹⁶ orn đanaicia mǝɽǝmǝɽeñ gerṯa garno laŋge ildi latwođa eŋen ŋeicia ŋađǝm gunto, kwai kwai. na đǝskiđia đakǝl đeṯo ŋen ŋanṯa ŋen ŋeieia ŋeđa gunto na đamo đakǝme. orn đanaicia mǝɽǝmǝɽeñ đeṯo ŋen ŋanṯa ŋen ŋeicia ŋǝleđa lwaiña na đamo ŋen ŋuđǝrwaṯo. ¹⁷ ndǝ ŋǝɽaiñ ŋerṯo ŋǝlǝŋe ŋen ŋanṯa ŋen ŋeicia ŋeđa gunto, ŋen đeṯam ŋamiñaṯo orǝba igi ṯa leđa ildi lananeini đubwa đǝlëɽǝŋu iđi đwaiña na đǝnaicia mǝɽǝmǝɽeñ iđi đaɽo đuđǝrwaṯa eŋen rǝmwa nëiñua, lënǝŋulu liđ alerṯe ŋǝlǝŋe eđamǝṯia đurri eŋen ŋeđa gunto, gënǝŋu yesu masiya. ¹⁸ nṯia, garno leđa pređ lafo lakǝmǝnu ŋen ŋanṯa ŋen ŋeicia ŋeđa gunto, nṯia cum leđa pređ laɽǝwađaṯa aliđǝni luđǝrwaṯo eŋen rǝmwa nëiñua ŋen ŋanṯa ŋen ŋuđǝrwaṯo ŋeđa gunto, na ŋen iŋi ŋamama đamǝṯia. ¹⁹ ŋen ŋanṯa garno leđa pređ liđǝnu ṯa lëbǝđia ŋen ŋeicia ŋen ŋanṯa eđa gunto gero gǝnna ŋen ŋǝrǝmwa, nṯia cum leđa pređ laɽǝwađaṯa aliđǝni luđǝrwaṯo eŋen rǝmwa nëiñua ŋen ŋanṯa eđa gunto gano ŋen ŋǝrǝmwa. ²⁰ na cum al ganun yënṯu ṯa ŋen ŋeieia aŋǝɽǝjeini. ŋen ŋeicia ŋǝɽǝjeinu orn đanaieia mǝɽǝmǝɽeñ đǝrǝmwa đǝɽǝjemu gamiñaṯo ŋen ŋeieia na đamiñaṯo ndëuwǝr, ²¹ ṯa ŋen ŋarno ŋen ŋeicia ŋafo ŋerṯo ŋǝlǝŋe eŋǝɽaiñ, nṯia cum ṯa đanaicia mǝɽǝmǝɽeñ đǝrǝmwa điđ ađerṯe ŋǝlǝŋe iđuđǝrwaṯa eŋen rǝmwa nëiñua. na đuđǝrwaṯa iđi eŋen đǝmama đamǝṯia đǝbǝɽǝbǝte elǝŋga igëndr yesu masiya.

¹ lǝgabaṯrau? lǝgamǝɽr mǝldin lǝgaɽaŋar eŋen ŋeieia ṯa đanaicia mǝɽǝmǝɽeñ đǝrǝmwa ađakǝɽǝjeini ? ² nđo kwai kwai. ŋen ŋanṯau lëndr lëŋgr lǝgaiyr eŋen ŋeicia, lǝgamǝɽr mǝldin lǝgafr eŋen ŋeicia? ³ ñagaijǝba ṯa ñaganǝñaŋ ñaŋgi ñaganeinu mamuḏiya iyesu masiya ñaganeinu mamuḏiya eŋǝɽaiñ ŋǝlëɽǝŋu? ⁴ ŋen ŋafǝṯia nëndr lǝgurǝnr yesu ŋǝla lǝgënǝeǝnr eŋǝɽaiñ mamuḏiyaya ṯa garno al masiya gatuđinu eŋǝɽaiñ ŋaɽrwaŋa ŋǝđaṯa nṯia alerldr eđamǝṯia đǝmaijǝn cum. ⁵ ŋen ŋanṯa ndǝ lǝgënǝcǝnr yesu ŋǝla eŋen ŋǝŋǝɽaiñ ŋǝlëɽǝŋu cum lǝgiđr alënṯr eđǝɽǝbǝđia eŋen ŋǝđatođa eŋǝɽaiñ đǝlëɽǝŋu. ⁶ ŋen ŋanṯa lǝgaliŋeṯr ṯia, ṯa nare inëndr nǝbǝtaŋǝɽan nafo nǝɽiñǝnu yesu ŋǝla iđuɽi, ŋen ŋanṯa aŋǝno yǝŋen ŋeicia aiyǝmǝndëđǝni na ṯa alerṯr lǝgaɽr lǝbai lǝŋen ŋeicia mǝldin. ⁷ ŋen ŋanṯa eđa igi gaiyo gero gabakaseiđǝni ŋenŋa ŋeicia. ⁸ điñǝđi ŋen ŋanṯa lǝgaiyr al masiyaga, lǝgǝbendiar ŋen ṯa lǝgiđr aldǝmǝṯǝrlda. ⁹ na lǝgaliŋeṯr ṯa al masiya gatuđinu eŋǝɽaiñ lomanto na gënǝŋu gaber giđ aŋaiye tǝŋ kwai kwai. ŋǝɽaiñ ŋero ŋaberṯia ŋǝlǝŋe iŋu mǝldin. ¹⁰ ŋen ŋanṯa ŋen gënǝŋu gaiyo, gaiyo lomanto đǝge eŋen ŋeicia. orn điñǝđi gënǝŋu gamǝṯia eŋen ŋǝrǝmwa. ¹¹ nṯia ŋen đeṯam ṯa ñagaliŋeṯo ṯa ñagaiyo eŋen ŋeicia orn ṯa ñagamǝṯia eŋen ŋǝrǝmwa igal masiya yesu, na ɽeṯr ñagaɽo ṯia. ¹² ŋen ŋafǝṯia, ñerṯe ñaŋgiṯi ŋen ŋeicia ṯa aŋerṯe ŋǝlǝŋe egaŋǝno esalo kwai kwai. ndǝ ŋen ŋeieia ŋerṯo ŋǝlǝŋe ŋǝndiđi ṯa ñane đonaṯa đeicia đaŋǝno esalo. ¹³ ñerṯe ñaganaicia ŋen ŋeieia laŋge laŋǝno esalo mǝldin ṯa lënǝŋulu aliđi ŋen ŋǝɽiano. orn naicr rǝmwa ntam enalo đǝge garno leđa ildi lǝtuđinu eŋǝɽaiñ ṯa ñamǝṯe, na naicr rǝmwa laŋge laŋǝno esalo đǝge ṯa lënǝŋulu aliđi ŋen ŋuđǝrwaṯo. ¹⁴ ŋen ŋanṯa ŋen đeṯam ṯa ŋen ŋeicia ŋero ŋaberṯia ŋǝlǝŋe eñaŋ mǝldin, ŋen ŋanṯa điñǝđi ñagaber ñagafo eŋen ŋal ganun orn eŋen ŋǝđanaieia mǝɽǝmǝɽeñ đǝrǝmwa. ¹⁵ lǝgabaṯrau? lǝgëbǝđiar ŋen ŋeicia mǝldin ŋen ŋanṯa gerṯa lǝgafr eŋen ŋal ganun orn eŋen ŋǝđanaieia mǝɽǝmǝɽeñ đǝrǝmwa? ndo kwai kwai. ¹⁶ ñagaijǝba ṯa ndǝ ñagananaica eđa gǝnǝŋ ntam enalo naɽo lǝbai ṯa ñane ŋen ŋǝlëɽǝŋu, ñagaɽo lǝbai leđa gakǝl igi ñagamanaṯa? ndǝ ñagaɽo lǝbai lǝŋen ŋeicia ñagiđi ñaiye. ndǝ ñagaɽo lǝbai lǝđǝnna ñagiđi ñiđǝni ñaguđǝrwaṯo eŋen. ¹⁷ orn alǝŋërṯr rǝmwa nano. ananoŋ ñagafo ñagaɽo lǝbai lǝŋen ŋeicia, orn điñǝđi ñagǝnana đërrǝŋaiđia ŋen narena iđi ñaganeinu. ¹⁸ ñagafo ñagëbǝrnu lomanto đǝge eŋen ŋeieia, na ñagaɽo lǝbai lǝŋen ŋuđǝrwaṯo. ¹⁹ igǝndǝlwaɽǝṯia eŋen ŋǝwujǝnu ŋǝleđa, ŋen ŋanṯa ŋen iŋi ŋabɽwaŋǝno ṯa ñagaliŋeṯo ŋope. ŋen ŋarno ñagananaiđo laŋge laŋǝno esalo ṯa alɽeṯe lǝbai lǝŋen ŋataŋa, na lǝŋen ŋǝđaneđa ŋǝlǝŋe, na ŋen iŋi ŋafo ŋakaɽǝjeini, nṯia đǝge điñǝđi naiđr laŋge laŋǝno esalo ṯa alɽeṯe lǝbai lǝŋen ŋuđǝrwaṯo ṯa aliđǝni ltǝɽe. ²⁰ ndǝ ñagafo ñagaɽo lǝbai lǝŋen ŋeicia ñagero ñagǝbendǝni ṯa ñiđi ŋen ŋuđǝrwaṯo. ²¹ ñagamǝđeinu ṯau ndǝ ñagiđu ŋen iŋi ñagawirǝwano điñǝđi? ŋen iŋi ŋamama ŋǝɽaiñ. ²² orn điñǝđi, ŋen ŋanṯa ñagëbǝrnu eŋen ŋeicia, na ñagaɽo lǝbai ɽrǝmwa ñagiđǝnu ñagatǝɽe na ñagiđi ñǝneini đamǝṯia đǝbǝɽǝbǝte. ²³ ŋen ŋanṯa đapǝɽa đǝŋen ŋeicia fǝŋu ŋǝɽaiñ orn đanaicia mǝɽǝmǝɽeñ đǝrǝmwa fǝŋu đamǝṯia đǝbǝɽǝbǝte igal masiya yesu igi gaɽo elǝŋ igëndr.

