လံာ်တၢ်လီၣ်ဖျါလၢစီၤယိၤဟၣ်

လံာ်တၢ်လီၣ်ဖျါလၢစီၤယိၤဟၣ်

၁

¹ ယ့ၣ်ရှူးခရံာ်အတၢ်လီၣ်ဖျါ လၢယွၤဟ့ၣ်လီၤအီၤ, ဒ် သိးအကဒုးနဲၣ်အခ့အပှၤတဖၣ်လၢ တၢ်လၢအဘၣ်မၤ အသးချ့ချ့တဖၣ်န့ၣ်လီၤ. ဒီးမၢလီၤအကလူး, ဒီးဒုးနဲၣ် ဝဲလၢအခ့အပှၤစီၤယိၤဟၣ်, ² လၢအအုၣ်အသးလၢယွၤ အကလုၢ်အကထါ, ဒီးယ့ၣ်ရှူးခရံာ်အတၢ်အုၣ်အသး, ဖဲ ဒၣ်တၢ်လၢအထံၣ်ဝဲတဖၣ်အဂ့ၢ်အကျိၤလီၤ.

³ ပှၤလၢအဖး, ဒီးပှၤလၢအနၢ်ဟူဝံအကလုၢ်အကထါ အံၤ, ဒီးတိၢ်န့ၢ်ဖံးဃာ်တၢ်ကွဲးအသးအိၣ်လၢအပူၤန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, အဆၢအကတီၢ်ဘၣ်ဘူး တ့ၢ်လီၤ.

⁴ ယၤစီၤယိၤဟၣ်အံၤ, ယစံးဘၣ်တၢ်အိၣ်ဖှိၣ်နွံပူၤအိၣ် လၢအၤစံအပူၤန့ၣ်, တၢ်ဘျုးတၢ်ဖှိၣ်, ဒီးတၢ်ဃူတၢ်ဖိး လၢပှၤလၢအအိၣ်, ဒီးအိၣ်တ့ၢ်, ဒီးကဟဲတဂၤ, ဒီးလၢသး နွံဖျၢၣ်အိၣ်လၢအလီၢ်ပစိာ်အမဲာ်ညါ, ⁵ ဒီးလၢယ့ၣ်ရှူး ခရံာ်လၢအမ့ၢ်ပှၤလၢအအုၣ်အသး လၢအကလုၢ်တီ, လၢအမ့ၢ်ပှၤအိၣ်ဖျဲၣ်ဆိလၢတၢ်သံန့ၣ်, ဒီးမ့ၢ်ဟီၣ်ခိၣ် စီၤပၤတဖၣ်အခိၣ်တဂၤအအိၣ်န့ၣ်, မ်အအိၣ်ဒီးသုတ က့ၢ်. ပှၤလၢအအဲၣ်ပှၤဒီး သ့စီကွံာ်ပတၢ်ဒဲးဘးလၢအ သွံၣ်ဒၣ်ဝဲ, ⁶ ဒီးပာ်ပှၤလၢဘီမုၢ်, ဒီးပှၤလုၢ်တၢ်အဒိၣ်တ ဖၣ်လၢယွၤဒီးအပၢ်အမဲာ်ညါတဂၤန့ၣ်, မ်တၢ်လၤတၢ် ကပီၤ, ဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ် တက့ၢ်. အၤမ့ၣ်.

⁷ ကွၢ်ကွၢ်, ဟဲလီၤဝဲအိၣ်ဒီးတၢ်အၢၣ်တဖၣ်, ဒီးပှၤလၢ အဆဲးအီၤ, ဒီးကယဲၢ်တၢ်အမဲာ်, ကထံၣ်ဘၣ်အီၤ, ဒီးက ယဲၢ်ပှၤကလုာ်ကလုာ်လၢဟီၣ်ခိၣ်ချၢ, ကဟီၣ်ဝဲယၢၤဝဲ လၢအဃိလီၤ. မ့ၢ်လံ, အၤမ့ၣ်.

⁸ ပှၤလၢအသ့တၢ်လၢာ်ကစၢ်ယွၤ, လၢအအိၣ်ဝဲ, ဒီးအိၣ် တ့ၢ်, ဒီးကဟဲဝဲတဂၤစံးစဲဒၣ်, ယမ့ၢ်က, ဒီးဧလီၤ.

⁹ ပှၤလၢအဒီတံၤဒီသကိးဒီးသုလၢ တၢ်နးတၢ်ဖှီၣ်အ ပူၤ, ဒီးလၢယ့ၣ်ရှူးအဘီအမုၢ်အပူၤ, ဒီးလၢတၢ်ဝံသးစူၤ အပူၤ, သုဒီပုၢ်ဝဲၢ်ယၤစီၤယိၤဟၣ်အံၤ, ယအိၣ်လၢကီးတ ဖျၢၣ်ကိးဝဲအမံၤလၢပးမူး, လၢယွၤအကလုၢ်အကထါအ ဃိ, ဒီးလၢယ့ၣ်ရှူးခရံာ်အတၢ်အုၣ်အသးအဃိန့ၣ်လီၤ.

¹⁰ ယအိၣ်လၢသးအပူၤလၢ ကစၢ်အမုၢ်တနံၤ, ဒီးယနၢ် ဟူတၢ်ကလုၢ်သီၣ်ဖးဒိၣ်လၢယချၢဃံဒ်ကွဲၤသီၣ်အသိး, ¹¹ ဒီးစံးဝဲဒၣ်, တၢ်လၢနထံၣ်, ကွဲးလၢလံာ်ပူၤ, ဒီးဟ့ၣ်ယုၢ်ဆူ တၢ်အိၣ်ဖှိၣ်နွံပူၤ, ဆူအ့းဖ့းစူး, ဒီးစမူရနၤ, ဒီးပ့ၢ်ကမူး, ဒီး သူၤအတံရၤ, ဒီးစၢ်ဒံ, ဒီးဖံၤလဒ့းလဖံ, ဒီးလီၤဒံၤကံတ က့ၢ်.

¹² ဒီးဒ်သိးယကထံၣ်တၢ်ကလုၢ်သီၣ်လၢအကတိၤတၢ် ဒီးယၤဒီး, ယဃၣ်ကဒါဃီၤယသးလီၤ. ယဃၣ်ကဒါ ဃီၤယသးဝံၤဒီး, ယထံၣ်ဘၣ်မ့ၣ်အူဒၢနွံဖျၢၣ်, ¹³ ဒီးလၢ မ့ၣ်အူဒၢအကျါ, ပှၤလီၤဂာ်လၢပှၤကညီဖိခွါကူသိးတၢ် တုၤလီၤလၢအခီၣ်ထံး, ဒီးကံၢ်တူာ်အယီၢ်တကိးထူလၢ အသးနါပှၢ်လီၤ. ¹⁴ ဒီးအခိၣ်, ဒီးအခိၣ်သူဝါဝဲဒ်သိအ ဆူၣ်အသိး, ဒီးဝါဝဲဒ်မူခီၣ်ဖီအသိး, ဒီးအမဲာ်သၣ်တိၣ်, ဒ် မ့ၣ်အူလၣ်အသိးန့ၣ်လီၤ. ¹⁵ ဒီးအခီၣ်လၣ်လီၤဂၤလၢ တိၢ်ဘီစီလၢအဘၣ်ပှံၢ်လၢမ့ၣ်အူအသိး, ဒီးအကလုၢ် သီၣ်, မၤသးဒ်ထံအါအသိးန့ၣ်လီၤ. ¹⁶ ဒီးဆၣ်နွံဖျၢၣ်အိၣ် လၢအစုထွဲပူၤ, ဒီးနးအကနၣ်အ့ၣ်ဂ့ၤလၢအကနၣ်အိၣ်ခံ ခီလိာ်, ဟဲထီၣ်လၢအထးခိၣ်ဒီးအမဲာ်အနါမၤသးဒ်မုၢ် ကပီၤထီၣ်လၢအစိကမီၤအပူၤအသိးန့ၣ်လီၤ.

¹⁷ ဒီးတုၤယထံၣ်ဘၣ်အီၤဒီးယလီၤဃံၤလၢအခီၣ်ထံး, ဒ် ပှၤသံအသိးလီၤ. ဒီးပာ်အစုထွဲလၢယလိၤ, ဒီးစံးဘၣ် ယၤ, ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ် လီၤ. ¹⁸ ဒီးယမ့ၢ်ပှၤလၢအမူ, ဒီးပှၤလၢအသံတ့ၢ်, ဒီးကွၢ် ကွၢ်, ယမူလီၤထူလီၤယိာ်, ဒီးယအိၣ်ဒီးတၢ်သံဒီးပျုၤပူၤ အနီၣ်ဝံာ်လီၤ. ¹⁹ မၤသးဒ်န့ၣ်ဒီး, တၢ်လၢနထံၣ်ဘၣ်လံ အီၤတဖၣ်, ဒီးတၢ်လၢအအိၣ်ဝဲတဖၣ်, ဒီးတၢ်လၢအက မၤအသးလၢတၢ်န့ၣ်အလီၢ်ခံတဖၣ်, ကွဲးတက့ၢ်. ²⁰ တၢ် ခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်လၢယစုထွဲအ ပူၤ, ဒီးမ့ၣ်အူဒၢထူနွံဖျၢၣ်န့ၣ်မ့ၢ်အအံၤ, ဆၣ်နွံဖျၢၣ်မ့ၢ် တၢ်အိၣ်ဖှိၣ်နွံပူၤအကလူးတဖၣ်, ဒီးမ့ၣ်အူဒၢနွံဖျၢၣ်မ့ၢ် တၢ်အိၣ်ဖှိၣ်နွံပူၤန့ၣ်လီၤ.

၂

¹ ကွဲးန့ၢ်အ့းဖ့းစူးအတၢ်အိၣ်ဖှိၣ်အကလူး, ပှၤလၢအ ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးဟးလၢမ့ၣ်အူဒၢ ထူနွံဖျၢၣ်အကျါတဂၤန့ၣ်, စံးတၢ်ဒ်အံၤ, ² ယသ့ၣ်ညါန တၢ်ဖံးတၢ်မၤ, ဒီးနမၤတၢ်တုၤတၢ်ဘှံးနသး, ဒီးနတၢ်ဝံ သးစူၤ, ဒီးလၢနအိၣ်ဘၣ်လိာ်ဒီးပှၤအအၢအသီတကဲ ဘၣ်, ဒီးပှၤလၢအစံးလီၤအသးလၢပှၤတၢ်မၢဖိဒီးတမ့ၢ် ဘၣ်ဝဲတဖၣ်န့ၣ်, နမၤကွၢ်အီၤ, ဒီးနထံၣ်န့ၢ်အီၤလၢအမ့ၢ် ပှၤကတိၤကဘျံးကဘျၣ်, ³ ဒီးလၢနအိၣ်ဒီးနတၢ်ဝံသး စူၤ, ဒီးနဒိးတၢ်လၢယမံၤအဃိ, ဒီးတၢ်တဘှံးဘၣ်နသး ဘၣ်လီၤ.

⁴ ဘၣ်ဆၣ်ဒီး, ယပာ်တၢ်ကမၣ်လၢနလိၤလီၤ. အဂ့ၢ်ဒ် အံၤ, နလဲၤသဒၣ်နတၢ်အဲၣ်လၢအခီၣ်ထံးတမံၤန့ၣ်လီၤ.

⁵ မၤသးဒ်န့ၣ်ဒီး, မ့ၢ်နလီၤတဲာ်ကွံာ်လၢလဲၣ်လၢလဲၣ် န့ၣ်သ့ၣ်နီၣ်ထီၣ်က့ၤ, ပီၢ်ယၢ်လီၤက့ၤနသး, ဒီးမၤက့ၤတၢ် လၢနမၤလၢသီန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယက ဟဲဆူနအိၣ်, ဒီးနမ့ၢ်တပီၢ်ယၢ်လီၤက့ၤနသးဘၣ်ဒီး, ယ ကစိာ်ကွံာ်နမ့ၣ်အူဒၢလၢအလီၢ်န့ၣ်လီၤ.

⁶ မ့မ့ၢ် နအိၣ်ဒီးနတၢ်အံၤတမံၤ, လၢနသးဟ့ပှၤနံၤက လါဖိအတၢ်မၤတဖၣ်လၢယသးဟ့စ့ၢ်ကီးလီၤ.

⁷ ပှၤအိၣ်ဒီးအနၢ်, မ်အနၢ်ဟူတၢ်လၢသးန့ၣ် စံးဘၣ် တၢ်အိၣ်ဖှိၣ်တဖၣ်တက့ၢ်. ပှၤလၢအမၤနၢၤတၢ်န့ၣ်, ယ ကဟ့ၣ်အီၣ်အီၤလၢသ့ၣ်မူ အိၣ်ဝဲလၢယွၤအပၤရဒံစူးအ သးကံၢ်ပူၤလီၤ.

⁸ ဒီးကွဲးန့ၢ်စမူရနၤအတၢ်အိၣ်ဖှိၣ်အကလူး, ပှၤလၢအ မ့ၢ်တၢ်အခီၣ်ထံးဒီးတၢ်အကတၢၢ်, ပှၤလၢအသံတ့ၢ်, ဒီး မူထီၣ်က့ၤတဂၤန့ၣ်, စံးတၢ်ဒ်အံၤ, ⁹ ယသ့ၣ်ညါနတၢ်နး တၢ်ဖှီၣ်, ဒီးနတၢ်ဖှီၣ်တၢ်ယာ်, ဘၣ်ဆၣ်ဒီးနထူးနတီၤ, ဒီး ယသ့ၣ်ညါပှၤအတၢ်ဒုၣ်ဒွဲၣ် လၢအစံးလီၤအသးလၢပှၤ ယူဒၤဖိ, ဒီးတမ့ၢ်ဘၣ်, မ့ၢ်လၢမုၣ်ကီၤလံၢ်အတၢ်အိၣ်ဖှိၣ် လီၤ. ¹⁰ တၢ်နးတၢ်ဖှီၣ်လၢအကဘၣ်နၤန့ၣ်သုတပျံၤအီၤ နီတမံၤတဂ့ၤ. ကွၢ်ကွၢ်, ဒ်သိးကလ့ပစီသုဒီး, မုၣ်ကီၤလံၢ် ကဒၢနုာ်သုလၢဃိာ်ပူၤတနီၤ, ဒီးသုကဘၣ်တၢ်နးတၢ် ဖှီၣ်ဆံဆဲၣ်သီလီၤ. အိၣ်နဲဆိးနဲလၢနကလုၢ်တီတုၤနသံ တက့ၢ်. ဒီးယကဟ့ၣ်နၤလၢ တၢ်မူအခိၣ်သလုးန့ၣ် လီၤ. ¹¹ ပှၤအိၣ်ဒီးအနၢ်, မ်အနၢ်ဟူတၢ်လၢသးန့ၣ်စံးဘၣ် တၢ်အိၣ်ဖှိၣ်တဖၣ်တက့ၢ်. ပှၤလၢအမၤနၢၤတၢ်န့ၣ်, တၢ် သံပှဲၤထီၣ်ခံစုတစုတမၤအၢဘၣ်အီၤဘၣ်.

¹² ဒီးကွဲးန့ၢ်တၢ်အိၣ်ဖှိၣ်လၢပ့ၢ်ကမူးအကလူး, ပှၤအိၣ် ဒီးအနးအ့ၣ်ဂ့ၤလၢအကနၣ်အိၣ်ခံခီလိာ်တဂၤန့ၣ်, စံး တၢ်ဒ်အံၤ, ¹³ ယသ့ၣ်ညါနအိၣ်နဆိးဖဲမုၣ်ကီၤလံၢ်အလီၢ် ပစိာ်အိၣ်ဝဲအလီၢ်, ဒီးနဟံးဃာ်ယမံၤ, ဒီးလၢယပှၤအုၣ် သးအကလုၢ်တီစီၤအၣ်တံပၤ, ဒိးသံအသးလၢယဃိ လၢသုကျါ, ဖဲမုၣ်ကီၤလံၢ်အိၣ်ဝဲအလီၢ်, အမုၢ်နံၤတဖၣ် ဒၣ်လဲာ်န့ၣ်, နတသမၢဘၣ်ယတၢ်နာ်ဘၣ်လီၤ.

¹⁴ ဘၣ်ဆၣ်ဒီးယပာ် တၢ်ကမၣ်အဆံးအစှၤလၢနလိၤ, အဂ့ၢ်ဒ်အံၤ, နအိၣ်ဒီးပှၤဖဲန့ၣ်, လၢအဟံးဃာ်စီၤဘံးလၣ် အတၢ်သိၣ်တၢ်သီ, လၢအသိၣ်က့ၤသီက့ၤစီၤဘၤလး, ဒ် သိးအကပာ်တၢ်လီၤဃံၤအလီၢ်လၢ ပှၤအံၣ်စရ့လးဖိအ မဲာ်ညါ, ဒ်သိးပှၤကအီၣ်တၢ်လၢပှၤလုၢ်လၢတၢ်ဂီၤ, ဒီးမၤ ကမၣ်မုၣ်ကမၣ်ခွါလီၤ. ¹⁵ ဒ်န့ၣ်အသိး, နအိၣ်ဒီးပှၤလၢ အဟံးဃာ်စီၤနံၤကလါ အတၢ်သိၣ်တၢ်သီဒ်န့ၣ်အသိး စ့ၢ်ကီးလီၤ. ¹⁶ ပီၢ်ယၢ်လီၤက့ၤနသးတက့ၢ်. မ့တမ့ၢ်ဘၣ် ဒီး, ယကဟဲဆူနအိၣ်ချ့ချ့, ဒီးယဒုးတၢ်ဒီးပှၤတဖၣ်န့ၣ် လၢယထးခိၣ်အနးလီၤ.

¹⁷ ပှၤအိၣ်ဒီးအနၢ်, မ်အနၢ်ဟူတၢ်လၢသးန့ၣ်စံးဘၣ် တၢ်အိၣ်ဖှိၣ်တဖၣ်တက့ၢ်. ပှၤလၢအမၤနၢၤတၢ်န့ၣ်, ယ ကဟ့ၣ်အီၤလၢမၤနၤခူသူၣ်, ဒီးယကဟ့ၣ်အီၤလၢလၢၢ် ဝါတဖျၢၣ်, ဒီးအမံၤသီကွဲးအသးလၢလၢၢ်အလိၤလၢပှၤ တသ့ၣ်ညါဘၣ်နီတဂၤဘၣ်. သ့ၣ်ညါထဲပှၤလၢအဒိးန့ၢ် အီၤတဂၤဧိၤလီၤ.

¹⁸ ဒီးကွဲးန့ၢ်တၢ်အိၣ်ဖှိၣ်လၢ သူၤအတံရၤအကလူး, ပှၤ အိၣ်ဒီးအမဲာ်သၣ်တိၣ်ဒ်မ့ၣ်အူလၣ်, ဒီးအခီၣ်ဒ်တိၢ်ဘီစီ အသိးန့ၣ်, ယွၤအဖိခွါတဂၤ, စံးတၢ်ဒ်အံၤ, ¹⁹ ယသ့ၣ်ညါ နတၢ်ဖံးတၢ်မၤ, ဒီးနတၢ်အဲၣ်တၢ်ကွံ, ဒီးနမၤတၢ်အခ့အ ပှၤအတၢ်မၤ, နတၢ်စူၢ်တၢ်နာ်, ဒီးနတၢ်ဝံသးစူၤ, ဒီးနတၢ် မၤလၢခံကတၢၢ်န့ၣ်အါန့ၢ်လၢသီတက့ၢ်လီၤ.

²⁰ ဘၣ်ဆၣ်ဒီးယပာ်တၢ်ကမၣ်လၢနလိၤ, အဂ့ၢ်ဒ်အံၤ, နတူၢ်လိာ်ပိာ်မုၣ်, နီၢ်အံၤစ့ဘ့ၤလး, လၢအစံးလီၤအသး လၢဝံမုၣ်တဂၤ, ဒီးအဝဲဒၣ်သိၣ်က့ၤသီက့ၤတၢ်လၢအ တၢ်ကမၣ်မုၣ်ကမၣ်ခွါ, ဒီးလီန့ၢ်ယခ့ယပှၤ, ဒ်သိးအ ကမၤကမၣ်မုၣ်ကမၣ်ခွါ, ဒီးအီၣ်တၢ်လၢပှၤလုၢ်လၢတၢ် ဂီၤလီၤ. ²¹ ဒီးယဟ့ၣ်အဝဲဒၣ်အဆၢကတီၢ်ဒ်သိးအကပီၢ် ယၢ်လီၤက့ၤအသးလီၤ. ဒီးပီၢ်ယၢ်လီၤက့ၤအသးလၢအ တၢ်မၤကမၣ်မုၣ်ကမၣ်ခွါန့ၣ်အသးတအိၣ်ဘၣ်. ²² ကွၢ် ကွၢ်, ယတ့ၢ်လီၤအီၤဆူလီၢ်မံပူၤဒီးပှၤလၢအမၤကမၣ်မါ ဒီးအီၤတဖၣ်န့ၣ်, မ့ၢ်တပီၢ်ယၢ်လီၤက့ၤအသးလၢအတၢ် မၤတဖၣ်ဘၣ်ဒီး, (ယကတ့ၢ်လီၤအီၤ)ဆူတၢ်နးတၢ်ဖှီၣ် ဖးဒိၣ်အပူၤလီၤ. ²³ ဒီးယကမၤသံအဖိတဖၣ်လၢတၢ်သံ, ဒီးတၢ်အိၣ်ဖှိၣ်ခဲလၢာ်ကသ့ၣ်ညါလၢယမ့ၢ်ပှၤလၢအဃု ကွၢ်ပှၤကလ့ၢ်ဒီးအသူၣ်အသးလီၤ. ဒီးယကဟ့ၣ်သုဒ် သုမၤတၢ်အသိးန့ၣ်ကိးဂၤဒဲးလီၤ.

²⁴ ဘၣ်ဆၣ်ဒီးယစံးဘၣ်သု, ပှၤလၢသူၤအတံရၤလၢအ အိၣ်လီၤတဲာ်, လၢအတဟံးန့ၢ်တၢ်သိၣ်တၢ်သီအဝဲန့ၣ် ဘၣ်, ဒီးတသ့ၣ်ညါဘၣ်မုၣ်ကီၤလံၢ်အတၢ်ယိာ်ဒ်အဝဲ သ့ၣ်စံးအသိးန့ၣ်, တၢ်ဝံတၢ်စိာ်အဂုၤအဂၤ ယတပာ် ဘၣ်လၢသုလိၤဘၣ်. ²⁵ ဘၣ်ဆၣ်ဒီး တၢ်လၢသုန့ၢ်ဘၣ် န့ၣ်, ဟံးဃာ်တုၤယဟဲန့ၣ်တက့ၢ်. ²⁶ ပှၤလၢအမၤနၢၤ တၢ်, ဒီးဟံးဃာ်ယတၢ်မၤတုၤအကတၢၢ်န့ၣ်, ယကဟ့ၣ် အီၤလၢအစိအကမီၤလၢပှၤကလုာ်တဖၣ်အဖီခိၣ်, ²⁷ ဒီး ကပၢဘၣ်အီၤဒီးနီၣ်တီၢ်ထး, ဒီးကမၤသဘှံးအီၤဒ်ပှၤမၤ သဘှံးသပၢၤအသိး, ဒ်ယဒိးန့ၢ်တၢ်လၢယပၢ်အသိးန့ၣ် လီၤ. ²⁸ ဒီးယကဟ့ၣ်လီၤအီၤလၢဆၣ်တူၢ်ဂီၤလီၤ.

²⁹ ပှၤအိၣ်ဒီးအနၢ်, မ်အနၢ်ဟူတၢ်လၢသးန့ၣ်စံးဘၣ် တၢ်အိၣ်ဖှိၣ်တဖၣ်တက့ၢ်.

၃

¹ ဒီးကွဲးန့ၢ်တၢ်အိၣ်ဖှိၣ်လၢစၢ်ဒံအကလူး, ပှၤအိၣ်ဒီး ယွၤအသးနွံဖျၢၣ်, ဒီးဆၣ်နွံဖျၢၣ်တဂၤန့ၣ်, စံးတၢ်ဒ်အံၤ, ယသ့ၣ်ညါနတၢ်ဖံးတၢ်မၤ, ဒီးနမံၤအိၣ်လၢနမူ, ဒီးနသံ လီၤ. ² ဆိးသီတက့ၢ်. တၢ်လၢအအိၣ်လီၤတဲာ်လၢအ ကသံတ့ၢ်တဖၣ်န့ၣ်, ဒုးဆူၣ်ထီၣ်အဂံၢ်အဘါတက့ၢ်. အ ဂ့ၢ်ဒ်အံၤ, ယတထံၣ်န့ၢ်ဘၣ်နတၢ်ဖံးတၢ်မၤလၢထီၣ်ပှဲၤ ထီၣ်လၢယွၤအမဲာ်ညါဘၣ်. ³ မၤသးဒ်န့ၣ်ဒီး, နဒိးန့ၢ်တၢ် ဒီးနနၢ်ဟူတၢ်ဒ်လဲၣ်ဒ်လဲၣ်န့ၣ်သ့ၣ်နီၣ်ထီၣ်တက့ၢ်. ဒီး တိၢ်န့ၢ်တၢ်, ဒီးပီၢ်ယၢ်လီၤက့ၤနသးတက့ၢ်. နမ့ၢ်တဆိး သီဘၣ်ဒီး, ယကဟဲဆူနအိၣ်, ဒ်တၢ်ဟုၣ်တၢ်ဘျၣ်အသိး ဒီးယကဟဲဆူနအိၣ်နၣ်ရံၣ်ဖဲလဲၣ်ဖဲလဲၣ်န့ၣ်, နတသ့ၣ် ညါဘၣ်.

⁴ ဘၣ်ဆၣ်ဒီး နအိၣ်ဒီး ပှၤအမံၤလၢစၢ်ဒံအပူၤစှၤဂၤ, လၢအတမၤဘၣ်အၢဘၣ်အကူအသိးန့ၣ်, ဒီးကဟးဝဲဒီး ယၤလၢအကူအသိးဝါလီၤ. အဂ့ၢ်ဒ်အံၤ, မ့ၢ်အဂ့ၤအဘၣ် လီၤ.

⁵ ပှၤလၢအမၤနၢၤတၢ်န့ၣ်, ကကူကသိးဝဲဒီးတၢ်ဝါ, ဒီး ယတတြူာ်ကွံာ်ဘၣ်အမံၤလၢ လံာ်မူအပူၤလ့ၤတက့ၤ ဘၣ်, ဒီးယကအၢၣ်လီၤအီလီၤအမံၤလၢယပၢ်အမဲာ်ညါ, ဒီးအကလူးတဖၣ်အမဲာ်ညါလီၤ.

⁶ ပှၤအိၣ်ဒီးအနၢ်, မ်အနၢ်ဟူတၢ်လၢသးန့ၣ် စံးဘၣ် တၢ်အိၣ်ဖှိၣ်တဖၣ်တက့ၢ်.

