လံာ်စီၤမိၤရှ့လွံၢ်ဘ့ၣ်တဘ့ၣ်.
1၁
1 ဒီးလၢအဟးထီၣ်ကွံာ်လၢ ကီၢ်အဲၤကူပတူးအလီၢ်ခံ, ခံနံၣ်တနံၣ်, လါခံလါတလါထီၣ်တနံၤန့ၣ်ယွၤကတိၤ တၢ်ဒီးစီၤမိၤရှ့လၢ ပှၢ်မုၢ်ကနၢစံၤနါလၢတၢ်အိၣ်ဖှိၣ်အဒဲ ပူၤ, ဒီးစံးဝဲဒၣ်, 2 ဂံၢ်ထီၣ်ကယဲၢ်ပှၤအံၣ်စရ့လးအတၢ် အိၣ်ဖှိၣ်ဒ်အဒူၣ်တဖၣ်အသိး, ဒ်အပၢ်အဟံၣ်တဖၣ်အ သိး, ဒ်အမံၤတဖၣ်အတၢ်ဂံၢ်အသိး, ကယဲၢ်ပိာ်ခွါဒ် အခိၣ်တဖၣ်အသိး, 3 လၢအသးပှၢ်အနံၣ်ခံဆံဒီးအါန့ၢ် အန့ၣ်, ကယဲၢ်ပှၤလၢပှၤအံၣ်စရ့လးဖိအကျါ လၢအ လဲၤဒုးသုးသ့ခဲလၢာ်န့ၣ်တက့ၢ်. ဒီးနဲဒၣ်ဒီးစီၤအၤဟ ရိၣ်ဘၣ်ဂံၢ်အီၤဒ်အသုးမုၢ်တဖၣ်အသိးန့ၣ်လီၤ.
4 ဒီးပှၤတဒူၣ်တဂၤ, ပှၤတဒူၣ်တဂၤ, လၢအမ့ၢ်အပၢ် အဟံၣ်ဖိအခိၣ်န့ၣ် ဘၣ်အိၣ်ဒီးသုလီၤ. 5 ဒီးအအံၤမ့ၢ် ပှၤလၢအဘၣ်ဆၢထၢၣ်ဒီးသုတဖၣ်အမံၤလီၤ. လၢရူၤဘ့ၣ်အဒူၣ်န့ၣ်စီၤၡဒ့အူၢ်အဖိခွါစီၤအလံစူၢ်,
6 လၢစူၤမ့းအိၣ်အဒူၣ်န့ၣ် စီၤစူၤရံၡးဒံၤအဖိခွါစီၤၡလူ မံၤအ့လး,
7 လၢယူဒၤအဒူၣ်န့ၣ်စီၤဧမံၤနဒးအဖိခွါစီၤနၤဃၡိၣ်,
8 လၢယံးစၣ်ကၢ်အဒူၣ်န့ၣ်စီၤစူဧၢ်အဖိခွါစီၤနၤသန့လး,
9 လၢစဘူလိၣ်အဒူၣ်န့ၣ်စီၤဃ့လူၣ်အဖိခွါစီၤအလံအာ်,
10 လၢစီၤယိၤသးအဖိခွါအကျါန့ၣ်, ပှၤအ့ဖရဲၣ်ဖိစီၤဧး မံၤဟူးအဖိခွါစီၤအလံၡမၤ, ဒီးပှၤမနၤရှ့ၤဖိစီၤပဒၤစူၢ်အ ဖိခွါစီၤကမၤလ့လး,
11 လၢဘံၣ်ယၤမံၣ်အဒူၣ်န့ၣ် စီၤကံးဒဧိနံၤအဖိခွါစီၤအ ဘံဒၣ်.
12 လၢဒၣ်အဒူၣ်န့ၣ်စီၤဧးမံၤၡးဒံၤအဖိခွါစီၤအဃံၤဧ့စ့ၢ်,
13 လၢအၤရှ့ၢ်အဒူၣ်န့ၣ်စီၤဧးကရၣ်အဖိခွါ စီၤပးကံၤအ့ လး,
14 လၢကးအဒူၣ်န့ၣ်စီၤဒဧူၤအ့လးအဖိခွါစီၤအ့လယၤစာ်,
15 လၢနးသၤလံအဒူၣ်န့ၣ် စီၤဧ့နၣ်အဖိခွါစီၤအဃံရၤ လီၤ.
16 အဝဲသ့ၣ်တဖၣ်န့ၣ်မ့ၢ်ပှၤလၢ တၢ်ကိးအီၤဆူတၢ်အိၣ် ဖှိၣ်အပူၤ, အပၢ်အဒူၣ်အပဒိၣ်တဖၣ်, ပှၤအံၣ်စရ့လး ဖိအပှၤကထိတဖၣ်အခိၣ်တဖၣ်လီၤ.
17 ဒီးစီၤမိၤရှ့ဒီးစီၤအၤဟရိၣ် ဟံးန့ၢ်ပှၤလၢတၢ်ကိးအမံၤ တဖၣ်န့ၣ်, 18 ဒီးလါခံလါတလါထီၣ်တနံၤန့ၣ်ဒုးအိၣ် ဖှိၣ်ရိဖှိၣ်တၢ်အိၣ်ဖှိၣ်ခဲလၢာ်, ဒီးအဝဲသ့ၣ်တဖၣ်န့ၣ်စံၣ် ဃဲၤအထူအထံးဒ်အဒူၣ်တဖၣ်အသိး, ဒ်အပၢ်အဟံၣ် တဖၣ်အသိး, ဒ်အမံၤတဖၣ်အတၢ်ဂံၢ်အသိးလၢအသး ပှၢ်အနံၣ်ခံဆံဒီးအါန့ၢ်အန့ၣ်, ဒ်အခိၣ်တဖၣ်အသိးန့ၣ် လီၤ.
19 ဒ်ယွၤမၤလိာ်စီၤမိၤရှ့အသိးန့ၣ် အဝဲဒၣ်ဂံၢ်အီၤလၢပှၢ် မုၢ်ကနၢစံၤနါအပူၤလီၤ.
20 ဒီးစီၤအံၣ်စရ့လးအဖိခွါဝဲၢ်ကိ စီၤရူၤဘ့ၣ်အဖိအစၢၤ အသွဲၣ်ဒ်အဒူၣ်တဖၣ်အသိး, ဒ်အပၢ်အဟံၣ်တဖၣ်အ သိး, ဒ်အမံၤတဖၣ်အတၢ်ဂံၢ်အသိး, ဒ်အခိၣ်တဖၣ်အ သိး, ကယဲၢ်ပှၤပိာ်ခွါလၢအသးပှၢ်အနံၣ်ခံဆံဒီးအါန့ၢ် အန့ၣ်, ကယဲၢ်ပှၤလဲၤဒုးသုးသ့ခဲလၢာ်န့ၣ်, 21 တၢ်ဂံၢ် ပှၤလွံၢ်ကလးဒီးဃုကထိဒီးယဲၢ်ကယၤ, လၢရူၤဘ့ၣ်အ ဒူၣ်အကျါလီၤ.
22 စူၤမ့ၤအိၣ်အဖိအစၢၤအသွဲၣ်, ဒ်အဒူၣ်တဖၣ်အသိး, ဒ်အပၢ်အဟံၣ်တဖၣ်အသိး, တၢ်ဂံၢ်အီၤ, ဒ်အမံၤတဖၣ် အတၢ်ဂံၢ်အသိး, ဒ်အခိၣ်တဖၣ်အသိး, ကယဲၢ်ပှၤပိာ် ခွါလၢအသးပှၢ်အနံၣ်ခံဆံဒီးအါန့ၢ်အန့ၣ်, ကယဲၢ်ပှၤ လဲၤဒုးသုးသ့ခဲလၢာ်န့ၣ်, 23 တၢ်ဂံၢ်ပှၤယဲၢ်ကလး, ဒီး ခွံကထိဒီးသၢကယၤ, လၢစူၤမ့းအိၣ်အဒူၣ်အကျါလီၤ.
24 ကးအဖိအစၢၤအသွဲၣ်ဒ်အဒူၣ်တဖၣ်အသိး, ဒ်အပၢ် အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အသိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, ကယဲၢ်ပှၤ လဲၤဒုးသုးသ့ခဲလၢာ်န့ၣ်, 25 တၢ်ဂံၢ်ပှၤလွံၢ်ကလးဒီးယဲၢ် ကထိဒီးဃုကယၤဒီးယဲၢ်ဆံ, လၢကးအဒူၣ်အကျါလီၤ.
26 ယူဒၤအဖိအစၢၤအသွဲၣ်, ဒ်အဒူၣ်တဖၣ်အသိး, ဒ် အပၢ်အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အ သိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, က ယဲၢ်ပှၤလဲၤဒုးသုးသ့ခဲလၢာ်န့ၣ်, 27 တၢ်ဂံၢ်ပှၤနွံကလးဒီး လွံၢ်ကထိဒီးဃုကယၤ, လၢယူဒၤအဒူၣ်အကျါလီၤ.
28 ယံးစၣ်ကၢ်အဖိအစၢၤအသွဲၣ်, ဒ်အဒူၣ်တဖၣ်အသိး, ဒ်အပၢ်အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အ သိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, က ယဲၢ်ပှၤလဲၤဒုးသုးသ့ခဲလၢာ်န့ၣ်, 29 တၢ်ဂံၢ်ပှၤယဲၢ်ကလး ဒီးလွံၢ်ကထိဒီးလွံၢ်ကယၤ, လၢယံးစၣ်ကၢ် အဒူၣ်အ ကျါလီၤ. 30 စဘူလိၣ်အဖိအစၢၤအသွဲၣ်, ဒ်အဒူၣ်တဖၣ်အသိး, ဒ်အပၢ်အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အအသိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, က ယဲၢ်ပှၤလဲၤဒုးသုးသ့ခဲလၢာ်န့ၣ်, 31 တၢ်ဂံၢ်ပှၤယဲၢ်ကလး ဒီးနွံကထိဒီးလွံၢ်ကယၤ, လၢစဘူလိၣ်အဒူၣ်အကျါလီၤ.
32 စီၤယိၤသးအဖိ, အ့ဖရဲၣ်အဖိအစၢၤအသွဲၣ်, ဒ်အဒူၣ် တဖၣ်အသိး, ဒ်အပၢ်အဟံၣ်တဖၣ်အသိး, ဒ်အမံၤတ ဖၣ်အတၢ်ဂံၢ်အသိး, ပှၤလၢအသးပှၢ်အနံၣ်ခံဆံဒီးအါ န့ၢ်အန့ၣ်, ကယဲၢ်ပှၤလဲၤဒုးသုးသ့ခဲလၢာ်န့ၣ်, 33 တၢ်ဂံၢ် ပှၤလွံၢ်ကလးဒီးယဲၢ်ကယၤ, လၢအ့ဖရဲၣ်အဒူၣ်အကျါ လီၤ.
34 မနၤရှ့ၤအဖိအစၢၤအသွဲၣ်, ဒ်အဒူၣ်တဖၣ်အသိး, ဒ် အပၢ်အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အ သိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, က ယဲၢ်ပှၤလဲၤဒုးသုးသ့ခဲလၢာ်န့ၣ်, 35 တၢ်ဂံၢ်ပှၤသၢကလး ဒီးခံကထိဒီးခံကယၤ, လၢမနၤရှ့ၤအဒူၣ်အကျါလီၤ.
36 ဘံၣ်ယၤမံၣ်အဖိအစၢၤအသွဲၣ်, ဒ်အဒူၣ်တဖၣ်အသိး, ဒ်အပၢ်အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အ သိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, က ယဲၢ်ပှၤလဲၤဒုးသုးသ့ခဲလၢာ်န့ၣ်, 37 တၢ်ဂံၢ်ပှၤသၢကလး ဒီးယဲၢ်ကထိဒီးလွံၢ်ကယၤ, လၢဘံၣ်ယၤမံၣ်အဒူၣ်အ ကျါလီၤ.
38 ဒၣ်အဖိအစၢၤအသွဲၣ်, ဒ်အဒူၣ်တဖၣ်အသိး, ဒ်အ ပၢ်အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အသိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, ကယဲၢ်ပှၤ လဲၤဒုးသုးသ့ခဲလၢာ်န့ၣ်, 39 တၢ်ဂံၢ်ပှၤဃုကလးဒီးခံက ထိဒီးနွံကယၤ, လၢဒၣ်အဒူၣ်အကျါလီၤ.
40 အၤရှ့ၢ်အဖိအစၢၤအသွဲၣ်, ဒ်အဒူၣ်တဖၣ်အသိး, ဒ် အပၢ်အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အ သိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, က ယဲၢ်ပှၤလဲၤဒုးသုးသ့ခဲလၢာ်န့ၣ်, 41 တၢ်ဂံၢ်ပှၤလွံၢ်ကလး ဒီးတကထိဒီးယဲၢ်ကယၤ, လၢအၤရှ့ၢ်အဒူၣ်အကျါလီၤ.
42 နးသၤလံအဖိအစၢၤအသွဲၣ်, ဒ်အဒူၣ်တဖၣ်အသိး, ဒ်အပၢ်အဟံၣ်တဖၣ်အသိး, ဒ်အမံၤတဖၣ်အတၢ်ဂံၢ်အ သိး, ပှၤလၢအသးပှၢ်အနံၣ်ခံဆံဒီးအါန့ၢ်အန့ၣ်, ကယဲၢ် ပှၤလဲၤဒုးသုးသ့ခဲလၢာ်န့ၣ်, 43 တၢ်ဂံၢ်ပှၤယဲၢ်ကလးဒီး သၢကထိဒီးလွံၢ်ကယၤ, လၢနးသၤလံအဒူၣ်အကျါလီၤ.
44 အဝဲသ့ၣ်တဖၣ်န့ၣ်မ့ၢ်ပှၤလၢအဘၣ်တၢ်ဂံၢ်အီၤ, လၢ စီၤမိၤရှ့ဒီးစီၤအၤဟရိၣ်ဂံၢ်ဝဲ, ဒီးပှၤအံၣ်စရ့လးဖိအပဒိၣ် တဆံခံဂၤ, တဂၤလၢအပၢ်တဖၣ်အဟံၣ်အဂီၢ်, တဂၤ လၢအပၢ်တဖၣ်အဟံၣ်အဂီၢ်စုာ်စုာ်လီၤ.
45 ဒီးကယဲၢ်ပှၤလၢအဘၣ်တၢ်ဂံၢ်အီၤလၢပှၤအံၣ်စရ့လး ဖိအကျါ, ဒ်အပၢ်အဟံၣ်တဖၣ်အသိး, လၢအသးပှၢ် အနံၣ်ခံဆံဒီးအါန့ၢ်အန့ၣ်, ကယဲၢ်ပှၤလၢအလဲၤဒုးသုး သ့လၢပှၤအံၣ်စရ့လးဖိအကျါခဲလၢာ်, 46 ပှၤလၢအဘၣ် တၢ်ဂံၢ်အီၤခဲလၢာ်န့ၣ် မ့ၢ်ပှၤဃုကလီၤဒီးသၢကထိဒီး ယဲၢ်ကယၤဒီးယဲၢ်ဆံလီၤ.
47 မ့မ့ၢ်ပှၤလ့ၤဝံဖိဒ်အပၢ်အပှၤတကလုာ်အသိးန့ၣ်, တ ဘၣ်တၢ်ဂံၢ်အီၤလၢအကျါဘၣ်. 48 အဂ့ၢ်ဒ်အံၤ, ယွၤက တိၤတ့ၢ်တၢ်ဒီးစီၤမိၤရှ့ဒီးစံးဝဲဒၣ်, 49 ထဲလ့ၤဝံအဒူၣ်န့ၣ် နတဘၣ်ဂံၢ်အီၤ, ဒီးနတဘၣ်ဂံၢ်အခိၣ်လၢပှၤအံၣ်စရ့ လးဖိအကျါဘၣ်. 50 ဒီးနဘၣ်ပာ်ပှၤလ့ၤဝံဖိလၢတၢ်အၢၣ် လီၤအီလီၤအတၢ်အိၣ်အလီၢ်အဖီခိၣ်, ဒီးလၢအတၢ်ဖိ တၢ်လံၤခဲလၢာ်အဖီခိၣ်, ဒီးလၢကယဲၢ်တၢ်လၢအဘၣ် ဃးဒီးအီၤလီၤ. အဝဲသ့ၣ်တဖၣ်န့ၣ်ဘၣ်စိာ်တၢ်အိၣ်အ လီၢ်, ဒီးအတၢ်ဖိတၢ်လံၤခဲလၢာ်, ဒီးဘၣ်မၤအခ့အပှၤ အတၢ်မၤ, ဒီးဘၣ်သူၣ်အဒဲဝးတရံးတၢ်အိၣ်အလီၢ်န့ၣ် လီၤ.
51 ဒီးတုၤတၢ်အိၣ်အလီၢ်ကဟးထီၣ်ဒီး, ပှၤလ့ၤဝံဖိဘၣ် ရူာ်လီၤအီၤလီၤ. ဒီးတုၤတၢ်အိၣ်အလီၢ်ကဘၣ်တၢ်သူၣ် အီၤဒီး, ပှၤလ့ၤဝံဖိဘၣ်သူၣ်အီၤလီၤ. ဒီးပှၤတခီဘီမုၢ် ဖိလၢအသုးဘူးအသးန့ၣ်ကဘၣ်တၢ်မၤသံအီၤလီၤ.
52 ဒီးပှၤအံၣ်စရ့လးဖိဘၣ်သူၣ်အဒဲဖဲ အပှၤအဒူၣ်ဒၣ်ဝဲ အသူၣ်ဒဲအလီၢ်, ဒီးဖဲအသုးဖိအလၣ်လၢအသုးမုၢ်အ ကျါကိးဂၤဒဲးလီၤ.
53 မ့မ့ၢ်ပှၤလ့ၤဝံဖိတဖၣ်န့ၣ် ဘၣ်သူၣ်အဒဲဝးတရံးတၢ် အၢၣ်လီၤအီလီၤအတၢ်အိၣ်အလီၢ်, ဒ်သိးတၢ်သးထီၣ် အသုတဘၣ်ပှၤအံၣ်စရ့လးဖိအတၢ်အိၣ်ဖှိၣ်တဂ့ၤ, ဒီး ပှၤလ့ၤဝံဖိဘၣ်ကွၢ်တၢ်ကွၢ်အလီၢ် ဘၣ်ဃးဒီးတၢ်အၢၣ် လီၤအီလီၤအတၢ်အိၣ်အလီၢ်လီၤ.
54 ဒီးပှၤအံၣ်စရ့လးဖိမၤဝဲဒ် ယွၤမၤလိာ်စီၤမိၤရှ့အသိး န့ၣ်, မၤဝဲဒ်န့ၣ်သိးလီၤ.
2၂
1 ဒီးယွၤကတိၤတၢ်ဒီးစီၤမိၤရှ့, ဒီးစီၤအၤဟရိၣ်, ဒီးစံးဝဲ ဒၣ်, 2 ပှၤအံၣ်စရ့လးဖိကိးဂၤဒဲးန့ၣ် ဘၣ်သူၣ်အဒဲဖဲအ သုးဖိအလၣ်ဒၣ်ဝဲအဃၢၤ, လၢအပၢ်အပနီၣ်အဖီလာ် လီၤ. သဃီၤဒီးတၢ်အိၣ်ဖှိၣ်အဒဲ, ဒီးဝးတရံးအီၤန့ၣ် ဘၣ်သူၣ်အဒဲလီၤ.
3 ဒီးလၢမုၢ်ထီၣ်, လၢမုၢ်ထီၣ်တခီန့ၣ်ပှၤဘၣ်ဃးဒီးယူ ဒၤအသူၣ်ဒဲအလီၢ်အသုးဖိအလၣ်တဖၣ်န့ၣ် ဘၣ်သူၣ် အဒဲ, ဒ်အသုးမုၢ်တဖၣ်, ဒီးစီၤဧမံၤနဒးအဖိခွါစီၤနၤဃ ၡိၣ်ကကဲထီၣ်ပှၤယူဒၤဖိအပဒိၣ်လီၤ. 4 ဒီးအသုးမုၢ်, ပှၤ လၢအဘၣ်တၢ်ဂံၢ်အီၤလၢအကျါန့ၣ် မ့ၢ်ပှၤနွံကလးဒီး လွံၢ်ကထိဒီးဃုကယၤလီၤ.
5 ဒီးပှၤလၢအဘၣ်သူၣ်အဒဲလၢအဃၢၤန့ၣ် မ့ၢ်ယံးစၣ် ကၢ်အဒူၣ်, ဒီးစီၤစူဧၢ်အဖိခွါစီၤနၤသန့လးကကဲထီၣ် ပှၤယံးစၣ်ကၢ်ဖိအပဒိၣ်လီၤ. 6 ဒီးအသုးမုၢ်, ပှၤလၢအ ဘၣ်တၢ်ဂံၢ်အီၤလၢအကျါန့ၣ် မ့ၢ်ပှၤယဲၢ်ကလးဒီးလွံၢ် ကထိဒီးလွံၢ်ကယၤလီၤ.
7 ဒီးစဘူလိၣ်အဒူၣ်, ဒီးစီၤဃ့လူၣ်အဖိခွါဒီးစီၤအလံ အာ်ကကဲထီၣ်ပှၤစဘူလိၣ်ဖိအပဒိၣ်လီၤ. 8 အသုးမုၢ်, ပှၤလၢအဘၣ်တၢ်ဂံၢ်အီၤလၢအကျါန့ၣ်မ့ၢ်ပှၤယဲၢ်ကလး ဒီးနွံကထိဒီးလွံၢ်ကယၤလီၤ.
9 ကယဲၢ်ပှၤလၢအဘၣ်တၢ်ဂံၢ်အီၤဘၣ်ဃးဒီး ယူဒၤတ ဒူၣ်အသူၣ်ဒဲအလီၢ်န့ၣ် မ့ၢ်ပှၤတကလီၤဒီးဃိးကလးဒီး ဃုကထိဒီးလွံၢ်ကယၤ, ဒ်အသုးမုၢ်တဖၣ်အသိးန့ၣ်လီၤ. အဝဲသ့ၣ်တဖၣ်န့ၣ်ဘၣ်ဟးထီၣ်ဆိဝဲလီၤ.
10 လၢကလံၤထံးတခီန့ၣ်ရူၤဘ့ၣ်အသူၣ်ဒဲအလီၢ်အသုး ဖိအလၣ်ကအိၣ်ဒ်အသုးမုၢ်တဖၣ်အသိးန့ၣ်လီၤ. ဒီးစီၤ ၡဒ့အူၢ်အဖိခွါစီၤအလံစူၢ်န့ၣ် ကကဲထီၣ်ပှၤရူၤဘ့ၣ်ဖိအပ ဒိၣ်လီၤ. 11 ဒီးအသုးမုၢ်, ပှၤလၢအဘၣ်တၢ်ဂံၢ်အီၤလၢအ ကျါန့ၣ်မ့ၢ်ပှၤလွံၢ်ကလးဒီးဃုကထိဒီးယဲၢ်ကယၤလီၤ.
12 ဒီးပှၤလၢအဘၣ်သူၣ် အဒဲလၢအဃၢၤန့ၣ် မ့ၢ်စူၤမ့း အိၣ်အဒူၣ်, ဒီးစီၤစူၤရံၡးဒံၤအဖိခွါစီၤၡလူမံၤအ့လးက ကဲထီၣ်ပှၤစူၤမ့းအိၣ်ဖိအပဒိၣ်လီၤ. 13 ဒီးအသုးမုၢ်, ပှၤ လၢအဘၣ်တၢ်ဂံၢ်အီၤလၢအကျါန့ၣ် မ့ၢ်ပှၤယဲၢ်ကလး ဒီးခွံကထိဒီးသၢကယၤလီၤ.
14 ဒီးကးအဒူၣ်န့ၣ်, ဒီးစီၤဒဧူၤအ့လးအဖိခွါ စီၤအ့လ ယၤစာ်ကကဲထီၣ်ပှၤကးဖိအပဒိၣ်လီၤ. 15 ဒီးအသုးမုၢ်, ပှၤလၢအဘၣ်တၢ်ဂံၢ်အီၤလၢအကျါန့ၣ်မ့ၢ်ပှၤလွံၢ်ကလး ဒီးယဲၢ်ကထိဒီးဃုကယၤဒီးယဲၢ်ဆံလီၤ.
16 ဒီးကယဲၢ်ပှၤလၢ အဘၣ်တၢ်ဂံၢ်အီၤ ဘၣ်ဃးဒီးရူၤ ဘ့ၣ်တဒူၣ်အသူၣ်ဒဲအလီၢ်န့ၣ်မ့ၢ်ပှၤတကလီၤဒီးယဲၢ်က လးဒီးတကထိဒီးလွံၢ်ကယၤဒီးယဲၢ်ဆံ, ဒ်အသုးမုၢ်တ ဖၣ်အသိးန့ၣ်လီၤ. ဒီးဘၣ်ဟးထီၣ်ဝဲခံတီၤတတီၤလီၤ.
17 ဒီးတၢ်အိၣ်ဖှိၣ်အဒဲဘၣ်ဟးထီၣ် ဒီးပှၤလ့ၤဝံဖိတဖၣ် အိၣ်လၢပှၤဂီၢ်မုၢ် အသးကံၢ်ပူၤန့ၣ်လီၤ. ဒ်အသူၣ်ဒဲအ သိးန့ၣ်ဘၣ်လဲၤတၢ်, တဂၤလၢအလီၢ်ဒၣ်ဝဲ, တဂၤလၢ အလီၢ်ဒၣ်ဝဲလၢအသုးဖိအလၣ်အဃၢၤကိးဂၤဒဲးလီၤ.
18 လၢမုၢ်နုာ်တခီန့ၣ်ကအိၣ်ဒီး အ့ဖရဲၣ်အသူၣ်ဒဲအလီၢ် အသုးဖိအလၣ်, ဒ်အသုးမုၢ်တဖၣ်အသိးန့ၣ်လီၤ. ဒီး စီၤဧးမံၤဟူးအဖိခွါစီၤအလံၡမၤကကဲထီၣ် ပှၤအ့ဖရဲၣ် ဖိအပဒိၣ်လီၤ. 19 ဒီးအသုးမုၢ်, ပှၤလၢအဘၣ်တၢ်ဂံၢ်အီၤ အကျါန့ၣ်မ့ၢ်ပှၤလွံၢ်ကလးဒီးယဲၢ်ကယၤလီၤ.
20 ဒီးမနၤရှ့ၤအဒူၣ် ကအိၣ်လၢအဃၢၤလီၤ. ဒီးစီၤပၤ ဒၤစူၢ်အဖိခွါစီၤကမၤလ့လးကကဲထီၣ် ပှၤမနၤရှ့ၤဖိအ ပဒိၣ်လီၤ. 21 ဒီးအသုးမုၢ်, ပှၤလၢအဘၣ်တၢ်ဂံၢ်အီၤလၢ အကျါန့ၣ်မ့ၢ်ပှၤသၢကလးဒီးခံကထိဒီးခံကယၤလီၤ.
22 ဒီးဘံၣ်ယၤမံၣ်အဒူၣ်န့ၣ်, ဒီးစီၤကံးဒဧိနံၤအဖိခွါစီၤ အဘံဒၣ်ကကဲထီၣ်ပှၤဘံၣ်ယၤမံၣ်ဖိအပဒိၣ်လီၤ. 23 ဒီး အသုးမုၢ်, ပှၤလၢအဘၣ်တၢ်ဂံၢ်အီၤလၢအကျါန့ၣ်မ့ၢ်ပှၤ သၢကလးဒီးယဲၢ်ကထိဒီးလွံၢ်ကယၤလီၤ.
24 ကယဲၢ်ပှၤလၢအဘၣ်တၢ်ဂံၢ်အီၤဘၣ်ဃးဒီး အ့ဖရဲၣ် တဒူၣ်အသူၣ်ဒဲအလီၢ်န့ၣ် မ့ၢ်ပှၤတကလီၤဒီးဃိးကထိ ဒီးတကယၤ, ဒ်အသုးမုၢ်တဖၣ်အသိးလီၤ. ဒီးဘၣ်လဲၤ တၢ်လၢသၢတီၤတတီၤလီၤ.
25 လၢကလံၤစိးတခီန့ၣ် ကအိၣ်ဒီးဒၣ်အသူၣ်အဒဲအ လီၢ်အသုးဖိအလၣ်, ဒ်အသုးမုၢ်တဖၣ်အသိးန့ၣ်လီၤ. စီၤ ဧးမံၤၡးဒံၤအဖိခွါစီၤအဃံၤဧ့စ့ၢ် ကကဲထီၣ်ပှၤဒၣ်ဖိအပ ဒိၣ်လီၤ. 26 ဒီးအပှၤသုးမုၢ်, ပှၤလၢအဘၣ်တၢ်ဂံၢ်အီၤလၢ အကျါန့ၣ်မ့ၢ်ပှၤဃုကလးဒီးခံကထိဒီးနွံကယၤလီၤ. 27 ဒီးပှၤလၢအဘၣ်သူၣ်အဒဲလၢအဃၢၤန့ၣ် မ့ၢ်အၤရှ့ၢ်အဒူၣ်လီၤ. ဒီးစီၤဧးကရၣ်အဖိခွါ စီၤပးကံၤအ့လးန့ၣ် ကကဲထီၣ်ပှၤအၤရှ့ၢ်ဖိအပဒိၣ်လီၤ. 28 ဒီးအသုးမုၢ်, ပှၤ လၢအဘၣ်တၢ်ဂံၢ်အီၤလၢအကျါန့ၣ် မ့ၢ်ပှၤလွံၢ်ကလး ဒီးတကထိဒီးယဲၢ်ကယၤလီၤ.
29 ဒီးနးသၤလံအဒူၣ်န့ၣ်, ဒီးစီၤဧ့နၣ်အဖိခွါစီၤအဃံရၤ ကကဲထီၣ်ပှၤနးသၤလံဖိအပဒိၣ်လီၤ. 30 ဒီးအသုးမုၢ်, ပှၤ လၢအဘၣ်တၢ်ဂံၢ်အီၤလၢအကျါန့ၣ် မ့ၢ်ပှၤယဲၢ်ကလး, ဒီးသၢကထိ, ဒီးလွံၢ်ကယၤလီၤ.
31 ဒီးကယဲၢ်ပှၤလၢအဘၣ်တၢ်ဂံၢ်အီၤဘၣ်ဃးဒီး ဒၣ်တ ဒူၣ်အသူၣ်ဒဲအလီၢ်န့ၣ် မ့ၢ်တကလီၤဒီးယဲၢ်ကလးဒီးနွံ ကထိဒီးဃုကယၤလီၤ. ဘၣ်လဲၤဝဲဒီးအသုးဖိအလၣ်တ ဖၣ်လၢတၢ်အလီၢ်ခံန့ၣ်လီၤ.
32 အဝဲသ့ၣ်တဖၣ်န့ၣ် မ့ၢ်ပှၤလၢအဘၣ်တၢ်ဂံၢ်အီၤလၢ ပှၤအံၣ်စရ့လးဖိအကျါ, ဒ်အပၢ်အဟံၣ်တဖၣ်အသိးန့ၣ် လီၤ. ကယဲၢ်ပှၤလၢအဘၣ်တၢ်ဂံၢ်အီၤ ဘၣ်ဃးဒီးတၢ် သူၣ်ဒဲအလီၢ်တဖၣ်ခဲလၢာ်, ဒ်အသုးမုၢ်တဖၣ်အသိးန့ၣ် မ့ၢ်ပှၤဃုကလီၤဒီးသၢကထိဒီးယဲၢ်ကယၤဒီးယဲၢ်ဆံလီၤ.
33 မ့မ့ၢ်ပှၤလ့ၤဝံဖိတဘၣ်တၢ်ဂံၢ်အီၤ လၢပှၤအံၣ်စရ့လး ဖိအကျါဘၣ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.
34 ဒီးပှၤအံၣ်စရ့လးဖိမၤဝဲ ဒ်ကယဲၢ်တၢ်လၢယွၤမၤလိာ် စီၤမိၤရှ့အသိးန့ၣ်လီၤ. သူၣ်ထီၣ်အသုးဖိအလၣ်ဒ်န့ၣ်, ဒီးဟးထီၣ်ဒ်န့ၣ်, ဒ်အဒူၣ်တဖၣ်အသိး, ဒ်အပၢ်အဟံၣ် တဖၣ်အသိးစုာ်စုာ်လီၤ.
3၃
1 လၢမုၢ်နံၤလၢယွၤကတိၤတၢ်ဒီးစီၤမိၤရှ့ လၢကစၢၢ်စံၤ နါအလိၤန့ၣ်စီၤအၤဟရိၣ်ဒီး စီၤမိၤရှ့အစၢၤအသွဲၣ်မ့ၢ် အအံၤလီၤ.
2 ဒီးအအံၤမ့ၢ်စီၤအၤဟရိၣ်အဖိခွါတဖၣ်အမံၤလီၤ.
3 အဖိဝဲၢ်ကိစီၤနၤဒးဒီးစီၤအဘံဟူၤ, ဒီးစီၤအလၤဧစၢ် ဒီးစီၤအံသမၢ်လီၤ. အအံၤမ့ၢ်စီၤအၤဟရိၣ်အဖိခွါ, ပှၤ လုၢ်တၢ်အဒိၣ်လၢအဒိးတၢ်ဖှူအီၤလၢ အဝဲဒၣ်ပာ်စီဆှံဒ် သိးအကမၤပှၤလုၢ်တၢ်အဒိၣ်အတၢ်တဖၣ်အမံၤလီၤ.
4 ဒီးတုၤအဟ့ၣ်မ့ၣ်အူ လီၤဆီဒၣ်တၢ်လၢယွၤအမဲာ်ညါ ဒီး, စီၤနၤဒးဒီးစီၤအဘံဟူၤသံဝဲလၢယွၤအမဲာ်ညါလၢ ပှၢ်မုၢ်ကနၢစံၤနါ, ဒီးအဖိအလံၤတအိၣ်ဘၣ်, ဒီးစီၤအ လၤဧစၢ်, ဒီးစီၤအံသမၢ်န့ၣ်မၤပှၤလုၢ်တၢ်အဒိၣ်အတၢ် လၢအပၢ်အမဲာ်ညါလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 5 ဒုးဟဲဘူး လ့ၤဝံအဒူၣ်, ဒီးပာ်အီၤလၢပှၤလုၢ်တၢ်အဒိၣ်စီၤအၤဟ ရိၣ်အမဲာ်ညါ, ဒ်သိးအကမၤအခ့အပှၤအတၢ်တက့ၢ်.
7 ဒီးဘၣ်ကွၢ်အဝဲဒၣ်အတၢ်ကွၢ်ဒီး တၢ်အိၣ်ဖှိၣ်ခဲလၢာ် အတၢ်ကွၢ်လၢတၢ်အိၣ်ဖှိၣ်အဒဲအမဲာ်ညါ, ဒ်သိးအက မၤဒဲအတၢ်မၤလီၤ. 8 ဒီးဘၣ်ကွၢ်ကယဲၢ်တၢ်အိၣ်ဖှိၣ်အ ဒဲအတၢ်ဖိတၢ်လံၤ, ဒီးပှၤအံၣ်စရ့လးဖိအတၢ်ကွၢ်ဒ်သိး အကမၤဒဲအခ့အပှၤအတၢ်မၤလီၤ.
9 ဒီးနဘၣ်ဟ့ၣ်ပှၤလ့ၤဝံဖိလၢ စီၤအၤဟရိၣ်ဒီးအဖိခွါ တဖၣ်လီၤ. တၢ်ဟ့ၣ်လီၤအီၤသပှၢ်တၢၢ်လၢပှၤအံၣ်စရ့ လးဖိအကျါလီၤ.
10 ဒီးနဘၣ်ပာ်လီၤစီၤအၤဟရိၣ်ဒီးအဖိခွါ, ဒီးအဝဲသ့ၣ် ဘၣ်တိၢ်န့ၢ်ဝဲလၢအပှၤလုၢ်တၢ်အဒိၣ်အတၢ်လီၤ. ဒီးပှၤ တခီဘီမုၢ်ဖိလၢအသုးဘူးအသးန့ၣ် ကဘၣ်တၢ်မၤသံ အီၤလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 11 ဒီးယဲ ဒၣ်အံၤ, ကွၢ်ကွၢ်, ယဟံးန့ၢ်ပှၤလ့ၤဝံဖိလၢပှၤအံၣ်စရ့ လးဖိအကျါလၢကယဲၢ်ပှၤဝဲၢ်ကိလၢ အအိးထီၣ်ပှၤအဒၢ လီၢ်လၢ ပှၤအံၣ်စရ့လးဖိအကျါခဲလၢာ်အလီၢ်လီၤ. အ န့ၣ်ဒီးပှၤလ့ၤဝံဖိကကဲထီၣ်ယတၢ်လီၤ.
13 အဂ့ၢ်ဒ်အံၤ, ကယဲၢ်တၢ်ဝဲၢ်ကိန့ၣ်မ့ၢ်ယတၢ်လီၤ. မုၢ် နံၤလၢယကျီသံကွံာ် ကယဲၢ်တၢ်ဝဲၢ်ကိလၢကီၢ်အဲၤကူပ တူးအပူၤန့ၣ်ယပာ်စီဆှံကယဲၢ်တၢ်ဝဲၢ်ကိလၢ ပှၤအံၣ်စ ရ့လးဖိအကျါ, ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, လၢ ယဂီၢ်လီၤ. ဘၣ်ကဲထီၣ်ယတၢ်လီၤ. ယဲဒၣ်အံၤယမ့ၢ် ယွၤလီၤ.
14 ဒီးယွၤကတိၤတၢ်ဒီးစီၤမိၤရှ့လၢပှၢ်မုၢ်ကနၢစံၤနါဒီးစံး ဝဲဒၣ်, 15 ဂံၢ်ပှၤလ့ၤဝံဖိဒ်အပၢ်အဟံၣ်တဖၣ်အသိး, ဒ်အ ဒူၣ်တဖၣ်အသိးန့ၣ်တက့ၢ်. ကယဲၢ်ပှၤပိာ်ခွါလၢအသး ပှၢ်တလါဒီးဆူအဖီခိၣ်ကိးဂၤဒဲးန့ၣ်နဘၣ်ဂံၢ်အီၤလီၤ.―
16 ဒီးစီၤမိၤရှ့ဂံၢ်အီၤ ဒ်ယွၤအကလုၢ်အသိး, ဒ်တၢ်မၤလိာ် အီၤအသိးန့ၣ်လီၤ.
17 ဒီးအအံၤမ့ၢ်စီၤလ့ၤဝံအဖိခွါလၢအမံၤ, စီၤက့ရၡိၣ်, ဒီးစီၤကဃး, ဒီးစီၤမရၤရံၤလီၤ.
18 ဒီးအအံၤမ့ၢ် စီၤက့ရၡိၣ်အဖိခွါအမံၤ ဒ်အဒူၣ်တဖၣ် အသိးန့ၣ်စီၤလံးဘနံၤ, ဒီးစီၤၡံမံၤလီၤ.
19 ဒီးစီၤကဃးအဖိခွါ ဒ်အဒူၣ်တဖၣ်အသိးန့ၣ် မ့ၢ်စီၤ ဧၤမရၣ်, ဒီးစီၤယံးစတၢ်, ဒီးစီၤဃ့ဘြိၣ်, ဒီးစီၤဧူးစံၤ အ့လးလီၤ.
20 ဒီးစီၤမရၤရံၤအဖိခွါ ဒ်အဒူၣ်တဖၣ်အသိးန့ၣ် မ့ၢ်စီၤ မးဃလံၤ, ဒီးစီၤမူၡံၤလီၤ. အအံၤမ့ၢ် ပှၤလ့ၤဝံဖိအဒူၣ်တဖၣ် ဒ်အပၢ်အဟံၣ်တ ဖၣ်အသိးန့ၣ်လီၤ.
21 ဒီးပှၤလံးဘနံၤဖိအဒူၣ်, ဒီးပှၤစီၤၡမၤဖိအဒူၣ်န့ၣ်, ကဲ ထီၣ်ဝဲလၢစီၤက့ရၡိၣ်လီၤ. အန့ၣ်မ့ၢ်ပှၤက့ရၡိၣ်အဒူၣ်တ ဖၣ်လီၤ. 22 ဒီးပှၤလၢအဘၣ်တၢ်ဂံၢ်အီၤလၢအကျါ, ဒ် အပိာ်ခွါလၢအသးပှၢ်တလါ, ဒီးအါန့ၢ်အန့ၣ်အသိး န့ၣ်ပှၤလၢအဘၣ်တၢ်ဂံၢ်အီၤလၢအကျါန့ၣ် မ့ၢ်ပှၤနွံက ထိ, ဒီးယဲၢ်ကယၤလီၤ.
23 ဒီးပှၤက့ရၡိၣ်ဖိအဒူၣ်တဖၣ်န့ၣ် ဘၣ်သူၣ်အဒဲလၢ တၢ်အိၣ်အလီၢ်အချၢဃံလၢမုၢ်နုာ်တခီလီၤ.
24 ဒီးပှၤက့ရၡိၣ်ဖိအပၢ်အဟံၣ် အပဒိၣ်န့ၣ်မ့ၢ်စီၤလၤအ့ လးအဖိခွါစီၤအ့လယၤစာ်လီၤ.
25 ဒီးပှၤက့ရၡိၣ်ဖိအဖိခွါ အတၢ်ကွၢ်ဘၣ်ဃးဒီးတၢ်အိၣ် ဖှိၣ်အဒဲန့ၣ်မ့ၢ်တၢ်အိၣ်အလီၢ်, ဒီးဒဲ, အတၢ်ကျၢၢ်ဘၢ, ဒီးယၣ်နီၣ်ကျၢၢ်ဘၢတၢ်လၢတၢ်အိၣ်ဖှိၣ် အဒဲအကျဲစၢၤ အဂီၢ်, 26 ဒီးတၢ်ဂၢၤအယၣ်လီၤစဲၤ, ဒီးယၣ်နီၣ်ကျၢၢ်ဘၢ တၢ်လၢဂၢၤအကျဲစၢၤအဂီၢ် လၢအအိၣ်လၢဒဲအဃၢၤ, ဒီးလၢတၢ်လုၢ်လီၢ်အဃၢၤဝးတရံးဝဲ, ဒီးအပျံၤတဖၣ် လၢအမၤတၢ်ခဲလၢာ်အဂီၢ်လီၤ.
27 ဒီးပှၤဧၤမရၣ်ဖိအဒူၣ်, ဒီးပှၤယံးစဟၢ်ဖိအဒူၣ်, ဒီး ပှၤဃ့ဘြိၣ်ဖိအဒူၣ်, ဒီးပှၤဧူးစံၤအ့လးဖိအဒူၣ်န့ၣ် ကဲ ထီၣ်ဝဲလၢစီၤကဃးလီၤ. အန့ၣ်မ့ၢ်ပှၤကဃးဖိအဒူၣ်တ ဖၣ်လီၤ. 28 ဒီးအဖိခွါလၢအသးပှၢ်တလါဒီး အါန့ၢ်အ န့ၣ်တၢ်ဂံၢ်ဃိးကထိဒီးဃုကယၤလီၤ. မ့ၢ်ပှၤလၢအကွၢ် တၢ်ဘၣ်ဃးဒီးတၢ်အလီၢ်စီဆှံအတၢ်ကွၢ်လီၤ.
29 ဒီးစီၤကဃးအဖိခွါအဒူၣ်တဖၣ်န့ၣ်ဘၣ်သူၣ်အဒဲလၢ တၢ်အိၣ်အလီၢ်အကပၤလၢကလံၤထံးတခီလီၤ. 30 ဒီးပှၤ ကဃးဖိအပၢ်အဟံၣ်အဒူၣ်တဖၣ် အပဒိၣ်န့ၣ်မ့ၢ်စီၤဧူး စံၤအ့လးအဖိခွါစီၤအလံစဖၣ်လီၤ.
31 ဒီးအကွၢ်တၢ်န့ၣ်မ့ၢ်တလါ, ဒီးစီၢ်နီၤခိၣ်, ဒီးမ့ၣ်အူ ဒၢမိၢ်ပှၢ်, ဒီးတၢ်လုၢ်လီၢ်တဖၣ်, ဒီးတၢ်အလီၢ်စီဆှံအ တၢ်ဖိတၢ်လံၤလၢပှၤမၤအတၢ်လၢအီၤ, ဒီးယၣ်နီၣ်ကျၢၢ် ဘၢတၢ်, ဒီးကယဲၢ်တၢ်ဘၣ်ဃးဒီးအမၤတၢ်ခဲလၢာ်လီၤ.
32 ဒီးပှၤလုၢ်တၢ်အဒိၣ် စီၤအၤဟရိၣ်အဖိခွါစီၤအလၤဧ စၢ်ကကဲထီၣ်ပှၤလ့ၤဖိအပဒိၣ်တဖၣ်အခိၣ်လီၤ. ကကွၢ် ပှၤလၢအကွၢ်တၢ်အလီၢ်စီဆှံအတၢ်လီၤ.
33 ဒီးပှၤမးဃလံၤဖိအဒူၣ်, ဒီးပှၤမူၡံၤဖိအဒူၣ်န့ၣ် ဘၣ် ဃးဒီးစီၤမရၤရံၤလီၤ. အဝဲသ့ၣ်တဖၣ်န့ၣ်မ့ၢ်စီၤမရၤရံၤ အဒူၣ်တဖၣ်လီၤ.
34 ဒီးပှၤလၢအဘၣ်တၢ်ဂံၢ်အီၤ, ဒ်ကယဲၢ်ပိာ်ခွါလၢအ သးပှၢ်တလါဒီးအါန့ၢ်အန့ၣ်ခဲလၢာ် ဒ်အတၢ်ဂံၢ်အသိး န့ၣ်မ့ၢ်ဃုကထိဒီးခံကယၤလီၤ. 35 ဒီးပှၤမရၤရံၤဖိအပၢ် အဟံၣ်အဒူၣ်တဖၣ်အပဒိၣ် မ့ၢ်စီၤအဘံဃယ့းလးအဖိ ခွါစီၤစူရံၤအ့လးလီၤ. အဝဲသ့ၣ်တဖၣ်န့ၣ်ဘၣ်သူၣ်အဒဲ လၢတၢ်အိၣ်အလီၢ်အကပၤလၢကလံၤစိးတခီလီၤ.
36 ဒီးစီၤမရၤရံၤအဖိခွါ, အတၢ်ကွၢ်လၢအလီၤဘၣ်အီၤ န့ၣ်မ့ၢ်တၢ်အိၣ်အလီၢ်အသ့ၣ်ဘ့ၣ်ဘၣ်, ဒီးအနီၣ်ဘိ, ဒီး အထူၣ်, ဒီးအခီၣ်, ဒီးအတၢ်ဖိတၢ်လံၤခဲလၢာ်, ဒီးက ယဲၢ်တၢ်ဘၣ်ဃးဒီးအတၢ်မၤ, 37 ဒီးတၢ်ဂၢၤဝးတရံးအ ထူၣ်, ဒီးအခီၣ်, ဒီးအတၢ်ကမိာ်ခံ, ဒီးအပျံၤလီၤ.
38 မ့မ့ၢ်ပှၤလၢအသူၣ်အဒဲ လၢတၢ်အိၣ်အလီၢ်လၢ မုၢ် ထီၣ်တခီ, လၢတၢ်အိၣ်ဖှိၣ်အဒဲအမဲာ်ညါန့ၣ်ကမ့ၢ်စီၤမိၤ ရှ့, ဒီးစီၤအၤဟရိၣ်, ဒီးအဖိခွါတဖၣ်လီၤ. ကကွၢ်တၢ်အ အလီၢ်စီဆှံအတၢ်ကွၢ်လၢ ပှၤအံၣ်စရ့လးဖိအတၢ်ကွၢ် အဂီၢ်လီၤ. ဒီးပှၤတခီဘီမုၢ်ဖိလၢအသုးဘူးအသးန့ၣ် ကဘၣ်တၢ်မၤသံအီၤလီၤ.
39 ဒီးကယဲၢ်ပှၤလၢအဘၣ်တၢ်ဂံၢ်အီၤလၢ ပှၤလ့ၤဝံဖိအ ကျါ, လၢစီၤမိၤရှ့ဒီးစီၤအၤဟရိၣ်ဂံၢ်ဝဲလၢယွၤအတၢ်မၤ လိာ်ဒ်အဒူၣ်တဖၣ်အသိး ကယဲၢ်ပိာ်ခွါ လၢအသးပှၢ် တလါဒီးဆူအဖီခိၣ်မ့ၢ်ခံကလးဒီးခံကထိလီၤ.
40 ဒီးယွၤစံးဘၣ်စီၤမိၤရှ့, ဂံၢ်ကယဲၢ်ပှၤဝဲၢ်ကိပိာ်ခွါလၢ ပှၤအံၣ်စရ့လးဖိအကျါလၢအသးပှၢ်တလါဒီး အါန့ၢ် အန့ၣ်, ဒီးဟံးန့ၢ်အမံၤအတၢ်ဂံၢ်တက့ၢ်.
41 ဒီးနဘၣ်ဟံးန့ၢ်ပှၤလ့ၤဝံဖိလၢယဂီၢ်, (ယဲဒၣ်အံၤယ မ့ၢ်ယွၤ) လၢကယဲၢ်ပှၤဝဲၢ်ကိလၢပှၤအံၣ်စရ့လးဖိအကျါ အလီၢ်, ဒီးပှၤလ့ၤဝံဖိအဆၣ်ဖိကီၢ်ဖိအဒၢလၢကယဲၢ် တၢ်ဝဲၢ်ကိလၢ ပှၤအံၣ်စရ့လးဖိအဆၣ်ဖိကီၢ်ဖိအဒၢအ ကျါအလီၢ်လီၤ.
42 ဒီးစီၤမိၤရှ့ဂံၢ်ကယဲၢ်ပှၤဝဲၢ်ကိ လၢပှၤအံၣ်စရ့လးဖိအ ကျါ, ဒ်ယွၤမၤလိာ်အီၤအသိးန့ၣ်လီၤ. 43 ဒီးကယဲၢ်ပှၤ ဝဲၢ်ကိပိာ်ခွါလၢအမံၤအတၢ်ဂံၢ်လၢ အသးပှၢ်တလါဒီး အါန့ၢ်အန့ၣ် တၢ်ဂံၢ်ခံကလးဒီးခံကထိဒီးခံကယၤဒီး နွံဆံသၢဂၤလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 44 ဟံးန့ၢ် ပှၤလ့ၤဝံဖိလၢ ကယဲၢ်ပှၤဝဲၢ်ကိလၢပှၤအံၣ်စရ့လးဖိအ ကျါအလီၢ်, ဒီးပှၤလ့ၤဝံဖိအဆၣ်ဖိကီၢ်ဖိအဒၢ လၢအ ဆၣ်ဖိကီၢ်ဖိအဒၢအလီၢ်တက့ၢ်. ဒီးပှၤလ့ၤဝံဖိ ကကဲ ထီၣ်ယတၢ်လီၤ. ယဲဒၣ်အံၤယမ့ၢ်ယွၤလီၤ.
46 ဒီးလၢတၢ်ပှ့ၤက့ၤ ပှၤဝဲၢ်ကိ လၢပှၤအံၣ်စရ့လးဖိအ ကျါလၢအအါန့ၢ်ပှၤလ့ၤဝံဖိ, ပှၤခံကယၤဒီးနွံဆံသၢဂၤ အဂီၢ်န့ၣ်, 47 နဘၣ်ဟံးန့ၢ်လၢအလီၢ်တဂၤစ့ယဲၢ်ၡက့ လး, တဂၤယဲၢ်ၡက့လး, ဒ်အခိၣ်တဖၣ်အသိးန့ၣ်လီၤ. ဒ်တၢ်အလီၢ်စီဆှံအၡက့လးအသိးန့ၣ်လီၤ. (ၡက့လး တဘ့ၣ်န့ၣ်မ့ၢ်က့ရၤအဘ့ၣ်ခံဆံလီၤ.)
48 ဒီးစ့လၢအပှ့ၤက့ၤ ပှၤလၢအအိၣ်အါကဲၣ်ဆိးန့ၣ် န ဘၣ်ဟ့ၣ်လီၤလၢစီၤအၤဟရိၣ်ဒီးအဖိခွါတဖၣ်လီၤ.
49 ဒီးပှၤလၢအအိၣ်အါန့ၢ် အဘၣ်တၢ်ပှ့ၤက့ၤအီၤလၢပှၤ လ့ၤဝံဖိန့ၣ် စီၤမိၤရှ့ဟံးန့ၢ်အပှ့ၤက့ၤအစ့လီၤ. 50 ဟံးန့ၢ် စ့လၢပှၤဝဲၢ်ကိလၢပှၤအံၣ်စရ့လးဖိအကျါ, စ့တကထိ သၢကယၤဒီးဃုဆံဒီးယဲၢ်ၡက့လး ဒ်တၢ်အလီၢ်စီဆှံ အၡက့လးအသိးန့ၣ်လီၤ.
51 ဒီးစီၤမိၤရှ့ဟ့ၣ်လီၤ ပှၤလၢအဘၣ်တၢ်ပှ့ၤက့ၤအီၤအစ့ လၢစီၤအၤဟရိၣ်ဒီးအဖိခွါတဖၣ်, ဒ်ယွၤအကလုၢ်အ သိး, ဒ်ယွၤမၤလိာ်စီၤမိၤရှ့အသိးန့ၣ်လီၤ.
4၄
1 ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံးဝဲ ဒၣ်, 2 ဂံၢ်စီၤကဃးအဖိခွါလၢစီၤလ့ၤဝံအဖိခွါအကျါ, ဒ်အဒူၣ်တဖၣ်အသိး, ဒ်အပၢ်အဟံၣ်အသိးန့ၣ်, 3 လၢ အသးပှၢ်အနံၣ်သၢဆံဒီးအါန့ၢ်အန့ၣ်ပၢၢ်လၢအနံၣ်ယဲၢ် ဆံ, ကယဲၢ်ပှၤလၢအလဲၤနုာ်လၢပှၤသုးမုၢ်အကျါ, ဒ် သိးအကမၤတၢ်လၢတၢ်အိၣ်ဖှိၣ်အဒဲပူၤန့ၣ်တက့ၢ်.
4 အအံၤမ့ၢ်စီၤကဃး အဖိခွါတဖၣ်အတၢ်မၤလၢတၢ် အိၣ်ဖှိၣ်အဒဲပူၤန့ၣ်, တၢ်စီဆှံကတၢၢ်တဖၣ်လီၤ.
5 ဒီးတုၤပှၤဂီၢ်မုၢ်ဟးထီၣ်ဒီး, စီၤအၤဟရိၣ်ဒီးအဖိခွါက ဘၣ်ဟဲ, ဒီးကဘၣ်ရူာ်လီၤတၢ်ကျၢၢ်ဘၢအယၣ်နီၢ်ကျၢၢ် ဘၢတၢ်, ဒီးကျၢၢ်ဘၢတၢ်အၢၣ်လီၤအီလီၤအတလါဒီး အီၤလီၤ. 6 ဒီးဘၣ်ပာ်တၢ်ကျၢၢ်ဘၢတၢ်ဖံးလၢအဖီခိၣ်, ဒီးဘၣ်ဒါလီၤယၣ်လါဒီဘ့ၣ်ညါတဘ့ၣ် လၢအဖီခိၣ်ဒီး ပာ်အနီၣ်ယိးဘိလီၤ.
7 ဒီးဘၣ်ဒါလီၤယၣ်လါလၢတၢ်မဲာ်ညါကိၣ်အစီၢ်နီၤခိၣ် အဖီခိၣ်, ဒီးပာ်လီခီဘ့ၣ်ဘၣ်တဖၣ်, ဒီးနီၣ်တၢၤတဖၣ်, ဒီး သလၢတဖၣ်, ဒီးတၢ်ကျၢၢ်ဘၢလၢအကကျၢၢ်ဘၢတၢ်လၢ အီၤတဖၣ်ဒီးကိၣ်တထံၣ်ဃီဘၣ်အိၣ်လၢအဖီခိၣ်လီၤ.
8 ဒီးဘၣ်ဒါလီၤ ယၣ်ဂီၤလၢအဖီခိၣ်, ဒီးကျၢၢ်ဘၢအီၤ ဒီးတၢ်ကျၢၢ်ဘၢတၢ်ဖံး, ဒီးပာ်အနီၣ်ယိးဘိလီၤ.
9 ဒီးဘၣ်ဟံးန့ၢ်ယၣ်လါ, ဒီးကျၢၢ်ဘၢတၢ်ကပီၤအမ့ၣ် အူဒၢမိၢ်ပှၢ်, ဒီးအမ့ၣ်အူဒၢတဖၣ်, ဒီးအနီၣ်တံာ်မ့ၣ်အူ, ဒီးနီၣ်တံာ်အလီခီ, ဒီးသိအလီခီတဖၣ် လၢအမၤတၢ် လၢအီၤလီၤ. 10 ဒီးဘၣ်ပာ်အီၤ, ဒီးအတၢ်ဖိတၢ်လံၤခဲ လၢာ်လၢတၢ်ကျၢၢ်ဘၢတၢ်ဖံးအပူၤ, ဒီးဘၣ်ပာ်အီၤလၢ နီၣ်ယိးဘိအလိၤလီၤ.
11 ဒီးဘၣ်ဒါလီၤယၣ်လါ လၢတၢ်လုၢ်လီၢ်ထူအဖီခိၣ်, ဒီးကျၢၢ်ဘၢအီၤလၢ တၢ်ကျၢၢ်ဘၢတၢ်ဖံး, ဒီးပာ်အနီၣ် ယိးဘိလီၤ.
12 ဒီးဘၣ်ဟံးန့ၢ်ကယဲၢ်တၢ်ဖိတၢ်လံၤလၢ အမၤတၢ်လၢ အီၤလၢတၢ်အလီၢ်စီဆှံအပူၤ, ဒီးပာ်ဝဲလၢယၣ်လါအ ပူၤ, ဒီးကျၢၢ်ဘၢအီၤဒီးတၢ်ကျၢၢ်ဘၢတၢ်ဖံး, ဒီးပာ်လီၤ ဝဲလၢနီၣ်ယိးတၢ်အဖီခိၣ်လီၤ.
13 ဒီးဘၣ်ဟံးထီၣ်ကွံာ်ဖၣ်ဆါလၢ တၢ်လုၢ်လီၢ်အဖီခိၣ်, ဒီးဒါလီၤယၣ်လါလၢအဖီခိၣ်လီၤ. ဒီးလၢအဖီခိၣ်န့ၣ် ဘၣ်ပာ်ကယဲၢ်အတၢ်ဖိတၢ်လံၤ လၢအမၤတၢ်လၢအီၤ, သပၢၤမ့ၣ်အူတဖၣ်, အနီၣ်ကွးတဖၣ်, ဒီးအတပူာ်တ ဖၣ်, ဒီးသလၢဖှံတၢ်တဖၣ်, ဒီးကယဲၢ်တၢ်လုၢ်လီၢ်အ ပိးအလီခဲလၢာ်လီၤ. 14 ဒီးဘၣ်ဒါလီၤတၢ်ကျၢၢ်ဘၢတၢ် ဖံးလၢအဖီခိၣ်, ဒီးပာ်နီၣ်ယိးဘိလီၤ.
15 ဒီးတုၤစီၤအၤဟရိၣ်ဒီးအဖိခွါတဖၣ် ကျၢၢ်ဘၢတၢ်အ လီၢ်စီဆှံ, ဒီးကယဲၢ်တၢ်အလီၢ်စီဆှံအတၢ်ဖိတၢ်လံၤခဲ လၢာ်ဝံၤဒီး, တုၤပှၤဂီၢ်မုၢ်ကလဲၤတၢ်ဒီး, လၢတၢ်န့ၣ်အ လီၢ်ခံ ပှၤကဃးအဖိခွါတဖၣ် ဘၣ်ဟဲဒ်သိးအကစိာ်ဝဲ လီၤ. ဘၣ်ဆၣ်ဒီးတဘၣ်ထိးတၢ်စီဆှံဘၣ်, ကသံဘၣ် ဖုးလီၤ. တၢ်တဖၣ်န့ၣ်မ့ၢ်စီၤကဃးအဖိခွါတဖၣ်အတၢ် ယိးလၢတၢ်အိၣ်ဖှိၣ်အဒဲပူၤလီၤ.
16 ဒီးပှၤလုၢ်တၢ်အဒိၣ်စီၤအၤဟရိၣ်အဖိခွါ စီၤအလၤဧ စၢ်အတၢ်မၤန့ၣ်မ့ၢ်တၢ်ဘၣ်ဃးဒီး သိလၢတၢ်ကပီၤအ ဂီၢ်, ဒီးတၢ်နၢမူဆိၣ်ကဲၤ, ဒီးတၢ်မၤဘူၣ်ကိၣ်တထံၣ် ဃီ, ဒီးသိဖှူတၢ်, တၢ်ကွၢ်တၢ်အိၣ်အလီၢ်ဒီဖျၢၣ်ညါ, ဒီးကယဲၢ်တၢ်အိၣ်လၢအပူၤ လၢတၢ်အလီၢ်စီဆှံအပူၤ, ဒီးလၢအတၢ်ဖိတၢ်လံၤအပူၤန့ၣ်လီၤ.
17 ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံးဝဲ ဒၣ်, 18 ဒီၣ်တဲာ်ကွံာ်ပှၤကဃးဖိအဒူၣ်တဒူၣ် လၢပှၤလ့ၤ ဝံဖိတဂ့ၤ. 19 မၤအီၤလၢတၢ်အံၤ, တုၤအသုးဘူးအသး ဆူတၢ်စီဆှံကတၢၢ်တဖၣ်ဒီး, ဒ်သိးအကမူဝဲ, ဒီးအသု တသံတဂ့ၤဒီး, စီၤအၤဟရိၣ်ဒီးအဖိခွါတဖၣ်ဘၣ်လဲၤ နုာ်, ဒီးပာ်အီၤတဂၤလၢအတၢ်မၤ, ဒီးတဂၤလၢအတၢ် ယိးစုာ်စုာ်လီၤ. 20 မ့မ့ၢ်အဝဲသ့ၣ်တဘၣ်လဲၤနုာ်ကွၢ်တၢ် စီဆှံတဖၣ်ထဲတပနာ်ဧိၤဘၣ်, ကသံဘၣ်ဖုးလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 21 ဂံၢ်စီၤ က့ရၡိၣ်အဖိခွါစ့ၢ်ကီး, ဒ်အပၢ်အဟံၣ်တဖၣ်အသိး, ဒ် အဒူၣ်တဖၣ်အသိးန့ၣ်တက့ၢ်. 23 လၢအသးပှၢ်အနံၣ်သၢ ဆံဒီးအါန့ၢ်အန့ၣ် ပၢၢ်လၢအနံၣ်ယဲၢ်ဆံန့ၣ် နဘၣ်ဂံၢ် အီၤ, ကယဲၢ်ပှၤလၢအလဲၤနုာ်လၢပှၤသုးမုၢ်အကျါလၢ အကမၤပှၤသုးဖိအတၢ်, ဒ်သိးအကမၤတၢ်အိၣ်ဖှိၣ်အ ဒဲအကုၢ်အပှၤအတၢ်မၤလီၤ.
24 အအံၤမ့ၢ်ပှၤက့ရၡိၣ်ဖိအဒူၣ်တဖၣ် အတၢ်မၤလၢအ ကမၤတၢ်, ဒီးယိးတၢ်လီၤ. 25 ဒီးဘၣ်ယိးတၢ်အိၣ်အလီၢ်အ ယၣ်သဒၢတၢ်, ဒီးတၢ်အိၣ်ဖှိၣ်အဒဲ, အတၢ်ကျၢၢ်ဘၢဒီးအ တၢ်ကျၢၢ်ဘၢတၢ်ဖံးလၢအအိၣ်လၢအဖီခိၣ်, ဒီးယၣ်နီၣ် ကျၢၢ်ဘၢတၢ်လၢတၢ်အိၣ်ဖှိၣ်အဒဲအကျဲစၢၤအဂီၢ်, 26 ဒီး တၢ်ဂၢၤအယၣ်လီၤစဲၤတဖၣ်, ဒီးယၣ်နီၣ်ကျၢၢ်ဘၢတၢ်ဂၢၤ အပဲတရီအကျဲစၢၤအဂီၢ် လၢအအိၣ်လၢတၢ်အိၣ်အလီၢ် အဃၢၤဒီးတၢ်လုၢ်လီၢ်အဃၢၤဝးတရံးဝဲ, ဒီးအပျံၤတဖၣ်, ဒီးကယဲၢ်တၢ်အတၢ်ဖိတၢ်လံၤဘၣ်ဃးဒီးအတၢ်မၤ, ဒီး ကယဲၢ်တၢ်လၢတၢ်မၤအီၤအလီၢ်အိၣ်န့ၣ်ကဘၣ်မၤဝဲလီၤ.
27 ဖဲစီၤအၤဟရိၣ်ဒီးအဖိခွါတဖၣ်အထးခိၣ်န့ၣ် ကကဲ ထီၣ် ကယဲၢ်ပှၤက့ရၡိၣ်အဖိခွါအတၢ်မၤ, လၢကယဲၢ် အတၢ်ယိး, ဒီးလၢကယဲၢ်အမၤတၢ်လီၤ. ဒီးသုဘၣ် ပာ်အီၤလၢအတၢ်ယိးလၢ အတၢ်ကွၢ်အလီၢ်န့ၣ်ခဲလၢာ် အပူၤလီၤ.
28 အဝဲန့ၣ်မ့ၢ်ပှၤက့ရၡိၣ်အဖိခွါအဒူၣ်တဖၣ် အတၢ်မၤ လၢတၢ်အိၣ်ဖှိၣ်အဒဲပူၤလီၤ. ဒီးအတၢ်ကွၢ်န့ၣ်အိၣ်ဝဲ လၢပှၤလုၢ်တၢ်အဒိၣ်စီၤအၤဟရိၣ်အဖိခွါ စီၤအံသမၢ် အစုပူၤလီၤ.
29 စီၤမရၤရံၤအဖိခွါတဖၣ်န့ၣ် နဘၣ်ဂံၢ်အီၤဒ်အဒူၣ်တ ဖၣ်အသိး, ဒ်အပၢ်အဟံၣ်တဖၣ်အသိးန့ၣ်လီၤ. 30 လၢ အသးပှၢ်အနံၣ်သၢဆံဒီးအါန့ၢ်အန့ၣ်ပၢၢ်လၢအနံၣ်ယဲၢ် ဆံန့ၣ်နဘၣ်ဂံၢ်အီၤ, ကယဲၢ်ပှၤလၢအလဲၤနုာ်လၢပှၤသုး မုၢ်အကျါလၢအကမၤပှၤသုးဖိအတၢ်, ဒ်သိးအကမၤ တၢ်အိၣ်ဖှိၣ်အဒဲအကုၢ်အပှၤအတၢ်မၤလီၤ.
31 ဒီးအအံၤမ့ၢ်အတၢ်ယိးအတၢ်ကွၢ်အလီၢ်, ဒ်ကယဲၢ်အ တၢ်မၤလၢတၢ်အိၣ်ဖှိၣ်အဒဲပူၤအသိးန့ၣ်, တၢ်အိၣ်ဖှိၣ် အလီၢ်အသ့ၣ်ဘ့ၣ်ဘၣ်တဖၣ်, ဒီးအနီၣ်ဘိတဖၣ်, ဒီး အထူၣ်တဖၣ်, ဒီးအခီၣ်တဖၣ်, 32 ဒီးဂၢၤဝးတရံးဝဲအထူၣ် တဖၣ်, ဒီးအခီၣ်တဖၣ်, ဒီးအတၢ်ကမိာ်ခံတဖၣ်, ဒီးအ ပျံၤတဖၣ်, ဒီးအတၢ်ဖိတၢ်လံၤခဲလၢာ်, ဒီးအတၢ်ဘၣ်ဃး ဒီးအမၤတၢ်ခဲလၢာ်လီၤ. ဒီးသုဘၣ်ဂံၢ်အတၢ်ယိးအတၢ် ကွၢ်အလီၢ်အတၢ်ဖိတၢ်လံၤန့ၣ်လၢအမံၤတဖၣ်လီၤ.