¹ lorldaiñ, ñagaijǝba ṯa al ganun yerṯo ŋǝlǝŋe egeđa ŋen gënǝŋu gamǝṯia ikǝrǝŋ ? igalwaɽǝṯa leđa ildi laliŋeṯo ŋen ŋal ganun. ² wuji gamǝnu lakasǝnu ebaŋgenga ŋenŋa ŋal ganun ŋen ebaŋgen gamǝṯo, orn ndǝ ebaŋgen gaiyo wuji gamiña igal ganun yebaŋgen. ³ nṯia ndǝ wuji gamǝnu tǝŋ ŋen ebaŋgen gamǝṯo, gënǝŋu giđ aŋënǝjǝni wuji gaɽ alaiñ. orn ndǝ ebaŋgen gaiyo, gënǝŋu gaɽ ëpi, nṯia ndǝ gamǝnu tǝŋ gënǝŋu gero gaɽ alaiñ. ⁴ nṯia cum, lorldaiñ, ñagafo ñagaɽiñǝnu eŋen ŋal ganun, ŋen ŋanṯa ñagafo egaŋǝno yal masiya ṯa ñamǝni eđaga gwomǝn na fǝŋu yesu masiya igi gatuđinu eŋǝɽaiñ ṯa ñarlde ŋǝlwa ŋen ŋanṯa rǝmwa. ⁵ ŋen ŋanṯa ndǝ lǝgafr lǝgafr eŋen ŋaŋǝno, đonaṯa đeicia iđi đeṯo igal ganun đafo đëbǝđia ŋǝmëɽria elaŋge laŋǝno isëndr, na điđǝndr ṯa alǝmr ŋǝlwa eŋen ŋǝŋǝɽaiñ ⁶ orn điñǝđi lǝgamiñǝnr eŋen ŋal ganun. lǝgaiyr eŋen iŋi ananoŋ lǝgakasǝndrau ṯa aliđr ŋǝmëɽria garno lǝbai eŋen ŋusila, na gerṯa eŋen ŋǝram iŋi ŋafo ŋǝwërđǝnu. ⁷ ŋen ŋafǝṯia, lǝgabaṯrau? al ganun yaɽo ŋen ŋeieia? ndo kwai kwai. orn gǝbanṯa al ganun yero ṯa igero igërrǝŋeinu ŋen ṯa ŋen ŋeicia ŋaɽo wande. gǝbanṯa al ganun yero yaṯa ṯa, ñerṯe ñagwonaṯa ŋen ŋeieia, ṯa igero igaliŋeṯo đonaṯa đeieia đaɽo wande. ⁸ ŋen ŋeieia ŋatođo eŋen iŋi ŋal ganun na ŋiđǝñi ṯa igafo igwonaṯa ŋen pređ iŋi ŋeicia. ndǝ al ganun yero, ŋen ŋeicia ŋaiyo. ⁹ ananoŋ ndǝ igero igaliŋeṯo ŋen ŋal ganun igafo igamǝṯia, orn ndǝ ŋen ŋal ganun ŋeṯo ŋen ŋeicia ŋatođo na igaiyo. ¹⁰ nṯia ŋen ŋal ganun iŋi ŋëɽǝnu ṯa aŋǝmame đamǝṯia, ŋǝmǝṯiñi ŋǝɽaiñ. ¹¹ ŋen ŋeieia ŋatođo eŋen ŋal ganun na ŋiđǝñi ŋađǝna nṯia igǝɽiñǝnu ŋen ŋanṯa ŋen ŋal ganun. ¹² nṯia al ganun yënǝŋu yatǝɽe na ŋen yënǝŋu yaɽwatiṯia leđa ṯa aliđi, ŋen iŋi ŋatǝɽe na ŋuđǝrwaṯo na ŋaŋǝra. ¹³ ŋen ŋafǝṯia, ŋen iŋi ŋaɽo ŋaŋǝra ŋaneinṯiñi ŋǝɽaiñ? ndo kwai kwai. orn ŋen ŋeieia ŋiđu ṯia, ṯa ŋen ŋeieia aŋǝlǝŋini ṯa ŋaɽo ŋen ŋeieia, ŋen ŋanṯa ŋen ŋeicia ŋaɽiñǝñi ŋenŋa iŋi ŋaŋǝra. ŋen ŋeieia ŋiđu ṯia ṯa ŋen aŋërrǝŋeiđǝni eŋen ŋal ganun ṯa ŋen ŋeieia ŋaɽo ŋeieia kaiñ. ¹⁴ ŋen ŋanṯa lǝgaliŋeṯr ṯa al ganun yënǝŋu yusila, orn igënǝñi igafo eŋen ŋaŋǝno, na igiliđǝnu ṯa eɽeṯe ebai gǝŋen ŋeieia. ¹⁵ đeṯam, igaber igaliŋeṯo ŋen iŋi igëbǝđia, ŋen ŋanṯa igaber igëbǝđia ŋen iŋi igwonaṯa ṯa igëbǝđia, orn igëbǝđia jaiea jaica ŋen iŋi iganeđo. ¹⁶ orn ndǝ igëbǝđia jaiea jaica ŋen iŋi igaber igwonaṯa ṯa igëbǝđia, igarreiđia ŋen ṯa al ganun yaŋǝra. ¹⁷ gerṯa igënǝñi ñiŋgi igëbǝđia ŋen iŋi orn fǝŋen ŋeicia iŋi ŋafǝñau iŋi ŋëbǝđia ṯia. ¹⁸ ŋen ŋanṯa igaliŋeṯo ṯa wagero gǝnǝŋ gaŋǝra gafǝñau egaŋǝno ilëɽǝñi kwai kwai. igwonaṯa igëbǝđia ŋen iŋi ŋaŋǝra, orn igero ŋabǝɽa ṯa igëbǝđia. ¹⁹ đeṯam, igaber igëbǝđia ŋen ŋaŋǝra iŋi igwonaṯa ṯa igëbǝđia, orn igëbǝđia ŋen ŋeicia iŋi igaber igwonaṯa ṯa igëbǝđia. ²⁰ orn, ndǝ igëbǝđia ŋen iŋi igaber igwonaṯa ṯa igëbǝđia, gerṯa fiñi igënǝñi ñiŋgi igëbǝđia ŋen iŋi, orn ŋen ŋeieia iŋi ŋafǝñau ŋëbǝđia. ²¹ nṯia igǝfiđia al ganun isi. ndǝ igwonaṯa ṯa igëbǝđia ŋen ŋaŋǝra ŋen ŋeicia ŋafǝñi nano jaica jaica. ²² igǝbaṯa ṯa al ganun yǝrǝmwa yaŋǝra eŋaṯǝɽa ŋǝlëɽǝñi, ²³ orn igaseieia al ganun yomǝn isi yëbǝđia ŋǝmëɽria egaŋǝno ilëɽǝñi, na al ganun isi yabwaiñǝđia al ganunya isi eŋaṯǝɽa ŋǝlëɽǝñi. al ganun isi yiđǝñi igëndǝnu eŋabǝɽa ŋǝŋen ŋeieia iŋi ŋëbǝđia ŋǝmëɽria egaŋǝno ilëɽǝñi. ²⁴ igaɽ eđa gađamǝnu kaiñ, na igwana kaiñ. esegi gaɽǝwađaṯa gaiñëbǝri eŋen iŋi ŋǝŋǝɽaiñ iŋi ŋafo egaŋǝno ilëɽǝñi? ²⁵ igaŋërṯu rǝmwa nano ṯa igëbǝrnu đǝge yesu al masiyaga igi gaɽ elǝŋ igëndr. nṯia eŋaṯǝɽa igaɽ ebai gal ganun yǝrǝmwa, orn egaŋǝno igaɽ ebai gǝŋen ŋeieia.

¹ ŋen ŋafǝṯia, điñǝđi đakǝme đero kwai kwai eleđa pređ ildi lafo igal masiya yesu. ² ŋen ŋanṯa ŋabǝɽa ŋusila gatǝɽe iŋi ŋananaiđia đamǝṯia igal masiya yesu ŋëbǝrǝnde igal ganun eŋen ŋeieia na eŋǝɽaiñ. ³ rǝmwa riđu ŋen iŋi al ganun yafo yero yaɽǝwađaṯa yëbǝđia ŋen ŋanṯa yafo yiđǝnu yëbia ŋenŋa iŋëndr ŋaŋǝno, ndǝ rađwaṯo iđia gǝlëɽǝŋu egaŋǝno garno aŋǝno isëndr yǝŋen ŋeieia. rǝmwa rađwaṯǝma gaɽo đǝɽǝđǝnia ŋen ŋanṯa ŋen ŋeieia, nṯia rakǝmo ŋen ŋeieia aŋǝnoiya ilëɽǝŋu, ⁴ ṯa ŋen iŋi ganun yafo yonaṯa ŋiđ aŋǝɽiñađeini inëndr lëŋgr lǝgaber lǝgafr eŋen iŋi aŋǝno yonaṯa, orn lëŋgr lǝgafr eŋen iŋi usila gatǝɽe gwonaṯa. ⁵ ŋen ŋanṯa leđa ilđi lafo eŋen ŋaŋǝno, lënǝŋulu lǝlëldǝŋǝđeinia eŋen iŋi aŋǝno yonaṯa, orn leđa ildi lafo eŋen ŋusila gatǝɽe, lënǝŋulu lǝlëldǝŋǝđeinia eŋen iŋi usila gatǝɽe gwonaṯa. ⁶ ndǝ eđa gǝnǝŋ gǝlëldǝŋǝđeinia eŋen iŋi aŋǝno yonaṯa gënǝŋu gabaiya, orn ndǝ eđa gǝnǝŋ gǝlëldǝŋǝđeinia eŋen iŋi usila gatǝɽe gwonaṯa, gënǝŋu giđ aŋǝneini đamǝṯia na đëuṯaralo. ⁷ ŋen ŋanṯa ndǝ eđa gǝnǝŋ gǝlëldǝŋǝđeinia eŋen iŋi aŋǝno yonaṯa, đeṯam gënǝŋu gafo gagea rǝmwa ŋen ŋanṯa ŋaṯǝɽa ŋǝlëɽǝŋu ŋero ŋǝbëɽǝni igal ganun irǝmwa, na đeṯam ŋaber ŋaɽǝwađaṯa ŋëbǝđia ṯia. ⁸ leđa ildi lafo eŋen ŋaŋǝno laber laɽǝwađaṯa lëbǝđia rǝmwa raŋǝra nano. ⁹ orn ñaganǝñaŋ ñagaber ñagafia eŋen ŋaŋǝno orn eŋen ŋusila gatǝɽe, ndǝ usila gǝrǝmwa gafǝndau. ndǝ eđa gero gǝberṯia usila gal masiya, gënǝŋu gerṯa gǝrǝmwa. ¹⁰ ndǝ al masiya gafǝndau aŋǝno esalo yabaiya ŋen ŋanṯa ŋen ŋeicia orn nusila enalo namǝṯia ŋen ŋanṯa rǝmwa raṯa ṯa ñaguđǝrwaṯo eŋen ŋu nëiñua. ¹¹ ndǝ usila gǝrǝmwa irri ratuđu yesu eŋǝɽaiñ gafǝndau rënǝŋu irri ratuđu al masiya yesu eŋǝɽaiñ riđ ariđi aŋǝno esalo ṯa yamǝṯia usilaga gǝlëɽǝŋu igi gafǝndau. ¹² nṯia, lorldaiñ, lǝgerṯr amǝcu orn gerṯa egaŋǝno isëndr ṯa alfeṯr eŋabǝɽa ŋaŋǝno. ¹³ ndǝ ñagamǝṯia eŋen ŋaŋǝno ñagiđi ñaiye, orn ndǝ ñagalaɽiña ŋen ŋaŋǝno usilaga gatǝɽe, ñagiđi ñamǝṯe. ¹⁴ leđa pređ ildi usila gǝrǝmwa galǝmǝndeiṯi nëiñua lënǝŋulu laɽo liđia ɽrǝmwa. ¹⁵ ŋen ŋanṯa ñagero ñaganeinu usila igi gǝlǝbai igi gǝmama ŋǝđaiña tǝŋ, orn ñaganeinu usila igi gëndiđia liđia ildi lamǝeinu egeđa garto na fǝŋu rǝmwa, na