luga
11 leđa lwaiña lawërđu ŋen ŋǝlaŋge ildi liđǝnu inëndr, 2 garno leđa ildi laseieu ŋen iŋi ananoŋ na lađuɽǝđǝnṯu ŋen ŋǝrǝmwa lanaieǝndr. 3 ŋen ŋafǝṯia ya elǝŋ đawufilus, ŋen ŋanṯa igaliŋeṯo ŋen pred ŋope ŋǝnëiñua, igaṯa ṯa ŋen ŋaŋǝra ndǝ igënǝñi eum igǝwërđia ŋen iŋi igǝṯǝrria ŋope ŋen ŋanṯa ŋa, 4 ṯa ŋaliŋeṯe ŋen iŋi agano ŋaɽo đeṯam. 5 iliga ildi iruḏus gaɽ elǝŋ galo yuḏiya maji gafo gǝnǝŋ gǝbernia sakariya igi gaɽo kana eleđa labiya. wasen gǝlǝŋǝnu eleđa larun đurri na gënǝŋu gǝbernia ilisabađ. 6 lënǝŋulu ndǝm luđǝrwaṯo eŋen rǝmwa nëiñua na lafo mǝnna gero eŋen pređ ŋal ganun na eŋen pređ ŋelǝŋ rǝmwa. 7 orn lënǝŋulu iero ŋere ŋen ŋanṯa ilisabađ gaɽ ltam, na loɽra ndǝm. 8 ŋen sakariya gëbǝđia ŋǝmëɽria ŋal kana rǝmwa nëiñua iliga lǝleđa labiya 9 eŋen ŋǝđuɽǝđǝnṯia đal kana liga lëɽǝnṯǝma leṯo ṯa gënǝŋu gǝbenṯia alo yetǝɽe egelǝŋ rǝmwa ṯa aŋǝnaiđe ŋela iŋi ŋuɽǝni ŋen ŋanṯa đubwa đabǝṯwa elo. 10 na leđa pređ laṯurṯu rǝmwa ndëuwǝrano iliga lǝđǝnaiđia đǝŋela. 11 iliga ildei mǝlaiyǝka đelǝŋ rǝmwa đetǝma nano nḏǝđuri nḏaŋ đǝŋaicǝba ađuna nano eŋela. 12 sakariya nǝŋgǝrđe ndǝ gaseicu na ŋǝđaiña nǝŋǝmëndi. 13 orn mǝlaiyǝka nḏǝmeiṯi ṯa, ŋerṯe agiđǝñalo ya sakariya. rǝmwa rano đeɽǝđia đǝlaɽǝŋa. wasalo ilisabađ giđ aŋalǝŋǝṯi ŋere na ñagiđi ñamënǝei yuanna. 14 ñagiđi ñaŋǝreṯe nano kaiñ na leđa lwaiña liđ alaŋǝreṯe nano ndǝ gënǝŋu gǝlǝŋǝnu. 15 gënǝŋu giđ aŋoɽreṯe rǝmwa nëiñua, na aŋerṯe gǝṯia ŋuɽu kwai kwai, na aŋunḏeini usilaga gatǝɽe ŋen gafo lǝŋgen egare mǝldin, 16 na giđ aŋǝriđici leđa lwaiña lisrayil elǝŋ nano igi gaɽ rǝmwa eren. 17 gënǝŋu giđi ṯaŋerldo al masiya nëiñua igusila na eŋabǝɽa liliya ṯa aŋǝriđici ŋaṯǝɽa ŋǝlṯenia eñere eñen, na ṯa aŋǝriđici leđa ildi laneđo lǝnna ṯa alaliŋeṯe ŋen nǝsi garno leđa ild luđǝrwaṯo eŋen, na ṯa aŋatoɽaṯe leđa ŋen ŋanṯa elǝŋ yesu ilđi latǝɽeinu ŋope. 18 sakariya geɽǝđo mǝlaiyǝka nǝŋaṯa, fǝṯau igiđ eliŋeṯe ŋen iŋi ṯa ŋǝđeṯam? igaɽ uṯëɽi na wasaiñ goɽra cum. 19 mǝlaiyǝka nḏǝmuɽǝbiṯi eŋen ṯa, igǝbernia jabraiyil ñiŋgi igaṯurwa rǝmwa nëiñua. igwǝđweinu ṯa eŋalwaɽǝṯi na ṯa eŋanaice ŋen iŋi ŋaŋǝra. 20 no ŋen iŋi. liga ŋen iŋi ŋamǝlu ŋǝɽiñǝđeini agiđi ŋǝbwaiña ŋǝma ŋaijǝbeṯe agwaɽwata, ŋen ŋanṯa agero agǝbendia ŋen ŋǝlëɽǝñi iŋi ŋiđ aŋǝɽiñađeim iliga lëɽǝnu. 21 leđa laṯurṯu sakariya ldirǝwano ŋen ŋanṯa gënǝŋu gafo alo yetǝɽe liga lwalano. 22 ndǝ gamiño nǝŋerṯe gaɽǝwađaṯa galǝlwaɽǝṯi na leđa ldaliŋeṯe ṯa ŋen ŋamiñiṯǝma ŋǝrǝmwa egalo yetǝɽe. gënǝŋu ṯalǝɽwatiṯu raŋra nǝŋaijǝbeṯe gaɽwata. 23 ndǝ ñoman ñǝđǝđuɽǝđǝnṯia đǝlëɽǝŋu ñǝɽiñađeinu gënǝŋu nǝŋoɽǝbaṯe eɽa. 24 na ŋen liga ildi laŋgaṯo đǝge wasen gǝbernia ilisabađ nǝŋwonḏaiee, nǝŋǝlǝbijǝni nubwa đenǝŋ nǝŋaṯa, 25 fǝŋen iŋi rǝmwa riđǝṯiñi liga rënǝŋu raseicǝñi ṯa arǝŋgeici đađama đǝlëɽǝñi eleđa. 26 ndǝ nubwa naɽo đenǝŋ nǝŋǝmiñe gunto, rǝmwa rađwaṯo mǝlaiyǝka jabraiyil irnuŋ gǝnǝŋ gǝbernia nasiraṯ alo ijalil. 27 rađwaṯo eŋere ŋǝnǝŋ ŋaɽo ŋowa iŋi ŋǝmǝnu imaji gǝnǝŋ gǝbernia yusǝf igi gǝleđa lǝḏawuḏ, liga lamǝlu lǝldǝgandra. ŋere ŋǝbernia miriam. 28 mǝlaiyǝka đënṯu eɽa nḏǝmeṯa nano nḏaṯa, ŋere bǝṯau. agabuŋǝnṯu irǝmwa. elǝŋ rǝmwa ñagafǝldǝga. 29 na ŋere nǝŋgǝrđe nđǝ gano ŋen iŋi nǝŋaṯa egare, đǝnëiñua iđi đaɽo ṯau? 30 mǝlaiyǝka nḏǝmeiṯi ṯa, ŋerṯe agiđǝñalo, ya miriam agabuŋǝnṯu irǝmwa. 31 agiđi ŋonḏaice na ŋalǝŋe iđia na agiđi ŋamënǝci yesu. 32 gënǝŋu giđ aŋoɽreṯe. gënǝŋu giđ aŋënǝjǝni iđia gǝrǝmwa irri roɽra ramiñaṯo laŋge pređ na elǝŋ rǝmwa riđ arǝmanaice ŋǝlǝŋe ŋeṯen ḏawuḏ. 33 gënǝŋu giđ aŋǝɽeṯe elǝŋ gǝleđa lǝyagub bǝɽǝbǝte. ŋǝlǝŋe ŋǝlëɽǝŋu ŋaber ŋiđ aŋǝmǝndëđǝni kwai kwai. 34 orn miriam nǝŋeiṯi mǝlaiyǝka ṯa, ŋen iŋi ŋiđ aŋfeṯe ṯau? igaijǝba eđa gaɽorra kwai kwai. 35 mǝlaiyǝka nḏǝmuɽǝbiṯi eŋen ṯa, usila gatǝɽe giđ aŋeṯa nano na ŋabǝɽa ŋǝrǝmwa irri roɽra ramñaṯo laŋge pređ ŋiđ aŋeṯa nano. ŋen ŋafǝṯia iđia igi giđ aŋǝlǝŋǝni giđ aŋënǝjǝni gatǝɽe, iđia gǝrǝmwa. 36 oralo ilisabađ cum gwonḏaico iđia ŋen goɽra na gënǝŋu igi leđa laṯa gaɽ ltam gaɽiñađaṯo nubwa đenǝŋ nǝŋǝmiñe gunto. 37 wagero gǝnǝŋ kwai kwai igi rǝmwa raijǝba rëbǝđia. 38 miriam gaṯa, igënǝñi igaɽ ebai gǝrǝmwa. ŋgiṯu ŋen aŋfeṯe iñi garno agwalwaɽo. orn mǝlaiyǝka nḏǝmiñe. 39 iliga ildei miriam gatwođo gëɽǝđiaŋǝno na gabǝṯa naiyǝn nwaldaŋ irnuŋ gǝnǝŋ galo yuḏiya. 40 nǝgabǝṯa eɽa gǝsakariya nǝŋǝne ilisabađ ëiñua. 41 ndǝ ilisabađ gano đǝnëiñua đǝmiriam, ŋere nǝŋuruđǝni egare gǝlëɽǝŋu na ilisabađ nǝŋwunḏeini usilaga gatǝɽe. 42 gënǝŋu nǝŋaraice ole nǝŋeiṯi miriam ṯa, agabuŋǝnṯu eleđa ɽrlda, na iđia igi gegara gǝlaɽǝŋa gǝbuŋǝnṯu. 43 fǝṯau ŋen ŋeṯǝñi nano ṯa lǝŋgen gelǝŋ gǝlëɽǝñi geṯǝñi nano? 44 ŋen ŋanṯa ndǝ igano ole gǝđǝnëiñua đǝlaɽǝŋa ŋere nǝŋuruđǝni egare gǝlëɽǝñi ŋen ŋanṯa gaŋǝra nano. 45 gënǝŋu igi gënđu ŋen giđ aŋǝbuŋǝnṯi ŋen ŋanṯa ŋen iŋi elǝŋ rǝmwa rǝlwaɽǝṯǝma ŋiđ aŋǝɽiñađeini. 46 na miriam nǝŋaṯa ṯa, ara gǝlëɽǝñi gwaɽwata ṯa elǝŋ rǝmwa roɽra, 47 na usila gǝlëɽǝñi gaŋǝra nano irǝmwa irri raɽo đëbǝri đǝlëɽǝñi, 48 ŋen ŋanṯa raseieu ebai gǝlëɽǝŋu ṯa gaɽo ŋǝbaiya aŋǝno. iliga lnëiñua leđa pređ liđ alaṯa igabuŋǝnṯu, 49 ŋen ŋanṯa rǝmwa irri ronḏoṯo kaiñ riđǝṯiñi laŋge loɽra. irǝŋ gǝlëɽǝŋu gatǝɽe, 50 na ŋabaiya nano ŋǝlëɽǝŋu ŋafo bǝɽǝbǝte eleđa ildi liđǝñama. 51 rënǝŋu riđu ŋǝmëɽria ŋwonḏǝṯa kaiñ đaŋđa đǝlëɽǝŋu, na rënǝŋu rǝlaldǝđu leđa alo ildi lëldǝŋǝđeinia iđinia. 52 rënǝŋu rirǝwu nǝlǝŋ eŋǝlǝŋe eŋen ndrǝtuci leđa elo ǝɽrra. 53 rënǝŋu ndrǝbeici leđa ildi laicoiña laŋgela laŋǝra ndrǝđwaṯe leđa lwaiña laŋge mǝɽǝmǝɽeñ laŋge lero. 54 rënǝŋu reṯo ṯa aramǝđaṯe israyil isi yamǝđuɽǝđǝnṯia, ŋen ŋanṯa rǝlëldǝŋǝđeinu eŋen 55 iŋi rëɽǝṯu papanda egaiñ, ṯa riđ arǝgiaṯe ibrayim ŋǝbaiya nano na liđia ǝllëɽǝŋu bǝɽǝbǝte. 56 miriam laɽaŋo ilisabađǝga nubwa niɽijin nǝŋoɽǝbaṯe egeɽa gǝlëɽǝŋu. 57 orn nubwa nilisabađ nabǝɽǝnḏeđo nǝŋǝlǝŋe ŋere. 58 leđa laɽ ëuwǝr ǝllëɽǝŋu na leđa lǝŋǝđurǝba lano ṯa rǝmwa ragiaṯǝma ŋǝbaiya nano na lënǝŋulu laŋǝralda nano. 59 na ndǝ ñoman ñaɽo đenǝŋ nǝñǝmǝñe ñiɽijin leđa leṯo ŋen ŋanṯa aluɽǝđi ŋere, na lonaṯa ṯa almënǝei sakariya, irǝŋ geṯen, 60 na lǝŋgen nǝŋaṯa, ndo, gënǝŋu giđ aŋënǝjǝni yuanna. 61 leđa ldǝmeiṯi ṯa, eđa gero eŋǝđurǝba gënǝjǝnu ṯia. 62 na leđa ṯalǝɽwatiṯu eṯen raŋra ṯa gënǝŋu gwonaṯa iđia gǝbënǝjǝni ṯau. 63 gënǝŋu nǝŋǝleɽǝđe abređa nǝŋǝwërđi ṯa, ŋere ŋǝberni yuanna. na leđa pređ ldirǝwano. 64 na taltal ëiñua yǝsakariya niyëbǝrđe na đaŋǝla ṯađaɽwato, nǝŋǝnaiee rǝmwa đame. 65 na ŋǝđaiña nǝŋëndi leđa pređ lirnuŋ gakǝl, na ŋen iŋi pređ ŋǝɽwatinu naiyǝn pređ alo yuḏiya. 66 leđa pređ ildi lano orn ldëndi ŋen iŋi eŋaṯǝɽa ldaṯa, ŋere iŋi ŋiđ aŋǝɽeṯe wande? ŋen ŋanṯa đeṯam rǝmwa lafǝldǝga. 67 eṯen gǝlëɽǝŋu, sakariya gwunḏeinu usilaga gatǝɽe ṯaŋǝɽwato ŋen ŋǝrǝmwa nǝŋaṯa, 68 rǝmwa risrayil raŋǝra nano ŋen ŋanṯa reṯo eleđa ǝllëɽǝŋu ndrǝlapǝɽe. 69 rënǝŋu ratuđu eđa gwonḏǝṯo igi gaɽo đëbǝri ŋen ŋanṯa nëndr eleđa lǝḏawuḏ igi gǝđuɽǝđǝnṯu, 70 ŋen ŋarno raɽwata ëiñuaya yǝleđa ltǝɽe ildi laɽo anbiya ilëɽǝŋu yǝpǝnde, 71 ṯa gënǝŋu aŋǝndǝmiñr eleđa ildi lageandr na eraŋ rǝleđa pređ ildi laneđǝndr. 72 rǝmwa riđu ṯia ṯa arǝgiaṯe papanda egaiñ ŋǝbaiya nano na ṯa arǝɽiñǝđaṯe đǝrreiđia eŋen đǝlëɽǝŋu đatǝɽe. 73 fǝđalǝfia iđi rënǝŋu ralǝfo eŋen ŋǝpapa egaiñ ibrayim, 74 ṯa arǝndǝnaicr ŋen ṯa alǝmiñǝnr eraŋ rǝleđa ildi lageandr na ṯa alǝđuɽǝđǝnṯr ŋǝđaiña ŋero 75 eŋen ŋatǝɽe na ŋuđǝrwaṯo ŋu nëiñua liga lǝgamǝṯiar. 76 na aganǝŋa cum, ya ŋere, agiđi ŋënǝjǝni nabi irǝmwa irri roɽra ramiñaṯo laŋge pređ, ŋen ŋanṯa agiđi ŋaɽe elǝŋ yesu nëiñua ṯa ŋamëɽǝṯi rađalo, 77 na ṯa ŋiđi leđa ǝllëɽǝŋu allǝŋeṯe đëbǝria iđi đafo đǝŋgeiniađa đǝŋen eŋen ŋeieia. 78 đeṯam eŋen ŋǝŋǝbaiya aŋǝno kaiñ ŋǝrǝmwa irëndr, arrerre gelo giđ aŋǝndeṯar nano, 79 ṯa aŋǝwađe eleđa ildi laɽaŋa iŋǝrǝm na igusil gǝŋǝɽaiñ, na ṯa aŋënǝei rǝmanǝña irëndr eđađ đǝđëuṯaralo. 80 na ŋere nǝŋǝtwođe nǝŋwonḏǝṯe igusila. ŋënǝŋu ŋalb eđǝñwa liga lamǝlu leṯo ṯa aŋërrǝŋeiniau eleđa lisrayil.
21 iliga lakǝl elǝŋ ugasṯas gaisar giđu al ganun ṯa leđa pređ alwërđǝni. 2 đǝwërđia iđi đananoŋ iliga kiriniwus gaɽ elǝŋ galo isuria. 3 na leđa pređ labǝṯa irnuŋ egen ṯa alwërđǝni. 4 yusǝf cum lamiño alo ijalil irnuŋ gǝbernia nasiraṯ nǝgabǝṯa alo yuḏiya, irnuŋ gǝḏawuḏ gǝbernia beṯlam, ŋen ŋanṯa gënǝŋu gǝleđa lǝḏawuḏ. 5 labǝɽo miriamga wasen igi gwonḏaieo ṯa alwërđǝni. 6 ŋen gaɽaŋa beṯlam nubwa nǝmiriam nabǝɽǝnḏeđo 7 nǝŋǝlǝŋe ŋere ŋǝlëɽǝŋu ŋaɽnda nǝŋǝmǝndeici ŋere ndrenna nǝŋǝndri alo iđwala, ŋen ŋanṯa alo yero igal kurnu ŋen ŋanṯa ŋulu. 8 na alo isei eum leđa lafo eđǝñwa ɽrǝmoṯa yaŋala ulǝŋgi. 9 na mǝlaiyǝka đelǝŋ rǝmwa đeṯǝlo nano na ŋaɽrwa ŋǝremwa nǝŋǝlwađe nano na lënǝŋulu ldiđǝñiṯalo kaiñ. 10 mǝlaiyǝka nḏǝleiṯi ṯa, ñerṯe ñagiđiñalo. igǝndǝlwaɽǝṯia ŋen ŋǝđaŋǝr nano đoɽra iđi điđ ađǝfeṯe ŋen ŋanṯa leđa pređ. 11 điñǝđi eđa igi gaɽo đëbǝria igi gaɽ al masiya gaɽ elǝn gǝlǝŋǝnṯǝnde irnuŋ gǝḏawuḏ. 12 fiŋi ŋamǝla eñaŋ ṯa ñagiđi ñafiđi ŋere ŋaɽolǝŋ ŋǝmǝndeinu erenaga nǝŋǝndre alo iđwala. 13 na lwaiña lelo lafo mǝlaiyǝkaiya ildi lananaico rǝmwa đame ldaṯa, 14 rǝmwa rananeini ŋaɽrwa elo, na alo leđa ildi rënǝŋu roṯǝlo lananeini đëuṯaralo. 15 ndǝ mǝlaiyǝka yemiñǝlau nǝyoɽǝbaṯe elo, leđa ildi lǝsi yaŋala ṯaɽwataiđo ldaṯa, aɽr alo ibeṯlam alnwanr ŋen iŋi ŋeṯo, iŋi rǝmwa rǝlwaɽǝṯǝndr. 16 lënǝŋulu ldabǝla taltal, ldǝfiđi miriam na yusǝf na ŋere iŋi ŋandra alo iđwala. 17 na ndǝ laseicu lënǝŋulu lwaɽwata eŋen iŋi lǝlwaɽǝnṯu eŋen ŋǝŋere iŋi. 18 leđa pređ ildi lano ŋen ŋǝleđa lǝsi yaŋala ldirǝwano eŋen iŋi, 19 orn miriam gëndu ŋcn iŋi pređ na gaulëldǝŋǝđeinia. 20 orn leđa lǝsi yaŋala ldoɽǝbǝđe ldǝnanaice rǝmwa ŋaɽrwa na đame ŋen ŋanṯa laŋge pređ lënǝŋulu laseieu na lano, garno ŋen ŋǝlwaɽǝnṯǝlo. 21 ndǝ ñoman ñaɽo đenǝŋ nǝñǝmiñe ñiɽijin lduɽǝđi ŋere ldënǝci yesu ŋen ŋarno mǝlaiyǝka đënǝcǝma ŋen miriam gamǝlu gwonḏaico. 22 ndǝ ñoman ñaŋgaṯo ñǝđaṯoɽaṯa eŋen ŋal ganun imusa lënǝŋulu labǝɽo yesuga alo yursalim ṯa almanaice rǝmwa, 23 garno ŋen ŋǝwërđǝnu igal ganun yelǝŋ rǝmwa ṯa, lemmi pređ ildi laɽo ŋǝɽwa liđ alëɽǝni ltǝɽe egelǝŋ rǝmwa 24 na ṯa alnaiđe ñuguldu ñiɽijan walla bǝldugur yirresi eɽijan laɽo đǝɽǝđǝnia garno al ganun yelǝŋ rǝmwa ywalwaɽo. 25 eđa gëni gǝnǝŋ alo yursalim gǝbernia siman igi guđǝrwaṯo eŋen na gubwa ŋenŋa ŋǝrǝmwa kaiñ na gaṯurṯu eđa igi giđ aŋǝɽeṯe đǝbǝɽiano iđi leđa lisrayil laṯurṯu, na usila gatǝɽe gafǝma nano. 26 na usila gatǝɽe gaŋaicǝma ŋen ṯa gaber giđ aŋaiye illi ndǝ gaseicu al masiya gelǝŋ rǝmwa. 27 na usila gatǝɽe gënǝcǝma igal ekǝl, alo isi al yawuḏ yawaubuŋṯia rǝmwa, na ndǝ miriam na yusǝf lënṯu yesuga ṯa aliđi ŋen al ganun ywalwaɽo, 28 siman gapǝma eraŋ nǝŋǝnaice rǝmwa đame nǝŋaṯa, 29 ya elǝŋ rǝmwa, agaŋgiṯia eđa igi gaŋađuɽǝđǝnṯia aŋaiye eđëuṯaralo garno ŋen agëɽu, 30 ŋen ŋanṯa igaseicu eđa igi gaɽo đëbǝria đǝlaɽǝŋa, 31 iđi agëɽu leđa nëiñua pređ, 32 iđi đaɽo arrerre ṯa aŋërrǝŋaiee leđa ŋen ildi gerṯa laɽo al yawuḏ, na đaɽo ŋaɽrwa ŋen ŋanṯa leđa ǝllaɽǝŋa lisrayil. 33 na lǝŋgen na eṯen yesu ldirǝwano eŋen iŋi ŋǝlwaɽǝnu eŋen ŋǝlëɽǝŋu. 34 siman gabuŋṯǝlo nǝŋeiṯi lǝŋgen ŋere, miriam ṯa, ŋere iŋi ŋëɽǝnu ṯa aŋiđi leđa lwaiña lǝbǝrtia na laɽatođa alo israyil, na ṯa aŋǝɽeṯe ŋamǝla iŋi leđa lwaɽwata lageama 35 ṯa ŋen ŋǝŋaṯǝɽa ŋǝleđa lwaiña aŋǝlǝŋini. đeṯam ŋen ŋiđ aŋawađe egare cum garno đoperre. 36 na wuji gëni gǝnǝŋ gaɽǝbwa gaɽo nabi igi gǝbernia anna, ŋere ŋǝfinuwil gǝleđa lasir. genǝŋu gaɽ opo kaiñ. ŋen ebaŋgen gamǝma laɽaŋo nṯǝlia đenǝŋ nǝmiñe niɽijan, orn ebaŋgen nǝŋaiye, 37 orn điñǝđi gaṯëđǝnialo nṯǝlia eređia đenǝŋ na alo eređia giɽijin na marldwan. gënǝŋu gero gamiña al ekǝl orn gađuɽǝđǝnṯu rǝmwa ëđǝñëđǝñin na ulǝŋgǝlǝŋ ŋorwaṯaŋa na đǝṯurṯiađa rǝmwa. 38 iliga ildi đurri wuji nǝŋeṯa ṯwaiñ nǝŋërṯu rǝmwa nano, nǝŋǝlwaɽǝṯi leđa pređ ŋen ŋǝyesu ildi laṯurṯu đapǝɽa đǝrǝmwa alo yursalim. 39 ndǝ miriam na yusǝf gabǝɽǝnḏeṯo ŋen đeṯam ŋal ganun yelǝŋ rǝmwa lënǝŋulu ldoɽǝbaṯe alo ijalil, irnuŋ egen nasiraṯ. 40 na ŋere nǝŋoɽreṯe nǝŋwonḏǝṯe, nǝŋunḏǝjeini đaliŋeṯađa ŋen nǝsi. na đǝbuŋṯia đǝrǝmwa lafǝldǝga. 41 lǝŋgen na eṯen lǝninia alo yursalim nṯǝli pređ ŋen ŋanṯa đǝsa đǝbernia al fissa. 42 na ndǝ yesu gerṯo nṯǝli ređ nemǝñe niɽijin lënǝŋulu labǝɽo alo yursalim eŋen ŋal fissa. 43 na ndǝ ñoman ñal fissa ñamǝndëđǝnu na lënǝŋulu lamiño ṯa aloɽǝbaṯe tǝŋgen umi yesu gaɽaŋa alo yursalim na eṯen na lǝŋgen laijǝbaman. 44 orn lënǝŋulu laṯa aŋgaiea gënǝŋu labǝla leđala, ldǝɽe eđađ lomanto na errǝgano ldamapwaiñe inuđarenanda na elemađenanda, 45 orn lderṯe lamafiđa ldoɽǝbaṯe alo yursalim ldǝmapwaiñe. 46 na ñoman ñaŋgaṯo ñiɽijin orn ldǝmafiđi igal ekǝl laɽaŋa leđala ildi lǝbërrǝŋaiđia ŋen. gënǝŋu ṯaŋaɽaŋalo ṯaŋǝlno na ṯaŋǝlekeɽǝđo ŋen. 47 na leđa pređ ildi lanaṯǝma ldirǝwano ŋen ŋanṯa đaliŋeṯa ŋen nǝsi đǝlëɽǝŋu na đokoɽǝbaieia eŋen đǝlëɽǝŋu. 48 ndǝ lǝŋgen na eṯen laseicǝma ldirǝwano kaiñ, na lǝŋgen nǝŋǝmeiṯi ṯa, ya ŋere agiṯǝnde ŋen ṯia eđa? eṯalo na ñi ñagapwaiñaŋa ñagagǝrđo kaiñ. 49 gënǝŋu nǝŋǝleiṯi ṯa, ñagaiñǝpwaiña eđa? ñagaijǝba ṯa đeṯam igafo egeɽa gǝpapa gǝlëɽǝñi? 50 lënǝŋulu lderṯe laliŋeṯa ŋen iŋi gënǝŋu gwalwa-ɽǝṯǝlo. 51 orn ldamiñǝlda ldoɽǝbaṯe alo inasiraṯ na gënǝŋu ṯaŋǝlno eŋen pređ. lǝŋgen nǝŋëndi ŋen iŋi pređ eŋaṯǝɽa. 52 na yesu nǝŋoɽreṯe eđaliŋeṯa ŋen nǝsi na egaŋǝno na rǝmwa na leđa laŋǝnṯǝma kaiñ.
31 ndǝ ṯibariwus gaɽ elǝŋ goɽra gaisar nṯǝlia ređ na đenǝŋ na bilaṯus al bunṯi gaɽ elǝŋ galo yuḏiya na iruḏus gaɽ elǝŋ galo ijalil, na orǝba giruḏus filibus gaɽ elǝŋ galo iṯuriya na iṯrakuniṯia. na lisaniwus gaɽ elǝŋ galo yabiliya, 2 na annan na giyafa laɽo nǝlǝŋ noɽra nǝkana, iliga ildei ŋen ŋǝrǝmwa ŋeṯo yuanna nano eđǝñwa igi gaɽ iđia gǝsakariya. 3 na gënǝŋu gakaldaico alo pređ đǝbarlda nano đǝbernia urḏun, ṯaŋërrǝŋaiđu ŋen ṯa leđa alnaneini mamuḏiya ṯa alërrǝŋeiđi ŋen ṯa laṯađo ŋen eŋen ŋeicia ldoɽǝbaṯe rǝmwa nano ṯa ŋen eŋen ŋeicia ŋiđ aŋgeini, 4 garno ŋen ŋǝwërđǝnu egađam gǝnabi isaiya ṯa, ole geđa gǝnǝŋ gwaɽwata pǝlelo eđǝñwa nǝŋaṯa, ṯoɽaṯr đađ đelǝŋ, iđr rad rǝlëɽǝŋu ruđǝrwaṯo. 5 ŋǝpuŋwa pređ ŋiđ aŋërrǝmǝđini na aiyǝn pređ yiđ aiyaɽǝwađaiđe, na rađ rǝɽiano riđ ariđǝni ruđǝrwaṯo na alo ywaiyaŋǝno yiđ aiyiđǝni yemǝtiaŋǝno. 6 na leđa pređ liđ alǝseici đëbǝria đǝrǝmwa. 7 yuanna galwaɽǝṯu leđa ildi leṯǝma nano ṯa alnaneini mamuḏiya ṯa, ya ñere ñimwa yeicia, esegi gabǝɽǝnde nano ṯa ñalaldiñiṯi đeiciano iđi điđ ađela? 8 miñr ŋen iŋi ŋǝbërrǝŋeiđia ṯa ñagaṯađo ŋen ŋeicia na ñagoɽǝbaṯo rǝmwa nano, na ñerṯe ñagwaɽwataiđia ñagerṯo eṯalo egalo ibrayim, ŋen ŋanṯa igǝndǝlwaɽǝṯia ṯa rǝmwa raɽǝwađaṯia ratuđia ŋwandra iŋi aŋǝɽeṯe ñere ñibrayim. 9 điñǝđi cǝgwëndua yëni ṯa aiyǝređe nuɽi. nuɽi pređ ini naber niđ anǝlǝŋe liđia laŋǝra niđ anǝriđǝni na niđ anǝwujǝni isia. 10 leđa ldǝmeɽǝđe ldaṯa, ndǝ ŋen ŋafo ṯia ñiđi ṯau? 11 yuanna nǝŋǝluɽǝbiṯi eŋen ṯa, ŋgiṯu eđa igi gerṯo ndrena niɽijan aldakarnǝđe eđaga igi gero erena, na ŋgiṯu eđa gerṯo ŋǝsa aŋiđi ṯia cum. 12 leđa ildi latǝmeici ṯulba leṯo cum ṯa alnaneini mamuḏiya, na lënǝŋulu leɽǝđǝma ldaṯa, ya eđa gǝbërrǝŋaiđia ŋen, ñagëbǝđia ṯau? 13 yuanna nǝŋǝluɽǝbiṯi eŋen ṯa, ñerṯe ñagabakaɽǝjaieia ṯulba. 14 na askari cum yeɽǝđǝma nǝyaṯa, ñagëbǝđia ṯau? yuanna nǝŋǝleiṯi ṯa, ñerṯe ñaganaieia leđa ŋen ŋǝɽiano, na ñerṯe ñagǝlǝsaṯa gǝrus, na beṯr eđǝpǝɽa eđalo. 15 leđa pređ ŋen ŋatođo eŋaṯǝɽa ṯalɽwato enare ṯa aŋgaiea yuanna gaɽ al masiya, 16 orn yuanna gwalwaɽǝṯǝlo pređ ṯa, igǝndǝnaicia mamuḏiya ŋawaŋa, orn eđa geṯo igi gerṯo ŋabǝɽa gamiñaṯǝñi igero igarǝjađaṯa eŋen ṯa imamiñeici nḏǝbina erǝmanǝŋ rǝlëɽǝŋu. gënǝŋu giđ aŋǝndǝnaiee mamuḏiya usilaga gatǝɽe na isiya. 17 ŋwata ŋǝlëɽǝŋu ŋafo eđaŋ đǝlëɽǝŋu ṯa aŋǝmǝndađe ubwaɽano gǝlëɽǝŋu na ṯa aŋǝrarreiđi ŋwana imuđǝn gǝlëɽǝŋu. orn giđ aŋǝwaṯe isia iđaba isi eđa gaber gaɽǝwađaṯa gaɽiñaṯa. 18 na gënǝŋu gërrǝŋaicu leđa ŋen ŋaŋǝra ŋǝrǝmwa đeɽǝđiađa đwomǝn đwaiña. 19 yuanna gagariñaṯo elǝŋ iruḏus eŋen ŋiruḏiya igi gaɽo wasen gorǝba, igi iruḏus gamǝma nǝŋǝmagariñaṯe eum na eŋen pređ ŋeicia iruḏus giđu, 20 na iruḏus nǝŋaɽǝjaice ŋen ŋǝlëɽǝŋu ŋeieia, ṯa gëɽu yuanna isijǝn. 21 ndǝ leđa pređ lananeinu mamuḏiya đǝge na yesu ganeinu mamuḏiya ŋen ṯaŋǝṯurṯu rǝmwa ltuŋga ldandǝđiano elo, 22 na usila gatǝɽe girǝwuṯǝma nano garno bǝldugur. ole geṯo elo nǝŋaṯa agaɽ iđia gǝlëɽǝñi gubwaniya. igaŋǝra nano eŋen ŋǝlaɽǝŋa. 23 yesu gerṯo nṯǝlia eređia giɽijin ndǝ gatođo eđǝđuɽǝđǝnṯia đǝlëɽǝŋu. leđa laṯa gënǝŋu gaɽ iđia gǝyusǝf, na yusǝf gaɽ iđia gali 24 na ali gaɽ iđia gǝmaṯđaṯ, na maṯđaṯ gaɽ iđia gǝlawi, na lawi gaɽ iđia gǝmalki, na malki gaɽ iđia gǝyanna, na yanna gaɽ iđia gǝyusǝf, 25 na yusǝf gaɽ iđia gǝmaṯṯađiya na maṯṯađiya gaɽ iđia gamus, na amus gaɽ iđia gǝnawum, na nawum gaɽ iđia gasli, na asli gaɽ iđia gǝnajjai, 26 na najjai gaɽ iđia gǝmađ, na mađ gaɽ iđia gǝmaṯṯađiya na maṯṯađiya gaɽ iđia gǝsimai, na simai gaɽ iđia gǝyusǝf, na yusǝf gaɽ iđia gǝyuḏa, 27 yuḏa gaɽ iđia gǝyuanan, na yuanan gaɽ iđia gǝrisa, na risa gaɽ iđia gǝsarubbabil, na sarubbabil gaɽ iđia gǝsalṯiyil, na salṯiyil gaɽ iđia gǝniri, 28 na niri gaɽ iđia gǝmalki, na malki gaɽ iđia gaḏḏi, na aḏḏi gaɽ iđia gǝgasǝm, na gasǝm gaɽ iđia galmuḏam, na almuḏam gaɽ iđia gir, 29 na ir gaɽ iđia gǝyusi, na yusi gaɽ iđia galiasǝr, na aliasǝr gaɽ iđia gǝyurim, na yurim gaɽ iđia gǝmaṯđaṯ, na maṯđaṯ gaɽ iđia gǝlawi, 30 na lawi gaɽ iđia gǝsimun, na simun gaɽ iđia gǝyausa, na yausa gaɽ iđia gǝyusǝf, na yusǝf gaɽ iđia gǝyunan, na yunan gaɽ iđia galiagim, 31 na aliagim gaɽ iđia gǝmalia, na malia gaɽ iđia gǝminan, na minan gaɽ iđia gǝmaṯṯađa, na maṯṯađa gaɽ iđia gǝnađan, na nađan gaɽ iđia gǝḏawud, 32 na ḏawuḏ gaɽ iđia gǝyassi, na yassi gaɽ iđia gubiḏ, na ubiḏ gaɽ iđia gǝbuas, na buas gaɽ iđia gǝsalmun, na salmun gaɽ iđia gǝnasun, 33 na nasun gaɽ iđia gaminaḏab, na aminaḏab gaɽ iđia gaḏmin, na aḏmin gaɽ iđia garam, na aram gaɽ iđia gasrun, na asrun gaɽ iđia gǝfaris, na faris gaɽ iđia gǝyawuḏa, 34 na yawuḏa gaɽ iđia gǝyagub, na yagub gaɽ iđia gisag, na isag gaɽ iđia gibrayim, na ibrayim gaɽ iđia gǝṯera, na ṯera gaɽ iđia gǝnawur, 35 na nawur gaɽ iđia gǝsaruj, na saruj gaɽ iđia gǝrau, na rau gaɽ iđia gǝfalaj, na falaj gaɽ iđia gabǝr, na abǝr gaɽ iđia gǝsala, 36 na sala gaɽ iđia gǝginan, na ginan gaɽ iđia garfaksađ, na arfaksađ gaɽ iđia gǝsam, na sam gaɽ iđia gǝnua na nua gaɽ iđia gǝlamak, 37 na lamak gaɽ iđia gǝmaṯusala, na maṯusala gaɽ iđia gaknuk, na aknuk gaɽ iđia gǝyariđ, na yariđ gaɽ iđia gǝmalilil, na malilil gaɽ iđia gǝginan, 38 na ginan gaɽ iđia ganus, na anus gaɽ iđia gǝsiđ, na siđ gaɽ iđia gađǝm, na ađǝm gaɽ iđia gǝrǝmwa.
