ruiya

ruiya

¹ yesu masiya gamiño ŋen iŋi rǝmwa ranaicǝma ṯa aŋërrǝŋaice leđa ildi lamǝđuɽǝđǝnṯia ŋen iŋi đeṯam ŋiđ aŋfeṯe. gënǝŋu gamiño ŋen iŋi mǝlaiyǝkađa iđi gwađwaṯo ebai nano gǝlëɽǝŋu yuanna. ² yuanna điñǝđi gwaɽwata eŋen gaseicu, fǝŋen ŋǝrǝmwa na đamǝđaṯa iđi yesu masiya ganaiđo. ³ eđa gabuŋǝnṯi igi gǝbëgǝriṯi leđa ŋen ŋađam iŋi ŋiđ aŋfeṯe na leđa labuŋǝnṯi ildi lǝnna na lëbǝđia ŋen iŋi ŋǝwërđǝniau, ŋen ŋanṯa liga lafo ṯwaiñ. ⁴ fiñi yuanna. igawërđǝṯia kanisa đenǝŋ nḏǝmiñe điɽijan alo yasiya. igǝbeɽǝđia ṯa đǝbuŋṯia na đëuṯaralo alǝndǝneini irǝmwa irri rafo rafo na rǝfia na riđ arela, na inusila đenǝŋ nǝmiñe niɽijan ini nafo kursi nëiñua eŋǝlǝŋe ilëɽǝŋu, ⁵ na iyesu masiya igi gaɽo đamǝđaṯa đuđǝrwaṯo igi gǝlǝŋǝnu gananoŋ eŋǝɽaiñ na igi gaɽ elǝŋ gǝnǝlǝŋ pređ nalo. gënǝŋu gubwandria na gwasaieǝndr ŋen ŋeicia iŋëndr ŋǝfǝniŋa ŋǝlëɽǝŋu, ⁶ nǝŋǝndiđr lǝgaɽr nǝlǝŋ na kana iđaṯa rǝmwa rǝlëɽǝŋu. igǝbeɽǝđia ṯa gënǝŋu aŋǝnaneini ŋaɽrwa na ŋabǝɽa bǝɽǝbǝte. amin. ⁷ seiđr. gënǝŋu giđ aŋela isbwoɽua na isi pređ yiđ aiyǝmaseici na lënǝŋulu ildi lađwoma liđ almaseici cum. na leđa pređ lalo ildi lwaiña ŋǝɽwa liđi ṯalaro ŋen ŋanṯa ŋu. đeṯam, ŋen ŋiđ aŋfeṯe ṯia. amin. ⁸ elǝŋ rǝmwa raṯa, igënǝñi igaɽ alif na aliya. fǝrǝmwa irri rafo rafo na rǝfia na riđ arela, rënǝŋu irri rerṯo ŋabǝɽa pređ. ⁹ igënǝñi yuanna ñiŋgi igaɽo oralo ñiŋgi lǝgananeinr ŋen ŋubwa ŋeieia na lǝgerṯr ŋǝlǝŋe ŋǝrǝmwa na đaɽiñaṯa ŋen iyesu, igënǝñi igafo alo eŋau iligano ibernia baṯmus ŋen ŋanṯa igërrǝŋaieu leđa ŋen ŋǝrǝmwa na igananaico leđa đamǝđaṯa đǝyesu masiya. ¹⁰ loman lnǝŋ lelǝŋ rǝmwa igafo eŋabǝɽa ŋusila gatǝɽe nene ole goɽra ñi nḏurṯu garno gǝđal, ¹¹ igi gaṯa, wërđu ŋen iŋi agǝseieia egađam orn ŋǝđweiṯi ađam ikanisa đenǝŋ nḏamiñe điɽijan đalo yafǝsus na đalo isimirna na đalo ibargamus na đalo iđiyaṯira na đalo isarḏis na đalo ifilaḏalfia na đalo ilawuḏikiya. ¹² na igaređialo ṯa iseiei esegi gaiñǝɽwatiṯia na ndǝ igaređialo ṯiseicu laŋge đenǝŋ ldǝmiñe liɽijan ildi lǝbendeieia isia, ildi liđǝnu aḏ ḏaǝbya. ¹³ na elaŋge ildi iligano ṯiseicu eđa gǝnǝŋ garno iđia gǝleđa. gënǝŋu gëɽǝnu erena nano gwala na nǝŋëndǝni đǝrnađano ilurum đarno aḏ ḏaǝb, ¹⁴ nda ǝllëɽǝŋu labǝjo na iri enenda yabǝjo eum lawađialo, na isi ilëɽǝŋu yarno đaŋǝla đisia. ¹⁵ rǝmanǝña rǝlëɽǝŋu rawađialo garno đǝpeini đǝsatrtr đǝwađialo isia, na ole gǝlëɽǝŋu garno ŋawa ŋwaiña ŋirǝwa nǝŋoba. ¹⁶ gënǝŋu nǝŋëndi ropa đenǝŋ ndrǝmiñe riɽijan eđaŋ đaŋaicǝba, na đoperre iđi đerṯo ŋǝfǝni ŋwaiña aliɽǝm đamiña igëiñua ilëɽǝŋu, na isiano yawađialo garno ëđǝñina yǝwađialo ndǝ yafo iligano. ¹⁷ ndǝ igaseicǝma nimiɽǝṯi erǝmanǝŋ garno eđa gaiyo. orn gënǝŋu nǝŋǝñëɽi đaŋ nano đaŋaicǝba nǝŋaṯa, ŋerṯe agiđǝñalo. igaɽo eđa gananoŋ na gǝnḏurṯu alo, ¹⁸ gënǝŋu igi garnǝṯia. igaiyo, na seicu igamǝṯia bǝɽǝbǝte, na igerṯo mufṯa eŋǝɽaiñ na yalo eleđa laiyo. ¹⁹ điñǝđi wërđu ŋen iŋi agaseicia. fǝŋen iŋi ŋafo điñǝđi na iŋi ŋiđ aŋela. ²⁰ igiđi eŋaŋaice ŋamǝɽa ŋǝropa đenǝŋ ndrǝmiñe riɽijan irri agaseicǝlo eđaŋ đǝlëɽǝñi na ŋǝlaŋge đenǝŋ ldǝmiñe liɽijan ildi labendeieia isia, ildi liđǝnu aḏ ḏaǝbya. ropa đenǝŋ ndrǝmiñe riɽijan raɽo mǝlaiyǝka ikanisa đenǝŋ nḏǝmiñe điɽijan, na laŋge đenǝŋ ldǝmiñe liɽijan ildi lǝbendeieia isia laɽo kanisa đenǝŋ nḏǝmiñe điɽijan.

¹ wërđǝṯu mǝlaiyǝka ŋen iŋi đǝkanisa đalo yafǝsus. eđa igi gǝbendeieia ropa đenǝŋ ndrǝmiñe riɽijan eđaŋ daŋaieǝba na igi gǝbǝrlda elaŋge đenǝŋ ldǝmiñe liɽijan ildi liđǝnu aḏ ḏaǝbya ildi lǝbendeieia isia, gënǝŋu nǝŋaṯa, ² igaliŋeṯo ŋen iŋi agiđu. igaliŋeṯo ṯa agiđu ŋǝmëɽria kaiñ na ṯa agaɽiñaṯa ŋen na ṯa aganeđo leđa leicia na ṯa agirnḏeicu leđa ildei lǝbaṯa ṯa lǝđweinu orn lero lǝđweini na ṯa agafiđǝlo laɽǝlen. ³ igaliŋeṯo ṯa agaɽiñaṯa ŋen, na ṯa agananeinu ŋen ŋubwa ŋeieia ŋen ŋanṯa irǝŋ gǝlëɽǝñi na agero agaicwarau. ⁴ orn igerṯo ŋen ŋǝnǝŋ ǝŋgeaŋa ṯa agaber agaiñiyubwa garno agubwaiñiya ananoŋ. ⁵ lëldǝŋǝđeinu eŋen iŋi agiɽau. ŋgiṯu ŋen ŋǝlaɽǝŋa ŋeieia, ŋiđi ŋen iŋi agiđu ananoŋ. orn ndǝ agaber agaŋgiṯia ŋen ŋǝlaɽǝŋa ŋeieia đeṯam igiđi eŋeṯa nano eme waŋge gǝlaɽǝŋa igi gǝbendeieia isia alo ilëɽǝŋu. ⁶ orn agerṯo ŋen iŋi ŋaŋǝra, ṯa aganeđo ŋen iŋei nigulawiyin lëbǝđia, ŋen iŋei iganeđo cum. ⁷ ŋgiṯr leđa ildi lerṯo nënǝñia alne ŋen iŋi usila gatǝɽe gwaɽwatiṯia kanisa. eđa igi ṯaŋǝđamo ŋen ŋǝseṯan igiđi emǝŋgiṯi aŋǝse iguɽi gǝđamǝṯia igi gafo alo yaŋǝra irǝmwa. ⁸ wërđǝṯu mǝlaiyǝka ŋen iŋi đǝkanisa đalo isimirna. eđa igi gananoŋ na gǝnḏurṯu alo, igi gaiyo nǝŋamǝṯe tǝŋ, gënǝŋu nǝŋaṯa, ⁹ igaliŋeṯo ṯa ṯaŋananeinu ŋen ŋubwa ŋeicia na ṯa agaɽ ebai, orn agerṯo laŋge lwaiña. igaliŋeṯo ṯa agađamǝjǝnu eŋen eleđa ildi lǝbaṯa ṯa lal yawuḏ orn gerṯa lal yawuḏ. lënǝŋulu laɽo eɽa gǝseṯan. ¹⁰ ŋerṯe agiđǝña ŋen ŋubwa ŋeicia iŋi agiđi ŋaneini. seṯan yiđ aiyëɽi leđa lǝmaṯan eñaŋ isijǝn ṯa đonaṯa eđen ađirnḏeini na agiđi ŋaneini ŋen ŋubwa ŋeicia ñoman ređ. đǝrwaṯo eŋen ndǝ agamǝṯia walla ndǝ agaɽiñǝni na igiđi eŋanaice ṯaj iđamǝṯia. ¹¹ ŋgiṯr leđa ildi lerṯo nënǝñia alne ŋen iŋi usila gatǝɽe gwaɽwatiṯia kanisa. eđa igi ṯaŋađamo ŋen ŋǝseṯan, gënǝŋu gaber gaɽǝwađaṯa gasǝni aŋǝno kwai kwai ŋǝɽaiñǝŋa ŋǝnḏurṯu. ¹² wërđǝṯu mǝlaiyǝka ŋen iŋi đǝkanisa đalo ibargamus. eđa igi gerṯo đoperre iđi đerṯo ŋǝfǝni ŋwaiña aliɽǝm, gënǝŋu nǝŋaṯa, ¹³ igaliŋeṯo alo isi agafau, ṯa falo isi seṯan yaɽaŋau. igaliŋeṯo ṯa agëndu irǝŋ gǝlëɽǝñi kaiñ na ṯa agero agabǝlaica đonaṯa đǝlaɽǝŋa kwai kwai, na cum iliga anṯibas, igi gađuɽǝđǝnṯiñi ŋenŋa ŋuđǝrwaṯo, gaɽiñǝniau ŋa nëiñna egeɽa gǝseṯan đurri. ¹⁴ orn igerṯo ŋen ŋǝnǝŋ ǝŋgeaŋa ṯa agerṯo ikanisa leđa lǝmaṯan ildi lëndu ŋen ŋǝbalam igi gërrǝŋaicu balag ŋen ṯa aŋgǝrǝṯi leđa lisrayil ṯau, ṯa alase eđe iđwala đǝɽǝđǝnṯu laŋge lǝpiano ildi leđa ldukwuđiñǝṯialo na ṯa alɽane lijila ɽrǝto. ¹⁵ na cum agerṯo leđa lǝmaṯan ikanisa ildi lëndu ŋen ŋǝnigulawiyin. ¹⁶ ŋen ŋafǝṯia ŋgiṯu ŋen ŋǝlaɽǝŋa ŋeicia walla igiđi eŋeṯa nano taltal albwaiñǝđe đoperređa đëiñua ilëɽǝñi. ¹⁷ ŋgiṯr leđa ildi lerṯo nënǝñia alne ŋen iŋi usila gatǝɽe gwaɽwatiṯia kanisa. igiđi enaiee eđa igi ṯaŋađamo ŋen ŋǝseṯan manna imaṯan isi yalǝbijǝnu, na igiđi emanaice lwandra labǝjo ildi lerṯo irǝŋ gǝmaijǝn gǝwërđǝniau igi eđa gero gǝnǝŋ galiŋeṯo illi eđa igi ganeinu. ¹⁸ wërđǝṯu mǝlaiyǝka ŋen iŋi đǝkanisa đalo iđiyaṯira. iđia gǝrǝmwa igi isi ilëɽǝŋu yarno isia na igi rǝmanǝña rǝlëɽǝŋu rawađialo garno đǝpeini đǝsatrtr, gënǝŋu nǝŋaṯa, ¹⁹ igaliŋeṯo ŋen iŋi agiđu. igaliŋeṯo đubwa đǝlaɽǝŋa na đonaṯa đǝlaɽǝŋa na ŋǝmëɽria ŋǝlaɽǝŋa na đaɽiñaṯa ŋen đǝlaɽǝŋa, na igaliŋeṯo ṯa agëbǝđia ŋǝmëɽria kaiñ điñǝđi ŋamiñaṯo ŋǝmëɽria ŋananoŋ. ²⁰ orn igerṯo ŋen ŋǝnǝŋ ǝŋgeaŋa ṯa agero aganeđa wuji gakǝl yasabal igi gaṯa gaɽo nabi orn gëbǝđia lǝbai ǝllëɽǝñi ŋađǝna ŋenŋa ŋǝlëɽǝŋu ṯa lënǝŋulu alɽaŋe lijila ɽrǝto, na ṯa alase eđe iđwala iđi đǝɽǝđǝnṯu laŋge lǝpiano ildi leđa ldukwuđiñǝṯialo. ²¹ iganaicǝma liga ṯa aŋgiṯi ŋen ŋǝlëɽǝŋu ŋeicia orn gero gwonaṯa gaŋgiṯia ŋǝlaiñ ŋǝlëɽǝŋu. ²² seiđu, igiđi emiđi gwuma na emauwǝṯi nal aŋgǝrem leđala ildi ldandǝralda, na igiđ elnaice ŋen ŋubwa kaiñ ndǝ laber laŋgiṯia ŋen iŋi wuji giđu. ²³ na igiđi eɽiñe ñere ñǝlëɽǝŋu. leđa pređ lǝkanisa pređ liđ alaliŋeṯe ṯa igaɽ eđa igi gagagwonda nare nǝleđa na ŋaṯǝɽa ŋǝleđa na ṯa igiđ enanaice leđa đǝpǝɽa eŋen ŋǝlaŋge lënǝŋulu liđǝlo. ²⁴ orn leđa lṯënu alo iđiyaṯira ñaŋgi ñagero ñagabendia ŋen ŋakǝl na ñaŋgi ñagero ñagabërrǝŋeini ŋen iŋi leđa lǝrnaṯan laṯa fǝŋen ŋǝnḏurṯu ŋǝseṯan. igǝndǝlwaɽǝṯia ṯa igero ŋen ŋinia tǝŋ igǝndǝnaicia, ²⁵ illi ṯa ñëndi ŋen ñagerṯo liga igamǝlu igeṯo. ²⁶ eđa igi ṯaŋǝđamo ŋen ŋǝsǝṯan na igi ṯaŋiđi ŋǝmëɽria ŋǝlëɽǝñi ŋen liga lamǝlu lǝɽiñǝđeini, igiđ emanaiee ŋǝlǝŋe eleđa lalo, ²⁷ ŋen ŋarno papa ganaieǝñi ŋǝlǝŋe. gënǝŋu giđ aŋarǝmoṯe leđa lǝfrala lǝđǝpeini na giđ aŋǝlgere isi gateta garno eđa gagero ɽia. ²⁸ na igiđ emanaiee toɽǝl. ²⁹ ŋgiṯr leđa ildi lerṯo nënǝñia alne ŋen iŋi usila gatǝɽe gwaɽwatiṯia kanisa.