usilaga gatǝɽe lǝgurunḏǝđiar abba, fǝŋu papa. ¹⁶ usila gatǝɽe gënǝŋu lerṯo đamǝđaṯa nusilana inëndr ṯa lǝgaɽr ñere ñǝrǝmwa. ¹⁷ ndǝ lǝgaɽr ñere, lǝgaɽr eum leđa ildi lǝrraṯa elaŋge leṯen, lëndr lǝgiđr alǝrraṯr elaŋge ɽrǝmwa na lǝgiđr alǝrraṯǝrlda elaŋge yesu ŋǝla. lëndr lǝgiđr aliđr ṯia ndǝ lǝgǝɽǝbǝđiar eŋen ŋubwa ŋeieia iŋi yesu gǝneinu, ṯa lëndr alneinǝrlda ŋaɽrwa. ¹⁸ igǝnḏeicu ŋen na igǝbaṯa ṯa ŋen pređ ŋeicia ŋubwa iŋi lǝgananeinr eđamǝṯia iđi ŋaɽo wagero ŋen nano ŋǝŋaɽrwa iŋi ŋiđ aŋërrǝŋeiđǝni ṯa aŋǝndǝneinr. ¹⁹ laŋge pređ ildi liđǝnu lënǝŋulu lëɽǝđiaŋǝno laṯurṯia đërrǝŋaiđia đǝliđia ɽrǝmwa đonaṯađa kaiñ. ²⁰ ŋen ŋanṯa điđǝnia đero điđǝnu đero ŋeniano bǝɽan, orn rǝmwa raŋgiṯu ṯa ađiđǝni đero ŋeniano, ŋen ŋanṯa rënǝŋu raṯurṯia ŋen ²¹ ṯa điđǝnia đënǝŋu iđi đakasǝnu ŋenŋa iŋi ŋamǝndëđǝnia điđ ađëbǝrni, ṯa ađǝfeṯe eđǝɽǝbǝđia eŋen ŋǝđǝkasǝnia đero ñereña ñǝrǝmwa. ŋen iŋi ŋǝđǝkasǝnia đero ŋiđ aŋfeṯe ŋaɽrwaŋa. ²² ŋen ŋanṯa lǝgaliŋeṯr ṯa laŋge pređ ildi liđǝnu lafo lǝbërǝjǝnia elo ndǝm eŋen ŋubwa mǝldin điñǝđi. ²³ gerṯa fǝlaŋge ildi ikǝrǝŋ orn lëndr eum lëŋgr lǝgerṯr đǝrldia đananoŋ đusila gatǝɽe, lëndr lǝgǝbërǝjǝniar elo enare inëndr liga lǝgaṯurṯiar ŋen ṯa alǝmǝnr lǝgaɽr liđia ɽrǝmwa ŋen aŋǝno isëndr yapǝɽǝni ²⁴ ŋen ŋanṯa lǝgëbǝrnr đǝṯurṯiađa ŋen iđi. orn đǝṯurṯia ŋen iŋi lǝgaɽǝwađaṯar lǝgǝseieiar gerṯa fǝđǝṯurṯia ŋen iđi, ŋen ŋanṯa esegi gaṯurṯia ŋen iŋi gënǝŋu gaɽǝwađaṯa gaseieia ? ²⁵ orn nde lǝgǝṯurṯiar ŋen iŋi ṯa lǝgaber lǝgaɽǝwađaṯar lǝgǝseieiar đeṯam lǝgaṯurṯiar đwalađa arano. ²⁶ ŋen ŋarno ṯia eum usila gatǝɽe gǝndamǝđaṯar ŋen ŋanṯa lǝgëbiar, na ŋen ŋanṯa lǝgaijǝbar ṯa lǝgǝbeɽǝđiar rǝmwa wande, orn usila gatǝɽe gënǝŋu gwaɽwatiṯia rǝmwa ŋen ŋanṯa nëndr đërǝjǝniađa elo iđi leđa laijǝba laɽwatau. ²⁷ na gënǝŋu igi gagagwandǝđia enar inëndr gënǝŋu galiŋeṯo ŋaṯǝɽa ŋusila gatǝɽe ŋen ŋanṯa gǝbekeɽǝđia rǝmwa ŋen ŋanṯa leđa ɽrǝmwa eŋen iŋi rǝmwa ronaṯa. ²⁸ đeṯam, lǝgaliŋeṯr ṯa laŋge pređ lëbǝđia ŋǝmëɽria ldǝɽo ṯa almamǝṯe leđa ildi lubwa rǝmwara ŋen ŋaŋǝra, lënǝŋulu ildi lafo lundǝđǝnu eŋen rënǝŋu ronaṯa. ²⁹ ŋen ŋanṯa rǝmwa roṯo leđa ananoŋ pǝnde na rëɽǝlo ṯa alɽeṯe leđa ǝllëɽǝŋu ṯa aliđǝnr garno iđia gǝlëɽǝŋu đurri. rënǝŋu riđu ṯia ṯa iđia gǝlëɽǝŋu aŋǝɽeṯe goɽra gamiñaṯo lorlden pređ ildi lwaiña. ³⁰ na cum rënǝŋu rundǝđu leđa ildi rëɽǝlo. na eum rënǝŋu rëbǝđia leđa ildi rënǝŋu rundǝđǝlo ṯa aluđǝrwaṯe eŋen ŋu nëiñua. na cum rënǝŋu rananaicia leđa ildi ŋaɽrwa, lënǝŋulu ildi rënǝŋu riđǝlo luđǝrwaṯo eŋen ŋu nëiñua. ³¹ lǝgabaṯrau eŋen ŋǝlaŋge ildi? ndǝ rǝmwa lǝgafǝrlda, esegi gaɽǝwađaṯa gǝndagear? ³² ndǝ rǝmwa rero rǝbendia iđia gǝlëɽǝŋu orn ganaiđǝma ŋen ŋanṯa nëndr pređ, rënǝŋu raber riđ arǝndǝnaice laŋge pređ eum mǝɽǝmǝɽeñ iđiaga gǝlëɽǝŋu? ³³ esegi gaɽǝwađaṯa gǝsǝki leđa ildi rǝmwa roṯǝlo? fǝrǝmwa irri raṯa ṯa lënǝŋulu luđǝrwaṯo eŋen. ³⁴ esegi gaɽǝwađaṯa gǝlakǝmia? fal masiya yesu igi gaiyo orn eum igi gatuđinu eŋǝɽaiñ, điñǝđi gënǝŋu gëni gaɽaŋa nḏaŋ đaŋaieǝba đǝrǝmwa na gǝbekeɽǝđia rǝmwa kaiñ ŋen ŋanṯa nëndr. ³⁵ esegi gaɽǝwađaṯa gǝndamiñar iđubwa đal masiya? ŋen ŋinia ŋaɽǝwađaṯa? walla đwana? walla ŋen ŋubwa ŋeicia iŋi leđa lǝndǝnanaicar ? walla ŋorwaṯa? walla ndrena nero nano? walla ŋen ŋubwa ŋinia? walla đoperre? ³⁶ garno ŋen ŋǝwërđǝnu ṯa, nanda ñagaliɽǝñǝnia ëđǝñëđǝñin ŋen ŋanṯa ŋa, ñaganeinu ŋen garno yaŋala isi yafo ṯa aiyǝɽiñǝni. ³⁷ orn elaŋge ildi pređ lǝgaldǝđamar jaiea jaica ŋaɽrwaŋa gënǝŋuga igi gubwandriya. ³⁸ ŋen ŋanṯa igaburgwađeinu eŋen đǝge ṯa ŋǝɽaiñ walla đamǝṯia walla mǝlaiyǝka walla ŋǝlǝŋe walla ŋen iŋi ŋafo điñǝđi, walla ŋen iŋi ŋamǝlu ŋeṯo, walla ŋabǝɽa, ³⁹ walla ŋabǝɽa ŋelo walla ŋabǝɽa ŋiđurṯu alo, walla wagǝnǝŋ garto igi gafo giđǝnu, laŋge ildi pređ laber laɽǝwađaṯa lǝndamiñar iđubwa đǝrǝmwa iđi đërrǝŋeiđǝnu igal masiya yesu, gënǝŋu igi gaɽo elǝŋ igëndr.

¹ igǝndǝlwaɽǝṯia ŋen ŋǝđeṯam ŋen ŋanṯa igafo igal masiya. igaber igagǝbalo ŋen ŋanṯa ara gǝlëɽǝñi igi gwaɽwata đeṯam ñagamama đamǝđaṯa igusila gatǝɽe, ² ṯa igwana kaiñ na ara gǝlëɽǝñi gaiñǝsa eŋen jaica jaica, ³ ŋen ŋanṯa igwonaṯa ṯa ŋen ŋaɽǝwađaṯa aŋfeṯe ṯa yebuŋǝni, na itǝrinṯi igal masiya ŋen ŋanṯa lorldaiñ, leđa ǝllëɽǝñi egaŋǝno. ⁴ ŋen ŋanṯa lënǝŋulu laɽo leđa lisrayil. lënǝŋulu lerṯo ŋen ṯa laɽo liđia, na lerṯo ŋaɽrwa ŋǝrǝmwa, na đǝrreiđia ŋen rǝmwara, na đǝneinia đal ganun, na ŋen ŋǝđǝbuŋṯia na ŋen ŋëɽǝnu. ⁵ lënǝŋulu lerṯo eṯenanda lǝpǝnde na lënǝŋulu lalǝŋo al masiya egaŋǝno, gënǝŋu igi giđǝnu gamiñaṯo laŋge pređ eŋen pređ, na rǝmwa ramabuŋṯia bǝɽǝbǝte. amin. ⁶ orn gerṯa ŋen ŋǝrǝmwa iŋi ŋafo ŋobǝla. ŋen ŋanṯa gerṯa leđa pređ ildi lalǝŋǝnu eleđa lisrayil ildi laɽo lisrayil đurri, ⁷ na lënǝŋulu gerṯa fǝŋulu pređ laɽo liđia librayim ŋen ŋanṯa lalǝŋǝnu iŋu, orn ŋen iŋi rǝmwa rëɽu ŋaɽo ṯia, rǝmwa ralwaɽǝṯa ibrayim ṯa, liđia ǝllaɽǝŋa liđ allǝŋǝni an isag. ⁸ na fǝŋen iŋi ṯa gerṯa leđa ildi lǝlǝŋǝnu egaŋǝno an ibrayim ildi laɽo ñere ñǝrǝmwa, orn leđa ildi liđǝnu ñere ŋenŋa iŋi rǝmwa rëɽu, lënǝŋulu laɽo liđia đurri. ⁹ na fǝŋen iŋi rǝmwa rëɽu. rǝmwa raṯa ṯa, iliga ildi lëbǝɽi igiđ eɽǝbǝđe na sara giđ aŋǝlǝŋe iđia. ¹⁰ gerṯa ŋen iŋi ikǝrǝŋ orn ŋen ŋëni eum ŋǝrǝfagga igi giđǝnu gwonḏaico an ebaŋgen igi gǝbernia isag, gënǝŋu igi gaɽo đaṯa gǝpǝnde. ¹¹ ŋen ŋanṯa ŋen liđia ildi laɽo yeŋor lamǝlu lǝlǝŋǝni, ŋen lënǝŋulu lero lëbǝđia ŋen ŋǝnǝŋ ŋaŋǝra walla ŋeicia, rǝmwa riđu ŋen ṯa đëɽia đǝlëɽǝŋu ađǝfeṯe mǝldin gerṯa eŋen iŋi leđa lëbǝđia orn eŋen ŋǝđundǝđia đǝlëɽǝŋu. ¹² nṯia rǝmwa reiṯu rǝfagga ṯa, iđia goɽra giđ aŋǝđuɽǝđǝnṯia iđia gata. ¹³ garno ŋen ŋǝwërđǝnu ṯa, igafo igubwa yagubga orn iganeđo isu. ¹⁴ lǝgabaṯrau? rǝmwa rerṯo ŋen ŋǝɽiano? ndo kwai kwai. ¹⁵ ŋen ŋanṯa rënǝŋu ralwaɽǝṯa musa ṯa, igiđi yerṯe ŋabaiya eleđa pređ ildi igiđi yerṯe ŋabaiya