⁷ ဒီးကွဲးန့ၢ် တၢ်အိၣ်ဖှိၣ်လၢ ဖံၤလဒ့းလဖံအကလူး တၢ်စီဆှံ, တၢ်မ့ၢ်တၢ်တီ, ပှၤအိၣ်ဒီးစီၤဒၤဝံးအနီၣ်ဝံာ်, ဒီး အိးထီၣ်တၢ်ဒီးပှၤတကးတံာ်ဃာ်ဘၣ်နီတဂၤဘၣ်, ဒီး ကးတံာ်ဃာ်တၢ်ဒီးပှၤ တအိးထီၣ်ဘၣ်နီတဂၤဘၣ်တ ဂၤန့ၣ်, စံးတၢ်ဒ်အံၤ, ⁸ နတၢ်ဖံးတၢ်မၤယသ့ၣ်ညါလီၤ. ကွၢ်ကွၢ်, ယဟ့ၣ်လံတြဲၤအိၣ်အိးထီၣ်အသးလၢပှၤကး တံာ်ဃာ်အီၤတသ့ဘၣ် နီတဂၤဘၣ်လၢနမဲာ်ညါလီၤ. အဂ့ၢ်ဒ်အံၤ, နအိၣ်ဒီးနဂံၢ်နဘါတဆံးတက့ၢ်, ဒီးနတိၢ် န့ၢ်ယကလုၢ်ယကထါ, ဒီးနတသမၢဘၣ်ယမံၤဘၣ်. ⁹ ကွၢ်ကွၢ်, ပှၤဘၣ်ဃးဒီး မုၣ်ကီၤလံၢ်အတၢ်အိၣ်ဖှိၣ် လၢအစံးလီၤအသးလၢ ပှၤယူဒၤဖိဒီးတမ့ၢ်ဘၣ်, မ့ၢ်ပှၤ လၢအကတိၤကဘျံးကဘျၣ်တဖၣ်န့ၣ်, ယဟ့ၣ်လီၤလၢ နစုပူၤ, ကွၢ်ကွၢ်, ယကဒုးဟဲအီၤဆူနအိၣ်ဒ်သိးအကဘါ တၢ်လၢနခီၣ်ထံး, ဒီးကသ့ၣ်ညါဝဲလၢယအဲၣ်နၤလီၤ.

¹⁰ အဂ့ၢ်ဒ်အံၤ, မ့ၢ်နဟံးဃာ်ယတၢ်ဝံသးစူၤအကလုၢ်အ ကထါဒီး, ယကဟံးဃာ်နၤလၢတၢ်လ့ပစီအနၣ်ရံၣ်လၢ အကဟဲဘၣ်တ့ၢ်ဝဲ, ဒီးလ့ပစီပှၤအိၣ်သကုၤဆးဒးလၢ ဟီၣ်ခိၣ်ချၢန့ၣ်လီၤ.

¹¹ ယဟဲချ့ချ့လီၤ. ဒ်သိးပှၤသုတဟံးန့ၢ်နခိၣ်သလုးတ ဂ့ၤဒီး, ဟံးဃာ်တၢ်အိၣ်ဒီးနၤတက့ၢ်. ¹² ပှၤလၢအမၤနၢၤ တၢ်န့ၣ်, ယကမၤအီၤလၢဟံၣ်ထူၣ်လၢယကစၢ်အတၢ် လုၢ်ဟံၣ်ပူၤ, ဒီးတဟးထီၣ်လၢၤဘၣ်ဆူခိဘၣ်. ဒီးယက ကွဲးယကစၢ်အမံၤ, ဒီးယကစၢ်အဝ့ၢ်ယရူၤၡလ့ၣ်အသီ လၢအဟဲလီၤလၢမူခိၣ်လၢယကစၢ်အအိၣ်အမံၤ, ဒီးယ မံၤသီဒၣ်ယဲ, လၢအလိၤန့ၣ်လီၤ.

¹³ ပှၤအိၣ်ဒီးအနၢ်, မ်အနၢ်ဟူတၢ်လၢ သးန့ၣ်စံးဘၣ် တၢ်အိၣ်ဖှိၣ်တဖၣ်တက့ၢ်.

¹⁴ ဒီးကွဲးန့ၢ်တၢ်အိၣ်ဖှိၣ်လၢ လီၤဒံၤကံအကလူး, တၢ် အၤမ့ၣ်, ပှၤအုၣ်အသးအကလုၢ်တီအတီအလိၤ, တၢ်အ ခီၣ်ထံးလၢယွၤတ့လီၤတၢ်တဂၤန့ၣ်, စံးတၢ်ဒ်အံၤ, ¹⁵ ယ သ့ၣ်ညါနတၢ်ဖံးတၢ်မၤလၢခုၣ်ဧီၢ်တခုၣ်, ကိၢ်ဧီၢ်တကိၢ် ဘၣ်လီၤ. နခုၣ်မ့ၢ်ဂ့ၤ, နကိၢ်မ့ၢ်ဂ့ၤ, ယသးအိၣ်လၢနကမ့ၢ် တမံၤမံၤလီၤ. ¹⁶ မၤသးဒ်န့ၣ်ဒီး, နတခုၣ်ဘၣ်, နတကိၢ် ဘၣ်, မ့ၢ်နလၢၤဒီး, ယကဘှိးထီၣ်ကွံာ်နၤလၢယကိာ်ပူၤ လီၤ. ¹⁷ မ့ၢ်နစံးလီၤနသး, ယမ့ၢ်ပှၤအထူးအတီၤ, ဒီးယစု လီၢ်ယခီၣ်ခိၣ်အါထီၣ်လံ, ဒီးယကန့ၢ်ဘၣ်ဒံးတၢ်တမံၤ မံၤအလီၢ်တအိၣ်ဘၣ်, ဒီးနတသ့ၣ်ညါဘၣ်လၢနဘၣ် တၢ်နးတၢ်ဖှီၣ်, ဒီးတၢ်သးကညီၤနၤအလီၢ်အိၣ်, ဒီးနဘၣ် တၢ်ဖှီၣ်တၢ်ယာ်, ဒီးနမဲာ်ဘျီၣ်, ဒီးနအိၣ်ဘ့ၣ်ဆ့သတး ဒီး, ¹⁸ ယဒုးကူၣ်ဘၣ်ကူၣ်သ့နၤ, လၢနကပှ့ၤထူလၢအ ဘၣ်ပှံၢ်စီဝဲလၢမ့ၣ်အူလၢယၤ, ဒ်သိးနကထူးထီၣ်တီၤ ထီၣ်, ဒီးဒ်သိးနကကူတၢ်သိးတၢ်, ဒီးနအိၣ်ဘ့ၣ်ဆ့အ တၢ်မဲာ်ဆှးသုတအိၣ်တဂ့ၤဒီး, ပှ့ၤနကူနသိးတၢ်ဝါလၢ ယၤတက့ၢ်. ဒီးဒ်သိးနကထံၣ်ဘၣ်က့ၤတၢ်ဒီး, ဖှူနမဲာ်ဒီး ကသံၣ်မဲာ်ဆါတက့ၢ်. ¹⁹ ဖဲဒၣ်ပှၤလၢယအဲၣ်အီၤတဖၣ် န့ၣ်, ယသိၣ်ဃီၣ်အီၤ, ဒီးယသိၣ်က့ၤသီက့ၤအီၤလီၤ. မၤ သးဒ်န့ၣ်ဒီး, ဂဲၤလိာ်ဒီးပီၢ်ယၢ်လီၤက့ၤနသးတက့ၢ်.

²⁰ ကွၢ်ကွၢ်, ယဆၢထၢၣ်လၢတြဲၤအခီၣ်ထံးဒီးဒိတကျိာ် တၢ်လီၤ. ပှၤမ့ၢ်နၢ်ဟူယကလုၢ်ဒီးအိးထီၣ်တြဲၤတဂၤဂၤ ဒီး, ယကလဲၤနုာ်ဆူအအိၣ်, ဒီးအီၣ်ဃုာ်အီဃုာ်တၢ်ဒီး အီၤလၢဟါအီၣ်, ဒီးကအီၣ်ဃုာ်အီဃုာ်ဒီးယၤလီၤ. ²¹ ပှၤ လၢအမၤနၢၤတၢ်န့ၣ်, ယကဒုးဆ့ၣ်နီၤအီၤဒီးယၤလၢယ လီၢ်ပစိၣ်အဖီခိၣ်, ဒ်ယမၤနၢၤတၢ်ဒီးယဆ့ၣ်နီၤဒီးယပၢ် လၢအလီၢ်ပစိာ်အဖီခိၣ်အသိးန့ၣ်လီၤ.

²² ပှၤအိၣ်ဒီးအနၢ်န့ၣ်, မ်အနၢ်ဟူတၢ်လၢသးန့ၣ်စံးဘၣ် တၢ်အိၣ်ဖှိၣ်တဖၣ်တက့ၢ်.

၄

¹ တၢ်န့ၣ်တဖၣ်အလီၢ်ခံဒီး, ယထံၣ်တၢ်, ဒီးကွၢ်ကွၢ်, တြဲၤအိၣ်အိးထီၣ်အသးလၢမူခိၣ်, ဒီးတၢ်ကလုၢ်သီၣ်အ ခီၣ်ထံးလၢယနၢ်ဟူကတိၤတ့ၢ်ဒီးယၤဒ်ကွဲၤသီၣ်အသိး န့ၣ်, စံးဝဲဒၣ်, ဟဲက့ၤထီၣ်ဖဲအံၤ, ဒီးယကဒုးနဲၣ်နၤလၢ တၢ်လၢအဘၣ်မၤအသးလၢတၢ်န့ၣ်တဖၣ်အလီၢ်ခံလီၤ.

² ဒီးယအိၣ်လၢသးန့ၣ်အပူၤတကီၢ်ခါ, ဒီးကွၢ်ကွၢ်, လီၢ်ပစိာ်အိၣ်ပာ်လီၤအသးလၢမူခိၣ်, ဒီးပှၤတဂၤဆ့ၣ် နီၤလၢအဖီခိၣ်လီၤ. ³ ဒီးပှၤလၢအဆ့ၣ်နီၤလၢအဖီခိၣ် န့ၣ်, ဖျါဝဲလီၤဂာ်လၢတၢ်မျၢ်နကၤသွဲးဒီးတၢ်မျၢ်ဆီသွံၣ် အသိး, ဒီးတၢၢ်ကွဲၤအိၣ်ဝးတရံးလီၢ်ပစိာ်န့ၣ်, ဖျါဝဲလီၤ ဂာ်လၢတၢ်မျၢ်ဟ့မၠးလီၤ. ⁴ ဒီးဝးတရံးလီၢ်ပစိာ်န့ၣ်, လီၢ် ပစိာ်ခံဆံလွံၢ်ဖျၢၣ်အိၣ်ဝဲ, ဒီးပှၤသူၣ်က့သးပှၢ်ကူသိးဒီး တၢ်ကူတၢ်သိးဝါ, ဒီးကုာ်ခိၣ်သလုးထူခံဆံလွံၢ်ဂၤ, ဆ့ၣ် နီၤဝဲလၢလီၢ်ပစိာ်တဖၣ်န့ၣ်လီၤ. ⁵ ဒီးလီဝၢ်အဒံး, ဒီးလီ သီၣ်, ဒီးတၢ်အကလုၢ်သီၣ်တဖၣ်, ဟဲထီၣ်လၢလီၢ်ပစိာ် အပူၤ, ဒီးမ့ၣ်အူဒၢနွံဖျၢၣ်လၢအမ့ၢ်ယွၤသးနွံဖျၢၣ်, ကဲၤက ပီၤလၢလီၢ်ပစိာ်အမဲာ်ညါလီၤ. ⁶ ဒီးပီၣ်လဲၣ်ယွၤခၣ်စိး လီၤဂာ်လၢလၢၢ်ဖျါကလၤ, အိၣ်ဝဲလၢလီၢ်ပစိာ်အမဲာ် ညါလီၤ. ဒီးတၢ်အသးလွံၢ်ဒုလၢပှဲၤဝဲဒီးအမဲာ်သၣ်တိၣ် လၢညါဒီးလၢအချၢဃံန့ၣ်, အိၣ်ဝဲဖဲလီၢ်ပစိာ်အဖးဖီဒီး အိၣ်ဝးတရံးလီၢ်ပစိာ်လီၤ. ⁷ ဒီးတၢ်အသးအခီၣ်ထံးတ ဒုန့ၣ်, လီၤဂာ်လၢခ့ယုၢ်, ဒီးတၢ်အသးပှဲၤထီၣ်ခံဒုတဒု န့ၣ်, လီၤဂာ်လၢဂီၤဖံးဖိ, ဒီးတၢ်အသးပှဲၤထီၣ်သၢဒုတဒု န့ၣ်အမဲာ်လီၤဂာ်လၢပှၤကညီ, ဒီးတၢ်အသးပှဲၤထီၣ်လွံၢ် ဒုတဒုန့ၣ်လီၤဂာ်လၢလံာ်ဖးဒိၣ်လၢအယူၤဝဲလီၤ. ⁸ ဒီး တၢ်အသးလွံၢ်ဒုန့ၣ်အိၣ်ဒီးအဒံးဆ့တဒုဃုဘ့ၣ်, တဒုဃု ဘ့ၣ်, ဒီးလၢခိဝးတရံး, ဒီးလၢအပူၤလၢပှဲၤဝဲဒီးအမဲာ် သၣ်တိၣ်လီၤ. ဒီးလၢမုၢ်ဆါမ့ၢ်ဂ့ၤ, လၢမုၢ်နၤမ့ၢ်ဂ့ၤ, တ ဆိတ့ၢ်ဘၣ်, ဒီးစံးဝဲဒၣ်, ယွၤလၢအသ့တၢ်လၢာ်, လၢအ အိၣ်တ့ၢ်လံ, ဒီးလၢအအိၣ်ဝဲ, ဒီးလၢအကဟဲတဂၤန့ၣ်, စီဆှံဝဲ, စီဆှံဝဲ, စီဆှံဝဲလီၤ. ⁹ ဒီးတုၤတၢ်အသးလွံၢ်ဒုဟ့ၣ် တၢ်လၤကပီၤ, ဒီးတၢ်ယူးယီၣ်, ဒီးတၢ်စံးထီၣ်ပတြၢၤလၢ ပှၤလၢအဆ့ၣ်နီၤလၢလီၢ်ပစိာ်အဖီခိၣ် လၢအမူဝဲလီၤထူ လီၤယိာ်ဒီး, ¹⁰ ပှၤသူၣ်က့သးပှၢ်ခံဆံလွံၢ်ဂၤတီၤလီၤကဒွံ ကျိာ်လၢပှၤဆ့ၣ်နီၤလၢ အလီၢ်ပစိာ်အဖီခိၣ်တဂၤအမဲာ် ညါ, ဒီးဘူၣ်ထီၣ်ဘါထီၣ်ပှၤလၢအမူဝဲလီၤထူလီၤယိာ်, ဒီးကွံာ်လီၤအခိၣ်သလုးလၢလီၢ်ပစိာ်အမဲာ်ညါ, ဒီးစံးဝဲ ဒၣ်. ¹¹ ယွၤပကစၢ်ဧၢ, နဂ့ၤဒိးန့ၢ်တၢ်လၤကပီၤ, ဒီးတၢ်ယူး တၢ်ယီၣ်, ဒီးတၢ်စိတၢ်ကမီၤလီၤ. အဂ့ၢ်ဒ်အံၤ, နတ့လီၤ တၢ်ခဲလၢာ်, ဒီးမ့ၢ်နသးအိၣ်ဒီး, ကဲထီၣ်ဝဲ, ဒီးဘၣ်တၢ်တ့ လီၤအီၤလီၤ.

၅

¹ ဒီးယထံၣ်ဘၣ်လံာ်အိၣ်ကွဲးအသးလၢအပူၤဒီးလၢအ ချၢ, ဒီးစဲဃာ်ဝဲဒီးတၢ်စဲပနီၣ်ဃာ်နွံဖျၢၣ်, အိၣ်လၢပှၤဆ့ၣ် နီၤလၢလီၢ်ပစိာ်အဖီခိၣ်အစုထွဲပူၤလီၤ. ² ဒီးယထံၣ်ဘၣ် ကလူးအိၣ်ဒီးအဂံၢ်ဆူၣ်အဘါဆူၣ်တဂၤ, လၢအကိး ထီၣ်လၢအကလုၢ်ဖးဒိၣ်, ဒီးစံးဝဲဒၣ်, မ့ၢ်မတၤကြၢးအိး ထီၣ်လံာ်, ဒီးမၤသ့ၣ်ဖးအတၢ်စဲပနီၣ်ဃာ်တဂၤလဲၣ်.

³ ဒီးပှၤအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်ချၢမ့ၢ်ဂ့ၤ, လၢ ဟီၣ်ခိၣ်ဖီလာ်မ့ၢ်ဂ့ၤ, လၢအအိးထီၣ်လံာ်သ့မ့ၢ်ဂ့ၤ, ကွၢ် အီၤသ့မ့ၢ်ဂ့ၤ တအိၣ်ဘၣ်နီတဂၤဘၣ်. ⁴ ဒီးယဟီၣ်နးမး လီၤ. အဂ့ၢ်ဒ်အံၤ, ပှၤလၢအကြၢးအိးထီၣ်လံာ်, ဒီးကွၢ်အီၤ န့ၣ်, တအိၣ်ဘၣ်လီၤ.

⁵ ဒီးပှၤသူၣ်က့သးပှၢ်တဂၤ စံးဘၣ်ယၤ, ဟီၣ်တဂ့ၤ. ကွၢ်ကွၢ်, ခ့ယုၢ်ဘၣ်ဃးဒီးယူဒၤအဒူၣ်, ဒီးစီၤဒၤဝံးအဂံၢ် တဂၤ, မၤနၢၤတၢ်ဒ်သိးအကအိးထီၣ်လံာ်, ဒီးအတၢ်စဲပ နီၣ်ဃာ်နွံဖျၢၣ်န့ၣ်လီၤ. ⁶ ဒီးယထံၣ်သိဖိ, ဒ်အဘၣ်တၢ်မၤ သံအီၤအသိး, ဆၢထၢၣ်ဝဲလၢလီၢ်ပစိာ်အသးကံၢ်ပူၤလၢ တၢ်အသးလွံၢ်ဒုအကျါ, ဒီးလၢပှၤသူၣ်က့သးပှၢ်အကျါ န့ၣ်, အိၣ်ဝဲဒီးအနၢၢ်နွံဘိ, ဒီးအမဲာ်နွံတိၣ်လၢအမ့ၢ်ယွၤ အသးနွံဖျၢၣ်လၢတၢ်မၢလီၤအီၤဆူ ဟီၣ်ခိၣ်ချၢသကုၤ ဆးဒးန့ၣ်လီၤ. ⁷ ဒီးအဝဲဒၣ်န့ၣ်ဟဲဝဲ, ဒီးဟံးန့ၢ်လံာ်လၢ ပှၤဆ့ၣ်နီၤလၢလီၢ်ပစိာ်အဖီခိၣ်အစုထွဲပူၤန့ၣ်လီၤ.

⁸ ဒီးဖဲအဟံးန့ၢ်လံာ်န့ၣ်, တၢ်အသးလွံၢ်ဒု, ဒီးပှၤသူၣ်က့ သးပှၢ်ခံဆံလွံၢ်ဂၤ, တဂၤဒီးတဂၤ, အိၣ်ဒီးတနၢ်, ဒီးလီခီ ထူတဖၣ်ပှဲၤဒီးတၢ်ဆိၣ်ကဲၤနၢမူလၢအမ့ၢ်ပှၤစီဆှံအတၢ် ထုကဖၣ်, ဒီးတီၤလီၤကဒွံကျိာ်ဝဲလၢ သိဖိအမဲာ်ညါ လီၤ. ⁹ ဒီးအဝဲသ့ၣ်တဖၣ်န့ၣ်အုၣ်တၢ်လၢထါအသီ, ဒီးစံး ဝဲဒၣ်, နဂ့ၤဟံးန့ၢ်လံာ်န့ၣ်, ဒီးအိးထီၣ်အတၢ်စဲပနီၣ်ဃာ် လီၤ. အဂ့ၢ်ဒ်အံၤ, နဒိးသံနသး, ဒီးနပှ့ၤက့ၤပှၤလၢနသွံၣ်, လၢယွၤအဂီၢ်လၢကယဲၢ်ပှၤအဒူၣ်, ဒီးပှၤကတိၤတၢ်အ ကျိာ်အကလုာ်ကလုာ်, ဒီးကယဲၢ်ပှၤဂီၢ်မုၢ်, ဒီးကယဲၢ်ပှၤ အကလုာ်တဖၣ်အကျါလီၤ. ¹⁰ ဒီးနပာ်အီၤလၢဘီမုၢ်, ဒီး ပှၤလုၢ်တၢ်အဒိၣ်လၢယွၤအမဲာ်ညါ, ဒီးအဝဲသ့ၣ်ကပၢ တၢ်လၢဟီၣ်ခိၣ်ချၢလီၤ.

¹¹ ဒီးယထံၣ်တၢ်, ဒီးယနၢ်ဟူကလူးအါဂၤအိၣ်ဝးတရံး လီၢ်ပစိာ်, ဒီးတၢ်အသးတဖၣ်န့ၣ်, အကလုၢ်လီၤ. အတၢ် ဂံၢ်အိၣ်ဝဲကလးတဖၣ်အကလး, ဒီးကထိတဖၣ်အက ထိလီၤ. ¹² ဒီးစံးဝဲဒၣ်လၢအကလုၢ်သီၣ်ဖးဒိၣ်, သိဖိလၢ အဒိးသံအသးန့ၣ်, ဂ့ၤဒိးန့ၢ်တၢ်စိတၢ်ကမီၤ, ဒီးတၢ်ထူး တၢ်တီၤ, ဒီးတၢ်ကူၣ်ဘၣ်ကူၣ်သ့, ဒီးတၢ်အဂံၢ်အဘါ, ဒီး တၢ်ယူးတၢ်ယီၣ်, ဒီးတၢ်လၤကပီၤ, ဒီးတၢ်စံးထီၣ်ပတြၢၤ အီၤလီၤ. ¹³ ဒီးကယဲၢ်တၢ်ဘၣ်တ့အသးလၢမူခိၣ်, ဒီးလၢ ဟီၣ်ခိၣ်ချၢ, ဒီးလၢဟီၣ်ခိၣ်အဖီလာ်, ဒီးလၢပီၣ်လဲၣ်အ ဖီခိၣ်, ဒီးကယဲၢ်တၢ်အိၣ်လၢတၢ်န့ၣ်တဖၣ်အပူၤခဲလၢာ် န့ၣ်, ယနၢ်ဟူလၢအစံး, တၢ်စံးထီၣ်ပတြၢၤ, ဒီးတၢ်ယူး တၢ်ယီၣ်, ဒီးတၢ်လၤကပီၤ, ဒီးတၢ်ဂံၢ်တၢ်ဘါတဖၣ်န့ၣ်, မ်အအိၣ်ဒီးပှၤလၢအဆ့ၣ်နီၤလၢလီၢ်ပစိာ်အဖီခိၣ်, ဒီးသိ ဖိန့ၣ်အစိၤစိၤအဃၣ်ဃၣ်တက့ၢ်. ¹⁴ ဒီးတၢ်အသးလွံၢ်ဒု စံးဝဲဒၣ်, အၤမ့ၣ်, ဒီးပှၤသူၣ်က့သးပှၢ်တီၤလီၤဘါတၢ် လီၤ.

၆

¹ ဒီးယထံၣ်တၢ်, ဖဲသိဖိအိးထီၣ်တၢ်စဲပနီၣ်ဃာ်တဖျၢၣ် လၢတၢ်စဲပနီၣ်ဃာ်နွံဖျၢၣ်အကျါန့ၣ်, ဒီးယနၢ်ဟူလၢ တၢ်အသးလွံၢ်ဒုအကျါတဒု, စံးဝဲဒ်လၢလီအကလုၢ် သီၣ်အသိး, ဟဲတက့ၢ်. ² ဒီးယထံၣ်တၢ်, ဒီးကွၢ်ကွၢ်, က သ့ၣ်ဝါ, ဒီးပှၤလၢအဆ့ၣ်နီၤလၢအလိၤတဂၤအိၣ်ဒီးအ ချံၣ်လီၤ. ဒီးတၢ်ဟ့ၣ်လီၤအီၤလၢခိၣ်သလုး, ဒီးဒ်သိးအ ကမၤနၢၤတၢ်ဒီး, ဟးထီၣ်မၤနၢၤတၢ်လီၤ.

³ ဒီးဖဲအအိးထီၣ်တၢ်စဲပနီၣ်ဃာ်လၢ အပှဲၤထီၣ်ခံဖျၢၣ် တဖျၢၣ်န့ၣ်, ယနၢ်ဟူတၢ်အသးလၢအပှဲၤထီၣ်ခံဒုတဒု စံးဝဲဒၣ်, ဟဲတက့ၢ်. ⁴ ဒီးကသ့ၣ်အဂၤလၢအဂီၤတဒုဟး ထီၣ်, ဒီးတၢ်ဟ့ၣ်လီၤအစိအကမီၤလၢပှၤလၢအဆ့ၣ်နီၤ လၢအလိၤတဂၤ, ဒ်သိးအကထုးကွံာ်တၢ်ဃူတၢ်ဖိးလၢ ဟီၣ်ခိၣ်ချၢ, ဒီးလၢပှၤကမၤသံလိာ်အသးလီၤ. ဒီးတၢ် ဟ့ၣ်လီၤအီၤလၢနးဖးဒိၣ်တဘ့ၣ်လီၤ.

⁵ ဒီးဖဲအအိးထီၣ်တၢ်စဲပနီၣ်ဃာ်လၢအပှဲၤထီၣ်သၢဖျၢၣ် တဖျၢၣ်န့ၣ်, ယနၢ်ဟူတၢ်အသးလၢအပှဲၤထီၣ်သၢဒုတ ဒုန့ၣ်စံးဝဲဒၣ်, ဟဲတက့ၢ်. ဒီးယထံၣ်တၢ်, ဒီးကွၢ်ကွၢ်, ကသ့ၣ်သူတဒု, ဒီးပှၤလၢ အဆ့ၣ်နီၤလၢအလိၤတဂၤ အိၣ်ဒီးစီၤပီၢ်လၢအစုပူၤလီၤ. ⁶ ဒီးယနၢ်ဟူတၢ်အကလုၢ် လၢတၢ်အသးလွံၢ်ဒုအကျါစံးဝဲဒၣ်, ဘုကၠူၣ်တသလိး လၢဒန့ၤရံတဘ့ၣ်အဂီၢ်, ဒီးဘုမုယီၤသၢသလိးလၢဒန့ၤ ရံတဘ့ၣ်အဂီၢ်လီၤ. ဒီးမၤဟးဂီၤသိဧိၤချါဧိၤဒီးစပံးထံတ ဂ့ၤ.

