လံာ်စီၤနဃ့မယၤ.

လံာ်စီၤနဃ့မယၤ.

၁

¹ စီၤဃကါလယၤအဖိခွါ, စီၤနဃ့မယၤအတၢ်ကတိၤ ဒီးလၢအနံၣ်ပှဲၤထီၣ်ခံဆံနံၣ်တနံၣ်, လါကံးစလ့ၤအပူၤ န့ၣ်ယအိၣ်လၢနူၢ်ရှူၡၣ်အပူၤ, ² ဒီးတၢ်မၤအသးလၢယ ဒီပုၢ်ဝဲၢ်တဂၤ, စီၤဃနၤနံဟဲဝဲဒၣ်ဒီးပှၤကညီလၢယူဒၤဖိ အကျါတဖၣ်, ဒီးယသံကွၢ်အီၤလၢပှၤယူဒၤဖိလၢအပူၤ ဖျဲးတၢ်, လၢအအိၣ်လီၤတဲာ်လၢပှၤတၢ်မၢကဲကုၢ်အီၤအ ကျါအဂ့ၢ်အကျိၤ, ဒီးလၢယရူၤၡလ့ၣ်အဂ့ၢ်အကျိၤလီၤ.

³ ဒီးစံးဘၣ်ယၤ, ပှၤအိၣ်လီၤတဲာ်လၢအအိၣ်လီၤတဲာ် လၢပှၤတၢ်မၢကဲကုၢ်အီၤအကျါန့ၣ် အိၣ်ဝဲလၢကီၢ်ပူၤဖဲ န့ၣ်, ဒီးဘၣ်တၢ်အၢဖးဒိၣ်, ဒီးတၢ်ဒုၣ်ဒွဲၣ်, ဒီးယရူၤ ၡလ့ၣ်အခိၣ်ဒူလီၤပှီၢ်လံ. ဒီးအတြဲၤတဖၣ်ဆူးထီၣ်ကွံာ် လံအသးလၢမ့ၣ်အူလံ.

⁴ ဒီးတုၤယနၢ်ဟူတၢ်ကတိၤန့ၣ်ဒီး, တၢ်မၤအသးလၢ ယဆ့ၣ်နီၤ, ဒီးယဟီၣ်, ဒီးယသူၣ်အုးယသးအုးတၢ် အနံၤတဖၣ်, ဒီးယဒုၣ်တၢ်အီၣ်, ဒီးယဘါထုကဖၣ်တၢ် လၢမူခိၣ်အကစၢ်အမဲာ်ညါလီၤ.

⁵ ဒီးယစံး, ယဃ့ကညးနၤ, မူခိၣ်အကစၢ်, ကစၢ်ဖးဒိၣ်, ဒီးတၢ်ပျံၤအလီၢ် လၢအတိၢ်န့ၢ်တၢ်အၢၣ်လီၤအီလီၤ, ဒီး တၢ်ဘျုးတၢ်ဖှိၣ်လၢပှၤလၢအအဲၣ်အီၤ, ဒီးတိၢ်န့ၢ်အတၢ် မၤလိာ်တဖၣ်တဂၤဧၢ, ⁶ မ်နဒိးနနၢ်, ဒီးအိးထီၣ်နမဲာ်ဒ် သိးနကဒိကနၣ်နခ့နပှၤ အတၢ်ထုကဖၣ်လၢယဘါထု ကဖၣ်လၢနမဲာ်ညါ, လၢမုၢ်ဆါဆဲးလၢမုၢ်နၤလၢနခ့န ပှၤအံၣ်စရ့လးဖိအဂီၢ်, လၢယတဲလီၤကျဲၤလီၤပှၤအံၣ်စ ရ့လးဖိအတၢ်ကမၣ်လၢ အမၤကမၣ်ဘၣ်နၤအဖၢမုၢ်တ က့ၢ်. မ့ၢ်မးယၤ, ဒီးယပၢ်အပှၤဟံၣ်ဖိမၤကမၣ်လံတၢ်လံ.

⁷ ပမၤဘၣ်နၤလၢပှၤဟးဂီၤဖိအတၢ်မၤ, ဒီးတၢ်မၤလိာ်, ဒီးတၢ်သိၣ်တၢ်သီ, ဒီးတၢ်စံၣ်ညီၣ်လၢနမၤလိာ်နခ့နပှၤ စီၤမိၤရှ့န့ၣ်ပတမၤဘၣ်ပဝဲဘၣ်. ⁸ ယဃ့ကညးနၤ, သ့ၣ် နီၣ်ထီၣ်က့ၤတၢ်ကတိၤလၢနမၤလိာ်နခ့နပှၤစီၤမိၤရှ့, ဒီး နစံး, သုမ့ၢ်မၤကမၣ်တၢ်ဒီး, ယကမၤလီၤပြံလီၤပြါသု လၢပှၤကလုာ်တဖၣ်အကျါ, ⁹ ဒီးသုမ့ၢ်ဃၣ်သုသးဆူ ယအိၣ်, ဒီးတိၢ်န့ၢ်ယတၢ်မၤလိာ်, ဒီးမၤအီၤဒီး, ပှၤဘၣ် တၢ်ဟီထီၣ်ကွံာ်အီၤဆူ မူခိၣ်အကတၢၢ်န့ၣ် မ့ၢ်အိၣ်ဝဲ ဘၣ်ဆၣ်ဒီး, ယကထၢဖှိၣ်အီၤဖဲန့ၣ်, ဒီးစိာ်ထီၣ်အီၤဆူ တၢ်အလီၢ်ဖဲယဃုထၢပာ်ယမံၤလီၤ. ¹⁰ ဒီးအဝဲသ့ၣ်တ ဖၣ်န့ၣ်မ့ၢ်နခ့နပှၤ, ဒီးနပှၤဂီၢ်မုၢ်လၢနပှ့ၤက့ၤအီၤလၢန စိဒိၣ်နကမီၤထီ, ဒီးလၢနစုဆူၣ်လီၤ.

¹¹ ကစၢ်ဧၢ, ယဃ့ကညးနၤ, မ်နနၢ်တူၢ်လိာ်နခ့နပှၤအ တၢ်ထုကဖၣ်, ဒီးနခ့နပှၤတဖၣ်အတၢ်ထုကဖၣ်လၢအ ဆၢပျံၤနမံၤတက့ၢ်. ဒီးဒုးဘီၣ်ထီၣ်ညီထီၣ်နခ့နပှၤလၢ မုၢ်မဆါတနံၤအံၤ, ယဃ့ကညးနၤ, ဒီးဟ့ၣ်လီၤအီၤလၢ တၢ်ဘျုးတၢ်ဖှိၣ်လၢ ပှၤကညီတဂၤအံၤ အမဲာ်ညါတ က့ၢ်. ဒီးယမ့ၢ်ပှၤစိာ်လီခီအီတၢ်လၢစီၤပၤအဂီၢ်လီၤ.

၂

¹ ဒီးလၢစီၤပၤအၢ်တၤၡါၡတၤအနံၣ်ပှဲၤထီၣ် ခံဆံနံၣ်တ နံၣ်, လါနံစၣ်အပူၤန့ၣ်တၢ်မၤအသးလၢ စပံးထံအိၣ်ဝဲ လၢအမဲာ်ညါ, ဒီးယဟံးထီၣ်စပံးထံ, ဒီးယဟ့ၣ်အီၤလၢ စီၤပၤန့ၣ်လီၤ. ဒီးယမဲာ်တလီၤသပှၢ်တ့ၢ် လၢအမဲာ်ညါ နီတဘျီဘၣ်.

² ဒီးစီၤပၤစံးဘၣ်ယၤ, နမဲာ်လီၤသပှၢ် မ့ၢ်အဘၣ်မနုၤ လဲၣ်. ဒီးနတဆါဘၣ်. တၢ်အံၤတမ့ၢ်ဘၣ်တၢ်ဂၤဘၣ်, မ့ၢ်တၢ်သူၣ်အုးသးအုးလီၤ. ဒီးယပျံၤတၢ်ဒိၣ်ဒိၣ်ကလဲာ် လီၤ.

³ ဒီးယစံးဘၣ်စီၤပၤ, မ်စီၤပၤမူဝဲ လီၤထူလီၤယိာ်တ က့ၢ်. လၢဝ့ၢ်တဖျၢၣ်, ယပၢ်အသွၣ်ခိၣ်အလီၢ်အိၣ်သယုၢ်, ဒီးအတြဲၤတဖၣ် ဘၣ်တၢ်ဆူးကွံာ်အီၤလၢမ့ၣ်အူန့ၣ်ဒီး, ယမဲာ်တလီၤသပှၢ်ဘၣ်မ့ၢ်အဘၣ်မနုၤလဲၣ်.

⁴ ဒီးစီၤပၤစံးဘၣ်ယၤ, နဃ့ကညးတၢ်လၢ မနုၤတမံၤ လဲၣ်. တုၤနုၤတစုယဘါထုကဖၣ်မူခိၣ်အကစၢ်လီၤ.

⁵ ဒီးယစံးဘၣ်စီၤပၤ, မ့ၢ်ဘၣ်စီၤပၤအသး, ဒီးနခ့နပှၤ မ့ၢ်ဘၣ်တၢ်ဘျုးတၢ်ဖှိၣ် လၢနမဲာ်ညါဒီး, မ်နမၢလီၤယၤ ဆူယူဒၤ, ဆူယပၢ်တဖၣ်အသွၣ်ခိၣ်အဝ့ၢ်ပူၤ, ဒ်သိးယ ကတ့က့ၤအီၤတက့ၢ်.

⁶ ဒီးစီၤပၤစံးဘၣ်ယၤ, (ဒီးနီၢ်ပၤမုၣ်ဆ့ၣ်နီၤလၢအဃၢၤ န့ၣ်,) နလဲၤတၢ်နကအိၣ်ဆံးယံာ်လဲၣ်, ဒီးနကဟဲက့ၤ အကတီၢ်ဖဲလဲၣ်. ဒီးဘၣ်စီၤပၤအသး လၢအကမၢလီၤ ယၤ, ဒီးယသ့ၣ်ဆၢဖးကတီၢ်လၢအဂီၢ်လီၤ.

⁷ ဒီးယစံးဘၣ်စီၤပၤ, မ့ၢ်ဘၣ်စီၤပၤအသးဒီး, မ်ပှၤဟ့ၣ် ယၤလၢလံာ်လၢ ပဒိၣ်ဖးဒိၣ်လၢထံမိၢ်ပှၢ်ဝၢ်ဘးခီတဖၣ် အဂီၢ်, ဒ်သိးအကဒုးလဲၤခီဂာ်ယၤတုၤယတုၤလၢယူဒၤ အပူၤ, ⁸ ဒီးလံာ်တဘ့ၣ်လၢပှၤပၢၤစီၤပၤအသ့ၣ်ပှၢ်, စီၤ အၤစာ်အဂီၢ်, ဒ်သိးအကဟ့ၣ်ယၤလၢသ့ၣ်လၢတိာ်အ ကျဲစၢၤထူၣ်တဖၣ်အဂီၢ် လၢအအိၣ်လၢဟံၣ်အဃၢၤန့ၣ်, ဒီးလၢဝ့ၢ်ခိၣ်ဒူအဂီၢ်, ဒီးလၢဟံၣ်လၢယကလဲၤနုာ်လၢ အပူၤအဂီၢ်န့ၣ်တက့ၢ်. ဒီးစီၤပၤဟ့ၣ်လီၤယၤလၢတၢ်, ဒ် ယကစၢ်အစုဂ့ၤအိၣ်ဝဲလၢယလိၤအသိးန့ၣ်လီၤ.

⁹ ဒီးယဟဲဆူပဒိၣ်ဖးဒိၣ် လၢထံမိၢ်ပှၢ်ဝၢ်ဘးခီတဖၣ်အ အိၣ်, ဒီးယဟ့ၣ်အီၤလၢစီၤပၤအလံာ်လီၤ. (ဒီးစီၤပၤမၢ တ့ၢ်ပှၤသုးဖိအခိၣ်, ဒီးပှၤကသ့ၣ်သုးဖိသ့ၣ်တဖၣ်လဲၤဒီး ယၤလီၤ.)

¹⁰ ဒီးတုၤ ပှၤဃိရၣ်ဒီး စီၤစၤနဘၤလး, ဒီးပှၤဧၣ်မိၣ်ဖိ, တၢ်အခ့အပှၤစီၤတိၤဘံယၤနၢ်ဟူဝဲဒီး, လၢပှၤတဂၤဟဲ ဃုပှၤအံၣ်စရ့လးဖိ အတၢ်ဂ့ၤန့ၣ် မ့ၢ်တၢ်အၢလၢအမဲာ် ညါဒိၣ်မးလီၤ. ဒီးယဟဲဆူယရူၤၡလ့ၣ်, ဒီးယအိၣ်ဖဲန့ၣ်သၢနံၤလီၤ.

¹² ဒီးယဂဲၤဆၢထၢၣ်လၢမုၢ်နၤ, ဒီးပှၤစှၤဂၤအိၣ်ဝဲဒီးယၤ, ဒီး ယတစံးဘၣ်ပှၤကညီလၢ တၢ်လၢယွၤပာ်လၢယသးကံၢ် ပူၤလၢယကမၤလၢယရူၤၡလ့ၣ်အပူၤန့ၣ်ဘၣ်. ဒီးမ့တ မ့ၢ်ဘၣ် ဆၣ်ဖိကီၢ်ဖိလၢယဒိးအီၤတဒုန့ၣ် ဆၣ်ဖိကီၢ်ဖိ အဂၤတအိၣ်ဘၣ်ဒီးယၤဘၣ်. ¹³ ဒီးယဟးထီၣ်လၢမုၢ်နၤလၢ ကစၢၢ်ကဆူးအပဲတရီဆူထံထီၣ်ပၢၢ်ပယိၤအမဲာ်ညါ, ဒီးဆူတၢ်အ့ၣ်အပဲတရီ, ဒီးယကွၢ် ယရူၤၡလ့ၣ်အခိၣ်ဒူလၢအလီၤပှီၢ်ဝဲ, ဒီးအပဲတရီတဖၣ်လၢအဘၣ်တၢ်ဆူးထီၣ်ကွံာ်အီၤလၢမ့ၣ်အူ,―

¹⁴ ဒီးယလဲၤဆူထံထီၣ်ပၢၢ်အပဲတရီ, ဒီးဆူစီၤပၤအနိၣ်တ ပူၤလီၤ. ဒီးဒ်သိးဆၣ်ဖိကီၢ်ဖိလၢအအိၣ်လၢယဖီလာ်တ ဒုကခီဂာ်တၢ်န့ၣ်အလီၢ်တအိၣ်ဘၣ်.

¹⁵ ဒီးယလဲၤထီၣ်လၢ မုၢ်နၤလၢထံကျိဖိအဃၢၤ, ဒီးကွၢ် ဝ့ၢ်ခိၣ်ဒူန့ၣ်, ဒီးယဃၣ်ကဒါက့ၤ, ဒီးလဲၤနုာ်ကစၢၢ်က ဆူးအပဲတရီပူၤ, ဒီးဟဲက့ၤကဒါက့ၤလီၤ.

¹⁶ ဒီးယလဲၤဆူလဲၣ်ဆူလဲၣ်, ယမၤဒ်လဲၣ်ဒ်လဲၣ်န့ၣ်ပဒိၣ် တဖၣ်တသ့ၣ်ညါဘၣ်. ဒီးပှၤယူဒၤဖိဂ့ၤ, ပှၤလုၢ်တၢ်အ ဒိၣ်ဂ့ၤ, ပှၤအိၣ်ဖျဲၣ်ပဒိၣ်ဂ့ၤ, ပဒိၣ်ဂ့ၤ, ပှၤအိၣ်လီၤတဲာ် လၢအမၤတၢ်မၤဂ့ၤ, ယတစံးဘၣ်တဲဘၣ်ဒံးဘၣ်တၢ်လၢ အီၤဘၣ်.

¹⁷ တုၤနုၤတစုယစံးဘၣ်အီၤ, သုထံၣ်တၢ်ကိၢ်တၢ်ဂီၤလၢ ပအိၣ်လၢအပူၤလီၤ. ယရူၤၡလ့ၣ်အိၣ်သယုၢ်လံ. ဒီးအပဲ တရီဘၣ်တၢ်ဆူးထီၣ်ကွံာ်အီၤလၢမ့ၣ်အူလံ. ဟဲ, မၤထီၣ် သကိး ယရူၤၡလ့ၣ်အခိၣ်ဒူ, ဒ်သိးပသုတကဲလၢၤတၢ် ဒုၣ်ဒွဲၣ်အလီၢ်တဂ့ၤန့ၣ်တက့ၢ်.

¹⁸ ဒီးယစံးဘၣ်တဲဘၣ်အီၤလၢ ယွၤအစုအိၣ်ဝဲလၢ ယ လိၤလၢတၢ်ဂ့ၤအဂီၢ်, ဒီးတၢ်ကတိၤလၢစီၤပၤစံးဘၣ်ယၤ စ့ၢ်ကီးလီၤ. ဒီးအဝဲသ့ၣ်တဖၣ်န့ၣ်စံးဝဲဒၣ်, ဂဲၤဆၢထၢၣ် ဒီးမၤသကိးတၢ်တက့ၢ်. ဒီးပာ်ဆူၣ်ထီၣ်အစုလၢတၢ်ဂ့ၤ အဂီၢ်လီၤ.

¹⁹ ဒီးတုၤပှၤဃိရၣ်ဖိစီၤစၤနဘၤလး, ဒီးပှၤဧၣ်မိၣ်ဖိ, တၢ် အခ့အပှၤစီၤတိၤဘံယၤ, ဒီးပှၤဧ့ရ့းဖိစီၤက့ၤရှ့ၣ် နၢ်ဟူဝဲ ဒီး, နံၤဘၣ်ဖၣ်လဲပှၤ, ဒီးမၤတရီတပါပှၤ, ဒီးစံးဝဲဒၣ်, တၢ်လၢသုကမၤန့ၣ်မ့ၢ်မနုၤတမံၤလဲၣ်. သုကပူထီၣ်စီၤ ပၤစ့ၢ်ကီးဧါ.

²⁰ ဒီးယစံးဆၢတၢ်လၢအီၤ, ဒီးယစံးဘၣ်အီၤ, မူခိၣ်အ ကစၢ်ကဒုးဘီၣ်ထီၣ်ညီထီၣ်ပှၤ, ဒီးပဝဲဒၣ်, အခ့အပှၤ, ပကဂဲၤဆၢထၢၣ်, ဒီးမၤတၢ်လီၤ. မ့မ့ၢ်သုဝဲဒၣ်န့ၣ်သုဂီၢ် မ့ၢ်ဂ့ၤ, သုတီသုလိၤအဂ့ၢ်မ့ၢ်ဂ့ၤ, တၢ်ဒုးသ့ၣ်နီၣ်ထီၣ်က့ၤ သုမ့ၢ်ဂ့ၤ, တအိၣ်ဘၣ်လၢယရူၤၡလ့ၣ်အပူၤဘၣ်.

၃

¹ ဒီးပှၤလုၢ်တၢ်အခိၣ်စီၤအ့လယၤၡံာ် ဂဲၤဆၢထၢၣ်အိၣ် ဒီးအဒီပုၢ်ဝဲၢ်ပှၤလုၢ်တၢ်အဒိၣ်, ဒီးမၤထီၣ်ပဲတရီသိ, ဒီး မၤစီဆှံဝဲ, ဒီးသူၣ်ထီၣ်အတြဲၤ, ဒီးမၤစီဆှံဝဲပၢၢ်လၢတၢး ထီမ့ၤအၤ, ပၢၢ်လၢတၢးထီဃနၤန့လးလီၤ.

² ဒီးလၢအစုန့ၣ် ယရံၤဃိအပှၤကညီမၤထီၣ်တၢ်လီၤ. ဒီးလၢအစုန့ၣ် စီၤအံၤမရံအဖိခွါ စီၤစးကူၢ်မၤထီၣ်တၢ် လီၤ.

³ ဒီးပဲတရီညၣ်န့ၣ် စီၤဟးစနုၤအၤအဖိခွါတဖၣ်မၤထီၣ် ဝဲလီၤ. အဝဲသ့ၣ်ပာ်လီၤအကျိၤ, ဒီးမၤထီၣ်အတြဲၤ, ဒီး အနီၣ်ဝံာ်စဲ, ဒီးအနီၣ်ဘိလီၤ.

⁴ ဒီးလၢအစုန့ၣ် စီၤကိစးအဖိခွါ, စီၤအူၤရံယၤအဖိခွါ, စီၤမရ့မိးတဂၤမၤထီၣ်က့ၤဝဲလီၤ. ဒီးလၢအစုန့ၣ်စီၤမရှ့စ ဘ့လးအဖိခွါစီၤဘရ့ကံယၤအဖိခွါ စီၤမရှူလၣ်တဂၤမၤ က့ၤဝဲလီၤ. ဒီးလၢအစုန့ၣ်စီၤဘနါအဖိခွါစီၤစၤဒိးမၤက့ၤ ဝဲလီၤ.

⁵ ဒီးလၢအစုန့ၣ် ပှၤတကိၤဖိမၤက့ၤဝဲလီၤ. မ့မ့ၢ်ပှၤအိၣ် ဒီးအကဟုကညီၢ်တဖၣ်န့ၣ် တပာ်ဘၣ်အကိာ်လၢအ ကစၢ်အတၢ်မၤဘၣ်.

⁶ ဒီးပဲတရီလီၢ်လံၤတဘ့ၣ်န့ၣ် စီၤပၤစ့ၤအဖိခွါစီၤယဟိ ယဒါ, ဒီးစီၤဘစိဒယၤအဖိခွါစီၤမရှူလၣ်မၤက့ၤဝဲ, ဒီး ပာ်လီၤအကျိၤ, ဒီးမၤထီၣ်အတြဲၤ, ဒီးအနီၣ်ဝံာ်စဲ, ဒီး အနီၣ်ဘိလီၤ.

⁷ ဒီးလၢအစုန့ၣ်ပှၤကံးဘိၣ်ဖိ, စီၤမလၤတယၤ, ဒီးပှၤ မ့ၤရိနိၤသးဖိစီၤယၤဒိၣ်, ကံးဘိၣ်ဒီးမံးစပၤ အပှၤကညီ န့ၣ်မၤက့ၤဝဲပၢၢ်လၢ ပဒိၣ်ဖးဒိၣ်လၢထံမိၢ်ပှၢ်လၢအအံၤ တခီတဂၤအလီၢ်ပစိာ်န့ၣ်လီၤ.

⁸ လၢအစုန့ၣ် စီၤဃၤရဟယၤအဖိခွါ စီၤဧူးစံၤအ့လး လၢပှၤပိာ်ထူဖိအကျါတဂၤမၤက့ၤဝဲလီၤ. ဒီးလၢအစုန့ၣ် ပှၤမၤဃါဃုာ်ကသံၣ်တဂၤ အဖိခွါစီၤဃနၤနယၤ မၤ က့ၤဝဲလီၤ. မၤဒၣ်ပၢၢ်လၢယရူၤၡလ့ၣ် အခိၣ်ဒူဖးလဲၢ်န့ၣ် လီၤ.

⁹ ဒီးလၢအစုန့ၣ်ဖးဖီယရူၤၡလ့ၣ် အပဒိၣ်ဖးဒိၣ်စီၤဃူၢ် အဖိခွါစီၤရဖါယၤမၤက့ၤဝဲလီၤ.