iŋulu, na igiđi yebǝɽia leđa nano ildi igiđi yǝlǝbǝɽi nano. ¹⁶ nṯia ŋen iŋi ŋeṯo eđa nano ŋaber ŋeṯo eŋen ŋǝlaŋge gënǝŋu gǝlwonaṯa, walla eŋen ŋǝŋǝmëɽria gënǝŋu gëbǝđia orn irǝmwa irri rerṯo ŋabaiya. ¹⁷ ađam gǝrǝmwa gwalwaɽǝṯu fero ṯa, igatuđiaŋa eŋen iŋi, ṯa yërrǝŋaiđi ŋabǝɽa ŋǝlëɽǝñi eŋen iŋi lǝgerṯo na ṯa irǝŋ gǝlëɽǝñi aŋërrǝŋeiđǝni alo pređ. ¹⁸ nṯia rerṯo ŋabaiya eleđa pređ rënǝŋu rǝloṯa, na rëbǝđia leđa pređ labɽwaŋǝno enare ildi rënǝŋu rǝlwonaṯa ṯia. ¹⁹ nṯia ñaŋ ñagaiñeɽǝđia nǝñaṯa ṯa, rǝmwa rǝndǝsǝkia mǝldin ṯa ñagafo mǝnna eđa? ŋen ŋanṯa esegi gaɽǝwađaṯa gađwađa ŋen ŋǝlëɽǝŋu. ²⁰ ndo, orn maji agaɽ esegi ṯa agukuɽǝbiṯia rǝmwa eŋen? ŋaicia ŋǝđǝlata ŋaɽǝwađaṯa ŋwalwaɽǝṯa wuji igi galata ṯa, agaiñiđia ṯia eđa? ²¹ wuji igi galata gero gǝberṯia ŋabǝɽa eŋaicia, ṯa gënǝŋu gaɽǝwađaṯa gëbǝđia eŋaieia ŋuṯǝnu waŋge gaŋǝra walla waŋge geicia? ²² na ŋen ŋaɽǝṯau ndǝ rǝmwa rafo ronaṯa ṯa rabaŋaiđia đeiciano đǝlëɽǝŋu na ṯa rëbǝđia ŋabǝɽa ŋǝlëɽǝŋu ŋǝlǝŋini, orn rafo raɽiñaṯa ŋen elaŋge ildi rënǝŋu reieǝṯǝlano, lënǝŋulu ildi lađuɽeinu điñǝđi ṯa alǝmǝndëđǝni, ²³ ṯa rënǝŋu ariđi đaŋǝra kaiñ đǝŋaɽrwa ŋǝlëɽǝŋu đërrǝŋeiđǝnu ŋen ŋanṯa laŋge ildi rǝmwa rerṯǝlau ŋabaiyano ildi rënǝŋu riđǝlo lađuɽeinu pǝnde ram ṯa alënṯi đǝɽǝbǝđia eŋen ŋǝŋaɽrwa ŋǝlëɽǝŋu? ²⁴ lëndr lǝgaɽr laŋge ildi, lënǝŋulu ildi rënǝŋu rundǝđǝlo, gerṯa igal yawuḏ ikǝrǝŋ orn cum eleđa ildi gerṯa laɽ al yawuḏ. ²⁵ garno rǝmwa ralwaɽo egađam gusiya ṯa, igiđi eme leđa ildi gerṯa ǝllëɽǝñi na igiđi ilënǝei leđa ǝllëɽǝñi, na igiđi emame igi gero gubwaniya na igiđi emënǝci gubwaniya, ²⁶ na alo isi ŋen ŋwalwaɽeiniau ṯa, gerṯa ñagaɽo leđa ǝllëɽǝñi, lënǝŋulu liđ alërrǝnijǝni liđia ɽrǝmwa irri ramǝṯia. ²⁷ na eum isaiya gwaɽwata pǝlelo eŋen ŋisrayil ṯa, leđa lisrayil laɽo lwaiña larno ebe yǝđǝbarlda, orn lǝmaṯan iŋulu liđ alëbǝrni ikǝrǝŋ, ²⁸ ŋen ŋanṯa elǝŋ rǝmwa riđ ariđi đakǝme đǝlëɽǝŋu ṯǝɽom alo taltal. ²⁹ garno isaiya gaṯa tǝŋ ṯa, gǝbanṯa elǝŋ gǝlaŋge pređ gero gaŋgiṯia leđa lǝmaṯan ildi lǝlǝŋǝnu inanda, ṯa ñagafo ñagarno alo isǝḏum na ñagafo ñagiđǝnu garno alo igamura. ³⁰ nṯia lǝgabaṯrau? leđa ildi gerṯa laɽ al yawuḏ na lero lafo labapwaiña ŋen ṯa alɽeṯe luđǝrwaṯo eŋen rǝmwa nëiñua, lënǝŋulu laneinu đuđǝrwaṯa eŋen na đuđǝrwaṯa iđi eŋen rǝmwa nëiñua đafo eŋen ŋǝđonaṯa. ³¹ na leđa lisrayil ildi lalaldiña ŋen iđurṯu ŋal ganun isi yamama đuđǝrwaṯa eŋen rǝmwa nëiñua lënǝŋulu lobǝla eŋen iŋi. ³² feđa? ŋen ŋanṯa lënǝŋulu lero lalaldiña eŋen ŋǝđonaṯa orn eŋen ŋǝlaŋge lënǝŋulu liđǝlo. lënǝŋulu labëɽǝŋeinia lwandrala ildi lëbǝđia leđa labëɽǝŋeinia. ³³ garno ŋen ŋǝwërđǝnu ṯa, seicr, igëɽu lwandra alo isaiyun ildi lëbǝđia leđa labëɽǝŋeinia, lwandra ṯa alëɽǝŋaici leđa, orn eđa gero gǝnǝŋ igi gǝbendia ŋen ŋǝlëɽǝŋu ŋiđ aŋiđǝni girǝwano.

¹ lorldaiñ, ara gǝlëɽǝñi gwonaṯa ŋen kaiñ na igabekeɽǝđia rǝmwa ŋen ŋanṯa ŋulu ṯa alëbǝrni. ² ŋen ŋanṯa igǝmama đamǝđaṯa ṯa lënǝŋulu lonaṯa kaiñ lëbǝđia ŋen ŋǝrǝmwa orn gerṯa eŋen ŋǝđaliŋeṯa đǝđeṯam. ³ ŋen ŋanṯa lënǝŋulu lafo laijǝba đađ đǝrǝmwa iđi rënǝŋu rëbǝđiau leđa luđǝrwaṯo eŋen ŋu nëiñua, na lënǝŋulu likirnḏeicu ṯa lëbǝđia đađ bǝɽan, nṯia lënǝŋulu laneđo ṯa lǝneiđǝni eŋen ŋǝrǝmwa ŋuđǝrwaṯo. ⁴ ŋen ŋanṯa al masiya gamǝndađo al ganun ṯa leđa pređ ildi lëndu ŋen ŋǝlëɽǝŋu aliđǝni luđǝrwaṯo eŋen rǝmwa nëiñua. ⁵ ŋen ŋanṯa musa gaṯa ṯa, eđa gǝnǝŋ igi gëbǝđia ŋen pređ ŋuđǝrwaṯo ŋal ganun gënǝŋu giđ aŋfeṯe ŋenŋa ŋuđǝrwaṯo. ⁶ orn ŋen ŋuđǝrwaṯo iŋi ŋatođa eđonaṯa ŋaṯa ṯia ṯa, ñerṯe ñagwaɽwata enare, esegi giđ aŋabǝṯe elo? ŋen iŋi ŋaɽo ṯa aŋirǝwi al masiya. ⁷ na ñerṯe ñagwaɽwata ṯa, esegi giđ aŋirǝwǝṯi alo yoliano iđurṯu alo? ŋen iŋi ŋaɽo ṯa aŋǝtuđi al masiya eŋǝɽaiñ. ⁸ orn ŋen ŋuđǝrwaṯo iŋi ŋatođa eđonaṯa ŋaṯa ṯau? ŋen ŋǝrǝmwa ŋafǝnda nano, deṯam ŋafo ëiñua esalo na enare enalo. na fǝŋen iŋi ŋǝđonaṯa iŋi nanda ñagǝbërrǝŋaiđia. ⁹ ndǝ ñagwaɽwata ëiñuaya ṯa yesu gaɽ elǝŋ na ñagǝbendia ŋen enare ṯa rǝmwa ratuđǝma eŋǝɽaiñ ñagiđi ñëbǝrni. ¹⁰ ŋen ŋanṯa leđa lǝbendia ŋen enare nṯia liđ aliđǝni luđǝrwaṯo eŋen, na lënǝŋulu lwaɽwata ṯa lëndu ŋen ŋal masiya ëiñuaya nṯia liđ alëbǝrni. ¹¹ ŋen ŋanṯa ađam gǝrǝmwa gaṯa ṯa, eđa gero gǝnǝŋ igi gǝbendia ŋen iŋi giđ aŋiđǝni girǝwano. ¹² orn al yawuḏ na leđa gerṯa laɽ al yawuḏ laber laɽaŋa ɽetǝɽeteo ŋen ŋanṯa elǝŋ gunto gerṯo ŋǝlǝŋe iŋulu pređ, ŋen ŋanṯa gananaiđia laŋge ǝllëɽǝŋu laŋǝra kaiñ eleđa pređ ildi lamurǝndǝđia. ¹³ ŋen ŋanṯa leđa pređ ildi lurǝndǝđia igirǝŋ gelǝŋ yesu liđ alëbǝrni. ¹⁴ orn fǝṯau leđa laɽǝwađaṯa lurǝnđǝđia eđa ndǝ lero lëndu ŋen ŋǝlëɽǝŋu? na fǝṯau leđa laɽǝwađaṯa lǝbendia ŋen ŋeđa ndǝ lero lǝnna ŋen ŋǝlëɽǝŋu? na fǝṯau leđa laɽǝwađaṯa lǝnna ndǝ eđa gero gǝnǝŋ gwalwaɽǝṯǝlo ? ¹⁵ na fǝṯau leđa laɽǝwađaṯa labërrǝŋaiđia ŋen ndǝ lënǝŋulu lero lǝđweini? garno ŋen ŋǝwërđǝnu egađam gǝrǝmwa ṯa, rǝmanǝña rǝleđa ildi lǝmama ŋen ŋaŋǝra, rënǝŋulu raŋǝra kaiñ. ¹⁶ orn gerṯa leđa pređ lano ŋen ŋaŋǝra ŋal masiya. ŋen ŋanṯa isaiya gaṯa ṯa, ya elǝŋ rǝmwa, esegi gëndu ŋen iŋi ñagwalwaɽǝṯǝlo ? ¹⁷ nṯia đonaṯa đatođa ndǝ leđa lǝnna ŋen lënǝŋulu lwalwaɽǝnṯu, na leđa lǝnna đërrǝŋaiđiađa đǝŋen ŋǝrǝmwa. ¹⁸ orn igǝbeɽǝđia ṯa, lënǝŋulu lero lǝnna? ndo, lënǝŋulu lano, đeṯam ole egen gamiño alo pređ, na ŋen eŋen ŋamiño ltuŋga đǝrṯi. ¹⁹ orn igǝbeɽǝđia tǝŋ ṯa, leđa lisrayil lero laliŋeṯo? ananoŋ musa gaṯa, igëndiđia ñagaɽo đǝgiaṯa ŋen leđala ildi lero alo na lero ŋǝlǝŋe, na igëndiđia ñageieiano leđala ildi laijǝba ŋen nǝsi. ²⁰ na cum isaiya gero giđǝñalo orn gaṯa, leđa ildi llafo lero laiñǝbapwaiña lënǝŋulu lafiđiñi. igiđǝnu igǝlǝŋinu eleđa ildi lafo lero lǝbekeɽǝđia ṯa alǝñelǝŋeṯe. ²¹ orn rǝmwa raṯa eŋen ŋǝlǝđa lisrayil ṯa, igafo igagwalia raŋ eleđa ëđǝñëđǝñin ildi laneđo ṯa lǝnna ŋen ŋǝlëɽǝñi na ildi lëbǝđia ŋen enare bǝɽan.

