1 yuanna

¹ ŋen iŋi ŋafo ananoŋ iŋi nanda ñagano na iŋi ñagǝseicu isiya, iŋi ñagwanwano na ñagapǝrro raŋra eŋen ŋǝđamǝṯia. ² đamǝṯia iđi đërrǝŋeiđǝnu na nanda ñagaseieu na ñagaɽo đamǝđaṯa na ñagǝndǝlwaɽǝṯia iđamǝṯia iđi đǝbǝɽǝbǝte iđi đafo đaṯaga na iđi đërrǝŋeinǝnde. ³ nanda ñagǝndǝlwaɽǝṯia ŋen iŋi ñagaseieu na ñagano ṯa ñaŋ eum alɽǝbǝđr eŋen. đǝɽǝbǝđia iđi eŋen eđaiñ đafo đaṯaga na iđiaga gǝlëɽǝŋu yesu masiya. ⁴ na nanda ñagǝwërđia ŋen iŋi ṯa đaŋǝra nano eđaiñ ađǝɽiñađeini. ⁵ fǝŋen iŋi ñaganaṯǝma na ñagǝndǝlwaɽǝṯia, ṯa rǝmwa raɽ arrerre na ŋǝrǝmia ŋero iŋu kwai kwai. ⁶ ndǝ lǝgǝbaṯar ṯa lǝgǝɽǝbǝđiar eŋen ŋuga orn ndǝ lǝgǝbǝrldar iŋǝrǝm, nëndr lǝgaɽr len na lǝgaber lǝgëbǝđiar ŋen ŋǝđeṯam. ⁷ nđǝ lǝgǝbǝrldar egarrerre ŋen ŋarno gënǝŋu gafo egarrerre lǝgǝɽǝbǝđiar eŋen lđǝɽo, na ŋǝfǝni ŋǝyesu, iđia gǝlëɽǝŋu, ŋǝndǝtǝɽiar eŋen pređ ŋeieia. ⁸ nđǝ lǝgǝbaṯar ṯa lǝgerr ŋen ŋeieia lǝgiđǝnr ŋađǝna bǝɽan na ŋen ŋǝđeṯam ŋero inëndr. ⁹ ndǝ lǝgamiñr ŋen iŋëndr ŋeieia gënǝŋu gerṯo ŋen ŋuđǝrwaṯo nṯia giđ aŋǝndǝŋgǝđeier ŋen iŋënđr ŋeieia na giđ aŋǝndwasr eŋen pređ ŋǝɽiano. ¹⁰ nđǝ lǝgǝbaṯar ṯa lǝgerr lǝgëbǝđiar ŋen ŋeicia lǝgamiđiar gaɽǝwen na ŋen ŋǝlëɽǝŋu ŋero ŋǝfia inëndr.

¹ ya ñere ñǝlëɽǝñi, igǝndǝwërđǝṯia ŋen iŋi ṯa ñerṯe ñagëbǝđia ŋen ŋeieia, orn ndǝ eđa gëbǝđia ŋen ŋeieia lǝgerṯr eđa gǝnǝŋ igi gaɽo đamǝđaṯa gǝbekeɽǝđia đaṯa kaiñ eŋen iŋëndr. fǝŋu yesu masiya igi guđǝrwaṯo eŋen. ² gënǝŋu gaɽo đǝŋgeieia đǝŋen iŋënđr ŋeieia na gerṯa ŋen iŋënđr ŋeicia ikǝrǝŋ orn ŋen ŋeieia ŋǝleđa pređ lalo eum. ³ lǝgaliŋeṯr đurri ṯa lǝgamaliŋeṯar ndǝ lǝgëbǝđiar ŋen ŋǝlëɽǝŋu. ⁴ eđa gǝnǝŋ igi gǝbaṯa, igaliŋeṯǝma, orn gaber garǝmoṯwa ŋen ŋǝlëɽǝŋu gënǝŋu gaɽǝwen na ŋen ŋǝđeṯam ŋero iŋn kwai kwai. ⁵ orn eđa igi ṯaŋǝrǝmoṯo ŋen ŋǝlëɽǝŋu, đeṯam đubwa đǝrǝmwa đǝbǝđǝni đǝɽiñǝđeinu iŋu. ndǝ ŋen iŋi ŋafo inëndr lǝgaliŋeṯr ṯa lǝgafr iŋu. ⁶ ndǝ eđa gǝbaṯa ṯa gafo iŋu ŋen đeṯarn ṯa gënǝŋu ṯaŋiđu ŋen garno al masiya giđu. ⁷ ya leđa lubwaniya, gerṯa ŋen ŋǝmaijǝn iŋi