2 ṯimǝđawus

¹ fiñi bulus ñiŋgi igaɽo đǝđweinia đal masiya yesu ŋen ŋarno rǝmwa ronaṯa eŋen iŋi rëɽu ṯa leđa laɽǝwađaṯa lǝberṯia đamǝṯia igal masiya yesu. ² igeɽǝđo ṯimǝđawus, iđia gǝlëɽǝñi igi igubwamaiya. igǝbeɽǝđia ṯa rǝmwa đaṯa na al masiya yesu elǝŋ igëlǝŋ alǝŋanaiee đanaicia mǝɽǝmǝɽeñ na ŋabaiyaŋǝno na đëuṯaralo. ³ igaŋërṯu rǝmwa nano irri igađuɽǝđǝnṯia, ŋen ŋarno papanda gǝlëɽǝñi liđu, araga gatǝɽe đǝskinia đero, ndǝ igaŋǝlëldǝŋǝđeinia jaica jaica iđǝṯurṯia rǝmwa đǝlëɽǝñi. ⁴ igalëldǝŋǝđeinia eŋwal ŋǝlaɽǝŋa, na igwonaṯa kaiñ ëđǝñëđǝñin na ulǝŋgǝlǝŋ ṯa eŋaseici ṯa enḏǝjeini đaŋǝrađa nano. ⁵ igalëldǝŋǝđeinia iđonaṯa đǝlaɽǝŋa đǝđeṯam, đonaṯa iđi đafo ananoŋ igopo gǝlaɽǝŋa luis na ilǝŋgalo afniki na điñǝđi igëɽǝnu đǝñano ṯa đafo eŋa cum. ⁶ ŋen ŋafǝṯia igaŋalëldǝŋǝđaicia ṯa ŋatuđi đanaicia đǝrǝmwa garno eđa gabwaṯa isia, iđi đënṯiaŋau liga agënǝjǝnu eŋǝmëɽria ŋǝrǝmwa na raŋ rëɽǝnu ŋa nano. ⁷ ŋen ŋanṯa rǝmwa rero rǝndǝnaicia usila igi giđǝñalo orn igi gananaiđia ŋabǝɽa na đubwa na đërǝkǝđia aŋǝno. ⁸ nṯia ŋerṯe agirǝwano ṯa agwaɽwatiṯia leđa ŋen ŋelǝŋ igëlǝŋ yesu, na ŋerṯe agirǝwano ŋen ŋanṯa ñi ñiŋgi gënǝŋu gëndiñi, orn ɽiñaṯo ŋen ŋubwa iŋi lǝgananeini ŋen ŋanṯa ŋen ŋaŋǝra ŋǝrǝmwa ŋabǝɽaŋa ŋǝrǝmwa. ⁹ rënǝŋu rëbǝrǝnde ndrǝndundǝđi ṯa altǝɽeṯe, gerṯa eŋen ŋǝđiđia iđëlǝŋ orn eŋen iŋi rënǝŋu rëɽu na eŋen ŋǝđanaicia iđi đǝneinǝnde igal masiya yesu pǝnde ram, ¹⁰ orn iđi đërrǝŋeinu điñǝđi đamiñađa đal masiya yesu igi gaɽo đëbǝria iđëlǝŋ. gënǝŋu giđu ŋǝɽaiñ ṯa aŋerṯe ŋabǝɽano, nǝŋiđi đamǝṯia iđi đǝbǝɽǝbǝte đǝlǝŋinu ŋenŋa ŋaŋǝra ŋǝrǝmwa. ¹¹ igëɽǝnu na igwađweinu ṯa eɽwate na yërrǝŋaiđe ŋen iŋi ŋaŋǝra ŋǝrǝmwa, ¹² na ŋen ŋafǝṯia igananeini ŋen ŋubwa ŋeieia ŋarno ṯia. orn igero igirǝwano, ŋen ŋanṯa igaliŋeṯǝma igi igëndu ŋen ŋǝlëɽǝŋu na igëɽǝnu đǝñano ṯa gënǝŋu gaɽǝwađaṯa garǝmoṯwa ŋen gënǝŋu ganaieiñi liga loman lǝđela đǝlëɽǝŋu lamǝlu leṯo. ¹³ ëndeicu ŋen iŋi ŋuđǝrwaṯo ŋarno sura iŋi igwalwaɽǝṯǝŋa eŋen ŋǝđonaṯa