¹ nṯia igǝbeɽǝđia ṯa, rǝmwa raneđo leđa ǝllëɽǝŋu? ndo kwai kwai. igënǝñi igaɽ eđa gisrayil, igǝlǝŋǝnu an ibrayim, igǝleđa lǝbenyamin. ² rǝmwa rero raneđo leđa ǝllëɽǝŋu ildi rënǝŋu roṯǝlo ananoŋ. ñagaijǝba ŋen iŋi ŋǝwërđǝnu egađam gǝrǝmwa eŋen ŋiliya ṯa gënǝŋu geɽǝđo rǝmwa kaiñ ŋen ŋagea leđa lisrayil? ³ iliya gaṯa, ya elǝŋ rǝmwa lënǝŋulu laɽiño al anbiya yǝlaɽǝŋa, lënǝŋulu lagero alo isi iđǝɽǝđǝnia yǝlaɽǝŋa. igaṯënu igunto na lënǝŋulu lonaṯa ṯa laiñǝɽiña. ⁴ orn rǝmwa rukuɽǝbiṯǝma eŋen ṯau? rǝmwa reiṯǝma ṯa, igëɽu leđa alǝf đenǝŋ nemiñe eɽijan ŋen ŋanṯañi, ildi lero lukwuđiñǝṯia bal alo. ⁵ ŋen ŋafo ṯia điñǝđi eum leđa lǝmaṯan laṯënu ildi luṯǝnu eŋen ŋǝđanaicia mǝɽǝmǝɽeñ đǝrǝmwa. ⁶ orn ndǝ ŋen iŋi ŋafo ŋen ŋanṯa đanaicia mǝɽǝmǝɽeñ đǝlëɽǝŋu ŋënǝŋu ŋero ŋafia eŋen iŋi lënǝŋulu liđu. gǝbanṯa ŋen iŋi ŋafo ṯia ṯa đanaicia mǝɽǝmǝɽeñ đero đaɽo đanaicia mǝɽǝmǝɽeñ. ⁷ nṯia lǝgabaṯrau? leđa lisrayil lero lafiđia ŋen iŋi lënǝŋulu labapwaiña mǝldin orn leđa ildi rǝmwa roṯǝlo lënǝŋulu laneinu. leđa laṯënu liđǝnu labɽwaŋǝno enare. ⁸ garno ŋen ŋǝwërđǝnu ṯa, rǝmwa ranaicǝlo usila igi gaɽo tǝgǝtǝg ṯa isi esen yaber aiyǝseici na ṯa nënǝñia enen anerṯe nǝnna, na ŋen ŋaɽo ṯia mǝldin điñǝđi. ⁹ na ḏawuḏ gaṯa ṯa, ŋgiṯr đǝsa eđen ađǝɽeṯe đǝbǝɽua na đar đǝbekǝndia iŋulu, na waŋge igi gǝlëɽǝŋaicia na đapǝɽa eđen. ¹⁰ ŋgiṯr isi esen aiyiđǝni irǝmiṯu ṯa lënǝŋulu alerṯe laɽǝwađaṯa lǝseiđia na ṯa lënǝŋulu aleɽǝweṯano jaiea jaiea. ¹¹ orn igǝbaṯa ṯa, lënǝŋulu lëɽǝŋeinu ṯa aliɽi? ndo kwai kwai. orn đëbǝrnia đeṯo eleđa ildi gerṯa laɽ al yawuḏ ŋen ŋanṯa leđa lisrayil lëɽǝŋeinu ṯa leđa ildi lisrayil aliđǝni laɽo đǝgiaṯa ŋen. ¹² orn ndǝ đëɽǝŋeinia eđen đamamǝṯo leđa lalo ŋen ŋaŋǝra, na đǝđama eđen đaɽo ŋen ŋaŋǝra eleđa ildi gerṯa laɽ al yawuḏ, ŋen đeṯam ŋamiñaṯo orǝba igi ṯa ŋen ŋaŋǝra ŋiđ aŋfeṯe ŋwaiña ndǝ leđa pređ ildi rǝmwa roṯǝlo igal yawuḏ liđ almeṯa nano. ¹³ đeṯam, điñǝđi igandǝlwaɽǝṯia ñaŋgi ñagǝmaṯan iŋulu ildi gerṯa laɽ al yawuḏ. ŋen ŋanṯa igwađweinu eleđa ildi gerṯa laɽ al yawuḏ, igananaicia đërrǝŋaiđia đǝŋen đǝlëɽǝñi đamia iŋulu, ¹⁴ ṯa eđađ đǝnǝŋ igiđi yiđi leđa ǝllëɽǝñi egaŋǝno ṯa laɽo đǝgiaṯa ŋen, nṯia ṯa yëbǝri lǝmaṯan iŋulu. ¹⁵ ŋen ŋanṯa ndǝ ŋen iŋi, ṯa lënǝŋulu laniđǝnu, ŋëbǝđia leđa lalo ṯa almameini rǝmwa nano, đeṯam ŋen ṯa rǝmwa ralaŋǝnṯi ŋiđ aŋǝmame đamǝṯia eŋǝɽaiñ. ¹⁶ ndǝ đǝrldia đananoŋ đatǝɽe, đǝrldia pređ điđ ađatǝɽeṯe. ndǝ urldia guɽi gatǝɽe, reṯia ratǝɽe cum. ¹⁷ ndǝ rǝmaṯan ereṯia rafo ragirnu egworǝb, na ñaŋ ñaŋgi ñagaɽo uɽi gǝbërni seṯun igi geicia ñagafo ñagakađǝnu ereṯia đurri egworǝb, na ñagiđǝnu ṯa ñagǝṯialda ŋaɽa ŋurldia guɽi, ¹⁸ ñerṯe ñagëmmia bǝɽan mǝldin ñagagea reṯia đurri, na ndǝ ñagëminia bǝɽan lëldǝŋǝđeinr eŋen ṯa gerṯa agamǝcia urldia orn urldia gǝndamǝcia. ¹⁹ orn ñagiđi ñaṯa ṯa, reṯia ragirnu egworǝb ṯa nanda ñakađǝni ereṯia egworǝb. ²⁰ ŋen ŋëpi. rënǝŋulu ragirnu egworǝb ŋen ŋanṯa rënǝŋulu rero rǝbendia ŋen ŋǝrǝmwa, na điñǝđi ñagađuru đonaṯađa eđalo. ñerṯe ñaginia enare orn đǝñiṯr ²¹ ŋen ŋanṯa nd rǝmwa rero raŋgiṯia reṯia đurri rënǝŋu raber randǝŋgiṯi kwai kwai. ²² ŋen ŋafǝṯia seicr ŋen ŋaŋǝra na ŋen ŋinia ŋǝrǝmwa. rënǝŋu rerṯo ŋen ŋinia eleđa ildi liɽu, orn rerṯo ŋen ŋaŋǝra eñaŋ ndǝ ñagafafia jaiea jaica ŋenŋa ŋaŋǝra ŋǝlëɽǝŋu. ndǝ ñagaber ñagafia ŋenŋa ŋaŋǝra ŋǝlëɽǝŋu ñaŋ cum ñagiđi ñagǝleini alo egworǝb. ²³ na lënǝŋulu cum ndǝ laber laɽaŋa mǝldin eŋen eŋen ṯa laneđa lǝbendia ŋen ŋǝrǝmwa lënǝŋulu cum liđ alkađǝni egworǝb, ŋen ŋanṯa rǝmwa raɽǝwađaṯa ralakađa tǝŋ egworǝb. ²⁴ ŋen ŋanṯa ndǝ ñaŋ ñagagǝleinu alo iguɽi gǝberni seṯun igi geicia na ñagakađǝnu iguɽi gǝberni seṯun igi gaŋǝra eŋen iŋi ŋafo ŋagea ŋen ŋëɽǝnu ananoŋ, ŋen đeṯam ŋamiñaṯa orǝba igi kaiñ ṯa reṯia đurri raɽǝwađaṯa rakađǝm iguɽi egen. ²⁵ ṯa ñerṯe ñaginia enare bǝɽan igaber igwonaṯa ṯa ñagaijǝba, lorldaiñ, ŋen ŋǝŋamǝɽa iŋi ŋërrǝŋeiđǝnu, ṯa leđa lisrayil laɽo tǝgǝtǝg ŋen leđa ild gerṯa laɽ al yawuḏ ildi loṯǝnu leṯo rǝmwa nano ikǝrǝŋ, ²⁶ nṯia eđađ iđi leđa pređ lisrayil liđ alëbǝrni, garno ŋen ŋǝwërđǝnu ṯa, eđa igi gaɽo đëbǝria giđ aŋela alo isaiyun na giđ aŋgeici ŋen pređ iŋi gerṯa ŋǝrǝmwa eleđa lǝyagub. ²⁷ na fǝđarreiđia eŋen đǝlëɽǝñi iđi ñagiđi ñiđi, liga igiđi eŋgeici ŋen eŋen ŋeicia. ²⁸ eŋen ŋǝŋen ŋaŋǝra ŋal masiya al yawuḏ yaɽo yagea rǝmwa ŋen ŋanṯa ñaŋ, orn eŋen ŋǝđoṯa đǝrǝmwa yënǝŋulu yaɽo leđa ildi rënǝŋu rubwaliya ŋen ŋanṯa eṯenanda lǝpǝnde. ²⁹ ŋen ŋanṯa đanaicia mǝɽǝmǝɽeñ na đundǝđia ɽrǝmwa, lënǝŋulu laber lamǝlëđǝni kwai kwai. ³⁰ ŋen ŋanṯa garno ananoŋ ñaganeđo ṯa ñagǝnna ŋen ŋǝrǝmwa, orn điñǝđi rǝmwa ragiaṯǝnde ŋabaiya nano ŋen ŋanṯa al yawuḏ yaneđo ṯa yǝnna, ³¹ nṯia cum điñǝđi yënǝŋulu yaneđo ṯa yǝnna ŋen ŋanṯa ñagagieinu ŋabaiya nano, ṯa yënǝŋulu cum aiyǝgieini ŋabaiya nano điñǝđi. ³² ŋen ŋanṯa rǝmwa rëndu leđa pređ eŋen ṯa laneđo lǝnna, ṯa rënǝŋu arǝlgieiei ŋabaiya nano pređ. ³³ esegi gaɽǝwađaṯa galiŋeṯo đoliano đǝlaŋge laŋǝra ɽrǝmwa na đaliŋeṯa ŋen nǝsi đǝlëɽǝŋu na đaliŋeṯa đǝlëɽǝŋu? esegi gaɽǝwađaṯa gagagwanda đakǝme đǝlëɽǝŋu na esegi gaɽǝwađaṯa gafiđia rađ rǝlëɽǝŋu irri rënǝŋu rëbǝđiau ŋen ŋǝlëɽǝŋu? ³⁴ esegi galiŋeṯo ŋaṯǝɽa ŋelǝŋ rǝmwa? walla esegi gërrǝŋaieǝma ŋen? ³⁵ walla esegi ganaieo rǝmwa wagǝnǝŋ, ṯa rǝmwa aramuɽǝbiṯi đapǝɽa ŋen ŋanṯa wagi? ³⁶ ŋen ŋanṯa laŋge pređ leṯo iŋu, na laŋge pređ lamǝṯia ŋuga, na laŋge pređ lafo ŋen ŋanṯaŋu. igǝbeɽǝđia ṯa rǝmwa arǝnaneini ŋaɽrwa bǝɽǝbǝte. amin.