¹⁰ ဒီးလၢအစုန့ၣ်စီၤဃရူမာ်အဖိခွါ စီၤယဒံၤယၤမၤက့ၤ ဝဲသဃီၤဒီးအဟံၣ်လီၤ. ဒီးလၢအစုန့ၣ် စီၤဃၡၤဘံယၤ အဖိခွါစီၤဃးတူၣ်မၤက့ၤဝဲလီၤ.

¹¹ ဒီးစီၤဃၤရံၣ်အဖိခွါ စီၤမၤလကံယၤ, ဒီးစီၤပၤဃးမိၤ အးအဖိခွါစီၤဃၤရူာ်မၤက့ၤတကူာ်ဒၣ်, ဒီးဖၣ်ကပူၤအ တၢးထီလီၤ.

¹² ဒီးလၢအစုန့ၣ်ဖးဖီယရူၤၡလ့ၣ် အပဒိၣ်ဖးဒိၣ်စီၤဟး လိဃ့ၣ်အဖိခွါ စီၤၡၤလူၣ်, ဒီးအဖိမုၣ်တဖၣ် မၤက့ၤဝဲ လီၤ.

¹³ ဒီးပဲတရီကစၢၢ်ကဆူးန့ၣ်စီၤဃၤနူၣ်, ဒီးပှၤအိၣ်ဝဲဆိး ဝဲလၢစါနိၤတဖၣ်မၤက့ၤဝဲ, ဒီးမၤထီၣ်အတြဲၤ, အနီၣ်ဝံာ် စဲ, ဒီးအနီၣ်ဘိ, ဒီးတၢ်ခိၣ်ဒူအပျၢ်တကထိပၢၢ်လၢ ပဲ တရီတၢ်အ့ၣ်လီၤ.

¹⁴ ဒီးဘ့ၤသဟးကၤရ့ၣ်တခီအပဒိၣ်ဖးဒိၣ်, စီၤရ့ကးအ ဖိခွါစီၤမၤလကံယၤမၤက့ၤပဲတရီတၢ်အ့ၣ်လီၤ. အဝဲဒၣ် သူၣ်ဝဲ, ဒီးမၤထီၣ်အတြဲၤအနီၣ်ဝံာ်စဲ, ဒီးအနီၣ်ဘိလီၤ.

¹⁵ ဒီးပှၤမံးစပၤအပဒိၣ်ဖးဒိၣ် စီၤကိးလဃိစ့ၤအဖိခွါစီၤ ၡၤလူၣ် မၤက့ၤပဲတရီထံထီၣ်ပၢၢ်လီၤ. အဝဲဒၣ်သူၣ်ဝဲ, ဒီး မၤဝဲအခိၣ်, ဒီးမၤထီၣ်အတြဲၤ, အနီၣ်ဝံာ်စဲ, ဒီးအနီၣ်ဘိ, ဒီးနိၣ်ၡံလိၤအဒူၣ် လၢစီၤပၤအတၤသၣ်အလီၢ်အဃၢၤ, ဒီးပၢၢ်လၢဃီလၢအလဲၤလီၤလၢစီၤဒၤဝံးအဝ့ၢ်ပူၤန့ၣ်လီၤ.

¹⁶ လၢအလီၢ်ခံန့ၣ် ဖးဖီဘ့ၤသစူၢ်အပဒိၣ်ဖးဒိၣ် စီၤဧၤစ ဘူးအဖိခွါစီၤနဃ့မယၤ မၤက့ၤဝဲပၢၢ်လၢတၢ်အလီၢ်အိၣ် သဃီၤဒီးစီၤဒၤဝံးအသွၣ်ခိၣ်တဖၣ်, ဒီးပၢၢ်လၢကမါလၢ ပှၤမၤဝဲ, ဒီးပၢၢ်လၢပှၤအဆူၣ်တဖၣ်အဟံၣ်လီၤ.

¹⁷ လၢအလီၢ်ခံန့ၣ် ပှၤလ့ၤဝံဖိစီၤဘၤနံအဖိခွါ စီၤရဃူၣ် မၤက့ၤဝဲလီၤ. လၢအစုန့ၣ်ဖးဖီ ကံလၤအပဒိၣ်ဖးဒိၣ်, စီၤဃၡၤဘယၤမၤက့ၤတၢ်လၢအလီၢ်ပူၤလီၤ.

¹⁸ လၢအလီၢ်ခံန့ၣ် အဒီပုၢ်ဝဲၢ်ဖးဖီကံလၤအပဒိၣ်ဖးဒိၣ်, စီၤဃ့နါဒးအဖိခွါစီၤဘၤဝဲၤမၤက့ၤဝဲလီၤ.

¹⁹ ဒီးလၢအစုန့ၣ် မံးစပၤအပဒိၣ်ဖးဒိၣ်, စီၤယ့ၤရှူအဖိခွါ စီၤဧ့စ့ၢ်မၤက့ၤတကူာ် အိၣ်သဃီၤဒီး တၢ်လဲၤထီၣ်ဆူပှၤ သုးဖိအစုကဝဲၤအဟံၣ်ဖဲတၢ်အနၢၣ်န့ၣ်လီၤ.

²⁰ လၢအလီၢ်ခံန့ၣ် စီၤစးဘဲအဖိခွါစီၤဘၤရူးမၤက့ၤဆူၣ် ဆူၣ်တကူာ်, လၢတၢ်အနၢၢ်ပၢၢ်လၢပှၤလုၢ်တၢ်အခိၣ်စီၤ အ့လယၤၡံာ်အဟံၣ်အကျဲစၢၤလီၤ.

²¹ လၢအလီၢ်ခံန့ၣ်စီၤကိစးအဖိခွါ, စီၤဧူၤရံယၤအဖိခွါ, စီၤမရ့မိးအဖိခွါ မၤက့ၤတကူာ်လၢစီၤအ့လယၤၡံာ် အ ဟံၣ်အကျဲစၢၤပၢၢ်လၢ စီၤအ့လယၤၡံာ်အဟံၣ်အကတၢၢ် လီၤ.

²² လၢအလီၢ်ခံန့ၣ်ပှၤလုၢ်တၢ်အဒိၣ်တဖၣ်, တၢ်ပၢၤခိၣ် အပှၤကညီမၤက့ၤဝဲလီၤ.

²³ လၢအလီၢ်ခံန့ၣ်စီၤဘံၣ်ယၤမံၣ်, ဒီးစီၤဃၤရှူာ်မၤက့ၤ ဝဲသဃီၤဒီးအဟံၣ်လီၤ. လၢအလီၢ်ခံန့ၣ်စီၤဧနၤနယၤအ ဖိခွါ, စီၤမၤစ့ယၤအဖိခွါ, စီၤဧစၤရယၤတဂၤမၤက့ၤဝဲလၢ အဟံၣ်အဃၢၤလီၤ.

²⁴ လၢအလီၢ်ခံန့ၣ်စီၤဃ့နါဒးအဖိခွါ စီၤဘံနူၤမၤက့ၤတ ကူာ်လၢစီၤဧစၤရယၤအဟံၣ် ပၢၢ်လၢတၢ်ဒၢက့ၣ်, ပၢၢ် လၢတၢ်အသနၢၣ်လီၤ. ²⁵ စီၤဧူၤစံအဖိခွါစီၤပလါလး မၤ က့ၤဝဲသဃီၤဒီးတၢ်ဒၢက့ၣ်, ဒီးတၢးထီလၢအအိၣ်စၢၢ်ဆၢ ဒီးစီၤပၤအဟံၣ်ထီ, လၢဃိာ်အဂၢၤအဃၢၤလီၤ. လၢအ လီၢ်ခံန့ၣ်စီၤပၤရိာ်အဖိခွါစီၤပဒါယၤမၤက့ၤဝဲလီၤ.

²⁶ ဒီးပှၤနသံနးဖိအိၣ်ဝဲဆိးဝဲလၢဧိၤဖ့လး ပၢၢ်လၢအလီၢ် အိၣ်သဃီၤဒီးပဲတရီထံလၢမုၢ်ထီၣ်တခီ, ဒီးတၢးထီအိၣ် လၢခိလီၤ.

²⁷ လၢအလီၢ်ခံန့ၣ် ပှၤတကိၤဖိမၤက့ၤတကူာ်သဃီၤဒီး တၢးထီဖးဒိၣ်အိၣ်လၢခိပၢၢ်လၢဧိၤဖ့လးအခိၣ်ဒူလီၤ.

²⁸ လၢပဲတရီကသ့ၣ်အဖီခိၣ်န့ၣ် ပှၤလုၢ်တၢ်အဒိၣ်တဖၣ် မၤက့ၤဝဲ, တဂၤသဃီၤဒီးအဟံၣ်ဒၣ်ဝဲ, တဂၤသဃီၤဒီး အဟံၣ်ဒၣ်ဝဲလီၤ.

²⁹ လၢအလီၢ်ခံန့ၣ်စီၤအံးမ့ၢ်အဖိခွါ စီၤစၤဒိးမၤက့ၤဝဲသ ဃီၤဒီးအဟံၣ်ဒၣ်ဝဲလီၤ. ဒီးလၢအလီၢ်ခံန့ၣ်ပှၤပၢၤပဲတရီ လၢမုၢ်ထီၣ်တခီစီၤၡကါနယၤအဖိခွါ, စီၤၡမါယၤမၤက့ၤ ဝဲလီၤ.

³⁰ လၢအလီၢ်ခံန့ၣ် စီၤၡလ့မယၤအဖိခွါစီၤဃနၤနယၤ, ဒီးစီၤစၤလာ်အဖိခွါ ဃုဂၤတဂၤ စီၤဃၤနူၣ်မၤက့ၤတ ကူာ်လီၤ. လၢအလီၢ်ခံန့ၣ်စီၤဘရ့ကံယၤအဖိခွါ စီၤမရှူ လၣ်မၤက့ၤဝဲသဃီၤဒီးအဒၢးလီၤ.

³¹ လၢအလီၢ်ခံန့ၣ်ပှၤပိာ်ထူဖိအဖိခွါ စီၤမၤလကံယၤမၤ က့ၤဝဲပၢၢ်လၢပှၤနသံနးဖိ, ဒီးပှၤကၤတၢ်ဖိအလီၢ်သဃီၤ ဒီးပဲတရီမံးဖကး, ဒီးပၢၢ်လၢတၢ်လဲၤထီၣ်လၢတၢ်အနၢၣ် လီၤ.

³² ဒီးလၢတၢ်လဲၤထီၣ်လၢ တၢ်အနၢၣ်ဒီး ပဲတရီသိအ ဘၢၣ်စၢၤန့ၣ်ပှၤပိာ်ထူဖိ, ဒီးပှၤကၤတၢ်ဖိမၤက့ၤဝဲလီၤ.

၄

¹ ဒီးတုၤစီၤစၤနဘၤလးနၢ်ဟူဝဲလၢ ပမၤက့ၤတၢ်ခိၣ်ဒူ ဒီး, တၢ်မၤအသးလၢအသးထီၣ်ဒီးအသးဒိၣ်ထီၣ်ဖးဒိၣ်, ဒီးမၤတရီတပါပှၤယူဒၤဖိလီၤ.

² ဒီးကတိၤတၢ်လၢအဒီပုၢ်ဝဲၢ်, ဒီးၡၤမရံအပှၤသုးမုၢ်အ မဲာ်ညါဒီးစံးဝဲဒၣ်, ပှၤအဂံၢ်စၢ်အဘါစၢ်ပှၤယူဒၤဖိတဖၣ် အံၤမၤဝဲဒ်လဲၣ်. ကပာ်ဂၢၢ်ပာ်ကျၢၤအသးဧါ. ကလုၢ် ထီၣ်တၢ်ဧါ. ကမၤဝံၤဝဲလၢတနံၤဃီဧါ. ကမၤမူထီၣ် လၢၢ်လၢတၢ်လီၤဃီၢ်လၢမ့ၣ်အူအီၣ်ဝဲအပူၤစ့ၢ်ကီးဧါ.

³ ဒီးပှၤဧၣ်မိၣ်ဖိစီၤတိၤဘံယၤ အိၣ်ဝဲလၢအဃၢၤ, ဒီးစံး ဝဲဒၣ်, တၢ်လၢအမၤထီၣ်တၢ်န့ၣ် ထွံၣ်ဟီၣ်ခိၣ်တဒုမ့ၢ် လဲၤထီၣ်ဒီး, ကမၤလီၤပှီၢ်ကွံာ်အခိၣ်ဒူလၢၢ်လီၤ.

⁴ ပကစၢ်ဧၢ, ကနၣ်လၢ်တၢ်တက့ၢ်. အဂ့ၢ်ဒ်အံၤ, ပှၤ မၤတရီတပါပှၤလီၤ. ဒီးဘိးဃၣ်ဘၣ်အတၢ်ဒုၣ်ဒွဲၣ်လၢ အခိၣ်ဒၣ်ဝဲ, ဒီးပာ်အီၤလၢတၢ်ဂုာ်န့ၢ်အလီၢ် လၢတၢ်မၢ ကဲကုၢ်အကီၢ်ပူၤတက့ၢ်. ⁵ ဒီးကျၢၢ်ဘၢအတၢ်အၢတဂ့ၤ. ဒီးမ်အတၢ်ဒဲးဘးသုတဘၣ်တၢ်တြူာ်အီၤ လၢနမဲာ်ညါ တဂ့ၤ. အဂ့ၢ်ဒ်အံၤ, ထိၣ်ဂဲၤနသးထီၣ်လၢပှၤမၤတၢ်ဖိ အမဲာ်ညါလီၤ.

⁶ ဒီးပမၤတၢ်အခိၣ်ဒူ, ဒီးတၢ်အခိၣ်ဒူန့ၣ် စဲဘူးလိာ်အ သးဒီဘိညါ တုၤလၢအတၢ်ဖးဖီလီၤ. အဂ့ၢ်ဒ်အံၤ, ပှၤ ဂီၢ်မုၢ်အသးအိၣ်လၢအကမၤတၢ်လီၤ.

⁷ ဒီးတုၤစီၤစၤနဘၤလး, ဒီးစီၤတိၤဘံယၤ, ဒီးပှၤဧ့ရ့း ဖိ, ဒီးပှၤဧၣ်မိၣ်ဖိ, ဒီးပှၤအၤစဒိးဖိသ့ၣ်တဖၣ်နၢ်ဟူဝဲလၢ ယရူၤၡလ့ၣ်အခိၣ်ဒူမၤက့ၤအသး, ဒီးအတၢ်ဘၢၣ်ဖျိအ လီၢ်တဖၣ်ဘၣ်ဘှီက့ၤသီအသးဒီး, တၢ်မၤအသးလၢအ သးထီၣ်ဒိၣ်ဒိၣ်ကလဲာ်, ⁸ ဒီးပှၤခဲလၢာ်န့ၣ်ကူၣ်ဃုာ်တၢ် တပူၤဃီလၢ အကဟဲဒုးသုးဒီးယရူၤၡလ့ၣ်, ဒီးမၤအီၤ လၢတၢ်အၢလီၤ.

⁹ ဒီးပဘါထုကဖၣ်ပကစၢ်, ဒီးပပာ်ပှၤပၢၤတၢ်တဖုလၢ အဃိ, လၢမုၢ်ဆါဆဲးလၢမုၢ်နၤထီဒါအီၤလီၤ.

¹⁰ ဒီးယူဒၤစံးဝဲဒၣ်, ပှၤဝံတၢ်ယိးတၢ်အဂံၢ်အဘါလီၤစၢ် လံ, ဒီးတၢ်လီၤဃီၢ်အိၣ်အါအါကလဲာ်, ဒီးပမၤက့ၤတၢ် ခိၣ်ဒူတသ့ဘၣ်.

¹¹ ဒီးပဒုၣ်ပဒါစံးဝဲဒၣ်, ပတချုးလဲၤနုာ်ဒံးဘၣ်လၢ အ ကျါ, ဒီးမၤသံအီၤ, ဒီးဒုးတုာ်အတၢ်မၤန့ၣ်ဒီး, တသ့ၣ် ညါဘၣ်ဝဲဘၣ်, ဒီးတထံၣ်ဘၣ်ဝဲဘၣ်လီၤ.

¹² ဒီးတုၤပှၤယူဒၤဖိ လၢအအိၣ်ဝဲဆိးဝဲလၢအဝဲသ့ၣ်အ ဃၢၤဟဲဝဲဒီး, တၢ်မၤအသးလၢအစံးဘၣ် ပှၤဆံဆဲၣ်ဘျီ လၢကယဲၢ်တၢ်အလီၢ် လၢအဟဲဝဲန့ၣ်, သုဘၣ်ဟဲက့ၤ ဆူပအိၣ်လီၤ.

¹³ ဒီးယပာ်လီၤပှၤလၢအလီၢ်ဖုၣ်လၢ ဝ့ၢ်ခိၣ်ဒူအချၢလၢ အလီၢ်ပျီတဖၣ်, ယပာ်လီၤပှၤဒ်အဒူၣ်တဖၣ်အသိးအိၣ် ဒီးအနး, ဒီးအဘီ, ဒီးအချံၣ်လီၤ.

¹⁴ ဒီးယကွၢ်တၢ်, ဒီးယဂဲၤဆၢထၢၣ်, ဒီးယစံးဘၣ်ပှၤအိၣ် ဖျဲၣ်ပဒိၣ်တဖၣ်, ဒီးပဒိၣ်တဖၣ်, ဒီးပှၤဂီၢ်မုၢ်လၢအအိၣ် လီၤတဲာ်သ့ၣ်တဖၣ်န့ၣ်, ပျံၤအီၤတဂ့ၤ. တၢ်ဒိၣ်, တၢ် ပျံၤတၢ်အလီၢ်, ယွၤတဂၤန့ၣ်သ့ၣ်နီၣ်ထီၣ်က့ၤအီၤ, ဒီးဒုး တၢ်လၢသုဒီပုၢ်ဝဲၢ်, သုဖိခွါဒီးသုဖိမုၣ်, သုဖိသုမါဒီးသု ဟံၣ်သုဃီအဂီၢ်န့ၣ်တက့ၢ်.

¹⁵ ဒီးတုၤပဒုၣ်ပဒါတဖၣ် နၢ်ဟူဝဲလၢပသ့ၣ်ညါတၢ်န့ၣ် ဒီးလၢယွၤပာ်အဝဲသ့ၣ်အတၢ်ကူၣ်လိာ်အသးလၢတၢ်က လီကလီဒီး, တၢ်မၤအသးလၢပဟဲက့ၤပဝဲခဲလၢာ်ဆူတၢ် ခိၣ်ဒူအအိၣ်, တဂၤဆူအတၢ်မၤဒၣ်ဝဲ, တဂၤဆူအတၢ် မၤဒၣ်ဝဲန့ၣ်လီၤ.

¹⁶ ဒီးတၢ်မၤအသးလၢမုၢ်တနံၤန့ၣ်လံၤလံၤ ယခ့ယပှၤတ ဝာ်မၤတၢ်လၢတၢ်မၤအပူၤ, ဒီးတဝာ်ဟံးန့ၢ်ဘီဒီးကတီၤ, ဒီးချံၣ်, ဒီးသဃိးလီၤ. ဒီးပဒိၣ်ဖးဒိၣ်တဖၣ် အိၣ်ဝဲလၢ ယူဒၤအပှၤဟံၣ်ဖိအချၢဃံလီၤ.

¹⁷ ဒီးပှၤလၢအမၤတၢ်လၢ ခိၣ်ဒူအဖီခိၣ်, ဒီးပှၤလၢအဝံ တၢ်ယိးတၢ်, ဒီးပှၤလၢအကတဲာ်ကတီၤတၢ်ဝံတၢ်ယိး တဖၣ်န့ၣ်မၤတၢ်လၢအစုတခီ, ဒီးဟံးဃာ်အစုကဝဲၤလၢ အစုတခီဒၣ်လီၤ. ¹⁸ ဒီးပှၤမၤတၢ်ဖိအိၣ်ဝဲဒီးအနးကံၢ်တူာ် အသးလၢအကပၤစုာ်စုာ်, ဒီးမၤဝဲလီၤ. ဒီးပှၤလၢအအူ ကွဲၤတဂၤအိၣ်ဝဲလၢယဃၢၤလီၤ.

¹⁹ ဒီးယစံးဘၣ် ပှၤအိၣ်ဖျဲၣ်ပဒိၣ်တဖၣ်, ဒီးပဒိၣ်တဖၣ်, ဒီးပှၤဂီၢ်မုၢ်လၢအအိၣ်လီၤတဲာ်တဖၣ်, တၢ်မၤအံၤမ့ၢ်အ ဒိၣ်, ဒီးအလဲၢ်, ဒီးပလီၤဖးလိာ်ပသးလၢတၢ်ခိၣ်ဒူအလိၤ တဂၤယံၤဒီးတဂၤ, တဂၤယံၤဒီးတဂၤလီၤ. ²⁰ ဖဲဒၣ်အ လီၢ်လၢ သုနၢ်ဟူကွဲၤအသီၣ်န့ၣ် ဟဲအိၣ်ဖှိၣ်ရိဖှိၣ်ဆူပ အိၣ်ဖဲန့ၣ်တက့ၢ်. ပကစၢ်ကဒုးတၢ်လၢပဂီၢ်လီၤ.

²¹ ဒီးဒ်န့ၣ်အသိးပမၤတၢ်မၤ, ဒီးတဝာ်ဟံးဃာ်ဘီဧိၤနး ဧိၤလၢမုၢ်ဆ့ၣ်ထီၣ်တုၤလီၤလၢဆၣ်ဧိၤဖီဧိၤထီၣ်ဝဲလီၤ.

²² လၢအကတီၢ်ဖဲန့ၣ်ယစံးဘၣ်စ့ၢ်ကီးပှၤဂီၢ်မုၢ်, မ်ပှၤမံ ဒီးအခ့အပှၤလၢယရူၤၡလ့ၣ်အပူၤ ဒ်သိးအကပၢၤပှၤလၢ မုၢ်နၤ, ဒီးမၤတၢ်လၢမုၢ်ဆါခီကိးဂၤဒဲးတက့ၢ်.

²³ ဒီးယၤမ့ၢ်ဂ့ၤ, ယဒီပုၢ်ဝဲၢ်မ့ၢ်ဂ့ၤ, ယခ့ယပှၤမ့ၢ်ဂ့ၤ, ပှၤ ပၢၤတၢ်ဖိလၢအပိာ်ယခံမ့ၢ်ဂ့ၤ, တဘ့ၣ်ကွံာ်ပကူပသိးနီ တဂၤဘၣ်. ပဘ့ၣ်ကွံာ်ထဲလၢထံအဂီၢ်ဧိၤလီၤ.

၅

¹ ဒီးပှၤဂီၢ်မုၢ်, ဒီးအမါတဖၣ်ကိးပသူထီၣ်ထီဒါအဒီပုၢ် ဝဲၢ်ပှၤယူဒၤဖိလီၤ. ² ဒီးပှၤအိၣ်ဝဲလၢအစံး, ပဖိခွါဒီးပဖိ မုၣ်အိၣ်အါဂၤ, ဒီးမ်ပဟ့ၣ်က့ၤတၢ် ဒ်သိးပကဟံးန့ၢ်ဘု ဧိၤဟုဧိၤဒ်သိးပကအီၣ်, ဒီးမူဒံးန့ၣ်တက့ၢ်.

³ ဒီးပှၤအိၣ်ဝဲလၢအစံး, ပဟ့ၣ်ကီၤပဟီၣ်ခိၣ်အကဝီၤ, ပတၤသၣ်အလီၢ်, ဒီးပဟံၣ်တဖၣ်ဒ်သိးပကပှ့ၤဘုဧိၤဟု ဧိၤလၢတၢ်သၣ်ဝံၤလီၤဒိအဃိလီၤ.

