စံးထီၣ်ပတြၢၤ

စံးထီၣ်ပတြၢၤ

၁

¹ ပှၤလၢအတလဲၤဘၣ်ဝဲလၢ ပှၤတတီတလိၤဘၣ်အ ကူၣ်ထီၣ်ဖးလီၤတၢ်အပူၤ, ဒီးတဆၢထၢၣ်ဘၣ်ဝဲလၢ ပှၤမၤတၢ်ဒဲးဘးအကျဲ, ဒီးတဆ့ၣ်နီၤဘၣ်ဝဲလၢ ပှၤ ဒုၣ်ဒွဲၣ်တၢ်အလီၢ်ဆ့ၣ်နီၤဘၣ်န့ၣ် ဘၣ်ဆိၣ်ဂ့ၤဝဲလီၤ.

² ဒီးမုာ်လၤဝဲလၢ ယွၤအတၢ်သိၣ်တၢ်သီအပူၤ, ဒီးလၢ အတၢ်သိၣ်တၢ်သီန့ၣ် ဆိကမိၣ်ဝဲလၢမုၢ်ဆါဆဲးလၢ မုၢ်နၤလီၤ.

³ ဒီးကမၤသးဒ်သ့ၣ်သူၣ်လီၤအသးလၢ ထံဖိကျိအနံၤ လၢအသၣ်ထီၣ်လၢအဆၢကတီၢ်ဒၣ်ဝဲ, ဒီးအလၣ်တ လီၤညွံးဘၣ်အသိးန့ၣ်လီၤ. ဒီးကယဲၢ်အမၤတၢ်တမံၤ လၢ်လၢ်န့ၣ်, ကကဲထီၣ်လိၣ်ထီၣ်တၢ်လီၤ.

⁴ ပှၤတတီတလိၤဘၣ်န့ၣ်, တဒ်န့ၣ်အသိးဘၣ်. မ့ၢ် အမၤအသး ဒ်ဖ့လၢကလံၤအူဒံကွံာ်အီၤ အသိးန့ၣ် လီၤ. ⁵ မၤသးဒ်န့ၣ်ဒီးလၢတၢ်စံၣ်ညီၣ်အပူၤန့ၣ်, ပှၤ တတီတလိၤဘၣ်န့ၣ်တဆၢထၢၣ်ဘၣ်, ဒီးပှၤတၢ်ဒဲး ဘးဖိ, လၢပှၤအတီအလိၤအတၢ်အိၣ်ဖှိၣ်အကျါဘၣ်.

⁶ အဂ့ၢ်ဒ်အံၤ ယွၤသ့ၣ်ညါပှၤအတီအလိၤအကျဲန့ၣ်လီၤ, မ့မ့ၢ်ပှၤတတီတလိၤဘၣ်အကျဲန့ၣ် ကတုၤလၢတၢ်ဟး ဂူာ်ဟးဂီၤလီၤ.

၂

¹ ဘၣ်မနုၤလၢပှၤအကလုာ်တဖၣ်ကလာ်ထီၣ်, ဒီးပှၤ ဂီၢ်မုၢ်တဖၣ်ကူၣ်ထီၣ်ဖးလီၤတၢ်ကလီကလီန့ၣ်လဲၣ်.― ² ဟီၣ်ခိၣ်အစီၤပၤတဖၣ်ပာ်ဆၢထၢၣ်အသး, ဒီးပဒိၣ်ပပှၢ် တဖၣ်အိၣ်ဖှိၣ်ရိဖှိၣ်တပူၤဃီထီဒါယွၤဒီးခရံာ်န့ၣ်လီၤ.―

³ ဖ့ၣ်တဲာ်ကွံာ်သကိးအတၢ်စၢဃာ်, ဒီးကွံာ်တ့ၢ်ကွံာ်သ ကိးအပျံၤတက့ၢ်.

⁴ ပှၤလၢအဆ့ၣ်နီၤလၢ မူခိၣ်တဂၤန့ၣ် ကနံၤဝဲလီၤ. ယွၤကမၤတရီတပါအီၤလီၤ. ⁵ တုၤနုၤတစုကကတိၤ တၢ်ဒီးအီၤလၢအသးထီၣ် ဒီးလၢအသးကဲၤထီၣ်န့ၣ် ကမၤပျံၤမၤဖုးအီၤလီၤ. ⁶ ဒီးတၢ်လၢယၤအံၤယပာ်လီၤ လံယစီၤပၤ လၢယကစၢၢ်စီဆှံစံယိၣ်အလိၤလံ.

⁷ ယကစံၣ်တဲၤတဲလီၤတၢ်မၤလိာ်န့ၣ်လီၤ. ယွၤစံးဘၣ် ယၤ, နဲဒၣ်အံၤနမ့ၢ်ယဖိခွါလီၤ. ယမၤလိၣ်ထီၣ်လံ နၤလၢမုၢ်မဆါတနံၤအံၤလံ. ⁸ ဃ့တၢ်လၢယၤတက့ၢ်, ဒီးယကဟ့ၣ်ပှၤကလုာ်တဖၣ်လၢ နန့ၢ်ဘၣ်သါတၢ် အဂီၢ်, ဒီးဟီၣ်ခိၣ်အကတၢၢ်တဖၣ် လၢနစုလီၢ်နခီၣ် ခိၣ်အဂီၢ်လီၤ. ⁹ နကတီၢ်ကၢ်အီၤလၢနီၢ်တီၢ်ထး, ဒီး ဒ်ပှၤတ့သပၢၤဖိအသပၢၤအသိးန့ၣ် နကတီၢ်သဘှံးဆံး ကွံာ်အီၤလီၤ.

¹⁰ ဒီးခဲကနံၣ်အံၤ စီၤပၤသ့ၣ်ဧၢ, အိၣ်ဒီးတၢ်ကူၣ်သ့ တက့ၢ်. ဒိးတၢ်သိၣ်တၢ်သီ, ဟီၣ်ခိၣ်အပှၤစံၣ်ညီၣ် ကွီၢ်သ့ၣ်ဧၢ, ¹¹ မၤယွၤအတၢ်မၤလၢ သုသူၣ်ပျံၤသးဖုး တက့ၢ်. သူၣ်ဖှံသးညီလၢသုသးကနိးတက့ၢ်. ¹² နၢမူ ဖိခွါန့ၣ်တက့ၢ်, ကသးထီၣ်ဘၣ်ဖုး, ဒီးသုကဟးဂီၤ လၢကျဲန့ၣ်လီၤ. အဂ့ၢ်ဒ်အံၤ, အသးဒိၣ်ထီၣ်န့ၣ် က ဆိၣ်ကဲၤထီၣ်သတူၢ်ကလာ်လီၤ. ကယဲၢ်ပှၤလၢအသ နံာ်သန့ၤအသးလၢအီၤန့ၣ် ဘၣ်ဆိၣ်ဂ့ၤဝဲခဲလၢာ်လီၤ.

၃

လၢအဃ့ၢ်တၢ်လၢအဖိခွါစီၤအးဘၡါလိၣ်အမဲာ်ညါစီၤဒၤဝံးအထါ

¹ ယွၤဧၢ, ပှၤလၢအမၤကိၢ်မၤဂီၤယၤအါထီၣ် ဆံးအါ လဲၣ်. ပှၤဂဲၤဆၢထၢၣ်ထီဒါယၤအိၣ်အါဂၤလီၤ. ² ပှၤစံး ဘၣ်ယသးအါဂၤ, တၢ်အုၣ်က့ၤခီၣ်က့ၤန့ၣ်တအိၣ်ဘၣ် လၢအဂီၢ်လၢယွၤအပူၤဘၣ်. စ့လၤ.

³ မ့မ့ၢ်နဲဒၣ်အံၤ, ယွၤဧၢ, နမ့ၢ်ကတီၤလၢအဝးတရံး ယၤတဘ့ၣ်, နမ့ၢ်ယလၤကပီၤ, ဒီးတၢ်ဒုးမိာ်ထီၣ်ယ ခိၣ်လီၤ. ⁴ ယကိးထီၣ်ယွၤလၢယကလုၢ်, ဒီးစံးဆၢ ယၤလၢအကစၢၢ်စီဆှံန့ၣ်လီၤ. စ့လၤ.

⁵ ယမံလီၤ, ဒီးယမံသပ့ၤလီၤ. ယဖုသံနီၣ်ထီၣ်လီၤ. အ ဂ့ၢ်ဒ်အံၤ, ယွၤမၤစၢၤယၤလီၤ. ⁶ ယတပျံၤဘၣ်ပှၤကလး သ့ၣ်တဖၣ်လၢအပာ်အသးဝးတရံး ထီဒါယၤန့ၣ်ဘၣ်.

⁷ ယွၤဧၢ, ဂဲၤဆၢထၢၣ်တက့ၢ်. ယကစၢ်ဧၢ, အုၣ်က့ၤခီၣ် က့ၤယၤတက့ၢ်. အဂ့ၢ်ဒ်အံၤ, နကျီကွံာ်လံ ယဒုၣ်ယ ဒါအခၣ်ဃံခဲလၢာ်လံ. နမၤပိာ်လံပှၤတတီတလိၤဘၣ် တဖၣ်အမဲလံ. ⁸ တၢ်အုၣ်က့ၤခီၣ်က့ၤတၢ်န့ၣ် အိၣ်ဒီး ယွၤလီၤ. မ်နတၢ်ဆိၣ်ဂ့ၤန့ၣ် ဘၣ်နပှၤဂီၢ်မုၢ်တက့ၢ်. စ့လၤ.

၄

စီၤဒၤဝံးအထါလၢတၢ်အခိၣ်အဂီၢ်လၢနီၣ်ဒ့တၢ်န့ၣ်.

¹ တုၤယကိးထီၣ်နၤဒီး, ကနၣ်ယကလုၢ်တက့ၢ်, ယ တၢ်တီတၢ်လိၤအကစၢ်ဧၢ. တုၤယဘၣ်တၢ်နးတၢ် ဖှီၣ်ဒီး, နမၤပူၤမၤဖျဲးလံယၤလံ, သူၣ်ကညီၤသးက ညီၤယၤ, ဒီးဒိကနၣ်ယဘါထုကဖၣ်တၢ်တက့ၢ်.

² ပှၤကညီဖိသ့ၣ်ဧၢ, ယလၤကပီၤကကဲလၢတၢ်မဲာ် ဆှးဆံးယံာ်လဲၣ်. သုကအဲၣ်ဒိးတၢ်ကလီကလီ, သု ကဃုတၢ်ကဘျံးကဘျၣ်ဆံးယံာ်လဲၣ်. စ့လၤ.

³ သ့ၣ်ညါလၢယွၤပာ်လီၤဆီ အပှၤစီဆှံလၢအဂီၢ် ဒၣ်ဝဲန့ၣ်တက့ၢ်. တုၤယကိးထီၣ်အီၤဒီး, ယွၤကဒိ ကနၣ်ယကလုၢ်လီၤ.

⁴ ကနိးကစုာ်, ဒီးမၤတၢ်ဒဲးဘးတဂ့ၤ. ဆိကမိၣ်လီၤ သုသးလၢ သုလီၢ်မံပူၤန့ၣ်, ဒီးအိၣ်ဘှီၣ်ကလာ် တက့ၢ်. စ့လၤ.

⁵ လုၢ်တၢ်လုၢ်အတီအလိၤ, ဒီးသန့ၤသုသးလၢယွၤ တက့ၢ်.

⁶ ပှၤစံးဝဲအါဂၤ, မ့ၢ်မတၤကဒုးနဲၣ်ပှၤလၢတၢ်အဂ့ၤ တဂၤလဲၣ်. ယွၤဧၢ, ဒုးကပီၤဘၣ်ပှၤလၢနမဲာ်အတၢ်

⁷ ကပီၤတက့ၢ်. နဒုးသးခုယၤဒိၣ်န့ၢ်အဆၢအကတီၢ် လၢအဝဲသ့ၣ် အဘုဧိၤဟုဧိၤ, ဒီးအစပံးထံအါထီၣ် န့ၣ်တက့ၢ်လီၤ.

⁸ ယကမံလီၤဒီးမံသပ့ၤမုာ်မုာ်ခုၣ်ခုၣ်လီၤ. အဂ့ၢ်ဒ် အံၤ, ယွၤဧၢ, ပှၤလၢအဒုးပူၤဖျဲးယၤလၢ တၢ်အၢ တၢ်သီမ့ၢ်ထဲနၤတဂၤဧိၤလီၤ.

၅

စီၤဒၤဝံးအထါလၢတၢ်အခိၣ်အဂီၢ်ဒ်တၢ်န့ၢ်သါအသိးန့ၣ်

¹ ကနၣ်ယကလုၢ်ကထါ, ယွၤဧၢ, ပးကဲယဆိက မိၣ်တၢ်န့ၣ်တက့ၢ်. ² ကနၣ်ယဃ့တၢ်အသီၣ်တက့ၢ်, ယစီၤပၤ, ဒီးယကစၢ်ဧၢ, အဂ့ၢ်ဒ်အံၤယဘါထုက ဖၣ်နၤလီၤ.

³ နကနၢ်ဟူယကလုၢ်လၢမုၢ်ဂီၤ, ယွၤဧၢ, လၢမုၢ်ဂီၤ န့ၣ် ယကကတဲာ်ကတီၤတၢ်လၢနဂီၢ်, ဒီးကကွၢ်

⁴ ထီၣ်တၢ်လီၤ. အဂ့ၢ်ဒ်အံၤ, နတမ့ၢ်ဘၣ်ကစၢ်တဂၤ လၢအဘၣ်အသး လၢတၢ်တတီတလိၤဘၣ်, တၢ် အၢတၢ်သီတအိၣ်တဆိးဘၣ်ဒီးနၤဘၣ်. ⁵ ပှၤပာ်က ဖိအသးန့ၣ် တဆၢထၢၣ်ဘၣ်လၢနမဲာ်ညါဘၣ်. န

⁶ သးဟ့ကယဲၢ်ပှၤမၤအၢမၤသီတၢ်လီၤ. နကမၤဟး ဂီၤပှၤလၢအကတိၤကဘျံးကဘျၣ်တၢ်လီၤ. ပှၤဘၣ် ဃးဒီးတၢ်သွံၣ်, ဒီးပှၤလီတၢ်န့ၣ် ယွၤသးဘၣ်အၢ အီၤလီၤ. ⁷ မ့မ့ၢ်ယဲဒၣ်အံၤ, မ့ၢ်နဘျုးအါနဖှိၣ်ဂီၢ်သ တးဒီး, ယဟဲနုာ်လၢနဟံၣ်ပူၤ, ယကဘူၣ်ထီၣ် ဘါထီၣ်နၤလၢယသူၣ်ပျံၤသးဖုးလၢနနူၢ်စီဆှံအပူၤ လီၤ.

⁸ ယွၤဧၢ, ဆှၢယၤလၢနတၢ်တီတၢ်လိၤအပူၤလၢယ ဒုၣ်ယဒါအဃိန့ၣ်တက့ၢ်. မၤလိနကျဲလၢယမဲာ်ညါ တက့ၢ်. ⁹ အဂ့ၢ်ဒ်အံၤ, တၢ်ကတိၤအတီတအိၣ်ဘၣ် လၢအထးခိၣ်ဘၣ်. အသးကံၢ်ပူၤန့ၣ် မ့ၢ်မးတၢ်အၢ တၢ်သီလီၤ. အကိာ်ပူၤန့ၣ် မ့ၢ်တၢ်သွၣ်ခိၣ်အပူၤအိၣ် အိးထီၣ်အသးလီၤ. မၤဘျ့အပျ့ၤလီၤ.

¹⁰ ကစၢ်ဧၢ, ပာ်တၢ်ဒဲးဘးလၢအလိၤတက့ၢ်. မ်အ လီၤဃံၤလၢ အတၢ်ကူၣ်ဒၣ်ဝဲန့ၣ်တက့ၢ်. ဟီထီၣ် ကွံာ်အီၤလၢအတၢ်ကမၣ်အါမံၤအဃိန့ၣ်တက့ၢ်. အ ဂ့ၢ်ဒ်အံၤ, ပူထီၣ်နၤလီၤ. ¹¹ မ့မ့ၢ်ကယဲၢ်ပှၤလၢအသ န့ၤအသးလၢနၤန့ၣ် မ်အသူၣ်ခုသးခု သူၣ်ဖှံသးညီ တထံၣ်ဃီ, လၢနအိၣ်ပှိၤအီၤအဃိန့ၣ်တက့ၢ်. ဒီးပှၤ လၢအအဲၣ်နမံၤန့ၣ် မ်အသူၣ်ဖှံသးညီ လၢနပူၤတ က့ၢ်. ¹² အဂ့ၢ်ဒ်အံၤ, နဲဒၣ်နကဆိၣ်ဂ့ၤပှၤအတီအ လိၤ, ယွၤဧၢ, တၢ်ဘၣ်နသးကအိၣ် ဝးတရံးအီၤ ဒ်ကတီၤတဘ့ၣ်အသိးန့ၣ်လီၤ.

၆

စီၤဒၤဝံးအထါလၢတၢ်အခိၣ်အဂီၢ်လၢနီၢ်ဒ့တၢ်အဂီၢ်လၢတၢ်ဃိး

¹ ယွၤဧၢ, သိၣ်ဃီၣ်ယၤလၢနသးထီၣ်တဂ့ၤ, ဒီး သိၣ်က့ၤသီက့ၤယၤ လၢနသးကဲၤထီၣ်န့ၣ်တဂ့ၤ.

² သူၣ်ကညီၤသးကညီၤယၤတက့ၢ်, ယွၤဧၢ. အဂ့ၢ် ဒ်အံၤ, ယလီၤဘှါလီၤ. ယွၤဧၢ, မၤဘျါက့ၤယၤတ က့ၢ်. ³ အဂ့ၢ်ဒ်အံၤ, ယဃံကနိးလီၤ. ယသးကိၢ်နး မးလီၤ. ဒီးနဲဒၣ်ယွၤဧၢ, ဆံးယံာ်လဲၣ်. ⁴ ဟဲက့ၤ ယွၤဧၢ, မၤပူၤမၤဖျဲးယသးတက့ၢ်. အုၣ်က့ၤခီၣ်က့ၤ

⁵ ယၤလၢနဘျုးနဖှိၣ်အဃိတက့ၢ်. အဂ့ၢ်ဒ်အံၤ, တၢ် သ့ၣ်နီၣ်ထီၣ်က့ၤနၤ တအိၣ်ဘၣ် လၢတၢ်သံအပူၤ ဘၣ်. လၢပျုၤပူၤန့ၣ် မ့ၢ်မတၤကစံးထီၣ်ပတြၢၤ န ဘျုးတဂၤလဲၣ်. ⁶ တၢ်ဘှံးယသးလၢယကအုကစွါ အဃိ, ယမၤထီၣ်ဖီယလီၢ်မံကိးမုၢ်နၤဒဲး, ဒီးယမၤ ပှံၢ်လီၤယလီၢ်မံလၢယမဲာ်ထံန့ၣ်လီၤ. ⁷ ယမဲာ်ယုာ် လၢတၢ်ကိၢ်တၢ်ဂီၤအဃိ, လီၤသပှၢ်ဝဲလၢယဒုၣ်ယ ဒါခဲလၢာ်အဃိလီၤ.

⁸ ကယဲၢ် ပှၤမၤတၢ်အၢတၢ်သီခဲလၢာ်သ့ၣ်ဧၢ, ဟး ထီၣ်ကွံာ်လၢယအိၣ်တက့ၢ်. အဂ့ၢ်ဒ်အံၤ, ယွၤနၢ် ဟူလံယဟီၣ်တၢ်အသီၣ်လံ. ⁹ ယွၤနၢ်ဟူလံယဃ့ ကညးတၢ်လံ, ယွၤကတူၢ်လိာ်ယတၢ်ထုကဖၣ်လီၤ.

¹⁰ ယဒုၣ်ယဒါခဲလၢာ်န့ၣ် အမဲာ်ကဆှး, ဒီးပျံၤတၢ် ဖုးတၢ်လီၤ. ကက့ၤက့ၤ, ဒီးမဲာ်ဆှးသတူၢ်ကလာ်လီၤ.

၇

စီၤဒၤဝံးအထါလၢအသးဝံၣ်ထီၣ်ယွၤလၢပှၤဘံၣ်ယၤမံၣ်ဖိကူၤၡးအတၢ်ကတိၤအဃိန့ၣ်.

¹ ယွၤ, ယကစၢ်ဧၢ, ယသန့ၤယသးလၢနၤလီၤ. အုၣ်က့ၤခီၣ်က့ၤယၤလၢ ကယဲၢ်ပှၤမၤအၢမၤသီယၤ အစုပူၤ, ဒီးမၤပူၤမၤဖျဲးယၤတက့ၢ်. ² ကဖှီဘၣ်ဖုး ယသးဒ်ခ့ယုၢ်အသိးန့ၣ်, ကအ့ၣ်ဖှီတဲာ်ဘၣ်ဖုး, ဒီး တၢ်မၤပူၤမၤဖျဲးတအိၣ်ဘၣ်.

³ ယွၤ, ယကစၢ်ဧၢ, ယမ့ၢ်မၤတ့ၢ်တၢ်အံၤ, တၢ်အၢ မ့ၢ်အိၣ်လၢယစုပူၤဒီး, ⁴ ယမ့ၢ်မၤကၣ်ပှၤလၢအဃူ လိာ်ဖိးလိာ်ဒီးယၤ လၢတၢ်အၢဒီး, (မ့ၢ်မးယမၤပူၤ ဖျဲးပှၤလၢအမ့ၢ်ယဒုၣ်ယဒါကလီကလီ,) ⁵ မ်တၢ်အ ဒုၣ်အဒါလူၤယသးသမူ, ဒီးချုးန့ၢ် ဒီးယီၢ်တံၢ်အီၤ ပၢၢ်လၢဟီၣ်ခိၣ်, ဒီးဒုးအိၣ်ယလၤကပီၤလၢ ဟီၣ် ခိၣ်ကမူၣ်အကျါန့ၣ်တက့ၢ်. စ့လၤ.

⁶ ဂဲၤဆၢထၢၣ် လၢနသးထီၣ်တက့ၢ်. ယွၤဧၢ, ပာ် ဆၢထၢၣ်နသးလၢယဒုၣ်ယဒါတဖၣ် သးဒိၣ်ထီၣ် ဆူၣ်အဃိ, ဒီးဖုသံနီၣ်ထီၣ်လၢယဂီၢ်တက့ၢ်. နမၤ လိာ်လံ တၢ်စံၣ်ညီၣ်ကွီၢ်လံ. ⁷ ဒီးပှၤဂီၢ်မုၢ်အတၢ် အိၣ်ဖှိၣ် ကအိၣ်ဝးတရံးနၤလီၤ. ဒီးလၢအဖီခိၣ်န့ၣ် က့ၤထီၣ်ဆူ တၢ်အလီၢ်ထီၣ်ထီန့ၣ်တက့ၢ်. ⁸ ယွၤ စံၣ်ညီၣ်ပှၤဂီၢ်မုၢ်လီၤ. စံၣ်ညီၣ်ယၤ, ယွၤဧၢ, ဒ်ယ တၢ်တီတၢ်လိၤအသိး, ဒီးဒ်တၢ်လၢတၢ်ပှဲၤ လၢအ

⁹ အိၣ်လၢယပူၤအသိးန့ၣ်တက့ၢ်. မ်ပှၤတတီတလိၤ အတၢ်အၢန့ၣ်ကတၢၢ်လၢ်တက့ၢ်. မ့မ့ၢ်ပှၤတီပှၤလိၤ န့ၣ်ဒုးအိၣ်ဂၢၢ်ဆိးကျၢၤအီၤတက့ၢ်. အဂ့ၢ်ဒ်အံၤယွၤ အတီအလိၤတဂၤ မၤကွၢ်ပှၤအသး, ဒီးအကလ့ၢ် တဖၣ်လီၤ.

¹⁰ ယကတီၤတဘ့ၣ်အိၣ်ဒီး ယွၤလၢအအုၣ်က့ၤခီၣ်

¹¹ က့ၤပှၤလၢအသးလိၤလီၤ. ယွၤမ့ၢ်ပှၤစံၣ်ညီၣ်တၢ်အ တီအလိၤ, ဒီးယွၤအသးထီၣ်ဘၣ် ပှၤတတီတလိၤ ကိးမုၢ်နံၤမုၢ်နၤဒဲးလီၤ. ¹² ပှၤမ့ၢ်တဃၣ်ဘၣ် အသး ဘၣ်ဒီး, ကကျ့အနးတဘ့ၣ်လီၤ. ပညိၣ်ထီၣ်လံ အချံၣ်လံ, ဒီးကတဲာ်ကတီၤလံအီၤလံ, ¹³ ဒီးကတဲာ် ကတီၤလံတၢ်သံအစုကဝဲၤန့ၣ် လၢအဂီၢ်လံ. မၤအ ပျၢ်လၢမ့ၣ်အူလီၤ.

¹⁴ ကွၢ်ကွၢ်, အဟုးဆါလၢတၢ်အၢ, ဒီးဒၢထီၣ်လၢ တၢ်နးတၢ်ဖှီၣ်, ဒီးဆံးစၢ်န့ၢ် တၢ်ကဘျံးကဘျၣ် လီၤ. ¹⁵ ခူၣ်လီၤတၢ်ပူၤ, ဒီးဘၢၣ်ဝဲ, ဘၣ်ဆၣ်ဒီးလီၤ တဲာ်လၢတၢ်ပူၤလၢအမၤဝဲလီၤ. ¹⁶ အတၢ်နးတၢ်ဖှီၣ် ကဘၣ်အခိၣ်ဒၣ်ဝဲဒီး အတၢ်အၢကလီၤဘၣ်လၢအ ခိၣ်ဒီဒၣ်ဝဲန့ၣ်လီၤ.

¹⁷ ယကစံးထီၣ်ပတြၢၤယွၤ ဒ်အတၢ်တီတၢ်လိၤအ သိးန့ၣ်ဒီး ယကသးဝံၣ်ထီၣ် တၢ်ထီကတၢၢ်ယွၤအ မံၤလီၤ.

၈

စီၤဒၤဝံးအထါလၢတၢ်အခိၣ်အဂီၢ်, လၢကၤသးအတနၢ်.

¹ ယွၤ, ပကစၢ်ဧၢ, နမံၤလၢဟီၣ်ခိၣ်ဒီဘ့ၣ်ညါန့ၣ် ဂ့ၤဆံးဒိၣ်လဲၣ်. နပာ်နလၤကပီၤ လၢမူခိၣ်အလိၤ လီၤ.

² နပာ်တၢ်အစိအကမီၤလၢဖိဆံး, ဒီးဖိသၣ်အီၣ်နုၢ် ထံတဖၣ်အထးခိၣ်, လၢနဒုၣ်နဒါတဖၣ်အဃိ, ဒ်သိး နကဒုးအိၣ်ဃိကလာ်တၢ်အဒုၣ်အဒါ, ဒီးပှၤမၤဆၢ တၢ်အၢတဖၣ်လီၤ.

³ တုၤယကွၢ် နမူခိၣ်နစုမုၢ်စုနၢအတၢ်မၤ, လါဒီး ဆၣ်ဧိၤဖီဧိၤလၢနပာ်လီၤဒီး, ⁴ ပှၤကညီလၢနကသ့ၣ် နီၣ်ထီၣ်က့ၤအီၤ, ဒီးပှၤကညီဖိလၢ နကအိၣ်သကိး အီၤန့ၣ်, မ့ၢ်မနုၤလဲၣ်. ⁵ နပာ်လီၤအီၤဘူးဒီးအက ဒ်သိးဒီး ကလူးတဖၣ်န့ၣ်, ဒီးဒုးကုာ်အခိၣ်သလုး လၢတၢ်ကဟုကညီၢ်, ဒီးတၢ်လၤကပီၤလီၤ. ⁶ နဒုး

⁷ ပၢအီၤလၢနစုအတၢ်မၤ, နပာ်လီၤတၢ်ခဲလၢာ်လၢအ ခီၣ်ဖီလာ်, ⁸ သိမဲာ်တဲးလဲး, ဒီးဂီၤဘုၣ်ဂီၤဖံးခဲလၢာ်, မ့ၢ်လံ, ဆၣ်ဖိကီၢ်ဖိလၢပှၢ်လၢ်ကျါ,― ထိၣ်ဧိၤလံၣ် ဧိၤလၢမူကပိာ်လိၤ, ဒီးဒ့ၣ်ဧိၤညၣ်ဧိၤလၢပီၣ်လဲၣ်ပူၤ, ဖဲဒၣ်တၢ်လၢအလဲၤတၢ်လၢ ပီၣ်လဲၣ်အကျဲတဖၣ် န့ၣ်လီၤ.

⁹ ယွၤ, ပကစၢ်ဧၢ, နမံၤလၢဟီၣ်ခိၣ်ဒီဘ့ၣ်ညါမ့ၢ် အဂ့ၤဆံးဒိၣ်လဲၣ်.

၉

စီၤဒၤဝံးအထါလၢတၢ်အခိၣ်အဂီၢ်လၢမူသးလံးဘ့ၣ်.

¹ ယကစံးထီၣ်ပတြၢၤယွၤ လၢယသးဒီဖျၢၣ်ညါ,

² ယကဒုးနဲၣ်နတၢ်မၤလီၤလးခဲလၢာ်လီၤ. ယကသူၣ် ခုသးခု, ဒီးသူၣ်ဖှံသးညီလၢနပူၤ, ယကသးဝံၣ် ထီၣ်နမံၤ, တၢ်ထီကတၢၢ်တဂၤဧၢ, ³ တုၤယဒုၣ်ယ ဒါဃ့ၢ်ကဒါက့ၤဒီး, ကလီၤဃံၤ, ဒီးဟးဂီၤလၢန မဲာ်ညါလီၤ. ⁴ အဂ့ၢ်ဒ်အံၤ, နမၤလံယတၢ်စံၣ်ညီၣ်, ဒီးယတၢ်လိာ်ကွီၢ်လံ. နဆ့ၣ်နီၤလၢနလီၢ်ပစိာ်, ဒီး စံၣ်ညီၣ်တၢ်တီတီလိၤလိၤလီၤ. ⁵ နသိၣ်ဃီၣ်ပှၤက လုာ်တဖၣ်လံ. နမၤဟးဂီၤပှၤတတီတလိၤလံ. န တြူာ်ကွံာ်အမံၤလီၤစိၤလီၤထီလံ. ⁶ တၢ်အဒုၣ်အဒါ န့ၣ် တၢ်မၤဟးဂီၤအီၤလၢာ်လံ လီၤထူလီၤယိာ်လံ. ဒီးနမၤဟးဂီၤဝ့ၢ်တဖၣ်လံ, အတၢ်သ့ၣ်နီၣ်ထီၣ်က့ၤ အီၤဟးဂီၤလံဒီးအီၤလံ.

⁷ ဘၣ်ဆၣ်ဒီး ယွၤအိၣ်ဝဲဆိးဝဲလီၤထူလီၤယိာ်လီၤ. ကတဲာ်ကတီၤလံအလီၢ်ပစိာ် လၢစံၣ်ညီၣ်တၢ်အဂီၢ် လံ. ⁸ ဒီးကစံၣ်ညီၣ်ပှၤဟီၣ်ခိၣ်ဖိလၢတၢ်တီ, ဒီးစံၣ် ညီၣ်ပှၤဂီၢ်မုၢ်အကွီၢ်လၢတၢ်တီတၢ်လိၤလီၤ.

⁹ ယွၤမ့ၢ်တိာ်တဖျၢၣ် လၢပှၤဘၣ်တၢ်မၤအၢအဂီၢ်, တိာ်တဖျၢၣ်လၢတၢ်မၤကိၢ်မၤဂီၤအဆၢကတီၢ်အပူၤ

¹⁰ န့ၣ်လီၤ. ဒီးပှၤလၢအသ့ၣ်ညါနမံၤတဖၣ်န့ၣ် ကသ န့ၤအသးလၢနၤလီၤ. အဂ့ၢ်ဒ်အံၤ, နတလဲၤသဒၣ် ဘၣ်ပှၤလၢအဃုနၤဘၣ်, ယွၤဧၢ. ¹¹ သးဝံၣ်ထီၣ်ယွၤ လၢအအိၣ်ဝဲဆိးဝဲလၢ စံယိၣ်အ ပူၤ, ဒုးနဲၣ်အမၤတၢ်လၢပှၤဂီၢ်မုၢ်အကျါန့ၣ်တက့ၢ်.

¹² အဂ့ၢ်ဒ်အံၤ, တုၤအဃုန့ၢ်တၢ်သွံၣ်ဒီး, သ့ၣ်နီၣ်ထီၣ် ထီၣ်က့ၤအီၤလီၤ. တသးပ့ၤနီၣ်ဘၣ် ပှၤလၢအဘၣ် တၢ်နးတၢ်ဖှီၣ် အတၢ်ကိးပသူထီၣ်န့ၣ်ဘၣ်.

¹³ သူၣ်ကညီၤသးကညီၤယၤယွၤဧၢ, ကွၢ်ယတၢ်နး တၢ်ဖှီၣ်လၢယဒုၣ်ယဒါအဃိန့ၣ်တက့ၢ်, ပှၤလၢအ ဝံၣ်ဆၢထၢၣ်ယၤလၢ တၢ်သံအပဲတရီအပူၤ တဂၤ ဧၢ, ¹⁴ ဒ်သိးယကစံၣ်တဲၤတဲလီၤ ကယဲၢ်တၢ်စံးထီၣ် ပ တြၢၤနၤလၢ စံယိၣ်အဖိမုၣ်အပဲတရီအပူၤ အဂ့ၢ် လီၤ. ယကသူၣ်ဖှံသးညီ လၢနတၢ်အုၣ်က့ၤခီၣ်က့ၤ အပူၤလီၤ.

¹⁵ ပှၤကလုာ်တဖၣ်န့ၣ် လီၤဘျၢလၢတၢ်ပူၤလၢအမၤ ဝဲလီၤ. ပှာ်ဧိၤစၤဧိၤလၢအပာ်ခူသူၣ်ဝဲတဆိန့ၣ်ဘၣ် လံလၢအခီၣ်ဒၣ်ဝဲလီၤ. ¹⁶ ပှၤသ့ၣ်ညါယွၤလၢတၢ်စံၣ် ညီၣ် လၢအမၤဝဲန့ၣ်လီၤ. ပှၤတတီတလိၤဘၣ်န့ၣ် ဘၣ်လံလၢပျံၤသကွီၤအပူၤ လၢအမၤဝဲလၢအစုဒၣ် ဝဲလီၤ. ဟံၣ်ကယိၣ်စ့လၤ.

¹⁷ ပှၤတတီတလိၤဘၣ်န့ၣ် ကဘၣ်က့ၤဆူ ပျုၤပူၤ, ကယဲၢ်ပှၤကလုာ်တဖၣ်လၢအသးပ့ၤနီၣ်ယွၤခဲလၢာ် လီၤ.

¹⁸ အဂ့ၢ်ဒ်အံၤ, ပှၤဖှီၣ်ဖိယာ်ဖိန့ၣ် တၢ်တသးပ့ၤနီၣ် ဘၣ်အီၤလီၤထူလီၤယိာ်ဘၣ်, ပှၤဘၣ်နးဘၣ်ဖှီၣ်အ တၢ်မုၢ်လၢ်တဟါမၢ်ဘၣ်လီၤစိၤလီၤထီဘၣ်.

¹⁹ ဂဲၤဆၢထၢၣ်တက့ၢ်, ယွၤဧၢ, မ်ပှၤကညီအသုတ မၤနၢၤတၢ်တဂ့ၤ. မ်ပှၤကလုာ်တဖၣ် ဘၣ်တၢ်စံၣ်

²⁰ ညီၣ်အီၤလၢနမဲာ်ညါတက့ၢ်. ပာ်တၢ်ပျံၤတၢ်ဖုးလၢ အလိၤ, ယွၤဧၢ, မ်ပှၤကလုာ်တဖၣ်သ့ၣ်ညါ လၢအ မ့ၢ်ထဲပှၤသပျၢၤ ပှၤကညီဧိၤတက့ၢ်. စ့လၤ.

၁၀

¹ နဆၢထၢၣ်လၢအယံၤမ့ၢ်အဘၣ်မနုၤလဲၣ်, ယွၤဧၢ. နပာ်တဒၢနသးလၢ တၢ်မၤကိၢ်မၤဂီၤ အဆၢအက တီၢ်န့ၣ် မ့ၢ်အဘၣ်မနုၤလဲၣ်. ² လၢပှၤတတီတလိၤ ဘၣ်အတၢ်ပာ်ကဖိအသးအဃိန့ၣ်, ပှၤဖှီၣ်ဖိယာ်ဖိ ဘၣ်တၢ်ကိၢ်တၢ်ဂီၤလီၤ. တၢ်လၢအကူၣ်ထီၣ်ဖးလီၤ လၢအဆိကမိၣ်တ့ၢ်ဝဲန့ၣ် ကဘၣ် အကစၢ်ဒၣ်ဝဲ လီၤ. ³ အဂ့ၢ်ဒ်အံၤ, ပှၤတတီတလိၤဘၣ်န့ၣ် ပာ်က ဖိအသးလၢအသးဆၢန့ၢ်တၢ်အဃိ, တုၤအန့ၢ်ဘၣ် တၢ်လၢအတတီတလိၤဘၣ်န့ၣ် ဆိၣ်ဂ့ၤလီၤအသး, ဒီးမၤတရီတပါယွၤလီၤ.

⁴ ပှၤတတီတလိၤ ဘၣ်ပာ်ထီၣ်ထီအမဲာ်, ဒီးစံးဝဲ ဒၣ်, တၢ်တဃုဘၣ်ဝဲဘၣ်, အဆိကမိၣ်တၢ်ခဲလၢာ် န့ၣ်မ့ၢ်လၢယွၤတအိၣ်ဘၣ်. ⁵ အကျဲတဖၣ်ဘီၣ်ထီၣ် ညီထီၣ် ကိးအဆၢအကတီၢ်ဒဲးလီၤ. နတၢ်စံၣ်ညီၣ် တဖၣ်န့ၣ် အိၣ်ထီန့ၢ်အထံၣ်သ့လၢ အမဲာ်တက့ၢ် လီၤ. အူဘၣ်အဒုၣ်အဒါခဲလၢာ်လီၤ. ⁶ စံးဝဲလၢအ သးကံၢ်ပူၤ, ယတဟူးတဝးဘၣ်. အဂ့ၢ်ဒ်အံၤ အစိၤ စိၤအဃၣ်ဃၣ်န့ၣ်ယတဘၣ်တၢ်အၢဘၣ်. ⁷ အကိာ် ပူၤပှဲၤဒီးဆိၣ်အၢတၢ်, ဒီးလီတၢ်, ဒီးဂုာ်န့ၢ်တၢ်လီၤ. ဒီးတၢ်နးတၢ်ဖှီၣ်ဒီးတၢ်မၤအၢတၢ်န့ၣ် အိၣ်ဝဲလၢအ ပျ့ၤဖီလာ်လီၤ. ⁸ ဆ့ၣ်နီၤဝဲလၢ အလီၢ်အိၣ်တဒၢလၢ တဝီတဖၣ်အပူၤ, လၢအလီၢ်အိၣ်ခူသူၣ်တဖၣ်အပူၤ န့ၣ် မၤသံပှၤလၢအတၢ်ဒဲးဘးတအိၣ်ဘၣ်. အမဲာ် ပၢၤပှၤဖှီၣ်ဖိယာ်ဖိလီၤ. ⁹ အိၣ်ခိးဝဲလၢအလီၢ်ခူသူၣ် ဒ်ခ့ယုၢ်လၢသဃာ်အကျါအသိးန့ၣ်, အိၣ်ခိးဝဲဒ်သိး အကဖီၣ်န့ၢ် ပှၤဘၣ်နးဘၣ်ဖှီၣ်န့ၣ်လီၤ. ဒီးဖီၣ်န့ၢ် ပှၤဘၣ်နးဘၣ်ဖှီၣ်, ဒီးမိၤဝဲလၢအပှာ်န့ၣ်လီၤ. ¹⁰ ဒီးပှၤ ဘၣ်တၢ်မၤသဘှံးန့ၣ်လီၤဃံၤဝဲ, ပှၤဖှီၣ်ဖိယာ်ဖိလီၤ ဃံၤလၢအပှၤဆူၣ်တဖၣ် အစုပူၤလီၤ. ¹¹ စံးဝဲလၢအ သးကံၢ်ပူၤန့ၣ်, ယွၤသးပ့ၤနီၣ်လံ, ပာ်တဒၢလံအ မဲာ်လံ. တထံၣ်လၢၤနီတစုဘၣ်.

¹² ယွၤဧၢ, ဂဲၤဆၢထၢၣ်တက့ၢ်. ကစၢ်ဧၢ, ယူာ်ထီၣ် နစုတက့ၢ်, သးပ့ၤနီၣ်ပှၤလၢအဘၣ်နးဘၣ်ဖှီၣ်န့ၣ် တဂ့ၤ. ¹³ ပှၤတတီတလိၤဘၣ်န့ၣ် မၤယွၤတရီတပါ မ့ၢ်အဘၣ်မနုၤလဲၣ်. စံးဝဲလၢအသးကံၢ်ပူၤန့ၣ်, န တဃုဘၣ်တၢ်ဘၣ်န့ၣ်လီၤ. ¹⁴ နထံၣ်ဘၣ်လံ. အဂ့ၢ် ဒ်အံၤ, နကွၢ်တၢ်နးတၢ်ဖှီၣ်ဒီး တၢ်မၤကိၢ်မၤဂီၤန့ၣ် ဒ်သိး နကဟ့ၣ်ကၣ်တၢ်လၢနစုလီၤ. ပှၤဖိၣ်ဃဲလၢ အဖှီၣ်န့ၢ်ယာ်ကဲန့ၣ် ဟ့ၣ်လီၤအသးလၢနၤ, နမ့ၢ်နဲ တၢ်မၤစၢၤတၢ်လီၤ.

¹⁵ မၤကၢ်ပှၤတတီတလိၤဘၣ်အစု, ဒီးပှၤမၤတၢ်အၢ ဖိန့ၣ်, ဃုအတၢ်အၢ တုၤနတထံၣ်လၢၤဘၣ်န့ၣ်တ က့ၢ်.

¹⁶ ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤကလုာ် တဖၣ်န့ၣ် ဟးဂီၤလံလၢအကီၢ်ပူၤလံ. ¹⁷ ပှၤလၢအ ဘၣ်နးဘၣ်ဖှီၣ် အဆၢတၢ်န့ၣ်နနၢ်ဟူလံ. နကက တဲာ်ကတီၤအသး, နကပာ်နၢ်ဟူနနၢ်, ¹⁸ လၢနက စံၣ်ညီၣ်ပှၤဖိၣ်ဃဲ, ဒီးပှၤဘၣ်တၢ်မၤအၢအီၤန့ၣ်ဒ်သိး ပှၤဘၣ်ဃးဒီးဟီၣ်ခိၣ် အသုတမၤပျံၤမၤဖုးလၢၤတၢ် တဂ့ၤန့ၣ်လီၤ.

၁၁

စီၤဒၤဝံးအထါလၢတၢ်အခိၣ်အဂီၢ်.

¹ ယသန့ၤယသးလၢယွၤလီၤ. ဘၣ်မနုၤလၢသုစံး ဘၣ်ယသး, ဃ့ၢ်ဒ်ထိၣ်ဖိအသိးဆူသုကစၢၢ်တက့ၢ် န့ၣ်လဲၣ်. ² အဂ့ၢ်ဒ်အံၤ, ကွၢ်ကွၢ်, ပှၤတတီတလိၤ န့ၣ်သူထီၣ်လံအချံၣ်လံ, ကတဲာ်ကတီၤလံ အပျၢ် လၢချံၣ်ပျံၤအဖီခိၣ်, ဒ်သိးလၢတၢ်ခံးကျါန့ၣ်အကခး ဘၣ်ပှၤအသးလိၤလီၤ. ³ တၢ်အခီၣ်ထံးတဖၣ်မ့ၢ်ဟး ဂီၤဒီး, ပှၤအတီတဖၣ်ကမၤဒ်လဲၣ်.

⁴ ယွၤအိၣ်ဝဲလၢ အနူၢ်စီဆှံအပူၤလီၤ. ယွၤအလီၢ်ပ စိာ်အိၣ်ဝဲလၢမူခိၣ်, အမဲာ်ထံၣ်တၢ်, အမဲာ်ဖံးမၤကွၢ် ပှၤကညီဖိလီၤ. ⁵ ယွၤမၤကွၢ်ပှၤတီပှၤလိၤလီၤ. မ့မ့ၢ် ပှၤတတီတလိၤ, ဒီးပှၤလၢအအဲၣ်ဒိးတၢ်မၤအၢန့ၣ် ယွၤသးဟ့အီၤလီၤ. ⁶ ကဒုးဟဲစူၤတၢ်ပျံၤသကွီၤလၢ ပှၤတတီတလိၤအဖီခိၣ်လီၤ. မ့ၣ်အူ, ဒီးကးဒီးကလံၤ မုၢ်န့ၣ်မ့ၢ်အလီခီအဂီၢ်လီၤ. ⁷ အဂ့ၢ်ဒ်အံၤ, ယွၤအတီ အလိၤန့ၣ် အဲၣ်တၢ်တီတၢ်လိၤလီၤ. အမဲာ်ကွၢ်ပှၤ အတီအလိၤတဖၣ်န့ၣ်လီၤ.

၁၂

စီၤဒၤဝံးအထါလၢတၢ်အခိၣ်အဂီၢ်လၢတၢ်ဃိး.

¹ အုၣ်က့ၤခီၣ်က့ၤတက့ၢ်, ယွၤဧၢ, အဂ့ၢ်ဒ်အံၤ, ပှၤ စီဆှံလၢာ်ဝဲ, ပှၤအကလုၢ်တီတအိၣ်လၢၤဘၣ်လၢ ပှၤကညီဖိ အကျါဘၣ်. ² ပှၤကတိၤတၢ် ကလီကလီတဂၤဒီးတဂၤ လၢအ ပျုၤသဘျ့လီၤ. လၢအသးခံဖျၢၣ်န့ၣ်ကတိၤဝဲလီၤ.

³ ယွၤကဒီၣ်တဲာ်ကွံာ်ပျုၤသဘျ့ခဲလၢာ်, ပှၤအပျ့ၤလၢ အကတိၤတၢ်အဒိၣ်အထီတဖၣ်လီၤ. ⁴ ပှၤလၢအစံး တ့ၢ်, ပအိၣ်ဆူၣ်လၢပပျ့ၤအဃိ, ပပျုၤမ့ၢ်ပတၢ်ဒၣ် ပဝဲ, မတၤမ့ၢ် ကစၢ်လၢပဖီခိၣ်တဂၤလဲၣ်.

⁵ လၢပှၤလၢအဘၣ်နးဘၣ်ဖှီၣ် အတၢ်မၤအၢအီၤအ ဃိ, လၢပှၤဖှီၣ်ဖိယာ်ဖိအကအုကစွါတၢ်အဃိန့ၣ်, ခဲကနံၣ်အံၤယကဂဲၤဆၢထၢၣ်, ယွၤစံးဝဲဒၣ်, ပှၤ လၢအသါသဖှိ ဒ်သိးအကန့ၢ်တၢ်အုၣ်က့ၤခီၣ်က့ၤ န့ၣ် ယကပာ်လၢအပူၤလီၤ.

⁶ ယွၤအတၢ်ကတိၤန့ၣ် မ့ၢ်တၢ်ကတိၤကဆှီဒ်စ့လၢ အဘၣ်တၢ်ပစီတ့ၢ်အီၤလၢဖၣ်ကပူၤ လၢဟီၣ်ခိၣ်နွံ ဘျီအသိးန့ၣ်လီၤ. ⁷ နဲဒၣ်ယွၤဧၢ, နကအံးထီၣ်ကွၢ် လီၤအီၤ, နကပၢၤအီၤလၢပှၤတစိၤအံၤ လီၤထူလီၤ ယိာ်လီၤ.

⁸ ပှၤတတီတလိၤ ဟးဝ့ၤဝီၤကိးခီဒဲး တုၤတၢ်ပာ် ထီၣ်ထီတၢ်အၢတၢ်သီလၢပှၤကညီအကျါန့ၣ်လီၤ.

၁၃

စီၤဒၤဝံးအထါလၢတၢ်အခိၣ်အဂီၢ်.

¹ ဆံးယံာ်လဲၣ်, ယွၤဧၢ, နကသးပ့ၤနီၣ်ယၤလီၤထူ လီၤယိာ်ဧါ. နကပာ်တဒၢနမဲာ်ဒီးယၤ ဆံးယံာ် လဲၣ်, ² ယကပာ်တၢ်ဆိကမိၣ်ဆိကမး လၢယသး ကံၢ်ပူၤ, တၢ်သူၣ်အုးသးအုးလၢယသးကံၢ်ပူၤ သ့သ့ တနံၤဆံးယံာ်လဲၣ်. ယဒုၣ်ယဒါကအိၣ်ထီၣ်ထီန့ၢ် ယၤဆံးယံာ်လဲၣ်. ³ ကွၢ်, ကနၣ်ယကလုၢ်တက့ၢ်, ယွၤယကစၢ်ဧၢ, ဒုးကပီၤထီၣ်ယမဲာ်တက့ၢ်. ယကမံသံဘၣ်ဖုးလီၤ.

⁴ ယဒုၣ်ယဒါကစံးဘၣ်ဖုး, ယမၤနၢၤလံအီၤလံန့ၣ်, ဒီးတုၤယဟူးဝးဒီး, ပှၤလၢအမၤကိၢ်မၤဂီၤယၤတဖၣ် ကသူၣ်ဖှံသး ညီဘၣ်ဖုးလီၤ.

⁵ ဘၣ်ဆၣ်ဒီး ယသန့ၤယသးလၢနဘျုးနဖှိၣ်, ယ ကသူၣ်ဖှံသးညီလၢ နတၢ်အုၣ်က့ၤခီၣ်က့ၤ အပူၤ လီၤ. ⁶ ယကသးဝံၣ်ထီၣ်ယွၤလီၤ. အဂ့ၢ်ဒ်အံၤ, မၤ ဂ့ၤလံယၤလံ.

၁၄

စီၤဒၤဝံးအထါလၢတၢ်အခိၣ်အဂီၢ်.

¹ ပှၤဟးဂီၤဖိစံးလၢအသးကံၢ်ပူၤ, ယွၤတအိၣ်ဘၣ် န့ၣ်လီၤ. အၢဝဲသီဝဲလီၤ. မၤလံတၢ်သးဘၣ်အၢအ တၢ်မၤလံ. ပှၤမၤတၢ်ဂ့ၤတအိၣ်ဘၣ်. ² ယွၤကွၢ်လီၤ လၢမူခိၣ်လၢပှၤကညီဖိဒ်သိးအကထံၣ်လၢ ပှၤလၢ အသးဖး, ပှၤလၢအဃုယွၤတဂၤ အိၣ်တအိၣ်လဲၣ် န့ၣ်အဂ့ၢ်လီၤ. ³ လဲၤကမၣ်လံခဲလၢာ်လံ, ဘၣ်အၢ ဃုာ်လံတပူၤဃီလံ. ပှၤမၤတၢ်ဂ့ၤတအိၣ်ဘၣ်, ထဲတ ဂၤဧိၤတအိၣ်ဘၣ်.

⁴ ကယဲၢ်ပှၤလၢ အမၤတၢ်အၢခဲလၢာ် တသ့ၣ်ညါ တၢ်ဘၣ်ဧါ. အီၣ်ယပှၤဂီၢ်မုၢ် ဒ်အအီၣ်ကိၣ်အသိး, ဒီးတကိးထီၣ်ဘၣ်ယွၤဘၣ်. ⁵ ပျံၤတၢ်ဖုးတၢ် ဖဲန့ၣ် သပှၢ်တၢၢ်လီၤ. အဂ့ၢ်ဒ်အံၤ, ယွၤအိၣ်ဝဲလၢပှၤအတီ အလိၤတစိၤအကျါလီၤ. ⁶ သုဒုးဆှးမဲာ် ပှၤဘၣ်နး ဘၣ်ဖှီၣ်အတၢ်ကူၣ်လီၤ. အဂ့ၢ်ဒ်အံၤ, ယွၤမ့ၢ်အတၢ် ပူၤဖျဲးအလီၢ်လီၤ.

⁷ မ်တၢ်ဟ့ၣ်အံၣ်စရ့လး အတၢ်အုၣ်က့ၤခီၣ်က့ၤလၢ စံယိၣ်အပူၤတက့ၢ်. တုၤယွၤဒုးဟဲက့ၤ အပှၤတၢ်မၢ ကဲကုၢ်ဖိဒီး, ယၤကိာ်ကသူၣ်ဖှံသးညီ, အံၣ်စရ့လး ကသူၣ်ခုသးခုလီၤ.

၁၅

စီၤဒၤဝံးအထါ.

¹ ယွၤဧၢ, မ့ၢ်မတၤကအိၣ်ဝဲဆိးဝဲလၢနဒဲပူၤတဂၤ လဲၣ်, မ့ၢ်မတၤကအိၣ်ဝဲလၢ နကစၢၢ်စီဆှံအလိၤ တဂၤလဲၣ်.

² ပှၤလၢအလဲၤတၢ်လၢလၢပှဲၤပှဲၤ, ဒီးမၤတၢ်တီတၢ် လိၤ, ဒီးကတိၤတၢ်မ့ၢ်တၢ်တီလၢအသး, ³ ပှၤလၢအ တကတိၤခဲၣ်ဘၣ်လၢအပျ့ၤ, တမၤအၢဘၣ်အတံၤ အသကိး, ဒီးတဟံးထီၣ်ဘၣ် တၢ်ဒုၣ်ဒွဲၣ်ပှၤလၢ အဃၢၤဘၣ်. ⁴ ပှၤဘၣ်တၢ်ညိကွံာ်အီၤန့ၣ် တပးကဲ ဘၣ်ဝဲလၢအမဲာ်ဘၣ်. မ့မ့ၢ်ယူးယီၣ်ဝဲပှၤလၢအပျံၤ ယွၤန့ၣ်လီၤ. ဒီးဆိၣ်တၢ်လၢအမၤအၢလီၤအကစၢ် ဒၣ်ဝဲ, ဒီးတကဒံကဒါဘၣ်. ⁵ တဒုးလိၢ်ဘၣ်စ့လၢ စ့အအ့ၣ်ထီၣ်အဂီၢ်ဘၣ်, ဒီးတဟံးန့ၢ်ခိၣ်ဖးထီဒါပှၤ လၢအတၢ်ဒဲးဘးတအိၣ်ဘၣ်န့ၣ်ဘၣ်.

⁶ ပှၤလၢအမၤတၢ်တဖၣ်န့ၣ် တဟူးဝးဘၣ်လီၤထူ လီၤယိာ်ဘၣ်လီၤ.

၁၆

စီၤဒၤဝံးအတၢ်ကွဲးထူ.

¹ အံးက့ၤကွၢ်ကွၤယၤတက့ၢ်, ယွၤဧၢ. အဂ့ၢ်ဒ်အံၤ, ယသန့ၤယသးလၢနၤလီၤ.

² ယစံးဘၣ်လံယွၤ, နမ့ၢ်ယကစၢ်လီၤ. လၢနၤအဖီ ခိၣ်န့ၣ်ယတၢ်ဂ့ၤတအိၣ်. ³ တၢ်လၢပှၤစီဆှံလၢဟီၣ် ခိၣ်ချၢ, အဝဲသ့ၣ်မ့ၢ်ပှၤအဂ့ၤအဝါလၢ တၢ်ဘၣ်ယ သးခဲလၢာ်အိၣ်ဝဲလၢအပူၤလီၤ.

⁴ ပှၤလၢအမၤချ့ချ့ လၢတၢ်အဂၤအဂီၢ်န့ၣ် အတၢ် နးတၢ်ဖှီၣ်အါဝဲလီၤ. ယတလူလီၤဘၣ် တၢ်လုၢ်အီ လၢတၢ်သွံၣ်, ဒီးယတပှ့ၤဘၣ်အမံၤတဖၣ် လၢယ ပျုၤဘၣ်. ⁵ ယွၤမ့ၢ်ယတၢ်န့ၢ်သါ, ဒီးယလီခီအဂီၢ် လီၤ. နမၤကျၢၤတၢ်နီၤဖးတၢ်လၢယဂီၢ်လီၤ.

⁶ နီၣ်ထိၣ်အပျံၤ လီၤဘၣ်လၢ ယဂီၢ်လၢအလီၢ်မုာ် လီၤ. မ့ၢ်မးယတၢ်န့ၢ်သါန့ၣ် အိၣ်ဒီးအဃံအလၤ လီၤ. ⁷ ယကစံးထီၣ်ပတြၢၤယွၤလၢ အဟ့ၣ်ကူၣ် ဘၣ်ယၤလီၤ. ယကလ့ၢ်သိၣ်လိယၤ လၢမုၢ်နၤစ့ၢ် ကီးလီၤ.

⁸ ယပာ်လီၤယွၤလၢ ယမဲာ်ညါတထံၣ်ဃီလီၤ. မ့ၢ် အအိၣ်လၢယစုထွဲဒီး, ယတဟူးတဝးဘၣ်. ⁹ မၤ သးဒ်န့ၣ်ဒီး ယသးသူၣ်ခုသးခု, ဒီးယလၤကပီၤ သူၣ်ဖှံသးညီလီၤ. ယဖံးယညၣ်စ့ၢ်ကီး ကအိၣ်က ဆိးလၢတၢ်မုၢ်လၢ်အပူၤလီၤ.

¹⁰ အဂ့ၢ်ဒ်အံၤ, နတပာ်လီၤတဲာ်ဘၣ်ယသးလၢပျုၤ ပူၤဘၣ်, နတဒုးထံၣ်ဘၣ် နပှၤစီဆှံလၢတၢ်အုၣ်သံ ဘၣ်. ¹¹ နကဘိးဘၣ်သ့ၣ်ညါယၤလၢ တၢ်မူအကျဲ လီၤ. တၢ်သူၣ်ခုသးခုလၢထီၣ်ပှဲၤထီၣ်ဝဲလၢ နမဲာ် ညါ, တၢ်အမုာ်အိၣ်လၢနစုထွဲလီၤထူလီၤယိာ်လီၤ.

၁၇

စီၤဒၤဝံးအတၢ်ထုကဖၣ်.

¹ ကနၣ်လၢ်တၢ်တီတၢ်လိၤ, ယွၤဧၢ, ဒိကနၣ်ယ ကိးထီၣ်တၢ်, ဒိးနနၢ်လၢ ယတၢ်ထုကဖၣ်လၢပျုၤ လၢအတလီတၢ်ဘၣ်န့ၣ်တက့ၢ်. ² မ်ယကွီၢ်ဟဲထီၣ် လၢနမဲာ်ညါ, မ်နမဲာ်ကွၢ်တၢ်အလိၤတက့ၢ်.

³ နမၤကွၢ်ယသး, နအိၣ်သကိးတၢ်လၢမုၢ်နၤ, နမၤ ပှံၢ်ယၤ, နတထံၣ်န့ၢ်ဘၣ် တၢ်ဆိကမိၣ်လၢအအၢ ဘၣ်, ယထးခိၣ်အတၢ်ကတိၤတကမၣ်ဘၣ်.

⁴ လၢပှၤကညီအတၢ်မၤအဂ့ၢ်န့ၣ် ယပလီၢ်ယသး, လၢပှၤမၤကမၣ်တၢ်အကျဲန့ၣ် လၢနပျုၤ အတၢ်က တိၤအဃိလီၤ.

⁵ ယခီၣ်ထွဲဝဲကျၢၤကျၢၤ လၢနကျဲဧိၤကပူၤဧိၤအပူၤ, ယခီၣ်တလီၤတလံာ်ဘၣ်.

⁶ ယကိးထီၣ်နၤလီၤ. အဂ့ၢ်ဒ်အံၤ, နကနၣ်ယက လုၢ်, ကစၢ်ဧၢ. ဒိးနနၢ်လၢယၤ, ဒိကနၣ်ယတၢ် ကတိၤတက့ၢ်.

⁷ မၤလီၤလးထီၣ်နဘျုးနဖှိၣ်တက့ၢ်, ပှၤလၢအအုၣ် က့ၤခီၣ်က့ၤပှၤလၢအသန့ၤအသးလၢနၤ လၢနစုထွဲ လၢပှၤလၢအဂဲၤဆၢထၢၣ်ထီဒါအီၤအစုပူၤန့ၣ်တဂၤ ဧၢ.

⁸ အံးက့ၤကွၢ်က့ၤယၤ ဒ်ပမဲာ်ပှၤဖိအသိး တက့ၢ်.

⁹ လၢနဒံးဆ့အကဒုပူၤန့ၣ်ပာ်တဒၢယၤ, လၢပှၤတတီ တလိၤ လၢအမၤအၢယၤ, ယသးသမူအဒုၣ်အဒါ လၢအလဲၤဝးတရံးယၤန့ၣ်တက့ၢ်.

¹⁰ အိၣ်ဘံၣ်ဃာ်ဝဲလၢအသိဒၣ်ဝဲအပူၤလီၤ. ကတိၤ တၢ်ထီၣ်ထီတဖၣ်လၢအထးခိၣ်လီၤ. ¹¹ ခဲကနံၣ်အံၤ, အဝဲသ့ၣ်ဝီၤဃာ်ပှၤလၢပထွဲတၢ်အပူၤ, ပာ်အမဲာ်လၢ အကတ့ၢ်လီၤပှၤဆူဟီၣ်ခိၣ်လီၤ. ¹² မၤသးဒ်ခ့ယုၢ်လၢ အဆၢဖှီကွံာ်တၢ်အသိး, ဒီးဒ်ခ့ယုၢ်အဖိလၢအအိၣ် လၢအလီၢ်ခူသူၣ်အသိးန့ၣ်လီၤ.

¹³ ဂဲၤဆၢထၢၣ်, ယွၤဧၢ, လဲၤဘျီလၢအမဲာ်ညါ, မၤ ကိာ်လီၤအီၤ, မၤပူၤမၤဖျဲးယသးလၢ ပှၤတတီတ လိၤအစုပူၤ, နနးတဘ့ၣ်, ¹⁴ လၢပှၤကညီ, နစု, ယွၤဧၢ, လၢပှၤအအံၤတဃၣ်ဖိ လၢအဂီၢ်အိၣ်လၢအမူဝဲအ ဖၢမုၢ်, ပှၤလၢနမၤပှဲၤအဟၢဖၢ လၢနတၢ်ပာ်ဖှိၣ် န့ၣ်တက့ၢ်. အဝဲသ့ၣ်န့ၢ်အဖိတဖၣ်ဘျဲးန့ၢ်ဖိ, ဒီးပာ် လီၤတဲာ်အတၢ်အိၣ်ဘျဲၣ်လၢအဖိသၣ်အဂီၢ်လီၤ.

¹⁵ မ့မ့ၢ်ယဲဒၣ်အံၤ ယကထံၣ်ဘၣ်နမဲာ် လၢတၢ်တီ တၢ်လိၤအပူၤလီၤ. တုၤယဖုသံနီၣ်အိၣ်ဒီး နက့ၢ်န ဂီၤဒီး, ယကမံသူၣ်မံသးလီၤ.

၁၈

လၢတၢ်အခိၣ်အဂီၢ်, လၢယွၤအခ့အပှၤ, စီၤဒၤဝံး ကတိၤတၢ်ဒီးယွၤလၢ တၢ်သးဝံၣ်အံၤအတၢ်ကတိၤလၢ မုၢ်တနံၤလၢယွၤမၤပူၤမၤဖျဲးအီၤ လၢအဒုၣ်အဒါခဲလၢာ် အစုပူၤ, ဒီးလၢစီၤစီလူးအစုပူၤ, ဒီးစံးဝဲဒၣ်.

¹ ယအဲၣ်နၤ, ယဂံၢ်ယဘါယွၤဧၢ.― ယွၤမ့ၢ်ယလ့, ဒီးယတိာ်, ဒီးယတၢ်မၤပူၤမၤဖျဲးယၤ, ယကစၢ်, ယလၢၢ်, ယကသန့ၤယသးလၢအီၤ, ယကတီၤတ ဘ့ၣ်, ဒီးယတၢ်အုၣ်က့ၤခီၣ်က့ၤယၤအနၢၤ, ယတၢး ထီၣ်ထီန့ၣ်လီၤ.

³ ယကကိးထီၣ်ယွၤ လၢအဂ့ၤဘၣ် တၢ်စံးထီၣ်ပ တြၢၤအီၤ, ဒီးယကတုၤလၢ တၢ်အုၣ်က့ၤခီၣ်က့ၤ ယၤလၢယဒုၣ်ယဒါတဖၣ်အစုပူၤလီၤ.

⁴ တၢ်သံအပျံၤတဖၣ် အိၣ်ဝးတရံးယၤ, ဒီးတၢ်မၤ ဟးဂီၤအထံကျိတဖၣ် မၤပျံၤမၤဖုးယၤလီၤ. ⁵ တၢ် ပျုၤပူၤအပျံၤတဖၣ် အိၣ်ဝးတရံးယၤ, တၢ်သံအပျံၤ သကွီၤတဖၣ်လဲၤဘျီယၤလီၤ.

⁶ တုၤယဘၣ်တၢ်ကိၢ်တၢ်ဂီၤဒီး, ယကိးထီၣ်ယွၤ, ဒီးယဃ့ကညးတၢ်လၢယကစၢ်လီၤ. ဒီးကနၣ်ဝဲယ ကလုၢ်လၢအနူၢ်ပူၤ, ဒီးယဃ့ကညးတၢ် လဲၤဆူအ မဲာ်ညါ, ဆူအနၢ်ပူၤဒၣ်လဲာ်လီၤ.

⁷ တုၤနုၤတစုဟီၣ်ခိၣ်ဟူးဝးဝဲ, ဒီးဆှဲးဆှိးဝဲ, ကစၢၢ် ကလိအခီၣ်ထံးတဖၣ် သုးအသးဒီး ဟူးဝးဝဲလီၤ. အဂ့ၢ်ဒ်အံၤ, အသးထီၣ်ဝဲလီၤ. ⁸ မ့ၣ်အူခုၣ်ဟဲထီၣ် လၢအနါဒ့ပူၤ, ဒီးမ့ၣ်အူလၢအထးခိၣ်အီၣ်တၢ်, မ့ၣ် အူကဖးဆိၣ်ကဲၤအသးလၢအီၤလီၤ.

⁹ ဒီးမၤသကူးလီၤမူခိၣ်, ဒီးဟဲလီၤ, ဒီးတၢ်ခံးသူ အိၣ်ဝဲလၢအခီၣ်ဖီလာ်, ¹⁰ ဒီးဒိးခ့ရူာ်, ဒီးယူၤဝဲ, မ့ၢ် မးယူၤဝဲလၢ ကလံၤအဒံးဆ့အဖီခိၣ်လီၤ. ¹¹ ပာ်တၢ် ခံးလၢအလီၢ်ခူသူၣ်, ဒီးအဒဲအိၣ်ဝးတရံးအီၤန့ၣ် မ့ၢ် ထံတၢ်ခံး, တၢ်အၢၣ်တီၣ်လၢမူကပိာ်လိၤလီၤ.

¹² လၢတၢ်ကဲၤဆှုၣ်ဆှုၣ် လၢအမဲာ်ညါန့ၣ်တၢ်အၢၣ် တီၣ်ဟးထီၣ်ဝဲ, သူၣ်ဒီးမ့ၣ်အူကဖးလီၤ. ¹³ ဒီးယွၤမၢ လီသီၣ်လၢမူခိၣ်, ဒီးတၢ်ထီကတၢၢ် ဒုးသီၣ်ထီၣ် အကလုၢ်, သူၣ်ဒီးမ့ၣ်အူကဖးလီၤ. ¹⁴ ဒီးပျၢ်အပျၢ် တဖၣ်ဒီးမၤပြံပြါဝဲ, ဒီးခးလီဝၢ်ဒံး အါအါကလဲာ်, ဒီးမၤဃာ်အီၤလီၤ.

¹⁵ ဒီးထံအကျိၤတဖၣ်န့ၣ်ဖျါဝဲ ဒီးဟီၣ်ခိၣ်အခီၣ်ထံး တဖၣ်န့ၣ်အိၣ်ဖျါထီၣ်ဝဲလၢနသိၣ်ဃီၣ်တၢ်, ယွၤဧၢ, လၢနနါဒ့အူသဖှိတၢ်တဘျီအမဲာ်ညါလီၤ.

¹⁶ မၢလီၤဝဲလၢတၢ်ထီၣ်ထီ, ဟံးန့ၢ်ထီၣ်ယၤ, ထုး ထီၣ်ယၤလၢထံဒိၣ်အကျါလီၤ. ¹⁷ ဒီးမၤပူၤမၤဖျဲးယၤ ဒီးယဒုၣ်ယဒါ လၢအဂံၢ်ဆူၣ်အဘါဆူၣ်တဂၤ, ဒီး လၢပှၤလၢအသးဟ့ယၤတဖၣ် အစုပူၤလီၤ. အဂ့ၢ် ဒ်အံၤ, ဆူၣ်န့ၢ်ယၤတက့ၢ်လီၤ.

¹⁸ လၢယတၢ်နးတၢ်ဖှီၣ်အမုၢ်နံၤန့ၣ် အဝဲသ့ၣ် လဲၤ ဘျီယၤလီၤ. ဘၣ်ဆၣ်ဒီး ယွၤမ့ၢ်တၢ်အိၣ်တၢ်ဆိး အလီၢ်လၢယဂီၢ်လီၤ. ¹⁹ ဒီးဒုးဟးထီၣ်ယၤဆူအလီၢ် ဖးလဲၢ်, မၤပူၤမၤဖျဲးယၤလီၤ. အဂ့ၢ်ဒ်အံၤ, ဘၣ်အ သးလၢယၤလီၤ.

²⁰ ယွၤဟ့ၣ်ကၣ်တၢ်လၢယၤ ဒ်ယတၢ်တီတၢ်လိၤအ သိးန့ၣ်, ဒ်ယစုကဆှီအသိးန့ၣ် ဒုးန့ၢ်ဆၢယၤလၢ တၢ်လီၤ. ²¹ အဂ့ၢ်ဒ်အံၤ, ယတိၢ်န့ၢ်လံယွၤအကျဲတ ဖၣ်လံ, ယတမၤကမၣ်ဘၣ်ယကစၢ်ဘၣ်. ²² အဂ့ၢ် ဒ်အံၤ, အစံၣ်ညီၣ်တၢ်ခဲလၢာ် အိၣ်ဝဲလၢယမဲာ်ညါ, ဒီးအတၢ်မၤလိာ်တဖၣ်န့ၣ် ယတလုၣ်သ့ၣ်ခါပတာ် ဘၣ်, ²³ ဒီးယလၢထီၣ်ပှဲၤထီၣ်လၢအမဲာ်ညါ, ဒီးယ ပလီၢ်ယသး လၢယတၢ်အၢလီၤ. ²⁴ မၤသးဒ်န့ၣ်ဒီး ယွၤဟ့ၣ်ကၣ်တၢ်လၢယၤ ဒ်ယတၢ်တီတၢ်လိၤ အ သိးန့ၣ်, ဒ်ယစုကဆှီလၢအမဲာ်ညါအသိးန့ၣ်လီၤ.

²⁵ လၢပှၤအဂ့ၤန့ၣ် နကပာ်ဂ့ၤနသး, လၢပှၤအလၢ အပှဲၤန့ၣ်နကပာ်လၢပာ်ပှဲၤနသး, ²⁶ လၢပှၤကဆှီန့ၣ် နကပာ်ကဆှီနသး, ဒီးလၢပှၤအကီန့ၣ်နကပာ်ကီ နသးလီၤ.

²⁷ အဂ့ၢ်ဒ်အံၤ, နကအုၣ်က့ၤခီၣ်က့ၤ ပှၤဂီၢ်မုၢ်လၢ အဘၣ်နးဘၣ်ဖှီၣ်, မ့မ့ၢ်တၢ်အမဲာ်ထီၣ်ထီန့ၣ် နက ဆီၣ်လီၤအီၤလီၤ.

²⁸ အဂ့ၢ်ဒ်အံၤ, နဒုးကပီၤထီၣ်ယမ့ၣ်အူဒၢ, ယွၤယ ကစၢ်မၤကပီၤထီၣ်ယတၢ်ခံးန့ၣ်လီၤ. ²⁹ အဂ့ၢ်ဒ်အံၤ, ယဃ့ၢ်နုာ်ဖျိလံ ပှၤတဖုလၢနၤ, ဒီးယစံၣ်ကပာ်လံ တၢ်အဒူၣ်လၢယကစၢ်တဂၤန့ၣ်လံ.

³⁰ တၢ်လၢယွၤန့ၣ်, အကျဲလၢထီၣ်ပှဲၤထီၣ်လီၤ. ယွၤ အကလုၢ်န့ၣ်ဘၣ်တၢ်ပှံၢ်အီၤလီၤ. မ့ၢ်ဝဲလၢကတီၤ တဘ့ၣ်လၢ ကယဲၢ်ပှၤလၢအသန့ၤအသး လၢအီၤ ခဲလၢာ်လီၤ. ³¹ အဂ့ၢ်ဒ်အံၤ, လၢယွၤအမဲာ်ညါန့ၣ် မ့ၢ်မတၤမ့ၢ်ကစၢ်တဂၤလဲၣ်. လၢပကစၢ်အဖီခိၣ်န့ၣ် မ့ၢ်မတၤမ့ၢ်လၢၢ်တဂၤလဲၣ်.

³² ပှၤလၢအကံၢ်တူာ်ယယီၢ်ဒ့ဒီး တၢ်ဂံၢ်တၢ်ဘါန့ၣ် မ့ၢ်ယွၤလီၤ. ဒီးပာ်လၢထီၣ်ပှဲၤထီၣ်ယကျဲလီၤ. ³³ မၤ ယခီၣ် ဒ်တၤဟိမိၢ်အသိး, ဒီးဒုးဆၢထၢၣ်ယၤလၢ ယလီၢ်ထီၣ်ထီအဖီခိၣ်န့ၣ်လီၤ. ³⁴ သိၣ်လိယစုလၢယ ကဒုးတၢ်, ဒီးချံၣ်တိၢ် ဘၣ်တၢ်မၤကၢ်ကွံာ်အီၤလၢ ယစုလီၤ.

³⁵ ဒီးနဟ့ၣ်လီၤယၤလၢနတၢ်အုၣ်က့ၤခီၣ်က့ၤ အက တီၤတဘ့ၣ်, ဒီးနစုထွဲဒုးအိၣ်ဂၢၢ်ဆိးကျၢၤယၤ, ဒီး နဆီၣ်လီၤတၢ်န့ၣ် မၤဒိၣ်ထီၣ်ယၤလီၤ. ³⁶ နမၤလဲၢ် ထီၣ်ယထွဲတၢ်, ဒီးယခီၣ်ဒ့တကနိးဘၣ်. ³⁷ ယလူၤ ယဒုၣ်ယဒါ, ဒီးချုးန့ၢ်အီၤ, ဒီးယတချုးမၤလၢာ်ဒံး ဘၣ်အီၤဘၣ်ဒီး, ယတဟဲက့ၤကဒါက့ၤဘၣ်. ³⁸ ယ ကကျီကွံာ်အီၤ, ဒီးဂဲၤဆၢထၢၣ်ဝဲတကဲဘၣ်, လီၤ ဃံၤဝဲလၢယခီၣ်အဖီလာ်လီၤ.

³⁹ ဒီးနကံၢ်တူာ်ယယီၢ်ဒ့ဒီး တၢ်ဂံၢ်တၢ်ဘါ လၢဒုး သုးအဂီၢ်, နဆီၣ်လီၤ ပှၤလၢအဂဲၤဆၢထၢၣ်ထီဒါ ယၤလၢယဖီလာ်လီၤ. ⁴⁰ နဟ့ၣ်လီၤယၤလၢယဒုၣ်ယ ဒါအကိာ်, ဒီးပှၤလၢအသးဟ့ယၤန့ၣ် ယမၤဟးဂီၤ ကွံာ်အီၤလီၤ.

⁴¹ အဝဲသ့ၣ် ကိးထီၣ်ဘၣ်ဆၣ်ဒီး, တၢ်အုၣ်က့ၤခီၣ် က့ၤတအိၣ်ဘၣ်, ဆူယွၤအအိၣ်န့ၣ်, ဒီးတစံးဆၢ ဘၣ်ဝဲဘၣ်. ⁴² ဒီးယမၤလီၤကလဲအီၤ ဒ်ဟီၣ်ခိၣ်အ ကမူၣ်လၢ ကလံၤအမဲာ်ညါအသိးန့ၣ်, ဒ်ကျဲအက ပံာ်အသိးန့ၣ်, ယလူလီၤကွံာ်အီၤလီၤ.

⁴³ နမၤပူၤမၤဖျဲးယၤဒီးပှၤဂီၢ်မုၢ် အတၢ်အ့ၣ်လိာ်ဆိး က့လိာ်န့ၣ်, နပာ်ယၤလၢ ပှၤကလုာ်တဖၣ်အခိၣ်, ဒီးပှၤဂီၢ်မုၢ်လၢယတသ့ၣ်ညါတ့ၢ်ဘၣ်အီၤန့ၣ် ကမၤ ယတၢ်လီၤ. ⁴⁴ တုၤအနၢ်ဟူတၢ်လၢယဂ့ၢ်ဒီး, ကဒိ ကနၣ်ယကလုၢ်လီၤ. ပှၤတခီဘီမုၢ်ဖိ ကဆီၣ်လီၤ အသးလၢယဖီလာ်လီၤ. ⁴⁵ ပှၤတခီဘီမုၢ်ဖိ ကလီၤ ညွံးကွံာ်, ဒီးကဟဲထီၣ်ကနိးကစုာ်လၢ အလီၢ်ကး တံာ်ဃာ်တဖၣ်အပူၤလီၤ.

⁴⁶ ယွၤမူဝဲ, ဒီးမ်ယလၢၢ် ဘၣ်တၢ်စံးထီၣ်ပတြၢၤအီၤ တက့ၢ်, ဒီးတၢ်အုၣ်က့ၤခီၣ်က့ၤယၤအကစၢ်န့ၣ် မ် အဘၣ်တၢ်ပာ်ထီၣ်ထီအီၤတက့ၢ်. ⁴⁷ ပှၤလၢအမၤဆၢတၢ်အၢ လၢယဂီၢ်န့ၣ် မ့ၢ်ယွၤ လီၤ. ဒီးမၤနၢၤမၤဃၣ် ပှၤဂီၢ်မုၢ်လၢယဖီလာ်လီၤ.

⁴⁸ မၤပူၤမၤဖျဲးယၤဒီးယဒုၣ်ယဒါလီၤ. မ့ၢ်မးနပာ်ယၤ ထီၣ်ထီန့ၢ် ပှၤလၢအဂဲၤဆၢထၢၣ်ထီဒါယၤတက့ၢ်, နမၤပူၤမၤဖျဲးယၤ လၢပှၤမၤအၢတၢ်လီၤ.

⁴⁹ မၤသးဒ်န့ၣ်ဒီး, ကစံးထီၣ်ပတြၢၤနၤလၢ ပှၤက လုာ်တဖၣ်အကျါ, ယွၤဧၢ, ဒီးယကသးဝံၣ်ထီၣ် နမံၤလီၤ. ⁵⁰ မ့ၢ်တၢ်အုၣ်က့ၤခီၣ်က့ၤ အတၢးထီလၢ အစီၤပၤအဂီၢ်, ဒီးမၤဘျုးမၤဖှိၣ် အပှၤဒိးဖှူအသး တဂၤ, လၢစီၤဒၤဝံးဒီး အချံအသၣ်လီၤစိၤလီၤထီ လီၤ.

၁၉

စီၤဒၤဝံးအထါလၢတၢ်အခိၣ်အဂီၢ်.

¹ မူခိၣ်လီၣ်ဖျါထီၣ်ယွၤအလၤကပီၤ, ဒီးတၢ်လၢအ မၤဝဲလၢအစုန့ၣ်မူကပိာ်လိၤဒုးနဲၣ်ဝဲလီၤ. ² တနံၤစံး ဘၣ်တၢ်လၢတနံၤဒၣ်, ဒီးတနၤဒုးနဲၣ်တၢ်သ့ၣ်ညါ လၢတနၤဒၣ်လီၤ. ³ အကလုၢ်တအိၣ်ဘၣ်, တၢ်က တိၤတအိၣ်ဘၣ်, အတၢ်သီၣ်ပတနၢ်ဟူဘၣ်.

⁴ လၢဟီၣ်ခိၣ်ဒီဘ့ၣ်ညါန့ၣ် အနီၣ်ထိၣ်ပျံၤလဲၤထီၣ် ဝဲ, ဒီးအတၢ်ကတိၤန့ၣ် ဆူဟီၣ်ခိၣ်အကတၢၢ်လီၤ. ပာ်ဝဲဒီးဒဲတဖျၢၣ်လၢမုၢ်အဂီၢ်လၢအပူၤလီၤ. ⁵ အဝဲ န့ၣ်မၤသးဒ် တလးမူးပိာ်ခွါလၢအဟဲထီၣ် လၢအ ဒၢးပူၤအသိးန့ၣ်, အသူၣ်ဖှံအသးညီ ဒ်ပှၤအဒူလၢ အသါကဃ့ၢ်သတြီၤတၢ်အသိးန့ၣ်လီၤ. ⁶ ဟဲထီၣ်ဝဲ လၢမူထံး, ဒီးအတၢ်လဲၤတရံး မ့ၢ်ဆူမူထံးန့ၣ်လီၤ. ဒီးလၢအတၢ်ကိၢ်အမဲာ်ညါန့ၣ် တၢ်တဘံၣ်ဘၣ် နီ တမံၤဘၣ်.

⁷ ယွၤအတၢ်သိၣ်အတၢ်သီလၢဝဲပှဲၤဝဲ, ဒီးမၤကျၢၤ ထီၣ်က့ၤပသးလီၤ. ယွၤအတၢ်အုၣ်အသးန့ၣ်မ့ၢ်ဝဲတီ ဝဲ, ဒီးဒုးကူၣ်သ့ပှၤလၢအတမၤလိဘၣ်တၢ်ဘၣ်လီၤ.

⁸ ယွၤအကလုၢ်အကထါန့ၣ် တီဝဲလိၤဝဲ, ဒီးမၤခု ထီၣ်က့ၤပသးလီၤ. ယွၤအတၢ်မၤလိာ်န့ၣ် ကဆှီဝဲ, ဒီးမၤကပီၤထီၣ်က့ၤပမဲာ်လီၤ.

⁹ တၢ်ပျံၤယွၤန့ၣ်စီဝဲဆှံဝဲ, ဒီးအိၣ်ဝဲအစိၤစိၤအဃၣ် ဃၣ်လီၤ. ယွၤအတၢ်စံၣ်ညီၣ်တဖၣ်န့ၣ် မ့ၢ်အမ့ၢ်အ တီဒီး လိၤဝဲတီဝဲခဲလၢာ်လီၤ. ¹⁰ ပသးကွံအီၤအလီၢ် အိၣ်ဒိၣ်န့ၢ်ထူ, ဒီးဒိၣ်န့ၢ်ထူအစီထံ လၢအအါန့ၣ် တက့ၢ်လီၤ. မ့ၢ်အဆၢန့ၢ်ကနဲစီ, ဒီးကနဲစီလၢအ လီၤစီၤလၢကနဲအခိၣ် ထံအလိၤန့ၣ်တက့ၢ်လီၤ.

¹¹ နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤ လၢအတိၢ်န့ၢ်အီၤန့ၣ်ဒိးန့ၢ်အဘျုးဖးဒိၣ်လီၤ. ¹² တၢ် လီၤကမၣ်တဖၣ်န့ၣ်မ့ၢ်မတၤသ့ၣ်ညါသ့တဂၤလဲၣ်. မၤကဆှီယၤလၢ တၢ်ကမၣ်ခူသူၣ်န့ၣ်တက့ၢ်. ¹³ တြီ ဃာ်စ့ၢ်ကီးနခ့နပှၤလၢတၢ်ကမၣ်အဒူတက့ၢ်. မ်အ သုတပၢယၤတဂ့ၤ, မ့မ့ၢ်ဒ်န့ၣ်ဒီး ယကလၢထီၣ်ပှဲၤ ထီၣ်, ဒီးယတၢ်ကမၣ်အဒိၣ်အယိာ်တအိၣ်ဘၣ်လီၤ.

¹⁴ မ်ယထးခိၣ်အတၢ်ကတိၤ, ဒီးယသးအတၢ်ဆိက မိၣ်န့ၣ်, ဘၣ်နသးတက့ၢ်. ယလၢၢ်, ဒီးတၢ်ပှ့ၤက့ၤ ယၤ, ယွၤဧၢ.

၂၀

စီၤဒၤဝံးအထါလၢတၢ်အခိၣ်အဂီၢ်.

¹ လၢတၢ်မၤကိၢ်မၤဂီၤအမုၢ်တနံၤန့ၣ် မ်ယွၤကနၣ် နကလုၢ်တက့ၢ်. မ်စီၤယၤကိာ်အကစၢ်အမံၤန့ၣ်ပာ် နၤလၢတၢ်ထီၣ်ထီ, ² မၢလီၤတၢ်မၤစၢၤနၤလၢအလီၢ် စီဆှံ, ဒီးဒုးအိၣ်ဂၢၢ်အိၣ်ကျၢၤနၤလၢ စံယိၣ်န့ၣ်တ က့ၢ်. ³ မ်အသ့ၣ်နီၣ်ထီၣ်က့ၤ နတၢ်မၤဘူၣ်ခဲလၢာ်, ဒီးတူၢ်လိာ်နတၢ် လုၢ်မ့ၣ်အူတက့ၢ်. စ့လၤ.

⁴ မ်အဟ့ၣ်လီၤနၤလၢ တၢ်ဖဲဒၣ်နသး, ဒီးမၤလၢ ထီၣ်ပှဲၤထီၣ် နတၢ်ကူၣ်ထီၣ်ဖးလီၤခဲလၢာ်န့ၣ် တ က့ၢ်. ⁵ ပကသူၣ်ဖှံသးညီလၢ နတၢ်အုၣ်က့ၤခီၣ်က့ၤ အပူၤ, ဒီးလၢပကစၢ်အမံၤန့ၣ် ပကသူၣ်ထီၣ်ပသုး ဖိအလၣ်လီၤ. မ်ယွၤဟ့ၣ်တၢ်လၢ နဃ့တၢ်ခဲလၢာ် န့ၣ်တက့ၢ်.

⁶ ခဲကနံၣ်အံၤ ယသ့ၣ်ညါလၢ ယွၤအုၣ်က့ၤခီၣ်က့ၤ အပှၤဒိးဖှူအသးတဂၤလီၤ. ကဒိကနၣ်ဝဲအကလုၢ် လၢအမူခိၣ်စီဆှံ, ဒီးကအုၣ်က့ၤခီၣ်က့ၤတၢ်လၢအစု ထွဲလီၤ. ⁷ ပှၤတနီၤနီၤသန့ၤအသးလၢ လ့ၣ်ကဟၣ်တဖၣ်, ဒီးပှၤတနီၤနီၤ လၢကသ့ၣ်တဖၣ်လီၤ. မ့မ့ၢ်ပဝဲဒၣ် အံၤ ပကသ့ၣ်နီၣ်ထီၣ်က့ၤ ယွၤပကစၢ်အမံၤလီၤ.

⁸ အဝဲသ့ၣ် ဘၣ်တၢ်ဆီၣ်လီၤအီၤ, ဒီးလီၤဃံၤဝဲလီၤ. မ့မ့ၢ်ပဝဲဒၣ်အံၤ ပဂဲၤဆၢထၢၣ်, ဒီးပပာ်ဆၢထၢၣ် ပသးလီၤ.

⁹ ယွၤဧၢ, အုၣ်က့ၤခီၣ်က့ၤတၢ်တက့ၢ်. တုၤပကိး ထီၣ်ဒီး, မ်စီၤပၤကနၣ်ပကလုၢ်တက့ၢ်.

၂၁

စီၤဒၤဝံးအထါလၢတၢ်အခိၣ်အဂီၢ်.

¹ ယွၤဧၢ, စီၤပၤကသးခုလၢနဂံၢ်နဘါအပူၤ, ဒီး လၢနတၢ်အုၣ်က့ၤခီၣ်က့ၤအပူၤန့ၣ် ကသူၣ်ဖှံသးညီ ဆံးဒိၣ်လဲၣ်. ² နဟ့ၣ်လီၤတၢ်လၢအသးဆၢဝဲ, ဒီး တၢ်လၢအထးခိၣ်ဃ့ဝဲန့ၣ်နတတြီဘၣ်အီၤဘၣ်. စ့လၤ. ³ အဂ့ၢ်ဒ်အံၤ, နဒုးလဲၤဘျီအီၤလၢ တၢ်ဂ့ၤအဆိၣ် ဂ့ၤတၢ်တဖၣ်, နပာ်ခိၣ်သလုးထူ လၢအခိၣ်လီၤ.

⁴ ဃ့တၢ်မူလၢနၤ, ဒီးနဟ့ၣ်လီၤအီၤလၢ သူၣ်ကၢသး ခိးလီၤစိၤလီၤထီလီၤ. ⁵ အလၤကပီၤဒိၣ်ဝဲလၢနတၢ် အုၣ်က့ၤခီၣ်က့ၤအဃိလီၤ. တၢ်ယူးယီၣ်, ဒီးတၢ်က ဟုကညီၢ်န့ၣ် နပာ်လၢအလိၤလီၤ. ⁶ အဂ့ၢ်ဒ်အံၤ, နပာ်တၢ်ဆိၣ်ဂ့ၤတဖၣ် လၢအလိၤ လီၤထူလီၤယိာ် လီၤ. နဒုးသးခုအီၤဒိၣ်ဒိၣ်ကလဲာ်လၢနမဲာ်ညါလီၤ.

⁷ အဂ့ၢ်ဒ်အံၤ, စီၤပၤသန့ၤအသးလၢယွၤဒီး တဟူး တဝးဘၣ် လၢတၢ်ထီကတၢၢ်အဘျုးအဖှိၣ် အဃိ န့ၣ်လီၤ.

⁸ နစုကထံၣ်န့ၢ် နဒုၣ်နဒါခဲလၢာ်, နစုထွဲကထံၣ် န့ၢ်ပှၤလၢအသးဟ့နၤတဖၣ်န့ၣ်လီၤ. ⁹ တုၤနကွၢ်အီၤ ဒီးနကပာ်အီၤလၢ ဖၣ်ကပူၤမ့ၣ်အူလီၤ. ယွၤကမၤ ဟးဂီၤကွံာ်အီၤလၢအသးထီၣ်, ဒီးမ့ၣ်အူကအီၣ်ကွံာ် အီၤလီၤ. ¹⁰ အတၤသၣ်န့ၣ် နကမၤဟးဂီၤကွံာ်လၢ ဟီၣ်ခိၣ်ချၢ, ဒီးအချံအသၣ်လၢ ပှၤကညီဖိအကျါ လီၤ. ¹¹ အဂ့ၢ်ဒ်အံၤ, သါကမၤအၢနၤ, ကူၣ်ထီၣ်ဖး လီၤတၢ်တဂ့ၤတဘၣ်, လၢအမၤဝဲတသ့ဘၣ် န့ၣ် လီၤ. ¹² အဂ့ၢ်ဒ်အံၤ, နကဃၣ်ဒူၣ်ချၢအီၤ, နကက တဲာ်ကတီၤနချံၣ်အပျံၤထီဒါအီၤလီၤ.

¹³ မ်နဘၣ်တၢ်ပာ်ထီၣ်ထီနၤ လၢနဂံၢ်နဘါ အဃိ န့ၣ်တက့ၢ်. ယွၤဧၢ, ပကအုၣ်တၢ်, ဒီးစံးထီၣ်ပတြၢၤ နစိနကမီၤလီၤ.

၂၂

စီၤဒၤဝံးအထါလၢတၢ်အခိၣ်အဂီၢ်ဒ်တၤဟိမိၢ်လၢမုၢ်ဆ့ၣ်အသိးန့ၣ်.

¹ ယကစၢ်ဧၢ, ယကစၢ်ဧၢ, ဘၣ်မနုၤလၢနလဲၤသ ဒၣ်ယၤလဲၣ်. နယံၤဒီးတၢ်အုၣ်က့ၤခီၣ်က့ၤယၤ, န ယံၤဒီးယကိးပသူထီၣ်အတၢ်ကတိၤန့ၣ် မ့ၢ်အဘၣ် မနုၤလဲၣ်. ² ကစၢ်ဧၢ, ယကိးထီၣ်လၢမုၢ်ဆါခီ, ဒီး နတစံးဆၢဘၣ်, ဒီးလၢမုၢ်နၤန့ၣ်, ဒီးတအိၣ်ဘှီၣ် ကလာ်ဘၣ်.

³ ဘၣ်ဆၣ်ဒီး နဲဒၣ်နစီနဆှံ, ပှၤလၢအအိၣ်အဆိး လၢအံၣ်စရ့လး အစံးထီၣ်ပတြၢၤတၢ်အကျါတဂၤ ဧၢ. ⁴ ပပၢ်တဖၣ်သန့ၤအသးလၢနၤလီၤ. သန့ၤအ သး, ဒီးနမၤပူၤမၤဖျဲးအီၤလီၤ. ⁵ ကိးထီၣ်ဝဲဆူနအိၣ်, ဒီးထူၣ်ဖျဲးဝဲ, သန့ၤအသးလၢနၤ, ဒီးအမဲာ်တဆှး ဘၣ်.

⁶ မ့မ့ၢ်ယဲဒၣ်အံၤယမ့ၢ်လၢၣ်တဘိ, ဒီးတမ့ၢ်ဘၣ်ပှၤ ကညီဘၣ်, ပှၤကညီဒုၣ်ဒွဲၣ်တၢ်အလီၢ်, ဒီးဘၣ်တၢ် တရီတပါလၢပှၤဂီၢ်မုၢ်လီၤ. ⁷ ကယဲၢ်ပှၤလၢအထံၣ် ဘၣ်ယၤတဂၤလၢ်လၢ်န့ၣ်နံၤဘၣ်ဖၣ်လဲယၤလီၤ. ဖျိး ထီၣ်အပျုၤ, ကျၢၢ်ကျာ်အခိၣ်, ⁸ ဒီးစံးဝဲ, သန့ၤအ သးလၢယွၤလၢ အကမၤပူၤမၤဖျဲးအီၤလီၤ. မ့ၢ်ဘၣ် အသးလၢအီၤဒီး, မ် အထုးထီၣ်ကွံာ်အီၤတက့ၢ်.

⁹ ဘၣ်ဆၣ်ဒီး နဟံးထီၣ်ယၤလၢ ယမိၢ်အဒၢလီၢ် အပူၤ လၢယအိၣ်လၢယမိၢ်အနုၢ်ခိၣ်အဖီခိၣ်န့ၣ်, န ဒုးသန့ၤယၤလီၤ. ¹⁰ တၢ်ဟ့ၣ်ယၤလၢနၤလၢတၢ်အဒၢ လီၢ်ပူၤလံၤလံၤ, လၢယမိၢ်အဟၢဖၢပူၤလံၤလံၤန့ၣ် နမ့ၢ်ယကစၢ်လီၤ.

¹¹ အိၣ်ယံၤဒီးယၤတဂ့ၤ, အဂ့ၢ်ဒ်အံၤ, တၢ်မၤကိၢ် မၤဂီၤ အိၣ်ဘူးလီၤ. ပှၤမၤစၢၤတအိၣ်ဘၣ်အဂ့ၢ်လီၤ.

¹² ဂီၤဖံးဖါအိၣ်ဝးတရံးယၤအါဒု, ဘၤၡၣ်အတၢ်ဆူၣ် တဖၣ်ကဝီၤဃာ်ယၤလီၤ. ¹³ အဲးထီၣ်အထးခိၣ်လၢယ လိၤ, ခ့ယုၢ်လၢအအ့ၣ်ဖှီကွံာ်တၢ်, ဒီးအူကြူၢ်တၢ် လီၤ. ¹⁴ တၢ်လူလီၤယၤဒ်ထံအသိးန့ၣ်, ယဃံတဖၣ် လီၤမုၢ်လီၤဖးလိာ်အသး, ယသးမၤသးဒ်ဃိးအသိး ယပှံၢ်လီၤဝဲ လၢယသအိပူၤလီၤ. ¹⁵ ယဂံၢ်ယဘါဃ့ ထီၣ်ကွံာ် ဒ်သပၢၤတက့အသိးန့ၣ်, ဒီးယပျ့ၤစဲဘူး ဒီးယခၣ်ခိၣ်, ဒီးနဒုးဟဲလီၤယၤပၢၢ်လၢ တၢ်သံအ သဟီၣ်ခိၣ်အကမူၣ်ကျါလီၤ. ¹⁶ အဂ့ၢ်ဒ်အံၤ, ထွံၣ် တဖၣ် အိၣ်ဝးတရံးယၤ, ပှၤအၢအတၢ်အိၣ်ဖှိၣ်န့ၣ် ကဝီၤဃာ်ယၤ, ဆဲးဖျိယစုဒီးယခီၣ်လီၤ. ¹⁷ ယဂံၢ် ယဃံခဲလၢာ်သ့, အဝဲသ့ၣ်န့ၣ်ကွၢ်တမိာ်, ကွၢ်ယၤ ကအီကအီၣ်လီၤ. ¹⁸ နီၤဖးယယၣ်လၢအဂီၢ်, ဒီးဖးဝဲ လၢယဆ့အဂီၢ်လီၤ.

¹⁹ မ့မ့ၢ်နဲဒၣ်, ယွၤဧၢ, အိၣ်ယံၤဒီးယၤတဂ့ၤ, ယဂံၢ် ယဘါဧၢ, ဟဲမၤစၢၤယၤချ့ချ့တက့ၢ်. ²⁰ မၤပူၤမၤဖျဲး ယသးဒီးနးဧိၤဘီဧိၤ, ယတၢ်တမံၤဧိၤန့ၣ် လၢထွံၣ် အစုပူၤတက့ၢ်. ²¹ အုၣ်က့ၤခီၣ်က့ၤယၤလၢ ခ့ယုၢ်အ ထးခိၣ်တက့ၢ်. ဒီးလၢတၤဖးရံၣ်အနၢၤန့ၣ် နနၢ်ဟူ လံယကလုၢ်လံ.

