2 buṯrus

¹ fiñi siman buṯrus ñiŋgi igaɽ ebai gǝyesu masiya na đǝđweinia đǝlëɽǝŋu, igeɽǝđo leđa ildi lǝneinu đonaṯa đaŋǝra iđi đunto iđi lǝgerṯr, ŋenŋa ŋuđǝrwaṯo ŋǝrǝmwa irri raɽo đëbǝrnia iđënđr, yesu masiya. ² igǝbeɽǝđia ṯa đǝbuŋṯia đusila na đëuṯaralo alaɽǝjeini eñaŋ đaliŋeṯađa đǝrǝmwa na đǝyesu elǝŋ igënđr. ³ ŋabǝɽa iŋi yesu gerṯo ŋen ŋanṯa fǝŋu rǝmwa ŋananaicǝndr laŋge pređ đeṯam ṯa alamǝṯr na ṯa alfeṯr eŋen ŋǝrǝmwa đaliŋeṯađa đǝlëɽǝŋu iđi lǝgerṯr igi gunđǝđeinǝndr nano, ŋaɽrwaŋa ŋǝlëɽǝŋu na đameđa kaiñ đǝlëɽǝŋu. ⁴ ŋenŋa iŋi gënǝŋu gǝnaieǝnđr ŋen ŋoɽra ŋaŋǝra kaiñ iŋi ŋëɽǝnu ṯa ŋiđ aŋfeṯe, ṯa ŋenŋa iŋi ñaŋ ñënṯi eđǝɽǝbǝđia eŋen ŋǝrǝmwa liga ñagamiño đǝge eŋen ŋeicia iŋi ŋafo alo ŋen ŋanṯa đonaṯa đeieia. ⁵ ŋen ŋanṯa ŋen iŋi, nḏǝjeicr ŋen ŋǝɽwano ṯa ñaɽǝjaiee đonaṯa eđalo ŋenŋa ŋuđǝrwaṯo, na ṯa ñaɽǝjaice ŋen ŋuđǝrwaṯo đaliŋeṯađa, ⁶ na ṯa ñaɽǝjaiee đaliŋeṯa đërǝkǝđiađa aŋǝno, na ṯa ñaɽǝjaice đërǝkǝđia aŋǝno đwalađa arano, na ṯa ñaɽǝjaice đwalarano điđiađa đǝŋen ŋǝrǝmwa, ⁷ na ṯa ñaɽǝjaice điđia đǝŋen ŋǝrǝmwa đubwiđiađa na ṯa ñaɽǝjaiee đubwiđia đubwađa leđala lalo. ⁸ ndǝ laŋge ildi lafǝndau ldaɽǝjeini lënǝŋulu liđ alǝndiđi ṯa ñerṯe ñagaɽaŋa mǝɽǝmǝɽeñ walla ñerṯe ñagaɽaŋa đarlđia đero eđaliŋeṯa đelǝŋ igëndr yesu masiya. ⁹ na eđa gero gaberṯia laŋge ildi gënǝŋu gaŋǝlisi na garmiṯu na gënǝŋu gaijǝbeinu eŋen ŋǝđaṯoɽaṯa iđi gënǝŋu ganeinu eŋen ŋǝlëɽǝŋu ŋananoŋ iŋi ŋeieia. ¹⁰ ŋen ŋafǝṯia, lorldaiñ, nḏǝjeicr ŋen ŋǝɽwano ṯa ñërrǝŋaiđe ṯa đeṯam ñagundǝđǝnu na ñagwuṯǝnu. ndǝ ñagëbǝđia ṯia ñagaber ñagiđi ñaɽǝŋeini kwai kwai, ¹¹ nṯia ñagiđi ñaneini đënṯia đaŋǝra ŋaɽrwaŋa eŋǝlǝŋe ŋǝbǝɽǝbǝte ŋelǝŋ igëndr igi gëbǝrndr, yesu masiya. ¹² ŋen ŋafǝṯia igandǝlëldǝŋǝđaieia eŋen iŋi jaica jaica orn ñagaliŋeṯo ŋen iŋi na ñagwonḏǝṯo eŋen ŋǝđeṯarn iŋi ñaganeinu đǝge. ¹³ igaṯa ṯa ŋen ŋaɽo đeṯam ndǝ igandǝtuđi đǝlëldǝŋǝđaieađa eŋen, liga igafo mǝldin egeɽa igi gaŋǝno, ¹⁴ ŋen ŋanṯa igaliŋeṯo ṯa đǝŋgeieia đaŋǝno ilëɽǝñi đafo ṯwaiñ đǝge, ŋen ŋarno elǝŋ igëndr