33 အဝဲန့ၣ်မ့ၢ်စီၤမရၤရံၤအဖိခွါအဒူၣ်တဖၣ် အတၢ်မၤ, ဒ်အတၢ်မၤခဲလၢာ်အသိး လၢတၢ်အိၣ်ဖှိၣ်အဒဲပူၤ, လၢ ပှၤလုၢ်တၢ်အဒိၣ် စီၤအၤဟရိၣ်အဖိခွါ စီၤအံသမၢ်အ စုပူၤလီၤ.
34 ဒီးစီၤမိၤရှ့, ဒီးစီၤအၤဟရိၣ်, ဒီးတၢ်အိၣ်ဖှိၣ်အပဒိၣ် တဖၣ်န့ၣ်ဂံၢ်ပှၤကဃးဖိဒ်အဒူၣ်တဖၣ်အသိး, ဒီးဒ်အ ပၢ်အဟံၣ်တဖၣ်အသိး, 35 လၢအသးပှၢ်အနံၣ်သၢဆံဒီး အါန့ၢ်အန့ၣ် ပၢၢ်လၢအနံၣ်ယဲၢ်ဆံ, ကယဲၢ်ပှၤလၢအ လဲၤနုာ်လၢပှၤသုးမုၢ်အကျါ လၢအကမၤပှၤသုးဖိအ တၢ်, ဒ်သိးအကမၤတၢ်အိၣ်ဖှိၣ်အဒဲအကုၢ်အပှၤအတၢ် မၤ, 36 တၢ်ဂံၢ်အီၤ, ဒ်အဒူၣ်တဖၣ်အသိးန့ၣ်, ပှၤခံက ထိ, နွံကယၤ, ဒီးယဲၢ်ဆံလီၤ.
37 အဝဲသ့ၣ်တဖၣ်န့ၣ် မ့ၢ်ပှၤလၢအဘၣ်တၢ်ဂံၢ်အီၤလၢ ပှၤကဃးဖိအဒူၣ်တဖၣ်အကျါ, ကယဲၢ်ပှၤလၢအကမၤ တၢ်လၢတၢ်အိၣ်ဖှိၣ်အဒဲပူၤ, လၢစီၤမိၤရှ့ဒီးစီၤအၤဟရိၣ် ဂံၢ်ဝဲ, ဖဲယွၤအထးခိၣ်လၢစီၤမိၤရှ့အစုပူၤလီၤ.
38 ဒီးပှၤလၢအဘၣ်တၢ်ဂံၢ်အီၤလၢ စီၤက့ရၡိၣ်အဖိခွါအ ကျါ, ဒ်အဒူၣ်တဖၣ်အသိး, ဒီးဒ်အပၢ်အဟံၣ်တဖၣ်အ သိး, 39 လၢအသးပှၢ်အနံၣ်သၢဆံဒီးအါန့ၢ်အန့ၣ်ပၢၢ်လၢ အနံၣ်ယဲၢ်ဆံ, ကယဲၢ်ပှၤလၢအလဲၤနုာ်လၢသုးမုၢ်အကျါ လၢအကမၤပှၤသုးဖိအတၢ်ဒ်သိး အကမၤတၢ်အိၣ်ဖှိၣ် အဒဲအကုၢ်အပှၤအတၢ်မၤ, 40 တၢ်ဂံၢ်အီၤဒ်အဒူၣ်တဖၣ် အသိး, ဒ်အပၢ်အဟံၣ်တဖၣ်အသိးန့ၣ်ပှၤခံကထိဒီးဃု ကယၤဒီးသၢဆံလီၤ. 41 အဝဲသ့ၣ်တဖၣ်န့ၣ်မ့ၢ်ပှၤလၢအ ဘၣ်တၢ်ဂံၢ်အီၤလၢ စီၤက့ရၡိၣ်အဖိခွါအဒူၣ်တဖၣ်အ ကျါ, ကယဲၢ်ပှၤလၢအကမၤတၢ်လၢတၢ်အိၣ်ဖှိၣ်အဒဲပူၤ, လၢစီၤမိၤရှ့ဒီးစီၤအၤဟရိၣ်ဂံၢ်ဝဲ, ဖဲယွၤအထးခိၣ်လီၤ.
42 ဒီးပှၤလၢအဘၣ်တၢ်ဂံၢ်အီၤ လၢစီၤမရၤရံၤအဖိခွါအ ဒူၣ်တဖၣ်အကျါ, ဒ်အဒူၣ်တဖၣ်အသိး, ဒ်အပၢ်အဟံၣ် တဖၣ်အသိး, 43 လၢအသးပှၢ်အနံၣ်သၢဆံဒီးအါန့ၢ်အ န့ၣ်ပၢၢ်လၢအနံၣ်ယဲၢ်ဆံ, ကယဲၢ်ပှၤလၢအလဲၤနုာ်လၢ သုးမုၢ်အကျါလၢ အကမၤပှၤသုးဖိအတၢ်, ဒ်သိးအက မၤတၢ်အိၣ်ဖှိၣ်အဒဲအကုၢ်အပှၤအတၢ်မၤ, 44 တၢ်ဂံၢ်အီၤ, ဒ်အဒူၣ်တဖၣ်အသိးန့ၣ်, ပှၤသၢကထိ, ဒီးခံကယၤလီၤ.
45 အဝဲသ့ၣ်တဖၣ်န့ၣ် မ့ၢ်ပှၤလၢအဘၣ်တၢ်ဂံၢ်အီၤလၢ စီၤမရၤရံၤအဖိခွါအဒူၣ်တဖၣ်အကျါ လၢစီၤမိၤရှ့ဒီးစီၤ အၤဟရိၣ်ဂံၢ်ဝဲ, ဖဲယွၤအထးခိၣ်လၢစီၤမိၤရှ့ အစုပူၤန့ၣ် လီၤ.
46 ကယဲၢ်ပှၤလၢအဘၣ်တၢ်ဂံၢ်အီၤလၢ ပှၤလ့ၤဝံဖိအ ကျါ, လၢစီၤမိၤရှ့ဒီးစီၤအၤဟရိၣ်, ဒီးပှၤအံၣ်စရ့လးဖိ အပဒိၣ်တဖၣ်ဂံၢ်ဝဲ, ဒ်အဒူၣ်တဖၣ်အသိး, ဒ်အပၢ်အ ဟံၣ်တဖၣ်အသိး, 47 လၢအသးပှၢ်အနံၣ်သၢဆံဒီးဆူအ ဖီခိၣ်ပၢၢ်လၢအနံၣ်ယဲၢ်ဆံ, ကယဲၢ်ပှၤလၢအလဲၤနုာ်ဒ် သိးအကမၤတၢ်အခ့အပှၤအတၢ်မၤ, ဒီးယိးအတၢ်မၤ လၢတၢ်အိၣ်ဖှိၣ်အဒဲပူၤန့ၣ်, 48 တၢ်ဂံၢ်ပှၤဃိးကထိ, ဒီး ယဲၢ်ကယၤ, ဒီးဃိးဆံလီၤ.
49 ဖဲယွၤအထးခိၣ်, တၢ်ဂံၢ်အီၤလၢစီၤမိၤရှ့အစု, ဖဲဒၣ်ပှၤ ဒ်အမၤတၢ်အသိး, ဒ်အယိးတၢ်အသိးစုာ်စုာ်လီၤ. ဒီးဘၣ် တၢ်ဂံၢ်အီၤလၢစီၤမိၤရှ့ဒ်ယွၤမၤလိာ်အီၤအသိးန့ၣ်လီၤ.
5၅
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, မၤလိာ်ပှၤ အံၣ်စရ့လးဖိလၢအကဒုးဟးထီၣ်ကွံာ် ကယဲၢ်ပှၤဘၣ် တၢ်ဆါအၢ, ဒီးကယဲၢ်ပှၤလၢအအိၣ်ဒီးတၢ်ယွၤလီၤ, ဒီး ကယဲၢ်ပှၤလၢ အတကဆှီဘၣ်လၢ တၢ်သံအဃိတဂၤ လၢ်လၢ်လၢ ပှၤသူၣ်ဒဲအလီၢ်ပူၤန့ၣ်တက့ၢ်. 3 ပိာ်ခွါမ့ၢ် ဂ့ၤ, ပိာ်မုၣ်မ့ၢ်ဂ့ၤ, သုဘၣ်ဒုးဟးထီၣ်အီၤလၢပှၤသူၣ်ဒဲ အလီၢ်ပူၤဆူခိ, ဒ်သိးအသုတမၤတကဆှီဘၣ်ပှၤသူၣ် ဒဲအလီၢ်တဖၣ် လၢယအိၣ်ယဆိးလၢအသးကံၢ်ပူၤန့ၣ် တဂ့ၤလီၤ.
4 ဒီးပှၤအံၣ်စရ့လးဖိမၤဒ်န့ၣ်, ဒီးဒုးဟးထီၣ်ကွံာ်အီၤ လၢပှၤသူၣ်ဒဲအလီၢ်ပူၤ ဆူခိလီၤ. ဒ်ယွၤမၤလိာ်စီၤမိၤရှ့ အသိးန့ၣ်ပှၤအံၣ်စရ့လးဖိမၤဝဲဒ်န့ၣ်သိးလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 5 စံးဘၣ် ပှၤအံၣ်စရ့လးဖိ, တုၤပိာ်ခွါဂ့ၤဂ့ၤ, ပိာ်မုၣ်ဂ့ၤဂ့ၤ, မၤ ကမၣ်ယွၤလၢတၢ်တဖၣ်တမံၤမံၤ လၢပှၤကညီအတၢ် ဒဲးဘးခဲလၢာ်အကျါဒီး, အတၢ်ဒဲးဘးမ့ၢ်အိၣ်ဒီး, 7 ဘၣ် တဲလီၤကျဲၤလီၤအတၢ်ကမၣ်လၢအမၤ, ဒီးဘၣ်ဟ့ၣ်က့ၤ လၢအတၢ်ကမၣ်အဃိ လၢတၢ်အကစၢ်ဒၣ်ဝဲ, ဒီးပာ် ဖှိၣ်ယဲၢ်ပူတပူဒီးအီၤ, ဒီးဘၣ်ဟ့ၣ်ဝဲလၢပှၤဒိးတၢ်မၤက မၣ်လၢအီၤလီၤ.
8 မ့မ့ၢ်ပှၤတဂၤန့ၣ် အပှၤပှ့ၤက့ၤတၢ်လၢအကဒိးန့ၢ်တၢ် လၢတၢ်ကမၣ်အဃိန့ၣ်မ့ၢ်တအိၣ်ဘၣ်ဒီး, မ်တၢ်လၢအ ဟ့ၣ်က့ၤတၢ်လၢ တၢ်ကမၣ်အဃိလၢယွၤ, ကဲလၢပှၤ လုၢ်တၢ်အဒိၣ်အတၢ်န့ၣ်တက့ၢ်. လၢန့ၣ်အမဲာ်ညါတၢ် မၤပူၤဖျဲးအသိဖါတဒု လၢတၢ်ကမၤပူၤဖျဲးလၢအီၤလၢ အဃိအိၣ်ဒံးလီၤ.
9 ဒီးကယဲၢ်တၢ်ဂံၢ်ဘၣ်ဃးဒီး ပှၤအံၣ်စရ့လးဖိအတၢ် စီဆှံခဲလၢာ်လၢအဟဲစိာ်ဆူ ပှၤလုၢ်တၢ်အဒိၣ်န့ၣ်ကကဲ ထီၣ်အတၢ်လီၤ. 10 ဒီးဖဲဒၣ်ပှၤအတၢ်စီဆှံတမံၤမံၤန့ၣ်က ကဲထီၣ်အတၢ်, ဖဲဒၣ်တၢ်လၢပှၤဟ့ၣ်ပှၤလုၢ်တၢ်အဒိၣ် တဂၤဂၤန့ၣ်ကကဲထီၣ်အတၢ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ် 11 ကတိၤ တၢ်ဒီးပှၤအံၣ်စရ့လးဖိ, ဒီးစံးဘၣ်အီၤ, ဖဲဒၣ်ပှၤအမါ မ့ၢ်ဃၣ်ကပၤအသးဒီး မၤကမၣ်ဘၣ်အီၤ, 13 ဒီးပှၤဂၤမံ ဃုာ်ဒီးအီၤ, ဒီးအိၣ်သဒၢဒီးအဝၤအမဲာ်, ဒီးအိၣ်ခူသူၣ်, ဒီးတကဆှီဘၣ်ဝဲဘၣ်, ဒီးပှၤအုၣ်အသးတအိၣ်ဘၣ်, ဒီးပှၤတဖီၣ်န့ၢ်ဘၣ်အီၤ ဖဲအမၤတၢ်အဖၢမုၢ်ဘၣ်, 14 ဒီး တၢ်သးက့ၣ်အသးမ့ၢ်ဘၣ်အဝၤ, ဒီးသးက့ၣ်အမါ, ဒီး အဝဲဒၣ်ဘၣ်အၢမ့ၢ်ဂ့ၤ, မ့တမ့ၢ်ဘၣ်တၢ်သးက့ၣ်အသး မ့ၢ်ဘၣ်အဝၤဒီး, အသးက့ၣ်အမါ, ဒီးတဘၣ်အၢဘၣ် မ့ၢ်ဂ့ၤဒီး, 15 ပှၤတဂၤန့ၣ်ဘၣ်ဟဲစိာ်အမါဆူပှၤလုၢ်တၢ် အဒိၣ်အအိၣ်, ဒီးဘၣ်ဟဲစိာ်အတၢ်မၤဘူၣ်လၢအဂီၢ်, ဘုမုယီၤအကိၣ်ကမူၣ်အ့ဖးဆံဆဲၣ်ပူတပူလီၤ. ဒီးတ ဘၣ်လူသိလၢအဖီခိၣ်ဘၣ်, တဘၣ်ပာ်လီၢ်ဘၣ်လၢအ ဖီခိၣ်ဘၣ်, အဂ့ၢ်ဒ်အံၤ, မ့ၢ်တၢ်မၤဘူၣ်ကိၣ်လၢသးက့ၣ် အဃိ, တၢ်မၤဘူၣ်ကိၣ်တၢ်သ့ၣ်နီၣ်ထီၣ်က့ၤတၢ်လၢအ ဒုးသ့ၣ်နီၣ်ထီၣ်က့ၤတၢ်ကမၣ်လီၤ.
16 ဒီးပှၤလုၢ်တၢ်အဒိၣ်ဘၣ်ဒုးသုးဘူးပိာ်မုၣ်, ဒီးပာ်အီၤ လၢယွၤအမဲာ်ညါလီၤ.
17 ဒီးပှၤလုၢ်တၢ်အဒိၣ် ဘၣ်ဟံးန့ၢ်ထံစီဆှံလၢလီခီဟီၣ် ခိၣ်အပူၤ, ဒီးလၢဟီၣ်ခိၣ်အကမူၣ်လၢအအိၣ်လၢတၢ် အိၣ်အလီၢ်အဃီဒါန့ၣ် ပှၤလုၢ်တၢ်အဒိၣ်ဘၣ်ဟံးန့ၢ်ဝဲ, ဒီးပာ်လၢထံကျါလီၤ.
18 ဒီးပှၤလုၢ်တၢ်အဒိၣ်န့ၣ် ဘၣ်ပာ်ပိာ်မုၣ်လၢယွၤအမဲာ် ညါ, ဒီးဒုးအိၣ်ဘ့ၣ်ခိၣ်ပိာ်မုၣ်အခိၣ်, ဒီးပာ်တၢ်မၤဘူၣ် ကိၣ်တၢ်သ့ၣ်နီၣ်ထီၣ်က့ၤ လၢအမ့ၢ်တၢ်မၤဘူၣ်ကိၣ်ဘၣ် ဃးဒီးသးက့ၣ်လၢအစုပူၤ, ဒီးပှၤလုၢ်တၢ်အဒိၣ်ဘၣ်အိၣ် ဒီးထံခၣ်လၢအစုပူၤလၢအဒုးဆိၣ်အၢတၢ်လီၤ. 19 ဒီးပှၤ လုၢ်တၢ်အဒိၣ်ဘၣ်ဒုးဆိၣ်ပိာ်မုၣ်, ဒီးစံးဘၣ်အီၤ, ပှၤ ပိာ်ခွါမ့ၢ်တမံဃုာ်ဘၣ်ဒီးနၤဘၣ်, ဒီးနမ့ၢ်တဃၣ်ကပၤ နသးဆူတၢ်တကဆှီဘၣ်လၢပှၤဂၤလၢနဝၤအလီၢ်ဘၣ် ဒီး, မ်နပူၤဖျဲးဒီးထံခၣ်အံၤလၢအဒုးဘၣ်ဆိၣ်အၢတၢ်တ က့ၢ်, 20 မ့မ့ၢ်နမ့ၢ်ဃၣ်ကပၤတ့ၢ်နသးဆူ ပှၤဂၤလၢနဝၤ အလီၢ်ဒီးနဘၣ်အၢ, ဒီးနမ့ၢ်ဟ့ၣ်တ့ၢ်ပှၤပိာ်ခွါတဂၤမံ ဃုာ်ဒီးနၤလၢနဝၤအလီၢ်ဒီး, 21 (ပှၤလုၢ်တၢ်အဒိၣ်ဘၣ် ဒုးဆိၣ်ပိာ်မုၣ်လၢတၢ်ဆိၣ်အၢဒီး ပှၤလုၢ်တၢ်အဒိၣ်ဘၣ် စံးဘၣ်ပိာ်မုၣ်,) တုၤယွၤဟ့ၣ်နကံၣ်ဒုၣ်လီၤ, ဒီးနဟၢ ဖၢညိးထီၣ်ဒီး, မ်ယွၤပာ်နၤလၢတၢ်ဆိၣ်အၢ, ဒီးဆိၣ် တၢ်အလီၢ်လၢ နပှၤတကလုာ်အကျါန့ၣ်တက့ၢ်. 22 ဒီး ထံလၢအဒုးဆိၣ်အၢတၢ်အံၤ ကလဲၤနုာ်လၢနဟၢဖၢပူၤ ဒ်သိးအကဒုးညိးထီၣ်နဟၢဖၢ, ဒီးဒုးလီၤနကံၣ်ဒုၣ်လီၤ. ဒီးပိာ်မုၣ်ဘၣ်စံး, အၤမ့ၣ်, အၤမ့ၣ်.
23 ဒီးပှၤလုၢ်တၢ်အဒိၣ် ဘၣ်ကွဲးတၢ်ဆိၣ်အၢတဖၣ်န့ၣ် လၢလံာ်ပူၤ, ဒီးတြူာ်လီၤကွံာ်အီၤဆူ ထံခၣ်အပူၤန့ၣ် လီၤ. 24 ဒီးကဒုးအီပိာ်မုၣ်လၢထံခၣ်လၢအဒုးဘၣ်ဆိၣ် အၢတၢ်, ဒီးထံလၢအဒုးဘၣ်ဆိၣ်အၢတၢ် ကလဲၤနုာ် လၢအပူၤလၢတၢ်ခၣ်လီၤ. 25 ဒီးပှၤလုၢ်တၢ်အဒိၣ်ဘၣ်ဟံးန့ၢ် တၢ်မၤဘူၣ်ကိၣ်ဘၣ်ဃးဒီးသးက့ၣ်လၢပိာ်မုၣ်အစုပူၤ, ဒီးဝၢ်အီၤလၢတၢ်ဝၢ်လၢယွၤအမဲာ်ညါ, ဒီးဟဲစိာ်အီၤဆူတၢ်လုၢ်လီၢ်လီၤ.―
26 ဒီးပှၤလုၢ်တၢ်အဒိၣ်ဘၣ်ဟံးန့ၢ်တတၢၤဒုၣ်လၢ တၢ်မၤ ဘူၣ်အပူၤ အတၢ်ဒုးသ့ၣ်နီၣ်ထီၣ်က့ၤတၢ်, ဒီးဆိၣ်ကဲၤ ဝဲလၢတၢ်လုၢ်လီၢ်အဖီခိၣ်လီၤ. လၢခံက့ၤဒီးဘၣ်ဒုးအီ ပိာ်မုၣ်လၢထံခၣ်န့ၣ်လီၤ.
27 ဒီးဒုးအီဝဲလၢထံဝံၤဒီး, တၢ်ကမၤအသးလၢ ပိာ်မုၣ် န့ၣ်မ့ၢ်ဘၣ်အၢ, ဒီးမၤကမၣ်ဘၣ်လံအဝၤဒီး, ထံလၢ အဒုးဘၣ်ဆိၣ်အၢတၢ် ကလဲၤနုာ်လၢအပူၤလၢတၢ်ခၣ်, ဒီးအဟၢဖၢကညိးထီၣ်, ဒီးအကံၣ်ဒုၣ်ကလီၤ, ဒီးပိာ် မုၣ်န့ၣ်ကကဲထီၣ် တၢ်ဆိၣ်အၢအလီၢ်လၢအပှၤတက လုာ်ဒၣ်ဝဲအကျါလီၤ.
28 ဒီးပိာ်မုၣ်န့ၣ် မ့ၢ်တဘၣ်အၢဘၣ်, ဒီးမ့ၢ်ကဆှီဝဲဒီး, ကပူၤဖျဲး, ဒီးကဒၢထီၣ်လီၤ.
29 အအံၤမ့ၢ်တၢ်သိၣ်တၢ်သီဘၣ်ဃးဒီး တၢ်သးက့ၣ်ဖဲ မါဃၣ်အသးဆူ ပှၤလၢအတမ့ၢ်ဘၣ်အဝၤဒီးဘၣ်အၢ မ့ၢ်ဂ့ၤ, အဝၤဘၣ်တၢ်သးက့ၣ်အမါမ့ၢ်ဂ့ၤန့ၣ်လီၤ.
30 တုၤနုၤတစု, ဘၣ်ပာ်ပိာ်မုၣ်လၢယွၤအမဲာ်ညါ, ဒီး ပှၤလုၢ်တၢ်အဒိၣ် ဘၣ်မၤအီၤလၢတၢ်သိၣ်တၢ်သီအံၤခဲ လၢာ်လီၤ. 31 ဒီးပိာ်ခွါကပူၤဖျဲးဒီးတၢ်ဒဲးဘး, ဒီးပိာ်မုၣ် ကဘၣ်အတၢ်ဒဲးဘးလီၤ.
6၆
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,―ကတိၤတၢ် ဒီးပှၤအံၣ်စရ့လးဖိဒီးစံးဘၣ်အီၤ, ပိာ်ခွါမ့ၢ်ဂ့ၤ, ပိာ်မုၣ် မ့ၢ်ဂ့ၤ, တုၤအကမၤလီၤဆီအသးလၢအကဆိၣ်ပှၤနစၤ ရံဖိအတၢ်ဆိၣ်, ဒ်သိးအကမၤလီၤဖးအသးလၢယွၤအ ဂီၢ်ဒီး, 3 ဘၣ်မၤလီၤဖးအသးဒီးစပံးထံ, ဒီးသံးဧိၤဂာ် ဧိၤလီၤ. ဒီးတဘၣ်အီစပံးထံအတၤဆံၣ်ထံ, သံးအတၤ ဆံၣ်ထံဘၣ်. ဒီးတဘၣ်အီထံလၢစပံးသၣ်စုၣ်အသး လၢအပူၤဘၣ်, ဒီးစပံးသၣ်သံကစဲာ်မ့ၢ်ဂ့ၤ, အဃ့မ့ၢ် ဂ့ၤ, တဘၣ်အီၣ်ဘၣ်. 4 ကယဲၢ်မုၢ်နံၤမုၢ်နၤလၢအအိၣ် လီၤဖးအသးန့ၣ် တဘၣ်အီၣ်ဘၣ်တၢ်လၢပှၤမၤဝဲလၢ စပံးသၣ်နီတမံၤ, လၢအချံပၢၢ်လၢအဖံးဘၣ်.
5 ကယဲၢ်မုၢ်နံၤမုၢ်နၤဘၣ်ဃးဒီး အတၢ်ဆိၣ်လၢအက မၤလီၤဖးအသးန့ၣ် ဒီလူၤတၢ်တဘၣ်ဘၣ်အခိၣ်လိၤ ဘၣ်, ဘၣ်ကဲထီၣ်တၢ်စီဆှံလၢယွၤအဂီၢ်, ဘၣ်ဟ့ၣ် အခိၣ်သူဘိထီထီၣ် တုၤမုၢ်နံၤတဖၣ်လၢအမၤလီၤဖးအ သးလၢယွၤအဂီၢ်န့ၣ်ကလၢထီၣ်ပှဲၤထီၣ်ဝဲလီၤ. 6 ဒီးက ယဲၢ်မုၢ်နံၤမုၢ်နၤလၢ အမၤလီၤဖးအသးလၢယွၤအဂီၢ်န့ၣ် တဘၣ်သုးဘူးအသးဆူတၢ်သံဘၣ်.
7 လၢအပၢ်အဂီၢ်မ့ၢ်ဂ့ၤ, လၢအမိၢ်အဂီၢ်မ့ၢ်ဂ့ၤ, လၢအ ဒီပုၢ်ဝဲၢ်ခွါမ့ၢ်ဂ့ၤ, လၢအဒီပုၢ်ဝဲၢ်မုၣ်မ့ၢ်ဂ့ၤ, တဘၣ်မၤ တကဆှီဘၣ်အသးလၢအဝဲသ့ၣ်သံအဃိဘၣ်, အဂ့ၢ်ဒ် အံၤ, တၢ်လီၤဖးဘၣ်ဃးဒီးအကစၢ်အိၣ်လၢအလိၤလီၤ.
8 ကယဲၢ်မုၢ်နံၤမုၢ်နၤလၢအလီၤဖးန့ၣ် ကကဲထီၣ်တၢ်စီ ဆှံလၢယွၤအဂီၢ်လီၤ.
9 ဒီးပှၤမ့ၢ်သံသတူၢ်ကလာ်လၢအဃၢၤ, ဒီးမၤတကဆှီ ဘၣ်ဝဲအခိၣ်လီၤဖးဒီး, မုၢ်နံၤလၢအကဆှီထီၣ်န့ၣ်ဘၣ် လူၤအခိၣ်, မုၢ်နွံနံၤတနံၤန့ၣ်ဘၣ်လူၤအီၤလီၤ.
10 ဒီးဃိးနံၤတနံၤန့ၣ် ထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ကး က့ၣ်ဖိခံဘ့ၣ်မ့ၢ်ဂ့ၤ, ဘၣ်ဟဲစိာ်ဆူပှၤလုၢ်တၢ်အဒိၣ်အ အိၣ်ဖဲတၢ်အိၣ်ဖှိၣ်အဒဲအကျဲစၢၤန့ၣ်လီၤ.
11 ဒီးပှၤလုၢ်တၢ်အဒိၣ်ဘၣ်လုၢ်တဘ့ၣ် လၢတၢ်လုၢ်တၢ် ဒဲးဘးအဂီၢ်, ဒီးတဘ့ၣ်လၢတၢ်လုၢ်မ့ၣ်အူအဂီၢ်, ဒီး ဘၣ်မၤတၢ်ပူၤဖျဲးလၢအဂီၢ် လၢပှၤအမၤကမၣ်တၢ်လၢ တၢ်သံအဃိ, ဒီးဘၣ်မၤစီဆှံအခိၣ်လၢမုၢ်တနံၤဃီလီၤ.
12 ဒီးဘၣ်ပာ်စီဆှံလၢယွၤအဂီၢ် အနံၤအသီလၢအအိၣ် လီၤဖး, ဒီးဘၣ်ဟဲစိာ်သိဖိတနံၣ်ဖိလၢအတၢ်လုၢ်တၢ် ကမၣ်အဂီၢ်လီၤ. မ့မ့ၢ်မုၢ်နံၤမုၢ်နၤလၢ အဂံၢ်ခီၣ်ထံးတ ဖၣ်န့ၣ်ကဟါမၢ်လီၤ. အဂ့ၢ်ဒ်အံၤ, အတၢ်လီၤဖးန့ၣ် ဘၣ်တၢ်တကဆှီဘၣ်လီၤ.
13 ဒီးအအံၤမ့ၢ် ပှၤနစၤရံဖိအတၢ်သိၣ်တၢ်သီ, ဖဲအမုၢ် နံၤမုၢ်နၤလၢအအိၣ်လီၤဖးတဖၣ်န့ၣ်ကလၢထီၣ်ပှဲၤထီၣ်, ဒီးပှၤကဒုးဟဲအီၤဆူ တၢ်အိၣ်ဖှိၣ်အဒဲအကျဲစၢၤ, 14 ဒီး ဘၣ်မၤဘူၣ်အတၢ်မၤဘူၣ်ယွၤ သိဖါဖိတနံၣ်ဖိအလၢ အပှဲၤတဒုလၢတၢ်လုၢ်မ့ၣ်အူအဂီၢ်, ဒီးသိမိၢ်ဖိတနံၣ်ဖိ အလၢအပှဲၤတဒုလၢတၢ်လုၢ်တၢ်ဒဲးဘးအဂီၢ်, ဒီးသိဖါ အလၢအပှဲၤတဒုလၢတၢ်လုၢ်မၤဃူမၤဖိးအဂီၢ်, 15 ဒီးနာ် တဖျၢၣ်အိၣ်ဒီးကိၣ်တအိၣ် ဒီးကိၣ်မံၣ်န့ၣ်, ကိၣ်ဘ့ၣ် ဘၣ်ဃါဃုာ်ဒီးသိ, ဒီးကိၣ်ဘ့ၣ်ဘၣ်ဘူသလါဖှူအသး ဒီးသိ, ဒီးအတၢ်မၤဘူၣ်ကိၣ်, ဒီးအတၢ်လုၢ်အီလီၤ. 16 ဒီးပှၤလုၢ်တၢ်အဒိၣ် ဘၣ်ပာ်အီၤလၢယွၤအမဲာ်ညါ, ဒီးလုၢ်အတၢ်လုၢ်တၢ်ဒဲးဘး, ဒီးအတၢ်လုၢ်မ့ၣ်အူလီၤ.―
17 ဒီးဘၣ်လုၢ်သိဖါ, တၢ်လုၢ်တၢ်မၤဃူမၤဖိးလၢယွၤအဂီၢ်, ဒီးနာ်တဖျၢၣ် အိၣ်ဒီးကိၣ်တအိၣ်ဒီးကိၣ်မံၣ်န့ၣ်, ဒီး ပှၤလုၢ်တၢ်အဒိၣ်ဘၣ်မၤဘူၣ် အတၢ်မၤဘူၣ်ကိၣ်ဒီးအ တၢ်လုၢ်အီလီၤ.
18 ဒီးပှၤနစၤရံဖိ ဘၣ်လူၤအခိၣ်ဘၣ်ဃးဒီးအအိၣ်လီၤ ဖးဖဲတၢ်အိၣ်ဖှိၣ်အဒဲအကျဲစၢၤ, ဒီးဘၣ်ဟံးန့ၢ်အခိၣ်သူ ဘၣ်ဃးဒီးအအိၣ်လီၤဖး, ဒီးဒၢနုာ်အီၤလၢမ့ၣ်အူပူၤလၢ အအိၣ်လၢတၢ်လုၢ်မၤဃူမၤဖိးအဖီလာ်လီၤ.
19 ဒီးပှၤလုၢ်တၢ်အဒိၣ် ဘၣ်ဟံးန့ၢ်သိဖါ အဖံဘၣ်ခိၣ် လၢအချီအသး, ဒီးကိၣ်တအိၣ်ဘၣ်ဒီးကိၣ်မံၣ်တဘ့ၣ် လၢနာ်ပူၤ, ဒီးကိၣ်တအိၣ်ဘၣ်ဒီးကိၣ်မံၣ်ဘူသလါတ ဘ့ၣ်, ဒီးဘၣ်ပာ်အီၤလၢပှၤနစၤရံဖိအစုပူၤလၢအခိၣ်သူ ဘၣ်ဃးဒီးအအိၣ်လီၤဖးန့ၢ်လူၤအသးအလီၢ်ခံလီၤ.
20 ဒီးပှၤလုၢ်တၢ်အဒိၣ် ဘၣ်ဝၢ်အီၤလၢတၢ်ဝၢ်လၢယွၤအ မဲာ်ညါလီၤ. အဝဲန့ၣ်မ့ၢ်တၢ်စီဆှံလၢပှၤလုၢ်တၢ်အဒိၣ် အဂီၢ်, ဒီးသးနါပှၢ်ဝၢ်, ဒီးဖံဘၣ်ခိၣ်ဝံၢ်စ့ၢ်ကီးလီၤ. လၢ ခံက့ၤဒီးပှၤနစၤရံဖိကအီဘၣ်စပံးထံလီၤ.
21 အဝဲန့ၣ်မ့ၢ်တၢ်သိၣ်တၢ်သီဘၣ်ဃးဒီး ပှၤနစၤရံဖိလၢ အဆိၣ်လီၤအသးန့ၣ်, ဒီးအတၢ်မၤဘူၣ်ယွၤလၢအအိၣ် လီၤဖးတၢ်အဂီၢ်လၢအစုချုးန့ၢ်ဝဲအဖီခိၣ်လီၤ. ဒ်တၢ်ဆိၣ် လၢအထးခိၣ်ဆိၣ်တၢ်အသိးန့ၣ် ဘၣ်မၤဒ်န့ၣ်အသိး, ဒ် တၢ်သိၣ်တၢ်သီဘၣ်ဃးဒီးအအိၣ်လီၤဖးအသိးန့ၣ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 22 ကတိၤ တၢ်ဒီးစီၤအၤဟရိၣ်ဒီးအဖိခွါတဖၣ်ဒီးစံး, သုဘၣ်ဆိၣ် ဂ့ၤပှၤအံၣ်စရ့လးဖိဒ်အံၤ, စံးဘၣ်အီၤ,
24 မ်ယွၤဆိၣ်ဂ့ၤနၤ, ဒီးကွၢ်က့ၤနၤတက့ၢ်.
25 မ်ယွၤဒုးကပီၤနၤလၢအမဲာ်, ဒီးဒုးဘၣ်နၤလၢအဘျုး အဖှိၣ်တက့ၢ်.
26 မ်ယွၤပာ်ထီၣ်အမဲာ်လၢနလိၤ, ဒီးဟ့ၣ်လီၤနၤလၢတၢ် ဃူတၢ်ဖိးတက့ၢ်.
27 ဒီးဘၣ်ပာ်တမံၤလၢပှၤအံၣ်စရ့လးဖိအလိၤ, ဒီးယ ကဆိၣ်ဂ့ၤအီၤလီၤ.
7၇
1 ဒီးမုၢ်တနံၤလၢစီၤမိၤရှ့သူၣ်ထီၣ်တၢ်အိၣ်အလီၢ်, ဒီးဖှူ အီၤ, ဒီးမၤစီဆှံအီၤ, ဒီးအတၢ်ဖိတၢ်လံၤခဲလၢာ်, ဒီးတၢ် လုၢ်လီၢ်, ဒီးအတၢ်ဖိတၢ်လံၤခဲလၢာ်, ဒီးဖှူအီၤ, ဒီးမၤစီ ဆှံအီၤဝံၤဒီး, 2 တၢ်မၤအသးလၢပှၤအံၣ်စရ့လးဖိအပဒိၣ် တဖၣ်, အပၢ်အဟံၣ်အခိၣ်တဖၣ်လၢအမ့ၢ်ပှၤအဒူၣ်တ ဖၣ်အပဒိၣ်, ဒီးအိၣ်ဝဲလၢပှၤဘၣ်တၢ်ဂံၢ်အီၤအဖီခိၣ်န့ၣ် မၤဘူၣ်တၢ်လီၤ. 3 ဒီးဟဲစိာ်အတၢ်မၤဘူၣ်ဆူယွၤအမဲာ် ညါ, လ့ၣ်ကဟၣ်အိၣ်ဒီးအဒၢဃုဆိ, ဒီးဂီၤဖံးတဆံခံ ဒု, ပဒိၣ်ခံဂၤလ့ၣ်ကဟၣ်တဆိ, ဒီးပဒိၣ်တဂၤဂီၤဖံးတ ဒုလီၤ. ဒီးပှၤဟဲစိာ်အီၤဆူတၢ်အိၣ်အလီၢ်အမဲာ်ညါလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 4 ဟံးန့ၢ် လၢအီၤဒ်သိးအကမၤတၢ်အိၣ်ဖှိၣ်အဒဲ အကုၢ်အပှၤအ တၢ်မၤန့ၣ်တက့ၢ်. ဒီးနဘၣ်ဟ့ၣ်လီၤအီၤလၢပှၤလ့ၤဝံဖိ တဖၣ်, ဒ်အတၢ်မၤအသိးကိးဂၤဒဲးလီၤ.
6 ဒီးစီၤမိၤရှ့ဟံးန့ၢ်လ့ၣ်ကဟၣ်, ဒီးဂီၤဖံးတဖၣ်န့ၣ်, ဒီး ဟ့ၣ်လီၤအီၤလၢပှၤလ့ၤဝံဖိလီၤ.
7 ဒီးလ့ၣ်ကဟၣ်ခံဆိ, ဒီးဂီၤဖံးလွံၢ်ဒုန့ၣ်ဟ့ၣ်လီၤဝဲလၢ စီၤက့ရၡိၣ်အဖိခွါတဖၣ်, ဒ်အမၤတၢ်အသိးန့ၣ်လီၤ.
8 ဒီးလ့ၣ်ကဟၣ်လွံၢ်ဆိ, ဒီးဂီၤဖံးဃိးဒုန့ၣ် ဟ့ၣ်လီၤဝဲ လၢစီၤမရၤရံၤအဖိခွါ, ဒ်အမၤတၢ်အသိးလၢပှၤလုၢ်တၢ် အဒိၣ်စီၤအၤဟရိၣ်အဖိခွါစီၤအံသမၢ်အစုပူၤလီၤ.
9 မ့မ့ၢ်စီၤကဃးအဖိခွါတဖၣ်န့ၣ် တဟ့ၣ်လီၤဘၣ်အီၤ လၢတၢ်ဘၣ်. အဂ့ၢ်ဒ်အံၤ, တၢ်ဘၣ်ဃးဒီးတၢ်အလီၢ် စီဆှံလၢအဘၣ်ယိး လၢအဖံဘၣ်ခိၣ်န့ၣ်မ့ၢ်အဝဲသ့ၣ် အတၢ်မၤလီၤ.
10 ဒီးပဒိၣ်တဖၣ်န့ၣ်မၤဘူၣ်တၢ်လၢ တၢ်ပာ်စီဆှံတၢ် လုၢ်လီၢ်အဂီၢ်, မုၢ်တနံၤလၢအဘၣ်ဖှူအသး, ဒီးပဒိၣ်တ ဖၣ်မၤဘူၣ်အတၢ်မၤဘူၣ်လၢတၢ်လုၢ်လီၢ်အမဲာ်ညါလီၤ.
11 ဒီးယွၤစံးဘၣ်စီၤမိၤရှ့, ဘၣ်မၤဘူၣ်အတၢ်မၤဘူၣ်လၢ တၢ်ပာ်စီဆှံတၢ်လုၢ်လီၢ်အဂီၢ်န့ၣ်ပဒိၣ်တဂၤတနံၤ, ပ ဒိၣ်တဂၤတနံၤစုာ်စုာ်လီၤ.
12 ဒီးပှၤလၢအမၤဘူၣ် အတၢ်မၤဘူၣ်လၢမုၢ်ခီၣ်ထံးန့ၣ် မ့ၢ်ယူဒၤအဒူၣ်ဖိစီၤဧမံၤနဒးအဖိခွါစီၤနၤဃၡိၣ်လီၤ. 13 ဒီး အတၢ်မၤဘူၣ်န့ၣ် မ့ၢ်သီတ့ၤစ့တဘ့ၣ်လီၤတယၢၢ်ၡက့ လးတကယၤသၢဆံ, သလၢစ့တဖျၢၣ်လီၤတယၢၢ်ၡက့ လးနွံဆံ, ဒ်လီၢ်စီဆှံအၡက့လးအသိးန့ၣ်, ပှဲၤဝဲခံမံၤ လိာ်ဒီးကိၣ်ကမူၣ်ဃါဃုာ်ဒီး သိလၢတၢ်မၤဘူၣ်ကိၣ် အဂီၢ်, 14 နီၣ်တၢၤထူတဘ့ၣ်လီၤတယၢၢ်ၡက့လးတဆံ ပှဲၤဝဲဒီးတၢ်နၢမူဆိၣ်ကဲၤ, 15 ဂီၤဖံးဖါဖိတဒု, သိဖါတဒု, သိဖိတနံၣ်ဖိတဒုလၢတၢ်လုၢ်မ့ၣ်အူအဂီၢ်, 16 မဲာ်တဲးလဲး ဖိတဒုလၢတၢ်လုၢ်တၢ်ဒဲးဘးအဂီၢ်, 17 ဒီးဂီၤဖံးဖါခံဒု, သိ ဖါယဲၢ်ဒု, မဲာ်တဲးလဲးဖါယဲၢ်ဒု,― သိဖိတနံၣ်ဖိယဲၢ်ဒုလၢ တၢ်လုၢ်မၤဃူမၤဖိးအဂီၢ်လီၤ. အန့ၣ်မ့ၢ်စီၤဧမၤနဒးအဖိ ခွါစီၤနၤဃၡိၣ်အတၢ်မၤဘူၣ်လီၤ.
18 ခံနံၤတနံၤန့ၣ်ပှၤယံးစၣ်ကၢ်ဖိအပဒိၣ် စီၤစူဧၢ်အဖိခွါ စီၤနၤသန့လး, မၤဘူၣ်တၢ်လီၤ. 19 မၤဘူၣ်အတၢ်မၤ ဘူၣ်လၢသီတ့ၤစ့တဘ့ၣ်လီၤတယၢၢ်ၡက့လးတကယၤ သၢဆံ, သလၢစ့တဖျၢၣ်လီၤတယၢၢ်ၡက့လးနွံဆံ, ဒ် လီၢ်စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ်က မူၣ်ဃါဃုာ်ဒီးသိလၢတၢ်မၤဘူၣ်ကိၣ်အဂီၢ်, 20 နီၣ်တၢၤ ထူတဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ်နၢမူ ဆိၣ်ကဲၤ, 21 ဂီၤဖံးဖါဖိတဒု, သိဖါတဒု, သိဖိတနံၣ်ဖိ တဒုလၢတၢ်လုၢ်မ့ၣ်အူအဂီၢ်, 22 မဲာ်တဲးလဲးဖိတဒုလၢ တၢ်လုၢ်တၢ်ဒဲးဘးအဂီၢ်, 23 ဒီးဂီၤဖံးဖါခံဒု, သိဖါယဲၢ် ဒု, မဲာ်တဲးလဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ် လုၢ်မၤဃူမၤဖိးအဂီၢ်လီၤ. အဝဲန့ၣ်မ့ၢ်စီၤစူဧၢ်အဖိခွါစီၤ နၤသန့လးအတၢ်မၤဘူၣ်လီၤ.
24 သၢနံၤတနံၤန့ၣ် ပှၤစဘူလိၣ်ဖိအပဒိၣ်စီၤဃ့လူၣ်အဖိ ခွါစီၤအလံအာ်, မၤဘူၣ်တၢ်လီၤ. 25 အတၢ်မၤဘူၣ်န့ၣ် မ့ၢ်သီတ့ၤစ့တဘ့ၣ် လီၤတယၢၢ်ၡက့လးတကယၤသၢ ဆံ, သလၢစ့တဖျၢၣ်လီၤတယၢၢ်ၡက့လးနွံဆံ, ဒ်လီၢ် စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ်ကမူၣ် ဃါဃုာ်ဒီးသိလၢတၢ်မၤဘူၣ်ကိၣ်အဂီၢ်, 26 နီၣ်တၢၤထူ တဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ်နၢမူဆိၣ် ကဲၤ, 27 ဂီၤဖံးဖါဖိတဒု, သိဖါတဒု, သိဖိတနံၣ်ဖိတ ဒုလၢတၢ်လုၢ်မ့ၣ်အူအဂီၢ်, 28 မဲာ်တဲးလဲးဖိတဒုလၢတၢ် လုၢ်တၢ်ဒဲးဘးအဂီၢ်, 29 ဒီးဂီၤဖံးဖါခံဒု, သိဖါယဲၢ်ဒု, မဲာ်တဲးလဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ်လုၢ်မၤ ဃူမၤဖိးအဂီၢ်လီၤ. အဝဲန့ၣ်မ့ၢ်စီၤဃ့လူၣ်အဖိခွါစီၤအ လံအာ်အတၢ်မၤဘူၣ်လီၤ.
30 လွံၢ်နံၤတနံၤန့ၣ် ပှၤရူၤဘ့ၣ်ဖိအပဒိၣ်စီၤၡဒ့အူၢ်အဖိ ခွါစီၤအလံစူၢ်, မၤဘူၣ်တၢ်လီၤ. 31 အတၢ်မၤဘူၣ်န့ၣ်မ့ၢ် သီတ့ၤစ့တဘ့ၣ်လီၤတယၢၢ်ၡက့လးတကယၤသၢဆံ, သလၢစ့တဖျၢၣ်လီၤတယၢၢ်ၡက့လးနွံဆံ, ဒ်လီၢ်စီဆှံ အၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ်ကမူၣ်ဃါ ဃုာ်ဒီးသိလၢတၢ်မၤဘူၣ်ကိၣ်အဂီၢ်, 32 နီၣ်တၢၤထူတ ဘ့ၣ်လီၤတယၢၢ်ၡက့လးတဆံပှဲၤဝဲဒီးတၢ်နၢမူဆိၣ်ကဲၤ,
33 ဂီၤဖံးဖါဖိတဒု, သိဖါတဒု, သိဖိတနံၣ်ဖိတဒုလၢတၢ် လုၢ်မ့ၣ်အူအဂီၢ်, 34 မဲာ်တဲးလဲးဖိတဒုလၢတၢ်လုၢ်တၢ်ဒဲး ဘးအဂီၢ်, 35 ဒီးဂီၤဖံးဖါခံဒု, သိဖါယဲၢ်ဒု, မဲာ်တဲးလဲး ဖါယဲၢ်ဒု, သိဖိတနံၣ်ဖိယဲၢ်ဒု, လၢတၢ်လုၢ်မၤဃူမၤဖိး အဂီၢ်လီၤ. အဝဲန့ၣ်မ့ၢ်စီၤၡဒ့အူၢ်အဖိခွါစီၤအလံစူၢ်အ တၢ်မၤဘူၣ်လီၤ.
36 ယဲၢ်နံၤတနံၤန့ၣ် ပှၤစူၤမ့းအိၣ်ဖိအပဒိၣ်စီၤစူၤရံၡးဒံၤ အဖိခွါစီၤၡလူမံၤအ့လး, မၤဘူၣ်တၢ်လီၤ. 37 အတၢ်မၤ ဘူၣ်န့ၣ်မ့ၢ်သီတ့ၤစ့တဘ့ၣ် လီၤတယၢၢ်ၡက့လးတက ယၤသၢဆံ, သလၢစ့တဖျၢၣ်လီၤတယၢၢ်ၡက့လးနွံဆံ, ဒ်လီၢ်စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ် ကမူၣ်ဃါဃုာ်ဒီးသိ လၢတၢ်မၤဘူၣ်ကိၣ်အဂီၢ်, 38 နီၣ် တၢၤထူတဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ် နၢမူဆိၣ်ကဲၤ, 39 ဂီၤဖံးဖါဖိတဒု, သိဖိတဒု, သိဖိတ နံၣ်ဖိတဒုလၢတၢ်လုၢ်မ့ၣ်အူအဂီၢ်, 40 မဲာ်တဲးလဲးဖိတဒု လၢတၢ်လုၢ်တၢ်ဒဲးဘးအဂီၢ်, 41 ဒီးဂီၤဖံးဖါခံဒု, သိဖါ ယဲၢ်ဒု, မဲာ်တဲးလဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ် လုၢ်မၤဃူမၤဖိးအဂီၢ်လီၤ. အဝဲန့ၣ်မ့ၢ်စီၤစူၤရံၡးဒံၤအဖိ ခွါစီၤၡလူမံၤအ့လးအတၢ်မၤဘူၣ်လီၤ.
42 ဃုနံၤတနံၤန့ၣ် ပှၤကးဖိအပဒိၣ်စီၤဒဧူၤအ့လးအဖိခွါ စီၤအ့လယၤစာ်, မၤဘူၣ်တၢ်လီၤ. 43 အတၢ်မၤဘူၣ်န့ၣ် မ့ၢ်သီတ့ၤစ့တဘ့ၣ် လီၤတယၢၢ်ၡက့လးတကယၤသၢ ဆံ, သလၢစ့တဖျၢၣ်လီၤတယၢၢ်ၡက့လးနွံဆံ, ဒ်လီၢ် စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ်ကမူၣ် ဃါဃုာ်ဒီးသိလၢတၢ်မၤဘူၣ်ကိၣ်အဂီၢ်, 44 နီၣ်တၢၤထူ တဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ်နၢမူဆိၣ် ကဲၤ, 45 ဂီၤဖံးဖါဖိတဒု, သိဖိတဒု, သိဖိတနံၣ်ဖိတဒု လၢတၢ်လုၢ်မ့ၣ်အူအဂီၢ်, 46 မဲာ်တဲးလဲးဖိတဒုလၢတၢ်လုၢ် တၢ်ဒဲးဘးအဂီၢ်, 47 ဒီးဂီၤဖံးဖါခံဒု, သိဖါယဲၢ်ဒု, မဲာ်တဲး လဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ်လုၢ်မၤဃူမၤဖိး အဂီၢ်လီၤ. အဝဲန့ၣ်မ့ၢ်စီၤဒဧူၤအ့လးအဖိခွါစီၤအ့လယၤ စာ်အတၢ်မၤဘူၣ်လီၤ.
48 နွံနံၤတနံၤန့ၣ် ပှၤအ့ဖရဲၣ်ဖိအပဒိၣ်စီၤဧးမံၤဟူးအဖိ ခွါစီၤအလံၡမၤ, မၤဘူၣ်တၢ်လီၤ. 49 အတၢ်မၤဘူၣ်န့ၣ် မ့ၢ်သီတ့ၤစ့တဘ့ၣ် လီၤတယၢၢ်ၡက့လးတကယၤသၢ ဆံ, သလၢစ့တဖျၢၣ်လီၤတယၢၢ်ၡက့လးနွံဆံ, ဒ်လီၢ် စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ်ကမူၣ် ဃါဃုာ်ဒီးသိလၢတၢ်မၤဘူၣ်ကိၣ်အဂီၢ်, 50 နီၣ်တၢၤထူ တဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ်နၢမူဆိၣ် ကဲၤ, 51 ဂီၤဖံးဖါဖိတဒု, သိဖိတဒု, သိဖိတနံၣ်ဖိတဒု လၢတၢ်လုၢ်မ့ၣ်အူအဂီၢ်, 52 မဲာ်တဲးလဲးဖိတဒုလၢတၢ်လုၢ် တၢ်ဒဲးဘးအဂီၢ်, 53 ဒီးဂီၤဖံးဖါခံဒု, သိဖါယဲၢ်ဒု, မဲာ်တဲး လဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ်လုၢ်မၤဃူမၤဖိး အဂီၢ်လီၤ. အဝဲန့ၣ်မ့ၢ်စီၤဧးမံၤဟူးအဖိခွါစီၤအလံၡမၤ အတၢ်မၤဘူၣ်လီၤ.
54 ဃိးနံၤတနံၤန့ၣ် ပှၤမနၤရှ့ၤဖိအပဒိၣ် စီၤပဒၤစူၢ်အ ဖိခွါစီၤကမၤလ့လး, မၤဘူၣ်တၢ်လီၤ. 55 အတၢ်မၤဘူၣ် န့ၣ်မ့ၢ်သီတ့ၤစ့တဘ့ၣ် လီၤတယၢၢ်ၡက့လးတကယၤ သၢဆံ, သလၢစ့တဖျၢၣ် လီၤတယၢၢ်ၡက့လးနွံဆံ, ဒ်လီၢ်စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ် ကမူၣ်ဃါဃုာ်ဒီးသိ လၢတၢ်မၤဘူၣ်ကိၣ်အဂီၢ်, 56 နီၣ် တၢၤထူတဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ် နၢမူဆိၣ်ကဲၤ, 57 ဂီၤဖံးဖါဖိတဒု, သိဖိတဒု, သိဖိတ နံၣ်ဖိတဒုလၢတၢ်လုၢ်မ့ၣ်အူအဂီၢ်, 58 မဲာ်တဲးလဲးဖိတဒု လၢတၢ်လုၢ်တၢ်ဒဲးဘးအဂီၢ်, 59 ဒီးဂီၤဖံးဖါခံဒု, သိဖါ ယဲၢ်ဒု, မဲာ်တဲးလဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ် လုၢ်မၤဃူမၤဖိးအဂီၢ်လီၤ. အဝဲန့ၣ်မ့ၢ် စီၤပဒၤစူၢ်အဖိခွါ စီၤကမၤလ့လးအတၢ်မၤဘူၣ်လီၤ.
60 ခွံနံၤတနံၤန့ၣ် ပှၤဘံၣ်ယၤမံၣ်ဖိအပဒိၣ်စီၤကံးဒဧိနံၤ အဖိခွါစီၤအဘံဒၣ်, မၤဘူၣ်တၢ်လီၤ. 61 အတၢ်မၤဘူၣ် န့ၣ်မ့ၢ်သီတ့ၤစ့တဘ့ၣ် လီၤတယၢၢ်ၡက့လးတကယၤ သၢဆံ, သလၢစ့တဖျၢၣ် လီၤတယၢၢ်ၡက့လးနွံဆံ, ဒ်လီၢ်စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ် ကမူၣ်ဃါဃုာ်ဒီးသိ လၢတၢ်မၤဘူၣ်ကိၣ်အဂီၢ်, 62 နီၣ် တၢၤထူတဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ် နၢမူဆိၣ်ကဲၤ, 63 ဂီၤဖံးဖါဖိတဒု, သိဖိတဒု, သိဖိတ နံၣ်ဖိတဒုလၢတၢ်လုၢ်မ့ၣ်အူအဂီၢ်, 64 မဲာ်တဲးလဲးဖိတဒု လၢတၢ်လုၢ်တၢ်ဒဲးဘးအဂီၢ်, 65 ဒီးဂီၤဖံးဖါခံဒု, သိဖါ ယဲၢ်ဒု, မဲာ်တဲးလဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ် လုၢ်မၤဃူမၤဖိးအဂီၢ်လီၤ. အဝဲန့ၣ်မ့ၢ်စီၤကံးဒဧိနံၤအဖိ ခွါစီၤအဘံဒၣ်အတၢ်မၤဘူၣ်လီၤ.
66 ဆံဆဲၣ်နံၤတနံၤန့ၣ် ပှၤဒၣ်ဖိအပဒိၣ်စီၤဧးမံၤၡးဒံၤအ ဖိခွါစီၤအဃံၤဧ့စ့ၢ်မၤဘူၣ်တၢ်လီၤ. 67 အတၢ်မၤဘူၣ်န့ၣ် မ့ၢ်သီတ့ၤစ့တဘ့ၣ် လီၤတယၢၢ်ၡက့လးတကယၤသၢ ဆံ, သလၢစ့တဖျၢၣ်လီၤတယၢၢ်ၡက့လးနွံဆံ, ဒ်လီၢ် စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ်ကမူၣ် ဃါဃုာ်ဒီးသိလၢတၢ်မၤဘူၣ်ကိၣ်အဂီၢ်, 68 နီၣ်တၢၤထူ တဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ်နၢမူဆိၣ် ကဲၤ, 69 ဂီၤဖံးဖါဖိတဒု, သိဖိတဒု, သိဖိတနံၣ်ဖိတဒု လၢတၢ်လုၢ်မ့ၣ်အူအဂီၢ်, 70 မဲာ်တဲးလဲးဖိတဒုလၢတၢ်လုၢ် တၢ်ဒဲးဘးအဂီၢ်, 71 ဒီးဂီၤဖံးဖါခံဒု, သိဖါယဲၢ်ဒု, မဲာ်တဲး လဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ်လုၢ်မၤဃူမၤဖိး အဂီၢ်လီၤ. အဝဲန့ၣ်မ့ၢ်စီၤဧးမံၤၡးဒံၤအဖိခွါစီၤအဃံၤဧ့စ့ၢ် အတၢ်မၤဘူၣ်လီၤ.
72 တဆံတနံၤအနံၤန့ၣ် ပှၤအၤရှ့ၢ်ဖိအပဒိၣ်စီၤဧးကရၣ် အဖိခွါစီၤပးကံၤအ့လးမၤဘူၣ်တၢ်လီၤ. 73 အတၢ်မၤဘူၣ် န့ၣ်မ့ၢ်သီတ့ၤစ့တဘ့ၣ် လီၤတယၢၢ်ၡက့လးတကယၤ သၢဆံ, သလၢစ့တဖျၢၣ် လီၤတယၢၢ်ၡက့လးနွံဆံ, ဒ်လီၢ်စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ် ကမူၣ်ဃါဃုာ်ဒီးသိ လၢတၢ်မၤဘူၣ်ကိၣ်အဂီၢ်, 74 နီၣ် တၢၤထူတဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ် နၢမူဆိၣ်ကဲၤ, 75 ဂီၤဖံးဖါဖိတဒု, သိဖိတဒု, သိဖိတ နံၣ်ဖိတဒုလၢတၢ်လုၢ်မ့ၣ်အူအဂီၢ်, 76 မဲာ်တဲးလဲးဖိတဒု လၢတၢ်လုၢ်တၢ်ဒဲးဘးအဂီၢ်, 77 ဒီးဂီၤဖံးဖါခံဒု, သိဖါ ယဲၢ်ဒု, မဲာ်တဲးလဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ် လုၢ်မၤဃူမၤဖိးအဂီၢ်လီၤ. အဝဲန့ၣ်မ့ၢ်စီၤဧးကရၣ်အဖိ ခွါစီၤပးကံၤအ့လးအတၢ်မၤဘူၣ်လီၤ.
78 တဆံခံနံၤတနံၤန့ၣ် ပှၤနးသၤလံပဒိၣ်စီၤဧ့နၣ်အဖိခွါ စီၤအဃံရၤ, မၤဘူၣ်တၢ်လီၤ. 79 အတၢ်မၤဘူၣ်န့ၣ်မ့ၢ် သီတ့ၤစ့တဘ့ၣ် လီၤတယၢၢ်ၡက့လး တကယၤသၢ ဆံ, သလၢစ့တဖျၢၣ်လီၤတယၢၢ်ၡက့လးနွံဆံ, ဒ်လီၢ် စီဆှံအၡက့လးအသိးန့ၣ်, ပှဲၤဝဲခံမံၤလိာ်ဒီးကိၣ်ကမူၣ် ဃါဃုာ်ဒီးသိလၢတၢ်မၤဘူၣ်ကိၣ်အဂီၢ်, 80 နီၣ်တၢၤထူ တဘ့ၣ်လီၤတယၢၢ်ၡက့လးတဆံ, ပှဲၤဝဲဒီးတၢ်နၢမူဆိၣ် ကဲၤ, 81 ဂီၤဖံးဖါဖိတဒု, သိဖိတဒု, သိဖိတနံၣ်ဖိတဒု လၢတၢ်လုၢ်မ့ၣ်အူအဂီၢ်, 82 မဲာ်တဲးလဲးဖိတဒုလၢတၢ်လုၢ် တၢ်ဒဲးဘးအဂီၢ်, 83 ဒီးဂီၤဖံးဖါခံဒု, သိဖါယဲၢ်ဒု, မဲာ်တဲး လဲးဖါယဲၢ်ဒု, သိဖိတနံၣ်ဖိယဲၢ်ဒုလၢတၢ်လုၢ်မၤဃူမၤဖိး အဂီၢ်လီၤ. အဝဲန့ၣ်မ့ၢ်စီၤဒဧူၤအ့လးအဖိခွါစီၤအ့လယၤ စာ်အတၢ်မၤဘူၣ်လီၤ.
84 အဝဲန့ၣ်မ့ၢ်တၢ်ပာ်စီဆှံတၢ်လုၢ်လီၢ်, လၢမုၢ်နံၤလၢအ ဘၣ်တၢ်ဖှူအီၤလၢ ပှၤအံၣ်စရ့လးဖိအပဒိၣ်တဆံခံဂၤ လီၤ. သီတ့ၤစ့တဆံခံဘ့ၣ်, သလၢစ့တဆံခံဖျၢၣ်, နီၣ် တၢၤထူတဆံခံဘ့ၣ်, 85 သီတ့ၤစ့တဘ့ၣ်လီၤတယၢၢ်ၡက့ လးတကယၤသၢဆံစုာ်စုာ်, သလၢတဖျၢၣ်နွံဆံစုာ်စုာ် လီၤ. သီတ့ၤစ့ဒီးသလၢစ့ခဲလၢာ်လီၤတယၢၢ်ၡက့လးခံ ကထိဒီးလွံၢ်ကယၤဒ်လီၢ်စီဆှံအၡက့လးအသိးန့ၣ်လီၤ.
86 နီၣ်တၢၤထူန့ၣ်အိၣ်တဆံခံဘ့ၣ်ပှဲၤဒီး တၢ်နၢမူဆိၣ် ကဲၤ, တဘ့ၣ်ဆံဆဲၣ်ၡက့လး, တဘ့ၣ်ဆံဆဲၣ်ၡက့လး ဒ်လီၢ်စီဆှံ အၡက့လးအသိးန့ၣ်လီၤ. နီၣ်တၢၤထူခဲ လၢာ်မ့ၢ်ၡက့လးတကယၤဒီးခံဆံလီၤ.
87 ကယဲၢ်ဂီၤဖံးဖါ လၢတၢ်လုၢ်မ့ၣ်အူအဂီၢ်န့ၣ်မ့ၢ်တဆံ ခံဒု, သိဖါတဆံခံဒု, သိဖိတနံၣ်ဖိတဆံခံဒု, အိၣ်ဒီး အတၢ်မၤဘူၣ်ကိၣ်လီၤ. ဒီးမဲာ်တဲးလဲးဖိ လၢတၢ်လုၢ် တၢ်ဒဲးဘးအဂီၢ်န့ၣ်အိၣ်တဆံခံဒုလီၤ.
88 ဒီးကယဲၢ်ဂီၤဖံးလၢတၢ်လုၢ်မၤဃူမၤဖိးအဂီၢ်န့ၣ် မ့ၢ်ခံ ဆံလွံၢ်ဒု, သိဖါဃုဆံ, မဲာ်တဲးလဲးဖါဃုဆံ, သိဖိတ နံၣ်ဖိဃုဆံလီၤ. အဝဲန့ၣ်မ့ၢ်တၢ်ပာ်စီဆှံတၢ်လုၢ်လီၢ်လၢ အဘၣ်တၢ်ဖှူအသးအလီၢ်ခံန့ၣ်လီၤ.
89 ဒီးတုၤစီၤမိၤရှ့လဲၤနုာ်လၢတၢ်အိၣ်ဖှိၣ်အဒဲပူၤ, ဒ်သိး အကကတိၤတၢ်ဒီးအီၤဒီး, နၢ်ဟူဝဲလၢတၢ်ကလုၢ်က တိၤတၢ်ဒီးအီၤ လၢတၢ်မၤပူၤဖျဲးအလီၢ်အဖီခိၣ် လၢအ အိၣ်လၢတၢ်အၢၣ်လီၤအီလီၤအတလါအဖီခိၣ် လၢခ့ရူာ် ခံဂၤအဘၢၣ်စၢၤ, ဒီးကတိၤဝဲဒီးအီၤလီၤ.
8၈
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― ကတိၤ တၢ်ဒီးစီၤအၤဟရိၣ်, ဒီးစံးဘၣ်အီၤ, တုၤနဒွဲၣ်ထီၣ်မ့ၣ် အူဒၢဒီး, မ့ၣ်အူဒၢနွံဖျၢၣ်ဘၣ်ကပီၤထီၣ်သဃီၤဒီးမ့ၣ် အူဒၢမိၢ်ပှၢ်လီၤ.
3 ဒီးစီၤအၤဟရိၣ်မၤဝဲဒ်န့ၣ်လီၤ. ဒွဲၣ်ထီၣ်မ့ၣ်အူဒၢသ ဃီၤဒီးမ့ၣ်အူဒၢမိၢ်ပှၢ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.
4 ဒီးမ့ၣ်အူဒၢမိၢ်ပှၢ်န့ၣ် မ့ၢ်ထူပိာ်အသးလီၤပၢၢ်လၢအ ဘိ, ပၢၢ်လၢအဖီမ့ၢ်တၢ်ပိာ်အသးလီၤ. ဒ်တၢ်အဒိအ တဲာ်လၢယွၤဒုးနဲၣ်စီၤမိၤရှ့အသိးန့ၣ်, မၤမ့ၣ်အူဒၢမိၢ်ပှၢ် ဒ်န့ၣ်သိးလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 5 ဟံးန့ၢ် ပှၤလ့ၤဝံဖိလၢပှၤအံၣ်စရ့လးဖိအကျါ, ဒီးမၤကဆှီထီၣ် အီၤတက့ၢ်. 7 ဒီးဒ်သိးနကမၤကဆှီထီၣ်အီၤဒီးနဘၣ် မၤအီၤဒ်အံၤ, ဖှံထံကဆှီလၢအလိၤ, ဒီးမ်အလူၤအ ဆူၣ်လၢအညၣ်လိၤဒီဂၤညါ, ဒီးဆှုၣ်အကူအသိး, ဒီး မၤကဆှီထီၣ်အသးတက့ၢ်. 8 ဒီးမ်အဟံးန့ၢ်ဂီၤဖံးဖိတ ဒုဒီးအတၢ်မၤဘူၣ်ကိၣ်, ကိၣ်ကမူၣ်ဃါဃုာ်အသးဒီး သိန့ၣ်တက့ၢ်. ဒီးနဘၣ်ဟံးန့ၢ်ဂီၤဖံးဖိခံဒုတဒုလၢတၢ် လုၢ်တၢ်ဒဲးဘးအဂီၢ်လီၤ.
9 ဒီးနဘၣ်ဟဲစိာ်ပှၤလ့ၤဝံဖိ ဆူတၢ်အိၣ်ဖှိၣ်အဒဲအမဲာ် ညါ, ဒီးဒုးအိၣ်ဖှိၣ်ပှၤအံၣ်စရ့လးဖိ အတၢ်အိၣ်ဖှိၣ်ခဲ လၢာ်လီၤ.
10 ဒီးနဘၣ်ပာ်လီၤပှၤလ့ၤဝံဖိလၢယွၤအမဲာ်ညါဒီး ပှၤ အံၣ်စရ့လးဖိဘၣ်ပာ်အစုလၢပှၤလ့ၤဝံဖိအလိၤလီၤ.
11 ဒီးစီၤအၤဟရိၣ် ဘၣ်ဝၢ်ပှၤလ့ၤဝံဖိလၢယွၤအမဲာ်ညါ, ပှၤအံၣ်စရ့လးဖိအတၢ်ဝၢ်, ဒ်သိးအကမၤယွၤအကုၢ်အ ပှၤအတၢ်မၤဒီးအိၣ်ဝဲလီၤ.
