လံာ်စီၤပီလူးကွဲးန့ၢ်စီၤတံတူး

လံာ်စီၤပီလူးကွဲးန့ၢ်စီၤတံတူး

၁

¹ ယွၤအခ့အပှၤ, ဒီးယ့ၣ်ရှူးခရံာ်အပှၤတၢ်မၢဖိ, ဒ်ယွၤ အပှၤဃုထၢဖိတဖၣ်အတၢ်နာ်, ဒီးတၢ်သ့ၣ်ညါတၢ်မ့ၢ် တၢ်တီလၢအဘၣ်ဃးဒီးတၢ်ယူးယီၣ်ယွၤအသိး, ² လၢ တၢ်မုၢ်လၢ်တၢ်မူအထူအယိာ်လၢယွၤလၢအကတိၤတၢ် ကဘျံးကဘျၣ်တသ့ဘၣ်တဂၤ စံးပာ်ဝဲလၢဟီၣ်ခိၣ်တ ချုးကဲထီၣ်ဒံးဘၣ်, ³ ဘၣ်ဆၣ်ဒီး, လၢအမုၢ်အလါဒၣ်ဝဲ တဖၣ်န့ၣ်, လီၣ်ဖျါအကလုၢ်အကထါလၢတၢ်စံၣ်တဲၤ တဲလီၤ, လၢတၢ်ဟ့ၣ်လီၤယၤ, ဒ်ယွၤ, ပှၤအုၣ်က့ၤခီၣ်က့ၤ ပှၤ, အတၢ်မၤလိာ်အသိးန့ၣ်, ယၤစီၤပီလူး, ⁴ စံးဘၣ်စီၤတံ တူး, ယဖိနီၢ်နီၢ်ဒ်တၢ်နာ်တမံၤဃီအသိးန့ၣ်, တၢ်ဘျုး တၢ်ဖှိၣ်, ဒီးတၢ်သူၣ်ကညီၤသးကညီၤ, ဒီးတၢ်ဃူတၢ်ဖိး လၢပၢ်ယွၤ, ဒီးလၢတၢ်အုၣ်က့ၤခီၣ်က့ၤပှၤ, ကစၢ်ယ့ၣ်ရှူး ခရံာ်အအိၣ်န့ၣ်, မ်အဘၣ်နၤတက့ၢ်.

