1 ṯasǝluniki

¹ fǝnanda bulus na silǝwanus na ṯimǝđawus ñageɽǝđo leđa lǝkanisa alo iṯasǝluniki ildi lafo irǝmwa, đaṯa, na egelǝŋ yesu masiya. ñagǝbeɽǝđia ṯa đǝbuŋṯia đusila na đëuṯaralo alfeṯe eñaŋ. ² ñoman pređ ñagaŋërṯu rǝmwa nano ŋen ŋanṯa ñaŋ pređ, na ñagandauɽwata ndǝ ñagaṯurṯia rǝmwa. ³ ñagǝlëldǝŋǝđeinia jaica jaica papa rǝmwa nëiñua irëndr eŋen ṯa đonaṯa eđalo đǝbërrǝŋeiđǝni eŋǝmëɽria eŋalo na ṯa đubwiđia eđalo đërrǝŋeiđǝni eŋǝmëɽria eŋalo ŋwonḏǝṯo na ṯa đǝṯurṯia eđalo egelǝŋ igënđr yesu masiya đǝbërrǝŋeiđǝni eđwalarano eđalo. ⁴ ñaŋ ñagaliŋeṯo lorldaiñ ñaŋgi rǝmwa rubwandiya, ṯa rënǝŋu roṯǝnde, ⁵ ŋen ŋanṯa ŋen ŋaŋǝra ŋǝrǝmwa iŋi ñagërrǝŋaicǝnde ŋero ŋeṯǝnde nano olega ikǝrǝŋ orn ŋabǝɽaŋa na usilaga gatǝɽe na đeṯamđa đurri. na ñaŋ ñagaliŋeṯo fǝṯau nanda ñagafo eñaŋ ŋen ŋanṯa ñaŋ. ⁶ na ñaŋ ñagabirnḏeieǝnde na elǝŋ yesu, ŋen ŋanṯa ndǝ ŋen ŋëni ŋubwa ŋeieia ñagëndu ŋen ŋǝrǝmwa đaŋǝrađa nano iđi usila gatǝɽe ganaieǝnde. ⁷ nṯia leđa pređ ildi lëndu ŋen alo imakṯunia na alo yakaiya laɽǝwađaṯa laseicia ŋen ŋǝrǝmwa ŋope eŋen eŋalo. ⁸ ŋen ŋanṯa ŋen ŋǝrǝmwa ŋamiñǝndau eŋen ŋarno ole gǝđal, gerṯa alo imakṯunia na alo yakaiya ikǝrǝŋ, orn ŋen ŋǝđonaṯa eđalo iđi đafo irǝmwa ŋwalwaɽǝnu alo pređ, nṯia gerṯa đeṯam ṯa nanda ñagwaɽwatau kwai kwai. ⁹ na leđa lënǝŋulu landǝɽwatiṯia fǝṯau ñaŋ ñagëndǝnde na ñagaŋgiṯu ŋen ŋǝlaŋge lǝpiano ildi leđa ldukwuđiñǝṯialo na ñagaređeṯo rǝmwa nano ṯa ṯǝñiṯu rǝmwa ŋǝmëɽria irri ramǝṯia na raɽo đeṯam, ¹⁰ na ṯǝñaṯurṯu iđia gǝlëɽǝŋu elo igi rënǝŋu ratuđǝma eŋǝɽaiñ, yesu, igi gëbǝrǝndr iđeiciano iđi điđ ađela.