12 ဒီးပှၤလ့ၤဝံဖိ ဘၣ်ပာ်အစုလၢဂီၤဖံးဖါအခိၣ်တဖၣ်, ဒီးနဘၣ်လုၢ်ယွၤလၢတဒုလၢ တၢ်လုၢ်တၢ်ဒဲးဘးအဂီၢ်, ဒီးတဒုလၢတၢ်လုၢ်မ့ၣ်အူအဂီၢ်, ဒ်သိးအကမၤတၢ်ပူၤ ဖျဲးလၢပှၤလ့ၤဝံဖိအဂီၢ်လီၤ.
13 ဒီးနဘၣ်ပာ်ပှၤလ့ၤဝံဖိလၢ စီၤအၤဟရိၣ်အမဲာ်ညါ, ဒီးလၢအဖိခွါတဖၣ်အမဲာ်ညါ, ဒီးဝၢ်အီၤလၢ တၢ်ဝၢ် လၢယွၤအဂီၢ်လီၤ.
14 ဒီးနဘၣ်နီၤဖးပှၤလ့ၤဝံဖိလၢ ပှၤအံၣ်စရ့လးဖိအကျါ, ဒီးပှၤလ့ၤဝံဖိကကဲထီၣ်ယတၢ်လီၤ.
15 လၢခံက့ၤဒီးပှၤလ့ၤဝံဖိဘၣ်လဲၤနုာ်ဒ်သိး အကမၤတၢ် အိၣ်ဖှိၣ်အဒဲအတၢ်မၤလီၤ. ဒီးနဘၣ်မၤကဆှီထီၣ်အီၤ ဒီးဝၢ်အီၤလၢတၢ်ဝၢ်လီၤ.
16 အဂ့ၢ်ဒ်အံၤ, အဝဲသ့ၣ်တဖၣ်န့ၣ်ဘၣ်တၢ်ဟ့ၣ်လီၤအီၤ သပှၢ်တၢၢ်လၢယၤလၢ ပှၤအံၣ်စရ့လးဖိအကျါလၢပှၤ လၢအအိးထီၣ်ပှၤအဒၢလီၢ်ခဲလၢာ်အလီၢ်လီၤ. ယဟံး န့ၢ်လံအီၤလၢယဂီၢ်လၢကယဲၢ်ပှၤဝဲၢ်ကိ လၢပှၤအံၣ်စရ့ လးဖိအကျါအလီၢ်လံ.
17 အဂ့ၢ်ဒ်အံၤ, ကယဲၢ်တၢ်ဝဲၢ်ကိလၢပှၤအံၣ်စရ့လးဖိအ ကျါ, ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, မ့ၢ်ယတၢ် လီၤ. မုၢ်တနံၤလၢယကျီသံကွံာ်ကယဲၢ်တၢ်ဝဲၢ်ကိလၢ ကီၢ်အဲၤကူပတူးအပူၤန့ၣ်ယပာ်စီဆှံအီၤလၢသုဂီၢ်လီၤ.
18 ယဟံးန့ၢ်လံပှၤလ့ၤဝံဖိလၢ တၢ်ဝဲၢ်ကိလၢပှၤအံၣ်စရ့ လးဖိအကျါခဲလၢာ်အလီၢ်လံ.
19 ဒီးယဟ့ၣ်လီၤလံပှၤလ့ၤဝံဖိ လၢတၢ်ဟ့ၣ်လၢစီၤအၤ ဟရိၣ်, ဒီးလၢအဖိခွါတဖၣ်လၢပှၤအံၣ်စရ့လးဖိအကျါ, ဒ်သိးအကမၤ ပှၤအံၣ်စရ့လးဖိအတၢ်မၤ လၢတၢ်အိၣ် ဖှိၣ်အဒဲပူၤ, ဒီးမၤတၢ်ပူၤဖျဲးလၢပှၤအံၣ်စရ့လးဖိအဂီၢ်, ဒ်သိးပှၤအံၣ်စရ့လးဖိ မ့ၢ်သုးဘူးအသးဆူတၢ်အလီၢ်စီ ဆှံအအိၣ်ဒီး, တၢ်သံသတြိာ်အသုတအိၣ်တဂ့ၤလီၤ.
20 ဒီးစီၤမိၤရှ့, ဒီးစီၤအၤဟရိၣ်, ဒီးကယဲၢ်ပှၤအံၣ်စရ့ လးဖိအတၢ်အိၣ်ဖှိၣ်န့ၣ် မၤပှၤလ့ၤဝံဖိဒ်ကယဲၢ်တၢ်လၢ ယွၤမၤလိာ်စီၤမိၤရှ့လၢ ပှၤလ့ၤဝံဖိအဂ့ၢ်အကျိၤ အသိး န့ၣ်လီၤ. ပှၤအံၣ်စရ့လးဖိမၤအီၤဒ်န့ၣ်လီၤ.
21 ဒီးပှၤလ့ၤဝံဖိ မၤကဆှီထီၣ်အသးဒီး ဆှုၣ်အကူအ သိး, ဒီးစီၤအၤဟရိၣ်ဝၢ်အီၤ လၢတၢ်ဝၢ်လၢယွၤအမဲာ် ညါ, ဒီးစီၤအၤဟရိၣ်မၤတၢ်ပူၤဖျဲးလၢအဂီၢ်, ဒ်သိးအ ကမၤကဆှီထီၣ်အီၤလီၤ.
22 လၢခံက့ၤဒီး ပှၤလ့ၤဝံဖိလဲၤနုာ်မၤတၢ်မၤလၢတၢ်အိၣ် ဖှိၣ်အဒဲပူၤလၢ စီၤအၤဟရိၣ်ဒီးအဖိခွါတဖၣ်အမဲာ်ညါ လီၤ. ဒ်ယွၤမၤလိာ်စီၤမိၤရှ့လၢ ပှၤလ့ၤဝံဖိအဂ့ၢ်အကျိၤ အသိးန့ၣ်မၤအီၤဒ်န့ၣ်သိးလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 23 တၢ် အံၤတမံၤဘၣ်ဃးဒီးပှၤလ့ၤဝံဖိ, လၢအသးပှၢ်ခံဆံယဲၢ် နံၣ်ဒီးအါန့ၢ်အန့ၣ်ဘၣ်လဲၤနုာ်လၢ တၢ်သုးမုၢ်အတၢ်မၤ အကျါ, ဒ်သိးအကမၤတၢ်အိၣ်ဖှိၣ်အဒဲအတၢ်မၤလီၤ.―
25 ဒီးတုၤအသးပှၢ်ပှဲၤထီၣ်အနံၣ်ယဲၢ်ဆံဒီး, ဘၣ်ဟဲက့ၤက ဒါက့ၤလၢတၢ်သုးမုၢ်အတၢ်မၤလီၤ. ဒီးတမၤလၢၤဘၣ် ဝဲဘၣ်. 26 ဒီးကမၤတၢ်အခ့အပှၤအတၢ်မၤဒီးအဒီပုၢ်ဝဲၢ် တဖၣ်လၢတၢ်အိၣ်ဖှိၣ်အဒဲပူၤ, ဒ်သိးအကကွၢ်တၢ်ကွၢ်, ဒီးတမၤလၢၤဘၣ်တၢ်အကုၢ်အပှၤအတၢ်မၤဘၣ်. နဘၣ် မၤပှၤလ့ၤဝံဖိလၢအတၢ်ကွၢ်အဂ့ၢ်အကျိၤဒ်န့ၣ်သိးလီၤ.
9၉
1 လၢအဟးထီၣ်ကွံာ်လၢကီၢ်အဲၤကူပတူးအပူၤန့ၣ် ခံ နံၣ်တနံၣ်လါခီၣ်ထံးတလါန့ၣ်, ယွၤကတိၤတၢ်ဒီးစီၤ မိၤရှ့လၢပှၢ်မုၢ်ကနၢစံၤနါအပူၤဒီးစံးဝဲဒၣ်, 2 မ်ပှၤအံၣ်စ ရ့လးဖိမၤဘူၣ်လဲၤကပာ်လၢ အဆၢအကတီၢ်ဒၣ်ဝဲန့ၣ် တက့ၢ်.
3 လါတလါအံၤတဆံလွံၢ်နံၤတနံၤ လၢမုၢ်ဟါန့ၣ်သု ဘၣ်မၤအီၤလၢအဆၢအကတီၢ်ဒၣ်ဝဲလီၤ. ဒ်အလုၢ်အ လၢ်ခဲလၢာ်အသိး, ဒီးဒ်တၢ်စံၣ်ညီၣ် ဘၣ်ဃးဒီးအီၤခဲ လၢာ်အသိးန့ၣ်သုဘၣ်တိၢ်န့ၢ်အီၤလီၤ.
4 ဒီးစီၤမိၤရှ့စံးဘၣ်ပှၤအံၣ်စရ့လးဖိ ဒ်သိးအကမၤဘူၣ် လဲၤကပာ်လီၤ. 5 ဒီးလါခီၣ်ထံးတလါထီၣ်တဆံလွံၢ် နံၤတနံၤလၢမုၢ်ဟါန့ၣ်မၤဝဲလၢ ဘူၣ်လဲၤကပာ်လၢပှၢ် မုၢ်ကနၢစံၤနါအပူၤလီၤ. ဒ်ကယဲၢ်တၢ်လၢယွၤမၤလိာ် စီၤမိၤရှ့အသိးန့ၣ်, ပှၤအံၣ်စရ့လးဖိမၤဝဲဒ်န့ၣ်သိးလီၤ.
6 ဒီးပှၤကညီအိၣ်ဝဲတနီၤနီၤ, လၢအဘၣ်တၢ်တကဆှီ ဘၣ်လၢပှၤအစိၣ်အဃိသတးဒီး, လၢမုၢ်တနံၤန့ၣ်တိၢ် န့ၢ်ဘူၣ်လဲၤကပာ်တသ့ဘၣ်. ဒီးလၢမုၢ်တနံၤန့ၣ်ဟဲဝဲ ဆူစီၤမိၤရှ့ဒီးစီၤအၤဟရိၣ်အအိၣ်, 7 ဒီးစံးဘၣ်အီၤ, ပဝဲ ဒၣ်အံၤပဘၣ်တကဆှီဘၣ်လၢ ပှၤတဂၤအစိၣ်နာ်သက့ ဒီး, တၢ်တြီပှၤဒ်သိးပသုတမၤဘူၣ်ယွၤအတၢ်မၤဘူၣ် လၢအဆၢအကတီၢ်ဒၣ်ဝဲ, လၢပှၤအံၣ်စရ့လးဖိအကျါ န့ၣ်မ့ၢ်အဘၣ်မနုၤလဲၣ်.
8 ဒီးစီၤမိၤရှ့စံးဘၣ်အီၤ, အိၣ်ဆၢထၢၣ်တက့ၢ်. ဒီး ယွၤကမၤလိာ်တၢ်လၢသုဂ့ၢ်သုကျိၤ ဒ်လဲၣ်ဒ်လဲၣ်န့ၣ် ယကဒိကနၣ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 9 ကတိၤ တၢ်ဒီးပှၤအံၣ်စရ့လးဖိဒီးစံးဘၣ်အီၤ, ဖဲဒၣ်ပှၤလၢသု ကျါမ့ၢ်ဂ့ၤ, လၢသုစၢၤသုသွဲၣ်အကျါမ့ၢ်ဂ့ၤ, မ့ၢ်ဘၣ် တၢ်တကဆှီဘၣ်လၢတၢ်အစိၣ်မ့ၢ်ဂ့ၤ, မ့ၢ်အိၣ်လၢကျဲ ပူၤလၢအယံၤမ့ၢ်ဂ့ၤ, ကဘၣ်တိၢ်န့ၢ်ဘူၣ်လဲၤကပာ်လၢ ယွၤအဂီၢ်လီၤ.
11 ခံလါတလါထီၣ် တဆံလွံၢ်နံၤတနံၤလၢမုၢ်ဟါန့ၣ် ဘၣ်တိၢ်န့ၢ်အီၤလီၤ. ဘၣ်အီၣ်ကိၣ်တအိၣ်ဒီးကိၣ်မံၣ်ဒီး တၢ်ခၣ်လီၤ. 12 ဒီးတဘၣ်ပာ်လီၤတဲာ်ဘၣ်တုၤမုၢ်ဂီၤနီ တစဲးဘၣ်, ဒီးတဘၣ်ဘိးကၢ်အဃံနီတဘိဘၣ်. ဒ် ကယဲၢ်ဘူၣ်လဲၤကပာ်အလုၢ်အလၢ်အသိးန့ၣ် ဘၣ်တိၢ် န့ၢ်အီၤလီၤ.
13 မ့မ့ၢ်ပှၤအကဆှီ, တအိၣ်ဘၣ်လၢအတၢ်လဲၤတၢ်က့ၤ အပူၤဘၣ်န့ၣ်မ့ၢ်တတိၢ်န့ၢ် ဘူၣ်လဲၤကပာ်ဘၣ်ဒီး, က ဘၣ်တၢ်ဒီၣ်တဲာ်ကွံာ်အီၤဒီး အပှၤတကလုာ်ဒၣ်ဝဲလီၤ. အဂ့ၢ်ဒ်အံၤ, တၢ်မၤဘူၣ်ယွၤအတၢ်မၤဘူၣ်လၢ အဆၢ အကတီၢ်ဒၣ်ဝဲ, တဟဲစိာ်ဘၣ်ဝဲဘၣ်, ပှၤတဂၤန့ၣ် ကဘၣ်အတၢ်ဒဲးဘးလီၤ.
14 ဒီးပှၤတခီဘီမုၢ်ဖိလၢအအိၣ်အဆိး လၢသုကျါတဂၤ မ့ၢ်ဘၣ်အသးလၢအကတိၢ်န့ၢ် တၢ်လဲၤကပာ်လၢယွၤ အဂီၢ်, ဒ်တၢ်လဲၤကပာ်အလုၢ်အလၢ်အသိး, ဒီးဒ်တၢ် စံၣ်ညီၣ်ဘၣ်ဃးဒီးအီၤအသိးန့ၣ်ဘၣ်မၤဒ်န့ၣ်လီၤ. သု ဘၣ်အိၣ်ဒီးတၢ်အလုၢ်အလၢ်တမံၤဃီလၢပှၤတခီဘီမုၢ် ဖိအဂီၢ်, ဒီးလၢပှၤလၢအအိၣ်ဖျဲၣ်လၢကီၢ်ပူၤအဂီၢ်လီၤ.
15 ဒီးမုၢ်တနံၤလၢ ပှၤသူၣ်ထီၣ်တၢ်အိၣ်အလီၢ်န့ၣ် တၢ် အၢၣ်လီၤဘၢကွံာ်တၢ်အိၣ်အလီၢ်ဖဲ တၢ်အိၣ်ဖှိၣ်အဒဲဖီ ခိၣ်လီၤ. ဒီးလၢမုၢ်ဟါတုၤလီၤလၢမုၢ်ဂီၤန့ၣ် တၢ်လီၤ ဂာ်လၢမ့ၣ်အူအတၢ်ကပီၤအိၣ်ဝဲလၢ တၢ်အိၣ်ဖှိၣ်အလီၢ် အဖီခိၣ်လီၤ.
16 တၢ်မၤအသးဒ်န့ၣ် တထံၣ်ဃီလီၤ. လၢမုၢ်ဆါတၢ် အၢၣ်လီၤဘၢအီၤ, ဒီးလၢမုၢ်နၤတၢ်လီၤဂာ်လၢမ့ၣ်အူလီၤ.
17 ဒီးတုၤတၢ်အၢၣ်ထီထီၣ် လၢဒဲအဖီခိၣ်တဘျီလၢ်လၢ် ဒီးပှၤအံၣ်စရ့လးဖိ လဲၤတၢ်လၢအလီၢ်ခံလီၤ. ဒီးဖဲတၢ် အၢၣ်အိၣ်ဝဲဆိးဝဲအလီၢ်န့ၣ် ပှၤအံၣ်စရ့လးဖိသူၣ်အဒဲ ဖဲန့ၣ်လီၤ.
18 ဖဲယွၤအထးခိၣ် ပှၤအံၣ်စရ့လးဖိလဲၤတၢ်, ဒီးဖဲယွၤ အထးခိၣ်သူၣ်ဝဲအဒဲလီၤ. မုၢ်နံၤလၢတၢ်အၢၣ်အိၣ်ဝဲဆိး ဝဲလၢတၢ်အိၣ်အလီၢ်အဖီခိၣ်အဖၢမုၢ်ဒီး, အိၣ်ဝဲလၢအ ဒဲပူၤတကူၢ်သ့ၣ်လီၤ.
19 ဒီးတုၤတၢ်အၢၣ်အိၣ်ဝဲဆိးဝဲလၢ တၢ်အိၣ်အလီၢ်အဖီ ခိၣ်အါနံၤအါသီဒီး, ပှၤအံၣ်စရ့လးဖိတိၢ်န့ၢ်ယွၤအတၢ် မၤလိာ်, ဒီးတလဲၤဘၣ်ဝဲဘၣ်.
20 ဒီးဘၣ်တဘျီဘျီ လၢတၢ်အၢၣ်အိၣ်ဝဲလၢတၢ်အိၣ်အ လီၢ်အဖီခိၣ်မုၢ်နံၤစှၤနံၤစှၤသီလီၤ. အန့ၣ်ဒီး, ဖဲယွၤအ ထးခိၣ်, အိၣ်ဝဲဆိးဝဲလၢအဒဲတဖၣ်အပူၤ, ဒီးဖဲယွၤအ ထးခိၣ်လဲၤတၢ်လီၤ.
21 ဒီးဘၣ်တဘျီဘျီ လၢတၢ်အၢၣ်အိၣ်လၢမုၢ်ဟါတုၤ လၢမုၢ်ဂီၤ, ဒီးတုၤတၢ်အၢၣ်ထီထီၣ်လၢမုၢ်ဂီၤန့ၣ်ဒီး, တၢ် မၤအသးလၢအလဲၤဝဲလီၤ. မုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, တၢ်မ့ၢ်ဒုးထီထီၣ်တၢ်အၢၣ်ဒီး, လဲၤဝဲလီၤ.
22 တၢ်အၢၣ်မ့ၢ်အိၣ်လၢ တၢ်အိၣ်အလီၢ်အဖီခိၣ်ဒ်သိးအ ကအိၣ်ကဆိးခံနံၤမ့ၢ်ဂ့ၤ, တလါမ့ၢ်ဂ့ၤ, တနံၣ်မ့ၢ်ဂ့ၤ, ပှၤအံၣ်စရ့လးဖိ အိၣ်ဝဲလၢအဒဲတဖၣ်အပူၤဒီးတလဲၤ တၢ်ဘၣ်. မ့မ့ၢ်တုၤတၢ်ဒုးထီထီၣ်အီၤဒီး, လဲၤဝဲတကူၢ် သ့ၣ်လီၤ.
23 ဖဲယွၤအထးခိၣ်အိၣ်ဝဲလၢအဒဲတဖၣ်အပူၤ, ဒီးဖဲယွၤ အထးခိၣ်လဲၤတၢ်လီၤ. တၢ်မၤလိာ်ဖဲယွၤအထးခိၣ်လၢ စီၤမိၤရှ့အစုပူၤန့ၣ်တိၢ်န့ၢ်ဝဲလီၤ.
10၁၀
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်- တ့န့ၢ်ကွဲၤ စ့ခံဖျၢၣ်လၢနဂီၢ်တက့ၢ်. နဘၣ်ပိာ်အီၤလီၤ. ဒီးကအိၣ် လၢနဂီၢ်ဒ်သိးနကကိးထီၣ်တၢ်အိၣ်ဖှိၣ်, ဒီးဒ်သိးနက ဒုးလဲၤပှၤအိၣ်လၢသူၣ်ဒဲအလီၢ်ပူၤန့ၣ်အတၢ်လီၤ.
3 ဒီးတုၤပှၤအူထီၣ်အီၤဒီး, ပှၤအိၣ်ဖှိၣ်ဖိဘၣ်အိၣ်ဖှိၣ်လၢ နအိၣ်ဖဲတၢ်အိၣ်ဖှိၣ်အဒဲအကျဲစၢၤန့ၣ်ခဲလၢာ်လီၤ.
4 ဒီးပှၤမ့ၢ်အူတဖျၢၣ်ဧိၤဒီး, ပဒိၣ်တဖၣ်, ပှၤအံၣ်စရ့လး ဖိအကထိတဖၣ်အခိၣ်, ဘၣ်အိၣ်ဖှိၣ်လၢနအိၣ်လီၤ.
5 တုၤသုအူတၢ်အသီၣ်ဖးဒိၣ်ဒီး, ပှၤသူၣ်ဒဲလၢမုၢ်ထီၣ် တခီန့ၣ်ဘၣ်လဲၤတၢ်လီၤ.
6 တုၤသုအူတၢ်သီၣ်ဖးဒိၣ်ခံဘျီတဘျီန့ၣ်ဒီး, ပှၤသူၣ်ဒဲ လၢကလံၤထံးတခီန့ၣ် ဘၣ်လဲၤတၢ်လီၤ. လၢအလဲၤ တၢ်အဂီၢ်န့ၣ်ဘၣ်အူတၢ်လၢအသီၣ်ဖးဒိၣ်လီၤ.
7 တုၤပှၤအိၣ်ဖှိၣ်ဖိ ကအိၣ်ဖှိၣ်ဒီး, သုဘၣ်အူတၢ်ဘၣ် ဆၣ်ဒီး, တဘၣ်အိၣ်ဒီးတၢ်သီၣ်ဖးဒိၣ်ဘၣ်.
8 ဒီးပှၤလုၢ်တၢ်အဒိၣ်တဖၣ်, စီၤအၤဟရိၣ်အဖိခွါတ ဖၣ်ဘၣ်အူကွဲၤလီၤ. ဒီးကကဲထီၣ်လၢတၢ်အလုၢ်အလၢ် အထူအယိာ်ဒီးသုအစိၤစိၤအဃၣ်ဃၣ်လီၤ.
9 ဒီးသုမ့ၢ်ဒုးသုးလၢသုကီၢ်ပူၤဒီး သုဒုၣ်သုဒါလၢအမၤ အၢမၤသီသုဒီး, သုဘၣ်အူကွဲၤဒီးအသီၣ်ဖးဒိၣ်, ဒီးသု ကဘၣ်တၢ်သ့ၣ်နီၣ်ထီၣ်က့ၤသု လၢယွၤသုကစၢ်အမဲာ် ညါ, ဒီးသုကဘၣ်တၢ်အုၣ်က့ၤခီၣ်က့ၤသုလၢ သုဒုၣ် သုဒါအစုပူၤလီၤ.
10 ဒီးလၢသုသူၣ်ခုသးခုအမုၢ်နံၤတဖၣ်, ဒီးလၢသုမၤဘူၣ် အဆၢကတီၢ်, ဒီးလၢသုလါတဖၣ်အခီၣ်ထံးန့ၣ်သုဘၣ် အူကွဲၤဖဲသုတၢ်လုၢ်မ့ၣ်အူ, ဒီးဖဲသုတၢ်လုၢ်မၤဃူမၤဖိး, ဒ် သိးအကကဲထီၣ် နီၣ်သ့ၣ်နီၣ်ထီၣ်က့ၤတၢ်လၢသုဂီၢ်လၢသု ကစၢ်အမဲာ်ညါလီၤ. ယဲဒၣ်အံၤယမ့ၢ်ယွၤသုကစၢ်လီၤ.
11 ဒီးလၢခံနံၣ်တနံၣ်, လါခံလါတလါထီၣ်အနံၤခံဆံ န့ၣ်တၢ်မၤအသးလၢတၢ်ဒုးထီထီၣ် တၢ်အၢၣ်လၢတၢ် အၢၣ်လီၤအီလီၤအအိၣ်အလီၢ်အဖီခိၣ်လီၤ.
12 ဒီးပှၤအံၣ်စရ့လးဖိဟးထီၣ် လၢပှၢ်မုၢ်ကနၢစံၤနါအ ပူၤ, ဒီးတၢ်အၢၣ်အိၣ်ကတီၢ်ဝဲလၢပှၢ်မုၢ်ကနၢပၤရၣ်လီၤ.
13 ဟးဝဲလၢအခီၣ်ထံးတဘျီ ဒ်ယွၤမၤလိာ်တၢ်အသိး, လၢစီၤမိၤရှ့အစုပူၤလီၤ.
14 ဒီးလဲၤဆိလၢပှၤယူဒၤဖိ အပှၤသူၣ်ဒဲအသုးဖိအလၣ်, ဒ်အသုးမုၢ်တဖၣ်အသိးန့ၣ်, ဒီးစီၤဧမံၤနဒးအဖိခွါစီၤ နၤဃၡိၣ်အိၣ်ဝဲလၢအသုးမုၢ်အဖီခိၣ်လီၤ.
15 ဒီးစီၤစူဧၢ်အဖိခွါ စီၤနၤသန့လးအိၣ်ဝဲလၢပှၤယံးစၢ် ကၣ်အဒူၣ်အသုးမုၢ်အဖီခိၣ်လီၤ.
16 ဒီးစီၤဃ့လူၢ်အဖိခွါ စီၤအလံအာ်အိၣ်ဝဲလၢစဘူလိၣ် အဒူၣ်အသုးမုၢ်အဖီခိၣ်လီၤ.
17 ဒီးပှၤရူာ်လီၤကွံာ်တၢ်အိၣ်အလီၢ်, ဒီးစီၤက့ရၡိၣ်အဖိ ခွါတဖၣ်, ဒီးစီၤမရၤရံၤအဖိခွါတဖၣ် လဲၤစိာ်တၢ်အိၣ် အလီၢ်လီၤ.
18 ဒီးပှၤရူၤဘ့ၣ်ဖိအပှၤသူၣ်ဒဲအသုးဖိအလၣ် လဲၤဝဲဒ်အ သုးမုၢ်တဖၣ်အသိးန့ၣ်, ဒီးစီၤၡဒ့အူၢ်အဖိခွါစီၤအလံ စူၢ်အိၣ်ဝဲလၢအသုးမုၢ်အဖီခိၣ်န့ၣ်လီၤ.
19 ဒီးစီၤစူရံၡးဒံၤအဖိခွါ စီၤၡလူမံအ့လးအိၣ်ဝဲလၢပှၤစူၤ မ့းအိၣ်အဒူၣ်အသုးမုၢ်အဖီခိၣ်လီၤ.
20 ဒီးစီၤဒဧူၤအ့လးအဖိခွါ စီၤအ့လးယၤစာ်န့ၣ် အိၣ်ဝဲ လၢပှၤကးအဒူၣ်အသုးမုၢ်အဖီခိၣ်န့ၣ်လီၤ.
21 ဒီးပှၤကဃးဖိလဲၤစိာ်ထီၣ် တၢ်အလီၢ်စီဆှံလီၤ. ဒီး လၢအဝဲသ့ၣ် တချုးတုၤဒံးဘၣ်ဒီး, ပှၤသူၣ်ထီၣ်တၢ် အိၣ်ဖှိၣ်အလီၢ်လီၤ.
22 ဒီးပှၤအ့ဖရဲၣ်ဖိအပှၤသူၣ်ဒဲအသုးဖိအလၣ် လဲၤဝဲဒ် အသုးမုၢ်တဖၣ်အသိးန့ၣ်, ဒီးစီၤဧးမံဟူးအဖိခွါစီၤအ လံၡမၤန့ၣ်အိၣ်ဝဲလၢအသုးမုၢ်အဖီခိၣ်န့ၣ်လီၤ.
23 ဒီးစီၤပဒၤစူၢ်အဖိခွါစီၤကမၤလ့လးန့ၣ် အိၣ်ဝဲလၢပှၤ မနၤရှ့ၤအဒူၣ်အဖီခိၣ်လီၤ.
24 ဒီးစီၤကံးဒဧိၤနံၤအဖိခွါ စီၤအဘံဒၣ်အိၣ်ဝဲလၢပှၤဘံၣ် ယၤမံၣ်အဒူၣ်အသုးမုၢ်အဖီခိၣ်န့ၣ်လီၤ.
25 ဒီးပှၤဒၣ်ဖိ အပှၤသူၣ်ဒဲအသုးဖိအလၣ်န့ၣ် လဲၤတၢ် လီၤ. မ့ၢ်အအိၣ်လၢပှၤသူၣ်ဒဲအဖုတဖၣ်ခဲလၢာ်အလီၢ် ခံလၢအသုးမုၢ်တဖၣ်အကျါလီၤ. ဒီးစီၤဧးမံၤၡးဒံၤအဖိ ခွါစီၤအဃံၤဧ့စ့ၢ်အိၣ်ဝဲလၢအသုးမုၢ်အဖီခိၣ်န့ၣ်လီၤ.
26 ဒီးစီၤဧးကရၣ်အဖိခွါ စီၤပးကံၤအ့လးအိၣ်ဝဲလၢပှၤ အၤရှ့ၢ်အဒူၣ်အသုးမုၢ်အဖီခိၣ်လီၤ.
27 ဒီးစီၤဧ့နၣ်အဖိခွါ စီၤအဃံရၤအိၣ်ဝဲလၢပှၤနးသၤလံ အဒူၣ်အသုးမုၢ်အဖီခိၣ်န့ၣ်လီၤ.
28 ဒီးတုၤပှၤအံၣ်စရ့လးဖိလဲၤတၢ်ဒ်န့ၣ်ဒီး, မ့ၢ်အလဲၤဝဲ ဒ်အသုးမုၢ်တဖၣ်အသိးန့ၣ်လီၤ.
29 ဒီးစီၤမိၤရှ့စံးဘၣ်အမံၤပှၢ် ပှၤမံးဒယၣ်ဖိစီၤရဧူၤအ့လး အဖိခွါစီၤဃိဘာ် ဒီဘူးဒီတံၢ်ဒီးစီၤမိၤရှ့, ပဝဲဒၣ်အံၤပ လဲၤတၢ်ဆူတၢ်အလီၢ်လၢယွၤစံး, ယကဟ့ၣ်လီၤအီၤ လၢသုန့ၣ်လီၤ. ဟဲဒီးပှၤတက့ၢ်, ဒီးပကမၤဂ့ၤနၤလီၤ. အဂ့ၢ်ဒ်အံၤ, ယွၤကတိၤတၢ်ဂ့ၤလၢအံၣ်စရ့လးအဂ့ၢ်လီၤ.
30 ဒီးအဝဲဒၣ်စံးဘၣ်အီၤ, ယတလဲၤဘၣ်. ယကက့ၤက့ၤ ဆူယကီၢ်ဒၣ်ယဲ, ဒီးဆူယဘူးယတံၢ်ဒၣ်ယဲအအိၣ်လီၤ.
31 ဒီးစံးဝဲဒၣ်, လဲၤသဒၣ်လၢ်ပှၤတဂ့ၤ. အဂ့ၢ်ဒ်အံၤ, န သ့ၣ်ညါလၢပဘၣ်သူၣ်ဒဲလၢပှၢ်မုၢ်ကနၢလီၤ, ဒီးနက ကဲထီၣ်ဘၣ်လၢပဂီၢ်လၢပမဲာ်အလီၢ်လီၤ. 32 ဒီးနမ့ၢ်လဲၤ ဒီးပှၤဒီး, တၢ်ကမၤအသးလၢတၢ်ဂ့ၤလၢ ယွၤမၤပှၤန့ၣ် ပကမၤက့ၤနၤလၢတၢ်တမံၤဃီန့ၣ်သပှၢ်တၢၢ်လီၤ.
33 ဒီးဟးထီၣ်ဝဲလၢယွၤအကစၢၢ်သၢနံၤကျဲ, ဒီးလၢအ သၢနံၤကျဲန့ၣ် ယွၤအတၢ်အၢၣ်လီၤအီလီၤအတလါလဲၤ လၢအမဲာ်ညါဒ်သိး အကဃုန့ၢ်အအိၣ်ဘှံးအလီၢ်လၢ အဂီၢ်လီၤ.
34 တုၤအဟးထီၣ်ကွံာ်လၢ သူၣ်ဒဲအလီၢ်ဒီး, ယွၤအ တၢ်အၢၣ်အိၣ်လၢအဖီခိၣ်လၢမုၢ်ဆါခီလီၤ.
35 ဒီးတုၤတလါန့ၣ်လဲၤတၢ်လၢညါဒီး, တၢ်မၤအသး လၢစီၤမိၤရှ့စံးဝဲဒၣ်, ဂဲၤဆၢထၢၣ်ယွၤဧၢ, ဒီးမ်နဒုၣ်န ဒါလီၤပြံလီၤပြါတက့ၢ်. မ်ပှၤလၢအသးဟ့နၤန့ၣ်ဃ့ၢ် လၢနမဲာ်ညါတက့ၢ်.
36 ဒီးတုၤအအိၣ်ဘှံးဝဲဒီး, စံးဝဲဒၣ်, ဟဲက့ၤကဒါက့ၤ, ကစၢ်ဧၢ, ဆူအံၣ်စရ့လးအကထိတဖၣ်အစုတကလး တဖၣ်အအိၣ်န့ၣ်တက့ၢ်.
11၁၁
1 ဒီးပှၤဂီၢ်မုၢ်မၤသး ဒ်ပှၤကဒူးကဒ့ၣ်တၢ်အၢလၢယွၤ အနၢ်ပူၤ, ဒီးယွၤနၢ်ဟူဝဲ, ဒီးအသးထီၣ်, ဒီးယွၤအ မ့ၣ်အူကဲၤဝဲလၢအကျါဒီး အီၣ်ကွံာ်တၢ်လၢပှၤသူၣ်ဒဲ အလီၢ်အကတၢၢ်တဖၣ်န့ၣ်လီၤ.
2 ဒီးပှၤဂီၢ်မုၢ်န့ၣ်ကိးထီၣ်ဆူစီၤမိၤရှ့, ဒီးစီၤမိၤရှ့ဘါထု ကဖၣ်ယွၤ, ဒီးမ့ၣ်အူလီၤပံာ်ကွံာ်ဝဲလီၤ.
3 ဒီးယုၢ်တၢ်အလီၢ်န့ၣ်အမံၤလၢတးဘဧ့ရၤလီၤ. အဂ့ၢ် ဒ်အံၤ, ယွၤအမ့ၣ်အူအီၣ်တၢ်လၢအကျါလီၤ.
4 ဒီးပှၤဃါဃုာ်ဖိဂီၢ်မုၢ်လၢအကျါ သးကွံတၢ်, ဒီးပှၤ အံၣ်စရ့လးဖိစ့ၢ်ကီးဟီၣ်ကဒီး, ဒီးစံးဝဲဒၣ်, မ့ၢ်မတၤ ကဒုးအီၣ်ပှၤလၢတၢ်ညၣ်လဲၣ်, 5 ပသ့ၣ်နီၣ်ထီၣ်က့ၤဒ့ၣ် ဧိၤညၣ်ဧိၤလၢပအီၣ်လၢ ကီၢ်အဲၤကူပတူးအပူၤကလီ ကလီ, ဒံသၣ်န့ၣ်, ဒီးတဲၣ်တီသၣ်န့ၣ်, ဒီးပကျၢ, ဒီး ပသၢသၣ်ဂီၤ, ဒီးပသၢသၣ်ဝါလီၤ.
6 မ့မ့ၢ်ခဲကနံၣ်အံၤ ပသးဃ့ထီကွံာ်လံ. လၢမၤနၤအ ဖီခိၣ်န့ၣ်တၢ်တအိၣ်ဘၣ်လၢပမဲာ်ညါနီတမံၤဘၣ်.
7 ဒီးမၤနၤန့ၣ် မၤအသးဒ်နၣ်နၣ်အချံသိး, ဒီးအမဲာ် မၤသးဒ်ချိၣ်လ့ၤအမဲာ်အသိးန့ၣ်လီၤ.
8 ဒီးပှၤဂီၢ်မုၢ်လဲၤဝ့ၤဝီၤ, ဒီးထၢထီၣ်ဝဲ, ဒီးဂူာ်ဝဲလၢဆၢၣ် ဂူာ်မ့ၢ်ဂ့ၤ, တိၢ်ဝဲလၢဆၢၣ်ပူၤမ့ၢ်ဂ့ၤ, ဒီးကုၢ်ဝဲလၢသပၢၤ ပူၤ, ဒီးမၤကိၣ်ဘ့ၣ်ဘၣ်လၢအီၤလီၤ. ဒီးလ့ၣ်ကွၢ်အီၤ န့ၣ်မၤသးဒ်သိသံကစဲာ်အတၢ်လ့ၣ်ကွၢ်အသိးန့ၣ်လီၤ.
9 ဒီးတုၤပစီၤထံလီၤဘၣ်လၢပှၤသူၣ်ဒဲအလီၢ်ဒီး, မၤနၤ န့ၣ်လီၤဘၣ်လၢအဖီခိၣ်လီၤ.
10 ဒီးစီၤမိၤရှ့နၢ်ဟူပှၤဂီၢ်မုၢ်ဟီၣ်ဝဲလၢအဒူၣ်တဖၣ်, တ ဂၤဖဲအဒဲအကျဲစၢၤ, တဂၤဖဲအဒဲအကျဲစၢၤ, ဒီးယွၤအ သးထီၣ်ကဲၤထီၣ်ဝဲလီၤ. ဒီးမ့ၢ်တၢ်အၢလၢစီၤမိၤရှ့အမဲာ် စ့ၢ်ကီးလီၤ.
11 ဒီးစီၤမိၤရှ့စံးဘၣ်ယွၤ, ဘၣ်မနုၤလၢနမၤအၢနခ့နပှၤ လဲၣ်. ဒီးဘၣ်မနုၤလၢယတဘၣ်ဘျုးဘၣ်ဖှိၣ်လၢနမဲာ် ညါဒီး, နပာ်ပှၤဂီၢ်မုၢ်ခဲလၢာ်အံၤအတၢ်ဝံလၢယလိၤလဲၣ်.
12 ယဒၢထီၣ်ယဲပှၤဂီၢ်မုၢ်ခဲလၢာ်အံၤဧါ. ယထီၣ်ဖိအီၤယဲ ဧါ. ဒ်သိးနကစံးဘၣ်ယၤ, စိာ်အီၤလၢနသးနါပှၢ်ဒ်ပှၤ ကွၢ်ဖိသၣ်စိာ်ဖိဆံးအသိး ဆူကီၢ်လၢနဆိၣ်တၢ်လၢအ ဂ့ၢ်အကျိၤဒီးအပၢ်တဖၣ်န့ၣ်ဧါ.
13 ယကအိၣ်ဒီးတၢ်ညၣ်လၢ ယကဟ့ၣ်လီၤပှၤခဲလၢာ် အံၤလၢလဲၣ်. အဂ့ၢ်ဒ်အံၤ, ဟီၣ်ဝဲလၢယအိၣ်ဒီးစံးဝဲဒၣ်, ဟ့ၣ်လီၤပှၤလၢတၢ်ညၣ်ဒ်သိးပကအီၣ်တၢ်တက့ၢ်. 14 ယ စိာ်ယဲပှၤခဲလၢာ်အတၢ်အံၤတဂၤဃီတကဲဘၣ်. အဂ့ၢ် ဒ်အံၤ, ဃၢကဲၣ်ဆိးလၢယဂီၢ်လီၤ. 15 နမ့ၢ်မၤယၤဒ်န့ၣ် ဒီး, ယမ့ၢ်ဘၣ်ဘျုးဘၣ်ဖှိၣ်လၢနမဲာ်ညါဒီး, မၤသံလၢ် ယၤသပှၢ်တၢၢ်တက့ၢ်. ဒီးမ်ယသုတထံၣ်ဘၣ် ယတၢ် နးတၢ်ဖှီၣ်တဂ့ၤ.
16 ဒီးယွၤစံးဘၣ်စီၤမိၤရှ့, လၢယအိၣ်အံၤ ဒုးအိၣ်ဖှိၣ်ပ သူၣ်က့သးပှၢ်နွံဆံ လၢနသ့ၣ်ညါလၢအမ့ၢ်ပှၤဂီၢ်မုၢ်အ သူၣ်က့သးပှၢ်, ဒီးအပှၤကွဲးလံာ်, ဒီးဟဲစိာ်အီၤဆူတၢ် အိၣ်ဖှိၣ်အဒဲပူၤ, ဒ်သိးအကဆၢထၢၣ်ဖဲန့ၣ်ဒီးနၤအံၤတ က့ၢ်. 17 ဒီးယကဟဲလီၤဒီး ကတိၤတၢ်ဒီးနၤဖဲန့ၣ်, ဒီး ယကဟံးန့ၢ်သးလၢ အအိၣ်လၢနလိၤတနီၤ, ဒီးယက ပာ်လီၤလၢအလိၤ, ဒီးအဝဲသ့ၣ်ဘၣ်စိာ်ဒီးနၤလၢပှၤဂီၢ် မုၢ်သ့ၣ်အတၢ်ဝံ, ဒီးနတစိာ်ဘၣ်တဂၤဃီဘၣ်.
18 ဒီးစံးဘၣ်ပှၤဂီၢ်မုၢ်, မၤစီဆှံသုသးလၢခဲဂီၤကိာ်အဂီၢ် တက့ၢ်, ဒီးသုကအီၣ်တၢ်ညၣ်လီၤ. အဂ့ၢ်ဒ်အံၤ, သု ဟီၣ်လၢယွၤအနၢ်ပူၤဒီးစံး, မ့ၢ်မတၤကဒုးအီၣ်ပှၤလၢ တၢ်ညၣ်လဲၣ်, အဂ့ၢ်ဒ်အံၤ, လၢပအိၣ်လၢကီၢ်အဲၤကူ ပတူးအပူၤန့ၣ်တၢ်ဂ့ၤအိၣ်ဒီးပှၤလီၤ. ဒီးယွၤကဟ့ၣ်လီၤ သုလၢတၢ်ညၣ် ဒ်သိးသုကအီၣ်ဘၣ်လီၤ. 19 ဒီးသုက အီၣ်တၢ်ထဲတနံၤတမ့ၢ်ဘၣ်, ထဲခံနံၤတမ့ၢ်ဘၣ်, ထဲ ယဲၢ်နံၤတမ့ၢ်ဘၣ်, ထဲဆံဆဲၣ်နံၤတမ့ၢ်ဘၣ်, ထဲအနံၤ ခံဆံတမ့ၢ်ဘၣ်, 20 မ့ၢ်တလါညါတုၤအဟဲထီၣ်လၢသု နါဒ့ပူၤ, ဒီးကကဲထီၣ်တၢ်သးကလဲၤလၢသုဂီၢ်လီၤ. အ ဂ့ၢ်ဒ်အံၤ, သုတပးကဲဘၣ် ယွၤလၢအအိၣ်လၢသုကျါ, ဒီးသုဟီၣ်တ့ၢ်လၢအမဲာ်ညါဒီးစံး, ပဟဲထီၣ်လၢအဲၤကူ ပတူးမ့ၢ်အဘၣ်မနုၤလဲၣ်န့ၣ်လီၤ. 21 ဒီးစီၤမိၤရှ့စံးဝဲဒၣ် ပှၤဂီၢ်မုၢ်လၢယအိၣ်လၢအကျါန့ၣ်မ့ၢ်ပှၤလဲၤလၢခီၣ်ဃုကလီၤလီၤ. ဒီးနစံးလံ, ယကဟ့ၣ်လီၤအီၤလၢတၢ်ညၣ်, ဒီးကအီၣ်ဘၣ်တလါညါလီၤ.―
22 သိဒီးမဲာ်တဲးလဲးအဖုတဖၣ်, ဒီးဂီၤဘုၣ်ဂီၤဖံးအဖုတဖၣ် မ့ၢ်ဘၣ်တၢ်မၤသံအီၤလၢအဂီၢ်န့ၣ်ဒီး, ကအါလံလၢအ ဂီၢ်ဧါ. ကယဲၢ်ဒ့ၣ်ဧိၤညၣ်ဧိၤလၢပီၣ်လဲၣ်ပူၤန့ၣ်ကဘၣ် တၢ်ဒုးအိၣ်ဖှိၣ်အီၤလၢအဂီၢ်ဒ်သိးကလၢလၢအဂီၢ်ဧါ.
23 ဒီးယွၤစံးဘၣ်စီၤမိၤရှ့, ယွၤအစုန့ၣ် မ့ၢ်အဖုၣ်လီၤ လံဧါ, ယကလုၢ်ဒီးနၤအံၤတီတတီလဲၣ်န့ၣ် နကထံၣ် ဘၣ်ခဲကနံၣ်အံၤလီၤ.
24 ဒီးစီၤမိၤရှ့ဟးထီၣ်ဝဲ, ဒီးစံးဘၣ်ပှၤဂီၢ်မုၢ်လၢယွၤအက လုၢ်ကထါ, ဒီးဒုးအိၣ်ဖှိၣ် ပှၤအံၣ်စရ့လးဖိအသူၣ်က့ သးပှၢ်နွံဆံ, ဒီးပာ်အီၤဝးတရံးဒဲန့ၣ်လီၤ.
25 ဒီးယွၤဟဲလီၤလၢတၢ်အၢၣ်အပူၤ, ဒီးကတိၤတၢ်ဒီး အီၤဒီးဟံးန့ၢ် သးအိၣ်လၢအလိၤတနီၤ, ဒီးဟ့ၣ်လီၤဝဲ လၢပှၤသူၣ်က့သးပှၢ်နွံဆံလီၤ. ဒီးတုၤသးန့ၣ်အိၣ်ဝဲလၢ အလိၤဒီး, တၢ်မၤအသးလၢ အကတိၤတၢ်လၢဝံအ ကျိာ်လီၤ. မ့မ့ၢ်လၢခံတမၤလၢၤဘၣ်.
26 ဒီးပှၤခံဂၤအိၣ်လီၤတဲာ်လၢ ပှၤသူၣ်ဒဲအလီၢ်ပူၤလီၤ. တဂၤအမံၤမ့ၢ်စီၤအ့လဒး, ဒီးအဝဲတဂၤအမံၤမ့ၢ်စီၤမ့ဒး လီၤ. ဒီးသးန့ၣ်အိၣ်ဝဲလၢအလိၤလီၤ. ဒီးမ့ၢ်ဝဲလၢပှၤလၢ အမံၤကွဲးအသးတဖၣ်ဘၣ်ဆၣ်ဒီး, တလဲၤထီၣ်ဘၣ်ဆူ ဒဲပူၤဘၣ်, ဒီးကတိၤတၢ်လၢဝံအကျိာ်လၢပှၤသူၣ်ဒဲအ လီၢ်ပူၤလီၤ.
27 ဒီးပှၤဖိၣ်သၣ်ခွါတဂၤ ဃ့ၢ်စံးဘၣ်စီၤမိၤရှ့, ဒီးစံးဝဲ ဒၣ်, စီၤအ့လဒးဒီးစီၤမ့ဒးန့ၣ် ကတိၤတၢ်လၢဝံအ ကျိာ်လၢပှၤသူၣ်ဒဲအလီၢ်ပူၤလီၤ.
28 ဒီးစီၤမိၤရှ့အခ့အပှၤလၢ အပှၤဖိၣ်သၣ်ခွါအကျါ, စီၤ နိၣ်အဖိခွါစီၤယိၤရှူတဂၤ ကတိၤဆၢတၢ် ဒီးစံးဝဲဒၣ်, မိၤရှ့ကစၢ်ဧၢ, တြီအီၤတက့ၢ်.
29 ဒီးစီၤမိၤရှ့စံးဘၣ်အီၤ, နသးက့ၣ်အီၤလၢယဂီၢ်ဧါ, မ် ကယဲၢ်ယွၤအပှၤဂီၢ်မုၢ်ခဲလၢာ် မ့ၢ်ဝံဧိၤမီၣ်ဧိၤတက့ၢ်. မ် ယွၤပာ်အသးလၢအလိၤတက့ၢ်.
30 ဒီးစီၤမိၤရှ့လဲၤနုာ်လၢပှၤသူၣ်ဒဲအလီၢ်, အဝဲဒၣ်ဒီးပှၤ အံၣ်စရ့လးဖိအသူၣ်က့သးပှၢ်တဖၣ်လီၤ.
31 ဒီးကလံၤဟးထီၣ်လၢယွၤအအိၣ်, ဒီးဟဲစိာ်ထိၣ်ဘှၢၣ် လၢပီၣ်လဲၣ်, ဒီးဒုးလီၤတဲာ်ဝဲလၢပှၤသူၣ်ဒဲအလီၢ်ဃၢၤတ နံၤကျဲဃၣ်ဃၣ်ဖဲအံၤဒီး တနံၤကျဲဃၣ်ဃၣ်ဖဲန့ၣ်ဝးတရံး ပှၤသူၣ်ဒဲအလီၢ်လၢဟီၣ်ခိၣ်အဖီခိၣ်ခံပျၢ်ဃၣ်ဃၣ်လီၤ.
32 ဒီးပှၤဂီၢ်မုၢ်ဆၢထၢၣ်သ့တနံၤကျၢၤန့ၣ်, ဒီးသီတနၤ ကျၢၤ, ဒီးမုၢ်ဆ့ၣ်ထီၣ်တနံၤသ့တနံၤကျၢၤ, ဒီးထၢဖှိၣ် ထီၣ်ထိၣ်ဘှၢၣ်တဖၣ်လီၤ. ဒီးပှၤလၢအထၢဖှိၣ်အစှၤက တၢၢ်န့ၣ်ထၢဖှိၣ်ဃိမ့ၢ်ဆံဆဲၣ်ဖျၢၣ်လီၤ. ဒီးလိလီၤဝဲဝး တရံးပှၤသူၣ်ဒဲအလီၢ်ကိးပူၤဒဲးလီၤ.
33 ဒီးတၢ်ညၣ်အိၣ်ဒံးလၢ အမဲအဘၢၣ်စၢၤအဖၢမုၢ်, တ ချုးအ့ၣ်ဘျဲးဒံးဘၣ်ဒီး, ယွၤအသးထီၣ်ကဲၤထီၣ်ဘၣ်ပှၤ ဂီၢ်မုၢ်, ဒီးယွၤတီၢ်ပှၤဂီၢ်မုၢ်ဒီးတၢ်သံသတြိာ်နးမးလီၤ.
34 ဒီးယုၢ်ဝဲတၢ်အလီၢ်န့ၣ်အမံၤလၢ ကံးဘြိၤဟးတဝၤ လီၤ. အဂ့ၢ်ဒ်အံၤ, ခူၣ်လီၤကွံာ်ပှၤလၢအသးကွံတၢ်တ ဖၣ်ဖဲန့ၣ်လီၤ.
35 ဒီးပှၤဂီၢ်မုၢ်ဟးထီၣ်လၢကံးဘြိၤဟးတဝၤ ဒီးလဲၤဝဲဆူ ဃစ့ရိၤ, ဒီးအိၣ်ဝဲဆိးဝဲလၢဃစ့ရိၤန့ၣ်လီၤ.
12၁၂
1 ဒီးနီၢ်မံးရယၣ်ဒီးစီၤအၤဟရိၣ် ကတိၤထီဒါစီၤမိၤရှ့, လၢပှၤကူၤၡးမုၣ်လၢအန့ၢ်မါလၢအီၤ အဂ့ၢ်အကျိၤလီၤ. အဂ့ၢ်ဒ်အံၤ န့ၢ်မါလၢကူၤၡးမုၣ်တဂၤလီၤ.
2 ဒီးစံးဝဲဒၣ်, ယွၤကတိၤတၢ်ထဲလၢစီၤမိၤရှ့တဂၤဃီဧါ, ကတိၤတၢ်စ့ၢ်ကီးလၢပဝဲတမ့ၢ်ဘၣ်ဧါ. ဒီးယွၤနၢ်ဟူဝဲ လီၤ.
3 (ဒီးစီၤမိၤရှ့တဂၤန့ၣ် အသးစူၤန့ၣ်ကယဲၢ်ပှၤလၢဟီၣ် ခိၣ်ချၢခဲလၢာ်တက့ၢ်လီၤ.)
4 ဒီးယွၤစံးဘၣ်စီၤမိၤရှ့, ဒီးစီၤအၤဟရိၣ်, ဒီးနီၢ်မံးရ ယၣ်သတူၢ်ကလာ်, လဲၤထီၣ်သုဝဲသၢဂၤဆူ တၢ်အိၣ် ဖှိၣ်အဒဲတက့ၢ်, ဒီးလဲၤထီၣ်ဝဲသၢဂၤလီၤ.
5 ဒီးယွၤဟဲလီၤလၢ တၢ်အၢၣ်အထူၣ်, ဒီးဆၢထၢၣ် လၢကျဲစၢၤ, ဒီးကိးန့ၢ်စီၤအၤဟရိၣ်ဒီးနီၢ်မံးရယၣ်, ဒီး လဲၤထီၣ်ဝဲခံဂၤလၢာ်လီၤ.
6 ဒီးစံးဝဲဒၣ်, ကနၣ်ယကလုၢ်တက့ၢ်. ဝံမ့ၢ်အိၣ်လၢ သုကျါတဂၤဒီး, ယၤယွၤအံၤယကဘိးဘၣ်သ့ၣ်ညါအီၤ လၢယဂ့ၢ်ယကျိၤဒၣ်ယၢလၢ တၢ်ထံၣ်လၢညါခီ, ဒီး ယကကတိၤတၢ်ဒီးအီၤလၢတၢ်မံမီၢ်အပူၤလီၤ. 7 ယခ့ ယပှၤစီၤမိၤရှ့တမ့ၢ်ဘၣ်ဒ်န့ၣ်ဘၣ်, မ့ၢ်ပှၤလၢအကလုၢ် တီလၢယဟံၣ်ပူၤဒီဟံၣ်ညါလီၤ. 8 ယကကတိၤတၢ်ဒီး အီၤထးခိၣ်ဒီးထးခိၣ်, လၢတၢ်အိၣ်ဖျါ, ဒီးလၢတၢ်က တိၤဒိတမ့ၢ်ဘၣ်, ဒီးယွၤအက့ၢ်အဂီၤန့ၣ်ကထံၣ်ဘၣ်ဝဲ လီၤ. မၤသးဒ်န့ၣ်ဒီးသုကတိၤထီဒါ ယခ့ယပှၤစီၤမိၤရှ့ န့ၣ်သုတပျံၤဘၣ် မ့ၢ်အဘၣ်မနုၤလဲၣ်. 9 ဒီးယွၤအသး ကဲၤထီၣ်ဘၣ်အီၤ, ဒီးဟးထီၣ်ကွံာ်ဝဲလီၤ.
10 ဒီးတၢ်အၢၣ်န့ၣ်ဟးထီၣ်ကွံာ်လၢဒဲအဖီခိၣ်, ဒီးကွၢ် ကွၢ်, နီၢ်မံးရယၣ်ဘၣ်တၢ်ဆါအၢ, ဒ်မူခိၣ်ဖီအသိးန့ၣ် လီၤ. ဒီးစီၤအၤဟရိၣ်ကွၢ်နီၢ်မံးရယၣ်, ဒီးကွၢ်ကွၢ်, ဘၣ်တၢ်ဆါအၢလီၤ.
11 ဒီးစီၤအၤဟရိၣ်စံးဘၣ်စီၤမိၤရှ့, အိ, ကစၢ်ဧၢ, တၢ် လၢပမၤဒ်ပှၤဟးဂီၤဖိအသိး, ဒီးပမၤကမၣ်ဘၣ်တၢ်န့ၣ် မ်နသုတပာ်လၢ်တၢ်ဒဲးဘးလၢပလိၤတဂ့ၤ. 12 မ်အဝဲဒၣ် သုတမၤလၢ်အသးဒ်ပှၤအသံလၢ ဖဲအဟဲထီၣ်လၢအမိၢ် အဒၢလီၢ်အညၣ် ဘၣ်တၢ်အီၣ်ကွံာ်အီၤတဝာ်အသိးန့ၣ် တဂ့ၤ.
13 ဒီးစီၤမိၤရှ့ကိးထီၣ်ဆူယွၤဒီးစံးဝဲဒၣ်, ကစၢ်ဧၢ, မၤ ဘျါက့ၤလၢ်အီၤတက့ၢ်.
14 ဒီးယွၤစံးဘၣ်စီၤမိၤရှ့, အပၢ်မ့ၢ်ထဲအထူးပှဲာ်လၢအ မဲာ်ဒီး, ကမဲာ်ဆှးနွံနံၤတမ့ၢ်ဘၣ်ဧါ, မ်အဘၣ်တၢ်ပာ် လီၤဖးအီၤဒီး ပှၤသူၣ်ဒဲအလီၢ်ဆူခိနွံနံၤတက့ၢ်, လၢခံ က့ၤဒီးကဘၣ်တၢ်တူၢ်လိာ်က့ၤအီၤလီၤ.
15 ဒီးနီၢ်မံးရယၣ် ဘၣ်တၢ်ပာ်လီၤဖးအီၤဒီး ပှၤသူၣ်ဒဲ အလီၢ်ဆူခိနွံနံၤလီၤ. ဒီးတချုးတၢ်တူၢ်လိာ်နီၢ်မံးရယၣ် ဘၣ်ဒီး, ပှၤဂီၢ်မုၢ်တလဲၤထီၣ်ဘၣ်လီၤ.
16 လၢခံက့ၤဒီးပှၤဂီၢ်မုၢ်ဟးထီၣ်ဝဲလၢဃစ့ရိၤ, ဒီးသူၣ် အဒဲလၢပှၢ်မုၢ်ကနၢပၤရၣ်လီၤ.
13၁၃
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― မၢလီၤ ပှၤလဲၤကွၢ်ကီၢ်ကနၤဧၣ်လၢ ယဟ့ၣ်လီၤအီၤလၢပှၤအံၣ် စရ့လးဖိတက့ၢ်. လၢအပၢ်အဒူၣ်န့ၣ်သုဘၣ်မၤအီၤတ ဒူၣ်တဂၤ, တဒူၣ်တဂၤ, ပဒိၣ်လၢအကျါကိးဂၤဒဲးလီၤ.
3 ဒီးဖဲယွၤအထးခိၣ်န့ၣ် စီၤမိၤရှ့မၢလီၤအီၤလၢ ပှၢ်မုၢ် ကနၢပၤရၣ်အပူၤလီၤ. ပှၤခဲလၢာ်န့ၣ်မ့ၢ်ပှၤအံၣ်စရ့လး ဖိအခိၣ်တဖၣ်လီၤ.
4 ဒီးအအံၤမ့ၢ်အမံၤတဖၣ်လီၤ. လၢရူၤဘ့ၣ်တဒူၣ်ဖိအကျါန့ၣ် စီၤစးကူၢ်အဖိခွါစီၤ ၡးမူၤ,
5 လၢစူၤမ့းအိၣ်တဒူၣ်ဖိအကျါန့ၣ် စီၤဃိရံၤအဖိခွါစီၤ ၡၤဖး,
6 လၢယူဒၤတဒူၣ်ဖိအကျါန့ၣ် စီၤယဖူန့ၤအဖိခွါစီၤကၤ လ့း,
7 လၢယံးစၣ်ကၢ်တဒူၣ်ဖိအကျါန့ၣ် စီၤယိၤသးအဖိခွါ စီၤယံးကအၤလး,
8 လၢအ့ၤဖရဲၣ်တဒူၣ်ဖိအကျါန့ၣ် စီၤနိၣ်အဖိခွါစီၤယိၤ ရှူ,
9 လၢဘံၣ်ယၤမံၣ်တဒူၣ်ဖိအကျါန့ၣ် စီၤရါဖူၤအဖိခွါ စီၤပးလတံၤ,
10 လၢစဘူလိၣ်တဒူၣ်ဖိအကျါန့ၣ် စီၤစိဒံၤအဖိခွါစီၤကး ဒံၤအ့လး,
11 လၢယိၤသးတဒူၣ်ဖိအကျါန့ၣ် ပှၤမနၤရှ့ၤတဒူၣ်ဖိန့ၣ် စီၤစူစံၤအဖိခွါစီၤကၤဒံ,
12 လၢဒၣ်တဒူၣ်ဖိအကျါန့ၣ် စီၤကမးလံၤအဖိခွါစီၤဧး မံၤအ့လး,
13 လၢအၤရှ့ၢ်တဒူၣ်ဖိအကျါန့ၣ် စီၤမံၤက့လးအဖိခွါစီၤ စသူၢ်,
14 လၢနးသၤလံတဒူၣ်ဖိအကျါန့ၣ် စီၤဝးဖစံၤအဖိခွါ စီၤဃၤနဘံ,
15 လၢကးတဒူၣ်ဖိအကျါန့ၣ် စီၤမၤကံအဖိခွါစီၤကအူၤ အ့လးန့ၣ်လီၤ.
16 အဝဲသ့ၣ်တဖၣ်န့ၣ် မ့ၢ်ပှၤလၢစီၤမိၤရှ့မၢအလဲၤကွၢ်ထံ ဧိၤကီၢ်ဧိၤအမံၤတဖၣ်လီၤ. ဒီးစီၤမိၤရှ့ယုၢ်စီၤနိၣ်အဖိခွါ စီၤယိၤရှူအမံၤလၢစီၤယဟိၤရှူလီၤ.
17 ဒီးစီၤမိၤရှ့မၢအလဲၤကွၢ်ကီၢ်ကနၤဧၣ်, ဒီးစံးဘၣ်အီၤ, လဲၤထီၣ်လၢအံၤ လၢကလံၤထံးတခီ, ဒီးလဲၤထီၣ်ဆူ ကစၢၢ်ကလိန့ၣ်တက့ၢ်. 18 ဒီးကွၢ်ကီၢ်တဘ့ၣ်န့ၣ်မ့ၢ်အ မၤသးဒ်လဲၣ်, ဒီးပှၤဂီၢ်မုၢ်လၢအအိၣ်လၢအပူၤန့ၣ်မ့ၢ်အ ဂံၢ်အဘါဆူၣ်ဧါ, အဂံၢ်အဘါစၢ်ဧါ, မ့ၢ်စှၤဂၤဧါ, မ့ၢ် အါဂၤဧါ, 19 ဒီးကီၢ်လၢအဝဲသ့ၣ်အိၣ်လၢအပူၤန့ၣ်မ့ၢ်အ မၤသးဒ်လဲၣ်, မ့ၢ်ဂ့ၤဧါ, မ့ၢ်အၢဧါ, ခူဧိၤဝ့ၢ်ဧိၤလၢအ အိၣ်ဝဲဆိးဝဲလၢအပူၤန့ၣ်မ့ၢ်အမၤသးဒ်လဲၣ်, ဝ့ၢ်တဝီတ ဖၣ်, မ့ၢ်ဝ့ၢ်အိၣ်ဒီးအခိၣ်ဒူတဖၣ်လဲၣ်, 20 ဒီးကီၢ်န့ၣ်မ့ၢ် အမၤသးဒ်လဲၣ်, မ့ၢ်တၢ်သိ, မ့ၢ်တၢ်ဃဲၤလဲၣ်, သ့ၣ် အိၣ်တအိၣ်လၢအပူၤလဲၣ်, ပာ်သုသးခူတလ့ၢ်တက့ၢ်, ဒီးဟဲက့ၤစိာ်လၢကီၢ်န့ၣ်အတၤသၣ်တက့ၢ်. တၢ်လၢမုၢ် နံၤတဖၣ်န့ၣ်မ့ၢ်စပံးသၣ်မံဆိအမုၢ်နံၤတဖၣ်လီၤ.
21 ဒီးအဝဲသ့ၣ်လဲၤထီၣ်ဝဲ, ဒီးကွၢ်ထံဧိၤကီၢ်ဧိၤလၢပှၢ်မုၢ် ကနၢစံၣ်ပၢၢ်လၢရဃိာ်ဖဲပှၤလဲၤဆူဃမါသးလီၤ.
22 ဒီးလဲၤထီၣ်လၢကလံၤထံး, ဒီးလဲၤတုၤလၢဃ့ဘြိၣ်ဒီး စီၤဧနးအဖိအလံၤ, စီၤအဃံမ့ၣ်, စီၤရှ့ၤၡဲ, ဒီးစီၤတးလမဲ အိၣ်ဝဲဖဲန့ၣ်လီၤ. (ဒီးဝ့ၢ်ဃ့ဘြိၣ်ဘၣ်တၢ်တ့အီၤနွံနံၣ်ဆိ န့ၢ်ဝ့ၢ်စိၤဧၣ်လၢအဲၤကူပတူးအပူၤတက့ၢ်လီၤ.)
23 ဒီးလဲၤတုၤလၢထံအ့ၡကိၤလး, ဒီးပဲာ်လီၤစပံးမုၢ်အဒ့ တဒ့အိၣ်ဒီးစပံးသၣ်တကူၤဖဲန့ၣ်, ဒီးယိးဝဲလၢနီၣ်ယိး ဘိလၢပှၤခံဂၤအဘၢၣ်စၢၤလီၤ. ဒီးဟဲစိာ်စ့ၢ်ကီးသလဲ သၣ်ဒီးချၢၣ်ဒၢသၣ်လီၤ.
24 ဒီးပှၤယုၢ်တၢ်အလီၢ်န့ၣ်အမံၤလၢ ထံအ့ၡကိၤလးလၢ စပံးသၣ်တကူၤလၢပှၤအံၣ်စရ့လးဖိ ပဲာ်လီၤအီၤဖဲန့ၣ် အဃိလီၤ.
25 ဒီးအနံၤလွံၢ်ဆံအလီၢ်ခံန့ၣ် ဟဲက့ၤကဒါက့ၤဝဲလၢ အကွၢ်ထံဧိၤကီၢ်ဧိၤလီၤ. 26 ဒီးဟဲက့ၤ, ဒီးလဲၤဆူစီၤမိၤ ရှ့, ဒီးစီၤအၤဟရိၣ်, ဒီးကယဲၢ်ပှၤအံၣ်စရ့လးဖိအတၢ် အိၣ်ဖှိၣ်အအိၣ်လၢပှၢ်မုၢ်ကနၢပၤရၣ်, လၢကၤဒ့ၣ်, ဒီး ဟဲက့ၤစိာ်တၢ်ကတိၤလၢအဂီၢ်, ဒီးလၢကယဲၢ်တၢ်အိၣ် ဖှိၣ်အဂီၢ်, ဒီးဒုးနဲၣ်အီၤလၢကီၢ်န့ၣ်အတၤသၣ်လီၤ.
27 ဒီးစံးဘၣ်တဲဘၣ်အီၤ, ဒီးစံးဝဲဒၣ်, ပလဲၤနုာ်ကီၢ်န့ၣ် ဖဲနမၢပလဲၤ, ဒီးယွၤမၤဝဲဒီးတၢ်နုၢ်ထံဒီးကနဲစီလီၤ. ဒီး အဝဲအံၤမ့ၢ်အတၤသၣ်လီၤ. 28 ဘၣ်ဆၣ်ဒီးပှၤဂီၢ်မုၢ်လၢ အအိၣ်ဝဲဆိးဝဲလၢကီၢ်ပူၤန့ၣ်အဂံၢ်ဆူၣ်အဘါဆူၣ်, ဒီး အဝ့ၢ်တဖၣ်အိၣ်ဒီးအခိၣ်ဒူ, ဒိၣ်မး, ဒီးပထံၣ်ဘၣ်စ့ၢ်ကီး
29 စီၤဧနးအဖိအလံၤဖဲန့ၣ်လီၤ. ဒီးပှၤဧမၤလ့းဖိအိၣ်ဝဲဆိးဝဲ လၢကလံၤထံးတခီ, ဒီးပှၤဃ့ၤသးဖိ, ဒီးပှၤယဘူၣ်ဖိ, ဒီး ပှၤအမိၢ်ဖိအိၣ်ဝဲဆိးဝဲလၢကစၢၢ်ကလိ, ဒီးပှၤကနၤဧၣ်ဖိ အိၣ်ဝဲလၢပီၣ်လဲၣ်နံၤ, ဒီးလၢထံယၢ်ဒ့ၣ်အဃၢၤလီၤ.
30 ဒီးစီၤကၤလ့းတဂၤန့ၣ် ဒုးအိၣ်ဘှီၣ်ပှၤဂီၢ်မုၢ်လၢစီၤမိၤ ရှ့အမဲာ်ညါ, ဒီးစံးဝဲဒၣ်, မ်ပလဲၤထီၣ်တဘျီဃီဒီးမၤန့ၢ် အီၤတက့ၢ်. အဂ့ၢ်ဒ်အံၤ, ပမၤနၢၤမၤဃၣ်အီၤသ့ကစီဒီ လီၤ.
