လံာ်စီၤပီလူးကွဲးန့ၢ်ပှၤရိမ့ၤဖိ.

လံာ်စီၤပီလူးကွဲးန့ၢ်ပှၤရိမ့ၤဖိ.

၁

¹ ယ့ၣ်ရှူးခရံာ်အခ့အပှၤ, ပှၤတၢ်မၢဖိလၢအဘၣ်တၢ် ကိးအီၤ, ဒီးဘၣ်တၢ်နီၤဖးအီၤလၢယွၤအတၢ်သးခုအက စီၣ်အဂီၢ်, ² လၢအစံးပာ်ဝဲလၢအဝံတဖၣ်လၢလံာ်စီဆှံ အပူၤ, ³ ဘၣ်ဃးဒီးအဖိခွါ, လၢဖဲအဘၣ်ဃးဒီးတၢ်ဖံး တၢ်ညၣ်န့ၣ်အိၣ်ဖျဲၣ်လၢစီၤဒၤဝံးအချံအသၣ်, ⁴ ဒီးဖဲအ ဘၣ်ဃးဒီးသးအစီအဆှံန့ၣ် တၢ်ပာ်ဖျါထီၣ်အီၤလၢအ မ့ၢ်ယွၤအဖိခွါလၢ တၢ်စိတၢ်ကမီၤလၢတၢ်ဂဲၤဆၢထၢၣ် က့ၤလၢတၢ်သံအဃိ, ပကစၢ်ယ့ၣ်ရှူးခရံာ်, ⁵ လၢပဒိးန့ၢ် တၢ်ဘျုးတၢ်ဖှိၣ်ဒီး တၢ်မၢဖိအလီၢ် လၢအီၤလၢပှၤက လုာ်တဖၣ်ခဲလၢာ်အတၢ်စူၢ် ဘၣ်ဃးဒီးတၢ်နာ်လၢအမံၤ အဃိ, ⁶ လၢသုအိၣ်စ့ၢ်ကီးလၢအဝဲသ့ၣ်အကျါ, ပှၤဘၣ် တၢ်ကိးအီၤလၢယ့ၣ်ရှူးခရံာ်, ⁷ ယၤစီၤပီလူး, စံးဘၣ်ပှၤခဲ လၢာ်, အိၣ်လၢဝ့ၢ်ရိမ့ၤအပူၤ, လၢယွၤအဲၣ်အီၤ, ပှၤစီဆှံ လၢအဘၣ်တၢ်ကိးအီၤတဖၣ်, မ်တၢ်ဘျုးတၢ်ဖှိၣ်ဒီးတၢ် ဃူတၢ်ဖိးလၢပပၢ်ယွၤဒီးကစၢ်ယ့ၣ်ရှူးခရံာ်န့ၣ်, ဘၣ်သု ဝဲတက့ၢ်.

⁸ တၢ်အဆိအံၤ, ယစံးထီၣ်ပတြၢၤယကစၢ်ယွၤအဘျုး အဖှိၣ်, လၢယ့ၣ်ရှူးခရံာ်အဃိ, လၢသုဝဲခဲလၢာ်အဂ့ၢ် လီၤ. အဂ့ၢ်ဒ်အံၤ, သုတၢ်နာ်န့ၣ်ဟူထီသါလီၤလၢဟီၣ် ခိၣ်ဒီဘ့ၣ်ညါလီၤ. ⁹ အဂ့ၢ်ဒ်အံၤ, ယွၤလၢယမၤအတၢ် လၢယသး, လၢအဖိခွါအတၢ်သးခုအကစီၣ်အပူၤတဂၤ န့ၣ်, မ့ၢ်တၢ်အုၣ်အသးလၢယဂီၢ်လၢယသ့ၣ်နီၣ်ထီၣ်သု တထံၣ်ဃီ, ¹⁰ ဒီးယဃ့လၢယတၢ်ထုကဖၣ်အပူၤတထံၣ် ဃီဒ်သိးမ့ၢ်သ့ဒီး, ခဲကနံၣ်အံၤ, မ့ၢ်ဘၣ်ယွၤအသးဒီး, ယ ကလဲၤခုၣ်ခုၣ်မုာ်မုာ်ဆူသုအိၣ်လီၤ. ¹¹ အဂ့ၢ်ဒ်အံၤ, တၢ် မိၣ်ထံၣ်ဘၣ်ယသးလၢသု, ဒ်သိးယကဟ့ၣ်သုလၢတၢ် ဘျုးတမံၤမံၤဘၣ်ဃးဒီးသးန့ၣ် ဒ်သိးသုကအိၣ်ဂၢၢ်ဆိး ကျၢၤလီၤ. ¹² ဒ်ပစံးတၢ်အသိး, တၢ်စူၢ်တၢ်နာ်လၢသုဒီး ယၤယၢ်ခီယၢ်ခီသတးဒီး, ယကဘၣ်တၢ်မၤမုာ်ထီၣ်ယ သးသကိးဒီးသုလၢသုကျါလီၤ.

¹³ ဒီးဒီပုၢ်ဝဲၢ်သ့ၣ်ဧၢ, တဘၣ်ဘၣ်ယသးလၢသုတသ့ၣ် ညါဘၣ်လၢယပာ်ယသးအါဘျီလၢ ယကလဲၤဆူသု အိၣ်, ဒ်သိးယကန့ၢ်ဘၣ်တၤသၣ်တမံၤမံၤလၢသုကျါ, ဒ် လၢပှၤကလုာ်အဂုၤအဂၤတဖၣ် အကျါအသိးန့ၣ်ဘၣ်. ဘၣ်ဆၣ်ဒီး, တၢ်တြီယၤတုၤခဲကနံၣ်အံၤလီၤ. ¹⁴ ပှၤဟ့း လ့ၣ်ဖိမ့ၢ်ဂ့ၤ, ပှၤပှၢ်လၢ်ကျါဖိမ့ၢ်ဂ့ၤ, ပှၤကူၣ်တၢ်သ့မ့ၢ်ဂ့ၤ, ပှၤကူၣ်တၢ်တသ့ဘၣ်မ့ၢ်ဂ့ၤ, ယကမၢ်အိၣ်လၢအလိၤ လီၤ. ¹⁵ မၤသးဒ်န့ၣ်ဒီး, ဖဲယသ့ဒီးယသးအိၣ်လၢယက စံၣ်တဲၤတဲလီၤတၢ်သးခုအကစီၣ် လၢသုဝဲသ့ၣ်လၢအ အိၣ်လၢရိမ့ၤအပူၤစ့ၢ်ကီးလီၤ. ¹⁶ အဂ့ၢ်ဒ်အံၤ, ယမဲာ်တ ဆှးဘၣ်လၢခရံာ်အတၢ်သးခုအကစီၣ်ဘၣ်. အဂ့ၢ်ဒ်အံၤ, မ့ၢ်ယွၤအစိအကမီၤလၢ တၢ်အုၣ်က့ၤခီၣ်က့ၤ ကယဲၢ်ပှၤ လၢအစူၢ်က့ၤနာ်က့ၤတၢ်ကိးဂၤဒဲးအဂီၢ်, ပှၤယူဒၤဖိလၢ အဆိ, ဒီးပှၤဟ့းလ့ၣ်ဖိစ့ၢ်ကီးလီၤ. ¹⁷ အဂ့ၢ်ဒ်အံၤ, ယွၤအ တၢ်တီတၢ်လိၤအိၣ်ဖျါထီၣ်လၢအပူၤ, လၢတၢ်နာ်ဆူတၢ် နာ်လီၤ. ဒ်တၢ်ကွဲးအသးအသိးန့ၣ်, ပှၤတီပှၤလိၤကမူဝဲ လၢတၢ်နာ်လီၤ.+ ဃဘး. ၂း၄|Hab.2.4*.

¹⁸ အဂ့ၢ်ဒ်အံၤ, ယွၤအတၢ်သးဒိၣ်ထီၣ်ဖျါထီၣ်လၢမူခိၣ် ထီဒါ ပှၤလၢအဟံးဃာ်တၢ်မ့ၢ်တၢ်တီလၢတၢ်တတီတ လိၤဘၣ်အပူၤ, အတၢ်တယူးတယီၣ်ဘၣ်ယွၤ, ဒီးအတၢ် တတီတလိၤဘၣ်ခဲလၢာ်န့ၣ်လီၤ. ¹⁹ အဂ့ၢ်ဒ်အံၤ, တၢ်သ့ၣ် ညါယွၤအိၣ်ဖျါလၢအပူၤလီၤ. အဂ့ၢ်ဒ်အံၤ, ယွၤမၤဖျါထီၣ် အီၤလၢအဝဲသ့ၣ်လီၤ. ²⁰ အဂ့ၢ်ဒ်အံၤ, လၢဟီၣ်ခိၣ်ဘၣ် တၢ်တ့လီၤအီၤလံၤလံၤန့ၣ်, ပှၤထံၣ်ဘၣ်အတၢ်တအိၣ် ဖျါဘၣ်တဖၣ်ထံထံဆးဆး, ဒ်ပစံးတၢ်အသိး, အစိထူ အကမီၤယိာ်ဒီးအတၢ်ပှိၤတၢ်ပှီၢ်လီၤ. အဂ့ၢ်ဒ်အံၤ, သ့ၣ် ညါအီၤလၢတၢ်မၤအသးတဖၣ်အဃိ, ဒ်သိးအကတိၤပူၤ ဖျဲးအသးအလီၢ်သုတအိၣ်တဂ့ၤလီၤ. ²¹ အဂ့ၢ်ဒ်အံၤ, သ့ၣ် ညါယွၤနာ်သက့ဒီး, တမၤလၤမၤကပီၤဘၣ်အီၤဒ်ယွၤအ သိးဘၣ်, ဒီးတစံးထီၣ်ပတြၢၤဘၣ်အဘျုးအဖှိၣ်ဘၣ်, မ့ၢ် အကူၣ်ထီၣ်ဖးလီၤကလီကလီတၢ်, ဒီးအသူၣ်ဟးဂူာ်အ သးဟးဂီၤန့ၣ်, ခံးလီၤဝဲလီၤ. ²² စံးလီၤအသးလၢပှၤကူၣ် တၢ်သ့, ဒီးကဲထီၣ်ဝဲလၢပှၤဟးဂီၤဖိလီၤ.―

²³ ဒီးယွၤလၢအတအုၣ်သံဘၣ်တဂၤအလၤကပီၤန့ၣ်, ပာ် လဲလိာ်ဝဲလၢတၢ်ဂီၤလီၤဂာ်လၢပှၤကညီအုၣ်သံ, ဒီးထိၣ် ဧိၤလံၣ်ဧိၤ, ဒီးတၢ်အိၣ်ဒီးအခီၣ်လွံၢ်ခီ, ဒီးတၢ်စွါတၢ်စွဲတ ဖၣ်လီၤ.

²⁴ မ်ဒ်န့ၣ်ဒီးယွၤဟ့ၣ်လီၤကွံာ်အီၤ အိၣ်ဒီးအသးကလုာ် ကလိၤဆူတၢ်တကဆှီဘၣ်အပူၤ, ဒ်သိးအကမၤဟးဂီၤ လိာ်အနီၢ်ခိဒၣ်ဝဲအလၤအကပီၤလီၤ. ²⁵ ဒီးပာ်လဲလိာ် ယွၤအတၢ်မ့ၢ်တၢ်တီလၢတၢ်ကဘျံးကဘျၣ်, ဒီးဘူၣ် ထီၣ်ဘါထီၣ်တၢ်လၢအဘၣ်တၢ်တ့အီၤန့ၣ်, ဒီးမၤဝဲအ တၢ်, အါန့ၢ်ပှၤလၢအတ့တၢ်လၢအဘၣ်တၢ်ဆိၣ်ဂ့ၤအ စိၤစိၤဃၣ်ဃၣ်တဂၤအတၢ်တက့ၢ်လီၤ. အၤမ့ၣ်.

²⁶ မ်ဒ်န့ၣ်ဒီး ယွၤဟ့ၣ်လီၤကွံာ်အီၤအိၣ်ဒီးအသးကွံတၢ် လၢအလၤကပီၤတအိၣ်ဘၣ်န့ၣ်လီၤ. အဂ့ၢ်ဒ်အံၤ, ပိာ်မုၣ် တဖၣ်မၤတၢ်အလုၢ်အလၢ်န့ၣ်, ပာ်လဲလိာ်ဝဲဒီးတၢ်လၢ အထီဒါတၢ်အလုၢ်အလၢ်လီၤ. ²⁷ ဒ်န့ၣ်အသိးပိာ်ခွါမၤ ပိာ်မုၣ်ဒ်တၢ်အလုၢ်အလၢ်အသိးန့ၣ်ညိကွံာ်ဝဲ, ဒီးအသး ကတၢလိာ်အသးပိာ်ခွါသကိးပိာ်ခွါ, ဒီးမၤတၢ်မဲာ်ဆှး, ဒီးအတၢ်ဒဲးဘးအဘူးအလဲလၢအကြၢးဒီးအီၤန့ၣ်, ဒိး န့ၢ်ဝဲလၢအပူၤဒၣ်ဝဲလီၤ.

²⁸ ဒီးမ့ၢ်တၢ်တမိၣ်အိၣ်ဘၣ်အသးဒီး တၢ်သ့ၣ်ညါယွၤ သတးဒီး, ယွၤဟ့ၣ်လီၤကွံာ်အီၤဆူတၢ်သူၣ်အၢသးသီ အပူၤ, ဒ်သိးအကမၤတၢ်တဘၣ်တပှိၤဘၣ်လီၤ. ²⁹ လၢ ထီၣ်ပှဲၤထီၣ်ဝဲဒီးကယဲၢ်တၢ်တတီတလိၤ, တၢ်မၤကမၣ် မုၣ်ကမၣ်ခွါ, တၢ်သးဆဲးအဲး, တၢ်သူၣ်ကွံသးကွံ, တၢ်မၤ အၢမၤသီန့ၣ်လီၤ. လၢပှဲၤဝဲဒီးတၢ်သးက့ၣ်, တၢ်မၤသံပှၤ ကညီ, တၢ်အ့ၣ်လိာ်ဆိးက့လိာ်, တၢ်လီတၢ်ဝ့ၤ, တၢ်သူၣ် ဟ့သးဟ့, ³⁰ မ့ၢ်ပှၤသီၣ်ဝံသဲကလၤ, ပှၤစံးအၢတၢ်, ပှၤသး ဟ့ယွၤ, ပှၤဒုၣ်ဒွဲၣ်တၢ်, ပှၤပာ်ထီၣ်ထီအသး, ပာ်အသး ကဖၢလၢ, ပှၤမၤအိၣ်ထီၣ်တၢ်အၢတၢ်သီ, ပှၤတစူၢ်ဘၣ် အမိၢ်အပၢ်ဘၣ်. ³¹ ပှၤအသးကီ, ပှၤတမၤတီဘၣ်အက လုၢ်ဘၣ်, ပှၤတအဲၣ်ဘၣ်အဘူးအတံၢ်ဘၣ်, ပှၤအသူၣ် တကၢ်အသးတလီၤဘၣ်, ပှၤတသးကညီၤဘၣ်တၢ် ဘၣ်. ³² အဝဲသ့ၣ်တဖၣ် သ့ၣ်ညါလီၤတံၢ်လီၤဆဲး, ယွၤအ တၢ်စံၣ်ညီၣ်, လၢပှၤမၤတၢ်ဒ်န့ၣ်သိးဂ့ၤသံဘၣ်ဆၣ်ဒီး, မၤတၢ်န့ၣ်တဖၣ်, အခိၣ်တလိာ်ဘၣ်အသးလၢပှၤလၢ အမၤဝဲတဖၣ်စ့ၢ်ကီးလီၤ.

၂

¹ မၤသးဒ်န့ၣ်ဒီး, ပှၤကညီလၢအစံၣ်ညီၣ်တၢ်ကိးဂၤဒဲး ဧၢ, နကတိၤပူၤဖျဲးနသးအလီၢ်တအိၣ်ဘၣ်. အဂ့ၢ်ဒ်အံၤ, တၢ်လၢနစံၣ်ညီၣ်ပှၤဂၤန့ၣ်, နစံၣ်ညီၣ်ဃၣ်နသးဒၣ်နဲ လီၤ. ² အဂ့ၢ်ဒ်အံၤ, ပှၤလၢအစံၣ်ညီၣ်တၢ်, နဲဒၣ်အံၤ, နမၤ တၢ်ဒ်သိးသိးလီၤ. ဒီးပသ့ၣ်ညါလၢ ယွၤအတၢ်စံၣ်ညီၣ် မ့ၢ်ဖဲဒၣ်တၢ်မ့ၢ်တၢ်တီလၢ ပှၤမၤတၢ်ဒ်န့ၣ်အသိးအလိၤ လီၤ. ³ ဒီးပှၤလၢအစံၣ်ညီၣ်ပှၤလၢအမၤတၢ်ဒ်န့ၣ်သိးတ ဖၣ်, ဒီးမၤဝဲဒ်သိးသိးပှၤကညီဧၢ, မ့ၢ်နဆိကမိၣ်လၢနက ပူၤဖျဲးဒီးယွၤအတၢ်စံၣ်ညီၣ်န့ၣ်ဧါ. ⁴ မ့တမ့ၢ်ဘၣ်ဒီး, မ့ၢ်န တသ့ၣ်ညါဘၣ်လၢ ယွၤအဘျုးအဖှိၣ်ဆှၢနၤဆူတၢ်ပီၢ် ယၢ်လီၤက့ၤနသးဘၣ်ဒီး, နမၤတရီတပါယွၤအဘျုးထူး အဖှိၣ်တီၤ, ဒီးအတၢ်ကီၤအသး, ဒီးအတၢ်ဝံသးစူၤန့ၣ် ဧါ. ⁵ ဘၣ်ဆၣ်ဒီး, ဒ်နသးကိၤ, ဒီးနသးတပီၢ်ယၢ်လီၤက့ၤ အသးဘၣ်အသိးန့ၣ်, နပာ်ဖှိၣ်တၢ်သးဒိၣ်လၢနဂီၢ်ဒၣ်နဲ, တုၤတၢ်သးဒိၣ်အနံၤအသီဒီး ယွၤအတၢ်စံၣ်ညီၣ်တီအိၣ် ဖျါန့ၣ်လီၤ. ⁶ အဝဲဒၣ်ကဟ့ၣ်တၢ်လၢပှၤ, ဒ်အတၢ်မၤတ ဖၣ်အသိးစုာ်စုာ်လီၤ. ⁷ လၢပှၤလၢအဝံသးစူၤမၤတၢ်ဂ့ၤ ဒီးဃုတၢ်လၤကပီၤ, ဒီးတၢ်ယူးတၢ်ယီၣ်, ဒီးတၢ်သံတသ့ ဘၣ်တဖၣ်န့ၣ်, တၢ်မူအထူအယိာ်လီၤ. ⁸ မ့မ့ၢ်လၢပှၤလၢ အဂ့ၢ်လိာ်ဘှီလိာ်, ဒီးတစူၢ်ဘၣ်တၢ်မ့ၢ်တၢ်တီဘၣ်, ဒီးစူၢ် ဝဲလၢတၢ်တတီတလိၤဘၣ်တဖၣ်န့ၣ်, တၢ်သးဒိၣ်, ဒီး တၢ်သးကဲၤထီၣ်, ⁹ တၢ်နးတၢ်ဖှီၣ်, ဒီးတၢ်ကီတၢ်ခဲ, လၢ ကယဲၢ်ပှၤလၢအမၤတၢ်အၢတဂၤလၢ်လၢ်အလိၤ, ပှၤယူ ဒၤဖိလၢအဆိ, ဒီးပှၤဟ့းလ့ၣ်ဖိစ့ၢ်ကီးလီၤ. ¹⁰ မ့မ့ၢ်တၢ်လၤ တၢ်ကပီၤ, ဒီးတၢ်ယူးတၢ်ယီၣ်, ဒီးတၢ်ဃူတၢ်ဖိးလၢက ယဲၢ်ပှၤလၢအမၤတၢ်ဂ့ၤတဂၤလၢ်လၢ်အလိၤ, ပှၤယူဒၤဖိ လၢအဆိ, ဒီးပှၤဟ့းလ့ၣ်ဖိစ့ၢ်ကီးလီၤ. ¹¹ အဂ့ၢ်ဒ်အံၤ, ယွၤတကွၢ်ဒိၣ်ဆံးအါစှၤဘၣ်တၢ်ဘၣ်. ¹² အဂ့ၢ်ဒ်အံၤ, ဖဲဒၣ်ပှၤလၢအတအိၣ်ဘၣ်ဒီးတၢ်သိၣ်တၢ်သီဒီးမၤတၢ်ဒဲးဘးတဖၣ်န့ၣ်, တအိၣ်စ့ၢ်ကီးဘၣ်ဒီးတၢ်သိၣ်တၢ်သီဘၣ်ဒီး, ကတုၤဝဲလၢတၢ်ဟးဂီၤလီၤ. ဒီးဖဲဒၣ်ပှၤလၢအအိၣ်ဒီးတၢ်သိၣ်တၢ်သီဒီး, မၤတၢ်ဒဲးဘးတဖၣ်န့ၣ်, ကဘၣ်တၢ်စံၣ်ညီၣ်လၢတၢ်သိၣ်တၢ်သီန့ၣ်လီၤ.―

¹³ (အဂ့ၢ်ဒ်အံၤ, ပှၤလၢအနၢ်ဟူတၢ်သိၣ်တၢ်သီတဖၣ်န့ၣ်, တမ့ၢ်ဘၣ်အတီဝဲလိၤဝဲလၢယွၤအမဲာ်ညါဘၣ်. မ့ၢ်ပှၤ လၢအတိၢ်န့ၢ်တၢ်သိၣ်တၢ်သီတဖၣ်, ကဘၣ်တၢ်ပာ်တီ ပာ်လိၤအီၤလီၤ. ¹⁴ အဂ့ၢ်ဒ်အံၤ, တုၤပှၤကလုာ်တဖၣ်လၢ အတအိၣ်ဘၣ်ဒီးတၢ်သိၣ်တၢ်သီဘၣ်န့ၣ်, တိၢ်န့ၢ်ဒၣ် တၢ်လၢတၢ်သိၣ်တၢ်သီန့ၣ်ဒီး, တၢ်သိၣ်တၢ်သီတအိၣ် ဘၣ်ဒီး, အဝဲသ့ၣ်တဖၣ်န့ၣ်, မ့ၢ်တၢ်သိၣ်တၢ်သီလၢအဂီၢ် ဒၣ်ဝဲလီၤ. ¹⁵ အဝဲသ့ၣ်တဖၣ်န့ၣ်, အသးလၢအသ့ၣ်ညါ ဒၣ်တၢ်အုၣ်ဒၣ်အသးဒီး, မ့ၢ်တၢ်ဒဲးဘးမ့ၢ်ဂ့ၤ, တၢ်မၤပူၤ ဖျဲးမ့ၢ်ဂ့ၤ, အတၢ်ဆိကမိၣ်ပာ်ဒၣ်လၢအလိၤယၢ်ခီယၢ်ခီ သတးဒီး, ဒုးနဲၣ်ဝဲလၢတၢ်သိၣ်တၢ်သီအတၢ်မၤအိၣ်ကွဲး အသးလၢအသးအလိၤလီၤ). ¹⁶ လၢမုၢ်တနံၤလၢယွၤက စံၣ်ညီၣ်ပှၤကညီအတၢ်ခူသူၣ်တဖၣ် လၢယ့ၣ်ရှူးခရံာ်အ စုပူၤ, ဒ်ယတၢ်သးခုအကစီၣ်အသိးန့ၣ်လီၤ.

¹⁷ ဘၣ်ဆၣ်ဒီးတၢ်မ့ၢ်ကိးနၤလၢပှၤယူဒၤဖိ, ဒီးနမ့ၢ်သ နံာ်သန့ၤနသးလၢတၢ်သိၣ်တၢ်သီ, ဒီးနမ့ၢ်ပာ်ထီၣ်နသး ကဖၢလၢလၢယွၤအပူၤ, ¹⁸ ဒီးနမ့ၢ်သ့ၣ်ညါအသး, ဒီးနမ့ၢ် ဘၣ်တၢ်သိၣ်လိနၤလၢတၢ်သိၣ်တၢ်သီ, ဒီးနမ့ၢ်အၢၣ်လီၤ အီလီၤတၢ်ဂ့ၤလီၤဆီဒၣ်တၢ်တဖၣ်, ¹⁹ ဒီးနမ့ၢ်နာ်လီၤန သးလၢနမ့ၢ်ပှၤဆှၢပှၤမဲာ်ဘျီၣ်, ဒီးတၢ်ကပီၤလၢပှၤအိၣ် လၢတၢ်ခံးကျါအဂီၢ်, ²⁰ ဒီးပှၤသိၣ်က့ၤသီက့ၤပှၤလၢအ တသ့ၣ်ညါဘၣ်တၢ်ဘၣ်, ဖိဒံဖိသၣ်အသရၣ်, ပှၤအိၣ်ဒီး တၢ်မ့ၢ်တၢ်တီအက့ၢ်အဂီၤ လၢတၢ်သိၣ်တၢ်သီအပူၤသ တးဒီး, ²¹ ပှၤလၢအသိၣ်လိပှၤဂၤ, နၤဧၢ, မ့ၢ်နတသိၣ်လိ လီၤဒၣ်နသးဘၣ်ဧါ. ပှၤလၢအစံး, သုတဟုၣ်တၢ်တဂ့ၤ, နၤဧၢ, မ့ၢ်နဟုၣ်တၢ်စ့ၢ်ကီးဧါ. ²² ပှၤလၢအစံး, သုတအဲၣ် ဘၢတၢ်တဂ့ၤ, နၤဧၢ, မ့ၢ်နအဲၣ်ဘၢတၢ်စ့ၢ်ကီးဧါ. ပှၤလၢ အသးဘၣ်အၢတၢ်ဂီၤတဖၣ်, နၤဧၢ, မ့ၢ်နဟုၣ်တၢ်ဘၣ် ဃးဒီးကစၢ်အဟံၣ်စ့ၢ်ကီးဧါ. ²³ ပှၤလၢအပာ်ထီၣ်အသး ကဖၢလၢလၢတၢ်သိၣ်တၢ်သီအပူၤ, နၤဧၢ, နမၤဟးဂီၤ ယွၤအလၤကပီၤလၢ နလုၣ်သ့ၣ်ခါပတာ်တၢ်သိၣ်တၢ် သီ, စ့ၢ်ကီးဧါ. ²⁴ အဂ့ၢ်ဒ်အံၤ, ဒ်တၢ်ကွဲးအသးအသိးန့ၣ်, ယွၤအမံၤ ဘၣ်တၢ်ဒုၣ်ဒွဲၣ်လၢ ပှၤကလုာ်တဖၣ်အကျါ, လၢသုဃိလီၤ.+ ဃ့း. ၃၆း၂၀|Ezek.36.20*.