⁷ ဒီးဖဲအအိးထီၣ် တၢ်စဲပနီၣ်ဃာ်လၢ အပှဲၤထီၣ်လွံၢ် ဖျၢၣ်တဖျၢၣ်န့ၣ်, ယနၢ်ဟူတၢ်အသးလၢအပှဲၤထီၣ်လွံၢ် ဒုတဒုအကလုၢ်န့ၣ်စံးဝဲဒၣ်, ဟဲတက့ၢ်. ⁸ ဒီးယထံၣ်တၢ်, ဒီးကွၢ်ကွၢ်, ကသ့ၣ်လါဝါတဒု, ဒီးပှၤလၢအဆ့ၣ်နီၤလၢ အလိၤတဂၤအမံၤမ့ၢ်တၢ်သံ, ဒီးပျုၤပူၤပိာ်ထီၣ်အခံလီၤ. ဒီးတၢ်ဟ့ၣ်လီၤအဝဲသ့ၣ်အစိအကမီၤ, လၢဟီၣ်ခိၣ်လွံၢ် ပူတပူအဖီခိၣ်, ဒ်သိးအကမၤသံတၢ်လၢနး, ဒီးလၢတၢ် သၣ်ဝံၤ, ဒီးလၢတၢ်သံ, ဒီးလၢဟီၣ်ခိၣ်တၢ်ဒူတၢ်ဃိၤလီၤ.

⁹ ဒီးဖဲအအိးထီၣ်တၢ်စဲပနီၣ်ဃာ်လၢ အပှဲၤထီၣ်ယဲၢ် ဖျၢၣ်တဖျၢၣ်န့ၣ်, ယထံၣ်ပှၤလၢအဒိးသံအသးလၢယွၤ အကလုၢ်အကထါအဃိ, ဒီးလၢအတၢ်အုၣ်အသးလၢ အဟံးဃာ်ဝဲအဃိ, အသးတဖၣ်အိၣ်လၢတၢ်လုၢ်လီၢ်အ ဖီလာ်. ¹⁰ ဒီးကိးထီၣ်လၢအကလုၢ်ဖးဒိၣ်, ဒီးစံးဝဲဒၣ်, တၢ် စီဆှံ, တၢ်အမ့ၢ်အတီကစၢ်ဧၢ, နတစံၣ်ညီၣ်ဘၣ်ပှၤအိၣ် လၢဟီၣ်ခိၣ်ချၢတဖၣ်, ဒီးနတဟ့ၣ်ကၣ်အတၢ်ဒဲးဘး လၢပသွံၣ်အဃိန့ၣ်ဒီး, နကအိၣ်ဆံးယံာ်လဲၣ်. ¹¹ ဒီးတၢ် ဟ့ၣ်လီၤအီၤလၢဆ့ဝါ, ဒီးတၢ်စံးဘၣ်အီၤလၢအကအိၣ် ဘှံးဒံးအဆၢအကတီၢ်တစဲးတုၤအခ့အပှၤသကိးဒီးအီၤ ဒီးအဒီပုၢ်ဝဲၢ်, လၢအကဒိးသံအသးဒ်သိးသိးဒီးအီၤန့ၣ်, ကလၢထီၣ်ပှဲၤထီၣ်လီၤ. ¹² ဒီးယထံၣ်တၢ်, ဖဲအအိးထီၣ်တၢ်စဲပနီၣ်ဃာ်လၢအပှဲၤ ထီၣ်ဃုဖျၢၣ်တဖျၢၣ်န့ၣ်ဒီး, ဟီၣ်ခိၣ်ဟူးဝးဒိၣ်မး, ဒီးမုၢ် သူထီၣ်ဒ်ထၢၣ်အတၢ်ကံးညာ်တၢ်ဆူၣ်အသိး, ဒီးလါကဲထီၣ်ဒ်တၢ်သွံၣ်အသိးခဲလၢာ်, ¹³ ဒီးဆၣ်ဧိၤဖီဧိၤလၢမူကပိာ်လိၤ, လီၤဆှုဆူဟီၣ်ခိၣ်ချၢဒ်ချၢၣ်ဒၢသၣ်လၢအတမံ ဒံးဘၣ်လၢအဘၣ်တၢ်ဟူးဝးလၢ ကလံၤဒိၣ်ဒိၣ်ကလဲာ်အသိးန့ၣ်လီၤ.― ¹⁴ ဒီးမူခိၣ်ဒံကွံာ်, ဒ်လံာ်လၢတၢ်ထူထီၣ် အီၤအသိး, ဒီးကယဲၢ်ကစၢၢ်ကလိ, ဒီးကယဲၢ်ကီးတဖၣ်, သုးကွံာ်အလီၢ်,― ¹⁵ ဒီးဟီၣ်ခိၣ်အစီၤပၤ, ပဒိၣ်ပပှၢ်, ဒီးပှၤ သုးဖိတကထိအခိၣ်, ဒီးပှၤအထူးအတီၤ, ဒီးပှၤအိၣ်ဒီး အစိအကမီၤသ့ၣ်တဖၣ်, ဒီးကယဲၢ်တၢ်အကုၢ်အပှၤ, ဒီး ပှၤသဘျ့တဂၤလၢ်လၢ်န့ၣ်, ပာ်ခူသူၣ်အသးလၢတၢ်အိပူၤ, ဒီးလၢကစၢၢ်တဖၣ်အလၢၢ်အိပူၤ,― ¹⁶ ဒီးစံးဘၣ်ကစၢၢ် ကလိ, ဒီးလၢၢ်ဧိၤလ့ဧိၤသ့ၣ်တဖၣ်န့ၣ်, လီၤတဲာ်လၢပ လိၤ, ဒီးမၤဘၢကွံာ်ပှၤလၢ ပှၤလၢအဆ့ၣ်နီၤလၢလီၢ်ပ စိာ်တဂၤန့ၣ်အမဲာ်ညါ, ဒီးလၢသိဖိအသးဒိၣ်ထီၣ်န့ၣ်တက့ၢ်.― ¹⁷ အဂ့ၢ်ဒ်အံၤ, တၢ်ဒိၣ်အမုၢ်တနံၤဘၣ်ဃးဒီးအဝဲဒၣ် အတၢ်သးဒိၣ်ထီၣ်န့ၣ်ဘၣ်လံ, ဒီးမ့ၢ်မတၤဆၢထၢၣ်သ့ တဂၤလဲၣ်.

၇

¹ ဒီးလၢ တၢ်အံၤအလီၢ်ခံ, ယထံၣ်ကလူးလွံၢ်ဂၤဆၢ ထၢၣ်လၢဟီၣ်ခိၣ်အနၢၣ်လွံၢ်နၢၣ်, ဒီးဟံးဃာ်ဟီၣ်ခိၣ် ကလံၤလွံၢ်ကျိၤ, ဒ်သိးကလံၤသုတအူဘၣ် ဟီၣ်ခိၣ်မ့ၢ် ဂ့ၤ, ပီၣ်လဲၣ်မ့ၢ်ဂ့ၤ, ထီရီၤသ့ၣ်မ့ၢ်ဂ့ၤန့ၣ်တဂ့ၤ.

² ဒီးယထံၣ် ကလူးအဂၤတဂၤ, အိၣ်ဒီးယွၤလၢအမူဝဲ, အတၢ်စဲပနီၣ်ဃာ်, ဟဲထီၣ်လၢမုၢ်ထီၣ်တခီ, ဒီးကိးပသူ ထီၣ်လၢအကလုၢ်ဖးဒိၣ်ဒီးစံးဘၣ် အကလူးလွံၢ်ဂၤလၢ တၢ်ဟ့ၣ်အမၤအၢဟီၣ်ခိၣ်ဒီးပီၣ်လဲၣ်, ³ ဒီးစံးဝဲဒၣ်, တချုး ပစဲပနီၣ်ဃာ်ယွၤအခ့အပှၤလၢ အမဲာ်တူၢ်ခိၣ်အလိၤဒံး ဘၣ်ဒီး, ဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်မ့ၢ်ဂ့ၤ, သုတ မၤအၢအီၤတဂ့ၤ.

⁴ ဒီးယနၢ်ဟူပှၤလၢအဘၣ် တၢ်စဲပနီၣ်ဃာ်တဖၣ်အ တၢ်ဂံၢ်န့ၣ်, ဒီးမ့ၢ်အအိၣ်တကလီၤလွံၢ်ကလးလွံၢ်ကထိ, လၢကယဲၢ်အံၣ်စရ့လးဖိခွါအဒူၣ်ကျါလီၤ. ⁵ ပှၤတက လးခံကထိလၢယူဒၤအဒူၣ်ကျါန့ၣ်, ဘၣ်တၢ်စဲပနီၣ် ဃာ်အီၤလီၤ. ပှၤတကလးခံကထိလၢရူၤဘ့ၣ်အဒူၣ်ကျါ န့ၣ်, ပှၤတကလးခံကထိလၢကးအဒူၣ်ကျါန့ၣ်, ⁶ ပှၤတ ကလးခံကထိလၢအၤရှ့ၢ်အဒူၣ်ကျါန့ၣ်, ပှၤတကလးခံ ကထိလၢနးသၤလံအဒူၣ်ကျါန့ၣ်, ပှၤတကလးခံကထိ လၢမနၤရှ့ၤအဒူၣ်ကျါန့ၣ်, ⁷ ပှၤတကလးခံကထိလၢစူၤ မ့းအိၣ်အဒူၣ်ကျါန့ၣ်, ပှၤတကလးခံကထိလၢလ့ၤဝံအ ဒူၣ်ကျါန့ၣ်, ပှၤတကလးခံကထိလၢယံးစၣ်ကၢ်အဒူၣ် ကျါန့ၣ်, ⁸ ပှၤတကလးခံကထိလၢစဘူလိၣ်အဒူၣ်ကျါ န့ၣ်, ပှၤတကလးခံကထိ လၢယိၤသးအဒူၣ်ကျါန့ၣ်, ပှၤတကလးခံကထိ လၢဘံၣ်ယၤမံၣ် အဒူၣ်ကျါန့ၣ်, ဘၣ်တၢ်စဲပနီၣ်ဃာ်အီၤလီၤ.

⁹ တၢ်န့ၣ်တဖၣ်အလီၢ်ခံဒီး, ယထံၣ်တၢ်, ဒီးကွၢ်ကွၢ်, ပှၤ ဂီၢ်မုၢ်ဖးဒိၣ်လၢပှၤဂံၢ်ထီၣ်တသ့ဘၣ်နီတဂၤဘၣ်န့ၣ်, ဟဲ လၢကယဲၢ်ပှၤကလုာ်, ဒီးကယဲၢ်ပှၤအဒူၣ်, ဒီးကယဲၢ်ပှၤ ဂီၢ်မုၢ်, ဒီးကယဲၢ်ပှၤကတိၤတၢ်အကျိာ်အကလုာ်ကလုာ် အကျါသ့ၣ်တဖၣ်န့ၣ် ဆၢထၢၣ်လၢလီၢ်ပစိာ်အမဲာ်ညါ ဒီးသိဖိအမဲာ်ညါ, ကူသိးထီၣ်အဆ့ဝါ, ဒီးအိၣ်ဒီးစူၣ်ပ လိၣ်အလၣ်လၢအစုပူၤ, ¹⁰ ဒီးကိးပသူထီၣ်လၢအကလုၢ် သီၣ်ဖးဒိၣ်, ဒီးစံးဝဲဒၣ်, မ်တၢ်အုၣ်က့ၤခီၣ်က့ၤအိၣ်ဒီးပက စၢ်လၢအဆ့ၣ်နီၤလၢလီၢ်ပစိာ်အဖီခိၣ်, ဒီးသိဖိန့ၣ်တ က့ၢ်. ¹¹ ဒီးကလူးတဖၣ်ခဲလၢာ်, ဆၢထၢၣ်ဝးတရံးလီၢ်ပ စိာ်, ဒီးပှၤသူၣ်က့သးပှၢ်, ဒီးတၢ်အသးလွံၢ်ဒုန့ၣ်, ထိၣ် လီၤပှီၤအသးလၢလီၢ်ပစိာ်အမဲာ်ညါ, ဒီးဘူၣ်ထီၣ်ဘါ ထီၣ်ယွၤ, ¹² ဒီးစံးဝဲဒၣ်, အၤမ့ၣ်, တၢ်စံးထီၣ်ပတြၢၤ, ဒီးတၢ် လၤကပီၤ, ဒီးတၢ်ကူၣ်ဘၣ်ကူၣ်သ့, ဒီးတၢ်စံးထီၣ်ပတြၢၤ အဘျုးအဖှိၣ်, ဒီးတၢ်ယူးတၢ်ယီၣ်, ဒီးတၢ်စိတၢ်ကမီၤ, ဒီး တၢ်ဂံၢ်တၢ်ဘါန့ၣ်, မ်အအိၣ်ဒီးပကစၢ်လီၤထူလီၤယိာ် တက့ၢ်, အၤမ့ၣ်.

¹³ ဒီးပှၤသူၣ်က့သးပှၢ်တဂၤ ကတိၤဆၢတၢ်, ဒီးစံးဘၣ် ယၤ, ပှၤကူသိးထီၣ်အဆ့ဝါန့ၣ်, မ့ၢ်မတၤတဖၣ်လဲၣ်. ဒီး မ့ၢ်အဟဲလၢလဲၣ်ခီလဲၣ်. ¹⁴ ဒီးယစံးဘၣ်အီၤ, ယကစၢ်ဧၢ, နသ့ၣ်ညါနဲလီၤ. ဒီးအဝဲဒၣ်စံးဘၣ်ယၤ, ပှၤတဖၣ်အံၤ မ့ၢ်ပှၤလၢအဟဲလၢတၢ်နးတၢ်ဖှီၣ်ဖးဒိၣ်အပူၤ, ဒီးဆှုၣ်အ ဆ့ဒီးမၤဝါထီၣ်အီၤလၢသိဖိအသွံၣ်လီၤ. ¹⁵ မၤသးဒ်န့ၣ် ဒီး, အိၣ်ဝဲလၢယွၤအလီၢ်ပစိာ်အမဲာ်ညါ, ဒီးမၤအတၢ် လၢအတၢ်လုၢ်အဟံၣ်ပူၤ, လၢမုၢ်ဆါဆဲးလၢမုၢ်နၤလီၤ. ဒီးပှၤလၢအဆ့ၣ်နီၤလၢလီၢ်ပစိာ်အဖီခိၣ်တဂၤန့ၣ်, က စၢၢ်ထီၣ်အဒဲလၢအဖီခိၣ်လီၤ. ¹⁶ ဒီးတၢ်တသၣ်ဝံၤလၢၤ ဘၣ်အသးဘၣ်, ဒီးတၢ်တသူလၢၤဘၣ်အသးလၢထံ ဘၣ်, ဒီးမုၢ်တဆဲးဆါလၢၤဘၣ်အီၤဘၣ်, ဒီးတၢ်တကိၢ် ဘၣ်လၢၤဘၣ်အီၤနီတမံၤဘၣ်. ¹⁷ အဂ့ၢ်ဒ်အံၤ, သိဖိလၢ လီၢ်ပစိာ်အသးကံၢ်ပူၤကအံးက့ၤကွၢ်က့ၤအီၤ, ဒီးကဆှၢ အီၤဆူထံမူထီၣ်ပၢၢ်အအိၣ်, ဒီးယွၤကထွါကွံာ်အမဲာ်ထံ လီၤလၢအမဲာ်သၣ်တိၣ်အလိၤခဲလၢာ်လီၤ.

၈

¹ ဒီးဖဲအအိးထီၣ်တၢ်စဲပနီၣ်ဃာ်လၢ အပှဲၤထီၣ်နွံဖျၢၣ် တဖျၢၣ်န့ၣ်, တၢ်အိၣ်ဘှီၣ်ကလာ်လၢမူခိၣ်တခီနၣ်ရံၣ် ဃၣ်ဃၣ်လီၤ.

² ဒီးယထံၣ်ဘၣ်ကလူး လၢအဆၢထၢၣ်လၢယွၤအမဲာ် ညါနွံဂၤ, ဒီးတၢ်ဟ့ၣ်လီၤအီၤလၢကွဲၤနွံဖျၢၣ်လီၤ. ³ ဒီးက လူးအဂၤတဂၤ, အိၣ်ဒီးတၢ်ဆိၣ်ကဲၤနၢမူအလီခီထူဟဲဝဲ, ဒီးဆၢထၢၣ်လၢတၢ်လုၢ်လီၢ်အဖီခိၣ်, ဒီးတၢ်ဟ့ၣ်လီၤ အီၤလၢတၢ်ဆိၣ်ကဲၤနၢမူလၢအအါ, ဒ်သိးအကဟ့ၣ် ဃုာ်ဒီး ပှၤစီဆှံခဲလၢာ်အတၢ်ဘါထုကဖၣ်လၢတၢ်လုၢ် လီၢ်ထူအဖီခိၣ်လၢလီၢ်ပစိာ်အမဲာ်ညါလီၤ. ⁴ ဒီးတၢ်ဆိၣ် ကဲၤနၢမူအခုၣ်အိၣ်ဒီးပှၤစီဆှံအတၢ်ဘါထုကဖၣ်, လဲၤ ထီၣ်လၢကလူးအစုပူၤလၢယွၤအမဲာ်ညါလီၤ.

⁵ ဒီးကလူးန့ၣ်ဟံးန့ၢ်တၢ်ဆိၣ်ကဲၤနၢမူအလီခီ, ဒီးမၤပှဲၤ ဝဲလၢမ့ၣ်အူအိၣ်လၢတၢ်လုၢ်လီၢ်, ဒီးတ့ၢ်လီၤဝဲဆူဟီၣ် ခိၣ်ချၢ, ဒီးတၢ်အကလုၢ်သီၣ်တဖၣ်, ဒီးလီသီၣ်, ဒီးလီဝၢ် အဒံး, ဒီးဟီၣ်ခိၣ်ဟူးဝးတဖၣ်, မၤအသးလီၤ. ⁶ ဒီးကလူး နွံဂၤအိၣ်ဒီးကွဲၤနွံဖျၢၣ်န့ၣ် ဒ်သိးအကအူထီၣ်ဝဲဒီး, က တဲာ်ကတီၤအသးလီၤ.

⁷ ဒီးအခီၣ်ထံးတဂၤန့ၣ်အူထီၣ်ကွဲၤ, ဒီးသူၣ်ကဲထီၣ်ဝဲ, ဒီးမ့ၣ်အူဃါဃုာ်အသးဒီးတၢ်သွံၣ်, ဒီးတၢ်တ့ၢ်လီၤအီၤ ဆူဟီၣ်ခိၣ်ချၢ, ဒီးမ့ၣ်အူအီၣ်ကွံာ်ဟီၣ်ခိၣ်သၢပူတပူ, ဒီး အီၣ်ကွံာ်သ့ၣ်သၢပူတပူ, ဒီးအီၣ်ကွံာ်နီၣ်အသံကစဲာ်ခဲ လၢာ်လီၤ.

⁸ ဒီးကလူးလၢအပှဲၤထီၣ်ခံဂၤတဂၤန့ၣ် အူထီၣ်ကွဲၤဒီး တၢ်လီၤဂာ်လၢကစၢၢ်ဖးဒိၣ်ကဲၤဒီးမ့ၣ်အူန့ၣ်, ဘၣ်တၢ် တ့ၢ်လီၤအီၤဆူပီၣ်လဲၣ်ပူၤ, ဒီးပီၣ်လဲၣ်သၢပူတပူကဲထီၣ် လၢတၢ်သွံၣ်လီၤ. ⁹ ဒီးတၢ်အိၣ်လၢပီၣ်လဲၣ်ပူၤသၢပူတပူ သံ, ဒီးကဘီသၢပူတပူဟးဂီၤလီၤ.

¹⁰ ဒီးကလူးလၢအပှဲၤထီၣ်သၢဂၤတဂၤန့ၣ် အူထီၣ်ကွဲၤ, ဒီးဆၣ်ဖးဒိၣ်တဖျၢၣ် ကဲၤကပီၤဒ်မ့ၣ်အူဒၢအသိး, လီၤ တဲာ်လၢမူခိၣ်, ဒီးလီၤတဲာ်လၢထံမိၢ်ပှၢ်တဖၣ်သၢပူတပူ အဖီခိၣ်, ဒီးထံထီၣ်ပၢၢ်တဖၣ်အဖီခိၣ်လီၤ. ¹¹ ဒီးဆၣ်တ ဖျၢၣ်အမံၤမ့ၢ်အးပစံၣ်သိၣ်လီၤ. ဒီးထံသၢပူတပူကဲထီၣ် ဝဲလၢအးပစံၣ်သိၣ်လီၤ. မ့ၢ်ထံခၣ်ဒီး, လၢပှၤကညီအ ကျါပှၤသံအါဂၤလီၤ.

¹² ဒီးကလူးလၢအပှဲၤထီၣ်လွံၢ်ဂၤတဂၤန့ၣ် အူထီၣ်ကွဲၤ, ဒီးတၢ်ကျီကွံာ်မုၢ်သၢပူတပူ, ဒီးလါသၢပူတပူ, ဒီးဆၣ်ဧိၤ ဖီဧိၤသၢပူတပူဒ်သိးအသၢပူတပူကခံးဝဲ, ဒီးမုၢ်ဆါခီတ ကပီၤဘၣ်သၢပူတပူ, ဒီးမုၢ်နၤဒ်န့ၣ်အသိးလီၤ.

¹³ ဒီးယထံၣ်တၢ်, ဒီးယနၢ်ဟူလံာ်ဖးဒိၣ်ယူၤဝဲလၢမူက ပိာ်လိၤ, ဒီးစံးဝဲလၢအကလုၢ်သီၣ်ဖးဒိၣ်, မ့ၢ်ကလူးလၢ အအိၣ်လီၤတဲာ်ဒံးသၢဂၤလၢအကအူထီၣ်ကွဲၤ, အသီၣ်ဝဲ အဃိဒီး, တၢ်အဖှီၣ်, တၢ်အဖှီၣ်, တၢ်အဖှီၣ်အိၣ်ဒီးပှၤလၢ အအိၣ်ဝဲဆိးဝဲလၢဟီၣ်ခိၣ်ချၢလီၤ.

၉

¹ ဒီးကလူးလၢအပှဲၤထီၣ်ယဲၢ်ဂၤတဂၤန့ၣ် အူထီၣ်ကွဲၤ, ဒီးယထံၣ်ဆၣ်တဖျၢၣ်လၢ အလီၤတဲာ်လၢမူခိၣ်ဆူဟီၣ် ခိၣ်ချၢန့ၣ်, ဒီးတၢ်ဟ့ၣ်လီၤအီၤလၢတၢ်ပူၤယိာ်အနီၣ် ဝံာ်, ² ဒီးအိးထီၣ်တၢ်ပူၤယိာ်, ဒီးတၢ်ခုၣ်ဟဲထီၣ်လၢတၢ် ပူၤန့ၣ်, ဒ်ဖၣ်ကပူၤဖးဒိၣ်အခုၣ်ထီၣ်အသိး, ဒီးမုၢ်ဒီးတၢ် ဖးဖီခံးလီၤဝဲလၢတၢ်ပူၤခုၣ်ထီၣ်အဃိန့ၣ်လီၤ. ³ ဒီးဒွဲၣ်ဂဲာ် ဟဲထီၣ်လၢတၢ်ခုၣ်အပူၤဆူဟီၣ်ခိၣ်ချၢ အိၣ်ဒီးတၢ်ဟ့ၣ် အီၤလၢအစိအကမီၤ, ဒ်ပတ့ၤချဲးလၢဟီၣ်ခိၣ်ချၢအိၣ်ဒီး အစိအကမီၤအသိးလီၤ. ⁴ ဒီးတၢ်မၤလိာ်အီၤဒ်သိးအသု တမၤအၢမၤသီနီၣ်ဧိၤမံၤဧိၤလၢဟီၣ်ခိၣ်ချၢ, ဒီးကယဲၢ် တၢ်သံကစဲာ်, ဒီးကယဲၢ်သ့ၣ်န့ၣ်တဂ့ၤ. ကမၤအၢထဲပှၤ ကညီလၢယွၤအတၢ်စဲပနီၣ်ဃာ် တအိၣ်ဘၣ်လၢအမဲာ် တူၢ်ခိၣ်အလိၤတဖၣ်ဧိၤန့ၣ်လီၤ. ⁵ ဒီးဒ်သိးအကမၤသံ အီၤဒီး, တဟ့ၣ်ဘၣ်ဝဲဘၣ်, မ့ၢ်ဒ်သိးအကမၤနးမၤဖှီၣ်အီၤ ယဲၢ်လါလီၤ. ဒီးအတၢ်နးတၢ်ဖှီၣ်န့ၣ် မၤအသးဒ်ပတ့ၤချဲး လံာ်ပှၤကညီ, အတၢ်နးတၢ်ဖှီၣ်အသိးလီၤ.

⁶ ဒီးလၢအမုၢ်နံၤတဖၣ်န့ၣ်, ပှၤကညီကဃုတၢ်သံဘၣ် ဆၣ်ဒီးတထံၣ်န့ၢ်ဘၣ်ဝဲဘၣ်. ဒီးကဆၢသံအသး, ဒီးတၢ် သံကဃ့ၢ်ကွံာ်လၢအအိၣ်လီၤ.

⁷ ဒီးဒွဲၣ်ဂဲာ်အက့ၢ်အဂီၤန့ၣ်, လီၤဂာ်လၢကသ့ၣ်အိၣ်က တဲာ်ကတီၤအသးလၢအကဒုးသုးတၢ်အဂီၢ်, ဒီးတၢ်အိၣ် လၢအခိၣ်, ခိၣ်သလုးထူ, ဒီးအမဲာ်လီၤဂာ်လၢပှၤကညီ အမဲာ်, ⁸ ဒီးအိၣ်ဝဲဒီးအခိၣ်သူလီၤဂာ်လၢပိာ်မုၣ်အခိၣ် သူ, ဒီးအမဲလီၤဂာ်လၢခ့ယုၢ်အမဲ, ⁹ ဒီးအိၣ်ဝဲဒီးသဃိး, လီၤဂာ်လၢသဃိးထး, ဒီးအဒံးဆ့သီၣ်ထီၣ်ဒ်လ့ၣ်က ဟၣ်အိၣ်ဒီးကသ့ၣ်အါဒု ဃ့ၢ်ဆူတၢ်ဒုးသုးအပူၤသီၣ်အ သိးန့ၣ်လီၤ. ¹⁰ ဒီးအိၣ်ဒီးအမဲၢ်လီၤဂာ်လၢပတ့ၤချဲးအသိး, ဒီးအမဲၢ်အိၣ်ဒီးအနီၣ်လံာ်, ဒီးအိၣ်ဒီးအစိအကမီၤဒ်သိး အကမၤအၢပှၤကညီယဲၢ်လါလီၤ. ¹¹ ဒီးအိၣ်ဝဲဒီးအစီၤပၤ လၢအဖီခိၣ်, တၢ်ယိာ်အကလူးတဂၤလီၤ. အမံၤလၢဧ့ၤ ဘြံၤအကျိာ်န့ၣ်မ့ၢ်အဘးဒိၣ်, ဒီးအမံၤလၢဟ့းလ့ၣ်အ ကျိာ်န့ၣ်မ့ၢ်အပီးလူၣ်လီၤ.