²² ယကစံးဘၣ်တဲဘၣ် ယဒီပုၢ်ဝဲၢ်လၢနမံၤ, ယက စံးထီၣ်ပတြၢၤနၤ လၢတၢ်အိၣ်ဖှိၣ်အသးကံၢ်ပူၤန့ၣ် လီၤ. ²³ ပှၤလၢအပျံၤယွၤသ့ၣ်ဧၢ, စံးထီၣ်ပတြၢၤအီၤ တက့ၢ်. ကယဲၢ်စီၤယၤကိာ်အချံအသၣ်ခဲလၢာ်သ့ၣ် ဧၢ, မၤလၤကပီၤအီၤတက့ၢ်. ဒီးကယဲၢ်အံၣ်စရ့လးအ ချံ အသၣ်ခဲလၢာ်သ့ၣ်ဧၢ, ပျံၤအီၤတက့ၢ်. ²⁴ အဂ့ၢ်ဒ် အံၤ, တမၤတရီတပါ, တသးဘၣ်အၢပှၤဘၣ်နးဘၣ် ဖှီၣ်အတၢ်နးတၢ်ဖှီၣ်, ဒီးတပာ်တဒၢဘၣ် အမဲာ်ဒီး အီၤဘၣ်. ဒီးတုၤအဃ့ကညးတၢ်လၢအီၤဒီး, ကနၣ် အကလုၢ်လီၤ. ²⁵ ယစံးထီၣ်ပတြၢၤနၤန့ၣ် ပှၤကနၢ် ဟူလၢ တၢ်အိၣ်ဖှိၣ်ဖးဒိၣ်အပူၤ, ယကမၤဘူၣ်တၢ် ဘၣ်ဃးဒီးယဆိၣ်တၢ်တဖၣ် လၢပှၤလၢအပျံၤအီၤ အမဲာ်ညါလီၤ.

²⁶ ပှၤလၢအသးစူၤတဖၣ် ကအီၣ်တၢ်ဒီး ဘျဲးအီၣ်ဝဲ လီၤ. ပှၤလၢအဃုယွၤန့ၣ်ကစံးထီၣ်ပတြၢၤအီၤလီၤ. သုသးကမူဝဲလီၤထူလီၤယိာ်လီၤ.

²⁷ ကယဲၢ်ဟီၣ်ခိၣ်အကတၢၢ်ခဲလၢာ် ကသ့ၣ်နီၣ်ထီၣ် က့ၤ, ဒီးကဃၣ်အသးဆူယွၤအအိၣ်, ဒီးပှၤကလုာ် တဖၣ်အဒူၣ်ခဲလၢာ် ကဘူၣ်တၢ်ဘါတၢ်လၢ အမဲာ် ညါလီၤ. ²⁸ အဂ့ၢ်ဒ်အံၤ, ဘီဧိၤမုၢ်ဧိၤမ့ၢ် ယွၤအတၢ် လီၤ. ဒီးပၢဝဲ လၢပှၤကလုာ်တဖၣ်အကျါလီၤ.

²⁹ ကယဲၢ်ပှၤအဘီၣ် လၢဟီၣ်ခိၣ်ချၢခဲလၢာ် ကအီၣ် ဝဲ, ဒီးဘါဝဲ, ကယဲၢ်ပှၤလၢ အလဲၤလီၤဆူဟီၣ်ခိၣ် အကမူၣ်ခဲလၢာ်, ဒီးပှၤလၢအဒုးမူဒံးအသး တသ့ ဘၣ်န့ၣ် ကတီၤလီၤဝဲလၢအမဲာ်ညါလီၤ.

³⁰ တၢ်အချံအသၣ် ကမၤအတၢ်, တၢ်ကစံၣ်တဲၤတဲ လီၤပှၤတစိၤဒၣ်လၢယွၤအဂ့ၢ်လီၤ. ³¹ အဝဲသ့ၣ်ကဟဲ, ဒီးကဒုးနဲၣ်အတၢ်တီတၢ်လိၤလၢ ပှၤဂီၢ်မုၢ်လၢအက အိၣ်ဖျဲၣ်န့ၣ်လၢအဝဲဒၣ်မၤတၢ်အံၤလီၤ.

၂၃

စီၤဒၤဝံးအထါ.

¹ ယွၤမ့ၢ် ယပှၤကွၢ်သိ, တၢ်တမိၣ်န့ၢ်ဘၣ်ယသး လၢတၢ်နီတမံၤဘၣ်. ² ဒုးကိာ်လီၤယၤလၢအီၣ်ဆၣ် အလီၢ်လါဟ့အပူၤ, ဆှၢယၤလၢထံဂၢၢ်အနံၤလီၤ.

³ မၤက့ၤယသး, ဆှၢယၤလၢ ကျဲအတီအလိၤတဖၣ် အပူၤ လၢအမံၤအဃိလီၤ.

⁴ တုၤယလဲၤလၢတၢ်သံ အကဒုအကစၢၢ်ကဆူးပူၤ ဒၣ်လဲာ်န့ၣ်, ယတပျံၤဘၣ်တၢ်အၢဘၣ်. အဂ့ၢ်ဒ်အံၤ, နအိၣ်ဒီးယၤလီၤ. နနီၣ်ထိးဘိဒီးနနီၣ်ထိးတဘိန့ၣ် မၤမုာ်ထီၣ်က့ၤယၤလီၤ. ⁵ နကတဲာ်ကတီၤစီၢ်နီၤခိၣ် လၢယဂီၢ်လၢယဒုၣ်ယဒါတဖၣ်အမဲာ်ညါလီၤ. နဖှူ ယခိၣ်လၢသိ, ယလီခီတဖျၢၣ်ပှဲၤလုာ်ကွံာ်လီၤ.

⁶ ထဲတၢ်ဂ့ၤ, ဒီးတၢ်ဘျုးတၢ်ဖှိၣ်န့ၣ်ကလူၤပိာ်ယခံ တစိၤဒၣ်ယၤ, ဒီးယကအိၣ်ကဆိးလၢ ယွၤအဟံၣ် လီၤစိၤလီၤထီလီၤ.

၂၄

စီၤဒၤဝံးအထါ.

¹ ဟီၣ်ခိၣ်, ဒီးတၢ်လၢအမၤပှဲၤအီၤန့ၣ် မ့ၢ်ယွၤအ တၢ်, လၢာ်ခိၣ်, ဒီးပှၤအိၣ်ဝဲဆိးဝဲလၢအပူၤလီၤ.

² အဂ့ၢ်ဒ်အံၤ, ပာ်လီၤဝဲအခီၣ်ထံး လၢပီၣ်လဲၣ်အဖီ ခိၣ်, ဒီးဒုးအိၣ်ဂၢၢ်ဆိးကျၢၤအီၤလၢ ထံကျိတဖၣ် အဖီခိၣ်လီၤ.

³ မ့ၢ်မတၤကလဲၤထီၣ်လၢယွၤအကစၢၢ်တဂၤလဲၣ်. ဒီးမ့ၢ်မတၤကဆၢထၢၣ်လၢ အလီၢ်စီဆှံအပူၤတဂၤ လဲၣ်.

⁴ ပှၤလၢတၢ်ဒဲးဘးတအိၣ်ဘၣ်လၢအစုပူၤဘၣ်, ဒီး အသးကဆှီဝဲ, လၢအတဆှၢဘၣ်အသးဆူ တၢ် ကလီကလီဘၣ်, ဒီးတဆိၣ်ဘၣ်တၢ်လၢ လီတၢ် ဘၣ်. ⁵ အဝဲဒၣ်န့ၣ် ကဒိးန့ၢ်တၢ်ဆိၣ်ဂ့ၤလၢယွၤ, ဒီးတၢ်တီတၢ်လိၤလၢ အတၢ်အုၣ်က့ၤခီၣ်က့ၤအီၤအ ကစၢ်လီၤ.

⁶ အဝဲန့ၣ် မ့ၢ်ပှၤတစိၤလၢအဃုအီၤ, ပှၤလၢအဃု နမဲာ်, ယၤကိာ်လီၤ. စ့လၤ.

⁷ မိာ်ထီၣ်သုခိၣ်, ပဲတရီသ့ၣ်ဧၢ, ဒီးစိာ်ထီၣ်ထီသု သး, တြဲၤအထူအယိာ်သ့ၣ်ဧၢ, ဒီးတၢ်လၤကပီၤ အစီၤပၤကဟဲနုာ်လီၤ.

⁸ တၢ်လၤကပီၤ အစီၤပၤတဂၤအံၤ မ့ၢ်မတၤတဂၤ လဲၣ်. ယွၤလၢအဂံၢ်ဆူၣ်အဘါဆူၣ်, ဒီးအိၣ်ဒီးအစိ အကမီၤ, ယွၤလၢအအိၣ်ဒီးအစိအကမီၤလၢဒုးသုး အပူၤလီၤ.

⁹ မိာ်ထီၣ်သုခိၣ်, ပဲတရီသ့ၣ်ဧၢ, ဒီးစိာ်ထီၣ်သုသး, တြဲၤအထူအယိာ်သ့ၣ်ဧၢ, ဒီးတၢ်လၤကပီၤအစီၤပၤ ကဟဲနုာ်လီၤ.

¹⁰ တၢ်လၤကပီၤ အစီၤပၤတဂၤအံၤ မ့ၢ်မတၤတဂၤ လဲၣ်. ယွၤ, တၢ်သုးမုၢ်ဂီၢ်မုၢ်အကစၢ်, အဝဲဒၣ်န့ၣ် မ့ၢ်တၢ်လၤကပီၤအစီၤပၤလီၤ. စ့လၤ.

၂၅

စီၤဒၤဝံးအထါ.

¹ ယဆှၢထီၣ်ယသးဆူနအိၣ်, ယွၤဧၢ.―ယကစၢ်ဧၢ, ယသန့ၤယသး လၢနၤလီၤ. မ်ယမဲာ်အသုတဆှး တဂ့ၤ. မ်ယဒုၣ်ယဒါ အသုတသးခုလၢ ယဖီခိၣ် တဂ့ၤ.

³ မ့ၢ်မးပှၤလၢအမုၢ်လၢ်တၢ်လၢနၤတဖၣ်န့ၣ် တမဲာ် ဆှးဘၣ်နီတဂၤဘၣ်, ပှၤလၢအမၤတၢ်တတီတလိၤ ကလီကလီန့ၣ်ကဘၣ်တၢ်မဲာ်ဆှးလီၤ.

⁴ ယွၤဧၢ, ဘိးဘၣ်သ့ၣ်ညါယၤလၢ နကျဲတဖၣ်န့ၣ် တက့ၢ်. သိၣ်လိယၤလၢနကျဲဧိၤကပူၤဧိၤတက့ၢ်.

⁵ ဒုးလဲၤယၤလၢနတၢ်မ့ၢ်တၢ်တီအပူၤ, ဒီးသိၣ်လိ ယၤတက့ၢ်. အဂ့ၢ်ဒ်အံၤ, နမ့ၢ်တၢ်အုၣ်က့ၤခီၣ်က့ၤ ယၤအကစၢ်လီၤ. ယအိၣ်ခိးနၤသ့တနံၤကျၢၤလီၤ.

⁶ သ့ၣ်နီၣ်ထီၣ်က့ၤနတၢ်သးအိၣ်တဖၣ်, ဒီးနဘျုးန ဖှိၣ်တက့ၢ်. ယွၤဧၢ. အဂ့ၢ်ဒ်အံၤ, အိၣ်ဝဲလၢပျၢၤလၢ ကစၢၤလံၤလံၤလီၤ.

⁷ ယဖိၣ်သၣ်ခွါထီၣ်အတၢ်ဒဲးဘး, ဒီးယတၢ်ကမၣ် တဖၣ်န့ၣ်သ့ၣ်နီၣ်ထီၣ်က့ၤလၢ်တဂ့ၤ. ဒ်နဘျုးနဖှိၣ် အသိးန့ၣ် သ့ၣ်နီၣ်ထီၣ်က့ၤယၤ လၢနတၢ်ဂ့ၤအဃိ တက့ၢ်.

⁸ ယွၤန့ၣ်မ့ၢ်တၢ်ဂ့ၤတၢ်ဝါ, ဒီးတၢ်တီတၢ်လိၤလီၤ. မၤသးဒ်န့ၣ်ဒီးဒုးနဲၣ်ပှၤတၢ်ဒဲးဘးဖိလၢကျဲန့ၣ်လီၤ.

⁹ ဒုးလဲၤပှၤအသးစူၤတဖၣ် လၢတၢ်စံၣ်ညီၣ်အပူၤ, ဒီးဒုးနဲၣ်ပှၤအသးစူၤတဖၣ်လၢအကျဲလီၤ.

¹⁰ ကယဲၢ်ယွၤအကျဲခဲလၢာ် မ့ၢ်တၢ်ဘျုးတၢ်ဖှိၣ်, ဒီး တၢ်မ့ၢ်တၢ်တီလၢ ပှၤလၢအတိၢ်န့ၢ် အတၢ်အၢၣ် လီၤအီလီၤ, ဒီးအတၢ်အုၣ်အသးတဖၣ်န့ၣ်အဂီၢ်လီၤ.

¹¹ လၢနမံၤအဃိ, ကစၢ်ဧၢ, ပျၢ်ယတၢ်ကမၣ် တ က့ၢ်. အဂ့ၢ်ဒ်အံၤ, မ့ၢ်အဒိၣ်အယိာ်လီၤ.

¹² ပှၤလၢအပျံၤယွၤတဂၤန့ၣ် မ့ၢ်မတၤလဲၣ်. ကနဲၣ် လိအီၤလၢကျဲတဘိလၢအကဃုထၢဝဲလီၤ.

¹³ အသးကအိၣ်ဝဲဆိးဝဲလၢတၢ်ဂ့ၤအပူၤ, ဒီးအချံအ သၣ်ကန့ၢ်ဘၣ်သါထံဧိၤကီၢ်ဧိၤလီၤ.

¹⁴ ယွၤအတၢ်ကူၣ်တၢ်ဖးန့ၣ် အိၣ်ဝဲဒီး ပှၤလၢအပျံၤ အီၤ, ဒီးအတၢ်အၢၣ်လီၤအီလီၤ, ဒ်သိးအကဘိးဘၣ် သ့ၣ်ညါအီၤလီၤ.

¹⁵ ယမဲာ်ကွၢ်တၢ်ဆူယွၤတထံၣ်ဃီလီၤ. အဂ့ၢ်ဒ်အံၤ, အဝဲဒၣ်န့ၣ် ကထုးထီၣ်ကွံာ်ယခီၣ်လၢပှာ်ဧိၤစၤဧိၤ အပူၤလီၤ. ¹⁶ ဃၣ်နသးဆူယအိၣ်, ဒီးသးကညီၤယၤ တက့ၢ်. အဂ့ၢ်ဒ်အံၤ, ယအိၣ်သယုၢ်, ဒီးယဘၣ်နး ဘၣ်ဖှီၣ်လီၤ.

¹⁷ ယသးအတၢ်ကိၢ်တၢ်ဂီၤ ဒိၣ်ထီၣ်လဲၢ်ထီၣ်ဝဲလီၤ. ဒုးဟးထီၣ်ကွံာ်ယၤလၢ ယတၢ်ကိၢ်တၢ်ဂီၤတဖၣ်အ ပူၤန့ၣ်တက့ၢ်.

¹⁸ ကွၢ်ဆိကမိၣ် ယတၢ်နးတၢ်ဖှီၣ်, ဒီးယတၢ်ကိၢ် တၢ်ဂီၤ, ဒီးပျၢ်ယတၢ်ဒဲးဘးခဲလၢာ်န့ၣ်တက့ၢ်.

¹⁹ ကွၢ်လီၤ ယဒုၣ်ယဒါတဖၣ်တက့ၢ်. အဂ့ၢ်ဒ်အံၤ, အိၣ်ဝဲအါဂၤ, ဒီးသးဟ့ယၤလၢတၢ်သးဟ့လၢအမၤ အၢတၢ်လီၤ.

²⁰ အံးလီၤကွၢ်လီၤယသးဒီး မၤပူၤမၤဖျဲးယၤတက့ၢ်. မ်ယသုတမဲာ်ဆှးတဂ့ၤ. အဂ့ၢ်ဒ်အံၤ, ယသန့ၤယ သးလၢနၤလီၤ.

²¹ မ်တၢ်လၢတၢ်ပှဲၤဒီး တၢ်တီတၢ်လိၤပၢၤယၤ တ က့ၢ်. အဂ့ၢ်ဒ်အံၤ, ယကွၢ်လၢ်နကျဲလီၤ.

²² ကစၢ်ဧၢ, ပှ့ၤက့ၤအံၣ်စရ့လး လၢအတၢ်ကိၢ်တၢ် ဂီၤခဲလၢာ်အပူၤတက့ၢ်.

၂၆

လၢစီၤဒၤဝံး.

¹ စံၣ်ညီၣ်ယၤတက့ၢ်, ယွၤဧၢ. အဂ့ၢ်ဒ်အံၤ, ယလဲၤ လံ လၢယတၢ်လၢတၢ်ပှဲၤအပူၤလံ, ဒီးယသန့ၤလံ ယသးလၢယွၤလံ. ယတဟူးတဝးဘၣ်.

² မၤကွၢ်ယၤ, ယွၤဧၢ, ဒီးပစီယၤ, ပှံၢ်ယကလ့ၢ်, ဒီးယသးတက့ၢ်. ³ အဂ့ၢ်ဒ်အံၤ, နဘျုးနဖှိၣ်အိၣ် ဖျါလၢယမဲာ်ညါ, ဒီးယလဲၤလၢ နတၢ်မ့ၢ်တၢ်တီ အပူၤလီၤ. ⁴ ယတဆ့ၣ်နီၤဘၣ်ဒီးပှၤလီတၢ်ဘၣ်, ဒီး ယတလဲၤနုာ်ဘၣ်ဒီး ပှၤမၤတၢ်လၢအခူသူၣ်ဘၣ်.―

⁵ ယသးဟ့ ပှၤမၤတၢ်အၢအတၢ်အိၣ်ဖှိၣ်, ဒီးယတ ဆ့ၣ်နီၤဘၣ်ဒီးပှၤတတီတလိၤဘၣ်. ⁶ ယကသ့ကွံာ် ယစုလၢ တၢ်ဒဲးဘးတအိၣ်ဘၣ်အပူၤ, ဒီးယကဖိး ဃာ်နတၢ်လုၢ်လီၢ်န့ၣ်ယွၤဧၢ, ⁷ ဒ်သိးယကဒုး နၢ် ဟူတၢ်စံးထီၣ်ပတြၢၤအသီၣ်, ဒီးစံၣ်တဲၤတဲလီၤက ယဲၢ်နမၤလီၤလးတၢ်ခဲလၢာ်လီၤ. ⁸ ယွၤဧၢ, ယအဲၣ် နဟံၣ်အလီၢ်, ဒီးတၢ်အလီၢ်ဖဲ နလၤကပီၤအိၣ်ဝဲ လီၤ.

⁹ ပာ်ဖှိၣ်ယသးဒီးပှၤတၢ်ဒဲးဘးဖိ, ဒီးယသးသမူဒီး ပှၤကညီဘၣ်ဃးဒီး တၢ်သွံၣ်န့ၣ်တဂ့ၤ. ¹⁰ တၢ်မၤအ အၢအသီအိၣ်လၢအစုပူၤ, ဒီးအစုထွဲန့ၣ်ပှဲၤဝဲဒီးခိၣ် ဖးလီၤ.

¹¹ မ့မ့ၢ်ယဲဒၣ်အံၤ ယကလဲၤတၢ်လၢ ယတၢ်လၢတၢ် ပှဲၤအပူၤလီၤ. ပှ့ၤက့ၤယၤ, ဒီးသးကညီၤယၤတက့ၢ်.

¹² ယခီၣ်ဆၢထၢၣ် လၢအလီၢ်ပၢၤ, ယကစံးထီၣ်ပ တြၢၤယွၤလၢတၢ်အိၣ်ဖှိၣ်အပူၤန့ၣ်လီၤ.

၂၇

လၢစီၤဒၤဝံး.

¹ ယွၤမ့ၢ်ယတၢ်ကပီၤ, ဒီးတၢ်အုၣ်က့ၤခီၣ်က့ၤယၤ လီၤ, ယကပျံၤမတၤတဂၤလဲၣ်. ယွၤမ့ၢ်ယသးသမူ အဂံၢ်အဘါလီၤ, ယကပျံၤမတၤတဂၤလဲၣ်.

² တုၤပှၤတတီတလိၤ ဟဲသဂၢၢ်ယၤ, ဒ်သိးအက အီၣ်ကွံာ် ယဖံးယညၣ်ဒီး, (ပှၤမၤကိၢ်မၤဂီၤယၤ, ယဒုၣ်ယဒါတဖၣ်), အခီၣ်ဘၣ်တိၢ်ဒီး လီၤဃံၤဝဲ လီၤ. ³ ပှၤသုးမုၢ်တဖု မ့ၢ်သူၣ်ဒဲထီဒါယၤဘၣ်ဆၣ် ဒီး, ယသးတပျံၤဘၣ်. တၢ်ဒုးတၢ်ယၤမ့ၢ်ဂဲၤဆၢထၢၣ် ထီဒါယၤ နာ်သက့ဒီး, လၢတၢ်အံၤအပူၤဒၣ်လဲာ်, ယသးတဟးဂီၤဘၣ်.

⁴ ယဃ့တ့ၢ်တၢ်တမံၤလၢယွၤလီၤ. တၢ်န့ၣ်တမံၤယ ကဃု, ဒ်သိးယကအိၣ်ကဆိးလၢ ယွၤအဟံၣ်ပူၤ တစိၤဒၣ်ယၤ, လၢယကကွၢ် တၢ်ဃံတၢ်လၤဘၣ် ဃးဒီးယွၤ, ဒီးသံကွၢ်တၢ်လၢအနူၢ်ပူၤလီၤ. ⁵ အဂ့ၢ် ဒ်အံၤ, လၢမုၢ်နံၤမုၢ်နၤအအၢအသီန့ၣ် ကမၤဘံၣ် ယၤလၢအတကူးပူၤ, ပာ်ခူသူၣ်ယၤ လၢအလီၢ်ခူ သူၣ်လၢအဒဲပူၤလီၤ. ကပာ်ထီၣ်ထီယၤ လၢလၢၢ် တဖျၢၣ်အဖီခိၣ်လီၤ. ⁶ ဒီးခဲကနံၣ်အံၤ, ယခိၣ်က အိၣ်ထီၣ်ထီလၢယဒုၣ်ယဒါဝးတရံးယၤအဖီခိၣ်, ဒီး ယကလုၢ် တၢ်သူၣ်ဖှံသးညီအတၢ်လုၢ် လၢအဒဲပူၤ, ယကအုၣ်တၢ်, ဒီးယကသးဝံၣ်ယွၤလီၤ. ⁷ တုၤယကိးထီၣ်လၢယကလုၢ်ဒီးယကနၣ်တက့ၢ်, ယွၤဧၢ, ဒီးသးကညီၤယၤ, ဒီးစံးဆၢယၤတက့ၢ်.

⁸ တုၤနစံး, ဃုယမဲာ်တက့ၢ်ဒီး, ယသးစံးဘၣ်နၤ, န မဲာ်န့ၣ်ယွၤဧၢ, ယကဃုလီၤ. ⁹ ပာ်တဒၢနမဲာ်လၢ ယၤတဂ့ၤ, ဟီထီၣ်ကွံာ်နခ့နပှၤလၢ နသးထီၣ်တ ဂ့ၤ. နမ့ၢ်တ့ၢ်တၢ်မၤစၢၤယၤလီၤ. စူးကွံာ်ညိကွံာ်ဒီး လဲၤသဒၣ်ယၤတဂ့ၤ, တၢ်အုၣ်က့ၤခီၣ်က့ၤယၤအက စၢ်ဧၢ.

¹⁰ တုၤယမိၢ်ဒီးယပၢ်လဲၤသဒၣ်ယၤဒီး ယွၤကဟံးန့ၢ် ထီၣ်ယၤလီၤ. ¹¹ ယွၤဧၢ, ဒုးနဲၣ်ယၤလၢနကျဲ, ဒီး ဆှၢယၤလၢကျဲလိၤတဘိအပူၤ လၢယဒုၣ်ယဒါအ ဃိန့ၣ်တက့ၢ်. ¹² ဟ့ၣ်လီၤကွံာ်ယၤဖဲယဒုၣ်ယဒါအ သးတဂ့ၤ. အဂ့ၢ်ဒ်အံၤ, ပှၤအုၣ်အသးလၢတၢ်ကဘျံး ကဘျၣ်, ဒီးသါထီၣ်တၢ်မၤအၢတဖၣ်န့ၣ် ဂဲၤဆၢ ထၢၣ်ထီဒါလံယၤလံ.

¹³ ယမ့ၢ်တနာ်ဘၣ်လၢ ယကထံၣ်ဘၣ် ယွၤအတၢ် ဂ့ၤလၢတၢ်မူအကီၢ်ပူၤဒီး, ယအိၣ်တကဲဘၣ်. ¹⁴ မုၢ် လၢ်တၢ်လၢယွၤတက့ၢ်. ပာ်ဆူၣ်နဂံၢ်နဘါတက့ၢ်. ဒီးမ်အဒုးဆူၣ်ထီၣ်နသးအဂံၢ်အဘါတက့ၢ်. ဒီးမုၢ် လၢ်တၢ်လၢယွၤတက့ၢ်.

၂၈

လၢစီၤဒၤဝံး.

¹ ယကိးထီၣ်နၤ, ယွၤယလၢၢ်တဖျၢၣ်ဧၢ, အိၣ်ဘှီၣ် ဒီးယၤတဂ့ၤ. နမ့ၢ်အိၣ်ဘှီၣ်ဒီးယၤဒီး, ယကမၤဘၣ် ဖုးယသး ဒ်ပှၤလၢအလဲၤလီၤဆူပျုၤပူၤအသိး န့ၣ် လီၤ.

² တုၤယဘါကညးနၤ, တုၤယယူာ်ထီၣ်ယစုဆူန ဒၢးစီဆှံအအိၣ်ဒီး, ကနၣ်ကဃ့ကညးတၢ်အကလုၢ် တက့ၢ်. ³ မ်နသုတထုးကွံာ်ယၤဒီးပှၤတတီတလိၤ, ဒီးပှၤမၤတၢ်အၢ လၢအကတိၤတၢ်ဃူတၢ်ဖိးဒီး ပှၤ လၢအဃၢၤ, ဘၣ်ဆၣ်တၢ်အၢအိၣ်လၢအသးကံၢ်ပူၤ တဖၣ်န့ၣ်တဂ့ၤ. ⁴ ဟ့ၣ်လီၤတၢ်လၢအီၤ ဒ်အမၤတၢ် အသိး, ဒီးဒ်အမၤတၢ်အၢအသိးန့ၣ်တက့ၢ်. ဒ်အမၤ တၢ်လၢအစုအသိးန့ၣ် ဟ့ၣ်လီၤအီၤလၢတၢ်တက့ၢ်. ဒုးန့ၢ်က့ၤအီၤ လၢတၢ်အကြၢးဒီးအီၤတက့ၢ်. ⁵ မ့ၢ် အတပးကဲဘၣ် ယွၤအမၤတၢ်, ဒီးအတၢ်လၢအကဲ ထီၣ်လၢအစုဘၣ်ဒီး, ကမၤဟးဂီၤကွံာ်အီၤ, ဒီးတ မၤထီၣ်မၤထီဘၣ်အီၤဘၣ်.

⁶ မ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဂ့ၢ်ဒ် အံၤ, ကနၣ်လံယဃ့ကညးတၢ်အကလုၢ်လံ. ⁷ ယွၤ မ့ၢ်ယဂံၢ်ယဘါ, ဒီးယကတီၤတဘ့ၣ်လီၤ. ယသး သန့ၤအသးလၢအီၤ, ဒီးယဒိးတၢ်မၤစၢၤယၤ, မၤသး ဒ်န့ၣ်ဒီး, ယသူၣ်ဖှံသးညီဒိၣ်မး, ဒီးယကစံးထီၣ် ပတြၢၤအီၤလၢယတၢ်သးဝံၣ်လီၤ. ⁸ ယွၤမ့ၢ်ယဂံၢ်ယ ဘါဒီးအပှၤဒိးဖှူအသး အတၢ်အုၣ်က့ၤခီၣ်က့ၤ အ တိာ်လီၤ.

⁹ အုၣ်က့ၤခီၣ်က့ၤနပှၤဂီၢ်မုၢ်, ဒီးဆိၣ်ဂ့ၤ နတၢ်န့ၢ် သါ, ဒီးအံးလီၤကွၢ်လီၤအီၤ, ဒီးစိာ်ထီၣ်အီၤလီၤစိၤ လီၤထီတက့ၢ်.

၂၉

စီၤဒၤဝံးအထါ.

¹ ဟ့ၣ်တၢ်လၢယွၤ, ကစၢ်အဖိသ့ၣ်ဧၢ, ဟ့ၣ်တၢ် လၤကပီၤဒီးတၢ်စိတၢ်ကမီၤလၢယွၤန့ၣ်တက့ၢ်.

² ဟ့ၣ်ယွၤလၢ တၢ်လၤကပီၤကြၢးဒီးအမံၤ, ဘါ ထီၣ်ယွၤလၢတၢ်စီဆှံအဃံအလၤန့ၣ်တက့ၢ်.

³ ယွၤအကလုၢ်သီၣ်အိၣ်ဝဲလၢထံအဖီခိၣ်, တၢ်လၤ ကပီၤအကစၢ်အလီသီၣ်ဝဲ, ယွၤအိၣ်ဝဲလၢထံအါအ ဖီခိၣ်လီၤ. ⁴ ယွၤအကလုၢ်သီၣ်အိၣ်ဒီး အစိအကမီၤ, ယွၤအကလုၢ်သီၣ်အိၣ်ဒီး အကဟုအကညီၢ်, ⁵ ယွၤ အကလုၢ်သီၣ် မၤကၢ်လီၤသ့ၣ်ဆှိအ့ရ့း, ယွၤအက လုၢ်သီၣ်မၤကၢ် လဘၤနိၣ်အသ့ၣ်ဆှိအ့ရ့းလီၤ. ⁶ ဒီး ဒုးစံၣ်အီၤဒ်ဂီၤဖံးဖိအသိး, လဘၤနိၣ်ဒီး စံးရယိၣ်, ဒ်တၤဖးရံၣ်ဖိအသိးန့ၣ်လီၤ. ယွၤအကလုၢ်သီၣ် မၤသ့ၣ်ဖးမ့ၣ်အူလၣ်, ⁷ ယွၤအ ကလုၢ်သီၣ်မၤဟူးဝးပှၢ်မုၢ်ကနၢ, ယွၤမၤဟူးဝးပှၢ် မုၢ်ကနၢကၤဒ့ၣ်, ⁹ ယွၤအကလုၢ်သီၣ်ဒုးဆံးစၢ်တၤ ဟိအမိၢ်, ဒီးမၤကရ့ဒ့ပှၢ်လၢ်ကျါအသ့ၣ် န့ၣ်လီၤ. ဒီးလၢအနူၢ်ပူၤန့ၣ်တၢ်ခဲလၢာ်စံး, တၢ်လၤကပီၤန့ၣ် လီၤ.

¹⁰ ယွၤဆ့ၣ်နီၤ လၢထံလုာ်ဘၢတၢ်အဖီခိၣ်, ဒီးယွၤ ဆ့ၣ်နီၤစီၤပၤလီၤထူလီၤယိာ်လီၤ.

¹¹ ယွၤကဟ့ၣ်လီၤ အပှၤဂီၢ်မုၢ်လၢ တၢ်အဂံၢ်အဘါ လီၤ. ယွၤကဆိၣ်ဂ့ၤအပှၤဂီၢ်မုၢ်လၢ တၢ်ဃူတၢ်ဖိး လီၤ.

၃၀

ထါလၢစီၤဒၤဝံးမၤဘူၣ်အဟံၣ်န့ၣ်အတၢ်သးဝံၣ်.

¹ ယကပာ်ထီၣ်ထီနၤ, ယွၤဧၢ, အဂ့ၢ်ဒ်အံၤ, နမၤပူၤ မၤဖျဲးယၤ, ဒီးတဒုးသးခုဘၣ် ယဒုၣ်ယဒါလၢယ ဖီခိၣ်ဘၣ်. ² ယွၤယကစၢ်ဧၢ, ယဃ့ကညးတၢ်လၢ နၤ, ဒီးနမၤဘျါက့ၤလံယၤလံ. ³ ယွၤဧၢ, နဒုးဟဲ ထီၣ်ယသးလၢပျုၤပူၤ, နဒုးမူဒံးယၤလၢ ယသုတ လဲၤလီၤဆူတၢ်ပူၤတဂ့ၤအဂ့ၢ်န့ၣ်လီၤ.

⁴ သးဝံၣ်ထီၣ်ယွၤ, အပှၤစီဆှံသ့ၣ်ဧၢ, ဒီးစံးထီၣ်ပ တြၢၤတၢ်လၢတၢ်သ့ၣ်နီၣ်ထီၣ်က့ၤ အတၢ်စီဆှံန့ၣ် တက့ၢ်. ⁵ အဂ့ၢ်ဒ်အံၤ, အတၢ်သးထီၣ်အံၤ အိၣ်တ စိၢ်ဖိ, မ့မ့ၢ်လၢတၢ်ဘၣ်အသးအပူၤန့ၣ် တၢ်မူအိၣ်ဝဲ လီၤ. မဲာ်ထံမဲာ်နိကအိၣ်ကဆိးတနၤ, မ့မ့ၢ်လၢမုၢ် ဆ့ၣ်ထီၣ်န့ၣ်တၢ်သူၣ်ဖှံသးညီအိၣ်ထီၣ်ဝဲလီၤ.

⁶ ဒီးဖဲယဘီၣ်ထီၣ်ညီထီၣ်န့ၣ် ယစံး, စိၤရီၤယတ ဟူးတဝးဘၣ်. ⁷ ယွၤဧၢ, နဒုးဆူၣ်ထီၣ်ယကစၢၢ်အ ဂံၢ်အဘါ လၢနဘျုးနဖှိၣ်လီၤ. နပာ်တဒၢနမဲာ်, ယ သူၣ်ကိၢ်ယသးဂီၤလီၤ.

⁸ ယကိးထီၣ်နၤ, ယွၤဧၢ, ဒီးယဃ့ကညးတၢ်လၢ ယွၤလီၤ. ⁹ တုၤယလဲၤလီၤဆူတၢ်ပူၤန့ၣ် ယသွံၣ်က ဂိာ်မနုၤလဲၣ်. ဟီၣ်ခိၣ်အကမူၣ်ကစံးထီၣ်ပတြၢၤနၤ ဧါ. ကဒုးနဲၣ်နတၢ်မ့ၢ်တၢ်တီစ့ၢ်ကီးဧါ. ¹⁰ ဒိကနၣ် လၢ်တက့ၢ်, ယွၤဧၢ, သူၣ်ကညီၤသးကညီၤယၤတ က့ၢ်. ယွၤဧၢ, ကဲထီၣ် တၢ်မၤစၢၤယၤတက့ၢ်.

¹¹ ယဟီၣ်တၢ်ယၢၤတၢ်န့ၣ် နဒုးကဲထီၣ်လၢတၢ်ဂဲၤ ကလံၣ်လၢယဂီၢ်လီၤ. နဃ့ၣ်လီၤထၢၣ်တၢ်ကံးညာ်, ဒီးကံၢ်တူာ်ယယီၢ်ဒ့ လၢတၢ်သးခု, ¹² ဒ်သိးယလၤ ကပီၤကသးဝံၣ်နၤ, ဒီးတအိၣ်ဘှီၣ်ဘၣ်, ယွၤ, ယ ကစၢ်ဧၢ, ယကစံးထီၣ်ပတြၢၤနၤ လီၤထူလီၤယိာ် လီၤ.

၃၁

စီၤဒၤဝံးအထါလၢတၢ်အခိၣ်အဂီၢ်

¹ ယသန့ၤယသးလၢနၤ, ယွၤဧၢ, မ်ယသုတမဲာ် ဆှးနီတဘျီတဂ့ၤ. မၤပူၤမၤဖျဲးယၤလၢနတၢ်တီတၢ် လိၤအဃိန့ၣ်တက့ၢ်.

² ပာ်ဒိးနနၢ်လၢယၤ, မၤပူၤမၤဖျဲးယၤ, ချ့ချ့, ကဲထီၣ် လၢၢ်အတိာ်လၢယဂီၢ်ယတိာ်အဟံၣ်လၢ ယကတုၤ လၢတၢ်အုၣ်က့ၤခီၣ်က့ၤအဂ့ၢ်န့ၣ်တက့ၢ်. ³ အဂ့ၢ်ဒ် အံၤ, နမ့ၢ်ယလ့, ဒီးယတိာ်ဧိၤတာ်ဧိၤလီၤ. မၤသး ဒ်န့ၣ်ဒီး မ်နဆှၢယၤ, ဒီးမိၤယၤလၢနမံၤအဃိန့ၣ် တက့ၢ်. ⁴ ထုးထီၣ်ကွံာ်ယၤလၢ ပှာ်ဧိၤစၤဧိၤအပူၤ လၢပှၤပာ်ခူသူၣ်လၢယဂီၢ်န့ၣ်တက့ၢ်. အဂ့ၢ်ဒ်အံၤ, နမ့ၢ်ယဂံၢ်ယဘါလီၤ. ⁵ ယပာ်ယသး လၢနစုပူၤ, တၢ်မ့ၢ်တၢ်တီအကစၢ်, ယွၤဧၢ. နပှ့ၤက့ၤယၤလီၤ. ယသးဟ့ပှၤလၢအတိၢ်န့ၢ် တၢ်လီတၢ်ဝ့ၤ အတၢ် ကလီကလီလီၤ, ဒီးယသန့ၤယသး လၢယွၤလီၤ. ⁶ ယသးဟ့ပှၤလၢအတိၢ်န့ၢ် တၢ်လီတၢ်ဝ့ၤ အတၢ် ကလီကလီလီၤ, ဒီးယသန့ၤယသး လၢယွၤလီၤ.

⁷ ယကသူၣ်ဖှံသးညီ, ဒီးသူၣ်ခုသးခု လၢနတၢ်သး ကညီၤအပူၤ, နကွၢ်လီၤယတၢ်နးတၢ်ဖှီၣ်, နသ့ၣ်

⁸ ညါယသး လၢအဘၣ်ကိၢ်ဘၣ်ဂီၤအပူၤ, ဒီးနတ ကးတံာ်ဃာ်ဘၣ်ယၤလၢ ယဒုၣ်ယဒါအစုဘၣ်. န ဒုးဆၢထၢၣ်ယခီၣ်လၢအလီၢ်ဖး လဲၢ်အပူၤလီၤ.

⁹ သူၣ်ကညီၤသးကညီၤယၤတက့ၢ်, ယွၤဧၢ. အဂ့ၢ် ဒ်အံၤ, ယဘၣ်တၢ်ကိၢ်တၢ်ဂီၤလီၤ. ယမဲာ်, ဒီးယ သး, ဒီးယဟၢဖၢဟးဂီၤလၢ တၢ်သူၣ်အုးသးအုး အဃိလီၤ. ¹⁰ အဂ့ၢ်ဒ်အံၤ, ယသးသမူလၢာ်ဝဲလၢ တၢ်သူၣ်အုးသးအုး, ဒီးယနံၣ်တဖၣ်န့ၣ် လၢတၢ် ကအုကစွါလီၤ. ယဂံၢ်ယဘါစၢ်လီၤဝဲလၢ ယတၢ် ဒဲးဘးအဃိ, ဒီးယဃံဟးဂီၤဝဲလီၤ. ¹¹ ယကဲထီၣ်တၢ် ဒုၣ်ဒွဲၣ်အလီၢ် လၢယဒုၣ်ယဒါခဲလၢာ်အကျါ, ဒီး လီၤဆီဒၣ်တၢ်လၢ ပှၤလၢယဃၢၤအကျါ, ဒီးတၢ် ပျံၤအလီၢ်လၢ ပှၤလၢအသ့ၣ်ညါယၤတဖၣ် အမဲာ် ညါလီၤ. ပှၤလၢအထံၣ်ဘၣ်ယၤလၢ ခိန့ၣ်ဃ့ၢ်ကွံာ် လၢယအိၣ်လီၤ.

¹² တၢ်သးပ့ၤနီၣ်ယၤ, ဒ်ပှၤသံလၢ တၢ်တသ့ၣ်နီၣ် ထီၣ်က့ၤလၢၤဘၣ်အီၤတဂၤအသိး န့ၣ်လီၤ. ယမၤ သးဒ်လီခီအက့တဘ့ၣ်အသိးန့ၣ်လီၤ. ¹³ အဂ့ၢ်ဒ်အံၤ, ယနၢ်ဟူပှၤအါဂၤအတၢ်ဒုၣ်ဒွဲၣ်, တၢ်ပျံၤတၢ်ဖုးအိၣ် ဝးတရံး ဖဲအကူၣ်လိာ်အသးတပူၤဃီ ထီဒါယၤ, ကူၣ်ထီၣ်ဝဲ ဒ်သိးအကမၤသံယၤလီၤ.

¹⁴ ဒီးယဲဒၣ်အံၤယသန့ၤယသးလၢနၤ, ယွၤဧၢ, ယစံး, နဲဒၣ်အံၤနမ့ၢ်ယကစၢ်လီၤ. ¹⁵ ယဆၢယကတီၢ်တဖၣ် အိၣ်ဝဲလၢနစုပူၤလီၤ. မၤပူၤမၤဖျဲးယၤလၢယဒုၣ်ယ ဒါအစုပူၤဒီး လၢပှၤလၢအမၤအၢယၤတက့ၢ်. ¹⁶ ဒုး ကပီၤဘၣ် နမဲာ်လၢနခ့နပှၤအလိၤတက့ၢ်. ဒီးအုၣ် က့ၤခီၣ်က့ၤယၤလၢနဘျုးနဖှိၣ်အဃိတက့ၢ်.

¹⁷ မ်ယသုတဘၣ်တၢ်မဲာ်ဆှးတဂ့ၤ, ယွၤဧၢ, အဂ့ၢ် ဒ်အံၤ, ယကိးထီၣ်နၤလီၤ. မ်ပှၤတတီတလိၤန့ၣ် ဘၣ်တၢ်မဲာ်ဆှးတက့ၢ်. မ်အအိၣ်ဘှီၣ်ကလာ် လၢ ပျုၤပူၤတက့ၢ်. ¹⁸ ပှၤကဘျံးကဘျၣ်အပျုၤလၢ အက တိၤတၢ်ကီထီဒါပှၤတီပှၤလိၤ, ဒီးပာ်ထီၣ်ထီအသး ဒီးမၤတရီတပါအီၤတဖၣ်န့ၣ် မ်တၢ်ဒုးအိၣ်ဘှီၣ်က လာ်အီၤတက့ၢ်.

¹⁹ နတၢ်ဂ့ၤလၢနပာ်ဖှိၣ် လၢပှၤလၢအပျံၤနၤအဂီၢ်, လၢ နကတဲာ်ကတီၤလၢ ပှၤလၢအသန့ၤအသးလၢနၤအ ဂီၢ်, လၢပှၤကညီဖိအမဲာ်ညါန့ၣ်မ့ၢ်အဆံးဒိၣ်လဲၣ်.

²⁰ နပာ်အီၤလၢ နမဲာ်ညါအတၢ်အိၣ်တဒၢ အလီၢ်, အိၣ်တဒၢဒီး ပှၤကညီအမၤအၢတၢ်လီၤ. နပၢအီၤ လၢဒဲပူၤအိၣ်ထူၣ်ဖျဲးဒီး ပှၤထးခိၣ် အတၢ်အ့ၣ်လိာ် ဆိးက့လိာ်န့ၣ်လီၤ. ²¹ မ်ယွၤဘၣ်တၢ်စံးထီၣ်ပတြၢၤ အီၤတက့ၢ်. အဂ့ၢ်ဒ်အံၤ, ဒုးနဲၣ်ယၤလၢအဘျုးအ ဖှိၣ်လီၤလးလၢဝ့ၢ်အိၣ်ဒီးအခိၣ်ဒူအပူၤလီၤ. ²² လၢတၢ်ပျံၤအပူၤန့ၣ်ယစံးဖုး, ယဘၣ်တၢ်ဒီၣ်တဲာ် ကွံာ်လၢနမဲာ်ညါလီၤ. ဘၣ်ဆၣ်ဒီး လၢယဃ့က ညးနၤန့ၣ် နကနၣ်ယဃ့ကညးတၢ်အကလုၢ်လီၤ.

²³ အဲၣ်ယွၤ, အပှၤစီဆှံခဲလၢာ်သ့ၣ်ဧၢ, ယွၤပၢၤပှၤ အကလုၢ်တီ, ဒီးပှၤလၢအပာ်ကဖိအသးန့ၣ်ကဟ့ၣ် ကၣ်အတၢ်အါအါကလဲာ်လီၤ.

²⁴ ကယဲၢ်ပှၤလၢ အမုၢ်လၢ်တၢ်လၢယွၤခဲလၢာ်သ့ၣ် ဧၢ, ပာ်ဆူၣ်သုဂံၢ်သုဘါတက့ၢ်. ဒီးကဒုးဆူၣ်ထီၣ် သုသးအဂံၢ်အဘါလီၤ.

၃၂

စီၤဒၤဝံးအသိၣ်တၢ်.

¹ ပှၤလၢအတၢ်ကမၣ် ဘၣ်တၢ်ပျၢ်လံ, လၢအတၢ် ဒဲးဘးဘၣ်ကျၢၢ်ဘၢလံန့ၣ် ဘၣ်ဆိၣ်ဂ့ၤဝဲလီၤ. ² ပှၤ လၢယွၤတပာ်ဘၣ်တၢ်အၢလၢအလိၤ, ဒီးလီတၢ်တ အိၣ်ဘၣ်လၢအသးကံၢ်ပူၤန့ၣ်ဘၣ်ဆိၣ်ဂ့ၤဝဲလီၤ.

³ ဖဲယအိၣ်ဘှီၣ်ကလာ်ဒီး, ယဃံလီၢ်လံၤဝဲလၢယ ကိးပသူထီၣ် သ့သ့တနံၤအဃိလီၤ. ⁴ အဂ့ၢ်ဒ်အံၤ, လၢမုၢ်ဆါဆဲးလၢမုၢ်နၤန့ၣ် နစုအိၣ်ဃၢလၢယလိၤ လီၤ. ယတၢ်သံကစဲာ်ကဲထီၣ်တၢ်ကိၢ်ခါ အတၢ် ဃ့လီၤ. စ့လၤ.

⁵ ယဘိးဘၣ်သ့ၣ်ညါနၤလၢ ယတၢ်ဒဲးဘး, ဒီးယ တၢ်အၢန့ၣ် ယတပာ်ခူသူၣ်ဘၣ်. ယစံးယကတဲ လီၤကျဲၤလီၤယတၢ်ကမၣ်လၢယွၤန့ၣ်, ဒီးနပျၢ်ကွံာ် ယတၢ်ဒဲးဘးလီၤ. စ့လၤ.

⁶ မ့ၢ်လၢတၢ်န့ၣ်အဃိဒီး, လၢပှၤထံၣ်န့ၢ်နၤသ့အ ဆၢကတီၢ်န့ၣ် ကယဲၢ်ပှၤစီဆှံခဲလၢာ် ကဘါထုက ဖၣ်နၤကိးဂၤဒဲးလီၤ. မ့ၢ်မးလၢထံအါလုၣ်ဘၢတၢ် န့ၣ် တချုးန့ၢ်ဘၣ်အီၤဘၣ်. ⁷ နဲဒၣ်အံၤနမ့ၢ်ယအိၣ် ခူသူၣ်အလီၢ်လီၤ. နကမၤပူၤဖျဲးယၤဒီးတၢ်ကိၢ်တၢ် ဂီၤ, ဒီးနကဒုးအိၣ်ဝးတရံးယၤ လၢတၢ်သးဝံၣ် ဘၣ်ဃးဒီးတၢ်မၤပူၤဖျဲးတၢ်လီၤ. စ့လၤ.

⁸ ယကသိၣ်က့ၤသီက့ၤနၤ, ဒီးဒုးနဲၣ်နၤလၢကျဲလၢ နဘၣ်လဲၤန့ၣ်လီၤ. ယကဟ့ၣ်ကူၣ်နၤ လၢယမဲာ် လီၤ. ⁹ ပာ်သုသးဒ်ကသ့ၣ်, ဒ်ကသ့ၣ်လၤ လၢအ တၢ်ကူၣ်တအိၣ်ဘၣ်အသိးန့ၣ်တဂ့ၤ. အကယၢက ယဲမ့ၢ်နိာ်ထး, ဒီးနိာ်ပျံၤလၢတြီတၢ်အဂီၢ်, လၢအ တဟဲဘူးဘၣ်ဒီးနၤအဃိလီၤ.

¹⁰ တၢ်သူၣ်အုးသးအုးအါမံၤ အိၣ်ဒီး ပှၤတတီတ လိၤလီၤ. မ့မ့ၢ် ပှၤလၢအသန့ၤအသးလၢယွၤန့ၣ် တၢ်ဘျုးတၢ်ဖှိၣ် ကအိၣ်ဝးတရံးအီၤလီၤ. ¹¹ သးခု လၢယွၤအပူၤ, ဒီးသူၣ်ဖှံသးညီ, ပှၤအတီအလိၤ သ့ၣ်ဧၢ, ဒီးကိးပသူထီၣ်လၢတၢ်သးခုအဃိ, က ယဲၢ်ပှၤလၢအသးစၢၢ်ဆၢခဲလၢာ်သ့ၣ်ဧၢ.

၃၃

¹ သူၣ်ဖှံသးညီလၢယွၤအပူၤ, ပှၤအတီအလိၤသ့ၣ် ဧၢ. ဂ့ၤလၢပှၤအတီအလိၤစံးထီၣ်ပတြၢၤတၢ်လီၤ.

² စံးထီၣ်ပတြၢၤယွၤဒီး တနၢ်သးဝံၣ်ထီၣ်အီၤဒီး သီ တူၢ်အိၣ်ဒီးပျံၤဆံဆဲၣ်ဘိ, ³ သးဝံၣ်အီၤဒီး တၢ်သး ဝံၣ်အသီ, ဒ့တၢ်ဧ့ၢ်ဂ့ၤအိၣ်ဒီးအသီၣ်တက့ၢ်.

⁴ အဂ့ၢ်ဒ်အံၤ, ယွၤအကလုၢ်န့ၣ် မ့ၢ်အလိၤလီၤ. ဒီး ကယဲၢ်အမၤတၢ်န့ၣ် မ့ၢ်တၢ်မ့ၢ်တၢ်တီလီၤ. ⁵ အဲၣ်ဝဲ လၢတၢ်တီတၢ်လိၤ, ဒီးတၢ်စံၣ်ညီၣ်တီလီၤ. ဟီၣ် ခိၣ်ပှဲၤဝဲဒီးယွၤအဘျုးအဖှိၣ်လီၤ.

⁶ လၢယွၤအကလုၢ်န့ၣ်မူခိၣ်ဘၣ်တ့အသး, ဒီးလၢ အထးခိၣ်အသါန့ၣ် ကယဲၢ်အသုးမုၢ်ဂီၢ်မုၢ်ခဲလၢာ် လီၤ. ⁷ ဒုးအိၣ်ဖှိၣ်ပီၣ်လဲၣ်အထံ ဒ်တၢ်ပူအသိးန့ၣ်, ပာ်ထံယိာ်တဖၣ်လၢတၢ်အိၣ်ဖှိၣ်အလီၢ်ပူၤလီၤ.

⁸ မ်ဟီၣ်ခိၣ်ဖိခဲလၢာ်ပျံၤယွၤတက့ၢ်. မ်ကယဲၢ်တၢ် အိၣ်ဝဲဆိးဝဲလၢဟီၣ်ခိၣ်ချၢန့ၣ် ဘၣ်ယိၣ်တၢ်လၢအီၤ တက့ၢ်. ⁹ အဂ့ၢ်ဒ်အံၤ, ကတိၤဝဲ, ဒီးတၢ်ကဲထီၣ်, မၤလိာ်ဝဲ, ဒီးတၢ်အိၣ်ဂၢၢ်အိၣ်ကျၢၤဝဲလီၤ. ¹⁰ ယွၤမၤ ဟးဂီၤပှၤကလုာ်တဖၣ်အတၢ်ကူၣ်တၢ်ဖးလီၤ. ပှၤဂီၢ် မုၢ်အကူၣ်ထီၣ်ဖးလီၤတၢ်န့ၣ် ဒုးကဲထီၣ်ဝဲလၢ တၢ် ကလီကလီလီၤ. ¹¹ ယွၤအကူၣ်ထီၣ်ဖးလီၤတၢ်န့ၣ် အိၣ်ဂၢၢ်ဆိးကျၢၤ လီၤထူလီၤယိာ်, ဒီးအတၢ်ဆိက မိၣ်လၢအသးန့ၣ်အစိၤစိၤအဃၣ်ဃၣ်လီၤ.

¹² ပှၤတကလုာ် လၢယွၤမ့ၢ်အကစၢ်, ပှၤဂီၢ်မုၢ်လၢ ယွၤဃုထၢအီၤ လၢအတၢ်န့ၢ်သါအဂီၢ်န့ၣ် ဘၣ် ဆိၣ်ဂ့ၤဝဲလီၤ. ¹³ လၢမူခိၣ်န့ၣ်ယွၤကွၢ်လီၤဝဲ, ထံၣ် ဘၣ်ကယဲၢ်ပှၤကညီဖိ, ¹⁴ လၢအအိၣ်ဝဲဆိးဝဲအလီၢ် န့ၣ်ကွၢ်ထံပှၤအိၣ်လၢဟီၣ်ခိၣ်ချၢခဲလၢာ်, ¹⁵ တ့လီၤ အသးခဲလၢာ်ယကွၢ်နီၣ်အမၤတၢ်ခဲလၢာ်လီၤ. ¹⁶ စီၤ ပၤလၢအတုၤလၢ တၢ်အုၣ်က့ၤခီၣ်က့ၤအီၤလၢ အ သုးမုၢ်အါအဃိန့ၣ် တအိၣ်ဘၣ်နီတဂၤဘၣ်. ပှၤအ ဆူၣ်န့ၣ် တပူၤဖျဲးဘၣ် လၢအဂံၢ်ဆူၣ်အဘါဆူၣ် အဃိဘၣ်. ¹⁷ ကသ့ၣ်န့ၣ်မ့ၢ်တၢ်ကလီကလီလၢတၢ် အုၣ်က့ၤခီၣ်က့ၤအဂီၢ်, ဒီးတမၤပူၤမၤဖျဲးဘၣ်တၢ်လၢ အဂံၢ်ဆူၣ်အဘါဆူၣ်အဃိဘၣ်. ¹⁸ ကွၢ်ကွၢ်, ယွၤ အမဲာ်အိၣ်လၢ ပှၤလၢအပျံၤအီၤအလိၤ, လၢပှၤလၢ အကွၢ်လၢ် အဘျုးအဖှိၣ်အကျဲတဖၣ်န့ၣ်အလိၤ,

¹⁹ ဒ်သိးအကမၤပူၤမၤဖျဲးအသးလၢတၢ်သံ, ဒီးဒ်သိး အကဒုးမူဒံးအီၤလၢတၢ်သၣ်ဝံၤလီၤဒိအပူၤလီၤ.

²⁰ ပသးကွၢ်လၢ်ယွၤအကျဲလီၤ. အဝဲဒၣ် မ့ၢ်တၢ်မၤ စၢၤပှၤ, ဒီးပကတီၤတဘ့ၣ်လီၤ. ²¹ အဂ့ၢ်ဒ်အံၤ, ပ သးခုလၢအပူၤလီၤ. ²² အဂ့ၢ်ဒ်အံၤ, ပသန့ၤပသး လၢအမံၤစီဆှံအပူၤလီၤ. ယွၤဧၢ, ဒ်ပမုၢ်လၢ်တၢ် လၢနၤအသိးန့ၣ် မ်နဘျုးနဖှိၣ်ဘၣ်ပှၤတက့ၢ်.

၃၄

စီၤဒၤဝံးအထါ ဖဲအမၤလီၤအသးလီၤဆီဒၣ်တၢ်လၢ စီၤအဘံးမ့လ့းအမဲာ်ညါ, ဒီးအဝဲဒၣ်ဟီထီၣ်ကွံာ်အီၤ, ဒီးဟးထီၣ်ကွံာ်ဝဲန့ၣ်လီၤ.

¹ ယကစံးထီၣ်ပတြၢၤယွၤ ကိးအဆၢအကတီၢ်ဒဲး လီၤ. အတၢ်စံးထီၣ်ပတြၢၤ ကအိၣ်လၢယထးခိၣ် တထံၣ်ဃီလီၤ.

² ယသးကပာ်ကဖိအသး လၢယွၤအပူၤ, ပှၤဘၣ် နးဘၣ်ဖှီၣ်ကနၢ်ဟူဝဲ, ဒီးကသးခုလီၤ.

³ ပာ်ဒိၣ်သကိး ယွၤဒီးယၤတက့ၢ်, ဒီးမ်ပကပာ် ထီၣ်ထီသကိးအမံၤတက့ၢ်.

⁴ ယဃုယွၤ, ဒီးအဝဲဒၣ်စံးဆၢယၤ, ဒီးမၤပူၤမၤ ဖျဲးယၤလၢကယဲၢ်ယတၢ်ဘၣ်ယိၣ်ခဲလၢာ်အပူၤလီၤ.

⁵ ပှၤကွၢ်ထီၣ်တၢ်လၢအီၤ, ဒီးဒိးတၢ်ကပီၤ, ဒီးအ မဲာ်တဆှးဘၣ်.

⁶ ပှၤဘၣ်ဖှီၣ်ဘၣ်ယာ်တဂၤအံၤကိးထီၣ်ဝဲ, ဒီးယွၤ ကနၣ်ဝဲ, ဒီးအုၣ်က့ၤခီၣ်က့ၤအီၤ လၢအတၢ်ကိၢ် တၢ်ဂီၤအပူၤခဲလၢာ်လီၤ.

⁷ ယွၤအကလူးသူၣ်ဒဲဝးတရံးပှၤလၢအပျံၤအီၤ, ဒီး မၤပူၤမၤဖျဲးအီၤလီၤ.

⁸ လ့ၣ်ကွၢ်, ဒီးထံၣ်လၢယွၤမ့ၢ် တၢ်ဂ့ၤန့ၣ်တက့ၢ်. ပှၤလၢအသန့ၤအသးလၢအီၤန့ၣ်ဘၣ်ဆိၣ်ဂ့ၤဝဲလီၤ.

⁹ ပျံၤယွၤ, အပှၤစီဆှံသ့ၣ်ဧၢ, အဂ့ၢ်ဒ်အံၤ, တၢ် လီၤစှၤတအိၣ်ဘၣ်ဒီး ပှၤလၢအပျံၤအီၤဘၣ်.

¹⁰ ခ့ယုၢ်ဖိတဖၣ်ဘၣ်ဖှီၣ်, ဒီးတၢ်သၣ်ဝံၤအသးလီၤ. မ့မ့ၢ်ပှၤလၢ အဃုယွၤတဖၣ် အတၢ်ဂ့ၤလၢအတန့ၢ် ဘၣ်န့ၣ် တအိၣ်နီတမံၤ ဘၣ်.

¹¹ ဟဲယဖိသ့ၣ်လံၤသ့ၣ်ဧၢ, ကနၣ်ယကလုၢ်တက့ၢ်. ယကသိၣ်လိ သုလၢတၢ်ပျံၤယွၤန့ၣ်လီၤ.

¹² မ့ၢ်မတၤ ဘၣ်အသးလၢတၢ်မူ, ဒီးအဲၣ်ဒိးမုၢ်ဧိၤ နံၤဧိၤ ဒ်သိးအကထံၣ်ဘၣ်တၢ်ဂ့ၤန့ၣ်တဂၤလဲၣ်.

¹³ တြီတၢ်အၢလၢ နပျ့ၤလိၤဒီး တၢ်ကတိၤလီတၢ် လၢနပျုၤလိၤတက့ၢ်.

¹⁴ ဟးဆှဲးတၢ်အၢ, ဒီးမၤတၢ်ဂ့ၤ, ဃုတၢ်ဃူတၢ်ဖိး, ဒီးလူၤအီၤတက့ၢ်.

¹⁵ ယွၤအမဲာ်အိၣ်လၢပှၤတီပှၤလိၤအလိၤ, ဒီးအနၢ် အိၣ်လၢအဃ့ကညးတၢ်အဂီၢ်လီၤ.

¹⁶ ယွၤအမဲာ်အိၣ်ထီဒါပှၤမၤတၢ်အၢ, ဒ်သိးအကထဲး ထီၣ်ကွံာ်တၢ်သ့ၣ်နီၣ်ထီၣ်အီၤလၢဟီၣ်ခိၣ်ချၢလီၤ.

¹⁷ ပှၤအတီအလိၤဃ့ဝဲ, ဒီးယွၤနၢ်ဟူ, ဒီးမၤပူၤမၤ ဖျဲးအီၤလၢအတၢ်ကိၢ်တၢ်ဂီၤအပူၤခဲလၢာ်လီၤ.

¹⁸ ယွၤအိၣ်ဘူးဒီးပှၤလၢအသူၣ်ကၢ်အသးလီၤ, ဒီးပှၤ လၢအပီၢ်ယၢ်လီၤက့ၤအသးန့ၣ် အုၣ်က့ၤခီၣ်က့ၤဝဲ လီၤ.

¹⁹ တၢ်အၢအါမံၤဘၣ်ပှၤအတီအလိၤ, ဘၣ်ဆၣ်ဒီး ယွၤမၤပူၤမၤဖျဲး အီၤလၢတၢ်ခဲလၢာ်န့ၣ်အပူၤလီၤ.

²⁰ ပၢၤအဃံခဲလၢာ်, တကၢ်ဘၣ်နီတဘိဘၣ်.

²¹ တၢ်အၢမၤသံပှၤတတီတလိၤဘၣ်, ဒီးပှၤလၢအ သးဟ့ပှၤတီပှၤလိၤတဖၣ်န့ၣ်ကတူၢ်တၢ်ဒဲးဘးလီၤ.

²² ယွၤပှ့ၤက့ၤအခ့အပှၤအသး, ဒီးပှၤလၢအသန့ၤအ သးလၢအီၤန့ၣ် တဘၣ်ဘၣ်တၢ်ဒဲးဘးနီတဂၤဘၣ်.

၃၅

လၢစီၤဒၤဝံး.

¹ ယွၤဧၢ, လိာ်ကွီၢ်ဒီးပှၤလၢအလိာ်ကွီၢ်ဒီးယၤ, ဒုးတၢ် ဒီးပှၤလၢအဒုးတၢ်ဒီးယၤတက့ၢ်. ² ဟံးဃာ်ကတီၤဖိ, ဒီးကတီၤဖးဒိၣ်, ဒီးဂဲၤဆၢထၢၣ် လၢတၢ်မၤစၢၤယၤ အဂီၢ်န့ၣ်တက့ၢ်. ³ ဒီးဘီၣ်ထီၣ်ဘီ, ဒီးနးဖိ, ဒ်သိးန ကသဂၢၢ်ပှၤလၢအလူၤယၤန့ၣ်တက့ၢ်. စံးဘၣ်ယသး, ယမ့ၢ်နတၢ်အုၣ်က့ၤခီၣ်က့ၤန့ၣ်တက့ၢ်.

⁴ ပှၤလၢအဃုယသးတဖၣ် မ်အမဲာ်ဆှး, ဒီးဘၣ်တၢ် ပာ်မဲာ်ဆှးအီၤတက့ၢ်. ဒီးပှၤလၢအဃုမၤအၢယၤန့ၣ်, မ်တၢ်ဒုးဃၣ်အီၤဆူအလီၢ်ခံန့ၣ်, ဒီးမ်အဘၣ်တၢ်မဲာ်ဆှး တက့ၢ်. ⁵ မ်အမၤအသး ဒ်ဖ့လၢကလံၤအမဲာ်ညါအ သိး, ဒီးမ်ယွၤအကလူးလူၤအီၤတက့ၢ်. ⁶ မ်အကျဲခံး, ဒီး ဒုးလီၤတလံာ်တၢ်, ဒီးမ်ယွၤအကလူးလူၤအီၤတက့ၢ်.―

⁷ အဂ့ၢ်ဒ်အံၤ, အလီၢ်တအိၣ်ဘၣ်ဒီး, ပာ်ခူသူၣ်အပှာ် အစၤလၢတၢ်ပူၤလၢယဂီၢ်, အလီၢ်တအိၣ်ဘၣ်ဒီး ခူၣ် လီၤတၢ်ပူၤလၢယသးအဂီၢ်လီၤ. ⁸ ဖဲအတသ့ၣ်ညါဘၣ် န့ၣ်မ်တၢ်မၤဟးဂီၤအီၤ, ဒီးပှာ်လၢအပာ်ခူသူၣ်ဝဲန့ၣ် မ် အဘၣ်အကစၢ်ဒၣ်ဝဲတက့ၢ်. မ်အလီၤတဲာ်လၢ တၢ် ဟးဂီၤအဝဲန့ၣ်အပူၤတက့ၢ်. ⁹ ဒီးယသးကသူၣ်ခုသးခု လၢယွၤအပူၤ, ကသူၣ်ဖှံသးညီလၢအတၢ်အုၣ်က့ၤခီၣ် က့ၤအပူၤလီၤ. ¹⁰ ယဃံခဲလၢာ်ကစံး, ယွၤဧၢ, မ့ၢ်မ တၤလီၤဂာ်ဒီးနၤလၢ အမၤပူၤမၤဖျဲးပှၤဘၣ်နးဘၣ်ဖှီၣ် လၢပှၤလၢ အဆူၣ်န့ၢ်အီၤတဂၤအစုပူၤ, ဒီးပှၤဘၣ်နး ဘၣ်ဖှီၣ်, ဒီးပှၤဖှီၣ်ဖိယာ်ဖိ လၢပှၤလၢအဂုာ်န့ၢ်အတၢ် အစုပူၤန့ၣ်တဂၤလဲၣ်.

¹¹ ပှၤအုၣ်အသးကဘျံးကဘျၣ် ဂဲၤဆၢထၢၣ်, သံကွၢ် ယတၢ်လၢယတသ့ၣ်ညါဘၣ်လီၤ. ¹² ဟ့ၣ်ကၣ်ယၤလၢ တၢ်အၢလၢတၢ်ဂ့ၤအဂီၢ်လီၤ. ယသးအိၣ် ကမဲဃဲက တူာ်လီၤ. ¹³ ဒီးယဲဒၣ်အံၤဖဲအဝဲသ့ၣ်ဘၣ်ဆါန့ၣ်, ယဆ့ မ့ၢ်ထၢၣ်တၢ်ကံးညာ်လီၤ. ယမၤဖှီၣ်ယသးလၢ ဒုၣ်တၢ် အီၣ်တၢ်အီ, ဒီးယဘါထုကဖၣ်တၢ်ဟဲက့ၤဆူ ယသး နါပှၢ်လီၤ. ¹⁴ ယမၤယသးဒ်အမ့ၢ် ပှၤဒီတံၤဒီသကိး, ဒီပုၢ်ဒီဝဲၢ်ဒီးယၤအသိးန့ၣ်လီၤ. ဒ်ပှၤလၢအဟီၣ်လၢအ မိၢ်အဃိအသိးန့ၣ်ယသးအုးဒီးယဆုးလီၤယခိၣ်လီၤ.

¹⁵ မ့မ့ၢ်တုၤယဘၣ်ယဲ တၢ်ကိၢ်တၢ်ဂီၤန့ၣ်ဒီး, အဝဲသ့ၣ် တဖၣ်သးခုဝဲ, ဒီးအိၣ်ဖှိၣ်ရိဖှိၣ်ဝဲ, ပှၤအၢတဖၣ်အိၣ် ဖှိၣ်ရိဖှိၣ်ဝဲ ထီဒါယၤ, ပှၤလၢယတသ့ၣ်ညါဘၣ်န့ၣ်, ဖှီယၤ, ဒီးတဆိတ့ၢ်ဘၣ်. ¹⁶ ဒီးဒ်ပှၤလၢအတယူးယီၣ် ဘၣ်တၢ်, လၢအကတိၤဒိးတၢ်လၢကိၣ်ဘ့ၣ်ဘၣ်တဘ့ၣ် အဂီၢ်အသိးန့ၣ် အ့ၣ်သဃံးအမဲလၢယလိၤလီၤ.

¹⁷ ကစၢ်ဧၢ, နကကွၢ်ကီဆံးယံာ်လဲၣ်. ထုးကွံာ်ယသး လၢအတၢ်ဟးဂီၤအပူၤ, ယပှၤတဂၤဧိၤ လၢခ့ယုၢ်န့ၣ် တက့ၢ်. ¹⁸ အန့ၣ်ဒီး ယကစံးထီၣ်ပတြၢၤနၤလၢ တၢ် အိၣ်ဖှိၣ်ဖးဒိၣ်အပူၤ, လၢပှၤဂီၢ်မုၢ်အါဂၤအကျါန့ၣ်ယက သးဝံၣ်ထီၣ်နၤလီၤ.

¹⁹ ပှၤလၢအမ့ၢ် ယဒုၣ်ယဒါကလီကလီတဖၣ်န့ၣ် မ် အသုတသးခုလၢယဖီခိၣ်တဂ့ၤ. ပှၤလၢအသးဟ့ယၤ ကလီကလီန့ၣ် မ်အသုတဖျးအမဲာ်တဂ့ၤ. ²⁰ အဂ့ၢ်ဒ် အံၤ, တကတိၤဘၣ်တၢ်ဃူတၢ်ဖိးဘၣ်. ဒီးကူၣ်ထီၣ် တၢ်ကတိၤလီတၢ် ထီဒါပှၤလၢအအိၣ်ဘှီၣ်ကလာ်လၢ ကီၢ်ပူၤန့ၣ်လီၤ. ²¹ ဒီးအဲးထီၣ်အထးခိၣ်ဖးလဲၢ် လၢယ လိၤ, ဒီးစံးဝဲ, အၣ်ဟါ, အၣ်ဟါ, ပမဲာ်ထံၣ်ဘၣ်လီၤ.

²² နထံၣ်ဘၣ်လံ, ယွၤဧၢ, အိၣ်ဘှီၣ်ကလာ်တဂ့ၤ. ကစၢ် ဧၢ, အိၣ်ယံၤဒီးယၤတဂ့ၤ. ²³ ထိၣ်ဂဲၤနသး, ဖုသံနီၣ် လၢတၢ်စံၣ်ညီၣ်ယၤအဂီၢ်, လၢယကွီၢ်အဂီၢ်န့ၣ်တက့ၢ်, ယွၤဒီးယကစၢ်ဧၢ. ²⁴ စံၣ်ညီၣ်ယၤ ဒ်နတၢ်တီတၢ်လိၤအ သိးန့ၣ်တက့ၢ်, ယွၤယကစၢ်ဧၢ, ဒီးဒုးသးခုအီၤလၢ ယဖီခိၣ်တဂ့ၤ. ²⁵ မ်အသုတစံးလၢ အသးကံၢ်ပူၤန့ၣ် အၣ်ဟါ, ဖဲပသးလံန့ၣ်တဂ့ၤ, မ်အသုတစံး, ပယူၢ် လီၤကွံာ်လံအီၤလံန့ၣ်တဂ့ၤ. ²⁶ ပှၤလၢအသးခုလၢယ ဘၣ်တၢ်အၢအဃိန့ၣ်မ်အမဲာ်ဆှး, ဒီးဘၣ်တၢ်ပာ်မဲာ် ဆှးအီၤတပူၤဃီတက့ၢ်. ပှၤလၢအပာ်ဒိၣ်အသးလၢယ ဖီခိၣ်တဖၣ်န့ၣ် မ်အဘၣ်တၢ်ဒုးကူဒုးသိးအီၤဒီးတၢ်မဲာ် ဆှး, ဒီးတၢ်ပာ်မဲာ်ဆှးအီၤန့ၣ်တက့ၢ်.

²⁷ ပှၤလၢအဘၣ်အသးလၢ ယတၢ်တီတၢ်လိၤန့ၣ် မ် အသူၣ်ဖှံသးညီ, ဒီးသူၣ်ခုသးခု, ဒီးစံးတထံၣ်ဃီ, မ် ယွၤလၢ အဘၣ်အသးလၢ အခ့အပှၤအတၢ်ဃူတၢ်ဖိး န့ၣ် ဘၣ်တၢ်ပာ်ထီၣ်ထီအီၤန့ၣ်တက့ၢ်.

²⁸ ဒီးယပျ့ၤကဒုးနဲၣ် နတၢ်တီတၢ်လိၤ, ကစံးထီၣ်ပ တြၢၤနၤသ့သ့တနံၤလီၤ.

၃၆

ယွၤအခ့အပှၤစီၤဒၤဝံးအထါလၢတၢ်အခိၣ်အဂီၢ်.

¹ ပှၤတတီတလိၤအတၢ်ကမၣ် စံးလၢယသးကံၢ်ပူၤ, တၢ်ပျံၤယွၤ တအိၣ်ဘၣ်လၢအမဲာ်ညါဘၣ်. ² အဂ့ၢ် ဒ်အံၤ, လွဲကဒံလွဲကဒါလီၤအသးလၢအမဲာ်ဒၣ်ဝဲ, လၢ တၢ်တထံၣ်န့ၢ်ဒီး သးဟ့အတၢ်အၢအဂ့ၢ်န့ၣ်လီၤ. ³ အ ထးခိၣ်ကတိၤတၢ်န့ၣ်မ့ၢ်တၢ်အၢ, ဒီးလီတၢ်လီၤ. အိၣ် ဒီးတၢ်ကူၣ်သ့ဒီး မၤတၢ်ဂ့ၤန့ၣ်တုာ်ဝဲလီၤ. ⁴ ဆိကမိၣ် တၢ်အၢလၢအလီၢ်မံပူၤ, ပာ်ဆၢထၢၣ်အသးလၢကျဲတ ဂ့ၤဘၣ်အပူၤ, တသးဟ့ဘၣ်တၢ်အၢဘၣ်.

⁵ ယွၤဧၢ, နဘျုးနဖှိၣ်အိၣ်လၢမူခိၣ်, ဒီးနကလုၢ်တီန့ၣ် တုၤလၢမူကပိာ်လိၤန့ၣ်လီၤ. ⁶ နတၢ်တီတၢ်လိၤမၤသး ဒ်ကစၢ်အကစၢၢ်ကလိအသိးန့ၣ်, နစံၣ်ညီၣ်တၢ်တဖၣ် န့ၣ်မ့ၢ်တၢ်ယိာ်ပူၤဖးဒိၣ်လီၤ. ပှၤကညီဒီးဆၣ်ဖိကီၢ်ဖိ န့ၣ် နအံးက့ၤကွၢ်က့ၤအီၤလီၤ, ယွၤဧၢ. ⁷ နဘျုးနဖှိၣ် မ့ၢ်တၢ်လုၢ်ဒိၣ်ပှ့ၤဒိၣ်ဆံးဒိၣ်လဲၣ်, ကစၢ်ဧၢ. ဒီးပှၤက ညီဖိသန့ၤအသး လၢနဒံးဆ့အကဒုပူၤလီၤ. ⁸ ကဘျဲး အီၣ်လၢနဟံၣ်အသိအချါ, ဒီးနကဒုးအီအီၤလၢနတၢ် မုာ်လၤအထံကျိလီၤ.

⁹ အဂ့ၢ်ဒ်အံၤ, တၢ်မူအထံထီၣ် ပၢၢ်န့ၣ်အိၣ်ဒီးနၤလီၤ. လၢနတၢ်ကပီၤအကျါန့ၣ်ပက ထံၣ်ဘၣ်တၢ်ကပီၤလီၤ.

¹⁰ မၤယံာ်ထီၣ်နဘျုးနဖှိၣ်လၢ ပှၤလၢအသ့ၣ်ညါနၤအ ဂီၢ်, ဒီးနတၢ်တီတၢ်လိၤ လၢပှၤအသးလိၤအဂီၢ်န့ၣ်တ က့ၢ်. ¹¹ တၢ်သးထီၣ်ထီအခီၣ်န့ၣ် မ်အသုတထီဒါယၤ တဂ့ၤ, ဒီးပှၤတတီတလိၤအစုန့ၣ် မ်အသုတဟီထီၣ် ကွံာ်ယၤတဂ့ၤ. ¹² ဖဲန့ၣ်ပှၤမၤတၢ်အၢလီၤဃံၤလံ. ဘၣ် တၢ်တ့ၢ်လီၤကွံာ်အီၤ, ဒီးဂဲၤဆၢထၢၣ်တသ့ဘၣ်လီၤ.

၃၇

လၢစီၤဒၤဝံး.

¹ မၤကိၢ်ထီၣ်နသး လၢပှၤတၢ်အၢဖိအဃိတဂ့ၤ, သး က့ၣ်ပှၤမၤအၢမၤသီတၢ်တဂ့ၤ.

² အဂ့ၢ်ဒ်အံၤ, ကဘၣ်တၢ်ကူးကွံာ်ချ့သဒံး, ဒ်တီၢ်မုၢ် အသိး, ဒီးဒ်နီၣ်ဧိၤမံၤဧိၤအသံကစဲာ်အသိးန့ၣ် ကလီၤ ညွံးကွံာ်ဝဲလီၤ.

³ သတံၢ်သန့ၤနသးလၢယွၤ, ဒီးမၤဂ့ၤတၢ်တက့ၢ်. အိၣ် နဲဆိးနဲလၢ ထံဧိၤကီၢ်ဧိၤအပူၤ, ဒီးအံးက့ၤကွၢ်က့ၤတၢ် မ့ၢ်တၢ်တီတက့ၢ်.

⁴ မုာ်လၤစ့ၢ်ကီးတၢ်လၢယွၤအပူၤတက့ၢ်. ဒီးကဟ့ၣ် လီၤနၤလၢနသးအတၢ်ဃ့တဖၣ်လၢနသးလီၤ.

⁵ တလ့ၣ်နကျဲနကပူၤလၢယွၤအလိၤတက့ၢ်. သန့ၤစ့ၢ် ကီးနသးလၢအီၤတက့ၢ်. ဒီးကမၤကဲထီၣ်အီၤလီၤ.

⁶ ဒီးကဒုးဖျါထီၣ်နတၢ်တီတၢ်လိၤ ဒ်တၢ်ကပီၤအသိး, ဒီးနတၢ်စံၣ်ညီၣ်ဒ်မုၢ်ထူၣ်အသိးန့ၣ်လီၤ.

⁷ အိၣ်ဘှီၣ်ကလာ်လၢယွၤအပူၤ, ဒီးကွၢ်လၢ်အကျဲတ က့ၢ်. မၤကိၢ်ထီၣ်နသးလၢ ပှၤလၢအဘီၣ်ထီၣ်ညီထီၣ် လၢအကျဲအဃိ, လၢပှၤလၢအမၤပှဲၤထီၣ် တၢ်ကူၣ် ထီၣ်အအၢအဃိန့ၣ်တဂ့ၤ.

⁸ ဆိတ့ၢ်လၢတၢ်သးထီၣ်န့ၣ်, ဒီးလဲၤသဒၣ်တၢ်သးကဲၤ ထီၣ်န့ၣ်တက့ၢ်. မၤကိၢ်ထီၣ်နသးတုၤနမၤတၢ်အၢန့ၣ် တဂ့ၤ.

⁹ အဂ့ၢ်ဒ်အံၤ, ပှၤမၤအၢတၢ်တဖၣ်ကဘၣ်တၢ်ဒီၣ်တဲာ် ကွံာ်အီၤလီၤ. မ့မ့ၢ် ပှၤလၢအမုၢ်လၢ်တၢ်လၢယွၤန့ၣ် ကန့ၢ်ဘၣ်သါထံဧိၤကီၢ်ဧိၤလီၤ.

¹⁰ အိၣ်ဒံးတစိၢ်ဖိ, ဒီးပှၤတတီတလိၤတအိၣ်လၢၤဘၣ်. မ့ၢ်လံ, နကကွၢ်ဆိကမိၣ်အလီၢ်ထံထံဆးဆး, ဒီးတ အိၣ်လၢၤဘၣ်လီၤ.

¹¹ မ့မ့ၢ်ပှၤလၢအသးစူၤကန့ၢ်ဘၣ်သါထံဧိၤကီၢ်ဧိၤ, ဒီး ကမုာ်လၤတၢ်လၢ တၢ်ဃူတၢ်ဖိးအါအါကလဲာ်အပူၤ လီၤ.

¹² ပှၤတတီတလိၤကူၣ်ထီၣ်ထီဒါပှၤတီပှၤလိၤ, ဒီးအ့ၣ် သဃံးအမဲလၢအလိၤလီၤ.

¹³ ယွၤနံၤဘၣ်အီၤလီၤ. အဂ့ၢ်ဒ်အံၤ, ထံၣ်ဝဲလၢအမုၢ် တနံၤကဟဲလီၤ.

¹⁴ ပှၤတတီတလိၤဘီၣ်ထီၣ်အနး, ဒီးသူထီၣ်အချံၣ်, ဒ် သိးအကမၤလီၤဃံၤပှၤဘၣ်နးဘၣ်ဖှီၣ်, ဒီးပှၤဖှီၣ်ဖိယာ် ဖိ, ဒ်သိးအကမၤသံပှၤလၢအသးစၢၢ်ဆၢလၢကျဲန့ၣ်လီၤ.

¹⁵ အနးအဘီန့ၣ် ကလဲၤနုာ်လၢအသးဒၣ်ဝဲအပူၤ, ဒီး အချံၣ်န့ၣ်ကကၢ်ကွံာ်လီၤ.

¹⁶ တၢ်တစဲးဖိအိၣ်ဝဲဒီးပှၤတီပှၤလိၤန့ၣ် ဂ့ၤန့ၢ်ပှၤတတီ တလိၤအစုလီၢ်ဒိၣ်အခီၣ်ခိၣ်အါန့ၣ်တက့ၢ်လီၤ.

¹⁷ အဂ့ၢ်ဒ်အံၤ, ပှၤတတီတလိၤအစုကကၢ်ကွံာ်, မ့မ့ၢ် ပှၤတီပှၤလိၤန့ၣ်ယွၤမၤစၢၤအီၤလီၤ.

¹⁸ ယွၤသ့ၣ်ညါပှၤအလၢအပှဲၤအမုၢ်နံၤတဖၣ်, ဒီးအတၢ် န့ၢ်သါန့ၣ် ကအိၣ်လီၤထူလီၤယိာ်လီၤ.

¹⁹ လၢအဆၢအၢအကတီၢ်သီန့ၣ်အမဲာ်တဆှးဘၣ်, လၢ တၢ်သၣ်ဝံၤလီၤဒိအမုၢ်နံၤန့ၣ်ကဘျဲးအီၣ်လီၤ.

²⁰ အဂ့ၢ်ဒ်အံၤ, ပှၤတတီတလိၤကဟးဂီၤလီၤ. ဒီးယွၤ အဒုၣ်အဒါန့ၣ် ကမၤအသးဒ်သိဖိအသိးန့ၣ်, က ဒံကွံာ်ဝဲဒ်မ့ၣ်အူခုၣ်အသိးန့ၣ်လီၤ.

²¹ ပှၤတတီတလိၤန့ၣ်လိၢ်တၢ်, ဒီးတလိးက့ၤဘၣ်, မ့မ့ၢ် ပှၤတီပှၤလိၤန့ၣ်သးကညီၤတၢ်, ဒီးဒုးလိၢ်တၢ်လီၤ.

²² အဂ့ၢ်ဒ်အံၤ, ပှၤလၢအဘၣ်တၢ်ဆိၣ်ဂ့ၤလၢအီၤန့ၣ်က န့ၢ်ဘၣ်သါထံဧိၤကိၢ်ဧိၤန့ၣ်လီၤ. ဒီးပှၤလၢအဘၣ်တၢ် ဆိၣ်အၢလၢအီၤန့ၣ် ကဘၣ်တၢ်ဒီၣ်တဲာ်ကွံာ်အီၤလီၤ.

²³ ယွၤဒုးထွဲပှၤကညီအခီၣ်လီၤ. ဒီးမုာ်လၤဝဲလၢအကျဲ လီၤ.

²⁴ မ့ၢ်လီၤဃံၤဝဲဘၣ်ဆၣ်ဒီး တဟးဂီၤတုၤအလၢာ်ဘၣ်. အဂ့ၢ်ဒ်အံၤ, ယွၤမၤစၢၤအီၤလၢအစုလီၤ.

²⁵ ယမ့ၢ်တ့ၢ်ပှၤအသးစၢ်, ဒီးယကဲထီၣ်လံပှၤသးပှၢ် လံ, ဒီးပှၤတီပှၤလိၤဘၣ်တၢ်လဲၤသဒၣ်အီၤမ့ၢ်ဂ့ၤ, အချံ အသၣ်ဃ့အီၣ်တၢ်မ့ၢ်ဂ့ၤန့ၣ်ယတထံၣ်ဘၣ်.

²⁶ သးကညီၤဝဲသ့တနံၤကျၢၤ, ဒီးဒုးလိၢ်တၢ်, ဒီးအချံ အသၣ်န့ၣ် ကဘၣ်တၢ်ဆိၣ်ဂ့ၤအီၤလီၤ.

²⁷ ဟးသဒၣ်ကွံာ်တၢ်အၢ, ဒီးမၤတၢ်ဂ့ၤ, ဒီးအိၣ်လီၤ စိၤလီၤထီတက့ၢ်.

²⁸ အဂ့ၢ်ဒ်အံၤ, ယွၤအဲၣ်တၢ်စံၣ်ညီၣ်တီ, ဒီးတလဲၤသ ဒၣ်ဘၣ်အပှၤစီဆှံဘၣ်, အဝဲသ့ၣ်တဖၣ်န့ၣ် ဘၣ်တၢ် အံးက့ၤကွၢ်က့ၤအီၤလီၤထူလီၤယိာ်လီၤ. မ့မ့ၢ်ပှၤတတီ တလိၤ အချံအသၣ်န့ၣ် ကဘၣ်တၢ်ဒီၣ်တဲာ်ကွံာ်အီၤ လီၤ.

²⁹ ပှၤတီပှၤလိၤန့ၢ်ဘၣ်သါထံဧိၤကီၢ်ဧိၤ, ဒီးအိၣ်ဝဲဆိးဝဲ လီၤစိၤလီၤထီလီၤ.

³⁰ ပှၤတီပှၤလိၤအထးခိၣ်န့ၣ် ကတိၤတၢ်ကူၣ်သ့, ဒီး အပျ့ၤကတိၤတၢ်စံၣ်ညီၣ်တီလီၤ.

³¹ ယွၤအတၢ်သိၣ်တၢ်သီ အိၣ်ဝဲလၢအသးကံၢ်ပူၤ, ဒီး အခီၣ်န့ၣ်တလီၤတလံာ်ဘၣ်နီတစုဘၣ်.

³² ပှၤတတီတလိၤအိၣ်ခိးတဒၢပှၤတီပှၤလိၤ, ဒီးဃုမၤ သံအီၤလီၤ.

³³ ယွၤတလဲၤသဒၣ်ဘၣ်အီၤလၢအစုပူၤဘၣ်, ဒီးတုၤအ ဘၣ်တၢ်စံၣ်ညီၣ်အီၤဒီး, တစံၣ်ညီၣ်ဃၣ်ဘၣ်အီၤဘၣ်.

³⁴ မုၢ်လၢ်တၢ်လၢယွၤ, ဒီးတိၢ်န့ၢ်အကျဲတက့ၢ်. ဒီးက ပာ်ထီၣ်ထီနၤ, ဒ်သိးနကန့ၢ်ဘၣ်သါ ထံဧိၤကီၢ်ဧိၤန့ၣ် လီၤ. တုၤပှၤတတီတလိၤ ဘၣ်တၢ်ဒီၣ်တဲာ်ကွံာ်အီၤ န့ၣ် နကထံၣ်ဘၣ်လီၤ.

³⁵ ယထံၣ်ဘၣ် ပှၤတတီတလိၤ အိၣ်ဒီးအကညီၢ်ဒိၣ်, ဒီးမၤလဲၢ်ထီၣ်အသး ဒ်သ့ၣ်သံကစဲာ် လၢအအိၣ်လၢ အလီၢ်ဒၣ်ဝဲအပူၤအသိးန့ၣ်လီၤ.

³⁶ ဘၣ်ဆၣ်ဒီးဒံကွံာ်ဝဲ, ဒီးကွၢ်ကွၢ်, တအိၣ်လၢၤဘၣ်, ဒီးယဃုအီၤ, ဒီးယထံၣ်န့ၢ်အီၤတသ့ဘၣ်.

³⁷ တိၢ်နီၣ်ပှၤအလၢအပှဲၤ, ဒီးကွၢ်ထံပှၤအတီအလိၤန့ၣ် တက့ၢ်. အဂ့ၢ်ဒ်အံၤ, ပှၤတဂၤန့ၣ်အကတၢၢ် မ့ၢ်တၢ် ဃူတၢ်ဖိးလီၤ.

³⁸ မ့မ့ၢ်ပှၤမၤကမၣ်တၢ်တဖၣ်န့ၣ် ကတုၤလၢတၢ်ဟးဂီၤ တပူၤဃီလီၤ. ပှၤတတီတလိၤအကတၢၢ်န့ၣ် ကဘၣ် တၢ်ဒီၣ်တဲာ်ကွံာ်လီၤ.

³⁹ ဘၣ်ဆၣ်ဒီး ပှၤတီပှၤလိၤအတၢ်အုၣ်က့ၤခီၣ်က့ၤန့ၣ် ဟဲလၢယွၤအအိၣ်လီၤ. မ့ၢ်ဝဲလၢအတိာ်တဖျၢၣ် လၢ တၢ်မၤကိၢ်မၤဂီၤအဆၢအကတီၢ်န့ၣ်လီၤ.

⁴⁰ ဒီးယွၤမၤစၢၤအီၤ, ဒီးမၤပူၤမၤဖျဲးအီၤလီၤ. မၤပူၤမၤ ဖျဲးအီၤဒီးပှၤတတီတလိၤ, ဒီးအုၣ်က့ၤခီၣ်က့ၤအီၤလီၤ. အဂ့ၢ်ဒ်အံၤ, သန့ၤအသးလၢအီၤလီၤ.

၃၈

စီၤဒၤဝံးအထါလၢတၢ်သ့ၣ်နီၣ်ထီၣ်က့ၤအဂီၢ်.

¹ ယွၤဧၢ, သိၣ်ဃီၣ်ယၤလၢနသးထီၣ်တဂ့ၤ, ဒီးသိၣ် က့ၤသီက့ၤယၤ လၢနသးကဲၤထီၣ်တဂ့ၤ.

² အဂ့ၢ်ဒ်အံၤ, နပျၢ်တဖၣ်ဆဲးဘၣ်ယၤ, ဒီးနစုဟဲလီၤ ဘၣ်ယလိၤလီၤ. ³ တၢ်အဆးတအိၣ်ဘၣ်လၢယညၣ်အ ကျါလၢနသးထီၣ်အဃိ, တၢ်အမုာ်တအိၣ်ဘၣ်လၢယ ဃံအပူၤလၢယတၢ်ဒဲးဘးအဃိလီၤ. ⁴ အဂ့ၢ်ဒ်အံၤ, ယ တၢ်ကမၣ်လုၣ်ဘၢယခိၣ်, ဒ်တၢ်ဝံအဃၢအသိးန့ၣ်ဃၢ န့ၢ်ယတူၢ်ကဲတက့ၢ်လီၤ. ⁵ ယပူၤလီၢ်တဖၣ်နၢဝဲ, ဒီးအုၣ် သံလၢ ယတၢ်ကမၣ်အဃိလီၤ. ⁶ ယအိၣ်တကဲဘၣ်, ယအိၣ်သကူးနးမးလီၤ. ယလဲၤသူၣ်အုးသးအုးသ့သ့ တနံၤလီၤ. ⁷ အဂ့ၢ်ဒ်အံၤ, ယယီၢ်ဒ့ပှဲၤဒီးတၢ်ဆါကိၢ်အူ, ဒီးတၢ်အဆးတအိၣ်ဘၣ်လၢယညၣ်အကျါဘၣ်. ⁸ ယ ဂံၢ်စၢ်ယဘါစၢ်, ဒီးယဘၣ်တၢ်လီၤကလဲနးမးလီၤ. ယ ကိးပသူထီၣ်လၢယသူၣ်ကိၢ်ယသးဂီၤအဃိန့ၣ်လီၤ. ⁹ ကစၢ်ဧၢ, ကယဲၢ်အဆၢတၢ်ခဲလၢာ် အိၣ်ဝဲလၢနမဲာ် ညါ, ဒီးယကအုကစွါ တအိၣ်တဒၢဘၣ်ဒီးနၤဘၣ်. ဘၣ်. ¹⁰ ယသူၣ်ဝးယသးဝး, ယဂံၢ်ယဘါ လဲၤသဒၣ်ယၤလီၤ. ယမဲာ်အတၢ်ကပီၤ တအိၣ်လၢၤစ့ၢ်ကီးဒီး ယၤဘၣ်.

¹¹ ပှၤလၢအအဲၣ်ယၤ, ဒီးယတံၤယသကိးတဖၣ်န့ၣ် ဆၢ ထၢၣ်စီၤစုၤဒီးယပူၤလီၢ်, ဒီးယဘူးယတံၢ်တဖၣ်န့ၣ်ဆၢ ထၢၣ်လၢအယံၤလီၤ. ¹² ဒီးပှၤလၢအဃုယသးန့ၣ် ဆဲ ဝၣ်ခီ, ဒီးပှၤလၢအဃုယဘၣ်တၢ်အၢန့ၣ် ကတိၤတၢ် အၢ, ဒီးကူၣ်လီတၢ်သ့သ့တနံၤလီၤ.

¹³ ဒီးယဲဒၣ်အံၤ, ဒ်ပှၤလၢအနၢ်တအၢအသိးန့ၣ်ယတ နၢ်ဟူဘၣ်, ဒီးဒ်ပှၤတအုၣ်အသိးန့ၣ်ယတအဲးထီၣ်ဘၣ် ယထးခိၣ်ဘၣ်. ¹⁴ ဒီးယမၤသးဒ်ပှၤလၢအတနၢ်ဟူဘၣ်, ဒီးတၢ်ကတိၤဆၢ တအိၣ်ဘၣ်လၢ အထးခိၣ်ဘၣ်.―

¹⁵ အဂ့ၢ်ဒ်အံၤ, ယွၤဧၢ, ယမုၢ်လၢ်တၢ်လၢနၤလီၤ. နက စံးဆၢတၢ်, ကစၢ်, ယကစၢ်ဧၢ.

¹⁶ အဂ့ၢ်ဒ်အံၤ, ယစံး, ကသးခုဘၣ်ဖုးဝဲလၢယဖီခိၣ် လီၤ. တုၤယခီၣ်လီၤတလံာ်ဒီး, ပာ်ဒိၣ်အသးလၢယဖီ ခိၣ်လီၤ. ¹⁷ အဂ့ၢ်ဒ်အံၤ, ဘူးဒီးယကလီၤဃံၤ, ဒီးယတၢ် သးအုးန့ၣ်အိၣ်ဝဲလၢယမဲာ်ညါတထံၣ်ဃီလီၤ. ¹⁸ အဂ့ၢ် ဒ်အံၤ ယကတဲလီၤကျဲၤလီၤယတၢ်အၢ, ယကသးအုး လၢယတၢ်ဒဲးဘးအဃိလီၤ. ¹⁹ ဘၣ်ဆၣ်ဒီး ယဒုၣ်ယဒါ န့ၣ်ဂဲၤလိာ်ဝဲ, အဂံၢ်ဆူၣ်အဘါဆူၣ်, ဒီးပှၤလၢအလီၢ် တအိၣ်ဘၣ်ဒီး, သးဟ့ယၤန့ၣ်အိၣ်အါဂၤလီၤ. ²⁰ ဒီးပှၤ လၢအဟ့ၣ်ကၣ်တၢ်အၢလၢတၢ်ဂ့ၤအဂီၢ်န့ၣ် ထီဒါယၤ လၢယလူၤတၢ်ဂ့ၤအဃိလီၤ.

²¹ လဲၤသဒၣ်ယၤတဂ့ၤ, ယွၤ, ယကစၢ်ဧၢ. အိၣ်ယံၤဒီး ယၤတဂ့ၤ, ²² မၤချ့ချ့ဒ်သိးနကမၤစၢၤယၤတက့ၢ်, တၢ် အုၣ်က့ၤခီၣ်က့ၤယၤ, ကစၢ်ဧၢ.

၃၉

စီၤဒၤဝံးအထါလၢတၢ်အခိၣ်စီၤယဒူသူၣ်အဂီၢ်.

¹ ယစံး, ယကတိၢ်န့ၢ်ယကျဲ, ဒ်သိးယသုတမၤတၢ် ဒဲးဘးလၢယပျ့ၤတဂ့ၤ, ပှၤတတီတလိၤအိၣ်လၢယမဲာ် ညါအဖၢမုၢ်ဒီး, ယကကွၢ်က့ၤယထးခိၣ်လၢနိာ်ပျံၤလီၤ.

² ယအိၣ်ဘှီၣ်ကလာ်, ယအိၣ်တအုၣ်လီၤ. ယအိၣ်ဃိ ကလာ်လၢတၢ်အဂ့ၤဒၣ်လဲာ်လီၤ. ဒီးယတၢ်သးအုးန့ၣ် ဘၣ်တၢ်ထိၣ်ဂဲၤအီၤလီၤ. ³ ယသးကိၢ်ထီၣ် လၢယပူၤ လီၤ. လၢယဆိကမိၣ်တၢ်အဖၢမုၢ်န့ၣ် မ့ၣ်အူကဲၤထီၣ် လီၤ. ယကတိၤတၢ်လၢယပျုၤ, ⁴ ယွၤဧၢ, ဘိးဘၣ်သ့ၣ် ညါယၤလၢယကတၢၢ်, ဒီးယမုၢ်နံၤတဖၣ် အတၢ်ပှဲၤ အံၤပှဲၤနုၤမ့ၢ်အဆံးအါလဲၣ်န့ၣ်တက့ၢ်. ယသးကလၢာ် အကတီၢ်ဖဲလဲၣ်ဖဲလဲၣ်, တၢ်မိၣ်သ့ၣ်ညါယသးလီၤ.

⁵ ကွၢ်ကွၢ်, နပာ်ယမုၢ်နံၤတဖၣ်လၢဖံးတဖၣ်လီၤ. ဒီးတ စိၤဒၣ်ယၤန့ၣ် မၤအသးဒ်တၢ်နီတမံၤဘၣ်အသိး လၢ နမဲာ်ညါလီၤ. ပှၤကညီတဂၤလၢ်လၢ်ဖဲအအိၣ်ဂၢၢ်ဆိး ကျၢၤအခါန့ၣ် မ့ၢ်ထဲတၢ်ကလီကလီဧိၤလီၤ. ⁶ ပှၤကညီ လဲၤတၢ်ဒ်တၢ်ကဒုအသိး, မၤကိၢ်အသးလၢတၢ်ကလီ ကလီအဃိလီၤ. ပာ်ဖှိၣ်တၢ်, ဒီးမ့ၢ်မတၤမတၤကထၢ ဖှိၣ်ဝဲန့ၣ်တသ့ၣ်ညါဘၣ်ဝဲဘၣ်. စ့လၤ.