⁵ ယပာ်လီၤတဲာ်နၤလၢကြ့တ့ၤန့ၣ်အဂ့ၢ်ဒ်အံၤ, ဒ်သိးန ကကတဲာ်ကတီၤတၢ်လၢအတလၢတပှဲၤဘၣ်တဖၣ်, ဒီး ဒ်သိးနကပာ်ထီၣ်ပှၤသူၣ်က့သးပှၢ်လၢဝ့ၢ်ကိးဖျၢၣ်ဒဲးအ ပူၤ, ဒ်ယမၤလိာ်တ့ၢ်နၤအသိး, ⁶ ပှၤလၢတၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်, ဒီးအိၣ်ဒီးအမါတဂၤဧိၤ, ဒီးအိၣ်ဒီးအဖိအလံၤလၢအကလုၢ်တီ, လၢတၢ်ပာ်တၢ် ကမၣ်လၢအလိၤလၢတၢ်ကလုာ်ကလိၤအဃိ အလီၢ်တ အိၣ်ဘၣ်, ဒီးတမ့ၢ်ဘၣ်အနၢ်က့ၣ်ဘၣ်န့ၣ်လီၤ. ⁷ အဂ့ၢ်ဒ် အံၤ, ဒ်ပှၤကွၢ်ယွၤအတၢ်အသိးန့ၣ်, ပှၤကွၢ်တၢ်အိၣ်ဖှိၣ် ဘၣ်အိၣ်ထူၣ်ဖျဲးဒီး တၢ်ပာ်တၢ်ကမၣ်လၢ အလိၤလီၤ. တမ့ၢ်ဘၣ်ပှၤလၢအမၤဖဲဒၣ်အသး, ပှၤလၢအသးဒိၣ်ထီၣ်ချ့, ပှၤလၢအအိၣ်လၢစပံးထံအဃၢၤ, ပှၤတီၢ်တၢ်, ပှၤ သးကွံစ့လၢအလၤကပီၤတအိၣ်ဘၣ်. ⁸ မ့ၢ်ပှၤလၢအ အဲၣ်ပှၤတမှံၤ, ပှၤလၢအအဲၣ်ပှၤဂ့ၤ, ပှၤလၢအပာ်အသး သပှၢ်သပှၢ်, ပှၤလၢအတီအလိၤ, ပှၤလၢအစီအဆှံ, ပှၤ လၢအကီၤအသး, ⁹ ပှၤလၢအဟံးဃာ်တၢ်အကလုၢ်အ မ့ၢ်အတီဒ်တၢ်သိၣ်တၢ်သီအသိးန့ၣ်, ဒ်သိးအကသိၣ်က ညးတၢ်လၢတၢ်သိၣ်တၢ်သီအဂ့ၤအဘၣ်, ဒီးတြီဃာ်ပှၤ ဂ့ၢ်လိာ်ဘှီလိာ်တဖၣ်န့ၣ်, သ့လီၤ. ¹⁰ အဂ့ၢ်ဒ်အံၤ, ပှၤအနၢ် က့ၣ်, ဒီးပှၤလၢအကတိၤတၢ်ကလီကလီ, ဒီးပှၤလီန့ၢ်ပှၤ အသးအိၣ်ဝဲအါဂၤ, လၢပှၤဒိးတၢ်ကူးတရံးအကျါအါ တက့ၢ်လီၤ. ¹¹ ပှၤတဖၣ်န့ၣ်ပဘၣ်ပအၢဃာ်အထးခိၣ် လီၤ. အဝဲသ့ၣ်, ဒ်သိးအကန့ၢ်ဘၣ်စ့လၢအလၤကပီၤတ အိၣ်ဘၣ်ဒီး, သိၣ်က့ၤတၢ်လၢအတဂ့ၤသိၣ်ဘၣ်, ဒီးမၤ ကဒံကဒါကွံာ်ပှၤဟံၣ်ဒီဟံၣ်ညါတဖၣ်လီၤ. ¹² ပှၤလၢအ ကျါဒၣ်ဝဲ, အဝံတဂၤစံးဝဲဒၣ်, ပှၤကြ့တ့ၤဖိမ့ၢ်ပှၤကတိၤ တၢ်ကဘျံးကဘျၣ်ထီဘိ, ဆၣ်ဖိကီၢ်ဖိအအၢ, ပှၤလၢအ ဟၢဖၢကၢၣ်ကျူလီၤ. ¹³ တၢ်အုၣ်အသးအံၤမ့ၢ်အမ့ၢ်အတီ လီၤ. မၤသးဒ်န့ၣ်ဒီး, ပာ်ဒူနသးဒီးသိၣ်ဃီၣ်အီၤ, ဒ်သိးအ သးကအိၣ်ဆူၣ်လၢတၢ်နာ်အပူၤတက့ၢ်. ¹⁴ ဒ်သိးအသုတ စူၢ်ပှၤယူဒၤဖိအပူလၢအတမ့ၢ်တတီဘၣ်တဖၣ်, ဒီးပှၤ ကညီအတၢ်သိၣ်တၢ်သီလၢအမၢပညိကွံာ် တၢ်မ့ၢ်တၢ် တီန့ၣ်, တဂ့ၤလီၤ.