¹² တၢ်နးတၢ်ဖှီၣ်အခီၣ်ထံးတမံၤပူၤကွံာ်လံ, ကွၢ်ကွၢ်, တၢ်အံၤတဖၣ်အလီၢ်ခံ, တၢ်နးတၢ်ဖှီၣ်ကဟဲဒံးခံမံၤလီၤ. ¹³ ဒီးကလူးလၢအပှဲၤထီၣ်ဃုဂၤတဂၤန့ၣ် အူထီၣ်ကွဲၤ, ဒီးယနၢ်ဟူတၢ်ကလုၢ်သီၣ်တမံၤဟဲထီၣ်လၢတၢ်လုၢ်လီၢ် ထူအနၢၤလွံၢ်နၢၤ, လၢအအိၣ်လၢယွၤအမဲာ်ညါ, ¹⁴ ဒီးစံးဘၣ်ကလူးလၢအပှဲၤထီၣ် ဃုဂၤတဂၤလၢအအိၣ်ဒီးကွဲၤ န့ၣ်, ဃ့ၣ်လီၤကွံာ်ကလူးလွံၢ်ဂၤလၢအဘၣ်တၢ်စၢဃာ် အီၤလၢထံမိၢ်ပှၢ်ဖးဒိၣ်ဖရၤသးအပူၤတက့ၢ်. ¹⁵ ဒီးကလူး လွံၢ်ဂၤလၢ အအိၣ်ကတဲာ်ကတီၤအသးလၢတနၣ်ရံၣ်, ဒီးတသီ, ဒီးတလါ, ဒီးတနံၣ်အဂီၢ်န့ၣ်ဘၣ်တၢ်ဃ့ၢ်လီၤ ကွံာ်အီၤ, ဒ်သိးအကမၤသံပှၤကညီသၢပူတပူၤန့ၣ်လီၤ.―

¹⁶ ဒီးပှၤကသ့ၣ်သုးဖိ, အတၢ်ဂံၢ်န့ၣ်မ့ၢ်တကလးအဘျီခံက လး, ဒီးယနၢ်ဟူအတၢ်ဂံၢ်န့ၣ်လီၤ.

¹⁷ ဒီးဒ်န့ၣ်အသိး ယထံၣ်ကသ့ၣ်လၢတၢ်ထံၣ်လၢညါခီ အပူၤ, ဒီးပှၤလၢအဆ့ၣ်နီၤလၢအလိၤ, အိၣ်ဒီးသဃိးမ့ၣ် အူ, ဒီးသူဂီၤ, ဒီးဘီဒ်လၢၢ်ကးအသိးလီၤ. ဒီးကသ့ၣ်အ ခိၣ်လီၤဂာ်လၢခ့ယုၢ်အခိၣ်, ဒီးမ့ၣ်အူဒီးတၢ်ခုၣ်ဒီးကး, ဟဲထီၣ်လၢအကိာ်ပူၤလီၤ. ¹⁸ ဒီးပှၤကညီသၢပူတပူသံ လၢတၢ်နးတၢ်ဖှီၣ်သၢမံၤအံၤ, လၢမ့ၣ်အူ, ဒီးတၢ်ခုၣ်, ဒီး ကးလၢအဟဲထီၣ်လၢအကိာ်ပူၤလီၤ. ¹⁹ အဂ့ၢ်ဒ်အံၤ, က သ့ၣ်န့ၣ်အိၣ်ဒီးအစိအကမီၤလၢအကိာ်ပူၤ, ဒီးလၢအမဲၢ် လီၤ. အဂ့ၢ်ဒ်အံၤ, အမဲၢ်လီၤဂာ်လၢဂုၢ်, ဒီးအိၣ်ဒီးအခိၣ်, ဒီး မၤအၢမၤနးတၢ်လၢအီၤလီၤ. ²⁰ ဒီးပှၤကညီအိၣ်လီၤတဲာ် လၢအတသံဘၣ်လၢတၢ်နးတၢ်ဖှီၣ်အံၤတဖၣ်န့ၣ်, တပီၢ် ယၢ်လီၤက့ၤဘၣ်အသးလၢအစုအတၢ်မၤ, ဒ်သိးအသုတ ဘါထီၣ်တၢ်နါ, ဒီးတၢ်ဂီၤထူ, ဒီးတၢ်ဂီၤစ့, ဒီးတၢ်ဂီၤတိၢ်, ဒီးတၢ်ဂီၤလၢၢ်, ဒီးတၢ်ဂီၤသ့ၣ်လၢအထံၣ်တၢ်တသ့, နၢ် ဟူတၢ်တသ့, ဒီးဟးတၢ်တသ့ဘၣ်တဂ့ၤန့ၣ်ဘၣ်လီၤ.―

²¹ ဒီးတပီၢ်ယၢ်လီၤက့ၤဘၣ်အသး လၢအတၢ်မၤသံပှၤက ညီဒီးအတၢ်ဟိၣ်တၢ်ယီ, ဒီးအတၢ်မၤကမၣ်မုၣ်ကမၣ် ခွါ, ဒီးအတၢ်ဟုၣ်တၢ်ဘျၣ်န့ၣ်ဘၣ်လီၤ.

၁၀

¹ ဒီးယထံၣ်ကလူးအဂၤတဂၤအိၣ်ဒီး, အဂံၢ်ဆူၣ်အဘါ ဆူၣ်, ဒီးကူသိးဒီးတၢ်အၢၣ်, ဟဲလီၤလၢမူခိၣ်, ဒီးတၢၢ်ကွဲၤ အိၣ်လၢအခိၣ်, ဒီးအမဲာ်လီၤဂာ်လၢမုၢ်, ဒီးအခီၣ်လီၤဂာ် လၢမ့ၣ်အူအထူၣ်အသိးလီၤ. ² ဒီးလံာ်ဆံးကိာ်ဖိတဘ့ၣ် အိၣ်အိးထီၣ်အသးလၢအစုပူၤ, ဒီးပာ်အခီၣ်ထွဲတခီလၢ ပီၣ်လဲၣ်အဖီခိၣ်, ဒီးအခီၣ်စ့ၣ်တခီလၢခိ, ³ ဒီးကိးပသူ ထီၣ်လၢအကလုၢ်ဖးဒိၣ်, ဒ်ခ့ယုၢ်ကညီၤတၢ်ရုၢ်ရုၢ်အသိး န့ၣ်လီၤ. ဒီးတုၤအကိးထီၣ်ဒီး, လီသီၣ်နွံဘီဒုးသီၣ်ထီၣ် အကလုၢ်လီၤ. ⁴ ဒီးတုၤလီသီၣ်နွံဘီဒုးသီၣ်ထီၣ်အကလုၢ် ဒီး, ဘူးဒီးယကကွဲးတၢ်, ဒီးယနၢ်ဟူတၢ်ကလုၢ်သီၣ်လၢ မူခိၣ်စံးဝဲဒၣ်, စဲပနီၣ်ဃာ်တၢ်လၢလီသီၣ်နွံဘီကတိၤဝဲ န့ၣ်, ဒီးကွဲးအီၤတဂ့ၤ. ⁵ ဒီးကလူးလၢယထံၣ်လၢအဆၢ ထၢၣ်လၢပီၣ်လဲၣ်အဖီခိၣ်, ဒီးလၢခိတဂၤန့ၣ်, ယူာ်ထီၣ် အစုထွဲဆူမူခိၣ်, ⁶ ဒီးဆိၣ်တၢ်လၢပှၤလၢအမူဝဲအစိၤစိၤ အဃၣ်ဃၣ်, ဒီးတ့လီၤမူခိၣ်ဒီးတၢ်အိၣ်လၢအပူၤ, ဒီး ဟီၣ်ခိၣ်ဒီးတၢ်အိၣ်လၢအပူၤ, ဒီးပီၣ်လဲၣ်ဒီးတၢ်အိၣ်လၢ အပူၤတဂၤန့ၣ်အမဲာ်ညါ, ဒီးစံးဝဲဒၣ်, အဆၢအကတီၢ် တအိၣ်လၢၤဘၣ်. ⁷ မ့မ့ၢ်ကလူးလၢအပှဲၤထီၣ်နွံဂၤတဂၤ အကလုၢ်သီၣ်ထီၣ်အမုၢ်နံၤ, ဖဲအကအူထီၣ်ကွဲၤဒီး, ယွၤ အတၢ်ခူသူၣ်ကဝံၤထီၣ်ဝဲ, ဒ်အစံၣ်တဲၤတဲလီၤတ့ၢ်ဝဲတၢ် အကစီၣ်အဂ့ၤလၢအခ့အပှၤဝံသ့ၣ်တဖၣ်အသိးန့ၣ်လီၤ.

⁸ ဒီးတၢ်ကလုၢ်သီၣ်လၢယနၢ်ဟူလၢမူခိၣ်, ကတိၤကဒီး တၢ်ဒီးယၤ, ဒီးစံးဝဲဒၣ်, လဲၤဟံးန့ၢ်လံာ်ဖိလၢအအိၣ်အိး ထီၣ်အသးလၢကလူးလၢ အဆၢထၢၣ်လၢပီၣ်လဲၣ်ဒီး လၢခိတဂၤန့ၣ်အစုပူၤတက့ၢ်. ⁹ ဒီးယလဲၤဆူကလူးန့ၣ် အအိၣ်, ဒီးယစံးဘၣ်အီၤ, ဟ့ၣ်လီၤယၤလၢလံာ်ဖိန့ၣ်တ က့ၢ်. ဒီးအဝဲဒၣ်စံးဘၣ်ယၤ, ဟံးန့ၢ်, ဒီးအီၣ်ကွံာ်အီၤတ က့ၢ်. ဒီးကမၤခၣ်နဟၢဖၢ, မ့မ့ၢ်အိၣ်လၢနကိာ်ပူၤန့ၣ်, က ဆၢဒ်ကနဲစီအသိးန့ၣ်လီၤ.

¹⁰ ဒီးယဟံးန့ၢ်လံာ်ဖိလၢကလူးအစုပူၤန့ၣ်, ဒီးယအီၣ် ကွံာ်အီၤလီၤ. ဒီးအိၣ်ဝဲလၢယကိာ်ပူၤဆၢဒ်ကနဲစီအသိး, ဒီးတုၤယအီၣ်ကွံာ်အီၤဒီး, ယဟၢဖၢခၣ်ထီၣ်လီၤ. ¹¹ ဒီးအ ဝဲဒၣ်စံးဘၣ်ယၤ, နဘၣ်ကတိၤကဒီးတၢ်လၢဝံအကျိာ် လၢပှၤဂီၢ်မုၢ်, ဒီးပှၤကလုာ်တဖၣ်, ဒီးပှၤကတိၤတၢ်အ ကျိာ်, ဒီးစီၤပၤအါဂၤအဂ့ၢ်န့ၣ်လီၤ.

၁၁

¹ ဒီးတၢ်ဟ့ၣ်လီၤယၤလၢတပိၢ်တဘိလီၤဂာ်လၢနီၣ်ထိး ဘိ, ဒီးစံးဝဲဒၣ်, ဂဲၤဆၢထၢၣ်, ဒီးထိၣ်ယွၤအတၢ်လုၢ်ဟံၣ်, ဒီးတၢ်လုၢ်လီၢ်, ဒီးပှၤဘါတၢ်လၢအပူၤတက့ၢ်. ² ဒီးဂၢၤ အိၣ်လၢတၢ်လုၢ်ဟံၣ်လၢခိန့ၣ်ပာ်ကွံာ်, ဒီးထိၣ်အီၤတ ဂ့ၤ. အဂ့ၢ်ဒ်အံၤ, တၢ်ဟ့ၣ်လီၤအီၤလၢပှၤကလုာ်တဖၣ် အစုပူၤ, ဒီးကယီၢ်တံၢ်ဝ့ၢ်စီဆှံန့ၣ်လွံၢ်ဆံခံလါလီၤ. ³ ဒီး ယကဟ့ၣ်လီၤ (တၢ်စိတၢ်ကမီၤ)လၢယပှၤအုၣ်အသးခံ ဂၤန့ၣ်, ဒီးအဝဲသ့ၣ်ကူဒီးထၢၣ်တၢ်ကံးညာ်န့ၣ်ဒီး, ကက တိၤတၢ်လၢဝံအကျိာ်တကထိခံကယၤဃုဆံသီလီၤ. ⁴ အဝဲသ့ၣ်မ့ၢ်သ့ၣ်စၤယံးခံထံး, ဒီးမ့ၣ်အူဒၢခံဖျၢၣ်, လၢအဆၢထၢၣ်ဝဲလၢဟီၣ်ခိၣ်အကစၢ်တဂၤအမဲာ်ညါလီၤ.―

⁵ ဒီးပှၤမ့ၢ်သါကမၤအၢအီၤတဂၤဂၤဒီး, မ့ၣ်အူဟဲထီၣ်လၢ အဝဲသ့ၣ်အကိာ်ပူၤ, ဒီးအီၣ်ကွံာ်အဒုၣ်အဒါလီၤ. ဒီးပှၤ မ့ၢ်သါကမၤအၢအီၤတဂၤဂၤဒီး, ကဘၣ်တၢ်မၤသံကွံာ် အီၤဒ်န့ၣ်အသိးလီၤ.

⁶ အဝဲသ့ၣ်အိၣ်ဒီးအစီအကမီၤလၢ အကကးတံာ်ဃာ် မူခိၣ်ဒ်သိးတၢ်သုတဟဲစူၤတဂ့ၤ, ဖဲအမုၢ်နံၤလၢအက တိၤတၢ်လၢဝံအကျိာ်အဖၢမုၢ်လီၤ. ဒီးအိၣ်ဒီးအစိအက မီၤလၢထံအဖီခိၣ်, ဒ်သိးအကမၤထံကဲထီၣ်တၢ်သွံၣ်, ဒီး ဒ်သိးအကကျီဟီၣ်ခိၣ်လၢ တၢ်နးတၢ်ဖှီၣ်ထီရီၤတမံၤအ ဘျီအဘျီဖဲဒၣ်အသးလီၤ.

⁷ ဒီးအုၣ်အသးတုၤအလၢာ်ဝံၤဒီး, တၢ်ဒူတၢ်ဃိၤလၢအ ဟဲထီၣ်လၢတၢ်ယိာ်အပူၤတဒုန့ၣ်, ကဒုးတၢ်ဒီးအီၤ, ဒီး ကမၤနၢၤအီၤ, ဒီးကမၤသံအီၤလီၤ. ⁸ ဒီးအစိၣ်ကအိၣ်လၢ ဝ့ၢ်ဖးဒိၣ်အကျဲလၢပှၤကိးဝဲအမံၤလၢသးအကျိာ်, လၢစ ဒိၣ်, ဒီးအဲၤကူပတူးန့ၣ်, ဖဲအဝဲသ့ၣ်အကစၢ်တဂၤဒိးသံ အသးလၢထူၣ်စုညါအလိၤလီၤ. ⁹ ဒီးပှၤလၢပှၤဂီၢ်မုၢ်အ ကျါ, ဒီးပှၤအဒူၣ်, ဒီးပှၤကတိၤတၢ်အကျိာ်, ဒီးလၢပှၤက လုာ်ကလုာ်အကျါန့ၣ်, ကကွၢ်အစိၣ်သၢသီဒီးဖးဖီသီ, ဒီးတဒုးခူၣ်လီၤကွံာ်ဘၣ်အီၤလၢသွၣ်ခိၣ်ပူၤဘၣ်. ¹⁰ ဒီးပှၤ လၢအအိၣ်ဝဲဆိးဝဲလၢဟီၣ်ခိၣ်ချၢကသူၣ်ခုသးခု, ဒီးက မုာ်လၤဝဲ, ဒီးကဟ့ၣ်လိာ်အသးလၢခိၣ်ဖးကဒဲကဒဲလီၤ. အဂ့ၢ်ဒ်အံၤ, ဝံခံဂၤန့ၣ်, မၤနးမၤဖှီၣ်ပှၤအိၣ်ဝဲဆိးဝဲလၢ ဟီၣ်ခိၣ်ချၢလီၤ.

¹¹ ဒီးသၢသီဒီးဖးဖီသီပူၤကွံာ်ဒီး, သးသမူလၢယွၤဟဲနုာ် လၢအပူၤဒီး, ဆၢထၢၣ်လၢအခီၣ်, ဒီးပှၤလၢအထံၣ်အီၤ တဖၣ်ဘၣ်ပျံၤဘၣ်ဖုးဒိၣ်မးလီၤ. ¹² ဒီးအဝဲသ့ၣ်နၢ်ဟူတၢ် အကလုၢ်သီၣ်ဖးဒိၣ်လၢမူခိၣ်ဒီးစံးဘၣ်အီၤ, ဟဲက့ၤထီၣ် ဖဲအံၤတက့ၢ်. ဒီးအဝဲသ့ၣ်လဲၤထီၣ်ဆူမူခိၣ်လၢတၢ်အၢၣ် အလိၤ, ဒီးအဒုၣ်အဒါထံၣ်အီၤလီၤ.

¹³ ဒီးတၢ်လၢနၣ်ရံၣ်အဝဲန့ၣ်အပူၤ, ဟီၣ်ခိၣ်ဟူးဝးဖးဒိၣ် လီၤ. ဒီးဝ့ၢ်ဆံဆဲၣ်ပူတပူလီၤပှီၢ်ကွံာ်, ဒီးပှၤအမံၤနွံကထိ, သံလၢဟီၣ်ခိၣ်ဟူးဝးအပူၤလီၤ. ဒီးပှၤအိၣ်လီၤတဲာ်တ ဖၣ်ပျံၤတၢ်, ဒီးစံးထီၣ်ပတြၢၤမူခိၣ်အယွၤလီၤ.

¹⁴ တၢ်နးတၢ်ဖှီၣ်လၢအပှဲၤထီၣ် ခံမံၤတမံၤန့ၣ် ပူၤကွံာ် လံ. ကွၢ်ကွၢ်, တၢ်နးတၢ်ဖှီၣ်လၢအပှဲၤထီၣ်သၢမံၤတမံၤ, ကဟဲချ့ချ့လီၤ.

¹⁵ ဒီးကလူးလၢအပှဲၤထီၣ်နွံဂၤတဂၤန့ၣ် အူထီၣ်ကွဲၤ, ဒီး တၢ်ကလုၢ်သီၣ်ဖးဒိၣ်တဖၣ်အိၣ်ဝဲလၢမူခိၣ်, ဒီးစံးဝဲဒၣ်, ဟီၣ်ခိၣ်အဘီအမုၢ်ကဲထီၣ်လၢပကစၢ်အတၢ်, ဒီးအခ ရံာ်အတၢ်, ဒီးကပၢဝဲလီၤထူလီၤယိာ်လီၤ. ¹⁶ ဒီးပှၤသူၣ်က့ သးပှၢ်လၢအဆ့ၣ်နီၤလၢ အလီၢ်ပစိာ်လၢယွၤအမဲာ်ညါ ခံဆံလွံၢ်ဂၤန့ၣ်, ထိၣ်လီၤပှီၤအသးဒီးဘူၣ်ထီၣ်ဘါထီၣ် ယွၤ, ¹⁷ ဒီးစံးဝဲဒၣ်, သ့တၢ်လၢာ်လၢအအိၣ်, ဒီးလၢ အအိၣ်တ့ၢ်, ကစၢ်ယွၤဧၢ, ပစံးထီၣ်ပတြၢၤနဘျုးနဖှိၣ် လီၤ. အဂ့ၢ်ဒ်အံၤ, နဟံးန့ၢ်နစိဒိၣ်နကမီၤဒိၣ်, ဒီးနပၢ တၢ်လီၤ. ¹⁸ ဒီးပှၤကလုာ်ကလုာ်အသးဒိၣ်ထီၣ်, ဒီးနတၢ် သးဒိၣ်ဟဲဝဲ, ဒီးပှၤသံတဖၣ်အဆၢအကတီၢ်ဘၣ်, ဒ်သိး အကဘၣ်တၢ်စံၣ်ညီၣ်အီၤ, ဒီးဒ်သိးတၢ်ကဟ့ၣ်လီၤအ ဘူးအလဲလၢနခ့နပှၤဝံတဖၣ်, ဒီးလၢပှၤစီဆှံတဖၣ်, ဒီး လၢပှၤလၢအပျံၤနမံၤဒီးဒိၣ်ဒီးဆံးတဖၣ်, ဒီးဒ်သိးအက မၤဟးဂီၤပှၤလၢအမၤဟးဂီၤဟီၣ်ခိၣ်န့ၣ်လီၤ.

¹⁹ ဒီးယွၤအတၢ်လုၢ်ဟံၣ်အိးထီၣ်အသးလၢမူခိၣ်, ဒီးတၢ် အၢၣ်လီၤအီလီၤအတလါ အိၣ်ဖျါထီၣ်လၢတၢ်လုၢ်ဟံၣ် ပူၤ, ဒီးလီဝၢ်အဒံးတဖၣ်, ဒီးတၢ်ကလုၢ်သီၣ်တဖၣ်, ဒီးလီသီၣ်တဖၣ်, ဒီးဟီၣ်ခိၣ်ဟူးဝး, ဒီးတၢ်ဟဲစူၤလီၤသူၣ်အ ဖျၢၣ်ဖးဒိၣ်အိၣ်ဝဲလီၤ.

၁၂

¹ ဒီးတၢ်ပနီၣ်လီၤလးဖးဒိၣ် အိၣ်ဖျါထီၣ်လၢမူခိၣ်လီၤ. ပိာ်မုၣ်တဂၤကူသိးဝဲဒီးမုၢ်, ဒီးလါအိၣ်လၢအခီၣ်ဖီလာ်, ဒီးအခိၣ်သလုးလၢအခိၣ်အိၣ်ဒီးဆၣ်တဆံခံဖျၢၣ်လီၤ.―

² ဒီးဒၢထီၣ်ဝဲ, ဒီးကိးပသူထီၣ်လၢအဟုးဆါ, ဒီးဘၣ်နး ဘၣ်ဖှီၣ်လၢအကဆံးစၢ်အဖိအဃိလီၤ.

³ ဒီးတၢ်ပနီၣ်လီၤလးအဂၤတမံၤ အိၣ်ဖျါထီၣ်လၢမူခိၣ် ဒီး, ကွၢ်ကွၢ်, ပယိၤဂီၤဖးဒိၣ်တဘိအိၣ်ဒီးအခိၣ်နွံဖျၢၣ်ဒီး အနၢၤဆံဆဲၣ်ဘိ, ဒီးခိၣ်သလုးဖိနွံဖျၢၣ်အိၣ်လၢအခိၣ် လီၤ. ⁴ ဒီးအမဲၢ်ထုးလီၤကွံာ်ဆၣ်ဧိၤဖီဧိၤလၢမူခိၣ်သၢပူ တပူဆူဟီၣ်ခိၣ်ချၢလီၤ.

⁵ ဒီးပယိၤဆၢထၢၣ်ဝဲလၢ ပိာ်မုၣ်လၢအကဆံးစၢ်အဖိ တဂၤန့ၣ်အမဲာ်ညါ, ဒ်သိးတုၤအဆံးစၢ်ဒီး, ကအီၣ်ကွံာ် အဖိလီၤ. ဒီးဆံးစၢ်အဖိပိာ်ခွါ, လၢအကစံၣ်ညီၣ်ပှၤကိး ကလုာ်ဒဲးလၢအနီၣ်ထိးထးလီၤ. ဒီးတၢ်ဟံးန့ၢ်အဖိဆူ ယွၤအအိၣ်, ဒီးဆူအလီၢ်ပစိာ်လီၤ. ⁶ ဒီးပိာ်မုၣ်န့ၣ်ဃ့ၢ် ကွံာ်ဆူပှၢ်မုၢ်ကနၢ, ဖဲယွၤကတဲာ်ကတီၤအလီၢ်, ဒ်သိး တၢ်ကလုၢ်အီၣ်လုၢ်အီအီၤလၢ အသီတကထိခံကယၤ ဃုဆံလီၤ.

⁷ ဒီးတၢ်ဒုးတၢ်ယၤအိၣ်ထီၣ်လၢမူခိၣ်လီၤ. မံၤက့လးဒီး အကလူးတဖၣ်ဒုးတၢ်ဒီးပယိၤ, ဒီးပယိၤဒီးအကလူး သ့ၣ်တဖၣ်န့ၣ်ဒုးတၢ်, ⁸ ဒီးတမၤနၢၤဘၣ်တၢ်ဘၣ်, ဒီးအ ဝဲသ့ၣ်အလီၢ်တအိၣ်လၢၤဘၣ်လၢမူခိၣ်ဘၣ်.

⁹ ဒီးပယိၤဖးဒိၣ်, ဂုၢ်လၢအအိၣ်လၢသီတဘိ, ကိးဝဲအ မံၤလၢမုၣ်ကီၤလံၢ်, ဒီးစၤတၣ်လၢအလီန့ၢ်ပှၤဟီၣ်ခိၣ်ဖိ ခဲလၢာ်, ဘၣ်တၢ်တ့ၢ်လီၤအီၤဆူဟီၣ်ခိၣ်ချၢ, ဒီးအကလူး တဖၣ်ဘၣ်တၢ်ဟီထီၣ်ကွံာ်ဒီးအီၤလီၤ.

¹⁰ ဒီးယနၢ်ဟူတၢ်ကလုၢ်သီၣ်ဖးဒိၣ်လၢမူခိၣ်စံးဝဲဒၣ်, ခဲ ကနံၣ်အံၤတၢ်အုၣ်က့ၤခီၣ်က့ၤ, ဒီးတၢ်အစိအကမီၤ, ဒီး ပကစၢ်အဘီအမုၢ်, ဒီးခရံာ်အတၢ်ပၢတၢ်ပြးကဲထီၣ်လံ လီၤ. အဂ့ၢ်ဒ်အံၤ, ပှၤလၢအပာ်တၢ်ကမၣ်လၢပဒီပုၢ်ဝဲၢ်အ လိၤ, လၢအပာ်တၢ်ကမၣ်လၢအလိၤလၢယွၤအမဲာ်ညါ လၢမုၢ်ဆါဆဲးလၢမုၢ်နၤတဂၤန့ၣ်, ဘၣ်တၢ်တ့ၢ်လီၤကွံာ် အီၤလီၤ. ¹¹ ဒီးအဝဲသ့ၣ်မၤနၢၤအီၤလၢသိဖိအသွံၣ်, ဒီးလၢ အကလုၢ်လၢအအုၣ်အသးလီၤ. ဒီးတအဲၣ်ဘၣ်အသး ပၢၢ်လၢတၢ်သံန့ၣ်လီၤ. ¹² မၤသးဒ်န့ၣ်ဒီး, မူခိၣ်, ဒီးပှၤအိၣ် လၢအပူၤသ့ၣ်ဧၢ, သးခုတက့ၢ်. ပှၤအိၣ်လၢဟီၣ်ခိၣ်ချၢ, ဒီးလၢပီၣ်လဲၣ်ပူၤန့ၣ်, ဘၣ်အဖှီၣ်လီၤ. အဂ့ၢ်ဒ်အံၤ, မုၣ် ကီၤလံၢ်သ့ၣ်ညါလၢအဆၢအကတီၢ် အိၣ်ထဲတစိၢ်ဖိသ တးဒီး, ဟဲလီၤဝဲဆူသုအိၣ်, အိၣ်ဒီးအသးဒိၣ်ထီၣ်ဒိၣ်မး လီၤ.