⁷ ဒီးခဲကနံၣ်အံၤ ယအိၣ်ခိးတၢ်မနုၤတမံၤလဲၣ်, ကစၢ် ဧၢ, ယမုၢ်လၢ်တၢ်လၢနၤလီၤ. ⁸ မၤပူၤမၤဖျဲးယၤလၢယ တၢ်ကမၣ်ခဲလၢာ်တက့ၢ်. ပာ်ယၤလၢတၢ်ဒုၣ်ဒွဲၣ်အလီၢ် လၢပှၤဟးဂီၤဖိအဂီၢ်န့ၣ်တဂ့ၤ. ⁹ ယအိၣ်ဘှီၣ်ကလာ်, ယတအဲးထီၣ်ဘၣ်ယထးခိၣ်ဘၣ်. အဂ့ၢ်ဒ်အံၤ, နမၤနဲ လီၤ. ¹⁰ ဒုးဟးထီၣ်ကွံာ်နတၢ်တီၢ်လၢယၤတက့ၢ်. ယ လၢာ်လၢနစုအတၢ်တီၢ်အဃိလီၤ. ¹¹ တုၤနသိၣ်ဃီၣ်ပှၤ ကညီလၢတၢ်သိၣ်ဃီၣ်တဖၣ် လၢအတၢ်အၢအတၢ်သီ အဃိဒီး, အတၢ်မုာ်လၤတဖၣ်န့ၣ် နမၤလၢာ်ကွံာ်ဒ်တၢ် အဃၢ်အသိးန့ၣ်လီၤ. ပှၤကညီတဂၤလၢ်လၢ်န့ၣ် မ့ၢ် ထဲတၢ်ကလီကလီဧိၤလီၤ. စ့လၤ.

¹² ကနၣ်ယဘါထုကဖၣ်တၢ်တက့ၢ်, ယွၤဧၢ, ဒိကနၣ်ယ ဃ့ကညးတၢ်တက့ၢ်. အိၣ်ဘှီၣ်လၢယမဲာ်ထံတဂ့ၤ. အ ဂ့ၢ်ဒ်အံၤ, ယမ့ၢ်ပှၤတခီဘီမုၢ်ဖိဒီးနၤ, ပှၤအိၣ်တမှံၤဒ်ယ ပၢ်ခဲလၢာ်အသိးန့ၣ်လီၤ. ¹³ ယတချုးက့ၤဒံးဘၣ်ဒီးတ အိၣ်လၢၤဘၣ်, ပျဲယၤ, ဒ်သိးယကဆူၣ်ထီၣ်က့ၤတက့ၢ်.

၄၀

စီၤဒၤဝံးအထါလၢတၢ်အခိၣ်အဂီၢ်.

¹ ယအိၣ်ခိးကွၢ်လၢ်ယွၤအကျဲလီၤ. ဒီးပာ်အသးဆူယ အိၣ်, ဒီးဒိကနၣ်ယဃ့ကညးတၢ်လီၤ. ² ဒီးထုးထီၣ် ကွံာ်ယၤလၢတၢ်သီၣ်ဧူၢ်ဧူၢ်အတၢ်ပူၤ, ဒီးလၢကပံာ်ပှဲာ် အကျါ, ဒီးပာ်ယခီၣ်လၢလၢၢ်ဧိၤလ့ဧိၤအဖီခိၣ်, ဒီးဒုး ထွဲ ယခီၣ်ဂၢၢ်ဂၢၢ်ကျၢၤကျၢၤလီၤ. ³ ဒီးပာ်တၢ်သးဝံၣ် အသီလၢယထးခိၣ်, တၢ်စံးထီၣ်ပတြၢၤ ပကစၢ်လီၤ. ပှၤအါဂၤကထံၣ်ဘၣ်ဝဲ, ဒီးကပျံၤတၢ်, ဒီးကသန့ၤအ သးလၢယွၤလီၤ. ⁴ ပှၤလၢအပာ်ယွၤ လၢအတၢ်သန့ၤအသးန့ၣ်, ဒီးတ ကွၢ်မဲာ် ပှၤပာ်အသးထီၣ်ထီ, ဒီးပှၤလၢအတဃၣ်အ သးဆူတၢ်ကဘျံးကဘျၣ်ဘၣ်န့ၣ်ဘၣ်ဆိၣ်ဂ့ၤဝဲလီၤ.

⁵ ယွၤကစၢ်ဧၢ, နမၤလီၤလးတၢ်, ဒီးနဆိကမိၣ်တၢ်လၢ ပဂီၢ်အါမံၤလီၤ. ဘၣ်တၢ်ကျဲၤလီၤအီၤလၢနမဲာ်ညါတ သ့ဘၣ်, ယမ့ၢ်ကိးထီၣ်ဒီးဒုးနဲၣ်အဂ့ၢ်ဒီး, အါန့ၢ်ပဂံၢ် သ့တက့ၢ်လီၤ.

⁶ တၢ်လုၢ်, ဒီးတၢ်မၤဘူၣ်န့ၣ်တဘၣ်ဘၣ်နသးဘၣ်. နအူလီၤပျံာ်ယနၢ်ပူၤလီၤ, တၢ်လုၢ်မ့ၣ်အူ, ဒီးတၢ်လုၢ် တၢ်ဒဲးဘးန့ၣ်နတဃ့ဘၣ်. ⁷ တုၤနုၤတစုယစံး, ကွၢ်ကွၢ်, ယဟဲလီၤ, လၢလံာ်တထူအပူၤန့ၣ်တၢ်ကွဲးအသးလၢ ယဂ့ၢ်ယကျိၤလီၤ. ⁸ ဘၣ်ယသးလၢ ယကမၤဖဲဒၣ်န သးလီၤ, ယကစၢ်ဧၢ, ဒီးနတၢ်သိၣ်တၢ်သီန့ၣ်အိၣ်ဝဲ လၢယသးကံၢ်ပူၤလီၤ.

⁹ ယစံၣ်တဲၤတဲလီၤတၢ်တီတၢ်လိၤလၢ တၢ်အိၣ်ဖှိၣ်ဖး ဒိၣ်အပူၤလီၤ. ကွၢ်ကွၢ်, ယတကျၢၢ်တံာ်ဘၣ်ယပျုၤဘၣ်, ယွၤဧၢ, နသ့ၣ်ညါနဲလီၤ. ¹⁰ ယတပာ်ခူသူၣ်ဘၣ်နတၢ် တီတၢ်လိၤလၢယသးကံၢ်ပူၤဘၣ်. နမၤတီနကလုၢ်, ဒီး အုၣ်က့ၤခီၣ်က့ၤတၢ်န့ၣ် ယစံၣ်တဲၤတဲလီၤလီၤ. ယတ ပာ်ခူသူၣ်ကွံာ်နဘျုးနဖှိၣ်ဒီး နတၢ်မ့ၢ်တၢ်တီလၢတၢ် အိၣ်ဖှိၣ်ဖးဒိၣ်န့ၣ်ဘၣ်.

¹¹ ယွၤဧၢ, မ်နသးအိၣ်ယၤတက့ၢ်. မ်နဘျုးနဖှိၣ်, ဒီး နတၢ်မ့ၢ်တၢ်တီန့ၣ်ပၢၤယၤတထံၣ်ဃီတက့ၢ်. ¹² အဂ့ၢ် ဒ်အံၤတၢ်အၢတၢ်သီတဖၣ် အိၣ်ဝးတရံးယၤ တုၤတၢ် ဂံၢ်အီၤတသ့ဘၣ်. ယတၢ်ဒဲးဘးလူၤချုးန့ၢ်ယၤ, ယ ထံၣ်တၢ်တသ့ဘၣ်. အါန့ၢ်ယခိၣ်သူအဘိတက့ၢ်လီၤ. ဒီးယသးလဲၤသဒၣ်ယၤလီၤ. ¹³ ယွၤဧၢ, မ်တၢ်ဘၣ်နသး လၢနကမၤပူၤမၤဖျဲးယၤတက့ၢ်. ယွၤဧၢ, မၤချ့ချ့လၢ နကမၤစၢၤယၤတက့ၢ်. ¹⁴ ပှၤလၢအဃုယသးဒ်သိးအက မၤဟးဂီၤအီၤန့ၣ် မ်အမဲာ်ဆှး, ဒီးဘၣ်တၢ်ပာ်မဲာ်ဆှး အီၤတပူၤဃီတက့ၢ်. ပှၤလၢအဘၣ်အသး လၢယဘၣ် တၢ်အၢန့ၣ်မ်အဂုၤက့ၤအခံ, ဒီးဘၣ်တၢ်ပာ်မဲာ်ဆှးအီၤ န့ၣ်တက့ၢ်. ¹⁵ ပှၤလၢအစံးဘၣ်ယၤ, အၣ်, အၣ်န့ၣ် မ် အအိၣ်သယုၢ် လၢအတၢ်မဲာ်ဆှးအဘူးအလဲအဂီၢ်န့ၣ် တက့ၢ်. ¹⁶ ပှၤလၢအဃုနၤခဲလၢာ်န့ၣ် မ်အသူၣ်ဖှံသး ညီသူၣ်ခုသးခုလၢနပူၤတက့ၢ်, ပှၤလၢအအဲၣ်ဒိးနတၢ် အုၣ်က့ၤခီၣ်က့ၤန့ၣ် မ်အစံးတထံၣ်ဃီ, မ်ယွၤဘၣ် တၢ်ပာ်ဒိၣ်အီၤန့ၣ်တက့ၢ်.

¹⁷ ဒီးယဲဒၣ်အံၤ ယမ့ၢ်ပှၤဘၣ်နးဘၣ်ဖှီၣ်, ဒီးပှၤဖှီၣ်ဖိ ယာ်ဖိလီၤ. ယွၤဆိကမိၣ်တၢ်လၢယဂ့ၢ်လီၤ. နမ့ၢ်ယ တၢ်မၤစၢၤ, ဒီးယတၢ်မၤပူၤမၤဖျဲးတၢ်လီၤ, ကစၢ်ဧၢ, သုးနံၤသုးသီတဂ့ၤ.

၄၁

စီၤဒၤဝံးအထါလၢတၢ်အခိၣ်အဂီၢ်.

¹ ပှၤလၢအမၤပှၤဖှီၣ်ဖိယာ်ဖိ ဒီးတၢ်ကူၣ်သ့န့ၣ် ဘၣ် ဆိၣ်ဂ့ၤဝဲလီၤ. လၢတၢ်အၢတၢ်သီအမုၢ်နံၤန့ၣ်ယွၤကမၤ ပူၤမၤဖျဲးအီၤလီၤ. ² ယွၤကအံးထီၣ်ကွၢ်လီၤအီၤ, ဒီးဒုးမူ ဒံးအီၤလီၤ. ကဘၣ်တၢ်ဆိၣ်ဂ့ၤအီၤလၢထံဧိၤကီၢ်ဧိၤအ ပူၤ, ဒီးမ်နသုတဟ့ၣ်လီၤကွံာ်အီၤဖဲ အဒုၣ်အဒါအသး န့ၣ်တဂ့ၤ. ³ ယွၤကမၤစၢၤအီၤလၢ တၢ်ဆူးတၢ်ဆါအ လီၢ်မံပူၤလီၤ. နကတဲာ်ကတီၤအလီၢ်မံလၢအဘၣ်တၢ် ဆါအဖၢမုၢ်လီၤ.

⁴ ယစံး, ယွၤဧၢ, သူၣ်ကညီၤသးကညီၤယၤ, ဒီးမၤဘျါ က့ၤယသးတက့ၢ်. အဂ့ၢ်ဒ်အံၤ, ယမၤကမၣ်ဘၣ်လံ နၤလံ. ⁵ ယဒုၣ်ယဒါန့ၣ် ကတိၤတၢ်အၢလၢယဂ့ၢ်ယ ကျိၤ, ကသံ, ဒီးအမံၤကဟါမၢ်ကွံာ်အကတီၢ်ဖဲလဲၣ် န့ၣ်လီၤ. ⁶ ဒီးမ့ၢ်ဟဲအိၣ်သကိးတၢ်ဒီး, ကတိၤလီတၢ် လၢအသးကံၢ်ပူၤလီၤ. ပာ်ဖှိၣ်တၢ်အၢ လၢအဂီၢ်ဒၣ်ဝဲ, ဟးထီၣ်ဝဲဆူခိ, ဒီး ကတိၤတၢ်လီၤ.

⁷ ကယဲၢ် ပှၤလၢအသးဟ့ယၤခဲလၢာ်န့ၣ် ကတိၤလိာ် အသးကသွံဒံထီဒါယၤလီၤ. ကူၣ်ထီၣ်တၢ်အၢလၢယ ဂီၢ်လီၤ. ⁸ စံးဝဲ, တၢ်အအၢစဲဘူးဒီးအီၤ, ဒီးလၢအမံလီၤ န့ၣ်တဂဲၤဆၢထၢၣ်လၢၤဘၣ်. ⁹ ယသိၣ်, လၢယသန့ၤ ယသးလၢအီၤ, လၢအအီၣ်ယကိၣ်စ့ၢ်ကီးတဂၤန့ၣ်ထူ ယၤလၢအခီၣ်နၢၣ်ခံလီၤ.

¹⁰ ဘၣ်ဆၣ်ဒီးနဲဒၣ်ယွၤဧၢ, သူၣ်ကညီၤသးကညီၤယၤ, ဝံၣ်ဆၢထၢၣ်ယၤလၢ ယကဟ့ၣ်ကၣ်အီၤအဂ့ၢ်န့ၣ်တ က့ၢ်. ¹¹ လၢတၢ်အံၤယသ့ၣ်ညါ လၢနသးအိၣ်ယၤလီၤ. အဂ့ၢ်ဒ်အံၤ, ယဒုၣ်ယဒါတသူၣ်ဖှံသးညီဘၣ်လၢယဖီ ခိၣ်ဘၣ်. ¹² ဒီးတၢ်လၢယၤအံၤနဒုးအိၣ်ဂၢၢ်ဆိးကျၢၤယၤ လၢယတၢ်လၢတၢ်ပှဲၤအပူၤ, ဒီးနပာ်လီၤယၤလၢနမဲာ် ညါလီၤထူလီၤယိာ်လီၤ.

¹³ မ်ယွၤအံၣ်စရ့လးအကစၢ်, ဘၣ်တၢ်စံးထီၣ်ပတြၢၤ အီၤအစိၤစိၤအဃၣ်ဃၣ်တက့ၢ်. အၤမ့ၣ်, ဒီးအၤမ့ၣ်.

၄၂

တၢ်အခိၣ်အဂီၢ်လၢစီၤကိးရးအဖိခွါအသိၣ်တၢ်.

¹ ဒ်တၤဟိဆၢန့ၢ်ထံကျိအသိးန့ၣ် ယသးဆၢန့ၢ်နၤဒ် န့ၣ်အသိး, ကစၢ်ဧၢ. ² တၢ်သူယသးလၢယွၤယကစၢ် လၢအမူဝဲတဂၤလီၤ. ယကလဲၤအိၣ်လၢယွၤအမဲာ်ညါ အကတီၢ်ဖဲလဲၣ်. ³ ယမဲာ်ထံမ့ၢ်ယတၢ်အီၣ်လၢမုၢ်ဆါ ဆဲးလၢမုၢ်နၤဖဲပှၤစံးဘၣ်ယၤတထံၣ်ဃီ, နကစၢ်အိၣ် ဖဲလဲၣ်န့ၣ်လီၤ. ⁴ ယသ့ၣ်နီၣ်ထီၣ်က့ၤ တၢ်တဖၣ်အံၤ, ဒီးလူလီၤယသးလၢယပူၤလီၤ. အဂ့ၢ်ဒ်အံၤ, ယလဲၤတ့ၢ် ဒီးပှၤဂီၢ်မုၢ်, ယလဲၤတ့ၢ်ဒီးအီၤဆူယွၤအဟံၣ်ဒီး တၢ် သူၣ်ဖှံသးညီအသီၣ်, ဒီးတၢ်စံးထီၣ်ပတြၢၤအိၣ်ဒီး ပှၤ ဂီၢ်မုၢ်လၢအမၤဘူၣ်တၢ်လီၤ.

⁵ ဘၣ်မနုၤလၢနသူၣ်ကၢ်နသးလီၤလဲၣ်, ယသးဧၢ. ဒီး နသူၣ်ကိၢ်သးဂီၤလၢယပူၤဘၣ်မနုၤလဲၣ်. ကွၢ်လၢ်ယွၤ အကျဲတက့ၢ်. အဂ့ၢ်ဒ်အံၤ, ယကစံးထီၣ်ပတြၢၤဒံးအီၤ လၢအမဲာ်အတၢ်မၤစၢၤအဃိန့ၣ်လီၤ.

⁶ ကစၢ်ဧၢ, ယသူၣ်ကၢ်ယသးလီၤလၢယပူၤလီၤ. မၤသး ဒ်န့ၣ်ဒီး ယကသ့ၣ်နီၣ်ထီၣ်က့ၤနၤလၢ ယၢ်ဒ့ၣ်အကီၢ် ပူၤ, ဒီးကစၢၢ်ဃ့ရမိၣ်အလိၤ, လၢကစၢၢ်မံစၢ်အလိၤလီၤ.

⁷ ထံယိာ်ပူၤကိးဝဲဆူထံယိာ်ပူၤ လၢနထံကျိတဖၣ်အ သီၣ်လီၤ. ကယဲၢ်နလပီဝါခိၣ်, ဒီးနလပီမုၢ်ဟဲကျၢၢ်ဘၢ ယၤလီၤ. ⁸ လၢမုၢ်ဆါခီန့ၣ်ယွၤမၤလိာ်အဘျုးအဖှိၣ်, ဒီး လၢမုၢ်နၤန့ၣ်အတၢ်သးဝံၣ်အိၣ်ဒီးယၤ, ယတၢ်ဘါထု ကဖၣ်ဆူယသးသမူအကစၢ်လီၤ. ⁹ ယကစံးကစၢ်, ယ လၢၢ်ယလ့ဧၢ, နသးပ့ၤနီၣ်ယၤဘၣ်မနုၤလဲၣ်. ယလဲၤ တၢ်ဒီး ယသူၣ်အုးသးအုးလၢ တၢ်အဒုၣ်အဒါအမၤအၢ တၢ်အဃိဘၣ်မနုၤလဲၣ်. ¹⁰ တုၤယဒုၣ်ယဒါစံးဘၣ်ယၤ ကိးမုၢ်နံၤမုၢ်နၤဒဲး, နကစၢ်အိၣ်ဖဲလဲၣ်န့ၣ်ဒီးဒုၣ်ဒွဲၣ်ယၤ ဒီးယမၤသး ဒ်တၢ်မၤသံတၢ်လၢ ယဃံကျါအသိးန့ၣ် လီၤ.

¹¹ ဘၣ်မနုၤလၢနသူၣ်ကၢ်သးလီၤလဲၣ်, ယသးဧၢ. ဒီးန သူၣ်ကိၢ်သးဂီၤ လၢယပူၤဘၣ်မနုၤလဲၣ်. ကွၢ်လၢ်ယွၤ အကျဲတက့ၢ်. အဂ့ၢ်ဒ်အံၤ, ယကစံးထီၣ်ပတြၢၤဒံး အီၤ, ယမဲာ်အတၢ်မၤစၢၤဒီးယကစၢ်လီၤ.

၄၃

¹ စံၣ်ညီၣ်ယၤ, ကစၢ်ဧၢ, ဒီးလိာ်ယကွီၢ်ဒီးပှၤတယူးတ ယီၣ်ဘၣ်ယွၤတကလုာ်န့ၣ်တက့ၢ်. မၤပူၤမၤဖျဲးယၤဒီး ပှၤလီတၢ်ဒီးပှၤအၢန့ၣ်တက့ၢ်. ² အဂ့ၢ်ဒ်အံၤ, နမ့ၢ်ယဂံၢ် ယဘါအကစၢ်လီၤ. ဘၣ်မနုၤလၢ နညိကွံာ်ယၤလဲၣ်. ယလဲၤတၢ်ဒီး သူၣ်အုးသးအုးလၢတၢ်အဒုၣ်အဒါအမၤ အၢတၢ်အဃိမ့ၢ်အဘၣ်မနုၤလဲၣ်. ³ မၢလီၤနတၢ်ကပီၤ, ဒီးနတၢ်မ့ၢ်တၢ်တီန့ၣ်တက့ၢ်, မ်အဆှၢယၤတက့ၢ်. မ် အဒုးလဲၤယၤဆူနကစၢၢ်စီဆှံ, ဒီးဆူနအိၣ်အလီၢ်န့ၣ် တက့ၢ်. ⁴ ဒီးယကလဲၤဆူယွၤအတၢ်လုၢ်လီၢ်, ဆူယွၤ လၢအမ့ၢ်ယတၢ်သးခုဒီး ယတၢ်သူၣ်ဖှံသးညီတဂၤအ အိၣ်, ဒီးစံးထီၣ်ပတြၢၤနၤလၢတနၢ်, ယွၤ, ယကစၢ်ဧၢ.

⁵ ဘၣ်မနုၤလၢ နသူၣ်ကၢ်နသးလီၤလဲၣ်. ယသးဧၢ, ဒီးနသူၣ်ကိၢ်သးဂီၤလၢယပူၤဘၣ်မနုၤလဲၣ်. ကွၢ်လၢ် ယွၤအကျဲတက့ၢ်. အဂ့ၢ်ဒ်အံၤ, ယကစံးထီၣ်ပတြၢၤဒံး အီၤ, တၢ်အုၣ်က့ၤခီၣ်က့ၤယမဲာ်, ဒီးယကစၢ်လီၤ.

၄၄

တၢ်အခိၣ်အဂီၢ်လၢစီၤကိးရးအဖိအသိၣ်တၢ်.

¹ ယွၤဧၢ, ပနၢ်ဟူလံလၢပနၢ်, ပပၢ်တဖၣ်စံၣ်တဲၤတဲ လီၤပှၤလၢတၢ်မၤလၢ နမၤလၢအဝဲသ့ၣ် အမုၢ်နံၤတဖၣ်

² န့ၣ်လၢပျၢၤလီၤ. နဟီထီၣ်ကွံာ်ပှၤကလုာ်တဖၣ်လၢနစု, ဒီးနသူၣ်လီၤဖျးလီၤအီၤ နမၤဟးဂီၤပှၤဂီၢ်မုၢ်ဒီးမၤပြံပြါ အီၤလီၤ. ³ အဂ့ၢ်ဒ်အံၤ, တမ့ၢ်ဘၣ်အမၤန့ၢ်ကီၢ်န့ၣ်လၢ အနးဒၣ်ဝဲဘၣ်, ဒီးတမ့ၢ်ဘၣ်အစုဒၣ်ဝဲ အုၣ်က့ၤခီၣ် က့ၤအီၤဘၣ်. မ့ၢ်နစုထွဲဒီးနစုဒုၣ်ဒၣ်နဲ, ဒီးနမဲာ်အတၢ် ကပီၤလီၤ. အဂ့ၢ်ဒ်အံၤ, ဘၣ်နသးလၢအီၤလီၤ.

⁴ နဲဒၣ်အံၤ, နမ့ၢ်ယစီၤပၤ, ယွၤဧၢ, မၤလိာ်တၢ်အုၣ် က့ၤခီၣ်က့ၤလၢစီၤယၤကိာ်အဂီၢ်တက့ၢ်. ⁵ ပကဆီၣ်လီၤ ပဒုၣ်ပဒါလၢနၤ, ပကယီၢ်တံၢ် ပှၤလၢအဂဲၤဆၢထၢၣ် ထီဒါပှၤလၢနမံၤလီၤ. ⁶ အဂ့ၢ်ဒ်အံၤ, ယတသန့ၤဘၣ် ယသးလၢယချံၣ်ဘၣ်, ဒီးယနးတအုၣ်က့ၤခီၣ်က့ၤယၤ ဘၣ်. ⁷ မ့မ့ၢ်နအုၣ်က့ၤခီၣ်က့ၤပှၤလၢ ပဒုၣ်ပဒါအပူၤ, ဒီးပှၤလၢအသးဟ့နၤန့ၣ် နဒုးမဲာ်ဆှးအီၤလီၤ. ⁸ ပပာ်က ဖၢလၢပသးသ့သ့တနံၤလၢယွၤအပူၤ, ဒီးကစံးထီၣ်ပ တြၢၤနမံၤလီၤထူလီၤယိာ်လီၤ. စ့လၤ.

⁹ မ့မ့ၢ်ခဲအံၤနညိကွံာ်ပှၤ, ဒီးဒုးမဲာ်ဆှးပှၤ, ဒီးနတလဲၤ ထီၣ်ဘၣ်ဒီးပသုးမုၢ်ဘၣ်. ¹⁰ နဒုးဃၣ်ကဒါက့ၤပှၤလၢပ ဒုၣ်ပဒါအမဲာ်ညါ, ဒီးပှၤလၢအသးဟ့ပှၤတဖၣ်န့ၣ် ဂုာ် န့ၢ်တၢ်လၢအဂီၢ်ဒၣ်ဝဲလီၤ. ¹¹ နပာ်ပှၤဒ်သိတဖၣ်လၢတၢ် အီၣ်အဂီၢ်အသိးန့ၣ်ဒီး နမၤလီၤပြံလီၤပြါပှၤလၢပှၤက လုာ်တဖၣ်အကျါလီၤ. ¹² နဆါကွံာ်နပှၤဂီၢ်မုၢ်လၢတၢ် လၢအတမ့ၢ်ဘၣ်တၢ်ဘၣ်အဂီၢ်, ဒီးနတၢ်တအါထီၣ် ဘၣ်လၢအပှ့ၤဘၣ်. ¹³ နပာ်ပှၤလၢတၢ်ဒုၣ်ဒွဲၣ်အလီၢ်လၢ ပှၤအိၣ်လၢပဃၢၤအဂီၢ်, တၢ်ကတိၤဒိအလီၢ်, ဒီးတၢ် နံၤဘၣ်ဖၣ်လဲအလီၢ်လၢ ပှၤလၢအအိၣ်ဝးတရံးပှၤအဂီၢ် လီၤ. ¹⁴ နပာ်ပှၤလၢတၢ်ကတိၤဒိလၢ ပှၤကလုာ်တဖၣ် အကျါ, တၢ်ကျၢၢ်ကျာ်အခိၣ်အလီၢ်လၢပှၤဂီၢ်မုၢ်အကျါ လီၤ. ¹⁵ ယတၢ်မဲာ်ဆှးအိၣ်ဝဲလၢယမဲာ်ညါကိးမုၢ်နံၤမုၢ် နၤဒဲး, ဒီးယမဲာ်ဆှးလုၣ်ဘၢယၤ, ¹⁶ လၢပှၤလၢအဒုၣ် ဒွဲၣ်တၢ်ဒီးပယွဲပရးတၢ်အကလုၢ်အဃိ, လၢတၢ်အဒုၣ် အဒါယဒီးပှၤမၤဆၢတၢ်အၢအဃိန့ၣ်လီၤ.

¹⁷ ကယဲၢ်တၢ်ခဲလၢာ်န့ၣ်ဘၣ်ပှၤ, ဒီးပတသးပ့ၤနီၣ်ဘၣ် နၤဘၣ်, ဒီးပတမၤနတၢ်အၢၣ်လီၤအီလီၤဒီးတၢ်လီတၢ် ဝ့ၤဘၣ်. ¹⁸ ပသးတဂုၤက့ၤအခံဘၣ်, ဒီးပထွဲတၢ်တလဲၤ ကပၤလၢနကျဲဘၣ်. ¹⁹ မ့ၢ်နာ်သက့ဒ်န့ၣ်ဒီး နမၤလီၤက လဲပှၤလၢထွံၣ်ဟီၣ်ခိၣ်အလီၢ်ပူၤ, ဒီးလုၣ်ဘၢပှၤဒီးတၢ် သံအကဒုလီၤ. ²⁰ ပမ့ၢ်သးပ့ၤနီၣ်ပကစၢ်အမံၤ, ဒီးယူာ် ထီၣ်ပစုဆူတခီဘီမုၢ်ဖိအကစၢ်ဒီး, ²¹ ကစၢ်ကဃုန့ၢ်အ ဝဲန့ၣ်တမ့ၢ်ဘၣ်ဧါ. အဂ့ၢ်ဒ်အံၤ, သ့ၣ်ညါဝဲလၢပသး အတၢ်ခူသူၣ်တဖၣ်န့ၣ်လီၤ. ²² အဂ့ၢ်ဒ်အံၤ, ပဘၣ်တၢ် မၤသံပှၤသ့သ့တနံၤလၢနဃိ, တၢ်ပာ်ပှၤ ဒ်သိလၢတၢ် ကမၤသံအီၤအသိးန့ၣ်လီၤ. ²³ ဖုသံနီၣ်တက့ၢ်, ဘၣ်မနုၤလၢနမံလဲၣ်, ယွၤဧၢ, ဂဲၤ ဆၢထၢၣ်တက့ၢ်, ညိကွံာ်ပှၤ လီၤထူလီၤယိာ်တဂ့ၤ.

²⁴ ဘၣ်မနုၤလၢ နပာ်တဒၢနမဲာ်, ဒီးသးပ့ၤနီၣ်ပတၢ်နး တၢ်ဖှီၣ်, ဒီးတၢ်မၤအၢပှၤန့ၣ်လဲၣ်. ²⁵ အဂ့ၢ်ဒ်အံၤ, ပသး သကူးဝဲတုၤလီၤလၢဟီၣ်ခိၣ်အကမူၣ်လီၤ. ပဟၢဖၢစဲ ဘူးဒီးဟီၣ်ခိၣ်လီၤ. ²⁶ ဂဲၤဆၢထၢၣ်မၤစၢၤပှၤ, ဒီးပှ့ၤက့ၤ ပှၤလၢနဘျုးနဖှိၣ်အဃိတက့ၢ်.

၄၅

တၢ်အဲၣ်အီၤအတၢ်သးဝံၣ်လၢတၢ်အခိၣ်အဂီၢ်, စီၤကိးရးအဖိခွါအသိၣ်တၢ်လၢဖီဒ့ၣ်ညါ.

¹ ယသးပၢၢ်ထီၣ် လၢတၢ်ဂ့ၤတမံၤ, ယကစံၣ်တဲၤတဲ လီၤ ယမၤတၢ်လၢစီၤပၤလီၤ. ယပျ့ၤမ့ၢ်ပှၤလၢအကွဲး လံာ်ချ့တဂၤအထိၣ်ဒံးလီၤ.

² နဃံန့ၢ်နလၤန့ၢ် ပှၤကညီဖိတက့ၢ်လီၤ. တၢ်ဃံတၢ် လၤလူလီၤအသး လၢနပျုၤအလိၤလီၤ. မၤသးဒ်န့ၣ်ဒီး ယွၤဆိၣ်ဂ့ၤနၤလီၤထူလီၤယိာ်လီၤ.

³ ကံၢ်တူာ်နနးလၢနကံၣ်ဒုၣ်အလိၤ, တၢ်ဒိၣ်တၢ်ဆူၣ် ဧၢ, အိၣ်ဒီးနလၤကပီၤဒီးနကဟုကညီၢ်တက့ၢ်. ⁴ ဒီး ဘီၣ်ထီၣ်ညီထီၣ်, ဒီးဒိးတၢ်ဒီးနကဟုကညီၢ် လၢတၢ် မ့ၢ်တၢ်တီ, ဒီးတၢ်သူၣ်စူၤသးစူၤ, ဒီးတၢ်တီတၢ်လိၤအ ဃိတက့ၢ်. ဒီးနစုထွဲကသိၣ်လိနၤလၢတၢ်မၤပျံၤတၢ်တ ဖၣ်န့ၣ်လီၤ. ⁵ နပျၢ်အကနၣ်အ့ၣ်တၢ်လၢ စီၤပၤအဒုၣ် အဒါအသးကံၢ်ပူၤ, ပှၤဂီၢ်မုၢ်လီၤဃံၤ လၢနဖီလာ်လီၤ.

⁶ နလီၢ်ပစိာ်, ယွၤဧၢ, အိၣ်ဝဲအစိၤစိၤအဃၣ်ဃၣ်လီၤ. နဘီမုၢ်အနီၣ်ထိးစီၤပၤန့ၣ် မ့ၢ်တၢ်တီတၢ်လိၤအနီၣ်ထိး လီၤ.

⁷ နအဲၣ်တၢ်တီ, ဒီးနသးဟ့တၢ်အၢလီၤ. မၤသးဒ်န့ၣ် ဒီး, ယွၤဧၢ, နကစၢ်ဖှူနၤဒီးတၢ်သးခုအသိလၢ နတံၤ နသကိးအဖီခိၣ်လီၤ. ⁸ မူရၣ်, ဒီးအကၠီၣ်, ဒီးကဒါနါ အဖံးန့ၣ်မ့ၢ်နကူနသိးခဲလၢာ်လၢနူၢ်ကဆီမဲအပူၤ ဖဲပှၤ ဒုးသူၣ်ခုသးခုနၤလီၤ. ⁹ စီၤပၤအဖိမုၣ်တဖၣ်အိၣ်ဝဲလၢ နပှၤလၤကပီၤဖိအကျါလီၤ. နီၢ်ပၤမုၣ်န့ၣ်ဆၢထၢၣ်လၢ နစုထွဲလၢ အိဖ့ၢ်အထူပူၤန့ၣ်လီၤ.

¹⁰ ဒိကနၣ်, ဖိမုၣ်ဧၢ, ဒီးကွၢ်, ဒီးဒိကနၣ်, ဒီးသးပ့ၤနီၣ်န ပှၤဂီၢ်မုၢ်, ဒီးနပၢ်အဟံၣ်တက့ၢ်. ¹¹ ဒီးစီၤပၤကဘၣ်အသး လၢနဃံနလၤလီၤ. အဂ့ၢ်ဒ်အံၤ, အဝဲဒၣ်န့ၣ်မ့ၢ်နကစၢ် လီၤ. ဒီးဘူၣ်ထီၣ်ဘါထီၣ်အီၤတက့ၢ်. ¹² ဒီးစိၢ်အဖိမုၣ် အိၣ်ဒီးအခိၣ်ဖး, ပှၤအထူးအတီၤလၢ ပှၤဂီၢ်မုၢ်အကျါ န့ၣ် ကဃ့ဘၣ်ဘျုးလၢနမဲာ်ညါလီၤ. ¹³ စီၤပၤအဖိမုၣ်န့ၣ် အိၣ်ဒီးတၢ်လၤကပီၤခဲလၢာ်လၢအ ပူၤလီၤ. အကူအသိးမၤအသးကျီၣ်ကျဲဒီးလုၣ်ထူလီၤ.―

¹⁴ တၢ်ဆှၢအီၤဆူ စီၤပၤအအိၣ်ဒီးအကူအသိးကံၣ်ဃ့လီၤ. ပှၤမုၣ်လိၣ်ဘိတဖၣ်, အတံၤအသကိးလၢ အပိာ်အခံ န့ၣ်တၢ်ကဒုးဟဲအီၤဆူနအိၣ်လီၤ. ¹⁵ တၢ်ကဆှၢအီၤလၢ တၢ်သူၣ်ခုသးခု, ဒီးလၢတၢ်သူၣ်ဖှံသးညီ ကဟဲနုာ်ဆူ စီၤပၤအနူၢ်ပူၤလီၤ.

¹⁶ လၢနပၢ်တဖၣ်အလီၢ်နဖိတဖၣ်ကအိၣ်ဝဲလၢနကပာ် လၢပဒိၣ်ဖးဒိၣ်တဖၣ်လၢဟီၣ်ခိၣ်ဒီဘ့ၣ်ညါအပူၤလီၤ.

¹⁷ ယကဒုးသ့ၣ်နီၣ်ထီၣ်က့ၤနမံၤလၢ ပှၤအစိၤအဃၣ်ခဲ လၢာ်လီၤ. မၤသးဒ်န့ၣ်ဒီး ပှၤဂီၢ်မုၢ်ကစံးထီၣ်ပတြၢၤ နၤအစိၤစိၤအဃၣ်ဃၣ်လီၤ.

၄၆

တၢ်အုၣ်တၢ်လၢတၢ်အခိၣ်အဂီၢ်, လၢစီၤကိးရးအဖိခွါဒ်ပမုၣ်ကနီၤအသိး.

¹ ယွၤမ့ၢ်ပတၢ်ပူၤဖျဲးအလီၢ်, ဒီးပဂံၢ်ပဘါလီၤ. လၢတၢ် မၤကိၢ်မၤဂီၤန့ၣ် ပှၤထံၣ်န့ၢ်အီၤလၢ တၢ်မၤစၢၤလီၤဆီ ဒၣ်တၢ်လီၤ. ² မၤသးဒ်န့ၣ်ဒီး ဟီၣ်ခိၣ်မ့ၢ်လဲလိာ်အလီၢ် ဘၣ်ဆၣ်, ကစၢၢ်ကလိမ့ၢ်ဘၣ်တၢ်စိာ်အီၤဆူပီၣ်လဲၣ် အသးကံၢ်ပူၤဘၣ်ဆၣ်, ³ အထံတဖၣ်မ့ၢ်သီၣ်ထီၣ်ရုၢ်ရုၢ် ဒီးသဘှဲထီၣ်ဘၣ်ဆၣ်, ကစၢၢ်ကလိဆှဲးဆှိးလၢအလ ပီဒိၣ်အဃိဘၣ်ဆၣ်ဒီး, ပတပျံၤဘၣ်တၢ်ဘၣ်. စ့လၤ.

⁴ ထံမိၢ်ပှၢ်အထံဖးဒ့တဖၣ်န့ၣ်ဒုးသးခုယွၤအဝ့ၢ်, တၢ် ထီၣ်ထီတဂၤအအိၣ်အဆိးအလီၢ်စီဆှံလီၤ. ⁵ ယွၤအိၣ် ဝဲလၢအသးကံၢ်ပူၤလီၤ. တဟူးတဝးဘၣ်. လၢမုၢ်ဆ့ၣ် ဝါထီၣ်န့ၣ်ယွၤကမၤစၢၤအီၤလီၤ. ⁶ ပှၤကလုာ်တဖၣ်အ သီၣ်ထီၣ်ရုၢ်ရုၢ်, ဘီမုၢ်တဖၣ်ဟူးဝးဝဲလီၤ. အဝဲဒၣ်ဒုး သီၣ်လီၤအကလုၢ်, ဒီးဟီၣ်ခိၣ်ပှံၢ်ဝဲလီၤ.

⁷ တၢ်သုးမုၢ်ဂီၢ်မုၢ်အယွၤအိၣ်ဒီးပှၤ, စီၤယၤကိာ်အက စၢ်မ့ၢ်ပတၢ်ပူၤဖျဲးအလီၢ်လီၤ. စ့လၤ.

⁸ ဟဲကွၢ်ယွၤအမၤတၢ်တဖၣ်, လၢအပာ်လီၤတၢ်အိၣ် သယုၢ်တဖၣ်လၢ ဟီၣ်ခိၣ်ချၢန့ၣ်တက့ၢ်. ⁹ ဒုးအိၣ်က တီၢ် တၢ်ဒုးတၢ်ယၤတဖၣ် တုၤလၢဟီၣ်ခိၣ်အကတၢၢ် လီၤ. မၤကၢ်ချံၣ်ဧိၤပျၢ်ဧိၤ, ဒီးဒီၣ်တဲာ်ကွံာ်ဘီဧိၤနးဧိၤ, ဒီးဆူးကွံာ်လ့ၣ်ကဟၣ်လၢမ့ၣ်အူလီၤ. ¹⁰ အိၣ်ဃိကလာ်, ဒီးသ့ၣ်ညါလၢယမ့ၢ်ယွၤတက့ၢ်. ယကအိၣ်ထီၣ်ထီလၢ ပှၤကလုာ်တဖၣ်အကျါ, ယကအိၣ်ထီၣ်ထီလၢဟီၣ်ခိၣ် ချၢလီၤ.

¹¹ တၢ်သုးမုၢ်ဂီၢ်မုၢ်အယွၤအိၣ်ဒီးပှၤ, စီၤယၤကိာ်အက စၢ်မ့ၢ်ပတၢ်ပူၤဖျဲးအလီၢ်လီၤ. စ့လၤ.

၄၇

ထါလၢတၢ်အခိၣ်အဂီၢ်လၢ စီၤကိးရးအဖိခွါ.

¹ ကယဲၢ်ပှၤဂီၢ်မုၢ်သ့ၣ်ဧၢ, ဒဲသုစု, ကိးပသူထီၣ်ဆူယွၤ လၢတၢ်သူၣ်ဖှံသးညီအသီၣ်န့ၣ်တက့ၢ်. ² အဂ့ၢ်ဒ်အံၤ, ယွၤတၢ်ထီၣ်ထီန့ၣ်မ့ၢ်တၢ်ပျံၤအလီၢ်လီၤ. မ့ၢ်စီၤပၤဖးဒိၣ် လၢဟီၣ်ခိၣ်ဒီဘ့ၣ်ညါအဖီခိၣ်လီၤ. ³ အဝဲဒၣ်ကပာ်ပှၤ ဂီၢ်မုၢ်လၢပဖီလာ်, ပှၤကလုာ်တဖၣ် လၢပခီၣ်ဖီလာ် လီၤ. ⁴ ဃုထၢဝဲလၢတၢ်န့ၢ်သါလၢပဂီၢ်, ယၤကိာ်လၢ အအဲၣ်အီၤအလၤအကပီၤလီၤ. စ့လၤ.

⁵ ယွၤလဲၤထီၣ် ဒီးတၢ်ကိးပသူထီၣ်, ယွၤန့ၣ်ဒီးကွဲၤအ သီၣ်လီၤ. ⁶ သးဝံၣ်ထီၣ်ယွၤ, သးဝံၣ်ထီၣ်, သးဝံၣ်ထီၣ် ပစီၤပၤ, သးဝံၣ်ထီၣ်တက့ၢ်. ⁷ အဂ့ၢ်ဒ်အံၤ, ဟီၣ်ခိၣ်ဒီ ဘ့ၣ်ညါအစီၤပၤမ့ၢ်ယွၤလီၤ. သးဝံၣ်ထီၣ်လၢတၢ်နူၤပၢၢ် နၢ်ပၢၤန့ၣ်တက့ၢ်. ⁸ ယွၤကဲစီၤပၤလၢပှၤကလုာ်တဖၣ် အဖီခိၣ်, ယွၤဆ့ၣ်နီၤလၢအလီၢ်ပစိာ်စီဆှံအဖီခိၣ်လီၤ.

⁹ ပှၤဂီၢ်မုၢ်အပဒိၣ်ဖးဒိၣ်အိၣ်ဖှိၣ်ရိဖှိၣ်, စီၤအၤဘြၤဟၣ်အ ကစၢ်အပှၤဂီၢ်မုၢ်န့ၣ်လီၤ. အဂ့ၢ်ဒ်အံၤ, ဟီၣ်ခိၣ်အကတီၤ တဖၣ်အိၣ်ဒီးယွၤလီၤ. အိၣ်ထီၣ်ထီဝဲဒိၣ်မးလီၤ.

၄၈

ထါ, တၢ်သးဝံၣ်လၢစီၤကိးရးအဖိခွါ.

¹ ယွၤန့ၣ်ဒိၣ်ဝဲ, ဒီးဂ့ၤဒိးတၢ်စံးထီၣ်ပတြၢၤအီၤအါအါ ကလဲာ်လၢပကစၢ်အဝ့ၢ်ပူၤ, လၢကစၢၢ်စီဆှံတဖျၢၣ်အ လိၤလီၤ. ² အလီၢ်ထီၣ်ထီမုာ်မး, ဟီၣ်ခိၣ်ဒီဘ့ၣ်အတၢ် သူၣ်ဖှံသးညီမ့ၢ်ကစၢၢ်စံယိၣ်လၢကလံၤစိးတခီ, စီၤပၤ ဖးဒိၣ်အဝ့ၢ်လီၤ. ³ ပှၤသ့ၣ်ညါယွၤလၢအနူၢ်တဖၣ်အပူၤ လၢအမ့ၢ်လ့တဖျၢၣ်လီၤ.

⁴ အဂ့ၢ်ဒ်အံၤ, ကွၢ်ကွၢ်, စီၤပၤတဖၣ်အိၣ်ဖှိၣ်ရိဖှိၣ်, လဲၤ ပူၤကွံာ်ဝဲတပူၤဃီလီၤ. ⁵ ထံၣ်ဘၣ်ဝဲဒီး, ကမၢကမၣ်ဝဲ, ပျံၤတၢ်ဖုးတၢ် ဒီးဃ့ၢ်ဝဲလီၤ. ⁶ တၢ်ကနိးကစုာ်ဖီၣ်ဃာ် အီၤဖဲန့ၣ်, တၢ်ဆိးကဲးဒ်ပိာ်မုၣ်အဟုးဆါအသိး န့ၣ် လီၤ. ⁷ နမၤဟးဂီၤတၢ်ၡံၣ်အကဘီတဖၣ် လၢကလံၤမုၢ် ထီၣ်လီၤ. ⁸ ဒ်ပနၢ်ဟူတၢ်အသိးန့ၣ်ပထံၣ်ဘၣ်တၢ်လၢ တၢ်သုးမုၢ်ဂီၢ်မုၢ်အယွၤအဝ့ၢ်ပူၤ, လၢပကစၢ် အဝ့ၢ်ပူၤ လီၤ. ယွၤဒုးအိၣ်ဂၢၢ်ဆိးကျၢၤအီၤလီၤစိၤလီၤထီလီၤ. စ့လၤ.

⁹ ယွၤဧၢ, ပသ့ၣ်နီၣ်ထီၣ်က့ၤနဘျုးနဖှိၣ်လၢနနူၢ်စီဆှံ အပူၤလီၤ. ¹⁰ ယွၤဧၢ, ဒ်နမံၤအသိးန့ၣ်, နတၢ်စံးထီၣ်ပ တြၢၤမ့ၢ်ဒ်န့ၣ်သိးပၢၢ်လၢဟီၣ်ခိၣ်အကတၢၢ်တဖၣ်လီၤ. နစုထွဲပှဲၤဝဲဒီးတၢ်တီတၢ်လိၤလီၤ. ¹¹ မ်ကစၢၢ်စံယိၣ်သူၣ် ခုသးခု, ယူဒၤအဖိမုၣ်တဖၣ် သူၣ်ဖှံသးညီ လၢနစံၣ် ညီၣ်တၢ်တဖၣ်အဃိန့ၣ်တက့ၢ်.

¹² ဟးတရံးစံယိၣ်, ဒီးလဲၤတရံးအီၤ, ဂံၢ်ထီၣ်အတၢး ထီတဖၣ်, တိၢ်နီၣ်အခိၣ်ဒူတဖၣ်, ဆိကမိၣ်အနူၢ်တ ဖၣ်, ဒ်သိးသုကစံးဘၣ် ပှၤတစိၤလၢသုလီၢ်ခံန့ၣ်တ က့ၢ်. ¹³ အဂ့ၢ်ဒ်အံၤ, ကစၢ်တဂၤအံၤမ့ၢ် ပကစၢ်အစိၤ စိၤအဃၣ်ဃၣ်လီၤ. အဝဲဒၣ်န့ၣ်ကဆှၢပှၤတုၤပသံလီၤ.

၄၉

ထါလၢတၢ်အခိၣ်အဂီၢ်လၢစီၤကိးရးအဖိခွါ.

¹ ကနၣ်တၢ်အံၤ, ပှၤဂီၢ်မုၢ်ခဲလၢာ်သ့ၣ်ဧၢ, ဒိကနၣ်, ကယဲၢ်ပှၤအိၣ်ဝဲလၢဟီၣ်ခိၣ်ချၢခဲလၢာ်သ့ၣ်သုဧၢ. ² ပှၤ အဆံးဂ့ၤ, ပှၤအဒိၣ်ဂ့ၤ, ပှၤအထူးအတီၤ, ဒီးပှၤအဖှီၣ် အယာ်တပူၤဃီန့ၣ်တက့ၢ်. ³ ယထးခိၣ်ကကတိၤ တၢ် ကူၣ်သ့, ဒီးတၢ်ဆိကမိၣ်လၢယသး ဘၣ်ဃးဒီးတၢ် သူၣ်ဆးသးဆးလီၤ. ⁴ ယကဒိးယနၢ်လၢတၢ်ကတိၤဒိ, ယကအိးထီၣ် ယတၢ်ကတိၤအဒိၣ်အယိာ် လၢတနၢ် န့ၣ်လီၤ.

⁵ လၢတၢ်အၢအမုၢ်နံၤတဖၣ်, လၢပှၤခိးခူသူၣ်ယၤတ ဖၣ်အတၢ်အၢအဃိန့ၣ်, ယပျံၤတၢ်ဘၣ်မနုၤလဲၣ်. ⁶ ပှၤ တဖၣ်န့ၣ်သန့ၤအသးလၢအစုလီၢ်အခီၣ်ခိၣ်, ဒီးပာ်က ဖိအသးလၢအတၢ်ထူးအါအတၢ်တီၤဒိၣ်အဃိန့ၣ်လီၤ.

⁷ ပှၤကညီပှ့ၤက့ၤအဒီပုၢ်ဝဲၢ်တသ့ဘၣ်လ့ၤတက့ၤဘၣ်. ဟ့ၣ်တၢ်မၤပူၤဖျဲးအီၤလၢယွၤတသ့ဘၣ်. ⁸ (အဂ့ၢ်ဒ်အံၤ, အသးအပှ့ၤ မ့ၢ်တၢ်လုၢ်ဒိၣ်ပှ့ၤဒိၣ်, ဒီးဆိတ့ၢ်ဝဲလီၤထူ လီၤယိာ်) ⁹ ဒ်သိးအကမူဝဲလီၤစိၤလီၤထီဒီးသုတထံၣ် ဘၣ်တၢ်အုၣ်သံတဂ့ၤန့ၣ်လီၤ. ¹⁰ အဂ့ၢ်ဒ်အံၤ, ထံၣ်ဘၣ်ဝဲ လၢပှၤကူၣ်သ့န့ၣ်သံဝဲ, ပှၤဟးဂီၤဖိဒီး ပှၤအသးခံးန့ၣ် ဟးဂီၤဝဲတပူၤဃီ, ဒီးလဲၤသဒၣ်အစုလီၢ်အခီၣ်ခိၣ်လၢ ပှၤဂၤအဂီၢ်လီၤ. ¹¹ ဆိကမိၣ်ဝဲလၢအဟံၣ်တဖၣ်ကအိၣ် လီၤထူလီၤယိာ်, အအိၣ်အလီၢ်တဖၣ်န့ၣ် အစိၤစိၤအ ဃၣ်ဃၣ်လီၤ. ကိးဝဲအဟီၣ်ခိၣ်ဒ်သိးဒီးအမံၤဒၣ်ဝဲန့ၣ် လီၤ. ¹² ဘၣ်ဆၣ်ဒီးပှၤကညီန့ၣ် တအိၣ်တဆိးဘၣ်လၢ တၢ်လၤကပီၤအပူၤဘၣ်. မၤသးဒ်ဆၣ်ဖိကီၢ်ဖိ လၢအ ဟးဂီၤအသိးန့ၣ်လီၤ.

¹³ အဝဲအံၤမ့ၢ်ပှၤဟးဂီၤဖိအကျဲ, ဘၣ်ဆၣ်ဒီးလၢအလီၢ် ခံန့ၣ်ပှၤဘၣ်အသးလၢအတၢ်ကတိၤန့ၣ်လီၤ. စ့လၤ.

¹⁴ တၢ်ပာ်အီၤလၢပျုၤပူၤဒ်သိအသိးန့ၣ်, တၢ်သံကကွၢ် အီၤ, ဒီးလၢမုၢ်ဆ့ၣ်ထီၣ်န့ၣ် ပှၤတီပှၤလိၤကပၢအီၤလီၤ. အဃံအလၤကမ့ၢ် လၢပျုၤပူၤကမၤလၢာ်ကွံာ်အီၤတုၤအ အိၣ်အလီၢ်တအိၣ်ဘၣ်အဂီၢ်လီၤ. ¹⁵ မ့မ့ၢ်ယွၤကပှ့ၤက့ၤ ယသးလၢပျုၤပူၤအစုပူၤလီၤ. အဂ့ၢ်ဒ်အံၤ, ကတူၢ်လိာ် ယၤလီၤ. စ့လၤ.

¹⁶ တုၤပှၤတဂၤထူးထီၣ်တီၤထီၣ်, ဒီးအဟံၣ်အလၤက ပီၤအါထီၣ်ဒီး, ပျံၤတၢ်တဂ့ၤ. ¹⁷ အဂ့ၢ်ဒ်အံၤ, တုၤအသံ ဒီး, တဟံးန့ၢ်ဘၣ်တၢ်နီတမံၤဘၣ်. အလၤကပီၤတလဲၤ လီၤပိာ်အခံဘၣ်. ¹⁸ အဂ့ၢ်ဒ်အံၤ, လၢအသးမူဒံးအဖၢမုၢ် န့ၣ်ဆိၣ်ဂ့ၤလီၤအသးလီၤ. ဒီးနမ့ၢ်မၤတၢ်ဂ့ၤလၢနဂီၢ်ဒၣ် နဲဒီး, ပှၤကစံးထီၣ်ပတြၢၤနၤလီၤ. ¹⁹ ကလဲၤလီၤဝဲဆူအ ပၢ်တဖၣ်အပှၤတစိၤလီၤ, စိၤရီၤတထံၣ်လၢၤဘၣ်တၢ်က ပီၤဘၣ်.

²⁰ ပှၤကညီ အိၣ်ဒီးအလၤကပီၤ လၢအသူၣ်ဆးအသး ဆးတအိၣ်ဘၣ်န့ၣ် မၤသးဒ်ဆၣ်ဖိကီၢ်ဖိလၢအဟးဂီၤ အသိးန့ၣ်လီၤ.

၅၀

စီၤအၤစာ်အထါ.

¹ ကစၢ်တဖၣ်အကစၢ်, ယွၤကတိၤတၢ်, ဒီးကိးပှၤဟီၣ် ခိၣ်ဖိလၢမုၢ်ထီၣ်ပၢၢ်လၢမုၢ်နုာ်လီၤ. ² လၢစံယိၣ်တၢ်ဃံ တုာ်လၤတုာ်အပူၤန့ၣ်ယွၤကပီၤထီၣ်ဝဲလီၤ. ³ ပကစၢ်က ဟဲ, ဒီးတအိၣ်ဘှီၣ်ဘၣ်. မ့ၣ်အူအီၣ်တၢ်လၢအမဲာ်ညါ, ဒီးကလံၤမုၢ်တွၤဟဲဝးတရံးအီၤဆူၣ်ဆူၣ်ကလဲာ်လီၤ.―

⁴ ကကိးဝဲဆူမူခိၣ်လၢထးခီ, ဒီးလၢဟီၣ်ခိၣ်န့ၣ်လၢအ ကစံၣ်ညီၣ်န့ၢ်အပှၤဂီၢ်မုၢ်အကွီၢ်လီၤ. ⁵ ဒုးအိၣ်ဖှိၣ်ရိဖှိၣ် ယပှၤစီဆှံ လၢအအၢၣ်လီၤအီလီၤတၢ်ဒီးယၤ လၢတၢ် လုၢ်တဖၣ်န့ၣ်ဆူယအိၣ်တက့ၢ်. ⁶ ဒီးမူခိၣ်ကဒုးနဲၣ်အ တၢ်တီတၢ်လိၤလီၤ. အဂ့ၢ်ဒ်အံၤ, ယွၤအကစၢ်ဒၣ်ဝဲန့ၣ် မ့ၢ်ပှၤစံၣ်ညီၣ်ကွီၢ်တဂၤလီၤ. စ့လၤ.

⁷ ဒိကနၣ်, ယပှၤဂီၢ်မုၢ်သ့ၣ်ဧၢ, ဒီးယကကတိၤတၢ်, အံၣ်စရ့လးဧၢ, ဒီးယကအုၣ်ယသးလၢနဂ့ၢ်နကျိၤလီၤ. ယဲဒၣ်အံၤယမ့ၢ်ကစၢ်, နကစၢ်လီၤ.

⁸ ယတသိၣ်ဃီၣ်ဘၣ်နၤလၢ နတၢ်လုၢ် အဂ့ၢ်အကျိၤ ဘၣ်. ဒီးနတၢ်လုၢ်မ့ၣ်အူအိၣ်ဝဲလၢယမဲာ်ညါတထံၣ် ဃီလီၤ. ⁹ ယတဟံးန့ၢ်ဘၣ်ဂီၤဖံးဖါလၢနဟံၣ်ပူၤ, မဲာ် တဲးလဲးဖါလၢနကရၢပူၤဘၣ်. ¹⁰ အဂ့ၢ်ဒ်အံၤ, ဆၣ်ဖိကီၢ်ဖိ အမံၤလၢပှၢ်လၢ်ကျါန့ၣ်မ့ၢ်ယတၢ်ကိးအဒုဒဲး, ဒီးဆၣ်ဖိ ကီၢ်ဖိအဒၢလၢကစၢၢ်တဖၣ်အလိၤ ဖဲအအိၣ်အကထိ ကထိန့ၣ်လီၤ. ¹¹ ယသ့ၣ်ညါထိၣ်ဧိၤလံၣ်ဧိၤလၢကစၢၢ် ကလိခဲလၢာ်, ဒီးတၢ်ဒူတၢ်ဃိၤလၢပျီပူၤန့ၣ်မ့ၢ်ယတၢ် လီၤ. ¹² တၢ်မ့ၢ်သၣ်ဝံၤယသးဒီး, ယတစံးဘၣ်နၤဘၣ်. အဂ့ၢ်ဒ်အံၤ, ဟီၣ်ခိၣ်, ဒီးအတၢ်ပှဲၤန့ၣ်မ့ၢ်ယတၢ်လီၤ.―

¹³ ယကအီၣ်ဂီၤဖံးအညၣ်, ဒီးယကအီမဲာ်တဲးလဲးအသွံၣ် စ့ၢ်ကီးဧါ.

¹⁴ မၤဘူၣ်ယွၤလၢတၢ်စံးထီၣ်ပတြၢၤ, ဒီးမၤဘူၣ်တၢ်ထီ ကတၢၢ်တဂၤ လၢတၢ်ဘၣ်ဃးဒီးနဆိၣ်တၢ် ဒ်န့ၣ်တ က့ၢ်. ¹⁵ ဒီးလၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤ တက့ၢ်, ဒီးယကမၤပူၤမၤဖျဲးနၤ, ဒီးနကမၤလၤမၤက ပီၤယၤလီၤ.

¹⁶ မ့မ့ၢ်ပှၤတတီတလိၤန့ၣ် ယွၤစံးဘၣ်အီၤ, နစံၣ်တဲၤ တဲလီၤယတၢ်မၤလိာ်ဒီးစိာ်ထီၣ်ယတၢ်အၢၣ်လီၤအီလီၤ လၢနထးခိၣ်န့ၣ်ဘၣ်ဃးဒီးနလိၤဒ်လဲၣ်. ¹⁷ မ့ၢ်နသးဟ့ တၢ်သိၣ်တၢ်သီဒီးနကွံာ်တ့ၢ်ကွံာ် ယကလုၢ်ကထါလၢ နလီၢ်ခံန့ၣ်လီၤ. ¹⁸ နမ့ၢ်ထံၣ်ဘၣ်ပှၤဟုၣ်တၢ်ဒီး, ဘၣ်န သးလၢအီၤလီၤ. ဒီးနဂီၢ်အိၣ်ဒီး ပှၤအဲၣ်ဘၢတၢ်တဖၣ် လီၤ. ¹⁹ နဟ့ၣ်နထးခိၣ်ဆူတၢ်အၢ, ဒီးနပျ့ၤတ့လီၤတၢ် လီၤ. ²⁰ နဆ့ၣ်နီၤကတိၤတၢ်ထီဒါနဒီပုၢ်ဝဲၢ်, နဒုၣ်ဒွဲၣ် နမိၢ်အဖိခွါလီၤ. ²¹ တၢ်န့ၣ်တဖၣ်နမၤတၢ်, ဒီးယအိၣ်ဃိ ကလာ်လီၤ. နဆိကမိၣ်လၢယဒ်သိးဒီး နကစၢ်ဒၣ်နဲ လီၤ. ယကသိၣ်ဃီၣ်နၤ, ယကပာ်ဖျါထီၣ်တၢ်လၢနမဲာ် ညါလီၤ.

²² ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ယွၤသ့ၣ် ဧၢ, ယကအ့ၣ်ဖှီဘၣ်ဖုးသု, ဒီးပှၤမၤပူၤမၤဖျဲးတၢ်တ အိၣ်ဘၣ်. ²³ ပှၤလၢအမၤဘူၣ်တၢ်စံးထီၣ်ပတြၢၤန့ၣ်မၤ လၤကပီၤယၤလီၤ, ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢယွၤအတၢ်အုၣ်က့ၤခီၣ်က့ၤလီၤ.

၅၁

လၢစီၤဒၤဝံးလဲၤနုာ် လၢနီၢ်ဘၤသရှ့ဘၤအအိၣ်အလီၢ်ခံဖဲဝံနၤသၣ်ဟဲဆူအအိၣ်န့ၣ်, စီၤဒၤဝံးအထါ လၢတၢ် အခိၣ်အဂီၢ်.

¹ ယွၤဧၢ, သူၣ်ကညီၤသးကညီၤယၤ ဒ်နဘျုးနဖှိၣ်အ သိးန့ၣ်တက့ၢ်. ဒ်နသးအိၣ်တၢ်အါအါကလဲာ်အသိး န့ၣ်မၤပူၤမၤဖျဲးယတၢ်ကမၣ်တက့ၢ်. ² သ့စီယၤလၢယ တၢ်အၢန့ၣ်စီစီတက့ၢ်, ဒီးမၤကဆှီထီၣ်ယၤလၢယတၢ် ဒဲးဘးန့ၣ်တက့ၢ်. ³ အဂ့ၢ်ဒ်အံၤ, ယသ့ၣ်ညါယတၢ်က မၣ်, ဒီးယတၢ်ဒဲးဘးအိၣ်လၢယမဲာ်ညါတထံၣ်ဃီလီၤ. ⁴ ယမၤကမၣ်ဘၣ်လံနၤထဲနၤလံ, ဒီးမၤတၢ်အၢလၢန မဲာ်ညါလံ. မၤသးဒ်န့ၣ်ဒီးနမ့ၢ်တၢ်တီတၢ်လိၤလၢနက တိၤတၢ်န့ၣ်, နမ့ၢ်တၢ်ကဆှီလၢနတၢ်စံၣ်ညီၣ်န့ၣ်လီၤ.

⁵ ကွၢ်ကွၢ်, ယအိၣ်ဖျဲၣ်လၢတၢ်အၢတၢ်သီအပူၤ, ဒီးယမိၢ် ဒၢထီၣ်ယၤလၢတၢ်ဒဲးဘးအပူၤလီၤ. ⁶ ကွၢ်ကွၢ်, ဘၣ်န သးလၢတၢ်မ့ၢ်တၢ်တီလၢညါတခီ, ဒီးလၢတၢ်အိၣ်တ ဒၢအပူၤန့ၣ် နကဘိးဘၣ်သ့ၣ်ညါယၤလၢတၢ်ကူၣ်သ့ လီၤ.

⁷ မၤကဆှီယၤလၢကဖျီၣ်အ့စိးတက့ၢ်, ဒီးယကကဆှီ ထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီတ က့ၢ်လီၤ. ⁸ ဒုးနၢ်ဟူယၤလၢတၢ်သူၣ်ဖှံသးညီ, ဒီးတၢ် သူၣ်ခုသးခု, ဒုးသူၣ်ဖှံသးညီတၢ်ဃံတၢ်ကွဲလၢနမၤကၢ် အီၤန့ၣ်တက့ၢ်. ⁹ ပာ်တဒၢနမဲာ်လၢယတၢ်ဒဲးဘး, ဒီး တြူာ်ကွံာ် ယတၢ်အၢတၢ်သီခဲလၢာ်န့ၣ်တက့ၢ်. ¹⁰ ယွၤ ဧၢ, မၤက့ၤယသူၣ်ကဆှဲ ယသးကဆှီတက့ၢ်. ဒီးမၤ က့ၤယသူၣ်ဂၢၢ်ယသးကျၢၤ လၢယပူၤတက့ၢ်. ¹¹ သုတ ညိကွံာ်ယၤလၢနအိၣ်တဂ့ၤ. သုတဟံးထီၣ်ကွံာ်နသး စီဆှံလၢယၤတဂ့ၤ. ¹² ဒုးအိၣ်ထီၣ်က့ၤန့ၢ်ယၤလၢတၢ်သး ခုဘၣ်ဃးဒီး နတၢ်အုၣ်က့ၤခီၣ်က့ၤ, ဒီးမၤစၢၤယၤလၢ သးလၢအမၤဒၣ်တၢ်တက့ၢ်. ¹³ ယကဒုးနဲၣ်ပှၤမၤကမၣ် တၢ်ဖိလၢနကျဲဧိၤကပူၤဧိၤဒီး ပှၤတၢ်ဒဲးဘးဖိကဃၣ်လိၤ အသးဆူနအိၣ်လီၤ.

¹⁴ မၤပူၤမၤဖျဲးယၤဒီးတၢ်သွံၣ်န့ၣ်တက့ၢ်, ယွၤ, တၢ်အုၣ် က့ၤခီၣ်က့ၤယၤအကစၢ်ဧၢ. ယပျ့ၤကအုၣ်တၢ်လၢနတၢ် တီတၢ်လိၤအဂ့ၢ်, ဒီးသူၣ်ခုသးခုလီၤ.

¹⁵ ယွၤဧၢ, ဒုးအဲးထီၣ်ယပျုၤန့ၣ်တက့ၢ်. ဒီးယထးခိၣ် ကစံးထီၣ်ပတြၢၤနၤလီၤ. ¹⁶ အဂ့ၢ်ဒ်အံၤ, တဘၣ်ဘၣ်န သးလၢတၢ်လုၢ်ဘၣ်. မ့တမ့ၢ်ဘၣ်ဒ်န့ၣ်ဒီး ယကဟ့ၣ် နၤလီၤ. တၢ်လုၢ်မ့ၣ်အူန့ၣ်တဘၣ်ဘၣ်နသးဘၣ်. ¹⁷ ယွၤ အတၢ်လုၢ်န့ၣ်မ့ၢ်တၢ်သူၣ်ကၢ်သးလီၤလီၤ. တၢ်သူၣ်ကၢ် သးလီၤဒီးတၢ်ပီၢ်ယၢ်လီၤက့ၤပသးန့ၣ်, ယွၤဧၢ, နတမၤ ဘၣ်အီၤတရီတပါဘၣ်.

¹⁸ မၤဂ့ၤစံယိၣ်ဖဲအဘၣ်နသး, မၤက့ၤယရူၤၡလ့ၣ်အဝ့ၢ် ခိၣ်ဒူတက့ၢ် ¹⁹ တုၤနုၤတဘျီကဘၣ်နသးလၢ တၢ်တီ တၢ်လိၤအတၢ်လုၢ်တဖၣ်, လၢတၢ်လုၢ်မ့ၣ်အူ, ဒီးတၢ် လုၢ်မ့ၣ်အူဒီဒုလီၤ. တုၤနုၤတစု ပှၤကလုၢ်ထီၣ်ဂီၤဖံးတ ဖၣ်လၢနတၢ်လုၢ်လီၢ်အဖီခိၣ်လီၤ.

၅၂

လၢတၢ်အခိၣ်အဂီၢ်, စီၤဒၤဝံးအသိၣ်တၢ်, တုၤပှၤအ ဒိၣ်ဖိစီၤဒိအ့းလဲၤစံးဘၣ်စီၤစီလူး, ဒီးစံးဘၣ်အီၤ, စီၤ ဒၤဝံးဟဲတုၤလၢ စီၤအဃံၤမ့လ့းအဟံၣ်န့ၣ်လီၤ.

¹ ဘၣ်မနုၤလၢနပာ်ကဖိနသးလၢ တၢ်အၢအဃိန့ၣ် လဲၣ်. ပှၤအဆူၣ်တဂၤဧၢ. ယွၤအဘျုးအဖှိၣ်အိၣ်ဝဲ တထံၣ်ဃီလီၤ. ² နပျ့ၤကူၣ်ထီၣ်တၢ်မၤအၢ, ဒ်ဒီလူၤ တၢ်လၢအကနၣ်အ့ၣ်ဝဲအသိးန့ၣ် နမၤလီတၢ်လီၤ.

³ နအဲၣ်တၢ်အၢဒိၣ်န့ၢ်တၢ်ဂ့ၤတက့ၢ်, ဒီးတၢ်ကတိၤ ကဘျံးကဘျၣ်အါန့ၢ်တၢ်ကတိၤအတီတက့ၢ်လီၤ. နအဲၣ်တၢ်ကတိၤအီၣ်ဂီၤတၢ်, ပျ့ၤလီတၢ်ဧၢ, ⁴ ယွၤ ကမၤဟးဂီၤစ့ၢ်ကီးနၤလီၤထူလီၤယိာ်လီၤ. ကဖီၣ်န့ၢ် နၤ, ဒီးထုးထီၣ်ကွံာ်နၤလၢဒဲပူၤ, ဒီးထဲးထီၣ်ကွံာ်နၤ လၢတၢ်မူအကီၢ်န့ၣ်လီၤ. စ့လၤ.

⁶ ဒီးပှၤအတီအလိၤကထံၣ်ဘၣ်ဝဲ, ဒီးပျံၤတၢ်, ဒီးနံၤ ဘၣ်အီၤလီၤ. ⁷ ကွၢ်ကွၢ်, ပှၤတဂၤလၢအတပာ်ဘၣ် ယွၤလၢအဂံၢ်အဘါဘၣ်, ဒီးသန့ၤအသးလၢ အထူး အတီၤအါ, ဒီးမၤဆူၣ်အသးလၢအတၢ်အၢန့ၣ်တက့ၢ်.

⁸ ဒီးယဲဒၣ်အံၤ, ယမၤသးဒ်သ့ၣ်စၤယံးသံကစဲာ်တထံး လၢယွၤအဟံၣ်ပူၤအသိးန့ၣ်လီၤ. ယသန့ၤယသးလၢ ယွၤအဘျုးအဖှိၣ်လီၤထူလီၤယိာ်လီၤ. ယကစံးထီၣ်ပတြၢၤနၤလီၤစိၤလီၤထီလီၤ. ⁹ အဂ့ၢ်ဒ် အံၤ, နမၤနဲဒၣ်လီၤ. ဒီးယကမုၢ်လၢ်တၢ်လၢနမံၤလီၤ. အဂ့ၢ်ဒ်အံၤ, ဂ့ၤဝဲလၢနပှၤစီဆှံအမဲာ်ညါလီၤ.

၅၃

စီၤဒၤဝံးအသိၣ်တၢ်လၢတၢ်အခိၣ်အဂီၢ်, လၢတၢ်ဆါ.

¹ ပှၤဟးဂီၤဖိစံးလၢအသးကံၢ်ပူၤ, ယွၤတအိၣ်ဘၣ်န့ၣ် လီၤ. အၢဝဲသီဝဲတကူၢ်သ့ၣ်, မၤလံတၢ်သးဘၣ်အၢ လံ. ပှၤမၤတၢ်ဂ့ၤတအိၣ်ဘၣ်. ² ယွၤကွၢ်လီၤလၢမူခိၣ် လၢပှၤကညီဖိအဖီခိၣ်, ပှၤအသးဖး, ပှၤဃုယွၤအိၣ် တအိၣ်လဲၣ်န့ၣ်ဒ်သိးအကထံၣ်ဘၣ်လီၤ. ³ လဲၤကမၣ် လံခဲလၢာ်လံ. ဘၣ်အၢလံတပူၤဃီလံ. ပှၤမၤတၢ်ဂ့ၤ တအိၣ်ဘၣ်, ထဲတဂၤဧိၤတအိၣ်ဘၣ်.

⁴ ပှၤလၢအမၤတၢ်အၢတဖၣ်န့ၣ် တသ့ၣ်ညါဘၣ်တၢ် ဘၣ်ဧါ. အီၣ်ကွံာ်ယပှၤဂီၢ်မုၢ်ဒ်အအီၣ်ကိၣ်အသိး, ဒီး တကိးထီၣ်ဘၣ်ယွၤဘၣ်. ⁵ ဖဲန့ၣ်ပျံၤတၢ်နးနးကလဲာ် ဖဲပျံၤတၢ်အလီၢ်တအိၣ်ဘၣ်. အဂ့ၢ်ဒ်အံၤ, ယွၤမၤလီၤ ပြံလီၤပြါပှၤသူၣ်ဒဲထီဒါနၤတဖၣ်အဃံအကွဲလီၤ. နဒုး မဲာ်ဆှးအီၤလီၤ. အဂ့ၢ်ဒ်အံၤ, ယွၤတပးကဲဘၣ်အီၤ ဘၣ်.

⁶ မ်တၢ်ဟ့ၣ်အံၣ်စရ့လးအတၢ်အုၣ်က့ၤခီၣ်က့ၤ လၢစံ ယိၣ်အပူၤန့ၣ်တက့ၢ်. တုၤယွၤဒုးဟဲက့ၤအပှၤဂီၢ်မုၢ်အ တၢ်ကဲကုၢ်ဒီး ယၤကိာ်ကသူၣ်ဖှံသးညီ, အံၣ်စရ့လး ကသူၣ်ခုသးခုလီၤ.

၅၄

လၢတၢ်အခိၣ်အဂီၢ်လၢနီၣ်ဒ့တၢ်အဂီၢ်, လၢပှၤစံဖးဖိ လဲၤဆူစီၤစီလူးအအိၣ်ဒီးစံးဘၣ်အီၤ, စီၤဒၤဝံးပာ်ခူသူၣ် အသးဒီးပှၤတမ့ၢ်ဘၣ်ဧါန့ၣ်, စီၤဒၤဝံးအသိၣ်တၢ်.

¹ ယွၤဧၢ, အုၣ်က့ၤခီၣ်က့ၤယၤလၢနမံၤ, ဒီးစံၣ်ညီၣ် န့ၢ်ယကွီၢ်လၢနစိနကမီၤတက့ၢ်. ² ယွၤဧၢ, ကနၣ်ယ ဘါထုကဖၣ်တၢ်, ဒီးဒိကနၣ်ယထးခိၣ်အတၢ်ကတိၤ တက့ၢ်. ³ အဂ့ၢ်ဒ်အံၤ, ပှၤတခီဘီမုၢ်ဖိဂဲၤဆၢထၢၣ် ထီဒါယၤ, ဒီးပှၤမၤအၢတၢ်ဃုယသးလီၤ. အဝဲသ့ၣ် တပာ်ဘၣ်ယွၤလၢအမဲာ်ညါဘၣ်. စ့လၤ.

⁴ ကွၢ်ကွၢ်, ယွၤမၤစၢၤယၤ, ယွၤအိၣ်ဝဲလၢပှၤလၢအ မၤစၢၤယသးတဖၣ်အကျါလီၤ. ⁵ ကဟ့ၣ်ကၣ်တၢ်အၢ လၢယဒုၣ်ယဒါတဖၣ်, မၤဟးဂီၤကွံာ်အီၤလၢနတၢ် မ့ၢ်တၢ်တီတက့ၢ်. ⁶ ယကလုၢ်နၤလၢတၢ်လၢ ယမၤ ဘူၣ်ဒၣ်တၢ်, ယကစံးထီၣ်ပတြၢၤနမံၤ, ယွၤဧၢ, အဂ့ၢ် ဒ်အံၤ, မ့ၢ်အဂ့ၤလီၤ. ⁷ အဂ့ၢ်ဒ်အံၤ, မၤပူၤမၤဖျဲးလံယၤ လၢတၢ်ကိၢ်တၢ်ဂီၤခဲလၢာ်အပူၤ, ဒီးယမဲာ်ထံၣ်လံတၢ် ဘၣ်ယသးလၢယဒုၣ်ယဒါတဖၣ်အလိၤလီၤ.

၅၅

စီၤဒၤဝံးအသိၣ်တၢ်လၢတၢ်အခိၣ်အဂီၢ်လၢနီၣ်ဒ့တၢ်.

¹ ယွၤဧၢ, ဒိကနၣ်ယတၢ်ထုကဖၣ်တက့ၢ်, ဒီးပာ်တ ဒၢနသးလၢယဃ့ကညးတၢ်တဂ့ၤ. ² ကနၣ်ယကလုၢ်, ဒီးစံးဆၢယၤတက့ၢ်. ယဃ့ကညးတၢ်လၢယသးအုး ဒီးယကိးပသူထီၣ်, ³ လၢတၢ်အဒုၣ်အဒါအကလုၢ် အဃိ, လၢပှၤတတီတလိၤ အမၤအၢတၢ်အဃိလီၤ. အဂ့ၢ်ဒ်အံၤ, ဒုးဘၣ်ယၤလၢတၢ်အၢ, ဒီးသးဟ့ယၤ လၢအသးထီၣ်လီၤ. ⁴ ယသူၣ်ကနိးယသးကနိးလၢ ယပူၤ, ဒီးတၢ်သံအတၢ်မၤပျံၤမၤဖုးန့ၣ် လီၤဘၣ်ယၤ လီၤ. ⁵ တၢ်ပျံၤ, ဒီးတၢ်ကနိးလီၤဘၣ်ယၤ, ဒီးယတၢ် ကနိးကစုာ်လုၣ်ဘၢယၤလီၤ.

⁶ ဒီးယစံး, မ်ယအိၣ်ဒီးဒံးဆ့ဒ် ထိၣ်လွံၢ်အသိးန့ၣ်တ က့ၢ်. မ့မ့ၢ်ဒ်န့ၣ်ဒီး, ယကယူၤထီၣ်ကွံာ်, ဒီးအိၣ်ဘှံး အိၣ်သါလီၤ. ⁷ ကွၢ်ကွၢ်, ယကဟးလၢအယံၤ, ယ ကအိၣ်လၢပှၢ်မုၢ်ကနၢလီၤ. စ့လၤ.

⁸ ယကမၤပူၤဖျဲးယသးချ့ချ့ လၢကလံၤမုၢ်, လၢက လံၤမုၢ်တွၤလီၤ.

⁹ ယူၢ်လီၤကွံာ်တၢ်, ကစၢ်ဧၢ, မၤဖးဒ့အပျ့ၤတက့ၢ်. အဂ့ၢ်ဒ်အံၤ, ယထံၣ်ဘၣ်တၢ်မၤအၢ, ဒီးတၢ်အ့ၣ်လိာ် ဆိးက့လိာ်လၢဝ့ၢ်ပူၤလီၤ. ¹⁰ လၢမုၢ်ဆါဒီးလၢမုၢ်နၤန့ၣ် လဲၤဝးတရံးဝဲလၢဝ့ၢ်ခိၣ်ဒူအဖီခိၣ်, ဒီးတၢ်မၤဟးဂီၤ, ဒီးတၢ်နးတၢ်ဖှီၣ် အိၣ်ဝဲလၢအပူၤလီၤ. ¹¹ တၢ်အၢတၢ် သီအိၣ်ဝဲလၢအသးကံၢ်ပူၤ, မၤအၢတၢ်ဒီးလီတၢ်န့ၣ် တဟးထီၣ်ကွံာ်ဘၣ်လၢအဖၠါပူၤဘၣ်.

¹² အဂ့ၢ်ဒ်အံၤ, တမ့ၢ်ဘၣ်တၢ်အဒုၣ်အဒါဒုၣ်ဒွဲၣ်ယၤ ဘၣ်. မ့မ့ၢ်ဒ်န့ၣ်ဒီးယတူၢ်ကကဲလီၤ. တမ့ၢ်ဘၣ်ပှၤ လၢအသးဟ့ယၤပာ်ဒိၣ်အသးလၢယဖီခိၣ်ဘၣ်. မ့မ့ၢ် ဒ်န့ၣ်ဒီး ယကပာ်တဒၢယသးလၢအီၤလီၤ. ¹³ မ့ၢ်နၤ, ပှၤထဲသိးဒီးယၤ, ယတံၤယသကိး, ဒီးပှၤလၢအသ့ၣ် ညါယၤလီၤ. ¹⁴ ကူၣ်လိာ်ပသးတပူၤဃီမုာ်မုာ်, ပလဲၤ ထီၣ်ဆူယွၤအဟံၣ်ဒီးပှၤဂီၢ်မုၢ်လီၤ. ¹⁵ မ်တၢ်အိၣ်သယုၢ် လီၤဘၣ်အီၤတက့ၢ်, မူဝဲဒီး, မ်အလဲၤလီၤဆူပျုၤပူၤ တက့ၢ်. အဂ့ၢ်ဒ်အံၤ, တၢ်အၢတၢ်သီအိၣ်ဝဲလၢအအိၣ် အဆိးအလီၢ်ပူၤ, လၢအသးကံၢ်ပူၤလီၤ.

¹⁶ ယဲဒၣ်အံၤ ယကကိးထီၣ်ယွၤလီၤ, ဒီးယွၤကအုၣ် က့ၤခီၣ်က့ၤယၤလီၤ. ¹⁷ မုၢ်ဟါ, ဒီးမုၢ်ဂီၤ, ဒီးမုၢ်ထူၣ်န့ၣ် ယကဆိကမိၣ်တၢ်, ဒီးဘါထုကဖၣ်တၢ်, ဒီးကနၢ် ဟူယကလုၢ်လီၤ. ¹⁸ ပှ့ၤက့ၤယသးလၢတၢ်ဃူတၢ်ဖိးလၢ တၢ်ဒုးသုးထီဒါယၤအပူၤလီၤ. အဂ့ၢ်ဒ်အံၤ, ပှၤအါဂၤ အိၣ်ဒီးယၤလီၤ. ¹⁹ ယွၤ, ပှၤလၢအဆ့ၣ်နီၤလၢပျၢၤတ ဂၤ ကဒိကနၣ်တၢ်, ဒီးစံးဆၢအီၤလီၤ. စ့လၤ. မ့ၢ်တၢ်လဲလိာ်တအိၣ်ဘၣ်ဒီးအီၤဘၣ်ဒီး, တပျံၤဘၣ် ယွၤဘၣ်. ²⁰ ယူာ်ထီၣ်အစုထီဒါပှၤလၢအဃူလိာ်ဖိးလိာ် ဒီးအီၤ, မၤဟးဂီၤအတၢ်အၢၣ်လီၤအီလီၤလီၤ. ²¹ အထး ခိၣ်ဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုး အိၣ်ဝဲလၢအသးကံၢ်ပူၤလီၤ. အတၢ်ကတိၤစၢ်န့ၢ်သိတ က့ၢ်လီၤ, ဘၣ်ဆၣ်ဒီးမ့ၢ်နးဘီၣ်ထီၣ်အသးတဖၣ်လီၤ.

²² ပာ်တၢ်လၢအဟ့ၣ်လီၤနၤန့ၣ် လၢယွၤအလိၤတက့ၢ်. ဒီးကမၤစၢၤနၤလီၤ. တဟ့ၣ်ဟူးဝးပှၤတီပှၤလိၤန့ၣ်နီ တစုဘၣ်.

²³ ဒီးနဲဒၣ်ယွၤဧၢ, နကဒုးလဲၤလီၤအီၤဆူ တၢ်ဟးဂီၤ အပူၤလီၤ. တၢ်သွံၣ်, ဒီးလီတၢ်အပှၤကညီတဖၣ်န့ၣ် တအိၣ်ဖးဖီအမုၢ်နံၤတဖၣ်ဘၣ်. မ့မ့ၢ်ယဲဒၣ်အံၤယသ န့ၤယသးလၢနၤလီၤ.

၅၆

လၢတၢ်အခိၣ်အဂီၢ်, လၢထိၣ်လွံၢ်တအုၣ်အိၣ်လၢ အယံၤ, လၢပှၤဖလ့ၡသးဖိဖီၣ်န့ၢ် စီၤဒၤဝံးလၢကၤသး ပူၤန့ၣ် စီၤဒၤဝံးအတၢ်ကွဲးယိာ်.

¹ သူၣ်ကညီၤသးကညီၤယၤတက့ၢ်, ယွၤဧၢ, အဂ့ၢ်ဒ် အံၤ, ပှၤကညီသါကယူၢ်လီၤကွံာ်ယၤ, ဒုးတၢ်ဒီးမၤ အၢယၤသ့သ့တနံၤလီၤ. ² ယဒုၣ်ယဒါတဖၣ်လူၤယၤ ကိးမုၢ်နံၤမုၢ်နၤဒဲးလီၤ. အဂ့ၢ်ဒ်အံၤ, ပှၤအါဂၤဒုးတၢ် ဒီးယၤအိၣ်ဒီးအသးထီၣ်ထီလီၤ.

³ မုၢ်နံၤမုၢ်နၤလၢ ယဘၣ်ယိၣ်ဘၣ်ဘီန့ၣ် ယသန့ၤ ယသးလၢနၤလီၤ. ⁴ လၢယွၤအပူၤ ယကစံးပတြၢၤ အကလုၢ်အကထါ, ယသန့ၤယသးလၢယွၤလီၤ. တၢ် လၢတၢ်ဖံးတၢ်ညၣ်ကမၤယၤန့ၣ်ယတဘၣ်ယိာ်ဘၣ်.

⁵ ဘိးက့ၣ်ယတၢ်ကတိၤကိးမုၢ်နံၤဒဲးလီၤ. အတၢ်ဆိ ကမိၣ်ခဲလၢာ်ထီဒါယၤလၢတၢ်အၢအဂီၢ်လီၤ. ⁶ အိၣ် ဖှိၣ်ရိဖှိၣ်, ဒီးခိးခူသူၣ်, ဒီးကွၢ်ယခီၣ်လီၢ်, ဒီးကွၢ် လၢ်ယသးအကျဲလီၤ.

⁷ မ့ၢ်အကပူၤဖျဲးလၢအတၢ်အၢတၢ်သီအဃိန့ၣ်ဧါ. လၢ နသးထီၣ်န့ၣ် တ့ၢ်လီၤကွံာ်ပှၤဂီၢ်မုၢ်, ကစၢ်ဧၢ. ⁸ နဂံၢ် ယဟးတၢ်တဖၣ်လီၤ. ပာ်ယမဲာ်ထံလၢနထၢၣ်တၢ်ဖံး အပူၤန့ၣ်တက့ၢ်. အိၣ်ဝဲလၢနလံာ်ပူၤ, တမ့ၢ်ဘၣ်ဧါ.

⁹ မုၢ်နံၤလၢယကိးထီၣ်န့ၣ် ယဒုၣ်ယဒါကဃၣ်ကဒါ က့ၤဆူအလီၢ်ခံန့ၣ်လီၤ. တၢ်အံၤယသ့ၣ်ညါ, လၢယွၤ အိၣ်ဒီးယၤလီၤ. ¹⁰ ယကပာ်ကဖိယသးလၢ ကစၢ်အ ကလုၢ်, ယကပာ်ကဖိယသးလၢယွၤအကလုၢ်လီၤ.

¹¹ ယသန့ၤယသးလၢယွၤ, ပှၤကညီကမၤယၤဒ်လဲၣ်ဒ် လဲၣ်န့ၣ်ယတဘၣ်ယိာ်ဘၣ်.

¹² တၢ်လၢယဆိၣ်တၢ်လၢနဂီၢ်န့ၣ် အိၣ်ဝဲလၢယလိၤ, ယွၤဧၢ, ယကမၤဘူၣ်နၤလၢ တၢ်စံးထီၣ်ပတြၢၤတ ဖၣ်လီၤ.

¹³ အဂ့ၢ်ဒ်အံၤ, နမၤပူၤမၤဖျဲးယသးလၢတၢ်သံ, ယခီၣ် လၢတၢ်လီၤတလံာ်န့ၣ် ဒ်သိးယကလဲၤတၢ်လၢယွၤ အမဲာ်ညါလၢ ပှၤမူအတၢ်ကပီၤအကျါန့ၣ်လီၤ.

၅၇

လၢတၢ်အခိၣ်အဂီၢ်လၢမၤဟးဂီၤတဂ့ၤန့ၣ်, လၢစီၤဒၤဝံးဃ့ၢ်ကွံာ်လၢစီၤစီလူးလၢတၢ်အိပူၤန့ၣ် စီၤဒၤဝံးအတၢ်ကွဲးယိာ်.

¹ သူၣ်ကညီၤသးကညီၤယၤ, ယွၤဧၢ, သူၣ်ကညီၤသး ကညီၤယၤတက့ၢ်. အဂ့ၢ်ဒ်အံၤ, ယသးသန့ၤအသး လၢနၤလီၤ. ဒီးယဃ့ၢ်ဆူနဒံးဆ့အကဒုပူၤတုၤတၢ်နး တၢ်ဖှီၣ်အံၤလဲၤပူၤကွံာ်လီၤ. ² ယကိးထီၣ်ဆူတၢ်ထီၣ် ထီကစၢ်တဂၤ, ဆူကစၢ်လၢအမၤတၢ်လၢလၢပှဲၤပှဲၤ လၢယဂီၢ်လီၤ. ³ ကမၢလီၤဝဲလၢမူခိၣ်, ဒီးအုၣ်က့ၤခီၣ် က့ၤယၤလၢ ပှၤလၢအသါကယူၢ်လီၤကွံာ်ယၤအတၢ် ဒုၣ်ဒွဲၣ်န့ၣ်လီၤ. စ့လၤ. ယွၤကမၢလီၤအဘျုးအဖှိၣ်ဒီး အတၢ်မ့ၢ်တၢ်တီလီၤ.

⁴ ယသးအိၣ်လၢခ့ယုၢ်အကျါ, ယမံလီၤလၢပှၤကညီ အကျါလၢအမၤသးဒ် မ့ၣ်အူလၣ်အသိး, အမဲမ့ၢ်ဘီ ဒီးပျၢ်, ဒီးအပျ့ၤမ့ၢ်နးလၢအကနၣ်အ့ၣ်ဝဲလီၤ.

⁵ မ်နဘၣ်တၢ်ပာ်ထီၣ်ထီနၤလၢမူခိၣ်, မ်ပှၤမၤလၤက ပီၤနၤလၢဟီၣ်ခိၣ်ဒီဘ့ၣ်ညါတက့ၢ်. ⁶ အဝဲသ့ၣ်တဖၣ် န့ၣ်ကတဲာ်ကတီၤပှာ်ဧိၤစၤဧိၤလၢယခီၣ်အဂီၢ်လီၤ, ယ သးသကူးလီၤအသးလီၤ. အဝဲသ့ၣ်ခူၣ်လီၤတၢ်ပူၤလၢ ယမဲာ်ညါလီၤ. အကစၢ်ဒၣ်ဝဲန့ၣ် လီၤတဲာ်ဝဲလၢတၢ် ပူၤန့ၣ်လီၤ. စ့လၤ.

⁷ ယသးအိၣ်ဂၢၢ်ဆိးကျၢၤ, ကစၢ်ဧၢ, ယသးအိၣ်ဂၢၢ် ဆိးကျၢၤလီၤ. ယကအုၣ်တၢ်, ဒီးသးဝံၣ်ထီၣ်တၢ် လီၤ. ⁸ ဖုသံနီၣ်ထီၣ်, ယလၤကပီၤဧၢ. ဖုသံနီၣ်ထီၣ် တက့ၢ်, သီတူၢ်ဒီးတနၢ်သ့ၣ်ဧၢ, ယကထိၣ်ဂဲၤမုၢ် ဆ့ၣ်ဝါန့ၣ်လီၤ.

⁹ ယကစံးထီၣ်ပတြၢၤနၤ, ယွၤဧၢ, လၢပှၤဂီၢ်မုၢ်အ ကျါ, ယကသးဝံၣ်ထီၣ်နၤလၢ ပှၤကလုာ်တဖၣ်အ ကျါလီၤ ¹⁰ အဂ့ၢ်ဒ်အံၤ, နဘျုးနဖှိၣ်ဒိၣ်ဝဲ ပၢၢ်လၢမူ ခိၣ်, ဒီးနမ့ၢ်နတီပၢၢ်လၢတၢ်အၢၣ်တဖၣ်လီၤ.

¹¹ မ်နဘၣ်တၢ်ပာ်ထီၣ်ထီနၤလၢမူခိၣ်, မ်ပှၤမၤလၤက ပီၤနၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

၅၈

စီၤဒၤဝံးအတၢ်ကွဲးယိာ်လၢတၢ်အခိၣ်အဂီၢ်လၢမၤဟးဂီၤတဂ့ၤန့ၣ်.

¹ မ့ၢ်သုကတိၤတၢ်မ့ၢ်တၢ်တီ, ဒီးစံၣ်ညီၣ်တၢ်တီတၢ် လိၤဖဲသုအိၣ်တအုၣ်, သပှၢ်တၢၢ်ဧါ, ပှၤကညီဖိသ့ၣ် ဧၢ. ² မ့ၢ်လံ, သုမၤတၢ်အၢလၢသုသးကံၢ်ပူၤဒၣ်လဲာ်, သုစီၤဟ့ၣ်သုစုအတၢ်မၤဆူၣ်လၢဟီၣ်ခိၣ်ချၢလီၤ. ³ ပှၤ တတီတလိၤလဲၤကမၣ်တၢ်လၢ တၢ်အဒၢလီၢ်, ဟးဖျိး ဒီးကတိၤတၢ်ကဘျံးကဘျၣ် လၢအအိၣ်ဖျဲၣ်လံၤလံၤ လီၤ. ⁴ အိၣ်ဒီးအစုၣ်ဒ်ဂုၢ်အစုၣ်အသိးန့ၣ်လီၤ. မၤသး ဒ်ဂုၢ်သီလၢအဆွံတံာ်အနၢ်ပူၤ, ⁵ လၢအတနၢ်ဟူဘၣ် ပှၤသ့တၢ်အူတၢ်သမူလၢအအူတၢ်ဒီး တၢ်ကူၣ်သ့အ ဒိၣ်ကတၢၢ်ဒၣ်လဲာ်အသိးန့ၣ်လီၤ.

⁶ မၤပိာ်အမဲလၢအကိာ်ပူၤန့ၣ်တက့ၢ်, ယွၤဧၢ. မၤကၢ် ခ့ယုၢ်ဖိအမဲထွံၣ်တက့ၢ်, ယွၤဧၢ.

⁷ မ်အပှံၢ်ကွံာ်ဒ်ထံလၢအယွၤကွံာ်အသိး, ဖဲအပညိၣ် အပျၢ်န့ၣ်မ်အမၤအသး ဒ်အဒီၣ်တဲာ်ကွံာ်အသးခံကူာ် အသိးန့ၣ်တက့ၢ်. ⁸ ဒ်ချိၣ်လၢအပှံၢ်လီၤဝဲအသိးမ်အ ဟါမၢ်ကွံာ်ကိးဂၤဒဲး, ဒ်ဖိသၣ်လီၤလူးတဂၤအသိး, မ် အသုတထံၣ်ဘၣ်မုၢ်ဧိၤလါဧိၤတဂ့ၤ. ⁹ သုသပၢၤတ ချုးသ့ၣ်ညါဒံးဘၣ်တၤဆှုၣ်အသံကစဲာ်မ့ၢ်ဂ့ၤ, အဃ့မ့ၢ် ဂ့ၤ, ကမၤဟးဂီၤကွံာ်အီၤလၢ ကလံၤသဝံးန့ၣ်လီၤ.

¹⁰ တုၤပှၤတီပှၤလိၤထံၣ်ဘၣ်တၢ်မၤဆၢတၢ်အၢဒီး, က သူၣ်ခုသးခုလီၤ. ကသ့ကွံာ်အခီၣ်လၢပှၤတတီတလိၤ အသွံၣ်လီၤ. ¹¹ ဒီးပှၤကစံးဝဲ, မ့ၢ်မးတၤသၣ်အိၣ်ဝဲလၢ ပှၤတီပှၤလိၤအဂီၢ်လီၤ မ့ၢ်မးယွၤစံၣ်ညီၣ်တၢ်လၢဟီၣ် ခိၣ်ချၢအံၤလီၤ.

၅၉

လၢစီၤစီလူးမၢလီၤပှၤကွၢ်အဟံၣ်ဒ်သိးအကမၤသံအီၤန့ၣ်, စီၤဒၤဝံးအတၢ်ကွဲးယိာ်လၢတၢ်အခိၣ်အဂီၢ်, လၢမၤဟးဂီၤတဂ့ၤန့ၣ်.

¹ မၤပူၤမၤဖျဲးယၤလၢ ယဒုၣ်ယဒါတက့ၢ်. ယကစၢ် ဧၢ. ပာ်ထီၣ်ထီယၤလၢပှၤလၢအဂဲၤဆၢထၢၣ်ထီဒါ ယၤအဖီခိၣ်န့ၣ်တက့ၢ်. ² မၤပူၤမၤဖျဲးယၤလၢ ပှၤမၤ တၢ်အၢ, ဒီးအုၣ်က့ၤခီၣ်က့ၤယၤလၢ တၢ်သွံၣ်အပှၤ ကညီတက့ၢ်. ³ အဂ့ၢ်ဒ်အံၤ, ကွၢ်ကွၢ်, ခိးခူသူၣ်ဝဲ လၢယသးအဂီၢ်လီၤ. ပှၤအဂံၢ်ဆူၣ်အဘါဆူၣ်တဖၣ် အိၣ်ဖှိၣ်ထီဒါယၤလီၤ. တမ့ၢ်ဘၣ်လၢ ယတၢ်ကမၣ် အဃိဘၣ်, တမ့ၢ်ဘၣ်လၢ ယတၢ်ဒဲးဘးအဃိဘၣ်,―

⁴ ယတၢ်အၢတအိၣ်ဘၣ်ဒီး, ဃ့ၢ်ဝဲဒီးကတဲာ်ကတီၤအ သးလီၤ. ဖုသံနီၣ်ထီၣ်, ဒီးဟဲသဂၢၢ်ယၤ, ဒီးကွၢ်တၢ် တက့ၢ်. ⁵ ဒီးနဲဒၣ်ယွၤ, တၢ်သုးမုၢ်ဂီၢ်မုၢ်အကစၢ်, အံၣ်စရ့လးအကစၢ်ဧၢ, ဖုသံနီၣ်ဒီးအိၣ်သကိးပှၤက လုာ်ခဲလၢာ်တက့ၢ်. ဟ့ၣ်ဘျုးဟ့ၣ်ဖှိၣ်လၢတၢ်အၢအ ပှၤလီတၢ်ဖိနီတဂၤတဂ့ၤ. စ့လၤ.

⁶ ဟဲက့ၤကဒါက့ၤဝဲလၢမုၢ်ဟါ, ဒီးမီၤတၢ်ဒ်ထွံၣ်အ သိး, ဒီးလဲၤတရံးဝ့ၢ်န့ၣ်လီၤ. ⁷ ကွၢ်ကွၢ်, ကလံၤထီၣ် လၢအထးခိၣ်, နးဧိၤဘီဧိၤအိၣ်လၢအပျုၤပူၤလီၤ. အ ဂ့ၢ်ဒ်အံၤ, မ့ၢ်မတၤနၢ်ဟူတဂၤလဲၣ်.

⁸ ဒီးနဲဒၣ်ယွၤဧၢ, နကနံၤဘၣ်အီၤလီၤ. ဒီးနကမၤတ ရီတပါပှၤကလုာ်ခဲလၢာ်လီၤ. ⁹ ယဂံၢ်ယဘါဧၢ, ယ ကအိၣ်ခိးနၤလီၤ. အဂ့ၢ်ဒ်အံၤ, ယွၤမ့ၢ်ယတၢးထီၣ်ထီ လီၤ. ¹⁰ တၢ်ဘျုးတၢ်ဖှိၣ်အကစၢ်ကလဲၤဘျီယၤလီၤ. ယွၤ ကဒုးထံၣ်ယၤလၢယတၢ်အဲၣ်ဒိးလၢ ယဒုၣ်ယဒါတ ဖၣ်အလိၤန့ၣ်လီၤ.

