လံာ်နီၢ်ရူၤသး

လံာ်နီၢ်ရူၤသး

၁

¹ ဒီးလၢပှၤစံၣ်ညီၣ်ကွီၢ်တဖၣ် စံၣ်ညီၣ်တၢ်အမုၢ်နံၤတ ဖၣ်န့ၣ် တၢ်မၤအသးလၢ တၢ်သၣ်ဝံၤလီၤဒိအိၣ်ထီၣ် လၢကီၢ်အပူၤန့ၣ်လီၤ. ဒီးမတၤတဂၤ လၢဘ့ၤသလ့ ဃ့ၣ်ယူဒၤအပူၤ လဲၤတၢ်ဒ်သိးအကအိၣ်ဝဲဆိးဝဲလၢမိၤ အးအကီၢ်ပူၤ, အဝဲဒၣ်, ဒီးအမါ, ဒီးအဖိခွါခံဂၤလီၤ.

² ဒီးပှၤတဂၤန့ၣ်အမံၤမ့ၢ်စီၤအလံၤမ့လ့း, ဒီးအမါအမံၤမ့ၢ် နီၢ်နၤဧမံ, ဒီးအဖိခွါခံဂၤအမံၤမ့ၢ်စီၤမၤဃလိၣ်, ဒီးစီၤ ကံးလယိၣ်လီၤ. အဝဲသ့ၣ်တဖၣ်န့ၣ်မ့ၢ်ပှၤအ့ဖရးသးဖိ လၢဘ့ၤသလ့ဃ့ၣ်ယူဒၤလီၤ. ဒီးဟဲဝဲဆူမိၤအးအကီၢ် ပူၤ, ဒီးအိၣ်ဝဲဆိးဝဲဖဲန့ၣ်လီၤ.

³ ဒီးနီၢ်နၤဧမံအဝၤ စီၤအလံၤမ့လ့းသံဝဲ, ဒီးအဝဲဒၣ် အိၣ်လီၤတဲာ်, ဒီးအဖိခွါခံဂၤလီၤ.

⁴ ဒီးအဝဲသ့ၣ်ဟံးန့ၢ်အမါလၢမိၤအးမုၣ်, ဒီးအဝဲတဂၤ အမံၤမ့ၢ်နီၢ်ဧိးရပၤ, ဒီးအဝဲတဂၤအမံၤမ့ၢ်နီၢ်ရူၤသးလီၤ. ဒီးအိၣ်ဝဲဖဲန့ၣ်ဆံဆဲၣ်နံၣ်ဃၣ်ဃၣ်လီၤ.

⁵ ဒီးစီၤမၤဃလိၣ်ဒီး စီၤကံးလယိၣ်သံစ့ၢ်ကီးဝဲ ခံဂၤ လၢာ်လီၤ. ဒီးပိာ်မုၣ်တဂၤန့ၣ်အိၣ်လီၤတဲာ်လၢအဖိခွါခံ ဂၤ, ဒီးအဝၤတဂၤအလီၢ်ခံန့ၣ်လီၤ. ⁶ ဒီးဂဲၤဆၢထၢၣ် ဒီးအဒဲၣ်တဖၣ်, ဒ်သိးအကက့ၤကဒါက့ၤလၢမိၤအးအ ကီၢ်ပူၤလီၤ. အဂ့ၢ်ဒ်အံၤ, နၢ်ဟူဝဲလၢမိၤအးအကီၢ်ပူၤ န့ၣ် လၢယွၤအိၣ်သကိးလံအပှၤဂီၢ်မုၢ်, ဒီးဟ့ၣ်လီၤလံ အီၤလၢကိၣ်လီၤ.

⁷ ဒီးဟးထီၣ်ကွံာ်ဝဲ လၢအလီၢ်ဖဲအအိၣ်ဝဲ, ဒီးအဒဲၣ်ခံ ဂၤအိၣ်ဒီးအီၤ, ဒီးလဲၤပိာ်ကျဲဒ်သိး အကက့ၤကဒါက့ၤ ဆူကီၢ်ယူဒၤလီၤ.

⁸ ဒီးနီၢ်နၤဧမံန့ၣ်စံးဘၣ်အဒဲၣ်ခံဂၤ, လဲၤတၢ်, က့ၤကဒါ က့ၤတဂၤဆူအမိၢ်အဟံၣ် တဂၤဆူအမိၢ်အဟံၣ်တက့ၢ်. မ်ယွၤမၤသုဒီး တၢ်ဘျုးတၢ်ဖှိၣ် ဒ်သုမၤပှၤအသံတ့ၢ်တ ဖၣ်ဒီးယၤအသိးန့ၣ်တက့ၢ်. ⁹ မ်ယွၤဟ့ၣ်သုထံၣ်န့ၢ်တၢ် အိၣ်ဘှံးတဂၤလၢ အဝၤအဟံၣ်ပူၤ တဂၤလၢအဝၤအ ဟံၣ်ပူၤန့ၣ်တက့ၢ်. ဒီးနၢမူအီၤ, ဒီးအဝဲသ့ၣ်ထုထီၣ် အကလုၢ်ဒီးဟီၣ်ဝဲလီၤ. ¹⁰ ဒီးစံးဘၣ်အီၤပကက့ၤဒီးနၤ သပှၢ်တၢၢ်ဆူနပှၤတကလုာ်အအိၣ်န့ၣ်လီၤ.