na ŋǝđubwa laŋge ildi lǝgerṯǝlo igal masiya yesu. ¹⁴ rǝmoṯo ŋen ŋǝđeṯam iŋi aganeinu usilaga gatǝɽe igi gafǝndrau. ¹⁵ agaliŋeṯo ṯa leđa pređ ilđi lafo alo yasiya laṯađiñi. na fijullus na armujanis lafo iŋulu. ¹⁶ igǝbeɽǝđia ṯa elǝŋ yesu aŋgiaṯe leđa ŋabaiya nano ildi leɽa gunisifurus ŋen ŋanṯa gënǝŋu giđǝñi igabǝɽano ñoman ñwaiña na gero girǝwano ŋen ŋanṯǝñi ndǝ igakasǝnu uriđaga. ¹⁷ orn ndǝ gafo alo irumiya gënǝŋu gëɽǝđiaŋǝno gapwaiñǝñi nǝŋǝñǝfiđi. ¹⁸ igǝbeɽǝđia ṯa elǝŋ rǝmwa arǝmagiaṯe ŋabaiya nano iloman lakǝl. aganǝŋa agaliŋeṯo ŋope ŋǝmëɽria ŋwaiña iŋi gënǝŋu giđu alo yafǝsus.

¹ nṯia aganǝŋa, iđia gǝlëɽǝñi, onḏǝṯo đanaiciađa mǝɽǝmǝɽeñ iđi lǝgerṯo igal masiya yesu. ² ŋen iŋi igwalwaɽǝṯiaŋa leđa nëiñua lwaiña naico leđa ildi lerṯo ŋen ŋuđǝrwaṯo na ildi liđ alaɽǝwađaṯe lǝbërrǝŋaicia leđa lwomǝn cum. ³ ɽiñaṯo ŋen ŋubwa kaiñ iŋi lǝganeinr ŋen ŋarno askari yaŋǝra igal masiya yesu. ⁴ askari yaber yǝbëndǝni eŋen ŋǝleđa ilđi lero laɽo askari ṯa aiyiđi eđa gaŋǝra nano igi giđǝma yaɽ askari. ⁵ na eđa igi gafo iđǝbaparjǝđia gaber gǝmama đǝpǝɽa illi ndǝ gobǝđo eŋen ŋal ganun iđǝbaparjǝđia. ⁶ eđa igi gëbǝđia ŋǝmëɽria kaiñ igi gǝlëɽǝŋu ŋen đeṯam ṯa gënǝŋu aŋǝme ŋwana ŋǝlëɽǝŋu ananoŋ. ⁷ lëldǝŋǝđeinu eŋen iŋi igwaɽwata. đeṯam elǝŋ rǝmwa riđ arǝŋanaice đaliŋeṯa đǝɽiñǝđeinu. ⁸ lëldǝŋǝđeinu iyesu masiya igi gatwođo eŋǝɽaiñ ŋen ŋarno igǝbërrǝŋaiđia ŋen iŋi ŋaŋǝra. gënǝŋu gǝleđa lǝḏawuḏ. ⁹ igananeini ŋen ŋubwa ŋeieia na igakasǝnu garno eđa gagero ŋen, ŋen ŋanṯa ŋen iŋi ŋaŋǝra. orn ŋen ŋǝrǝmwa ŋero ŋabakasǝni kwai kwai. ¹⁰ ŋen ŋafǝṯia igaɽiñaṯa ŋen pređ ŋen ŋanṯa leđa ildi rǝmwa roṯǝlo ṯa alfiđi đëbǝria iđi lǝgerṯo igal masiya yesu na ŋaɽrwa ŋǝbǝɽǝbǝte cum. ¹¹ ŋen iŋi ŋaɽo đeṯam. ndǝ lǝgaiyr yesu ŋǝla lǝgiđr alamǝṯr lëndrlda cum. ¹² ndǝ lǝgaɽaŋa lǝgwonḏǝṯa eŋen ŋǝrǝmwa lǝgiđr alerṯr ŋǝlǝŋe cum yesu ŋǝla. ndǝ lǝgamabǝlaica gënǝŋu cum giđ aŋǝndǝbǝlaice. ¹³ ndǝ lǝgǝɽiano eŋen gënǝŋu gaɽaŋa guđǝrwaṯo eŋen, ŋen ŋanṯa