yesu masiya gaŋaieǝñi. ¹⁵ igëndǝ-jeieu ŋen ndano ṯa ñalëldǝŋǝđeini eŋen iŋi pređ jaiea jaica ndǝ igaiyo. ¹⁶ ŋen ŋanṯa nanda ñagero ñagatǝṯa ŋen ŋǝđǝmwađǝni ndǝ ñagwalwaɽǝṯǝnde ŋen ŋǝŋabǝɽa na ŋǝđela lelǝŋ igëndr yesu masiya, orn ñagananda ñagaseicu ŋaɽrwa ŋǝlëɽǝŋu đurri. ¹⁷ ŋen ŋanṯa rǝmwa đaṯa ranaieǝma đame na ŋaɽrwa ndǝ ole gamǝnṯǝma nano irǝmwa irri rerṯo ŋaɽrwa ŋoɽra na ole igei gaṯa, fǝŋu igi iđia gǝlëɽǝñi gubwamya, igaŋërṯǝma nano kaiñ. ¹⁸ ñagananda ñagano đurri ole igei gǝmǝnu elo liga ildi ñagafǝlda gënǝŋu naiyǝn yakǝl yatǝɽe. ¹⁹ nṯia lǝgerṯr đamǝđaṯa đomǝn tǝŋ ŋen ŋanṯa ŋen ŋal anbiya. ñagëbǝđia ŋen ŋaŋǝra ndǝ ñagarǝmoṯwa ŋen iŋi garno lamba ildi lawađialo yaɽo ŋǝrǝmia, liga ëđǝñina yamǝlu yabǝṯwa elo na toɽǝl đamǝlu đǝtwođa enar enalo. ²⁰ lǝŋeṯr ŋen iŋi ŋaɽnda ṯa eđa gero gǝnǝŋ gaɽǝwađaṯa gokoɽǝbaiea eŋen ŋǝnǝŋ ŋǝwërđǝnu egađam gǝrǝmwa ŋaṯǝɽaŋa ŋǝlëɽǝŋu, ²¹ ŋen ŋanṯa ŋen ŋero ŋǝnǝŋ ŋǝrǝmwa ŋeṯo eŋaṯǝɽa ŋǝleđa bǝɽan orn leđa ltǝɽe ɽrǝmwa lwaɽwata ŋen ndǝ usila gatǝɽe gǝrǝmwa gađwađǝlo enare.

¹ ananoŋ anbiya eŋaɽǝwen yafo eleđa, ŋen ŋarno leđa liđ alǝndaufeṯe ildi lǝbërrǝŋaiđia ŋen ŋǝŋaɽǝwen. lënǝŋulu liđ alënǝei ŋen ŋǝɽiano iŋi ŋagera, na lënǝŋulu labǝlaica elǝŋ yesu igi giliđǝlo, nṯia lënǝŋulu liđ almamǝṯia ntam enen đamǝndëđǝnia taltal. ² leđa lwaiña liđ alteṯe ŋen eŋen ŋǝđeieia ŋǝɽwa, na ŋen ŋanṯa ŋulu leđa liđ alwaɽe ṯa ŋen ŋǝđađ đǝđeṯam ŋeicia. ³ ŋen ŋanṯa lënǝŋulu lamiñeđǝñano liđ alǝndǝse gǝrus ŋenŋa ŋǝpiano iŋi lënǝŋulu lëbǝđia bǝɽan. đakǝme eđen iđi đwalwaɽǝnu pǝnde đero đǝfia mǝɽǝmǝɽeñ na đamǝndëđǝnia eđen đero đandra. ⁴ rǝmwa rero raŋgiṯia mǝlaiyǝka ndǝ yënǝŋulu yiđu ŋen ŋeieia, orn rauwǝṯǝlo alo isi yëɽǝnu ŋen ŋanṯa seṯan na mǝlaiyǝka ilëɽǝŋu na rënǝŋu rëɽǝlo iŋǝrǝm kaiñ ṯa aiyǝṯurṯi đakǝme, ⁵ na rënǝŋu rero raŋgiṯia alo pǝnde, orn rëbǝru nua, igi gërrǝŋaiđu ŋen ŋuđǝrwaṯo, na leđa lwomǝn đenǝŋ ldǝmiñe liɽijan, liga rënǝŋu rëɽu ŋawa ŋobǝđo ŋwaiña alo eleđa ildi laneđo ŋen ŋǝlëɽǝŋu. ⁶ na rënǝŋu rakǝmo