¹¹ ဒီးနီၢ်နၤဧမံစံးဝဲဒၣ်, က့ၤကဒါက့ၤ, ယဖိမုၣ်သ့ၣ်ဧၢ, သုကလဲၤဒီးယၤဘၣ်မနုၤလဲၣ်. ဖိခွါတဖၣ်လၢယဒၢ လီၢ်ပူၤလၢအကကဲထီၣ် သုဝၤတဖၣ်န့ၣ် အိၣ်ဒံးစ့ၢ်ကီး ဧါ. ¹² က့ၤကဒါက့ၤ, ယဖိမုၣ်သ့ၣ်ဧၢ, အဂ့ၢ်ဒ်အံၤ, န့ၢ် ဝၤန့ၣ်ယသးပှၢ်ကဲၣ်ဆိးလီၤ. ယမ့ၢ်စံး, ယအိၣ်ဒီးတၢ် မုၢ်လၢ်, ယမ့ၢ်န့ၢ်ဝၤခဲမုၢ်နၤ, ဒီးဆံးစၢ်ဖိခွါတဖၣ်ဒီး,―

¹³ သုကအိၣ်ခိးတုၤအဒိၣ်ထီၣ်စ့ၢ်ကီးဧါ. သုတန့ၢ်ဝၤဒီးသု ကအိၣ်ကမဲလၢအဂီၢ် တုၤအဒိၣ်န့ၣ်စ့ၢ်ကီးဧါ. တမ့ၢ် ဘၣ်, ယဖိမုၣ်သ့ၣ်ဧၢ, အဂ့ၢ်ဒ်အံၤ, ယဘၣ်တၢ်သးအုး လၢသုဂီၢ်နးနးကလဲာ်လီၤ. အဂ့ၢ်ဒ်အံၤ, ယွၤအစုယူာ် ထီၣ်အသးလၢယလိၤလီၤ.

¹⁴ ဒီးအဝဲသ့ၣ် ထုထီၣ်အကလုၢ်, ဒီးဟီၣ်ကဒီးဝဲလီၤ. ဒီးနီၢ်ဧိးရပၤနၢမူအမံၤပှၢ်ပိာ်မုၣ်လီၤ. မ့မ့ၢ်နီၢ်ရူၤသးတ ဂၤစဲဘူးဒီးအီၤလီၤ.

¹⁵ ဒီးအဝဲဒၣ်စံးဘၣ်အီၤ, ကွၢ်ကွၢ်, နခံနဲမုၣ်တဂၤက့ၤ က့ၤလံဆူအပှၤတကလုာ်ဒၣ်ဝဲ, ဒီးဆူအကစၢ်တဖၣ် အအိၣ်လံ. က့ၤပိာ်နခံနဲမုၣ်အခံတက့ၢ်.

¹⁶ ဒီးနီၢ်ရူၤသးစံးဝဲဒၣ်, ဃ့ကညးယၤ ဒ်သိးယကလဲၤ သဒၣ်နၤ, ဒ်သိးယသုတပိာ်နခံတဂ့ၤန့ၣ်တဂ့ၤ. အဂ့ၢ် ဒ်အံၤ, ဖဲနလဲၤတၢ်ယကလဲၤယဲ, ဒီးဖဲနမံ, ယကမံ ယဲ, နပှၤတကလုာ်န့ၣ် ကကဲထီၣ်ယပှၤတကလုာ် ဒီးနကစၢ်န့ၣ် ကကဲထီၣ်ယကစၢ်လီၤ. ¹⁷ ဖဲနသံ, ယက သံယဲ, ဒီးယကဘၣ်တၢ်ခူၣ်လီၤကွံာ်ယၤဖဲန့ၣ်လီၤ. တၢ် လၢအတမ့ၢ်ဘၣ်တၢ်သံန့ၣ် မ့ၢ်မၤလီၤမုၢ်လီၤဖးယၤဒီး နၤဒီး, မ်ယွၤမၤယၤဒ်န့ၣ်ဒီးအါန့ၢ်အန့ၣ်တက့ၢ်.

¹⁸ ဒီးအဝဲဒၣ်ထံၣ်ဘၣ်ဝဲ လၢအသးအိၣ်နီၢ်နီၢ်လၢအက လဲၤတၢ်ဒီးအီၤ, ဒီးကတိၤတၢ်ဒီးအီၤန့ၣ်ဆိတ့ၢ်ဝဲလီၤ.

¹⁹ ဒီးပှၤခံဂၤန့ၣ်လဲၤတၢ်ဆူဘ့ၤသလ့ဃ့ၣ်လီၤ. ဒီးတုၤ အတုၤလၢ ဘ့ၤသလ့ဃ့ၣ်ဒီး, တၢ်မၤအသးလၢဝ့ၢ်ဖိ တၢထီၣ်တၢလီၤ ဝးတရံးအီၤဒီဝ့ၢ်ညါလီၤ. ဒီးစံးဝဲဒၣ်, အဝဲအံၤမ့ၢ်နီၢ်နၤဧမံန့ၣ်စ့ၢ်ကီးဧါ.

²⁰ ဒီးစံးဆၢအီၤ, ကိးယၤလၢနီၢ်နၤဧမံတဂ့ၤ, ကိးယၤ လၢနီၢ်မၤရၤတက့ၢ်. အဂ့ၢ်ဒ်အံၤ, တၢ်သ့တၢ်လၢာ်မၤ ယၤနးနးကလဲာ်လီၤ. ²¹ ယလဲၤထီၣ်အိၣ်ပှဲၤ, ဒီးယွၤ ဒုးဟဲက့ၤယၤအိၣ်ကလီလီၤ. သုကိးယၤလၢ နီၢ်နၤဧ မံန့ၣ် မ့ၢ်အဘၣ်မနုၤလဲၣ်. ဒီးယွၤအုၣ်အသးထီဒါ ယၤ, ဒီးတၢ်သ့တၢ်လၢာ်မၤအၢယၤလီၤ.

²² ဒီးနီၢ်နၤဧမံက့ၤက့ၤ, ဒီးပှၤမိၤအးဖိ, အဒဲၣ်နီၢ်ရူၤသး အိၣ်ဒီးအီၤလၢအဟဲက့ၤလၢမိၤအးအကီၢ်ပူၤန့ၣ်လီၤ. ဒီး လၢတၢ်ကူးသီဘုမုယီၤအကတီၢ်န့ၣ် တုၤဝဲလၢဘ့ၤသ လ့ဃ့ၣ်အပူၤန့ၣ်လီၤ.