²⁵ အဂ့ၢ်ဒ်အံၤ, နမ့ၢ်တိၢ်န့ၢ်တၢ်သိၣ်တၢ်သီဒီး, တၢ်ကူးတ ရံးအိၣ်ဒီးအဘျုးလီၤ. မ့မ့ၢ်နမ့ၢ်လုၣ်သ့ၣ်ခါပတာ်တၢ် သိၣ်တၢ်သီဒီး, နတၢ်ကူးတရံးကဲထီၣ်ဝဲလၢတၢ်တကူး တရံးဘၣ်လီၤ. ²⁶ မၤသးဒ်န့ၣ်ဒီးပှၤလၢအတဒိးဘၣ်တၢ် ကူးတရံးဘၣ်, မ့ၢ်တိၢ်န့ၢ်တၢ်သိၣ်တၢ်သီအတၢ်မၤလိာ် ဒီး, တၢ်ကပာ်က့ၤအတၢ်တကူးတရံးဘၣ်လၢတၢ်ကူး တရံးန့ၣ်, တမ့ၢ်ဘၣ်ဧါ. ²⁷ ဒီးပှၤတဒိးဘၣ်တၢ်ကူးတရံး ဒ်အလုၢ်အလၢ်အသိး, မ့ၢ်တိၢ်န့ၢ်တၢ်သိၣ်တၢ်သီဒီး, က စံၣ်ညီၣ်နၤလၢအအိၣ်ဒီးလံာ်ဖျၢၣ် ဒီးတၢ်ကူးတရံး, ဒီး လုၣ်သ့ၣ်ခါပတာ်တၢ်သိၣ်တၢ်သီ, တမ့ၢ်ဘၣ်ဧါ. ²⁸ အဂ့ၢ် ဒ်အံၤ, တၢ်အိၣ်ဖျါန့ၣ်, တမ့ၢ်ဘၣ်ပှၤယူဒၤဖိဘၣ်, ဒီးတၢ် အိၣ်ဖျါလၢတၢ်ဖံးတၢ်ညၣ်, တမ့ၢ်ဘၣ်တၢ်ကူးတရံး ဘၣ်. ²⁹ မ့မ့ၢ်ပှၤယူဒၤဖိမ့ၢ်တၢ်အိၣ်ခူသူၣ်, ဒီးတၢ်ကူးတ ရံးမ့ၢ်တၢ်လၢသူၣ်လၢသး, ဘၣ်ဃးဒီးသး, ဒီးတမ့ၢ်ဘၣ် လၢလံာ်အဖျၢၣ်ဘၣ်. ဒီးအတၢ်စံးထီၣ်ပတြၢၤ တဟဲ ဘၣ်လၢပှၤကညီဘၣ်, မ့ၢ်လၢယွၤလီၤ.

၃

¹ မၤသးဒ်န့ၣ်ဒီး ပှၤယူဒၤဖိအတၢ်အါဒၣ် တၢ်တက့ၢ် န့ၣ်, မ့ၢ်တၢ်မနုၤတမံၤလဲၣ်. ဒီးတၢ်ကူးတရံးန့ၣ်အဘျုးမ နုၤလဲၣ်. ² အိၣ်အါဝဲလၢတၢ်ကိးမံၤဒဲးလီၤ. မ့မ့ၢ်အဒိၣ်က တၢၢ်တမံၤန့ၣ်, မ့ၢ်လၢတၢ်အးလီၤ ယွၤအကလုၢ်အက ထါလၢအီၤလီၤ. ³ အဂ့ၢ်ဒ်အံၤ, ပှၤတနီၤနီၤအကလုၢ်တ တီဘၣ်နာ်သက့ဒီး, တၢ်ကမၤအသးဒ်လဲၣ်. ပှၤတဖၣ် န့ၣ်အကလုၢ်တတီဘၣ်န့ၣ် ကမၤဟးဂီၤကွံာ်ယွၤအက လုၢ်တီစ့ၢ်ကီးဧါ. ⁴ မ်အသုတမၤအသးဒ်န့ၣ်တဂ့ၤ. ပှၤ ကညီကိးဂၤဒဲး မ့ၢ်တၢ်ကဘျံးကဘျၣ်ခဲလၢာ် နာ်သက့ ဒီး, မ်ယွၤမ့ၢ်တၢ်မ့ၢ်တၢ်တီတက့ၢ်. ဒ်တၢ်ကွဲးအသးအ သိးန့ၣ်, ဒ်သိးနကဘၣ်တၢ်ပာ်တီနၤလၢနတၢ်ကတိၤ, ဒီးနကမၤနၢၤတၢ်လၢနဘၣ်တၢ်စံၣ်ညီၣ်အပူၤလီၤ.+ စံး. ၅၁း၄|Ps.51.4*.

⁵ ဘၣ်ဆၣ်ဒီး ပတၢ်တတီတလိၤဘၣ်န့ၣ် မ့ၢ်လီၣ်ဖျါ ထီၣ်ယွၤအတၢ်တီတၢ်လိၤဒီး, ပကစံးဒ်လဲၣ်. ယွၤလၢအ မၤနးမၤဖှီၣ်တၢ်န့ၣ်, မ့ၢ်အမၤဝဲတတီတလိၤဘၣ်ဧါ. ⁶ (ယကတိၤတၢ်ဒ်ပှၤကညီအသိး,) မ်အသုတမၤအသးဒ် န့ၣ်တဂ့ၤ. တၢ်မ့ၢ်မၤအသးဒ်န့ၣ်ဒီး, ယွၤကစံၣ်ညီၣ်ဟီၣ် ခိၣ်ဒ်လဲၣ်. ⁷ အဂ့ၢ်ဒ်အံၤ, လၢယတၢ်ကဘျံးကဘျၣ်အ ဃိ, ယွၤအတၢ်မ့ၢ်တၢ်တီ မ့ၢ်အါထီၣ်လၢယွၤအလၤအ ကပီၤအဂီၢ်ဒီး, ဘၣ်မနုၤလၢတၢ်စံၣ်ညီၣ်ဒံးယၤစ့ၢ်ကီးဒ် ပှၤမၤတၢ်ဒဲးဘးလဲၣ်. ⁸ ဒီးဒ်ပဘၣ်တၢ်ဒုၣ်ဒွဲၣ်, ဒီးပှၤတ နီၤနီၤစံးဃဲၤလၢပစံးတၢ်အသိး, ဘၣ်မနုၤလၢပတမၤ ဘၣ်တၢ်အၢဒ်သိးတၢ်ဂ့ၤကဟဲန့ၣ်လဲၣ်. အဝဲသ့ၣ်ဘၣ် တၢ်စံၣ်ညီၣ်ဃၣ်န့ၣ်မ့ၢ်အတီအလိၤလီၤ.

⁹ မၤသးဒ်န့ၣ်ဒီးမ့ၢ်ဒ်လဲၣ်. မ့ၢ်ပဂ့ၤဒၣ်တၢ်တက့ၢ်ဧါ. တ မ့ၢ်ဘၣ်လ့ၤတက့ၤဘၣ်. အဂ့ၢ်ဒ်အံၤ, ပှၤယူဒၤဖိမ့ၢ်ဂ့ၤ, ပှၤ ဟ့းလ့ၣ်ဖိမ့ၢ်ဂ့ၤ, ပဒုးနဲၣ်ပာ်လံလၢအအိၣ်လၢတၢ်ဒဲးဘး အပူၤခဲလၢာ်လံ. ¹⁰ ဒ်တၢ်ကွဲးအသးအသိးန့ၣ်, ပှၤအတီ အလိၤတအိၣ်ဘၣ် နီတဂၤဘၣ်. ¹¹ ပှၤလၢအသးဖးတ အိၣ်, ပှၤလၢအဃုယွၤတအိၣ်, ¹² ပှၤဟးဖျိးကျဲခဲလၢာ်, ကဲထီၣ်ပှၤတဂိာ်တသီၣ်ဘၣ်တၢ်, ပှၤမၤတၢ်ဂ့ၤတအိၣ်, ထဲတဂၤဧိၤတအိၣ်ဘၣ်.+ စံး. ၁၄း၁-၃|Ps.14.1-Ps.14.3*.― ¹³ အကိာ်ပူၤမ့ၢ် တၢ်သွၣ်ခိၣ်အိၣ်အိးထီၣ်အသး, လီတၢ်လၢအပျ့ၤ,+ စံး. ၁၄၀း၃|Ps.140.3*, ဂုၢ်အၢအစုၣ်အိၣ်လၢအပျုၤဖီလာ်,+ စံး. ၁၄၀း၃|Ps.140.3*,

¹⁴ အကိာ်ပူၤပှဲၤဒီးတၢ်ဆိၣ်အၢ, ဒီးတၢ်အခၣ်လီၤ.+ စံး. ၁၀း၇|Ps.10.7*.¹⁵ အခီၣ်လဲၤဝဲချ့ချ့ဒ်သိးအကဂၢ်လီၤတၢ်သွံၣ်, ¹⁶ တၢ်ဟးဂူာ်ဟးဂီၤ, ဒီးတၢ်နးတၢ်ဖှီၣ်အိၣ်လၢအကျဲ, ¹⁷ ဒီးတၢ်ဃူတၢ်ဖိးအကျဲန့ၣ်, တသ့ၣ်ညါဘၣ်ဝဲဘၣ်.+ ၡါ. ၅၉း၇|Isa.59.7*.+ ၡါ. ၅၉း၈|Isa.59.8¹⁸ တၢ်ပျံၤယွၤတအိၣ်ဘၣ်လၢအမဲာ်ညါဘၣ်.+ စံး. ၃၆း၁|Ps.36.1*.

¹⁹ ဒီးပသ့ၣ်ညါလၢဖဲဒၣ်တၢ်သိၣ်တၢ်သီစံးဝဲန့ၣ်, မ့ၢ်အ စံးဘၣ်ပှၤအိၣ်လၢတၢ်သိၣ်တၢ်သီအပူၤ, ဒ်သိးကယဲၢ်ပှၤ အထးခိၣ်ကဘၣ်တၢ်မၤနိးဃာ်အီၤ, ဒီးပှၤဟီၣ်ခိၣ်ဖိခဲ လၢာ် ကဘၣ်တၢ်စံၣ်ညီၣ်ဃၣ်အီၤ လၢယွၤအမဲာ်ညါ လီၤ. ²⁰ မၤသးဒ်န့ၣ်ဒီး, တၢ်ညၣ်တဘၣ်တၢ်ပာ်တီပာ်လိၤ အီၤလၢယွၤအမဲာ်ညါ, လၢတၢ်သိၣ်တၢ်သီအတၢ်မၤအ ဃိ, နီတဂၤဘၣ်. အဂ့ၢ်ဒ်အံၤ, တၢ်သ့ၣ်ညါတၢ်ဒဲးဘးဟဲ ဝဲလၢတၢ်သိၣ်တၢ်သီလီၤ.

²¹ မ့မ့ၢ်ခဲကနံၣ်အံၤ, ယွၤအတၢ်တီတၢ်လိၤလၢအတဟဲ ဘၣ်လၢတၢ်သိၣ်တၢ်သီဘၣ်န့ၣ်, အိၣ်ဖျါဝဲလၢတၢ်သိၣ် တၢ်သီ, ဒီးဝံသ့ၣ်တဖၣ်အုၣ်အသးအဂ့ၢ်, ²² ဒ်ပစံးတၢ်အ သိး, ယွၤအတၢ်တီတၢ်လိၤလၢတၢ်နာ်ယ့ၣ်ရှူးခရံာ်န့ၣ်, ဟဲဆူပှၤခဲလၢာ်, ဒီးဘၣ်လၢပှၤနာ်တၢ်တဖၣ်ခဲလၢာ်အ လိၤလီၤ. အဂ့ၢ်ဒ်အံၤ, တၢ်တလီၤဆီဘၣ်. ²³ အဂ့ၢ်ဒ်အံၤ, ပှၤခဲလၢာ် မၤတၢ်ဒဲးဘးဒီး တချုးန့ၢ်ဘၣ်ယွၤအလၤအ ကပီၤဘၣ်. ²⁴ ဒီးပဘၣ်တၢ်ပာ်တီပာ်လိၤပှၤကလီကလီ လၢယွၤအဘျုးအဖှိၣ်လၢ ယ့ၣ်ရှူးခရံာ်အတၢ်ပှ့ၤက့ၤပှၤ အဃိလီၤ. ²⁵ ယွၤပာ်ဖျါထီၣ်အီၤလၢတၢ်လုၢ်, လၢတၢ်နာ် အသွံၣ်အဃိ, ဒ်သိးအကဒုးနဲၣ် အတၢ်တီတၢ်လိၤလၢ တၢ်လဲၤကပာ်တၢ်ဒဲးဘးလၢ ပှၤမၤတ့ၢ်ဝဲဖဲယွၤဝံသးစူၤ တၢ်အတီၢ်ပူၤ, ²⁶+ ယစံးဒ်သိးအကဒုးနဲၣ်အတၢ်တီတၢ် လိၤအကတီၢ်ဖဲအံၤ, ဒ်သိးအကတီဝဲလိၤဝဲဒီးပာ်တီပာ် လိၤပှၤလၢအနာ်ယ့ၣ်ရှူးန့ၣ်လီၤ.

²⁷ မၤသးဒ်န့ၣ်ဒီး, ပပာ်ပသးကဖၢလၢအလီၢ်အိၣ်ဖဲလဲၣ်. ဘၣ်ဟီထီၣ်ကွံာ်လံ. လၢမနုၤအတၢ်သိၣ်တၢ်သီတမံၤ လဲၣ်. လၢတၢ်မၤအတၢ်သိၣ်တၢ်သီဧါ. တမ့ၢ်ဘၣ်, မ့ၢ် လၢတၢ်နာ်အတၢ်သိၣ်တၢ်သီလီၤ. ²⁸ အဂ့ၢ်ဒ်အံၤ, ပစံး လၢပှၤကညီ ဘၣ်တၢ်ပာ်တီပာ်လိၤလၢတၢ်နာ်ဒီးတမ့ၢ် ဘၣ်လၢတၢ်သိၣ်တၢ်သီအတၢ်မၤဘၣ်. ²⁹ ယွၤမ့ၢ်ထဲပှၤ ယူဒၤဖိအကစၢ်န့ၣ်ဧါ. တမ့ၢ်ဘၣ်ပှၤကလုာ်တဖၣ်အက စၢ်စ့ၢ်ကီးဘၣ်ဧါ. မ့ၢ်လံ, မ့ၢ်ပှၤကလုာ်တဖၣ်အကစၢ်စ့ၢ် ကီးလီၤ. ³⁰ အဂ့ၢ်ဒ်အံၤ, ပှၤလၢအကပာ်တီပာ်လိၤပှၤဒိး တၢ်ကူးတရံးလၢတၢ်နာ်, ဒီးပှၤတဒိးဘၣ်တၢ်ကူးတရံး လၢတၢ်နာ်န့ၣ်, မ့ၢ်ယွၤတဂၤဃီလီၤ. ³¹ မၤသးဒ်န့ၣ်ဒီးမ့ၢ် ပမၤဟးဂီၤတၢ်သိၣ်တၢ်သီလၢတၢ်နာ်န့ၣ်ဧါ. မ်အသုတ မၤအသးဒ်န့ၣ်တဂ့ၤ. မ့ၢ်ပမၤဂၢၢ်မၤကျၢၤတၢ်သိၣ်တၢ် သီလီၤ.

၄

¹ မၤသးဒ်န့ၣ်ဒီး, ပကစံးလၢပပၢ်စီၤအၤဘြၤဟၣ်ထံၣ် န့ၢ်တၢ်ဘၣ်ဃးဒီး တၢ်ဖံးတၢ်ညၣ်လၢမနုၤတမံၤလဲၣ်.― ² အဂ့ၢ်ဒ်အံၤ, စီၤအၤဘြၤဟၣ်မ့ၢ်ဘၣ်တၢ်ပာ်တီပာ်လိၤလၢအတၢ်မၤအဃိဒီး, ပာ်အသးကဖၢလၢ အလီၢ်ကအိၣ်ဝဲလီၤ. ဘၣ်ဆၣ်ဒီးလၢ ယွၤအမဲာ်ညါတမ့ၢ်ဘၣ်.―

³ အဂ့ၢ်ဒ်အံၤ, တၢ်ကွဲးအသးစံးဝဲဒ်လဲၣ်. စီၤအၤဘြၤဟၣ် နာ်ယွၤဒီး, တၢ်ပးကဲ(အတၢ်နာ်) လၢတၢ်တီတၢ်လိၤ လၢအဂီၢ်လီၤ. ⁴+ ၁မိၤ. ၁၅း၆|Gen.15.6ဒီးပှၤလၢအမၤတၢ်အဂီၢ် န့ၣ်တၢ်ပာ်အဘူးအလဲ ဒ်လၢတၢ်ဘျုးအသိးတမ့ၢ်ဘၣ်. မ့ၢ်ဒ်လၢတၢ်ကမၢ်အသိးလီၤ. ⁵ မ့မ့ၢ်ပှၤလၢအတမၤဘၣ် တၢ်ဘၣ်, ဒီးနာ်ပှၤလၢအပာ်တီပာ်လိၤပှၤတယူးတယီၣ် ဘၣ်ယွၤန့ၣ်, တၢ်ပးကဲအတၢ်နာ်လၢ တၢ်တီတၢ်လိၤ လီၤ. ⁶ ဒ်န့ၣ်အသိး, စီၤဒၤဝံးစံးလၢပှၤလၢအတမၤဘၣ် တၢ်ဘၣ်ဒီးယွၤပာ်တီပာ်လိၤအီၤ, ဘၣ်တၢ်ဆိၣ်ဂ့ၤဝဲအ ဂ့ၢ်အကျိၤ,

⁷ ပှၤလၢအတၢ်ကမၣ်ပျၢ်လံ, ဒီးအတၢ်ဒဲးဘးဘၣ်ကျၢၢ်ဘၢလံန့ၣ်, ဘၣ်ဆိၣ်ဂ့ၤဝဲ လီၤ.

⁸ ပှၤကညီလၢ ယွၤတပာ်ဘၣ်တၢ်ဒဲးဘးလၢအလိၤတ ဂၤန့ၣ်, ဘၣ်ဆိၣ်ဂ့ၤဝဲလီၤ.+ စံး. ၃၂း၁|Ps.32.1

⁹ မၤသးဒ်န့ၣ်ဒီး, တၢ်ဆိၣ်ဂ့ၤန့ၣ်မ့ၢ်အဘၣ်ပှၤလၢအဒိး တၢ်ကူးတရံးဧါ, မ့ၢ်အဘၣ်စ့ၢ်ကီးပှၤလၢအတဒိးဘၣ် တၢ်ကူးတရံးလဲၣ်. အဂ့ၢ်ဒ်အံၤ, ပစံးလၢတၢ်ပးကဲတၢ်နာ် လၢတၢ်တီတၢ်လိၤလၢစီၤအၤဘြၤဟၣ်အဂီၢ်လီၤ. ¹⁰ မၤ သးဒ်န့ၣ်ဒီးပးကဲဝဲဒ်လဲၣ်. မ့ၢ်အအိၣ်လၢတၢ်ကူးတရံး အပူၤဧါ, လၢတၢ်တကူးတရံးဘၣ်အပူၤလဲၣ်. လၢတၢ် ကူးတရံးအပူၤတမ့ၢ်ဘၣ်, မ့ၢ်လၢတၢ်တကူးတရံးဘၣ် အပူၤလီၤ. ¹¹ ဒီးဒိးတၢ်ကူးတရံး အတၢ်ပနီၣ်လၢအမ့ၢ် တၢ်နာ်အတၢ်တီတၢ်လိၤ လၢအအိၣ်ဒီးအီၤဖဲအတချုး ဒိးဒံးဘၣ်တၢ်ကူးတရံးန့ၣ်, အတၢ်စဲပနီၣ်ဃာ်ဒ်သိးအ ကကဲထီၣ်ကယဲၢ်ပှၤနာ်တၢ်, လၢအတဒိးဘၣ်တၢ်ကူး တရံးဘၣ်ခဲလၢာ်အပၢ်, ဒ်သိးတၢ်တီတၢ်လိၤကဘၣ် တၢ်ပးကဲအီၤလၢအဝဲသ့ၣ်အဂီၢ်လီၤ. ¹² ဒီးပှၤဒိးတၢ်ကူး တရံးအပၢ်, ထဲပှၤဒိးတၢ်ကူးတရံးဧိၤအဂီၢ်တမ့ၢ်ဘၣ်, မ့ၢ် ပှၤလၢအယီၢ်စ့ၢ်ကီးပပၢ်စီၤအၤဘြၤဟၣ် အတၢ်နာ်လၢ အအိၣ်ဒီးအီၤလၢ အတချုးဒိးဒံးဘၣ်တၢ်ကူးတရံးဘၣ်, အခီၣ်လီၢ်အဂီၢ်န့ၣ်လီၤ.

¹³ အဂ့ၢ်ဒ်အံၤ, တၢ်စံးပာ်လၢစီၤအၤဘြၤဟၣ်မ့ၢ်ဂ့ၤ, အချံ အသၣ်မ့ၢ်ဂ့ၤ, တမ့ၢ်ဘၣ် အကန့ၢ်သါဟီၣ်ခိၣ်လၢတၢ် သိၣ်တၢ်သီအဃိဘၣ်. မ့ၢ်လၢတၢ်နာ်အတၢ်တီတၢ်လိၤ အဃိလီၤ. ¹⁴ အဂ့ၢ်ဒ်အံၤ, ပှၤဘၣ်ဃးဒီးတၢ်သိၣ်တၢ်သီ မ့ၢ်န့ၢ်သါတၢ်ဒီး, တၢ်နာ်န့ၣ်ကကဲလၢတၢ်ကလီကလီ, ဒီးတၢ်စံးပာ်န့ၣ်ကဟးဂီၤကွံာ်ဝဲလီၤ. ¹⁵ အဂ့ၢ်ဒ်အံၤ, တၢ် သိၣ်တၢ်သီန့ၣ်ဒုးအိၣ်ထီၣ်တၢ်သးထီၣ်လီၤ. အဂ့ၢ်ဒ် အံၤ, ဖဲတၢ်သိၣ်တၢ်သီတအိၣ်ဘၣ်န့ၣ်, တၢ်လုၣ်သ့ၣ်ခါ ပတာ်တအိၣ်ဘၣ်လီၤ. ¹⁶ မ်ဒ်န့ၣ်ဒီးမ့ၢ်လၢတၢ်နာ်, ဒ်သိး အကဘၣ်ဃးဒီးတၢ်ဘျုးတၢ်ဖှိၣ်, ဒ်သိးတၢ်စံးပာ်က အိၣ်ဂၢၢ်ဆိးကျၢၤဒီးအချံအသၣ်ခဲလၢာ်, ထဲပှၤဘၣ်ဃး ဒီးတၢ်သိၣ်တၢ်သီဧိၤတမ့ၢ်ဘၣ်, မ့ၢ်ပှၤဘၣ်ဃးဒီးစီၤအၤ ဘြၤဟၣ်လၢ အမ့ၢ်ပဝဲခဲလၢာ်အပၢ် အတၢ်နာ်စ့ၢ် ကီး, ¹⁷ (ဒ်တၢ်ကွဲးအသးအသိး, ယပာ်လံနၤလၢပှၤအါ ကလုာ်အပၢ်လံ.)+ ၁မိၤ. ၁၇း၅|Gen.17.5လၢယွၤလၢအနာ်ဝဲ လၢအမၤမူထီၣ်ပှၤသံဒီးကိးတၢ်တအိၣ်ဘၣ်ဒ်အအိၣ်အ သိး, အမဲာ်ညါလီၤ. ¹⁸ အဝဲဒၣ်န့ၣ်, တၢ်မုၢ်လၢ်အလီၢ်တ အိၣ်ဘၣ်ဒီး, နာ်ဝဲလၢတၢ်မုၢ်လၢ်အပူၤ, ဒ်သိးအကကဲ ထီၣ်ပှၤအါကလုာ်အပၢ်, ဒ်တၢ်စံးတ့ၢ်ဝဲအသိး, နချံန သၣ်ကကဲထီၣ်ဒ်န့ၣ်အသိးလီၤ. ¹⁹+ ၁မိၤ. ၁၅း၅|Gen.15.5အ တၢ်နာ်တစၢ်ဘၣ်, ဒီးအနံၣ်အိၣ်တကယၤဃၣ်ဃၣ်ဒီး အနီၢ်ခိသံလံမ့ၢ်ဂ့ၤ, ဒီးနီၢ်စၤရါအဒၢလီၢ်သံလံမ့ၢ်ဂ့ၤ, ဆိ ကမိၣ်ဝဲဘၣ်ဆၣ်ဒီး, ²⁰ အသးတဒ့ဒီဘၣ်လၢတၢ်တနာ် ဘၣ်ယွၤအတၢ်စံးပာ်အဃိ, မ့ၢ်အနာ်ဝဲဆူၣ်ဆူၣ်ဒီး, မၤ လၤကပီၤယွၤ, ²¹ ဒီးနာ်ဝဲလၢလၢပှဲၤပှဲၤလၢပှၤလၢအစံး ပာ်တၢ်တဂၤန့ၣ်, မၤဝဲသ့စ့ၢ်ကီးလီၤ. ²² မၤသးဒ်န့ၣ်ဒီး, တၢ်ပးကဲအီၤလၢတၢ်တီတၢ်လိၤလၢအဂီၢ်လီၤ.

