1 buṯrus

¹ fiñi buṯrus ñiŋgi igaɽo đǝđweinia đǝyesu masiya. igeɽǝđo leđa loṯǝnu ildi laɽ ilia ldǝlaldǝđǝnialo alo ibunṯus na alo igalǝṯiya na alo ikabǝḏukia na alo yasiya na alo ibiđiniya, ² ñaŋgi ñagwoṯǝnu eŋen ŋǝđaliŋeṯa đǝrǝmwa đaṯa iđi đafo ananoŋ ram, ñiđǝni ñagatǝɽe usilaga gatǝɽe ṯa ñǝne yesu masiya na ṯa ŋǝfǝni ŋǝlëɽǝŋu aŋǝndǝjeieǝbǝđiṯi nano. igǝbeɽǝđia ṯa đǝbuŋṯia na đëuṯaralo alǝɽǝjeini eñaŋ. ³ igǝbeɽǝđia ṯa đaṯa rǝmwa relǝŋ igëndr yesu masiya arǝbuŋǝnṯi. eŋen ŋǝŋabaiya ŋoɽra ŋǝlëɽǝŋu, rënǝŋu ralǝŋendr lǝgǝmaijǝnr ṯa alerṯr ŋen iŋi ŋamǝṯia iŋi lǝgauṯurṯiar đatođađa đǝyesu masiya eŋǝɽaiñ, ⁴ ṯa alerṯr đarraṯa iđi đaber điđ ađǝmǝndëđǝni na iđi đaber đǝtaŋa kwai kwai, na iđi đaber điđ ađapǝđe iđi đarǝmujǝnu egeɽa gǝrǝmwa elo ŋen ŋanṯa ñaŋ, ⁵ ñaŋgi ñagarǝmujǝnu jaiea jaica ŋabǝɽaŋa ŋǝrǝmwa eđonaṯa ṯa ñame đëbǝrnia iđi đǝṯuɽeinu ṯa điđ ađǝlǝŋini iliga lǝnḏurṯu alo. ⁶ ŋǝreṯr nano eŋen iŋi, orn điñǝđi iliga lobǝlano ŋen đeṯam ṯa ñananeini ŋen ŋubwa đinḏeiciađa đwaiña ɽetǝɽeteo. ⁷ ŋen ŋafǝṯia ṯa đonaṯa eđalo iđi đǝđeṯam điđ ađǝndǝmǝṯi đame na ŋen ŋaŋǝra na ŋaɽrwa liga yesu masiya aŋǝŋeini, na đonaṯa iđi đaŋǝra đamiñaṯo aḏ ḏaǝb isi yamǝndëđǝni, isi yinḏeinu isia. ⁸ ñagero ñagamaseieia kwai kwai orn ñagubwamaiya, na điñǝđi ñagaber ñagamaseicia orn ŋen ŋanṯa ñagëndu ŋen iŋu ñagaŋǝra nano đaŋǝrađa nano iđi đerṯo ŋaɽrwa na iđi leđa laber laɽǝwađaṯa lwaɽwatau, ⁹ ŋen ŋanṯa ñagiđi ñarǝmaṯe alo iđǝđurwa eđonaṯa eđalo, fǝŋu đëbǝrnia đusila egalo. ¹⁰ al anbiya isi yërrǝŋaiđu ŋen ram ŋǝđanaicia mǝɽǝmǝɽeñ iđi điđ ađǝndeṯa nano, yënǝŋulu yafo yabapwaiña na yafo yagagwonda ŋen ŋǝđëbǝria iđi. ¹¹ yënǝŋulu yafo ywonaṯa yapwaiña liga na ŋen ŋǝliga laɽo ṯau ildi usila gal masiya igi gafǝlau gwukurǝjaicau, ŋen usila gwaɽwato eŋen ŋeica ŋubwa iŋi al masiya giđ aŋǝneini na eŋen ŋǝŋaɽrwa iŋi ŋiđ aŋfeṯe nḏurṯu. ¹² ŋen