¹⁵ ကယဲၢ်တၢ်ခဲလၢာ်မ့ၢ်အကဆှီလၢ ပှၤအကဆှီတဖၣ် အဂီၢ်, မ့မ့ၢ်ပှၤတကဆှီဘၣ်, ဒီးပှၤတစူၢ်တနာ်ဘၣ်တ ဖၣ်န့ၣ်တၢ်ကဆှီလၢအဂီၢ်တအိၣ်ဘၣ်နီတမံၤဘၣ်. မ့ၢ် အသူၣ်အသးဒီး အသးလၢအသ့ၣ်ညါဒၣ်တၢ်ဒၣ်လဲာ် န့ၣ်, တကဆှီဘၣ်လီၤ. ¹⁶ ပှၤတဖၣ်န့ၣ်စံးလီၤအသးလၢ သါသ့ၣ်ညါယွၤလီၤ. ဘၣ်ဆၣ်ဒီးသမၢအီၤလၢအတၢ်ဖံး တၢ်မၤန့ၣ်လီၤ. မ့ၢ်ပှၤလၢပသးဘၣ်အၢအီၤ, ဒီးပှၤတစူၢ် ဘၣ်တၢ်ဘၣ်, ဒီးလၢကယဲၢ်တၢ်မၤတၢ်ဂ့ၤအဂီၢ်န့ၣ်တ ဂိာ်တသီၣ်ဘၣ်နီတမံၤဘၣ်.

၂

¹ မ့မ့ၢ်နဲဒၣ်အံၤကတိၤတၢ်လၢအကြၢးဒီး တၢ်သိၣ်တၢ် သီလၢအဂ့ၤအဘၣ်, ဒ်သိးပိာ်ခွါသးပှၢ်တဖၣ်ကမ့ၢ်ပှၤ ကီၤအသး, ပှၤပာ်အသးသပှၢ်သပှၢ်, ပှၤကဒုလီၤတံၢ်, ပှၤလၢအအိၣ်ဆူၣ်လၢတၢ်နာ်အပူၤ, ² လၢတၢ်အဲၣ်တၢ် ကွံအပူၤ, လၢတၢ်ဝံသးစူၤအပူၤန့ၣ်တက့ၢ်. ³ ဒ်န့ၣ်အသိး ဒ်သိးပိာ်မုၣ်သးပှၢ်တဖၣ်န့ၣ်, လၢအမၤတၢ်ဖံးတၢ်အပူၤ ကမ့ၢ်ပှၤဂ့ၤဝဲဘၣ်ဝဲဒီးတၢ်စီတၢ်ဆှံ, ဒီးတမ့ၢ်ဘၣ်ပှၤဒုၣ် ဒွဲၣ်တၢ်, တမ့ၢ်ဘၣ်ပှၤအီလုၣ်ကိစပံးထံဘၣ်, မ့ၢ်ပှၤသိၣ် တၢ်လၢအဂ့ၤ, ⁴ ဒ်သိးအကသိၣ်က့ၤပိာ်မုၣ်လၢအသးစၢ် တဖၣ်လၢအကပာ်အသးသပှၢ်သပှၢ်, လၢအကမ့ၢ်ပှၤ အဲၣ်အဝၤ, ပှၤအဲၣ်အဖိ, ⁵ ပှၤကဒုလီၤတံၢ်, ပှၤစီဆှံ, ပှၤ ကွၢ်အဟံၣ်, ပှၤအသးဂ့ၤ, ပှၤစူၢ်အဝၤ, ဒ်သိးယွၤအက လုၢ်အကထါသုတဘၣ်တၢ်ဒုၣ်ဒွဲၣ်အီၤတဂ့ၤလီၤ.

⁶ ဒ်န့ၣ်အသိးသဆၣ်ထီၣ် ပှၤပိာ်ခွါလၢအသးစၢ်တဖၣ် အခံ, ဒ်သိးအကပာ်အသးသပှၢ်သပှၢ်တက့ၢ်. ⁷ ဒုးနဲၣ်န သးလၢတၢ်မၤဂ့ၤအဒိအတဲာ် လၢတၢ်ကိးမံၤဒဲးအပူၤ, လၢသိၣ်တၢ်သီတၢ်အပူၤန့ၣ်, ဒုးနဲၣ်တၢ်တအုၣ်တကျၣ် ဘၣ်, တၢ်ပာ်အသးသပှၢ်သပှၢ်, ⁸ တၢ်ကတိၤအဂ့ၤအ ဘၣ်လၢပှၤပာ်တၢ်ကမၣ်လၢအီၤတသ့ဘၣ်, ဒ်သိးပှၤထီ ဒါတဖၣ်, စံးအၢပှၤအလီၢ်တအိၣ်ဘၣ်သတးဒီး, ကမဲာ် ဆှးန့ၣ်တက့ၢ်.