²³ ဒီးတၢ်ကွဲးဝဲထဲအဝဲဒၣ်အဃိဧိၤ, လၢအဘၣ်တၢ်ပးကဲ ဝဲလၢအဂီၢ်န့ၣ်တမ့ၢ်ဘၣ်. ²⁴ မ့ၢ်လၢပဃိစ့ၢ်ကီး, ဒီးပမ့ၢ် စူၢ်က့ၤနာ်က့ၤပှၤလၢ အဒုးဂဲၤဆၢထၢၣ်က့ၤပကစၢ်ယ့ၣ် ရှူးလၢတၢ်သံဒီး, တၢ်ကပးကဲဝဲလၢပဂီၢ်လီၤ. ²⁵ အဝဲဒၣ် န့ၣ်, ဘၣ်တၢ်ဟ့ၣ်လီၤကွံာ်လၢပတၢ်ကမၣ်အဃိ, ဒီး ဘၣ်တၢ် ဒုးဂဲၤဆၢထၢၣ်က့ၤအီၤလၢ တၢ်ပာ်တီပာ်လိၤ ပှၤအဂ့ၢ်လီၤ.

၅

¹ မၤသးဒ်န့ၣ် ဒီးတၢ်ပာ်တီပာ်လိၤပှၤလၢတၢ်နာ်သတး ဒီး, ပဃူပဖိးဒီးယွၤလၢပကစၢ်ယ့ၣ်ရှူးခရံာ်အဃိလီၤ.―

² အဝဲဒၣ်အဃိ, မ့ၢ်တၢ်နာ်ဒီး, ပလဲၤနုာ်ဆူတၢ်ဘျုးတၢ် ဖှိၣ်လၢပဆၢထၢၣ်လၢအပူၤအံၤ, ဒီးသူၣ်ဖှံသးညီလၢ တၢ်မုၢ်လၢ်ယွၤအလၤကပီၤအပူၤလီၤ. ³ ဒီးထဲန့ၣ်ဧိၤတ မ့ၢ်ဘၣ်, မ့ၢ်ပသူၣ်ဖှံသးညီလၢတၢ်နးတၢ်ဖှီၣ်အပူၤစ့ၢ်ကီး လီၤ. အဂ့ၢ်ဒ်အံၤ, ပသ့ၣ်ညါလၢတၢ်နးတၢ်ဖှီၣ်မၤအိၣ် ထီၣ်တၢ်ဝံသးစူၤ, ⁴ ဒီးတၢ်ဝံသးစူၤန့ၣ်မၤအိၣ်ထီၣ်တၢ် မၤကွၢ်အတၢ်အုၣ်အသး, ဒီးတၢ်မၤကွၢ်အတၢ်အုၣ်အ သးန့ၣ်, ဒုးအိၣ်ထီၣ်တၢ်မုၢ်လၢ်လီၤ. ⁵ ဒီးတၢ်မုၢ်လၢ်န့ၣ်, တမၤမဲာ်ဆှးဘၣ်တၢ်ဘၣ်. အဂ့ၢ်ဒ်အံၤ, သးစီဆှံလၢတၢ် ဟ့ၣ်လီၤအီၤလၢပှၤန့ၣ်, ဂၢ်လီၤယွၤအတၢ်အဲၣ်တၢ်ကွံ လၢပသးကံၢ်ပူၤလီၤ.

⁶ အဂ့ၢ်ဒ်အံၤ, ဖဲပဂံၢ်စၢ်ဘါစၢ်န့ၣ်, အမုၢ်အလါဘၣ်ဒီး, ခရံာ်ဒိးသံအသးလၢ ပှၤတယူးတယီၣ်ဘၣ်ယွၤအဂီၢ် လီၤ. ⁷ အဂ့ၢ်ဒ်အံၤ, ပှၤကဒိးသံအသးလၢပှၤတီအဂီၢ်ကီ မးလီၤ. ဘၣ်ဆၣ်ဒီးလၢပှၤဂ့ၤအဂီၢ်န့ၣ်, ပှၤဒိးသံအသး ဘူၣ်ကအိၣ်ဝဲတဂၤဂၤသ့ၣ်သ့ၣ်လီၤ. ⁸ မ့မ့ၢ်ဖဲပမ့ၢ်ပှၤတၢ် ဒဲးဘးဖိအဖၢမုၢ်ဒီး, ခရံာ်ဒိးသံအသးလၢပဂီၢ်သတးဒီး, ယွၤပာ်ဖျါထီၣ်အတၢ်အဲၣ်တၢ်ကွံဒၣ်ဝဲလၢပှၤလီၤ.―

⁹ မၤသးဒ်န့ၣ်ဒီးခဲကနံၣ်အံၤ, ပဘၣ်တၢ်ပာ်တီပာ်လိၤပှၤ လၢအသွံၣ်ဝံၤဒီး, ပကဘၣ်တၢ်အုၣ်က့ၤခီၣ်က့ၤပှၤလၢ တၢ်သးထီၣ်, လၢအဝဲဒၣ်အဃိ, အါန့ၢ်အန့ၣ်တက့ၢ်ဒိၣ် မးလီၤ. ¹⁰ အဂ့ၢ်ဒ်အံၤ, ဖဲပမ့ၢ်အဒုၣ်အဒါအဖၢမုၢ်ဒီး, ပမ့ၢ် ဃူလိာ်ဖိးလိာ်ဒီးယွၤလၢအဖိခွါသံအဃိဒီး, ပဃူလိာ် ဖိးလိာ်ဝံၤဒီး, ပကတုၤလၢတၢ်အုၣ်က့ၤခီၣ်က့ၤပှၤလၢအ မူဝဲအဃိ, အါန့ၢ်အန့ၣ်တက့ၢ်ဒိၣ်မးလီၤ. ¹¹ ဒီးထဲန့ၣ်ဧိၤ တမ့ၢ်ဘၣ်, မ့ၢ်ပသူၣ်ဖှံသးညီလၢယွၤအပူၤစ့ၢ်ကီး, လၢပ ကစၢ်ယ့ၣ်ရှူးခရံာ်အဃိ, လၢပဒိးန့ၢ်တၢ်ဃူလိာ်ဖိးလိာ် ခဲကနံၣ်အံၤလၢအီၤအဃိလီၤ.

¹² မ်ဒ်န့ၣ်ဒီးဒ်တၢ်ဒဲးဘး ဟဲနုာ်ဆူဟီၣ်ခိၣ်ချၢလၢပှၤတ ဂၤအဃိ, ဒီးတၢ်သံတၢ်ပှၢ်လၢ တၢ်ဒဲးဘးအဃိအသိး န့ၣ်, ဒီးဒ်န့ၣ်အသိးပှၤခဲလၢာ်မၤတ့ၢ်တၢ်ဒဲးဘးသတးဒီး, ပှၤခဲလၢာ်ဘၣ်တၢ်သံတၢ်ပှၢ်, ¹³ (အဂ့ၢ်ဒ်အံၤ, တၢ်ဒဲးဘး အိၣ်လၢဟီၣ်ခိၣ်ချၢ တုၤလီၤလၢ တၢ်သိၣ်တၢ်သီအိၣ် ထီၣ်လီၤ. မ့မ့ၢ်တၢ်သိၣ်တၢ်သီမ့ၢ်တအိၣ်ဘၣ်ဒီး, တၢ်တ ပာ်ဘၣ်တၢ်ဒဲးဘးဘၣ်. ¹⁴ ဘၣ်ဆၣ်ဒီးလၢစီၤအၤဒၣ်အ စိၤတုၤလီၤလၢစီၤမိၤရှ့အစိၤန့ၣ်, ပှၤလၢအတမၤဘၣ်တၢ် ဒဲးဘးဒ်စီၤအၤဒၣ် အတၢ်လုၣ်သ့ၣ်ခါပတာ်အသိးဒၣ် လဲာ်န့ၣ်, တၢ်သံပၢဘၣ်အီၤလီၤ. အဝဲဒၣ်န့ၣ်မ့ၢ်ပှၤလၢအ ကဟဲတဂၤအဒိအတဲာ်လီၤ.

¹⁵ မ့မ့ၢ်တၢ်ဘျုးန့ၣ်, ဒ်တၢ်လီၤကမၣ်အသိးတမ့ၢ်ဘၣ်. အဂ့ၢ်ဒ်အံၤ, ပှၤအါဂၤ မ့ၢ်သံလၢပှၤတဂၤအလီၤကမၣ် တၢ်အဃိဒီး, ယွၤအဘျုးဒီးအတၢ်ဟ့ၣ်လၢအဟဲဝဲလၢ တၢ်ဘျုးဘၣ်ဃးဒီးပှၤတဂၤယ့ၣ်ရှူးခရံာ်န့ၣ်, အါထီၣ်ဝဲ လၢပှၤအါဂၤအဂီၢ်, အါန့ၢ်အန့ၣ်တက့ၢ်လီၤ.

¹⁶ ဒီးတၢ်ဟ့ၣ်န့ၣ် တဒ်သိးဘၣ်ဒီးပှၤတဂၤမၤကမၣ်တၢ် အသိးန့ၣ်ဘၣ်. အဂ့ၢ်ဒ်အံၤ, တၢ်စံၣ်ညီၣ်ဟဲလၢတၢ်လီၤ ကမၣ်တမံၤ, ပၢၢ်လၢတၢ်စံၣ်ညီၣ်ဃၣ်လီၤ. မ့မ့ၢ်တၢ်ဟ့ၣ် န့ၣ်ဟဲလၢတၢ်ကမၣ်အါမံၤ, ပၢၢ်လၢတၢ်ပာ်တီပာ်လိၤ န့ၣ်လီၤ. ¹⁷ အဂ့ၢ်ဒ်အံၤ, လၢပှၤတဂၤအတၢ်ကမၣ်အဃိ, တၢ်သံမ့ၢ်ပၢတၢ်လၢပှၤတဂၤအဃိဒီး, ပှၤလၢအဒိးန့ၢ် တၢ်အဘျုးအါလုၣ်ကွံာ်ဒီး တၢ်ဟ့ၣ်ဘၣ်ဃးဒီးတၢ်တီ တၢ်လိၤတဖၣ်, ကပၢတၢ်လၢတၢ်မူအပူၤ, လၢပှၤတဂၤ, ယ့ၣ်ရှူးခရံာ်အဃိ, အါန့ၢ်အန့ၣ်တက့ၢ်ဒိၣ်မးလီၤ).

¹⁸ မၤသးဒ်န့ၣ်ဒီး, ဒ်တၢ်စံၣ်ညီၣ်ဃၣ်ဟဲဆူပှၤခဲလၢာ် လၢတၢ်ကမၣ်တမံၤအဃိအသိးန့ၣ်, တၢ်တီတၢ်လိၤ ဘၣ်ဃးဒီးတၢ်မူကဟဲဆူပှၤခဲလၢာ် လၢတၢ်တီတၢ်လိၤ တမံၤအဃိ, ဒ်န့ၣ်အသိးလီၤ. ¹⁹ အဂ့ၢ်ဒ်အံၤ, ဒ်တၢ်ပာ်ပှၤ အါဂၤလၢတၢ်ဒဲးဘးဖိလၢ ပှၤတဂၤအတၢ်တစူၢ်ဘၣ်အ ဃိအသိးန့ၣ်, တၢ်ကပာ် ပှၤအါဂၤလၢတၢ်တီတၢ်လိၤ လၢပှၤတဂၤအစူၢ်တၢ်အဃိ, ဒ်န့ၣ်အသိးလီၤ.

²⁰ ဒီးတၢ်သိၣ်တၢ်သီ ဟဲနုာ်ဒ်သိးတၢ်လီၤကမၣ်ကအါ ထီၣ်လီၤ. ဘၣ်ဆၣ်ဒီးဖဲတၢ်ဒဲးဘးအါထီၣ်န့ၣ်, တၢ်ဘျုး အါထီၣ်အါန့ၢ်အန့ၣ်တက့ၢ်လၢအဖီခိၣ်လီၤ. ²¹ ဒ်သိး, ဒ် တၢ်ဒဲးဘးပၢတၢ်လၢတၢ်သံအဃိအသိးန့ၣ်, တၢ်ဘျုး ကပၢတၢ်လၢတၢ်တီတၢ်လိၤပၢၢ်လၢတၢ်မူအထူအယိာ် လၢပကစၢ်ယ့ၣ်ရှူးခရံာ်အဃိ, ဒ်န့ၣ်အသိးလီၤ.

၆

¹ မၤသးဒ်န့ၣ်ဒီးပကစံးဒ်လဲၣ်, မ့ၢ်ပကအိၣ်ဆိးလၢတၢ် ဒဲးဘးအပူၤ, ဒ်သိးတၢ်ဘျုးတၢ်ဖှိၣ်ကအါထီၣ်န့ၣ်ဧါ. ² မ် အသုတမၤအသးဒ်န့ၣ်တဂ့ၤ. ပှၤလၢအသံသဒၣ်ကွံာ် တၢ်ဒဲးဘး, ပဝဲဒၣ်အံၤ, မ့ၢ်ပကမူဒံးလၢအပူၤဒ်လဲၣ်. ³ ဖဲ ဒၣ်ပှၤလၢအဒိးဘျၢ*အသးဆူယ့ၣ်ရှူးခရံာ်အပူၤ, ပဝဲဒၣ် အံၤ, ပဒိးဘျၢ*ပသးဆူအတၢ်သံအပူၤန့ၣ်, သုတသ့ၣ် ညါဘၣ်ဧါ. ⁴ မၤသးဒ်န့ၣ်ဒီး, ပဘၣ်တၢ်ခူၣ်လီၤဃုာ်ဒီး အီၤဆူတၢ်သံအပူၤလၢတၢ်ဘျၢ*အဃိ, ဒ်သိး, ဒ်ခရံာ်ဂဲၤ ဆၢထၢၣ်က့ၤလၢတၢ်သံအပူၤလၢပၢ်အလၤကပီၤအသိး န့ၣ်, ပကလဲၤတၢ်ပဝဲဒၣ်လၢတၢ်မူအသီ, ဒ်န့ၣ်အသိးစ့ၢ် ကီးလီၤ. ⁵ အဂ့ၢ်ဒ်အံၤ, ပမ့ၢ်ဘၣ်ဃးဒီးအီၤလၢ တၢ်လီၤ ဂာ်လၢအတၢ်သံန့ၣ်ဒီး, ပကဘၣ်ဃးဒီးအီၤလၢအတၢ် ဂဲၤဆၢထၢၣ်က့ၤစ့ၢ်ကီးလီၤ. ⁶ တၢ်အံၤပသ့ၣ်ညါလၢ, ပ ပှၤလီၢ်လံၤန့ၣ် ဘၣ်တၢ်ပျၤထီဃုာ်ဒီးအီၤလၢထူၣ်စုညါ အလိၤ, ဒ်သိးတၢ်ဒဲးဘးအနီၢ်ခိကဟးဂီၤ, ဒ်သိးပသုတ ကဲလၢၤလၢတၢ်ဒဲးဘးအကုၢ်အပှၤတဂ့ၤန့ၣ်လီၤ. ⁷ အဂ့ၢ် ဒ်အံၤ, ပှၤလၢအသံန့ၣ်, ဘၣ်ပာ်တီပာ်လိၤကွံာ်အီၤလၢ တၢ်ဒဲးဘးလီၤ. ⁸ ဒီးပမ့ၢ်သံဃုာ်တ့ၢ်ဒီးခရံာ်ဒီး, ပနာ်လၢ ပကမူဃုာ်စ့ၢ်ကီးဒီးအီၤလီၤ. ⁹ ပသ့ၣ်ညါလၢခရံာ်ဂဲၤ ဆၢထၢၣ်က့ၤလၢတၢ်သံဒီး, တသံလၢၤဘၣ်ဝဲဘၣ်. တၢ် သံတကဲလၢၤဘၣ်ကစၢ်လၢအဖီခိၣ်ဘၣ်. ¹⁰ အဂ့ၢ်ဒ်အံၤ, တၢ်လၢအသံဝဲန့ၣ်, သံဝဲလၢတၢ်ဒဲးဘးအဃိတစုဧိၤ လီၤ. မ့မ့ၢ်တၢ်လၢအမူဝဲန့ၣ်, မ့ၢ်အမူလၢယွၤအဂီၢ်လီၤ.―

¹¹ ဒ်န့ၣ်အသိး, ပာ်သုသးလၢဖဲဒၣ်အဘၣ်ဃးဒီးတၢ်ဒဲးဘး န့ၣ်သုမ့ၢ်ပှၤသံ, မ့မ့ၢ်ဖဲအဘၣ်ဃးဒီးယွၤန့ၣ် သုမ့ၢ်ပှၤမူ လၢယ့ၣ်ရှူးခရံာ်အပူၤန့ၣ်တက့ၢ်.

¹² မၤသးဒ်န့ၣ်ဒီး သုတဒုးပၢတၢ်ဒဲးဘးလၢသုနီၢ်ခိနီၢ်က စၢ်လၢအသံသ့အံၤအပူၤ, ဒ်သိးသုကစူၢ် အတၢ်သးကွံ န့ၣ်တဂ့ၤ. ¹³ ဒီးသုတပာ်လၢၤသုဂီၤတဖၣ်လၢတၢ်တတီ တလိၤဘၣ်အစုကဝဲၤလၢတၢ်ဒဲးဘးအဂီၢ်တဂ့ၤ. မ့မ့ၢ်ပာ် လီၤဒၣ်သုသးလၢယွၤအဂီၢ်, ဒ်ပှၤမူထီၣ်လၢတၢ်သံအ သိး, ဒီးသုဂီၤတဖၣ်လၢတၢ်တီတၢ်လိၤအစုကဝဲၤ, လၢ ယွၤအဂီၢ်တက့ၢ်. ¹⁴ အဂ့ၢ်ဒ်အံၤ, တၢ်ဒဲးဘးတကဲလၢၤ ဘၣ်သုကစၢ်ဘၣ်. အဂ့ၢ်ဒ်အံၤ, သုတအိၣ်လၢၤဘၣ်လၢ တၢ်သိၣ်တၢ်သီအဖီလာ်ဘၣ်, မ့ၢ်သုအိၣ်လၢတၢ်ဘျုး တၢ်ဖှိၣ်အဖီလာ်လီၤ.

¹⁵ မၤသးဒ်န့ၣ်ဒီး, မ့ၢ်ဒ်လဲၣ်. မ့ၢ်ပတအိၣ်ဘၣ်လၢတၢ် သိၣ်တၢ်သီအဖီလာ်ဘၣ်, မ့ၢ်ပအိၣ်လၢတၢ်ဘျုးတၢ်ဖှိၣ် အဖီလာ်ဒီး, ပကမၤတၢ်ဒဲးဘးစ့ၢ်ကီးဧါ. မ်အသုတမၤ အသးဒ်န့ၣ်တဂ့ၤ. ¹⁶ သုသ့ၣ်ညါလၢသုမ့ၢ်ပာ်လီၤသုသး လၢတၢ်အကုၢ်အပှၤလၢသုကစူၢ်တၢ်အဂ့ၢ်, တၢ်ဒဲးဘး ဘၣ်ဃးဒီးတၢ်သံမ့ၢ်ဂ့ၤ, တၢ်စူၢ်ဘၣ်ဃးဒီးတၢ်တီတၢ် လိၤမ့ၢ်ဂ့ၤဒီး, ပှၤလၢသုစူၢ်အီၤန့ၣ်သုမ့ၢ်အကုၢ်အပှၤ, တ မ့ၢ်ဘၣ်ဧါ. ¹⁷ မ့မ့ၢ်သုဝဲဒၣ်အံၤ, သုမ့ၢ်တ့ၢ်တၢ်ဒဲးဘးအ ကုၢ်အပှၤဘၣ်ဆၣ်ဒီး, မ့ၢ်သုစူၢ်တၢ်မ့ၢ်တၢ်တီအက့ၢ်အ ဂီၤ, လၢတၢ်ဟ့ၣ်လီၤသုန့ၣ်, လၢသုသူၣ်သုသးအဃိဒီး, မ်ယွၤအဘျုးအဖှိၣ်ဘၣ်တၢ်စံးထီၣ်ပတြၢၤတက့ၢ်. ¹⁸ ဒီး သုထူၣ်ဖျဲးဒီးတၢ်ဒဲးဘးဒီး, သုကဲထီၣ်တၢ်တီတၢ်လိၤအ ကုၢ်အပှၤလီၤ.

¹⁹ ယကတိၤတၢ်ဒ် ပှၤကညီအသိးလၢ သုဖံးသုညၣ်အ ဂံၢ်စၢ်ဘါစၢ်အဃိ, အဂ့ၢ်ဒ်အံၤ, ဒ်သုပာ်တ့ၢ်သုဂီၤတဖၣ် လၢတၢ်ကလုာ်ကလိၤ, ဒီးတၢ်တတီတလိၤဘၣ်အကုၢ် အပှၤ, လၢတၢ်တတီတလိၤအဂီၢ်အသိးန့ၣ်, ခဲကနံၣ်အံၤ ပာ်သုဂီၤတဖၣ်လၢ တၢ်တီတၢ်လိၤအကုၢ်အပှၤလၢတၢ် စီဆှံအဂီၢ်, ဒ်န့ၣ်အသိးတက့ၢ်. ²⁰ အဂ့ၢ်ဒ်အံၤ, ဖဲသုမ့ၢ်တၢ် ဒဲးဘးအကုၢ်အပှၤန့ၣ်ဒီး, သုထူၣ်ဖျဲးဒီးတၢ်တီတၢ်လိၤ လီၤ. ²¹ မၤသးဒ်န့ၣ်ဒီး, လၢတၢ်လၢသုမဲာ်ဆှးလၢအဃိ ခဲကနံၣ်အံၤအပူၤန့ၣ်, အခါဖဲန့ၣ်သုအိၣ်ဒီးတၤသၣ်မနုၤ လဲၣ်. အဂ့ၢ်ဒ်အံၤ, တၢ်န့ၣ်တဖၣ်အကတၢၢ်မ့ၢ်တၢ်သံ လီၤ. ²² မ့မ့ၢ်ခဲကနံၣ်အံၤ, သုထူၣ်ဖျဲးဒီးတၢ်ဒဲးဘးဒီး, သု ကဲထီၣ်ယွၤအကုၢ်အပှၤ ဒီးသုအိၣ်ဒီးသုတၤသၣ် ဘၣ် ဃးဒီးတၢ်စီဆှံ, ဒီးအကတၢၢ်န့ၣ်မ့ၢ်တၢ်မူအထူအယိာ် လီၤ. ²³ အဂ့ၢ်ဒ်အံၤ, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ယွၤအတၢ်ဟ့ၣ်န့ၣ်, မ့ၢ်တၢ်မူအထူအယိာ်လၢပက စၢ်ယ့ၣ်ရှူးခရံာ်အဃိန့ၣ်လီၤ.

၇

¹ ပုၢ်သ့ၣ်ဝဲၢ်သ့ၣ်ဧၢ, ဖဲပှၤကညီမူဝဲအဖၢမုၢ်န့ၣ်, တၢ် သိၣ်တၢ်သီကဲကစၢ်လၢအဖီခိၣ်န့ၣ်, သုတသ့ၣ်ညါဘၣ် ဧါ. အဂ့ၢ်ဒ်အံၤ, ယကတိၤတၢ်ဒီး ပှၤလၢအသ့ၣ်ညါတၢ် သိၣ်တၢ်သီလီၤ. ² အဂ့ၢ်ဒ်အံၤ, ပိာ်မုၣ်အိၣ်ဒီးအဝၤန့ၣ်, ဖဲ အဝၤမူဝဲအဖၢမုၢ်ဒီး, ဘၣ်စၢဃာ်ဝဲဒီးအဝၤလၢတၢ်သိၣ် တၢ်သီလီၤ. ဘၣ်ဆၣ်ဒီးအဝၤမ့ၢ်သံဒီး, ထူၣ်ဖျဲးဝဲဒီးအဝၤ အတၢ်သိၣ်တၢ်သီလီၤ. ³ မၤသးဒ်န့ၣ်ဒီး, ဖဲအဝၤမူဝဲအ ဖၢမုၢ်န့ၣ်, မ့ၢ်ကဲထီၣ်ပိာ်ခွါတဂၤဒၣ်အတၢ်ဒီး, ကဘၣ် တၢ်ကိးအီၤလၢပှၤအဲၣ်ဘၢအဝၤလီၤ. မ့မ့ၢ်အဝၤမ့ၢ်သံဒီး, ထူၣ်ဖျဲးဝဲဒီးတၢ်သိၣ်တၢ်သီ, ဒီးမ့ၢ်ကဲထီၣ်ပိာ်ခွါတဂၤ ဒၣ်အတၢ်နာ်သက့ဒီး, တမ့ၢ်ဘၣ်ပှၤအဲၣ်ဘၢအဝၤဘၣ်.