၂

¹ ဒီးနီၢ်နၤဧမံန့ၣ် အိၣ်ဒီးအဝၤအဘူးအတံၢ်တဂၤ, ပှၤ အထူးအတီၤအါ လၢစီၤအလံၤမ့လ့းအဟံၣ်ဖိ အကျါ, ဒီး အမံၤမ့ၢ်စီၤဘိၤဧးလီၤ.

² ဒီးပှၤမိၤအးဖိနီၢ်ရူၤသး စံးဘၣ်နီၢ်နၤဧမံ, ဒုးလဲၤယၤ ဆူစံာ်ပူၤ, ဒီးထၢထီၣ်ဘုအစဲၤတဖၣ်လၢအလီၤတဲာ်ဖဲ ဒၣ်ပှၤအလီၢ်ခံတဂၤဂၤလၢ ယဘၣ်ဘျုးဘၣ်ဖှိၣ်လၢအ မဲာ်န့ၣ်တက့ၢ်. ဒီးစံးဘၣ်အီၤ, လဲၤကၢ်နဲာ်, ယဖိမုၣ်ဧၢ.

³ ဒီးလဲၤဝဲ, ဒီးဟဲနုာ်ဝဲ, ဒီးထၢထီၣ်တၢ်လၢပှၤကူးဘု အလီၢ်ခံ, ဒီးတၢ်မၤအသးလၢ အဘၣ်လၢစံာ်အလီၢ် လၢအမ့ၢ် စီၤဘိၤဧးအတၢ်, လၢအမ့ၢ်လၢစီၤအလံၤမ့ လ့းအပှၤဟံၣ်ဖိအကျါလီၤ.

⁴ ဒီးကွၢ်ကွၢ်, စီၤဘိၤဧး ဟဲဝဲလၢဘ့ၤသလ့ဃ့ၣ်, ဒီး စံးဘၣ်ပှၤကူးဘုတဖၣ်န့ၣ် မ်ယွၤအိၣ်ဒီးသုတက့ၢ်. ဒီး စံးဆၢဝဲဒၣ်, မ်ယွၤဆိၣ်ဂ့ၤနၤတက့ၢ်.

⁵ ဒီးစီၤဘိၤဧးစံးလၢ အခ့အပှၤတဂၤလၢ အပာ်လၢ ပှၤကူးဘုဖိအဖီခိၣ်, ဒီးအဝဲဒၣ်န့ၣ် မ့ၢ်မတၤအဖိသၣ် ပိာ်မုၣ်လဲၣ်. ⁶ ဒီးအခ့အပှၤလၢအအိၣ်လၢပှၤကူးဘုဖိအဖီခိၣ်တဂၤန့ၣ်စံးဆၢတၢ်, ဒီးစံးဝဲဒၣ်, မ့ၢ်ပှၤမိၤအးဖိအဖိသၣ်ပိာ်မုၣ်လၢအဟဲဒီးနီၢ်နၤဧမံလၢမိၤအးအကီၢ်ပူၤန့ၣ်လီၤ

⁷ ဒီးအဝဲဒၣ်စံး, ဒုးထၢထီၣ်ယၤလၢတၢ်လီၤတဲာ်, ဒီးထၢ ဖှိၣ်တၢ်လၢ ပှၤကူးဘုဖိအလီၢ်ခံ, ဒီးလၢဘုကဒိၣ်အ ကျါန့ၣ်တက့ၢ်. ဒီးဟဲဝဲ, ဒီးမ့တမ့ၢ်ဘၣ်အအိၣ်ဝဲတစိၢ် ဖိလၢဟံၣ်ပူၤဘၣ်ဒီး, အိၣ်ဝဲလၢမုၢ်ဂီၤလံၤလံၤတုၤခဲက နံၣ်အံၤလီၤ.

⁸ ဒီးစီၤဘိၤဧးစံးဘၣ် နီၢ်ရူၤသးန့ၣ်, နတနၢ်ဟူဘၣ်ဧါ, ယဖိမုၣ်ဧၢ, လဲၤထၢထီၣ်တၢ်လီၤတဲာ်လၢစံာ်အဂၤအပူၤ န့ၣ်တဂ့ၤ, ဒီးဟးထီၣ်စ့ၢ်ကီးဖဲအံၤတဂ့ၤ, ဒီးစဲဘူးဒီးယ ဖိသၣ်ပိာ်မုၣ်တဖၣ်ဖဲအံၤတက့ၢ်. ⁹ မ်နမဲာ်အိၣ်လၢစံာ် လၢအဝဲသ့ၣ် ကူးဘုလၢအပူၤန့ၣ်, ဒီးလဲၤပိာ်အခံတ က့ၢ်. ယမၤလိာ်လံပှၤဖိၣ်သၣ်ခွါတဖၣ် ဒ်သိးအသုတ ထိးနၤတဂ့ၤန့ၣ်တမ့ၢ်ဘၣ်ဧါ. ဒီးတုၤတၢ်သူနသးထံဒီး, လဲၤလီၤဆူသပၢၤတဖၣ်အအိၣ်, ဒီးအီတၢ်လၢဖိၣ်သၣ် ခွါတဖၣ်ဒၢၣ်တ့ၢ်န့ၣ်တက့ၢ်.

¹⁰ ဒီးထိၣ်လီၤပှီၤအသး, ဒီးဆုးလီၤအခိၣ် ပၢၢ်လၢဟီၣ် ခိၣ်, ဒီးစံးဘၣ်အီၤ, ယဘၣ်ဘျုးလၢနမဲာ်လၢနကပာ် သ့ၣ်ညါနသးလၢယၤ မ့ၢ်အဘၣ်မနုၤလဲၣ်. ဒီးယဲဒၣ် အံၤ ယမ့ၢ်ပှၤတခီဘီမုၢ်ဖိလီၤ.