¹ wërđǝṯu mǝlaiyǝka ŋen iŋi đǝkanisa đalo isarḏis. eđa igi gǝbendeieia nusila đenǝŋ nǝmiñe niɽijan nǝrǝmwa na ropa đenǝŋ ndrǝmiñe riɽijan, gënǝŋu nǝŋaṯa, igaliŋeṯo ŋen iŋi agiđu. leđa lǝbaṯa ṯa agamǝṯia orn agaiyo. ² twođo iŋuriđ ŋǝnḏǝci ŋen agerṯo mǝldin iŋi ŋabaiyǝṯia. igero igafiđa ŋǝmëɽria ŋǝnǝŋ ŋǝlaɽǝŋa ŋǝɽiñǝđeinu rǝmwa nëiñua rǝlëɽǝñi. ³ lëldǝŋǝđeinu eŋen iŋi aganeinu na iŋi agano. ëndu ŋen iŋi, ŋaŋgiṯi ŋen ŋǝlaɽǝŋa ŋeieia ŋoɽǝbaṯe rǝmwa nano. ndǝ aganeđo ṯa agatwođa iŋuriđ igiđi yela garno oɽom na agaber agiđi ŋaliŋeṯe liga igiđi eŋǝweṯa nano. ⁴ orn agerṯo ndrǝŋ nǝmaṯan alo isarḏis nǝleđa ildi lero lëbǝđia ndrena enen nataŋa na lënǝŋulu ñagiđi ñerlde lëɽǝnu ndrena nano nabǝjo ŋen ŋanṯa lënǝŋulu larǝjađaṯo eŋen. ⁵ eđa igi ṯaŋađamo ŋen ŋǝseṯan gënǝŋu giđ aŋëɽǝni ndrena nano nabǝjo na igaber igiđi imiñi irǝŋ gǝlëɽǝŋu egađam gǝđamǝṯia. igiđi elwaɽe irǝŋ gǝlëɽǝŋu papa nëiñua na mǝlaiyǝka nëiñua ilëɽǝŋu. ⁶ ŋgiṯr leđa ildi lerṯo nënǝñia alne ŋen iŋi usila gatǝɽe gwaɽwatiṯia kanisa. ⁷ wërđǝṯu mǝlaiyǝka ŋen iŋi đǝkanisa đalo ifilaḏalfia. eđa igi gaɽo đatǝɽe na đeṯam, igi gǝbendeieia mufṯa iḏawuḏ, igi gagagiđia na eđa gero gǝnǝŋ gaɽǝwađaṯa galdanḏa na igi galdanḏa na eđa gero gǝnǝŋ gaɽǝwađaṯa gagagiđia, gënǝŋu nǝŋaṯa, ⁸ igaliŋeṯo ŋen iŋi agiđu. seieu, iganaicǝŋa ëuwǝr isi yagagiđǝnu na eđa gero gǝnǝŋ gaɽǝwađaṯa galdanḏa. agerṯo ŋabǝɽa ŋǝtefr orn agarǝmoṯo ŋen ŋǝlëɽǝñi ṯaŋiđu, na agero agabǝlaica irǝŋ gǝlëɽǝñi. ⁹ seieu, ŋen iganaicia leđa leɽa gǝseṯan ildi lǝbaṯa ṯa lal yawuḏ orn gerṯa lal yawuḏ orn laɽǝlen. seicu, igiđ iliđi alŋeṯa nano alŋukwuđiñǝṯia alo erǝmanǝŋ rǝlaɽǝŋa na alliŋeṯe ṯa igubwaŋaiya. ¹⁰ ŋen ŋanṯa agano ŋen ŋǝlëɽǝñi ṯaŋiđu đaɽiñaṯađa ŋen iđi igaŋananaieia, igiđi eŋǝrǝmoṯe iliga lǝđirnḏeinia iđi điđ ađeṯa alo pređ ṯa ađirnḏeicia leđa pređ ildi lamǝṯo alo. ¹¹ igiđi yela taltal. ëndu ŋen iŋi agerṯo ṯa eđa aŋerṯe gǝnǝŋ gaɽǝwađaṯa gaŋamaṯa ṯaj ilaɽǝŋa. ¹² eđa igi ṯaŋađamo ŋen ŋǝseṯan, igiđi imiđi gaɽo lwandra lnǝŋ eŋwandra ŋaŋǝra ŋoɽra egeɽa gatǝɽe gǝrǝmwa rǝlëɽǝñi iŋi lorǝba lnabijeiđini na gënǝŋu gaber giđ aŋǝmiñe kwai kwai. igiđi imowërđi nano irǝŋ gǝrǝmwa rǝlëɽǝñi na irǝŋ girnuŋ gǝrǝmwa rǝlëɽǝñi, fǝŋu ursalim gmaijǝn igi giđ aŋirwa elo irǝmwa rǝlëɽǝñi. na igiđi imowërđi nano irǝŋ gǝmaijǝn gǝlëɽǝñi. ¹³ ŋgiṯr leđa ildi lerṯo nënǝñia alne ŋen iŋi usila gatǝɽe gwaɽwatiṯia kanisa. ¹⁴ wërđǝṯu mǝlaiyǝka ŋen iŋi đǝkanisa đalo ilawuḏikiya. eđa igi gënǝjǝnu amin, igi gaɽo đamǝđaṯa đuđǝrwaṯo na đǝđeṯam igi rǝmwa riđu laŋge pređ ŋuga, gënǝŋu nǝŋaṯa, ¹⁵ igaliŋeṯo ŋen iŋi agiđu. gerṯa agamǝle na gerṯa agubwa. igafo igwonaṯa ṯa agamǝle walla agubwa. ¹⁶ nṯia ŋen ŋanṯa agamǝliano na gerṯa agamǝle walla agubwa igiđi eŋabiđi ëiñua ilëɽǝñi. ¹⁷ agaṯa ṯa agaɽ elǝŋ na laŋge ǝllaɽǝŋa lakaɽǝjeinu kaiñ na agero agafo pwa eŋen ŋǝnǝŋ kwai kwai. agaijǝba ṯa agwana na agaɽo ŋǝbaiyaŋǝno, na agaɽ ebai, na agaŋǝlisi na agafo mǝɽǝmǝɽeñ. ¹⁸ ŋen ŋafǝṯia igaŋanaieia ŋen ṯa aiñiliđiṯi aḏ ḏaǝb isi yiđǝnu yatǝɽe isiaya ṯa ŋaɽeṯe elǝŋ, na ndrena nabǝjo ṯa ŋëɽǝni nano ṯa ŋalǝbǝce đirǝwano đǝlaɽǝŋa ŋen ŋanṯa agafo mǝɽǝmǝɽeñ, na ḏawa yisi ṯa ŋëɽǝni isi ṯa ŋaseiđi. ¹⁹ igagariñaṯa leđa ildi igubwaliya na ṯelṯoɽaṯo. ŋen ŋafǝṯia ɽǝđiṯaŋǝno ṯa ŋaŋgiṯi ŋen ŋǝlaɽǝŋa ŋeieia na ŋaiñoɽǝbaṯe nano. ²⁰ seicu, igëni igaṯurwa ëuwǝr nëiñua ṯipu. ndǝ eđa gǝnǝŋ gǝnna ole gǝlëɽǝñi aiñagëgiṯi ëuwǝr igiđi yënṯi na ñasǝlda na gënǝŋu ñasǝlda. ²¹ igiđi iŋgiṯi eđa igi ṯaŋađamo ŋen ŋǝseṯan ñaɽaŋe nal kurs eŋǝlǝŋe ilëɽǝñi ŋen ŋarno igađamo seṯan na ñagaɽaŋo papaga nal kurs eŋǝlǝŋe ilëɽǝŋu. ²² ŋgiṯr leđa ildi lerṯo nënǝñia alne ŋen iŋi usila gatǝɽe gwaɽwatiṯia kanisa.

¹ orn igwanwanǝđo neseiei ëuwǝr igagiđǝnu elo na igano ole garno gǝđal igi igano ananoŋ na ole nǝŋaṯa, abǝṯaŋ ëli na igiđi eŋërrǝŋaiei ŋen iŋi đeṯam ŋiđ aŋfeṯe. ² na taltal igaliŋeṯo ṯa igafo eŋabǝɽa ŋusila gatǝɽe na igaseieu kursi eŋǝlǝŋe elo na eđa igi gaɽaŋan. ³ eđa igi gawađialo garno lwandra lwundeiđǝnau leđe lǝbernia yasbi na garno lwandra lwundeiđǝnau lore lǝbernia agigi na đarldǝldia đeđe đađiṯu kursi eŋǝlǝŋe. ⁴ na kursi eŋǝlǝŋe eređia giɽijan na marldwan yađiṯu kursi isi eŋǝlǝŋe na nǝlǝŋ eređia giɽijan na marldwan ṯaŋaɽaŋan. nënǝŋulu nëɽǝni ndrena nano nabǝjo na nerṯo ṯaj iḏaǝb nǝŋǝɽwa. ⁵ na rǝmwa rasa na ole gafo goɽra kaiñ na rǝmwa rëpǝniano ṯalamiño ikurs eŋǝlǝŋe iligano. na ñamba đenǝŋ ñemǝñe ñiɽijan ñuɽu isiano kursi eŋǝlǝŋe nëiñua na ñënǝŋulu ñaɽo nusila đenǝŋ nǝmiñe niɽijan nǝrǝmwa. ⁶ na al bar yafo kursi eŋǝlǝŋe nëiñua isi yiđǝnu ŋaɽaŋa iŋi ŋatǝɽe kaiñ. na laŋge marldwan lađiṯu kursi eŋǝlǝŋe ildi lamǝṯia na lerṯo isi naŋǝno pređ inëiñua na inḏurṯu. ⁷ waŋge gamǝṯia gananoŋ garno đëbia na waŋge gwomǝn gamǝṯia garno ŋǝnḏǝri na gwomǝn gerṯo isiano garno eđa na gwomǝn garno oicǝl gura. ⁸ laŋge ildi lamǝṯia marldwan lerṯo nǝlde đenǝŋ nǝŋǝmiñe gunto na lerṯo isi naŋǝno pređ na enǝlde cum. ëđǝñëđǝñin na ulǝŋgǝlǝŋ ñoman pređ lënǝŋulu ṯalaṯa, elǝŋ rǝmwa ratǝɽe, ratǝɽe, ratǝɽe, irri rerṯo ŋabǝɽa pređ irri rafo rafo na irri rǝfia na irri riđ arela. ⁹ na ndǝ laŋge lamǝṯia lananaieia eđa ŋaɽrwa na đame na đaŋërṯia nano igi gaɽaŋa nal kurs eŋǝlǝŋe na igi gamǝṯia bǝɽǝbǝte, ¹⁰ iliga ildi nǝlǝŋ eređia giɽijan na marldwan nënǝŋulu ṯanǝmukwuđiñǝṯi alo igi gaɽaŋa nal kurs eŋǝlǝŋe na ṯanǝmabuŋṯu igi gamǝṯia bǝɽǝbǝte. nënǝŋulu ṯanauwǝṯu ṯaj alo esen kursi eŋǝlǝŋe nëiñua ṯanaṯa, ¹¹ elǝŋ rǝmwa eraiñ, agarǝjađaṯo eŋen ṯa agananeini ŋaɽrwa na đame na ŋabǝɽa ŋen ŋanṯa agiđu laŋge pređ. laŋge lafo nṯia liđǝnu ŋen ŋanṯa agwonaṯa ŋen ṯia.

¹ orn igaseicu ađam eđaŋ đaŋaicǝba đeđa igi gaɽaŋo nal kurs eŋǝlǝŋe. ađam gwunḏeinu ŋeniano ŋǝwërđǝnu egwaŋano na ndëɽuano na gakasǝnu laŋgela đenǝŋ ldamiñe liɽijan. ² na igaseieu mǝlaiyǝka đoɽra iđi đarǝjaieo ole nḏaṯa, esegi garǝjađaṯo eŋen ṯa aŋgagiđi ađam na aŋgere laŋge ildi ađam gakasǝnǝliya ? ³ orn eđa gero gǝnǝŋ gelo walla galo walla giđurṯu alo gaɽǝwađaṯia gagagiđia ađam walla gaseieia. ⁴ orn igaro kaiñ ŋen ŋanṯa eđa gero gǝnǝŋ gafiđǝnu igi garǝjađaṯo eŋen ṯa aŋgagiđi ađam walla aŋǝseiei. ⁵ orn elǝŋ gǝnǝŋ nǝŋaiñǝlwaɽǝṯi ṯa, ŋerṯe agabara. seicu, đëbia iđi đeṯo eleđa lǝyawuḏa, eleđa lǝḏawuḏ, đënǝŋu đađamo seṯan na đaɽǝwađaṯa đagagiđia ađam na đagera laŋge đenǝŋ ldamiñe liɽijan ađam gakasǝnǝliya. ⁶ orn igaseieu ɽruma ǝlta laṯurwa larno laɽiñǝnu. lënǝŋu laṯurwa kursi eŋǝlǝŋe nano enǝlǝŋ iligano na laŋge ildi lamǝṯia marldwan lafo ndëuwǝr. lënǝŋu lerṯo rlde đenǝŋ ndrǝmiñe riɽijan na isi đenǝŋ emiñe eɽijan isi yaɽo nusila đenǝŋ nǝmiñe niɽijan nǝrǝmwa ini rǝmwa ṯarldǝđwaṯo alo pređ. ⁷ ɽruma ldela ldǝme ađam eđaŋ đeđa igi gaɽaŋa nal kurs eŋǝlǝŋe. ⁸ ndǝ lënǝŋu lamo ađam laŋge ildi lamǝṯia marldwan na nǝlǝŋ eređia giɽijan na marldwan ldukwuđiñǝṯi ɽruma alo. lënǝŋulu pređ lerṯo mberǝmbera na ŋǝmbolua ŋiđǝnu aḏ ḏaǝbya iŋi ŋwunḏeinu ŋelaŋa iŋi ŋuɽǝni ṯa đubwa ađǝbǝṯwa elo đǝmwađa gaiñǝla. ŋela iŋi ŋaɽo đaṯurṯia rǝmwa đǝleđa ɽrǝmwa. ⁹ na lënǝŋulu ldalǝŋe ŋǝlǝŋa ŋǝmaijǝn, ldaṯa, agarǝjađaṯo eŋen ṯa ŋame ađam na ŋagere laŋge ađam gakasǝnǝliya, ŋen ŋanṯa agaɽiñǝnu na agapǝɽo leđa ŋǝfǝniŋa ŋǝlaɽǝŋa ŋen ŋanṯa rǝmwa ildi lǝŋǝɽwa pređ, na lalo pređ na lole pređ ɽetǝɽeteo, na lǝŋǝlǝŋe pređ. ¹⁰ agiđǝlo laɽo kana ŋen ŋanṯa rǝmwa irëndr na lënǝŋulu liđ alerṯe ŋǝlǝŋe alɽeṯe nǝlǝŋ noɽra alo. ¹¹ na igwanwanǝđo nene ole gǝmǝlaiyǝka ywaiña kaiñ isi yađiṯu kursi eŋǝlǝŋe na laŋge ildi lamǝṯia marldwan na nǝlǝŋ. yënǝŋulu ywaiña kaiñ yarno ropa relo, ¹² niyarǝjaice ole niyaṯa, ɽruma ildi laɽiñǝnu larǝjađaṯo eŋen ṯalnaneinu ŋabǝɽa na laŋge lwaiña iliano na đaliŋeṯa ŋen nǝsi na đonḏǝṯa na đame na ŋaɽrwa na đǝbuŋṯia. ¹³ orn nene ole gǝlaŋge pređ ildi liđǝnu elo na alo na iđurṯu alo na igal bar na laŋge pređ ildi lafau. na lënǝŋulu ldaṯa, đǝbuŋṯia na đame na ŋaɽrwa na ŋabǝɽa ṯalmaneini igi gaɽaŋa nal kurs eŋǝlǝŋe na ṯalneini ɽruma cum, bǝɽǝbǝte. ¹⁴ orn laŋge ildi lamǝṯia marldwan ldaṯa, amin, na nǝlǝŋ niɽǝṯi alo nǝbuŋṯi rǝmwa na ɽruma.