⁴ ဒီးပှၤအိၣ်ဝဲလၢအစံး, ပဟ့ၣ်ကီၤပဟီၣ်ခိၣ်အကဝီၤ, ဒီး ပတၤသၣ်အလီၢ်သတးဒီး, ပလိၢ်လၢစီၤပၤအသွဲအဂီၢ်လီၤ.

⁵ ဘၣ်ဆၣ်ဒီးခဲကနံၣ်အံၤ ပဖံးပညၣ်မ့ၢ်ဒ်ပဒီပုၢ်ဝဲၢ်အဖံး အညၣ်အသိး, ပဖိပလံၤဒ်အဖိအလံၤအသိးန့ၣ်လီၤ. ဒီး ကွၢ်ကွၢ်, ပဒုးကဲကုၢ်ပဖိမုၣ်, ဒီးပဖိခွါဒ်သိးအကမၤကုၢ် အတၢ်မၤ, ဒီးပဖိမုၣ်တနီၤကဲလံကုၢ်လံ. ဒီးပမၤတသ့ ဘၣ်. အဂ့ၢ်ဒ်အံၤ, ပှၤဂၤအိၣ်ဒီးပဟီၣ်ခိၣ်အကဝီၤ, ဒီး ပတၤသၣ်အလီၢ်လီၤ.

⁶ ဒီးတုၤယနၢ်ဟူအတၢ်ကိးပသူထီၣ်, ဒီးတၢ်ကတိၤတ ဖၣ်န့ၣ်ဒီး, ယသးထီၣ်ဒိၣ်မးလီၤ. ⁷ ဒီးယဆိကမိၣ်လီၤယ သး, ဒီးယသိၣ်ဃီၣ်ပှၤအိၣ်ဖျဲၣ်ပဒိၣ်, ဒီးပဒိၣ်တဖၣ်, ဒီး ယစံးဘၣ်အီၤ, သုဃ့စ့အအ့ၣ်တဂၤလၢအဒီပုၢ်ဝဲၢ်, တဂၤ လၢအဒီပုၢ်ဝဲၢ်လီၤ. ဒီးယပာ်တၢ်အိၣ်ဖှိၣ်ဖးဒိၣ်ထီဒါအီၤ လီၤ.

⁸ ဒီးယစံးဘၣ်အီၤ, ပဝဲဒၣ်ဖဲပသ့ဒီး, ပပှ့ၤက့ၤပဒီပုၢ်ဝဲၢ်, ပှၤယူဒၤဖိ လၢဘၣ်တၢ်ဆါကွံာ်အီၤ လၢပှၤကလုာ်တ ဖၣ်, ဒီးသုကဆါကွံာ်သုဒီပုၢ်ဝဲၢ်စ့ၢ်ကီးဧါ. ဒီးပှၤကဘၣ် ဆါကွံာ်အီၤလၢပှၤဧါ. ဒီးအဝဲသ့ၣ်အိၣ်ဘှီၣ်ကလာ်, ဒီး တထံၣ်န့ၢ်ဘၣ်တၢ်ကတိၤဘၣ်.

⁹ ဒီးယစံး, တၢ်လၢသုမၤန့ၣ်တဂ့ၤဘၣ်. သုဂ့ၤလဲၤတၢ် လၢတၢ်ပျံၤယွၤအပူၤလၢပှၤကလုာ်တဖၣ်, ဒီးပဒုၣ်ပဒါ အတၢ်ဒုၣ်ဒွဲၣ်တၢ်အဃိ, တမ့ၢ်ဘၣ်ဧါ. ¹⁰ ဒီးယဲဒၣ်, ဒီး ယဒီပုၢ်ဝဲၢ်, ဒီးယခ့ယပှၤတဖၣ်ဃ့စ့ၢ်ကီးအီၤလၢစ့, ဒီးဘု ဧိၤဟုဧိၤသ့လီၤ. လဲၤသဒၣ်တၢ်ဃ့စ့အအ့ၣ်န့ၣ်တက့ၢ်.

¹¹ လၢမုၢ်မဆါတနံၤအံၤဟ့ၣ်က့ၤအီၤလၢ အဟီၣ်ခိၣ်အ ကဝီၤ, ဒီးအစပံးထံအလီၢ်, အသ့ၣ်စၤယံးအလီၢ်, ဒီး အဟံၣ်အဃီတက့ၢ်. ဒီးကျိၣ်ဧိၤစ့ဧိၤ, ဒီးဘုဧိၤဟုဧိၤ, ဒီးစပံးထံ, ဒီးသိလၢသုမၤန့ၢ်လၢအီၤန့ၣ် ဟ့ၣ်က့ၤအီၤ လၢအပူတကယၤတပူန့ၣ်တက့ၢ်.

¹² ဒီးပှၤတဖၣ်န့ၣ်စံးဝဲဒၣ်, ပကဟ့ၣ်က့ၤလီၤ. ပတဃ့ လၢၤအီၤလၢတၢ်နီတမံၤဘၣ်. ဒီးပကမၤဒ်နစံးအသိးန့ၣ် လီၤ. ဒီးယကိးန့ၢ်ပှၤလုၢ်တၢ်အဒိၣ်, ဒီးယဒုးဆိၣ်အီၤ လၢအကမၤတၢ်ဒ်တၢ်ကတိၤတထံၣ်အသိးန့ၣ်လီၤ.

¹³ ဒီးယတြုၤယကူယသိး လၢယဟုးလာ်, ဒီးယစံးပှၤ လၢအတတိၢ်ဘၣ်တၢ်ကတိၤပာ်အံၤ တဂၤလၢ်လၢ်န့ၣ် မ်ယွၤတြုၤကွံာ်အီၤဒ်န့ၣ်အသိးလၢအဟံၣ်, ဒီးလၢအတၢ် မၤကိးမံၤဒဲးတက့ၢ်. မ်အဘၣ်တၢ်တြုၤကွံာ်အီၤ, ဒီးအိၣ် ကလီဒ်န့ၣ်အသိးတက့ၢ်. ဒီးပှၤအိၣ်ဖှိၣ်ဖိခဲလၢာ်စံး, အၤ မ့ၣ်, ဒီးစံးထီၣ်ပတြၢၤယွၤ, ဒီးပှၤဂီၢ်မုၢ်မၤဝဲဒ်တၢ်ကတိၤ အသိးန့ၣ်လီၤ.

¹⁴ လၢန့ၣ်အမဲာ်ညါ လၢမုၢ်တနံၤလၢတၢ်ပာ်ယၤလၢပ ဒိၣ်ဖးဒိၣ်လၢကီၢ်ယူဒၤအပူၤ, လၢစီၤပၤအၢ်တၤၡါၡတၤ အနံၣ်ပှဲၤထီၣ်ခံဆံနံၣ်တုၤလၢ အနံၣ်ပှဲၤထီၣ်သၢဆံခံနံၣ် တနံၣ်န့ၣ်, တဆံခံနံၣ်အတီၢ်ပူၤယဲဒၣ်ဒီး ယဒီပုၢ်ဝဲၢ်တ ဖၣ်တအီၣ်ဘၣ် ပဒိၣ်ဖးဒိၣ်အတၢ်အီၣ်ဘၣ်. ¹⁵ မ့မ့ၢ်ပဒိၣ် ဖးဒိၣ်လၢအအိၣ်ဝဲလၢယမဲာ်ညါတဖၣ်န့ၣ် ဃၢဝဲလၢပှၤ ဂီၢ်မုၢ်အဖီခိၣ်, ဒီးလၢစ့အၡက့လးလွံၢ်ဆံအမဲာ်ညါန့ၣ် ဟံးန့ၢ်ကိၣ်, ဒီးစပံးထံလၢအီၤလီၤ. ဒီးအခ့အပှၤတဖၣ် ဒၣ်လဲာ်ပၢပှၤဂီၢ်မုၢ်လီၤ. မ့မ့ၢ်ယဲဒၣ်အံၤ ယတမၤဘၣ်ဒ် န့ၣ်ဘၣ်, လၢတၢ်ပျံၤယွၤအဃိလီၤ.

¹⁶ ဒီးယမၤဆူၣ်ဆူၣ်စ့ၢ်ကီး လၢတၢ်ခိၣ်ဒူအံၤအတၢ်မၤ, ဒီးပတပှ့ၤဘၣ်ဟီၣ်ခိၣ်ဘၣ်, ဒီးယခ့ယပှၤခဲလၢာ် အိၣ် ဖှိၣ်ဖဲန့ၣ်လၢတၢ်မၤအအိၣ်လီၤ.

¹⁷ ဒီးလၢပှၤလၢအဟဲဆူပအိၣ်လၢ ပှၤကလုာ်တဖၣ်လၢ အအိၣ်ဝးတရံးပှၤအကျါအမဲာ်ညါ ပှၤယူဒၤဖိ, ဒီးပဒိၣ် ဖးဒိၣ်တဖၣ်အီၣ်ဝဲလၢ ယစီၢ်နီၤခိၣ်, တကယၤယဲၢ်ဆံ လီၤ.

¹⁸ ဒီးတၢ်လၢအကတဲာ်ကတီၤအသးလၢယဂီၢ် လၢတ နံၤအဂီၢ်တနံၤအဂီၢ်န့ၣ်မ့ၢ်ဂီၤဖံးတဒု, သိအဂ့ၤဃုဒု, ဒီး ပှၤကတဲာ်ကတီၤဆီတဖၣ်လၢယဂီၢ်, ဒီးဆံဆဲၣ်နံၤတဘျီ န့ၣ်စပံးထံအကလုာ်ကလုာ်လၢအအါလီၤ. ဒီးလၢတၢ်ခဲ လၢာ်အဂီၢ်န့ၣ် ယတဃ့ဘၣ်ပဒိၣ်ဖးဒိၣ်အတၢ်အီၣ်ဘၣ်. အဂ့ၢ်ဒ်အံၤ, တၢ်မၤန့ၣ်ဃၢဝဲလၢပှၤဂီၢ်မုၢ်အံၤအလိၤလီၤ.

¹⁹ ယကစၢ်ဧၢ, သ့ၣ်နီၣ်ထီၣ်က့ၤယၤလၢတၢ်ဂ့ၤအဂီၢ်, ဒ် ကယဲၢ်တၢ်လၢယမၤပှၤဂီၢ်မုၢ်အသိးန့ၣ်တက့ၢ်.

၆

¹ ဒီးတုၤစီၤစၤနဘၤလး, ဒီးစီၤတိၤဘံယၤ, ဒီးပှၤဧ့ရ့းဖိ စီၤက့ၤရှ့ၣ်, ဒီးပဒုၣ်ပဒါလၢအအိၣ်လီၤတဲာ်တဖၣ်နၢ်ဟူ ဝဲလၢယမၤက့ၤတၢ်အခိၣ်ဒူ, ဒီးတၢ်လီၤပှီၢ်တအိၣ်လီၤ တဲာ်ဘၣ်လၢအပူၤဘၣ်ဒီး, (ဘၣ်ဆၣ်ဒီးအကတီၢ်ဖဲန့ၣ် ယတပာ်ထီၣ်ဒံးဘၣ်တြဲၤတဖၣ် လၢပဲတရီအပူၤဘၣ်)―

² တၢ်မၤအသးလၢစီၤစၤနဘၤလး, ဒီးစီၤက့ၤရှ့ၣ်မၢလီၤတၢ် ဆူယအိၣ်, ဒီးစံးဝဲဒၣ်, ဟဲသဂၢၢ်လိာ်ပသးလၢတဝီပူၤ လၢတၢ်ပျီပူၤအိနိၤတက့ၢ်. ဒီးအဝဲသ့ၣ်တဖၣ်န့ၣ်ဆိက မိၣ်ဝဲလၢအကမၤအၢယၤလီၤ.

³ ဒီးယမၢလီၤ ကလူးတဖၣ်ဆူအအိၣ်, ဒီးယစံးဘၣ် အီၤ, ယမၤတၢ်မၤဖးဒိၣ်, ဒီးယဟဲလီၤတသ့ဘၣ်. ယ လဲၤသဒၣ်တၢ်မၤ, ဒီးဟဲလီၤဆူသုအိၣ်အဖၢမုၢ်ဒီး, တၢ် မၤကအိၣ်ကတီၢ်မ့ၢ်အဘၣ်မနုၤလဲၣ်.

⁴ ဒီးမၢလီၤတၢ်ဆူယအိၣ် ဒ်တၢ်ကတိၤတထံၣ်ဃီအံၤ အသိးန့ၣ်လွံၢ်ဘျီ, ဒီးယစံးဆၢအီၤ, ဒ်တၢ်ကတိၤတ ထံၣ်အံၤအသိးန့ၣ်လီၤ.

⁵ ဒီးစီၤစၤနဘၤလး မၢလီၤအခ့အပှၤတဂၤ ယဲၢ်ဘျီတ ဘျီဒ်န့ၣ်သိး, အိၣ်ဒီးအလံာ်အိၣ်အိးထီၣ်အသးလၢအစု ပူၤတဘ့ၣ်လီၤ. ⁶ တၢ်ကွဲးအသးလၢအပူၤ, တၢ်ဟူထီၣ် သါလီၤလၢပှၤကလုာ်တဖၣ်အကျါ, ဒီးစီၤကၤၡမူၤစံးဝဲ ဒၣ်, နဲဒၣ်ဒီးပှၤယူဒၤဖိဆိကမိၣ်ဝဲလၢ အကပူထီၣ်တၢ် လီၤ. မၤသးဒ်န့ၣ်ဒီးနမၤက့ၤတၢ်ခိၣ်ဒူဒ်သိးနကကဲထီၣ် အစီၤပၤ, ဒ်တၢ်ကတိၤတဖၣ်အသိးန့ၣ်လီၤ. ⁷ ဒီးနပာ် လီၤစ့ၢ်ကီးဝံတဖၣ်လၢယရူၤၡလ့ၣ်အပူၤ ဒ်သိးအကကိး ထီၣ်တၢ်လၢနဂ့ၢ်နကျိၤ, လၢအစံးဝဲ, စီၤပၤတဂၤအိၣ်ဝဲ လၢယူဒၤအပူၤလီၤ. ဒီးခဲကနံၣ်အံၤပှၤကစံးဘၣ်တဲဘၣ် စီၤပၤဒ်တၢ်ကတိၤတဖၣ်အသိးန့ၣ်လီၤ. ဒီးခဲကနံၣ်အံၤ ဟဲ, ကူၣ်သကိးတၢ်တက့ၢ်.

⁸ ဒီးယမၢလီၤတၢ်ဆူအအိၣ် ဒီးစံး, တၢ်တမၤဘၣ်အ သးဒ်နစံးတၢ်အသိးန့ၣ်ဘၣ်. မ့ၢ်နကူၣ်ထီၣ်ကလီကလီ လၢနသးကံၢ်ပူၤလီၤ.

⁹ အဂ့ၢ်ဒ်အံၤ, ပှၤခဲလၢာ်န့ၣ်မၤပျံၤမၤဖုးပှၤ, ဒီးစံးဝဲဒၣ်, အစုကလီၤစၢ်လၢအတၢ်မၤ တုၤအတမၤဘၣ်အသးဘၣ် လီၤ. ဒီးခဲကနံၣ်အံၤ, ကစၢ်ဧၢ, ဒုးဆူၣ်ထီၣ်ယစုတက့ၢ်.

¹⁰ ဒီးယလဲၤဆူမဟ့တးဘအ့လးအဖိခွါ စီၤဒလါယၤအ ဖိခွါ, စီၤၡမါယၤအဟံၣ်, အဝဲဒၣ်အိၣ်ဝဲဆိးဝဲတဂၤဃီ, ဒီးစံးဝဲဒၣ်, လဲၤသဂၢၢ်သကိးလိာ်ပသး လၢယွၤအဟံၣ် ပူၤ, လၢနူၢ်အသးကံၢ်ပူၤ, ဒီးကးတံာ်ဃာ်သကိးနူၢ်အ တြဲၤတက့ၢ်. အဂ့ၢ်ဒ်အံၤ, ပှၤကဟဲမၤသံနၤ, ဒီးကဟဲ မၤသံလၢမုၢ်နၤလီၤ.

¹¹ ဒီးယစံး, ပှၤကညီဒ်ယၤအသိးန့ၣ် ယကဃ့ၢ်စ့ၢ်ကီး ဧါ. ဒီးမ့ၢ်မတၤဒ်ယၤအသိးကလဲၤနုာ်လၢနူၢ်ပူၤဒ်သိးအ ကမူဒံးဝဲတဂၤလဲၣ်. ယတလဲၤနုာ်ဘၣ်.

¹² ဒီးကွၢ်ကွၢ်, ယသ့ၣ်ညါလၢ ယွၤတမၢလီၤဘၣ်အီၤ ဘၣ်. မ့ၢ်စီၤတိၤဘံယၤ, ဒီးစီၤစၤနဘၤလးငါအီၤလၢစ့ ဒီး, ကတိၤတၢ်လၢဝံအကျိာ်ထီဒါယၤလီၤ.

¹³ ဒီးပှၤငါအီၤလၢစ့ဒ်သိးယကပျံၤတၢ်, ဒီးမၤဒ်န့ၣ်, ဒီး မၤတၢ်ဒဲးဘး, ဒီးဒ်သိးတၢ်ကစီၣ်အအၢကအိၣ်ထီၣ်လၢ အဃိဒ်သိးအကဒုၣ်ဒွဲၣ်ယၤလီၤ.

¹⁴ ယကစၢ်ဧၢ, သ့ၣ်နီၣ်ထီၣ်က့ၤစီၤတိၤဘံယၤ, ဒီးစီၤစၤ နဘၤလး ဒ်အတၢ်မၤတဖၣ်အံၤအသိး, ဒီးဝံပိာ်မုၣ်နိဒ ယၤ, ဒီးဝံအဂၤတဖၣ်လၢအသါကမၤပျံၤယၤန့ၣ်တက့ၢ်.

¹⁵ ဒီးလၢ လါအလူလး, လါထီၣ်ခံဆံယဲၢ်နံၤတနံၤန့ၣ် တၢ်ခိၣ်ဒူဝံၤဝဲလၢယဲၢ်ဆံခံနံၤအတီၢ်ပူၤန့ၣ်လီၤ.

¹⁶ ဒီးတုၤပဒုၣ်ပဒါခဲလၢာ်နၢ်ဟူဝဲ, ဒီးပှၤကလုာ်တဖၣ် လၢအအိၣ်ဝးတရံး ပှၤခဲလၢာ်န့ၣ်ထံၣ်ဘၣ်ဝဲဒီး, တၢ်မၤ အသးလၢအလီၤဃံၤဝဲလၢအမဲာ်ဒၣ်ဝဲအပူၤနးမးလီၤ. ဒီး သ့ၣ်ညါဝဲလၢတၢ်မၤန့ၣ်မၤအသးလၢပကစၢ်လီၤ.

¹⁷ လၢန့ၣ်အမဲာ်ညါ လၢမုၢ်နံၤတဖၣ်န့ၣ် ပှၤယူဒၤအပှၤ အိၣ်ဖျဲၣ်ပဒိၣ်ဟ့ၣ်ယုၢ်လံာ်အါဘ့ၣ်ဆူ စီၤတိၤဘံယၤဒီး စီၤတိၤဘံယၤအလံာ်ဟဲဝဲဆူအအိၣ်လီၤ.

¹⁸ အဂ့ၢ်ဒ်အံၤ, ပှၤအါဂၤလၢပှၤယူဒၤဖိအကျါန့ၣ် ဆိၣ် လီၤတ့ၢ်အသးဒီးအီၤလီၤ. အဂ့ၢ်ဒ်အံၤ, မ့ၢ်စီၤအရၤအဖိ ခွါစီၤၡကါနယၤအမာ်လီၤ. ဒီးအဖိခွါစီၤယိဃၤနၣ်ဟံး န့ၢ်တ့ၢ်လံစီၤဘရ့ကံယၤအဖိခွါ စီၤမရှူလၣ်အဖိမုၣ်လၢ အမါလီၤ.

¹⁹ ကတိၤတၢ်စ့ၢ်ကီးလၢ ယမဲာ်ညါလၢ အဝဲဒၣ်အမၤ တၢ်လၢအဂ့ၤ, ဒီးစံးဘၣ်က့ၤအီၤလၢယတၢ်ကတိၤတဖၣ် န့ၣ်လီၤ. ဒီးစီၤတိၤဘံယၤဟ့ၣ်ယုၢ်လံာ်ဒ်သိးအကမၤပျံၤ ယၤလီၤ.

၇

¹ ဒီးတုၤတၢ်ခိၣ်ဒူမၤထီၣ်အသး, ဒီးယပာ်ထီၣ်တြဲၤအ တဖၣ်, ဒီးပှၤပၢၤပဲတရီဖိ, ဒီးပှၤသးဝံၣ်တၢ်ဖိ, ဒီးပှၤလ့ၤ ဝံဖိဘၣ်တၢ်ပာ်လီၤအီၤဝံၤဒီး, ² တၢ်မၤအသးလၢယပာ် လီၤယဒီပုၢ်ဝဲၢ်စီၤဃနၤနံ, ဒီးတိာ်အပဒိၣ်ဖးဒိၣ်စီၤဃနၤ နံယၤလၢယရူၤၡလ့ၣ်အဖီခိၣ်လီၤ. (အဂ့ၢ်ဒ်အံၤ, မ့ၢ်ပှၤ အမ့ၢ်အတီ, ဒီးပျံၤယွၤဒိၣ်န့ၢ်ပှၤအါဂၤတက့ၢ်လီၤ.) ³ ဒီး ယစံးဘၣ်အီၤ, တၢ်တချုးကိၢ်ဒံးဘၣ်ဒီး, မ်တၢ်သုတအိး ထီၣ် ယရူၤၡလ့ၣ်အတြဲၤတဂ့ၤ. ဒီးပှၤဆၢထၢၣ်လၢအ ဃၢၤအဖၢမုၢ်န့ၣ် မ်တၢ်ကးတံာ်ဃာ်တြဲၤ, ဒီးဂိာ်ဃာ် လၢနီၣ်ဘိ, ဒီးပာ်လီၤပှၤပၢၤတၢ်ဖိအဖုတဖၣ် လၢပှၤ အိၣ်ဝဲဆိးဝဲလၢယရူၤၡလ့ၣ်အကျါ, တဂၤလၢအပှၤပၢၤ တၢ်ဖုအကျါ, တဂၤလၢအပှၤပၢၤတၢ်တဖုအကျါ, ဒီး အိၣ်သဃီၤဒီးအဟံၣ်ဒၣ်ဝဲကိးဂၤဒဲးတက့ၢ်.

⁴ ဒီးဝ့ၢ်န့ၣ်လဲၢ်ဝဲ, ဒီးဒိၣ်ဝဲ, ဒီးပှၤဂီၢ်မုၢ်မ့ၢ်စှၤဂၤလၢအ ပူၤ, ဒီးဟံၣ်တဖၣ်တမၤထီၣ်ဒံးဘၣ်အသးဘၣ်.