gënǝŋu gaber gaɽǝwađaṯa gabǝlaica etam gǝlëɽǝŋu. ¹⁴ lëlđǝŋǝđaieu leđa eŋen iŋi ŋalǝɽwatiṯi ŋen ŋwonḏǝṯo elǝŋ rǝmwa nëiñua, ṯa alerṯe lukuɽǝbijǝđǝṯia eŋen ŋǝnǝŋ ŋen ŋanṯa ŋen iŋi ŋǝpiano na ŋasa leđa enare ildi lǝnna. ¹⁵ irnḏeicu kaiñ ṯa ŋanaice rǝmwa etam gǝlaɽǝŋa garno eđa girnḏeinu gǝfiđenu guđǝrwaṯo eŋen, eđa igi gaber girǝwano eŋǝmëɽria iŋi giđu, ŋen ŋanṯa gërrǝŋaiđu ŋen ŋǝđeṯam ŋenŋa ŋuđǝrwaṯo. ¹⁶ neđo đǝkëɽi ŋen ŋǝpiano iŋi gerṯa ŋǝrǝmwa, ŋen ŋanṯa leđa ildi lëbǝđia ṯia lamama leđa eŋen ŋagca rǝmwa kaiñ. ¹⁷ na đërrǝŋaiđia ŋen eđen điđ ađamiñano garno đëɽi đaicǝbǝro. iminawis na filiṯus lǝleđa ildi. ¹⁸ lënǝŋulu lëndǝtu ŋen alo ŋǝđeṯam ṯalaṯa đatwođa eŋǝɽaiñ đamǝndëđǝnu. lënǝŋulu lađama đonaṯa đǝleđa lǝmaṯan. ¹⁹ orn ađuna isi yonḏǝṯo isi rǝmwa riđu ṯaiɽaŋo ŋope, na ŋen iŋi ŋǝwërđǝnu nano ṯa, elǝŋ rǝmwa raliŋeṯo leđa ildi ǝllëɽǝŋu, na, ŋgiṯr leđa pređ ildi laɽwata irǝŋ gelǝŋ rǝmwa alǝŋgiṯi ŋen ŋǝɽiano. ²⁰ ŋǝmbolua ŋafo ŋwaiña ɽetǝɽeteo egeɽa goɽra ŋero ŋǝbǝđǝni aḏ ḏaǝbya na al faḏḏaya ikǝrǝŋ orn oṯega na ŋaicaŋa cum, ŋǝmaṯan ŋerṯo ŋen ŋinia na ŋǝmaṯan ŋerṯo ŋen ŋëbia. ²¹ nṯia ndǝ eđa gwaseini ŋen nano iŋi ŋǝɽiano gënǝŋu giđ aŋarneṯe lǝmbolua ildi lerṯo ŋen ŋinia, gëɽǝnu na gerṯo ŋen ŋǝṯiña egeđa gerṯǝma, gaṯuɽeinu ŋen ŋanṯa ŋen pređ ŋaŋǝra. ²² neđo ŋen ŋeicia ŋǝlëđǝmwa, ŋalëldiñe ŋen ŋuđǝrwaṯo na đonaṯa na đubwa na đëuṯaralo leđala pređ ildi lurundǝđia elǝŋ yesu narena natǝɽe. ²³ neđo đukuɽǝbijǝđǝṯia eŋen, iđi đaɽo ŋiɽǝṯiano na đǝpiano. agaliŋeṯo ŋen iŋi ŋatuđi đǝgerđe. ²⁴ ŋen đeṯam eđa igi gǝđuɽǝđǝnṯia elǝŋ rǝmwa gaber gukuɽǝbijǝđǝṯia eŋen, orn ŋen đeṯam gënǝŋu gananaicia leđa pređ ŋen ŋaŋǝra na gaɽǝwađaṯa gǝbërrǝŋaiđia ŋen ŋopc na gaɽiñaṯa ŋen ŋubwa, ²⁵ na gaṯoɽaṯa leđa ildi lamagea đǝđǝrnaṯađa aralo. ndǝ gǝliṯia ṯia aŋgaica rǝmwa riđ arǝriđi ŋaṯǝɽa eŋen ṯa alliŋeṯe ŋen ŋǝđeṯam, ²⁶ na ṯa ŋaṯǝɽa eŋen aŋǝtwođe na ṯa almiñe eđëndia đǝseṯan, lënǝŋulu ildi seṯan yafo yëndǝlo ṯa aliđi ŋen ŋǝlëɽǝŋu.