⁴ ဒ်န့ၣ်အသိး, ယဒီပုၢ်ဝဲၢ်သ့ၣ်ဧၢ, သုဝဲဒၣ်အံၤ, သုသံသ ဒၣ်ကွံာ်တ့ၢ်စ့ၢ်ကီး တၢ်သိၣ်တၢ်သီလၢ ခရံာ်အနီၢ်ခိအ ဃိ, ဒ်သိးသုကကဲထီၣ်ပှၤတဂၤဒၣ်လၢအဂဲၤဆၢထၢၣ် က့ၤလၢတၢ်သံန့ၣ်အတၢ်, ဒ်သိးပကသၣ်ထီၣ်လၢယွၤ အဂီၢ်လီၤ. ⁵ အဂ့ၢ်ဒ်အံၤ, လၢပအိၣ်လၢတၢ်ဖံးတၢ်ညၣ်အ ပူၤန့ၣ်, တၢ်ဒဲးဘးအတၢ်ဂဲၤလၢတၢ်သိၣ်တၢ်သီအဃိတ ဖၣ်န့ၣ်, မၤတၢ်လၢပဂီၤတဖၣ်အပူၤ, ဒ်သိးအကသၣ် ထီၣ်လၢတၢ်သံအဂီၢ်လီၤ. ⁶ မ့မ့ၢ်ခဲကနံၣ်အံၤ, ပသံသဒၣ် ကွံာ်တၢ်လၢအဟံးဃာ်ပှၤ, ဒီးပထူၣ်ဖျဲးဒီးတၢ်သိၣ်တၢ် သီသတးဒီး, ပကဲတၢ်အသီဘၣ်ဃးဒီးသးန့ၣ်အကုၢ်အ ပှၤ, ဒီးတမ့ၢ်ဘၣ်လၢတၢ်အလီၢ်လံၤဘၣ်ဃးဒီးလံာ်ဖျၢၣ် န့ၣ်ဘၣ်.

⁷ မၤသးဒ်န့ၣ်ဒီး, ပကစံးဒ်လဲၣ်. တၢ်သိၣ်တၢ်သီန့ၣ်မ့ၢ် တၢ်ဒဲးဘးဧါ. မ်အသုတမၤအသးဒ်န့ၣ်တဂ့ၤ. မ့တမ့ၢ် ဘၣ်တၢ်သိၣ်တၢ်သီဒီး, ယတသ့ၣ်ညါဘၣ်တၢ်ဒဲးဘး ဘၣ်. အဂ့ၢ်ဒ်အံၤ, တၢ်သိၣ်တၢ်သီမ့ၢ်တစံးဘၣ်ဝဲ, သုတ သးကွံတၢ်တဂ့ၤန့ၣ်ဒီး, ယတသ့ၣ်ညါဘၣ်တၢ်သးကွံ ဘၣ်. ⁸ ဘၣ်ဆၣ်ဒီးတၢ်ဒဲးဘးဟံးန့ၢ်အလီၢ်လၢတၢ်မၤ လိာ်, ဒီးမၤအိၣ်ထီၣ်ကယဲၢ်တၢ်သးကွံလၢယပူၤလီၤ. အ ဂ့ၢ်ဒ်အံၤ, ဖဲတၢ်သိၣ်တၢ်သီတအိၣ်ဘၣ်ဒီး, တၢ်ဒဲးဘးသံ ဝဲလီၤ.

⁹ လၢထံးလၢသီန့ၣ်, တၢ်သိၣ်တၢ်သီတအိၣ်ဘၣ်ဒီး, ယ မူယဲလီၤ. ဘၣ်ဆၣ်ဒီးတုၤတၢ်မၤလိာ်ဟဲထီၣ်ဒီး, တၢ်ဒဲး ဘးမူထီၣ်ဝဲ, ဒီးယသံယဲလီၤ. ¹⁰ ဒီးတၢ်မၤလိာ်ဘၣ်ဃးဒီး တၢ်မူန့ၣ်, ယထံၣ်န့ၢ်လၢအဘၣ်ဃးဒီးတၢ်သံလၢယဂီၢ် လီၤ. ¹¹ အဂ့ၢ်ဒ်အံၤ, တၢ်ဒဲးဘးဟံးန့ၢ်အလီၢ်လၢတၢ်မၤ လိာ်, ဒီးလီန့ၢ်ယၤ, ဒီးမၤသံကွံာ်ယၤလၢအီၤလီၤ.

¹² မၤသးဒ်န့ၣ်ဒီးတၢ်သိၣ်တၢ်သီန့ၣ်, မ့ၢ်အစီအဆှံဒီး တၢ်မၤလိာ်န့ၣ် မ့ၢ်အစီအဆှံဒီးအတီအလိၤဒီးအဂ့ၤအ ဝါလီၤ.

¹³ မၤသးဒ်န့ၣ်ဒီးတၢ်အဂ့ၤအဝါန့ၣ်, မ့ၢ်အကဲထီၣ်တၢ် သံလၢယဂီၢ်န့ၣ်ဧါမ်အသုတမၤအသးဒ်န့ၣ်တဂ့ၤ. မ့မ့ၢ် တၢ်ဒဲးဘး, ဒ်သိးအကအိၣ်ဖျါလၢအမ့ၢ်တၢ်ဒဲးဘးဒီးမၤ သံယၤလၢတၢ်ဂ့ၤ, ဒ်သိးတၢ်ဒဲးဘးကကဲထီၣ်တၢ်ဒဲးဘး အဒိၣ်အမုၢ်, လၢတၢ်မၤလိာ်အဃိလီၤ.

¹⁴ အဂ့ၢ်ဒ်အံၤ, ပသ့ၣ်ညါလၢတၢ်သိၣ်တၢ်သီဘၣ်ဃးဒီး သးန့ၣ်လီၤ. မ့မ့ၢ်ယဲဒၣ်အံၤ, ယဘၣ်ဃးဒီးတၢ်ဖံးတၢ် ညၣ်, ယဘၣ်တၢ်ဆါကွံာ်ယၤဆူတၢ်ဒဲးဘးအစုပူၤလီၤ.

¹⁵ အဂ့ၢ်ဒ်အံၤ, တၢ်လၢယမၤန့ၣ်, ယတသ့ၣ်ညါဘၣ်. အဂ့ၢ် ဒ်အံၤ, တၢ်လၢယဆၢန့ၣ်ယတမၤဘၣ်. မ့မ့ၢ်တၢ်လၢယ သးဟ့န့ၣ်ယမၤလီၤ. ¹⁶ ဘၣ်ဆၣ်ဒီးယမ့ၢ်မၤတၢ်လၢယ တဆၢဘၣ်န့ၣ်ဒီး, ယအၢၣ်လီၤအီလီၤလၢတၢ်သိၣ်တၢ် သီမ့ၢ်တၢ်ဂ့ၤတၢ်ဝါလီၤ. ¹⁷ ဒီးခဲကနံၣ်အံၤ, တမ့ၢ်လၢၤ ဘၣ်ယၤလၢအမၤတၢ်န့ၣ်ဘၣ်. မ့ၢ်တၢ်ဒဲးဘးလၢအအိၣ် ဝဲဆိးဝဲလၢယပူၤလီၤ.

¹⁸ အဂ့ၢ်ဒ်အံၤ, ယသ့ၣ်ညါလၢတၢ်ဂ့ၤတအိၣ်တဆိးဘၣ် လၢယပူၤ, ဒ်ပစံးတၢ်အသိး, လၢယဖံးယညၣ်အပူၤလီၤ. အဂ့ၢ်ဒ်အံၤ, ဆၢတၢ်ဂ့ၤန့ၣ်, အိၣ်ဒီးယၤလီၤ. မ့မ့ၢ်မၤတၢ် ဂ့ၤန့ၣ်, ယတထံၣ်န့ၢ်ဘၣ်. ¹⁹ အဂ့ၢ်ဒ်အံၤ, တၢ်ဂ့ၤလၢယ ဆၢန့ၣ်, ယတမၤဘၣ်, မ့မ့ၢ်တၢ်အၢလၢယတဆၢဘၣ် န့ၣ်, ယမၤလီၤ. ²⁰ ဘၣ်ဆၣ်ဒီးတၢ်လၢယတဆၢဘၣ်န့ၣ်, ယမ့ၢ်မၤဒီး, တမ့ၢ်လၢၤဘၣ်ယမၤယဲဘၣ်, မ့ၢ်တၢ်ဒဲးဘး လၢအအိၣ်ဝဲဆိးဝဲလၢယပူၤလီၤ.

²¹ မၤသးဒ်န့ၣ်ဒီး, ယထံၣ်န့ၢ်တၢ်သိၣ်တၢ်သီတမံၤအံၤ, တုၤယဆၢမၤတၢ်ဂ့ၤဒီး, တၢ်အၢအိၣ်ဒီးယၤလီၤ. ²² အဂ့ၢ် ဒ်အံၤ, ဖဲဒၣ်ပှၤလၢညါခီ, ယမုာ်လၤလၢယွၤအတၢ်သိၣ် တၢ်သီလီၤ. ²³ ဘၣ်ဆၣ်ဒီးယထံၣ်တၢ်သိၣ်တၢ်သီအဂၤ, အိၣ်လၢယဂီၤတဖၣ်အပူၤ, လၢအဒုးလိာ်ယၤလိာ်အသး ဒီးယသးအတၢ်သိၣ်တၢ်သီ, ဒီးဒုးကဲကုၢ်ယၤလၢတၢ်ဒဲး ဘးအတၢ်သိၣ်တၢ်သီ အိၣ်လၢယဂီၤတဖၣ်အပူၤလီၤ.―

²⁴ ပှၤအဖှီၣ်ယၤအံၤဧၢ, မ့ၢ်မတၤကထုးထီၣ်ကွံာ်ယၤလၢ တၢ်သံအံၤအကစၢ်မိၢ်ပှၢ်တဂၤလဲၣ်. ²⁵ ယစံးထီၣ်ပတြၢၤ ယွၤအဘျုးအဖှိၣ်လၢ ပကစၢ်ယ့ၣ်ရှူးခရံာ်အဃိလီၤ. မၤ သးဒ်န့ၣ်ဒီးယကစၢ်ဒၣ်ယဲအံၤ, လၢသးန့ၣ်, ယမ့ၢ်ယွၤအ တၢ်သိၣ်တၢ်သီအကုၢ်အပှၤလီၤ. မ့မ့ၢ်လၢတၢ်ဖံးတၢ် ညၣ်န့ၣ်, ယမ့ၢ်တၢ်ဒဲးဘးအတၢ်သိၣ်တၢ်သီအကုၢ်အ ပှၤလီၤ.

၈

¹ မၤသးဒ်န့ၣ်ဒီးခဲကနံၣ်အံၤ, ပှၤလၢယ့ၣ်ရှူးခရံာ်အပူၤ တဖၣ်န့ၣ်, ² တၢ်စံၣ်ညီၣ်ဃၣ်တအိၣ်ဘၣ်ဒီးအီၤဘၣ်. အ ဂ့ၢ်ဒ်အံၤ, သးအတၢ်သိၣ်တၢ်သီ ဘၣ်ဃးဒီးတၢ်မူလၢ ယ့ၣ်ရှူးခရံာ်အပူၤန့ၣ်, မၤထူၣ်ဖျဲးယၤလၢတၢ်သိၣ်တၢ် သီဘၣ်ဃးဒီးတၢ်ဒဲးဘးဒီးတၢ်သံန့ၣ်လီၤ. ³ အဂ့ၢ်ဒ်အံၤ, တၢ်လၢတၢ်သိၣ်တၢ်သီမၤတသ့ဘၣ်, လၢအဂံၢ်အဘါ စၢ်လၢတၢ်ဖံးတၢ်ညၣ်အဃိန့ၣ်, ယွၤမၢလီၤအဖိခွါဒၣ်ဝဲ အိၣ်ဒီးတၢ်ဒဲးဘးအဖံးအညၣ်အက့ၢ်အဂီၤ, ဒီးလၢတၢ် ဒဲးဘးအဃိ, ဒီးစံၣ်ညီၣ်ဃၣ်တၢ်ဒဲးဘးလၢတၢ်ဖံးတၢ် ညၣ်အပူၤ, ⁴ ဒ်သိးတၢ်သိၣ်တၢ်သီအတၢ်မၤလိာ်အတီ အလိၤကလၢထီၣ်ပှဲၤထီၣ်လၢပဝဲဒၣ်အပူၤ, လၢအလဲၤ တၢ်, ဖဲဒၣ်တၢ်ဖံးတၢ်ညၣ်တမ့ၢ်ဘၣ်, မ့ၢ်ဖဲဒၣ်သးန့ၣ် လီၤ. ⁵ အဂ့ၢ်ဒ်အံၤ, ပှၤဘၣ်ဃးဒီးတၢ်ဖံးတၢ်ညၣ်တဖၣ် န့ၣ်, သးအိၣ်တၢ်ဖံးတၢ်ညၣ်အတၢ်လီၤ. မ့မ့ၢ်ပှၤဘၣ်ဃး ဒီးသးတဖၣ်န့ၣ်, လၢသးန့ၣ်အတၢ်လီၤ. ⁶ အဂ့ၢ်ဒ်အံၤ, တၢ်ဖံးတၢ်ညၣ်အသးအိၣ်တၢ်န့ၣ်မ့ၢ်တၢ်သံလီၤ. မ့မ့ၢ် သးအသးအိၣ်တၢ်န့ၣ်, မ့ၢ်တၢ်မူဒီးတၢ်ဃူတၢ်ဖိးလီၤ.―

⁷ အဂ့ၢ်ဒ်အံၤ, တၢ်ဖံးတၢ်ညၣ်အသးအိၣ်တၢ်န့ၣ်, မ့ၢ်တၢ် ထီဒါယွၤလီၤ. အဂ့ၢ်ဒ်အံၤ, တစူၢ်ဘၣ်ယွၤအတၢ်သိၣ် တၢ်သီဘၣ်. အဂ့ၢ်ဒ်အံၤ, စူၢ်ဝဲတကဲဘၣ်လီၤ. ⁸ ဒီးပှၤအိၣ် လၢတၢ်ဖံးတၢ်ညၣ်အပူၤတဖၣ်န့ၣ်, မၤတၢ်ဘၣ်ယွၤအ သးတသ့ဘၣ်.

⁹ မ့မ့ၢ်သုဝဲသ့ၣ်အံၤ, ယွၤအသးမ့ၢ်အိၣ်ဝဲဆိးဝဲလၢသုပူၤ ဒီး, သုတအိၣ်ဘၣ်လၢတၢ်ဖံးတၢ်ညၣ်အပူၤဘၣ်, မ့ၢ်သု အိၣ်လၢသးန့ၣ်အပူၤလီၤ. ဒီးပှၤလၢအတအိၣ်ဘၣ်ဒီး ခရံာ်အသးဘၣ်တဂၤဂၤန့ၣ်, တမ့ၢ်ဘၣ်ခရံာ်အတၢ် ဘၣ်. ¹⁰ မ့မ့ၢ်ခရံာ်မ့ၢ်အိၣ်လၢသုပူၤဒီး, ပနီၢ်ခိသံလၢတၢ် ဒဲးဘးအဃိဘၣ်ဆၣ်ဒီး, ပသးမူလၢတၢ်တီတၢ်လိၤအ ဃိလီၤ. ¹¹ ဒီးပှၤလၢအဒုးဂဲၤဆၢထၢၣ်က့ၤယ့ၣ်ရှူးလၢတၢ် သံတဂၤ, အသးမ့ၢ်အိၣ်ဝဲဆိးဝဲလၢသုပူၤဒီး, ပှၤလၢအဒုး ဂဲၤဆၢထၢၣ်က့ၤခရံာ်လၢတၢ်သံန့ၣ်, ကမၤမူထီၣ်က့ၤသု နီၢ်ခိလၢအသံသ့အံၤ, လၢအသးလၢအအိၣ်ဝဲဆိးဝဲလၢ သုပူၤအဃိလီၤ.

¹² မၤသးဒ်န့ၣ်ဒီး, ပုၢ်သ့ၣ်ဝဲၢ်သ့ၣ်ဧၢ, ဒ်သိးပကမူဖဲဒၣ် တၢ်ဖံးတၢ်ညၣ်အံၤဒီး, ပကမၢ်တအိၣ်ဘၣ်လၢတၢ်ဖံး တၢ်ညၣ်အလိၤဘၣ်. ¹³ အဂ့ၢ်ဒ်အံၤ, သုမ့ၢ်မၤဖဲဒၣ်တၢ်ဖံး တၢ်ညၣ်ဒီး, သုကသံလီၤ. မ့မ့ၢ်သုမ့ၢ်မၤသံသုနီၢ်ခိအတၢ် မၤလၢသးန့ၣ်ဒီး, သုကမူလီၤ. ¹⁴ အဂ့ၢ်ဒ်အံၤ, ဖဲဒၣ်ပှၤလၢ ယွၤအသးဆှၢအီၤတဖၣ်န့ၣ်, မ့ၢ်ယွၤအဖိလီၤ. ¹⁵ အဂ့ၢ်ဒ် အံၤ, သုတဒိးန့ၢ်ကုၢ်အသး ဒ်သိးသုကဘၣ်ပျံၤဘၣ်ဖုးက ဒီးန့ၣ်ဘၣ်. မ့ၢ်သုဒိးန့ၢ်ဖိအသးလၢပကိးထီၣ်အးဘၤပၢ် ဧၢ, လၢအီၤလီၤ. ¹⁶ တၢ်လၢသးန့ၣ်, အကစၢ်ဒၣ်ဝဲအုၣ် ဃုာ်အသးဒီးပသးလၢပမ့ၢ်ယွၤအဖိတဖၣ်လီၤ. ¹⁷ ဒီးပမ့ မ့ၢ်အဖိဒီး, ပမ့ၢ်စ့ၢ်ကီးပှၤန့ၢ်ဘၣ်သါတၢ်, ယွၤအပှၤန့ၢ် ဘၣ်သါတၢ်, ပှၤန့ၢ်သါဃုာ်တၢ်ဒီးခရံာ်, ဒ်သိးပမ့ၢ်ဘၣ် ဃုာ်တၢ်နးတၢ်ဖှီၣ်ဒီးအီၤဒီး, ပကဘၣ်ဃုာ်တၢ်လၤက ပီၤဒီးအီၤစ့ၢ်ကီးလီၤ.

¹⁸ အဂ့ၢ်ဒ်အံၤ, ယပာ်ယသးလၢတၢ်နးတၢ်ဖှီၣ်လၢအက တီၢ်, ဖဲအံၤ, တဂ့ၤ+ ထိၣ်သတြီၤဘၣ်ဒီးတၢ်လၤကပီၤဆူ ညါလၢအကအိၣ်ဖျါလၢပလိၤန့ၣ်ဘၣ်. ¹⁹ အဂ့ၢ်ဒ်အံၤ, တၢ်ဘၣ်တ့န့ၣ်, အတၢ်ကွၢ်လၢ်သပှၢ်ပှၢ်န့ၣ်ကွၢ်လၢ်ယွၤ အဖိခွါတဖၣ်အတၢ်အိၣ်ဖျါအကျဲလီၤ. ²⁰ အဂ့ၢ်ဒ်အံၤ, တၢ်ဘၣ်တ့န့ၣ်ဘၣ်တၢ်ပာ်အီၤလၢတၢ်ကလီကလီအဖီ လာ်, ဖဲအသးတမ့ၢ်ဘၣ်, မ့ၢ်ဖဲပှၤအသးလၢအပာ်အီၤ လၢတၢ်မုၢ်လၢ်အပူၤလီၤ. ²¹ အဂ့ၢ်ဒ်အံၤ, တၢ်ဘၣ်တ့ဒၣ် လဲာ်န့ၣ် ကထူၣ်ဖျဲးဒီးတၢ်အုၣ်တၢ်ကျၣ်အတၢ်ကဲကုၢ်, ဒီးကလဲၤနုာ်ဆူယွၤအဖိတဖၣ် အတၢ်ထူၣ်ဖျဲးအလၤက ပီၤအပူၤလီၤ. ²² အဂ့ၢ်ဒ်အံၤ, ပသ့ၣ်ညါလၢတၢ်ဘၣ်တ့ခဲ လၢာ်, ကအုကစွါဃုာ်ဒီးဆိးကဲးဃုာ်, တုၤခဲကနံၣ်အံၤ လီၤ. ²³ ဒီးထဲန့ၣ်ဧိၤတမ့ၢ်ဘၣ်. မ့မ့ၢ်ပှၤအိၣ်ဒီးသးန့ၣ်အ တၤသၣ်ဆိတဖၣ်, ပဝဲဒၣ်အံၤ, ပကစၢ်ဒၣ်ပဝဲဒၣ်လဲာ်, ပ ကအုကစွါစ့ၢ်ကီးလၢပသးကံၢ်ပူၤ, ဒီးကွၢ်လၢ်ဖိအလီၢ်, (ဒ်ပစံးတၢ်အသိး) ပနီၢ်ခိအတၢ်ထူၣ်ဖျဲးအကျဲန့ၣ်လီၤ.―

²⁴ အဂ့ၢ်ဒ်အံၤ, ပတုၤလၢတၢ်အုၣ်က့ၤခီၣ်က့ၤပှၤလၢတၢ်မုၢ် လၢ်လီၤ. မ့မ့ၢ်တၢ်မုၢ်လၢ်လၢပထံၣ်ဘၣ်အီၤန့ၣ်, တမ့ၢ် ဘၣ်တၢ်မုၢ်လၢ်ဘၣ်. အဂ့ၢ်ဒ်အံၤ, တၢ်လၢပှၤတဂၤထံၣ် ဘၣ်အီၤန့ၣ်, ဘၣ်မနုၤလၢအမုၢ်လၢ်စ့ၢ်ကီးဝဲလဲၣ်. ²⁵ မ့မ့ၢ် တၢ်လၢပတထံၣ်ဘၣ်န့ၣ်, ပမ့ၢ်မုၢ်လၢ်ဒီး, ပကွၢ်လၢ်အ ကျဲလၢတၢ်ဝံသးစူၤလီၤ. ²⁶ ဒ်န့ၣ်အသိး, သးန့ၣ်မၤစၢၤပ ဂံၢ်စၢ်ပဘါစၢ်တဖၣ်လီၤ. အဂ့ၢ်ဒ်အံၤ, တၢ်လၢပဂ့ၤဃ့ ဘါထုကဖၣ်တၢ်န့ၣ်, ပတသ့ၣ်ညါဘၣ်. မ့မ့ၢ်သးန့ၣ်အ ကစၢ်ဒၣ်ဝဲ, ဃ့န့ၢ်ပဂီၢ် အိၣ်ဒီးတၢ်ကအုကစွါလၢပစံး ဘၣ်တဲဘၣ်တသ့ဘၣ်လီၤ. ²⁷ ဒီးပှၤလၢအဃုကွၢ်သးတ ဖၣ်န့ၣ်, သ့ၣ်ညါသးန့ၣ်အတၢ်ဆိကမိၣ်တၢ်လီၤ. အဂ့ၢ်ဒ် အံၤ, ဃ့န့ၢ်ပှၤစီဆှံအဂီၢ်ဖဲဒၣ်ယွၤအသးလီၤ.

²⁸ ဒီးပသ့ၣ်ညါလၢပှၤလၢအအဲၣ်ယွၤ, ပှၤလၢအဘၣ် တၢ်ကိးအီၤ, ဒ်တၢ်ကူၣ်ပာ်အသိးတဖၣ်န့ၣ်, တၢ်ခဲလၢာ် မၤဃုာ်အသး, လၢတၢ်ဂ့ၤအဂ့ၢ်လၢအဂီၢ်လီၤ. ²⁹ အဂ့ၢ်ဒ် အံၤ, ပှၤလၢအသ့ၣ်ညါပာ်ဝဲတဖၣ်န့ၣ်, စံၣ်ညီၣ်ပာ်စ့ၢ် ကီးဝဲလၢအကလီၤဂာ်ဒီးအဖိခွါအက့ၢ်အဂီၤ, ဒ်သိးအဝဲ ဒၣ်ကကဲထီၣ်ဝဲၢ်ကိလၢ ဒီပုၢ်ဝဲၢ်အါဂၤအကျါန့ၣ်လီၤ.―

³⁰ ဒီးပှၤလၢအစံၣ်ညီၣ်ပာ်ဝဲတဖၣ်န့ၣ်, ကိးက့ၤစ့ၢ်ကီးဝဲ, ဒီး ပှၤလၢအကိးက့ၤဝဲတဖၣ်န့ၣ်, ပာ်တီပာ်လိၤစ့ၢ်ကီးဝဲ, ဒီး ပှၤလၢအပာ်တီပာ်လိၤဝဲတဖၣ်န့ၣ်, မၤလၤကပီၤစ့ၢ်ကီး ဝဲလီၤ.