41 yesu gamiño alo yǝđǝbarlda urḏun, gwunḏeinu usilaga gatǝɽe na usila gatǝɽe nǝŋǝmamaṯe eđǝñwa 2 ñoman eređia marldwan, ṯa seṯan aiyǝmǝnḏeici. iliga ildi gënǝŋu gero gasa kwai kwai na ndǝ ñoman iñi ñaŋgaṯo nǝŋǝcoiñǝṯe. 3 orn seṯan yǝlwaɽǝṯǝma ṯa, ndǝ agaɽ iđia gǝrǝmwa, lwaɽǝṯu ŋwandra iŋi ṯa aŋǝɽeṯe aicǝba. 4 yesu nǝŋuɽǝbiṯi eŋen ṯa, ŋen ŋǝwërđǝnu ṯa leđa laber lamǝṯia aicǝbaga ikǝrǝŋ. 5 orn seṯan niyǝmaiyǝbǝṯe naiyǝn niyǝmaŋaice ŋǝlǝŋe pređ ŋalo taltal, 6 niyeiṯi yesu ṯa, igiđi eŋanaice ŋǝlǝŋe iŋi pređ na ŋaɽrwa eŋen, ŋen ŋanṯa ŋǝlǝŋe ŋǝneinǝñi na igaɽǝwađaṯa iganaicia eđa garno igwonaṯa. 7 nṯia ndǝ agaiñukwuđǝñiṯia alo igiđi eŋǝnaice. 8 yesu nǝŋuɽǝbiṯi eŋen ṯa, ŋen ŋǝwërđǝnu ṯa, ukwuđiñǝṯr elǝŋ alo igi gaɽ rǝmwa erralo, na đuɽǝđǝnṯǝmar gunto. 9 orn seṯan niyǝmamǝṯe alo yursalim niyǝmëɽi nal ekǝl eđǝpe niyǝmeiṯi ṯa, ndǝ agaɽ iđia gǝrǝmwa iɽu bǝɽan, 10 ŋen ŋanṯa ŋen ŋǝwërđǝnu ṯa, rǝmwa riđ arǝlwaɽǝṯi mǝlaiyǝka ilëɽǝŋu eŋen ŋǝlaɽǝŋa ṯa aiŋarǝmoṯe, 11 na yënǝŋulu yiđ aiyǝŋëndeiei elo raŋra eren ṯa ŋerṯe agëpwa rǝmanǝñara alo eŋwandr. 12 na yesu nǝŋuɽǝbiṯi eŋen ṯa, ŋen ŋǝwërđǝnu ṯa ñerṯe ñagabirnḏeieia elǝŋ rǝmwa erralo. 13 ndǝ seṯan yirnḏeicǝma đǝge eŋen pređ niyǝmaŋgiṯi liga lomǝn lamǝlu leṯo. 14 yesu nǝŋoɽǝbaṯe alo ijalil ŋabǝɽaŋa ŋusila gatǝɽe, na ŋen ŋǝlëɽǝŋu nǝŋǝmiñe alo isi pređ. 15 gënǝŋu gërrǝŋaicu leđa ŋen imajma, na leđa pređ ldǝmanaiee đame. 16 orn gënǝŋu geṯo alo inasiraṯ alo isi gamǝđǝṯiau, na ŋen ŋarno gëbǝđia jaica gënǝŋu gënṯu imajma iloman lǝđǝmiñǝniano, nǝŋǝtwođe ṯa aŋëgǝri egađam, 17 nǝŋǝneini ađam gǝnabi isaiya. na ndǝ gabǝlađo ađam ano nǝŋǝfiđi alo isi ŋen ŋǝwërđǝniau ṯa, 18 usila gelǝŋ rǝmwa gafǝñi nano, ŋen ŋanṯa rëɽǝñi eŋen ṯa yërrǝŋaiei leđa ŋen ŋaŋǝra ildi laɽo lǝbai aŋǝno. na rënǝŋu rađwaṯǝñi ṯa yelwaɽǝṯi leđa lëndǝnu ṯa liđ almiñǝni, na leđa laŋǝlisi ṯa liđ alǝseiđi, ṯa emiñe leđa ildi lagiyǝnu, 19 na ṯa elwaɽǝṯe leđa ṯa iṯǝlia gǝđaŋǝra nano đǝrǝmwa đeṯo. 20 orn nǝŋǝbǝɽeiđi ađam nǝŋǝnaiee eđa garǝmoṯwa ŋen nǝŋǝɽaŋe alo. na leđa pređ ldǝmëɽi isi nano. 21 orn gënǝŋu gǝlwaɽǝṯǝlo ṯa, điñǝđi ŋen iŋi ŋǝwërđǝnu egađam gǝrǝmwa ŋaɽiñađeinu eñaŋ. 22 nṯia leđa pređ laṯa gënǝŋu gaŋǝra ldirǝwano ŋen ŋanṯa ŋen ŋaiñǝla gënǝŋu gwaɽwata. ldaṯa, gerṯa fiđia gǝyusǝf? 23 orn yesu nǝŋǝlǝlwaɽǝṯi ṯa, đeṯam ñagiđi ñaiñǝlwaɽǝṯi ŋen iŋi ṯa, ya akim eiyǝđinu bǝɽan. iđu laŋge ëli alo isi yǝlaɽǝŋa ildi ñagano ṯa agiđǝlo alo yǝkafranawum. 24 nǝŋǝlǝlwaɽǝṯi ṯa, đeṯam igǝndǝlwaɽǝṯia ṯa, leđa laber lǝbaŋǝnṯi nabi alo ilëɽǝŋu. 25 đeṯam liji lafo alo israyil lwaiña ildi ebaŋgenanda laiyo iliga ildi liliya, ŋen rǝmwa rero rađǝne nṯǝlia niɽijin na nubwa đenǝŋ nǝŋǝmiñe gunto, ṯa ŋorwaṯa nǝŋëndi alo pređ kaiñ, 26 orn iliya gero gwǝđweinṯu eđa gǝnǝŋ iŋulu, orn gwǝđweinṯu wuji gǝnǝŋ igi ebaŋgen gaiyo galo ibernia sarfaṯi alo isiḏa. 27 na leđa lafo lwaiña alo israyil ildi lagǝro iliga ildi lǝnabi ilisa, orn eđa gero iŋulu geiđinu illi eđa gǝbernia naman galo isuria. 28 ndǝ leđa lano ŋen iŋi imajma ldunḏeini đeieianođa enare, 29 ldǝtwođe ldamamiñe irnuŋ ldǝmamǝṯe naiyǝn elo isi irnuŋ gafau ṯa alǝmauwǝṯi igamurarro, 30 orn gënǝŋu nǝŋǝlomiñe iligano nǝgabǝla. 31 na yesu nǝŋeṯa alo ikafranawum irnuŋ galo ijalil nǝŋërrǝŋaiee leđa ŋen iloman lǝđǝmiñǝniano. 32 na leđa ldirǝwano eŋen ŋǝlëɽǝŋu ŋen ŋanṯa ŋerṯo ŋǝlǝŋe. 33 na eđa gëni gǝnǝŋ imajma igi gerṯo usila nano geicia. na usila geicia nǝŋarǝjaice ole kaiñ nǝŋaṯa, 34 agageande eđa ya yesu galo inasiraṯ? ageṯo ṯa ŋǝndǝmǝndađe? igaliŋeṯo agaɽ esegi, ya eđa gatǝɽe gǝrǝmwa. 35 orn yesu gagariñaṯǝma nǝŋaṯa, bwaiño ŋǝma ŋamamiñe nano. na usila geicia nǝŋauwǝṯi maji eleđa iligano nǝŋamamiñe nano nǝŋerṯe gimiđia ŋen ŋeicia. 36 na leđa pređ ldirǝwano ldǝɽwataiđe ṯa, wandigi gënǝŋu gwaɽwata? ŋen ŋanṯa gwaɽwatiṯia nusila neicia ŋabǝɽaŋa na ŋǝlǝŋeŋa na nusila neicia ṯanǝmiño. 37 na ŋen ŋǝlëɽǝŋu ŋamiño alo pređ 38 yesu nǝŋamiñe imajma nǝŋënṯi eɽa gǝsiman. unin siman gaɽǝbwa gwuma, gubwa piđ aŋǝno, na leđa ldeɽǝđe yesu eŋen ŋǝlëɽǝŋu, 39 na gënǝŋu nǝŋǝmauđǝrwaṯe nǝŋgariñaṯe đǝmwa, nḏǝmamiñe nano, na wuji nǝŋǝtwođe taltal ṯaŋǝlđuɽǝđǝnṯu. 40 na erregano ëđǝñina yǝbenṯia leđa pređ ildi lerṯo leđa lwuma lerṯo đǝmwa ɽetǝɽeteo leṯǝleya yesu nano, na gënǝŋu nǝŋǝlëɽi đaŋ nano pređ nǝŋǝleiđi. 41 nusila neieia cum namiñe leđa nano lwaiña narǝjaice ole naṯa, agaɽ iđia gǝrǝmwa. orn yesu gagariñaṯǝlo nǝŋerṯe galǝŋgiṯi anǝɽwata ŋen ŋanṯa naliŋeṯo ṯa gënǝŋu gaɽ al masiya. 42 na ulaldiṯano yesu nǝŋamiñe nǝgabǝṯa alǝsoŋ, orn leđa lwaiña lamapwaiña, ldǝmeṯa nano lonaṯa ṯa aŋerṯe gǝlomiña. 43 orn gënǝŋu gǝlwaɽǝṯǝlo ŋen đeṯam igǝbërrǝŋaiđia ŋen ŋaŋǝra ŋǝŋǝlǝŋe ŋǝrǝmwa irnuŋ gwaiña. igwǝđweinu ŋen ŋanṯa yiđi ṯia. 44 na gënǝŋu nǝŋërrǝŋaice leđa ŋen imajma alo yuḏiya.
51 yesu gaṯurwa đǝbarlđa nano đoɽra kaiñ đǝbernia jannisaraṯ na leđa lwaiña lađiṯǝma ṯalno ŋen ŋǝrǝmwa. 2 orn nǝŋǝseici upǝndǝri giɽijan gǝŋau igi gafo nëṯǝndi. na leđa ildi lǝbekendia lǝmme lamiñǝlau na lëni lwasa yar. 3 yesu nǝŋënṯi iđǝpundr đǝnǝŋ iđi đǝsiman nǝŋǝmeɽǝđe alɽe ëṯǝndi nano aten. orn nǝŋaɽaŋe alo iđǝpundr nǝŋërrǝŋaici leđa ŋen. 4 na ndǝ gërrǝŋaicu leđa ŋen đǝge nǝŋǝlwaɽǝṯi siman, mbu eŋau ŋoliano na ŋirǝwici yar eŋau ṯa ŋëndi lǝmme. 5 siman nǝŋǝmuɽǝbiṯi eŋen ṯa, ya elǝŋ ñagiđu ŋǝmëɽria ulǝŋgǝlǝŋ nǝñerṯe ñagǝbendia wagǝnǝŋ, orn ŋen ŋanṯa agwalwaɽǝṯiñi igirǝweieia yar eŋau. 6 na ŋen liđu ṯia ldëndi lǝmme lwaiña kaiñ, yar ṯaiyonaṯo yegǝre. 7 nṯia lënǝŋulu ṯalurndǝđu leđa raŋra ildi liđǝlda ŋǝmëɽria ildi lafo iđǝpundr đwomǝn ṯa alela aldǝmađaṯe. na lënǝŋulu leṯo ldunḏǝjaice lǝmme upǝndǝri giɽijan, upǝndǝri ṯaŋwonaṯo girǝwuṯa eŋau. 8 na ndǝ siman buṯrus gaseieu ŋen iŋi nǝŋwođǝñiṯi yesu erǝmanǝŋ nǝŋaṯa, ya elǝŋ ŋgaṯo ñi nano ŋen ŋanṯa igaɽ eđa geieia. 9 buṯrus galwaɽo ṯia ŋen ŋanṯa gënǝŋu na leđa lafǝlda ldirǝwano eŋen ŋǝlǝmme lwaiña lëndǝlo. 10 na yagub na yuanna ildi laɽo liđia lǝsabdi ldirǝwano cum ildi liđu ŋǝmëɽria simanala. yesu nǝŋeiṯi siman ṯa, ŋerṯe agiđǝñalo. điñǝđi nëiñua agiđi ŋëndi leđa ŋen. 11 na ndǝ leṯo upǝndǝriga ëṯǝndi nano lënǝŋulu laṯađo laŋge pređ ṯalteṯo yesu. 12 na liga yesu gafo alo yǝnǝŋ maji gǝnǝŋ gafo gagǝro kaiñ, ndǝ gaseicu yesu nǝŋǝmwođǝñiṯi alo nǝŋǝmeɽǝđe nǝŋaṯa ṯa, ya elǝŋ ndǝ agameđǝño agaɽǝwađaṯa ŋaiñatǝɽe. 13 na yesu nǝŋwale đaŋ nǝŋǝmabǝre nǝŋaṯa ṯa, igameđǝño, tǝɽeṯo. na ŋǝɽaiñ nǝŋǝmaŋgaṯe nano. 14 yesu nǝŋǝmeiṯi ṯa ŋerṯe agwalwaɽǝṯa eđa gǝnǝŋ. orn mbu ŋaŋaici kana aŋǝno ilaɽǝŋa orn ŋiđi đǝɽǝđǝnia eŋen ŋǝđaṯoɽaṯa đǝlaɽǝŋa garno musa gwaɽwatau pǝnde, ṯa ŋërrǝŋaiee leđa ŋen ṯa ageiđinu. 15 orn ŋen ŋǝyesu nǝŋǝmiñe alo yebǝrano kaiñ, na leđa lwaiña leṯǝma nano ṯa alne na aleiđini iđumwa eđen. 16 orn gënǝŋu naŋerṯe ñoman ñǝmǝn ṯaŋǝṯurṯu rǝmwa alo yǝnǝŋ alǝsoŋ. 17 lomanaŋ gënǝŋu gafo gǝbërrǝŋaicia leđa ŋen na al farisiyin na leđa ildi lǝbërrǝŋaiđia ŋen ŋal ganun imusa laɽaŋalda ildi leṯo alo pređ ijalil na alo yuḏiya na alo yursalim. na ŋabǝɽa ŋelǝŋ rǝmwa lafo yesuga ṯa aŋeiđi leđa. 18 orn leđa lapo eđa gǝnǝŋ al aŋgǝremya igi gaijǝba aŋǝnoiya, na lonaṯa ṯa alamënǝci almëɽi alo yesu nëiñua, 19 orn lero lǝfiđa alo ṯa alǝmënǝciau ŋen ŋanṯa leđa lwaiña. ŋen ŋafǝṯia lënǝŋulu ldabǝṯe naŋǝna eđǝpe ldǝŋgeici uruba ldirǝwi maji al aŋgǝremya eleđa iligano yesu nëiñua. 20 ndǝ yesu gaseicu đonaṯa eđen gënǝŋu gwalwaɽǝṯǝma ṯa, maji, ŋen ŋǝlaɽǝŋa ŋeicia ŋǝŋgeinu đǝge. 21 orn leđa ildi lǝbërrǝŋaiđia ŋen ŋal ganun na al farisiyin laɽwataiđo ldaṯa, esegi igi gwaɽwata ŋen ŋǝrǝmwa ŋeicia? esegi gaɽǝwađaṯa gǝŋgeicia ŋen ŋeicia illi rǝmwa runto? 22 yesu nǝŋaliŋeṯe ṯa lwaɽwataiđo ṯia, nǝŋǝleɽǝđe nǝŋaṯa ṯa, ñagwaɽwa-taiđia eŋaṯǝɽa eđa? 23 ŋen ŋǝwande ŋaŋǝra ṯa igabaṯa, ŋen ŋǝlaɽǝŋa ŋeicia ŋǝŋgeinu đǝge, walla ṯa igabaṯa, twođo ŋerlde? 24 orn ṯa alliŋeṯe iđia gǝleđa gerṯo ŋǝlǝŋe alo ŋen ŋanṯa aŋgeici ŋen ŋeicia, gwalwaɽǝṯu maji gwuma ṯa, igaŋǝlwaɽǝṯia twođo ŋape al aŋgǝrem elaɽǝŋa ŋoɽǝbaṯe eɽa. 25 na gënǝŋu nǝŋǝtwođe taltal leđa nëiñua nǝŋape al aŋgǝrem nǝŋoɽǝbaṯe eɽa nǝŋǝnaice rǝmwa ŋaɽrwa. 26 na leđa pređ ldirǝwano ldǝnaice rǝmwa ŋaɽrwa ldunḏǝjeini ŋǝđaiñaŋa ldaṯa ṯa, ñagǝseicu aŋwara yoɽra điñǝđi. 27 orn yesu nǝŋǝmiñe nǝŋǝseici eđa gǝnǝŋ igi gatǝmeicia ṯulba gǝbernia lawi igi gaɽaŋalo alo iṯulba nǝŋǝmeiṯi ṯa, teṯǝñi. 28 orn lawi gaŋgiṯu laŋge pređ nǝŋǝtwođe nǝŋǝmateṯe. 29 na lawi giđu đǝsa đoɽra egeɽa gǝlëɽǝŋu ŋen ŋanṯa yesu na leđa lwaiña ild latǝmeicia ṯulba na leđa larto cum lasǝlđa. 30 na al farisiyin na leđa elden ildi lǝbërrǝŋaiđia ŋen ŋal ganun ldǝgiaṯe ṯalǝmis eŋen ldaṯa, ŋen ŋafo ṯau ñagǝsa na ñagǝṯia leđala ildi latǝmeieia ṯulba na leđala ildi leicia? 31 na yesu nǝŋǝluɽǝbiṯia eŋen nǝŋaṯa, gerṯa leđa lëpi ilđi lonaṯa al akim, orn leđa lwuma. 32 igero igeṯo ṯa yurundǝđi leđa luđǝrwaṯo eŋen orn leđa leicia ṯa aloɽǝbaṯe rǝmwa nano. 33 na lënǝŋulu lđǝmeiṯi ṯa, ṯalǝmis yǝyuanna yaɽaŋa ŋorwaṯaŋa ñoman ñǝmǝn na yaṯurṯi rǝmwa, na ṯalǝmis yal farisiyin yëbǝđia ṯia cum orn ṯalǝmis ilaɽǝŋa yasa na yǝṯia. 34 orn yesu nǝŋǝleiṯi ṯa, ñagaɽǝwađaṯa ñagëbǝđia leđa ildi laɽo rappa ređa gamǝđia laɽaŋa ŋorwaṯaŋa ŋen lafǝlda? 35 orn liga liđ alela, na eđa gamǝđia giđ aŋǝlomiñǝni, na iliga ildei lënǝŋulu liđ alǝɽaŋe ŋorwaṯaŋa. 36 yesu gwalwaɽǝṯǝlo ŋen ŋǝwujǝnu cum nǝŋaṯa ṯa, eđa gero gǝnǝŋ gǝndǝđa erena gǝmaijǝn ṯa aŋǝbuɽaṯe egǝren gaicwaro. nđǝ gëbǝđia ṯia, erena gǝmaijǝn gǝndǝđǝnu na erena gǝtefr gǝmaijǝn na erena gaicwaro nafo ɽetǝɽeteo. 37 na eđa gero gǝnǝŋ garaica ŋuɽu iŋi ŋiđǝnu maijǝn igërrua gaicwaro, ŋen ŋanṯa ŋuɽu ŋǝmaijǝn ŋiđ aŋǝndǝđi ërrua ano na ŋiđ aŋirǝwuṯalo na ërrua giđ aŋǝmǝndëđǝni. 38 orn ŋuɽu iŋi ŋiđǝnu maijǝn ŋarǝjeinu igërrua gǝmaijǝn. 39 na eđa gero gǝnǝŋ nđǝ gëṯu ŋuɽu ŋǝram gwonaṯa ŋuɽu ŋǝmaijǝn taltal, ŋen ŋanṯa gǝbaṯa ṯa iŋi ŋǝram ŋaŋǝra.
61 iloman lomǝn lǝđǝmiñǝniano yesu nǝŋamiñe ini na ṯalǝmis nemǝndiñe ŋwala ṯailumuraieu eraŋ ṯailǝso. 2 na leđa lǝmaṯan igal farisiyin laṯa, ŋen ŋanṯau ñagëbǝđia ŋen ŋëđǝñinu iloman lǝđǝmiñǝniano ? 3 yesu nǝŋǝluɽǝbiṯi eŋen ṯa, ñagero ñagǝbëgǝri ŋen iŋi ḏawuḏ giđu? ndǝ gënǝŋu na leđa ildi lafǝlda laiewoiña 4 gënǝŋu gënṯu eɽa gǝrǝmwa nǝŋǝme aicǝba igi gëɽǝnu rǝmwa nëiñua nǝŋǝse nǝŋǝnaice leđa ildi lafǝlda. na ŋen ŋëđǝñinu ṯa leđa lasa aieǝba igi gëɽǝnu rǝmwa nëiñua, illi al kana. 5 yesu nǝŋǝleiṯi ṯa, iđia gǝleđa gaɽ elǝŋ gǝloman lǝđǝmiñǝniano cum. 6 na iloman lomǝn lǝđǝmiñǝniano yesu gënṯu imajma ṯaŋërrǝŋaicu leđa ŋen. na maji gëni gǝnǝŋ đaŋ đǝlëɽǝŋu đǝŋaicǝba đaiyaŋǝno. 7 na leđa ildi lǝbërrǝŋaiđia ŋen ŋal ganun na al farisiyin lamarǝmoṯwa ṯa alseici ndǝ gabakeiđia leđa iloman lǝđǝmiñǝniano ṯa alfiđi ŋen iŋi laɽǝwađaṯa liđ almǝsǝkiau. 8 orn yesu galiŋeṯo ŋaṯǝɽa eŋen, nǝŋeiṯi eđa gerṯo đaŋ đaiyaŋǝno ṯa, twođo, ŋǝđuri iligano. na maji gatođo nǝŋǝđuri iligano. 9 orn yesu nǝŋeɽǝđe al farisiyin nǝŋaṯa, fǝŋen ŋaŋga ŋero ŋëđǝñinu iloman lǝđǝmiñǝniano ? ṯa igëbǝđia ŋen ŋaŋǝra walla igëbǝđia ŋen ŋeicia? ṯa igëbǝri đamǝṯia walla igaɽiña đamǝṯia? 10 nǝŋǝlnwane pređ nǝŋeiṯi maji ṯa, alwe đaŋ. gënǝŋu nǝŋiđi ṯia na đaŋ nḏamǝṯe. 11 orn al farisiyinanda ldǝciṯano kaiñ niyǝɽwataiđe niyaṯa, lǝgaɽaicǝrau yesu? 12 na iliga lakǝl yesu nǝŋabǝṯe naiyǝn ṯa aŋǝṯurṯi rǝmwa na gënǝŋu ṯaŋǝṯurṯu rǝmwa ulǝŋgǝlǝŋ. 13 na ulaldiṯano nǝŋundǝđi ṯalǝmis nǝŋëndi leđa egworǝb ređ ldamiñe eɽijan ildi gënǝŋu gënǝcǝlo leđa lwǝđweinu. 14 fǝŋulu siman igi yesu gënǝcǝma buṯrus, na anḏǝrawus orǝba gǝlëɽǝŋu, na yagub na yuanna na filibus na barđulamawus, 15 na maṯṯa na ṯoma, na yagub iđia galfi na siman igi gënǝjǝnu giwur, 16 na yausa iđia gǝyagub, na yausa iskariyuṯi igi nǝŋǝɽeṯe eđa gagǝbǝđo eŋen. 17 orn yesu ldirǝwǝlda ldǝđuri pǝlalo. leđa lëni lwaiña lǝṯalǝmis ilëɽǝŋu, na leđa lwaiña lalo pređ alo yuḏiya na alo yursalim na leđa lalo isur na isiḏa, 18 leđa ildi leṯo ṯa almanaṯe na ṯa aleiđini ildi lwuma, na ildi lerṯo nusila nano neicia. na lënǝŋulu ldeiđini. 19 na leđa pređ lonaṯa lǝmapǝrra ŋen ŋanṯa ŋabǝɽa ŋamamiña nano aŋǝleiđia pređ. 20 na yesu nǝŋǝtuđi isi nǝŋǝnwane ṯalǝmis ilëɽǝŋu nǝŋaṯa ṯa, ya leđa ñaŋgi ñagaɽo lǝbai aŋǝno ñagaŋǝra nano ŋen ŋanṯa ŋǝlǝŋe ŋǝrǝmwa eŋalo. 21 ñaŋ ñaŋgi ñagaicoiña điñǝđi ñagaŋǝra nano ŋen ŋanṯa ñagiđi ñabicini. ñaŋ ñaŋgi ñagabara điñǝđi ñagaŋǝra nano ŋen ŋanṯa ñagiđi ñurrǝmǝđi. 22 ñagaŋǝra nano ndǝ leđa laneđǝnde na ndǝ lǝndǝmiña iŋulu, na ndǝ landǝđamǝca eŋen na ndǝ laneđa ndrǝŋ enalo labaṯa neicia ŋen ŋanṯa iđia gǝleđa. 23 ŋǝreṯr nano iliga lakǝl, akaborṯr elo ŋen ŋanṯa ñagaŋǝra nano, ŋen ŋanṯa đǝpǝɽa eđalo egeɽa gǝrǝmwa elo đoɽra kaiñ. nǝr ŋen iŋi. eṯenanda elden lananaico al anbiya ŋen ŋubwa ṯia cum. 24 orn ñaŋ ñaŋgi ñagerṯo laŋge lwaiña ñagiđi ñaneini ŋen ŋubwa ŋen ŋanṯa ñaganeinu đǝbǝɽiano eđalo đǝge. 25 ñaŋ ñaŋgi ñagabeṯo điñǝđi ñagiđi ñaneini ŋen ŋubwa ŋen ŋanṯa ñagiđi ñaicoiñǝṯe. na ñaŋ ñaŋgi ñagurrǝmǝđa điñǝđi ñagiđi ñaneini ŋen ŋubwa na ñagiđi ñare. 26 na ñagiđi ñaneini ŋen ŋubwa ndǝ leđa lǝbaṯa ñagaŋǝra. eṯenanda elden laṯa ṯia eŋen ŋal anbiya isi yaɽǝlen. 27 orn igǝndǝlwaɽǝṯia ñaŋgi ñagǝnna ṯa, bwiṯr leđala ildi lageandr na naicr leđa ŋen ŋaŋǝra ildi laneđǝnde. 28 abuŋṯr leđa ildi lǝndwara na eɽǝđr rǝmwa ŋen ŋanṯa leđa ildi lǝndǝđamǝca eŋen. 29 eđa gaŋëpwa egerel, riṯǝma erel gwomǝn cum. na eđa igi gaŋǝbaṯa erena gǝnano ŋgiṯǝma aŋape erena gwomǝn cum. 30 naicr leđa laŋge ildi leɽǝđǝnde, na ñerṯe ñagǝbeɽǝđia leđa ṯa aloɽǝbaice laŋge eldalo ildi lënǝŋulu lǝmamǝlo. 31 nanaicr leđa ŋen pređ garno ŋen ñagwonaṯa leđa lǝndǝnanaica. 32 ndǝ ñagubwa ledala ildi lubwandiya, ŋen ŋafo ṯau rǝmwa nëiñua? leđa leicia lubwa leđala ildi lubwaliya eum. 33 ndǝ ñagananaicia leđa ŋen ŋaŋǝra ildi lǝndǝnanaiea ŋen ŋaŋǝra ŋen ŋafo ṯau rǝmwa nëiñua ? leđa leicia lëbǝđia ṯia cum. 34 ndǝ ñagananaicia leđa laŋge ildi ñagaliŋeṯo ṯa lënǝŋulu liđ alǝndǝlukuɽǝbiṯia ŋen ŋafo ṯau rǝmwa nëiñua? leđa leicia lananaicia leđa leicia laŋge ṯa aldǝlukuɽǝbiṯia eum. 35 orn bwiṯr leđala ilđi lageande, nanaicǝrldo ŋen ŋaŋǝra na nanaiđr laŋge na ñerṯe ñagwonaṯa leđa ṯalǝnđukuɽǝbiṯia laŋge. ndǝ ñagëbǝđia ṯia đǝpǝɽa eđalo điđ ađǝɽeṯe đoɽra na ñagiđi ñaɽeṯe liđia ɽrǝmwa irri roɽra ramiñaṯa laŋge pređ ŋen ŋanṯa rënǝŋu rǝđǝrnaṯa leđa ara alo ilđi lero laŋërṯǝma nano na ilđi leicia. 36 lǝŋeṯr ŋǝbaiyaŋǝno garno eṯalo rǝmwa raliŋeṯo ŋǝbaiyaŋǝno. 37 ñerṯe ñagǝbinḏeicia leđa na ñagaber ñagiđi ñinḏeini. ñerṯe ñagakarme leđa na ñagaber ñagiđi ñakǝmǝni. ŋgeier leđa eŋen eŋen ŋeieia na ñagiđi ñǝŋgeini eŋen eŋalo ŋeicia. 38 nanaiđr na ñagiđi ñananeini. ñagiđi ñaneini laŋge laɽǝjeinu, laṯǝrnađeinia alo na latësǝđǝnia na lđirǝweiđi. ñagiđi ñaneim laŋge lakilinu ŋen ŋarno ñagakilia laŋge. 39 orn yesu gwalwaɽǝṯǝlo ŋen ŋǝnǝŋ ŋǝwujǝnu nǝŋaṯa, eđa gaŋǝlisi gaɽǝwađaṯa gabaŋaieia orǝba đađ igi gaŋǝlisi cum? lënǝŋulu laber liđ aliɽǝṯi igaba ndǝm? 40 eđa gërrǝŋeinu ŋen gero goɽra neđa igi gamërrǝŋaicia ŋen orn leđa pređ lërrǝŋeinu ŋen, nđǝ lërrǝŋeinu ŋen đǝge lđaliŋeṯe, lënǝŋulu liđ alarneṯe eđa igi gërrǝŋaieǝlo ŋen. 41 ŋen ŋanṯau agǝseicia lelia isi yoralo, na agaber agǝseieia lwađe isi ilaɽǝŋa? 42 na ŋen ŋanṯau agaɽǝwađaṯa agwalwaɽǝṯa oralo ṯa, ŋgiṯǝñi eŋamaṯe lelia isi, liga agaber agǝseicia lwađe isi ilaɽǝŋa? ya eđa ŋaŋgi agerṯo ŋen ŋeɽijan. meinu lwađe isi ilaɽǝŋa ananoŋ orn agiđi ŋaseiđi ŋope ṯa ŋamiñeici oralo lelia isi ilëɽǝŋu. 43 uɽi gero gǝnǝŋ gaŋǝra galǝŋa liđia leieia. na uɽi gero gǝnǝŋ geicia galǝŋa liđia laŋǝra. 44 nuɽi pređ naliŋinu iliđia elden. ŋen ŋanṯa leđa laber lamama ŋǝbǝđa eŋoɽe na laber lamama ŋabarṯǝña eŋorrǝŋwa. 45 na eđa gaŋǝra gamiña ŋen ŋaŋǝra eŋaṯǝɽa ŋaŋǝra, na eđa geicia gamiña ŋen ŋeieia eŋaṯǝɽa ŋeieia ŋen ŋanṯa ëiñua eleđa ywaɽwata ŋen iŋi ŋamiña eŋaṯǝɽa. 46 ŋen ŋanṯau ñagaiñënǝci ṯa, ya elǝŋ, ya elǝŋ, orn ṯǝñerṯe ñagǝnna ŋen ŋǝlëɽǝñi. 47 igǝndërrǝŋaicia ŋen ṯa leđa pređ larno wande, ildi leṯǝñi nano na lǝnna ŋen ŋǝlëɽǝñi na lëbǝđia ŋcn iŋi. 48 lënǝŋulu larno eđa igi gwađa eɽa, igi guralo yoliano nǝŋiđi ađuna nǝŋwanđr. na ŋawa nǝŋobǝđe iđǝbarlda nǝŋa-bwaicalo nǝŋǝbuɽi eɽa gakǝl orn nǝŋerṯe gǝgǝre ŋen ŋanṯa gwađǝnu gwonḏǝṯo. 49 orn eđa gǝnna ŋen orn gaber gëbǝđia gënǝŋu garno eđa igi gwađa eɽa nḏuđa, ađuna yero. na ŋawa nǝŋobǝđe iđǝbarlda nǝŋabwaicalo nǝŋǝbuɽi eɽa, na eɽa nǝŋiɽi taltal, nǝŋamǝndëđǝni đǝge.