¹ ndǝ ɽruma lagero waŋge gananoŋ elaŋge đenǝŋ ldamiñe liɽijan ildi ađam gakasǝnǝliya, igwanwanǝđo nene wagǝnǝŋ elaŋge ildi lamǝṯia marldwan igi nǝŋǝlwaɽe olega garno rǝmwa rëbuɽǝniano, nǝŋaṯa, miño. ² orn nenwanǝđe na emǝrṯa gabǝjo gamiño. eđa igi gaborṯo emǝrṯa gerṯo isia eđǝɽe na gënǝŋu nǝŋǝneini ṯaj nǝgabǝla ṯa aŋǝđame leđa nǝŋǝlǝđame. ³ orn ndǝ ɽruma lagero waŋge gwomǝn elaŋge ildi ađam gakasǝnǝliya, igano waŋge gwomǝn elaŋge ildi lamǝṯia marldwan igi nǝŋaṯa, miño. ⁴ na emǝrṯa gwomǝn gamiño igi gore kaiñ. eđa igi gaborṯo emǝrṯa ganeinu ŋabǝɽa ṯa aŋgeiei ŋen ŋǝđëuṯaralo alo, ṯa leđa alɽiñǝđe. gënǝŋu nǝŋǝneini đoperre đoɽra kaiñ. ⁵ orn ndǝ ɽruma lagero waŋge gwomǝn elaŋge ildi ađam gakasǝnǝliya, igano waŋge gwomǝn elaŋge ildi lamǝṯia marldwan igi nǝŋaṯa, miño. orn igwanwanǝđo tǝŋ na emǝrṯa nǝŋǝmiñe igi gǝmǝnu. eđa igi gaborṯo emǝrṯa gerṯo al misan eđaŋ đǝlëɽǝŋu. ⁶ nene ole igi aŋgaica geṯo elaŋge ildi lamǝṯia marldwan nǝŋaṯa, ŋwana igal mǝlwa ŋerṯo gǝrus yarno riyal na ŋwala igal mǝlwa iɽijin ŋerṯo gǝrus yarno riyal, orn ŋgiṯu ŋen ŋǝŋela na ŋǝŋawa ŋinǝb. ⁷ orn ndǝ ɽruma lagero waŋge gwomǝn elaŋge ildi ađam gakasǝnǝliya, igano ole gǝwaŋge gwomǝn elaŋge ildi lamǝṯia marldwan igi nǝŋaṯa, miño. ⁸ igwanwanǝđo neseiei emǝrṯa gwomǝn nǝŋǝmiñe igi geđeaŋǝno. eđa igi gaborṯo emǝrṯa gǝbernia ŋǝɽaiñ na alo eleđa laiyo yǝmateṯa ṯwaiñ. gënǝŋu nǝŋǝneini ŋabǝɽa alo elorǝba marldwan ṯa aŋǝɽiñe leđa đoperređa na ŋorwaṯaŋa na ŋǝɽaiñǝŋa na đwalađa đeđǝñwa. ⁹ ndǝ ɽruma lagero waŋge gwomǝn elaŋge ildi ađam gakasǝnǝliya, igaseieu nusila ađuna iđurṯu ini nǝleđa ildi laɽiñǝnu ŋen ŋanṯa ŋen ŋǝrǝmwa na ŋen ŋanṯa laɽwato ŋen ŋǝrǝmwa đuđǝrwaṯađa eŋen. ¹⁰ nusila ṯanǝrǝjaieo ole naṯa, ya elǝŋ gǝlaŋge pređ, ŋaŋgi agatǝɽe na agaɽo đeṯam, fǝndoŋǝɽa agiđi ŋakǝme ŋoɽǝbaice ŋen ŋǝŋǝfǝni eŋaiñ eleđa ildi lafo alo? ¹¹ orn nënǝŋulu pređ naneinu ndrena nabǝjo nǝlwaɽǝnṯi ṯa anwale arano iliga lobǝlano mǝldin ŋen leđa lëɽǝnu eŋen iŋi lamǝlu laɽiñǝni ildi lënǝŋulu liđǝlda ŋǝmëɽria na ildi laɽo lorǝba elden. ¹² ndǝ ɽruma lagero waŋge gwomǝn elaŋge ildi ađam gakasǝnǝliya, igwanwanǝđo na alo yatësǝnu kaiñ na ëđǝñina nimuniṯi yarno erena gǝmǝnu na ubwa gaɽo ŋǝnḏǝr nǝŋorṯe garno ŋǝfǝni. ¹³ na ropa relo ṯarirǝtǝṯu alo ŋen ŋarno ŋǝbǝđa ŋirǝwa ŋeđe ndǝ đabera đwaiña đatësia ebǝđa. ¹⁴ na ltuŋga latamǝro ŋen ŋarno abǝređa gapeiđǝnu na aiyǝn pređ na alo pređ isi yafo eŋau iligano laṯwëđǝnu ldǝjomaṯe alo esen. ¹⁵ orn nǝlǝŋ nalo na leđa loɽra na nǝlǝŋ naskari na leđa lwaiña laŋge na leđa lonḏǝṯo, đeṯam leđa pređ ndǝ laɽo lǝbai walla lero laɽo lǝbai lënǝŋulu pređ lalaldǝbijǝni ejǝṯo na enǝbwa naiyǝn. ¹⁶ lënǝŋulu ṯaɽrajaieo ole ldeiṯi aiyǝn na ŋwandra ṯa, iɽǝṯǝnde nano ñandǝlǝbǝce isiano yeđa igi gaɽaŋa nal kurs na iđeiciano đǝɽruma. ¹⁷ ŋen ŋanṯa loman loɽra lǝđeiciano eđen leṯo đǝge na esegi gaɽǝwađaṯa gaṯurwa ŋen nëiñua iŋi?

¹ orn igaseicu mǝlaiyǝka marldwan yaṯurwa alo, đǝnǝŋ đafo đǝɽǝđalo na đǝnǝŋ đafo ndalǝŋgwa na đǝnǝŋ đafo đǝɽǝđalo na đǝnǝŋ đafo ndele. yënǝŋulu yëndu đabera marldwan đalo, ṯa ađerṯe đura iđuđa walla igal bar walla inuɽi. ² na igaseicu mǝlaiyǝka đwomǝn đirǝwa ndele iđi đǝbendeicia ŋwëɽiña ŋǝrǝmwa irri ramǝṯia. đënǝŋu đarǝjaico ole nḏalwaɽǝṯi mǝlaiyǝka marldwan isi yaneinu ŋabǝɽa ṯa aiyǝsi đuđa aŋǝno na al bar aŋǝno, walla nuɽi aŋǝno, ³ nḏǝleiṯi ṯa, ñerṯe ñagasi đuđa aŋǝno walla al bar aŋǝno, illi ndǝ ñagëɽu ŋwëɽiña ŋǝrǝmwa nǝŋǝɽwa ŋǝndësi ŋǝleđa ildi ṯaliṯu ŋǝmëɽria. ⁴ na igano eređia gaɽo mǝnau eleđa ildi lëɽǝnu ŋwëɽiña nano. leđa laɽo alǝf eređia ređ nalo eređia marldwan na marldwan, lënǝŋulu lǝŋǝɽwa pređ ŋisrayil. ⁵ leđa alǝf ređ nemiñe eɽijan lǝleđa lǝyawuḏa lëɽǝnu ŋwëɽiña nano, na leđa alǝf ređ nemiñe eɽijan lǝleđa lǝrubin lëɽǝnu ŋwëɽiña nano, na leđa alǝf ređ nemiñe eɽijan lǝleđa lǝjaḏ lëɽǝnu ŋwëɽiña nano. ⁶ leđa alǝf ređ nemiñe eɽijan lǝleđa lasir lëɽǝnu ŋwëɽiña nano, na leđa alǝf ređ nemiñe eɽijan lǝleđa lǝnafṯali lëɽǝnu ŋwëɽiña nano, na leđa alǝf ređ nemiñe eɽijan lǝleđa lǝmanasa lëɽǝnu ŋwëɽiña nano. ⁷ leđa alǝf ređ nemiñe eɽijan lǝleđa lǝsimaun lëɽǝnu ŋwëɽiña nano. na leđa alǝf ređ nemiñe eɽijan lǝleđa lǝlawi lëɽǝnu ŋwëɽiña nano, na leđa alǝf ređ nemiñe eɽijan lǝleđa lǝyassakar lëɽǝnu ŋwëɽiña nano. ⁸ leđa alǝf ređ nemiñe eɽijan lǝleđa lǝsabulun lëɽǝnu ŋwëɽiña nano, na leđa alǝf ređ nemiñe eɽijan lǝleđa lǝyusǝf lëɽǝnu ŋwëɽiña nano, na leđa alǝf ređ nemiñe eɽijan lǝleđa lǝbenyamin lëɽǝnu ŋwëɽiña nano. ⁹ orn igwanwanǝđo neseici leđa lwaiña kaiñ ildi eđa gero gǝnǝŋ gaɽǝwađaṯa gǝlumađaṯa. lënǝŋulu leṯo eleđa lalo pređ na lǝŋǝɽwa pređ na lǝŋǝlǝŋe pređ na lole pređ ɽetǝɽeteo ldǝđuri kursi eŋǝlǝŋe nëiñua na ɽruma nëiñua. lënǝŋulu ldëɽǝni ndrena nano nabǝjo ldarrape iɽǝṯia eraŋ eren. ¹⁰ lënǝŋulu ṯaɽrǝjaico ole kaiñ ldaṯa, đëbǝria đǝrǝmwa irëndr irri ṯarǝɽaŋo nal kurs eŋǝlǝŋe na đǝɽruma. ¹¹ orn mǝlaiyǝka pređ yaṯurwa yađiṯu kursi eŋǝlǝŋe na nǝlǝŋ na laŋge ild lamǝṯia marldwan cum, na lënǝŋulu pređ ldiɽǝṯi alo kursi eŋǝlǝŋe nëiñua ldǝbuŋṯi rǝmwa, ¹² ldaṯa, amin. đǝbuŋṯia na ŋaɽrwa na đaliŋeṯa ŋen nǝsi na đaŋërṯia nano na đame na ŋabǝɽa na đwonḏǝṯa ṯalnaneinu rǝmwa irëndr bǝɽǝbǝte. ¹³ orn elǝŋ gǝnǝŋ nǝŋaiñeɽǝđe nǝŋaṯa, leđa ildi esandǝldi ildi lëɽǝnu ndrena nano nabǝjo, na lënǝŋulu leṯo ŋga ? ¹⁴ igamuɽǝbiṯi eŋen niyaṯa ṯa, ya elǝŋ agaliŋeṯo. orn gënǝŋu nǝŋaiñǝlwaɽǝṯi ṯa, fǝleđa ildi leṯo eŋen ŋubwa kaiñ alo, ldwase ndrena enen eŋǝfǝni ŋǝɽruma na liđǝlo nabǝjo. ¹⁵ ŋen ŋafǝṯia lënǝŋulu lafo kursi eŋǝlǝŋe nëiñua irǝmwa ṯaliṯu ŋǝmëɽria ëđǝñëđǝñin na ulǝŋgǝlǝŋ egeɽa gǝlëɽǝŋu gatǝɽe, na rënǝŋu irri raɽaŋo nal kurs eŋǝlǝŋe riđ arǝlabǝđini nano ŋen ŋanṯa aldǝfeṯǝlda. ¹⁶ lënǝŋulu laber laieoiña tǝŋ na aŋal aŋerṯe cum na ëđǝñin ṯaiyerṯe elǝwađa ibwa walla waŋge gǝnǝŋ gubwa. ¹⁷ ŋen ŋanṯa ɽruma ildi lafo nal kurs eŋǝlǝŋe iligano liđ alǝlǝsi na lënǝŋu liđ alǝlmamaṯe eyoro eŋau ŋǝđamǝṯia na rǝmwa riđ arǝɽrađeṯe ŋwal isi pređ.

¹ ndǝ ɽruma lagero waŋge gǝnḏurṯu elaŋge ildi ađam gakasǝnǝliya, đabwaiña ŋǝma đafo elo iliga ltefr, garno ëđǝñina nus. ² orn igaseieu mǝlaiyǝka đenǝŋ nemiñe eɽijan isi ṯaiyaṯuru rǝmwa nëiñua na yënǝŋulu niyǝneini rlde đenǝŋ ndrǝmiñe riɽijan. ³ na mǝlaiyǝka đwomǝn nḏela nḏǝđura ađuna nano. đënǝŋu đerṯo lǝmbolua liđǝnu aḏ ḏaǝbya. đënǝŋu nḏǝneini ŋela ŋwaiña iŋi ŋuɽǝni ṯa đubwa đabǝṯwa elo đǝmwađa gaiñǝla, ṯa ađëɽi đaṯurṯiađa rǝmwa đǝleđa pređ ɽrǝmwa nađuna isi yiđǝnu aḏ ḏaǝbya isi yafo kursi eŋǝlǝŋe nëiñua. ⁴ na đubwa đǝŋela ṯađabǝṯo eđaŋ đǝmǝlaiyǝka đaṯurṯiađa rǝmwa đǝleđa ɽrǝmwa. ⁵ orn mǝlaiyǝka nḏǝme lǝmbolua nḏowonḏǝjaice isia nḏauwǝṯi alo. na rǝmwa ndrǝbuɽǝniano na ole nǝŋfeṯe goɽra na rǝmwa ndrase na alo niyǝtësǝni. ⁶ orn mǝlaiyǝka đenǝŋ nemiñe eɽijan isi yëndu rlde đenǝŋ ndrǝmiñe riɽijan yađuɽeinu ṯa aiyare rlde. ⁷ mǝlaiyǝka đǝnëiñua đare đal. ŋwotǝđa na isia larǝgwuđǝnu ŋǝfǝniŋa ldamiñe ldiɽǝṯi alo na alo niyoɽe elorǝba iɽijin na uɽi nǝŋoɽe elorǝba liɽijin inuɽi pređ, na ŋaiña ŋeđe pređ nǝŋoɽe. ⁸ mǝlaiyǝka đwomǝn đare đal đǝlëɽǝŋu na waŋge garno aiyǝn yoɽra isi yoɽa nǝŋauwujǝni igal bar. ⁹ al bar isi elorǝba iɽijin neɽeṯe ŋǝfǝni, na waŋge gaiyo elorǝba liɽijin elaŋge pređ ildi lafo igal bar na đǝpundri đǝŋau đagirnu elorǝba liɽijin igǝpundri pređ. ¹⁰ na mǝlaiyǝka đwomǝn đare đal đǝlëɽǝŋu na đopa đoɽra kaiñ nḏiɽi elo iđi đoɽa đarno isia. na đopa nḏiɽǝṯi eđǝbarlda elorǝba liɽijin esǝbarlda pređ na eđoro elorǝba liɽijin eyoro pređ. ¹¹ na đopa iđi đǝbernia afsanṯin. na ŋawa elorǝba liɽijin eŋau pređ nǝŋǝɽeṯe ŋǝsia ŋarno uɽi gaɽo ŋǝsia na leđa lwaiña laiyo ŋen ŋanṯa ŋawa ŋeɽe kaiñ. ¹² na mǝlaiyǝka đwomǝn đare đal đǝlëɽǝŋu na alo elorǝba liɽijin yëđǝñina na alo elorǝba liɽijin yubwa na đopa elorǝba liɽijin eropa pređ lǝbuɽǝnu. na arrerre elorǝba liɽijin nǝŋǝɽeṯe ŋǝrǝmi nṯia arrerre gëđǝñin na arrerre gulǝŋgi nǝŋaiyǝṯe aten. ¹³ orn igaseicu oicǝl gura elo iligano nǝŋǝrǝjaice ole nǝŋaṯa, leđa ildi lafo alo liđ alneini ŋen ŋubwa kaiñ, ŋen ŋanṯa rlde rǝṯënu riɽijin irri mǝlaiyǝka yiɽijin yiđ ailare.