¹¹ မၤသံအီၤတဂ့ၤ, ယပှၤဂီၢ်မုၢ် ကသးပ့ၤနီၣ်ဘၣ်ဖုး လီၤ. ဒုးဟးဝ့ၤဝီၤအီၤလၢနစိနကမီၤ, ဒီးဆီၣ်လီၤအီၤ တက့ၢ်, ပကတီၤတဘ့ၣ်ကစၢ်ဧၢ. ¹² အထးခိၣ်အတၢ် ဒဲးဘးန့ၣ် မ့ၢ်အပျုၤအတၢ်ကတိၤလီၤ. မ်အဘၣ်တၢ် ဖီၣ်န့ၢ်အီၤလၢအပာ်အသးထီၣ်ထီအဃိ, ဒီးလၢအ ဆိၣ်တၢ်အဃိ, ဒီးလၢအကတိၤတၢ်ကဘျံးကဘျၣ် အဃိန့ၣ်တက့ၢ်. ¹³ မၤလၢာ်အီၤလၢတၢ်သးထီၣ်, မၤ လၢာ်အီၤဒ်သိးအသုတအိၣ်လၢၤတဂ့ၤ, ဒီးဒ်သိးပှၤက သ့ၣ်ညါလၢယွၤပၢတၢ်လၢယၤကိာ်အပူၤ ပၢၢ်လၢဟီၣ် ခိၣ်အကတၢၢ်တဖၣ်န့ၣ်လီၤ. စ့လၤ.

¹⁴ ဒီးလၢမုၢ်ဟါန့ၣ် ဟဲက့ၤကဒါက့ၤ, မီၤဝဲဒ်ထွံၣ်အ သိးဒီးလဲၤတရံးဝ့ၢ်န့ၣ်လီၤ. ¹⁵ ကလဲၤဝ့ၤဝီၤဃုအီၣ်တၢ်. ဒီးမ့ၢ်တဘျဲးအီၣ်ဘၣ်ဒီး, ကအိၣ်သီတနၤကျၢၤလီၤ. ¹⁶ မ့မ့ၢ်ယဲဒၣ်အံၤ ယကသးဝံၣ်ထီၣ်နစိနကမီၤ, ဒီးယကစံးထီၣ်ပတြၢၤနဘျုးနဖှိၣ် လၢမုၢ်ဆ့ၣ်ထီၣ်န့ၣ်လီၤ. အဂ့ၢ်ဒ်အံၤ, လၢမုၢ်တနံၤလၢယဘၣ်ကိၢ်ဘၣ်ဂီၤန့ၣ် နမ့ၢ်ယလ့တဖျၢၣ်န့ၣ်, ဒီးယတၢ်ပူၤဖျဲးအလီၢ်လီၤ.

¹⁷ ယဂံၢ်ယဘါဧၢ. ယကသးဝံၣ်ထီၣ်နၤလီၤ. အဂ့ၢ်ဒ်အံၤ, ယွၤမ့ၢ်ယလ့တဖျၢၣ်, ယဘျုးယဖှိၣ်အကစၢ်လီၤ.

၆၀

လၢတၢ်အခိၣ်အဂီၢ်, လၢစီၤဒၤဝံးအတၢ်ကွဲးယိာ်လၢ သိၣ်လိတၢ်အဂီၢ်, လၢတၢ်အၢၣ်လီၤအီလီၤအဖီဒ့ၣ် ညါလၢအမၤဃၣ်ပှၤမ့းစပတၤမံဖိ, ဒီးပှၤစူၤရံဖိ, ဒီး စီၤယိၤအာ်ဟဲက့ၤ, ဒီးကျီကွံာ်ပှၤအဒိၣ်ဖိတဆံခံက ထိလၢ ကစၢၢ်ကဆူးအံသၣ်အပူၤန့ၣ်.

¹ ယွၤဧၢ, နညိကွံာ်လံပှၤလံ, နမၤလီၤမုၢ်လီၤဖးလံ ပှၤလံ, နသးထီၣ်လံ. ဃၣ်က့ၤနသးဆူပအိၣ်တက့ၢ်.

² နမၤဟီၣ်ခိၣ်ဆှဲးဆှိးလံ. နမၤသ့ၣ်ဖးလံအီၤလံ. မၤ ဘျါက့ၤအသ့ၣ်ဖးအလီၢ်န့ၣ်တက့ၢ်. အဂ့ၢ်ဒ်အံၤ, ဟူး ဝးဝဲလီၤ. ³ နဒုးနဲၣ်လံနပှၤဂီၢ်မုၢ်လၢ တၢ်ကီတၢ်ခဲ, နဒုးအီလံပှၤလၢ စပံးထံမူၤလံ. ⁴ နဟ့ၣ်လီၤသုးဖိအ လၣ်လၢပှၤလၢအပျံၤနၤ, ဒ်သိးတၢ်ကမၤဖျါအီၤလၢ တၢ်မ့ၢ်တၢ်တီအဃိလီၤ. စ့လၤ. ⁵ ဒ်သိးပှၤလၢနအဲၣ်အီၤတဂၤ ကပူၤဖျဲးဒီး, အုၣ်က့ၤ ခီၣ်က့ၤတၢ်လၢနစုထွဲ, ဒီးဒိကနၣ်ယကလုၢ်တက့ၢ်.

⁶ ယွၤကတိၤလံတၢ်လၢအတၢ်စီဆှံအပူၤလံ, ယကသူၣ် ဖှံသးညီ, ယကနီၤဖးၡက့ၣ်အဆၢ, ဒီးတၢ်ပျီပူၤစူးကိၤ သးန့ၣ်ယကထိၣ်အီၤလီၤ. ⁷ ကံးလဧးမ့ၢ်ယတၢ်, ဒီးမ နၤရှ့ၤမ့ၢ်ယတၢ်, ဒီးအ့ဖရဲၣ်မ့ၢ်ယခိၣ်အဂံၢ်အဘါ, ယူဒၤ မ့ၢ်ယပှၤဟ့ၣ်တၢ်သိၣ်တၢ်သီ, ⁸ မိၤအးမ့ၢ်ယသ့စီတၢ်အ သရာ်တဖျၢၣ်, ယကွံာ်တ့ၢ်ယခီၣ်ဖံးလၢအဒိၣ်အဖီခိၣ်, ဖလ့ၡသးဧၢ, သူၣ်ကနိးသးကနိးလၢယဃိတက့ၢ်.

⁹ မ့ၢ်မတၤကဒုးလဲၤနုာ်ယၤဆူ ဝ့ၢ်အိၣ်ဒီးအခိၣ်ဒူတ ဂၤလဲၣ်, မ့ၢ်မတၤကဆှၢယၤဆူအဒိၣ်တဂၤလဲၣ်. ¹⁰ နဲ ဒၣ်နညိကွံာ်ပှၤ, ကစၢ်ဧၢ, တမ့ၢ်ဘၣ်ဧါ. ဒီးနတလဲၤ ထီၣ်ဒီးပပှၤသုးမုၢ်ဂီၢ်မုၢ်ဘၣ်, ယွၤဧၢ. ¹¹ လၢတၢ်မၤ ကိၢ်မၤဂီၤအပူၤန့ၣ် မၤစၢၤပှၤတက့ၢ်. အဂ့ၢ်ဒ်အံၤ, ပှၤက ညီအတၢ်အုၣ်က့ၤခီၣ်က့ၤန့ၣ် မ့ၢ်တၢ်ကလီကလီလီၤ.

¹² ပကမၤတၢ်ဒီး တၢ်ဂံၢ်ဆူၣ်ဘါဆူၣ်လၢယွၤလီၤ. ဒီး အဝဲဒၣ်န့ၣ်ကယီၢ်တံၢ်ပဒုၣ်ပဒါလီၤ.

၆၁

စီၤဒၤဝံးအထါလၢတၢ်အခိၣ်အဂီၢ်လၢနီၣ်ဒ့တၢ်.

¹ ကနၣ်ယကိးပသူတၢ်, ယွၤဧၢ, ဒိကနၣ်ယတၢ်ထု ကဖၣ်တက့ၢ်. ² တုၤယသးဘၣ်တၢ်လုၣ်ဘၢအီၤဒီး, ယကိးထီၣ်နၤလၢဟီၣ်ခိၣ်အကတၢၢ်ပူၤန့ၣ်လီၤ. ဆှၢ ယၤဆူလၢၢ်လၢအထီန့ၢ်ယၤအအိၣ်န့ၣ်တက့ၢ်. ³ အ ဂ့ၢ်ဒ်အံၤ, နမ့ၢ်တၢ်ပူၤဖျဲးအလီၢ်, တၢးထီခၢၣ်သနၢၢ် လၢယဒုၣ်ယဒါအမဲာ်ညါလီၤ. ⁴ ယကအိၣ်လၢ နဒဲ ပူၤလီၤထူလီၤယိာ်, ယကဃ့ၢ်အိၣ်ခူသူၣ်လၢနဒံးဆ့ လာ်န့ၣ်လီၤ. စ့လၤ.

⁵ အဂ့ၢ်ဒ်အံၤ, နဲဒၣ်ယွၤဧၢ, နနၢ်ဟူလံယဆိၣ်တၢ် လံ. နဟ့ၣ်လီၤလံတၢ်န့ၢ်သါလၢပှၤလၢအပျံၤနမံၤလံ.

⁶ နကပာ်ဖှိၣ်နံၤတဖၣ်ဒီး စီၤပၤအမုၢ်နံၤတဖၣ်, အနံၣ် အလါအိၣ်ဝဲအါစိၤအါဃၣ်လီၤ. ⁷ ကအိၣ်ကဆိးဝဲလၢ ယွၤအမဲာ်ညါလီၤထူလီၤယိာ်လီၤ. ပာ်လီၤတၢ်အဘျုး အဖှိၣ်ဒီးတၢ်မ့ၢ်တၢ်တီ လၢအကပၢၤအီၤန့ၣ်တက့ၢ်.―

⁸ မ့မ့ၢ်ဒ်န့ၣ်ဒီး ယကသးဝံၣ်ထီၣ်နမံၤလီၤစိၤလီၤထီ, ဒ် သိးယကမၤဘူၣ်တၢ်ဘၣ်ဃးဒီး ယဆိၣ်တၢ်န့ၣ်တနံၤ ဘၣ်တနံၤလီၤ.

၆၂

စီၤဒၤဝံးအထါလၢတၢ်အခိၣ်စီၤယဒူသူၣ်အဂီၢ်.

¹ ယသးအိၣ်ခိးထဲယွၤတဂၤဧိၤလီၤ. တၢ်အုၣ်က့ၤခီၣ် က့ၤယၤန့ၣ် ဟဲလၢအအိၣ်လီၤ.

² ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီ မ့ၢ်ထဲအဝဲဒၣ်ဧိၤလီၤ. ယတဟူးတဝးဘၣ်လၢအအါ ဘၣ်. ³ သုသးကကဲၤထီၣ်ဘၣ်ပှၤတဂၤ ဆံးယံၣ်လဲၣ်. သုဝဲခဲလၢာ်သုမၤသံတၢ်, ဒ်တၢ်အဒူၣ်လၢအသကူး, တၢ်အကရၢလၢအဟူးဝးအသိးန့ၣ်လီၤ. ⁴ ကူၣ်ထီၣ်ဖး လီၤဝဲထဲလၢအကတ့ၢ်လီၤကွံာ်အီၤလၢအလီၢ်ဂ့ၤ, ဘၣ် အသးလၢတၢ်ကတိၤကဘျံးကဘျၣ်လီၤ. ဆိၣ်ဂ့ၤဝဲလၢ အထးခိၣ်ဒီးဆိၣ်အၢဝဲလၢအသးလီၤ. စ့လၤ.

⁵ ယသးဧၢ, အိၣ်ခိးနဲဒၣ်ထဲ ယွၤတဂၤဧိၤန့ၣ်တက့ၢ်. အဂ့ၢ်ဒ်အံၤ, ယမုၢ်လၢ်တၢ်လၢအီၤလီၤ. ⁶ ယလၢၢ်, ဒီး တၢ်အုၣ်က့ၤခီၣ်က့ၤယၤန့ၣ် မ့ၢ်ထဲအဝဲဒၣ်လီၤ. မ့ၢ် ယတၢးထီၣ်ထီလီၤ. ယတဟူးတဝးဘၣ်, ⁷ တၢ်အုၣ် က့ၤခီၣ်က့ၤယၤ, ဒီးယလၤကပီၤအိၣ်ဝဲဒီးယွၤန့ၣ်လီၤ. ယဂံၢ်ယဘါအလၢၢ်, ယတၢ်ပူၤဖျဲးအလီၢ်န့ၣ် အိၣ်ဝဲ လၢယွၤအပူၤန့ၣ်လီၤ. ⁸ သန့ၤသုသးလၢအီၤကိးအက တီၢ်ဒဲး, ပှၤဂီၢ်မုၢ်သ့ၣ်ဧၢ, လူလီၤသုသးလၢအမဲာ်ညါ တက့ၢ်. ယွၤမ့ၢ်တၢ်ပူၤဖျဲးအလီၢ်လၢပဂီၢ်လီၤ. စ့လၤ.

⁹ ပှၤကညီအဖှီၣ် မ့ၢ်မးတၢ်ကလီကလီ, ဒီးပှၤကညီ အဒိၣ်မ့ၢ်တၢ်ကဘျံးကဘျၣ်လီၤ. တၢ်မ့ၢ်ပာ်အီၤလၢ စီၤပီၢ်အပူၤဒီး, ထီၣ်ဝဲဖှံန့ၢ်တၢ်ကလီကလီတက့ၢ်လီၤ.

¹⁰ သန့ၤသုသးလၢတၢ်မၤအၢတၢ်တဂ့ၤ, ပာ်ကဖိသုသး လၢတၢ်မၤန့ၢ်ဆူၣ်ပှၤဂၤအတၢ်န့ၣ်တဂ့ၤ. တၢ်စုလီၢ် ခီၣ်ခိၣ်နၣ် မ့ၢ်အါထီၣ်ဒီး, ပာ်သုသးလၢအီၤတဂ့ၤ.

¹¹ ယွၤကတိၤတၢ်တဘျီလီၤ. ဒီးခံဘျီယနၢ်ဟူတၢ်အံၤ, တၢ်အစိအကမီၤအိၣ်ဒီးယွၤလီၤ. ¹² ဒီးတၢ်အဘျုးအ ဖှိၣ်အိၣ်ဝဲဒီးနၤ, ယွၤဧၢ, အဂ့ၢ်ဒ်အံၤ, နဟ့ၣ်ကၣ်ပှၤ ကညီဒ်အမၤတၢ်အသိးန့ၣ် ကိးဂၤဒဲးလီၤ.

၆၃

စီၤဒၤဝံးအထါလၢအအိၣ်ဝဲလၢယူဒၤအပှၢ်မုၢ်ကနၢ.

¹ ယွၤဧၢ, နမ့ၢ်ယကစၢ်လီၤ. ယဃုနၤဂီၤဂီၤ, ယသး အံၤသူအသးလၢနၤ, ယဖံးယညၣ်ဆၢန့ၢ်နၤလၢကီၢ် လၢအဃ့, ဒီးတၢ်ဘှံးအသး, ဖဲထံတအိၣ်ဘၣ်. ² ဒ် သိးယကထံၣ်ဘၣ်နစိနကမီၤဒီး နလၤနကပီၤဒ်ယ ထံၣ်ဘၣ်နၤလၢတၢ်အလီၢ်စီဆှံပူၤအသိးန့ၣ်လီၤ. ³ အ ဂ့ၢ်ဒ်အံၤ, နဘျုးနဖှိၣ်ဂ့ၤန့ၢ်တၢ်မူတက့ၢ်လီၤ. ယပျုၤ ကစံးထီၣ်ပတြၢၤနၤလီၤ. ⁴ ဖဲယသးသမူအဖၢမုၢ်ဒီး, ယကစံးထီၣ်ပတြၢၤနၤဒ်န့ၣ်လီၤ. ယကယူာ်ထီၣ်ယစု လၢနမံၤလီၤ. ⁵ ယသးကအီၣ်ဘျဲးအီၣ်တၢ်အီၣ်ဝံၣ်, ဒီး သိဧိၤချါဧိၤ, ဒီးယထးခိၣ်ကစံးထီၣ်ပတြၢၤနၤလၢပျုၤ လၢအသးခုလီၤ.

⁶ တုၤယသ့ၣ်နီၣ်ထီၣ်က့ၤနၤလၢ ယလီၢ်မံအဖီခိၣ်ဒီး, ယဆိကမိၣ်လၢနဂ့ၢ်နကျိၤလၢ ပှၤဆိးသီအကတီၢ်တ ဖၣ်အဖၢမုၢ်လီၤ. ⁷ အဂ့ၢ်ဒ်အံၤ, နမ့ၢ်တၢ်မၤစၢၤယၤ, ဒီး ယကသူၣ်ဖှံသးညီလၢနဒံးဆ့အကဒုပူၤလီၤ. ⁸ ယသး သန့ၤအသးလၢနၤ, နစုထွဲမၤစၢၤယၤလီၤ. ⁹ ဒီးပှၤလၢ အဃုမၤဟးဂီၤယသးတဖၣ်န့ၣ် လဲၤလီၤဆူ ဟီၣ်ခိၣ် အဖီလာ်န့ၣ်လီၤ. ¹⁰ တၢ်ကဟ့ၣ်လီၤကွံၤအီၤဆူနးအစိ ကမီၤအပူၤ, ဒီးကကဲထီၣ်လၢထွံၣ်မံၤအဂီၢ်လီၤ.

¹¹ ဒီးစီၤပၤန့ၣ် ကသးခုလၢယွၤအပူၤလီၤ. ကယဲၢ်ပှၤ လၢအဆိၣ်တၢ်လၢအီၤတဂၤလၢ်လၢ်န့ၣ် ကပာ်ကဖိ အသးလီၤ. အဂ့ၢ်ဒ်အံၤ, ပှၤလၢအကတိၤတၢ်ကဘျံး ကဘျၣ်အထးခိၣ် ကဘၣ်တၢ်ဆွံတံာ်အီၤလီၤ.

၆၄

စီၤဒၤဝံးအထါလၢတၢ်အခိၣ်အဂီၢ်.

¹ လၢယဘါထုကဖၣ်န့ၣ်ဒိကနၣ်ယကလုၢ်, ယွၤဧၢ, ပၢၤယသးသမူလၢ တၢ်ပျံၤယဒုၣ်ယဒါန့ၣ်တက့ၢ်.

² ပာ်ခူသူၣ်ယၤလၢပှၤအၢဖိအတၢ်ကူၣ်ခူသူၣ်န့ၣ်, လၢ ပှၤမၤအၢတၢ်အတၢ်တၢထီၣ်တၢလီၤန့ၣ်တက့ၢ်. ³ အဝဲ သ့ၣ်ကျ့အပျ့ၤဒ်နးလၢအအ့ၣ်ဝဲအသိးန့ၣ်, ပညိၣ်အ ပျၢ်, တၢ်ကတိၤအခၣ်န့ၣ်, ⁴ ဒ်သိးအကခးခူသူၣ်ပှၤ အလၢအပှဲၤန့ၣ်လီၤ. ခးဝဲသတူၢ်ကလာ်, ဒီးတပျံၤ ဘၣ်တၢ်ဘၣ်. ⁵ ဒုးဆူၣ်ထီၣ်လိာ်အသးလၢ တၢ်အၢ အပူၤ, ကူၣ်ထီၣ်ဝဲလၢအကဆဲခူသူၣ် ပျံၤသကွီၤလီၤ. စံးဝဲ, မ့ၢ်မတၤကထံၣ်ဘၣ်အီၤလဲၣ်.

⁶ ကွၢ်ဃုတၢ်အၢ, ကူၣ်ထီၣ်ဒီးစံးဝဲ, ပဃုတၢ်လၢလၢ ပှဲၤပှဲၤလံ. ဒီးပှၤကိးဂၤဒဲးအတၢ်ဆိကမိၣ်လၢညါ, ဒီး အသးန့ၣ်ယိာ်ဝဲလီၤ. ⁷ ဘၣ်ဆၣ်ဒီးယွၤကခးဘၣ်အီၤ လၢပျၢ်, ဒီးကဘၣ်ဆဲးသတူၢ်ကလာ်လီၤ. ⁸ ဒ်န့ၣ်အ သိး, တၢ်ကဒုးလီၤဃံၤအီၤ, ဒီးအပျ့ၤဒၣ်ဝဲ ကထီဒါ အီၤလီၤ. ကယဲၢ်ပှၤလၢအထံၣ်အီၤ ကဃ့ၢ်ကွံာ်ကိး ဂၤဒဲးလီၤ. ⁹ ဒီးပှၤကညီခဲလၢာ်ကပျံၤတၢ်, ဒီးဒုးနဲၣ် ယွၤအတၢ်မၤ, ဒီးကကွၢ်ဆိကမိၣ်ဝဲ အမၤတၢ်အဂ့ၢ် အကျိၤလီၤ.

¹⁰ ပှၤတီပှၤလိၤ ကသးခုလၢယွၤအပူၤ, ဒီးကသန့ၤ အသးလၢအီၤ, ဒီးပှၤအသးစၢၢ်ဆၢန့ၣ် ကပာ်ကဖိ အသးခဲလၢာ်လီၤ.

၆၅

စီၤဒၤဝံးအထါ, တၢ်သးဝံၣ်လၢတၢ်အခိၣ်အဂီၢ်.

¹ တၢ်စံးထီၣ်ပတြၢၤအိၣ်ခိးနၤလၢစံယိၣ်အပူၤ, ယွၤဧၢ, ဒီးပှၤကမၤဘူၣ်နၤလၢတၢ်ဘၣ်ဃးဒီး အဆိၣ်တၢ်န့ၣ် လီၤ. ² ပှၤလၢအနၢ်ဟူတၢ်ဘါထုကဖၣ်တဂၤဧၢ, တၢ် ညၣ်ခဲလၢာ် ကဟဲဆူနအိၣ်လီၤ. ³ တၢ်အၢတၢ်သီမၤ နၢၤယၤလီၤ. နကမၤပူၤမၤဖျဲးပတၢ်ကမၣ်လီၤ. ⁴ ပှၤလၢ နဃုထၢအီၤ, ဒီးဒုးသုးဘူးအသးဆူနအိၣ်ဒ်သိးအက အိၣ်လၢနဂၢၤတဖၣ်အပူၤန့ၣ်ဘၣ်ဆိၣ်ဂ့ၤဝဲလီၤ. ပက မံသူၣ်မံသးလၢနဟံၣ်, နနူၢ်စီဆှံအတၢ်ဂ့ၤန့ၣ်လီၤ.

⁵ နကစံးဆၢပှၤလၢ တၢ်ပျံၤအလီၢ်တဖၣ် လၢတၢ်တီ တၢ်လိၤအပူၤ, တၢ်အုၣ်က့ၤခီၣ်က့ၤပှၤအကစၢ်, တၢ် သန့ၤအလီၢ် လၢပှၤအိၣ်လၢ ဟီၣ်ခိၣ်အကတၢၢ်ခဲ လၢာ်, ဒီးပှၤအိၣ်လၢအယံၤ လၢပီၣ်လဲၣ်ပူၤတဖၣ်အ ဂီၢ်န့ၣ်တဂၤဧၢ.

⁶ မ့ၢ်ပှၤလၢအမၤဂၢၢ်မၤကျၢၤ ကစၢၢ်ကလိလၢအဂံၢ် အဘါ, လၢအယီၢ်ဒ့ကံၢ်တူာ်အသးလၢ တၢ်အစိအ အကမီၤ, ⁷ လၢအဒုးအိၣ်ဘှီၣ်ပီၣ်လဲၣ်အသီၣ်, အလ ပီတဖၣ်အသီၣ်, ပှၤဂီၢ်မုၢ်အတၢ်တၢထီၣ်တၢလီၤလီၤ.―

⁸ ပှၤလၢအအိၣ်ဝဲလၢ တၢ်အကတၢၢ်တဖၣ်န့ၣ် ပျံၤန တၢ်အပနီၣ်လီၤလးလီၤ. နဒုးသူၣ်ဖှံသးညီ မုၢ်ဂီၤဒီး မုၢ်ဟါအတၢ်လဲၤထီၣ်န့ၣ်လီၤ.

⁹ နအိၣ်သကိးဟီၣ်ခိၣ်, ဒီးနမၤဘၣ်စီၣ်အီၤ, နမၤထူး မၤတီၤအီၤအါအါကလဲာ်, ဒီးယွၤအထံမိၢ်ပှၢ်ပှဲၤဝဲဒီး ထံလီၤ. တုၤနကတဲာ်ကတီၤဟီၣ်ခိၣ်ဒီး, နကတဲာ် ကတီၤဘုဧိၤဟုဧိၤလၢအဂီၢ်လီၤ.

¹⁰ နမၤဘၣ်စီၣ်အကျိၤတဖၣ်လၢလၢပှဲၤပှဲၤ, နမၤလီၤ ဆၢၣ်အဂ့ၢ်တဖၣ်, နမၤကဘုးအီၤလၢတၢ်စူၤ, နဆိၣ် ဂ့ၤအတၢ်မဲထီၣ်လီၤ. ¹¹ နဒုးကုာ်ထီၣ်နံၣ်လၢနတၢ်ဂ့ၤ အခိၣ်သလုး, နကျဲဧိၤကပူၤဧိၤဒုးလီၤစီၤသိလီၤ. ¹² ဒုး လီၤစီၤဝဲလၢတၢ်အီၣ်ဆၣ်အလီၢ်အဖီခိၣ်လၢ ပှၢ်လၢ် ကျါ, ဒီးတၢ်စိခိၣ်တဖၣ် ကံၢ်တူာ်အယီၢ်ဒ့လၢတၢ် သူၣ်ဖှံသးညီလီၤ.

¹³ တၢ်အီၣ်ဆၣ်အလီၢ်န့ၣ် ကူသိးဝဲဒီး သိအဖုတဖၣ်, ဒီးတၢ်ပၢၤခိၣ်န့ၣ် တၢ်လုၣ်ဘၢအီၤလၢ ဘုဧိၤဟုဧိၤ လီၤ. ကိးပသူထီၣ်, ဒီးသးဝံၣ်ထီၣ်လီၤ.

၆၆

ထါ, တၢ်သးဝံၣ်လၢတၢ်အခိၣ်အဂီၢ်.

¹ ကိးထီၣ်ယွၤလၢ သုတၢ်သူၣ်ခုသးခုတက့ၢ်, ဟီၣ် ခိၣ်ဖိခဲလၢာ်သ့ၣ်ဧၢ. ² သးဝံၣ်ထီၣ်အမံၤအလၤအက ပီၤ, ပာ်အလၤကပီၤအတၢ်စံးထီၣ်ပတြၢၤန့ၣ်တက့ၢ်.

³ စံးလၢယွၤ, နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံး ဒိၣ်လဲၣ်. လၢနစိဒိၣ်ကမီၤထီအဃိန့ၣ် နဒုၣ်နဒါတ ဖၣ်ကပာ်ဆီၣ်လီၤအသးလၢနၤလီၤ. ⁴ ပှၤဟီၣ်ခိၣ်ဖိက ဘူၣ်ထီၣ်ကဘါထီၣ်နၤကိးဂၤဒဲး, ဒီးကသးဝံၣ်ထီၣ် နမံၤလီၤ. စ့လၤ.

⁵ ဟဲ, ကွၢ်ယွၤအမၤတၢ်တဖၣ်န့ၣ်တက့ၢ်. အမၤတၢ် အိၣ်ဝဲဒီးတၢ်ပျံၤတၢ်ဖုးအလီၢ်လၢ ပှၤကညီဖိအဂီၢ် လီၤ. ⁶ မၢပီၣ်လဲၣ်ကဲထီၣ်ခိ, ပှၤခီဂာ်ထံကျိလၢအ ခီၣ်လီၤ. ⁷ ဖဲန့ၣ်ပသူၣ်ခုသးခုလၢအပူၤလီၤ. ပၢတၢ် အစိၤစိၤအဃၣ်ဃၣ်လၢ အစိအကမီၤလီၤ. အမဲာ် ကွၢ်ထံပှၤကလုာ်တဖၣ်လီၤ. မ်ပှၤပူထီၣ်တၢ်ဖိအသု တပာ်ထီၣ်ထီအသးတဂ့ၤ. စ့လၤ.

⁸ ပှၤဂီၢ်မုၢ်သ့ၣ်ဧၢ, စံးထီၣ်ပတြၢၤပကစၢ်, ဒီးဒုးနၢ်ဟူ အတၢ်စံးထီၣ်ပတြၢၤအသီၣ်တက့ၢ်. ⁹ ဟံးဃာ်ပသး လၢတၢ်မူအပူၤ, ဒီးတဟ့ၣ်ပခီၣ်ဟူးဝးဘၣ်. ¹⁰ အဂ့ၢ် ဒ်အံၤ, နမၤကွၢ်လံပှၤလံ, ယွၤဧၢ, နမၤပှံၢ်လံပှၤဒ်စ့ ဘၣ်တၢ်မၤပှံၢ်အီၤအသိးန့ၣ်လီၤ. ¹¹ နဒုးလဲၤနုာ်ပှၤလၢ ပှာ်ဧိၤစၤဧိၤအပူၤ, နပာ်တၢ်နးတၢ်ဖှီၣ်လၢပယီၢ်ဒ့အ လိၤ, ¹² နဒုးဒိးပှၤလၢပခိၣ်အဖီခိၣ်လီၤ. ပလဲၤဖျိမ့ၣ် အူဒီးထံလီၤ. ဘၣ်ဆၣ်ဒီး နဒုးဟဲထီၣ်ပှၤဆူတၢ်အါ အလီၢ်န့ၣ်လီၤ.

¹³ ယကဟဲဆူနဟံၣ်ပူၤဒီး တၢ်လုၢ်မ့ၣ်အူ, ဒီးယက မၤဘူၣ်နၤလၢ တၢ်ဘၣ်ဃးဒီးယဆိၣ်တၢ်, ¹⁴ လၢအ ထီၣ်ဖျဲးလၢယပျုၤပူၤ, ဒီးယထးခိၣ်ကတိၤတၢ်ဖဲယ ဘၣ်တၢ်ကိၢ်တၢ်ဂီၤလီၤ. ¹⁵ ယကလုၢ်နၤလၢတၢ်လုၢ် မ့ၣ်အူလၢတၢ်ဘီၣ်တၢ်ညီအကျါ, ဒီးတၢ်ဆိၣ်ကဲၤနၢမူ ဘၣ်ဃးဒီးသိဖါတဖၣ်, ယကလုၢ်ဂီၤဖံး, ဒီးမဲာ်တဲး လဲးလီၤ. စ့လၤ.

¹⁶ ဟဲကနၣ်တက့ၢ်, ပှၤလၢအပျံၤယွၤခဲလၢာ်သ့ၣ်ဧၢ, ဒီးယကစံၣ်တဲၤတဲလီၤတၢ်လၢအမၤဝဲလၢယသးအဂီၢ် လီၤ. ¹⁷ ယကိးထီၣ်ဆူအအိၣ်လၢယထးခိၣ်, ဒီးယ ကစံးထီၣ်ပတြၢၤအီၤလၢယပျ့ၤလီ.

¹⁸ ယမ့ၢ်ပးကဲတၢ်အၢလၢယသးကံၢ်ပူၤဒီး, ယွၤတက နၣ်ဘၣ်ယၤဘၣ်. ¹⁹ မ့မ့ၢ်ယွၤကနၣ်လံဝဲလံ, ဒိကနၣ် လံယတၢ်ထုကဖၣ်အကလုၢ်လံ.

²⁰ ယွၤလၢအတဃၣ်ဒူၣ်ချၢအသးလၢယတၢ်ထုကဖၣ်, လၢအတဟံးက့ၤအဘျုးအဖှိၣ်လၢယၤဘၣ်တဂၤန့ၣ်မ် အဘၣ်တၢ်စံးထီၣ်ပတြၢၤတက့ၢ်.

၆၇

ထါ, တၢ်သးဝံၣ်လၢတၢ်အခိၣ်အဂီၢ်လၢနီၣ်ဒ့တၢ်.

¹ ဒ်သိးပှၤဟီၣ်ခိၣ်ဖိ ကသ့ၣ်ညါနကျဲနကပူၤ, ဒ်သိး ပှၤကညီကိးအကလုာ်ဒဲးကသ့ၣ်ညါ နတၢ်အုၣ်က့ၤ ခီၣ်က့ၤဒီး, မ်ယွၤသးကညီၤပှၤဒီး ဆိၣ်ဂ့ၤပှၤတက့ၢ်,

² မ်အဒုးကပီၤထီၣ်ဘၣ်ပှၤလၢအမဲာ်တက့ၢ်.

³ ယွၤဧၢ, မ်ပှၤဂီၢ်မုၢ်စံးထီၣ်ပတြၢၤနၤတက့ၢ်. မ်ပှၤခဲ လၢာ်စံးထီၣ်ပတြၢၤနၤတက့ၢ်.

⁴ မ်ပှၤဂီၢ်မုၢ်သူၣ်ခုသးခု, ဒီးသးဝံၣ်တၢ်လၢတၢ်သူၣ်ဖှံ သးညီတက့ၢ်. အဂ့ၢ်ဒ်အံၤ, နဲဒၣ်အံၤ နကစံၣ်ညီၣ် တီပှၤဂီၢ်မုၢ်, ဒီးနသးကအိၣ်ပှၤဂီၢ်မုၢ်လၢဟီၣ်ခိၣ်ချၢ လီၤ. စ့လၤ.

⁵ ယွၤဧၢ, မ်ပှၤဂီၢ်မုၢ်စံးထီၣ်ပတြၢၤနၤတက့ၢ်. မ်ပှၤခဲ လၢာ်စံးထီၣ်ပတြၢၤနၤတက့ၢ်.

⁶ ဟီၣ်ခိၣ်ဟ့ၣ်ထီၣ်လံအတၢ်အါထီၣ်, ဒီးယွၤပကစၢ် ကဆိၣ်ဂ့ၤပှၤလီၤ. ⁷ ယွၤကဆိၣ်ဂ့ၤပှၤ, ဒီးပှၤဟီၣ်ခိၣ် ဖိကပျံၤယွၤပၢၢ်လၢ ဟီၣ်ခိၣ်အကတၢၢ်တဖၣ်န့ၣ်လီၤ.

၆၈

စီၤဒၤဝံးအထါ, တၢ်သးဝံၣ်လၢတၢ်အခိၣ်အဂီၢ်.

¹ မ်ယွၤဂဲၤဆၢထၢၣ်တက့ၢ်. မ်အဒုၣ်အဒါလီၤပြံလီၤ ပြါတက့ၢ်. ဒီးပှၤလၢအသးဟ့အီၤတဖၣ်န့ၣ် မ်အ ဃ့ၢ်တၢ်လၢအမဲာ်ညါတက့ၢ်. ² ဒ်မ့ၣ်အူခုၣ်ဘၣ်တၢ် ဟီထီၣ်ကွံာ်အီၤအသိးန့ၣ်, ဟီထီၣ်ကွံာ်အီၤ, ဒ်ဃိး ပှံၢ်ဝဲလၢမ့ၣ်အူအမဲာ်ညါအသိးန့ၣ် မ်ပှၤတတီတလိၤ ဟးဂီၤလၢ ယွၤအမဲာ်ညါတက့ၢ်. ³ မ့မ့ၢ်ပှၤတီပှၤ လိၤန့ၣ် မ်အသးခုတက့ၢ်. မ်အသူၣ်ဖှံသးညီလၢယွၤ အမဲာ်ညါတက့ၢ်. မ့ၢ်လံ. မ်အသူၣ်ဖှံသးညီဒီးတၢ် သူၣ်ခုသးခုန့ၣ်တက့ၢ်.

⁴ သးဝံၣ်ထီၣ်ယွၤ, သးဝံၣ်ထီၣ်အမံၤတက့ၢ်. မၤကျဲ တဘိလၢပှၤလၢအဒိးထီၣ်တၢ်လၢ ပှၢ်မုၢ်ကနၢတဂၤ အဂီၢ်န့ၣ်တက့ၢ်. အမံၤမ့ၢ်ယွၤလီၤ. သူၣ်ဖှံသးညီလၢ အမဲာ်ညါတက့ၢ်. ⁵ ယွၤလၢအအိၣ်လၢအလီၢ်စီဆှံအပူၤန့ၣ် မ့ၢ်ပှၤဖိၣ်ဃဲအပၢ်, ဒီးပှၤလၢအစံၣ်ညီၣ်န့ၢ်ပှၤမုၣ်ကမဲအကွီၢ်လီၤ.―

⁶ ပှၤလၢအအိၣ်သယုၢ်တဂၤဧိၤန့ၣ် ယွၤပာ်ဝဲလၢဟံၣ် ပူၤလီၤ. ဒုးဟဲထီၣ် ပှၤလၢအဘၣ်စၢဃာ်လၢထးသွဲ လီၤ. မ့မ့ၢ် ပှၤပူထီၣ်တၢ်ဖိန့ၣ် အိၣ်ဝဲဆိးဝဲလၢအ လီၢ်အိၣ်သယုၢ်လီၤ.

⁷ ယွၤဧၢ, တုၤနလဲၤထီၣ်လၢနပှၤဂီၢ်မုၢ်အမဲာ်ညါ, ဒီး တုၤနလဲၤတၢ်လၢပှၤမုၢ်ကနၢဒီး, (စ့လၤ) ⁸ ဟီၣ်ခိၣ် ဆှဲးဆှိး, မူခိၣ်ဒုးလီၤစီၤစ့ၢ်ကီးတၢ်လၢကစၢ်အမဲာ်ညါ, စံၤနါဒၣ်လဲာ်လၢကစၢ်အမဲာ်ညါ, အံၣ်စရ့လးအက စၢ်လီၤ. ⁹ နမၢတၢ်ဟဲစူၤအါအါကလဲာ်, ကစၢ်ဧၢ, န မၤကျၢၤနတၢ်န့ၢ်သါဖဲ တၢ်ဘှံးအသးအခါန့ၣ်လီၤ.

¹⁰ နပှၤတဖုအိၣ်ဝဲဆိးဝဲလၢနပူၤ, နကတဲာ်ကတီၤတၢ် လၢနတၢ်ဂ့ၤအဃိလၢပှၤဖှီၣ်န့ၢ်ယာ်ကဲအဂီၢ်, ယွၤဧၢ.

¹¹ ကစၢ်ဟ့ၣ်လီၤအကလုၢ်, ပိာ်မုၣ်လၢအကတိၤသြီ တၢ်ကစီၣ်န့ၣ်အိၣ်ဂီၢ်မုၢ်ဖးဒိၣ်လီၤ. ¹² သုးမုၢ်အစီၤပၤ တဖၣ်ဃ့ၢ်ကွံာ်ဝဲ, ဃ့ၢ်ကွံာ်ဝဲ, ဒီးပိာ်မုၣ်လၢအအိၣ် ဒၣ်တၢ်လၢဟံၣ်ပူၤန့ၣ် နီၤဖးတၢ်ဂုာ်န့ၢ်လီၤ.

¹³ တုၤသုမံလီၤလၢသိကရၢပူၤဒီး, တၢ်ကမၤသးဒ်ထိၣ် လွံၢ်အဒံးဆ့ဖှူဝဲလၢစ့, ဒီးအထိၣ်ဒံးဖျါဘီဝဲဒ်ထူစီအ သိးန့ၣ်လီၤ. ¹⁴ တုၤတၢ်သ့တၢ်လၢာ် မၤလီၤပြံလီၤပြါ စီၤပၤတဖၣ်လၢအပူၤဒီး, တၢ်ဟဲစူၤလၢမူခိၣ်ဖီလၢစၤ လမိၣ်အလိၤန့ၣ်လီၤ.

¹⁵ ယွၤအကစၢၢ်ကလိမ့ၢ်ဘၤၡၣ်အကစၢၢ်, တၢ်ထီၣ်ထီ တဖၣ်အကစၢၢ်မ့ၢ်ဘၤၡၣ်အကစၢၢ်လီၤ. ¹⁶ သုကွၢ်တ ကျ့လၢသုမဲာ်ကစၢၢ်တဖျၢၣ် လၢအဘၣ်ကစၢ်အသး လၢအကအိၣ်ဝဲဆိးဝဲလၢအလိၤန့ၣ် မ့ၢ်အဘၣ်မနုၤ လဲၣ်, တၢ်ထီၣ်ထီတဖၣ်အကစၢၢ်ဧၢ. မ့ၢ်လံ, ယွၤ ကအိၣ်လၢအလိၤလီၤထူလီၤယိာ်လီၤ. ¹⁷ ယွၤအလ့ၣ် ကဟၣ်အိၣ်ခံကလး, တကထိဘၣ်တကထိ, တက ထိဘၣ်တကထိလီၤ. ယွၤအိၣ်ဝဲလၢအကျါ, စံၤနါ လၢအလီၢ်စီဆှံလီၤ.

¹⁸ နလဲၤထီၣ်လံဆူတၢ်ထီၣ်ထီလံ, နမိၤထီၣ်မၢကဲကုၢ် လံတၢ်လၢအမၢကဲကုၢ်တၢ်န့ၣ်လီၤ. နဟံးန့ၢ်လံတၢ် ဟ့ၣ်လၢပှၤကညီအဂီၢ်, လၢပှၤပူထီၣ်တၢ်ဖိအဂီၢ်ဒၣ် လဲာ်, ဒ်သိးယွၤကစၢ်ကအိၣ်ကဆိးဒီးအီၤလီၤ.

¹⁹ မ်ယွၤလၢအဝံ ပတၢ်ဝံတၢ်ယိးတနံၤဘၣ်တနံၤန့ၣ် ဘၣ်တၢ်စံးထီၣ်ပတြၢၤအီၤတက့ၢ်. တၢ်အုၣ်က့ၤခီၣ် က့ၤပှၤန့ၣ် မ့ၢ်ယွၤလီၤ. စ့လၤ.

²⁰ ယွၤမ့ၢ်တၢ်အုၣ်က့ၤခီၣ်က့ၤပှၤအကစၢ်လီၤ. ဒီးတၢ် ဟးထီၣ်လၢတၢ်သံအပူၤတဖၣ်န့ၣ် အိၣ်ဝဲဒီးကစၢ်ယွၤ လီၤ. ²¹ မ့ၢ်မးယွၤမၤသဘှံးအဒုၣ်အဒါတဖၣ်အခိၣ်, ပှၤ လၢအလဲၤတၢ်လၢအတၢ်ကမၣ်အပူၤန့ၣ် အခိၣ်အိၣ် ဒီးခိၣ်သူန့ၣ်လီၤ. ²² ယွၤစံးဝဲဒၣ်, ယကဒုးဟဲက့ၤတၢ် လၢဘၤၡၣ်, ယကဒုးဟဲက့ၤတၢ်လၢပီၣ်လဲၣ်အတၢ် ယိာ်ပူၤ, ²³ ဒ်သိးနကဘျၢနခီၣ်လၢတၢ်သွံၣ်အပူၤ, ဒ် သိးနထွံၣ်အပျ့ၤကလ့ၣ်နဒုၣ်နဒါန့ၣ်လီၤ.

²⁴ ထံၣ်ဘၣ်ဝဲလၢနလဲၤတၢ်, ယွၤဧၢ, ယကစၢ်, ယ စီၤပၤအလဲၤတၢ်လၢအလီၢ်စီဆှံအပူၤန့ၣ်လီၤ. ²⁵ ပှၤသး ဝံၣ်တၢ်ဖိလဲၤလၢညါ, ပှၤဒ့တၢ်ဖိလၢခံလၢပှၤမုၣ်က နီၤတဖၣ် လၢအပှီၢ်တၢ်တဖၣ်အကျါလီၤ. ²⁶ လၢတၢ် အိၣ်ဖှိၣ်အကျါန့ၣ် စံးထီၣ်ပတြၢၤကစၢ်ယွၤတက့ၢ်, ပှၤလၢအမ့ၢ်အံၣ်စရ့လးအထံထီၣ်ပၢၢ်လီၤ ²⁷ ပှၤဆံး, ပှၤလၢအပၢအီၤ, ဘံၣ်ယၤမံၣ်အိၣ်ဖဲန့ၣ်, ယူဒၤအပဒိၣ် ဖးဒိၣ်တဖၣ်, ဒီးအပှၤဂီၢ်မုၢ်, စဘူလိၣ်အပဒိၣ်ဖးဒိၣ်, နးသၤလံအပဒိၣ်ဖးဒိၣ်လီၤ.

²⁸ နကစၢ်မၤလိာ်နဂံၢ်နဘါလီၤ. မၤဆူၣ်ထီၣ်, ကစၢ် ဧၢ, တၢ်လၢနမၤလၢပဂီၢ်တက့ၢ်.

²⁹ စီၤပၤတဖၣ်ကဟဲစိာ်ခိၣ်ဖးဆူနအိၣ်လၢ နနူၢ်လၢ ယရူၤၡလ့ၣ်အပူၤအဃိန့ၣ်လီၤ. ³⁰ သိၣ်ဃီၣ်တပိၢ်အ ဆၣ်ဖိကီၢ်ဖိအမံၤ, ဂီၤဖံးဖါအတၢ်အိၣ်ဖှိၣ်, ဒီးပှၤဂီၢ် မုၢ်အဂီၤဖံးဖိဖဲအဆီၣ်လီၤအသးလၢ စ့အကူာ်တဖၣ် န့ၣ်တက့ၢ်. မၤလီၤပြံလီၤပြါပှၤလၢအဘၣ်အသးလၢ ဒုးသုးတက့ၢ်. ³¹ ပဒိၣ်အိၣ်ဒီးခ့ဒီးပှၤတဖၣ် ကဟဲက့ၤ ထီၣ်လၢအဲၤကူပတူးအပူၤ, ကူၤၡးကယူာ်ထီၣ်အစု ဆူယွၤအအိၣ်လီၤ.

³² ဟီၣ်ခိၣ်အဘီမုၢ်သ့ၣ်ဧၢ, သးဝံၣ်ထီၣ်ယွၤတက့ၢ်. စံးထီၣ်ပတြၢၤယွၤတက့ၢ်. စ့လၤ.

³³ ပှၤလၢအဒိးမူခိၣ်အမူခိၣ် လၢပျၢၤလၢကစၢၤတဂၤ န့ၣ်, စံးထီၣ်ပတြၢၤအီၤတက့ၢ်. ကွၢ်ကွၢ်, အကလုၢ် လီၤဝဲ, အသီၣ်ဖးဒိၣ်လီၤ. စ့လၤ.

³⁴ ပာ်တၢ်ဂံၢ်ဆူၣ်ဘါဆူၣ်လၢယွၤတက့ၢ်. အလၤအ ကပီၤအိၣ်ဝဲလၢအံၣ်စရ့လးအဖီခိၣ်, ဒီးအစိအကမီၤ အိၣ်ဝဲလၢတၢ်အၢၣ်တဖၣ်လီၤ. ³⁵ ယွၤဧၢ, နမ့ၢ်တၢ် ပျံၤအလီၢ်လၢနလီၢ်စီဆှံအပူၤလီၤ. အံၣ်စရ့လးအက စၢ်မ့ၢ်ပှၤလၢအဟ့ၣ်အပှၤဂီၢ်မုၢ် လၢအဂံၢ်အဘါ, ဒီး တၢ်အစိအကမီၤလီၤ. စံးထီၣ်ပတြၢၤယွၤတက့ၢ်.

၆၉

စီၤဒၤဝံးအထါလၢတၢ်အခိၣ်အဂီၢ်လၢဖီဒ့ၣ်ညါ.

¹ အုၣ်က့ၤခီၣ်က့ၤယၤတက့ၢ်, ယွၤဧၢ, အဂ့ၢ်ဒ်အံၤ, ထံ တဖၣ်န့ၣ်ဟဲနုာ်ပၢၢ်လၢယသးလီၤ. ² ယလီၤဘျၢလၢ ကပံာ်ယိာ်အကျါ, ဒီးဆၢထၢၣ် အလီၢ်တအိၣ်ဘၣ်. ယဟဲနုာ်လၢထံယိာ်အကျါ, ဒီးထံလုၣ်ဘၢယၤလီၤ.

³ တၢ်ဘှံးယသးလၢယကိးထီၣ်အဃိ, ယကိာ်ပူၤဃ့ ထီ, ယမဲာ်လၢာ်လၢယကွၢ်လၢ်ယကစၢ်အကျဲအဃိ လီၤ. ⁴ ပှၤလၢအသးဟ့ယၤကလီကလီန့ၣ်အိၣ်ဝဲအါ န့ၢ်ယခိၣ်သူအဘိတက့ၢ်လီၤ. ပှၤလၢအကမၤဟးဂီၤ ယၤ, ယဒုၣ်ယဒါတတီဘၣ်တဖၣ်န့ၣ် အိၣ်ဆူၣ်မး လီၤ. တၢ်လၢယတဟံးန့ၢ်န့ၣ် ယဟ့ၣ်ကၣ်လီၤ.

⁵ ယွၤဧၢ, နသ့ၣ်ညါယတၢ်ကလီကလီ, ဒီးယတၢ်ဒဲး ဘးတအိၣ်တဒၢဘၣ်လၢနၤဘၣ်. ⁶ ပှၤလၢအအိၣ်ခိး နၤတဖၣ်န့ၣ်, ယွၤ, တၢ်သုးမုၢ်ဂီၢ်မုၢ်အယွၤဧၢ, မ်အ သုတမဲာ်ဆှးလၢယဃိတဂ့ၤ. ပှၤလၢအဃုနၤတဖၣ်န့ၣ် မ်အသုတဘၣ်တၢ်ပာ်မဲာ်ဆှးအီၤလၢယဃိတဂ့ၤ, အံၣ်စရ့ လးအကစၢ်ဧၢ, ⁷ အဂ့ၢ်ဒ်အံၤ, ယဘၣ်တၢ်ဒုၣ်ဒွဲၣ်လၢ နဃိလီၤ. တၢ်မဲာ်ဆှးလုၣ်ဘၢယမဲာ်လီၤ. ⁸ ယကဲ ထီၣ်ပှၤတမှံၤလၢယဒီပုၢ်ဝဲၢ်အမဲာ်ညါ, ဒီးပှၤတခီဘီ မုၢ်ဖိလၢယမိၢ်အဖိအမဲာ်ညါလီၤ.

⁹ အဂ့ၢ်ဒ်အံၤ, ယသးဆူၣ်လၢနဟံၣ်အဂီၢ်န့ၣ်အီၣ်ကွံာ် ယၤလံ, ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယ လိၤလီၤ. ¹⁰ ဖဲယမဲာ်ထံလီၤ, ဒီးယသးဒုၣ်တၢ်အီၣ်ဒီး, အဝဲန့ၣ် ကဲထီၣ်ဝဲလၢတၢ်ဒုၣ်ဒွဲၣ်ယၤလီၤ. ¹¹ ယပာ် ထၢၣ်အတၢ်ကံးညာ်လၢယကူယသိး, ဒီးယကဲထီၣ် တၢ်ကတိၤဒိလၢပှၤအမဲာ်ညါလီၤ. ¹² ပှၤလၢအဆ့ၣ်နီၤ လၢပဲတရီအပူၤန့ၣ် ကတိၤတၢ်ထီဒါယၤလီၤ. ဒီးယ ကဲထီၣ်ပှၤအီမူၤသံးအအုၣ်တၢ်အလီၢ်လီၤ.

¹³ မ့မ့ၢ်ယဲဒၣ်အံၤ လၢအဆၢအကတီၢ်ဘၣ်န့ၣ်ယဘါ ထုကဖၣ်နၤလီၤ. ယွၤဧၢ, ကနၣ်ယကလုၢ်လၢနဘျုး အါနဖှိၣ်ဒိၣ်အဃိ, လၢနတၢ်အုၣ်က့ၤခီၣ်က့ၤတၢ်အ တၢ်မ့ၢ်တၢ်တီအဃိန့ၣ်တက့ၢ်.

¹⁴ မၤပူၤမၤဖျဲးယၤလၢကပံာ်န့ၣ်တက့ၢ်, ဒီးမ်ယသုတ လီၤဘျၢတဂ့ၤ. မ်တၢ်မၤပူၤမၤဖျဲးယၤလၢပှၤသးဟ့ယၤ တဖၣ်, ဒီးလၢထံယိာ်န့ၣ်တက့ၢ်. ¹⁵ မ်ထံသုတလုၣ် ဘၢယၤတဂ့ၤ. မ်ထံယိာ်ပူၤန့ၣ် အသုတယူၢ်လီၤကွံာ် ယၤတဂ့ၤ, မ်တၢ်ပူၤန့ၣ်အသုတကျၢၢ်ဘၢန့ၢ်ယၤလၢ အကိာ်ပူၤတဂ့ၤ.

¹⁶ ကနၣ်ယကလုၢ်တက့ၢ်, ယွၤဧၢ, အဂ့ၢ်ဒ်အံၤ, နဘျုး နဖှိၣ်မ့ၢ်တၢ်အဂ့ၤလီၤ. ဃၣ်နသးဆူယအိၣ်, ဒ်နသး ကညီၤတၢ်အါအသိးန့ၣ်တက့ၢ်. ¹⁷ ပာ်တဒၢနမဲာ်လၢ နခ့နပှၤအအိၣ်န့ၣ်တဂ့ၤ. အဂ့ၢ်ဒ်အံၤ, ယဘၣ်တၢ်ကိၢ် တၢ်ဂီၤလီၤ. ဒိကနၣ်ယကလုၢ်လၢအဆိအချ့တက့ၢ်.

¹⁸ သုးဘူးနသးဆူယသးအအိၣ်, ဒီးပှ့ၤက့ၤအီၤတက့ၢ်. မၤပူၤဖျဲးယၤလၢယဒုၣ်ယဒါအဃိန့ၣ်တက့ၢ်.

¹⁹ နဲဒၣ်အံၤနသ့ၣ်ညါယတၢ်ဒုၣ်ဒွဲၣ်, ဒီးယတၢ်မဲာ်ဆှး, ဒီးတၢ်ပာ်ဆှးယမဲာ်လီၤ. ယဒုၣ်ယဒါအိၣ်ဝဲလၢနမဲာ် ညါခဲလၢာ်လီၤ. ²⁰ တၢ်ဒုၣ်ဒွဲၣ်ဒုးသူၣ်ကၢ်သးလီၤယၤ, ဒီးယသးဆါလီၤ. ဒီးယကွၢ်လၢ်ပှၤလၢအကသးက ညီၤတၢ်, ဒီးတအိၣ်ဘၣ်. ဒီးလၢပှၤမၤမုာ်တၢ်အကျဲ, ဒီးယတထံၣ်န့ၢ်ဘၣ်လီၤ. ²¹ ဒီးပှၤဟ့ၣ်လီၤယၤလၢတၢ် ခၣ်လၢယတၢ်အီၣ်အဂီၢ်, ဒီးတုၤတၢ်သူယသးလၢထံ ဒီး, ဒုးအီယၤလၢတၤဆံၣ်အထံလီၤ.

²² မ်အစီၢ်နီၤခိၣ်ကဲထီၣ်ထုတဆိလၢအမဲာ်ညါတက့ၢ်. ဒီးတၢ်လၢအမၤမုာ်ထီၣ်က့ၤအလီၢ်န့ၣ် မ်အကဲထီၣ် တၢ်ပျံၤသကွီၤန့ၣ်တက့ၢ်. ²³ မ်အမဲာ်ခံးလီၤလၢအသု တထံၣ်ဘၣ်တၢ်တဂ့ၤ, ဒီးဒုးကနိးအယီၢ်ဒ့တထံၣ်ဃီ တက့ၢ်. ²⁴ လူလီၤနသးထီၣ်လၢအလိၤတက့ၢ်. မ်န သးဒိၣ်ကဲၤထီၣ် ချုးန့ၢ်အီၤတက့ၢ်. ²⁵ မ်အအိၣ်အဆိး အလီၢ်အိၣ်သယုၢ်တက့ၢ်. မ်ပှၤအသုတအိၣ်တဆိး လၢအဒဲတဖၣ်အပူၤန့ၣ်တဂ့ၤ.

²⁶ အဂ့ၢ်ဒ်အံၤ, မၤအၢမၤသီပှၤလၢနကျီအီၤ, ဒီးဃဲၤ တၢ်လၢပှၤလၢနဆဲးအီၤတဖၣ် အတၢ်နးတၢ်ဖှီၣ်အ ဂ့ၢ်လီၤ. ²⁷ ပာ်တၢ်အၢလၢ အတၢ်အၢအဖီခိၣ်တက့ၢ်, ဒီးဒုးဟဲနုာ်အီၤဆူနတၢ်တီတၢ်လိၤအပူၤတဂ့ၤ. ²⁸ တြူာ် ကွံာ်အီၤလၢ လံာ်မူအပူၤတက့ၢ်. ဒီးမ်အသုတအိၣ် ကွဲးအသးဒီးပှၤအတီအလိၤတဂ့ၤ.

²⁹ မ့မ့ၢ်ယဲဒၣ်အံၤ ယဘၣ်နးဘၣ်ဖှီၣ်, ဒီးယသူၣ်အုး သးအုးလီၤ. ယွၤဧၢ, မ်နတၢ်အုၣ်က့ၤခီၣ်က့ၤတၢ်န့ၣ် ပာ်ယၤလၢတၢ်ထီၣ်ထီတက့ၢ်.

³⁰ ယကစံးထီၣ်ပတြၢၤယွၤအမံၤ လၢတၢ်သးဝံၣ်, ဒီး ယကပာ်ဒိၣ်အီၤလၢ တၢ်စံးထီၣ်ပတြၢၤလီၤ. ³¹ ဒီးက ဂ့ၤန့ၢ်ဂီၤဘုၣ်ဂီၤဖံး, ကျီၢ်ဧိၤကျၢ်ဧိၤလၢအအိၣ်ဒီးနၢၤဒီး ခီၣ်မ့ၣ်တက့ၢ်န့ၣ်လၢယွၤအမဲာ်ညါလီၤ. ³² ပှၤအသး စူၤန့ၣ် ကထံၣ်ဘၣ်ဝဲဒီးသးခုဝဲလီၤ, ပှၤလၢအဃုယွၤ သ့ၣ်ဧၢ, သုသးကမူလီၤ. ³³ အဂ့ၢ်ဒ်အံၤ, ယွၤဒိကနၣ် ပှၤဖှီၣ်ဖိယာ်ဖိအကလုၢ်, ဒီးပှၤဘၣ်တၢ်စၢဃာ်တဖၣ် န့ၣ်တမၤတရီတပါဘၣ်အီၤဘၣ်.

³⁴ မ်မူခိၣ်ဒီးဟီၣ်ခိၣ်, ပီၣ်လဲၣ်ဒီးကယဲၢ်တၢ်လၢအဂဲၤ လၢအပူၤခဲလၢာ်န့ၣ် စံးထီၣ်ပတြၢၤအီၤတက့ၢ်.

³⁵ အဂ့ၢ်ဒ်အံၤ, ယွၤကအုၣ်က့ၤခီၣ်က့ၤစံယိၣ်, ဒီးမၤ ထီၣ်က့ၤယူဒၤအဝ့ၢ်တဖၣ်, ဒီးအဝဲသ့ၣ်တဖၣ်ကအိၣ် ကဆိးလၢအပူၤ, ဒီးကန့ၢ်ဘၣ်အီၤလီၤ, ³⁶ ဒီးအခ့အ ပှၤအချံအသၣ်န့ၣ်ကန့ၢ်သါဝဲ, ဒီးပှၤလၢအအဲၣ်အမံၤ တဖၣ်ကအိၣ်ကဆိးလၢအပူၤလီၤ.

၇၀

စီၤဒၤဝံးအထါလၢတၢ်အခိၣ်အဂီၢ်, လၢတၢ်သ့ၣ်နီၣ်ထီၣ်က့ၤ.

¹ ယွၤဧၢ, မၤပူၤမၤဖျဲးယၤတက့ၢ်. ယွၤဧၢ, မၤချ့ချ့ လၢနကမၤစၢၤယၤတက့ၢ်.

² ပှၤလၢအဃုယသးတဖၣ်န့ၣ် မ်အမဲာ်ဆှး, ဒီးမ်အ ဘၣ်တၢ်ပာ်မဲာ်ဆှးအီၤန့ၣ်တက့ၢ်. ပှၤလၢအဘၣ်အ သးလၢယဘၣ်တၢ်အၢတဖၣ်န့ၣ် မ်တၢ်ဒုးဂုၤက့ၤအခံ, ဒီးဘၣ်တၢ်ပာ်မဲာ်ဆှးအီၤန့ၣ်တက့ၢ်. ³ ပှၤလၢအစံး, အၣ်ဟါ, အၣ်ဟါန့ၣ် မ်တၢ်ဒုးဃၣ်ကဒါက့ၤအီၤလၢ အတၢ်မဲာ်ဆှးအဘူးအလဲအဂီၢ်န့ၣ်တက့ၢ်. ⁴ ပှၤလၢ အဃုနၤခဲလၢာ်န့ၣ် မ်အသူၣ်ဖှံသးညီသူၣ်ခုသးခုလၢ နပူၤတက့ၢ်. ပှၤလၢအအဲၣ်ဒိးနတၢ်အုၣ်က့ၤခီၣ်က့ၤတ ဖၣ်န့ၣ် မ်အစံးတထံၣ်ဃီ, မ်ယွၤဘၣ်တၢ်ပာ်ဒိၣ်အီၤ န့ၣ်တက့ၢ်. ⁵ ယဲဒၣ်အံၤယမ့ၢ်ပှၤဘၣ်နးဘၣ်ဖှီၣ်, ဒီး ပှၤဖှီၣ်ဖိယာ်ဖိလီၤ. မၤချ့ချ့လၢယဂီၢ်, ယွၤဧၢ, နမ့ၢ် ယတၢ်မၤစၢၤ, ဒီးယတၢ်မၤပူၤမၤဖျဲးလီၤ. ယွၤဧၢ, သုးနံၤသုးသီတဂ့ၤ.

၇၁

¹ ယသန့ၤယသးလၢနၤ, ယွၤဧၢ, မ်ယသုတဘၣ်တၢ် မဲာ်ဆှးနီတစုတဂ့ၤ, ² မၤပူၤမၤဖျဲးယၤလၢနတၢ်တီတၢ် လိၤအဃိ, ဒီးမၤထူၣ်ဖျဲးယၤတက့ၢ်. ဒိးနနၢ်လၢယၤ, ဒီးအုၣ်က့ၤခီၣ်က့ၤယၤတက့ၢ်. ³ ကဲထီၣ်တၢ်အိၣ်တၢ် ဆိးအလ့တဖျၢၣ်လၢယဂီၢ် လၢယကလဲၤဆူအအိၣ် တထံၣ်ဃီန့ၣ်တက့ၢ်. နမၤလိာ်တၢ်လၢ ယကတုၤ လၢတၢ်အုၣ်က့ၤခီၣ်က့ၤလီၤ. အဂ့ၢ်ဒ်အံၤ, နမ့ၢ်ယလ့, ဒီးယတိာ်န့ၣ်လီၤ. ⁴ ယွၤဧၢ, မၤထူၣ်ဖျဲးယၤလၢ ပှၤတတီတလိၤအစုပူၤ, လၢပှၤမၤအၢ, ဒီးပှၤမၤနးမၤဖှီၣ် အစုပူၤန့ၣ်တက့ၢ်.―

⁵ အဂ့ၢ်ဒ်အံၤ, နမ့ၢ်ယတၢ်မုၢ်လၢ်လီၤ, ကစၢ်ယွၤဧၢ, လၢယဖိၣ်သၣ်ခွါလံၤလံၤန့ၣ်, နမ့ၢ်ယတၢ်သန့ၤယ သးအလီၢ်လီၤ. ⁶ ယဒိးတၢ်မၤစၢၤယၤလၢနၤလၢတၢ် အဒၢလီၢ်လံၤလံၤလီၤ. နမ့ၢ်ပှၤလၢအဟံးန့ၢ်ယၤလၢ ယမိၢ်အဟၢဖၢပူၤလီၤ. ယကစံးထီၣ်ပတြၢၤနၤတထံၣ် ဃီလီၤ. ⁷ ယမ့ၢ်တၢ်ကမၢကမၣ်အလီၢ်လၢပှၤအါဂၤအ မဲာ်ညါ, ဘၣ်ဆၣ်ဒီးနမ့ၢ်ယတၢ်ပူၤဖျဲးခၢၣ်သနၢၢ်လီၤ.

⁸ ယထးခိၣ်ကပှဲၤဒီးတၢ်စံးထီၣ်ပတြၢၤနၤ, နလၤကပီၤ ကိးမုၢ်နံၤမုၢ်နၤဒဲးလီၤ. ⁹ လၢယသးပှၢ်အဆၢအကတီၢ် န့ၣ်ကွံာ်တ့ၢ်ကွံာ်ယၤတဂ့ၤ. ဖဲယဂံၢ်ယဘါလၢာ်ဒီး, လဲၤသဒၣ်ယၤတဂ့ၤ. ¹⁰ အဂ့ၢ်ဒ်အံၤ, ယဒုၣ်ယဒါက တိၤထီဒါယၤ, ဒီးပှၤလၢအကွၢ်ဟုၣ်ယသးန့ၣ် ကူၣ် ထီၣ်ဖးလီၤတပူၤဃီ, ¹¹ ဒီးစံးဝဲ, ယွၤလဲၤသဒၣ်လံအီၤ လံ, လူၤဒီးမၤန့ၢ်အီၤတက့ၢ်. အဂ့ၢ်ဒ်အံၤ, တၢ်မၤပူၤ မၤဖျဲးအီၤတအိၣ်ဘၣ်.

¹² ယွၤဧၢ, အိၣ်ယံၤဒီးယၤတဂ့ၤ, ယကစၢ်ဧၢ, မၤချ့ ချ့လၢတၢ်မၤစၢၤယၤအဂီၢ်တက့ၢ်. ¹³ ယသးအဒုၣ်အ ဒါတဖၣ်န့ၣ်မ်အဘၣ်တၢ်မဲာ်ဆှးဒီးလၢာ်ကွံာ်တက့ၢ်. ပှၤလၢအဃုယဘၣ်တၢ်အၢတဖၣ်န့ၣ်, မ်တၢ်ဒုၣ်ဒွဲၣ်, ဒီးတၢ်ပာ်မဲာ်ဆှးလုၣ်ဘၢအီၤတက့ၢ်.

¹⁴ မ့မ့ၢ်ယဲဒၣ်အံၤယကမုၢ်လၢ်တၢ်တထံၣ်ဃီ, ဒီးယက စံးထီၣ်ပတြၢၤနၤ ဒံးယံာ်ဒံးအါလီၤ. ¹⁵ ယထးခိၣ်က လီၣ်ဖျါထီၣ်နတၢ်တီတၢ်လိၤ, နတၢ်အုၣ်က့ၤခီၣ်က့ၤ သ့သ့တနံၤလီၤ. အဂ့ၢ်ဒ်အံၤ, ယတသ့ၣ်ညါဘၣ်အ တၢ်ဂံၢ်တဖၣ်ဘၣ်. ¹⁶ ယကလဲၤတၢ်လၢကစၢ်ယွၤအဂံၢ် အဘါလီၤ. ယကစံးလၢနတၢ်တီတၢ်လိၤ, ထဲနဝဲဧိၤ လီၤ. ¹⁷ ကစၢ်ဧၢ, နသိၣ်လိယၤလၢယဖိၣ်သၣ်ခွါထီၣ် လံၤလံၤ, ဒီးယဒုးနဲၣ်နမၤတၢ်လီၤလးတဖၣ် တုၤခဲ ကနံၣ်အံၤလီၤ. ¹⁸ ဒီးတုၤလီၤစ့ၢ်ကီးလၢ ယသးပှၢ်ဒီး ခိၣ်ဝါန့ၣ်ယွၤဧၢ, ယတချုးဒုးနဲၣ်ဒံးဘၣ်နစုလၢပှၤလၢ ခံတစိၤ, နစိနကမီၤလၢကယဲၢ်ပှၤလၢအကဟဲတဖၣ် ဒီး, လဲၤသဒၣ်ယၤတဂ့ၤ.

¹⁹ ဒီးနတၢ်တီတၢ်လိၤ, ယွၤဧၢ, အိၣ်ဝဲပၢၢ်လၢတၢ်ထီၣ် ထီန့ၣ်လီၤ. ပှၤလၢအမၤတၢ်အဒိၣ်တဖၣ်တဂၤဧၢ, မ့ၢ် မတၤမၤသးဒ်နၤအသိးန့ၣ်တဂၤလဲၣ်, ယွၤဧၢ, ²⁰ နဲဒၣ်, ပှၤလၢအဒုးထံၣ်ပှၤလၢတၢ်ကိၢ်တၢ်ဂီၤအဒိၣ်, ဒီးတၢ် အၢနးမးန့ၣ်, နကမၤမူထီၣ်က့ၤပှၤ, ဒီးနကဒုးဟဲက့ၤ ထီၣ်ပှၤလၢဟီၣ်ခိၣ်အတၢ်ယိာ်တဖၣ်အပူၤလီၤ. ²¹ နက မၤအါထီၣ်ယတၢ်ကဲဒိၣ်, ဒီးဃၣ်နသး, ဒီးမၤမုာ်ထီၣ် က့ၤယၤလီၤ.

²² ယကစံးထီၣ်ပတြၢၤစ့ၢ်ကီးနၤ လၢသီတူၢ်, နတၢ်မ့ၢ် တၢ်တီ, ယကစၢ်ဧၢ, ယကသးဝံၣ်ထီၣ်နၤလၢတနၢ်, အံၣ်စရ့လးအတၢ်စီဆှံတဂၤဧၢ.

²³ ယပျုၤကသူၣ်ဖှံသးညီလီၤ. အဂ့ၢ်ဒ်အံၤ, ယကသး ဝံၣ်ထီၣ်နၤ, ယသးလၢနပှ့ၤက့ၤအီၤလီၤ. ယပျုၤက ဒုးနဲၣ်စ့ၢ်ကီးနတၢ်တီတၢ်လိၤသ့သ့တနံၤလီၤ. အဂ့ၢ် ဒ်အံၤ, ပှၤလၢအဃုယဘၣ်တၢ်အၢတဖၣ်န့ၣ် အမဲာ် ဆှး, ဒီးဘၣ်တၢ်ပာ်မဲာ်ဆှးအီၤလီၤ.

၇၂

လၢစီၤၡလိၤမိၤ.

¹ ဟ့ၣ်လီၤနတၢ်စံၣ်ညီၣ်တဖၣ်လၢစီၤပၤ, ယွၤဧၢ, ဒီး နတၢ်တီတၢ်လိၤလၢစီၤပၤအဖိခွါတက့ၢ်. ² ကစံၣ်ညီၣ် ပှၤဂီၢ်မုၢ်လၢတၢ်တီတၢ်လိၤ, ဒီးနပှၤဖှီၣ်ဖိယာ်ဖိလၢ တၢ်စံၣ်ညီၣ်တီလီၤ. ³ ကစၢၢ်ကလိကဟဲစိာ်တၢ်ဃူ တၢ်ဖိးဆူပှၤဂီၢ်မုၢ်အအိၣ်, ဒီးတၢ်စိခိၣ်တဖၣ်န့ၣ်လၢ တၢ်တီတၢ်လိၤအပူၤလီၤ. ⁴ ကစံၣ်ညီၣ်ပှၤဂီၢ်မုၢ်အပှၤ ဖှီၣ်ဖိယာ်ဖိ, ကအုၣ်က့ၤခီၣ်က့ၤပှၤဘၣ်နးဘၣ်ဖှီၣ်အ ဖိဒီးကမၤလီၤကလဲပှၤလၢအမၤနးမၤဖှီၣ်တၢ်လီၤ. ⁵ ဒီး မုၢ်, ဒီးလါအိၣ်ဝဲအဖၢမုၢ်ဒီး, ပှၤကပျံၤနၤအစိၤစိၤအ ဃၣ်ဃၣ်လီၤ.

⁶ ကဟဲလီၤဒ်တၢ်စူၤ လၢတၢ်ကူးအသးအလီၢ်အဖီခိၣ် အသိးန့ၣ်, ဒ်တၢ်သဖှံၣ်လီၤလၢအမၤဘၣ်စီၣ်ဟီၣ်ခိၣ် အသိးန့ၣ်လီၤ. ⁷ လၢအမုၢ်နံၤတဖၣ်န့ၣ်, ပှၤတီပှၤလိၤ ကဘီၣ်ထီၣ်ညီထီၣ်, ဒီးတၢ်ဃူအါတၢ်ဖိးဒိၣ်ကအိၣ် တုၤလါတအိၣ်လၢၤဘၣ်. ⁸ ဒီးကပၢဝဲလၢပီၣ်လဲၣ်တုၤ လၢပီၣ်လဲၣ်, ဒီးလၢထံမိၢ်ပှၢ်ပၢၢ်လၢ ဟီၣ်ခိၣ်အက ကတၢၢ်တဖၣ်န့ၣ်လီၤ. ⁹ ပှၤပှၢ်လၢ်ကျါဖိန့ၣ် ကဆုး လီၤအခိၣ်လၢအမဲာ်ညါ, ဒီးအဒုၣ်အဒါတဖၣ်န့ၣ်က လ့ၣ်ဟီၣ်ခိၣ်အကမူၣ်လီၤ. ¹⁰ တၢ်ၡံၣ်, ဒီးကီးတဖၣ် အစီၤပၤတဖၣ် ကဟဲစိာ်အခိၣ်ဖး, ၡဘၤဒီးစဘၤအ စီၤပၤတဖၣ် ကမၤဘူၣ်လၢတၢ်ဟ့ၣ်တဖၣ်လီၤ. ¹¹ ဒီး ကယဲၢ်စီၤပၤကဘါထီၣ်အီၤခဲလၢာ်, ကယဲၢ်ပှၤကလုာ် တဖၣ်ကမၤအတၢ်ခဲလၢာ်လီၤ.

¹² အဂ့ၢ်ဒ်အံၤ, ကမၤပူၤမၤဖျဲးပှၤဖှီၣ်ဖိယာ်ဖိလၢအဃ့ ကညးတၢ်ဒီး, ပှၤဘၣ်နးဘၣ်ဖှီၣ်, ဒီးပှၤလၢတၢ်မၤ စၢၤအီၤတအိၣ်ဘၣ်. ¹³ သးလီပှၤဘၣ်ဖှီၣ်ဘၣ်ယာ်, ဒီး ပှၤဖှီၣ်ဖိယာ်ဖိ, ဒီးအုၣ်က့ၤခီၣ်က့ၤပှၤဖှီၣ်ဖိအသးလီၤ.

¹⁴ ကပှ့ၤက့ၤအဝဲသ့ၣ်အသးလၢ တၢ်မၤအၢအစုပူၤ, ဒီး လၢတၢ်မၤနးမၤဖှီၣ်အစုပူၤ, ဒီးအသွံၣ်ကမ့ၢ်တၢ်လုၢ် ဒိၣ်ပှ့ၤဒိၣ်လၢအမဲာ်ညါလီၤ. ¹⁵ ဒီးကမူဝဲ, ဒီးပှၤက ဟ့ၣ်အီၤလၢၡဘၤအထူ, ဒီးကဘါထုကဖၣ်န့ၢ်အဂီၢ် တထံၣ်ဃီလီၤ. ကဘၣ်တၢ်စံးထီၣ်ပတြၢၤအီၤ ကိး မုၢ်နံၤမုၢ်နၤဒဲးလီၤ.

¹⁶ ဘုတစှီၤကအိၣ်လၢဟီၣ်ခိၣ်အပူၤလၢကစၢၢ်ခိၣ်, ဒီး အသၣ်ကဟူးဝးဒ်လဘၤနိၣ်အသိးန့ၣ်လီၤ. ဒီးပှၤလၢ ဝ့ၢ်ပူၤတဖၣ်န့ၣ် ကဘီၣ်ထီၣ်ညီထီၣ်ဒ်ဟီၣ်ခိၣ်အနီၣ် ဧိၤမံၤဧိၤအသိးန့ၣ်လီၤ. ¹⁷ အမံၤကအိၣ်လီၤထူလီၤယိာ်, အမံၤကလီၤလၢအစၢၤအသွဲၣ်လၢမုၢ်အမဲာ်ညါလီၤ. ဒီး ပှၤကဆိၣ်ဂ့ၤလီၤအသးလၢအပူၤလီၤ. ကယဲၢ်ပှၤအက လုာ်တဖၣ် ကစံးထီၣ်ပတြၢၤအီၤခဲလၢာ်လီၤ.

¹⁸ ကစၢ်ယွၤ, အံၣ်စရ့လးအယွၤလၢအမၤတၢ်လီၤလး ထဲတဂၤဧိၤန့ၣ်, မ်အဘၣ်တၢ်စံးထီၣ်ပတြၢၤအီၤတ က့ၢ်. ¹⁹ ဒီးအမံၤလၤအသၣ်ကပီၤန့ၣ် မ်အဘၣ်တၢ်စံး ထီၣ်ပတြၢၤလီၤထူလီၤယိာ်တက့ၢ်. ဒီးမ်ဟီၣ်ခိၣ်ဒီဘ့ၣ် ညါအံၤပှဲၤဝဲဒီးအလၤအကပီၤတက့ၢ်. အၤမ့ၣ်, ဒီးအၤမ့ၣ်

²⁰ စီၤယံးၡဲအဖိခွါ စီၤဒၤဝံးအတၢ်ဘါထုကဖၣ်တဖၣ် န့ၣ်ဝံၤလံ.

၇၃

စီၤအၤစာ်အထါ.

¹ ယွၤမ့ၢ်ထဲတၢ်ဂ့ၤလၢအံၣ်စရ့လးအဂီၢ်, လၢပှၤအသး ကဆှီအဂီၢ်လီၤ.

² ဘၣ်ဆၣ်ဒီးယဲဒၣ်အံၤ တစဲးဖိဒီးယခီၣ်ကဘၣ်တိၢ်, ဒီးဘူးဒီးယခီၣ်ကလီၤတလံာ်လီၤ. ³ အဂ့ၢ်ဒ်အံၤ, ယသး က့ၣ်ပှၤပာ်ကဖိအသးဖဲယထံၣ်ဘၣ် ပှၤတတီတလိၤ အတၢ်ဃူတၢ်ဖိးလီၤ. ⁴ အဂ့ၢ်ဒ်အံၤ, အတၢ်ဆိးကဲးဘၣ် ဃးဒီးတၢ်သံန့ၣ်တအိၣ်ဘၣ်. အဂံၢ်ဆူၣ်အဘါဆူၣ် လီၤ. ⁵ တဘၣ်ဘၣ်တၢ်ကိၢ်တၢ်ဂီၤ ဒ်ပှၤကညီအသိး ဘၣ်. ဒီးတဘၣ်တၢ်တံာ်တာ်ဒ်ပှၤကညီအသိးဘၣ်. ⁶ မၤသးဒ်န့ၣ်ဒီး တၢ်ပာ်ထီၣ်ထီအသး အိၣ်တရံးအ ကိာ်ဖဲတဝီအသိး, ကူသိးဝဲလၢတၢ်မၤအၢမၤသီလီၤ.

⁷ အမဲာ်ဖျိးထီၣ်လၢအတၢ်ဘီၣ်ထီၣ်အဃိ, အသးအဆိ ကမိၣ်တၢ်ပှဲၤလုၣ်ကွံာ်လီၤ. ⁸ ဒုၣ်ဒွဲၣ်တၢ်, ဒီးကတိၤ တၢ်မၤအၢလီၤ. လၢတၢ်ထီၣ်ထီန့ၣ်ကတိၤတၢ်လီၤ.―

⁹ ပာ်အထးခိၣ်ထီဒါမူခိၣ်, ဒီးအပျ့ၤကတိၤတၢ်လၢဟီၣ် ခိၣ်ချၢလီၤ.

¹⁰ မၤသးဒ်န့ၣ်ဒီး အပှၤဂီၢ်မုၢ်ဃၣ်က့ၤအသးဖဲအံၤ, ဒီး အီဘၣ်လီခီပှဲၤအထံတုၤအလၢာ်လီၤ. ¹¹ ဒီးစံးဝဲ, ယွၤ ကသ့ၣ်ညါဒ်လဲၣ်, တၢ်သ့ၣ်ညါအိၣ်ဒီး တၢ်ထီက တၢၢ်တဂၤစ့ၢ်ကီးဧါ.

¹² ကွၢ်ကွၢ်, ပှၤတဖၣ်န့ၣ်မ့ၢ်ပှၤအအၢအသီလီၤ. ဒီးပှၤ လၢအဘီၣ်ထီၣ်ညီထီၣ်တဖၣ်လၢအအံၤတဃၣ်, အစု လီၢ်အခီၣ်ခိၣ်အါထီၣ်လီၤ.

¹³ ယမၤကဆှီယသး, ဒီးသ့စီကွံာ်ယစုလၢတၢ်ဒဲးဘး တအိၣ်ဘၣ်အပူၤန့ၣ် ထဲလၢတၢ်ကလီကလီ အဂီၢ် လီၤ. ¹⁴ အဂ့ၢ်ဒ်အံၤ, ယဘၣ်တၢ်တီၢ်ကိးမုၢ်နံၤဒဲး, ဒီး ယဘၣ်တၢ်သိၣ်ဃီၣ်ကိးဂီၤဒဲးလီၤ. ¹⁵ ယမ့ၢ်စံး, ယက စံးဒ်န့ၣ်ဒီး, ကွၢ်ကွၢ်, ယကမၤကမၣ်ဘၣ်နဖိတစိၤ လီၤ. ¹⁶ တုၤယဆိကမိၣ်ဒ်သိး ယကသ့ၣ်ညါတၢ်န့ၣ် ဒီး, တၢ်ကိၢ်တၢ်ဂီၤအိၣ်ဝဲလၢယမဲာ်ညါလီၤ.

¹⁷ တုၤယလဲၤနုာ်လၢယွၤအလီၢ်စီဆှံအပူၤ ဒီးယတိၢ် နီၣ်အကတၢၢ်လီၤ. ¹⁸ မ့ၢ်မးနပာ်အီၤထဲလၢတၢ်လီၤတ လံာ်အလီၢ်, နတ့ၢ်လီၤကွံာ်အီၤလၢတၢ်ဟးဂီၤအပူၤ လီၤ. ¹⁹ တၢ်ဒုးလဲၤအီၤဆူတၢ်သယုၢ်အပူၤလၢ တစိၢ် ဖိအတီၢ်ပူၤန့ၣ်လီၤ. လၢာ်ဝဲစီဖ့ကလ့ၤလၢ တၢ်ပျံၤ တၢ်ဖုးလီၤ. ²⁰ ဒ်တၢ်မံမီၢ်တုၤပှၤဖုသံနီၣ်ထီၣ်အသိးန့ၣ်, ယွၤဧၢ, တုၤနဖုသံနီၣ်ဒီး နကမၤတရီတပါအက့ၢ် အဂီၤဒ်န့ၣ်လီၤ. အဂ့ၢ်ဒ်အံၤ, ယသးဆါ, ဒီးယကလ့ၢ်ဘၣ်ဆဲးလီၤ. ²¹ ဒီးယမ့ၢ်ပှၤလၢအသးဆိကမိၣ်တအိၣ်ဘၣ်, ဒီးယတ သ့ၣ်ညါဘၣ်တၢ်ဘၣ်. ²² ယမၤသးဒ် ဆၣ်ဖိကီၢ်ဖိအ သိးလၢနမဲာ်ညါလီၤ. ²³ ဘၣ်ဆၣ်ဒီး ယအိၣ်ဒီးနၤတ ထံၣ်ဃီ, နဟံးန့ၢ်ယၤလၢယစုထွဲလီၤ. ²⁴ နကဆှၢယၤ လၢနကူၣ်ထီၣ်ဖးလီၤတၢ်လီၤ. လၢခံက့ၤဒီးနကဟံး ထီၣ်က့ၤယၤဆူတၢ်လၤကပီၤအပူၤလီၤ.

²⁵ မ့ၢ်မတၤအိၣ်ဝဲလၢယဂီၢ် လၢမူခိၣ်တဂၤလဲၣ်. ဒီး လၢနၤအမဲာ်ညါန့ၣ် တဘၣ်ယသးလၢ ပှၤအိၣ်လၢ ဟီၣ်ခိၣ်ချၢနီတဂၤဘၣ်.

²⁶ ယညၣ်, ဒီးယသးလၢာ်ဝဲလီၤ. ယွၤမ့ၢ်ယသးအ လၢၢ်, ဒီးယဂီၢ်န့ၣ်လီၤထူလီၤယိာ်လီၤ.

²⁷ အဂ့ၢ်ဒ်အံၤ, ကွၢ်ကွၢ်, ပှၤလၢအအိၣ်ယံၤဒီးနၤတုၤ ဝဲလၢတၢ်ဟးဂီၤလီၤ. နမၤဟးဂီၤကယဲၢ်ပှၤလၢအလဲၤ သဒၣ်နၤ, လၢတၢ်အဲၣ်ဘၢအပူၤန့ၣ်လီၤ.

²⁸ မ့မ့ၢ်ယဲဒၣ်အံၤ ယသုးဘူးယသးဆူယွၤအအိၣ်န့ၣ် ဂ့ၤလၢယဂီၢ်လီၤ. ယပာ်သန့ၤယသးအလီၢ်လၢကစၢ် ယွၤအပူၤ, ဒ်သိးကစံၣ်တဲၤတဲလီၤနမၤတၢ်ခဲလၢာ်လီၤ.

၇၄

စီၤအၤစာ်အသိၣ်တၢ်.

¹ ကစၢ်ဧၢ, နညိကွံာ်ပှၤလီၤထူလီၤယိာ်ဘၣ်မနုၤလဲၣ်. နသးထီၣ်ခုၣ်ထီၣ်ဘၣ် နတၢ်အီၣ်ဆၣ်အလီၢ်အသိတ ဖုဘၣ်မနုၤလဲၣ်. ² သ့ၣ်နီၣ်ထီၣ်က့ၤနတၢ်အိၣ်ဖှိၣ်လၢန ပှ့ၤအီၤလၢပျၢၤ, နတၢ်န့ၢ်သါလၢနပှ့ၤက့ၤအီၤ, ကစၢၢ် စံယိၣ်အံၤ လၢနအိၣ်နဆိးတ့ၢ်လၢအလိၤန့ၣ်တက့ၢ်.

³ ထွဲတၢ်ဆူ နတၢ်အိၣ်သယုၢ်အထူအယိာ် အလီၢ်တ က့ၢ်. တၢ်အဒုၣ်အဒါမၤဟးဂီၤကယဲၢ်တၢ်အိၣ်လၢတၢ် အလီၢ်စီဆှံအပူၤလီၤ. ⁴ နဒုၣ်နဒါတဖၣ်န့ၣ် ကညီၤ ပသူထီၣ်လၢနတၢ်အိၣ်ဖှိၣ်အသးကံၢ်ပူၤလီၤ. သူၣ်ထီၣ် အသုးဖိအလၣ်လၢတၢ်ပနီၣ်အဂီၢ်လီၤ. ⁵ မၤအသးဒ် ပှၤလၢအယၤထီၣ်အကွါ လၢသ့ၣ်ပှၢ်တီၣ်အသိးန့ၣ် လီၤ. ⁶ ဒီးခဲကနံၣ်အံၤ, ကူာ်ကွံာ်တၢ်စိးပျၤအသးတ ပူၤဃီ, လၢကွါဒီးခံၣ်ခူၣ်လီၤ. ⁷ ဒီးကွံာ်တ့ၢ်မ့ၣ်အူလၢ နလီၢ်စီဆှံအပူၤ, မၤဘၣ်အၢနမံၤအိၣ်ဝဲအလီၢ်ပၢၢ်လၢ ဟီၣ်ခိၣ်လီၤ. ⁸ စံးဝဲလၢအသးကံၢ်ပူၤ, ပကမၤဟးဂီၤ အီၤတပူၤဃီလီၤ. ဒုးအီၣ်ကွံာ်ကယဲၢ်ယွၤအတၢ်အိၣ်ဖှိၣ် အလီၢ်လၢအထံအကီၢ်အပူၤန့ၣ်လၢမ့ၣ်အူလံ.

⁹ ပတထံၣ်ဘၣ် ပတၢ်ပနီၣ်တဖၣ်ဘၣ်, ဝံတအိၣ် လၢၤဘၣ်, ဒီးကဆံးယံာ်ဆံးယံာ်လဲၣ်န့ၣ် ပှၤလၢအ သ့ၣ်ညါတအိၣ်ဘၣ်လၢပကျါဘၣ်.

¹⁰ ယွၤဧၢ, တၢ်အဒုၣ်အဒါကဒုၣ်ဒွဲၣ်တၢ်ဆံးယံာ်လဲၣ်. တၢ်အဒုၣ်အဒါန့ၣ် ကပာ်နမံၤလၢ တၢ်နီတမံၤဘၣ် လီၤထူလီၤယိာ်စ့ၢ်ကီးဧါ. ¹¹ နထုးက့ၤနစု, နစုထွဲ ဘၣ်မနုၤလဲၣ်. လၢနသးနါပှၢ်အပူၤန့ၣ် မၤဟးဂီၤ အီၤတက့ၢ်.

¹² ဒီးယွၤမ့ၢ်ယစီၤပၤလၢပျၢၤလၢ အမၤတၢ်အုၣ်က့ၤခီၣ် က့ၤလၢထံဧိၤကီၢ်ဧိၤအပူၤလီၤ. ¹³ နမၤသ့ၣ်ဖးပီၣ်လဲၣ် လၢနဂံၢ်နဘါလီၤ. နမၤသဘှံးပယိၤအခိၣ် လၢထံ ကျါ, ¹⁴ နမၤလီၤကလဲသမၣ်အခိၣ်, ဒီးပာ်အီၤလၢ တၢ်အီၣ်လၢပှၤဂီၢ်မုၢ်အိၣ်လၢပှၢ်လၢ်ကျါအဂီၢ်လီၤ. ¹⁵ န ကျီထံထီၣ်ပၢၢ်, ဒီးထံကျိ, နဒုးလီၤသံးကွံာ်ထံမိၢ်ပှၢ် ဆူၣ်တဖၣ်လီၤ. ¹⁶ မုၢ်နံၤမ့ၢ်နတၢ်, မုၢ်နၤမ့ၢ်စ့ၢ်ကီးန တၢ်လီၤ. နကတဲာ်ကတီၤတၢ်ကပီၤ, ဒီးမုၢ်ဧိၤလါဧိၤ လီၤ. ¹⁷ နပာ်ဟီၣ်ခိၣ်အသရ့ၤခဲလၢာ်, နတ့တၢ်ကိၢ် အကတီၢ်, ဒီးတၢ်ဂီၢ်အကတီၢ်လီၤ.

¹⁸ သ့ၣ်နီၣ်ထီၣ်က့ၤတၢ်အံၤ, တၢ်အဒုၣ်အဒါ ဒုၣ်ဒွဲၣ် ယွၤ, ဒီးပှၤဟးဂီၤဖိဂီၢ်မုၢ်မၤတရီတပါနမံၤလီၤ. ¹⁹ ဟ့ၣ် လီၤကွံာ် နထိၣ်လွံၢ်ဘုၣ်အသးဆူ တၢ်ဒူတၢ်ဃိၤတ ဂ့ၤ, သးပ့ၤနီၣ်နပှၤဘၣ်နးဘၣ်ဖှီၣ် အတၢ်အိၣ်ဖှိၣ်န့ၣ် လီၤထူလီၤယိာ်တဂ့ၤ.

²⁰ ကွၢ်တၢ်အၢၣ်လီၤအီလီၤ န့ၣ်တက့ၢ်. အဂ့ၢ်ဒ်အံၤ, ဟီၣ်ခိၣ်အလီၢ်ခံးတဖၣ်န့ၣ် ပှဲၤဝဲဒီးတၢ်မၤနးမၤဖှီၣ်အိၣ် ဝဲအလီၢ်တဖၣ်န့ၣ်လီၤ. ²¹ မ်ပှၤလၢအဘၣ်တၢ်မၤအၢ အီၤအသုတဟဲက့ၤ ဘၣ်မဲာ်ဆှးတဂ့ၤ. မ်ပှၤဘၣ်နး ဘၣ်ဖှီၣ်, ဒီးပှၤဖှီၣ်ဖိယာ်ဖိန့ၣ် စံးထီၣ်ပတြၢၤနမံၤ တက့ၢ်.

²² ဂဲၤဆၢထၢၣ်, ယွၤဧၢ, လိာ်ကွီၢ်လၢနကွီၢ်ဒၣ်နဲအ ဂီၢ်တက့ၢ်. ပှၤဟးဂီၤဖိဒုၣ်ဒွဲၣ်နၤကိးမုၢ်နံၤမုၢ်နၤဒဲးန့ၣ် သ့ၣ်နီၣ်ထီၣ်က့ၤတက့ၢ်. ²³ သးပ့ၤနီၣ်နဒုၣ်နဒါတဖၣ် အကလုၢ်တဂ့ၤ. ပှၤလၢအဂဲၤဆၢထၢၣ်ထီဒါနၤ အ သီၣ်န့ၣ် ထီၣ်ဝဲတထံၣ်ဃီလီၤ.

၇၅

စီၤအၤစာ်အတၢ်သးဝံၣ်, ထါလၢတၢ်အခိၣ်အဂီၢ်, လၢမၤဟးဂီၤတဂ့ၤန့ၣ်.

¹ ပစံးထီၣ်ပတြၢၤနၤ, ယွၤဧၢ, ပစံးထီၣ်ပတြၢၤတၢ် လီၤ. အဂ့ၢ်ဒ်အံၤ, လၢနမံၤအိၣ်ဘူးန့ၣ်, နတၢ်မၤ လီၤလးတဖၣ်န့ၣ် ဒုးနဲၣ်ဝဲလီၤ.

² အဂ့ၢ်ဒ်အံၤ, ယကသ့ၣ်ဆၢဖးကတီၢ်လၢ ယကစံၣ် ညီၣ်တၢ်တီတၢ်လိၤလီၤ. ³ ဟီၣ်ခိၣ်ဒီးကယဲၢ်ပှၤအိၣ် ဝဲဆိးဝဲလၢအချၢန့ၣ် ပှံၢ်ကွံာ်ဝဲလီၤ. ယဒုးအိၣ်ကျၢၤ အထူၣ်တဖၣ်န့ၣ်လီၤ.

⁴ ယစံးဘၣ်ပှၤပာ်ကဖိအသးန့ၣ် ပာ်ကဖိသုသးတဂ့ၤ, ဒီးပှၤတတီတလိၤန့ၣ် ပာ်ထီၣ်ထီသုနၢၤတဂ့ၤ. ⁵ ပာ် ထီၣ်ထီသုနၢၤလၢအလီၢ်ထီၣ်ထီတဂ့ၤ, ကတိၤတၢ်ဒီး သုကိာ်ဆူၣ်တဂ့ၤ. ⁶ အဂ့ၢ်ဒ်အံၤ, လၢမုၢ်ထီၣ်မ့ၢ်ဂ့ၤ, လၢမုၢ်နုာ်မ့ၢ်ဂ့ၤ, လၢကလံၤထံးမ့ၢ်ဂ့ၤ, တၢ်ပာ်ထီၣ် ထီတဟဲဘၣ်ဝဲဘၣ်. ⁷ အဂ့ၢ်ဒ်အံၤ, ယွၤမ့ၢ်ပှၤစံၣ်ညီၣ် တၢ်လီၤ. ဆီၣ်လီၤအဝဲတဂၤ, ဒီးပာ်ထီၣ်ထီအဝဲတ ဂၤလီၤ.

⁸ အဂ့ၢ်ဒ်အံၤ, လၢယွၤအစုပူၤန့ၣ်လီခီအိၣ်ဝဲ, ဒီးအစ ပံးထံန့ၣ်ဂီၤဝဲလီၤ. ပှဲၤဝဲဒီးတၢ်ဃါဃုာ်အသး, ဒီးလူ လီၤတၢ်လၢအဝဲန့ၣ်လီၤ. ဒီးအသံးအကာ်န့ၣ်ဟီၣ်ခိၣ် အပှၤတတီတလိၤခဲလၢာ် ကစံၢ်အီဝဲလီၤ.

⁹ မ့မ့ၢ်ယဲဒၣ်အံၤ, ယကဒုးနဲၣ်တၢ်လီၤထူလီၤယိာ်လီၤ. ယကသးဝံၣ်ထီၣ် စီၤယၤကိာ်အကစၢ်လီၤ. ¹⁰ ဒီးယ ကဒီၣ်တဲာ်ကွံာ်ပှၤတတီတလိၤအနၢၤခဲလၢာ်လီၤ. မ့ မ့ၢ်ပှၤတီပှၤလိၤအနၢၤတဖၣ် ကဘၣ်တၢ်ပာ်ထီၣ်ထီ အီၤလီၤ.

၇၆

စီၤအၤစာ်အတၢ်သးဝံၣ်, အထါလၢတၢ်အခိၣ်အဂီၢ်, လၢနီၣ်ဒ့တၢ်.

¹ လၢယူဒၤအပူၤ, ပှၤသ့ၣ်ညါယွၤ, ဒီးအမံၤဒိၣ်ဝဲလၢ အံၣ်စရ့လးအပူၤလီၤ. ² ဒီးအဒဲအိၣ်ဝဲလၢၡၤလ့ၣ်အ ပူၤ, ဒီးအအိၣ်အဆိးအလီၢ်လၢစံယိၣ်အပူၤလီၤ. ³ ဖဲ န့ၣ်မၤကၢ်ချံၣ်အပျၢ်မ့ၣ်အူတဖၣ်, ကတီၤကတၤ, နး ဧိၤဘီဧိၤ, ဒီးတၢ်ဒုးသုးလီၤ. စ့လၤ.

⁴ နမ့ၢ်တၢ်ကဟုကညီၢ်, နမ့ၢ်တၢ်လၤကပီၤဒိၣ်န့ၢ်တၢ် ဂုာ်န့ၢ်အကစၢၢ်ကလိတက့ၢ်လီၤ. ⁵ ပှၤလၢအသးခူတ လ့ၢ်ဟါမၢ်လံ. မံသပ့ၤလံ. ဒီးပှၤအဆူၣ်တဖၣ်တ ထံၣ်န့ၢ်ဘၣ် အစုနီတဂၤဘၣ်. ⁶ လၢနသိၣ်ဃီၣ်တၢ် အဃိ, စီၤယၤကိာ်အကစၢ်ဧၢ, လ့ၣ်ကဟၣ်, ဒီးက သ့ၣ်လီၤဘၣ်လံလၢ တၢ်မံသပ့ၤအပူၤလံ.