⁹ သဆၣ်ထီၣ်တၢ်အကုၢ်အပှၤအခံ ဒ်သိးအကစူၢ်အက စၢ်တဖၣ်, ဒီးမၤတၢ်ဘၣ်အသးလၢတၢ်ခဲလၢာ်, ဒီးတဂ့ၢ် လိာ်ဘှီလိာ်ဘၣ်, ¹⁰ ဒီးတဟံးန့ၢ်ခူသူၣ်တၢ်ဘၣ်, ဒီးကဒုး နဲၣ်အကလုၢ်တီကစီဒီလၢတၢ်ခဲလၢာ်, ဒ်သိးအကမၤက ယၢကယဲတၢ်အုၣ်က့ၤခီၣ်က့ၤပှၤ, ယွၤအတၢ်သိၣ်တၢ် သီလၢတၢ်ခဲလၢာ်အပူၤတက့ၢ်.

¹¹ အဂ့ၢ်ဒ်အံၤ, ယွၤအဘျုးအဖှိၣ်ဘၣ်ဃးဒီးတၢ်အုၣ်က့ၤ ခီၣ်က့ၤလၢပှၤကညီခဲလၢာ်အဂီၢ်, အိၣ်ဖျါထီၣ်, ¹² ဒီးသိၣ် က့ၤသီက့ၤပှၤ, လၢပဘၣ်ညိကွံာ်တၢ်တယူးတယီၣ်ဘၣ် ယွၤ, ဒီးတၢ်သးကွံဘၣ်ဃးဒီးဟီၣ်ခိၣ်, ဒီးလၢပဘၣ်အိၣ် ပဘၣ်ဆိးလၢအအံၤတဃၣ် အိၣ်ဒီးတၢ်ပာ်ပသးသပှၢ် သပှၢ်, အိၣ်ဒီးပသူၣ်တီပသးလိၤ, ဒီးတၢ်ယူးယီၣ်ယွၤ န့ၣ်, ¹³ ဒီးလၢပဘၣ်ကွၢ်လၢ်တၢ်မုၢ်လၢ်လၢအဘၣ်တၢ် ဆိၣ်ဂ့ၤ, ဒီးတၢ်ဒိၣ်ယွၤဒီး တၢ်အုၣ်က့ၤခီၣ်က့ၤပှၤကစၢ် ယ့ၣ်ရှူးခရံာ်, အလၤကပီၤအတၢ်အိၣ်ဖျါန့ၣ်လီၤ. ¹⁴ အဝဲ ဒၣ်န့ၣ်ဟ့ၣ်လီၤကွံာ်အသးလၢပဂီၢ် ဒ်သိးအကပှ့ၤက့ၤ ပှၤလၢတၢ်ဒဲးဘးခဲလၢာ်အပူၤ, ဒီးမၤကဆှီထီၣ်ပှၤတက လုာ်လီၤဆီဒၣ်တၢ်လၢအဂီၢ်ဒၣ်ဝဲ, လၢအသးဆူၣ်လၢ တၢ်မၤဂ့ၤတၢ်အဂီၢ်လီၤ.

¹⁵ တၢ်န့ၣ်တဖၣ်ကတိၤနဲ, ဒီးသဆၣ်ထီၣ်ပှၤအခံ, ဒီး သိၣ်ဃီၣ်တၢ်အိၣ်ဒီးတၢ်မၤလိာ်ခဲလၢာ်တက့ၢ်. မ်ပှၤသု တမၤတရီတပါနၤနီတဂၤတဂ့ၤ.