ŋiđǝnu ŋǝlǝŋinu iŋulu ṯa yënǝŋulu yǝđuɽǝđǝnṯu gerṯa ntam enen orn ñaŋ eŋen iŋei ŋwalwaɽǝṯǝnđe điñǝđi leđala ildi lërrǝŋaicǝnde ŋen ŋaŋǝra ŋǝrǝmwa usilaga gatǝɽe igi gwǝđweinu elo. al mǝlaiyǝka yonaṯa kaiñ ṯa yagagwanda ŋen iŋei. ¹³ ŋen ŋafǝṯia bǝɽeđr nano ñape sǝnđua na ñaṯurṯi ŋope đǝbuŋṯia đusila iđi điđ ađǝndǝneini iliga lǝđaŋaieia đǝyesu masiya. ¹⁴ ɽeṯr ñere iñi ñǝnna ŋen ŋeṯen na ñerṯe ñagëbǝđia ŋen iŋi ŋeieia ñagafo ñagwonaṯa liga ñagafo ñagaijǝba ŋen ŋope, ¹⁵ orn ŋen ŋarno rǝmwa irri rundǝđǝnde rënǝŋu ratǝɽe, tǝɽeṯr eŋen pređ eŋalo, ¹⁶ ŋen ŋanṯa ŋen ŋǝwërđǝnu ṯa, tǝɽeṯr ñaganǝñaŋ ŋen ŋanṯa igënǝñi igatǝɽe. ¹⁷ na ndǝ ñagwundǝđia rǝmwa ñaṯa, papa, rënǝŋu irri rinḏeieia leđa pređ eŋen ŋǝŋǝmëɽria eŋen, eđa gǝnǝŋ gero garto, fafr ŋǝđaiñǝŋa liga ñagafo ñagaɽ ilia alo, ¹⁸ ŋen ŋanṯa ñagaliŋeṯo ṯa ñagero ñagapǝɽǝni eŋen ŋǝpiano iŋi eṯalanđa lërrǝŋaieǝnde ṯa ñaufeṯe, gerṯa laŋgela ildi lamǝndëđǝni garno faḏḏa walla aḏ ḏaǝb, ¹⁹ orn ñagapǝɽǝnu ŋǝfǝniŋa ŋaŋǝra ŋal masiya igi garno ɽruma laɽiñađeinu lero ŋeniano ŋǝtefr ŋǝtaŋa kwai kwai. ²⁰ gënǝŋu gafo gëɽǝnu ŋen ŋanṯa ŋen iŋi liga alo yamǝlu yǝbǝđǝni, orn giđǝnu gǝlǝŋinu eleđa iliga lǝnḏurṯu alo ŋen ŋanṯa ñaŋ, ²¹ ñaŋgi ñagëndu ŋen ŋǝrǝmwa gënǝŋuga irri ratuđǝma eŋǝɽaiñ nđrǝmanaiee ŋaɽrwa. nṯia đonaṯa eđalo na ŋen ñagaṯurṯiau, laŋge ildi, lafo irǝmwa. ²² ŋen ŋanṯa ñagaṯoɽaṯo nusila enalo ṯa anǝtǝɽeṯe đǝnnađa đǝŋen ŋǝđeṯam na ñagubwa lorlđalala eŋen ŋuđǝrwaṯo, ŋen đeṯam ṯa ñagubwiđia araga gunto. ²³ ñagǝlǝŋǝnu ñagǝmaijǝn, gerṯa eŋǝlwa iŋi ŋamǝndëđǝni orn eŋǝlwa iŋi ŋaber ŋamǝndëđǝni, na fǝṯia ŋenŋa ŋǝrǝmwa irri ramǝṯia na rafo bǝɽǝbǝte. ²⁴ ŋen ŋanṯa aŋǝno pređ yënǝŋu yarno ŋaiña, na ŋaɽrwa ŋaŋǝno ŋënǝŋu ŋarno lǝđobǝra lǝŋaiña. ŋaiña ŋamuđia aŋǝno na ŋǝđobǝra nǝŋirǝwuṯa alo. ²⁵ orn ŋen ŋǝrǝmwa ŋafo bǝɽǝbǝte. ŋen iŋi ŋaɽo ŋen ŋaŋǝra ŋǝrǝmwa iŋi ŋërrǝŋeinǝnde.