⁷ နဲဒၣ်အံၤ နမ့ၢ်တၢ်ပျံၤအလီၢ်လီၤ. ဒီးတုၤနသးထီၣ် ဒီး, မ့ၢ်မတၤဆၢထၢၣ်လၢနမဲာ်ညါသ့တဂၤလဲၣ်. ⁸ န ဒုးနၢ်ဟူပှၤကညီလၢ တၢ်စံၣ်ညီၣ်လၢမူခိၣ်လီၤ. ⁹ တုၤ ယွၤဂဲၤဆၢထၢၣ်စံၣ်ညီၣ်တၢ်ဒ်သိး အကအုၣ်က့ၤခီၣ် က့ၤကယဲၢ်ပှၤအသးစူၤလၢဟီၣ်ခိၣ်ချၢခဲလၢာ်ဒီး, ဟီၣ် ခိၣ်ပျံၤဝဲ, ဒီးအိၣ်ဘှီၣ်ကလာ်လီၤ. စ့လၤ

¹⁰ အဂ့ၢ်ဒ်အံၤ, ပှၤကညီအတၢ်သးထီၣ်န့ၣ်ကစံးထီၣ်ပ တြၢၤနၤ, ဒီးနကကံၢ်တူာ်နယီၢ်ဒ့ဒီး တၢ်သးထီၣ်လၢ အအိၣ်လီၤတဲာ်န့ၣ်လီၤ.

¹¹ ဆိၣ်တၢ်, ဒီးမၤဘူၣ်ယွၤသုကစၢ်လၢ တၢ်လၢသု ဆိၣ်တၢ်တက့ၢ်. မ်ကယဲၢ်ပှၤလၢအအိၣ်ဝးတရံးအီၤခဲ လၢာ်န့ၣ် ဟဲစိာ်တၢ်ခိၣ်ဖးဆူပှၤလၢအမ့ၢ် တၢ်ပျံၤအ လီၢ်တက့ၢ်. ¹² အဝဲဒၣ်ကဒီၣ်တဲာ်ကွံာ် ပဒိၣ်ဖးဒိၣ် တဖၣ်အသါလီၤ. မ့ၢ်ဝဲလၢတၢ်ပျံၤအလီၢ်လၢဟီၣ်ခိၣ် အစီၤပၤတဖၣ်အဂီၢ်လီၤ.

၇၇

စီၤအၤစာ်အထါလၢတၢ်အခိၣ်စီၤယဒူသူၣ်အဂီၢ်.

¹ ယကကိးထီၣ်ယွၤဒီး ယကကိးပသူထီၣ်ဆူယွၤအ အိၣ်လၢယကလုၢ်, ဒီးကဒိကနၣ်ယကလုၢ်လီၤ. ² လၢ တၢ်ကိၢ်တၢ်ဂီၤအမုၢ်နံၤန့ၣ်ယဃုယွၤ, ယစုအိၣ်ယူာ် ထီၣ်အသးလၢမုၢ်နၤ, ဒီးတလီၤဘှါဘၣ်. ယသးညိ ကွံာ်တၢ်မၤမုာ်ထီၣ်က့ၤအီၤလီၤ. ³ ယသ့ၣ်နီၣ်ထီၣ်က့ၤ ယွၤ, ဒီးယသူၣ်ကိၢ်သးဂီၤလီၤ. ယဆိကမိၣ်တၢ်, ဒီး ယသးလီၤဘှါဝဲလီၤ. စ့လၤ.

⁴ နဟံးဃာ်ယမဲာ်လၢ တၢ်ဆိးသီအပူၤလီၤ. ယသူၣ် ကနိးယသးကနိး, ဒီးယကတိၤတၢ်တသ့ဘၣ်. ⁵ ယ ဆိကမိၣ်တၢ်လၢ မုၢ်နံၤလၢပျၢၤအဂ့ၢ်အကျိၤ, နံၣ်ဧိၤ လါဧိၤလၢကစၢၤကစၢၤန့ၣ်လီၤ. ⁶ ယသ့ၣ်နီၣ်ထီၣ်က့ၤ ယတၢ်သးဝံၣ်လၢမုၢ်နၤ, ယဆိကမိၣ်တၢ်လၢယသး, ဒီးယသးဃုတၢ်သပှၢ်ပှၢ်လီၤ.

⁷ ယွၤကညိကွံာ်တၢ်လီၤထူလီၤယိာ်ဧါ. အသးတအိၣ် လၢၤဘၣ်တၢ်နီတစုဘၣ်ဧါ. ⁸ အဘျုးအဖှိၣ်လၢာ်စီဖ့ ကလ့ၤလီၤထူလီၤယိာ်လံဧါ. အတၢ်စံးပာ်ဟးဂီၤလံ အစိၤစိၤအဃၣ်ဃၣ်လံဧါ. ⁹ ယွၤသးပ့ၤနီၣ်သးကညီၤ တၢ်န့ၣ်စ့ၢ်ကီးဧါ. လၢအသးထီၣ်အဃိန့ၣ် ကးတံာ် ဃာ်အတၢ်သးကညီၤစ့ၢ်ကီးဧါ. စ့လၤ.

¹⁰ ဒီးယစံး, အအံၤမ့ၢ်ယဂံၢ်စၢ်ဘါစၢ်လီၤ. ယကသ့ၣ် နီၣ်ထီၣ်က့ၤ တၢ်ထီကတၢၢ်တဂၤအစုထွဲအနံၣ်အလါ လီၤ. ¹¹ ယကဘိးဘၣ်သ့ၣ်ညါပှၤလၢယွၤအမၤတၢ်တ ဖၣ်လီၤ. အဂ့ၢ်ဒ်အံၤ, ယကသ့ၣ်နီၣ်ထီၣ်က့ၤနမၤလီၤ လးတၢ်လၢပျၢၤလီၤ. ¹² ဒီးယကဆိကမိၣ်လၢ နတၢ် မၤခဲလၢာ်အဂ့ၢ်, ဒီးလၢနမၤတၢ်ဖံးတၢ်တဖၣ် အဂ့ၢ် အကျိၤန့ၣ်ယကဆိကမိၣ်လီၤ.

¹³ ယွၤဧၢ, နကျဲအိၣ်ဝဲလၢတၢ်စီဆှံအပူၤလီၤ. မ့ၢ်မတၤ မ့ၢ်ကစၢ်ဒိၣ်ဝဲဒ်ပကစၢ်အသိးန့ၣ်တဂၤလဲၣ်. ¹⁴ နမ့ၢ်က စၢ်တဂၤလၢအမၤတၢ်လီၤလးလီၤ. နဒုးသ့ၣ်ညါနစိန ကမီၤလၢပှၤဂီၢ်မုၢ်အကျါလီၤ. ¹⁵ နပှ့ၤက့ၤနပှၤဂီၢ်မုၢ်လၢ နစု, စီၤယၤကိာ်ဒီးစီၤယိၤသးအဖိခွါတဖၣ်န့ၣ်လီၤ. စ့လၤ. ¹⁶ ထံတဖၣ်ထံၣ်ဘၣ်နၤ, ယွၤဧၢ, ထံတဖၣ်ထံၣ်ဘၣ် နၤ, ပျံၤဝဲဖုးဝဲ, ထံယိာ်တဖၣ်န့ၣ်ဟူးဝးဝဲစ့ၢ်ကီးလီၤ.

¹⁷ တၢ်အၢၣ်တဖၣ်လူလီၤထံ, မူကပိာ်လိၤဒုးသီၣ်လီ, န ပျၢ်တဖၣ်ဖျိးဝဲစ့ၢ်ကီးလီၤ. ¹⁸ နလီအသီၣ်အိၣ်ဝဲလၢက လံၤသဝံးအပူၤ, လီဝၢ်အဒံးန့ၣ်မၤကပီၤထီၣ်ဟီၣ်ခိၣ်, ဟီၣ်ခိၣ်ဆှဲးဆှိးဒီးဟူးဝးဝဲလီၤ.

¹⁹ နကျဲအိၣ်ဝဲလၢပီၣ်လဲၣ်ပူၤ, ဒီးနကျဲဧိၤကပူၤဧိၤလၢ ထံဖးဒိၣ်တဖၣ်, ဒီးနခီၣ်အလီၢ်တဖၣ်န့ၣ် ပှၤတသ့ၣ် ညါဘၣ်အီၤဘၣ်. ²⁰ နဆှၢနပှၤဂီၢ်မုၢ် ဒ်သိတဖုအသိး လၢစီၤမိၤရှ့, ဒီးစီၤအၤဟရိၣ်အစုန့ၣ်လီၤ.

၇၈

စီၤအၤစာ်အသိၣ်တၢ်.

¹ ကနၣ်ယတၢ်သိၣ်တၢ်သီ, ယပှၤဂီၢ်မုၢ်သ့ၣ်ဧၢ, ဒိက နၣ်ယထးခိၣ် အတၢ်ကတိၤန့ၣ်တက့ၢ်. ² ယကအဲး ထီၣ်ယထးခိၣ်လၢတၢ်ကတိၤဒိ, ယကစံၣ်တဲၤတဲလီၤ တၢ်ကတိၤခူသူၣ်လၢပျၢၤ, ³ လၢပနၢ်ဟူတ့ၢ်, ဒီးသ့ၣ် ညါ, ဒီးပပၢ်စံးဘၣ်တဲဘၣ်ပှၤလီၤ. ⁴ ပတပာ်တဒၢ အီၤလၢအဖိတဖၣ်ဘၣ်, ပကစံၣ်တဲၤတဲလီၤပှၤလၢခံ တစိၤလၢယွၤအတၢ်စံးထီၣ်ပတြၢၤ, ဒီးအဂံၢ်အဘါ, ဒီးအတၢ်မၤလီၤလးလၢအမၤဝဲတဖၣ်န့ၣ်လီၤ.

⁵ အဂ့ၢ်ဒ်အံၤ, ပာ်ဂၢၢ်ပာ်ကျၢၤတၢ်အုၣ်အသးလၢယၤ ကိာ်အပူၤ, ဒီးပာ်တၢ်သိၣ်တၢ်သီလၢအံၣ်စရ့လးအ ကျါ, လၢအမၤလိာ်ပပၢ်တဖၣ်လၢအကဘိးဘၣ်သ့ၣ် ညါအဖိတဖၣ်, ⁶ ဒ်သိးပှၤလၢခံတစိၤကသ့ၣ်ညါ, ဖိ သၣ်လၢအကအိၣ်ဖျဲၣ်တဖၣ်န့ၣ် ကဂဲၤဆၢထၢၣ်, ဒီး ကစံးဘၣ်တဲဘၣ်အဖိတဖၣ်တသါလီၤ. ⁷ ဒီးဒ်သိးအ ကပာ်အတၢ်မုၢ်လၢ်လၢယွၤအပူၤ, ဒီးအသုတသးပ့ၤ နီၣ်ယွၤအတၢ်မၤတဂ့ၤ, ဒီးကတိၢ်န့ၢ်အတၢ်မၤလိာ်တ ဖၣ်န့ၣ်, ⁸ ဒီးဒ်သိးအသုတကဲဘၣ်ဒ်အပၢ်တဖၣ်အသိး န့ၣ်တဂ့ၤ, ပှၤတစိၤလၢအနၢ်က့ၣ်, ဒီးပူထီၣ်တၢ်, ပှၤ တစိၤလၢအသူၣ်တဂၢၢ်အသးတကျၢၤဘၣ်, ဒီးအသး တမ့ၢ်တတီဘၣ်ဒီးယွၤန့ၣ်လီၤ.

⁹ ပှၤအ့ဖရဲၣ်ဖိအိၣ်ဒီးအစုကဝဲၤဒီးချံၣ်န့ၣ် ဃၣ်အသး လၢတၢ်ဒုးသုးအမုၢ်တနံၤ န့ၣ်လီၤ. ¹⁰ တတိၢ်န့ၢ်ဘၣ် ယွၤအတၢ်အၢၣ်လီၤအီလီၤ, ဒီးပာ်အသးလၢအတလဲၤ ဘၣ်လၢအတၢ်သိၣ်တၢ်သီအပူၤဘၣ်. ¹¹ ဒီးသးပ့ၤနီၣ် အမၤတၢ်, ဒီးအတၢ်လီၤလးလၢအဒုးနဲၣ်အီၤလီၤ.

¹² မၤဝဲလၢတၢ်လီၤလးလၢအပၢ်တဖၣ်အမဲာ်ညါ, လၢ ကီၢ်အဲၤကူပတူးအပူၤ, တၢ်ပျီပူၤစိၤဧၣ်လီၤ.

¹³ မၤသ့ၣ်ဖးပီၣ်လဲၣ်, ဒီးဒုးလဲၤခီဂာ်အီၤ, ဒီးပာ်ဆၢ ထၢၣ်ထံဒ်တၢ်တပူအသိးန့ၣ်လီၤ.

¹⁴ ဒီးဆှၢအီၤလၢတၢ်အၢၣ်လၢမုၢ်ဆါ, ဒီးသီတနၤကျၢၤ န့ၣ်လၢမ့ၣ်အူကပီၤလီၤ.

¹⁵ မၤသ့ၣ်ဖးလၢၢ်တဖၣ်လၢပှၢ်မုၢ်ကနၢဒီး ဒုးအီအီၤလၢ လၢပှဲၤပှဲၤ ဒ်လၢထံယိာ်ပူၤအသိးန့ၣ်လီၤ. ¹⁶ ဒီးဒုးဟဲ ထီၣ်ထံကျိလၢလၢၢ်အပူၤ, ဒီးဒုးယွၤလီၤထံ ဒ်ထံမိၢ် ပှၢ်အသိးန့ၣ်လီၤ.

¹⁷ ဒီးအဝဲသ့ၣ် မၤကမၣ်ဘၣ်ဒံးအီၤလၢ အပူထီၣ်တၢ် ထီကတၢၢ်တဂၤလၢပှၢ်မုၢ်ကနၢအဃိန့ၣ်လီၤ. ¹⁸ ဒီးလ့ ပစီယွၤလၢအသးကံၢ်ပူၤလၢ အဃ့တၢ်အီၣ်လၢအသး ကွံတၢ်အဂီၢ်န့ၣ်အဃိလီၤ. ¹⁹ မ့ၢ်မး, ကတိၤတၢ်ထီဒါ ယွၤ, စံးဝဲ, ယွၤကတဲာ်ကတီၤစီၢ်နီၤခိၣ်လၢပှၢ်မုၢ်က နၢဘၣ်ကသ့ဧါ. ²⁰ ကွၢ်ကွၢ်, ကျီလံလၢၢ်တဖျၢၣ်, ဒီး ထံဖျိးထီၣ်, ဒီးထံကျိလုၣ်ဘၢတၢ်လံ. ဟ့ၣ်လီၤစ့ၢ် ကီးကိၣ်ဘၣ်ကသ့ဧါ.― မ့ၢ်အကကတဲာ်ကတီၤတၢ် ညၣ်လၢအပှၤဂီၢ်မုၢ်အဂီၢ်စ့ၢ်ကီးဧါ.

²¹ မၤသးဒ်န့ၣ်ဒီး ယွၤနၢ်ဟူ, ဒီးအသးထီၣ်, ဒီးမ့ၣ်အူ ဆိၣ်ကဲၤအသးထီဒါယၤကိာ်, ဒီးသးကဲၤထီၣ်ဘၣ်အံၣ် စရ့လးလီၤ. ²² အဂ့ၢ်ဒ်အံၤ, တနာ်ဘၣ်ယွၤ, ဒီးတ သန့ၤဘၣ်အသးလၢအတၢ်အုၣ်က့ၤခီၣ်က့ၤတၢ်ဘၣ်.

²³ ဒီးမၤလိာ်တၢ်အၢၣ်တဖၣ်လၢထးခီ, ဒီးအိးထီၣ်မူ ခိၣ်အတြဲၤ ²⁴ ဒီးဒုးဟဲစူၤတၢ်လၢမၤနၤလၢအဖီခိၣ်ဒ်သိး အကအီၣ်တၢ်, ဒီးဟ့ၣ်လီၤမူခိၣ် အဘုအဟုလီၤ.

²⁵ တၢ်အဂံၢ်ဆူၣ်အဘါဆူၣ်တဖၣ် အတၢ်အီၣ်န့ၣ် ပှၤ ကညီအီၣ်ဝဲလီၤ. အဝဲဒၣ်မၢလီၤတၢ်အီၣ်ဆူ အအိၣ် တုၤအဘျဲးအီၣ်လီၤ. ²⁶ ဒုးဟဲကလံၤမုၢ်ထီၣ်လၢမူခိၣ်, ဒီးဒုးဟဲကလံၤ လၢကလံၤထံးတခီ လၢအစိအကမီၤ န့ၣ်လီၤ. ²⁷ ဒီးဒုးဟဲစူၤတၢ်ညၣ်လၢအဖီခိၣ်ဒ်ဟီၣ်ခိၣ် အကမူၣ်အသိး, ဒီးထိၣ်အိၣ်ဒီးအဒံးဆ့, ဒ်ပီၣ်လဲၣ် အမဲးအသိးန့ၣ်လီၤ. ²⁸ ဒီးဒုးလီၤတဲာ်အီၤလၢအသူၣ်ဒဲ အလီၢ်အသးကံၢ်ပူၤ, ဒီးအိၣ်ဝးတရံးအအိၣ်ဝဲဆိးဝဲအ လီၢ်လီၤ. ²⁹ ဒီးပှၤအီၣ်ဝဲ, ဒီးဘျဲးအီၣ်ပှဲၤဆၢၣ်ကလာ်, ဒီးယွၤဒုးန့ၢ်ဘၣ်အီၤလၢအသးကွံတၢ်န့ၣ်လီၤ. ³⁰ ပှၤတ လီၤဖးကွံာ်ဘၣ်ဒီးအတၢ်သးကွံဘၣ်. တၢ်အီၣ်အိၣ်ဝဲ လၢအကိာ်ပူၤအဖၢမုၢ်ဒီး, ³¹ ယွၤအသးထီၣ်ဘၣ်အီၤ, ဒီးမၤသံအပှၤဘီၣ်တဖၣ်, ဒီးဒုးလီၤဃံၤအံၣ်စရ့လးအ ပှၤဃုထၢဖိလီၤ.

³² တၢ်န့ၣ်ခဲလၢာ်ဘၣ်ဆၣ်ဒီး မၤဒံးတၢ်ဒဲးဘးဒံး, ဒီး အတၢ်မၤလီၤလးတဖၣ်န့ၣ်, တနာ်ဘၣ်ဝဲဘၣ်. ³³ မၤ သးဒ်န့ၣ်ဒီး, မၤလၢာ်ကွံာ်အဝဲသ့ၣ်အမုၢ်နံၤတဖၣ်လၢ တၢ်ကလီကလီအပူၤ, ဒီးအနံၣ်အလါလၢ တၢ်ကိၢ် တၢ်ဂီၤအပူၤလီၤ.

³⁴ တုၤယွၤမၤသံအီၤဒီးအဝဲသ့ၣ်ဃုအီၤ, ဒီးဟဲက့ၤ, ဒီးဃု ယွၤဂီၤဂီၤလီၤ. ³⁵ ဒီးသ့ၣ်နီၣ်ထီၣ်က့ၤဝဲလၢယွၤမ့ၢ်အလၢၢ် အလ့, ဒီးတၢ်ထီၣ်ထီကစၢ်န့ၣ်မ့ၢ်တၢ်ပှ့ၤက့ၤအီၤလီၤ.

³⁶ ဘၣ်ဆၣ်ဒီးပှၤလီန့ၢ်အီၤလၢအထးခိၣ်, ဒီးကတိၤက ဘျံးကဘျၣ်ဒီးအီၤလၢအပျ့ၤလီၤ. ³⁷ အဂ့ၢ်ဒ်အံၤအသး တဂၢၢ်တကျၢၤဘၣ်ဒီးအီၤဘၣ်. ဒီးတအိၣ်ကျၢၤဘၣ် လၢအတၢ်အၢၣ်လီၤအီလီၤအပူၤဘၣ်.

³⁸ ဒီးယွၤသးအိၣ်အီၤဒီး ပျၢ်အတၢ်အၢ, ဒီးတမၤဟး ဂီၤဘၣ်အီၤဘၣ်. ဒီးဘိးဃၣ်ကွံာ်အသးထီၣ်အါစု, ဒီး တထိၣ်ဂဲၤဘၣ်အသးကဲၤထီၣ်ခဲလၢာ်ဘၣ်. ³⁹ ဒီးသ့ၣ် နီၣ်ထီၣ်က့ၤဝဲလၢ အဝဲသ့ၣ်တဖၣ်န့ၣ် မ့ၢ်တၢ်ဖံးတၢ် ညၣ်, ကလံၤလၢအဟးကွံာ်, ဒီးတဟဲက့ၤဘၣ်.

⁴⁰ အဝဲသ့ၣ်တဖၣ်န့ၣ် ပူထီၣ်ယွၤလၢပှၢ်မုၢ်ကနၢ, မၤ ဆါအသးလၢပှၢ်မုၢ်ကနၢန့ၣ်ပှံၤဘျီလဲၣ်.

⁴¹ ဒီးဃၣ်ကွံာ်ကဒီးအသး, ဒီးလ့ပစီယွၤ, ဒီးမၤတရီ တပါအံၣ်စရ့လးအတၢ်စီဆှံလီၤ. ⁴² တသ့ၣ်နီၣ်ထီၣ် က့ၤဘၣ်အစု, မုၢ်နံၤလၢအပှ့ၤက့ၤအီၤလၢအဒုၣ်အဒါ အစုပူၤ, ⁴³ ပှၤလၢအပာ်အတၢ်ပနီၣ်လီၤလးလၢအဲၤကူ ပတူးအပူၤ, ဒီးအတၢ်လီၤလးတဖၣ်လၢတၢ်ပျီပူၤ စိၤ ဧၣ်, ⁴⁴ ဒီးဒုးကဲထီၣ်အထံမိၢ်ပှၢ်တဖၣ်လၢတၢ်သွံၣ်, ဒီး ပှၤအီအထံတသ့ဘၣ်. ⁴⁵ မၢလီၤတၢ်တဖုလၢအကျါ လၢအအ့ၣ်တၢ်, ဒီးဒ့ၣ်လၢ အမၤဟးဂီၤတၢ်လီၤ.―

⁴⁶ ဟ့ၣ်လီၤကွံာ်အတၢ်အါထီၣ်လၢဒွဲၣ်ဃစံ, ဒီးအမၤတၢ် လၢဒွဲၣ်အၢ်ဘၤလီၤ. ⁴⁷ မၤဟးဂီၤအစပံးမုၢ်လၢသူၣ်, ဒီး အသိးဝံာ်ဒၢလၢနါဝာ်, ⁴⁸ ဟ့ၣ်လီၤကွံာ်စ့ၢ်ကီးအတၢ် ဖိတၢ်လံၤဆူသူၣ်အအိၣ်, ဒီးအဆၣ်ဖိကီၢ်ဖိအဒၢဆူ လီဝၢ်အဒံးန့ၣ်လီၤ. ⁴⁹ မၢလီၤအသးထီၣ်ကဲၤထီၣ် ဆူ အအိၣ်, တၢ်သးထီၣ်, ဒီးတၢ်သးကဲၤထီၣ်, ဒီးတၢ် ကိၢ်တၢ်ဂီၤ, တၢ်အၢအကလူးတဖၣ်ဆူအအိၣ်လီၤ.―

⁵⁰ မၤကျဲလၢအသးထီၣ်အဂီၢ်လီၤ. ဒ်သိးအသုတသံတ ဂ့ၤန့ၣ်တသးလီဘၣ်အီၤဘၣ်. ဒီးဟ့ၣ်လီၤကွံာ်အသး ဆူတၢ်သံသတြိာ်အပူၤလီၤ.

⁵¹ ဒီးကျီကွံာ်ကယဲၢ်ပှၤဖိဝဲၢ်ကိလၢ အဲၤကူပတူးအပူၤ, အဂံၢ်အဘါအခိၣ်တဖၣ် လၢစီၤဃၣ်အဒဲတဖၣ်အပူၤ လီၤ. ⁵² မ့မ့ၢ်အပှၤဂီၢ်မုၢ်ဒၣ်ဝဲန့ၣ်, ဒုးဟးထီၣ်အီၤဒ်သိအသိး န့ၣ်, ဆှၢအီၤလၢပှၢ်မုၢ်ကနၢဒ်သိတဖုအသိးန့ၣ်လီၤ.

⁵³ ဒီးဆှၢဝဲဃါမနၤ, ဒီးအဝဲသ့ၣ်တပျံၤဘၣ်တၢ်ဘၣ်. မ့ မ့ၢ်အဒုၣ်အဒါတဖၣ်န့ၣ် ပီၣ်လဲၣ်လုၣ်ဘၢကွံာ်အီၤ လီၤ. ⁵⁴ ဒီးဒုးဟဲအီၤဆူ အလီၢ်စီဆှံအဃၢၤ, ကစၢၢ်တ ဖျၢၣ်လၢအစုထွဲပှ့ၤဝဲလီၤ. ⁵⁵ ဒီးဟီထီၣ်ကွံာ်ပှၤကလုာ် တဖၣ်လၢအမဲာ်ညါ, ဒီးနီၤဖးန့ၢ်အတၢ်န့ၢ်သါလၢပျံၤ, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ်လၢဒဲပူၤလီၤ.

⁵⁶ နာ်သက့ဒီးအဝဲသ့ၣ်လ့ပစီ, ဒီးပူထီၣ်တၢ်ထီကတၢၢ် ကစၢ်, ဒီးတတိၢ်န့ၢ်ဘၣ်အတၢ်အုၣ်အသးဘၣ်. ⁵⁷ ဒီး က့ၤကဒါက့ၤ, ဒီးလီတၢ်ဒ်အပၢ်တဖၣ်အသိးန့ၣ်လီၤ. အသးကဒံကဒါဒ်ချံၣ်လီတၢ်အသိးလီၤ. ⁵⁸ ဒီးမၤသး ထီၣ်ယွၤလၢအလီၢ်ထီၣ်ထီတဖၣ်, ဒီးမၤသးက့ၣ်အီၤ လၢအတၢ်ဂီၤတၢ်ဖီၣ်လီၤ.

⁵⁹ ယွၤနၢ်ဟူတၢ်ဒီးသးထီၣ်ဝဲ, ဒီးသးဘၣ်အၢအံၣ်စရ့ လးနးမးလီၤ. ⁶⁰ ဒီးလဲၤသဒၣ်ၡံလိၣ်အိၣ်ဝဲဆိးဝဲအလီၢ်, ဒဲလၢအပာ်ဝဲလၢ ပှၤကညီအကျါလီၤ. ⁶¹ ဒီးဟ့ၣ်လီၤ ကွံာ်အတၢ်ဂံၢ်ဆူၣ်ဘါဆူၣ်ဆူတၢ်မၢကဲကုၢ်အပူၤ, ဒီး အလၤအကပီၤန့ၣ်ဆူအဒုၣ်အဒါအစုပူၤလီၤ. ⁶² ဒီးဟ့ၣ် လီၤကွံာ်အပှၤဂီၢ်မုၢ်ဆူနးအအိၣ်, ဒီးအသးကဲၤထီၣ် ဘၣ်အတၢ်န့ၢ်သါလီၤ. ⁶³ မ့ၣ်အူအီၣ်ကွံာ်အပှၤဖိၣ်သၣ် ခွါတဖၣ်, ဒီးအပှၤမုၣ်လိၣ်ဘိတဖၣ်တဒိးတၢ်စံးထီၣ် တြၢၤအီၤဘၣ်. ⁶⁴ အပှၤလုၢ်တၢ်အဒိၣ်တဖၣ်လီၤဃံၤ ဝဲလၢဘီဧိၤနးဧိၤ, ဒီးအမုၣ်ကမဲတဟီၣ်ဘၣ်ဝဲဘၣ်.

⁶⁵ ဒီးယွၤဖုသံနီၣ်ထီၣ်ဒ်ပှၤလၢအမံသပ့ၤအသိး, ဒီးဒ်ပှၤ လၢအဂံၢ်ဆူၣ်ဘါဆူၣ် လၢအကိးပသူထီၣ်လၢစပံးထံ အပူၤအသိးန့ၣ်လီၤ. ⁶⁶ ဒီးကျီကွံာ်အဒုၣ်အဒါဆူအလီၢ် ခံ, ဒီးပာ်အီၤလၢတၢ်ဒုၣ်ဒွဲၣ်အလီၢ်လီၤထူလီၤယိာ်လီၤ.

⁶⁷ ဒီးညိကွံာ်စီၤယိၤသးအဒဲ, ဒီးတဃုထၢဘၣ်အ့ဖရဲၣ် အဒူၣ်ဘၣ်. ⁶⁸ ဃုထၢဝဲယူဒၤအဒူၣ်, ကစၢၢ်စံယိၣ်လၢ အအဲၣ်ဝဲလီၤ.

⁶⁹ ဒီးသူၣ်အလီၢ်စီဆှံဒ်တၢ်အလီၢ်ထီၣ်ထီအသိး, ဒ်ဟီၣ် ခိၣ်လၢအပာ်အခီၣ်ထံးအထူအယိာ်အသိးလီၤ. ⁷⁰ ဒီး ဃုထၢအခ့အပှၤစီၤဒၤဝံး, ဒီးဟံးန့ၢ်အီၤလၢသိအက ရၢပူၤ, လၢအပိာ်သိမိၢ်ဒုးအီၣ်နုၢ်တဖၣ်အခံန့ၣ်လီၤ.

⁷¹ ဒုးဟဲထီၣ်အီၤဒ်သိးအကကွၢ်အပှၤဂီၢ်မုၢ်, ယၤကိာ်, ဒီး အတၢ်န့ၢ်သါ, အံၣ်စရ့လးလီၤ. ⁷² ဒီးကွၢ်အီၤလၢအ သးဒီဖျၢၣ်, ဒီးဆှၢအီၤလၢအစုကတဲာ်ကတီၤတၢ်လီၤ.

၇၉

စီၤအၤစာ်အထါ.

¹ ယွၤဧၢ, ပှၤကလုာ်တဖၣ်န့ၣ် ဟဲနုာ်လၢနတၢ်န့ၢ် သါအပူၤလံ. မၤဘၣ်အၢနနူၢ်စီဆှံလံ. မၤလီၤပှီၢ်ယ ရူၤၡလ့ၣ်လံ. ² ဟ့ၣ်လီၤလံနခ့နပှၤတဖၣ်အစိၣ်လၢမူ ခိၣ်အထိၣ်ဧိၤလံၣ်ဧိၤလၢတၢ်အီၣ်အဂီၢ်, နပှၤစီဆှံအ ညၣ်လၢဟီၣ်ခိၣ်အဆၣ်ဖိကီၢ်ဖိလံ. ³ လူလီၤအသွံၣ်ဒ် ထံအသိးန့ၣ်, ဝးတရံးယရူၤၡလ့ၣ်လံ. ဒီးပှၤခူၣ်လီၤ ကွံာ်အီၤတအိၣ်ဘၣ်. ⁴ ပကဲထီၣ်လံလၢတၢ်ဒုၣ်ဒွဲၣ်အ လီၢ်လၢပှၤလၢပဃၢၤအဂီၢ်, တၢ်ကတိၤဒိတၢ်အလီၢ်, ဒီးတၢ်မၤတရီတပါအလီၢ် လၢပှၤအိၣ်ဝးတရံးပှၤအဂီၢ် လံလီၤ.

⁵ ဆံးယံာ်လဲၣ်, ယွၤဧၢ. နကသးထီၣ်တၢ်လီၤထူလီၤ ယိာ်စ့ၢ်ကီးဧါ. နသးက့ၣ်ကအီၣ်တၢ် ဒ်မ့ၣ်အူအသိး န့ၣ်ဧါ.

⁶ လူလီၤနသးကဲၤထီၣ်လၢ ပှၤကလုာ်တဖၣ်လၢအတ သ့ၣ်ညါဘၣ်နၤဘၣ်, ဒီးလၢဘီမုၢ်တဖၣ်အဖီခိၣ်လၢ အတကိးထီၣ်ဘၣ်နမံၤဘၣ်န့ၣ်တက့ၢ်. ⁷ အဂ့ၢ်ဒ်အံၤ, အီၣ်ကွံာ်ယၤကိာ်ဒီး မၤသယုၢ် အအိၣ်အဆိးအလီၢ် လီၤ.

⁸ သ့ၣ်နီၣ်ထီၣ်က့ၤပထူပထံးအတၢ်ဒဲးဘး လၢပဂီၢ်တ ဂ့ၤ. မ်နတၢ်သူၣ်ကညီၤနတၢ်သးကညီၤ ဟဲသဂၢၢ်ပှၤ လၢအဆိအချ့တက့ၢ်. အဂ့ၢ်ဒ်အံၤ, ပဘၣ်တၢ်ဆီၣ် လီၤပှၤနးမးလီၤ.

⁹ တၢ်အုၣ်က့ၤခီၣ်က့ၤပှၤအယွၤဧၢ, မၤစၢၤပှၤလၢနမံၤ အလၤကပီၤအဃိ, ဒီးမၤပူၤမၤဖျဲးပှၤ, ဒီးပျၢ်ပတၢ်ဒဲး ဘးလၢနမံၤအဃိန့ၣ်တက့ၢ်.

¹⁰ ပှၤကလုာ်တဖၣ်ကစံး, အကစၢ်အိၣ်ဖဲလဲၣ်န့ၣ်, မ့ၢ် အဘၣ်မနုၤလဲၣ်. တၢ်မၤကၣ်နခ့နပှၤအသွံၣ်လၢအ လူလီၤအသးန့ၣ် မ်အအိၣ်ဖျါလၢပှၤကလုာ်တဖၣ်အ ကျါလၢပမဲာ်ညါတက့ၢ်. ¹¹ မ်ပှၤလၢအဘၣ်စၢဃာ်အ ကအုကစွါန့ၣ်ဟဲထီၣ်ဆူနမဲာ်ညါတက့ၢ်. ဒ်နစုအစိ ကမီၤဒိၣ်ဝဲအသိးန့ၣ် မၤပူၤဖျဲးပှၤလၢအဘၣ်တၢ်ပာ် အီၤလၢတၢ်သံအဂီၢ်တက့ၢ်. ¹² ဒီးပှၤလၢပဃၢၤဒုၣ်ဒွဲၣ် တၢ်လၢအဒုၣ်ဒွဲၣ်နၤ, ယွၤဧၢ, ဟ့ၣ်ကၣ်အီၤနွံစးလၢ အသးနါပှၢ်အပူၤန့ၣ်တက့ၢ်.

¹³ ဒီးပဝဲဒၣ်, နပှၤဂီၢ်မုၢ်, နတၢ်အီၣ်ဆၣ်အလီၢ်အသိ အံၤ ပကစံးထီၣ်ပတြၢၤနၤလီၤထူလီၤယိာ်လီၤ. ပက စံၣ်တဲၤတဲလီၤ နတၢ်စံးထီၣ်ပတြၢၤ အစိၤစိၤအဃၣ် ဃၣ်လီၤ.

၈၀

စီၤအၤစာ်အတၢ်အုၣ်အသး, အထါလၢတၢ်အခိၣ်အဂီၢ်လၢဖီဒ့ၣ်ညါ

¹ အံၣ်စရ့လးအပှၤကွၢ်သိဧၢ, ကနၣ်တက့ၢ်. ပှၤလၢ အဆှၢယိၤသးဒ်သိတဖုအသိးန့ၣ်, လၢအဆ့ၣ်နီၤလၢ ခ့ရူာ်တဖၣ်အဖီခိၣ်တဂၤဧၢ, ကပီၤထီၣ်တက့ၢ်. ² ထိၣ် ဂဲၤထီၣ်နဂံၢ်နဘါလၢအ့ဖရဲၣ်, ဒီးဘံၣ်ယၤမံၣ်, ဒီးမ နၤရှ့ၣ်အမဲာ်ညါ, ဒီးဟဲအုၣ်က့ၤခီၣ်က့ၤပှၤတက့ၢ်.

³ ယွၤဧၢ, ဒုးဟဲက့ၤပှၤ, ဒီးဒုးကပီၤထီၣ်နမဲာ်တက့ၢ်. ဒီးပကတုၤလၢတၢ်အုၣ်က့ၤခီၣ်က့ၤပှၤလီၤ.

⁴ ယွၤတၢ်သုးမုၢ်ဂီၢ်မုၢ်အကစၢ်ဧၢ, နကသးထီၣ်ဘၣ် နပှၤဂီၢ်မုၢ်အတၢ်ထုကဖၣ်န့ၣ် ဆံးယံာ်လဲၣ်. ⁵ နဒုး အီၣ်အီၤလၢမဲာ်ထံအကိၣ်, ဒီးနဒုးအီအီၤလၢမဲာ်ထံ လၢနီၣ်ဃီၣ်ဖးဒိၣ်တဖျၢၣ်အပူၤလီၤ. ⁶ နပာ်ပှၤလၢတၢ် အ့ၣ်လိာ်ဆိးက့လိာ်အလီၢ်လၢ ပှၤလၢပဃၢၤအဂီၢ်, ဒီးပဒုၣ်ပဒါနံၤဘၣ်ဝဲလၢအကျါဒၣ်ဝဲန့ၣ်လီၤ.

⁷ တၢ်သုးမုၢ်အကစၢ်ဧၢ, ဒုးဟဲက့ၤပှၤ, ဒီးဒုးကပီၤ ထီၣ်နမဲာ်တက့ၢ်. ဒီးပကတုၤလၢ တၢ်အုၣ်က့ၤခီၣ် က့ၤပှၤလီၤ.

⁸ နဟဲစိာ်စပံးမုၢ်တမုၢ်လၢကီၢ်အဲၤကူပတူးအပူၤ, နဟီ ထီၣ်ကွံာ်ပှၤကလုာ်တဖၣ်ဒီးသူၣ်လီၤဝဲလီၤ. ⁹ နမၤအ လီၢ်လၢအဂီၢ်, ဒီးစဲၤလီၤဝဲအဂံၢ်, ဒီးမၤပှဲၤထံဧိၤကီၢ်ဧိၤ လီၤ.

¹⁰ ကစၢၢ်ကလိ လီၤကဒုလၢအကဒုပူၤ, ဒီးအဒ့လီၤ ဂာ်ယွၤအသ့ၣ်ဆှိအ့ရ့းလီၤ. ¹¹ ပျၢ်အဒ့ဆူပီၣ်လဲၣ်, ဒီး အဒိးအလၣ်န့ၣ်ဆူထံမိၢ်ပှၢ်လီၤ. ¹² နမၤဟးဂီၤအက ရၢ, ဒီးပှၤပိာ်ကျဲခဲလၢာ်ဒဲးဝဲန့ၣ် မ့ၢ်အဘၣ်မနုၤလဲၣ်.

¹³ ထိးဖါလၢပှၢ်လၢ်ကျါန့ၣ် မၤဟးဂီၤအီၤ, ဒီးဆၣ်ဖိ ကီၢ်ဖိအမံၤလၢတၢ်ပျီပူၤန့ၣ် အီၣ်ကွံာ်အီၤလီၤ.

¹⁴ တၢ်သုးမုၢ်အကစၢ်ဧၢ, ဟဲက့ၤလၢ်တက့ၢ်. ကွၢ်လီၤ လၢမူခိၣ်, ဒီးကွၢ်ထံကွၢ်ဆး, ဒီးဟဲအိၣ်ပှိၤစပံးမုၢ် အံၤ, ¹⁵ ဒီးစပံးအလီၢ်လၢနစုထွဲသူၣ်ဝဲ, ဒီးတၢ်အဒ့ လၢနဒုးဆူၣ်ထီၣ် လၢနဂီၢ်ဒၣ်နဲန့ၣ်တက့ၢ်. ¹⁶ မ့ၣ်အူ အီၣ်ကွံာ်ဝဲ, ဘၣ်ကူာ်လီၤအသး, ဟးဂီၤကွံာ်ဝဲလၢ နသိၣ်ဃီၣ်တၢ်အမဲာ်ညါလီၤ.

¹⁷ မ်နစုအိၣ်လၢ ပှၤလၢနစုထွဲအပှၤတဂၤအလိၤ, လၢ ပှၤကညီဖိလၢ နဒုးဆူၣ်ထီၣ် လၢနဂီၢ်ဒၣ်နဲအဂီၢ်အ လိၤန့ၣ်တက့ၢ်. ¹⁸ ဒီးပတက့ၤကဒါက့ၤလၢနအိၣ်ဘၣ်. မၤမူထီၣ်က့ၤပှၤတက့ၢ်. ဒီးပကကိးထီၣ်နမံၤလီၤ.

¹⁹ ယွၤတၢ်သုးမုၢ်အကစၢ်ဧၢ, ဒုးဟဲက့ၤပှၤ, ဒီးဒုးကပီၤ ထီၣ်နမဲာ်တက့ၢ်. ဒီးပကတုၤလၢတၢ်အုၣ်က့ၤခီၣ်က့ၤ ပှၤလီၤ.

၈၁

စီၤအၤစာ်အထါလၢတၢ်အခိၣ်အဂီၢ်လၢကၤသးအတနၢ်.

¹ သးဝံၣ်ထီၣ်ယွၤ, ပဂံၢ်ပဘါ, ကိးပသူသးခုဆူစီၤ ယၤကိာ်အကစၢ်တက့ၢ်. ² စိာ်ထီၣ်တၢ်သးဝံၣ်, ဒီး ဟဲစိာ်ဒၢဖိတနၢ်မုာ်, ဒီးသီတူၢ်န့ၣ်တက့ၢ်. ³ အူကွဲၤ လၢလါအခီၣ်ထံး, လၢလါပှဲၤနံၤလၢပမၤဘူၣ်နံၤန့ၣ် တက့ၢ်.

⁴ အဂ့ၢ်ဒ်အံၤ, အဝဲန့ၣ်မ့ၢ်တၢ်မၤလိာ်လၢ အံၣ်စရ့လး အဂီၢ်, တၢ်စံၣ်ညီၣ်လၢအဟဲလၢယၤကိာ်အကစၢ်န့ၣ် လီၤ. ⁵ ပာ်အီၤလၢယိၤသးအပူၤ လၢတၢ်အုၣ်အသး အဂီၢ်, တုၤအဟးထီၣ်လၢအဲၤကူပတူးအကီၢ်ပူၤ, ဖဲ ယနၢ်ဟူတၢ်ကတိၤအကျိာ်လၢယနၢ်တပၢၢ်ဘၣ်လီၤ.

⁶ ယသုးကွံာ်အဖံဘၣ်ခိၣ်လၢ တၢ်ယိးအဖီလာ်, မၤ ထူၣ်ဖျဲးအစုလၢနာ်လိၤလီၤ. ⁷ လၢနဘၣ်တၢ်ကိၢ်တၢ် ဂီၤန့ၣ် နကိးထီၣ်, ဒီးယမၤပူၤမၤဖျဲးနၤ, ယစံးဆၢ နၤလၢလီသီၣ်အလီၢ်ခူသူၣ်, ယမၤကွၢ်နၤဖဲထံမရံၤဘါ လီၤ. စ့လၤ.

⁸ ကနၣ်, ယပှၤဂီၢ်မုၢ်သ့ၣ်ဧၢ, ဒီးနမ့ၢ်ကနၣ်ယကလုၢ် ဒီး, ယကအုၣ်ယသးလၢနၤ, အံၣ်စရ့လးဧၢ ⁹ မ်ပှၤ တခီဘီမုၢ်ဖိအကစၢ်အသုတအိၣ်ဒီးသုတဂ့ၤ. ဒီးမ်န သုတဘူၣ်ထီၣ်ဘါထီၣ် ပှၤတခီဘီမုၢ်ဖိ အကစၢ် တဂ့ၤ.

¹⁰ ယဲဒၣ်အံၤယမ့ၢ်ယွၤနကစၢ်လၢ အဒုးဟးထီၣ်နၤလၢ အဲၤကူပတူးအကီၢ်ပူၤလီၤ. အဲးထီၣ်နထးခိၣ်တက့ၢ်, ဒီးယကမၤပှဲၤအီၤလီၤ.

¹¹ ဘၣ်ဆၣ်ဒီးယပှၤဂီၢ်မုၢ် တဒိကနၣ်ယကလုၢ်ကထါ ဘၣ်, ဒီးအံၣ်စရ့လးတဘၣ်အသးလၢယၤဘၣ်. ¹² ဒီး ယပျၢ်အီၤဆူ အသးအၢအပူၤလီၤ. လဲၤဝဲလၢအကူၣ် ထီၣ်ဖးလီၤတၢ်ဒၣ်ဝဲအပူၤလီၤ.

¹³ ယပှၤဂီၢ်မုၢ်မ့ၢ်ကနၣ်ယကလုၢ်, ဒီးအံၣ်စရ့လးမ့ၢ်ပိာ် ယကျဲဧိၤကပူၤဧိၤဒီး, ¹⁴ ယကမၤဃၣ်အဒုၣ်အဒါလၢ တစိၢ်ဖိအတီၢ်ပူၤန့ၣ်, ဒီးဃၣ်ယစုထီဒါပှၤသးဟ့အီၤ တဖၣ်န့ၣ်လီၤ. ¹⁵ ပှၤသးဟ့ယွၤန့ၣ်ကဆီၣ်လီၤအသး လၢအဖီလာ်, ဒီးအဆၢအကတီၢ်ကအိၣ်လီၤထူလီၤ ယိာ်လီၤ. ¹⁶ ကဒုးအီၣ်ဝဲလၢဘုကၠူၣ်အဂ့ၤကတၢၢ်, ဒီး ယကဒုးဘျဲးအီၣ်နၤလၢ ကနဲစီလၢလၢၢ်ပူၤလီၤ.

၈၂

စီၤအၤစာ်အထါ.

¹ ယွၤဆၢထၢၣ်လၢကစၢ်အတၢ်အိၣ်ဖှိၣ်, လၢကစၢ်တ ဖၣ်အကျါန့ၣ်စံၣ်ညီၣ်တၢ်လီၤ. ² သုကစံၣ်ညီၣ်တၢ်တ တီဘၣ်, ဒီးကွၢ်မဲာ်ပှၤတတီတလိၤန့ၣ်ဆံးယံာ်လဲၣ်. စ့လၤ.

³ စံၣ်ညီၣ်န့ၢ်ပှၤဖှီၣ်ဖိယာ်ဖိ, ဒီးပှၤဖိၣ်ဃဲ, စံၣ်ညီၣ်တီ ပှၤဘၣ်နးဘၣ်ဖှီၣ်, ဒီးပှၤဖှီၣ်ဖိယာ်ဖိန့ၣ်တက့ၢ်. ⁴ မၤ ပူၤမၤဖျဲးပှၤဘၣ်နးဘၣ်ဖှီၣ်ဒီး ပှၤဖှီၣ်ဖိယာ်ဖိ, မၤထူၣ် ဖျဲးအီၤလၢပှၤတတီတလိၤအစုပူၤန့ၣ်တက့ၢ်.

⁵ တသ့ၣ်ညါဘၣ်တၢ်ဘၣ်, ဒီးအနၢ်တပၢၢ်ဘၣ်တၢ် ဘၣ်. လဲၤဝဲလၢတၢ်ခံးကျါလီၤ. ဟီၣ်ခိၣ်အခီၣ်ထံး ဟူးဝးဝဲခဲလၢာ်လီၤ.

⁶ ယစံးတ့ၢ်, သုမ့ၢ်ယွၤတဖၣ်, ဒီးသုမ့ၢ်တၢ်ထီက တၢၢ်တဂၤအဖိခဲလၢာ်လီၤ. ⁷ ဘၣ်ဆၣ်ဒီး သုကသံဒ် ပှၤကညီအသိးဒီး လီၤဃံၤဒ်ပှၤတဂၤ လၢပဒိၣ်ဖးဒိၣ် အကျါအသိးန့ၣ်လီၤ.

⁸ ယွၤဧၢ, ဂဲၤဆၢထၢၣ်, စံၣ်ညီၣ်ပှၤဟီၣ်ခိၣ်ဖိတက့ၢ်. အဂ့ၢ်ဒ်အံၤ, နမ့ၢ်ပှၤကိးကလုာ်ဒဲးအကစၢ်လီၤ.

၈၃

စီၤအၤစာ်အတၢ်သးဝံၣ်.

¹ ယွၤဧၢ, မ်နသုတအိၣ်တအုၣ်တဂ့ၤ, အိၣ်ဃိကလာ် တဂ့ၤ, အိၣ်ဘှီၣ်ကလာ်တဂ့ၤ, ယွၤဧၢ.

² အဂ့ၢ်ဒ်အံၤ, နဒုၣ်နဒါတဖၣ် မၤတၢထီၣ်တၢလီၤ တၢ်, ဒီးပှၤလၢအသးဟ့နၤတဖၣ်န့ၣ် မိာ်ထီၣ်အခိၣ် လီၤ. ³ ကူၣ်ထီၣ်ဒီးလီတၢ်, ကူၣ်ထီဒါနပှၤဂီၢ်မုၢ်, ဒီး ကူၣ်ထီၣ်ဖးလီၤတၢ်ထီဒါပှၤလၢနပၢၤအီၤလီၤ. ⁴ စံးဝဲ, ဟဲ, ထဲးထီၣ်ကွံာ်သကိးအီၤတက့ၢ်. ဒ်သိးအသုတ ကဲလၢၤပှၤတကလုာ်တဂ့ၤ, ဒီးဒ်သိး ပှၤအသုတပှ့ၤ လၢၤဘၣ် အံၣ်စရ့လးအမံၤတဂ့ၤန့ၣ်လီၤ.

⁵ အဂ့ၢ်ဒ်အံၤ, ကူၣ်လိာ်အသးဒီး အသးတဖျၢၣ်ဃီ, အၢၣ်လီၤအီလီၤတၢ်ထီဒါနၤ, ⁶ ဒဲတဖၣ်ဘၣ်ဃးဒီးအ ဒိၣ်, ဒီးပှၤယံးၡမၤဧ့လးဖိ, ဒီးမိၤအး, ဒီးပှၤဟၤကၢ် ဖိ, ⁷ ကံးဘလး, ဒီးဧၣ်မိၣ်, ဒီးဧမၤလ့း, ဒီးပှၤဖလ့ ၡသးဖိ, ဒီးပှၤစိၢ်ဖိန့ၣ်လီၤ. ⁸ အၤရှူၣ်စဲဘူးစ့ၢ်ကီးအ သးဒီးအီၤလီၤ. မ့ၢ်ဝဲလၢစီၤလိာ်အဖိတဖၣ်အစုလီၤ. စ့လၤ.

⁹ မၤအီၤဒ်ပှၤမံးဒယၣ်ဖိအသိး, ဒ်စီၤစံစရၤအသိး, ဒ် စီၤယၤဘံၣ်လၢထံကျိကံၡိၣ်တက့ၢ်. ¹⁰ အဝဲသ့ၣ်ဟးဂီၤ လၢဧ့ၣ်ဒိၢ်အပူၤလီၤ. ကဲထီၣ်ဝဲလၢတၢ်အ့ၣ်လၢဟီၣ် ခိၣ်အဂီၢ်လီၤ.

¹¹ မၤအပဒိၣ်ဖးဒိၣ်ဒ်စီၤဧိၤရ့ာ်အသိး, ဒီးဒ်စီၤစအ့ာ်အ သိး, ဒီးအခိၣ်တဖၣ်ခဲလၢာ်ဒ်စီၤစ့ဘၤအသိး, ဒီးဒ် စီၤစးလမူနၤအသိး, ¹² လၢအစံး, ဟံးန့ၢ်သကိးယွၤ အဟံၣ်လၢပဂီၢ်ဒၣ်ဝဲန့ၣ်တက့ၢ်.

¹³ အိ, ယကစၢ်ဧၢ, မၤအီၤဒ်ဖ့အသိး, ဒ်လီၢ်အကမူၣ် လၢကလံၤအမဲာ်ညါအသိးန့ၣ်တက့ၢ်. ¹⁴ ဒ်မ့ၣ်အူအီၣ် ပှၢ်အသိး, ဒီးဒ်မ့ၣ်အူလၣ်ဆူးထီၣ်ကစၢၢ်ကလိအသိး န့ၣ်, ¹⁵ လူၤအီၤလၢနကလံၤမုၢ်တွၤဒ်န့ၣ်အသိး, ဒီးမၤ ပျံၤအီၤလၢနကလံၤသဝံးန့ၣ် ဒ်န့ၣ်အသိးတက့ၢ်.

¹⁶ မၤပှဲၤအမဲာ်ဒီးတၢ်မဲာ်ဆှး, ဒ်သိးအကဃုနမံၤတ က့ၢ်, ယွၤဧၢ. ¹⁷ မ်အမဲာ်ဆှး, ဒီးပျံၤတၢ်ဖုးတၢ်လီၤ ထူလီၤယိာ်တက့ၢ်. ဒီးမ်အဘၣ်တၢ်မဲာ်ဆှး, ဒီးဟး ဂီၤတက့ၢ်. ¹⁸ ဒီးကသ့ၣ်ညါလၢနဲဒၣ်တဂၤဃီလၢနမံၤ မ့ၢ်ယဟိဝၤန့ၣ် မ့ၢ်တၢ်ထီကတၢၢ်တဂၤလၢဟီၣ်ခိၣ်ဒီ ဘ့ၣ်ညါအဖီခိၣ်လီၤ.

၈၄

စီၤကိးရးအဖိခွါအထါလၢတၢ်အခိၣ်အဂီၢ်လၢကၤသးအတနၢ်.

¹ တၢ်သုးမုၢ်အယွၤဧၢ, နအိၣ်နဆိးအလီၢ်န့ၣ်ပအဲၣ်ဒိး အီၤအလီၢ်အိၣ်ဆံးဒိၣ်လဲၣ်. ² ယဆၢလဲၤဆူ ယွၤအ ဂၢၤတဖၣ်, တုၤယသးလီၤဘှါဝဲလီၤ. ယသးဒီးယ ညၣ်ကိးထီၣ်ယွၤလၢအမူဝဲတဂၤန့ၣ်လီၤ. ³ မ့ၢ်မးထိၣ် ဖှံးထံၣ်န့ၢ်အဟံၣ်, ထိၣ်ဘျ့ၣ်ဘျီၣ်ဧိၤန့ၣ်အသွံလၢအ ဂီၢ်ဒၣ်ဝဲဖဲအကပာ်လီၤအဖိလၢ နတၢ်လုၢ်လီၢ်တဖၣ် ဒၣ်လဲာ်လီၤ, တၢ်သုးမုၢ်အယွၤ, ယစီၤပၤ, ဒီးယက စၢ်ဧၢ.

⁴ ပှၤလၢအအိၣ်ဝဲဆိးဝဲလၢနဟံၣ်ပူၤန့ၣ် ဘၣ်ဆိၣ်ဂ့ၤဝဲ လီၤ. ကစံးထီၣ်ပတြၢၤဒံးနၤလီၤ. စ့လၤ.

⁵ ပှၤလၢအဂံၢ်အဘါအိၣ်လၢနပူၤ, ပှၤလၢအအဲၣ်ဒိးကျဲ တဖၣ်န့ၣ်, ဘၣ်ဆိၣ်ဂ့ၤဝဲလီၤ. ပိာ်ကျဲလၢမဲာ်ထံအ ကစၢၢ်ကဆူးအပူၤ, ဒီးဒုးကဲထီၣ်အီၤလၢထံထီၣ်ပၢၢ် အလီၢ်လီၤ. တၢ်ဟဲစူၤဆိန့ၣ်မၤပှဲၤစ့ၢ်ကီးအီၤလၢတၢ် ဘျုးတၢ်ဖှိၣ်လီၤ. ⁶ အဝဲသ့ၣ်တဖၣ်န့ၣ် ဒံးလဲၤတၢ်, အဂံၢ်အဘါဒံးဆူၣ်ထီၣ်သတးဒီး, အိၣ်ဖျါလၢယွၤအ မဲာ်ညါလၢစံယိၣ်အပူၤကိးဂၤဒဲးလီၤ.

⁷ ယွၤတၢ်သုးမုၢ်အကစၢ်ဧၢ, ကနၣ်ယဘါထုကဖၣ် တၢ်တက့ၢ်. စီၤယၤကိာ်အကစၢ်ဧၢ, ဒိကနၣ်တၢ်တ က့ၢ်. စ့လၤ. ⁸ နဲဒၣ်ပကတီၤတဘ့ၣ်ကစၢ်ဧၢ, ကွၢ် လီၤတက့ၢ်, ဒီးကွၢ်ပှၤလၢနဖှူအီၤတဂၤအမဲာ်တက့ၢ်.

⁹ အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤမုၢ်တ နံၤ, ဂ့ၤန့ၢ်ပအိၣ်လၢအဂၤတပူၤအနံၤတကထိန့ၣ်တ က့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယက စၢ်အဟံၣ်ပူၤန့ၣ် ဒိၣ်န့ၢ်ယအိၣ်ယဆိးလၢပှၤတတီတ လိၤအဒဲတဖၣ်အပူၤန့ၣ်တက့ၢ်လီၤ.

¹⁰ အဂ့ၢ်ဒ်အံၤ, ကစၢ်ယွၤမ့ၢ်မုၢ်ဧိၤလါဧိၤ, ဒီးကတီၤတ ဘ့ၣ်လီၤ. ယွၤကဟ့ၣ်လီၤတၢ်ဘျုးတၢ်ဖှိၣ်, ဒီးတၢ် လၤတၢ်ကပီၤလီၤ. တတြီဘၣ်တၢ်ဂ့ၤလၢ ပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

¹¹ ယွၤ, တၢ်သုးမုၢ်အကစၢ်ဧၢ, ပှၤလၢအသန့ၤအသး လၢနၤန့ၣ် ဘၣ်ဆိၣ်ဂ့ၤဝဲလီၤ.

၈၅

စီၤကိးရးအဖိခွါအထါလၢတၢ်အခိၣ်အဂီၢ်.

¹ ယွၤဧၢ, ဘၣ်တ့ၢ်နသးလၢနထံနကီၢ်, နဒုးဟဲက့ၤ တ့ၢ်ယၤကိာ်အတၢ်မၢကဲကုၢ်, ² နမၤပူၤမၤဖျဲးတ့ၢ်နပှၤ ဂီၢ်မုၢ်လၢအတၢ်အၢတၢ်သီ, နပျၢ်တ့ၢ်အတၢ်ဒဲးဘးခဲ လၢာ်လီၤ. စ့လၤ. ³ နထုးကွံာ်တ့ၢ်နသးထီၣ်ခဲလၢာ်, နဃၣ်ကွံာ်တ့ၢ်နသးလၢနသးထီၣ်ဆူၣ်အအိၣ်လီၤ.

⁴ တၢ်အုၣ်က့ၤခီၣ်က့ၤပှၤအကစၢ်ဧၢ, ဟဲက့ၤကဒါက့ၤ, ဆူပအိၣ်ဒီးဒုးတုာ်နသးထီၣ်ပှၤန့ၣ်တက့ၢ်.

⁵ နကသးထီၣ်ပှၤ လီၤထူလီၤယိာ်စ့ၢ်ကီးဧါ. နကမၤ ယံာ်ထီၣ်နသးထီၣ်အစိၤစိၤအဃၣ်ဃၣ်စ့ၢ်ကီးဧါ. ⁶ န ကဒုးမူထီၣ်က့ၤပှၤဒ်သိး နပှၤဂီၢ်မုၢ်အသးကခုလၢန ပူၤန့ၣ်တမ့ၢ်ဘၣ်ဧါ. ⁷ ယွၤဧၢ, ဒုးနဲၣ်ပှၤလၢနတၢ် ဘျုးတၢ်ဖှိၣ်, ဒီးဟ့ၣ်လီၤပှၤလၢနတၢ်အုၣ်က့ၤခီၣ်က့ၤ န့ၣ်တက့ၢ်.

⁸ ကစၢ်ယွၤကစံးဒ်လဲၣ်ဒ်လဲၣ်န့ၣ် ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီးအပှၤဂီၢ်မုၢ်ဒီးအပှၤစီဆှံ လီၤ. ဘၣ်ဆၣ်ဒီး မ်အဝဲသ့ၣ်သုတက့ၤကဒါက့ၤဆူ တၢ်ကလီကလီအပူၤန့ၣ်တဂ့ၤ. ⁹ မ့ၢ်မး, အတၢ်အုၣ် က့ၤခီၣ်က့ၤအိၣ်ဘူးဒီး ပှၤလၢအပျံၤအီၤဒ်သိးတၢ်လၤ ကပီၤကအိၣ်ကဆိးလၢပထံပကီၢ်အပူၤလီၤ.

¹⁰ တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီ ဘၣ်သဃိာ်လိာ် အသး, တၢ်တီတၢ်လိၤဒီး တၢ်ဃူတၢ်ဖိး နၢမူလိာ် အသးလီၤ.

¹¹ တၢ်မ့ၢ်တၢ်တီမဲထီၣ်လၢဟီၣ်ခိၣ်, ဒီးတၢ်တီတၢ်လိၤ ကွၢ်လီၤလၢမူခိၣ်လီၤ.

¹² ယွၤကဟ့ၣ်လီၤစ့ၢ်ကီးတၢ်ဂ့ၤတၢ်ဘၣ်, ဒီးပထံပကီၢ် ကဟ့ၣ်အတၢ်အါထီၣ်န့ၣ်လီၤ.

¹³ တၢ်တီတၢ်လိၤကလဲၤလၢအမဲာ်ညါ, ဒီးကကတီၤ အခီၣ်ယီၢ်လီၢ်တဖၣ်အကျဲတဘိလီၤ.

၈၆

စီၤဒၤဝံးအတၢ်ထုကဖၣ်.

¹ ဒိးနနၢ်ယွၤဧၢ, ကနၣ်ယကလုၢ်တက့ၢ်. အဂ့ၢ်ဒ် အံၤ, ယဘၣ်နးဘၣ်ဖှီၣ်, ယဖှီၣ်န့ၢ်ယာ်ကဲလီၤ. ² အံးလီၤကွၢ်လီၤယသးတက့ၢ်. အဂ့ၢ်ဒ်အံၤ, ယမ့ၢ်ပှၤလၢအယူးယီၣ်ယွၤလီၤ. ယကစၢ်နၤဧၢ, အုၣ်က့ၤ ခီၣ်က့ၤနခ့နပှၤလၢ အသန့ၤအသးလၢနၤတက့ၢ်.

³ သူၣ်ကညီၤသးကညီၤယၤတက့ၢ်, ကစၢ်ဧၢ, အဂ့ၢ်ဒ် အံၤ, ယကိးထီၣ်နၤကိးမုၢ်နံၤမုၢ်နၤဒဲးလီၤ. ⁴ မၤခုနခ့ နပှၤအသးတက့ၢ်. အဂ့ၢ်ဒ်အံၤ, ကစၢ်ဧၢ, ယစိာ် ထီၣ်ယသးဆူနၤလီၤ. ⁵ အဂ့ၢ်ဒ်အံၤ, ယွၤဧၢ, နဲဒၣ် အံၤနမ့ၢ်တၢ်ဂ့ၤ, ဒီးနပျၢ်ကွံာ်တၢ်ညီ, ဒီးနဘျုးနဖှိၣ် အါဝဲလၢကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

⁶ ယွၤဧၢ, ကနၣ်ယတၢ်ထုကဖၣ်, ဒီးဒိကနၣ်ယဃ့ ကညးတၢ်တက့ၢ်. ⁷ လၢယဘၣ်တၢ်ကိၢ်တၢ်ဂီၤအမုၢ် တနံၤန့ၣ် ယကကိးထီၣ်နၤလီၤ. အဂ့ၢ်ဒ်အံၤ, နက စံးဆၢယၤလီၤ.

⁸ ကစၢ်ဧၢ, လၢကစၢ်တဖၣ်အကျါန့ၣ်ပှၤဒ်နၤအသိးတ အိၣ်ဘၣ်, ဒီးဒ်နမၤတၢ်အသိးန့ၣ်တအိၣ်နီတမံၤဘၣ်.

⁹ ကယဲၢ်ပှၤကလုာ်တဖၣ် လၢနတ့အီၤခဲလၢာ်ကဟဲ, ဒီးဘူၣ်ထီၣ်ဘါထီၣ်လၢနမဲာ်ညါလီၤ, ကစၢ်ဧၢ, ဒီး ကမၤလၤကပီၤနမံၤလီၤ. ¹⁰ အဂ့ၢ်ဒ်အံၤ, နမ့ၢ်တၢ်အ ဒိၣ်, ဒီးမၤတၢ်လီၤလးလီၤ. နမ့ၢ်ယွၤတဂၤဃီလီၤ.

¹¹ နဲၣ်လိယၤလၢနကျဲတက့ၢ်, ယွၤဧၢ, ယကလဲၤတၢ် လၢနတၢ်မ့ၢ်တၢ်တီအပူၤလီၤ. ဘိးထီၣ်ယသးလၢယ ကပျံၤနမံၤတက့ၢ်.

¹² ယွၤယကစၢ်ဧၢ, ယစံးထီၣ်ပတြၢၤနမံၤလၢယသးဒီ ဖျၢၣ်ညါ, ဒီးယကမၤလၤကပီၤနမံၤလီၤထူလီၤယိာ် လီၤ. ¹³ အဂ့ၢ်ဒ်အံၤ, နမၤဘျုးမၤဖှိၣ်ယၤဒိၣ်မး, ဒီးန မၤပူၤမၤဖျဲးယၤလၢပျုၤယိာ်အပူၤလီၤ.

¹⁴ ယွၤဧၢ, ပှၤပာ်အသးထီၣ်ထီတဖၣ် ဂဲၤဆၢထၢၣ် ထီဒါယၤ, ဒီးပှၤမၤပျံၤမၤဖုးတၢ်အတၢ်အိၣ်ဖှိၣ်န့ၣ်ဃု ယသး, ဒီးတပာ်ဘၣ်နၤလၢအမဲာ်ညါဘၣ်. ¹⁵ ဘၣ် ဆၣ်ဒီးနဲဒၣ်, ယွၤဧၢ. နမ့ၢ်ကစၢ်တဂၤလၢအသးအိၣ် တၢ်, ဒီးသးကညီၤတၢ်, သးထီၣ်ကီ, ဒီးအိၣ်ဒီးတၢ် ဘျုးတၢ်ဖှိၣ်တၢ်မ့ၢ်တၢ်တီလၢအဒိၣ်အအါလီၤ.

¹⁶ ဃၣ်နသးဆူယအိၣ်, ဒီးသးကညီၤယၤတက့ၢ်. ဟ့ၣ် လီၤနဂံၢ်နဘါလၢနခ့နပှၤ, ဒီးအုၣ်က့ၤခီၣ်က့ၤနခ့နပှၤ ပိာ်မုၣ်အဖိခွါတက့ၢ်. ¹⁷ ပာ်တၢ်ပနီၣ်လၢတၢ်ဂ့ၤအဂီၢ် ဒီးယၤတက့ၢ်. ဒီးပှၤလၢအသးဟ့ယၤတဖၣ်န့ၣ် က ထံၣ်ဘၣ်, ဒီးမဲာ်ဆှးလီၤ. အဂ့ၢ်ဒ်အံၤ, နဲဒၣ်အံၤ, ယွၤဧၢ, နမၤစၢၤယၤ, ဒီးမၤမုာ်ထီၣ်က့ၤယၤလီၤ.

၈၇

စီၤကိးရးအဖိခွါအထါ, တၢ်သးဝံၣ်.

¹ အခီၣ်ထံးန့ၣ် အိၣ်ဝဲလၢ ကစၢၢ်စီဆှံတဖၣ်အလိၤ လီၤ. ² ယွၤအဲၣ်စံယိၣ်အပဲတရီတဖၣ်ဒိၣ်န့ၢ်ယၤကိာ် အိၣ်ဝဲဆိးဝဲအလီၢ်ခဲလၢာ်တက့ၢ်လီၤ. ³ တၢ်လၢပှၤက တိၤလၢနဂ့ၢ်နကျိၤန့ၣ် အိၣ်ဝဲဒီးအလၤကပီၤ, ယွၤအ ဝ့ၢ်ဧၢ. စ့လၤ.

⁴ ယကပှ့ၤဘၣ် ရၤဃးဒီးဘၤဘူၤလိၣ် လၢပှၤလၢအ သ့ၣ်ညါယၤတဖၣ်အကျါလီၤ. ကွၢ်ကွၢ်, ဖလ့ၡသး, ဒီးစိၢ်, ဒီးကူၤၡးန့ၣ်, အဝဲတဂၤအံၤအိၣ်ဖျဲၣ်ဖဲန့ၣ်လီၤ.

⁵ ဒီးပှၤကစံးလၢစံယိၣ်အဂ့ၢ်အကျိၤန့ၣ်, အဝဲတဂၤ အံၤဒီးအဝဲတဂၤန့ၣ်အိၣ်ဖျဲၣ်လၢအပူၤလီၤ. ဒီးတၢ်ထီ ကတၢၢ် အကစၢ်ဒၣ်ဝဲ ကဒုးအိၣ်ဂၢၢ်ဆိးကျၢၤအီၤ လီၤ. ⁶ တုၤယွၤကွဲးပှၤဂီၢ်မုၢ်အမံၤဒီး, ယွၤကဂံၢ်ဝဲ, အ ဝဲတဂၤအံၤအိၣ်ဖျဲၣ်ဖဲန့ၣ်လီၤ. စ့လၤ.

⁷ ဒီးပှၤသးဝံၣ်တၢ်ဖိ, ဒီးပှၤအူတၢ်ပှီၢ်တၢ်ဖိစံးဝဲ, ယထံ ထီၣ်ပၢၢ်အလီၢ်အိၣ်ဝဲလၢနပူၤခဲလၢာ်လီၤ.

၈၈

စီၤကိးရးအဖိခွါအထါ, တၢ်သးဝံၣ်လၢ တၢ်အခိၣ် အဂီၢ်, လၢတၢ်မၤအၢအတၢ်နးတၢ်ဖှီၣ်, ပှၤအ့စရၤ ဃးဖိစီၤဟ့မၣ်အသိၣ်တၢ်.

¹ ယွၤ, တၢ်အုၣ်က့ၤခီၣ်က့ၤယၤအကစၢ်ဧၢ, လၢမုၢ် ဆါဆဲးလၢမုၢ်နၤန့ၣ်, ယကိးထီၣ်လၢနမဲာ်ညါလီၤ.

² မ်ယတၢ်ထုကဖၣ်ဟဲနုာ်လၢနမဲာ်ညါတက့ၢ်. ဒိးနနၢ် လၢယဃ့ကညးတၢ်တက့ၢ်.

³ အဂ့ၢ်ဒ်အံၤ, ယသးပှဲၤဒီးတၢ်မၤကိၢ်မၤဂီၤ, ဒီးယသး သမူအိၣ်ဘူးဒီးပျုၤပူၤလီၤ. ⁴ တၢ်ဂံၢ်ယၤဒီးပှၤလၢအ လဲၤလီၤဆူတၢ်ပူၤ, ယမၤသးဒ် ပှၤကညီတဂၤလၢအ ဂံၢ်အဘါတအိၣ်ဘၣ်အသိးန့ၣ်လီၤ.

⁵ တၢ်လဲၤသဒၣ်ယၤ လၢပှၤသံအကျါ, ဒ်ပှၤလၢအ ဘၣ်တၢ်မၤသံအီၤ အိၣ်လၢတၢ်ပူၤလၢ နတသ့ၣ်နီၣ် ထီၣ်လၢၤဘၣ်အီၤ, ဒီးဘၣ်တၢ်ဒီၣ်တဲာ်ဝဲလၢနစုပူၤအ သိးန့ၣ်လီၤ. ⁶ နပာ်လီၤယၤလၢတၢ်ပူၤအယိာ်ကတၢၢ်, လၢတၢ်ခံးကျါ, လၢထံယိာ်အပူၤတဖၣ်လီၤ. ⁷ နတၢ် သးထီၣ်အိၣ်ဃၢလၢယလိၤ, နမၤနးမၤဖှီၣ်ယၤလၢန လပီဝါခိၣ်ခဲလၢာ်လီၤ. စ့လၤ.

⁸ နဒုးအိၣ်ယံၤဒီးယၤပှၤလၢအသ့ၣ်ညါယၤတဖၣ်, န ပာ်ယၤလၢ တၢ်သးဘၣ်အၢအလီၢ်လၢအမဲာ်ညါလီၤ. ယဘၣ်တၢ်ကးတံာ်ဃာ်ယၤ, ဒီးယဟဲက့ၤထီၣ်တသ့ ဘၣ်. ⁹ ယမဲာ်ယုာ်လၢတၢ်နးတၢ်ဖှီၣ်အဃိလီၤ. ယွၤ ဧၢ, ယကိးထီၣ်နၤကိးမုၢ်နံၤမုၢ်နၤဒဲး, ယယူာ်ထီၣ်ယ စုဆူနအိၣ်လီၤ.

¹⁰ နကမၤလီၤလးတၢ်လၢပှၤသံအမဲာ်ညါဧါ. ပှၤလၢအ သံတ့ၢ်တဖၣ်န့ၣ်ကဂဲၤဆၢထၢၣ်စံးထီၣ်ပတြၢၤနၤဧါ. စ့လၤ.

¹¹ ပှၤကစံၣ်တဲၤတဲလီၤ နဘျုးနဖှိၣ်လၢတၢ်သွၣ်ခိၣ်ပူၤ, နတၢ်မ့ၢ်တၢ်တီလၢတၢ်ဟးဂီၤအပူၤဧါ. ¹² နတၢ်လီၤလး ကအိၣ်ဖျါလၢတၢ်ခံးကျါ, ဒီးနတၢ်တီတၢ်လိၤလၢတၢ် သးပ့ၤနီၣ်အကီၢ်ပူၤစ့ၢ်ကီးဧါ.

¹³ ယဲဒၣ်အံၤ, ယကိးထီၣ်နၤ, ယွၤဧၢ. လၢမုၢ်ဂီၤယ ဘါထုကဖၣ်တၢ်န့ၣ်ကဟဲလၢနမဲာ်ညါလီၤ. ¹⁴ ယွၤဧၢ, နညိကွံာ်ယသး, ဒီးနပာ်တဒၢနမဲာ်ဒီးယၤဘၣ်မနုၤ လဲၣ်.

¹⁵ ယဘၣ်တၢ်နးတၢ်ဖှီၣ်, ဒီးယသးကဟးထီၣ်တ့ၢ်လၢ ယဖိၣ်သၣ်ခွါထီၣ်လံၤလံၤလီၤ. ယဘၣ်နတၢ်မၤပျံၤမၤ ဖုး, ဒီးယသးဟးဂီၤလီၤ. ¹⁶ နသးထီၣ်ဆူၣ်လဲၤပူၤလၢယ ဖီခိၣ်, နတၢ်မၤပျံၤမၤဖုးန့ၣ်မၤဟးဂီၤယၤလီၤ. ¹⁷ အိၣ်ဝး တရံးယၤဒ်ထံအသိးသ့တနံၤကျၢၤ, ကဝီၤဃာ်ယၤတ ပူၤဃီလီၤ. ¹⁸ ပှၤအဲၣ်ယၤ, ဒီးယတံၤယသကိးန့ၣ်နဒုး အိၣ်ယံၤဒီးယၤလီၤ. ပှၤသ့ၣ်ညါယၤန့ၣ်အိၣ်ဝဲလၢတၢ် ခံးကျါလီၤ.

၈၉

ပှၤအ့စရၤဃးဖိစီၤအ့သၣ်အသိၣ်တၢ်.

¹ ယကသးဝံၣ်ထီၣ် ယွၤအဘျုးအဖှိၣ်လီၤထူလီၤယိာ်, ယကဘိးဘၣ်သ့ၣ်ညါ နတၢ်မ့ၢ်တၢ်တီလၢယထးခိၣ် လၢပှၤတစိၤဘၣ်တစိၤ တစိၤဘၣ်တစိၤလီၤ. ² အဂ့ၢ် ဒ်အံၤ, ယစံးတ့ၢ်တၢ်ဘျုးတၢ်ဖှိၣ်ကအိၣ်ဂၢၢ်ဆိးကျၢၤ အစိၤစိၤအဃၣ်ဃၣ်လီၤ. လၢမူခိၣ်န့ၣ် နတၢ်မ့ၢ်တၢ် တီအိၣ်ဂၢၢ်ဆိးကျၢၤလၢအပူၤလီၤ.

³ ယအၢၣ်လီၤအီလီၤတၢ်ဒီး ယပှၤဃုထၢဖိတဂၤ, ယ ဆိၣ်တၢ်ဒီးယခ့ယပှၤစီၤဒၤဝံး, ⁴ ယကဒုးအိၣ်ဂၢၢ်ဆိး ကျၢၤနချံနသၣ်လီၤထူလီၤယိာ်, ဒီးဒုးအိၣ်နလီၢ်ပစိာ် အစိၤစိၤအဃၣ်ဃၣ်လီၤ. စ့လၤ.

⁵ ဒီးမူခိၣ်စံးထီၣ်ပတြၢၤနတၢ်လီၤလး, ယွၤဧၢ, နတၢ် မ့ၢ်တၢ်တီစ့ၢ်ကီးလၢပှၤစီဆှံအတၢ်အိၣ်ဖှိၣ်အပူၤလီၤ.

⁶ အဂ့ၢ်ဒ်အံၤ, မ့ၢ်မတၤအိၣ်လၢ မူခိၣ်ထဲသိး ဒီးယွၤ လဲၣ်, မ့ၢ်မတၤလီၤဂာ်ယွၤလၢ တၢ်အစိအကမီၤဖိအ ကျါန့ၣ်လဲၣ်.

⁷ ယွၤမ့ၢ်တၢ်ပျံၤအလီၢ်ဖးဒိၣ်လၢပှၤစီဆှံအတၢ်အိၣ်ဖှိၣ် အပူၤ, ဒီးတၢ်ပျံၤတၢ်ဖုးအလီၢ်လၢ ကယဲၢ်ပှၤလၢအ အိၣ်ဝးတရံးအီၤအဖီခိၣ်လီၤ.

⁸ ယွၤ, တၢ်သုးမုၢ်ဂီၢ်မုၢ်အကစၢ်ဧၢ, မ့ၢ်မတၤအိၣ်ဒီး အစိအကမီၤ, ဒ်နၤအသိးတဂၤလဲၣ်, ယွၤဧၢ, ဒီးန တၢ်မ့ၢ်တၢ်တီအိၣ်ဝးတရံးနၤလီၤ.

⁹ နပၢပီၣ်လဲၣ်အတၢထီၣ်တၢလီၤန့ၣ်လီၤ. တုၤအလ ပီထီၣ်ဒီးနဒုးအိၣ်ဂၢၢ်အီၤလီၤ. ¹⁰ နမၤလီၤကလဲရၤဃး ဒ်ပှၤလၢအဘၣ်တၢ်မၤသံအီၤအသိးန့ၣ်, နမၤလီၤပြံ လီၤပြါနဒုၣ်နဒါလၢနစုဆူၣ်လီၤ.

¹¹ မူခိၣ်မ့ၢ်နတၢ်, ဟီၣ်ခိၣ်မ့ၢ်စ့ၢ်ကီးနတၢ်, လၢာ်ခိၣ်ဒီး တၢ်လၢအမၤပှဲၤအီၤန့ၣ် နပာ်လီၤအခီၣ်ထံးလီၤ. ¹² တၢ် လၢကလံၤစိး, ဒီးတၢ်လၢကလံၤထံးန့ၣ် နတ့လီၤ အီၤလီၤ. တၤဘိၢ်ဒီးဃ့ရမိၣ်နၣ် သူၣ်ဖှံသးညီလၢန မံၤအပူၤလီၤ.

¹³ နစုဒုၣ်အိၣ်ဒီးအဂံၢ်ဆူၣ်ဘါဆူၣ်, နစုဆူၣ်, နစုထွဲ အိၣ်ထီၣ်ထီလီၤ. ¹⁴ နလီၢ်ပစိာ်အိၣ်ဝဲဆိးဝဲလၢတၢ်တီ တၢ်လိၤ, ဒီးတၢ်စံၣ်ညီၣ်အပူၤလီၤ. တၢ်ဘျုးတၢ်ဖှိၣ် ဒီးတၢ်မ့ၢ်တၢ်တီလဲၤလၢနမဲာ်ညါလီၤ.

¹⁵ ပှၤဂီၢ်မုၢ်လၢ အသ့ၣ်ညါတၢ်သးခုအသီၣ်န့ၣ် ဘၣ် ဆိၣ်ဂ့ၤဝဲလီၤ. အဝဲသ့ၣ်ကလဲၤ, ယွၤဧၢ, လၢနမဲာ် အတၢ်ကပီၤအပူၤလီၤ. ¹⁶ သူၣ်ဖှံသးညီလၢနမံၤအပူၤ ဒီနံၤညါ, ဒီးကထီၣ်ဘးလၢတၢ်ထီၣ်ထီလၢ နတၢ် တီတၢ်လိၤန့ၣ်လီၤ. ¹⁷ အဂ့ၢ်ဒ်အံၤ, နဲဒၣ်အံၤ နမ့ၢ် အဂံၢ်အဘါန့ၣ်အလၤကပီၤလီၤ. ဒီးမ့ၢ်လၢတၢ်ဘၣ်န သးအဃိဒီး, ပနၢၤပနၢ်ကထီၣ်ထီဝဲလီၤ. ¹⁸ အဂ့ၢ်ဒ် အံၤ, ပကတီၤတဘ့ၣ်န့ၣ်မ့ၢ်ယွၤ, ဒီးပစီၤပၤန့ၣ်မ့ၢ် အံၣ်စရ့လးအတၢ်စီဆှံတဂၤန့ၣ်လီၤ.

¹⁹ တုၤနုၤတစုနကတိၤတၢ်ဒီး နပှၤစီဆှံလၢတၢ်ထံၣ် လၢညါခီ, ဒီးနစံး, ယပာ်တၢ်မၤစၢၤလၢပှၤအဂံၢ်ဆူၣ် အဘါဆူၣ်တဂၤအလိၤလံ. ယပာ်ထီၣ်ထီပှၤဘၣ်တၢ် ဃုထၢအီၤလၢပှၤဂီၢ်မုၢ်အကျါလံ. ²⁰ ယထံၣ်န့ၢ်ယခ့ ယပှၤစီၤဒၤဝံး, ယဖှူအီၤလၢယသိစီဆှံလံ. ²¹ ယစုက အိၣ်ဂၢၢ်ဆိးကျၢၤဒီးအဝဲဒၣ်လီၤ. ယစုဒုၣ်ကဒုးဆူၣ် ထီၣ်အီၤစ့ၢ်ကီးလီၤ. ²² တၢ်အဒုၣ်အဒါတဟးန့ၢ်ဘၣ် တၢ်လၢအီၤဘၣ်. ဒီးပှၤအၢပှၤသီဖိတမၤနးမၤဖှီၣ်ဘၣ် အီၤဘၣ်. ²³ ဒီးယကတီၢ်လီၤဃံၤအဒုၣ်အဒါလၢအမဲာ် ညါ, ဒီးယကတီၢ်ပှၤလၢအသးဟ့အီၤလၢတၢ်နးတၢ် ဖှီၣ်လီၤ.

²⁴ ဒီးယတၢ်မ့ၢ်တၢ်တီ, ဒီးယတၢ်ဘျုးတၢ်ဖှိၣ်ကအိၣ် ဒီးအီၤလီၤ. ဒီးအနၢၤကထီၣ်ထီလၢယမံၤလီၤ. ²⁵ ဒီး ယကပာ်အစုလၢပီၣ်လဲၣ်အဖီခိၣ်, ဒီးအစုထွဲလၢထံ မိၢ်ပှၢ်တဖၣ်အဖီခိၣ်လီၤ.

²⁶ အဝဲဒၣ်ကကိးထီၣ်ဆူယအိၣ်, နဲဒၣ်အံၤ, နမ့ၢ်ယ ပၢ်, ယကစၢ်, ဒီးတၢ်အုၣ်က့ၤခီၣ်က့ၤယၤအလၢၢ်လီၤ.

²⁷ ယကပာ်အီၤလၢယဖိဝဲၢ်ကိစ့ၢ်ကီးလီၤ. ထီၣ်ထီန့ၢ် ဟီၣ်ခိၣ်အစီၤပၤတဖၣ်တက့ၢ်လီၤ. ²⁸ ယဘျုးယဖှိၣ်န့ၣ် ယကပာ်လၢအဂီၢ် အစိၤစိၤအဃၣ်ဃၣ်, ဒီးယတၢ် အၢၣ်လီၤအီလီၤန့ၣ်ကအိၣ်ဂၢၢ်ဆိးကျၢၤဒီးအီၤန့ၣ်လီၤ.

²⁹ ဒီးယကပာ်လီၤအချံအသၣ်လီၤထူလီၤယိာ်, ဒီးအ လီၢ်ပစိာ်န့ၣ် ဒ်မူခိၣ်အမုၢ်နံၤတဖၣ်အသိးန့ၣ်လီၤ. ³⁰ အ ဖိတဖၣ်မ့ၢ်လဲၤသဒၣ်ယတၢ်သိၣ်တၢ်သီ, ဒီးတလဲၤ ဘၣ်လၢ ယတၢ်စံၣ်ညီၣ်အပူၤဘၣ်ဒီး, ³¹ မ့ၢ်လုၣ်သ့ၣ် ခါပတာ်ယကလုၢ်ကထါ, ဒီးမ့ၢ်တတိၢ်န့ၢ်ယတၢ်မၤ လိာ်ဘၣ်ဒီး ³² ယကအိၣ်သကိး အတၢ်ကမၣ်လၢနီၢ် တီၢ်, ဒီးအတၢ်အၢန့ၣ်လၢတၢ်တီၢ်အလီၢ်န့ၣ်လီၤ.

³³ ဘၣ်ဆၣ်ဒီးယတဟံးန့ၢ်က့ၤဘၣ် ယဘျုးယဖှိၣ်လၢ အီၤတုၤအလၢာ်ဘၣ်. ဒီးယတပျဲဟးဂီၤယတၢ်မ့ၢ်တၢ် တီဘၣ်. ³⁴ ယတမၤဟးဂီၤဘၣ်ယတၢ်အၢၣ်လီၤအီလီၤ ဘၣ်. ဒီးယတလဲက့ၤဘၣ် တၢ်လၢအထီၣ်ဖျဲးလၢယ ပျုၤပူၤဘၣ်.

³⁵ ယဆိၣ်တၢ်တမံၤလၢယတၢ်စီဆှံအပူၤန့ၣ်, ယတက တိၤဘၣ်တၢ်ကဘျံးကဘျၣ်လၢစီၤဒၤဝံးဘၣ်. ³⁶ အချံ အသၣ်ကအိၣ်လီၤထူလီၤယိာ်, ဒီးအလီၢ်ပစိာ်ဒ်မုၢ်အ သိးလၢယမဲာ်ညါလီၤ. ³⁷ ဒ်လါအသိးန့ၣ်ကအိၣ်ဂၢၢ် ဆိးကျၢၤလီၤထူလီၤယိာ်, ဒီးဒ်တၢ်အုၣ်အသးအတီ လၢမူခိၣ်အသိးန့ၣ်လီၤ. စ့လၤ.

³⁸ ဘၣ်ဆၣ်ဒီးနညိကွံာ်လံ, ဒီးသးဘၣ်အၢလံ, နသး ထီၣ်ဘၣ်နပှၤလၢနဖှူအီၤ, ³⁹ နမၤဟးဂီၤနခ့နပှၤအတၢ် အၢၣ်လီၤအီလီၤ, နမၤဘၣ်အၢအခိၣ်သလုးပၢၢ်လၢ ဟီၣ်ခိၣ်, ⁴⁰ နမၤဟးဂီၤအကရၢခဲလၢာ်, နမၤအိၣ်သ ယုၢ်လံအတိာ်ဧိၤတာ်ဧိၤလံ.

⁴¹ ကယဲၢ်ပှၤလၢအလဲၤပူၤကွံာ် တၢ်ခဲလၢာ်န့ၣ်ဂုာ်န့ၢ်အ တၢ်လီၤ. ကဲထီၣ်ဝဲလၢတၢ်ဒုၣ်ဒွဲၣ်အလီၢ်လၢပှၤအိၣ်ဝဲ ဆိးဝဲလၢအဃၢၤအဂီၢ်လီၤ. ⁴² နပာ်ထီၣ်ထီပှၤထီဒါ အီၤအစုထွဲ, နဒုးသးခုအဒုၣ်အဒါခဲလၢာ်လီၤ. ⁴³ နဒုး ကၢၤစ့ၢ်ကီးအနးအကနၣ်, ဒီးနတဒုးအိၣ်ဂၢၢ်ဆိးကျၢၤ ဘၣ်အီၤလၢတၢ်ဒုးသုးအပူၤဘၣ်. ⁴⁴ နမၤဟါမၢ်အက ယဲၢ်ကယူာ်, ဒီးမၤလီၤဃံၤအလီၢ်ပစိာ်ပၢၢ်လၢဟီၣ်ခိၣ် လီၤ. ⁴⁵ နမၤစှၤလီၤအဖိၣ်သၣ်ခွါအမုၢ်နံၤတဖၣ်, နဒုး လုၣ်ဘၢအီၤလၢတၢ်မဲာ်ဆှးလီၤ. စ့လၤ.

⁴⁶ ဆံးယံာ်လဲၣ်, ယွၤဧၢ, နကပာ်တဒၢနသးလီၤထူ လီၤယိာ်စ့ၢ်ကီးဧါ, နသးထီၣ်ကအီၣ်တၢ်ဒ်မ့ၣ်အူအ သိးန့ၣ်ဧါ. ⁴⁷ ယဆၢယကတီၢ်ဖုၣ်ဆံးဒိၣ်လဲၣ်န့ၣ်သ့ၣ် နီၣ်ထီၣ်က့ၤတက့ၢ်. နတ့လီၤပှၤကညီဖိကလီကလီ န့ၣ်မ့ၢ်အဘၣ်မနုၤလဲၣ်.

⁴⁸ ပှၤလၢအမူဝဲဒီး တထံၣ်ဘၣ်တၢ်သံဒ်သိး အကမၤ ပူၤမၤဖျဲးအသးသမူလၢပျုၤပူၤအစုမ့ၢ်မတၤတဂၤလဲၣ်. စ့လၤ.

⁴⁹ ယွၤဧၢ, နတၢ်ဘျုးတၢ်ဖှိၣ် လၢအခီၣ်ထံးလၢနဆိၣ် တၢ်လၢအဂ့ၢ်အကျိၤဒီးစီၤဒၤဝံးလၢနတၢ်မ့ၢ်တၢ်တီန့ၣ် မ့ၢ်အအိၣ်ဖဲလဲၣ်.

⁵⁰ သ့ၣ်နီၣ်ထီၣ်က့ၤတၢ်ဒုၣ်ဒွဲၣ် လၢအဘၣ်နခ့နပှၤတ ဖၣ်တက့ၢ်, ယွၤဧၢ. ယစိာ်ပှၤအါကလုာ်အတၢ်ဒုၣ် ဒွဲၣ်လၢယသးနါပှၢ်, ⁵¹ နဒုၣ်နဒါတဖၣ်အတၢ်ဒုၣ်ဒွဲၣ်, ယွၤဧၢ, လၢအဒုၣ်ဒွဲၣ်နပှၤဒိးဖှူအသးအခီၣ်အထွဲတၢ် န့ၣ်လီၤ.

⁵² မ်ယွၤဘၣ်တၢ်စံးထီၣ်ပတြၢၤလီၤထူလီၤယိာ်တက့ၢ်. အၤမ့ၣ်, ဒီးအၤမ့ၣ်.

၉၀

ယွၤအပှၤကညီစီၤမိၤရှ့အတၢ်ထုကဖၣ်.

¹ ကစၢ်ဧၢ, နမ့ၢ်တ့ၢ်တၢ်အိၣ်တၢ်ဆိးအလီၢ် လၢပဂီၢ် အစိၤစိၤအဃၣ်ဃၣ်လီၤ.

² ကစၢၢ်ကလိတချုးအိၣ်ဖျဲၣ်ဒံးဘၣ်, ဒီးနတချုးတ့ဒံး ဘၣ်ဟီၣ်ခိၣ်လၢာ်ခိၣ်ဒီး, နဲဒၣ်အံၤလၢပျၢၤလၢကစၢၤ ကစၢၤန့ၣ် နမ့ၢ်ယွၤအစိၤစိၤအဃၣ်ဃၣ်လီၤ.

³ နဒုးက့ၤက့ၤ ပှၤကညီဆူတၢ်လီၤကလဲတၢ်, ဒီးနစံး က့ၤက့ၤတက့ၢ်, ပှၤကညီဖိသ့ၣ်ဧၢ.

⁴ အဂ့ၢ်ဒ်အံၤ, လၢနမဲာ်ညါန့ၣ် အနံၣ်တကထိမၤသး ဒ်မုၢ်ဟါတနံၤဖဲအပူၤကွံာ်အသိး, ဒီးဒ်တၢ်ဆိးသီတတီၤ လၢမုၢ်နၤအသိးန့ၣ်လီၤ.

⁵ နစိာ်ကွံာ်အီၤ ဒ်လၢထံလုၣ်ဘၢတၢ်အသိး, အဝဲ သ့ၣ်မၤအသးဒ်တၢ်မံအသိး, လၢမုၢ်ဂီၤမၤအသးဒ်နီၣ် ဧိၤမံၤဧိၤလၢအဒိၣ်ထီၣ်အသိးလီၤ.

⁶ လၢမုၢ်ဂီၤန့ၣ်မဲထီၣ်ဒီးဒိၣ်ထီၣ်ဝဲလီၤ. လၢမုၢ်ဟါန့ၣ် ပှၤကူးကွံာ်အီၤ, ဒီးဃ့ထီၣ်ကွံာ်ဝဲလီၤ.

⁷ အဂ့ၢ်ဒ်အံၤ, ပလၢာ်ကွံာ်လၢနသးထီၣ်, ဒီးပဘၣ် တၢ်ကိၢ်တၢ်ဂီၤလၢနသးကဲၤထီၣ်န့ၣ်လီၤ. ⁸ နပာ်လီၤပ တၢ်အၢလၢနမဲာ်ညါ, ပတၢ်ဒဲးဘးခူသူၣ်တဖၣ်လၢန မဲာ်အတၢ်ကပီၤအပူၤလီၤ.

⁹ အဂ့ၢ်ဒ်အံၤ, ပမုၢ်နံၤခဲလၢာ်လၢာ်ကွံာ်ဝဲလၢနတၢ်သး ထီၣ်အပူၤ, ပနံၣ်ပလါကတၢၢ်ဝဲဒ်တၢ်ဃဲၤပူအသိးန့ၣ် လီၤ.

¹⁰ ပနံၣ်တဖၣ်အမုၢ်နံၤန့ၣ် မ့ၢ်အနံၣ်နွံဆံလီၤ. ဒီးလၢ တၢ်ဂံၢ်တၢ်ဘါအဃိန့ၣ် မ့ၢ်အိၣ်အနံၣ်ဃိးဆံဒီး, တၢ် လၢအဂံၢ်အဘါန့ၣ် မ့ၢ်တၢ်ကိၢ်တၢ်ဂီၤ, ဒီးတၢ်နးတၢ် ဖှီၣ်လီၤ. အဂ့ၢ်ဒ်အံၤ, ဒံကွံာ်ဝဲ, ဒီးပယူၤထီၣ်ကွံာ်လီၤ.

¹¹ နသးထီၣ်အစိအကမီၤ, ဒီးဒ်တၢ်ဂ့ၤပျံၤနၤအသိးန သးကဲၤထီၣ်န့ၣ်, မ့ၢ်မတၤသ့ၣ်ညါတဂၤလဲၣ်.

¹² နဲၣ်လိပှၤဒ်သိးပကဂံၢ်ပမုၢ်နံၤတဖၣ်ဒီး ပကန့ၢ်ဘၣ် သးလၢအကူၣ်တၢ်သ့န့ၣ်တက့ၢ်.

¹³ ဟဲက့ၤ, ယွၤဧၢ, ဆံးယံာ်လဲၣ်. ဒီးမ်နကသ့ၣ်နီၣ် ထီၣ်က့ၤနသးလၢနခ့နပှၤအဂ့ၢ်အကျိၤတက့ၢ်. ¹⁴ ဒုးမံသူၣ်မံသးပှၤလၢနဘျုးနဖှိၣ်လၢအဆိအချ့ဒ်သိးပကသူၣ်ဖှံသးညီ, သူၣ်ခုသးခုတစိၤဒၣ်ပှၤအံၤတက့ၢ်.―

¹⁵ ဒုးသူၣ်ခုသးခုပှၤဒ်မုၢ်နံၤတဖၣ် လၢနမၤနးမၤဖှီၣ်ပှၤ, နံၣ်တဖၣ် လၢပထံၣ်ဘၣ် တၢ်အၢတၢ်သီအသိးန့ၣ် တက့ၢ်.

¹⁶ နမၤတၢ်န့ၣ်မ်အအိၣ်ဖျါလၢ နခ့နပှၤအမဲာ်ညါ, ဒီး နလၤကပီၤန့ၣ်လၢအဖိအလံၤအမဲာ်ညါန့ၣ်တက့ၢ်.

¹⁷ ဒီးမ်ယွၤပကစၢ်အဃံအလၤ အိၣ်လၢပလိၤတက့ၢ်. ဒီးဒုးအိၣ်ဂၢၢ်ဆိးကျၢၤတၢ်လၢ ပမၤလၢပစု, လၢပ လိၤတက့ၢ်. မ့ၢ်မးပစုအတၢ်မၤန့ၣ် ဒုးအိၣ်ဂၢၢ်ဆိး ကျၢၤအီၤတက့ၢ်.

၉၁

¹ ပှၤလၢအအိၣ်ဝဲဆိးဝဲလၢတၢ်ထီကတၢၢ်တဂၤအလီၢ် တဒၢန့ၣ်အိၣ်ဝဲလၢ တၢ်သ့တၢ်လၢာ်အကဒုပူၤလီၤ.

² ယစံးလၢယွၤအဂ့ၢ်အကျိၤန့ၣ် မ့ၢ်ယတၢ်အိၣ်တဒၢအ လီၢ်, ဒီးယတိာ်တဖျၢၣ်န့ၣ်မ့ၢ်ယကစၢ်လီၤ. ယကသ န့ၤယသးလၢအီၤလီၤ.

³ အဂ့ၢ်ဒ်အံၤ, ကမၤပူၤမၤဖျဲးနၤလၢပှၤဖီၣ်န့ၢ်ထိၣ်အပျံၤ သကွီၤ, လၢတၢ်သံသတြိာ်လီၤ. ⁴ ကကျၢၢ်ဘၢနၤလၢအ ဒံးဆ့, ဒီးနကသန့ၤဘၣ်နသးလၢအဒံးဆ့အဖီလာ်, ဒီး အတၢ်မ့ၢ်တၢ်တီန့ၣ်မ့ၢ်ကတီၤဖိ, ဒီးကတီၤဖးဒိၣ်လီၤ.

⁵ နတပျံၤဘၣ်တၢ်လၢတၢ်မၤပျံၤမၤဖုးလၢ မုၢ်နၤမ့ၢ်ဂ့ၤ, ပျၢ်လၢအယူၤဝဲလၢမုၢ်ဆါမ့ၢ်ဂ့ၤ, ⁶ တၢ်သံသတြိာ်လၢ အလဲၤတၢ်လၢတၢ်ခံးကျါမ့ၢ်ဂ့ၤ, တၢ်မၤဟးဂီၤတၢ်လၢ အမၤသယုၢ်တၢ်လၢမုၢ်ထူၣ်မ့ၢ်ဂ့ၤန့ၣ်ဘၣ်. ⁷ ပှၤတက ထိကလီၤဃံၤလၢနဃၢၤ, ဒီးပှၤတကလး လၢနစုထွဲ ဘၣ်ဆၣ်ဒီး, တဟဲဘူးဒီးနၤဘၣ်. ⁸ ထဲနကကွၢ်လၢန မဲာ်, ဒီးထံၣ်ဘၣ်ပှၤတတီတလိၤဘၣ်တၢ်ဟ့ၣ်ကၣ်အီၤ န့ၣ်လီၤ. ⁹ အဂ့ၢ်ဒ်အံၤ, နဲဒၣ်ယွၤဧၢ, နမ့ၢ်ယတၢ်ပူၤ ဖျဲးအလီၢ်လီၤ. နပာ်တၢ်ထီကတၢၢ်တဂၤန့ၣ် လၢန အိၣ်အလီၢ်လီၤ.