¹ orn lǝŋeṯo ŋen ṯa iliga lǝnḏurṯu ŋen ŋiđ aŋfeṯe ŋubwa kaiñ. ² ŋen ŋanṯa leđa liđ alǝbwiṯi ntamna enen na al gǝrusya, na liđi ṯalëminu bǝɽan na liđ alinṯi enare na liđi ṯalǝđamǝco leđa eŋen. lënǝŋulu laber liđ alne eṯenanda na lǝŋgenanda na laber liđ alǝŋǝrṯi leđa nano na liđ altaŋǝṯe eŋen. ³ lënǝŋulu laber liđ alerṯe đubwiđia, na liđ alneđe đǝbëɽǝđia eŋen na liđi ṯalabwaiđo ŋen, na laber liđ alëɽǝni đǝñano na liđ alǝeiṯi lagea leđa lwomǝn na liđ alneđe ŋen pređ ŋaŋǝra. ⁴ lënǝŋulu liđ alǝgǝbǝđe eŋen na laber liđ alliŋeṯe ŋǝđaiña, na liđ alinṯi eŋaṯǝɽa. lënǝŋulu liđ albwaiñe ŋen ŋalo na liđ alneđe ŋen ŋǝrǝmwa. ⁵ lënǝŋulu lëbǝđia ŋen ŋǝmaṯan larno leđa ildi lëndu ŋen ŋǝrǝmwa orn đamǝṯia eđen đabǝlaica ŋabǝɽa ŋǝŋen ŋǝrǝmwa. ređo eleđa ildi cum. ⁶ leđa lǝmaṯan iŋulu lǝbenṯia eneɽa labekendia liji ɽrlda ildi lëbia eŋen ildi lađamǝnu ŋenŋa ŋeicia na latesǝni eŋen pređ, na lǝbinḏeici ŋen pređ iŋi aŋgaica ŋaɽǝwađaṯa ŋǝiamǝđaṯa. ⁷ liji ildi ɽrlda ṯalërrǝŋeinu ŋen jaica jaica orn laber laɽǝwađata laliŋeṯo ŋen ŋǝđeṯam. ⁸ ŋen ŋarno yannis na yambris ildi laɽ nḏǝmia nalo imasr lafo lagea musa nṯia cum leđa ildi lagea ŋen ŋǝđeṯam. ŋaṯǝɽa eŋen ŋǝriano na lënǝŋulu lwaṯo na lakǝmǝnu eŋen ŋǝđonaṯa iyesu. ⁹ orn ŋen eŋen ŋaber ŋiđ aŋiđi leđa ŋađǝna iliga lwalano ŋen ŋanṯa ŋen eŋen ŋǝɽiano ŋiđ aŋǝlǝŋini eleđa pređ garno ŋen ŋǝɽiano ŋǝyannis na ŋǝyambris. ¹⁰ orn aganǝŋa agirnḏeicu ŋen igabërrǝŋaiđia na ŋen pređ igëbǝđia na alo iđǝđurwa iđamǝṯia đǝlëɽǝñi na đonaṯa đǝlëɽǝñi na đwalarano đǝlëɽǝñi na đubwa đǝlëɽǝñi na đaɽiñaṯa ŋen đǝlëɽǝñi, ¹¹ na ŋen ŋubwa ŋeicia igananeinu na ŋen iŋi iganeinu alo yanṯakiya na alo igunia na alo ilisṯra. đeṯam igaɽiñaṯo ŋen ŋwaiña ŋubwa. na elǝŋ rǝmwa ramiñǝñi