³¹ မၤသးဒ်န့ၣ်ဒီး, ပကစံးလၢတၢ်န့ၣ်တဖၣ်ဒ်လဲၣ်. ယွၤ မ့ၢ်အိၣ်လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်. ³² ပှၤ လၢအတသးလီဘၣ်အဖိခွါဒၣ်ဝဲဘၣ်, ဒီးဟ့ၣ်လီၤကွံာ် အီၤလၢပဝဲဒၣ်ခဲလၢာ်အဂီၢ်န့ၣ်, တဟ့ၣ်ကလီဃုာ်ဒီး အီၤလၢပတၢ်ခဲလၢာ်စ့ၢ်ကီးဘၣ်ဒီး, ကအိၣ်ဝဲဒ်လဲၣ်. ³³ မ့ၢ် မတၤကပာ်တၢ်ကမၣ်လၢ ပှၤလၢယွၤဃုထၢအီၤအလိၤ တဂၤလဲၣ်. ပှၤလၢအပာ်တီပာ်လိၤတၢ်န့ၣ်မ့ၢ်ယွၤလီၤ.―

³⁴ မ့ၢ်မတၤကစံၣ်ညီၣ်ဃၣ်တၢ်တဂၤလဲၣ်. ပှၤလၢအဒိးသံ အသးလၢပဂီၢ်န့ၣ်, မ့ၢ်ခရံာ်လီၤ. လၢန့ၣ်အခိၣ်တလိာ်, ဂဲၤဆၢထၢၣ်က့ၤဝဲ, ဒီးဆ့ၣ်နီၤဝဲလၢယွၤအစုထွဲ, ဒီးဃ့ တၢ်လၢပဂီၢ်လီၤ. ³⁵ မ့ၢ်မတၤကမၤလီၤဖးပှၤဒီးခရံာ်အ တၢ်အဲၣ်တၢ်ကွံတဂၤလဲၣ်. မ့ၢ်တၢ်နးတၢ်ဖှီၣ်, တၢ်ကိၢ် တၢ်ဂီၤ, တၢ်မၤအၢမၤနးပှၤ, တၢ်သၣ်ဝံၤပသး, တၢ်အိၣ် ဘ့ၣ်ဆ့, တၢ်ပျံၤတၢ်ဖုး, ဃဲာ်ဧိၤနးဧိၤဧါ. ³⁶ (ဒ်တၢ်ကွဲးအ သးအသိးန့ၣ်), ပဝဲဒၣ်အံၤ, ပဘၣ်တၢ်မၤသံပှၤလၢနဃိ သ့သ့တနံၤလီၤ. တၢ်ပာ်ပှၤဒ်သိလၢ အကဘၣ် တၢ်မၤသံအီၤအသိးန့ၣ် လီၤ.+ စံး. ၄၄း၂၂|Ps.44.22³⁷ မ့မ့ၢ်လၢတၢ်န့ၣ်တဖၣ်ခဲလၢာ်အပူၤ, ပမ့ၢ်ပှၤလၢအမၤနၢၤတၢ်လၢလၢပှဲၤပှဲၤ, လၢပှၤလၢအအဲၣ်ပှၤအဃိလီၤ.―

³⁸ အဂ့ၢ်ဒ်အံၤ, ယနာ်လၢတၢ်သံမ့ၢ်ဂ့ၤ, တၢ်မူမ့ၢ်ဂ့ၤ, ကလူး မ့ၢ်ဂ့ၤ, တၢ်အဒိၣ်အခိၣ်မ့ၢ်ဂ့ၤ, တၢ်အစိအကမီၤမ့ၢ်ဂ့ၤ, တၢ်အိၣ်မ့ၢ်ဂ့ၤ, တၢ်လၢအကအိၣ်မ့ၢ်ဂ့ၤ, ³⁹ တၢ်လၢထးခီ မ့ၢ်ဂ့ၤ, တၢ်လၢလာ်ခီမ့ၢ်ဂ့ၤ, တၢ်ဘၣ်တ့အဂုၤအဂၤမ့ၢ်ဂ့ၤ, မၤလီၤဖးပှၤဒီး ယွၤအတၢ်အဲၣ်တၢ်ကွံလၢအအိၣ်လၢပ ကစၢ်ယ့ၣ်ရှူးခရံာ်အပူၤ, တသ့ဘၣ်လီၤ.

၉

¹ ယသးလၢ အသ့ၣ်ညါဒၣ် တၢ်အုၣ်အသးလၢယဂီၢ် လၢသးစီဆှံအပူၤ, လၢယတကတိၤကဘျံးကဘျၣ်ဘၣ်. ယစံးတၢ်မ့ၢ်တၢ်တီလၢခရံာ်အပူၤ, ² လၢယသးအုးဒိၣ် မး, ဒီးယသးကိၢ်တဘိယူၢ်ဃီလီၤ. ³ အဂ့ၢ်ဒ်အံၤ, ယဆၢ သ့လၢ ယကစၢ်ဒၣ်ယဲကဘၣ်ဆိၣ်အၢကွံာ်လၢခရံာ်အ ပူၤ, လၢပှၤဒီဘူးဒီတံၢ်ဒီးယၤဒ်တၢ်ဖံးတၢ်ညၣ်အသိး, ယ ဒီပုၢ်ဝဲၢ်တဖၣ်အဂီၢ်လီၤ. ⁴ အဝဲသ့ၣ်တဖၣ်န့ၣ်မ့ၢ်ပှၤအံၣ် စရ့လးဖိ, ဒီးတၢ်ဘၣ်ဃးဒီးအီၤ, မ့ၢ်တၢ်ပာ်အီၤလၢဖိအ လီၢ်, ဒီးတၢ်လၤကပီၤ, ဒီးတၢ်အၢၣ်လီၤအီလီၤတဖၣ်, ဒီး တၢ်ဟ့ၣ်လီၤတၢ်သိၣ်တၢ်သီ, ဒီးတၢ်မၤယွၤအတၢ်မၤ, ဒီးတၢ်စံးပာ်တဖၣ်န့ၣ်လီၤ. ⁵ ပၢ်သ့ၣ်တဖၣ်န့ၣ်, မ့ၢ်အဝဲ သ့ၣ်အတၢ်, ဒီးဖဲဒၣ်တၢ်ဖံးတၢ်ညၣ်န့ၣ်ခရံာ်, လၢအမ့ၢ် တၢ်ခဲလၢာ်အဖီခိၣ်, ယွၤလၢအဘၣ်ဆိၣ်ဂ့ၤအစိၤစိၤအ ဃၣ်ဃၣ်တဂၤ, ဟဲလၢအီၤလီၤ. အၤမ့ၣ်.

⁶ ဘၣ်ဆၣ်ဒီး တမ့ၢ်ဒ်ယွၤအကလုၢ် ဟးဂီၤလံအသိး ဘၣ်. အဂ့ၢ်ဒ်အံၤ, ပှၤဘၣ်ဃးဒီးအံၣ်စရ့လး, တမ့ၢ်ဘၣ် ပှၤအံၣ်စရ့လးဖိခဲလၢာ်ဘၣ်. ⁷ ဒီးမ့ၢ်စီၤအၤဘြၤဟၣ်အ ချံအသၣ်ဘၣ်ဆၣ်ဒီး, တမ့ၢ်ဘၣ်ဖိခဲလၢာ်ဘၣ်. မ့မ့ၢ်လၢ စီၤအံၤစဲးအပူၤ, တၢ်ကကိးနချံနသၣ်လီၤ.+ ၁မိၤ. ၂၁း၁၂|Gen.21.12⁸ ဒ်ပစံးတၢ်အသိး, ဖိလၢအဘၣ်ဃးဒီးတၢ်ဖံးတၢ် ညၣ်န့ၣ်, တမ့ၢ်ဘၣ်ယွၤအဖိဘၣ်. မ့မ့ၢ်ဖိဘၣ်ဃးဒီးတၢ် စံးပာ်တဖၣ်န့ၣ်, တၢ်ပာ်ဝဲလၢအချံအသၣ်လီၤ. ⁹ အဂ့ၢ်ဒ် အံၤ, တၢ်စံးပာ်အတၢ်ကတိၤမ့ၢ်အအံၤ, ဖဲအကတီၢ်အံၤ ဘၣ်ဒီး, ယကဟဲ, ဒီးနီၢ်စၤရါကအိၣ်ဒီးအဖိခွါလီၤ.+ ၁မိၤ. ၁၈း၁၀|Gen.18.10*,၁၄|Gen.18.14*.-ဒီးထဲန့ၣ်ဧိၤတမ့ၢ်ဘၣ်. မ့မ့ၢ်တုၤနီၢ်ရံး ဘကၤဒၢထီၣ်ဝဲလၢ ပှၤတဂၤ, ပပၢ် စီၤအံၤစဲးတဂၤ န့ၣ်, ¹¹ အဂ့ၢ်ဒ်အံၤ, လၢဖိသၣ်တချုးအိၣ်ဖျဲၣ်ဒံးဘၣ်, ဒီး တၢ်ဂ့ၤမ့ၢ်ဂ့ၤ, တၢ်အၢမ့ၢ်ဂ့ၤ, တချုးမၤဒံးဘၣ်ဒီး, ဒ်သိး ယွၤအတၢ်ကူၣ်ပာ် ဒ်တၢ်ဃုထၢအသိး ကအိၣ်ဝဲဆိးဝဲ လၢတၢ်မၤအဃိတမ့ၢ်ဘၣ်. မ့ၢ်လၢပှၤလၢအကိးန့ၢ်တၢ် အဃိဒီး, ¹² တၢ်စံးဘၣ်အီၤ, အဒိၣ်ကမၤအဆံးတဂၤအ တၢ်လီၤ.+ ၁မိၤ. ၂၅း၂၃|Gen.25.23*.¹³ ဒ်တၢ်ကွဲးအသးအသိးန့ၣ်, ယအဲၣ်စီၤယၤကိာ်, မ့မ့ၢ်စီၤဧ့ၡီၤန့ၣ်, ယသးဟ့အီၤလီၤ.+ မၤ. ၁း၂|Mal.1.2*.

¹⁴ မၤသးဒ်န့ၣ်ဒီး ပကစံးဒ်လဲၣ်. တၢ်တတီတလိၤဘၣ် အိၣ်ဒီးယွၤန့ၣ်ဧါ. မ်အသုတမၤအသးဒ်န့ၣ်တဂ့ၤ. ¹⁵ အ ဂ့ၢ်ဒ်အံၤ, တၢ်စံးဘၣ်စီၤမိၤရှ့, ဖဲဒၣ်ယကသးကညီၤပှၤတ ဂၤဂၤန့ၣ်, ယသးကညီၤအီၤလီၤ. ဒီးဖဲဒၣ်ယကသးအိၣ် ပှၤတဂၤဂၤန့ၣ်, ယသးအိၣ်အီၤလီၤ.+ ၂မိၤ. ၃၃း၁၉|Exod.33.19*.―

¹⁶ မၤသးဒ်န့ၣ်ဒီး, လၢပှၤတိာ်တၢ်မ့ၢ်ဂ့ၤ, ဃ့ၢ်တၢ်မ့ၢ်ဂ့ၤ, တ မ့ၢ်ဘၣ်, မ့ၢ်လၢယွၤလၢအသးကညီၤတၢ်လီၤ. ¹⁷ အဂ့ၢ်ဒ် အံၤ, တၢ်ကွဲးအသးစံးဘၣ်ဖၤရိၤ, လၢတၢ်အံၤတမံၤဒၣ် လဲာ်အဃိ, ယဒုးအိၣ်ထီၣ်နၤဒ်သိးယကဒုးနဲၣ်, ယစိယ ကမီၤလၢနၤ, ဒီးဒ်သိးယကဒုးဟူထီသါလီၤယမံၤလၢ ဟီၣ်ခိၣ်ဒီဘ့ၣ်ညါန့ၣ်လီၤ.+ ၂မိၤ. ၉း၁၆|Exod.9.16*.¹⁸ မၤသးဒ်န့ၣ် ဒီး, သးကညီၤပှၤဖဲဒၣ်အသး, ဒီးဖဲဒၣ်အသးန့ၣ်, မၤကိၤ ပှၤအသးလီၤ.

¹⁹ မ့မ့ၢ်ဒ်န့ၣ်ဒီးနကစံးဘၣ်ယၤ, ဘၣ်မနုၤလၢအပာ်ဒံး တၢ်ကမၣ်လဲၣ်. အဂ့ၢ်ဒ်အံၤ, မ့ၢ်မတၤတြီအသးန့ၣ်တဂၤ လဲၣ်. ²⁰ ဘၣ်ဆၣ်ဒီးပှၤကညီဧၢ, ပှၤလၢအကတိၤဆၢယွၤ နဲဒၣ်အံၤ, နမ့ၢ်မတၤတဂၤလဲၣ်. တၢ်လၢအဘၣ်တ့န့ၣ်, မ့ၢ်အကစံးဘၣ်ပှၤလၢအတ့အီၤန့ၣ်, နမၤယၤဒ်အံၤဘၣ် မနုၤလဲၣ်, စ့ၢ်ကီးဧါ.

²¹ ပှၤလၢအတ့သပၢၤန့ၣ်, တ့သပၢၤလၢတၢ်လၤကပီၤ အဂီၢ်, ဒီးတ့သပၢၤလၢတၢ်လၤကပီၤတအိၣ်ဘၣ်အဂီၢ် လၢဟီၣ်ခိၣ်တလိၣ်ဃီန့ၣ်, အစိအကမီၤအိၣ်ဝဲ, တမ့ၢ် ဘၣ်ဧါ. ²² ဒီးယွၤအသးမ့ၢ်အိၣ်လၢ အကဒုးနဲၣ်အသး ထီၣ်, ဒီးလီၣ်ဖျါထီၣ်အစိအကမီၤဒီး, မ့ၢ်ဝံသးစူၤဃဲးဃဲး တၢ်သးထီၣ်အသပၢၤလၢ အကတီၤအသးလၢတၢ်ဟး ဂီၤအဂီၢ်န့ၣ်, ²³ ဒီးဒ်သိးအကလီၣ်ဖျါထီၣ်စ့ၢ်ကီးအလၤ ထူးအကပီၤတီၤလၢ တၢ်သးကညီၤအသပၢၤလၢအက တီၤပာ်ဝဲလၢတၢ်လၤကပီၤအဂီၢ်, ²⁴ ပဝဲဒၣ်အံၤ, လၢအ ကိးန့ၢ်ပှၤ, ထဲပှၤယူဒၤဖိအကျါဧိၤတမ့ၢ်ဘၣ်, မ့ၢ်ပှၤက လုာ်တဖၣ်စ့ၢ်ကီးဒီး, စံးတၢ်အလီၢ်အိၣ်ဒ်လဲၣ်. ²⁵ ဒ်အစံး ဝဲလၢစီၤဟိၤရှ့အပူၤအသိးစ့ၢ်ကီး, ပှၤလၢအတမ့ၢ်ဘၣ်ယပှၤန့ၣ်, ယကကိးအီၤလၢယ ပှၤလီၤ. ဒီးပိာ်မုၣ်လၢယတအဲၣ်ဘၣ်တဂၤန့ၣ်, ယကကိး အီၤလၢပိာ်မုၣ်လၢယအဲၣ်အီၤလီၤ.+ ဟိၤ. ၂း၂၃|Hos.2.23*.

²⁶ ဒီးတၢ်မၤအသးလၢအလီၢ်ဖဲတၢ်စံးဘၣ်အီၤ, သုတမ့ၢ် ဘၣ်ယပှၤဘၣ်န့ၣ်, ဖဲန့ၣ်တၢ်ကကိးက့ၤအီၤလၢယွၤလၢ အမူဝဲတဂၤ, အဖိခွါတဖၣ်လီၤ. ²⁷+ ဟိၤ. ၁း၁၀|Hos.1.10ဒီးစီၤယ ၡါယၤကိးပသူထီၣ်ဝဲလၢအံၣ်စရ့လးအဂ့ၢ်. ပှၤအံၣ်စရ့လးဖိအတၢ်ဂံၢ် အါနာ်သက့ဒ်ပီၣ်လဲၣ်အ မဲးအဟီၣ်အသိးဘၣ်ဆၣ်ဒီး, တၢ်အဘျဲၣ် ကတုၤ လၢတၢ်အုၣ်က့ၤခီၣ်က့ၤအီၤလီၤ.

²⁸ အဂ့ၢ်ဒ်အံၤ, ကမၤဝံၤထီၣ်အတၢ်ဒီး, ဒီၣ်တဲာ်ကွံာ်ဝဲလၢတၢ်တီတၢ်လိၤလီၤ. အဂ့ၢ်ဒ်အံၤ, ကစၢ်ကမၤတၢ်အဂ့ၢ် ဒီၣ်တဲာ်အသး လၢဟီၣ်ခိၣ်ချၢလီၤ.+ ၡါ. ၁၀း၂၂|Isa.10.22

²⁹ ဒီးဒ်စီၤယၡါယၤစံးတ့ၢ်ဝဲလံအသိး, တၢ်သုးမုၢ်ဂီၢ်မုၢ်အကစၢ် မ့ၢ်တဒုးအိၣ်လီၤတဲာ်ဘၣ် ပှၤလၢတၢ်အချံဒီး, ပကကဲထီၣ်က့ၤဒ်စဒိၣ်အသိး, ဒီးပကလီၤဂာ်တ့ၢ်လၢဂမိရၤလီၤ.+ ၡါ. ၁း၉|Isa.1.9

³⁰ မၤသးဒ်န့ၣ်ဒီးပကစံးဒ်လဲၣ်. ပှၤကလုာ်တဖၣ်လၢအ တလူၤဘၣ်တၢ်တီတၢ်လိၤဘၣ်န့ၣ်, န့ၢ်ဘၣ်တၢ်တီတၢ် လိၤ, ဒ်ပစံးတၢ်အသိး, မ့ၢ်တၢ်တီတၢ်လိၤဘၣ်ဃးဒီးတၢ် နာ်လီၤ. ³¹ မ့မ့ၢ်အံၣ်စရ့လးလၢအလူၤတၢ်တီတၢ်လိၤအ တၢ်သိၣ်တၢ်သီန့ၣ်, တချုးန့ၢ်ဘၣ်တၢ်တီတၢ်လိၤအတၢ် သိၣ်တၢ်သီဘၣ်. ³² မ့ၢ်အဂ့ၢ်ဒ်လဲၣ်. အဂ့ၢ်ဒ်အံၤ, လူၤဝဲလၢ တၢ်နာ်တမ့ၢ်ဘၣ်. မ့ၢ်လၢတၢ်မၤဘၣ်ဃးဒီးတၢ်သိၣ် တၢ်သီလီၤ. အဂ့ၢ်ဒ်အံၤ, လၢၢ်တၢ်ဘၣ်တိၢ်တဖျၢၣ်န့ၣ်, ပှၤတဖၣ်ဘၣ်တိၢ်လၢအီၤ,― ဒ်တၢ်ကွဲးအသးအသိးန့ၣ်, ကွၢ်ကွၢ်, ယပာ်လီၤလၢၢ်တၢ်ဘၣ်တိၢ်တဖျၢၣ်, ဒီးလၢၢ် တၢ်လီၤဃံၤတဖျၢၣ်လၢစံယိၣ်အပူၤလီၤ. ဒီးကယဲၢ်ပှၤ လၢအစူၢ်က့ၤနာ်က့ၤအီၤတဂၤလၢ်လၢ်န့ၣ်, အမဲာ်တဆှး ဘၣ်ဝဲဘၣ်.+ ၡါ. ၈း၁၄|Isa.8.14*, ၂၈း၁၆|Isa.28.16*.

၁၀

¹ ပုၢ်သ့ၣ်ဝဲၢ်သ့ၣ်ဧၢ, ယဆၢတၢ်လၢယသူၣ်ကံၢ်သးလဲ, ဒီးယတၢ်ထုကဖၣ်ယွၤလၢအံၣ်စရ့လးအဂီၢ်, မ့ၢ်ဒ်သိး အကတုၤက့ၤလၢတၢ်အုၣ်က့ၤခီၣ်က့ၤအီၤလီၤ. ² အဂ့ၢ်ဒ် အံၤ, ယအုၣ်ယသးလၢအဂီၢ်လၢအသးဂဲၤလိာ်ဝဲလၢယွၤ အဂီၢ်ဘၣ်ဆၣ်ဒီး တမ့ၢ်ဘၣ်ဒ်တၢ်သ့ၣ်ညါအသိးဘၣ်.―

³ အဂ့ၢ်ဒ်အံၤ, တသ့ၣ်ညါဘၣ်ယွၤအတၢ်တီတၢ်လိၤဘၣ် ဒီး, ဃုမၤဂၢၢ်မၤကျၢၤအတၢ်တီတၢ်လိၤဒၣ်ဝဲသတးဒီး, တဆီၣ်လီၤဘၣ်အသးလၢ ယွၤ အတၢ်တီတၢ်လိၤအဖီ လာ်ဘၣ်. ⁴ အဂ့ၢ်ဒ်အံၤ, ခရံာ်မ့ၢ်တၢ်သိၣ်တၢ်သီအက တၢၢ်လၢတၢ်တီတၢ်လိၤအဂ့ၢ်, လၢကယဲၢ်ပှၤလၢအစူၢ် က့ၤနာ်က့ၤတၢ်အဂီၢ်လီၤ.

⁵ အဂ့ၢ်ဒ်အံၤ, စီၤမိၤရှ့ကွဲးဝဲလၢတၢ်တီတၢ်လိၤဟဲလၢ တၢ်သိၣ်တၢ်သီအဂ့ၢ်, လၢပှၤလၢအမၤတၢ်န့ၣ်တဖၣ်, က မူဝဲလၢအပူၤလီၤ. ⁶+ ၃မိၤ. ၁၈း၅|Lev.18.5မ့မ့ၢ်တၢ်တီတၢ်လိၤဟဲ လၢတၢ်နာ်န့ၣ်, စံးဝဲဒ်အံၤ, သုတစံးလၢနသးကံၢ်ပူၤ, မ့ၢ် မတၤကလဲၤထီၣ်ဆူမူခိၣ်တဂၤလဲၣ်, ဒ်ပစံးတၢ်အသိး, ဒ်သိးအကဆှၢလီၤခရံာ်န့ၣ်တဂ့ၤ. ⁷ မ့ၢ်မတၤကလဲၤလီၤ ဆူတၢ်ယိာ်ပူၤတဂၤလဲၣ်, ဒ်ပစံးတၢ်အသိး, ဒ်သိးအက ဆှၢထီၣ်ခရံာ်လၢတၢ်သံန့ၣ်တဂ့ၤ. ⁸ မ့ၢ်အစံးဝဲဒ်လဲၣ်, အကလုၢ်အကထါအိၣ်ဘူးဒီးနၤ, အိၣ်ဝဲလၢနကိာ်ပူၤ, ဒီးလၢနသးကံၢ်ပူၤလီၤ.+ ၅မိၤ. ၃၀း၁၂|Deut.30.12*. ဒ်ပစံး တၢ်အသိး, တၢ်အကလုၢ်ဘၣ်ဃးဒီး တၢ်နာ်လၢပစံၣ် တဲၤတဲလီၤအီၤလီၤ. ⁹ အဂ့ၢ်ဒ်အံၤ, နမ့ၢ်အၢၣ်လီၤအီလီၤ ကစၢ်ယ့ၣ်ရှူးလၢနထးခိၣ်, ဒီးနာ်လၢနသးလၢယွၤဒုးဂဲၤ ဆၢထၢၣ်က့ၤအီၤလၢတၢ်သံန့ၣ်ဒီး, နကတုၤလၢတၢ် အုၣ်က့ၤခီၣ်က့ၤနၤလီၤ. ¹⁰ အဂ့ၢ်ဒ်အံၤ, လၢပသးန့ၣ်ပစူၢ် က့ၤနာ်က့ၤတၢ်တုၤလၢတၢ်တီတၢ်လိၤ, ဒီးလၢပထးခိၣ် ပအၢၣ်လီၤအီလီၤတၢ် တုၤလၢတၢ်အုၣ်က့ၤခီၣ်က့ၤန့ၣ် လီၤ. ¹¹ အဂ့ၢ်ဒ်အံၤ, တၢ်ကွဲးအသးစံးဝဲဒၣ်, ကယဲၢ်ပှၤလၢ အစူၢ်က့ၤနာ်က့ၤအီၤ တဂၤလၢ်လၢ်န့ၣ်, အမဲာ်တဆှး ဘၣ်ဝဲဘၣ်.+ ၡါ. ၂၈း၁၆|Isa.28.16*.¹² အဂ့ၢ်ဒ်အံၤ, ပှၤယူဒၤဖိဒီး ပှၤဟ့းလ့ၣ်ဖိအတၢ်တလီၤဆီဘၣ်. အဂ့ၢ်ဒ်အံၤ, မ့ၢ်ပှၤခဲ လၢာ်အကစၢ်တဂၤဃီ, ဒီးထူးဝဲတီၤဝဲလၢကယဲၢ်ပှၤလၢ အကိးထီၣ်အီၤခဲလၢာ်အဂီၢ်လီၤ. ¹³ အဂ့ၢ်ဒ်အံၤ, ကယဲၢ် ပှၤလၢအကိးထီၣ်ကစၢ်အမံၤန့ၣ်, ကတုၤလၢတၢ်အုၣ် က့ၤခီၣ်က့ၤအီၤလီၤ.+ အ့. ၂း၃၂|Joel.2.32*.