¹ ŋen ŋafǝṯia ŋgeicr ŋen pređ ŋeicia na ŋađǝna na ŋen ŋaɽo ŋiɽijan na đǝgiaṯa ŋen na đǝbwaiđia ŋen, ² na onaṯr ŋan iŋi ŋatǝɽe ŋusila ŋen ŋarno ŋere ŋǝta ŋǝɽolaŋ, ṯa ñoɽreṯe ŋanŋa iŋi ñëbǝrni, ³ ŋen ŋanṯa ñagërrǝŋeinu eŋen eŋalo ṯa elǝŋ yesu gaŋǝra kaiñ. ⁴ ndǝ ñaŋ ṯǝñamerldeṯo nano, gënǝŋu igi gaɽo lwandra ildi lamǝṯia, ildi laniđǝnu eleđa orn gëɽǝnu irǝmwa na laŋǝra kaiñ rënǝŋu nëiñua, ⁵ ñagakabǝđeini ŋen ŋarno ŋwandra iŋi ŋamǝṯia ṯa ñaɽeṯe eɽa gusila na ṯa ñaɽeṯe kana yatǝɽe ṯa ñanaiđe yesu masiyaga đǝɽǝđǝnia đusila iđi rǝmwa riđ araŋǝnṯi. ⁶ nṯia đeṯam, ŋen ŋanṯa ŋen ŋǝwërđǝnu egađam gǝrǝmwa ṯa, seicr, igǝbëɽia lwandra laɽnda lađuna alo isiyun ildi lëɽǝnu na laŋǝra kaiñ na eđa gero gǝnǝŋ igi gǝbendia ŋen ŋǝlëɽǝŋu giđ aŋiđǝni girǝwano. ⁷ nṯia đamia đafo eđalo ñaŋgi ñagëndu ŋen ŋǝlëɽǝŋu, orn eleđa ildi laber lǝnna ŋen ŋǝlëɽǝŋu lwandra ildi leđa labijǝđia laneđo lënǝŋu điñǝđi laɽo lwandra ildi laɽnda lađuna, ⁸ na lwandra ildi leđa labakëɽǝŋeiniau na lwandra ildi labakëɽǝŋaicia leđa. lënǝŋulu labakëɽǝŋeinia eŋen ŋǝrǝmwa ŋen ŋanṯa laber lǝnna na fǝŋen iŋi lënǝŋulu lëɽǝniau ananoŋ. ⁹ orn ñaŋ ñagaɽo leđa loṯǝnu, na leđa ltǝɽe ildi laɽo kana, na lǝŋǝlǝŋe ŋëɽǝnṯu rǝmwa na leđa ildi alǝɽeṯe ɽrǝmwa đurri, ṯa ñërrǝŋaiđe ŋen ŋoɽra kaiñ ŋǝlëɽǝŋu irri rundǝđǝnde iŋǝrǝm ṯa ñafeṯe egarrerre gǝlëɽǝŋu igi gaŋǝra kaiñ. ¹⁰ ananoŋ gerṯa ñagafo ñagǝŋǝlǝŋ, orn điñǝđi ñagaɽo leđa ɽrǝmwa. ananoŋ ñagero ñaganeini ŋǝbaiyaŋǝno orn điñǝđi ñaganeinu ŋǝbaiyaŋǝno. ¹¹ ñaŋ ñaŋgi igubwandiya, igǝndekeɽǝđia garno ilia na leđa liŋamia ṯa ñaneđe đonaṯa đeicia iđi đaŋǝno, iđi đǝbwaiñǝđia nusilana enalo jaica jaica. ¹² fafr ŋenŋa pređ eŋalo ŋuđǝrwaṯo eleđa laijǝba rǝmwa ṯa, ndǝ lënǝŋulu lǝbaṯa ŋen ŋeicia lageandr, lënǝŋulu alseici ŋen eŋalo ŋaŋǝra na ŋen ŋafǝṯia liđ alnaice rǝmwa ŋaɽrwa iloman ildi rǝmwa riđ arǝweṯa leđa nano. ¹³ naicr leđa lerṯo