kolosi
11 fiñi bulus ñiŋgi igaɽo đǝđweima đal masiya yesu eŋen iŋi rǝmwa ronaṯa, na oraiñ ṯimǝđawus. 2 ñageɽǝđo leđa ɽrǝmwa lalo ikolosi, lorldaiñ igal masiya ñaŋgi ñagǝbendeicia ŋen ŋope. ñagǝbeɽǝđia ṯa rǝmwa, papa igëndr aŋǝndǝnaice đǝbuŋṯia đusila na đëuṯaralo. 3 ñoman pređ ŋen ñagaṯurṯia rǝmwa eŋen eŋalo, ñagaŋërṯia nano irri raɽo eṯen gelǝŋ igëndr yesu masiya, 4 ŋen ŋanṯa nanda ñagano ŋen ŋǝđonaṯa eđalo igal masiya yesu, na ñagaŋërṯu rǝmwa nano cum eŋen ñagano ṯa ñaŋ ñagubwa leđala pređ ɽrǝmwa 5 ŋen ŋanṯa ñaŋ ñagaṯurṯia ŋen iŋi ŋaṯuɽeinṯǝnde elo. pǝnde ñaŋ ñagano ŋen iŋi ñagaṯurṯiau eŋen ŋaŋǝra ŋǝrǝmwa ŋǝđeṯam, 6 iŋi ŋeṯǝnde nano garno ŋeṯo alo pređ. na ŋen iŋi ŋaŋǝra ŋǝrǝmwa ŋalǝŋa liđia na ŋatođa eñaŋ eloman lananoŋ na mǝldin điñǝđi ildi ñaganau ŋen ŋǝđǝnaicia mǝɽǝmǝɽeñ đǝrǝmwa na ñagaliŋeṯau đeṯam, 7 ŋen ŋarno abafras gërrǝŋaieǝnde, gënǝŋu igi nanda ñagubwamaiya na igi ñagǝbiṯǝlda rǝmwa ŋǝmëɽria. gënǝŋu gǝđuɽǝđǝnṯia al masiya araga gunto ŋen ŋanṯa nanda, 8 na gënǝŋu gwalwaɽǝṯǝnde eŋen ŋǝđubwa eđalo igusila gatǝɽe. 9 nṯia ndǝ ñagano ŋen iŋi nanda ñagaṯurṯia rǝmwa ñoman pređ eŋen eŋalo. nanda ñagabekeɽǝđia rǝmwa ṯa arǝndonḏǝjaiee đaliŋeṯađa đǝŋen rënǝŋu ronaṯa eđaliŋeṯa ŋen nǝsi pređ na eđaliŋeṯa pređ ildi lusila gatǝɽe, 10 ṯa ñafeṯe ñagarǝjađaṯo eŋen ŋelǝŋ yesu, na ṯa ñamiđi gaŋǝra nano ŋenŋa eŋalo. na ṯa ñamamǝṯi ñere eŋǝmëɽria pređ ŋaŋǝra, na ṯa ñakaɽǝjeini eđaliŋeṯa đǝrǝmwa. 11 nanda ñagabekeɽǝđia ṯa ñaŋ ñonḏeieim ŋabǝɽaŋa pređ eŋen ŋǝŋabǝɽa ŋǝlëɽǝŋu iŋi ŋerṯo ŋaɽrwa, ṯa ñaɽiñaṯe ŋen pređ na ṯa ñwalarano eŋen pređ đaŋǝrađa nano, 12 na ṯa ñaŋërṯi đaṯa nano jaica jaica igi giđǝndr lǝgarǝjađaṯr eŋen ṯa alarraṯr eŋen ŋarrerre leđala ǝllëɽǝŋu. 13 fǝŋu gëbǝrǝndr eŋǝlǝŋe ŋǝŋǝrǝm na gǝwërđǝndr eŋǝlǝŋe ŋiđia gǝlëɽǝŋu igi gubwamaiya kaiñ. 14 fiđia gënǝŋu igi gapǝɽǝndr na gërrǝŋgeieia ŋen iŋëndr ŋeieia. 