2 yuanna
11 fiñi elǝŋ goɽra. igeɽǝđo wuji gaɽǝbwa igi gëɽǝnu na ñere ñǝlaɽǝŋa ñaŋgi igubwandiya đeṯam, na gerṯa igënǝñi igunto orn leđa pređ lubwanđiya ildi laliŋeṯo ŋen ŋǝđeṯam, 2 ŋen ŋanṯa ŋen ŋǝđeṯam iŋi ŋafǝnđrau na ŋiđ alđǝfeṯǝrlda bǝɽǝbǝte. 3 igǝbeɽǝđia ṯa đǝnaicia mǝɽǝmǝɽeñ na ŋabaiyaŋǝno na đëuṯaralo aldǝfeṯǝrlda irǝmwa đaṯa na iyesu masiya iđia gǝđaṯa eŋen ŋǝđeṯam na iđubwa. 4 igaŋǝra nano kaiñ ndǝ igafiđu ŋen ṯa ñere ñǝmaṯan ñǝlaɽǝŋa ṯaiñerldo eŋen ŋǝđeṯam garno đaṯa rǝmwa ralwaɽǝṯǝndr. 5 na điñǝđi, wuji, igaŋǝlwaɽǝṯia gerṯa garno igaŋǝwërđǝṯia ŋen iŋi ŋǝmaijǝn orn ŋen iŋi lǝgerṯr ananoŋ, igaŋeɽǝđia ṯa aliyubwiđr. 6 fǝđubwa ṯa lǝgǝbǝrldar eŋen ŋǝrǝmwa. fǝŋen ŋǝlëɽǝŋu garno ñaŋ ñagano ananoŋ ṯa ñawerlde. 7 ŋen ŋanṯa leđa lwaiña labakaldaica alo ildi laɽo lađǝna, ildi labǝlaico ŋen ṯa yesu masiya geṯo gaɽ aŋǝno. fǝŋu igi gaɽ ađǝna na gageo al masiya. 8 rǝmojǝđr eŋen ṯa ñerṯe ñagwoṯia ŋen iŋi lǝgiṯr ŋǝmëɽria, orn ṯa ñaneini đǝpǝɽa pređ. 9 eđa gǝnǝŋ igi gamiñađaṯa nëiñua na gaber gaɽaŋa eŋen ŋal masiya iŋi ŋërrǝŋeiđǝnu gënǝŋu gero gǝberṯia rǝmwa egare. orn gënǝŋu igi gaɽaŋa eŋen ŋal masiya gënǝŋu gerṯo đaṯa rǝmwa egare na iđia eum. 10 ndǝ eđa gǝnǝŋ gǝndeṯa nano igi gaber gabërrǝŋaiđia ŋen iŋi ñerṯe ñagamaŋǝnṯi egeɽa egalo. ñerṯe ñagǝmana ëiñua. 11 ŋen ŋanṯa eđa igi ganǝma ëiñua gënǝŋu lǝɽǝbǝđia eŋen ŋǝlëɽǝŋu ŋeicia. 12 igerṯo ŋen ŋwaiña ṯa igǝndǝwërđǝṯia orn igaber igwonaṯa igǝwërđia abređa al galamya. igwonaṯa igeṯǝnde nano na lǝgaɽwataiđiar ṯa đaŋǝra nano iđëndr ađǝɽiñađeini. 13 ñere ñoralo gaɽǝbwa igi gëɽǝnu ñeɽǝđǝŋa.