3 yuanna

¹ fiñi elǝŋ goɽra. igǝbeɽǝđia gaiyus igi gubwaniya ŋaŋgi igubwaŋaiya đeṯam. ² ya eđa gubwaniya, igabeɽǝđia rǝmwa ṯa ŋen pređ iŋi ŋafǝŋa nano aŋǝɽeṯe ŋaŋǝra, na ṯa agaŋǝra nano agero agwuma. igaliŋeṯo ṯa ŋen iŋi ŋafo usila nano gǝlaɽǝŋa ŋaŋǝra. ³ igaŋǝra nano jaica jaica ndǝ lorldaiñ lǝkamsa leṯǝñi nano lǝlwaɽǝṯiñi ṯa ŋen ŋǝlaɽǝŋa ŋǝđeṯam, ŋen ŋarno agǝbǝrlda eŋen ŋǝđeṯam. ⁴ đaŋǝra nano đǝlëɽǝñi đoɽra đamiñaṯo lorǝba pređ iđi igerṯo ndǝ igǝnna ṯa ñere ñǝlëɽǝñi ñǝbǝrlda eŋen ŋǝđeṯam. ⁵ ya eđa gubwaniya, aguđǝrwaṯo eŋen pređ agëbiṯia lorldaiñ lǝkanisa na leđa ɽrǝmwa ildi laɽ ilia. ⁶ lënǝŋulu laɽo đamǝđaṯa eŋen ŋǝđubwa đǝlaɽǝŋa kanisa nëiñua. agëbǝđia ŋen ŋaŋǝra ndǝ agǝlǝđwaṯa erađ eren ŋenŋa ŋope garno leđa ildi lǝđuɽǝđǝnṯia rǝmwa. ⁷ lënǝŋulu labǝɽo labakaldaiea ŋen ŋanṯa al masiya na lero lǝma wagǝnǝŋ eleđa ildi laijǝba rǝmwa. ⁸ ŋen đeṯam ṯa lǝgamicia leđa larnṯia ṯa alërrǝŋeiđǝni lǝgëbǝđiarlda ŋen ŋǝđeṯam ŋǝrǝmwa. ⁹ igǝwërđǝṯu leđa lǝkanisa ađam orn ḏiyuṯrifus igi gwonaṯa gaɽnda iŋulu gënǝŋu ganeđo ŋǝlǝŋe eŋaiñ. ¹⁰ ŋen ŋafǝṯia ndǝ igeṯo igiđi inḏeici ŋen gënǝŋu gëbǝđia ndǝ gwaɽwata ŋen ŋwaiña ŋǝpiano ŋageande ŋenŋa ŋeicia. gënǝŋu gerṯa gabeṯo eŋen iŋi orn cum gaber gabaŋǝnṯi lorǝba lǝkanisa lalo yarto na gatǝriṯia leđa ildi lwonaṯa lëbǝđia ṯia na ṯalmamiño ikanisa. ¹¹ ya eđa gubwaniya, ŋerṯe agabǝkirnḏeieia ŋen ŋeicia orn ikirnḏeicu ŋen ŋaŋǝra. eđa igi gëbǝđia ŋen ŋaŋǝra gënǝŋu gǝrǝmwa, orn eđa igi gëbǝđia ŋen ŋeicia gënǝŋu gero gaseicia rǝmwa. ¹² leđa pređ lwaɽwata eŋen ŋǝđimiṯriwus ŋaŋǝra na đeṯam đwaɽwata ṯia cum. nanda cum ñagwaɽwata eŋen ŋǝlëɽǝŋu ŋaŋǝra na agaliŋeṯo ṯa ŋen eŋaiñ ŋǝđeṯam. ¹³ igafo igerṯo ŋen ŋwaiña ṯa igaŋǝwërđǝṯia orn igaber igwonaṯa igaŋǝwërđǝṯia al galamya. ¹⁴ igwonaṯa igaŋǝseieia ṯwaiñ na lǝgiđi alɽwataiđe. ¹⁵ igabeɽǝđia ṯa đëuṯaralo ñaldǝgǝfeṯe. rappa eraiñ reɽǝđiaŋa. eɽǝđǝṯiñi rappa pređ rnenǝŋ ndrǝŋna.