alo isǝḏum na igamoura ṯa aiyǝmǝndëđǝni ndǝ ruɽǝlo ndrǝliđi ubwana, nṯia riđǝlo laɽo ŋamǝla eleđa ildi liđ alneđe ŋen ŋǝlëɽǝŋu. ⁷ orn rënǝŋu rëbǝru lot igi guđǝrwaṯo eŋen na igi ara gǝlëɽǝŋu gǝđǝrnađeinialo jaiea jaiea ŋen ŋanṯa đeieia ŋǝɽwa đǝleđa leieia. ⁸ ŋen ŋanṯa liga eđa igei guđǝrwaṯo eŋen lafǝlda usila gǝlëɽǝŋu igi guđǝrwaṯo eŋen gafo gasǝnu ëđǝñëđǝñin na ulǝŋgǝlǝŋ ŋenŋa ŋeicia eŋen iŋi gënǝŋu gǝseicu na gano. ⁹ ndǝ elǝŋ yesu giđu ŋen iŋi, đeṯam gënǝŋu galiŋeṯo fǝṯau gamiña leđa ildi lëbǝđia ŋen ŋǝrǝmwa iđinḏeicia, na galiŋeṯo eum fǝṯau garǝmoṯwa leđa ildi laneđo rǝmwa ṯa alakǝmini iloman ildi rǝmwa riđ arakǝme alo, ¹⁰ na lënǝŋulu lamiñaṯo leđa ildi, fǝŋulu ildi labeicia ŋen ŋaŋǝno na lafo eđonaṯa eđen đeicia iđi đǝliđia ltaŋa, na ilđi lađama ŋǝlǝŋe. lënǝŋulu labǝɽiṯia ŋenano na lëbǝđia ŋen enar enen, na lero liđǝñalo ndǝ lwaɽwata ŋen ŋǝleđa ŋeicia ilđi lerṯo ŋaɽrwa, ¹¹ orn mǝlaiyǝka isi yonḏǝṯo kaiñ na yerṯo ŋabǝɽa ŋwaiña yamiñaṯo leđa ilđei yënǝŋulu yaber yǝlǝsiki niyǝlwaɽe ŋen eŋen ŋeicia rǝmwa nëiñua. ¹² leđa ilđi larno đwala đero ŋaṯǝɽa iđi điđǝnu ṯa ađëndǝni ađǝɽiñǝni, na lënǝŋulu lwaɽwata ŋen ŋǝlaŋge ŋeieia ildi lero laliŋeṯǝlo, nṯia liđ alǝmǝndëđǝni đǝge ŋen ŋarno đwala. lënǝŋulu liđ alneini ŋen ŋǝɽiano ŋen ŋarno lananaiđo ŋen ŋǝɽiano. ¹³ lënǝŋulu lǝbaṯa ṯa ŋen ŋaŋǝra nđǝ lafo inamǝđia ëđǝñin. lënǝŋulu leieia na lataŋa lđaŋǝreṯe nano eđonaṯa eđen đaŋǝno liga lënǝŋulu ñagasǝlda. ¹⁴ isi esen yonaṯa liji laɽo nalaiñ ikǝrǝŋ na yaber yaɽǝwađaṯa yabeṯa eŋen ŋeieia. lënǝŋulu labirldiđinia leđa nano ildi lǝtësǝni eŋen. lënǝŋulu lërrǝŋaicu nare enen ṯa namǝñeđǝñano. lënǝŋulu laɽo ñere ñabuŋǝnu. ¹⁵ lënǝŋulu laŋgiṯu đađ đuđǝrwaṯo ldǝmiñaṯe eđǝṯwa. lënǝŋulu lateṯo đađ iđi đǝbalam iđia gǝbǝsor, gënǝŋu igi gubwa đapǝɽađa đǝŋen ŋeicia, ¹⁶ orn gafo gagarǝñeinu ŋen ŋanṯa ŋen ŋǝlëɽǝŋu iŋi ŋafo mǝnna. đwala iđi đaijǝba đwaɽwata đënǝŋu đwaɽwata olega gǝleđa nḏađǝñiṯi ŋen ŋaɽ ëɽi ŋǝnabi. ¹⁷ leđa ilđi laɽo ṯia lënǝŋulu larno lǝbu