15 gënǝŋu laɽǝwaṯo rǝmwara irri lǝgaber lǝgaɽǝwađaṯiar lǝgǝseiciar. gënǝŋu gǝlǝŋǝnu gaɽnda, na gafo ŋen laŋge pređ lamǝlu lǝbǝđǝni. 16 gënǝŋu giđu laŋge pređ, laŋge lelo na laŋge lalo, na laŋge leđa laɽǝwađaṯa ldǝseicia, na laŋge leđa laber laɽǝwađaṯa ldǝseicia, gënǝŋu giđu ŋǝlǝŋe pređ iŋi ɽetǝɽeteo. laŋge pređ liđǝnu ŋuga na ŋen ŋanṯa ŋu. 17 ŋen ŋafǝṯia gënǝŋu gafo ŋen laŋge pređ lamǝlu lǝbǝđǝni na gënǝŋu gǝbendeicia laŋge pređ. 18 gënǝŋu gaɽnda lǝkanisa iđi đaɽ aŋǝno ilëɽǝŋu. ŋen ŋanṯa gënǝŋu gǝnëiñua eŋen pređ, na gënǝŋu gǝlǝŋǝnu ananoŋ eŋǝɽaiñ ṯa gënǝŋu aŋǝɽeṯǝnda eŋen pređ. 19 fǝṯia ŋen ŋanṯa rǝmwa rëɽu ŋen ṯa ŋen pređ ṯǝɽom ŋǝđǝɽiñađaiđia đǝrǝmwa aŋfeṯe iŋu. 20 na rǝmwa rëɽu ŋen ṯa aruɽǝbeini laŋge nano pređ lelo na lalo ŋuga, na ṯa gënǝŋu aŋiđi đëuṯaralo ŋǝfǝniŋa iŋi gënǝŋu girǝwǝcu alo iđuɽi. 21 ananoŋ ñaŋ ñagaɽ ilia rǝmwa nëiñua na ñagafo ñagageo eŋaṯǝɽa eŋalo na ñagiđu ŋen ŋeicia. orn điñǝđi rënǝŋu ruɽǝbeinǝnde nano enare, 22 ŋǝɽaiñǝŋa ŋal masiya gaɽ aŋǝno ṯa rënǝŋu arǝndërrǝŋaiđe ñagatǝɽe, mǝnna gero na đǝskinia đero ŋu nëiñua, 23 ndǝ đeṯam ñagafafia iđonaṯa iyesu, na ñagwonḏǝṯa na ñagaber ñagwađwađǝni ṯa ñaŋgiṯi ŋen ñagaṯurṯiau ŋǝŋen ŋaŋǝra ŋǝrǝmwa iŋi ñagano. ŋen iŋi ŋaŋǝra ŋafo ŋërrǝŋeiđǝnu elaŋge pređ lalo pređ na igënǝñi bulus igiđǝnu eđa igi gađuɽǝđǝnia eŋen iŋi. 24 igaŋǝra nano điñǝđi ŋen ŋanṯa igananeinia ŋen ŋubwa ŋeicia ŋen ŋanṯa ñaŋ, na igwunḏǝjaica ŋen iŋi ŋafo pwa eŋen ŋubwa ŋeicia al masiya gananeinia egaŋǝno ilëɽǝñi ŋen ŋanṯa aŋǝno ilëɽǝŋu, isi yaɽo kanisa. 25 igiđǝnu eđa gađuɽǝđǝnṯia kanisa eŋen ŋǝrǝmwa iŋi rënǝŋu ranaieǝñi ŋen ŋanṯa ñaŋ, ṯa yiđi ŋen pređ ŋǝlëɽǝŋu ŋǝlǝŋinu ŋope. 26 na ŋen iŋi igǝndërrǝŋaicia ŋaɽo ŋamǝɽa iŋi ŋero ŋërrǝŋeiđǝnu eleđa lananoŋ pǝnde, orn điñǝđi ŋënǝŋu ŋërrǝŋeiđǝnu eleđa ɽrǝmwa. 