3 JÃ

¹ Mɛr kɔ̃tɩn thɔna sɛbɛɛkɛ a ha Gayʋsɩɩkɛ mɩ-n nanɩ. Mɩ-n naarɛ na sobɔr. ² Ɩ̃ kuunikɛ mɩ-n nanɩ, mɔ̃ mɩ-n ƴaalnɩ gɩ hana far dʋɔn, thɩ̃ɛ fɛʋ na-n jala far bɔɔ, fɩ ’lɛ tomɩ kheu, mɔ̃ afɩ thuda n jalnɩ bɔɔ. ³ Gɩ da marɛ haar ka, ɔbɔɔkɛ omɩna kɔɔ ɩnɩ a mɩɩ sobɔ so jɩɩr sobɔrraakɛ hanɩ afɩ pa, kɛ dɔnɩ mɔ̃ fɩ-n ɩɩrnɩ sobɔrra. ⁴ Ma hana daʋ dɩɩ kɔ̃tɩ̃ jɔ da ʋra’, kɛ dɔnɩ mɔ̃ mɩ-n nɩɛnɩ dɩ ɩ̃ bɩsãsɔ n ɩɩrɛ sobɔrra. ⁵ Ɩ̃ kuunikɛ mɩ-n nanɩ, fɩ-n cʋʋrɛ bɔɔ gɩrɛraakɛ fɩ-n cʋʋnɩ omɩnana, narakɛ omɩnanaakɛ dɔnɩ kpakpala. ⁶ Wɩ mɩɩrɛ sobɔ so jɩɩr afɩ naʋra we gbɛbɩdaraa thɩ̃thɩɩn; ga bɔrɛ ado fɩ bul wi na fɩlɛɛkɛ na danɩ Thãgbara awɩ kpaar para. ⁷ Gɩdonɩ Jeju Kirisitii i dɔ nɔɔ wɩ thenι jal, sɩ wa-n tee thɩ̃ɛ ca kpalaa pa ga. ⁸ Gɛr gɩ sɛrɛ, sɩ teenanɛ sɩ tea wa tibil casɔɔle, a gbɛba kha thɔma na dɔ sobɔrra. ⁹ Mι kɔɔ kherere thɩmιιr gbe a ha we gbɛbιdara, sι Diyotιrɛfιιkɛ n ƴaalɛnι ιnι-n dɔ war ƴɛ kʋl aa-n gba asιda ga. ¹⁰ Gɛr gι ado mι pɔ, cʋʋ caalera a-n cʋʋnιsɔ ma ιιrna gɛr, gιdonι a-n mιιrɛ thιmιι puunə da-n pɛ sar, sι gelelakɛ ga-n nιιraa pa’, sι ɔɔ thɛthɛ n yι, ιna tee omιna ga, dι wιrɛ n ƴaalɛnι wa-n cʋʋ wo a-n pιɛr wɛr, sι dι wee wι we gbɛbιdaraa thɩ̃thιιn da-n faa. ¹¹ Ɩ̃ kuunikɛ mι-n nanι, fa-n phɛl thɩ̃ puə’, sι na phɛla thɩ̃ bʋɔ. Ʋrɛɛkɛ n cʋɛnι gιrɛɛkɛ bʋɔnɔnι Thãgbaada a do, sι ʋrɛ n cʋɛnι gιrɛ puurohi aa yι Thãgba ga. ¹² Tιbιla fɛʋ na sobɔrι thɛthɛrakɛ n mιιrɛ so jι bʋɔ dι wa-n pɛ Demetiriynsira; sɛrɛ dakha sι-n mιιrɛ so jιιr dι sa-n pιɛraa, dι fι jιrɛ asι so jι dʋɔn sobɔr. ¹³ Mι hananɛ thɩ̃ɛ jɔɔ a na khere far, sι ma-n ƴaal ɩ̃ gba sɛbɛ khere nyʋɔn na sɛbɛ kheredaa ɩ̃ mιιna fa’. ¹⁴ Sι mι pɛrɛ haar kιɛr na gbe ma yι fɛr sι mιι kha ƴɛ biro. ¹⁵ Thãgba na-n hana fι ha ιι. Asι kuunsɔ fʋɔr fɛr; fʋɔrɛ asι kuunsɔ fɛʋ bιɛlbιɛl na awι i.