¹¹ ဒီးစီၤဘိၤဧးစံးဆၢအီၤ, ဒီးစံးဝဲဒၣ်, လၢနဝၤသံအ လီၢ်ခံန့ၣ်တၢ်လၢနမၤနမံၤပှၢ်ပိာ်မုၣ်ခဲလၢာ်န့ၣ်, ဒီးလၢ နလဲၤသဒၣ်နမိၢ်ဒီးနပၢ်, ဒီးကီၢ်တဘ့ၣ်လၢနအိၣ်ဖျဲၣ် လၢအပူၤ, ဒီးဟဲတုၤလၢပှၤတကလုာ်အကျါလၢ န တသ့ၣ်ညါဘၣ်လၢထံးန့ၣ်ပှၤ ဒုးနဲၣ်ယၤလီၤတံၢ်လီၤ ဆဲးလီၤ. ¹² မ်ယွၤဟ့ၣ်ကၣ်နမၤတၢ်တက့ၢ်. ဒီးမ်နက န့ၢ်ဘၣ်တၢ်အဘူးအလဲလၢယွၤ, အံၣ်စရ့လးအကစၢ် လၢ နဟဲအိၣ်သဒၢလၢအဒံးဆ့ဖီလာ်န့ၣ်တက့ၢ်.

¹³ တုၤနုၤတစု အဝဲဒၣ်စံး, မ်ယဘၣ်ဘျုးလၢနမဲာ်တ က့ၢ်, ယကစၢ်ဧၢ, အဂ့ၢ်ဒ်အံၤ, နမၤမုာ်ထီၣ်က့ၤယၤ ဒီးယတဒ်သိးဘၣ်ဒီးနကုၢ်ပိာ်မုၣ်တဖၣ်နာ်သက့ဒီး, န ကတိၤတ့ၢ်ဒီးနကုၢ်ပိာ်မုၣ်မုာ်မုာ်ခုၣ်ခုၣ်လံလီၤ.

¹⁴ ဒီးစီၤဘိၤဧးစံးဘၣ်အီၤ, အီၣ်တၢ်အကတီၢ်န့ၣ်ဟဲဖဲ အံၤ, ဒီးအီၣ်တၢ်လၢကိၣ်န့ၣ်, ဒီးဘျၢနတၢ်တမီလၢ တၤဆံၣ်ထံအပူၤန့ၣ်တက့ၢ်. ဒီးပိာ်မုၣ်န့ၣ်ဆ့ၣ်နီၤလၢ ပှၤကူးဘုဖိအဃၢၤ, ဒီးအဝဲသ့ၣ်ယူာ်ဃီၤဘုဝဲာ်အသး ဆူအအိၣ်, ဒီးအဝဲဒၣ်အီၣ်ဝဲ, ဒီးဘျဲးအီၣ်, ဒီးတၢ် အိၣ်ဘျဲၣ်ဝဲလီၤ.

¹⁵ ဒီးတုၤအဂဲၤဆၢထၢၣ်ဒ်သိး အကထၢထီၣ်တၢ်လီၤ တဲာ်ဒီး, စီၤဘိၤဧးမၤလိာ်အပှၤဖိၣ်သၣ်ခွါတဖၣ်, ဒီးစံး ဝဲဒၣ်, ပျဲအကထၢထီၣ်တၢ်လီၤတဲာ်လၢဘုကဒိၣ်အကျါ န့ၣ်ဒၣ်လဲာ်, ဒီးဒုၣ်ဒွဲၣ်အီၤတဂ့ၤ. ¹⁶ ဒီးမၤပြံပြါဘုအ စဲၤတနီၤနီၤလၢအဂီၢ်, ဒီးပာ်လီၤတဲာ် ဒ်သိးအထၢထီၣ် ဝဲ, ဒီးတြီအီၤတဂ့ၤ.

¹⁷ ဒီးအဝဲဒၣ် ထၢထီၣ်တၢ်လီၤတဲာ်လၢစံာ်ပူၤ တုၤမုၢ် ဟါ, ဒီးတီၢ်လီၤတၢ်လၢအထၢထီၣ်ဝဲ, ဒီးအိၣ်ဝဲဘုမု ယီၤတအ့ဖးဃၣ်ဃၣ်လီၤ.

¹⁸ ဒီးဟံးထီၣ်ဝဲ, ဒီးက့ၤက့ၤဝဲဆူဝ့ၢ်ပူၤ, ဒီးအမံၤပှၢ်ပိာ် မုၣ်န့ၣ်ထံၣ်ဘၣ် တၢ်လၢအထၢထီၣ်လီၤ. ဒီးလၢအ အီၣ်ဘျဲးအီၣ်ဝဲအလီၢ်ခံန့ၣ်, ဟဲစိာ်ဝဲ, ဒီးဟ့ၣ်အမံၤပှၢ် လၢတၢ်လၢအအိၣ်ဘျဲၣ်ဝဲန့ၣ်လီၤ.

¹⁹ ဒီးအမံၤပှၢ်ပိာ်မုၣ်စံးဘၣ်အီၤ, နထၢထီၣ်ဘုလီၤတဲာ် လၢမဆါတနံၤအံၤဖဲလဲၣ်ပူၤလဲၣ်. ဒီးနမၤတၢ်ဖဲလဲၣ်ပူၤ လဲၣ်. ပှၤလၢအပာ်သ့ၣ်ညါအသးလၢနၤတဂၤန့ၣ်မ်အ ဘၣ်တၢ်ဆိၣ်ဂ့ၤတက့ၢ်. ဒီးဒုးနဲၣ်အမံၤပှၢ်ပိာ်မုၣ်လၢပှၤ လၢအမၤအတၢ်မ့ၢ်မတၤမတၤ, ဒီးစံးဝဲဒၣ်, ပှၤလၢယ မၤအတၢ်လၢမုၢ်မဆါတနံၤအံၤတဂၤ အမံၤမ့ၢ်စီၤဘိၤဧး လီၤ.