¹⁰ တၢ်အၢတဘၣ်ဘၣ်နၤဘၣ်, ဒီးတၢ်သံသတြိာ်တဟဲ ဘူးဘၣ်ဒီးနဒဲဘၣ်. ¹¹ အဂ့ၢ်ဒ်အံၤ, မၤလိာ်အကလူး တဖၣ်လၢနဂ့ၢ်နကျိၤ, လၢအကအံးက့ၤကွၢ်က့ၤနၤလၢ နကျဲခဲလၢာ်အပူၤလီၤ. ¹² ကစိာ်ထီၣ်နၤလၢအစုအလိၤ ဒ်သိး နခီၣ်အသုတဘၣ်ဒိဘၣ်ထံးဒီးလၢၢ်တဂ့ၤလီၤ.

¹³ နကယီၢ်လီၤခ့ယုၢ်, ဒီးဂုၢ်သီ, နကယီၢ်တံၢ်ခ့ယုၢ်ဖိ, ဒီးပယိၤန့ၣ်လီၤ.

¹⁴ မ့ၢ်အသးစဲဘူးဒီးယၤဒီး, ယကမၤပူၤဖျဲးအီၤ, ယက ပာ်ထီၣ်ထီအီၤလၢအသ့ၣ်ညါယမံၤအဃိလီၤ. ¹⁵ ကကိး ထီၣ်ယၤ, ဒီးယကစံးဆကအီၤလီၤ. တုၤအဘၣ်တၢ် ကိၢ်တၢ်ဂီၤဒီး, ယကအိၣ်ဒီးအီၤ, ယကမၤပူၤမၤဖျဲးအီၤ, ဒီးမၤလၤကပီၤအီၤလီၤ. ¹⁶ ယကဒုးမံသူၣ်မံသးအီၤလၢ တၢ်အိၣ်ကၢအိၣ်ခိး, ဒီးယကဒုးထံၣ်အီၤလၢ ယတၢ် အုၣ်က့ၤခီၣ်က့ၤလီၤ.

၉၂

ထါ, တၢ်သးဝံၣ်လၢအိၣ်ဘှံးနံၤအဂီၢ်.

¹ ပစံးထီၣ်ပတြၢၤယွၤ, ဒီးသးဝံၣ်နမံၤန့ၣ်မ့ၢ်တၢ်အဂ့ၤ, တၢ်ထီကတၢၢ်တဂၤဧၢ, ² လၢပကဒုးနဲၣ်နဘျုးနဖှိၣ် လၢမုၢ်ဂီၤ, ဒီးနတၢ်မ့ၢ်တၢ်တီလၢမုၢ်နၤ, ³ လၢတၢ်အိၣ် ဒီးအပျံၤဆံဆဲၣ်ဘိ, လၢသီတူၢ်, လၢတနၢ်သီၣ်မုာ် မုာ်အလိၤလီၤ.

⁴ အဂ့ၢ်ဒ်အံၤ, နဒုးသးခုယၤလၢနမၤတၢ်အဃိ, ယွၤ ဧၢ, လၢတၢ်လၢနမၤလၢနစုတဖၣ်အဃိန့ၣ်ယကသူၣ် ဖှံသးညီလီၤ. ⁵ နမၤတၢ်တဖၣ်န့ၣ် မ့ၢ်ဆံးဒိၣ်လဲၣ်, ယွၤဧၢ, နကူၣ်ထီၣ်ဖးလီၤတၢ်န့ၣ်ယိာ်မးလီၤ.

⁶ ပှၤလၢအလီၤဂာ်ဆၣ်ဧိၤကီၢ်ဧိၤတသ့ၣ်ညါဘၣ်, ဒီး ပှၤဟးဂီၤဖိအနၢ်တပၢၢ်ဘၣ်တၢ်အံၤဘၣ်. ⁷ တုၤပှၤအၢ ဖိမဲထီၣ်ဒ်နီၣ်ဧိၤမံၤဧိၤအသိးန့ၣ်, ဒီးပှၤမၤတၢ်အၢခဲလၢာ် ဘီၣ်ထီၣ်ညီထီၣ်ဒီး, မ့ၢ်ဒ်သိးအကတုၤလၢတၢ်ဟးဂီၤ လီၤစိၤလီၤထီလီၤ. ⁸ ဒီးနဲဒၣ်အံၤ နမ့ၢ်တၢ်ထီၣ်ထီက တၢၢ်လီၤထူလီၤယိာ်, ယွၤဧၢ.

⁹ အဂ့ၢ်ဒ်အံၤ, ကွၢ်ကွၢ်, နဒုၣ်နဒါတဖၣ်, ယွၤဧၢ. အဂ့ၢ်ဒ်အံၤ, ကွၢ်ကွၢ်, နဒုၣ်နဒါတဖၣ် ကတုၤလၢ တၢ်ဟးဂီၤ, ဒီးကယဲၢ်ပှၤလၢအမၤတၢ်အၢခဲလၢာ် က လီၤပြံလီၤပြါလီၤ.

¹⁰ ဘၣ်ဆၣ်ဒီးနပာ်ထီၣ်ထီယနၢၤ ဒ်တၤဖးရံၣ်အနၢၤ အသိးန့ၣ်လီၤ. ယဒိးတၢ်ဖှူယၤဒီးသိအသီလီၤ. ¹¹ ဒီး ယမဲာ်ထံၣ်အတၢ်အဲၣ်ဒိးလၢယဒုၣ်ယဒါအလိၤ, ယနၢ် နၢ်ဟူတၢ်လၢအဘၣ်ပှၤအၢဖိလၢ အဂဲၤဆၢထၢၣ်ထီ ဒါယၤအဂ့ၢ်လီၤ.

¹² ပှၤတီပှၤလိၤဂ့ၤထီၣ်ဒ်သ့ၣ်စူၣ်ပလိၣ်အသိး, မဲထီၣ်ဒ် သ့ၣ်ဆှိအ့ရ့းလၢလဘၤနိၣ်အသိးန့ၣ်လီၤ.

¹³ သူၣ်အသးလၢယွၤအဟံၣ်ပူၤဒီးဂ့ၤထီၣ်ဝဲလၢပကစၢ် အဂၢၤပူၤလီၤ. ¹⁴ တုၤအသးပှၢ်ဒီးကသၣ်ထီၣ်ဒံးဒီးက အိၣ်ပှဲၤဒီးအထံဒီးသံကစဲာ်, ¹⁵ ဒ်သိးအကဒုးနဲၣ်လၢယွၤ မ့ၢ်အတီအလိၤလီၤ. မ့ၢ်ယလၢၢ်တဖျၢၣ်, ဒီးတၢ်အၢ တအိၣ်ဘၣ်လၢအပူၤဘၣ်လီၤ.

၉၃

¹ ယွၤကဲစီၤပၤလီၤ. ကူဝဲသိးဝဲလၢတၢ်အကဟုကညီၢ်, ယွၤကူဝဲသိးဝဲ, လၢတၢ်ဂံၢ်တၢ်ဘါန့ၣ် ကံၢ်တူာ်ထီၣ် အယီၢ်ဒ့လီၤ. ဟီၣ်ခိၣ်အိၣ်ဂၢၢ်ဆိးကျၢၤ, တဟူးတဝး ဘၣ်လီၤ.

² နလီၢ်ပစိာ်အိၣ်ဂၢၢ်ဆိးကျၢၤလၢပျၢၤလံၤလံၤ, နအိၣ် နဲလၢကစၢၤကစၢၤလီၤထူလီၤယိာ်လီၤ.

³ ထံကျိတဖၣ်ထုထီၣ်, ယွၤဧၢ, ထံကျိတဖၣ်ထုထီၣ် အကလုၢ်, ထံကျိတဖၣ်ထုထီၣ်အသီၣ်အသဲလီၤ.

⁴ ယွၤလၢအလီၢ်ထီၣ်ထီန့ၣ် အကဟုကညီၢ်ဒိၣ်န့ၢ်ထံ အါအသီၣ်, ပီၣ်လဲၣ်အလပီဝါခိၣ်အဒိၣ်အဆူၣ်န့ၣ်တ က့ၢ်လီၤ.

⁵ နတၢ်အုၣ်အသးတဖၣ်န့ၣ် မ့ၢ်တၢ်မ့ၢ်တၢ်တီလီၤတံၢ် လီၤဆဲးလီၤ. တၢ်စီဆှံဂ့ၤဒီးနဟံၣ်လီၤစိၤလီၤထီ, ယွၤဧၢ.

၉၄

¹ ယွၤလၢအမၤဆၢတၢ်အၢ, ကစၢ်ဧၢ, ယွၤလၢအမၤ ဆၢတၢ်အၢ, ကစၢ်ဧၢ, ကပီၤထီၣ်တက့ၢ်. ² စိာ်ထီၣ် နသး, ပှၤလၢအစံၣ်ညီၣ်ဟီၣ်ခိၣ်ဧၢ, ဟ့ၣ်ကၣ်ပှၤပာ် အသးထီၣ်ထီန့ၣ်အတၢ်တက့ၢ်. ³ ယွၤဧၢ, ပှၤတတီတလိၤန့ၣ်ဆံးယံာ်လဲၣ်, ပှၤတတီတလိၤ ကသူၣ်ဖှံသးညီလၢတၢ်အဖီခိၣ်ဆံးယံာ်လဲၣ်.―

⁴ ဒုးထီၣ်ဖျဲးတၢ်ကလီကလီလၢအထးခိၣ်, ဒီးကတိၤတၢ် ကြီကြီဒၣ်တၢ်, ပှၤမၤတၢ်အၢတဖၣ်န့ၣ် ပာ်ကဖိအ သးခဲလၢာ်လီၤ. ⁵ မၤအၢမၤသီနပှၤဂီၢ်မုၢ်, ယွၤဧၢ, ဒီး မၤနးမၤဖှီၣ်နတၢ်န့ၢ်သါတၢ်လီၤ. ⁶ ကျီသံကွံာ်ပှၤမုၣ်က မဲ, ဒီးပှၤတမှံၤ, ဒီးမၤသံပှၤဖိၣ်ဃဲလီၤ. ⁷ ဒီးစံးဝဲ, ယွၤ တထံၣ်ဘၣ်, ဒီးယၤကိာ်အကစၢ်တကွၢ်ဘၣ်ဝဲဘၣ်.

⁸ ပှၤအိၣ်ဒီးဆၣ်ဖိကီၢ်ဖိအသးသ့ၣ်ဧၢ, နၢ်ပၢၢ်တၢ်တ က့ၢ်. ဒီးပှၤဟးဂီၤဖိသ့ၣ်ဧၢ, သုကအိၣ်ဒီးတၢ်ကူၣ်သ့ အဆၢအကတီၢ်ဖဲလဲၣ်. ⁹ ပှၤလၢအပာ်လီၤပနၢ်တဂၤန့ၣ် တနၢ်ဟူတၢ်ဘၣ်ဧါ. ပှၤလၢအတ့လီၤပမဲာ်တဂၤန့ၣ် တထံၣ်တၢ်ဘၣ်ဧါ.

¹⁰ ပှၤလၢအသိၣ်ဃီၣ်ပှၤကလုာ်တဖၣ်, လၢအသိၣ်လိပှၤ ကညီလၢတၢ်သ့ၣ်ညါတဂၤန့ၣ် တဟ့ၣ်ပတၢ်ဒဲးဘး ဘၣ်ဧါ. ¹¹ ယွၤသ့ၣ်ညါလၢပှၤကညီအတၢ်ကူၣ်ထီၣ်ဖး လီၤန့ၣ်မ့ၢ်တၢ်ကလီကလီလီၤ.

¹² ပှၤလၢနသိၣ်ဃီၣ်အီၤ, ယွၤဧၢ, ဒီးသိၣ်လိအီၤလၢ နတၢ်သိၣ်တၢ်သီအပူၤန့ၣ် ဘၣ်ဆိၣ်ဂ့ၤဝဲ, ¹³ ဒ်သိးနက ဒုးအိၣ်ဘှံးအီၤလၢတၢ်အၢအမုၢ်နံၤတဖၣ်, တုၤတၢ်ခူၣ် လီၤ ပှၤတတီတလိၤအတၢ်ပူၤန့ၣ်လီၤ. ¹⁴ အဂ့ၢ်ဒ်အံၤ, ယွၤတညိကွံာ်ဘၣ်အပှၤဂီၢ်မုၢ်ဘၣ်, ဒီးတလဲၤသဒၣ် ဘၣ်အတၢ်န့ၢ်သါဘၣ်.

¹⁵ အဂ့ၢ်ဒ်အံၤ, တၢ်စံၣ်ညီၣ်ကဟဲက့ၤဆူ တၢ်တီတၢ် လိၤ, ဒီးကယဲၢ်ပှၤလၢအသးစၢၢ်ဆၢတဖၣ်ကပိာ်ဝဲအခံ လီၤ.

¹⁶ မ့ၢ်မတၤကဂဲၤဆၢထၢၣ်လၢယဂီၢ် ထီဒါပှၤမၤတၢ်အၢ ဖိတဖၣ်န့ၣ်လဲၣ်. မ့ၢ်မတၤကပာ်ဆၢထၢၣ်အသးလၢ ယဂီၢ်ထီဒါပှၤမၤတၢ်အၢတၢ်သီတဖၣ်လဲၣ်.

¹⁷ မ့တမ့ၢ်ဘၣ်ယွၤမၤစၢၤယၤဘၣ်ဒီး, ယသးကအိၣ် တ့ၢ်ချ့သဒံးလၢတၢ်အိၣ်ဘှီၣ်ကလာ်အပူၤလီၤ. ¹⁸ ဖဲယ စံး, ယခီၣ်လီၤတလံာ်မးလဲၣ်န့ၣ်, ယွၤဧၢ, နဘျုးန ဖှိၣ်မၤဂၢၢ်မၤကျၢၤယၤလီၤ. ¹⁹ လၢယဆိကမိၣ်တၢ်အါ မံၤအကျါန့ၣ် နမၤမုာ်ထီၣ်က့ၤတၢ်တဖၣ် ဒုးသူၣ်ဖှံ သးညီယသးလီၤ.

²⁰ တၢ်အၢအလီၢ်ပစိာ်လၢအမၤတၢ်အၢ ဒ်အတၢ်သိၣ် တၢ်သီအိၣ်ဝဲအသိးန့ၣ်, ကရ့လိာ်အသးဒီးနၤစ့ၢ်ကီး ဧါ. ²¹ အိၣ်ဖှိၣ်ရိဖှိၣ်ထီဒါပှၤတီအသး, ဒီးစံၣ်ညီၣ်ဃၣ် တၢ်သွံၣ်လၢအတၢ်ဒဲးဘးတအိၣ်ဘၣ်.

²² ဘၣ်ဆၣ်ဒီးယလ့တဖျၢၣ်န့ၣ်မ့ၢ်ယွၤလီၤ. ဒီးတၢ်ပူၤ ဖျဲးအလၢၢ်တဖျၢၣ်န့ၣ်မ့ၢ်ယကစၢ်လီၤ.

²³ ဒီးယွၤဒုးဘၣ်အီၤလၢ အတၢ်အၢဒၣ်ဝဲ, ဒီးဒီၣ်တဲာ် ကွံာ်အီၤလၢအတၢ်အၢဒၣ်ဝဲအဃိလီၤ. ယွၤပကစၢ်က ဒီၣ်တဲာ်ကွံာ်အီၤလီၤ.

၉၅

¹ ဟဲ, သးဝံၣ်သကိးယွၤတက့ၢ်. သးခုဒီးကိးထီၣ်သ ကိးပတၢ်အုၣ်က့ၤခီၣ်က့ၤအလၢၢ်တက့ၢ်. ² လဲၤသကိး ဆူအမဲာ်ညါအိၣ်ဒီးတၢ်စံးထီၣ်ပတြၢၤ, ဒီးကိးထီၣ်သ ကိးအိၣ်ဒီးတၢ်သးဝံၣ်တက့ၢ်. ³ အဂ့ၢ်ဒ်အံၤ, ယွၤမ့ၢ် ကစၢ်ဖးဒိၣ်, ဒီးစီၤပၤဖးဒိၣ်တဂၤလၢကစၢ်ခဲလၢာ်အဖီ ခိၣ်လီၤ. ⁴ ဟီၣ်ခိၣ်အတၢ်ယိာ်ပူၤအိၣ်လၢအစုပူၤ, ဒီး ကစၢၢ်ကလိအလီၢ်ထီၣ်ထီတဖၣ်န့ၣ် မ့ၢ်အတၢ်လီၤ.―

⁵ ပီၣ်လဲၣ်န့ၣ်မ့ၢ်အတၢ်, ဒီးတ့လီၤဝဲ, ဒီးခိန့ၣ်မၤဝဲလၢ အစုလီၤ.

⁶ ဟဲ, ဘူၣ်ထီၣ်ဘါထီၣ်သကိး, ဒီးတီၤလီၤသကိးတ က့ၢ်. ချံးလီၤသကိးပခီၣ်လၢယွၤလၢအတ့လီၤပှၤအမဲာ် ညါတက့ၢ်.

⁷ အဂ့ၢ်ဒ်အံၤ, အဝဲဒၣ်မ့ၢ်ပကစၢ်, ဒီးပဝဲဒၣ်ပမ့ၢ်အ တၢ်အီၣ်ဆၣ်အလီၢ်အပှၤဂီၢ်မုၢ်, အစုအသိတဖုလီၤ. လၢမုၢ်မဆါတနံၤအံၤသုမ့ၢ်ဒိကနၣ်အကလုၢ်, ⁸ မၤကိၤ ထီၣ်သုသးဒ်လၢတၢ်ပူထီၣ်အပူၤအသိး, ဒ်လၢတၢ်လ့ ပစီအမုၢ်နံၤလၢပှၢ်မုၢ်ကနၢအသိးန့ၣ်တဂ့ၤ. ⁹ ဖဲန့ၣ်သု ပၢ်လ့ပစီယၤ, မၤကွၢ်ယၤ, ဒီးထံၣ်ဘၣ်စ့ၢ်ကီးယမၤ တၢ်လီၤ. ¹⁰ ယသူၣ်ကိၢ်ယသးဂီၤအနံၣ်လွံၢ်ဆံလၢပှၤတ စိၤန့ၣ်အဃိလီၤ. ဒီးယစံး, အဝဲသ့ၣ်မ့ၢ်ပှၤဂီၢ်မုၢ်လၢအ ဟးဖျိးတၢ်လၢအသး, ဒီးတသ့ၣ်ညါဘၣ်ယကျဲဘၣ်.―

¹¹ ယဆိၣ်တၢ်လၢယသးထီၣ်အပူၤ လၢပှၤတဖၣ်န့ၣ်တ လဲၤနုာ်ဘၣ်ဆူယတၢ်အိၣ်ဘှံးအပူၤဘၣ်.

၉၆

¹ သးဝံၣ်ထီၣ်ယွၤလၢတၢ်သးဝံၣ်အသီ, သးဝံၣ်ထီၣ် ယွၤ, ဟီၣ်ခိၣ်ဖိခဲလၢာ်သ့ၣ်ဧၢ, ² သးဝံၣ်ထီၣ်ယွၤ, စံး ထီၣ်ပတြၢၤအမံၤ, စံၣ်တဲၤတဲလီၤအတၢ်အုၣ်က့ၤခီၣ်က့ၤ လၢတနံၤဘၣ်တနံၤတက့ၢ်. ³ စံးဘၣ်တဲဘၣ်ပှၤကလုာ် တဖၣ်လၢအလၤအကပီၤ အတၢ်လီၤလးလၢပှၤဂီၢ်မုၢ် ခဲလၢာ်အကျါတက့ၢ်.

⁴ အဂ့ၢ်ဒ်အံၤ, ယွၤမ့ၢ်တၢ်အဒိၣ်, ဒီးတၢ်စံးထီၣ်ပတြၢၤ အလီၢ်ဖးဒိၣ်လီၤ. အဝဲဒၣ်မ့ၢ်တၢ်ပျံၤအလီၢ်ဒိၣ်န့ၢ်ကစၢ် ခဲလၢာ်တက့ၢ်လီၤ. ⁵ အဂ့ၢ်ဒ်အံၤ, ကယဲၢ်ပှၤအကလုာ် တဖၣ်အကစၢ်ခဲလၢာ်မ့ၢ်တၢ်ကလီကလီလီၤ. မ့မ့ၢ်ယွၤ တ့လီၤမူခိၣ်လီၤ. ⁶ တၢ်လၤကပီၤဒီးတၢ်ကဟုကညီၢ် အိၣ်ဝဲလၢအမဲာ်ညါ, ဒီးတၢ်အစိအကမီၤ, ဒီးတၢ်အဃံ အလၤအိၣ်ဝဲလၢအလီၢ်စီဆှံအပူၤလီၤ.

⁷ ဟ့ၣ်တၢ်လၢယွၤ, ပှၤဂီၢ်မုၢ်အဒူၣ်သ့ၣ်ဧၢ, ဟ့ၣ်တၢ် လၤကပီၤ, ဒီးတၢ်အစိအကမီၤလၢယွၤတက့ၢ်. ⁸ ဟ့ၣ် အမံၤအလၤကပီၤလၢယွၤ, စိာ်တၢ်မၤဘူၣ်, ဒီးဟဲနုာ် ဆူအဂၢၤပူၤတက့ၢ်. ⁹ ဘူၣ်ထီၣ်ဘါထီၣ်ယွၤလၢတၢ်စီ ဆှံအဃံအလၤတက့ၢ်. ကနိးကစုာ်လၢအမဲာ်ညါ, ပှၤ ဟီၣ်ခိၣ်ဖိခဲလၢာ်သ့ၣ်ဧၢ. ¹⁰ စံးလၢပှၤကလုာ်တဖၣ်အ ကျါ, ယွၤကဲစီၤပၤ, မ့ၢ်မးဟီၣ်ခိၣ်အိၣ်ဂၢၢ်ဆိးကျၢၤ, တဟူးဝးဘၣ်လီၤ. ကစံၣ်ညီၣ်တီပှၤဂီၢ်မုၢ်လီၤ.

¹¹ မ်မူခိၣ်သူၣ်ခုသးခု, ဒီးဟီၣ်ခိၣ်သူၣ်ဖှံသးညီတက့ၢ်. မ်ပီၣ်လဲၣ်ဒီးတၢ်မၤပှဲၤအီၤန့ၣ် သီၣ်ထီၣ်တက့ၢ်. ¹² မ် စံာ်ဧိၤပှဲၤဧိၤ, ဒီးကယဲၢ်တၢ်အိၣ်လၢအပူၤသူၣ်ဖှံသးညီ တက့ၢ်. တုၤနုၤတစုကယဲၢ်သ့ၣ်လၢပှၢ်လၢ်ကျါကသူၣ် ခုသးခု, ¹³ လၢယွၤအမဲာ်ညါခဲလၢာ်လီၤ. အဂ့ၢ်ဒ်အံၤ, ဟဲ ဝဲဒ်သိးအကစံၣ်ညီၣ်ဟီၣ်ခိၣ်လီၤ. ကစံၣ်ညီၣ်ဟီၣ်ခိၣ် လၢတၢ်တီတၢ်လိၤဒီးပှၤဂီၢ်မုၢ်လၢတၢ်မ့ၢ်တၢ်တီလီၤ.

၉၇

¹ ယွၤကဲစီၤပၤ, မ်ဟီၣ်ခိၣ်သူၣ်ဖှံသးညီတက့ၢ်. မ်ကီး ဂီၢ်မုၢ်တဖၣ်န့ၣ်သူၣ်ခုသးခုတက့ၢ်.

² တၢ်အၢၣ်ဒီးတၢ်ခံးအိၣ်ဝးတရံးအီၤ, တၢ်တီတၢ်လိၤ, ဒီးတၢ်စံၣ်ညီၣ်မ့ၢ်အလီၢ်ပစိာ်အခီၣ်ထံးလီၤ. ³ မ့ၣ်အူ လဲၤလၢအမဲာ်ညါ, ဒီးအီၣ်ကွံာ်အဒုၣ်အဒါအိၣ်ဝးတရံး ဝဲလီၤ. ⁴ အလီဝၢ်ဒံးန့ၣ်မၤကပီၤထီၣ်လၢာ်ခိၣ်, ဟီၣ်ခိၣ် ထံၣ်ဘၣ်ဒီးဆှဲးဆှိးဝဲလီၤ. ⁵ ကစၢၢ်ကလိပှံၢ်ဝဲဒ်ဃိးအ သိးလၢယွၤအမဲာ်ညါ, လၢဟီၣ်ခိၣ်ဒီဘ့ၣ်ညါအကစၢ် အမဲာ်ညါလီၤ. ⁶ မူခိၣ်ဒုးနဲၣ်ဝဲအတၢ်တီတၢ်လိၤ, ဒီး ပှၤဂီၢ်မုၢ်တဖၣ်ခဲလၢာ်ထံၣ်ဘၣ်အလၤအကပီၤလီၤ.

⁷ ကယဲၢ်ပှၤလၢအမၤတၢ်ဂီၤတၢ်ဖီၣ်အတၢ်မၤ, ပှၤလၢ အပာ်ကဖိအသးလၢ တၢ်တမ့ၢ်ဘၣ်တၢ်အဃိတဖၣ် န့ၣ် ကမဲာ်ဆှးလီၤ. ကစၢ်ခဲလၢာ်သ့ၣ်ဧၢ, ဘူၣ်ထီၣ် ဘါထီၣ်ယွၤတက့ၢ်.

⁸ စံယိၣ်နၢ်ဟူဝဲ, ဒီးသူၣ်ခုသးခု, ဒီးယူဒၤအဖိမုၣ်တ ဖၣ်သူၣ်ဖှံသးညီလၢ နစံၣ်ညီၣ်တၢ်တဖၣ်အဃိ, ယွၤ ဧၢ, ⁹ အဂ့ၢ်ဒ်အံၤ, ယွၤဧၢ, နဲဒၣ်နမ့ၢ်တၢ်ထီကတၢၢ် လၢဟီၣ်ခိၣ်ဒီဘ့ၣ်ညါအဖီခိၣ်, နအိၣ်ထီၣ်ထီလၢက စၢ်ခဲလၢာ်အဖီခိၣ်ဒိၣ်ဒိၣ်ကလဲာ်လီၤ.

¹⁰ ပှၤလၢအအဲၣ်ယွၤသ့ၣ်ဧၢ, သးဟ့တၢ်အၢတက့ၢ်. ပၢၤဝဲအပှၤစီဆှံအသးန့ၣ်, မၤပူၤမၤဖျဲးကွံာ်အီၤလၢပှၤ တတီတလိၤအစုပူၤန့ၣ်လီၤ.

¹¹ တၢ်ကပီၤဖှံအသးလၢပှၤတီပှၤလိၤအဂီၢ်, ဒီးတၢ်သူၣ် ခုသးခုလၢပှၤအသးလိၤတဖၣ်အဂီၢ်န့ၣ်လံ.

¹² ပှၤတီပှၤလိၤသ့ၣ်ဧၢ, သူၣ်ခုသးခုလၢ ယွၤအပူၤတ က့ၢ်. လၢသုသ့ၣ်နီၣ်ထီၣ်က့ၤအတၢ်စီဆှံန့ၣ် စံးထီၣ် ပတြၢၤတၢ်တက့ၢ်.

၉၈

ထါ.

¹ သးဝံၣ်ထီၣ်ယွၤလၢတၢ်သးဝံၣ်အသီတက့ၢ်. အဂ့ၢ်ဒ် အံၤ, မၤတၢ်လီၤလးတဖၣ်လီၤ. အစုထွဲ, ဒီးအစုဒုၣ် စီဆှံန့ၣ်အုၣ်က့ၤခီၣ်က့ၤတၢ်လၢအဂီၢ်လီၤ. ² ယွၤပာ်ဖျါ ထီၣ်အတၢ်အုၣ်က့ၤခီၣ်က့ၤ, ဒုးနဲၣ်အတၢ်တီတၢ်လိၤ လၢပှၤကလုာ်တဖၣ်အမဲာ်ညါလီၤ. ³ သ့ၣ်နီၣ်ထီၣ်က့ၤ အဘျုးအဖှိၣ်, ဒီးအတၢ်မ့ၢ်တၢ်တီလၢ အံၣ်စရ့လးအ အပှၤဟံၣ်ဖိအဂီၢ်လီၤ. ဟီၣ်ခိၣ်အကတၢၢ်ခဲလၢာ်န့ၣ် ထံၣ်ဘၣ်လံပကစၢ်အတၢ်အုၣ်က့ၤခီၣ်က့ၤတၢ်လံ.

⁴ ကိးထီၣ်ယွၤလၢတၢ်သးခု, ပှၤဟီၣ်ခိၣ်ဖိခဲလၢာ်သ့ၣ် ဧၢ, ကိးပသူထီၣ်, ဒီးသူၣ်ဖှံသးညီ, ဒီးသးဝံၣ်ထီၣ်တ က့ၢ်. ⁵ သးဝံၣ်ထီၣ်ယွၤဒီးတနၢ်, ဒီးတနၢ်ဒီးတၢ်သးဝံၣ် အကလုၢ်တက့ၢ်. ⁶ လၢတနွဲတဖၣ်ဒီးကွဲၤအသီၣ်န့ၣ်မၤ တၢ်သးခုအသီၣ်ဖးဒိၣ်လၢစီၤပၤ, ယွၤအမဲာ်ညါတက့ၢ်.

⁷ မ်ပီၣ်လဲၣ်သီၣ်ထီၣ်, ဒီးတၢ်လၢအမၤပှဲၤအီၤ, ဟီၣ် ခိၣ်ဒီးပှၤလၢအအိၣ်ဝဲဆိးဝဲလၢအချၢတက့ၢ်.

⁸ မ်ထံကျိတဖၣ်ဒဲအစုတက့ၢ်. မ်ကစၢၢ်ကလိသူၣ်ဖှံ သးညီတပူၤဃီလၢယွၤအမဲာ်ညါတက့ၢ်. အဂ့ၢ်ဒ်အံၤ, ဟဲစံၣ်ညီၣ်ဟီၣ်ခိၣ်လီၤ. ⁹ ကစံၣ်ညီၣ်ဟီၣ်ခိၣ်လၢတၢ် တီတၢ်လိၤ, ဒီးပှၤဂီၢ်မုၢ်လၢတၢ်မ့ၢ်တၢ်တီလီၤ.

၉၉

¹ ယွၤကဲစီၤပၤ, မ်ပှၤကလုာ်တဖၣ်ကနိးကစုာ်တက့ၢ်. ဆ့ၣ်နီၤဝဲလၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတ က့ၢ်.

² ယွၤဒိၣ်ဝဲလၢစံယိၣ်အပူၤ, ဒီးထီၣ်ထီဝဲလၢပှၤကလုာ် ခဲလၢာ်အဖီခိၣ်လီၤ. ³ နမံၤလၢအမ့ၢ်တၢ်အဒိၣ်ဒီးတၢ် ပျံၤအလီၢ်န့ၣ်မ်ပှၤစံးထီၣ်ပတြၢၤတက့ၢ်. အဝဲဒၣ်စီဆှံ ဝဲလီၤ. ⁴ ဒီးစီၤပၤအတၢ်ဂံၢ်ဆူၣ်ဘါဆူၣ်န့ၣ် အဲၣ်တၢ် စံၣ်ညီၣ်တီလီၤ. နဒုးအိၣ်ဂၢၢ်ဆိးကျၢၤတၢ်လီၤ. နမၤတၢ် စံၣ်ညီၣ်တီ, ဒီးတၢ်တီတၢ်လိၤလၢယၤကိာ်အပူၤလီၤ.

⁵ ပာ်ထီၣ်ထီယွၤပကစၢ်, ဒီးဘူၣ်ထီၣ်ဘါထီၣ်ဖဲအခီၣ် ယီၢ်လီၢ်န့ၣ်တက့ၢ်. အဝဲဒၣ်န့ၣ်စီဆှံဝဲလီၤ.

⁶ ဒီးစီၤမိၤရှ့ဒီး စီၤအၤဟရိၣ်လၢအပှၤလုၢ်တၢ်အဒိၣ်အ ကျါ, ဒီးစီၤၡမူၤအ့လးလၢ ပှၤလၢအကိးထီၣ်အမံၤအ ကျါလီၤ. အဝဲသ့ၣ်ကိးထီၣ်ယွၤ, ဒီးအဝဲဒၣ်စံးဆၢအီၤ လီၤ. ⁷ ကတိၤတၢ်ဒီးအီၤလၢ တၢ်အၢၣ်ထူၣ်အပူၤန့ၣ် လီၤ. အဝဲသ့ၣ်တိၢ်န့ၢ်အတၢ်အုၣ်အသး, ဒီးတၢ်မၤ လိာ်လၢအဟ့ၣ်လီၤအီၤလီၤ. ⁸ ယွၤ, ပကစၢ်ဧၢ, နစံး ဆၢအီၤလီၤ. နမ့ၢ်ကစၢ်တဂၤလၢအပျၢ်အတၢ်, ဒီးန မၤဆၢတၢ်လၢအမၤတၢ်အဃိလီၤ.

⁹ ပာ်ထီၣ်ထီယွၤပကစၢ်, ဒီးဘူၣ်တၢ်ဘါတၢ်လၢအက စၢၢ်စီဆှံအလိၤန့ၣ်တက့ၢ်. အဂ့ၢ်ဒ်အံၤ, ယွၤပကစၢ် န့ၣ်စီဆှံဝဲလီၤ.

၁၀၀

ထါလၢတၢ်စံးထီၣ်ပတြၢၤအဂီၢ်.

¹ ကယဲၢ်ဟီၣ်ခိၣ်ဖိခဲလၢာ်သ့ၣ်ဧၢ, ကိးထီၣ်ယွၤလၢ တၢ်သူၣ်ဖှံသးညီအပူၤန့ၣ်တက့ၢ်.

² မၤယွၤအတၢ်ဒီးတၢ်သးခု, ဟဲဆူအအိၣ်ဒီးတၢ်သး ဝံၣ်တက့ၢ်. ³ သ့ၣ်ညါလၢယွၤမ့ၢ်ပကစၢ်တက့ၢ်. အဝဲ ဒၣ်န့ၣ်တ့ပှၤ, တမ့ၢ်ဘၣ်ပကစၢ်ဒၣ်ပဝဲဘၣ်. ပမ့ၢ်အ ပှၤဂီၢ်မုၢ်, ဒီးအတၢ်အီၣ်ဆၣ်အလီၢ် အသိတဖုလီၤ.

⁴ ဟဲနုာ်လၢအပဲတရီဒီးတၢ်သးဝံၣ်, အဂၢၤတဖၣ်ဒီးတၢ် စံးထီၣ်ပတြၢၤတက့ၢ်. သးဝံၣ်ထီၣ်အီၤ, ဒီးစံးထီၣ်ပ တြၢၤအမံၤတက့ၢ်. ⁵ အဂ့ၢ်ဒ်အံၤ, ယွၤန့ၣ်ဂ့ၤဝဲ, ဒီး အဘျုးအဖှိၣ်အိၣ်ဝဲလီၤထူလီၤယိာ်, ဒီးအတၢ်မ့ၢ်တၢ် တီအိၣ်ဝဲအစိၤစိၤအဃၣ်ဃၣ်လီၤ.

၁၀၁

စီၤဒၤဝံးအထါ.

¹ ယကအုၣ်တၢ်လၢတၢ်ဘျုးတၢ်ဖှိၣ်, ဒီးတၢ်စံၣ်ညီၣ် အဂ့ၢ်အကျိၤလီၤ. ယွၤဧၢ, ယကသးဝံၣ်ထီၣ်နၤလီၤ.

² ယကပလီၢ်ယသးလၢကျဲအလၢအပှဲၤတဘိအပူၤန့ၣ် လီၤ. နကဟဲဆူယအိၣ်အကတီၢ်ဖဲလဲၣ်. ယကလဲၤ တၢ်လၢယဟံၣ်ပူၤလၢယသးဒီဖျၢၣ်လီၤ. ³ တၢ်မၤအၢ န့ၣ်ယတပာ်ဘၣ်လၢယမဲာ်ညါနီတပူၤဘၣ်, တၢ်မၤက မၣ်န့ၣ်ယသးဟ့လီၤ. ⁴ တစဲဘူးဘၣ်ဒီးယၤဘၣ်.―တၢ် သးက့ၣ်န့ၣ် ကဟးဖးဒီးယၤလီၤ. တၢ်အၢန့ၣ်ယတ သ့ၣ်ညါဘၣ်.

⁵ ပှၤလၢအခဲၣ်ပှၤအိၣ်လၢအဃၢၤန့ၣ် ယကဟီထီၣ် ကွံာ်အီၤလီၤ. ပှၤလၢအပာ်အမဲာ်ထီၣ်ထီ, ဒီးပာ်ကဖိ အသးန့ၣ်ယတူၢ်တကဲဘၣ်. ⁶ ယမဲာ်ကအိၣ်လၢပှၤအ ကလုၢ်တီတဖၣ်အလိၤ လၢထံဧိၤကီၢ်ဧိၤအပူၤ ဒ်သိး အကအိၣ်ဒီးယၤလီၤ. ပှၤလၢအလဲၤလၢကျဲအလၢအ ပှဲၤန့ၣ် ကမၤယတၢ်လီၤ.

⁷ ပှၤလၢအလီတၢ်န့ၣ် တအိၣ်တဆိးဘၣ်လၢယဟံၣ် ပူၤဘၣ်. ပှၤလၢအကတိၤတၢ်ကဘျံးကဘျၣ်တအိၣ်တ တဆိးဘၣ်လၢယမဲာ်ညါဘၣ်. ⁸ ယကမၤဟးဂီၤက ယဲၢ်ပှၤတတီတလိၤလၢကီၢ်ပူၤလၢအဆိအချ့ ဒ်သိးယ ကဒီၣ်တဲာ်ကွံာ် ကယဲၢ်ပှၤမၤအၢတၢ်လၢ ယွၤအဝ့ၢ်ခဲ လၢာ်လီၤ.

၁၀၂

ပှၤလၢအဘၣ်တၢ်နးတၢ်ဖှီၣ် တုၤအဘၣ်တၢ်လုၣ်ဘၢ အီၤဒီး, လူလီၤအတၢ်မိၣ်တၢ်မးလၢယွၤအမဲာ်ညါန့ၣ် အဘါထုကဖၣ်တၢ်.

¹ ယွၤဧၢ, ဒိကနၣ်ယဘါထုကဖၣ်တၢ်, ဒီးမ်ယတၢ် ဃ့ကညးဟဲထီၣ်ဆူနအိၣ်တက့ၢ်. ² မုၢ်နံၤမုၢ်နၤလၢယ ဘၣ်တၢ်ကိၢ်တၢ်ဂီၤန့ၣ် သုတမၤဘၢနမဲာ်လၢယၤတ ဂ့ၤ, ဒီးနနၢ်လၢယၤတက့ၢ်. မုၢ်တနံၤလၢယကိးထီၣ်တၢ်ဒီး, စံးဆၢယၤချ့ချ့တက့ၢ်. ³ အဂ့ၢ်ဒ်အံၤ, ယမုၢ်နံၤဒံကွံာ်ဝဲဒ်မ့ၣ်အူခုၣ်အသိး, ဒီး မ့ၣ်အူအီၣ်ကွံာ်ယဃံယကွဲ ဒ်သ့ၣ်မုၣ်အသိးန့ၣ်လီၤ.

⁴ ယသးဘၣ်တၢ်ကျီကွံာ်, ဒီးဃ့ထီၣ်ကွံာ်ဒ်နီၣ်ဧိၤမံၤဧိၤ အသိးတုၤယသးပ့ၤနီၣ်အီၣ်ယကိၣ်လီၤ. ⁵ မ့ၢ်ယကအု ကစွါတၢ်အသီၣ်ဒီး, ယဃံစဲဘူးဒီးယညၣ်လီၤ. ⁶ ယ မၤသးဒ်ထိၣ်ဝိၣ်ဘိၤလၢပှၢ်လၢ်ကျါအသိး, ယမ့ၢ်ဒ်တၢ် လီၤပှီၢ်အဒိကအိအသိးန့ၣ်လီၤ. ⁷ ယဆိးသီဒီးယမၤသး ဒ်ထိၣ်ဖှံးအိၣ်တဘ့ၣ်ဃီ လၢဟံၣ်ခိၣ်အဖီခိၣ်အသိးန့ၣ် လီၤ. ⁸ ယဒုၣ်ယဒါဒုၣ်ဒွဲၣ်ယၤသ့တနံၤကျၢၤ, ဒီးပှၤ လၢအသးထီၣ်ယၤဆိၣ်လီၤအသးထီဒါယၤလီၤ.

⁹ အဂ့ၢ်ဒ်အံၤ, ယအီၣ်ဖၣ်ဆါဒ်ကိၣ်အသိးန့ၣ်, ဒီးယ မၤဃါဃုာ်ယတၢ်အီဒီးမဲာ်ထံလီၤ. ¹⁰ မ့ၢ်လၢနသူၣ်ထီၣ် သးထီၣ်ဒီးနသူၣ်ကဲၤထီၣ်နသးကဲၤထီၣ်အဃိလီၤ. အ ဂ့ၢ်ဒ်အံၤ, နဟံးထီၣ်ယၤ, ဒီးညိကွံာ်ယၤလီၤ.

¹¹ ယမုၢ်နံၤမုၢ်နၤမၤသးဒ် တၢ်ကဒုလၢအမၤထီၣ်ထီအ သးအသိးန့ၣ်, ဒီးယဲဒၣ်အံၤယဃ့ထီၣ်ကွံာ်ဒ်နီၣ်ဧိၤမံၤ ဧိၤအသိးန့ၣ်လီၤ. ¹² မ့မ့ၢ်နၤ, ယွၤဧၢ, နအိၣ်နဆိးလီၤစိၤလီၤထီ, ဒီးတၢ် သ့ၣ်နီၣ်ထီၣ်က့ၤနၤန့ၣ် အိၣ်အစိၤစိၤအဃၣ်ဃၣ်လီၤ.

¹³ နကဂဲၤဆၢထၢၣ်, နကသူၣ်ကညီၤသးကညီၤ စံယိၣ် လီၤ. အဂ့ၢ်ဒ်အံၤ, အဆၢအကတီၢ်လၢနသ့ၣ်ပာ်, လၢ နကသူၣ်ကညီၤ သးကညီၤအီၤန့ၣ်ဘၣ်လံ. ¹⁴ အဂ့ၢ်ဒ် အံၤ, နခ့နပှၤဘၣ်အသးလၢအလၢၢ်, ဒီးသးကညီၤအ ဟီၣ်ခိၣ်အကမူၣ်လီၤ.

¹⁵ ဒီးပှၤကလုာ်တဖၣ်န့ၣ် ကပျံၤယွၤအမံၤ, ဒီးကယဲၢ် ဟီၣ်ခိၣ်အစီၤပၤန့ၣ်နလၤကပီၤလီၤ. ¹⁶ အဂ့ၢ်ဒ်အံၤ, ယွၤ မၤထီၣ်က့ၤစံယိၣ်, ဒီးအိၣ်ဖျါထီၣ်လၢအလၤအကပီၤ လီၤ. ¹⁷ ဃၣ်အသးဆူပှၤဖှီၣ်ဖိယာ်ဖိအတၢ်ထုကဖၣ်အ အိၣ်, ဒီးတမၤတရီတပါအတၢ်ထုကဖၣ်ဘၣ်.

¹⁸ တၢ်အံၤကဘၣ်ကွဲးအသးလၢ ပှၤဆူညါတစိၤအဂီၢ်, ဒီးပှၤလၢ အကဘၣ်တ့အသးတကလုာ် ကစံးထီၣ်ပ တြၢၤယွၤလီၤ. ¹⁹ အဂ့ၢ်ဒ်အံၤ, ကွၢ်လီၤတၢ်လၢအလီၢ် စီဆှံထီၣ်ထီ, လၢမူခိၣ်ယွၤကွၢ်လီၤဝဲဆူဟီၣ်ခိၣ်, ²⁰ ဒ် သိးအကနၢ်ဟူပှၤဘၣ်စၢဃာ်အသးအတၢ်ကအုကစွါ, ဒ်သိးအကမၤစၢၤပှၤဘၣ်သံဖိ, ²¹ ဒ်သိးပှၤကစံၣ်တဲၤတဲ လီၤယွၤအမံၤလၢစံယိၣ်အပူၤ, ဒီးအတၢ်စံးထီၣ်ပတြၢၤ လၢယရူၤၡလ့ၣ်အပူၤ. ²² ဖဲပှၤကလုာ်တဖၣ်အိၣ်ဖှိၣ်တ ပူၤဃီဒီးပှၤဘီမုၢ်ဖိဒ်သိးအကမၤယွၤအတၢ်လီၤ.

²³ မၤစၢ်လီၤဝဲယဂံၢ်ယဘါလၢကျဲ, ဒီးမၤစှၤလီၤယမုၢ် နံၤမုၢ်နၤတဖၣ်လီၤ.

²⁴ ယစံး, ယကစၢ်ဧၢ, ဟံးထီၣ်ကွံာ်ယၤလၢဖးဖီယမုၢ် နံၤအပူၤတဂ့ၤ. နနံၣ်နလါအိၣ်ဝဲအစိၤစိၤအဃၣ်ဃၣ် လီၤ. ²⁵ လၢပျၢၤန့ၣ်နပာ်လီၤဟီၣ်ခိၣ်အခီၣ်ထံး, ဒီးမူ ခိၣ်န့ၣ်မ့ၢ်နစုအတၢ်မၤလီၤ.

²⁶ တၢ်တဖၣ်န့ၣ်ကတုၤလၢတၢ်ဟးဂီၤ, မ့မ့ၢ်နဲဒၣ်အံၤန ကအိၣ်နကဆိးလီၤ. အဝဲသ့ၣ်ကလီၢ်လံၤခဲလၢာ်ဒ်ယၣ် တဘ့ၣ်အသိးန့ၣ်, ဒ်ဆ့တဘ့ၣ်အသိး နကလဲက့ၤအီၤ, ဒီးကအိၣ်လဲက့ၤအသးလီၤ. ²⁷ မ့မ့ၢ်နဲဒၣ်အံၤနမ့ၢ်တၢ်ဒ် လီၢ်လီၢ်, ဒီးနနံၣ်နလါအကတၢၢ် တအိၣ်ဘၣ်လီၤ.

²⁸ နခ့နပှၤအဖိအလံၤကအိၣ်ကဆိး, ဒီးအချံအသၣ်က အိၣ်ဂၢၢ်ဆိးကျၢၤလၢနမဲာ်ညါလီၤ.

၁၀၃

လၢစီၤဒၤဝံး.

¹ ယသးဧၢ, စံးထီၣ်ပတြၢၤယွၤတက့ၢ်, ဒီးကယဲၢ်တၢ် အိၣ်လၢယပူၤဧၢ, စံးထီၣ်ပတြၢၤအမံၤစီဆှံန့ၣ်တက့ၢ်.―

² ယသးဧၢ, စံးထီၣ်ပတြၢၤယွၤတက့ၢ်, ဒီးအတၢ်မၤဂ့ၤ တဖၣ်န့ၣ်မ်နသုတသးပ့ၤနီၣ်နီတမံၤတဂ့ၤ.

³ မ့ၢ်ပှၤလၢအပျၢ်နတၢ်သရူးနတၢ်ကမၣ်ခဲလၢာ်, ဒီးမၤ ဘျါက့ၤနတၢ်ဆူးတၢ်ဆါကိးအမံၤဒဲး, ⁴ ဒီးပှ့ၤက့ၤနသး သမူလၢတၢ်ဟးဂီၤ, ဒီးဒုးကုာ်ထီၣ်နၤလၢတၢ်ဘျုးတၢ် ဖှိၣ်, ဒီးတၢ်သူၣ်အိၣ်သးအိၣ်အခိၣ်သလုး, ဒီးဒုးမံသူၣ် မံသးနထးခိၣ်လၢတၢ်ဂ့ၤ, ⁵ နဖိၣ်သၣ်ခွါထီၣ်က့ၤကဒီး ဒ်လံာ်ဧိၤတြၤဧိၤအသိးန့ၣ်လီၤ.

⁶ ယွၤမၤတၢ်တီတၢ်လိၤ, ဒီးတၢ်စံၣ်ညီၣ်လၢကယဲၢ်ပှၤ လၢတၢ်မၤအၢမၤနးအီၤအဂီၢ်လီၤ. ⁷ ဒီးဘိးဘၣ်သ့ၣ်ညါ စီၤမိၤရှ့လၢအကျဲဧိၤကပူၤဧိၤ, ဒီးပှၤအံၣ်စရ့လးဖိလၢ အဖံးတၢ်အမၤတၢ်တဖၣ်လီၤ.

⁸ ယွၤသူၣ်အိၣ်သးအိၣ်တၢ်, ဒီးသူၣ်ကညီၤသးကညီၤ တၢ်လီၤ. သးဒိၣ်ထီၣ်ကီ, ဒီးအဘျုးအဖှိၣ်အိၣ်အါမး လီၤ. ⁹ တသိၣ်ဃီၣ်တၢ်တထံၣ်ဃီဘၣ်. တပာ်တၢ်လီၤ ထူလီၤယိာ်ဘၣ်. ¹⁰ တမၤဘၣ်ပှၤဒ်ပတၢ်ဒဲးဘးအသိး ဘၣ်. တဟ့ၣ်ကၣ်ပှၤဒ်ပတၢ်သရူးကမၣ်အသိးဘၣ်.

¹¹ အဂ့ၢ်ဒ်အံၤ, တုၤသိးမူခိၣ်ကစီၤထီၣ်ဝဲလၢဟီၣ်ခိၣ်အ ဖီခိၣ်အသိးန့ၣ် အဘျုးအဖှိၣ်ဒိၣ်ဝဲလၢပှၤလၢအပျံၤအီၤ အဂီၢ်ဒ်န့ၣ်အသိးလီၤ.

¹² ဒ်မုၢ်ထီၣ်တခီယံၤဝဲဒီးမုၢ်နုာ်တခီအသိးန့ၣ် နဒုးယံၤ ထီၣ်ပတၢ်သရူးကမၣ်ဒီးပှၤလီၤ.

¹³ ဒ်ပၢ်သးအိၣ်အဖိအလံၤအသိးန့ၣ် ယွၤသးအိၣ်ပှၤ လၢအပျံၤအီၤလီၤ. ¹⁴ အဂ့ၢ်ဒ်အံၤ, သ့ၣ်ညါပနီၢ်ခိလီၤ. သ့ၣ်နီၣ်ထီၣ်က့ၤဝဲလၢပမ့ၢ်ဟီၣ်ခိၣ်အကမူၣ်လီၤ.

¹⁵ တၢ်လၢပှၤကညီအံၤ, အမုၢ်နံၤမၤအသးဒ်နီၣ်ဧိၤမံၤ ဧိၤအသိးလီၤ. ဒ်သံၣ်ဧိၤဖီဧိၤလၢပျီပူၤအသိးန့ၣ်ဟဲထီၣ် ဝဲဒ်န့ၣ်အသိးလီၤ. ¹⁶ အဂ့ၢ်ဒ်အံၤ, ကလံၤအူပူၤကွံာ်အ လိၤ, ဒီးအလီၢ်တသ့ၣ်ညါလၢၤဘၣ်အီၤဘၣ်.

¹⁷ မ့မ့ၢ်ယွၤအဘျုးအဖှိၣ်ဘၣ် ပှၤလၢအပျံၤအီၤတဖၣ် န့ၣ်လၢပျၢၤလၢကစၢၤလီၤစိၤလီၤထီ, ¹⁸ ဒီးအတၢ်တီတၢ် လိၤအိၣ်ဒီးဖိစိၤလံၤစိၤ, လဟၢပှၤလၢအတိၢ်န့ၢ် အတၢ် အၢၣ်လီၤအီလီၤ, ဒီးသ့ၣ်နီၣ်ထီၣ်က့ၤအတၢ်မၤလိာ်ဒ် သိးအကတိၢ်န့ၢ်ဖံးဃာ်အီၤလီၤ.

¹⁹ ယွၤပာ်လီၤအလီၢ်ပစိာ်လၢမူခိၣ်, ဒီးအဘီအမုၢ်န့ၣ် ပၢတၢ်ခဲလၢာ်လီၤ.

²⁰ အကလူးလၢအဂံၢ်ဆူၣ်ဘါဆူၣ်, ဒီးမၤအတၢ်, ဒီး ကနၣ်အတၢ်ကတိၤအသီၣ်သ့ၣ်ဧၢ, စံးထီၣ်ပတြၢၤယွၤ တက့ၢ်.

²¹ ကယဲၢ်အပှၤသုးမုၢ်, အခ့အပှၤလၢအမၤဖဲဒၣ်အသး သုဝဲသ့ၣ်ဧၢ, စံးထီၣ်ပတြၢၤယွၤတက့ၢ်.

²² ကယဲၢ်တၢ်လၢယွၤတ့လီၤဝဲကိးမံၤဒဲး အိၣ်ဝဲလၢအ ဘီအမုၢ်အပူၤတမံၤလၢ်လၢ်သ့ၣ်ဧၢ, စံးထီၣ်ပတြၢၤယွၤ တက့ၢ်.

²³ ယသးဧၢ, စံးထီၣ်ပတြၢၤယွၤတက့ၢ်.

၁၀၄

¹ ယသးဧၢ, စံးထီၣ်ပတြၢၤယွၤတက့ၢ်. ယွၤယကစၢ် ဧၢ, နဒိၣ်နီၢ်မးလီၤ. နကူနသိးဒီးတၢ်လၤကပီၤ, ဒီး တၢ်ကဟုကညီၢ်လီၤ.

² နကၤနဲဒီးတၢ်ကပီၤဒ်ယၣ်အသိး, သလၣ်ထီၣ်မူခိၣ် ဒ်ယၣ်သဒၢတၢ်အသိး, ³ ဒီးပာ်လီၤအဒၢးအကျိၤလၢ ထံ, ဒီးမၤအလ့ၣ်ကဟၣ်လၢတၢ်အၢၣ်, ဒီးလဲၤတၢ် လၢကလံၤအဒံးဆ့အဖီခိၣ်လီၤ. ⁴ ဒီးပာ်ကလံၤလၢအ ကလူး, ဒီးမ့ၣ်အူလၣ်လၢအခ့အပှၤလီၤ. ⁵ ပာ်ဟီၣ် ခိၣ်လၢအခီၣ်ထံးတဖၣ်, တဟူးတဝးဘၣ်အစိၤစိၤအ ဃၣ်ဃၣ်ဘၣ်လီၤ.

⁶ နမၤဘၢအီၤလၢထံယိာ်ပူၤ ဒ်လၢတၢ်အကူအသိးအ သိးန့ၣ်, ထံအိၣ်ဝဲလၢကစၢၢ်ကလိအဖီခိၣ်လီၤ. ⁷ လၢ နသိၣ်ဃီၣ်တၢ်န့ၣ်ဟးထီၣ်ကွံာ်ဝဲ, လၢနလီသီၣ်န့ၣ် ဃ့ၢ်ထီၣ်ကွံာ်ဝဲလီၤ.

⁸ လဲၤထီၣ်ဝဲလၢကစၢၢ်ကလိ, လဲၤလီၤဝဲလၢကစၢၢ်က ဆူး, ပၢၢ်လၢအလီၢ်လၢနပာ်လၢအဂီၢ်လီၤ. ⁹ နပာ်လီၤ အဃၢၤ, တခီဂာ်ဘၣ်ဝဲဘၣ်. တဟဲက့ၤကဒါက့ၤဒ် သိးအကလုၣ်ဘၢဟီၣ်ခိၣ်ဘၣ်.

¹⁰ မၢလီၤထံထီၣ်ပၢၢ်လၢကစၢၢ်ကဆူး လၢအယွၤလီၤ လၢကစၢၢ်ကလိအကျါလီၤ. ¹¹ ဆၣ်ဖိကီၢ်ဖိလၢပှၢ်လၢ် ကျါခဲလၢာ်န့ၣ်အီဝဲ, ကသ့ၣ်ယီၤအမံၤအီဘျဲးအီတၢ်သူ အသးလၢထံလီၤ. ¹² ထိၣ်လၢမူကပိာ်လိၤအိၣ်ဝဲဆိးဝဲ လၢအဖီခိၣ်, လၢသ့ၣ်ဒ့အကျါန့ၣ်ပှ့ၤဝဲလီၤ. ¹³ မၤဘၣ် စီၣ်ကစၢၢ်ကလိလၢထံ လၢအဒၢးတဖၣ်အပူၤန့ၣ်လီၤ. ဟီၣ်ခိၣ်ဘျဲးအီၣ်တၢ်လၢနမၤတၢ်အသၣ်လီၤ. ¹⁴ ဒီးဒုးမဲ ထီၣ်နီၣ်ဧိၤမံၤဧိၤလၢဆၣ်ဖိကီၢ်ဖိအဂီၢ်, ဒီးဘုဧိၤဟုဧိၤ လၢပှၤကညီမၤတၢ်အဂီၢ်, ဒ်သိးအကဒုးဟဲထီၣ် တၢ် အီၣ်လၢဟီၣ်ခိၣ်လီၤ. ¹⁵ ဒီးစပံးထံလၢအမၤခု ပှၤကညီ အသး, ဒီးသိလၢအဒုးကပီၤထီၣ်အမဲာ်, ဒီးကိၣ်လၢအ မၤကျၢၤထီၣ်ပှၤကညီအသးလီၤ.

¹⁶ ယွၤအသ့ၣ်ပှဲၤဝဲ, လဘၤနိၣ်အသ့ၣ်ဆှိအ့ရ့းလၢအ သူၣ်ဝဲ, ¹⁷ ဖဲထိၣ်ဧိၤလံၣ်ဧိၤမၤအသွံလီၤ. သ့ၣ်ဆှိတဖၣ် န့ၣ် မ့ၢ်ထိၣ်ဖးဒိၣ်အဟံၣ်လီၤ. ¹⁸ ကစၢၢ်ထီတဖၣ်မ့ၢ်ဝဲ လၢမဲာ်တဲးလဲးမံၤအဂီၢ်, ဒီးလၢၢ်ဧိၤလ့ဧိၤမ့ၢ်တၢ်ပူၤဖျဲး အလီၢ်လၢယူၣ်ၡဖၣ်အဂီၢ်လီၤ.

¹⁹ ပာ်လီၤလါလၢတၢ်အခ့အခါအဂီၢ်လီၤ. မုၢ်န့ၣ်သ့ၣ် ညါအတၢ်လီၤနုာ်န့ၣ်လီၤ. ²⁰ နမၤတၢ်ခံး, ဒီးမုၢ်နၤအိၣ် ထီၣ်ဝဲ, ဖဲဆၣ်ဖိကီၢ်ဖိအမံၤလၢပှၢ်လၢ်ကျါခဲလၢာ်န့ၣ် ဂဲၤထီၣ်ဝဲလီၤ. ²¹ ခ့ယုၢ်အူကြူၢ်ထွဲအဆၣ်အခံ, ဒီးဃု အတၢ်အီၣ်လၢယွၤလီၤ.

²² မုၢ်ဟဲထီၣ်ဒီး, အိၣ်ဖှိၣ်ဝဲ, ဒီးကိာ်လီၤဝဲလၢအအိၣ် အလီၢ်ပူၤလီၤ. ²³ ပှၤကညီလဲၤထီၣ်ဆူအတၢ်မၤ, ဒီးဆူ အတၢ်ဖံးတၢ်မၤတုၤမုၢ်ဟါလီၤ.

²⁴ နမၤတၢ်ဆံးအါလဲၣ်, ယွၤဧၢ. နမၤအီၤခဲလၢာ်လၢ တၢ်ကူၣ်သ့လီၤ. ဟီၣ်ခိၣ်ပှဲၤဝဲဒီးနတၢ်ဖိတၢ်လံၤလီၤ.

²⁵ အိၣ်ဒံးပီၣ်လဲၣ်လၢအဒိၣ်ဝဲ, ဒီးလဲၢ်ဝဲ, ဖဲတၢ်အဂဲၤ အိၣ်လၢအပူၤလၢအတၢ်ဂံၢ်တအိၣ်ဘၣ်, တၢ်ဖိတၢ်ဃၢ် အဒိၣ်အဆံးအိၣ်ဝဲလီၤ. ²⁶ ဖဲန့ၣ်ကဘီတဖၣ်လဲၤတၢ် လီၤ. သမၣ်လၢနတ့လီၤအီၤဒ်သိးအကလိာ်ကွဲလၢအ ပူၤန့ၣ်အိၣ်ဝဲလီၤ.

²⁷ တၢ်ခဲလၢာ်န့ၣ်အိၣ်ခိးနၤ, ဒ်သိးလၢအကတီၢ်ဘၣ် န့ၣ်နကဟ့ၣ်လီၤအီၤလၢအတၢ်အီၣ်လီၤ. ²⁸ တၢ်လၢန ဟ့ၣ်လီၤအီၤန့ၣ် အဝဲသ့ၣ်ထၢထီၣ်ဝဲလီၤ. နသလၣ် ထီၣ်နစု, အဝဲသ့ၣ်ဘျဲးအီၣ်လၢတၢ်ဂ့ၤလီၤ. ²⁹ နပာ်တ ဒၢနမဲာ်, အဝဲသ့ၣ်သူၣ်ပျံၤသးဖုးဝဲ, နထုးကွံာ်အသါ, အဝဲသ့ၣ်သံဝဲ, ဒီးက့ၤက့ၤဆူဟီၣ်ခိၣ်အကမူၣ်လီၤ.

³⁰ နမၢလီၤနသး, အဝဲသ့ၣ်ဘၣ်တၢ်တ့အီၤ, ဒီးနမၤသီ ထီၣ်က့ၤဟီၣ်ခိၣ်အချၢလီၤ.

³¹ မ်ယွၤအလၤအကပီၤကအိၣ်ဝဲလီၤထူလီၤယိာ်, မ်ယွၤ ကသးခုလၢအမၤတၢ်တဖၣ်အပူၤန့ၣ်တက့ၢ်. ³² ကွၢ်လီၤ လၢဟီၣ်ခိၣ်ဒီးဆှဲးဆှိးဝဲ, ထိးကစၢၢ်ကလိ, ဒီးခုၣ်ထီၣ် ဝဲလီၤ.

³³ ယသးသမူအဖၢမုၢ်ဒီး, ယကစံးထီၣ်ပတြၢၤယွၤ, ယ အိၣ်ဒံးအဖၢမုၢ်ဒီး, ယကသးဝံၣ်ယကစၢ်လီၤ. ³⁴ မ်ယ တၢ်ဆိကမိၣ်န့ၣ်ဘၣ်အသးတက့ၢ်. ဒီးယကသးခုလၢ ယွၤအပူၤလီၤ.

³⁵ မ်ပှၤတၢ်ဒဲးဘးဖိကလၢာ်ဝဲ လၢဟီၣ်ခိၣ်ချၢတက့ၢ်, ဒီး မ်ပှၤတတီတလိၤသုတအိၣ်လၢၤတဂ့ၤ. ယသးဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤ ယွၤတက့ၢ်.

၁၀၅

¹ စံးထီၣ်ပတြၢၤယွၤ, ကိးထီၣ်အမံၤ, ဒုးသ့ၣ်ညါပှၤ ဂီၢ်မုၢ်လၢအမၤတၢ်န့ၣ်တက့ၢ်. ² သးဝံၣ်ထီၣ်အီၤ, အူး ထီၣ်အီၤ, ဆိကမိၣ်လၢအတၢ်လီၤလးခဲလၢာ်အဂ့ၢ်တ က့ၢ်. ³ ပာ်ကဖိသုသးလၢအမံၤစီဆှံအပူၤတက့ၢ်. ပှၤ လၢအဃုယွၤန့ၣ်မ်အသူၣ်ခုသးခုလၢအသးတက့ၢ်. ဃုယွၤဒီးအဂံၢ်အဘါ, ဃုအမဲာ်တထံၣ်ဃီတက့ၢ်.

⁵ သ့ၣ်နီၣ်ထီၣ်က့ၤ တၢ်လီၤလးလၢအမၤတ့ၢ်ဝဲ, အတၢ် လီၤလးဒီးတၢ်စံၣ်ညီၣ်လၢအထးခိၣ်န့ၣ်တက့ၢ်. ⁶ အခ့ အပှၤစီၤအၤဘြၤဟၣ်အချံအသၣ်သ့ၣ်ဧၢ, ပှၤလၢအဃု ထၢအီၤစီၤယၤကိာ်အဖိအလံၤသ့ၣ်သုဧၢ, ⁷ အဝဲဒၣ်မ့ၢ် ယွၤပကစၢ်, အတၢ်စံၣ်ညီၣ်တဖၣ်အိၣ်ဝဲလၢဟီၣ်ခိၣ်ဒီ ဘ့ၣ်ညါလီၤ. ⁸ သ့ၣ်နီၣ်ထီၣ်က့ၤ အတၢ်အၢၣ်လီၤအီလီၤ အထူအယိာ်, တၢ်ကတိၤလၢအမၤလိာ်ဝဲအစိၤတကထိလီၤ.―

⁹ တၢ်လၢအအၢၣ်လီၤအီလီၤဒီး စီၤအၤဘြၤဟၣ်, ဒီးအ တၢ်ဆိၣ်ဒီးစီၤအံၤစဲးလီၤ. ¹⁰ ဒီးပာ်ကျၢၤအီၤလၢစီၤယၤ ကိာ်လၢတၢ်သိၣ်တၢ်သီအဂီၢ်, ဒီးလၢစီၤအံၣ်စရ့လး လၢတၢ်အၢၣ်လီၤအီလီၤအထူအယိာ်အဂီၢ်, ¹¹ ဒီးစံးဝဲဒၣ် ယကဟ့ၣ်လီၤနၤလၢ ကီၢ်ကနၤဧၣ်, သုန့ၢ်သါတၢ်အ တၢ်ဖးတမံၤန့ၣ်လီၤ. ¹² လၢအအိၣ်ပှၤစှၤဂၤ, ဒီးမ့ၢ်ပှၤ တခီဘီမုၢ်ဖိလၢအပူၤ, ¹³ ဒီးလဲၤတၢ်လၢပှၤတကလုာ်ဆူ ပှၤတကလုာ်, လၢတခီတဘီမုၢ်ဆူ ပှၤဂီၢ်မုၢ်အဂၤအ အိၣ်န့ၣ်, ¹⁴ ဒီးတဒုးမၤနးမၤဖှီၣ်အီၤ နီတဂၤဘၣ်, ဒီး သိၣ်ဃီၣ်စီၤပၤတဖၣ်လၢအဃိလီၤ. ¹⁵ ထိးယပှၤဒိးဖှူအ အသးတဂ့ၤ, ဒီးမၤအၢယဝံသ့ၣ်တဖၣ်န့ၣ်တဂ့ၤ.

¹⁶ ဒီးကိးဝဲ တၢ်သၣ်ဝံၤလီၤဒိဆူကီၢ်အဖီခိၣ်, မၤကၢ် ကိၣ်အနီၣ်ထိးကိးဘိဒဲးလီၤ.

¹⁷ မၢလီၤပှၤတဂၤလၢအမဲာ်ညါ, စီၤယိၤသးတဂၤလၢ အဘၣ်တၢ်ဆါကွံာ်အီၤလၢကုၢ်အဂီၢ်လီၤ. ¹⁸ ပှၤမၤနးအ ခီၣ်လၢထးသွဲ, အသးလဲၤနုာ်လၢထးဧိၤတြၤဧိၤအပူၤ,―

¹⁹ တုၤလီၤလၢအကတီၢ်လၢအကလုၢ်ဟဲ, ဒီးယွၤအတၢ် ကတိၤမၤကွၢ်အီၤလီၤ. ²⁰ စီၤပၤမၢလီၤတၢ်ဒီးမၤထူၣ်ဖျဲး အီၤ, ပှၤပၢပှၤဂီၢ်မုၢ်တဂၤန့ၣ်, ဒီးပျၢ်အီၤလီၤ.

²¹ ပာ်ဝဲလၢအဟံၣ်အကစၢ်, ဒီးပှၤပၢအတၢ်ဖိတၢ်လံၤ ခဲလၢာ်, ²² ဒ်သိးအကစၢဃာ်အပဒိၣ်ဖးဒိၣ်တဖၣ်ဖဲဒၣ် အသး, ဒီးသိၣ်လိအပှၤသူၣ်က့သးပှၢ်လၢတၢ်ကူၣ်သ့ လီၤ. ²³ ဒီးစီၤအံၣ်စရ့လးဟဲနုာ်လၢအဲၤကူပတူးအပူၤ, ဒီးစီၤယၤကိာ်အိၣ်တမှံၤလၢစီၤဃၣ်အကီၢ်ပူၤလီၤ.

²⁴ ဒီးဒုးသၣ်ထီၣ်အပှၤဂီၢ်မုၢ်အါအါကလဲာ်, ဒီးဒုးကဲ ထီၣ်အီၤဆူၣ်န့ၢ်အဒုၣ်အဒါတက့ၢ်လီၤ. ²⁵ ဘိးဃၣ်ဝဲအ သးလၢအကသးဟ့အပှၤဂီၢ်မုၢ်, လၢအကမၤအခ့အပှၤ လၢတၢ်လီတၢ်ဝ့ၤလီၤ.

²⁶ မၢလီၤအခ့အပှၤ စီၤမိၤရှ့ဒီးစီၤအၤဟရိၣ် လၢအဃု ထၢအီၤလီၤ. ²⁷ အဝဲသ့ၣ်ပာ်လီၤအတၢ်ပနီၣ်လၢအကျါ, အတၢ်လီၤလးလၢစီၤဃၣ်အကီၢ်ပူၤလီၤ.

²⁸ မၢလီၤတၢ်ခံး, ဒီးတၢ်ခံးလီၤဝဲ, ဒီးတပူထီၣ်ဘၣ်အ ကလုၢ်ဘၣ်.

²⁹ မၢအထံတဖၣ် ကဲထီၣ်တၢ်သွံၣ်, ဒီးမၤသံအဒ့ၣ်ဧိၤ ညၣ်ဧိၤလီၤ.

³⁰ အထံအကီၢ်န့ၣ် ဖှံထီၣ်ဒ့ၣ်အါအါကလဲာ်လၢအစီၤ ပၤအဒၢးပူၤလီၤ.

³¹ ကတိၤတၢ်ဒီးတၢ်အဖုဟဲထီၣ်, ဃးသူဃးလါလၢအ ဃၢၤခဲလၢာ်လီၤ.

³² ဟ့ၣ်လီၤသူၣ်လၢတၢ်စူၤအလီၢ်, မ့ၣ်အူလၣ်လၢ အ ကီၢ်ပူၤလီၤ.

³³ မၤဟးဂီၤအစပံးမုၢ်, ဒီးအချၢၣ်ဒၢ, ဒီးမၤကၢ်လီၤ ကွံာ်အသ့ၣ်လၢအဃၢၤတဖၣ်လီၤ.

³⁴ ကတိၤတၢ်, ဒီးဒွဲၣ်အၢ်ဘၤဟဲထီၣ်, ဒီးဒွဲၣ်ယ့ၤလ့း န့ၣ်, လၢအတၢ်ဂံၢ်တအိၣ်ဘၣ်. ³⁵ ဒီးအီၣ်နီၣ်ဧိၤမံၤဧိၤ လၢအကီၢ်ပူၤခဲလၢာ်, ဒီးအီၣ်ကွံာ် အဟီၣ်ခိၣ်အတၤ သၣ်လီၤ.

³⁶ ဒီးကျီကွံာ်အဖိဝဲၢ်ကိခဲလၢာ်လၢအကီၢ်ပူၤ, အတၢ်ဂံၢ် တၢ်ဘါခဲလၢာ်အဝဲၢ်ကိလီၤ.

³⁷ ဒီးဒုးဟးထီၣ်ကွံာ်အပှၤဂီၢ်မုၢ်ဒီး ကျိၣ်ဧိၤစ့ဧိၤ, ဒီးထူ ဧိၤလွဲဧိၤ, ဒီးပှၤလၢအခီၣ်ဘၣ်တိၢ်တအိၣ်ဘၣ်လၢအ ဒူၣ်တဖၣ်အကျါနီတဂၤဘၣ်. ³⁸ တုၤအဟးထီၣ်ကွံာ်ဒီး, ပှၤအဲၤကူပတူးဖိသးခုဝဲလီၤ. အဂ့ၢ်ဒ်အံၤ, တၢ်ပျံၤအီၤ လီၤဘၣ်လၢအလိၤလီၤ.

³⁹ သလၣ်ထီၣ်တၢ်အၢၣ်လၢတၢ်ကျၢၢ်ဘၢအဂီၢ်, ဒီးမ့ၣ် အူလၢမုၢ်နၤဒ်သိးအကကပီၤထီၣ်လီၤ.

⁴⁰ ပှၤဃ့ဝဲ, ဒီးအဝဲဒၣ်ဒုးဟဲထိၣ်ဘှၢၣ်တဖၣ်, ဒီးဒုးဘျဲး အီၣ်အီၤလၢမူခိၣ်အကိၣ်လီၤ.

⁴¹ အိးထီၣ်လၢၢ်ဧိၤလ့ဧိၤ, ဒီးထံဖျိးထီၣ်, ယွၤလီၤဝဲဒ် ထံကျိအသိးလၢတၢ်အလီၢ်ဃ့အပူၤလီၤ.

⁴² အဂ့ၢ်ဒ်အံၤ, သ့ၣ်နီၣ်ထီၣ်က့ၤအတၢ်ကတိၤစီဆှံဒီးအ ခ့အပှၤစီၤအၤဘြၤဟၣ်, ⁴³ ဒီးဒုးဟးထီၣ်ကွံာ်အပှၤဂီၢ်မုၢ်, အိၣ်ဒီးတၢ်သူၣ်ဖှံသးညီ, ဒီးအပှၤဃုထၢဖိဒီးတၢ်သူၣ်ခု သးခုလီၤ.

⁴⁴ ဒီးဟ့ၣ်လီၤအီၤလၢပှၤကလုာ်တဖၣ်အထံအကီၢ်, ဒီး အဝဲသ့ၣ်န့ၢ်သါပှၤဂီၢ်မုၢ်အတၢ်မၤ, ⁴⁵ ဒ်သိးအကတိၢ်န့ၢ် အတၢ်မၤလိာ်, ဒီးတိၢ်န့ၢ်ဖံးဃာ် အတၢ်သိၣ်တၢ်သီ လီၤ. စံးထီၣ်ပတြၢၤယွၤတက့ၢ်.

၁၀၆

¹ စံးထီၣ်ပတြၢၤယွၤတက့ၢ်, သးဝံၣ်ထီၣ်ယွၤတက့ၢ်. အဂ့ၢ်ဒ်အံၤ, ဂ့ၤဝဲလီၤ. မ့ၢ်အဘျုးအဖှိၣ်အိၣ်ဝဲလီၤထူ လီၤယိာ်အဂ့ၢ်လီၤ. ² မ့ၢ်မတၤကစံၣ်တဲၤတဲလီၤယွၤအ တၢ်မၤလၢအဒိၣ်တဖၣ်, မ့ၢ်မတၤကဒုးနၢ်ဟူအတၢ်စံး ထီၣ်ပတြၢၤခဲလၢာ်တဂၤလဲၣ်. ³ ပှၤလၢအတိၢ်န့ၢ်တၢ် စံၣ်ညီၣ်, လၢအမၤတၢ်တီတၢ်လိၤကိးအဆၢအကတီၢ် ဒဲးန့ၣ်ဘၣ်ဆိၣ်ဂ့ၤဝဲလီၤ.

⁴ သ့ၣ်နီၣ်ထီၣ်က့ၤယၤလၢတၢ်ဘၣ်နသးလၢ နဒုးနဲၣ် နပှၤဂီၢ်မုၢ်တက့ၢ်, ယွၤဧၢ. အိၣ်သကိးယၤဒီးနတၢ်အုၣ် က့ၤခီၣ်က့ၤ, ⁵ ဒ်သိးယကထံၣ်ဘၣ်နတၢ်ဃုထၢဖိအ တၢ်ဂ့ၤ, ဒ်သိးယကသးခုလၢနပှၤတကလုာ်အတၢ်သး ခု, ဒ်သိးယကသူၣ်ဖှံသးညီဃုာ်ဒီးနတၢ်န့ၢ်သါန့ၣ်တ က့ၢ်.

⁶ ပမၤလံတၢ်ဒဲးဘးဒီးပပၢ်တဖၣ်လံ, ပမၤကမၣ်ဘၣ် လံ. ပမၤလံတၢ်တတီတလိၤဘၣ်လံ. ⁷ ပပၢ်တဖၣ် တကွၢ်ဆိကမိၣ်ဘၣ် နတၢ်လီၤလးလၢ အဲၤကူပတူး အပူၤဘၣ်, တသ့ၣ်နီၣ်ထီၣ်က့ၤဘၣ်နဘျုးဒိၣ်နဖှိၣ်အါ ဘၣ်. ဒီးပူထီၣ်လၢပီၣ်လဲၣ်နံၤ, ဖဲပီၣ်လဲၣ်ဆှဲအနံၤ လီၤ. ⁸ ဘၣ်ဆၣ်ဒီးအုၣ်က့ၤခီၣ်က့ၤအီၤလၢအမံၤအဃိ, ဒ်သိးအကဒုးသ့ၣ်ညါဘၣ်ဝဲ လၢအစိဒိၣ်အကမီၤဒိၣ်လီၤ.―

⁹ ဒီးသိၣ်ဃီၣ်ပီၣ်လဲၣ်ဆှဲ, ဒီးအဝဲန့ၣ်ဃ့ထီၣ်ကွံာ်ဝဲလီၤ. ဒီးဒုးလဲၤအီၤလၢထံယိာ်ပူၤ ဒ်လၢပှၢ်လၢ်ကျါအသိးန့ၣ် လီၤ.

¹⁰ ဒီးအုၣ်က့ၤခီၣ်က့ၤအီၤလၢ ပှၤလၢအသးဟ့အီၤအစု ပူၤ, ဒီးပှ့ၤက့ၤအီၤလၢဒုၣ်ဒါအစုပူၤလီၤ. ¹¹ ဒီးထံလုၣ် ဘၢအဒုၣ်အဒါ, တအိၣ်လီၤတဲာ်ဘၣ် နီတဂၤဘၣ်.

¹² တုၤနုၤတစု နာ်က့ၤဝဲအကလုၢ်အကထါ, သးဝံၣ်အ တၢ်စံးထီၣ်ပတြၢၤလီၤ.

¹³ သးပ့ၤနီၣ်ဝဲအမၤတၢ်ချ့ချ့, တခိးဘၣ်အတၢ်ကူၣ်ထီၣ် ဖးလီၤဘၣ်, ¹⁴ ဒီးသးကွံတၢ်လၢပှၢ်မုၢ်ကနၢ, ဒီးမၤကွၢ် ယွၤလၢဃဲၣ်ခိၣ်ဃဲၣ်လာ်လီၤ.

¹⁵ ဒီးတၢ်လၢအဃ့တၢ်န့ၣ် ဟ့ၣ်လီၤဝဲ, ဒီးမၢလီၤတၢ် ဃဲၤဆူအသးကံၢ်ပူၤလီၤ.

¹⁶ ဒီးသးက့ၣ်စီၤမိၤရှ့လၢ ပှၤသူၣ်ဒဲအလီၢ်ပူၤ, ဒီးယွၤ အပှၤစီဆှံစီၤအၤဟရိၣ်လီၤ.

¹⁷ ဟီၣ်ခိၣ်အိးထီၣ်အသး, ဒီးယူၢ်လီၤကွံာ်စီၤဒၤသၣ်, ဒီးကျၢၢ်ဘၢစီၤအဘံရၣ်အတၢ်အိၣ်ဖှိၣ်, ¹⁸ ဒီးမ့ၣ်အူဆိၣ် ကဲၤအသး လၢအတၢ်အိၣ်ဖှိၣ်အပူၤ, မ့ၣ်အူလၣ်အီၣ် ကွံာ်ပှၤအအၢအသီလီၤ.

¹⁹ တ့ဝဲဂီၤဖံးဖိလၢဃိရ့း, ဒီးဘူၣ်ထီၣ်ဘါထီၣ်တၢ်ဂီၤသိ အသးလီၤ. ²⁰ ဒီးလဲလိာ်အလၤကပီၤလၢတၢ်လီၤဂာ်ဒီး ဂီၤဖံး လၢအအီၣ်နီၣ်ဧိၤမံၤဧိၤန့ၣ်လီၤ. ²¹ သးပ့ၤနီၣ်ပှၤ အုၣ်က့ၤခီၣ်က့ၤအီၤ, ယွၤလၢအမၤတၢ်ဒိၣ်တဖၣ်လၢ အဲၤကူပတူးအပူၤ, ²² တၢ်လီၤလးတဖၣ်လၢစီၤဃၣ်အ ကီၢ်ပူၤ, တၢ်ပျံၤတၢ်အလီၢ်လၢပီၣ်လဲၣ်ဆှဲန့ၣ်လီၤ.

²³ မၤသးဒ်န့ၣ်ဒီးအဝဲဒၣ်စံး, လၢသါကမၤဟးဂီၤအီၤ လီၤ. မ့တမ့ၢ်ဘၣ်အပှၤဃုထၢဖိ, စီၤမိၤရှ့ဆၢထၢၣ်လၢ အမဲာ်ညါလၢတၢ်မၤဟးဂီၤတၢ်အပူၤ, ဒ်သိးအကဘိး ဃၣ်အတၢ်သးထီၣ်လၢအသုတမၤဟးဂီၤတၢ်တဂ့ၤဒီး, ကမၤဝဲလီၤ.

²⁴ ဒီးအဝဲသ့ၣ်တပးကဲဘၣ်ထံမုာ်ကီၢ်ပၢၤဘၣ်, တနာ် ဘၣ်အကလုၢ်ကထါဘၣ်, ²⁵ ဒီးကဒူးကဒ့ၣ်တၢ်လၢအ ဒဲတဖၣ်အပူၤ, တဒိကနၣ်ဘၣ် ယွၤအကလုၢ်ကထါ ဘၣ်, ²⁶ ဒီးယၤထီၣ်ဝဲအစုလၢအလိၤ, ဒ်သိးအကမၤ လီၤဃံၤအီၤလၢပှၢ်မုၢ်ကနၢ, ²⁷ ဒီးမၤလီၤဃံၤအချံအသၣ် လၢပှၤကလုာ်တဖၣ်အကျါ, ဒီးမၤလီၤပြံလီၤပြါအီၤ လၢကီၢ်တဖၣ်အကျါလီၤ.

²⁸ ဒီးအဝဲသ့ၣ်စဲဘူးအသးဒီးဘဧၤလးပဧိၢ်, ဒီးအီၣ်တၢ် သံအတၢ်လုၢ်တဖၣ်လီၤ. ²⁹ ဒီးမၤသးထီၣ်အီၤလၢအတၢ် မၤတဖၣ်, ဒီးတၢ်သံသတြိာ်အိၣ်ထီၣ်လၢအကျါလီၤ.―

³⁰ ဒီးစီၤဖံၤနဃၣ်ဆၢထၢၣ်, ဒီးဒုးဘၣ်အီၤလၢတၢ်စံၣ်ညီၣ်, ဒီးတၢ်သံသတြိာ် အိၣ်ကတီၢ်ဝဲလီၤ. ³¹ ဒီးတၢ်ပာ်တၢ် န့ၣ်လၢအတၢ်တီတၢ်လိၤအဂီၢ်အစိၤစိၤအဃၣ်ဃၣ်လီၤ ထူလီၤယိာ်လီၤ.

³² ဒီးမၤသးထီၣ်အီၤဖဲ ထံမရံၤဘါ, ဒီးစီၤမိၤရှ့ဘၣ်တၢ် အၢလၢအဃိလီၤ. ³³ မ့ၢ်ပှၤမၤကိၢ်မၤဂီၤအသးဒီး, က တိၤကမၣ်ဝဲလၢအပျုၤလီၤ.

³⁴ တမၤဟးဂီၤဘၣ်ပှၤကလုာ်တဖၣ် လၢယွၤစံးတၢ်လၢ

³⁵ အဂ့ၢ်အကျိၤဘၣ်. ဒီးမၤဃါဃုာ်အသးဒီးပှၤကလုာ်တ ဖၣ်, ဒီးမၤလိအတၢ်မၤလီၤ.

³⁶ ဒီးမၤအတၢ်ဂီၤအတၢ်, ဒီးကဲထီၣ်ဝဲလၢ တၢ်ပျံၤသ ကွီၤလၢအဂီၢ်လီၤ. ³⁷ ဒီးလုၢ်အဖိခွါတဖၣ်, ဒီးအဖိမုၣ် တဖၣ်လၢတၢ်နါ, ³⁸ ဒီးလူလီၤတၢ်သွံၣ်လၢ အတၢ်ဒဲး ဘးတအိၣ်ဘၣ်, အဖိခွါဒီးအဖိမုၣ်အသွံၣ်လၢအလုၢ် ထီၣ်လၢကနၤဧၣ်အတၢ်ဂီၤတၢ်ဖီၣ်န့ၣ်လီၤ. ဒီးကီၢ်ဘၣ် တၢ်တကဆှီဘၣ်လၢအသွံၣ်လီၤ. ³⁹ ဒီးတကဆှီဘၣ်ဝဲ လၢအတၢ်မၤအဃိ, ဒီးမၤကမၣ်မုၣ်ကမၣ်ခွါလၢအမၤ တၢ်တဖၣ်န့ၣ်လီၤ.

⁴⁰ ဒီးယွၤအသးထီၣ်ကဲၤထီၣ်ဘၣ်အပှၤဂီၢ်မုၢ်ဒၣ်ဝဲ, ဒီး သးဘၣ်အၢအတၢ်န့ၢ်သါလီၤ. ⁴¹ ဒီးဟ့ၣ်လီၤကွံာ်အီၤဆူ ပှၤကလုာ်တဖၣ်အစုပူၤ, ဒီးပှၤလၢအသးဟ့အီၤတဖၣ် န့ၣ်ပၢအီၤလီၤ. ⁴² ဒီးအဒုၣ်အဒါတဖၣ်န့ၣ် မၤနးမၤဖှီၣ် အီၤ, ဒီးအဝဲသ့ၣ်ဘၣ်တၢ်ဆီၣ်လီၤအီၤ လၢအစုဖီလာ် လီၤ.

⁴³ မၤပူၤမၤဖျဲးအီၤအါဘျီဘၣ်ဆၣ်ဒီး, ပူထီၣ်ဝဲလၢအ ကူၣ်လိာ်အသး, ဒီးဘၣ်တၢ်မၤနးမၤဖှီၣ်အီၤလၢအတၢ် အၢအဃိလီၤ.

⁴⁴ ဘၣ်ဆၣ်ဒီးတုၤအနၢ်ဟူအတၢ်ဃ့ကညးဒီး, ကွၢ်ဝဲ အတၢ်နးတၢ်ဖှီၣ်လီၤ. ⁴⁵ ဒီးသ့ၣ်နီၣ်ထီၣ်က့ၤအတၢ်အၢၣ် လီၤအီလီၤလၢအဂီၢ်, ဒီးပီၢ်ယၢ်လီၤက့ၤအသးဒ်အဘျုး ဒိၣ်အဖှိၣ်အါအသိးန့ၣ်လီၤ. ⁴⁶ ဒီးဒုးဘၣ်အီၤလၢတၢ်သး ကညီၤ လၢကယဲၢ်ပှၤလၢအမၢကဲကုၢ်အီၤ အမဲာ်ညါခဲ လၢာ်လီၤ.

⁴⁷ အုၣ်က့ၤခီၣ်က့ၤပှၤ, ယွၤပကစၢ်ဧၢ, ဒီးထၢဖှိၣ်ပှၤ လၢပှၤကလုာ်တဖၣ်အကျါဒ်သိး ပကစံးထီၣ်ပတြၢၤ နမံၤစီဆှံ, ဒီးပာ်ကဖိပသးလၢနတၢ်စံးထီၣ်ပတြၢၤန့ၣ် အဃိတက့ၢ်.

⁴⁸ မ်ယွၤ, အံၣ်စရ့လးအကစၢ်န့ၣ် ဘၣ်တၢ်စံးထီၣ်ပ တြၢၤလၢကစၢၤကစၢၤအစိၤစိၤအဃၣ်ဃၣ်တက့ၢ်. ဒီး မ်ပှၤဂီၢ်မုၢ်ခဲလၢာ်န့ၣ်စံး, အၤမ့ၣ်, တက့ၢ်. စံးထီၣ်ပတြၢၤယွၤတက့ၢ်.

၁၀၇

¹ စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ဂ့ၤဝဲလီၤ. မ့ၢ်အဘျုးအဖှိၣ်အိၣ်ဝဲလီၤထူလီၤယိာ်အဂ့ၢ်လီၤ.

² မ်ပှၤလၢယွၤပှ့ၤက့ၤအီၤ, ပှၤလၢအပှ့ၤက့ၤလၢဒုၣ်ဒါ အစုအပူၤ, ³ ဒီးဒုးအိၣ်ဖှိၣ်အီၤလၢ ကီၢ်တဖၣ်လၢမုၢ် ထီၣ်, ဒီးလၢမုၢ်နုာ်လၢကလံၤစိး, ဒီးလၢကလံၤထံး န့ၣ်စံးဒ်န့ၣ်တက့ၢ်. ⁴ လဲၤဝ့ၤဝီၤတၢ်လၢပှၢ်မုၢ်ကနၢ, လၢအလီၢ်အိၣ်သယုၢ်အပူၤလီၤ. တထံၣ်န့ၢ်ဘၣ်တၢ်အိၣ်ဝဲဆိးဝဲအဝ့ၢ်ဘၣ်―

⁵ တၢ်သၣ်ဝံၤအသး, ဒီးတၢ်သူအသးလၢထံ, အသးလၢ အပူၤလီၤဘှါဝဲလီၤ.

⁶ ဒီးလၢအဘၣ်တၢ်ကိၢ်တၢ်ဂီၤန့ၣ် ကိးထီၣ်ယွၤလီၤ. အဝဲဒၣ်မၤပူၤမၤဖျဲးအီၤလၢအတၢ်နးတၢ်ဖှီၣ်, ⁷ ဒီးဆှၢ အီၤလၢကျဲလၢအလိၤ ဒ်သိးအကလဲၤဆူတၢ်အိၣ်ဝဲဆိး ဝဲအဝ့ၢ်ပူၤလီၤ.

⁸ မ်ပှၤစံးထီၣ်ပတြၢၤယွၤလၢအဘျုးအဖှိၣ်အဃိ, ဒီးအ တၢ်မၤလီၤလးလၢပှၤကညီဖိအဂီၢ်အဃိန့ၣ်တက့ၢ်.

⁹ အဂ့ၢ်ဒ်အံၤ, ပှၤလၢတၢ်သူအသးလၢထံန့ၣ်ဒုးဘျဲးအီ အီၤ, ဒီးပှၤလၢတၢ်သၣ်ဝံၤအသးန့ၣ် ဒုးဘျဲးအီၣ်အီၤ လၢတၢ်ဂ့ၤလီၤ.

¹⁰ ပှၤလၢအဆ့ၣ်နီၤလၢတၢ်ခံးကျါ, ဒီးလၢတၢ်သံအက ဒုပူၤ, ဘၣ်စၢဃာ်အသးဒီးတၢ်နးတၢ်ဖှီၣ်, ဒီးထးဧိၤ တြၤဧိၤလီၤ. ¹¹ မ့ၢ်အပူထီၣ်ယွၤအကလုၢ်ကထါ, ဒီးတ ပးကဲဘၣ် တၢ်ထီကတၢၢ်တဂၤ အတၢ်ကူၣ်လိာ်တၢ် ဒီး,

¹² အဝဲဒၣ်မၤလီၤဘှါအသး လၢတၢ်မၤအကိၢ်အဂီၤလီၤ. အဝဲသ့ၣ်လီၤဃံၤဝဲ, ဒီးတၢ်မၤစၢၤတအိၣ်ဘၣ်.

¹³ ဒီးတုၤအဘၣ်တၢ်ကိၢ်တၢ်ဂီၤဒီး, ကိးထီၣ်ယွၤ, ဒီး အဝဲဒၣ်အုၣ်က့ၤခီၣ်က့ၤအီၤလၢ အတၢ်နးတၢ်ဖှီၣ်အပူၤ လီၤ. ¹⁴ ဒုးဟးထီၣ်ကွံာ်အီၤလၢတၢ်ခံးကျါ, ဒီးတၢ်သံ အကဒုပူၤ, ဒီးမၤတဲာ်ကွံာ်အပျံၤလီၤ.

¹⁵ မ်ပှၤစံးထီၣ်ပတြၢၤယွၤ လၢအဘျုးအဖှိၣ်အဃိ, ဒီး လၢအတၢ်မၤလီၤလးလၢ ပှၤကညီဖိအဂီၢ်အဃိန့ၣ်တ က့ၢ်. ¹⁶ အဂ့ၢ်ဒ်အံၤ, မၤကၢ်ကွံာ်တြဲၤတိၢ်, ဒီးဒီၣ်တဲာ် ကွံာ်နီၣ်ဘိထးန့ၣ်လီၤ.

¹⁷ ပှၤဟးဂီၤဖိလၢအမၤကမၣ်တၢ်အဃိ, ဒီးလၢအတၢ် အၢအဃိန့ၣ် ဘၣ်တၢ်နးတၢ်ဖှီၣ်လီၤ. ¹⁸ သးဘၣ်အၢ တၢ်အီၣ်ခဲလၢာ်, ဒီးသုးဘူးအသးဆူ တၢ်သံအပဲတရီ တဖၣ်လီၤ.

¹⁹ ဒီးတုၤအဘၣ်တၢ်ကိၢ်တၢ်ဂီၤဒီး, ကိးထီၣ်ယွၤ, ဒီးအ ဝဲဒၣ် အုၣ်က့ၤခီၣ်က့ၤအီၤ လၢအတၢ်နးတၢ်ဖှီၣ်အပူၤ လီၤ. ²⁰ မၢလီၤအကလုၢ်ဒီးမၤဘျါက့ၤအီၤ, ဒီးမၤပူၤမၤ ဖျဲးအီၤလၢတၢ်မၤဟးဂီၤအီၤလီၤ. ²¹ မ်ပှၤစံးထီၣ်ပတြၢၤယွၤလၢအဘျုးအဖှိၣ်အဃိ, ဒီးအ တၢ်မၤလီၤလး လၢပှၤကညီဖိအဂီၢ်အဃိန့ၣ်တက့ၢ်.

²² ဒီးမ်အလုၢ်တၢ်လုၢ်စံးထီၣ်ပတြၢၤ, ဒီးစံၣ်တဲၤတဲလီၤ အမၤတၢ်တဖၣ်ဒီးတၢ်သူၣ်ဖှံသးညီတက့ၢ်.

²³ ပှၤလၢအလဲၤလီၤဆူပီၣ်လဲၣ် လၢကဘီပူၤတဖၣ်န့ၣ်, လၢအမၤတၢ်မၤလၢထံဖးဒိၣ်အပူၤန့ၣ်, ²⁴ ထံၣ်ဘၣ်ယွၤ အတၢ်မၤ, ဒီးအတၢ်လီၤလးလၢထံယိာ်ပူၤလီၤ.

²⁵ အဂ့ၢ်ဒ်အံၤယွၤကတိၤတၢ်, ဒီးကလံၤမုၢ်တွၤအိၣ်ထီၣ် ဒီးမၤဒိၣ်ထီၣ်လပီတဖၣ်လီၤ. ပှၤလဲၤထီၣ်ဝဲဆူမူခိၣ်, လဲၤ လီၤဝဲဆူထံယိာ်ပူၤလီၤ. ²⁶ အသးပှံၢ်လီၤဝဲလၢအဘၣ် တၢ်ကိၢ်တၢ်ဂီၤအဃိလီၤ. ²⁷ လဲၤကပံၢ်ကပၢ်ဝ့ၤဝီၤတၢ်, ဒီး လဲၤကနူၤကပၤဒ်ပှၤအီမူၤသံးအသိးန့ၣ်, ဒီးအတၢ်ကူၣ် သ့လၢာ်ကွံာ်ဝဲခဲလၢာ်လီၤ.

²⁸ ဒီးတုၤအဘၣ်တၢ်ကိၢ်တၢ်ဂီၤဒီး, ကိးထီၣ်ယွၤ, ဒီး အဝဲဒၣ်ဒုးဟးထီၣ်ကွံာ်အီၤလၢ အတၢ်နးတၢ်ဖှီၣ်အပူၤ လီၤ. ²⁹ ဒီးဒုးကဲထီၣ်ကလံၤမုၢ်လၢတၢ်ဂၢၢ်တပၢၢ်, ဒီး အလပီတဖၣ်အိၣ်ဃိကလာ်လီၤ. ³⁰ ဒီးမ့ၢ်တၢ်ဂၢၢ်ထီၣ် န့ၢ်အီၤဒီး, အသူၣ်ခုအသးခုဒီးတၢ်ဆှၢအီၤဒ်န့ၣ်ဆူက ဘီသန့ဖဲအဆၢတုၤဝဲတပူၤန့ၣ်လီၤ.

³¹ မ်ပှၤစံးထီၣ်ပတြၢၤယွၤလၢအဘျုးအဖှိၣ်အဃိ, ဒီးအ တၢ်မၤလီၤလးလၢပှၤကညီဖိအဂီၢ်အဃိန့ၣ်တက့ၢ်. ³² မ် အပာ်ထီၣ်ထီအီၤလၢပှၤဂီၢ်မုၢ်အတၢ်အိၣ်ဖှိၣ်အပူၤ, ဒီး စံးထီၣ်ပတြၢၤအီၤလၢ ပှၤသူၣ်က့သးပှၢ်ဆ့ၣ်နီၤအကျါ တက့ၢ်.

³³ အဝဲဒၣ်ဒုးကဲထီၣ် ထံကျိတဖၣ်လၢပှၢ်မုၢ်ကနၢ, ဒီး ထံထီၣ်ပၢၢ်လၢဟီၣ်ခိၣ်ဃ့, ³⁴ ကီၢ်လၢအသၣ်ထီၣ်တ ဘ့ၣ်လၢအံသၣ်အလီၢ် လၢပှၤလၢအအိၣ်ဝဲဆိးဝဲလၢအ ပူၤတဖၣ်အတၢ်အၢတၢ်သီအဃိလီၤ.