71 ndǝ gabǝɽǝnḏeṯo ŋen iŋi pređ leđa nëiñua, yesu gënṯu alo ikafranawum, 2 na ebai gelǝŋ gǝnǝŋ gaskari yalo irumiya gwuma kaiñ gwonaṯa gabaiya. na ebai igi gaŋǝra kaiñ. 3 ndǝ elǝŋ gano ŋen ŋǝyesu nǝŋǝđwaṯe leđa loɽra lal yawuḏ ṯa aleɽǝđe yesu aŋela aŋeiđi ebai gǝlëɽǝŋu. 4 na ndǝ leđa loɽra leṯo yesu nano ldǝmekeɽǝđe kaiñ ldaṯa ṯa, fǝŋen ŋaŋǝra ndǝ aganaicia elǝŋ ŋen iŋi 5 ŋen ŋanṯa gënǝŋu gubwa al yawuḏya na fǝŋu gwaḏǝṯǝnde majma. 6 na yesu labǝɽǝlda ldrǝmaice ṯwaiñ eɽa nano na elǝŋ gwǝđweiṯǝma leđa laɽo rappa rǝlëɽǝŋu na lënǝŋulu ldǝlwaɽǝṯi yesu ṯa elǝŋ gaṯa, ya elǝŋ ŋerṯe ageiewarini ŋen ŋanṯa igaber igarǝjađaṯo eŋen ṯa agǝbenṯia eɽa gǝlëɽǝñi. 7 fǝŋen iŋi igaṯa igaber igarǝjađaṯo eŋen eum ṯa eŋeṯa nano. orn lwaɽo ŋǝŋgiṯi ebai gǝlëɽǝñi aŋeiđim. 8 ŋen ŋanṯa igënǝñi eum igǝneinu ŋǝlǝŋe na igerṯo askari. ndǝ igwalwaɽa ṯa yabǝla yǝnǝŋ yabǝla, na ndǝ igwalwaɽa ṯa aiyela yǝnǝŋ aiyela. na ndǝ igwalwaɽǝṯa ebai gǝlëɽǝñi ṯa aŋiđi ṯia, gënǝŋu gëbǝđia. 9 na ndǝ yesu gano ŋen iŋi nǝŋirǝwano, nǝŋǝređialo nǝŋǝnwane leđa lwaiña ildi ṯalmaiyǝteṯo alo nǝŋǝleiṯi ṯa, igǝndǝlwaɽǝṯia igero igafiđia đonaṯa đarno ṯia alo pređ yisrayil. 10 na ndǝ leđa ildi lwǝđweinu ldoɽǝbaṯe egeɽa ldǝfiđi ebai gëpi đǝge. 11 orn yesu ldǝmiñe ldabǝṯa alo yoɽra ibernia naiyin ṯalǝmisya ywaiña ilëɽǝŋu na leđala lwaiña. 12 ndǝ garǝmaieo alo yakǝl leđa lamiño lapo eđa gǝnǝŋ gaiyo. gënǝŋu gaɽ iđia gunto gǝlǝŋgen na lǝŋgen gaṯëđǝnialo. na leđa lwaiña lalo isi lafo wujiga. 13 na ndǝ yesu gaseicu wuji ŋen ŋaɽǝṯǝma ŋǝbaiyaŋǝno, nǝŋeiṯi wuji ṯa, ŋerṯe agabara, 14 nǝgabǝṯa nëiñua nǝŋǝbǝre al aŋgǝrem na leđa ildi larrapa al aŋgǝrem ldǝđuri. na yesu gaṯa, ya ëđǝmwa, igaŋwalwaɽǝṯia twođo. 15 na eđa igi gaiyo nǝŋǝtwođe ṯaŋaɽwato na yesu nǝŋǝmanaice lǝŋgen. 16 na ŋǝđaiña nǝŋëndi leđa pređ na lënǝŋulu lanaico rǝmwa ŋaɽrwa ldaṯa ṯa, nabi yoɽra yatođǝndrau na rǝmwa reṯo leđa nano ǝllëɽǝŋu. 17 na ŋen iŋi ŋǝyesu nǝŋabǝṯa alo pređ yuḏiya na alo pređ alo yuḏiya ṯwaiñ. 18 ṯalǝmis iyuanna yalwaɽǝṯu yuanna ŋen iŋi pređ, na yuanna nǝŋundǝđi ṯalǝmis ilëɽǝŋu iɽijan 19 nǝŋǝlǝđwaṯe yesu nano ṯa aiyǝmeɽǝđe, agaɽ eđa igi ŋen ŋǝwërđǝnu ṯa giđ aŋela, walla ñagaṯurṯi eđa garto? 20 lënǝŋulu leṯo yesu nano ldǝmeiṯi ṯa, yuanna al mamuḏan gwađwaṯǝnde ŋa nano ṯa ñaŋeɽǝđe ndǝ agaɽ eđa igi ŋen ŋǝwërđǝnu ṯa giđ aŋela walla ñagaṯurṯia eđa garto? 21 iliga ildei yesu geiđu leđa lwaiña ildi lwuma na ildi lerṯo nusila nano neicia nǝŋiđi leđa laŋǝlisi lǝseiđia, 22 nǝŋǝlukuɽǝbiṯi eŋen ṯa, mbǝr ñǝlwaɽǝṯi yuanna ŋen ŋǝlaŋge ildi ñagaseicǝlo na ñaganǝlo. leđa ildi laŋǝlisi liđǝnu laseiđia na leđa laɽo lebǝco liđǝnu labǝrlda, na leđa lagǝro liđǝnu ltǝɽe na leđa laɽ ndul liđǝnu lǝnna, na leđa laiyo latuđinu na ŋen ŋaŋǝra ŋǝrǝmwa ŋërrǝŋeinu eleđa laɽo lǝbai aŋǝno. 23 na eđa gaŋǝra nano igi gero gafiđia wagǝnǝŋ eŋen ŋǝlëɽǝñi igi gamiđia gabëɽǝŋeinia. 24 na ndǝ leđa ildi yuanna gwađwaṯǝlo labǝɽo yesu nǝŋǝlwaɽǝṯe leđa eŋen ŋǝyuanna ṯa, ñagabǝɽo eđǝñwa eđa? ṯa ñaseici pǝɽwapǝɽwa iđi đǝbera đǝtësia? 25 orn ñagabǝɽo eđa? ṯa ñaseici eđa gëɽǝnu ndrena nano nǝmutiaŋǝno? leđa ildi lëɽǝnu ndrena nano naŋǝra kaiñ na lafo laŋgela lwaiña, lënǝŋulu lafo eneɽa noɽra naŋǝra nǝnǝlǝŋ. 26 orn ñagabǝɽo eđa? ṯa ñaseici nabi ? a, igǝndǝlwaɽǝṯia đeṯam ñagǝseicu eđa goɽra gamiñaṯo nabi. 27 fǝŋu iŋi ŋen ŋǝwërđǝnu ŋen ŋanṯa ŋu, seiđu, igwađwaṯa eđa ŋa nëiñua igi giđ aŋaṯoɽaṯe đađ ŋa nëiñua. 28 igǝnđǝlwaɽǝṯia ṯa, eleđa ilđi lǝlǝŋǝnu iliji ɽrlda eđa gero gǝnǝŋ goɽra gamiñaṯo yuanna. orn eđa igi gǝta gamiñaṯo leđa pređ eŋǝlǝŋe ŋǝrǝmwa, gënǝŋu goɽra gamiñaṯo yuanna. 29 ndǝ leđa lano ṯia, lënǝŋulu pređ leđala ildi latǝmeieia ṯulba lanaieo rǝmwa đame, ŋen ŋanṯa yuanna gananaicǝlo mamuḏiya. 30 orn al farisiyin na leđa lǝbërrǝŋaiđia ŋen ŋal ganun laneđo ŋen rǝmwa rëɽǝṯǝlo ŋen ŋanṯa yuanna gero gananaicǝlo mamuḏiya. 31 yesu nǝŋaṯa, leđa ildi lafo diñǝđi larno wande? 32 lënǝŋulu larno ñere iñi ñaɽaŋa nǝsuk ṯaiñurndǝđu ṯaiñǝɽwataiđo ṯa, ñagëriṯǝnde ŋǝmëŋi orn nǝñerṯe ñagëriṯia. ñagalǝŋǝṯǝnde deieianođa orn nǝñerṯe ñagabara. 33 ŋen ŋanṯa yuanna al mamuḏan geṯo nǝŋerṯe gǝsa aieǝba walla gǝṯia ŋawa ŋinǝb na ñagǝbaṯa ṯa, gënǝŋu gerṯo usila nano geicia. 34 orn iđia gǝleđa geṯo, nǝŋase nǝŋǝṯi na ñagǝbaṯa, seier eđa gamiñeđǝñano igi gǝṯia ŋawa ŋinǝb igi laɽo rappa leđala ildi latǝmeicia ṯulba na leđala leicia. 35 đaliŋeṯa ŋen nǝsi đërrǝŋeinu ṯa đaɽo đeṯam leđala ildi laliŋeṯo ŋen nǝsi. 36 na eđa gǝnǝŋ gal farisiyin geɽǝđo yesu ṯa aŋela aldǝsǝlda, na yesu nǝŋënṯi eɽa gǝlëɽǝŋu nǝŋaɽaŋe alo ṯa aŋǝse. 37 na wuji gëni girnuŋ gakǝl gaɽ alaiñ. na gënǝŋu galiŋeṯo ṯa yesu gëni gasa egeɽa gal farisiyin nǝŋela ŋelaŋa elwandr liđǝnu larno ŋaɽa na ŋela ŋǝmwađa gaiñǝla. 38 na yesu gafo gandro gađǝrno ldwalalo ṯaŋaso na wuji nǝŋǝđuri nḏurṯu alo erǝmanǝŋ rǝlëɽǝŋu na ŋwal ŋǝwuji nǝŋirǝwuṯi rǝmanǝŋ ndrǝɽeṯe ŋau. na wuji nǝŋǝrređe rǝmanǝña iriya enenda nǝŋǝmađoɽǝṯe rǝmanǝña nǝŋǝlǝcwađe ŋelaŋa. 39 ndǝ eđa gal farisiyin igi gënǝeu yesu egeɽa gǝlëɽǝŋu gaseicu ŋen iŋi gwalwaɽeinu egare nǝŋaṯa, gǝbanṯa eđa igi gaɽo nabi ṯa gënǝŋu galiŋeṯo wuji ṯa gaɽo wande, igi gamapǝrra, ṯa gaɽ alaiñ. 40 na yesu nǝŋǝmalwaɽǝṯi ṯa, ya siman igerṯo ŋen ŋǝnǝŋ igwonaṯa eŋalwaɽǝṯi. na siman nǝŋǝmeiṯi ṯa, lwaɽǝṯiñi, ya eđa gǝbërrǝŋaiđia ŋen. 41 na yesu nǝŋaṯa, leđa liɽijan lerṯo amǝcu egeđa igi ganaicǝlo gǝrus. eđa gǝnǝŋ gerṯo amǝeu jǝnei garno eređia đenǝŋ na eđa gwomǝn gerṯo amǝcu garno jǝnei đenǝŋ. 42 orn ŋen ŋanṯa leđa ildi liɽijan lero laɽǝwađǝṯia lamuɽǝbiṯi gǝrus eđa gakǝl gaŋgiṯu ŋen đǝge. na yesu nǝŋeɽǝđe siman ṯa, lwaɽǝṯiñi, feđa gaŋga iŋulu giđ aŋubwiṯi majiga gakǝl gamiñaṯo orǝba? 43 siman nǝŋǝmuɽǝbiṯi eŋen ṯa, igǝbaṯa eđa igi gerṯo amǝcu goɽra. yesu nǝŋǝmeiṯi ṯa, agwalwaɽo đeṯam. 44 na yesu nǝŋǝređialo nǝŋǝnwane wuji nǝŋeiṯi siman ṯa, agǝseieia wuji igi? igënṯu egeɽa gelaɽǝŋa orn nǝŋerṯe aganaieǝñi ŋawa ŋen ŋanṯa ywase rǝmanǝña. orn ŋwal ŋǝwuji nǝŋirǝwuṯi rǝmanǝña ndrǝɽeṯe ŋau, na gënǝŋu nǝŋǝɽrređe iriya enenda. 45 agero agaiñiđoɽǝṯo, orn wuji igi nǝŋaiñiđoɽǝṯe rǝmanǝña ŋen igënṯu egeɽa na điñǝđi mǝldin. 46 agero agaiñǝcwađa nda ŋelaŋa orn gënǝŋu gaiewađǝñi rǝmanǝña ŋelaŋa ŋǝmwađa gaiñǝla. 47 ŋen ŋafǝṯia igaŋwalwaɽǝṯia ṯa, ŋen ŋǝlëɽǝŋu ŋeieia iŋi ŋwaiña ŋaŋgeinu. đubwa đǝlëɽǝŋu iđi đoɽra đǝbërrǝŋaiđia ŋen ṯia. 48 na yesu nǝŋeiṯi wuji ṯa, ŋen ŋǝlaɽǝŋa ŋeieia ŋǝŋgeinu. 49 na leđa ildi lasǝlda ṯalɽwataiđo ldaṯa, esegi igi gǝrrǝŋgeicia ŋen ŋeicia? 50 orn yesu nǝŋeiṯi wuji ṯa, đonaṯa đǝlaɽǝŋa đëbǝriaŋa. mbu iđëuṯaralo.
81 orn yesu gakaldaico alo ywaiña nǝŋërrǝŋaiđe ŋen nǝŋǝɽwate eŋen ŋaŋǝra ŋǝŋǝlǝŋe ŋǝrǝmwa. talǝmis isi yaɽo ređ ñerniñe eɽijan laldakaldaicalda, 2 na liji lǝmaṯan ɽrlda ildi lafo leiđinu nusila nano neieia na đumwa nano. fǝmiriam igi gǝbernia majḏaliya igi nusila neicia nǝmiñǝma nano đenǝŋ nǝmiñe neɽijan, 3 na yunna wasen kusi igi garǝmoṯwa laŋge liruḏus, na susanna na lwaiña lomǝn. liji ildi ṯaldamico laŋgela elden. 4 ndǝ leđa lwaiña lamiño alo ywaiña ldǝrraiđe yesu nano gënǝŋu nǝŋǝlǝlwaɽǝṯi ŋen ŋǝnǝŋ ŋǝwujǝnu. 5 nǝŋaṯa ṯa, eđa gǝnǝŋ gabǝla ŋen ŋanṯa aŋabǝđe ŋwoređa. ndǝ gabǝđǝlo ŋǝmaṯan nǝŋǝreinialo eđađ na leđa ldrǝldǝđaṯalo na ndǝfia neṯo nǝloṯe. 6 ŋǝmaṯan nǝŋǝreinialo eŋwandra nǝŋobǝđe orn nǝŋamuđiṯi aŋǝno ŋen ŋanṯa ŋawa ŋero. 7 ŋǝmaṯan nǝŋǝrǝinialo iri nǝŋobǝđe rira orn ri ndrǝlëndi. 8 ŋǝmaṯan nǝŋǝreinialo alo yaŋǝra nǝŋobǝđe nǝŋǝlǝŋe liđia eređia ređ. ndǝ gwalwaɽo ŋen iŋi yesu nǝŋaṯa, eđa gerṯo nënǝñia ṯa aŋǝliyene ŋgiṯǝma aŋǝne. 9 na ṯalǝmis ilëɽǝŋu niyeɽǝđe yesu niyaṯa, ŋen iŋi ŋǝwujǝnu ŋafo ṯau? 10 gënǝŋu nǝŋǝlwaɽǝṯi ṯa, ŋen ŋǝneinǝnde ṯa ñaliŋeṯe ŋamǝɽa ŋǝŋǝlǝŋe ŋǝrǝmwa. orn leđa lǝṯënu ŋen ŋǝneinǝlo ŋǝwujǝnu ṯa alǝseici orn lero laseicia na ṯa alne orn lero laliŋeṯa. 11 ŋen iŋi ŋǝwujenu ŋafo ṯia. ŋwoređa iŋi ŋarno ŋen ŋǝrǝmwa. 12 ŋwoređa iŋi ŋǝreinialo eđađ ŋarno leđa ildi lano ŋen orn seṯan niyela nelmaṯe ŋen eŋaṯǝɽa eŋen ṯa alerṯe lǝbendia ŋen na lëbǝrni. 13 ŋwoređa iŋi ŋǝreinialo eŋwandra ŋarno leđa ildi laŋǝnṯu ŋen đaŋǝrađa nano orn lero urldia. lënǝŋulu lëndu ŋen liga lobǝlano orn ndǝ ldirnḏeini ldǝŋgiṯi ŋen. 14 ŋwoređa iŋi ŋǝreinialo iri ŋarno leđa ildi lano ŋen orn ndǝ labǝrlda eđađ eŋen eŋen ldëndǝni đǝgǝrđiađa na đonaṯađa laŋge lwaiña na ŋenŋa ŋalo lderṯe lalǝŋa liđia. 15 ŋwoređa iŋi ŋǝreini alo yaŋǝra ŋarno leđa ildi lano ŋen ldëndi kaiñ eŋaṯǝɽa iŋi ŋaŋǝra na ŋuđǝrwaṯo ldǝtođe ŋabǝɽaŋa ldalǝŋe liđia lwaiña. 16 eđa gero gǝnǝŋ gëɽu isia ilamba na gađëṯëɽǝbwaṯa lǝmbolua nano walla gǝbëɽia igal aŋgǝrem orn gǝbëɽi pǝlelo ṯa leđa ildi leṯo alaɽǝwađaṯe lǝseicia arrerre. 17 ŋen ŋanṯa laŋge pređ ildi lalǝbijǝnu liđ alǝmeini egarrerre, na laŋge pređ ildi latërnu liđ alǝlǝŋini na liđ alërrǝŋeini. 18 ŋen ŋafǝṯia rǝmoṯr ŋen ṯa ñane ŋope. eđa gerṯo laŋge giđ aŋǝlneini lǝmǝn tǝŋ orn eđa igi gero laŋge waŋge gǝṯefr igi gënǝŋu gaṯa gerṯo giđ aŋǝmeini. 19 lǝŋgen yesu na lorǝba ǝllëɽǝnu ldela, orn lero laɽǝwađaṯa ldopǝđaiđialda ŋen ŋanṯa leđa lwaiña. 20 orn leđa ldaṯa ṯa, lǝŋgalo na lorldalo laṯurwa ndëuwǝr laŋwonaṯa, na ŋen iŋi ŋǝlwaɽǝnṯu yesu. 21 yesu nǝŋuɽǝbiṯi leđa eŋen ṯa, ǝnna na lorldaiñ fǝŋulu ildi lǝnna ŋen ŋǝrǝmwa na lëbǝđia. 22 lomanaŋ tǝŋ yesu na ṯalǝmis ilëɽǝŋu lënṯu iđǝpundri đǝŋau na gënǝŋu nǝŋǝleiṯi ṯa, aɽr aluɽǝđr iđǝbarlda iđi đoɽra kaiñ, ldǝɽe. 23 ŋen labǝɽo ŋuriđ nǝŋëndi yesu. orn đǝbera nḏǝtwođe iđǝbarlda na ŋawa nǝŋënṯi iđǝpundr na ŋen nǝŋǝbǝɽeṯe aŋǝno. 24 ṯalǝmis yeṯo yesu nano niyǝmatuđi iŋuriđ niyǝmeiṯi ṯa, ya elǝŋ, ya elǝŋ lǝgamǝndëđǝniar. orn gënǝŋu nǝŋǝtwođe iŋuriđ nǝŋgariñaṯe đǝbera na ŋawa iŋi ŋakabora. na taltal đǝbera nḏuɽǝṯi na ŋawa nǝŋuɽǝṯi cum. 25 yesu nǝŋǝleɽǝđe nǝŋaṯa, đonaṯa eđalo đuŋga? yënǝŋulu yëđǝña niyirǝwano ṯaiɽwataiđo ṯa, esegi igi ? ŋen ŋanṯa gënǝŋu gwalwaɽǝṯa đǝbera na ŋawa na lënǝŋulu lǝnna. 26 lënǝŋulu labǝɽo iđǝpundr đǝŋau ldabǝṯe alo ijaḏariyin. na alo ijalil yafo đǝbarlda nano alo ëđǝñina yawërnǝṯi na alo ijaḏariyin yafo đǝbarlda nano alo ëđǝñina yawaraboṯwa. 27 ndǝ yesu nǝŋǝrǝmaṯe nëṯǝndi ldopǝđaiđe majiga gǝnǝŋ galo yakǝl, igi gafo gerṯo nusila nano neieia liga lwalano. na gënǝŋu gafo mǝɽǝmǝɽeñ ndrena nerǝma nano na gero gǝfia egeɽa orn gafo alo erel. 28 ndǝ gaseieu yesu gënǝŋu ṯaŋarǝjaico ole nǝŋaṯa agagiaiñi eđa, yesu iđia gǝrǝmwa irri roɽra ramiñaṯo laŋge pređ? igaŋeɽǝđia ṯa ŋerṯe agaiñǝnaiea ŋen ŋubwa. 29 ŋen ŋanṯa yesu nǝŋǝlwaɽǝṯi usila geicia ṯa aŋǝmiñe maji nano. usila geieia gafo gëndǝma ñoman ñwaiña na leđa lakasǝma uriđaga raŋ na rǝmanǝña, lđǝmarǝmoṯe orn gënǝŋu ṯaŋgero laŋge ilđi gakasǝnǝliya na usila geicia nǝŋǝmamaṯe eđǝñwa. 30 yesu nǝŋǝmeɽǝđe ṯa, agǝbernia esegi? gënǝŋu nǝŋaṯa, igǝbernia aj jes, ŋen ŋanṯa gerṯo nusila nano neieia nwaiña. 31 na nusila neieia neɽǝđe yesu ṯa aŋerṯe gǝlǝđwaṯa alo yǝnusila neicia. 32 na iliga ildi lṯrua lafo lwaiña lǝsa naiyǝn. na nusila neieia neɽǝđe yesu ṯa aŋǝlǝŋgiṯi anënṯi lṯrua nano. yesu nǝŋǝlǝŋgiṯi aniđi ṯia. 33 orn nusila neieia namiñe maji nano nënṯi lṯrua nano, na lṯrua lđobǝđe naiyǝn lđërǝnṯi eŋau, na ŋawa nǝŋǝlɽiñe. 34 nđǝ leđa ilđi lǝsi lṯrua laseieu ŋen iŋi ŋiđǝnu, ldobǝđe ldǝɽe ldǝɽwatiṯi leđa ŋen iŋi irnuŋ na alo pređ ṯwaiñ. 35 orn leđa leṯo ṯa alǝseici ŋen iŋi ŋiđǝnu. lënǝŋulu leṯo yesu nano ldǝfiđi maji igi nusila neicia namiñǝma nano, nǝŋǝpiṯi nǝŋëɽǝni erenai nano, nǝŋǝɽaŋe yesu erǝmanǝña, na lënǝŋulu lđiđǝñiṯalo. 36 leđa lwomǝn ilđi laseicu ŋen iŋi ŋiđǝnu ldǝlwaɽǝṯi ṯa maji giđǝnu gëpi ṯau. 37 leđa pređ lalo ijaḏariyin ldeɽǝđe yesu ṯa aŋǝlomiñe ŋen ŋanṯa ŋǝđaiña ŋafo ŋëndǝlo ŋoɽra kaiñ. ŋen ŋafǝṯia yesu gënṯu iđǝpundr dǝŋau nǝŋoɽǝbaṯe alo ijalil. 38 na maji igi nusila neieia namiñǝma nano nǝŋeɽǝđe yesu ṯa aldǝgeɽe, orn yesu nǝŋǝmađwaṯe nǝŋǝmeiṯi ṯa, 39 oɽǝbaṯo egeɽa gǝlaɽǝŋa ŋǝɽwate ŋen iŋi rǝmwa riđǝṯiaŋa. na gënǝŋu nǝgabǝla nǝŋǝɽwatiṯi leđa pređ lalo yakǝl ŋen iŋi yesu giṯǝma. 40 na ndǝ yesu goɽǝbaṯo alo ijalil .eđa .dǝmaŋërṯi nano ŋen ŋanṯa lafo lamaṯurṯia. 41 maji nǝŋela gǝnǝŋ gǝbernia yairus. gënǝŋu gaɽ elǝŋ gǝmajma, nǝŋwođǝñiṯi yesu erǝmanǝŋ nǝŋǝmeɽǝđe aldǝgǝɽe egeɽa gǝlëɽǝŋu 42 ŋen ŋanṯa gerṯo ŋere ŋunto ŋaɽǝbwa ŋerṯo nṯǝli ređ nemiñe niɽijan na ŋënǝŋu ŋabaiya. ŋen gabǝɽo leđa lwaiña ṯalupiđu yesu nano. 43 na wuji gëni gǝnǝŋ girǝwa ŋǝfǝni jaica gafo iđǝbǝɽia nṯǝlia ređ nǝmiñe niɽijan na gafo gananaicia al akim ywaiña laŋge ǝllëɽǝŋu pređ orn yënǝŋulu yero yaɽǝwađaṯia yameiđi. 44 gënǝŋu geṯo yesu nḏurṯu nǝŋǝbǝre erena gǝlëɽǝŋu gaɽo đurṯu, na tatal ŋǝfǝni ŋǝlëɽǝŋu nǝŋuɽǝṯi. 45 orn yesu nǝŋaṯa, esegi gabǝriñi? leđa ṯalabǝlaico na buṯrusanda ldǝmeiṯi ṯa, ya elǝŋ, leđa lwaiña lađiṯiaŋa na ṯalŋaṯǝrnaiđo, na ŋen ŋanṯau agaṯa esegi gabǝrǝŋa? 46 orn yesu nǝŋaṯa, eđa gǝnǝŋ gabǝriñi ŋen ŋanṯa ŋabǝɽa ŋamiñǝñi nano ŋǝđeiđia. 47 na wuji ndǝ gaseieu ṯa ŋen ŋǝlëɽǝŋu ŋǝlǝŋeinu nǝŋela ṯaŋgǝđiaŋǝno nǝŋǝmwođǝñiṯialo. gënǝŋu gwalwaɽǝṯu yesu ŋen ŋǝlëɽǝŋu iŋi gabǝrǝmau leđa pređ nëiñua na ṯa geiđinu taltal. 48 orn yesu nǝŋǝmeiṯi ṯa, wuji đonaṯa đǝlaɽǝŋa đeiđiaŋa. mbu iđëuṯaralo. 49 ŋen yesu gwaɽwato mǝldin, eđa gǝnǝŋ geṯo eɽa gelǝŋ gǝmajma nǝŋeiṯi elǝŋ ṯa, ŋere ŋǝlaɽǝŋa ŋaiyo. ŋerṯe agaicwari eđa gǝbërrǝŋaiđia ŋen mǝldin. 50 yesu nǝŋǝne nǝŋeiṯi elǝŋ ṯa, ŋerṯe agiđǝñalo, orn ëndu ŋen na ŋere ŋiđ aŋǝpiṯi. 51 na nde garǝmaṯo eɽa yesu gero gaŋgiṯia leđa lǝbenṯialda, illi buṯrus na yuanna na yagub na lǝŋgen na eṯen lǝŋere. 52 na leđa pređ ṯalaro ṯalǝpwǝnu ŋurumia ŋen ŋanṯa ŋere ŋaiyo. yesu nǝŋaṯa, ñerṯe ñagabara. ŋere ŋero ŋabaiya, orn ŋandro. 53 leđa ldemađamǝce eŋen ŋen ŋanṯa laliŋeṯo ṯa ŋere ŋaiyo. 54 na gënǝŋu nǝŋëndi ŋere eđaŋ nǝŋaṯa, ŋere twođo. 55 na usila nǝŋoɽǝbaṯe ŋere nano na ŋënǝŋu nǝŋǝtwođe taltal. yesu nǝŋǝlwaɽǝṯi leđa ṯa alnaiee ŋere lalǝmǝn ṯa aŋalǝse. 56 lǝŋgen na eṯen lǝŋere ldirǝwano, orn yesu nǝŋǝlǝlwaɽǝṯi ṯa alerṯe lalwaɽǝṯia eđa gǝnǝŋ ŋen iŋi.