¹⁴ မၤသးဒ်န့ၣ်ဒီး, အဝဲသ့ၣ်ကကိးထီၣ်ပှၤလၢအတနာ် ဘၣ်ဝဲန့ၣ်ဒ်လဲၣ်. ဒီးကနာ်ပှၤလၢအတနၢ်ဟူဘၣ်ဝဲအ ဂ့ၢ်န့ၣ်, ဒ်လဲၣ်. ဒီးပှၤမ့ၢ်တစံၣ်တဲၤတဲလီၤဘၣ်ဒီး, ကနၢ် ဟူဝဲဒ်လဲၣ်. ¹⁵ ဒီးတၢ်မ့ၢ်တမၢလီၤအီၤဘၣ်ဒီး, ကစံၣ်တဲၤ တဲလီၤဝဲဒ်လဲၣ်. ဒ်တၢ်ကွဲးအသးအသိးန့ၣ်, ပှၤလၢအစံၣ်တဲၤတဲလီၤ တၢ်ဃူတၢ်ဖိးအတၢ်သးခုအ ကစီၣ်, လၢအစံၣ်တဲၤတဲလီၤတၢ်ဂ့ၤ အတၢ်သးခုအကစီၣ်တ ဖၣ်, အခီၣ်အဃံအလၤဆံးဒိၣ်လဲၣ်.+ ၡါ. ၅၂း၇|Isa.52.7*.

¹⁶ ဘၣ်ဆၣ်ဒီးပှၤတဒိကနၣ်ဘၣ် တၢ်သးခုအကစီၣ်ခဲ လၢာ်ဘၣ်. အဂ့ၢ်ဒ်အံၤ, စီၤယၡါယၤစံးဝဲဒၣ်, ကစၢ်ဧၢ, မ့ၢ် မတၤနာ်က့ၤပကလုၢ်တဂၤလဲၣ်.+ ၡါ. ၅၃း၁|Isa.53.1*.¹⁷ မၤသး ဒ်န့ၣ်ဒီး, တၢ်နာ်ဘၣ်ဃးဒီးတၢ်နၢ်ဟူ, ဒီးတၢ်နၢ်ဟူန့ၣ်, ဘၣ်ဃးဒီးယွၤအကလုၢ်အကထါလီၤ.

¹⁸ မ့မ့ၢ်ယစံး, မ့ၢ်အတနၢ်ဟူဘၣ်ဧါ. နၢ်ဟူဝဲသၢၣ်. အ သီၣ်ဟူထီၣ်လၢဟီၣ်ခိၣ်ဒီဘ့ၣ်ညါ, ဒီးအကလုၢ်အကထါပၢၢ်လၢ ဟီၣ်ခိၣ်အသနၢၣ်တဖၣ် လီၤ.+ စံး. ၁၉း၄|Ps.19.4

¹⁹ မ့မ့ၢ်ယစံး, အံၣ်စရ့လးတသ့ၣ်ညါဘၣ်ဧါ. လၢအခီၣ် ထံး, စီၤမိၤရှ့စံးဝဲဒၣ်, ယကထိၣ်ဂဲၤသုသးက့ၣ်လၢပှၤလၢအတမ့ၢ်ဘၣ်ပှၤ တကလုာ်ဘၣ်, ယကမၤသးထီၣ်သုလၢ ပှၤလၢအနူၤတပၢၢ်နၢ်တ ဘှါဘၣ်တၢ်တကလုာ်လီၤ.+ ၅မိၤ. ၃၂း၂၁|Deut.32.21*.

²⁰ ဒီးစီၤယၡါယၤ အိၣ်ဒီးအသးခူတလ့ၢ်ဒီးစံးဝဲဒၣ်, ပှၤ လၢအတဃုဘၣ်ယၤတဖၣ်န့ၣ်, ထံၣ်န့ၢ်ယၤ, ပှၤလၢ အတသံကွၢ်ဘၣ်လၢယဂ့ၢ်တဖၣ်န့ၣ်, ယလီၣ်ဖျါ ထီၣ်ယသးလၢအီၤလီၤ.+ ၡါ. ၆၅း၁|Isa.65.1*.

²¹ မ့မ့ၢ်လၢအံၣ်စရ့လးအဂ့ၢ်န့ၣ်, စံးဝဲဒၣ်, ယယူာ်ဃီၤယစုဆူပှၤလၢအတဒိကနၣ်ဘၣ်တၢ် ဘၣ်, ဒီးဆူပှၤဂ့ၢ်လိာ်ဘှီလိာ်တၢ်တကလုာ်အအိၣ်, သ့တနံၤကျၢၤလီၤ.+ ၡါ. ၆၅း၂|Isa.65.2*.

၁၁

¹ မၤသးဒ်န့ၣ်ဒီးယစံး, မ့ၢ်ယွၤညိကွံာ်အပှၤတကလုာ် ဒၣ်ဝဲန့ၣ်ဧါ. မ်အသုတမၤအသးဒ်န့ၣ်တဂ့ၤ. အဂ့ၢ်ဒ်အံၤ, ယဲဒၣ်အံၤ, ယမ့ၢ်ပှၤအံၣ်စရ့လးဖိဘၣ်ဃးဒီးစီၤအၤဘြၤ ဟၣ်အချံအသၣ်, စီၤဘံၣ်ယၤမံၣ်အဒူၣ်ဖိလီၤ. ² ယွၤတ ညိကွံာ်ဘၣ်အပှၤတကလုာ်ဒၣ်ဝဲလၢ အသ့ၣ်ညါပာ်အီၤ န့ၣ်ဘၣ်. တၢ်ကွဲးအသးလၢအ့ၤလံယၤအဂ့ၢ်, စံးဝဲဒ်လဲၣ် ဒ်လဲၣ်န့ၣ်, မ့ၢ်သုတသ့ၣ်ညါဘၣ်ဧါ. အဝဲဒၣ်ဃ့တၢ်ထီ ဒါအံၣ်စရ့လးလၢယွၤ, ဒီးစံးဝဲဒၣ်, ³ ကစၢ်ဧၢ, အဝဲသ့ၣ် မၤသံနဝံသ့ၣ်တဖၣ်, ဒီးခူၣ်လီၤပှီၢ်ကွံာ်နတၢ်လုၢ်လီၢ်တ ဖၣ်လီၤ. ဒီးယဲဒၣ်အံၤ, ယအိၣ်လီၤတဲာ်တဂၤဧိၤ, ဒီးအဝဲ သ့ၣ်ဃုယသးသမူစ့ၢ်ကီးလီၤ.+ ၁စီၤ. ၁၉း၁၄|1Kgs.19.14*. မ့မ့ၢ် ယွၤအကလုၢ်စံးဆၢအီၤဒ်လဲၣ်. ⁴ ယပာ်လီၤတဲာ်လၢယ ဂီၢ်ဒၣ်ယဲ, ပှၤလၢအတချံးလီၤဘၣ်အခီၣ်လ့ၢ်ခိၣ်လၢဘ ဧၤလးအမဲာ်ညါန့ၣ်, နွံကထိဂၤလီၤ.+ ၁စီၤ. ၁၉း၁၈|1Kgs.19.18*.

⁵ မၤသးဒ်န့ၣ်ဒီး, ဒ်န့ၣ်အသိး အကတီၢ်ဖဲအံၤစ့ၢ်ကီး, တၢ်အိၣ်လီၤတဲာ်, ဒ်တၢ်ဃုထၢဘၣ်ဃးတၢ်ဘျုးတၢ်ဖှိၣ် အသိးန့ၣ်, အိၣ်ဝဲလီၤ. ⁶ ဘၣ်ဆၣ်ဒီး, မ့မ့ၢ်လၢတၢ်ဘျုး တၢ်ဖှိၣ်ဒီး, တမ့ၢ်လၢၤဘၣ်တၢ်မၤဘၣ်. မ့တမ့ၢ်ဘၣ်ဒ်န့ၣ် ဒီး, တၢ်ဘျုးတၢ်ဖှိၣ်တမ့ၢ်လၢၤဘၣ်တၢ်ဘျုးတၢ်ဖှိၣ်ဘၣ်. မ့တမ့ၢ်ဘၣ်ဒ်န့ၣ်ဒီးတၢ်မၤတမ့ၢ်လၢၤဘၣ်တၢ်မၤဘၣ်.

⁷ မၤသးဒ်န့ၣ်ဒီးမ့ၢ်ဒ်လဲၣ်. တၢ်လၢအံၣ်စရ့လးဃုဝဲန့ၣ်, တချုးန့ၢ်ဘၣ်ဝဲဘၣ်. မ့မ့ၢ်ပှၤလၢတၢ်ဃုထၢအီၤန့ၣ်ချုး န့ၢ်ဝဲ, ဒီးပှၤဂၤဘၣ်တၢ်ခံးန့ၢ်အီၤလီၤ. ⁸ ဒ်တၢ်ကွဲးအသး အသိးန့ၣ်, ယွၤဟ့ၣ်လီၤအီၤလၢအသးမံခ့, ဒီးအမဲာ်လၢ အတထံၣ်ဘၣ်တၢ်ဘၣ်, ဒီးအနၢ်လၢအတနၢ်ဟူဘၣ် တၢ်ဘၣ်,+ ၅မိၤ. ၂၉း၄|Deut.29.4*, တုၤမုၢ်မဆါတနံၤအံၤလီၤ. ⁹ စီၤ ဒၤဝံးစံးဝဲဒၣ်, အစီၢ်နီၤခိၣ်မ်အကဲထီၣ်တစိး, ဒီးထု, ဒီးတၢ်လီၤဃံၤအလီၢ်, ဒီးတၢ်ဟ့ၣ်ဆၢတၢ်အလီၢ် လၢအဂီၢ်တက့ၢ်.

¹⁰ ဒ်သိးအထံၣ်တၢ်သုတသ့တဂ့ၤဒီး, မ်အမဲာ်ခံး, ဒီးမ်အပျိၢ်တကူးတဘိယူၢ်ဃီတက့ၢ်.+ စံး. ၆၉း၂၂, ၂၃|Ps.69.22-Ps.69.23*.

¹¹ မၤသးဒ်န့ၣ်ဒီးယစံး, မ့ၢ်အဘၣ်တိၢ်, ဒ်သိးအကလီၤ ဃံၤစ့ၢ်ကီးဧါ. မ်အသုတမၤအသးဒ်န့ၣ်တဂ့ၤ. မ့မ့ၢ်လၢ အဝဲသ့ၣ်အတၢ်လီၤကမၣ်အဃိန့ၣ်ဒီး, တၢ်အုၣ်က့ၤခီၣ် က့ၤဟဲဘၣ်ပှၤကလုာ်တဖၣ် ဒ်သိးတၢ်ကထိၣ်ဂဲၤထီၣ်အ ဝဲသ့ၣ်အသးက့ၣ်န့ၣ်လီၤ. ¹² ဘၣ်ဆၣ်ဒီးအဝဲသ့ၣ်အတၢ် လီၤကမၣ်မ့ၢ်ကဲလၢဟီၣ်ခိၣ်အတၢ်ထူးတၢ်တီၤ, ဒီးအဝဲ သ့ၣ်အတၢ်လီၤစှၤမ့ၢ်ကဲလၢ ပှၤကလုာ်တဖၣ်အတၢ်ထူး တၢ်တီၤန့ၣ်ဒီး, အဝဲသ့ၣ်အတၢ်လၢထီၣ်ပှဲၤထီၣ်, ကကဲ ထီၣ်အဝဲန့ၣ်အါန့ၢ်အန့ၣ်တက့ၢ်ဆံးဒိၣ်လဲၣ်.

¹³ အဂ့ၢ်ဒ်အံၤ, ပှၤကလုာ်တဖၣ်သုဝဲသ့ၣ်ဧၢ, ယစံးဘၣ် သုလီၤ. မ့ၢ်ယမ့ၢ်ပှၤတၢ်မၢဖိဘၣ်ဃးဒီးပှၤကလုာ်တဖၣ် သတးဒီး, ယဒုးလၤကပီၤယတၢ်မၤ, ¹⁴ ဒ်သိးမ့ၢ်သ့ဒီး, ယ ကထိၣ်ဂဲၤပှၤလၢအမ့ၢ်ယသွံၣ်ယညၣ်အသးက့ၣ်န့ၣ်ဒီး, အုၣ်က့ၤခီၣ်က့ၤအီၤတနီၤနီၤလီၤ. ¹⁵ အဂ့ၢ်ဒ်အံၤ, တၢ်ကွံာ် တ့ၢ်ကွံာ်အီၤန့ၣ်မ့ၢ်ကဲတၢ်တူၢ်လိာ်ဟီၣ်ခိၣ်ဒီး, တၢ်တူၢ် လိာ်က့ၤအီၤန့ၣ် မ့တမ့ၢ်ဘၣ်တၢ်မူထီၣ်က့ၤလၢတၢ်သံ န့ၣ်ဘၣ်ဒီး, ကမ့ၢ်မနုၤလဲၣ်. ¹⁶ ကိၣ်အဆိမ့ၢ်စီဆှံဒီး, ကစီ ဆှံဒီလိၣ်ညါစ့ၢ်ကီး, ဒီးတၢ်အဂံၢ်မ့ၢ်စီဆှံဒီး, အဒ့အဖီက စီဆှံစ့ၢ်ကီးလီၤ. ¹⁷ ဒီးအဒ့အဖီတနီၤနီၤမ့ၢ်ဘၣ်တၢ်မၤကၢ် ကွံာ်အီၤ, ဒီးနဲဒၣ်နမ့မ့ၢ်သ့ၣ်စၤယံးအမံၤ, လၢတၢ်ထီ ထီၣ်အီၤလၢဒ့အလီၢ်, ဒီးနန့ၢ်ဃုာ်သ့ၣ်စၤယံးအဂံၢ်ဒီးအ သိဒီး, ¹⁸ သုတပာ်နသးကဖၢလၢလၢဒ့တဖၣ်အဖီခိၣ်တ ဂ့ၤ. ဘၣ်ဆၣ်နမ့ၢ်ပာ်နသးကဖၢလၢဒီးနတစိာ်ဘၣ်ဂံၢ် န့ၣ်ဘၣ်. မ့မ့ၢ်ဂံၢ်န့ၣ်စိာ်နၤလီၤ.

¹⁹ မၤသးဒ်န့ၣ်ဒီး, နကစံးနဲ, တၢ်မၤကၢ်ကွံာ်ဒ့တဖၣ်ဒ် သိးအကထီထီၣ်ယၤလၢအလီၢ်လီၤ. ²⁰ ဘၣ်လံ, အဝဲသ့ၣ် ဘၣ်တၢ်မၤကၢ်ကွံာ်အီၤလၢတၢ်တနာ်ဘၣ်အဃိ, ဒီးန အိၣ်ဂၢၢ်ဆိးကျၢၤနဲလၢတၢ်နာ်အဃိလီၤ. သုတပာ်ထီၣ် ထီနသးတဂ့ၤ. မ့မ့ၢ်ပျံၤတၢ်တက့ၢ်. ²¹ အဂ့ၢ်ဒ်အံၤ, ယွၤမ့ၢ် တသးလီဘၣ်ဒ့အနီၢ်နီၢ်တဖၣ်ဒီး, တသးလီဘၣ်နၤဘၣ် ဖုးလီၤ.

²² မၤသးဒ်န့ၣ်ဒီး, ကွၢ်ကွၢ်, ယွၤအဘျုးအဖှိၣ်, ဒီးအစု ဆူၣ်အခီၣ်သကးတက့ၢ်. အစုဆူၣ်အခီၣ်သကးဘၣ်ပှၤ အလီၤဃံၤတဖၣ်အလိၤလီၤ. မ့မ့ၢ်နဲဒၣ်အံၤ, နမ့ၢ်အိၣ်မ့ၢ် ဆိးလၢအဘျုးအဖှိၣ်အပူၤဒီး, အဘျုးအဖှိၣ်ကဘၣ်နၤ လီၤ. မ့တမ့ၢ်ဘၣ်ဒ်န့ၣ်ဒီး, နကဘၣ်တၢ်ပဲာ်တဲာ်ကွံာ်စ့ၢ် ကီးလီၤ. ²³ ဒီးအဝဲသ့ၣ်မ့ၢ်တအိၣ်တဆိးဘၣ်လၢတၢ်တ နာ်ဘၣ်အပူၤဒီး, တၢ်ကထီထီၣ်က့ၤအီၤစ့ၢ်ကီးလီၤ. အ ဂ့ၢ်ဒ်အံၤယွၤထီထီၣ်က့ၤအီၤသ့လီၤ. ²⁴ အဂ့ၢ်ဒ်အံၤ, တၢ်မ့ၢ် ပဲာ်တဲာ်ကွံာ်နၤလၢသ့ၣ်စၤယံးမံၤအလိၤ, ဒီးထီထီၣ်နၤ လၢသ့ၣ်စၤယံးဂ့ၤန့ၣ်ဒီး, ကထီထီၣ်က့ၤအဒ့အဖီနီၢ်နီၢ် တဖၣ်လၢအထံးဒၣ်ဝဲအလိၤ, အါန့ၢ်အန့ၣ်တက့ၢ်, တ မ့ၢ်ဘၣ်ဧါ.

²⁵ ပုၢ်သ့ၣ်ဝဲၢ်သ့ၣ်ဧၢ, ဒ်သိးသုသုတပာ်သုသးလၢသု ကူၣ်ဘၣ်ကူၣ်သ့တဂ့ၤဒီး, ယသးအိၣ်လၢသုကသ့ၣ်ညါ တၢ်ခူသူၣ်အံၤလၢ ပှၤကလုာ်တဖၣ် အတၢ်လၢထီၣ်ပှဲၤ ထီၣ်တချုးဟဲနုာ်ဒံးဘၣ်အဖၢမုၢ်ဒီး, တၢ်သူၣ်ကိၤသး ကိၤဘၣ်လံအံၣ်စရ့လးတနီၤနီၤလံလီၤ. ²⁶ ဒီးဒ်န့ၣ်အသိး အံၣ်စရ့လးခဲလၢာ် ကတုၤလၢတၢ်အုၣ်က့ၤခီၣ်က့ၤအီၤ, ဒ်တၢ်ကွဲးအသးအသိး, ပှၤအုၣ်က့ၤခီၣ်က့ၤတၢ်ကဟဲ ထီၣ်လၢစံယိၣ်အပူၤ, ဒီးကဒုးဟးထီၣ်ကွံာ်တၢ်တယူး တယီၣ်ဘၣ်ယွၤလၢယၤကိာ်အပူၤလီၤ. ²⁷ ဒီးအအံၤမ့ၢ် ယတၢ်အၢၣ်လီၤအီလီၤဒီးအီၤ,+ ၡါ. ၂၇း၉|Isa.27.9*, တုၤ ယပျၢ်အတၢ်ဒဲးဘးန့ၣ်လီၤ.+ ၡါ. ၂၇း၉|Isa.27.9*.²⁸ ဖဲတၢ်သးခု အကစီၣ်အဂ့ၢ်န့ၣ်, အဝဲသ့ၣ်မ့ၢ်အဒုၣ်အဒါလၢ သုဂီၢ် လီၤ. မ့မ့ၢ်ဖဲတၢ်ဃုထၢအဂ့ၢ်န့ၣ်, တၢ်အဲၣ်အီၤလၢပၢ်သ့ၣ် အဃိလီၤ. ²⁹ အဂ့ၢ်ဒ်အံၤ, ယွၤအတၢ်ဟ့ၣ်တဖၣ်, ဒီးအတၢ် ကိးန့ၢ်တၢ်န့ၣ်, တအိၣ်ဘၣ်ဒီးတၢ်ကဒံကဒါဘၣ်. ³⁰ အ ဂ့ၢ်ဒ်အံၤ, ဒ်လၢထံးလၢမကိာ်, သုတစူၢ်ဘၣ်ယွၤ, ဒီးခဲက နံၣ်အံၤ, သုဒိးတၢ်သးကညီၤလၢအဝဲသ့ၣ်အတၢ်တနာ် ဘၣ်အဃိအသိးန့ၣ်, ³¹ ဒ်န့ၣ်အသိးခဲကနံၣ်အံၤ, အဝဲ သ့ၣ်စ့ၢ်ကီးတစူၢ်ဘၣ်တၢ် ဒ်သိးအကဒိးတၢ်သးကညီၤ အီၤ, လၢသုဒိးတၢ်သးကညီၤသုအဃိန့ၣ်လီၤ. ³² အဂ့ၢ်ဒ် အံၤ, ယွၤကးတံာ်ဃာ်ပှၤခဲလၢာ်လၢတၢ်တနာ်ဘၣ်အ ပူၤ, ဒ်သိးအကသးကညီၤပှၤခဲလၢာ်လီၤ.

³³ ယွၤအတၢ်ထူးအတၢ်တီၤ, ဒီးအတၢ်ကူၣ်ဘၣ်ကူၣ် သ့, ဒီးအတၢ်သ့ၣ်ညါန့ၣ်, မ့ၢ်အယိာ်ဆံးဒိၣ်လဲၣ်. အတၢ် စံၣ်ညီၣ်တဖၣ်, ပဃုကွၢ်တဘၣ်ဘၣ်. ဒီးအကျဲအကပူၤ န့ၣ်, ပသ့ၣ်ညါထီၣ်တသ့ဘၣ်လီၤ. ³⁴ အဂ့ၢ်ဒ်အံၤ, မ့ၢ်မ တၤသ့ၣ်ညါကစၢ်အသးတဂၤလဲၣ်. မ့ၢ်မတၤကဲထီၣ်ပှၤ ကူၣ်လိာ်အသးဒီးအီၤတဂၤလဲၣ်. ³⁵ မ့ၢ်မတၤဟ့ၣ်ပာ်အ တၢ်တမံၤမံၤဒီး, တၢ်ကဟ့ၣ်ဆၢအီၤတဂၤလဲၣ်.+ ၡါ. ၄၀း၁၃|Isa.40.13*.³⁶ အဂ့ၢ်ဒ်အံၤ, ကယဲၢ်တၢ်ခဲလၢာ်ဟဲထီၣ်လၢအပူၤ, ဒီးကဲထီၣ်လၢအစုပူၤ, ဒီးအိၣ်ဝဲလၢအဂီၢ်လီၤ. မ်တၢ်လၤ ကပီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

၁၂

¹ မၤသးဒ်န့ၣ်ဒီး, ပုၢ်သ့ၣ်ဝဲၢ်သ့ၣ်ဧၢ, ယဃ့ကညးသုလၢ ယွၤအတၢ်သးကညီၤတဖၣ်အဃိ, ဒ်သိးသုကပာ်သုနီၢ် ခိလၢတၢ်လုၢ်မူစီဆှံ, တၢ်ဘၣ်ယွၤအသး, လၢအမ့ၢ်သု တၢ်မၤအဂ့ၤအဘၣ်လီၤ. ² ဒီးသုတအိၣ်ဒီးပှၤအအံၤတ ဃၣ်ဖိအက့ၢ်အဂီၤတဂ့ၤ, မ့မ့ၢ်လဲလိာ်သုက့ၢ်သုဂီၤလၢ တၢ်မၤက့ၤသုသးသီ, ဒ်သိးသုကမၤကွၢ်ယွၤအတၢ်ဘၣ် အသးလၢအမ့ၢ်တၢ်ဂ့ၤ, ဒီးတၢ်လၢပဂ့ၤအဲၣ်ဒိး, ဒီးတၢ် လၢတၢ်ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်တက့ၢ်.

³ အဂ့ၢ်ဒ်အံၤ, မ့ၢ်တၢ်ဘျုးတၢ်ဖှိၣ်လၢ တၢ်ဟ့ၣ်ယၤသ တးဒီး, ယစံးဘၣ်ကယဲၢ်ပှၤအိၣ်လၢသုကျါကိးအဂၤဒဲး, လၢအသုတပာ်အသးထီန့ၢ်အဂ့ၤပာ်ဝဲန့ၣ်တဂ့ၤ. မ့မ့ၢ်ဒ် ယွၤဟ့ၣ်နီၤတၢ်နာ်လၢပှၤတဂၤဒီးတဂၤအသိးန့ၣ်, ပာ် သုသးဖဲအဘၣ်အဘၣ်တက့ၢ်. ⁴ အဂ့ၢ်ဒ်အံၤ, ဒ်ပနီၢ်ခိတ ဂၤအံၤ, အဂီၤအိၣ်အါမံၤ, ဒီးအဂီၤခဲလၢာ်တမၤဘၣ်တၢ် တမံၤဃီဘၣ်အသိးန့ၣ်, ⁵ ပဝဲဒၣ်အါဂၤအံၤ, ပမ့ၢ်ပနီၢ်တ ဂၤဃီလၢခရံာ်အပူၤ, ဒီးပမ့ၢ်ပဂီၤသကိးပဂီၤဒ်န့ၣ်အသိး လီၤ. ⁶ ဒီးဒ်တၢ်ဟ့ၣ်လီၤ တၢ်ဘျုးတၢ်ဖှိၣ်လၢပှၤအသိး န့ၣ်, ပအိၣ်ဒီးတၢ်ဟ့ၣ်လီၤဆီတဂၤတမံၤ, တဂၤတမံၤ လီၤ. မ့မ့ၢ်ဝံအတၢ်ဒီး, ဒ်တၢ်နာ်အိၣ်ဝဲအသိးန့ၣ်မ်အမၤ ဝံအတၢ်တက့ၢ်. ⁷ မ့မ့ၢ်အခ့အပှၤအတၢ်ဒီး, မ်အမၤအခ့ အပှၤအတၢ်တက့ၢ်. မ့မ့ၢ်ပှၤလၢအသိၣ်က့ၤသီက့ၤတၢ် ဒီး, မ်အသိၣ်က့ၤသီက့ၤတၢ်တက့ၢ်. ⁸ မ့မ့ၢ်ပှၤလၢအသ ဆၣ်ထီၣ်ပှၤအခံဒီး, မ်အသဆၣ်ထီၣ်ပှၤအခံတက့ၢ်. မ့ မ့ၢ်ပှၤလၢအဟ့ၣ်နီၤတၢ်ဒီး, မ်အဟ့ၣ်နီၤတၢ် တီတီတ က့ၢ်. မ့မ့ၢ်ပှၤလၢအကွၢ်တၢ်ဒီး, မ်အကွၢ်တၢ်သပှၢ်ပှၢ်တ က့ၢ်. မ့မ့ၢ်ပှၤလၢအသးကညီၤတၢ်ဒီး, မ်အသးကညီၤတၢ် လၢအသူၣ်ခုအသးခုတက့ၢ်.