ŋǝlǝŋe ntam enalo ŋen ŋanṯa elǝŋ yesu. naicr elǝŋ goɽra ntam enalo igi gafo leđa pređ nëiñua, ¹⁴ na nǝlǝŋ eum ini gënǝŋu gwađwaṯǝlo ṯa alakǝme leđa ildi lëbǝđia ŋen ŋeieia, na ṯa alpǝɽe leđa ildi lëbǝđia ŋen ŋaŋǝra. ¹⁵ ŋen ŋanṯa fǝŋen iŋi ŋǝrǝmwa ṯa ndǝ ñagëbǝđia ŋen ŋaŋǝra ñabwaiñe ŋen ŋǝma iŋi ŋǝpiano ŋǝleđa laijǝba ŋen nǝsi. ¹⁶ fafr ñagarno leđa laber lǝbendǝni, orn ñerṯe ñagëbǝđia ŋen iŋi ṯa ŋarneṯe erena igi galǝbieo ŋen ŋeieia iŋi ñagëbǝđia. iđǝr ntam enalo ndǝ lǝbai ɽrǝmwa. ¹⁷ naier leda pređ đamia. bwiđǝrya elorǝb. đǝñiṯr rǝmwa na naier elǝŋ goɽra đamia. ¹⁸ ya leđa ñaŋgi ñagǝđuɽǝđǝnṯia leđa ɽrǝto eneɽa enen, naier leđa lerṯǝnde ntam enalo ŋǝđaiñaŋa, gerṯa lënǝŋulu ildi laŋǝra na laɽiñaṯa ŋen ikǝrǝŋ orn lënǝŋulu cum ildi lerṯo ŋen ŋǝɽiano. ¹⁹ ŋen ŋaŋǝra kaiñ ndǝ eđa gǝnǝŋ ŋen ŋanṯa galiŋeṯo rǝmwa gaɽiñaṯa ŋen ŋǝđwana đǝlëɽǝŋu eŋen ŋubwa ŋeieia iŋi gënǝŋu ganeini. ²⁰ na ŋaɽrwa ŋafo ṯau ndǝ ñagaɽiñaṯa ŋen ŋǝđǝpwa iđi ñaganeini ŋen ŋanṯa ñagiđu ŋen ŋeicia? orn ndǝ ñagëbǝđia ŋen ŋaŋǝra na ñaganeini ŋen ŋubwa ŋeicia orn ñagaɽiñaṯa ŋen iŋi fǝŋen iŋi ŋaŋǝra kaiñ irǝmwa. ²¹ đeṯam ñagwurǝndǝđǝnu ṯa ñafeṯe ṯia, ŋen ŋanṯa al masiya eum ganeinu ŋen ŋubwa ŋeieia ŋen ŋanṯa ñaŋ na gënǝŋu ganaieǝnde ŋen ṯa ñateṯe rǝmanǝña rǝlëɽǝŋu. ²² gënǝŋu gero gëbǝđia ŋen ŋǝnǝŋ ŋeieia kwai kwai na ŋađǝna ŋero ŋǝfiđǝni egëiñua gǝlëɽǝŋu kwai kwai. ²³ gënǝŋu gađamieǝnu eŋen orn gero goɽǝbaico eŋen iŋi, gënǝŋu gananeinu ŋen ŋubwa ŋeicia orn gero gwaɽwata eŋen ŋeieia kwai kwai na ganaieo rǝmwa etam gǝlëɽǝŋu irri rǝbinḏeieia ŋen pređ đuđǝrwaṯađa. ²⁴ gënǝŋu gamo ŋen ŋeicia iŋëndr egaŋǝno ilëɽǝŋu nḏuɽi, ṯa nëndr alaiyr eŋen ŋeicia, na ṯa alamǝṯr ṯa aliđr ŋen ŋuđǝrwaṯo. ñaŋ ñageiđinu rëɽra rǝlëɽǝŋu irri gënǝŋu ganeinu, ²⁵ ŋen ŋanṯa ananoŋ ñagafo ñagamiño ñagwaṯo ŋen ŋarno yaŋala, orn điñǝđi ñagoɽǝbaṯo eđa nano igi gǝsi na garǝmoṯwa nusila enalo.