91 yesu nǝŋundǝđaice ṯalǝmis ldǝɽo ilëɽǝŋu isi yaɽo ređ nemiñe eɽijan, nǝŋǝlnaiee ŋabǝɽa na ŋǝlǝŋe ṯa aiyǝmiñe nusila neicia leđa nano na ṯa aiyǝkeiđi leđa pređ lwuma, 2 nǝŋǝlǝđwaṯe ṯa aiyërrǝŋaice leđa ŋen ŋǝŋǝlǝŋe ŋǝrǝmwa na ṯa aiyǝkeiđi leđa lwuma cum, 3 nǝŋǝleiṯi ṯa, ñerṯe ñagǝrrapa laŋge ŋen ŋanṯa eđađ, walla ŋǝfra walla ërrua walla aicǝba walla gǝrus walla ndrena niɽijan, illi erena gunto. 4 na ndǝ ñagǝbenṯia eɽa gǝnǝŋ ɽaŋrau orn ñaumiñe ndǝ ñagaŋgaṯa alo yakǝl. 5 ndǝ leđa laber lǝndaŋǝnṯi, ndǝ ñagamiña alo yakǝl esen ñapweini abuɽǝtua rǝmanǝña eralo ṯa ŋen iŋi aŋǝɽeṯe đamǝđaṯa đageo leđa ildei. 6 na ṯalǝmis yamiño alo ywaiña niyërrǝŋaice leđa ŋen ŋaŋǝra ŋǝrǝmwa niyǝkeiđi leđa lwuma alo isi pređ. 7 na ndǝ elǝŋ iruḏus nǝŋǝne ŋen iŋi pređ yesu giđu ṯaŋǝtësǝni egare ŋen ŋanṯa leđa lǝmaṯan laṯa yuanna gatwođo eŋǝɽaiñ, 8 na lǝmaṯan ldaṯa iliya geṯo na lǝmaṯan ldaṯa nabi yǝnǝŋ yǝpǝnde yatwođo tǝŋ. 9 iruḏus gaṯa, igaṯǝbaṯo yuanna nda alo. fesegi igi igǝnna ŋen ṯia ŋen ŋanṯaŋu? na ṯaŋwonaṯo gaseicia yesu. 10 leđa lǝđweinu ldoɽobǝđe ldǝlwaɽǝṯi yesu ŋen pređ liđu. na gënǝŋu nǝŋǝlǝme ldabǝṯa alo yǝnǝŋ ibernia beṯsaiḏa. 11 orn leđa lafiđu ŋen ṯia ṯalmaiyǝteṯo alo. yesu gaŋǝnṯǝlo nǝŋǝlǝlwaɽǝṯi ŋen ŋǝŋǝlǝŋe ŋǝrǝmwa, nǝŋǝkeiđi leđa ildi lwuma. 12 na erregano ṯalǝmis nǝyeṯo yesu nano nǝyǝmeiṯi ṯa, đwaṯo leđa alɽe irnuŋ igi gafo ṯwaiñ na eneɽa ṯa alpwaiñe alo iwundrǝma na ŋǝsa, ŋen ŋanṯa lǝgafr eđǝñwa. 13 na yesu nǝŋǝleiṯi ṯa, naicǝrldo laŋge ñaganǝñaŋ ṯa aldǝse. na yënǝŋulu niyǝmeiṯi ṯa, ñagerṯo ragif đenǝŋ na lǝmme liɽijan ikǝrǝŋ illi ndǝ nanda ñagabǝla ñiliđi laŋge ŋen ŋanṯa leđa ildi lwaiña. 14 ŋen ŋanṯa leđa lëni laɽorra alf đenǝŋ. na yesu nǝŋeiṯi ṯalǝmis ṯa, lwaɽǝṯǝlo ṯa alɽaŋe alo eŋǝɽo eređia đenǝŋ, eređia đenǝŋ. 15 na yënǝŋulu yiđu ṯia na leđa pređ lđǝɽaŋe alo. 16 na yesu nǝŋape ragif đenǝŋ na lǝmme liɽijan nǝŋǝnwanǝđe elo nǝŋǝlǝbuŋṯi nǝŋǝlgere, na nǝŋǝlnaice ṯalǝmis ṯa aiyǝlnanaice leđa. 17 na leđa pređ laso lđǝbeṯe. na ŋǝsa iŋi ŋǝṯënu ŋǝteta nǝŋǝrǝrreiđǝni nǝŋunḏǝjaice ŋumǝra ređ nǝŋǝmiñe ŋiɽijan. 18 orn ŋen yesu gaṯurṯu rǝmwa alǝsoŋ na ṯalǝmis lafǝlda gënǝŋu geɽǝđǝlo ṯa, leđa lǝbaṯa ṯa igënǝñi esegi? 19 yënǝŋulu niyǝmuɽǝbiṯi eŋen ṯa, leđa lǝmaṯan lǝbaṯa ṯa agaɽo yuanna al mamuḏan na lǝmaṯan lǝbaṯa ṯa agaɽo iliya na lǝmaṯan lǝbaṯa ṯa agaɽo nabi yǝnǝŋ yǝpǝnđe isi yatwođo tǝŋ. 20 na yesu nǝŋǝleɽǝđe ṯa, ñaganǝñaŋ ñagǝbaṯa ṯa igënǝñi esegi? na buṯrus nǝŋǝmuɽǝbiṯi eŋen ṯa, agaɽ al masiya gǝrǝmwa. 21 orn yesu nǝŋǝlǝlwaɽǝṯi ŋen ŋonḏǝṯo ṯa alerṯe lǝlwaɽǝṯi eđa gǝnǝŋ ŋen iŋi, 22 nǝŋaṯa, ŋen đeṯam iđia gǝleđa giđ aŋǝneini ŋen ŋwaiña ŋubwa ŋeicia na aŋǝniđǝni eleđa loɽra na enǝlǝŋ nǝkana na eleđa ildi lǝbërrǝŋaiđia ŋen ŋal ganun, na gënǝŋu giđ aŋǝɽiñǝni na giđ aŋǝtwođe ndǝ ñoman ñaɽo ñiɽijin. 23 yesu gwalwaɽǝṯu leđa pređ ṯa, ndǝ eđa gǝnǝŋ gwonaṯa gaiñǝteṯa ŋgiṯǝma aŋǝneđe etam gǝlëɽǝŋu aŋarrǝpe đuɽi đǝlëɽǝŋu ñoman pređ aŋaiñǝteṯe, 24 ŋen ŋanṯa eđa igi garǝmoṯwa đamǝṯia đǝlëɽǝŋu, gënǝŋu giđ aŋwoṯwe laŋge pređ na đamǝṯia cum, orn eđa igi gabaiya ŋen ŋanṯa ñi, gënǝŋu giđ aŋamǝṯe đeṯam. 25 đaɽǝjaicia đwuŋga ndǝ eđa gǝmama laŋge pređ lalo orn gwoṯwa đamǝṯia đǝlëɽǝŋu? 26 ndǝ eđa ganeđǝñi na leđa ǝllëɽǝñi, iđia gǝleđa giđ aŋǝmaneđe eum ndǝ giđ aŋela eŋaɽrwa ŋǝlëɽǝŋu na eŋaɽrwa ŋǝđaṯa na ŋǝmǝlaiyǝka yetǝɽe. 27 igǝndǝlwa ɽǝṯia đeṯam ṯa lǝmaṯan eleđa ildi laṯurwa ëli laber liđ alaiye ŋen lamǝlu laseieia ŋǝlǝŋe ŋǝrǝmwa. 28 ndǝ ñoman ñaŋgaṯo đenǝŋ nǝñǝmiñe ñiɽijin yesu nǝŋǝme buṯrus na yuanna na yagub ldabǝṯalda naiyǝn ṯa aŋǝṯurṯi rǝmwa. 29 na ŋen gënǝŋu gaṯurṯu rǝmwa isiano neređe ertwano na ndrena nǝlëɽǝŋu nǝbǝjeṯe nǝwađialo. 30 na leđa liɽijan laɽwato yesu ŋǝla. fǝmusa na iliya. 31 lënǝŋulu leṯo ŋaɽrwaŋa ldǝɽwate eŋen ŋǝđamiña alo đǝyesu iđi gënǝŋu giđ aŋǝɽiñǝđaiđe alo yursalim. 32 na ŋuriđ ŋafo ŋëndu buṯrusanda orn ndǝ latwođo iŋuriđ lënǝŋulu laseieu ŋaɽrwa ŋǝyesu na leđa liɽijan ildi laṯurrǝlda. 33 ŋen musa na iliya lamiña yesu nano buṯrus nǝŋeiṯi yesu ṯa, ya elǝŋ ŋen ŋaŋǝra ñagafo ëli. ŋgiṯǝnde ñuraṯe ŋutu ŋiɽijin, ǝlnǝŋ ŋen ŋanṯaŋa na ǝlnǝŋ ŋen ŋanṯa musa na ǝlnǝŋ ŋen ŋanṯa iliya. orn buṯrus gaijǝba ṯa gwaɽwata ṯau. 34 ŋen gwaɽwata ṯia ibwoɽua nileṯa nano na ṯalǝmis yiđǝñalo ndǝ yënṯu isbwoɽua. 35 ole geṯo isbwoɽua nǝŋaṯa, fiđia gǝlëɽǝñi igi gëɽǝnu. naṯǝmar. 36 na ndǝ ole gero đǝge yesu gafiđǝnu gafo alǝsoŋ. na ṯalǝmis ṯaiyǝbwaiño ŋǝma na yero ywalwaɽǝṯia eđa gǝnǝŋ iliga lakǝl ŋen iŋi iseieu kwai kwai. 37 na ulaldiṯano ndǝ yesu na ṯalǝmis ldirǝwi naiyǝn leđa lwaiña ldopǝđaiđǝlda. 38 maji gǝnǝŋ eleđa ṯaŋurǝndǝđu yesu pǝlelo nǝŋaṯa, ya eđa gǝbërrǝŋaiđia ŋen igaŋeɽǝđia ṯa ŋaiñǝnwanṯi iđia gǝlëɽǝñi, ŋen ŋanṯa gënǝŋu gaɽ iđia gǝlëɽǝñi gunto, 39 na usila geicia gamakendia ñoman ñǝmǝn ṯaŋǝrǝjaieo ole pǝlelo na gënǝŋu ṯaŋgǝđiaŋǝno ṯaŋabǝđo opwaiña ëiñua, na usila geicia ṯaŋǝmamiño nano ŋen ŋabɽwaŋǝno na umi nǝŋaicwarǝṯe kaiñ. 40 igeɽǝđo ṯalǝmis ilaɽǝŋa ṯa aiyǝmiñe usila geieia orn niyerṯe yaɽǝwađaṯa. 41 na yesu nǝŋaṯa, ya leđa ñaŋgi ñagero ñagǝbendia ŋen na ñagǝɽiano eŋen, ñoman ñaɽo mǝnau lǝgaɽaŋr na igwalarano eŋen eŋalo? maṯa umi ëli. 42 na ŋen umia leṯo eđađ usila geieia nǝŋǝmauwǝṯi na umi ṯaŋgǝđiaŋǝno orn yesu nǝŋgariñaṯe usila geieia nǝŋeiđi umi nǝŋuɽǝbiṯi eṯen. 43 na leđa pređ ldirǝwano eŋaɽrwa ŋǝrǝmwa. na ŋen leđa lirǝwano eŋen gënǝŋu giđu yesu nǝŋǝlwaɽǝṯi ṯalǝmis 44 ṯa, ñaganǝñaŋ rǝmoṯr ŋen iŋi. iđia gǝleđa giđ aŋǝneiđǝni eraŋ rǝleđa. 45 yënǝŋulu niyerṯe yaliŋeṯa ŋen iŋi na ŋen ŋalǝbǝjeinǝlo ṯa aiyerṯe yaliŋeṯa. orn niđǝñiṯalo niyerṯe yimeɽǝđia eŋen iŋi. 46 na ṯalǝmis ṯaiyukuɽǝbijǝđǝṯu eŋen ṯa esegi goɽra iŋulu. 47 na yesu galiŋeṯo ŋen iŋi eŋaṯǝɽa eŋen nǝŋape ŋere ŋǝta nǝŋëɽǝni nano, 48 nǝŋǝlwaɽǝṯi ṯalǝmis ṯa, eđa gaŋǝnṯu ŋere iŋi igirǝŋ gǝlëɽǝñi gënǝŋu gaŋǝnṯiñi na eđa gaŋǝnṯiñi gënǝŋu gaŋǝnṯu rǝmwa irri rađwaṯiñi. ŋen ŋanṯa eđa gǝta eñaŋ pređ gënǝŋu goɽra gamiñaṯǝnde. 49 yuanna nǝŋǝmuɽǝbiṯi eŋen ṯa, ya elǝŋ ñagaseicu eđa gǝnǝŋ igi gamiña nusila neicia irǝŋga gǝlaɽǝŋa na ñagalwaɽǝṯǝma ṯa aŋerṯe gëbǝđia ṯia ŋen ŋanṯa gënǝŋu gaber ñagaŋateṯǝlda. 50 yesu nǝŋaṯa, ñerṯe ñagamađǝrna ŋen ŋanṯa eđa gero gageande gënǝŋu ñagafǝlda. 51 ndǝ liga ildi yesu giđ aŋaubeini elo lafo ṯwaiñ gënǝŋu nǝŋëɽi ŋen ṯa gabǝṯa alo yursalim, 52 nǝŋǝđwaṯe leđa nëiñua. na lënǝŋulu labǝɽo ldënṯi irnuŋ gǝnǝŋ gǝsamariyin ṯa alṯoɽaṯe laŋge ŋen ŋanṯaŋu. 53 orn samariyin yero yamaŋǝnṯi ŋen ŋanṯa gënǝŋu gabǝṯa alo yursalim. 54 na ndǝ ṯalǝmis yagub na yuanna laseieu ŋen iŋi ldeɽǝđe yesu ldaṯa, ya elǝŋ agwonaṯa ṯa ñagǝlwaɽǝṯia isia ṯa aiyirǝwi elo aiyǝlǝmǝndađe? 55 yesu nǝŋǝređialo nǝŋǝlgariñaṯe nǝŋǝleiṯi ṯa, ñagaijǝba usila igi gëndǝnde, 56 ŋen ŋanṯa iđia gǝleđa gero geṯo ṯa aŋǝmǝndađe đamǝṯia đǝleđa orn ṯa aŋǝlëbǝri. na lënǝŋulu ldabǝṯa irnuŋ gwomǝn. 57 ŋen labǝla eđađ, eđa gǝnǝŋ nǝŋǝlwaɽǝṯi yesu ṯa, ya elǝŋ igiđi eŋateṯe alo pređ isi agǝwerlđeṯa. 58 yesu nǝŋǝmeiṯi ṯa, nḏǝloŋ nerṯo rtia na nđǝfia nelo nerṯo alo noɽaŋa, orn iđia gǝleđa gero alo ṯa gauwëɽi nđa. 59 yesu nǝŋeiṯi eđa gwomǝn ṯa, teṯǝñi. orn gënǝŋu gaṯa, ŋgiṯǝñi yaɽe yuri đaṯa gǝlëɽǝñi ananoŋ. 60 orn yesu nǝŋǝmeiṯi ṯa, ŋgiṯu leđa laiyo aluri leđa elđen ildi laiyo orn aganǝŋa mbu ŋape ŋenŋa alo ŋǝŋǝlǝŋe ŋǝrǝmwa. 61 na eđa gwomǝn nǝŋeiṯi yesu ṯa, ya elǝŋ, igiđi eŋǝteṯe, orn ŋgiṯǝñi ananoŋ ene leđa ëiñua legeɽa gǝlëɽǝñi. 62 yesu nǝŋǝmeiṯi ṯa, eđa gǝnǝŋ igi gënǝeu oriña eŋǝmëɽria orn nǝŋgiṯi gero ŋeniano ŋen ŋanṯa ŋǝlǝŋe ŋǝrǝmwa.
101 orn elǝŋ yesu gwoṯo leđa lwomǝn laɽo eređia đenǝŋ nalo eređia giɽijan na nđǝjan, nǝŋǝlǝđwaṯe nëiñua liɽijan liɽijan alo pređ isi gënǝŋu gwonaṯa gwomiña. 2 gënǝŋu nǝŋǝleiṯi ṯa, ŋwana ŋwaiña kaiñ orn leđa lwanḏa ltefr. ŋen ŋafǝṯia eɽǝđr eđa gerṯo ŋwana ṯa aŋǝđwaṯe leđa alɽe alwanḏe ŋwana ŋǝlëɽǝŋu. 3 mbǝr iganđǝđwaṯa ñagarno yaŋala isi yafo iligano igal kǝraiñ. 4 ñerṯe ñagapa gǝrus walla ërrua walla nḏǝbina, na ñerṯe ñagǝnna eđa ëiñua eđađ. 5 na eɽa gǝnǝŋ ñagënṯiau, lwaɽr ananoŋ, ŋgiṯu đëuṯaralo ađǝfeṯe egeɽa igi. 6 ndǝ eđa gëni gǝđëuṯaralo, đëuṯaralo eđalo điđ ađǝmeṯa nano na nđǝ eđa gero gǝđëuṯaralo, đëuṯaralo eđalo điđ ađǝnđoɽǝbaṯe nano. 7 ɽaŋr egeɽa gakǝl ñase na ñǝṯi laŋge leđa lanaieǝndǝlo, ŋen ŋanṯa ŋen ŋaŋǝra ṯa eđa gëbǝđia ŋǝmëɽria aŋǝneini đǝpǝɽa. ñerṯe ñagabǝṯa eɽa gwomǝn tǝŋ. 8 na alo pređ isi ñagwërnǝṯia na leđa lǝnđaŋǝnṯi, sǝr ŋǝsa iŋi lënǝŋulu lǝnaieǝnde. 9 akeiđr leđa lwuma lalo yakǝl ñalwaɽǝṯi leđa ṯa, ŋǝlǝŋe ŋǝrǝmwa ŋeṯǝnđe ṯwaiñ. 10 na alo pređ isi ñagwërnǝṯia na leđa laber lǝndaŋǝnṯi, mbǝr eđađ ñǝlǝlwaɽǝṯi ṯa, 11 abuɽǝtua igi gëndu rǝmanǝña eraiñ galo esalo ñagamǝnđǝđeini na ŋen iŋi ŋaɽo ŋamǝla ŋageande. orn lǝŋeṯr ṯia ṯa ŋǝlǝŋe ŋǝrǝmwa ŋeṯǝnde ṯwaiñ. 12 igandǝlwaɽǝṯia ṯa iloman lakǝl ɽrǝmwa đakǝme đalo yakǝl điđ ađoɽreṯe đamiñaṯo đakǝme đalo isǝḏum. 13 ya alo ikurisin agiđi ŋaneini ŋen ŋubwa, na ya alo ibeṯsaiḏa, agiđi ŋaneini ŋen ŋubwa, gǝbanṯa aŋwara yoɽra isi yiđǝnu eñaŋ yafo yiđǝnu alo isur na alo isiḏa ṯa leđa lalo yakǝl laŋgiṯu ŋen eŋen ŋeicia ram ldǝɽaŋe igubwan lëɽǝnu suwal nano, ldoɽǝbaṯe rǝmwa nano. 14 na iloman ildi rǝmwa riđ arawakǝme alo, đakǝme eđalo điđ ađoɽreṯe đamiñaṯo đakǝme đalo isur na đalo isiḏa. 15 na aganǝŋa, ya alo ikafranawum ŋaŋgi agabeinu elo, agiđi aŋirǝweicǝni alo iseṯan iđurṯu alo. 16 eđa gǝndanaṯa gënǝŋu gaiñǝnaṯa, na eđa gǝndǝneđa, gënǝŋu gaiñǝneđa na eđa ganeđǝñi gënǝŋu ganeđo rǝmwa irri rađwaṯiñi. 17 orn leđa ildei eređia ređ nalo eređia giɽijan na ndǝjan ldoɽǝbǝđe đaŋǝrađa nano lđaṯa, ya elǝŋ nusila neicia cum nanaṯǝnde igirǝŋ gǝlaɽǝŋa. 18 yesu nǝŋǝlǝlwaɽǝṯi ṯa, igaseieu seṯan yiɽu elo garno rǝmwa raso. 19 igǝndǝnaica ŋǝlǝŋe ṯaiñerldađaṯo imwa alo na ñogǝɽar na ŋabǝɽa pređ ŋǝseṯan na yënǝŋu yaber yiđ aiyǝndǝɽaice ŋen ŋǝnǝŋ. 20 orn ñerṯe ñagaŋǝra nano ŋen ŋanṯa nusila neicia niđǝnu nandǝnaṯa orn ŋǝreṯr nano ŋen ŋanṯa ndrǝŋ enalo nǝwërđǝnu egeɽa gǝrǝmwa elo. 21 iliga ildi yesu gaŋǝra nano igusil nǝŋaṯa, papa igaŋërṯia nano, ŋaŋgi agaɽ elǝŋ gelo na galo ŋen ŋanṯa agalǝbǝjaico leđa ŋen iŋi ildi laliŋeṯo ŋen nǝsi na lwaiña ŋaṯǝɽa orn agërrǝŋaicu ñere ŋen. đeṯam papa ŋen ŋanṯa ŋen ṯia ŋiđiaŋa agaŋǝra nano. 22 na yesu nǝŋǝređeṯe ṯalǝmis nano ilëɽǝŋu nǝŋǝleiṯi ṯa, papa gǝlëɽǝñi ganaicǝñi laŋge pređ na eđa gero galiŋeṯo ṯa esegi gaɽ iđia illi đaṯa, na eđa gero galiŋeṯo ṯa esegi gaɽo đaṯa illi iđia na eđa igi iđia gwonaṯa gamërrǝŋaicia. 23 yesu nǝŋǝređeṯe ṯalǝmis nano ilëɽǝŋu nǝŋǝlǝlwaɽǝṯi alǝsoŋ ṯa, isi yaŋǝra nano isi yaseicia ŋen ñagǝseicia. 24 ŋen ŋanṯa igǝndǝlwaɽǝṯia ṯa anbiya ywaiña na nǝlǝŋ nwaiña lafo lonaṯa laseicia ŋen iŋi ñagǝseicia orn lero laseicia, na lafo lonaṯa lǝnna ŋen iŋi ñagǝnna orn lero lǝnna. 25 na eđa gǝnǝŋ gatwođo igi gǝbërrǝŋaiđia ŋen ŋal ganun nǝŋinḏeici yesu nǝŋaṯa, ya eđa gǝbërrǝŋaiđia ŋen, igëbǝđia ṯau ṯa yerṯe đamǝṯia đǝbǝɽǝbǝte? 26 yesu nǝŋǝmeiṯi ṯa, wandigi gǝwërđǝnu igal ganun? agǝbëgǝri wande igal ganun? 27 eđa nǝŋǝmuɽǝbiṯi eŋen ṯa, fǝŋen iŋi. bwiṯu elǝŋ rǝmwara rǝlaɽǝŋa araga pređ na usilaga pređ na ŋabǝɽaŋa pređ na ŋaṯǝɽaŋa pređ na ŋubwiṯi eđaga igi gaɽ ëuwǝr garno etam gǝlaɽǝŋa. 28 yesu nǝŋǝmeiṯi ṯa, agwalwaɽo ŋope. iđu ŋen iŋi na agiđi ŋamǝṯe. 29 orn eđa gwonaṯa gamǝđeini eŋen geɽǝđo yesu nǝŋǝmeɽǝđe tǝŋ ṯa, esegi gaɽ ëuwǝr gǝlëɽǝñi? 30 yesu nǝŋǝmuɽǝbiṯi eŋen ṯa, eđa gǝnǝŋ gamiño alo yursalim gwonaṯa gabǝṯa alo yariya orn ndǝ gafo eđađ ndom nǝmëndi, nǝmabaṯe ndrene nǝmëpwi nabǝla nǝmǝŋgiṯi gafo ŋǝɽaiñ ṯwaiñ. 31 orn kana yǝnǝŋ yabǝɽo eđađ dakǝl na ndǝ yaseicu eđa niyamiñe alo yarto niyabǝla. 32 na eđa gǝnǝŋ gaɽo lawi nǝŋǝmiñe eđađ iđei eum nǝŋarǝmaṯe alo yakǝl nǝŋela ṯaŋǝseicu eđa orn nǝŋamiñe alo yarto nǝgabǝla. 33 orn eđa gǝnǝŋ gǝsǝmariyin nǝŋǝmiñe eđađ iđei cum nǝŋǝfiđi eđa. ndǝ gǝseicǝma nǝŋǝmaɽǝṯe ŋǝbaiyaŋǝno. 34 gënǝŋu nǝŋǝmaɽe nano nǝŋǝmaiewađe ŋela na ŋawa ŋinǝb irëɽi nǝŋǝmakase ndrǝnana, nǝŋǝmape ŋǝɽiŋgiaŋa ŋǝlëɽǝŋu ldabǝṯa alo yal kurnu ṯaŋǝmarǝ-moṯo. 35 na ulaldiṯano gënǝŋu nǝŋǝme gǝrus yarno riyal nǝŋǝnaice maji gerṯo al kurnu nǝŋǝmeiṯi ṯa, rǝmoṯo eđa igi na ndǝ gǝrus isi yata yero yaɽǝwađaṯia elaŋge ildi agananaicǝlo maji, igiđi eŋëɽijiṯia al gǝrus ndǝ igoɽǝbǝđo. 36 yesu nǝŋeɽǝđe maji ṯa, esegi eleđa ildi liɽijin gaɽ ëuwǝr gǝmaji igi ndom nëndǝma? 37 na maji nǝŋaṯa, fǝmaji igi gagiaṯǝma ŋǝbaiya nano. yesu nǝŋǝmeiṯi ṯa, mbu ŋiđi ṯia. 38 ŋen yesu na ṯalǝmis labǝla ldarǝmaṯe irnuŋ gǝnǝŋ na wuji gǝnǝŋ gǝbernia mađđa nǝŋǝlënǝci egeɽa gǝlëɽǝŋu. 39 mađđa gerṯo orǝba gǝbernia miriam igi ṯaŋaɽaŋo erǝmanǝŋ rǝyesu ṯaŋǝno ŋen gënǝŋu gwaɽwata. 40 orn mađđa gafo eŋǝmëɽria ŋwaiña. gënǝŋu geṯo nǝŋaṯa, ya elǝŋ ŋen ŋaŋǝra ṯa oraiñ gaŋgiṯiñi yiđi ŋǝmëɽria ñi gunto? lwaɽǝṯǝma ṯa aiñamǝđaṯa. 41 na elǝŋ yesu nǝŋǝmuɽǝbiṯi eŋen ṯa, mađđa, agagǝrđo elaŋge lwaiña. 42 illi ŋen ŋëni ŋunto ŋaɽo đeṯam. miriam gwonaṯa ŋen iŋi ŋaŋǝra iŋi ŋaber ŋiđ aŋǝmameini.
111 yesu gafo gaṯurṯu rǝmwa alo yǝnǝŋ na nđǝ gatwođo đǝge eđa gǝnǝŋ iṯalǝmis ilëɽǝŋu nǝŋǝmeiṯi ṯa, ya elǝŋ ërrǝŋaicǝnđe ŋen ñagiṯurṯia rǝmwa ŋen ŋarno yuanna gërrǝŋaieu ṯalǝmis ilëɽǝŋu. 2 yesu nǝŋǝlǝlwaɽǝṯi ṯa, ndǝ ñagaṯurṯia rǝmwa lwaɽr ṯa, papa egaiñ, ŋgiṯu irǝŋ gǝlaɽǝŋa aŋǝđǝñini aŋatǝɽeṯe. ŋgiṯu ŋǝlǝŋe ŋǝlaɽǝŋa aŋeṯa alo. 3 naicǝnđe aicǝba gǝñoman ñoman. 4 ŋgǝđeieǝnđe ŋen ŋeicia eŋaiñ ŋen ŋarno ñagaŋgǝđeieia leđa ŋen eŋen ŋeieia iŋi lënǝŋulu lǝnđiṯia lageande, na ŋerṯe andënicia eđirnḏeicia. 5 yesu nǝŋǝlǝlwaɽǝṯi eum ṯa, esegi eñaŋ gerṯo đappa na nǝŋǝɽe đappa nano ulǝŋgiano nǝŋǝmeɽǝđe ṯa, ya đappa naieǝñi ragif riɽijin, 6 ŋen ŋanṯa đappa đǝnǝŋ geṯǝñi nano igi geṯo nwalđaŋ na igero lalǝmǝn igǝmalnaica? 7 na eđa egwaŋ giđ aŋǝmuɽǝbiṯi eŋen ṯa, ŋerṯe agaiñǝcwaria. ëuwǝr yalđanḏǝnu na igënǝñi na ñere ñǝlëɽǝñi ñaganđro. igaber igaɽǝwađaṯa igatwođa eŋanaiee. 8 orn yesu nǝŋaṯa, igandǝlwaɽǝṯia, ndǝ eđa gaber giđ aŋǝtwođe aŋǝmanaice laŋge ŋen ŋanṯa laɽo đappa, orn ŋen ŋanṯa maji ṯaŋǝmekeɽǝđo orn giđ aŋǝtwođe aŋǝmanaiee. 9 igǝnđǝlwaɽǝṯia ṯa, eɽǝđr waŋge na waŋge giđ aŋǝndǝneini. pwaiñr waŋge na ñagiđi ñafiđi waŋge. pur ëuwǝr na yiđ ainđǝgagiđǝnṯi. 10 ŋen ŋanṯa leđa pređ ilđi lǝbekeɽǝđia laŋge liđ alđǝneini, na lënǝŋulu ilđi labapwaiña laŋge liđ alđǝfiđi na lënǝŋulu ilđi lǝpwa ëuwǝr yiđ ailǝgagiđǝnṯi. 11 esegi eñaŋ gaɽo đaṯa na iđia gameɽǝđe ome, orn eṯen giđ aŋǝmanaice rǝmwa reicia nǝŋerṯe gamanaicia ome? 12 walla ndǝ iđia gameɽǝđe leña lǝwaro eṯen giđ aŋǝmanaice logǝɽar? 13 ndǝ ñaŋ ñaŋgi ñageicia ñagaliŋeṯo ñaganaicia ñere eñalo laŋge laŋǝra đaṯa gelo gamiñaṯǝnde giđ aŋǝnaice leđa usila gatǝɽe ildi labeɽǝđe. 14 orn yesu gafo gamiña usila geicia eđa nano gaijǝbima gǝɽwata. ndǝ usila geicia gamiño maji nano igi gaijǝba gǝɽwata maji ṯaŋǝɽwato, na leđa pređ ldirǝwano. 15 orn lǝmaṯan iŋulu ldaṯa, gënǝŋu gamiña nusila neicia ŋabǝɽaŋa ŋǝbalsabul igi gaɽ elǝŋ gǝnusila neicia. 16 na lǝmaṯan ldǝminḏeici ldǝmeɽǝđe ŋamǝla ŋelo. 17 yesu galiŋeṯo ŋaṯǝɽa eŋen nǝŋǝleiṯi ṯa, ŋǝlǝŋe pređ iŋi leđa lǝŋǝlǝŋe lageađaiđo eŋen ŋiđ aŋǝmǝndëđǝni na ndǝ leđa legeɽa lageađaiđo eŋen eɽa gaber gaɽǝwađaṯa gađurwa. 18 na ndǝ seṯan egeađaiđo eŋen ŋǝlǝŋe ŋǝlëɽǝŋu ŋiđ aŋfeṯe ṯau? ŋen ŋanṯa ñagaṯa ṯa igamiña nusila neicia ŋabǝɽaŋa ŋǝbalsabul. 19 ndǝ igamiña nusila neicia ŋabǝɽaŋa ŋǝbalsabul ñere eñalo ñamiña nusila neicia ŋabǝɽaŋa ŋesegi? ŋen ŋafǝṯia ñënǝŋulu ñiđ aiñǝndinḏeici. 20 orn ndǝ igamiña nusila neieia ŋabǝɽaŋa ŋǝrǝmwa đeṯam ŋǝlǝŋe ŋǝrǝmwa ŋeṯǝnde nano đǝge. 21 ndǝ eđa gwonḏǝṯo igi gerṯo ñerlda garǝmoṯwa laŋge ǝllëɽǝŋu laŋge ildi laɽaŋa ŋope. 22 orn nđǝ eđa gǝnǝŋ gwonḏǝṯo gamiñaṯo eđa gakǝl geṯo gamagea nǝŋamađame, gënǝŋu giđ aŋǝme ñerlda iñi maji gananoŋ gëndǝlo na gënǝŋu giđ aŋǝna-naiđe laŋge ildi gamamǝlo. 23 eđa gǝnǝŋ gaber ñagǝldǝfialda gënǝŋu gagiaiñi orn eđa igi gaber ñagararreiđia laŋge gënǝŋu galaldǝđia laŋge alo. 24 ndǝ usila geicia gamiña eđa nano gabakaldaica alo yero ŋawano gabapwaiña đǝmiñǝniano. ndǝ gaber gafiđia đǝmiñǝniano gǝbaṯa, igiđi yoɽǝbaṯe egeɽa igi igamiñau. 25 orn gënǝŋu nǝŋela nǝŋǝfiđi eɽa gamǝndëđǝniau na gaṯuɽeinu, 26 orn nǝgabǝla nǝŋǝma nusila nomǝn neicia đenǝŋ nǝmiñe niɽijan ini neicia kaiñ namiñaṯǝma na nënṯi ṯanoɽaŋo na iliga lǝnḏurṯu maji gwuma kaiñ gamiñaṯo iliga lananoŋ. 27 ndǝ yesu gwaɽwata ŋen iŋi wuji gǝnǝŋ eleđa ṯaŋarǝjaico ole nǝŋaṯa, ara igi agǝlǝŋǝniau na ëđu isi agađǝɽau laŋǝra nano. 28 orn yesu nǝŋaṯa, ŋen ŋaŋǝra ŋamiñaṯo ŋen iŋi ṯa, leđa ildi lǝnna ŋen ŋǝrǝmwa na lëbǝđia lënǝŋulu laŋǝra nano. 29 liga leđa lwaiña lararraiđǝma nano yesu gaṯa, leđa lǝliga ildi leicia. lënǝŋulu lapwaiña ŋamǝla orn laber liđ alneini ŋamǝla illi ŋamǝla ŋǝyunar, 30 ŋen ŋanṯa garno yunan gaɽo ŋamǝla eleđa lalo ininawa nṯia cum iđia gǝleđa giđ aŋǝɽeṯe ŋamǝla eleđa lǝliga ildi. 31 elǝŋ gaɽǝbwa galo yǝnǝŋ eđǝɽǝđalo liđ altwođe leđala lǝliga ildi iloman ildi rǝmwa riđ arauwakǝme alo na giđ aŋǝlakǝme, ŋen ŋanṯa geṯo ltuŋga đǝrṯi ṯa aŋǝne đaliŋeṯa ŋen nǝsi đǝsuliman. na seicr, eđa gëni gamiñaṯo suliman. 32 na leđa lalo ininawa liđ altwođe leđala lǝliga ildi iloman ildi rǝmwa rid arauwakǝme alo na liđ aldakǝme, ŋen ŋanṯa lano ŋen ŋǝyunan ldǝŋgiṯi ŋen eŋen ŋeicia ldoɽǝbaṯe rǝmwa nano. na seicr, eđa gëni gamiñaṯo yunan. 33 eđa gero gǝnǝŋ gëɽu isia ilamba nǝŋëɽi lamba egarra orn gǝbëɽi pǝlelo ṯa leđa ildi lǝbërnǝṯia eɽa alǝseiei arrerre. 34 lamba laŋǝno esalo fisi. ndǝ isi esalo yaŋǝra, aŋǝno pređ esalo yaɽ arrerre cum orn ndǝ isi yeicia aŋǝno pređ esalo yaɽo ŋǝrǝmia cum. 35 inḏeicr ŋen ṯa ñafiđi ndǝ arrerre eñaŋ gaɽo ŋǝrǝmia. 36 ndǝ aŋǝno pređ esalo yaɽ arrerre, alo yero yaɽo ŋǝrǝmia, aŋǝno aiyǝɽeṯe arrerre pređ ŋen ŋarno lamba lǝwađialo na ldëɽi arrerre alo. 37 ndǝ yesu gwaɽwato đǝge eđa gǝnǝŋ gal farisiyin nǝŋǝmeiṯi ṯa alënṯi eɽa gǝlëɽǝñi alase. na yesu nǝŋënṯi nǝŋǝɽaŋalo ṯa aŋase. 38 na eđa gal farisiyin, ndǝ gaseicu ṯia girǝwano ŋen ŋanṯa yesu gero gwasǝni ŋen gamǝlu gasa. 39 elǝŋ yesu nǝŋǝmeiṯi ṯa, ya farisiyin ñagwasa al finjan na lǝmbolua lđëɽua orn egwaŋano ñagwunḏeinu ŋenŋa ŋǝɽiano na ŋeicia. 40 ya leđa laɽo liɽǝṯiano, rǝmwa irri riđǝnđe ñagaɽo ŋëɽua gerṯa rënǝŋu riđǝnde egwaŋano cum? 41 orn ndǝ ñaganaica leđa laɽo ŋǝbaiyaŋǝno laŋge naicǝrldo laŋge lenare na laŋge pređ liđ altǝɽeṯe ŋen ŋanṯa ñaŋ. 42 orn ñaŋ ya farisiyin ñagiđi ñaneini ŋen ŋubwa ŋen ŋanṯa ñagananaiđia laŋge egworǝb elaŋge ɽređ enana na epwaɽǝlwa na elaŋge pređ ildi laɽo ŋapwa ñagǝlǝsa lteta orn ñagaŋgiṯu ŋen ŋuđǝrwaṯo na đubwa rǝmwara. ŋen ŋaŋǝra ñaganaiđo laŋge egworǝb na ŋen ŋafo mǝnna ñagaŋgiṯu ŋen ŋuđǝrwaṯo na đubwa rǝmwara. 43 ya farisiyin ñagiđi ñaneini ŋen ŋubwa ŋen ŋanṯa ñagwonaṯa ñagaɽaŋa alo yaŋǝra yaɽnda imajma na ñagabwaiña ṯa leđa ṯalǝndǝnano ëiñua nǝsuk. 44 ñagiđi ñaneini ŋen ŋubwa ŋen ŋanṯa ñagarno rel irri rǝram na leđa ildi ldǝwerlda laber ldǝseicia. 45 eđa gǝnǝŋ eleđa ildi lǝbërrǝŋaiđia ŋen ŋal ganun nǝŋǝmuɽǝbiṯi eŋen ṯa, ya eđa gǝbërrǝŋaiđia ŋen, ndǝ agwaɽwata ŋen iŋi agǝndǝđamǝea eŋen cum. 46 yesu nǝŋaṯa, ñaŋ ñaŋgi ñagǝbërrǝŋaiđia ŋen ŋal ganun ñagiđi ñaneini ŋen ŋubwa eum ŋen ŋanṯa ñagabakëɽi leđa ŋen nano iŋi ŋinia na ŋabɽwaŋǝno ṯa alǝrrape na ñagubwa ñomanña eñalo, ñaganeđo ṯa ñagađwađe kwai kwai. 47 ŋen ŋanṯa ñagwuru rel ral anbiya na eṯalanda laɽiñǝlo. 48 na ñaŋ ñagǝseieu ŋen iŋi, na ñagamǝđaṯa ŋen iŋi eṯalanda liđu ŋen ŋanṯa lënǝŋulu laɽiño al anbiya na ñagwura rel. 49 ŋen ŋafǝṯia rǝmwa raṯa iđaliŋeṯa ŋen nǝsi đǝlëɽǝŋu, igiđi elǝđweiṯi al anbiya na leđa ltǝɽe na leđa liđ aldǝɽiñe lǝmaṯan na liđ alđnanaiee ŋen ŋubwa lǝmaṯan 50 ṯa đakǝme ađuɽǝbeini eleđa lǝliga ildi ŋen ŋanṯa ŋǝfǝni ŋal anbiya pređ iŋi ŋirǝwa ŋen alo yiđǝnu na mǝldin điñǝđi, 51 ŋǝfǝni ŋabil ŋananoŋ na ŋǝfǝni ŋǝsakariya ŋǝnḏurṯu igi gaɽiñǝnu igal ekǝl alo nano yetǝɽe na ŋǝfǝni ŋǝleđa iŋi ŋirǝwa iliga liligano. 52 ya leđa ildi ñagǝbërrǝŋaiđia ŋen ŋal ganun ñagiđi ñaneini ŋen ŋubwa ŋen ŋanṯa ñagamo al mufṯa yǝđaliŋeṯa na ñaŋ ñagero ñagǝbenṯia iđaliŋeṯa na ñagatǝriṯu leđa ildi lafo lǝbenṯia. 53 ndǝ yesu gamiño alo yakǝl al farisiyin na leđa ildi lǝbërrǝŋaiđia ŋen ŋal ganun ldǝmeieiṯiano ldǝmekeɽǝđe kaiñ eŋen ŋwaiña. 54 lënǝŋulu lalëldǝbijǝnṯia ŋen ṯa alëndi iŋi yesu gwaɽwato.