⁵ ဒီးယကစၢ်ပာ်ဝဲလၢအသးကံၢ်ပူၤ, လၢယကဒုးအိၣ် ဖှိၣ်ပှၤအိၣ်ဖျဲၣ်ပဒိၣ်, ဒီးပဒိၣ်, ဒီးပှၤဂီၢ်မုၢ်ဒ်သိးတၢ်ကဂံၢ် န့ၢ်အီၤဒ်အထူအထံးအသိး, ဒီးယထံၣ်န့ၢ်ပှၤလၢအဟဲ ထီၣ်ဆိလၢအခီၣ်ထံးတဖၣ် အလံာ်အထူအထံး, ဒီးယ ထံၣ်န့ၢ်တၢ်ကွဲးအသးလၢအပူၤဒ်အံၤ, ⁶ အအံၤမ့ၢ်ကီၢ်တ ဖၣ်အဖိလၢအဟဲထီၣ်လၢတၢ်မၢကဲကုၢ်အပူၤ, လၢတၢ် စိာ်မၢကဲကုၢ်အီၤ, လၢဘၤဘူၤလိၣ်အစီၤပၤနဘူၤကးန့ စၢ်စိာ်မၢကဲကုၢ်အီၤ, ဒီးဟဲက့ၤကဒါက့ၤဆူယရူၤၡလ့ၣ်, ဒီးဆူယူဒၤ တဂၤဆူအဝ့ၢ်ဒၣ်ဝဲ, တဂၤဆူအဝ့ၢ်ဒၣ်ဝဲ,―

⁷ လၢအဟဲဝဲဒီးစီၤစရူဘၤဘ့လး, ဒီးစီၤယ့ၤရှူ, ဒီးစီၤနဃ့မ ယၤ, ဒီးစီၤဧစၤရယၤ, စီၤရၤမယၤ, စီၤနဃၤမနံ, စီၤမၢ်ဒ ကဲၤ, စီၤဘံးလၡၣ်, စီၤမံးစပ့ရ့း, စီၤဘံးကဝဲၤ, စီၤရဃူၣ်, စီၤဘၤနါလီၤ. အံၣ်စရ့လးအပှၤကညီအတၢ်ဂံၢ်.

⁸ ပၤရိာ်အဖိ, ပှၤခံကထိတကယၤနွံဆံခံဂၤ.

⁹ ၡဖးတယၤအဖိ, ပှၤသၢကယၤနွံဆံခံဂၤ,

¹⁰ အရၤအဖိ, ပှၤဃုကယၤယဲၢ်ဆံခံဂၤ,

¹¹ ပၤဃးမိၤအးအဖိ, လၢယ့ၤရှူဒီးယိၤအာ်အဖိ, ပှၤခံ ကထိဃိးကယၤတဆံဃိးဂၤ,

¹² ဧ့ၤလၣ်အဖိ, ပှၤတကထိခံကယၤယဲၢ်ဆံလွံၢ်ဂၤ,

¹³ စးတူၤအဖိ, ပှၤဃိးကယၤလွံၢ်ဆံယဲၢ်ဂၤ,

¹⁴ စးကဲအဖိ, ပှၤနွံကယၤဃုဆံဂၤ,

¹⁵ ဘံနူၤအဖိ, ပှၤဃုကယၤလွံၢ်ဆံဃိးဂၤ,

¹⁶ ဘ့ဘဲၤအဖိ, ပှၤဃုကယၤခံဆံဃိးဂၤ,

¹⁷ ဧၤစကးအဖိ, ပှၤခံကထိသၢကယၤခံဆံခံဂၤ,

¹⁸ အဒိၤနံကၣ်အဖိ, ပှၤဃုကယၤဃုဆံနွံဂၤ,

¹⁹ ဘံးကဝဲၤအဖိ, ပှၤခံကထိဃုဆံနွံဂၤ,

²⁰ ဧၤဒံၣ်အဖိ, ပှၤဃုကယၤယဲၢ်ဆံယဲၢ်ဂၤ,

²¹ အ့ၤတၢ်အဖိဘၣ်ဃးဒီး စီၤဃံးစကံယၤ, ပှၤခွံဆံဃိး ဂၤ,

²² ဃၤရှူၣ်အဖိ, ပှၤသၢကယၤခံဆံဃိးဂၤ,

²³ ဘ့စဲၤအဖိ, ပှၤသၢကယၤခံဆံလွံၢ်ဂၤ,

²⁴ ဃၤရံာ်အဖိ, ပှၤတကယၤတဆံခံဂၤ,

²⁵ ကံးဘိၢ်အဖိ, ပှၤခွံဆံယဲၢ်ဂၤ,

²⁶ ဘ့ၤသလ့ဃ့ၣ် ဒီးနတိဖၤအပှၤကညီ, ပှၤတကယၤ ဃိးဆံဃိးဂၤ,

²⁷ ဧၤနသိးအပှၤကညီတကယၤခံဆံဃိးဂၤ,

²⁸ ဘ့ၤသဧၤစမၤဝ့းအပှၤကညီ, ပှၤလွံၢ်ဆံခံဂၤ,

²⁹ ကံးရယးယဧၤရံၣ်ဖိ, တဖံရၤဖိ, ဒီးဘအ့ရိးဖိ, ပှၤနွံက ယၤလွံၢ်ဆံသၢဂၤ,

³⁰ ရၤမါ, ဒီးက့ဘၤအပှၤကညီ, ပှၤဃုကယၤခံဆံတဂၤ,

³¹ မံးကမၣ်အပှၤကညီတကယၤခံဆံခံဂၤ,

³² ဘ့ၤသ့လး, ဒီးဂဲအပှၤကညီတကယၤခံဆံသၢဂၤ,

³³ နဘိအဂၤအပှၤကညီ, ပှၤယဲၢ်ဆံခံဂၤ,

³⁴ ဧ့ၤလၣ်အဂၤအဖိ, ပှၤတကထိခံကယၤယဲၢ်ဆံလွံၢ်ဂၤ,

³⁵ ဃၤရံာ်အဖိ, ပှၤသၢကယၤခံဆံဂၤ,

³⁶ ယရံၤဃိအဖိ, ပှၤသၢကယၤလွံၢ်ဆံယဲၢ်ဂၤ,

³⁷ လိး, ဒီးဃၤဒံး, ဒီးအိနိၤအဖိ, ပှၤနွံကယၤခံဆံတဂၤ,

³⁸ စနါအၤအဖိပှၤသၢကထိခွံကယၤသၢဆံဂၤ,

³⁹ ပှၤလုၢ်တၢ်အဒိၣ်. ယဒါယၤအဖိ, ယ့ၤရှူအဟံၣ်ဖိပှၤခွံကယၤနွံဆံသၢဂၤ,

⁴⁰ အံးမ့ၢ်အဖိ, ပှၤတကထိယဲၢ်ဆံခံဂၤ,

⁴¹ ပၤၡဃူၢ်အဖိ, ပှၤတကထိခံကယၤလွံၢ်ဆံနွံဂၤ,

⁴² ဃၤရံၣ်အဖိ, ပှၤတကထိတဆံနွံဂၤ.

⁴³ ပှၤလ့ၤဝံဖိ. ယ့ၤရှူအဖိ, ဒီးကးမံၤအ့လးအဖိလၢဟိၤဒၤဝယၤအဖိ အကျါ, ပှၤနွံဆံလွံၢ်ဂၤ.

⁴⁴ ပှၤသးဝံၣ်တၢ်ဖိ. အၤစာ်အဖိ, ပှၤတကယၤလွံၢ်ဆံဃိးဂၤ.

⁴⁵ ပှၤပၢၤပဲတရီဖိ. ၡၤလူၣ်အဖိ, အၤတ့ၢ်အဖိ, တၤလမိၣ်အဖိ, ဧးကူာ်အဖိ, ဃတံတၤအဖိ, ၡိဘံၤအဖိ, ပှၤတကယၤသၢဆံဃိးဂၤ.

⁴⁶ ပှၤနသံနးဖိ. စံဃၤအဖိ, ဃစူစၤအဖိ, တၤဘၤဧိးအဖိ, ⁴⁷ က့ရိၣ်အဖိ, စံၤဟၤ အဖိ, ပၤဒိၣ်အဖိ, ⁴⁸ လဘၤနၤအဖိ, ဃၤကဘၤအဖိ, ၡၤ လမဲၤအဖိ, ⁴⁹ ဃၤနၣ်အဖိ, ကံးဒ့လးအဖိ, ကၤဃၢ်အ ဖိ, ⁵⁰ -ရအါယၤအဖိ, ⁵¹ -ရစံၣ်အဖိ, နကိဒၤအဖိ, ကးစၣ် အဖိ, ⁵² ဧူးစၤအဖိ, ပၤစ့ၤအဖိ, ဘ့စဲၤအဖိ,― မူနးအဖိ, န ဖူစံၣ်အဖိ, ⁵³ ဘၤကဘူးအဖိ, ဃၤကူဖၤအဖိ, ဃၢ်ဃူၢ်အ ဖိ, ⁵⁴ -ဘၤစလံးအဖိ, မဃံဒၤအဖိ, ဃၤရၡၤအဖိ, ⁵⁵ -ဘၢ် ကိၣ်အဖိ, စံစရၤအဖိ, သၤမၤအဖိ ⁵⁶ နစံၤအဖိ, ဃၤတံဖၤ အဖိ.

⁵⁷ စီၤၡလိၤမိၤအခ့အပှၤအဖိ. စိတဲၤအဖိ. စိဖ့ၤရ့းအဖိ, ပရံဒၤအဖိ, ⁵⁸ ယၤလၤအဖိ, ဒၢ်ကိၣ်အဖိ, ကံးဒ့လးအဖိ, ⁵⁹ ၡဖးတယၤအဖိ, ဃးတံလးအဖိ, ဖိၤက့ ရ့းအဖိဘၣ်ဃးဒီးစဘဲၣ်, အၤမိၣ်အဖိ, ⁶⁰ ပှၤနသံနးဖိခဲ လၢာ်, ဒီးစီၤၡလိၤမိၤအခ့အပှၤအဖိန့ၣ် မ့ၢ်ပှၤသၢကယၤ ခွံဆံခံဂၤလီၤ.

⁶¹ ဒီးအဝဲအံၤမ့ၢ် ပှၤလၢအဟဲထီၣ်လၢ တ့ၤလမ့ၤလၤ, တ့လဃၢ်ၡၤ, ခ့ရူာ်, အးဒၣ်, အံးမ့ၢ်လီၤ. ဒီးအပၢ်အပှၤ ဟံၣ်ဖိ, ဒီးအချံအသၣ်မ့ၢ်လၢဘၣ်ဃးဒီး အံၣ်စရ့လး ဧါန့ၣ်ဒုးနဲၣ်ဝဲတသ့ဘၣ်.

⁶² ဒလါယၤအဖိ, တိၤဘံယၤအဖိ, နကိဒၤအဖိ, ပှၤဃု ကယၤလွံၢ်ဆံခံဂၤလီၤ. ⁶³ ဒီးလၢပှၤလုၢ်တၢ်အဒိၣ်အဖိအ ကျါန့ၣ်, ဃဘါယၤအဖိ, ကိစးအဖိ, ဘၢ်စံးလဲအဖိ, ပှၤ တဂၤလၢအဟံးန့ၢ်အမါလၢ ပှၤကံးလဧးဖိစီၤဘၢ်စံးလဲ အဖိမုၣ်တဖၣ်အကျါ, ဒီးပှၤကိးအမံၤဒ်သိးသိး, ⁶⁴ အ ဝဲသ့ၣ်တဖၣ်န့ၣ် ဃုအလံာ်လၢပှၤလၢတၢ်ဂံၢ်အီၤလၢအ ထူအထံးတဖၣ်အကျါ, ဒီးတထံၣ်န့ၢ်ဘၣ်ဝဲဘၣ်. ဒီးလၢ တၢ်န့ၣ်အဃိပှၤပာ်အီၤလၢအတကဆှီဘၣ်, ဒီးပာ်ကွံာ် အီၤလၢပှၤလုၢ်တၢ်အဒိၣ်အလီၢ်လီၤ.

⁶⁵ ဒီးတၢ်အခိၣ်တဂၤ စံးဘၣ်အီၤလၢ အတဘၣ်အီၣ် ဘၣ်တၢ်စီဆှံကတၢၢ်တုၤလီၤလၢ ပှၤလုၢ်တၢ်အဒိၣ်ဆၢ ထၢၣ်အိၣ်ဒီးအူရံၣ်, ဒီးတူမံၣ်လီၤ.

⁶⁶ ဒီးပှၤအိၣ်ဖှိၣ်ဖိခဲလၢာ်တပူၤဃီန့ၣ် မ့ၢ်လွံၢ်ကလးခံက ထိသၢကယၤဃုဆံဂၤလီၤ. ⁶⁷ လၢန့ၣ်အမဲာ်ညါအကုၢ် ပိာ်ခွါ, ဒီးအကုၢ်ပိာ်မုၣ်အိၣ်ဝဲပှၤနွံကထိသၢကယၤသၢ ဆံနွံဂၤ, ဒီးပှၤသးဝံၣ်တၢ်ဖိ, ပိာ်ခွါဒီးပိာ်မုၣ်န့ၣ်အိၣ်ဝဲ လၢအကျါပှၤခံကယၤလွံၢ်ဆံယဲၢ်ဂၤလီၤ.

⁶⁸ အကသ့ၣ်န့ၣ်မ့ၢ်နွံကယၤသၢဆံဃုဒု, အကသ့ၣ်လၤ န့ၣ်ခံကယၤလွံၢ်ဆံယဲၢ်ဒု, ⁶⁹ အကီၤလၤအူးန့ၣ်လွံၢ်ကယၤ သၢဆံယဲၢ်ဒု, အကသ့ၣ်ယီၤဃုကထိနွံကယၤခံဆံန့ၣ် လီၤ.

⁷⁰ ဒီးပှၤအပၢ်တဖၣ်အခိၣ်တဖၣ် ဟ့ၣ်တၢ်လၢ တၢ်မၤ န့ၣ်အဂီၢ်လီၤ. တၢ်အခိၣ်တဂၤန့ၣ်ဟ့ၣ်ထူအဒၤရံးတက ထိ, သလၢအဖျၢၣ်ယဲၢ်ဆံ, ပှၤလုၢ်တၢ်အဒိၣ်အဆ့ယဲၢ် ကယၤသၢဆံဘ့ၣ်လၢတၢ်ပာ်ဖှိၣ်န့ၣ်လီၤ.

⁷¹ ဒီးပှၤအပၢ်တဖၣ် အခိၣ်တဖၣ်န့ၣ် ဟ့ၣ်ထူအဒၤရံးခံ ကလး, ဒီးစ့အမၤနၤခံကထိခံကယၤ လၢတၢ်မၤန့ၣ်အ ပာ်ဖှိၣ်အလီၢ်န့ၣ်လီၤ.

⁷² ဒီးတၢ်လၢပှၤဂီၢ်မုၢ် လၢအအိၣ်လီၤတဲာ်တဖၣ်ဟ့ၣ်ဝဲ န့ၣ်မ့ၢ်ထူအဒၤရံးခံကလး, ဒီးစ့အမၤနၤခံကထိ, ဒီးပှၤ လုၢ်တၢ်အဒိၣ်အဆ့ဃုဆံနွံဘ့ၣ်လီၤ.

⁷³ ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိ, ဒီးပှၤပၢၤပဲတရီဖိ, ဒီးပှၤသးဝံၣ်တၢ်ဖိ, ဒီးပှၤလၢပှၤဂီၢ်မုၢ်အကျါ, ဒီးပှၤန သံနးဖိ, ဒီးအံၣ်စရ့လးခဲလၢာ်အိၣ်ဝဲဆိးဝဲလၢအဝ့ၢ်တ ဖၣ်အပူၤ, ဒီးတုၤလါနွံလါတလါဘၣ်ဒီး, ပှၤအံၣ်စရ့လး ဖိအိၣ်ဝဲလၢအဝ့ၢ်တဖၣ်အပူၤလီၤ.

၈

¹ ဒီးပှၤဂီၢ်မုၢ်ခဲလၢာ် အိၣ်ဖှိၣ်ရိဖှိၣ် ဒ်ပှၤတဂၤဃီအသိး လၢကျဲပူၤ လၢအအိၣ်ဝဲလၢပဲတရီထံအမဲာ်ညါ, ဒီးစံး ဘၣ်ပှၤကွဲးလံာ်စီၤဧ့စြၤဒ်သိး အကဟဲစိာ်လံာ်စီၤမိၤရှ့အ တၢ်သိၣ်တၢ်သီလၢယွၤမၤလိာ်အံၣ်စရ့လးလီၤ.

² ဒီးလၢလါနွံလါတလါထီၣ်တနံၤန့ၣ် ပှၤလုၢ်တၢ်အ ဒိၣ်စီၤဧ့စြၤ ဟဲစိာ်တၢ်သိၣ်တၢ်သီဆူ တၢ်အိၣ်ဖှိၣ်အမဲာ် ညါ, ဒီးပိာ်မုၣ်, ဒီးပိာ်ခွါ, ဒီးကယဲၢ်ပှၤလၢအနၢ်ဟူ တၢ်ဒီးနၢ်ပၢၢ်တၢ်သ့န့ၣ်လီၤ.

³ ဒီးဖးဝဲလၢအပူၤလၢကျဲလၢ အအိၣ်ဝဲလၢပဲတရီထံအ မဲာ်ညါလၢမုၢ်ဂီၤပၢၢ်လၢမုၢ်ထူၣ်, လၢပိာ်မုၣ်, ဒီးပိာ်ခွါ, ဒီးလၢကယဲၢ်ပှၤလၢအနၢ်ပၢၢ်တၢ်သ့အမဲာ်ညါလီၤ. ဒီး ပှၤဂီၢ်မုၢ်ခဲလၢာ်န့ၣ်ဒိကနၣ်လံာ်တၢ်သိၣ်တၢ်သီန့ၣ်လီၤ.

⁴ ဒီးပှၤကွဲးလံာ်စီၤဧ့စြၤ ဆၢထၢၣ်လၢတၢ်အလီၢ်ထီၣ်ထီ သ့ၣ်အဖီခိၣ်လၢပှၤမၤဝဲလၢတၢ်န့ၣ်တမံၤအဂီၢ်, ဒီးစီၤမၤ တံးသယၤ, ဒီးစီၤၡမၤ, ဒီးစီၤဧနၤယၤ, ဒီးစီၤအူၤရံယၤ, ဒီးစီၤဃံးလကံယၤ, ဒီးစီၤမၤစ့ယၤတဖၣ် ဆၢထၢၣ်လၢ အစုထွဲ, ဒီးစီၤပဒါယၤ, ဒီးစီၤမံၤၡအ့လး, ဒီးစီၤမၤလ ကံယၤ, ဒီးစီၤဃၤရှူာ်, ဒီးစီၤဃၤၡဘးဒနၤ, ဒီးစီၤစကၤ ရယၤ, ဒီးစီၤမရှူလၣ်တဖၣ်လၢအစုစ့ၣ်လီၤ.

⁵ ဒီးစီၤဧ့စြၤ အိးထီၣ်လံာ်လၢ ပှၤဂီၢ်မုၢ်ခဲလၢာ်အမဲာ် ညါ, (အဂ့ၢ်ဒ်အံၤ, အိၣ်ဝဲလၢပှၤဂီၢ်မုၢ်ခဲလၢာ်အဖီခိၣ်,) ဒီးတုၤအအိးထီၣ်ဝဲဒီး, ပှၤဂီၢ်မုၢ်ခဲလၢာ်ဆၢထၢၣ်ဝဲလီၤ.

⁶ ဒီးစီၤဧ့စြၤစံးထီၣ်ပတြၢၤယွၤ, ကစၢ်ဖးဒိၣ်, ဒီးပှၤဂီၢ် မုၢ်ခဲလၢာ်စံးဆၢ, အၤမ့ၣ်, အၤမ့ၣ်, အိၣ်ဒီးအစုယူာ် ထီၣ်အသး, ဒီးဆုးလီၤအခိၣ်, ဒီးတီၤလီၤကဒွံကျိာ်, ဒီးဘူၣ်ထီၣ်ဘါထီၣ်တၢ်လီၤ.

⁷ ဒီးစီၤယ့ၤရှူ, ဒီးစီၤဘၤနံ, ဒီးစီၤရှ့ရ့ဘယၤ, စီၤယၤမံၣ်, စီၤဧးကူာ်, စီၤၡၤဘသဲၤ, စီၤဟိၤဒံယၤ, စီၤမၤစ့ယၤ, စီၤက့ လံတၤ, စီၤဧစၤရယၤ, စီၤယိစဘး, စီၤဃၤနၣ်, စီၤပလါ ယၤ, ဒီးပှၤလ့ၤဝံဖိသ့ၣ်တဖၣ်န့ၣ် ဒုးနၢ်ပၢၢ်ပှၤဂီၢ်မုၢ်လၢ တၢ်သိၣ်တၢ်သီ, ဒီးပှၤဂီၢ်မုၢ်ဆၢထၢၣ်လၢအလီၢ်န့ၣ်လီၤ.

⁸ ဒီးအဝဲသ့ၣ်တဖၣ်ဖးလံာ်န့ၣ် လၢယွၤအတၢ်သိၣ်တၢ် သီအပူၤလီၤတံၢ်လီၤဆဲး, ဒီးဟ့ၣ်ဝဲအခီပညီ, ဒီးဒုးနၢ် ပၢၢ်ပှၤလၢတၢ်လၢအဖးဝဲလီၤ.

⁹ ဒီးစီၤနဃ့မယၤ လၢအမ့ၢ်တၢ်အခိၣ်, ဒီးပှၤကွဲးလံာ် စီၤဧ့စြၤဒီးပှၤလ့ၤဝံဖိ လၢအသိၣ်လိပှၤဂီၢ်မုၢ်န့ၣ် စံးဘၣ် ပှၤဂီၢ်မုၢ်ခဲလၢာ် တၢ်လၢမုၢ်တနံၤအံၤစီဆှံဝဲလၢယွၤသုက စၢ်အဂီၢ်လီၤ. သုတဟီၣ်တယၢၤတဂ့ၤ. မ်သုမဲာ်ထံအ သုတလီၤတဂ့ၤ. အဂ့ၢ်ဒ်အံၤ, တုၤပှၤဂီၢ်မုၢ်နၢ်ဟူတၢ်သိၣ် တၢ်သီအတၢ်ကတိၤန့ၣ်ဒီး, အမဲာ်ထံလီၤခဲလၢာ်လီၤ.

¹⁰ ဒီးစံးဘၣ်အီၤ, လဲၤ, အီၣ်တၢ်အသိ, ဒီးအီတၢ်အဆၢ, ဒီးပှၤလၢတၢ်ကတဲာ်ကတီၤအသး လၢအဂီၢ်တအိၣ်ဘၣ် တဖၣ်န့ၣ် ဟ့ၣ်ယုၢ်အီၤလၢအဂီၢ်တဖၣ်တက့ၢ်. အဂ့ၢ်ဒ် အံၤ, တၢ်လၢမုၢ်တနံၤအံၤ, စီဆှံဝဲလၢပကစၢ်အဂီၢ်လီၤ. ဒီးသုတသူၣ်အုးသးအုးတဂ့ၤ. အဂ့ၢ်ဒ်အံၤ, ယွၤအတၢ် သူၣ်ခုသးခုန့ၣ်မ့ၢ်သုဂံၢ်သုဘါလီၤ.

¹¹ ဒီးပှၤလ့ၤဝံဖိဒုးအိၣ်ဘှီၣ်ပှၤဂီၢ်မုၢ်ခဲလၢာ်, ဒီးစံးဝဲဒၣ်, အိၣ်ဃိကလာ်တက့ၢ်. အဂ့ၢ်ဒ်အံၤ, တၢ်လၢနံၤအံၤစီဆှံ လီၤ. သုတသူၣ်အုးသးအုးတဂ့ၤ.