31 မ့မ့ၢ်ပှၤလၢအလဲၤထီၣ်ဒီးအီၤတဖၣ်စံးဝဲဒၣ်, ပလဲၤ ထီဒါပှၤဂီၢ်မုၢ်န့ၣ်တသ့ဘၣ်. အဂ့ၢ်ဒ်အံၤ, အဂံၢ်အဘါ ဆူၣ်န့ၢ်ပဂံၢ်ပဘါတက့ၢ်လီၤ.
32 ဒီးဟဲစိာ်ထီၣ် တၢ်ကတိၤအအၢဘၣ်ဃးဒီး ကီၢ်န့ၣ် လၢအလဲၤကွၢ်ဝဲဆူပှၤအံၣ်စရ့လးဖိအအိၣ်, ဒီးစံးဝဲဒၣ်, ကီၢ်လၢပလဲၤကွၢ်အီၤတဘ့ၣ်န့ၣ် မ့ၢ်ကီၢ်လၢအအီၣ်ကွံာ် ပှၤလၢအအိၣ်အဆိးလၢအပူၤ, ဒီးကယဲၢ်ပှၤလၢပထံၣ် ဘၣ်လၢအပူၤန့ၣ်မ့ၢ်ပှၤလၢအနီၢ်ဒိၣ်လီၤ.
33 ဒီးပထံၣ်ဘၣ်ပှၤနီၢ်ဒိၣ်ဖိဖဲန့ၣ်, စီၤဧနးအဖိအလံၤဟဲ လၢပှၤနီၢ်ဒိၣ်လီၤ ဒီးလၢပမဲာ်ညါဒၣ်ပဝဲန့ၣ်ပမၤသးဒ် ဒွဲၣ်ဧိၤတြၤဧိၤအသိးန့ၣ်, ဒီးဒ်န့ၣ်အသိးလၢအဝဲသ့ၣ်တ ဖၣ်အမဲာ်ညါလီၤ.
14၁၄
1 ဒီးတၢ်အိၣ်ဖှိၣ်ဖိခဲလၢာ်ထုထီၣ်အကလုၢ်, ဒီးပှၤဂီၢ် မုၢ်ဟီၣ်ဝဲသီတနၤကျၢၤလီၤ. 2 ဒီးပှၤအံၣ်စရ့လးဖိခဲလၢာ် ကဒူးကဒ့ၣ်တၢ်လၢစီၤမိၤရှ့အလိၤ, ဒီးလၢစီၤအၤဟရိၣ် အလိၤလီၤ. ဒီးတၢ်အိၣ်ဖှိၣ်ဖိခဲလၢာ်စံးဘၣ်အီၤ, အိ, မ်ပသံတ့ၢ်လံလၢကီၢ်အဲၤကူပတူးအပူၤန့ၣ်တက့ၢ်. မ့တ မ့ၢ်ဘၣ်ဒီးမ်ပသံတ့ၢ်လၢပှၢ်မုၢ်ကနၢအံၤတက့ၢ်. 3 ဒီးယွၤ ဒုးဟဲပှၤဆူကီၢ်အံၤဒ်သိးပကလီၤဃံၤလၢနးဧိၤဘီဧိၤ, ဒီး ပဖိပမါပဖိပလံၤကကဲထီၣ်တၢ်ဂုာ်န့ၢ်န့ၣ် မ့ၢ်အဘၣ်မ နုၤလဲၣ်. ပက့ၤက့ၤဆူကီၢ်အဲၤကူပတူးန့ၣ်တဂ့ၤဘၣ်ဧါ.
4 ဒီးကတိၤလိာ်အသးတဂၤဒီးတဂၤ, မ်ပပာ်ထီၣ်ပှၤတ ဂၤလၢပခိၣ်, ဒီးက့ၤက့ၤဆူကီၢ်အဲၤကူပတူးန့ၣ်တက့ၢ်.
5 ဒီးစီၤမိၤရှ့ဒီးစီၤအၤဟရိၣ် ထိၣ်လီၤပှီၤအသးလၢပှၤ အံၣ်စရ့လးဖိ အတၢ်အိၣ်ဖှိၣ်ရိဖှိၣ် ခဲလၢာ်အမဲာ်ညါ လီၤ. 6 ဒီးစီၤနိၣ်အဖိခွါစီၤယိၤရှူ, ဒီးစီၤယဖူန့ၤအဖိခွါ စီၤကၤလ့းအိၣ်လၢပှၤလၢအလဲၤကွၢ်ကီၢ်အကျါန့ၣ်ဖှီအ ကူအသိးလီၤ. 7 ဒီးကတိၤတၢ်ဒီးပှၤအံၣ်စရ့လးဖိအတၢ် အိၣ်ဖှိၣ်ခဲလၢာ်, ဒီးစံးဝဲ, ကီၢ်လၢပခီဂာ်အီၤဒ်သိးပက ကွၢ်အီၤတဘ့ၣ်န့ၣ်မ့ၢ်ကီၢ်ဂ့ၤဂ့ၤကလဲာ်တဘ့ၣ်လီၤ.
8 ယွၤမ့ၢ်ဘၣ်အသးလၢပှၤဒီး, ကဒုးလဲၤနုာ်ပှၤဆူကီၢ် ပူၤန့ၣ်, ဒီးဟ့ၣ်လီၤအီၤလၢပှၤလီၤ. မ့ၢ်ကီၢ်လၢအယွၤ ဝဲဒီးတၢ်နုၢ်ထံဒီးကနဲစီလီၤ. 9 ထဲပူထီၣ်လၢယွၤတဂ့ၤ, ဒီးပျံၤပှၤဂီၢ်မုၢ်အိၣ်ဝဲလၢကီၢ်ပူၤန့ၣ်တဂ့ၤ, အဂ့ၢ်ဒ်အံၤ, မ့ၢ်ဝဲလၢတၢ်အီၣ်လၢပဂီၢ်လီၤ. အတၢ်တဒီတဒါန့ၣ်ဟါ မၢ်ကွံာ်လံဒီးယွၤအိၣ်ဒီးပှၤလီၤ. ပျံၤအီၤတဂ့ၤ.
10 ဒီးတၢ်အိၣ်ဖှိၣ်ခဲလၢာ် မၤလိာ်လၢပှၤကကွံာ်အီၤလၢ လၢၢ်လီၤ. ဒီးယွၤအလၤကပီၤအိၣ်ဖျါထီၣ်လၢတၢ်အိၣ် ဖှိၣ်အဒဲပူၤလၢပှၤအံၣ်စရ့လးဖိခဲလၢာ်အမဲာ်ညါလီၤ.
11 ဒီးယွၤစံးဘၣ်စီၤမိၤရှ့, ပှၤဂီၢ်မုၢ်အံၤကမၤယၤတရီတ ပါဆံးယံာ်လဲၣ်, လၢကယဲၢ်တၢ်လီၤလးလၢယမၤလၢ အကျါခဲလၢာ်အဃိန့ၣ် တနာ်ယၤဘၣ်ဒီးကအိၣ်ဆံး ယံာ်လဲၣ်. 12 ယကကျီကွံာ်အီၤဒီးတၢ်သံသတြိာ်, ဒီး မၤဟးဂီၤအီၤ, ဒီးယကမၤနၤလၢ ပှၤတကလုာ်ဒိၣ်န့ၢ် အဝဲသ့ၣ်တဖၣ်တက့ၢ်လီၤ.
13 ဒီးစီၤမိၤရှ့စံးဘၣ်ယွၤ, ပှၤအဲၤကူပတူးဖိ ကနၢ်ဟူ, (အဂ့ၢ်ဒ်အံၤ, နဒုးဟဲထီၣ်ပှၤဂီၢ်မုၢ်အံၤ, လၢအကျါလၢ နစိနကမီၤအကျါလီၤ), 14 ဒီးကစံးဘၣ်ပှၤကီၢ်ဖိတဖၣ် အံၤလီၤ. နၢ်ဟူလံ, ယွၤဧၢ, လၢနအိၣ်လၢပှၤဂီၢ်မုၢ်အံၤ အကျါ, ယွၤဧၢ, လၢပှၤကွၢ်ဆၢနမဲာ်, ဒီးလၢတၢ်အၢၣ် ဆၢထၢၣ်ဝဲလၢအဖီခိၣ်, ဒီးလၢနလဲၤလၢအမဲာ်ညါလၢ တၢ်အၢၣ်အထူၣ်လၢမုၢ်ဆါ, ဒီးလၢမ့ၣ်အူအထူၣ်လၢ မုၢ်နၤလီၤ. 15 ဒီးနမ့ၢ်မၤသံပှၤတကလုာ်ဒ်ပှၤတဂၤဃီအ သိးန့ၣ်ဒီး, ပှၤကလုာ်တဖၣ်လၢအနၢ်ဟူနကစီၣ်န့ၣ်က ကတိၤတၢ်ဒီးစံး, 16 မ့ၢ်ယွၤဒုးလဲၤနုာ်ပှၤဂီၢ်မုၢ်အံၤဆူကီၢ် လၢအဆိၣ်လီၤအသးလၢအဂ့ၢ်အကျိၤဒီးအီၤတသ့ဘၣ် သတးဒီး, မၤသံအီၤလၢပှၢ်မုၢ်ကနၢန့ၣ်လီၤ. 17 ဒီးခဲက နံၣ်အံၤကစၢ်ဧၢ, မ်နစိနကမီၤကဒိၣ်ဝဲ, ဒ်နကတိၤတၢ် အသိးန့ၣ်တက့ၢ်, နစံး, 18 ယွၤအသးထီၣ်ကီ, ဒီးအ ဘျုးအဖှိၣ်အါ, ပျၢ်ဝဲတၢ်အၢတၢ်သီ, ဒီးတၢ်သရူးက မၣ်, ဒီးတပာ်ဘၣ်တၢ်ဒဲးဘးလ့ၤတက့ၤဘၣ်န့ၣ်တမ့ၢ် ဘၣ်. ဒုးအိၣ်သကိးအပၢ်တဖၣ်အတၢ်ဒဲးဘးလၢအဖိ တဖၣ်, တုၤလီၤလၢသၢစိၤတစိၤ, ဒီးလွံၢ်စိၤတစိၤလီၤ.―
19 ပျၢ်လၢ်ပှၤဂီၢ်မုၢ်အတၢ်အၢတၢ်သီ, ဒ်နဘျုးဒိၣ်ဖှိၣ်အါအ သိး, ဒီးဒ်နပျၢ်ပှၤဂီၢ်မုၢ်အံၤအတၢ်လၢအဲၤကူပတူးတုၤ လီၤလၢခဲကနံၣ်အံၤဒၣ်လဲာ်အသိးန့ၣ်တက့ၢ်.
20 ဒီးယွၤစံးဝဲဒၣ်, ယပျၢ်လံ, ဒ်နကလုၢ်နကထါအသိး န့ၣ်လံ. 21 မ့ၢ်မးယမူယဲ, ဒီးဟီၣ်ခိၣ်ဒီဘ့ၣ်ညါန့ၣ်က လၢထီၣ်ပှဲၤထီၣ်ဒီးယွၤအလၤအကပီၤလီၤ. 22 မ့ၢ်ကယဲၢ် ပှၤတဖၣ်န့ၣ် လၢအထံၣ်ဘၣ်ယလၤကပီၤ, ဒီးယတၢ် လီၤလးလၢယမၤလၢအဲၤကူပတူးအပူၤ, ဒီးလၢပှၢ်မုၢ် ကနၢ, ဒီးလ့ပစီယၤဆံဆဲၣ်ဘျီအံၤ, တဒိကနၣ်ယက ကလုၢ်ယကထါဘၣ်ဒီး, 23 တထံၣ်ဘၣ်ကီၢ်လၢယဆိၣ် လီၤယသးဒီးအပၢ်တဖၣ်န့ၣ်လ့ၤတက့ၤဘၣ်. ဒီးပှၤလၢ အမၤယၤတရီတပါန့ၣ် တထံၣ်ဘၣ်အီၤနီတဂၤဘၣ်.―
24 မ့မ့ၢ်ယခ့ယပှၤစီၤကၤလ့းတဂၤန့ၣ် မ့ၢ်အအိၣ်ဒီးအသး တမံၤဒၣ်, ဒီးပိာ်ယခံလၢလၢပှဲၤပှဲၤသတးဒီး, ယကဒုး လဲၤနုာ်အီၤဆူကီၢ်ဖဲအလဲၤတၢ်, ဒီးအချံအသၣ်ကန့ၢ် ဘၣ်သါအီၤလီၤ. 25 (ဒီးပှၤဧမၤလ့းဖိ, ဒီးပှၤကနၤဧၣ်ဖိ အိၣ်ဝဲဆိးဝဲလၢပျီပူၤလီၤ). ခဲဂီၤကိာ်ဃၣ်ကဒါက့ၤ, ဒီး လဲၤသုဝဲဆူပှၢ်မုၢ်ကနၢလၢကျဲပီၣ်လဲၣ်ဂီၤန့ၣ်တက့ၢ်.
26 ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံးဝဲ ဒၣ်, 27 တၢ်အိၣ်ဖှိၣ်အအၢအသီအံၤကကဒူးကဒ့ၣ်တၢ် လၢယလိၤဆံးယံာ်လဲၣ်, ပှၤအံၣ်စရ့လးဖိအတၢ်ကဒူး ကဒ့ၣ်တၢ်လၢယလိၤန့ၣ်ယနၢ်ဟူလံ. 28 စံးဘၣ်အီၤ, ယ မူယဲယွၤစံးဝဲဒၣ်, မ့ၢ်မးဒ်အကတိၤတၢ်လၢယနၢ်ပူၤအ သိးန့ၣ်ယကမၤသုဒ်န့ၣ်သိးလီၤ. 29 ဒီးသုစိၣ်တဖၣ်က လီၤဃံၤလၢပှၢ်မုၢ်ကနၢအံၤ, ဒီးကယဲၢ်ပှၤလၢအဘၣ်တၢ် ဂံၢ်အီၤ, ဒ်တၢ်ဂံၢ်ဖှိၣ်သုခဲလၢာ်လၢသုသးပှၢ်အနံၣ်ခံဆံ ဒီးဆူအဖီခိၣ်အသိး, လၢအကဒူးကဒ့ၣ်တၢ်လၢယလိၤ တဖၣ်န့ၣ်, 30 မ့ၢ်မး, သုတဘၣ်လဲၤနုာ်ဆူကီၢ်လၢယဆိၣ် လီၤယသးလၢယကဒုးအိၣ်ဒုးဆိးသုလၢအပူၤန့ၣ်ဘၣ်. ကလဲၤနုာ်ထဲစီၤယဖူန့ၤအဖိခွါစီၤကၤလ့း, ဒီးစီၤနိၣ်အ ဖိခွါစီၤယိၤရှူဧိၤလီၤ. 31 မ့မ့ၢ်သုဖိဆံးလၢသုစံးလၢအက ကဲထီၣ်တၢ်ဂုာ်န့ၢ်တဖၣ်န့ၣ်ယကဒုးလဲၤနုာ်အီၤ, ဒီးက သ့ၣ်ညါဝဲကီၢ်တဘ့ၣ် လၢသုမၤတရီတပါအီၤန့ၣ်လီၤ.―
32 မ့မ့ၢ်သုဝဲဒၣ်အံၤသုစိၣ်တဖၣ်ကလီၤဃံၤလၢပှၢ်မုၢ်ကနၢ အံၤလီၤ. 33 ဒီးသုဖိသုလံၤကဟးဝ့ၤဝီၤတၢ်လၢပှၢ်မုၢ်က နၢအနံၣ်လွံၢ်ဆံ, ဒီးကစိာ်သုတၢ်ကမၣ်မုၣ်ကမၣ်ခွါတုၤ သုစိၣ်လၢာ်လၢပှၢ်မုၢ်ကနၢလီၤ. 34 ဒ်နံၤအတၢ်ဂံၢ်လၢသု လဲၤကွၢ်ကီၢ်န့ၣ်, အနံၤလွံၢ်ဆံအသိးန့ၣ်, တနံၣ်လၢ တနံၤအဂီၢ်, တနံၣ်လၢတနံၤအဂီၢ်, သုဘၣ်တူၢ်သုတၢ် အၢတၢ်သီ, အနံၣ်လွံၢ်ဆံလီၤ. ဒီးသုကသ့ၣ်ညါယတၢ် ဂုၤက့ၤယသးလီၤ. 35 ယဲဒၣ်ယွၤအံၤယကတိၤလံတၢ်လံ. တၢ်အိၣ်ဖှိၣ်အအၢအသီအံၤ လၢအအိၣ်ဖှိၣ်ရိဖှိၣ်ထီဒါ ယၤခဲလၢာ်မ့ၢ်မးယကမၤအီၤလၢတၢ်အံၤလီၤကလၢာ်ဝဲ လၢပှၢ်မုၢ်ကနၢအံၤ, ဒီးကသံဝဲဖဲအံၤလီၤ.
36 ဒီးပှၤလၢစီၤမိၤရှ့မၢအလဲၤကွၢ်ကီၢ်န့ၣ် လၢအဟဲက့ၤ, ဒီးဒုးကဒူးကဒ့ၣ်ပှၤဂီၢ်မုၢ်ခဲလၢာ်လၢအလိၤ, လၢအဟဲ စိာ်အကစီၣ်အအၢအဃိန့ၣ်, 37 ပှၤတဖၣ်လၢအဟဲစိာ် ကီၢ်အကစီၣ်အအၢန့ၣ် သံဝဲလၢတၢ်သံသတြိာ်လၢယွၤ အမဲာ်ညါလီၤ. 38 မ့မ့ၢ်စီၤနိၣ်အဖိခွါစီၤယိၤရှူဒီးစီၤယဖူ န့ၤအဖိခွါစီၤကၤလ့း လၢအအိၣ်ဝဲလၢပှၤလၢအလဲၤကွၢ် ကီၢ်န့ၣ်အကျါမူဒံးဝဲလီၤ.
39 ဒီးစီၤမိၤရှ့စံၣ်တဲၤတဲလီၤတၢ်ကတိၤတဖၣ်လၢပှၤအံၣ် စရ့လးဖိခဲလၢာ်, ဒီးပှၤဂီၢ်မုၢ်အသူၣ်အုးအသးအုးနးမး လီၤ.
40 ဒီးမုၢ်ဆ့ၣ်ထီၣ်န့ၣ်အဝဲသ့ၣ်တဖၣ် ဂဲၤဆၢထၢၣ်ဂီၤဂီၤ ဒီးလဲၤထီၣ်ဆူကစၢၢ်ဒီခိၣ်, ဒီးစံးဝဲဒၣ်, ကွၢ်ကွၢ်, ပှၤ လီၤ, ဒီးပကလဲၤထီၣ်ဆူတၢ်အလီၢ်လၢယွၤစံးတ့ၢ်လီၤ. အဂ့ၢ်ဒ်အံၤ, ပမၤလံတၢ်ဒဲးဘးလံ.
41 ဒီးစီၤမိၤရှ့စံးဝဲဒၣ်, တၢ်အံၤကဲထီၣ်တသ့ဘၣ်သတး ဒီးဘၣ်မနုၤလၢသုလုၣ်သ့ၣ်ခါပတာ် ယွၤအတၢ်မၤလိာ် န့ၣ်လဲၣ်. 42 လဲၤထီၣ်တဂ့ၤ, အဂ့ၢ်ဒ်အံၤ, ယွၤတအိၣ် ဘၣ်လၢသုကျါဘၣ်. ဒ်သိးသုသုတဘၣ်တၢ်ကျီသံကွံာ် သုလၢသုဒုၣ်သုဒါအမဲာ်ညါတဂ့ၤလီၤ. 43 အဂ့ၢ်ဒ်အံၤ, ပှၤဧမၤလ့းဖိ, ဒီးပှၤကနၤဧၣ်ဖိအိၣ်ဖဲန့ၣ်လၢသုမဲာ်ညါ, ဒီးသုကလီၤဃံၤလၢနးဧိၤဘီဧိၤလီၤ. မ့ၢ်သုဃၣ်ကဒါ က့ၤသုသးလၢယွၤဒီး, ယွၤတအိၣ်ဘၣ်ဒီးသုဘၣ်.
44 ဘၣ်ဆၣ်ဒီးအဝဲသ့ၣ် ပာ်အသးကဖိလိ တုၤအလဲၤ ထီၣ်ဆူကစၢၢ်ဒီခိၣ်လီၤ. ဒီးယွၤအတၢ်အၢၣ်လီၤအီလီၤ အတလါ, ဒီးစီၤမိၤရှ့န့ၣ်တဟးထီၣ်ဘၣ်လၢပှၤသူၣ်ဒဲ အလီၢ်ဘၣ်.
45 ဒီးပှၤဧမၤလ့းဖိဟဲလီၤ, ဒီးပှၤကနၤဧၣ်ဖိလၢအအိၣ် လၢကစၢၢ်ကလိန့ၣ်ဒီးကျီကွံာ်အီၤ, ဒီးမၤဃၣ်အီၤတုၤ လၢဃိၢ်မါလီၤ.
15၁၅
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― ကတိၤတၢ် ဒီးပှၤအံၣ်စရ့လးဖိ, ဒီးစံးဘၣ်အီၤ, တုၤသုလဲၤနုာ်လၢ ကီၢ်လၢအမ့ၢ်သုအိၣ်အလီၢ်လၢယကဟ့ၣ်လီၤသု, 3 ဒီး ကလုၢ်တၢ်လၢမ့ၣ်အူလၢယွၤအဂီၢ်, တၢ်လုၢ်မ့ၣ်အူမ့ၢ် ဂ့ၤ, တၢ်လုၢ်ဘၣ်ဃးဒီးမၤတီအကလုၢ်လၢအဆိၣ်တၢ် မ့ၢ်ဂ့ၤ, တၢ်ဟ့ၣ်ဒၣ်တၢ်မ့ၢ်ဂ့ၤ, တၢ်မၤဘူၣ်အဆၢအက တီၢ်ဒ်သိး သုကမၤတၢ်နၢမူလၢယွၤအဂီၢ်, တၢ်လၢဂီၤ ဘုၣ်ဂီၤဖံးအကျါမ့ၢ်ဂ့ၤ, လၢသိလၢမဲာ်တဲးလဲးအကျါမ့ၢ် ဂ့ၤ, 4 ပှၤလၢအမၤဘူၣ်ယွၤလၢအတၢ်မၤဘူၣ်န့ၣ်ဘၣ်ဟဲ စိာ်တၢ်မၤဘူၣ်ကိၣ်, ကိၣ်ကမူၣ်တအ့စရိၣ်ဃါဃုာ်ဒီး သိတဟံၣ်လွံၢ်ပူတပူ, 5 ဒီးစပံးထံတဟံၣ်လွံၢ်ပူတပူ လၢတၢ်လုၢ်အီအဂီၢ်န့ၣ် နဘၣ်မၤန့ၢ်ဒီးတၢ်လုၢ်မ့ၣ်အူ မ့ၢ်ဂ့ၤ, တၢ်လုၢ်မ့ၢ်ဂ့ၤ, လၢသိဖိတဒုအဂီၢ်လီၤ.
6 ဒီးလၢသိဖါတဒုအဂီၢ်န့ၣ် နဘၣ်မၤန့ၢ်လၢတၢ်မၤ ဘူၣ်ကိၣ်အဂီၢ်, ကိၣ်ကမူခံအ့စရိၣ်ဃါဃုာ်ဒီးသိတဟံၣ် သၢပူတပူ, 7 ဒီးလၢတၢ်လုၢ်အီအဂီၢ်န့ၣ်နဘၣ်မၤဘူၣ် စပံးထံတဟံၣ်သၢပူတပူ, တၢ်နၢမူလၢယွၤအဂီၢ်လီၤ.
8 ဒီးတုၤနမၤန့ၢ်ဂီၤဖံးဖါတဒုလၢ တၢ်လုၢ်မ့ၣ်အူအဂီၢ် မ့ၢ်ဂ့ၤ, လၢတၢ်လုၢ်ဘၣ်ဃးဒီးမၤတီအကလုၢ်လၢအ ဆိၣ်တၢ်လၢအဂီၢ်မ့ၢ်ဂ့ၤ, လၢတၢ်လုၢ်မၤဃူမၤဖိးမ့ၢ်ဂ့ၤ, လၢယွၤအဂီၢ်ဒီး, 9 ဘၣ်ဟဲစိာ်ဂီၤဖံးဖါတဒု, အိၣ်ဒီးတၢ်မၤ ဘူၣ်ကိၣ်ကမူၣ်လၢ သၢအ့စရိၣ်ဃါဃုာ်ဒီးသိဖးဖီဟံၣ်,―
10 ဒီးနဘၣ်ဟဲစိာ်လၢတၢ်လုၢ်အီအဂီၢ်န့ၣ် စပံးထံဖးဖီဟံၣ်, လၢတၢ်လုၢ်မ့ၣ်အူအဂီၢ်, ဒီးတၢ်နၢမူလၢယွၤအဂီၢ်လီၤ.
11 လၢဂီၤဖံးဖါတဒုအဂီၢ်မ့ၢ်ဂ့ၤ, လၢသိဖါတဒုအဂီၢ်မ့ၢ် ဂ့ၤ, လၢသိဖိတဒုအဂီၢ်မ့ၢ်ဂ့ၤ, လၢမဲာ်တဲးလဲးဖိတဒု အဂီၢ်မ့ၢ်ဂ့ၤ, ဘၣ်မၤဒ်န့ၣ်လီၤ.
12 ဒ်အအိၣ်ပှဲၤအံၤပှဲၤနုၤအသိးန့ၣ် သုဘၣ်မၤတၢ်လီၤ. သုဘၣ်မၤတဒုအဂီၢ်တဒုအဂီၢ်ဒ်န့ၣ်သိးလီၤ.
13 လၢအမၤဘူၣ်တၢ်လုၢ်မ့ၣ်အူ, တၢ်နၢမူလၢယွၤအဂီၢ် န့ၣ်ကယဲၢ်ပှၤလၢအအိၣ်ဖျဲၣ်လၢကီၢ်ပူၤခဲလၢာ် ဘၣ်မၤ တၢ်တဖၣ်န့ၣ်ဒ်န့ၣ်သိးလီၤ.
14 ဒီးပှၤတခီဘီမုၢ်ဖိမ့ၢ်အိၣ်မ့ၢ်ဆိးလၢသုကျါ, ဖဲဒၣ်ပှၤ လၢအအိၣ်လၢသုကျါလၢ သုစၢၤသုသွဲၣ်အပူၤတဂၤ ဂၤ, ဒီးမ့ၢ်မၤတၢ်လုၢ်မ့ၣ်အူတၢ်နၢမူလၢယွၤအဂီၢ်ဒီး, ဒ် သုမၤသုဝဲအသိးန့ၣ်အဝဲဒၣ်ဘၣ်မၤဒ်န့ၣ်အသိးလီၤ.
15 တၢ်အလုၢ်အလၢ်အိၣ်တမံၤဃီလၢ ပှၤအိၣ်ဖှိၣ်သုဝဲ, ဒီးလၢပှၤတခီဘီမုၢ်ဖိလၢ အအိၣ်လၢသုကျါအဂီၢ်လီၤ. တၢ်အလုၢ်အလၢ်အထူအယိာ်လီၤလၢသုစၢၤသုသွဲၣ်အ စိၤစိၤအဃၣ်ဃၣ်လီၤ. ဒ်သုဝဲသ့ၣ်အသိးန့ၣ်ပှၤတခီဘီ မုၢ်ဖိကဒ်န့ၣ်အသိးလၢယွၤအမဲာ်ညါလီၤ. 16 တၢ်သိၣ်တၢ် သီတမံၤဃီ, ဒီးတၢ်စံၣ်ညီၣ်တမံၤဃီအိၣ်လၢသုဂီၢ်, ဒီး ပှၤတခီဘီမုၢ်ဖိလၢအအိၣ်အဆိးလၢသုကျါအဂီၢ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 17 ကတိၤ တၢ်ဒီးပှၤအံၣ်စရ့လးဖိ, ဒီးစံးဘၣ်အီၤ, တုၤသုဟဲနုာ် လၢကီၢ်ပူၤလၢယဒုးဟဲသုလၢအပူၤဒီး, 19 တုၤသုအီၣ် ကီၢ်န့ၣ်အကိၣ်ဒီး, တၢ်ကမၤအသးလၢသုဘၣ်ဝံၢ်ထီၣ် တၢ်ဝံၢ်လၢယွၤအဂီၢ်လီၤ.
20 သုဘၣ်ဝံၢ်ထီၣ်ကိၣ်ဘ့ၣ်ဘၣ် တဘ့ၣ်လၢသုကိၣ်သံ ကစဲာ်အဆိလၢတၢ်ဝံၢ်လီၤ. ဒ်တၢ်ဝံၢ်ဘၣ်ဃးဒီးပယီၢ် ဘုအလီၢ်အသိးန့ၣ်, သုဘၣ်ဝံၢ်အီၤလီၤ. 21 လၢသုကိၣ် သံကစဲာ်ဆိအပူၤန့ၣ် သုဘၣ်ဟ့ၣ်ယွၤလၢတၢ်ဝံၢ်လီၤ လၢသုစၢၤသုသွဲၣ်အစိၤစိၤအဃၣ်ဃၣ်လီၤ.
22 ဒီးသုမ့ၢ်ဟးဖျိးတၢ်, ဒီးတတိၢ်န့ၢ်ဘၣ်ကယဲၢ်တၢ်မၤ လိာ်န့ၣ်လၢယွၤစံးဘၣ်စီၤမိၤရှ့, 23 ကယဲၢ်တၢ်လၢယွၤမၤ လိာ်သုလၢစီၤမိၤရှ့အစုပူၤ, လၢမုၢ်တနံၤလၢယွၤမၤလိာ် စီၤမိၤရှ့လံၤလံၤန့ၣ် လီၤလၢသုစၢၤသုသွဲၣ်အစိၤစိၤအ ဃၣ်ဃၣ်ဒီး, 24 တၢ်ကမၤအသးလၢပှၤမ့ၢ်ကမၣ်တၢ်လၢ အဟးဖျိးတၢ်အဃိလၢ အအိၣ်တဒၢဒီးတၢ်အိၣ်ဖှိၣ်အ မဲာ်ဒီး, တၢ်အိၣ်ဖှိၣ်ခဲလၢာ်ဘၣ်လုၢ်ဂီၤဖံးဖါဖိတဒုလၢ တၢ်လုၢ်မ့ၣ်အူ, လၢတၢ်နၢမူလၢယွၤအဂီၢ်အိၣ်ဒီးအတၢ် မၤဘူၣ်ကိၣ်, ဒီးအတၢ်လုၢ်အီ, ဒ်တၢ်စံၣ်ညီၣ်အသိး, ဒီးမဲာ်တဲးလဲးဖိလၢတၢ်လုၢ်တၢ်ဒဲးဘးလီၤ.
25 ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢ ပှၤအံၣ်စရ့ လးဖိအတၢ်အိၣ်ဖှိၣ်ခဲလၢာ်အဂီၢ်, ဒီးတၢ်ကပျၢ်အတၢ် လီၤ. အဂ့ၢ်ဒ်အံၤ, မ့ၢ်တၢ်ဟးဖျိးတၢ်လီၤ. ဒီးဘၣ်ဟဲ စိာ်အတၢ်မၤဘူၣ်တၢ်လုၢ်မ့ၣ်အူလၢယွၤအဂီၢ်, ဒီးအတၢ် လုၢ်တၢ်ဒဲးဘးဆူယွၤအမဲာ်ညါ လၢအဟးဖျိးတၢ်အဃိ လီၤ. 26 ဒီးတၢ်ကပျၢ်ပှၤအံၣ်စရ့လးဖိ အတၢ်အိၣ်ဖှိၣ်ခဲ လၢာ်အတၢ်, ဒီးပှၤတခီဘီမုၢ်ဖိလၢအအိၣ်လၢအကျါ အတၢ်လီၤ. အဂ့ၢ်ဒ်အံၤ, ပှၤဂီၢ်မုၢ်ခဲလၢာ်အိၣ်လၢတၢ် ဟးဖျိးတၢ်အပူၤလီၤ.
27 ဒီးပှၤတဂၤဂၤမ့ၢ်မၤတၢ်ဒဲးဘး လၢအဟးဖျိးတၢ်အ ဃိဒီး, ဘၣ်ဟဲစိာ်မဲာ်တဲးလဲးမိၢ်တနံၣ်ဖိတဒု, လၢတၢ် လုၢ်တၢ်ဒဲးဘးလီၤ. 28 ဒီးလၢအမၤတၢ်ဒဲးဘးလၢယၤယွၤ အမဲာ်ညါ လၢအဟးဖျိးတၢ်အဃိ, ပှၤလုၢ်တၢ်အဒိၣ် ဘၣ်မၤတၢ်ပူၤဖျဲးလၢ အမၤတၢ်ဒဲးဘးလၢအဟးဖျိးတၢ် အဃိ, ဒ်သိးအကမၤတၢ်ပူၤဖျဲးလၢအဂီၢ်လီၤ. ဒီးတၢ် ကပျၢ်အတၢ်လီၤ.
29 ဒီးလၢပှၤလၢအအိၣ်ဖျဲၣ်လၢ ပှၤအံၣ်စရ့လးဖိအကျါ အဂီၢ်မ့ၢ်ဂ့ၤ, လၢပှၤတခီဘီမုၢ်ဖိလၢအအိၣ်အဆိးလၢ အကျါအဂီၢ်မ့ၢ်ဂ့ၤ, သုဘၣ်အိၣ်ဒီးတၢ်သိၣ်တၢ်သီတမံၤ ဃီလၢပှၤလၢအမၤတၢ်ဒဲးဘးလၢ အဟးဖျိးတၢ်အဃိ တဂၤအဂီၢ်လီၤ.
30 မ့မ့ၢ်ပှၤလၢ အမၤတၢ်ဒီးအစုယူာ်ထီၣ်အသးတဂၤ န့ၣ်, ပှၤအိၣ်ဖျဲၣ်လၢကီၢ်ပူၤမ့ၢ်ဂ့ၤ, ပှၤတခီဘီမုၢ်ဖိမ့ၢ် ဂ့ၤ, အဝဲန့ၣ်မၤတရီတပါယွၤ, ဒီးကဘၣ်တၢ်ဒီၣ်တဲာ် ကွံာ်အီၤဒီးအပှၤတကလုာ်ဒၣ်အီၤလီၤ.
31 မ့ၢ်အတပးကဲဘၣ် ယွၤအကလုၢ်အကထါဘၣ်. ဒီး လုၣ်သ့ၣ်ခါပတာ်အတၢ်မၤလိာ်ဒီး, အဝဲတဂၤန့ၣ်က ဘၣ်တၢ်ဒီၣ်တဲာ်ကွံာ်အီၤသပှၢ်တၢၢ်လီၤ. အတၢ်ဒဲးဘး န့ၣ်ကအိၣ်လၢအလိၤလီၤ.
32 ဒီးပှၤအံၣ်စရ့လးဖိအိၣ်ဝဲလၢ ပှၢ်မုၢ်ကနၢအဖၢမုၢ်ဒီး, တၢ်မၤအသးလၢအထံၣ်န့ၢ်ပှၤတဂၤလၢ အထၢဖှိၣ်သ့ၣ် မုၣ်လၢအိၣ်ဘှံးနံၤန့ၣ်လီၤ. 33 ဒီးပှၤလၢအထံၣ်န့ၢ်အထၢ ဖှိၣ်သ့ၣ်မုၣ်တဖၣ်န့ၣ်ဟဲစိာ်အီၤဆူစီၤမိၤရှ့, ဒီးစီၤအၤဟ ရိၣ်, ဒီးတၢ်အိၣ်ဖှိၣ်ခဲလၢာ်အအိၣ်လီၤ. 34 ဒီးအဝဲသ့ၣ် ပာ်အီၤလၢတၢ်ပၢၤအီၤအပူၤလီၤ. အဂ့ၢ်ဒ်အံၤ, ဘၣ်မၤ အီၤဒ်လဲၣ်ဒ်လဲၣ်န့ၣ်တၢ်တဒုးနဲၣ်ဒံးဘၣ်.
35 ဒီးယွၤစံးဘၣ်စီၤမိၤရှ့, ပှၤတဂၤန့ၣ်ကဘၣ်တၢ်မၤသံ အီၤသပှၢ်တၢၢ်လီၤ. တၢ်အိၣ်ဖှိၣ်ခဲလၢာ်ဘၣ်ကွံာ်အီၤလၢ လၢၢ်လၢပှၤသူၣ်ဒဲအလီၢ်လၢခိလီၤ. 36 ဒီးတၢ်အိၣ်ဖှိၣ်ဖိခဲ လၢာ်လဲၤစိာ်အီၤလၢပှၤသူၣ်ဒဲအလီၢ်လၢခိ, ဒီးကွံာ်အီၤ လၢလၢၢ်, ဒီးသံဝဲ, ဒ်ယွၤမၤလိာ်စီၤမိၤရှ့အသိးန့ၣ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 37 ကတိၤ တၢ်ဒီးပှၤအံၣ်စရ့လးဖိဒီးစံးဘၣ်အီၤ, လၢအကမၤတၢ် နွံလၢအကူအသိးအဃၢၤ လီၤလၢအစၢၤအသွဲၣ်အစိၤ စိၤအဃၣ်ဃၣ်, ဒီးပာ်လၢတၢ်ဃၢၤအတၢ်နွံအဖီခိၣ်လၢ ပျံၤဘ့ၣ်ဘၣ်လါလီၤ.
39 ဒီးကကဲထီၣ်ဝဲလၢတၢ်နွံလၢသုဂီၢ်, ဒ်သိးသုကကွၢ် အီၤ, ဒီးသ့ၣ်နီၣ်ထီၣ်က့ၤကယဲၢ်ယွၤအတၢ်မၤလိာ်, ဒီး တိၢ်န့ၢ်အီၤ, ဒီးဒ်သိးသုသုတဃုလူၤဒၣ်သုသးဒၣ်သုဝဲ, ဒီးဖဲသုမဲာ်ဒၣ်သုဝဲလၢ သုလူၤမၤကမၣ်ထွဲတ့ၢ်အခံန့ၣ် တဂ့ၤလီၤ. 40 ဒီးဒ်သိးသုကသ့ၣ်နီၣ်ထီၣ်က့ၤတၢ်, ဒီး တိၢ်န့ၢ်ကယဲၢ်ယတၢ်မၤလိာ်, ဒီးကဲထီၣ်ပှၤစီဆှံလၢသု ကစၢ်အဂီၢ်လီၤ.
41 ယဲဒၣ်အံၤ, ယမ့ၢ်ယွၤသုကစၢ်လၢအဒုးဟးထီၣ်ကွံာ် သုလၢကီၢ်အဲၤကူပတူးအပူၤ, ဒ်သိးယကကဲထီၣ်သုက စၢ်လီၤ. တၢ်လၢယၤအံၤ, ယမ့ၢ်ယွၤသုကစၢ်လီၤ.
16၁၆
1 ဒီးစီၤလ့ၤဝံအဖိခွါစီၤကဃးအဖိခွါ, စီၤယံးစတၢ်အ ဖိခွါ, စီၤကိၤရးအိၣ်ဒီးစီၤရူၤဘ့ၣ်အဖိခွါတဖၣ်စီၤအလံ အာ်အဖိခွါ, စီၤဒၤသၣ်ဒီးစီၤအဘံရၣ်, ဒီးစီၤပ့ၤလ့းအဖိ ခွါစီၤအိၣ်, ဟံးန့ၢ်အသကိးတဖၣ်, 2 ဒီးဂဲၤဆၢထၢၣ် လၢစီၤမိၤရှ့အမဲာ်ညါ, အိၣ်ဒီးပှၤအံၣ်စရ့လးဖိတနီၤနီၤ, ပဒိၣ်လၢတၢ်အိၣ်ဖှိၣ်အပူၤ, ပှၤဒိးတၢ်ကိးအီၤလၢတၢ် အိၣ်ဖှိၣ်အပူၤ, ပှၤလၢအမံၤဟူသၣ်ဖျါခံကယၤယဲၢ်ဆံ,―
3 ဒီးအိၣ်ဖှိၣ်ရိဖှိၣ်ထီဒါစီၤမိၤရှ့ဒီးစီၤအၤဟရိၣ်, ဒီးစံးဘၣ် အီၤ, အါလံလၢသုဂီၢ်လံ. အဂ့ၢ်ဒ်အံၤ, ပှၤအိၣ်ဖှိၣ်ခဲ လၢာ်န့ၣ် မ့ၢ်အစီဆှံကိးဂၤဒဲး, ဒီးယွၤအိၣ်လၢအကျါ လီၤ. ဒီးသုပာ်ထီၣ်ထီသုသးလၢယွၤအတၢ်အိၣ်ဖှိၣ်အ ဖီခိၣ်န့ၣ်မ့ၢ်အဘၣ်မနုၤလဲၣ်. ဒီးစီၤမိၤရှ့နၢ်ဟူဝဲ, ဒီးထိၣ်လီၤပှီၤအသးလီၤ. 4 ဒီးက တိၤတၢ်ဒီး စီၤကိၤရးဒီးအတၢ်အိၣ်ဖှိၣ်ခဲလၢာ်, ဒီးစံးဝဲ ဒၣ်, ခဲဂီၤကိာ်ယွၤကလီၣ်ဖျါထီၣ်ပှၤလၢအမ့ၢ်အတၢ်, ဒီးလၢအစီဆှံန့ၣ်, ဒီးကဒုးသုးဘူးအီၤဆူအအိၣ်, ပှၤ လၢအဃုထၢအီၤန့ၣ် ကဒုးသုးဘူးအီၤဆူအအိၣ်လီၤ.―
6 မၤတၢ်အံၤတက့ၢ်, သုဝဲသ့ၣ်, စီၤကိၤရးဒီးအတၢ်အိၣ် ဖှိၣ်ခဲလၢာ်, ဟံးန့ၢ်သပၢၤမ့ၣ်အူ, 7 ဒီးပာ်မ့ၣ်အူလၢအ ပူၤ, ဒီးပာ်တၢ်နၢမူဆိၣ်ကဲၤလၢအပူၤလၢ ယွၤအမဲာ်ညါ ခဲဂီၤကိာ်န့ၣ်တက့ၢ်. ဒီးတၢ်ကမၤအသးလၢပှၤလၢယွၤ ဃုထၢအီၤန့ၣ်အဝဲဒၣ်တၢ်စီဆှံဝဲလီၤ. အါလံလၢသုဂီၢ် လံ, စီၤလ့ၤဝံအဖိခွါသ့ၣ်ဧၢ.
8 ဒီးစီၤမိၤရှ့စံးဘၣ်စီၤကိၤရး, ဒိကနၣ်လၢ်တက့ၢ်, စီၤ လ့ၤဝံအဖိခွါသ့ၣ်ဧၢ, 9 အံၣ်စရ့လးအကစၢ်နီၤဖးသုလၢ အံၣ်စရ့လးအတၢ်အိၣ်ဖှိၣ်အပူၤ, ဒ်သိးအကဒုးဟဲဘူး သုဒီးအကစၢ်ဒၣ်ဝဲ, ဒ်သိးသုကမၤယွၤအတၢ်အိၣ်အ လီၢ်အတၢ်မၤ, ဒီးဆၢထၢၣ်လၢတၢ်အိၣ်ဖှိၣ်အမဲာ်ညါ, ဒ်သိးသုကမၤအခ့အပှၤအတၢ်မၤန့ၣ်, မ့ၢ်တၢ်အဆံးတ မံၤလၢသုမဲာ်ညါစ့ၢ်ကီးဧါ, 10 ဒီးဒုးလဲၤဘူးလံနၤ, ဒီး စီၤလ့ၤဝံအဖိခွါ, နဒီပုၢ်ဝဲၢ်ခဲလၢာ်အိၣ်ဒီးနၤလံ, ဒီးသု ဃုစ့ၢ်ကီးပှၤလုၢ်တၢ်အဒိၣ်အတၢ်ဧါ. 11 အကူၢ်မ့ၢ်ဒ်န့ၣ် ဒီးနဲဒၣ်ဒီးနတၢ်အိၣ်ဖှိၣ်ခဲလၢာ် အိၣ်ဖှိၣ်ထီဒါယွၤလီၤ. ဒီးစီၤအၤဟရိၣ်န့ၣ် မ့ၢ်တၢ်ဒ်လဲၣ်ဒ်လဲၣ်လၢသုကဒူးက ဒ့ၣ်တၢ်လၢအလိၤလဲၣ်.
12 ဒီးစီၤမိၤရှ့မၢပှၤလဲၤကိးန့ၢ်စီၤအလံအာ်အဖိခွါ စီၤဒၤ သၣ်ဒီးစီၤအဘံရၣ်, ဒီးအဝဲသ့ၣ်စံးဝဲဒၣ်, ပတလဲၤ ဘၣ်, 13 နဒုးဟးထီၣ်ပှၤလၢကီၢ်လၢအယွၤဒီးတၢ်နုၢ်ထံ ဒီးကနဲစီ, ဒ်သိးပကဘၣ်တၢ်မၤသံပှၤလၢပှၢ်မုၢ်ကနၢန့ၣ် တအါဘၣ်ဒီး, မ့ၢ်နပာ်နသးလၢနကကဲပဒိၣ်သပှၢ်တၢၢ် လၢပဖီခိၣ်ဧါ, 14 လၢန့ၣ်အမဲာ်ညါနတဒုးဟဲပှၤဆူကီၢ် လၢအယွၤဝဲဒီးတၢ်နုၢ်ထံဒီးကနဲစီဘၣ်, နတဟ့ၣ်သါ ဘၣ်ပှၤလၢစံာ်ဧိၤပှဲၤဧိၤ, လၢစပံးအလီၢ်ဘၣ်. နကအူခွဲး ထီၣ်ကွံာ်ပှၤတဖၣ်န့ၣ်အမဲာ်စ့ၢ်ကီးဧါ. ပတလဲၤဘၣ်.
15 ဒီးစီၤမိၤရှ့အသးထီၣ်ကဲၤထီၣ်ဒိၣ်မး, ဒီးစံးဘၣ်ယွၤ, ကွၢ်အတၢ်မၤဘူၣ်တဂ့ၤ, ယတဟံးန့ၢ်ဘၣ်ကသ့ၣ်ယီၤ တဒုဧိၤလၢအီၤ, ဒီးယတမၤအၢဘၣ်အီၤနီတဂၤဘၣ်.
16 ဒီးစီၤမိၤရှ့စံးဘၣ်စီၤကိၤရး, ခဲဂီၤကိာ်နဲဒၣ်ဒီးနတၢ် အိၣ်ဖှိၣ်ခဲလၢာ်အိၣ်လၢယွၤအမဲာ်ညါ, နဲဒၣ်ဒီးအဝဲသ့ၣ် တဖၣ်, ဒီးစီၤအၤဟရိၣ်တက့ၢ်. 17 ဒီးမ်ပှၤဟံးန့ၢ်တဂၤ အသပၢၤမ့ၣ်အူဒၣ်ဝဲ, တဂၤအသပၢၤမ့ၣ်အူဒၣ်ဝဲ, ဒီး ပာ်တၢ်နၢမူဆိၣ်ကဲၤလၢအပူၤ, ဒီးဟဲစိာ်ဆူယွၤအမဲာ် ညါတဂၤအသပၢၤမ့ၣ်အူဒၣ်ဝဲ, တဂၤအသပၢၤမ့ၣ်အူ ဒၣ်ဝဲ, သပၢၤမ့ၣ်အူခံကယၤယဲၢ်ဆံ, နဲဒၣ်စ့ၢ်ကီးဒီး စီၤအၤဟရိၣ်တဂၤအသပၢၤမ့ၣ်အူဒၣ်ဝဲ, တဂၤအသပၢၤ မ့ၣ်အူဒၣ်ဝဲန့ၣ်တက့ၢ်.
18 ဒီးဟံးန့ၢ်ဝဲတဂၤ အသပၢၤမ့ၣ်အူဒၣ်ဝဲ, ဒီးပာ်မ့ၣ်အူ လၢအပူၤ, ဒီးပာ်တၢ်နၢမူဆိၣ်ကဲၤလၢအဖီခိၣ်, ဒီးဆၢ ထၢၣ်လၢတၢ်အိၣ်ဖှိၣ်အဒဲအကျဲစၢၤအိၣ်ဒီးစီၤမိၤရှ့, ဒီး စီၤအၤဟရိၣ်လီၤ.
19 ဒီးစီၤကိၤရးဒုးအိၣ်ဖှိၣ် အတၢ်အိၣ်ဖှိၣ်ခဲလၢာ် ထီဒါ အီၤဆူတၢ်အိၣ်ဖှိၣ်အဒဲအကျဲစၢၤလီၤ. ဒီးယွၤအလၤက ပီၤအိၣ်ဖျါထီၣ်လၢတၢ်အိၣ်ဖှိၣ်ခဲလၢာ်အမဲာ်ညါလီၤ.
20 ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံးဝဲ ဒၣ်, 21 မၤလီၤဖးသုသးဒီးတၢ်အိၣ်ဖှိၣ်အံၤအအိၣ်, ဒ်သိး ယကဒုးတၢ်အီၣ်ကွံာ်အီၤ သတူၢ်ကလာ်တက့ၢ်. 22 ဒီး ထိၣ်လီၤပှီၤအသးဒီးစံးဝဲဒၣ်, ကစၢ်ဧၢ, ကယဲၢ်တၢ်ညၣ် ခဲလၢာ်အသးတဖၣ်အကစၢ်ဧၢ, ပှၤတဂၤမၤတၢ်ဒဲးဘး, ဒီးနသးကထီၣ်ဘၣ်တၢ်အိၣ်ဖှိၣ်ခဲလၢာ်စ့ၢ်ကီးဧါ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 23 ကတိၤ တၢ်ဒီးတၢ်အိၣ်ဖှိၣ်, ဒီးစံးဘၣ်အီၤ, ဟးထီၣ်ကွံာ်လၢ တၢ်ဝးတရံးစီၤကိၤရး, ဒီးစီၤဒၤသၣ်, ဒီးစီၤအဘံရၣ်အ ဒဲတက့ၢ်.
25 ဒီးစီၤမိၤရှ့ဂဲၤဆၢထၢၣ်, ဒီးလဲၤဆူစီၤဒၤသၣ်ဒီးစီၤအ ဘံရၣ်အအိၣ်, ဒီးပှၤအံၣ်စရ့လးဖိအပှၤသူၣ်က့သးပှၢ် တဖၣ်ပိာ်ထီၣ်အခံလီၤ. 26 ဒီးကတိၤတၢ်ဒီးတၢ်အိၣ်ဖှိၣ် ဒီးစံးဝဲဒၣ်, ဟးထီၣ်ကွံာ်လၢ်လၢပှၤအၢတဖၣ်အံၤအဒဲ တက့ၢ်. ဒီးထိးအတၢ်နီတမံၤတဂ့ၤ, သုကဘၣ်တၢ် အီၣ်ကွံာ်ဘၣ်ဖုးသုလၢအတၢ်ဒဲးဘးခဲလၢာ်အပူၤလီၤ.
27 ဒီးဟးထီၣ်ကွံာ်ဝဲလၢစီၤကိၤရး, စီၤဒၤသၣ်, ဒီးစီၤ အဘံရၣ်အဒဲကိးခီဒဲး, ဒီးစီၤဒၤသၣ်ဒီးစီၤအဘံရၣ်ဟဲ ထီၣ်ဒီးဆၢထၢၣ်ဝဲလၢအဒဲတဖၣ်အကျဲစၢၤန့ၣ်, ဒီးအ မါတဖၣ်, ဒီးအဖိခွါတဖၣ်, ဒီးအဖိဆံးတဖၣ်လီၤ.
28 ဒီးစီၤမိၤရှ့စံးဝဲဒၣ်, လၢအဝဲအံၤ သုကသ့ၣ်ညါလၢ ယွၤမၢလီၤယၤဒ်သိးယကမၤတၢ်မၤတဖၣ်န့ၣ်, (အဂ့ၢ် ဒ်အံၤ, တမ့ၢ်ဘၣ်ယၤလၢယသးဒၣ်ယဲဘၣ်.) 29 ပှၤတ ဖၣ်န့ၣ်မ့ၢ်သံဒ်ပှၤခဲလၢာ်သံဝဲအသိး, ဒီးတၢ်မ့ၢ်အိၣ်သ ကိးအီၤဒ်တၢ်အိၣ်သကိးပှၤခဲလၢာ်အသိးဒီး, ယွၤတမၢ လီၤယၤဘၣ်. 30 မ့မ့ၢ်ယွၤမ့ၢ်တ့လီၤတၢ်အသီတမံၤ, ဒီး ဟီၣ်ခိၣ်မ့ၢ်အဲးထီၣ်အထးခိၣ်, ဒီးယူၢ်လီၤကွံာ်အီၤဒီးက ယဲၢ်တၢ်အိၣ်ဒီးအီၤခဲလၢာ်, ဒီးအဝဲသ့ၣ်မူဝဲဒီးလဲၤလီၤ ဆူပျုၤပူၤဒီး, သုကသ့ၣ်ညါလၢပှၤတဖၣ်န့ၣ်မၤတရီတ ပါယွၤလံလီၤ.
31 ဒီးတုၤအကတိၤတၢ်ကတိၤခဲလၢာ်န့ၣ်ဝံၤဒီး, တၢ်မၤ အသးလၢဟီၣ်ခိၣ်အိၣ်လၢအဖီလာ်သ့ၣ်ဖး, 32 ဒီးဟီၣ် ခိၣ်အဲးထီၣ်အထးခိၣ်, ဒီးယူၢ်လီၤကွံာ်အီၤဒီးအဟံၣ်တ ဖၣ်, ဒီးကယဲၢ်ပှၤကညီလၢအအိၣ်ဒီးစီၤကိၤရး, ဒီးအ စုလီၢ်အခီၣ်ခိၣ်ခဲလၢာ်, 33 အဝဲသ့ၣ်တဖၣ်, ဒီးကယဲၢ် ပှၤအိၣ်ဒီးအီၤခဲလၢာ်မူဝဲဒီး လဲၤလီၤဆူပျုၤပူၤဒီးဟီၣ်ခိၣ် ကျၢၢ်ဘၢတၢ်လၢအဖီခိၣ်, ဒီးဟါမၢ်ကွံာ်ဝဲလၢတၢ်အိၣ် ဖှိၣ်အပူၤတကူၢ်သ့ၣ်လီၤ.
34 ဒီးကယဲၢ်ပှၤအံၣ်စရ့လးဖိ လၢအအိၣ်ဝးတရံးအီၤန့ၣ် ဃ့ၢ်ဝဲလၢအဝဲသ့ၣ်အတၢ်ကိးပသူအမဲာ်ညါလီၤ. အဂ့ၢ် ဒ်အံၤ, စံးဝဲဒၣ်, ဟီၣ်ခိၣ်ကယူၢ်ကွံာ်ဘၣ်ဖုးပှၤလီၤ.
35 ဒီးမ့ၣ်အူဟဲထီၣ်လၢယွၤအအိၣ်, ဒီးအီၣ်ကွံာ်ပှၤခံက ယၤယဲၢ်ဆံလၢအမၤဘူၣ်တၢ်နၢမူဆိၣ်ကဲၤလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 36 စံးဘၣ် ပှၤလုၢ်တၢ်အဒိၣ်, စီၤအၤဟရိၣ်အဖိခွါစီၤအလၤဧစၢ်, ဒ်သိးအကထုးထီၣ်သပၢၤမ့ၣ်အူလၢ မ့ၣ်အူအီၣ်တၢ်အ ပူၤ, ဒီးဖှံနဲမ့ၣ်အူဆူဘးန့ၣ်တက့ၢ်. အဂ့ၢ်ဒ်အံၤ, စီဆှံ ထီၣ်ဝဲလီၤ.
38 ပှၤမၤကမၣ်လီၤအသးဒၣ်ဝဲတဖၣ် အသပၢၤမ့ၣ်အူ န့ၣ်, မ်ပှၤမၤတၢ်ဘ့ၣ်ဘၣ်လၢအီၤ, တၢ်ကျးလၢတၢ် လုၢ်လီၢ်အဂီၢ်န့ၣ်တက့ၢ်. အဂ့ၢ်ဒ်အံၤ, မၤဘူၣ်ဝဲလၢ ယွၤအမဲာ်ညါ, ဒီးစီဆှံထီၣ်ဝဲလီၤ. ဒီးကကဲထီၣ်တၢ် ပနီၣ်လၢပှၤအံၣ်စရ့လးဖိအဂီၢ်လီၤ.
39 ဒီးပှၤလုၢ်တၢ်အဒိၣ်စီၤအလၤဧစၢ်န့ၣ် ဟံးန့ၢ်သပၢၤ တိၢ်မ့ၣ်အူလၢ ပှၤလၢမ့ၣ်အူအီၣ်ကွံာ်အီၤမၤဘူၣ်ဝဲ, ဒီး တၢ်မၤအီၤလၢတၢ်ဘ့ၣ်ဘၣ်, တၢ်ကျးဘၢတၢ်လုၢ်လီၢ် အဂီၢ်, 40 နီၣ်သ့ၣ်နီၣ်ထီၣ်က့ၤလၢပှၤအံၣ်စရ့လးဖိအဂီၢ်, ဒ်သိးပှၤတခီဒူၣ်ဖိလၢအတမ့ၢ်ဘၣ် စီၤအၤဟရိၣ်အချံ အသၣ်ဘၣ်န့ၣ်အသုတသုးဘူးအသးလၢ အကမၤဘူၣ် တၢ်နၢမူဆိၣ်ကဲၤလၢယွၤအမဲာ်ညါတဂ့ၤ, ဒ်သိးအသု တကဲထီၣ်တၢ်ဒ်စီၤကိၤရး, ဒီးဒ်အတၢ်အိၣ်ဖှိၣ်အသိး, ဒ်ယွၤစံးဘၣ်အီၤလၢစီၤမိၤရှ့အစုပူၤအသိးန့ၣ်တဂ့ၤလီၤ.
41 ဒီးမုၢ်ဆ့ၣ်ထီၣ်တနံၤန့ၣ် ပှၤအံၣ်စရ့လးဖိအတၢ်အိၣ် ဖှိၣ်ခဲလၢာ်ကဒူးကဒ့ၣ်တၢ်လၢစီၤမိၤရှ့ဒီး စီၤအၤဟရိၣ် အလိၤ, ဒီးစံးဝဲဒၣ်, သုမၤသံလံယွၤအပှၤဂီၢ်မုၢ်လံလီၤ.
42 ဒီးတုၤတၢ်အိၣ်ဖှိၣ်န့ၣ်အိၣ်ဖှိၣ်ထီဒါ စီၤမိၤရှ့ဒီးစီၤအၤ ဟရိၣ်ဒီး, တၢ်မၤအသးလၢအကွၢ်ဝဲဆူတၢ်အိၣ်ဖှိၣ်အ ဒဲ, ဒီးကွၢ်ကွၢ်, တၢ်အၢၣ်န့ၣ်လုၣ်ဘၢကွံာ်အီၤ, ဒီးယွၤ လၤအကပီၤအိၣ်ဖျါထီၣ်လီၤ. 43 ဒီးစီၤမိၤရှ့ဒီးစီၤအၤဟ ရိၣ်ဟဲဝဲဆူတၢ်အိၣ်ဖှိၣ်အဒဲအမဲာ်ညါလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 44 ဂဲၤဆၢ ထၢၣ်ကွံာ်လၢတၢ်အိၣ်ဖှိၣ်အံၤအပူၤ, ဒ်သိးယကမၤတၢ် အီၣ်ကွံာ်အီၤလၢတစိၢ်ဖိအတီၢ်ပူၤန့ၣ်တက့ၢ်. ဒီးအဝဲ သ့ၣ်ထိၣ်လီၤပှီၤအသးလီၤ.
46 ဒီးစီၤမိၤရှ့စံးဘၣ်စီၤအၤဟရိၣ်, ဟံးန့ၢ်သပၢၤမ့ၣ်အူ တဖျၢၣ်, ဒီးပာ်မ့ၣ်အူလၢအပူၤလၢတၢ်လုၢ်လီၢ်အဖီခိၣ်, ဒီးပာ်တၢ်နၢမူဆိၣ်ကဲၤလၢအဖီခိၣ်, ဒီးလဲၤချ့ချ့ဆူတၢ် အိၣ်ဖှိၣ်အပူၤ, ဒီးမၤတၢ်ပူၤဖျဲးလၢအဂီၢ်တက့ၢ်. အဂ့ၢ် ဒ်အံၤ, တၢ်သးထီၣ်ဟးထီၣ်လံလၢ ယွၤအအိၣ်လံ, တၢ်သံသတြိာ်အိၣ်ထီၣ်သီလံ.
47 ဒီးစီၤအၤဟရိၣ်ဟံးန့ၢ်တၢ် ဒ်စီၤမိၤရှ့မၤလိာ်တၢ်အ သိး, ဒီးဃ့ၢ်ဝဲဆူတၢ်အိၣ်ဖှိၣ်အသးကံၢ်ပူၤ, ဒီးကွၢ်ကွၢ်, တၢ်သံသတြိာ်အိၣ်ထီၣ်သီလံလၢပှၤဂီၢ်မုၢ်အကျါလံ, ဒီး ပာ်တၢ်နၢမူဆိၣ်ကဲၤလၢအဖီခိၣ်, ဒီးမၤတၢ်ပူၤဖျဲးလၢ ပှၤဂီၢ်မုၢ်အဂီၢ်လီၤ.
48 ဒီးဆၢထၢၣ်ဝဲလၢပှၤသံတဖၣ်ဒီး ပှၤမူတဖၣ်အဘၢၣ် စၢၤန့ၣ်လီၤ. 49 ဒီးတၢ်သံသတြိာ်အိၣ်ကတီၢ်လီၤ. ဒီးပှၤ သံဝဲလၢတၢ်သံသတြိာ်အပူၤန့ၣ် တကလးဒီးလွံၢ်က ထိဒီးနွံကယၤလီၤ. ပှၤလၢအသံလၢစီၤကိၤရးအမူးပူၤ န့ၣ်အိၣ်ဒံးလၢအဝဲန့ၣ်အမဲာ်ညါလီၤ.
50 ဒီးစီၤအၤဟရိၣ်က့ၤက့ၤဆူ စီၤမိၤရှ့အအိၣ်ဖဲတၢ်အိၣ် ဖှိၣ်အဒဲအကျဲစၢၤလီၤ. ဒီးတၢ်သံသတြိာ်အိၣ်ကတီၢ်လီၤ.
17၁၇
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― ကတိၤ တၢ်ဒီးပှၤအံၣ်စရ့လးဖိ, ဒီးဟံးန့ၢ်နီၣ်ထိးဘိလၢတဂၤ တဘိ, လၢတဂၤတဘိဒ်အပၢ်အဟံၣ်တဖၣ်အသိးန့ၣ်, လၢအပဒိၣ်ဒ်အပၢ်အဟံၣ်တဖၣ်အသိးခဲလၢာ်, နီၣ်ထိး ဘိတဆံခံဘိန့ၣ်တက့ၢ်. ကွဲးတဂၤအမံၤ တဂၤအမံၤ လၢအနီၣ်ထိးဘိဒၣ်ဝဲအလိၤန့ၣ်တက့ၢ်.
3 ဒီးလၢလ့ၤဝံအနီၣ်ထိးဘိအလိၤန့ၣ် နဘၣ်ကွဲးစီၤအၤ ဟရိၣ်အမံၤလီၤ. အဂ့ၢ်ဒ်အံၤ, နီၣ်ထိးဘိတဘိန့ၣ်က အိၣ်လၢအပၢ်အဟံၣ်အခိၣ်အဂီၢ်လီၤ.
4 ဒီးနဘၣ်ပာ်လီၤအီၤလၢ တၢ်အိၣ်ဖှိၣ်အဒဲပူၤလၢတၢ် အၢၣ်လီၤအီလီၤအမဲာ်ညါ, ဖဲယသဂၢၢ်သုလီၤ. 5 ဒီး တၢ်ကမၤအသးလၢ ပှၤလၢယကဃုထၢအီၤတဂၤအ နီၣ်ထိးဘိကဖီထီၣ်, ဒ်သိးပှၤအံၣ်စရ့လးဖိအတၢ်ကဒူး ကဒ့ၣ်လၢယလိၤလၢအကဒူးကဒ့ၣ်လၢသုလိၤန့ၣ် ယ ကဒုးတုာ်ထီၣ်လီၤ.
6 ဒီးစီၤမိၤရှ့ကတိၤတၢ်ဒီးပှၤအံၣ်စရ့လးဖိ, ဒီးကယဲၢ် အပဒိၣ်တဖၣ်ဟ့ၣ်လီၤအနီၣ်ထိးဘိ, ပဒိၣ်တဂၤတဘိ တဂၤတဘိကိးဂၤဒဲး, ဒ်အပၢ်အဟံၣ်အသိးန့ၣ်, နီၣ် ထိးဘိတဆံခံဘိလီၤ. ဒီးစီၤအၤဟရိၣ်အနီၣ်ထိးဘိန့ၣ် အိၣ်ဝဲလၢနီၣ်ထိးဘိတဖၣ်အကျါလီၤ.
7 ဒီးစီၤမိၤရှ့ပာ်လီၤနီၣ်ထိးဘိတဖၣ်လၢဒဲပူၤလၢယွၤအ မဲာ်ညါလီၤ. 8 ဒီးတၢ်မၤအသးလၢမုၢ်ဆ့ၣ်ထီၣ်တနံၤန့ၣ် စီၤမိၤရှ့လဲၤနုာ်လၢတၢ်အၢၣ်လီၤအီလီၤအဒဲပူၤ, ဒီးကွၢ် ကွၢ်, စီၤအၤဟရိၣ်အနီၣ်ထိးဘိလၢ လ့ၤဝံအဟံၣ်အ ဂီၢ်တဘိန့ၣ်ဒိးထီၣ်လံ, ဒီးဘိၣ်ထီၣ်လံ, ဒီးဆှိးထီၣ်လံ, ဒီးသၣ်ထီၣ်လံၡၤကးသၣ်လံ.
9 ဒီးစီၤမိၤရှ့ဟဲက့ၤစိာ်ထီၣ်နီၣ်ယိးဘိခဲလၢာ် လၢယွၤ အအိၣ်ဆူပှၤအံၣ်စရ့လးဖိအအိၣ်, ဒီးအဝဲသ့ၣ်တဖၣ် န့ၣ်ကွၢ်ဝဲ, ဒီးဟံးန့ၢ်ဝဲတဂၤအနီၣ်ထိးဘိဒၣ်ဝဲ, တဂၤ အနီၣ်ထိးဘိဒၣ်ဝဲလီၤ.
10 ဒီးယွၤစံးဘၣ်စီၤမိၤရှ့, ဟဲက့ၤစိာ်စီၤအၤဟရိၣ်အနီၣ် ထိးဘိဆူတၢ်အၢၣ်လီၤအီလီၤအမဲာ်ညါ, ဒ်သိးတၢ်က ပၢၤအီၤလၢတၢ်ပနီၣ်လၢ ပှၤပူထီၣ်ဖိတဖၣ်အဂီၢ်န့ၣ်တ က့ၢ်. ဒီးနဘၣ်ဒုးတုာ်အတၢ်ကဒူးကဒ့ၣ်လၢယလိၤဒ် သိးအသုတသံတဂ့ၤလီၤ.
11 ဒီးစီၤမိၤရှ့မၤဝဲလီၤ. ဒ်ယွၤမၤလိာ်စီၤမိၤရှ့အသိးန့ၣ် မၤဝဲဒ်န့ၣ်သိးလီၤ.