121 iliga lakǝl leđa larraiđo yesu nano lwaiña kaiñ ṯaɽrldađai-đialo. na yesu gwalwaɽǝṯu ṯalǝmis ananoŋ ṯa, rǝmojǝđr ŋen ŋal farisiyin iŋi ŋaɽo ŋiɽijan, na iŋi ŋarno uđǝɽi. 2 laŋge pređ latërnu liđ alërrǝŋeini na laŋge pređ lalǝbijǝnu liđ alǝlǝŋini. 3 ŋen ŋanṯa ŋen ñagwaɽwato iŋǝrǝm ŋiđ aŋǝnǝni igarrerre, na ŋen iŋi ñagwaɽwato ŋoɽoma eɽa egwaŋano ŋiđ aŋǝlwaɽǝni pǝlelo ndëuwǝr. 4 igǝndǝlwaɽǝṯia ñaŋgi lǝgaɽr rappa ṯa, ñerṯe ñagiđǝña leđa ildi laɽiña aŋǝno orn laber laɽǝwađaṯa lëbǝđia wagǝnǝŋ tǝŋ. 5 igǝndǝlwaɽǝṯia esegi ñagiđǝñama. điñiṯǝmar igi ndǝ gaɽiño eđa gerṯo ŋabǝɽa ṯa aŋauwǝṯi eđa alo eŋen ŋubwa kaiñ. đeṯam igǝnđǝlwaɽǝṯia, điñiṯǝmar. 6 gerṯa uɽir giliđǝnu đenǝŋ ŋen ŋanṯa gǝrus yarno ṯarifa đǝɽijan? orn rǝmwa raber raijǝbeini eŋen ŋuɽir gǝnǝŋ. 7 na iria enoŋǝɽwa eŋalo yumađeinu. ñerṯe ñagiđǝñalo. ñagerṯo ŋeniano ŋwaiña ŋamiñaṯo uɽir gwaiña. 8 igǝndǝlwaɽǝṯia ṯa, leđa pređ ildi lǝbaṯa ṯa ǝllëɽǝñi leđa nëiñua iđia gǝleđa giđ aŋǝlwaɽe ṯa lënǝŋulu ǝllëɽǝŋu mǝlaiyǝka nëiñua irǝmwa. 9 orn leđa pređ ildi labǝlaiciñi leđa nëiñua liđ alabǝlaicǝni mǝlaiyǝka nëiñua irǝmwa. 10 leđa pređ ildi lǝbaṯa lagea iđia gǝleđa liđ alǝŋgǝđeini ŋen iŋi ŋeicia orn leđa ildi lǝbaṯa usila gatǝɽe geicia lënǝŋulu laber liđ alǝŋgǝđeini ŋen iŋi ŋeicia kwai kwai. 11 ndǝ leđa lǝndǝmamaṯa leđa nëiñua lǝmajma na nǝlǝŋ nano na leđa nano ildi lerṯo ŋǝlǝŋe ñerṯe ñagagǝrđe ṯa ñagupijǝni ṯau walla ñagwalwaɽa ṯau, 12 ŋen ŋanṯa iliga lakǝl đurri usila gatǝɽe giđ aŋǝndërrǝŋaici ŋen ṯa ñaɽwate. 13 na eđa gǝnǝŋ eleđa nǝŋeiṯi yesu ṯa, ya eđa gǝbërrǝŋaiđia ŋen lwaɽǝṯu oraiñ ṯa ñakarnǝđe laŋge gënǝŋu garraṯa eŋen. 14 yesu nǝŋǝmuɽǝbiṯi eŋen ṯa, esegi giđǝñi igaɽ elǝŋ igi gǝbakarnǝđia laŋge eñaŋ ? 15 yesu nǝŋǝlwaɽǝṯi leđa ṯa, rǝmojǝđr eŋen pređ ŋǝđamiñeđǝñano, ŋen ŋanṯa đamǝṯia đeđa đero đeṯo elaŋge lwaiña ildi gënǝŋu gerṯǝlo. 16 nǝŋǝlǝlwaɽǝṯi ŋen ŋǝnǝŋ ŋǝwujǝnu. eđa gafo gǝnǝŋ gerṯo laŋge lwaiña na gi gǝlëɽǝŋu galǝŋo ŋwana ŋwaiña kaiñ, 17 na gënǝŋu ṯaŋǝɽwato bǝɽan, igëbǝđia ṯau? igero alo ṯa ewǝrǝjaice ŋwana. 18 nǝŋaṯa, igiđi yiđi ṯia. igagera nǝmwuđǝni nǝlëɽǝñi, elabǝđe nabǝrano kaiñ, na elowǝrǝjaice ŋwana na laŋge ǝllëɽǝñi, 19 na igiđi eɽwate bǝɽan, igerṯo laŋge lëɽǝnu lwaiña kaiñ ŋen ŋanṯa nṯǝli nwaiña. igiđi emiñǝniano na igiđi yese na igiđi yǝṯi na igiđ eŋǝreṯe nano. 20 orn rǝmwa rǝlwaɽǝṯǝma ṯa, agaɽ iɽǝṯiano, ulǝŋgi igi đeṯam đamǝṯia đǝlaɽǝŋa đaŋameini. laŋge ildi agaṯoɽaṯǝlo lesegi? 21 na eđa garno ṯia igi garǝjaica laŋge ŋen ŋanṯaŋu na gero laŋge lwaiña rǝmwa nëiñua. 22 yesu nǝŋǝlwaɽǝṯi ṯalǝmis ṯa, ñerṯe ñagagǝrđe eŋen ŋǝđamǝṯia eđalo ṯa ñagiđi ñase wande walla eŋen ŋaŋǝno esalo ṯa ñagiđi ñëɽǝni wande nano. 23 đamǝṯia đamiñaṯo ŋǝsa na aŋǝno yamiñaṯo ndrena. 24 ldǝŋǝđeinr eŋen ŋaiyǝŋgwara. yënǝŋulu yaber yawađa na yaber ywanḏa, na yero umuđǝni, orn rǝmwa ralamǝca. gerṯa ñagerṯo ŋeniano ŋwaiña ŋamiñaṯo ndǝfia ? 25 esegi eñaŋ gaɽǝwađaṯa gabaɽǝjaieia đamǝṯia đǝlëɽǝŋu đagǝrđiađa? 26 nṯia ndǝ ñagaber ñagaɽǝwađaṯa ñagëbǝđia ŋen iŋi ŋǝtǝfr ŋamiñaṯo ŋen pređ, ŋen ŋanṯau ñagagǝrđa eŋen ŋǝṯënu? 27 ldǝŋǝđeinr eŋǝŋgeiña. ŋënǝŋulu ŋaber ŋameđa al muṯǝrara na ŋaber ŋawaṯa ndrena. orn igǝndǝlwaɽǝṯia ṯa suliman igi gerṯo ŋaɽrwa ŋwaiña kaiñ gero gaŋǝra ŋaiyo garno ŋǝŋgeiña. 28 ndǝ rǝmwa rarǝmoṯwa ŋaiña ṯia, iŋi ŋafo eđǝñwa điñǝđi na ŋiđ aŋǝweieǝni isia ulaldiṯano, rënǝŋu raber riđ arǝndrǝmoṯe kaiñ ṯa ñerṯe ndrena, ya leđa ñaŋgi ñagerṯo đonaṯa đǝtefr? 29 ñaŋ, ñerṯe ñagabapwaiña lalasǝm na lalǝṯǝnia na ñerṯe ñagagǝrđe eŋen ŋǝnǝŋ. 30 leđa pređ lalo labapwaiña laŋge ildi orn eṯalo galiŋeṯo laŋge ildi đeṯam eñaŋ. 31 orn bapwaiñr ŋǝlǝŋe ŋǝrǝmwa ŋaɽnda na laŋge ildi liđ alǝndǝneini cum. 32 ñerṯe ñagiđǝñalo, ya ñere ñǝlëɽǝñi, eṯalo gëɽu ŋen ṯa aŋǝndǝnaice ŋǝlǝŋe ŋǝlëɽǝŋu. 33 iliđr laŋge eldalo ñananaice leđa al gǝrus ildi laɽo ŋǝbaiyaŋǝno. erṯr ërrua igǝrus igi gaber giđ aŋaiewareṯe, laŋgela ildi laber liđ alǝmǝndëđǝni lelo, alo isi yero oɽom ano ṯwaiñ na noɽǝlea naber nagerau laŋge. 34 ŋen ŋanṯa alo isi laŋge eldalo lararreiđǝnu lafau, nare enalo niđ anofeṯe eum. 35 ñagëɽǝnu ndrena nano ñambaña ñerṯo isiano ṯa ñaṯuɽeini 36 ñarneṯe leđa ildi laṯurṯi elǝŋ egen aŋoɽǝbǝđe iđǝsa đǝđamǝđia, ṯa ndǝ gënǝŋu geṯo nǝŋubǝɽi ëuwǝr lënǝŋulu liđ almagagiṯi taltal. 37 lǝbai laŋǝra nano ildi ndǝ elǝŋ egen geṯo giđ aŋǝlǝfiđi lapa sǝnđua. igǝndǝlwaɽǝṯia đeṯam ṯa, elǝŋ giđ aŋoɽǝmaice erena gǝlëɽǝŋu, giđ aŋǝlǝlwaɽǝṯi ṯa alɽaŋe alo alase na giđ aŋela aŋǝlnaice ŋǝsa. 38 ndǝ elǝŋ geṯo ulǝŋgiano gerregano walla ulǝŋgiano na gafiđi leđa lapa sǝndua lënǝŋulu laŋǝra nano. 39 ñagaliŋeṯo ŋen iŋi, ṯa gǝbanṯa eđa gerṯo eɽa galǝŋinnano liga oɽom yiđ aiyǝwela ṯa gënǝŋu gero gaŋgiṯia oɽorn aiyënṯi eɽa ŋabǝɽa. 40 đeṯam ñaŋ cum ñaṯuɽeini. ŋen ŋanṯa iđia gǝleđa giđ aŋela iliga ndǝ ñagabaṯa gamǝlu. 41 na buṯrus nǝŋeɽǝđe yesu ṯa, ya elǝŋ agwalwaɽo ŋen iŋi ŋǝwujǝnu ŋen ŋanṯa nanda walla ŋen ŋanṯa leđa pređ cum? 42 elǝŋ yesu nǝŋaṯa, esegi gaɽ ebai igi guđǝrwaṯo eŋen na galiŋeṯo ŋen nǝsi igi eđa gerṯǝma gamëɽi gaɽnda eleđa ildi lamǝđuɽǝđǝnṯia ṯa aŋǝlnanaice aicǝba iliga lǝđǝsa? 43 ebai gakǝl gaŋǝra nano, igi eđa gerṯǝma ndǝ geṯo giđ aŋǝmafiđi gëbǝđia ŋen ṯia. 44 igǝndǝlwaɽǝṯia đeṯam ṯa eđa gerṯǝma giđ aŋiđi ebai gakǝl gaɽnda elaŋge pređ ǝllëɽǝŋu. 45 orn ndǝ ebai gakǝl gǝbaṯa egare, eđa gerṯiñi gero geṯo ram, nǝŋǝtwođe nǝŋǝpwi leđa ildi lëbǝđia ŋǝmëɽria laɽorra na ɽrlda, nǝŋǝse nǝŋǝṯi kaiñ nǝŋǝramuɽi 46 eđa gerṯo ebai gakǝl giđ aŋela iliga ilđi gǝbaṯa gamǝlu na iliga ildi gaijǝba, na eđa gerṯǝma giđ aŋǝmaṯǝbǝđiano aŋǝmënǝci eđakǝme đǝleđa ildi lǝɽiano eŋen. 47 ebai igi galiŋeṯo ŋen eđa gerṯǝma gwonaṯa orn gero gaṯoɽaṯa ŋen walla giđu ŋen ŋagea ŋen eđa gerṯǝma gwonaṯa, ebai igi giđ aŋǝpwuni kaiñ. 48 orn ebai igi gaijǝba ŋen, eđa gerṯǝma gwonaṯa nǝŋiđi ŋen ŋǝɽiano gënǝŋu giđ aŋǝpwuni aten. ŋen ŋwaiña ŋiđ aŋwoneini eleđa ildi laneinu ŋen ŋwaiña. ŋen ŋwaiña ŋiđ aŋiɽǝđǝni egeđa igi gananeinu ŋen ŋwaiña. 49 igeṯo ṯa eme isia alo na igwonaṯa ṯa isia aiyfeṯe điñǝđi. 50 igerṯo mamuḏiya isi đeṯam igǝbenṯiau, na igananeini ŋen ŋini liga igamǝlu igǝbenṯiau. 51 ñagaṯa ṯa igeṯo ṯa enaice leđa lalo đǝbëɽǝđia eŋen? ndo, igǝndǝlwaɽǝṯia ṯa igeṯo ṯa ñafeṯe ɽetǝɽeteo. 52 na điñǝđi na iliga lǝnëiñua leđa leɽa liđ algeađaiđe, na leđa liɽijan liđ alǝge leđa liɽijin. 53 đaṯa giđ aŋge iđia gǝlëɽǝŋu, na iđia giđ aŋge eṯen. wuji giđ aŋge ŋere ŋǝlëɽǝŋu, na ŋere ŋiđ aŋge lǝŋgen. na unin giđ aŋge una na una giđ aŋge unin. 54 na yesu nǝŋǝlwaɽǝṯi leđa ildi lwaiña ṯa, ndǝ ñagǝseicia ltuŋga labǝṯwa ndalǝŋgwa ñaṯa ṯa, taltal rǝmwa rađǝne na đeṯam rađǝne. 55 na ndǝ ñagǝseicia đabera đura đǝɽǝđalo ñaṯa ṯa, aŋal giđ aŋǝbwiṯi na đeṯam aŋǝbwiṯi. 56 ya leđa ñaŋgi ñagerṯo ŋen ŋeɽijan. ñagaliŋeṯo ŋen ŋalo na ŋǝltuŋga. ŋen ŋanṯau ñagaijǝba ŋen ŋǝliga ildi? 57 ŋen ŋanṯau ñagaber ñagabirnḏeicia ŋen ṯa ñaliŋeṯe ŋen ŋǝđeṯam? 58 ndǝ ñagabǝṯa nǝsǝria leđala ildi lǝsǝkǝnde, ndǝ ñagafo eđađ, nḏeicr ŋen ṯa ñaṯoɽaṯe ŋen ṯa leđa ildi lǝsǝkǝnde laber liđ alǝnđǝbǝleđe elǝŋ nëiñua na elǝŋ gaber giđ aŋǝndǝnaiee askari na askari yaber yiđ aiyǝndënǝei isijǝn. 59 igǝndǝlwaɽǝṯia ṯa ñagaber ñagiđi ñamiñe isijǝn illi ndǝ ñaganaiđo gǝrus pređ mǝlin đero đǝṯëni.
131 iliga lakǝl leđa lǝmaṯan leṯo ldǝlwaɽǝṯi yesu ŋen ŋǝleđa lalo ijalil ildi bilaṯus gǝlobǝđaiđo ŋǝfǝni nano eŋen đǝɽǝđǝniađa eđen. 2 yesu nǝŋǝluɽǝbiṯi eŋen ṯa, ñagaṯa ṯa leđa ildi lalo ijalil ildi laneinu ŋen iŋi ŋubwa, leicia kaiñ lamiñaṯo leđa lwomǝn lalo ijalil? 3 igǝndǝlwaɽǝṯia ndo. orn ndǝ ñagaber ñagaŋgiṯia ŋen eŋalo ŋeieia ñoɽǝbaṯe rǝmwa nano ñagiđi ñamǝndëđǝni ŋen ŋarno lënǝŋulu. 4 na leđa lakǝl ɽređ na đenǝŋ ldǝmiñe liɽijin, ildi eɽa igi gađaŋǝṯa elo alo isilwam nǝŋǝliɽǝṯi nano nǝŋǝlǝɽiñe, ñagaṯa ṯa lënǝŋulu leicia lamiñaṯo leđa pređ lalo yursalim? 5 igǝndǝlwaɽǝṯia ndo. orn ndǝ ñagaber ñagaŋgiṯia ŋen eŋalo ŋeicia ñoɽǝbaṯe rǝmwa nano ñaŋ pređ ñagiđi ñamǝndëđǝni garno lënǝŋulu cum. 6 yesu nǝŋǝlǝlwaɽǝṯi ŋen iŋi ŋǝwujǝnu, nǝŋaṯa, eđa gǝnǝŋ gerṯo ebǝđa igi gakađo igi gǝlëɽǝŋu ginǝb nǝŋela nǝŋaṯa gamama liđia nǝŋerṯe gǝlǝfiđia. 7 na gënǝŋu nǝŋeiṯi eđa garǝmoṯwa gi ṯa, nṯǝlia niɽijin igeṯo ṯa epwaiñe ŋebǝđa niyerṯe igǝlǝfiđia. ređo uɽi. ŋen ŋanṯau uɽi gamo alo isi pređ mǝɽǝmǝɽeñ? 8 eđa nǝŋǝmuɽǝbiṯi eŋen ṯa, ya elǝŋ ŋgiṯu uɽi iṯǝlia igi cum ṯa yuri alo yeworǝjaiee đǝl. 9 ndǝ giđ aŋǝlǝŋe ŋen ŋëpi orn nde gaber giđ aŋǝlǝŋe agiđi ŋaređe. 10 na yesu gafo gǝbërrǝŋaicia leđa ŋen imajrna yǝnǝŋ iloman lǝđǝmiñǝniano, 11 na wuji gafo gǝnǝŋ igi gerṯo usila nano geicia nṯǝlia ređ na đenǝŋ nemiñe niɽijin giđǝma garwaṯo. wuji gafo geɽǝwano kaiñ na gero gaɽǝwađǝṯia gatoṯa elo. 12 na ndǝ yesu gǝseicǝma nǝŋǝmundǝđi ṯa aŋǝmeṯa nano neŋaṯa, wuji agamiñǝnu iđorwaṯia đǝlaɽǝŋa, 13 nǝŋǝrnëɽi raŋ nano. na taltal wuji nǝŋǝtoṯe elo nǝŋǝđurwaṯe nǝŋǝnaice remwa ŋaɽrwa. 14 orn elǝŋ gǝmajma nǝŋǝciṯano kaiñ ŋen ŋanṯa yesu geiđu eđa iloman lǝđǝmiñǝniano, nǝŋǝlwaɽǝṯi leđa ṯa, iñornan đenǝŋ ldǝmiñe lunto leđa lëbǝđia ŋǝmëɽria nṯia elar ṯa ñakeiđini iñoman iñei, gerṯa iloman lǝđǝmiñǝniano. 15 na eleŋ yesu nǝŋǝmuɽǝbiṯi eŋen ṯa, ya leđa ñaŋgi ñagerṯo ŋen ŋiɽijan, gerṯa ñaŋ pređ ñagamiña iri na ñǝɽiŋgia eneɽa enen ṯa ñǝlnaice ŋawa iloman lǝđǝmiñǝniano ? 16 na wuji igi gaɽo ŋere ŋibrayim igi seṯan gëndǝma nṯǝli ređ na đenǝŋ nemiñe niɽijin, na gerṯa ŋen ŋaŋǝra ṯa gënǝŋu aŋǝmiñǝni eŋen iŋi iloman lǝđǝmiñǝnianc? 17 ŋen yesu gwalwaɽo ṯia leđa pređ ildi larnagea ldirǝwano, ŋen nǝŋǝlǝsǝki enare, na leđa pređ laŋǝra nano kaiñ ŋen ŋanṯa aŋwara pređ yesu giđǝlo. 18 orn yesu nǝŋaṯa, ŋǝlǝŋe ŋǝrǝmwa ŋarno wande? igwalwaɽa ṯa ŋarno ŋen ŋǝwande? 19 ŋǝlǝŋe ŋǝrǝmwa ŋarno ŋǝlwa ŋǝkarḏal iŋi ŋǝrresi kaiñ iŋi maji gǝnǝŋ gakađo ijǝnena, na ŋǝlwa nǝŋobǝđe nǝŋǝɽeṯe uɽi goɽra kaiñ na ndǝfia nelo naɽaŋa ndreṯe. 20 na yesu nǝŋaṯa tǝŋ, igiđi elwaɽe ṯa ŋǝlǝŋe ŋǝrǝmwa ŋarno wanđe? 21 ŋǝlǝŋe ŋǝrǝmwa ŋarno uđǝɽi igi wuji gamo nǝŋënǝci igaicǝba igǝsafiya iɽijan ṯa aŋǝmiñe aicǝbano pređ. 22 yesu gafo eđađ gabǝṯa alo yursalim, nǝŋamiñe irnuŋ alo ywaiña. 23 na eđa gǝnǝŋ nǝŋǝmeɽǝđe ṯa, ya elǝŋ leđa ildi lëbǝrni lënǝŋulu ltefr? yesu nǝŋǝlǝlwaɽǝṯi ṯa, 24 nḏǝjeicr ŋen ŋǝɽwano ṯa ñënṯi igëuwǝr erraŋǝno ŋen ŋanṯa igǝndǝlwaɽǝṯia ṯa leđa lwaiña liđ alwonaṯe lǝbenṯia orn laber liđ alaɽǝwađǝṯe lǝbenṯia. 25 nđǝ eđa gerṯo eɽa gatođa aŋǝldanḏe eɽa na ñaŋ ñagaṯurwa ndëuwǝr ṯǝñëpu ëuwǝr ṯǝñaṯa, ya elǝŋ, ya elǝŋ gagiṯǝnde, gënǝŋu giđ aŋǝnđuɽǝbiṯi eŋen aŋaṯa, igaijǝba ñageṯo ŋga. 26 orn ñagiđi ñaṯa, lǝgasr na lǝgëṯr na agërrǝŋaiđu ŋen irnuŋ egaiñ. 27 orn gënǝŋu giđ aŋaṯa, igǝndǝlwaɽǝṯia ṯa igaijǝba ñageṯo ŋga. ŋgaṯǝñr nano ya leđa ilđi ñagëbǝđia ŋen ŋeieia. 28 đara na đǝsaṯa eŋađ liđ alfeṯe alo yakǝl ndǝ ñagǝseicia ibrayim na isag na yagub na anbiya pređ lafo eŋǝlǝŋe ŋǝrǝmwa na ñaŋ ñëɽǝni nđëuwǝr. 29 leđa liđ alela alo enđalǝŋgwa na alo enđele na alo eđeɽǝđalo na liđ alase eŋǝlǝŋe ŋǝrǝmwa. 30 đeṯam leđa lǝmaṯan ilđi lǝnḏurṯu liđ alɽeṯe lnëiñua, na leđa lǝmaṯan ilđi lnëiñua liđ alɽeṯe lǝnḏurṯu. 31 iliga lakǝl farisiyin yǝmaṯan niyela niyeiṯi yesu ṯa, twođo alo isi ŋaɽe. iruḏus gwonaṯa gaŋaɽiña. 32 yesu nǝŋǝleiṯi ṯa, mbǝr ñǝlwaɽǝṯi ođǝlaŋ gakǝl ṯa, điñǝđi na ulalđiṯano igamiña nusila neieia na igǝbeiđia đǝmwa na ndǝ ñoman ñaɽo ñiɽijin ŋǝmëɽria ŋǝlëɽǝñi ŋiđ aŋǝɽiñađeini. 33 orn đeṯam igabǝla điñǝđi na ulalđiṯano na ulalđiṯano igei ŋen ŋanṯa nabi yaber yaɽǝwađaṯia yebaiyǝṯe alo yarto, illi alo yursalim. 34 ya ursalim, ya ursalim, ŋaŋgi agaɽiño al anbiya na agamǝnđaiyo leđa ŋwandraŋa ildi lǝđweinṯiaŋa. ñoman ñwaiña igafo igwonaṯa igararraiđia ñere ñǝlaɽǝŋa ñi nano ŋen ŋarno uɽǝfia gararraiđia ñere enǝlđe, orn aganeđo. 35 seiđu, eɽa gǝlaɽǝŋa gaṯëđǝnialo. igaŋǝlwaɽǝṯia ṯa agaber agiđi ŋaiñǝseiei tǝŋ illi ndǝ liga leṯo ildi agiđi ŋawaṯau, gënǝŋu gǝbuŋǝnṯu igi geṯo igirǝŋ gelǝŋ rǝmwa.
141 ndǝ yesu gënṯu egeɽa gǝrnaji gǝnǝŋ gaɽ elǝŋ gal farisiyin ṯa aŋǝse iloman lǝđǝmiñǝniano leđa larǝmoṯǝma. 2 na maji gafo gǝnǝŋ yesu nëiñua igi gwuma, gaɽo bwađǝbwađ aŋǝno, 3 na yesu nǝŋeɽǝđe leđa ildi lǝbërrǝŋaiđia al ganun na al farisiym, nǝŋaṯa, al ganun yaṯa ṯa ŋen ŋaŋǝra eđa gabakeiđia iloman lǝđǝmiñǝniano walla ŋen ŋëđǝñinu? 4 orn lënǝŋulu ṯalbwaiño ŋǝma. yesu nǝŋëndi maji nǝŋǝmeiđi nǝŋǝmađwaṯe. 5 na yesu nǝŋeiṯi farisiyinanda ṯa, esegi eñaŋ ndǝ iđia gǝlëɽǝŋu walla tia ilëɽǝŋu liɽǝṯu ilǝbu gënǝŋu gaber gabǝla aŋǝlabǝce iloman lǝđǝmiñǝniano ? 6 yënǝŋulu yero yaɽǝwađaṯia yamuɽǝbiṯi eŋen iŋi. 7 yesu nǝŋǝrǝmoṯe leđa ildi lënǝjǝnu egeɽa lapwaiña alo yaŋǝra nǝŋǝlǝlwaɽǝṯi ŋen ŋǝnǝŋ ŋǝwujǝnu 8 nǝŋaṯa ṯa, ndǝ eđa gǝnǝŋ gaŋundǝđi ṯa ŋeṯa nḏǝsa đǝđamǝđia ŋerṯe agaɽaŋa alo yaŋǝra ŋen ŋanṯa aŋgaicia eđa gundǝđǝnu igi goɽrǝṯiaŋa 9 na eđa igi gundǝđǝnđe giđ aŋela aŋǝlwaɽǝṯi ṯa, naico maji igi alo yaŋǝra. orn nǝŋirǝwano ŋaɽaŋe alo yǝnḏurṯu. 10 orn ndǝ agundǝđǝnu mbu ŋaɽaŋe alo yǝnḏurṯu ṯa ndǝ eđa geṯo igi gundǝđǝŋa gënǝŋu giđ aŋwǝlwaɽǝṯi, oraiñ elaŋ ŋaɽaŋe alo yaŋǝra. orn leđa pređ ildi ñagaɽaŋǝlda liđ alŋanaice đame. 11 ŋen ŋanṯa eđa igi goɽrinia bǝɽan gënǝŋu giđ aŋiđǝni gǝta, na eđa igi gǝbǝđǝni gǝta bǝɽan gënǝŋu giđ aŋoɽrini. 12 yesu nǝŋǝlwaɽǝṯi maji cum igi gundǝđǝma nǝŋaṯa, ndǝ agëbǝđia đǝsa đoɽra ŋerṯe agundǝđi leđa laɽ rappa walla lorldalo walla lǝmađalanda walla leđa laɽëuwǝr ildi lwaiña laŋge, ŋen ŋanṯa aŋgaicia lënǝŋulu lomanaŋ liđ alaŋundǝđi nṯia ŋen ŋiđ aŋoɽǝbaṯe nano. 13 ndo, ndǝ agëbǝđia đǝsa đoɽra undǝđu leđa laɽo ŋǝbaiyaŋǝno na ildi laɽo lebǝco na ilđi laijǝba lǝbǝrlda na ildi laŋǝlisi. 14 nṯia agiđi ŋǝreṯe nano ŋen ŋanṯa lënǝŋulu laber laɽǝwađaṯia laŋuɽǝbiṯia ŋen. agiđi ŋapǝɽǝni ŋen leđa luđǝrwaṯo eŋen liđ altuđini. 15 ndǝ eđa gǝnǝŋ igi laɽaŋǝlda gano ŋen iŋi gënǝŋu nǝŋǝlwaɽǝṯi yesu ṯa, eđa gaŋǝra nano igi giđ aŋase eŋǝlǝŋe ŋǝrǝmwa. 16 yesu nǝŋǝmeiṯi ṯa, eđa gǝnǝŋ giđu đǝsa đoɽra kaiñ nǝŋundǝđi leđa lwaiña. 17 na iliga đǝsa đafau maji gwǝđweiṯu ebai ṯa aŋǝlwaɽǝṯi leđa lundǝđǝnu ṯa, elar ŋen ŋanṯa laŋge pređ laṯuɽeinu. 18 orn lënǝŋulu pređ lafo eŋen ŋunto lërǝkǝđeiđia ŋen. eđa gananoŋ gaṯa, igiliđu gi na đeṯam igabǝla enwane. igaŋeɽǝđia ṯa ŋaiñǝŋgiṯi. 19 eđa gwomǝn nǝŋaṯa, igiliđu ñǝndǝri ređ na igabǝla yilǝnḏeici. igaŋeɽǝđia ṯa ŋaiñǝŋgiṯi. 20 eđa gwomǝn nǝŋaṯa, igamǝđo maijǝn nṯia igaber igaɽǝwađaṯa igeṯo. 21 orn ebai nǝgabǝla nǝŋǝlwaɽǝṯi eđa gerṯǝma ŋen iŋi, orn eđa nǝŋǝciṯano nǝŋǝlwaɽǝṯi ebai ṯa, mbu taltal irnuŋ gǝndëuwǝr ŋamama leđa ildi laɽo ŋǝbaiyaŋǝno na ildi laɽo lebǝco na ildi laŋǝlisi na ilđi laijǝba lǝbǝrlda. 22 orn ebai nǝŋaṯa, ya elǝŋ igiđu ŋen agwalwaɽǝṯiñi orn alo yafo mǝldin. 23 na eđa nǝŋǝlwaɽǝṯi ebai ṯa, mbu erađ na eđǝñwa ŋǝmama leđa ŋabǝɽaŋa ṯa eɽa gǝlëɽǝñi aŋunḏeini. 24 igǝndǝlwaɽǝṯia ṯa eđa gero gǝnǝŋ igi igundǝđǝma ananoŋ giđ aŋǝnaṯe ŋǝsa ŋǝlëɽǝñi. 25 leđa lwaiña kaiñ labǝɽo yesu ŋǝla na yesu nǝŋǝređialo nǝŋǝlǝlwaɽǝṯi ṯa, 26 ndǝ eđa gǝnǝŋ geṯo ñi nano na gero ganeđo lǝŋgen na eṯen na wasen na ñere ñǝlëɽǝŋu na lorlden na etam gǝlëɽǝŋu, gënǝŋu gaber gaɽǝwađaṯa gaiñǝteṯa. 27 eđa igi gaber garrǝpa đuɽi đǝlëɽǝŋu aŋaiñǝteṯe gënǝŋu gaber gaɽǝwađaṯa gaiñǝteṯa. 28 esegi eñaŋ ndǝ gwonaṯa gwađa eɽa igi gađaŋǝṯa elo, gaber gaɽaŋalo ananoŋ aŋinḏeici ŋen ŋǝgǝrus, ndǝ gerṯo ywaiña ŋen ŋanṯa ŋǝmëɽria iŋi? 29 ŋen ŋanṯa aŋgaica ndǝ guraṯo ađuna na gaber gaɽǝwađaṯa gabǝɽǝnḏeṯa eɽa, leđa pređ ildi laseieu liđ almađamǝce eŋen, 30 lđaṯa, eđa igi guraṯo ađuna nǝŋerṯe gaɽǝwađaṯia gwađa. 31 walla elǝŋ gwuŋga igi gabǝla iđǝbwaiñǝđia elǝŋga gwomǝn, gaber gaɽaŋalo ananoŋ nǝŋinḏeiei ŋen ndǝ leđa ǝllëɽǝŋu ilđi laɽo alǝf ređ laɽewađaṯa lađama leđa lelǝŋ gwomǝn ilđi laɽo alǝf eređia giɽijan? 32 ndǝ laber laɽǝwađaṯia elǝŋ giđ aŋǝđwaṯe leđa lǝmaṯan ndǝ gënǝŋu gafo nwaldaŋ mǝldin ṯa aleɽǝđe elǝŋ gwomǝn alǝrreiđia eŋen đǝbwaiñǝđia đero. 33 nṯia cum eđa gǝnǝŋ eñaŋ igi gero gaŋgiṯia laŋge pređ ǝllëɽǝŋu gaber gaɽǝwađaṯia gaiñǝteṯa. 34 ŋǝrraɽa ŋaŋǝra orn ndǝ đanaṯa ađerṯe ŋiđ aŋǝneieǝni ŋope ṯau? 35 ŋero ŋeniano đǝge ŋen ŋanṯa đuđa na ŋero đǝl ano. leđa lauwǝṯu đǝge. eđa gerṯo nënǝñia ṯa aŋǝliyene, ŋgiṯǝma aŋǝne.