¹² ဒီးပှၤဂီၢ်မုၢ်ခဲလၢာ်လဲၤဝဲဒ်သိး အကအီၣ်တၢ်, ဒီးအီ တၢ်, ဒီးဟ့ၣ်ယုၢ်တၢ်အဂီၢ်တဖၣ်, ဒီးမၤတၢ်သူၣ်ခုသး ခုဖးဒိၣ်လီၤ. မ့ၢ်အနူၤပၢၢ်အနၢ်ပၢၢ်တၢ်ကတိၤလၢပှၤဘိး ဘၣ်သ့ၣ်ညါအီၤအဃိလီၤ.

¹³ ဒီးခံနံၤတနံၤန့ၣ် ပှၤဂီၢ်မုၢ်ခဲလၢာ် အပၢ်အခိၣ်တဖၣ်, ပှၤလုၢ်တၢ်အဒိၣ်, ဒီးပှၤလ့ၤဝံဖိသ့ၣ်တဖၣ်အိၣ်ဖှိၣ်ရိဖှိၣ် လၢပှၤကွဲးလံာ်စီၤဧ့စြၤအအိၣ်, ဒ်သိး အနၢ်ကပၢၢ်တၢ် သိၣ်တၢ်သီအတၢ်ကတိၤန့ၣ်လီၤ.

¹⁴ ဒီးထံၣ်န့ၢ်တၢ်ကွဲးအသး လၢတၢ်သိၣ်တၢ်သီအပူၤလၢ ယွၤမၤလိာ်လၢစီၤမိၤရှ့အစုပူၤ လၢပှၤအံၣ်စရ့လးဖိဘၣ် အိၣ်ဝဲဆိးဝဲလၢအဒဲပူၤ လၢတၢ်မၤဘူၣ်လၢလါနွံလါတ လါအဖၢမုၢ်, ¹⁵ ဒီးလၢအဘၣ်ဒုးနၢ်ဟူတၢ်, ဒီးဒုးလဲၤတၢ် သီၣ်လၢအဝ့ၢ်တဖၣ်ခဲလၢာ်အပူၤ, ဒီးလၢယရူၤၡလ့ၣ်အ ပူၤ, ဒီးစံး, လဲၤထီၣ်ဆူကစၢၢ်, ဒီးဟဲစိာ်သ့ၣ်စၤယံးအဒ့, ဒီးသ့ၣ်စၤယံးအမံၤအဒ့, ဒီးသမ့ၤဟးဒးအဒ့, ဒီးစူၣ်ပ လိၣ်အဒ့, ဒီးသ့ၣ်လၢအဒ့ခဲအဒ့တဖၣ်, ဒ်သိးအကမၤ ဒဲတဖၣ်ဒ်တၢ်ကွဲးအသးအသိးန့ၣ်လီၤ.

¹⁶ ဒီးပှၤဂီၢ်မုၢ်လဲၤထီၣ်, ဒီးဟဲစိာ်ဝဲ, ဒီးမၤဒဲတဖၣ်လၢ အဂီၢ်ဒၣ်ဝဲကိးဂၤဒဲးလၢအဟံၣ်ခိၣ်, ဒီးလၢအဂၢၤပူၤ, ဒီး လၢယွၤအဟံၣ်အဂၢၤတဖၣ်အပူၤ, ဒီးလၢပဲတရီထံအ ကျဲပူၤ, ဒီးလၢအ့ဖရဲၣ်အပဲတရီအကျဲပူၤလီၤ.

¹⁷ ဒီးတၢ်အိၣ်ဖှိၣ်ခဲလၢာ် လၢအဟဲထီၣ်ဝဲလၢတၢ်မၢကဲ ကုၢ်အပူၤန့ၣ်မၤဒဲ, ဒီးဆ့ၣ်နီၤဝဲလၢဒဲပူၤလီၤ. အဂ့ၢ်ဒ်အံၤ, လၢစီၤနိၣ်အဖိခွါ စီၤယိၤရှူအမုၢ်နံၤတဖၣ် တုၤလၢမုၢ် တနံၤန့ၣ် ပှၤအံၣ်စရ့လးဖိတမၤဘၣ်ဒ်န့ၣ်ဘၣ်, ဒီးတၢ် သူၣ်ခုသးခုဖးဒိၣ်အိၣ်ဝဲလီၤ.

¹⁸ ဒီးလၢမုၢ်ခီၣ်ထံးတုၤလၢမုၢ်နံၤအကတၢၢ်, တနံၤဘၣ် တနံၤန့ၣ်ဖးဝဲလၢ လံာ်ယွၤအတၢ်သိၣ်တၢ်သီအပူၤလီၤ. ဒီးမၤဘူၣ်နွံနံၤ, ဒီးဃိးနံၤတနံၤန့ၣ်တၢ်အိၣ်ဖှိၣ်ရိဖှိၣ်အိၣ် ဝဲဒ်တၢ်စံၣ်ညီၣ်ဝဲအသိးန့ၣ်လီၤ.

၉

¹ ဒီးလၢလါထီၣ် ခံဆံလွံၢ်နံၤတနံၤန့ၣ် ပှၤအံၣ်စရ့လး ဖိအိၣ်ဖှိၣ်ရိဖှိၣ်, ဒီးဒုၣ်တၢ်အီၣ်, အိၣ်ဝဲဒီးထၢၣ်အတၢ် ကံးညာ်, ဒီးဟီၣ်ခိၣ်အကမူၣ်အိၣ်ဝဲလၢအလိၤလီၤ.

² ဒီးအံၣ်စရ့လး အချံအသၣ် မၤလီၤမုၢ်လီၤဖးလိာ်အ သးဒီးပှၤတခီဘီမုၢ်ဖိခဲလၢာ်, ဒီးဆၢထၢၣ်ဝဲ, ဒီးတဲလီၤ ကျဲၤလီၤအတၢ်ဒဲးဘး, ဒီးအပၢ်တဖၣ်အတၢ်အၢတၢ်သီ န့ၣ်လီၤ.

³ ဒီးဆၢထၢၣ်လၢအလီၢ်, ဒီးဖးဝဲလၢယွၤအကစၢ် အ တၢ်သိၣ်တၢ်သီအလံာ်ပူၤမုၢ်တနံၤလွံၢ်ပူတပူ, ဒီးလွံၢ်ပူ တပူန့ၣ်တဲလီၤကျဲၤလီၤတၢ်, ဒီးဘူၣ်ထီၣ်ဘါထီၣ်ယွၤအ ကစၢ်လီၤ.

⁴ ဒီးစီၤယ့ၤရှူ, ဒီးစီၤဘၤနံ, စီၤကးမံၤအ့လး, စီၤၡဘၤ နယၤ, စီၤဘူနံၤ, စီၤရှ့ရဘယၤ, စီၤဘၤနံ, စီၤကနၤနံ သ့ၣ်တဖၣ်န့ၣ်ဆၢထၢၣ်ဝဲလၢ ပှၤလ့ၤဝံဖိအလီၢ်ထီၣ်ထီ အဖီခိၣ်, ဒီးကိးထီၣ်ယွၤအကစၢ်လၢအကလုၢ်ဖးဒိၣ်လီၤ.

⁵ ဒီးပှၤလ့ၤဝံဖိ, ဒီးစီၤယ့ၤရှူ, ဒီးစီၤကးမံၤအ့လး, စီၤဘၤ နံ, စီၤဃၡၤဘံယၤ, စီၤရှ့ရ့ဘယၤ, စီၤဟိၤဒံယၤ, စီၤ ၡဘၤနယၤ, စီၤပသၤဃယၤတဖၣ်စံးဝဲဒၣ်, ဂဲၤဆၢထၢၣ်, စံးထီၣ်ပတြၢၤယွၤသုကစၢ်လီၤစိၤလီၤထီတက့ၢ်. ဒီးမ်န မံၤလၤနသၣ်ကပီၤ လၢအအိၣ်ထီၣ်ထီန့ၢ် ကယဲၢ်တၢ် ဆိၣ်ဂ့ၤ, ဒီးတၢ်စံးထီၣ်ပတြၢၤတက့ၢ်န့ၣ် ဘၣ်တၢ်စံး ထီၣ်ပတြၢၤတက့ၢ်လီၤ.

⁶ နဲဒၣ်နမ့ၢ်ယွၤတဂၤဃီလီၤ. နတ့မူခိၣ်အမူခိၣ်, ဒီးအ သုးမုၢ်ဂီၢ်မုၢ်ခဲလၢာ်, ဟီၣ်ခိၣ်ဒီးကယဲၢ်တၢ်လၢအအိၣ်ဝဲ လၢအချၢ, ပီၣ်လဲၣ်, ဒီးကယဲၢ်တၢ်လၢအအိၣ်ဝဲလၢအ ပူၤ, ဒီးနဒုးမူဒံးအီၤခဲလၢာ်, ဒီးမူခိၣ်အသုးမုၢ်ဂီၢ်မုၢ်ဘူၣ် ထီၣ်ဘါထီၣ်နၤလီၤ.

⁷ နမ့ၢ်ယွၤ, ကစၢ်တဂၤလၢအဃုထၢစီၤအၤဘြၣ်, ဒီး ဒုးဟးထီၣ်ကွံာ်အီၤလၢပှၤက့ၤစ့းဖိ, ဝ့ၢ်အူၣ်အပူၤ, ဒီးယုၢ် မံၤလၢစီၤအၤဘြၤဟၣ်လီၤ. ⁸ ဒီးနထံၣ်န့ၢ်အသးလၢအ မ့ၢ်အတီလၢနမဲာ်ညါ, ဒီးနအၢၣ်လီၤအီလီၤဒီးအီၤလၢန ကဟ့ၣ်လီၤအီၤလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ် ဖိ, ဒီးပှၤပရးစၤဖိ, ဒီးပှၤယဘူၣ်ဖိ, ဒီးပှၤကံၣ်ကၣ်ဖိတ ဖၣ်အကီၢ်, လၢနကဟ့ၣ်လီၤအချံအသၣ်လီၤ. ဒီးနမၤ တီလံနကလုၢ်လံ. အဂ့ၢ်ဒ်အံၤ, နမ့ၢ်တၢ်တီတၢ်လိၤလီၤ.

⁹ ဒီးနထံၣ်ဘၣ်ပပၢ်တဖၣ်အတၢ်နးတၢ်ဖှီၣ် လၢအဲၤကူ ပတူးအပူၤ, ဒီးနနၢ်ဟူအတၢ်ကိးပသူထီၣ်လၢပီၣ်လဲၣ် ဆှဲအနံၤန့ၣ်လီၤ.

¹⁰ ဒီးနဒုးနဲၣ် တၢ်ပနီၣ်အလီၤလး, ဒီးတၢ်လီၤလိၢ်လီၤ လးလၢဖၤရိၤအလိၤ, ဒီးလၢအခ့အပှၤခဲလၢာ်အလိၤ, ဒီး လၢအကီၢ်အပှၤဂီၢ်မုၢ်ခဲလၢာ်အလိၤလီၤ. အဂ့ၢ်ဒ်အံၤ, န သ့ၣ်ညါလၢ အပာ်ကဖိအသးလၢအဖီခိၣ်လီၤ. ဒီးနမၤ ထီၣ်နမံၤဒ်လၢမုၢ်မဆါတနံၤအံၤအသိးန့ၣ်လီၤ.

¹¹ ဒီးနမၤသ့ၣ်ဖးပီၣ်လဲၣ်လၢအမဲာ်ညါ, ဒီးအဝဲသ့ၣ်တ ဖၣ်န့ၣ်လဲၤခီဂာ်ပီၣ်လဲၣ်လၢအသးကံၢ်ပူၤလၢခိ, ဒီးပှၤမၤ အၢမၤသီအီၤတဖၣ်န့ၣ် နတ့ၢ်လီၤကွံာ်အီၤလၢတၢ်ယိာ် အပူၤဒ်လၢၢ်တဖျၢၣ်လၢ ထံအဒိၣ်အဆူၣ်အပူၤအသိးန့ၣ် လီၤ.

¹² ဒီးလၢမုၢ်ဆါန့ၣ် နဆှၢအီၤလၢတၢ်အၢၣ်အထူၣ်, ဒီး လၢမုၢ်နၤန့ၣ်လၢမ့ၣ်အူအထူၣ်, ဒ်သိးနကမၤကပီၤထီၣ် အီၤလၢအကျဲလၢအပိာ်ဝဲလီၤ.

¹³ ဒီးနဟဲလီၤလၢကစၢၢ်စံၤနါအလိၤ, ဒီးကတိၤတၢ်ဒီး အီၤလၢမူခိၣ်, ဒီးဟ့ၣ်လီၤအီၤလၢတၢ်စံၣ်ညီၣ်တီ, ဒီးတၢ် သိၣ်တၢ်သီအမ့ၢ်အတီ, တၢ်မၤလိာ်ထံတၢ်, ဒီးတၢ်မၤ လိာ်ပိာ်လီၤအဂ့ၤလီၤ.

¹⁴ ဒီးနဘိးဘၣ်သ့ၣ်ညါအီၤလၢ နမုၢ်အိၣ်ဘှံးစီဆှံတနံၤ, ဒီးမၤလိာ်အီၤလၢတၢ်မၤလိာ်ပိာ်လီၤ, ဒီးတၢ်မၤလိာ်တၢ် ထံ, ဒီးတၢ်သိၣ်တၢ်သီသ့ၣ်တဖၣ် လၢနခ့နပှၤစီၤမိၤရှ့အ စုပူၤလီၤ.

¹⁵ ဒီးနဟ့ၣ်လီၤအီၤလၢကိၣ်လၢမူခိၣ် လၢအတၢ်သၣ်ဝံၤ အဂီၢ်, ဒီးဒုးဟဲထီၣ်ထံလၢလၢၢ်ပူၤလၢ အတၢ်သူအသး လၢထံအဂီၢ်, ဒီးနစံးလၢအကလဲၤနုာ်မၤန့ၢ်ထံဧိၤကီၢ်ဧိၤ လၢနဆိၣ်လီၤနသးလၢနကဟ့ၣ်လီၤအီၤလီၤ.

¹⁶ ဒီးအဝဲသ့ၣ်တဖၣ်န့ၣ် ပပၢ်တဖၣ်ပာ်ထီၣ်ထီအသး, ဒီးပာ်ဆူၣ်အကိာ်, ဒီးတဒိကနၣ်ဘၣ် နတၢ်မၤလိာ် ဘၣ်. ¹⁷ တအုၣ်လီၤဘၣ်လၢအကစူၢ်တၢ်, ဒီးတသ့ၣ်နီၣ် ထီၣ်က့ၤ တၢ်လီၤလးတဖၣ်လၢနမၤလၢအကျါ, ဒီးပာ် ဆူၣ်အကိာ်, ဒီးလၢအပူထီၣ်တၢ်အဖၢမုၢ်န့ၣ်ပာ်ထီၣ်အ ခိၣ်ဒ်သိးအကက့ၤကဒါက့ၤဆူ အတၢ်ကဲကုၢ်အပူၤလီၤ. ဒီးနဲဒၣ်နမ့ၢ်ကစၢ်တဂၤ လၢအပျၢ်တၢ်, သးကညီၤတၢ်, ဒီးသးအိၣ်တၢ်, သးထီၣ်ကီ, ဒီးနဘျုးဒိၣ်နဖှိၣ်အါသတး ဒီး, နတလဲၤသဒၣ်ဘၣ်အီၤဘၣ်.

¹⁸ မ့ၢ်မးတုၤအတ့ဂီၤဖံးဖိသိအသးလၢအဂီၢ်, ဒီးစံးဝဲဒၣ်, အဝဲအံၤမ့ၢ်နကစၢ်လၢ အဒုးဟးထီၣ်ကွံာ်နၤလၢအဲၤကူပ တူးအပူၤ, ဒီးမၤထီၣ်တၢ်ဒုၣ်ဒွဲၣ်အလီၢ်တဖၣ်ဒိၣ်ဒိၣ်က လဲာ်ဒီး, ¹⁹ နဲဒၣ်နတလဲၤသဒၣ်ဘၣ်အီၤလၢ ပှၢ်မုၢ်ကနၢ လၢနသးအိၣ်တၢ်ဒိၣ်ဒိၣ်ကလဲာ်အဃိလီၤ. ဒ်သိးအက ဆှၢအီၤလၢကျဲပူၤန့ၣ် တၢ်အၢၣ်အထူၣ်တလဲၤသဒၣ်ဘၣ် အီၤလၢမုၢ်ဆါဘၣ်, ဒီးမ့ၣ်အူအထူၣ်လၢမုၢ်နၤ, ဒ်သိးအ ကဒုးနဲၣ်အီၤလၢတၢ်ကပီၤ, ဒီးကျဲလၢအကပိာ်ဝဲလီၤ.

²⁰ ဒီးနဟ့ၣ်လီၤနသးဂ့ၤဒ်သိးအကသိၣ်လိအီၤ, ဒီးနတ တြီကွံာ်နမၤနၤလၢအထးခိၣ်ဘၣ်, ဒီးနဟ့ၣ်လီၤထံဧိၤနိ ဧိၤလၢတၢ်သူအသးလၢထံအဂီၢ်လီၤ.

²¹ ဒီးအနံၣ်လွံၢ်ဆံန့ၣ် နအံးက့ၤကွၢ်က့ၤအီၤလၢ ပှၢ်မုၢ် ကနၢလီၤ. အတၢ်တလၢတပှဲၤတအိၣ်ဘၣ်, အကူအ သိးတလီၢ်လံၤဘၣ်, ဒီးအခီၣ်တညိးထီၣ်ဘၣ်.

²² ဒီးနဟ့ၣ်လီၤအီၤလၢ ဘီဧိၤမုၢ်ဧိၤ, ဒီးပှၤကလုာ်တ ဖၣ်, ဒီးနနီၤဖးန့ၢ်အီၤဆူတၢ်သနၢၣ်တဖၣ်အပူၤ, ဒီးအဝဲ သ့ၣ်မၤန့ၢ်စီၤစံဃိၣ်အကီၢ်ဒီး ဃ့ၡဘိၣ် အစီၤပၤအကီၢ် ဒၣ်လဲာ်, ဒီးဘၤၡၣ်အစီၤပၤဧိာ်အကီၢ်လီၤ.

²³ ဒီးနမၤအါထီၣ်အဖိအလံၤထဲသိးဒီး မူခိၣ်အဆၣ်ဧိၤဖီ ဧိၤ, ဒီးနဒုးဟဲနုာ်အီၤဆူထံဧိၤကီၢ်ဧိၤအပူၤ, လၢနစံးဘၣ် အပၢ်လၢအဂ့ၢ်အကျိၤလၢအကလဲၤနုာ်, ဒီးမၤန့ၢ်အီၤလီၤ.

²⁴ ဒီးအဖိအလံၤန့ၣ် လဲၤနုာ်ဒီးမၤန့ၢ်ထံဧိၤကီၢ်ဧိၤ, ဒီးန မၤနၢၤပှၤကီၢ်ဖိ, ပှၤကနၤဧၣ်ဖိလၢအမဲာ်ညါ, ဒီးနဟ့ၣ် လီၤအီၤလၢအစုပူၤ, ဒီးအစီၤပၤ, ဒီးကီၢ်အပှၤဂီၢ်မုၢ်, ဒ် သိးအကမၤအီၤဖဲဒၣ်အသးလီၤ.

²⁵ ဒီးမၤန့ၢ်ဝ့ၢ်အဆူၣ်တဖၣ်, ဒီးဟီၣ်ခိၣ်ညၣ်ဂ့ၤ, ဒီးမၤ န့ၢ်ဟံၣ်တဖၣ်, ပှဲၤဝဲဒီးတၢ်ဖိတၢ်လံၤအကလုာ်ကလုာ်, ထံပူၤခူၣ်လီၤအသး, စပံးမုၢ်အလီၢ်, သ့ၣ်စၤယံးအလီၢ်, ဒီးသ့ၣ်လၢအသၣ်တၢ်အါအါကလဲာ်လီၤ. ဒီးအီၣ်ဝဲ, ဒီး ဘျဲးအီၣ်, ဒီးဘီၣ်ထီၣ်, ဒီးမုာ်လၤဝဲလၢနတၢ်ဂ့ၤဖးဒိၣ် အပူၤလီၤ.

²⁶ ဘၣ်ဆၣ်ဒီးတဒိကနၣ်ဘၣ်တၢ်ဘၣ်, ဒီးပူထီၣ်နၤ, ဒီး ကွံာ်တ့ၢ်ကွံာ်နတၢ်သိၣ်တၢ်သီလၢအချၢဃံ, ဒီးမၤသံန ဝံတဖၣ်လၢအအုၣ်အသးထီဒါအီၤ ဒ်သိးအကဘိးဃၣ် အီၤဆူနအိၣ်, ဒီးမၤထီၣ်တၢ်ဒုၣ်ဒွဲၣ်အလီၢ်တဖၣ်ဒိၣ်ဒိၣ် ကလဲာ်လီၤ.

²⁷ ဒီးနဟ့ၣ်လီၤကွံာ်အီၤဆူ အဒုၣ်အဒါအစုပူၤ လၢအ မၤကိၢ်မၤဂီၤအီၤလီၤ. ဒီးအဆၢအကတီၢ်လၢအဘၣ်တၢ် ကိၢ်တၢ်ဂီၤန့ၣ်တုၤအကိးထီၣ်နၤဒီး, နနၢ်ဟူလၢမူခိၣ်, ဒီးဒ်နသးအိၣ်တၢ် ဒိၣ်ဒိၣ်ကလဲာ်အသိးန့ၣ် နဟ့ၣ်လီၤ အီၤလၢပှၤအုၣ်က့ၤခီၣ်က့ၤတၢ်တဖၣ် လၢအအုၣ်က့ၤခီၣ် က့ၤအီၤလၢအဒုၣ်အဒါအစုပူၤလီၤ.

²⁸ ဘၣ်ဆၣ်ဒီး တုၤအန့ၢ်တၢ်အိၣ်ဘှံးဒီး မၤကဒီးတၢ် အၢလၢနမဲာ်ညါလီၤ. ဒီးနလဲၤသဒၣ်အီၤလၢအဒုၣ်အဒါ အစုပူၤ, ဒီးအဝဲသ့ၣ်ပၢအီၤလီၤ. မ့မ့ၢ်တုၤအဟဲက့ၤကဒါ က့ၤ, ဒီးကိးထီၣ်နၤဒီး, နဒိကနၣ်အကလုၢ်လၢမူခိၣ်, ဒီးနမၤပူၤမၤဖျဲးအီၤအါဘျီ ဒ်နသးအိၣ်တၢ်ဒိၣ်ဒိၣ်ကလဲာ် အသိး, ²⁹ ဒီးနအုၣ်နသးထီဒါအီၤဒ်သိးနကဒုးဟဲက့ၤအီၤ ဆူနတၢ်သိၣ်တၢ်သီအအိၣ်လီၤ. ဘၣ်ဆၣ်ဒီးပာ်ကဖိအ သး, ဒီးတကနၣ်ဘၣ်နတၢ်မၤလိာ်ဘၣ်. ဒီးမၤကမၣ် ဘၣ်နတၢ်စံၣ်ညီၣ် (လၢပှၤမ့ၢ်တိၢ်န့ၢ်အီၤဒီး, ကမူဝဲလၢ အပူၤလီၤ.) ဒီးသုးကွံာ်အဖံဘၣ်ခိၣ်, ဒီးပာ်ဆူၣ်အကိာ်, ဒီးတကနၣ်ဘၣ်တၢ်ဘၣ်လီၤ.