igǝndǝwërđǝṯia orn ŋen ŋananoŋ iŋi ñagano ananoŋ. ŋen ŋananoŋ fǝŋu ŋen ñagano nëiñua. ⁸ orn fǝŋen ŋǝmaijǝn iŋi igǝnđǝwërđǝṯia, ŋen ŋanṯa ŋǝrǝmia ŋamǝnđëđǝni na arrerre gǝđeṯam gǝwađialo đǝge. al masiya giđu ŋen iŋi ṯa ŋaɽo đeṯam, na ŋaɽo đeṯam eŋen eŋalo. ⁹ eđa igi gǝbaṯa ṯa gafo egarrerre orn ganeđo orǝba gënǝŋu gafo iŋǝrǝm mǝlđin. ¹⁰ eđa igi gubwa orǝbaga gënǝŋu gafo egarrerre na wagero gǝnǝŋ gafo egarrerre gëbǝđia eđa gǝbëɽǝŋeini. ¹¹ orn eđa igi ganeđo orǝba gënǝŋu gafo iŋǝrǝm na gǝbǝrlđa iŋǝrǝm. na gaijǝba alo ŋen ŋanṯa ŋǝrǝm ŋiđǝma gǝrǝmiṯu. ¹² ñere, igǝndǝwërđǝṯia ŋen ŋanṯa ŋen eŋalo ŋeieia ŋǝŋgeinu đǝge ŋen ŋanṯa irǝŋ gal masiya. ¹³ lṯenia, igǝndǝwërđǝṯia ŋen ŋanṯa ñagaliŋeṯǝma igi gafo ananoŋ bǝɽǝbǝte. lëđǝmwa, igǝndǝwërđǝṯia ŋen ŋanṯa ñagađamo eđa geieia. ñere, igǝwërđǝṯǝnde ŋen ŋanṯa ñagaliŋeṯo đaṯa. ¹⁴ lṯenia, igǝwërđǝ-ṯǝnde ŋen ŋanṯa ñagaliŋeṯǝma igi gafo ananoŋ bǝɽǝbǝte. lëđǝmwa, igǝwërđǝṯǝnde ŋen ŋanṯa ñagwonḏǝṯo na ŋen ŋǝrǝmwa ŋafǝndau, na ñagađamo seṯan. ¹⁵ ñerṯe ñagubwa aloya walla laŋgela ildi lalo. ndǝ eđa gǝnǝŋ gubwa ŋenŋa ŋalo gënǝŋu gero gubwa đaṯaga. ¹⁶ ŋen ŋanṯa ŋen pređ iŋi ŋafo alo, đonaṯa đaŋǝno đǝŋen ŋeieia na đonaṯa đisi ṯa ywanwana ŋen ŋeicia, na đinia enare nǝleđa lerṯo laŋge lwaiña iđi đǝpiano, ŋen iŋi ŋero ŋeṯo đaṯa nano orn ŋeṯo alo. ¹⁷ alo na ŋen ŋalo iŋi leđa lonaṯa kaiñ lamǝndëđǝm, orn eđa igi gëbǝđia ŋen rǝmwa ronaṯa gënǝŋu giđ aŋfeṯe bǝɽǝbǝte. ¹⁸ ñere, liga lǝnḏurṯu leṯo đǝge na ŋen ŋarno ñagano ṯa eđa goɽra giđ aŋela gǝbernia gageo al masiya đeṯam leđa leṯo lwaiña đǝge ildi lageo al masiya. ŋen ŋafǝṯia lǝgaliŋeṯr ṯa liga lǝnḏurṯu leṯo đǝge. ¹⁹ lënǝŋulu lamiñǝndrau orn gerṯa lǝldëndr. gǝbanṯa lënǝŋulu lǝldëndr ṯa lǝgaɽaŋarlda. lënǝŋulu lamiño ṯa ŋen aŋǝlǝŋini ṯa lënǝŋulu gerṯa lǝldëndr. ²⁰ orn ñaŋ pređ ñagëɽǝnu usila nano gatǝɽe, na ñaŋ pređ ñagerṯo đaliŋeṯa. ²¹ igero igǝndǝwërđǝṯia ŋen ŋanṯa ñagaijǝba ŋen ŋǝđeṯam orn ŋen ŋanṯa ñagaliŋeṯo ŋen ŋǝđeṯam, na ŋen ŋanṯa ŋaɽǝwen ŋero iŋi ŋeṯo