¹ ŋen ŋafǝṯia, lorldaiñ, igǝndeɽǝđia kaiñ eŋen ŋǝŋabaiya iŋi rǝmwa ragieicǝnde nano, ṯa ñanaiđe aŋǝno esalo đǝge yëɽǝnṯu rǝmwa garno aŋǝno yaneiđǝnu ŋen ŋanṯa đǝɽǝđǝnia, orn ñagamǝṯia ñaganǝñaŋ, na ŋen iŋi ŋëbǝđia rǝmwa raŋǝra nano. feŋen iŋi ŋaɽo ŋǝmëɽria ŋope iŋi ñagǝbiṯia. ² ñerṯe ñagafia eŋen ŋalo isi mǝldin, orn mǝlëđǝnr ŋenŋa ṯa ñagëbǝđia ŋaṯǝɽa eŋalo ŋǝmaijǝn ṯa ñafiđi na ñateṯe ŋen rǝmwa ronaṯa. ŋen iŋi rǝmwa ronaṯa ŋaŋǝra na ŋaŋǝnǝṯu na ŋǝɽiñǝđeinu. ³ điñǝđi igǝndǝlwaɽǝṯia ñaŋ pređ đanaieiađa mǝɽǝmǝɽeñ iđi rǝmwa ranaicǝñi, ñerṯe ñaginia enare, orn aṯr eŋaṯǝɽa eŋen eŋalo đaliŋeṯađa ŋen nǝsi eŋen ŋǝđonaṯa iđi rënǝŋu ranaieǝnde. ⁴ ŋen ŋanṯa garno lǝgerṯr laŋge lwaiña egaŋǝno isëndr, na lënǝŋulu lerṯo ŋǝmëɽria ɽetǝɽeteo, ⁵ nṯia cum nëndr lǝgaɽr lǝgwaiñar, orn lǝgaɽr aŋǝno yento igal masiya na eđa gwomǝn geđa gwomǝn. ⁶ lǝgerṯr đanaieia ɽetǝɽeteo eŋen ŋǝđanaicia mǝɽǝmǝɽeñ iđi rǝmwa ranaicǝndr. ndǝ eđa gǝnǝŋ gerṯo đanaicia ṯa gwaɽwatiṯia leđa ŋen ŋǝrǝmwa ŋgiṯǝmar aŋǝɽwatiṯi leđa eŋen ŋǝđonaṯa gënǝŋu gerṯo ndǝ đǝtefr walla đwaiña. ⁷ walla ndǝ eđa gǝnǝŋ gerṯo đanaicia ṯa gëbiṯia leđa ŋǝmëɽria, ŋgiṯǝmar aŋiđi ṯia. walla ndǝ eđa gerṯo đanaicia ṯa gabërrǝŋaicia leđa ŋen, ŋgiṯǝmar aŋiđi ṯia. ⁸ walla ndǝ eđa gerṯo đanaicia ṯa gwonḏǝca leđa, ŋgiṯǝmar aŋiđi ṯia. walla ndǝ eđa gerṯo đanaicia ṯa gananaiđia gǝrus, ŋgiṯǝmar aŋaliŋeṯe đǝño. walla ndǝ eđa gerṯo đanaicia ṯa gaɽ elǝŋ, ŋgiṯǝmar aŋarǝmoṯe ŋen ŋelǝŋ ŋope. walla ndǝ eđa gerṯo đanaicia ṯa gagieicia leđa ŋabaiya nano, ŋgiṯǝmar aŋiđi ṯia đaŋǝrađa nano. ⁹ ŋgiṯr đubwiđia eđalo ađǝfeṯe đero ŋeniano ŋiɽijan. neđr ŋen ŋeicia. orn ekëndr kaiñ ŋen iŋi ŋaŋǝra. ¹⁰ bwiṯr lorldalala iđubwiđia. nanaicr leđa lwomǝn đamia đamiñaṯa đamia ñaganeini bǝɽan. ¹¹ ñerṯe ñagaiñǝlaŋǝno kwai kwai iđiđia đǝŋen. ɽeṯr garno ŋawa ŋupǝnu iŋi ŋakaborṯa elo usilaga gatǝɽe. iṯr elǝŋ rǝmwa ŋǝmëɽria jaiea jaiea. ¹² ŋǝreṯr nano jaica jaica eŋen iŋi ñagauṯurṯia. ɽiñaṯar ŋen jaiea jaica ndǝ ñaganeini ŋen ŋubwa ŋeicia. ekeɽǝđr rǝmwa kaiñ eŋen. ¹³ nanaicr leđa ltǝɽe ɽrǝmwa laŋge ildi laɽo đeṯam iŋulu, na ërrǝnicr leđa laijǝbaṯo eneɽa enalo jaica jaica. ¹⁴ abuŋṯr leđa jaica jaica ildi lǝndǝnanaicia ŋen ŋubwa ŋeicia. abuŋṯǝlo na ñerṯe ñalabuŋa tǝŋ. ¹⁵ ŋǝreṯr nano leđala ildi laŋǝra nano na arr ŋwal leđala ildi labara. ¹⁶ erṯr ŋen ŋunto elorldalo. ñerṯe ñagǝbeinia elo eŋaṯǝɽa tǝŋ, orn ɽaŋr leđala ildi lǝrra enare. ñerṯe ñagëminia bǝɽan tǝŋ. ¹⁷ ñerṯe ñagukuɽǝbiṯia leđa ŋen ŋeieia tǝŋ ildi lǝndǝnanaieia ŋen ŋeicia. rǝmoṯr ṯa ŋen pređ eŋalo ŋuđǝrwaṯo leđa pređ nëiñua. ¹⁸ ndǝ ŋen ŋaɽǝwađaṯa aŋfeṯe ṯia, ɽaŋr leđala pređ iđëuṯaralo, ŋen ŋarno ñagaɽǝwađaṯa. ¹⁹ ya leđa lubwaniya, ñerṯe ñagǝrria ŋen orǝba ŋeieia, orn ŋgiṯr ŋen ŋeicia ŋen ŋanṯa đeiciano đǝrǝmwa, ŋen ŋanṯa ŋen ŋǝwërđǝnu ṯa, elǝŋ rǝmwa raṯa ṯa, đǝrria ŋen orǝba ŋeieia đaɽo đǝlëɽǝñi, igënǝñi igiđ yukuɽǝbiṯi leđa leicia đapǝɽa. ²⁰ orn ndǝ eđa igi gageande gaicoiña naicǝmar ŋǝsa. ndǝ aŋal garrǝma naicǝmar ŋawa ṯa aŋǝṯi. ndǝ ñagëbǝđia ṯia ñagamiđia girǝwano. ²¹ ñerṯe ñagađamǝnu ŋenŋa ŋeieia tǝŋ, orn đamr ŋen ŋeieia ŋenŋa ŋaŋǝra.

¹ nanaicr leđa ntam enalo ildi lerṯo ŋǝlǝŋe, ŋen ŋanṯa eđa gero gǝnǝŋ gerṯo ŋǝlǝŋe illi ndǝ rǝmwa ramaŋgiṯia ṯia. leđa ildi lerṯo ŋǝlǝŋe điñǝđi rǝmwa rëɽǝlo, ² nṯia eđa gǝnǝŋ igi ganeđo leđa ildi lerṯo ŋǝlǝŋe gënǝŋu gëɽǝnu gagea ŋen iŋi rǝmwa rëɽu, na leđa ildi lëɽǝnu lageama, lënǝŋulu liđ alakǝmǝni. ³ ŋen ŋanṯa nǝlǝŋ naber niđǝñia eđa alo igi gëbǝđia ŋen ŋaŋǝra orn nënǝŋulu niđǝñia eđa alo igi gëbǝđia ŋen ŋeicia. ñagwonaṯa ṯa ñagaber ñagiđǝña elǝŋ? iđr ŋen ŋope ṯia ñagiđi ñaneini đamia iŋu. ⁴ ŋen ŋanṯa elǝŋ gǝđuɽǝđǝnṯia rǝmwa ṯa aŋǝndǝnaiee ŋen ŋaŋǝra. orn ndǝ ñagëbǝđia ŋen ŋeicia điñiṯǝmar ŋen ŋanṯa gënǝŋu gaber gaberṯia đoperre nano mǝɽǝmǝɽeñ. đeṯam gënǝŋu gǝđuɽǝđǝnṯia rǝmwa ṯa aŋakǝme leđa ildi lëbǝđia ŋen ŋeicia. ⁵ ŋen ŋafǝṯia đeṯam ṯa ñagǝnna ŋen ŋǝnǝlǝŋ, gerṯa ṯa ñerṯe ñagakǝmǝni ikǝrǝŋ, orn eum ŋen ŋanṯa nare naɽwata đeṯam. ⁶ nṯia ñagananaiđia ṯulba, ŋen ŋanṯa nǝlǝŋ nǝđuɽǝđǝnṯia rǝmwa na nënǝŋulu nëbǝđia ŋen iŋi ŋope. ⁷ naicǝrldo laŋge pređ ildi laɽo đeṯam. naicr eđa ṯulba igi gaṯǝmeicia ṯulba. điñiṯr eđa igi ŋen đeṯam ṯa ñamëđǝñiṯia. naicr leđa đamia ilđi ŋen đeṯam ṯa lënǝŋulu lananeini đamia. ⁸ ñerṯe ñagaberṯia amǝeu tǝŋ egeđa gǝnǝŋ, illi amǝcu igi gaɽo ŋen ṯa ñaiyubwiđia, ŋen ŋanṯa eđa igi gubwa leđala ɽrǝto gënǝŋu gabǝɽenḏeṯo ŋen ŋal ganun. ⁹ ŋen ŋanṯa ŋen ŋal ganun iŋi ŋaɽo ṯa, ŋerṯe agaɽaŋa lijila ɽrǝto, na ŋerṯe agaɽiñǝđia, na ŋerṯe agalaldǝbǝea, na ŋerṯe agwonaṯa laŋge lǝleđa ɽrǝto na ŋen ŋǝnǝŋ ŋwomǝn ŋal ganun, ŋen iŋi pređ ŋarreiđǝnu eŋen iŋi ŋunto, bwiṯu eđaga igi gaɽ ëuwǝr ilaɽǝŋa garno etam gǝlaɽǝŋa. ¹⁰ ndǝ ñagubwa leđala ildi laɽ ëuwǝr, ñagaber ñagiđi ñalnaiee ŋen ŋeieia kwai kwai. ŋen ŋafǝṯia đubwa đabǝɽenḏeṯa ŋen ŋal ganun ṯǝɽom. ¹¹ iđr ŋen iŋi điñǝđi kaiñ, ŋen ŋanṯa ñagaliŋeṯo ṯa liga lafo điñǝđi ilđi đeṯam ṯa ñagatođau iŋuriđ ŋen ŋanṯa đëbǝri eđalo đafo ṯwaiñ điñǝđi đamiñaṯo liga ildi ñagëndiau ŋen ŋǝrǝmwa ananoŋ. ¹² ulǝŋgi gafo ṯwaiñ giđ aŋǝmǝndëđǝni, na ëđǝñin yafo ṯwaiñ yiđ aiyela. nṯia alǝŋgeier ŋen ŋǝŋǝrǝmi na alëɽǝnr erena nano guriđa igi garrerre. ¹³ alfeṯr eŋen ŋope ŋen ŋarno leđa larrerre. alerṯr lǝgǝberldar eŋen ŋamǝđia walla iđǝramǝɽua walla eđaɽaŋa lijila ɽrǝto walla eŋen ŋǝđeieia ŋǝɽwa walla eđǝgerđe walla eđǝgiaṯa eŋen. ¹⁴ orn ëɽǝnr elǝŋ yesu masiya nano na ñerṯe ñagǝbǝɽenḏeṯa đonaṯa đeicia đaŋǝno esalo tǝŋ.