³⁰ ဒီးနဝံသးစူၤအီၤ အါနံၣ်အါလါ, ဒီးအုၣ်နသးထီဒါ အီၤလၢနသးလၢအအိၣ်ဝဲလၢနဝံတဖၣ်အလိၤလီၤ. ဘၣ် ဆၣ်ဒီး တဒိးနူၤတဒိးနၢ်ဘၣ်, ဒီးနဟ့ၣ်လီၤကွံာ်အီၤလၢ ကီၢ်တဖၣ်အပှၤဂီၢ်မုၢ်အစုပူၤလီၤ.

³¹ ဒီးမ့ၢ်နသးအိၣ်တၢ် ဒိၣ်ဒိၣ်ကလဲာ်ဒီး, နတမၤလၢာ် ကွံာ်ဘၣ်အီၤဘၣ်, နတလဲၤသဒၣ်ဘၣ်အီၤဘၣ်. အဂ့ၢ် ဒ်အံၤ, နမ့ၢ်ကစၢ်တဂၤလၢအသူၣ်ကညီၤတၢ်သးကညီၤ တၢ်, ဒီးသးအိၣ်တၢ်လီၤ.

³² ဒီးခဲကနံၣ်အံၤတၢ်ဒိၣ်တၢ်ထီ, တၢ်အစိတၢ်အကမီၤ, တၢ်ပျံၤတၢ်ဖုးအလီၢ်, ကစၢ်လၢအတိၢ်န့ၢ်တၢ်အၢၣ်လီၤ အီလီၤ, ဒီးတၢ်ဘျုးတၢ်ဖှိၣ်, ပကစၢ်ဧၢ, တၢ်ကိၢ်တၢ်ဂီၤ, လၢအဘၣ်ပှၤ, ဒီးပစီၤပၤတဖၣ်, ဒီးပပဒိၣ်ဖးဒိၣ်တဖၣ်, ဒီးပပှၤလုၢ်တၢ်အဒိၣ်တဖၣ်, ဒီးပဝံတဖၣ်, ဒီးပပၢ်တ ဖၣ်, ဒီးနပှၤဂီၢ်မုၢ်ခဲလၢာ်လၢအၤရှူၢ်အစီၤပၤတဖၣ်အမုၢ် နံၤတုၤမုၢ်မဆါတနံၤအံၤ, မ်အသုတကဲထီၣ်တၢ်အဆံး လၢနမဲာ်ညါတဂ့ၤ.

³³ ဘၣ်ဆၣ်ဒီးလၢကယဲၢ်တၢ်လၢ အဘၣ်ပှၤခဲလၢာ်န့ၣ် နတီနဲလိၤနဲလီၤ. အဂ့ၢ်ဒ်အံၤ, နမၤတၢ်အမ့ၢ်အတီလီၤ. မ့မ့ၢ်ပဝဲဒၣ်အံၤပမၤတၢ်အၢလီၤ. ³⁴ ဒီးစီၤပၤမ့ၢ်ဂ့ၤ, ပပဒိၣ် ဖးဒိၣ်မ့ၢ်ဂ့ၤ, ပပှၤလုၢ်တၢ်အဒိၣ်မ့ၢ်ဂ့ၤ, ပပၢ်မ့ၢ်ဂ့ၤ, တတိၢ် န့ၢ်ဘၣ်နတၢ်သိၣ်တၢ်သီဘၣ်, ဒီးတဒိကနၣ်ဘၣ်နတၢ် မၤလိာ်, ဒီးနတၢ်အုၣ်နသးလၢ နအုၣ်နသးထီဒါအီၤ ဘၣ်.

³⁵ ဒီးတမၤဘၣ်နတၢ်လၢအဘီအမုၢ်အပူၤဘၣ်, ဒီးလၢ နတၢ်ဂ့ၤဖးဒိၣ်လၢ နဟ့ၣ်လီၤအီၤ, ဒီးလၢထံဧိၤကီၢ်ဧိၤ လဲၢ်ဝဲဒီးဂ့ၤဝဲလၢအပူၤ လၢနဟ့ၣ်လီၤလၢအမဲာ်ညါဘၣ်. ဒီးတဃၣ်ကွံာ်ဘၣ်အသးလၢတၢ်မၤအၢဘၣ်.

³⁶ ဒီးကွၢ်ကွၢ်, ပမ့ၢ်တၢ်အကုၢ်အပှၤလၢ မုၢ်မဆါတနံၤ အံၤလီၤ. ဒီးထံဧိၤကီၢ်ဧိၤလၢနဟ့ၣ်လီၤပပၢ် ဒ်သိးအက အီၣ်အတၤသၣ်, ဒီးအတၢ်ဂ့ၤ, ကွၢ်ကွၢ်, ပမ့ၢ်တၢ်အ ကုၢ်အပှၤလၢအပူၤလီၤ. ³⁷ ဒီးဟ့ၣ်တၢ်လၢအအါလၢစီၤ ပၤတဖၣ်လၢနပာ်လၢပဖီခိၣ် လၢပတၢ်ဒဲးဘးအဃိလီၤ. ဒီးပၢဝဲလၢပကစၢ်ဒၣ်ပဝဲ, ဒီးလၢပဆၣ်ဖိကီၢ်ဖိအဒၢဖဲ ဒၣ်အသးလီၤ. ဒီးပဘၣ်တၢ်ကိၢ်တၢ်ဂီၤဒိၣ်မးလီၤ.

³⁸ ဒီးလၢတၢ်ခဲလၢာ်အဃိန့ၣ် ပအၢၣ်လီၤအီလီၤတၢ်အ မ့ၢ်အတီ, ဒီးပကွဲးအီၤ, ဒီးပပဒိၣ်ဖးဒိၣ်, ဒီးပှၤလ့ၤဝံဖိ, ပှၤလုၢ်တၢ်အခိၣ်, စဲဃာ်ပနီၣ်တၢ်န့ၣ်လီၤ.

၁၀

¹ ဒီးပှၤလၢအစဲဃာ်ပနီၣ်တၢ်မ့ၢ်ဝဲ, တၢ်အခိၣ်စီၤဃကါ လယၤအဖိခွါစီၤနဃ့မယၤ, ဒီးစီၤစံးဒကံယၤ, ² စီၤစရါ ယၤ, စီၤဧစၤရယၤ, စီၤယံးရမံယၤ, ³ စီၤပၤၡဃူၢ်, စီၤအမၤ ရယၤ, စီၤမၤလကံယၤ, ⁴ စီၤဃးတူၣ်, စီၤၡဘၤနယၤ, စီၤ မးလူး ⁵ -စီၤဃၤရံၣ်, စီၤမရ့မိး, စီၤဧိၤဘါဒယၤ,― ⁶ စီၤဒၤ နံးယ့လး, စီၤကံးနသိၣ်, စီၤဘၤရူး, ⁷ စီၤမရှူလၣ်, စီၤအဘံ ယၣ်, စီၤမံယမံၣ်, ⁸ စီၤမၤဧါစယၤ, စီၤဘံးလကဲၤ, စီၤၡမါ ယၤလီၤ. အဝဲသ့ၣ်တဖၣ်န့ၣ်မ့ၢ်ပှၤလုၢ်တၢ်အဒိၣ်လီၤ.

⁹ ဒီးပှၤလ့ၤဝံဖိန့ၣ်စီၤအစၤနယၤအဖိခွါစီၤယ့ၤရှူ, စီၤဘံ နူၤ, လၢစီၤဃ့နါဒးအဖိခွါအကျါ, စီၤကးမံၤအ့လး, ¹⁰ ဒီး အဒီပုၢ်ဝဲၢ်စီၤၡဘၤနယၤ, စီၤဟိၤဒံယၤ, စီၤက့လံၤတၤ, စီၤပလါယၤ, စီၤဃၤနၣ်, ¹¹ စီၤမံကၤ, စီၤရဃိာ်, စီၤဃ ၡၤဘယၤ, ¹² စီၤစးကူၢ်, စီၤရှ့ရ့ဘယၤ, စီၤၡဘၤနယၤ,―

¹³ စီၤဟိၤဒံယၤ, စီၤဘၤနံ, စီၤဘနံနူၤလီၤ.

¹⁴ ပှၤဂီၢ်မုၢ်အခိၣ်န့ၣ် စီၤပၤရိာ်, စီၤပၤဃးမိၤအး, စီၤဧ့ၤ လၣ်, စီၤစးတူၤ, စီၤဘၤနံ, ¹⁵ စီၤဘူနံၤ, စီၤဧၤစကး, စီၤဘ့ ဘဲၤ ¹⁶ စီၤအဒိနံယၤ, စီၤဘံးကဝဲၤ, စီၤဧၤဒံၣ်, ¹⁷ ― စီၤ အ့ၤတၢ်, စီၤဃံးစကံယၤ, စီၤဧၤစူၢ်, ¹⁸ စီၤဟိၤဒံယၤ, စီၤ ဃၤရှူၣ်, စီၤဘ့စဲၤ, ¹⁹ စီၤဃၤရံာ်, စီၤဧၤနသိး, စီၤန့ဘဲၤ, ²⁰ ― စီၤမၤကပံဧၣ်, စီၤမရှူလၣ်, စီၤဃ့စံၢ် ²¹ စီၤမရှ့စဘ့ လး, စီၤစၤဒိး, စီၤယးဒူ, ²² စီၤပလၤတယၤ, စီၤဃၤနၣ်, စီၤ ဧနၤယၤ ²³ စီၤဟိၤရှ့, စီၤဃနၤနယၤ, စီၤဃၤရှူာ်, ²⁴ ― စီၤ ဟးလိဃ့ၣ်, စီၤဖံးလဃၤ, စီၤၡိဘ့း ²⁵ ― စီၤရဃူၣ်, စီၤ ဃၡၤဘနၤ, စီၤမၤစ့ယၤ, ²⁶ စီၤအဃံယၤ, စီၤဃၣ်နၣ်, စီၤဧၤနၣ်, ²⁷ စီၤမးလူး, စီၤဃၤရံၣ်, စီၤဘၤနါလီၤ.― ဒီး

²⁸ ပှၤဂီၢ်မုၢ်လၢအအိၣ်လီၤတဲာ်, ပှၤလုၢ်တၢ်အဒိၣ်, ပှၤလ့ၤဝံ ဖိ, ပှၤပၢၤပဲတရီဖိ, ပှၤသးဝံၣ်တၢ်ဖိ, ပှၤနသံနးဖိ, ဒီး ကယဲၢ်ပှၤလၢအမၤလီၤမုၢ်လီၤဖးအသးဒီး ကီၢ်တဖၣ်အ ပှၤဂီၢ်မုၢ်လၢယွၤအတၢ်သိၣ်တၢ်သီအဂီၢ်အမါ, အဖိခွါ, အဖိမုၣ်, ကယဲၢ်ပှၤအိၣ်ဒီးတၢ်သ့ၣ်ညါ, ဒီးအသူၣ်ဆး အသးဆးခဲလၢာ်န့ၣ်, ²⁹ စဲဘူးဒီးဒီပုၢ်ဝဲၢ်, အပဒိၣ်တဖၣ်, ဒီးဆိၣ်လီၤအသး, ဒီးဆိၣ်တၢ်လၢအကလဲၤတၢ်လၢယွၤ အတၢ်သိၣ်တၢ်သီအပူၤ လၢတၢ်ဟ့ၣ်ဝဲလၢယွၤအခ့အ ပှၤစီၤမိၤရှ့အစုပူၤ, ဒီးလၢအကတိၢ်န့ၢ်, ဒီးမၤယွၤပကစၢ် အတၢ်မၤလိာ်ခဲလၢာ်, ဒီးအတၢ်စံၣ်ညီၣ်, ဒီးအတၢ်သိၣ် တၢ်သီ, ³⁰ ဒီးလၢပတဟ့ၣ်ဘၣ်ပဖိမုၣ်လၢပှၤကီၢ်ဖိ, ဒီး ပတဟံးန့ၢ်ဘၣ်အဖိမုၣ်လၢပဖိခွါအဂီၢ်ဘၣ်. ³¹ ဒီးပှၤကီၢ် ဖိမ့ၢ်ဟဲစိာ်တၢ်တမံၤမံၤ, ဒီးတၢ်အီၣ်တမံၤမံၤ, ဒ်သိးအ ကဆါဝဲလၢမုၢ်အိၣ်ဘှံးအနံၤဒီး, လၢပတပှ့ၤဘၣ်အီၤလၢ မုၢ်အိၣ်ဘှံးနံၤဂ့ၤ, လၢမုၢ်စီဆှံအနံၤဂ့ၤန့ၣ်ဘၣ်. ဒီးလၢပ ကပာ်လီၤတဲာ်နွံနံၣ်တနံၣ်, ဒီးပျၢ်တၢ်ကမၣ်ခဲလၢာ်လီၤ.

³² ဒီးပမၤဂၢၢ်မၤကျၢၤ တၢ်မၤလိာ်ပှၤလၢပကဟ့ၣ်စ့တ ၡက့လးသၢပူတပူတနံၣ်အဂီၢ်တနံၣ်အဂီၢ် လၢပတၢ်မၤ ပကစၢ်အဟံၣ်အတၢ်အဂီၢ်, ³³ လၢကိၣ်တၢ်အဂ့ၢ်အဂီၢ်, လၢတၢ်မၤဘူၣ်ကိၣ်တထံၣ်ဃီအဂီၢ်, လၢတၢ်လုၢ်မ့ၣ်အူ တထံၣ်ဃီလၢအိၣ်ဘှံးနံၤအဂီၢ်, လၢလါထီၣ်သီအနံၤအ ဂီၢ်, လၢတၢ်သ့ၣ်ပာ်အဘူၣ်တဖၣ်အဂီၢ်, ဒီးလၢတၢ်စီဆှံ တဖၣ်အဂီၢ်, ဒီးလၢတၢ်လုၢ်တၢ်ဒဲးဘးအဂီၢ်, ဒ်သိးအ ကမၤတၢ်ပူၤဖျဲးလၢအံၣ်စရ့လးအဂီၢ်, ဒီးလၢပကစၢ်အ ဟံၣ်အတၢ်မၤခဲလၢာ်အဂီၢ်လီၤ.

³⁴ ဒီးပဖးတၢ်လၢပှၤလုၢ်တၢ်အဒိၣ်, လၢပှၤလ့ၤဝံဖိ, ဒီး လၢပှၤဂီၢ်မုၢ်အကျါလၢ တၢ်မၤဘူၣ်သ့ၣ်မုၣ်အဂီၢ် ဒ်သိး အကဟဲစိာ်ဝဲဆူ ယွၤအဟံၣ်ပူၤ, ဒ်ပပၢ်အဟံၣ်အသိး န့ၣ်, လၢတၢ်သ့ၣ်အဆၢဖးအကတီၢ်, တနံၣ်ဘၣ်တနံၣ်, ဒ်သိးအကဆူးထီၣ်ဝဲလၢယွၤပကစၢ် အတၢ်လုၢ်လီၢ်အ ဖီခိၣ်, ဒ်တၢ်ကွဲးအသးလၢတၢ်သိၣ်တၢ်သီအပူၤ, ³⁵ ဒီးဒ် သိးပကဟဲစိာ်ပဟီၣ်ခိၣ်အတၤသၣ်ဆိ, ဒီးကယဲၢ်သ့ၣ် အတၤသၣ်ခဲလၢာ်အတၤသၣ်ဆိ တနံၣ်ဘၣ်တနံၣ်ဆူ ယွၤအဟံၣ်ပူၤ, ³⁶ ဒီးပဖိခွါအဝဲၢ်ကိ, ဒီးပဆၣ်ဖိကီၢ်ဖိအ ဒၢအဖိဝဲၢ်ကိ (ဒ်တၢ်ကွဲးအသးလၢတၢ်သိၣ်တၢ်သီအပူၤ အသိး), ဒီးပဂီၤဖံးအဖိဝဲၢ်ကိ, ဒီးပသိပမဲာ်တဲးလဲးအဖိ ဝဲၢ်ကိ, ဒ်သိးပကဟဲစိာ်ဆူယွၤအဟံၣ်ပူၤ, ဆူပှၤလုၢ်တၢ် အဒိၣ်အအိၣ်လၢအမၤတၢ်လၢပကစၢ်အဟံၣ်ပူၤ, ³⁷ ဒီးဒ် သိးပကဟဲစိာ်ပကိၣ်သံကစဲာ်အဆိ, ဒီးပတၢ်မၤဘူၣ်, ဒီးသ့ၣ်အကလုာ်ကလုာ်အတၤသၣ်, စပံးထံအသီ, ဒီး သိဆူပှၤလုၢ်တၢ်အဒိၣ်, ဆူယွၤအဟံၣ်ဒၢးတဖၣ်အပူၤ, ဒီးပဟီၣ်ခိၣ်အတၢ်ဆံဆဲၣ်ပူတပူဆူ ပှၤလ့ၤဝံဖိအအိၣ် လီၤ. အဂ့ၢ်ဒ်အံၤ, ပှၤလ့ၤဝံဖိန့ၣ်ဟံးန့ၢ်တၢ်ဆံဆဲၣ်ပူတပူ လၢကယဲၢ်ဝ့ၢ်ခဲလၢာ်အပူၤဖဲပမၤဟီၣ်ခိၣ်န့ၣ်လီၤ.

³⁸ ဒီးတုၤပှၤလ့ၤဝံဖိဟံးန့ၢ်တၢ်ဆံဆဲၣ်ပူတပူဒီး, စီၤအၤ ဟရိၣ်အဖိခွါ ပှၤလုၢ်တၢ်အဒိၣ်ဘၣ်အိၣ်ဒီး ပှၤလ့ၤဝံဖိ, ဒီးပှၤလ့ၤဝံဖိဘၣ်ဟဲစိာ် တၢ်ဆံဆဲၣ်ပူတပူအတၢ်ဆံဆဲၣ် ပူတပူဆူပကစၢ်အဟံၣ်, ဆူဒၢးတဖၣ်အပူၤ, ဆူတၢ် ပာ်ဖှိၣ်အဟံၣ်ပူၤလီၤ.

³⁹ အဂ့ၢ်ဒ်အံၤ, ပှၤအံၣ်စရ့လးဖိ, ဒီးပှၤလ့ၤဝံဖိဘၣ်ဟဲ စိာ်ဘုဧိၤဟုဧိၤ, ဒီးစပံးထံအသီ, ဒီးသိအတၢ်မၤဘူၣ်ဆူ ဒၢးတဖၣ်အပူၤဖဲ တၢ်အလီၢ်စီဆှံအဃၢၤအဃိၢ်အိၣ်ဝဲ, ဒီးဖဲပှၤလုၢ်တၢ်အဒိၣ် လၢအမၤတၢ်အခ့အပှၤအတၢ်, ဒီး ပှၤပၢၤပဲတရီဖိ, ဒီးပှၤသးဝံၣ်တၢ်ဖိအိၣ်ဝဲလီၤ. ဒီးပတ လဲၤသဒၣ်ဘၣ်ပကစၢ်အဟံၣ်ဘၣ်.

၁၁

¹ ဒီးပှၤဂီၢ်မုၢ် အပဒိၣ်ဖးဒိၣ်တဖၣ်န့ၣ် အိၣ်ဝဲဆိးဝဲလၢ ယရူၤၡလ့ၣ်အပူၤလီၤ. ဒီးပှၤဂီၢ်မုၢ်လၢအအိၣ်လီၤတဲာ်တ ဖၣ်န့ၣ်ဖးဝဲ, ဒ်သိးပှၤတဂၤလၢပှၤဆံဆဲၣ်ဂၤအကျါကဟဲ အိၣ်ဝဲဆိးဝဲလၢဝ့ၢ်စီဆှံယရူၤၡလ့ၣ်အပူၤ, ဒီးပှၤခွံဂၤလၢ ပှၤဆံဆဲၣ်ဂၤအကျါလၢဝ့ၢ်တဖၣ်အပူၤလီၤ. ² ဒီးပှၤဂီၢ်မုၢ် ဆိၣ်ဂ့ၤကယဲၢ်ပှၤကညီလၢ အသးအိၣ်တီနံဒၣ်တၢ်လၢ အကအိၣ်ဝဲဆိးဝဲလၢယရူၤၡလ့ၣ်အပူၤလီၤ.

³ ဒီးအအံၤ မ့ၢ်ကီၢ်အခိၣ်တဖၣ်လၢ အအိၣ်ဝဲဆိးဝဲလၢ ယရူၤၡလ့ၣ်အပူၤလီၤ. မ့မ့ၢ်လၢယူဒၤအဝ့ၢ်တဖၣ်အပူၤ န့ၣ်ပှၤအိၣ်ဝဲဆိးဝဲလၢ အတၢ်ဟံးဃာ်ဒၣ်ဝဲအပူၤလၢအ ဝ့ၢ်တဖၣ်အပူၤစုာ်စုာ်, အံၣ်စရ့လး, ပှၤလုၢ်တၢ်အဒိၣ်, ဒီးပှၤလ့ၤဝံဖိ, ဒီးပှၤနသံနးဖိ, ဒီးစီၤၡလိၤမိၤအခ့အပှၤ အဖိအလံၤလီၤ.

⁴ ဒီးပှၤလၢပှၤယူဒၤဖိအကျါ, ဒီးပှၤလၢပှၤဘံၣ်ယၤမံၣ် ဖိအကျါတဖၣ် အိၣ်ဝဲဆိးဝဲလၢယရူၤၡလ့ၣ်အပူၤလီၤ. လၢယူဒၤဖိအကျါန့ၣ်, စီၤဧသါယၤ, စီၤဧူးစံယါအဖိခွါ စီၤစကၤရယၤအဖိခွါ, စီၤအမၤရယၤအဖိခွါ, စီၤၡဖးတ ယၤအဖိခွါ, စီၤမၤဟလၤက့လးအဖိခွါ, လၢစီၤဖ့ၤရ့း အဖိခွါအကျါလီၤ.

⁵ စီၤဘၤရူးအဖိခွါစီၤမၤစ့ယၤ, စီၤကိးလဃိစ့ၤအဖိခွါ စီၤဃစါယၤအဖိခွါ, စီၤဧဒါယၤအဖိခွါ, စီၤယိၤရံာ်အ ဖိခွါ, စီၤစကၤရယၤအဖိခွါ, စီၤၡံလိနံၤအဖိခွါလီၤ.

⁶ စီၤဖ့ၤရ့းအဖိခွါခဲလၢာ် လၢအအိၣ်ဝဲဆိးဝဲလၢယရူၤၡ လ့ၣ်အပူၤန့ၣ်မ့ၢ်ပှၤအဆူၣ်လွံၢ်ကယၤဃုဆံဃိးဂၤလီၤ.

⁷ ဒီးအအံၤမ့ၢ်ဘံၣ်ယၤမံၣ်အဖိစီၤမရှူလၣ်အဖိခွါ စီၤစၤ လူၤ, စီၤယိၤဧ့းအဖိခွါ, စီၤပဒါယၤအဖိခွါ, စီၤကိလယၤ အဖိခွါ, စီၤမၤစ့ယၤအဖိခွါ, စီၤအံသံၤအ့လးအဖိခွါ, စီၤယၡၤယါအဖိခွါလီၤ. ⁸ ဒီးလၢအလီၢ်ခံန့ၣ်စီၤကးဘဲ, စီၤစၤလဲၤ, ပှၤခွံကယၤခံဆံဃိးဂၤလီၤ.

⁹ ဒီးစီၤစံးကရံးအဖိခွါ စီၤယိၤအ့လးမ့ၢ်ပှၤကွၢ်အီၤ, ဒီး စီၤစနူအၤအဖိခွါစီၤယူဒၤမ့ၢ်ပှၤအိၣ်ဝဲလၢ ဝ့ၢ်အဖီခိၣ်ခံ ဂၤတဂၤလီၤ.