12 ဒီးပှၤအံၣ်စရ့လးဖိကတိၤတၢ်ဒီးစီၤမိၤရှ့, ဒီးစံးဝဲဒၣ်, ကွၢ်ကွၢ်ပကသံလၢတၢ်သံသတြိာ်, တၢ်မၤဟးဂီၤပှၤ, တၢ်မၤဟးဂီၤပှၤကိးဂၤဒဲးလီၤ. 13 ပှၤလၢအလဲၤဘူးဒီးယွၤ အတၢ်အိၣ်အလီၢ် သပှၢ်တၢၢ်ကိးဂၤဒဲးန့ၣ် ကသံလီၤ. ပကလၢာ်လၢတၢ်သံသတြိာ်စ့ၢ်ကီးဧါ.
18၁၈
1 ဒီးယွၤစံးဘၣ်စီၤအၤဟရိၣ်, နဲဒၣ်, ဒီးနဖိခွါတဖၣ်, ဒီးနပၢ်အဟံၣ်အိၣ်ဒီးနၤန့ၣ် ဘၣ်စိာ်တၢ်အလီၢ်စီဆှံအ တၢ်အၢလီၤ. ဒီးနၤဒီးနဖိခွါတဖၣ်အိၣ်ဒီးနၤန့ၣ်ဘၣ်စိာ် သုပှၤလုၢ်တၢ်အဒိၣ်အတၢ်အၢလီၤ.
2 ဒီးနဒီပုၢ်ဝဲၢ်စ့ၢ်ကီး, ပှၤလ့ၤဝံဖိတဒူၣ်နပၢ်အဒူၣ်, ဟဲ စိာ်ဒီးနၤဒ်သိးအကဘျုးအသးဒီးနၤ, ဒီးမၤနခ့နပှၤအ တၢ်န့ၣ်တက့ၢ်. မ့မ့ၢ်နဲဒၣ်ဒီးနဖိခွါအိၣ်ဒီးနၤတဖၣ်န့ၣ် ဘၣ်မၤတၢ်လၢတၢ်အၢၣ်လီၤအီလီၤအဒဲအမဲာ်ညါလီၤ.
3 ဒီးအဝဲသ့ၣ်တဖၣ်န့ၣ် ဘၣ်ကွၢ်နတၢ်ကွၢ်, ဒီးတၢ် ကွၢ်ဘၣ်ဃးဒီးဒဲဒီဖျၢၣ်ညါလီၤ. ထဲအတဘၣ်သုးဘူး အသးဒီးတၢ်အလီၢ်စီဆှံအတၢ်ဖိတၢ်လံၤ, ဒီးတၢ်လုၢ် လီၢ်ဘၣ်, ဒ်သိးအဝဲသ့ၣ်မ့ၢ်ဂ့ၤ, သုဝဲစ့ၢ်ကီးမ့ၢ်ဂ့ၤအသု တသံတဂ့ၤန့ၣ်လီၤ.
4 ဒီးအဝဲသ့ၣ်တဖၣ်န့ၣ်ကအိၣ်လၢနပူၤ, ဒီးကွၢ်တၢ် ကွၢ်ဘၣ်ဃးဒီးတၢ်အိၣ်ဖှိၣ်အဒဲ, လၢဒဲအတၢ်မၤခဲလၢာ် အဂီၢ်လီၤ. ဒီးပှၤတခီဘီမုၢ်တဘၣ်သုးဘူးအသးဆူသု အိၣ်ဘၣ်.
5 ဒီးသုဝဲသ့ၣ်တဖၣ်န့ၣ် သုဘၣ်ကွၢ်တၢ်ကွၢ်ဘၣ်ဃး ဒီးတၢ်အလီၢ်စီဆှံ, ဒီးတၢ်ကွၢ်ဘၣ်ဃးဒီးတၢ်လုၢ်လီၢ်, ဒ်သိးတၢ်သးထီၣ်အသုတဘၣ်လၢၤ ပှၤအံၣ်စရ့လးဖိ တဂ့ၤလီၤ.
6 ဒီးယဲဒၣ်အံၤကွၢ်ကွၢ်, ယဟံးန့ၢ်သုဒီပုၢ်ဝဲၢ်ပှၤလ့ၤဝံဖိ လၢပှၤအံၣ်စရ့လးဖိအကျါလီၤ. တၢ်ဟ့ၣ်လီၤအီၤလၢ သုလၢတၢ်ဟ့ၣ်လၢယွၤအမံၤ, ဒ်သိးအကမၤတၢ်အိၣ် ဖှိၣ်အဒဲအကုၢ်အပှၤအတၢ်မၤလီၤ.
7 ဒီးနဲဒၣ်ဒီးနဖိခွါတဖၣ်အိၣ်ဒီးနၤန့ၣ် ဘၣ်ကွၢ်သုပှၤ လုၢ်တၢ်အဒိၣ်အတၢ်, လၢကယဲၢ်တၢ်ဘၣ်ဃးဒီးတၢ် လုၢ်လီၢ်, ဒီးလၢယၣ်ဘျးထီၣ်အသးလၢညါခီ, ဒီးသု ကမၤတၢ်လီၤ. ယဟ့ၣ်လီၤလံသုလၢပှၤလုၢ်တၢ်အဒိၣ် အတၢ်မၤ, တၢ်ဟ့ၣ်ဘၣ်ဃးဒီးတၢ်မၤလီၤ. ဒီးပှၤတခီ ဘီမုၢ်ဖိလၢအသုးဘူးအသးကဘၣ်တၢ်မၤသံအီၤလီၤ.
8 ဒီးယွၤကတိၤတၢ်ဒီးစီၤအၤဟရိၣ်, ကွၢ်ကွၢ်, တၢ် ဟ့ၣ်လီၤလံနၤလၢတၢ်ကွၢ်ဘၣ်ဃးဒီး ယတၢ်ဝံၢ်တဖၣ်, လၢပှၤအံၣ်စရ့လးဖိ အတၢ်စီဆှံတဖၣ်ခဲလၢာ်အကျါ လီၤ. ယဟ့ၣ်လီၤအီၤလၢနၤဒီးနဖိခွါတဖၣ် လၢတၢ်ဖှူ အဃိ, လၢတၢ်အလုၢ်အလၢ်အထူအယိာ်လီၤ.
9 အအံၤကကဲထီၣ်နတၢ် လၢတၢ်စီဆှံကတၢၢ်တဖၣ် အကျါလၢတၢ်ပူၤဖျဲးဒီးမ့ၣ်အူတဖၣ်အကျါန့ၣ် ကယဲၢ် အမၤဘူၣ်, ကယဲၢ်အမၤဘူၣ်ကိၣ်, ဒီးကယဲၢ်အတၢ် လုၢ်တၢ်ဒဲးဘး, ဒီးကယဲၢ်အတၢ်လုၢ်တၢ်ကမၣ်ခဲလၢာ် လၢအကမၤဘူၣ်ယၤန့ၣ် မ့ၢ်တၢ်စီဆှံကတၢၢ်လၢနဂီၢ်, ဒီးလၢနဖိခွါတဖၣ်အဂီၢ်လီၤ, 10 ဒီးနဘၣ်အီၣ်အီၤလၢ တၢ်အလီၢ်စီဆှံကတၢၢ်အပူၤလီၤ. ကယဲၢ်ပှၤပိာ်ခွါက အီၣ်ဘၣ်အီၤလီၤ. ကကဲထီၣ်တၢ်စီဆှံလၢနဂီၢ်လီၤ.
11 ဒီးအအံၤမ့ၢ်နတၢ်, တၢ်ဝံၢ်လၢအတၢ်ဟ့ၣ်အပူၤ, ဒီး ကယဲၢ်ပှၤအံၣ်စရ့လးဖိအတၢ်ဝၢ်လီၤ. ယဟ့ၣ်လီၤလံ အီၤလၢနၤ, ဒီးလၢနဖိခွါတဖၣ်, ဒီးလၢနဖိမုၣ်တဖၣ် အိၣ်ဒီးနၤ, လၢတၢ်အလုၢ်အလၢ်အထူအယိာ်လီၤ. က ယဲၢ်ပှၤကဆှီတဖၣ်လၢနဟံၣ်ပူၤန့ၣ် ကအီၣ်ဘၣ်ဝဲကိး ဂၤဒဲးလီၤ.
12 တၢ်သိအဂ့ၤကတၢၢ်ခဲလၢာ်, ဒီးစပံးထံအဂ့ၤကတၢၢ် ခဲလၢာ်, ဒီးဘုကၠူၣ်အဂ့ၤကတၢၢ်ခဲလၢာ်, ဒီးတၢ်အဆိ လၢအမၤဘူၣ်ယွၤန့ၣ်ယဟ့ၣ်လီၤလံအီၤလၢနၤလံ, 13 က ယဲၢ်တၤသၣ်လၢအမံဆိလၢကီၢ်ပူၤန့ၣ် လၢအကဟဲစိာ် ဆူယွၤအအိၣ်ခဲလၢာ်န့ၣ် ကကဲထီၣ်နတၢ်လီၤ. ပှၤက ဆှီလၢနဟံၣ်ပူၤန့ၣ် ကအီၣ်ဘၣ်ဝဲကိးဂၤဒဲးလီၤ. 14 က ယဲၢ်တၢ်လၢ အဘၣ်တၢ်ပာ်အီၤဒီးတၢ်ဆိၣ်န့ၣ် ကကဲ ထီၣ်နတၢ်ခဲလၢာ်လီၤ.
15 ကယဲၢ်တၢ်လၢအအိးထီၣ် တၢ်ဒၢအလီၢ်လၢတၢ်ညၣ် ခဲလၢာ်အကျါလၢပှၤဟဲစိာ်ဆူယွၤအအိၣ်, ပှၤကညီမ့ၢ် ဂ့ၤ, ဆၣ်ဖိကီၢ်ဖိမ့ၢ်ဂ့ၤ, ကကဲထီၣ်နတၢ်ခဲလၢာ်လီၤ. ဘၣ်ဆၣ်ဒီးပှၤကညီအဝဲၢ်ကိန့ၣ် နဘၣ်ပှ့ၤက့ၤအီၤသ ပှၢ်တၢၢ်, ဒီးဆၣ်ဖိကီၢ်ဖိတကဆှီဘၣ်န့ၣ်နဘၣ်ပှ့ၤက့ၤ အီၤလီၤ.
16 ဒီးတၢ်လၢအကဘၣ်တၢ်ပှ့ၤက့ၤအီၤန့ၣ် လၢအသးပှၢ် တလါလံၤလံၤနဘၣ်ပှ့ၤက့ၤ ဒ်နပာ်အပှ့ၤအသိးလၢစ့ ယဲၢ်ၡက့လးအဂီၢ်, ဒ်တၢ်အလီၢ်စီဆှံအၡက့လးအသိး လၢအမ့ၢ်က့ရၤခံဆံလီၤ.
17 မ့မ့ၢ်ဂီၤဖံးမိၢ်အဝဲၢ်ကိ, ဒီးသိမိၢ်အဝဲၢ်ကိ, ဒီးမဲာ်တဲး လဲးမိၢ်အဝဲၢ်ကိန့ၣ်နတဘၣ်ပှ့ၤက့ၤဘၣ်, မ့ၢ်တၢ်စီဆှံလီၤ. နဘၣ်ဖှံအသွံၣ်လၢတၢ်လုၢ်လီၢ်အဖီခိၣ်, ဒီးနဘၣ်ဆိၣ် ကဲၤကွံာ်အသိ, တၢ်လုၢ်လၢမ့ၣ်အူ, လၢတၢ်နၢမူလၢယွၤ အဂီၢ်လီၤ. 18 ဒီးအတၢ်ညၣ်တဖၣ်ကကဲထီၣ်နတၢ်ဒ်တၢ် ဝၢ်အသးနါပှၢ်, ဒီးဖံဘၣ်ခိၣ်အထွဲန့ၣ်မ့ၢ်နတၢ်အသိးန့ၣ် လီၤ.
19 ဒီးကယဲၢ်တၢ်ဝံၢ်လၢ တၢ်စီဆှံတဖၣ်အကျါ လၢပှၤ အံၣ်စရ့လးဖိမၤဘူၣ်ယွၤအကျါခဲလၢာ်န့ၣ် ယဟ့ၣ်လီၤ လံနၤ, ဒီးနဖိခွါတဖၣ်, ဒီးနဖိမုၣ်တဖၣ်အိၣ်ဒီးနၤလၢ တၢ်အလုၢ်အလၢ်အထူအယိာ်လီၤ. မ့ၢ်တၢ်အၢၣ်လီၤ အထူအယိာ်ဘၣ်ဃးဒီး အံသၣ်လၢယွၤအမဲာ်ညါလၢ နဂီၢ်, ဒီးလၢနချံနသၣ်အိၣ်ဒီးနၤအဂီၢ်လီၤ.
20 ဒီးယွၤစံးဘၣ်စီၤအၤဟရိၣ်, နတန့ၢ်ဘၣ်သါတၢ်လၢ အကီၢ်ပူၤ, ဒီးနတန့ၢ်ဘၣ်နဂီၢ်လၢအကျါဘၣ်, တၢ် လၢယၤအံၤယမ့ၢ်နဂီၢ်, ဒီးနတၢ်န့ၢ်သါလၢပှၤအံၣ်စရ့ လးဖိအကျါလီၤ.
21 ဒီးကွၢ်ကွၢ်, ယဟ့ၣ်လီၤလံဆံဆဲၣ်ပူတပူခဲလၢာ်လၢ အံၣ်စရ့လးအပူၤလၢပှၤလ့ၤဝံဖိလၢ တၢ်န့ၢ်သါအဂီၢ် လၢအတၢ်မၤလၢအမၤဝဲအဃိ, တၢ်အိၣ်ဖှိၣ်အဒဲအတၢ် မၤန့ၣ်လီၤ.
22 ဒီးပှၤအံၣ်စရ့လးဖိ တသုးဘူးလၢၤဘၣ်အသးဆူတၢ် အိၣ်ဖှိၣ်အဒဲဘၣ်, ကဘၣ်ဘၣ်ဖုးအတၢ်ဒဲးဘးဒီးသံဝဲ လီၤ.
23 မ့မ့ၢ်ပှၤလ့ၤဝံဖိဘၣ်မၤ တၢ်အိၣ်ဖှိၣ်အဒဲအခ့အပှၤအ တၢ်မၤ, ဒီးစိာ်အတၢ်အၢလီၤ. မ့ၢ်တၢ်အလုၢ်အလၢ်အ ထူအယိာ်လီၤလၢသုစၢၤသုသွဲၣ် အစိၤစိၤအဃၣ်ဃၣ် လၢအဝဲသ့ၣ်တဖၣ်န့ၣ် တန့ၢ်ဘၣ်သါတၢ်လၢပှၤအံၣ် စရ့လးဖိအကျါဘၣ်လီၤ.
24 ဒီးပှၤအံၣ်စရ့လးအတၢ်ဆံဆဲၣ်ပူတပူလၢအဝံၢ်ဝဲလၢ တၢ်ဝံၢ်လၢယွၤအဂီၢ်န့ၣ် ယဟ့ၣ်လီၤလံလၢပှၤလ့ၤဝံဖိ လၢတၢ်န့ၢ်သါအဂီၢ်လီၤ. မၤသးဒ်န့ၣ်ဒီးယစံးတ့ၢ်အီၤ, လၢပှၤအံၣ်စရ့လးဖိအကျါန့ၣ် တဘၣ်န့ၢ်တၢ်ဟ့ၣ်သါ ဘၣ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 25 ကတိၤ တၢ်ဒီးပှၤလ့ၤဝံဖိ, ဒီးစံးဘၣ်အီၤ, တုၤသုဟံးန့ၢ်တၢ်ဆံ ဆဲၣ်ပူတပူလၢပှၤအံၣ်စရ့လးဖိအစုပူၤ, လၢယဟ့ၣ်လီၤ သုလၢအီၤလၢသုတၢ်န့ၢ်သါအဂီၢ်ဒီး, သုဘၣ်ဝံၢ်တၢ်ဝံၢ် လၢအပူၤလၢယွၤအဂီၢ်တပူ, ဆံဆဲၣ်ပူတပူလၢတၢ်ဆံ ဆဲၣ်ပူတပူန့ၣ်အကျါလီၤ.
27 ဒီးသုတၢ်ဝံၢ်န့ၣ် တၢ်ကပာ်အီၤလၢသုဂီၢ်ဒ်ဘုလၢတၢ် ယီၢ်ဘုအလီၢ်ပူၤ, ဒီးဒ်တၢ်ပှဲၤလၢနီၣ်စံၢ်စပံးထံအသၣ် အသိးန့ၣ်လီၤ.
28 ဒ်န့ၣ်သိးသုဘၣ်ဝံၢ် တၢ်ဝံၢ်စ့ၢ်ကီးလၢယွၤအဂီၢ်လၢ ဆံဆဲၣ်ပူတပူ လၢသုဒိးန့ၢ်လၢပှၤအံၣ်စရ့လးဖိအစုပူၤ ခဲလၢာ်အကျါ, ဒီးသုဘၣ်ဟ့ၣ်ယွၤအတၢ်ဝံၢ်လၢအီၤဆူ ပှၤလုၢ်တၢ်အဒိၣ်စီၤအၤဟရိၣ်လီၤ.
29 လၢသုတၢ်ဟ့ၣ်ခဲလၢာ်အကျါန့ၣ် သုဘၣ်ဝံၢ်ယွၤအ တၢ်ဝံၢ်လၢကယဲၢ်အတၢ်ဂ့ၤကတၢၢ်အကျါ, တၢ်စီဆှံ လၢအကျါလီၤ. 30 ဒီးသုဘၣ်စံးဘၣ်အီၤ, တုၤသုဝံၢ် တၢ်အဂ့ၤကတၢၢ်လၢအကျါဒီး, တၢ်ကပာ်အီၤလၢပှၤ လ့ၤဝံဖိအဂီၢ်, ဒ်တၢ်အိၣ်လၢယီၢ်ဘုအလီၢ်ပူၤ, ဒီးဒ် တၢ်အိၣ်လၢနီၢ်စံၢ်စပံးသၣ်အပူၤအသိးန့ၣ်လီၤ.
31 ဒီးသုကအီၣ်ဘၣ်အီၤလၢအလီၢ်ကိးပူၤဒဲး, သုဝဲဒီးသု ပှၤဟံၣ်ဖိလီၤ. အဂ့ၢ်ဒ်အံၤ, မ့ၢ်သုမၤတၢ်လၢတၢ်အိၣ် ဖှိၣ်အဒဲပူၤအဘူးအလဲလီၤ. 32 ဒီးတုၤသုဝံၢ်တၢ်အဂ့ၤက တၢၢ်လၢအကျါဒီး, သုတဘၣ်တၢ်ဒဲးဘးလၢအဃိဘၣ်. ဒီးသုတဘၣ်မၤဘၣ်အၢ ပှၤအံၣ်စရ့လးဖိအတၢ်စီဆှံ တဖၣ်ဘၣ်, သုကသံဘၣ်ဖုးလီၤ.
19၁၉
1 ဒီးယွၤကတိၤတၢ်ဒီးစီၤမိၤရှ့, ဒီးစီၤအၤဟရိၣ်, ဒီးစံးဝဲ ဒၣ်, 2 အအံၤမ့ၢ်တၢ်သိၣ်တၢ်သီအလုၢ်အလၢ်လၢယွၤ မၤလိာ်တၢ်, ဒီးစံးဝဲဒၣ်, စံးဘၣ်ပှၤအံၣ်စရ့လးဖိလၢ အကဟဲစိာ်န့ၢ်နၤလၢ ဂီၤဖံးအမိၢ်အလၢအပှဲၤ, လၢအ မဲၣ်တအိၣ်ဘၣ်, လၢနီၣ်ယိးဘိတအိၣ်ဘၣ်လၢအလိၤ နီတဘျီဘၣ်တဒုန့ၣ်တက့ၢ်. 3 ဒီးသုဘၣ်ဟ့ၣ်လီၤအီၤ လၢပှၤလုၢ်တၢ်အဒိၣ်စီၤအလၤဧစၢ်, ဒ်သိးအကလဲၤစိာ် အီၤဆူပှၤသူၣ်ဒဲအလီၢ်ပူၤလၢခိ, ဒီးပှၤကမၤသံအီၤလၢ အမဲာ်ညါလီၤ.
4 ဒီးပှၤလုၢ်တၢ်အဒိၣ်စီၤအလၤဧစၢ်န့ၣ် ဘၣ်ဟံးန့ၢ်အ သွံၣ်လၢအစုမုၢ်တဘိ, ဒီးဖှံအသွံၣ်သဃီၤဒီးတၢ်အိၣ် ဖှိၣ်အဒဲအမဲာ်ညါနွံဘျီလီၤ.
5 ဒီးပှၤဘၣ်ဆူးထီၣ်ကွံာ် ဂီၤဖံးမိၢ်န့ၣ်လၢ အမဲာ်ညါ လီၤ. အဖံးဒီးအညၣ်, ဒီးအသွံၣ်, ဒီးအအ့ၣ်န့ၣ်ဘၣ် ဆူးထီၣ်ကွံာ်အီၤလၢမ့ၣ်အူလီၤ. 6 ဒီးပှၤလုၢ်တၢ်အဒိၣ် ဘၣ်ဟံးန့ၢ်သ့ၣ်ဆှိအ့ရ့း, ဒီးကဖျီၣ်အ့စိး, ဒီးတၢ်ဂီၤန့ၣ်, ဒီးဖၢလီၤအီၤဆူမ့ၣ်အူအီၣ်ကွံာ်ဂီၤဖံးမိၢ်အပူၤန့ၣ်လီၤ.
7 ဒီးပှၤလုၢ်တၢ်အိၣ်ဘၣ်ဆှုၣ်အကူအသိး, ဒီးသ့စီအ ညၣ်လၢထံလီၤ. လၢခံက့ၤဒီးကဟဲက့ၤနုာ်ဘၣ်ဆူပှၤ သူၣ်ဒဲအလီၢ်ပူၤ, ဒီးပှၤလုၢ်တၢ်အဒိၣ်န့ၣ်ကအိၣ်တက ဆှီဘၣ်တုၤမုၢ်ဟါလီၤ.
8 ဒီးပှၤလၢအဆူးကွံာ်ဝဲတဂၤန့ၣ် ဘၣ်ဆှုၣ်အကူအသိး လၢထံဒီးသ့စီအညၣ်လၢထံ, ဒီးအိၣ်တကဆှီဘၣ်တုၤ မုၢ်ဟါလီၤ.
9 ဒီးပှၤကဆှီတဂၤဘၣ်ထၢဖှိၣ် ဂီၤဖံးမိၢ်အဖၣ်ဆါ, ဒီး ပာ်လီၤအီၤလၢပှၤသူၣ်ဒဲအလီၢ်လၢခိ, လၢအလီၢ်ကဆှီ လီၤ. ဒီးကဘၣ်တၢ်ပၢၤအီၤလၢပှၤအံၣ်စရ့လးဖိအတၢ် အိၣ်ဖှိၣ်အဂီၢ်, လၢတၢ်တကဆှီဘၣ်အထံအဂီၢ်လီၤ. အဝဲန့ၣ်မ့ၢ်တၢ်လုၢ်တၢ်ဒဲးဘးလီၤ.
10 ဒီးပှၤလၢအထၢဖှိၣ် ဂီၤဖံးမိၢ်အဖၣ်ဆါတဂၤန့ၣ်ဘၣ် ဆှုၣ်အကူအသိး, ဒီးအိၣ်တကဆှီဘၣ်တုၤမုၢ်ဟါလီၤ. ဒီးကကဲထီၣ်တၢ်အလုၢ်အလၢ်အထူအယိာ် လၢပှၤအံၣ် စရ့လးဖိအဂီၢ်, ဒီးလၢပှၤတခီဘီမုၢ်ဖိလၢအအိၣ်အဆိး လၢအကျါအဂီၢ်န့ၣ်လီၤ.
11 ပှၤလၢအထိးဘၣ်ပှၤတဂၤဂၤအစိၣ်န့ၣ် ဘၣ်အိၣ်တ ကဆှီဘၣ်နွံနံၤလီၤ. 12 ဒီးဘၣ်မၤကဆှီထီၣ်အသးလၢ အီၤလၢသၢနံၤတနံၤလီၤ. ဒီးလၢနွံနံၤတနံၤန့ၣ်ကကဆှီ ထီၣ်ဝဲလီၤ. သၢနံၤတနံၤန့ၣ်မ့ၢ်တမၤကဆှီထီၣ်အသး ဘၣ်ဒီး, လၢနွံနံၤတနံၤန့ၣ်တကဆှီထီၣ်ဘၣ်ဝဲဘၣ်လီၤ.
13 ကယဲၢ်ပှၤလၢအထိးဘၣ် ပှၤသံအစိၣ်လၢအသံတ့ၢ် တဂၤန့ၣ် ဒီးတမၤကဆှီထီၣ်ဘၣ်အသးတဂၤလၢ်လၢ် န့ၣ်မၤဘၣ်အၢယွၤအတၢ်အိၣ်အလီၢ်လီၤ. ဒီးပှၤတဂၤ န့ၣ် ကဘၣ်တၢ်ဒီၣ်တဲာ်ကွံာ်အီၤလၢ အံၣ်စရ့လးလီၤ. မ့ၢ်တၢ်တကဆှီဘၣ်အထံ တဖှံဘၣ်အသးလၢအလိၤ ဒီး, ဘၣ်အိၣ်တကဆှီဘၣ်လီၤ. အတၢ်တကဆှီဘၣ် န့ၣ်အိၣ်ဒံးလၢအလိၤလီၤ.
14 တုၤပှၤသံလၢဒဲပူၤဒီး, တၢ်သိၣ်တၢ်သီမ့ၢ်အအံၤ, က ယဲၢ်ပှၤလဲၤနုာ်လၢဒဲပူၤ, ဒီးကယဲၢ်တၢ်အိၣ်လၢဒဲပူၤခဲ လၢာ်န့ၣ်ကအိၣ်တကဆှီဘၣ်နွံနံၤလီ. 15 ဒီးကယဲၢ်သ ပၢၤ, လီခီတဖျၢၣ်လၢ်လၢ်, အိၣ်အိးထီၣ်အသးလၢအခိၣ် ခွးတအိၣ်ဘၣ်လၢအဖီခိၣ်န့ၣ်တကဆှီဘၣ်ဝဲဘၣ်လီၤ.
16 ဒီးကယဲၢ်ပှၤလၢအထိးဘၣ် ပှၤတဂၤလၢအဘၣ်တၢ် ကျီသံကွံာ်အီၤလၢနးဧိၤဘီဧိၤအိၣ်လၢပျီပူၤမ့ၢ်ဂ့ၤ, တၢ် အစိၣ်မ့ၢ်ဂ့ၤ, ပှၤအဃံမ့ၢ်ဂ့ၤ, တၢ်သွၣ်ခိၣ်မ့ၢ်ဂ့ၤ, က ဘၣ်အိၣ်တကဆှီဘၣ်နွံနံၤလီၤ.
17 ဒီးလၢပှၤတကဆှီဘၣ်အဂီၢ်န့ၣ် ပှၤဘၣ်ဟံးန့ၢ်ဂီၤဖံး မိၢ်လၢမ့ၣ်အူအီၣ်ကွံာ်အီၤဘၣ်ဃးဒီး တၢ်ဒဲးဘးတဒုန့ၣ် အဖၣ်ဆါ, ဒီးဘၣ်ပာ်ထံမူလၢအဖီခိၣ်လၢသပၢၤပူၤလီၤ.
18 ဒီးပှၤကဆှီတဂၤ ဘၣ်ဟံးန့ၢ်ကဖျီၣ်အ့စိး, ဒီးဘျၢဝဲ လၢထံန့ၣ်အပူၤ, ဒီးဖှံဝဲလၢဒဲအလိၤ, ဒီးသပၢၤ, ဒီး လီခီတဖျၢၣ်လၢ်လၢ်အလိၤ, ဒီးလၢပှၤကညီလၢအအိၣ် တ့ၢ်လၢအပူၤတဖၣ်အလိၤ, ဒီးပှၤအဃံဂ့ၤ, ပှၤလၢအ ဘၣ်တၢ်ကျီသံအီၤဂ့ၤ, တၢ်အစိၣ်ဂ့ၤ, တၢ်သွၣ်ခိၣ်ဂ့ၤ, လၢပှၤလၢအထိးဘၣ်အီၤအလိၤလီၤ.
19 ဒီးပှၤကဆှီတဂၤန့ၣ် ဘၣ်ဖှံတၢ်လၢပှၤတကဆှီဘၣ် အလိၤလၢသၢနံၤတနံၤ, ဒီးလၢနွံနံၤတနံၤလီၤ. ဒီးလၢ မုၢ်နွံနံၤတနံၤန့ၣ်ဘၣ်မၤကဆှီအသး, ဒီးဆှုၣ်အကူအ သိး, ဒီးလုၣ်ထံ, ဒီးလၢမုၢ်ဟါန့ၣ်ကကဆှီထီၣ်ဝဲလီၤ.
20 ဒီးပှၤလၢအတကဆှီဘၣ်တဂၤ မ့ၢ်တမၤကဆှီထီၣ် ဘၣ်အသးန့ၣ်ဒီး, အဝဲတဂၤန့ၣ်ကဘၣ်တၢ်ဒီၣ်တဲာ် ကွံာ်အီၤလၢတၢ်အိၣ်ဖှိၣ်လီၤ. အဂ့ၢ်ဒ်အံၤ, မၤဘၣ်အၢ ယွၤအလီၢ်စီဆှံလီၤ. တၢ်တဖှံဘၣ်တၢ်တကဆှီဘၣ် အထံလၢအလိၤဘၣ်.
21 ဒီးကကဲထီၣ်တၢ်အလုၢ်အလၢ်အထူအယိာ် လၢအ ဂီၢ်, လၢပှၤလၢအဖှံတၢ်တကဆှီဘၣ်အထံတဂၤ က ဘၣ်ဆှုၣ်အကူအသိး, ဒီးပှၤလၢအထိးဘၣ်တၢ်တက ဆှီဘၣ်အထံန့ၣ်ကအိၣ်တကဆှီဘၣ်တုၤမုၢ်ဟါလီၤ.
22 ဒီးကယဲၢ်ပှၤလၢပှၤတကဆှီ ဘၣ်ထိးဘၣ်အီၤန့ၣ်က အိၣ်တကဆှီဘၣ်, ဒီးပှၤလၢအထိးဘၣ်အီၤတဂၤန့ၣ် ကအိၣ်တကဆှီဘၣ်တုၤမုၢ်ဟါလီၤ.
20၂၀
1 ဒီးလၢလါခီၣ်ထံးန့ၣ်ပှၤအံၣ်စရ့လးဖိ, တၢ်အိၣ်ဖှိၣ်ခဲ လၢာ်, လဲၤနုာ်လၢပှၢ်မုၢ်ကနၢစံၣ်လီၤ. ဒီးပှၤဂီၢ်မုၢ်အိၣ် ဝဲလၢကၤဒ့ၣ်, ဒီးနီၢ်မံးရယၣ်သံဝဲဖဲန့ၣ်, ဒီးဘၣ်တၢ် ခူၣ်လီၤကွံာ်အီၤဖဲန့ၣ်လီၤ.
2 ဒီးထံတအိၣ်ဘၣ်လၢပှၤဂီၢ်မုၢ်အဂီၢ်ဘၣ်. ဒီးအိၣ်ဖှိၣ် ရိဖှိၣ်ထီဒါဘၣ်စီၤမိၤရှ့, ဒီးစီၤအၤဟရိၣ်လီၤ. 3 ဒီးပှၤဂီၢ်မုၢ်ထိၣ်အ့ၣ်လိာ်ဆိးက့လိာ်အသးဒီး စီၤမိၤရှ့, ဒီးကတိၤတၢ်ဒီးစံးဝဲဒၣ်, လၢပဒီပုၢ်ဝဲၢ်သံလၢတၢ်သံသတြိာ်လၢယွၤအမဲာ်ညါန့ၣ်မ်ပသံတ့ၢ်လံတက့ၢ်.―
4 ဒီးသုဒုးဟဲထီၣ်ယွၤအတၢ်အိၣ်ဖှိၣ်ဆူပှၢ်မုၢ်ကနၢ ဒ်သိးပ ဝဲဒၣ်, ဒီးပဆၣ်ဖိကီၢ်ဖိကသံဖဲအံၤမ့ၢ်အဘၣ်မနုၤလဲၣ်. 5 ဒီးသုဒုးဟဲထီၣ်ပှၤလၢအဲၤကူပတူးဒ်သိးသုကဒုးလဲၤပှၤ ဆူတၢ်အလီၢ်အၢအံၤဘၣ်မနုၤလဲၣ်. တၢ်အလီၢ်အိၣ်ဒီး တၢ်ချံတမ့ၢ်, ဒီးချၢၣ်ဒၢတမ့ၢ်, ဒီးစပံးမုၢ်တမ့ၢ်, ဒီးသ့ၣ်သ လဲတမ့ၢ်ဘၣ်, ဒီးထံလၢပအီဘၣ်န့ၣ်တအိၣ်ဘၣ်လီၤ.
6 ဒီးစီၤမိၤရှ့ဒီးစီၤအၤဟရိၣ်ဟးထီၣ် လၢတၢ်အိၣ်ဖှိၣ်အ မဲာ်ညါဆူတၢ်အိၣ်ဖှိၣ်အဒဲအကျဲစၢၤ, ဒီးထိၣ်လီၤပှီၤအ သး, ဒီးယွၤအလၤကပီၤအိၣ်ဖျါထီၣ်လၢအမဲာ်ညါလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 7 ဟံးန့ၢ်နီၣ် ထိးတဘိန့ၣ်, ဒီးဒုးအိၣ်ဖှိၣ်တၢ်အိၣ်ဖှိၣ်, နဲဒၣ်ဒီးနဒီပုၢ် ဝဲၢ်စီၤအၤဟရိၣ်, ဒီးမၤလိာ်လၢၢ်လၢအမဲာ်ညါ, ဒီးကဟ့ၣ် ထီၣ်အထံ, ဒီးနကဒုးဟဲထီၣ်လံလၢအဂီၢ်လၢလၢၢ်ပူၤလီၤ. ဒီးနကဒုးအီပှၤအိၣ်ဖှိၣ်ဖိ, ဒီးအဆၣ်ဖိကီၢ်ဖိန့ၣ်လီၤ.
9 ဒီးစီၤမိၤရှ့ဟံးန့ၢ်နီၣ်ထိးတဘိ လၢယွၤအမဲာ်ညါ, ဒ် ယွၤမၤလိာ်အီၤအသိးန့ၣ်လီၤ.
10 ဒီးစီၤမိၤရှ့ဒီးစီၤအၤဟရိၣ်ဒုးအိၣ်ဖှိၣ် တၢ်အိၣ်ဖှိၣ်လၢ လၢၢ်န့ၣ်အမဲာ်ညါ, ဒီးစံးဘၣ်အီၤ, ပှၤပူထီၣ်ဖိသ့ၣ်ဧၢ, ကနၣ်တက့ၢ်, ပဘၣ်ဒုးဟဲထီၣ်ထံလၢလၢၢ်အပူၤအံၤ, လၢသုဂီၢ်စ့ၢ်ကီးဧါ.
11 ဒီးစီၤမိၤရှ့ယၤထီၣ်အစု, ဒီးတီၢ်လၢၢ်န့ၣ် လၢအနီၣ် ထိးတဘိခံဘျီ, ဒီးထံဟဲထီၣ်အါအါကလဲာ်, ဒီးပှၤ အိၣ်ဖှိၣ်ဖိအီတၢ်, ဒီးအဆၣ်ဖိကီၢ်ဖိန့ၣ်စ့ၢ်ကီးလီၤ.
12 ဒီးယွၤစံးဘၣ်စီၤမိၤရှ့ဒီးစီၤအၤဟရိၣ်, မ့ၢ်သုတနာ် ဘၣ်ယၤလၢသုကပာ်စီဆှံယၤလၢ ပှၤအံၣ်စရ့လးဖိအ မဲာ်ညါဘၣ်သတးဒီး, သုတဘၣ်ဒုးလဲၤနုာ်ဘၣ် တၢ် အိၣ်ဖှိၣ်အံၤဆူ ကီၢ်လၢယဟ့ၣ်လီၤလၢအီၤတဘ့ၣ်အ ပူၤဘၣ်လီၤ.
13 အဝဲန့ၣ်မ့ၢ်ထံမရံၤဘါလီၤ. အဂ့ၢ်ဒ်အံၤ, ပှၤအံၣ်စရ့ လးဖိထိၣ်အ့ၣ်လိာ်ဆိးက့လိာ်အသးဒီးယွၤ, ဒီးဘၣ် တၢ်ပာ်စီဆှံအီၤလၢအဝဲသ့ၣ်လီၤ.
14 ဒီးစီၤမိၤရှ့မၢလီၤအကလူးတဖၣ်လၢ ကၤဒ့ၣ်ဆူအဒိၣ် အစီၤပၤအအိၣ်လီၤ. နဒီပုၢ်ဝဲၢ်အံၣ်စရ့လးစံးဒ်အံၤ, တၢ် ကိၢ်တၢ်ဂီၤလၢအဘၣ်ပှၤခဲလၢာ်န့ၣ်နသ့ၣ်ညါလီၤ. 15 ဒီး ပပၢ်တဖၣ်လဲၤလီၤဆူအဲၤကူပတူး, ဒီးပအိၣ်အဆိးလၢ အဲၤကူပတူးအပူၤအါနံၤအါသီလံ, ဒီးပှၤအဲၤကူပတူးဖိ မၤအၢမၤသီပှၤဒီးပပၢ်တဖၣ်လီၤ. 16 ဒီးပကိးပသူထီၣ် လၢယွၤ, ဒီးအဝဲဒၣ်နၢ်ဟူပကလုၢ်, ဒီးမၢလီၤကလူး တဂၤ, ဒီးဒုးဟးထီၣ်ကွံာ်လံပှၤလၢအဲၤကူပတူးအပူၤ လံ. ဒီးကွၢ်ကွၢ်, ပအိၣ်လၢကၤဒ့ၣ်အပူၤ, ဝ့ၢ်တဖျၢၣ် အိၣ်ဝဲလၢနဃၢၤကတၢၢ်လီၤ.
17 ဒုးခီဂာ်လၢ်ပှၤလၢနကီၢ်ပူၤတက့ၢ်. ပတခီဂာ်ဘၣ် စံာ်ပူၤ, စပံးအလီၢ်ပူၤဘၣ်. ဒီးပတအီဘၣ်ထံလၢထံ ပူၤဘၣ်. ပကလဲၤလၢစီၤပၤအကျဲလီၤ. ပတဃၣ်ကပၤ ပသးဆူစုထွဲဘၣ်, ဆူစုစ့ၣ်ဘၣ်တုၤပခီဂာ်နကီၢ်အဃၢၤ တဖၣ်လီၤ.
18 ဒီးအဒိၣ်စံးဘၣ်အီၤ, နတဘၣ်ခီဂာ်လၢယၤဘၣ်, ယ ကဟဲထီဒါဘၣ်ဖုးနၤလၢနးဧိၤဘီဧိၤလီၤ.
19 ဒီးပှၤအံၣ်စရ့လးဖိစံးဘၣ်အီၤ, ပကလဲၤလၢကျဲမုၢ်, ဒီးယၤမ့ၢ်ဂ့ၤ, ယတၢ်ဖိတၢ်လံၤမ့ၢ်ဂ့ၤ, မ့ၢ်အီနထံဒီး, ယကဟ့ၣ်အပှ့ၤလီၤ. တၢ်ဂုၤတၢ်ဂၤယတမၤနီတမံၤ ဘၣ်. ထဲယကခီဂာ်လၢယခီၣ်လီၤ.
20 ဒီးစံးဝဲဒၣ်, နတဘၣ်ခီဂာ်ဘၣ်လီၤ. ဒီးအဒိၣ်ဟဲထီ ဒါအီၤအိၣ်ဒီးပှၤဂီၢ်မုၢ်ဖးဒိၣ်ဒီးအစုဆူၣ်လီၤ. 21 ဒီးအဒိၣ်ဟ့ၣ်အံၣ်စရ့လးခီဂာ် အကီၢ်ဃၢၤတဖၣ်န့ၣ်ဂ့ၢ်လိာ်ဝဲလီၤ. ဒီးအံၣ်စရ့လးဃၣ်အသးလၢအီၤလီၤ.―
22 ဒီးပှၤအံၣ်စရ့လးဖိ, တၢ်အိၣ်ဖှိၣ်ခဲလၢာ် ဟးထီၣ်လၢ ကၤဒ့ၣ်, ဒီးလဲၤထီၣ်ဆူကစၢၢ်ဃိၢ်လီၤ. 23 ဒီးယွၤကတိၤ တၢ်ဒီးစီၤမိၤရှ့, ဒီးစီၤအၤဟရိၣ်လၢကစၢၢ်ဃိၢ်အလိၤ လၢအဒိၣ်အကီၢ်ဃၢၤ, ဒီးစံးဝဲဒၣ်, 24 စီၤအၤဟရိၣ်က ဘၣ်တၢ်ပာ်ဖှိၣ်အီၤဒီးအပှၤဂီၢ်မုၢ်လီၤ. အဂ့ၢ်ဒ်အံၤ, တ ဘၣ်လဲၤနုာ်ကီၢ်လၢ ယဟ့ၣ်လီၤပှၤအံၣ်စရ့လးဖိဘၣ်. အဂ့ၢ်ဒ်အံၤ, သုပူထီၣ်ဘၣ်ယကလုၢ်ဖဲထံမရံၤဘါလီၤ.―
25 ဟံးန့ၢ်စီၤအၤဟရိၣ်, ဒီးအဖိခွါစီၤအလၤဧစၢ်, ဒီးဟဲ စိာ်အီၤဆူကစၢၢ်ဃိၢ်တက့ၢ်. 26 ဒီးဘ့ၣ်ကွံာ်စီၤအၤဟရိၣ် အကူအသိး, ဒီးဒုးကူထီၣ်သိးထီၣ်အီၤလၢ အဖိခွါတ က့ၢ်. ဒီးစီၤအၤဟရိၣ်ကဘၣ်တၢ်ပာ်ဖှိၣ်အီၤ, ဒီးကသံ ဝဲဖဲန့ၣ်လီၤ.
27 ဒီးစီၤမိၤရှ့မၤဝဲဒ်ယွၤမၤလိာ်အသိးန့ၣ်, ဒီးအဝဲသ့ၣ် တဖၣ်လဲၤထီၣ်ဘးကစၢၢ်ဃိၢ် လၢတၢ်အိၣ်ဖှိၣ်ခဲလၢာ် အမဲာ်ညါလီၤ.
28 ဒီးစီၤမိၤရှ့ဘ့ၣ်လီၤကွံာ်စီၤအၤဟရိၣ်အကူအသိး, ဒီး ဒုးကူထီၣ်သိးထီၣ်အီၤလၢအဖိခွါစီၤအလၤဧစၢ်, ဒီးစီၤ အၤဟရိၣ်သံဝဲဖဲန့ၣ်လၢကစၢၢ်ဒီခိၣ်လီၤ. ဒီးစီၤမိၤရှ့ဒီး စီၤအလၤဧစၢ်န့ၣ်ဟဲက့ၤလီၤလၢကစၢၢ်လိၤလီၤ.
29 ဒီးတၢ်အိၣ်ဖှိၣ်ခဲလၢာ်န့ၣ် ထံၣ်ဘၣ်ဝဲလၢစီၤအၤဟ ရိၣ်အသးဟးထီၣ်ကွံာ်လံ, ဒီးဟီၣ်ဝဲလၢစီၤအၤဟရိၣ် အဃိအနံၤသၢဆံ, အံၣ်စရ့လးအပှၤဟံၣ်ဖိခဲလၢာ်လီၤ.
21၂၁
1 ဒီးပှၤကနၤဧၣ်ဖိ, ဧရးအစီၤပၤလၢအအိၣ်ဝဲ လၢက လံၤထံးတခီနၢ်ဟူဝဲလၢ အံၣ်စရ့လးဟဲကျဲအသၤရံၣ်, ဒီးဒုးသုးဒီးအံၣ်စရ့လး, ဒီးဖီၣ်န့ၢ်ပှၤတနီၤလီၤ.
2 ဒီးအံၣ်စရ့လးဆိၣ်လီၤအသး, ဒီးဆိၣ်တၢ်ဒီးယွၤ, စံးဝဲဒၣ်, နမ့ၢ်ဟ့ၣ်လီၤပှၤဂီၢ်မုၢ်အံၤ လၢယစုပူၤသပှၢ် တၢၢ်ဒီး, ယကမၤဟးဂီၤအခူဧိၤဝ့ၢ်ဧိၤစီဖ့ကလ့ၤလီၤ.
3 ဒီးယွၤကဒိကနၣ်အံၣ်စရ့လးအကလုၢ်, ဒီးဟ့ၣ်လီၤ ကွံာ်ပှၤကနၤဧၣ်ဖိ, ဒီးအဝဲသ့ၣ်မၤဟးဂီၤကွံာ်အီၤ, ဒီးအ ခူအဝ့ၢ်လီၤ. ဒီးပှၤယုၢ်ဝဲတၢ်အလီၢ်အမံၤလၢဃိၢ်မါလီၤ.
4 ဒီးဟးထီၣ်ကွံာ်လၢကစၢၢ်ဃိၢ် လၢကျဲပီၣ်လဲၣ်ဂီၤဒ် သိးအကလဲၤတရံးအဒိၣ်အကီၢ်လီၤ. ဒီးပှၤဂီၢ်မုၢ်အသူၣ် ကိၢ်အသးဂီၤလၢကျဲအဃိလီၤ. 5 ဒီးပှၤဂီၢ်မုၢ်ကတိၤထီ ဒါယွၤဒီးစီၤမိၤရှ့, သုဟဲစိာ်ပှၤလၢအဲၤကူပတူးဒ်သိးပ ကသံလၢပှၢ်မုၢ်ကနၢအံၤဘၣ်မနုၤလဲၣ်. အဂ့ၢ်ဒ်အံၤ, ကိၣ်တအိၣ်, ဒီးထံတအိၣ်ဘၣ်, ဒီးပသးကလဲၤလၢ ကိၣ်ကလီကလီအံၤလီၤ.
6 ဒီးယွၤမၢလီၤဂုၢ်စရာ်တဖၣ်လၢပှၤဂီၢ်မုၢ်အကျါ, ဒီး အ့ၣ်ပှၤဂီၢ်မုၢ်, ဒီးပှၤအါဂၤသံလၢ အံၣ်စရ့လးအကျါ လီၤ. 7 ဒီးပှၤဂီၢ်မုၢ်ဟဲဆူစီၤမိၤရှ့အအိၣ်, ဒီးစံးဝဲဒၣ်, ပမၤလံတၢ်ဒဲးဘးလံ, အဂ့ၢ်ဒ်အံၤ, ပကတိၤထီဒါဘၣ် လံယွၤ, ဒီးနၤလံ, ဘါထုကဖၣ်ယွၤ, ဒ်သိးအကဒုး ဟးထီၣ်ကွံာ်ဂုၢ်တဖၣ်အံၤလၢပအိၣ်တက့ၢ်. ဒီးစီၤမိၤရှ့ ဘါထုကဖၣ်န့ၢ်ပှၤဂီၢ်မုၢ်အဂီၢ်လီၤ.
8 ဒီးယွၤစံးဘၣ်စီၤမိၤရှ့, တ့န့ၢ်ဂုၢ်စရာ်လၢနဂီၢ်တဘိ, ဒီးပာ်အီၤလၢနီၣ်ထိးတဘိအဖီခိၣ်တက့ၢ်. ဒီးတၢ်က မၤအသးလၢ ကယဲၢ်ပှၤလၢဂုၢ်အ့ၣ်အီၤတဂၤလၢ်လၢ် န့ၣ်တုၤအကွၢ်အီၤဒီး, ကမူထီၣ်ဝဲလီၤ.
9 ဒီးစီၤမိၤရှ့တ့ဂုၢ်လၢတိၢ်ဘီတဘိ, ဒီးပာ်လၢနီၣ်ထိး တဘိအဖီခိၣ်လီၤ. ဒီးတၢ်မၤအသးလၢဂုၢ်မ့ၣ်အ့ၣ်ပှၤ တဂၤဂၤန့ၣ်တုၤအကွၢ်ဂုၢ်တိၢ်ဘီတဘိဒီး, မူထီၣ်ဝဲလီၤ.
10 ဒီးပှၤအံၣ်စရ့လးဖိဟးထီၣ်, ဒီးသူၣ်ဒဲ လၢအိဘိး လီၤ.
11 ဒီးဟးထီၣ်ဝဲလၢအိဘိးန့ၣ်, ဒီးသူၣ်ဒဲလၢဧ့ၤယ့ဟိး ဘၤရံၣ်လၢပှၢ်မုၢ်ကနၢ လၢအအိၣ်လၢမိၤအးအမဲာ်ညါ လၢမုၢ်ထီၣ်တခီလီၤ.
12 ဟးဝဲဖဲန့ၣ်ဒီးသူၣ်ဒဲလၢကစၢၢ်ကဆူးစၤရ့းလီၤ.
13 ဟးဝဲဖဲန့ၣ်ဒီးသူၣ်ဒဲလၢထံအၢ်နိၣ်ဝၢ်ဘးခီ လၢအဟဲ လီၤလၢပှၢ်မုၢ်ကနၢ လၢပှၤအမိၢ်ဖိ အကီၢ်ဃၢၤတဖၣ် လီၤ. အဂ့ၢ်ဒ်အံၤ, ထံအၢ်နိၣ်န့ၣ်မ့ၢ်မိၤအးအကီၢ်ဃၢၤ လၢမိၤအးဒီးပှၤအမိၢ်ဖိအဘၢၣ်စၢၤန့ၣ်လီၤ.
14 မၤသးဒ်န့ၣ်ဒီး တၢ်စံးဝဲလၢလံာ်ယွၤဒုးသုးတၢ်, ဝာ် ဟ့ာ်လၢစူာ်အပူၤ, ဒီးအၢ်နိၣ်အထံကျိတဖၣ်,
15 ဒီးထံကျိတဖၣ်လၢအကရဲးပူၤ, လၢအလဲၤလီၤကပၤဆူဧၢ်အအိၣ်အလီၢ်, လၢအတန့ၤ အသးလၢမိၤအးအကီၢ်ဃၢၤတဖၣ်လီၤ.
16 ဒီးဟးဝဲဖဲန့ၣ်ဆူဘ့ၢ်လီၤ. အဝဲန့ၣ်မ့ၢ်ထံပူၤလၢယွၤစံး ဘၣ်စီၤမိၤရှ့, ဒုးအိၣ်ဖှိၣ်ပှၤဂီၢ်မုၢ်တက့ၢ်, ဒီးယကဟ့ၣ် လီၤအီၤလၢထံလီၤ. 17 တုၤနုၤတဘျီအံၣ်စရ့လးသးဝံၣ် တၢ်သးဝံၣ်တတီၤအံၤ,
18 ထံပူၤဧၢ, ထီၣ်ပၢၢ်တက့ၢ်. သးဝံၣ်အီၤတက့ၢ်. ပဒိၣ်တဖၣ်ဃုန့ၢ်ဝဲ, ပှၤဂီၢ်မုၢ်အခိၣ်တဖၣ်ခူၣ်လီၤဝဲလၢအနီၣ်ထိးစီၤပၤ, လၢအနီၣ်ထိးဘိတဖၣ်.
19 ဒီးလၢပှၢ်မုၢ်ကနၢန့ၣ် လဲၤဝဲဆူမးတၤနၤ, ဒီးလၢမး တၤနၤန့ၣ်ဆူနၤဃလံၤအ့လး, ဒီးလၢနၤဃလံၤအ့လး န့ၣ်ဆူဘၤမိး, 20 ဒီးလၢဘၤမိးန့ၣ်ဆူကစၢၢ်ကဆူး, လၢ အအိၣ်လၢကီၢ်မိၤအးအပူၤ, ဆူကစၢၢ်ပံးစကၤအခိၣ် လၢအကွၢ်ဝဲဆူယံးၡံမိၣ်လီၤ.
21 ဒီးအံၣ်စရ့လးမၢလီၤကလူးတဖၣ် ဆူပှၤအမိၢ်ဖိအစီၤ ပၤစံဃိၣ်, ဒီးစံးဝဲဒၣ်, 22 ဒုးခီဂာ်ပှၤလၢနကီၢ်ပူၤန့ၣ်တ က့ၢ်, ပတဃၣ်ကပၤဆူစံာ်ဧိၤပှဲၤဧိၤအပူၤ, ဆူစပံးမုၢ် အလီၢ်ပူၤဘၣ်, ပတအီထံလၢထံပူၤဘၣ်, ပကလဲၤ လၢစီၤပၤအကျဲတုၤပခီဂာ်ကွံာ်နကီၢ်လီၤ.
23 ဒီးစီၤစံဃိၣ်တဟ့ၣ် ပှၤအံၣ်စရ့လးဖိခီဂာ်အကီၢ်ဃၢၤ တဖၣ်ဘၣ်, ဒီးစီၤစံဃိၣ်ဒုးအိၣ်ဖှိၣ်အပှၤဂီၢ်မုၢ်ခဲလၢာ်, ဒီးလဲၤထီဒါအံၣ်စရ့လးလၢပှၢ်မုၢ်ကနၢ, ဒီးဟဲဆူယါ စၤ, ဒီးဒုးတၢ်ဒီးအံၣ်စရ့လးလီၤ.
24 ဒီးအံၣ်စရ့လးကျီကွံာ်အီၤလၢနးအကနၣ်, ဒီးမၤန့ၢ် အကီၢ်လၢအၢ်နိၣ်ဆူယးဘိာ်, ဆူပှၤဧၣ်မိၣ်ဖိအအိၣ်လီၤ. အဂ့ၢ်ဒ်အံၤ, ပှၤဧၣ်မိၣ်ဖိအကီၢ်ဃၢၤအိၣ်ခၢၣ်တနၢၣ်လီၤ.
25 ဒီးအံၣ်စရ့လးမၤန့ၢ်ဝ့ၢ်တဖၣ်န့ၣ် ဒီးအံၣ်စရ့လးအိၣ် ဝဲဆိးဝဲလၢပှၤအမိၢ်ဖိအဝ့ၢ်ခဲလၢာ်အပူၤ, လၢဃ့ၡဘိၣ် အပူၤ, ဒီးလၢအတဝီတဖၣ်အပူၤလီၤ.
26 အဂ့ၢ်ဒ်အံၤ, ဃ့ၡဘိၣ်န့ၣ်မ့ၢ်ပှၤအမိၢ်ဖိအစီၤပၤစံဃိၣ် အဝ့ၢ်, လၢအဒုးသုးဒီးမိၤအးအစီၤပၤလၢအခီၣ်ထံးတ ဂၤ, ဒီးဟံးန့ၢ်တ့ၢ်အကီၢ်လၢအပူၤပၢၢ်လၢထံအၢ်နိၣ်လီၤ.
27 မၤသးဒ်န့ၣ်ဒီးကတိၤဝဲလၢတၢ်ကတိၤဒိ, ဟဲ, မ်ဃ့ၡဘိၣ်တ့က့ၤအသးတက့ၢ်, မ်ဝ့ၢ်စံဃိၣ်မၤက့ၤအသးတက့ၢ်.
28 အဂ့ၢ်ဒ်အံၤ, မ့ၣ်အူဟးထီၣ်လၢဃ့ၡဘိၣ်, မ့ၣ်အူ လၣ်လၢစံဃိၢ်အဝ့ၢ်ပူၤအီၣ်ကွံာ်ဧၢ်လၢမိၤအး, အၢ်နိၣ် အလီၢ်ထီၣ်ထီအကစၢ်တဖၣ်လီၤ.
29 မိၤအးဧၢ, နဘၣ်တၢ်အဖှီၣ်လီၤ. ကမိၣ်အပှၤဂီၢ်မုၢ်သ့ၣ်ဧၢ, သုဟးဂီၤလံ. ပာ်အဖိခွါလၢပှၤဃ့ၢ်တၢ်ဖိ, ဒီးဟ့ၣ်ကဲကုၢ်အဖိမုၣ်လၢပှၤအမိၢ်ဖိအစီၤပၤစံဃိၣ်,
30 ပခးဘၣ်လံအီၤလံ, ဃ့ၡဘိၣ်ဟးဂီၤလံပၢၢ်လၢဒံၤဘိၣ်လံ. ဒီပမၤသယုၢ်လံအီၤပၢၢ်လၢနိၤဖး, လၢအအိၣ်ဘူးဒီးမ့ဒဘၤလံ.
31 ဒီးအံၣ်စရ့လး အိၣ်ဝဲဆိးဝဲလၢ ပှၤအမိၢ်ဖိအကီၢ်ပူၤ လီၤ. 32 ဒီးစီၤမိၤရှ့မၢလီၤပှၤလဲၤကွၢ်ဟုၣ်ယၤဧစ့ၢ်, ဒီး ဖီၣ်န့ၢ်အသဝီတဖၣ်, ဒီးဟီထီၣ်ကွံာ်ပှၤအမိၢ်ဖိလၢအ အိၣ်ဖဲန့ၣ်လီၤ.
33 ဒီးဃၣ်အသး, ဒီးလဲၤထီၣ်ကျဲလၢဘၤၡၣ်လီၤ. ဒီးဘၤ ၡၣ်အစီၤပၤဧိာ်ဟဲထီဒါအီၤ, အဝဲဒၣ်န့ၣ်ဒီးအပှၤဂီၢ်မုၢ်ခဲ လၢာ်, ဒ်သိးအကဒုးတၢ်ဒီးအီၤဖဲအ့ဒရ့ဧံၤအပူၤန့ၣ်လီၤ.
34 ဒီးယွၤစံးဘၣ်စီၤမိၤရှ့, ပျံၤအီၤတဂ့ၤ, အဂ့ၢ်ဒ်အံၤ, ယဟ့ၣ်လီၤကွံာ်လံအီၤလၢနစုပူၤဒီးအပှၤဂီၢ်မုၢ်ခဲလၢာ်, ဒီးအထံဧိၤကီၢ်ဧိၤလံ, ဒီးနကမၤအီၤဒ်နမၤပှၤအမိၢ်ဖိအ စီၤပၤစံဃိၣ်လၢအအိၣ်အဆိးလၢ ဃ့ၡဘိၣ်အပူၤအသိး န့ၣ်လီၤ.
35 ဒီးပှၤအံၣ်စရ့လးဖိကျီကွံာ်အီၤ ဒီးအဖိခွါတဖၣ်, ဒီး အပှၤဂီၢ်မုၢ်ခဲလၢာ်တုၤအပှၤပူၤဖျဲးဖိ တအိၣ်ဘၣ်နီတဂၤ ဘၣ်, ဒီးမၤန့ၢ်အကီၢ်လီၤ.
22၂၂
1 ဒီးပှၤအံၣ်စရ့လးဖိဟးထီၣ်, ဒီးသူၣ်ဒဲလၢမိၤအးအပျီပူၤ လၢထံယၢ်ဒ့ၣ်လၢအံၤတခီ, သဃီၤဒီးဝ့ၢ်ယရံၤဃိန့ၣ်လီၤ.
2 ဒီးစီၤစံးပိၢ်အဖိခွါစီၤဘၤလး ထံၣ်ကယဲၢ်တၢ်လၢအံၣ် စရ့လးမၤဘၣ်ပှၤအမိၢ်ဖိလီၤ. 3 ဒီးမိၤအးပျံၤတၢ်လၢပှၤ ဂီၢ်မုၢ်အမဲာ်ညါနးမးလီၤ. အဂ့ၢ်ဒ်အံၤ, အိၣ်ဝဲအါဂၤ လီၤ. ဒီးမိၤအးဘၣ်တၢ်ကိၢ်တၢ်ဂီၤလၢပှၤအံၣ်စရ့လးဖိ အမဲာ်ညါလီၤ.
4 ဒီးမိၤအးန့ၣ်စံးဘၣ်မံးဒယၣ်အသူၣ်က့သးပှၢ်, ခဲက နံၣ်အံၤတၢ်အိၣ်ဖှိၣ်တဖုအံၤ ကလ့ၣ်ထီၣ်ကွံာ်ကယဲၢ်တၢ် ဝးတရံးပှၤ, ဒ်ဂီၤဘုၣ်ဂီၤဖံးလ့ၣ်ထီၣ်ကွံာ်နီၣ်ဧိၤမံၤဧိၤ လၢတၢ်ပျီပူၤအသိးန့ၣ်လီၤ. ဒီးအဆၢအကတီၢ်ဖဲန့ၣ်စီၤ စံးပိၢ်အဖိခွါစီၤဘၤလးမ့ၢ်ပှၤမိၤအးဖိအစီၤပၤလီၤ.
5 ဒီးမၢလီၤကလူးတဖၣ်ဆူ စီၤဘဧိၢ်အဖိခွါစီၤဘံးလၣ် အအိၣ်ဆူပသူၣ်လၢအအိၣ်လၢထံမိၢ်ပှၢ်အနံၤ, အိၣ်လၢ အပှၤဂီၢ်မုၢ်အဖိအကီၢ်ပူၤ, ဒ်သိးအကကိးန့ၢ်အီၤ, ဒီး စံးဝဲဒၣ်, ကွၢ်ကွၢ်, ပှၤဂီၢ်မုၢ်တဖုဟဲထီၣ်လံလၢအဲၤကူ ပတူးအပူၤလံ. ကွၢ်ကွၢ်, လုၣ်ဘၢကွံာ်ဟီၣ်ခိၣ်ချၢ, ဒီး အိၣ်သဃီၤဒီးယမဲာ်ညါလီၤ. 6 ဒီးခဲကနံၣ်အံၤဟဲတက့ၢ်, ဆိၣ်အၢပှၤဂီၢ်မုၢ်အံၤလၢယဂီၢ်တက့ၢ်, အဂ့ၢ်ဒ်အံၤ, အ ဂံၢ်အဘါဆူၣ်န့ၢ်ယၤတက့ၢ်လီၤ. ဘၣ်တဘၣ်ယမၤက သ့, ဒ်သိးဒီးပကကျီကွံာ်ဘၣ်အီၤ, ဒီးယကဟီထီၣ် ကွံာ်အီၤလၢထံဧိၤကီၢ်ဧိၤအပူၤလီၤ. အဂ့ၢ်ဒ်အံၤ, ယ သ့ၣ်ညါလၢပှၤလၢနဆိၣ်ဂ့ၤအီၤန့ၣ်ဘၣ်တၢ်ဆိၣ်ဂ့ၤအီၤ, ဒီးပှၤလၢနဆိၣ်အၢအီၤန့ၣ်ဘၣ်တၢ်ဆိၣ်အၢအီၤလီၤ.
7 ဒီးမိၤအးအသူၣ်က့သးပှၢ်, ဒီးမံးဒယၣ်အသူၣ်က့သး ပှၢ်န့ၣ်ဟးထီၣ်ဒီး တၢ်ကတိၤလၢဝံအကျိာ်အဘူးအလဲ လၢအစုပူၤလီၤ. ဒီးဟဲဆူစီၤဘံးလၣ်အအိၣ်, ဒီးတဲ ဘၣ်အီၤလၢစီၤဘၤလးအတၢ်ကတိၤလီၤ.
8 ဒီးအဝဲဒၣ်စံးဘၣ်အီၤ, မံခဲမုၢ်နၤဖဲအံၤတက့ၢ်. ဒီးယ ကဟဲစိာ်န့ၢ်သုတၢ်ကတိၤ, ဒ်ယွၤကတိၤတၢ်ဒီးယၤအ သိးန့ၣ်လီၤ. ဒီးမိၤအးအပဒိၣ်တဖၣ်အိၣ်ဒီးစီၤဘံးလၣ် လီၤ.
9 ဒီးယွၤဟဲဆူစီၤဘံးလၣ်အအိၣ်ဒီးစံးဝဲဒၣ်, ပှၤအိၣ်ဒီး နၤအံၤ, မ့ၢ်မတၤတဖၣ်လဲၣ်.
10 ဒီးစီၤဘံးလၣ်စံးဘၣ်ယွၤ, စီၤစံးပိၢ်အဖိခွါ, မိၤအး အစီၤပၤဘၤလးမၢလီၤပှၤဆူယအိၣ်, 11 ဒီးစံး, ကွၢ်ကွၢ်, ပှၤဂီၢ်မုၢ်တဖုဟဲထီၣ်လံလၢအဲၤကူပတူးအပူၤ လၢအ လုၣ်ဘၢဟီၣ်ခိၣ်ချၢန့ၣ်လီၤ. ခဲကနံၣ်အံၤဟဲတက့ၢ်, ဆိၣ်အၢအီၤလၢယဂီၢ်တက့ၢ်. ဘၣ်တဘၣ်ယမၤနၢၤ အီၤကသ့, ဒီးယကဟီထီၣ်ကွံာ်အီၤလီၤ.
12 ဒီးယွၤစံးဘၣ်စီၤဘံးလၣ်, လဲၤဒီးအီၤတဂ့ၤ, ဆိၣ်အၢ ပှၤဂီၢ်မုၢ်န့ၣ်တဂ့ၤ, အဂ့ၢ်ဒ်အံၤ, အဝဲသ့ၣ်တဖၣ်န့ၣ် ဘၣ်ဆိၣ်ဂ့ၤဝဲလီၤ.
13 ဒီးမုၢ်ဆ့ၣ်ထီၣ်န့ၣ်စီၤဘံးလၣ်ဂဲၤဆၢထၢၣ်, ဒီးစံးဘၣ် စီၤဘၤလးအပဒိၣ်တဖၣ်, က့ၤက့ၤဆူသုကီၢ်ဒၣ်သုဝဲ တက့ၢ်. အဂ့ၢ်ဒ်အံၤ, ယွၤတဟ့ၣ်ယလဲၤဒီးသုဘၣ်.
14 ဒီးမိၤအးအခိၣ်တဖၣ်ဂဲၤဆၢထၢၣ်, ဒီးက့ၤက့ၤဆူစီၤ ဘၤလးအအိၣ်, ဒီးစံးဝဲဒၣ်, စီၤဘံးလၣ်ဟဲဒီးပှၤအသး တအိၣ်ဘၣ်.
15 ဒီးစီၤဘၤလးမၢလီၤကဒီး ပှၤအခိၣ်အါန့ၢ်ဒီးအလၤ အကပီၤဒိၣ်န့ၢ်အဝဲသ့ၣ်တဖၣ်န့ၣ်တက့ၢ်လီၤ. 16 ဒီးဟဲဝဲ ဆူစီၤဘံးလၣ်အအိၣ်, ဒီးစံးဘၣ်အီၤ, စီၤစံးပိၢ်အဖိခွါစီၤ ဘၤလးစံးဒ်အံၤ, မ်တၢ်အသုတတြီနဟဲဆူယအိၣ်နီတ မံၤတဂ့ၤ. 17 အဂ့ၢ်ဒ်အံၤ, ယကပာ်တၢ်လၤကပီၤဒိၣ်ဒိၣ်က လဲာ်လၢနလိၤ, ဒီးကယဲၢ်တၢ်လၢနစံးဘၣ်ယၤခဲလၢာ် ယကမၤလီၤ. ဟဲလၢ်တက့ၢ်, ဆိၣ်အၢပှၤဂီၢ်မုၢ်လၢယဂီၢ် တက့ၢ်.
18 ဒီးစီၤဘံးလၣ်စံးဆၢတၢ်, ဒီးစံးဘၣ်စီၤဘၤလးအခ့ အပှၤ, စီၤဘၤလးမ့ၢ်ဟ့ၣ်ယၤလၢအဟံၣ်ပှဲၤဒီးကျိၣ်ဧိၤ စ့ဧိၤ, ဒီးထူဧိၤလွဲဧိၤဒီး, ယခီဂာ်ယွၤယကစၢ်အထး ခိၣ်, ဒ်သိးယကမၤတၢ်အဆံးတက့ၢ်မ့ၢ်ဂ့ၤ, တၢ်အအါ တက့ၢ်မ့ၢ်ဂ့ၤတသ့ဘၣ်. 19 ဘၣ်ဆၣ်အိၣ်လၢ်သုဝဲခဲမုၢ် နၤစ့ၢ်ကီးဒ်သိးယကသ့ၣ်ညါ တၢ်လၢယွၤကစံးဘၣ်ယၤ အါန့ၢ်အန့ၣ်တက့ၢ်.
