လံာ်စီၤပီလူးကွဲးန့ၢ်ပှၤဖံလံးပံၤဖိ.

လံာ်စီၤပီလူးကွဲးန့ၢ်ပှၤဖံလံးပံၤဖိ.

၁

¹ ယ့ၣ်ရှူးခရံာ်အကုၢ်အပှၤစီၤပီလူးဒီးစီၤတံၤမသ့း, စံး ဘၣ်ကယဲၢ်ပှၤစီဆှံ, လၢယ့ၣ်ရှူးခရံာ်အပူၤအိၣ်လၢဖံလံး ပံၤခဲလၢာ်, အိၣ်ဒီးပှၤကွၢ်တၢ်ဒီးတၢ်အခ့အပှၤသ့ၣ်တ ဖၣ်န့ၣ်, ² မ်တၢ်ဘျုးတၢ်ဖှိၣ်ဒီး တၢ်ဃူတၢ်ဖိးလၢပပၢ် ယွၤ, ဒီးကစၢ်ယ့ၣ်ရှူးခရံာ်န့ၣ်ဘၣ်သုတက့ၢ်.

³ ဖဲဒၣ်ယသ့ၣ်နီၣ်ထီၣ်က့ၤသုကိးစုဒဲးန့ၣ်, ယစံးထီၣ်ပ တြၢၤယကစၢ်အဘျုးအဖှိၣ်, ⁴ လၢကယဲၢ်ယဘါထုက ဖၣ်တၢ်အပူၤလၢသုဂီၢ်ခဲလၢာ်, ဒီးယဃ့ကညးတၢ်အိၣ် ဒီးတၢ်သးခုတထံၣ်ဃီ, ⁵ လၢသုဂုာ်မၤဃုာ်လၢတၢ်သး ခုအကစီၣ်အဂီၢ် လၢမုၢ်နံၤခီၣ်ထံးတုၤခဲကနံၣ်အံၤအဃိ လီၤ. ⁶ ယနာ်တၢ်အံၤဒၣ်လဲာ်လၢပှၤလၢအမၤထီၣ်သီ တၢ်မၤအဂ့ၤတမံၤလၢသုပူၤတဂၤ, ကမၤလၢထီၣ်ပှဲၤ ထီၣ်ဝဲတုၤလီၤလၢယ့ၣ်ရှူးခရံာ်အမုၢ်နံၤန့ၣ်လီၤ. ⁷ ဒ်န့ၣ် အသိးယဂ့ၤဆိကမိၣ်တၢ်လၢသုဂ့ၢ်ခဲလၢာ်လီၤ. အဂ့ၢ်ဒ် အံၤ, သုအိၣ်လၢယသးကံၢ်ပူၤ, အဂ့ၢ်ဒ်အံၤ, လၢယဘၣ် တၢ်စၢဃာ်, ဒီးလၢယကတိၤပူၤဖျဲးတၢ်, ဒီးမၤဂၢၢ်မၤ ကျၢၤတၢ်သးခုအကစီၣ်အပူၤန့ၣ်, သုဝဲခဲလၢာ်မ့ၢ်ပှၤဘၣ် ဃုာ်တၢ်ဘျုးတၢ်ဖှိၣ်အံၤဒီးယၤလီၤ. ⁸ အဂ့ၢ်ဒ်အံၤ, ယသး သယုၢ်ဘၣ်သုခဲလၢာ် လၢယ့ၣ်ရှူးခရံာ်အတၢ်သးကညီၤ အပူၤဆံးအါဆံးအါန့ၣ်, ယွၤမ့ၢ်တၢ်အုၣ်အသးလၢယ ဂီၢ်လီၤ.

⁹ ဒီးယဘါထုကဖၣ်တၢ်ဒ်အံၤ, လၢသုတၢ်အဲၣ်တၢ်ကွံ ကအါထီၣ်ဒိၣ်ထီၣ်လၢတၢ်သ့ၣ်ညါအပူၤ, ဒီးလၢကယဲၢ် တၢ်နၢ်ပၢၢ်အပူၤ, ¹⁰ ဒ်သိးသုကနီၤဖးတၢ်လီၤဆီတဖၣ်အ ဆၢ, ဒ်သိးသုကစီကဆှံ, ဒီးသုတၢ်ကမၣ်တအိၣ်ဘၣ်ဖဲ ခရံာ်အမုၢ်နံၤဒီး, ¹¹ သုကလၢထီၣ်ပှဲၤထီၣ်ဒီးတၢ်တီတၢ် လိၤအတၤသၣ်လၢယ့ၣ်ရှူးခရံာ်အဃိ, လၢယွၤအလၤ အကပီၤဒီးအတၢ်စံးထီၣ်ပတြၢၤအဂီၢ်လီၤ.

¹² ဒီးပုၢ်သ့ၣ်ဝဲၢ်သ့ၣ်ဧၢ, ယသးအိၣ်လၢသုကသ့ၣ်ညါ လၢတၢ်မၤအသးလၢယၤအံၤ, ကဲထီၣ်ကဒါက့ၤလံလၢ တၢ်မၤစၢၤတၢ်သးခုကစီၣ်လံ, ¹³ တုၤဒၣ်လဲာ်ယဘၣ် တၢ်စၢဃာ်လၢခရံာ်အဃိန့ၣ် အိၣ်ဖျါထီၣ်လၢစီၤပၤသုး ဖိအလီၢ်ခဲလၢာ်, ဒီးလၢအလီၢ်သကုၤဆးဒးလီၤ. ¹⁴ ဒီးဒီ ပုၢ်ဝဲၢ်အါတက့ၢ်လၢကစၢ်အပူၤ, အတၢ်နာ်ဆူၣ်ထီၣ်လၢ ယတၢ်စၢဃာ်အဃိသတးဒီး, တပျံၤဘၣ်တၢ်ဘၣ်ဒီး, စံၣ်တဲၤတဲလီၤ တၢ်အကလုၢ်အကထါလၢအသးခူတ လ့ၢ်အါဒၣ်တၢ်တက့ၢ်လီၤ.