eŋen ŋǝđeṯam. ²² esegi gaɽǝwen igi gabǝlaiea yesu ṯa gaɽo al masiya? feđa igi gageo al masiya igi gabǝlaiea đaṯa na iđia. ²³ eđa igi gabǝlaiea iđia gënǝŋu gaijǝba đaṯa. orn eđa igi gǝbërrǝŋaiđia ŋen ŋiđia gënǝŋu gerṯo đaṯa eum. ²⁴ ñaganǝñaŋ, ŋgiṯr ŋen iŋi ñagano ananoŋ aŋǝndaufeṯe. ndǝ ŋen iŋi ñagano ananoŋ aŋǝndaufeṯe ñaŋ cum ñagiđi ñafeṯe igiđia na iđaṯa. ²⁵ fǝŋen iŋi gëɽǝṯǝnde, đamǝṯia đǝbǝɽǝbǝte. ²⁶ igawërđǝṯǝnde ŋen iŋi eŋen ŋǝleđa ildei lonaṯa lǝndiđia ŋađǝna. ²⁷ orn ñaganǝñaŋ, usila gatǝɽe igi ñaganeinu gafǝndau, na gerṯa đeṯam ṯa eđa gǝndërrǝŋaicia ŋen. gënǝŋu gǝndërrǝ- ŋaicia ŋen pređ na gaɽo đeṯam, gerṯa gaɽǝwen, na ŋen ŋarno gërrǝŋaieǝnde, fafr igal masiya. ²⁸ na điñǝđi ñere, fafǝmarau ṯa lǝgëɽǝnr đǝñano ndǝ gënǝŋu giđ aŋǝmiñaṯe, na ṯa alerṯr lǝgirǝwarano, na ṯa alerṯr lǝgamaređiar nano ndǝ geṯo. ²⁹ ndǝ ñagaliŋeṯo ṯa gënǝŋu guđǝrwaṯo eŋen ñagaliŋeṯo ṯa leđa pređ ildi luđǝrwaṯo eŋen lǝlǝŋǝnu iŋu.

¹ wei đeṯam, đubwa đǝđaṯa đoɽra kaiñ iđi gubwandriya ṯa lǝgënǝjǝnr ñere ñǝrǝmwa. na đeṯam lǝgaɽr ñere ñǝrǝmwa. leđa lalo lero lǝndaliŋeṯar ŋen ŋanṯa laijǝba al masiya. ² ya leđa lubwaniya, lǝgaɽr ñere ñǝrǝmwa điñǝđi, orn ŋen ŋamǝlu ŋǝlǝŋini ṯa lǝgiđr alɽeṯr ṯau. orn lǝgaliŋeṯr ṯa ndǝ gënǝŋu giđ aŋǝndǝmiñǝṯr lǝgiđr almarneṯr ŋen ŋanṯa lǝgiđr almaseier đurri. ³ leđa pređ ildi laṯurṯia ŋen iŋi ŋafo iŋu lënǝŋulu lǝbǝđǝni ltǝɽe bǝɽan ŋen ŋarno gënǝŋu gatǝɽe. ⁴ leđa pređ ildi lëbǝđia ŋen ŋeieia lënǝŋulu lagera ŋen ŋǝrǝmwa. ŋen ŋeicia ŋaɽo đagera ŋen. ⁵ ñaŋ ñagaliŋeṯo ṯa al masiya gërrǝŋeiđǝnu ṯa aŋgeici ŋen iŋëndr ŋeieia, na ŋen ŋeicia ŋerǝmau kwai kwai. ⁶ eđa igi gafia iŋu gaber gëbǝđia ŋen ŋeieia. orn eđa igi gëbǝđia ŋen ŋeieia gënǝŋu gero gamaseicia na gero gamaliŋeṯa. ⁷ ñere, ñerṯe ñagaŋgiṯia eđa gǝnǝŋ ṯa gǝndiđia ŋađǝna. eđa igi gëbǝđia ŋen ŋuđǝrwaṯo gënǝŋu guđǝrwaṯo eŋen ŋen ŋarno rǝmwa ruđǝrwaṯo eŋen. ⁸ eđa igi gëbǝđia ŋen ŋeieia gënǝŋu gǝseṯan ŋen ŋanṯa seṯan yiđu ŋen ŋeieia ananoŋ na mǝldin điñǝđi. iđia gǝrǝmwa