၃

¹ ဒုးသ့ၣ်နီၣ်ထီၣ်က့ၤအီၤလၢ အဘၣ်ပာ်အသးလၢပှၤ အခိၣ်, ပှၤအိၣ်ဒီးအစိအကမီၤတဖၣ်အဖီလာ်, လၢအ ဘၣ်စူၢ်ပဒိၣ်တဖၣ်, လၢအဘၣ်အိၣ်ကတီၤအသးလၢ ကယဲၢ်တၢ်မၤဂ့ၤတမံၤလၢ်လၢ်အဂီၢ်, ² တဒုၣ်ဒွဲၣ်ဘၣ်ပှၤ နီတဂၤဘၣ်, တအ့ၣ်လိာ်ဆိးက့ဘၣ်, လၢအဘၣ်ပာ်အ သးခုၣ်ခုၣ်မုာ်မုာ်, လၢအဘၣ်ဒုးနဲၣ်ကယဲၢ်တၢ်ဝံသးစူၤ လၢပှၤကညီခဲလၢာ်တက့ၢ်.

³ အဂ့ၢ်ဒ်အံၤ, လၢထံးလၢမကိာ်န့ၣ်, ပဝဲစ့ၢ်ကီးပမ့ၢ်ပှၤ ဟးဂီၤဖိ, ပှၤတစူၢ်ဘၣ်တၢ်ဘၣ်, ပှၤဒိးလီအသး, ပှၤကဲ ကုၢ်လၢတၢ်ကလုာ်ကလိၤ, ဒီးတၢ်မုာ်လၤအကလုာ်က လုာ်အပူၤ, ပှၤမၤဝဲဒီးအသးအၢ, ဒီးအသူၣ်က့ၣ်သးက့ၣ်, ပှၤဂ့ၤဒိးတၢ်သးဟ့အီၤ, ပှၤလၢအသးဟ့လိာ်အသးလီၤ.

⁴ ဘၣ်ဆၣ်ဒီးတုၤတၢ်အုၣ်က့ၤခီၣ်က့ၤပှၤ, ယွၤအတၢ်သး ကညီၤဒီးအတၢ်အဲၣ်ပှၤကညီအိၣ်ဖျါထီၣ်ဒီး, လၢပတၢ် မၤလၢတၢ်တီတၢ်လိၤလၢပမၤပဝဲအဃိတမ့ၢ်ဘၣ်. ⁵ မ့ၢ် ဒ်အတၢ်သးကညီၤဒၣ်ဝဲအသိးန့ၣ်, အဝဲဒၣ်အုၣ်က့ၤခီၣ် က့ၤပှၤလၢတၢ်သ့စီဘၣ်ဃးဒီးပအိၣ်ဖျဲၣ်ကဒီးတစု, ဒီး တၢ်မၤက့ၤပနီၢ်သီလၢသးစီဆှံ, ⁶ လၢအလူလီၤဂၢ်လီၤ အီၤလၢပလိၤထူးထူးတီၤတီၤ, လၢတၢ်အုၣ်က့ၤခီၣ်က့ၤ ပှၤယ့ၣ်ရှူးခရံာ်အဃိ, ⁷ ဒ်သိးပဘၣ်တၢ်ပာ်တီပာ်လိၤပှၤ လၢအဘျုးအဖှိၣ်သတးဒီး, ပကကဲပှၤန့ၢ်ဘၣ်သါတၢ်, ဒ်တၢ်မုၢ်လၢ်တၢ်မူအထူအယိာ်အသိးန့ၣ်လီၤ.