20 ဒီးယွၤဟဲဆူစီၤဘံးလၣ်အအိၣ်လၢမုၢ်နၤ, ဒီးစံးဘၣ် အီၤ, ပှၤတဖၣ်န့ၣ်မ့ၢ်ဟဲဆူနအိၣ်ဒီး, ဂဲၤဆၢထၢၣ်ဒီး လဲၤဒီးအီၤတက့ၢ်, ဘၣ်ဆၣ်ဒီးတၢ်ကတိၤလၢယကက တိၤတၢ်ဒီးနၤန့ၣ်နဘၣ်မၤလီၤ.
21 ဒီးမုၢ်ဆ့ၣ်ထီၣ်န့ၣ်စီၤဘံးလၣ်ဂဲၤဆၢထၢၣ်, ဒီးဂီၤကၢ် အကသ့ၣ်ယီၤ, ဒီးလဲၤတၢ်ဒီးမိၤအးအခိၣ်တဖၣ်လီၤ.
22 ဒီးမ့ၢ်အလဲၤတၢ်သတးဒီး, ယွၤအသးထီၣ်ကဲၤထီၣ်ဝဲ လီၤ. ဒီးယွၤအကလူးတဂၤဆၢထၢၣ်လၢကျဲပူၤ, လၢ အဒုၣ်အဒါအလီၢ်လီၤ. ဒီးအဝဲဒၣ်ဒီးအကသ့ၣ်ယီၤ, ဒီးအခ့အပှၤခံဂၤအိၣ်ဒီးအီၤလီၤ.
23 ဒီးကသ့ၣ်ယီၤတဒုန့ၣ် ထံၣ်ဘၣ်ယွၤအကလူးတဂၤ အိၣ်ဆၢထၢၣ်လၢကျဲပူၤ, ဒီးအိၣ်ဒီးအနးဘီၣ်ထီၣ်အသး လၢအစုပူၤလီၤ. ဒီးကသ့ၣ်ယီၤန့ၣ် ဃၣ်ကပၤအသး လၢကျဲ, ဒီးလဲၤထီၣ်ဆူတၢ်ပျီပူၤ, ဒီးစီၤဘံးလၣ်တီၢ် ကသ့ၣ်ယီၤဒ်သိးအကဃၣ်က့ၤအသးဆူကျဲပူၤလီၤ.
24 ဒီးယွၤအကလူးန့ၣ်ဆၢထၢၣ် လၢကျဲအိၣ်လၢစပံးမုၢ် အလီၢ်ခံပူၤအဘၢၣ်စၢၤ, တၢ်အဒူၣ်အိၣ်ဝဲလၢအအံၤတ ခီ, ဒီးတၢ်အဒူၣ်အိၣ်ဝဲလၢအဝဲတခီလီၤ.
25 ဒီးကသ့ၣ်ယီၤထံၣ်ဘၣ်ယွၤအကလူးတဂၤ, ဒီးသနံး တၢ်အဒူၣ်န့ၣ်, ဒီးဆီၣ်သနံးဘၣ်စီၤဘံးလၣ်အခီၣ်လၢ တၢ်ဒူၣ်လိၤဒီးအဝဲဒၣ်တီၢ်ကဒီးအီၤလီၤ.
26 ဒီးယွၤအကလူးန့ၣ်လဲၤတၢ်ဒံး, ဒီးဆၢထၢၣ်လၢတၢ် ကဆူးအံၣ်ဖဲတၢ်ဃၣ်ကပၤအသး ဆူစုထွဲဂ့ၤစုစ့ၣ်ဂ့ၤ, ကျဲတအိၣ်ဘၣ်လီၤ. 27 ဒီးကသ့ၣ်ယီၤထံၣ်ဘၣ်ယွၤအ ကလူး, ဒီးလီၤဃံၤဝဲဒီးစီၤဘံးလၣ်အိၣ်လၢအဖီခိၣ်, ဒီး စီၤဘံးလၣ်အသးထီၣ်ကဲၤထီၣ်, ဒီးတီၢ်ကသ့ၣ်ယီၤလၢ နီၣ်တီၢ်လီၤ.
28 ဒီးယွၤအဲးထီၣ်ကသ့ၣ်ယီၤအထးခိၣ်, ဒီးအတၢ်စံး ဘၣ်စီၤဘံးလၣ်, ဒ်သိးနကတီၢ်ယၤသၢဘျီအံၤဒီး, ယ မၤတ့ၢ်နၤလၢမနုၤလဲၣ်.
29 ဒီးစီၤဘံးလၣ်စံးဘၣ်ကသ့ၣ်ယီၤန့ၣ်, မ့ၢ်လၢနမၤယၤ တရီတပါအဂ့ၢ်လီၤ. မ်နးတဘ့ၣ်အိၣ်လၢယစုပူၤန့ၣ် တက့ၢ်, အဂ့ၢ်ဒ်အံၤ, ခဲကနံၣ်အံၤယမၤသံနၤအံၤယ သးအိၣ်လီၤ.
30 ဒီးကသ့ၣ်ယီၤန့ၣ်စံးဘၣ်စီၤဘံးလၣ်, ယမ့ၢ်နကသ့ၣ် ယီၤလၢနဒိးအီၤလၢ ယကဲထီၣ်နတၢ်လံၤလံၤတုၤမုၢ်မ ဆါတနံၤအံၤတမ့ၢ်ဘၣ်ဧါ. ယမၤနၤညီနုၢ်ဒ်အံၤသိးဧါ. ဒီးစံးဝဲဒၣ်, နတမၤဘၣ်.
31 ဒီးယွၤအိးထီၣ်စီၤဘံးလၣ်အမဲာ်, ဒီးထံၣ်ဘၣ်ယွၤအ ကလူးအိၣ်ဆၢထၢၣ်လၢကျဲပူၤ, ဒီးအနးအိၣ်ဘီၣ်ထီၣ် အသးလၢအစုပူၤ, ဒီးဆုးလီၤအခိၣ်, ဒီးထိၣ်လီၤပှီၤ အသးလီၤ.
32 ဒီးယွၤအကလူးန့ၣ်စံးဘၣ်အီၤ, နတီၢ်နကသ့ၣ်ယီၤ သၢဘျီအံၤဘၣ်မနုၤလဲၣ်, ကွၢ်ကွၢ်, ယဲဒၣ်အံၤယဟဲထီ ဒါနၤလီၤ. အဂ့ၢ်ဒ်အံၤ, နကျဲမ့ၢ်တၢ်ပူထီၣ်လၢယမဲာ်ညါ လီၤ. 33 ဒီးကသ့ၣ်ယီၤန့ၣ်ထံၣ်ဘၣ်ယၤ, ဒီးဃၣ်အသးလၢ ယအိၣ်သၢဘျီလီၤ. မ့ၢ်တဃၣ်အသးလၢယအိၣ်ဘၣ်ဒီး, မ့ၢ်မးခဲကနံၣ်အံၤယကကျီသံနၤလံ, ဒီးဒုးမူဒံးအီၤလီၤ.
34 ဒီးစီၤဘံးလၣ်စံးဘၣ်ယွၤအကလူး, ယမၤလံတၢ်ဒဲး ဘးလံ, အဂ့ၢ်ဒ်အံၤ, ယတသ့ၣ်ညါဘၣ်လၢနဆၢထၢၣ် ထီဒါယၤလၢကျဲပူၤဘၣ်. ဒီးခဲကနံၣ်အံၤမ့မ့ၢ်တၢ်အၢ လၢနမဲာ်ညါဒီး, ယကက့ၤကဒါက့ၤလၢယလီၢ်ခံလီၤ.
35 ဒီးယွၤအကလူးန့ၣ်စံးဘၣ်စီၤဘံးလၣ်, လဲၤတၢ်ဒီးပှၤ တဖၣ်န့ၣ်တက့ၢ်. ဘၣ်ဆၣ်ဒီးထဲတၢ်ကတိၤလၢယက တိၤဒီးနၤန့ၣ်နဘၣ်ကတိၤတၢ်လီၤ. ဒီးစီၤဘံးလၣ်လဲၤ ဝဲဒီးစီၤဘၤလးအပဒိၣ်တဖၣ်န့ၣ်လီၤ.
36 ဒီးစီၤဘၤလးနၢ်ဟူဝဲလၢစီၤဘံးလၣ်ဟဲဝဲ, ဒီးလဲၤသ ဂၢၢ်ထီၣ်အီၤဆူ မိၤအးအဝ့ၢ်တဖျၢၣ်လၢအအိၣ်လၢထံ အၢ်နိၣ်အနံၤလၢတၢ်အဃၢၤအကတၢၢ်န့ၣ်လီၤ. 37 ဒီးစီၤ ဘၤလးစံးဘၣ်စီၤဘံးလၣ်, ယမၢပှၤလဲၤကိးန့ၢ်နၤသပှၢ် တၢၢ်တမ့ၢ်ဘၣ်ဧါ, နတဟဲဘၣ်ဆူယအိၣ် ဘၣ်မနုၤ လဲၣ်. ယပာ်တၢ်လၤကပီၤလၢနလိၤတသ့ဘၣ်ဧါ.
38 ဒီးစီၤဘံးလၣ်စံးဘၣ်စီၤဘၤလး, ကွၢ်ကွၢ်, ခဲကနံၣ် အံၤယဟဲလံဆူနအိၣ်လံ. ယစံးယဲတၢ်တမံၤမံၤကဲစ့ၢ် ကီးဧါ. တၢ်ကတိၤလၢယွၤပာ်လၢယထးခိၣ်န့ၣ်ယက ကတိၤန့ၣ်လီၤ. 39 ဒီးစီၤဘံးလၣ်န့ၣ် လဲၤတၢ်ဒီးစီၤဘၤ လး, ဒီးဟဲတုၤလၢကံးရယးဃူၤစိးလီၤ.
40 ဒီးစီၤဘၤလးလုၢ်ဂီၤဖံးတဖၣ်, ဒီးသိတဖၣ်, ဒီးမၢလီၤ တၢ်ဆူစီၤဘံးလၣ်, ဒီးဆူပဒိၣ်တဖၣ်လၢအအိၣ်ဒီးအီၤ အအိၣ်လီၤ. 41 ဒီးတၢ်မၤအသးလၢမုၢ်ဆ့ၣ်ထီၣ်တနံၤန့ၣ် စီၤဘၤလးဟံးန့ၢ်စီၤဘံးလၣ်ဒီး စိာ်အီၤဆူဘဧၤလးအ လီၢ်ထီၣ်ထီတဖၣ်, ဒီးထံၣ်ဘၣ်ဖဲန့ၣ်ပှၤဂီၢ်မုၢ်ပၢၢ်လၢ အကတၢၢ်န့ၣ်လီၤ.
23၂၃
1 ဒီးစီၤဘံးလၣ်စံးဘၣ်စီၤဘၤလး, မၤထီၣ်န့ၢ်ယၤလၢ တၢ်လုၢ်လီၢ်နွံဖျၢၣ်, ဒီးကတဲာ်ကတီၤန့ၢ်ယၤလၢဂီၤဖံး ဖါနွံဒု, ဒီးသိဖိနွံဒုဖဲအံၤတက့ၢ်.
2 ဒီးစီၤဘၤလးမၤဝဲဒ် စီၤဘံးလၣ်ကတိၤတၢ်အသိးန့ၣ် ဒီးစီၤဘၤလး, ဒီးစီၤဘံးလၣ်လုၢ်ဂီၤဖံးဖါတဒု, ဒီးသိ ဖါတဒုလၢတၢ်လုၢ်လီၢ်တဖျၢၣ်အဖီခိၣ်လီၤ.
3 ဒီးစီၤဘံးလၣ်စံးဘၣ်စီၤဘၤလး, ဆၢထၢၣ်လၢနတၢ် လုၢ်မ့ၣ်အူအဃၢၤ, ဒီးယကလဲၤတၢ်လီၤ. ဘၣ်တဘၣ် ယွၤကဟဲသဂၢၢ်ယၤ, ဒီးတၢ်လၢအဒုးနဲၣ်ယၤန့ၣ်ယက စံးဘၣ်နၤလီၤ. ဒီးလဲၤထီၣ်ဝဲလၢတၢ်စိခိၣ်လီၤ.
4 ဒီးယွၤဟဲသဂၢၢ်စီၤဘံးလၣ်, ဒီးအဝဲဒၣ်စံးဘၣ်အီၤ, ယကတဲာ်ကတီၤလံတၢ်လုၢ်လီၢ်နွံဖျၢၣ်, ဒီးယလုၢ်လံ ဂီၤဖံးဖါတဒု, ဒီးသိဖါတဒုလၢတၢ်လုၢ်လီၢ်တဖျၢၣ်အ ဖီခိၣ်လံ.
5 ဒီးယွၤပာ်တၢ်ကတိၤလၢစီၤဘံးလၣ်အထးခိၣ်, ဒီးစံး ဝဲဒၣ်, က့ၤက့ၤဆူစီၤဘၤလးအအိၣ်တက့ၢ်. ဒီးနဘၣ် ကတိၤတၢ်ဒ်အံၤလီၤ. 6 ဒီးက့ၤက့ၤဝဲဆူအအိၣ်, ဒီးကွၢ်ကွၢ်, ဆၢထၢၣ်လၢအတၢ်လုၢ်မ့ၣ်အူအဃၢၤ, အဝဲဒၣ်န့ၣ်, ဒီးမိၤအးအပဒိၣ်ခဲလၢာ်, ဒီးထုထီၣ်အတၢ်ကတိၤဒိ, ဒီးစံးဝဲဒၣ်,―
7 လၢအရၣ်န့ၣ်စီၤဘၤလးဆှၢယၤ, မိၤအးအစီၤပၤလၢကစၢၢ်လၢမုၢ်ထီၣ်တခီ, ဟဲဆိၣ်အၢယၤကိာ်လၢယဂီၢ်, ဒီးဟဲဆိၣ်ဃီၣ်အံၣ်စရ့လးတက့ၢ်.
8 ပှၤလၢယွၤတဆိၣ်အၢန့ၣ် ယကဆိၣ်အၢအီၤဒ်လဲၣ်, ဒီးပှၤလၢယွၤတဆိၣ်ဃီၣ်န့ၣ်ယကဆိၣ်ဃီၣ်အီၤဒ်လဲၣ်.
9 အဂ့ၢ်ဒ်အံၤ, လၢလၢၢ်ခိၣ်လ့ခိၣ်ယထံၣ်ဘၣ်အီၤ, ဒီး လၢတၢ်စိခိၣ်ယကွၢ်အီၤလီၤ. ကွၢ်ကွၢ်, ပှၤဂီၢ်မုၢ်ကအိၣ်ဝဲတကလုာ်ဒၣ်, ဒီးတၢ်တဂံၢ်ဘၣ်အီၤလၢပှၤကလုာ်အကျါဘၣ်.
10 မ့ၢ်မတၤကဂံၢ်ယၤကိာ်အကမူၣ်, ဒီးအံၣ်စရ့လးလွံၢ်ပူတပူအတၢ်ဂံၢ်လဲၣ်. မ်ယကသံဒ်ပှၤတီပှၤလိၤသံအသိးတက့ၢ်. မ်ယကတၢၢ်န့ၣ်ကမၤအသးဒ်အဝဲဒၣ်အသိးတက့ၢ်.
11 ဒီးစီၤဘၤလးစံးဘၣ်စီၤဘံးလၣ်, နမၤယၤဒ်လဲၣ်. ယ ဟံးန့ၢ်နၤဒ်သိးနကဆိၣ်အၢယဒုၣ်ယဒါ, ဒီးကွၢ်ကွၢ်, နဆိၣ်ဂ့ၤအီၤသပှၢ်တၢၢ်လီၤ.
12 ဒီးစံးဆၢတၢ်, ဒီးစံးဝဲဒၣ်, တၢ်လၢယွၤပာ်လၢယ ထးခိၣ်န့ၣ်ယဘၣ်ပလီၢ်ယသး, ဒီးကတိၤတၢ်န့ၣ်, တ မ့ၢ်ဘၣ်ဧါ.
13 ဒီးစီၤဘၤလးစံးဘၣ်အီၤ, ဟဲလၢ်ဒီးယၤဆူတၢ်အလီၢ် တပူၤဒၣ်ဖဲနကထံၣ်ဘၣ်အီၤတက့ၢ်, နကထံၣ်ဘၣ်ထဲ အကတၢၢ်ဧိၤဒီးနတထံၣ်ဘၣ်အီၤခဲလၢာ်ဘၣ်လီၤ. ဒီး ဆိၣ်အၢအီၤလၢယဂီၢ်ဖဲန့ၣ်တက့ၢ်.
14 ဒီးဟဲစိာ်အီၤဆူတၢ်ပျီပူၤစိဖံၣ်, ဆူပံးစကၤအဒီခိၣ်, ဒီးမၤထီၣ်တၢ်လုၢ်လီၢ်နွံဖျၢၣ်, ဒီးလုၢ်ဂီၤဖံးဖါတဒု, ဒီး သိဖါတဒုလၢတၢ်လုၢ်လီၢ်တဖျၢၣ်အဖီခိၣ်လီၤ.
15 ဒီးစံးဘၣ်စီၤဘၤလး, ဆၢထၢၣ်ဖဲအံၤလၢနတၢ်လုၢ် မ့ၣ်အူအဃၢၤတက့ၢ်, ဒီးယဲဒၣ်အံၤယကလဲၤသဂၢၢ် တၢ်ဖဲန့ၣ်လီၤ.
16 ဒီးယွၤဟဲသဂၢၢ်စီၤဘံးလၣ်, ဒီးပာ်တၢ်ကတိၤလၢ အထးခိၣ်, ဒီးစံးဝဲဒၣ်, က့ၤကဒီးဆူစီၤဘၤလးအအိၣ်, ဒီးစံးဒ်အံၤတက့ၢ်.
17 ဒီးက့ၤက့ၤဝဲဆူအအိၣ်, ဒီးကွၢ်ကွၢ်, အိၣ်ဆၢထၢၣ် ဝဲလၢအတၢ်လုၢ်မ့ၣ်အူအဃၢၤ, ဒီးမိၤအးအပဒိၣ်တဖၣ် အိၣ်ဒီးအီၤလီၤ. ဒီးစီၤဘၤလးစံးဘၣ်အီၤ, ယွၤကတိၤ တ့ၢ်တၢ်ဒ်လဲၣ်. 18 ဒီးထုထီၣ်အတၢ်ကတိၤဒိ, ဒီးစံးဝဲဒၣ်, ဂဲၤဆၢထၢၣ်စီၤဘၤလးဧၢ, ဒီးကနၣ်, ဒိကနၣ်ယကလုၢ်, စီၤစံးပိၢ်အဖိခွါဧၢ,
19 ယွၤတမ့ၢ်ဘၣ်ပှၤကညီ လၢအကကတိၤတၢ်ကဘျံး ကဘျၣ်ဘၣ်, ဒီးတမ့ၢ်ဘၣ်ပှၤကညီဖိခွါလၢ အကပီၢ်ယၢ်လီၤက့ၤအ သးဘၣ်. စံးတၢ်, ဒီးတမၤဘၣ်ဝဲဘၣ်ဧါ, ကတိၤတၢ်, ဒီးတမၤဂၢၢ်မၤကျၢၤဘၣ်ဧါ.
20 ကွၢ်ကွၢ်, ယဒိးန့ၢ်လၢယကဆိၣ်ဂ့ၤတၢ်, ဒီးအဝဲဒၣ်ဆိၣ်ဂ့ၤဝဲ, ဒီးယဘိးကဒါတသ့ဘၣ်.
21 တကွၢ်ဘၣ်တၢ်အၢလၢယၤကိာ်အပူၤဘၣ်, ဒီးတထံၣ်ဘၣ်တၢ်မၤအၢလၢအံၣ်စရ့လးအပူၤဘၣ်. ယွၤအကစၢ်အိၣ်ဒီးအီၤ, ဒီးတၢ်ကိးပသူထီၣ်ဘၣ်ဃးဒီးစီၤပၤအိၣ်လၢအကျါ.
22 ယွၤဒုးဟးထီၣ်ကွံာ်အီၤလၢအဲၤကူပတူးအပူၤ, အိၣ်ဒီးအဂံၢ်အဘါဒ်တၤဖးအသိးလီၤ.
23 မ့ၢ်မးတၢ်ဟိၣ်တၢ်ယီလၢ အကဘၣ်ယၤကိာ်တအိၣ် ဘၣ်, ဒီးတၢ်အူတၢ်သမူလၢအကဘၣ် အံၣ်စရ့လးတအိၣ် ဘၣ်. ဖဲအကတီၢ်ဘၣ်န့ၣ်ပှၤကစံးလၢယၤကိာ်အဂ့ၢ်, ဒီးလၢအံၣ်စရ့လးအဂ့ၢ်န့ၣ်ယွၤမၤတၢ်အံၤမ့ၢ်ဒ်လဲၣ်.
24 ကွၢ်ကွၢ်, ပှၤဂီၢ်မုၢ်ကဂဲၤဆၢထၢၣ်ဒ်ခ့ယုၢ်မိၢ်အသိး, ဒီးဒ်ခ့ယုၢ်အဒူအသိးန့ၣ်ကပာ်ဂဲၤဆၢထၢၣ်အသးလီၤ. တချုးအအီၣ်ဒံးဘၣ်တၢ်ဂုာ်န့ၢ်, ဒီးတချုးအအီဒံးဘၣ်တၢ်ဘၣ်မၤသံအီၤအသွံၣ်န့ၣ်ဒီး, တမံလီၤဘၣ်လီၤ.
25 ဒီးစီၤဘၤလးစံးဘၣ်စီၤဘံးလၣ်, ဆိၣ်အၢအီၤဧီၢ်ဆိၣ် အၢအီၤတဂ့ၤ, ဆိၣ်ဂ့ၤအီၤဧီၢ်ဆိၣ်ဂ့ၤအီၤတဂ့ၤ.
26 ဒီးစီၤဘံးလၣ်စံးဆၢတၢ်, ဒီးစံးဘၣ်စီၤဘၤလး, တၢ် လၢယွၤကတိၤခဲလၢာ် ယဘၣ်မၤန့ၣ် ယစံးဘၣ်နၤ, တမ့ၢ်ဘၣ်ဧါ.
27 ဒီးစီၤဘၤလးစံးဘၣ်စီၤဘံးလၣ်, ဟဲလၢ်တက့ၢ်, ယ ကစိာ်န့ၢ်နၤဆူတၢ်အလီၢ်အဂၤတပူၤ, ဘၣ်တဘၣ်က လိၤလၢယွၤအမဲာ်ညါလၢ နကဆိၣ်အၢဘၣ်အီၤဖဲန့ၣ် လၢယဂီၢ်လီၤ.
28 ဒီးစီၤဘၤလးလဲၤစိာ်စီၤဘံးလၣ် ဆူပဧိၢ်အဖီခိၣ်လၢ အကွၢ်တၢ်ဆူယးၡံမိၣ်အမဲာ်ညါလီၤ. 29 ဒီးစီၤဘံးလၣ် စံးဘၣ်စီၤဘၤလး, မၤထီၣ်န့ၢ်ယၤလၢ တၢ်လုၢ်လီၢ်နွံ ဖျၢၣ်, ဒီးကတဲာ်ကတီၤန့ၢ်ယၤဖဲအံၤ ဂီၤဖံးဖါနွံဒု, ဒီး သိဖါနွံဒုန့ၣ်တက့ၢ်.
30 ဒီးစီၤဘၤလးမၤဝဲဒ်စီၤဘံးလၣ်စံးဝဲအသိးန့ၣ်, ဒီးလုၢ် ထီၣ်ဂီၤဖံးဖါတဒု, ဒီးသိဖါတဒု, လၢတၢ်လုၢ်လီၢ်တ ဖျၢၣ်အဖီခိၣ်လီၤ.
24၂၄
1 ဒီးတုၤစီၤဘံးလၣ်ထံၣ်ဘၣ်ဝဲလၢ တၢ်ဂ့ၤလၢယွၤအ မဲာ်ညါလၢအကဆိၣ်ဂ့ၤအံၣ်စရ့လးန့ၣ်ဒီး, တလဲၤဃု ဘၣ်တၢ်အူတၢ်သမူ ဒ်အဃုတ့ၢ်လၢမကိာ်အသိးန့ၣ် ဘၣ်ဒီးပာ်အမဲာ်ဆူပှၢ်မုၢ်ကနၢလီၤ.
2 ဒီးစီၤဘံးလၣ်ကျ့ထီၣ်အမဲာ်, ဒီးထံၣ်ဘၣ်အံၣ်စရ့လး အိၣ်ဝဲဆိးဝဲ, ဒ်အဒူၣ်တဖၣ်အသိးန့ၣ်, ဒီးယွၤအသး ဟဲလီၤလၢအလိၤလီၤ. 3 ဒီးထုထီၣ်အတၢ်ကတိၤဒိ, ဒီး စံးဝဲဒၣ်, စီၤဘဧိၢ်အဖိခွါစီၤဘံးလၣ်စံးတၢ်, ဒီးပှၤလၢအမဲာ်အိးထီၣ်အသးစံးတၢ်,
4 ပှၤလၢအနၢ်ဟူယွၤအကလုၢ်အကထါစံးတၢ်, လၢအထံၣ်တၢ်လၢညါခီဘၣ်ဃးဒီးတၢ်သ့တၢ်လၢာ်, လီၤဃံၤဘၣ်ဆၣ်အမဲာ်အိးထီၣ်အသးလီၤ.
5 နဒဲတဖၣ်ဂ့ၤဆံးဒိၣ်လဲၣ်, ယၤကိာ်ဧၢ, နအိၣ်နဆိးအလီၢ်တဖၣ်, အံၣ်စရ့လးဧၢ,
6 သလၣ်ထီၣ်အသးဒ်တၢ်ပျီပူၤအသိး, ဒ်တၤသၣ်အလီၢ်လၢထံမိၢ်ပှၢ်အနံၤအသိး, ဒ်သ့ၣ်ကၠီၣ်လၢယွၤသူၣ်ဝဲအသိး, ဒ်သ့ၣ်ဆှိအ့ရ့းလၢထံနံၤအသိးန့ၣ်လီၤ.
7 ကလူလီၤထံလၢအထံစဲၤပူၤ, ဒီးအချံအသၣ်ကအိၣ်လၢထံအါအကျါ, ဒီးအစီၤပၤကထီၣ်ထီန့ၢ်စီၤအၤကး, ဒီးအဘီအမုၢ်ကဘၣ်တၢ်ပာ်ထီၣ်ထီအီၤလီၤ.
8 ယွၤဒုးဟးထီၣ်ကွံာ်အီၤလၢအဲၤကူပတူး, အိၣ်ဒီးအဂံၢ်အဘါဒ်တၤဖးအသိး, ကအီၣ်ထီၣ်ကွံာ်အဒုၣ်အဒါပှၤကလုာ်တဖၣ်န့ၣ်, ဒီးမၤကၢ်အဃံ, ဒီးခးဖျိအီၤလၢအပျၢ်လီၤ.
9 ကိာ်လီၤဝဲ, မံလီၤဝဲဒ်ခ့ယုၢ်အဒူအသိး, ဒီးဒ်ခ့ယုၢ်မိၢ်အသိးမ့ၢ်မတၤကထိၣ်ဂဲၤအီၤလဲၣ်. ပှၤလၢအဆိၣ်ဂ့ၤနၤန့ၣ်မ်အဘၣ်တၢ်ဆိၣ်ဂ့ၤတက့ၢ်. ဒီးပှၤလၢအဆိၣ်အၢနၤန့ၣ်, မ်အဘၣ်တၢ်ဆိၣ်အၢတ က့ၢ်.
10 ဒီးစီၤဘၤလးအသးထီၣ်ကဲၤထီၣ်ဘၣ်စီၤဘံးလၣ်, ဒီး ဒဲလိာ်အစုညါသးလီၤ. ဒီးစီၤဘၤလးစံးဘၣ်စီၤဘံးလၣ်, ယကိးန့ၢ်နၤဒ်သိးနကဆိၣ်အၢယဒုၣ်ယဒါလီၤ, ဒီးကွၢ် ကွၢ်, နဆိၣ်ဂ့ၤလံအီၤသပှၢ်တၢၢ်သၢဘျီညါအံၤလံ. 11 ဒီး ခဲကနံၣ်အံၤဃ့ၢ်ဆူနလီၢ်တက့ၢ်. ယစံးလၢယကပာ် တၢ်လၤကပီၤဒိၣ်လၢနလိၤလီၤ. ဒီးကွၢ်ကွၢ်, ယွၤတြီ နန့ၢ်ဘၣ်တၢ်လၤကပီၤလီၤ.
12 ဒီးစီၤဘံးလၣ်စံးဘၣ်စီၤဘၤလး, ယစံးဘၣ်တ့ၢ်နက လူးလၢနမၢလီၤဆူယအိၣ်တဖၣ်န့ၣ်, 13 စီၤဘၤလးမ့ၢ် ဟ့ၣ်လီၤယၤလၢအဟံၣ်ပှဲၤဒီး ကျိၣ်ဧိၤစ့ဧိၤဒီးထူဧိၤလွဲ ဧိၤဒီး, ယခီဂာ်ယွၤအထးခိၣ်ဒ်သိးယကမၤတၢ်ဂ့ၤမ့ၢ်ဂ့ၤ, တၢ်အၢမ့ၢ်ဂ့ၤ, လၢယသးဒၣ်ယဲတသ့ဘၣ်. တၢ်လၢ ယွၤကတိၤယကကတိၤ, ယစံးတ့ၢ်, တမ့ၢ်ဘၣ်ဧါ. 14 ဒီး ခဲကနံၣ်အံၤကွၢ်ကွၢ်, ယလဲၤဆူယပှၤဂီၢ်မုၢ်လီၤ. ဟဲ, ယကဘိးဘၣ်သ့ၣ်ညါနၤလၢ တၢ်လၢပှၤဂီၢ်မုၢ်အံၤက မၤနပှၤဂီၢ်မုၢ်လၢမုၢ်နံၤအခံကတၢၢ်တဖၣ်န့ၣ်လီၤ. 15 ဒီး ထုထီၣ်အတၢ်ကတိၤဒိ, ဒီးစံးဝဲဒၣ်, စီၤဘဧိၢ်အဖိခွါစီၤဘံးလၣ်စံးတၢ်, ဒီးပှၤလၢအမဲာ်အိးထီၣ်အသးစံးတၢ်,
16 ပှၤလၢအနၢ်ဟူယွၤအကလုၢ်အကထါ, ဒီးသ့ၣ်ညါတၢ်သ့ၣ်ညါဘၣ်ဃးဒီး တၢ်ထီကတၢၢ်တ ဂၤစံးတၢ်, လၢအထံၣ်တၢ်လၢညါခီဘၣ်ဃးဒီး တၢ်သ့တၢ်လၢာ်, လီၤဃံၤဘၣ်ဆၣ်အမဲာ်အိးထီၣ်အသးတဂၤန့ၣ်စံးဝဲဒၣ်,
17 ယထံၣ်ဘၣ်အီၤဘၣ်ဆၣ်, ခဲကနံၣ်အံၤတမ့ၢ်ဘၣ်, ယကွၢ်အီၤဘၣ်ဆၣ်, အိၣ်ဘူးတမ့ၢ်ဘၣ်, ဆၣ်တဖျၢၣ်ကထီၣ်ဘၣ်လၢယၤကိာ်အပူၤ, ဒီးစီၤပၤအနီၣ်ထိးတဘိကထီၣ်လၢအံၣ်စရ့လးဒီးကတီၢ်ဘၣ်မိၤအးအသနၢၣ်တဖၣ်, ဒီးမၤဟးဂီၤကယဲၢ်ပှၤတၢထီၣ်တၢလီၤဖိ,
18 ဒီးအဒိၣ်ကကဲထီၣ်တၢ်န့ၢ်သါ, ဒီးစ့ဧၢ်ကကဲထီၣ်တၢ်န့ၢ်သါလၢအဒုၣ်အဒါအဂီၢ်, ဒီးအံၣ်စရ့လးကမၤနၢၤမၤဃၣ်တၢ်လီၤ.
19 ပှၤလၢအကပၢတၢ်တဂၤကဟဲထီၣ်လၢယၤကိာ်, ဒီးကမၤဟးဂီၤပှၤလၢအအိၣ်လီၤတဲာ်လၢ ခူဧိၤဝ့ၢ်ဧိၤအ ပူၤလီၤ.
20 ဒီးကွၢ်ဝဲလၢဧမၤလ့း, ဒီးထုထီၣ်အတၢ်ကတိၤဒိ, ဒီး စံးဝဲဒၣ်, ဧမၤလ့းမ့ၢ်ပှၤကလုာ်တဖၣ်အခိၣ်, ဘၣ်ဆၣ်ဒီးအကတၢၢ်န့ၣ် မ့ၢ်တၢ်ဟးဂီၤအထူအယိာ် လီၤ.
21 ဒီးကွၢ်ဝဲလၢပှၤက့ၣ်ဖိ, ဒီးထုထီၣ်အတၢ်ကတိၤဒိ, ဒီး စံးဝဲဒၣ်, နအိၣ်နဆိးအလီၢ်အိၣ်ခၢၣ်တနၢၢ်, ဒီးနပာ်နသွံလၢလၢၢ်ပူၤ,
22 ဘၣ်ဆၣ်ဒီးတၢ်ကအီၣ်ကွံာ်ယၤကံၣ်, တုၤလီၤလၢအၤရှူၢ်ကမၢကဲကုၢ်နၤလီၤ.
23 ဒီးထုထီၣ်အတၢ်ကတိၤဒိ, ဒီးစံးဝဲဒၣ်, အၣ်လါ, တုၤယွၤကမၤတၢ်န့ၣ်ဒီး, မ့ၢ်မတၤကမူတဂၤလဲၣ်.
24 ဒီးကဘီတဖၣ်ကဟဲလၢကံတံၣ်အဃၢၤ, ဒီးကမၤနးမၤဖှီၣ်အၤရှူၢ်, ဒီးကမၤနးမၤဖှီၣ်ဧၤဘ့ၢ်, ဒီး အဝဲဒၣ်ကတုၤလၢတၢ်ဟးဂီၤအထူအယိာ်စ့ၢ်ကီးလီၤ.
25 ဒီးစီၤဘံးလၣ်ဂဲၤဆၢထၢၣ်, ဒီးလဲၤတၢ်, ဒီးက့ၤက့ၤ ဆူအလီၢ်, ဒီးစီၤဘၤလးပိာ်အကျဲစ့ၢ်ကီးလီၤ.
25၂၅
1 ဒီးအံၣ်စရ့လးအိၣ်ဝဲဆိးဝဲလၢၡံးထံၣ်အပူၤ, ဒီးပှၤဂီၢ် မုၢ်မၤကမၣ်မုၣ်ကမၣ်ခွါဒီးမိၤအးအဖိမုၣ်တဖၣ်လီၤ.
2 ဒီးအဝဲသ့ၣ်ကိးန့ၢ် ပှၤဂီၢ်မုၢ်ဆူအကစၢ်တဖၣ်အတၢ် လုၢ်, ဒီးပှၤဂီၢ်မုၢ်အီၣ်တၢ်, ဒီးဘါထီၣ်အကစၢ်တဖၣ် လီၤ. 3 ဒီးအံၣ်စရ့လးမၤစဲဘူးလိာ်အသးဒီး ဘဧၤလးပဧိၢ်လီၤ. ဒီးယွၤအသးထီၣ်ကဲၤထီၣ်ဘၣ်အံၣ်စရ့လးလီၤ.―
4 ဒီးယွၤစံးဘၣ်စီၤမိၤရှ့, ဟံးန့ၢ်ပှၤဂီၢ်မုၢ်အခိၣ်ခဲလၢာ်ဒီး စၢၣ်သံအီၤလၢယွၤအမဲာ်ညါ, လၢမုၢ်အမဲာ်ညါတက့ၢ်. ဒီးယွၤအသးထီၣ်ဆူၣ်ကဃၣ်ကွံာ် အသးလၢအံၣ်စရ့ လးအအိၣ်လီၤ.
5 ဒီးစီၤမိၤရှ့စံးဘၣ်အံၣ်စရ့လး အပှၤစံၣ်ညီၣ်ကွီၢ်တ ဖၣ်, မၤသံတဂၤအပှၤဒၣ်ဝဲ, တဂၤအပှၤဒၣ်ဝဲလၢအစဲ ဘူးလိာ်အသးဒီးဘဧၤလးပဧိၢ်န့ၣ်တက့ၢ်.
6 ဒီးကွၢ်ကွၢ်, ပှၤအံၣ်စရ့လးဖိတဂၤဟဲစိာ်ပှၤမံးဒယၣ် မုၣ်တဂၤဆူအဒီပုၢ်ဝဲၢ်အအိၣ်လၢစီၤမိၤရှ့အမဲာ်ညါ, ဒီး လၢပှၤအံၣ်စရ့လးဖိအတၢ်အိၣ်ဖှိၣ်ခဲလၢာ်အမဲာ်ညါ, ဖဲ အဟီၣ်ဝဲလၢ တၢ်အိၣ်ဖှိၣ်အဒဲအကျဲစၢၤ အဖၢမုၢ်န့ၣ် လီၤ. 7 ဒီးပှၤလုၢ်တၢ်အဒိၣ်စီၤအၤဟရိၣ်အဖိခွါ, စီၤအ လၤဧစၢ်အဖိခွါ, စီၤပံၤနဃၣ်ထံၣ်ဘၣ်ဝဲ, ဒီးဂဲၤဆၢ ထၢၣ်လၢတၢ်အိၣ်ဖိှၣ်အကျါ, ဒီးဟံးန့ၢ်ဘီတဘ့ၣ်လၢ အစုပူၤ, 8 ဒီးလဲၤပိာ်ပှၤအံၣ်စရ့လးဖိတဂၤအခံဆူအလီၢ် မံပူၤ, ဒီးဆဲးဖျိပှၤခံဂၤ, ပှၤအံၣ်စရ့လးဖိတဂၤ, ဒီးပိာ်မုၣ် တဂၤလၢအဟၢဖၢလီၤ. ဒီးတၢ်သံသတြိာ်အိၣ်ကတီၢ်ဝဲ လၢပှၤအံၣ်စရ့လးဖိအကျါလီၤ. 9 ဟ ဒီးပှၤလၢအသံလၢ တၢ်သံသတြိာ်န့ၣ်မ့ၢ်ပှၤခံကလးလွံၢ်ကထိလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 10 ပှၤလုၢ် တၢ်အဒိၣ်စီၤအၤဟရိၣ်အဖိခွါ, စီၤအလၤဧစၢ်အဖိခွါ စီၤပံၤနဃၣ်တဂၤန့ၣ်မ့ၢ်အသးဆူၣ်လၢယဂီၢ်လၢ အဝဲ သ့ၣ်အကျါဒီး, ဒုးဃၣ်ကွံာ်ယသးထီၣ်လၢပှၤအံၣ်စရ့ လးဖိအအိၣ်သတးဒီး, ယတမၤလၢာ်ဘၣ်ပှၤအံၣ်စရ့ လးဖိလၢယသးက့ၣ်ဘၣ်လီၤ. 12 မၤသးဒ်န့ၣ်ဒီးစံး, ကွၢ် ကွၢ်, ယဟ့ၣ်လီၤအီၤလၢ ယတၢ်အၢၣ်လီၤအီလီၤဘၣ် ဃးဒီးတၢ်မၤဃူမၤဖိးလီၤ. 13 ဒီးကန့ၢ်ဘၣ်ဝဲ, ဒီးအချံ အသၣ်လၢအလီၢ်ခံန့ၣ်, တၢ်အၢၣ်လီၤအီလီၤဘၣ်ဃးဒီး ပှၤလုၢ်တၢ်အဒိၣ်လီၤစိၤလီၤထီလီၤ. အဂ့ၢ်ဒ်အံၤ, အ သးဆူၣ်လၢယွၤအဂီၢ်, ဒီးမၤတၢ်ပူၤဖျဲးလၢပှၤအံၣ်စရ့ လးဖိအဂီၢ်လီၤ.
14 ဒီးပှၤအံၣ်စရ့လးဖိလၢအဘၣ်တၢ်မၤသံအီၤ, လၢအ ဘၣ်တၢ်မၤသံဃုာ်အီၤဒီးပှၤမံးဒယၣ်မုၣ်တဂၤန့ၣ်အမံၤ မ့ၢ်စီၤစံၣ်ရံၤလၢပှၤစူၤမ့ၤအိၣ်အကျါ ပှၤအပၢ်အဟံၣ်အ ပဒိၣ်စီၤစၤလူအဖိခွါလီၤ.
15 ဒီးပှၤမံးဒယၣ်မုၣ် လၢအဘၣ်တၢ်မၤသံအီၤတဂၤန့ၣ် အမံၤမ့ၢ်နီၢ်ကးစဘံၤ, စီၤစူၢ်အဖိမုၣ်လီၤ. အဝဲဒၣ်မ့ၢ် ပှၤဂီၢ်မုၢ်အခိၣ်, ပှၤအပၢ်အဟံၣ်အခိၣ်လၢ မံးဒယၣ် အပူၤလီၤ. ဒီးယွၤကတိၤတၢ်ဒီး စီၤမိၤရှ့ဒီးစံးဘၣ်အီၤ, 16 မၤ ကိၢ်မၤဂီၤပှၤမံးဒယၣ်ဖိ, ဒီးကျီကွံာ်အီၤတက့ၢ်. 18 အဂ့ၢ် ဒ်အံၤ, အဝဲသ့ၣ်တဖၣ်မၤကိၢ်မၤဂီၤသုလၢအမၤအၢတၢ် လၢအကလံာ်သုလၢတၢ်ဘၣ်ဃးဒီးပဧိၢ်, ဒီးတၢ်ဘၣ် ဃးဒီးမံးဒယၣ်မုၣ် အပဒိၣ်အဖိမုၣ်နီၢ်ကးစဘံၤ, အဒီ ပုၢ်ဝဲၢ်မုၣ်, လၢအဘၣ်တၢ်မၤသံအီၤလၢတၢ်သံသတြိာ် အမုၢ်နံၤလၢပဧိၢ်အဃိလီၤ.
26၂၆
1 ဒီးလၢတၢ်သံသတြိာ်အလီၢ်ခံန့ၣ် တၢ်မၤအသးလၢ ယွၤကတိၤတၢ်ဒီးစီၤမိၤရှ့, ဒီးပှၤလုၢ်တၢ်အဒိၣ်စီၤအၤဟ ရိၣ်အဖိခွါစီၤအလၤဧစၢ်, ဒီးစံးဝဲဒၣ်, 2 ဂံၢ်ပှၤအံၣ်စရ့ လးဖိအတၢ်အိၣ်ဖှိၣ်ခဲလၢာ်လၢအသးပှၢ် အနံၣ်ခံဆံဒီး အါန့ၢ်အန့ၣ်, ဒ်အပၢ်အဟံၣ်အသိးန့ၣ်, ကယဲၢ်ပှၤလဲၤ ဒုးသုးတၢ်သ့လၢအံၣ်စရ့လးအပူၤန့ၣ်တက့ၢ်.
3 ဒီးစီၤမိၤရှ့, ဒီးပှၤလုၢ်တၢ်အဒိၣ် စီၤအလၤဧစၢ်ကတိၤ တၢ်ဒီးအီၤလၢမိၤအးအပျီပူၤလၢယၢ်ဒ့ၣ်အနံၤ, သဃီၤ ဒီးယရံၤဃိ, ဒီးစံးဝဲဒၣ် 4 ဂံၢ်ပှၤလၢအသးပှၢ်အနံၣ်ခံ ဆံဒီးဆူအဖီခိၣ်, ဒ်ယွၤမၤလိာ်စီၤမိၤရှ့, ဒီးပှၤအံၣ်စရ့ လးဖိလၢအဟးထီၣ်ကွံာ်လၢ ကီၢ်အဲၤကူပတူးအပူၤအ သိးန့ၣ်တက့ၢ်.
5 စီၤရူၤဘ့ၣ်, အံၣ်စရ့လးအဖိခွါဝဲၢ်ကိအံၤ, စီၤရူၤဘ့ၣ် အဖိခွါမ့ၢ်စီၤဃနိာ်, ပှၤဃနိာ်ဖိတဒူၣ်, လၢစီၤပးလူန့ၣ် ပှၤပးလူဖိတဒူၣ်, 6 လၢစီၤဃ့းစရိၣ်န့ၣ်ပှၤဃ့းစရိၣ်ဖိတ ဒူၣ်, လၢစီၤကၢ်မံၤန့ၣ်ပှၤကၢ်မံၤဖိတဒူၣ်လီၤ. 7 အန့ၣ် မ့ၢ်ပှၤရူၤဘ့ၣ်ဖိအဒူၣ်တဖၣ်, ဒီးပှၤလၢအဘၣ်တၢ်ဂံၢ် အီၤလၢအကျါန့ၣ်မ့ၢ် ပှၤလွံၢ်ကလးဒီးသၢကထိဒီးနွံက ယၤဒီးသၢဆံလီၤ. ဒီးစီၤပးလူအဖိခွါမ့ၢ်စီၤအလံအာ်, 8 ဒီးစီၤအလံအာ် အဖိခွါန့ၣ်မ့ၢ်စီၤနမူၤအ့လး, ဒီးစီၤဒၤသၣ်, ဒီးစီၤအဘံ ရၣ်လီၤ. အဝဲန့ၣ်မ့ၢ်စီၤဒၤသၣ်, ဒီးစီၤအဘံရၣ်လၢအမံၤ ဟူထီၣ်လၢတၢ်အိၣ်ဖှိၣ်အကျါ, လၢအဂ့ၢ်လိာ်ထီဒါစီၤ မိၤရှ့ဒီးစီၤအၤဟရိၣ်, လၢစီၤကိၤရး အတၢ်အိၣ်ဖှိၣ်အ ကျါ, အဆၢအကတီၢ်ဖဲအဂ့ၢ်လိာ်ထီဒါယွၤလီၤ. 10 ဒီး တုၤတၢ်အိၣ်ဖှိၣ်တဖုန့ၣ်သံ, ဖဲမ့ၣ်အူအီၣ်ကွံာ်ပှၤခံက ယၤဒီးယဲၢ်ဆံဒီး, ဟီၣ်ခိၣ်အဲးထီၣ်အထးခိၣ်, ဒီးယူၢ် လီၤကွံာ်အီၤဒီးစီၤကိၤရး, ဒီးကဲထီၣ်ဝဲလၢတၢ်အပနီၣ် လီၤ. 11 ဘၣ်ဆၣ်ဒီးစီၤကိးရးအဖိတသံဘၣ်ဝဲဘၣ်.
12 စီၤစူၤမ့းအိၣ်အဖိခွါဒ်အဒူၣ်တဖၣ်အသိးန့ၣ်, လၢစီၤ နမူၤအ့လးန့ၣ်ပှၤနမူၤအ့လးဖိတဒူၣ်, လၢစီၤယၤမံၣ်န့ၣ် ပှၤယၤမံၣ်ဖိတဒူၣ်, လၢစီၤယၤကံၣ်န့ၣ်ပှၤယၤကံၣ်ဖိတ ဒူၣ်, 13 လၢစီၤစ့ရၤန့ၣ်ပှၤစ့ရၤဖိတဒူၣ်, လၢစီၤၡၤအူလး န့ၣ်ပှၤၡၤအူလးဖိတဒူၣ်လီၤ. 14 အန့ၣ်မ့ၢ်ပှၤစူၤမ့းအိၣ်ဖိ အဒူၣ်တဖၣ်, ပှၤခံကလးဒီးခံကထိဒီးခံကယၤလီၤ.
15 စီၤကးအဖိခွါ ဒ်အဒူၣ်တဖၣ်အသိးန့ၣ်လၢစီၤစဖိၣ်န့ၣ် ပှၤစဖိၣ်ဖိတဒူၣ်, လၢစီၤဃးကံၤန့ၣ်ပှၤဃးကံၤဖိတဒူၣ်, လၢစီၤရှူနံၤန့ၣ်ပှၤရှူနံၤဖိတဒူၣ် 16 လၢစီၤအီးစနံၤန့ၣ်ပှၤ အီးစနံၤဖိတဒူၣ်, လၢစီၤဧ့ရံၤန့ၣ်ပှၤဧ့ရံၤဖိတဒူၣ်, 17 လၢ စီၤအရိးန့ၣ်ပှၤအရိးဖိတဒူၣ်, လၢစီၤအၤအ့ၤလံန့ၣ်ပှၤ အၤအ့ၤလံဖိတဒူၣ်လီၤ. 18 အန့ၣ်မ့ၢ်စီၤကးအဖိခွါအဒူၣ် တဖၣ်, ဒ်ပှၤလၢအဘၣ်တၢ်ဂံၢ်အီၤအသိးန့ၣ်, ပှၤလွံၢ် ကလးဒီးယဲၢ်ကယၤလီၤ.
19 စီၤယူဒၤအဖိခွါန့ၣ်မ့ၢ်စီၤအ့ၢ်, ဒီးစီၤအိၤနၣ်န့ၣ်လီၤ. ဒီးစီၤအ့ၢ်ဒီးစီၤအိၤနၣ်န့ၣ် သံဝဲလၢကီၢ်ကနၤဧၣ်အပူၤ လီၤ. 20 ဒီးစီၤယူဒၤအဖိခွါတဖၣ်ဒ်အဒူၣ်တဖၣ်အသိးန့ၣ် မ့ၢ်, လၢစီၤရှ့လၤန့ၣ်ပှၤရှ့လၤဖိတဒူၣ်, လၢစီၤဖ့ၤရ့းန့ၣ် ပှၤဖ့ၤရ့းဖိတဒူၣ်, လၢစီၤစ့ရၤန့ၣ်ပှၤစ့ရၤဖိတဒူၣ်, 21 ဒီး စီၤဖ့ၤရ့းအဖိခွါတဖၣ်မ့ၢ်လၢစီၤဃ့စရိၣ်န့ၣ် ပှၤဃ့စရိၣ် ဖိတဒူၣ်, လၢစီၤဃမူန့ၣ်ပှၤဃမူဖိတဒူၣ်လီၤ. 22 အန့ၣ် မ့ၢ်စီၤယူဒၤအဒူၣ်တဖၣ်, ဒ်ပှၤလၢအဘၣ်တၢ်ဂံၢ်အီၤအ သိးန့ၣ်, ပှၤနွံကလးဒီးဃုကထိဒီးယဲၢ်ကယၤလီၤ.
23 စီၤယံးစၣ်ကၢ်အဖိခွါဒ်အဒူၣ်တဖၣ်အသိးန့ၣ်, လၢ စီၤတိၤလၤန့ၣ်ပှၤတိၤလၤဖိတဒူၣ်, လၢစီၤဖူၤဝၤန့ၣ်ပှၤ ဖူၤဝၤဖိတဒူၣ်, 24 လၢစီၤယၤရှူာ်န့ၣ်ပှၤယၤရှူာ်ဖိတဒူၣ်, လၢစီၤၡံးမရိၣ်န့ၣ်ပှၤၡံးမရိၣ်ဖိတဒူၣ်လီၤ. 25 အန့ၣ်မ့ၢ် စီၤယံးစၣ်ကၢ်အဒူၣ်တဖၣ်, ဒ်ပှၤလၢအဘၣ်တၢ်ဂံၢ်အီၤ အသိးန့ၣ်ပှၤဃုကလးဒီးလွံၢ်ကထိဒီးသၢကယၤလီၤ.
26 စီၤစဘူလိၣ်အဖိခွါဒ်အဒူၣ်တဖၣ်အသိးန့ၣ်, လၢစီၤစ့ ရ့းန့ၣ်ပှၤစ့ရ့းဖိတဒူၣ်, လၢစီၤအ့လိၣ်န့ၣ်ပှၤအ့လိၣ်ဖိတ ဒူၣ်, လၢစီၤယၤလအ့လးန့ၣ် ပှၤယၤလအ့လးဖိတဒူၣ် လီၤ. 27 အန့ၣ်မ့ၢ်ပှၤစဘူလိၣ်အဒူၣ်တဖၣ်, ဒ်ပှၤလၢအဘၣ် တၢ်ဂံၢ်အီၤအသိးန့ၣ်ပှၤဃုကလးဒီးယဲၢ်ကယၤလီၤ.
28 စီၤယိၤသးအဖိခွါတဖၣ် ဒ်အဒူၣ်တဖၣ်အသိးန့ၣ်မ့ၢ် စီၤမနၤရှ့ၤ, ဒီးစီၤအ့ၤဖရဲၣ်လီၤ.
29 စီၤမနၤရှ့ၤအဖိခွါတဖၣ်န့ၣ်, လၢစီၤမၤကံၢ်န့ၣ်ပှၤမၤ ကံၢ်ဖိတဒူၣ်, ဒီးစီၤမၤကံၢ်န့ၣ်ထီၣ်ဖိစီၤကံးလဧး, လၢစီၤ ကံးလဧးန့ၣ်ပှၤကံးလဧးဖိတဒူၣ်, 30 အအံၤမ့ၢ်စီၤကံးလ ဧးအဖိခွါ, လၢစီၤအံစ့ၢ်န့ၣ်ပှၤအံစ့ၢ်ဖိတဒူၣ်, လၢစီၤဃ့လ့း န့ၣ်ပှၤဃ့လ့းဖိတဒူၣ်, 31 ဒီးလၢစီၤအးစရံၤအ့လးန့ၣ်ပှၤ အးစရံၤအ့လးဖိတဒူၣ်, ဒီးလၢစီၤၡက့ၣ်န့ၣ်ပှၤၡက့ၣ်ဖိ တဒူၣ်, 32 ဒီးလၢစီၤၡမံဒၤန့ၣ်ပှၤၡမံဒၤဖိတဒူၣ်, ဒီးလၢစီၤ ဃ့ဖ့ၢ်န့ၣ်ပှၤဃ့ဖ့ၢ်ဖိတဒူၣ်လီၤ. 33 ဒီးစီၤဃ့ဖ့ၢ်အဖိခွါစီၤစ လၤဖဃးန့ၣ်အဖိခွါတအိၣ်ဘၣ်. မ့မ့ၢ်အဖိမုၣ်အိၣ်ဒီးစီၤ စလၤဖဃးအဖိမုၣ်အမံၤန့ၣ်မ့ၢ်နီၢ်မၤလၤ, ဒီးနီၢ်နိဧၤ, နီၢ် ဃၤကလၤ, နီၢ်မံးလကၤ, ဒီးနီၢ်တံးရစၢ်လီၤ. 34 အန့ၣ်မ့ၢ် စီၤမနၤရှ့ၤအဒူၣ်တဖၣ်, ဒီးပှၤလၢအဘၣ်တၢ်ဂံၢ်အီၤလၢ အကျါန့ၣ်မ့ၢ်ပှၤယဲၢ်ကလးဒီးခံကထိဒီးနွံကယၤလီၤ.
35 အအံၤမ့ၢ် စီၤအ့ဖရဲၣ်အဖိခွါ, ဒ်အဒူၣ်တဖၣ်အသိး န့ၣ်, လၢစီၤရှူၤသ့လၤန့ၣ်ပှၤရှူၤသ့လၤဖိတဒူၣ်, လၢစီၤဘ့ က့ၢ်န့ၣ်ပှၤဘ့က့ၢ်ဖိတဒူၣ်, လၢစီၤတၤဃၣ်န့ၣ်ပှၤတၤဃၣ် ဖိတဒူၣ်လီၤ. 36 အအံၤမ့ၢ်စီၤရှူၤသ့လၤအဖိခွါ, လၢစီၤဧ့ရၣ် န့ၣ်ပှၤဧ့ရၣ်ဖိတဒူၣ်လီၤ. 37 အန့ၣ်မ့ၢ် စီၤအ့ဖရဲၣ်အဖိခွါ အဒူၣ်တဖၣ်, ဒ်ပှၤလၢအဘၣ်တၢ်ဂံၢ်အီၤလၢအကျါအ သိးန့ၣ်, ပှၤသၢကလးဒီးခံကထိဒီးယဲၢ်ကယၤလီၤ. ပှၤတ ဖၣ်န့ၣ်မ့ၢ်စီၤယိၤသးအဖိခွါဒ်အဒူၣ်တဖၣ်အသိးန့ၣ်လီၤ.
38 စီၤဘံၣ်ယၤမံၣ်အဖိခွါတဖၣ် ဒ်အဒူၣ်တဖၣ်အသိး န့ၣ်, လၢစီၤဘ့လၤန့ၣ်ပှၤဘ့လၤဖိတဒူၣ်, လၢစီၤအၤၡ ဘ့လးန့ၣ်ပှၤအၤၡဘ့လးဖိတဒူၣ်, လၢစီၤအဃံရၣ်န့ၣ် ပှၤအဃံရၣ်ဖိတဒူၣ်, 39 လၢစီၤရှူဖၣ်န့ၣ်ပှၤရှူဖၣ်ဖိတဒူၣ်, လၢစီၤဃူဖၣ်န့ၣ်ပှၤဃူဖၣ်ဖိတဒူၣ်လီၤ. 40 ဒီးစီၤဘ့လၤ အဖိခွါန့ၣ်မ့ၢ်စီၤအၤရး, ဒီးစီၤနၤဧမၣ်လီၤ. လၢစီၤအၤရး န့ၣ်ပှၤအၤရးဖိတဒူၣ်, လၢစီၤနၤဧမၣ်န့ၣ်ပှၤနၤဧမၣ်ဖိတ ဒူၣ်လီၤ. 41 အန့ၣ်မ့ၢ်စီၤဘံၣ်ယၤမံၣ်အဖိခွါတဖၣ်, ဒ်အဒူၣ် တဖၣ်အသိးန့ၣ်, ဒီးပှၤလၢအဘၣ်တၢ်ဂံၢ်အီၤလၢအကျါ န့ၣ်မ့ၢ်ပှၤလွံၢ်ကလးဒီးယဲၢ်ကထိဒီးဃုကယၤလီၤ.
42 အအံၤမ့ၢ်စီၤဒၣ်အဖိခွါဒ်အဒူၣ်တဖၣ်အသိးန့ၣ်, လၢ စီၤရှူဃၣ်န့ၣ်ပှၤရှူဃၣ်ဖိတဒူၣ်လီၤ. အန့ၣ်မ့ၢ်စီၤဒၣ်အ ဒူၣ်, ဒ်အဒူၣ်တဖၣ်အသိးန့ၣ်လီၤ. 43 ပှၤရှူဃၣ်ဖိအဒူၣ် တဖၣ်ခဲလၢာ်, ဒ်ပှၤလၢအဘၣ်တၢ်ဂံၢ်အီၤအသိးန့ၣ်, မ့ၢ်ပှၤဃုကလးဒီးလွံၢ်ကထိဒီးလွံၢ်ကယၤလီၤ.
44 စီၤအၤရှ့ၢ်အဖိခွါတဖၣ်ဒ်အဒူၣ်တဖၣ်အသိးန့ၣ်, လၢ စီၤယံးမနၤန့ၣ်ပှၤယံးမနၤဖိတဒူၣ်, လၢစီၤယံးၡဝံၤန့ၣ် ပှၤယံးၡဝံၤဖိတဒူၣ်, လၢစီၤဘရံဧၤန့ၣ်ပှၤဘရံဧၤဖိတ ဒူၣ်လီၤ. 45 လၢစီၤဘရံဧၤအဖိခွါန့ၣ်, လၢစီၤဃ့ဘ့ၢ်န့ၣ် ပှၤဃ့ဘ့ၢ်ဖိတဒူၣ်, လၢစီၤမးလကံၤအ့လးန့ၣ်ပှၤမးလ ကံၤအ့လးဖိတဒူၣ်လီၤ. 46 ဒီးစီၤအၤရှ့ၢ်အဖိမုၣ်အမံၤမ့ၢ် နီၢ်စၤရါလီၤ. 47 အန့ၣ်မ့ၢ်စီၤအၤရှ့ၢ်အဖိခွါအဒူၣ်တဖၣ်, ဒ်ပှၤလၢအဘၣ်တၢ်ဂံၢ်အီၤအသိးန့ၣ်, မ့ၢ်ပှၤယဲၢ်ကလး ဒီးသၢကထိဒီးလွံၢ်ကယၤလီၤ.
48 စီၤနးသၤလံအဖိခွါ ဒ်အဒူၣ်တဖၣ်အသိးန့ၣ်, လၢစီၤ ယၤစအ့လးန့ၣ် ပှၤယၤစအ့လးဖိတဒူၣ်, လၢစီၤကူနံၤ န့ၣ်ပှၤကူနံၤဖိတဒူၣ်, 49 လၢစီၤယ့စ့ၢ်န့ၣ် ပှၤယ့စ့ၢ်ဖိတ ဒူၣ်, လၢစီၤၡံးလ့ၣ်န့ၣ်ပှၤၡံးလ့ၣ်ဖိတဒူၣ်လီၤ. 50 အန့ၣ် မ့ၢ်စီၤနးသၤလံအဒူၣ်တဖၣ်, ဒ်အဒူၣ်တဖၣ်အသိးန့ၣ်, ဒီးပှၤလၢအဘၣ်တၢ်ဂံၢ်အီၤ မ့ၢ်ပှၤလွံၢ်ကလးဒီးယဲၢ်က ထိဒီးလွံၢ်ကယၤလီၤ.
51 ပှၤလၢအဘၣ်တၢ်ဂံၢ်အီၤလၢ ပှၤအံၣ်စရ့လးဖိအကျါ န့ၣ်မ့ၢ်ပှၤဃုကလီၤဒီးတကထိဒီးနွံကယၤဒီးသၢဆံလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 52 ကီၢ်တ ဘ့ၣ်န့ၣ်ကဘၣ်တၢ်နီၤဖးအီၤလၢ ပှၤတဖၣ်န့ၣ်အတၢ်န့ၢ် သါအဂီၢ်, ဒ်အမံၤအတၢ်ဂံၢ်အသိးန့ၣ်လီၤ. 54 လၢပှၤအါ ဂၤန့ၣ်နဘၣ်ဟ့ၣ်တၢ်န့ၢ်သါလၢအအါတက့ၢ်, ဒီးလၢ ပှၤစှၤဂၤန့ၣ် နဘၣ်ဟ့ၣ်တၢ်န့ၢ်သါလၢအဆံးတက့ၢ်လီၤ. ဒ်ပှၤဘၣ်တၢ်ဂံၢ်အီၤတဖၣ် အတၢ်ဂံၢ်အသိးန့ၣ်, ပှၤက ဘၣ်တၢ်ဟ့ၣ်အီၤလၢအတၢ်န့ၢ်သါစုာ်စုာ်ဒ်န့ၣ်သိးလီၤ.
55 ဘၣ်ဆၣ်ဒီးကီၢ်န့ၣ် ကဘၣ်တၢ်နီၤဖးလီၤအီၤလၢဖး တၢ်လီၤ. ဒ်အပၢ်အဒူၣ်တဖၣ်အမံၤအသိးန့ၣ်ဘၣ်န့ၢ်သါ တၢ်လီၤ. 56 ဒ်တၢ်ဖးတၢ်အသိးနၣ်အတၢ်န့ၢ်သါကဘၣ် တၢ်နီၤဖးလၢအါဂၤအဆၢ, ဒီးလၢစှၤဂၤအဆၢလီၤ.
57 ဒီးအအံၤမ့ၢ်ပှၤလၢအဘၣ်တၢ်ဂံၢ်အီၤလၢ ပှၤလ့ၤဝံဖိ အကျါ, ဒ်အဒူၣ်တဖၣ်အသိးန့ၣ်, လၢစီၤက့ရၡိၣ်န့ၣ် ပှၤက့ရၡိၣ်ဖိတဒူၣ်, လၢစီၤကဃးန့ၣ်ပှၤကဃးဖိတဒူၣ်, လၢစီၤမရၤရံၤန့ၣ်ပှၤမရၤရံၤဖိတဒူၣ်လီၤ. 58 အအံၤမ့ၢ်ပှၤ လ့ၤဝံဖိအဒူၣ်တဖၣ်, ပှၤလံးဘနၤဖိတဒူၣ်, ပှၤဃ့ဘြိၣ် ဖိတဒူၣ်, ပှၤမးဃလံဖိတဒူၣ်, ပှၤမူၡံၤဖိတဒူၣ်, ပှၤ ကိးရးဖိတဒူၣ်လီၤ.
59 ဒီးစီၤကဃးန့ၣ်ထီၣ်ဖိစီၤဧၤမရၣ်လီၤ. ဒီးစီၤဧၤမရၣ် အမါအမံၤမ့ၢ်နီၢ်ယိကဘ့ၣ်, စီၤလ့ၤဝံအဖိမုၣ်လၢတၢ် ဆံးစၢ်န့ၢ်စီၤလ့ၤဝံအဂီၢ်လၢအဲၤကူပတူးအပူၤလီၤ. ဒီး လၢစီၤဧၤမရၣ်အဂီၢ်န့ၣ်ဆံးစၢ်န့ၢ်ဝဲလၢ စီၤအၤဟရိၣ်, ဒီးစီၤမိၤရှ့, ဒီးအဒီပုၢ်ဝဲၢ်မုၣ်နီၢ်မံးရယၣ်လီၤ. 60 ဒီးလၢစီၤအၤဟရိၣ်အီၢ်န့ၣ်အိၣ်ဖျဲၣ်ဝဲလၢ စီၤနၤဒး, ဒီးစီၤအဘံဟူၤ, ဒီးစီၤအလၤဧစၢ်, ဒီးစီၤအံသမၢ်လီၤ.―
61 ဒီးစီၤနၤဒး, ဒီးစီၤအဘံဟူၤတုၤအလုၢ်မ့ၣ်အူလီၤဆီဒၣ် တၢ်လၢယွၤအမဲာ်ညါဒီး, သံဝဲလီၤ.
62 ဒီးပှၤလၢအဘၣ်တၢ်ဂံၢ်အီၤလၢအကျါန့ၣ် မ့ၢ်ပှၤခံက လးသၢကထိလီၤ. ပှၤခဲလၢာ်န့ၣ်မ့ၢ်ပှၤပိာ်ခွါလၢအသး ပှၢ်တလါဒီးအါန့ၢ်အန့ၣ်လီၤ. အဂ့ၢ်ဒ်အံၤ, တဘၣ်တၢ် ဂံၢ်အီၤလၢပှၤအံၣ်စရ့လးဖိအကျါဘၣ်. အဂ့ၢ်ဒ်အံၤ, တၢ် တဟ့ၣ်လီၤဘၣ်အီၤလၢ တၢ်န့ၢ်သါလၢပှၤအံၣ်စရ့လး ဖိအကျါနီတမံၤဘၣ်.
63 ပှၤတဖၣ်န့ၣ် မ့ၢ်ပှၤလၢအဘၣ်တၢ်ဂံၢ်အီၤလၢစီၤမိၤရှ့, ဒီးပှၤလုၢ်တၢ်အဒိၣ်စီၤအလၤဧစၢ်, လၢအဂံၢ်ပှၤအံၣ်စရ့ လးဖိလၢမိၤအးအတၢ်ပျီပူၤ လၢထံကျိယၢ်ဒ့ၣ်အနံၤသ ဃီၤဒီးယရံၤဃိလီၤ.
64 ဘၣ်ဆၣ်ဒီးလၢပှၤလၢစီၤမိၤရှ့, ဒီးပှၤလုၢ်တၢ်အဒိၣ် စီၤအၤဟရိၣ်ဂံၢ်ဝဲအကျါန့ၣ် ပှၤလၢအဂံၢ်ဝဲလၢပှၤအံၣ် စရ့လးဖိအကျါ ဖဲပှၢ်မုၢ်ကနၢစံၤနါန့ၣ်တအိၣ်ဘၣ်နီတ ဂၤဘၣ်.