27 rǝmwa rëɽu ŋen ṯa arërrǝŋaiei leđa ǝllëɽǝŋu ṯa ŋǝlǝŋe ŋǝŋamǝɽa iŋi eleđa ild gerṯa laɽ al yawuḏ ŋerṯo ŋaɽrwa ŋwaiña. fǝŋamǝɽa ṯa al masiya gafǝndau iŋi ŋaɽo ŋen ñagaṯurṯiau ṯa ñagiđi ñaneini ŋaɽrwa. 28 nanda ñagǝbërrǝŋaicia leđa ŋen ŋǝlëɽǝŋu na ñagabǝɽia leđa nano pređ na ñagǝbërrǝŋaicia leđa pređ ŋen đaliŋeṯađa ŋen nǝsi đwaiña ṯa ñamamǝṯi rǝmwa leđa pređ loɽra eŋen ŋal masiya. 29 na ṯa eɽǝwađaṯe igëbǝđia ṯia igëbǝđia ŋǝmëɽria kaiñ đonḏǝtađa đal masiya iđi đëbǝđia ŋǝmëɽria iñi ŋabǝɽaŋa ŋwaiña.
21 igwonaṯa ṯa ñagaliŋeṯo ṯa igǝndiṯia ŋen ŋwonḏǝṯo kaiñ na ŋen ŋanṯa leđa ɽrǝmwa alo ilawuḏikiya na ŋen ŋanṯa leđa pređ ildi lero laiñǝseicia isiano kwai kwai 2 ṯa nare enen aniđǝni nwonḏǝṯo, ŋen ŋanṯa lakaseiđǝnu iđubwiđia, na ŋen ŋanṯa alerṯe ŋen pređ ŋaŋǝra ŋǝđaliŋeṯa đǝđeṯam, na ṯa alliŋeṯe ŋamǝɽa ŋǝrǝmwa. ŋamǝɽa iŋi fǝŋu al masiya. 3 đǝɽiñǝđaiđia đǝđaliŋeṯa ŋen nǝsi pređ na đǝđaliŋeṯa pređ laŋge ildi lalǝbijǝnu iŋu. 4 igǝndǝlwaɽǝṯia ŋen iŋi pređ ṯa eđa aŋerṯe gǝnǝŋ gǝndiđia ŋađǝna ŋenŋa iŋi ŋǝndǝburgwađaieia. 5 ŋen ŋanṯa igënǝñi lǝgerr lǝgǝfiar egaŋǝno orn lǝgafr igusila na igaŋǝra nano ŋen ŋanṯa igǝseicu đǝɽǝbǝđia eŋen eđalo iđi đafo ŋope, na ṯa đonaṯa eđalo đafo igal masiya đwonḏǝṯo. 6 ŋen ŋafǝṯia, ŋen ŋarno ñagaŋǝnṯu al masiya yesu gaɽ elǝŋ egalo nṯia cum fafr iŋu. 7 ëndralo ṯǝñabǝđeinu iŋu na ñëndialo ñagwonḏǝṯo iđonaṯa iyesu ŋen ŋarno ñagërrǝŋeinu ŋen ṯa ñiđi ṯia, na ŋërṯr rǝmwa nano kaiñ jaiea jaica eŋen iŋi. 8 rǝmojǝđr ṯa eđa aŋerṯe gǝnǝŋ gǝndëndi đaliŋeṯađa ŋen nǝsi ŋalo ŋenŋa ŋǝleđa iŋi ŋǝpiano eŋen ŋǝpǝnde na eŋen ŋǝpiano ŋalo, na iŋi gerṯa eŋen ŋal masiya. 9 ŋen ŋanṯa đǝɽiñǝđaiđia pređ đǝrǝmwa đafo igal masiya egaŋǝno, 10 na đamǝṯia eđalo đǝɽiñǝđeinu iŋu. gënǝŋu gaɽnda eŋǝlǝŋe pređ na eŋabǝɽa pređ. 11 na ñaŋ ñaguɽǝđǝnu iŋu đuɽǝđǝniađa gerṯa điđǝnu raŋra ndǝ ñagamiño aŋǝno eŋen ŋeicia eŋen ŋǝđuɽǝđǝnia đal masiya. 12 na ñagwurnu ñaŋǝlda eŋen ŋǝmamuḏiya, na ñagatuđinu ñaŋǝlda ṯa ñamǝṯe đonaṯađa eđalo eŋabǝɽa ŋǝrǝmwa irri ratuđǝma eŋǝɽaiñ. 13 đeṯam, ñaŋ ñagafo ñagaiyo eŋen ŋeieia na eŋen ŋǝđuɽǝđǝnia đero egaŋǝno orn rǝmwa riđǝnde ṯa ñamǝṯe tǝŋ al masiyaga. rënǝŋu rǝŋgeieǝndr pređ eŋen iŋëndr ŋeieia, 14 na rënǝŋu riđu ŋen pređ ŋǝpiano iŋi ŋafo ŋǝwërđǝnu ŋageandr đǝskiđiađa na đakǝmeđa, ndrǝŋgeiei ŋen iŋi pređ ndǝ rǝpwaṯo rwalara iđuɽi. 15 nṯia rënǝŋu ramiñeieu nǝlǝŋ na ŋǝlǝŋe ŋabǝɽa eŋen na rërrǝŋaiđǝlo eleđa pređ ndǝ rënǝŋu rađamǝlo đuɽiđa đǝlëɽǝŋu. 16 ŋen ŋafǝṯia ñerṯe ñaŋgiṯi eđa gǝnǝŋ aŋaɽǝwađaṯe gǝndakǝme eŋen ŋǝđǝsa walla eŋen ŋǝđǝṯia walla eŋen ŋǝnubwa walla eŋen ŋǝñoman walla eŋen ŋǝloman lǝđǝmiñǝniano. 17 laŋge ildei lafo laɽ usila gǝlaŋge ildi liđ alela. laŋge ildi đurri lal masiya. 18 ñerṯe ñaŋgiṯi eđa gǝnǝŋ ṯa aŋǝndǝŋgeici eŋen ŋǝrǝmwa, gënǝŋu igi gǝndǝlwaɽǝṯia ṯa đeṯam ñagǝbǝđǝni ñagǝrra enare mǝɽǝmǝɽeñ na ṯa ñagukwuđiñǝṯia mǝlaiyǝka alo. eđa igi gaɽaŋa eŋen ŋamiñiṯǝma na ginia egare ŋenŋa ŋǝpiano ŋaŋǝno. 19 gënǝŋu gero gakaseiđǝnu ndala. aŋǝno pređ yamieinu na yakaseiđǝnu aliya yurrupǝđǝnu na eđeya emǝṯe. aŋǝno pređ yajaicomaṯa enda ṯa yoɽra đǝjaicomaṯađa iđi rǝmwa rananaiđia. 20 ndǝ ñagaiyo al masiyaga na ndǝ ñagatǝrinṯu eŋen ŋǝpiano ŋalo, ŋen ŋanṯau ñagafo ñagarno leđa ildi lalo mǝldin? ŋen ŋanṯau ñagëndǝnu al ganunya isi yaṯa ṯa, 21 ñerṯe ñagǝbendia, ñerṯe ñaganaṯa, ñerṯe ñagabǝra? 22 al ganun ywaɽwato eŋen ŋǝlaŋge ildi liđ alamǝndëđǝni ndǝ ñagǝliđia. laŋge ilđi lafo eŋen ŋal ganun na eđërrǝŋaiđia đǝŋen đǝleđa. 23 ndǝ ñagaseicia leđa ildi lëndu ŋen ŋǝlaŋge ildi kaiñ na lata enare na lǝcwëria aŋǝno esen ñagǝbaṯa ṯa aŋgaica leđa ildi laliŋeṯo ŋen nǝsi, orn laŋge ildi lǝpiano, ldǝbeici ŋen ŋaŋǝno ikǝrǝŋ.