¹ nṯia cum ya ñǝŋgenia, ŋen đeṯam ṯa ñaganaieia ebaŋgalanda ntam enalo eŋen pređ, ṯa ndǝ lǝmaṯan iŋulu lero lǝbendia ŋen ŋǝrǝmwa lënǝŋulu alǝmǝnṯi rǝmwa olega gero orn ŋenŋa ŋǝwasenanda, ² ndǝ laseicia ŋen ŋatǝɽe eŋalo ṯa ñagalnanaicia đame. ³ ñerṯe ñaŋgiṯi laŋge ilđi ñagǝliyiđǝnia ŋaiyo ṯa aɽreṯe laŋge laŋǝno nano, garno đǝbǝɽeinia ŋǝɽwa walla ŋabǝɽe ŋǝḏaǝb walla nđrena nwaiña naŋǝra, ⁴ orn đeṯam aɽreṯe laŋge lalǝbǝjǝnu egare, laŋge ildi laber liđ alǝmǝndëđǝni, na fusila igi gaɽo đǝđǝrnaṯaralo na gata ŋeniano. ŋen iŋi ŋaŋǝra kaiñ rǝmwa nëiñua. ⁵ nṯia ŋenŋa iŋi liji ltǝɽe ɽrlđa lǝpǝnde ildi laṯurṯu ŋen irǝmwa liđǝnu ŋaiyo laŋǝra. lënǝŋulu lananaico ebaŋgenanđa ntam enen, ⁶ ŋen ŋarno sara ganaṯo ibrayim eŋen pređ nǝŋǝmënǝci, elǝŋ. ñaganǝñaŋ ñagaɽo ñere ñǝlëɽǝŋu nđǝ ñagëbǝđia ŋen ŋame na nđǝ ñagaŋgiṯia ŋǝđaiña pređ. ⁷ nṯia cum ya lṯenia, ŋen đeṯam ṯa ñagafo wasalǝla eŋen ŋǝđaliŋeṯa. na đeṯam ñagǝlnanaica đame lënǝŋulu ɽrlda ildi lëbia lamiñaṯo ɽrwa, ŋen ŋanṯa ñagǝɽǝbǝđia eđǝnaicia mǝɽǝmǝɽeñ đǝđamǝṯia, ṯa đaṯurṯia rǝmwa eđalo ađerṯe đǝnđǝgirima. ⁸ fǝŋen ŋǝnḏurṯu alo ṯa đeṯam ñaŋ pređ ñafeṯe eŋen ŋunto, na ñagiaiđia ŋǝbaiyano, na ñubwiṯi lorlđalǝla na ṯa ñerṯe nara ñageyǝmađaṯa leđa, na ñarreṯe enare. ⁹ na ñerṯe ñaguɽǝbiṯia leđa ŋen ŋeicia ilđi landǝnaicia ŋen ŋeicia na ñerṯe ñagađamica leđa eŋen ilđi lađamǝcǝnde eŋen, orn buŋṯǝrldo, ŋen ŋanṯa ñagaliŋeṯo ṯa ñagwurǝndǝđǝnu eŋen iŋi ṯa ñarraṯe iđǝbuŋṯia. ¹⁰ ŋen ŋanṯa eđa gǝnǝŋ nđǝ gwonaṯa ṯa aŋǝreṯe nano iđamǝṯia na ṯa aŋǝseici ñoman ñaŋǝra, ŋgiṯǝmar aŋiđi đaŋǝla đǝlëɽǝŋu ṯa gaŋgiṯia ŋen ŋeicia na ëiñua ṯa aiyerṯe ywaɽwata ŋađǝna. ¹¹ na ŋgiṯǝmar aŋǝređe eŋen ŋeicia na aŋiđi ŋen ŋaŋǝra. ŋgiṯǝmar aŋǝpwaiñe đëuṯaralo orn aŋǝteṯe. ¹² ŋen ŋanṯa isi yelǝŋ rǝmwa yǝnwana leđa luđǝrwaṯo eŋen, na nënǝñia nǝlëɽǝŋu nǝnna đeɽǝđia eđen, orn isiano yelǝŋ rǝmwa yagea leđa ilđi lëbǝđia ŋen ŋeicia. ¹³ fesegi gǝbǝɽunde alo yubwa ndǝ ñagëɽǝđiaŋǝno ñiđi ŋen ŋaŋǝra? ¹⁴ orn ñagaŋǝra nano ndǝ ñagǝneini ŋen ŋubwa ŋeicia ŋen ŋanṯa ñaguđǝrwaṯo eŋen. ñerṯe ñagiđǝña ŋen ŋǝleđa ildi lageande kwai kwai na ñerṯe ñaŋgiṯi đu đǝndǝsano, ¹⁵ orn điñiṯr al masiya enare enalo