eŋen iŋi pređ. ¹² đeṯam leđa pređ ildi lonaṯa lamǝṯia igal masiya yesu na lëbǝđia ŋen ŋǝrǝmwa, lënǝŋulu liđ alnaneini ŋen ŋubwa. ¹³ orn leđa leieia na leđa laɽo namǝɽa lënǝŋulu liđ alieǝđaṯe ŋǝnnia kaiñ, na liđ aliđi leđa ŋađǝna na liđ aliđǝni ŋađǝna. ¹⁴ orn aganǝŋa ɽaŋo eŋen iŋi agërrǝŋeinu na iŋi agëɽǝniau đǝñano ŋen ŋanṯa agaliŋeṯo leđa ildi lërrǝŋaieǝŋa ŋen iŋi, ¹⁵ na ŋen ŋanṯa agaliŋeṯo ŋen ŋǝwërđǝnu egađam gatǝɽe gǝrǝmwa ŋen agaɽo ŋere ŋǝta. ađam igi gaɽǝwađaṯa gaŋǝnaicia đaliŋeṯa ŋen nǝsi ŋen ŋanṯa đëbǝrnia đonaṯađa igal masiya yesu. ¹⁶ đǝwërđia pređ egađam gǝrǝmwa đǝneiđǝnu usilaga gǝrǝmwa na đerṯo đamǝđaṯa ŋen ŋanṯa đaliŋeṯa đǝrǝmwa na đagariñaṯa na đaṯoɽaṯa na đirnḏeicia eŋen ŋuđǝrwaṯo, ¹⁷ ṯa eđa gǝrǝmwa aŋǝɽeṯe gǝɽiñǝđaiđo, đeṯam gǝɽiñǝđeinu ṯa aŋiđi ŋen pređ ŋaŋǝra.

¹ igaŋwalwaɽǝṯia đwonḏǝṯađa rǝmwa nëiñua na al masiya yesu nëiñua igi giđ aŋirnḏeici ŋen ŋǝleđa ildi lamǝṯia na ildi laiyo đamiñađa đǝlëɽǝŋu na ŋǝlǝŋeŋa ŋǝlëɽǝŋu cum. ² igabaṯa, ɽwato ŋen ŋǝrǝmwa. ṯuɽeinu jaica jaica ndǝ liga laŋǝra walla ndǝ liga labɽwaŋǝno. gariñaṯo leđa, ŋakarme leđa ndǝ ŋen ŋafo đeṯam, ŋekeɽǝđe leđa đwalađa arano na đërrǝŋaiđiađa ŋen. ³ ŋen ŋanṯa liga liđ alela ildi leđa liđ aloneđe đërrǝŋaiđia ŋen ŋaŋǝra, orn lënǝŋulu liđ alteṯe đonaṯa eđen na liđ aɽreiđi leđa ildi liđ alđërrǝŋaici ŋen ŋaiñǝla iŋi ŋaber ŋǝlǝsǝkia eŋen eŋen ŋeieia. ⁴ lënǝŋulu liđ aɽriđi nënǝñia enen eŋen ŋǝđeṯam aɽređeṯe eŋen ŋǝpiano. ⁵ orn aganǝŋa onḏǝṯo egare jaica jaica. ɽiñaṯo ŋen ŋubwa. iđu ŋǝmëɽria ŋeđa igi gǝbërrǝŋaiđia ŋen ŋaŋǝra ŋǝrǝmwa. ɽiñǝđaṯo đǝđuɽǝđǝnia đǝlaɽǝŋa. ⁶ igënǝñi igafo ṯwaiñ iganeiđǝni igaɽo đǝɽǝđǝnia na liga lafo ṯwaiñ lǝđamiña đǝlëɽǝñi. ⁷ igabwaiñǝđo iđǝbwaiñǝđia đaŋǝra