¹⁰ ဒီးလၢပှၤလုၢ်တၢ်အဒိၣ်အကျါန့ၣ် စီၤယိၤရံာ်အဖိခွါ စီၤယဒါယၤ, စီၤယၤကံၣ်လီၤ. ¹¹ စီၤဃံးလကံယၤအဖိ ခွါစီၤစရါယၤ, စီၤမရှူလၣ်အဖိခွါ, စီၤစၤဒိးအဖိခွါ, စီၤ မရၤယိးအဖိခွါ, စီၤအဃံးတူာ်အဖိခွါမ့ၢ်ပှၤကွၢ်ယွၤအ ဟံၣ်လီၤ. ¹² ဒီးအဒီပုၢ်ဝဲၢ်လၢအမၤဟံၣ်အတၢ်မၤတဖၣ်န့ၣ် မ့ၢ်ပှၤဃိးကယၤခံဆံခံဂၤ, ဒီးစီၤယရိဃၣ်အဖိခွါစီၤဧၤဒါယၤ, စီၤပလၤလယၤအဖိခွါ, စီၤအးမစံအဖိခွါ, စီၤစကၤရယၤအဖိခွါ, စီၤပၤၡဃူၢ်အဖိခွါ, စီၤမၤလကံယၤအဖိခွါ,―

¹³ ဒီးအဒီပုၢ်ဝဲၢ်, ပၢ်အခိၣ်တဖၣ်, ပှၤခံကယၤလွံၢ်ဆံခံဂၤ, ဒီးစီၤဧစၤရ့လးအဖိခွါ, စီၤဧမၤၡဲ, စီၤအၤဃစဲၤအဖိခွါ, စီၤမၡံးလ့မိးအဖိခွါ, စီၤအံးမ့ၢ်အဖိခွါ, ¹⁴ ဒီးအဒီပုၢ်ဝဲၢ်, ပှၤအဒိၣ်အဆူၣ်ပှၤတကယၤခံဆံဃိးဂၤ, ဒီးပှၤကွၢ်အီၤ မ့ၢ်စီၤဟးကဒိလံၣ်အဖိခွါ, စီၤစးဘဒ့ၤအ့လးလီၤ.

¹⁵ ဒီးလၢပှၤလ့ၤဝံဖိအကျါန့ၣ် စီၤဃၤရှူာ်အဖိခွါ, စီၤၡၤ မါယၤ, စီၤဧးစရံကၣ်အဖိခွါ, စီၤဃၡၤဘယၤအဖိခွါ, စီၤ ဘူနံၤလီၤ.

¹⁶ ဒီးလၢပှၤလ့ၤဝံဖိအခိၣ်တဖၣ်အကျါန့ၣ် စီၤၡၤဘသဲၤ, ဒီးစီၤယိစဘးန့ၣ် ကွၢ်ယွၤအဟံၣ်အတၢ်မၤ လၢအအိၣ် လၢခိလီၤ.

¹⁷ တုၤပှၤသးဝံၣ်တၢ်လၢ တၢ်စံးထီၣ်ပတြၢၤဒီး, စီၤမး တၤနယၤ, စီၤမံၤကါအဖိခွါ, စီၤစးဘဒံၤအဖိခွါ, စီၤအၤ စာ်အဖိခွါန့ၣ် မ့ၢ်ပှၤအခိၣ်လၢအမၤဆိဝဲလီၤ. စီၤဘးက ဘူကယၤမ့ၢ်ပှၤခံဂၤတဂၤလၢအဒီပုၢ်ဝဲၢ်အကျါ, ဒီးစီၤၡံ မူၤအဖိခွါစီၤဧၤဘဒါ, စီၤကၤလလးအဖိခွါ, စီၤယဒူသူၣ် အဖိခွါလီၤ. ¹⁸ ဒီးပှၤလ့ၤဝံဖိအိၣ်ဝဲလၢဝ့ၢ်စီဆှံအပူၤခဲလၢာ် န့ၣ်မ့ၢ်ပှၤခံကယၤဃိးဆံလွံၢ်ဂၤလီၤ.

¹⁹ ဒီးပှၤပၢၤပဲတရီဖိ, စီၤဧးကူာ်, စီၤတၤလမိၣ်, ဒီးအ ဒီပုၢ်ဝဲၢ်လၢၢ်အပၢၤပဲတရီတဖၣ်န့ၣ် မ့ၢ်ပှၤတကယၤနွံဆံ ခံဂၤလီၤ.

²⁰ ဒီးပှၤအိၣ်လီၤတဲာ်လၢအံၣ်စရ့လးအကျါ, လၢပှၤလုၢ် တၢ်အဒိၣ်အကျါ, ပှၤလ့ၤဝံဖိအကျါန့ၣ်အိၣ်ဝဲလၢယူဒၤ အဝ့ၢ်တဖၣ်အပူၤ, လၢအတၢ်န့ၢ်သါအပူၤစုာ်စုာ်လီၤ.

²¹ ဒီးပှၤနသံနးဖိ အိၣ်ဝဲဆိးဝဲလၢဧိၤဖ့လး, စီၤစံဃၤ, ဒီးစီၤကံးၡပၤန့ၣ် အိၣ်ဝဲလၢပှၤနသံနးဖိအဖီခိၣ်လီၤ.

²² ပှၤကွၢ်ပှၤလ့ၤဝံဖိလၢ ယရူၤၡလ့ၣ်အပူၤန့ၣ် မ့ၢ်စီၤဧူၤ စံ, စီၤဘၤနံအဖိခွါ, စီၤဃၡၤဘယၤအဖိခွါ, စီၤမးတၤ နယၤအဖိခွါ, စီၤမံၤကါအဖိခွါလီၤ. ယွၤအဟံၣ်အတၢ် မၤအခိၣ်န့ၣ်မ့ၢ်ပှၤလၢ စီၤအၤစာ်အဖိခွါ, လၢပှၤသးဝံၣ် တၢ်ဖိအကျါလီၤ.

²³ အဂ့ၢ်ဒ်အံၤ, စီၤပၤမၤလိာ်လၢအဂ့ၢ်အကျိၤ, ဒီးတၢ် အိၣ်ကျၢၤဝဲလၢ ပှၤသးဝံၣ်တၢ်ဖိအဂီၢ်ကအိၣ်တနံၤအဂီၢ် တနံၤအဂီၢ်လီၤ.

²⁴ ဒီးစီၤမရှ့ၤစဘ့လးအဖိခွါ စီၤပသၤဃိယၤလၢ စီၤယူ ဒၤအဖိခွါစီၤစ့ရၤအဖိအကျါတဂၤ အိၣ်ဝဲလၢစီၤပၤအစု အဃၢၤလၢကယဲၢ်တၢ်ဘၣ်ဃးဒီးပှၤဂီၢ်မုၢ်အဂီၢ်လီၤ.

²⁵ ဒီးလၢတဝီတဖၣ် လၢအဟီၣ်ခိၣ်အကဝီၤအပူၤန့ၣ် ပှၤလၢပှၤယူဒၤဖိအကျါတဖၣ် အိၣ်ဝဲဆိးဝဲလၢကံးရယး အၢ်ဘၤ, ဒီးလၢအတဝီတဖၣ်အပူၤ, ဒီးလၢဒံၤဘိၣ်, ဒီး လၢအတဝီတဖၣ်အပူၤ, ဒီးလၢယကၤဘစ့လး, ဒီးလၢ အတဝီတဖၣ်အပူၤ, ²⁶ ဒီးလၢယ့ၤရှူအပူၤ, ဒီးလၢမိလဒၤ ပူၤ, ဒီးလၢဘ့ၤသပၤလ့းအပူၤ, ²⁷ ဒီးလၢဃစၢ်ရှူဧလးအ ပူၤ, ဒီးလၢဘ့ၢ်ၡဘၤ, ဒီးလၢအတဝီတဖၣ်အပူၤ, ²⁸ ဒီး လၢစံကလးအပူၤ, ဒီးလၢမကိနၤ, ဒီးလၢအတဝီတဖၣ် အပူၤ, ²⁹ ဒီးလၢဧ့ၣ်ရံမိၣ်အပူၤ, ဒီးလၢစၤရဧၤအပူၤ, ဒီး လၢယၢ်မူသးအပူၤ, ³⁰ လၢစါနိၤ, ဧဒူးလၣ်, ဒီးအတဝီတ ဖၣ်အပူၤ, လၢလၤကံၣ်, ဒီးအဟီၣ်ခိၣ်အကဝီၤတဖၣ်အ ပူၤ, ဧစ့ကၤ, ဒီးအတဝီတဖၣ်အပူၤလီၤ. ဒီးအိၣ်ဝဲဆိးဝဲ လၢဘ့ၢ်ၡဘၤပၢၢ်လၢကစၢၢ်ကဆူးဟံၣ်နိၣ်လီၤ.

³¹ ပှၤဘံၣ်ယၤမံၣ်ဖိလၢက့ဘၤန့ၣ် အိၣ်ဝဲလၢမံးကမၣ်, ဒီးလၢဂဲ, ဒီးဘ့ၤသ့လး, ဒီးလၢအတဝီတဖၣ်အပူၤ, ³² လၢ ဧၤနသိး, လၢနိၤဘး, လၢဧနၤနယၤ ³³ -လၢဃါစိၢ်, ³⁴ ― လၢရၤမါ, လၢကံးတယၣ်, လၢဃၤဒံး, လၢစဘိဧံၣ်, လၢနဘးလး, ³⁵ လၢလိး, ဒီးလၢအိနိၤ, ပှၤစိးပျၤတၢ်ဖိ အကစၢၢ်ကဆူးလီၤ. ³⁶ ဒီးလၢပှၤလ့ၤဝံဖိအဂ့ၢ်န့ၣ်တၢ်နီၤ ဖးဝဲလၢယူဒၤ, ဒီးလၢဘံၣ်ယၤမံၣ်အပူၤန့ၣ်လီၤ.

၁၂

¹ ဒီးအအံၤမ့ၢ်ပှၤလုၢ်တၢ်အဒိၣ်, ဒီးပှၤလ့ၤဝံဖိလၢအဟဲ ထီၣ်ဒီးစီၤၡၤလတံၤအ့လးအဖိခွါ စီၤစရူဘၤဘ့လး, ဒီး စီၤယ့ၤရှူ, စီၤစရါယၤ, စီၤယံးရမံယၤ, စီၤဧ့စြၤ, ² စီၤအမၤ ရယၤ, စီၤမးလူး, စီၤဃးထူၣ်, ³ စီၤၡကါနယၤ, စီၤရဃူၣ်, စီၤမရ့မိး ⁴ ― စီၤဧံးဒိၤ, စီၤကံးနသိၤ, စီၤအဘံယၤ, ⁵ စီၤမံ ယမံၣ်, စီၤမၤဒယၤ, စီၤဘံလကၤ, ⁶ စီၤၡမါယၤ, ဒီးစီၤ ယိၤရံာ်, စီၤယဒံယၤ, ⁷ စီၤစးလူၤ, စီၤဧၤမိး, စီၤဃံလကံ ယၤ, စီၤယဒံယၤလီၤ. အဝဲသ့ၣ်တဖၣ်န့ၣ်မ့ၢ်ပှၤလုၢ်တၢ် အဒိၣ်အခိၣ်, ဒီးပှၤလၢအဒီပုၢ်ဝဲၢ်အကျါလၢစီၤယ့ၤရှူအ မုၢ်နံၤတဖၣ်န့ၣ်လီၤ.

⁸ ဒီးပှၤလ့ၤဝံဖိန့ၣ်, စီၤယ့ၤရှူ, စီၤဘံနူၤ, စီၤကးမံၤအ့ လး, စီၤရှ့ရ့ဘယၤ, စီၤယူဒၤ, စီၤမးတၤနယၤ အိၣ်ဝဲ လၢတၢ်သးဝံၣ်အဖီခိၣ်, အဝဲဒၣ်ဒီးအဒီပုၢ်ဝဲၢ်လီၤ.

⁹ ဒီးစီၤဘးကဘူကယၤ, ဒီးစီၤဧူးနံၤ, အဝဲသ့ၣ်အဒီပုၢ် ဝဲၢ်အိၣ်သဃီၤဒီးအီၤလၢပၢၤတၢ်အပူၤလီၤ.

¹⁰ ဒီးစီၤယ့ၤရှူထီၣ်ဖိ စီၤယိယၤကံၣ်, ဒီးစီၤယိယၤကံၣ် ထီၣ်ဖိစီၤအ့လယၤၡံာ်, ဒီးစီၤအ့လယၤၡံာ်ထီၣ်ဖိစီၤယိ ယဒၤ, ¹¹ ဒီးစီၤယိယဒၤထီၣ်ဖိစီၤယိနၤသၣ်, ဒီးစီၤယိနၤ သၣ်ထီၣ်ဖိစီၤယးဒူၤလီၤ.

¹² ဒီးလၢ စီၤယိယၤကံၣ်အမုၢ်နံၤန့ၣ် ပှၤလုၢ်တၢ်အဒိၣ်, ပၢ်တဖၣ်အခိၣ်, မ့ၢ်စီၤမရါယၤ ဘၣ်ဃးဒီးစီၤစရါယၤ, စီၤဃနၤနယၤဘၣ်ဃးဒီး စီၤယံးရမံယၤ, ¹³ စီၤမရှူလၣ် ဘၣ်ဃးဒီးစီၤဧ့စြၤ, စီၤယိဃၤနၣ်ဘၣ်ဃးဒီး စီၤအမၤရ ယၤ, ¹⁴ စီၤယိနၤသၣ်ဘၣ်ဃးဒီးစီၤမံလကူၤ, စီၤယိၤသး ဘၣ်ဃးဒီးစီၤၡဘၤနယၤ, ¹⁵ စီၤဧၤဒနၤဘၣ်ဃးဒီးစီၤဃၤ ရံၣ်, စီၤဃ့လကံဘၣ်ဃးဒီးစီၤမရၤယိာ်, ¹⁶ စီၤစကၤရယၤ ဘၣ်ဃးဒီးစီၤဧံးဒိၤ, စီၤမရှူလၣ်ဘၣ်ဃးဒီး စီၤကံးန သိၣ်, ¹⁷ စီၤစံးကရံးဘၣ်ဃးဒီးစီၤအဘံယၤ, စီၤပံးလ တဲၤဘၣ်ဃးဒီးစီၤမံးနယၤမံၣ်ဘၣ်ဃးဒီးစီၤမိၤဧၤဒယၤ,―

¹⁸ စီၤၡးမူၤဘၣ်ဃးဒီးစီၤဘံလကၤ, စီၤယိနၤသၣ်ဘၣ်ဃး ဒီးစီၤၡမါယၤ, ¹⁹ စီၤမးတနဲဘၣ်ဃးဒီးစီၤယိၤရံာ်, စီၤဧူးစံ ဘၣ်ဃးဒီးစီၤယဒံယၤ, ²⁰ စီၤကးလဲၤဘၣ်ဃးဒီး စီၤစး လဲၤ, စီၤဧၤဘ့ၢ်ဘၣ်ဃးဒီးစီၤဧးမိး, ²¹ စီၤဃၡၤဘယၤဘၣ် ဃးဒီးစီၤဃံးလကံယၤ, စီၤနၤသန့လးဘၣ်ဃးဒီးစီၤယ ဒံယၤလီၤ.

²² လၢစီၤအ့လယၤၡံာ်, စီၤယိယဒၤ, ဒီးစီၤယိဃၤနၣ်, ဒီး စီၤယးဒူအမုၢ်နံၤန့ၣ် ပှၤလ့ၤဝံဖိအမံၤဆဲးလီၤအသးလၢ အပၢ်တဖၣ်အခိၣ်, ဒီးပှၤလုၢ်တၢ်အဒိၣ် တုၤလီၤလၢပှၤ ပၤရၣ်ဖိအစီၤပၤဒၤရယါဝ့ၣ်လီၤ.

²³ ဒီးစီၤလ့ၤဝံအဖိခွါ, ပၢ်တဖၣ်အခိၣ် အမံၤကွဲးအသး လၢလံာ်ကွဲးနီၣ်တၢ်အပူၤ တုၤလၢစီၤအ့လယၤၡံာ်အဖိခွါ စီၤယိဃၤနၣ်အမုၢ်နံၤတဖၣ်လီၤ.

²⁴ ဒီးပှၤလ့ၤဝံဖိအခိၣ်န့ၣ်စီၤဃၡၤဘယၤ, စီၤရှ့ရ့ဘယၤ, ဒီးစီၤကးမ့ၤအ့လးအဖိခွါစီၤယ့ၤရှူ အိၣ်ဝဲသဃီၤဒီးအဒီ ပုၢ်ဝဲၢ်တတီၤဒီးတတီၤ, ဒ်သိးအကစံးထီၣ်ပတြၢၤတၢ်, ဒီးသးဝံၣ်တၢ်ဒ်ယွၤအခ့အပှၤစီၤဒၤဝံး အတၢ်မၤလိာ်အ သိးန့ၣ်လီၤ.

²⁵ စီၤမးတၤနယၤ, ဒီးစီၤဘးကဘူကယၤ, စီၤဧိၤဘါဒ ယၤ, စီၤမရှူလၣ်, စီၤတၤလမိၣ်, စီၤဧးကူာ်န့ၣ်မ့ၢ်ပှၤပၢၤ ပဲတရီဖိလၢအပၢၤတၢ်ဖဲပဲတရီအတၢ်ပာ်ဖှိၣ်အလီၢ်လီၤ.

²⁶ အဝဲသ့ၣ်တဖၣ်န့ၣ်အိၣ်ဝဲလၢစီၤယိယၤကံၣ်, စီၤယ့ၤ ရှူအဖိခွါ, စီၤယိၤစဒးအဖိခွါအမုၢ်နံၤ, ဒီးလၢပဒိၣ်ဖးဒိၣ် စီၤနဃ့မယၤ, ဒီးပှၤလုၢ်တၢ်အဒိၣ်, ပှၤကွဲးလံာ်စီၤဧ့စြၤ အမုၢ်နံၤန့ၣ်လီၤ.

²⁷ ဒီးတုၤအပာ်စီဆှံယရူၤၡလ့ၣ်အခိၣ်ဒူဒီး, ဃုဝဲလၢပှၤ လ့ၤဝံဖိလၢအလီၢ်ခဲလၢာ်အပူၤ ဒ်သိးအကမၤတၢ်ပာ်စီ ဆှံန့ၣ်အိၣ်ဒီး အသူၣ်ခုအသးခု, ဒီးတၢ်စံးထီၣ်ပတြၢၤ, ဒီးတၢ်သးဝံၣ်, ဒီးစှၢၣ်စှံး, သီတူၢ်, ဒီးတနၢ်လီၤ.

²⁸ ဒီးပှၤသးဝံၣ်တၢ်ဖိ ဟဲအိၣ်ဖှိၣ်ရိဖှိၣ်လၢ ပှၢ်လၢ်ကျါ အိၣ်ဝးတရံးယရူၤၡလ့ၣ်, ဒီးလၢနတိဖၤဖိအတဝီတဖၣ် အပူၤ, ²⁹ ဒီးလၢကံးလကၤလးအဟံၣ်, ဒီးလၢက့ဘၤ, ဒီးဧၤစမၤဝ့း အဟီၣ်ခိၣ်အကဝီၤပူၤတဖၣ်လီၤ. အဂ့ၢ်ဒ် အံၤ, ပှၤသးဝံၣ်တၢ်ဖိ မၤအတဝီတဖၣ်ဝးတရံး ယရူၤ ၡလ့ၣ်လီၤ.

³⁰ ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိမၤကဆှီထီၣ်အ သး, ဒီးမၤကဆှီထီၣ်ပှၤဂီၢ်မုၢ်, ဒီးပဲတရီတဖၣ်, ဒီးတၢ် ခိၣ်ဒူလီၤ.

³¹ ယဟဲစိာ်ယူဒၤ အပဒိၣ်တဖၣ်ဆူ တၢ်ခိၣ်ဒူအဖီခိၣ်, ဒီးယပာ်ပှၤသးဝံၣ်တၢ်ဖိခံဖုဖးဒိၣ်လီၤ. တဖုလဲၤဝဲလၢစု ထွဲတခီလၢတၢ်ခိၣ်ဒူအဖီခိၣ်ဆူပဲတရီတၢ်အ့ၣ်, ³² ဒီးလၢ အလီၢ်ခံန့ၣ် လဲၤဝဲလၢစီၤဟိၤၡၤယၤ, ဒီးပှၤယူဒၤဖိအပ ဒိၣ်ဖးဒိၣ်တဖၣ်တဝာ်, ³³ ဒီးစီၤဧစၤရယၤ, စီၤဧ့စြၤ, ဒီး စီၤမရှူလၣ်, ³⁴ စီၤယူဒၤ, စီၤဘံၣ်ယၤမံၣ်, ဒီးစီၤၡမါယၤ, ဒီးစီၤယံးရမံယၤ, ³⁵ ဒီးပှၤလၢပှၤလုၢ်တၢ်အဒိၣ်အဖိခွါအ ကျါအိၣ်ဝဲဒီးကွဲၤ, စီၤစကၤရယၤ, စီၤယိနၤသၣ်အဖိခွါ, စီၤၡမါယၤအဖိခွါ, စီၤမးတၤနယၤအဖိခွါ, စီၤမံၤကါယၤ အဖိခွါ, စီၤစးကူၢ်အဖိခွါ, စီၤအၤစာ်အဖိခွါ, ³⁶ ဒီးအဒီ ပုၢ်ဝဲၢ်စီၤၡမါယၤ, ဒီးစီၤဧစၤရ့လး, စီၤမံလလဲၤ, စီၤကံလ လဲၤ, စီၤမၤဧၤ, စီၤနၤသန့လး, ဒီးစီၤယူဒၤ, စီၤဃနၤနံ သ့ၣ်တဖၣ်အိၣ်ဝဲဒီး ယွၤအခ့အပှၤစီၤဒၤဝံးအဒံၣ်ဒၢပီၤဒွါ, ဒီးပှၤကွဲးလံာ်စီၤဧ့စြၤအိၣ်လၢအမဲာ်ညါလီၤ.

³⁷ ဒီးဖဲပဲတရီထံထီၣ်ပၢၢ် လၢအအိၣ်သဃီၤဒီးအီၤန့ၣ် လဲၤထီၣ်ဝဲလၢ စီၤဒၤဝံးအဝ့ၢ်အဃီ, ဖဲတၢ်လဲၤထီၣ်လၢ တၢ်ခိၣ်ဒူလၢစီၤဒၤဝံးအဟံၣ်အဖီခိၣ်, ပၢၢ်လၢပဲတရီထံ လၢမုၢ်ထီၣ်တခီလီၤ.