¹ ŋen ŋanṯa, lorldaiñ, ñaganǝñaŋ ñagaliŋeṯo ṯa đënṯia eđaiñ eñaŋ gerṯa đǝpiano kwai kwai. ² ñagaliŋeṯo ṯa nanda ñaganeinu ŋen ŋubwa ŋeicia na ñagađamicǝnu eŋen alo ifilibi na đǝgeđe đafo ëli cum orn nanda ñagwaɽwata irǝmwa erraiñ ŋǝđaiña ŋero, na ñagwalwaɽǝṯǝnde ŋen ŋaŋǝra ŋǝrǝmwa. ³ đeɽǝđia eđaiñ đero đatođo eŋen ŋafo mǝnna na đero đafo eŋen ŋǝtaŋa walla ŋađǝnaŋa. ⁴ orn rǝmwa raŋǝnṯǝnde na ranaicǝnde ŋen ŋaŋǝra ŋǝlëɽǝŋu ṯa nanda ñarǝmoṯe, nṯia ñagwaɽwata gerṯa ṯa ñaŋǝri leđa nano orn rǝmwa irri rabirnḏeicia nare enaiñ. ⁵ na cum ñagaliŋeṯo ṯa nanda ñagero ñagǝma ŋen ŋǝđaŋǝria nano kwai kwai, na rǝmwa raɽo đamǝđaṯa eđaiñ ṯa ŋen eŋaiñ ŋero ŋafia eŋen ŋǝđamiñeđǝñano. ⁶ ñagero ñagwonaṯa ñaganeini ŋaɽrwa eleđa, gerṯa eñaŋ walla eleđa ɽrǝto, ⁷ orn nanda ñagafo ñagaɽǝwađaṯa ñagǝma laŋge lwaiña eñaŋ ŋen ŋanṯa ñagaɽo đǝđweinia đal masiya, orn ñagafo ñagarno ñere ñǝrra eñaŋ na nanda ñagarno wuji igi garǝmoṯwa ñere ñǝlëɽǝŋu. ⁸ ñagwonaṯǝnde kaiñ enar enaiñ na ñagafo ñagwonaṯa đaŋǝrađa nano ṯa ñandǝnaice, gerṯa ŋen ŋaŋǝra ŋǝrǝmwa ikǝrǝŋ, orn cum ntam enaiñ ŋen ŋanṯa ñagubwandiya kaiñ. ⁹ lorldaiñ, ñaŋ ñagǝlëldǝŋǝđeinia eŋen ŋǝđǝcwara eđaiñ na ŋǝŋǝmëɽria eŋaiñ iŋi ŋafo ŋini. ñagiđu ŋǝmëɽria iŋi ulǝŋgi na ëđǝñin ṯa ñerṯe ñagǝma wagǝnǝŋ eñaŋ iliga ilđi ñagërrǝŋaicǝnde ŋen ŋaŋǝra ŋǝrǝmwa. ¹⁰ ñaganǝnaŋ ñagaɽo đamǝđaṯa na rǝmwa cum ṯa nanda ñagamǝđaṯǝnde ñaŋgi ñagëndu ŋen ŋǝrǝmwa ŋenŋa ŋatǝɽe na ŋenŋa ŋuđǝrwaṯo na đǝskinia đero. ¹¹ ŋen ŋanṯa ñaŋ ñagaliŋeṯo ṯa eŋen ŋarno đaṯa gamǝđaṯa liđia ǝllëɽǝŋu, ¹² nanda ñagamǝđaṯǝnde na ñagafo ñagandǝbǝɽiano na ñageɽǝđǝnde kaiñ ñaŋ pređ ṯa ñerlđe ŋope rǝmwa nëiñua irri randurǝndǝđia ṯa ñënṯi eŋǝlǝŋ ŋǝlëɽǝŋu na eŋaɽrwa ŋǝlëɽǝŋu eum. ¹³ na nanda ñagaŋërṯu rǝmwa nano ñoman pređ cum, ŋen ŋanṯa ndǝ ñagëndu ŋen iŋi ñagǝnaṯǝnde, ñagëndu gerṯa garno ŋen ŋǝleđa orn garno ŋen ŋǝrǝmwa, na fǝṯia đeṯam, na ŋen iŋi ŋanduwiđia ŋǝmëɽria ñaŋgi ñagëndu ŋen ŋǝrǝmwa. ¹⁴ ŋen ŋanṯa lorldaiñ ñaganǝñaŋ ñagirnḏeicu leđa lǝkanisa đǝrǝrnwa iđi đafo igal masiya yesu alo yuḏiya, ŋen ŋanṯa leđa eldalo lanaicǝnde ŋen ŋubwa garno al yawuḏ yanaicǝlo, ¹⁵ isi yeɽiño elǝŋ yesu na al anbiya esen na yamiñǝnde ŋabǝɽa, yënǝŋulu yëbǝđia rǝmwa reieiano eŋen eŋen na yafo yageo leđa pređ, ¹⁶ ŋen ŋanṯa yënǝŋulu yëtǝriṯǝnde ṯa ñagabërrǝŋaicia leđa ŋen ŋǝrǝmwa ildi gerṯa laɽ al yawuḏ, ṯa lënǝŋulu alerṯe lëbǝrnia, nṯia yënǝŋulu yorǝnḏǝjaieia ŋen ŋeieia ṯǝɽom eŋen. orn điñǝđi đeieiano đǝrǝmwa đeṯǝlo nano ṯǝɽorm. ¹⁷ orn ñagananda, lorldaiñ, ndǝ lǝgakarnǝđǝnr ano iliga lǝtefr, eŋen ŋaŋǝno orn gerṯa eŋen ŋǝnare, ñagëɽǝđiaŋǝno, đeṯam ñagafo ñagwonaṯa kaiñ ṯa ñǝndǝseici. ¹⁸ ŋen ŋanṯa ñagafo ñagwonaṯa ñageṯǝnde nano, đeṯam igënǝñi bulus, igafo igwonaṯa ṯa igeṯo ñoman ñwaiña orn seṯan yero yǝndǝŋgiti. ¹⁹ ŋen ŋanṯa fǝwande igi gaɽo ŋen ñagaṯurṯia na đaŋǝra nano eđaiñ na ṯaj esaiñ isi yerṯo ŋaɽrwa elǝŋ yesu igëndr nëiñua ŋen gënǝŋu geṯo? gerṯa fǝñaŋ? ²⁰ đeṯam ñaganǝñaŋ ñagaɽo ŋaɽrwa eŋaiñ na đaŋǝra nano eđaiñ.

¹ nṯia ndǝ ñagero ñagaɽǝwađaṯa ñagaṯurṯia ŋen eŋalo tǝŋ, ñagaṯa ŋen ŋaŋǝra ndǝ ñagatëđǝnu alǝsoŋ alo yađina. ² nṯia ñagwađweiṯǝnde oraiñ ṯimǝđawus, igi ñagaldǝđuɽǝđǝnṯialda rǝmwa eŋen ŋǝđërrǝŋaiđia ŋen ŋaŋǝra ŋal masiya, ṯa aŋǝnđonḏǝce na aŋǝnđamǝđaṯe eđonaṯa eđalo, ³ ṯa eđa gero gǝnǝŋ eñaŋ aŋiđǝni gǝtësǝni eŋen iŋi ŋubwa ŋeicia, ŋen ŋanṯa ñaŋ ñagaliŋeṯo ṯa ñagwuṯǝnu ṯa ñaneini ŋen ŋubwa ŋeicia. ⁴ na ndǝ lǝgaɽaŋar nanda ñagafo ñagwalwaɽǝṯǝnde ananoŋ ṯa ñagiđi ñaneini ŋen ŋubwa ŋeieia, na ñaŋ ñagaliŋeṯo ṯa ŋaɽo ṯia. ⁵ na eŋen iŋi ndǝ igero igaɽǝwađaṯa igaṯurṯia ŋen eŋalo tǝŋ igwađweiṯǝnde ṯa yelǝŋeṯe đonaṯa eđalo na ndǝ seṯan igi gǝndirǝnḏeicia, gǝnḏeicǝnde eđađ đǝnǝŋ na ŋǝmëɽria eŋaiñ aŋǝɽeṯe ŋǝpiano. ⁶ orn điñǝđi ṯimǝđawus goɽǝbǝđo eñaŋ, geṯǝnde nano, nǝŋǝndǝnaice ŋen ŋaŋǝra ŋǝđonaṯa eđalo na ŋǝđubwiđia eđalo, na gwalwaɽǝṯǝnde ṯa ñagǝndulëldǝŋǝđeinia đaŋǝrađa nano na ṯa ñagwonaṯa kaiñ ṯa ñǝndǝseici garno nanda