151 leđa pređ ilđi latǝmeicia ṯulba na leđa leicia laijomǝđaṯa yesu ṯwaiñ ṯa alne ŋen ŋǝlëɽǝŋu. 2 farisiyin na leđa ildi lǝbërrǝŋaiđia ŋen ŋal ganun lamǝlađo ŋenŋa lđaṯa, eđa igi gǝbaŋǝnṯia leđa leicia na lasǝlda. 3 yesu nǝŋǝlǝlwaɽǝṯi ŋen iŋi ŋǝwujǝnu, nǝŋaṯa, 4 esegi eñaŋ igi gerṯo yaŋala miyya na đwaṯo elorǝb đǝnǝŋ, gënǝŋu gaber gaŋgiṯia yaŋala yǝṯënu eređia đenǝŋ nalo eređia marldwan na đenǝŋ nemiñe marldwan eđǝñwa aŋǝbapwaiñe đaŋala iđi đwaṯo orn aŋǝfiđi? 5 ndǝ gafiđu nǝŋǝreṯe nano nǝŋabeini netam 6 na ndǝ garǝmaṯo eɽa nǝŋundǝđi leđa laɽ rappa na leđa laɽ ëuwǝr nǝŋǝleiṯi ṯa, alaŋǝreṯr nano ŋen ŋanṯa igafiđu đaŋala iđi đwaṯo. 7 igǝndǝlwaɽǝṯia garno ṯia eum đaŋǝra nano điđ ađǝfeṯe egeɽa gǝrǝmwa elo ŋen ŋanṯa eđa gǝnǝŋ geicia igi gaṯađo ŋen ŋǝlëɽǝŋu ŋeicia nǝŋoɽǝbaṯe rǝrnwa nano, đaŋǝra nano kaiñ đamiñaṯo đaŋǝra nano iđi đafo ŋen ŋanṯa leđa eređia đenǝŋ nalo eređia marldwan na đenǝŋ ldǝmiñe marldwan ildi luđǝrwaṯo eŋen. 8 walla wuji gwuŋga igi gerṯo al kairia ređ niyǝṯwe yǝnǝŋ egworǝb gaber gǝbëɽi isia ilamba aŋǝmǝndađe eɽa aŋǝbapwaiñe kaiñ orn aŋfiđi ? 9 ndǝ gafiđu gënǝŋu nǝŋundǝđi leđa laɽ rappa na leđa laɽ ëuwǝr nǝŋǝleiṯi ṯa, alaŋǝreṯr nano ŋen ŋanṯa igafiđu al kairia isi ywaṯo. 10 igǝndǝlwaɽǝṯia ṯa, ŋen ŋarno ṯia cum mǝlaiyǝka irǝmwa yaŋǝra nano kaiñ ŋen ŋanṯa eđa gǝnǝŋ igi gaṯađo ŋen ŋǝlëɽǝŋu ŋeicia nǝŋoɽǝbaṯe rǝmwa nano. 11 yesu nǝŋaṯa, maji gafo gǝnǝŋ gerṯo liđia liɽijan. 12 na iđia gǝṯa nǝŋeɽǝđe eṯen ṯa, akarnǝđǝṯǝnde đwala ŋaiñǝnaice đǝlëɽǝñi. na eṯen giđu ṯia. 13 iliga ltefr iđia gǝta nǝŋǝrreiđi laŋge pređ nǝgabǝṯa alo yǝnǝŋ nwaldaŋ. na alo yakǝl gënǝŋu nǝŋǝmǝndađe gǝrus eŋen ŋeicia. 14 na ndǝ gǝrus yamǝndëđǝnu đǝge ŋorwaṯa nǝŋëndi alo isei na gënǝŋu nǝŋǝcoiñǝṯe, 15 nǝgabǝla ldǝɽaŋe edaga gǝnǝŋ galo yakǝl na eđa gwađwaṯǝma eđǝñwa ṯa aŋǝnanaice lṯrua ŋǝsa. 16 na gënǝŋu gwonaṯa kaiñ ṯa aŋunḏǝjaice ara gǝlëɽǝŋu ŋǝsaŋa iŋi lṯrua lasa na eđa gero gǝnǝŋ ganaicǝma lalasǝni. 17 orn ara gǝlëɽǝŋu nǝŋǝtwođc na gënǝŋu nǝŋaṯa, gerṯa leđa laɽo lwaiña ilđi lađuɽǝđǝnṯia papa lderṯe ŋǝsa ŋwaiña ŋen igabaiyaṯa ëli ŋorwaṯa. 18 igiđi etwođe yeɽe papa nano emalwaɽǝṯi ṯa, papa igiđu ŋen ŋeicia ŋgeo rǝmwa relo na ŋa nëiñua. 19 na igero igarǝjađaṯa eŋen ṯa igaɽ iđia gǝlaɽǝŋa mǝldin. iđǝñi igarno eđa gaŋǝđuɽǝđǝnṯia. 20 na gënǝŋu nǝŋǝtwođe nǝgabǝṯa eṯen nano. ŋen gënǝŋu gafo nwaldaŋ mǝldin eṯen ṯaŋǝmaseicu nǝŋǝmaɽǝṯe ŋabaiyaŋǝno, nǝŋobǝđe nǝŋǝmëndiano nǝŋǝmwëɽwëṯe ëiñua egworǝb. 21 na iđia nǝŋǝmeiṯi ṯa, papa igiđu ŋen ŋeicia ŋgeo rǝmwa relo na igero igarǝjađaṯa eŋen ṯa igaɽ iđia gǝlaɽǝŋa mǝldin. 22 orn eṯen nǝŋǝlwaɽǝṯi lǝbai ǝllëɽǝŋu ṯa, mbǝr taltal ñapa erena igi gaŋǝra gamiñaṯo lorǝba pređ ñamëɽi nano, na naicǝmar al kaṯeb eldoman na nḏǝbina nǝrǝmanǝña. 23 mar ŋǝnḏǝri ŋađǝwo ñaɽiñe na alǝsr alaŋǝreṯr nano, 24 ŋen ŋanṯa iđia igi gǝlëɽǝñi gafo gaiyo orn gamǝṯo tǝŋ. gënǝŋu gafo gwaṯo orn gafiđǝnu. na lënǝŋulu ldaŋǝreṯe nano kaiñ. 25 orn iđia goɽra gafo igi na ndǝ geṯo nǝŋǝjomǝđaṯe eɽa nano gënǝŋu ṯaŋǝno leđa laŋǝra nano ṯaɽrǝjaico ole. 26 gënǝŋu nǝŋundǝđi eđa gǝnǝŋ igi gëbǝđia ŋǝmëɽria nǝŋǝmeɽǝđe ṯa ŋen ŋǝwande? 27 eđa gëbǝđia ŋǝmëɽria nǝŋǝmalwaɽǝṯi ta, oralo geṯo na eṯalo gaɽiñǝṯǝma ŋǝnḏǝri ŋađǝwo ŋen ŋanṯa iđia goɽǝbaṯǝma nano, gëpi. 28 orn iđia goɽra nǝŋǝciṯano kaiñ nǝŋǝneđe gǝbenṯia egeɽa. na eṯen nǝŋǝmiñaṯǝma nano nǝŋǝmekeɽǝđe kaiñ. 29 gënǝŋu nǝŋuɽǝbiṯi eṯen eŋen ṯa, igiđǝṯǝŋa ŋǝmëɽria ŋwonḏǝṯo kaiñ nṯǝlia ini nwaiña, na igero iganeđa ŋen ŋǝnǝŋ ŋǝlaɽǝŋa. orn agero agaiñǝnaica rldo ṯa ñaŋǝreṯe nano leđala ildi ñagaɽǝlda rappa. 30 orn ndǝ iđia igi gǝlaɽǝŋa geṯo igi gǝsi liji laŋge ǝllaɽǝŋa ildi laɽo nalaiñ agaɽiñǝṯǝma ŋǝnḏǝri ŋađǝwo. 31 na eṯen nǝŋǝmeiṯi ṯa, ŋere, lǝgafr jaica na laŋge pređ ildi igerṯǝlo lënǝŋulu ǝllaɽǝŋa. 32 ŋen đeṯam ṯa lǝgaŋǝrar nano ŋen ŋanṯa orǝba igi gǝlaɽǝŋa gafo gaiyo orn gamǝṯo tǝŋ. gënǝŋu gafo gwaṯo orn gafiđǝnu.
161 na yesu nǝŋǝlwaɽǝṯi ṯalǝmis ilëɽǝŋu cum ṯa, eđa gafo gǝnǝŋ gaɽ elǝŋ gerṯo laŋge lwaiña gerṯo eđa gǝmanwanṯia laŋge. orn leđa lasǝku maji igi ldǝlwaɽǝṯi elǝŋ ṯa, maji gasa laŋge ǝllaɽǝŋa. 2 na elǝŋ nǝŋundǝđi maji nǝŋǝmalwaɽǝṯi ṯa, ŋen ŋanṯau iŋi igano ŋen ŋanṯa ŋa? aŋaieǝñi ŋen ŋǝlaɽǝŋa, ŋen ŋanṯa agaber agaɽǝwađaṯa agaiñǝnwanṯia laŋge ǝllëɽǝñi mǝldin. 3 maji ṯaŋǝɽwato bǝɽan ṯa, igëbǝđia ṯau ŋen ŋanṯa elǝŋ gǝlëɽǝñi gaiñamiña eŋen? igero igwonḏǝṯa ŋen ŋanṯa igawađa na igirǝwano ṯa igǝbekeɽǝđia leđa laŋge. 4 orn igaliŋeṯo igëbǝđia ṯau ṯa ndǝ igamiñǝni đǝge eŋen leđa liđ alǝñaŋǝnṯi eneɽa enen. 5 na gënǝŋu nǝŋǝrundǝđi leđa ildi lerṯo amǝcu egelǝŋ nǝŋeɽǝđe eđa gananoŋ ṯa, amǝcu gǝlaɽǝŋa gaɽo ṯau? 6 eđa nǝŋaṯa, ŋela ŋaɽo safiya eređia ređ. maji nǝŋǝmeiṯi ṯa, maŋ abređa gǝlaɽǝŋa ŋaɽaŋe alo taltal ŋǝwërđi, eređia đenǝŋ. 7 maji nǝŋeɽǝđe eđa gwomǝn ṯa, amǝeu gǝlaɽǝŋa gaɽo ṯau ? eđa nǝŋaṯa, ŋwana ŋaɽo suwal eređia ređ. maji nǝŋǝmeiṯi ṯa, maŋ abređa gǝlaɽǝŋa ŋǝwërđi eređia đenǝŋ nalo eređia giɽijin. 8 na elǝŋ nǝŋǝnaice maji đame igi gafo gǝɽiano eŋen ŋen ŋanṯa galiŋeṯo ŋen nǝsi. đeṯam liđia lalo isi laliŋeṯo ŋen nǝsi iliga elden lamiñaṯo liđia larrerre. 9 igǝndǝlwaɽǝṯia ṯa, iđr rappa ŋenŋa ŋǝlaŋge lalo iŋi ŋǝɽiano ṯa ndǝ laŋge lalo lamǝndëđǝnu lënǝŋulu alǝndaŋǝnṯi eneɽa enen nǝbǝɽǝbǝte. 10 eđa igi guđǝrwaṯo eŋen ŋǝtefr gënǝŋu guđǝrwaṯo eŋen ŋoɽra, na eđa igi gǝɽiano eŋen ŋǝtefr gënǝŋu gǝɽiano eŋen ŋoɽra. 11 nṯia ndǝ ñagero ñaguđǝrwaṯo eŋen ŋǝlaŋge lalo esegi giđ aŋǝndǝnaice laŋge ildi lǝđeṯam ṯa ñarǝmoṯe? 12 na ndǝ ñagero ñaguđǝrwaṯa eŋen ŋǝleđa lwomǝn esegi giđ aŋǝndǝnaice ŋen eŋalo? 13 eđa gero gǝnǝŋ gaɽǝwađaṯa gǝđuɽǝđǝnṯia nǝlǝŋ niɽijan, ŋen ŋanṯa gënǝŋu giđ aŋǝneđe elǝŋ gǝnǝŋ na giđ aŋubwiṯi elǝŋga gwomǝn walla gënǝŋu giđ aŋǝnaiee elǝŋ gǝnǝŋ etam gǝlëɽǝŋu na giđ aŋǝđame elǝŋ gwomǝn. ñagaber ñagaɽǝwađaṯa ñagǝđuɽǝđǝnṯia rǝmwa na laŋge lalo cum. 14 al farisiyin cum isi yubwa gǝrusya kaiñ yano ŋen iŋi niyǝmađamǝce eŋen. 15 yesu nǝŋǝlǝlwaɽǝṯi ṯa, ñaŋ ñagwaɽwa. tiṯia leđa ṯa ñaguđǝrwaṯo eŋen rǝmwa nëiñua, orn rǝmwa raliŋeṯo nare enalo. laŋge ildi leđa laṯa laŋǝra loɽra lënǝŋulu lǝbuŋǝnu rǝmwa nëiñua. 16 ŋen yuanna gamǝlu geṯo al ganun yafo na al anbiya yafo cum. ndǝ yuanna geṯo ŋǝlǝŋe ŋǝrǝmwa ŋërrǝŋeinu na leđa pređ lǝbenṯia ŋabǝɽaŋa. 17 ŋen ṯa alo na elo yamǝndëđǝni ŋenŋa ŋabapeđ ŋamiñaṯo ŋen ṯa ŋwëɽiña ŋunto ŋǝtefr ŋal ganun aŋamǝnđëđǝni. 18 eđa ganeđo wasen nǝŋǝme wuji garto gënǝŋu gaɽ alaiñ. na eđa igi gamama wuji igi ebaŋgen ganeđǝma gënǝŋu gaɽ alaiñ. 19 maji gafo gǝnǝŋ gerṯo laŋge lwaiña. ndrena nǝlëɽǝŋu naŋǝra kaiñ nabɽwaŋǝno, na gënǝŋu gaŋǝra nano ñoman pređ eŋen ŋǝlaŋge lwaiña ǝllëɽǝŋu. 20 na eđa gafo gǝnǝŋ gaɽo ŋǝbaiyaŋǝno gǝbernia liasǝr na gënǝŋu nǝŋandre igëuwǝr gǝmaji gerṯo laŋge lwaiña, na gerṯo rëɽi aŋǝno pređ. 21 na gënǝŋu gajoicoiña gabicini aicǝbaga gǝmaji igi gǝbǝrtǝṯia alo. na ñina ñeṯo ṯaiñǝmaṯǝŋaṯo irëɽi. 22 orn eđa gaɽo ŋǝbaiyaŋǝno gaiyo na mǝlaiyǝka yapǝma ṯalǝndraṯo elo ibrayimga. na maji gerṯo laŋge lwaiña nǝŋaiye cum nǝŋwurǝni 23 ṯaŋǝɽaŋo alo iseṯan nǝŋǝtuđi isi ṯaŋǝseicu ibrayim na liasǝr lafǝldǝga 24 nǝŋundǝđi ibrayim nǝŋaṯa, papa ibrayim giaṯǝñi ŋǝbaiya nano ŋǝđwaṯe liasǝr aŋënǝei loman eŋau laɽnda ltefr, aŋǝñëɽi nḏaŋǝla ṯa ađamǝleṯe, ŋen ŋanṯa igubwa piđ aŋǝno isia isi. 25 orn ibrayim nǝŋaṯa, ŋere lǝŋǝđeinu eŋen ṯa agananeinu ŋen ŋaŋǝra ŋǝlaɽǝŋa liga agamǝṯo garno liasǝr gananeinu ŋen ŋeieia. orn điñǝđi gënǝŋu gabǝɽinu nano ëli orn agagǝrđo kaiñ. 26 na eum alo yëni yoliano iligano ṯa leđa ildi lonaṯa lamiña alo isi alǝŋeṯa nano alerṯe laɽǝwađaṯa luɽǝđaṯa ëlua, na ṯa eđa gero eñaŋ aŋaɽǝwađaṯe guɽǝđaṯa ëli. 27 na maji nǝŋaṯa, orn igaŋeɽǝđia papa ṯa ŋǝđwaṯe liasǝr egeɽa gǝđaṯa gǝlëɽǝñi, 28 ŋen ŋanṯa igerṯo lorldaiñanda đenǝŋ, ṯa gënǝŋu aŋǝlǝbǝɽe nano ṯa alerṯe leṯo alo isi eŋen ŋubwa kaiñ. 29 ibrayim nǝŋǝmeiṯi ṯa, lënǝŋulu lerṯo musa na al anbiya. ŋgiṯǝlo aldǝnaṯe. 30 orn maji nǝŋaṯa, ndo papa ibrayim. orn ndǝ eđa gǝnǝŋ geṯǝlo nano gatwođo eŋǝɽaiñ lënǝŋulu liđ alṯađe ŋen eŋen ŋeicia aloɽǝbaṯe rǝmwa nano. 31 ibrayim nǝŋǝmeiṯi ṯa, ndǝ lënǝŋulu lero lǝnna ŋen ŋǝmusa na ŋal anbiya laber liđ alǝburgwađeini eŋen ndǝ eđa gǝnǝŋ gatwođo eŋǝɽaiñ.
171 yesu nǝŋǝlwaɽǝṯi ṯalǝmis ilëɽǝŋu ṯa, đeṯam ŋen ŋiđ aŋela iŋi ŋaɽǝwađaṯa ŋëbǝđia leđa alǝŋgiṯi ŋen ŋǝlëɽǝñi. orn eđa igi gǝmama ŋen iŋi giđ aŋǝneini ŋen ŋubwa. 2 gǝbanṯa eđa gakǝl aŋakaseini lwandra egǝtam loɽra kaiñ larno ala aŋǝwǝjǝni igal bar ŋen iŋi ŋaŋǝra kaiñ ŋamiñaṯo ŋen ndǝ gënǝŋu gëbǝđia eđa gǝnǝŋ eñere iñi aŋiđi ŋen ŋeicia. 3 rǝmojǝđr eŋen. ndǝ oralo gaŋiṯia ŋen ŋeieia gariñaṯǝma na ndǝ gaŋgiṯia ŋen ŋǝlëɽǝŋu ŋeieia ŋgǝđeicǝma ŋen iŋi. 4 ndǝ gaŋiṯia ŋen ŋeicia ñoman đenǝŋ ñemiñe ñiɽijan lomanto, orn nǝŋela ñoman đenǝŋ ñemiñe ñiɽijan, nǝŋaṯa, igoɽǝbađaṯo eŋen, ŋen đeṯam agiđi ŋǝmǝŋgǝđeici ŋen ŋǝlëɽǝŋu ŋeicia. 5 leđa lǝđweinu ldeiṯi elǝŋ yesu ṯa, naicǝnde đonaṯa. 6 elǝŋ yesu nǝŋaṯa, gǝbanṯa ñagerṯo đonaṯa đǝtefr garno ŋǝlwa ŋǝrresi ŋal karḏal ṯa ñagaɽǝwađaṯa ñagwalwaɽǝṯa uɽi igi, pǝɽǝnu ŋǝwërđǝni igal bar na uɽi ganǝṯǝnde. 7 esegi eñaŋ igi gerṯo ebai galaɽa na gǝsi yaŋala ndǝ geṯo igi giđ aŋǝmalwaɽǝṯi ṯa, elaŋ taltal ŋaɽaŋalo ŋase? 8 orn gënǝŋu gaber gǝlwaɽǝṯia ebai ṯa, aɽǝṯiñi ŋǝsa ŋoɽǝmaice erena ŋaiñǝđuɽǝđǝnṯi liga igasa na igǝṯia, orn aganǝŋa agiđi ŋase na agiđi ŋëṯi? 9 na gënǝŋu giđ aŋërṯi ebai nano ŋen ŋanṯa ebai giđu ŋen gwalwaɽǝṯǝma ? igaṯa ndo. 10 nṯia cum ndǝ ñaganǝñaŋ ñagiđu ŋen pređ ŋwalwaɽǝnṯǝnde aṯar, ñagaɽo lǝbai lero ŋeniano. ñagiđu ŋen ŋaɽo đeṯam inanda. 11 ndǝ gabǝla eđađ iđi đabǝṯa alo yursalim yesu gabǝɽo iligano alo nano isamǝri na alo nano ijalil. 12 ndǝ gǝbenṯia irnuŋ gǝnǝŋ leđa ređ ildi lagǝro lopǝđaiđǝlda. lënǝŋulu lađǝru nwaldaŋ aten, 13 ṯalmurǝndǝđu ldaṯa, ya elǝŋ yesu giaṯǝnde ŋǝbaiya nano. 14 ndǝ yesu nǝŋǝlǝseici nǝŋǝlǝlwaɽǝṯi ṯa, mbǝr ñërrǝŋaice kana aŋǝno esalo. ndǝ labǝɽo ldiđǝni ltǝɽe. 15 na eđa gǝnǝŋ iŋulu ndǝ gǝseicu ṯa aŋǝno ilëɽǝŋu yeiđinu nǝŋoɽǝbǝđe nǝŋǝnaice rǝmwa ŋaɽrwa olega pǝlelo. 16 na gënǝŋu nǝŋwođǝñiṯi yesu erǝmanǝŋ nǝŋǝmaŋërṯi nano. na gënǝŋu gaɽ eđa galo isamǝri. 17 yesu nǝŋǝmuɽǝbiṯi eŋen ṯa, gerṯa leđa laɽo ređ leiđinu? leđa luŋga ildi lǝṯënu laɽo đenǝŋ ldǝmiñe marldwan? 18 leđa lero ildi loɽǝbǝđo alnaice rǝmwa ŋaɽrwa illi maji igi gaɽ ilia? 19 na yesu nǝŋǝmeiṯi ṯa, twođo ŋaɽe. đonaṯa đǝlaɽǝŋa đeiđiaŋa. 20 al farisiyin niyeɽǝđe yesu ṯa ŋǝlǝŋe ŋǝrǝmwa ŋiđ aŋela ndoŋǝɽa. na gënǝŋu nǝŋǝluɽǝbiṯi eŋen ṯa ŋǝlǝŋe ŋǝrǝmwa ŋaber ŋiđ aŋela ndǝ ñagarǝmojǝđia. 21 leđa laber liđ alǝlwaɽe ṯa, seiđr fǝŋu iŋi, walla seiđr fǝŋu ŋakǝl. đeṯam ŋǝlǝŋe ŋǝrǝmwa ŋafo eñaŋ. 22 yesu nǝŋeiṯi ṯalǝmis ṯa, liga liđ alela ildi ñagiđi ñwonaṯe ñagaseicia loman lǝnǝŋ eñoman ñiđia gǝleđa orn ñagaber ñagiđi ñaseici. 23 leđa liđ alǝndǝlwaɽǝṯi ṯa, seiđr fǝŋu igi, orn seiđr fǝŋu gakǝl. ñerṯe ñagabǝla. ñerṯe ñalëldǝñaicia elo. 24 ŋen ŋarno rǝmwa rasa ndele narǝwađialo pređ ndalǝŋgwa iđia gǝleđa giđ aŋiđi ṯia cum iloman ǝllëɽǝŋu. 25 orn ananoŋ ŋen đeṯam ṯa gënǝŋu aŋǝnaneini ŋen ŋwaiña ŋubwa ŋeicia na aŋǝniđǝni eleđa lǝliga ildi. 26 ŋen ŋǝliga ildi iđia gǝleđa giđ aŋǝwela ŋiđ aŋarneṯe ŋen ŋǝliga lǝnua. 27 leđa laso ldǝṯia ldǝmame wasenanda na liji ɽrlda ldǝmamǝnu ŋen nua gamǝlu gǝbenṯia egeɽa igi gǝlađa nǝŋau, na ŋawa ŋeṯo ŋwaiña nǝŋǝlamǝndađe pređ. 28 nṯia cum ŋen ŋiđ aŋarneṯe ŋen ŋǝliga lǝloṯ. leđa laso lđǝṯia ldiliđi, lđǝwađe, ldwađe. 29 orn iloman loṯ gamiñau alo isǝḏum isia na al kibriṯ lirǝwa elo ldamǝndađe leđa pređ. 30 ŋen ŋiđ aŋfeṯe ṯia iloman iđia gǝleđa giđ aŋërrǝŋeiniau. 31 iloman lakǝl ndǝ eđa gǝnǝŋ gafo eɽa eđǝpe na laŋge ǝllëɽǝŋu lafo egeɽa ŋgiṯǝmar aŋerṯe gǝbenṯia eɽa ndǝ girǝwa ṯa aŋǝlmame, nṯia cum ŋgiṯr eđa gafo igi aŋerṯe gađaŋa. 32 lëldǝŋǝđeinr eŋen ŋǝwasen loṯ. 33 eđa igi garǝrnoṯwa đamǝṯia đǝlëɽǝŋu gënǝŋu giđ aŋwoṯe laŋge pređ na đamǝṯia cum orn eđa igi gǝbaiya ŋen ŋanṯa ñi gënǝŋu giđ aŋamǝṯe đeṯam. 34 igǝndǝlwaɽǝṯia ṯa, ulǝŋgi gakǝl leđa liɽijan liđ alanđre nal aŋgǝrem yento, na eđa gǝnǝŋ giđ aŋǝmǝni orn eđa gwomǝn aŋǝṯëni. 35 liji liɽijan ɽrlda liđi ṯalwađo na wuji gǝnǝŋ giđ aŋǝmǝni orn wuji gwomǝn giđ aŋǝṯëni. 36 leđa liɽijan liđ alfeṯe igi, na eđa gǝnǝŋ giđ aŋǝmǝni orn eđa gwomǝn giđ aŋǝṯëni. 37 na ṯalǝmis niyuɽǝbiṯi yesu eŋen ṯa, ya elǝŋ, fǝŋga? yesu nǝŋǝleiṯi ṯa, alo isi aŋǝno yǝwaŋge gaiyo yafau atwar yiđ aiyorraiđi eum.
181 yesu nǝŋǝlwaɽǝṯi ṯalǝmis ŋen ŋǝwujǝnu ṯa đeṯarn yënǝŋulu ṯayekeɽǝđo rǝmwa jaiea jaiea na aiyerṯe yofǝđiano, 2 nǝŋaṯa, elǝŋ gafo gǝnǝŋ alo yǝnǝŋ igi gero giđǝña rǝmwa na gero giđǝña leđa cum. 3 na wuji gafo gǝnǝŋ igi ebaŋgen gaiyo, na gënǝŋu nǝŋǝmeṯa nano ñoman ñwaiña nǝŋaṯa, naieǝñi ŋen ŋuđǝrwaṯo ŋëđa igi gagiaiñi. 4 iliga ltefr gënǝŋu ganeđo orn iliga lǝnḏurṯu nǝŋaṯa egare, igero igiđǝña rǝmwa na igero igiđǝña leđa 5 orn ŋen ŋanṯa wuji igi gaiñirnḏeieia kaiñ igiđi emanaice ŋen ŋuđǝrwaṯo ŋen ŋanṯa nḏurṯu alo gënǝŋu aŋerṯe gaiñǝcware. 6 elǝŋ yesu nǝŋaṯa, nǝr ŋen iŋi elǝŋ gǝɽiano eŋen gwalwaɽo. 7 na rǝmwa raber rarǝmoṯwa ṯa leđa ǝllëɽǝŋu ildi lwoṯǝnu alneini ŋen ŋuđǝrwaṯo ildi lurǝndǝđia ëđǝñin na ulǝŋgi? na rënǝŋu rǝlamǝđaṯa aɽaten? 8 igǝndǝlwaɽǝṯia ṯa rënǝŋu rarǝmoṯwa ṯa lënǝŋulu alneini ŋen ŋuđǝrwaṯo taltal. orn iđia gǝleđa giđ aŋfiđi đonaṯa alo ndǝ giđ aŋela? 9 na yesu nǝŋǝlwaɽǝṯi leđa lǝmaṯan ŋen ŋǝwujǝnu ildi lëɽǝni đǝñano ṯa luđǝrwaṯo eŋen na ildi lađamǝca leđa eŋen ildi lṯënu pređ. 10 leđa liɽijan lënṯu igal ekǝl ṯa aleɽǝđe rǝmwa. eđa gǝnǝŋ gal farisiyin na eđa gwomǝn gatǝmeicia ṯulba. 11 eđa gal farisiyin gađǝru nǝŋǝṯurṯu rǝmwa ṯia eŋen ŋǝlëɽǝŋu ṯa, ya rǝmwa igaŋërṯǝŋa nano ŋen ŋanṯa igero igǝbarna leđa ildi lṯënu, ildi lasaṯa lorǝba na lagera ŋen na laɽaŋa lijila ɽrǝto, na ŋen ŋanṯa igero igǝbarna eda igi gatǝmeicia ṯulba cum. 12 igaɽaŋa ŋorwaṯaŋa ñoman ñiɽijan eñoman đenǝŋ ñǝmiñe ñiɽijan. na igananaiđia laŋge egworǝb ildi ɽređ elaŋge pređ igananeinǝlo. 13 orn eđa igi gatǝmeicia ṯulba gađǝru nwaldaŋ aten na gero gamedǝñwa gatuđi isi elo ṯaŋupǝnu lurumia bǝɽan nǝŋaṯa, ya rǝmwa giaṯiñi ŋǝbaiya nano ŋen ŋanṯa igeicia. 14 yesu nǝŋaṯa, igandǝlwaɽǝṯia ṯa eđa igei gatǝmeicia ṯulba gađaŋo guđǝrwaṯo eŋen rǝmwa nëiñua orn eđa gwomǝn gero gëbǝđia ṯia. ŋen ŋanṯa eđa igi goɽrinia bǝɽan gënǝŋu giđ aŋiđǝni gǝta na eđa igi gǝbǝđǝni gǝta bǝɽan gënǝŋu giđ aŋoɽrini. 15 leđa lafo lamamaṯi yesu ñere eñen ṯa gënǝŋu aŋǝlǝpǝrre. orn ndǝ ṯalǝmis yaseieu ṯia negariñaṯe leđa. 16 yesu nǝŋundǝđeini ñere nano, nǝŋaṯa, ŋgiṯr ñere aiñeṯa nano. ñerṯe ñagǝlǝtriṯia ŋen ŋanṯa leđa larno ṯia liđ alënṯi eŋǝlǝŋe ŋǝrǝmwa. 17 đeṯam igǝndǝlwaɽǝṯia eđa gǝnǝŋ igi gaber gabaŋǝnṯia ŋǝlǝŋe ŋǝrǝmwa ŋen ŋarno ŋere ŋǝta gënǝŋu gaber giđ aŋënṯi. 18 na elǝŋ gǝnǝŋ geɽǝđo yesu nǝŋaṯa, ya eđa gaŋǝra gǝbërrǝŋaiđia ŋen, igëbǝđi ṯau ṯa yerṯe đamǝṯia đǝbǝɽǝbǝte? 19 yesu nǝŋǝmeiṯi ṯa, agënǝciñi igaŋǝra eđa? eđa gero gǝnǝŋ gaŋǝra illi rǝmwa runto. 20 agaliŋeṯo al ganun. ŋerṯe agaɽaŋa wujiga garto, ŋerṯe agaɽiñǝđia, ŋerṯe agalaldǝbǝca, ŋerṯe agaɽǝwen na điñǝṯu eṯalo na lǝŋgalo. 21 na elǝŋ nǝŋǝmeiṯi ṯa, igarǝmoṯo ŋen iŋi pređ liga ildi igaɽ ëđǝm na điñǝđi mǝldin. 22 ndǝ yesu gano ŋen iŋi nǝŋǝmeiṯi ṯa agafo pwa eŋen ŋǝnǝŋ. mbu ŋiliđi laŋge pređ ǝllaɽǝŋa orn ŋananaice leđa al gǝrus ildi laɽo lǝbai na agiđi ŋerṯe laŋge lwaiña egeɽa gǝrǝmwa elo. na elaŋ ŋaiñǝteṯe. 23 orn elǝŋ ṯaŋwano kaiñ ndǝ gano ŋen iŋi ŋen ŋanṯa gënǝŋu gerṯo laŋge lwaiña. 24 ndǝ yesu gaseicu elǝŋ gwana kaiñ nǝŋaṯa, ŋen ŋabɽwaŋǝno ṯa leđa ildi lerṯo laŋge lwaiña alënṯi eŋǝlǝŋe ŋǝrǝmwa. 25 ndǝ đëuri đǝbenṯia iđǝɽi đal ibri ŋen iŋi ŋabapeđ ŋamiñaṯo ŋen ṯa eđa igi gerṯo laŋge lwaiña gǝbenṯia eŋǝlǝŋe ŋǝrǝmwa. 26 leđa ildi lano ŋen iŋi laṯa, nde ŋen ŋafo ṯia esegi gaɽǝwađaṯa gëbǝrni. 27 yesu nǝŋaṯa, ŋen iŋi leđa laber laɽǝwađaṯa lëbǝđia rǝmwa rënǝŋu raɽǝwađaṯa rëbǝđia. 28 buṯrus nǝŋaṯa, seicu, nanda ñagaŋgiṯu neɽa enaiñ ñagaŋateṯa. 29 yesu nǝŋǝlǝlwaɽǝṯi ṯa, đeṯam igǝndǝlwaɽǝṯia ṯa leđa pređ ildi laŋgiṯu neɽa enen na wasenanda na lorldenanda na eṯenanda na lǝŋgenanda na ñere ŋen ŋanṯa ŋǝlǝŋe ŋǝrǝmwa, 30 lënǝŋulu lid alneini điñǝđi laŋge lwaiña kaiñ lamiñaṯo laŋge lananoŋ ña iliga ildi liđ alela liđ alneini đamǝṯia đǝbǝɽǝbǝte. 31 yesu nǝŋǝmaṯe ṯalǝmis alǝsoŋ nǝŋǝlǝlwaɽǝṯi ṯa, seiđr lǝgabǝṯar alo yursalim na ŋen pređ iŋi al anbiya yawërđu eŋen ŋiđia gǝleđa ŋiđ aŋǝɽiñađeini, 32 ŋen ŋanṯa gënǝŋu giđ aŋǝneiđǝni eleđa ildi gerṯa laɽo yawuḏ na giđ aŋǝđamǝjǝni eŋen na giđ aŋwërni na giđ aŋǝđaṯabijǝni nano. 33 lënǝŋulu liđ almëupwi kaiñ almaɽiñe na ndǝ ñoman ñaɽo ñiɽijin gënǝŋu giđ aŋǝtwođe. 34 orn ṯalǝmis yero yaliŋeṯa ŋen iŋi pređ na ŋen ŋalǝbǝjeinǝlo. na yënǝŋulu yaijǝba ŋen iŋi yesu gwaɽwato. 35 ndǝ yesu gafo alo yariya ṯwaiñ eda gǝnǝŋ gaŋǝlisi gafo gaɽaŋa eđađ ṯaŋekeɽǝđo leđa laŋge. 36 ndǝ maji gano leđa lwaiña leṯo eđađ nǝŋeɽǝđe ṯa, ŋen ŋǝwanđe? 37 na leđa ldǝmeiṯi ṯa, yesu galo inasiraṯ fǝŋu lǝberlda eđađ. 38 gënǝŋu nǝŋundǝđi yesu nǝŋaṯa, iđia gǝḏawuḏ, giaṯiñi ŋǝbaiya nano. 39 leđa ildi lafǝma nëiñua ldǝmagariñaṯe ldǝmeiṯi ṯa aŋǝbwaiñe ŋǝma, orn maji ṯaŋurndǝđu kaiñ nǝŋaṯa ṯa, iđia gǝḏawuḏ giaṯiñi ŋǝbaiya nano. 40 yesu nǝŋuđǝri nǝŋǝlwaɽǝṯi leđa ṯa mar maji. ndǝ geṯo yesu nǝŋǝmeɽǝđe ṯa, 41 fǝwande igi agwonaṯa igaŋiṯia ? maji nǝŋaṯa, ya elǝŋ ŋgiṯiñi iseiđi. 42 yesu nǝŋǝmeiṯi ṯa, seiđu. đonaṯa đǝlaɽǝŋa đeiđiaŋa. 43 na maji nǝŋǝseiđi taltal nǝŋǝteṯe yesu nǝŋǝnaice rǝmwa ŋaɽrwa. na leđa pređ ldǝnaice rǝmwa ŋaɽrwa ndǝ laseieu ŋen iŋi.