⁹ တၢ်အဲၣ်တၢ်ကွံန့ၣ်, မ်အပူၤဖျဲးဒီးတၢ်လီတၢ်ဝ့ၤန့ၣ်တ က့ၢ်. သးဟ့တၢ်အၢတက့ၢ်. အိၣ်စဲဘူးဒီးတၢ်ဂ့ၤတ က့ၢ်. ¹⁰ လၢဒီပုၢ်ဝဲၢ်အဲၣ်လိာ်ကွံလိာ်အသးန့ၣ်, အဲၣ်လိာ် ကွံလိာ်သုသး ဒ်ဒီပုၢ်ဝဲၢ်တံၢ်တံၢ်အသိးန့ၣ်တက့ၢ်. လၢ တၢ်ယူးယီၣ်န့ၣ်, လဲၤလၢညါလိာ်သုသးတက့ၢ်. ¹¹ လၢ တၢ်မၤသပှၢ်ပှၢ်န့ၣ်, သုတဝံသးကၢၣ်တဂ့ၤ. လၢသူၣ်လၢ သးအဂ့ၢ်န့ၣ်ဂဲၤလိာ်သုသးတက့ၢ်. လၢကစၢ်အဂ့ၢ်န့ၣ် မၤအတၢ်တက့ၢ်. ¹² လၢတၢ်မုၢ်လၢ်အပူၤန့ၣ်သးခုတက့ၢ် လၢတၢ်နးတၢ်ဖှီၣ်အပူၤန့ၣ်ဝံသးစူၤတက့ၢ်. လၢတၢ်ထု ကဖၣ်အဂ့ၢ်န့ၣ်မၤသပှၢ်ပှၢ်တက့ၢ်. ¹³ ပှၤစီဆှံလၢအဘၣ် တၢ်ဖှီၣ်တၢ်ယာ်န့ၣ်, ဟ့ၣ်နီၤတၢ်လၢအီၤတက့ၢ်. ပှၤတ မှံၤန့ၣ်လုၢ်အီၣ်လုၢ်အီအီၤသပှၢ်ပှၢ်တက့ၢ်. ¹⁴ ပှၤလၢအမၤ အၢမၤနးသုတဖၣ်န့ၣ်, ဆိၣ်ဂ့ၤအီၤတက့ၢ်. ဆိၣ်ဂ့ၤတၢ် တက့ၢ်, ဒီးဆိၣ်အၢတၢ်တဂ့ၤ. ¹⁵ ပှၤလၢအသးခုတဖၣ် န့ၣ်, သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်, ဟီၣ်ဃုာ်ဒီးအီၤတက့ၢ်. ¹⁶ ဆိကမိၣ်တၢ်တမံၤဃီလၢသု သးသကိးသကိးတက့ၢ်. ဆိကမိၣ်တၢ်ထီၣ်ထီတဖၣ်တ ဂ့ၤ. မ့မ့ၢ်ဒိးတၢ်ဆှၢသုသးလၢတၢ်ဘၣ်ဆီၣ်လီၤန့ၣ်တ က့ၢ်. သုတပာ်ဒၣ်သုသးလၢ တၢ်ကူၣ်ဘၣ်ကူၣ်သ့တ ဂ့ၤ. ¹⁷ သုတမၤဆၢတၢ်အၢလၢတၢ်အၢ, လၢပှၤနီတဂၤတ ဂ့ၤ. ဃုတၢ်အဂ့ၤအဘၣ်လၢ ပှၤခဲလၢာ်အမဲာ်ညါတ က့ၢ်. ¹⁸ ဖဲသုသ့န့ၣ်, မ့ၢ်သ့ဒီး, အိၣ်ဃူလိာ်ဖိးလိာ်သုသးဒီး ပှၤကိးဂၤဒဲးတက့ၢ်. ¹⁹ ပှၤလၢယအဲၣ်အီၤသ့ၣ်ဧၢ, သုတ မၤကၣ်တၢ်လၢသုဂီၢ်ဒၣ်သုဝဲတဂ့ၤ. မ့မ့ၢ်ပျဲတၢ်သးဒိၣ် တက့ၢ်. အဂ့ၢ်ဒ်အံၤ, တၢ်ကွဲးအသးစံးဝဲဒၣ်, တၢ်မၤကၣ် တၢ်န့ၣ်, အိၣ်ဒီးယၤလီၤ, ယကဟ့ၣ်ကၣ်တၢ်ယဲလီၤ, ယွၤ စံးဝဲဒၣ်.+ ၅မိၤ. ၃၂း၃၅|Deut.32.35*.²⁰ မၤသးဒ်န့ၣ်ဒီး, နဒုၣ်နဒါန့ၣ်တၢ်မ့ၢ်သၣ်ဝံၤအသးဒီး, ဒုးအီၣ်အီၤ တက့ၢ်. တၢ်မ့ၢ်သူအသးလၢထံဒီး, ဒုးအီအီၤတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီး, နကပာ်ဖှိၣ်မ့ၣ်အူကဖးလၢအခိၣ်လီၤ.+ ကတိၤ. ၂၅း၂၁|Prov.25.21

²¹ သုတဒိးတၢ်မၤနၢၤသုလၢတၢ်အၢတၢ်သီတဂ့ၤ. မ့မ့ၢ် မၤနၢၤတၢ်အၢလၢတၢ်ဂ့ၤန့ၣ်တက့ၢ်.

၁၃

¹ မ်ပှၤပာ်အသးလၢတၢ်စိတၢ်ကမီၤ အဒိၣ်တဖၣ်အဖီ လာ်ကိးအဂၤဒဲးတက့ၢ်. အဂ့ၢ်ဒ်အံၤ, တၢ်စိတၢ်ကမီၤတ အိၣ်ဘၣ်, အိၣ်ထဲတၢ်ဟဲလၢယွၤန့ၣ်ဧိၤလီၤ. တၢ်စိတၢ် ကမီၤလၢအအိၣ်တဖၣ်န့ၣ်, မ့ၢ်ယွၤပာ်အီၤလီၤ. ² မၤသး ဒ်န့ၣ်ဒီး, ပှၤလၢအတြီတၢ်စိတၢ်ကမီၤ, မ့ၢ်အတြီတၢ်လၢ ယွၤပာ်ဝဲန့ၣ်လီၤ. ဒီးပှၤလၢအတြီတၢ်တဖၣ်န့ၣ်ကဘၣ် တၢ်စံၣ်ညီၣ်ဃၣ်လၢအကစၢ်ဒၣ်ဝဲလီၤ. ³ အဂ့ၢ်ဒ်အံၤ, ပ ဒိၣ်ပပှၢ်မၤပျံၤပှၤလၢအမၤတၢ်ဂ့ၤတမ့ၢ်ဘၣ်. မ့ၢ်ပှၤလၢ အမၤတၢ်အၢလီၤ. မၤသးဒ်န့ၣ်ဒီး, နတပျံၤဘၣ်တၢ်စိတၢ် ကမီၤဒီး, တၢ်မိၣ်အိၣ်ဘၣ်နသးဧါ. မၤတၢ်ဂ့ၤတက့ၢ်. ဒီး နကဘၣ် တၢ်စံးထီၣ်ပတြၢၤနၤလၢအီၤလီၤ. ⁴ အဂ့ၢ်ဒ် အံၤ, အဝဲဒၣ်န့ၣ်မ့ၢ်ယွၤအခ့အပှၤလၢ နတၢ်ဂ့ၤအဂီၢ် လီၤ. ဘၣ်ဆၣ်ဒီးနမ့ၢ်မၤတၢ်အၢဒီး, ပျံၤတၢ်တက့ၢ်. အဂ့ၢ် ဒ်အံၤ, စိာ်ဝဲလၢနးဧိၤဘီဧိၤကလီကလီတမ့ၢ်ဘၣ်. အဂ့ၢ် ဒ်အံၤ, မ့ၢ်ယွၤအခ့အပှၤ, ပှၤလၢအဟ့ၣ်ကၣ်တၢ်ဒဲးဘး လၢပှၤမၤတၢ်အၢအလိၤလီၤ. ⁵ မၤသးဒ်န့ၣ်ဒီးဂ့ၤပာ်ပ သးလၢအဖီလာ်, တမ့ၢ်ဘၣ်ထဲလၢ တၢ်သးထီၣ်အဃိ ဘၣ်. မ့ၢ်လၢပသးလၢ အသ့ၣ်ညါဒၣ်တၢ်အဃိစ့ၢ်ကီး လီၤ.

⁶ အဂ့ၢ်ဒ်အံၤ, သုဟ့ၣ်စ့ၢ်ကီးသွဲလၢတၢ်အံၤအဃိလီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ်, မ့ၢ်ယွၤအခ့အပှၤလၢအ မၤတၢ်တမံၤဒၣ်လဲာ်အံၤတထံၣ်ဃီလီၤ. ⁷ မၤသးဒ်န့ၣ် ဒီးလိးက့ၤသုကမၢ်လၢပှၤကိးဂၤဒဲးတက့ၢ်. ပှၤလၢအဂ့ၤ ဒိးသွဲန့ၣ်, ဟ့ၣ်သွဲတက့ၢ်. ပှၤလၢအဂ့ၤဒိးကီးန့ၣ်, ဟ့ၣ် ကီးတက့ၢ်. ပှၤလၢပဂ့ၤပျံၤအီၤန့ၣ်, ပျံၤအီၤတက့ၢ်. ပှၤလၢ ပဂ့ၤယူးယီၣ်အီၤန့ၣ်, ယူးယီၣ်အီၤတက့ၢ်. ⁸ သုတအိၣ်ဒီး သုကမၢ်လၢပှၤနီတမံၤတဂ့ၤ. အိၣ်ထဲတမံၤ, လၢသုဘၣ် အဲၣ်လိာ်ကွံလိာ်သုသးတက့ၢ်. အဂ့ၢ်ဒ်အံၤ, ပှၤလၢအ အဲၣ်ပှၤဂၤန့ၣ်, မၤလၢထီၣ်ပှဲၤထီၣ်လံတၢ်သိၣ်တၢ်သီလံ― ⁹ အဂ့ၢ်ဒ်အံၤ, သုတအဲၣ်ဘၢမါအဲၣ်ဘၢဝၤတဂ့ၤ, သုတမၤ သံပှၤကညီတဂ့ၤ, သုတဟုၣ်တၢ်တဂ့ၤ, သုတသးကွံတၢ် တဂ့ၤ,+ ၂မိၤ. ၂၀း၁၃-၁၇|Exod.20.13-Exod.20.17*, ဒီးတၢ်မၤလိာ်အဂၤမ့ၢ်အိၣ် တထံၣ်ထံၣ်ဒီး, ကအိၣ်လၢတၢ်ကတိၤတထံၣ်အံၤအပူၤ လီၤ. အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးန့ၣ် တက့ၢ်.+ ၃မိၤ. ၁၉း၁၈|Lev.19.18¹⁰ တၢ်အဲၣ်န့ၣ်တမၤအၢဘၣ်ပှၤ အိၣ်လၢအဃၢၤနီတမံၤဘၣ်. မၤသးဒ်န့ၣ်ဒီးတၢ်အဲၣ်တၢ် ကွံန့ၣ်မ့ၢ်တၢ်မၤလၢထီၣ်ပှဲၤထီၣ်တၢ်သိၣ်တၢ်သီလီၤ.

¹¹ ဒီးတၢ်အံၤ, ပသ့ၣ်ညါ အဆၢအကတီၢ်လၢနၣ်ရံၣ် ဘၣ်လံလၢပကဖုသံနီၣ်လီၤ. အဂ့ၢ်ဒ်အံၤ, ခဲကနံၣ်အံၤ, တၢ်အုၣ်က့ၤခီၣ်က့ၤပှၤ အိၣ်ဘူးန့ၢ်လၢပနာ်ဆိတၢ်အ ခီၣ်ထံးန့ၣ်တက့ၢ်လီၤ. ¹² မုၢ်နၤကလၢာ်တ့ၢ်, ဒီးမုၢ်ဆါ ဘၣ်ဘူးထီၣ်လံ. မၤသးဒ်န့ၣ်ဒီးတၢ်ခံးအတၢ်မၤတဖၣ် န့ၣ်, ပာ်ကွံာ်သကိးတက့ၢ်. ဒီးဟံးထီၣ်သကိးတၢ်ကပီၤ အစုကဝဲၤတက့ၢ်. ¹³ ဒ်လၢမုၢ်ဆါခီအသိးန့ၣ်, လဲၤသကိး တၢ်ဂ့ၤဂ့ၤဘၣ်ဘၣ်တက့ၢ်. တမ့ၢ်ဘၣ်လၢဘူၣ်ဧိၤပွ့ဧိၤ, တၢ်အီလုၣ်ကိသံးဧိၤဂာ်ဧိၤအပူၤဘၣ်. တမ့ၢ်ဘၣ်လၢ တၢ်မၤကမၣ်မုၣ်ကမၣ်ခွါ, ဒီးလၢသးကလုာ်ကလိၤအ ပူၤဘၣ်. တမ့ၢ်ဘၣ်လၢတၢ်အ့ၣ်လိာ်ဆိးက့လိာ်, ဒီးတၢ် ထိၣ်ဂဲၤတၢ်သးက့ၣ်အပူၤဘၣ်. ¹⁴ မ့မ့ၢ်ကူထီၣ်သိးထီၣ် ကစၢ်ယ့ၣ်ရှူးခရံာ်န့ၣ်တက့ၢ်. ဒီးသုတကတဲာ်ကတီၤ တၢ်ဘၣ်ဃးဒီးတၢ်ဖံးတၢ်ညၣ်အသးကွံတၢ်အဂီၢ်တဂ့ၤ.

၁၄

¹ ဒီးပှၤဂံၢ်စၢ်ဘါစၢ်လၢတၢ်နာ်န့ၣ်, တူၢ်လိာ်အီၤဘၣ် ဆၣ်ဒီး, လၢတၢ်တဲးလိာ်ဃိလိာ် ဘၣ်ဃးဒီးတၢ်ဆိက မိၣ်န့ၣ်တမ့ၢ်ဘၣ်. ² ပှၤတနီၤနီၤနာ်ဝဲလၢအဂ့ၤအီၣ်တၢ် ခဲလၢာ်လီၤ. မ့မ့ၢ်ပှၤလၢအဂံၢ်စၢ်အဘါစၢ်န့ၣ်, အီၣ်တၢ် ဒိးတၢ်လၣ်လီၤ. ³ ပှၤလၢအအီၣ်တၢ်န့ၣ်, မ်အသုတမၤ တရီတပါပှၤလၢအတအီၣ်ဘၣ်တၢ်န့ၣ်တဂ့ၤ. ဒီးပှၤလၢ အတအီၣ်ဘၣ်တၢ်န့ၣ်, မ်အသုတစံၣ်ညီၣ်ပှၤလၢအအီၣ် တၢ်န့ၣ်တဂ့ၤ. အဂ့ၢ်ဒ်အံၤ, ယွၤတူၢ်လိာ်အီၤလံ. ⁴ ပှၤလၢ အစံၣ်ညီၣ်ပှၤဂၤအခ့အပှၤနဲဒၣ်အံၤ, နမ့ၢ်မတၤတဂၤ လဲၣ်. အဝဲဒၣ်န့ၣ်ဆၢထၢၣ်မ့ၢ်ဂ့ၤ, လီၤဃံၤမ့ၢ်ဂ့ၤ, မ့ၢ်လၢ အကစၢ်တဂၤဒၣ်ဝဲအမဲာ်ညါလီၤ. ဒီးကဆၢထၢၣ်ဝဲလီၤ. အဂ့ၢ်ဒ်အံၤ, ကစၢ်ဒုးဆၢထၢၣ်အီၤသ့လီၤ.

⁵ ပှၤတဂၤစံၣ်ညီၣ်ဝဲလၢမုၢ်တနံၤန့ၣ်, ဂ့ၤန့ၢ်မုၢ်နံၤအဂၤ တဖၣ်တက့ၢ်လီၤ. ဒီးပှၤတဂၤစံၣ်ညီၣ်ဝဲလၢကိးမုၢ်နံၤဂ့ၤ ဒ်သိးသိးလီၤ. မ်ပှၤနာ်ဝဲလၢလၢပှဲၤပှဲၤလၢအသးဒၣ်ဝဲ ကိးအဂၤဒဲးတက့ၢ်. ⁶ ပှၤလၢအတိၢ်မုၢ်တနံၤန့ၣ်, တိၢ်ဝဲ လၢယွၤအဃိ, ဒီးပှၤလၢအတတိၢ်ဘၣ်မုၢ်တနံၤန့ၣ်, တ တိၢ်ဘၣ်ဝဲ, မ့ၢ်လၢယွၤအဃိလီၤ. ဒီးပှၤလၢအအီၣ်တၢ် န့ၣ်, အီၣ်တၢ်လၢယွၤအဃိလီၤ. အဂ့ၢ်ဒ်အံၤ, မ့ၢ်အစံးထီၣ် ပတြၢၤယွၤအဘျုးအဖှိၣ်လီၤ. ဒီးပှၤလၢအတအီၣ်ဘၣ် တၢ်န့ၣ်, တအီၣ်ဘၣ်ဝဲ, မ့ၢ်လၢယွၤအဃိ, ဒီးစံးထီၣ်ပ တြၢၤယွၤအဘျုးအဖှိၣ်လီၤ.

⁷ အဂ့ၢ်ဒ်အံၤ, ပတမူဘၣ်လၢပဂီၢ်ဒၣ်ဝဲနီတဂၤဘၣ်, ဒီး ပတသံဘၣ်လၢပဂီၢ်ဒၣ်ပဝဲနီတဂၤဘၣ်. ⁸ အဂ့ၢ်ဒ်အံၣ်, ပမ့ၢ်မူဒီး, ပမူလၢကစၢ်အဂီၢ်, ဒီးပမ့ၢ်သံဒီး, ပသံလၢက စၢ်အဂီၢ်လီၤ. မၤသးဒ်န့ၣ်ဒီး, ပမူမ့ၢ်ဂ့ၤ, ပသံမ့ၢ်ဂ့ၤ, ပမ့ၢ်က စၢ်အတၢ်လီၤ. ⁹ အဂ့ၢ်ဒ်အံၤ, ဒ်သိးအကကဲထီၣ်ပှၤသံဒီး ပှၤမူတဖၣ်အကစၢ်ဒီး, ခရံာ်သံဝဲဒီး မူထီၣ်က့ၤဝဲလီၤ.

¹⁰ ဒီးနဲဒၣ်အံၤ, နစံၣ်ညီၣ်နဒီပုၢ်ဝဲၢ်ဘၣ်မနုၤလဲၣ်, ဒီးနမၤ တရီတပါနဒီပုၢ်ဝဲၢ်ဘၣ်မနုၤလဲၣ်. အဂ့ၢ်ဒ်အံၤ, ပဘၣ်ဆၢ ထၢၣ်လၢ ခရံာ်စံၣ်ညီၣ်တၢ် အလီၢ်ပစိာ် အမဲာ်ညါခဲ လၢာ်လီၤ. ¹¹ အဂ့ၢ်ဒ်အံၤ, တၢ်ကွဲးအသး, ကစၢ်စံးဝဲဒၣ်, ယမူယဲ, ဒီးကယဲၢ်ပှၤကချံးလီၤအခီၣ်လ့ၢ်ခိၣ်လၢယမဲာ် ညါ, ဒီးကယဲၢ်ပှၤအပျ့ၤကအၢၣ်လီၤအီလီၤယွၤကိးအဂၤ ဒဲးလီၤ.+ ၡါ. ၄၅း၂၃|Isa.45.23¹² မၤသးဒ်န့ၣ်ဒီး, ပဘၣ်ဟ့ၣ်တၢ်စံး ဆၢလၢယွၤလၢပကစၢ်ဒၣ်ပဝဲအဂ့ၢ်ကိးဂၤဒဲးလီၤ.

¹³ မၤသးဒ်န့ၣ်ဒီး, ပသုတစံၣ်ညီၣ်လိာ်လၢၤပသးသကိး သကိးတဂ့ၤ. မ့မ့ၢ်မ်ပစံၣ်ညီၣ်တၢ်အံၤတမံၤတက့ၢ်, လၢ ပှၤသုတပာ်တၢ်ဘၣ်တိၢ်အလီၢ်မ့ၢ်ဂ့ၤ, တၢ်လီၤဃံၤအ လီၢ်မ့ၢ်ဂ့ၤ, လၢအဒီပုၢ်ဝဲၢ်အကျဲတဂ့ၤ. ¹⁴ ယသ့ၣ်ညါဒီး တၢ်ဒုးနာ်ယၤသပှၢ်တၢၢ်လၢ ကစၢ်ယ့ၣ်ရှူးအပူၤ, လၢ တၢ်တကဆှီဒၣ်တၢ်တအိၣ်ဘၣ်နီတမံၤဘၣ်. ဘၣ်ဆၣ် ဒီးပှၤလၢအဆိကမိၣ် လၢတၢ်တမံၤမံၤမ့ၢ်တၢ်တကဆှီ ဘၣ်ဒီး, တၢ်န့ၣ်မ့ၢ်တၢ်တကဆှီဘၣ်လၢအဂီၢ်လီၤ. ¹⁵ ဒီး နဒီပုၢ်ဝဲၢ်အသးမ့ၢ်ဆါလၢနတၢ်အီၣ်အဃိဒီး, နတလဲၤ လၢၤဘၣ်ဒ်တၢ်အဲၣ်တၢ်ကွံအသိးဘၣ်. ပှၤလၢခရံာ်ဒိး သံအသးလၢအဂီၢ်န့ၣ်, နသုတမၤဟးဂီၤအီၤလၢနတၢ် အီၣ်န့ၣ်တဂ့ၤ. ¹⁶ မၤသးဒ်န့ၣ်ဒီး, သုတၢ်ဂ့ၤန့ၣ်မ်အသုတ ဘၣ်တၢ်ဒုၣ်ဒွဲၣ်အီၤတဂ့ၤ. ¹⁷ အဂ့ၢ်ဒ်အံၤ, ယွၤအဘီအမုၢ် တမ့ၢ်ဘၣ်တၢ်အီၣ်တၢ်အီဘၣ်. မ့ၢ်တၢ်တီတၢ်လိၤ, ဒီး တၢ်ဃူတၢ်ဖိး, ဒီးတၢ်သးခုလၢသးစီဆှံအပူၤလီၤ. ¹⁸ အ ဂ့ၢ်ဒ်အံၤ, ပှၤလၢအမၤခရံာ်အတၢ်လၢတၢ်န့ၣ်တဖၣ်အ ပူၤန့ၣ်, မ့ၢ်တၢ်ဘၣ်ယွၤအသးဒီး, တၢ်ဂ့ၤလၢပှၤကညီအ မဲာ်ညါလီၤ. ¹⁹ မၤသးဒ်န့ၣ်ဒီး, မ်ပလူၤတၢ်ဘၣ်ဃးဒီးတၢ်ဃူတၢ်ဖိး, ဒီးတၢ်ဒုးထီၣ်ဒုးထီလိာ်အသးသကိးသကိးတက့ၢ်.

²⁰ သုတမၤဟးဂီၤယွၤ အတၢ်မၤလၢ တၢ်အီၣ်အဃိတဂ့ၤ. တၢ်ခဲလၢာ်မ့ၢ်အကဆှီလီၤ. ဘၣ်ဆၣ်ဒီး, ပှၤလၢအအီၣ် တၢ်တုၤအကဲထီၣ် တၢ်ဘၣ်တိၢ်အလီၢ်န့ၣ် မ့ၢ်တၢ်အၢ လၢအဂီၢ်လီၤ. ²¹ အီၣ်တၢ်ညၣ်မ့ၢ်ဂ့ၤ, အီစပံးထံမ့ၢ်ဂ့ၤ, မၤ တၢ်အဂုၤအဂၤလၢအကမၤနဒီပုၢ်ဝဲၢ်ဘၣ်တိၢ်မ့ၢ်ဂ့ၤ, ဘၣ် တၢ်လီၤကမၣ်မ့ၢ်ဂ့ၤ, ဘၣ်တၢ်မၤစၢ်လီၤအဂံၢ်အဘါမ့ၢ် ဂ့ၤ, ဂ့ၤဟးဆှဲးပှၤလီၤ. ²² နတၢ်နာ်အိၣ်ဧါ. မ်အအိၣ်ဒီးန ကစၢ်ဒၣ်နဲလၢယွၤအမဲာ်ညါတက့ၢ်. ပှၤလၢအတစံၣ် ညီၣ်ဃၣ်လီၤအသးလၢအတၢ်မၤဒၣ်ဝဲန့ၣ်အဃိ, ဘၣ် ဆိၣ်ဂ့ၤဝဲလီၤ. ²³ ဘၣ်ဆၣ်ဒီးပှၤလၢအသးဒ့ဒီ, မ့ၢ်အီၣ်မ့ၢ် အီတၢ်ဒီး, မ့ၢ်အဘၣ်တၢ်စံၣ်ညီၣ်ဃၣ်လီၤ. အဂ့ၢ်ဒ်အံၤ, တဘၣ်ဃးဘၣ်ဒီးတၢ်နာ်ဘၣ်. ဒီးကယဲၢ်တၢ်လၢအတ ဘၣ်ဃးဘၣ်ဒီးတၢ်နာ်န့ၣ်, မ့ၢ်တၢ်ဒဲးဘးလီၤ.