¹ aŋǝnṯr leđa iđǝɽǝbǝđia eđalo eŋen ildi lëbia eđonaṯa na ñerṯe ñagwaɽwata an leđa ildi ŋen ñagagealo, ŋen ŋanṯa ŋen lënǝŋulu lëndu. ² eđa gǝnǝŋ gǝbendia ŋen ṯa gënǝŋu gaɽǝwađaṯa gasa laŋge pređ, orn eđa gwomǝn igi gëbia gaber gasa eđe. ³ ñerṯe ñaŋgiṯi eđa igi gasa laŋge ṯa gađamǝca eđa eŋen igi gaber gasa laŋge, na ñerṯe ñaŋgiṯi eđa igi gaber gasa laŋge ṯa ganeđa eđa igi gasa laŋge, ŋen ŋanṯa rǝmwa raŋǝnṯǝma. ⁴ agaɽ esegi ṯa agasǝkia eđa igi gǝđuɽǝđǝnṯia eđa garto? fǝŋen iŋi ŋelǝŋ gǝlëɽǝŋu ndǝ gënǝŋu gađǝrwa walla gëbǝɽi. đeṯam, gënǝŋu giđ aŋǝđuri ŋen ŋanṯa elǝŋ rǝmwa rerṯo ŋabǝɽa ṯa rëmiđia gađǝru. ⁵ eđa gǝnǝŋ gǝbaṯa ṯa loman ǝlnǝŋ linia lamiñaṯo loman lwomǝn, orn eđa gwomǝn gǝbaṯa ṯa ñoman pređ ñaɽǝwaṯo. ŋgiṯr leđa pređ allǝŋeṯe alaldǝŋeṯe ŋen eŋaṯǝɽa eŋen. ⁶ eđa igi garǝmoṯwa ŋen ŋǝloman ǝlnǝŋ garǝmoṯwa ŋen ŋanṯa elǝŋ rǝmwa. eđa cum igi gasa laŋge pređ, gënǝŋu gëbǝdia ṯia ŋen ŋanṯa elǝŋ rǝmwa, ŋen ŋanṯa gënǝŋu gaŋërṯu rǝmwa nano. eđa igi ganeđa ṯa gasa laŋge pređ gënǝŋu gëbǝđia ṯia ŋen ŋanṯa elǝŋ rǝmwa cum na gaŋërṯu rǝmwa nano. ⁷ ŋen ŋanṯa eđa gero gǝnǝŋ gaɽǝwađaṯa gamǝṯia eŋen ŋǝlëɽǝŋu alǝsoŋ, na eđa gero gǝnǝŋ gaɽǝwađaṯa gǝbaiya eŋen ŋǝlëɽǝŋu alǝsoŋ. ⁸ ndǝ lǝgamǝṯiar, đeṯam lǝgamǝṯiar eŋen ŋelǝŋ yesu walla ndǝ lǝgǝbaiyar, đeṯam lǝgabaiyar eŋen ŋelǝŋ yesu. nṯia ndǝ lǝgamǝṯiar walla lǝgǝbaiyar lǝgelǝŋǝr yesu. ⁹ ŋen ŋanṯa al masiya gaiyo orn gamǝṯo tǝŋ ŋen ŋanṯa ŋen iŋi, ṯa gënǝŋu aŋǝɽeṯe elǝŋ gǝleđa ildi lamǝṯia na gǝleđa cum ildi laiyo. ¹⁰ orn ñagwaɽwata ŋen ŋagea oralo eđa? walla ñagađa-mǝcǝma eŋen eđa? đeṯam lëndr pređ lǝgiđr alfeṯr rǝmwa nëiñua ṯa alinḏeinr, ¹¹ ŋen ŋanṯa ŋen ŋǝwërđǝnu ṯa elǝŋ yesu gaṯa ṯa, ŋen ŋaɽo đeṯam garno ŋen ṯa igamǝṯia, ṯa ndria pređ niđi anǝñukwuđiñǝṯialo ñi nëiñua na raŋǝla pređ riđ arǝɽwate ṯa đeṯam igaɽo rǝmwa. ¹² nṯia ŋen đeṯam ṯa lëndr pređ lǝgiđr aluɽǝbiṯr rǝmwa ŋen iŋi lǝgiđr. ¹³ nṯia alerṯr lǝgwaɽwatar ŋen ŋaɽo đǝgea lorǝba. orn aɽrǝmoṯr ŋen ṯa alerṯr ŋen iŋi ŋëbǝđia orǝba gǝnǝŋ ṯa gǝbëɽǝŋeinia walla ŋen garno đǝbǝɽua ṯa ađǝmafe. ¹⁴ igaliŋeṯo na igaburgwađeinu egelǝŋ yesu ṯa ŋen ŋero ŋǝnǝŋ ŋǝtaŋa bǝɽan, orn ŋen ŋaɽo đǝtaŋa egeđa igi gaṯa ṯa ŋen iŋi ŋǝtaŋa. ¹⁵ ŋen ŋanṯa ndǝ oralo gađamǝnu ŋen ŋanṯa ŋǝsa iŋi ñagasa, ñagaber ñagaɽaŋa eŋen ŋǝđubwiđia. ñerṯe ñagëbǝđia eđa geicia ŋǝsaŋa eŋalo, igi al masiya gaiyǝṯǝma. ¹⁶ ñerṯe ñagëbǝđia wagǝnǝŋ igi leđa laɽǝwađaṯau lǝbaṯa ṯa ŋen eŋalo iŋi ŋaŋǝra ŋaɽo ŋeicia. ¹⁷ ŋen ŋanṯa ŋǝlǝŋe ŋǝrǝmwa ŋaber ŋafia eŋen ŋǝlaŋge lǝgǝldǝsar walla lǝgǝlṯiar orn iđiđia đǝŋen ŋaŋǝra na iđëuṯaralo na iđaŋǝra nano igusila gatǝɽe. ¹⁸ eđa igi gǝđuɽǝđǝnṯia al masiya ṯia, gënǝŋu gëbǝđia rǝmwa raŋǝra nano na leđa lamaŋǝnṯia. ¹⁹ ŋen ŋafǝṯia albapwaiñar laŋge ildi lǝmama đëuṯaralo na ildi labakaɽǝjaieia lorǝba eŋen. ²⁰ ñerṯe ñagagera ŋǝmëɽria ŋǝrǝmwa ŋen ŋanṯa ŋǝsa. laŋge pređ ltǝɽe orn ŋen ŋafo mǝnna ndǝ eđa gasa waŋge ndǝ ŋen iŋi ŋëbǝđia eđa gwomǝn gǝbëɽǝŋeinia. ²¹ fǝŋen iŋi ŋope ṯa ñagëbǝđia, ṯa ñagaber ñagasa eđe na ñagaber ñagǝṯia ŋuɽu na ñagaber ñagëbǝđia wagǝnǝŋ tǝŋ igi gëbǝđia oralo gǝbëɽǝŋeinia. ²² đonaṯa iđi ñagerṯo, erṯr entam enalo rǝmwa nëmua. eđa igi gaber gaɽǝwađaṯa gǝsǝkini bǝɽan ṯa giđu waŋge gënǝŋu gaṯa gaŋǝra, gënǝŋu gaŋǝra nano. ²³ orn eđa igi gǝɽǝbǝđia nara eŋen ŋǝlaŋge gënǝŋu gǝlǝsa, ndǝ gǝlǝsa gënǝŋu gakǝmǝnu bǝɽan đǝge ŋen ŋanṯa gero gateṯa đonaṯa đǝlëɽǝŋu. ŋen pređ iŋi ŋero ŋafo iđonaṯa ŋënǝŋu ŋeicia.

¹ ŋen đeṯam inanda ñaŋgi ñagwonḏǝṯo ṯa ñagaɽiñaṯa ŋen ŋëbia ŋǝleđa lëbia na ṯa ñagaber ñaŋǝrinia nano bǝɽan. ² ŋen đeṯam ṯa lëndr pređ lǝgëbǝđiar leđa laɽ ëuwǝr laŋǝra nano ṯa ŋen ŋaŋǝra aŋǝleṯa nano na ṯa alǝbakeɽǝjeini eŋen. ³ đeṯam, al masiya gero gaŋǝrinia nano bǝɽan, orn garno ŋen ŋǝwërđǝnu ṯa, đǝđamǝca eŋen đǝleđa ildi lǝđamǝcaŋa eŋen điɽǝṯiñi nano. ⁴ ŋen ŋanṯa ŋen pređ iŋi ŋǝwërđǝnu pǝnde, ŋǝwërđǝnu ṯa ŋǝndërrǝŋaiciar ŋen, ṯa đwalađa arano na đonḏeiciađa iđi ađam gǝrǝmwa gǝndanaicar lëndr alëndr kaiñ ŋen iŋi lǝgauṯurṯiar. ⁵ igǝbeɽǝđia ṯa rǝmwa irri rananaieia leđa đwalarano na đonḏǝṯa, rënǝŋu arǝndǝnaice ŋen ŋunto ldǝɽo eŋen ŋal masiya yesu, ⁶ ṯa ñananaiee rǝmwa ŋaɽrwa ŋenŋa ŋunto na ëiñuaya yunto, rënǝŋu irri raɽo eṯen gelǝŋ igëndr, yesu masiya. ⁷ ŋen ŋafǝṯia, aŋǝnṯr lorldalanda iđǝɽǝbǝđia eŋen, garno al masiya cum gaŋǝnṯǝndr egǝtam gǝlëɽǝŋu ṯa rǝmwa arǝnaneini ŋaɽrwa. ⁸ đeṯam, igǝndǝlwaɽǝṯia ṯa al masiya gaɽo eđa igi gǝđuɽǝđǝnṯu leđa ildi luɽǝđǝnu ṯa ŋen aŋërrǝŋeiđǝni ṯa rǝmwa raɽo đeṯam, na ṯa aŋëndi ŋen alo iŋi rǝmwa rëɽu ŋen ŋanṯa đaṯanđa lǝpǝnde, ⁹ na ṯa leđa ildi gerṯa laɽ al yawuḏ alnaice rǝmwa ŋaɽrwa ŋen ŋanṯa ŋabaiya ŋǝlëɽǝŋu, garno ŋen ŋǝwërđǝnu ṯa, ŋen ŋanṯa ŋen iŋi igaŋërṯiaŋa nano eleđa ildi gerṯa laɽ al yawuḏ na igiđi yalǝŋiṯi irǝŋ gǝlaɽǝŋa. ¹⁰ na ŋen ŋǝwërđǝnu eum ṯa, ŋǝreṯr nano, ya leđa ildi gerṯa laɽ al yawuḏ, leđala ɽrǝmwa. ¹¹ na ŋen ŋǝwërđǝnu tǝŋ ṯa, naicr elǝŋ rǝmwa đamia ñaŋ ñaŋgi gerṯa ñagaɽ al yawuḏ. đeṯam ŋgiṯr leđa pređ alalǝŋe nṯia alǝmanaice đamia. ¹² na tǝŋ cum isaiya gaṯa ṯa, iđia gǝyassi giđ aŋela, gënǝŋu igi giđ aŋǝtođe ṯa aŋǝɽeṯe elǝŋ gǝleđa ilđi gerṯa laɽ al yawuḏ, na lënǝŋulu liđ alëɽi ŋen iŋu, iŋi lënǝŋulu liđ alauṯurṯi. ¹³ igǝbeɽǝđia ṯa rǝmwa irri rananaiđia ŋen ŋaŋǝra iŋi leđa lauṯurṯia, rënǝŋu arǝndonḏǝjaice đaŋǝrađa nano pređ, na đeuṯaralo ŋen ŋanṯa ñagëndu ŋen ŋǝlëɽǝŋu, ṯa ñakaborṯe elo enare ŋenŋa iŋi ñagauṯurṯia ŋabǝɽaŋa ŋusila gatǝɽe. ¹⁴ igënǝñi igaburgwađeinu eŋen eŋalo, lorldaiñ, ṯa ñaganǝñaŋ pređ ñagwunḏeinu ŋenŋa ŋaŋǝra, na đaliŋeṯađa na ṯa ñagaɽǝwađaṯa ñagǝbërrǝŋaicia lorldalanda ŋen. ¹⁵ orn ṯa endǝlëldǝŋǝđaici eŋen, igǝwërđǝṯǝnde đonḏǝṯađa eŋen ŋǝmaṯan ŋen ŋanṯa đanaicia mǝɽǝmǝɽeñ iđi rǝmwa ranaicǝñi, ¹⁶ liga rënǝŋu riđǝñi ṯa igaɽ eđa igi gǝđuɽǝđǝnṯia al masiya yesu eleđa ildi gerṯa laɽ al yawuḏ eŋǝmëɽria ŋatǝɽe ŋǝŋen ŋaŋǝra ŋǝrǝmwa, ṯa rǝmwa riđ araŋǝnṯi đanaiđia iđi igamanaicia iđi đaɽo leđa