¹⁵ တနီၤနီၤမ့ၢ်အသးက့ၣ်, ဒီးအ့ၣ်လိာ်ဆိးက့လိာ်အသး ဒီး, စံၣ်တဲၤတဲလီၤခရံာ်အဂ့ၢ်အကျိၤ, ဒီးတနီၤနီၤလၢသး ဂ့ၤလီၤ. ¹⁶ ဒီးပှၤတနီၤနီၤသ့ၣ်ညါလၢတၢ်ပာ်ယၤလၢတၢ် မၤတဒီဃာ်တၢ်သးခုအကစီၣ်ဒီး, စံၣ်တဲၤတဲလီၤဝဲလၢ တၢ်အဲၣ်တၢ်ကွံလီၤ. ¹⁷ ပှၤတနီၤနီၤအသးတကဆှီဘၣ်, ဒီးဆိကမိၣ်လၢ အကပာ်ဖှိၣ်တၢ်နးတၢ်ဖှီၣ်ဒီးယတၢ်စၢ ဃာ်ဒီး, စံၣ်တဲၤတဲလီၤခရံာ်လၢတၢ်အ့ၣ်လိာ်ဆိးက့လိာ် လီၤ. ¹⁸ မ့မ့ၢ်ဒ်န့ၣ်ဒီး, မ့ၢ်မနုၤလဲၣ်. ကယဲၢ်အစံၣ်တဲၤတဲ လီၤတၢ်ဒ်အံၤဒ်နုၤန့ၣ်, လၢတၢ်လီတၢ်ဝ့ၤမ့ၢ်ဂ့ၤ, လၢတၢ် တီတၢ်လိၤမ့ၢ်ဂ့ၤ, မ့ၢ်ပှၤစံၣ်တဲၤတဲလီၤခရံာ်ဒီး, ယသးခု ဒီးမ့ၢ်မးယကသးခုလီၤ. ¹⁹ အဂ့ၢ်ဒ်အံၤ, ယသ့ၣ်ညါလၢသု ဘါထုကဖၣ်တၢ်, ဒီးယ့ၣ်ရှူးခရံာ်အသးမၤစၢၤတၢ်သ တးဒီး, တၢ်မၤအသးအံၤကကဲထီၣ်က့ၤလၢတၢ်အုၣ်က့ၤ ခီၣ်က့ၤယၤအဂီၢ်, ²⁰ ဒ်ယကွၢ်လၢ်တၢ်, ဒီးယတၢ်မုၢ်လၢ် အသိး, လၢယမဲာ်တဆှးဘၣ်လၢတၢ်နီတမံၤဘၣ်, မ့မ့ၢ် လၢယအိၣ်ဒီးယသးခူတလ့ၢ်လၢတၢ်ခဲလၢာ်အပူၤဒ်ကိး ဘျီကိးဘျီအသိးန့ၣ်, ခဲကနံၣ်အံၤစ့ၢ်ကီး, ယမူမ့ၢ်ဂ့ၤ, ယ သံမ့ၢ်ဂ့ၤ, ခရံာ်ကဘၣ်တၢ်ပာ်ဒိၣ်အီၤလၢယနီၢ်ခိအပူၤ လီၤ.

²¹ အဂ့ၢ်ဒ်အံၤ, လၢယဂီၢ်, ယမူန့ၣ်မ့ၢ်ခရံာ်, ဒီးယသံန့ၣ် မ့ၢ်တၢ်ဘျုးလီၤ. ²² ဒီးယမ့ၢ်မူလၢတၢ်ဖံးတၢ်ညၣ်အပူၤဒီး, တၢ်န့ၣ်မ့ၢ်ယမၤတၢ်အတၤသၣ်, ဒီးယကဃုထၢဖဲလဲၣ် တမံၤလဲၣ်န့ၣ်, ယတသ့ၣ်ညါဘၣ်. ²³ အဂ့ၢ်ဒ်အံၤ, တၢ်သ နံးထီၣ်ယၤလၢတၢ်ခံမံၤအဘၢၣ်စၢၤလီၤ. တၢ်မိၣ်က့ၤယ သးဒီးအိၣ်ဒီးခရံာ်လီၤ. အန့ၣ်မ့ၢ်အဂ့ၤဒၣ်တၢ်ဒိၣ်ဒိၣ်က လဲာ်လီၤ. ²⁴ ဘၣ်ဆၣ်ဒီးယအိၣ်လၢတၢ်ဖံးတၢ်ညၣ်အပူၤ န့ၣ်, မ့ၢ်အဂ့ၤဒၣ်တၢ်လၢသုဂီၢ်လီၤ. ²⁵ ဒီးယနာ်တၢ်န့ၣ်သ တးဒီး, ယသ့ၣ်ညါလၢယကအိၣ်ဒံး, ဒီးအိၣ်စ့ၢ်ကီးဒီးသု ခဲလၢာ်လၢသုကထီၣ်ကထီ ဒီးသးခုတၢ်လၢတၢ်နာ်အ ပူၤအဂီၢ်, ²⁶ ဒ်သိးယမ့ၢ်ဟဲအိၣ်ကဒီးဒီးသုဒီး, သုတၢ်စံး ထီၣ်ပတြၢၤကအါထီၣ်လၢယဃိလၢယ့ၣ်ရှူးခရံာ်အပူၤ လီၤ.