191 yesu gënṯu alo yariya nǝŋǝmiñe. 2 na maji gafo gǝnǝŋ alo isei gǝbernia sakka. gǝnǝŋu gaɽ elǝŋ gǝleđa latǝmeieia ṯulba na gerṯo laŋge lwaiña kaiñ. 3 gënǝŋu ṯaŋwonaṯo gwanwana yesu orn gero gaɽǝwađaṯia ŋen ŋanṯa leđa lafo lwaiña na gënǝŋu gobǝla. 4 sakka nǝŋǝfǝđe nëiñua nǝŋabǝṯe egǝbǝđa ṯa aŋǝseiei yesu, ŋen ŋanṯa yesu gamiña eđađ iđei. 5 ndǝ yesu garǝmaṯo alo isei nǝŋađaŋaiđe ṯaŋǝseieu sakka iguɽi, nǝŋǝmeiṯi ṯa, ya sakka irǝwaŋ taltal ŋen ŋanṯa điñǝđi igabǝṯa egeɽa gǝlaɽǝŋa eɽaŋau. 6 sakka nǝŋirǝwi taltal nǝŋǝmaŋǝnṯi đaŋǝrađa nano. 7 ndǝ leđa laseicu ṯia lamǝlađia ŋenŋa ldaṯa, gënǝŋu gabǝla ṯa aŋǝɽeṯe eđa gaijǝbaṯo egeɽa gǝmaji geicia. 8 sakka nǝŋuđǝri nǝŋeiṯi elǝŋ yesu ṯa, ya elǝŋ igiđ enanaice leđa ildi laɽo lǝbai waŋge elorǝba liɽijan elaŋge ǝllëɽǝñi na ndǝ igasaṯa eđa gǝnǝŋ wagǝnǝŋ igiđ emoɽǝbiṯi laŋge marldwan. 9 yesu nǝŋǝmeiṯi ṯa, điñǝđi đëbǝria đeṯo egeɽa igi, ŋen ŋanṯa gënǝŋu cum gaɽ iđia gibrayim. 10 ŋen ŋanṯa iđia gǝleđa geṯo ṯa aŋǝpwaiñe na ṯa aŋëbǝri leđa ildi lǝṯo. 11 ndǝ leđa lano ŋen iŋi yesu nǝŋǝlǝlwaɽǝṯi ŋen ŋǝwujǝnu tǝŋ ŋen ŋanṯa gënǝŋu gafo alo yursalim ṯwaiñ, na ŋen ŋanṯa leđa laṯa ṯa ŋǝlǝŋe ŋǝrǝmwa ŋiđ aŋela taltal. 12 nṯia yesu nǝŋaṯa, elǝŋ gafo gǝnǝŋ nǝŋǝɽe nwaldaŋ ŋen ŋanṯa aŋǝme ŋǝlǝŋe orn aŋoɽǝbǝđe. 13 na gënǝŋu nǝŋundǝđi lǝbai ređ ǝllëɽǝŋu nǝŋǝlnanaice pređ jǝnei nǝŋǝleiṯi ṯa, rǝmoṯr liga igero. 14 orn leđa lalo ilëɽǝŋu laneđo elǝŋ na ldǝmađweiṯi leđa ilđi ldaṯa, ñagaŋaneđa ṯa agaɽ elǝŋ egaiñ. 15 na ŋen ṯia ŋafo nde elǝŋ gamo ŋǝlǝŋe nǝŋoɽǝbǝđe nǝŋundǝđi lǝbai ređ ǝllëɽǝŋu, ildi gënǝŋu ganaicǝlo gǝrus, ŋen ŋanṯa aŋǝlnwanṯi al gǝrus yafo eɽǝṯau eđa gwomǝn gaɽǝjaico. 16 ebai gǝnëiñua nǝŋela nǝŋaṯa, jǝnei isi aganaicǝñi yento igaɽǝjaieo egworǝb yaɽo ređ. 17 na elǝŋ nǝŋaṯa, ŋen ŋame agaɽ ebai gaŋǝra. ŋen ŋanṯa aguđǝrwaṯo eŋen iŋi ŋǝtefr igaŋanaicia ŋǝlǝŋe ŋalo ređ. 18 na ebai gwomǝn nǝŋela nǝŋaṯa, ya elǝŋ jǝnei isi aganaicǝñi yento igaɽǝjaico egworǝb yaɽo đenǝŋ. 19 elǝŋ nǝŋaṯa cnrn igaŋǝnaica ŋǝlǝŋe ŋalo đenǝŋ. 20 na ebai gwornǝn tǝŋ nǝŋela nǝŋaṯa, ya elǝŋ, jǝnei isi aganaicǝñi fisi, igarǝmoṯwa yakaseinu egeren. 21 igëđǝñaŋa ŋen ŋanṯa agabɽwaŋǝno eŋen ŋaŋgi agamiña laŋge ildi agero agǝlënǝei na ŋaŋgi agwanḏa laŋge agero agǝlǝwađa. 22 elǝŋ nǝŋǝmeiṯi ṯa, agaɽ ebai geicia igaŋakarme eŋen ŋǝlaɽǝŋa đurri. agaliŋeṯo ṯa igabɽwaŋǝno eŋen na igamiña laŋge ildi igero igǝlënǝci na igwanḏa laŋge ildi igero igǝlǝwađa? 23 nṯia ŋen ŋanṯau agero agǝbencia jǝnei ilëɽǝñi ibanki ṯa ndǝ igeṯo emame yaɽǝjeinu aten? 24 nǝŋeiṯi leđa ildi laṯurwa ṯwaiñ ṯa, maṯǝmar jǝnei ñanaiee eđa igi gerṯo jǝnei ređ. 25 orn leđa ldǝmeiṯi ṯa, ya elǝŋ gënǝŋu gerṯo jǝnei ređ. 26 orn elǝŋ nǝŋaṯa, igǝndǝlwaɽǝṯia ṯa eđa gerṯo laŋge giđ aŋǝlneini lomǝn tǝŋ na eđa igi gero laŋge, waŋge gǝtefr gǝlëɽǝŋu giđ aŋǝmeini. 27 na leđa ilđi lageaiñi ild laneđǝñi igaɽ elǝŋ egen, mar leđa ildi ñalǝɽiñaṯe ñi nëiñua. 28 ndǝ yesu gaṯa ṯia nǝgabǝṯa nëiñua ŋen gabǝṯa alo yursalirn. 29 ndǝ gaijomaṯo alo ibeṯfaji na alo ibeṯani aiyǝn nano ibernia aiyǝn iseṯun, gënǝŋu nǝŋǝdwaṯe ṯalǝrnis iɽijan, 30 nǝŋǝleiṯi ṯa, mbǝr irnuŋ gakǝl nëiñua. ŋen ñagabenṯia ñagiđi ñafiđi ŋǝɽiŋgia ŋata ŋakasǝnu iŋi eđa gero gǝnǝŋ gaborṯo. ñamiña ñaiyela. 31 ndǝ eđa gǝnǝŋ gandeɽǝđia ṯa, ñagamiña ŋǝɽiŋgia eđa? lwaɽǝṯǝmar ṯa, elǝŋ yesu gwonaṯa. 32 leđa ildi yesu gwađwaṯǝlo ldabǝla ldǝfiđi ŋen ŋarno gënǝŋu gwalwaɽǝṯǝlo. 33 na liga lënǝŋulu lamiña ŋǝɽiŋgia leđa ilđi lerṯo ŋǝɽiŋgia ldaṯa, ñagamiña ŋǝɽiŋgia eđa? 34 lënǝŋulu ldaṯa, elǝŋ yesu gwonaṯa. 35 orn ldamǝṯi yesu na leda ldǝkëɽi ndrena ŋǝɽiŋgia nano ldǝnabǝce yesu. 36 ŋen gënǝŋu gabǝla leđa ldekelǝci ndrena alo eđađ. 37 ndǝ gënǝŋu gaijomaṯo eđađ iđi đirǝwuṯa naiyǝn iseṯun ṯalǝmis pređ isi ywaiña ṯaiyarǝjaico ole nenanaiee rǝmwa đame đaŋǝrađa nano ŋen ŋanṯa aŋwara pređ isi yënǝŋulu yaseicu, 38 niyaṯa, gënǝŋu gabuŋǝnṯu igi gaɽ elǝŋ giđ aŋela igirǝŋ gelǝŋ rǝmwa. ŋgiṯr đëuṯaralo ađǝfeṯe elo na ŋaɽrwa pǝlelo yamiñaṯo ltuŋga. 39 leđa lǝmaṯan lal farisiyin ildi lafǝlda ldeiṯi yesu ṯa, ya eđa gǝbërrǝŋaiđia ŋen, gariñaṯo ṯalǝmis ilaɽǝŋa. 40 yesu nǝŋǝluɽǝbiṯi eŋen ṯa igǝndǝlwaɽǝṯia ṯa ndǝ yënǝŋulu yabwaiña ŋǝma ŋwandra iŋi ŋiđ aŋǝrǝjaice ole. 41 na ndǝ yesu gaijomaṯo nǝŋǝseici alo yursalim nǝŋare ŋen ŋanṯa alo isei, 42 nǝŋaṯa, igwonaṯa ṯa aganǝŋa agaseieu điñǝđi ŋen iŋi ŋaɽǝwađaṯa ŋaŋanaica đëuṯaralo. orn ŋen iŋi ŋalǝbijǝnu eŋa. 43 liga liđ alela ildi leđa lageaŋa liđ aluŋuɽiṯi đuđađa ađǝŋëđiṯi ŋafeṯe iligano agëndǝnu. 44 lënǝŋulu liđ alǝŋauwǝṯi alo na ñere ñǝlaɽǝŋa cum, na laber liđ alǝŋgiđiṯi lwandra orǝba nano, ŋen ŋanṯa agaijǝba liga rǝmwa reṯǝŋau nano. 45 na yesu nǝŋënṯi igal ekǝl nǝŋǝmiñe leđa taltal ildi lǝbǝliđa laŋge, 46 nǝŋǝleiṯi ṯa, ŋen ŋǝwërđǝnu ṯa eɽa gǝlëɽǝñi giđ aŋǝɽeṯe eɽa gǝđǝṯurṯia rǝmwa. ñagiđu gaɽo alo endom. 47 na yesu gërrǝŋaicu leđa ŋen ñoman pređ igal ekǝl. orn nǝlǝŋ nǝkana na leđa ildi lǝbërrǝŋaiđia ŋen ŋal ganun, na leđa loɽra lonaṯa lamaɽiña, 48 orn lero laɽǝwađaṯa lafiđa ŋen ṯa lëbǝđia ṯau. ŋen ŋanṯa leđa pređ lanaṯǝma kaiñ.
201 lomanaŋ iliga lakǝl ndǝ yesu gafo igal ekǝl gǝbërrǝŋaicia leđa ŋen na gwaɽwata eŋen ŋaŋǝra ŋǝrǝmwa nǝlǝŋ nǝkana na leđa ildi lǝbërrǝŋaiđia ŋen ŋal ganun, na leđa loɽra ldǝmeṯa nano 2 ldǝmeiṯi ṯa, lwaɽǝṯǝnde agëbǝđia ŋen iŋi ŋǝlǝŋeŋa ŋesegi? na esegi ganaicǝŋa ŋǝlǝŋe iŋi ? 3 yesu nǝŋǝluɽǝbiṯi eŋen ṯa, igënǝñi cum igǝndeɽǝđia ŋen ŋǝnǝŋ. 4 lwaɽǝṯiñr, rǝmwa rađwaṯo yuanna ṯa aŋǝnanaiđe mamuḏiya walla leđa? 5 orn leđa ṯalɽwataiđo alǝsoŋ ldaṯa, ndǝ lǝgǝbaṯar ṯa rǝmwa rađwaṯo yuanna, gënǝŋu giđ aŋǝndǝlwaɽǝṯr ṯa, ñagero ñagǝbendia ŋen ŋǝlëɽǝŋu eđa? 6 orn ndǝ lǝgǝbaṯar leđa lađwaṯǝma, leđa pređ liđ alǝndǝmǝndaiyr ŋwandraŋa, ŋen ŋanṯa lënǝŋulu lëɽǝni đǝñano ṯa yuanna gaɽo nabi. 7 lënǝŋulu lduɽǝbiṯi yesu eŋen ṯa, ñagaijǝba esegi gwađwaṯo yuanna. 8 na yesu nǝŋǝleiṯi ṯa, igaber igiđi endǝlwaɽǝṯi eum igëbǝđia ŋen iŋi ŋǝlǝŋeŋa ŋesegi. 9 na yesu nǝŋǝlwaɽǝṯi leđa ŋen iŋi ŋǝwujǝnu nǝŋaṯa, maji gǝnǝŋ gawađa gi ginǝb nǝŋǝnaice leđa ṯa aɽrǝmoṯe nǝgabǝṯa alo yǝnǝŋ nwaldaŋ nǝŋǝɽaŋe tu liga lwalano. 10 na ndǝ liga laɽiñađaiđo maji gwađwaṯo ebai eleđa ṯa lënǝŋulu almanaice liđia lǝmaṯan lǝgi. orn leđa ldǝmëupwi ldǝmađwaṯe rerṯa. 11 orn maji nǝŋǝđwaṯe ebai gwomǝn. orn leđa ldǝmëupwi ldǝmanaice ŋen ŋubwa cum ldǝmađwaṯe rerṯa. 12 orn tǝŋ maji nǝŋǝđwaṯe ebai gwomǝn. orn leđa ldǝmëupwi rëɽra ldǝmauwǝṯi ndëuwǝr. 13 orn maji gerṯo gi nǝŋaṯa, igëbǝđia ṯau? igiđi eđwaṯe iđia gǝlëɽǝñi gunto. aŋgaica ndǝ lamaseiea lënǝŋulu liđ almëđǝñiṯi. 14 orn ndǝ laseicu iđia lënǝŋulu ṯalɽwataiđo ldaṯa, fǝŋu giđ aŋǝrraṯe elaŋge lǝmaji. almaɽiñr ṯa lǝgiđr alarraṯr elaŋge. 15 na ldǝmauwǝṯi ndëuwǝr ldǝmaɽiñe. nṯia maji gerṯo gi giđ aŋǝlɽaicau? 16 gënǝŋu giđ aŋela aŋǝɽiñe leđa lakǝl na giđ aŋǝnaice leđa larto gi. ndǝ leđa lano ŋen iŋi yesu gwaɽwato ldaṯa, ndo kwai kwai. 17 yesu nǝŋǝnwane nǝŋaṯa, orn ndǝ ŋen ŋero ŋafo ṯia ŋen ŋanṯau iŋi ŋǝwërđǝnu ṯa, lwandra ildi leđa labijǝđia laneđo lënǝŋu laɽo lwandra ildi laɽnda lađuna. 18 leđa pređ ildi lǝbǝɽǝṯia ldwandra lakǝl lënǝŋulu liđ algirni kaiñ na lwandra lid alafadaṯe leđa alo ilđi liɽǝṯǝlo nano. 19 leđa ildi lǝbërrǝŋaiđia ŋen ŋal ganun na nǝlǝŋ nǝkana lafo lwonaṯa lamëndi iliga lakǝl đurri ŋen ŋanṯa lënǝŋulu laliŋeṯo ṯa yesu gwaɽwata ŋen iŋei ŋǝwujǝnu ŋagealo, orn liđǝña leđa. 20 lënǝŋulu labapwaiña liga ṯa almëndi ldǝđweiṯi leđa ŋamǝɽa ilđi lđiđǝni bǝɽan larno leđa ɽrǝmwa, ṯa ldǝndǝlda ŋen ŋǝnǝŋ yesu gwaɽwato ṯa almëɽi eŋǝlǝŋe ŋelǝŋ goɽra. 21 lënǝŋulu ldameɽǝđe ṯa, ya eđa gǝbërrǝŋaiđia ŋen ñagaliŋeṯo ṯa ŋen agwaɽwata na agǝbërrǝŋaiđia fǝđeṯam na agëbǝđia leđa pređ laɽǝwaṯo na agǝbërrǝŋaicia leđa đađ đǝrǝmwa ŋenŋa ŋǝđeṯam. 22 al ganun yǝbaṯa ṯa ŋen ŋëpi ndǝ ñagananaiđia ṯulba ŋen ŋanṯa elǝŋ goɽra gaisar walla ŋen ŋafo mǝnna? 23 yesu nǝŋaliŋeṯe ŋađǝna eŋen nǝŋǝleiṯi ṯa, 24 ŋaieiñr gǝrus yarno al kairia. yerṯo sura yesegi na ŋen ŋesegi? lënǝŋulu lđǝmuɽǝbiṯi eŋen ṯa, ŋǝgaisar. 25 yesu nǝŋǝleiṯi ṯa, nṯia naicr gaisar laŋge ildi ǝllëɽǝŋu na naier rǝmwa laŋge ildi ǝllëɽǝŋu. 26 na lënǝŋulu lero laɽǝwađaṯa lǝbenđia ŋen ŋǝlëɽǝŋu leđa nëiñua. ldirǝwano ŋen ŋanṯa ŋen gukuɽǝbiṯǝlo ldǝbwaiñe ŋǝma. 27 leđa lǝmaṯan isaḏḏugiyin, isi yabaṯa ṯa đatwođa đero eŋǝɽaiñ ldeṯa yesu nano ldǝmeɽǝđe, 28 ldaṯa, ya eđa gǝbërrǝŋaiđia ŋen, musa gǝwërđǝṯǝnde ŋen ṯa ndǝ orǝba geđa gǝnǝŋ gerṯo wasen orn nǝŋaiye ñere ñero, eđa igi giđ aŋǝme wasen aŋǝlǝŋǝṯi orǝba ñere. 29 lđaṯa, lorǝba lafo đenǝŋ ldǝmiñe liɽijan. orǝba gǝnëiñua gamo wasen orn nǝŋaiye ñere ñero. 30 na orǝba gwomǝn nǝŋǝrraṯe igwuji orn nǝŋaiye ñere ñero. 31 na orǝba gwomǝn nǝŋǝrraṯe igwuji tǝŋ nṯia cum lorǝba pređ ldamǝlađe igwuji orn ldaiye ñere ñero. 32 orn nḏurṯu wuji nǝŋaiye cum. 33 ndǝ lënǝŋulu liđ altwođe eŋǝɽaiñ wuji giđ aŋǝɽeṯe wasen gesegi? ŋen ŋanṯa lënǝŋulu lamama pređ. 34 yesu nǝŋǝluɽǝbiṯi eŋen ṯa, ñere ñǝliga ilđi ñamamǝđia na ñamamǝnu, 35 orn leđa ilđi lafiđǝnu larǝjađaṯo eŋen ṯa alënṯi iliga ilđi liđ alela na ṯa altwođe eŋǝɽaiñ lënǝŋulu laber liđ almamǝđe na laber liđ almamǝni. 36 đeṯam lënǝŋulu laber laɽǝwađaṯa liđ alaiye tǝŋ ŋen ŋanṯa liđ alarne mǝlaiyǝka na laɽo ñere ñǝrǝmwa ilđi liđ altwođe. 37 orn musa gërrǝŋaiđo ŋen ṯa leđa laiyo liđ altuđini ndǝ gǝwërđǝnu ŋen ŋuɽi igi goɽo isiya orn gero gamǝndëđǝnia. gënǝŋu gwalwaɽo ṯa elǝŋ rǝmwa raɽ rǝmwa ribrayim na raɽ rǝmwa risag na raɽ rǝmwa rǝyagub. 38 rǝmwa rero raɽ rǝmwa rǝleđa ildi laiyo orn rǝleđa ildi lamǝṯia ŋen ŋanṯa nëndr pređ lǝgamǝṯiar iŋu. 39 leđa lǝrnaṯan ildi lǝbërrǝŋaiđia ŋen ŋal ganun ldǝmuɽǝbiṯi eŋen ṯa ya eđa gǝbërrǝŋaiđia ŋen agwalwaɽo ŋope. 40 na leđa ldǝmëđǝñiṯi lđerṯe lǝmeɽǝđia ŋen tǝŋ. 41 yesu nǝŋeɽǝđe leđa ṯa, ŋen ŋanṯau ñagǝbaṯa ṯa al masiya gaɽ iđia gǝḏawuḏ ? 42 ḏawuḏ gënǝŋu gaṯa igađarn gǝmasamir, elǝŋ rǝmwa nǝŋeiṯi elǝŋ gǝlëɽǝñi ṯa ɽaŋalo nḏan đaŋaicǝba đǝlëɽǝñi 43 ŋen igamǝlu igëbǝđia leđa ildi laŋagea alɽeṯe waŋge gǝrǝmanǝña rǝlaɽǝŋa. 44 ndǝ ḏawuḏ gamënǝci elǝŋ ŋen ŋanṯau gaɽ iđia gǝḏawuḏ? 45 yesu nǝŋeiṯi ṯalǝmis, na leđa ldǝne cum ta, 46 rǝmojeđr eleđa ildi lǝbërrǝŋaiđia ŋen ŋal ganun ildi labakaldaiea ndrenna nano nwala, ldubwiṯi ŋenŋa ṯa leđa ṯaldǝnano ëiñua nǝsuk, ldubwa aloya yaŋǝra imajma na alo yaɽnda inamǝđia. 47 lënǝŋulu lasa laŋge lǝliji ildi lṯëđǝnialo, na ndǝ lǝbeɽǝđia rǝmwa ṯalɽwato ŋen ŋwalano ṯa leđa aldǝnaice đame. lënǝŋulu liđ alakǝmǝni kaiñ.
211 yesu nǝŋǝtuđi isi nǝŋǝseici leđa ildi lerṯo laŋge lwaiña lǝbakëɽi gǝrus alo isi leđa lawakëɽi. 2 nǝŋǝseici cum wuji gǝnǝŋ gaɽǝbwa igi gaɽ ebai kaiñ gǝṯëđǝnialo nǝŋëɽi gǝrus itefr yarno mǝlin eɽijan. 3 na yesu nǝŋaṯa, igǝndǝlwaɽǝṯia đeṯam ṯa wuji igi gaɽ ebai gëɽu gǝrus ywaiña gamiñaṯo leđa pređ, 4 ŋen ŋanṯa leđa lakǝl pređ lanaico rǝmwa gǝrus egworǝb igǝrus esen ywaiña, orn wuji igi gero waŋge ganaiđo gǝrus pređ ilëɽǝŋu, isi gaṯa giđ aŋeiyǝse. 5 leđa lǝmaṯan ldaṯa ṯa al ekǝl yiđǝnu yaŋǝra ŋaiyo ŋwandraŋa ŋaŋǝra iŋi ŋakëɽǝnu ŋaiyo. na yesu nǝŋaṯa, 6 liga liđ alela ildi laŋge ildi ñagǝlǝseicia liđ alǝmǝndëđǝmau na lwanda lǝnǝŋ laber liđ lṯëni norǝba. 7 leđa ldǝmeɽǝđe ṯa, ya eđa gǝbërrǝŋaiđia ŋen, ŋen iŋi ŋiđ aŋfeṯe ndoŋǝɽa? na ŋamǝla ŋiđ aŋǝɽeṯe ṯau iŋi ŋiđ aŋǝndërrǝŋaicia ṯa ŋen iŋi ŋafo ṯwaiñ? 8 yesu nǝŋaṯa, rǝmojǝđr ṯa ñerṯe ñagǝbǝđǝni ŋađǝna. ŋen ŋanṯa leđa lwaiña liđ alela igirǝŋ gǝlëɽǝñi alwaɽe ṯa, igaɽ al masiya na ṯa liga ildi lëɽǝnu lafo ṯwaiñ. ñerṯe ñagalteṯa. 9 orn ndǝ ñagǝnna ṯa đǝbwaiñǝđia đwaiña na đǝgerđe đwaiña cum ñerṯe ñagiđiñalo. đeṯam ŋen iŋi ŋiđ aŋfeṯe ananoŋ orn đamǝndađa đamǝlu điđ ađela. 10 orn yesu nǝŋǝlǝlwaɽǝṯi ṯa, leđa liđ altwođe lagea leđa na ŋǝlǝŋe ŋiđ aŋǝtwođe ŋagea ŋǝlǝŋe. 11 alo ɽetǝɽeteo yiđ aiyǝtësǝni. laŋge liđ almiñaṯe lwaiña kaiñ, na ŋorwaṯa ŋiđ aŋfeṯe. laŋge liđ alfeṯe loɽra liđǝñia liji alo na ŋamǝla ŋiđ aŋfeṯe iltuŋga. 12 orn liga laŋge ilđi pređ lamǝlu leṯo leđa liđ alǝndëndi alǝndǝnanaice ŋen ŋubwa ŋeicia na alǝndëɽi imajma na isijǝn. ñagiđi ñamǝni nǝlǝŋ nëiñua noɽra ŋen ŋanṯa irǝŋ gǝlëɽǝñi. 13 nṯia liga liđ alfeṯe ṯa ñaɽwate ŋen ŋǝđeṯam. 14 ŋen ŋafǝṯia ëɽr ŋen eŋaṯǝɽa eŋalo ṯa ñerṯe ñagaṯoɽaṯa đopǝṯa eđalo ananoŋ, 15 ŋen ŋanṯa igiđ endǝnaice ŋen ŋǝđaliŋeṯa ŋen nǝsi iŋi eđa gero gǝnǝŋ gageand gaɽǝwađaṯa gabǝlaica walla gađama. 16 eṯalanđa na lǝŋgalanda na lorldalo na uđaralanda na rappa liđ alǝndǝnaiđe na leđa liđ alǝɽiñe leđa lǝmaṯan eñaŋ, 17 na leđa pređ liđ alǝndǝneđe ŋen ŋanṯa irǝŋ gǝlëɽǝñi. 18 orn đǝri đero đǝnǝŋ đǝnenda eldalo điđ ađǝmǝndëđǝni. 19 ñagiđi ñaneini đamǝṯia đǝđeṯam ŋen ŋanṯa ñagaɽaŋo ñagwonḏǝṯo. 20 ndǝ ñagiđi ñaseici alo yursalim iđurinṯia askari yađaiđo, ñagiđi ñaliŋeṯe ṯa đamǝndëđǝni đǝlëɽǝŋu đafo ṯwaiñ. 21 orn ŋgiṯr leđa lalo iyuḏiya alaldǝñaṯe naiyǝn. na ŋgiṯr leđa ildi lafo alo yursalim egwaŋano alǝmiñe, na ñerṯe ñagaŋgiṯia leđa ildi lafo eđǝñwa alënṯi, 22 ŋen ŋanṯa liga lakǝl lǝđakǝme ṯa ŋen pređ ŋǝwërđǝnu egađam gǝrǝmwa ŋiđ aŋǝɽiñađeini. 23 liji ɽrlda iliga lakǝl ildi lonḏaico na ildi lađuɽi ñere liđ alneini ŋen ŋubwa ŋen ŋanṯa ŋen ŋiđ aŋfeṯe ŋubwa kaiñ alo yakǝl na đeiciano điđ ađǝfeṯe leđa nano. 24 leđa liđ alǝɽiñǝni yoperreya na liđ alǝkëndǝni na almamǝni alo pređ na leđa ildi gerṯa laɽo al yawuḏ liđ ṯalǝrldađaṯo ursalim alo, ŋen liga ildi lëɽǝnṯu leđa gerṯa laɽo al yawuḏ lamǝlu lamǝnđëđǝni. 25 ŋamǝla ŋiđ aŋfeṯe ëđǝñina nano na ubwa nano na ropa nano na leđa lalo liđ algǝrđe kaiñ na liđ alaijǝbeṯe ṯa lëbǝđia ṯau ŋen ŋanṯa al bar yǝbërniano kaiñ na ŋawa ṯaŋakaborṯo elo. 26 leđa liđ aɽrǝjeini ŋǝđaiña enare ŋen ŋanṯa liđǝña laŋge kaiñ ildi lënǝŋulu lǝlṯurṯia ṯa aleṯa alo, ŋen ŋanṯa laŋge lelo liđ altësǝni. 27 iliga lakǝl leđa liđ alǝseici iđia gǝleđa geṯo isbwoɽua ŋabǝɽaŋa na ŋaɽrwaŋa ŋwaiña. 28 ndǝ ŋen ŋananoŋ ŋǝlaŋge ilđi ŋeṯo, seiđr elo na tuđir ŋǝɽwa ŋen ŋanṯa đëbǝria eđalo đafo ṯwaiñ. 29 yesu nǝŋǝlǝlwaɽǝṯi ŋen ŋǝwujǝnu ṯa, nwanr ebǝđa na nuɽi pređ. 30 ndǝ nuɽi nëbǝɽi ŋǝđobǝraŋa ñagǝseiđia na ñagaliŋeṯo bǝɽan ṯa iṯǝlia gaɽo. 31 nṯia eum nde ñagǝseieia laŋge ildi leṯo, lǝŋeṯr ṯa ŋǝlǝŋe ŋǝrǝmwa ŋafo ṯwaiñ. 32 đeṯam igǝndǝlwaɽǝṯia ṯa laŋge ilđi liđ alfeṯe ŋen leđa lǝliga ildi lamǝlu lǝbaiya. 33 elo na alo liđ alǝmǝndëđǝni orn ŋen ŋǝlëɽǝñi ŋaber ŋiđ aŋǝmǝndëđǝni kwai kwai. 34 rǝmojǝđr ṯa ŋaṯǝɽa eŋalo aŋerṯe ŋǝbǝđǝni ŋaɽo tǝgǝtǝg ŋenŋa ŋaŋǝno na đǝramǝɽuađa na đǝgǝrđiađa đalo nṯia ṯa loman lakǝl laber liđ alǝndëndi taltal ŋen ŋarno yar yindia, 35 ŋen ŋanṯa loman lakǝl liđ aleṯa leđa nano pređ ilđi lafo alo pređ. 36 apr sǝndua, ñekeɽǝđe rǝmwa ṯa ñaneini đwonḏǝṯa ṯa ñamiñe elaŋge ilđi pređ ildi liđ alela na ṯa ñađuri iđia gǝleđa nëiñua. 37 na ñoman pređ ëđǝñin yesu nǝŋërrǝŋaice leđa ŋen igal ekǝl na ulǝŋgi nǝŋamiñe nǝŋfeṯe naiyǝn ibernia seṯun. 38 na leđa pređ laɽatođo ram ulaldiṯano ṯa almeṯa nano igal ekǝl alne ŋen ŋǝlëɽǝŋu.