ñagwonaṯa kaiñ ṯa ñǝndǝseici cum. ⁷ ñagafo ñagëndǝnu eŋen ŋwaiña ŋubwa ŋeicia na eŋen ŋwonḏǝṯo, orn eŋen iŋi ŋǝđonaṯa eđalo, lorldaiñ, ñagwonḏijǝnu eŋen eŋalo, ⁸ na điñǝđi ñagamǝṯia đurri ndǝ ñaŋ ñagwonḏǝṯo egelǝŋ yesu. ⁹ na nanda ñagaɽǝwađaṯa ñagaŋërṯia rǝmwa nano ṯau ŋen ŋanṯa ñaŋ ŋen ŋanṯa đaŋǝra nano pređ iđi ñagerṯo eñaŋ rǝmwa nëiñua irëndr? ¹⁰ na ulǝŋgi na ëđǝñin ñagabeɽǝđia rǝmwa kaiñ ṯa ñǝndǝseici isiano esalo na ṯa ñǝɽiñǝđaṯe đonaṯa eđalo iđi đafo pwa. ¹¹ ñagǝbeɽǝđia điñǝđi ṯa rǝmwa irëndr na papa gënǝŋu na elǝŋ yesu igëndr alǝndǝnaice đađ eñaŋ. ¹² na eŋen eŋalo ñagǝbeɽǝđia ṯa, elǝŋ yesu aŋiđi đubwiđia eđalo ađonḏǝjeini ađǝlëldǝđǝni alo ṯa ñaiyubwiđia na ṯa ñubwiṯi leđala ɽrǝto ŋen ŋarno nanđa ñagubwandiya ¹³ ṯa gënǝŋu aŋǝndonḏeice enare ṯa ñafeṯe ñagatǝɽe, đǝskinia đero papa rǝmwa nëiñua irëndr, ŋen elǝŋ yesu igëndr giđ aŋoɽǝbǝđe leđala ǝllëɽǝŋu ltǝɽe.

¹ eŋen ŋaɽo đurṯu lorldaiñ, ñaŋ ñagëndu ŋen inanda fǝṯau đeṯam ñagabǝrlda ṯa ñiđi rǝmwa raŋǝra nano, na điñǝđi ñagǝndeɽǝđia, đeṯam ñagǝndeɽǝđia kaiñ egelǝŋ yesu ta ñafeṯe ñagǝbakaɽǝjeinia eŋen iŋi. ² ñaŋ ñagaliŋeṯo ŋen iŋi nanda ñagǝnaicǝnde egelǝŋ yesu. ³ ŋen ŋanṯa fǝŋen iŋi rǝmwa ronaṯa ṯa ñaŋ ñaɽeṯe ñagatǝɽe, na ṯa ñaŋgiṯi ŋen ŋǝđaɽaŋa lijila ɽrǝto, ⁴ ṯa leđa pređ eñaŋ alliŋeṯe fǝṯau alǝme wasenanda eŋen ŋatǝɽe na eŋen ŋuđǝrwaṯo, ⁵ gerṯa eŋen ŋeieia ŋǝđonaṯa iđi đeicia garno leđa gerṯa laɽ al yawuḏ ildi laijǝba rǝmwa. ⁶ na cum ṯa eđa gero aŋiđi ŋen ŋeicia egorǝb eŋen iŋi, ŋen ŋanṯa felǝŋ rǝmwa irri rërria ŋen orǝba eleđa eŋen iŋi pređ, garno nanda ñagwalwaɽǝṯǝnde na ñagǝbǝɽende nano ananoŋ. ⁷ ŋen ŋanṯa rǝmwa rero rurundǝđaicǝndr ṯa alfeṯr eŋen ŋǝtaŋa orn ṯa alfeṯr eŋen ŋatǝɽe. ⁸ nṯia eđa gǝnǝŋ igi ganeđo ŋen iŋi gero ganeđa leđa orn ganeđa rǝmwa irri rananaieǝnde usila gǝlëɽǝŋu gatǝɽe. ⁹ điñǝđi, gerṯa đeṯam ṯa ñagandǝwërđǝṯia eŋen ŋǝđubwiđia elorldalo, ŋen ŋanṯa rǝmwa rërrǝŋaicǝnde ñaganǝñaŋ ŋen ṯa ñaiyubwiđi, ¹⁰ na ñagubwa lorldalǝla