²⁷ ထဲတၢ်အံၤ, မ်သုမၤတၢ်လၢအကြၢးဒီးခရံာ်အတၢ်သး ခုအကစီၣ်တက့ၢ်, ဒ်သိးယမ့ၢ်ဟဲထံၣ်သုမ့ၢ်ဂ့ၤ, ယမ့ၢ် အိၣ်လီၤဖးမ့ၢ်ဂ့ၤ, ယကနၢ်ဟူတၢ်ဘၣ်ဃးဒီးသုလၢသု ဆၢထၢၣ်လၢသုသးတဖျၢၣ်ဃီ, ဒီးလၢသုအိၣ်ဒီးသးတ ဖျၢၣ်ဃီဒီး, ဂုာ်မၤဃုာ်တၢ်လၢတၢ်နာ် ဘၣ်ဃးဒီးတၢ် သးခုအကစီၣ်, ²⁸ ဒီးလၢသုတပျံၤတဖုးဘၣ်သုဒုၣ်ဒုဒါနီ တမံၤဘၣ်လီၤ. တၢ်န့ၣ်မ့ၢ်အဝဲသ့ၣ်အတၢ်ဟးဂီၤအပနီၣ်, ဘၣ်ဆၣ်ဒီး မ့ၢ်သုတၢ်အုၣ်က့ၤခီၣ်က့ၤအပနီၣ်, ဒီးအဝဲ န့ၣ်မ့ၢ်တၢ်ဟဲဝဲလၢယွၤလီၤ. ²⁹ အဂ့ၢ်ဒ်အံၤ, တၢ်ဟ့ၣ်သု လၢခရံာ်အဂီၢ် ထဲလၢ သုကစူၢ်က့ၤနာ်က့ၤအီၤတမ့ၢ် ဘၣ်, မ့ၢ်လၢသုကဘၣ်တၢ်နးတၢ်ဖှီၣ်လၢအဂီၢ်စ့ၢ်ကီး လီၤ. ³⁰ အဂ့ၢ်ဒ်အံၤ, သုအိၣ်ဒီးတၢ်ဒုးတၢ်ယၤတမံၤဃီလၢ သုထံၣ်လၢယလိၤ, ဒီးခဲကနံၣ်အံၤသုနၢ်ဟူလၢအအိၣ် လၢယလိၤလီၤ.

၂

¹ မၤသးဒ်န့ၣ်ဒီး, တၢ်သဆၣ်ထီၣ်ပခံမ့ၢ်အိၣ်လၢခရံာ် အပူၤ, တၢ်အမုာ်ဘၣ်ဃးဒီးတၢ်အဲၣ်တၢ်ကွံမ့ၢ်အိၣ်, သး အတၢ်ရ့လိာ်မ့ၢ်အိၣ်, ² တၢ်သးအိၣ်တၢ်, ဒီးတၢ်သးက ညီၤတၢ်မ့ၢ်အိၣ်သတးဒီး, လၢသုဆိကမိၣ်တၢ်ဒ်သိးသိး, အိၣ်ဒီးတၢ်အဲၣ်တၢ်ကွံဒ်သိးသိး, အိၣ်ဒီးသုသးတဖျၢၣ် ဃီ, ဒီးဆိကမိၣ်တၢ်တမံၤဃီအဃိဒီး, မၤလၢထီၣ်ပှဲၤ ထီၣ်ယတၢ်သးခုတက့ၢ်. ³ လၢတၢ်အ့ၣ်လိာ်ဆိးက့ဒီး တၢ်ဟူထီသါလီၤကလီကလီန့ၣ်, မၤတၢ်နီတမံၤတဂ့ၤ. မ့မ့ၢ်လၢတၢ်ဆီၣ်လီၤသုသးသတးဒီး, မ်ပှၤပာ်ပှၤဂၤဂ့ၤ န့ၢ်အကစၢ်ဒၣ်ဝဲတက့ၢ်. ⁴ သုတကွၢ်တဂၤလၢအတၢ် ဒၣ်ဝဲ, တဂၤလၢအတၢ်ဒၣ်ဝဲတဂ့ၤ. မ်အကွၢ်တဂၤလၢပှၤ ဂၤအတၢ်, တဂၤလၢပှၤဂၤအတၢ်စ့ၢ်ကီးတက့ၢ်. ⁵ သးတ မံၤလၢအအိၣ်လၢယ့ၣ်ရှူးခရံာ်အပူၤန့ၣ်, မ်အအိၣ်စ့ၢ်ကီး လၢသုပူၤတက့ၢ်. ⁶ အဝဲဒၣ်န့ၣ်အိၣ်ဒီးယွၤအက့ၢ်အဂီၤ ဒီးပာ်အသးထဲသိးဒီးယွၤဒီး, တဆိကမိၣ်လၢအဂုာ်န့ၢ် ပှၤဂၤအတၢ်ဘၣ်. ⁷ ဘၣ်ဆၣ်ဒီးညိကွံာ်အလၤအကပီၤ, ဒီးလိၣ်ထီၣ်အသးလၢပှၤကညီ, ဒီးဒိးန့ၢ်ကုၢ်အက့ၢ်အ ဂီၤလီၤ. ⁸ ဒီးဘၣ်တၢ်ထံၣ်န့ၢ်အီၤလၢအက့ၢ်အဂီၤဒ်ပှၤက ညီအသိးသတးဒီး, ဆီၣ်လီၤအသးဒီးစူၢ်ဝဲတုၤအဒိးသံ အသး, အခိၣ်တလိာ်, တုၤအဒိးသံအသးလၢထူၣ်စုညါ အလိၤလီၤ. ⁹ မၤသးဒ်န့ၣ်ဒီးယွၤပာ်ထီၣ်ထီအီၤ, ဒီးဟ့ၣ် အမံၤဒိၣ်န့ၢ်ကယဲၢ်တၢ်အမံၤခဲလၢာ်, ¹⁰ ဒ်သိးကယဲၢ်တၢ် အိၣ်လၢမူခိၣ်, ဒီးတၢ်အိၣ်လၢဟီၣ်ခိၣ်, ဒီးတၢ်အိၣ်လၢ ဟီၣ်ခိၣ်လာ်ခဲလၢာ်, ကချံးလီၤအခီၣ်လၢ ယ့ၣ်ရှူးအ မံၤ, ¹¹ ဒီးကယဲၢ်ပှၤအပျ့ၤကအၢၣ်လီၤအီလီၤလၢယ့ၣ်ရှူး ခရံာ်မ့ၢ်ကစၢ်, လၢပၢ်ယွၤအလၤအကပီၤအဂီၢ်လီၤ.