¹³ ဒီးတုၤပယိၤထံၣ်လၢအဘၣ် တၢ်တ့ၢ်လီၤကွံာ်အီၤဆူ ဟီၣ်ခိၣ်ချၢန့ၣ်ဒီး, မၤအၢမၤသီပိာ်မုၣ်လၢအဆံးစၢ်အဖိ ပိာ်ခွါလီၤ. ¹⁴ ဒီးတၢ်ဟ့ၣ်ပိာ်မုၣ်လၢလံာ်ဖးဒိၣ်အဒံးဆ့ခံ ဘ့ၣ်ဒ်သိးအကယူၤဝဲဆူပှၢ်မုၢ်ကနၢ, ဆူအလီၢ်ဒၣ်ဝဲဖဲ တၢ်ကလုၢ်အီၣ်လုၢ်အီအီၤလၢဆၢအလီၢ်တဆၢ, ဒီးအ ဆၢတဖၣ်, ဒီးတခီဆၢ, ဒီးပူၤဖျဲးဝဲလၢဂုၢ်န့ၣ်လီၤ.

¹⁵ ဒီးဂုၢ်န့ၣ်ပှဲာ်ထွဲပိာ်မုၣ်အခံလၢထံလၢအကိာ်ပူၤ, ဒ်ထံ မိၢ်ပှၢ်အသိး, ဒ်သိးထံကဆူဘၣ်အီၤလီၤ. ¹⁶ ဒီးဟီၣ်ခိၣ်မၤ စၢၤပိာ်မုၣ်, ဒီးဟီၣ်ခိၣ်အိးထီၣ်အကိာ်ပူၤ, ဒီးယူၢ်လီၤ ကွံာ်ထံမိၢ်ပှၢ်လၢပယိၤပှဲာ်ထီၣ်လၢအကိာ်ပူၤန့ၣ်လီၤ.

¹⁷ ဒီးပယိၤအသးဒိၣ်ထီၣ်ပိာ်မုၣ်, ဒီးလဲၤဒုးတၢ်ဒီးအချံ အသၣ်လၢအအိၣ်လီၤတဲာ်, လၢအတိၢ်န့ၢ်ယွၤအတၢ်မၤ လိာ်, ဒီးအိၣ်ဒီးတၢ်အုၣ်အသးဘၣ်ဃးဒီးယ့ၣ်ရှူးတဖၣ် န့ၣ်လီၤ. ဒီးဆၢထၢၣ်လၢမဲးခိၣ်လၢပီၣ်လဲၣ်နံၤလီၤ.

၁၃

¹ ဒီးယထံၣ်တၢ်ဒူတၢ်ဃိၤ အိၣ်ဒီးအခိၣ်နွံဖျၢၣ်, ဒီးအ နၢၤဆံဆဲၣ်ဘိတဒုဟဲထီၣ်လၢပီၣ်လဲၣ်ပူၤ, ဒီးအခိၣ်သ လုးဖိဆံဆဲၣ်ဖျၢၣ်အိၣ်လၢအနၢၤတဖၣ်, ဒီးလၢအခိၣ်အ လိၤ, တၢ်အမံၤတဖၣ်ဘၣ်ဃးဒီးတၢ်ဒုၣ်ဒွဲၣ်ယွၤလီၤ. ² ဒီး တၢ်ဒူတၢ်ဃိၤလၢယထံၣ်တဒုန့ၣ်, လီၤဂာ်လၢခ့စံၣ်ပိၣ်, ဒီးအခီၣ်လီၤဂာ်လၢတၤသူအခီၣ်, ဒီးအထးခိၣ်လီၤဂာ် လၢခ့ယုၢ်အထးခိၣ်လီၤ. ဒီးပယိၤန့ၣ်ဟ့ၣ်အီၤလၢအစိအ ကမီၤ, ဒီးအလီၢ်ပစိာ်, ဒီးတၢ်ပၢတၢ်ပြးအဒိၣ်အမုၢ်လီၤ.― ³ ဒီးအခိၣ်အကျါတဖျၢၣ်ဘၣ်တၢ်ကျီအီၤတုၤအကသံတ့ၢ် လီၤ. ဒီးအပူၤလီၢ်လၢအကသံတ့ၢ်, ဘျါက့ၤဝဲလီၤ. ဒီးပှၤ ဟီၣ်ခိၣ်ဖိပာ်အသးကမၢကမၣ်လၢ တၢ်ဒူတၢ်ဃိၤတဒု န့ၣ်အဃိခဲလၢာ်လီၤ. ⁴ ဒီးဘူၣ်ထီၣ်ဘါထီၣ်ပယိၤလၢ အဟ့ၣ်အစိအကမီၤလၢတၢ်ဒူတၢ်ဃိၤ, ဒီးဘူၣ်ထီၣ်ဘါ ထီၣ်တၢ်ဒူတၢ်ဃိၤ, ဒီးစံးဝဲဒၣ်, မ့ၢ်မတၤလီၤဂာ်တၢ်ဒူတၢ် ဃိၤန့ၣ်တဂၤလဲၣ်. မ့ၢ်မတၤဒုးတၢ်ဒီးအီၤသ့တဂၤလဲၣ်.

⁵ ဒီးတၢ်ဟ့ၣ်လီၤအထးခိၣ်လၢ အကတိၤကဖိ တၢ်ဖး ဒိၣ်ဒီးဒုၣ်ဒွဲၣ်တၢ်လီၤ. ဒီးတၢ်ဟ့ၣ်လီၤအစိအကမီၤ, ဒ် သိးအကမၤတၢ်အလါလွံၢ်ဆံခံလါလီၤ. ⁶ ဒီးအဲးထီၣ်အ ထးခိၣ်လၢတၢ်ဒုၣ်ဒွဲၣ်ယွၤ, ဒ်သိးအကဒုၣ်ဒွဲၣ်အမံၤ, ဒီး အဒဲ, ဒီးပှၤအိၣ်ဝဲလၢမူခိၣ်တဖၣ်န့ၣ်လီၤ. ⁷ ဒီးတၢ်ဟ့ၣ် အဒုးတၢ်ဒီးပှၤစီဆှံဒီးမၤနၢၤအီၤလီၤ. ဒီးတၢ်ဟ့ၣ်လီၤအ စိအကမီၤလၢကယဲၢ်ပှၤအဒူၣ်, ဒီးကယဲၢ်ပှၤဂီၢ်မုၢ်, ဒီးပှၤ ကတိၤတၢ်အကျိာ်တဖၣ်, ဒီးပှၤကလုာ်ကလုာ်အဖီခိၣ် လီၤ. ⁸ ဒီးကယဲၢ်ပှၤလၢအအိၣ်ဝဲလၢဟီၣ်ခိၣ်ချၢ, လၢအ မံၤတအိၣ်ကွဲးဘၣ်အသးလၢသိဖိ, လၢအဒိးသံအသး လၢဟီၣ်ခိၣ်အခီၣ်ထံးလံၤလံၤန့ၣ်, အလံာ်မူပူၤတဖၣ် န့ၣ်, ဘူၣ်ထီၣ်ဘါထီၣ်အီၤခဲလၢာ်လီၤ.

⁹ ပှၤတဂၤဂၤမ့ၢ်အိၣ်ဒီးအနၢ်ဒီး, မ်အနၢ်ဟူတၢ်တက့ၢ်.

¹⁰ ပှၤတဂၤဂၤမ့ၢ်အိၣ်လၢတၢ်ကဲကုၢ်အဂီၢ်ဒီး, ကကဲကုၢ် ဝဲလီၤ. ပှၤတဂၤဂၤမ့ၢ်မၤသံတၢ်လၢနးဒီး, ကဘၣ်တၢ်မၤ သံအီၤလၢနးလီၤ. ဖဲအံၤမ့ၢ်ပှၤစီဆှံတဖၣ် အတၢ်ဝံသး စူၤ, ဒီးအတၢ်နာ်လီၤ.

¹¹ ဒီးယထံၣ်တၢ်ဒူတၢ်ဃိၤအဂၤတဒု, ဟဲထီၣ်လၢဟီၣ် ခိၣ်လာ်, ဒီးအိၣ်ဝဲဒီးအနၢၤခံဘိ, ဒ်သိဖိအသိး, ဒီးကတိၤ တၢ်ဒ်ပယိၤအသိးန့ၣ်လီၤ. ¹² ဒီးမၤတၢ်လၢတၢ်ဒူတၢ်ဃိၤ အခီၣ်ထံးတဒုအစိအကမီၤခဲလၢာ်လၢအမဲာ်ညါ, ဒီးမၢ ပှၤအိၣ်ဝဲလၢဟီၣ်ခိၣ်ချၢတဖၣ် ဘူၣ်ထီၣ်ဘါထီၣ်တၢ်ဒူ တၢ်ဃိၤအခီၣ်ထံးတဒု, လၢအဘၣ်တၢ်ကျီအီၤတုၤအက သံတ့ၢ်, ဒီးဘျါက့ၤန့ၣ်လီၤ. ¹³ ဒီးမၤတၢ်ပနီၣ်လီၤလးဖး ဒိၣ်, တုၤဒၣ်လဲာ်အဒုးဟဲလီၤမ့ၣ်အူလၢမူခိၣ်ဆူဟီၣ်ခိၣ် ချၢလၢပှၤကညီအမဲာ်ညါလီၤ. ¹⁴ ဒီးမ့ၢ်အတၢ်ပနီၣ်လီၤ လးလၢတၢ်ဟ့ၣ်အမၤဝဲလၢ တၢ်ဒူတၢ်ဃိၤအမဲာ်ညါအ ဃိဒီး, လီန့ၢ်ပှၤအိၣ်ဝဲလၢဟီၣ်ခိၣ်ချၢ, ဒီးမၤလိာ်ပှၤအိၣ်ဝဲ လၢဟီၣ်ခိၣ်ချၢ, ဒ်သိးအကတ့တၢ်ဒူတၢ်ဃိၤလၢအဘၣ် တၢ်ကျီအီၤလၢနးဒီးမူဝဲတဒုန့ၣ်အဂီၤလီၤ. ¹⁵ ဒီးတၢ်ဟ့ၣ် လီၤအီၤဒ်သိးအကဟ့ၣ်လီၤ တၢ်ဒူတၢ်ဃိၤအဂီၤန့ၣ်လၢ အသးသမူ, ဒ်သိးတၢ်ဒူတၢ်ဃိၤအဂီၤန့ၣ်, ကကတိၤတၢ် စ့ၢ်ကီး, ဒီးမၤဒ်သိးတၢ်ကမၤသံပှၤလၢ အတဘူၣ်ထီၣ် ဘါထီၣ်တၢ်ဒူတၢ်ဃိၤအဂီၤဘၣ်ခဲလၢာ်လီၤ. ¹⁶ ဒီးမၢန့ၢ် ပှၤခဲလၢာ်, ဒီးဒိၣ်ဒီးဆံး, ဒီးပှၤအထူးအတီၤ, ဒီးပှၤအဖှီၣ် အယာ်, ဒီးပှၤသဘျ့ဒီးပှၤကဲကုၢ်သ့ၣ်တဖၣ်, လၢအစုထွဲ လိၤမ့ၢ်ဂ့ၤ, လၢအမဲာ်တူၢ်ခိၣ်မ့ၢ်ဂ့ၤ, ကဒိးတၢ်ပနီၣ်တ မံၤ, ¹⁷ ဒီးဒ်သိးပှၤလၢတၢ်ဒူတၢ်ဃိၤအတၢ်ပနီၣ်မ့ၢ်ဂ့ၤ, အ မံၤမ့ၢ်ဂ့ၤ, အမံၤအတၢ်ဂံၢ်မ့ၢ်ဂ့ၤ, တအိၣ်ဘၣ်ဒီး, အပှ့ၤတၢ် ဆါတၢ်သုတသ့တဂ့ၤလီၤ.

¹⁸ ဖဲအံၤမ့ၢ်တၢ်ကူၣ်သ့ကူၣ်ဘၣ်လီၤ. ပှၤအိၣ်ဒီးတၢ်နၢ် ပၢၢ်န့ၣ်, မ်အဂံၢ်တၢ်ဒူတၢ်ဃိၤအတၢ်ဂံၢ်တက့ၢ်. အဂ့ၢ်ဒ် အံၤ, မ့ၢ်ပှၤကညီအတၢ်ဂံၢ်, ဒီးအတၢ်ဂံၢ်န့ၣ်မ့ၢ်ဃုကယၤ ဃုဆံဃုလီၤ.

၁၄

¹ ဒီးယထံၣ်တၢ်, ဒီးကွၢ်ကွၢ်, သိဖိဆၢထၢၣ်လၢကစၢၢ်စံ ယိၣ်အလိၤ, ဒီးပှၤလၢအအိၣ်ဒီးအဝဲဒၣ်အမံၤဒီးအပၢ်အ မံၤကွဲးအသးလၢအမဲာ်တူၢ်ခိၣ်န့ၣ်, တကလီၤလွံၢ်က လးလွံၢ်ကထိအိၣ်ဒီးအီၤလီၤ.

² ဒီးယနၢ်ဟူတၢ်အကလုၢ်သီၣ်လၢမူခိၣ်, ဒ်ထံအါထီၣ် အသိး, ဒီးဒ်လီသီၣ်ဖးဒိၣ်အသိးန့ၣ်လီၤ. ဒီးတၢ်ကလုၢ် သီၣ်လၢယနၢ်ဟူ, မၤသးဒ်ပှၤဒ့တနၢ်တဖၣ်ဒ့အတနၢ်အ သိးလီၤ. ³ ဒီးအုၣ်ထီၣ်ဝဲမၤအသးဒ် ထါသီအသိးလၢ လီၢ်ပစိာ်အမဲာ်ညါ, ဒီးတၢ်အသးလွံၢ်ဒု, ဒီးပှၤသူၣ်က့ သးပှၢ်န့ၣ်အမဲာ်ညါလီၤ. ဒီးပှၤမၤလိထါန့ၣ်တသ့ဘၣ်နီ တဂၤဘၣ်. သ့ထဲပှၤလၢတၢ်ပှ့ၤက့ၤအီၤလၢဟီၣ်ခိၣ်ချၢ, တကလီၤလွံၢ်ကလးလွံၢ်ကထိတဖၣ်ဧိၤလီၤ. ⁴ ပှၤတဖၣ် န့ၣ်, မ့ၢ်ပှၤလၢအတဘၣ်အၢဘၣ်ဒီးပိာ်မုၣ်ပိာ်မၢၤဘၣ်, အဂ့ၢ်ဒ်အံၤ, မ့ၢ်မုၣ်ကနီၤလီၤ. ပှၤတဖၣ်န့ၣ်မ့ၢ်ပှၤလၢအ ပိာ်သိဖိအခံ, ဖဲအဆှၢအီၤတပူၤလၢ်လၢ်လီၤ. ပှၤတဖၣ် န့ၣ်, မ့ၢ်ပှၤလၢတၢ်ပှ့ၤက့ၤအီၤလၢပှၤကညီအကျါ, ဒီးမ့ၢ် တၤသၣ်အဆိလၢယွၤဒီးသိဖိအဂီၢ်လီၤ. ⁵ ဒီးတၢ်တထံၣ် န့ၢ်ဘၣ်တၢ်ကဘျံးကဘျၣ်လၢအထးခိၣ်ဘၣ်. အဂ့ၢ်ဒ် အံၤ, အတၢ်ကမၣ်တအိၣ်ဘၣ်. ⁶ ဒီးယထံၣ်ကလူးအဂၤတဂၤ, ယူၤလၢတၢ်ဖးဖီအိၣ်ဒီးတၢ်သးခုအကစီၣ်အထူအယိာ် ဒ်သိးအကစံၣ်တဲၤတဲလီၤလၢပှၤအိၣ်လၢဟီၣ်ခိၣ်ချၢ, ဒီးကယဲၢ်ပှၤကလုာ်, ဒီးပှၤအဒူၣ်, ဒီးပှၤကတိၤတၢ်အကျိာ်, ဒီးပှၤဂီၢ်မုၢ်ခဲလၢာ်,―

⁷ ဒီးစံးဝဲလၢအကလုၢ်သီၣ်ဖးဒိၣ်, ပျံၤယွၤဒီးစံးထီၣ်ပတြၢၤ အီၤတက့ၢ်. အဂ့ၢ်ဒ်အံၤ, စံၣ်ညီၣ်တၢ်အနၣ်ရံၣ်ဘၣ်လံ. ဒီးဘူၣ်ထီၣ်ဘါထီၣ်ပှၤလၢအတ့မူခိၣ်, ဒီးဟီၣ်ခိၣ်, ဒီး ပီၣ်လဲၣ်, ဒီးထံထီၣ်ပၢၢ်တဖၣ်န့ၣ်တက့ၢ်.

⁸ ဒီးကလူးအဂၤတဂၤပိာ်အခံဒီးစံးဝဲဒၣ်, ဘၤဘူၤလိၣ်ဖး ဒိၣ်, လီၤပှီၢ်လံ, လီၤပှီၢ်လံ. အဂ့ၢ်ဒ်အံၤ, မၢန့ၢ်လံပှၤကိးအ ကလုာ်ဒဲးအီတၢ်သးဒိၣ်ထီၣ်အစပံးထံဘၣ်ဃးဒီးအမၤ ကမၣ်မုၣ်ကမၣ်ခွါလီၤ.

⁹ ဒီးကလူးအဂၤလၢအပှဲၤထီၣ်သၢဂၤတဂၤ, ပိာ်ထီၣ်အ ဝဲသ့ၣ်အခံ, ဒီးကိးထီၣ်လၢအကလုၢ်ဖးဒိၣ်, ပှၤတဂၤဂၤ မ့ၢ်ဘါထီၣ်တၢ်ဒူတၢ်ဃိၤဒီးအဂီၤ, ဒီးဒိးအတၢ်ပနီၣ်လၢ အမဲာ်တူၢ်ခိၣ်မ့ၢ်ဂ့ၤ, လၢအစုမ့ၢ်ဂ့ၤဒီး, ¹⁰ အဝဲဒၣ်ကဘၣ် အီယွၤအတၢ်သးဒိၣ်ထီၣ်အစပံးထံလၢအတဃါဃုာ် ဘၣ်ဝဲဒီးဘၣ်တၢ်ဂၢ်လီၤအီၤလၢအတၢ်သးဒိၣ်ထီၣ်အ လီခီပူၤ, ဒီးကဘၣ်တၢ်နးတၢ်ဖှီၣ်လၢမ့ၣ်အူဒီးကးအပူၤ, လၢကလူးစီဆှံတဖၣ်အမဲာ်ညါ, ဒီးသိဖိအမဲာ်ညါလီၤ.―

¹¹ ဒီးပှၤလၢအဘါထီၣ်တၢ်ဒူတၢ်ဃိၤဒီးအဂီၤ, ဒီးပှၤလၢအ ဒိးအမံၤအပနီၣ်တဖၣ်န့ၣ်, တအိၣ်ဘှံးဘၣ်လၢမုၢ်ဆါ ဆဲးလၢမုၢ်နၤ, ဒီးအတၢ်နးတၢ်ဖှီၣ်ကခုၣ်ထီၣ်ဝဲ, အစိၤစိၤ အဃၣ်ဃၣ်လီၤ.

¹² ဖဲအံၤမ့ၢ်ပှၤစီဆှံအတၢ်ဝံသးစူၤ, ပှၤလၢအတိၢ်န့ၢ်ယွၤ အကလုၢ်အကထါ, ဒီးတၢ်နာ်ဘၣ်ဃးဒီး ယ့ၣ်ရှူးန့ၣ် လီၤ.

¹³ ဒီးယနၢ်ဟူတၢ်ကလုၢ်သီၣ်လီၤလၢမူခိၣ် ဒီးစံးဝဲဒၣ်, ကွဲး, တုၤအံၤဆူညါပှၤသံလၢအသံဝဲလၢကစၢ်အပူၤတ ဖၣ်န့ၣ်ဘၣ်ဆိၣ်ဂ့ၤဝဲလီၤ. မ့ၢ်လံ, သးန့ၣ်စံးဝဲဒၣ်, ဒ်သိး အကအိၣ်ဘှံးဝဲလၢအတၢ်မၤ, ဒီးအတၢ်မၤပိာ်ထီၣ်အခံ လီၤ.

¹⁴ ဒီးယထံၣ်တၢ်, ဒီးကွၢ်ကွၢ်, တၢ်အၢၣ်ဝါ, ဒီးပှၤဆ့ၣ်နီၤ လၢတၢ်အၢၣ်န့ၣ်အလိၤ လီၤဂာ်လၢပှၤကညီဖိခွါအိၣ်ဒီး ခိၣ်သလုးထူလၢအခိၣ်, ဒီးထါဂဲာ်လၢအကနၣ်အ့ၣ်တၢ် တဘ့ၣ်လၢအစုပူၤလီၤ. ¹⁵ ဒီးကလူးအဂၤတဂၤ, ဟဲထီၣ် လၢတၢ်လုၢ်ဟံၣ်ပူၤ, ဒီးကိးပသူထီၣ်လၢအကလုၢ်ဖးဒိၣ် ဆူပှၤလၢအဆ့ၣ်အနီၤလၢတၢ်အၢၣ်အလိၤတဂၤန့ၣ်, မၢ လီၤနထါဂဲာ်, ဒီးကူးတၢ်တက့ၢ်. အဂ့ၢ်ဒ်အံၤ, ကူးတၢ်အ နၣ်ရံၣ်ဘၣ်လံ. အဂ့ၢ်ဒ်အံၤ, ဟီၣ်ခိၣ်အဘုဃ့ထီၣ်လံ.―

¹⁶ ဒီးပှၤလၢအဆ့ၣ်နီၤလၢတၢ်အၢၣ်အလိၤတဂၤ, တ့ၢ်လီၤ အထါဂဲာ်လၢဟီၣ်ခိၣ်အဖီခိၣ်, ဒီးဟီၣ်ခိၣ်ဘၣ်တၢ်ကူး အီၤလီၤ.

¹⁷ ဒီးကလူးအဂၤတဂၤ, ဟဲထီၣ်လၢတၢ်လုၢ်ဟံၣ်လၢအ အိၣ်လၢမူခိၣ်, ဒီးအဝဲဒၣ်စ့ၢ်ကီးအိၣ်ဒီးအထါဂဲာ်လၢအ ကနၣ်အ့ၣ်တဘ့ၣ်လီၤ. ¹⁸ ဒီးကလူးလၢအဂၤ, အိၣ်ဒီးအစိ အကမီၤလၢမ့ၣ်အူအဖီခိၣ်တဂၤ, ဟဲထီၣ်လၢတၢ်လုၢ် လီၢ်, ဒီးကိးပသူထီၣ်လၢအကလုၢ်ဖးဒိၣ်ဆူပှၤလၢအ အိၣ်ဒီးအထါဂဲာ်လၢအကနၣ်အ့ၣ်, ဒီးစံးဝဲဒၣ်, မၢလီၤန ထါဂဲာ်လၢအကနၣ်အ့ၣ်ဒီး ပာ်ဖှိၣ်ဟီၣ်ခိၣ်အစပံးမုၢ်အ ကူၤတဖၣ်တက့ၢ်. အဂ့ၢ်ဒ်အံၤ, အစပံးသၣ်မံထီၣ်လံ.―

¹⁹ ဒီးကလူးန့ၣ်တ့ၢ်လီၤအထါဂဲာ်လၢဟီၣ်ခိၣ်ချၢ, ဒီးပာ် ဖှိၣ်ဟီၣ်ခိၣ်အစပံးမုၢ်, ဒီးဖၢလီၤဝဲလၢယွၤအတၢ်သးဒိၣ် ထီၣ်အနီၣ်စံၢ်စပံးသၣ်အကျိးဖးဒိၣ်အပူၤလီၤ. ²⁰ ဒီးတၢ် ယီၢ်ကျိးလၢဝ့ၢ်အချၢ, ဒီးသွံၣ်ဟဲလီၤလၢကျိးပူၤ, ဒီးထီၣ် ဘးလၢကသ့ၣ်အထးအ့ၣ်, ယံၤဝဲစတၤဒံအူၢ်တကထိ ဃုကယၤလီၤ.

၁၅

¹ ဒီးတၢ်ဒိၣ်, တၢ်ကမၢကမၣ်အလီၢ်, တၢ်ပနီၣ်လီၤလး အဂၤတမံၤယထံၣ်လၢမူခိၣ်, ကလူးနွံဂၤအိၣ်ဒီးတၢ်နး တၢ်ဖှီၣ်နွံမံၤလၢအမ့ၢ်တၢ်ကတၢၢ်လီၤ. အဂ့ၢ်ဒ်အံၤ, ယွၤ အတၢ်သးဒိၣ်ထီၣ်န့ၣ်ဝံၤထီၣ်ဝဲလၢအပူၤလီၤ.