lero ŋawano na larno ibwoɽua yabǝliđǝnu đaberađa ndǝ rǝmwa rađǝne na rǝpǝniano, na ŋǝrǝm ŋoɽra kaiñ ŋamiñaṯo ŋǝrǝmia pređ ŋëɽǝnṯǝlo. ¹⁸ lënǝŋulu lwaɽwata ŋen ŋǝpiano kaiñ đonḏǝṯađa eđonaṯa đeieia đaŋǝno na lënǝŋulu labirlđiđinia leđa nano eŋen ŋǝđeicia ŋǝɽwa ilđi lëni lamiña eleđa lafo mǝnna. ¹⁹ lënǝŋulu lǝlwaɽǝṯa leđa ṯa alerṯe lǝbakasǝni eŋen ŋǝnǝŋ, orn lënǝŋulu laɽo lǝbai lǝđagera, ŋen ŋanṯa eđa gaɽ ebai gǝŋen ŋǝnǝŋ iŋi ŋamađama. ²⁰ nđǝ leđa lamiña eŋen ŋalo iŋi ŋiđǝlo ltaŋa ŋen ŋanṯa lënǝŋulu laliŋeṯo elǝŋ igëndr yesu masiya igi gaɽo đëbǝri, orn lënǝŋulu liđ alakeini tǝŋ na alađamǝni ŋenŋa iŋi ŋalo, đǝfia eđen đǝnḏurṯu đeieia kaiñ đamiñaṯo đǝfia eđen đǝnëiñua. ²¹ gǝbanṯa lënǝŋulu lero laliŋeṯo đađ đǝŋen ŋuđǝrwaṯo, ŋen iŋi ŋaŋǝra kaiñ ŋamiñaṯo ŋen ṯa lënǝŋulu lafo laliŋeṯo đađ iđi, orn lauwǝṯu ŋen ŋëɽua nano iŋi ŋatǝɽe iŋi lënǝŋulu laneinu. ²² eleđa ilđi ŋen iŋi ŋawujǝnu ŋaŋeini ṯa aŋfeṯe đeṯam, ṯa ŋina ŋoɽǝbaṯa elaŋge ildi ŋënǝŋu ŋabiđǝlo, na cum ŋen ŋwomǝn ŋawujǝnu ṯa, uṯǝra igi gwasǝnu gaɽobǝđia ṯa aŋǝtǝraɽe eŋaica.

¹ ya leđa lubwaniya, igawërđǝṯǝnde điñǝđi nađam niɽijan, na enađam ini igwonaṯa ṯa igatuđi ŋaṯǝɽa eŋalo iŋi ŋatǝɽe đǝlëldǝŋǝđaieiađa eŋen, ² ṯa ñalëldǝŋǝđeinia eŋen iŋi al anbiya yatǝɽe yaɽwata ananoŋ, na ŋen ŋelǝŋ yesu igi gaɽo đëbǝria iŋi nanda ñaŋgi ñagaɽo đǝđweinia ñaganaieǝnde. ³ ananoŋ, đeṯam ñagaliŋeṯo ŋen iŋi, ṯa eñoman ñǝnḏurṯu leđa liđ alela ildi lonaṯa lađama ŋen ŋǝđeṯam, ildi lafo eđonaṯa eđalo đeieia, ⁴ na ildi lǝbaṯa ṯa, đela đǝlëɽǝŋu đuŋga iđi rǝmwa rëɽu? ŋen ŋanṯa iliga papanda lǝpǝnde laiyau laŋge pređ laɽo lunto mǝldin laŋgela ildi lafo ananoŋ ŋen alo yiđǝnu. ⁵ ŋen ŋanṯa lënǝŋulu lonaṯa ṯa laijǝbaṯa ŋen ṯa pǝnde elo yafo na alo yafo yiđǝnu ŋenŋa ŋǝrǝmwa eŋau na ŋawaŋa, ⁶ na ŋawaŋa eum alo yamǝndëđǝnu, liga alo yaɽo ŋawa pređ. ⁷ orn ŋenŋa iŋi ŋaɽo ŋunto ŋǝrǝmwa elo na alo ildi lafo điñǝđi lëɽǝnu ŋen ŋanṯa isia na larǝmujǝnu ŋen ŋanṯa loman ilđi leđa laijǝba rǝmwa liđ alakǝmǝniau na liđ alǝmǝndëđǝniau. ⁸ orn ñerṯe ñagaijǝbeini eŋen iŋi ŋunto, ya leđa lubwaniya, ṯa eŋaṯǝɽa ŋelǝŋ yesu lomanto larno nṯǝli alǝf na nṯǝli alǝf narno lomanto. ⁹ elǝŋ yesu gero gëbǝđia ŋen iŋi gënǝŋu gëɽu ṯwarran, ŋen ŋarno leđa lǝmaṯan labaṯa ṯa ŋen ŋafo ŋiđǝnu ṯwarran, orn gënǝŋu gaɽiñaṯa ŋen eŋalo đwalađa arano, ŋen ŋanṯa gënǝŋu gaber gwonaṯa ṯa eđa gǝnǝŋ giđ aŋǝmǝndëđǝni kwai kwai orn ṯa leđa pređ lerṯo liga ṯa alǝŋgiṯi ŋen ŋeieia. ¹⁰ loman lelǝŋ yesu liđ alela ŋen ŋarno oɽom. iloman lakǝl laŋge lelo liđ alǝmǝndëđǝni ŋǝɽǝldiaŋa na ropa riđ arǝlaldabǝre aŋalga gubwa na alo na ŋen pređ ŋǝlëɽǝŋu ŋiđ aŋërrǝŋeini. ¹¹ ndǝ laŋge ildei pređ liđ alǝmǝndëđǝni ṯia, ŋen đeṯam ṯa ñagaɽo leđa laŋǝra. đeṯam ñagiđi ñafeṯe eŋen ŋatǝɽe na eŋen ŋaŋǝra rǝmwa nëiñua, ¹² ŋen ŋanṯa ñagaṯurṯia na ñagamǝđaṯa đela đǝloman ɽrǝmwa ṯa ađela taltal iđi điđ ađiđi elo ṯa aiyuɽi na ṯa yiđ aiyǝmǝndëđǝni, na ropa ṯa arǝlaldabǝre aŋalga gubwa. ¹³ ŋen ŋanṯa ŋen iŋi rënǝŋu rëɽu nëndr lǝgaṯurṯiar elo imaijǝn na alo imaijǝn ildi ŋen ŋuđǝrwaṯo ŋiđ aŋfeṯǝlau. ¹⁴ ŋen ŋafǝṯia ya leđa lubwaniya, ŋen ŋanṯa ñagaṯurṯia ŋen iŋi, nḏǝjeicr ŋen ŋǝɽwano ṯa yesu giđ aŋfiđi ṯa ñagafo eđatǝɽe pređ, đǝskinia đero, na iđëuṯaralo. ¹⁵ aṯarjaica jaica ṯa đwalarano đelǝŋ yesu đaɽo đëbǝrnia, garno oraiñ bulus igi gubwaniya kaiñ, gawërđǝṯǝnde đaliŋeṯađa ŋen nǝsi iđi gënǝŋu ganeinu, ṯa ñiđi ṯia. ¹⁶ bulus gwaɽwata ŋen iŋi enađam pređ nǝlëɽǝŋu. ŋen ŋǝmaṯan enađam nǝlëɽǝŋu ŋafo ŋabɽwaŋǝno ṯa ñaliŋeṯe, na leđa ildi laijǝba ŋen nǝsi na lǝtësǝni enare lërkǝđeiđia ŋen iŋi garno lënǝŋulu lërkǝđeiđia ŋen pređ ŋađam gǝrǝmwa, nṯia lǝmama đamǝndëđǝnia entam enen. ¹⁷ nṯia ya leđa lubwaniya, ŋen ŋanṯa ñagaliŋeṯo ŋen iŋi ananoŋ, rǝmojǝđr ŋen jaiea jaica ṯa ñerṯe ñagǝŋgeinia eŋen ŋǝrǝmwa mǝnnaga gǝleđa ildi laneđo ŋǝlǝŋe, nṯia cum ṯa ñerṯe ñagǝbǝɽia eđwonḏǝṯa iđi ñagerṯo điñǝđi. ¹⁸ orn oɽreṯr eđwonḏǝṯa đusila na eđaliŋeṯa pređ đelǝŋ igëndr igi gëbǝrndr, yesu masiya. igǝbeɽǝđia ṯa ŋaɽrwa aŋǝmaneini điñǝđi na bǝɽǝbǝte.