¹² မ်ဒ်န့ၣ်ဒီး, ယပှၤသးဘိသ့ၣ်ဧၢ, ဒ်သုစူၢ်တၢ်တဘိယူၢ် ဃီ, တမ့ၢ်ဘၣ်ထဲလၢယမဲာ်ညါဧိၤဘၣ်, မ့ၢ်လၢယလီၤဖး ဒီးသုခဲကနံၣ်အံၤအါတက့ၢ်သတးဒီး, မၤသုတၢ်အုၣ် က့ၤခီၣ်က့ၤဒၣ်သုဝဲလၢတၢ်ပျံၤဒီးတၢ်ကနိးတက့ၢ်. ¹³ အဂ့ၢ်ဒ်အံၤ, ပှၤလၢအမၤဝဲဖဲဒၣ်အသးဂ့ၤလၢသုပူၤ, ဒ်သိးသု သးကအိၣ်, ဒီးဒ်သိးသုကမၤတၢ်န့ၣ်, မ့ၢ်ယွၤလီၤ.

¹⁴ တၢ်ကဒူးကဒ့ၣ်တၢ်ဒီး တၢ်ဂ့ၢ်လိာ်ဘှီလိာ် တအိၣ် ဘၣ်ဒီး, မၤသုတၢ်ခဲလၢာ်, ¹⁵ ဒ်သိးသုကကဲထီၣ်ပှၤလၢ တၢ်ပာ်တၢ်ကမၣ်လၢအလိၤအလီၢ်တအိၣ်ဘၣ်, ဒီးပှၤ တမၤအၢဘၣ်တၢ်ဘၣ်, ယွၤအဖိလၢအတၢ်ကမၣ်တ အိၣ်ဘၣ်, လၢပှၤသူၣ်က့ၣ်သးက့ၣ်, သူၣ်ကီသးကီတစိၤ အကျါန့ၣ်တက့ၢ်. ¹⁶ သုယူာ်ထီၣ်တၢ်မူအကလုၢ်အက ထါလၢအဝဲသ့ၣ်အကျါသတးဒီး, သုအိၣ်ဖျါထီၣ်ဒ်တၢ် ကပီၤတဖၣ်လၢဟီၣ်ခိၣ်ချၢအသိးန့ၣ်လီၤ. အန့ၣ်ဒီးသု ကကဲထီၣ်လၢ ယသူၣ်ကခုယသးကခုအလီၢ်လၢခရံာ် အမုၢ်နံၤ, လၢယတဃ့ၢ်ကလီကလီဘၣ်, ဒီးလၢယတမၤ ဘၣ်တၢ်ကလီကလီဘၣ်အဂ့ၢ်လီၤ.

¹⁷ မ့ၢ်လံ, တၢ်မ့ၢ်ဂၢ်လီၤယၤလၢတၢ်လုၢ်ဒီးတၢ်မၤဘၣ် ဃးဒီးသုတၢ်နာ်အဖီခိၣ်ဒီး, ယသးခုဒီးယသးခုဃုာ်ဒီး သုခဲလၢာ်လီၤ. ¹⁸ ဒ်န့ၣ်အသိးသုသးခုစ့ၢ်ကီး, ဒီးသုသးခု ဃုာ်ဒီးယၤလီၤ.

¹⁹ ဒီးယမုၢ်လၢ်တၢ်လၢ ကစၢ်ယ့ၣ်ရှူးအပူၤလၢယကမၢ လီၤစီၤတံၤမသ့းဆူသုအိၣ်ချ့သဒံး, ဒ်သိးယကသ့ၣ်ညါ စ့ၢ်ကီးတၢ် ဘၣ်ဃးဒီးသုသတးဒီး ယသးကမုာ်ထီၣ် လီၤ. ²⁰ အဂ့ၢ်ဒ်အံၤ, ပှၤလၢအသးဒ်သိးဒီးအီၤ, လၢအက အံးကကွၢ်သုဒ်အဝဲဒၣ်အသိးန့ၣ် တအိၣ်ဘၣ်ဒီးယၤနီတ ဂၤဘၣ်. ²¹ အဂ့ၢ်ဒ်အံၤ, ပှၤခဲလၢာ်ဃုအတၢ်ဒၣ်ဝဲဒီးတမ့ၢ် ဘၣ်ယ့ၣ်ရှူးခရံာ်အတၢ်ဘၣ်. ²² မ့မ့ၢ်အဝဲတဂၤန့ၣ်, သု သ့ၣ်ညါတၢ်မၤကွၢ်အီၤလၢ အမၤဝဲဒီးယၤလၢတၢ်သးခု အကစီၣ်အဂီၢ်, ဒ်ဖိဒီးပၢ်အသိးန့ၣ်လီၤ. ²³ မၤသးဒ်န့ၣ်ဒီး, တၢ်ဘၣ်ဃးဒီးယၤ ကမၤအသးဒ်လဲၣ်ဒ်လဲၣ်န့ၣ်တုၤယ သ့ၣ်ညါဒီး, ယမုၢ်လၢ်လၢယကမၢလီၤအဝဲဒၣ်ဆူသု အိၣ်တကီၢ်ခါလီၤ. ²⁴ ဒီးယနာ်လၢကစၢ်အပူၤလၢယက ဟဲယကစၢ်ဒၣ်ယဲဆူသုအိၣ်ချ့ချ့စ့ၢ်ကီးလီၤ. ²⁵ မ့ၢ်နာ်သ က့ဒ်န့ၣ်ဒီးပှၤလၢအမၤဃုာ်တၢ်ဒီးယၤ, ပှၤသုးဖိသကိး ဒီးယၤ, သုပှၤလၢအအံးက့ၤကွၢ်က့ၤယၤ, ယဒီပုၢ်ဝဲၢ်, သု ကလူးစီၤအ့းပၤဖရီးဒံတူးတဂၤန့ၣ်, ယဆိကမိၣ်လၢယ ဂ့ၤမၢအလဲၤဆူသုအိၣ်လီၤ. ²⁶ အဂ့ၢ်ဒ်အံၤ, အသးသယုၢ် ဘၣ်သုခဲလၢာ်, ဒီးအသးအုးဝဲလၢသုနၢ်ဟူလၢအဘၣ် တၢ်ဆါအဃိလီၤ. ²⁷ အဂ့ၢ်ဒ်အံၤ, ဘၣ်မးတၢ်ဆါဘူးဒီး အကသံလီၤ. ဘၣ်ဆၣ်ဒီးယွၤသးကညီၤအီၤ, ဒီးတမ့ၢ် ဘၣ်ထဲအဝဲဒၣ်ဧိၤဘၣ်. မ့ၢ်ယၤစ့ၢ်ကီး ဒ်သိးယသုတ ဘၣ်တၢ်သးအုးလၢတၢ်သးအုးအဖီခိၣ်တဂ့ၤလီၤ. ²⁸ မၤ သးဒ်န့ၣ်ဒီး, ယမၢလီၤအီၤချ့ဒၣ်တၢ်တက့ၢ်, ဒ်သိးတုၤသု ထံၣ်အီၤကဒီးဒီး, သုသးကခုဒီး ယတၢ်သးအုးကစၢ်လီၤ လီၤ. ²⁹ မၤသးဒ်န့ၣ်ဒီး, တူၢ်လိာ်အီၤလၢကစၢ်အပူၤလၢ ကယဲၢ်တၢ်သးခု, ဒီးဒုးအိၣ်ပှၤဒ်န့ၣ်သိးတဖၣ်ဒီးတၢ်ယူး ယီၣ်အီၤတက့ၢ်. ³⁰ အဂ့ၢ်ဒ်အံၤ, လၢခရံာ်အတၢ်မၤအဃိ န့ၣ်, မ့ၢ်အအိၣ်ဘူးဒီးတၢ်သံ, ဒီးသုတၢ်မၤလၢယဂီၢ်အိၣ် စှၤသတးဒီး, ဒ်သိးအကမၤပှဲၤထီၣ်ဝဲဒီးတသးလီဘၣ်အ သးဘၣ်လီၤ.

၃

¹ တၢ်ကတိၤလၢခံကတၢၢ်အံၤ, ယပုၢ်သ့ၣ်ဝဲၢ်သ့ၣ်ဧၢ, သူၣ်ခုသးခုလၢကစၢ်အပူၤတက့ၢ်. ယကွဲးန့ၢ်သုလၢတၢ် ဒ်သိးသိးန့ၣ်တမၤဘှံးဘၣ်ယသးဘၣ်. ဒီးမ့ၢ်တၢ်ဂ့ၤလၢ သုဂီၢ်လီၤ.

² ပလီၢ်သုသးလၢထွံၣ်တဖၣ်တက့ၢ်. ပလီၢ်သုသးလၢ ပှၤမၤတၢ်အၢတဖၣ်တက့ၢ်. ပလီၢ်သုသးလၢပှၤကူးတဲာ် ဖိတဖၣ်တက့ၢ်. ³ အဂ့ၢ်ဒ်အံၤ, ပမ့ၢ်ပှၤကူးတရံးဖိလၢအ မၤယွၤအတၢ်လၢသး, ဒီးပပာ်ပသးကဖၢလၢလၢယ့ၣ်ရှူး ခရံာ်အပူၤ, ဒီးတသန့ၤဘၣ်ပသးလၢတၢ်ဖံးတၢ်ညၣ်အ ပူၤဘၣ်. ⁴ ဘၣ်ဆၣ်ဒီး ယသန့ၤယသးလၢတၢ်ဖံးတၢ် ညၣ်အပူၤအလီၢ်အိၣ်ဝဲလီၤ. ပှၤဂၤမ့ၢ်ဆိကမိၣ်လၢအသ န့ၤအသးလၢတၢ်ဖံးတၢ်ညၣ်အပူၤအလီၢ်အိၣ်ဝဲဒီး, ယဲ ဒၣ်အံၤအိၣ်အါန့ၢ်အန့ၣ်တက့ၢ်လီၤ. ⁵ လၢဃိးနံၤတနံၤ အပူၤန့ၣ်ယဒိးတၢ်ကူးတရံး, ယဘၣ်ဃးဒီးပှၤအံၣ်စရ့ လးဖိတကလုာ်, စီၤဘံၣ်ယၤမံၣ်အဒူၣ်, ပှၤဧ့ၤဘြံၤဖိလီၤ စၢၤလီၤသွဲၣ်လၢပှၤဧ့ၤဘြံၤဖိ, လၢတၢ်သိၣ်တၢ်သီအဂ့ၢ် ပှၤဖၤရံၤၡဲ, ⁶ လၢတၢ်ဂဲၤလိာ်အဂ့ၢ်, ယမၤအၢမၤသီတၢ် အိၣ်ဖှိၣ်, လၢတၢ်တီတၢ်လိၤဘၣ်ဃးဒီးတၢ်သိၣ်တၢ်သီ တမံၤအဂ့ၢ်, တၢ်ပာ်တၢ်ကမၣ်လၢယလိၤအလီၢ်တအိၣ် ဘၣ်.