² ဒီးယထံၣ်တၢ်လီၤဂာ်လၢပီၣ်လဲၣ် ယွၤခၣ်စိးဃါဃုာ် အသးဒီးမ့ၣ်အူ, ဒီးပှၤလၢအမၤနၢၤတၢ်ဒူတၢ်ဃိၤ, ဒီးအ ဂီၤဒီးအမံၤအတၢ်ဂံၢ်န့ၣ်, ဆၢထၢၣ်လၢပီၣ်လဲၣ်ယွၤခၣ် စိးအဖံးခိၣ်, အိၣ်ဒီးယွၤအတနၢ်လီၤ. ³ ဒီးအုၣ်ယွၤအခ့ ပှၤစီၤမိၤရှ့အထါ, ဒီးသိဖိအထါ, ဒီးစံးဝဲဒၣ်, သ့တၢ်လၢာ် ကစၢ်ယွၤဧၢ, နတၢ်မၤန့ၣ်မ့ၢ်တၢ်အဒိၣ်ဒီးတၢ်ဒုးကမၢ ကမၣ်ပသးလီၤ. တၢ်အစိၤအဃၣ်အစီၤပၤဧၢ, နကျဲတ ဖၣ်န့ၣ်မ့ၢ်အတီအလိၤ, ဒီးအမ့ၢ်အတီလီၤ. ⁴ ကစၢ်ဧၢ, မ့ၢ် မတၤတပျံၤဘၣ်, ဒီးတစံးထီၣ်ပတြၢၤဘၣ်နမံၤတဂၤ လဲၣ်. အဂ့ၢ်ဒ်အံၤ, နဲဒၣ်အံၤနမ့ၢ်ပှၤစီဆှံတဂၤဃီဧိၤလီၤ. အဂ့ၢ်ဒ်အံၤ, ကယဲၢ်ပှၤကလုာ်ကလုာ်ကဟဲဘါတၢ်လၢ နမဲာ်ညါလီၤ. အဂ့ၢ်ဒ်အံၤ, နတၢ်စံၣ်ညီၣ်အိၣ်ဖျါထီၣ်လီၤ

⁵ ဒီးတၢ်တဖၣ်န့ၣ်အလီၢ်ခံဒီး, ယထံၣ်တၢ်ဒီး, တၢ်လုၢ် ဟံၣ်ဘၣ်ဃးဒီးတၢ်အုၣ်အသးအဒဲလၢမူခိၣ်အိးထီၣ်အ သးလီၤ. ⁶ ဒီးကလူးနွံဂၤအိၣ်ဒီးတၢ်နးတၢ်ဖှီၣ်နွံမံၤဟဲ ထီၣ်လၢတၢ်လုၢ်ဟံၣ်ပူၤန့ၣ်, ကူသိးထီၣ်ဖှီဝါကဆှၣ်က တြ့ၣ်ကတြိၣ်, ဒီးကံၢ်တူာ်အယီၢ်တကိးထူလၢအသးနါ ပှၢ်လီၤ. ⁷ ဒီးလၢတၢ်အသးလွံၢ်ဒုအကျါတဒု, ဟ့ၣ်လီၤက လူးနွံဂၤန့ၣ်, လၢလီခီထူနွံဖျၢၣ်လၢပှဲၤဒီးယွၤလၢအမူဝဲ လီၤထူလီၤယိာ်, အတၢ်သးဒိၣ်ထီၣ်လီၤ. ⁸ ဒီးတၢ်လုၢ် ဟံၣ်ပူၤန့ၣ်လၢပှဲၤဝဲဒီး တၢ်ခုၣ်ဘၣ်ဃးဒီး ယွၤအလၤ အကပီၤ, ဒီးအစိအကမီၤလီၤ. ဒီးကလူးနွံဂၤအတၢ်နး တၢ်ဖှီၣ်နွံမံၤန့ၣ်, တချုးဝံၤထီၣ်ဒံးဘၣ်ဒီး, ပှၤလဲၤနုာ်ဆူ တၢ်လုၢ်ဟံၣ်ပူၤတသ့ဘၣ်နီတဂၤဘၣ်.

၁၆

¹ ဒီးယနၢ်ဟူတၢ်ကလုၢ်သီၣ်ဖးဒိၣ်လၢတၢ်လုၢ်ဟံၣ်ပူၤ, ဒီးစံးဘၣ်ကလူးနွံဂၤ, လဲၤတၢ်, ဒီးဂၢ်လီၤယွၤအတၢ်သး ဒိၣ်ထီၣ်အလီခီနွံဖျၢၣ်လၢဟီၣ်ခိၣ်ချၢတက့ၢ်. ² ဒီးအခီၣ် ထံးတဂၤန့ၣ်, ဟးထီၣ်, ဒီးဂၢ်လီၤအလီခီလၢဟီၣ်ခိၣ်ချၢ, ဒီးတၢ်မၤအသးလၢတၢ်ဆါ အုၣ်လီၤသလဲးအအၢအသီ လီၤဘၣ်လၢပှၤကညီအိၣ်ဒီး တၢ်ဒူတၢ်ဃိၤအတၢ်ပနီၣ် လၢအလိၤ, ဒီးလၢပှၤလၢအဘါထီၣ်အဂီၤတဖၣ်အလိၤ န့ၣ်လီၤ.

³ ဒီးခံဂၤတဂၤန့ၣ်ဂၢ်လီၤအလီခီလၢပီၣ်လဲၣ်ပူၤဒီး, တၢ် ကဲထီၣ်ဒ်ပှၤသံအသွံၣ်အသိး, ဒီးတၢ်အိၣ်ဒီးအသးသမူ လၢပီၣ်လဲၣ်ပူၤန့ၣ်, သံခဲလၢာ်လီၤ. ⁴ ဒီးသၢဂၤတဂၤန့ၣ်ဂၢ်လီၤလီခီလၢထံကျိ, ဒီးထံထီၣ်ပၢၢ်တဖၣ်အဖီခိၣ်, ဒီးတၢ်ကဲထီၣ်ဝဲလၢတၢ်သွံၣ်လီၤ.―

⁵ ဒီးယနၢ်ဟူထံအကလူးစံးဝဲဒၣ်, ပှၤလၢအအိၣ်, ဒီးလၢ အအိၣ်တ့ၢ်, စီဆှံဧၢ, နစံၣ်ညီၣ်တၢ်အံၤတဖၣ်ဒီး, နမ့ၢ်တၢ် အတီအလိၤလီၤ. ⁶ အဂ့ၢ်ဒ်အံၤ, အဝဲသ့ၣ်တဖၣ်န့ၣ်, ဂၢ် လီၤပှၤစီဆှံဒီးဝံသ့ၣ်တဖၣ်အသွံၣ်, ဒီးနဟ့ၣ်အီအီၤလၢ တၢ်သွံၣ်လီၤ. အဂ့ၢ်ဒ်အံၤ, မ့ၢ်အကြၢးဘၣ်တၢ်ဒ်န့ၣ်လီၤ.

⁷ ဒီးယနၢ်ဟူတၢ်လုၢ်လီၢ်စံးဝဲဒၣ်, မ့ၢ်လံ, သ့တၢ်လၢာ်က စၢ်ယွၤဧၢ, နစံၣ်ညီၣ်တၢ်န့ၣ်, မ့ၢ်တၢ်အမ့ၢ်အတီ, ဒီးအတီ အလိၤလီၤ.

⁸ ဒီးလွံၢ်ဂၤတဂၤန့ၣ် ဂၢ်လီၤအလီခီလၢမုၢ်အလိၤ, ဒီး တၢ်ဒုးကိၢ်ဃိာ်ပှၤကညီလၢ မ့ၣ်အူလီၤ. ⁹ ဒီးပှၤကညီ ဘၣ်တၢ်ကိၢ်ဃိာ်လၢတၢ်ကိၢ်ဖးဒိၣ်လီၤ. ဒီးပှၤကညီ ဒုၣ်ဒွဲၣ်ယွၤအမံၤ, လၢအအိၣ်ဒီးအစိအကမီၤလၢတၢ်နး တၢ်ဖှီၣ်တဖၣ်အံၤအဖီခိၣ်, ဒီးတပီၢ်ယၢ်လီၤက့ၤအသးဒ် သိးအကဟ့ၣ်တၢ်လၤကပီၤလၢအီၤန့ၣ်ဘၣ်.

¹⁰ ဒီးယဲၢ်ဂၤတဂၤန့ၣ်, ဂၢ်လီၤအလီခီလၢတၢ်ဒူတၢ်ဃိၤ အလီၢ်ပစိာ်အဖီခိၣ်, ဒီးအဘီအမုၢ်ခံးလီၤဝဲ, ဒီးမ့ၢ်အဘၣ် တၢ်နးတၢ်ဖှီၣ်ဒီး, အ့ၣ်တံၢ်အပျ့ၤ, ¹¹ ဒီးမ့ၢ်အဘၣ်တၢ်နး တၢ်ဖှီၣ်ဒီးတၢ်ဆါအုၣ်လီၤသလဲးသတးဒီး, ဒုၣ်ဒွဲၣ်မူခိၣ် အကစၢ်, ဒီးတပီၢ်ယၢ်လီၤက့ၤအသးလၢအတၢ်မၤတ ဖၣ်န့ၣ်ဘၣ်.

¹² ဒီးဃုဂၤတဂၤန့ၣ်, ဂၢ်လီၤအလီခီလၢထံကျိဖးဒိၣ်ဖ ရၤသးအဖီခိၣ်, ဒီးထံလီၤသံးဒ်သိးစီၤပၤဟဲလၢမုၢ်ထီၣ် တဖၣ်အကျဲကအိၣ်ကတဲာ်ကတီၤအသးလီၤ. ¹³ ဒီးယ ထံၣ်သးတကဆှီဘၣ်သၢဒုလီၤဂာ်လၢဒ့ၣ်, ဟဲထီၣ်လၢ ပယိၤအကိာ်ပူၤ, ဒီးတၢ်ဒူတၢ်ဃိၤအကိာ်ပူၤ, ဒီးဝံအဘျၣ် တဂၤန့ၣ်အကိာ်ပူၤလီၤ. ¹⁴ အဂ့ၢ်ဒ်အံၤ, အဝဲသ့ၣ်မ့ၢ်တၢ်နါ အသးလၢအမၤတၢ်လီၤလး, ဒီးလဲၤထီၣ်ဝဲဆူစီၤပၤလၢ ဟီၣ်ခိၣ်ချၢခဲလၢာ်အအိၣ်, ဒ်သိးအကဒုးအိၣ်ဖှိၣ်ရိဖှိၣ် အီၤဆူတၢ်ဒုးတၢ်ယၤဘၣ်ဃးဒီးယွၤလၢအသ့တၢ်လၢာ် အနံၤဖးဒိၣ်လီၤ.

¹⁵ ကွၢ်ကွၢ်, ယဟဲဒ်တၢ်ဘျၣ်အသိးန့ၣ်လီၤ. ပှၤလၢအ ဆိးသီ, ဒီးဟံးဃာ်အကူအသိး ဒ်သိးအသုတလဲၤအိၣ် ဘ့ၣ်ဆ့တဂ့ၤ, ဒီးပှၤသုတထံၣ်အတၢ်မဲာ်ဆှးတဂ့ၤတ ဖၣ်န့ၣ်, ဘၣ်ဆိၣ်ဂ့ၤဝဲလီၤ.

¹⁶ ဒီးဒုးအိၣ်ဖှိၣ်အီၤဆူ အလီၢ်ကိးဝဲလၢ ဧ့ၤဘြံၤအက လုၢ်လၢအၢ်မက့းဒိၣ်လီၤ.

¹⁷ ဒီးနွံဂၤတဂၤန့ၣ်, ဂၢ်လီၤအလီခီလၢတၢ်ဖးဖီ, ဒီးတၢ် ကလုၢ်သီၣ်ဖးဒိၣ်ဟဲလၢတၢ်လုၢ်ဟံၣ်, လၢလီၢ်ပစိာ်, ဒီး စံးဝဲဒၣ်, တၢ်မၤလံအသးလံ. ¹⁸ ဒီးတၢ်အကလုၢ်သီၣ်တ ဖၣ်အိၣ်ဝဲ, ဒီးလီသီၣ်တဖၣ်, ဒီးလီဝၢ်အဒံးတဖၣ်, ဒီးဟီၣ် ခိၣ်ဟူးဝးဖးဒိၣ်လီၤ. လၢပှၤကညီအိၣ်လၢဟီၣ်ခိၣ်ချၢ လံၤလံၤန့ၣ်, ဟီၣ်ခိၣ်တဟူးဝးဒိၣ်ထဲန့ၣ်နီတဘျီဘၣ်.―

¹⁹ ဒီးဝ့ၢ်ဖးဒိၣ်တဖျၢၣ်န့ၣ်လီၤဖးကွံာ်သၢပူတပူၤ, ဒီးပှၤက ညီအကလုာ်ကလုာ်အဝ့ၢ်တဖၣ်လီၤပှီၢ်ဝဲ, ဒီးတၢ်သ့ၣ် နီၣ်ထီၣ်က့ၤဘၤဘူၤလိၣ်ဖးဒိၣ်လၢယွၤအမဲာ်ညါ, ဒ်သိး ကဟ့ၣ်အီၤလီခီဘၣ်ဃးဒီး အသးထီၣ်ကဲၤအစပံးထံ လီၤ. ²⁰ ဒီးကယဲၢ်ကီးတဖျၢၣ်လၢ်လၢ်န့ၣ်, ဃ့ၢ်ကွံာ်, ဒီးတၢ် တထံၣ်န့ၢ်လၢၤဘၣ်ကစၢၢ်ကလိဘၣ်. ²¹ ဒီးတၢ်စူၤလီၤ သူၣ်ဖးဒိၣ်လၢမူခိၣ်အဃၢဒ် တတၤလၣ်အဃၢအသိး, ဒီးဘၣ်ပှၤကညီလီၤ. ဒီးမ့ၢ်တၢ်နးတၢ်ဖှီၣ် ဘၣ်ဃးဒီး သူၣ်အဃိဒီး, ပှၤကညီဒုၣ်ဒွဲၣ်ယွၤလီၤ. အဂ့ၢ်ဒ်အံၤ, အ တၢ်နးတၢ်ဖှီၣ်န့ၣ်ဒိၣ်မးလီၤ.

၁၇

¹ ဒီးကလူးအိၣ်လၢကလူးနွံဂၤအကျါလၢအအိၣ်ဒီးလီ ခီနွံဖျၢၣ်တဂၤ, ဟဲဝဲဒီးကတိၤတၢ်ဒီးယၤ, ဒီးစံးဘၣ်ယၤ, ဟဲဃီၤတက့ၢ်. ယကဒုးနဲၣ်နၤလၢတၢ်စံၣ်ညီၣ်ဘၣ်ဃး ဒီးဃဲသဲမုၣ်ဖးဒိၣ်လၢအဆ့ၣ်နီၤလၢထံအါအဖီခိၣ်လီၤ.

² ဟီၣ်ခိၣ်အစီၤပၤတဖၣ်မၤကမၣ်အသးဒီးအီၤ, ဒီးပှၤအိၣ် ဝဲဆိးဝဲလၢဟီၣ်ခိၣ်ချၢတဖၣ် အီမူၤအသးလၢအတၢ်မၤ ကမၣ်မုၣ်ကမၣ်ခွါအစပံးထံလီၤ. ³ ဒီးလဲၤစိာ်ထီၣ်ယၤ လၢသးန့ၣ်အပူၤဆူပှၢ်မုၢ်ကနၢ, ဒီးယထံၣ်ပိာ်မုၣ်တဂၤ ဆ့ၣ်နီၤလၢတၢ်ဒူတၢ်ဃိၤဂီၤဆှုၣ်ကလာ်တဒုအလိၤလၢ အလၢပှဲၤဝဲဒီးတၢ်အမံၤတဖၣ်ဘၣ်ဃးဒီးတၢ်ဒုၣ်ဒွဲၣ်ယွၤ အိၣ်ဒီးအခိၣ်နွံဖျၢၣ်, ဒီးအနၢၤဆံဆဲၣ်ဘိလီၤ. ⁴ ဒီးပိာ်မုၣ် န့ၣ်ကူသိးဝဲလၢတၢ်လုးတကုာ်, ဒီးတၢ်အဂီၤဆှုၣ်က လာ်, ဒီးကယၢကယဲအသးဒီးထူဒီးတၢ်မျၢ်, ဒီးတၢ်မျၢ်ပ လဲ, အိၣ်ဒီးလီခီထူလၢအစုပူၤလၢပှဲၤဝဲဒီးတၢ်သးဘၣ် အၢတဖၣ်, ဒီးတၢ်မၤဘၣ်အၢဘၣ်ဃးဒီးအတၢ်မၤကမၣ် မုၣ်ကမၣ်ခွါလီၤ. ⁵ ဒီးအမံၤကွဲးအသးလၢအမဲာ်တူၢ်ခိၣ်, တၢ်ခူသူၣ်, ဘၤဘူၤလိၣ်ဖးဒိၣ်, ပှၤဃဲသဲမုၣ်, ဒီးဟီၣ် ခိၣ်အတၢ်သးဘၣ်အၢတဖၣ်အမိၢ်လီၤ.

⁶ ဒီးယထံၣ်ပိာ်မုၣ်အီမူၤအသးလၢပှၤစီဆှံ ဒီးပှၤလၢအ အုၣ်အသးလၢ ယ့ၣ်ရှူးအဂ့ၢ်အကျိၤတဖၣ်အသွံၣ်လီၤ. ဒီးယထံၣ်အီၤ, ဒီးယကမၢကမၣ်လၢတၢ်ကမၢကမၣ် ဒိၣ်မးလီၤ. ⁷ ဒီးကလူးအဂၤစံးဘၣ်ယၤ, နပာ်နသးကမၢ ကမၣ်ဘၣ်မနုၤလဲၣ်. ယကဒုးနဲၣ်နၤလၢ တၢ်ခူသူၣ် ဘၣ်ဃးဒီးပိာ်မုၣ်, ဒီးလၢတၢ်ဒူတၢ်ဃိၤလၢအစိာ်အီၤ အိၣ်ဒီးအခိၣ်နွံဖျၢၣ်, ဒီးအနၢၤဆံဆဲၣ်ဘိန့ၣ်လီၤ. ⁸ တၢ်ဒူ တၢ်ဃိၤလၢနထံၣ်အီၤတဒုန့ၣ်အိၣ်တ့ၢ်ဝဲဒီးတအိၣ်ဘၣ် ဒီးကဟဲက့ၤထီၣ်လၢတၢ်ယိာ်ပူၤ, ဒီးကလဲၤဆူတၢ်ဟး ဂီၤအပူၤလီၤ. ဒီးပှၤအိၣ်ဝဲလၢဟီၣ်ခိၣ်ချၢ လၢအမံၤတ ကွဲးဘၣ်အသးလၢလံာ်မူအပူၤလၢ ဟီၣ်ခိၣ်အခီၣ်ထံး လံၤလံၤတဖၣ်န့ၣ်, တုၤအထံၣ်တၢ်ဒူတၢ်ဃိၤလၢအအိၣ် တ့ၢ်, ဒီးတအိၣ်ဘၣ်, ဒီးလၢအကအိၣ်က့ၤတဒုဒီး, ကပာ် အသးကမၢကမၣ်လီၤ.

⁹ ဖဲအံၤမ့ၢ်သးအိၣ်ဒီးတၢ်ကူၣ်သ့ကူၣ်ဘၣ်လီၤ. အခိၣ် နွံဖျၢၣ်န့ၣ်, မ့ၢ်ကစၢၢ်နွံဖျၢၣ်လၢပိာ်မုၣ်ဆ့ၣ်နီၤလၢအလိၤ လီၤ. ¹⁰ ဒီးစီၤပၤနွံဂၤအိၣ်ဝဲလီၤ. ယဲၢ်ဂၤလီၤတဲာ်ကွံာ်လံ, ဒီးအဝဲတဂၤအိၣ်ဝဲ, ဒီးအဝဲတဂၤတဟဲဒံးဘၣ်. တုၤအ ဟဲဒီး, ဘၣ်အိၣ်ဝဲတစိၢ်လီၤ. ¹¹ ဒီးတၢ်ဒူတၢ်ဃိၤလၢအ အိၣ်တ့ၢ်, ဒီးတအိၣ်ဘၣ်တဒုန့ၣ်, မ့ၢ်အပှဲၤထီၣ်ဃိးဂၤတ ဂၤ, ဒီးအိၣ်ဝဲလၢနွံဂၤအကျါ, ဒီးကလဲၤဆူတၢ်ဟးဂူာ် ဟးဂီၤအပူၤလီၤ.

¹² ဒီးအနၢၤဆံဆဲၣ်ဘိလၢနထံၣ်အီၤန့ၣ်, မ့ၢ်စီၤပၤဆံ ဆဲၣ်ဂၤလၢအတန့ၢ်ဒံးဘၣ်အဘီအမုၢ်ဘၣ်. မ့ၢ်အန့ၢ် ဘၣ်အစိအကမီၤ, ဒ်စီၤပၤအသိး, အိၣ်ဒီးတၢ်ဒူတၢ်ဃိၤ တနၣ်ရံၣ်လီၤ. ¹³ အဝဲသ့ၣ်တဖၣ်န့ၣ်, အိၣ်အသးတဖျၢၣ် ဃီ, ဒီးဟ့ၣ်လီၤအဂံၢ်အဘါဒီးအစိအကမီၤဒၣ်ဝဲလၢတၢ် ဒူတၢ်ဃိၤလီၤ. ¹⁴ အဝဲသ့ၣ်တဖၣ်န့ၣ်, ကဒုးတၢ်ဒီးသိဖိ, ဒီး သိဖိကမၤနၢၤအီၤလီၤ. အဂ့ၢ်ဒ်အံၤ, အဝဲဒၣ်န့ၣ်, မ့ၢ်ကစၢ် တဖၣ်အကစၢ်, ဒီးစီၤပၤတဖၣ်အစီၤပၤ, ဒီးပှၤအိၣ်ဒီးအီၤ တဖၣ်န့ၣ်, မ့ၢ်ပှၤလၢတၢ်ကိးက့ၤအီၤ, ဒီးတၢ်ဃုထၢအီၤ, ဒီးပှၤလၢအကလုၢ်တီလီၤ.

¹⁵ ဒီးစံးဘၣ်ယၤ, ထံတဖၣ်လၢနထံၣ်အီၤလၢဃဲသဲမုၣ် ဆ့ၣ်နီၤလၢအဖီခိၣ်န့ၣ်, မ့ၢ်ပှၤကညီအကလုာ်တဖၣ်, ဒီး ပှၤဂီၢ်မုၢ်, ဒီးပှၤကလုာ်ကလုာ်, ဒီးပှၤကတိၤတၢ်အကျိာ် တဖၣ်လီၤ. ¹⁶ ဒီးအနၢၤဆံဆဲၣ်ဘိလၢနထံၣ်အီၤ, ဒီးတၢ်ဒူ တၢ်ဃိၤန့ၣ်, အဝဲသ့ၣ်ကသးဟ့ဃဲသဲမုၣ်, ဒီးကမၤသ ယုၢ်အီၤ, ဒီးကဒုးအိၣ်ဘ့ၣ်ဆ့အီၤ, ဒီးကအီၣ်အညၣ်, ဒီး ကဆိၣ်ကဲၤအီၤလၢမ့ၣ်အူလီၤ. ¹⁷ အဂ့ၢ်ဒ်အံၤ, ယွၤဒၢနုာ် တၢ်လၢအဝဲသ့ၣ်အသး, ဒ်သိးအကမၤဖဲယွၤအသး, ဒီး မၤဒီးအသးတဖျၢၣ်ဃီ, ဒီးဟ့ၣ်လီၤအဘီအမုၢ်လၢတၢ်ဒူ တၢ်ဃိၤ, တုၤလီၤလၢယွၤအတၢ်ကတိၤတဖၣ်လၢထီၣ် ပှဲၤထီၣ်လီၤ.

¹⁸ ဒီးပိာ်မုၣ်လၢနထံၣ်အီၤန့ၣ်, မ့ၢ်ဝ့ၢ်ဖးဒိၣ်လၢအပၢ ဘၣ်ဟီၣ်ခိၣ်အစီၤပၤတဖၣ်လီၤ.

၁၈

¹ ဒီးတၢ်န့ၣ်တဖၣ်အလီၢ်ခံဒီး, ယထံၣ်ဘၣ်ကလူးအ ဂၤတဂၤ, အိၣ်ဒီးအစိဒိၣ်အကမီၤထီဟဲလီၤလၢမူခိၣ်, ဒီး ဟီၣ်ခိၣ်ကပီၤထီၣ်လၢအတၢ်ကပြုၢ်ကပြီၤလီၤ. ² ဒီးကိး ပသူထီၣ်လၢအကလုၢ်ဆူၣ်ဒီးစံးဝဲဒၣ်, ဘၤဘူၤလိၣ်ဖး ဒိၣ်လီၤပှီၢ်လံ, လီၤပှီၢ်လံ,+ ၡါ. ၂၁း၉|Isa.21.9*, ဒီးကဲထီၣ်တၢ်ဝံ တၢ်နါအလီၢ်, ဒီးကယဲၢ်သးတကဆှီဘၣ်ခိးတၢ်အလီၢ်, ဒီးထိၣ်တကဆှီဘၣ်ဒီးဘၣ် တၢ်သးဟ့အီၤခဲလၢာ်ခိး တၢ်အလီၢ်လီၤ. ³ အဂ့ၢ်ဒ်အံၤ, ကယဲၢ်ပှၤကလုာ်ကလုာ် အီလံတၢ်သးဒိၣ်ထီၣ်အစပံးထံ ဘၣ်ဃးဒီးအဝဲဒၣ်အ တၢ်မၤကမၣ်မုၣ်ကမၣ်ခွါလီၤ. ဒီးဟီၣ်ခိၣ်အစီၤပၤတ ဖၣ်မၤကမၣ်အသးဒီးအီၤ, ဒီးမ့ၢ်အတၢ်မုာ်တၢ်လၤအါ လုာ်ကွံာ်အဃိဒီး, ပှၤကၤတၢ်ဖိလၢဟီၣ်ခိၣ်ချၢတဖၣ် န့ၣ်, ထူးထီၣ်တီၤထီၣ်ဝဲဒၣ်လီၤ.

⁴ ဒီးယနၢ်ဟူတၢ်အကလုၢ်အဂၤတမံၤသီၣ်လၢမူခိၣ်စံး ဝဲဒၣ်, ယပှၤဂီၢ်မုၢ်သ့ၣ်ဧၢ, ဒ်သိးသုသုတဘၣ်ဃးဒီးအ တၢ်ဒဲးဘးတဂ့ၤ, ဒီးဒ်သိးသုသုတဘၣ်ဃုာ်ဒီးအတၢ်နး တၢ်ဖှီၣ်တဂ့ၤဒီး, ဟးထီၣ်လၢအပူၤတက့ၢ်. ⁵ အဂ့ၢ်ဒ်အံၤ, အတၢ်ဒဲးဘးထီၣ်ဘးလၢမူခိၣ်, ဒီးယွၤသ့ၣ်နီၣ်ထီၣ်က့ၤ အတၢ်တတီတလိၤဘၣ်လီၤ. ⁶ ဒ်အဟ့ၣ်တၢ်အသိးန့ၣ်, ဟ့ၣ်အီၤတက့ၢ်, ဒီးဒ်အတၢ်မၤအသိးန့ၣ်, ဟ့ၣ်အီၤအါ ထီၣ်ခံစးတက့ၢ်. လီခီလၢအမၤပှဲၤထီၣ်န့ၣ်, မၤပှဲၤန့ၢ်အီၤ ခံစးတက့ၢ်. ⁷ ဖဲဒၣ်အတၢ်စံးထီၣ်ပတြၢၤလီၤအသး, ဒီး အတၢ်မုာ်လၤဝဲန့ၣ်, ဟ့ၣ်လီၤအီၤလၢတၢ်နးတၢ်ဖှီၣ်, ဒီး တၢ်သူၣ်အုးသးအုးထဲသိးသိးန့ၣ်တက့ၢ်. အဂ့ၢ်ဒ်အံၤ, စံး လီၤအသး, ယဆ့ၣ်နီၤနီၢ်ပၤမုၣ်ယဲ, ဒီးယတမ့ၢ်ဘၣ်ပှၤ မုၣ်ကမဲဘၣ်, ဒီးယတထံၣ်ဘၣ်တၢ်သးအုးလ့ၤတက့ၤ ဘၣ်. ⁸ မၤသးဒ်န့ၣ်ဒီးအတၢ်နးတၢ်ဖှီၣ်ကဟဲလၢမုၢ်တ နံၤဃီ, တၢ်သံ, ဒီးတၢ်သူၣ်အုးသးအုး, ဒီးတၢ်သၣ်ဝံၤလီၤ ဒိတဖၣ်လီၤ. ဒီးမ့ၣ်အူကအီၣ်ကွံာ်အီၤလီၤ. အဂ့ၢ်ဒ် အံၤ, ယွၤလၢအစံၣ်ညီၣ်အီၤန့ၣ်, အိၣ်ဒီးအစိအကမီၤလီၤ.