³⁵ ဒုးကဲထီၣ်ပှၢ်မုၢ်ကနၢလၢထံနိၣ်, ဒီးဟီၣ်ခိၣ်ဃ့လၢ ထံထီၣ်ပၢၢ်, ³⁶ ဒီးမၢပှၤတၢ်သၣ်ဝံၤအသးန့ၣ်အိၣ်ဝဲဖဲန့ၣ်, ဒ်သိးအကကတဲာ်ကတီၤတၢ်အိၣ်ဝဲဆိးဝဲအဝ့ၢ်, ³⁷ ဒီးဖှံ တၢ်လၢစံာ်ပူၤ, ဒီးသူၣ်စပံးအလီၢ်လၢအကသၣ်ထီၣ် အတၢ်အါထီၣ်လီၤ.

³⁸ ဒီးဆိၣ်ဂ့ၤဝဲ, ဒီးအဝဲသ့ၣ်အါထီၣ်အါအါကလဲာ်, ဒီး တဒုးစှၤလီၤဘၣ်အဆၣ်ဖိကီၢ်ဖိအဒၢဘၣ်.

³⁹ မၤကဒီးတစုတၢ်မၤစှၤလီၤအီၤ, ဒီးတၢ်ဆီၣ်လီၤအီၤ လၢတၢ်မၤနး, တၢ်မၤအၢ, ဒီးတၢ်မၤကိၢ်မၤဂီၤအဃိ န့ၣ်လီၤ.

⁴⁰ ယွၤလူလီၤတၢ်တရီတပါလၢ ပဒိၣ်ဖးဒိၣ်တဖၣ်အ လိၤ, ဒီးဒုးဟးဝ့ၤဝီၤအီၤလၢတၢ်အိၣ်ကလီအလီၢ်, ဖဲ ကျဲတအိၣ်ဘၣ်လီၤ.

⁴¹ ဒီးပာ်ထီၣ်ထီပှၤဖှီၣ်ဖိယာ်ဖိလၢ တၢ်နးတၢ်ဖှီၣ်အပူၤ, ဒီးပာ်အီၤလၢတၢ်အဒူၣ်တဖၣ်ဒ်သိတဖုအသိးန့ၣ်လီၤ.

⁴² ပှၤအတီအလိၤတဖၣ် ကထံၣ်ဘၣ်ဝဲဒီးသးခု, ဒီး တၢ်အၢတၢ်သီခဲလၢာ်ကျၢၢ်တံာ်အထးခိၣ်လီၤ.

⁴³ ပှၤလၢအကူၣ်တၢ်သ့န့ၣ် ကနၢ်ပၢၢ်တၢ်တဖၣ်အံၤဒီး ကတိၢ်န့ၢ်ယွၤအဘျုးအဖှိၣ်တဖၣ်လီၤ.

၁၀၈

တၢ်သးဝံၣ်စီၤဒၤဝံးအထါ.

¹ ယွၤဧၢ, ယသးအိၣ်ဂၢၢ်ဆိးကျၢၤ, ယကစံးထီၣ်ပတြၢၤ တၢ်, ဒီးယကသးဝံၣ်တၢ်လၢယလၤကပီၤဒၣ်လဲာ်လီၤ.

² ဖုသံနီၣ်ထီၣ်တက့ၢ်, သီတူၢ်ဒီးတနၢ်သ့ၣ်ဧၢ, ယက ထိၣ်ဂဲၤမုၢ်ဆ့ၣ်ဝါန့ၣ်လီၤ. ³ ယကစံးထီၣ်ပတြၢၤနၤလၢ ပှၤဂီၢ်မုၢ်အကျါ, ယွၤဧၢ, ယကသးဝံၣ်ထီၣ်နၤလၢပှၤ ကလုာ်တဖၣ်အကျါလီၤ.

⁴ အဂ့ၢ်ဒ်အံၤ, နဘျုးနဖှိၣ်ဒိၣ်ဝဲလၢမူခိၣ်အဖီခိၣ်, ဒီး နတၢ်မ့ၢ်တၢ်တီပၢၢ်လၢတၢ်အၢၣ်တဖၣ်န့ၣ်လီၤ.

⁵ မ်နဘၣ်တၢ်ပာ်ထီၣ်ထီနၤလၢမူခိၣ်အဖီခိၣ်, ယွၤဧၢ, မ်ပှၤမၤလၤကပီၤနၤလၢ ဟီၣ်ခိၣ်ဒီဘ့ၣ်ညါအဖီခိၣ်တ က့ၢ်.

⁶ ဒ်သိးပှၤလၢနအဲၣ်အီၤကပူၤကဖျဲးဒီး, အုၣ်က့ၤခီၣ်က့ၤ တၢ်လၢနစုထွဲ, ဒီးစံးဆၢပှၤတက့ၢ်.

⁷ ယွၤကတိၤလံတၢ်လၢ အတၢ်စီဆှံအပူၤလံ, ယက သူၣ်ဖှံသးညီလီၤ, ယကနီၤဖးၡက့ၣ်အဆၢ, ဒီးထိၣ် တၢ်ပျီပူၤစူးကိၤသးလီၤ. ⁸ ကံးလဧးမ့ၢ်ယတၢ်, ဒီးမနၤ ရှ့ၤမ့ၢ်ယတၢ်, ဒီးအ့ဖရဲၣ်မ့ၢ်တၢ်တဒီယခိၣ်, ယူဒၤမ့ၢ် ယပှၤဟ့ၣ်တၢ်သိၣ်တၢ်သီ, ⁹ မိၤအးမ့ၢ်ယသ့စီတၢ်အ သရာ်တဖျၢၣ်, ယကကွံာ်တ့ၢ်ယခီၣ်ဖံးလၢအဒိၣ်အဖီ ခိၣ်, ယကသူၣ်ဖှံသးညီလၢဖလ့ၡသးအဖီခိၣ်လီၤ.

¹⁰ မ့ၢ်မတၤကဒုးလဲၤနုာ်ယၤဆူ ဝ့ၢ်အိၣ်ဒီးအခိၣ်ဒူတဂၤ လဲၣ်. မ့ၢ်မတၤကဆှၢယၤဆူအဒိၣ်တဂၤလဲၣ် ¹¹ နဲဒၣ်, ပှၤလၢအညိကွံာ်ပှၤတမ့ၢ်ဘၣ်ဧါ, ကစၢ်ဧၢ, ဒီးပှၤလၢ အတလဲၤထီၣ်ဘၣ်ဒီးပသုးမုၢ်, ယွၤဧၢ.

¹² လၢတၢ်မၤကိၢ်မၤဂီၤအပူၤန့ၣ် မၤစၢၤပှၤတက့ၢ်. အ ဂ့ၢ်ဒ်အံၤ, ပှၤကညီအတၢ်အုၣ်က့ၤခီၣ်က့ၤန့ၣ် မ့ၢ်တၢ် ကလီကလီလီၤ. ¹³ ပကမၤတၢ်ဒီးတၢ်ဂံၢ်ဆူၣ်ဘါဆူၣ် လၢယွၤလီၤ. အဂ့ၢ်ဒ်အံၤ အဝဲဒၣ်န့ၣ်ကယီၢ်တံၢ်လီၤ ပဒုၣ်ပဒါလီၤ.

၁၀၉

စီၤဒၤဝံးအထါလၢတၢ်အခိၣ်အဂီၢ်.

¹ အိၣ်ဘှီၣ်ကလာ်တဂ့ၤ, ယတၢ်စံးထီၣ်ပတြၢၤအက စၢ်ဧၢ. ² အဂ့ၢ်ဒ်အံၤ, ပှၤတတီတလိၤအထးခိၣ်ဒီးပှၤ လီတၢ်အထးခိၣ်န့ၣ် အဲးထီၣ်အသး လၢယလိၤလီၤ. ကတိၤထီဒါယၤလၢအပျ့ၤကဘျံးကဘျၣ်လီၤ. ³ အိၣ်ဝး တရံးယၤလၢတၢ်သးဟ့အတၢ်ကတိၤ, ဒီးဒုးတၢ်ဒီးယၤ ကလီကလီလီၤ.

⁴ လၢယတၢ်အဲၣ်အဂီၢ်န့ၣ် ကဲထီၣ်လၢ ယဒုၣ်ယဒါ, ဘၣ်ဆၣ်ဒီး ယဟ့ၣ်လီၤယသးလၢ တၢ်ဘါထုကဖၣ် လီၤ. ⁵ ဒီးပာ်တၢ်အၢလၢယလိၤလၢတၢ်ဂ့ၤအဂီၢ်, ဒီး တၢ်သးဟ့လၢယတၢ်အဲၣ်အဂီၢ်လီၤ.

⁶ ပာ်ပှၤတတီတလိၤလၢအဖီခိၣ်တက့ၢ်, ဒီးမ်တၢ်အ ဒုၣ်အဒါဆၢထၢၣ်လၢအစုထွဲတက့ၢ်. ⁷ တုၤအဘၣ်တၢ် စံၣ်ညီၣ်ဒီး, မ်တၢ်ပာ်အီၤလၢပှၤတတီတလိၤတက့ၢ်, ဒီးမ်အတၢ်ထုကဖၣ်ကဲထီၣ်တၢ်ဒဲးဘးတက့ၢ်. ⁸ မ်အနံၤ အသီအိၣ်စှၤဝဲတက့ၢ်. မ်ပှၤဂၤထီၣ်ဘးအကွၢ်တၢ်အ လီၢ်တက့ၢ်. ⁹ မ်အဖိတဖၣ်ကဲထီၣ်ပှၤဖိၣ်ဃဲ, ဒီးအမါ လၢပှၤမုၣ်ကမဲတက့ၢ်. ¹⁰ မ်အဖိတဖၣ် ဟးဝ့ၤဝီၤတၢ်, ဒီးဃ့အီၣ်တၢ်, ဒီးဃုတၢ်လၢ အလီၢ်အိၣ်သယုၢ်အပူၤ တက့ၢ်.

¹¹ မ်ကမၢ်အကစၢ်န့ၣ် မၤန့ၢ်ကယဲၢ်တၢ်အိၣ်ဒီးအီၤခဲ လၢာ်တက့ၢ်. ဒီးမ်ပှၤတခီဘီမုၢ်န့ၣ် ဂုာ်န့ၢ်အတၢ်မၤ တက့ၢ်. ¹² မ်ပှၤမၤဘျုးမၤဖှိၣ်အီၤန့ၣ်အသုတအိၣ်တဂ့ၤ, ဒီးမ်ပှၤသးကညီၤအဖိဖိၣ်ဃဲန့ၣ် အသုတအိၣ်တဂ့ၤ.

¹³ မ်အစၢၤအသွဲၣ်န့ၣ်ဘၣ်တၢ်ဒီၣ်တဲာ်ကွံာ်အီၤတက့ၢ်. မ် အမံၤဘၣ်တၢ်တြူၢ်ကွံာ်အီၤလၢပှၤလၢခံလၢလာ်တစိၤ အကျါတက့ၢ်. ¹⁴ မ်ယွၤသ့ၣ်နီၣ်ထီၣ်က့ၤအပၢ်တဖၣ်အ တၢ်အၢန့ၣ်တက့ၢ်. ဒီးမ်အမိၢ်အတၢ်ဒဲးဘးသုတဘၣ် တၢ်တြူာ်ကွံာ်အီၤတဂ့ၤ. ¹⁵ မ်အအိၣ်လၢယွၤအမဲာ်ညါ တထံၣ်ဃီ, ဒ်သိးအကဒီၣ်တဲာ်ကွံာ် အတၢ်သ့ၣ်နီၣ် ထီၣ်က့ၤအီၤလၢဟီၣ်ခိၣ်ချၢတက့ၢ်.

¹⁶ အဂ့ၢ်ဒ်အံၤ, တသ့ၣ်နီၣ်ထီၣ်မၤတၢ်ဘျုးတၢ်ဖှိၣ်ဘၣ်. ဒီးမၤအၢပှၤဘၣ်နးဘၣ်ဖှီၣ်, ဒီးပှၤဖှီၣ်ဖိယာ်ဖိ, ဒီးပှၤ အသူၣ်ကၢ်အသးလီၤန့ၣ်, ဒ်သိးအကမၤသံအီၤလီၤ. ¹⁷ ဒီးအဲၣ်ဒိးဝဲလၢတၢ်ဆိၣ်အၢဒီး, အဝဲန့ၣ်ဘၣ်ကဒါက့ၤ အီၤလီၤ. ဒီးတဘၣ်ဘၣ်အသးလၢတၢ်ဆိၣ်ဂ့ၤဘၣ်ဒီး, အိၣ်ယံၤဝဲဒီးအီၤလီၤ. ¹⁸ ဒီးသိးတၢ်ဆိၣ်အၢဒ်ဆ့တဘ့ၣ် အသိး, ဒီးအဝဲန့ၣ်ဟဲနုာ်လၢအဟၢဖၢပူၤ ဒ်ထံအသိး န့ၣ်, ဒီးလၢအဃံပူၤဒ်သိအသိးန့ၣ်လီၤ. ¹⁹ မ်အကဲထီၣ် လၢအဂီၢ်ဒ်ယၣ်လၢအကၤဝဲအသိး, ဒီးဒ်အယီၢ်တကိး လၢအကံၢ်တူာ် အယီၢ်ဒ့တထံၣ်ဃီအသိးန့ၣ်တက့ၢ်.―

²⁰ မ်တၢ်န့ၣ်ကဲထီၣ်ပှၤထီဒါယၤ, ဒီးပှၤလၢအစံးအၢယသး တဖၣ်အဘူးအလဲ လၢယွၤအစုပူၤန့ၣ်တက့ၢ်.

²¹ ဒီးနဲဒၣ်, ယွၤကစၢ်ဧၢ, မၤတၢ်လၢယဂီၢ်လၢနမံၤအ ဃိန့ၣ်တက့ၢ်. မ့ၢ်နဘျုးနဖှိၣ်ဂ့ၤဝဲဒီး, မၤပူၤမၤဖျဲးယၤ တက့ၢ်.

²² အဂ့ၢ်ဒ်အံၤ, ယဲဒၣ်အံၤ, ယမ့ၢ်ပှၤဘၣ်နးဘၣ်ဖှီၣ်, ဒီး ပှၤဖှီၣ်ဖိယာ်ဖိ, ဒီးယသးဘၣ်ဆဲးလၢယပူၤလီၤ. ²³ ယ ဘၣ်လဲၤတၢ် ဒ်တၢ်အကဒုလၢအမၤထီထီၣ်အသးအဖၢ မုၢ်အသိးန့ၣ်လီၤ. ယဘၣ်တၢ်ဟီထီၣ်ကွံာ်ယၤဒ်ဒွဲၣ်အၢ် ဘၤအသိးန့ၣ်လီၤ. ²⁴ ယခီၣ်လ့ၢ်ခိၣ်ကနိးလၢ တၢ်ဒုၣ် တၢ်အီၣ်အဃိ, ဒီးယညၣ်ဃဲၤလီၤလၢတၢ်ဘီၣ်တအိၣ် ဘၣ်အဃိလီၤ. ²⁵ ဒီးယကဲထီၣ်တၢ်ဒုၣ်ဒွဲၣ်အလီၢ်လၢ အဂီၢ်လီၤ. ကွၢ်ယၤတကူၢ်သ့ၣ်, ကျၢၢ်ကျာ်အခိၣ်လီၤ.

²⁶ မၤစၢၤယၤ, ယွၤယကစၢ်ဧၢ, အုၣ်က့ၤခီၣ်က့ၤယၤဒ် နဘျုးနဖှိၣ်အသိးန့ၣ်တက့ၢ်. ²⁷ ဒ်သိးပှၤကသ့ၣ်ညါလၢ တၢ်အံၤမ့ၢ်နစု, လၢနမၤအီၤလီၤ, ယွၤဧၢ.

²⁸ အဝဲသ့ၣ်ကဆိၣ်အၢဒၣ်ဝဲ, မ့မ့ၢ်နဲဒၣ်အံၤဆိၣ်ဂ့ၤတၢ် တက့ၢ်. အဝဲသ့ၣ်ဂဲၤဆၢထၢၣ်ဝဲဒီး, မ်အမဲာ်ဆှးတ က့ၢ်. မ့မ့ၢ်နခ့နပှၤန့ၣ်မ်အသးခုတက့ၢ်. ²⁹ မ်ပှၤထီဒါ ယၤတဖၣ်န့ၣ် ကသိးတၢ်မဲာ်ဆှး, ဒီးလုးဘၢအသး လၢတၢ်မဲာ်ဆှးဒ်လၢယၣ်တဘ့ၣ်အသိးန့ၣ်တက့ၢ်.

³⁰ ယကစံးထီၣ်ပတြၢၤယွၤ လၢယထးခိၣ် အါအါက လဲာ်ဒီးလၢပှၤအါဂၤအကျါန့ၣ် ယကစံးထီၣ်ပတြၢၤအီၤ လီၤ. ³¹ အဂ့ၢ်ဒ်အံၤ, ကဆၢထၢၣ်လၢပှၤဖှီၣ်ဖိယာ်ဖိအ စုထွဲဒ်သိးအကအုၣ်က့ၤခီၣ်က့ၤအီၤလၢ ပှၤလၢအက စံၣ်ညီၣ်ဃၣ်အသးအစုပူၤလီၤ.

၁၁၀

စီၤဒၤဝံးအထါ.

¹ ယွၤစံးဘၣ်ယကစၢ်, ဆ့ၣ်နီၤလၢယစုထွဲတုၤယပာ် နဒုၣ်နဒါလၢ နခီၣ်ယီၢ်လီၢ်န့ၣ်တက့ၢ်. ² ယွၤကယူာ် ထီၣ် နစိနကမီၤအနီၣ်ထိးဘိလၢစံယိၣ်အပူၤလီၤ. ပၢ တၢ်လၢနဒုၣ်နဒါအကျါတက့ၢ်.

³ လၢနစိနကမီၤအမုၢ်နံၤအပူၤ နပှၤဂီၢ်မုၢ်ကဟ့ၣ်ဒၣ် အသးလီၤ. လၢတၢ်စီဆှံအတၢ်ဃံတၢ်လၤလၢမုၢ်ဂီၤအ ဒၢလီၢ်ပူၤန့ၣ်, နကအိၣ်ဒီးနဖိၣ်သၣ်ခွါထီၣ်အပစီၤထံ လီၤ.

⁴ ယွၤဆိၣ်လံတၢ်လံ, ဒီးတပီၢ်ယၢ်လီၤက့ၤဘၣ်အသး ဘၣ်, နမ့ၢ်ပှၤလုၢ်တၢ်အဒိၣ်လီၤထူလီၤယိာ်ဒ်စီၤမးလ ကံစဒ့းအလုၢ်အလၢ်အသိးန့ၣ်လီၤ.

⁵ လၢအသးထီၣ်အမုၢ်နံၤန့ၣ် ယွၤလၢနစုထွဲတဂၤန့ၣ် ကကျီကွံာ်စီၤပၤတဖၣ်, ⁶ ကစံၣ်ညီၣ်တၢ်လၢပှၤကလုာ် တဖၣ်အကျါ, ကမၤပှဲၤတၢ်လၢပှၤအစိၣ်, ကကျီကွံာ် ပှၤအခိၣ်လၢကီၢ်အါဘ့ၣ်အဖီခိၣ်လီၤ.

⁷ ကအီတၢ်လၢထံကျိလၢကျဲန့ၣ် ဒီးကမိာ်ထီၣ်အခိၣ် လီၤ.

၁၁၁

¹ စံးထီၣ်ပတြၢၤယွၤတက့ၢ်. ယကသးဝံၣ်ထီၣ်ယွၤလၢယသးဒီဖျၢၣ်ညါ လၢပှၤအ သးလိၤအတၢ်ကူၣ်လိာ်, ဒီးလၢတၢ်အိၣ်ဖှိၣ်အပူၤလီၤ.

² ယွၤအမၤတၢ်တဖၣ်န့ၣ်ဒိၣ်ဝဲ, ဘၣ်တၢ်ဃုကွၢ်အီၤ လၢကယဲၢ်ပှၤလၢအဘၣ်အသးလၢအီၤခဲလၢာ်လီၤ.

³ အတၢ်မၤတၢ်န့ၣ်မ့ၢ်တၢ်အဃံအလၤ ဒီးအလၤအက ပီၤ, ဒီးအတၢ်တီတၢ်လိၤ အိၣ်ဂၢၢ်ဆိးကျၢၤလီၤစိၤလီၤ ထီလီၤ.

⁴ ဒုးသ့ၣ်နီၣ်ထီၣ်က့ၤ အတၢ်လီၤလးတဖၣ်လီၤ. ယွၤ သးကညီၤတၢ်, ဒီးသးအိၣ်တၢ်လီၤ.

⁵ ဟ့ၣ်လီၤတၢ်ဂုာ်န့ၢ်လၢပှၤလၢအပျံၤအီၤ, ကသ့ၣ်နီၣ် ထီၣ်က့ၤအတၢ်အၢၣ်လီၤအီလီၤ လီၤထူလီၤယိာ်လီၤ.

⁶ ဒုးနဲၣ်အမၤတၢ်အစိအကမီၤလၢအပှၤဂီၢ်မုၢ်, ဒ်သိး အကဟ့ၣ်လီၤအီၤလၢ ပှၤအကလုာ်တဖၣ် အတၢ်န့ၢ် သါန့ၣ်လီၤ.

⁷ အမၤတၢ်လၢအစုန့ၣ် မ့ၢ်တၢ်မ့ၢ်တၢ်တီ, ဒီးတၢ်စံၣ် ညီၣ်တီလီၤ. ကယဲၢ်အတၢ်မၤလိာ်န့ၣ် မ့ၢ်တၢ်တီတၢ် လိၤခဲလၢာ်လီၤ. ⁸ အိၣ်ဂၢၢ်ဆိးကျၢၤဝဲလီၤထူလီၤယိာ် လီၤ. မၤအသးလၢတၢ်မ့ၢ်ဒီးတၢ်တီအပူၤလီၤ.

⁹ မၢလီၤတၢ်ပှ့ၤက့ၤတၢ်ဆူ အပှၤဂီၢ်မုၢ်အအိၣ်လီၤ. မၤ လိာ်အတၢ်အၢၣ်လီၤအီလီၤ လီၤထူလီၤယိာ်လီၤ. အ မံၤမ့ၢ်တၢ်စီဆှံ, ဒီးတၢ်ပျံၤအလီၢ်လီၤ.

¹⁰ တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ် ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ် ပၢၢ်တၢ်ဧ့ၢ်ဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ် ဆိးကျၢၤလီၤစိၤလီၤထီလီၤ.

၁၁၂

¹ စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, လၢအ သးခုဒိၣ်ဒိၣ်ကလဲာ်လၢအတၢ်မၤလိာ်န့ၣ်ဘၣ်ဆိၣ်ဂ့ၤဝဲ လီၤ. ² အချံအသၣ်ကဆူၣ်ထီၣ်လၢဟီၣ်ခိၣ်ချၢ, ပှၤအ တီအလိၤတစိၤန့ၣ် ကဘၣ်တၢ်ဆိၣ်ဂ့ၤဝဲလီၤ. ³ တၢ်ဖိ တၢ်လံၤ, ဒီးတၢ်အစုလီၢ်အခီၣ်ခိၣ် အိၣ်ဝဲလၢအဟံၣ် ပူၤ, ဒီးအတၢ်တီတၢ်လိၤ အိၣ်ဂၢၢ်ဆိးကျၢၤလီၤထူလီၤ ယိာ်လီၤ.

⁴ တၢ်ကပီၤထီၣ်လၢတၢ်ခံးကျါလၢ ပှၤအတီအလိၤအ ဂီၢ်လီၤ. သးကညီၤတၢ်, ဒီးသးအိၣ်တၢ်, ဒီးတီဝဲလိၤ ဝဲလီၤ.

⁵ ပှၤကညီအဂ့ၤတဂၤန့ၣ်သးကညီၤတၢ်, ဒီးဒုးလိၢ်တၢ် လီၤ. မၤနၢၤတၢ်လၢတၢ်စံၣ်ညီၣ်လီၤ. ⁶ အဂ့ၢ်ဒ်အံၤ, တဟူးတဝးဘၣ်လီၤထူလီၤယိာ်ဘၣ်. ပှၤအတီအလိၤ ကဘၣ်တၢ်သ့ၣ်နီၣ်ထီၣ်က့ၤအီၤလီၤထူလီၤယိာ်လီၤ.

⁷ တဘၣ်ယိၣ်ဘၣ် တၢ်အကစီၣ်အအၢဘၣ်. အသး အိၣ်ဂၢၢ်ဆိးကျၢၤဒီးသန့ၤအသးလၢယွၤလီၤ.

⁸ အသးအိၣ်ဂၢၢ်ဆိးကျၢၤဝဲ, တပျံၤဘၣ်တၢ်တုၤလီၤ လၢအထံၣ်ဘၣ် တၢ်ဘၣ်အသးလၢအဒုၣ်အဒါအလိၤ လီၤ. ⁹ မၤလီၤပြံလီၤပြါတၢ်, ဟ့ၣ်နီၤတၢ်လၢပှၤဖှီၣ်ဖိ ယာ်ဖိလီၤ. အတၢ်တီတၢ်လိၤအိၣ်ဂၢၢ်ဆိးကျၢၤ လီၤ ထူလီၤယိာ်လီၤ. အနၢၤအိၣ်ထီၣ်ထီလၢ တၢ်လၤတၢ် ကပီၤအပူၤလီၤ.

¹⁰ ပှၤတတီတလိၤန့ၣ် ကထံၣ်ဘၣ်ဝဲဒီးအသူၣ်ကကိၢ် အသးကဂီၤလီၤ. ကအ့ၣ်သဃံးအမဲ, ဒီးကပှံၢ်ကွံာ်ဝဲ လီၤ. ပှၤတတီတလိၤအသးကွံတၢ်န့ၣ် ကတုၤဝဲလၢ တၢ်ဟးဂီၤလီၤ.

၁၁၃

¹ စံးထီၣ်ပတြၢၤယွၤတက့ၢ်. စံးထီၣ်ပတြၢၤတၢ်, ယွၤ အခ့အပှၤသ့ၣ်ဧၢ, စံးထီၣ်ပတြၢၤယွၤအမံၤတက့ၢ်.

² တုၤအံၤဆူညါမ်ယွၤအမံၤ ဘၣ်တၢ်စံးထီၣ်ပတြၢၤလီၤ ထူလီၤယိာ်တက့ၢ်. ³ လၢမုၢ်ထီၣ်တုၤလၢမုၢ်နုာ်န့ၣ်ယွၤ အမံၤမ့ၢ်တၢ်စံးထီၣ်ပတြၢၤအလီၢ်လီၤ.

⁴ ယွၤအိၣ်ထီၣ်ထီလၢပှၤကိးကလုာ်ဒဲးအဖီခိၣ်လီၤ. အ လၤအကပီၤအိၣ်ဝဲလၢ မူခိၣ်အဖီခိၣ်လီၤ.

⁵ မ့ၢ်မတၤမၤသး ဒ်ယွၤပကစၢ်အသိးလၢအအိၣ်ဝဲဆိး ဝဲလၢအလီၢ်ထီၣ်ထီန့ၣ်တဂၤလဲၣ်. ⁶ ဆီၣ်လီၤအသးဒ် သိးအကကွၢ်လီၤတၢ်လၢမူခိၣ်ဒီးလၢဟီၣ်ခိၣ်ချၢလီၤ.

⁷ ဒုးထီၣ်ထီပှၤဘၣ်ဖှီၣ်ဘၣ်ယာ်လၢ ဟီၣ်ခိၣ်အကမူၣ် ပူၤ, ပာ်ထီၣ်ထီပှၤဖှီၣ်ဖိယာ်ဖိလၢတၢ်ကမှံၤအပူၤ, ⁸ ဒ် သိးအကဒုးအိၣ်ဒုးဆိးအီၤဒီး ပဒိၣ်ဖးဒိၣ်တဖၣ်, ဒီးအ ပှၤဂီၢ်မုၢ်အပဒိၣ်ဖးဒိၣ်တဖၣ်လီၤ.

⁹ ဒုးအိၣ်ဒုးဆိး ပိာ်မုၣ်တူာ်ဖိဒီးအဟံၣ်ဖိ, ဒုးကဲထီၣ် အီၤလၢဖိဒံဖိသၣ်အမိၢ်လၢအသးခုဝဲတဂၤလီၤ. စံးထီၣ်ပတြၢၤယွၤတက့ၢ်.

၁၁၄

¹ တုၤအံၣ်စရ့လးဟးထီၣ်ကွံာ်လၢ အဲၤကူပတူးအပူၤ, စီၤယၤကိာ်အပှၤဟံၣ်ဖိလၢပှၤဂီၢ်မုၢ်အိၣ်ဒီး ပှၤတခီဘီ မုၢ်ဖိအကျိာ်ဒီး, ² ယူဒၤမ့ၢ်အလီၢ်စီဆှံ, အံၣ်စရ့လး န့ၣ်မ့ၢ်အလီၢ်လၢအပၢဝဲလီၤ.

³ ပီၣ်လဲၣ်ထံၣ်ဘၣ်ဝဲ, ဒီးဃ့ၢ်ကွံာ်, ဒီးယၢ်ဒ့ၣ်ဂုၤက့ၤ ခံ, ⁴ ကစၢၢ်တဖၣ်စံၣ်တၢ်ဒ်သိဖါအသိး, တၢ်စိခိၣ်န့ၣ် ဒ်သိဖိအသိးန့ၣ်လီၤ.

⁵ ပီၣ်လဲၣ်ဧၢ, မ့ၢ်မနုၤဘၣ်နၤလၢနဃ့ၢ်လဲၣ်. ယၢ်ဒ့ၣ် ဧၢ, ဘၣ်မနုၤလၢနဂုၤက့ၤနခံလဲၣ်. ⁶ ကစၢၢ်သ့ၣ်ဧၢ, သုစံၣ်တၢ်ဒ်သိဖါအသိး, တၢ်စိခိၣ်သ့ၣ်ဧၢ, ဒ်သိဖိအ သိးန့ၣ်ဘၣ်မနုၤလဲၣ်.

⁷ ကနိးလၢယွၤအမဲာ်ညါ, ဟီၣ်ခိၣ်ဧၢ, လၢယၤကိာ် အကစၢ်အမဲာ်ညါ, ⁸ ပှၤလၢအဒုးကဲထီၣ်လၢၢ်လၢထံ နိၣ်တဖၣ်, လၢၢ်ကိၤန့ၣ်လၢထံထီၣ်ပၢၢ်န့ၣ်တဂၤ အ မဲာ်ညါတက့ၢ်.

၁၁၅

¹ လၢပှၤပဝဲတမ့ၢ်ဘၣ်, ယွၤဧၢ, လၢပှၤပဝဲတမ့ၢ်ဘၣ်, မ့မ့ၢ်ပာ်တၢ်လၤကပီၤလၢနမံၤဒၣ်နဲ, လၢနဘျုးနဖှိၣ်ဒီး နတၢ်မ့ၢ်တၢ်တီအဃိန့ၣ်တက့ၢ်.

² ပှၤကလုာ်တဖၣ်ကစံး, အကစၢ်အိၣ်ဖဲလဲၣ်န့ၣ်မ့ၢ်အ ဘၣ်မနုၤလဲၣ်. ³ ပကစၢ်အိၣ်လၢမူခိၣ်န့ၣ်လီၤ. ဒီးဖဲ ဒၣ်အသးန့ၣ်မၤဒၣ်ဝဲလီၤ.

⁴ အဝဲသ့ၣ်အတၢ်ဂီၤတၢ်ဖီၣ်န့ၣ် မ့ၢ်ကျိၣ်ဧိၤစ့ဧိၤဒီးထူ ဧိၤလွဲဧိၤလီၤ. မ့ၢ်ပှၤကညီအတၢ်မၤလၢအစုလီၤ.

⁵ အထးခိၣ်အိၣ်, ဒီးတကတိၤဘၣ်တၢ်ဘၣ်, အမဲာ် သၣ်အိၣ်, ဒီးတထံၣ်ဘၣ်တၢ်ဘၣ်, ⁶ အနၢ်အိၣ်, ဒီး တနၢ်ဟူဘၣ်တၢ်ဘၣ်. အနါဒ့အိၣ်, ဒီးတနၢဘၣ်တၢ် ဘၣ်. ⁷ အစုအိၣ်, ဒီးတဟံးဘၣ်တၢ်ဘၣ်. အခီၣ်အိၣ်, ဒီးတဟးဘၣ်ဝဲဘၣ်. တၢ်ကတိၤတထီၣ်ဖျဲးဘၣ်လၢအ ကိာ်ပူၤဘၣ်. ⁸ ပှၤတ့အီၤတဖၣ်, ပှၤသန့ၤအသးလၢ အီၤကိးဂၤဒဲးန့ၣ်, မၤသးဒ်အဝဲန့ၣ်အသိးလီၤ.

⁹ အံၣ်စရ့လးဧၢ, သန့ၤသုသးလၢယွၤတက့ၢ်. အတၢ် မၤစၢၤ, ဒီးအကတီၤတဘ့ၣ်မ့ၢ်အဝဲဒၣ်န့ၣ်လီၤ.

¹⁰ အၤဟရိၣ်အပှၤဟံၣ်ဖိသ့ၣ်ဧၢ, သန့ၤသုသးလၢယွၤ တက့ၢ်. အတၢ်မၤစၢၤ, ဒီးအကတီၤတဘ့ၣ်မ့ၢ်အဝဲဒၣ် န့ၣ်လီၤ.

¹¹ ပှၤလၢအပျံၤယွၤသ့ၣ်ဧၢ, သန့ၤသုသးလၢယွၤတက့ၢ်. အတၢ်မၤစၢၤ, ဒီးအကတီၤတဘ့ၣ်မ့ၢ်အဝဲဒၣ်န့ၣ်လီၤ.

¹² ယွၤသ့ၣ်နီၣ်ထီၣ်က့ၤပှၤလံ, ကဆိၣ်ဂ့ၤပှၤလီၤ. က ဆိၣ်ဂ့ၤပှၤအံၣ်စရ့လးအဟံၣ်ဖိ, ကဆိၣ်ဂ့ၤအၤဟရိၣ်အ ပှၤဟံၣ်ဖိလီၤ. ¹³ ကဆိၣ်ဂ့ၤပှၤလၢအပျံၤယွၤဒီးဒိၣ်ဒီးဆံး လီၤ. ¹⁴ မ်ယွၤမၤအါထီၣ်သု, သုဝဲဒီးသုဖိသုလံၤတ က့ၢ်. ¹⁵ မ်ယွၤလၢအတ့လီၤမူခိၣ်ဒီးဟီၣ်ခိၣ်အံၤ, ဆိၣ် ဂ့ၤသုတက့ၢ်. ¹⁶ မူခိၣ်န့ၣ်မ့ၢ်ယွၤအမူခိၣ်လီၤ. မ့မ့ၢ်ဟီၣ် ခိၣ်အံၤဟ့ၣ်လီၤဝဲလၢပှၤကညီလီၤ.

¹⁷ ပှၤသံတ့ၢ်, ဒီးပှၤလၢအယုၢ်လီၤဆူတၢ်အိၣ်ဘှီၣ်က လာ်အပူၤသ့ၣ်တဖၣ်န့ၣ်တစံးထီၣ်ပတြၢၤဘၣ်ယွၤဘၣ်.

¹⁸ မ့မ့ၢ်ပဝဲဒၣ်အံၤ တုၤအံၤဆူညါ ပကစံးထီၣ်ပတြၢၤ ယွၤလီၤထူလီၤယိာ်လီၤ. စံးထီၣ်ပတြၢၤယွၤတက့ၢ်.

၁၁၆

¹ ယအဲၣ်ယွၤကွံယွၤလီၤ. အဂ့ၢ်ဒ်အံၤ, ကနၣ်ယကလုၢ်, ဒီးယတၢ်ဃ့ကညးလီၤ. ² မ့ၢ်အဒိကနၣ်ယကလုၢ်ဒီး ယကကိးထီၣ်အီၤတစိၤဒၣ်ယၤလီၤ.

³ တၢ်သံအပျံၤအိၣ်ဝးတရံးယၤ, ဒီးပျုၤပူၤအတၢ်ကိၢ် တၢ်ဂီၤန့ၣ်ထံၣ်န့ၢ်ယၤလီၤ. ယထံၣ်န့ၢ်တၢ်ကိၢ်တၢ်ဂီၤ ဒီးတၢ်သူၣ်အုးသးအုးလီၤ. ⁴ ဒီးယကိးထီၣ်ယွၤအမံၤ, ယွၤဧၢ, မၤထူၣ်ဖျဲးလၢ်ယသးတက့ၢ်.

⁵ ယွၤသးကညီၤတၢ်ဒီးတီဝဲလိၤဝဲ, မ့ၢ်မးပကစၢ်သး အိၣ်တၢ်လီၤ.

⁶ ယွၤအံးက့ၤကွၢ်က့ၤ ပှၤလၢအတမၤလိဘၣ်တၢ်ဘၣ် လီၤ. ယဘၣ်တၢ်ဆီၣ်လီၤယၤ, ဒီးအုၣ်က့ၤခီၣ်က့ၤ ယၤလီၤ.

⁷ ယသးယဲဧၢ, က့ၤက့ၤဆူနတၢ်အိၣ်ဘှံးတက့ၢ်. အ ဂ့ၢ်ဒ်အံၤ, ယွၤမၤဂ့ၤလံနၤလံ. ⁸ အဂ့ၢ်ဒ်အံၤ, နမၤပူၤ ဖျဲးယသးလၢတၢ်သံ, ယမဲာ်လၢမဲာ်ထံ, ယခီၣ်လၢတၢ် ဘၣ်တိၢ်န့ၣ်လီၤ. ⁹ ယကလဲၤတၢ်လၢယွၤအမဲာ်ညါလၢ ကီၢ်မူအပူၤလီၤ.

¹⁰ ယနာ်တၢ်သတးဒီးယကတိၤတၢ်လီၤ. ယဲဒၣ်အံၤယ ဘၣ်တၢ်နးတၢ်ဖှီၣ်ဒိၣ်မးလီၤ. ¹¹ လၢယဘၣ်တၢ်ကိၢ်တၢ် ဂီၤအပူၤန့ၣ်, ယစံးပှၤကညီမ့ၢ်ပှၤကတိၤကဘျံးကဘျၣ် တၢ်ခဲလၢာ်လီၤ.

¹² ယကဟ့ၣ်ကၣ်ယွၤလၢ အမၤဂ့ၤယၤတဂၤလၢတၢ်ခဲ လၢာ်အဃိန့ၣ်လၢမနုၤတမံၤလဲၣ်.

¹³ ယကဟံးန့ၢ်တၢ်အုၣ်က့ၤခီၣ်က့ၤအလီခီဒီး ကိးထီၣ် ယွၤအမံၤလီၤ. ¹⁴ ယကမၤဘူၣ်ယွၤလၢတၢ်ဘၣ်ဃးဒီး ယဆိၣ်တၢ်လၢ အပှၤဂီၢ်မုၢ်ခဲလၢာ်အမဲာ်ညါ ခဲကနံၣ် အံၤလီၤ.

¹⁵ အပှၤစီဆှံတဖၣ်သံန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယွၤ အမဲာ်ညါလီၤ.

¹⁶ ယဲဒၣ်အံၤယမ့ၢ်နခ့နပှၤနီၢ်နီၢ်, ယွၤဧၢ, ယမ့ၢ်နခ့န ပှၤ, နခ့နပှၤပိာ်မုၣ်အဖိခွါ, နဃ့ၣ်လီၤပျံၤစၢဃာ်ယၤလံ.

¹⁷ ယကလုၢ်နၤလၢ တၢ်လုၢ်စံးထီၣ်ပတြၢၤ, ဒီးယက ကိးထီၣ်ယွၤအမံၤလီၤ. ¹⁸ ယကမၤဘူၣ်ယွၤလၢတၢ်ဘၣ် ဃးဒီးယဆိၣ်တၢ်လၢအပှၤဂီၢ်မုၢ်ခဲလၢာ်အမဲာ်ညါခဲက နံၣ်အံၤ, ¹⁹ လၢယွၤအဟံၣ်ဂၢၤပူၤ, လၢနသးကံၢ်ပူၤ, ယရူၤၡလ့ၣ်ဧၢ. စံးထီၣ်ပတြၢၤယွၤတက့ၢ်.

၁၁၇

¹ စံးထီၣ်ပတြၢၤယွၤတက့ၢ်, ပှၤကိးကလုာ်ဒဲးသ့ၣ်ဧၢ. သးဝံၣ်ထီၣ်အီၤတက့ၢ်, ပှၤဂီၢ်မုၢ်ခဲလၢာ်သ့ၣ်ဧၢ.

² အဂ့ၢ်ဒ်အံၤ, အဘျုးအဖှိၣ်အိၣ်လၢပဖီခိၣ်ဒိၣ်မးလီၤ. ဒီး ယွၤအတၢ်မ့ၢ်တၢ်တီအိၣ်ဝဲဆိးဝဲလီၤထူလီၤယိာ်လီၤ. စံးထီၣ်ပတြၢၤယွၤတက့ၢ်.

၁၁၈

¹ စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ဂ့ၤဝဲလီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤထူလီၤယိာ်လီၤ.

² မ်အံၣ်စရ့လးစံး ခဲကနံၣ်အံၤလၢအဘျုးအဖှိၣ်အိၣ်ဝဲ လီၤထူလီၤယိာ်န့ၣ်တက့ၢ်.

³ မ်အၤဟရိၣ် အပှၤဟံၣ်ဖိစံးခဲအံၤ လၢအဘျုးအဖှိၣ် အိၣ်ဝဲလီၤထူလီၤယိာ်န့ၣ်တက့ၢ်.

⁴ မ်ပှၤလၢအပျံၤယွၤစံးခဲအံၤ လၢအဘျုးအဖှိၣ်အိၣ်ဝဲ လီၤထူလီၤယိာ်န့ၣ်တက့ၢ်.

⁵ လၢယဘၣ်တၢ်ကိၢ်တၢ်ဂီၤအပူၤန့ၣ် ယကိးထီၣ်ယွၤ လီၤ. ယွၤစံးဆၢယၤဒီး ပာ်ယၤလၢအလီၢ်ဖးလဲၢ်အပူၤ လီၤ.

⁶ ယွၤအိၣ်လၢယအိၣ်တခီလီၤ. ပှၤကညီကမၤယၤဒ် လဲၣ်ဒ်လဲၣ်န့ၣ်ယတဘၣ်ယိၣ်ဘၣ်. ⁷ ယွၤအိၣ်လၢယ အိၣ်တခီ, လၢပှၤမၤစၢၤယၤအကျါလီၤ. မၤသးဒ်န့ၣ် ဒီး, ယကထံၣ်ယတၢ်အဲၣ်ဒိးလၢပှၤလၢအသးဟ့ယၤ တဖၣ်အလိၤန့ၣ်လီၤ.

⁸ တၢ်ဃ့ၢ်ဆူယွၤအအိၣ်န့ၣ် ဂ့ၤန့ၢ်တၢ်သန့ၤပသးလၢ ပှၤကညီတက့ၢ်လီၤ. ⁹ တၢ်ဃ့ၢ်ဆူယွၤအအိၣ်န့ၣ်ဂ့ၤန့ၢ် တၢ်သန့ၤပသးလၢပဒိၣ်ဖးဒိၣ်တက့ၢ်လီၤ.

¹⁰ ပှၤကလုာ်ခဲလၢာ်အိၣ်ဝးတရံးယၤလီၤ. ယကဒီၣ်တဲာ် ကွံာ်အီၤလၢ ယွၤအမံၤသပှၢ်တၢၢ်လီၤ. ¹¹ အိၣ်ဝးတရံး ယၤ, မ့ၢ်မးအိၣ်ဝးတရံးယၤလီၤ. ယကဒီၣ်တဲာ်ကွံာ် အီၤလၢယွၤအမံၤသပှၢ်တၢၢ်လီၤ. ¹² အိၣ်ဝးတရံးယၤဒ် ကွဲဧိၤကနဲဧိၤအသိးန့ၣ်လီၤ. လီၤပံာ်ဝဲဒ်တၤဆှုၣ်အမ့ၣ် အူအသိးန့ၣ်လီၤ. ယကဒီၣ်တဲာ်ကွံာ်အီၤလၢယွၤအမံၤ သပှၢ်တၢၢ်လီၤ.

¹³ နဆီၣ်လီၤယၤနးမးဒ်သိး ယကလီၤဃံၤဘၣ်ဆၣ်ဒီး ယွၤမၤစၢၤယၤလီၤ. ¹⁴ ယွၤမ့ၢ်ယဂံၢ်ယဘါ, ဒီးယတၢ် သးဝံၣ်, ဒီးကဲထီၣ်ဝဲလၢတၢ်အုၣ်က့ၤခီၣ်က့ၤယၤလီၤ.

¹⁵ တၢ်သူၣ်ခုသးခုဒီး တၢ်အုၣ်က့ၤခီၣ်က့ၤအကလုၢ်န့ၣ် အိၣ်ဝဲလၢပှၤတီပှၤလိၤအဒဲပူၤလီၤ. ယွၤအစုထွဲမၤတၢ် ဒီးအစိအကမီၤလီၤ. ¹⁶ ယွၤအစုထွဲထီၣ်ထီဝဲ, ယွၤအစု ထွဲမၤတၢ်ဒီးအစိအကမီၤလီၤ.

¹⁷ ယတသံဘၣ်, မ့ၢ်ယကမူဒီး စံၣ်တဲၤတဲလီၤယွၤအ တၢ်မၤတဖၣ်လီၤ. ¹⁸ ယွၤသိၣ်ဃီၣ်ယၤနးမးလီၤ. ဘၣ် ဆၣ်ဒီးတဟ့ၣ်လီၤကွံာ်ယၤဆူတၢ်သံဘၣ်.

¹⁹ အိးထီၣ်န့ၢ်ယၤလၢ တၢ်တီတၢ်လိၤအတြဲၤတဖၣ်တ က့ၢ်. ယကလဲၤနုာ်လၢအပူၤ, ယကစံးထီၣ်ပတြၢၤ ယွၤလီၤ. ²⁰ အအံၤမ့ၢ်ယွၤအတြဲၤလၢပှၤတီပှၤလိၤတဖၣ် ကလဲၤနုာ်လၢအပူၤန့ၣ်လီၤ.

²¹ ယကစံးထီၣ်ပတြၢၤနၤလီၤ. အဂ့ၢ်ဒ်အံၤ, နကနၣ် ယကလုၢ်လံဒီးကဲထီၣ်တၢ်အုၣ်က့ၤခီၣ်က့ၤယၤလီၤ.

²² လၢၢ်လၢ ပှၤမၤတၢ်ဖိညိကွံာ်ဝဲတဖျၢၣ်န့ၣ် အိၣ်ကဲ ထီၣ်လၢတၢ်အသနၢၣ်အခိၣ်လံ. ²³ တၢ်မၤအသးအံၤမ့ၢ် လၢယွၤ, ဒီးမ့ၢ်တၢ်လီၤလးလၢပမဲာ်ညါလီၤ.

²⁴ တၢ်လၢမုၢ်တနံၤအံၤ, ယွၤတ့ဝဲလီၤ. ပကသူၣ်ဖှံသး ညီ, ဒီးသူၣ်ခုသးခုလၢအပူၤလီၤ.

²⁵ အုၣ်က့ၤခီၣ်က့ၤတၢ်ခဲကနံၣ်အံၤတက့ၢ်, ယွၤဧၢ. ဒုး ဘီၣ်ထီၣ်ညီထီၣ်လၢ်တၢ်ခဲကနံၣ်အံၤတက့ၢ်, ယွၤဧၢ.

²⁶ ပှၤလၢအဟဲဝဲလၢယွၤအမံၤန့ၣ် မ်အဘၣ်တၢ်ဆိၣ်ဂ့ၤ တက့ၢ်, ပဆိၣ်ဂ့ၤသုလၢယွၤအဟံၣ်ပူၤလီၤ.

²⁷ ယွၤမ့ၢ်ကစၢ်ဒီးဒုးကပီၤထီၣ်ဘၣ်လံပှၤလံ. စၢဃာ် တၢ်လုၢ်လၢတၢ်လုၢ်လီၢ်အနၢၤလၢပျံၤတဖၣ်န့ၣ်တက့ၢ်.

²⁸ နမ့ၢ်ယကစၢ်, ဒီးယကစံးထီၣ်ပတြၢၤနၤ, နမ့ၢ်ယ ကစၢ်, ဒီးယကပာ်ထီၣ်ထီနၤလီၤ.

²⁹ စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ဂ့ၤဝဲလီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤထူလီၤယိာ်လီၤ.

၁၁၉

¹ ပှၤလၢအလၢအပှဲၤလၢကျဲန့ၣ်, ဒီးလဲၤတၢ်လၢယွၤ အတၢ်သိၣ်တၢ်သီအပူၤန့ၣ်ဘၣ်ဆိၣ်ဂ့ၤဝဲလီၤ.

² ပှၤလၢအတိၢ်န့ၢ်ဖံးဃာ်အတၢ်အုၣ်အသးဒီး, ဒီးဃု ယွၤလၢအသးဒီဖျၢၣ်ညါန့ၣ်ဘၣ်ဆိၣ်ဂ့ၤဝဲလီၤ.

³ တမၤစ့ၢ်ကီးတၢ်အၢနီတမံၤဘၣ်. လဲၤဝဲလၢအကျဲ ဧိၤကပူၤဧိၤန့ၣ်လီၤ.

⁴ နမၤလိာ်လၢပဘၣ်တိၢ်န့ၢ်ဖံးဃာ် နတၢ်သိၣ်တၢ်သီ ထံထံဆးဆးလီၤ.

⁵ ဒ်သိးယကတိၢ်န့ၢ်ဖံးဃာ်နတၢ်မၤလိာ်န့ၣ် မ်ယကျဲ အိၣ်ဂၢၢ်ဆိးကျၢၤတက့ၢ်.

⁶ တုၤယကွၢ်မဲာ် နတၢ်မၤလိာ်ခဲလၢာ်ဒီး, ယမဲာ်တ ဆှးဘၣ်.

⁷ တုၤယမၤလိ နစံၣ်ညီၣ်တၢ်တီတဖၣ်ဒီး, ယကစံး ထီၣ်ပတြၢၤနၤလၢယသးစၢၢ်ဆၢလီၤ.

⁸ ယကတိၢ်န့ၢ်နတၢ်မၤလိာ်လီၤ. မ်နသုတလဲၤသဒၣ် ကွံာ်ယၤတုၤအလၢာ်တဂ့ၤ. ခ

⁹ ပှၤဖိၣ်သၣ်ခွါကမၤကဆှီအကျဲဒ်လဲၣ်. မ့ၢ်အဘၣ်ပ လီၢ်အသးဒ်နကလုၢ်ကထါအသိးန့ၣ်လီၤ.

¹⁰ ယဃုတ့ၢ်နၤလၢယသးဒီဖျၢၣ်ညါလီၤ. မ်ယသုတ လဲၤကမၣ်ဘၣ်လၢနတၢ်မၤလိာ်န့ၣ်တဂ့ၤ.

¹¹ ယပာ်ဖှိၣ်နကလုၢ်ကထါလၢယသးကံၢ်ပူၤ, ဒ်သိးယ သုတမၤကမၣ်ဘၣ်နၤတဂ့ၤလီၤ.

¹² ယွၤဧၢ, မ်နဘၣ်တၢ်စံးထီၣ်ပတြၢၤနၤတက့ၢ်. သိၣ် လိယၤလၢနလုၢ်နလၢ်န့ၣ်တက့ၢ်.

¹³ ယစံၣ်တဲၤတဲလီၤကယဲၢ်နစံၣ်ညီၣ်တၢ်လၢ နထးခိၣ် ခဲလၢာ်န့ၣ်လၢယပျုၤလီၤ.

¹⁴ ယသူၣ်ဖှံယသးညီလၢ နတၢ်အုၣ်နသးအကျဲပူၤ, ဒ် လၢကယဲၢ်တၢ်စုလီၢ်ခီၣ်ခိၣ်အသိးန့ၣ်လီၤ.

¹⁵ ယကဆိကမိၣ်တၢ်လၢနတၢ်မၤလိာ်အဂ့ၢ်, ဒီးယက ကွၢ်မဲာ်နကျဲဧိၤကပူၤဧိၤလီၤ.

¹⁶ ယကသူၣ်ဖှံသးညီလၢ နတၢ်မၤလိာ်အပူၤလီၤ. ယ တသးပ့ၤနီၣ်ဘၣ်နကလုၢ်ကထါဘၣ်. ဂ

¹⁷ မၤဂ့ၤနခ့နပှၤဒ်သိးယကမူ, ဒီးယကတိၢ်န့ၢ်ဖံးဃာ် နကလုၢ်ကထါလီၤ.

¹⁸ အိးထီၣ်ယမဲာ်တက့ၢ်. ဒီးယကထံၣ်ဘၣ် တၢ်လီၤ လးလၢနတၢ်သိၣ်တၢ်သီအပူၤလီၤ.

¹⁹ ယမ့ၢ်ပှၤတမှံၤ လၢဟီၣ်ခိၣ်ချၢအံၤလီၤ. သုတပာ်ခူ သူၣ်နတၢ်မၤလိာ်လၢယမဲာ်ညါတဂ့ၤ.

²⁰ ယသးဆၢန့ၢ် နတၢ်စံၣ်ညီၣ်တဖၣ် ကိးအဆၢအ ကတီၢ်ဒဲးတုၤယသူၣ်ကၢ်ယသးလီၤလီၤ.

²¹ ပှၤလၢအပာ်အသးထီၣ်ထီ လၢအဘၣ်တၢ်ဆိၣ်အၢ, လၢအဟးဖျိးနတၢ်မၤလိာ်တဖၣ်အကျဲန့ၣ် နသိၣ်ဃီၣ် လံအီၤလံ.

²² တၢ်ဒုၣ်ဒွဲၣ်, ဒီးတၢ်မၤတရီတပါန့ၣ် မၤပူၤမၤဖျဲးဒီး ယၤတက့ၢ်. အဂ့ၢ်ဒ်အံၤ, ယတိၢ်န့ၢ်နတၢ်အုၣ်နသး တဖၣ်လီၤ.

²³ ပဒိၣ်ဖးဒိၣ်စ့ၢ်ကီး ဆ့ၣ်နီၤဒီး ကတိၤထီဒါယၤလီၤ. မ့မ့ၢ်နခ့နပှၤဆိကမိၣ်တၢ်လၢနတၢ်မၤလိာ်အဂ့ၢ်လီၤ.

²⁴ နတၢ်အုၣ်နသးန့ၣ် မ့ၢ်စ့ၢ်ကီးယတၢ်သူၣ်ဖှံသးညီ, ပှၤလၢအကူၣ်စၢၤယၤလီၤ. ဃ

²⁵ ယသးစဲဘူးဒီးဟီၣ်ခိၣ်အကမူၣ်လီၤ. ဒ်နတၢ်ကတိၤ အသိးန့ၣ် ဒုးမူထီၣ်က့ၤယၤတက့ၢ်.

²⁶ ယကျဲဧိၤကပူၤဧိၤန့ၣ် ယတဲဖျါထီၣ်လံ, ဒီးနနၢ်ဟူ လံယကလုၢ်လံ, သိၣ်လိယၤလၢနလုၢ်နလၢ်တက့ၢ်.

²⁷ ဒုးနၢ်ပၢၢ်ယၤလၢနတၢ်မၤလိာ်အကျဲတက့ၢ်. ဒီးယ ကဆိကမိၣ်တၢ်လၢနတၢ်လီၤလးအဂ့ၢ်လီၤ.

²⁸ မ့ၢ်ယသူၣ်အုးယသးအုးသတးဒီး ယသးပှံၢ်လီၤလီၤ. ဒုးဂဲၤဆၢထၢၣ်က့ၤယၤ ဒ်နကလုၢ်နကထါအသိးန့ၣ် တက့ၢ်.

²⁹ မၤပူၤမၤဖျဲးယၤလၢ တၢ်ကဘျံးကဘျၣ်အကျဲ, ဒီး ဟ့ၣ်သးကညီၤယၤလၢနတၢ်သိၣ်တၢ်သီန့ၣ်တက့ၢ်.

³⁰ တၢ်အကလုၢ်တီအကျဲန့ၣ်ယဃုထၢလံ. နစံၣ်ညီၣ် တၢ်တဖၣ်န့ၣ် ယပာ်လီၤလၢယမဲာ်ညါလံလီၤ.

³¹ ယစဲဘူးဒီးနတၢ်အုၣ်နသးလီၤ. ယွၤဧၢ, ဒုးမဲာ်ဆှး ယၤတဂ့ၤ.

³² တုၤနမၤလဲၢ်ထီၣ်ယသးဒီး, ယကဃ့ၢ်လၢနတၢ်မၤ လိာ်အကျဲလီၤ. င

³³ ယွၤဧၢ, သိၣ်လိယၤလၢ နတၢ်မၤလိာ်အကျဲန့ၣ်တ က့ၢ်. ဒီးယကတိၢ်န့ၢ်ဖံးဃာ်တုၤအကတၢၢ်လီၤ.

³⁴ ဒုးနၢ်ပၢၢ်ယၤတက့ၢ်. ဒီးယကတိၢ်န့ၢ်ဖံးဃာ်နတၢ် သိၣ်တၢ်သီန့ၣ်, ယကတိၢ်န့ၢ်လၢယသးဒီဖျၢၣ်ညါလီၤ.

³⁵ ဒုးလဲၤယၤလၢနတၢ်မၤလိာ်အကျဲန့ၣ်တက့ၢ်. အဂ့ၢ် ဒ်အံၤ, ယမုာ်လၤတၢ်လၢအပူၤလီၤ.

³⁶ ဘိးဃၣ်ယသးဆူတၢ်သးကွံတဂ့ၤ. မ့ၢ်ဆူနတၢ်အုၣ် နသးတဖၣ်တက့ၢ်.

³⁷ ဒုးဃၣ်ကွံာ်ယမဲာ်လၢ တၢ်ကလီကလီန့ၣ်တက့ၢ်. ဒုးမူထီၣ်က့ၤယၤလၢနကျဲနကပူၤန့ၣ်တက့ၢ်.

³⁸ ဒုးအိၣ်ဂၢၢ်ဆိးကျၢၤ နကလုၢ်ကထါလၢ နခ့နပှၤ လၢအပျံၤနၤတဂၤအဂီၢ်အံၤတက့ၢ်.

³⁹ မၤပူၤမၤဖျဲးယၤလၢ တၢ်ဒုၣ်ဒွဲၣ်လၢယပျံၤအီၤန့ၣ်တ က့ၢ်. အဂ့ၢ်ဒ်အံၤ, နတၢ်စံၣ်ညီၣ်တဖၣ်န့ၣ် မ့ၢ်အဂ့ၤ အဘၣ်လီၤ.

⁴⁰ ကွၢ်ကွၢ်, ယဆၢန့ၢ်ဘၣ်နတၢ်မၤလိာ်လီၤ. မၤမူ ထီၣ်က့ၤယၤလၢနတၢ်တီတၢ်လိၤန့ၣ်တက့ၢ်. စ

⁴¹ ဒီးယွၤဧၢ, မ်နဘျုးနဖှိၣ်, နတၢ်အုၣ်က့ၤခီၣ်က့ၤဟဲ ဘၣ်ယၤဒ်နကလုၢ်ကထါအသိးန့ၣ်တက့ၢ်.

⁴² ဒီးယကစံးဆၢပှၤလၢအဒုၣ်ဒွဲၣ်ယၤလီၤ. အဂ့ၢ်ဒ်အံၤ, ယသန့ၤယသးလၢနကလုၢ်လီၤ.

⁴³ ဒီးဟံးထီၣ်ကွံာ်နတၢ်ကတိၤအမ့ၢ်အတီ လၢယထး ခိၣ်တုၤအလၢာ်န့ၣ်တဂ့ၤ. အဂ့ၢ်ဒ်အံၤ, ယမုၢ်လၢ်လၢ နတၢ်စံၣ်ညီၣ်တဖၣ်န့ၣ်လီၤ.

⁴⁴ ဒီးယကတိၢ်န့ၢ်ဖံးဃာ် နတၢ်သိၣ်တၢ်သီတထံၣ်ဃီ အစိၤစိၤအဃၣ်ဃၣ်လီၤ.

⁴⁵ ဒီးယကလဲၤတၢ်လၢအလီၢ်ဖးလဲၢ်လီၤ. အဂ့ၢ်ဒ်အံၤ, ယဃုနတၢ်မၤလိာ်လီၤ.

⁴⁶ ဒီးယကကတိၤတၢ်လၢ နတၢ်အုၣ်အသးအဂ့ၢ်လၢ စီၤပၤတဖၣ်အမဲာ်ညါ, ဒီးယမဲာ်တဆှးဘၣ်.

⁴⁷ ဒီးယကသူၣ်ဖှံသးညီလၢနတၢ်မၤလိာ်လၢယအဲၣ်အီၤ အပူၤန့ၣ်လီၤ.

⁴⁸ ဒီးယကယူာ်ထီၣ်ယစုဆူနတၢ်မၤလိာ် လၢယအဲၣ်အီၤအအိၣ်န့ၣ်, ဒီးယကဆိကမိၣ်တၢ်လၢ နတၢ်မၤလိာ်အဂ့ၢ်လီၤ. ဆ

⁴⁹ မ့ၢ်နဒုးမုၢ်လၢ်ယၤလၢတၢ်ဒီး သ့ၣ်နီၣ်ထီၣ်က့ၤနက လုၢ်ကထါလၢနခ့နပှၤအဂီၢ်တက့ၢ်.

⁵⁰ အအံၤမ့ၢ်တၢ်လၢ အမၤမုာ်ထီၣ်က့ၤယၤလၢယဘၣ် နးဘၣ်ဖှီၣ်အဖၢမုၢ်န့ၣ်, လၢနကလုၢ်နကထါ မၤမူ ထီၣ်က့ၤလံယၤလီၤ.

⁵¹ ပှၤပာ်အသးထီၣ်ထီတဖၣ်န့ၣ် ဒုၣ်ဒွဲၣ်ယၤနးမးလီၤ. ယတဟးဆှဲးဘၣ်နတၢ်သိၣ်တၢ်သီဘၣ်.

⁵² ယွၤဧၢ, နစံၣ်ညီၣ်တၢ်လၢပျၢၤလၢကစၢၤန့ၣ်ယသ့ၣ် နီၣ်ထီၣ်က့ၤ, ဒီးယမၤမုာ်ထီၣ်ယသးလီၤ.

⁵³ မ့ၢ်ပှၤတတီတလိၤ လဲၤသဒၣ်နတၢ်သိၣ်တၢ်သီဒီး, ယသးကိၢ်ထီၣ်ဒိၣ်ဒိၣ်ကလဲာ်လီၤ.

⁵⁴ နတၢ်မၤလိာ်န့ၣ် မ့ၢ်ယတၢ်သးဝံၣ်လၢ ယအိၣ်တ မှံၤအဟံၣ်ပူၤန့ၣ်လီၤ.

⁵⁵ ယွၤဧၢ, ယသ့ၣ်နီၣ်ထီၣ်က့ၤနမံၤလၢမုၢ်နၤ, ဒီးယ တိၢ်န့ၢ်ဖံးဃာ်နတၢ်သိၣ်တၢ်သီလီၤ.

⁵⁶ အအံၤအိၣ်ဒီးယၤ, လၢယတိၢ်န့ၢ် နတၢ်မၤလိာ်တ ဖၣ်န့ၣ်လီၤ. ၡ

⁵⁷ ယွၤမ့ၢ်ယဂီၢ်လီၤ. ယစံးလၢယကတိၢ်န့ၢ်ဖံးဃာ်န ကလုၢ်ကထါလီၤ.

⁵⁸ ယဃုနအိၣ်ပှိၤယၤလၢ ယသးဒီဖျၢၣ်ညါလီၤ. သူၣ် ကညီၤသးကညီၤယၤ ဒ်နကလုၢ်ကထါအသိးန့ၣ်တ က့ၢ်.

⁵⁹ ယဆိကမိၣ်တၢ်လၢယကျဲအဂ့ၢ်, ဒီးဃၣ်က့ၤယခီၣ် ဆူနတၢ်အုၣ်နသးအအိၣ်န့ၣ်လီၤ.

⁶⁰ ယတမၤယံာ်မၤနီၢ်ဘၣ်ဒီး, ယမၤချ့ချ့ဒ်သိးယက တိၢ်န့ၢ်ဖံးဃာ်နတၢ်မၤလိာ်တဖၣ်န့ၣ်လီၤ.

⁶¹ ပှၤတတီတလိၤဘၣ်အပျံၤသကွီၤ အိၣ်ဝးတရံးယၤ လီၤ. ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

⁶² ယကဂဲၤဆၢထၢၣ်လၢဖးဖီမုၢ်, ဒ်သိးယကစံးထီၣ်ပ တြၢၤနၤလၢ နတၢ်တီတၢ်လိၤ အတၢ်စံၣ်ညီၣ်တဖၣ် အဃိန့ၣ်လီၤ.

⁶³ ယဒီတံၤဒီသကိးဒီး ကယဲၢ်ပှၤလၢအပျံၤနၤ, ဒီးတိၢ် န့ၢ်ဖံးဃာ်နတၢ်မၤလိာ်တဖၣ်န့ၣ်လီၤ.

⁶⁴ ဟီၣ်ခိၣ်လၢပှဲၤဝဲဒီးနဘျုးနဖှိၣ်လီၤ, ယွၤဧၢ, သိၣ် လိယၤလၢ နတၢ်မၤလိာ်န့ၣ်တက့ၢ်. ည

⁶⁵ ယွၤဧၢ, ဒ်နကလုၢ်ကထါအသိးန့ၣ်နမၤဂ့ၤနခ့နပှၤ လီၤ.

⁶⁶ သိၣ်လိယၤလၢတၢ်စံၣ်ညီၣ်အဂ့ၤ ဒီးတၢ်သ့ၣ်ညါတ က့ၢ်. အဂ့ၢ်ဒ်အံၤ, ယနာ်နတၢ်မၤလိာ်လီၤ.

⁶⁷ ယတချုးဘၣ်ဒံးဘၣ် တၢ်နးတၢ်ဖှီၣ်ဒီး, ယဟးဖျိး ကျဲလီၤ. မ့မ့ၢ်ခဲကနံၣ်အံၤ, ယတိၢ်န့ၢ်ဖံးဃာ်နကလုၢ် ကထါလီၤ.

⁶⁸ နမ့ၢ်တၢ်ဂ့ၤ, ဒီးနမၤတၢ်ဂ့ၤလီၤ. သိၣ်လိယၤလၢန တၢ်မၤလိာ်န့ၣ်တက့ၢ်.

⁶⁹ ပှၤပာ်အသးထီၣ်ထီန့ၣ် ကူၣ်ထီၣ်ဖးလီၤတၢ်ကတိၤ ကဘျံးကဘျၣ်ထီဒါယၤလီၤ. မ့မ့ၢ်ယဲဒၣ်အံၤယတိၢ်န့ၢ် ဖံးဃာ်နတၢ်မၤလိာ်တဖၣ်လၢယသးဒီဖျၢၣ်ညါလီၤ.

⁷⁰ အဝဲသ့ၣ်တဖၣ်အသးန့ၣ် ဘီၣ်ဝဲဒ်သိဧိၤချါဧိၤအသိး လီၤ. မ့မ့ၢ်ယဲဒၣ်အံၤ ယသူၣ်ဖှံသးညီလၢနတၢ်သိၣ် တၢ်သီအပူၤလီၤ.

⁷¹ ယဘၣ်တၢ်နးတၢ်ဖှီၣ်န့ၣ် ဂ့ၤဝဲလၢယဂီၢ်လၢယက မၤလိနတၢ်မၤလိာ်အဂ့ၢ်လီၤ.

⁷² တၢ်သိၣ်တၢ်သီလၢနထးခိၣ်န့ၣ် ဂ့ၤန့ၢ်ထူဧိၤလွဲဧိၤ, ဒီးကျိၣ်ဧိၤစ့ဧိၤအကထိတဖၣ်တက့ၢ်လီၤ. တ

⁷³ နစုတ့ယၤ, ဒီးကတဲာ်ကတီၤယၤလီၤ. ဒုးနၢ်ပၢၢ်ယၤ ဒ်သိးယကမၤလိနတၢ်မၤလိာ်န့ၣ်တက့ၢ်.

⁷⁴ ပှၤလၢအပျံၤနၤန့ၣ် ကထံၣ်ဘၣ်ယၤ, ဒီးအသးကခု လီၤ. အဂ့ၢ်ဒ်အံၤ, ယမုၢ်လၢ်လၢနကလုၢ်ကထါလီၤ.

⁷⁵ ယွၤဧၢ, ယသ့ၣ်ညါလၢနစံၣ်ညီၣ်တၢ်န့ၣ် မ့ၢ်အတီ အလိၤ, ဒီးလၢနမၤနးမၤဖှီၣ်ယၤန့ၣ် မ့ၢ်လၢနကလုၢ် တီအဃိန့ၣ်လီၤ.

⁷⁶ ဒ်နကလုၢ်ကထါလၢ နခ့နပှၤအသိးန့ၣ် မ်နဘျုး နဖှိၣ်မၤမုာ်ထီၣ်က့ၤလၢ်ယၤတက့ၢ်.

⁷⁷ မ်နတၢ်သူၣ်ကညီၤသးကညီၤ ဘၣ်ယၤဒ်သိးယကမူ တက့ၢ်. အဂ့ၢ်ဒ်အံၤ, နတၢ်သိၣ်တၢ်သီမ့ၢ်ယတၢ်သူၣ် ဖှံသးညီလီၤ.

⁷⁸ မ်ပှၤပာ်အသးထီၣ်ထီန့ၣ် အမဲာ်ဆှးတက့ၢ်. အဂ့ၢ် ဒ်အံၤ, မၤအၢယၤလၢတၢ်ကဘျံးကဘျၣ်, မ့မ့ၢ်ယဲဒၣ် အံၤယကဆိကမိၣ်တၢ်လၢနတၢ်မၤလိာ်တဖၣ်လီၤ.

⁷⁹ ပှၤလၢအပျံၤနၤ, ဒီးပှၤလၢအသ့ၣ်ညါနတၢ်အုၣ်အ သးတဖၣ်န့ၣ်ကဟဲက့ၤဆူယအိၣ်လီၤ.

⁸⁰ ဒ်သိးယသုတမဲာ်ဆှးတဂ့ၤဒီး, မ်ယသးလၢထီၣ်ပှဲၤ ထီၣ်လၢနတၢ်မၤလိာ်အပူၤတက့ၢ်. ထ

⁸¹ ယဆၢနတၢ်အုၣ်က့ၤခီၣ်က့ၤတုၤယသးလီၤဘှါလီၤ. ယကွၢ်လၢ်နကလုၢ်ကထါအကျဲလီၤ.

⁸² ယမဲာ်လၢာ်လၢ နကလုၢ်နကထါအဃိဖဲယစံးနက မၤမုာ်ထီၣ်က့ၤယၤအဆၢအကတီၢ်ဖဲလဲၣ်.

⁸³ အဂ့ၢ်ဒ်အံၤ, ယမၤယသးဒ်ထံဒၢတၢ်ဖံးလၢ မ့ၣ်အူ ခုၣ်အပူၤအသိးန့ၣ်လီၤ. နတၢ်မၤလိာ်တဖၣ်န့ၣ်ယတ သးပ့ၤနီၣ်ဘၣ်.

⁸⁴ နခ့နပှၤအမုၢ်နံၤန့ၣ် အိၣ်ဆံးအါလဲၣ်. နကစံၣ်ညီၣ် ပှၤမၤအၢမၤသီယၤန့ၣ်အဆၢအကတီၢ်ဖဲလဲၣ်.

⁸⁵ ပှၤပာ်ထီၣ်ထီအသးန့ၣ် ခူၣ်လီၤတၢ်ပူၤလၢယဂီၢ်လီၤ. အဝဲသ့ၣ်တဖၣ်န့ၣ်တဒ်ဘၣ်နတၢ်သိၣ်တၢ်သီအသိးဘၣ်.

⁸⁶ နတၢ်မၤလိာ်တဖၣ်န့ၣ် မ့ၢ်အမ့ၢ်အတီခဲလၢာ်လီၤ. ပှၤမၤအၢမၤသီယၤလၢ တၢ်ကဘျံးကဘျၣ်လီၤ. မၤ စၢၤယၤတက့ၢ်.

⁸⁷ ဘူးဝဲလၢ အကမၤဟးဂီၤတ့ၢ်ယၤလၢ ထံဧိၤကီၢ်ဧိၤ အပူၤ, ဒီးယတလဲၤသဒၣ်ဘၣ်နတၢ်မၤလိာ်တဖၣ်ဘၣ်.

⁸⁸ မၤမူထီၣ်က့ၤယၤ ဒ်နဘျုးနဖှိၣ်အသိး, ဒီးယက တိၢ်န့ၢ်ဖံးဃာ်နထးခိၣ်အတၢ်အုၣ်အသးန့ၣ်လီၤ. ဒ

⁸⁹ ယွၤဧၢ, နကလုၢ်ကထါအိၣ်ဂၢၢ်ဆိးကျၢၤလၢမူခိၣ် အပူၤလီၤစိၤလီၤထီလီၤ.

⁹⁰ နတၢ်မ့ၢ်တၢ်တီအိၣ်ဝဲအစိၤစိၤအဃၣ်ဃၣ်, နတ့လီၤ ပာ်လီၤဟီၣ်ခိၣ်, ဒီးအိၣ်ဂၢၢ်ဆိးကျၢၤဝဲလီၤ.

⁹¹ နတၢ်စံၣ်ညီၣ်တဖၣ်န့ၣ် အိၣ်ဂၢၢ်ဆိးကျၢၤဝဲတုၤမုၢ်မ ဆါတနံၤအံၤလီၤ. အဂ့ၢ်ဒ်အံၤ, ကယဲၢ်တၢ်ခဲလၢာ်ခဲ ဆ့မ့ၢ်နခ့နပှၤလီၤ.

⁹² နတၢ်သိၣ်တၢ်သီမ့တမ့ၢ်ဘၣ် ယတၢ်သူၣ်ဖှံသးညီဘၣ် ဒီး, ယကဟးဂီၤတ့ၢ်လံလၢယဘၣ်တၢ်နးတၢ်ဖှီၣ်အပူၤလံ.

⁹³ ယတသးပ့ၤနီၣ်ဘၣ် နတၢ်မၤလိာ်တဖၣ် နီတဘျီ ဘၣ်. အဂ့ၢ်ဒ်အံၤ, နမၤမူထီၣ်က့ၤယၤလၢအီၤလီၤ.

⁹⁴ ယမ့ၢ်နတၢ်လီၤ. အုၣ်က့ၤခီၣ်က့ၤယၤတက့ၢ်. အဂ့ၢ် ဒ်အံၤ, ယဃုနတၢ်မၤလိာ်တဖၣ်လီၤ.

⁹⁵ ပှၤတတီတလိၤခိးယၤလၢ အကမၤဟးဂီၤယၤလီၤ. မ့မ့ၢ်ယဲဒၣ်အံၤ, ယဆိကမိၣ်တၢ်လၢနတၢ်အုၣ်နသး တဖၣ်အဂ့ၢ်လီၤ.

⁹⁶ တၢ်လၢတၢ်ပှဲၤခဲလၢာ်အကတၢၢ်န့ၣ် ယထံၣ်ဘၣ်လံ, မ့မ့ၢ်နတၢ်မၤလိာ်န့ၣ် လဲၢ်မးဝဲလီၤ. န

⁹⁷ ယအဲၣ်ဒိးနတၢ်သိၣ်တၢ်သီန့ၣ်ဆံးဒိၣ်လဲၣ်. ယဆိ ကမိၣ်တၢ်လၢအဂ့ၢ်အကျိၤသ့သ့တနံၤလီၤ.

⁹⁸ နတၢ်မၤလိာ်တဖၣ် ဒုးကူၣ်သ့ထီၣ်ယၤအါန့ၢ်ယဒုၣ် ယဒါတဖၣ်တက့ၢ်လီၤ. အဂ့ၢ်ဒ်အံၤ, အိၣ်ဒီးယၤလီၤ ထူလီၤယိာ်လီၤ.

⁹⁹ ယနူၤပၢၢ်ယနၢ်ပၢၢ်တၢ်န့ၣ် အါန့ၢ်ပှၤသိၣ်လိယၤခဲ လၢာ်တက့ၢ်လီၤ. အဂ့ၢ်ဒ်အံၤ, ယဆိကမိၣ်လၢနတၢ် အုၣ်အသးတဖၣ်အဂ့ၢ်အကျိၤလီၤ.

¹⁰⁰ ယနၢ်ပၢၢ်တၢ်အါန့ၢ်ပမှံၤပပှၢ်တက့ၢ်လီၤ. အဂ့ၢ်ဒ် အံၤ, ယတိၢ်န့ၢ်ဖံးဃာ်နတၢ်မၤလိာ်တဖၣ်လီၤ.

¹⁰¹ ယတြီကွံာ်ယခီၣ်လၢကယဲၢ်ကျဲအအၢအသီ ဒ်သိး ယကတိၢ်န့ၢ်နကလုၢ်ကထါလီၤ.

¹⁰² ယတလဲၤသဒၣ်ဘၣ်နတၢ်စံၣ်ညီၣ်တဖၣ်ဘၣ်. အ အဂ့ၢ်ဒ်အံၤ, နသိၣ်က့ၤသီက့ၤယၤလီၤ.

¹⁰³ လၢယလ့ၣ်ကွၢ်တၢ်န့ၣ် နကလုၢ်ကထါဆၢဆံး ဒိၣ်လဲၣ်. ဆၢန့ၢ်ကနဲစီလၢယကိာ်ပူၤန့ၣ်တက့ၢ်လီၤ.

¹⁰⁴ ယနူၤပၢၢ်နၢ်ပၢၢ်တၢ်လၢ နတၢ်မၤလိာ်တဖၣ်အဃိ လီၤ. မၤသးဒ်န့ၣ်ဒီး ယသးဟ့တၢ်ကတိၤကဘျံးက ဘျၣ်အကျဲခဲလၢာ်လီၤ. ပ

¹⁰⁵ နကလုၢ်ကထါန့ၣ် မ့ၢ်မ့ၣ်အူဒၢတဖျၢၣ်လၢယခီၣ် အဂီၢ်, ဒီးတၢ်ကပီၤတဖျၢၣ်လၢယကျဲအဂီၢ်လီၤ.

¹⁰⁶ ယဆိၣ်လီၤယသးဒီး ပာ်ဂၢၢ်ပာ်ကျၢၤလံယကလုၢ် လၢယကတိၢ်န့ၢ်နတၢ်စံၣ်ညီၣ်အတီအလိၤတဖၣ်လီၤ.

¹⁰⁷ ယဘၣ်တၢ်နးတၢ်ဖှီၣ်နးမးလီၤ, ယွၤဧၢ. မၤမူထီၣ် က့ၤယၤဒ်နကလုၢ်ကထါအသိးန့ၣ်တက့ၢ်.

¹⁰⁸ ယွၤဧၢ, ယထးခိၣ်အတၢ်မၤဘူၣ်ဒၣ်တၢ်တဖၣ်န့ၣ် မ်အဘၣ်နသးတက့ၢ်. ဒီးသိၣ်လိယၤလၢနတၢ်စံၣ်ညီၣ် တဖၣ်န့ၣ်တက့ၢ်.

¹⁰⁹ ယသးအိၣ်ဝဲလၢ ယစုပူၤတထံၣ်ဃီလီၤ. ဘၣ်ဆၣ် ဒီးယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

¹¹⁰ ပှၤတတီတလိၤပာ်ပျံၤသကွီၤလၢယဂီၢ်လီၤ. ဘၣ် ဆၣ်ဒီး ယသးတဟးဖျိးဘၣ်နတၢ်မၤလိာ်တဖၣ်အကျဲ ဘၣ်.

¹¹¹ ယပာ်နတၢ်အုၣ်အသးတဖၣ်န့ၣ် လၢယဂီၢ်ဒၣ်ယဲ လီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ်ဒုးဖှံဒုးညီ ယသးလီၤ.

¹¹² ယပာ်လီၤယသးလၢယကတိၢ်န့ၢ် နတၢ်မၤလိာ်တ ဖၣ်တထံၣ်ဃီတုၤအကတၢၢ်လီၤ. ဖ

¹¹³ ပှၤလၢအသးခံဖျၢၣ်တဖၣ်န့ၣ် ယသးဟ့အီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

¹¹⁴ နမ့ၢ်ယအိၣ်တဒၢအလီၢ်, ဒီးယကတီၤတဘ့ၣ်လီၤ. ယမုၢ်လၢ်တၢ်လၢနကလုၢ်ကထါလီၤ.

¹¹⁵ ပှၤမၤတၢ်အၢသ့ၣ်ဧၢ, ဟးဖးဒီးယၤတက့ၢ်. ဒီးယ ကတိၢ်န့ၢ်ယကစၢ်အတၢ်မၤလိာ်တဖၣ်လီၤ.

¹¹⁶ ဒုးအိၣ်ဂၢၢ်ဆိးကျၢၤယၤ ဒ်နကလုၢ်ကထါအသိး န့ၣ်တက့ၢ်. ဒီးယကမူလီၤ. ဒီးမ်ယသုတမဲာ်ဆှးလၢ ယတၢ်မုၢ်လၢ်အဃိန့ၣ်တဂ့ၤ.

¹¹⁷ မၤစၢၤယၤတက့ၢ်, ဒီးယကတုၤလၢတၢ်အုၣ်က့ၤ ခီၣ်က့ၤယၤလီၤ. ဒီးယကွၢ်မဲာ်လၢနတၢ်မၤလိာ်တဖၣ် တထံၣ်ဃီလီၤ.

¹¹⁸ ကယဲၢ်ပှၤလၢအဟးဖျိးနတၢ်မၤလိာ်တဖၣ်အကျဲခဲ လၢာ်န့ၣ်နညိကွံာ်အီၤလီၤ. အတၢ်လီတၢ်န့ၣ် မ့ၢ်တၢ် ကဘျံးကဘျၣ်လီၤ.

¹¹⁹ ဒ်တၢ်အအ့ၣ်အသိး နတ့ၢ်လီၤကွံာ်ကယဲၢ်ပှၤတတီ တလိၤလၢဟီၣ်ခိၣ်ချၢခဲလၢာ်လီၤ. မၤသးဒ်န့ၣ်ဒီးယ အဲၣ်နတၢ်အုၣ်အသးတဖၣ်လီၤ.

¹²⁰ ယညၣ်ကနိးလၢတၢ်ပျံၤနၤအဃိ, ဒီးယပျံၤနတၢ် စံၣ်ညီၣ်တဖၣ်လီၤ. ဘ

¹²¹ ယမၤတၢ်စံၣ်ညီၣ်ဒီး တၢ်တီတၢ်လိၤလီၤ. လဲၤသ ဒၣ်ယၤလၢပှၤမၤအၢမၤသီယၤအစုပူၤန့ၣ်တဂ့ၤ.

¹²² ကဲထီၣ်နခ့နပှၤအတၢ်အုၣ်တၢ်ခီၣ်အသး လၢတၢ် ဂ့ၤအဂီၢ်န့ၣ်တက့ၢ်. ပှၤလၢအပာ်အသးထီၣ်ထီန့ၣ်မ် အသုတမၤအၢမၤသီယၤတဂ့ၤ.

¹²³ ယမဲာ်လၢာ်လၢယဆၢနတၢ်အုၣ်က့ၤခီၣ်က့ၤအဃိ, ဒီးလၢနတၢ်တီတၢ်လိၤအကလုၢ်ကထါအဃိန့ၣ်လီၤ.

¹²⁴ မၤနခ့နပှၤဒ်နဘျုးနဖှိၣ်အသိး, ဒီးသိၣ်လိယၤလၢ နတၢ်မၤလိာ်တဖၣ်န့ၣ်တက့ၢ်.

¹²⁵ ယဲဒၣ်အံၤ ယမ့ၢ်နခ့နပှၤလီၤ. ဒုးနၢ်ပၢၢ်ယၤဒ်သိး ယကသ့ၣ်ညါနတၢ်အုၣ်အသးတဖၣ်န့ၣ်တက့ၢ်.

¹²⁶ အမုၢ်အလါဘၣ်လံလၢ ယွၤကမၤတၢ်လီၤ. အဂ့ၢ် ဒ်အံၤ, ပှၤဘိးကဒါကွံာ်နတၢ်သိၣ်တၢ်သီလံလီၤ.

¹²⁷ မၤသးဒ်န့ၣ်ဒီး ယအဲၣ်ဒိးနတၢ်မၤလိာ်တဖၣ်အါန့ၢ် ထူဧိၤလွဲဧိၤ, ဒီးထူစီတက့ၢ်လီၤ.

¹²⁸ မၤသးဒ်န့ၣ်ဒီး ကယဲၢ်နတၢ်မၤလိာ်တဖၣ် ယပာ် တီပာ်လိၤ ကိးထံၣ်ဒဲးလီၤ. ဒီးကယဲၢ်ကျဲဘၣ်ဃးဒီး တၢ်ကဘျံးကဘျၣ်န့ၣ်ယသးဟ့အီၤကိးဘိဒဲးလီၤ. မ

¹²⁹ နတၢ်အုၣ်အသးတဖၣ်န့ၣ်လီၤလးဝဲလီၤ. မၤသးဒ် န့ၣ်ဒီးယတိၢ်န့ၢ်အီၤလၢယသူၣ်ယသးလီၤ.

¹³⁰ တၢ်အိးထီၣ် နကလုၢ်နကထါန့ၣ် မၤကပီၤထီၣ် တၢ်, ဒီးဒုးနၢ်ပၢၢ်ပှၤလၢအတမၤလိဘၣ်တၢ်ဘၣ်လီၤ.

¹³¹ ယအဲးထီၣ်ယထးခိၣ်ဒီးယသါဟုသါဟီလီၤ. အ ဂ့ၢ်ဒ်အံၤ, ယဆၢန့ၢ်နတၢ်မၤလိာ်တဖၣ်လီၤ.

¹³² ဃၣ်နသးဆူယအိၣ်, ဒီးသူၣ်ကညီၤသးကညီၤယၤ, ဒ်နညီနုၢ်မၤပှၤလၢအအဲၣ်နမံၤအသိးန့ၣ်တက့ၢ်.

¹³³ ဒုးထွဲယခီၣ်လၢနကလုၢ်ကထါအပူၤတက့ၢ်. ဒီးမ် တၢ်အၢတၢ်သီအသုတပၢယၤနီတမံၤတဂ့ၤ.

¹³⁴ အုၣ်က့ၤခီၣ်က့ၤယၤလၢ ပှၤကညီအတၢ်မၤအၢမၤ သီတက့ၢ်. ဒီးယကတိၢ်န့ၢ်ဖံးဃာ် နတၢ်မၤလိာ်တ ဖၣ်လီၤ.

¹³⁵ ဒုးကပီၤထီၣ်နမဲာ်လၢနခ့နပှၤအလိၤ, ဒီးသိၣ်လိ ယၤလၢနတၢ်မၤလိာ်တဖၣ်န့ၣ်တက့ၢ်.

¹³⁶ မ့ၢ်ပှၤတတိၢ်န့ၢ်ဘၣ်နတၢ်သိၣ်တၢ်သီဘၣ်ဒီး, ထံ ကျိယွၤလီၤလၢယမဲာ်လီၤ. ယ

¹³⁷ ယွၤဧၢ, နမ့ၢ်တၢ်တီတၢ်လိၤ, ဒီးနတၢ်စံၣ်ညီၣ်တ ဖၣ်န့ၣ်တီဝဲလိၤဝဲလီၤ.

¹³⁸ နတၢ်အုၣ်အသးလၢနမၤလိာ်တဖၣ်န့ၣ်တီဝဲလိၤဝဲ, ဒီးမ့ၢ်တၢ်ကလုၢ်တီသပှၢ်ပှၢ်လီၤ.

¹³⁹ ယသးဆူၣ်န့ၣ်အီၣ်ကွံာ်ယၤလီၤ. အဂ့ၢ်ဒ်အံၤ, ယ ဒုၣ်ယဒါသးပ့ၤနီၣ်နကလုၢ်ကထါလီၤ.

¹⁴⁰ မ့ၢ်နကလုၢ်ကထါကဆှီဝဲဒိၣ်မးဒီး, နခ့နပှၤအဲၣ် အီၤလီၤ.

¹⁴¹ ယမ့ၢ်ပှၤအဆံး, ဒီးပှၤတပးကဲဘၣ်ယၤဘၣ်, ယ တသးပ့ၤနီၣ်ဘၣ်နတၢ်မၤလိာ်တဖၣ်ဘၣ်.

¹⁴² နတၢ်တီတၢ်လိၤန့ၣ် မ့ၢ်တၢ်တီတၢ်လိၤအထူအ ယိာ်, ဒီးနတၢ်သိၣ်တၢ်သီန့ၣ်မ့ၢ်တၢ်မ့ၢ်တၢ်တီလီၤ.

¹⁴³ တၢ်နးတၢ်ဖှီၣ်, ဒီးတၢ်ကိၢ်တၢ်ဂီၤန့ၣ် ဘၣ်လံယၤ လီၤ. နတၢ်မၤလိာ်တဖၣ်န့ၣ် မ့ၢ်ယတၢ်သူၣ်ဖှံသးညီ လီၤ.

¹⁴⁴ နတၢ်အုၣ်အသးတဖၣ်န့ၣ် မ့ၢ်တၢ်တီတၢ်လိၤလီၤ ထူလီၤယိာ်လီၤ. ဒုးနၢ်ပၢၢ်ယၤတက့ၢ်, ဒီးယကမူလီၤ. ရ

¹⁴⁵ ယဃ့ကညးတၢ်ဒီးယသးဒီဖျၢၣ်ညါလီၤ. စံးဆၢ ယၤတက့ၢ်, ယွၤဧၢ. ယကတိၢ်န့ၢ်နတၢ်မၤလိာ်တဖၣ် လီၤ.

¹⁴⁶ ယဃ့တၢ်လၢနၤလီၤ. အုၣ်က့ၤခီၣ်က့ၤယၤတက့ၢ်, ဒီးယကတိၢ်န့ၢ်နတၢ်အုၣ်အသးတဖၣ်လီၤ.

¹⁴⁷ ယလဲၤဘျီမုၢ်ဆ့ၣ်ဝါ, ဒီးယဃ့ကညးတၢ်လီၤ. ယ မုၢ်လၢ်တၢ်လၢနကလုၢ်ကထါလီၤ.

¹⁴⁸ ယမဲာ်လဲၤဘျီ တၢ်ဆိးသီအဆၢအကတီၢ်တဖၣ်ဒ် သိးယကဆိကမိၣ်တၢ်လၢနကလုၢ်ကထါအဂ့ၢ်လီၤ.

¹⁴⁹ ဒိကနၣ်လၢ်ယကလုၢ်ကထါ ဒ်နဘျုးနဖှိၣ်အသိး န့ၣ်တက့ၢ်. ယွၤဧၢ, ဒ်နစံၣ်ညီၣ်တၢ်အသိးန့ၣ်မၤမူ ထီၣ်က့ၤယၤတက့ၢ်.

¹⁵⁰ ပှၤလၢအဃုမၤတၢ်အၢတဖၣ်န့ၣ် သုးဘူးအသး, ဒီးအိၣ်ယံၤဝဲဒီး နတၢ်သိၣ်တၢ်သီလီၤ.

¹⁵¹ နအိၣ်ဘူး, ယွၤဧၢ, ဒီးနတၢ်မၤလိာ်တဖၣ်န့ၣ်မ့ၢ် အမ့ၢ်အတီခဲလၢာ်လီၤ.

¹⁵² ယသ့ၣ်ညါလၢပျၢၤ လၢနတၢ်အုၣ်အသးတဖၣ်အ ပူၤ, လၢနပာ်အီၤလီၤထူလီၤယိာ်လီၤ. လ

¹⁵³ ကွၢ်ဆိကမိၣ်လၢ်ယတၢ်နးတၢ်ဖှီၣ်, ဒီးမၤပူၤမၤဖျဲး လၢ်ယၤတက့ၢ်. အဂ့ၢ်ဒ်အံၤ, နတၢ်သိၣ်တၢ်သီန့ၣ်ယ တသးပ့ၤနီၣ်ဘၣ်.

¹⁵⁴ လိာ်ယကွီၢ်, ဒီးမၤပူၤမၤဖျဲးလၢ်ယၤတက့ၢ်. ဒ်န ကလုၢ်ကထါအသိးန့ၣ်, မၤမူထီၣ်က့ၤလၢ်ယၤတက့ၢ်.

¹⁵⁵ တၢ်အုၣ်က့ၤခီၣ်က့ၤန့ၣ်အိၣ်ယံၤဝဲဒီး ပှၤတတီတ လိၤဘၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ်တဃု ဘၣ်နတၢ်မၤလိာ်တဖၣ်ဘၣ်.

¹⁵⁶ ယွၤဧၢ, နသူၣ်အိၣ်သးအိၣ်တၢ်ဒိၣ်မးလီၤ. ဒ်နစံၣ် ညီၣ်တၢ်တဖၣ်အသိးန့ၣ် မၤမူထီၣ်က့ၤယၤတက့ၢ်.

¹⁵⁷ ပှၤလၢအမၤအၢမၤသီယၤ, ဒီးယဒုၣ်ယဒါန့ၣ်အိၣ် အါဂၤလီၤ. ယတဟးဆှဲးဘၣ်နတၢ်အုၣ်အသးတဖၣ် ဘၣ်.

¹⁵⁸ ယကွၢ်ပှၤလီတၢ်ဖိ, ဒီးယသးကိၢ်ထီၣ်လီၤ. အဂ့ၢ် ဒ်အံၤ, အဝဲသ့ၣ်တဖၣ်န့ၣ် တတိၢ်န့ၢ်ဘၣ်နကလုၢ်က ထါဘၣ်.

¹⁵⁹ ယအဲၣ်နတၢ်မၤလိာ်တဖၣ် ဒ်လဲၣ်ဒ်လဲၣ်န့ၣ်ကွၢ် ဆိကမိၣ်တက့ၢ်. ယွၤဧၢ, ဒ်နဘျုးနဖှိၣ်အသိးန့ၣ်မၤ မူထီၣ်က့ၤလၢ်ယၤတက့ၢ်.

¹⁶⁰ နကလုၢ်ကထါအခီၣ်ထံးန့ၣ် မ့ၢ်အမ့ၢ်အတီလီၤ. ဒီးနတၢ်တီတၢ်လိၤအတၢ်စံၣ်ညီၣ်တဖၣ်န့ၣ် အိၣ်ဝဲလီၤ စိၤလီၤထီကိးထံၣ်ဒဲးလီၤ. ဝ

¹⁶¹ ပဒိၣ်ဖးဒိၣ်မၤအၢမၤသီယၤကလီကလီလီၤ. ဘၣ် ဆၣ်ဒီးယသးပျံၤတၢ်လၢနကလုၢ်ကထါအဃိလီၤ.

¹⁶² ယသူၣ်ဖှံသးညီလၢ နကလုၢ်ကထါအဃိ, ဒ်ပှၤ လၢအထံၣ်န့ၢ်တၢ်ဂုာ်န့ၢ်အါအါကလဲာ်အသိးန့ၣ်လီၤ.

¹⁶³ တၢ်ကတိၤကဘျံးကဘျၣ်န့ၣ် ယသးဟ့အီၤ, ဒီး ယသးဘၣ်အၢအီၤလီၤ. မ့မ့ၢ်နတၢ်သိၣ်တၢ်သီန့ၣ်ယ အဲၣ်အီၤလီၤ.

¹⁶⁴ တနံၤတနံၤနွံစု ယစံးထီၣ်ပတြၢၤနၤလၢနတၢ်တီ တၢ်လိၤအတၢ်စံၣ်ညီၣ်တဖၣ်အဃိလီၤ.

¹⁶⁵ ပှၤလၢအအဲၣ်နတၢ်သိၣ်တၢ်သီတဖၣ်န့ၣ် အိၣ်ဒီး တၢ်ဃူတၢ်ဖိးအါမးလီၤ. ဒီးတၢ်လီၤဃံၤအလီၢ်တအိၣ် ဘၣ်ဒီးအီၤဘၣ်.

¹⁶⁶ ယွၤဧၢ, ယကွၢ်လၢ်နတၢ်အုၣ်က့ၤခီၣ်က့ၤအကျဲဒီး ယတိၢ်န့ၢ်ဖံးဃာ်နတၢ်မၤလိာ်တဖၣ်လီၤ.

¹⁶⁷ နတၢ်အုၣ်အသးတဖၣ်န့ၣ် ယတိၢ်န့ၢ်လၢယသး, ဒီးယအဲၣ်အီၤဒိၣ်ဒိၣ်ကလဲာ်လီၤ.

¹⁶⁸ ယတိၢ်န့ၢ်နတၢ်မၤလိာ်ဒီး နတၢ်အုၣ်အသးတဖၣ် လီၤ. အဂ့ၢ်ဒ်အံၤ, ယကျဲဧိၤကပူၤဧိၤ အိၣ်ဝဲလၢနမဲာ် ညါခဲလၢာ်လီၤ. သ

¹⁶⁹ မ်ယတၢ်ထုကဖၣ်ဟဲထီၣ်ဆူနအိၣ်တက့ၢ်. ယွၤဧၢ, ဒုးနၢ်ပၢၢ်ယၤဒ်နကလုၢ်ကထါအသိးန့ၣ်တက့ၢ်.

¹⁷⁰ မ်ယဃ့ကညးတၢ်ဟဲထီၣ်ဆူနအိၣ်တက့ၢ်. ဒီးမၤ ပူၤမၤဖျဲးယၤဒ်နကလုၢ်ကထါအသိးန့ၣ်တက့ၢ်.

¹⁷¹ တုၤနသိၣ်လိယၤလၢ နတၢ်မၤလိာ်တဖၣ်ဒီး, ယ ထးခိၣ်ကစံးထီၣ်ပတြၢၤတၢ်လီၤ.

¹⁷² ယပျ့ၤကစံၣ်တဲၤတဲလီၤနကလုၢ်ကထါလီၤ. အဂ့ၢ် ဒ်အံၤ, နတၢ်မၤလိာ်တဖၣ်န့ၣ် မ့ၢ်အတီအလိၤခဲလၢာ် လီၤ.

¹⁷³ မ်နစုမၤစၢၤယၤတက့ၢ်. အဂ့ၢ်ဒ်အံၤ, ယဃုထၢန တၢ်မၤလိာ်တဖၣ်လီၤ.

¹⁷⁴ ယဆၢန့ၢ်နတၢ်အုၣ်က့ၤခီၣ်က့ၤ, ယွၤဧၢ, ဒီးနတၢ် သိၣ်တၢ်သီန့ၣ်မ့ၢ်ယတၢ်သူၣ်ဖှံသးညီလီၤ.

¹⁷⁵ မ်ယသးမူတက့ၢ်. ဒီးယကစံးထီၣ်ပတြၢၤနၤလီၤ. ဒီးမ်နစံၣ်ညီၣ်တၢ်တဖၣ်န့ၣ်မၤစၢၤယၤတက့ၢ်.

¹⁷⁶ ယဟးဖျိးကျဲဒ်သိလၢအဟါမၢ်တဒုအသိးလီၤ. ဃု န့ၢ်နခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

၁၂၀

ပှၤတမှံၤအတၢ်သးဝံၣ်.