⁷ ဘၣ်ဆၣ်ဒီးတၢ်လၢအမၤအါထီၣ်န့ၣ် ယပာ်အီၤလၢ တၢ်မၤဟါမၢ်ယတၢ်လၢခရံာ်အဃိန့ၣ်လီၤ. ⁸ အခိၣ်တ လိာ်ယပာ်တၢ်ခဲလၢာ်လၢ တၢ်မၤဟါမၢ်ယတၢ်လၢတၢ် ဂ့ၤဒၣ်တၢ်ဘၣ်ဃးဒီးတၢ်သ့ၣ်ညါ ယကစၢ်ယ့ၣ်ရှူးခရံာ် အဃိလီၤ. လၢအဝဲဒၣ်အဃိယဒိးတၢ်မၤဟါမၢ်ယတၢ် ခဲလၢာ်, ဒီးယပာ်အီၤဒ် တၢ်အ့ၣ်အသိးဒ်သိးယကန့ၢ် ဘၣ်ခရံာ်, ⁹ ဒီးတၢ်ကထံၣ်န့ၢ်ယၤလၢအပူၤလၢယတ အိၣ်ဘၣ်ဒီး ယတၢ်တီတၢ်လိၤဘၣ်ဃးဒီးတၢ်သိၣ်တၢ် သီဘၣ်. မ့ၢ်ယအိၣ်ဒီးတၢ်တီတၢ်လိၤဘၣ်ဃးဒီးတၢ်နာ် ခရံာ်, ယွၤအတၢ်တီတၢ်လိၤဘၣ်ဃးဒီးတၢ်နာ်, ¹⁰ ဒ်သိး ယကသ့ၣ်ညါအီၤ, ဒီးအတၢ်ဂဲၤဆၢထၢၣ်က့ၤန့ၣ်အစိအ ကမီၤ, ဒီးဒ်သိးယဘၣ်တၢ်လီၤဂာ်လၢအတၢ်သံသတး ဒီးယကသ့ၣ်ညါတၢ်ရ့လိာ်ဒီးအတၢ်နးတၢ်ဖှီၣ်, ¹¹ ဒ်သိး မ့ၢ်သ့ဒီး ယကတုၤလၢတၢ်ဂဲၤဆၢထၢၣ်က့ၤလၢတၢ်သံ လီၤ.

¹² ယန့ၢ်ဘၣ်လံန့ၢ်မ့ၢ်ဂ့ၤ, ဒီးယလၢထီၣ်ပှဲၤထီၣ်လံန့ၣ် မ့ၢ်ဂ့ၤ, တမ့ၢ်ဘၣ်. မ့ၢ်ယလူၤတၢ်ဒ်သိးယကမၤန့ၢ်တၢ်တ မံၤလၢခရံာ်မၤန့ၢ်ယၤလၢအဃိတမံၤန့ၣ်လီၤ. ¹³ ပုၢ်သ့ၣ် ဝဲၢ်သ့ၣ်ဧၢ, ယပာ်ယသးလၢယမၤန့ၢ်လံတၢ်လံန့ၣ်တမ့ၢ် ဘၣ်. မ့မ့ၢ်တၢ်တမံၤဧိၤယမၤ, ယပာ်သးပ့ၤနီၣ်ယသးလၢ တၢ်အိၣ်လၢယလီၢ်ခံ, ဒီးယယူာ်ဃီၤယသးဆူတၢ်အိၣ် လၢယမဲာ်ညါ, ¹⁴ ဒီးယဃ့ၢ်သဘျိၣ်ဆူတၢ်ပနီၣ်အအိၣ်, ဒ်သိးယကန့ၢ်ဘၣ် တၢ်ဘျုး ဘၣ်ဃးဒီးယွၤအတၢ်ကိး ထီၣ်ထီလၢယ့ၣ်ရှူးခရံာ်အပူၤန့ၣ်လီၤ.

¹⁵ မၤသးဒ်န့ၣ်ဒီး ဖဲဒၣ်ပမ့ၢ် ပှၤလၢထီၣ်ပှဲၤထီၣ်တဖၣ် န့ၣ်, မ်ပဆိကမိၣ်တၢ်အံၤတက့ၢ်. ဒီးပှၤမ့ၢ်ဆိကမိၣ်တၢ် လီၤဆီတမံၤမံၤဒီး, ယွၤကဒုးနဲၣ်အီၤလၢတၢ်န့ၣ်တမံၤ လီၤ. ¹⁶ ဘၣ်ဆၣ်ဒီးဖဲဒၣ်ပန့ၢ်ဘၣ်တၢ်လံန့ၣ်, မ်ပလဲၤတၢ် လၢတၢ်ဘျၢတမံၤဃီတက့ၢ်.

¹⁷ ပုၢ်သ့ၣ်ဝဲၢ်သ့ၣ်ဧၢ, ကွၢ်လိသကိးယၤတက့ၢ်. ဒီးတိၢ် နီၣ်ပှၤလၢအလဲၤဝဲဒ်သုန့ၢ်ဘၣ် အဒိအတဲာ်လၢပဝဲဒၣ် အသိးန့ၣ်တက့ၢ်. ¹⁸ အဂ့ၢ်ဒ်အံၤ, ပှၤအါဂၤလဲၤတၢ်ဒ်ယစံး ဘၣ်သုအါဘျီအသိး, ဒီးယမဲာ်ထံလီၤ, ဒီးယစံးဘၣ်သု ခဲကနံၣ်အံၤစ့ၢ်ကီး, လၢအမ့ၢ်ခရံာ်အထူၣ်စုညါအဒုၣ်အ ဒါလီၤ. ¹⁹ အဝဲသ့ၣ်အကတၢၢ်န့ၣ်မ့ၢ်တၢ်ဟးဂီၤ, အကစၢ် န့ၣ်မ့ၢ်အဟၢဖၢ, ဒီးတၢ်လၢအဂ့ၤမဲာ်ဆှးဝဲန့ၣ်ပာ်ဝဲလၢ အလၤကပီၤ, အသးအိၣ်ဟီၣ်ခိၣ်အတၢ်လီၤ. ²⁰ အဂ့ၢ်ဒ် အံၤ, ပတၢ်ဝ့ၢ်ဖိအလီၢ်ဘၣ်ဃးဒီးမူခိၣ်, လၢအပူၤန့ၣ်ပ ကွၢ်လၢ်ပှၤအုၣ်က့ၤခီၣ်က့ၤတၢ်, ကစၢ်ယ့ၣ်ရှူးခရံာ်အကျဲ စ့ၢ်ကီးလီၤ. ²¹ အဝဲဒၣ်န့ၣ်ကလဲက့ၤပနီၢ်ခိလၢအဘၣ်ဃး ဒီးပဘၣ်တၢ်ဆီၣ်လီၤအံၤ ဒ်သိးအကလီၤဂာ်ဒီးအနီၢ်ဒၣ် ဝဲဘၣ်ဃးဒီးတၢ်လၤကပီၤ, ဒ်တၢ်မၤလၢအဝဲဒၣ်မၤနၢၤ တၢ်ခဲလၢာ်လၢအကစၢ်ဒၣ်ဝဲအဖီလာ်သ့, အသိးန့ၣ် လီၤ.