⁹ ဒီးဟီၣ်ခိၣ်အစီၤပၤလၢ အမၤကမၣ်တၢ်ဒီးအီၤ, ဒီးမုာ် လၤဃုာ်ဒီးအီၤတဖၣ်န့ၣ်, တုၤအထံၣ်ဘၣ်မ့ၣ်အူလၢအ အီၣ်ကွံာ်အီၤအခုၣ်ထီၣ်ဒီး, ကဟီၣ်ဝဲ, ဒီးကဒဲလီၤအသး နါပှၢ်, ¹⁰ ဒီးကဆၢထၢၣ်လၢအယံၤလၢအပျံၤအတၢ်နး တၢ်ဖှီၣ်အဃိ, ဒီးကစံးဝဲ, အၣ်လါ, အၣ်လါ, ဝ့ၢ်ဖးဒိၣ်ဘၤ ဘူၤလိၣ်, ဝ့ၢ်လၢအအိၣ်ဒီးအကဟုကညီၢ်ဧၢ. အဂ့ၢ်ဒ် အံၤ, တၢ်စံၣ်ညီၣ်ဃၣ်နၤဟဲလၢတနၣ်ရံၣ်အတီၢ်ပူၤလီၤ.

¹¹ ဒီးပှၤကၤတၢ်ဖိလၢဟီၣ်ခိၣ်ချၢ, ကဟီၣ်ဝဲယၢၤဝဲ, ဒီးက ဘၣ်မိၣ်ဘၣ်မးလၢအဃိလီၤ. အဂ့ၢ်ဒ်အံၤ, ပှၤတပှ့ၤအ တၢ်လဲာ်တၢ်ကၤနီတဂၤဘၣ်. ¹² အကၤတၢ်လၢထူ, ဒီးစ့, ဒီးတၢ်မျၢ်, ဒီးတၢ်မျၢ်ပလဲ, ဒီးတၢ်ဝါ, ဒီးတၢ်လုးတကုာ်, ဒီးသတိၢ်, ဒီးတၢ်ဂီၤ, ဒီးကယဲၢ်သ့ၣ်နၢမူသွံနူးအကလုာ် ကလုာ်, ဒီးလီခီကဆီမဲအကလုာ်ကလုာ်, ဒီးလီခီသ့ၣ် လၢအလုၢ်ဒိၣ်ပှ့ၤဒိၣ်အကလုာ်ကလုာ်, ဒီးလီခီတိၢ်, ဒီး လီခီထး, ဒီးလီခီလၢၢ်ဝါ, ¹³ ဒီးသ့ၣ်ကဒါရၤအဖံး, ဒီးတၢ် နၢမူဆိၣ်ကဲၤဒီးမူၣ်ရၣ်, ဒီးလီၢ်ဘၣ်, ဒီးစပံးထံ, ဒီးသိ, ဒီး ကိၣ်ကမူၣ်, ဒီးဘုကၠူၣ်, ဒီးဆၣ်ဖိကီၢ်ဖိ, ဒီးတၤသိ, ဒီးက သ့ၣ်, ဒီးလ့ၣ်ကဟၣ်, ဒီးပှၤကညီအနီၢ်ခိဒီးအသးလီၤ.―

¹⁴ ဒီးတၤသၣ်လၢနသးကွံအီၤတဖၣ်န့ၣ်, လဲၤသဒၣ်နၤလီၤ ဒီးကယဲၢ်တၢ်ဝံၣ်သိ, ဒီးတၢ်ကတြ့ၣ်ကတြိၣ်, ဟါမၢ်လၢ နအိၣ်လီၤ. ဒီးနတထံၣ်န့ၢ်လၢၤဘၣ်အီၤနီတခီၣ်ဘၣ်.

¹⁵ ဒီးပှၤလဲၤကၤတၢ်လၢအထူးထီၣ်တီၤထီၣ်လၢအီၤန့ၣ်, ကဆၢထၢၣ်လၢအယံၤလၢ အပျံၤအတၢ်နးတၢ်ဖှီၣ်အ ဃိ, ဒီးကဟီၣ်ဝဲယၢၤဝဲ, ဒီးကဘၣ်မိၣ်ဘၣ်မး, ¹⁶ ဒီးကစံး, အၣ်လါ, အၣ်လါ, ဝ့ၢ်ဖးဒိၣ်လၢအကူသိးဝဲဒီးတၢ်ဝါ, ဒီး တၢ်လုးတကုာ်, ဒီးတၢ်ဂီၤဆှုၣ်ကလာ်ဒီးကယၢအသး လၢထူ, ဒီးတၢ်မျၢ်, ဒီးတၢ်မျၢ်ပလဲ, ¹⁷ အဂ့ၢ်ဒ်အံၤ, တၢ်ထူး တၢ်တီၤဒိၣ်ထဲအံၤ, ဟးဂီၤလၢတနၣ်ရံၣ်အတီၢ်ပူၤလီၤ. ဒီးကယဲၢ်ကဘီအခိၣ်, ဒီးကယဲၢ်ပှၤဒိးကဘီ, ဒီးကယဲၢ် ကဘီဖိ, ဒီးဖဲဒၣ်ပှၤလၢအလဲၤကၤတၢ်လၢပီၣ်လဲၣ်ပူၤတ ဖၣ်န့ၣ်, ဆၢထၢၣ်လၢအယံၤ ¹⁸ ဒီးထံၣ်မ့ၣ်အူအီၣ်ကွံာ်အီၤ အခုၣ်ထီၣ်, ဒီးကိးပသူထီၣ်ဒီးစံးဝဲဒၣ်, တၢ်လီၤဂာ်လၢ ဝ့ၢ်ဖးဒိၣ်အံၤမ့ၢ်မနုၤလဲၣ်. ¹⁹ ဒီးဖှံထီၣ်ဟီၣ်ခိၣ်အကမူၣ်ဆူ အခိၣ်, ဒီးဟီၣ်ထီၣ်ယၢၤထီၣ်, ဒီးဘၣ်မိၣ်ဘၣ်မး, ဒီးကိး ပသူထီၣ်ဒီးစံးဝဲဒၣ်, အၣ်လါ, အၣ်လါ, ဝ့ၢ်ဖးဒိၣ်လၢက ယဲၢ်ပှၤအိၣ်ဒီးကဘီလၢပီၣ်လဲၣ်ပူၤန့ၣ်, ထူးထီၣ်တီၤ ထီၣ်လၢအတၢ်လုၢ်ဒိၣ်ပှ့ၤဒိၣ်လၢအပူၤန့ၣ်, အဂ့ၢ်ဒ်အံၤ, တၢ်မၤသယုၢ်အီၤလၢတနၣ်ရံၣ်အတီၢ်ပူၤလီၤ.

²⁰ မူခိၣ်, ဒီးပှၤစီဆှံ, ဒီးပှၤတၢ်မၢဖိ, ဒီးဝံသ့ၣ်ဧၢ, သးခု လၢအဖီခိၣ်တက့ၢ်. အဂ့ၢ်ဒ်အံၤ, ယွၤစံၣ်ညီၣ်အီၤလၢ သုတၢ်စံၣ်ညီၣ်လီၤ.

²¹ ဒီးကလူးလၢအဂံၢ်ဆူၣ်အဘါဆူၣ်တဂၤ, ဟံးန့ၢ်လၢၢ် ဖးဒိၣ်, ဒ်ဆၢၣ်ဂူာ်လၢၢ်အသိးတဖျၢၣ်, ဒီးတ့ၢ်လီၤကွံာ် အီၤဆူပီၣ်လဲၣ်ပူၤ, ဒီးစံးဝဲဒၣ်, တၢ်ကတ့ၢ်လီၤကွံာ်ဝ့ၢ်ဖး ဒိၣ်ဘၤဘူၤလိၣ်ဒ်အံၤသိး, ဒီးတၢ်တထံၣ်န့ၢ်လၢၤဘၣ် အီၤဘၣ်. ²² ဒီးပှၤဒ့တနၢ်, ဒီးပှၤသးဝံၣ်တၢ်, ဒီးပှၤအူပံ, ဒီး ပှၤအူကွဲၤသ့ၣ်တဖၣ်အသီၣ်, တၢ်တနၢ်ဟူလၢၤဘၣ်လၢ နပူၤဘၣ်. ဒီးကယဲၢ်ပှၤမၤတၢ်သ့ဘၣ်ဃးဒီးကယဲၢ်တၢ် မၤန့ၣ်, တၢ်တထံၣ်န့ၢ်လၢၤဘၣ်လၢနပူၤဘၣ်. ဒီးတၢ်ဂူာ် ဆၢၣ်ဂူာ်အသီၣ်န့ၣ်, တၢ်တနၢ်ဟူလၢၤဘၣ်လၢနပူၤ ဘၣ်. ²³ ဒီးမ့ၣ်အူဒၢတကပီၤလၢၤဘၣ်လၢနပူၤဘၣ်, ဒီး တလးမူးပိာ်ခွါ, ဒီးတလးမူးပိာ်မုၣ်အကလုၢ်န့ၣ်, တၢ် တနၢ်ဟူလၢၤဘၣ်လၢနပူၤဘၣ်. အဂ့ၢ်ဒ်အံၤ, နပှၤကၤ တၢ်ဖိမ့ၢ်ပှၤအဒိၣ်အထီလၢဟီၣ်ခိၣ်ချၢလီၤ. အဂ့ၢ်ဒ်အံၤ, လၢနမၤကဒါပမဲာ်န့ၣ်, ပှၤကိးကလုာ်ဒဲးဘၣ်တၢ်လီန့ၢ် အီၤလီၤ.

²⁴ ဒီးတၢ်ထံၣ်န့ၢ်လၢအပူၤဝံတဖၣ် ဒီးပှၤစီဆှံတဖၣ်အ သွံၣ်, ဒီးကယဲၢ်ပှၤလၢအဘၣ်တၢ်မၤသံအီၤလၢဟီၣ်ခိၣ် ချၢအသွံၣ်လီၤ.

၁၉

¹ တၢ်တဖၣ်န့ၣ်အလီၢ်ခံဒီး, ယနၢ်ဟူပှၤအါဂၤအက လုၢ်သီၣ်ဖးဒိၣ်လၢမူခိၣ်, ဒီးစံးဝဲဒၣ်, စံးထီၣ်ပတြၢၤယွၤ တက့ၢ်. မ်တၢ်အုၣ်က့ၤခီၣ်က့ၤ, ဒီးတၢ်လၤတၢ်ကပီၤ, ဒီး တၢ်စိတၢ်ကမီၤတဖၣ်န့ၣ်, အိၣ်ဒီးပကစၢ်တက့ၢ်. ² အဂ့ၢ် ဒ်အံၤ, အတၢ်စံၣ်ညီၣ်တဖၣ်န့ၣ်, မ့ၢ်အမ့ၢ်အတီ, ဒီးအတီ အလိၤလီၤ. အဂ့ၢ်ဒ်အံၤ, စံၣ်ညီၣ်ဃဲသဲမုၣ်ဖးဒိၣ်လၢအ မၤဘၣ်အၢလီၤပှၤဟီၣ်ခိၣ်ဖိလၢ အတၢ်ကမၣ်မုၣ်ကမၣ် ခွါ, ဒီးမၤဆၢက့ၤအခ့အပှၤအသွံၣ်ဂၢ်လီၤအသးလၢအ စုပူၤလီၤ. ³ ဒီးစံးကဒီးဝဲတကူၢ်သ့ၣ်, စံးထီၣ်ပတြၢၤယွၤ တက့ၢ်. ဒီးအခုၣ်ထီၣ်ဝဲအစိၤစိၤအဃၣ်ဃၣ်လီၤ.

⁴ ဒီးပှၤသူၣ်က့သးပှၢ်ခံဆံလွံၢ်ဂၤ, ဒီးတၢ်အသးလွံၢ်ဒု တီၤလီၤကဒွံကျိာ်, ဒီးဘူၣ်ထီၣ်ဘါထီၣ်ယွၤလၢအဆ့ၣ် နီၤလၢလီၢ်ပစိာ်အဖီခိၣ်, ဒီးစံးဝဲဒၣ်, အၤမ့ၣ်, စံးထီၣ်ပ တြၢၤယွၤတက့ၢ်.

⁵ ဒီးတၢ်ကလုၢ်သီၣ်ထီၣ်လၢလီၢ်ပစိာ်အပူၤန့ၣ်စံးဝဲဒၣ်, ယွၤအခ့အပှၤခဲလၢာ်, ဒီးပှၤလၢအပျံၤအီၤ, ဒီးဒိၣ်ဒီးဆံး သ့ၣ်ဧၢ, သးဝံၣ်သးဆၢအီၤတက့ၢ်.

⁶ ဒီးယနၢ်ဟူတၢ်ကလုၢ်သီၣ်, ဒ်ပှၤဂီၢ်မုၢ်ဖးဒိၣ်အသီၣ် အသိး, ဒီးဒ်ထံအါသီၣ်အသိး, ဒီးဒ်လီသီၣ်ဆူၣ်အသိး, ဒီးစံးဝဲဒၣ်, စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ယွၤပ ကစၢ်လၢအသ့တၢ်လၢာ်, ပၢဘၣ်တၢ်လီၤ. ⁷ သူၣ်ခုသးခု ဒီးသူၣ်ဖှံသးညီ, ဒီးဟ့ၣ်တၢ်လၤကပီၤလၢအီၤတက့ၢ်. အ ဂ့ၢ်ဒ်အံၤ, သိဖိအတလးမူးအမူးဘၣ်ဝဲ, ဒီးအမါကတဲာ် ကတီၤအသးလီၤ. ⁸ ဒီးတၢ်ဒုးကူဒုးသိးအီၤဒီးတၢ်ဝါက ဆှီဒီးကတြ့ၣ်ကတြိၣ်လီၤ. အဂ့ၢ်ဒ်အံၤ, တၢ်ဝါန့ၣ်မ့ၢ် ပှၤစီဆှံအတၢ်တီတၢ်လိၤလီၤ.

⁹ ဒီးစံးဘၣ်ယၤ, ကွဲး, ပှၤလၢတၢ်ကိးန့ၢ်အီၤဆူသိဖိအမူး ပူၤန့ၣ်, ဘၣ်ဆိၣ်ဂ့ၤဝဲလီၤ. ဒီးစံးဘၣ်ယၤ, တၢ်ကတိၤတ ဖၣ်အံၤ, မ့ၢ်ယွၤအကလုၢ်အမ့ၢ်အတီလီၤ. ¹⁰ ဒီးဒ်သိးယ ကဘါထီၣ်အီၤဒီး, ယတီၤလီၤလၢအခီၣ်ထံးလီၤ. ဒီးစံး ဘၣ်ယၤ, ပလီၢ်နသးဒ်သိးနသုတမၤတဂ့ၤ. ယမ့ၢ်ကုၢ်သ ကိးကုၢ်ဒီးနၤ, ဒီးအိၣ်လၢနဒီပုၢ်ဝဲၢ်အကျါလၢအအိၣ်ဒီး ယ့ၣ်ရှူးအတၢ်အုၣ်အသးတဖၣ်လီၤ. ဘါထီၣ်ယွၤတ က့ၢ်. အဂ့ၢ်ဒ်အံၤ, ယ့ၣ်ရှူးအတၢ်အုၣ်အသးမ့ၢ်ကတိၤတၢ် လၢဝံအကျိာ်အသးလီၤ.

¹¹ ဒီးယထံၣ်မူခိၣ်အိးထီၣ်အသး, ဒီးကွၢ်ကွၢ်, ကသ့ၣ်ဝါ ဒီးပှၤဆ့ၣ်နီၤလၢအလိၤတဂၤ, ကိးဝဲအမံၤလၢပှၤအက လုၢ်တီ, ဒီးပှၤအမ့ၢ်အတီလီၤ. ဒီးစံၣ်ညီၣ်တၢ်, ဒီးဒုးတၢ် လၢတၢ်တီတၢ်လိၤအပူၤလီၤ. ¹² ဒီးအမဲာ်သၣ်ကိၣ်မၤအ သးဒ်မ့ၣ်အူလၣ်အသိး, ဒီးခိၣ်သလုးဖိအါဖျၢၣ်အိၣ်လၢ အခိၣ်, ဒီးအမံၤကွဲးအသးလၢပှၤတသ့ၣ်ညါဘၣ်နီတ ဂၤဘၣ်, သ့ၣ်ညါထဲအကစၢ်ဒၣ်ဝဲဧိၤလီၤ. ¹³ ဒီးကူသိးဝဲဒီး အဆ့ဘျၢအသးလၢတၢ်သွံၣ်အပူၤ, ဒီးအမံၤဘၣ်ကိးဝဲ လၢယွၤအကလုၢ်အကထါလီၤ. ¹⁴ ဒီးမူခိၣ်အသုးမုၢ်သံၣ် ဘိကူသိးဝဲဒီးတၢ်ဝါကဆှီန့ၣ်, ပိာ်ထီၣ်အခံ, လၢကသ့ၣ် ဝါတဖၣ်အလိၤလီၤ. ¹⁵ ဒီးနးလၢအကနၣ်အ့ၣ်တၢ်တ ဘ့ၣ်, ဟဲထီၣ်လၢအကိာ်ပူၤ, ဒ်သိးအကကျီပှၤအကလုာ် ကလုာ်လၢအီၤ, ဒီးကကွၢ်ပှၤအကလုာ်ကလုာ်ဒီးနီၣ် ထိးဘိထး, ဒီးကယီၢ်ဝဲလၢယွၤလၢအသ့တၢ်လၢာ်အ သူၣ်ဒိၣ်သးထီၣ် အကျိးစပံးထံအလီၢ်လီၤ. ¹⁶ ဒီးအမံၤ ကွဲးအသးလၢအကူအသိး, ဒီးအကံၣ်ဒုၣ်လိၤ, စီၤပၤတ ဖၣ်အစီၤပၤ, ဒီးကစၢ်တဖၣ်အကစၢ်လီၤ.

¹⁷ ဒီးယထံၣ်ကလူးတဂၤဆၢထၢၣ်လၢမုၢ်အပူၤ, ဒီးကိး ပသူထီၣ်လၢအကလုၢ်ဖးဒိၣ်, ဒီးစံးဘၣ်ထိၣ်ဧိၤလံၣ်ဧိၤ လၢအယူၤဝဲလၢတၢ်ဖးဖီခဲလၢာ်, ဟဲက့ၤအိၣ်ဖှိၣ်ရိဖှိၣ် ဆူကစၢ်ဖးဒိၣ်အတၢ်အီၣ်အပူၤ, ¹⁸ ဒ်သိးသုကအီၣ်စီၤပၤ အညၣ်, ဒီးပှၤသုးဖိတကထိအခိၣ်အညၣ်, ဒီးပှၤလၢအ ဂံၢ်ဆူၣ်ဘါဆူၣ်အညၣ်, ဒီးကသ့ၣ်အညၣ်, ဒီးပှၤဆ့ၣ်နီၤ လၢအလိၤအညၣ်, ဒီးကယဲၢ်ပှၤခဲလၢာ်အညၣ်, သဘျ့ဖိ ဒီးကုၢ်ဖိဒီးဒိၣ်ဒီးဆံးန့ၣ်တက့ၢ်.

¹⁹ ဒီးယထံၣ်တၢ်ဒူတၢ်ဃိၤ, ဒီးဟီၣ်ခိၣ်အစီၤပၤတဖၣ်, ဒီးအသုးဖိသ့ၣ်တဖၣ်အိၣ်ဖှိၣ်ရိဖှိၣ်, ဒ်သိးအကဒုးတၢ် ဒီးပှၤလၢအဆ့ၣ်နီၤလၢ ကသ့ၣ်အလိၤဒီးအသုးဖိန့ၣ် လီၤ. ²⁰ ဒီးတၢ်ဖီၣ်ဃာ်တၢ်ဒူတၢ်ဃိၤ, ဒီးဝံအဘျၣ်အိၣ်ဒီး အီၤလၢအမၤတၢ်ပနီၣ်လီၤလးလၢအမဲာ်ညါ, ဒီးလီပှၤ အိၣ်ဒီးတၢ်ဒူတၢ်ဃိၤအတၢ်ပနီၣ်လၢအလိၤ, ဒီးဘါအ တၢ်ဂီၤတဖၣ်လီၤ. အဝဲခံဂၤဘၣ်တၢ်တ့ၢ်လီၤကွံာ်အီၤ မူဒံးဝဲ, ဆူနိၣ်မ့ၣ်အူဒီးကးအီၣ်ကွံာ်တၢ်အပူၤလီၤ. ²¹ ဒီးပှၤ အိၣ်လီၤတဲာ်တဖၣ်ဘၣ်သံလၢနး, လၢအဟဲထီၣ်လၢပှၤ လၢအဆ့ၣ်နီၤလၢကသ့ၣ်အလိၤအထးခိၣ်, ဒီးထိၣ်ဧိၤ လံၣ်ဧိၤခဲလၢာ်, အီၣ်ဘျဲးအီၣ်အသးလၢအညၣ်လီၤ.

၂၀

¹ ဒီးယထံၣ်ကလူးဟဲလီၤလၢမူခိၣ်တဂၤ, အိၣ်ဒီးတၢ် ယိာ်ပူၤအနီၣ်ဝံာ်, ဒီးထးသွဲဖးဒိၣ်လၢအစုပူၤလီၤ. ² ဒီး ဖီၣ်န့ၢ်ပယိၤ, ဂုၢ်လၢသီလၢအမ့ၢ်မုၣ်ကီၤလံၢ်, ဒီးစၤတၣ်, ဒီးစၢဃာ်အီၤအနံၣ်တကထိလီၤ. ³ ဒီးအနံၣ်တကထိတ ချုးပှဲၤထီၣ်ဒံးဘၣ်ဒီး, ဒ်သိးအသုတလီန့ၢ်ပှၤအကလုာ် ကလုာ်တဂ့ၤဒီး, တ့ၢ်လီၤအီၤဆူတၢ်ယိာ်ပူၤ, ဒီးကးတံာ် ဃာ်အီၤ, ဒီးပာ်တၢ်စဲပနီၣ်ဃာ်လၢအဖီခိၣ်လီၤ. တၢ်တ ဖၣ်န့ၣ်အလီၢ်ခံဒီး, ကဘၣ်ထူၣ်ဖျဲးတစိၢ်ဖိလီၤ.

⁴ ဒီးယထံၣ်လီၢ်ပစိာ်တဖၣ်, ဒီးပှၤဆ့ၣ်နီၤလၢအဖီခိၣ်, ဒီးတၢ်ဟ့ၣ်အီၤလၢတၢ်စံၣ်ညီၣ်, ဒီးပှၤလၢအတဘါဘၣ် တၢ်ဒူတၢ်ဃိၤဒီးအတၢ်ဂီၤ, ဒီးတဒိးဘၣ်အတၢ်ပနီၣ်လၢ အမဲာ်တူၢ်ခိၣ်ဒီးလၢအစုလိၤဘၣ်. ဒီးအုၣ်အသးလၢ ယ့ၣ်ရှူး, ဒီးယွၤအကလုၢ်အကထါအဂ့ၢ်အကျိၤသတး ဒီး, ဒိးတၢ်ကျီကွံာ်အကိာ်တဖၣ်န့ၣ်ယထံၣ်ဘၣ်အသး တဖၣ်လီၤ. ဒီးမူဝဲဒီးပၢဘၣ်တၢ်ဒီးခရံာ်အနံၣ်တကထိ လီၤ. ⁵ ဘၣ်ဆၣ်ဒီးအနံၣ်တကထိတချုးပှဲၤထီၣ်ဒံးဘၣ် ဒီး, ပှၤသံအဂၤတဖၣ်တမူဘၣ်ဝဲဘၣ်. အဝဲအံၤမ့ၢ်တၢ်ဂဲၤ ဆၢထၢၣ်က့ၤအခီၣ်ထံးတတီၤလီၤ. ⁶ ပှၤလၢအဂီၢ်အိၣ် လၢတၢ်ဂဲၤဆၢထၢၣ်အခီၣ်ထံးတတီၤအံၤ, စီဆှံဝဲ, ဒီး ဘၣ်ဆိၣ်ဂ့ၤလီၤ. ပှၤဒ်န့ၣ်အသိးတဖၣ်အဖီခိၣ်, တၢ်သံ ပှဲၤထီၣ်ခံစုတစုန့ၣ်အစိအကမီၤတအိၣ်ဘၣ်, မ့မ့ၢ်ကကဲ ထီၣ်ပှၤလုၢ်တၢ်အခိၣ်ဘၣ်ဃးဒီးယွၤ, ဒီးခရံာ်, ဒီးကပၢ ဘၣ်တၢ်ဒီးအီၤအနံၣ်တကထိလီၤ.

⁷ ဒီးတုၤအနံၣ်တကထိပူၤကွံာ်ဒီး, မုၣ်ကီၤလံၢ်ကထူၣ် ဖျဲးထီၣ်လၢအဃိာ်ပူၤ, ⁸ ဒီးကလဲၤထီၣ်လီန့ၢ်ပှၤကိးဖိဒီး ပှၤမကိးဖိ, ဒီးပှၤကလုာ်ကလုာ်အိၣ်လၢဟီၣ်ခိၣ်အသ နၢၣ်လွံၢ်သနၢၣ်, ဒ်သိးအကဒုးအိၣ်ဖှိၣ်ရိဖှိၣ်အီၤလၢတၢ် ဒုးတၢ်ယၤအဂီၢ်လီၤ. ဒီးအတၢ်ဂံၢ်အါထဲသိးဒီးမဲးလၢပီၣ် လဲၣ်နံၤန့ၣ်လီၤ. ⁹ ဒီးလဲၤထီၣ်လၢဟီၣ်ခိၣ်ချၢဒီဘ့ၣ်, ဒီးဝီၤ ဃာ်ပှၤစီဆှံအသူၣ်ဒဲအလီၢ် ဒီးဝ့ၢ်လၢတၢ်အဲၣ်အီၤတ ဖျၢၣ်, ဒီးမ့ၣ်အူဟဲလီၤလၢမူခိၣ်, ဒီးအီၣ်ကွံာ်အီၤလီၤ. ¹⁰ ဒီး မုၣ်ကီၤလံၢ်လၢအလီန့ၢ်အီၤန့ၣ်, ဘၣ်တၢ်တ့ၢ်လီၤကွံာ် အီၤဆူမ့ၣ်အူဒီးကးအနိၣ်ပူၤ, ဖဲတၢ်ဒူတၢ်ဃိၤ, ဒီးဝံအ ဘျၣ်အိၣ်ဝဲလီၤ. ဒီးကဘၣ်တၢ်မၤနးမၤဖှီၣ်အီၤလၢမုၢ်ဆါ ဆဲးလၢမုၢ်နၤအစိၤစိၤအဃၣ်ဃၣ်လီၤ.