ildi gerṯa laɽ al yawuḏ, ŋen ŋanṯa đǝnaiđia iđi điđǝnu đatǝɽe usilaga gatǝɽe. ¹⁷ nṯia igëminia igal masiya yesu ŋen ŋanṯa laŋge ildi rǝmwa riđǝlo ñiga. ¹⁸ ŋen ŋanṯa igaber igiđ elwaɽe eŋen ŋǝnǝŋ illi eŋen ŋǝlaŋge al masiya giđǝlo ñiga ndǝ gënǝŋu giđu leđa ildi gerṯa laɽ al yawuḏ ṯa lǝnna ŋen ŋǝlëɽǝŋu, ŋenŋa na ŋǝmëɽriaŋa, ¹⁹ na ŋabǝɽaŋa ŋǝŋamǝla na ŋaŋwara na ŋabǝɽaŋa ŋusila gatǝɽe. igabǝɽenḏeṯo đwaɽwata đǝŋen ŋaŋǝra ŋǝrǝmwa alo pređ, alo yursalim nerǝmaṯe alo ilirikun. ²⁰ eŋen iŋi, igafo igwonaṯa jaiea jaiea ṯa igwaɽwata ŋen ŋaŋǝra ŋǝrǝmwa alo isi irǝŋ gal masiya gero gwalwaɽǝnṯiau, ṯa yerṯe igabǝđaṯa nađuna isi eđa gwomǝn giđu, ²¹ orn garno ŋen ŋǝwërđǝnu ṯa, leđa ildi lero lalwaɽǝnṯia ŋen ŋǝlëɽǝŋu lënǝŋulu liđ alǝseiđi, na leđa ildi lero lǝnna ŋen iŋu lënǝŋulu liđ allǝŋeṯe. ²² fǝŋen iŋi iguɽǝbǝđǝnu ṯa igeṯǝnde nano ñoman ñwaiña. ²³ orn điñǝđi alo yero yǝṯënu ŋen ŋanṯañi ṯwaiñ ëli, na inṯǝli nwaiña igafo igwonaṯa ṯa igeṯǝnde nano, ²⁴ ndǝ igabǝṯa alo yasbaniya. nṯia igwonaṯa ṯa igǝndeṯa nano ndǝ igabǝla tu na ndǝ lǝgaɽaŋar đaŋǝrađa nano iliga lobǝla, ṯa ñaiñamǝđaṯe eđađ. ²⁵ orn điñǝđi igafo eđađ na igabǝṯa alo yursalim ṯa emađaṯe leđa ɽrǝmwa. ²⁶ ŋen ŋanṯa leđa lalo imakṯunia na lalo yakaiya laŋǝra nano ŋen ŋanṯa lënǝŋulu lafo laɽǝwađaṯa lamǝđaṯa leđa gǝrusya ildi laɽo ŋabaiyaŋǝno eleđa ɽrǝmwa alo yursalim. ²⁷ đeṯam lënǝŋulu lafo laŋǝra nano kaiñ ŋen ŋanṯa laɽǝwađaṯa lëbǝđia ṯia, na lerṯo amǝeu eleđa lalo yursalim. ŋen ŋanṯa ndǝ leđa ildi gerṯa laɽ al yawuḏ lënṯu iđǝɽǝbǝđia đal yawuḏ eŋen ŋǝđǝbuŋṯia đusila, ŋen đeṯam ṯa lënǝŋulu aldamǝđaṯe elaŋge ildi laɽo đeṯam ṯa yënǝŋulu yamǝṯia. ²⁸ nṯia ndǝ igabǝɽenḏeṯo ŋen iŋi na igaliŋeṯo ŋen iŋi ŋatođa iđanaieia ŋen ŋanṯa ŋulu igiđi yendeṯa nano orn igiđi endumiñe yeɽe alo yasbamya. ²⁹ igaliŋeṯo đǝge ṯa ndǝ igǝndeṯa nano igiđi yela đǝbuŋṯiađa pređ đǝrǝmwa. ³⁰ điñǝđi igǝndeɽǝđia, lorldaiñ, ŋen ŋanṯa elǝŋ igëndr yesu masiya na đubwiđiađa iđi usila gatǝɽe gëbǝđia ṯa ađǝfeṯe ṯa ñaŋ lǝgëndǝjeieiar ŋen ŋǝɽwano eđeɽǝđia rǝmwa ŋen ŋanṯa ŋen ŋǝlëɽǝñi. ³¹ ṯa igiđi yëbǝrni eleđa alo yuḏiya ildi laneđa ṯa lǝnna ŋen ŋǝrǝmwa, na ṯa leđa ɽrǝmwa alo yursalim liđ alaŋǝnṯi đamǝđaṯa rđi igǝlǝmǝṯi đaŋǝrađa nano, ³² ṯa, ndǝ fǝŋen iŋi rǝmwa ronaṯa igiđi endeṯa nano đaŋǝrađa nano na ṯa igiđi yǝmiñǝniano na ṯa igiđi yonḏǝcini liga lǝgafr. ³³ igabeɽǝđia ṯa rǝmwa irri rananaiđia đëuṯaralo ñafeṯe ldǝɽo pređ. amin.

¹ igǝndǝŋaicia oraiñ igëndr igi gaɽǝbwa, gǝberni fibi, gënǝŋu igi gaɽ elǝŋ iliji ɽrlda ikanisa alo ikangiria, ² ṯa ñamaŋǝnṯi egelǝŋ yesu, eŋen iŋi ŋafo ŋope ŋǝleđa ɽrǝmwa, na ṯa ñamamǝđaṯe eŋen pređ iŋi ŋaɽo đeṯam iŋu, ŋen ŋanṯa gënǝŋu gamǝđaṯo leđa lwaiña na gamǝđaṯiñi cum. ³ eɽǝđr briska na akila lënǝŋulu ildi ñagiđǝlda ŋǝmëɽria igal masiya yesu, ⁴ lënǝŋulu ildi lomanto lëɽu ntam enen ṯa alëbǝri đamǝṯia đǝlëɽǝñi. igaŋërṯǝlo nano jaiea jaiea na gerṯa fiñi ikǝrǝŋ, orn kanisa pređ đǝleđa ildi gerṯa laɽ al yawuḏ, đënǝŋulu eum đaŋërṯǝlo nano. ⁵ eɽǝđr cum leđa ildi lëbǝđia kanisa egeɽa egen. eɽǝđr abinṯus igi igubwamaiya kaiñ, gënǝŋu igi gafo nëiñua eleđa ildi igamamǝṯǝlo al masiya alo yasiya, ⁶ eɽǝđr miriam, igi giđu ŋǝmëɽria kaiñ ŋen ŋanṯa ñaŋ. ⁷ eɽǝđr anḏrunikus na yunias ildi lǝlëɽǝñi, lënǝŋulu ildi ñagiṯǝlda rǝmwa ŋǝmëɽria isijǝn. lënǝŋulu loɽra eleđa lǝđweinu, na lënǝŋulu lëndu ŋen ŋal masiya liga igamǝlu igǝbendia. ⁸ eɽǝđr ambilias igi gaɽo đappa đǝlëɽǝñi igi igubwamaiya egelǝŋ yesu. ⁹ eɽǝđr urbanus igi ñagiđǝldǝga ŋǝmëɽria ŋal masiya, na asṯakis igi gaɽo đappa đǝlëɽǝñi igi igubwamaiya. ¹⁰ eɽǝđr abilis igi gafo ginḏeinu orn al masiya gaŋǝnṯǝma kaiñ. eɽǝđr leđa legeɽa garisṯubulus. ¹¹ eɽǝđr iruḏiyun igi gǝleđa ǝllëɽǝñi. eɽǝđr leđa legeɽa gǝnarkisus ildi lëndu ŋen ŋelǝŋ yesu. ¹² eɽǝđr ṯrifina na ṯrifusa ildi liđu ŋǝmëɽria kaiñ ŋelǝŋ yesu. eɽǝđr barsis igi igubwamaiya, gënǝŋu igi giđu ŋǝmëɽria ŋelǝŋ yesu kaiñ. ¹³ eɽǝđr rufus igi gëɽǝnu egelǝŋ yesu, na lǝŋgen igi gaɽo ǝnna eum. ¹⁴ eɽǝđr asinkriṯus na fligun na armas na baṯrubas na armis na lorǝba ildi lafǝlda. ¹⁵ eɽǝđr filulugus na yuliya na niriyus na orǝba gǝlëɽǝŋu igi gaɽǝbwa na ulumbas na leđa ɽrǝmwa ildi lafǝlda. ¹⁶ ekeɽǝđǝđr đǝkëndǝđiađano đatǝɽe. kanisa pređ đal masiya đeɽǝđǝnde. ¹⁷ orn igǝndeɽǝđia kaiñ, lorldaiñ, ṯa ñaromǝjǝđi eleđa ildi lëbǝđia đakarnǝđia, na ildi lëndǝgiria, laŋge ildi lagea ŋen ñagërrǝŋeinu. ŋgaṯr jaica eleđa ildi. ¹⁸ ŋen ŋanṯa leđa ildei laber lǝđuɽǝđǝnṯia elǝŋ igëndr al masiya, orn lǝđuɽǝđǝnṯia nara enen, na lënǝŋulu lëbǝđia leđa ŋađǝna ildi lero ŋaṯǝɽa ŋenŋa eŋen iŋi ŋǝɽiano. ¹⁹ leđa pređ lano ṯa ñaŋ ñagǝnna ŋen iŋi, nṯia igaŋǝra nano kaiñ eŋen eŋalo, orn igwonaṯa ṯa ñaliŋeṯe ŋen nǝsi eŋen ŋaŋǝra na .ṯa ñerṯe mǝnnano eŋen ŋeieia. ²⁰ rǝmwa irri rananaiđia đëuṯaralo naten riđ ararldeđaṯe seṯan rǝmanǝñara alo eralo. igǝbeɽǝđia ṯa đǝbuŋṯia đelǝŋ igëndr yesu masiya ađǝndaufeṯe. ²¹ ṯimǝđawus igi ñagëbǝđia ldǝga ŋǝmëɽria geɽǝđǝnde. lukiyus na yasun na susibaṯrus leɽǝđǝnde cum ilđi laɽo leđa ǝllëɽǝñi. ²² fiñi, ṯarṯiyus ñiŋgi igawërđia ađam igi, igeɽǝđǝnđe egelǝŋ yesu. ²³ gaiyus, igi igaɽaŋa egeɽa gǝlëɽǝŋu, na igi kanisa đafo egeɽa gǝlëɽǝŋu, gënǝŋu geɽǝđǝnde. arasṯus, igi garǝmoṯwa ŋen pređ ŋǝṯulba irnuŋ, gënǝŋu geɽǝđǝnde, na cum oraiñ kwarṯus. ²⁴ igǝbeɽǝđia ṯa đǝbuŋṯia đusila đelǝŋ igëndr yesu masiya ađǝndaufeṯe ñaŋ pređ. amin. ²⁵ rǝmwa raɽǝwađaṯa randonḏeicia eŋen ŋaŋǝra ŋal masiya iŋi igamama, iŋi ŋaɽo đërrǝŋaiđia đǝyesu masiya eŋen ŋǝđǝŋaiđia đǝŋamǝɽa iŋi ŋero ŋwalwaɽǝnu pǝnde, ²⁶ orn điñǝđi ŋiđǝnu ŋǝlǝŋinu đǝge ađamga gǝrǝmwa igi gwaɽwata ŋen iŋi ŋamǝlu ŋeṯo. ŋen iŋi ŋaŋǝra ŋǝrǝmwa ŋiđǝnu ŋǝlǝŋinu eleđa ildi lafo laijǝba rǝmwa lalo pređ, eŋen ŋǝrǝmwa irri ramǝṯia bǝɽǝbǝte, ṯa lënǝŋulu alne đëndia đǝŋen ŋǝrǝmwa. ²⁷ igǝbeɽǝđia ṯa rënǝŋu irri raɽo rǝmwa runto irri raliŋeṯo ŋen nǝsi arǝnaneini ŋaɽrwa yesu al masiyaga bǝɽǝbǝte. amin.