၄

¹ မၤသးဒ်န့ၣ်ဒီး, ပှၤလၢယအဲၣ်အီၤ, ဒီးလၢယသးသ ယုၢ်အီၤ, ယတၢ်သးခု, ဒီးယခိၣ်သလုး, ပုၢ်သ့ၣ်ဝဲၢ်သ့ၣ် ဧၢ, အိၣ်ဂၢၢ်ဆိးကျၢၤလၢကစၢ်အပူၤဒ်န့ၣ်အသိးတက့ၢ်, ပှၤလၢတၢ်အဲၣ်အီၤသ့ၣ်ဧၢ.

² ယဃ့ကညးနီၢ်အူၤအိဒံၤ, ဒီးယဃ့ကညးနီၢ်စူၣ်တူ ဃ့ၤ, ဒ်သိးအကသးအိၣ်တဖျၢၣ်ဃီလၢ ကစၢ်အပူၤ လီၤ. ³ ဒီးပှၤလၢအယိးဃုာ်တၢ်ဒီးယၤနီၢ်နီၢ်တဂၤဧၢ, ယ ဃ့ကညးနၤစ့ၢ်ကီး မၤစၢၤပှၤပိာ်မုၣ်တဖၣ်န့ၣ်လၢအမၤ ဃုာ်ဒီးယၤလၢတၢ်သးခုအကစီၣ်, ဒီးစီၤကျ့မ့ၤစ့ၢ်ကီး, ဒီး ပှၤမၤဃုာ်တၢ်ဒီးယၤ အဂုၤအဂၤတဖၣ်လၢအမံၤအိၣ် လၢလံာ်မူအပူၤန့ၣ်တက့ၢ်.

⁴ သးခုလၢကစၢ်အပူၤတဘိယူၢ်ဃီတက့ၢ်. ယစံးကဒီး, သးခုတက့ၢ်. ⁵ သုသူၣ်စူၤသးစူၤအံၤ, မ်အအိၣ်ဖျါလၢပှၤ ခဲလၢာ်အမဲာ်ညါတက့ၢ်. ကစၢ်အိၣ်ဘူးတ့ၢ်လီၤ. ⁶ သုတ ဘၣ်ယိၣ်တၢ်နီတမံၤတဂ့ၤ. မ့မ့ၢ်လၢတၢ်ကိးမံၤဒဲးန့ၣ် လၢတၢ်ထုကဖၣ်, ဒီးလၢတၢ်ဃ့ကညးအိၣ်ဒီးတၢ်စံး ထီၣ်ပတြၢၤတၢ်အဘျုးအဖှိၣ်အပူၤန့ၣ်, ဘိးဘၣ်သ့ၣ်ညါ ယွၤလၢသုတၢ်အဲၣ်ဒိးတဖၣ်န့ၣ်တက့ၢ်. ⁷ ဒီးယွၤအတၢ် ဃူတၢ်ဖိးလၢအဒိၣ်န့ၢ်ယိာ်န့ၢ် ကယဲၢ်ပသ့ၣ်ညါနၢ်ပၢၢ် တၢ်န့ၣ် ကပၢၤသုသူၣ်သုသးဒီး သုဆိကမိၣ်တၢ်လၢ ယ့ၣ်ရှူးခရံာ်အပူၤလီၤ.

⁸ တၢ်ကတိၤလၢခံကတၢၢ်အံၤ, ပုၢ်သ့ၣ်ဝဲၢ်သ့ၣ်ဧၢ, ဖဲဒၣ် တၢ်မ့ၢ်တၢ်တီ, ဖဲဒၣ်တၢ်လၤတၢ်ကပီၤ, ဖဲဒၣ်တၢ်တီတၢ် လိၤ, ဖဲဒၣ်တၢ်စီတၢ်ဆှံ, ဖဲဒၣ်တၢ်လၢတၢ်အဲၣ်အီၤ, ဖဲဒၣ် တၢ်ဟူထီသါလီၤလၢအဂ့ၤသ့ၣ်တဖၣ်, တၢ်ဂ့ၤဝါလၤက ပီၤမ့ၢ်အိၣ်, ဒီးတၢ်စံးထီၣ်ပတြၢၤမ့ၢ်အိၣ်ဒီးဆိကမိၣ်လၢ တၢ်တဖၣ်န့ၣ်အဂ့ၢ်အကျိၤတက့ၢ်. ⁹ ဒီးတၢ်လၢသုမၤ လိ, ဒီးသုဒိးန့ၢ်, ဒီးသုနၢ်ဟူ, ဒီးသုထံၣ်ဘၣ်လၢယၤတ ဖၣ်န့ၣ်မၤသုဝဲတက့ၢ်. ဒီးတၢ်ဃူတၢ်ဖိးအကစၢ်န့ၣ်, က အိၣ်ဒီးသုလီၤ.