³⁸ ဒီးပှၤလၢအသးဝံၣ်တၢ်တဖုဒၣ်လဲၤသဂၢၢ်အီၤ, ဒီးယ ပိာ်အခံဒီး ပှၤဂီၢ်မုၢ်တဝာ်, လၢတၢ်ခိၣ်ဒူလၢဖၣ်ကပူၤ တၢးထီအဖီခိၣ်ပၢၢ်လၢတၢ်ခိၣ်ဒူလဲၢ်န့ၣ်, ³⁹ ဒီးလၢပဲတရီ အ့ဖရဲၣ်အဖီခိၣ်, ဒီးလၢပဲတရီလီၢ်လံၤအဖီခိၣ်, ဒီးလၢ ပဲတရီညၣ်အဖီခိၣ်, ဒီးတၢးထီဃနၤန့လး, ဒီးပဲတရီမ့ၤ အၤ, ပၢၢ်လၢပဲတရီသိဒီးမဲာ်တဲးလဲး, ဒီးအိၣ်ကတီၢ်ဖဲပဲ တရီဃိာ်လီၤ. ⁴⁰ ဒီးပှၤခံဖုလၢအသးဝံၣ်တၢ်လၢ ယွၤအ ဟံၣ်ပူၤန့ၣ်ဆၢထၢၣ်ဝဲ, ဒီးယၤ, ဒီးပှၤပဒိၣ်တဝာ်အိၣ်ဒီး ယၤ, ⁴¹ ဒီးပှၤလုၢ်တၢ်အဒိၣ်, စီၤအ့ၤလယါကံၣ်, စီၤမၤ စ့ယၤ, စီၤမံးနယၤမံၣ်, စီၤမံၤကါယၤ, စီၤအ့လံၤဧ့နံၤ, စီၤစကၤရယၤ, စီၤဃနၤနယၤန့ၣ်အိၣ်ဝဲဒီးကွဲၤ, ⁴² ဒီးစီၤ မၤစ့ယၤ, ဒီးစီၤၡမါယၤ, ဒီးစီၤအလၤဧစၢ်, ဒီးစီၤဧူၤစံ, ဒီး စီၤယိဃၤနၣ်, ဒီးစီၤမၤလကံယၤ, ဒီးစီၤဧ့ၤလၣ်, ဒီးစီၤဧ့ စ့ၢ်လီၤ. ဒီးပှၤသးဝံၣ်တၢ်ဖိအုၣ်တၢ်လၢအကလုၢ်ဖးဒိၣ်, အိၣ်ဒီးပှၤကွၢ်အီၤစီၤယံးစရၤဃယၤလီၤ.

⁴³ ဒီးတၢ်လၢမုၢ်တနံၤန့ၣ်ပှၤလုၢ်တၢ်လုၢ်ဖးဒိၣ်တဖၣ်, ဒီး သူၣ်ခုသးခုလီၤ. အဂ့ၢ်ဒ်အံၤ, ယွၤဒုးခုအသးလၢတၢ်သး ခုဖးဒိၣ်, ဒီးအဖိအမါ, ဒီးဖိဒံဖိသၣ်သူၣ်ခုသးခုစ့ၢ်ကီး, ဒီးယရူၤၡလ့ၣ်အတၢ်သးခုဟူထီၣ်ဝဲလၢအယံၤလီၤ.

⁴⁴ တၢ်လၢမုၢ်တနံၤန့ၣ် တၢ်ပာ်ပှၤတဖၣ်လၢဒၢးတဖၣ် အဖီခိၣ်လၢတၢ်ပာ်ဖှိၣ်အဂီၢ်, လၢတၢ်မၤဘူၣ်အဂီၢ်, လၢ တၤသၣ်ဆိအဂီၢ်, ဒီးတၢ်ဆံဆဲၣ်ပူတပူအဂီၢ်, ဒ်သိးအ ကထၢဖှိၣ်တၢ်ဆူအပူၤ လၢဟီၣ်ခိၣ်အကဝီၤတဖၣ်အပူၤ, လၢဝ့ၢ်တဖၣ်အပူၤ, လၢပှၤလုၢ်တၢ်အဒိၣ်, ဒီးပှၤလ့ၤဝံ ဖိအဂီၢ်, ဒ်တၢ်သိၣ်တၢ်သီအသိးန့ၣ်လီၤ. အဂ့ၢ်ဒ်အံၤ, ပှၤယူဒၤဖိသူၣ်ခုသးခုလၢပှၤလုၢ်တၢ်အဒိၣ်, ဒီးပှၤလ့ၤဝံ ဖိလၢအဆၢထၢၣ်အဃိလီၤ.

⁴⁵ ဒီးပှၤသးဝံၣ်တၢ်ဖိ, ဒီးပှၤပၢၤပဲတရီဖိတိၢ်န့ၢ် တၢ်ကွၢ် က့ၤဘၣ်ဃးဒီးအကစၢ်, ဒီးတၢ်ကွၢ်က့ၤဘၣ်ဃးဒီးတၢ် မၤကဆှီ, ဒ်စီၤဒၤဝံးဒီးအဖိခွါစီၤၡလိၤမိၤအတၢ်မၤလိာ် အသိးန့ၣ်လီၤ.

⁴⁶ အဂ့ၢ်ဒ်အံၤ, လၢစီၤဒၤဝံး, ဒီးစီၤအၤစာ်အမုၢ်နံၤလၢ ပျၢၤန့ၣ်ပှၤသးဝံၣ်တၢ်ဖိ, ပှၤအုၣ်တၢ်စံးထီၣ်ပတြၢၤယွၤ တဖၣ်အခိၣ်အိၣ်ဝဲလီၤ.

⁴⁷ ဒီးလၢစီၤစရူဘၤဘ့လးဒီး လၢစီၤနဃ့မယၤအမုၢ်နံၤ န့ၣ်အံၣ်စရ့လးခဲလၢာ် ဟ့ၣ်ပှၤသးဝံၣ်တၢ်ဖိ, ဒီးပှၤပၢၤ ပဲတရီဖိအဂီၢ်တဖၣ် လၢတနံၤအဂီၢ်တနံၤအဂီၢ်လီၤ. ဒီး ပာ်တၢ်စီဆှံလၢပှၤလ့ၤဝံဖိအဂီၢ်, ဒီးပှၤလ့ၤဝံဖိန့ၣ်ပာ်တၢ် စီဆှံတသါလၢစီၤအၤဟရိၣ်အဖိအဂီၢ်လီၤ.

၁၃

¹ တၢ်လၢမုၢ်တနံၤန့ၣ်ဖးဝဲလၢ လံာ်စီၤမိၤရှ့အပူၤလၢပှၤ ဂီၢ်မုၢ်အနၢ်ပူၤလီၤ. ဒီးထံၣ်န့ၢ်တၢ်ကွဲးအသး လၢအပူၤ လၢပှၤဧၣ်မိၣ်ဖိ, ဒီးပှၤမိၤအးဖိတဘၣ်ဟဲနုာ်ဘၣ်လၢယွၤ အတၢ်အိၣ်ဖှိၣ်အပူၤလီၤစိၤလီၤထီလီၤ. ² အဂ့ၢ်ဒ်အံၤ, တ ဟဲသဂၢၢ်ဘၣ်ပှၤအံၣ်စရ့လးဖိဒီးကိၣ်, ဒီးထံဘၣ်. မ့မ့ၢ် အငါစီၤဘံးလၣ်လၢစ့ဒ်သိးအကဆိၣ်အၢအီၤလီၤ. ဘၣ် ဆၣ်ဒီးပကစၢ်လဲလိာ်တၢ်ဆိၣ်အၢလၢတၢ်ဆိၣ်ဂ့ၤလီၤ.

³ ဒီးတၢ်မၤအသး တုၤအနၢ်ဟူတၢ်သိၣ်တၢ်သီဒီး, မၤ လီၤဖှၣ် ပှၤဂီၢ်မုၢ်ဃါဃုာ်အသးတဖၣ်ဒီး အံၣ်စရ့လး လီၤ.

⁴ တၢ်န့ၣ်အမဲာ်ညါ ပှၤလုၢ်တၢ်အဒိၣ်လၢအကွၢ်ပကစၢ် အဟံၣ်အဒၢးစီၤဧ့လယၤၡံာ် ဒီတံၤဒီသကိးဒီးစီၤတိၤဘံ ယၤ, ⁵ ဒီးကတဲာ်ကတီၤတ့ၢ်ဒၢးဖးဒိၣ်လၢအဂီၢ်, ဖဲပှၤ လၢသီပာ်ဖှိၣ်တၢ်မၤဘူၣ်လီၢ်ဘၣ်, ဒီးတၢ်အဃၢၤအဃိၢ် တဖၣ်, ဒီးဘုဧိၤဟုဧိၤ, ဒီးစပံးထံအသီ, ဒီးသိသ့ၣ်တ ဖၣ်, ဆံဆဲၣ်ပူတပူ, လၢတၢ်မၤလိာ်ဝဲလၢပှၤဘၣ်ဟ့ၣ် ပှၤလ့ၤဝံဖိ, ဒီးပှၤသးဝံၣ်တၢ်ဖိ, ဒီးပှၤပၢၤပဲတရီဖိ, ဒီး တၢ်မၤဘူၣ်ဘၣ်ဃးဒီးပှၤလုၢ်တၢ်အဒိၣ်လီၤ.

⁶ ဒီးလၢတၢ်မၤအသးခဲလၢာ်န့ၣ် ယတအိၣ်ဘၣ်လၢယ ရူၤၡလ့ၣ်အပူၤဘၣ်. အဂ့ၢ်ဒ်အံၤ, လၢဘၤဘူၤလိၣ်အစီၤ ပၤအၢ်တၤၡါၡတၤ အနံၣ်ပှဲၤထီၣ်သၢဆံခံနံၣ်တနံၣ်န့ၣ် ယဟဲဆူစီၤပၤအအိၣ်, ဒီးလၢမုၢ်နံၤတဖၣ်အကတၢၢ်န့ၣ် ယဃ့တၢ်လၢစီၤပၤလီၤ.

⁷ ဒီးယဟဲက့ၤဆူယရူၤၡလ့ၣ်, ဒီးယနၢ်ပၢၢ်တၢ်အၢလၢ စီၤအ့လယၤၡံာ်မၤဝဲလၢစီၤတိၤဘံယၤအဃိ, လၢအက တဲာ်ကတီၤန့ၢ်အီၤလၢ အဒၢးတဒၢးလၢ ယွၤအဟံၣ်အ ဂၢၤပူၤလီၤ. ⁸ ဒီးယသးကိၢ်ထီၣ်ဒိၣ်မးလီၤ. ဒီးယကွံာ် တ့ၢ်ကွံာ် စီၤတိၤဘံယၤအဃၢၤအဃိၢ်ခဲလၢာ် လၢအဒၢး ပူၤဆူခိလီၤ.

⁹ ဒီးယမၤလိာ်တၢ်, ဒီးပှၤမၤကဆှီထီၣ်ဒၢးတဖၣ်, ဒီးယ ဟဲစိာ်က့ၤဖဲန့ၣ် ယွၤအဟံၣ်အဃၢၤအဃိၢ်, ဒီးတၢ်မၤ ဘူၣ်, ဒီးလီၢ်ဘၣ်လီၤ.

¹⁰ ဒီးယသ့ၣ်ညါလၢ ပှၤလ့ၤဝံဖိအဂီၢ်တဖၣ်န့ၣ် ပှၤတ ဟ့ၣ်ဘၣ်အီၤဘၣ်. အဂ့ၢ်ဒ်အံၤ, ပှၤလ့ၤဝံဖိ, ဒီးပှၤသး ဝံၣ်တၢ်ဖိလၢအမၤတၢ်မၤန့ၣ် ဃ့ၢ်လံတဂၤဆူအဟီၣ်ခိၣ် အကဝီၤဒၣ်ဝဲ, တဂၤဆူအဟီၣ်ခိၣ်အကဝီၤဒၣ်ဝဲလံလီၤ.

¹¹ ဒီးယဂ့ၢ်လိာ်ဘှီလိာ်ဒီးပဒိၣ်တဖၣ်, ဒီးယစံး, ပှၤလဲၤ သဒၣ်ယွၤအဟံၣ်န့ၣ်မ့ၢ်အဘၣ်မနုၤလဲၣ်. ဒီးယဒုးအိၣ် ဖှိၣ်ရိဖှိၣ်အီၤ, ဒီးပာ်လီၤအီၤလၢအလီၢ်န့ၣ်လီၤ.

¹² တုၤနုၤတစုပှၤယူဒၤဖိခဲလၢာ် ဟဲစိာ်ဘုဧိၤဟုဧိၤ, ဒီးစ ပံးထံအသီ, ဒီးသိသ့ၣ်တဖၣ်ဆံဆဲၣ်ပူတပူ ဆူတၢ်ပာ် ဖှိၣ်အလီၢ်န့ၣ်လီၤ.

¹³ ဒီးယပာ်ပှၤပၢၤတၢ်ပာ်ဖှိၣ်အလီၢ်, ပှၤလုၢ်တၢ်အဒိၣ် စီၤၡလ့မယၤ, ဒီးပှၤကွဲးလံာ်စီၤစၤဒိး, ဒီးလၢပှၤလ့ၤဝံဖိ အကျါန့ၣ်စီၤပဒါယၤ, ဒီးလၢအလီၢ်ခံန့ၣ်စီၤဃၤနၣ်, စီၤ စးကူၢ်အဖိခွါစီၤမးတၤနယၤအဖိခွါလီၤ. အဂ့ၢ်ဒ်အံၤ, တၢ် ပာ်အီၤလၢပှၤအကလုၢ်တီလီၤ. ဒီးအဝဲသ့ၣ်ဘၣ်ဟ့ၣ်နီၤ ဖးတၢ်လၢအဒီပုၢ်ဝဲၢ်တဖၣ်န့ၣ်လီၤ.

¹⁴ ယကစၢ်ဧၢ, သ့ၣ်နီၣ်ထီၣ်က့ၤယၤလၢတၢ်န့ၣ်တမံၤအ ဃိတက့ၢ်. ဒီးတၢ်ဘျုးတၢ်ဖှိၣ်လၢအဒုးဘၣ်ယကစၢ်အ ဟံၣ်, ဒီးယတၢ်ကွၢ်က့ၤအီၤတဖၣ်န့ၣ်ထွါကွံာ်တဂ့ၤ.

¹⁵ လၢမုၢ်နံၤတဖၣ်န့ၣ် ယထံၣ်ဘၣ်လၢယူဒၤဖိအကျါပှၤ ယီၢ်နီၣ်စံၢ်စပံးသၣ်လၢမုၢ်အိၣ်ဘှံးအနံၤ, ဒီးဟဲစိာ်ဘုက ဒိၣ်, ဒီးပဒၢးထီၣ်တၢ်လၢကသ့ၣ်ယီၤအလိၤ, ဒီးစပံးထံ စ့ၢ်ကီး, ဒီးစပံးသၣ်, ဒီးချၢၣ်ဒၢသၣ်, ဒီးတၢ်ပဒၢးအက လုာ်ကလုာ်လၢအဟဲစိာ်ဆူယရူၤၡလ့ၣ် လၢမုၢ်အိၣ်ဘှံး အနံၤလီၤ. ဒီးယအုၣ်ယသးလၢအဂ့ၢ်အကျိၤလၢမုၢ်တ နံၤလၢအဆါတၢ်အီၣ်လီၤ.

¹⁶ ဒီးပှၤစိၢ်ဖိအိၣ်ဝဲဆိးဝဲလၢအဟဲစိာ်ညၣ်, ဒီးလဲာ်တၢ် ကၤတၢ်အကလုာ်ကလုာ်, ဒီးလၢမုၢ်အိၣ်ဘှံးအနံၤန့ၣ် ဆါဝဲလၢပှၤယူဒၤဖိ, ဒီးလၢယရူၤၡလ့ၣ်အပူၤလီၤ.

¹⁷ ဒီးယဂ့ၢ်လိာ်ဘှီလိာ် ဒီးယူဒၤအပှၤအိၣ်ဖျဲၣ်အပဒိၣ် တဖၣ်, ဒီးယစံးဘၣ်အီၤ, တၢ်အၢအံၤလၢသုမၤ, ဒီးမၤ ဘၣ်အၢမုၢ်အိၣ်ဘှံးအနံၤန့ၣ်မ့ၢ်မနုၤတမံၤလဲၣ်. ¹⁸ သုပၢ် တဖၣ်မၤဒ်န့ၣ်ဒီး ပကစၢ်ဒုးဟဲဘၣ်ပှၤဒီးဝ့ၢ်အံၤလၢတၢ် အၢအံၤခဲလၢာ်တမ့ၢ်ဘၣ်ဧါ. ဒီးသုဒုးဘၣ်အံၣ်စရ့လးလၢ တၢ်သးထီၣ်အါထီၣ်လၢတၢ်မၤဘၣ်အၢ မုၢ်အိၣ်ဘှံးနံၤ အဃိလီၤ.

¹⁹ ဒီးတုၤတၢ်ခံး လီၤဘၣ်ယရူၤၡလ့ၣ် အပဲတရီတဖၣ် လၢမုၢ်အိၣ်ဘှံးနံၤ တချုးဘၣ်ဒံးဘၣ်ဒီး, တၢ်မၤအသး လၢယမၤလိာ်လၢ ပှၤဘၣ်ကးတံာ်ဃာ်တြဲၤ, ဒီးယမၤ လိာ်လၢပှၤအသုတအိးထီၣ်ဘၣ်အီၤ တုၤလီၤလၢမုၢ်အိၣ် ဘှံးနံၤပူၤကွံာ်န့ၣ်လီၤ. ဒီးယပာ်ပှၤလၢယခ့ယပှၤတနီၤ ဖဲပဲတရီတဖၣ်န့ၣ်, ဒ်သိးပှၤအသုတဟဲစိာ်နုာ်တၢ်ဝံတၢ် ယိးလၢမုၢ်အိၣ်ဘှံးနံၤတဂ့ၤလီၤ.

²⁰ ဒီးပှၤကၤတၢ်ဖိ, ဒီးပှၤဆါတၢ်ကၤတၢ် အကလုာ်က လုာ်တဖၣ်န့ၣ်မံဝဲလၢယရူၤၡလ့ၣ်လၢခိတဘျီခံဘျီလီၤ.

²¹ ဒီးယအုၣ်ယသးထီဒါအီၤ, ဒီးယစံးဘၣ်အီၤ, သုမံ လၢတၢ်ခိၣ်ဒူအဃၢၤန့ၣ်မ့ၢ်အဘၣ်မနုၤလဲၣ်. သုမ့ၢ်မၤက ဒီးတဘျီဒီး, ယကပာ်ယစုလၢသုလိၤလီၤ. လၢအဆၢ အကတီၢ်လံၤလံၤန့ၣ် တဟဲလၢၤဘၣ်လၢမုၢ်အိၣ်ဘှံးအ နံၤဘၣ်.

²² ဒီးယမၤလိာ်ပှၤလ့ၤဝံဖိ လၢအကမၤကဆှီအသး, ဒီး ဟဲပၢၤပဲတရီတဖၣ်န့ၣ် ဒ်သိးအကမၤစီဆှံမုၢ်အိၣ်ဘှံးအ နံၤလီၤ. ယကစၢ်ဧၢ, သ့ၣ်နီၣ်ထီၣ်က့ၤယၤလၢတၢ်အံၤ အဃိစ့ၢ်ကီး, ဒီးမၤပူၤမၤဖျဲးယၤ ဒ်နဘျုးဒိၣ်နဖှိၣ်အါအ သိးန့ၣ်တက့ၢ်.

²³ တၢ်လၢမုၢ်နံၤတဖၣ်န့ၣ် ယထံၣ်ဘၣ်စ့ၢ်ကီးပှၤယူဒၤဖိ လၢအန့ၢ်မါလၢပှၤအၤစဒိးဖိ, လၢပှၤဧၣ်မိၣ်ဖိ, လၢပှၤ မိၤအးဖိလီၤ. ²⁴ ဒီးအဖိကတိၤတၢ်တဝာ်လၢပှၤအးစဒိးဖိ အကျိာ်, ဒီးကတိၤတၢ်လၢယူဒၤအကျိာ်တသ့ဘၣ်. က တိၤဒ်ပှၤတကလုာ်အကျိာ်, ပှၤတကလုာ်အကျိာ်အသိး န့ၣ်လီၤ.

²⁵ ဒီးယဂ့ၢ်လိာ်ဘှီလိာ်ဒီးအီၤ, ဒီးယဒုၣ်ဒွဲၣ်အီၤ, ဒီးယ တီၢ်တနီၤ, ဒီးယထဲးကွံာ်အခိၣ်သူ, ဒီးဒုးဆိၣ်အီၤလၢ ယွၤအမဲာ်ညါလၢသုသုတဟ့ၣ် သုဖိမုၣ်လၢအဖိခွါတ ဂ့ၤ, ဒီးသုသုတဟံးန့ၢ်အဖိမုၣ်လၢသုဖိခွါအဂီၢ်, ဒီးသု ဂီၢ်ဒၣ်သုဝဲတဂ့ၤလီၤ.

²⁶ အံၣ်စရ့လးအစီၤပၤစီၤၡလိၤမိၤ မၤကမၣ်တၢ်လၢတၢ် န့ၣ်တဖၣ်, တမ့ၢ်ဘၣ်ဧါ. ဒီးလၢပှၤအါကလုာ်အကျါ န့ၣ်စီၤပၤဒ်အဝဲဒၣ်အသိးလၢအကစၢ်အဲၣ်အီၤ, ဒီးပာ်အီၤ လၢစီၤပၤလၢအံၣ်စရ့လးခဲလၢာ်အဖီခိၣ်န့ၣ် တအိၣ်ဘၣ် နီတဂၤဘၣ်. ဘၣ်ဆၣ်ဒီးပှၤတခီဘီမုၢ်ဖိအဖိမုၣ်ဒုးမၤက မၣ်အီၤလီၤ.

²⁷ ဒီးပကဒိကနၣ်သုကလုၢ် ဒ်သိးပကမၤတၢ်အၢဖးဒိၣ် အံၤ, ဒီးန့ၢ်မါလၢပှၤတခီဘီမုၢ်ဖိသတးဒီး, မၤကမၣ် ဘၣ်ပကစၢ်စ့ၢ်ကီးဧါ.

²⁸ ဒီးစီၤယဟိယဒါအဖိခွါတဂၤ, ပှၤလုၢ်တၢ်အဒိၣ်စီၤ အ့လယၤၡံာ်အဖိခွါန့ၣ်မ့ၢ်ပှၤဃိရာ်ဖိ စီၤစၤနဘၤလးအ မာ်လီၤ. ဒီးယဟီထီၣ်ကွံာ်အီၤလၢယအိၣ်လီၤ.

²⁹ မ့ၢ်အမၤဘၣ်အၢ ပှၤလုၢ်တၢ်အဒိၣ်အလီၢ်, ဒီးတၢ် အၢၣ်လီၤအီလီၤဘၣ်ဃးဒီး ပှၤလုၢ်တၢ်အဒိၣ်, ဒီးပှၤလ့ၤ ဝံဖိသတးဒီး, ယကစၢ်ဧၢ, သ့ၣ်နီၣ်ထီၣ်က့ၤအီၤတက့ၢ်.

³⁰ ဒီးယမၤပူၤဖျဲးအီၤဒီး ကယဲၢ်ပှၤတခီဘီမုၢ်ဖိ, ဒီးယ ပာ်တၢ်ကွၢ်က့ၤတတီၤတတီၤဘၣ်ဃးဒီး ပှၤလုၢ်တၢ်အ ဒိၣ်ဒီးပှၤလ့ၤဝံဖိ, တဂၤလၢအတၢ်မၤဒၣ်ဝဲ, တဂၤလၢ အတၢ်မၤဒၣ်ဝဲန့ၣ်, ³¹ ဒီးလၢသ့ၣ်မုၣ်ဘၣ်ဃးဒီးတၢ်လုၢ် တၢ်ပာ်လၢအဆၢအကတီၢ်တဖၣ်အဂီၢ်ဒီး လၢတၤသၣ် ဆိအဂီၢ်လီၤ. ယကစၢ်ဧၢ, သ့ၣ်နီၣ်ထီၣ်က့ၤယၤလၢတၢ် ဂ့ၤအဂီၢ်တက့ၢ်.