ṯa gaɽ elǝŋ. đuɽeinr jaiea jaiea ṯa ñukuɽǝbiṯi leđa pređ ŋen ildi lǝndeɽǝđia, fǝṯau ñagaṯurṯia ŋen. orn ŋen đeṯam ṯa ñǝlukuɽǝbiṯi ŋen đǝđǝrnaṯađa aralo na ŋǝđaiñaŋa, ¹⁶ na ŋgiṯr nare enalo ini naɽwata đeṯam ṯa antǝɽeṯe jaiea jaica, ṯa ndǝ leđa lwaɽwata ŋen ŋeieia lageande lënǝŋulu ildi lǝđamǝeǝnde eŋen eŋalo iŋi ŋaŋǝra kaiñ igal masiya, liđ alirǝwano. ¹⁷ ndǝ ñaganeini ŋen ŋubwa ŋeicia ŋen ŋanta ñaguđǝrwaṯo eŋen ndǝ rǝmwa ronaṯa ṯia fǝŋen iŋi ŋaŋǝra ŋamiñaṯa ŋen ṯa ñaganeini ŋen ŋubwa ŋeieia ŋen ŋanṯa ñageicia eŋen. ¹⁸ ŋen ŋanṯa al masiya gënǝŋu gaiyo lomanto đǝge ŋen ŋanṯa ŋen ŋeieia, gënǝŋu igi guđǝrwaṯo eŋen ŋen ŋanṯa leđa lǝɽiano eŋen, ṯa aŋǝndǝmaṯr rǝmwa nano. gënǝŋu gaɽiñǝnu egaŋǝno, orn giđǝnu ṯa gamǝṯia igusil, ¹⁹ na gënǝŋu gabǝɽo igusil na gërrǝŋaicu nusila ŋen ini nafo isijǝn, ²⁰ nënǝŋulu ini naneđo nǝnna pǝnde, liga đwalarano đǝrǝmwa đǝṯurwa eñoman iñi nua gafo gëbǝđiau đǝpundri iđi leđa lǝmaṯan ildi laɽo đenǝŋ ldǝmiñe liɽijin lafo lëbǝrniau eŋau. ²¹ ŋen iŋi ŋawujǝnu garno mamuḏiya isi điñǝđi yǝndëbǝria đatwođađa đǝyesu masiya. mamuḏiya gerṯa yaɽo đwasǝni ŋǝrldeđa nano orn yaɽo đeɽǝđia đara gwaɽwata đeṯam ṯa aŋǝtǝɽeṯe rǝmwa nëiñua. ²² na yesu masiya gabǝṯo elo na gafo nḏaŋ đǝŋaicǝba đǝrǝmwa na mǝlaiyǝka na ŋǝlǝŋe na ŋabǝɽa ɽetǝɽeteo lënǝŋulu liđǝnu ṯa lǝnna ŋen ŋǝlëɽǝŋu.

¹ nṯia, ŋen ŋanṯa al masiya ganeinu ŋen ŋubwa ŋeicia egaŋǝno, ŋen đeṯam ṯa ñaŋ ñëndi đǝṯurwa iđi eŋen. ŋen ŋanṯa eđa ganeinu ŋen ŋubwa ŋeicia egaŋǝno gënǝŋu gaŋgiṯu ŋen ŋeieia đǝge, ² ṯa gënǝŋu aŋerṯe gafia mǝldin eŋen ŋeicia iŋi aŋǝno ywonaṯa, orn ṯa aŋfeṯe eŋen rǝmwa ronaṯa iliga ǝllëɽǝŋu lǝṯënu egaŋǝno. ³ ŋen ŋanṯa liga labǝɽo lwalano ṯa ñagiđiau ŋen garno ŋen ŋǝleđa laijǝba rǝmwa, liga ñagafiau iđeieia ŋǝɽwa, na eŋen ŋeicia aŋǝno yonaṯa, na eđǝramǝɽua, na inamǝđia, na eđǝrraiđia đǝđǝṯia ŋuɽu, na iđukwǝđiñiṯia laŋge alo lǝpiano iđi đagera ŋen. ⁴ leđa ildi laijǝba rǝmwa lirǝwano ŋen ŋanṯa ñaŋ ñerṯe ñagǝlaldǝñalda eŋen ŋǝđǝbǝreinialo na ŋen ŋafǝṯia lënǝŋulu laɽwato ŋen eŋalo ŋeieia. ⁵ orn ŋen đeṯam ṯa lënǝŋulu liđ aloɽǝbaiee ŋen iŋi rǝmwa nëiñua, irri rađuɽeini ṯa rabinḏeicia leđa lamǝṯia na leđa laiyo. ⁶ ŋen ŋafǝṯia eŋen iŋi ŋen ŋaŋǝra ŋǝrǝmwa ŋërrǝŋeinu eleđa ildi laiyo cum ṯa lënǝŋulu alinḏeinu eŋen ŋaŋǝno garno leđa, orn ṯa alamǝṯe igusila garno rǝmwa. ⁷ orn đamǝndëđǝnia đǝlaŋge pređ đalo đafo ṯwaiñ. ṯuɽǝđeinr ñape sǝndua iđaṯurṯi rǝmwa. ⁸ na ŋen ŋaɽnda, erṯr đubwiđia kaiñ eñaŋ ŋen ŋanṯa đubwiđia đatëria ŋen ŋwaiña ŋeicia. ⁹ ërnicr leđa eñaŋ eneɽa enalo đamǝlađia ŋenŋa đero. ¹⁰ ŋen ŋarno ñaŋ pređ ñaganeinu đǝnaicia đusila, đeṯam ñagamǝđaṯa lorldalanda đǝnaieiađa iđi, ŋen ŋarno leđa larǝmoṯwa đǝnaieia pređ ɽetǝɽeteo đǝrǝmwa ŋope. ¹¹ ndǝ eđa gǝnǝŋ gwaɽwata ŋen, ŋgiṯǝmar aŋiđi ṯia garno eđa gwaɽwata ŋen ŋǝrǝmwa. ndǝ eđa gǝnǝŋ gǝđuɽǝđǝnṯia lorlden, ŋgiṯǝmar aŋǝđuɽǝđǝni đonḏǝṯađa pređ iđi rǝmwa rǝnanaiđia, ṯa eŋen pređ rǝmwa arǝnaneini ŋaɽrwa yesu masiyaga. rënǝŋu rerṯo ŋaɽrwa pređ na ŋǝlǝŋe pređ bǝɽǝbǝte. amin. ¹² ya leđa lubwaniya kaiñ, ñerṯe ñagirǝwano ŋen ŋanṯa đǝnḏeieia isiaya iđi điđ ađǝndeṯa nano garno ndǝ ŋen ŋǝnḏirǝwiano ŋeṯǝnde nano, ¹³ orn ɽeṯr ñagaŋǝra nano ŋen ŋanṯa ñagǝbenṯia eđǝɽǝbǝđia eŋen ŋubwa ŋeieia iŋi al masiya ganeinu, ṯa ndǝ ŋaɽrwa ŋǝlëɽǝŋu ŋiđ aŋǝŋeini ñagiđi ñaŋǝreṯe nano kaiñ. ¹⁴ ñagaŋǝra nano ndǝ ñagađamǝeǝnu eŋen ŋen ŋanṯa ñagerṯo irǝŋ gal masiya, ŋen ŋanṯa iliga ildi usila gǝrǝmwa igi gerṯo ŋaɽrwa na ŋabǝɽa gafǝnde nano. lënǝŋulu laɽwata ŋen ŋusila gǝrǝmwa geieia orn ñaŋ ñagananaieia ŋaɽrwa. ¹⁵ ñerṯe ñagaŋgiṯi eđa gǝnǝŋ eñaŋ ṯa aŋǝnemi ŋen ŋubwa ŋeicia ŋen ŋanṯa gënǝŋu gaɽiñǝđe walla gaɽ oɽom walla gëbǝđia ŋen ŋeicia jaica jaica walla gǝbwaiđia ŋen. ¹⁶ orn nđǝ eđa gǝnǝŋ ganeini ŋen ŋubwa ŋeieia ŋen ŋanṯa gënǝŋu gaɽ al masiyi ñerṯe ñamaŋgiṯi ṯa aŋǝđiñiṯi ŋen nano, orn ŋgiṯǝmar aŋǝnaice rǝmwa ŋaɽrwa irǝŋga igi. ¹⁷ ŋen ŋanṯa liga leṯo đǝge ildi đakǝme điđ ađǝtođau eleđa leɽa gǝrǝmwa, na ndǝ đakǝme đatođa inëndr ananoŋ, đamǝndađa đǝleđa ilđi laneđo ŋen ŋaŋǝra ŋǝrǝmwa điđ ađǝfeṯe ṯau? ¹⁸ ndǝ ŋen ŋwonḏǝṯo ṯa eđa guđǝrwaṯo eŋen giđ aŋëbǝrni, leđa ildi laneđo rǝmwa na lafo eŋen ŋeieia liđ alɽeṯe ṯau? ¹⁹ ŋgiṯr leđa ildi laneini ŋen ŋubwa ŋeieia eŋen ŋǝrǝmwa aliđi ŋen ŋuđǝrwaṯo mǝldin na alnaiee rǝmwa nusila enen ṯa arǝɽromǝṯe irri riđu laŋge pređ na ruđǝrwaṯo eŋen.