¹ na mǝlaiyǝka đwomǝn đare đal đǝlëɽǝŋu na igaseicu đopa iđi đamiño elo nḏiɽǝṯi alo, na đënǝŋu đaneini mufṯa ilǝbu loliano kaiñ đuđa đero alo. ² orn đopa nḏǝgagiđi lǝbu na đubwa nḏǝtođe, đarno đubwa đisia đoɽra kaiñ. na arrerre gëđǝñina na ltuŋga laɽo ŋǝrǝmia ŋen ŋanṯa đubwa đǝlǝbu. ³ orn yama nemiñe iđubwa niyirǝwuṯe alo na yënǝŋulu yaneinu ŋabǝɽa yarno ñogǝɽar ñalo. ⁴ yënǝŋulu yalwaɽǝnṯu ṯa aiyerṯe yasa ŋaiña aŋǝno kwai kwai walla laŋge aŋǝno ildi lobǝđo walla nuɽi aŋǝno, orn ṯa aiyasi leđa aŋǝno ildi lero lǝberṯia ŋwëɽiña ŋǝrǝmwa nǝŋǝɽwa ŋǝndësi ikǝrǝŋ. ⁵ yënǝŋulu yero yǝneini ŋabǝɽa ṯa aiyǝɽiñe leđa orn yaneini ŋabǝɽa ṯa aiyǝnanaice leđa ŋen ŋubwa ikǝrǝŋ nubwa đenǝŋ. ŋen ŋubwa yënǝŋulu yananaiđia ŋarno ŋen ŋubwa ŋǝlogǝɽar ndǝ lǝsa eđa. ⁶ iliga lakǝl leđa liđ alǝpwaiñe ŋǝɽaiñ orn laber liđ alfiđi kwai kwai. lënǝŋulu liđi ṯalonaṯo labaiya orn ŋǝɽaiñ ŋiđ aŋǝlobǝđe. ⁷ yama yarno nǝmǝrṯa naṯuɽeinu ŋen ŋanṯa đǝbwaiñǝđia. laŋge larno ṯaj yiđǝnu aḏ ḏaǝbya lafo nǝŋǝɽwa eŋen na isiano esen yarno isiano eleđa. ⁸ yënǝŋulu yerṯo iria nenda ywala yarno liji ɽrlda na eŋađ esen yarno eŋađ iyëbia. ⁹ yënǝŋulu yerṯo nḏapǝɽa iŋurum narno ipeini na ole gǝnǝldea enen garno ole gǝnǝmǝrṯa nǝlaldǝña eđǝbwaiñǝđia. ¹⁰ yënǝŋulu yerṯo ŋǝper ŋarno ŋǝñogǝɽar na feŋǝper eŋen yënǝŋulu yerṯo ŋabǝɽa ṯa aiyǝse leđa aŋǝno nubwa đenǝŋ. ¹¹ na mǝlaiyǝka đǝlǝbu gaɽ elǝŋ egen iđi đǝbernia abḏun egole gal abraniyin na abuliyun egole gal yunaniyin. ¹² ŋen ŋubwa ŋananoŋ ŋamǝndëđǝnu, orn igǝseicia ŋen ŋubwa ŋiɽijan tǝŋ ŋaijomaṯo ṯwaiñ. ¹³ orn mǝlaiyǝka đwomǝn đare đal đǝlëɽǝŋu, na igano ole igi geṯo irukun marldwan yađuna isi yiđǝnu aḏ ḏaǝbya isi yafo rǝmwa nëiñua. ¹⁴ na ole nǝŋǝlwaɽǝṯi mǝlaiyǝka iđi đëndu đal nǝŋǝmeiṯi ṯa, ëbǝru mǝlaiyǝka marldwan isi yakasǝnu alo yǝđǝbarlda đoɽra đǝbernia alfuraṯi. ¹⁵ orn mǝlaiyǝka yakǝl marldwan niyëbǝrni isi yëndǝnu yaṯuɽeinu ŋen ŋanṯa ëđǝñin na loman na ubwa na iṯǝli ṯa aiyǝɽiñe eđa elorǝba liɽijin eleđa pređ. ¹⁶ na askari esen isi yaborṯo nǝmǝrṯa ywaiña kaiñ yarno ebe gisǝbarlda, igano yaɽo mǝnau. ¹⁷ eŋen iŋi ŋamiñiṯiñi igaseieu nǝmǝrṯa ini na leđa lakaborṯǝlo. leđa ildi lakaborṯǝlo lerṯo ipeini iŋurum isi yore na imǝnu yarno ltuŋga lero ibwoɽua nano na yaɽo ŋǝñeiña aŋǝno. ŋǝɽwa ŋǝnǝmǝrṯa ŋarno ŋǝyëbia na isia na đubwa na ŋwandra ŋǝbernia al gabriṯ ṯaldǝlǝmiño igëiñua esen. ¹⁸ eđa elorǝba liɽijin eleđa pređ lalo ldaiye ŋen ŋanṯa laŋge ildi liɽijin, isia na đubwa nal gabriṯ ildi ṯaldǝlǝmiño igëiñua esen. ¹⁹ ŋabǝɽa ŋǝnǝmǝrṯa nakǝl ŋafo igëiñua esen na eŋǝper eŋen. ŋǝper eŋen ŋarno imwa yeicia isi yerṯo ŋǝɽwa, na nǝmǝrṯa ṯanasi leđa aŋǝno ŋǝperŋa. ²⁰ leđa lǝṯënu lalo ildi lero laɽiñǝni laŋgela ildi liɽijin lënǝŋulu laneđo laŋgiṯia ŋǝmëɽria ŋǝraŋ eren lderṯe laŋgiṯia đukwuđiñǝṯia nusila alo neicia na laŋge alo lǝpiano ildi liđǝnu aḏ ḏaǝbya na faḏḏaya na đǝpeiniđa đǝsatrtr na ŋwandraŋa na oṯega ildi laber laɽǝwađaṯa laseiđia walla lǝnna walla lǝbǝrlda. ²¹ na leđa lderṯe laŋgiṯia ŋen eŋen ŋeieia orn laɽiñǝđia mǝldin na lǝbendia ŋen ŋǝŋǝđǝmi mǝldin na laɽaŋa lijila ɽrǝto mǝldin na ṯalaldǝbǝco laŋge mǝldin.

¹ orn igaseieu mǝlaiyǝka đoɽra đǝmǝn iđi đirǝwa elo. na đënǝŋu đëɽǝnu ibwoɽua nano na đarldaldia nḏađaiđe nda ǝllëɽǝŋu. isiano ilëɽǝŋu yawađialo yarno ëđǝñina na rǝmanǝña rǝlëɽǝŋu rarno isia, ² na đerṯo ađam gǝtefr eđaŋ gabǝlëđǝniano. đënǝŋu nḏëɽi đǝmanǝña đǝnḏaŋ đaŋaicǝba nal bar na nḏëɽi đǝmanǝña đǝnḏaŋ đaŋabur nḏuđa, ³ nḏarǝjaice ole kaiñ garno gǝđëbia đabara. ndǝ mǝlaiyǝka điđu ṯia rǝmwa rëpǝniano ñoman đenǝŋ ñemiñe ñiɽijan. ⁴ ndǝ rǝmwa rëpǝniano ñoman đenǝŋ ñemiñe ñiɽijan igafo igwonaṯa igǝwërđia ŋen orn nene ole gelo igi gaṯa, akaso ŋen rǝmwa rëpǝniano ñoman đenǝŋ ñemiñe ñiɽijan raṯa orn ŋerṯe agǝwërđia. ⁵ orn mǝlaiyǝka iđi igaseieu đaṯurwa nal bar na nḏuđa đënǝŋu đabǝce đaŋ elo đaŋaieǝba, ⁶ nḏalǝfa egeđa igi gafo bǝɽǝbǝte igi giđu elo na alo nal bar na laŋge pređ ilđi lafǝlau nḏaṯa, đǝđurwa đero tǝŋ. ⁷ iliga ildi liđ alela ndǝ mǝlaiyǝka đǝnḏurṯu đare đal đǝlëɽǝŋu, ŋamǝɽa ŋǝrǝmwa ŋiđ aŋǝɽiñađeini iŋi ralwaɽǝṯu anbiya isi yiṯu ŋǝmëɽria. ⁸ orn ole gelo igi igano gwalwaɽǝṯiñi tǝŋ nǝŋaṯa, mbu ŋǝme ađam igi gabǝlëđǝniano eđaŋ đǝmǝlaiyǝka iđi đaṯurwa nal bar na nḏuđa. ⁹ nṯia igabǝɽo neɽǝđe mǝlaiyǝka ṯa ađǝñanaiee ađam gǝtefr. đënǝŋu nḏǝñalwaɽǝṯi ṯa, mo ŋase. ađam giđ aŋeɽǝṯe egare gǝlaɽǝŋa orn giđ aŋǝñǝleṯe egëiñua garno lai. ¹⁰ na igamo ađam gǝtefr eđaŋ đǝmǝlaiyǝka nese. na ađam gaiñǝla garno lai egëiñua ilëɽǝñi orn ndǝ igaso ara gǝlëɽǝñi gidǝnu geɽe ano. ¹¹ orn igwalwaɽǝnṯu ṯa, đeṯam mbu ŋwaɽwate ŋen tǝŋ iŋi ŋiđ aŋela taltal eleđa lwaiña lalo lwaiña, na eŋǝlǝŋe ŋwaiña, na lole gwaiña ɽetǝɽeteo na enǝlǝŋ nalo.

¹ orn iganeinu waŋge gǝđirnḏeieia garno lǝfra na igwalwaɽǝnṯu ṯa, mbu ŋirnḏeiei al ekǝl irǝmwa na ađuna ṯa lwalano na labǝrano ṯau ŋumađaṯe leđa ildi labuŋṯi rǝmwa tu. ² gerṯa agabirnḏeicia alo yal ekǝl ndëuwǝrano, gerṯa agabirnḏeieia kwai kwai. ŋen ŋanṯa ŋen ŋëɽǝnṯu leđa lalo ṯaɽrǝldađaṯo irnuŋ alo gatǝɽe nṯǝlia niɽijin na nus. ³ igiđ enaice leđa liɽijan ildi laɽo đamǝđaṯa đǝlëɽǝñi ŋǝlǝŋe ṯa alɽwate eŋen ŋǝlëɽǝñi nṯǝli niɽijin na nus na liđ alëɽǝni suwal nano. ⁴ leđa ildi laɽo nuɽi niɽijan nǝseṯun na laɽo laŋge liɽijan ildi lǝbendeieia isia ildi lafo elǝŋ nano galo. ⁵ ndǝ eđa gǝnǝŋ gwonaṯa galǝsi aŋǝno isia yamiña egëiñua egen aiyǝse leđa ldagea. đeṯam ndǝ eđa gǝnǝŋ gwonaṯa galǝsi aŋǝno gënǝŋu giđ aŋǝɽiñǝni ṯia. ⁶ lënǝŋulu lerṯo ŋabǝɽa ṯa aldanḏa ltuŋga ṯa rǝmwa arerṯe radǝne liga lënǝŋulu lǝbërrǝŋaiđia ŋen ŋǝrǝmwa. lënǝŋulu lerṯo ŋabǝɽa eum ṯa aliđi ŋawa pređ ŋaɽo ŋǝfǝni na ṯa alǝpwi alo ŋenŋa ŋubwa liga lënǝŋulu lonaṯa. ⁷ ndǝ leđa ild liɽijan lërrǝŋaiđo ŋen ŋǝrǝmwa đǝge đwala đeđǝñwa điđ ađǝtwođe ilǝbu loliano, đuđa đero alo, na đënǝŋu ṯalǝbwaiñǝđi, na điđ ađǝlǝđame na điđ ađǝlǝɽiñe. ⁸ na aŋǝno esen yiđ aiyandre erađ rirnuŋ gakǝl goɽra igi gǝbernia sǝḏum na masr eŋen ŋǝwujǝnu, falo isi đurri elǝŋ egen, yesu gaɽiñeiniau. ⁹ na eñoman ñiɽijin na nus leđa lalo pređ na lǝŋǝɽwa pređ na lole pređ ɽetǝɽeteo na lǝŋǝlǝŋe pređ liđ alǝseici aŋǝno esen na laber liđ alǝŋgiṯi aiyurni. ¹⁰ leđa ildi lafo alo ṯaldurrǝmaṯo ŋađǝna, na liđ aliđi namǝđia na liđi ṯalnanaiđo laŋge bǝɽan ŋen ŋanṯa leđa ildi liɽijan ildi laɽo anbiya lënǝŋulu lanaico leđa lalo ŋen ŋubwa kaiñ. ¹¹ orn ndǝ ñoman ñaŋgaṯo ñiɽijin na nus usila gǝđamǝṯia geṯo irǝmwa nǝŋǝlǝwënṯi na lënǝŋulu liɽijan ldǝtwođe na ŋǝđaiña ŋoɽra nǝŋëndi leđa ildi laseicǝlo. ¹² orn leđa ldǝne ole goɽra gelo igi gwalwaɽǝṯu leđa liɽijan ṯa, abǝṯwar ëli. na lënǝŋulu ldabǝṯe elo isbwoɽua na leđa ldagea ldǝlǝseici labǝṯwa elo. ¹³ iliga lakǝl đurri alo yǝtësǝnu kaiñ na irnuŋ elorǝba ređ igirnuŋ pređ goɽra giɽu. leđa alǝf đenǝŋ nemiñe eɽijan ldaiye ndǝ alo yǝtësǝnu na leđa lǝṯënu liđǝñalo kaiñ ldǝnaice rǝmwa relo ŋaɽrwa. ¹⁴ ŋen ŋwomǝn ŋubwa ŋamǝndëđǝnu orn igaseicia ŋen ŋubwa ŋǝnḏurṯu ŋeṯo ṯwaiñ. ¹⁵ mǝlaiyǝka đǝnḏurṯu đare đal đǝlëɽǝŋu, na ole gafo elo goɽra kaiñ igi gaṯa, ŋǝlǝŋe ŋalo ŋaɽo ŋǝlǝŋe ŋelǝŋ rǝmwa irëndr na ŋal masiya gǝlëɽǝŋu na rënǝŋu riđ arerṯe ŋǝlǝŋe iŋi bǝɽǝbǝte. ¹⁶ na nǝlǝŋ eređia giɽijan na marldwan ini ṯanaɽaŋo nal kurs esen rǝmwa nëiñua, nënǝŋulu niɽǝṯi alo nukwuđiñǝṯi rǝmwa alo, ¹⁷ naṯa, elǝŋ rǝmwa ñagaŋërṯiaŋa nano, ŋaŋgi agerṯo ŋabǝɽa pređ ŋaŋgi agǝfia na agafo agafo, ŋen ŋanṯa agamo ŋǝlǝŋe ŋǝlaɽǝŋa ŋoɽra na agaɽ elǝŋ. ¹⁸ leđa lǝŋǝlǝŋe ɽetǝɽeteo lafo lunḏeinu đeicianođa, orn điñǝđi đeiciano đǝlaɽǝŋa đeṯo na liga ldelalda ildi leda laiyo liđ alwakǝmǝni, na leđa liṯǝŋa ŋǝmëɽria liđ alwonaneini đǝpǝɽa eđen, ildi laɽo anbiya na leđa ǝllaɽǝŋa na leđa pređ loɽra na lǝrra ildi liđǝña irǝŋ gǝlaɽǝŋa, na lënǝŋulu ildi lagero alo liđ algirni. ¹⁹ orn al ekǝl irǝmwa elo yagagiđǝnu na sanḏug iđǝrreiđia eŋen đǝlëɽǝŋu isi yafo alo yetǝɽe yaɽǝwađaṯa yaseinu, na rǝmwa raso na ole gafo goɽra na rǝmwa rëpǝniano na alo yǝtësǝnu na ŋwotǝđa nǝŋirǝwuṯa alo.

¹ orn ŋamǝla ŋoɽra kaiñ ŋaseinu elo. fǝwuji gaɽǝbwa gëɽǝnu ëđǝñina nano. na gënǝŋu gerṯo ubwa erǝmanǝŋ na ropa ređ ndrǝmiñe riɽijan raɽo ṯaj enenda ǝllëɽǝŋu. ² gënǝŋu gwonḏaico ṯaŋaro eŋen ŋauɽiña ṯa aŋalǝŋe ŋere ŋǝlëɽǝŋu. ³ na ŋamǝla ŋwomǝn ŋaseinu elo. fǝđwala đeđǝñwa iđi đore đoɽra kaiñ đǝbernia ṯannin iđi đerṯo ŋǝɽwa đenǝŋ nǝŋǝmiñe ŋiɽijan na rlde ređ na đerṯo ṯaj đenǝŋ nemiñe eɽijan nǝŋǝɽwa ŋǝlëɽǝŋu. ⁴ na lǝper ǝllëɽǝŋu ldǝbuɽi đopa elorǝba liɽijin eropa pređ relo ldǝlauwǝṯi alo. na ṯannin ṯaiyaṯurwaṯo wuji nëiñua igi gwonaṯa galǝŋa ŋere, ṯa aiyase ŋere taltal ndǝ ŋǝlǝŋǝnu. ⁵ wuji nǝŋalǝŋe ŋere ŋaɽorra iŋi ŋiđ aŋǝɽeṯe elǝŋ gǝleđa lǝŋǝlǝŋe pređ na iŋi ŋiđ aŋǝɽrǝmoṯe lǝfrala lǝđǝpeini. na ŋere ŋǝwuji ŋapǝnu taltal rǝmwa nano na kursi eŋǝlǝŋe nano ilëɽǝŋu. ⁶ na wuji nǝŋobǝđaṯe eđǝñwa alo yǝnǝŋ isi rǝmwa rëɽǝṯǝma isi gënǝŋu giđ aŋomicini nṯǝli niɽijin na nus. ⁷ na đǝbwaiñǝđia đatwođo elo. makiaiyil na mǝlaiyǝka ilëɽǝŋu lǝpǝđu ṯanninya. ṯannin na mǝlaiyǝka ilëɽǝŋu lagerđo ⁸ orn lađamǝnu, na alo niyerṯe elo ŋen ŋanṯa ŋulu. ⁹ na ṯannin yoɽra yawujǝnu alo. fǝrǝmwa reicia rǝpǝnde rǝbernia iblis na seṯan isi yiđu leđa pređ lalo ŋađǝna. yënǝŋu yawujǝnu alo na mǝlaiyǝka ilëɽǝŋu yawujǝnǝlda. ¹⁰ na igano ole goɽra elo igi gaṯa, điñǝđi đëbǝri đeṯo na ŋabǝɽa na ŋǝlǝŋe ɽrǝmwa irëndr leṯo pređ na ŋǝlǝŋe ŋal masiya gǝlëɽǝŋu ŋeṯo cum. ŋen ŋanṯa eđa igi gasǝku lorldaiñ gënǝŋu gawujǝnu alo. gënǝŋu igi ṯaŋǝlǝsǝko rǝmwa nano irëndr ëđǝñëđǝñin na ulǝŋgǝlǝŋ. ¹¹ leđa ildi lađamo seṯan ŋǝfǝniŋa ŋǝɽruma na ŋenŋa ŋǝđamǝđaṯa eđen, ŋen ŋanṯa lero lubwa đamǝṯiađa eđen nṯia eum ndǝ laɽiñǝnu. ¹² ŋen ŋafǝṯia ya elo ŋǝreṯo nano na leda pređ ñaŋgi ñagafo elo ŋǝreṯr nano eum. orn ya đuđa na ya bar ñagiđi ñaneini ŋen ŋubwa ŋen ŋanṯa seṯan yirǝwuṯǝnde nano na yënǝŋu yeiciano kaiñ ŋen ŋanṯa yaliŋeṯo ṯa liga ǝllëɽǝŋu lobǝlano. ¹³ ndǝ ṯannin yaseicu ṯa yawujǝnu alo yǝlëldiña wuji gaɽǝbwa igi galǝŋo ŋere ŋaɽorra. ¹⁴ orn wuji ganeinu nǝlde niɽijan noɽra noieǝl ṯa aŋǝliyaborṯe alo ilëɽǝŋu eđǝñwa isi gënǝŋu ṯaŋorǝmijǝnu irǝmwa reicia nṯǝli niɽijin na nus. ¹⁵ orn rǝmwa reicia ndraraice ŋawa alo igëiñua ŋarno đǝbarlda iŋi ŋǝlëldiña wuji ṯa arǝmaɽiñe ŋawaŋa. ¹⁶ orn đuđa đamǝđaṯo wuji nḏǝgagiđi ëiñua ilëɽǝŋu nḏarne đǝbarlda iđi ṯannin yaraico igëiñua ilëɽǝŋu. ¹⁷ orn ṯannin yeicǝṯu wuji ano kaiñ neɽe ṯa aiyǝbwaiñǝđe aigea ñere ñǝwuji ñǝṯënu, fǝleđa ildi ṯaɽrǝmoṯo ŋen ŋǝrǝmwa na ṯalerṯo đamǝđaṯa đǝyesu. na yënǝŋu yađǝru nebe igal bar.