gërrǝŋeiđǝnu eŋen iŋi ṯa aŋǝmǝndađe ŋǝmëɽria ŋǝseṯan. ⁹ eđa igi gǝlǝŋǝnu irǝmwa gënǝŋu gaber gëbǝđia ŋen ŋeieia ŋen ŋanṯa ŋen ŋǝrǝmwa ŋafǝmau. gënǝŋu gaber gaɽǝwađaṯa gëbǝđia ŋen ŋeieia, ŋen ŋanṯa gǝlǝŋǝnu irǝmwa, ¹⁰ ñere ñǝrǝmwa na ñere ñǝseṯan ñǝlǝŋinu ŋenŋa iŋi. eđa igi gaber gëbǝđia ŋen ŋuđǝrwaṯo gënǝŋu gerṯa gǝrǝmwa, na eđa igi gero gubwa orǝbaga gënǝŋu gerṯa gǝrǝmwa. ¹¹ fǝŋen iŋi ñagano ananoŋ ṯa ŋen đeṯam aliyubwiđr, ¹² gerṯa garno kaiyin igi gǝseṯan gaɽiño orǝba. gaɽiñama eđa? ŋen ŋanṯa ŋen ŋǝlëɽǝŋu ŋeieia na ŋen ŋorǝba ŋuđǝrwaṯo. ¹³ lorldaiñ, ñerṯe ñagirǝwano ndǝ leđa lalo laneđǝnde. ¹⁴ lǝgaliŋeṯr ṯa lǝgamiñr eŋǝɽaiñ orn lǝgënṯr iđamǝṯia ŋen ŋanṯa lǝgubwiđr. eđa igi gero đubwa gënǝŋu gafo eŋǝɽaiñ mǝldin. ¹⁵ eđa igi ganeđo orǝba gënǝŋu gaɽiñǝđia, na ñagaliŋeṯo ṯa eđa gaɽiñǝđia gero gǝberṯa đamǝṯia đǝbǝɽǝbǝte đafǝmau. ¹⁶ lǝgaliŋeṯr đubwa đurri ŋenŋa ŋal masiya, ṯa gënǝŋu ganaiđo đamǝṯia đǝlëɽǝŋu ŋen ŋanṯa nëndr. ŋen ŋaŋǝra eum ṯa lǝganaiđiar đamǝṯia iđëndr ŋen ŋanṯa lorǝba. ¹⁷ eđa gǝnǝŋ igi gerṯo laŋge lalo na gǝseieia orǝba gaɽo ŋabaiyaŋǝno, orn ṯaŋerṯa gamamǝđaṯa, ŋen ŋanṯau đubwa đǝrǝmwa đafo egare gǝlëɽǝŋu? ¹⁸ ya ñere ñǝlëɽǝñi, alerṯr lǝgubwar leđala olega walla đaŋǝlađa orn albwiṯr leđala ŋǝmëɽriaŋa na ŋenŋa ŋǝđeṯam. ¹⁹ lǝgaliŋeṯar ŋenŋa iŋi ṯa lǝgǝđeṯamr na lǝgiđr alonḏeier nare inëndr ŋu nëiñua, ²⁰ eŋen pređ nare inëndr nǝndǝsǝkirau, ŋen ŋanṯa rǝmwa roɽra ramiñaṯo nare inëndr na rënǝŋu raliŋeṯo ŋen pređ. ²¹ ya leđa lubwaniya, lǝgerṯr đëɽǝni đǝñano rǝmwa nëiñua ndǝ nare inëndr naber nǝndǝsǝkiar, ²² na rënǝŋu rǝndǝnanaiciar laŋge pređ ndǝ lǝgabeɽǝđiar ŋen ŋanṯa lǝgarǝmoṯwar ŋen ŋǝlëɽǝŋu na lǝgëbǝđiar ŋen iŋi ŋëbǝđia raŋǝra nano. ²³ fǝŋen iŋi ŋǝrǝmwa ṯa alëndr ŋen irǝŋga giđia gǝlëɽǝŋu, yesu masiya, na ṯa aliyubwiđr ldǝɽo garno gënǝŋu gwalwaɽǝṯǝndr. ²⁴ eđa gǝnǝŋ igi garǝmoṯwa ŋen ŋǝlëɽǝŋu gënǝŋu gafo igal masiya na al masiya gafǝmau. na lǝgaliŋeṯr ṯa gënǝŋu gafǝndrau ŋenŋa ŋusila gatǝɽe igi gënǝŋu ganaicǝndr.