²⁰ ဒီးနီၢ်နၤဧမံစံးဘၣ်အဒဲၣ်, ပှၤလၢအတလဲၤသဒၣ်အ ဘျုးအဖှိၣ်ဒီးပှၤမူဝဲ ဒီးပှၤသံဝဲတဂၤန့ၣ် မ်အဘၣ်တၢ် ဆိၣ်ဂ့ၤလၢယွၤတက့ၢ်. ဒီးနီၢ်နၤဧမံစံးဘၣ်အီၤ, ပှၤက ညီတဂၤန့ၣ်မ့ၢ်ပဘူးပတံၢ်တဂၤ, ပှၤလၢအပှ့ၤက့ၤတၢ် လၢပဂီၢ်ကြၢးတဂၤလီၤ.

²¹ ဒီးပှၤမိၤအးဖိနီၢ်ရူၤသး စံးဝဲဒၣ်, အဝဲဒၣ် စံးဘၣ် စ့ၢ်ကီးယၤ, နဘၣ်အိၣ်ဘူးဒီး ယပှၤဖိၣ်သၣ်ခွါတဖၣ် တုၤအကူးယဘုလၢာ်လီၤ.

²² ဒီးနီၢ်နၤဧမံစံးဘၣ် အဒဲၣ်နီၢ်ရူၤသး, ယဖိမုၣ်ဧၢ, ဂ့ၤ လၢနလဲၤထီၣ် ဒီးအဖိသၣ်ပိာ်မုၣ်တဖၣ်, လၢအသု တဘၣ်သဃိာ်ဒီးနၤလၢစံာ်အဂၤတပူၤတဂ့ၤ.

²³ ဒီးစဲဘူးဝဲဒီးစီၤဘိၤဧးအဖိသၣ်ပိာ်မုၣ် တဖၣ်ဒ်သိးအ ကထၢထီၣ်ဘုလီၤတဲာ်တုၤကူးဘုမုယီၤ အကတီၢ်လၢာ် ဝဲ, ဒီးတုၤဘုကၠူၣ်အကတီၢ်လၢာ်ဝဲလီၤ. ဒီးအိၣ်ဝဲဆိး ဝဲဒီးအမံၤပှၢ်ပိာ်မုၣ်လီၤ.

၃

¹ ဒီးအမံၤပှၢ်နီၢ်နၤဧမံစံးဘၣ်အီၤ, ယဖိမုၣ်ဧၢ, ယကဃု တၢ်အိၣ်ဘှံးလၢနဂီၢ် ဒ်သိးတၢ်ဂ့ၤကဘၣ်နၤန့ၣ် တမ့ၢ် ဘၣ်ဧါ. ² ဒီးခဲကနံၣ်အံၤပှၤလၢနအိၣ်ဒီးအဖိသၣ်ပိာ်မုၣ် တဖၣ်, စီၤဘိၤဧးတဂၤန့ၣ်မ့ၢ်ပဘူးပတံၢ်, တမ့ၢ်ဘၣ်ဧါ ကွၢ်ကွၢ်, ခဲမုၢ်နၤအံၤပညၢဘုမုယီၤလၢကြဲၢ်ပူၤန့ၣ်လီၤ.―

³ ဒီးသ့စီနသး, ဒီးဖှူနသး, ဒီးကူသိးတၢ်, ဒီးလဲၤလီၤဆူ ကြဲၢ်ပူၤန့ၣ်တက့ၢ်. ဒီးပှၤကညီတဂၤန့ၣ်တချုးအအီၣ် တၢ်အီတၢ်ဝံၤဒီး, ဒုးသ့ၣ်ညါနကစၢ်လၢအီၤတဂ့ၤ. ⁴ ဒီး တုၤအမံလီၤဒီး, တၢ်ကမၤအသးလၢနဘၣ်တိၢ်နီၣ်အ လီၢ်ဖဲအမံလီၤ. ဒီးနဘၣ်လဲၤနုာ်, ဒီးမၤဘ့ၣ်ဆ့အခီၣ်, ဒီးမံလီၤလီၤ. နဘၣ်မၤဒ်လဲၣ်ဒ်လဲၣ်န့ၣ် အဝဲဒၣ်ကဒုး နဲၣ်နၤလီၤ.

⁵ ဒီးအဝဲဒၣ် စံးဘၣ်အီၤ, ကယဲၢ်တၢ်လၢ နစံးဘၣ် ယၤခဲလၢာ်န့ၣ်ယကမၤလီၤ. ⁶ ဒီးလဲၤလီၤဝဲဆူကြဲၢ်ပူၤ န့ၣ်, ဒီးမၤတၢ်ဒ်ကယဲၢ်တၢ်လၢအမံၤပှၢ်ပိာ်မုၣ် မၤလိာ် အီၤအသိးန့ၣ်လီၤ.

⁷ ဒီးစီၤဘိၤဧးအီၣ်တၢ်, ဒီးအီတၢ်, ဒီးအသးမုာ်ထီၣ် က့ၤဝံၤဒီးလဲၤမံလီၤလၢဘုတပူအကတၢၢ်န့ၣ်လီၤ. ဒီးအ ဝဲဒၣ်ဟဲဝဲကဘဲးကဘဲး, ဒီးမၤဘ့ၣ်ဆ့အခီၣ်, ဒီးမံလီၤဝဲ လီၤ.

⁸ ဒီးဖးဖီမုၢ်န့ၣ် တၢ်မၤအသးလၢ ပှၤကညီတဂၤန့ၣ် ပျံၤတၢ်, ဒီးဃၣ်အသး, ဒီးကွၢ်ကွၢ်, ပိာ်မုၣ်တဂၤမံ လီၤလၢအခီၣ်ထံးန့ၣ်လီၤ. ⁹ ဒီးစံးဝဲဒၣ်, နမ့ၢ်မတၤတ ဂၤလဲၣ်, ဒီးစံးဆၢအီၤ, ယမ့ၢ်နကုၢ်ပိာ်မုၣ်နီၢ်ရူၤသး လီၤ. ဒါလီၤနယၣ်လၢယဖီခိၣ်န့ၣ်တက့ၢ်. အဂ့ၢ်ဒ် အံၤ, နမ့ၢ်ပှၤကြၢးပှ့ၤက့ၤတၢ်တဂၤလီၤ.