¹ igaseicu đwala đeđǝñwa đamiño igal bar. đënǝŋu đerṯo rlde ređ na ŋǝɽwa đenǝŋ nǝŋǝmiñe ŋiɽijan. đerṯo ṯaj ređ ndrǝlde rǝlëɽǝŋu na ndrǝŋ nǝwërđǝnu nǝŋǝɽwa ini ṯanađamǝco rǝmwa eŋen. ² đwala đeđǝñwa iđi igaseicu đarno oman, orn đerṯo rǝmanǝña rarno rǝđwala đǝnǝŋ đeđǝñwa đǝbernia ḏubb na đerṯo ëiñua yarno iđëbia. ṯannin yanaico đwala đeđǝñwa ŋabǝɽa ŋǝlëɽǝŋu na kursi eŋǝlǝŋe ilëɽǝŋu na ŋǝlǝŋe ŋwaiña. ³ nda lnǝŋ lǝđwala đeđǝñwa lafo lerṯo đëɽi nano đoɽra na đënǝŋu đafo ŋǝɽaiñ ṯwaiñ orn đëɽi đeiđinu. leđa pređ lalo ldǝteṯe đwala đeđǝñwa ldirǝwiṯano. ⁴ leđa ldǝbuŋṯi ṯannin ŋen ŋanṯa yënǝŋu yanaico đwala đeđǝñwa ŋǝlǝŋe ŋǝlëɽǝŋu. orn ldǝbuŋṯi đwala đeđǝñwa cum, ldaṯa, esegi garno đwala đeđǝñwa? esegi gaɽǝwađaṯa laldǝbwaiñǝđalda? ⁵ đwala đeđǝñwa đaŋgini ađǝɽwate ŋen ŋwaiña ŋagea rǝmwa, na đaŋgini ađerṯe ŋǝlǝŋe nṯǝlia niɽijin na nus. ⁶ nṯia đǝɽwato ŋen ŋǝrǝmwa ŋeicia. đǝɽwato irǝŋ gǝlëɽǝŋu geicia na eɽa gǝlëɽǝŋu geicia na leđa leicia ildi lafo elo. ⁷ dënǝŋu đaŋginu cum aldǝbwaiñǝđǝlda leđala ɽrǝmwa na ṯa ađǝlađame. na đaneinu ŋǝlǝŋe eleđa lǝŋǝɽwa pređ na lalo pređ na lole pređ ɽetǝɽeteo na lǝŋǝlǝŋe pređ. ⁸ leđa pređ ildi lafo alo liđ albuŋṯi, lënǝŋulu ildi ndrǝŋ enen nero nǝwërdǝnia ŋen alo yamǝlu yǝbǝđǝni egađam gǝđamǝṯia gǝɽruma ildi laɽiñǝnu. ⁹ ŋgiṯr leđa ildi lerṯo nënǝñia alne ŋen iŋi. ¹⁰ ndǝ eđa gǝnǝŋ gëɽǝnu ṯa aŋëndǝni, gënǝŋu giđ aŋëndǝni. ndǝ eđa gǝnǝŋ gaɽiñǝđo đoperređa đeṯam gënǝŋu giđ aŋǝɽiñǝni đoperređa. nṯia đaɽiñaṯa ŋen na đonaṯa lǝleđa ɽrǝmwa liđ alërrǝŋeiđǝni. ¹¹ orn igaseic đwala đeđǝñwa đwomǝn iđi đamiño iđuđa, iđi đerṯo rlde riɽijan rarno rǝđaŋala na đǝɽwato olega garno gǝṯannin. ¹² đënǝŋu đerṯo ŋǝlǝŋe pređ ŋǝđwala đeđǝñwa đananoŋ ŋu nëiñua. đëbǝđia leđa pređ lalo ṯa albuŋṯi đwala đeđǝñwa đananoŋ iđi đëɽi đǝlëɽǝŋu đeiđinu iđi đafo đaɽiña. ¹³ na đëbǝđia aŋwara na đëbǝđia isia elo ṯa ikirǝwuṯalo liga leđa ṯalaseieu. ¹⁴ đënǝŋu đëbǝđia leđa ŋađǝna ildi lafo alo ŋamǝlaŋa iŋi đaŋgini ađiđi liga đwala đeđǝñwa đananoŋ đaseicia, nḏǝlwaɽǝṯi leđa ṯa aliđi waŋge garno đwala đeđǝñwa iđi đabuɽǝnu đëɽǝđa đoperređa orn nḏamǝṯe. ¹⁵ đënǝŋu đaŋginu cum ṯa ađǝnaice waŋge đamǝṯia igi garno đwala đeđǝñwa ṯa waŋge aŋǝɽǝwađaṯe gwaɽwata, na đaŋginu ṯa ađǝɽiñe leđa pređ ildi laneđo labuŋṯia waŋge garno đwala đeđǝñwa đananoŋ. ¹⁶ na đënǝŋu đëbǝđia leđa pređ ṯa alerṯe ŋwëɽiña ŋǝwërđǝni ndraŋ rǝŋaieǝba walla nǝŋǝɽwa ŋǝndësi, leđa ildi lǝrra na loɽra, ildi lerṯo laŋge lwaiña na ildi lafo rerṯa, na ildi laɽo lǝbai na ildi lero laɽo lǝbai. ¹⁷ na eđa gero gǝnǝŋ gaɽǝwađaṯa gǝbǝliđa laŋge illi ndǝ gerṯo ŋwëɽiña ŋǝđwala đeđǝñwa walla ŋen ṯa irǝŋ gǝlëɽǝŋu gumađeinu ṯau. ¹⁸ ŋen đeṯam ṯa eđa galiŋeṯo ŋen nǝsi ŋen ŋanṯa aŋǝliŋeṯe ŋen iŋi. ŋgiṯr eđa igi gerṯo đaliŋeṯa aŋumađaṯe ŋen ŋǝđwala đeđǝñwa. fǝŋen ṯa eđa gumađeinu ṯau, na đënǝŋu đaɽo miyya đenǝŋ nemiñe yento nalo eređia đenǝŋ nǝŋǝmiñe gunto na đenǝŋ nǝŋǝmiñe gunto.

¹ orn igwanwanǝđo neseici ɽruma laṯurwa naiyǝn ibernia siyun na leđa laldǝṯurwalda alǝf eređia ređ nalo eređia marldwan na marldwan ildi lerṯo irǝŋ gǝlëɽǝŋu na irǝŋ geṯen nǝwërđǝnu nǝŋǝɽwa ŋǝndësi. ² orn igano ole gelo garno ole gǝŋawa ŋirǝwa ŋwaiña kaiñ enǝbwa na garno rǝmwa rëbuɽǝniano, na ole garno ŋwal cum gǝmberǝmbera leđa lëpwa. ³ na điñǝđi leđa labalǝŋa ŋǝlǝŋa ŋǝmaijǝn kursi nëiñua na laŋge nëiñua ildi lamǝṯia marldwan na nǝlǝŋ nëiñua. eđa gero gǝnǝŋ gaɽǝwađaṯa gǝbërrǝŋeini ŋǝlǝŋa ŋakǝl illi leđa alǝf eređia ređ nalo eređia marldwan na marldwan ildi lǝpǝɽǝnu alo. ⁴ fǝleđa ildi lero lëbǝđia aŋǝno esen yataŋa eŋen ŋǝđaɽaŋa lijila ɽrlda na lënǝŋulu ltǝɽe kaiñ larno ñere iñi ñaijǝba leđa ɽrwa kwai kwai. fǝŋulu ildi ṯalteṯo ɽruma alo pređ laumiña. lënǝŋulu lapǝɽǝnu alo na laɽo đǝrlde đananoŋ ŋen ŋanṯa rǝmwa na ŋen ŋanṯa ɽruma. ⁵ lënǝŋulu lero laɽo len kwai kwai na lafo mǝnna gero. ⁶ orn igaseicu mǝlaiyǝka đwomǝn đura elo iligano iđi đerṯo ŋen ŋaŋǝra ŋǝrǝmwa iŋi ŋafo bǝɽǝbǝte ṯa ađǝlwaɽǝṯi leđa ildi lafo alo lǝŋǝlǝŋe pređ na lǝŋǝɽwa pređ na lole pređ ɽetǝɽeteo na lalo pređ. ⁷ na đënǝŋu nḏarǝjaice ole nḏaṯa, đǝñiṯr rǝmwa ñanaice ŋaɽrwa ŋen ŋanṯa liga leṯo đǝge ildi riđ arauwakǝme alo. abuŋṯr irri riđu elo na alo nal bar na yoro. ⁸ na mǝlaiyǝka đwomǝn đateṯo orǝba nḏaṯa, alo yoɽra ibabil yiɽu, đeṯam yiɽu, gënǝŋu igi giđu leđa lǝŋǝlǝŋe pređ alǝṯi ŋawa ŋinǝb ŋǝŋen ŋǝlëɽǝŋu ŋataŋa na ŋǝđeiciano. ⁹ na mǝlaiyǝka đwomǝn nḏǝteṯe lorǝba liɽijan nđarǝjaice ole nḏaṯa, ndǝ eđa gǝnǝŋ gabuŋṯia đwala đeđǝñwa na waŋge garno đwala đeđǝñwa na gerṯo ŋwëɽiña ŋǝlëɽǝŋu nǝnda lǝndësi walla nḏaŋ, ¹⁰ gënǝŋu cum giđ aŋǝṯi ŋawa ŋinǝb ŋǝđeiciano đǝrǝmwa iŋi ŋareinu ŋabɽwaŋǝno ifinjan iđeiciano đǝlëɽǝŋu. gënǝŋu giđ aŋǝnancini ŋcn ŋubwa kaiñ isiaya na algabriṯya mǝlaiyǝka nëiñua yetǝɽe na ɽruma nëiñua. ¹¹ na đubwa đǝŋen iŋi ŋubwa lënǝŋulu lananeini đabǝṯwa elo bǝɽǝbǝte na đǝmiñǝniano đero kwai kwai ñoman pređ ëđǝñëđǝñin na ulǝŋgǝlǝŋ. fǝŋulu ildi labuŋṯia đwala đeđǝñwa na waŋge garno đwala đeđǝñwa na ildi laneinu ŋwëɽiña ŋǝlëɽǝŋu na irǝŋ gǝlëɽǝŋu. ¹² eŋen iŋi đaɽiñaṯa ŋen ŋǝleđa ɽrǝmwa đërrǝŋeiđǝni, lënǝŋulu ildi larǝmoṯwa ŋen ŋǝrǝmwa na đonaṯa iyesu. ¹³ orn igano ole gelo igi nǝŋaṯa, wërđu ŋen iŋi ṯa, leđa laiyo laŋǝra nano ndǝ laiyo egelǝŋ yesu. usila gatǝɽe nǝŋaṯa, đeṯam lënǝŋulu laŋǝra nano ŋen ŋanṯa laŋgiṯi ŋǝmëɽria eŋen orn ṯalǝmiñǝniano na ŋen iŋi lënǝŋulu liđu liđ aldǝfeṯǝlda. ¹⁴ orn igwanwanǝđo tǝŋ neseici ibwoɽua na eđa gǝnǝŋ ganaɽaŋa. gënǝŋu gerṯo ṯaj nenda isi yiđǝnu aḏ ḏaǝbya nǝŋëndi irtia gwaiña ŋǝfǝni eđaŋ. ¹⁵ orn mǝlaiyǝka đwomǝn nḏamiñe alo yetǝɽe irǝmwa nḏarǝjaice ole nḏeiṯi eđa gaɽaŋa nibwoɽua ṯa, miñu irtia ŋaiywanḏe ŋen ŋanṯa liga lǝđwanḏa leṯo đǝge. ŋwana ŋalo ŋore đǝge. ¹⁶ nṯia eđa igi gaɽaŋa nibwoɽua nǝŋǝbuɽǝđi irtiaga alo nṯia alo niywanḏǝni. ¹⁷ na mǝlaiyǝka đwomǝn nḏamiñe igal ekǝl irǝmwa elo iđi đerṯo irtia gwaiña ŋǝfǝni cum. ¹⁸ orn mǝlaiyǝka đwomǝn nḏamiñe nađuna. fǝmǝlaiyǝka iđi đerṯo ŋǝlǝŋe ŋisia na đënǝŋu nḏarǝjaiee ole nḏeiṯi mǝlaiyǝka iđi đerṯo irtia gwaiña ŋǝfǝni ṯa, miñu irtia gǝlaɽǝŋa igi gwaiña ŋǝfǝni ŋǝrreiđi liđia linǝb yalo ŋen ŋanṯa liđia lore đǝge. ¹⁹ orn mǝlaiyǝka nḏǝbuɽǝđi irtiaga alo nḏwanḏe liđia linǝb yalo nḏǝlauwǝṯi igǝri goɽra gǝđeiciano đǝrǝmwa. ²⁰ na liđia ṯaɽrǝldađeinu alo irnuŋ ndëuwǝr na ŋǝfǝni nǝŋobǝđe igǝri ŋarno ŋawa ŋafo iđǝbarlda iŋi ŋafo pǝlelo ŋarno emǝrṯa na iŋi ŋwalano garno mil eređia ređ nalo eređia ređ.

¹ orn igaseicu ŋamǝla ŋwomǝn tǝŋ elo iŋi ŋoɽra nǝŋǝtuđi đirǝwano kaiñ. fǝmǝlaiyǝka đenǝŋ nemiñe eɽijan isi yamama ŋen ŋubwa đenǝŋ nǝŋǝmiñe ŋiɽijan, iŋi ŋǝnḏurṯu ŋen ŋanṯa đeieiano đǝrǝmwa điđ ađǝmǝndëđǝni ŋenŋa iŋi. ² orn igaseicu waŋge garno al bar yiđǝnu ŋaɽaŋa iŋi ŋerṯo isiano na leđa laṯurwa al bar nano iŋaɽa ildi ladamo đwala đeđǝñwa na waŋge garno đwala đeđǝñwa na ŋen ṯa đumađeinu ṯau, na lënǝŋulu ldëndi mberǝmbera iđi rǝmwa ranaicǝlo. ³ na lënǝŋulu lafo labalǝŋa ŋǝlǝŋa ŋǝmusa igi gaɽ ebai gǝrǝmwa na ŋǝlǝŋa ŋǝɽruma ldaṯa, elǝŋ rǝmwa ŋaŋgi agerṯo ŋabǝɽa pređ, ŋǝmëɽria ŋǝlaɽǝŋa ŋoɽra na ŋaɽ aŋwara. elǝŋ gǝleđa pređ, ŋen ŋǝlaɽǝŋa ŋuđǝrwaṯo na ŋǝđeṯam. ⁴ elǝŋ rǝmwa, esegi gaber giđ aŋađiñǝṯi na gaber giđ aŋanaice irǝŋ gǝlaɽǝŋa ŋaɽrwa? ŋen ŋanṯa agatǝɽe agunto. leđa lǝŋǝlǝŋe pređ liđ alela alǝŋukwuđiñǝṯialo ŋen ŋanṯa đakǝme đǝlaɽǝŋa đërrǝŋeiđǝnu. ⁵ orn igwanwanǝđo na al ekǝl egeɽa gǝđamǝđaṯa elo yagagiđǝnu. ⁶ na mǝlaiyǝka đenǝŋ nemiñe eɽijan niyamiñe alo yetǝɽe isi yerṯo ŋen ŋubwa đenǝŋ nǝŋǝmiñe ŋiɽijan. yënǝŋulu yëɽǝnu nano ndrenna nǝmǝtiaŋǝno ini natǝɽe kaiñ nǝwađialo na yëndǝnu ernaya ano iŋurum yaḏ ḏaǝb. ⁷ na waŋge elaŋge ilđi lamǝṯia marldwan ganaieo mǝlaiyǝka isi đenǝŋ nemiñe eɽijan ŋǝmbolua đenǝŋ nǝŋǝmiñe ŋiɽijan iŋi ŋiđǝnu aḏ daǝbya ŋwunḏeinu đeicianođa đǝrǝmwa irri ramǝṯia bǝɽǝbǝte. ⁸ na al ekǝl yunḏeinu đubwađa đǝŋaɽrwa na đǝŋabǝɽa ɽrǝmwa na eđa gero gǝnǝŋ gaɽǝwađaṯa gǝbenṯia igal ekǝl illi nđǝ ŋen ŋubwa đenǝŋ nǝŋǝmiñe ŋiɽijan ŋǝmǝlaiyǝka đenǝŋ nemiñe eɽijan ŋamǝndëđǝnu.