65 အဂ့ၢ်ဒ်အံၤ, ယွၤစံးတ့ၢ်တၢ်လၢအဂ့ၢ်န့ၣ်, ကသံသ ပှၢ်တၢၢ်လၢပှၢ်မုၢ်ကနၢလီၤ. ဒီးတအိၣ်လီၤတဲာ်ဘၣ်နီ တဂၤဘၣ်. အိၣ်လီၤတဲာ်ထဲ စီၤယဖူန့ၤအဖိခွါစီၤကၤ လ့း, ဒီးစီၤနိၣ်အဖိခွါစီၤယိၤရှူလီၤ.
27၂၇
1 ဒီးစီၤမနၤရှ့ၤအဖိခွါ, စီၤမၤကံၢ်အဖိခွါ, စီၤကံးလဧး အဖိခွါ, စီၤဃ့ဖ့ၢ်အဖိခွါ, စီၤစလၤဖဃးအဖိမုၣ်တဖၣ် အိၣ်လၢစီၤယိၤသးအဖိခွါစီၤမနၤရှ့ၤအဒူၣ်တဖၣ်အကျါ န့ၣ်, ဟဲဃီၤဝဲလီၤ. အအံၤမ့ၢ်အဖိမုၣ်အမံၤတဖၣ်, နီၢ်မၤ လၤ, နီၢ်နိဧၤ, ဒီးနီၢ်ဃၤကလၤ, ဒီးနီၢ်မံးလကၤ, ဒီးနီၢ် တံးရစၢ်လီၤ. 2 ဒီးဆၢထၢၣ်ဝဲလၢစီၤမိၤရှ့အမဲာ်ညါ, ဒီး လၢပှၤလုၢ်တၢ်အဒိၣ်စီၤအလၤဧစၢ်အမဲာ်ညါ, ဒီးလၢပ ဒိၣ်တဖၣ်, ဒီးတၢ်အိၣ်ဖှိၣ်ခဲလၢာ်အမဲာ်ညါဖဲတၢ်အိၣ် ဖှိၣ်အဒဲအကျဲစၢၤန့ၣ်ဒီးစံးဝဲဒၣ်, 3 ပပၢ်သံဝဲလၢပှၢ်မုၢ်က နၢ, ဒီးတအိၣ်ဘၣ်လၢပှၤလၢအအိၣ်ဖှိၣ်ရိဖှိၣ်ထီဒါယွၤ အကျါ, လၢစီၤကိၤရးအတၢ်အိၣ်ဖှိၣ်အပူၤဘၣ်. မ့ၢ်အသံ ဝဲလၢအတၢ်ဒဲးဘးဒၣ်ဝဲအပူၤ, ဒီးအဖိခွါတအိၣ်ဘၣ်.―
4 မ့ၢ်ပပၢ်အဖိခွါတအိၣ်ဘၣ်ဒီး, အမံၤကဘၣ်တၢ်တြူာ် ကွံာ်အီၤလၢအပှၤဒူၣ်ဖိအကျါန့ၣ် မ့ၢ်အဘၣ်မနုၤလဲၣ်. ဟ့ၣ်လီၤပှၤလၢတၢ်န့ၢ်သါလၢပဒီပုၢ်ဝဲၢ်အကျါန့ၣ်တက့ၢ်. 5 ဒီးစီၤမိၤရှ့ ဟဲစိာ်အဝဲသ့ၣ်အမူးဆူ ယွၤအမဲာ်ညါလီၤ. 6 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― စီၤစလၤဖဃးအဖိမုၣ်တဖၣ်န့ၣ် ကတိၤတၢ်န့ၣ်မ့ၢ်အ တီလီၤ. နဘၣ်ဟ့ၣ်လီၤအီၤလၢတၢ်န့ၢ်သါလၢအပၢ်အ ဒီပုၢ်ဝဲၢ်အကျါန့ၣ်သပှၢ်တၢၢ်, ဒီးနဘၣ်ဒုးန့ၢ်ဘၣ်အီၤ လၢအပၢ်အတၢ်န့ၢ်သါန့ၣ်လီၤ. 8 ဒီးနဘၣ်ကတိၤတၢ် ဒီးပှၤအံၣ်စရ့လးဖိ, ဒီးစံး, ပှၤမ့ၢ်သံဒီးအဖိခွါမ့ၢ်တအိၣ် ဘၣ်ဒီး, သုဘၣ်ဒုးန့ၢ်ဘၣ်အတၢ်န့ၢ်သါလၢအဖိမုၣ်လီၤ.―
9 ဒီးအဖိမုၣ်မ့ၢ်တအိၣ်ဘၣ်ဒီး, သုဘၣ်ဟ့ၣ်လီၤအတၢ်န့ၢ် သါန့ၣ်လၢအဒီပုၢ်ဝဲၢ်လီၤ. 10 ဒီးအဒီပုၢ်ဝဲၢ်မ့ၢ်တအိၣ်ဘၣ် ဒီး, သုဘၣ်ဟ့ၣ်လီၤအတၢ်န့ၢ်သါန့ၣ်လၢအပၢ်အဒီပုၢ် ဝဲၢ်လီၤ. 11 ဒီးအပၢ်အဒီပုၢ်ဝဲၢ်မ့ၢ်တအိၣ်ဘၣ်ဒီး, သု ဘၣ်ဟ့ၣ်လီၤအတၢ်န့ၢ်သါလၢ အဘူးအတံၢ်လၢအဘူး ကတၢၢ်လၢအပှၤဒူၣ်ဖိအကျါ, ဒီးကန့ၢ်ဘၣ်သါဝဲလီၤ. ဒီးအန့ၣ်ကကဲထီၣ် တၢ်စံၣ်ညီၣ်အလုၢ်အလၢ်လၢပှၤ အံၣ်စရ့လးဖိအဂီၢ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.
12 ဒီးယွၤစံးဘၣ်စီၤမိၤရှ့, လဲၤထီၣ်ဘးကစၢၢ်ဧဘါရံၣ် န့ၣ်, ဒီးထံၣ်ဘၣ်ကီၢ်တဘ့ၣ်လၢယဟ့ၣ်လီၤပှၤအံၣ်စ ရ့လးဖိတက့ၢ်. 13 ဒီးနထံၣ်ဘၣ်ဝံၤဒီး, နကဘၣ်ပာ်ဖှိၣ် ဒီးနပှၤဂီၢ်မုၢ်, ဒ်နဒီပုၢ်ဝဲၢ်စီၤအၤဟရိၣ်ဘၣ်တၢ်ပာ်ဖှိၣ် အီၤအသိးန့ၣ်လီၤ. 14 အဂ့ၢ်ဒ်အံၤ, သုပူထီၣ်ယတၢ်မၤ လိာ်လၢပှၢ်မုၢ်ကနၢစံၣ်အပူၤလၢ တၢ်အိၣ်ဖှိၣ်အတၢ်တၢ ထီၣ်တၢလီၤအပူၤ, ဖဲသုဂ့ၤပာ်စီဆှံယၤအလီၢ်အိၣ်လၢ အမဲာ်ညါဖဲထံန့ၣ်လီၤ. အဝဲန့ၣ်မ့ၢ်မရံၤဘါအထံလၢကၤ ဒ့ၣ်အပူၤလၢပှၢ်မုၢ်ကနၢစံၣ်န့ၣ်လီၤ. ဒီးစီၤမိၤရှ့ကတိၤတၢ်ဒီးယွၤ, ဒီးစံးဝဲဒၣ်, 15 မ်ယွၤ တၢ်ညၣ်ခဲလၢာ်အသးအကစၢ်န့ၣ် ပာ်ပှၤတဂၤလၢတၢ် အိၣ်ဖှိၣ်အဖီခိၣ်, 17 လၢအကလဲၤထီၣ်လၢအမဲာ်ညါ, ဒီး လၢအကဟဲနုာ်လၢအမဲာ်ညါ, ဒီးလၢအကဒုးလဲၤထီၣ် အီၤ, ဒီးလၢအကဒုးဟဲနုာ်အီၤန့ၣ်တက့ၢ်, ဒ်သိးယွၤ အတၢ်အိၣ်ဖှိၣ်အသုတမၤအသး ဒ်သိလၢပှၤကွၢ်သိတ အိၣ်ဘၣ်အသိးတဂ့ၤန့ၣ်တက့ၢ်.
18 ဒီးယွၤစံးဘၣ်စီၤမိၤရှ့, ဟံးန့ၢ်စီၤနိၣ်အဖိခွါစီၤယိၤရှူ, ပှၤလၢသးန့ၣ်အိၣ်ဒီးအီၤ, ဒီးပာ်နစုလၢအလိၤ, 19 ဒီးပာ် အီၤလၢ ပှၤလုၢ်တၢ်အဒိၣ်စီၤအလၤဧစၢ်အမဲာ်ညါ, ဒီး လၢတၢ်အိၣ်ဖှိၣ်ခဲလၢာ်အမဲာ်ညါ, ဒီးမၤလိာ်အီၤလၢအ မဲာ်ညါန့ၣ်တက့ၢ်. 20 ဒီးနဘၣ်ပာ်နလၤကပီၤတနီၤလၢ အလိၤ, ဒ်သိးပှၤအံၣ်စရ့လးဖိအတၢ်အိၣ်ဖှိၣ်ခဲလၢာ်က ဒိကနၣ်အီၤလီၤ. 21 ဒီးအဝဲဒၣ်ဘၣ်ဆၢထၢၣ်လၢပှၤလုၢ် တၢ်အဒိၣ်စီၤအလၤဧစၢ်အမဲာ်ညါ လၢအကဃ့တၢ်လၢ အဂီၢ် ဒ်တၢ်စံၣ်ညီၣ်ဘၣ်ဃးဒီး အူရံၣ်ဒီးတူမံၣ်အသိး, လၢယွၤအမဲာ်ညါလီၤ. ဖဲအထးခိၣ်အဝဲသ့ၣ်ဘၣ်လဲၤ ထီၣ်, ဒီးဖဲအထးခိၣ်န့ၣ်ဘၣ်ဟဲနုာ်, အဝဲဒၣ်ဒီးပှၤအံၣ်စ ရ့လးဖိခဲလၢာ်အိၣ်ဒီးအီၤ, ပှၤအိၣ်ဖှိၣ်ဖိခဲလၢာ်လီၤ.
22 ဒီးစီၤမိၤရှ့မၤဝဲဒ်ယွၤမၤလိာ်အီၤအသိးန့ၣ်, ဒီးဟံးန့ၢ် စီၤယိၤရှူ, ဒီးပာ်အီၤလၢပှၤလုၢ်တၢ်အဒိၣ်စီၤအလၤဧစၢ် အမဲာ်ညါ, 23 ဒီးလၢတၢ်အိၣ်ဖှိၣ်ခဲလၢာ်အမဲာ်ညါ, ဒီး ပာ်အစုလၢအလိၤ, ဒီးမၤလိာ်အီၤ, ဒ်ယွၤမၤလိာ်တၢ် လၢစီၤမိၤရှ့အစုပူၤအသိးန့ၣ်လီၤ.
28၂၈
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― မၤလိာ် ပှၤအံၣ်စရ့လးဖိဒီးစံးဘၣ်အီၤ, ယတၢ်မၤဘူၣ်, ယ ကိၣ်လၢတၢ်လုၢ်မ့ၣ်အူအဂီၢ်, တၢ်နၢမူလၢယဂီၢ်န့ၣ်သု ဘၣ်ပလီၢ်သုသး, ဒီးမၤဘူၣ်အီၤလၢအဆၢအကတီၢ် ဒၣ်ဝဲန့ၣ်လီၤ. 3 ဒီးနဘၣ်စံးဘၣ်အီၤ, အအံၤမ့ၢ်တၢ်လုၢ်မ့ၣ်အူလၢသုဘၣ်မၤဘူၣ်ယွၤလၢအီၤန့ၣ်, သိဖိတနံၣ်ဖိအလၢအပှဲၤခံဒု, တနံၤဘၣ်တနံၤ, တၢ်လုၢ်မ့ၣ်အူတထံၣ်ဃီလီၤ.―
4 သိဖိတဒုန့ၣ်နဘၣ်လုၢ်လၢမုၢ်ဂီၤ, ဒီးသိဖိခံဒုတဒုန့ၣ်န ဘၣ်လုၢ်လၢမုၢ်ဟါ, 5 ဒီးကိၣ်ကမူၣ်တအ့ဖးဆံဆဲၣ်ပူ တပူလၢတၢ်မၤဘူၣ်ကိၣ်အဂီၢ်ဃါဃုာ်ဒီး သိတိၢ်အသး တဟံၣ်လွံၢ်ပူတပူလီၤ. 6 မ့ၢ်တၢ်လုၢ်မ့ၣ်အူတထံၣ်ဃီ လၢတၢ်စံၣ်ညီၣ်လၢကစၢၢ်စံၤနါအလိၤ, လၢတၢ်နၢမူ အဂီၢ်, တၢ်လုၢ်မ့ၣ်အူလၢယွၤအဂီၢ်လီၤ. 7 ဒီးတၢ်လုၢ် အီန့ၣ်မ့ၢ်တဟံၣ်လွံၢ်ပူတပူလၢသိဖိတဒုအဂီၢ်လီၤ. လၢ တၢ်အလီၢ်စီဆှံအပူၤန့ၣ်, နဘၣ်မၢပှၤလူလီၤစပံးထံ, တၢ်လုၢ်အီ, လၢယွၤအဂီၢ်လီၤ.
8 ဒီးသိဖိခံဒုတဒုန့ၣ် နဘၣ်လုၢ်အီၤလၢမုၢ်ဟါလီၤ. ဒ် တၢ်မၤဘူၣ်ကိၣ်လၢမုၢ်ဂီၤအသိး, ဒီးဒ်တၢ်လုၢ်အီအသိး န့ၣ်နဘၣ်မၤဘူၣ်အီၤ, တၢ်လုၢ်မ့ၣ်အူဘၣ်ဃးဒီးတၢ်နၢ မူလၢယွၤအဂီၢ်လီၤ.
9 ဒီးလၢအိၣ်ဘှံးအနံၤန့ၣ်သိဖိတနံၣ်ဖိအလၢအပှဲၤခံဒု, ဒီးကိၣ်ကမူၣ်ခံအ့စရိၣ် လၢတၢ်မၤဘူၣ်ကိၣ်အဂီၢ်ဃါ ဃုာ်ဒီးသိ, ဒီးအတၢ်လုၢ်အီလီၤ. 10 လၢတၢ်လုၢ်မ့ၣ်အူ တထံၣ်ဃီဒီးအတၢ်လုၢ်အီအမဲာ်ညါန့ၣ်, တၢ်လုၢ်မ့ၣ် အူကိးအိၣ်ဘှံးအနံၤဒဲးဘၣ်အိၣ်ဝဲလီၤ.
11 ဒီးလၢသုလါအခီၣ်ထံးတဖၣ်န့ၣ် သုဘၣ်မၤဘူၣ်ယွၤ လၢတၢ်လုၢ်မ့ၣ်အူ, ဂီၤဖံးဖါဖိခံဒု, ဒီးသိဖါတဒု, သိဖိ တနံၣ်ဖိအလၢအပှဲၤနွံဒု, 12 ဒီးကိၣ်ကမူၣ်သၢအ့စရိၣ်, တၢ် မၤဘူၣ်ကိၣ်ဃါဃုာ်ဒီးသိလၢ ဂီၤဖံးဖါတဒုအဂီၢ်, ဒီး ကိၣ်ကမူၣ်ခံအ့စရိၣ်, တၢ်မၤဘူၣ်ကိၣ်ဃါဃုာ်ဒီးသိလၢ သိဖါတဒုအဂီၢ်လီၤ.― ဒီးကိၣ်ကမူၣ်တအ့စရိၣ်ဃါဃုာ်
13 ဒီးသိ, တၢ်မၤဘူၣ်ကိၣ်လၢသိဖိတဒုအဂီၢ်, တၢ်လုၢ်မ့ၣ် အူ, တၢ်နၢမူ, တၢ်လုၢ်လၢမ့ၣ်အူလၢယွၤအဂီၢ်လီၤ.
14 ဒီးအတၢ်လုၢ်အီန့ၣ်မ့ၢ်စပံးထံဖးဖီဟံၣ် လၢဂီၤဖံးဖါ တဒုအဂီၢ်, ဒီးတဟံၣ်သၢပူတပူလၢသိဖါတဒုအဂီၢ်, ဒီးတဟံၣ်လွံၢ်ပူတပူလၢသိဖိတဒုအဂီၢ်လီၤ. အဝဲန့ၣ် မ့ၢ်တၢ်လုၢ်မ့ၣ်အူလၢ တလါဘၣ်တလါအဂီၢ် လၢဒီ နံၣ်အလါတဖၣ်အဂီၢ်လီၤ.
15 ဒီးလၢတၢ်လုၢ်တထံၣ်ဃီဒီး အတၢ်လုၢ်အီအမဲာ်ညါ န့ၣ်, မဲာ်တဲးလဲးဖိတဒု ကဘၣ်တၢ်လုၢ်အီၤလၢတၢ် လုၢ်တၢ်ဒဲးဘးအဂီၢ်လီၤ.
16 ဒီးလါခီၣ်ထံးလါထီၣ်တဆံလွံၢ်နံၤတနံၤန့ၣ် မ့ၢ်ယွၤ အတၢ်လဲၤကပာ်လီၤ. 17 ဒီးလါထီၣ်တဆံယဲၢ်နံၤတနံၤ န့ၣ်မ့ၢ်တၢ်မၤဘူၣ်လီၤ. ပှၤဘၣ်အီၣ်ကိၣ်တအိၣ်ဒီးကိၣ် မံၣ်န့ၣ်နွံနံၤလီၤ. 18 မုၢ်ခီၣ်ထံးတနံၤန့ၣ်မ့ၢ်တၢ်မၤဘူၣ်စီဆှံ လီၤ. သုတဘၣ်မၤတၢ်အကုၢ်အပှၤအတၢ်မၤ နီတမံၤ ဘၣ်, 19 သုဘၣ်မၤဘူၣ်တၢ်လၢမ့ၣ်အူ, တၢ်လုၢ်မ့ၣ်အူ လၢယွၤအဂီၢ်, ဂီၤဖံးဖါဖိခံဒု, ဒီးသိဖါတဒုဒီးသိဖိတ နံၣ်ဖိနွံဒု, ဘၣ်အိၣ်အလၢအပှဲၤဒီးသုလီၤ. 20 ဒီးအတၢ် မၤဘူၣ်ကိၣ်န့ၣ်မ့ၢ်ကိၣ်ကမူၣ်ဃါဃုာ်ဒီးသိလီၤ. သၢအ့ စရိၣ်သုဘၣ်မၤဘူၣ်လၢဂီၤဖံးဖါတဒုအဂီၢ်, ဒီးခံအ့စ ရိၣ်လၢသိဖါတဒုအဂီၢ်လီၤ. 21 ဒီးတအ့စရိၣ်လၢသိဖိ တဒုအဂီၢ်, တအ့စရိၣ်လၢသိဖိတဒုအဂီၢ်န့ၣ်နဘၣ်မၤ ဘူၣ်လၢသိဖိနွံဒုအဂီၢ်စုာ်စုာ်, 22 ဒီးမဲာ်တဲးလဲးလၢတၢ် လုၢ်တၢ်ဒဲးဘးအဂီၢ် ဒ်သိးအကမၤတၢ်ပူၤဖျဲးလၢသုဂီၢ် လီၤ. 23 လၢတၢ်လုၢ်မ့ၣ်အူလၢမုၢ်ဂီၤလၢအမ့ၢ် တၢ်လုၢ် မ့ၣ်အူတထံၣ်ဃီအမဲာ်ညါန့ၣ်, သုဘၣ်မၤဘူၣ်တၢ်တ ဖၣ်န့ၣ်လီၤ. 24 ဒ်တၢ်တဖၣ်အသိးန့ၣ်သုဘၣ်မၤကိးမုၢ် နံၤဒဲးနွံနံၤညါန့ၣ်, တၢ်လုၢ်မ့ၣ်အူအတၢ်အီၣ်, တၢ်နၢ မူလၢယွၤအဂီၢ်လီၤ. လၢတၢ်လုၢ်မ့ၣ်အူတထံၣ်ဃီဒီးအ တၢ်လုၢ်အီအမဲာ်ညါန့ၣ်, သုဘၣ်မၤဘူၣ်အီၤလီၤ.
25 ဒီးနွံနံၤတနံၤန့ၣ် သုဘၣ်အိၣ်ဒီးတၢ်မၤဘူၣ်စီဆှံလီၤ. သုတဘၣ်မၤတၢ်အကုၢ်အပှၤအတၢ်မၤနီတမံၤဘၣ်.
26 ဒီးတုၤသုမၤဘူၣ်ယွၤလၢတၢ်အီၣ်အသီ, လၢသုတၢ် နွံတဖၣ်အပူၤလၢတၤသၣ်ဆိအမုၢ်နံၤန့ၣ် သုဘၣ်အိၣ် ဒီးတၢ်မၤဘူၣ်စီဆှံလီၤ. သုတဘၣ်မၤတၢ်အကုၢ်အပှၤ အတၢ်မၤနီတမံၤဘၣ်.
27 ဒီးသုဘၣ်မၤဘူၣ်တၢ်လုၢ်မ့ၣ်အူ, လၢတၢ်နၢမူလၢ
28 ယွၤအဂီၢ်, ဂီၤဖံးဖါဖိခံဒု, သိဖါတဒု, သိဖိတနံၣ်ဖိနွံ ဒု, ဒီးအတၢ်မၤဘူၣ်ကိၣ်, ကိၣ်ကမူၣ်ဃါဃုာ်ဒီးသိ, သၢအ့စရိၣ်လၢဂီၤဖံးဖိတဒုအဂီၢ်, ခံအ့စရိၣ်လၢသိဖါ တဒုအဂီၢ်, 29 တအ့စရိၣ်လၢသိဖိတဒုအဂီၢ်, တအ့စရိၣ် လၢသိဖိတဒုအဂီၢ်, လၢသိဖိနွံဒုအဂီၢ်စုာ်စုာ်, 30 ဒီးမဲာ် တဲးလဲးဖိတဒု, ဒ်သိးအကမၤတၢ်ပူၤဖျဲးလၢသုဂီၢ်လီၤ.
31 ဒီးလၢတၢ်လုၢ်မ့ၣ်အူတထံၣ်ဃီ, ဒီးအတၢ်မၤဘူၣ် ကိၣ်, ဒီးအတၢ်လုၢ်တၢ်အီအဖီခိၣ်န့ၣ်, သုဘၣ်မၤဘူၣ် အီၤ, ဒီးဘၣ်အိၣ်အလၢအပှဲၤဒီးသုလီၤ.
29၂၉
1 ဒီးနွံလါတလါထီၣ်တနံၤန့ၣ် သုဘၣ်အိၣ်ဒီးတၢ်မၤ ဘူၣ်စီဆှံလီၤ. သုတဘၣ်မၤတၢ်အကုၢ်အပှၤအတၢ်မၤ နီတမံၤဘၣ်. မ့ၢ်တၢ်အူကွဲၤအမုၢ်တနံၤလၢသုဂီၢ်လီၤ.―
2 ဒီးသုဘၣ်လုၢ်တၢ်လုၢ်မ့ၣ်အူလၢတၢ်နၢမူလၢယွၤအဂီၢ်, ဂီၤဖံးဖါဖိတဒု, သိဖါတဒု, သိဖိတနံၣ်ဖိအလၢအပှဲၤ နွံဒု, 3 ဒီးအတၢ်မၤဘူၣ်ကိၣ်, ကိၣ်ကမူၣ်ဃါဃုာ်ဒီး သိ, သၢအ့စရိၣ်လၢဂီၤဖံးဖါတဒုအဂီၢ်, ဒီးခံအ့စရိၣ် လၢသိဖါတဒုအဂီၢ်, 4 ဒီးတအ့စရိၣ်လၢသိဖိတဒုအဂီၢ် လၢသိဖိနွံဒုအဂီၢ်စုာ်စုာ်, 5 ဒီးမဲာ်တဲးလဲးဖိတဒုလၢတၢ် လုၢ်တၢ်ဒဲးဘးအဂီၢ်, ဒ်သိးအကမၤတၢ်ပူၤဖျဲးလၢသုဂီၢ် လီၤ. 6 လၢန့ၣ်အဖီခိၣ်လါန့ၣ်အတၢ်လုၢ်မ့ၣ်အူ, ဒီးအ တၢ်မၤဘူၣ်ကိၣ်, ဒီးတၢ်လုၢ်မ့ၣ်အူတထံၣ်ဃီ, ဒီးအ တၢ်မၤဘူၣ်ကိၣ်ဒီးအတၢ်လုၢ်အီတဖၣ်, ဒ်တၢ်စံၣ်ညီၣ် အသိး, လၢတၢ်နၢမူအဂီၢ်, တၢ်လုၢ်မ့ၣ်အူလၢယွၤအ ဂီၢ်လီၤ.
7 ဒီးနွံလါတလါထီၣ်ဆံဆဲၣ်နံၤတနံၤန့ၣ် သုဘၣ်အိၣ် ဒီးတၢ်မၤဘူၣ်စီဆှံ, ဒီးသုဘၣ်ဆီၣ်လီၤသုသးလီၤ. သု တဘၣ်မၤတၢ်မၤနီတမံၤဘၣ်. 8 သုဘၣ်မၤဘူၣ်ယွၤလၢ တၢ်လုၢ်မ့ၣ်အူ, တၢ်နၢမူ, ဂီၤဖံးဖါဖိတဒု, သိဖါတဒု, သိဖိတနံၣ်ဖိနွံဒု, ဘၣ်အိၣ်အလၢအပှဲၤဒီးသု, 9 ဒီးအ တၢ်မၤဘူၣ်ကိၣ်, ကိၣ်ကမူၣ်ဃါဃုာ်ဒီးသိ, သၢအ့စ ရိၣ်လၢဂီၤဖံးဖါတဒုအဂီၢ်, ဒီးခံအ့စရိၣ်လၢသိဖါတဒု အဂီၢ်, 10 တအ့စရိၣ်လၢသိဖိတဒုအဂီၢ်, လၢသိဖိနွံဒု အဂီၢ်စုာ်စုာ်, 11 မဲာ်တဲးလဲးဖိတဒုလၢတၢ်လုၢ်တၢ်ဒဲးဘး အဂီၢ်လီၤ. လၢန့ၣ်အဖီခိၣ်တၢ်မၤပူၤဖျဲးအတၢ်လုၢ်တၢ် ဒဲးဘး, ဒီးတၢ်လုၢ်မ့ၣ်အူတထံၣ်ဃီ, ဒီးအတၢ်မၤဘူၣ် ကိၣ်, ဒီးအတၢ်လုၢ်အီအိၣ်ဝဲလီၤ.
12 ဒီးနွံလါတလါတဆံယဲၢ်နံၤတနံၤန့ၣ် သုဘၣ်အိၣ်ဒီး တၢ်မၤဘူၣ်စီဆှံလီၤ. သုတဘၣ်မၤတၢ်အကုၢ်အပှၤအ တၢ်မၤနီတမံၤဘၣ်. ဒီးသုဘၣ်မၤဘူၣ်တၢ်လၢယွၤနွံနံၤ လီၤ. 13 ဒီးသုဘၣ်မၤဘူၣ်တၢ်လုၢ်မ့ၣ်အူ, တၢ်လုၢ်လၢ မ့ၣ်အူ, တၢ်နၢမူလၢယွၤအဂီၢ်, ဂီၤဖံးဖါဖိတဆံသၢဒု, သိဖါခံဒု, သိဖိတနံၣ်ဖိတဆံလွံၢ်ဒု, ဘၣ်အိၣ်အလၢ အပှဲၤ, 14 ဒီးအတၢ်မၤဘူၣ်ကိၣ်, ကိၣ်ကမူၣ်ဃါဃုာ်ဒီး သိသၢအ့စရိၣ်လၢဂီၤဖံးဖါတဒုအဂီၢ်, လၢဂီၤဖံးဖါတဆံ သၢဒုအဂီၢ်စုာ်စုာ်, ခံအ့စရိၣ်လၢသိဖါတဒုအဂီၢ်, လၢ သိဖါခံဒုအဂီၢ်စုာ်စုာ်, 15 ဒီးတအ့စရိၣ်လၢသိဖိတဒုအ ဂီၢ်, တအ့စရိၣ်လၢသိဖိတဒုအဂီၢ်, လၢသိဖိတဆံလွံၢ်ဒု အဂီၢ်စုာ်စုာ်, 16 ဒီးမဲာ်တဲးလဲးဖိတဒုလၢတၢ်လုၢ်တၢ်ဒဲး ဘးအဂီၢ်လီၤ. လၢန့ၣ်အဖီခိၣ်တၢ်လုၢ်မ့ၣ်အူတထံၣ်ဃီ, အတၢ်မၤဘူၣ်ကိၣ်, ဒီးအတၢ်လုၢ်အီန့ၣ်အိၣ်ဝဲလီၤ.
17 ဒီးခံနံၤတနံၤန့ၣ်, ဂီၤဖံးဖါဖိတဆံခံဒု, သိဖါခံဒု, သိဖိ တနံၣ်ဖိအလၢအပှဲၤ တဆံလွံၢ်ဒု, 18 ဒီးအတၢ်မၤဘူၣ် ကိၣ်, ဒီးအတၢ်လုၢ်အီတဖၣ်လၢဂီၤဖံးဖါအဂီၢ်, လၢသိ ဖါအဂီၢ်, ဒီးလၢသိဖိအဂီၢ်, ဒ်အတၢ်ဂံၢ်အသိး, ဒ်တၢ် စံၣ်ညီၣ်အသိး, 19 ဒီးမဲာ်တဲးလဲးဖိလၢတၢ်လုၢ်တၢ်ဒဲးဘး အဂီၢ်လီၤ. လၢန့ၣ်အဖီခိၣ် တၢ်လုၢ်မ့ၣ်အူတထံၣ်ဃီ, ဒီးအတၢ်မၤဘူၣ်ကိၣ်, ဒီးအတၢ်လုၢ်အီအိၣ်ဝဲလီၤ.
20 ဒီးလၢသၢနံၤတနံၤန့ၣ်, ဂီၤဖံးဖါဖိတဆံတဒု, သိဖါခံ ဒု, သိဖိတနံၣ်ဖိအလၢအပှဲၤတဆံလွံၢ်ဒု, 21 ဒီးအတၢ်မၤ ဘူၣ်ကိၣ်, ဒီးအတၢ်လုၢ်အီတဖၣ်လၢဂီၤဖံးဖါအဂီၢ်, လၢ သိဖါအဂီၢ်, ဒီးလၢသိဖိအဂီၢ်, ဒ်အတၢ်ဂံၢ်အသိး, ဒ်တၢ် စံၣ်ညီၣ်အသိး, 22 ဒီးမဲာ်တဲးလဲးတဒုလၢတၢ်လုၢ်တၢ်ဒဲး ဘးအဂီၢ်လီၤ. လၢန့ၣ်အဖီခိၣ်တၢ်လုၢ်မ့ၣ်အူတထံၣ်ဃီ, ဒီးအတၢ်မၤဘူၣ်ကိၣ်, ဒီးအတၢ်လုၢ်အီန့ၣ်အိၣ်ဝဲလီၤ.
23 ဒီးလၢလွံၢ်နံၤတနံၤန့ၣ်, ဂီၤဖံးဖါဆံဆဲၣ်ဒု, သိဖါခံ ဒု, သိဖိတနံၣ်ဖိအလၢအပှဲၤတဆံလွံၢ်ဒု, 24 အတၢ်မၤ ဘူၣ်ကိၣ်, ဒီးအတၢ်လုၢ်အီတဖၣ်လၢဂီၤဖံးဖါအဂီၢ်, လၢ သိဖါအဂီၢ်, ဒီးလၢသိဖိအဂီၢ်, ဒ်အတၢ်ဂံၢ်အသိး, ဒ်တၢ် စံၣ်ညီၣ်အသိး, 25 ဒီးမဲာ်တဲးလဲးဖိလၢတၢ်လုၢ်တၢ်ဒဲးဘး အဂီၢ်လီၤ. လၢန့ၣ်အဖီခိၣ်တၢ်လုၢ်မ့ၣ်အူတထံၣ်ဃီ, ဒီး အတၢ်မၤဘူၣ်ကိၣ်ဒီးအတၢ်လုၢ်အီအိၣ်ဝဲလီၤ.
26 ဒီးမုၢ်ယဲၢ်နံၤတနံၤန့ၣ်, ဂီၤဖံးဖါခွံဒု, သိဖါခံဒု, သိဖိတ နံၣ်ဖိအလၢအပှဲၤတဆံလွံၢ်ဒု, 27 ဒီးအတၢ်မၤဘူၣ်ကိၣ်, ဒီးအတၢ်လုၢ်အီတဖၣ်လၢဂီၤဖံးဖါအဂီၢ်, လၢသိဖါအ ဂီၢ်, ဒီးလၢသိဖိအဂီၢ်, ဒ်အတၢ်ဂံၢ်အသိး, ဒ်တၢ်စံၣ်ညီၣ် အသိး, 28 ဒီးမဲာ်တဲးလဲးတဒုလၢတၢ်လုၢ်တၢ်ဒဲးဘးအဂီၢ် လီၤ. လၢန့ၣ်အဖီခိၣ်တၢ်လုၢ်မ့ၣ်အူတထံၣ်ဃီ, ဒီးအ တၢ်မၤဘူၣ်ကိၣ်, ဒီးအတၢ်လုၢ်အီအိၣ်ဝဲလီၤ.
29 ဒီးမုၢ်ဃုနံၤတနံၤန့ၣ်ဂီၤဖံးဖါဃိးဒု, သိဖါခံဒု, သိဖိတ နံၣ်ဖိအလၢအပှဲၤတဆံလွံၢ်ဒု, 30 ဒီးအတၢ်မၤဘူၣ်ကိၣ်, ဒီးအတၢ်လုၢ်အီတဖၣ်လၢဂီၤဖံးဖါအဂီၢ်, လၢသိဖါအ ဂီၢ်, လၢသိဖိအဂီၢ်, ဒ်အတၢ်ဂံၢ်အသိး, ဒ်တၢ်စံၣ်ညီၣ် အသိး, 31 ဒီးမဲာ်တဲးလဲးတဒုလၢတၢ်လုၢ်တၢ်ဒဲးဘးအဂီၢ် လီၤ. လၢန့ၣ်အဖီခိၣ်တၢ်လုၢ်မ့ၣ်အူတထံၣ်ဃီ, အတၢ် မၤဘူၣ်ကိၣ်, ဒီးအတၢ်လုၢ်အီအိၣ်ဝဲလီၤ.
32 ဒီးမုၢ်နွံနံၤတနံၤန့ၣ်ဂီၤဖံးဖါနွံဒု, သိဖါခံဒု, သိဖိတ နံၣ်ဖိအလၢအပှဲၤတဆံလွံၢ်ဒု, 33 ဒီးအတၢ်မၤဘူၣ်ကိၣ်, ဒီးအတၢ်လုၢ်အီတဖၣ်လၢဂီၤဖံးဖါအဂီၢ်, လၢသိဖါအ ဂီၢ်, ဒီးလၢသိဖိအဂီၢ်, ဒ်အတၢ်ဂံၢ်အသိး, ဒ်တၢ်စံၣ်ညီၣ် အသိး, 34 ဒီးမဲာ်တဲးလဲးတဒုလၢတၢ်လုၢ်တၢ်ဒဲးဘးအဂီၢ် လီၤ. လၢန့ၣ်အဖီခိၣ်တၢ်လုၢ်မ့ၣ်အူတထံၣ်ဃီ, အတၢ် မၤဘူၣ်ကိၣ်, ဒီးအတၢ်လုၢ်အီအိၣ်ဝဲလီၤ.
35 မုၢ်ဃိးနံၤတနံၤန့ၣ် သုဘၣ်အိၣ်ဒီးတၢ်အိၣ်ဖှိၣ်ရိဖှိၣ် လီၤ. သုတဘၣ်မၤတၢ်အကုၢ်အပှၤအတၢ်မၤနီတမံၤ ဘၣ်. 36 ဒီးသုဘၣ်မၤဘူၣ်တၢ်လုၢ်မ့ၣ်အူ, တၢ်လုၢ်လၢ မ့ၣ်အူ, တၢ်နၢမူလၢယွၤအဂီၢ်, ဂီၤဖံးဖါတဒု, သိဖါ တဒု, သိဖိတနံၣ်ဖိအလၢအပှဲၤနွံဒု, 37 အတၢ်မၤဘူၣ် ကိၣ်, ဒီးအတၢ်လုၢ်အီလၢဂီၤဖံးအဂီၢ်, လၢသိဖါအဂီၢ်, ဒီးလၢသိဖိတဖၣ်အဂီၢ်, ဒ်အတၢ်ဂံၢ်အသိး, ဒ်တၢ်စံၣ် ညီၣ်အသိး, 38 ဒီးမဲာ်တဲးလဲးတဒုလၢတၢ်လုၢ်တၢ်ဒဲးဘး အဂီၢ်လီၤ. လၢန့ၣ်အဖီခိၣ်တၢ်လုၢ်မ့ၣ်အူတထံၣ်ဃီ, ဒီးအတၢ်မၤဘူၣ်ကိၣ်, ဒီးအတၢ်လုၢ်အီအိၣ်ဝဲလီၤ.
39 ဒီးတၢ်တဖၣ်န့ၣ်သုဘၣ်မၤဘူၣ်လၢ သုမၤဘူၣ်အဆၢ အကတီၢ်လၢ တၢ်သ့ၣ်ပာ်အီၤလၢသုတၢ်လုၢ်မ့ၣ်အူအ ဂီၢ်, ဒီးလၢသုတၢ်မၤဘူၣ်ကိၣ်အဂီၢ်, ဒီးလၢသုတၢ်လုၢ် အီ, ဒီးလၢသုတၢ်လုၢ်မၤဃူမၤဖိးအဂီၢ်လီၤ. လၢန့ၣ်အ ဖီခိၣ်သုတၢ်မၤဘူၣ်ဘၣ်ဃးဒီးဆိၣ်တၢ်, ဒီးသုမၤဘူၣ် တၢ်တဖၣ်အိၣ်ဝဲလီၤ.
40 ဒီးစီၤမိၤရှ့စံးဘၣ်တဲဘၣ် ပှၤအံၣ်စရ့လးဖိဒ်ကယဲၢ် တၢ်လၢယွၤမၤလိာ်စီၤမိၤရှ့အသိးန့ၣ်လီၤ.
30၃၀
1 ဒီးစီၤမိၤရှ့ကတိၤတၢ်ဒီး ပှၤဒူၣ်တဖၣ်အခိၣ်တဖၣ်လၢ ပှၤအံၣ်စရ့လးဖိအဂ့ၢ်, ဒီးစံးဝဲဒၣ်, အအံၤမ့ၢ်တၢ်လၢ ယွၤမၤလိာ်တၢ်, 2 ပှၤမ့ၢ်ဆိၣ်တၢ်ဆိၣ်လၢယွၤအဂီၢ်မ့ၢ် ဂ့ၤ, ဆိၣ်လီၤစၢဃာ်အသးမ့ၢ်ဂ့ၤ, တဘၣ်မၤဟးဂီၤအ တၢ်ကတိၤဘၣ်. ကဘၣ်မၤဒ်ကယဲၢ်တၢ်လၢအထီၣ်ဖျဲး လၢအထးခိၣ်အသိးန့ၣ်လီၤ.
3 ဒီးပိာ်မုၣ်လၢအသးစၢ် လၢအအိၣ်လၢပၢ်အဟံၣ်တ ဂၤန့ၣ်မ့ၢ်ဆိၣ်လီၤစၢဃာ်အသးလၢယွၤအဂီၢ်ဒီး, 4 အပၢ် မ့ၢ်နၢ်ဟူအဆိၣ်တၢ်, ဒီးတၢ်လၢအစၢဃာ်အသးလၢအီၤ, ဒီးအပၢ်မ့ၢ်အိၣ်ဘှီၣ်ကလာ်ဒီးအီၤဒီး, အတၢ်ဆိၣ်တၢ်က အိၣ်ဂၢၢ်ဆိးကျၢၤ, ဒီးကယဲၢ်တၢ်လၢအစၢဃာ်အသးလၢ အီၤတမံၤလၢ်လၢ်န့ၣ်ကအိၣ်ဂၢၢ်ဆိးကျၢၤလီၤ. 5 မ့မ့ၢ်မုၢ် တနံၤလၢအနၢ်ဟူတၢ်န့ၣ် အပၢ်မ့ၢ်တအၢၣ်လီၤအီလီၤ ဘၣ်ဒီး, အတၢ်ဆိၣ်ဒီးအတၢ်စၢဃာ်လၢအစၢဃာ်အသး န့ၣ်တအိၣ်ဂၢၢ်ဆိးကျၢၤဘၣ်နီတမံၤဘၣ်, ဒီးယွၤကပျၢ်အ တၢ်လီၤ. အဂ့ၢ်ဒ်အံၤ, အပၢ်တအၢၣ်လီၤအီလီၤဘၣ်လီၤ.
6 ဒီးမ့ၢ်အိၣ်ဒီးအဝၤ, ဒီးမ့ၢ်ဆိၣ်တၢ်မ့ၢ်ဂ့ၤ, မ့ၢ်မၤထီၣ် ဖျဲးလၢအထးခိၣ်, လၢတၢ်လၢအစၢဃာ်အသးတမံၤမံၤ မ့ၢ်ဂ့ၤ, 7 အဝၤမ့ၢ်နၢ်ဟူ, ဒီးမုၢ်တနံၤလၢအနၢ်ဟူမ့ၢ်အိၣ် ဘှီၣ်ကလာ်ဒီးအီၤဒီး, အတၢ်ဆိၣ်ကအိၣ်ဂၢၢ်ဆိးကျၢၤ, ဒီးအတၢ်စၢဃာ်လၢအစၢဃာ်အသးလၢအီၤကအိၣ်ဂၢၢ် ဆိးကျၢၤလီၤ. 8 ဒီးမုၢ်တနံၤလၢအနၢ်ဟူတၢ်န့ၣ် မ့ၢ်တ အၢၣ်လီၤအီလီၤဘၣ်ဒီး, အတၢ်ဆိၣ်လၢအဆိၣ်ဝဲ, ဒီးတၢ် လၢအထီၣ်ဖျဲးလၢအထးခိၣ်လၢအစၢဃာ်အသးလၢအီၤ န့ၣ်ကကဲထီၣ်တၢ်ကလီကလီ, ဒီးယွၤကပျၢ်အတၢ်လီၤ.
9 မ့မ့ၢ်ကယဲၢ်ပှၤမုၣ်ကမဲ, ဒီးပှၤပိာ်မုၣ်လၢအလီၤဖှၣ်ဒီး အဝၤတဂၤလၢ်လၢ်န့ၣ် အတၢ်ဆိၣ်လၢအစၢဃာ်အသး လၢအီၤန့ၣ်ကအိၣ်ဂၢၢ်ဆိးကျၢၤလၢအဂီၢ်လီၤ. 10 ဒီးမ့ၢ် ဆိၣ်တၢ်လၢ အဝၤအဟံၣ်ပူၤမ့ၢ်ဂ့ၤ, မ့ၢ်စၢဃာ်အသး လၢတၢ်စၢဃာ်အိၣ်ဒီးတၢ်ဆိၣ်မ့ၢ်ဂ့ၤ, ဒီးအဝၤမ့ၢ်နၢ်ဟူ ဝဲဒီးအိၣ်ဘှီၣ်ကလာ်ဒီးအီၤဒီး, အဆိၣ်တၢ်ခဲလၢာ်က အိၣ်ဂၢၢ်ဆိးကျၢၤ, 11 ဒီးအတၢ်စၢဃာ်လၢအစၢဃာ်အ သးလၢအီၤန့ၣ်ကအိၣ်ဂၢၢ်ဆိးကျၢၤကိးမံၤဒဲးလီၤ. 12 မ့မ့ၢ် မုၢ်တနံၤလၢအနၢ်ဟူဝဲန့ၣ် အဝၤမ့ၢ်ပာ်အီၤကလီကလီ သပှၢ်တၢၢ်ဒီး, တၢ်ထီၣ်ဖျဲးလၢအထးခိၣ်လၢအဆိၣ်တၢ် အဂ့ၢ်မ့ၢ်ဂ့ၤ, လၢတၢ်စၢဃာ်လၢအစၢဃာ်အသးအဂ့ၢ် မ့ၢ်ဂ့ၤ, တအိၣ်ဂၢၢ်တဆိးကျၢၤဘၣ်နီတမံၤဘၣ်. အဝၤ မၤအီၤကလီကလီ, ဒီးယွၤကပျၢ်အတၢ်လီၤ.
13 ကယဲၢ်တၢ်ဆိၣ်ဒီး ကယဲၢ်တၢ်ဆိၣ်လၢအစၢဃာ်အီၤ ဒ်သိးအကဆိၣ်လီၤအသးန့ၣ် အဝၤမၤဂၢၢ်မၤကျၢၤသ့, မ့တမ့ၢ်ဘၣ်မၤဟးဂူာ်မၤဟးဂီၤသ့လီၤ. 14 မ့မ့ၢ်အဝၤမ့ၢ် အိၣ်ဘှီၣ်ကလာ်ဒီးအီၤတနံၤဘၣ်တနံၤဒီး, အတၢ်ဆိၣ် ခဲလၢာ်မ့ၢ်ဂ့ၤ, အတၢ်စၢဃာ်လၢအအိၣ်လၢအလိၤခဲ လၢာ်မ့ၢ်ဂ့ၤ, ဒုးအိၣ်ဂၢၢ်ဆိးကျၢၤဝဲလီၤ. မုၢ်တနံၤလၢ အနၢ်ဟူဝဲန့ၣ် မ့ၢ်အအိၣ်ဘှီၣ်ကလာ်ဒီးအီၤဒီး, မ့ၢ်အ ဒုးအိၣ်ဂၢၢ်ဆိးကျၢၤဝဲလီၤ.
15 ဒီးလၢအနၢ်ဟူဝဲန့ၣ်အလီၢ်ခံန့ၣ် မ့ၢ်မၤဟးဂီၤအီၤသ ပှၢ်တၢၢ်ဒီး, ကတူၢ်ဘၣ်ပိာ်မုၣ်အတၢ်အၢတၢ်သီလီၤ.
16 တၢ်တဖၣ်န့ၣ်မ့ၢ်တၢ်သိၣ်တၢ်သီ လၢယွၤမၤလိာ်စီၤ မိၤရှ့လၢပှၤမါပှၤဝၤအဘၢၣ်စၢၤ, ဒီးလၢအပၢ်ဒီးအဖိမုၣ် အသးစၢ်အိၣ်လၢအပၢ်အဟံၣ်အဘၢၣ်စၢၤန့ၣ်လီၤ.
31၃၁
1 ဒီးယွၤကတိၤတၢ်ဒီးစီၤမိၤရှ့, ဒီးစံးဘၣ်အီၤ, မၤအၢ ဆၢပှၤမံးဒယၣ်ဖိလၢပှၤအံၣ်စရ့လးဖိအဂီၢ်တက့ၢ်. လၢ ခံက့ၤဒီးနကဘၣ်တၢ်ပာ်ဖှိၣ်နၤဒီးနပှၤဂီၢ်မုၢ်လီၤ.
3 ဒီးစီၤမိၤရှ့ကတိၤတၢ်ဒီး ပှၤဂီၢ်မုၢ်ဒီးစံးဝဲဒၣ်, ဒုးသိး ထီၣ်ပှၤတနီၤနီၤလၢသုကျါ လၢစုကဝဲၤလၢဒုးသုးအဂီၢ် တက့ၢ်, ဒီးမ်အလဲၤထီဒါပှၤမံးဒယၣ်ဖိ, ဒီးမၤအၢဆၢ ပှၤမံးဒယၣ်ဖိလၢယွၤအဂီၢ်တက့ၢ်. 4 ပှၤတဒူၣ်အကျါ ပှၤတကထိ, ပှၤတဒူၣ်အကျါပှၤတကထိန့ၣ်သုဘၣ်မၢ အလဲၤဒုးသုးလၢပှၤအံၣ်စရ့လးဖိဒူၣ်ခဲလၢာ်အကျါလီၤ.
5 ဒီးနီၤဖးဝဲလၢပှၤအံၣ်စရ့လးဖိခဲလၢာ်အကျါ တဒူၣ် တကထိ, တဒူၣ်တကထိ, ပှၤတဆံခံဒူၣ်အိၣ်ဒီးအစု ကဝဲၤလၢအဒုးသုးအဂီၢ်လီၤ.
6 ဒီးစီၤမိၤရှ့မၢအလဲၤဒုးသုး, တဒူၣ်အကျါပှၤတကထိ, တဒူၣ်အကျါပှၤတကထိ, အဝဲသ့ၣ်တဖၣ်န့ၣ်ဒီးပှၤလုၢ် တၢ်အဒိၣ်စီၤအလၤဧစၢ်အဖိခွါ စီၤပံၤနဃၣ်ဒ်သိးအက ဒုးသုး, အိၣ်ဒီးအတၢ်အပိးအလီစီဆှံ, ဒီးကွဲၤတဖၣ် လၢအစုပူၤလီၤ.
7 ဒီးဒုးသုးဒီးပှၤမံးဒယၣ်ဖိ, ဒ်ယွၤမၤလိာ်စီၤမိၤရှ့အ သိးန့ၣ်ဒီးမၤသံပှၤပိာ်ခွါခဲလၢာ်လီၤ. 8 ဒီးလၢပှၤလၢအ ဘၣ်တၢ်မၤသံအီၤအဂၤအမဲာ်ညါန့ၣ်, မၤသံမံးဒယၣ် အစီၤပၤတဖၣ်စီၤအဝံၤ, ဒီးစီၤရ့က့ၣ်, ဒီးစီၤစူၢ်, ဒီးစီၤ ဃူၢ်, ဒီးစီၤရ့ဘၤ, မံးဒယၣ်အစီၤပၤယဲၢ်ဂၤလီၤ. ဒီးစီၤ ဘဧိၢ်အဖိခွါစီၤဘံးလၣ်စ့ၢ်ကီးမၤသံဝဲလၢနးလီၤ.
9 ဒီးပှၤအံၣ်စရ့လးဖိ ဖီၣ်န့ၢ်မၢကဲကုၢ်ပှၤမံးဒယၣ်မုၣ်, ဒီးအဖိဆံးတဖၣ်, ဒီးမၤန့ၢ်ဆူၣ်ကယဲၢ်အဆၣ်ဖိကီၢ်ဖိ, ဒီးကယဲၢ်အတၢ်ဖိတၢ်လံၤ, ဒီးကယဲၢ်အစုလီၢ်အခီၣ် ခိၣ်ခဲလၢာ်လီၤ.
10 ဒီးဆူးထီၣ်ကွံာ်ဝဲအခူအဝ့ၢ် ဖဲအအိၣ်အဆိးလၢအပူၤ ခဲလၢာ်, ဒီးအလီၢ်အိၣ်ဒီးအခိၣ်ဒူဂ့ၤခဲလၢာ်, လၢမ့ၣ်အူ လီၤ. 11 ဒီးလၢပှၤကညီအကျါမ့ၢ်ဂ့ၤ, လၢဆၣ်ဖိကီၢ်ဖိ အကျါမ့ၢ်ဂ့ၤ, ဟံးန့ၢ်ဝဲလၢတၢ်ဂုာ်န့ၢ်ခဲလၢာ်, ဒီးတၢ် မၤန့ၢ်ဆူၣ်ခဲလၢာ်လီၤ.
12 ဒီးဟဲစိာ်ပှၤလၢအမၢကဲကုၢ်, ဒီးဆၣ်ဖိကီၢ်ဖိလၢအမၤ န့ၢ်ဆူၣ်, ဒီးတၢ်ဖိတၢ်လံၤလၢအဂုာ်န့ၢ်န့ၣ်ဆူစီၤမိၤရှ့ဒီး ပှၤလုၢ်တၢ်အဒိၣ်စီၤအလၤဧစၢ်, ဒီးပှၤအံၣ်စရ့လးဖိအ တၢ်အိၣ်ဖှိၣ်အအိၣ်, ဆူပှၤသူၣ်ဒဲအလီၢ်လၢမိၤအးအ ပျီပူၤ လၢအအိၣ်လၢထံယၢ်ဒ့ၣ်အနံၤ, သဃီၤဒီးယရံၤ ဃိလီၤ.
13 ဒီးစီၤမိၤရှ့, ဒီးပှၤလုၢ်တၢ်အဒိၣ်စီၤအလၤဧစၢ်, ဒီး တၢ်အိၣ်ဖှိၣ်အပဒိၣ်တဖၣ်ခဲလၢာ်န့ၣ် လဲၤသဂၢၢ်ထီၣ် အီၤလၢပှၤသူၣ်ဒဲအလီၢ်လၢခိလီၤ.
14 ဒီးစီၤမိၤရှ့အသးထီၣ် ပှၤသုးမုၢ်အပှၤကွၢ်အီၤတဖၣ်, ဒီးပှၤတကထိအခိၣ်တဖၣ်, ဒီးပှၤတကယၤအခိၣ်တ ဖၣ်လၢအဟဲက့ၤထီၣ် လၢဒုးသုးလီၤ. 15 ဒီးစီၤမိၤရှ့စံး ဘၣ်အီၤ, သုဒုးမူဒံးပှၤပိာ်မုၣ်ခဲလၢာ်စ့ၢ်ကီးဧါ, 16 ကွၢ် ကွၢ်, မ့ၢ်လၢစီၤဘံးလၣ်အတၢ်ကတိၤသတးဒီး, အဝဲ သ့ၣ်တဖၣ်ဒုးမၤကမၣ်ဘၣ် ပှၤအံၣ်စရ့လးဖိလၢယွၤ လၢပဧိၢ်အတၢ်, ဒီးတၢ်သံသတြိာ်အိၣ်ထီၣ်လၢယွၤအ တၢ်အိၣ်ဖှိၣ်အကျါလီၤ.
17 ဒီးခဲကနံၣ်အံၤ မၤသံကယဲၢ်ပှၤပိာ်ခွါလၢဖိဒံဖိသၣ်အ ကျါ, ဒီးမၤသံကယဲၢ်ပှၤပိာ်မုၣ်လၢအမံဃုာ်ဒီးပိာ်ခွါ, ဒီးသ့ၣ်ညါတ့ၢ်ပိာ်ခွါန့ၣ်ခဲလၢာ်တက့ၢ်. 18 မ့မ့ၢ်ကယဲၢ် ဖိသၣ်ပိာ်မုၣ်လၢအတမံဃုာ်ဘၣ်ဒီးပိာ်ခွါ, ဒီးတသ့ၣ် ညါဘၣ်ပိာ်ခွါခဲလၢာ်န့ၣ် ဒုးမူဒံးအီၤလၢသုဂီၢ်ဒၣ်သုဝဲ တက့ၢ်. 19 ဒီးသုဝဲသ့ၣ်တဖၣ်န့ၣ် အိၣ်လၢပှၤသူၣ်ဒဲအလီၢ်လၢခိနွံနံၤတက့ၢ်, ဒီးကယဲၢ်ပှၤလၢအမၤသံပှၤတဂၤဂၤ, ဒီးကယဲၢ်ပှၤလၢအထိးဘၣ်ပှၤလၢအဘၣ်တၢ်မၤသံအီၤတဂၤဂၤန့ၣ် မၤကဆှီထီၣ်သုသးဒီးပှၤလၢ သုဖီၣ်န့ၢ်မၢကဲကုၢ်အီၤ, လၢသၢနံၤတနံၤ, ဒီးလၢနွံနံၤတနံၤတက့ၢ်,―
20 ဒီးမၤကဆှီထီၣ်သုကူသုသိးခဲလၢာ်, ဒီးကယဲၢ်တၢ်လၢ အမၤဝဲလၢတၢ်ဖံး, ဒီးကယဲၢ်တၢ်မၤဝဲလၢမဲာ်တဲးလဲးအ ဆူၣ်, ဒီးကယဲၢ်တၢ်မၤဝဲလၢသ့ၣ်ခဲလၢာ်န့ၣ်တက့ၢ်.
21 ဒီးပှၤလုၢ်တၢ်အဒိၣ်စီၤအလၤဧစၢ်န့ၣ် စံးဘၣ်ပှၤသုးဖိ လၢအလဲၤဒုးသုးတဖၣ်န့ၣ်, အအံၤမ့ၢ်တၢ်သိၣ်တၢ်သီ အတၢ်မၤလိာ်လၢစီၤမိၤရှ့န့ၣ်, 22 ထူဧိၤလွဲဧိၤ, ဒီးကျိၣ် ဧိၤစ့ဧိၤ, တိၢ်ဧိၤပှာ်ဧိၤ, ထးဧိၤတြၤဧိၤ, ပှာ်ဝါဒီးပှာ်သူ,―
23 ကယဲၢ်တၢ်လၢအတူၢ်မ့ၣ်အူကဲန့ၣ် သုဘၣ်ဒုးခီဂာ်အီၤ လၢမ့ၣ်အူခဲလၢာ်, ဒီးကကဆှီထီၣ်လီၤ. ဘၣ်ဆၣ်ဒီး ကဘၣ်တၢ်မၤကဆှီအီၤလၢ တၢ်မၤကဆှီတၢ်အထံလီၤ. ဒီးကယဲၢ်တၢ်လၢအတူၢ်မ့ၣ်အူတကဲဘၣ်န့ၣ် သုဘၣ်ဒုး ခီဂာ်အီၤလၢထံလီၤ. 24 ဒီးနွံနံၤတနံၤန့ၣ်သုဘၣ်ဆှုၣ်သု ကူသုသိး, ဒီးသုကကဆှီထီၣ်, ဒီးသုကဟဲနုာ်ဘၣ် လၢပှၤသူၣ်ဒဲအလီၢ်ပူၤလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 25 ပှၤက ညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, ဂံၢ်န့ၢ်တၢ်မၤန့ၢ်ဆူၣ်အ ခိၣ်တဖၣ်နဲဒၣ်ဒီး ပှၤလုၢ်တၢ်အဒိၣ်စီၤအလၤဧစၢ်, ဒီး အတၢ်အိၣ်ဖှိၣ်အပၢ်အခိၣ်တဖၣ်န့ၣ်တက့ၢ်.
27 ဒီးနီၤဖးတၢ်မၤန့ၢ်ဆူၣ်လၢခံပူ, တပူလၢပှၤလၢအဒုး တၢ်သ့, လၢအလဲၤဒုးသုးတဖၣ်အဂီၢ်, ဒီးတပူလၢပှၤ ဂီၢ်မုၢ်လၢအအိၣ်တ့ၢ်အဂီၢ်တက့ၢ်.
28 ဒီးဟံးန့ၢ်အသွဲလၢပှၤလၢအလဲၤဒုးသုးတဖၣ်လၢယွၤ အဂီၢ်တက့ၢ်. လၢယဲၢ်ကယၤအကျါတပူ, လၢပှၤက ညီအကျါမ့ၢ်ဂ့ၤ, လၢဂီၤဖံးအကျါမ့ၢ်ဂ့ၤ, လၢကသ့ၣ် ယီၤအကျါမ့ၢ်ဂ့ၤ, လၢသိဒီးမဲာ်တဲးလဲး အကျါမ့ၢ်ဂ့ၤ, ဟံးန့ၢ်တပူလၢယဲၢ်ကယၤအကျါန့ၣ်တက့ၢ်.
29 ဟံးန့ၢ်အီၤလၢအဝဲသ့ၣ်အတဝာ်အကျါန့ၣ်, ဒီးဟ့ၣ် လီၤပှၤလုၢ်တၢ်အဒိၣ်, စီၤအလၤဧစၢ်လၢတၢ်ဝံၢ်လၢယွၤ အဂီၢ်တက့ၢ်.
30 ဒီးလၢပှၤအံၣ်စရ့လးဖိအတဝာ်အကျါန့ၣ် နဘၣ်ဟံး န့ၢ်ယဲၢ်ဆံပူတပူလၢပှၤကညီအကျါ, လၢဂီၤဖံးအကျါ, လၢကသ့ၣ်ယီၤအကျါ, ဒီးလၢသိဒီးမဲာ်တဲးလဲးအကျါ, လၢဆၣ်ဖိကီၢ်ဖိအဒၢခဲလၢာ်အကျါန့ၣ်, ဒီးဟ့ၣ်လီၤအီၤ လၢပှၤလ့ၤဝံဖိလၢအကွၢ်ယွၤ အတၢ်အိၣ်အလီၢ်အတၢ် ကွၢ်လီၤ.
31 ဒီးစီၤမိၤရှ့, ဒီးပှၤလုၢ်တၢ်အဒိၣ်စီၤအလၤဧစၢ်မၤဝဲဒ် ယွၤမၤလိာ်စီၤမိၤရှ့အသိးန့ၣ်လီၤ.
32 ဒီးတၢ်ဂုာ်န့ၢ်လၢအအိၣ်လီၤတဲာ်လၢ တၢ်လၢအမၤ န့ၢ်ဆူၣ်လၢပှၤသုးဖိဖီၣ်န့ၢ်ဝဲန့ၣ် မ့ၢ်သိဃုကလီၤဒီးနွံက လးဒီးယဲၢ်ကထိ, 33 ဒီးဂီၤဖံးနွံကလးဒီးခံကထိ,― 34 ဒီးကသ့ၣ်ယီၤဃုကလးဒီးတကထိ, 35 ဒီးပှၤကညီသၢ ကလးခံကထိ လၢပိာ်မုၣ်လၢအတမံဃုာ်ဘၣ်ဒီးပှၤပိာ် ခွါ, ဒီးတသ့ၣ်ညါဘၣ်ပိာ်ခွါဘၣ်လီၤ.
36 ဒီးတဝာ်လၢအမ့ၢ်ပှၤလၢ အလဲၤဒုးသုးတဖၣ်အဂီၢ် န့ၣ်မ့ၢ်သိသၢကလီၤဒီးသၢကလးဒီး နွံကထိဒီးယဲၢ်က ယၤလီၤ. 37 ဒီးယွၤအသွဲလၢသိအကျါန့ၣ်မ့ၢ်ဃုကယၤ ဒီးနွံဆံဒီးယဲၢ်ဒုလီၤ.
38 ဒီးဂီၤဖံးန့ၢ်အိၣ်ဝဲသၢကလးဒီး ဃုကထိလီၤ. ဒီးယွၤ အသွဲန့ၣ်မ့ၢ်နွံဆံခံဒုလၢအကျါလီၤ.
39 ဒီးကသ့ၣ်ယီၤအိၣ်ဝဲသၢကလးဒီးယဲၢ်ကယၤလီၤ. ဒီး ယွၤအသွဲန့ၣ်မ့ၢ်ဃုဆံဒီးတဒုလၢအကျါလီၤ.
40 ဒီးပှၤကညီအိၣ်တကလးဒီးဃုကထိလီၤ. ဒီးယွၤအ သွဲန့ၣ်မ့ၢ်သၢဆံခံဂၤလၢအကျါလီၤ.
41 ဒီးစီၤမိၤရှ့ဟ့ၣ်သွဲန့ၣ်, ယွၤအတၢ်ဝံၢ်, လၢပှၤလုၢ်တၢ် အဒိၣ်စီၤအလၤဧစၢ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.
42 ဒီးလၢပှၤအံၣ်စရ့လးအတၢ်တဝာ်, လၢစီၤမိၤရှ့မၤနီၤ ဖးကွံာ်ဒီးပှၤလၢအဒုးသုးတဖၣ်န့ၣ်, 43 (ဒီးတၢ်အိၣ်ဖှိၣ် အတၢ်တဝာ်န့ၣ် မ့ၢ်သိသၢကလီၤဒီးသၢကလးဒီးနွံက ထိဒီးယဲၢ်ကယၤ, 44 ဒီးဂီၤဖံးသၢကလးဒီးဃုကထိ,― ဒီးကသ့ၣ်ယီၤသၢကလးဒီးယဲၢ်ကယၤ, 46 ဒီးပှၤကညီ တကလးဃုကထိ), 47 ဒီးပှၤအံၣ်စရ့လးဖိအတၢ်တဝာ် န့ၣ်လၢပှၤကညီအကျါမ့ၢ်ဂ့ၤ, လၢဆၣ်ဖိကီၢ်ဖိအကျါ မ့ၢ်ဂ့ၤ, စီၤမိၤရှ့ဟံးန့ၢ်အပူယဲၢ်ဆံအကျါတပူ, ဒီးဟ့ၣ် လီၤဝဲလၢပှၤလ့ၤဝံဖိလၢအကွၢ်ယွၤအတၢ်အိၣ်အလီၢ်အ တၢ်ကွၢ်တဖၣ်န့ၣ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.
48 ဒီးပှၤကွၢ်တၢ်, ပှၤလၢအအိၣ်ဝဲလၢပှၤသုးဖိတကထိ တဖၣ်အဖီခိၣ်, ပှၤတကထိအခိၣ်တဖၣ်, ပှၤတကယၤ အခိၣ်တဖၣ်န့ၣ်ဟဲဝဲဆူစီၤမိၤရှ့အအိၣ်, 49 ဒီးစံးဘၣ်စီၤ မိၤရှ့, နခ့နပှၤဂံၢ်ပှၤသုးဖိအတၢ်ဂံၢ်လၢအအိၣ်လၢပဖီ လာ်, ဒီးတဟါမၢ်ဘၣ်နီတဂၤဘၣ်, 50 မၤသးဒ်န့ၣ်ဒီး ပဟဲစိာ်တဂၤအဂီၢ်ဒၣ်ဝဲ, တဂၤအဂီၢ်ဒၣ်ဝဲ, အတၢ်မၤ ဘူၣ်ယွၤလၢတၢ်လၢပထံၣ်န့ၢ်လၢကယၢထူအကျါ, ထံ ဖှံၣ်တိၢ်ပီၤ, ပသံး, တၢ်အကွီၤ, ဒီးထံဧိၤဖဲဧိၤ, ဒ်သိးအ ကမၤတၢ်ပူၤဖျဲးလၢပသးအဂီၢ်လၢယွၤအမဲာ်ညါလီၤ.
51 ဒီးစီၤမိၤရှ့ဒီးပှၤလုၢ်တၢ်အဒိၣ်စီၤအလၤဧစၢ်ဟံးန့ၢ်ထူ ဧိၤလွဲဧိၤလၢအီၤ, မ့ၢ်တၢ်ကယၢကယဲတ့အသးခဲလၢာ် လီၤ. 52 ဒီးကယဲၢ်တၢ်မၤဘူၣ်န့ၣ်အထူလၢ ပှၤသုးဖိတ ကထိအခိၣ်တဖၣ်, ဒီးပှၤသုးဖိတကယၤအခိၣ်တဖၣ် မၤဘူၣ်ဝဲန့ၣ်မ့ၢ်ၡက့လးတကလးဒီး ဃုကထိဒီးနွံက ယၤဒီးယဲၢ်ဆံလီၤ. 53 (ပှၤသုးဖိမၤန့ၢ်ဆူၣ်တၢ်တဂၤလၢ အဂီၢ်ဒၣ်ဝဲ, တဂၤလၢအဂီၢ်ဒၣ်ဝဲလီၤ).
54 ဒီးစီၤမိၤရှ့ဒီး ပှၤလုၢ်တၢ်အဒိၣ်စီၤအလၤဧစၢ်န့ၣ်ဟံး န့ၢ်ထူဧိၤလွဲဧိၤလၢပှၤသုးဖိတကထိအခိၣ်တဖၣ်, ဒီး လၢပှၤသုးဖိတကယၤအခိၣ်တဖၣ်, ဒီးဟဲစိာ်ဝဲဆူတၢ် အိၣ်ဖှိၣ်အဒဲပူၤ, တၢ်သ့ၣ်နီၣ်ထီၣ်က့ၤလၢပှၤအံၣ်စရ့လး ဖိအဂီၢ်လၢယွၤအမဲာ်ညါလီၤ.