¹ ya leđa lubwaniya, ñerṯe ñagabendia ŋen ŋǝnusila pređ orn irnḏeicr nusila ṯa ñaliŋeṯe ndǝ neṯo rǝmwa nano, ŋen ŋanṯa anbiya ywaiña eŋaɽǝwen yabakaldaiea alo. ² lǝŋeṯr usila gatǝɽe gǝrǝmwa ŋenŋa iŋi. nusila pređ ini naɽwata eŋen ŋǝyesu ṯa gënǝŋu gaɽ al masiya igi geṯo egaŋǝno, nënǝŋulu neṯo rǝmwa nano, ³ orn nusila pređ ini nađama ŋen iŋi ŋǝyesu nënǝŋulu gerṯa nǝrǝmwa. ŋen iŋi ŋaɽo ŋǝmëɽria ŋeđa gageo al masiya. ñagano ṯa gënǝŋu giđ aŋela, na đeṯam gënǝŋu gafo alo điñǝđi. ⁴ ñere, ñagǝrǝmwa na ñagađamo anbiya eŋaɽǝwen ŋen ŋanṯa igi gafǝnđau goɽra gamiñaṯa igi gafo alo. ⁵ yënǝŋulu yalo nṯia ywaɽwata eŋen ŋalo na leđa lalo laldǝnaṯa. ⁶ nëndr lǝgǝrǝmwar, na eđa igi galiŋeṯo rǝmwa gënǝŋu gandǝnaṯar. eđa igi gerṯa gǝrǝmwa gënǝŋu gaber ganđǝnaṯar. eŋen iŋi lǝgaliŋeṯr usila gǝđeṯam na usila gǝŋen ŋafo mǝnna. ⁷ ya leđa lubwaniya, aliyubwiđr ŋen ŋanṯa đubwa đeṯo irǝmwa na leđa pređ ildi lubwiđiya lënǝŋulu lǝlǝŋǝnu irǝmwa na laliŋeṯo rǝmwa. ⁸ eđa gǝnǝŋ igi gero đubwa gënǝŋu gero galiŋeṯa rǝmwa, ŋen ŋanṯa rǝmwa raɽo đubwa. ⁹ đubwa đǝrǝmwa đërrǝŋeiđǝnu inënđr eŋen iŋi ṯa rǝmwa rađwaṯo iđia gǝlëɽǝŋu gunto alo ṯa nëndr alamǝṯr iŋu. ¹⁰ fǝđubwa, gerṯa ṯa lǝgubwar rǝmwara, orn ṯa rënǝŋu rubwanđriya na rađwaṯo iđia gǝlëɽǝŋu ṯa aŋǝɽeṯe đǝpǝɽa eŋen iŋënđr ŋeieia. ¹¹ ya leđa lubwaniya, ndǝ rǝmwa rubwandriya ṯia ŋen ŋaŋǝra ṯa aliyubwiđr. ¹² eđa gero gǝnǝŋ gaseicu rǝmwa kwai kwai. ndǝ lǝgiyubwiđiar rǝmwa rafǝnđrau na đubwa đǝlëɽǝŋu điđǝnu đǝɽiñađeinu inënđr. ¹³ lǝgaliŋeṯr ṯa lǝgafǝrau na rënǝŋu rafǝnđrau ŋen ŋanṯa rënǝŋu ranaicǝndr usila gatǝɽe gǝlëɽǝŋu. ¹⁴ nanda ñagaseicu ŋen iŋi na ñagǝmama đamǝđaṯa ṯa đaṯa rǝmwa rađwaṯo iđia ṯa aŋǝɽeṯe đëbǝria đǝleđa lalo. ¹⁵ eđa gǝnǝŋ igi gwaɽwata ṯa yesu gaɽ iđia gǝrǝmwa, rǝmwa rafǝmau