¹ orn igano ole goɽra igi geṯo igal ekǝl igi geiṯu mǝlaiyǝka isi đenǝŋ nemiñe eɽijan ṯa, mbǝr ñaraice ŋǝmbolua alo iŋi ŋǝđeiciano đǝrǝmwa iŋi đenǝŋ nǝŋǝmiñe ŋiɽijan. ² nṯia mǝlaiyǝka đananoŋ đabǝɽo nḏǝraicc lǝmbolua ǝllëɽǝŋu alo. na rëɽi irri rǝmwađa guɽua na raicǝbǝro ndrǝtođe leđa nano pređ ilđi lerṯo ŋwëɽiña ŋǝđwala đeđǝñwa na ildi labuŋṯu waŋge garno đwala đeđǝñwa. ³ mǝlaiyǝka đwomǝn nḏǝraice lǝmbolua ǝllëɽǝŋu igal bar na ŋawa nǝŋarneṯe ŋǝfǝni ŋeđa gaiyo na laŋge pređ laiyo ildi lafo igal bar. ⁴ mǝlaiyǝka đwomǝn nḏǝraice lǝmbolua ǝllëɽǝŋu isǝbarlda na iyoro na ŋawa pređ nǝŋǝɽeṯe ŋǝfǝni. ⁵ orn nene mǝlaiyǝka đǝŋawa nḏaṯa, aguđǝrwaṯo eŋen ŋǝđakǝme iđi đǝlaɽǝŋa, aganǝŋa ŋaŋgi agaɽ eđa gatǝɽe ŋaŋgi agafo agafo na agafo điñǝđi. ⁶ leđa ldirǝwǝci ŋǝfǝni alo ŋǝleđa ɽrǝmwa na ŋal anbiya na aganaicǝlo ŋǝfǝni ṯa alǝṯi. ŋen iŋi ŋuđǝrwaṯo ŋen ŋanṯa ŋulu. ⁷ na nene ađuna yalwaɽo niyaṯa, đeṯam, elǝŋ rǝmwa, ŋaŋgi agerṯo ŋabǝɽa pređ, đakǝme đǝlaɽǝŋa đuđǝrwaṯo na đǝđeṯam. ⁸ mǝlaiyǝka đwomǝn nḏǝraice lǝmbolua ǝllëɽǝŋu igëđǝñin na ëđǝñina yaneinu ŋabǝɽa ṯa aiyuɽi leđa isiaya. ⁹ leđa luɽǝnu đubwađa đoɽra na lënǝŋulu ldaboŋe irǝŋ gǝrǝmwa irri rerṯo ŋabǝɽa ŋǝŋen iŋi ŋubwa na lderṯe laŋgiṯi ŋen eŋen ŋeicia na lderṯe lanaiea rǝmwa ŋaɽrwa. ¹⁰ na mǝlaiyǝka đwomǝn nḏǝraice lǝmbolua ǝllëɽǝŋu nal kurs iđwala đeđǝñwa na ŋǝlǝŋe ŋǝlëɽǝŋu nǝŋënǝjǝni iŋǝrǝm na leđa ṯalǝsaṯo raŋǝla eren ŋen ŋanṯa ṯalagǝrđo kaiñ. ¹¹ na lënǝŋulu ṯalaboŋo rǝmwa relo ŋen ŋanṯa lananeinu ŋen ŋubwa na ŋen ŋanṯa rëɽi na lderṯe laŋgiṯia ŋen ŋeieia iŋi ṯaliđu. ¹² na mǝlaiyǝka đwomǝn nḏǝraiee lǝmbolua ǝllëɽǝŋu iđǝbarlda đoɽra đǝbernia alfuraṯi na ŋawa nǝŋǝwerṯe ṯa đađ ađṯuɽeinṯi nǝlǝŋ nalo endele. ¹³ na igaseicu nusila niɽijin neicia narno ñǝlu namiña igëiñua iṯannin na igëiñua iđwala đeđǝñwa na igëiñua inabi eŋaɽǝwen. ¹⁴ fǝnusila neicia ini nëbǝđia aŋwara na nënǝŋulu nabǝla ṯa anurndǝđaici nǝlǝŋ nalo pređ ṯa anǝɽrreiđi ldǝɽo ŋen ŋanṯa đǝbwaiñǝđia iloman loɽra ɽrǝmwa irri rerṯo ŋabǝɽa pređ. ¹⁵ seier igiđi yela taltal garno oɽom. eđa gaŋǝra nano igi ṯaŋapo sǝndua na igi gerṯo ndrena nǝmaɽaŋa ṯwaiñ ṯa nǝŋerṯe gǝfia mǝɽǝmǝɽeñ ndrena nerǝma nano, nṯia leđa laseieia đirǝwano đǝlëɽǝŋu. ¹⁶ orn nusila neieia nǝrreiđu nǝlǝŋ ldǝɽo alo ibernia armajaḏḏun egole gabraniyin. ¹⁷ na mǝlaiyǝka đǝnḏurṯu nḏǝraiee lǝmbolua ǝllëɽǝŋu elo na ole goɽra geṯo igal ekǝl igal kurs nǝŋaṯa, ŋen ŋamǝndëđǝnu. ¹⁸ orn rǝmwa raso na ole gafo goɽra na rǝmwa rëpǝniano na alo yǝtësǝnu kaiñ. đeṯam alo yǝtësǝnu kaiñ, na yero yǝtësǝni kaiñ ṯia liga leđa lafo alo kwai kwai. ¹⁹ na irnuŋ goɽra gandǝđiano ñoman ñiɽijin na irnuŋ goɽra galo pređ nǝŋiɽi nǝŋgǝre. na rǝmwa rǝlëldǝŋǝđeinu alo yoɽra ibabil na riđu aiyǝṯi al finjan iŋawa ŋinǝb ŋǝđeiciano kaiñ đǝlëɽǝŋu. ²⁰ na alo pređ isi yafo eŋau iligano niyobǝđe na aiyǝn pređ niyatamǝre. ²¹ na ŋwotǝđa ŋoɽra ŋinia kaiñ nǝŋirǝwa elo na leđa lǝboŋo rǝmwa ŋen ŋanṯa ŋen ŋubwa ŋǝŋwotǝđa iŋi ŋiɽǝṯǝlo nano na ŋiđǝlo liđǝñalo kaiñ.

¹ orn mǝlaiyǝka đǝnǝŋ emǝlaiyǝka đenǝŋ nemiñe eɽijan isi yëndu ŋǝmbolua đenǝŋ nǝŋǝmiñe ŋiɽijan đeṯǝñi nano nḏaṯa, elaŋ, igiđ eŋaŋaice đakǝme đǝwuji goɽra eŋen gaɽ alaiñ igi gaɽaŋa alo ywaiña eŋau. ² fǝŋu igi nǝlǝŋ nalo nǝmaiyandra eŋen ŋeieia na leđa ildi lafo alo ldǝṯi ŋawa ŋinǝb ŋǝđataŋa đǝlëɽǝŋu ldǝramǝɽi. ³ orn mǝlaiyǝka nḏǝñǝmamaṯe eđǝñwa igusil na igaseicu wuji gaɽǝbwa gaborṯo đwala đeđǝñwa đore iđi ndrǝŋ nǝwërđǝnu aŋǝno pređ ini nađamǝcu rǝmwa eŋen na đerṯo ŋǝɽwa đenǝŋ nǝŋǝmiñe ŋiɽijan na rlde ređ. ⁴ wuji gëɽǝnu nano ndrenna nore đore đǝmǝnu na nore na giđǝnu ŋaiyo aḏ ḏaǝbya na ŋwandraŋa iŋi ŋǝtefr alo nṯia ŋwaiña iliano, na ŋwandraŋa ŋǝbernia lulu na wuji nǝŋëndi finjan iḏaǝb iđaŋ isi ywunḏeinu ŋenŋa ŋataŋa ŋalo na ŋalaiñǝŋa ŋǝlëɽǝŋu. ⁵ na irǝŋ gǝwërđǝnu nenda ǝllëɽǝŋu lǝndësi igi gaɽo ŋamǝɽa. fǝbabil yoɽra, lǝŋgen gǝleđa pređ ildi laɽo nalaiñ na gǝŋen ŋeicia ŋalo. ⁶ orn neseici ṯa wuji garamǝɽua ŋǝfǝniŋa ŋǝleđa ɽrǝmwa na ŋǝleđa ildi laɽiñǝnu ŋen ŋanṯa lëndu ŋen ŋǝyesu. ndǝ igaseicu wuji nirǝwano kaiñ. ⁷ orn mǝlaiyǝka nḏǝñeiṯi ṯa, agirǝwano eđa? igiđi eŋaŋaice ŋamǝɽa ŋǝwuji na ŋǝđwala đeđǝñwa iđi đamarrapa iđi đerṯo ŋǝɽwa đenǝŋ nǝŋǝmiñe ŋiɽijan na rlde ređ. ⁸ đwala đeđǝñwa iđi agaseicu đafo ram orn nḏerṯe điñǝđi. đënǝŋu điđ ađǝtwođe ilǝbu loliano kaiñ đuđa đero alo na điđ ađǝmǝndëđǝni. leđa ildi lafo alo ildi ndrǝŋ enen nero ŋǝwërđǝni egađam gǝđamǝṯia liga alo yamǝlu yǝbǝđǝni, lënǝŋulu liđ alirǝwano ndǝ laseicu đwala đeđǝñwa ŋen ŋanṯa đafo đafo, na đero điñǝđi orn điđ ađela. ⁹ ŋen đeṯam ṯa leđa laliŋeṯo ŋen nǝsi ṯa allǝŋeṯe ŋen iŋi. ŋǝɽwa đenǝŋ nǝŋǝmiñe ŋiɽijan ŋaɽo aiyǝn đenǝŋ nemiñe eɽijan isi wuji ganǝlɽaŋa. ¹⁰ nǝlǝŋ nafo cum đenǝŋ nǝmiñe niɽijan. nǝlǝŋ đenǝŋ iŋulu namiño đǝge na elǝŋ gǝnǝŋ gerṯo ŋǝlǝŋe điñǝđi na elǝŋ gǝnḏurṯu gamǝlu geṯo, orn ndǝ geṯo giđ aŋfeṯe liga ltefr. ¹¹ đwala đeđǝñwa iđi đafo đafo orn nḏerṯe điñǝđi đënǝŋu đaɽ elǝŋ gwomǝn orn enǝlǝŋ đenǝŋ nǝmiñe niɽijan, na điđ ađǝmǝndëđǝni. ¹² rlde ređ irri agǝseieǝlo raɽo nǝlǝŋ ređ ini namǝlu naneini ŋǝlǝŋe orn nënǝŋulu niđ aneini ŋǝlǝŋe na niđ anǝɽeṯe nǝlǝŋ đwalađa đeđǝñwa ëđǝñina yento. ¹³ na ini nerṯo ŋen ŋunto na niđ anaice đwala đeđǝñwa ŋǝlǝŋe eŋen na ŋabǝɽa eŋen. ¹⁴ nënǝŋulu niđ albwaiñǝđe ɽrumala orn ɽruma liđ aldǝđame na leđa ilđi ɽruma loṯǝlo na ldǝlundǝđi na ildi luđǝrwaṯo eŋen lënǝŋulu liđ aldǝđamǝlda ŋen ŋanṯa lënǝŋu laɽ elǝŋ gǝnǝlǝŋ na malik imǝluk. ¹⁵ orn mǝlaiyǝka nḏǝñeiṯi ṯa, alo eŋau isi agǝseicǝlo isi wuji gaɽ alaiñ gafo galɽaŋan, yënǝŋulu yaɽo leđa lwaiña lalo pređ na lǝŋǝlǝŋe pređ na lole pređ ɽetǝɽeteo. ¹⁶ na rlde ređ na đwala đeđǝñwa ildi agaseicǝlo lënǝŋulu lid alneđe wuji gaɽ alaiñ. lënǝŋulu liđ almiđi aŋǝɽaŋe mǝɽǝmǝɽeñ laŋge lero na ndrena nerǝma nano, na liđ alase aŋǝno ilëɽǝŋu na liđ almuɽi isiaya. ¹⁷ rǝmwa rëɽu ŋen enare nǝnǝlǝŋ ṯa aniđi ŋen ronaṯa ndǝ nënǝŋulu nerṯo ŋen ŋunto ananaice đwala đeđǝñwa ŋǝlǝŋe eŋen liga ŋen ŋǝrǝmwa ŋamǝlu ŋǝɽiñađeini. ¹⁸ na wuji igi agǝseieǝma firnuŋ goɽra igi gerṯo ŋǝlǝŋe enǝlǝŋ pređ nalo.