31 ndǝ ñaŋ ñagatuđinu al masiyaga, onaṯr laŋge ildi lafo elo, alo isi al masiya gauɽaŋa nḏaŋ đaŋaicǝba đǝrǝmwa. 2 ëɽr ŋaṯǝɽa eŋen ŋelo, gerṯa eŋen ŋalo. 3 ŋen ŋanṯa ñagaiyo na đarnǝṯia eđalo đalǝbijǝnu irǝmwa, ŋen ŋanṯa ñagafo eđǝɽǝbǝđia eŋen al masiyaga. 4 ndǝ al masiya igi gaɽo damǝṯia iđëndr giđ aŋǝmiñe, ñaŋ eum ñagiđi ñamiñe ṯa ñaneini ŋaɽrwa iŋu. 5 ŋen ŋafǝṯia ɽiñr ŋen ŋaŋono iŋi ŋafo eñaŋ. ŋen ŋaŋǝno ŋaɽo đaɽaŋa lijila ɽrǝto ildi lamameinu eneɽa na ñereña ŋen ñamǝlu ñamameini eneɽa, na ŋen ŋataŋa na đonaṯa ṯa leđa lëbǝđia laŋge lëđǝñinu, na đonaṯa pređ iđi đeicia na đamiñeđǝñano. eđa igi gamiñeđǝñano gënǝŋu gukwuđiñiṯia ara alo gǝlëɽǝŋu. 6 đeiciano đǝrǝmwa điđ ađela ŋen ŋanṯa ŋen iŋi ŋeicia. 7 ñaŋ eum ñagafo ñagiđu ŋen iŋi ŋeicia, liga ñagafo ñagafo eŋen iŋi. 8 orn điñǝđi ŋgeicǝrldo pređ, đeiciano, na đatođa iđeiciano, na đalǝŋǝjǝđia ŋenŋa, na đabwaiđia ŋen na ole gataŋa igëiñua esalo. 9 ñerṯe ñagagǝbiṯia lorldalanda alo, ŋen ŋanṯa ñagamiñeieu ŋen alo ŋǝbǝtaŋǝɽan, 10 na ñagëɽǝnu ŋen nano ŋǝmaijǝn iŋi ŋǝbǝđǝni ŋǝmaijǝn ŋarno ŋǝrǝmwa irri riđu, ṯa ñaliŋeṯe rǝmwa ŋope. 11 eŋen iŋi ŋǝmaijǝn yunani yero na yawuḏ yero, na đuɽǝđǝnia đero na đero đuɽǝđǝnia đero, na barbari yero na sakiđi yero na ebai gero na eđa gerṯa gaɽ ebai gero, orn al masiya gaɽo laŋge pređ na gafo inëndr pređ. 12 ŋen ŋafǝṯia, ŋen ŋarno leđa ildi rǝmwa roṯǝlo, ltǝɽe na lubwaniya kaiñ ëɽǝnr đaliŋeṯa ŋabaiya nano, na đaŋǝra nano na đǝta enare nano, na đǝđǝrnaṯaralo nano na đaɽiñaṯa ŋen nano. 13 alarano ñaŋ lorldalala, na ŋgeicr lorldalo eŋen eŋen ŋeieia ndǝ eđa gǝnǝŋ gǝsǝki eđa garto. ŋen đeṯam ñagaŋgeicia lorldalo eŋen eŋen ŋeicia ŋen ŋarno elǝŋ yesu gǝŋgeieǝnde eŋen eŋalo ŋeieia. 14 ađǝreiđǝnr đubwa nano. đubwa đǝndiđiar lǝgaɽiñađeinr na đakaseiđǝnr. 