¹⁰ ဒီးယသူၣ်ခုသးခုလၢကစၢ်အပူၤဒိၣ်မးလီၤ. အဂ့ၢ်ဒ် အံၤ, ခဲကနံၣ်အံၤ, သုတၢ်အံးက့ၤကွၢ်က့ၤယၤန့ၣ်အိၣ် ထီၣ်ကဒီးလီၤ. သုသးအိၣ်တ့ၢ်ဝဲန့ၣ်ဘၣ်ဆၣ်ဒီး, သုတ ထံၣ်ဘၣ်အလီၢ်အကျဲဘၣ်. ¹¹ တမ့ၢ်ဘၣ်ယကတိၤတၢ် လၢတၢ်ဖှီၣ်တၢ်ယာ်အဂ့ၢ်ဘၣ်. အဂ့ၢ်ဒ်အံၤ, ဖဲဒၣ်တၢ်မၤ အသးလၢယၤန့ၣ်, ဒ်သိးယကသူၣ်မံသးမံဒီးယမၤလိ လံတၢ်လံ. ¹² ယဘၣ်တၢ်ဆီၣ်လီၤယၤ, ယသ့ၣ်ညါဒီးယ ဒိးတၢ်အါယသ့ၣ်ညါလီၤ. လၢတၢ်ကိးမံၤဒဲးဒီးလၢတၢ် ခဲလၢာ်အပူၤန့ၣ်, တၢ်သိၣ်လိယၤလၢတၢ်အီၣ်ဘျဲးအီၣ်, ဒီးတၢ်အိၣ်ဝံၤအိၣ်စ့ၤ, လၢတၢ်လၢတၢ်ပှဲၤ, ဒီးလၢတၢ်ဖှီၣ် တၢ်ယာ်န့ၣ်လီၤ. ¹³ ယမၤတၢ်ခဲလၢာ်သ့လၢပှၤလၢအဒုး ဆူၣ်ထီၣ်ယဂံၢ်ယဘါတဂၤအပူၤလီၤ.

¹⁴ ဘၣ်ဆၣ်ဒီးသုမၤစၢၤယၤလၢ ယတၢ်နးတၢ်ဖှီၣ်အပူၤ ဒီးသုမၤတၢ်ဂ့ၤလီၤ. ¹⁵ ပှၤဖံလံးပံၤဖိသ့ၣ်ဧၢ, သုသ့ၣ်ညါ သုဝဲ, လၢယဟးထီၣ်လၢမၤက့းဒနံလၢတၢ်သးခုအက စီၣ်အခီၣ်ထံးန့ၣ်, လၢသုဝဲဒၣ်အမဲာ်ညါတၢ်အိၣ်ဖှိၣ်တ မၤတၢ်ဘၣ်ဃးဒီးယၤလၢတၢ်ဟ့ၣ်ဒီးတၢ်ဒိးန့ၢ်န့ၣ်, နီ တပူၤဘၣ်လီၤ. ¹⁶ အဂ့ၢ်ဒ်အံၤ, လၢယအိၣ်လၢသ့းစၤလနံ ဒၣ်လဲာ်, လၢယန့ၢ်ဘၣ်တၢ်အလီၢ်အိၣ်န့ၣ်, သုဟ့ၣ်ယုၢ် တၢ်လၢယၤ, တစုဒီးခံစုလီၤ. ¹⁷ တမ့ၢ်ဘၣ်ယဃုတၢ်ဟ့ၣ် န့ၣ်ဘၣ်. မ့ၢ်ယဃုတၤသၣ်လၢအကဒုးအါထီၣ်တၢ်လၢ သုဂီၢ်လီၤ.

¹⁸ ဘၣ်ဆၣ်ဒီးယအိၣ်ဒီးတၢ်ခဲလၢာ်ဒီး ပှဲၤလုၣ်ကွံာ်လံ. ယဒိးန့ၢ်တၢ်လၢသုအိၣ်လၢ စီၤအ့းပၤဖရီးဒံတူးအစုပူၤ, တၢ်နၢမူတၢ်လုၢ်လၢအဘၣ်ယွၤအသးန့ၣ်, ဒီးယတၢ် လၢထီၣ်ပှဲၤထီၣ်လီၤ. ¹⁹ ဒီးကယဲၢ်တၢ်လၢသုန့ၢ်ဘၣ်အီၤ အလီၢ်အိၣ်တဖၣ်, ဒ်အလၤကပီၤအတၢ်ထူးတၢ်တီၤအ သိးယကစၢ်ကဟ့ၣ်လီၤသုလၢယ့ၣ်ရှူးခရံာ်အပူၤလီၤ.

²⁰ မ်တၢ်လၤကပီၤအိၣ်ဒီး ပပၢ်ယွၤအစိၤစိၤအဃၣ်ဃၣ် တက့ၢ်. အၤမ့ၣ်.

²¹ ကတိၤဒိၣ်ပှၤစီဆှံလၢ ယ့ၣ်ရှူးခရံာ်အပူၤကိးဒံကိးဂၤ တက့ၢ်. ပှၤဒီပုၢ်ဝဲၢ်အိၣ်ဒီးယၤကတိၤဒိၣ်သုလီၤ.

²² ပှၤစီဆှံခဲလၢာ်ကတိၤဒိၣ်သု, ဒီးကဲစၢ်အဟံၣ်ဖိတဖၣ် အါဒၣ်တၢ်တက့ၢ်လီၤ.

²³ မ်ပကစၢ်ယ့ၣ်ရှူးခရံာ်အဘျုးအဖှိၣ် အိၣ်ဒီးသုခဲလၢာ် တက့ၢ်. အၤမ့ၣ်.