⁸ တၢ်ကတိၤအဝဲန့ၣ်မ့ၢ်အမ့ၢ်အတီ, ဒီးလၢတၢ်န့ၣ်တ ဖၣ်အဂ့ၢ်အကျိၤ ယသးအိၣ်လၢနကစံၣ်တဲၤတဲလီၤသ ပှၢ်ပှၢ်တထံၣ်ဃီ, ဒ်သိးပှၤလၢအစူၢ်က့ၤနာ်က့ၤယွၤတ ဖၣ်, ကပလီၢ်အသးလၢအကမၤတၢ်ဂ့ၤတဘိယူၢ်ဃီန့ၣ် လီၤ. တၢ်န့ၣ်တဖၣ်မ့ၢ်တၢ်အဂ့ၤအဘၣ်, ဒီးမ့ၢ်တၢ်ဘျုး တၢ်ဖှိၣ်လၢပှၤကညီအဂီၢ်လီၤ. ⁹ မ့မ့ၢ်တၢ်သံကွၢ်ကလီ ကလီ, ဒီးတၢ်ဂံၢ်ထံးဃဲၤလာ်, ဒီးတၢ်အ့ၣ်လိာ်ဆိးက့ လိာ်, ဒီးတၢ်တဲးလိာ်ဃိလိာ်ပသးလၢတၢ်သိၣ်တၢ်သီ အဂ့ၢ်အကျိၤန့ၣ်, ဟးဆှဲးအီၤတက့ၢ်. အဂ့ၢ်ဒ်အံၤ, မ့ၢ်တၢ် တဂိာ်တသီၣ်ဘၣ်, ဒီးတၢ်ကလီကလီလီၤ.

¹⁰ ပှၤလၢအစုတလီၤဃုာ်ဘၣ်န့ၣ်, သိၣ်ဃီၣ်အီၤတစု, ဒီး ပှဲၤထီၣ်ခံစုတစုအလီၢ်ခံန့ၣ်, ဟးဆှဲးအီၤတက့ၢ်. ¹¹ နသ့ၣ် ညါလၢပှၤဒ်န့ၣ်သိးတဂၤန့ၣ်ဘၣ်တၢ်မၤကဒါအီၤ, ဒီး မၤတၢ်ဒဲးဘး, ဒီးစံၣ်ညီၣ်ဃၣ်လီၤအသးဒၣ်ဝဲလီၤ.

¹² စီၤအၢ်တ့းမါမ့ၢ်ဂ့ၤ, စီၤတူဃံၤကူးမ့ၢ်ဂ့ၤ, တုၤယမၢအ လဲၤဆူနအိၣ်ဒီး, ဟဲနဲဆူယအိၣ်လၢနံၤကပီလံးအပူၤချ့ ချ့တက့ၢ်. အဂ့ၢ်ဒ်အံၤ, ယပာ်ယသးလၢယကအိၣ်ဖဲန့ၣ် လၢတၢ်ဂိၢ်အကတီၢ်ဒီကတီၢ်ညါလီၤ.

¹³ ပှၤသ့လံာ်တၢ်သိၣ်တၢ်သီစီၤစ့ၤနါ, ဒီးစီၤအပီးလိၤန့ၣ် မၤစၢၤအလဲၤလၢညါသပှၢ်ပှၢ်, ဒ်သိးအမိၣ်န့ၢ်ဘၣ်တၢ် အလီၢ်သုတအိၣ်နီတမံၤတဂ့ၤန့ၣ်တက့ၢ်. ¹⁴ ပှၤဘၣ်ဃး ဒီးပဝဲတဖၣ်စ့ၢ်ကီး, ဒ်သိးအသုတမ့ၢ်ပှၤလၢအတၤသၣ် တအိၣ်ဘၣ်တဂ့ၤဒီး, မ်အမၤလိမၤတၢ်လၢအမၤဝဲအ လီၢ်အိၣ်အဂီၢ်န့ၣ်တက့ၢ်.

¹⁵ ပှၤအိၣ်လၢယအိၣ်ခဲလၢာ်န့ၣ်ကတိၤဒိၣ်နၤလီၤ. ပှၤ လၢအအဲၣ်ပှၤလၢတၢ်နာ်အပူၤန့ၣ် ကတိၤဒိၣ်အီၤတက့ၢ်. တၢ်အဘျုးအဖှိၣ်န့ၣ်, မ်အအိၣ်ဒီးသုခဲလၢာ်တက့ၢ်.