đǝrǝmwa. igabǝɽǝnḏeṯo đǝbaparjǝđia. igarǝmoṯo đonaṯa iyesu. ⁸ ŋen ŋafǝṯia ṯaj eŋen ŋuđǝrwaṯo yëɽǝnu ŋen ŋanṯañi isi elǝŋ yesu igi gǝbirnḏeieia ŋenŋa ŋuđǝrwaṯo, gënǝŋu giđ aŋaiñǝnaice iloman lakǝl. na gënǝŋu gaber giđ aŋaiñǝnaiee ṯaj ikǝrǝŋ orn giđ aŋananaice leđa pređ ildi lubwa đamiñađa đǝlëɽǝŋu. ⁹ inḏeinu kaiñ ṯa ŋaiñeṯa nano taltal. ¹⁰ đimas gaṯađiñi nǝgabǝṯa alo iṯasǝluniki ŋen ŋanṯa gënǝŋu gubwa aliya isi. kriskis gabǝɽo alo igalǝṯiya na ṯiṯus gabǝɽo alo iḏalmaṯiya. ¹¹ illi luga ñagafǝldǝga. maŋ margus ñaldǝgela ŋen ŋanṯa gënǝŋu gerṯo ŋen ŋǝṯiña ṯa aŋaiñǝđuɽǝđǝnṯi. ¹² igwađwaṯo ṯikikus alo yafǝsus. ¹³ ndǝ ageṯo ŋapa erena igi igaṯađo eɽa gǝkarbus alo iṯruwas, na nađam cum. ¹⁴ iskandr, igi gaɽ ebwaɽǝtwa gaṯoɽaṯa ipeini isatrtr, ganaicǝñi ŋen ŋwaiña ŋeicia. elǝŋ rǝmwa riđ arǝmapǝɽe eŋen ŋǝlaŋge gënǝŋu giđǝlo. ¹⁵ aganǝŋa eum, rǝmoṯǝma ŋen ŋanṯa gënǝŋu gafo gageo ŋen kaiñ iŋi ñagwaɽwato. ¹⁶ ndǝ igopǝṯo ŋen ŋǝlëɽǝñi nǝsǝria yananoŋ eđa gero gǝnǝŋ ñagafǝldǝga ṯa aŋǝñamǝđaṯe. leđa pređ laṯađiñi. igǝbeɽǝđia ṯa ŋen iŋi aŋerṯe ŋǝbëɽǝni ŋǝlagea. ¹⁷ orn elǝŋ yesu ñagafǝldǝga na gënǝŋu gwonḏǝjeicǝñi ṯa ŋen pređ ŋǝrǝmwa aŋǝlwaɽǝm na ṯa leđa lalo pređ alne. na igamiñǝnu ëiñua yǝđëbia. ¹⁸ elǝŋ rǝmwa riđ arǝñǝmiñe eŋen pređ ŋubwa ŋeicia na đeṯam riđ arǝñǝmaṯe eŋǝlǝŋe ŋǝlëɽǝŋu elo. igǝbeɽǝđia ṯa rënǝŋu arǝnaneini ŋaɽrwa bǝɽǝbǝte. amin. ¹⁹ igeɽǝđo briska na akila na leđa leɽa lunisifurus. ²⁰ arasṯus gađǝru alo ikǝrunđus. igaṯađo ṯrufimus gwuma alo imiliṯus. ²¹ inḏeinu kaiñ ṯa ŋaiñeṯa nano ŋen obǝđaiya gamǝlu geṯo. afbulus na buḏis na linus na klafiḏiya na lorǝba pređ lǝkanisa leɽǝđiaŋa. ²² igǝbeɽǝđia ṯa elǝŋ yesu alfeṯe usilaga gǝlaɽǝŋa. igǝbeɽǝđia ṯa đǝnaicia mǝɽǝmǝɽeñ đǝrǝmwa ñafeṯǝlda.