၁၅

¹ ဒီးပှၤအိၣ်ဒီးအဂံၢ်အဘါပဝဲဒၣ်အံၤ, ပဂ့ၤဝံပှၤလၢအ ဂံၢ်အဘါတအိၣ်ဘၣ်အတၢ်ဂံၢ်စၢ်ဘါစၢ်, ဒီးတလူၤဘၣ် ပသးဒၣ်ပဝဲဘၣ်. ² မ်ပမၤဘၣ်ပှၤလၢပဃၢၤတဖၣ်အ သးလၢတၢ်ဂ့ၤ, လၢအကထီၣ်ဝဲထီဝဲအဂီၢ်ကိးဂၤဒဲးတ က့ၢ်. ³ အဂ့ၢ်ဒ်အံၤ, ခရံာ်န့ၣ်တလူၤဘၣ်အသးဒၣ်ဝဲဘၣ်. မ့မ့ၢ်ဒ်တၢ်ကွဲးအသးအသိးန့ၣ်, ပှၤလၢတၢ်ဒုၣ်ဒွဲၣ်နၤ န့ၣ်, အတၢ်ဒုၣ်ဒွဲၣ်န့ၣ်ဘၣ်ယၤလီၤ.+ စံး. ၆၉း၉|Ps.69.9⁴ အဂ့ၢ် ဒ်အံၤ, ဖဲဒၣ်တၢ်ကွဲးအသးတဘီလၢ်လၢ်န့ၣ်, ဘၣ်ကွဲးအ သးလၢပဘၣ်တၢ်သိၣ်တၢ်သီအဂီၢ်, ဒ်သိးတၢ်ဝံသးစူၤ, ဒီးတၢ်မၤမုာ် ဘၣ်ဃးဒီးတၢ်ကွဲးအသးတဖၣ်သတးဒီး ပကအိၣ်ဒီးတၢ်မုၢ်လၢ်လီၤ. ⁵ ဒီးတၢ်ဝံသးစူၤဒီးတၢ်မၤ မုာ်အကစၢ် မ်အဟ့ၣ်သုသးဆိကမိၣ်တၢ်တမံၤဃီသ ကိးသကိး, ဒ်ယ့ၣ်ရှူးခရံာ်အသိး, ⁶ ဒ်သိးသုကမၤလၤမၤ ကပီၤယွၤပကစၢ်ယ့ၣ်ရှူးခရံာ်အပၢ်, လၢသုသးတဖျၢၣ် ဃီ, ဒီးလၢသုထးခိၣ်တပူၤဃီန့ၣ်တက့ၢ်.

⁷ မၤသးဒ်န့ၣ်ဒီး, တူၢ်လိာ်လိာ်သုသးဒ်ခရံာ်တူၢ်လိာ်သု လၢယွၤအလၤကပီၤအဂီၢ်အသိးန့ၣ်တက့ၢ်. ⁸ အဂ့ၢ်ဒ် အံၤ, ယစံးလၢယ့ၣ်ရှူးခရံာ်ကဲထီၣ်လံလၢတၢ်ကူးတရံး အခ့အပှၤလၢယွၤအတၢ်မ့ၢ်တၢ်တီအဂီၢ်, ဒ်သိးအကမၤ ဂၢၢ်မၤကျၢၤတၢ်စံးပာ်လၢပၢ်သ့ၣ်တဖၣ်န့ၣ်လီၤ. ⁹ ဒီးဒ် သိးပှၤကလုာ်တဖၣ် ကမၤလၤကပီၤယွၤလၢအတၢ်သး ကညီၤအဃိ, ဒ်တၢ်ကွဲးအသးအသိးန့ၣ်, လၢတၢ်အံၤအဃိ, ယကအၢၣ်လီၤအီလီၤနၤလၢပှၤ ကလုာ်တဖၣ်အကျါ, ဒီးယကသးဝံၣ်ထီၣ်နမံၤလီၤ.+ စံး. ၁၈း၄၉|Ps.18.49

¹⁰ ဒီးစံးကဒီးဝဲ, ပှၤကလုာ်တဖၣ်ဧၢ, သးခုသကိးဒီးအပှၤဂီၢ်မုၢ်တ က့ၢ်.+ ၅မိၤ. ၃၂း၄၃|Deut.32.43

¹¹ ဒီးမၤကဒီးတစု, ပှၤကလုာ်ခဲလၢာ်သ့ၣ်ဧၢ, စံးထီၣ်ပတြၢၤယွၤတက့ၢ်. ဒီးပှၤဂီၢ်မုၢ်ခဲလၢာ်သ့ၣ်ဧၢ, သးဝံၣ်ထီၣ်အီၤတက့ၢ်.+ စံး. ၁၁၇း၁|Ps.117.1*.

¹² ဒီးမၤကဒီးတစု, စီၤယၡါယၤစံးဝဲဒၣ်, ယံးၡဲအဂံၢ်ကအိၣ်, ဒီးပှၤကဂဲၤဆၢထၢၣ်ပၢဘၣ်ပှၤကလုာ်တဖၣ်လီၤ. ဒီးပှၤကလုာ်တဖၣ်န့ၣ်, ကမုၢ်လၢ်တၢ်လၢအပူၤလီၤ.+ ၡါ. ၁၁း၁၀|Isa.11.10*.

¹³ ဒီးမ်တၢ်မုၢ်လၢ်အကစၢ်, မၤပှဲၤသုဒီးကယဲၢ်တၢ်သးခု ဒီးတၢ်ဃူတၢ်ဖိးလၢတၢ်နာ်အဃိ, ဒ်သိးသုကအါထီၣ် လၢတၢ်မုၢ်လၢ်, လၢသးစီဆှံအစိအကမီၤန့ၣ်တက့ၢ်.

¹⁴ ဒီးပုၢ်သ့ၣ်ဝဲၢ်သ့ၣ်ဧၢ, ယနာ်ယကစၢ်ဒၣ်ယဲလၢသုဂ့ၢ် လၢသုလၢထီၣ်ပှဲၤထီၣ်ဒီး တၢ်သ့ၣ်ညါခဲလၢာ်ဒီး, သု သိၣ်က့ၤသီက့ၤလိာ်သုသးစ့ၢ်ကီးဒီးသုပှဲၤထီၣ်ဒီးတၢ်ဂ့ၤ လီၤ. ¹⁵ ယပာ်ယသးခူတလ့ၢ်အါတက့ၢ်ဒီး, ကွဲးန့ၢ်သု, ပုၢ် သ့ၣ်ဝဲၢ်သ့ၣ်ဧၢ, တနီၤမ့ၢ်တၢ်ဒုးသ့ၣ်နီၣ်ထီၣ်က့ၤသုလၢ ယွၤဟ့ၣ်ယၤအဘျုးအဖှိၣ် ဒ်သိးယကကဲယ့ၣ်ရှူးခရံာ်အ ခ့အပှၤလၢပှၤကလုာ်တဖၣ်အဂီၢ်, ¹⁶ ဒီးဒ်သိးယတၢ်ပာ် ထီၣ်ပှၤကလုာ်တဖၣ်, ဒ်ပှၤလုၢ်တၢ်အဒိၣ်လၢယွၤအတၢ် သးခုအကစီၣ်န့ၣ်, ကကဲလၢတၢ်ဘၣ်အသးလၢသးစီ ဆှံမၤစီဆှံထီၣ်အီၤအဃိလီၤ. ¹⁷ မၤသးဒ်န့ၣ်ဒီး, ယပာ်ယ သးကဖၢလၢလၢယ့ၣ်ရှူးခရံာ်အပူၤ လၢတၢ်ဘၣ်ဃးဒီး ယွၤ, အလီၢ်အိၣ်ဝဲလီၤ. ¹⁸ အဂ့ၢ်ဒ်အံၤ, တၢ်လၢခရံာ်တမၤ ဘၣ်လၢယၤလၢတၢ်ကတိၤ, ဒီးလၢတၢ်မၤအပူၤလၢတၢ် အပနီၣ်ဒီးတၢ်လီၤလးအစိအကမီၤအပူၤ, ဒီးလၢယွၤအ သးအစိအကမီၤအပူၤဒ်သိးအကမၢပှၤကလုာ်တဖၣ်စူၢ် တၢ်အဂီၢ်ဒီး, ယကတိၤလၢအဂ့ၢ်တဘူၣ်ဘၣ်. ¹⁹ ဒ်န့ၣ်အ သိး, လၢယရူၤၡလ့ၣ်, ဒီးတၢ်အိၣ်ဝးတရံးပၢၢ်လၢအံး လူၤရံကူးတဖၣ်, ယစံၣ်တဲၤတဲလီၤလံခရံာ်အတၢ်သးခု အကစီၣ်လၢလၢပှဲၤပှဲၤလံ. ²⁰ ဒ်န့ၣ်အသိး, ယဂုာ်စံၣ်တဲၤ တဲလီၤတၢ်သးခုအကစီၣ်ဖဲ ပှၤတပှ့ၤဘၣ်ခရံာ်အမံၤဘၣ် အလီၢ် ဒ်သိးယသုတမၤထီၣ်တၢ်လၢ ပှၤဂၤပာ်တၢ်အ ခီၣ်ထံးအဖီခိၣ်တဂ့ၤအဂီၢ်လီၤ. ²¹ မ့မ့ၢ်ဒ်တၢ်ကွဲးအသး အသိးန့ၣ်, ပှၤလၢတၢ်တစံးဘၣ်အီၤလၢအဂ့ၢ်တဖၣ်န့ၣ်, က ထံၣ်ဝဲ, ဒီးပှၤလၢအတနၢ်ဟူဘၣ်တဖၣ်န့ၣ်, အနၢ်ကပၢၢ် တၢ်လီၤ.+ ၡါ. ၅၂း၁၅|Isa.52.15*.

²² လၢတၢ်န့ၣ်အဃိ, တၢ်တြီယလဲၤတၢ်ဆူသုအိၣ်အါမံၤ လီၤ. ²³ မ့မ့ၢ်ခဲကနံၣ်အံၤ, ယအိၣ်လၢကီၢ်တဖၣ်အံၤ, အ လီၢ်တအိၣ်လၢၤဘၣ်, ဒီးတၢ်မိၣ်လဲၤအိၣ်သကိးတ့ၢ်ယ သးဒီးသုအါနံၣ်အါလါသတးဒီး, ²⁴ တုၤယလဲၤဆူစပၤနံ ဒီး, ယမုၢ်လၢ်လၢယကထံၣ်ဘၣ်သုလၢယလဲၤတၢ်အဖၢ မုၢ်, ဒီးယရ့လိာ်ယသးဒီးသုဘျဲးရ့လိာ်ဒိၣ်ဒိၣ်ဆံးဆံးဒီး, သုကဆှၢယၤဆူန့ၣ်လီၤ.

²⁵ မ့မ့ၢ်ခဲကနံၣ်အံၤ, ဒ်သိးယကမၤပှၤစီဆှံသ့ၣ်တဖၣ်အ တၢ်ဒီး, ယလဲၤဆူယရူၤၡလ့ၣ်လီၤ. ²⁶ အဂ့ၢ်ဒ်အံၤ, ဘၣ်ပှၤ မၤက့းဒနံဖိဒီး ပှၤအဃါယၤဖိတဖၣ် အသးလၢအက ဟ့ၣ်ယုၢ်အတၢ်ဆူ ပှၤစီဆှံဘၣ်ဖှီၣ်ဘၣ်ယာ်လၢယရူၤၡ လ့ၣ်အပူၤလီၤ. ²⁷ ဘၣ်အသးန့ၣ်အဂ့ၢ်ဒ်အံၤ, အကမၢ် အိၣ်မးလၢအလိၤလီၤ. အဂ့ၢ်ဒ်အံၤ, ပှၤကလုာ်တဖၣ်န့ၣ် မ့ၢ်န့ၢ်ဃုာ်အဝဲသ့ၣ်အတၢ်ဘၣ်ဃးဒီးသးန့ၣ်ဒီး, အက မၢ်အိၣ်လၢ အကမၤက့ၤအဝဲသ့ၣ်အဂီၢ်လၢတၢ်ဘၣ်ဃး ဒီးတၢ်ဖံးတၢ်ညၣ်လီၤ. ²⁸ မၤသးဒ်န့ၣ်ဒီးယမၤတၢ်အံၤ, ဒီး စဲပနီၣ်ဃာ်အဝဲသ့ၣ်အဂီၢ်လၢတၤသၣ်အံၤဝံၤဒီး, ယက လဲၤလၢသုအိၣ်ဆူစပၤနံလီၤ. ²⁹ ဒီးတုၤယလဲၤဆူသုအိၣ် ဒီး, ယသ့ၣ်ညါလၢ ယကလဲၤလၢခရံာ်အတၢ်ဆိၣ်ဂ့ၤအ တၢ်လၢတၢ်ပှဲၤအပူၤလီၤ.

³⁰ ဒီးပုၢ်သ့ၣ်ဝဲၢ်သ့ၣ်ဧၢ, ဒ်သိးတၢ်ကထုးထီၣ်ကွံာ်ယၤ လၢပှၤတစူၢ်တနာ်ဘၣ်, လၢကီၢ်ယူဒၤ, အစုပူၤ, ³¹ ဒီးဒ် သိးယလဲၤမၤတၢ်ဆူယရူၤၡလ့ၣ်အံၤ, ကဘၣ်ပှၤစီဆှံအ

³² အသး, ဒီးဒ်သိးမ့ၢ်ဘၣ်ယွၤအသးဒီး, ယကလဲၤဒီးယ သူၣ်ခုသးခုဆူသုအိၣ်, ဒီးဒိးတၢ်ခုၣ်တၢ်မုာ်ဒီးသုဒီး, ယ ဃ့ကညးသုလၢပကစၢ်ယ့ၣ်ရှူးခရံာ်အဃိ, ဒီးတၢ်အဲၣ် ဘၣ်ဃးဒီးသးန့ၣ်အဃိ, ဒ်သိးသုကဂုာ်ဃုာ်ဒီးယၤလၢ တၢ်ဘါထုကဖၣ်အပူၤ, လၢယဂီၢ်လၢယွၤသပှၢ်ပှၢ်လီၤ.

³³ ဒီးတၢ်ဃူတၢ်ဖိးအကစၢ်န့ၣ်, မ်အအိၣ်ဒီးသုခဲလၢာ်တ က့ၢ်. အၤမ့ၣ်.

၁၆

¹ ယပာ်ပဒီပုၢ်ဝဲၢ်မုၣ်, လၢအမ့ၢ်တၢ်အိၣ်ဖှိၣ်လၢက့ၣ်ဃ ရ့းအခ့အပှၤ, နီၢ်ဖံဘ့ၤတဂၤ, လၢသုမဲာ်ညါ, ² ဒ်သိးသုက တူၢ်လိာ်အီၤလၢကစၢ်အပူၤ, ဒ်တၢ်အဂ့ၤအဘၣ်လၢပှၤ စီဆှံအသိး, ဒီးဖဲဒၣ်တၢ်မၤစၢၤအီၤအလီၢ်အိၣ်န့ၣ်, ဒ်သိး သုကမၤစၢၤအီၤလီၤ. အဂ့ၢ်ဒ်အံၤ, အဝဲတဂၤအကစၢ်ဒၣ် ဝဲန့ၣ်, မၤစၢၤတ့ၢ်ပှၤအါဂၤ, ဒီးယၤ, ယကစၢ်ဒၣ်ယဲစ့ၢ်ကီး လီၤ.

³ ကတိၤဒိၣ်ပှၤမၤဃုာ်တၢ်ဒီးယၤ လၢယ့ၣ်ရှူးခရံာ်အ ပူၤ, နီၢ်ပြံစကံးလၤ, ဒီးစီၤအကူလၤတက့ၢ်. ⁴ အဝဲသ့ၣ်ပာ် လီၤအကိာ်ဒၣ်ဝဲလၢယသးသမူအဂီၢ်လီၤ. ပှၤစံးထီၣ်ပ တြၢၤအဘျုးအဖှိၣ်, ထဲယၤတဂၤဧိၤတမ့ၢ်ဘၣ်, မ့ၢ်ပှၤက လုာ်တဖၣ်အတၢ်အိၣ်ဖှိၣ်ခဲလၢာ်စ့ၢ်ကီးလီၤ. ⁵ ကတိၤ ဒိၣ်တၢ်အိၣ်ဖှိၣ်လၢ အဝဲသ့ၣ်အဟံၣ်ပူၤစ့ၢ်ကီးတက့ၢ်. ကတိၤဒိၣ်ပှၤလၢယအဲၣ်အီၤ, အၤစံအတၤသၣ်ဆိလၢခ ရံာ်အပူၤ, စီၤအ့ပဲန့းတူးတက့ၢ်.

⁶ ကတိၤဒိၣ်ပှၤလၢအမၤတၢ်လၢပဂီၢ်အါမး, နီၢ်မၤရံတ က့ၢ်.

⁷ ကတိၤဒိၣ် ပှၤဘၣ်ဃုာ်ဃိာ်ပူၤ ဒီးယၤလၢအဒီဘူးဒီ တံၢ်ဒီးယၤ, စီၤအၤဒြနံကူးဒီးယူၤနံတက့ၢ်. အဝဲသ့ၣ်အိၣ် ဒီးအလၤကပီၤလၢ ပှၤတၢ်မၢဖိတဖၣ်အမဲာ်ညါဒီးအိၣ် ဆိန့ၢ်ယၤလၢခရံာ်အပူၤလီၤ.

⁸ ကတိၤဒိၣ်ပှၤလၢယအဲၣ်အီၤလၢကစၢ်အပူၤ, စီၤအၣ် ပျံတက့ၢ်.

⁹ ကတိၤဒိၣ် ပှၤလၢအမၤဃုာ်တၢ်ဒီးပှၤလၢခရံာ်အပူၤ, စီၤအူၢ်ဘါနူးဒီးပှၤလၢယအဲၣ်အီၤ, စီၤစတါဃူၣ်တက့ၢ်.

¹⁰ ကတိၤဒိၣ် ပှၤလၢတၢ်မၤကွၢ်တ့ၢ်အီၤလၢခရံာ်အပူၤ, စီၤအၤပ့းလ့ၣ်တက့ၢ်. ကတိၤဒိၣ်ပှၤလၢအဘၣ်ဃးဒီးစီၤ အရံးစတီးဘူလူးတဖၣ်တက့ၢ်.

¹¹ ကတိၤ ဒိၣ်စီၤဟ့ၤရဒံ, လၢအဒီဘူးဒီတံၢ်ဒီးယၤတ က့ၢ်. ကတိၤဒိၣ် ပှၤအိၣ်လၢကစၢ်အပူၤ, လၢအဘၣ်ဃးဒီး စီၤနၢ်ကံစူးတဖၣ်တက့ၢ်.

¹² ကတိၤဒိၣ် ပှၤလၢအမၤတၢ်လၢကစၢ်အပူၤ, နီၢ်တြူဖဲၤ နၤဒီးနီၢ်တြူဖိၤစၤတက့ၢ်. ကတိၤဒိၣ် ပှၤလၢတၢ်အဲၣ်အီၤလၢ အမၤတၢ်အါလၢ ကစၢ်အပူၤ, နီၢ်ပ့ၢ်စံတက့ၢ်.

¹³ ကတိၤဒိၣ် ပှၤဘၣ်တၢ်ဃုထၢအီၤလၢကစၢ်အပူၤ, စီၤ ရူဖူးဒီးအမိၢ်ဒီးယမိၢ်စ့ၢ်ကီးတက့ၢ်.

¹⁴ ကတိၤဒိၣ် စီၤအစူၣ်ကြံတူး, စီၤဖျ့ကီၣ်, စီၤဟ့ၣ်မၤ, စီၤပၤတြီးဘၤ, စီၤဟ့ၣ်မ့ၣ်, ဒီးဒီပုၢ်ဝဲၢ်အိၣ်ဒီးအီၤသ့ၣ်တ ဖၣ်တက့ၢ်.

¹⁵ ကတိၤဒိၣ် စီၤဖံၤလလီးကူး, ယူၤလံ, နၤရ့း, ဒီးအဝဲဒၣ် အဒီပုၢ်ဝဲၢ်မုၣ်တဂၤဒီးစီၤအီးလူၣ်ပၤ, ဒီးပှၤစီဆှံခဲလၢာ် လၢအအိၣ်ဒီးအီၤတက့ၢ်.

¹⁶ ကတိၤဒိၣ်လိာ်သုသးလၢတၢ်နၢမူစီဆှံတက့ၢ်. ခရံာ် အတၢ်အိၣ်ဖှိၣ်ခဲလၢာ်ကတိၤဒိၣ်သုလီၤ.

¹⁷ ဒီပုၢ်ဝဲၢ်သ့ၣ်ဧၢ, ယဃ့ကညးသုဒ်သိးသုကတိၢ်နီၣ်ပှၤ လၢအမၤတၢ်လီၤမုၢ်လီၤဖး, ဒီးပာ်တၢ်လီၤကမၣ်အလီၢ် ထီဒါတၢ်သိၣ်တၢ်သီလၢသုမၤလိအီၤန့ၣ်, ဒီးဟးဆှဲးအီၤ တက့ၢ်. ¹⁸ အဂ့ၢ်ဒ်အံၤ, ပှၤဒ်န့ၣ်သိးတဖၣ်မၤပကစၢ်ယ့ၣ် ရှူးခရံာ်အတၢ်တမ့ၢ်ဘၣ်, မ့ၢ်အဟၢဖၢဒၣ်ဝဲအတၢ်လီၤ. ဒီးလီန့ၢ်ပှၤလၢအသးဂ့ၤတဖၣ်, လၢတၢ်ကတိၤဂ့ၤဒီးတၢ် စံးထီၣ်ပတြၢၤလီၤ. ¹⁹ အဂ့ၢ်ဒ်အံၤ, သုစူၢ်တၢ်န့ၣ်ဟူထီသါလီၤလၢပှၤခဲလၢာ်အကျါလီၤ. မၤသးဒ်န့ၣ်ဒီး, ယသူၣ်ခု ယသးခုလၢသုဃိလီၤ. ဘၣ်ဆၣ်ဒီးယသးအိၣ်လၢသု ကူၣ်တၢ်ကသ့လၢတၢ်ဂ့ၤအဂီၢ်, ဒီးသုသးတဖးဘၣ်လၢ တၢ်အၢအဂီၢ်လီၤ. ²⁰ ဒီးတၢ်ဃူတၢ်ဖိးအကစၢ်န့ၣ်, ကမၤ သဘှံးမုၣ်ကီၤလံၢ်လၢသုခီၣ်အဖီလာ်ချ့သဒံးလီၤ. ပက စၢ်ယ့ၣ်ရှူးခရံာ်အဘျုးအဖှိၣ်မ်အအိၣ်ဒီးသုတက့ၢ်.

²¹ ပှၤမၤဃုာ်တၢ်ဒီးယၤစီၤတံၤမသ့း, ဒီးပှၤဒီဘူးဒီတံၢ်ဒီး ယၤ, စီၤလူကံၤ, ဒီးစီၤယါစီၣ်, ဒီးစီၤစီးပၤတြူးသ့ၣ်တဖၣ် ကတိၤဒိၣ်သုလီၤ.

²² ပှၤလၢအကွဲးလံာ်အံၤ, ယၤ, စီၤတ့ၢ်တံၤ, ကတိၤဒိၣ်သု လၢကစၢ်အပူၤလီၤ.

²³ ပှၤလၢအတူၢ်လိာ် လုၢ်အီၣ်ယၤဒီး တူၢ်လိာ်တၢ်အိၣ် ဖှိၣ်ဒီဖုညါ, စီၤကါယူးတဂၤကတိၤဒိၣ်သုလီၤ. ပှၤကွၢ်ဝ့ၢ်အစ့, စီၤအ့ရၤစတူး, ဒီးဒီပုၢ်ဝဲၢ်စီၤကူအၢ်တူး ကတိၤဒိၣ်သုလီၤ.

²⁴ ပကစၢ်ယ့ၣ်ရှူးခရံာ်အဘျုးအဖှိၣ်န့ၣ်, မ်အအိၣ်ဒီးသု ခဲလၢာ်တက့ၢ်. အၤမ့ၣ်. ²⁵ ဒီးပှၤလၢအမၤဂၢၢ်မၤကျၢၤသု သ့, ဒ်ယတၢ်သးခုအကစီၣ်ဒီးယ့ၣ်ရှူးခရံာ်အတၢ်စံၣ် တဲၤတဲလီၤအသိးန့ၣ်, ဒ်တၢ်လီၣ်ဖျါတၢ်ခူသူၣ်လၢအ အိၣ်ဘံၣ်ဝဲအစိၤအဃၣ်လၢပျၢၤ, ²⁶ ဘၣ်ဆၣ်ဒီး, အိၣ်ဖျါ ထီၣ်ခဲကနံၣ်အံၤ, ဒီးလၢဝံတဖၣ်အတၢ်ကွဲးအဃိ, ဒီးဒ် ယွၤအထူအယိာ်အတၢ်မၤလိာ်အသိး, ဘၣ်တၢ်ဒုးသ့ၣ် ညါအီၤလၢပှၤကိးကလုာ်ဒဲး, လၢတၢ်ဒိကနၣ်ဘၣ်ဃး ဒီးတၢ်နာ်အဂီၢ်အသိး, ²⁷ ယွၤတဂၤဃီလၢအကူၣ်တၢ်သ့ န့ၣ်, မ်အဘၣ်တၢ်လၤကပီၤလၢယ့ၣ်ရှူးခရံာ်အဃိ, အစိၤ စိၤအဃၣ်ဃၣ်တက့ၢ်. အၤမ့ၣ်.