¹ igënǝñi ñiŋgi igaɽ elǝŋ na đamǝđaṯa đǝŋen ŋubwa ŋeicia iŋi al masiya ganeinu, na ñiŋgi igǝbenṯia iđǝɽǝbǝđia đǝŋaɽrwa iŋi ŋiđ aŋǝŋeini, igënǝñi igǝbekeɽǝđia nǝlǝŋ eñaŋ kaiñ, ² ṯa ñǝsi yaŋala irǝmwa isi yaɽo leđa ǝllëɽǝŋu ildi lafǝndau, ñaɽrǝmoṯe gerṯa ŋen ŋanṯa ŋen iŋi ŋaɽo đeṯam eñaŋ orn ŋen ŋanṯa ñagwonaṯa ñagǝlǝsi, na gerṯa eŋen ŋeicia ṯa ñǝmame laŋge orn ñëɽǝđiṯiaŋǝno. ³ ñerṯe ñageicuɽǝđicia leđa elo ildi ɽrǝrnwa ñagǝɽrǝmoṯwa orn ñaɽeṯe ŋamǝla eyaŋala ṯa aiyǝndirnḏeiei eŋen pređ. ⁴ na ndǝ eđa gaɽ elǝŋ eleđa lǝsi yaŋala giđ aŋela ñaŋ ñagiđi ñaneini ṯaj isi yerṯo ŋaɽrwa isi yaber yiđ aiyapǝđe. ⁵ nṯia eum ya lëđǝmwa naier leđa loɽra ntam enalo. ñaŋ pređ naicr lorldalo ntam enalo, ñakaseini erena egweya gǝđǝta egare, ŋen ŋanṯa rǝmwa ragea leđa ildi linia enare, orn rabuŋṯia leđa ildi lǝrra enare. ⁶ ŋen ŋafǝṯia naier rǝmwa ntam enalo đǝtađa enare eđaŋ đǝlëɽǝŋu đwonḏǝṯo, ṯa ndǝ liga lafo ŋope rënǝŋu riđ arǝndabǝee elo. ⁷ naicǝmar ŋen pređ eŋalo ŋǝđu đǝnđǝsano, ŋen ŋanṯa rënǝŋu rǝnđǝnwana. ⁸ twođr ñape sǝndua ŋen ŋanṯa eđa gageande, igi seṯan, yënǝŋu yǝbakaldaica garno dëbia iđi đǝbara na đapwaiña waŋge đaɽǝwađaṯa đǝsa. ⁹ đwađr na ñonḏǝṯe eđonaṯa ŋen ŋanṯa ñagaliŋeṯo ṯa lorldalo alo pređ lananeinia ŋen ŋubwa ŋeieia ŋen ŋarno ñagananeinia. ¹⁰ na rǝmwa irri rënǝŋu rananaiđia đǝbuŋṯia pređ đusila, irri rundǝđǝnđe al masiyaga ṯa ñënṯi eŋaɽrwa ŋǝlëɽǝŋu ŋǝbǝɽǝbǝte rënǝŋu riđ arǝndǝtuđi arǝnđënđi alo na rid arǝndonḏǝjaice ndǝ ñaganeinu ananoŋ ŋen ŋubwa ŋeicia iliga lobǝlano. ¹¹ rënǝŋu rerṯo ŋǝlǝŋe pređ bǝɽǝbǝte. amin. ¹² igawërđǝṯǝnđe ađam igi gobǝlano đaŋđa đǝsilǝwanus, gënǝŋu igi igǝbaṯa ṯa gaɽ oraiñ guđǝrwaṯo eŋen, ṯa yǝndonḏǝjaiee na ṯa yǝndǝlwaɽǝṯi ṯa đeṯam ŋen iŋi ŋaɽo đǝnaicia mǝɽǝmǝɽeñ đǝrǝmwa. ɽaŋr ñagwonḏǝṯo eŋen iŋi. ¹³ gënǝŋu gaɽǝbwa igi gafo alo ibabil, igi ñagwuṯǝnǝlđa, na margus iđia gǝlëɽǝñi leɽǝđǝnde. ¹⁴ ekeɽǝđǝđr đǝkëndǝđiađano đatǝɽe. igǝbeɽǝđia ṯa đëuṯaralo ađǝnđaufeṯe pređ ñaŋgi ñagafo igal masiya.