¹⁰ ဒီးအဝဲဒၣ်စံးဝဲဒၣ်, ယဖိမုၣ်ဧၢ, မ်နဘၣ်တၢ်ဆိၣ်ဂ့ၤ လၢယွၤတက့ၢ်. နမၤဘျုးမၤဖှိၣ်တၢ်လၢအခံကတၢၢ်ဂ့ၤ န့ၢ်လၢအခီၣ်ထံးန့ၣ်တက့ၢ်လီၤ. အဂ့ၢ်ဒ်အံၤ, ပှၤဖှီၣ်မ့ၢ် ဂ့ၤ, ပှၤထူးပှၤတီၤမ့ၢ်ဂ့ၤ, နတပိာ်ဘၣ်ဖိၣ်သၣ်ခွါအခံ ဘၣ်, ¹¹ ဒီးခဲကနံၣ်အံၤယဖိမုၣ်ဧၢ, ဘၣ်ယိၣ်တၢ်တဂ့ၤ, ကယဲၢ်တၢ်လၢနစံးဘၣ်ယၤခဲလၢာ်န့ၣ်ယကမၤနၤလီၤ. အဂ့ၢ်ဒ်အံၤ, ယပှၤဂီၢ်မုၢ်အပှၤပဲတရီသ့ၣ်ညါဝဲလၢနမ့ၢ် ပိာ်မုၣ်အဂ့ၤအဝါလီၤ. ¹² ဒီးခဲကနံၣ်အံၤယမ့ၢ်ပှၤကြၢးပှ့ၤ က့ၤတၢ်လၢနဂီၢ်တဂၤန့ၣ်မ့ၢ်လံ, ဘၣ်ဆၣ်ဒီးပှၤပှ့ၤက့ၤ တၢ်ဘူးန့ၢ်ယၤတက့ၢ်အိၣ်ဝဲတဂၤလီၤ.

¹³ အိၣ်သီတနၤကျၢၤအံၤတက့ၢ်. ဒီးမုၢ်ဆ့ၣ်ထီၣ်န့ၣ်တၢ် ကမၤအသးလၢပှၤတဂၤန့ၣ်မ့ၢ်မၤနၤလၢ ပှၤပှ့ၤက့ၤတၢ် တဂၤအတၢ်မၤဒီး, ဂ့ၤလံ. ကမၤဒၣ်ဝဲပှၤပှ့ၤက့ၤတၢ်တ ဂၤအတၢ်မၤန့ၣ်တက့ၢ်. မ့မ့ၢ်အဝဲဒၣ် မ့ၢ်တမၤဘၣ်နၤ လၢပှၤပှ့ၤက့ၤတၢ်တဂၤအတၢ်မၤဘၣ်ဒီး, ယဲဒၣ်အံၤယကမၤနၤလၢပှၤပှ့ၤက့ၤတၢ်တဂၤအတၢ်မၤန့ၣ်လီၤ. ယွၤမူဝဲ, မံလီၤတုၤမုၢ်ဂီၤန့ၣ်တက့ၢ်.

¹⁴ ဒီးမံလီၤလၢအခီၣ်ထံးတုၤမုၢ်ဆ့ၣ်ထီၣ်, ဒီးပှၤတချုး သ့ၣ်ညါလိာ်အသးသ့ဒံးဘၣ်ဒီး, ဂဲၤဆၢထၢၣ်ဝဲလီၤ. အ ဂ့ၢ်ဒ်အံၤ, အဝဲဒၣ်စံး, မ်ပှၤသုတသ့ၣ်ညါလၢပိာ်မုၣ်တ ဂၤဟဲနုာ်လၢကြဲၢ်ပူၤတဂ့ၤ. ¹⁵ ဒီးစံးဝဲဒၣ်, ဟဲစိာ်ယၣ်တ ဘ့ၣ်န့ၣ်လၢအအိၣ်လၢနလိၤ, ဒီးဟံးဃာ်အီၤတက့ၢ်. ဒီး ဟံးဃာ်ဝဲ, ဒီးအဝဲဒၣ်ဃီၣ်ဘုမုယီၤနီၣ်ဃီၣ်ဃုဖျၢၣ်လီၤ. ဒီးပာ်ဝဲလၢအလိၤ, ဒီးအဝဲဒၣ်က့ၤက့ၤဆူဝ့ၢ်ပူၤလီၤ.

¹⁶ ဒီးလဲၤဆူအမံၤပှၢ်အအိၣ်, ဒီးအဝဲဒၣ်စံးဘၣ်အီၤ, ယ ဖိမုၣ်ဧၢ, နမ့ၢ်မတၤတဂၤလဲၣ်. ဒီးအဝဲဒၣ်စံးဘၣ်တဲ ဘၣ်အီၤလၢ ကယဲၢ်တၢ်လၢ ပှၤကညီတဂၤန့ၣ်မၤအီၤခဲ လၢာ်လီၤ. ¹⁷ ဒီးစံးဝဲဒၣ်, ဘုမုယီၤနီၣ်ဃီၣ်ဃုဖျၢၣ်အံၤ ဟ့ၣ်လီၤယၤလီၤ. အဂ့ၢ်ဒ်အံၤ, စံးဘၣ်ယၤ, က့ၤကလီဆူနမံၤပှၢ်ပိာ်မုၣ်အအိၣ်တဂ့ၤ.

¹⁸ ဒီးစံးဝဲဒၣ်, ယဖိမုၣ်ဧၢ, ဆ့ၣ်နီၤတုၤနသ့ၣ်ညါလၢ တၢ်တမံၤအံၤကမၤအသးဒ်လဲၣ်ဒ်လဲၣ်န့ၣ်တက့ၢ်. အဂ့ၢ် ဒ်အံၤ, ပှၤကညီတဂၤန့ၣ်တအိၣ်ဘှံးဘၣ်တုၤအမၤဝံၤ တၢ်တမံၤအံၤလၢခဲမုၢ်ဆါအံၤဘၣ်လီၤ.