¹ orn igaseicu mǝlaiyǝka đwomǝn iđi đirǝwa elo iđi đerṯo ŋǝlǝŋe ŋwaiña. na alo yawađialo ŋaɽrwaŋa ŋǝlëɽǝŋu. ² na đënǝŋu nḏarǝjaice ole kaiñ nḏaṯa, alo ibabil isi yafo yoɽra yiɽu, đeṯam yiɽu. yënǝŋu yaɽ eɽa gǝnusila neicia na yaɽo sijǝn ŋen ŋanṯa nusila pređ nataŋa na yaɽ eɽa gǝndǝfia pređ ini nataŋa na naniđǝnu. ³ leđa lǝŋǝlǝŋe pređ lëṯu ŋawa ŋinǝb ŋǝŋen ŋǝlëɽǝŋu ŋataŋa nṯia liɽu. nǝlǝŋ nalo ldǝndralda eŋen ŋeieia, na jǝldabi yalo isi yǝbǝliđa liđǝnu laɽo nǝlǝŋ ŋabǝɽaŋa ŋǝlëɽǝŋu na đakađǝnađa đǝlëɽǝŋu. ⁴ orn igano ole gwomǝn elo igi gaṯa, leđa ǝllëɽǝñi, miñr alo ibabil ṯa ñerṯe ñagǝldǝɽǝbǝđialda eŋen ŋǝlëɽǝŋu ŋeicia nṯia ṯa ñerṯe ñagaldǝnǝneinǝlda ŋen ŋubwa. ⁵ ŋen ŋǝlëɽǝŋu ŋeicia ŋabǝjeiđǝnu ldǝɽo nǝŋalaɽǝṯelo ldǝtuŋga na rǝmwa rǝlëldǝŋǝđeinu eŋen ŋǝlëɽǝŋu ŋeicia. ⁶ naicǝmar ŋen iŋi yënǝŋu yanaieo leđa larto. naieǝmar ŋen ñoman ñiɽijan garno ŋen yënǝŋu yiđu. iđǝṯr laŋge lǝđǝṯia ilđi labɽwaŋǝno kaiñ ifmjan isi yënǝŋu yiđiau laŋge lǝđǝṯia ŋen ŋanṯa leđa larto. ⁷ ŋen ŋarno yënǝŋu yǝneinu ŋaɽrwa bǝɽan na ṯaiyerlđo đinia egare, naieǝmar ŋen ŋubwa na đwana. ŋen ŋanṯa yënǝŋu yǝbaṯa egare, igaɽaŋa ëli, na igaɽ elǝŋ nal kurs eŋǝlǝŋe ŋǝlëɽǝñi. igero igaɽo wuji gǝtëđǝnialo na igaber igiđi ywane kwai kwai. ⁸ ŋen ŋafǝṯia ŋen ŋubwa ŋëɽǝnṯu alo isi ŋiđ aŋǝbuɽi lomanto. fǝŋǝɽaiñ na đwana na ŋorwaṯa na yënǝŋu yiđ aiyuɽǝni isiaya. ŋen ŋanṯa elǝŋ rǝmwa irri rakǝme rënǝŋu ronḏǝṯo. ⁹ orn nǝlǝŋ nalo ini nǝmaiyandra eŋen ŋeieia ini lamǝñǝlda-đǝñano nënǝŋulu niđ anare na niđ anwane ŋen ŋanṯa alo isi ndǝ naseieia đubwa đǝlëɽǝŋu ndǝ yuɽǝni. ¹⁰ nënǝŋulu niđ anǝđuri nwaldaŋ ŋen ŋanṯa niđǝña ŋen ŋubwa yënǝŋu yaneinu na niđ anaṯa, anr, anr, irnuŋ goɽra, ya alo ibabil isi agaɽo irnuŋ gwonḏǝṯo, ŋen ŋanṯa đakǝme đǝlaɽǝŋa đeṯo ëđǝñina yento. ¹¹ na jǝldabi yalo isi yǝbǝliđa yiđ aiyare na yiđ aiywane ŋen ŋanṯa alo isi ŋen ŋanṯa eđa gero gǝbǝliđa laŋge mǝldin ildi yënǝŋulu yamǝlo nwaldaŋ kaiñ. ¹² yënǝŋulu ṯaiyamo aḏ ḏaǝb, na al faḏḏa, na ŋwandra iŋi ŋǝtefr alo nṯia ŋwaiña iliano, na ŋwandra ŋǝbernia lulu, na ndrena nǝmǝtiaŋǝno ini nore đore đǝmǝnu na nore garno ŋǝfǝni, na ebwana pređ ɽetǝɽeteo na laŋge lwaiña ɽetǝɽeteo liđǝnu eŋađya yeŋor, na oṯe igi gǝtefr alo na đǝpeini đǝsatrtr na đǝpeini na oɽǝđa, ¹³ na ŋela ŋǝmwađa gaiñǝla na laŋge ildi lareinu eŋela ṯa aŋǝmwađe gaiñǝla, na ŋawa ŋinǝb na ŋela na ulia gǝteṯa, na ŋwala ŋǝlëmu na iria na ñǝnđǝri na yaŋala na nǝmǝrṯa na ṯarǝmbil inǝmǝrṯa na lǝbai, fǝnusila nǝleđa. ¹⁴ đǝrldea iđi ara gǝlaɽǝŋa gwonaṯa kaiñ đamiño đǝge. na laŋge laŋǝra na đaŋǝra ŋaiyo đǝlaɽǝŋa lamǝndëđǝnu na leđa laber liđ aldǝfiđi eŋa tǝŋ. ¹⁵ leđa ildi liliđu laŋge, ilđi laɽaicǝlo nǝlǝŋ lënǝŋulu liđ alǝđuri nwaldaŋ ŋen ŋanṯa liđǝña ŋen ŋubwa yënǝŋu yaneinu na liđ alare na liđ alwane, ¹⁶ na liđ alaṯa, anr, anr, ŋen ŋanṯa alo yoɽra isi yafo yëɽǝnu ndrena nano nǝmǝtiaŋǝno nore đore đǝmǝnu na nore na isi yiđǝnu ŋaiyo aḏ ḏaǝbya na ŋwandraŋa iŋi ŋǝtefr alo na ŋwandraŋa ŋǝbernia lulu. ¹⁷ laŋge ildi pređ ilđi lwaiña iliano lamǝnđëđǝnu ëđǝñina yento. na leđa pređ ildi lerṯo upundri geŋau na ildi laldiđia ŋǝmëɽria na leđa ilđi liyakaldaica, lënǝŋulu lǝđǝru nwalđaŋ ¹⁸ ldǝseici đubwa đisia isi yuɽu ldǝrajaice ole ldaṯa, alo ywuŋga isi yarno alo yoɽra? ¹⁹ na lënǝŋulu ldǝrǝjeini abuɽǝtua nǝŋǝɽwa ldare ldwane ldarǝjaice ole ldaṯa, anr, anr. ŋen ŋanṯa alo yoɽra isi leđa pređ ildi lerṯo upundri liđǝniau laɽo nǝlǝŋ laŋgela ǝllëɽǝŋu lwaiña. yënǝŋu yamǝndëđǝnu ëđǝñina yento. ²⁰ ya elo, ya leđa ɽrǝmwa, ya leđa lǝđweinu, ya anbiya, ŋǝreṯr nano ŋen ŋanṯa alo isi ŋen ŋanṯa rǝmwa rakǝmǝṯǝnd. ²¹ orn mǝlaiyǝka đoɽra nḏape lwandra loɽra kaiñ larno ala nḏauwǝṯi igal bar, nḏaṯa, nṯia eum irnuŋ goɽra gǝbernia babil giđ aŋawujǝni alo ŋabǝɽaŋa na gaber giđ aŋfiđǝni tǝŋ. ²² ole gǝmberǝmbera na gǝleđa labalǝŋa na gǝleđa labare ŋǝmëŋi na gǝrlde gaber giđ aŋǝnǝni eŋa tǝŋ kwai kwai. na nǝɽofa nǝŋǝmëɽria ɽetǝɽeteo naber niđ anǝfiđǝni eŋa tǝŋ kwai kwai, na ole gamṯǝwana gaber giđ aŋǝnǝni eŋa tǝŋ kwai kwai. ²³ na arrerre gǝlamba gaber giđ aŋǝwađialo eŋa tǝŋ kwai kwai. na ole geđa gamǝđia na gǝŋere ŋǝmǝni gaber giđ aŋǝnǝni eŋa tǝŋ kwai kwai. jǝldabi ilaɽǝŋa ildi liliđu laɽo leđa loɽra alo na leđa lǝŋǝlǝŋe pređ liđǝnu ŋađǝna ŋenŋa ŋǝlaɽǝŋa iŋi ŋarno ŋǝmamǝđia. ²⁴ na ŋǝfǝni ŋǝfiđǝnu ibabil ŋal anbiya na ŋǝleđa ɽrǝmwa na ŋǝleđa pređ ildi laɽiñǝnu alo.

¹ orn igano ole garno ole gǝleđa lwaiña kaiñ elo ildi ṯaɽrǝjaico ole ldaṯa, alliluya. đëbǝria na ŋaɽrwa na ŋabǝɽa, laŋge ildi ɽrǝmwa irëndr, ² ŋen ŋanṯa đakǝme đǝlëɽǝŋu đǝđeṯam na đuđǝrwaṯo. rënǝŋu rakǝmo wuji goɽra eŋen gaɽ alaiñ igi giđu leđa pređ lalo lataŋa ŋǝlaiñǝŋa ŋǝlëɽǝŋu na rënǝŋu rakǝmma ŋen ŋanṯa gënǝŋu gaɽiño leđa ildi lǝđuɽǝđǝnṯu. ³ ldaṯa tǝŋ, alliluya. đubwa đisia isi yamamǝndađa đabǝṯa elo bǝɽǝbǝte. ⁴ orn nǝlǝŋ eređia giɽijan na marldwan na laŋge ilđi lamǝṯia marldwan ldiɽǝṯi alo ldǝbuŋṯi rǝmwa irri ṯarǝɽaŋo nal kurs eŋǝlǝŋe ldaṯa, amin. alliluya. ⁵ na ole geṯo igal kurs nǝŋaṯa, ñaŋ pređ ñaŋgi ñagađuɽǝđǝnṯia rǝmwa irëndr naicr đame, ñaŋgi ñagiđǝña, ñaŋgi ñagoɽra na ñagǝrra. ⁶ orn nene ole garno ole gǝleđa lwaiña kaiñ garno ŋawa ŋirǝwa ŋwaiña enǝbwa na garno rǝmwa rëpǝniano kaiñ na lënǝŋulu ldaṯa, alliluya, ŋen ŋanṯa elǝŋ rǝmwa irëndr gaɽ elǝŋ irri rerṯo ŋabǝɽa pređ. ⁷ alaŋǝreṯr nano. đeṯam alaŋǝreṯr nano narana pređ inëndr. alnaicr ŋaɽrwa ŋen ŋanṯa đǝma đǝɽruma đeṯo na wasen gaṯuɽeinu bǝɽan. ⁸ gënǝŋu gaŋgini aŋëɽǝni ndrena nano ini natǝɽe nabǝjo na nawađialo, ŋen ŋanṯa ndrena nǝmǝtiaŋǝno naɽo ŋen ŋuđǝrwaṯo ŋǝleđa ɽrǝmwa. ⁹ orn mǝlaiyǝka nḏǝñǝlwaɽǝṯi ṯa, wërđu ŋen iŋi. leđa laŋǝra nano ildi lundǝđeinu nḏǝsa đǝđǝma đǝɽruma. nḏǝñeiṯi ṯa, ŋen iŋi ŋaɽo ŋen ŋǝđeṯam ŋǝrǝmwa. ¹⁰ orn igiɽǝṯu nano erǝmanǝŋ ṯa ebuŋṯi, orn nḏǝñeiṯi ṯa, ŋerṯe agëbǝđia ṯia. igënǝñi lǝgađuɽǝđǝnṯia rǝmwa na ñagađuɽǝđǝnṯia rǝmwa leđala ildi larǝmoṯwa đamǝđaṯa đǝyesu. buŋṯu rǝmwa. fǝđamǝđaṯa đǝyesu iđi đëbǝđia leđa laɽwata ŋen ŋǝrǝmwa. ¹¹ orn igaseieu elo yagagiđǝnu na emǝrṯa gabǝjo nǝŋǝmiñe. eđa igi gaborṯo emǝrṯa gǝbernia đuđǝrwaṯa eŋen na đeṯam ŋen ŋanṯa đakǝme na đǝbwaiñǝđia ǝllëɽǝŋu luđǝrwaṯo eŋen. ¹² isi ilëɽǝŋu yarno isia na ṯaj ywaiña yafo nenda ǝllëɽǝŋu. irǝŋ gǝwërđǝnu ŋu nano igi eđa gero gǝnǝŋ galiŋeṯo, illi gënǝŋu. ¹³ na gënǝŋu gëɽǝnu erena nano igi gënǝjǝnu iŋǝfǝni na gënǝŋu gǝbernia ŋen ŋǝrǝmwa. ¹⁴ na askari yelo ṯaiyǝmateṯo alo isi yëɽǝnu ndrena nano nǝmǝtiaŋǝno natǝɽe na nabǝjo na yënǝŋulu yaborṯo nǝmǝrṯa nabǝjo. ¹⁵ na đoperre đwaiña ŋǝfǝni đamiña egëiñua ilëɽǝŋu ṯa aŋiyǝpwi leđa lǝŋǝlǝŋe pređ. na gënǝŋu giđ aŋǝɽrǝmoṯe lǝfrala lǝđǝpeini na giđ aŋarldađaṯe inǝb alo igǝri gǝđeiciano đoɽra đǝrǝmwa irri rerṯo ŋabǝɽa pređ. ¹⁶ na gënǝŋu gerṯo irǝŋ gǝwërđǝnu erena nano gǝlëɽǝŋu na ldendr cum. fǝmalik imǝluk na elǝŋ gǝnǝlǝŋ. ¹⁷ orn igaseicu mǝlaiyǝka đaṯurwa igëđǝñina nḏarǝjaice ole nḏurndǝđi nđǝfia pređ ini nura elo iligano nḏaṯa, elar, ñarraiđe ldǝɽo ŋen ŋanṯa đǝsa đoɽra đǝrǝmwa, ¹⁸ ṯa ñase aŋǝno enǝlǝŋ noɽra na enǝlǝŋ nǝrra na eleđa lonḏǝṯo na enǝmǝrṯa na eleđa ildi laborṯǝlo na eleđa pređ, lënǝŋulu ildi laɽo lǝbai na ildi lero laɽo lǝbai, lǝrra na loɽra. ¹⁹ na igaseicu đwala đeđǝñwa na nǝlǝŋ nalo ɽrreiđǝnu ldǝɽo askariya esen ṯa albwaiñǝđe eđaga igi gaborṯo emǝrṯa gabǝjo na askariya ilëɽǝŋu. ²⁰ orn đwala đeđǝñwa đađamǝnu nḏënḏǝni na nabi eŋaɽǝwen ldëndǝnǝlda, yënǝŋu isi yiđu aŋwara đwala đeđǝñwa nëiñua na yiđu leđa ŋađǝna aŋwaraiya isi, ilđi lananeinu ŋwëɽiña ŋǝđwala đeđǝñwa na lënǝŋulu ildi labuŋṯu waŋge garno đwala đeđǝñwa. na lënǝŋulu liɽijan ldǝwujǝni lamǝṯia egǝṯa goɽra igi gerṯo isiano igi ṯaŋuɽu al gabriṯya. ²¹ na leđa pređ lṯënu laɽiñǝnu đoperređa đeđa igi gaborṯo emǝrṯa iđi đamiña egëiñua ilëɽǝŋu. na ndǝfia pređ nabeṯo kaiñ aŋǝnoiya esen orn ṯanaso mǝldin.

¹ orn igaseicu mǝlaiyǝka đirǝwa elo iđi đafo mufṯađa đǝlǝbu loliano kaiñ đuđa đero alo na đafo uriđaga goɽra eđaŋ. ² na đënǝŋu nḏëndi ṯannin isi yaɽo rǝmwa reicia rǝpǝnde isi yaɽ iblis na seṯan nḏakase nṯǝli alǝf, ³ nḏauwǝṯi ilǝbu loliano kaiñ đuđa đero alo nḏǝldanḏate ŋope ŋen ŋanṯa yënǝŋu aiyerṯe ibǝđia leđa lǝŋǝlǝŋe ɽetǝɽeteo ŋađǝna ndǝ nṯǝli naɽo alǝf. orn ndǝ nṯǝli naŋgaṯo alǝf đeṯam yënǝŋu yiđ aiyëbǝrni iliga lǝtefr. ⁴ orn igaseicu kursi ywaiña eŋǝlǝŋe na leđa ilđi ldǝɽaŋan na lënǝŋulu laneinu ŋen ŋǝđakǝme. na igaseicu nusila nǝleđa ildi lǝgǝleinu ŋǝɽwalo ŋen ŋanṯa đamǝđaṯa đǝyesu na ŋen ŋanṯa ŋen ŋǝrǝmwa na ilđi lero lukwuđiñǝṯia đwala đeđǝñwa alo walla waŋge garno đwala đeđǝñwa na ildi lero laneini ŋwëɽiña ŋǝlëɽǝŋu nǝŋǝɽwa ŋǝndësi walla nǝraŋ. lënǝŋulu ldamǝṯe tǝŋ ldǝɽeṯe nǝlǝŋ al masiyaga nṯǝli alǝf. ⁵ leđa lṯënu ilđi laiyo lero latwođa tǝŋ illi ndǝ nṯǝli naŋgaṯo alǝf. fǝđatwođa eŋǝɽaiñ đananoŋ. ⁶ leđa ildi lafo iđatwođa eŋǝɽaiñ đananoŋ lënǝŋulu labuŋǝnṯu na ltǝɽe. ŋǝɽaiñ ŋǝnḏurṯu ŋero ŋaberṯa ŋabǝɽa iŋulu. orn liđ alɽeṯe kana irǝmwa na igal masiya na liđ alɽeṯǝlda nǝlǝŋ nṯǝli alǝf. ⁷ ndǝ nṯǝli naŋgaṯo alǝf seṯan yiđ aiyǝmiñǝni isijǝn ilëɽǝŋu. ⁸ na yënǝŋu yiđ aiyǝmiñe ṯa aiyiđi leđa ŋađǝna lǝŋǝlǝŋe ɽetǝɽeteo ŋalo ildi lafo ndalǝŋgwa na ndele na đǝɽǝđalo, fǝjuj na maijuj ṯa aiyǝɽrraiđe alǝbwaiñǝđe. leđa ildi lwaiña kaiñ larno ebe gisbarlda. ⁹ na leđa ildi ldënṯi alo yoɽra etǝɽiano ldađiṯi alo eleđa ɽrǝmwa na irnuŋ goɽra igi gubwaniya. orn isia yirǝwa elo niyǝlamǝndađe ¹⁰ na seṯan isi yiđǝlo ŋađǝna yǝwujǝnu egǝṯa goɽra igi gerṯo isiano na al gabriṯano, igi đwala đeđǝñwa na nabi isi eŋaɽǝwen lafau. na lënǝŋulu liđ alfeṯe eŋen ŋubwa kaiñ ñoman pređ ëđǝñëđǝñin na ulǝŋgǝlǝŋ bǝɽǝbǝte. ¹¹ orn neseici kursi eŋǝlǝŋe yoɽra yebǝjo na eđa igi gaɽaŋan na elo na alo yalaldǝño isiano ilëɽǝŋu na alo yero yǝfiđǝni ŋen ŋanṯa ŋulu kwai kwai. ¹² na neseiei leđa ildi laiyo ildi lǝrresi, na loɽra lǝṯurwa kursi eŋǝlǝŋe nëiñua na nađam nafo nabǝlëđǝniano na ađam gwomǝn gafo gabǝlëđǝni na ađam igi gaɽ ađam gǝđamǝṯia. na leđa ildi laiyo lakǝmǝnu eŋen ŋǝwërđǝnu enađam ŋen ŋarno ŋǝmëɽria eŋen ŋafo ṯau. ¹³ na al bar yanaiđo leđa laiyo ildi lafo lafau na ŋǝɽaiñ na alo eleđa laiyo lanaiđo leđa laiyo ildi lafo lafau. na lënǝŋulu pređ lakarmeinu eŋen ŋarno ŋǝmëɽria eŋen ŋaɽo ṯau. ¹⁴ na ŋǝɽaiñ na alo eleđa laiyo lǝwujǝnu egǝṯa goɽra igi gerṯo isiano. fǝŋǝɽaiñ ŋǝnḏurṯu, eṯa goɽra igi gerṯo isiano. ¹⁵ na eđa gǝnǝŋ gero gafiđǝni gǝwërđǝnu egađam gǝđamǝṯia gënǝŋu gǝwujǝnu egǝṯa goɽra igi gerṯo isiano.