pređ ildi lafo alo imakṯunia. orn ya lorldaiñ, nanda ñagǝndeɽǝđia kaiñ ṯa ñëɽijeini eŋen iŋi kaiñ. ¹¹ na ṯa ñonaṯe jaiea jaica ṯa ñaɽaŋe eŋen ŋero ŋwaiña, na ṯa ñanwane ŋen eŋalo, na ṯa ñiđi ŋǝmëɽria raŋǝra eralo ŋen ŋarno ñagwalwaɽǝṯǝnde ¹² ṯa ñerlde ŋope leđa nëiñua ilđi lalo pređ, na ṯa ñerṯe ñagamǝcini egeđa gǝnǝŋ. ¹³ lorldaiñ, igaber igwonaṯa ṯa ñagaijǝba ŋen ŋǝleđa ildi labaiya, ṯa ñerṯe ñagwana ŋen ŋarno leđa ildi laber laṯurṯia ŋen ŋǝnǝŋ. ¹⁴ ŋen ŋanṯa ndǝ lǝgëndr ŋen ṯa yesu gaiyo nǝŋǝtođe tǝŋ nṯia đeṯam rǝmwa riđ arǝtuđi leđa yesuga ildi laiyo iyesu. ¹⁵ ŋen ŋanṯa ñagǝndǝlwaɽǝṯia ŋen iŋi ŋelǝŋ yesu ṯa leđa ilëndr ildi lǝṯënu na lamǝṯia mǝldin liga elǝŋ yesu goɽǝbǝđiau, lënǝŋulu laber labwarṯa leđa ilđi laiyo. ¹⁶ ŋen ŋanṯa elǝŋ yesu gënǝŋu giđ aŋirǝwa elo ndǝ ole gafo goɽra, na ole gelǝŋ gǝmǝlaiyǝka na ole gǝđal đǝrǝmwa, na leđa ildi laiyo igal masiya liđ altwođe ananoŋ. ¹⁷ na leđa ilëndr ildi lamǝṯia mǝldin liđ alëpǝnǝrlda isbwoɽua aɽr elǝŋ yesu nano elo nṯia lǝgiđr alfeṯr elǝŋ yesu ŋǝla bǝɽǝbǝte. ¹⁸ nṯia bǝɽeđr nano bǝɽan ŋenŋa iŋi.

¹ gerṯa đeṯam, lorldaiñ, ṯa igandǝwërđǝṯia ađam eŋen ŋǝliga walla ŋǝñoman, ² ŋen ŋanṯa ñaganǝñaŋ ñagaliŋeṯo đeṯam ṯa loman lelǝŋ yesu liđ alela ŋen ŋarno oɽom igi gǝbǝrlda ulǝŋgi. ³ ŋen leđa lǝbaṯa ṯa, đëuṯaralo đëni na laŋge pređ lafo ŋope iliga ildi đagera điđ ađǝlëndi taltal, ŋen ŋarno auɽiña yǝbendia wuji gwonḏaieo, na lënǝŋulu laber liđ alëbǝrni kwai kwai. ⁴ orn ñaganǝñaŋ, lorldaiñ, ñagaber ñagamǝṯia iŋǝrǝm mǝldin, nṯia loman ildei laber laɽǝwađaṯa lǝndeṯa nano ŋen ŋarno oɽom. ⁵ ñaŋ pređ ñagaɽo liđia larrerre na ñagaɽo liđia lëđǝñin. lëndr gerṯa lǝgulǝŋgiar walla lǝgǝŋǝrǝmiar. ⁶ nṯia alerṯr lǝgandrar ŋen ŋarno leđa ildi lǝṯënu orn alapr sǝndua na alerṯr lǝgaŋgiṯiar ŋen ŋǝnǝŋ ŋalo ṯa ŋǝndëndiar kaiñ. ⁷ ŋen ŋanṯa leđa ildi landra lënǝŋulu landra ulǝŋgi, na ildi lararamǝɽua lënǝŋulu lararamǝɽua ulǝŋgi, ⁸ orn ŋen ŋanṯa lëndr lǝgëđǝñinr alerṯr lǝgararamǝɽuar