¹ လၢယဘၣ်တၢ်နးတၢ်ဖှီၣ်န့ၣ် ယကိးထီၣ်ယွၤဒီးက နၣ်ဝဲယကလုၢ်လီၤ. ² ယွၤဧၢ, မၤပူၤမၤဖျဲးယသးလၢ ထးခိၣ်ကဘျံးကဘျၣ်ဒီးပျ့ၤအလီတၢ်တက့ၢ်. ³ ပျ့ၤအ လီတၢ်ဧၢ, တၢ်ကဟ့ၣ်နၤလၢမနုၤလဲၣ်, ဒီးတၢ်ကမၤ နၤဒ်လဲၣ်.

⁴ ပှၤအဆူၣ်တဖၣ်အပျၢ်လၢအအ့ၣ်ဝဲ, ဒီးပထိးသ့ၣ်ရီ သ့ၣ်အမ့ၣ်အူကဖးလီၤ.

⁵ ယဘၣ်တၢ်အဖှီၣ်လီၤ. အဂ့ၢ်ဒ်အံၤ, ယမ့ၢ်ပှၤတမှံၤ လၢပှၤမ့ၤၡးဖိအကျါ, ဒီးယအိၣ်ယဆိးလၢက့ဒၢ်ဖိအဒဲ ပူၤလီၤ. ⁶ ယအိၣ်ယဆိးဃဲးဃဲးတ့ၢ်ဒီး ပှၤလၢအသး ဟ့တၢ်ဃူတၢ်ဖိးလီၤ. ⁷ ယဲဒၣ်အံၤ ယအဲၣ်တၢ်ဃူတၢ် ဖိးလီၤ. မ့မ့ၢ်တုၤယကတိၤထီၣ်တၢ်ဒီး, အဝဲသ့ၣ်တ ဖၣ်အဲၣ်တၢ်ဒုးတၢ်ယၤလီၤ.

၁၂၁

ပှၤတမှံၤအတၢ်သးဝံၣ်.

¹ ယကကျ့ထီၣ်ယမဲာ်ဆူ ကစၢၢ်ကလိ ဖဲတၢ်မၤစၢၤ ယၤဟဲဝဲလီၤ. ² တၢ်မၤစၢၤယၤန့ၣ်ဟဲဝဲလၢယွၤလၢအ တ့လီၤမူခိၣ်, ဒီးဟီၣ်ခိၣ်တဂၤအအိၣ်လီၤ.

³ တဟ့ၣ်နခီၣ်လီၤတလံာ်ဘၣ်. ပှၤလၢအကွၢ်လီၤနၤ တဂၤန့ၣ်တမံဘၣ်ဝဲဘၣ်. ⁴ ကွၢ်ကွၢ်, ပှၤလၢအကွၢ် အံၣ်စရ့လးတဂၤန့ၣ်တမံဘၣ်, ဒီးတမံခ့ဘၣ်. ⁵ ယွၤ မ့ၢ်ပှၤလၢအကွၢ်လီၤနၤလီၤ. ယွၤမ့ၢ်နတၢ်ကဒုအိၣ်လၢ နစုထွဲတခီလီၤ. ⁶ မုၢ်တမၤဆါဘၣ်နၤလၢ မုၢ်ဆါခီ ဘၣ်, ဒီးလါန့ၣ်လၢမုၢ်နၤဘၣ်.

⁷ ယွၤကခိးတြီကွံာ်တၢ်အၢလၢနၤခဲလၢာ်လီၤ. ကအံး လီၤကကွၢ်လီၤနသးလီၤ.

⁸ နဟးထီၣ်တၢ်, ဒီးနဟဲက့ၤတၢ်န့ၣ် တုၤအံၤဆူညါ ယွၤကအံးက့ၤကကွၢ်က့ၤဝဲလီၤထူလီၤယိာ်လီၤ.

၁၂၂

ပှၤတမှံၤအတၢ်သးဝံၣ်, လၢစီၤဒၤဝံး.

¹ တုၤပှၤစံးဘၣ်ယၤ, မ်ပလဲၤထီၣ်သကိးဆူယွၤအဟံၣ် တက့ၢ်န့ၣ်ယသူၣ်ခုယသးခုလီၤ. ² ယရူၤၡလ့ၣ်ဧၢ, ပ ခီၣ်ကဆၢထၢၣ်လၢနပဲတရီအပူၤလီၤ.

³ ယရူၤၡလ့ၣ်န့ၣ် တၢ်တ့အီၤဒ်ဝ့ၢ်လၢအတၢ်အိၣ်ဘၣ် ဃးလိာ်အသးအသိးန့ၣ်လီၤ. ⁴ ပှၤအဒူၣ်, ယွၤအဒူၣ် သ့ၣ်တဖၣ်န့ၣ်လဲၤထီၣ်ဖဲန့ၣ် ဒ်တၢ်မၤလိာ်အံၣ်စရ့လး အသိး, ဒ်သိးအကစံးထီၣ်ပတြၢၤယွၤအမံၤလီၤ. ⁵ အဂ့ၢ် ဒ်အံၤ, တၢ်စံၣ်ညီၣ်အလီၢ်ပစိာ်တဖၣ်, စီၤဒၤဝံးအ ဟံၣ်အလီၢ်ပစိာ်တဖၣ်န့ၣ်, အိၣ်ဝဲဖဲန့ၣ်လီၤ.

⁶ ဘါထုကဖၣ်န့ၢ်လၢ ယရူၤၡလ့ၣ် အတၢ်ဃူတၢ်ဖိး အဂီၢ်တက့ၢ်. ပှၤလၢအအဲၣ်နၤတဖၣ်န့ၣ် ကဘီၣ်ထီၣ် ကညီထီၣ်ဝဲလီၤ.

⁷ မ်တၢ်ဃူတၢ်ဖိးအိၣ်လၢနခိၣ်ဒူအပူၤ, ဒီးတၢ်ဘီၣ်တၢ် ညီအိၣ်လၢနစီၤပၤအဟံၣ်ပူၤတက့ၢ်. ⁸ လၢယဒီပုၢ်ဝဲၢ် ဒီးယတံၤယသကိးအဃိန့ၣ် ယကစံးခဲကနံၣ်အံၤ, မ် တၢ်ဃူတၢ်ဖိးအိၣ်လၢနပူၤတက့ၢ်. ⁹ ယကဃုနတၢ်ဂ့ၤ လၢယွၤပကစၢ်အဟံၣ်အဃိလီၤ.

၁၂၃

ပှၤတမှံၤအတၢ်သးဝံၣ်.

¹ ပှၤလၢအအိၣ်ဝဲဆိးဝဲလၢမူခိၣ်ဧၢ, ယကျ့ထီၣ်ယမဲာ် ဆူနၤလီၤ. ² ကွၢ်ကွၢ်, ဒ်အခ့အပှၤပိာ်ခွါအမဲာ်ကွၢ်ဆူ အကစၢ်ပိာ်ခွါအစုအသိး, ဒ်အခ့အပှၤပိာ်မုၣ် အမဲာ် ကွၢ်ဆူအကစၢ်မုၣ်အစုအသိးန့ၣ် ပမဲာ်ကွၢ်ဆူယွၤပက စၢ်အအိၣ်ဒ်န့ၣ်သိး, တုၤအသူၣ်ကညီၤသးကညီၤ ပှၤ လီၤ.

³ သူၣ်ကညီၤသးကညီၤပှၤ, ယွၤဧၢ, သူၣ်ကညီၤသး ကညီၤလၢ်ပှၤတက့ၢ်. အဂ့ၢ်ဒ်အံၤ, ပပှဲၤဒီးတၢ်တရီတ ပါနးမးလီၤ. ⁴ ပသးပှဲၤဆၢၣ်ကလာ်ဒီး ပှၤလၢအတ ဘၣ်တၢ်နီတမံၤဘၣ်တဖၣ်အတၢ်နံၤဘၣ်ဖၣ်လဲ, ဒီးပှၤ လၢအပာ်အသးထီၣ်ထီတဖၣ် အတၢ်မၤတရီတပါန့ၣ် လီၤ.

၁၂၄

ပှၤတမှံၤအတၢ်သးဝံၣ်.

¹ ခဲကနံၣ်အံၤ မ်အံၣ်စရ့လးစံး, မ့တမ့ၢ်ဘၣ်ယွၤလၢ အအိၣ်လၢပပူၤဒီး, ² တုၤပှၤဂဲၤဆၢထၢၣ်ထီဒါပှၤန့ၣ်, မ့တမ့ၢ်ယွၤလၢအအိၣ်လၢပသိးဒီး, ³ တုၤအဝဲသ့ၣ်အ သးထီၣ်ပှၤန့ၣ်ပအိၣ်မူဒံးအဖၢမုၢ်ဒီး, ကယူၢ်လီၤကွံာ် တ့ၢ်ပှၤ, ⁴ ဒီးထံကလုၣ်ဘၢကွံာ်တ့ၢ်ပှၤ, ဒီးထံမိၢ်ပှၢ် ကယွၤတ့ၢ်လၢပသးအဖီခိၣ်, ⁵ ထံဒိၣ်ကယွၤတ့ၢ်လၢ ပသးအဖီခိၣ်လံလီၤ.

⁶ ပှၤလၢအတဟ့ၣ်ဘၣ်ပှၤလၢ တၢ်အ့ၣ်အလီၢ်လၢအ မဲအဂီၢ်, ယွၤတဂၤန့ၣ်, မ်အဘၣ်တၢ်စံးထီၣ်ပတြၢၤ အီၤတက့ၢ်.

⁷ ပသးထူၣ်ဖျဲးလံ ဒ်ထိၣ်တဘ့ၣ်လၢပှၤဖီၣ်န့ၢ်ထိၣ်ဧိၤ လံၣ်ဧိၤ အပျံၤသကွီၤအပူၤအသိးန့ၣ်လီၤ. ပျံၤသကွီၤ န့ၣ်တဲာ်ကွံာ်လံ, ဒီးပဝဲဒၣ်အံၤပထူၣ်ဖျဲးလံ.

⁸ တၢ်မၤစၢၤပှၤအိၣ်ဝဲလၢ ယွၤလၢအတ့လီၤမူခိၣ်, ဒီး ဟီၣ်ခိၣ်တဂၤန့ၣ်အမံၤအပူၤလီၤ.

၁၂၅

ပှၤတမှံၤအတၢ်သးဝံၣ်.

¹ ပှၤလၢအသန့ၤအသးလၢယွၤန့ၣ် မၤအသးဒ်ကစၢၢ် စံယိၣ်အသိးန့ၣ်လီၤ. တဟူးတဝးဘၣ်ဝဲဘၣ်, ဒီးအိၣ် ဝဲဆိးဝဲလီၤထူလီၤယိာ်လီၤ.

² ဒ်ကစၢၢ်ကလိအိၣ်ဝးတရံး ယရူၤၡလ့ၣ်အသိးန့ၣ်, ယွၤအိၣ်ဝးတရံးအပှၤဂီၢ်မုၢ်တုၤအံၤဆူညါ အစိၤစိၤအ ဃၣ်ဃၣ်လီၤ.

³ အဂ့ၢ်ဒ်အံၤ, ပှၤအၢပှၤသီအနီၣ်ထိၣ် တအိၣ်တဆိး ဘၣ်လၢပှၤအတီအလိၤအလီၢ်ဘၣ်, ဒ်သိးပှၤအတီအ လိၤသုတယူာ်ထီၣ်အစုဆူတၢ်အၢတၢ်သီတဂ့ၤန့ၣ်လီၤ.

⁴ ယွၤဧၢ, မၤဂ့ၤပှၤအဂ့ၤအဝါ, ဒီးပှၤအသးစၢၢ်ဆၢန့ၣ် တက့ၢ်. မ့မ့ၢ်ပှၤလၢအပိာ်ကမၣ် ကျဲအက့ၣ်အကူတ ဖၣ်န့ၣ်ယွၤကဟီထီၣ်ကွံာ်အီၤ အိၣ်ဒီးပှၤမၤတၢ်အၢန့ၣ် လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအလိၤတက့ၢ်.

၁၂၆

ပှၤတမှံၤအတၢ်သးဝံၣ်

¹ တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤ သးဒ်ပှၤလၢအမံမီၢ်တၢ်အသိးန့ၣ်လီၤ. ² တုၤနုၤတစုပ ထးခိၣ်ပှဲၤဝဲဒီးတၢ်နံၤတၢ်အ့, ဒီးပပျ့ၤပှဲၤဝဲဒီးတၢ်သးဝံၣ် န့ၣ်လီၤ. တုၤနုၤတစုအဝဲသ့ၣ်တဖၣ်န့ၣ် စံးလၢပှၤက လုာ်တဖၣ်အကျါန့ၣ် ယွၤမၤတၢ်အဒိၣ်တဖၣ်လၢအဂီၢ် လီၤ. ³ ယွၤမၤတၢ်အဒိၣ်တဖၣ်လၢပဂီၢ်, ဒီးပသးခု လၢအဃိလီၤ.

⁴ ယွၤဧၢ, ဃၣ်ကဒါက့ၤပတၢ်ကဲကုၢ်ဒ်ထံကျိအိၣ်လၢ ကလံၤထံးတခီအသိးန့ၣ်တက့ၢ်.

⁵ ပှၤလၢအဖှံတၢ် အိၣ်ဒီးအမဲာ်ထံလီၤန့ၣ် ကကူးတၢ် ဒီးတၢ်သးခုလီၤ. ⁶ လဲၤဝဲဒီးလဲၤဝဲ, ဒီးအမဲာ်ထံလီၤ, အိၣ်ဒီးဖှံတၢ်ချံန့ၣ်, ဟဲက့ၤဝဲဒီးဟဲက့ၤဝဲ, ဒီးအသူၣ်ဖှံ သးညီအိၣ်ဒီးအဘုကဒိၣ်သ့ၣ်တဖၣ်န့ၣ်လီၤ.

၁၂၇

ပှၤတမှံၤအတၢ်သးဝံၣ်, လၢစီၤၡလိၤမိၤ

¹ ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤ ဝဲကလီကလီလီၤ. ယွၤမ့ၢ်တကွၢ်ဘၣ်ဝ့ၢ်ဒီး, ပှၤပၢၤ တၢ်တဖၣ်န့ၣ် ဆိးသီဝဲကလီကလီလီၤ. ² သုဂဲၤဆၢ ထၢၣ်ဂီၤဂီၤ, သုကီၤမံဃဲးဃဲး, သုအီၣ်တၢ်သးအုးအ ကိၣ်န့ၣ်ကလီကလီလီၤ. ပှၤလၢယွၤအဲၣ်အီၤတဖၣ်န့ၣ် ယွၤဟ့ၣ်လၢအမံဝဲဒ်န့ၣ်လီၤ.

³ ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါလၢယွၤလီၤ. ဒီး ပှၤဒၢလီၢ်အတၤသၣ်န့ၣ်မ့ၢ်တၢ်အဘူးအလဲလီၤ.

⁴ ဒ်ပျၢ်ဧိၤစၤဧိၤအိၣ်လၢပှၤအဆူၣ်အစုပူၤအသိးန့ၣ် ပှၤ သးစၢ်အဖိမ့ၢ်ဒ်န့ၣ်အသိးလီၤ. ⁵ ပှၤလၢအလၢပီၤပှဲၤဒီး အီၤန့ၣ်ဘၣ်ဆိၣ်ဂ့ၤဝဲလီၤ. တုၤအကတိၤတၢ်ဒီးအဒုၣ် အဒါလၢပဲတရီပူၤဒီး, အမဲာ်တဆှးဘၣ်လီၤ.

၁၂၈

ပှၤတမှံၤအတၢ်သးဝံၣ်.

¹ ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ် ဆိၣ်ဂ့ၤဝဲလီၤ. ² အဂ့ၢ်ဒ်အံၤ, နကအီၣ်တၢ်လၢနမၤ တၢ်လၢနစုလီၤ. နကအိၣ်မုာ်, ဒီးနကဘၣ်တၢ်ဂ့ၤတၢ် ဝါလီၤ. ³ နမါကမၤသးဒ်စပံးမုၢ်လၢအသၣ်ထီၣ်တမုၢ် အိၣ်လၢနဟံၣ်ဃၢၤအသိးန့ၣ်, ဒီးနဖိနလံၤကမၤသးဒ် သ့ၣ်စၤယံးအထံးသ့ၣ်တဖၣ် အိၣ်ဝးတရံးနစီၢ်နီၤခိၣ် အသိးန့ၣ်လီၤ.

⁴ ကွၢ်ကွၢ်, ပှၤလၢအပျံၤယွၤန့ၣ် ကဘၣ်တၢ်ဆိၣ်ဂ့ၤ ဒ်န့ၣ်အသိးလီၤ. ⁵ ယွၤကဆိၣ်ဂ့ၤနၤလၢစံယိၣ်, ဒီးနက ထံၣ်ဘၣ်ယရူၤၡလ့ၣ်အတၢ်ဂ့ၤန့ၣ်တစိၤဒၣ်နၤလီၤ. ⁶ ဒီး နကထံၣ်ဘၣ်နဖိတဖၣ်အဖိလီၤ. မ်တၢ်ဃူတၢ်ဖိးအိၣ် ဒီးအံၣ်စရ့လးတက့ၢ်.

၁၂၉

ပှၤတမှံၤအတၢ်သးဝံၣ်.

¹ ပှၤမၤနးမၤဖှီၣ်ယၤလၢ ယဖိၣ်သၣ်ခွါထီၣ်လံၤလံၤအါ စုအါဘျီန့ၣ် မ်အံၣ်စရ့လးစံးခဲအံၤတက့ၢ်, ² ပှၤမၤနး မၤဖှီၣ်ယၤလၢယဖိၣ်သၣ်ခွါထီၣ်လံၤလံၤ အါစုအါဘျီ, ဘၣ်ဆၣ်ဒီး, တမၤဃၣ်ဘၣ်ယၤဘၣ်. ³ ပှၤထဲၣ်တၢ် ဖိတဖၣ်ထဲၣ်တၢ်လၢယချၢဃံလီၤ. မၤအကျိၤထီထီက လဲာ်လီၤ.

⁴ ယွၤမ့ၢ်အတီအလိၤလီၤ. ဒီၣ်တဲာ်ဝဲ ပှၤအၢပှၤသီအ ပျံၤလီၤ.

⁵ ကယဲၢ်ပှၤလၢအသးဟ့ စံယိၣ်သ့ၣ်တဖၣ်န့ၣ်မ်အမဲာ် ဆှး, ဒီးဃၣ်ကဒါက့ၤခဲလၢာ်တက့ၢ်. ⁶ မ်အမၤသးဒ် တီၢ်မုၢ်လၢအအိၣ်လၢဟံၣ်ခိၣ်လၢ ပှၤတချုးကူးဒံးဘၣ် ဝဲဘၣ်ဒီး, ဃ့ထီၣ်ကွံာ်ဝဲအသိးန့ၣ်တက့ၢ်. ⁷ အဝဲန့ၣ် ပှၤကူးတၢ်ဖိတမၤပှဲၤဘၣ်အစုလၢအီၤဘၣ်, ဒီးပှၤလၢအ ဃ့ထီၣ်ဘုကဒိၣ်ဖိ တပာ်ဘၣ်ဝဲလၢအသးနါပှၢ်ဘၣ်.―

⁸ ဒီးပှၤလၢအဟးလၢကျဲတစံးဘၣ်ဝဲ, မ်ယွၤကဆိၣ်ဂ့ၤ သုတက့ၢ်, ပဆိၣ်ဂ့ၤသုလၢယွၤအမံၤလီၤန့ၣ်ဘၣ်.

၁၃၀

ပှၤတမှံၤအတၢ်သးဝံၣ်.

¹ ယွၤဧၢ, ယကိးထီၣ်နၤလၢတၢ်ယိာ်အပူၤလီၤ.―က စၢ်ဧၢ, ဒိကနၣ်လၢ်ယကလုၢ်တက့ၢ်. ပာ်ကနၣ်နနၢ် လၢယဃ့ကညးတၢ်အကလုၢ်တက့ၢ်. ³ ယွၤဧၢ, နမ့ၢ် ကွၢ်ဟုၣ်ပလီၤကမၣ်တၢ်ဒီး, ကစၢ်ဧၢ, မ့ၢ်မတၤက ဆၢထၢၣ်တဂၤလဲၣ်. ⁴ ဘၣ်ဆၣ်ဒီး, နမၤပူၤမၤဖျဲးတၢ် ဒ်သိး ပှၤကပျံၤနၤလီၤ.

⁵ ယကွၢ်လၢ်ယွၤအကျဲ, ယသးကွၢ်လၢ်ယွၤအကျဲလီၤ. ဒီးယမုၢ်လၢ်တၢ်လၢ အကလုၢ်အကထါန့ၣ်လီၤ. ⁶ ယ သးကွၢ်လၢ်ယွၤအကျဲအါန့ၢ်ဒိၣ်န့ၢ် ပှၤဆိးသီတၢ်ကွၢ် လၢ်မုၢ်ဆ့ၣ်အကျဲန့ၣ်တက့ၢ်, ယစံး, အါန့ၢ်ပှၤဆိးသီ တၢ်ကွၢ်လၢ်မုၢ်ဆ့ၣ်အကျဲန့ၣ်တက့ၢ်လီၤ.

⁷ မ်ပှၤအံၣ်စရ့လးဖိမုၢ်လၢ်တၢ်လၢယွၤတက့ၢ်. အဂ့ၢ် ဒ်အံၤ, တၢ်ဘျုးတၢ်ဖှိၣ်, ဒီးတၢ်အုၣ်တၢ်ခီၣ်အလၢအ ပှဲၤအိၣ်ဒီးအီၤလီၤ.

⁸ ဒီးကပှ့ၤက့ၤအံၣ်စရ့လးလၢ အတၢ်အၢခဲလၢာ်အပူၤ လီၤ.

၁၃၁

ပှၤတမှံၤအတၢ်သးဝံၣ်လၢစီၤဒၤဝံး.

¹ ယွၤဧၢ, ယသးတထီၣ်ထီဘၣ်, ဒီးယတပာ်ထီၣ်ထီ ယမဲာ်ဘၣ်, ဒီးယတလဲၤဘၣ်လၢတၢ်အဒိၣ်အပူၤ, ဒီး လၢတၢ်လၢ အကီကဲၣ်ဆိးလၢယဂီၢ်တဖၣ် အပူၤန့ၣ် ဘၣ်. ² မ့ၢ်မးယမၤဃူမၤဖိးယသး, ဒီးယမၤနဲၤလီၤ ယသးဒ်ဖိသၣ်လၢအဖှၣ်အမိၢ်အနုၢ်အသိးန့ၣ်လီၤ. ယ သးမၤသးဒ်ဖိသၣ်လၢအဖှၣ်အမိၢ်အနုၢ်အသိးန့ၣ်လီၤ.

³ မ်အံၣ်စရ့လး မုၢ်လၢ်တၢ်လၢယွၤန့ၣ်တုၤအံၤဆူညါ လီၤထူလီၤယိာ်တက့ၢ်.

၁၃၂

ပှၤတမှံၤအတၢ်သးဝံၣ်.

¹ ယွၤဧၢ, သ့ၣ်နီၣ်ထီၣ်က့ၤစီၤဒၤဝံးလၢအတၢ်နးတၢ် ဖှီၣ်ခဲလၢာ်အပူၤန့ၣ်တက့ၢ်. ² အဝဲဒၣ်န့ၣ်ဆိၣ်လီၤအ သးလၢယွၤအမဲာ်ညါ, ဆိၣ်လီၤအသးလၢစီၤယၤကိာ် အကစၢ်အမဲာ်ညါဒ်အံၤ, ³ ယတချုးထံၣ်န့ၢ်ဒံးဘၣ်တၢ် အလီၢ်လၢယွၤအဂီၢ်, အအိၣ်အဆိးအလီၢ်လၢစီၤယၤ ကိာ်အကစၢ်အဂီၢ်န့ၣ်ဒီး, ⁴ ယတဟဲနုာ်ဘၣ် လၢယ ဟံၣ်အဒဲပူၤဘၣ်, ဒီးယတလဲၤထီၣ်လၢယလီၢ်မံခးအ လိၤဘၣ်, ⁵ ဒီးယတဟ့ၣ်မံဘၣ်ယမဲာ်, ယတဒုးမံခ့ ဘၣ်ယမဲာ်ဖံးဘၣ်လီၤ.

⁶ ကွၢ်ကွၢ်, ပနၢ်ဟူတၢ်တမံၤန့ၣ်လၢအ့ဖရးသးအပူၤ, ပထံၣ်န့ၢ်တၢ်တမံၤန့ၣ်လၢသ့ၣ်အပှၢ်လၢ်ကျါလီၤ.

⁷ ပကလဲၤနုာ်လၢအအိၣ်အဆိးအလီၢ်, ပကဘူၣ်က့ၤ ဘါက့ၤလၢအခီၣ်ယီၢ်လီၤအထံးလီၤ. ⁸ ယွၤဧၢ, ဂဲၤဆၢထၢၣ်, လဲၤနုာ်လၢနအိၣ်ဘှံးအလီၢ်, နဲဒၣ်တဂၤဒီးနစိနကမီၤအတလါတဖျၢၣ်န့ၣ်တက့ၢ်.

⁹ မ်နပှၤလုၢ်တၢ်အဒိၣ်တဖၣ် ကူထီၣ်သိးထီၣ်ဒီးတၢ်တီ တၢ်လိၤ, ဒီးမ်နပှၤစီဆှံတဖၣ်ကိးပသူထီၣ်လၢအသး ခုအဃိတက့ၢ်.

¹⁰ လၢနခ့နပှၤစီၤဒၤဝံးအဃိန့ၣ် ဃၣ်ကွံာ်နပှၤဒိးဖှူအ သးအမဲာ်တဂ့ၤ.

¹¹ ယွၤဆိၣ်တၢ်ဒီးစီၤဒၤဝံး လၢတၢ်မ့ၢ်တၢ်တီ, တကဒံ ကဒါဘၣ်လၢအီၤန့ၣ်, ယကပာ်နနီၢ်ခိအတၤသၣ်လၢ နလီၢ်ပစိာ်အဖီခိၣ်လီၤ. ¹² နဖိနလံၤမ့ၢ်တိၢ်န့ၢ်ဖံးဃာ်ယ တၢ်အၢၣ်လီၤအီလီၤ, ဒီးယတၢ်အုၣ်ယသးလၢယက သိၣ်လိအီၤဒီး, အဝဲသ့ၣ်တဖၣ် အဖိအလံၤကဆ့ၣ်နီၤ စ့ၢ်ကီးလၢနလီၢ်ပစိာ်အဖီခိၣ်လီၤထူလီၤယိာ်လီၤ.

¹³ အဂ့ၢ်ဒ်အံၤ, ယွၤဃုထၢလံစံယိၣ်, ဘၣ်အသးလၢ အကကဲထီၣ်အအိၣ်အဆိးအလီၢ်လီၤ.

¹⁴ အအံၤတပူၤမ့ၢ်ယအိၣ်ဘှံးအလီၢ် လီၤစိၤလီၤထီလီၤ. ယကအိၣ်ကဆိးဖဲအံၤလီၤ. အဂ့ၢ်ဒ်အံၤ, ဘၣ်ယသး လၢအီၤလီၤ.

¹⁵ ယကဆိၣ်ဂ့ၤအတၢ်အီၣ်တၢ်အီသပှၢ်ပှၢ်, အပှၤဖှီၣ်ဖိ ယာ်ဖိန့ၣ်ယကဒုးဘျဲးအီၣ်အီၤလၢကိၣ်လီၤ. ¹⁶ ဒီးယက ဒုးကူဒုးသိးအပှၤလုၢ်တၢ်အဒိၣ်လၢ တၢ်အုၣ်က့ၤခီၣ် က့ၤ, ဒီးအပှၤစီဆှံတဖၣ် ကကိးပသူထီၣ်လၢအသး ခုအဃိလီၤ.

¹⁷ ဖဲန့ၣ်ယကဒုးဒိးထီၣ် စီၤဒၤဝံးအနၢၤတဘိ, ယက ကတဲာ်ကတီၤမ့ၣ်အူဒၢတဖျၢၣ်လၢ ယပှၤဒိးဖှူအသး တဂၤအဂီၢ်လီၤ.

¹⁸ ယကဒုးကူဒုးသိးအဒုၣ်အဒါလၢတၢ်မဲာ်ဆှးလီၤ. မ့ မ့ၢ်အခိၣ်သလုးကဘီၣ်ထီၣ်ညီထီၣ်လၢ အကစၢ်ဒၣ်ဝဲ အဖီခိၣ်လီၤ.

၁၃၃

ပှၤတမှံၤအတၢ်သးဝံၣ်, လၢစီၤဒၤဝံး.

¹ ဒီပုၢ်ဝဲၢ်အိၣ်ဝဲဆိးဝဲလၢအသးတဖျၢၣ်ဃီအံၤ, ဂ့ၤဆံး ဒိၣ်လဲၣ်, ဒီးမုာ်ဆံးဒိၣ်လဲၣ်ဆံးဒိၣ်လဲၣ်န့ၣ် ကွၢ်ကွၢ် တက့ၢ်. ² မၤသးဒ်သိလုၢ်ဒိၣ်ပှ့ၤဒိၣ်အိၣ်လၢအခိၣ်လၢ အယွၤလီၤပၢၢ်လၢအခၣ်ဆူၣ်, စီၤအၤဟရိၣ်အခၣ်ဆူၣ်, လၢအယွၤလီၤပၢၢ်လၢအဆ့အခီၣ်ထံးအသိးန့ၣ်, ³ မၤ သးဒ်ကစၢၢ်ဃ့ၤရမိၣ်အပစီၤထံ လၢအလီၤဘၣ်လၢစံ ယိၣ်အကစၢၢ်ကလိအလိၤအသိးန့ၣ်လီၤ. အဂ့ၢ်ဒ်အံၤ, ယွၤမၤလိာ်တၢ်ဆိၣ်ဂ့ၤ, တၢ်မူအထူအယိာ်ဖဲန့ၣ်လီၤ.

၁၃၄

ပှၤတမှံၤအတၢ်သးဝံၣ်.

¹ ကွၢ်ကွၢ်, ကယဲၢ်ယွၤအခ့အပှၤလၢအဆၢထၢၣ်လၢ ယွၤအဟံၣ်လၢမုၢ်နၤ ခဲလၢာ်သ့ၣ်ဧၢ, စံးထီၣ်ပတြၢၤ ယွၤတက့ၢ်. ² ယူာ်ထီၣ်သုစုဆူတၢ်အလီၢ်စီဆှံအအိၣ်, ဒီးစံးထီၣ်ပတြၢၤယွၤတက့ၢ်.

³ ယွၤလၢအတ့လီၤမူခိၣ်, ဒီးဟီၣ်ခိၣ်တဂၤန့ၣ် မ်အ ဆိၣ်ဂ့ၤနၤလၢစံယိၣ်တက့ၢ်.

၁၃၅

¹ စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤအမံၤ တက့ၢ်. ² ယွၤအခ့အပှၤ လၢအဆၢထၢၣ်လၢယွၤအ ဟံၣ်ပူၤ, လၢပကစၢ်အဟံၣ်အဂၢၤပူၤသ့ၣ်ဧၢ, စံးထီၣ် ပတြၢၤတၢ်တက့ၢ်.

³ စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ယွၤဂ့ၤဝဲ လီၤ. သးဝံၣ်ထီၣ်အမံၤတက့ၢ်. အဂ့ၢ်ဒ်အံၤ, မုာ်ဝဲလီၤ.

⁴ အဂ့ၢ်ဒ်အံၤ, ယွၤဃုထၢယၤကိာ်လၢအဂီၢ်ဒၣ်ဝဲ, အံၣ် စရ့လးလၢအတၢ်လုၢ်ဒိၣ်ပှ့ၤဒိၣ်လီၤဆီဒၣ်တၢ်လီၤ.

⁵ အဂ့ၢ်ဒ်အံၤ, ယသ့ၣ်ညါလၢယွၤမ့ၢ်တၢ်အဒိၣ်, ဒီး ပကစၢ်ဒိၣ်န့ၢ်ကယဲၢ်ကစၢ်ခဲလၢာ်တက့ၢ်လီၤ.

⁶ ယွၤမၤဝဲ ကယဲၢ်တၢ်ဘၣ်အသးလၢမူခိၣ်အပူၤ, ဒီး လၢဟီၣ်ခိၣ်ချၢ, ဒီးလၢပီၣ်လဲၣ်ပူၤ, ဒီးလၢထံယိာ်ပူၤ ခဲလၢာ်လီၤ.

⁷ အဝဲဒၣ်န့ၣ်ဒုးခုၣ်ထီၣ်တၢ်ဘှ့ၣ်လၢဟီၣ်ခိၣ်အကတၢၢ် တဖၣ်, ဒီးတ့လီၤလီဝၢ်အဒံးလၢတၢ်စူၤအဂီၢ်, ဒီးဒုး ဟဲကလံၤလၢတၢ်ပာ်ဖှိၣ်အလီၢ်ပူၤန့ၣ်လီၤ.

⁸ အဝဲဒၣ်န့ၣ်ကျီသံကွံာ် ပှၤအဲၤကူပတူးဖိအဝဲၢ်ကိလၢ ပှၤကညီပၢၢ်လၢဆၣ်ဖိကီၢ်ဖိအဒၢလီၤ. ⁹ မၢလီၤတၢ်ပ နီၣ်လီၤလး, ဒီးတၢ်လီၤလိၢ်လီၤလးလၢနကျါ, အဲၤကူ ပတူးဧၢ, လၢဖၤရိၤ, ဒီးအခ့အပှၤအကျါလီၤ. ¹⁰ ကျီ သံကွံာ်ပှၤအါကလုာ်, ဒီးမၤသံစီၤပၤဖးဒိၣ်သ့ၣ်တဖၣ်,―

¹¹ ပှၤအမိၢ်ဖိအစီၤပၤစံဃိၣ်, ဒီးဘၤၡၣ်အစီၤပၤဧိာ်, ဒီး ကနၤဧၣ်အဘီအမုၢ်ခဲလၢာ်, ¹² ဒီးဟ့ၣ်လီၤအထံအကီၢ် လၢတၢ်န့ၢ်သါ, လၢတၢ်န့ၢ်သါလၢအပှၤဂီၢ်မုၢ်အံၣ်စရ့ လးအဂီၢ်လီၤ.

¹³ ယွၤဧၢ, နမံၤအိၣ်ဝဲလီၤစိၤလီၤထီလီၤ. ယွၤဧၢ, တၢ် သ့ၣ်နီၣ်ထီၣ်က့ၤနၤအံၤ, အိၣ်ဝဲအစိၤစိၤ အဃၣ်ဃၣ် လီၤ. ¹⁴ အဂ့ၢ်ဒ်အံၤ, ယွၤကစံၣ်ညီၣ်အပှၤဂီၢ်မုၢ်, ဒီးက သ့ၣ်နီၣ်လီၤက့ၤအသးလၢအခ့အပှၤအဂ့ၢ် လီၤ. ¹⁵ ပှၤကလုာ်တဖၣ်အတၢ်ဂီၤတၢ်ဖီၣ်န့ၣ် မ့ၢ်ကျိၣ်ဧိၤစ့ဧိၤ, ဒီးထူဧိၤလွဲဧိၤ, ပှၤကညီအတၢ်မၤလၢအစုလီၤ.―

¹⁶ အိၣ်ဒီးအထးခိၣ်, ဒီးတကတိၤဘၣ်တၢ်ဘၣ်. အိၣ်ဒီး အမဲာ်, ဒီးတထံၣ်ဘၣ်တၢ်ဘၣ်. ¹⁷ အိၣ်ဒီးအနၢ်, ဒီး တနၢ်ဟူဘၣ်တၢ်ဘၣ်. ဒီးအသါတအိၣ်ဘၣ်လၢ အ ထးခိၣ်ပူၤဘၣ်.

¹⁸ ပှၤလၢအတ့အီၤတဖၣ်, ကယဲၢ်ပှၤလၢ အသန့ၤအ သးလၢအီၤခဲလၢာ်န့ၣ်လီၤဂာ်လၢအီၤလီၤ.

¹⁹ အံၣ်စရ့လးအပှၤဟံၣ်ဖိသ့ၣ်ဧၢ, စံးထီၣ်ပတြၢၤယွၤ တက့ၢ်. စီၤအၤဟရိၣ်အပှၤဟံၣ်ဖိသ့ၣ်ဧၢ, စံးထီၣ်ပ တြၢၤယွၤတက့ၢ်. ²⁰ စီၤလ့ၤဝံအပှၤဟံၣ်ဖိသ့ၣ်ဧၢ, စံး ထီၣ်ပတြၢၤယွၤတက့ၢ်. ပှၤလၢအပျံၤယွၤသ့ၣ်ဧၢ, စံး ထီၣ်ပတြၢၤယွၤတက့ၢ်. ²¹ ယွၤလၢအအိၣ်ဝဲဆိးဝဲလၢ ယရူၤၡလ့ၣ်အပူၤန့ၣ် စံးထီၣ်ပတြၢၤအီၤလၢစံယိၣ်အ ပူၤတက့ၢ်. စံးထီၣ်ပတြၢၤယွၤတက့ၢ်.

၁၃၆

¹ စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ဂ့ၤဝဲလီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.

² စံးထီၣ်ပတြၢၤယွၤတဖၣ်အယွၤတဂၤတက့ၢ်. အဂ့ၢ် ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.

³ စံးထီၣ်ပတြၢၤကစၢ်တဖၣ်အကစၢ်တဂၤတက့ၢ်. အ ဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.

⁴ လၢအမၤတၢ်လီၤလိၢ်လီၤလးဖးဒိၣ် ကစၢ်တဂၤဃီ လီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီ လီၤ. ⁵ တ့လီၤမူခိၣ်လၢတၢ်ကူၣ်သ့ကူၣ်ဘၣ်လီၤ. အ ဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ. ⁶ ဒါ လီၤဟီၣ်ခိၣ်လၢထံးဖံးခိၣ်လီၤ. အဂ့ၢ်ဒ်အံၤ, အဘျုး အဖှိၣ်အိၣ်ဝဲလီၤစိၤလီၤထီလီၤ. ⁷ တ့လီၤတၢ်ကပီၤဖး ဒိၣ်တဖၣ်လီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤ စိၤလီၤထီလီၤ. ⁸ မုၢ်တဖျၢၣ်ဒ်သိးအကပၢမုၢ်နံၤလီၤ. အ ဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ. ⁹ လါ တဖျၢၣ်ဒီးဆၣ်သ့ၣ်တဖၣ်ဒ်သိးအကပၢမုၢ်နၤလီၤ. အ ဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.

¹⁰ ကျီသံကွံာ်ပှၤအဲၤကူပတူးဖိအဝဲၢ်ကိလီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ. ¹¹ ဒီးဒုးဟးထီၣ် ကွံာ်အံၣ်စရ့လးလၢအကျါလီၤ. အဂ့ၢ်ဒ်အံၤ, အဘျုးအ ဖှိၣ်အိၣ်ဝဲလီၤစိၤလီၤထီလီၤ. ¹² အိၣ်ဒီးအစုဆူၣ်ဒီးအစု ဒုၣ်လၢအယူာ်ထီၣ်အသးလီၤ. အဂ့ၢ်ဒ်အံၤ, အဘျုးအ ဖှိၣ်အိၣ်ဝဲလီၤစိၤလီၤထီလီၤ. ¹³ မၤသ့ၣ်ဖးပီၣ်လဲၣ်ဆှဲခံ ခီလီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီ လီၤ. ¹⁴ ဒီးဒုးခီဂာ်အံၣ်စရ့လးလၢအသးကံၢ်ပူၤလီၤ. အ ဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ. ¹⁵ ဒီး တြုၤကွံာ်ဖၤရိၤ, ဒီးအတၢ်သုးမုၢ်ဆူပီၣ်လဲၣ်ဆှဲအပူၤ လီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.

¹⁶ ဆှၢဝဲအပှၤဂီၢ်မုၢ်လၢ ပှၢ်မုၢ်ကနၢအပူၤလီၤ. အဂ့ၢ် ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ. ¹⁷ ကျီသံ ကွံာ်စီၤပၤဖးဒိၣ်တဖၣ်လီၤ. အဂ့ၢ်ဒ်အံၤ, အဘျုးအဖှိၣ် အိၣ်ဝဲလီၤစိၤလီၤထီလီၤ. ¹⁸ ဒီးမၤသံကွံာ်စီၤပၤလၢအမံၤ ဟူထီသါလီၤလီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲ လီၤစိၤလီၤထီလီၤ. ¹⁹ ပှၤအမိၢ်ဖိအစီၤပၤစံဃိၣ်လီၤ. အ ဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ. ²⁰ ဒီး ဘၤၡၣ်အစီၤပၤဧိာ်လီၤ. အဂ့ၢ်ဒ်အံၤ, အဘျုးအဖှိၣ်အိၣ် ဝဲလီၤစိၤလီၤထီလီၤ. ²¹ ဒီးဟ့ၣ်လီၤအထံအကီၢ်လၢတၢ် န့ၢ်သါလီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤ ထီလီၤ. ²² တၢ်န့ၢ်သါလၢအခ့အပှၤ, အံၣ်စရ့လးအ ဂီၢ်လီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤ ထီလီၤ.

²³ သ့ၣ်နီၣ်ထီၣ်က့ၤပှၤလၢ ပဘၣ်တၢ်နးတၢ်ဖှီၣ်အဖၢမုၢ် န့ၣ်လီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤ ထီလီၤ. ²⁴ ဒီးမၤပူၤမၤဖျဲးပှၤလၢပဒုၣ်ပဒါလီၤ. အဂ့ၢ်ဒ် အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.

²⁵ ဟ့ၣ်လီၤတၢ်အီၣ်တၢ်အီလၢ ကယဲၢ်တၢ်အသးခဲလၢာ် လီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.

²⁶ စံးထီၣ်ပတြၢၤယွၤ အိၣ်ဝဲလၢမူခိၣ်တက့ၢ်. အဂ့ၢ်ဒ် အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.

၁၃၇

¹ ပဆ့ၣ်နီၤလၢဘၤဘူၤလိၣ်အထံကျိနံၤတဖၣ်, ဒီးတုၤ ပသ့ၣ်နီၣ်ထီၣ်စံယိၣ်ဒီး, ပမဲာ်ထံလီၤဖဲန့ၣ်လီၤ. ² ပဘျး ထီၣ်ပတနၢ်တဖၣ် လၢပံၢ်သလီအဒ့လိၤ လၢအကျါ လီၤ. ³ အဂ့ၢ်ဒ်အံၤ, ဖဲန့ၣ်ပှၤလၢအမၢကဲကုၢ်ပှၤတဖၣ် ဃ့ပသးဝံၣ်တၢ်လီၤ. ဒီးပှၤလၢအမၢန့ၢ်ဆူၣ်ပှၤတဖၣ် န့ၣ်ဃ့ပ သးခုတၢ်လီၤ. စံးဝဲဒၣ်, သးဝံၣ်န့ၢ်ပှၤလၢစံယိၣ် အတၢ်သးဝံၣ်တယုၢ်ယုၢ်တက့ၢ်.― ပကသးဝံၣ်ယွၤအ တၢ်သးဝံၣ်လၢတခီဘီမုၢ်အပူၤန့ၣ်ဒ်လဲၣ်.

⁵ ယရူၤၡလ့ၣ်ဧၢ, ယမ့ၢ်သးပ့ၤနီၣ်နၤဒီး, မ်ယစုထွဲသး ပ့ၤနီၣ်တၢ်တက့ၢ်. ⁶ ယမ့ၢ်တသ့ၣ်နီၣ်ထီၣ်က့ၤနၤဘၣ်ဒီး, ယမ့ၢ်တပးကဲယရူၤၡလ့ၣ်လၢ ယတၢ်သးခုအဒိၣ်က တၢၢ်အဖီခိၣ်ဘၣ်ဒီး, မ်ယပျ့ၤစဲဘူးဒီးယခၣ်ခိၣ်တက့ၢ်.

⁷ ယွၤဧၢ, ပှၤအဒိၣ်ဖိလၢအစံးဝဲ, မၤဟးဂီၤအီၤ, မၤ ဟးဂီၤအီၤ ပၢၢ်လၢအခီၣ်ထံးတက့ၢ်န့ၣ် သ့ၣ်နီၣ်ထီၣ် က့ၤအီၤလၢယရူၤၡလ့ၣ်အမုၢ်နံၤပူၤတက့ၢ်. ⁸ ဘၤဘူၤလိၣ်ဖိမုၣ်လၢ အကတုၤလၢတၢ်ဟးဂီၤဧၢ, ပှၤလၢအဟ့ၣ်ကၣ်နၤ ဒ်နမၤပှၤအသိးန့ၣ် မုာ်ဝဲလီၤ.

⁹ ပှၤ လၢအဟံးန့ၢ်နဖိဆံးတဖၣ်, ဒီးတ့ၢ်လီၤကွံာ်အီၤလၢ လၢၢ်ခိၣ်န့ၣ်မုာ်ဝဲလီၤ.

၁၃၈

လၢစီၤဒၤဝံး.

¹ ယကစံးထီၣ်ပတြၢၤနၤလၢယသးဒီဖျၢၣ်ညါ, လၢက စၢ်သ့ၣ်တဖၣ်အမဲာ်ညါန့ၣ် ယကသးဝံၣ်ထီၣ်နၤလီၤ.

² ယကဘူၣ်ထီၣ်ဘါထီၣ်တၢ်ဆူနဟံၣ်စီဆှံအအိၣ်, ဒီး ယကစံးထီၣ်ပတြၢၤနမံၤ လၢနဘျုးနဖှိၣ်အဃိ, ဒီးန တၢ်မ့ၢ်တၢ်တီအဃိလီၤ. အဂ့ၢ်ဒ်အံၤ, နပာ်နကလုၢ် ကထါဒိၣ်န့ၢ် နမံၤခဲလၢာ်တက့ၢ်လီၤ. ³ လၢမုၢ်တနံၤ လၢယကိးထီၣ်နၤန့ၣ်နစံးဆၢယၤ, ဒီးနဒုးဆူၣ်ထီၣ်ယ ဂံၢ်ယဘါလၢယသးကံၢ်ပူၤလီၤ.

⁴ တုၤအနၢ်ဟူတၢ်ကတိၤလၢနထးခိၣ်ဒီး, ကယဲၢ်ဟီၣ် ခိၣ်အစီၤပၤ ကစံးထီၣ်ပတြၢၤနၤခဲလၢာ်လီၤ. ⁵ ဒီးက သးဝံၣ်တၢ်လၢယွၤအကျဲအဂ့ၢ်လီၤ. အဂ့ၢ်ဒ်အံၤ, ယွၤ အလၤအကပီၤန့ၣ်ဒိၣ်ဝဲလီၤ.

⁶ အဂ့ၢ်ဒ်အံၤ, ယွၤအိၣ်ဝဲလၢတၢ်ထီၣ်ထီဘၣ်ဆၣ်ဒီး, ကွၢ်လီၤပှၤလၢအဆီၣ်လီၤအသး, ဒီးပှၤပာ်အသးထီၣ် ထီန့ၣ်သ့ၣ်ညါဝဲလၢအယံၤလီၤ. ⁷ တုၤယလဲၤလၢ တၢ်နးတၢ်ဖှီၣ်အကျါဒီး, နကဒုးမူထီၣ်က့ၤယၤလီၤ. နကယူာ်ထီၣ်နစုထီဒါယဒုၣ်ယဒါအတၢ်သးထီၣ်, ဒီးနစုထွဲကအုၣ်က့ၤခီၣ်က့ၤယၤလီၤ.―

⁸ တၢ်လၢအဘၣ်ဃးဒီးယၤအံၤ ယွၤကမၤတုၤအပှဲၤထီၣ် လီၤ. ယွၤဧၢ, နဘျုးနဖှိၣ်အိၣ်ဝဲလီၤထူလီၤယိာ်လီၤ. နစုအတၢ်မၤန့ၣ် မ်နသုတလဲၤသဒၣ်အီၤတဂ့ၤ.

၁၃၉

စီၤဒၤဝံးအထါလၢတၢ်အခိၣ်အဂီၢ်.

¹ ယွၤဧၢ, ဃုကွၢ်ထံယၤ, ဒီးနသ့ၣ်ညါယၤလီၤ.―ယ ဆ့ၣ်နီၤ, ဒီးယဂဲၤဆၢထၢၣ်န့ၣ်နသ့ၣ်ညါလီၤ. နနၢ်ပၢၢ် ယတၢ်ဆိကမိၣ်လၢအယံၤလီၤ. ³ ယကျဲ, ဒီးယမံလီၤ အလီၢ်န့ၣ်နကွၢ်နီၣ်, ဒီးနသ့ၣ်ညါယကျဲဧိၤကပူၤဧိၤခဲ လၢာ်လီၤ. ⁴ အဂ့ၢ်ဒ်အံၤ, ကွၢ်ကွၢ်, ယွၤဧၢ, တၢ်က တိၤလၢယပျ့ၤအလိၤလၢနတသ့ၣ်ညါဘၣ်န့ၣ် တအိၣ် ဘၣ်နီတထံၣ်ဘၣ်. ⁵ လၢယလီၢ်ခံဂ့ၤဂ့ၤ, လၢယမဲာ် ညါဂ့ၤဂ့ၤ, နတနံးယၤ, ဒီးနပာ်နစုလၢယလိၤလီၤ.―

⁶ တၢ်သ့ၣ်ညါဒ်န့ၣ်အသိး လီၤလးဒိၣ်ကဲာ်ဆိးလၢယဂီၢ် လီၤ. အိၣ်ထီၣ်ထီဝဲန့ၣ်ယထီၣ်ဘးတသ့ဘၣ်.

⁷ ယကလဲၤပူၤကွံာ်လၢနသးဆူလဲၣ်. ဒီးယကဃ့ၢ်ပူၤ ကွံာ်လၢနမဲာ်ညါဆူလဲၣ်. ⁸ ယမ့ၢ်လဲၤထီၣ်ဘးလၢမူ ခိၣ်ဒီး, နအိၣ်ဖဲန့ၣ်လီၤ. ယမ့ၢ်ဒါလီၤယလီၢ်မံလၢပျုၤ ပူၤဒီးကွၢ်ကွၢ်, နအိၣ်ဖဲန့ၣ်လီၤ. ⁹ ယမ့ၢ်ဟံးန့ၢ်မုၢ်ဂီၤ အဒံးဆ့, ဒီးအိၣ်လၢပီၣ်လဲၣ်အကတၢၢ်ဒီး, ¹⁰ နစုက ဆှၢယၤဖဲန့ၣ်စ့ၢ်ကီး, ဒီးနစုထွဲကဟံးဃာ်ယၤလီၤ.

¹¹ ယမ့ၢ်စံး, မ့ၢ်မးတၢ်ခံးကမၤဘံၣ်မၤဘၢယၤဒီး, မုၢ်နၤ ကဲထီၣ် တၢ်ကပီၤဝးတရံးယၤလီၤ. ¹² တၢ်ခံးလၢနမဲာ် ညါန့ၣ်တခံးဘၣ်ဝဲဘၣ်, ဒီးမုၢ်နၤကပီၤထီၣ်ဒ်မုၢ်ဆါအ သိးန့ၣ်လီၤ. တၢ်ခံးမၤသးဒီးနၤဒ်တၢ်ကပီၤအသိးန့ၣ် လီၤ.

¹³ အဂ့ၢ်ဒ်အံၤ, နအိၣ်ဒီးယကလ့ၢ်တဖၣ်, နဒုးကဲထီၣ် ယၤလၢယမိၢ်အဟၢဖၢပူၤလီၤ. ¹⁴ တၢ်တ့လီၤယၤအိၣ်ဒီး ပျံၤတၢ်အလီၢ်, ဒီးကမၢကမၣ်တၢ်အလီၢ်လီၤ. မၤသး ဒ်န့ၣ်ဒီးယကစံးထီၣ်ပတြၢၤနၤလီၤ. နတၢ်မၤတဖၣ်လီၤ လးဝဲန့ၣ်ယသ့ၣ်ညါသပှၢ်ပှၢ်လီၤ. ¹⁵ ဖဲတၢ်တ့လီၤယၤ လၢတၢ်တဒၢ, ဖဲတၢ်တ့ယၤလၢဟီၣ်ခိၣ်အယိာ်ပူၤန့ၣ် ယက့ၢ်ယဂီၤတအိၣ်ခူသူၣ်ဘၣ်ဒီးနၤဘၣ်. ¹⁶ ယတၢ်တ လိၣ်န့ၣ်နမဲာ်ထံၣ်အီၤလီၤ. ဒီးဘၣ်ကွဲးအသးလၢနလံာ် ပူၤခဲလၢာ်မုၢ်နံၤတဖၣ်လၢအကကဲထီၣ် ဒီးတအိၣ်ဒံး ဘၣ်နီတနံၤဘၣ်.

¹⁷ ဒီးကစၢ်ဧၢ, နတၢ်ဆိကမိၣ်န့ၣ် မ့ၢ်တၢ်လုၢ်ဒိၣ်ပှ့ၤ ဒိၣ်ဒီးယၤဆံးဒိၣ်လဲၣ်, အတၢ်ဂံၢ်မ့ၢ်ဆံးအါလဲၣ်. ¹⁸ ယ မ့ၢ်ဂံၢ်အီၤ, ဒီးအိၣ်ဝဲအါန့ၢ်မဲးအဖျၢၣ်တက့ၢ်လီၤ. ယဖု သံနီၣ်, ဒီးယကအိၣ်ဒံးဒီးနၤလီၤ.

¹⁹ ကစၢ်ဧၢ, မ့ၢ်မးနကမၤသံကွံာ်ပှၤတတီတလိၤဒီး, ပှၤ ဘၣ်အၢဒီးတၢ်သွံၣ်သ့ၣ်ဧၢ, ဟးဖးဒီးယၤတက့ၢ်. ²⁰ အ ဂ့ၢ်ဒ်အံၤ, အဝဲသ့ၣ်ကတိၤထီဒါနၤကြီကြီဒၣ်တၢ်, ဒီး နဒုၣ်နဒါပှ့ၤဘၣ်နမံၤကလီကလီလီၤ.

²¹ ယွၤဧၢ, ပှၤလၢအသးဟ့နၤတဖၣ်န့ၣ် ယသးဟ့ အီၤတမ့ၢ်ဘၣ်ဧါ, ဒီးယသးဘၣ်အၢပှၤလၢအထီဒါနၤ, တမ့ၢ်ဘၣ်ဧါ. ²² ယသးဟ့အီၤသပှၢ်တၢၢ်, ယပာ်အီၤလၢ ယဒုၣ်ယဒါလီၤ. ²³ ကစၢ်ဧၢ, ဃုကွၢ်ယၤ, ဒီးသ့ၣ်ညါ ယသးတက့ၢ်. မၤကွၢ်ယၤ, ဒီးသ့ၣ်ညါယတၢ်ဆိကမိၣ် တက့ၢ်. ²⁴ ဒီးကျဲအအၢလၢယပူၤမ့ၢ်အအိၣ်, တအိၣ်လဲၣ် န့ၣ်ကွၢ်, ဒီးဆှၢယၤလၢကျဲအထူအယိာ်အပူၤတက့ၢ်.

၁၄၀

စီၤဒၤဝံးအထါလၢတၢ်အခိၣ်အဂီၢ်.

¹ ယွၤဧၢ, မၤပူၤမၤဖျဲးလၢ်ယၤလၢပှၤအအၢအသီ, ပၢၤ ယၤလၢပှၤမၤအၢမၤသီတၢ်တဂၤန့ၣ်တက့ၢ်. ² အဝဲသ့ၣ် တဖၣ်န့ၣ် ကူၣ်ထီၣ်တၢ်အအၢ လၢအသးကံၢ်ပူၤလီၤ. အိၣ်ဖှိၣ်ရိဖှိၣ်ကိးမုၢ်နံၤမုၢ်နၤဒဲးဒ်သိးအကဒုးတၢ်လီၤ.―

³ ကျ့အပျ့ၤဒ်ဂုၢ်ဧိၤဒးဧိၤအသိးန့ၣ်လီၤ. ဂုၢ်သီအစုၣ်အိၣ် ဝဲလၢအပျ့ၤဖီလာ်လီၤ. စ့လၤ

⁴ ယွၤဧၢ, ကွၢ်ယၤဒီးမၤပူၤယၤလၢပှၤတတီတလိၤတ က့ၢ်. ပၢၤယၤလၢပှၤမၤအၢမၤသီတၢ်, ပှၤလၢအကူၣ် ထီၣ်ဒ်သိး အကမၤဟးဂီၤ ယလဲၤတၢ်န့ၣ်လၢယၤတ က့ၢ်. ⁵ ပှၤလၢအပာ်အသးထီၣ်ထီန့ၣ် ပာ်လီၤပျံၤသ ကွီၤ, ဒီးပျံၤအိၣ်ခူသူၣ်လၢယဂီၢ်လီၤ. ဒါလီၤပှာ်တဆိ လၢကျဲအဃၢၤ, ဆဲထီၣ်ဝၣ်ခီလၢယဂီၢ်လီၤ. စ့လၤ

⁶ ယစံးလၢယွၤ, နမ့ၢ်ယကစၢ်လီၤ. ယွၤဧၢ, ကနၣ် ယဃ့ကညးတၢ်အသီၣ်တက့ၢ်. ⁷ ယွၤမ့ၢ်တၢ်အုၣ်က့ၤ ခီၣ်က့ၤယၤအစိအကမီၤလီၤ. လၢတၢ်ဒုးသုးအမုၢ်နံၤ န့ၣ်နမၤကျၢၢ်ဘၢယခိၣ်လီၤ. ⁸ ယွၤဧၢ, ပှၤတတီတ လိၤအဆၢတၢ်န့ၣ် ဟ့ၣ်လီၤအီၤတဂ့ၤ. မ်အကူၣ်ထီၣ် တၢ်အၢန့ၣ်သုတကဲထီၣ်တၢ်တဂ့ၤ. ကပာ်ထီၣ်ထီအ သးလီၤ. စ့လၤ

⁹ ပှၤလၢအအိၣ်ဝးတရံးယၤတဖၣ်အခိၣ်န့ၣ် မ်အပျုၤ ဒၣ်ဝဲအတၢ်အၢန့ၣ်ကမၤဘံၣ်မၤဘၢအီၤတက့ၢ်. ¹⁰ မ်တၢ် ကကွံာ်အီၤလၢမ့ၣ်အူကဖး, မ်တၢ်တ့ၢ်လီၤကွံာ်အီၤဆူ မ့ၣ်အူပူၤ, ဆူထံယိာ်ပူၤ, ဒ်သိးအသုတဂဲၤဆၢထၢၣ် လၢၤတဂ့ၤလီၤ. ¹¹ ပှၤကညီလၢအကတိၤတၢ်အၢန့ၣ်တ အိၣ်ဂၢၢ်ဆိးကျၢၤဘၣ်လၢထံဧိၤကီၢ်ဧိၤအပူၤဘၣ်. ပှၤ မၤဆူၣ်တၢ်န့ၣ်တၢ်အၢကလူၤမၤဟးဂီၤအီၤလီၤ. ¹² ယွၤကလိာ်ကွီၢ်လၢ ပှၤလၢအဘၣ်တၢ်နးတၢ်ဖှီၣ်အ ဂီၢ်, ဒီးကစံၣ်ညီၣ်ပှၤဖှီၣ်ဖိယာ်ဖိန့ၣ်ယသ့ၣ်ညါလီၤ.

¹³ မ့ၢ်မးပှၤအတီအလိၤန့ၣ် ကစံးထီၣ်ပတြၢၤထီၣ်နမံၤ, ပှၤအတီအလိၤန့ၣ်ကအိၣ်ဝဲဆိးဝဲလၢနမဲာ်ညါလီၤ.

၁၄၁

စီၤဒၤဝံးအထါ.

¹ ယွၤဧၢ, ယကိးထီၣ်နၤလီၤ. မၤချ့ချ့လၢယဂီၢ်တ က့ၢ်. တုၤယကိးထီၣ်နၤဒီး, ကနၣ်ယကလုၢ်တက့ၢ်.

² မ်ယဘါထုကဖၣ်တၢ်အံၤကဲထီၣ် ဒ်တၢ်ဆိၣ်ကဲၤနၢမူ အသိးလၢနမဲာ်ညါ, ယယူာ်ထီၣ်ယစုအံၤဒ်မၤဘူၣ်တၢ် လၢမုၢ်ဟါအသိးန့ၣ်တက့ၢ်.

³ ယွၤဧၢ, ပာ်တၢ်ပၢၤလၢယထးခိၣ်တက့ၢ်. ပၢၤယ ပျုၤအတြဲၤတက့ၢ်. ⁴ သုတဘိးဃၣ်ယသးဆူတၢ်အၢဒ် သိးအကလဲၤလၢတၢ်အၢအိၣ်ဒီး ပှၤလၢအမၤအၢတၢ် န့ၣ်တဂ့ၤ. ဒီးမ်ယသုတအီၣ်အတၢ်ဝံၣ်တဖၣ်တဂ့ၤ.

⁵ မ်ပှၤအတီန့ၣ်တီၢ်ယၤတက့ၢ်. ကကဲထီၣ်ဝဲလၢတၢ် အဘျုးအဖှိၣ်လီၤ. မ်အသိၣ်ဃီၣ်ယၤတက့ၢ်. ကမ့ၢ်သိ လၢယခိၣ်လီၤ. မ်ယခိၣ်သုတတြီအီၤတဂ့ၤ. အဂ့ၢ်ဒ် အံၤ, ယဘါထုကဖၣ်ဒံးလၢအဝဲသ့ၣ် အတၢ်နးတၢ် ဖှီၣ်အဂ့ၢ်အကျိၤလီၤ.

⁶ အပှၤစံၣ်ညီၣ်ကွီၢ် ဘၣ်တၢ်တ့ၢ်လီၤကွံာ်အီၤလၢလၢၢ် ခိၣ်, ဒီးကနၢ်ဟူယတၢ်ကတိၤလၢအမုာ်ဝဲလီၤ.

⁷ ပဃံပကွဲလီၤပြံလီၤပြါလၢ ပျုၤပူၤအခိၣ်ထိးအဃၢၤ ဒ်ပှၤလၢအဒီၣ်တၢ်ဒီးပဲာ်တၢ်လၢ ဟီၣ်ခိၣ်ချၢအသိးန့ၣ် လီၤ. ⁸ အဂ့ၢ်ဒ်အံၤ, ကစၢ်ယွၤဧၢ, ယမဲာ်အိၣ်ဆူန အိၣ်, ယသန့ၤယသးလၢနၤလီၤ. လဲၤသဒၣ်ယသး တဂ့ၤ. ⁹ ပၢၤယၤလၢပျံၤသကွီၤလၢပှၤပာ်ဝဲလၢယဂီၢ်, ဒီးလၢ ပှၤမၤအၢတၢ်တဖၣ်အဝၣ်ခီန့ၣ်တက့ၢ်. ¹⁰ မ်ပှၤ တတီတလိၤ လီၤဃံၤလၢအပှာ်ဒၣ်ဝဲအပူၤတက့ၢ်. မ့ မ့ၢ်ယၤအံၤ မ်ယထူၣ်ဖျဲးတက့ၢ်.

၁၄၂

စီၤဒၤဝံးအသိၣ်တၢ်လၢအအိၣ်လၢတၢ်အိပူၤန့ၣ်အတၢ်ထုကဖၣ်.

¹ ယကိးထီၣ်ယွၤလၢယကလုၢ်, ယဃ့ကညးယွၤလၢ ယကလုၢ်လီၤ. ² ယလူလီၤယတၢ်မိၣ်တၢ်မးလၢအမဲာ် ညါ, ယဒုးနဲၣ်အီၤလၢယတၢ်ကိၢ်တၢ်ဂီၤလီၤ. ³ တုၤတၢ် လုၣ်ဘၢယသးဒီး, နသ့ၣ်ညါယကျဲလီၤ. ကျဲလၢယ ပိာ်အီၤန့ၣ် ပှၤပာ်ပျံၤသကွီၤခူသူၣ်လၢယဂီၢ်လီၤ. ⁴ ယ ကွၢ်လၢယစုထွဲဒီးကွၢ်, ဒီးပှၤလၢအသ့ၣ်ညါယၤတအိၣ် ဘၣ်. ယတၢ်ပူၤဖျဲးအလီၢ်ဟါမၢ်လီၤ. ပှၤလၢအပးကဲ ယသးတအိၣ်ဘၣ်.

⁵ ယွၤဧၢ, ယကိးထီၣ်နၤ, ယစံး, နမ့ၢ်ယတၢ်ပူၤဖျဲး အလီၢ်, ယဂီၢ်လၢကီၢ်မူအပူၤလီၤ. ⁶ ကနၣ်ယဃ့က ညးတၢ်တက့ၢ်. အဂ့ၢ်ဒ်အံၤ, ယဘၣ်တၢ်နးတၢ်ဖှီၣ်နး မးလီၤ. မၤပူၤမၤဖျဲးယၤလၢပှၤမၤအၢမၤသီယၤန့ၣ်တ က့ၢ်. အဂ့ၢ်ဒ်အံၤ, အဂံၢ်အဘါဆူၣ်န့ၢ်ယၤတက့ၢ်လီၤ.

⁷ ဒုးဟးထီၣ်ယသးလၢဃိာ်ပူၤ, ဒ်သိးယကစံးထီၣ်ပ တြၢၤနမံၤတက့ၢ်. ပှၤအတီအလိၤကအိၣ်ဝးတရံးယၤ လီၤ. အဂ့ၢ်ဒ်အံၤ, နကမၤဂ့ၤယၤလီၤ.

၁၄၃

စီၤဒၤဝံးအထါ.

¹ ယွၤဧၢ, ကနၣ်ယဘါထုကဖၣ်တၢ်, ဒိကနၣ်ယဃ့ ကညးတၢ်တက့ၢ်. ဒ်နမၤတီနကလုၢ်အသိး, ဒ်နတီ နလိၤအသိးန့ၣ်စံးဆၢယၤတက့ၢ်. ² ဒီးလိာ်ကွီၢ်ဒီးနခ့ နပှၤတဂ့ၤ. အဂ့ၢ်ဒ်အံၤ, ပှၤအမူလၢအတီအလိၤလၢ နမဲာ်ညါန့ၣ်တအိၣ်ဘၣ်နီတဂၤဘၣ်. ³ အဂ့ၢ်ဒ်အံၤ, တၢ်အဒုၣ်အဒါမၤအၢမၤသီယသး, ကျီကွံာ်ယသးသမူပၢၢ်လၢဟီၣ်ခိၣ်အလိၤ, ဒုးအိၣ်ယၤလၢ တၢ်ခံးကျါ, ဒ်ပှၤလၢအသံဃဲးဃဲးတ့ၢ်အသိးန့ၣ်လီၤ.

⁴ ဒီးယသးလၢယပူၤအံၤလီၤဘှံးလီၤတီၤ, ယသးလၢယ သးကံၢ်ပူၤဟးဂီၤဝဲလီၤ. ⁵ ယသ့ၣ်နီၣ်ထီၣ်က့ၤမုၢ်နံၤလၢ ပျၢၤ, ယဆိကမိၣ်လၢနမၤတၢ်ခဲလၢာ်အဂ့ၢ်အကျိၤ, ယ ဆိကမိၣ်ဆိကမးတၢ်လၢ နစုအတၢ်မၤ အဂ့ၢ်အကျိၤ လီၤ. ⁶ ယယူာ်ထီၣ်ယစုဆူနအိၣ်, ယသးအံၤသူအ သးလၢနၤဒ်ဟီၣ်ခိၣ်အဃ့အသိးန့ၣ်လီၤ. စ့လၤ.

⁷ ယွၤဧၢ, မၤချ့ချ့ဒီးစံးဆၢယၤတက့ၢ်. ယသးကလၢာ် လီၤ. ဒ်သိးယသုတကဲထီၣ်ဒ်ပှၤလၢအလဲၤလီၤဆူတၢ် ပူၤတဂ့ၤဒီး, ပာ်တဒၢနမဲာ်ဒီးယၤတဂ့ၤ.

⁸ ဒုးနၢ်ဟူယၤလၢနဘျုးနဖှိၣ်လၢဂီၤဂီၤတက့ၢ်. အဂ့ၢ် ဒ်အံၤ, ယသန့ၤယသးလၢနၤလီၤ. ကျဲလၢယဂ့ၤပိာ် တဘိန့ၣ်ဒုးသ့ၣ်ညါယၤတက့ၢ်. အဂ့ၢ်ဒ်အံၤ, ယစိာ် ထီၣ်ယသးဆူနအိၣ်လီၤ.

⁹ ယွၤဧၢ, မၤပူၤမၤဖျဲးယၤလၢယဒုၣ်ယဒါတက့ၢ်. ယ ပာ်တဒၢယသးလၢနပူၤလီၤ. ¹⁰ ဒ်သိးယကမၤတၢ်လၢ အဘၣ်နသးဒီး, သိၣ်လိယၤတက့ၢ်. အဂ့ၢ်ဒ်အံၤ, န မ့ၢ်ယကစၢ်လီၤ. မ်နသးလၢအဂ့ၤန့ၣ်ဆှၢယၤဆူ ကီၢ် အတီအလိၤတက့ၢ်.

¹¹ ယွၤဧၢ, မၤမူထီၣ်က့ၤယၤလၢနမံၤအဃိန့ၣ်တက့ၢ်. လၢနတၢ်တီတၢ်လိၤအဃိန့ၣ် မၤပူၤမၤဖျဲးယသးလၢ တၢ်ကိၢ်တၢ်ဂီၤတက့ၢ်. ¹² ဒီးမ့ၢ်နဘျုးနဖှိၣ်ဒီး, ဒီၣ်တဲာ် ကွံာ်ယဒုၣ်ယဒါ, ဒီးမၤဟးဂီၤကယဲၢ်ပှၤလၢအမၤအၢ ယသးခဲလၢာ်တက့ၢ်. အဂ့ၢ်ဒ်အံၤ, ယမ့ၢ်နခ့နပှၤလီၤ.

၁၄၄

လၢစီၤဒၤဝံး.

¹ ယွၤ, ယလၢၢ်ယလ့, ပှၤလၢအသိၣ်လိယစုဒ်သိး အကဒုးတၢ်, ဒီးယစုမုၢ်ဒ်သိးအကဒုးသုးတၢ်တဂၤန့ၣ် မ်အဘၣ်တၢ်စံးထီၣ်ပတြၢၤအီၤတက့ၢ်. ² မ့ၢ်ဝဲလၢယ ဘျုးယဖှိၣ်, ယတိာ်ယတာ်, ယတၢးထီၣ်ထီ, ဒီးပှၤ မၤပူၤမၤဖျဲးယၤ, ယကတီၤတဘ့ၣ်, ဒီးပှၤလၢယသန့ၤ ယသးလၢအီၤ, ပှၤလၢအပာ်ယပှၤဂီၢ်မုၢ်လၢယဖီလာ် လီၤ.

³ ယွၤဧၢ, ပှၤကညီလၢနပာ်သ့ၣ်ညါနသးလၢအီၤ, ဒီး ပှၤကညီဖိလၢနကဆိကမိၣ်လၢအဂ့ၢ်န့ၣ်မ့ၢ်မနုၤလဲၣ်.

⁴ ပှၤသပျၢၤပှၤကညီမၤသးဒ် တၢ်ကလီကလီအသိးန့ၣ် လီၤ. အမုၢ်နံၤတဖၣ် မၤသးဒ်တၢ်အကဒုလၢအဒံကွံာ် အသိးန့ၣ်လီၤ.

⁵ ယွၤဧၢ, မၤသကူးနမူခိၣ်, ဒီးဟဲလီၤတက့ၢ်. ထိး ကစၢၢ်ကလိတက့ၢ်. ဒီးကခုၣ်ထီၣ်ဝဲလီၤ.

⁶ မၢလီဝၢ်အဒံး, ဒီးမၤလီၤပြံလီၤပြါအီၤတက့ၢ်. ခး ထီၣ်နပျၢ်, ဒီးမၤဟးဂီၤအီၤတက့ၢ်. ⁷ ယူာ်လီၤနစုလၢ ထးခီ, ထုးထီၣ်ယၤ, ဒီးမၤပူၤမၤဖျဲးယၤလၢထံဖးဒိၣ် အပူၤ, လၢပှၤတခီဘီမုၢ်ဖိအစုပူၤတက့ၢ်. ⁸ အဝဲသ့ၣ် တဖၣ်န့ၣ်အထးခိၣ်ကတိၤလီတၢ်, ဒီးအစုထွဲမ့ၢ်တၢ် ကဘျံးကဘျၣ်အစုထွဲလီၤ.

⁹ ယွၤဧၢ, ယကသးဝံၣ်ထီၣ်နၤလၢတၢ်သးဝံၣ်အသီ, ဒီးတနၢ်အိၣ်ဒီးအပျံၤဆံဆဲၣ်ဘိန့ၣ် ယကသးဝံၣ်ထီၣ် နၤလီၤ.

¹⁰ အဝဲတဂၤန့ၣ်မ့ၢ်ပှၤလၢအဟ့ၣ်လီၤ တၢ်အုၣ်က့ၤခီၣ် က့ၤလၢစီၤပၤတဖၣ်, ပှၤလၢအမၤပူၤမၤဖျဲးအခ့အပှၤ စီၤဒၤဝံးလၢနးလၢအမၤအၢတၢ်လီၤ.

¹¹ ထုးထီၣ်ကွံာ်ယၤ, ဒီးမၤပူၤမၤဖျဲးယၤလၢပှၤတခီဘီ တခီမုၢ်ဖိအစုပူၤ, ပှၤလၢအထးခိၣ်ကတိၤလီတၢ်, ဒီး အစုထွဲမ့ၢ်တၢ်ကဘျံးကဘျၣ်အစုထွဲန့ၣ်တက့ၢ်. ¹² ဒ်သိး ပဖိခွါကဖိၣ်သၣ်ခွါထီၣ် ဒ်သ့ၣ်ဖိလၢအဒိၣ်ထီၣ်အသိး န့ၣ်, ဒ်သိးပဖိမုၣ်ကမၤသးဒ်လၢၢ်နၢၣ်စိးပျၤအသးလၢ ပှၤမၤနူၢ်ဧိၤစီၤဧိၤအဂီၢ်အသိးန့ၣ်, ¹³ ဒ်သိးပသိၣ်ပဖီက ပှဲၤဝဲ, ဒီးဟ့ၣ်လီၤတၢ်တကလုာ်ဘၣ်တကလုာ်, ဒ်သိး ပသိကဖှံလီၤအဒုအကထိတဖၣ်, ဒီးအါထီၣ်အကလး တဖၣ်လၢပကျဲဧိၤကပူၤဧိၤအပူၤ, ¹⁴ ဒ်သိးပဂီၤဖံးကအိၣ် ကတီၤအသးဒီးအတၢ်ပဒၢး, ဒ်သိးတၢ်မၤဟးဂီၤ, ဒီး တၢ်ဟါမၢ်သုတအိၣ်တဂ့ၤ, ဒ်သိးတၢ်ကိးပသူထီၣ်သု တအိၣ်လၢပကျဲဧိၤကပူၤဧိၤတဂ့ၤလီၤ.

¹⁵ ပှၤလၢအဒ်န့ၣ်သိးတဖၣ်န့ၣ်ဘၣ်ဆိၣ်ဂ့ၤဝဲလီၤ. ပှၤ ဂီၢ်မုၢ်လၢအကစၢ်မ့ၢ်ယွၤန့ၣ်ဘၣ်ဆိၣ်ဂ့ၤဝဲလီၤ.

၁၄၅

စီၤဒၤဝံးအတၢ်စံးထီၣ်ပတြၢၤ.

¹ ယကစၢ်, စီၤပၤဧၢ, ယကပာ်ထီၣ်ထီနၤ, ဒီးယက စံးထီၣ်ပတြၢၤနမံၤလီၤစိၤလီၤထီလီၤ. ² ယကစံးထီၣ်ပ တြၢၤနၤကိးမုၢ်နံၤမုၢ်နၤဒဲး, ဒီးယကသးဝံၣ်နမံၤလီၤစိၤ လီၤထီလီၤ. ³ ယွၤတဂၤန့ၣ်ဒိၣ်ဝဲ, ဒီးဂ့ၤလၢပှၤစံးထီၣ် ပတြၢၤအီၤအါအါကလဲာ်လီၤ. ဒီးမ့ၢ်အဆံးဒိၣ်လဲၣ်ဆံး ဒိၣ်လဲၣ်န့ၣ်ပဃုတဘၣ်ဘၣ်. ⁴ ပှၤတစိၤကစံးထီၣ်ပ တြၢၤနတၢ်မၤလၢပှၤတစိၤဒၣ်, ဒီးကဒုးနဲၣ်နတၢ်မၤအ ဒိၣ်တဖၣ်လီၤ.

⁵ ယကဆိကမိၣ်လၢ နကဟုနကညီၢ်အစိအကမီၤအ လၤအကပီၤ, ဒီးနတၢ်မၤလီၤလးတဖၣ်အဂ့ၢ်အကျိၤ လီၤ. ⁶ ဒီးပှၤကကတိၤလၢနမၤလီၤလးတၢ်အစိအက မီၤအဂ့ၢ်အကျိၤ, ဒီးယကစံၣ်တဲၤတဲလီၤနတၢ်ဒိၣ်တၢ် ထီအဂ့ၢ်န့ၣ်လီၤ. ⁷ တၢ်သ့ၣ်နီၣ်ထီၣ်က့ၤနမၤဂ့ၤတၢ်လၢ အအါန့ၣ်ကထီၣ်ဖျဲးလၢအထးခိၣ်, ဒီးကသးဝံၣ်သး ဆၢနတၢ်တီတၢ်လိၤလီၤ.

⁸ ယွၤသူၣ်ကညီၤတၢ်သးကညီၤတၢ်, ဒီးသူၣ်အိၣ်တၢ် သးအိၣ်တၢ်, ဒီးအသးထီၣ်ကီ, ဒီးအဘျုးအဖှိၣ်ဒိၣ် နီၢ်မးလီၤ. ⁹ ယွၤမၤဂ့ၤတၢ်ခဲလၢာ်, ဒီးအသးအိၣ်က ယဲၢ်အတ့လီၤတၢ်ခဲလၢာ်လီၤ.

¹⁰ ယွၤဧၢ, နတၢ်မၤခဲလၢာ်ကစံးထီၣ်ပတြၢၤနၤ, ဒီးန ပှၤစီဆှံတဖၣ်ကသးဝံၣ်နၤလီၤ. ¹¹ ကကတိၤတၢ်လၢနဘီနမုၢ်အလၤကပီၤအဂ့ၢ်အကျိၤဒီးကစံးဘၣ်တဲဘၣ်တၢ်လၢ နစိနကမီၤအဂ့ၢ်အကျိၤ,―

¹² ဒ်သိးအကဘိးဘၣ်သ့ၣ်ညါ ပှၤကညီဖိလၢအတၢ်မၤ အဒိၣ်, ဒီးလၢအဘီအမုၢ်န့ၣ်အကဟုအကညီၢ်အိၣ်ဒီး အလၤကပီၤလီၤ. ¹³ နဘီနမုၢ်န့ၣ်မ့ၢ်ဘီမုၢ်အထူအယိာ်, ဒီးနပၢတၢ်န့ၣ်အိၣ်ဝဲအစိၤစိၤအဃၣ်ဃၣ်လီၤ.

¹⁴ ယွၤမၤစၢၤကယဲၢ်ပှၤလၢအလီၤဃံၤတဖၣ်, ဒီးဝံၣ်ဆၢ ထၢၣ်ကယဲၢ်ပှၤလၢအသကူးဝဲခဲလၢာ်လီၤ.

¹⁵ ကယဲၢ်တၢ်အမဲာ်ခိးနၤ, ဒီးအဆၢအကတီၢ်ဘၣ်ဒီး, နဟ့ၣ်လီၤအီၤလၢအတၢ်အီၣ်လီၤ. ¹⁶ နသလၣ်ထီၣ်နစု, ဒီးကယဲၢ်တၢ်သးအဆၢတၢ်န့ၣ်နဟ့ၣ်လီၤလီၤ.

¹⁷ ယွၤတီဝဲလိၤဝဲလၢအကျဲခဲလၢာ်အပူၤ, ဒီးစီဆှံဝဲလၢ လၢအမၤတၢ်အပူၤခဲလၢာ်လီၤ.

¹⁸ ကယဲၢ်ပှၤလၢအကိးထီၣ်ယွၤ, ကယဲၢ်ပှၤလၢအကိး ထီၣ်ဝဲလၢတၢ်မ့ၢ်တၢ်တီခဲလၢာ်န့ၣ် ယွၤအိၣ်ဘူးဒီးအီၤ လီၤ.

¹⁹ ကမၤဝဲဖဲဒၣ်ပှၤလၢအပျံၤအီၤတဖၣ်အသး, ဒီးကဒိ ကနၣ်အတၢ်ဃ့ကညး, ဒီးကအုၣ်က့ၤခီၣ်က့ၤအီၤလီၤ.

²⁰ ယွၤအံးက့ၤကွၢ်က့ၤ ကယဲၢ်ပှၤလၢအအဲၣ်အီၤခဲလၢာ်, ဒီးကမၤဟးဂီၤ ကယဲၢ်ပှၤတတီတလိၤဘၣ်တဖၣ်န့ၣ် လီၤ.

²¹ ယထးခိၣ်ကကတိၤယွၤအတၢ်စံးထီၣ်ပတြၢၤ, ဒီးက ယဲၢ်တၢ်ဖံးတၢ်ညၣ်ကစံးထီၣ်ပတြၢၤအမံၤစီဆှံအစိၤစိၤ အဃၣ်ဃၣ်လီၤ.

၁၄၆

¹ စံးထီၣ်ပတြၢၤယွၤတက့ၢ်. ယသးဧၢ, စံးထီၣ်ပတြၢၤ ယွၤတက့ၢ်. ² ယကစံးထီၣ်ပတြၢၤယွၤ တစိၤဒၣ်ယၤ, ဖဲယအိၣ်မူဒံးအဖၢမုၢ်ယကသးဝံၣ်ထီၣ်ယကစၢ်လီၤ.

³ ပဒိၣ်ဖးဒိၣ်သ့ၣ်ဒီးပှၤကညီဖိ လၢအမၤစၢၤတၢ်တသ့ ဘၣ်တဖၣ်န့ၣ်, သန့ၤသုသးလၢအီၤတဂ့ၤ. ⁴ အသး ဟးထီၣ်ကွံာ်, ဒီးက့ၤက့ၤဝဲဆူအဟီၣ်ခိၣ်, ဒီးအတၢ် ကူၣ်တၢ်ဖး ဟးဂူာ်ဟးဂီၤလၢ မုၢ်တနံၤဃီဒၣ်လဲာ်န့ၣ် လီၤ.

⁵ ပှၤလၢစီၤယၤကိာ်အကစၢ် မ့ၢ်အတၢ်မၤစၢၤအီၤ, ပှၤ လၢအသန့ၤအသးလၢယွၤအကစၢ်န့ၣ် ဘၣ်ဆိၣ်ဂ့ၤဝဲ လီၤ. ⁶ ပှၤလၢအတ့လီၤမူခိၣ်, ဒီးဟီၣ်ခိၣ်, ပီၣ်လဲၣ်ဒီး ကယဲၢ်တၢ်အိၣ်လၢအပူၤ, လၢအပၢၤဃာ်တၢ်မ့ၢ်တၢ် တီလီၤထူလီၤယိာ်, ⁷ လၢအစံၣ်ညီၣ်ပှၤဘၣ်တၢ်မၤအၢ အီၤအကွီၢ်, လၢအဟ့ၣ်လီၤတၢ်အီၣ်တၢ်အီလၢပှၤတၢ် သၣ်ဝံၤအသး, ယွၤလၢအမၤထူၣ်ဖျဲးပှၤလၢအဘၣ်တၢ် စၢဃာ်အီၤန့ၣ်လီၤ.

⁸ ယွၤမၤကပီၤထီၣ်ပှၤမဲာ်ဘျီၣ်, ယွၤဒုးဆၢထၢၣ်ပှၤသကူး, ယွၤအဲၣ်ပှၤတီပှၤလိၤ, ⁹ ယွၤအံးက့ၤကွၢ်က့ၤပှၤတမှံၤ, မၤစၢၤပှၤဖိၣ်ဃဲ, ဒီးပှၤမုၣ်ကမဲလီၤ. မ့မ့ၢ်ပှၤတတီတ လိၤအကျဲန့ၣ်မၤဒၢကူဒၢက့ၣ်ဝဲလီၤ.

¹⁰ ယွၤကဲစီၤပၤလီၤစိၤလီၤထီ, နကစၢ်, စံယိၣ်ဧၢ, အစိၤ စိၤအဃၣ်ဃၣ်လီၤ. စံးထီၣ်ပတြၢၤယွၤတက့ၢ်.

၁၄၇

¹ စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, သးဝံၣ်ပက စၢ်န့ၣ်မ့ၢ်အဂ့ၤလီၤ. မ့ၢ်အမုာ်ဝဲအဂ့ၢ်လီၤ. တၢ်စံးထီၣ် ပတြၢၤန့ၣ်မ့ၢ်အဂ့ၤအဘၣ်လီၤ.

² ယွၤမၤထီၣ်ယရူၤၡလ့ၣ်, ဒုးအိၣ်ဖှိၣ်ရိဖှိၣ်အံၣ်စရ့လး အပှၤဘၣ်တၢ်ဟီထီၣ်ကွံာ်အီၤလီၤ. ³ အဝဲဒၣ်မၤဘျါ က့ၤပှၤအသူၣ်ကၢ်အသးလီၤ, ဒီးဘိၣ်ထီၣ်အပူၤလီၢ်တ ဖၣ်လီၤ. ⁴ စံၣ်တဲၤတဲလီၤဆၣ်ဧိၤဖီဧိၤအတၢ်ဂံၢ်, ဒီးကိး ဝဲအမံၤခဲလၢာ်လီၤ. ⁵ ပကစၢ်န့ၣ်မ့ၢ်အဒိၣ်ဒီးအစိဒိၣ်အ ကမီၤအါမးလီၤ. ဒီးအသူၣ်ဆးအသးဆးန့ၣ် ပှၤဂံၢ် တဘၣ်ဘၣ်.

⁶ ပှၤလၢအဆီၣ်လီၤအသးန့ၣ် ယွၤဝံၣ်ဆၢထၢၣ်အီၤ လီၤ. မ့မ့ၢ် ပှၤတတီတလိၤဘၣ်န့ၣ် ဆီၣ်လီၤဝဲလၢ ဟီၣ်ခိၣ်လီၤ.

⁷ သးဝံၣ်ထီၣ်ယွၤအိၣ်ဒီးတၢ်စံးထီၣ်ပတြၢၤတက့ၢ်, သး ဝံၣ်ထီၣ်ပကစၢ်အိၣ်ဒီးတနၢ်တက့ၢ်. ⁸ အဝဲဒၣ်မၤဘၢ မူကပိာ်လိၤလၢတၢ်အၢၣ်, ဒီးကတဲာ်ကတီၤတၢ်စူၤလၢ ဟီၣ်ခိၣ်အဂီၢ်, ဒီးဒုးမဲထီၣ် နီၣ်ဧိၤမံၤဧိၤလၢကစၢၢ်အ လိၤ, ⁹ ဒီးဟ့ၣ်လီၤတၢ်အီၣ်လၢဆၣ်ဖိကီၢ်ဖိဒီးလၢစိးဝၣ် ဃးဖိလၢအကိးထီၣ်တၢ်လီၤ. ¹⁰ တဘၣ်ဘၣ်အသးလၢ ကသ့ၣ်အဂံၢ်အဘါ, တအဲၣ်ဒိးဘၣ် ပှၤကညီအခီၣ် ဘၣ်. ¹¹ ယွၤအဲၣ်ဒိးပှၤလၢအပျံၤအီၤ, ပှၤလၢအကွၢ်လၢ် အဘျုးအဖှိၣ်အကျဲလီၤ.

¹² ယရူၤၡလ့ၣ်ဧၢ, သးဝံၣ်ထီၣ်ယွၤတက့ၢ်. စံယိၣ်ဧၢ, စံးထီၣ်ပတြၢၤနကစၢ်တက့ၢ်. ¹³ အဂ့ၢ်ဒ်အံၤ, မၤဆူၣ် လံနတြဲၤအနီၣ်ဘိ, ဆိၣ်ဂ့ၤဆိၣ်ဝါလံနဖိနလံၤအိၣ်လၢ နပူၤလီၤ. ¹⁴ ပာ်လီၤတၢ်ဃူတၢ်ဖိးလၢနကီၢ်အဃၢၤ, ဒုး ဘျဲးအီၣ်နၤလၢဘုလၢအဂ့ၤကတၢၢ်လီၤ. ¹⁵ မၢအတၢ်မၤ လိာ်လဲၤတၢ်ဟီၣ်ခိၣ်ချၢ, အတၢ်ကတိၤဃ့ၢ်ဝဲချ့မးလီၤ.―

¹⁶ ဟ့ၣ်လီၤမူခိၣ်ဖီဒ်သိအဆူၣ်အသိး, ဖှံလီၤနါဝာ်ဒ်ဖၣ် ဆါအသိးန့ၣ်လီၤ. ¹⁷ တ့ၢ်လီၤအထံလီၤသကၤ ဒ်တၢ် တကူာ်တကူာ်အသိးန့ၣ်လီၤ. မ့ၢ်မတၤဆၢထၢၣ်လၢ အတၢ်ဂိၢ်အမဲာ်ညါသ့တဂၤလဲၣ်. ¹⁸ မၢလီၤအတၢ်မၤ လိာ်, ဒီးမၤပှံၢ်လီၤအီၤ, ဒုးအူထီၣ်အကလံၤ, ဒီးထံ ယွၤဝဲလီၤ.

¹⁹ ဒုးသ့ၣ်ညါစီၤယၤကိာ်လၢအကလုၢ်အကထါ, ဒီးအ တၢ်မၤလိာ်, ဒီးအတၢ်စံၣ်ညီၣ်တဖၣ် လၢအံၣ်စရ့လး လီၤ. ²⁰ တမၤဘၣ်ပှၤအကလုာ်ဒ်န့ၣ်နီတကလုာ်ဘၣ်. ဒီးအတၢ်စံၣ်ညီၣ်တၢ်တဖၣ်န့ၣ် အဝဲသ့ၣ်တသ့ၣ်ညါ ဘၣ်ဝဲဘၣ်. စံးထီၣ်ပတြၢၤယွၤတက့ၢ်.

၁၄၈

¹ စံးထီၣ်ပတြၢၤယွၤတက့ၢ်. တၢ်အိၣ်လၢမူခိၣ်သ့ၣ်ဧၢ, စံးထီၣ်ပတြၢၤယွၤတက့ၢ်. တၢ်အိၣ်လၢ တၢ်ထီၣ်ထီ သ့ၣ်ဧၢ, စံးထီၣ်ပတြၢၤအီၤတက့ၢ်. ² အကလူးခဲလၢာ် သ့ၣ်ဧၢ, စံးထီၣ်ပတြၢၤအီၤတက့ၢ်. အသုးမုၢ်ဂီၤမုၢ်ခဲ လၢာ်သ့ၣ်ဧၢ, စံးထီၣ်ပတြၢၤအီၤတက့ၢ်. ³ မုၢ်ဒီးလါ သ့ၣ်ဧၢ, စံးထီၣ်ပတြၢၤအီၤတက့ၢ်. တၢ်ကပီၤအဆၣ် ဧိၤဖီဧိၤခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်. ⁴ မူ ခိၣ်အထီကတၢၢ်, ဒီးထံဧိၤနိဧိၤအိၣ်လၢမူခိၣ်အဖီခိၣ် သ့ၣ်ဧၢ, စံးထီၣ်ပတြၢၤအီၤတက့ၢ်. ⁵ မ်အစံးထီၣ်ပ တြၢၤယွၤအမံၤတက့ၢ်. အဂ့ၢ်ဒ်အံၤ, မၤလိာ်ဝဲ, ဒီးအ ဝဲသ့ၣ်ကဲထီၣ်လီၤ. ⁶ ဒီးမၤဂၢၢ်မၤကျၢၤအီၤလီၤစိၤလီၤ ထီ, ပာ်လီၤတၢ်မၤလိာ်လၢ ပှၤတလုၣ်သ့ၣ်ခါပတာ် ဘၣ်ဝဲဘၣ်.

⁷ မ်တၢ်စံးထီၣ်ပတြၢၤယွၤလၢဟီၣ်ခိၣ်တက့ၢ်. ပယိၤ ဒီးကယဲၢ်ထံယိာ်ပူၤ, ⁸ မ့ၣ်အူဒီးသူၣ်, မူခိၣ်ဖီဒီးတၢ်အ ဘှ့ၣ်, ကလံၤမုၢ်လၢအမၤဖဲဒၣ်အတၢ်မၤလိာ်, ⁹ ကစၢၢ် ကလိဒီးကယဲၢ်တၢ်စိခိၣ်, သ့ၣ်လၢအသၣ်ထီၣ်ဒီးက ယဲၢ်သ့ၣ်ဆှိအ့ရ့း ¹⁰ ဆၣ်ဖိကီၢ်ဖိအမံၤဒီး ဆၣ်ဖိကီၢ်ဖိအ ဒၢ, တၢ်လၢအစွါဒီးထိၣ်လၢအယူၤ, ¹¹ ဟီၣ်ခိၣ်အစီၤပၤ ဒီးပှၤအကလုာ်ခဲလၢာ်, ပဒိၣ်ဖးဒိၣ်ဒီးဟီၣ်ခိၣ်အပှၤစံၣ် ညီၣ်ကွီၢ်, ¹² ပှၤဖိၣ်သၣ်ခွါဒီးပှၤမုၣ်ကနီၤ, ပှၤသးပှၢ်ဒီး ပှၤဖိသၣ်သ့ၣ်တဖၣ်မုန့ၣ်, ¹³ မ်အစံးထီၣ်ပတြၢၤယွၤအ မံၤတက့ၢ်. အဂ့ၢ်ဒ်အံၤ, တၢ်ပာ်ထီၣ်ထီထဲအဝဲဒၣ်အ မံၤဧိၤန့ၣ်လီၤ. အလၤကပီၤအိၣ်ဝဲလၢ မူခိၣ်ဒီးဟီၣ်ခိၣ် အဖီခိၣ်လီၤ. စံးထီၣ်ပတြၢၤယွၤတက့ၢ်.

¹⁴ ဒီးပာ်ဝဲလၢအပှၤဂီၢ်မုၢ်အနၢၤလၢတၢ်ထီၣ်ထီ, ပှၤစီဆှံ ခဲလၢာ်အတၢ်စံးထီၣ်ပတြၢၤ, ပှၤအံၣ်စရ့လးဖိ, ပှၤတ ကလုာ်အိၣ်ဘူးဒီးအီၤလီၤ. စံးထီၣ်ပတြၢၤယွၤတက့ၢ်.

၁၄၉

¹ စံးထီၣ်ပတြၢၤယွၤတက့ၢ်. သးဝံၣ်ထီၣ်ယွၤလၢတၢ် သးဝံၣ်အသီ, ဒီးအတၢ်စံးထီၣ်ပတြၢၤလၢအပှၤစီဆှံအ တၢ်အိၣ်ဖှိၣ်အပူၤန့ၣ်တက့ၢ်. ² မ်အံၣ်စရ့လးသးခုလၢ ပှၤတ့လီၤအီၤအပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံ သးညီလၢအစီၤပၤအပူၤတက့ၢ်. ³ မ်အစံးထီၣ်ပတြၢၤ အမံၤလၢတၢ်ဂဲၤကလံၣ်အပူၤတက့ၢ်. မ်အသးဝံၣ်ထီၣ် အီၤဒီးဒၢဖိဒီးတနၢ်တက့ၢ်. ⁴ အဂ့ၢ်ဒ်အံၤ, ဘၣ်ယွၤအ သးလၢအပှၤဂီၢ်မုၢ်လီၤ. မၤဃံမၤလၤပှၤအသူၣ်စူၤအသး စူၤလၢတၢ်အုၣ်က့ၤခီၣ်က့ၤလီၤ.

⁵ မ်ပှၤစီဆှံသူၣ်ပိၢ်သးဝး လၢတၢ်လၤကပီၤအပူၤ တ က့ၢ်. မ်အအုၣ်တၢ်လၢအလီၢ်မံအဖီခိၣ်တက့ၢ်. ⁶ မ်ယွၤ အတၢ်စံးထီၣ်ပတြၢၤထီၣ်ထီ အိၣ်လၢအကိာ်ပူၤ, ဒီး နးလၢ အကနၣ်အ့ၣ်ဝဲခံခီလၢာ် အိၣ်လၢအစုပူၤတ က့ၢ်. ⁷ ဒ်သိးအကမၤဆၢတၢ်အၢလၢပှၤကလုာ်တဖၣ်, ဒီးဟ့ၣ်လီၤတၢ်နးတၢ်ဖှီၣ်လၢပှၤဂီၢ်မုၢ်. ⁸ ဒ်သိးအကစၢ ဃာ်အစီၤပၤလၢထးသွဲ, ဒီးအပဒိၣ်ဖးဒိၣ်လၢပျံၤထး,―

⁹ ဒ်သိးအကမၤတၢ်စံၣ်ညီၣ်ကွဲးအသးလၢအဂီၢ်လီၤ. အ န့ၣ်မ့ၢ်တၢ်လၤကပီၤလၢအပှၤစီဆှံခဲလၢာ်အဂီၢ်လီၤ. စံးထီၣ်ပတြၢၤယွၤတက့ၢ်.

၁၅၀

¹ စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤလၢအ လီၢ်စီဆှံအပူၤတက့ၢ်. စံးထီၣ်ပတြၢၤအီၤလၢအစိအက မီၤအမူကပိာ်လိၤအပူၤတက့ၢ်. ² စံးထီၣ်ပတြၢၤအီၤလၢ အမၤတၢ်အဒိၣ်အဆူၣ်အဃိန့ၣ်တက့ၢ်. စံးထီၣ်ပတြၢၤ အီၤဒ်အဒိၣ်အထီအအါအဂီၢ်အသိးန့ၣ်တက့ၢ်.

³ စံးထီၣ်ပတြၢၤအီၤလၢကွဲၤအသီၣ်တက့ၢ်. စံးထီၣ်ပ တြၢၤအီၤလၢသီတူၢ်ဒီးတနၢ်တက့ၢ်. ⁴ စံးထီၣ်ပတြၢၤ အီၤလၢဒၢ, ဒီးတၢ်ဂဲၤကလံၣ်တက့ၢ်. စံးထီၣ်ပတြၢၤ အီၤလၢတၢ်လၢပှၤဒ့ဝဲ, ဒီးတၢ်လၢပှၤအူဝဲတက့ၢ်. ⁵ စံး ထီၣ်ပတြၢၤအီၤလၢ စှၢၣ်စှံးလၢအသီၣ်ထီၣ်ဒိၣ်တက့ၢ်. စံးထီၣ်ပတြၢၤအီၤလၢ စှၢၣ်စှံးလၢအသီၣ်ထီၣ်မုာ်တ က့ၢ်. ⁶ မ်ကယဲၢ်တၢ်အသးစံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤတက့ၢ်.