¹ orn igaseicu elo imaijǝn na alo imaijǝn ŋen ŋanṯa elo yananoŋ na alo yananoŋ lafo lamǝndëđǝnu na al bar niyerṯe cum. ² na neseici irnuŋ gatǝɽe, ursalim gǝmaijǝn girǝwa elo rǝmwa nano gǝṯuɽǝđeinu garno ŋere ŋǝmǝni ŋǝṯuɽǝđeinu ŋaiyo ŋen ŋanṯa ebaŋgen. ³ na igano ole goɽra geṯo ikurs igi gaṯa, seier, eɽa gǝrǝmwa gafo leđala na rënǝŋu riđ aldǝfeṯǝlda na lënǝŋulu alɽeṯe leđa ǝllëɽǝŋu na rǝmwa rënǝŋu riđ arǝfeṯǝlda na riđ arǝɽeṯe rǝmwa eren. ⁴ rënǝŋu riđ arlteđeṯe ŋwal isi pređ na ŋǝɽaiñ aŋerṯe đǝge na đwana ađerṯe na đara ađerṯe eum na ŋen ŋubwa aŋerṯe đǝge, ŋen ŋanṯa ŋen ŋananoŋ pređ ŋamǝndëđǝnu. ⁵ na gënǝŋu igi gaɽaŋo nal kurs eŋǝlǝŋe gaṯa, seiđr igëbǝđia laŋge pređ lǝmaijǝn. nǝŋaṯa eum, wërđu ŋen iŋi, ŋen ŋanṯa ŋen pređ iŋi ŋaɽo đeṯam na ŋaɽo ŋuđǝrwaṯo. ⁶ nǝŋaiñǝlwaɽǝṯi ṯa, ŋen ŋǝbǝɽǝnḏeinu đǝge. igaɽ alif na aliya. igaɽ eđa gananoŋ na gǝnḏurṯu alo. igiđ enaice eđa igi aŋal garrǝma ŋawa iđoro đǝŋawa ŋǝđamǝṯia mǝɽǝmǝɽeñ, ilia yero. ⁷ eđa igi ṯaŋǝđamo ŋen ŋǝseṯan gënǝŋu giđ aŋǝrraṯe eŋen iŋi na igiđi eɽeṯe rǝmwa rǝlëɽǝŋu na gënǝŋu giđ aŋǝɽeṯe iđia gǝlëɽǝñi. ⁸ orn leđa ildi loreano na leđa ildi lero lǝbendia ŋen, na leđa ltaŋa, na leđa ildi laɽiñǝđe na leđa ildi laɽaŋa lijila ɽrǝto, na nḏǝmia na leđa ildi lukwuđiñǝṯia laŋge alo lǝpiano, na leđa laɽo len pređ, lënǝŋulu pređ liđ alǝrujǝni egǝṯa goɽra igi goɽa isiano na al gabriṯya. fǝŋǝɽaiñ ŋǝnḏurṯu. ⁹ orn mǝlaiyǝka đǝnǝŋ imǝlaiyǝka đenǝŋ nemiñe eɽijan isi yëndu ŋǝmbolua đenǝŋ nǝŋǝmiñe ŋiɽijan iŋi ŋunḏeinu ŋenŋa ŋubwa ŋǝnḏurṯu iŋi đenǝŋ nǝŋǝmiñe ŋiɽijan, đënǝŋu đeṯo nḏǝñeiṯi ṯa, elaŋ, igiđi eŋǝŋaice ŋere ŋǝmǝni, fǝwasen gǝɽruma. ¹⁰ orn nḏǝñǝmamaṯe naiyǝn igusila isi yoɽra nḏǝñǝŋaice irnuŋ gatǝɽe girǝwa elo rǝmwa nano. fursalim. ¹¹ na irnuŋ gatǝɽe gawađialo ŋaɽrwaŋa ŋǝrǝmwa. gawađialo garno lwandra ltefr alo lwaiña iliano lamiñaṯo lorǝba pređ, larno lwandra lǝbernia yasb ildi lore nal atǝɽe larno ŋaɽa. ¹² na irnuŋ gerṯo uṯa goɽra kaiñ gëđiṯu na ëuwǝr ređ nemiñe eɽijan. mǝlaiyǝka ređ nemiñe eɽijan yaṯurwa isuwǝr na ndrǝŋ nǝŋǝɽwa ređ nǝŋǝmiñe ŋiɽijan ŋisrayil nǝwërđǝnu isuwǝr. ¹³ na ëuwǝr iɽijin yafo ndele na iɽijin yafo đǝɽǝđalo na iɽijin yafo ndalǝŋgwa na iɽijin yafo đǝɽǝđalo. ¹⁴ na uṯa gerṯo ađuna ređ nemiñe eɽijan na ndrǝŋ ređ nǝmiñe niɽijan nǝwërđeinu ađuna nano nǝleđa lǝđweinu ređ ldǝmiñe liɽijan lǝɽruma. ¹⁵ na mǝlaiyǝka iđi đafo đwalwaɽǝṯiñi đerṯo lǝfra liđǝnu aḏ đaǝbya eđaŋ đǝlëɽǝŋu ṯa ađiyǝnḏeici irnuŋ na ëuwǝr na uṯa. ¹⁶ irnuŋ gerṯo rukun marldwan na đwalano na đabǝrano laɽǝwaṯo eŋen. na đënǝŋu nḏirnḏeici irnuŋ lǝfrala ǝllëɽǝŋu na gaɽo mil alǝf na miyya đenǝŋ. na đwalano na đabǝrano na đwala lirnuŋ laɽǝwaṯo eŋen. ¹⁷ na đënǝŋu đirnḏeicu uṯa, ŋen ŋarno leđa lǝbirnḏeicia laŋge, na mǝlaiyǝka yǝbirnḏeicia laŋge ṯia cum. na uṯa gwala garno leđa eređia marldwan. ¹⁸ uṯa giđǝnu ŋwanđraŋa ŋǝbernia yasb iŋi ŋore orn irnuŋ giđǝnu aḏ ḏaǝbya isi yatǝɽe kaiñ yundeiđǝnau yarno ŋaɽa. ¹⁹ ađuna yirnuŋ yiđǝnu ŋwandraŋa pređ ɽetǝɽeteo iŋi ŋǝtefr alo nṯia ŋwaiña iliano. ađuna yananoŋ yiđǝnu ŋwandraŋa ŋore ŋǝbernia yasb. na ađuna yǝmǝn yiđǝnu ŋwandraŋa ŋǝmǝnu garno ltuŋga lero ibwoɽua nano ŋǝbernia yagut asrag. na ađuna yǝmǝn yiđǝnu ŋwandraŋa iŋi ŋabǝjo ŋerṯo ŋamǝrldeđiano ŋore ŋǝbernia agig abiḏ. na ađuna yǝmǝn yiđǝnu ŋwandraŋa ŋeđe ŋǝbernia sumruḏ đubabi. ²⁰ na ađuna yǝmǝn yiđǝnu ŋwandraŋa ŋeđe ŋabǝjaŋǝno ŋǝbernia jasa agigi. na ađuna yǝmǝn yiđǝnu ŋwandraŋa ŋore ŋarno ŋǝfǝni ŋǝbernia agig amǝr. na ađuna yǝmǝn yiđǝnu ŋwandraŋa ŋǝɽo ŋǝñeiña aŋǝno ŋǝbernia sabrajǝđ. na ađuna yǝmǝn yiđǝnu ŋwandraŋa ŋeđe aŋǝno ŋǝbernia sumruḏ sagi. na ađuna yǝmǝn yiđǝnu ŋwandraŋa ŋwundeiđǝnau kaiñ ŋǝɽo ŋǝñeiña aŋǝno ŋǝbernia yaguṯ asfǝr. na ađuna yǝmǝn yiđǝnu ŋwandraŋa ŋeđe đeđia đapa ŋǝbernia agig akḏǝr. na ađuna yǝmǝn yiđǝnu ŋwandraŋa ŋeđe đeđia đǝmǝnu aŋǝno ŋǝbernia samanjuni. na ađuna yǝnḏurṯu yiđǝnu ŋwandraŋa ŋore đore đǝmǝnu ŋǝbernia jamasṯ. ²¹ na ëuwǝr ređ nemiñe eɽijan yaɽo ŋwanđra ređ nǝŋǝmiñe ŋiɽijan iŋi ŋaɽo ŋaɽaŋǝno ŋǝbernia lulu. lwanđra ǝlnǝŋ laɽo ëuwǝr yǝnǝŋ. na rađ rirnuŋ riđǝnu aḏ ḏaǝbya yetǝɽe kaiñ isi yawađialo yarno ŋaɽa. ²² na eɽa gero gëđǝñinu gatǝɽe garno ekǝl igirnuŋ ŋen ŋanṯa elǝŋ rǝmwa irri rerṯo ŋabǝɽa pređ na ɽruma laɽ ekǝl yirnuŋ. ²³ na gerṯa ŋen đeṯam ṯa ëđǝñina walla ubwa alǝwađialo irnuŋ ŋen ŋanṯa ŋaɽrwa ŋǝrǝmwa ŋaɽ arrerre girnuŋ na ɽruma laɽo lamba lirnuŋ. ²⁴ leđa lǝŋǝlǝŋe ɽetǝɽeteo liđ alerlde arrerrega girnuŋ na nǝlǝŋ nalo niđ anënṯi ŋaɽrwaŋa eŋen. ²⁵ ëuwǝr yirnuŋ yiđ aiyagagiđǝni ñoman pređ ëđǝñëđǝñin na ulǝŋgǝlǝŋ na ulǝŋgi aŋerṯe. ²⁶ leđa liđ alënṯi irnuŋ ŋaɽrwaŋa na đameđa lǝleđa lǝŋǝlǝŋe ɽetǝɽeteo. ²⁷ orn wagero gǝnǝŋ gataŋa giđ aŋënṯi irnuŋ, na eđa gero gǝnǝŋ igi gëbǝđia ŋen ŋeicia walla gwalwaɽo ŋaɽǝwen, illi leđa ilđi ndrǝŋ enen nǝwërđǝnu egađam gǝđamǝṯia gǝɽruma.

¹ orn mǝlaiyǝka nḏǝñǝŋaice đǝbarlda đǝŋau ŋǝđamǝṯia iđi đǝwađialo garno ŋaɽa. đǝbarlda đeṯo igal kurs eŋǝlǝŋe irǝmwa na iɽruma, ² nḏǝmiñe eđađ iligano đirnuŋ. nuɽi nǝđamǝṯia nafo nëṯǝndia nǝɽǝm nḏǝbarlda, ini nerṯo liđia lǝŋǝɽwa ređ nǝŋǝmiñe ŋiɽijan ɽetǝɽeteo. nuɽi narlde liđia ɽetǝɽeteo nubwa pređ. na raṯai rǝnuɽi rafo ŋen ŋanṯa ṯarakeiđu leđa lǝŋǝlǝŋe ɽetǝɽeteo. ³ na wagero gǝnǝŋ giđ aŋfeṯe mǝldin igi gaboŋo leđa. kursi eŋǝlǝŋe irǝmwa na iɽruma yiđ aiyǝfeṯe irnuŋ na lǝbai ɽrǝmwa liđ alǝbuŋṯi. ⁴ lënǝŋulu liđ alǝseici isiano ilëɽǝŋu na irǝŋ gǝlëɽǝŋu giđ aŋwërđǝni nǝŋǝɽwa ŋǝndësi eŋen. ⁵ ulǝŋgi giđ aŋerṯe. gerṯa đeṯam ṯa lënǝŋulu lerṯo arrerre gǝñamba walla gëđǝñina ŋen ŋanṯa elǝŋ rǝmwa riđ arɽeṯe arrerre egen. na lënǝŋulu liđ alɽeṯe nǝlǝŋ bǝɽǝbǝte. ⁶ orn mǝlaiyǝka nḏǝñeiṯi ṯa, ŋen iŋi ŋǝđeṯam na ŋaɽǝwađaṯa aŋëndǝni eleđa, ŋen ŋanṯa elǝŋ rǝmwa rǝnusila nal anbiya nađwaṯo mǝlaiyǝka đǝlëɽǝŋu ṯa ađërrǝŋaici lǝbai ǝllëɽǝŋu ŋen iŋi đeṯam ŋiđ aŋfeṯe ṯwaiñ. ⁷ seier. igiđi yela taltal. eđa gaŋǝra nano igi gǝnna ŋen iŋi ŋiđ aŋfeṯe iŋi ŋǝwërđǝnu egađam igi. ⁸ fiñi yuanna ñiŋgi igano na igaseicu ŋen iŋi. na ndǝ igano na igaseicu ŋen iŋi niɽǝṯi alo erǝmanǝŋ rǝmalaiyǝka iđi đërrǝŋaicǝñǝlo ṯa ebuŋṯi. ⁹ orn đënǝŋu nḏǝñeiṯi ṯa, ŋerṯe agëbǝđia ṯia. igënǝñi lǝgǝđuɽǝđǝnṯia rǝmwa na ñagǝđuɽǝđǝnṯia rǝmwa lorldalala na al anbiyaya na leđala ildi larǝmoṯwa ŋen ŋađam igi. buŋṯu rǝmwa. ¹⁰ orn nḏǝñeiṯi ṯa, ŋerṯe agakasa ŋen iŋi ŋiđ aŋfeṯe iŋi ŋǝwërđǝnu egađam igi, ŋen ŋanṯa liga lafo ṯwaiñ ildi ŋen iŋi ŋiđ aŋoɽiñǝđeini. ¹¹ ŋgiṯu eđa igi gëbǝđia ŋen ŋeicia aŋiđi ṯia mǝlđin. na ŋgiṯu eđa gataŋa aŋǝtaŋǝṯe eŋen mǝldin. na ŋgiṯu eđa igi guđǝrwaṯo eŋen aŋuđǝrwaṯe eŋen mǝldin. na ŋgiṯu eđa gatǝɽe aŋǝtǝɽeṯe eŋen mǝldin. ¹² seier. igiđi yela taltal na igiđ errape đǝpǝɽa đǝlëɽǝñi ṯa epǝɽe leđa pređ eŋen lënǝŋulu liđu. ¹³ igaɽ alif na aliya, igaɽ eđa gananoŋ na gǝnḏurṯu alo, igaɽo ŋen ŋǝnëiñua na ŋen ŋǝnḏurṯu alo. ¹⁴ leđa laŋǝra nano ildi lwaso ndrena enen ṯa alǝŋgini alǝjomaṯe uɽi ṯwaiñ gǝđamǝṯia, na ṯa alǝŋgini alërnǝṯi isuwǝr yirnuŋ. ¹⁵ leđa ltaŋa ilđi laɽo ñina na nḏǝmia na leđa ildi laɽaŋa lijila ɽrǝto, na leđa ilđi laɽiñǝđe na lënǝŋulu ilđi lukwuđiñǝṯia laŋge alo lǝpiano na lënǝŋulu ildi lonaṯa ŋaɽǝwen na ildi laɽwata ŋaɽǝwen, lënǝŋulu pređ lafo irnuŋ ndëuwǝr. ¹⁶ fiñi yesu, igwađweiṯiaŋa mǝlaiyǝka đǝlëɽǝñi đamǝđaṯađa iđi ŋen ŋanṯa kanisa. igǝleđa lǝḏawuḏ na igaɽ iđia gǝḏawuḏ. igaɽo toɽǝl iđi đawađialo kaiñ. ¹⁷ usila gatǝɽe na ŋere ŋǝmǝni lǝbaṯa, elar. ŋgiṯr leđa pređ ildi lano ŋen iŋi alaṯa, elar. ŋgiṯr eđa igi aŋal garrǝma aŋela, na ŋgiṯr leđa pređ ildi lonaṯa almame ŋawa ŋǝđamǝṯia mǝɽǝmǝɽeñ ilia yero. ¹⁸ igabǝɽia leđa nano pređ ildi lǝnna ŋen iŋi ŋiđ aŋfeṯe iŋi ŋǝwërđǝnu egađam igi. ndǝ eđa gǝnǝŋ gabakaɽǝjaica ŋen iŋi, rǝmwa riđ arǝmaɽǝjiṯi ŋen ŋubwa iŋi ŋërrǝŋeiđǝnu egađam igi. ¹⁹ na ndǝ eđa gǝnǝŋ gađama ŋen ŋǝmaṯan eŋen iŋi ŋiđ aŋfeṯe iŋi ŋǝwërđǝnu egađam igi rǝmwa riđ arǝmaŋgeici iguɽi gǝđamǝṯia na irnuŋ gatǝɽe, ildi lërrǝŋeiđǝnu egađam igi. ²⁰ gënǝŋu igi gaɽo đamǝđaṯa đǝŋen iŋi pređ gaṯa, đeṯam igiđ yela taltal. elaŋ, đeṯam, aganǝŋa elǝŋ yesu. ²¹ igǝbeɽǝđia ṯa đǝbuŋṯia đelǝŋ yesu alfeṯe leđala ltǝɽe ǝllëɽǝŋu pređ. amin.