kwai kwai, na alëɽǝnr đonaṯa na đubwiđia nano ŋen ŋarno erena gilurum na đǝṯurṯia đǝđëbǝrnia ŋen ŋarno laɽe. ⁹ ŋen ŋanṯa rǝmwa rero rǝndoṯar ṯa alfiđr đeiciano đǝlëɽǝŋu orn ṯa alëndr đëbǝrnia egelǝŋ igëndr yesu masiya. ¹⁰ gënǝŋu gaiyǝṯǝndr ṯa ndǝ lǝgamǝṯiar mǝldin walla lǝgaiyr, lǝgiđr aldǝɽaŋarlda. ¹¹ ŋen ŋafǝṯia bǝɽeđr nano bǝɽan na amǝđaiđr bǝɽan ṯa ñonḏǝṯe, ŋen ŋarno ñagëbǝđia. ¹² nanda ñagǝndeɽǝđia kaiñ, lorldaiñ, ṯa ñanaiee leđa đamia ildi lëbǝđia ŋǝmëɽria eñaŋ na ildi laɽo nǝlǝŋ enalo egelǝŋ yesu na ildi lǝndǝgagariñaṯa eŋen ŋafo mǝnna, ¹³ na ṯa ñǝlibwiṯi kaiñ ŋen ŋanṯa ŋǝmëɽria iŋi lënǝŋulu lëbǝđia. ɽaŋr ŋope, đëuṯaralo đëni eñaŋ pređ. ¹⁴ ñagǝndɽǝđia kaiñ, lorldaiñ, ṯa ñagagariñaṯa leđa ildi laiñǝlaŋǝno, na ṯa ñamǝđaṯe leđa ildi lëbia enare na ṯa ñëndǝjeici leđa elo ildi lëbia eŋen ŋǝrǝmwa na ṯa ñwalarano eŋen ŋǝleđa pređ. ¹⁵ rǝmoṯr ŋen ṯa ndǝ eđa gǝnǝŋ gaɽaieǝnde ŋen ŋeieia, ñerṯe ñagǝmoɽǝbiṯia ŋen ŋeieia, orn papwaiñr rađ jaiea jaica ṯa ñanaiciau lorǝba pređ na leđa pređ ŋen ŋaŋǝra. ¹⁶ ŋǝreṯr nanojaieajaica. ¹⁷ ñerṯe ñagǝđurwa iđǝṯurṯia đǝrǝmwa. ¹⁸ ŋërṯr rǝmwa nano eŋen pređ ŋen ŋanṯa ŋen ŋǝrǝmwa iŋi ŋafo igal masiya yesu ŋaɽo ṯia ŋen ŋanṯa ñaŋ. ¹⁹ ñerṯe ñagaɽiñaṯa usila gatǝɽe mǝldin. ²⁰ ñerṯe ñaganeđa đërrǝŋaiđia đǝŋen ŋǝrǝmwa. ²¹ nḏeicr ŋen pređ na ñënđi iŋi ŋaŋǝra na ŋaɽo đeṯam. ²² ŋgiṯr ŋen pređ iŋi ŋeicia. ²³ igǝbeɽǝđia ṯa rǝmwa irri ranaicǝnde đëuṯaralo arǝndǝtǝɽe eŋen pređ eŋalo, ṯa ñaɽeṯe ŋope na ṯa usila pređ na ufuđa pređ na aŋǝno pređ na ildi eldalo aɽrǝmujǝni ltǝɽe na lǝɽiñǝđeinu đǝskinia đero kwai kwai iliga lǝđoɽǝbǝđia đelǝŋ igëndr yesu masiya. ²⁴ rǝmwa irri randurǝndǝđia rënǝŋu rerṯo ŋen ŋuđǝrwaṯo, nṯia riđ ariđi ŋen iŋi. ²⁵ lorldaiñ, ṯurṯr rǝmwa ŋen ŋanṯa nanda. ²⁶ ekeɽǝđr lorldaiñanda pređ đǝkëndǝđiađano đatǝɽe. ²⁷ igǝndǝlwaɽǝṯia ŋen ŋwonḏǝṯo rǝmwa nëiñua ṯa ñëgǝri egađam igi lorlđalala pređ ildi ltǝɽe. ²⁸ igǝbeɽǝđia ṯa đǝbuŋṯia đelǝŋ igëndr yesu masiya ađǝndaufeṯe.