¹¹ ဒီးယထံၣ်လီၢ်ပစိာ်ဝါဖးဒိၣ်, ဒီးပှၤလၢအဆ့ၣ်နီၤလၢ အဖီခိၣ်လီၤ. ဒီးဟီၣ်ခိၣ်, ဒီးမူခိၣ်ဃ့ၢ်ကွံာ်လၢအမဲာ်ညါ, ဒီးတၢ်တထံၣ်န့ၢ်လၢၤဘၣ်အလီၢ်ဘၣ်.

¹² ဒီးယထံၣ်ပှၤသံ, ဒီးဒိၣ်ဒီးဆံးတဖၣ်န့ၣ်, ဆၢထၢၣ်လၢ လီၢ်ပစိာ်အမဲာ်ညါ, ဒီးတၢ်အိးထီၣ်လံာ်တဖၣ်, ဒီးလံာ် အဂၤလၢအမ့ၢ်လံာ်မူတကတြူၢ် ဘၣ်တၢ်အိးထီၣ်အ သး, ဒီးပှၤအသံတဖၣ်ဘၣ်တၢ်စံၣ်ညီၣ်အီၤဒ်အတၢ်မၤ တဖၣ်အသိး, ဒ်တၢ်ကွဲးအသးလၢလံာ်တဖၣ်အပူၤအ သိးလီၤ. ¹³ ဒီးပီၣ်လဲၣ်ဟ့ၣ်ထီၣ်ပှၤသံအိၣ်လၢအပူၤ, ဒီး တၢ်သံဒီးပျုၤပူၤန့ၣ်ဟ့ၣ်ထီၣ်ပှၤသံအိၣ်လၢအပူၤ, ဒီးအ ဝဲသ့ၣ် ဘၣ်တၢ်စံၣ်ညီၣ်အီၤဒ်အတၢ်မၤတဖၣ်အသိးန့ၣ်, တဂၤဒီးတဂၤလီၤ.

¹⁴ ဒီးတၢ်တ့ၢ်လီၤကွံာ်တၢ်သံဒီးပျုၤပူၤန့ၣ်, ဆူနိၣ်မ့ၣ်အူ အပူၤလီၤ. အဝဲန့ၣ်မ့ၢ်တၢ်သံလၢအပှဲၤထီၣ်ခံစုတစု, နိၣ် မ့ၣ်အူန့ၣ်လီၤ. ¹⁵ ဒီးဖဲဒၣ်ပှၤလၢတၢ်တထံၣ်န့ၢ်အမံၤကွဲး အသးလၢလံာ်မူအပူၤဘၣ်, တၢ်တ့ၢ်လီၤကွံာ်အီၤဆူနိၣ် မ့ၣ်အူအပူၤလီၤ.

၂၁

¹ ဒီးယထံၣ်မူခိၣ်အသီ, ဒီးဟီၣ်ခိၣ်အသီလီၤ. အဂ့ၢ်ဒ် အံၤ, မူခိၣ်လၢအခီၣ်ထံး, ဒီးဟီၣ်ခိၣ်လၢအခီၣ်ထံးန့ၣ်, ပူၤကွံာ်လီၤ. ဒီးပီၣ်လဲၣ်တအိၣ်လၢၤဘၣ်.

² ဒီးယထံၣ်ဝ့ၢ်စီဆှံ, ယရူၤၡလ့ၣ်အသီ, အိၣ်ကတဲာ်က တီၤအသးဒ်တလးမူးပိာ်မုၣ် ကယၢကယဲအသးလၢအ ဝၤအဂီၢ်အသိးန့ၣ်, ဟဲလီၤလၢယွၤအအိၣ်လၢမူခိၣ်လီၤ.

³ ဒီးယနၢ်ဟူတၢ်ကလုၢ်သီၣ်ဖးဒိၣ်လၢမူခိၣ်စံးဝဲဒၣ်, ကွၢ် ကွၢ်, ယွၤအဒဲအိၣ်ဒီးပှၤကညီ, ဒီးကစၢ်ကအိၣ်ဝဲဆိးဝဲဒီး အီၤ, ဒီးအဝဲသ့ၣ်ကမ့ၢ်အပှၤဂီၢ်မုၢ်, ဒီးယွၤအကစၢ်ဒၣ်ဝဲ ကအိၣ်ဒီးအီၤ, ဒီးကကဲထီၣ်အကစၢ်လီၤ. ⁴ ဒီးယွၤကထွါ ကွံာ်အမဲာ်ထံခဲလၢာ်လၢအမဲာ်,+ ၡါ. ၂၅း၈|Isa.25.8*, ဒီးတၢ်သံ တအိၣ်လၢၤဘၣ်, ဒီးတၢ်သူၣ်အုးသးအုးတအိၣ်လၢၤ ဘၣ်, ဒီးတၢ်ဟီၣ်တၢ်ယၢၤတအိၣ်လၢၤဘၣ်, ဒီးတၢ်ဘှံး သူၣ်ဘှံးသးတအိၣ်လၢၤဘၣ်. အဂ့ၢ်ဒ်အံၤ, တၢ်အိၣ်လၢ အခီၣ်ထံးတဖၣ်ပူၤကွံာ်လံ. ⁵ ဒီးပှၤဆ့ၣ်နီၤလၢလီၢ်ပစိာ် အဖီခိၣ်တဂၤန့ၣ်စံးဝဲဒၣ်, ကွၢ်ကွၢ်, ယမၤတၢ်အသီခဲ လၢာ်လီၤ. ဒီးစံးဘၣ်ယၤ, ကွဲးတၢ်တက့ၢ်. အဂ့ၢ်ဒ်အံၤ, တၢ်ကတိၤအံၤမ့ၢ်အမ့ၢ်အတီ, ဒီးအကလုၢ်တီလီၤ.

⁶ ဒီးစံးဘၣ်ယၤ, တၢ်မၤလံအသးလံ. ယမ့ၢ်က, ဒီးဧ, အ ခိၣ်ထံးဒီးအကတၢၢ်လီၤ. ပှၤလၢတၢ်သူအသးလၢထံ, ယကဟ့ၣ်ကလီအီၤလၢထံမူထီၣ်ပၢၢ်န့ၣ်လီၤ. ⁷ ပှၤလၢ အမၤနၢၤတၢ်န့ၣ်, ကန့ၢ်ဘၣ်သါတၢ်တဖၣ်အံၤ, ဒီးယက မ့ၢ်အကစၢ်, ဒီးအဝဲဒၣ်ကမ့ၢ်ယဖိခွါလီၤ. ⁸ မ့မ့ၢ်ပှၤပျံၤ တၢ်, ဒီးပှၤတနာ်ဘၣ်တၢ်ဘၣ်, ဒီးပှၤမၤတၢ်သးဘၣ်အၢ ဒီးပှၤမၤသံပှၤကညီ, ဒီးပှၤမၤကမၣ်မုၣ်ကမၣ်ခွါ, ဒီးပှၤ ဟိၣ်တၢ်ယီတၢ်, ဒီးပှၤဘါတၢ်ဂီၤ, ဒီးကယဲၢ်ပှၤလၢအက တိၤတၢ်ကဘျံးကဘျၣ်တဖၣ်န့ၣ်, ကန့ၢ်ဘၣ်အဂီၢ်လၢ နိၣ်မ့ၣ်အူဒီးကးအီၣ်တၢ်အပူၤလီၤ. အဝဲန့ၣ်မ့ၢ်တၢ်သံပှဲၤ ထီၣ်ခံစုတစုလီၤ.

⁹ ဒီးကလူးအိၣ်ဝဲလၢနွံဂၤအကျါ, လၢအအိၣ်ဒီးလီခီနွံ ဖျၢၣ်ပှဲၤဝဲဒီးတၢ်နးတၢ်ဖှီၣ်အကတၢၢ်နွံမံၤတဂၤဟဲဝဲ, ဒီး ကတိၤတၢ်ဒီးယၤ, ဒီးစံးဝဲဒၣ်, ဟဲဃီၤတက့ၢ်. ယကဒုး နဲၣ်နၤလၢတလးမူးပိာ်မုၣ်, သိဖိအမါန့ၣ်လီၤ. ¹⁰ ဒီးစိာ် ထီၣ်ယၤလၢသးအပူၤ, ဆူကစၢၢ်ဖးဒိၣ်ဖးထီအလိၤ, ဒီး ဒုးနဲၣ်ယၤလၢဝ့ၢ်စီဆှံယရူၤၡလ့ၣ်, ဟဲလီၤလၢယွၤအ အိၣ်လၢမူခိၣ်, ¹¹ အိၣ်ဝဲဒီးယွၤအလၤအကပီၤ, ဒီးအတၢ် ကပီၤလီၤဂာ်လၢ တၢ်မျၢ်လၢအလုၢ်ဒိၣ်ပှ့ၤဒိၣ်ကတၢၢ်, မၤသးဒ်နကၤသွဲး, ဒ်တၢ်မျၢ်လၢအဆှံဝဲဒ်လၢၢ်ဖျါကလၤ အသိးန့ၣ်လီၤ. ¹² ဒီးအိၣ်ဒီးအခိၣ်ဒူဖးဒိၣ်, ဒီးဖးထီ, ဒီးအ တြဲၤတဆံခံဘ့ၣ်, ဒီးကလူးတဆံခံဂၤအိၣ်လၢတြဲၤအ ခီၣ်ထံး, ဒီးတၢ်အမံၤကွဲးအသးလၢအလိၤလၢအမ့ၢ်ပှၤ အံၣ်စရ့လးဖိတဆံခံဒူၣ်အမံၤလီၤ. ¹³ ဒီးတြဲၤအိၣ်လၢမုၢ် ထီၣ်တခီသၢဘ့ၣ်, ဒီးတြဲၤအိၣ်လၢကလံၤစိးတခီသၢ ဘ့ၣ်, ဒီးတြဲၤအိၣ်လၢကလံၤထံးတခီသၢဘ့ၣ်, ဒီးတြဲၤ အိၣ်လၢမုၢ်နုာ်တခီသၢဘ့ၣ်လီၤ. ¹⁴ ဒီးဝ့ၢ်အခိၣ်ဒူန့ၣ်, အိၣ်ဒီးအခီၣ်ထံးတဆံခံတီၤ, ဒီးသိဖိအပှၤတၢ်မၢဖိတ ဆံခံဂၤအမံၤအိၣ်လၢအလိၤလီၤ.

¹⁵ ဒီးပှၤလၢအကတိၤတၢ်ဒီးယၤ, အိၣ်ဒီးနီၣ်ထိၣ်ထူတ ဘိဒ်သိးအကထိၣ်ဝ့ၢ်, ဒီးအတြဲၤ, ဒီးအခိၣ်ဒူလီၤ. ¹⁶ ဒီးဝ့ၢ် အိၣ်လွံၢ်ခီ, ဒီးအထီ, ဒီးအဒီၣ်ဃီၤန့ၣ်, အိၣ်ဝဲတုၤသိးသိး လီၤ. ဒီးထိၣ်ဝ့ၢ်လၢနီၣ်ထိၣ်ဘိ, ဒီးအထီ, ဒီးအဒီၣ်ဃီၤ, ဒီး အကစီၤထီၣ်မ့ၢ်စတၤဒံအူၢ် တကလးခံကထိဒ်သိးသိး လီၤ.

¹⁷ ဒီးထိၣ်ဝဲလၢအခိၣ်ဒူ, ဒီးမ့ၢ်အပျၢ်တကယၤလွံၢ်ဆံ လွံၢ်ပျၢ်လီၤ. အပျၢ်မ့ၢ်ပှၤကညီအပျၢ်, ဒ်ပစံးတၢ်အသိး, ကလူးန့ၣ်အပျၢ်လီၤ. ¹⁸ ဒီးအခိၣ်ဒူန့ၣ်သူၣ်ထီၣ်ဝဲလၢတၢ် မျၢ်နကၤသွဲး, ဒီးဝ့ၢ်န့ၣ်မ့ၢ်ထူအစီ, လီၤဂာ်လၢယွၤခၣ်စိး ဆှံဝဲအသိးလီၤ. ¹⁹ ဒီးဝ့ၢ်ခိၣ်ဒူအခီၣ်ထံးတဖၣ်, အိၣ်ကယၢ အသးလၢတၢ်မျၢ်အကလုာ်ကလုာ်လီၤ. အခီၣ်ထံးဆိ တတီၤန့ၣ်မ့ၢ်တၢ်မျၢ်နကၤသွဲး, ခံတီၤတတီၤမ့ၢ်တၢ်မျၢ် နံၤလါ, သၢတီၤတတီၤမ့ၢ်မဟူယၤဝါ, လွံၢ်တီၤတတီၤမ့ၢ် တၢ်မျၢ်မၠး, ²⁰ ယဲၢ်တီၤတတီၤမ့ၢ်မဟူယၤတိၤအသး, ဃု တီၤတတီၤမ့ၢ်မဟူယၤဂီၤ, နွံတီၤတတီၤမ့ၢ်တၢ်မျၢ်ဘီလါ ဃိးတီၤတတီၤမ့ၢ်တၢ်မျၢ်လါဟ့, ခွံတီၤတတီၤမ့ၢ်တၢ်မျၢ် ဘီအူးသပးယၢ်, တဆံတီၤတတီၤမ့ၢ်တၢ်မျၢ်ဘီဟ့, တ ဆံတၢတီၤတတီၤမ့ၢ်တၢ်မျၢ်လါဂီၤ, တဆံခံတီၤတတီၤ မ့ၢ်တၢ်မျၢ်သကီၤဖီလီၤ. ²¹ ဒီးတြဲၤတဆံခံဘ့ၣ်န့ၣ်, မ့ၢ်တၢ် မျၢ်ပလဲတဆံခံဘ့ၣ်လီၤ. တြဲၤတဘ့ၣ်တၢ်မျၢ်ပလဲတ ဘ့ၣ်, တြဲၤတဘ့ၣ်တၢ်မျၢ်ပလဲတဘ့ၣ်လီၤ. ဒီးဝ့ၢ်အကျဲ န့ၣ်, မ့ၢ်ထူအစီ, ဒ်ယွၤခၣ်စိးဖျါကလၤအသိးန့ၣ်လီၤ.

²² ဒီးယတထံၣ်ဘၣ်တၢ်လုၢ်ဟံၣ်လၢအပူၤဘၣ်. အဂ့ၢ်ဒ် အံၤ, ကစၢ်ယွၤလၢအသ့တၢ်လၢာ်, ဒီးသိဖိန့ၣ်, မ့ၢ်အတၢ် လုၢ်ဟံၣ်လီၤ.

²³ ဒီးမုၢ်မ့ၢ်ဂ့ၤ, လါမ့ၢ်ဂ့ၤ, ကပီၤထီၣ်လၢဝ့ၢ်ပူၤအလီၢ်တ အိၣ်ဘၣ်. အဂ့ၢ်ဒ်အံၤ, ယွၤအလၤအကပီၤန့ၣ်, ကပီၤထီၣ် န့ၢ်အီၤ, ဒီးအမ့ၣ်အူဒၢန့ၣ်မ့ၢ်သိဖိလီၤ. ²⁴ ဒီးပှၤကလုာ်တ ဖၣ်ကလဲၤတၢ်လၢအတၢ်ကပီၤအကျါ, ဒီးဟီၣ်ခိၣ်အစီၤ ပၤတဖၣ်ဟဲစိာ်အလၤကပီၤဆူအပူၤလီၤ. ²⁵ ဒီးတြဲၤတ ကးတံာ်ဃာ်ဘၣ်အသးလၢမုၢ်ဆါခီဘၣ်. အဂ့ၢ်ဒ်အံၤ, ဖဲ န့ၣ်မုၢ်နၤတအိၣ်ဘၣ်ဝဲဘၣ်. ²⁶ ဒီးကဟဲစိာ်ဝဲပှၤကလုာ် ကလုာ်အလၤကပီၤ, ဒီးအတၢ်ယူးတၢ်ယီၣ်ဆူအပူၤ လီၤ. ²⁷ ဒီးတၢ်တကဆှီဘၣ်, ဒီးတၢ်လၢအမၤတၢ်သး ဘၣ်အၢဒီးတၢ်ကတိၤကဘျံးကဘျၣ်န့ၣ်, တလဲၤနုာ် ဘၣ်ဝဲနီတမံၤဘၣ်. ကလဲၤနုာ်ထဲပှၤလၢအမံၤကွဲးအသး လၢသိဖိအလံာ်မူအပူၤတဖၣ်ဧိၤန့ၣ်လီၤ.

၂၂

¹ ဒီးဒုးနဲၣ်ယၤလၢထံမူအကျိဆှံဝဲ ဒ်လၢၢ်ဖျါကလၤအ သိး, ဟဲထီၣ်လၢယွၤဒီးသိဖိအလီၢ်ပစိာ်အပူၤလီၤ. ² ဒီး လၢအကျဲအသးကံၢ်ပူၤ ဒီးလၢထံကျိဝၢ်ယၢ်ခီန့ၣ်အိၣ်ဒီး သ့ၣ်တၢ်မူလၢအသၣ်ထီၣ်တၤသၣ်တဆံခံကလုာ်, ဒီး သၣ်ထီၣ်ဝဲတလါတဘျီတလါတဘျီလီၤ. ဒီးသ့ၣ်အ လၣ်န့ၣ်, မ့ၢ်လၢတၢ်မၤဘျါက့ၤပှၤကလုာ်ကလုာ်အဂီၢ် လီၤ. ³ ဒီးတၢ်ဆိၣ်အၢတအိၣ်လၢၤဘၣ် နီတမံၤဘၣ်.+ ကၤ. ၁၄း၁၁|Zech.14.11*, ဒီးယွၤဒီးသိဖိအလီၢ်ပစိာ် ကအိၣ်လၢ အပူၤ, ဒီးအခ့အပှၤကမၤအတၢ်လီၤ. ⁴ ဒီးအဝဲသ့ၣ်က ထံၣ်ဘၣ်အမဲာ်, ဒီးအမံၤကအိၣ်လၢအမဲာ်တူၢ်ခိၣ်လီၤ.―

⁵ ဒီးမုၢ်နၤတအိၣ်လၢၤဘၣ်, ဒီးမ့ၣ်အူဒၢအကပီၤ, ဒီးမုၢ်အ ကပီၤန့ၣ်, မၤဝဲအလီၢ်တအိၣ်လၢၤဘၣ်. အဂ့ၢ်ဒ်အံၤ, က စၢ်ယွၤကမၤကပီၤထီၣ်တၢ်လၢအဝဲသ့ၣ်အဂီၢ်, ဒီးအဝဲ သ့ၣ်ကပၢဘၣ်တၢ်အစိၤစိၤအဃၣ်ဃၣ်လီၤ.

⁶ ဒီးစံးဘၣ်ယၤ, တၢ်ကတိၤတဖၣ်အံၤ, မ့ၢ်အကလုၢ်တီ, ဒီးအမ့ၢ်အတီလီၤ. ဒီးဝံအသးတဖၣ်အကစၢ်ယွၤန့ၣ်, မၢလီၤအကလူးတဂၤ, ဟဲဒုးနဲၣ်အခ့အပှၤတဖၣ်လၢ တၢ်လၢအဘၣ်မၤအသးချ့ချ့န့ၣ်လီၤ. ⁷ ကွၢ်ကွၢ်, ယဟဲ ချ့ချ့လီၤ. ပှၤလၢအတိၢ်န့ၢ်ဝံအကလုၢ် အိၣ်လၢလံာ်ပူၤ အံၤ, ဘၣ်ဆိၣ်ဂ့ၤဝဲလီၤ.

⁸ ဒီးယၤ, စီၤယိၤဟၣ်, ထံၣ်ဒီးနၢ်ဟူတၢ်တဖၣ်အံၤလီၤ. ဒီးတုၤယနၢ်ဟူဒီးထံၣ်တၢ်ဒီး, ယတီၤလီၤကဒွံကျိာ်ဒ် သိးယကဘါတၢ်လၢကလူးတဂၤ လၢအဒုးနဲၣ်ယၤလၢ တၢ်တဖၣ်အံၤအခီၣ်အမဲာ်ညါလီၤ. ⁹ ဒီးစံးဘၣ်ယၤ, ပ လီၢ်နသးဒ်သိးနသုတမၤဒ်န့ၣ်တဂ့ၤ, ယမ့ၢ်ကုၢ်သကိး ကုၢ်ဒီးနၤ, ဒီးအိၣ်လၢနဒီပုၢ်ဝဲၢ်ဝံတဖၣ်ဒီးပှၤလၢအတိၢ် န့ၢ်ဖံးဃာ်လံာ်အံၤအကလုၢ်အကထါအကျါလီၤ. ဘါ ထီၣ်ယွၤတက့ၢ်.

¹⁰ ဒီးစံးဘၣ်ယၤ, ဝံအကလုၢ်အကထါလၢလံာ်ပူၤအံၤ, စဲပနီၣ်ဃာ်တဂ့ၤ. အဂ့ၢ်ဒ်အံၤ, အမုၢ်အလါ ဘူးထီၣ် လီၤ. ¹¹ ပှၤလၢအတတီတလိၤဘၣ်န့ၣ်, ကအိၣ်ဒၣ်ဝဲလၢ အတတီတလိၤဘၣ်တက့ၢ်. ဒီးပှၤလၢအအၢအသီန့ၣ်, ကအိၣ်ဒၣ်ဝဲလၢအအၢအသီတက့ၢ်. ဒီးပှၤလၢအတီအ လိၤန့ၣ်, ကအိၣ်ဒၣ်ဝဲလၢအတီအလိၤန့ၣ်တက့ၢ်. ဒီးပှၤ လၢအစီအဆှံန့ၣ်, ကအိၣ်ဒၣ်ဝဲလၢအစီအဆှံတက့ၢ်.

¹² ကွၢ်ကွၢ်, ယဟဲချ့ချ့လီၤ. ဒီးယတၢ်အဘူးအလဲအိၣ် ဒီးယၤ, ဒ်သိးယကဟ့ၣ်လီၤပှၤကိးဂၤဒဲး, ဒ်အမၤတၢ်အ သိးန့ၣ်လီၤ. ¹³ ယမ့ၢ်က, ဒီးဧ, အခီၣ်ထံးဒီးအကတၢၢ်, တၢ် ဂံၢ်ခိၣ်ထံး, ဒီးတၢ်ခံကတၢၢ်လီၤ. ¹⁴ ပှၤလၢအဆှုၣ်အကူအ သိးဒ်သိးအကကြၢးဒီး သ့ၣ်တၢ်မူဒီး တၢ်လဲၤနုာ်ဖျိလၢ တြဲၤတဖၣ်ဆူဝ့ၢ်အပူၤန့ၣ်, ဘၣ်ဆိၣ်ဂ့ၤဝဲလီၤ. ¹⁵ ထွံၣ်, ဒီး ပှၤဟိၣ်တၢ်ယီတၢ်, ဒီးပှၤမၤကမၣ်မုၣ်ကမၣ်ခွါ, ဒီးပှၤမၤ သံပှၤကညီ, ဒီးပှၤဘါတၢ်ဂီၤ, ဒီးကယဲၢ်ပှၤလၢအအဲၣ် တၢ်ကဘျံးကဘျၣ်ဒီးမၤထီၣ်တၢ်ကဘျံးကဘျၣ်သ့ၣ်တ ဖၣ်, အိၣ်ဝဲလၢခိလီၤ.

¹⁶ ယၤ, ယ့ၣ်ရှူး, မၢလီၤယကလူးဟဲအုၣ်အသးလၢတၢ် န့ၣ်တဖၣ်လၢသု, လၢတၢ်အိၣ်ဖှိၣ်တဖၣ်အပူၤလီၤ. ယ မ့ၢ်စီၤဒၤဝံးအဂံၢ်, ဒီးအစၢၤအသွဲၣ်, ဒီးယမ့ၢ်ဆၣ်တူၢ်ဂီၤ ကတြ့ၣ်ကတြိၣ်လီၤ.

¹⁷ ဒီးသးန့ၣ်, ဒီးတလးမူးပိာ်မုၣ်စံးဝဲဒၣ်, ဟဲတက့ၢ်. ဒီး ပှၤလၢအနၢ်ဟူတၢ်န့ၣ်, မ်အစံး, ဟဲတက့ၢ်. ဒီးပှၤလၢတၢ် သူအသးလၢထံန့ၣ်, မ်အဟဲတက့ၢ်. ဒီးဖဲဒၣ်ပှၤလၢအ သးအိၣ်, မ်အဟံးန့ၢ်ကလီထံမူန့ၣ်တက့ၢ်.

¹⁸ ယအုၣ်ယသးလၢ ကယဲၢ်ပှၤလၢအနၢ်ဟူဝံအကလုၢ် လၢလံာ်တဘ့ၣ်အံၤ, ပှၤတဂၤဂၤမ့ၢ်ပာ်အါထီၣ်တၢ်အံၤ တဖၣ်ဒီး, ယွၤကပာ်အါထီၣ်တၢ်နးတၢ်ဖှီၣ်, အိၣ်ကွဲးအ သးလၢလံာ်ပူၤအံၤ, လၢအလိၤလီၤ. ¹⁹ ဒီးပှၤတဂၤဂၤမ့ၢ် ဟံးထီၣ်ကွံာ်တၢ်လၢဝံအကလုၢ်အိၣ်လၢလံာ်ပူၤအံၤဒီး, ယွၤကဟံးထီၣ်ကွံာ်အဂီၢ်လၢသ့ၣ်မူအပူၤ, ဒီးဝ့ၢ်စီဆှံအ ပူၤ, လၢအအိၣ်ကွဲးအသးလၢလံာ်ပူၤအံၤလီၤ.

²⁰ ပှၤလၢအအုၣ်အသးလၢတၢ်အံၤတဖၣ်, စံးဝဲဒၣ်, မ့ၢ် လံ, ယဟဲချ့ချ့လီၤ. အၤမ့ၣ်. ဟဲတက့ၢ်. ကစၢ်ယ့ၣ်ရှူး ခရံာ်ဧၢ.

²¹ မ်ကစၢ်ယ့ၣ်ရှူးခရံာ်အဘျုးအဖှိၣ်, အိၣ်ဒီး ပှၤစီဆှံခဲ လၢာ်တက့ၢ်. ဝံၤလံ.