221 liga lafo ṯwaiñ lǝđǝsa đǝberma al fissa, ŋen al yawuḏ yesa aicǝba gaicǝfa. 2 na nǝlǝŋ nǝkana na leđa ildi lǝbërrǝŋaiđia ŋen ŋal ganun lafo labapwaiña ŋen ŋǝnǝŋ ṯa aleɽiñe yesu. ŋen ŋanṯa liđǝña leđa. 3 orn seṯan niyënṯi yausa egare igi gǝbernia iskariyuṯi igi gaɽ eđa gǝnǝŋ iṯalǝmis ređ nemiñe eɽijan. 4 na gënǝŋu nǝgabǝṯa nǝlǝŋ nǝkana na nǝlǝŋ naskari yal ekǝl ṯalɽwataiđǝlda eŋen ṯa giđ aŋǝlnaice yesu ṯau. 5 lënǝŋulu laŋǝra nano ldaṯa ṯa liđ almanaice gǝrus. 6 na gënǝŋu larraiđo eŋen iŋi đǝge nǝŋǝpwaiñe liga ṯa aŋǝlonaice yesu ndǝ leđa lero. 7 orn loman leṯo lǝđǝsa aieǝba gaieǝfa ildi leđa lauɽiña đaŋala iđi đaɽo đǝɽǝđǝnia đal fissa. 8 yesu nǝŋǝđwaṯe buṯrus na yuanna nǝŋǝleiṯi ṯa, mbǝr ñandëɽǝṯi đǝsa alo đal fissa ṯa alasr. 9 lënǝŋulu lđǝmeɽǝđe ṯa, agwonaṯa ñagǝbëɽi ŋga? 10 yesu nǝŋǝleiṯi ṯa, ndǝ ñagënṯu irnuŋ ñagiđi ñopǝđaiđe eđaga gǝnǝŋ igi garrǝpa ŋawa iɽia. teṯǝmar ndǝ gǝbenṯia eɽa ñaldënṯǝlda, 11 ñeiṯi eđa gerṯo eɽa, eđa gǝbërrǝŋaiđia ŋen gaŋeɽǝđe alo yaŋga isi losaṯa al fissa ṯalǝmisya ilëɽǝŋu. 12 gënǝŋu giđ aŋǝndǝŋaice alo yǝnǝŋ yoɽra elo isi yerṯo laŋge pređ lǝgǝlwonaṯar. ëɽr đǝsa alo yakǝl. 13 lënǝŋulu ldabǝla ldǝfiđi ŋen ŋarno yesu gwalwaɽǝṯǝlo ldëɽi đǝsa alo đal fissa. 14 na ndǝ liga leṯo yesu ldaɽaŋalo leđala ildi lǝđweinu. 15 yesu nǝŋǝlǝlwaɽǝṯi ṯa, igafo igwonaṯa lǝgasar al fissa isi ŋen igamǝlu iganeini ŋen ŋubwa ŋeieia, 16 ŋen ŋanṯa igǝndǝlwaɽǝṯia ṯa igaber igiđi ese al fissa tǝŋ illi ndǝ ŋen iŋi ŋǝɽiñǝđeinu eŋǝlǝŋe ŋǝrǝmwa. 17 ndǝ yesu ganeinu al finjan gënǝŋu nǝŋǝrṯi rǝmwa nano nǝŋaṯa, mǝr ñakarnǝđe, 18 ŋen ŋanṯa igǝndǝlwaɽǝṯia ṯa igaber igiđi iṯi ŋawa iŋi ŋǝliđia lera tǝŋ illi ndǝ ŋǝlǝŋe ŋǝrǝmwa ŋeṯo. 19 nǝŋǝme aicǝba nǝŋǝrṯi rǝmwa nano nǝŋgere nǝŋǝlnaice nǝŋaṯa, igi gaɽo aŋǝno ilëɽǝñi, isi yaneiđǝnu ŋen ŋanṯa ñaŋ. iđr ṯia ṯiñaiñulëldǝŋǝđeiniau. 20 nṯia cum ndǝ laso đǝge yesu nǝŋǝme al finjan nǝŋaṯa, fǝŋu đǝrreiđia eŋen đǝmaijǝn iđi đëndǝnu alo ŋǝfǝniŋa ŋǝlëɽǝñi iŋi ŋirǝwǝṯǝndialo. 21 orn seiđr, đaŋ đeđa igi gaiñǝnaiđia đafo đaŋđa đǝlëɽǝñi nṯarǝbesa. 22 iđia gǝleđa gabǝla eŋen iŋi ŋëɽǝnu ananoŋ orn eđa igi gamanaiđia giđ aŋǝneini ŋen ŋubwa. 23 na ṯalǝmis ṯaiyukuɽǝbijǝđiṯu eŋen ṯa fesegi iŋulu giđ aŋiđi ṯia. 24 orn yënǝŋulu niyukuɽǝbijǝđǝṯi eŋen cum ṯa esegi goɽra gamiñaṯo lorǝba. 25 yesu nǝŋǝleiṯi ṯa, nǝlǝŋ nalo neicuɽǝđicia leđa elo na lënǝŋulu ildi lerṯo ŋǝlǝŋe eleđa lǝbënǝjǝni nǝlǝŋ. 26 orn ŋen ŋero ŋafǝṯia eñaŋ. ŋgiṯr eđa goɽra eñaŋ aŋarneṯe eđa gǝta na ŋgiṯr eđa gaɽnđa aŋarneṯe eđa gǝđuɽǝđǝnṯia leđa. 27 esegi goɽra? gënǝŋu igi gaɽaŋa nṯarǝbesa walla eđa gëbǝđia ŋǝmëɽria? gerṯa gënǝŋu igi gaɽaŋa nṯarǝbesa? orn igafo eñaŋ igaɽ eđa gǝđuɽǝđǝnṯia leđa. 28 ñaŋ ñagaɽo leđa ildi lǝgǝldǝɽaŋarlda eŋen ŋabɽwaŋǝno iŋi igananeinu. 29 na ŋen ŋarno papa gǝlëɽǝñi gëɽǝṯiñi ŋǝlǝŋe, nṯia curn igǝndëɽǝṯi ŋen 30 ṯa ñase na ñǝṯi nṯarǝbesa ilëɽǝñi eŋǝlǝŋe ŋǝlëɽǝñi na ñagiđi ñerṯe ŋǝlǝŋe ñirnḏeici leđa lisrayil ildi laɽo ŋǝɽwa ređ ldǝmǝñe liɽijan. 31 orn yesu nǝŋaṯa, siman, siman, seṯan yǝndonaṯa pređ ṯa aiyǝndurnḏeici ndǝ ŋwana. 32 orn igeɽǝđo rǝmwa ŋen ŋanṯa ŋa ṯa đonaṯa đǝlaɽǝŋa ađerṯe đađamǝni. na aganǝŋa ndǝ agoɽǝbaṯo rǝmwa nano onḏǝco lorldalanda. 33 siman buṯrus nǝŋǝmeiṯi ṯa, ya elǝŋ, igameđǝño ṯa lǝgabǝṯa sijǝn na ṯa lǝgaɽiñǝnia. 34 yesu nǝŋaṯa, buṯrus igaŋwalwaɽǝṯia ṯa điñǝđi agiđi ŋaiñabǝlaice ñoman ñiɽijin ŋen đwaṯa đamǝlu đabara. 35 yesu nǝŋeɽǝđe ṯalǝmis ṯa, ndǝ igwađwaṯǝnde ërrua gero gǝgǝrus na ërrua gero na nḏǝbina nero wagǝnǝŋ gafo pwa eñaŋ? lënǝŋulu ldǝmeiṯi ṯa, wagero. 36 na yesu nǝŋǝleiṯi ṯa, orn điñǝđi ŋgiṯr eđa igi gerṯo ërrua gǝgǝrus aŋape na ërrua cum, na ŋgiṯr eđa igi gero đoperre aŋǝliđi erena aŋiliđi đoperre. 37 igǝndǝlwaɽǝṯia ṯa đeṯam ŋen iŋi ŋǝwërđǝnu egađam gǝrǝmwa ŋamǝlu ŋǝɽiñađeini eŋen ŋǝlëɽǝñi ṯa, gënǝŋu lëɽǝnu leđala ildi lagera ŋen. ŋen ŋanṯa ŋen iŋi ŋëɽǝṯiñi ŋafo ṯwaiñ ŋǝɽiñađeini. 38 ṯalǝmis niyǝmeiṯi ṯa, elǝŋ seicu yoperre yëni iɽijan. gënǝŋu nǝŋǝlǝlwaɽǝṯi, ŋgiṯr ŋen iŋi. 39 na yesu nǝŋǝmiñe nǝgabǝṯa naiyǝn iseṯun ŋen ŋarno gëbǝđia jaica. na ṯalǝmis ilëɽǝŋu niyǝmaiyǝteṯe alo. 40 ndǝ yesu nǝŋarǝmaṯe alo yakǝl gënǝŋu nǝŋǝleiṯi ṯa, ekeɽǝdr rǝmwa ṯa ñerṯe ñagabirnḏeini. 41 na gënǝŋu nǝgabǝṯa nëiñua aten nǝŋwođiñiṯi ndriana alo nǝŋǝṯurṯi rǝmwa, 42 nǝŋaṯa, papa ndǝ agameđǝño miñeicǝñi finjan isi eŋen ŋubwa kaiñ, orn ŋgiṯu ŋen aŋiđǝni iŋi agwonaṯa, gerṯa ŋen igwonaṯa. 43 na mǝlaiyǝka đelo nḏǝmeṯa nano nḏǝmonḏeici, 44 na yesu nǝŋgǝrđe kaiñ nǝŋǝṯurṯi rǝmwa kaiñ na aŋal gǝlëɽǝŋu nǝŋarneṯe ŋǝfǝni iŋi ŋwaldǝṯalo. 45 na gënǝŋu nǝŋǝtwođe iđǝṯurṯia rǝmwa nǝŋeṯa ṯalǝmis nano nǝŋǝlfiđi yandra ŋen ŋanṯa ywana, 46 nǝŋǝleiṯi ṯa, ñagandra eđa? twođr ñekeɽǝđr rǝmwa ṯa ñerṯe ñagabirnḏeini. 47 ŋen yesu gwaɽwata mǝldin leđa lwaiña ldeṯa ṯwaiñ na eđa gǝbernia yausa gafǝlo nëiñua igi iṯalǝmis ređ nemiñe eɽijan. na gënǝŋu nǝŋǝjomaṯe yesu ṯwaiñ ṯa aŋǝmwëɽwëṯe ëiñua egworǝb. 48 na yesu nǝŋǝmeiṯi ṯa, yausa aganaiđia iđia gǝleđa đǝɽwëṯađa ëiñua egworǝb? 49 ndǝ ṯalǝmis yaseicu ŋen iŋi ŋeṯo niyeɽǝđe yesu ṯa, ya elǝŋ lǝgiđr aldǝpur yoperreya? 50 na ṯalǝmis yǝnǝŋ niyubǝɽi ebai gelǝŋ goɽra gǝkana niyǝmaṯeđeṯe ënǝñia alo gǝnḏaŋ đǝŋaicǝba. 51 orn yesu nǝŋaṯa, ŋgiṯr ŋen iŋi, nǝŋǝbǝre ënǝñia nǝŋǝmeiđi. 52 yesu nǝŋǝlwaɽǝṯi nǝlǝŋ nǝkana na nǝlǝŋ naskari yal ekǝl na leđa loɽra ildi leṯo lamagea ṯa, ñageṯo yoperreya na ŋǝfraŋa garno ñagagea oɽom? 53 liga lǝgǝfafr igal ekǝl ñoman pređ ëđǝñin, ñagero ñagwalia raŋ eralo ṯa ñaiñëndi. orn liga laldalo ildi diñǝđi ndǝ ŋǝrǝm ŋerṯo ŋǝlǝŋe. 54 leđa ldǝmëndi ldǝmamame ldǝmënǝei egeɽa gelǝŋ goɽra gǝkana. na buṯrus ṯaŋǝlteṯo nwaldaŋ. 55 leđa lđortaice isia eɽalo ldǝɽaŋalo ldǝɽo na buṯrus ṯaldǝɽaŋǝlda. 56 na ŋere ŋǝnǝŋ iŋi ŋađuɽǝđǝnṯia leđa nǝŋǝseici buṯrus gaɽaŋalo egarrerre gisia ṯaŋǝmaseieu ŋope nǝŋaṯa, maji igi lafo yesuga cum. 57 orn buṯrus nǝŋǝmabǝlaice nǝŋaṯa, wuji, igaijǝbama. 58 orn aten eđa gwomǝn nǝŋamaseici nǝŋaṯa, aganǝŋa cum agǝleđa ildi lateṯa yesu. orn buṯrus nǝŋaṯa, maji gerṯa fǝṯia. 59 orn eđa gwomǝn nǝŋaṯa đëɽǝniađa đǝñano, đeṯam maji igi cum lafo yesuga ŋen ŋanṯa đeṯam gënǝŋu galo ijalil. 60 orn buṯrus nǝŋaṯa, maji igaijǝba ŋen agwaɽwata. na taltal liga buṯrus gwaɽwata mǝldin đwaṯa ṯađaro. 61 elǝŋ yesu nǝŋǝređialo nǝŋǝseici buṯrus, na buṯrus nǝŋǝlëlđǝŋǝđeini eŋen ŋelǝŋ yesu ndǝ gwalwaɽǝṯǝma ṯa, điñǝđi agiđi ŋaiñǝbǝlaice ñoman ñiɽijin ŋen đwaṯa đamǝlu đabara. 62 na buṯrus nǝŋǝmiñe ṯaŋaro kaiñ. 63 na leđa ildi larǝmoṯwa yesu ṯalmađamǝco eŋen ṯalmëupwi, 64 ldǝmǝtëri isiano ldǝmeɽǝđe ṯa, lwaɽo esegi gǝŋëupwa? 65 ṯalɽwato ŋen ŋwaiña ŋeieia tǝŋ ŋageama. 66 na ulalđiṯano leđa pređ loɽra lal yawuḏ na nǝlǝŋ nǝkana na leđa ildi lǝbërrǝŋaiđia ŋen ŋal ganun ldǝrraiđe ldǝmamaṯe enǝlǝŋ enen ini nararraiđia. 67 na lënǝŋulu ldaṯa, ndǝ agaɽ al masiya lwaɽǝṯǝnde. na yesu nǝŋǝleiṯi ṯa, ndǝ igǝndǝlwaɽǝṯia ñagaber ñagiđi ñaŋǝnṯi ŋen ŋǝlëɽǝñi. 68 na ndǝ igǝndekeɽǝđia ñagaber ñagiđi ñaiñakuɽǝbiṯi eŋen na ñagaber ñagiđi ñaiñëbǝri. 69 na điñǝđi nëiñua iđia gǝleđa giđ aŋǝɽaŋe alo nḏaŋ đaŋaicǝba đǝrǝmwa irri rerṯo ŋabǝɽa. 70 lënǝŋulu ldǝmeɽǝđe ṯa, nṯia agaɽ iđia gǝrǝmwa? yesu nǝŋǝleiṯi ṯa, ñaŋ ñagalwaɽo đeṯam. 71 lënǝŋulu lđaṯa, ŋen ŋanṯau lǝgwonaṯar lǝgǝberṯiar ŋen ŋwomǝn ŋamagea? lǝganr ŋen iŋi igëiñua gǝlëɽǝŋu đurri.
231 na leđa lakǝl lafo imajlis ldǝtwođe ldǝmamaṯa yesu bilaṯus nano. 2 na lënǝŋulu ldǝtwođe ldǝmasǝki ldaṯa, ñagafiđu eđa igi lagera leđa na gero gǝlǝŋgiṯi alnanaice elǝŋ goɽra gaisar ṯulba, na gënǝŋu nǝŋaṯa ṯa gaɽ al masiya, gaɽ elǝŋ. 3 bilaṯus nǝŋǝmeɽǝđe ṯa, agaɽ elǝŋ gal yawuḏ? na yesu nǝŋǝmuɽǝbiṯi eŋen ṯa, agwalwaɽo đeṯam. 4 bilaṯus nǝŋeiṯi nǝlǝŋ nǝkana na leđa ṯa, igero igǝfiđia ŋen ŋǝnǝŋ ŋeicia iŋu iŋi ñagǝsǝkimaiya. 5 orn leđa ldǝlwaɽe kaiñ ldaṯa, deṯam gënǝŋu gaɽatuđia leđa, na gǝbërrǝŋaicia leđa ŋen alo pređ yuḏiya. gënǝŋu gatwođo alo ijalil orn nǝŋeṯo ëli. 6 ndǝ bilaṯus nǝŋǝne ŋen ŋǝjalil nǝŋǝleɽǝđe ndǝ yesu gaɽ eđa galo ijalil. 7 na ndǝ galiŋeṯo ṯa yesu gafo eŋǝlǝŋe ŋiruḏus, gënǝŋu nǝŋǝmwađwaṯe iruḏus nano ŋen ŋanṯa iruḏus gafo alo yursalim iliga lakǝl cum. 8 ndǝ iruḏus gaseicu yesu nǝŋǝreṯe nano kaiñ. gënǝŋu gafo gwonaṯa gamaseicia ṯwarran ŋen ŋanṯa gano ŋen ŋwaiña iŋu, na gafo gwonaṯa gaseicia yesu gëbǝđia aŋwara. 9 iruḏus nǝŋekeɽǝđe yesu ŋen ŋwaiña orn yesu nǝŋerṯe gamuɽǝbiṯia eŋen kwai kwai. 10 na nǝlǝŋ nǝkana na leđa ildi lǝbërrǝŋaiđia ŋen ŋal ganun lafo laṯurwa, ṯalɽwato ŋen ŋwonḏǝṯo ṯalmasǝki. 11 iruḏus cum na askari ilëɽǝŋu ldǝmađamǝce eŋen ldǝmanaice ŋen ŋubwa. orn lënǝŋulu ldǝmëɽi erena nano gaŋǝra kaiñ ldǝmadwaṯe bilaṯus nano. 12 na iloman lakǝl đurri iruḏus na bilaṯus laɽo đappa. lafo lageađo bǝtaŋǝɽan. 13 bilaṯus nǝŋundǝđaice nǝlǝŋ ldǝɽo nǝkana na leđa loɽra 14 nǝŋǝlǝlwaɽǝṯi ṯa, ñagamaṯiñi eđa igi nëiñua na ñagaṯa ṯa gënǝŋu gaɽ eđa igi gagera leđa. iginḏeicǝma ñaŋ nëiñua na igero igǝfiđia ŋen ŋǝnǝŋ iŋu iŋi ñagǝsǝkimaiya. 15 na iruḏus gero gǝfiđia ŋen cum ŋen ŋanṯa gwađweiṯǝndǝmar. gënǝŋu gero gǝbǝđia ŋen ŋǝnǝŋ ṯa aŋuɽiñeini. 16 ŋen ŋafǝṯia igiđ emëupwi orn emëbǝri. 17 ŋen đeṯam ṯa bilaṯus gǝlëbǝriṯi eđa gǝnǝŋ iliga lal fissa. 18 orn leđa pređ ṯaɽrǝjaico ole ldṯa, ɽiño eđa igi. ëbǝriṯǝnđe barabas. 19 na barabas gafo gëɽǝnu isijǝn ŋen ŋanṯa gatuđu leđa ŋabǝɽa lagea ŋǝlǝŋe alo yursalim nǝŋǝɽiñǝđe. 20 bilaṯus ṯaŋǝrǝjaico ole tǝŋ nǝŋǝlwaɽǝṯi leđa ṯa gwonaṯa gëbǝri yesu. 21 orn leđa ṯaɽrǝjaico ole ṯalaṯa, ɽiñǝma iđuɽi, ɽiñǝma iđuɽi. 22 bilaṯus nǝŋǝleiṯi tǝŋ ṯa, eđa? gënǝŋu giđu wandigi geicia? igero igǝfiđia ŋen ŋǝnǝŋ ṯa aŋuɽiñeini. ŋen ŋafǝṯia igiđ emëupwi orn emëbǝri. 23 orn leđa ṯaɽrajaico ole kaiñ ṯalɽwato ŋen ŋwonḏǝṯo ṯa yesu aŋǝɽiñǝni iđuɽi. na ole gwaiña egen na gǝnǝlǝŋ nǝkana gađamo bilaṯus. 24 na bilaṯus nǝŋaṯa ṯa ŋen leđa lonaṯa aŋiđǝni. 25 gënǝŋu gëbǝriṯǝlo eđa igi gëɽǝnu isijǝn ŋen ŋanṯa gatuđu leđa ŋabǝɽa lagea ŋǝlǝŋe na nǝŋǝɽiñǝđe fǝŋu igi leđa lonaṯǝma, orn nǝŋǝnaiđe yesu eŋen lënǝŋulu lonaṯa. 26 liga leđa lamamo yesu ldëndi maji gǝnǝŋ galo igirǝwaniya gǝbernia siman igi geṯo eđǝñwa lđǝmëɽi đuɽi nano ṯaŋeimamo yesu iđurṯu. 27 na leđa lwaiña kaiñ ṯalmaiyǝteṯo alo na liji ɽrlda cum ildi ṯalëpǝnu ŋurumia ṯalmarṯo. 28 yesu nǝŋǝređialo nǝŋǝleiṯi ṯa, ñere ñalo yursalim ñerṯe ñagǝñarṯa orn arṯr aŋǝno esalo na ñere eñalo, 29 ŋen ŋanṯa liga liđ alela ildi leđa liđ aloɽwate ṯa, leđa laŋǝra nano ildi laɽo nǝtam na nare naŋǝra nano ini ncro nalǝŋa kwai kwai na ëđu yaŋǝra nano isi yero yuđuɽǝnia. 30 leđa liđ alwaɽǝṯe aiyǝn yoɽra ṯa, iɽǝṯǝnđe nano na liđ alwaɽǝṯe aiyǝn yeta ṯa, tërǝnđe. 31 ŋen ŋanṯa ndǝ lënǝŋulu lëbǝđia ŋen iŋi ndǝ uɽi giɽu liđ aliđi ṯau ndǝ uɽi gamuđiaŋǝno? 32 na leđa lwomǝn liɽijan ildi lagero ŋen lamamǝnǝlda ṯa aldǝɽiñǝnǝlda. 33 na ndǝ larǝmaṯo alo yǝbernia alo yarno bambiña gǝnda ldǝmëɽi iđuɽi na leđa liɽijan ildi laɽǝndom, gǝnǝŋ gafo nḏaŋ đaŋaieǝba na gǝnǝŋ gafo nḏaŋ đaŋabur. 34 na yesu nǝŋaṯa, papa ŋgeicu ŋen eŋen ŋeicia ŋen ŋanṯa laijǝba ŋen iŋi lënǝŋulu lëbǝđia. na askari yinḏeicu ŋen ṯa aiyǝseici esegi gama wande, nṯia niyǝkarnǝđe ndrena nǝlëɽǝŋu. 35 leđa ldǝđuri ṯalmaseicu. na nǝlǝŋ cum leđala ṯalmađamǝco eŋen ldaṯa, gënǝŋu gëbǝru leđa lwomǝn, ŋgiṯǝma aŋëbǝrni bǝɽan ndǝ gënǝŋu gaɽ al masiya irǝmwa na eđa gëɽǝnu. 36 na askari cum niyǝmađamǝci eŋen niyǝmeṯa nano niyǝmanaiee ŋawa ŋinǝb iŋi ŋeɽe, 37 niyaṯa, ndǝ agaɽ elǝŋ gal yawuḏ ëbǝrni bǝɽan. 38 na ŋen ŋafo ŋǝwërđeinu nḏuɽi yesu nenda ṯa, fǝŋu gaɽ elǝŋ gal yawuḏ. 39 orn eđa gǝnǝŋ eleđa lagero ŋen ildi lëɽǝnu nḏuɽi ganaico yesu ŋen ŋeicia nǝŋaṯa, gerṯa agaɽ al masiya? ëbǝrni bǝɽan ŋandëbǝri cum. 40 orn eđa gwomǝŋ nǝŋǝmuɽǝbiṯi eŋen nǝŋǝmagariñaṯe nǝŋaṯa, agero agiđǝña rǝmwa, ŋen ŋanṯa lǝgafǝrlda eđakǝme đunto? 41 đakǝme iđi đuđǝrwaṯo ŋen ŋanṯa lëlǝŋ ŋen ŋanṯa lǝgakǝmǝnu ŋope ŋen ŋanṯa ŋen ŋeicia iŋi lǝgiđu, orn maji igi gero gëbǝđia mǝnna kwai kwai. 42 na gënǝŋu nǝŋaṯa, yesu lǝŋǝđeiniñau ndǝ agënṯu eŋǝlǝŋe ŋǝlaɽǝŋa. 43 yesu nǝŋǝmeiṯi ṯa, đeṯam igaŋwalwaɽǝṯia ṯa, điñǝđi lǝgiđi alfeṯe alo yaŋǝra kaiñ. 44 na liga ildi ëđǝñina yafo iligano. na ŋǝrǝm nǝŋëndi alo pređ ëđǝñin yiɽijin. 45 na arrerre gëđǝñina gađamǝnu kwai kwai, na erena igëuwǝr yal ekǝl nǝŋandǝđiano pǝlelo nǝŋarǝmaṯe alo. 46 yesu nǝŋǝɽwate pǝlelo ṯa, papa igaŋanaicia usila gǝlëɽǝñi eraŋ rǝlaɽǝŋa. ndǝ gwalwaɽo ṯia nǝŋaiye. 47 na elǝŋ gaskari nǝŋǝseici ŋen iŋi nǝŋǝnaice rǝmwa đame nǝŋaṯa, đeṯam maji igi gero gëbǝđia ŋen ŋǝnǝŋ ŋeicia. 48 leđa pređ ildi larraido alo isi ṯalǝseicu ŋen iŋi ldađaŋe ṯalëpǝnu ŋurumia. 49 orn leđa pređ ildi laliŋeṯo yesu lađuru nwaldaŋ aten, na liji ɽrlda cum ildi leṯǝlda alo ijalil na lënǝŋulu ṯalǝseicu ŋen iŋi. 50 na maji gafo gǝnǝŋ gǝbernia yusǝf igi gaŋǝra na guđǝrwaṯo eŋen, igi gaɽ elǝŋ. 51 maji igi gero gabaŋǝnṯia ŋen ŋǝnǝlǝŋ nwomǝn. gënǝŋu geṯo alo yaramǝṯimaḏiya isi yaɽ irnuŋ goɽra gal yawuḏ na gënǝŋu cum ṯaŋǝṯurṯu ŋǝlǝŋe ŋǝrǝmwa. 52 gënǝŋu nǝgabǝṯa bilaṯus nano nǝŋǝmeɽǝđe aŋǝno iyesu. 53 orn nǝŋirǝwa aŋǝno nǝŋǝmǝndeici erenaga gaŋǝra nǝŋëɽi eđel doba iđi aŋǝno yero yëɽǝniau yǝnǝŋ kwai kwai. 54 na fǝloman ildi leđa lal yawuḏ laṯoɽaṯau ŋen ŋǝđǝsa, na loman lǝđǝmiñǝniano lafo ṯwaiñ. 55 liji ɽrlda ildi leṯǝlda alo ijalil ṯalteṯo yusǝf ldǝseici đel na aŋǝno iyesu yëɽǝnu ṯau. 56 orn ldoɽǝbǝđe ldaṯoɽaṯe ŋela ŋǝmwađa gaiñǝla. na iloman lǝđǝmiñǝniano lënǝŋulu lamiñǝniau ano ŋen ŋarno al ganun yalwaɽo.
241 orn loman lǝnëiñua igusbua bǝrni bǝrnia ldeṯa nḏel đoba lijila lwomǝn ɽrlda ldape ŋela ŋǝmwađa gaiñǝla iŋi laṯoɽaṯo. 2 na lënǝŋulu ldǝfiđi lwandra lǝŋgeinu nḏel nëiñua, 3 ldënṯi lderṯe lafiđia aŋǝno. 4 liga lënǝŋulu ṯalatësǝnu enare eŋen iŋi leđa liɽijan lđǝleṯa nano ildi lëɽǝnu ndrena nano ini nawađialo. 5 na liji ɽrlda lëđǝñalo kaiñ ldǝtwate ŋǝɽwa alo, na leđa liɽijan ldǝlwaɽǝṯi ṯa, ŋen ŋanṯau ñagapwaiña eđa gamǝṯia eleđa egworǝb ildi laiyo? 6 lëldǝŋǝđeinr eŋen gënǝŋu gwalwaɽǝṯǝnde liga gafo alo ijalil mǝldin, 7 ṯa, ŋen đeṯam iđia gǝleđa aŋǝneiđǝni eraŋ rǝleđa leicia aŋǝɽiñǝni iđuɽi na iñoman ñiɽijin giđ aŋǝtwođe tǝŋ. 8 orn lënǝŋulu ṯalëlđǝŋǝđeinu eŋen ŋǝlëɽǝŋu, 9 ldoɽǝbǝđe nḏel ldǝlwaɽǝṯi ṯalǝmis ređ nemiñe yento na leđa ildi lateṯo yesu ŋen iŋi pređ. 10 fǝmiriam galo imajḏaliya na yunna na miriam lǝŋgen yagub na liji lwomǝn ɽrlđa ildi lafǝlda ildi lǝlwaɽǝṯu leđa lǝđweinu ŋen iŋi. 11 orn ŋen liji lalwaɽo ŋen ŋarno ŋiɽǝṯiano iṯalǝmisanda niyerṯe ibendia ŋen. 12 orn buṯrus nǝŋǝtwođe nǝŋobǝđaṯe nḏel nǝŋolǝŋano ṯaŋǝseiđu eđel nǝŋerṯe gaseicia wagǝnǝŋ illi ndena. na gënǝŋu nǝŋǝđaŋe nǝŋirǝwano kaiñ eŋen iŋi pređ. 13 iloman lakǝl đurri leđa liɽijan ildi lateṯo yesu lafo labeṯa irnuŋ gǝnǝŋ gǝbernia imwas igi gafo nwaldaŋ aten alo yursalim garno mil đenǝŋ nemiñe iɽijan na nus. 14 na lënǝŋulu lafo laɽwataiđia eŋen pređ iŋi ŋafo. 15 ŋen laɽwataiđia, yesu gënǝŋu nǝŋǝleṯa nano ṯalđerldǝlda. 16 orn isi esen nirǝmiṯi ṯa alerṯe lamaliŋeṯa. 17 yesu nǝŋǝleɽǝđe ṯa, ŋen ŋǝwande ñagoɽwataiđia eđad? lënǝŋulu ldǝđuri na lafo lofǝđiano. 18 eđa igi gǝbernia kliwabas nǝŋǝmuɽǝbiṯi eŋen ṯa, agaɽ eđa gunto igi gafo alo yursalim igi gaijǝba ŋen iŋi ŋafo tu iliga ildi ? 19 yesu nǝŋǝleɽǝđe ṯa, ŋen ŋǝwande? lënǝŋulu ldǝmeiṯi ṯa, fǝŋen iyesu galo inasiraṯ, igi gaɽo nabi na igi gerṯo ŋabǝɽa eŋǝmëɽria na eŋen rǝmwa nëiñua na leđa nëiñua pređ. 20 na nǝlǝŋ nǝkana inëndr na leđa loɽra lanaidǝma ṯa aŋǝɽiñǝni na ldǝmaɽiñe iđuɽi. 21 orn nanda ñagafo ñagǝṯurṯi ŋen ṯa fǝŋu igi giđ aŋëbǝri israyil. na điñǝđi ñoman ñaŋgaṯo ñiɽijin na ŋen nǝŋǝtwođe ŋwomǝn teŋ. 22 liji lǝmaṯan ɽrlđa inanda liđǝnde ñagirǝwano lënǝŋulu labǝɽo nḏel ram, 23 lderṯe lafiđia aŋǝno ilëɽǝŋu orn ldela ldaṯa ṯa mǝlaiyǝka yamiñiṯǝlo isi yaṯa ṯa gënǝŋu gamǝṯo. 24 na lǝmaṯan ildi ñagafǝlda ldabǝṯa nḏel ldǝfiđi ŋen ŋarno liji lalwaɽo, orn lero laseicia yesu. 25 yesu nǝŋǝlǝlwaɽǝṯi ṯa ñaŋ ñaŋgi ñagaɽo niɽǝṯiano. ñagaiñǝlaŋǝno eŋaṯǝɽa ṯa ñagero ñagǝbendia ŋen pređ iŋi al anbiya yalwaɽo. 26 gerṯa ŋen đeṯam ṯa al masiya aŋǝneini ŋen iŋi ŋubwa na ṯa aŋënṯi eŋaɽrwa ŋǝlëɽǝŋu? 27 na gënǝŋu nǝŋǝtwođe eŋen ŋǝmusa na ŋal anbiya pređ nǝŋǝlërrǝŋaice ŋen pređ ŋǝwërđǝnu egađam gǝrǝmwa eŋen ŋǝlëɽǝŋu. 28 orn lënǝŋulu laijomaṯo irnuŋ igi lauweṯa na yesu ṯaŋǝmiñaṯe irnuŋ. 29 orn lënǝŋulu ldǝmeɽǝđe kaiñ ldaṯa, alɽaŋr ëli ŋen ŋanṯa ulǝŋgi gaɽo. nṯia gënǝŋu nǝŋënṯi eɽa ldǝɽaŋǝlda. 30 ndǝ laldǝɽaŋalda alo gënǝŋu nǝŋǝme aicǝba nǝŋǝbuŋṯi nǝŋgere nǝŋǝlnaiee. 31 na isi esen niyǝbërđi ldǝmalǝŋeṯe na gënǝŋu nǝŋǝltǝmarṯe. 32 na lënǝŋulu ṯalɽwataiđo ṯa, gerṯa nare inëlǝŋ nubwano naŋǝra nano ndǝ gënǝŋu gwaɽwatiṯǝnde ŋen eđađ nǝŋǝndërrǝŋaice ŋen ŋađam gǝrǝmwa? 33 na lënǝŋulu ldǝtwođe taltal ldoɽǝbaṯe alo yursalim. na ldǝfidi ṯalǝmis ređ nemiñe yento leđala ildi ɽrraiđǝlda. 34 ṯalǝmisanda yaṯa ṯa, elǝŋ yesu gatwodo đeṯam nǝŋǝmiñiṯi siman buṯrus. 35 nṯia cum lcđa liɽijan ldǝlwaɽǝṯi ṯalǝmis ŋen pređ iŋi ŋiđǝnṯǝlo eđađ na fǝṯau lënǝŋulu laliŋeṯo yesu ndǝ gagero aicǝba. 36 ŋen lënǝŋulu ṯalɽwataiđo eŋen iŋi yesu gënǝŋu nǝŋǝlǝmiñǝṯi nǝŋǝluđǝri iligano. 37 orn lënǝŋulu ldabworṯe elo ldiđǝñiṯalo kaiñ ldaṯa eŋaṯǝɽa ṯa laseicia usila. 38 yesu nǝŋǝleɽǝđe ṯa, ñagagǝrđo eđa? na ŋen ŋanṯau đekeɽǝđia đatwođo eŋaṯǝɽa eŋalo? 39 seicr raŋ rǝlëɽǝñi na rǝmanǝña rǝlëɽǝñi. fiñi igënǝñi. pǝrriñr ñaseiđi. usila gero eđe na ŋođe larno ñagaseicia ṯa igerṯǝlo. 40 ndǝ gwalwaɽo ṯia yesu nǝŋǝlërrǝŋaice raŋ rǝlëɽǝŋu na rǝmanǝña rǝlëɽǝŋu. 41 ŋen leđa lamǝlu lǝbendia ŋen iŋi ŋen ŋanṯa laŋǝra nano kaiñ na lirǝwano kaiñ, yesu nǝŋǝleɽǝđe ṯa, ñagerṯo lalasǝni ëli ? 42 na lënǝŋulu ldǝmanaiee ome gǝmano gǝtefr, 43 na gënǝŋu nǝŋǝme nǝŋase ŋulu nëiñua. 44 yesu nǝŋǝlǝlwaɽǝṯi ṯa, fǝŋen iŋi igwalwaɽǝṯǝnde liga lǝgafr ṯa ŋen pređ iŋi ŋǝwërđǝnu iñi igal ganun imusa na inađam nal anbiya na imasamir đeṯam aŋǝɽiñǝđeini. 45 orn yesu nǝŋëbǝriđi ŋaṯǝɽa eŋen ṯa alliŋeṯe ŋen pređ ŋǝwërđǝnu egađam gǝrǝmwa. 46 nǝŋǝlǝlwaɽǝṯi ṯa, ŋen ŋǝwërđǝnu ṯia, nṯia ŋen đeṯam ṯa al masiya aŋǝneini ŋen ŋubwa ŋeicia na ndǝ ñoman ñaɽo ñiɽijin giđ aŋǝtwođe eŋǝɽaiñ, 47 na ṯa đǝṯađa đǝŋen ŋeicia na đoɽǝbaṯa rǝmwa nano ŋen ŋanṯa đǝŋgeinia đǝŋen ŋeicia ađërrǝŋeini leđa igirǝŋ gǝlëɽǝŋu alo yursalim na alo pređ. 48 ñagaɽo đamǝđaṯe elaŋge ildi. 49 na điñǝđi igǝndǝđweiṯi ŋen iŋi papa gǝlëɽǝñi gëɽu. orn ñaganǝñaŋ, ɽaŋr alo yursalim ŋen ñagamǝlu ñagǝbëɽǝni ŋabǝɽa nano ŋelo. 50 yesu nǝŋǝlmamaṯe alo ibeṯani nǝŋabǝce raŋ elo nǝŋǝlabuŋṯi. 51 na liga gǝlabuŋṯi, yesu nǝŋǝlomiñe nǝŋǝbeini elo. 52 na lënǝŋulu ldǝmabuŋṯi ldoɽǝbaṯe alo yursalim đaŋǝrađa nano kaiñ. 53 ṯalfafo igal ekǝl jaica jaica ldǝnanaice rǝmwa đarne.