၄

¹ ဒီးစီၤဘိၤဧးလဲၤထီၣ်ဝဲဆူဝ့ၢ်အပဲတရီ, ဒီးဆ့ၣ်နီၤဖဲ န့ၣ်, ဒီးကွၢ်ကွၢ်, ပှၤပှ့ၤက့ၤတၢ်တဂၤလၢ စီၤဘိၤဧး ကတိၤတၢ်လၢအဂ့ၢ်န့ၣ်လဲၤပူၤကွံာ်တၢ်, ဒီးအဝဲဒၣ်စံး ဘၣ်အီၤ, မတၤတဂၤဧၢ, ဃၣ်ကပၤနသး, ဆ့ၣ်နီၤဖဲ အံၤတက့ၢ်. ဒီးဃၣ်ကပၤ, ဒီးဆ့ၣ်နီၤဝဲလီၤ. ² ဒီးဟံး န့ၢ်ပှၤဆံဆဲၣ်ဂၤလၢပှၤသူၣ်က့သးပှၢ်အကျါ, ဒီၤစံးဝဲ ဒၣ်, ဆ့ၣ်နီၤဖဲအံၤတက့ၢ်. ဒီးဆ့ၣ်နီၤဝဲလီၤ.

³ ဒီးစံးဘၣ်ပှၤပှ့ၤက့ၤတၢ်တဂၤန့ၣ် နီၢ်နၤဧမံလၢအဟဲ က့ၤကဒါက့ၤလၢမိၤအးအကီၢ်ပူၤန့ၣ် ကဆါကွံာ်ဟီၣ် ခိၣ်အကဝီၤလၢအမ့ၢ်ပဒီပုၢ်ဝဲၢ် စီၤအလံၤမ့လ့းအတၢ် လီၤ. ⁴ ဒီးယစံး, ယကစံးတၢ်လၢနနၢ်ပူၤ, ဒီးစံးပှ့ၤတၢ် လၢပှၤကီၢ်ဖိ, ဒီးယပှၤတကလုာ်အသူၣ်က့အသးပှၢ်အ မဲာ်ညါတက့ၢ်. မ့မ့ၢ်နမ့ၢ်တပှ့ၤက့ၤဘၣ်ဒီး, စံးဘၣ်ယၤ ဒ်သိးယကသ့ၣ်ညါတက့ၢ်. အဂ့ၢ်ဒ်အံၤ, လၢနၤတဂၤအ မဲာ်ညါန့ၣ်ပှၤပှ့ၤက့ၤအီၤတအိၣ်ဘၣ်. ဒီးယဲဒၣ်အံၤ, ယ အိၣ်လၢနလီၢ်ခံလီၤ. ဒီးစံးဝဲဒၣ်, ယကပှ့ၤက့ၤအီၤလီၤ.

⁵ ဒီးစီၤဘိၤဧးစံးဝဲဒၣ်, မုၢ်တနံၤလၢ နပှ့ၤဟီၣ်ခိၣ်တ ကဝီၤလၢနီၢ်နၤဧမံအစုပူၤန့ၣ် နဘၣ်ပှ့ၤစ့ၢ်ကီးလၢပှၤမိၤ အးဖိနီၢ်ရူၤသး, ပှၤသံတဂၤအမါ, ဒ်သိးနကဒုးဂဲၤဆၢ ထၢၣ်ပှၤသံတဂၤအမံၤလၢအတၢ်န့ၢ်သါအဖီခိၣ်လီၤ.

⁶ ဒီးပှၤပှ့ၤက့ၤတၢ်တဂၤန့ၣ်စံးဝဲဒၣ်, ယပှ့ၤက့ၤအီၤလၢ ယဂီၢ်ဒၣ်ယဲတသ့ဘၣ်. ယကမၤဟးဂီၤဘၣ်ဖုး ယတၢ် န့ၢ်သါဒၣ်ယဲလီၤ. ဟံးန့ၢ်ယတၢ်ပှ့ၤက့ၤအလီၢ် လၢန ဂီၢ်ဒၣ်နဲတက့ၢ်. အဂ့ၢ်ဒ်အံၤ, ယပှ့ၤက့ၤတသ့ဘၣ်.

⁷ လၢပှ့ၤက့ၤတၢ်, ဒီးလဲလိာ်တၢ်အဂ့ၢ်လၢအံၣ်စရ့လး အပူၤလၢပျၢၤန့ၣ် ဒ်သိးအကမၤကျၢၤတၢ်ခဲလၢာ်ဒီး, ပှၤ မၤတၢ်ဒ်အံၤ, ပှၤတဂၤဘ့ၣ်လီၤအခီၣ်ဖံးတခီ, ဒီးဟ့ၣ် ပှၤလၢအဃၢၤလီၤ. ဒီးအဝဲန့ၣ်မ့ၢ် တၢ်အုၣ်အသးလၢ အံၣ်စရ့လးအပူၤလီၤ.

⁸ ဒီးပှၤပှ့ၤက့ၤတၢ်တဂၤ စံးဘၣ်စီၤဘိၤဧး, ပှ့ၤက့ၤလၢ နဂီၢ်ဒၣ်နဲတက့ၢ်, ဒီးဘ့ၣ်လီၤအခီၣ်ဖံးတခီလီၤ.

⁹ ဒီးစီၤဘိၤဧး စံးဘၣ်ပှၤသူၣ်က့သးပှၢ်, ဒီးပှၤဂီၢ်မုၢ်ခဲ လၢာ်, သုမ့ၢ်ပှၤအုၣ်အသးလၢမုၢ်မဆါတနံၤအံၤလၢယ ပှ့ၤကယဲၢ်တၢ်လၢအမ့ၢ်စီၤအလံၤမ့လ့းအတၢ်, ဒီးကယဲၢ် တၢ်လၢအမ့ၢ် စီၤကံးလယိၣ်ဒီး စီၤမၤဃလိၣ်အတၢ်ခဲ လၢာ် လၢနီၢ်နၤဧမံအစုပူၤလီၤ. ¹⁰ ဒီးယပှ့ၤစ့ၢ်ကီးပှၤမိၤ အးဖိစီၤမၤဃလိၣ်အမါနီၢ်ရူၤသး, ဒ်သိးအကကဲထီၣ် ယမါလၢ ယကဒုးဂဲၤဆၢထၢၣ်ပှၤသံတဂၤအမံၤလၢအ တၢ်န့ၢ်သါအဖီခိၣ်, ဒ်သိးပှၤသံတဂၤအမံၤအသုတဘၣ် တၢ်ဒီၣ်ကွံာ်အီၤလၢအဒီပုၢ်ဝဲၢ်, ဒီးအလီၢ်အပဲတရီန့ၣ် တဂ့ၤ. သုမ့ၢ်ပှၤအုၣ်အသးလၢမုၢ်မဆါတနံၤအံၤလီၤ.