32၃၂
1 ဒီးပှၤရူၤဘ့ၣ်ဖိ, ဒီးပှၤကးဖိအိၣ်ဒီး ဆၣ်ဖိကီၢ်ဖိအ အဒၢအါအါကလဲာ်လီၤ. ဒီးထံၣ်ဘၣ်ကီၢ်ယၤစ့ၢ်ဒီးကီၢ် ကံးလဧး, ဒီးကွၢ်ကွၢ်, တၢ်အလီၢ်န့ၣ်မ့ၢ်ဆၣ်ဖိကီၢ်ဖိ အလီၢ်လီၤ.
2 ဒီးပှၤကးဖိ, ဒီးပှၤရူၤဘ့ၣ်ဖိဟဲကတိၤတၢ်ဒီးစီၤမိၤရှ့, ဒီးပှၤလုၢ်တၢ်အဒိၣ်စီၤအလၤဧစၢ်, ဒီးတၢ်အိၣ်ဖှိၣ်အပ ဒိၣ်တဖၣ်, ဒီးစံးဝဲဒၣ်, 3 ဧးတၤရိး, ဒီးဒံၤဘိၣ်, ဒီးယၤ စ့ၢ်, ဒီးနံးမရၤ, ဒီးဃ့ၡဘိၣ်, ဒီးအ့လဧၤလ့ၤ, ဒီးစဘၣ်, ဒီးနဘိ, ဒီးဘဧိၣ်, 4 ကီၢ်လၢယွၤကျီကွံာ်လၢပှၤအံၣ်စရ့ လးဖိအတၢ်အိၣ်ဖှိၣ်အမဲာ်ညါန့ၣ် မ့ၢ်ဆၣ်ဖိကီၢ်ဖိအ ကီၢ်, ဒီးနခ့နပှၤတဖၣ်အံၤအိၣ်ဒီးဆၣ်ဖိကီၢ်ဖိလီၤ. 5 ဒီး စံးဝဲဒၣ်, ပမ့ၢ်အိၣ်ဒီးတၢ်ဘျုးတၢ်ဖှိၣ်လၢနမဲာ်ညါဒီး, မ် တၢ်ဟ့ၣ်လီၤနခ့နပှၤလၢကီၢ်အံၤ လၢတၢ်ဟံးဃာ်အဂီၢ် တက့ၢ်, မ်တၢ်သုတဒုးခီဂာ်ပှၤလၢထံယၢ်ဒ့ၢ်တဂ့ၤ.
6 ဒီးစီၤမိၤရှ့စံးဘၣ်စီၤကးအဖိ, ဒီးစီၤရူၤဘ့ၣ်အဖိ, သုဒီ ပုၢ်ဝဲၢ်ကလဲၤဒုးသုး, သုကဆ့ၣ်နီၤဖဲအံၤစ့ၢ်ကီးဧါ, 7 သု မၤစၢ်လီၤပှၤအံၣ်စရ့လးဖိအသးအဂံၢ်အဘါဒ်သိးအသု တလဲၤခီဂာ်တၢ်ဆူထံဧိၤကီၢ်ဧိၤလၢယွၤဟ့ၣ်လီၤအီၤန့ၣ် မ့ၢ်အဘၣ်မနုၤလဲၣ်. 8 လၢယမၢသုပၢ်တဖၣ်လဲၤတၢ်လၢ ကၤဒ့ၣ်ဘၢ်န့ ဒ်သိးအကကွၢ်ထံဧိၤကီၢ်ဧိၤန့ၣ်အဝဲသ့ၣ် မၤဝဲဒ်န့ၣ်လီၤ. 9 ဒီးလဲၤဝဲဆူအ့ၡကိၤလးအကျိ, ဒီးထံၣ် ဘၣ်ထံဧိၤကီၢ်ဧိၤန့ၣ်, ဒီးမၤစၢ်လီၤပှၤအံၣ်စရ့လးဖိအ သးအဂံၢ်အဘါ, ဒ်သိးအသုတလဲၤနုာ်လၢထံဧိၤကီၢ်ဧိၤ လၢယွၤဟ့ၣ်လီၤအီၤတဂ့ၤလီၤ. 10 ဒီးယွၤအသးထီၣ်ကဲၤ ထီၣ်ဘၣ်အီၤလၢမုၢ်တနံၤန့ၣ်, ဒီးဆိၣ်လီၤအသးဒီးစံးဝဲ ဒၣ်, 11 မ့ၢ်မးပှၤလၢအဟးထီၣ်လၢကီၢ်အဲၤကူပတူးလၢ အသးပှၢ်အနံၣ်ခံဆံဒီးဆူအဖီခိၣ်, တဘၣ်ထံၣ်ဘၣ်ထံ ဧိၢ်ကီၢ်ဧိၤလၢ ယဆိၣ်လီၤယသးလၢအဂ့ၢ်ဒီးစီၤအၤဘြၤ ဟၣ်, ဒီးစီၤအံၤစဲး, ဒီးစီၤယၤကိာ်နီတဂၤဘၣ်, (အဂ့ၢ်ဒ် အံၤ, တပိာ်ဘၣ်ယခံလၢလၢပှဲၤပှဲၤဘၣ်). 12 ကထံၣ်ဘၣ် ဝဲထဲစီၤယဖူန့ၤအဖိခွါစီၤကၤလ့ၤ, ဒီးစီၤနိၣ်အဖိခွါစီၤ ယိၤရှူဧိၤလီၤ. မ့ၢ်အပိာ်ယွၤအခံလၢလၢပှဲၤပှဲၤအဃိလီၤ.
13 ဒီးယွၤအသးထီၣ်ကဲၤထီၣ်ဘၣ်အံၣ်စရ့လး, ဒီးမၢအ ဟးဝ့ၤဝီၤတၢ်လၢပှၢ်မုၢ်ကနၢအနံၣ်လွံၢ်ဆံ တုၤပှၤတစိၤ လၢအမၤတၢ်အၢလၢ ယွၤအမဲာ်ညါန့ၣ် လၢာ်ကွံာ်ဝဲ လီၤ. 14 ဒီးကွၢ်ကွၢ်, သုဂဲၤဆၢထၢၣ်လၢသုပၢ်တဖၣ်အ လီၢ်, ပှၤတၢ်ဒဲးဘးဖိအတၢ်အါထီၣ်, ဒ်သိးသုကမၤ ဒိၣ်ထီၣ်ဒံးယွၤအသးထီၣ်ဆူၣ်ဘၣ် ပှၤအံၣ်စရ့လးဖိန့ၣ် လီၤ. 15 အဂ့ၢ်ဒ်အံၤ, သုမ့ၢ်ဃၣ်ကဒါသုသးလၢအပိာ်အ ခံဒီး, အဝဲဒၣ်ကလဲၤသဒၣ်ကဒီးအီၤလၢပှၢ်မုၢ်ကနၢ, ဒီးသုကမၤဟးဂီၤပှၤဂီၢ်မုၢ်ခဲလၢာ်လီၤ.
16 ဒီးအဝဲသ့ၣ်သုးဘူးအသးဆူအအိၣ်, ဒီးစံးဝဲဒၣ်, ဖဲ အံၤပကမၤသိဒီးမဲာ်တဲးလဲးအကရၢတဖၣ် လၢဆၣ်ဖိ ကီၢ်ဖိအဒၢအဂီၢ်, ဒီးဝ့ၢ်တဖၣ်လၢဖိဒံဖိသၣ်အဂီၢ်, 17 မ့ မ့ၢ်ပဝဲဒၣ်ပကစၢ်ဒၣ်ပဝဲပကလဲၤချ့ချ့ အိၣ်ဒီးပစုကဝဲၤ လၢပှၤအံၣ်စရ့လးဖိအမဲာ်ညါ တုၤပဒုးလဲၤနုာ်အီၤဆူ အလီၢ်လီၤ. ဒီးပဖိဒံဖိသၣ်ကအိၣ်ကဆိးလၢဝ့ၢ်တဖၣ် အိၣ်ဒီးအခိၣ်ဒူလၢပှၤကီၢ်ဖိအဃိလီၤ. 18 ပှၤအံၣ်စရ့လး ဖိတချုးန့ၢ်ဒံးဘၣ်အတၢ်န့ၢ်သါတဂၤလၢ်လၢ်န့ၣ်ဒီး, ပ တဟဲက့ၤဘၣ်ဆူပဟံၣ်ပဃီဘၣ်, 19 အဂ့ၢ်ဒ်အံၤ, ပတန့ၢ် ဘၣ်သါတၢ်လၢယၢ်ဒ့ၣ်ဝၢ်ဘးခီ, လၢပမဲာ်ညါဘၣ်, အ ဂ့ၢ်ဒ်အံၤ, ပန့ၢ်ဘၣ်သါတၢ်အိၣ်လၢယၢ်ဒ့ၣ်လၢအံၤတ ခီလၢမုၢ်ထီၣ်တခီလီၤ.
20 ဒီးစီၤမိၤရှ့စံးဘၣ်အီၤ, သုမ့ၢ်မၤတၢ်န့ၣ်တမံၤ, သုမ့ၢ် လဲၤဒုးသုးအိၣ်ဒီးသုစုကဝဲၤလၢယွၤအမဲာ်ညါ, 21 ဒီးသုမ့ၢ် လဲၤခီဂာ်ယၢ်ဒ့ၣ်အိၣ်ဒီးသုစုကဝဲၤခဲလၢာ်လၢယွၤအမဲာ် ညါ, တုၤလီၤအဟီထီၣ်ကွံာ်အဒုၣ်အဒါလၢအမဲာ်ညါ,
22 ဒီးကီၢ်ဖိဃၣ်ဝဲလၢယွၤအမဲာ်ညါဒီး လၢအလီၢ်ခံန့ၣ် သုကဟဲက့ၤဒီး သုတၢ်ဒဲးဘးတအိၣ်ဘၣ်လၢယွၤအမဲာ် ညါဒီးလၢအံၣ်စရ့လးအမဲာ်ညါဘၣ်, ဒီးကီၢ်အံၤကကဲ ထီၣ်သုတၢ်န့ၢ်သါလၢယွၤအမဲာ်ညါလီၤ. 23 မ့မ့ၢ်သုမ့ၢ် တမၤဘၣ်ဒ်န့ၣ်ဘၣ်ဒီး, ကွၢ်ကွၢ်, သုမၤကမၣ်ဘၣ်လံ ယွၤလံ. ဒီးသ့ၣ်ညါသုဝဲလၢသုတၢ်ဒဲးဘးကထံၣ်န့ၢ်သု န့ၣ်တက့ၢ်. 24 မၤခူဧိၤဝ့ၢ်ဧိၤလၢသုဖိဒံဖိသၣ်အဂီၢ်, ဒီး ကရၢတဖၣ်လၢသုသိဒီးမဲာ်တဲးလဲးအဂီၢ်, ဒီးတၢ်လၢ အထီၣ်ဖျဲးလၢသုထးခိၣ်န့ၣ်မၤတက့ၢ်. 25 ဒီးပှၤကးဖိ, ဒီးပှၤရူၤဘ့ၣ်ဖိကတိၤတၢ်ဒီးစီၤမိၤရှ့ဒီးစံးဝဲဒၣ်, နခ့နပှၤကမၤဒ်ပကစၢ်မၤလိာ်ဝဲအသိးန့ၣ်လီၤ.―
26 ပဖိဒံဖိသၣ်, ပဖိပမါ, ပသိပမဲာ်တဲးလဲး, ဒီးပဆၣ်ဖိ ကီၢ်ဖိအဒၢခဲလၢာ်န့ၣ် ကအိၣ်ဘၣ်ဖဲန့ၣ်လၢကံးလဧး အဝ့ၢ်တဖၣ်အပူၤလီၤ. 27 မ့မ့ၢ်နခ့နပှၤကလဲၤခီဂာ်တၢ်, အိၣ်ဒီးအစုကဝဲၤကိးဂၤဒဲး, လၢယွၤအမဲာ်ညါဒ်သိးအ ကဒုးသုးဒ်ပကစၢ်စံးဝဲအသိးန့ၣ်လီၤ.
28 ဒီးစီၤမိၤရှ့မၤလိာ် ပှၤလုၢ်တၢ်အဒိၣ်စီၤအလၤဧစၢ်, ဒီးစီၤနိၣ်အဖိခွါစီၤယိၤရှူ, ဒီးပှၤအံၣ်စရ့လးဖိအဒူၣ်တ ဖၣ်အပၢ်အခိၣ်တဖၣ်လၢအဝဲသ့ၣ်အဂ့ၢ်အကျိၤ, 29 ဒီးစီၤ မိၤရှ့စံးဝဲဒၣ်, ပှၤကးဖိ, ဒီးပှၤရူၤဘ့ၣ်ဖိမ့ၢ်ခီဂာ်ယၢ်ဒ့ၣ် ဒီးသု, အိၣ်ဒီးအစုကဝဲၤဒ်သိးအကဒုးသုးလၢယွၤအမဲာ် ညါကိးဂၤဒဲး, ဒီးပှၤကီၢ်ဖိဃၣ်ဝဲလၢသုမဲာ်ညါဒီး, သု ဘၣ်ဟ့ၣ်လီၤအီၤလၢ ကီၢ်ကံးလဧး လၢအတၢ်န့ၢ်သါ လီၤ. 30 မ့မ့ၢ်အဝဲသ့ၣ်မ့ၢ်တခီဂာ်ဘၣ်တၢ်ဒီးသု, အိၣ်ဒီး အစုကဝဲၤဘၣ်ဒီး, ဘၣ်န့ၢ်သါတၢ်လၢသုကျါလၢကီၢ် ကနၤဧၣ်အပူၤလီၤ.
31 ဒီးပှၤကးဖိ, ဒီးပှၤရူၤဘ့ၣ်ဖိတဖၣ်စံးဆၢတၢ်ဒီးစံးဝဲ ဒၣ်, ဒ်ယွၤစံးဘၣ်နခ့နပှၤအသိးန့ၣ် ပကမၤဒ်န့ၣ်သိး လီၤ. 32 ပကလဲၤခီဂာ်တၢ်အိၣ်ဒီး ပစုကဝဲၤလၢယွၤအ မဲာ်ညါ, ဆူကီၢ်ကနၤဧၣ်အပူၤ, ဒ်သိးပတၢ်န့ၢ်သါလၢ ယၢ်ဒ့ၣ်လၢအံၤတခီကကဲဒၣ်ပတၢ်လီၤ.
33 ဒီးစီၤမိၤရှ့ဟ့ၣ်လီၤပှၤကးဖိ, ဒီးပှၤရူၤဘ့ၣ်ဖိ, ဒီးစီၤ ယိၤသးအဖိခွါစီၤမနၤရှ့ၤတခီဒူၣ်န့ၣ် လၢပှၤအမိၢ်ဖိအ စီၤပၤစံဃိၣ်အဘီမုၢ်, ဒီးဘၤၡၣ်အစီၤပၤဧိာ်အဘီမုၢ်, ထံဧိၤကီၢ်ဧိၤဒီးအခူအဝ့ၢ်တဖၣ်လၢအဃၢၤ, ဝ့ၢ်တဖၣ် လၢကီၢ်ပူၤဝးတရံးဝဲလီၤ. 34 ဒီးပှၤကးအဖိတ့ဒံၤဘိၣ်, ဒီးဧးတၤရိး, ဒီးဧရိၤဧ့ၢ်, 35 ဒီးဧးတရိးၡိဖၣ်, ဒီးယၤဧစ့ၢ်, ဒီးယၤကဘၤ ဒီးဧးတရိးၡိဖၣ်, ဒီးယၤဧစ့ၢ်, ဒီးယၤကဘၤ, 36 ဒီး ဘ့ၤသနံးမရၤ, ဒီးဘ့ၤသဟၤရံၣ်, ဝ့ၢ်တဖၣ်အိၣ်ဒီးအ ခိၣ်ဒူ, ဒီးမၤသိဒီးမဲာ်တဲးလဲးအကရၢတဖၣ်လီၤ. ဒီးပှၤရူၤဘ့ၣ်ဖိတ့ဃ့ၡဘိၣ်, ဒီးအ့လဧၤလ့ၤ, ဒီးကံးရယးသံၣ်, 37 ဒီးပှၤရူၤဘ့ၣ်ဖိတ့ဃ့ၡဘိၣ်, ဒီးအ့လဧၤလ့ၤ, ဒီးကံးရ ယးသံၣ်, 38 ဒီးနဘိၤ, ဒီးဘဧၤလးမဧိၣ်, (အမံၤလဲအ သး), ဒီးစံးဘမၤလီၤ. ဒီးဝ့ၢ်လၢအတ့ဝဲန့ၣ်ယုၢ်အမံၤ လၢအဂၤတဖၣ်န့ၣ်လီၤ.
39 ဒီးမနၤရှ့ၤအဖိခွါစီၤမၤကံၢ်အဖိတဖၣ်လဲၤဝဲဆူကံးလ ဧး, ဒီးမၤန့ၢ်ဝဲ, ဒီးဟီထီၣ်ကွံာ်ပှၤအမိၢ်ဖိလၢအအိၣ်လၢ အပူၤလီၤ. 40 ဒီးစီၤမိၤရှ့ဟ့ၣ်လီၤကံးလဧးလၢမနၤရှ့ၤအ ဖိခွါစီၤမၤကံၢ်, ဒီးအဝဲဒၣ်အိၣ်ဝဲဆိးဝဲလၢအပူၤလီၤ.
41 ဒီးမနၤရှ့ၤအဖိခွါစီၤယၤအံၢ်လဲၤမၤန့ၢ်တဝီတဖၣ်, ဒီး ယုၢ်အမံၤလၢဃၤဝီးယၤအံၢ်လီၤ.
42 ဒီးစီၤနိဘၤလဲၤမၤန့ၢ်ကနး, ဒီးအတဝီတဖၣ်, ဒီးယုၢ် အမံၤလၢနိဘၤ, ဒ်အမံၤဒၣ်ဝဲအသိးန့ၣ်လီၤ.
33၃၃
1 အအံၤမ့ၢ်ပှၤအံၣ်စရ့လးဖိအလဲၤတၢ်လၢ အဟးထီၣ် ကွံာ်လၢကီၢ်အဲၤကူပတူးအပူၤဒီး အသုးမုၢ်လၢစီၤမိၤရှ့, ဒီးစီၤအၤဟရိၣ်အစုပူၤလီၤ. 2 ဒီးစီၤမိၤရှ့ကွဲးနီၣ်အဟး တၢ်တဖၣ်, ဒ်အလဲၤတၢ်အသိးဖဲယွၤအထးခိၣ်လီၤ. ဒီး အအံၤမ့ၢ်အလဲၤတၢ်ဒ်အဟးတၢ်အသိးန့ၣ်လီၤ.
3 ဒီးလါခီၣ်ထံးတဆံယဲၢ်နံၤတနံၤန့ၣ် ဟးထီၣ်ဝဲလၢ ရၤမစ့လီၤ. ဘူၣ်လဲၤကပာ်ပူၤကွံာ်တနံၤန့ၣ် ပှၤအံၣ်စ ရ့လးဖိဟးထီၣ်ကွံာ်လၢအစုယူာ်ထီၣ်အသးလၢပှၤအဲၤ ကူပတူးဖိခဲလၢာ်အမဲာ်ညါလီၤ. 4 ဒီးပှၤအဲၤကူပတူးဖိ ခူၣ်လီၤကွံာ် အဖိဝဲၢ်ကိခဲလၢာ်လၢယွၤကျီသံကွံာ်အီၤ လၢအကျါလီၤ. ဒီးယွၤဒုးဟဲဘၣ်တၢ်စံၣ်ညီၣ်လၢအက စၢ်တဖၣ်အလိၤစ့ၢ်ကီးလီၤ.
5 ဒီးပှၤအံၣ်စရ့လးဖိ ဟးထီၣ်ကွံာ်လၢရၤမစ့န့ၣ်, ဒီး သူၣ်အဒဲလၢစူးကိၤသးလီၤ.
6 ဒီးဟးထီၣ်ကွံာ်လၢစူးကိးသးန့ၣ်, ဒီးသူၣ်ဒဲလၢအ့ သၣ်လၢအအိၣ်လၢပှၢ်မုၢ်ကနၢအဃၢၤလီၤ.
7 ဒီးဟးထီၣ်ကွံာ်လၢအ့သၣ်န့ၣ်, ဒီးက့ၤက့ၤဆူပံၤဟဃံရိးလၢအအိၣ်ဝဲလၢဘဧၤလးစဖိၣ်အမဲာ်ညါ, ဒီးသူၣ် အဒဲသဃီၤဒီးမံးကဒိးလးလီၤ.
8 ဒီးဟးထီၣ်ကွံာ်လၢပံၤဟဃံရိး, ဒီးခီဂာ်ပီၣ်လဲၣ်အ သးကံၢ်ပူၤဆူပှၢ်မုၢ်ကနၢ, ဒီးလဲၤဝဲသၢနံၤကျဲလၢပှၢ်မုၢ် ကနၢအ့သၣ်အပူၤ, ဒီးသူၣ်ဒဲလၢမၤရၤလီၤ.
9 ဒီးဟးထီၣ်ကွံာ်လၢမၤရၤန့ၣ်, ဒီးလဲၤတုၤလၢအ့လံၣ် လီၤ. ဒီးလၢအ့လံၣ်အပူၤန့ၣ်ထံပူၤတဆံခံပူၤအိၣ်ဝဲ, ဒီး သ့ၣ်စူၣ်ပလိၣ်အထံးနွံဆံလီၤ. ဒီးသူၣ်အဒဲဖဲန့ၣ်လီၤ.
10 ဒီးဟးထီၣ်ကွံာ်လၢအ့လံၣ်န့ၣ်, ဒီးသူၣ်ဒဲလၢပီၣ်လဲၣ် ဂီၤအနံၤလီၤ.
11 ဒီးဟးထီၣ်ကွံာ်လၢပီၣ်လဲၣ်ဂီၤအနံၤန့ၣ်, ဒီးသူၣ်ဒဲ လၢပှၢ်မုၢ်ကနၢစံၤလီၤ.
12 ဒီးဟးထီၣ်ကွံာ်လၢပှၢ်မုၢ်ကနၢစံၤန့ၣ်, ဒီးသူၣ်ဒဲလၢ ဒၤဖကၤအပူၤလီၤ.
13 ဒီးဟးထီၣ်ကွံာ်လၢဒၤဖကၤန့ၣ်, ဒီးသူၣ်ဒဲလၢ အၤ လူၣ်အပူၤလီၤ.
14 ဒီးဟးထီၣ်ကွံာ်လၢအၤလူၣ်န့ၣ်, ဒီးသူၣ်ဒဲလၢရဖံၤ ဒံၣ်အပူၤ, ဖဲထံလၢပှၤဂီၢ်မုၢ်ကအီဝဲအဂီၢ်တအိၣ်ဘၣ်.
15 ဒီးဟးထီၣ်ကွံာ်လၢရဖံၤဒံၣ်န့ၣ်, ဒီးသူၣ်ဒဲလၢပှၢ်မုၢ် ကနၢစံၤနါအပူၤလီၤ.
16 ဒီးဟးထီၣ်ကွံာ်လၢပှၢ်မုၢ်ကနၢစံၤနါ, ဒီးသူၣ်ဒဲလၢ ကံးဘြိၤဟးတဝၤအပူၤလီၤ.
17 ဒီးဟးထီၣ်ကွံာ်လၢကံးဘြိၤဟးတဝၤန့ၣ်, ဒီးသူၣ်ဒဲ လၢဃစ့ရိးအပူၤလီၤ.
18 ဒီးဟးထီၣ်ကွံာ်လၢဃစ့ရိးန့ၣ်, ဒီးသူၣ်ဒဲလၢရံးသမၤ အပူၤလီၤ.
19 ဒီးဟးထီၣ်ကွံာ်လၢရံးသမၤန့ၣ်, ဒီးသူၣ်ဒဲလၢရံးမိၣ် ပ့ၤရးအပူၤလီၤ.
20 ဒီးဟးထီၣ်ကွံာ်လၢရံးမိၣ်ပ့ၤရးန့ၣ်, ဒီးသူၣ်ဒဲလၢလံး ဘနၤအပူၤလီၤ.
21 ဒီးဟးထီၣ်ကွံာ်လၢလံးဘနၤန့ၣ်, ဒီးသူၣ်ဒဲလၢရံးစၤ အပူၤလီၤ.
22 ဒီးဟးထီၣ်ကွံာ်လၢရံးစၤန့ၣ်, ဒီးသူၣ်ဒဲလၢကဟ့လ သၤအပူၤလီၤ.
23 ဒီးဟးထီၣ်ကွံာ်လၢကဟ့လသၤန့ၣ်, ဒီးသူၣ်ဒဲလၢ ကစၢၢ်ၡၤဖၢ်အလိၤလီၤ.
24 ဒီးဟးထီၣ်ကွံာ်လၢကစၢၢ်ၡၤဖၢ်န့ၣ်, ဒီးသူၣ်ဒဲလၢဃ ရၤဒါအပူၤလီၤ.
25 ဒီးဟးထီၣ်ကွံာ်လၢဃရၤဒါန့ၣ်, ဒီးသူၣ်ဒဲလၢမၤက ဟ့လိးအပူၤလီၤ.
26 ဒီးဟးထီၣ်ကွံာ်လၢမၤကဟ့လိးန့ၣ်, ဒီးသူၣ်ဒဲလၢ တၤဃးအပူၤလီၤ.
27 ဒီးဟးထီၣ်ကွံာ်လၢတၤဃးန့ၣ်, ဒီးသူၣ်ဒဲလၢတၤရး အပူၤလီၤ.
28 ဒီးဟးထီၣ်ကွံာ်လၢတၤရးန့ၣ်, ဒီးသူၣ်ဒဲလၢမံးသ ကၤအပူၤလီၤ.
29 ဒီးဟးထီၣ်ကွံာ်လၢမံးသကၤန့ၣ်, ဒီးသူၣ်ဒဲလၢဃၤၡ မိနၤအပူၤလီၤ.
30 ဒီးဟးထီၣ်ကွံာ်လၢဃၤၡမိနၤန့ၣ်, ဒီးသူၣ်ဒဲလၢမိၤစ့ ရိးအပူၤလီၤ.
31 ဒီးဟးထီၣ်ကွံာ်လၢမိၤစ့ရိးန့ၣ်, ဒီးသူၣ်ဒဲလၢ ဘန့ ယၤကၣ်အပူၤလီၤ.
32 ဒီးဟးထီၣ်ကွံာ်လၢဘန့ယၤကၣ်န့ၣ်, ဒီးသူၣ်ဒဲလၢ ဃိးရဟးကံဒ့းအပူၤလီၤ.
33 ဒီးဟးထီၣ်ကွံာ်လၢဃိးရဟးကံဒ့းန့ၣ်, ဒီးသူၣ်ဒဲလၢ ယးတဘၤသၤအပူၤလီၤ.
34 ဒီးဟးထီၣ်ကွံာ်လၢယးတဘၤသၤန့ၣ်, ဒီးသူၣ်ဒဲလၢ ဧဘြိနၤအပူၤလီၤ.
35 ဒီးဟးထီၣ်ကွံာ်လၢဧဘြိနၤန့ၣ်, ဒီးသူၣ်ဒဲလၢဧ့စယိၣ် က့းဘ့ၢ်အပူၤလီၤ.
36 ဒီးဟးထီၣ်ကွံာ်လၢဧ့စယိၣ်က့းဘ့ၢ်န့ၣ်, ဒီးသူၣ်ဒဲလၢ ပှၢ်မုၢ်ကနၢစံၣ်လၢအမ့ၢ်ကၤဒ့ၣ်လီၤ.
37 ဒီးဟးထီၣ်ကွံာ်လၢကၤဒ့ၣ်န့ၣ်, ဒီးသူၣ်ဒဲလၢကစၢၢ် ဃိၢ်အလိၤလၢအအိၣ်လၢကီၢ်အဒိၣ်ကတၢၢ်န့ၣ်လီၤ.
38 ဒီးပှၤလုၢ်တၢ်အဒိၣ်စီၤအၤဟရိၣ် လဲၤထီၣ်ဘးကစၢၢ်ဃိၢ်, ဒ်ယွၤမၤလိာ်ဝဲအသိးန့ၣ်, ဒီးပှၤအံၣ်စရ့လးဖိဟးထီၣ်ကွံာ်လၢကီၢ်အဲၤကူပတူးအလီၢ်ခံ အနံၣ်လွံၢ်ဆံနံၣ် တနံၣ်, လါယဲၢ်လါတလါ, လါထီၣ်တနံၤန့ၣ်သံဝဲဖဲ န့ၣ်လီၤ. 39 ဒီးလၢစီၤအၤဟရိၣ်သံဝဲလၢကစၢၢ်ဃိၢ်အ လိၤန့ၣ်အသးပှၢ်တ့ၢ်တကယၤဒီးခံဆံသၢနံၣ်လီၤ.
40 ဒီးပှၤကနၤဧၣ်ဖိအစီၤပၤဧရး, လၢအအိၣ်ဝဲလၢက လံၤထံးတခီလၢကီၢ်ကနၤဧၣ်အပူၤန့ၣ် နၢ်ဟူဝဲလၢပှၤ အံၣ်စရ့လးဖိဟဲဝဲလီၤ.
41 ဒီးဟးထီၣ်ကွံာ်လၢကစၢၢ်ဃိၢ်န့ၣ်, ဒီးသူၣ်ဒဲလၢစး လမိနၤအပူၤလီၤ.
42 ဒီးဟးထီၣ်ကွံာ်လၢစးလမိနၤန့ၣ်, ဒီးသူၣ်ဒဲလၢပူၤ နိၣ်အပူၤလီၤ.
43 ဒီးဟးထီၣ်ကွံာ်လၢပူၤနိၣ်န့ၣ်, ဒီးသူၣ်ဒဲလၢအိဘိး အပူၤလီၤ.
44 ဒီးဟးထီၣ်ကွံာ်လၢအိဘိးန့ၣ်, ဒီးသူၣ်ဒဲလၢဧ့ၤယ့ဟိး ဘၤရံၣ်အပူၤ, အိၣ်လၢမိၤအးအဃၢၤလီၤ.
45 ဒီးဟးထီၣ်ကွံာ်လၢဧ့ၤယ့န့ၣ်, ဒီးသူၣ်ဒဲလၢဒံဘိၣ်ကး အပူၤလီၤ.
46 ဒီးဟးထီၣ်ကွံာ်လၢဒံဘိၣ်ကးန့ၣ်, ဒီးသူၣ်ဒဲလၢဧၤ လမိၣ်ဒံးဘလၤသံၣ်အပူၤလီၤ.
47 ဒီးဟးထီၣ်ကွံာ်လၢဧၤလမိၣ်ဒံးဘလၤသံၣ်န့ၣ်, ဒီး သူၣ်ဒဲလၢဧဘါရံၣ်အကစၢၢ်လိၤလၢအအိၣ်လၢ နဘိ အမဲာ်ညါလီၤ.
48 ဒီးဟးထီၣ်ကွံာ်လၢ ဧဘါရံၣ်အကစၢၢ်ကလိန့ၣ်ဒီး သူၣ်ဒဲလၢမိၤအးအပျီပူၤ လၢထံယၢ်ဒ့ၣ်အနံၤသဃီၤဒီး ယရံၤဃိလီၤ.
49 ဒီးသူၣ်ဒဲလၢယၢ်ဒ့ၣ်အနံၤလၢ ဘ့းယၤယၡံမိးပၢၢ် လၢအဘ့းလၡံးထံၣ်အိၣ်လၢမိၤအးအပျီပူၤလီၤ.
50 ဒီးယွၤကတိၤတၢ်ဒီးစီၤမိၤရှ့လၢ မိၤအးအပျီပူၤလၢထံ ယၢ်ဒ့ၣ်အနံၤသဃီၤဒီးယရံၤဃိ, ဒီးစံးဝဲဒၣ်, 51 ကတိၤ တၢ်ဒီးပှၤအံၣ်စရ့လးဖိဒီးစံးဘၣ်အီၤ, တုၤသုခီဂာ်ထံ ယၢ်ဒ့ၣ်ဆူကီၢ်ကနၤဧၣ်အပူၤဒီး, 52 သုဘၣ်ဟီထီၣ်ကွံာ် ပှၤကီၢ်ဖိခဲလၢာ်လၢယမဲာ်ညါ, ဒီးမၤဟးဂီၤကွံာ်အတၢ် ဂီၤထူၣ်ကလာ်ခဲလၢာ်, ဒီးမၤဟးဂီၤကွံာ်အတၢ်ဂီၤသိအ သးခဲလၢာ်, ဒီးမၤလီၤပှီၢ်ကွံာ်အလီၢ်ထီၣ်ထီတဖၣ်လီၤ.
53 ဒီးသုဘၣ်မၤန့ၢ်ကီၢ်, ဒီးအိၣ်ဒီးဆိးလၢအပူၤလီၤ. အ ဂ့ၢ်ဒ်အံၤ, ယဟ့ၣ်လီၤသုလၢကီၢ်န့ၣ် ဒ်သိးသုကမၤန့ၢ် အီၤလီၤ.
54 ဖးတၢ်သတးဒီး, သုဘၣ်နီၤဖးထံဧိၤကီၢ်ဧိၤအဆၢလၢ တၢ်န့ၢ်သါလၢ သုဒူၣ်တဖၣ်အဂီၢ်လီၤ. လၢပှၤအါတ က့ၢ်တဖၣ်န့ၣ်သုဘၣ်ဟ့ၣ်အီၤလၢ တၢ်န့ၢ်သါတၢ်လၢ အအါ, ဒီးပှၤလၢအစှၤတက့ၢ်တဖၣ်န့ၣ် သုဘၣ်ဟ့ၣ် အီၤလၢတၢ်န့ၢ်သါတၢ်လၢအစှၤလီၤ. ပှၤဘၣ်အိၣ်လၢ အလီၢ်, ဖဲအဂီၢ်လီၤဘၣ်လၢဖးတၢ်လီၤ. ဒ်သုပၢ်အဒူၣ် တဖၣ်အသိးန့ၣ်, သုကန့ၢ်ဘၣ်သါတၢ်လီၤ.
55 မ့မ့ၢ်သုမ့ၢ်တဟီထီၣ်ကွံာ် ပှၤကီၢ်ဖိလၢသုမဲာ်ညါဘၣ် ဒီး, တၢ်ကမၤအသးလၢပှၤလၢ သုဒုးအိၣ်လီၤတဲာ်တ ဖၣ်န့ၣ်ကကဲထီၣ် တၤဆှုၣ်လၢသုမဲာ်ပူၤ, ဒီးတၤဆှုၣ် တၤမဲလၢသုကပၤပူၤ, ဒီးကမၤကိၢ်မၤဂီၤသုလၢကီၢ်ပူၤဖဲ သုအိၣ်သုဆိးလၢအပူၤလီၤ. 56 ဒီးတၢ်ကမၤအသးလၢယ ကမၤသု, ဒ်ယပာ်ယသးလၢယကမၤအီၤအသိးန့ၣ်လီၤ.
34၃၄
1 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― မၤလိာ် ပှၤအံၣ်စရ့လးဖိဒီးစံးဘၣ်အီၤ, တုၤသုလဲၤနုာ်လၢကီၢ် ကနၤဧၣ်အပူၤဒီး, (အန့ၣ်ကကဲထီၣ်တၢ်န့ၢ်သါအီၤ, ကီၢ်ကနၤဧၣ်ဒီးအဃၢၤတဖၣ်န့ၣ်), 3 သုတၢ်လၢကလံၤ ထံးတခီန့ၣ်ကအိၣ်လၢ ပှၢ်မုၢ်ကနၢစံၣ်လၢအဒိၣ်အ ဃၢၤ, ဒီးသုကီၢ်အဃၢၤလၢကလံၤထံးတခီန့ၣ် ကမ့ၢ် ပီၣ်လဲၣ်အံသၣ်အကတၢၢ်လၢမုၢ်ထီၣ်တခီလီၤ.
4 ဒီးသုကီၢ်အဃၢၤန့ၣ် ကဃၣ်ဝဲလၢကလံၤထံးတခီ ဆူဧးကရးဘံၣ်အတၢ်စိခိၣ်, ဒီးလဲၤထီၣ်ဆူစံၣ်, ဒီးအ ကတၢၢ်လၢကလံၤထံးတခီန့ၣ် ကအိၣ်လၢကၤဒ့ၣ်ဘၢ် န့, ဒီးကလဲၤဒံးပၢၢ်လၢဃစၢ်အးဒၢ်, ဒီးလဲၤထီၣ်ဆူဧၤ စမိၣ်လီၤ. 5 ဒီးကီၢ်အဃၢၤန့ၣ်ကလဲၤတရံးလၢဧၤစမိၣ် ပၢၢ်လၢအဲၤကူပတူးအထံမိၢ်ပှၢ်, ဒီးအကတၢၢ်န့ၣ်က အိၣ်လၢပီၣ်လဲၣ်နံၤန့ၣ်လီၤ.
6 ဒီးကီၢ်အဃၢၤလၢမုၢ်နုာ်တခီန့ၣ် သုကအိၣ်ဒီးပီၣ် လဲၣ်ဖးဒိၣ်လၢအဃၢၤအဂီၢ်လီၤ. အဝဲန့ၣ်ကကဲထီၣ်သု ကီၢ်အဃၢၤလၢမုၢ်နုာ်တခီလီၤ.
7 ဒီးအအံၤကကဲထီၣ်သုကီၢ်အဃၢၤလၢကလံၤစိး, လၢ ပီၣ်လဲၣ်ဖးဒိၣ်န့ၣ် သုဘၣ်ထိၣ်တၢ်ပၢၢ်လၢကစၢၢ်ဃိၢ် လီၤ. 8 ဒီးလၢကစၢၢ်ဃိၢ်န့ၣ်သုဘၣ်ထိၣ်တၢ်ပၢၢ်လၢ တၢ်လဲၤနုာ်လၢဃမါသး, ဒီးအဃၢၤကလဲၤထီၣ်ဆူစ ဒး, 9 ဒီးဆူစံးဖြၣ်, ဒီးအကတၢၢ်န့ၣ်ကအိၣ်လၢဃစၢ် ဧ့နၣ်လီၤ. အန့ၣ်ကကဲထီၣ်သုကီၢ်အဃၢၤလၢကလံၤ စိးတခီလီၤ.
10 ဒီးသုဘၣ်ထိၣ်သုကီၢ်အဃၢၤ လၢမုၢ်ထီၣ်တခီလၢဃ စၢ်ဧ့နၣ်ပၢၢ်လၢၡဖၣ်လီၤ. 11 ဒီးအဃၢၤန့ၣ်ကလဲၤလီၤ လၢၡဖၣ်ပၢၢ်လၢရံးဘလၤအိၣ်လၢဧ့ၣ်လၢမုၢ်ထီၣ်တခီ, ဒီးအဃၢၤန့ၣ်ကလဲၤလီၤပၢၢ်လၢပီၣ်လဲၣ် ကံးန့ၤရ့သး လၢမုၢ်ထီၣ်တခီလီၤ. 12 ဒီးအဃၢၤန့ၣ်ကအိၣ်လၢပီၣ် လဲၣ်အံသၣ်န့ၣ်လီၤ. အဝဲန့ၣ်ကကဲထီၣ်သုကီၢ်, ဒီးအ ဃၢၤဝးတရံးအီၤလီၤ.
13 ဒီးစီၤမိၤရှ့မၤလိာ်ပှၤအံၣ်စရ့လးဖိ, ဒီးစံးဝဲဒၣ်, အဝဲ န့ၣ်မ့ၢ်ကီၢ်လၢသုကန့ၢ်ဘၣ်လၢဖးတၢ်, လၢယွၤမၤလိာ် ဟ့ၣ်လီၤပှၤခွံဒူၣ်, ဒီးတခီဒူၣ်လီၤ.
14 အဂ့ၢ်ဒ်အံၤ, ပှၤရူၤဘ့ၣ်ဖိတဒူၣ်, ဒ်အပၢ်တဖၣ်အ ဟံၣ်အသိးန့ၣ်, ဒီးပှၤကးဖိတဒူၣ်, ဒ်အပၢ်တဖၣ်အ ဟံၣ်အသိးန့ၣ်န့ၢ်ဘၣ်လံအတၢ်န့ၢ်သါလံ. ဒီးပှၤမနၤရှ့ၤ ဖိတခီဒူၣ်န့ၣ်န့ၢ်ဘၣ်လံအတၢ်န့ၢ်သါလံ.
15 ခံဒူၣ်ဒီးတခီဒူၣ်န့ၣ် န့ၢ်ဘၣ်လံအတၢ်န့ၢ်သါတၢ်လၢ ထံယၢ်ဒ့ၣ်လၢအအံၤတခီ, သဃီၤဒီးယရံၤဃိလၢမုၢ် ထီၣ်တခီလံ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 16 အအံၤ မ့ၢ်ပှၤအမံၤလၢအဘၣ်နီၤဖးကီၢ်အဆၢလၢသုဂီၢ်တဖၣ်, ပှၤလုၢ်တၢ်အဒိၣ်စီၤအလၤဧစၢ်, ဒီးစီၤနိၣ်အဖိခွါစီၤယိၤ ရှူန့ၣ်လီၤ.
18 ဒီးသုဘၣ်ဟံးန့ၢ်လၢပှၤတဒူၣ်ပဒိၣ်တဂၤ, လၢပှၤတ ဒူၣ်ပဒိၣ်တဂၤ, ဒ်သိးအကနီၤဖးန့ၢ်အတၢ်န့ၢ်သါတၢ် အဆၢလီၤ.
19 ဒီးအအံၤမ့ၢ်ပှၤတဖၣ်န့ၣ်အမံၤ, စီၤယဖူန့ၤအဖိခွါစီၤကၤလ့း လၢပှၤယူဒၤဖိတဒူၣ်အ ကျါ,
20 ဒီးစီၤဧးမံၤဟူးအဖိခွါစီၤၡံမူၤအ့လး လၢပှၤစူၤမ့းအိၣ် ဖိတဒူၣ်အကျါ,
21 ဒီးစီၤကံးစလိၣ်အဖိခွါစီၤအလံဒး လၢပှၤဘံၣ်ယၤမံၣ် ဖိတဒူၣ်အကျါ,
22 ဒီးစီၤယၤကလံၤအဖိခွါစီၤဘူးကံၤ, ပှၤဒၣ်ဖိတဒူၣ်အ ပဒိၣ်,
23 ဒီးစီၤအ့ဖိးအဖိခွါစီၤဃနံၤအ့လး, စီၤယိၤသးအဖိအ လံၤအပဒိၣ်န့ၣ်လၢပှၤမနၤရှ့ၤဖိတဒူၣ်အကျါ,
24 ဒီးစီၤၡံးဖတၣ်အဖိခွါစီၤကမူၤအ့လး, ပှၤအ့ဖရဲၣ်ဖိ တဒူၣ်အပဒိၣ်,
25 ဒီးစီၤပၢ်နးအဖိခွါ စီၤအလံစဖၣ်, ပှၤစဘူလိၣ်ဖိတ ဒူၣ်အပဒိၣ်,
26 ဒီးစီၤဧးစၣ်အဖိခွါစီၤပးလတံၤအ့လး, ပှၤယံးစၣ်ကၢ် ဖိတဒူၣ်အပဒိၣ်,
27 ဒီးစီၤၡလိၤမံအဖိခွါစီၤအဃံဟူး, ပှၤအၤရှ့ၢ်ဖိတဒူၣ် အပဒိၣ်,
28 ဒီးစီၤဧးမံၤဟူးအဖိခွါစီၤပဒၤအ့လး, ပှၤနးသၤလံဖိ တဒူၣ်အပဒိၣ်,
29 အဝဲသ့ၣ်တဖၣ်န့ၣ် မ့ၢ်ပှၤလၢယွၤမၤလိာ်အီၤ, ဒ်သိး အကနီၤဖးတၢ်န့ၢ်သါအဆၢလၢကီၢ်ကနၤဧၣ်အပူၤလၢ ပှၤအံၣ်စရ့လးဖိအဂီၢ်လီၤ.
35၃၅
1 ဒီးယွၤကတိၤတၢ်ဒီးစီၤမိၤရှ့ လၢမိၤအးအပျီပူၤလၢ ယၢ်ဒ့ၣ်အနံၤ, သဃီၤဒီးယရံၤဃိ, ဒီးစံးဝဲဒၣ်, 2 မၤလိာ် ပှၤအံၣ်စရ့လးဖိလၢအကဟ့ၣ်လီၤ ဝ့ၢ်တဖၣ်လၢအတၢ် န့ၢ်သါအကျါလၢပှၤလ့ၤဝံဖိ, ဒ်သိးအကအိၣ်ဝဲဆိးဝဲလၢ အပူၤတက့ၢ်. ဒီးသုဘၣ်ဟ့ၣ်လီၤပှၤလ့ၤဝံလၢတၢ်အီၣ် ဆၣ်အလီၢ်လၢဝ့ၢ်အဂီၢ်ဝးတရံးဝဲလီၤ.
3 ဒီးဝ့ၢ်တဖၣ်န့ၣ်ကအိၣ်ဒီးအီၤ လၢအတၢ်အိၣ်တၢ်ဆိး အဂီၢ်, ဒီးအတၢ်အီၣ်ဆၣ်အလီၢ်တဖၣ်န့ၣ်ကအိၣ်လၢ အဆၣ်ဖိကီၢ်ဖိအဒၢအဂီၢ်, ဒီးလၢအစုလီၢ်အခီၣ်ခိၣ်အ ဂီၢ်, ဒီးလၢအဆၣ်ဖိကီၢ်ဖိခဲလၢာ်အဂီၢ်လီၤ.
4 ဒီးဝ့ၢ်အတၢ်အီၣ်ဆၣ်အလီၢ်န့ၣ် လၢသုဘၣ်ဟ့ၣ်လီၤ ပှၤလ့ၤဝံဖိန့ၣ်ကအိၣ်လၢဝ့ၢ်ခိၣ်ဒူဆူခိ အပျၢ်တကထိ ဝးတရံးဝဲလီၤ. 5 ဒီးသုဘၣ်ထိၣ်လၢဝ့ၢ်လၢခိလၢမုၢ်ထီၣ် တခီအပျၢ်ခံကထိ, ဒီးလၢကလံၤထံးတခီန့ၣ်အပျၢ်ခံ ကထိ, ဒီးလၢမုၢ်နုာ်တခီန့ၣ်အပျၢ်ခံကထိ, ဒီးလၢက လံၤစိးတခီန့ၣ်အပျၢ်ခံကထိလီၤ. ဒီးဝ့ၢ်န့ၣ်အိၣ်ဝဲလၢ အသးကံၢ်ပူၤ, ဒီးတၢ်န့ၣ်ကကဲထီၣ်ဝဲလၢ ဝ့ၢ်အတၢ် အီၣ်ဆၣ်အလီၢ်လၢအဂီၢ်လီၤ.
6 ဒီးလၢဝ့ၢ်လၢသုဘၣ်ဟ့ၣ်လီၤ ပှၤလ့ၤဝံဖိအကျါန့ၣ် ဘၣ်အိၣ်လၢ ဝ့ၢ်ဃုဝ့ၢ်လၢတူၢ်လိာ်တၢ်အဂီၢ်, လၢသု ဘၣ်ပာ်အီၤလၢပှၤမၤသံပှၤကညီအဂီၢ်, ဒ်သိးအကဃ့ၢ် တၢ်ဆူန့ၣ်လီၤ. ဒီးလၢန့ၣ်အဖီခိၣ်သုဘၣ်ပာ်ဖှိၣ်ဒီးအီၤ ဝ့ၢ်လွံၢ်ဆံခံဝ့ၢ်လီၤ.
7 ခူဧိၤဝ့ၢ်ဧိၤ လၢသုဘၣ်ဟ့ၣ်လီၤပှၤလ့ၤဝံဖိခဲလၢာ်န့ၣ် မ့ၢ်လွံၢ်ဆံဃိးဝ့ၢ်လီၤ. အဝဲသ့ၣ်န့ၣ်, ဒီးအတၢ်အီၣ်ဆၣ် အလီၢ်တဖၣ်လီၤ.
8 ဒီးဝ့ၢ်တဖၣ်လၢသုဘၣ်ဟ့ၣ်လၢ ပှၤအံၣ်စရ့လးဖိအ န့ၢ်သါတၢ်အကျါန့ၣ်, လၢအအါအကျါန့ၣ်, သုကမၤ န့ၢ်လၢအအါ, ဒီးလၢအစှၤအကျါန့ၣ်သုကမၤန့ၢ်လၢအ စှၤလီၤ. ကယဲၢ်ပှၤဘၣ်ဟ့ၣ်တၢ်လၢဝ့ၢ်အကျါန့ၣ်ဆူပှၤ လ့ၤဝံဖိ, ဒ်အတၢ်န့ၢ်သါလၢအန့ၢ်ဘၣ်သါအသိးန့ၣ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 9 ကတိၤ တၢ်ဒီးပှၤအံၣ်စရ့လးဖိ, ဒီးစံးဘၣ်အီၤ, တုၤသုခီဂာ်ထံ ယၢ်ဒ့ၣ်ဆူကီၢ်ကနၤဧၣ်အပူၤဒီး, 11 သုဘၣ်ပာ်လီၤဝ့ၢ် တဖၣ်လၢအကကဲထီၣ်ဝ့ၢ်တူၢ်လိာ်တၢ်လၢသုဂီၢ်, ဒ်သိး ပှၤလၢအမၤသံတၢ်, လၢအမၤသံပှၤလၢအဟးဖျိးတၢ် အဃိတဂၤကဃ့ၢ်တၢ်ဆူန့ၣ်လီၤ.
12 ဒီးကကဲထီၣ်ဝဲလၢဝ့ၢ်တၢ်ပူၤဖျဲး ဒီးပှၤမၤကၣ်တၢ်အစု ပူၤ, ဒ်သိးပှၤလၢအမၤသံပှၤကညီအသုတသံတဂ့ၤ, တုၤ လီၤလၢအဆၢထၢၣ်လၢတၢ်အိၣ်ဖှိၣ်အမဲာ်ညါ လၢတၢ် စံၣ်ညီၣ်အဂီၢ်လီၤ.
13 ဒီးလၢဝ့ၢ်တဖၣ် လၢသုဘၣ်ဟ့ၣ်လီၤကွံာ်အကျါန့ၣ်, ဃုဝ့ၢ်ကအိၣ်ဒီးသုလၢတၢ်တူၢ်လိာ်တၢ်အဂီၢ်လီၤ.
14 သုဘၣ်ပာ်လီၤသၢဝ့ၢ်လၢယၢ်ဒ့ၣ်လၢအအံၤတခီ, ဒီး သုဘၣ်ပာ်သၢဝ့ၢ်လၢကီၢ်ကနၤဧၣ်အပူၤ လၢအကကဲ ထီၣ်ဝ့ၢ်တူၢ်လိာ်တၢ်လီၤ.
15 ဝ့ၢ်ဃုဝ့ၢ်န့ၣ်ကကဲထီၣ် တၢ်တူၢ်လိာ်တၢ်လၢပှၤအံၣ် စရ့လးဖိအဂီၢ်, ဒီးလၢပှၤတခီဘီမုၢ်ဖိအဂီၢ်, ဒီးလၢပှၤ လၢအအိၣ်အဆိးလၢအကျါအဂီၢ်, ဒ်သိးပှၤလၢအမၤ သံပှၤတဂၤဂၤလၢအဟးဖျိးတၢ်အဃိန့ၣ် ကဃ့ၢ်ပူၤဖျဲး ဖဲန့ၣ်ကိးဂၤဒဲးလီၤ.
16 ဒီးမ့ၢ်ကျီဝဲလၢနး, ဒီးပှၤသံဝဲဒီး, မ့ၢ်ဝဲလၢပှၤမၤသံ ဒၣ်ပှၤကညီလီၤ. ပှၤလၢအမၤသံဒၣ်ပှၤကညီန့ၣ်ကဘၣ် တၢ်မၤသံအီၤသပှၢ်တၢၢ်လီၤ.
17 ဒီးမ့ၢ်ကွံာ်ဘၣ်အီၤလၢလၢၢ် လၢအစုလၢအမၤသံတၢ် သ့, ဒီးအဝဲဒၣ်သံဒီး, မ့ၢ်ဝဲလၢပှၤမၤသံဒၣ်ပှၤကညီ လီၤ. ပှၤလၢအမၤသံဒၣ်ပှၤကညီန့ၣ် ကဘၣ်တၢ်မၤ သံအီၤသပှၢ်တၢၢ်လီၤ.
18 ဒီးမ့ၢ်တီၢ်အီၤလၢသ့ၣ်တကူာ်လၢအစု လၢအမၤသံ တၢ်သ့, ဒီးအဝဲဒၣ်သံဒီး, မ့ၢ်ဝဲလၢပှၤမၤသံဒၣ်ပှၤက ညီလီၤ. ပှၤလၢအမၤသံဒၣ်ပှၤကညီန့ၣ် ကဘၣ်တၢ် မၤသံအီၤသပှၢ်တၢၢ်လီၤ.
19 ပှၤမၤကၣ်တၢ်သွံၣ်အကစၢ်ဒၣ်ဝဲန့ၣ် ကမၤသံပှၤမၤ ဒၣ်ပှၤကညီတဂၤန့ၣ်လီၤ. တုၤအဘၣ်သဃိာ်အီၤဒီး, ကမၤသံအီၤလီၤ.
20 ဒီးမ့ၢ်ဆဲးအီၤလၢအသးဟ့တၢ်အဃိ, မ့ၢ်အိၣ်ခိးဒီး ကွံာ်အီၤလၢတၢ်တုၤအသံ, 21 မ့ၢ်ထီဒါအီၤဒီးထိအီၤလၢ အစု, ဒီးအဝဲဒၣ်သံဒီး, ပှၤလၢအမၤဝဲတဂၤန့ၣ်ကဘၣ် တၢ်မၤသံအီၤသပှၢ်တၢၢ်လီၤ. မ့ၢ်ဝဲလၢပှၤမၤသံဒၣ်ပှၤ ကညီလီၤ. တုၤအဘၣ်သဃိာ်အီၤဒီး, ပှၤမၤကၣ်တၢ် သွံၣ်န့ၣ်ကမၤသံပှၤလၢအမၤသံဒၣ်တၢ်န့ၣ်လီၤ.
22 မ့တမ့ၢ်ဘၣ်ဒ်န့ၣ်, ဒီးတထီဒါဘၣ်ဝဲဒီး, မ့ၢ်အဆဲး တၢ်သတူၢ်ကလာ်, ဒီးတခီတအိၣ်ခိးဘၣ်ဝဲဒီး, မ့ၢ်ကွံာ် တ့ၢ်တၢ်တမံၤလၢ်လၢ်လၢအလိၤ, 23 ဒီးတခီတထံၣ်ဘၣ် ဒီး, မ့ၢ်ကွံာ်အီၤလၢလၢၢ်တုၤအသံဒီး, မ့တမ့ၢ်ဘၣ်အ ဒုၣ်အဒါ, ဒီးမ့ၢ်တဃုမၤအၢအီၤဒီး, 24 တၢ်အိၣ်ဖှိၣ်ဘၣ် စံၣ်ညီၣ်တၢ်လၢပှၤမၤသံတၢ်ဒီး ပှၤမၤကၣ်တၢ်သွံၣ်အ ဘၢၣ်စၢၤန့ၣ်ဒ်တၢ်စံၣ်ညီၣ်တဖၣ်အံၤအသိးန့ၣ်လီၤ.
25 ဒီးတၢ်အိၣ်ဖှိၣ်ဘၣ်မၤထူၣ်ဖျဲး ပှၤမၤသံတၢ်လၢပှၤမၤ ကၣ်တၢ်သွံၣ်အစုပူၤ, ဒီးတၢ်အိၣ်ဖှိၣ်ဘၣ်ဒုးက့ၤက့ၤအီၤ ဆူအဝ့ၢ်တူၢ်လိာ်တၢ်ဖဲအဃ့ၢ်ဆူအပူၤ, ဒီးကအိၣ်ဖဲန့ၣ် တုၤပှၤလုၢ်တၢ်အခိၣ်လၢအဘၣ်တၢ်ဖှူအီၤလၢသိဖိစီဆှံ တဂၤသံဝဲလီၤ.
26 မ့မ့ၢ်ပှၤမၤသံတၢ်မ့ၢ်ဟးထီၣ်ကွံာ် သပှၢ်တၢၢ်လၢဝ့ၢ် တူၢ်လိာ်တၢ်အဃၢၤဖဲအဃ့ၢ်ဆူအပူၤဒီး, 27 ပှၤမၤကၣ် တၢ်သွံၣ်တဂၤမ့ၢ်ထံၣ်န့ၢ်အီၤ လၢအဝ့ၢ်တူၢ်လိာ်တၢ်အ ဃၢၤလၢခိဒီး, ပှၤမၤကၣ်တၢ်သွံၣ်န့ၣ်မ့ၢ်မၤသံပှၤမၤသံ တၢ်ဒီး, သွံၣ်တအိၣ်လၢအလိၤဘၣ်.
28 အဂ့ၢ်ဒ်အံၤ, ကြၢးအအိၣ်တ့ၢ်လၢအဝ့ၢ်တူၢ်လိာ်တၢ် တုၤပှၤလုၢ်တၢ်အခိၣ်သံလီၤ. မ့မ့ၢ်ပှၤလုၢ်တၢ်အခိၣ်သံ ဝဲအလီၢ်ခံန့ၣ် ပှၤမၤသံတၢ်တဂၤကက့ၤက့ၤဘၣ်ဆူအ တၢ်ဟံးဃာ်အဟီၣ်ခိၣ်လီၤ.
29 တၢ်တဖၣ်န့ၣ်ကကဲထီၣ်ဝဲလၢ တၢ်စံၣ်ညီၣ်အတၢ် သိၣ်တၢ်သီ လီၤလၢသုစၢၤသုသွဲၣ်လၢသုအိၣ်သုဆိးအ လီၢ်ကိးပူၤဒဲးလီၤ.
30 ပှၤလၢအမၤသံဒၣ်ပှၤကညီတဂၤဂၤန့ၣ်, ပှၤလၢအမၤ သံဒၣ်ပှၤကညီတဂၤကဘၣ်တၢ်မၤသံအီၤ လၢပှၤအုၣ် အသးတဖၣ်အထးခိၣ်အဃိလီၤ. မ့မ့ၢ်ပှၤတဂၤဃီတ ဘၣ်အုၣ်အသးတုၤအသံဘၣ်.
31 ဒီးသုတဟံးန့ၢ်တၢ်မၤပူၤဖျဲး လၢပှၤမၤသံဒၣ်ပှၤကညီ လၢအဂ့ၤသံတဂၤအဂီၢ်န့ၣ်တဂ့ၤ. မ့ၢ်အကဘၣ်တၢ်မၤ သံအီၤသပှၢ်တၢၢ်လီၤ.
32 ဒီးသုတဟံးန့ၢ်တၢ်မၤပူၤဖျဲး လၢပှၤလၢအဃ့ၢ်တၢ်ဆူဝ့ၢ် တူၢ်လိာ်တၢ်အဂီၢ်ဒ်သိး ပှၤလုၢ်တၢ်အခိၣ်တချုးသံဒံးဘၣ် န့ၣ်အကဟဲက့ၤအိၣ်လၢ ထံဧိၤကီၢ်ဧိၤအပူၤန့ၣ်တဂ့ၤ.
33 ဒီးသုတမၤဘၣ်အၢ ထံဧိၤကီၢ်ဧိၤလၢသုအိၣ်လၢအပူၤ တဂ့ၤ. အဂ့ၢ်ဒ်အံၤ, တၢ်သွံၣ်မၤဘၣ်အၢကီၢ်န့ၣ်လီၤ, ဒီးကီၢ် န့ၣ်ကဘၣ်တၢ်မၤပူၤဖျဲးအီၤ လၢတၢ်သွံၣ်ဂၢ်လီၤလၢအပူၤ သ့, ထဲလၢပှၤလၢအဂၢ်လီၤအီၤတဂၤအသွံၣ်န့ၣ်ဧိၤလီၤ.
34 ဒီးမၤဘၣ်အၢကီၢ်လၢသုကအိၣ်ကဆိးလၢအပူၤ, ဖဲ ယအိၣ်လၢအသးကံၢ်ပူၤန့ၣ်တဂ့ၤ, အဂ့ၢ်ဒ်အံၤ, တၢ် လၢယၤယွၤတဂၤအံၤ ယအိၣ်ယဆိးလၢပှၤအံၣ်စရ့လး ဖိအကျါလီၤ.
36၃၆
1 ဒီးလၢစီၤယိၤသးအဖိခွါအဒူၣ်တဖၣ်အကျါ, စီၤမနၤ ရှ့ၤအဖိခွါစီၤမၤကံၢ်အဖိခွါ စီၤကံးလဧးအဖိအဒူၣ်အပၢ် အခိၣ်တဖၣ်န့ၣ်ဟဲဘူး, ဒီးကတိၤတၢ်လၢစီၤမိၤရှ့အ မဲာ်ညါ, ဒီးလၢပှၤအံၣ်စရ့လးအပၢ်အခိၣ်အပဒိၣ်တဖၣ် အမဲာ်ညါ, 2 ဒီးစံးဝဲဒၣ်, ယွၤမၤလိာ်ပကစၢ်လၢအက ဟ့ၣ်လီၤထံဧိၤကီၢ်ဧိၤ လၢပှၤအံၣ်စရ့လးဖိအတၢ်န့ၢ်သါ တၢ်အဂီၢ်လၢဖးတၢ်, ဒီးယွၤမၤလိာ်ပကစၢ်လၢအက ဟ့ၣ်လီၤပဒီပုၢ်ဝဲၢ်စီၤစလၤဖဃးအတၢ်န့ၢ်သါ လၢအဖိ မုၣ်တဖၣ်န့ၣ်လီၤ.
3 ဒီးမ့ၢ်န့ၢ်ဝၤလၢပှၤအံၣ်စရ့လးဖိအဒူၣ် အဂၤတဖၣ်အ ဖိဒီး, အတၢ်န့ၢ်သါကဘၣ်တၢ်ဟံးန့ၢ်ကွံာ်အီၤလၢပပၢ် တဖၣ်အတၢ်န့ၢ်သါအပူၤ, ဒီးကဘၣ်တၢ်ပာ်ဖှိၣ်အီၤဒီး ပှၤတဒူၣ်အတၢ်န့ၢ်သါလၢ အတူၢ်လိာ်အီၤလၢအပူၤ လီၤ. ဒီးကဘၣ်တၢ်ဟံးန့ၢ်ကွံာ်ဝဲလၢ ပန့ၢ်သါတၢ်အ ဂီၢ်အပူၤလီၤ.
4 ဒီးတုၤပှၤအံၣ်စရ့လးဖိ အတၢ်သူၣ်ခုသးခုအကတီၢ် ဘၣ်ဒီး, အတၢ်န့ၢ်သါန့ၣ်ကဘၣ်တၢ်ပာ်ဖှိၣ်ဒီးပှၤတဒူၣ် အတၢ်န့ၢ်သါလၢအတူၢ်လိာ်အီၤလၢအပူၤလီၤ. ဒီးအ တၢ်န့ၢ်သါန့ၣ် ကဘၣ်တၢ်ဟံးထီၣ်ကွံာ်လၢပပၢ်တဒူၣ် အတၢ်န့ၢ်သါအပူၤလီၤ.
5 ဒီးစီၤမိၤရှ့မၤလိာ်ပှၤအံၣ်စရ့လးဖိဖဲယွၤအထးခိၣ်, ဒီး စံးဝဲဒၣ်, စီၤယိၤသးအဖိခွါတဖၣ်တဒူၣ်န့ၣ်ကတိၤတၢ် ဘၣ်လံ.
6 အအံၤမ့ၢ်တၢ်လၢ ယွၤမၤလိာ်လၢစီၤစလၤဖဃးအဖိ မုၣ်တဖၣ်အဂ့ၢ်အကျိၤ, ဒီးစံးဝဲဒၣ်, ကန့ၢ်ဒၣ်ဝဲအဝၤ ဖဲအဘၣ်အမဲာ်တက့ၢ်, ဘၣ်ဆၣ်ဒီးကန့ၢ်ဘၣ်အဝၤထဲ လၢအပၢ်အဒူၣ်ဖိအကျါန့ၣ်ဧိၤလီၤ.
7 ဒီးပှၤအံၣ်စရ့လးဖိအတၢ်န့ၢ်သါန့ၣ် တဘၣ်သုးအ သးလၢတဒူၣ်ဘၣ်တဒူၣ်, တဒူၣ်ဘၣ်တဒူၣ်ဘၣ်. အ ဂ့ၢ်ဒ်အံၤ, ပှၤအံၣ်စရ့လးဖိတဂၤလၢ်လၢ်န့ၣ်စဲဘူးအသး ဒီးအပၢ်တဖၣ်အဒူၣ်အတၢ်န့ၢ်သါလီၤ.
8 ဒီးကယဲၢ်ပှၤအဖိမုၣ်လၢ အအိၣ်ဒီးတၢ်န့ၢ်သါလၢပှၤ အံၣ်စရ့လးဖိတဒူၣ်လၢအဒူၣ်တဖၣ်အကျါန့ၣ် ဘၣ်ကဲ ထီၣ်ပှၤလၢအပၢ်အဒူၣ်ဖိတဂၤအမါ, ဒ်သိးပှၤအံၣ်စရ့ လးဖိကန့ၢ်ဘၣ်သါအပၢ်အတၢ်န့ၢ်သါကိးဂၤဒဲးန့ၣ်လီၤ.
9 ဒီးတၢ်န့ၢ်သါန့ၣ်တဘၣ်သုးအသးလၢ တဒူၣ်ဘၣ်တ ဒူၣ်ဘၣ်. ကယဲၢ်ပှၤအံၣ်စရ့လးဖိဘၣ်စဲဘူးဒီးအတၢ်န့ၢ် သါဒၣ်ဝဲတဂၤလၢ်လၢ်လီၤ.
10 ဒ်ယွၤမၤလိာ်စီၤမိၤရှ့အသိးန့ၣ် စီၤစလၤဖဃးအဖိမုၣ် တဖၣ်မၤဝဲဒ်န့ၣ်လီၤ.
11 ဒီးစီၤစလၤဖဃးအဖိမုၣ်တဖၣ်, နီၢ်မၤလၤ, နီၢ်တံး ရစၢ်, ဒီးနီၢ်ဃၤကတၤ, ဒီးနီၢ်မံးလကၤ, ဒီးနီၢ်နိဧၤ န့ၣ်န့ၢ်ဝၤလၢအပၢ်အဒီပုၢ်ဝဲၢ်ခွါအဖိခွါတဖၣ်န့ၣ်လီၤ.
12 ဒီးန့ၢ်ဝၤလၢစီၤယိၤသးအဖိခွါ စီၤမနၤရှ့အဖိခွါ တ ဖၣ်အဒူၣ်ဖိလီၤ. ဒီးအတၢ်န့ၢ်သါန့ၣ်အိၣ်ဒၣ်တၢ်လၢ အပၢ်အဒူၣ်အပူၤလီၤ.
13 တၢ်တဖၣ်န့ၣ်မ့ၢ်တၢ်မၤလိာ်တဖၣ်, ဒီးတၢ်စံၣ်ညီၣ် တဖၣ်လၢယွၤမၤလိာ်လၢစီၤမိၤရှ့အစုပူၤ လၢမိၤအးအ တၢ်ပျီပူၤလၢယၢ်ဒ့ၣ်အနံၤသဃီၤဒီးယရံၤဃိလီၤ.