na gënǝŋu gafo irǝmwa. ¹⁶ nṯia lǝgaliŋeṯar đubwa na lǝgaŋǝđeinr đubwa iđi rǝmwa rëɽǝndr nano. rǝmwa raɽo đubwa na eđa gǝnǝŋ igi gafo iđubwiđia gënǝŋu gafo irǝmwa na rǝmwa rafǝmau. ¹⁷ đubwa điđǝnu đǝɽiñǝđeinu inëndr ṯa alëɽǝnr đǝñano iloman ildi rǝmwa rauwakǝme alo, ŋen ŋanṯa garno yesu gafo alo nṯia nëndr cum lǝgafr alo. ¹⁸ đubwa đero ŋǝđaiñano orn đubwa iđi đǝɽiñǝđeinu đamiñu ŋǝđaiña ŋen ŋanṯa ŋǝđaiña ŋerṯo đakǝmeano, na eđa gǝnǝŋ igi giđǝñalo gënǝŋu gero gǝbǝđǝni gǝɽiñǝđeinu iđubwa. ¹⁹ lǝgiyubwiđiar ŋen ŋanṯa rǝmwa rubwandriya ananoŋ. ²⁰ ndǝ eđa gǝnǝŋ gǝbaṯa, igubwa rǝmwara, orn ganeđo orǝba gënǝŋu gaɽǝwen. ŋen ŋanṯa eđa igi gero gubwa orǝbaga igi gaseieǝma gënǝŋu gaber gaɽǝwađaṯa gubwa rǝmwara irri gero gaseieia. ²¹ rënǝŋu rǝnaieǝndr ŋen iŋi ṯa, eđa igi gubwa rǝmwara ŋen đeṯam gënǝŋu gubwa orǝbaga eum.

¹ leđa pređ ildi lëndu ŋen ṯa yesu gaɽ al masiya lënǝŋulu lǝlǝŋǝnu irǝmwa na leđa pređ ildi lubwa đaṯaga gǝnǝŋ lënǝŋulu lubwa iđiaga gǝlëɽǝŋu eum. ² lǝgaliŋeṯr ṯa lǝgubwar liđiala ɽrǝmwa ndǝ lǝgubwar rǝmwara na lǝgëbǝđiar ŋen ŋǝlëɽǝŋu. ³ fǝđubwa rǝmwara ṯa lǝgarǝmoṯwar ŋen ŋǝlëɽǝŋu. na ŋen ŋǝlëɽǝŋu ŋero ŋǝndiniar nano, ⁴ ŋen ŋanṯa leđa na laŋge pređ ildi lǝlǝŋǝnu irǝmwa lađama alo. ŋabǝɽa iŋi ŋađamo alo fǝŋu đonaṯa iđëndr. ⁵ eđa igi gađamo alo gerṯa fǝŋu igi gëndu ŋen ṯa yesu gaɽ iđia gǝrǝmwa? ⁶ iđia gǝrǝmwa fǝŋu igi geṯo gamiño eŋau na iŋǝfǝni, fǝyesu masiya. gënǝŋu gero geṯo ŋawaŋa ikǝrǝŋ orn geṯo ŋawaŋa na ŋǝfǝniŋa. fusila gatǝɽe igi gaɽo đamǝđaṯa ŋen ŋanṯa usila gatǝɽe gaɽo đeṯam. ⁷ laŋge laɽo liɽijin ildi laɽo đamǝđaṯa, ⁸ usila gatǝɽe na ŋawa na ŋǝfǝni na lënǝŋulu lerṯo ŋen ŋunto. ⁹ ndǝ lǝgǝbaŋǝnṯiar đamǝđaṯa đǝleđa, đamǝđaṯa đǝrǝmwa đoɽra đamiñaṯa orǝba gǝleđa. fǝđamǝđaṯa đǝrǝmwa ṯa rënǝŋu ramamo