¹¹ ဒီးပှၤဂီၢ်မုၢ်, ဒီးပှၤသူၣ်က့သးပှၢ်လၢအအိၣ်ဝဲလၢပဲတ ရီန့ၣ်စံးဝဲဒၣ်, ပမ့ၢ်ပှၤအုၣ်အသးလီၤ. မ်ယွၤပာ်ပိာ် မုၣ်လၢအဟဲနုာ်လၢနဟံၣ်ပူၤတဂၤ ဒ်နီၢ်ရၤဃ့လးဒီး နီၢ်လ့ၤအၤခံဂၤလၢ အမၤထီၣ်အံၣ်စရ့လးအဟံၣ်န့ၣ်တ က့ၢ်. ဒီးမ်နမၤတၢ်ဂ့ၤလၢအ့ဖရးသးအပူၤ, ဒီးနမံၤဟူ ထီသါလီၤလၢဘ့ၤသလ့ဃ့ၣ်အပူၤန့ၣ်တက့ၢ်. ¹² ဒီးမ်န ဟံၣ်မၤသးဒ်စီၤဖ့ရ့းအဟံၣ်အသိး (လၢနီၢ်တၤမၢ်ဆံး စၢ်န့ၢ်လၢစီၤယူဒၤအဂီၢ်), လၢတၢ်အချံအသၣ်လၢယွၤ ကဟ့ၣ်လီၤနၤလၢပိာ်မုၣ်အံၤတက့ၢ်.

¹³ ဒီးစီၤဘိၤဧးဟံးန့ၢ်နီၢ်ရူၤသး, ဒီးအဝဲဒၣ်ကဲထီၣ်အ မါလီၤ. ဒီးလဲၤနုာ်ဝဲဆူအအိၣ်, ဒီးယွၤဒုးဒၢထီၣ်အီၤ, ဒီးအတၢ်ဆံးစၢ်န့ၢ်အဖိခွါလီၤ. ¹⁴ ဒီးပိာ်မုၣ်တဖၣ်စံးဘၣ်နီၢ်နဧမံ, မ်ယွၤဘၣ်တၢ်စံးထီၣ်ပတြၢၤလၢ အတပာ်လီၤတဲာ်ဘၣ်နၤလၢ ပှၤပှ့ၤက့ၤတၢ်တအိၣ်ဘၣ်လၢမုၢ်မဆါတနံၤအံၤန့ၣ်တက့ၢ်. မ်အမံၤဟူထီသါလီၤလၢအံၣ်စရ့လးအပူၤန့ၣ်တက့ၢ်.―

¹⁵ ဒီးကကဲထီၣ်တၢ်ဒုးမူဒံးနၤ, ဒီးတၢ်အံးက့ၤကွၢ်က့ၤ န ခိၣ်ဝါန့ၣ်လီၤ. အဂ့ၢ်ဒ်အံၤ, နဒဲၣ်လၢအအဲၣ်နၤ, ဒီးဂ့ၤန့ၢ် ဖိခွါနွံဂၤလၢနဂီၢ်တဂၤန့ၣ်ဆံးစၢ်န့ၢ်အီၤလီၤ.

¹⁶ ဒီးနီၢ်နၤဧမံဟံးန့ၢ်ဖိသၣ်န့ၣ်, ဒီးပာ်လၢအသးနါပှၢ် ဒီးကဲထီၣ်ပှၤကွၢ်ဖိလၢအဂီၢ်လီၤ.

¹⁷ ဒီးပိာ်မုၣ်လၢအဃၢၤတဖၣ်န့ၣ် ယုၢ်ဝဲအမံၤ, ဒီးစံး ဝဲဒၣ်, ဖိခွါတဂၤအိၣ်ဖျဲၣ်လံလၢနီၢ်နၤဧမံအဂီၢ်လံ, ဒီး ယုၢ်ဝဲအမံၤလၢစီၤဧိၤဘ့းလီၤ. အဝဲဒၣ်မ့ၢ် စီၤယံးၡဲအ ပၢ်, စီၤဒၤဝံးအပၢ်လီၤ.

¹⁸ ဒီးအအံၤမ့ၢ်စီၤဖ့းရ့းအစၢၤအသွဲၣ်လီၤ.

¹⁹ စီၤဖ့းရ့းထီၣ်ဖိစီၤဃ့ၤစရိၣ်, ဒီးစီၤဃ့ၤစရိၣ်ထီၣ်ဖိစီၤ ရၣ်, ဒီးစီၤရၣ်ထီၣ်ဖိစီၤဧးမံၤနဒး ²⁰ ဒီးစီၤဧးမံၤနဒးထီၣ်ဖိ စီၤနးၡိၣ်, ဒီးစီၤနးၡိၣ်ထီၣ်ဖိ စီၤစၤလမိၣ်, ²¹ ဒီးစီၤစၤလ မိၣ်ထီၣ်ဖိစီၤဘိၤဧး, ဒီးစီၤဘိၤဧးထီၣ်ဖိစီၤဧိၤဘ့း, ²² ဒီးစီၤ ဧိၤဘ့းထီၣ်ဖိစီၤယံးၡဲ, ဒီးစီၤယံးၡဲထီၣ်ဖိစီၤဒၤဝံးလီၤ.