15 ŋgiṯr đëuṯaralo iđi al masiya ganaiđia ṯa aŋǝɽeṯe eđa ganwana ŋen enare enalo. ŋen ŋanṯa ñagëɽǝnu ṯa ñiđi ṯia, garno ñagaɽo laŋge lteta laŋǝno yento iŋu, na ŋërṯr rǝmwa nano. 16 ŋgiṯr ŋen ŋal masiya aŋǝndaufeṯe ŋǝɽiñǝđeinu đaliŋeṯađa pređ ŋen nǝsi đǝlëɽǝŋu, ërrǝŋaicr lorldalo pređ ŋen iŋi na amǝđaṯǝrldo eŋen iŋi na ñaŋërṯe rǝmwa nano, na enare enalo alǝŋiṯr rǝmwa na naicr đamia ŋalǝŋaŋa. 17 na ŋen pređ ñagwaɽwata na ŋen pređ ñagëbǝđia, iđr laŋge ildi pređ igirǝŋ gelǝŋ yesu na ŋërṯr rǝmwa nano, đaṯa, iŋu. 18 ya ñǝŋgenia, naṯr ebaŋgalanda, ŋen ŋanṯa ŋen ṯia ŋaɽo đeṯam egelǝŋ yesu. 19 ya lṯenia, bwiṯr wasalandala na ñerṯe ñǝlnaice ŋen ŋubwa. 20 ya ñere, naṯr eṯalanda na lǝŋgalanda, ŋen ŋanṯa ŋen iŋi ŋëbǝđia elǝŋ rǝmwa raŋǝra nano. 21 ya lṯenia, ñerṯe ñagaṯǝrna ñere eñalo eŋen walla aŋgaica ñënǝŋulu ñiđ aiñofǝđiano. 22 ya lǝbai, naṯr leđa lerṯǝnde alo eŋen pređ, gerṯa ŋen ŋanṯa lënǝŋulu landrǝmoṯwa, walla ŋen ŋanṯa ñagëbǝđia leđa laŋǝra nano, orn naṯǝrldo ŋenŋa ŋuđǝrwaṯo enare enalo ŋen ŋanṯa ñagiđǝña elǝŋ yesu. 23 ŋen ŋǝnǝŋ ñagëbǝđia iđr araga gunto ŋen ŋarno ñaguđuɽǝđǝnṯia elǝŋ yesu, na gerṯa leđa. 24 ŋen ŋanṯa ñagaliŋeṯo ṯa felǝŋ yesu igi giđ aŋǝndǝnaice đǝpǝɽa eđalo, iđi đaɽo laŋge ñagiđi ñalauwǝrraṯe. ñagǝđuɽǝđǝnṯia elǝŋ al masiya. 25 ŋen ŋanṯa eđa gananaicia orǝba ŋen ŋeicia ŋamoɽǝbaṯa nano. ŋen iŋi ŋafo eleđa pređ, eđa gero gǝnǝŋ gafo alǝsoŋ.
41 ya leđa ñaŋgi ñagerṯo lǝbai, naicǝrldo ŋen ŋaŋǝra na ŋuđǝrwaṯo, ŋen ŋanṯa ñagaliŋeṯo ṯa ñagerṯo elǝŋ elo. 2 ṯurṯr rǝmwa ŋǝtǝđaŋa, ñape sǝndua, ñaŋërṯe rǝmwa nano. 3 ekeɽǝđr rǝmwa eŋen eŋaiñ cum ṯa rënǝŋu arǝndǝgëgiṯi ëuwǝr ṯa ñaɽwate ŋamǝɽa ŋal masiya. igëndǝnu ëli isijǝn ŋen ŋanṯa ŋamǝɽa iŋi. 4 ekeɽǝđr rǝmwa cum ṯa yiđi ŋamǝɽa ŋǝlǝŋinu ŋen ŋanṯa đeṯam ṯiyiđu ṯia. 5 fafr đaliŋeṯađa ŋen nǝsi leđa nëiñua ildi lǝndëuwǝr, na iđr ŋǝmëɽria ñoman pređ, liga lero lǝpiano. 