đamǝđaṯa eŋen ŋiđia gǝlëɽǝŋu. ¹⁰ eđa gǝnǝŋ igi gëndu ŋen ŋiđia gǝrǝmwa gënǝŋu gerṯo đamǝđaṯa egare. orn eđa igi gero gǝbendia ŋen ŋǝrǝmwa gënǝŋu giđu rǝmwa raɽǝwen, ŋen ŋanṯa gero gǝbendia đamǝđaṯa iđi rǝmwa ramamo eŋen ŋiđia gǝlëɽǝŋu. ¹¹ fǝđamǝđaṯa ṯa rǝmwa ranaieǝndr đamǝṯia đǝbǝɽǝbǝte, na đamǝṯia iđi đafo igiđia gǝlëɽǝŋu. ¹² eđa gǝnǝŋ igi gerṯo iđia gǝrǝmwa egare gënǝŋu gerṯo đamǝṯia iđi, orn eđa gǝnǝŋ igi gero gǝberṯia iđia gǝrǝmwa egare gënǝŋu gero gǝberṯia đamǝṯia iđi. ¹³ igǝndǝwërđǝṯia ŋen iŋi ñaŋgi ñagëndu irǝŋ giđia gǝrǝmwa ṯa ñaliŋeṯe ñagerṯo đamǝṯia đǝbǝɽǝbǝte. ¹⁴ fǝđëɽǝni đǝñano iđi lǝgerṯr iŋu ṯa nđǝ lǝgǝbeɽǝđiar waŋge gǝnǝŋ igi gafo eŋen ŋǝlëɽǝŋu rënǝŋu ranđǝnaṯar. ¹⁵ na nđǝ lǝgaliŋeṯr ṯa rënǝŋu ranđǝnaṯar eŋen iŋi lǝgeɽǝđr lǝgaliŋeṯr ṯa rënǝŋu rǝndǝnaiciar laŋge ildi lǝgeɽǝđǝrldo. ¹⁶ ndǝ eđa gǝnǝŋ gaseicia orǝba igi gënđu ŋen gëbǝđia ŋen ŋeicia iŋi ŋaber ŋǝmama ŋǝɽaiñ gënǝŋu giđ aŋeɽǝđe rǝmwa na rǝmwa riđ arǝnaice orǝba đamǝṯia. ŋen iŋi ŋafo ŋen ŋanṯa leđa ildi lero lëbǝđia ŋen ŋeieia iŋi ŋǝmama ŋǝɽaiñ. orn ŋen ŋëni ŋeieia iŋi ŋǝmama ŋǝɽaiñ. igero igwalwaɽa ṯa ŋen đeṯam gënǝŋu gǝbeɽǝđia rǝmwa eŋen iŋi. ¹⁷ ŋen pređ iŋi ŋero ŋuđǝrwaṯa fǝŋen iŋi ŋeicia, na ŋen ŋëni ŋeicia iŋi ŋaber ŋamama ŋǝɽaiñ. ¹⁸ lǝgaliŋeṯr ṯa eđa gero gǝnǝŋ igi gǝlǝŋǝnu irǝmwa ṯaŋiđu ŋen ŋeieia mǝlđin, orn yesu igi gǝlǝŋǝnu irǝmwa gamarǝmoṯwa na seṯan yaber yamënđia. ¹⁹ lǝgaliŋeṯr ṯa lǝgǝrǝmwar na alo pređ yafo eŋabǝɽa ŋǝseṯan. ²⁰ lǝgaliŋeṯr ṯa iđia gǝrǝmwa geṯo đǝge na gënǝŋu ganaicǝnđe đaliŋeṯa ṯa alliŋeṯr rǝmwa rǝđeṯam. lǝgafǝmarau igi gǝđeṯam igi gaɽ iđia gǝlëɽǝŋu yesu masiya. fǝŋu rǝmwa irri rǝđeṯam na fǝđamǝṯia đǝbǝɽǝbǝte. ²¹ ya ñere ñǝlëɽǝñi, rǝmojǝđr eŋen ṯa ñaneđe laŋge lǝpiano kwai kwai ildi leđa ldukwuđiñǝṯialo.