6 ŋgiṯr ŋen eŋalo aŋǝđǝñeṯe ndǝ ŋǝrraɽa, fǝđaŋǝrađa ŋeniano, ṯa ñaliŋeṯe fǝṯau ñagukuɽǝbiṯia leđa ŋen ŋope. 7 ṯikikus, igi igubwamaiya kaiñ giđ aŋǝndǝlwaɽǝṯi ŋen pređ ŋǝlëɽǝñi. gënǝŋu gëbǝđia ŋǝmëɽria araga gunto na nanda ñagaɽo lǝbai eŋǝmëɽria ŋelǝŋ yesu. 8 igǝndǝđweiṯǝma eŋen iŋi ṯa ñaliŋeṯe igaɽo ṯau, na ṯa aŋǝnđonḏeici enare. 9 unisimus labǝlǝldǝga, gënǝŋu igi gaɽ orǝba đurri igi guđǝrwaṯo eŋen na gubwaniya, igi gaɽo gunto eñaŋ, lënǝŋulu liđ alǝndǝlwaɽǝṯi ŋen pređ iŋi ŋafo ëli. 10 arisṯarkus igi ñagëndǝnǝldǝga geɽǝđǝnde, na margus cum iđia gorǝba gǝbarnaba gaɽǝbwa. ñaŋ, ñaganeinu ŋen ŋen ŋanṯa ŋu, ṯa ndǝ gënǝŋu geṯǝnde nano aŋǝnṯǝmar đaŋǝrađa nano. 11 yesu igi gënǝjǝnu yusṯus geɽǝđǝnde. lënǝŋulu ilđi lǝleđa luɽǝđǝnu na eđa gero gwomǝn eleđa ildi ñagëbǝđialda ŋǝmëɽria ëli ŋen ŋanṯa ŋǝlǝŋe ŋǝrǝmwa. lënǝŋulu laiñǝbǝɽiano kaiñ. 12 abafras igi gǝñaŋ geɽǝđǝnde, igi gaɽ ebai gal masiya yesu. ndǝ gënǝŋu gaṯurṯia rǝmwa gǝbekeɽǝđia kaiñ ŋen ŋanṯa ñaŋ ṯa ñaɽaŋe ñagwonḏǝṯo na ñaɽeṯe leđa loɽra eŋen pređ rǝmwa ronaṯa, 13 ŋen ŋanṯa igaɽǝwađaṯa igwalwaɽa eŋen ŋǝlëɽǝŋu ṯa gëbǝđia ŋǝmëɽria kaiñ ŋen ŋanṯa ñaŋ na lorǝba alo ilawuḏikiya na alo yarabulis. 14 luga, igi gaɽ al akim, igi lǝgubwamarya kaiñ na ḏimas leɽǝđǝnde. 15 eɽǝđǝṯiñr lorldaiñ pređ alo ilawuḏikiya na nimfas cum na kanisa iđi đararraiđia egeɽa gǝlëɽǝŋu. 16 ndǝ ñagëgǝru ađam igi ŋgiṯr aŋëgǝrǝm ikanisa đǝleđa lalo ilawuḏikiya, na rǝmoṯr ŋen ṯa ñëgǝri ađam eum igi geṯo alo ilawuḏikiya. 17 na lwaɽǝṯr arkibbus ṯa, rǝmoṯo ŋen ṯa agaɽaŋa iđǝđuɽǝđǝnia đǝlaɽǝŋa ŋen đamǝlu đǝɽiñǝđeini, iđi agǝneinu eŋǝmëɽria ŋelǝŋ yesu. 18 igënǝñi, bulus, igeɽǝđǝnde đaŋđa đǝlëɽǝñi. lëldǝŋǝđeinr iđëndǝnia đǝlëɽǝñi. igǝbeɽǝđia ṯa đǝbuŋṯia đusila ñafeṯǝlda.